الحمد لله على كل حال تبويضي باليوم 12 من الدورة
 

السلام عليكم ورحمة الله وبركاته


بنات أنا كان يوم تبويض البارحه كان اليوم 12 من الدورة طبعاً مثل ما انتو عارفين من مواضيعي السابقه اني اخذت الشهر اللي فات ابره تفجيريه ونزلتلي الدورة باليوم 14 من ابرة التفجير ولله الحمد على كل حال..

المهم لما جتني الدورة فاجئتني لأني ماتوقعتها تنزل على طول يعني من 14 يوم بعد الابره
فطبعاُ ما أمداني آخذ منشطات للشهر هذا وتركتها على رب العالمين قلت خليني أجرب بدون منشط هالشهر وبنفس الوقت أرتاح شوي من تعب هالمنشطات ..
المهم كنت متابعه التبويض يوم أمس 12 يوم من الدورة وكان للأسف حجم بويضتي 11
وطبعا ماتنفع للحمل ولايجوز آخذ ابره تفجيريه لها ..
المهم الدكتورة قالتلي سوي اشعه صبغه هالشهر لأن مستبعدين الحمل فيه لصغر البويضه
فقلتلها أنا سويت اختبار قنوات قالت ماينفع هذا شيء وهذا شيء ثاني قالت وين تقاريرك اللي سويتيها قلتلها ماعندي قالت لازم اشوف التقارير عشان نبتدي خطوة صحيحه تقول ما انصح تاخذين منشطات وممكن الانبوب لاقدر الله فيه التصاق من العمليه القيصريه اللي سويتها بحملي الأول

المهم بنات انا اختبار القنوات اللي سويته كنت مسوتنه في مصر يوم سافرت سياحه رحت لدكتورة وسويته وقالت عندي انسداد خفيف في الانبوب اليسار وقالت ان شاء الله بتحملين من بعد هالاختبار للقنوات وقالت هو نفسه اشعه الصبغه ومافي فرق بينهم بس انا مو مرتاحه لكلامها ...
و بصراحه دكتورتي في الامارات شككتني بمصداقيه هذا الاختبار القنوات والدليل ان الدكتورة بمصر ماعطتني اي دليل او تقرير يدل على اني سليمه او غير سليمه ؟؟


المهم بنات قررت اسوي اليوم اشعه الصبغه ادعووولي بنات بالخير من بعدها يااارب ..

وابتداء من الشهر الجاي راح نبتدي منشطات بعد نزول الدورة وان شاء الله ربي يكرمنا من بعد تعبنا ويفرح قلوبنا أجمعين بالحمل السليم اللهم آآمين

رد: الحمد لله على كل حال تبويضي باليوم 12 من الدورة
 

يااااااااارب يااااقااادر يااااكريم تفرج هم اختي ( حياتي توأمي ) وتشرح صدرها وترزقها من حيث لاتحتسب وتكتب لها الخير وين ماكانت ياااارب يااارب ياقادر ياااكريم

رد: الحمد لله على كل حال تبويضي باليوم 12 من الدورة
 

يااارب ترزق اختي بالحمل السليم العااااجل يارب وتفرح قلبها بسلامة أنابيها

جدد ضاق صدري عليك بس تصدقين ياحياتي اني ناويه أسوي متابعة للتبويض في اليوم ١٢ طبعا من غير منشطات
بس كاني تراجعت عن قراري بعد تجربتك لان عندي تكيس فمستحيل يكون التبويض كويس
الله يعوضنا بصبرنا وطول انتظارنا بما يفرحنا ياارب

رد: الحمد لله على كل حال تبويضي باليوم 12 من الدورة
 

تسلمي حبيبتي على الدعوة الطيبه
مشكورة حبيبتي ربي يفرح قلوبنا كلنا بما نشتهي ونتمنى يارب ياكريم

رد: الحمد لله على كل حال تبويضي باليوم 12 من الدورة
 

شفتي حبيبتي hwaml79
شكلها ماراح تظبط بدون منشطات
وخاصه التكيسات اللي لاعبه دور فينا استغفر الله وأتوب إليه من كل ذنب اعاق حملي وحمل أخواتي المنتظرات يارب افرح قلوبنا يااارب

انا اليوم موعدي عالساعه 3 مساء راح اسوي الاشعه ادعولي hwaml13

رد: الحمد لله على كل حال تبويضي باليوم 12 من الدورة
 

الله يرزقج بالحمل عاجل غير اجل
اذا كنتي عايشة ف الامارات انصحج بدكتوره ف عيادة الامل اسمها كوثر وايد ممتازة في بني ياس وهذا رقمها ممنوع كتابة الارقام والايميلات بس مافي مواعيد عليها لان عندها زحمة هب طبيعيه اذا تبين تدخلين عليها بسرعه اخذي رقم من 4 ونص العصر و5 هي تيي العيادة

والله يوفقج

رد: الحمد لله على كل حال تبويضي باليوم 12 من الدورة
 

رد: الحمد لله على كل حال تبويضي باليوم 12 من الدورة
 

ياااااارب يرزقج الحمل وان شاء الله ماعندج اي مشكلة تعيق حملج طمنينا عنج والله يرزقنا ويفرحنا بالحمل السليم ياألله

رد: الحمد لله على كل حال تبويضي باليوم 12 من الدورة
 

اللهم يا كريم يا قادر يا من امره بين الكاف والنون ان اردت شي ان تقول له كن فيكون اكتب لاختي حياتي تؤامي الحمل السليم التام الثابت من غير زياده ولانقصان ولي ولكل محروم يا رب
والله يا اخت انا الدكتور اعطاني منشط وخاااااااااايفه اخذه يقوم يطلع لي تكيس انتي كان عندك تكيس من قبل والا من بعد اخذ المنشط

رد: الحمد لله على كل حال تبويضي باليوم 12 من الدورة
 

حبيبتي شكرا جزيلا الله يكثر من امثالج
بس للأسف انا في دبي وهذي العياده اتوقع في ابوظبي
مابقدر اروح للأسف
الحمد لله على كل حال وربي يوفقنا ويرزقنا بدكتورة شاطره بنت حلال ان شاء الله
سمعت عن دكتورة نوال في مجمع سما الطبي يمدحونها راح اجربها ان شاء الله بعد اشعه الصبغه بإذن الله تعالى