|
رد: ألذوأطيب الطبخات السورية
توتي وانا غير تسلموا حبيباتي على كلامكن الحلو وياريت تشرفونا على طول
|
رد: ألذوأطيب الطبخات السورية
اكلآت بتشهّي عنجد
يعطيكم العآفية صبآيـآآ جوعتوني |
رد: ألذوأطيب الطبخات السورية
يا سلاااااااااام شو هالنشاط هاد بغيابي الله يعطيكم العافية وشكرا غموض انثى وانا غير وتوتي على مروركم بصفحتنا
نورتونا سيلا وجوري يلا يا حلوات بدنا نشاط اكبر زهورتي يسعدك ربي يا قلبي كتير شكلها طيب التونة |
رد: ألذوأطيب الطبخات السورية
اليوم العزيمة عندي
على اليالنجي هو ورق عنب محشي بالرز واللحمة على الطريقة السورية ... الحشوة هي رز مصري منقوع يعني رز قصير ومعه نضع بندورة مفرومة ناعم ونعنع يابس ناعم ولحمة غنم كمان ناعمة وثوم بتضربيهن عالخلاط والكمية حسب الرغبة انا بفضل اكثر ثوم لانه بيعطي نكهة شهية وملح وفلفل وبهاراتك المفضلة وزيت الزيتون هيك بتكون الحشوة جاهزة بتروحي للف الورق نضع الورق في ماء ونغليه لدقيقتين حتى تروح منو المواد الحافظة وبيكون صار طري واحسن ونحشي الوراق ونلفها وطريقتي السريعة متل ما تشوفوا بالصورة اضع عدة اوراق على الصينية واضع علها الحشو ثم الفها احس انو هذه الطريقة بتسرع على الشغل ثم نتبع طريقة للرص بداخل الطنجرة ...( افضل شي استعمال الطنجرة الستانلس ستيل لانو لا يتفاعل مع الاحماض ) اولا شوي من الورق عنب المتبقي عندنا ثم طبقة شرائح طماطم ثم طبقة من ورق العنب الملفوف ثم طبقة بندورة ثم تضعي بالوسط راس ثوم كامل بس يستوي طعمته كتير طيبة ثم بتضعي اخر طبقة الورق وهكذا ثم نضع ثقل انا استعملت وعاء فارغ امليه مي واحطه فوقهم وبعدين نضع الماء المتبقي من الحشو وكمان شوي ماء اضافي ونعدل له الطعم بالملح والحمض ونرفعه على النار ونختبر الاستواء لازم الورق يكون مستوي منيح والرز كمان انتبهوا له بس يستوي بتحطي ملعقة سمنة على الورق العنب واخيرا بتعملي جنبها مقبلا ت فتوش او تبولة انا عملت تبولة http://forum.hwaml.com/imgcache2/hwa...024756_325.jpg http://t3.gstatic.com/images?q=tbn:A...vbJ2L-G6wHcugC http://t0.gstatic.com/images?q=tbn:A...SWyTTSyTy2zwng http://forum.hwaml.com/imgcache2/hwa...024756_116.jpg http://forum.hwaml.com/imgcache2/hwa...024755_616.jpg ويم يم صحتين على قلوبكم يا طيبين hwaml71hwaml71hwaml71hwaml71hwaml71hwaml71hwaml71h waml71hwaml71hwaml71hwaml71hwaml71hwaml71 |
رد: ألذوأطيب الطبخات السورية
يالله شو هالاكلات طيبين كتيييييييييييييييييييييييييرررررررر عن جد تسلم الايادي ..
|
رد: ألذوأطيب الطبخات السورية
حبيت شارك معكن بأكلة كتير طيبة وهي شيخ المحشي ... انا كتير بحبها وان شاء الله تعجبكن ...
المكونات كوسا حجم صغير محفور http://forum.hwaml.com/imgcache2/hwa...025996_714.jpg لحم مفروم مطبوخ مع البصل والبهار http://forum.hwaml.com/imgcache2/hwa...025996_797.jpg لبن +بيضة +ملعقة نشاء الطريقة نحشي الكوسا باللحم امفروم http://forum.hwaml.com/imgcache2/hwa...025996_109.jpg ثم نقليه http://forum.hwaml.com/imgcache2/hwa...025996_607.jpg http://forum.hwaml.com/imgcache2/hwa...025996_451.jpg بعد ذلك نضيف على الكوسايات ماء مغلي وملح ونتركه يغلي قليلا حتى يستوى http://forum.hwaml.com/imgcache2/hwa...025996_998.jpg في هذه الاثناء نحضر اللبن المطبوخ باستخدام لبن زبادي مع بيضة مع ملعقة نشاء مدوبة في قليل من الماء http://forum.hwaml.com/imgcache2/hwa...025997_476.jpg نضيف البيضة والنشاء الى اللبن ثم نضعهم على النار مع التحريك حتى غليان اللبن ونضيف ملح http://forum.hwaml.com/imgcache2/hwa...025997_644.jpg نقلي ثوم مهروس مع نعنع ناشف ناعم ونضيفه للبن http://forum.hwaml.com/imgcache2/hwa...025997_716.jpg http://forum.hwaml.com/imgcache2/hwa...025997_267.jpg ثم نصفي الكوسا من الماء ونضيفه للبن ويترك قليلا على النار http://forum.hwaml.com/imgcache2/hwa...025997_553.jpg وهيك الكوسا جاهزة http://forum.hwaml.com/imgcache2/hwa...025998_708.jpg تقدم مع الرز الابيض او الرز بالشعيرية صحتين وهنا للامانة منقول بس ذات الطريقةالي انا بعملها بالضبط ... |
رد: ألذوأطيب الطبخات السورية
وردة تسلم إيديك حبيبتي
بيبي سكر تسلم إيديكي الحلوين ومبسوطة كتير انك شاركتي معنا وبسعدنا تنضمي معنا بتجمع سوريا زورينا واجتمعي مع بنات سوريا http://forum.hwaml.com/t89464-302.html غموض أثني يالله تفضلي أطبخلك الأكلات الطيبة وماعاش الجوع هههههههه |
رد: ألذوأطيب الطبخات السورية
بيبي سكر تسلمي على هالطبخةمن يومين عملتا ونفس طريقتك كمان يالغالية
بانتظار مشاركاتك حبيبتي |
رد: ألذوأطيب الطبخات السورية
بيتزا طلب للأخت وردة سورية المقادير: نص كيلو عجينة بيتزا معلقتين زيت زيتون صينية دائرية للخبز الصلصة : معلقة كبيرة من زيت نباتي بصلة مفرومة ناعمة فليفلة خضراء مفرومة ناعمة بندورة مفرومة ناعمة معلقة من رب البندورة رشة ملح للتزيين: جبنة قشقوان او اي نوع انتي بتفضلي حسب الرغبة عطون شرائح فليفلة حلوة أو حارة كمان حسب رغبتك فطر إذا كان متوفر عندك الطريقة ندهن الصينية زيت زيتون كامل الصينة واحرافها نبدا بمد العجينة جيدا وننتبه للسماكة العجينة لازم تكون متساوية مافي طرف رقيق طرف سميك نتركها ترتاح الصلصة نسخن الزيت ونقلي البصلة والفليفلة والبندورة ورشة ملح حتى تغلي شوي نضيف رب البندورة ونتركها تغلي منيح بعدها نطفي الغاز ومنبدأ نحط الصلصة فوق العجينة http://forum.hwaml.com/imgcache2/hwa...028537_922.jpgمتل الصورة هلأ منرش الجبنة المبشورة فوقها http://forum.hwaml.com/imgcache2/hwa...028537_995.jpg http://forum.hwaml.com/imgcache2/hwa...028537_284.jpg بعدها نزيينها ونحطها بالفرن على درجة حرارة مابين 100 و150 ولمدة ربع ساعة وصحة والف هنا http://forum.hwaml.com/imgcache2/hwa...028537_707.jpg أنا عملت صينيتن هاي صورة التانية http://forum.hwaml.com/imgcache2/hwa...028537_593.jpg |
رد: ألذوأطيب الطبخات السورية
زهرة - ووردة .. تسلمو لقلبي ... ويعطيكن العافية انتو كمان ماعم تقصرو و كل الطبخات بتشهي و بتخلي الولحد تشط ريالتو علين ...
بانتظار المزيد من الابداعات ... وبيشرفني التقى ببقية الصبايا ... :) |
رد: ألذوأطيب الطبخات السورية
تسلم ايدكو يا حلوات
زهرة الحب >>اليوم طبخت صنيت البطاطا بس ضفتلها صوص بابريكا طلعت واااااااو خطيره تسلم اديكي اصلا انا من زمان بدي هاي الوصفه انا معكم بدي اشوف ابداعاتكم |
رد: ألذوأطيب الطبخات السورية
أنا غير اهلا وسهلا فيكي حبيبتي
وشكرا لمشاركتك |
رد: ألذوأطيب الطبخات السورية
زهورتي المبدعة
لك شو هالبيتزا هي لك يسلم دياتك يا روحي هلاء سجلتا ورا ح باشر فيها بهليومين ان شاء الله |
رد: ألذوأطيب الطبخات السورية
بابا غنوج من اطيب المقبلات السورية
2 باذنجان كبير وتعملين فيه 3 طعنات بالسكين تلفينه بقصدير و تضعينه على عين البوتجاز مباشرة او تحته شبك او حديده المهم لمدة ربع ساعة نتركه يبرد ونستخرج اللب ونرمي القشر طبعا http://forum.hwaml.com/imgcache2/hwa...047096_953.jpg نضع فوقه علبة زبادي (لبن) ملعقة كبيرة طحينية رشة ملح و3 فصوص ثوم مدقوق ناعم تخلطيهم مع بعض اما بالخلاط او تهرسيه بالشوكة وانا بفضل الشوكة يقدم بارد . http://forum.hwaml.com/imgcache2/hwa...049721_444.jpg هي المتبل المقلي نفس طريقة المتبل المشوي اللي كتبته هلاء بس هي بتقلي الباذنجان وبضيفي له اللبن والثوم والطحينة والملح وتعصري عليهم شوية ليمون http://forum.hwaml.com/imgcache2/hwa...049721_460.jpg وصحتيييييييين |
رد: ألذوأطيب الطبخات السورية
وووووووووووواااااااااااااووووووووووووو
موضوع في قمممة الروووووعه والاروع البنات القايمين عليه ربي يسعدكم يالغاليات ولا يحرمنا طلتكم الرائعه |
رد: ألذوأطيب الطبخات السورية
وهلاء صار وقت المسبحة
طبق سوري كثير ضروري على المائدة السورية، وهو طبق المسبحة نوع من المقبلات اللذيذة سهلة كتير بتقدري تحضريها بسرعة وسهولة وبدون مقادير وإليكم الطريقة ::- نسلق الحمص بعد نقعه بالماء الساخن مدة 24ساعة يعني مدة يوم كامل وبعدها نضع الحمص والثوم والملح وحمض الليمون واللبن بالخلاط الكهربائي ونخلطها مع اضافة الطحينية بالتدريج حتى تتماسك وتسكب بصحن التقديم وتزين بالفلفل الاحمر اليابس والكمون وألف صحة وعافية وضيفي لها زيت الزيتون على وجه الصحن وألف صحة وعافية http://forum.hwaml.com/imgcache2/hwa...048743_719.jpg (الحمص المسلوق مع الكمون والملح مشهوربسوريا باسم البليلة واكيد سمعتوا عنها وبصراحة كتير طيبة وخصوصا بالشتوية) بليلة بلبلوكي .......وبالليل سلقوكي ........وبالنهار أكلوكي... خخخخخخخخخ نطيت مطرح أبوغالب |
رد: ألذوأطيب الطبخات السورية
العالي مستواها نورتي بموضوعنا يا قلبي
الله لا يحرمني من هالمشاركة الطيبة |
رد: ألذوأطيب الطبخات السورية
هههههههههههه بنات انا اليوم متنشطة وجاي عبالي اكتب كل شي عم يجي عبالي هلاء
وعم عوض اليومين اللي ما كتبت فيهم طبخاتي يلا نروح لوصفتي وهلاء بعد هالاكلات الطيبة صار لازم نتحلى يلا ياحلوات تحلوا بالهريسة مع جوز الهند والمكسرات... طبق شهي وسهل التحضير وبتقدري تقدميه في كل المناسبات المقادير: 1 كيلو من السميد 1 كوب من الحليب 1 كوب من اللبن كوب من السكر كوب من جوز الهند ملعقتان كبيرتان من البيكنج باودر ملعقة كبيرة من الفانيلا ملعقتان كبيرتان من ما ءالزهر لوز او فستق للتزيين قطر بارد ( كيلو من السكر مع نصف لتر من الماء يضاف اليه ملعقة كبيرة من عصير الليمون وملعقتان كبيرتان من ماء الزهر). طريقة التحضير: 1- اخلطي السميد والسكر وجوز الهند . 2- اضيفي للسميد اللبن، الحليب، قشر البرتقال وماء الزهر. 3- اضيفي للخليط الفانيل والبيكينج باودر وواصلي خلط المواد مع بعض الى ان تمتزج كل الكونات جيدا. 4- ادهني قالب بالسمنة وصبي الخليط في القالب، ثم قطعي العجينة بالقالب وزييني باللوز او الفستق فوق كل قطعة. 5-ادخلي القالب للفرن واخبزيه حتى ينضج. 6- بعد اخراج القالب من الفرن مباشرة اسكبي القطر البارد فوق قالب الهريسة، وقدميه بعد ان يبرد وصحححححة وهناااااااااااا على قلوبكم يا حلوات http://forum.hwaml.com/imgcache2/hwa...051493_582.jpg |
رد: ألذوأطيب الطبخات السورية
أنا غير ياعمري صحة وألف هنا ومشكورة كتير عم تابعينا وعم طبقي وصفات
العالي مستواها شكرأياروحي على مشاركتك الحلوة وردة ياعمري الله يسلمك يالله عمليها وقوليلي النتيجة ويسلموا ايدكي على المقبلات اللي نزلتهن وحبيت بلبية بلبلوكي ههههههه أبو غالب |
رد: ألذوأطيب الطبخات السورية
بعد اليبتزا الشهية عملت اليوم كبابة عليها بندورة كتير طيبة خلونا نتابع ونشوف الطريقة
المقادير: كيلو كبابة غنم بصلتين كبار مقطعة شرائح فليفلة 4 قرون كبار مقطعة شرائح كيلو بندورة مقطعة شرائح معلقة كبيرة ملح معلقة كبيرة فلفل اسود ماء الطريقة : نخلط الكبابة مع الملح والفلفل أسود جيدا بعدها نشكلها على شكل قراص http://forum.hwaml.com/imgcache2/hwa...056070_684.jpg هل منحط البصل المقطع http://forum.hwaml.com/imgcache2/hwa...056070_764.jpg وهلأ اجى دور الفليفلة http://forum.hwaml.com/imgcache2/hwa...056070_361.jpg هلأ البندورة الحمراء الشهية http://forum.hwaml.com/imgcache2/hwa...056070_838.jpg نكرر العملية لحتى تخلص المكونات اللي عنا وبعدها نحطها عالنار لمدة ربع ساعة ضيفيلها رشة مي بسيطة طبعا اذا بتحبي مرقها كتير فيكي ضيفي الكمية بس انتبهي لحتى ماتصير شوربة ههههههه ومشان ماضيع نكهة المكونات وهل قدميها مع ليمون وصحة ومليون هنا صارت جاهزة يالله بشلوا بالاكل http://forum.hwaml.com/imgcache2/hwa...056070_807.jpg |
رد: ألذوأطيب الطبخات السورية
ماشاءالله يالغاليات روووعه اطباقكن
ربي يسعدكن ياعسلااات المنتدى |
رد: ألذوأطيب الطبخات السورية
العالي مستواها انتي الروعة يا قلبي ومرورك الاروع ربي لا يحرمنا من طلتك ياقمر
|
رد: ألذوأطيب الطبخات السورية
زهورة شو هالطبخة الطيبة اي والله شهيتيني عليها
|
رد: ألذوأطيب الطبخات السورية
العالي مستواها الله يسلمك ياحبيبتي
وردة الله يسلمك ياعمري |
رد: ألذوأطيب الطبخات السورية
في مقولة عنا بحلب منقول حلب أم المحاشي والكبب
اليوم رح أكتب وصفة أسمها فاصوليا بقلبها محشي كوسا فقط مابصير باذنجان اسرقي قلب زوجك بالأكل الحلبي جربي الوصفات وقوليلي النتجية وأنا متاكدة م بس رح تسرقيه رح تملكيه وتحطي المفتاح بإيدك المقادير : كيلو فاصوليا مقطمة ومفصلة ومفرومة 3 كليات كوسا (لازم يكون الكوسا اكتر من الفاصوليا) مغسولين ونشيل القمع اللي فوق واللي تحت محفورين وجاهزين للحشي للحشو : نص كيلو رز قصير نص كيلو دهنة خروف نص كيلو لحمة غنم معلقة كبيرة ملح + معلقة كبيرة فلفل اسود معلقتين كبار كبار رب البندورة لطبخ الفاصوليا ربع كيلو دهنة خروف ربع كيلو لحمة غنم كزبرة يابسة مقدار معلقتين كبار 5 فصوص كبار توم مهروس ملح وفلفل اسود معلقتين كبار الطريقة : نقلي الدهنة بالطنجرة واللحمة نضيف الملح والفلفل اسود بس تقلية منيح نضيف الكزبرة اليابسة وعلى نار هادية نحركها هلأ نضيف التوم المهروس نحركه شوي وهلأ نحط الفاصوليا http://forum.hwaml.com/imgcache2/hwa...192756_801.jpg هاي الصورة لشكل الفاصوليا وهي مقطعة ومفرومة نضع الفاصوليا فوق اللحمة والكزبرة والتوم المقلى ونقليها جيدا لحتى تستوي وعلى نار هادية وإذا حسيتي رح تعلق ضيفي رشة ماء غطي الطنجرة وحركيها كل شوي بهل الأثناء جهزي الحشو اول الشي أغسلي الرز عدة مرات ثم صفيه من الماء حطي الدهنة بس لازم تكون طرية يعني بدرجة حرارة الغرفة واللحمة والملح والفلفل اسود ورب البندورة وحركيه بإيدك وضيفي المي مع التحريك بس مو كتير شوي واذا حسيت لونها مو غامق ارجعي ضيفي رب البندورة وهاي صورة الحشو http://forum.hwaml.com/imgcache2/hwa...192756_725.jpg نبدأ بحشو الكوسا نضع فيه القليل من الحشو بس لحتى تتاكدي أنو وصل لأخر الكوسا حتى مايكون وقف الحشو بنص الكوسا ولما يستوي تاكلي منه تلاقي النص التاني اللي تحت فاضي ومافيه حشوة ياريت تكونوا فهمتوا علي كل ماتحشيه شوي حطي ايدك على تم الكوسية وخضيها هيك بتتأكدي أنو تعبت الكوسية منيح من الحشو واتركي فاضي منه عقدة من اصبعك ثم سديه باللب الكوسا اللي طلع من الحفر وكرري الطريقة وحطي بالطنجرة كمية من عظام الخروف وهلأ حطي الكوسا ورصيه جيدا متل الصورة http://forum.hwaml.com/imgcache2/hwa...192756_552.jpg هلأ بتكون استوت الفاصوليا نقلبها فوق الكوسا ونحطها عالنار ونروب4معلاق كبار رب البندورة بالماء ونصبها فوق المحشي لازم المرقة تكون غامرة الكوسا وإذا عندك تقلة محشي حطيها مصنوعة من الفخار ونضيف الملح مقدار معلقة كبيرة ونغطي الطنجرة ونتركها تغلي على نار متوسطة بس غلت نوطي النار حتى مايطلع الرز من قلب الكوسا نعيرلها وقت ساعتين وطبعاً طلع عالماء ليكون نشف و هلا اكيد متشوقين للنتجية نهائية http://forum.hwaml.com/imgcache2/hwa...192756_620.jpg وهيك بتكون أستوى المحشي وصحة وألف هنا ملاحظة ( اللب الكوسا لاتكبيه المسا رح أكتبلكن وصفة المتومة أكلة سهلة وبتاكل جنب المحشي مع البصل الابيض ) |
رد: ألذوأطيب الطبخات السورية
يا سلام يا سلام شو هالاكلة هي يا زهورة بصراحة مرة روعة
انا اول مرة اعرف انو الكوسا محشي بينحط معها فاصوليا بس بدي جربها اكيد |
رد: ألذوأطيب الطبخات السورية
المتومة اكلة لذيذة وسهلة
المقادير: لب الكوسا معلقتين كبار زيت زيتون بصلة توم مهروس مقدار 3 فصوص كبار دبس فليفلة مقدار معلقة كبيرة ملح الطريقة في طنجرة نحط زيت زيتون ونضيف البصل المقطع ناعم نقليه حتى يصبح لونه دهبي نفرم لب الكوسا ونضيفه فوق البصل ونغطيه على نار هادية ونتركها لتنشف الماء وليستوي نضيف التوم المهروس ودبس فليلفة وملح ونحركها تقدم باردة مع البصل الأبيض الحلو وصحة وهنا http://forum.hwaml.com/imgcache2/hwa...228712_523.jpg |
رد: ألذوأطيب الطبخات السورية
سوكسية
المقادير: قالب زبدة علبة كاكاو 4علب بسكويت سادة 2فنجان سكر ناعم بشرة برتقال او ليمون ظرف فانيليا بودرة بيضتان فستق حلبي الطريقة: ندوب الكاكاو والزبدة ونكسر البسكويت منخفقهن مع السكر وبشرة البتقال وأ الليمون وفانيليا ونخلطهن جيدا نضيف الفستق ونضيف بسكويت مكسر ومنخلطهن ليتشكل عندي خليط سميك نحضر الكلينك ورق اللي نستعمله لتجليد الأكل فيه نسكب الخليط ولفها على شكل رول ونحط بالثلاجة لمدة ساعتين او لحتى تجمد منيح وصحة وألف هنا http://forum.hwaml.com/imgcache2/hwa...231555_918.jpg |
رد: ألذوأطيب الطبخات السورية
لك اي شو هاد يا زهرتي
والله انك طباخة ماهرة سبحان الله رغم انا سوريات بس فعلا كل محافظة وطبخاتها مو كل الطبخ بيشبه بعض |
رد: ألذوأطيب الطبخات السورية
جايبتلكن اكلة غالية عقلبي بالنسبة الي اطيب من الرز والجاج
كوبان من البرغل الخشن المنقى والمغسول والمصفى نصف كوب من البصل المقشر والمفروم فرما ناعما ملعقة طعام من السمن أو الزيت النباتي 1 كلغ من الطماطم0 مقشرة ومقطعة ومنزوعة بذورها نصف كوب من الماء ملعقة شاي من الملح رشة بهار مطحون رشة قرفة مطحونة * الطريقة * اقلي البصل حتى يذبل , أضيفي قطع البندورة( مع الصلصة الناتجة عنها بعد تقطيعها ) والماء والملح والتوابل واتركي المزيج على حرارة معتدلة حتى يبدأ بالغليان وكمان بتضيفي ملعقة دبس بندورة أضيفي البرغل المصفى , حركيه واتركيه في القدر المغطاة على حرارة معتدلة مدة 10 دقائق أو حتى تجف ميته قليلا خففي النار وتابعي الطهي مدة 15 دقيقة أو حتى ينضج البرغل تقدمي جنبه السلطة واللبن ملاحظة : بتقدري تضيفي حبتين من الفليفلة الخضرا ( مفرومتين فرما ناعما ) إلى هذه الطبخة بتقليها مع البصل في الخطوة الأولى http://t1.gstatic.com/images?q=tbn:A...zrhITsE016sdRQ |
رد: ألذوأطيب الطبخات السورية
اللوبيا بالزيت
يوجد شبه كبير بين اللوبيا والفاصوليا والاغلب بيقولوا للفاصوليا لوبيا صحيح في شبه كبير بس الطعمة بتختلف كتير كل طبخة الها نكهة ولذة خاصة الفاصوليا http://forum.hwaml.com/imgcache2/hwa...413155_687.jpg اللوبيا http://api.photoshop.com/home_283bb3...dac33e1f44fa14 http://forum.hwaml.com/imgcache2/hwa...413152_121.jpg طريقة الطبخ على طريقتي المقادير نصف كيلو لوبيا خضراء او حسب العائلة ثوم حسب الرغبة انا بفضل 5 فصوص ثوم كبار مشان طعمة اطيب لحمة ناعمة ملح وفلفل أسود واذا تحبي فيكي تحطي مكعب ماجي او كاري 3ملاعق زيت زيتون الطريقه تنظف اللوبيا ثم تغسل جيدا وتقطعيه تقطيع ناعم في قدر على االنار نضع الزيت ثم نضيف الثوم المدقوق واللحمة الناعمة تقلبيها لدقيقتان حتى تذبل جيدا ثم نضع اللوبيا بعد غسلها وتقطيعها وتصفيتها ونتركها علىالنار خمس دقائق حتى تذبل قليلا تضيفي لها البهارات وتتركيها لمدة ربع ساعة اذا شفتيها نشفت ضيفي لها شوية مي تقدم مع الخبز وتغمس جربيها وادعيلي وصحتين وهنا |
رد: ألذوأطيب الطبخات السورية
جبتلكن اكلة حورانية مشهورة ولذيذة جدا والاغلب ما بيعرفها
بس هي اسمها غريب يمكن ناس تعرفها باسم تاني الرقاقة او "المكامير" المكونات فهي (الدجاج- البصل الزيت العجين) اولا نسلق الدجاج على النار او اللحمة الناعمة مع البهارات والملح ثم نفرم البصل فرم ناعمة ونوضع معه الزيت والملح وحطيه على النار لحتى يذبل ثم يتم أعداد العجين الخاص لهذه الأكلة ويتألف:«من طحين يضاف إليه الملح يعجن بماء فاتر أو بمرقة الدجاج إلى أن يصبح الخليط جاهزاً، نقوم بصنعه على شكل رقائق وهي عبارة عن رقائق العجين الطرية والرقيقة، ويرق بالزيت ويوضع في إناء مدهون بالزيت لكي لا يلتصق العجين في الإناء، ويوضع فوق طبقة العجين البصل اللي ذبلتيه على الغاز ثم ضعي قطع من الدجاج المطبوخ ويوضع فوقه طبقة جديدة من العجين لتصبح خمس طبقات أو أكثر من الرقائق والبصل والدجاج ثم توضعي فوقه القليل من الزيت ثم توضع في الفرن بعده يغلف الإناء بورق السلفان لمدة ساعة على نار هادئة، ثم يصبح جاهزا للأكل وبعد استوائه يقطع في الإناء ليصبح جاهزاً للطعام». ترا لا تفكروا هي اللي بالصورة انا هاا خخخخخخخ هي أمراة حورانية وعم تعمل الرقاقة http://forum.hwaml.com/imgcache2/hwa...455655_139.jpg http://forum.hwaml.com/imgcache2/hwa...455660_789.jpg http://forum.hwaml.com/imgcache2/hwa...455658_502.jpg http://forum.hwaml.com/imgcache2/hwa...455656_932.jpg نصيحة جربوها وشوفوا الطعمة اللذيذة |
رد: ألذوأطيب الطبخات السورية
وردة يسلموا ياعسل على الأكلات الطيبة
|
رد: ألذوأطيب الطبخات السورية
ما شاء الله عليكن , شيء بيشهي
شو هالطبخات الحورانية الطيبة يا وردة , الله يرزقك و يفرحك في القريب العاجل صحيح انتي من وين من درعا و لا داعل و لا جاسم و لا انخل و لا وين ؟؟؟ |
رد: ألذوأطيب الطبخات السورية
أم عبودي الله يسعدك يارب ونورتي بطلتك البهية
انا من نوى بدرعا اذا سمعانة فيها |
رد: ألذوأطيب الطبخات السورية
بنااااااااات مين لسى ما تعشت تمد أيدها على هالمنسف
تازة وحياتكن من تحت ايدي أطيب أكلة بحوران طبيخ مليحي والكبةالشيخاوية http://forum.hwaml.com/imgcache2/hwa...469537_514.jpg |
رد: ألذوأطيب الطبخات السورية
و النعم باهل نوى , يا ترى سوق اللي كان يوم الجمعة بعدو و لا خلاص ؟؟؟
يا ربي يفرحك يا وردة و تبشرينا بحملك قريبا |
رد: ألذوأطيب الطبخات السورية
اقتباس:
انتي من وين وشو عرفك بسوق الجمعة اي بعده بس لما صارت هالاوضاع بسوريا خف كتير السوق ما عاد متل الاول |
رد: ألذوأطيب الطبخات السورية
العجة
أكلة طيبة كتير المكونات: باقة بقدونس 5 بيضات 2 بصلتان كبار 3 فصوص توم معلقة صغيرة ملح معلقة كبيرة نعناع يابس معلقة كبيرة بابريكا معلقة صغيرة فلفل اسود زيت للقلي نباتي تخلط المكونات جمعيا بالفرامة البصل وتحطن حتى تصبح ناعمة جدا نحمي الزيت بالمقلاة الخاصة للعجة http://forum.hwaml.com/imgcache2/hwa...641343_413.jpg وتقلب على الطرفين وإذا قل الزيت يمكن اضافة وتقدم مع السلطة او اللبن وصحة والف هنا http://forum.hwaml.com/imgcache2/hwa...641343_549.jpg |
رد: ألذوأطيب الطبخات السورية
المهليبة اكلة طيبة كتير ورح كل شوية تاكلي صحن متل ماصار فيني ههههههه
المقادير: 6 أكواب حليب 6 ملاعق نشا بوردة مذوبة بالماء كوب ونص سكر ماء زهر او ماء ورد معلقة صغيرة جدا مكسرات للتزيين فستق مبشور او لوز الطريق يغلى الحليب على النار ومن ثم يضاف إليه النشاء المذوب بالماء ويحرك ويضاف السكر وماء الزهر ويحرك جيداً حتى يصبح الخليط سميك قليلاً يصب في صحون ويترك ليبرد ثم يزين بالمكسرات وصحة وهنا http://forum.hwaml.com/imgcache2/hwa...718705_939.jpg |
| الساعة الآن 04:06 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .