|
رد: قروب يد بيد نضع للسمنة حد
بسم الله توكلنا على الله يارب توكلت عليك فاعني ويسر لي
ام العيال ياارب تروحي شهر 5 السوق وتشتري المقاسات الصغيره وكل اللي تتمني تلبسيه هلا بك راما حياكي ابداي معانا بس زي ماقالت ام العيال يكون وجبات كلها صحيه وفيها كل المواد الغذائيه المهمه لك وللنونو بدون دهون وتخففي سكريات وموفقه اخفي غلاه المفروض آخر الليل تحاولي ماتكلي شي ابدآ وماشاء الله ماقصرتي كيكتين فراوله ماقصرتي على كدا نبارك لقره بالتحدي |
رد: قروب يد بيد نضع للسمنة حد
هلا قمورة كيفك
قرة وينك |
رد: قروب يد بيد نضع للسمنة حد
هلا وغلا
قره تغوص وتطلع لنا فجأه أكيد قاعده تخمبق <<كلمتها الشهيره خمبقه خمبقتو تخمبقو هع هع فطور للحين مافطرت شكلي بشرب كاسه حليب بدون سكر لازم بنات كل يوم نحاول نشرب حليب معروف الحريم أكثر عرضه لهشاشة العظام بعيد الشر عنا وعنكم |
رد: قروب يد بيد نضع للسمنة حد
مرحبااااااااااااا
بسم الله توكلنا على الله يارب توكلت عليك فاعني ويسر لي لا يا بنات كلشي ولا تهبط عزيمتنا بصراحه من تشوفون الاكل تذكرو الرشاقه والانوثه وتذكرو ازواجنا والتلفزيون الي مجننهم بهالمنيكانات مو مصدكين هالمنيكانات شافطات وشادات وكل يوم عمليه عبالهم طبيعي واحنه ماكليها يا بنات خلونا نشجع بعض تقدرين تعوضين الحلو بشرب الشاي مع السكر او القهوه مع السكر بس لا تاكلو حلووووووووووووو تعالو نشجع بعض لا للحلووووووووووووووووووووووووhwaml03 لا لايس كريم هذا حق قمورهhwaml40 لا للدهنيات hwaml10 لا للرز لا للخبز(توست مسموح اسمر حييييييييييييييييييييييييييل مسموح) والعشاء خفيف قدر الامكان واذا سلطات وفواكهه بعد احسن بالاول راح تعصبون hwaml4 بعدين من تشوفون اجسامكم صارت باربي تشجعون خلي نبدأ التحدي hwaml17 بالتوكل على الله تعالى بعزيمه واصرار ممنوع عرض صور الحلا اااااااااااااااااااا والي تعرض صور حلاااااااااااااااااااااا بقول لقره جيب ساموراي جديد بخطط جديده وام العيال تراقب الوكح والي يبون يزغلطون |
رد: قروب يد بيد نضع للسمنة حد
هلا هلا هلا لالالالا ماخبقت الا شوي بس سويت كيك بيتي كروكو لما اكون مشغول راسي بشي لازم افكر وانا اكل هع
اليوم مافطرت تغديت ملوخيه وتبوله وحبة برتقاله وكم حبة ورق عنب وشاي اخضر ياحليلك قموره قال افوز انا وين مخمبقه اخر خمبقه الساموراي جاهز ترى لاي احد يلغوص |
رد: قروب يد بيد نضع للسمنة حد
hwaml5 اللي تفكر تاكل شويه و ماتمشي على الرجيم 100% تشوف هاليوتوب
http://www.youtube.com/watch?v=UrPY98BHDPA شوفو شلون قبل و بعد ... هم مو احسن من عندناhwaml12 الفطور توست فيه جبن و شريحه 1 طماط محمص + شاي شويه سكر الغدا 7 معلق رز او عيش او تمن << الكل يفهمني + كبده شويه العشاء بس تفاحه وماااااي لي ثاني يوم ورياضه 15 منت hwaml8 بنات لازم هالاسبوع ننزل اقل شي نص كيلوhwaml11 hwaml12 عااشو عااشو |
رد: قروب يد بيد نضع للسمنة حد
اقتباس:
هههههههههههههههههههههه بومبو فديت التشجيع والحماس ولا خلاص بطلت الآيس كريم اليوم شربت آيس لاتيه على كيف كيفك وصورته لكم قبل ما اشرب هع http://forum.hwaml.com/imgcache2/hwa...872595_604.jpg وان شاء الله اكون متحديه للآخر واوصل للوزن اللي اتمناه يااارب انا وكل البنات اللي بالقروب |
رد: قروب يد بيد نضع للسمنة حد
اقتباس:
واااايhwaml03 انتي زيي كل ما انشغل بالي دخلت المطبخ بس الفتره هذي احاول قد ما اقدر ماأدخل الكتشن هع ومن جد وحشني كيك بيتي كويكر ماأحب اسوي الكيك بنفسي دايمآ اشتري بيتي كويكر ,,,وشو بكي ياألبو عالتبوله والملوخيه ولالالا زاد الطين بله ورق عنب من جد قلبتي شاميه ياعيب الشوم هع <<حتى ماأعرف شو معناه hwaml02 محد راح يلغوص ياست خمبقه خخخخ |
رد: قروب يد بيد نضع للسمنة حد
ترى من جد الموضوع يستاهل احلى تقييم هو وصاحبته فديتها :)
|
رد: قروب يد بيد نضع للسمنة حد
ام رقيه تسلمي ياقلبو على أحلى تشجيع بس من جد آخر صوره صدمتني اللي في اليوتيوب هذي المدربه معروفه في كم برنامج شفتها والحين ذا دكتورز من جد كانت دبه ,,مرررره مو مبين عليها
وعجبني فكرتك كل اسبوع الوحده تنزل على الاقل نص كيلو بإذن الله بنات بطلت خلاص ماراح يكون عندي يوم مفتوح كل ماأسوي يوم مفتوح اخرب الرجيم اشوف هذا الاسبوع وش بيصير تدروا بنات للحين عدى علينا بالقروب 3 اسابيع يعني شهر الا اسبوع ومانقصنا كتير المفروض بعد شهر 5 كيلو او اربعه يله نقول ان شاء الله |
رد: قروب يد بيد نضع للسمنة حد
أهلآ بنآت ....
وش اسوي أكلت الكيك من الجوع ومآصبرت وتندمت قموره ... أنآ مانبدأ نتغدآ الا في الليل يعني المغرب او العششاء والفجر أتعشىآ ... قره بالعافيه عليك الكيكه وسويهآ كل يوم >> علششان انحف قبلك هع أم العيآل ... يلآ تحمسسي علششان تخسرين ابو العيآل فرصه ماتتعوض وأن ششاء الله نوصل للوزن المثالي وكل القروب يارب ام رقيه .. صرآحه صدمه اليوتيوب كيف قبل وبعد بس مششاء الله فرق كبييييير .. عقبآلنآ بومبوٍ .. ان ششاء الله دووم الحممآسس .. اليوم فطور مآفيه .. الغدآ .. ششآورمآ لحم وبطآطس وبيبسي>> طبعآ انآ مصلحه الششاورمآ ومافيهآ زيت العششآء . ثلآث شرائح توست اسمر وعسسل >> كل يوم عسسل ذبحتكم به لآنه سعرآته اقل من الجبن ومنتجآت الالبآن تسسمني .. واذآ جعت بأكل لي تفاحه خضرآء طبعآ اليوم كرفت كرف في البيت هذي رياضتي هع |
رد: قروب يد بيد نضع للسمنة حد
قموره ايش في قرقر كتير سوي كيك وانتي ساكته
صح مانقصنا عشان نخمبق بنشد حيلنا ان شاء الله يارب ننحف |
رد: قروب يد بيد نضع للسمنة حد
ههههههههههههههههههههههههههههههه
هههههههههههههههههههه اقول قره1 بغير نكك من قره لـ خمبقه ترى حبيت الكلمه وياشيخه كلهم نايمين مافي الا انا قلت خليني اكتبلكم وافضفض هنا واخمبق هع واقول كل الي في قلبي اما بيتي كويكر اشوف له يوم عما قريب coming soon <<شاطره في الانقليزي ماهيك خخخخ اخفي غلاه حبيبة قلبي انتي تعيشي عكس الناس مدام تتعشي فجر اجل متى تنامي العصر الله يعينك ياقلبو |
رد: قروب يد بيد نضع للسمنة حد
صباح ارق من الندى
بدعا يملأ الكون صدى صرف الله عنكم كل اذى واعطاكم خير هذا اليوم وماتلى صباح الهدوء والسكون بأطياف زهر الغصون واحساس مرهف حنون لمن سكنو العيون صباح الورد ياورود ان شاءالله اليوم ابدأ بجد وراح اغير في اكلي وانتظم على الرياضة ويارب اشوف نتيجة حلوة مفرحة لي ولكم القروب مايحلى الا بكم |
رد: قروب يد بيد نضع للسمنة حد
اليوم الاربعاء :1433/3/30 هـ
اخذت حبة حبوب حقت كسل الغدة الدرقية عملت 10 انواع من رياضة البطن كل تمرين 10 عدات ماعدا تمرين واحد 50 مرة لانه سهل ودائما اعمله شفطت بطني للداخل ومستمرة عليه بعد الرياضة كوب ماء الفطور : برتقال مقطعة مع زبادي اكتيفيا http://forum.hwaml.com/imgcache2/hwa...887864_690.jpg |
رد: قروب يد بيد نضع للسمنة حد
الغداء : نفس الفطور زبادي اكتيفيا مع برتقالة مقطعة
والعشاء راح يكون نفسه اذا تغير راح اسجله |
رد: قروب يد بيد نضع للسمنة حد
ماشاء الله الله يقويني ويقويكم
قموره اخر خمبقه انا وانتي مدري ويش سالفتنا انحسدنا يالطيف ام العيال سجلي مع القوم ياشقرا انا مافطرت تغديت اليوم قلبت من لبناني لجاوي تغديت ساتيه بعيش حب وسلطه وبعده سويت الخلطه حقي المشكله انه عندي مناسبه بعد شهرين قرايبي لازم انحف عشان يطلع شكلي حلو قولكم اقدر انحف سؤال عندي اول ما اسو يرياضه طبعا موقفه من اول ماسويت ثاني يوم يجيني شد عضلي قوي ويش اسوي عشان يروح اخفي غلاه شكلي مقطوعه عن العالم كيف تتواصلي مع باقي البشر الذين يعيشون على كوكوب الارض اخر خمبقه لعيونك ياقموره |
رد: قروب يد بيد نضع للسمنة حد
قبل الفطور ماء دافي
الفطور نفس البارحه الغدا مادري للحين العشاء تفاحه و تمره <<< ترى بس واحده قبل اكل 20 و اقول شويه |
رد: قروب يد بيد نضع للسمنة حد
اقتباس:
حبيبتي الشد العضلي سوي رياضه يروح راح يعور كثير بس عادي هذي سموم اللي بالعضله بتطلع.... انا هم صار عندي بس اسوي رياضه والله يموت بس عادي راح..... اكيد تقدرين شهرين مو شويه... المهم الاكل مو الرياضه... |
رد: قروب يد بيد نضع للسمنة حد
الله يسعدك ام رقيه ماقصرتي ماشاء الله بس معقول الالم من سموم بالعضل ما اعتقد اعتقد لانه فجاة صار رياضه وانشدت وسببت الم يارب يسهلها
|
رد: قروب يد بيد نضع للسمنة حد
اقتباس:
هذا كلام المدرب اللي بالنادي hwaml7... واكيد اذا بحياتج مو مسويه رياضه يصير بس عادي سوي رياضه.. اهم شي تسوين شوي شوي مو من اول يوم ساعه رياضه قويه.... انا اسوي بس 15 دقيقه باليوم ويوم ايه و يوم لا ماعندي وقت... hwaml5 بس من اشوف المسلسل التركي اسوي رياضه ههههههه |
رد: قروب يد بيد نضع للسمنة حد
زوجي هاليوم على الفطور منع عني السكر
وصار يقولي لا تكلين و اكلي قبل كان يشلع قلبي اكلي و اكلي واكلي و ليش رجيم و لاتسوين رجيمhwaml4 ولازم على العشاء اكل دسم hwaml4 زعلني وعصبني .. قلت له ليش ماتشجعني مثل ازواج اللي بالمنتدى كله اكلي اكلي اكلي وهم ازواجهم سوي رجيم وصيري رشيقه بس انت تريدني فيله هههههههه احلى مسلسل تركي لي زوجي سويت... hwaml7صار يومين يجيب لي تفاحه على العشاء و هوه عادي وممنوع كلشي فيه دهن و شكر صااار يحسب كم حبه هههههههه والله ضحكني.. المشكله يشتري كتكات و تويكس ويحطهم فووووووووق عشان لا اطولهم ههههههه و يحسب كم واحد.. ولازم اسوي رياضه.. hwaml7 والله فرحانه |
رد: قروب يد بيد نضع للسمنة حد
ام رقيه انا زوجي يفشلني لو نزلنا نتسوق مع بعض انا اشتري الشي وهو يرجعه يكول رجيم وانا اكعد اكوله البنات الي بالمنتدى كالونه عادي كلشي ناكل مو نحرم نفسنا من الاكل ههههههههه وهو يفشلني ويصيح انتي مو مسويه رجيم وانا اكعد اتوسل مذلللللللللله مرات يستسلم ومرات يصر يفشلني يكول ما اشتريلك اي ملابس لازم تنحفي وترجعي تلبسي ملابسك شكل الرجال راح يطفش
|
رد: قروب يد بيد نضع للسمنة حد
انا اليوم فطرت قيمر عليه لحالي وثلاث قطع خبز يعني انتحار بطيء
والغدا كوب عصير انناس والعشا راح يكون قعتين خبز اسمر وبيضه مسلوقه |
رد: قروب يد بيد نضع للسمنة حد
قموره وكل البنات استبدلو الشاي الاخضر بسلطه لهانه حمرا وراح تدعولي حارق فضيع انا شخصيا جربتها بحث امريكي يقول كلما اكلتي اكثر كلما تحرقين اكثر ادعولي بالشفاء العاجل وربي يرزقني ذريه صالحه بحمل سليم
|
رد: قروب يد بيد نضع للسمنة حد
امين يا بو مبو الله يرزقك ذرية صالحه معافاة عاجلا غير اجل ياارحم الراحمين
|
رد: قروب يد بيد نضع للسمنة حد
انا اليوم ضايق خلقي مررررررررره من امس اليل ابكي لما اليوم يارب اسعدني واسعد جميع القروب دنيا واخره
امين حتى مالي نفس لشي الله يهدي زوجي |
رد: قروب يد بيد نضع للسمنة حد
سلامااااااااااااااااااااااااااااات ش الي مزعلك يا قرقر الكروب
|
رد: قروب يد بيد نضع للسمنة حد
اقتباس:
ليش ياعمري انشاءالله خير.. الله يساعدج منو مزعلج بس قولي hwaml4hwaml17 |
رد: قروب يد بيد نضع للسمنة حد
مساء الخير لاحلى قروب
طبعا العشاء كان خضار مشوية وكوب لبن بعد العشاء كوب شاي احمر بالنعناع ماء |
رد: قروب يد بيد نضع للسمنة حد
اقتباس:
بالنسبة للرياضة نعم اول ماتعملي رياضة بعد فترة توقف تالم احيانا تطول لاسبوع عادي لكن لاتشدي اول يوم اعملي خفيف وببطيء الى ان تتعود العضلات على التمارين |
رد: قروب يد بيد نضع للسمنة حد
اقتباس:
|
رد: قروب يد بيد نضع للسمنة حد
اقتباس:
|
رد: قروب يد بيد نضع للسمنة حد
اقتباس:
خير ان شاء الله الله يشرح صدرك ويفرج كربك ويسخر لك زوجك |
رد: قروب يد بيد نضع للسمنة حد
انتظر يوميات البنات الباقين
راح يكون فية مكافئة للعضوة للمنتظمة على الرجيم والرياضة وكتابة اليوميات |
رد: قروب يد بيد نضع للسمنة حد
اقتباس:
|
رد: قروب يد بيد نضع للسمنة حد
لا لا لا لا
وش فيها قره كل شي الا قره من جد تضايقت يوم قريت كلامك :( الله يهدي زوجك ويسخره لك ادعي بسجودك ان الله يحنن قلبه لك تصدقي انا من 3 ايام كل مايجي الليل تجيني ضيقه اعوذ بالله بس اليوم الحمدلله احسن |
رد: قروب يد بيد نضع للسمنة حد
ايه صح بومبو وش اللهانه قوليلنا عنه ؟؟؟
ام العيال انا مواظبه عاليوميات والرجيم<<ابغى مكافئه :( خخخ مافطرت تغذيت مشخول دجاج 4 ملاعق بس وعشاء اوم التخبيص و(الخمبقه ) هع بيتزا و اندومي وومعجنات وسمبوسه وووو ونسكافيه بالكوفي ميت وبس شويات بشرب 10 كاسات شاي اخضر عشان احرق اكل اليوم هع بنات احس اني متزاعله مع المويه ماأشرب كتير يله واغصب نفسي كاسه في اليوم :( |
رد: قروب يد بيد نضع للسمنة حد
ام العيال حبيبتي مشكوره ع الدعوه ربي يستجاب انشالله
قموره اللهانه يعني الملفوف او الكرنب بس الاحمر كثير يحرق لان جربت الشاي الاخضر ما يحرق بس يحافظ على الوزن لكن جربي الملفوف وزني ثاني يوم تشوفين الفرق بس للي يعملون حميه مو للي يخمبكون هههههههه لا تنسوني من دعواتكم الطيبه |
رد: قروب يد بيد نضع للسمنة حد
واليوم صورت لكم البوفيه حق اختي لما دخلت ماقاومت خربتها صح :(
http://forum.hwaml.com/imgcache2/hwa...953377_695.jpg http://forum.hwaml.com/imgcache2/hwa...953378_983.jpg وفي جهه كمان ماصورتها شو رأيكن |
| الساعة الآن 09:59 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .