|
رد: تجمع كيف تقضين وقتك في المطبخ بشهر رمضان
جبت ورقه من مذكراتي في رمضان السنه الماضيه
بعد الفطورصليت المغرب وجلست شوي ارتاح لاني حامل في الشهرالخامس بعدها حضرت الفطورالثاني وجلسنا نسولف قال هباش>اسم الزوج في المنتدى بكره بعزم العائله يقصد اخواته وازواجهم واخوانه وعيالهم طبعا انا ماتفاجئت لاني عارفه انه في اي يوم بيعزمهم المهم انا مسويه في الفريزرسمبوسه واقماع ومسويه حشوات مشكله في علب بلاستيك بديت بتجهيز الكاسات والجيكات للعصير وفناجيل القهوه وترامس القهوه وحضرت التمرفي صحون وغلفت عليه بديت في تنظيف البيت مع الشغاله وترتيبه وفرشت السفره حقت الفطورالثاني طبعا على الارض وحضرت عليها الصحون والملاعق والشوك والسكاكين والمناديل وكاسات العصير حطيت طاوله صغيره في زاوية الصاله حقة الطعام لصواني الحلا وحطيت عليها الملاعق والمناديل والملاسات والصحون الصغار خلصت اكثرالتحضيرات في الليل وسويت السحور وبعد الفجروالصلاة تاكدت من الكل نايم دخلت المطبخ وسويت حلا الصواني للفطورالثاني سويت اربع صواني مشكله وزينتها قطعت السلطه الخضراء وحطيتها في الثلاجه قطعت اللحم للشوربه وكسرت السباقتي وحضرت قدورالطبخ وعجنت الفطاير واللقيمات فرشت سفرالفطورالاول سفرتين عند الحريم والرجال وحطيت الكاسات للعصير والتمروالفاكهه والفناجيل للقهوه اذن الظهربديت اقلي اللقيمات لين سويت كميه كبيره مررره لانهم يحبونها وبعدها اصابع التمرومثلثات الجبن وكلها حطيت الشيره عليها وخليتها على طاولت المطبخ الفطورالاول تمرولقيمات وفطايرجبن وقشطه وزبادي واصابع التمرومثلثات الجبن وطبعا القهوه ثلاثه ترامس للرجال وثنين للحريم الفطور الثاني سويت شوربه ومكرونه ومصقعه ومطازيز وبروست دجاج مع السلطه والسمبوسه والحلا وخبزالتنور وحضرت السفره نفس طريقة البوفيه والصحون نفس ترتيب الطاوله بس على الارض بعد ماخلصو من الفطور وكلهم راحو يشربون الشاهي اخذت الباقي من الفطور وخليت واحدمن العيال يوديه للعمال احسن اذا جلس بيرجعون ياكلونه ويخلون السحور مايتسحرون وانا بطبخ رزولحم وسلطه ويدام ابيهم يخلصون السحور قد تعبت وانا لي يومين في المطبخ المهم بعد السحور خلاص مت تعب ماعاد اقدر امشي وطلع في رجلي مسمارالرجل ذبحني من الالم صليت وعلى طول للفراش نوم الله يرحمنا برحمته ويتقبل منا صالح الاعمال الله لايحرمنا الاجر يارب العباد ااامممميييين |
رد: تجمع كيف تقضين وقتك في المطبخ بشهر رمضان
يعطيك الف عاافيه
موضوع رائع ومهم جدا سلمت اناملك على هذا الابداع الرائع لا عدمنا طلتك الراقيه تقبل مروري المتواضع |
رد: تجمع كيف تقضين وقتك في المطبخ بشهر رمضان
ارحبي المتالقه يالله اسردي لنا بعض شغلك في رمضان
|
رد: تجمع كيف تقضين وقتك في المطبخ بشهر رمضان
ماشاءالله عليكي ياالعاليه سنعه البنيه منتي سهله ماشاءالله عليكي الحين فهمت سالفة السفرتين الاول زي المقبلات والتاني الفطور الي عليه الكلام خخخ
الله يكتبلك الاجر انشاءالله |
رد: تجمع كيف تقضين وقتك في المطبخ بشهر رمضان
ماشاء الله عليك يالعالي
حياهم الله الضيوف وبرمضان الخير الأبواب مفتوحة والسفرة دائما عامرة يارب لك الحمد والشكر إلين 12 الليل لأني بعدها أجهز السحور أو أنام شوي مع هباشي وطلباته ههههههه فهمتوني ياحريم أكيد |
رد: تجمع كيف تقضين وقتك في المطبخ بشهر رمضان
هههههههههههههههههههههههههههههههههههههه
اكيد مفهومه ياسموة الشوق ــــــــــــــــــــــــــــــــــــــــــــــــــ ـــــــــــــــــــــ قمووووره000 ياقمووووره رد وتطلعين ما فيه جيبي بعض طبخاتك او تجهيز سفرتك ياعسل برمضان |
رد: تجمع كيف تقضين وقتك في المطبخ بشهر رمضان
سلام ياعسولات
مشاء الله عليك يالعالي سنعه بس انا مره كسوله برمضان العام كنت توي عرووس وبعيد عن اهلي فكل يوم من ادخل المطبخ اقعد ابكى ع جمعت اهلي مع بعض وانا لحالي من كثر مابكي واعصب يجني حرقه ببطني تخليني زي الجنونه بس ابغي البرد اروح اقعد بل بلاط فمكنت اطبخ كثير اكثرشي سويته رمضان صينة البطاطس زوجي يحبه بس اسوي صنف واحد مره بس حطيت سنبوسه بس هذا السنه انشاء راح اجتهد وانشاء ماتعب من بطني |
رد: تجمع كيف تقضين وقتك في المطبخ بشهر رمضان
بنات ابيكم تكونون مبسوطين بشغلكم وطبخكم وراح تحسون بسعاده في المطبخ وانتوا تتاكدون انه كل شغلكم لكم اجر من رب العباد
|
رد: تجمع كيف تقضين وقتك في المطبخ بشهر رمضان
السنه هذي يا التفاحه عندك بيبي حلو وراح تسوين اكل منشان ابوه وانتي بعد منشان الحليب اذا ترضعين
خليك كول على طول كلنا مرينا في نفس الغربه الي حسيتي فيها وقت العرس بس مع العيال نسينا اهلنا ولياليهم بعد هههههههههههههههه |
رد: تجمع كيف تقضين وقتك في المطبخ بشهر رمضان
يعطيك العافيه ياقلبي
من يوم دخلت المنتدى تعيرت نفسيتي صارت مره ررروعه |
| الساعة الآن 02:56 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .