رد: الزوجة الثانية تدخل هناء
 

مع عيون الجوريه قلب وقالب في ردهاااااااااا خليها تهدي وتحاول تضبط من وضعها ولاتقارن بس بدون مايحسس علشان ماتتتنازل كثيررر تشغل نفسها فيه وفي نفسها وبيتها اللين الله يفرجهاا وتحترم الزوجه الاولىىى وتراعي حقوقها علشان الله مايخلي احد يهضم حقها هي ودايم تقول اللهم من ارادني بسوء فاكفنيه بماشئت ^_^

رد: الزوجة الثانية تدخل هناء
 

اسمعيني اختي ..
شكله هالرجال مايجي الا بالمسايس .. خليها تسايسه .. وتجاريه بهدوء .. بس طبعا موب معناته تنسى حقوقها .. طبعا أقصد حقوقها اللي بالمعقول .. وماتسوي من الحبة قبة ..

ترا بعدين اذا شافها صابرة ومقدرته هو بيقدرها .. ولاااا تفكر في زوجته الأولى أبد .. خليها تعيش حياتها وتوسع صدرها .. لأنها إذا بدت تقارن هي اللي بتتعب قبل أي أحد .. وإذا زوجها مايحب انها تقارن فهو من باب ان الموضوع حساس بالنسبة له .. ودائما راعي الزوجتين العين عليه .. ودايم تجيه الشرهات .. فلا تلومونه .. هو اذا شافها راضية وصابره بتخف حدته وعصبيته .. فلا تشد وهو يشد وتصير مشاكل .. إذا شد هي ترخي وإذا ارخى هي تشد ..
وزي ما قالت الاخت الزوجة الأولى مجروحة فيبي يرضيها ..

والله يوفقهم ياااااارب ويسعدهم ..

رد: الزوجة الثانية تدخل هناء
 

تسلمون ياقلبي

رد: الزوجة الثانية تدخل هناء
 

والله ياقلبي انا رأيي تصبر عليه شوي وتنتبه لاتحمل لانو وضعها لسه مو مستقر حرام بنظلمو دايما االاطفال
وانا من رايي تصبر وتعطيه فرصه وتكلمه بهداوه والله يصلحه ويسعدها
بعدين توه متزوجها يهددها بالثالثه ! مو اسلوب .
بس اذا ماانصلح حاله ماتضحي بعمرها عشانه
شوفيهم يضحوا بالعشرين سنه وبعدين يفتكروا نفسهم
اسفه عالاطاله
بس انقهرت عليها
الله يسخره لها ويسخرها له ويسعدهم ويهديهم لبعض يارب

رد: الزوجة الثانية تدخل هناء
 

أتفق مع الأخت عيون الجورية

و الصراحة .. خليها تحط نفسها مكان الأولى .. أكيد يبغالها يراضيها شوية و يسفرها

بس لازم أحد يقوله انه زي ما سفر الأولى يسفر التانية

نفس فكرة البيات .. يوم هنا و يوم هناك

و هي رضيت تجي على الأولى .. لا تزعل لو قالها اجيب التالتة .. لأنه باين رجل تناسبه فكرة التعدد و ما عنده مانع يجيب التالتة و الرابعة

لازم أختك تكون حاطة في بالها احتمالية زواجه جددددددددا و ما تزعل نفسها لأنها تعرف من البداية ..

أما بالنسبة لأول أسبوع .. أعتقد شرعا المفروض يعدل (( يوم هنا و يوم هناك )) لا تظلم الأولى و تطلب منه يجلس عندها أسبوع !!

سامحيني بس هي رضيت تكون التانية من البداية .. لازم توعى و تنتبه و تستوعب انه في زوجة أولى في حياته و لها حقوق و واجبات و لازم يروحلها و يشوف بنته و يرعاها ..

الله يعينها و يوفقها .. انصحيها تكبر دماغها و ترضى بالواقع اللي هي وافقت عليه من البداية

رد: الزوجة الثانية تدخل هناء
 

نسيت أقولك بالنسبة لأنه ما يبغاها تشوف الأولى ..

الصراحة عييييييييييييييييييين العقل

كل وحده لها بيتها و أسلوبها و طريقتها في حياتها .. الأفضل انه التانية ما تشوفها ولا تدري عنها

و النساء طبعهم الغيرة من زمن الرسول عليه الصلاة و السلام .. حتى قال لأحدى زوجاته غارت أمكم !!

ايش تبغى بشوفتها ؟؟ تنقهر و تقهرها و تسير مشاكل مالها داعي !!

كل وحده تعيش حياتها بدون ما تشوف التانية أفضل للجميع

رد: الزوجة الثانية تدخل هناء
 

ياقلبي اختك صدق غااااااااااااامرات اول شي رجل متزوووج
ثانياااااااااا تو له سنتين وعليه بنت اكيد بيطير بالاولي ومتعلق فيها لانها توهاا بشبابه يمكن كان متزوج تحدي او شي زي كذاا الله يعينهاااا

رد: الزوجة الثانية تدخل هناء
 

طيب لااااازم يعدل واختك خليها تصبرررر لان اذا هي تعاني منه وتعبت معاه فاكيد زوجته الاولى تعبت اكثر من اختك
وهذا حاااااااال الزوجه الثانيه مستحيل تحصل الزوووج يحبها مررره لاتصدقو المسلسلات

رد: الزوجة الثانية تدخل هناء
 

حبيبتي بقول لك شيء وممكن يكون ( سر ) !!!
أنا زوجه اولى وزوجي عنده زوجه ثانية
وسبحان الله نفس حكاية أختك بدأت المقارنات من اول ليله !!

ضرتي اول سنة كانت عايشة في جحيم بسب عقليتها كلامها لكلام كل من هب
ودب !!
يومك لا تفرطي فية
حقك لا تتنازلي
عودية على اللي تبغية من اولها .. ومن هالكلام اللي ماتجني وراه الا المشاكل
مع زوجها !!!
في آخر المطاف جاااات عندي من غير مايعرف وصارت تشتكي لي !!
قلت لها أن كنتي صادقه في إستشارتي ساصدقك القول والنصيحة !!
قالت أنا ماجيتك إلا بعد ماضاقت بي السبل من تصرفاتة !!
قلت اسمعي يابنت الناس .. ( انسي امام زوجك إن في حياتة امرأة آخرى !!
عاملية كأنك انثاه الوحيدة في حياتة !!
واياك والمقارنات حتى لو معك حق !!!
هو اصلاً عارف وحاس ومايحتاج يبرر لك كل تصرف
انتي فقط اغدقية بالحب والإهتمام !
بالحب والإهتمام والإحترام ( ومن ضمنها احترام زوجتة الاولى )
فقط بهذة الاشياء تستطيعي كسب زوجك والعيش معه بسلاااااام !
قلت لها ابدئي معه بصفحة جديدة وشوفي ايش حيصير

وفعلاً والله طبقت ماقلته لها
وهي الآن اقرب لي من اخواتي وأنا كذلك
وأن رأيت منة مايسي لها لو بالكلام وبختة وهي كذلك
وحتى هو اصبح يستغرب ويقول سبحا من غير هالحرمة .. وسبحان من جعلكم بهذا الترابط والخوف على بعض !!!

في بداية زواجة كان كل ماسفرنا تعمل له مشكله
وهو اصلاً واعدها بعد مانرجع يسفرها بس كانت الغيرة تاكلها
وماكانت تصبر حتى يرجع فكانت ترسل له رسائل وهو في السفر وتنكد عليه وتستفزة
فكان يعاقبها بعد تسفيرها لانة على قولتة نكدية ولا تفكر الا بنفسها !!

بس بعدين خلاص تعلمت
ومع الوقت تعودت فاصبح يكرمها ويمشيها ويسفرها ويعدل والحمد لله
وكثيراً الآن ماتتنازل عن ليلتها لو حست انة متضايق او يبغى يجي عندنا
وهذا الشيء جعلها في عيون زوجها امرأة عاقله تستحق الإكرام والتقدير والإحترام !

فنصيحة لأختك الإبتعاد عن المقارنات !!
ثم تجاهل ان في حياة الرجل امرأة آخرى او بيت آخر
ثم احتوائة بالحب والإهتمام والإحترام وكذلك بعض التازل لتكسب زوجها !!
وهي مع الوقت راح تعرف ايش اللي يحبه زوجها فتقدم علية
ويش اللي يضايقه فتتجنبة .. بهذا فقط تستطيع كسبة !!!!

رد: الزوجة الثانية تدخل هناء
 

موضوع قديم يغلق