|
رد: ألذوأطيب الطبخات السورية
طريقة اليبرق مع القرع والباذنجان
المقادير: ورق العنب باذنجان قرع فصوص توم 10 شرحات لحم خروف ماء عصير ليمون ملح الحشوة رز قصير حسب كمية ورق العنب باذنجان والقرع اللي عندك ياه وحسب اشخاص مثلا كيلو ونص رز لحمة ناعمة نص كيلو دهنة ناعمة ربع كيلو معلقة ملح وفلفل اسود الطريقة الحشوة: نغسل الرز عدة مرات ونصفيه من ماء نضيف الملح والفلفل اسود ولحمة مفرومة ناعمة ودهنة ونخلطهن جيدا ونبدأ بلف اليبرق متل الصورة دورت كتير حتى لاقيتها http://forum.hwaml.com/imgcache2/hwa...850324_778.jpg ثم نحشي الباذنجان والقرع من نفس الحشو نضع الشرحات بقاع الطنجرة ونطبق اليبرق ونرصه جيدا ونضع القرع والباذنجان فوق اليبرق ثم نضع فصوص التوم ونضع تقلة محشي عبارة عن قطعة مصنوعة من الفخار http://forum.hwaml.com/imgcache2/hwa...850324_509.jpg أو إذا ماعندك منها بإمكانك إضافة أي شي ثقيل بس يكون ثقله معقول حتى مايتفسخ المحاشي من الثقل ثم غمريه بالماء وضيفي عصير ليمون وملح وغطيه وتركيه على نار عالية حتى يبدا بغليان بس غلى وطي النار حتى مايطلع الرز لبرا وتركيه على نارهادئة ودوقي حمضه وملحه بس يستوي اطفي النار وصفي من المرق وانقضيه على صحن وصحة والف هنا ان شاء الله تكون عجبتكن ملاحظة أذا كان عندك طنجرة ضغط مافي داعي تحزمي اليبرق بالخيط أما إذا كان ماعندك يجب حزمه بس مراعاة عدم الشد حتى مايفرطوا http://forum.hwaml.com/imgcache2/hwa...850324_120.jpg |
رد: ألذوأطيب الطبخات السورية
http://forum.hwaml.com/imgcache2/hwa...852037_516.gif
طريقة حلوة لصينية بطاطس المقادير : بطاطس مسلوق على حسب حجم الصينيه بعد ماتسلقين البطاطا تهرسينه وتخلطين معاه ملعقتين جبن سايل وملح بعدين نجيب الصينيه نلبسها بتغليف نايلون ونحط عليها البطاطس المهروس بها الشكل http://forum.hwaml.com/imgcache2/hwa...852036_221.jpg بعدين نحط الحشوه اللي بدنا إياها انا هون حطيت دجاج مع الخضار بهالشكل http://forum.hwaml.com/imgcache2/hwa...852037_637.jpg ونغطيها برضو بطبقه من البطاطا http://forum.hwaml.com/imgcache2/hwa...852036_660.jpg ونقلبها بصينيه الفرن وندهنها من فوق بزيت زيتوون http://forum.hwaml.com/imgcache2/hwa...852036_389.jpg ونحمرها بالفرررن وهذه النتيجه النهائيه http://forum.hwaml.com/imgcache2/hwa...852037_693.jpg http://forum.hwaml.com/imgcache2/hwa...852037_700.jpg |
رد: ألذوأطيب الطبخات السورية
|
رد: ألذوأطيب الطبخات السورية
لك شو هاد يا زهرة يخرب بيت ابليس
والله حاس حالي الي زمان مو ماكلة يسلم دياتك |
رد: ألذوأطيب الطبخات السورية
عن جد ماشالله عليكن .. تسلم الايادي يااحلى مبدعاااااات ...
|
رد: ألذوأطيب الطبخات السورية
وردة تفضلي السفرة سفرتك لاتخجلي ياعمري
بيبي سكر شكرا حبيبة البي هاد من ذوقك ولطفك |
رد: ألذوأطيب الطبخات السورية
وردة حبيت فكرة البطاطا كتير جاري التطبيق عن قريب تسلم هاأنامل الحلوة
|
رد: ألذوأطيب الطبخات السورية
الملــــــــــــــــــــــفوف
http://forum.hwaml.com/imgcache2/hwa...197551_719.gif http://forum.hwaml.com/imgcache2/hwa...197551_359.gif جبتلكم اكلة الملفوف بعض الناس لا يعرفوها بهالاسم ناس تسميها كرنب وناس تسميها اليخنة ونخنا نسميها الملفوف خخخخ hwaml5hwaml5hwaml5 http://t2.gstatic.com/images?q=tbn:A...wivZUJ61D7_uD- يخنة او كرنب او( ملفوف ) متوسطة 2 و نصف كوب كبير ارز قصير نصف كوب زيت ذرة نصف ملعقة صغيرة بهارات ملعقتين نعنع يابس ربع ملعقة صغيرة فلفل ربع ملعقة بابريكا (فلفل حلو) 2 ملعقة صغيرة ملح 2 مكعب مرقة ماجي 4 حبات طماطم راس ثوم او حسب رغبتك لحم ناعم التحضير: اولا تنقعي الرز لمدة نص ساعة ثم تضعي عليها المكونات البهارات والملح والثوم المدقوق والبندورة المقطعة ناعما واللحمة وتذوبي الماجي بالزيت وتخلطيهم مع بعض ثانيا يسلق ورق الملفوف بعد فصله (سلق خفيف وليس قوى ) هذا شكله بعد السلق http://forum.hwaml.com/imgcache2/hwa...197551_203.png توضع الحشوة على طرف الورقة http://forum.hwaml.com/imgcache2/hwa...197552_578.png تلفي الورقة على الحشوة http://forum.hwaml.com/imgcache2/hwa...197552_476.png ترصي الاوراق في الطنجرة توضعي عليهم ملح وتذوبي مكعب ماجي في المي عشان تعطي طعمة طيبة للمرقة وتعصري الليمون انتبهي تحطي شرحات الليمون مع الملفوف لانه راح يصير مر ثم تغطيها وتضعي عليها ثقل ثم تغمرينها بالمي http://forum.hwaml.com/imgcache2/hwa...197550_178.png وهذا شكلها بعد الاستواء http://forum.hwaml.com/imgcache2/hwa...197549_888.jpg وصحتين وعافية http://forum.hwaml.com/imgcache2/hwa...197553_575.gif |
رد: ألذوأطيب الطبخات السورية
بنااااااااااااااااااااااااااات سوريا مين مشتاقة لهل الاكلة
http://t1.gstatic.com/images?q=tbn:A...k3jF2-KUG6F2-T لك دخيل هالاكلة ما اطيبها المكدووووووووووووووووووووووووووووووس وبس |
رد: ألذوأطيب الطبخات السورية
موبنات سوريا وبس حتى نحنا بنحبا ومشتاقيلا يسلم ايديكم على هالاكلات
|
رد: ألذوأطيب الطبخات السورية
عسل بغداد منورة يا قلبي
انا ما بعرف اذا كنتو بتعرفو المكدوووووووس انا بعرف انو اكتر بلاد مشهورة فيها هي بلاد الشام ان شاء الله ندوقها عن قريب يارب |
رد: ألذوأطيب الطبخات السورية
انا عندي اكلة ظريفه كتيير اكلة سوورية معروفة (الفاصولياء الخضراء باللحم الموزات لحم بعضمو )
المقادير : لحم موزات او بعضمه حسب الرغبة الكمية فاصولية خضراء مقطعة علبه رب البندورة ملح بهارات زيت للقلي بصلة متوسطة الحجم طريقة التحضير نسلق اللحمو على الطريقة المعتادة مع البهارات والملح وورق الغار .... بعد ما تنسلق اللحمة منحضر مقلاه ومنحط فيها تقريبا 2 ملعقة ك زيت قلي ومنقطع البصلة مربعات ومنقلي البصلة ثم منقلي شي 5 دقايق الفاصوليا فوقهم بعدين منضيفن ع اللحمة شي 10 دقايق منجيب بعدين رب البندورة نضعه فوقهم شي 10 دقايق او ربع ساعه حتى تتعئد مع بعضها ... ومن ثم منسكبها ... وجنبها رز مع شعيرية ... و فليفلة خضراء وبلهنا والعاافيه ... جربوها رح تحبوها ................ والله صورتها خطوة بخطوة بس مابعرف نزل الصور |
رد: ألذوأطيب الطبخات السورية
لك دخيلك على هالاكلة ما اطيبها يا جوري
تسلم دياتك يا قمر حبيبتي سهل تنزيل الصور بس اضغطي على الزر اليمين بعدين حطي على الصورة copy بعدين بس تكتبي الطبخة بتحطي تحتها paste وهيك بتطلع الصورة يا قلبي يلا منستنى طبختك الجاية http://forum.hwaml.com/imgcache2/hwa...274413_606.gif |
رد: ألذوأطيب الطبخات السورية
تسلميلي يا ورردة انشالله الطبخة الجاية رح جررب نزل صوورها ...
|
رد: ألذوأطيب الطبخات السورية
وردة وجوري يسلموا هالايدين على هالأكل الطيب نورتوا
|
رد: ألذوأطيب الطبخات السورية
أكلتنا اليوم ملوخية ورز
المكونات : ملوخية ناعمة الكمية حسب الرغبة 3 ملاعق سمنة كبار فصوص توم مهروسة كزبرة يابسة فخاد فروج ماء ورق غار وحب هيل لطبخ الرز رز قصير ماء ملح سمنة الطريقة: نغسل الفخاذ الفروج جيداً ثم نضعه بطنجرة ونغمره بالماء ونضع ورق الغار وحب الهيل ونتركه ليستوي نشيل الزفرة من على الفخاد ونغسلهن بس يستووا ونبدا بتحميص الملوخية نذوب سمنة بالطنجرة وبس حميت نضيف الثوم والكزبرة ونقليهن شوي حتى يصبح لونهن زهري نضيف الملوخية ونبدأ بتحميص على نار متوسطة نحركها جيدا لمدة ربع ساعة بتحميص وإذا كنتي خايفة تحترق أو ماتأخد كفايتها بتحميص بإمكانك إضافة حبة الصنوبر وبس تغير لون الصنوبر معناها خلص التحميص طبعاً هاد الشي للمبتدئات وبعدين مرة على مرة بتعمليها لحالك من دون أي شي بس خلصنا تحميص نضيف المي اللي غلينا فيها الفروج طبعا نصفيها اول وبعدين منضيف بتدريج لحتى نشوف السماكة المطلوبة هلأ نتركها عم تغلي نضف الفروج من العظم والجلد ونقسمها لقطع صغار ونضيفها للملوخية ونحط رشة ملح ونتركه تغلي شوي مو كتير حتى ماتخرب ونطفي النار وطبخ الرز كلكن بتعرفوه ننقع الرز لمدة نص ساعة ونصوله عدة مرات وبكون المي عم تغلي نحط ملح بالطنرة فوق المي وطبعا كلكن بتعرفوا انو عدد كاسات المي بعدد كاسات الرز مثلا كاسة مي مايقابلها كاسة رز المهم المي بتكون عم تغلي نضيف الملح والسمنة وبعدين نحط الرز ونتركه على نار عالية حتى تحسي بلش تنشف ميته وطي النار واتركيه يستوي تقدم مع الليمون وصـــــــــــــــــــــــــحة و ألف هنـــــــــــــــــــــــــا http://forum.hwaml.com/imgcache2/hwa...326752_635.jpg |
رد: ألذوأطيب الطبخات السورية
واااااااااااااو واااااااااااو
يابنات حرام عليكم منيح ماعم اتوحم شو هالطبخ الطيب والله لو مو هلا وقت الصبح لقوم اطبخ ههههه\ عنجد مبدعااااااااااااات يسلمو ايديكم وعن قريب راح كون معكم |
رد: ألذوأطيب الطبخات السورية
اليوم جبتكلم طبخة طيبة كتييير الكشك عنا بمنطقتنا مشهورة هالاكلة يوم الجمعة عالفطور الكشك http://forum.hwaml.com/imgcache2/hwa...453211_116.jpg كوب من الكشك بصلة متوسطة مفرومة فرماً ناعماً 7 فصوص ثوم 1 أوقية من اللحم المفروم أو القورمة 1/4 كوب سمن 3 أكواب ماء ملعقة صغيرة من النعناع اليابس (حسب الطلب) يوضع السمن في طنجرة على النار ويضاف إليه البصل، ويحرّك حتى يحمرّ لونه قليلاً. ـ يضاف اللحم ويحرك والبصل على النار مدة 10دقائق ثم يضاف الكشك إلى البصل واللحم ويترك مدة دقيقتين على النار. ـ يضاف الماء إلى الخليط السابق وتحرك المواد جيداً حتى لا يلتصق الكشك في قعر الوعاء ويترك على نار معتدلة مدة 15 دقيقة. ـ قبل تقديمه بقليل، يدق الثوم والنعناع ويخلط مع خليط الكشك جيداً، و يأكل ساخنا طبعا في ناس بتساوي بدون لحم متل نحن مامنحطلو لحم |
رد: ألذوأطيب الطبخات السورية
وهي كمان اكلة تانية اكلتي المفضلة مقبلات بابا غنوج بابا غنوج ..... http://forum.hwaml.com/imgcache2/hwa...453304_153.png المقادير: رغيف خبز ابيض 4باذنجان متوسط الحجم 2باذنجان صغيرجدا 3ملعقه ثوم مهروس 2/1 كوب بقدونس مفروم 2/1ك طماطم مفرومه 1م فلفل اخضر حار مفروم 3/1 ك زيت زيتون 4/1ك عصير ليمون 2م اكل سماق ملح, فلفل اسود زيت للقلي الطريقة: -يشوي الباذنجان على النار مباشرة حتى ينضج اللب يترك ليبرد,يقشر, ثم يقطع اللب الى مكعبات بعد ازالة البذور -يقطع الباذنجان الصغير الى حلقات رقيقة ثم يقلى في زيت غزير حتى يصبح مقر مش. -يقطع الخبز الى مكعبات صغيرة ويحمر في الزيت -يخلط الباذنجان مع باقي المقادير السابقه ثم يسكب في طبق التقديم ويزين بمكعبات الخبز وشر ائح الباذنجان وبالهناء والعافيه |
رد: ألذوأطيب الطبخات السورية
...؟؟؟
وينكم بس فتت انا هربتو هههههه |
رد: ألذوأطيب الطبخات السورية
ياعيني زهرة انا يوم جمعه عملتا للملووخية بتشبه طريقتكك
وسرووءة كتير بحب الكشك بدي اعملها بس بدي قبل اشتري كشك يسلموو اديكي |
رد: ألذوأطيب الطبخات السورية
وااااااااااااااااااااااااااااااو
دخت انااااااااااااااااا شيء رااااااااااااااااااااااائع ويفتح النفس سفرة عامره واكيد استفدت منها لرمضاااااااااااان تسلم الايااااااااااااااااااادي يالغالياااااااااااااااااااااات الله يوفقكم متاااااااااااااااااااابعه |
رد: ألذوأطيب الطبخات السورية
سرووءة نورتي وتسلم هالايدين
|
رد: ألذوأطيب الطبخات السورية
جوري حبيبتي شو حبيتها
كتير طيبة ولذيدة منورة حبيبتي |
رد: ألذوأطيب الطبخات السورية
أم ارجوان ياهلا فيكي نورتي الموضوع
نحن برمضان نحتار شو بدنا نطبخ وخصوصا عنا بسوريا عم يجي مع شووووووب يعني شي جديد علينا ومتلكن تعودتوا عالشوب لذلك اي طبخة فيها معجون طماطم انا ببطل اطبخها برمضان بطبخ الاكلات الباردة مشان نقبل الله يجيب رمضان على خير ويارب تكون هديت الأوضاع |
رد: ألذوأطيب الطبخات السورية
هاااااااااااااااااااااااي
كيفكن اليوم طبختنا طيبة ومغذية وخصوصا لفقر الدم قلووووووبات الفروج مع البطاطا المقادير: كيلو قلوبات منضفين منيح ومفرومين قطع متوسطة 2 بصلة كبيرة مقطعة جوانح نص كيلو بطاطا مقشرة ومفرومة نص دائرة ومقلية بالزيت معلقة ملح معلقة كمون معلقة فلفل اسود معلقة فليفلةحمرا ناعمة ومعلقتين سمنة كبار الطريقة: نوضع السمنة بالطنجرة ونضيف البصل ونقليه حتى يصير لونه دهبي غامق نضيف قلوبات ونقلبهن بسرعة حتى مايعلقوا بطنجرة ومنحركهن منيح حتى بيدا يتغير لونهن نضيف رشة مي صغيرة ونضيف الملح والفلفل والكمون والفليفلة الحمرا ونحركها ونغطي الطنجرة بس استوا منيح نضيف البطاطا المقلية ونحركها شوي ونطفي الغاز تقدم مع سلطة او لبن وصحة وألف هنا ملاحظة: اذا كان مو متوفر عندك قلوبات الفروج يمكن استبدالها بسودة الخروف ونفس الطريقة http://forum.hwaml.com/imgcache2/hwa...918219_488.jpg |
رد: ألذوأطيب الطبخات السورية
بصراااحه كل اكله اروووع من اللي قبلها
تسلم الايادي يالغاليات |
رد: ألذوأطيب الطبخات السورية
تسلمي ياقلبي نورتي والله لايحرمنا من طلتك الحلوة
|
رد: ألذوأطيب الطبخات السورية
الاكلات السورية بتجنننننننننن
الله محيي اصلكن :) انا عشت في سوريا سنة ونص واشتقت لأجواءها شهيتوني بهالأكلات نفسي في شيء مخلل الحين ههههههههه |
رد: ألذوأطيب الطبخات السورية
أنتي اللي بتجنني يسلموا على مرورك الحلو ياعمري
|
رد: ألذوأطيب الطبخات السورية
حبيبة قلبي ام ارجوان والعالي ممستواها و ياهم ربي كبير
نورتوو وعلى قلبكن نشالله شكرا اسعدتوني بمرووركم |
رد: ألذوأطيب الطبخات السورية
ليوم طبخت رز ب بزالية والكل اكيد بيعرقها اكلة طيبة وسهلة كتير ..
رح اكتبلكن ووصفتها .. المطلوب لحمة ناعمة بازلاء رز ماء ملح فلفل زيت قلي صنوبر او لوز للتزيين .. ((بعتزر ما بعرف المقادير بضبط انا بعيين بنظري )) مننقع الرز نص او ربع ساعه بماء دافئ بعدما نغسلو منيح ... منجيب طنجرة منحط فيها زيت بس يحمى شوي منحط اللحمة الناعمة ومنقليها ومنحط فوقها رشة ملح وفلفل وبس تتستووي http://forum.hwaml.com/imgcache2/hwa...806192_138.jpg منضيف البزالية الخضرا ومنقليها معها شي 3 او 4 دقايق بعدين منغمرها بالمي ومنخليها على نار متووسطة ربع ساعه http://forum.hwaml.com/imgcache2/hwa...806192_452.jpg http://forum.hwaml.com/imgcache2/hwa...806192_370.jpg بعدين منصفي الرز من المي ومنضيفهن فوق البزاليا ومنغمرهن بالماء وبس تنشف الماء شوووي مننووص تحت على ناار خفيفة http://forum.hwaml.com/imgcache2/hwa...806192_203.jpg بس تستوي منسكبها .. بصراحة هي الصورة من النت لانو نسيت صوورها وقت خلصتا مشان الامانة يعني ههههه http://forum.hwaml.com/imgcache2/hwa...806191_953.jpg وطبعا منكون حضرنا اللبن والخيار واللوز والصنووبر المقلي ومنزينها فييييين http://forum.hwaml.com/imgcache2/hwa...806192_734.jpg http://forum.hwaml.com/imgcache2/hwa...806191_304.jpg وصحتين وهنا على قلووبكن نشالله تكوون هطريقة الصحيحة وتحياتي ^^ |
رد: ألذوأطيب الطبخات السورية
يم يم يم يسلموا هالايدين ياعسل شكلها مغري الله يعطيكي ألف عافية يارب
|
رد: ألذوأطيب الطبخات السورية
اليوم أكلتنا طيبة وشهية
المقالي السورية أكلة ظريفة وخفيفة وسهلة واطبية بتكون إلا مع الجمعة الحلوة أو بمكان فيه في ومي وخضرة بكون إلها طعمة غير أول الأكلة بطاطا مكمورة: المقادير مالها محددة على كيفك بطاطا مقشرة ومغسولة ومفرومة نص دائرة ومقلية بالزيت بندورة مفرومة ناعمة توم وكزبرة يابسة فليفلة خضرا مفرومة مكعبات الطريقة: في طنجرة منحط زيت نباتي وبس حمي مزبوط منضيف التوم المهروس والكزبرة اليابسة ومنحركها بسرعة حتى ماتعلق وبعدين منحط الفليفلة ومنحركها حتى تستوي منحط البندورة ومنتركها تغلي منيح وهون عنا البطاطا مقلية وجاهزة منضيفها فوقها مع رشة ملح ورشة مي مقدار كاسة شاي صغيرة ونغطي الطنجرة ونتركها تنكمر شوي وصحة وهنا أكلتنا التانية كمان سهلة كتير المقادير : كوسا نص كيلو مفروم دوائر ومقلي بالزيت نباتي كوب لبن 3 فصوص توم مهروس رشة ملح الطريقة: نخفق اللبن ومع التوم والملح وإذا كان سميك كتير منحطله مي ونحركه منيح وبعدها الكوسا بكون مقلي وجاهز منضيفه على اللبن ونقلب لحتى الكوسا يتغطى باللبن وصحة وهنا نقدمهن مع صحن فتوش وفليفلة حدة مقلية بالزيت نباتي وهي صورة الأكل http://forum.hwaml.com/imgcache2/hwa...889960_715.jpg |
رد: ألذوأطيب الطبخات السورية
واللهي بيشهوو خاصة تبع الكوسا باللبن
يسللموو اديكي |
رد: ألذوأطيب الطبخات السورية
ماشا الله فعلا هي اطيب اكلات .. الله يعطيكي العافية
|
رد: ألذوأطيب الطبخات السورية
بجد يسلموووو ايديكم
حآجة تحفة .. بعد هيك ما في أكلآت |
رد: ألذوأطيب الطبخات السورية
كثير حلووو فكرت الموضوع اغلب الاكلات حفظتها عندي بمسودات واليوم بجرب اسوي مشبك حلو لانو مقاديره سهله ومتوفره هههههههه ورح اجرب شيخ المحاشي شكلووووووووو يشهي يسلمووووووووووووووووو على الاكلات الحلوه والله يسعدكم http://forum.hwaml.com/imgcache2/hwa...589183_960.gif http://forum.hwaml.com/imgcache2/hwa...589183_162.gif |
رد: ألذوأطيب الطبخات السورية
اسنغفر الله مي
اهلا وسهلا فيكي حبيبتي واي سؤال عن الطبخات السوورية ننحن جاهزين هلا والله .. |
رد: ألذوأطيب الطبخات السورية
يا رب فرج هم السوريين في سوريا وانصر شعبها شكرا الموضوع كتير حلو رح شارك في واكتب اكلات بلدي الطيبة شكرااااااااااا
|
| الساعة الآن 11:05 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .