رد: ألذوأطيب الطبخات السورية
 

مرحبا صبايا ....... أسعد الله ايامكن وكل سنة وانتم سالمين ع رمضان
انا اي شئ فيه الشام بافوت فيه دغري ..بحب الشام واهلها >> الشامية والحمصية << اهل درعا وحوران باحسهم خليجين او عراقيين بالأصح ... وندعي الله ينصر الجيش الحر و تنتهي ايام العذاب يارب .
المهم اكلات الشوام كثييير طيبين وصرت أعمل أغلب أكلاتهم مثل الشاكرية ...الكواج .. المقلوبة ...المحاشي والمقبلات بأنواعها ...وعشقي الأزلي شيخ المحشي (( كوسا باللبن )) هي ما بينشبع منها بنوووب ..
وما بعرف اذا حدا نزلها قبلي او لأ ؟؟؟ اذا ما حدا نزلها با نزلكم طريقتي وفي كم صورة محتفظة فيها بالجهاز .
ويسلموا ايدين الطباخات الماهرات شفت كم صفحة الأكل بيشهي و خفيف .... ربي يعطيكن ألف عافيه .

رد: ألذوأطيب الطبخات السورية
 

يااارب مع بين الاذان والاقامه لصلة الفجر بمكه افرج هم سوريا واهلها يااارب انصرهم على الطاغيه بشاار

عن جد اشتقت لهالاكلات ولشاام ولدرعا واره ودار ريا وحلب والاذقيه وطرطووس الله على ايامك ياشاام

منصوره باذن الله

ماخليتو اكلات يابنات اكثر اكلات بحبها في درعا طبعا المنسف واحب الرز بالبزاليا

وشيخ المحشي

وكل شي من سوريا بحبه الله ينصركم

رد: ألذوأطيب الطبخات السورية
 

السلام عليكم انا فايتة جديد على المنتدى وحابة افيد واستفيد

رد: ألذوأطيب الطبخات السورية
 

راح اقدملكم طريقة لاكلة سورية اسمها رقاقة المقاديرررررررررررررر ثلاث كاسات طحين ملح مي ملح مي فروج ثلاث بصلات كبار بهارات فلفل كمون كاري كاسة كبيرة زيت زيتون ملعقة سمنة
الطريقة نقطع الفروج الى قطع صغيرة ونضعها في طنجورة مع شرائح البصل بعد وضع البهارات والملح عليهما وملعقة سمنة ثم نضع الماء بقدر ثلاث كاسات على الطنجورة
ونشغل النار الى ان ينضج الفروج والبصل
وفي هذا الوقت نحضر العجينة نضع الطحين في وعاء ورشة ملح ثم نضيف الماء ونعجن الى ان نحصل على عجينة قوية مثل عجينة الشيش برك وبعد تركها خمس دقائق نقسمها الى اربع كتل ثلاثة كبار ووحدة حجم وسط ونتركها ترتاح الى ان ينضج الفروج وبعد نضجه نصفي الماء عنه الى وعاء اخر وندعه ليبرد قليلا ثم ناتي بصينية عميقة قليلا وندهنا بلزيت الابيض
ثم نرق الكتلة الوسط من العجين بلشوبك
الى ان تصبح رقيقة استخدمي الزيت لكي يساعدك على الرق ومديها في الصينية وبعدين رقي العجين الثانية ومديها فوق العجينة الثانية ويعدين اضيفي زيت الزيتون على العجين بمقدار ثلاث اباع الكاس وبعدين ضعي قطع من الدجاج وشرائح البصل وشوية من مية الدجاج يلي صفتيها وبعدين بترقي كتلة عجين وبتحطيها على طبقة الدجاج وبعدين بتعملي طبقة ثانية من الدجاج وابصل وزيت الزيتون وشوي مية من مية الدجاج وبتسكريها بلعجين الرابعة وبعدين بتحطي على الوجه زيت زيتون ومية الدجاج وبتثقبي العجين من الوسط بسكين عدة اثقاب بتصل لاخر طبقة وبعدين بتحطيها بفرن سخن وبتظلها ساعة ونص بس لتصير العجينة

رد: ألذوأطيب الطبخات السورية
 

يعطيكم الف عافيه بنات سوريه على هالاكلات اللي بتجنن
الله ينصركم نصر عزيز مقتدر ويشفي مرضاكم ويطلق اسراكم ويرحم شهداءكم اااااااااااامين يارب العالمين

رد: ألذوأطيب الطبخات السورية
 

زكرتيني بأكلات امي ..

اللهم احفظ سوريا و اهلها .. اللهم احفظ سوريا و اهلها ...

رد: ألذوأطيب الطبخات السورية
 

الصراحةةةة اكلااات حلوةةة مرةةة
تسلم الاياادي يا احلي الصبايااا
وانااا ماما من الشاااام واكلاتهااا مشابهةةة لبعض الاكلات اللي طرحتوهاا
وانااا كتيرر بحب المجدووووس ونفسي فيه
من الاكلات اللي بحبهاا انا واولادي حره بأصبعووو يمي يمي
وبحب ساويهاا كل فترةة
يعطيكم الف عافيةةة وبانتظاار كل ماهو جديد

رد: ألذوأطيب الطبخات السورية
 

الله يعطيكن ألف عافية صبايا :)

ما في بعد الأكل السـوري ..

في وحدة خبيرة بالاكل السوري هـون تساعدني بشغله حالا لو سمحـت ؟

رد: ألذوأطيب الطبخات السورية
 

يعطيكون العافية ويسلمو ايديكون شي ظريف وبشهي
ان شالل قريبا ليزيد معي وقت بدي شارك معكون كوني سورية شامية وماشي حالي بالطبخ
وامانة ايا سؤال عن ايا طبخة شامية حصرا انا جاهزة

رد: ألذوأطيب الطبخات السورية
 

كيفكون جايبتلكون اكلة مالقيتا مزكورة هون الملوخية الورق ان شالله تعجبكن ونحنا الشوام
عنا كلمة منقولها الملوخية اكلة ملوكية مارح طول عليكون رح بلش بالمقادير :
ملوخية ورق
مرقة لحمة
لحمة ناعمة وبتصير كمان بلحمة شقف ( لحم غنم او ضأن ) او لحم عجل مابتفرق ايا نوع لحم
وكزبرة وتوم
طبعا المقادير مافي نسب محددة كل وحدة بتقدر حسب عدد الاشخاص
طريقة التحضير :
ملوخية ورق ازا متلجة من الفريزر بس يفك التلج او ازا يابسة منحط الملوخية بمي مغلية دقيقتين بعدين منصفيها
منقلي الملوخية بسمنة ومنضيف مرقة اللحمة شوي شوي كلما نشفت منرجع منضيف شوي و منكون
مقليين لحمة مفرومة منضيفا فوق الملوخية ومنحركها واخر شي منضيف توم مدقوق و منحرك شي دقيقتين بعدين
كزبرة مفرومة كمان شي دقيقتين ومنحط عالوش صنوبر محمص
طبعا بتصير بالدجاج بدال مرقة اللحمة مرقة دجاج وبدال اللحمة المفرومة دجاج مسلوق
وصحتين وهنا
اعزروني ازا مافهمتو على لهجتي الشامية حاولت قدر المستطاع تقريبا من الفصحى