تجمع حوامل سوريا-دردشة ورود سوريا-دردشة الغاليات [الأرشيف]

**سماسم**

01-02-2012, 11:24 PM

بسم الله الرحمن الرحيم
فتحنا هذا التجمع من أجلكن لتبادل الخبرات والمعرفه بخصوص الحمل بهذه الفتره ..
ونتمنى مراعاة الآتي حتى لاتتعرضين للتوقيف والحضر من المنتدى :

عدم التدخل بخصوصيات العضوه .
أحترام وجهات النظر وعدم الشتم والتجريح والكلمات الغير لائقه لأي عضوه .
تبادل الإميلات والأرقام وروابط المواقع داخل التجمع ممنوع .
يمنع تنزيل أي عمل تجاري أو عروض داخل التجمع.
يمنع التطرق والتعرض للأعراض أو للعنصريه أو للقبليه أو الطائفية والتي بها تجاوزات دينيه وسياسيه.
يمنع فتح تجمعات إلا بعد التنسيق مع مشرفات القسم أو الإداره .

نتمنى التعاون معنى وأتباع قوانينا التي وضعت من أجلكن لتتمتعن بدردشه راقيه وذات فائده
,,

كوافيرة ريم

01-03-2012, 12:37 AM

يعطيكي العافية على هالتجمع الحلو وان شاء الله نقدر نفيد ونستفيد
حبيت كون اول وحدة بتشارك بهالتجمع وشكرا

silla

01-03-2012, 02:19 AM

مافهمت شي شو يعني
وين الدردشة ووين الحكي اللي كان موجود
كانو حاذفينو؟؟؟؟؟؟؟؟؟؟؟؟؟؟؟؟؟

سرووءة

01-03-2012, 03:19 AM

سيلا تم افتتاح تجمع جديد
عشان السنة الجديدة
يعني بتكملي هون كلامك ودردشتك معنا ..

^^
مبروك التجمع الجديد بنات
مشكورة للادارة ماقصرتو

silla

01-03-2012, 07:57 PM

هههههههههههههه وصلت سرووووووءة

رنووومة

01-03-2012, 09:18 PM

مسا الخير كروشات ومبررروك التجمع الجديد

عبير اسماعيل

01-04-2012, 12:38 AM

مساء الخير
مبرووك التجمع
رنومه كيفك وشو صار معك مشان فقر الدم

silla

01-04-2012, 01:08 AM

يلا صبايا وينكم ..........
بدي اتعرف عليكم كلكممممممممممممممم
وييييييييييينكم
كيفك عبورة كيفك رنومة وينك سروءة
انا سيلا (عم فكر سمي بنتي سيلا طبعا مو اسمي هههههههه ازا الله بعتلي بنوتة صحي شو رايكم فهالاسم)
متغربة بسعودية
وهلئ حامل جديد كان عندي اجهاض سابقا الله يخليكم ادعولي الله يثبتلي حملي طبعا عم اخد مثبتات هلئ ااااااااه الله يتممو ع خير اطمنت ع النبضات الحمد لله
ادعووووولي

عبير اسماعيل

01-04-2012, 07:49 AM

صباح ‏
الخير ع الجميع
صباحو سيلا الله يتمملك ع خير
ويرزقك سيلا يارب ‏
بس اهم شي استمري ع المميعات مشان يثبت الحمل
موفقه ان شاء الله

رنووومة

01-04-2012, 01:55 PM

عبير حبيبتي لساه ما عرفت بدي روح للدكتورة الاسبوع الجاي وبشوف اذا بتخلي نفس حبوب الحديد وانشاء الله ما توصفلي ابر لأنو بكفيني ابر الانسولين والحمد لله على كل حال

سيلا حبيبتي الله يتمملك حملك على خيرررر واهم شي ديري بالك على حالك وابتعدي عن الجهد قدر ما تقدري والحمد لله انك طمنت على البيبي

سرووءة

01-07-2012, 02:07 PM

كيفكم بنات
ليش تمع سوريا صاير اكسل تجمع
سيلا اهلا وسهلا فيكي
وانا راح عرفك عن نفسي خخخخ
انا اسراء من الشام ومتغربة بالسعودية
هذا اول حمل الي بكرية يعني

رنومة كيفك وعبير وكلكم كيفكم ووين ام عائشة مشغول بالي عليها

silla

01-08-2012, 12:43 AM

لك ياهلا والله فيكي احلى سروووءة وانا متلك بكرية
يلا منيح بلاقي حدا اتغالظ عليه بتعرفي الاسئلة اللي مافي اكتر منها
عند البكرية
الله يسهلها
بس فعلا ماااااااااااافي تفاعل لييييييييش صبايا

silla

01-08-2012, 12:48 AM

صباح ‏
الخير ع الجميع
صباحو سيلا الله يتمملك ع خير
ويرزقك سيلا يارب ‏
بس اهم شي استمري ع المميعات مشان يثبت الحمل
موفقه ان شاء الله
لك تسلمي لقلبي عبورة حبيبتي
الله يسمع منك يا قمر
عن ناخد الجوسبرين الله يتمملي ع خير يارب
وانت احكيلي شو حامل ولا شو... متغربة ؟

silla

01-08-2012, 12:50 AM

هلا رنووووومة
وانت ياقلبي الله يطمن بالك شو القصة ليش ماعم تتغذي كويس لحتى الظاهر معك فقر دم

عبير اسماعيل

01-08-2012, 08:34 AM

لك تسلمي لقلبي عبورة حبيبتي
الله يسمع منك يا قمر
عن ناخد الجوسبرين الله يتمملي ع خير يارب
وانت احكيلي شو حامل ولا شو... متغربة ؟

اهلين سيلا
يسعدلي صباحك انا منيحه وحامل بالاسبوع العشرين هلئ
بس للأسف مازبط الشريط معي
المهم مقيمه بالرياض وعم فكر انزل ع الشام بشهر اذار
بكون وقتها بشهر السابع لأني بكريه وخايفه من الولادة هون
بس بعد أحداث يوم الجمعه جوزي تردد بنزلتي والله ما بعرف الله يهونها

عبير اسماعيل

01-08-2012, 08:42 AM

سروء ة يسعدلي صباحك
وشكرا ع السؤال فعلا التجمع بارد يمكن بسبب الظروف اللي عم تصي
الله يفرجها ع بلدنا يارب
مبارح فتت ع تجمع الاشهر الوسطى ما كان في إرنه تحطي رجلك من العجئه هههههههه ‏
وبعتلك سلام هونيك بس يمكن ما شفتيه

عبير اسماعيل

01-08-2012, 08:45 AM

رنووووووومه وينك شو صار معك بتحليل الدم
الله ‏
يعافيكي يارب
وامه شي متل ما إلتلك لازم ما تقطعي الفوليك اسيد كتيييييير منيح لفقر الدم عيار خمسه طبعا اسألي دكتورتك عنه
يمكن الو اسم تاني بسوريا
موفقه وسلامتك ‏

عبير اسماعيل

01-08-2012, 05:51 PM

شو وينكن لا حس ولاخبر

رنووومة

01-08-2012, 10:51 PM

عبورة حبيبتي والله انا بحاول اتغذى وباخذ حبوب الحديد واخر تحاليلي السكر منيح مسيطر عليه مع الانسولين بس الخضاب ناقص اكثر انا بدي روح الاسبوع الجاي للدكتورة بتكون رنيم خلصت امتحاناتها
وسيلا حبيبتي تصوري الخميس نزلت لعند ماما وجابت كبدة وشرحات ومن ثاني يوم فقت والم ببطني من الليسار وعنجد تعبت كثير اليوم لساه الالم بس اخف شوي والله يكون بعونا يا رب
سرووؤة حبيبتي كيفك وشو اخبار البنوتة يلا ناطرتك بالشهر السابع انا حسيت الشهر السادس طويل كثير الله يتمملنا على خير يا رب

noura88

01-08-2012, 11:29 PM

مرحبااااااااااااااااااا اتا نورا ادعولي با الزرية الصالحة

رنووومة

01-08-2012, 11:57 PM

اهلا بك حبيبتي نورا والله يا رب ينولك يلي ببالك عرفينا عنك انا نور من الشام

عبير اسماعيل

01-09-2012, 01:09 AM

اهلين نورا
كيفك رنومه الله يقويكي يارب

سرووءة

01-09-2012, 05:26 AM

اهلا بنات
سيلا ههههههههههههه
سالي ولايهمك انا صرت خبرة باول 6 اشهر
يعني بقدر فيدك ^^

عبير اي تجمع الحوامل الوسطى زحمة لان حتى لو ولدو بيرجعو بيطمنو علينا
بس كلهن بينحبو والله
الشريط ليش ماظبط معك
عطيني موعد اخر دورة لك او موعد ولادتك المتوقع لسويلك ياه

رنوومة هههههههه لاتحاكريني
بيني وبينك كم يوم يلا هانت كم يوم ادخل السابع
عقبال التااااسع يارب

عبير انا متلك نازلة عالشام بشهر 3 بدي اولد هنيك
زوجي ساعة بقلي روحي ساعة بقلي لا مشان الوضع
وانا قلتلو معلش متل متل اهلي
يلي بصير عاهلي بصير علي انا
احسن ماضل هون مشغول بالي علين

رنووومة

01-09-2012, 01:49 PM

سرووؤة حبيبتي الله يسمع منك منك يا رب ويعهونها خصوصا انو الالم لسه ما راح مني الله يستر

عبير اهلا كيفك انتي انا الحمد لله بس الوجع قالقني شوي لساته مستمر الله يعينا يا رب

silla

01-09-2012, 08:49 PM

اهلين سيلا
يسعدلي صباحك انا منيحه وحامل بالاسبوع العشرين هلئ
بس للأسف مازبط الشريط معي
المهم مقيمه بالرياض وعم فكر انزل ع الشام بشهر اذار
بكون وقتها بشهر السابع لأني بكريه وخايفه من الولادة هون
بس بعد أحداث يوم الجمعه جوزي تردد بنزلتي والله ما بعرف الله يهونها

الله يتمملك ياقلبي ع خييييير
طيب بس بالرياض مليان مستشفيات كويسة ليش خايفة منها للولادة هون
المهم يكون عندك تامين كويس انا براي هون الولادة كمان كويسة
بس انت من شو خايفة بالتحديد؟
ومنشان النزلة ع سوريا صلي استخارة احسن شي ولسا الوضع بالشام احسن من غير مدن شو بدنا نقول بس حسبنا الله ونعم الوكيل
او بعتي كرت زيارة لامك احسن
الله يختارلك الخير ياقلبي
وين عم تتابعي حملك

silla

01-09-2012, 08:55 PM

هلا نورا الله يرزقك يا قلبي بالزرية الصالحة وبالحمل القريب السليم عاجلا غير اجل يارب

silla

01-09-2012, 08:56 PM

رنومة حبيبتي كتير منيحة الكبدة واي شي اخضر قدامك كليه بس شو سبب الالم اللي عندك ببطنك !!
لازم تروحي عالدكتورة باقرب فرصة وتطمنينا ع وضعك الله يعافيكي يارب

عبير اسماعيل

01-10-2012, 01:11 AM

مسا ‏*الخير حبوباتي كيفووون
اليوم ماصحلي فوت واحكي معكون يالله بكرة ان شاء الله

عبير اسماعيل

01-10-2012, 08:18 AM

صباحووووووو ‏
سروءة كيفك ان شاء الله تكوني بخير
كنت عم احكي ع تجمع الشهور الرابع والخامس والسادس
بالنسبه للشريط زبط وأحيرا يسلمو ايديك

رنومه سلامتك ما ع قلبك شر الله يقويكي ويهون عليكي

سيلا صباحو عزيزتي ع سؤالك عني
بالشام برتاح نفسيا أكتر في مشفى الرشيد بباب مصلى
عم يقولو كتير منيحه وفيها ولا دات حديثة بعرف أكتر من وحدة ولدو هونيك او الشفاء عند دكتورتي بالشام اسمها رياض الحسيني كتير منيحه
عم ‏
تابع هون بمستوصف الشبلان عند منى الريس من اول زواجي بروح لعندها شاطرة بس ناشفه شوي هههه بس متعاطفه مع السورين كتيييير ‏

سرووءة

01-11-2012, 11:47 PM

نادو

01-12-2012, 12:10 AM

ما كتير عم بعرف خش بهالمنتدى بس اكتر شي بسطني اني شميت فيكن ريحة بلدي سوريا يسعد اوقاتكم واحلى تجمع كيف بدي اوصللكم اذا بد اعرف شي عن دكاترة النساء ترا ضايعة ومحتارة
هلا حبيبتي نورتي بوجودك معنا ..
ونحن انبسطنا فيكي
على ما اظن ما في دكاترة هوون بس اي سؤال فيكي تطرحي هون بهلقسم \ولي بتعرف بترد عليكي وبتقلك وبتنصحك وانا اولن اي سؤال انا جاهزة حبيبتي ..

محتجالك يارب

01-12-2012, 12:14 AM

يابنات ارجوكم مش هنام الالما لما تطنونى وترو على موضوع

اسم الموضوع الله يخليكم ساعدونى

وانا محتجالكم

silla

01-12-2012, 07:32 AM

كيفكم بنات بلدي
اشتقتلكم كتيير..

يابنات انا صليت استخارة وارتحت وشكلي راح انزل اولد باشام
واحضر عرس اخي
اخي مابدو العرس بهيك وضع
بس بيت حماه بلشو يوجعو راسو لان صرلو زمان خاطب
وبجوز يعملو باول شهر 4
بكون انا بشهر التاسع
وهنن عملو بهالوقت مشان احضر انا
وامي بدها ياني احضر لانو اخي الوحيد
وانا عملت استخارة ومن وقتا سلمت امري لرب العالمين وارتحت
وقلت يلي الله كاتبو بصير ..
دعولي امانة
اخر كلام قررتو هيك وبشوف شو بصير بعدو

الله ييسرلك ياقلبي ويختار الخير بحقك يارب
مدام عالاستخارة اتوكلي على رب العالمين
كمان عبورة انتي استخيري ربك افضل شي
والله الشغلة اللي عم تكسر ضهرنا بالغربة شو مابصير عند اهالينا فرح وحزن ماعم نقدر نكون معن ..
سروءة يمكن بيت حماه لاخوك معن حق الخطبة الطويلة بتوتر كتير صحي الواحد مالو قلب بهالاوضاع بس معليش هاد قدرن ونصيبن يتزوجو بهالوقت الله ييسرلو والف مبروك الله يسعدهن شو كيف العروس بتحبيا الا بنت احمى عاملة عليا لانو ازا اخوكي الوحيد مشكلة ههههه ولا شو رايك

silla

01-12-2012, 07:35 AM

ما كتير عم بعرف خش بهالمنتدى بس اكتر شي بسطني اني شميت فيكن ريحة بلدي سوريا يسعد اوقاتكم واحلى تجمع كيف بدي اوصللكم اذا بد اعرف شي عن دكاترة النساء ترا ضايعة ومحتارة
يسعد اوقاتك ونورتي حبيبتي بين اخواتك واهلك وناسك
هاي انت مسكتك لانك ضايعة ولا شي ... ههه
بس شو قصتك لشو هالتوتر وهالتلبك اووول شي انت وين منشان نقلك عالدكاترة ..

سرووءة

01-12-2012, 05:32 PM

سيلا
ههههههههههههه لايووه ماني بنت احمى ..
بلعكس كتير بحبها .. وهي اكبر مني بشوي ..
مابيطلعلي والله كون لاكنة ولابنت احمى .. عنياتي انا هههههههه
ومتل ماقلتي ماحدا الو قلب بهالاوضاع قلنالن استنو عالصيف
قال شو بضمنا ان الاوضاع ماتزداد سوء .. اكتر من هيك ..
والله شي بيقهر وبيفزر كمان .. الوضع كلمانو عاسوء ..
ومافي شي بخليكي تتفائلي .. غير رب العاالللمين امبارح طول الليا مادعي ان تنتهي هالاوضاع اخر الشهر وننتصر ..
ملينا وبدنا ترجع بلدنا متل ماكانت .. بس الله يكون بعونا ..
انت كيفك وشو اخبارك ..

نادو.. اهلا فيكي ..
انت وين بسوريا ولامسافرة .. باي منطقة لحتى نقدر نساعدك
واهلا وسهلا فيكي بيناتنا ^^

khawla m

01-13-2012, 11:00 PM

السلام عليكم تقبلوني معكم انا اول مرة احمل وحابة اتعرف عليكم واعرف تجاربكم بالحمل لانو انا عندي تجربة صعبة

jorri sham

01-14-2012, 04:45 AM

khawla m اهلا حبيبتي فيكي ..
نورتي بيناتنا ..ا سؤال او شي نشالله نن منكوون جاهزين

jorri sham

01-14-2012, 04:47 AM

كيفكم ششواخر اخباركم
انا الي مدة ما دخلت المنتدى لانو ماعندي نت ..
وهلئ صار عندي ببيتي ونشالله كل ما كوون فاضية بدخل وبشووفكم
كتير شتقتتلكم
ولو ما دخلت كتير ع المنتدى انتوو بلقلب والله
تحياتي للكل اخواتي لحلوين

silla

01-14-2012, 05:59 AM

لك ياهلا بكلللللللللللللل الغايبين ورجعولنا
اهلا وسهلا بيلي انضمولنا وميييييييييت السلامة بس حركونا هالتجمع اكتر يستر عليكن هههههه
يلااا شو القصة الكل متكاسل

عبير اسماعيل

01-14-2012, 06:07 PM

مسا الخير ع الحلوين
لك دخيل اليك سيلا شو انك غلايه فعلا كسلانين ‏
سروءة كيفك ومبروووووك سلفا عرس أخوكي ‏
رنووومه وينك بالي عندك شو صار معك ‏
مييييييييت اهلا وسهلا بأم يزن نورت ومبروك طهور يزونه
الله يحفظو وان شاء الله بتشوفيه عريس هههه

عبير اسماعيل

01-14-2012, 06:08 PM

اهلين بكل ياللي انضمو جديد
بس يا جماعه حدا بيعرف شو صار مع ام عائشه
بالي عندها خصوصا انو وضعها صعب
الله يتتملها وللجميع عخير

عبير اسماعيل

01-14-2012, 09:29 PM

مسا الخير صبايا
شو مبين ما حدا فات لسه ؟ع كلن حبيت تحكي سوا
ونشوف مين بلشت تجهز للبيبي
اي افض شهر ؟وشو ‏ جبتو لهلء؟
وشو لازم نجهز النا كمان؟ اللي عملت شي
تحكينا تنعلم ونستفيد

silla

01-15-2012, 12:23 AM

سيلا
ههههههههههههه لايووه ماني بنت احمى ..
بلعكس كتير بحبها .. وهي اكبر مني بشوي ..
مابيطلعلي والله كون لاكنة ولابنت احمى .. عنياتي انا هههههههه
ومتل ماقلتي ماحدا الو قلب بهالاوضاع قلنالن استنو عالصيف
قال شو بضمنا ان الاوضاع ماتزداد سوء .. اكتر من هيك ..
والله شي بيقهر وبيفزر كمان .. الوضع كلمانو عاسوء ..
ومافي شي بخليكي تتفائلي .. غير رب العاالللمين امبارح طول الليا مادعي ان تنتهي هالاوضاع اخر الشهر وننتصر ..
ملينا وبدنا ترجع بلدنا متل ماكانت .. بس الله يكون بعونا ..
انت كيفك وشو اخبارك ..

والله بصراحة حكين فيو وجهة نظر وكمان الله يعينن اخوكي وخطيبتو هلئ بكونو متوترين مافي ابشع من هيك انو ع اي وع لا ونعمل ولا مانعمل قصة بتوتر العرسان الله يختارلن الخير يارب يارب
وانت كمان ان شالله بتحضري وبتنبسطي معن وكمان صلي استخارة موفقة حياتي

silla

01-15-2012, 12:40 AM

سيلا
ههههههههههههه لايووه ماني بنت احمى ..
بلعكس كتير بحبها .. وهي اكبر مني بشوي ..
مابيطلعلي والله كون لاكنة ولابنت احمى .. عنياتي انا هههههههه
ومتل ماقلتي ماحدا الو قلب بهالاوضاع قلنالن استنو عالصيف
قال شو بضمنا ان الاوضاع ماتزداد سوء .. اكتر من هيك ..
والله شي بيقهر وبيفزر كمان .. الوضع كلمانو عاسوء ..
ومافي شي بخليكي تتفائلي .. غير رب العاالللمين امبارح طول الليا مادعي ان تنتهي هالاوضاع اخر الشهر وننتصر ..
ملينا وبدنا ترجع بلدنا متل ماكانت .. بس الله يكون بعونا ..
انت كيفك وشو اخبارك ..

والله بصراحة حكين فيو وجهة نظر وكمان الله يعينن اخوكي وخطيبتو هلئ بكونو متوترين مافي ابشع من هيك انو ع اي وع لا ونعمل ولا مانعمل قصة بتوتر العرسان الله يختارلن الخير يارب يارب
وانت كمان ان شالله بتحضري وبتنبسطي معن وكمان صلي استخارة موفقة حياتي

silla

01-15-2012, 01:20 AM

هههههههه عبووووووووورة اي غلاية وانت بلشتي تغلي كمان عقبال الكل ..
وكيييييييييفك وشو اخبارك

عبير اسماعيل

01-15-2012, 08:50 AM

صباااااااحو سيلا
انا منيحه بس مشغول بالي شوي الجنين صرلو يومين
ماعم حس بحركتو
وانا الله يهديني مو سوسه الا شوي بعين الله ‏
و ا نتيكيفك وين صرتي بحملك ان شاء الله كل امورك تمام

عبير اسماعيل

01-15-2012, 08:54 AM

سروءه كيفك
شكلك من هلئ انشغلتي مشان العرس
ماعدنا شفناكي ههههه

عبير اسماعيل

01-15-2012, 08:57 AM

رنوووووومه وينك
كيف صرتي بالنا عندك شو صار معك ‏
وشو مشان التحاليل

رنووومة

01-15-2012, 02:35 PM

كيفكمكروشاااات انا الحمد لله منيحة الخميس كان عندي موعد عند طبيب السكر وكان كلو تمام ونسب السكر طبيعية مع ابر الانسولين و مبارحة كنت عند الدكتورة قالت كلو تمام والبيبي متجه والمية منيحة بس للاسف ما بين جنسه لساته حاطط الحبل بين رجليه وانا بدي جهز ما لي غير اجهز الغراض محير حبيت اطمنكم بس فقر الدم زايد والحمد لله على كل حال هلأ صرت بالسابع الله يتمملي ولكل الحوامل على خيررر

رنووومة

01-15-2012, 02:38 PM

عبير حبيبتي كيفك انشاء الله منيحة وشكرا لسؤالك عني قبلاتي لك

رنووومة

01-15-2012, 02:42 PM

سروووؤة حبيبتي كيفك وكيف القمورة اصغيرة وسيلا وكل البنات شو اخباركم

عنجد ام عائشة الها فترة مو مبينة الله يا رب يسمعنا الاخبار المنيحة عنها يا رب

سرووءة

01-15-2012, 02:47 PM

كيفكن بنات ..
اشتقتلكن ..
كيفكم كلكن
رنوومة ياربي لهلا ماعرفتي شومعك والله شي بيقهر ..
هههههههههه
يااما استني تعرفي وتجهزي
يااما جيبي شي بين البنت والصبي ..
عبير كيفك انتي
وسيلا كيفك ..
ام عائشة مشغول بالنا عليها ..

رنووومة

01-15-2012, 02:53 PM

هلا سرووءة حبيبتي اي والله شي بيقهر انا حابة اعرف بس المهم كل الامور منيحة مبارح مرقنا شوي على المول اخذت افرول بالرخصة بس لاحظت انو ما في محير يا صبي يا بنت ولسه بدي اروح مرة ثانية اشوف لأني طلعت غراض نسرين بس هي اجت بحزيران وديارتها كلها صيفي منهيك حجيب لعمر 3 شهور وبشوف بعدين اول بأول والله يسيرها يا رب

عبير اسماعيل

01-15-2012, 05:14 PM

الحمد لله رنوومه والله كان بالي عندك ‏
سروءه شو بلشتي تجهزي؟ ‏
سيلا وين اللي عم تغلي غلي ؟

silla

01-15-2012, 07:09 PM

اهلييييييييييين بكل الحلوات
ياااااااالله امت بدي بلش اشتري متلكن يالله يارب تكملنا معنا بالخير
بتعرفو انشغل بالي معكم على ام عائشة مع اني ما بعرفها الله يحفظها ويحميها وان شالله بتكون بالف خير يارب

silla

01-15-2012, 07:19 PM

صباااااااحو سيلا
انا منيحه بس مشغول بالي شوي الجنين صرلو يومين
ماعم حس بحركتو
وانا الله يهديني مو سوسه الا شوي بعين الله ‏
و ا نتيكيفك وين صرتي بحملك ان شاء الله كل امورك تمام
مساااااااااااائوووووووووو انا بفتح بالليل وبالفجر عبورة
انت يظهر صباحية دايما ......
هلئ يمكن عادي كمان انتي ولي عليكي لا تتوسوسي كتير انت كل يوم استودعيه عند الله والله مابحس بالامان غير لما بستودع جنيني عند الله الله يحميلنا ياهن يارب
انا الحمد لله بس اللي عم يدايقني نفسيتي ولييييييييي اديشني مزاجية صايرة عم عصب كتير ياربي والله الحمد لله عم يصبر علي هالرجال هههههه
وكتير كرهانة اكل كنت موت عليه قبل الحمل ولهلئ هاد وضعي بخصوص اعراض الحمل اللي لازم تكون خلصت حاليا معي مو؟؟؟؟
لاني صرت بالثالث الحمد لله بس لسا اووول اسبوع تقريبا بالاسبوع العاشر hwaml02hwaml13

hadeel al rouh

01-15-2012, 07:34 PM

مسا الخيرhwaml7 وصباح الورد hwaml7ويسعد اوقاتكونhwaml7 وكل التحيات الحلوة لاحلى بنات بلدي والله شميت فيكون hwaml03ريحة الارض الغالية والعشرة الطيبة
انا هلأ استوعبت انو في تجمع لسوريا هون وكتير انبسطت فيكون
.... حبيتكون وقريت كلشي كاتبينو وعرفتكون قبل ماتعرفوني وهلأ اجا دوري عرفكون بحالي انا هديل من ادلب
من شهرين بس اجيت عالرياض من 3 شهور تزوجت
بتمنى تتقبلونيhwaml25 بينكوم لأنو بركتكون كتير حلوة سراء وعبير وسيلا ورنومة hwaml29 والباقين ...وحتى ام عائشة ههههه الي ماشفتها ...الله يطمنكون عليها ياربhwaml95
تحياتي الغالية ......

hadeel al rouh

01-15-2012, 08:42 PM

hadeel al rouh

01-15-2012, 10:54 PM

مساكون ياغاليات ورد واطفال وحبhwaml13

عبير اسماعيل

01-16-2012, 12:02 AM

عبير اسماعيل

01-16-2012, 12:08 AM

اهلين ‏
هديل ‏
يسعد ‏
مساكي
و تشرفنا فيكي
عزيزتي لتحليل الدم ابدا ما بيخطأ
مع تمنياتي الك بالحمل وان شاء الله ربي يرزقك

عبير اسماعيل

01-16-2012, 12:27 AM

hadeel al rouh

01-16-2012, 01:23 AM

ااااااه مسا الخير عبير والغاليات
انا زعلانة شوي مو كتير بالرغم الدورة اتاخرت واعراض الحمل مافي حمل مابعرف شو صاير معي بس الحمد الله على كل حال يلا لساتي عروس عقولة ماما
بكييييير
يسعد مساكي عبورة انا الي شرف كيفك ....وكيف البوبو انشالله يارب تقومي بالسلامة وتبشرينا

jorri sham

01-16-2012, 01:32 AM

كيفكم صبايا شتقتلكم

jorri sham

01-16-2012, 01:43 AM

هديل في دكتورة شاطرة كتير ازا انتي برياض وحابة تروحي عندا بعتيلي رسالة ع الخاص مشان الك عنها اكترررر واوصفلك وين مكانا موفقة حبيبت ي

ماشالله شايفة بنات جديدة هون حابة اتعرف عليكم
بس شو بدي لحق لللحق

silla

01-16-2012, 04:30 AM

شووووو وينكووووووم
حبيباتي عاجل عاجل بدي تساعدوني وين روح على اي دكنورة
دورتي اتاخرت علي ومعي اعراض حمل متل مابسمع المدامات بيحكوا
حللت مبارح دم طلع سلبي انصدمت...
ماما قالتلي حلل بول او ساوي اختبار منزلي بس اليوم في نقطات دم ومو عرفانة دورة او التهابات بليز ساعدوني انشالله مابتشوفو غير الخير ياااارب
بدي مساعدكون بشي دكتورة حبابة فهمانة ووبليز عطوني ارائكم
حبيبتي تحليل الدم اصلا بكون نتيجتو صحيحة مية بالمية وبالعكس تحليل البول المنزلي اللي ممكن يغلط ..
بعدين شمي الهوا واتركيها ع ربك امت ماالله راد اهلا وسهلا انبسطيلك شوي بحالط وبجوزك لحقانة ...
الله يرزقك ياقلبي واهم اهم شي ماتفكري بالقصة انت سلميها لربك والله ماعندو الا كل خير
ولاتخافي من الخربطة اللي صارت معك طبيعية ع اول فترة زواجك يصير عندك تاخير بالدورة وشغلات غريبة عجيبة .. انا دورتي 6 ايام اول 4 شهور مابزكر امت بالضبط اجتني بس 3 ايام الشهر البعدو اجت يومين جننتني وقتها بس بعدين رجعت نظامية فماااتقلقي وطنشييييييييييي
بعتيلي وين ساكنة انت انو شو المنطقة انت بشرق الا شمال الا غرب الرياض وعندك تامين الا لسا لنساعدك اكتر .. وماتخافي نحنا جنبكhwaml12

silla

01-16-2012, 04:39 AM

اي سيلا انا ببعت جوزي ع شغله الصبح
وبضلني قاعده فبفوت صبح عليكن ‏

بس بالنسبه للوحام لسه بكييييييييير ليروح انا ضليت ‏
للشهر الرابع بالوحام
انا بلشت كلكش شوي شوي شفت شغلات حلوة
بالسيتي ماكس وبما انو رخصه
قلت بكسبها ‏
مع انو بكير اي ماحسنت قاوم

اااخ اسكتي لسا مالي نتفة بطن وعم اشتهي اشتري بلايز حمل وبناطلين وغراض حمل يعني
لسا وقت منمرق بمحلات البيبي وحباشاتن اللي عم بتعرف عليا بنسى حااااااالي بتلاقي جوزي عم يشحطني شحط متل الولاد الصغار hwaml03 انو بكييييييييييييير كتير
بس انا مجنونة وبجوز كتير اشتري شي شغلة للبيبي وسواء لبنت او صبي فلازم جوزي مايخليني لحالي لانو بعملها
بقا انت لا بكييييييير ولاشي واساسا ازا عرفتي شو معك فمافي ايييي مانع وازا بدك بجي بشتري معك ههههههههه hwaml14

silla

01-16-2012, 04:51 AM

ماشالله شايفة بنات جديدة هون حابة اتعرف عليكم
بس شو بدي لحق لللحق
اي منتعرف ليييييييييييش لا ونحنا حابين
ولك كيييييييييفك شو اخبارك شو قصتك انتي عرفينا عليكي ياجوري
انا سجلت جديدة تقريبا بالمنتدى الي يمكن شهر هيك شي او اقل
وانا الحمد لله حامل بالثالث صرت وووو شو كمان ..
مابعرف فتت لهون دغري بتعرفي اديش غالين علينا بنات البلد
وخصوصي نحنا المتغربات ااااااه بس ...والله شتقت لتراب سوريا
الله يحفظها ويحميها يارب وينهي هالامور ويخلصنا بقا

عبير اسماعيل

01-16-2012, 08:18 AM

اااخ اسكتي لسا مالي نتفة بطن وعم اشتهي اشتري بلايز حمل وبناطلين وغراض حمل يعني
لسا وقت منمرق بمحلات البيبي وحباشاتن اللي عم بتعرف عليا بنسى حااااااالي بتلاقي جوزي عم يشحطني شحط متل الولاد الصغار hwaml03 انو بكييييييييييييير كتير
بس انا مجنونة وبجوز كتير اشتري شي شغلة للبيبي وسواء لبنت او صبي فلازم جوزي مايخليني لحالي لانو بعملها
بقا انت لا بكييييييير ولاشي واساسا ازا عرفتي شو معك فمافي ايييي مانع وازا بدك بجي بشتري معك ههههههههه hwaml14

هههههههههههه ‏
والله ضحكتيني من قلبي
معناها مو بس انا بفتل معي الحكايا وبجن
هي بلايز الحمل اشترتيها من زمااااااااان ولهلئ ماالي الا كروش صغير
ناطف قلبي لشوف بطوني كبير بس ام زوجي بتقلي
لأني نعومه قال ماح يبين عليي دغري
يالله ان شاء الله بتشتري بلايز حمل وبتملي ‏
وحددي ايمتا مشان نشط سوا ههههههههhwaml12

عبير اسماعيل

01-16-2012, 08:27 AM

كيفكم صبايا شتقتلكم

لك ‏
اهليييييين ‏
كيفك وكيف يزونه الله يحميه
ويخليلك ياه

عبير اسماعيل

01-16-2012, 08:32 AM

صباح الخير هديل
ان شاء الله تكوني تمام عزيزتي الخربطه طبيعيه متل ما قالت سيلا
اول الزواج بيصير شغلات جديده بالجسم
واوعك تبلشي تروحي ع الدكاترة من اولها الا ازا في ضرورة طبعا
لبين ما يستقر وضع جسمك
وبالنسبه للحمل كلنا منكون مستعجلين ومتحمسين
بس كله حتى الله يريد ‏

hadeel al rouh

01-16-2012, 02:12 PM

مسالخير صبايا
ياخ .... طجججج....اجتني الدورة نظامي ...ههههه
بس الم كتير وغزيرة...ففففف
بتعرفوا عبير وسيلا ذكرتوني بمرة اخي كانت جانة بس تشتري بلايز حمل ومابين بطنها مظبوط للشهر السادس مع انها مو ناعمة
وبس كبر بطنها ماشاء ماعادت تلاقي شي ههههههه
لي بس هلأ ولدت من شهرين بنوتة بتجننن بتشبه عمتها ههههه خخخخخ
انشالله يارب عقبال مايصرلكون كروشات انتوا كمان
وتقموا بالسلامة ياااااارب

hadeel al rouh

01-16-2012, 02:14 PM

شكرا حبيباتي عالنصائح
مابتقصروا بنات بلدي الله لايحرمني منكون

سرووءة

01-16-2012, 05:23 PM

silla

01-16-2012, 06:13 PM

هههههههههههه ‏
والله ضحكتيني من قلبي
معناها مو بس انا بفتل معي الحكايا وبجن
هي بلايز الحمل اشترتيها من زمااااااااان ولهلئ ماالي الا كروش صغير
ناطف قلبي لشوف بطوني كبير بس ام زوجي بتقلي
لأني نعومه قال ماح يبين عليي دغري
يالله ان شاء الله بتشتري بلايز حمل وبتملي ‏
وحددي ايمتا مشان نشط سوا ههههههههhwaml12

ياااااالله انتي لهللللللئ مالك غير كروشة صغيرونة !!!!!!
يااااااااااااااالله معناها انا متلك مارح اتفائل كتير بس اكيد عالشهر الثامن والتاسع بدو يكبر غصب عنو ان شالله يارب.. هو يمكن لانو اول حمل انت اول حمل؟
انا بنات حماي متلي بس يبين بطنن عال سابع انو يصيرو يلبسو تياب حمل وبلايز

وازا عالسواق مافي اشطر مني امت ما بدك انا جااااااااهزة روح قلبي ههههه

silla

01-16-2012, 06:26 PM

كيفك بنوتات ^^
سيلا
ولي ذكرتيني بالوحام الله يعينك مابقول غير هيك
انا قصيت او 4 اشهر ونص من الوحام
ونزلت 7 كيلو
بئا عنجد الله يعينك
والله يمرئلك ياهن عخير
وانشالله تكوني انتي ماتحسي بالوحام

هلئ الف الحمد لله اللعية قليل بتجيني وماعندي اقياء هاد اهم شي الف الحمد لله
بس بصعوبة لاشتهي الاكل نووووم زيادة عصبية شديدة احم احم حسحوسة كتير ودغري ببكي hwaml02 معدتي مجننتني بس اكلت مقالي بتضل عم تقلب وتقوم وما تقعد
او شي فيو شوية دسم كمان .. هاد هو بس الحمد لله سهل كتييير بالمقارنة مع امي هههه

انت هلئ شو اخبارك يمكن بلشتي تتعبي من التقل مو ؟وماعم تقدري تتحركي بسهولة
وطمنيني صارلك كروشة معجعجة وحلوة؟ متل مو انا وعبير عم نتمنى ؟
اشتريتي غراض البنوتة كلها ؟؟ قررتي شو رح تسميها ؟
يلا حبيبتي ديري بالك ع حالك

silla

01-16-2012, 06:34 PM

مسالخير صبايا
ياخ .... طجججج....اجتني الدورة نظامي ...ههههه
بس الم كتير وغزيرة...ففففف
بتعرفوا عبير وسيلا ذكرتوني بمرة اخي كانت جانة بس تشتري بلايز حمل ومابين بطنها مظبوط للشهر السادس مع انها مو ناعمة
وبس كبر بطنها ماشاء ماعادت تلاقي شي ههههههه
لي بس هلأ ولدت من شهرين بنوتة بتجننن بتشبه عمتها ههههه خخخخخ

وليييييييييييي يابنات الاحمى ازا الكنة ولدت ولد حلو بقولو شبهنا وازا اجا ماحلو بقولو الها ولاهلها مووووووووو ههههههههههههhwaml02

غربة

01-16-2012, 07:40 PM

مرحبا يا بنات مرحبا سيلااا الله يتمم عليكي بخير وتشوفي ابنك عن قريب بكامل الصحة والعافي
انا جديدة وحابة اتعرف عليكن انا مقيمة بالامارات عمري 24 ارجو ان تتقبلوني

غربة

01-16-2012, 07:40 PM

يسعد مساكن يا بنات بلدي

hadeel al rouh

01-16-2012, 08:43 PM

هلا غربة كيفك انشالله تمام حكينا انتي منين من سوريا
انتي حامل ؟
عبورة خلص رح اعمل متل ماقلتي وانسى موضوع الحمل شي شهرين زمان ههههه
سيلا فعلا بنات الاحمى هيك؟؟؟؟؟؟ مالي خبر هههههههه
انشالله يارب تبقوا بصحة وعافية

عبير اسماعيل

01-16-2012, 10:10 PM

سروءه اهلين كيفك وكيف البنوته ان شاءالله تكونو تمام
‏ ‏

عبير اسماعيل

01-16-2012, 10:15 PM

اي سيلا حبيبتي شوفي هو من جهة ح يطلعنا بطون
ح يطلع مو بيكوفو بس بيكون طلع بلعنا وراه ههههههه
شو بدنا نساوي عنجد النسوان بتضل تنئ ‏

silla

01-17-2012, 12:51 AM

مرحبا يا بنات مرحبا سيلااا الله يتمم عليكي بخير وتشوفي ابنك عن قريب بكامل الصحة والعافي
انا جديدة وحابة اتعرف عليكن انا مقيمة بالامارات عمري 24 ارجو ان تتقبلوني
لك تسلمي لقلبي كلك زوء بربي ...
منووووووووورة بيناتنا ياقلبي حركلي مشاعري اسمك (غربة ) اااااااه من الغربة
نحنا لاحظت الاغلبية لحد الان بسعودية ...
العمر كلو ان شالله ازا قريتي المحادثات يمكن بتكوني عرفتي وجعنا هههههه حوامل ووحدة ملتاشة ومعجوئة باواعي البيبيhwaml5 والتاني بدها تشتري غراض حمل ولسا مالها نتفة بطن احم احم hwaml15
والثالثة عروس هديل خانم وراكدة ع الحمل دغري الله يرزقها يارب hwaml15
والرابعة سبعت هههه صارت بالسابع وياقلبي كانو تقلانة ماكتير عم تفوت مابعرف
وانت .........؟؟hwaml02
عنجد منورة بيناتنا وميييييييييييييت اهلا وسهلا hwaml7

عبير اسماعيل

01-17-2012, 01:03 AM

اهلين غربه اسفه ع التأخير يالترحيب فيكي بس مابعرف
شوصار للجهاز علق وهلئ ظبت ‏

ميت ‏
اهلا ‏
وسهلا ‏

هدوله اهلين وبعينك الله واي سؤال انا جاهزة
بتعرفي خبرة خمس مرات حمل للأسف وفي حمل كانو توم
الله يتمم لي هل مرة وتكمل معي

silla

01-17-2012, 01:09 AM

الله يتتتملك عبورة ع خييييييييير يارب انت وانا ووالكل يارب
بس ليش للاسف يعني........؟ صارلن شي ؟

silla

01-17-2012, 01:11 AM

مييييييييييييين في هوووووووووون ياحلوات

jorri sham

01-17-2012, 05:00 AM

سيلا حبيبتي انا تمام لحمدلله ..
انا قصتي مغتربة متلكم عسعودية برياض وعمري 17 وشهرين يعني اول 18
سورية من الشام
وعندي ولد اسمو يزن عمرو شهرين الا اسبوع ..
وبحب لمنتدى كتير الي زمان في من اول ما حملت بشهر لاول دخلت عليه .. وكتيير حلو المنتدى وقلي متعلق فيه كتير بس هلفترة ما عاد فتت كتير لهاني السيد يزن عن النت كلوو هههههه

وبسس

عبير اهليييييييييين فيكي حبيبتي ........
انا كتير منيحة ويزوونةة متعبي شكلو جايتو عين صرلو يومين ما عم يسكتت ...... وعم يعزبني ليوم نمت عند ماماا مشان تساعدني فيه ......
وعم اعطيه وشربوو كتيييييير ماعم يطيب وينام لبعد 3 او 4 ساعات من البكي ..
يلا الله بيعين عفووا اسفة وجعتلكم راسسكم
وانتوو شو عندكم اخبار

سرووءة حبيبتي ماشالله عليكي ماشية بحملك وصرتي بسابع زكرتيني بحالي
نشالله بتقوومي بسلامة .. وكيف بطوونك كبرران وولا لا ..
على سيرة البطن لي زعلانين على بطنن بكرا بسسابع وما فووق نشالله بتنفشو وانا هيك لانو اول ولد
بكوون البطن صغير اول الحمل انا ما نفشت لل6 .............
وبعدين شووفي التقل والتعب على المظبوووووووووط
ولليييييييييي تعبت من الحكي وخلص الحبر صاار دووركم حكيتلكم اخباري

Om KHaled

01-17-2012, 06:59 AM

أخواتي الحبيبات

المسابقة على الرابط بدأت
وتنتهي يوم الأربعاء القادم

http://forum.hwaml.com/t91015.html#post1843267

عبير اسماعيل

01-17-2012, 07:56 AM

hadeel al rouh

01-17-2012, 09:21 AM

انا هووووووووووونhwaml7hwaml7.....صباحو ياحلوات كيفكون شايفتكون كلكون ملتاشين الا انا رايقة وفايقةhwaml12ههههههههه غربة وجوري ميت اهلين فيكون معنا انا قبلكون مو بكتير غربة وين غطيتي حكينا عن حالك وبأي شهر انتي
سيلا كيفك اليوم.... هههههه خبر الصبايا شو طابخة اليوم حتى نعمل على بيتك هجوووووم ....
عبورة كيفك كيف البوبو شو انتي باي شهر شو معك بنوتةhwaml29 ولا صبي
انا اليوم طابخةhwaml71 مجدرة اتفضلوا جميع!!!! حوامل الله يعين بخاف عليكون تشتهوا
بس شفتولي سروووءة وينها ولا شكلها ماعبتفضانا معجوءةhwaml42 ببنتها وعرس اخوهاhwaml13
انشاللله بتبقوا بخير والف عافية ياربhwaml7

hadeel al rouh

01-17-2012, 09:47 AM

كيفك بنوتات ^^
سيلا
ولي ذكرتيني بالوحام الله يعينك مابقول غير هيك
انا قصيت او 4 اشهر ونص من الوحام
ونزلت 7 كيلو
بئا عنجد الله يعينك
والله يمرئلك ياهن عخير
وانشالله تكوني انتي ماتحسي بالوحام

هديل اهلا وسهلا فيكي
اهلا ببنت بلادنا
مبروك الزواج ياعروس
وشوبدك بالحمل هلا وبهم الحمل
عيشي حياتك وبكير عليكي
ولاحقة عالحمل وهم الحمل والوحام
هلا انتي عروس فكري بحياتك
وعيشي ايامك ياعروس ^^ وانسي الفكرة

كيفكم كلكم عبير ورنوومة وام عائشة يلي بيني وينك انتي ماعم تبيني
ياهلا ياغالية والله يبارك فيكي يارب عقبال مانفرح بقومتك بالسلامة
كيفك انت حكينا شو جهزتي للعرس شو رح تعملي رح تشتري من هون ولا من الشام؟؟؟ يارب بالهنا
بتعرفي مابعرف ليش هالشهر حبيت احمل يمكن لاني عبمل وبدي شي اتسلى فيه هههههه بالنق والوحام مو تسلاية مو خخخخخخخ
ستي الف الحمد الله على كل حال خلينا نشوفك ولاتطولي علينا
تبقي بصحة وعافية يارب

hadeel al rouh

01-17-2012, 10:43 AM

لك شو وينكوووووون
اشتقتلكون بنااااااات
ليكوا بدي منكون تحط كل وحدة وزنها وطولها لنشوف مين محتاجة رجيم
انا وزني 65 وطولي 167... كنت قبل العرس59خخخخخخ ب3 شهور صحيت 6 كيلو وموعارفة كيف نزل وزني يمكن مالازمني رجيم بس لازم رياضة
وخصوصي للورك بتعرفوا فورا بينفش هههههه
اي يلا بدي شغل صبايا تعوا نحمس بعض....ناطرتكون

عبير اسماعيل

01-17-2012, 11:32 AM

شكلك طفشانه عنجد هديل
ريتو صحه وهنا عالمجدرة
مبارح ساويت اكلتي المفضله فول مقلى
واليو رح ساوي شيخ المحشي ورز ‏
‏ ‏

hadeel al rouh

01-17-2012, 12:00 PM

هلا ومية غلا عبورة...دخلك عبورة قليلي كيف بتعملي فول مقلى بسمع فيه بيعملو اهل الشام شكلو طيب وزوجي بحبو بس انا مابعرف ساويه
شيخ المحشي رااااااااائع وانا ناوية ساويه انشالله الاسبوع الجاي
انا بعملو باللبن بيطلع لذييييييييذ

hadeel al rouh

01-17-2012, 08:54 PM

مسالخير ياحلوات

عبير اسماعيل

01-17-2012, 09:37 PM

بتقطعي الفول بقشره بعد غسيله وبتحطيه بطنجرة فيا زيت
ورشي شويه ملح ولما تحسي انو قربت تستوي حطي فوقها الكزبرة الخضرا المفرومه والسلق ازا بتحبي
البهارات الحمرا والسوداوشوفي ملحه وزيته ازا ظابت لان الفول بيشرب الزيت وبغب
هي ع السريع وصحه وهنااااااااا

رنووومة

01-18-2012, 12:14 AM

انا الحمد لله منيحة بس ما عم اقدر افوت كثير اصل طفي الكهربا زاد واتغيرت الاوقات الله يكون بعونا يا رب وانا غارقة بطلع ملابي البيبي يلي عندي وبتعرفوا غسيل وكوي بدي شوف شو بدي جيب نزلت من يومين للسوق بس ما لقيت الوان محايدة عنجد ما عرفت شو اشتري بدي رد اشوف غير اماكن لأن الالوان اما كحلي او زهر وتفاحي
والله بيعن

عبير اسماعيل

01-18-2012, 12:50 AM

لك مييييييييت اهلين رنومه صدقيني بالي عندك
الله يعطيكي العافيه ويجبلك البيبي بخير وسلامه
كيف صرتي ان شاء الله احسن
ووصلتك رسالتي ولا لا

رنووومة

01-18-2012, 03:21 AM

هلا عبورتي الحمد لله هلأ احسن بس والله روحنا عم طق كل يوم تقنين الكهرباء 6 ساعات مل قلبي وخصوصي هلأ عطلة الانتصافية عنا و كنت حابة اعرف جنس البيبي وما عرفته باقي اعمل تحليل طالبه دكتور السكري يمكن اعمله السبت انشاء الله والرسالة وصلتني وانا ضفتك عندي

انتي اخبارك ايه واخبار اهلك انشاء الله تمام

silla

01-18-2012, 05:22 AM

سيلا حبيبتي انا تمام لحمدلله ..
انا قصتي مغتربة متلكم عسعودية برياض وعمري 17 وشهرين يعني اول 18
سورية من الشام
وعندي ولد اسمو يزن عمرو شهرين الا اسبوع ..
وبحب لمنتدى كتير الي زمان في من اول ما حملت بشهر لاول دخلت عليه .. وكتيير حلو المنتدى وقلي متعلق فيه كتير بس هلفترة ما عاد فتت كتير لهاني السيد يزن عن النت كلوو هههههه

وبسس
على سيرة البطن لي زعلانين على بطنن بكرا بسسابع وما فووق نشالله بتنفشو وانا هيك لانو اول ولد
بكوون البطن صغير اول الحمل انا ما نفشت لل6 .............
وبعدين شووفي التقل والتعب على المظبوووووووووط
ولليييييييييي تعبت من الحكي وخلص الحبر صاار دووركم حكيتلكم اخباري

يااااااااااا شو صغيرة ان شالله العمر كلو يارب هلئ انا عمري 20 كمان لسا الي شهرين فتت بال 20
بس بتعرفي فكرتك كبيرة كتير مدري ليش ههههhwaml02
والله يخليلك يزونة يارب مبينتو شقي هالولد ولزيز مدري لي حبيتو بدون ماشوفو الله يخليلك ياه يارب بس ع يلهيكي وهاد اول ولد بكون غرقان بالدلال ههههه ومالك شغلة غيرو وخصوصي نحنا المغتربات مالنا تسلاية غيرن
وين ولدتي صحي؟ بالشام ؟ الا هون ؟

وعالبطن مو انو اول حمل بدنا نتطمن ع ولادنا ونفرح اننو عم يكبرو الله يتتملنا ع خير يارب
ويشكر الاستاز يزونة لانو سمحلنا فيكي ههههههههه وقدرتي تفوتي هالشوي
بوسيلي ياه

silla

01-18-2012, 05:34 AM

صباااااااح الخير
اي والله سيلا بالخمس مرات حمل كان يوقف النبض
واتعب كتييييييير لينزل خليها لربك الله لا يدوقها لحدا
يعني هاد سادس حمل بس الحمد لله الله يتممه ‏

خلال سنتين ونص زواج وللاسف ماكان يبين السبب
حتى صرت ارقي نفسي وبطني بالقرآن والحمد لله ‏
كرررررريت كتيير مو؟..

الله يتتملنا ع خير يارب
(شو رايك مين كر اكتر ؟)
الله الله يطمن قلبك وبالك عليه دايما يارب ويفرحك فيه يارب وانت دايما استودعيه عند واقري المعوزات وهالايات ياقلبي انت الحمد لله على كل حال والله يجعلهن طيور الك بالجنة ويجعلن سبب لدخولك الجنة وان شالله الله كافى صبرك بهالحمل الله يتمملك ع خير يارب ويتمملي ع خير
انا صار معي اجهاض واحد قبل هالحمل وكتييييير قلقانة ع حملي هاد ودايما بدي اتطمن عليه كيف انت والله معك حق تتوسوسي ع حركتو ومابلومك الله يطمن قلبك وبالك عليه

silla

01-18-2012, 05:42 AM

هدولة بالنسبة للطول والزون الحمد لله وع الحمل بالزات مافي اي مشكلة الوحام بكرهك بالاكل
معناها الحل تحملي هههههههههه
امممم انا طولي 165 ووزني 50
كان وزني 55 كان بجنن هلئ صايرة عضام انا مابحب هيك بحب الوحدة جسمها معبى شوي
مرة وصلت لل 58 طلع كتير حلو بس مو بسهولة وصل لهون بالعزايم والاكل الدسم والكتير لحتى هيك صار
ارجعي لل 59 اطلعي انتي وجوزك وبهالمولات
وبكرة الله يبعدها عنكم يارب ويجعل حياتك كلها سعادة بس الا مايصير نقار
بتنحفي كمان ههههههه
انا هيك وقت بنقهر وبتعرفي الحساسات دخيلن انا هيك بصير معي
وحتى ازا اجاكي وجع راس من النااااااااس او اي شي بتنحفي
وبكرة وقت تنزلي ع سوريا وحدا يشوفك نحفانة بصيرو بيحكو ياااااا ليش نحفانة لاتكون مو مبسوطة مع جوزها والخ الخ ...
وازا عجعجتي ياويلاه يمكن من كتر القهر عم تاكل
مابتخلصي ..

silla

01-18-2012, 05:43 AM

الله يعينكم رنومة ويفرجها ياااااااااااااارب والله الشعب تعب الله يكون بعونن ويصبرن ويفرجها بقا ويخلصنا .......

silla

01-18-2012, 05:45 AM

هديل ع سيرة شيخ المحشي باللبن شهيتيني عليه
جوزي بحب الكوسا شيخ المحشي وبمية البندورة ..
طبعا انا مابحبو .. بحب البيتنجان بمية البندورة
والكوسا بمية اللبن بس انا متل الحبابة بعمل متل مابحب ابن عمي هههههه
والمجدرة لزييييييزة مع المخلل والسلطة واللبن بالخيار يمييييييييي
بس جد نكهتها بسوريا غير شكل

عبير اسماعيل

01-18-2012, 08:00 AM

صحه وهنا سيلا
اوعك تشتهيلك شي شغله ومافي مين يساويلك ياها

هديل صباااااااحو وشو شفتي وصفه الفول المقلى؟ هههه

سروءة وينك رح بنشغل بالنا عليكي؟

رنومه والله فرحتنا ناقصه بسبب هل الظروف الله يفرجها
والله بالي بضل هونيك عنكون
والله يفرجها قطع الكهربا بيعمي قلب الواحد
تبقي امانه طمنيني عنك مشان يوم السبت شوبصير

hadeel al rouh

01-18-2012, 09:52 AM

صباح الخيييير ياحلوات يااحلى مدامااااات....ز
عبووورة تسلميلي كتبت الوصفة وكتير سهلة انشالله رح اعملها
سيلا بتعرفي انا مشكلتي البركة هي الي صححتني بيت اهلي كان كبير وبتعرفي دوبا الوحدة تلحق ورا اخواتها الشباب ... اااااه الله يحميهون بهالظروف بس هون مافي شي مافي حركة وزوجي الله وكيلك مابصدق ايمت نطلع من المول مابحب العجقات خالص هههه
بس انتي وزنك وطولك حلوين ماشاء عارضة ازياء يلا انشالله بكرا بتصحي بعد الرابع مرة اخي قلبت عنصها باول 3 شهور وبعدين ماعاد تلاقي شي على قياسها ههههه
تسلميلي كلك خفة دم الله يحميكي يارب ونفرح بقومتك بالسلامة عيوني
عبورة دعواتي الك الله يعينك ويثبت حملك وتقومي انتي كمان بالف سلامة وعافية
رنومة كيفك قلبي معك ومع اهلنا كلون بسوريا والله ياحبيبتي انتوا بعتمة ونحنا كمان بعتمة ماعمننبسط بشي الله وكيلك دايما في غصة بتخلي الواحد يشرق وهوي عبياكول
الله يفرجها ... قربت ...هههههه
انا هالمرة كريت اكتر شي ههههههههه خخخخخخخ

نادو

01-18-2012, 06:57 PM

كيفكن حبيباتي ساعدوني انا جيت عروس على السعودية والي خمس شهور ومن الملل حابة احمل بسرعة بيئولو بكير بس انا متمنية الحمل في طريقة مع العلم شوي معلوماتي قليلة ايمت بالضبط وقت التلقيح بالضبط اعذروني بس حابة اعرف اكتر جذاكم الله كل خير نادو

عبير اسماعيل

01-18-2012, 07:21 PM

اولا يسعدني كون اول حدا برحب فيكي اهلا وسهلا
بالنسبه لايام الاباضه هاد بيقرر حسب مدة الشهريه عندك
وغالبا بتكون من الاثنا عشر للثماني عشر من اول يوم لشهريتك
وان شاء الله ربي يرزقك الذريه الصالحه

jorri sham

01-18-2012, 08:48 PM

يااااااااااا شو صغيرة ان شالله العمر كلو
يسلم عمررك حبيبتي
يارب هلئ انا عمري 20 كمان لسا الي شهرين فتت بال 20
ولعمر الك كلوو كمان
بس بتعرفي فكرتك كبيرة كتير مدري ليش ههههhwaml02
نهههههه يمكن لانو كلامي اكبر مني هههه او لاني متجوزة صغيرة فكرتيني كبيرة وهيك

والله يخليلك يزونة يارب مبينتو شقي هالولد ولزيز مدري لي حبيتو بدون ماشوفو الله
تحبك العافيه يارب هو والله مالوو سئلة بس احيانا بعزبني بتعرفي لولاد لازم يكون الن خورات بكي وعزااب
يخليلك ياه يارب بس ع يلهيكي وهاد اول ولد بكون غرقان بالدلال ههههه ومالك شغلة غيرو وخصوصي نحنا المغتربات مالنا تسلاية غيرن
اي والله صح
انا اهلي معي وبيت حمايي معي بلبد بس كمان مغتربة عن بلدي سورية
وين ولدتي صحي؟ بالشام ؟ الا هون ؟
ولدت برياض بمشفى دار الشفاء ازا بتعرفيا

وعالبطن مو انو اول حمل بدنا نتطمن ع ولادنا ونفرح اننو عم يكبرو الله يتتملنا ع خير يارب اي اكيد صح كلامك
ويشكر الاستاز يزونة لانو سمحلنا فيكي ههههههههه وقدرتي تفوتي هالشوي
بوسيلي ياه
تسلمي حبيبتي
نشالله بدي فوت صير كل يوم اد اما بقدر

انتي حامل ولا لا ؟؟ وبايشهر

jorri sham

01-18-2012, 08:56 PM

اهلا حبيبتي نادوو
شرفتينا .
انتي مغتربة ودايق خلقك بدك تحملي ؟؟
ستنيلك شووي خليكي عرووس وفرحي بحالك
بكرا بيجيكي ولد وبتلتهي فيه
عشي حياتك انتي وعرووس مع زوجك وبكرا نشالله بتححبلي ولاحقة
صحي الولاد بيسلوو بس الن تعب والله ومسؤوولية كبيرة ..
وبنفس الوقت حلووين كتيييييير خاصة اول ولد

اهلا فيكي معنا هون .. احكيلنا قصتك انتي ..

ام فؤاد

01-18-2012, 09:02 PM

مسا الخير يا صبايا :
انا ام فؤاد من سوريا مقيمة بالقاهرة .. حبيت اشترك معكن بالمنتدى كوني حامل بالشهر الاول ومن بلد وحدة ... اتمنى ان تقبلوني صديقة لكن و شكرا hwaml12

hadeel al rouh

01-18-2012, 11:50 PM

اهلا وسهلا ام فؤاد ونادو ومية وردة والله
نادو انا حالتي بتشبه حالتك بس متل ماخبرتك سيلا لاحقيييييين هههههههه
مساالورد لبنات البلد الغالي

عبير اسماعيل

01-19-2012, 12:58 AM

اهلا وسهلا بكل ياللي انضموا النا جديد
سيلا كيفك
سروءه وينك ان شاء الله خير
هديل كيفك اليوم
رنومه لا تنسي تخبرينا شو بصير معك السبت

silla

01-19-2012, 01:15 AM

يوه يوه يوه ..
لك في سوريات جدد عالساحة لك مييييييييييييييييييية اهلا وسهلا
عنجد منفرح فيكم
نادو انت حكيتك قبل هالمرة بس كتبتيلك كم كلمة وغطيييييييييتي
معليش طولي بالك ياقلبي ونفس الحكي بدي قولو مرة تانية اوعك تحطي فكرة الحمل ببالك اتركيها ع ربك ... ومتل ماقالولك والحكي الك كمان هديل خانم ههههههه لاحقين

ام فؤاد اهلا وسهلا فيكي نورتينا

silla

01-19-2012, 01:21 AM

صحه وهنا سيلا
اوعك تشتهيلك شي شغله ومافي مين يساويلك ياها

يااااااي عبورة هالقصة خزعبلات مو حبابين قولولي ؟؟
انا كل ما بشتهي ع شغلة بحك هههههه لا تقولولي بيطلعلو وحمة للبيبي
ازا هيك ياقلبي شو رح يصير فيه هههههههههه

silla

01-19-2012, 01:26 AM

تسلمي حبيبتي
نشالله بدي فوت صير كل يوم اد اما بقدر

انتي حامل ولا لا ؟؟ وبايشهر

اي الحمد لله حامل وصرت بالثالثhwaml7
يارب الله يتمملنا ع خير ادعيلنا الله يتتمها معنا بالخير
واي ها معناها عقلان يزونة لحتى عم يخليكي تفوتي الله يرضى عليه
الله يخليلك ياه يارب

نادو

01-19-2012, 02:11 AM

ربي بيسعدكن احلى سوريات والله خلص ما رح حط الحمل ببالي بس ادعولي ولا حدا يزعل مني بس غط ترا الغربة مخليتنني اكتئب وعم ببكي اكتر ما اكل ونام و............. ههههههههههههههههه

Om KHaled

01-19-2012, 04:30 AM

هنا((التصووويت )) للمرشحات للفوز في مسابقة اللون الرماادي الشروط بالداخل بالتوفيق# (http://forum.hwaml.com/t92268.html)

hadeel al rouh

01-19-2012, 08:24 AM

صباااااااااحو وصباح الورد الجوري واحلى صباح ياسمين الشام
لك ااااااااااااه بس اااااااااه الغربة صعبة يابنات والله صعبة .....
مدري حابة فضفضلكون اليوم ... وحاسة حالي متدايقة حتى زوجي مابدي حسس لانو الي فيه مكفيه بس مالنا غير ربنا رحمتو كبيرة .. لا اله الا الله
سلولة حبيبتي يارب تكرج الاشهر بسرعة لاتستعجلي ترا بتمر وانشالله مابتحسي...ليكي الاسبوع كيف عميمضى والله بين الجمعة والجمعة رمشة عين
بس هوي ربنا دخيلو يعافيلك ياه ويثبتو وتقومي بصحة وسلامة ولاعاد تشتهي كتيرhwaml02 ليكي ماما كنها مشتهية على سودا وهي حامل فيني hwaml03قامت طلعتلي وبخدي تحت ادني بس ربك سترها هههههههههه لونها فااااااتح كتير مابتبين غير بالشمس عشوي كنا تبهدلنا هههههههههhwaml7
يلا انتي قولي مابتحبي السودا والكبادي
نادو لاتبكي حبيبتي احسن ماابكي معك ها hwaml4انا واقفة علكشة ههههههه
والله ياعزيزتي كلنا بالهوا سوا شو بدنا نساوي مالنا غير الصبر والدعاء الله يصبرناhwaml5
عبورة ياغالية مية وردة والله hwaml7ومية صباح الفل ناطرة الصور اول مايصحلك بعتيهونhwaml13 وتبقي بصحة وعافية يارب...... دوركون هههههههhwaml11

نادو

01-19-2012, 02:55 PM

صباحكن فل وياسمين وكل انواع الورود ههههههههههه ااااااااااااااااه ياهديل سكتي بئول مابدي ابكي بس مو بايدي يمكن هالرجال يطفش مابعرف ههههههههههههههههههههههههههههههههههه احلى صابايا سيلا الامورة وعبورة ومية جوري وكلكن ياحلوين يسعد اوقاتكن هديل بس بدي كلينكس رح خبرك بعد البكا ههههههههههههه تشاو

hadeel al rouh

01-19-2012, 02:58 PM

ليكي نادو لاتطفشي زوجكhwaml15 تعي لعندي منبكي سواااا ههههههههههههههههhwaml9
من ناحية الكلينكسhwaml03 لاتاكلي هم المونة كبيرة خخخخخخخخخخhwaml11
تسلميليhwaml7

نادو

01-19-2012, 07:43 PM

يا ريتك قريبة بس يمكن انت بالرياض عنجد كنا بكينا سوا ههههههههههههههههههههههههههه منفش خلئنا دخيل قلبك شكرا على الكلينكس هههههههه يتصدقي ما الي خلئ اعمل شي اخ سننننننننننننننننننننننعود سلام

silla

01-19-2012, 10:04 PM

ربي بيسعدكن احلى سوريات والله خلص ما رح حط الحمل ببالي بس ادعولي ولا حدا يزعل مني بس غط ترا الغربة مخليتنني اكتئب وعم ببكي اكتر ما اكل ونام و............. ههههههههههههههههه

يلااااااااا ولو نادو مو مشكلة حياتي ..... والله عم تزكريني بحالي
معليش ايام وبتعدي كل شي بالو صعب اتسلحي بالصبر واقري قران لما يضيق صدرك وتحسي بهالاحساس البشع قلبي معك وحاسة فيك ياقلبي ...
ربي يفرج همك ويعينك ويصبرك هاي حياتنا لازم نحبها ونتاقلم منشان نعرف نعيش .. hwaml13hwaml5

رنووومة

01-20-2012, 01:15 AM

مسا الخيرررر كروشات كيفكم

اليوم نزلت عملت تحليل الخضاب الغليكوزي بس ما جبت النتيجة السبت بجيبها ووديها للدكتور وكمان واشتريت كم غرض من السوق للبيبي جبته محير لا بناتي ولا صبياني بس مو طبيعي الاسعار نااااااار كله غليان على الاوضاع وما كثير عم اقدر افوت للنت اصل انقطاع الكهربا بيعمي على القلب بينقطع من 10 لل 1 ظهر ومن 7 لل 10 المسا عنجد حالة بتمملللللل

الله يكون بعونا يا رب ويسترها ويحمي سوريا

silla

01-20-2012, 01:50 AM

ياااااااااااااقلبي يارنومة والله قلوبنا معكم
ياااااااااااااارب تفرجها ع سوريا عاجلا غير اجل
وعقبال وقت تشتري يا لابنك يا لبنوتك وتخلصي من قصة المحير
والله يعافيكي ويطمنا عليكي يارب وان شالله تخلصي من فقر الدم بقا

silla

01-20-2012, 01:51 AM

بناااااااااااااااااااااااااااااااااات
بدي مسجات حلوة وجديدة
النت كلو مالاقيت مسج متل الخلق
احلى المسجات اللي بتوصلني من رفقاتي بسوريا
كل وحدة تكتبلي احلى مسجين تلاتة عندها لو سمحتووووووو

رنووومة

01-20-2012, 02:19 AM

الله يسلمك حبيبتي سيلا وعقبال ما تحقيقين كل ما تريدنه يا رب والله يسمع منك ويطمن قوبنا ويحميلنا هالبلد

نادو

01-20-2012, 04:29 AM

دخيل قلبك سيلا كلامك بريح بس والله احيانا بحس حالي رح جن خليها لربكن الحمدلله على كل حال يسعد اوقاتكن ادعووووووووووووووووووو لسوريا بالخير الله يفرج

hadeel al rouh

01-20-2012, 09:03 AM

نادو من ناحية الدعاء والله عمندعي صبح ومسا hwaml5
وانشالله كم يوم رايحة خصوصي عمرة عشان ادعي لسورياhwaml13
رنومة مبروكين التيابhwaml7 وانشالله ربنا بعافيكي وتقومي بالف سلامة
ومن ناحية العتمة وديقة الخلق بعين الله الا ماتفرج ولو انو طولت شويhwaml15
حبيبتي سيلا ماعندي مسجات حلوة هلأ جهازي جديد ولسا فاضي عبصفر هههههhwaml02
صباح الخير سوريا.....hwaml13

نادو

01-20-2012, 06:01 PM

صباحكن و مساكن عسل وقشطة هدوله انشالله عمره مقبولة سلف والله يكتبها للجميع يارب احلى سوريات سنننننننننننننننننننننننننننننننننعود ههههههههههههههههه

ام فؤاد

01-20-2012, 10:50 PM

يا اهلا وسهلا بأحلى حوامل سوريات ... شكرا لاستقبالكم اللي هديل العروسة و عبورة و سيلا نوارة المنتدى و نادو العروسة و رنووومة وانشالله تحققوا اللي ببالكم و تقوموا بالسلامة يا رب hwaml88hwaml88hwaml88

ام فؤاد

01-20-2012, 11:05 PM

مرحبا سيلا : جبتلك كم مسج يا رب يعجبوكي

1- لو تبعد مسافاتك و تقل شوفاتك و تغيب كلماتك مكانك بالقلب و حياتك

2- غلاك كتير و بحبك كتير و بوسة مني تطير وع خدك تصير مع كلمة اشتقتلك كتير

3- يا رساله لفي و دوري جوال الحبايب زوري مسي عليهم باسمي و باسم الورد الجوري

4- احلى قمر شاغلني و بعده يا ناس مجنني و شوقي ليه معذبني يا رب منو لا تحرمني

5- لا تقولي قلبي قاسي وسؤالي عنك ناسي بس المشكلة انك قمر و عالقمر مافي تكاسي

6- شوفتك تداوي هجرك يعمل بلاوي ياحسرة عاللي مشتقلك بحاله شو يساوي

7- رح ابعتلك نسمة شقية تعاكسك كل شوية تنعش قلبك تسرق همك و تسعدك يومية

8- بعتلك سلامي و غلفتوبغرامي و اذا البوسة ما و صلت اكيد موظف الاتصالات حرامي

9- الورد غار منك و القمر قطعة منك - اذا بتنساني رح اضربك بوكس هرلك سنك

10- وحق من جعل المازوت مفقود و سعر الجرة ماله حدود بحبك لو من البرد رح اموت

يتبع ....

hadeel al rouh

01-20-2012, 11:25 PM

مسكون ورد وحب وعافية عزيزاتي كيفك كان نهار العطلة معكون
عبورة وينك اي نورينا ولووووووووووو
شفتولي سرؤة ياجماعة.....ههههههههههههه

hadeel al rouh

01-20-2012, 11:27 PM

يعطيكي العافية ام فؤاد عالمسجات كتير حلوين
سرقت كم وحدة....خخخخخخخخخخ ههههههههههههه

سرووءة

01-21-2012, 02:24 AM

صباح الخير بنوتات
^^
ماشالله مجتمعين بدوني
وانا مفكرة هاتلجمع مافي حدا متل ماكان فاضي
ماشالله شغالين باللعي هههه
اول شي بدي رحب بنادو اهلا وسهلا فيكي وبغربة منورة والله وام فؤاد
اهلين فيكم كلكم والله انكم منورين
ويلي عم يشكو من الغربة والبكا والله يابنات هي حال الكل شوبدنا نساوي
حاولو تلهو حالكن بشغل البيت او الطبخ تعرفو على جيران او حدا وبتتسلو وبكرا ببتتعودو
عبورة كيفك
سامحوني انا اشنغلت شوي كنت عم عزل غرفتي وفضي مكان لتخت البنوتة
وجايبة شغالة عم تساعدني بتعزيل المطبخ
وعملت تنضيف للبيت كااااملة غسيل وكل شي
وهلا خييي مرتاحة نفسيتي عالاخر
بس هلكانة وتعبانة
من ضهري
هديل شلونك حبيبتي شو اخبارك منيح انك قمتي فكرة الحمل من راسك ههههه ^^
سيلا انت وعبورة لاحقين عالكروشة
انا ماعم اقدر البس شي
عم اتقيد بتياب الحمل بس ونفسي البس من تيابي القدمى البيجامات البرمودا وقمصان النوم اقصيرة
بس بهالكرشة مافي مجال هههه
يلي سالني شوناوية سمي انا كنت حابة اسم لارا كتيييير
بس زوجي حابب اسم يارا أو جــود
انا قلتلو يارا ماجبيت اكسر بخاطرو قلي انا حابب سمي بنتي قلت خلص يسمي يلي هو حابب ماراح زعلو
وانتو عبير وسيلا شوحابين تجيبو بنونة ولا صبي
وعلى اساس اعتمدنا يارا
انتو شو رايكن فيه
وانشالله هاليومين رايحة عالسوق جهز بكون نزل الصيفي
رنوومة شلونك
يابنات ام ةعائشة مالها حس يارب تكون بخير
بنات اد مافيكن ادعو لسوريا والله قلوبنا عم تتوجع عليها
وبدنا يرتاح بالنا والله طول الوقت بالي عند اهلي وكل شوي بتصل بتطمن
الله يعين بس .. ويهلك الاعداء وينصر هالشباب ..:(

silla

01-21-2012, 02:39 AM

ياااااااااااااااااااارب يااااااااااااااااااااارب فرجك ياااااارب
يارب تفرجها ع سوريا عاجلا غير اجل
يابنات بسجودنا لازم ندعي بعرف مابدكم توصاية
بس معليش ممكن الحياة مرات تلهينا وحلو نزكر بعضنا
اللهم عجل فرجك يارب...... ياقلبي شو عم بصير
شو اتيتمو اطفال واترملو نسوان الله ينتقم من الظالم الله ينتقم منو
حسبنا الله ونعم الوكيييييييييييييل

silla

01-21-2012, 02:44 AM

والله يا سروءة قلنا انو تقلانة ياقلبي
لهيك ماعدنا نشوفك ..
يالله كييييييييييف عم تشتغلي وانت بهالبطن هلئ وهالتقل
والله كنتي مالازم تلئي شي اتركي كل شي عالشغالة
خطي انتي والله بتكوني اتشقفتي كلو كوووووم وتعزيل المطبخ كوم تاني
ولييييييييييييييي
الله يكون بعونك
بالنسبة للاسم كتيييييير ظريف وانا بحبو بالنسبة الي يارا ولارا كتير قراب لبعض
موفقة ياقلبي وديري بالك ع حالك ..

silla

01-21-2012, 02:48 AM

silla

01-21-2012, 02:50 AM

طمنينا عنك ام فؤاد ان شالله ماعندك وحااااااااااااااااام
انا بالثالث ولسا عندي اثار بقا في خبرة بالموضوع هههه
ديري بالك ع حالك ... الله يتمملك ع خير يارب

silla

01-21-2012, 02:54 AM

شو هدووووووووووولة خانم لطشتيلك كم مسج
حطي محل اللي لطشتين
جوزك ماعندو مسجات مو متزكرتيلك شي مسج حلو ؟؟؟؟
يلا يلا بلا بخل حطي كم مسج ياحبابة ههههه
منشان العطلة اليوم رحنا عالحديقة شوينا جااااااج فقط لانو مالي خلئ اللحمة
صايرة تقيلة ع معدتي وكتير معدتي بتوجعني من الدسم اتخيلو والله بس لو مقالي بضل ملعبجة طوال اليوم لحتى ينهضم وهلئ الهضم بطول كتييييير اووف الله يكملها بالخير وبس .. الحمد لله على كللللل شي
اي وهيك منحكيلكم
عبوووووووووووووورة ياقلبي لك ويييييييييينك شكلها بالعطلة اخررررررر رواق الله يبسطك يارب ويسعدك حبيبتي ..

silla

01-21-2012, 02:57 AM

ندووووووووشة وانتي شو صاير فيكي
هلئ بتكوني غيرتي جو بالعطلة اكييييد
طمنينا عنك ونحنا دايما جنبك
شوفي هدولة ههههههه ماشالله عليها بتشيل الهم من عالقلب
ليكي شو بتكتب هههههههه وخخخخخخخخخ خليها تعديكي
موفقة ياقلبي..

hadeel al rouh

01-21-2012, 01:30 PM

انا هووووون ... كيفكون جميع hwaml7
هلا سررروؤة الك وحشة والله ... لاتخافي مالنا غنا عنك ولووووو hwaml13هههههه.... يعطيكي العافية بتعرفي ماقصرتي بهالتعزيل هلأ اذا كنتي لسا ناوية تنزلي عسوريا هيك انشالله بتولدي وبترجعي عالسعودية بالك مرتاح من ناحية التعزيل حتى لو ولدتي هون هيك هيك ولادتك قربت ولازم بقا تشطبي وتجهزي كل امورك انشالله ..
بالنسبة للاسم التنين حلوين وانا بحب يارا كتير وجود كمان مرتب..
هلأ بالنسبة لفكرة الحمل تسلميلي تاركتها عالله ايمت ماراد الحمد الله
انا من ناحيتي ماعندي جيران الله وكيلكون ماحدا التكش فيني وعبرني ولا قالوا مين هالجارة الجديدة الله لايرويكون مافي غير راسي براس زوجي ههههه الله يعينو علي ويصبرو.. وقولتك سرروؤة مافي غير شغل البيت والطبخ والنفخ بلهينا..
سلولةhwaml02 ولي عليكي شو قوية تاريكي مو سهلة ابدا مافي شي ببلاش مووو
تسلميلي انتي الي بتشيلي الهم عن القلب..... ههههههه بيت فستق خخخخخ
خلص حبيبتي تكرمي احلى مسجات لعيونك...
بعدين لاتدللي كتيرhwaml15 سيلا حبيبتي ترا قلة الحركة وخصوصي بالاشهر الاخيرة بتعمل صعوبة بالولادة بالعكس كلما اتحركتي اكتر بس طبعا بانتباه كل ماكان افضل ماعبخوفك بس بحكيلك زوجة اخي كنا مبسوطين وطاير عقلنا لما حملت تمينا مانخليها تشتغل بالبيت لبين ماخلص الشهر التاسع الله وكيلك طاحت التاسع باسبوع ومابقا تولدhwaml5 زيت خروع قرفة الخ كلو مانفع .. الدكتورة قالت السبب الرئيسي هوي الراحة الزايدة بس الحمد الله الله فرجها وولدت طبيعي بصعوبة باليوم التسع من شهرها العاشر تمت تطلق 12 ساعةhwaml8hwaml10 .. بقا شو رايك ياقلبي hwaml11
انشاالله بتقوموا بالسلامة انتي وسرووءة وعبورة والكل يااااربhwaml7

سرووءة

01-21-2012, 04:50 PM

سيلا التقل يعني بسيط لسا مابلش كتير
وقلت خليني اخلص تعزيل هلا قبل ماتكبير الكرشة ويزيد التقل
بس الحمدلله خلصت بتصدقي راحة نفسية موطبيعية بعد ماخلصت خصوصي غرفتي
هلا بس جيب اواعي البنوتة راح بلش اضب الخزانات والدروجة بغرفتي مشان فضيلها مكان للفصعونة

^^

هديل ههه طيب هالجارات انتي التكشي فين
انا وقت اجيت مابعرف حدا هنن التكشو فيني
عندي بالبناية فوقي وحدة من نفس منطقتي وطلعت بتعرف اهلي
وجنبي وحدة حموية واختها تحت كمان هي واختها سلايف وساكنين هون بالسعودية وبعمارتي
وتحتي كمان دكتورة اسنان سورية من ركن الدين
مافي غير ومحدة يمنية فوقنا كمان
بس هي منسميها شلة السوريين ههههههه

سرووءة

01-21-2012, 04:57 PM

وين باقي البنات بس اجيت انا هربو هههههه
يلا يابنات كل وحدة تقول شو طبخت اليوم
انا عملت دجاج بالصينية مع البطاطا والبصل والبندورة وساويتا حامضة يمي يمي
وانتو ..^^

عبير اسماعيل

01-21-2012, 07:36 PM

همممممممممم ولي على بعضي انا عم قول منين
هالريحه الطيبييييييبه هههههه
يبعتلك الهنا سروءة حمض تمي وانا رح قلبي الاكلات الحامضة
وجوزي كمان من فترة عملت جاج بالصينيه كمان
وعملت قبلها حراق اصبعو حاااااااامضه بس طيييييبه
ان شاء الله مأكول الهنا سوسو

سيلا كيفك وين صرتي بالوحام بس ما يحمض تمك انتي التانيه هههه

هدوله كيفك واالله انو الك حركات حلوة وشغلتي التجمع

عبير اسماعيل

01-21-2012, 07:39 PM

رنومه وينك شو صار معك مو اليوم نتائج التحليل ياريت تطمنينا ‏

ام فؤاد كيفك انتي وغربه ونادووو
ان شاء الله نسمع اخباركون المنيحه

الله يفرجها

jorri sham

01-21-2012, 10:07 PM

احم احم انا هوووووووووون غبتلي شي يوومين بس قرات كل شي راح علييي
شتقتلكم كتييييييييييير عنجد حبيتكم من جووا قلبي تؤبشوني

يسعد مساكم كلكم
هدولة عبورة سروءة رنومة نادو ام فؤااااد سيلااااا

jorri sham

01-21-2012, 10:07 PM

سيلا مبروك لحمل حبيبتي الله يتمملك على خير وتشوفيه بكامل الصحة والعافيه ....
اي لحمدلله ما بيعزبني صاير كتير
بس ليوم رحت نام عند مماما لاني طعمتوو ليومم وخايفة يعزبني كتير وما اعرف فيه ..
شكرا حبيبتي ويخليلك حبابك ..

حبيبتي ما بيصير تبكي كتير والله لحق معك الغربة صعبة كتير .. خاصة عن الاهل .....
اانا اهلي وقت سافروو ع الشام انا ضليت لحالي بسعودية وكنت حامل 4 شهور جنييت وكل يووم بكي طقيت
بس جوزي جن مني وشوي كمان حيتجوز عليي ههههههه مل مني لاني كئبتو معي
فنصيحة مني انتبهي وانتي وكل المغتربين بدك تبكي ابكي قبل ما يجي جووزك ههههههه
....... وبسسسسسسسس حاجة حكي خخخخ

jorri sham

01-21-2012, 10:09 PM

ولي رنومة الله يعينكم على قطع الكهربا والله شي بيعمي القلب .....
مبروكين غرااض البيبي وعقبال ماتقومي بسلامة يارب
على سيرة العمرة والله كتير جاية عباالي اطلع عمرة نشالله ناويتا بس مابعرف بقى ايمتى
الله يرززق كل وحدة عمرةة ,,

سرووءة

01-21-2012, 10:09 PM

هلا عبورة
ههههههه عقلبك
انا من وقت حملت وانا بموت عالاكل الحامض
واول 5اسهر توحمت عالحامض والمالح وكرهت الحلا كره موطبيعي
بس هلا صرت عادي مع الحلا
باكل بس شوكولا
بس الحمض لهلا بالليل بيخطر عبالي صحن سلطة حامض
هههههه
مااراح شهي يلي عم يتوحمو
وين باقي البنات

jorri sham

01-21-2012, 10:10 PM

هدوولة كان نهار جمعه بنسبة الي حلو كتير لحمدلله ..
رحت على الحديقة انا وزوجي وابني واهلي وشووينا لحمة كتير طيبة شتهيتكم معي كتييييييير

jorri sham

01-21-2012, 10:13 PM

سرووءة يعطيكي الف عاافيه على التعزيل بس ما تتعبي حالك كتير
بأي شهر صرتي .. ووين حتولدي بشام ولا بسعودية ..

نيالك عند جيران سوريين كتير ووين ساكنة انتي ؟؟؟؟
اانا ماعندي جيران ابدا واحد فلبيني وشي مصري وشي هندي هههههههه
وفي تونسية فتت سلمت عليها بس ماعاد شفتا من هداك اليوم يلا الله بيعين ..
شتقتلك كتييييييير ولحكياتك لحلووة

jorri sham

01-21-2012, 10:16 PM

على سيرة الطبخ ليوم نمن عند امي مشان يزوونة ..
ساوتلنا مقالي كتير بحبا لهلاكلة بيتنجان زهرة بطاطا وصحن سلطة وفاصوليا بزيت ..
وانتوو شو طبختوو .....

jorri sham

01-21-2012, 10:17 PM

صحيح باركووو لماما طلعت حامل شهرين باركوولا .
لحقتني فوورا هههههههه بلحمل ..

hadeel al rouh

01-21-2012, 11:34 PM

اجيت انا ليكني حدا سأل عني؟؟؟؟؟؟!!!!!!hwaml03
مساكون خير يارب ...كيفكون جميع ياربي ماتكونوا مكتابين متلي hwaml15hwaml5
شفتوا على هالاخبار اليوم بادلب وباقي المحافظات؟؟؟؟hwaml4
يارب فرجك يارب والله تعبنا

سرووءة

01-21-2012, 11:44 PM

جوري اهلا فيكي
اي هيك ها دايما فوتي طمنينا عنك وعن اخبارك
انا منيحة واخر قرار اني اولد بالشام عملت استخارة واتوكلت عالله
وارتاحت نفسيتي وقلت لزوجي خلص اذا مافيا خير الي راح تتعسر عاهون سبب
ومحل موالله رايدلي بولد
المهم التيسير
بمي صحة وهنا انا هاليومين بدي ساوي مقالي انشالله
ومن يومين عملت فاصوليا بزيت
ومبروك حمل امك
الله يتمملا عخير
يلا راح يجي رفيق ليزونة

hadeel al rouh

01-21-2012, 11:44 PM

مية هلا جوري ومبروك الحمل للوالدة وانشالله بتقوم بالسلامة وبتجبلك ضر ليزن هههه..hwaml02
مية صحة وهنا على قلبك وقلب سلولة عالمشاوي والله شهيتيني هههههhwaml15
سلامتك سلولة من اللعبجة معك حق بس يلا هانت بالكتير شهر بتصير معدتك احسن انشالله
طيبة طبختك سروءة مية صحة وهنا بس مدري ليش انا ماعبشتهي الحمض مع اني قبل مااتزوج بقتل عليه بس والله شهيتين مبين عليكي طبخك طيب
وعنجد مابدي صيبك عين على جيرانك وخصوصي هاي الي بتعرف امك ههههههhwaml13
المشكلة انا ماعندي هالجرأة اني دق الباب على حدا ببنايتي بتعرفواhwaml15 ليش لان اصلا ماحدا بيحكي مع حدا عندي واصلا لما بكون نازلة انا وزوجي عالدرج اذا بكون في ولاد عالدرج بيركدوا بيتخبوا ببيتونhwaml11 وبيقفلوا السبع الطقات ههههه الله وكيلكون بقا شلون بدي فكر اتعرف عليهون قلولي لشوف ....hwaml5hwaml4
انا من ناحيتي انحبست بالبيت يوم العطلة وماقدرنا نطلع ظروف ....
طبخت مبارح جوانح مقلية بتجننن واليوم بيتزا رائعة اطيب من بيتزا هت ههههه hwaml02
عبورة تسلميلي والله من الملل لقيتكون من السما بتعرفي الغريق بيتعلق بقشاي هههههه hwaml03
يلا حاجاة تصبحوا على خير ....hwaml7hwaml7

jorri sham

01-21-2012, 11:56 PM

سروءة الله يبارك فيكي يارب
والله يخترلك الخير يارب وتقومي بسلامة بس ما قلتليلي بأي شهر صرتي ؟؟

ونشالله كل ما بقدر بدي فووت ..

jorri sham

01-21-2012, 11:57 PM

الله يبارك فيكي حبيبتي .. اي والله يزونة ما حيلحئ يتدلل الا بيجي اخي ضر لالو هههههه
بس يلا بكرا بيكبرووو وبيعلبوو سوواااااا
على قلبك ياارب .. تسلميلي ,,,

سرووءة

01-22-2012, 12:23 AM

هدولة
هههههه ضحكتيني على جيرانك والسبع طقات
ههتهههههههه الله يسعدك
يمي بيتزا صحة وهنا
شوانتي شاطرة بالطبخ ولا ماكتير بتعرفي
انا صرلي سنتين متزوجة
وقت تزوجت مابعرف اقلي بيضة ههههه

ياسمين
انا من يومين دخلت السابع
ومومصدقة ايمت صير بالتاسع
بس يلا هانت ماضل شي

نادو

01-22-2012, 01:11 AM

هاي صحة وهنا للي شوا لحمة واكلت المقالي كتييييييييييير طيبة يم يم ومبروك للحمل وعئبال عندي انا وهدولة يارب يسعد اوقاتكن

نادو

01-22-2012, 01:14 AM

هههههههههههه ضحكتيني هدولة على سيرة الجيران وانا والله ماحدا التكش فيني تضرب هيك جيران ههههههههههههههههههههههههههههههههههههههههههه فوء الكئابة خليها لربك كمان ماحدا النا وينكن

silla

01-22-2012, 05:50 AM

جووووووري ان شالله الف الف الف مبروك منشان امك عنجد شي كتير حلو
انا دايما عم نق ع امي يلا ماما جيبيلي اخ صغير والله شي حلو انا حامل وامي تحمل وتلحقني
لسا احلى شي امي كانت حامل بعرسي بس ياقلبي ولدت بنوتة واجت ميتة البنت ... الله يعوضها خير لماميتي والحمد لله الله صبرها ...

هدوووول وضعك بالنسبة للجيران متل وضعي وسرووؤة احمدي ربك ليل نهار لانو الله يخليلك هالشلة ونيالك ماااااشالله بصعوبة تصدفي هيك عمارة انا العمارة اللي فيا كلللها سعوديين
بس انا لما الولاد عالدرج بشوفوني ما بيهربو متل جيران هديل هههه بيقعدو بيوزنوني انا وجوزي ..

بالنسبة للدلال هدول اكيد مارح لق شي بس اكيد انو بجيب مين يساعدني بعدين بالغربة وبدي اتدلل!!!! ااااااااااااه ياحسرة

عبووووووورتي بربي اشتقتلك غطيتي .. شو عملتي بالعطلة ان شالله انبسطتي ....

ونادوووووو ياقلبي شو اخبارك ... وام فؤاد شوو وينك ماشفناكي اليوم

سرووءة

01-22-2012, 06:30 AM

صباح الخير بنوتات
يضرب القلق بتصدقو لهلا ماقدرت نام
قلق وحموضة وحرقة هلكتني
مع اني اخدت شراب حرقة بس مااستفدت شي
والله يكرمكم بالحمل كل شوي حمام هههه
يامن تراني بالليل فايقة ورايحة عالحمام
هلا بالشهر السابع زايدة الحالة معي
مع ان عم
حاول خفف كتير سوائل
الله يعينا ويتتملنا عخير
شكلكم بسابع نومة وعم تشخرو هههه
يلا نوم العوافي يارب هلا انتوبتفيئو وانا بنام
حتى مالي خلق فوت من اللاب توب
داخلة من الايفون وانا بتختي هههه
قلة مروة

hadeel al rouh

01-22-2012, 08:30 AM

صباحو جميع تسلمولي يارب والله لايحرمني هالصحبةhwaml13
شو سروووءة خير والله عمنصلي عالنبي الف سلامة عليكي ربي يعينك ويتمم على خير يااااارب
تسلميلي... ضحكتك ؟؟انشالله الضحكة مابتفارق وشك الحلو انتي وكل حبابك والله انا فقت 7مو بعدك بكتير على قولة سلولة اتعودنا عالفيقة بكير مع جوازنا .. اقل منها بقا هههههههه
بس انا برجع بنام بعد مافطرو وأمن عليه (الامان بالله انشالله)
حبيبتي اي عندي مواهب طبخ قبل مااتزوج والبيتزا بعرف اعملها من زمان بس هون عملت شوية اضافات وفنات بتعرفي حسب الموجود وهون بتلاقي كلشي..hwaml02
اي والله هيك بحكيلكون عالجيران الله لايرويكون فففففففhwaml15
عبورة وينك غاطة ترا لسا عمبستنى الصور ها
هلا نادو منورة اي انشالله عقبالي وعقبالك ياربhwaml10
رنووومة الهيئة مو بس الكهربا مقطووووعة ههههههhwaml5
الله لا يوفقونhwaml4.....قولو ااااامين
شو سلولة انتي وسروووءة مبكرين اليووووووم يسلملي هالصباح السوريhwaml7hwaml7

hadeel al rouh

01-22-2012, 08:50 AM

اح اح اح....hwaml5
يابنات انتوا بردانين متلي اتخيلو الارصاد متوقعة ينزل تلج على مرتفعات تبوك ...hwaml11
ياالله كيف معناها بسوريا الله يعينون كل المحافظات اليوم بتبلش الدرجات من تحت الصفر بادلب 5- الشام 3-.... الله يعينhwaml9

عبير اسماعيل

01-22-2012, 08:52 AM

صبا الخير يسلمو ع سؤالكن عني ‏
كيفكون ان شاء الله تكوني تمام ‏

سروءه سلامتك ا
ن ‏
شاء ‏
الله
وانا كمان الحرقه دبحتني
بالاضافه لمشاكل بالمعدة ما بعرف الله يهونها

سيلا كيفك وكيف ‏
وحامك ‏
وين ‏
صرتي ‏
بأي ا
سبوع
وكم ‏
حبه ‏
جسبرين ‏
عم ‏
تاخدي ‏
باليوم ‏
؟
العطله كالعادة الضهر نقعد بشي قرنه نتغدى
وبعد المغرب بشي مول نفس الشي الايام كلها متل بعضها

هديل كيفك
والله صايرة قليله مروة عم فوت من الموبايل ‏
ان شاء الله اليوم بفوت من الاب توب وبنزل الصور

hadeel al rouh

01-22-2012, 08:56 AM

هلا عبورة ولو كيف مانسأل عنك ..
مو انتي البوس تبع التجمع ههههه
سلامتك انتي كمان قلبي معكون انا ونادو خخخخخخخخ
مو مشكلة بس يصير عندك مروة نزليهون هههههه

jorri sham

01-22-2012, 03:07 PM

سروءة
يلا هانت ما بقي كتير الله يقومك بسلامة يارب ..
وعيشي ايام حملك لان بكرا رح تشتااقيلا متلي هههههه

jorri sham

01-22-2012, 03:07 PM

نادو على قلبك يارب تسلميلي ويبارك بعمرك عقبال عندك بس لساكي عرووسة هههه

jorri sham

01-22-2012, 03:08 PM

سيلا الله يبارك فيكي يارب
يلا نشالله الله بيعوض امك بخيير يارب .. ويجعل اختك من عصافير الجنة يارب

jorri sham

01-22-2012, 03:10 PM

وهلئ يسعد اوقاتكن يااارب
كيفكم كلكمم ......
سيلا عبوورة (عنجد حطوكي بووس تبع التجمع ولا كيف ؟؟)
سرووءة رنوومة هدوولة ام فؤاد ... الخ
نشالله ما كون نسيت حددا

انا ليوم راجعه عبيتي حاشتقلكم كتير ونشالله بس افضى ببيتي رح فووت وخبركم عني واعرف اخباركم ......

ما تنسووني ها بزعل بعدين هههههههه .....!!!

silla

01-22-2012, 05:15 PM

صبا الخير يسلمو ع سؤالكن عني ‏
كيفكون ان شاء الله تكوني تمام ‏

بالاضافه لمشاكل بالمعدة ما بعرف الله يهونها

سيلا كيفك وكيف ‏
وحامك ‏
وين ‏
صرتي ‏
بأي ا
سبوع
وكم ‏
حبه ‏
جسبرين ‏
عم ‏
تاخدي ‏
باليوم ‏
؟
العطله كالعادة الضهر نقعد بشي قرنه نتغدى
وبعد المغرب بشي مول نفس الشي الايام كلها متل بعضها

اوووووف مشاكل المعدة يعني مافي مجال نرتاح منها بالحمل ...
هلئ حرقة وحموضة ماصار معي لسا الحمد لله بس حاجة التلبك بالمعدة والامعاء
وبس اكل شي فيو زيت مقالي شووووية دسم بتلعج من اسبوع كنت كل يوم عم اكل شوربة وهيك شغلات لان عقدتني معدتي وجوزي يعصب لك ماعم تاكلي شي لك البيبي بياخد كل الخير ههه وبيتضلي بلا ولاشي قلتلو خلص مو مهم المهم هو الافندي عم يتغدى ..
الجوسبرين باخد حبة بالليل مع المثبت لانو قريت انو بالليل احسن ازا اخدوه من بالنهار وبحرص انو معدتي ما تكون فاضية ... مزبوط شغلي ؟؟؟؟

silla

01-22-2012, 05:20 PM

يييييييييييي ياجوووري والله عجبتنا هالشغلة وقعدتك عند امك صرنا نشوفك ونشبع منك..
ولا يهمك اكيد رح نشتاق الله معك حبيبتي وان شالله تفضيلنا هههههههه الله يكون بعونك

silla

01-22-2012, 05:21 PM

مراااااااااااااااااااااااااااااحب هدولتي وسروووووووووووءة والبنوتات الغايبات اليوم
كيف الكل ....

عبير اسماعيل

01-22-2012, 05:29 PM

ام يزونه كيفك انتي أصغر ام فينا ‏
الله يخليلك ياه كيف صار ان شاء الله منيح ‏
يئبش قلبي شو كربوج ماشاء الله تبارك الله شفتو بصورة الماسن
اي عم تنورينا بطلاتك الحلوة ومبروك حمل الماما ربي يتمملها ويقومها بخير

سيلا الله يتمملك ديري بالك من المقالي ‏
وشوي تانيه بعد التالت بدك تداري معدتك عطول خضار والياف
لأنو بصير لازم تاخدي حديد وبسبب هو مهم بس بسبب امساك
بعين الله كله مشان البوبو بهون
سألتك عن الجسبرين لأني عم آخده بس عم آخد معه ابرة مميع
وهلئ خففتلي الدكتورة العيار من اربع الاف للألفين ‏

سمراء

01-22-2012, 05:34 PM

مساء الخيرات والبركات كيفكم يالغاليات أنا سمراء من الجزائر ولاهي أحب أهل سوريا الشقيق جداااااااااااااااااا كيفكم ياصبايا وياحلواااااااااااات ممكن ترحيب مشكورات كلكم

jorri sham

01-22-2012, 06:52 PM

يييييييييييي ياجوووري والله عجبتنا هالشغلة وقعدتك عند امك صرنا نشوفك ونشبع منك..
ولا يهمك اكيد رح نشتاق الله معك حبيبتي وان شالله تفضيلنا هههههههه الله يكون بعونك

تسلميلي حبيبتي ونشالله ببيتي بدي حاول فووت مشان شووفكم
وانا رح اشتقلكم كتيييييييير

jorri sham

01-22-2012, 06:54 PM

[quote=عبير اسماعيل;1875070]ام يزونه كيفك انتي أصغر ام فينا ‏
الله يخليلك ياه كيف صار ان شاء الله منيح ‏
يئبش قلبي شو كربوج ماشاء الله تبارك الله شفتو بصورة الماسن
اي عم تنورينا بطلاتك الحلوة ومبروك حمل الماما ربي يتمملها ويقومها بخير

انا لحمدلله تسلميلي حبيبتي
لحمدلله منيح كتير وليوم راجعه عبيتي ..
تسلمي حبيبتي ونشالله ناوية نزل صورو هون بس مابعرف بقى ايمتى ..
الله يبارك فيكي والله يخليكي ويوووفقك ......

jorri sham

01-22-2012, 06:56 PM

مساء الخيرات والبركات كيفكم يالغاليات أنا سمراء من الجزائر ولاهي أحب أهل سوريا الشقيق جداااااااااااااااااا كيفكم ياصبايا وياحلواااااااااااات ممكن ترحيب مشكورات كلكم

مساااء النوور والسرور
تحبك العافيه يا حلووة
اهلا وسهلا فيكي نوورتينا بوجودك معنا ..
عرفينا عن حالك اكتررر

jorri sham

01-22-2012, 06:56 PM

شوو مين في هوون هلئ ؟؟؟؟؟

ام فؤاد

01-22-2012, 07:14 PM

مسا الخير يا احلى بنات : اسفة كنت غاطة .. مبارح رحت عند دكتور و بشرني اني بالشهر التاني من 5 ايام ... الله يهونها علي وعلكل .hwaml12.. سيلا لا شكر على واجب بالنسبة للوحام لهلق ما في شي انشالله ضل هيك و ما يصير فيني متل الحمل الاولى ( ب فؤاد ) ... hwaml10هدوله هون كمان عندي بالقاهرة في برد و هوا قوي hwaml03اليوم كنت عم حوس البيت كلوا .. بكرا جاي امي لعندي من حلب عقبال ما تشوفي اهلك انتي كمان و كل البنات اللي متغربات ... قلي جوزي لو انا كنت طالب منك تشتغلي ما كنتي نطيتي و ساويتي البيت كلو بيوم واحد hwaml02 قلتلووو هي امي مو حيلا هههه

ام فؤاد

01-22-2012, 07:20 PM

hadeel al rouh

01-22-2012, 07:25 PM

هلا ام فؤادhwaml03 يعطيكي العافية ... بتعرفي لومكانك انا ماكنت اقدرت نام الليل ههههه انشالله بتوصل بالسلامة ودفي حالك من البرد hwaml13
منورة احلى صديقة من الجزائر سمراءhwaml7 ..القلوب عند بعضها ونحنا منحبكون
شو بوووس عبورة؟؟؟!!!!! من ورانا انتي وجوري عببتآمرووووووووا عليناّ!!!!!!hwaml15hwaml15
جوووووووووريhwaml02 هلأ هلأ بتنزلي صور ليزن بدنا نئبش نحنا كماااااااااان خخخخخخخخ
سيلا الف عافية عليكي يارب مابتقصري الشوربات احسن شي بالاضافة للبطاطا المسلوقة يمكن منيحة سألي دكتورتك يعني بتغيري شكل ههههههه ملا تغييير شكل خخخخخخhwaml02
بمزح معك حبيبتي سلولة
الف عافية عليكي انتي وبووسhwaml10

hadeel al rouh

01-22-2012, 07:30 PM

جوري لاتطولي علينا hwaml13 ............. باااااااي ام يزنhwaml7hwaml7

ام فؤاد

01-22-2012, 07:40 PM

اكيد هدولة عم نسمع الاخبار عن ادلب ... و عم ادعي ليل نهار يا رب يهدي الاوضاع و احوال البلاد كنا عايشين بخير وسلام عين و صابتناhwaml03 ... جيران اهلي بيت بكور ساكنين بحلب اصلون من ادلب و الهم قرايب ب ادلب ما بعرف اذا بتعرفيون hwaml5.. عفكرة اليوم الثلج غطى مدينة حلب و اخواتي عم يجاكروني و يبعتولي صورون و هن عم يلعبوا بالثلج hwaml02hwaml10نيالون و ابني قلي ماما ليش عنا ما في تلج .. قلتلوا احمد ربك اللي طلع شوية هوا ههههههه هون بالقاهرة ما في برد متل سوريا تخيلوا لهلء ما شعلت دفايه البيت دافي و مو محتاج hwaml12و مع هيك عم يقولوا انو مصرعم تمر بعاصفة بردية ما مرت عليها البلاد من 30 سنة hwaml03 حكيت كتير سامحونا

المهم انا كتيررر فرحانة بيكم ويا رب تقوموا بالسلامة و يحقق مراد قلبكن hwaml12

jorri sham

01-22-2012, 10:52 PM

مسا الخير يا احلى بنات : اسفة كنت غاطة .. مبارح رحت عند دكتور و بشرني اني بالشهر التاني من 5 ايام ... الله يهونها علي وعلكل .hwaml12.. سيلا لا شكر على واجب بالنسبة للوحام لهلق ما في شي انشالله ضل هيك و ما يصير فيني متل الحمل الاولى ( ب فؤاد ) ... Hwaml10هدوله هون كمان عندي بالقاهرة في برد و هوا قوي hwaml03اليوم كنت عم حوس البيت كلوا .. بكرا جاي امي لعندي من حلب عقبال ما تشوفي اهلك انتي كمان و كل البنات اللي متغربات ... قلي جوزي لو انا كنت طالب منك تشتغلي ما كنتي نطيتي و ساويتي البيت كلو بيوم واحد hwaml02 قلتلووو هي امي مو حيلا هههه

يامساء النوووور
الله يتمملك على خيرر يارب
ويعطيكي العافية ماتتعبي حالك لساكي باول حملك
هههههههه قليلو هي ماما مو حيالله

jorri sham

01-22-2012, 10:55 PM

هلا وغلا جوري و الحمد لله رجوعك بالسلامة وشكرا الك و ل عبورة و سروءة و( هدولة و ندوشة ( العرايس ) و رنومة ع ترحيبكم فيني و سؤالكم عني و كل اللي ما ذكرتون لا تواخذوني لسا ما حفظت الكل ... و اهلا وسهلا ب سمراء الجزائرية نورتي بيناتنا و نحنا كمان منحبكم اهل الطيبة والكرم .. Hwaml12
قلبي

الله يسلمك ياقلبي
وانا متلك لسه ماحفظتن كتير مع انو الي زمان بلمنتدى
ونشالله بتشوفي امك بخير وسلامة سلمي عليهاا
اللهيسلمك يا

jorri sham

01-22-2012, 10:57 PM

هدوولة حبي هلئ بنزلك صور يزونة مع انو ما بعرف نزلن بس رح حاول كرمالكن

jorri sham

01-22-2012, 11:06 PM

لي بتعرف كيف نززل تعلمني لاني انامابعرف بنووب
وللعلم ان الصور تبع يزن بجهاز اللاب توب علمووني يا حلووين

عبير اسماعيل

01-23-2012, 12:19 AM

هدوووووله يسعدلي مساكي
لك منين بسبستيني هههههه لا بوس ولاشي ‏
الزعيمه فينا ام يزن هي المشرفه ‏
ولك تئبشيني انتي كمان من غير صورة بس عدماتك الخفاف ووجودك المضوم

ام يزن حبيبتي في خيار انزال صورة مربع صغير ع اليسار ‏
تحت ‏
قبل ‏
الاخر ا
ضغطي ‏
عليه ‏
ونزلي الرابط اوجربي اعملي ع الصورة بزر اليمين بيطلع قائمه اختاري نسخ
وع الرساله لصق وان شاء الله بيمشي الحال بس حطي قبل كل شي
ماشاء الله تبارك الله ‏

ام فؤاد مبروك الحمل والله يتمملك ع خير
والله يوصلك امك بالسلامه

عبير اسماعيل

01-23-2012, 12:22 AM

سيلا وينك وين غاطه مو باينه لا تطولي اتعودنا ع وجودك
وحكياتك الحلوين

سروءة يسعدلي مساكي
حدا بيعرف شو صار مع رنومه ما خبرتنا شو صار معها ‏
الله يشفيا ويعافيا ‏

عبير اسماعيل

01-23-2012, 12:27 AM

سرووءة

01-23-2012, 01:33 AM

يسعدلي اوقاتتكم كلكم ..
ام فؤاد ماشالله انشالله بتوصل بالسلامة امك .
نيالك ديري بالك علهيها منيح ها ودلليليا ..

ياسمين لاتطولي علينا وراح نشتقلك كتير..

هدولة ..
شو اخبارك ... ومتل ماقلتي هون الاغراض احلا واحسن من هنيك

عبورة .كيفك ماشالله انتي بالشهر الخامس
الله يتمملك على خير شو طلع معك بنوتة ولاصبي وانتي شوحابة

سيلا وينك وين غاطة ..

عبير اسماعيل

01-23-2012, 08:22 AM

صباحو سروءه يسعدلي هالطله
كيفك وكيف الحرقه معك انا صرلها يومين خافة شوي
بس والله احيانا بطف عليي كتير وصفولي اكل خس
قال منيح للحرقه وللامساك اللي بسببه الحديدعم آخد آر نتال مجموعه فيتامين وحديدمن أول الرابع ‏
يا ستي ماعملت صورة من الاسبوع الثالث عشر عم اطمن عليه فقالت
الدكتورة انو منيح ولحالها قالتلي معك صبي قلتلها حلو يبين قال اي باين
بس ما بعرف معقول يبين جنسه بأخر التالت ومن وقتها عم اطمن ع النبض
بس شور وفوت بالسادس بروح اعمل صورة الحمدلله تحاليلي كلها منيحه والله يتمملنا ع خير ويرزقنا الخلقه التامه

عبير اسماعيل

01-23-2012, 08:30 AM

هدوله صباااااااحو فتت شوفك ازا فايقه قلت بناديلك ‏
نشرب قهوة سوا ونكركلنا شوي بسشكلك داحلتيها نومه ‏
يالله خيرها بغيرها هههههههه ‏

عبير اسماعيل

01-23-2012, 08:37 AM

رنووومة

01-23-2012, 03:18 PM

مسا الخيررررررر

كيفكم كروشات عبورة انا الحمد لله منيحة بس طفي الكهربا تغيرت اوقاته تقنين من 10 صبح ل 1 ظهر ومن 7 مسا لل 10 طق قلبي من العتمة خصوصي ساعات الليل ما عم تمرق بسهولة الله يعينا يا رب

رنووومة

01-23-2012, 03:19 PM

عبير مبروكة البلوزتين وتلبسيهم بالهنا انشاء الله

رنووومة

01-23-2012, 03:35 PM

أم فؤاد مبررررررروك الحمل والله يتمملك على خير

رنووومة

01-23-2012, 03:38 PM

جوري حبيبتي كيفك وكيف يزونة انشاء الله تمام وكيف الرضاعة معك

رنووومة

01-23-2012, 03:40 PM

جوري حبيبتي بالنسبة لتنزيل الصورة انتي افتحي رد بالوضع المتطور على يسارك في زر احمر فوق اسمه رفع ملفات اكبسيه وفي مربع اسمه تصفح اختاريه وحيحمل الصورة بعدين بيطلعلك رابط منتديات الصقيه بالرد وخلص بتنزل الصورة انشاء الله

hadeel al rouh

01-23-2012, 03:47 PM

احم احم ... مساكون عسل ياعسل hwaml7
شو حابكة بغيابي!!!! هههههههههه
هلا ياعبورة والله اليوم راحت علي نومة لك الله لايعطيني عافية hwaml15حتى زوجي مافقت عملتلو فطور وراح وانا غاااااااااطة هههههه مابعرف يمكن لاني كنت نعسانة كتير مبارح وتاخرنا بالنومة
اي يلا جوري بوس وانتي بوسة هههههههhwaml02 قصدي نائبة البوس ولايهمكhwaml1
اي صار بدنا من سروؤة كمان تنزل صورة الامورة بنتها ههههههه وانتي عبورة حطي صورة الايكو كمان خخخخخخخ
الف الحمد الله عبورة فرحتلك حملك انشالله هالمرة ربي يتممو بالسلامة وتشوفي ابنك عحضنك باحسن صحة
حكولي شو طابخين اليوم ؟؟؟؟؟انا احترت شو ساوي !!!!!!hwaml5

رنووومة

01-23-2012, 03:49 PM

هديل الروح هلا حبيبتي انا طابخة ملوخية

hadeel al rouh

01-23-2012, 03:50 PM

هلا رنومة والله منورة ياقلبي طمنيني عنك كيف البوبو والتحاليل
ومية صحة وهنا عالملخية

hadeel al rouh

01-23-2012, 03:50 PM

سلامتك من التعتيم عالقلب بعين الله لك رنومة

نادو

01-23-2012, 04:26 PM

كيفكن صبايا وشو اخباركم يييييييييييييييييييمم ملوخية صحة وهنا كتير بحبا كيفك ياهدولة يا عسل واحلى صبايا

رنووومة

01-23-2012, 04:44 PM

و على قلبكم هدولة ونادو انا حعتذر منكم جاية اختي لعندي بعد شوي وبدي اقوم المم شوي ورا البنات

hadeel al rouh

01-23-2012, 05:22 PM

رنومة شو عندك بنات الله يخليلك ياهون؟؟؟
اهلا ندوشة انا تمام بشوفتكون ....انتي كيفك ياوردة؟؟

سرووءة

01-23-2012, 06:37 PM

مسآآء الخير بنات ^^
كيفكم
عبورة مبقروكة البلوزتين
من كم يوم كنت بالسيتي ماكس وكان منزل شغلات حلوة للحوامل بس مااشتريت لان صار عندي كتير
امي بعتتلي من الشام كم فستان وحماتي جابتلي
وانا جبت كم بلوزة وبنطرون
يعني مشينا حالنا فين
بس غريب شلون بين معك ان صبي باخر التالت انا بعرف ان ماببين لاخر الرابع
يلا هالمرة ان رحتي بتتاكدي مشان تبلشي تجهزي

هدولة ..
انا مابحب زوجي فيء حطلو فطور
لان اصلا مابيفطر الصبح مابحب يفطر مو متعود
بس اجيانا بفيء معو بوصلو عند الباب وبرجع بنام
بس من وقت حملت ماعدت قمت هو صار يقلي خليكي نايمة لاتقومي
خلص تعود هيك
يعني يوم بقوم وعشرة لا ههههه ^^
انا اليوم طابخة فول مقلى بالزيت جاعبالي من زمان
مع ان هالاكلة قبل مااتزوج ماكنت حبها ابدا
لما امي تساويها اطلع من البيت
بس من وقت اتزوجت وطلعت عالغربة صرت حب كل شي
واشتهي هيك اكلات
هههههههههه
رنومة
الله يعينكم عنجد والله قلبنا عندكم
الله يفرجها احسن شي

سمراء

01-23-2012, 07:18 PM

أهلا وسهلا جوري متشرفة بمعرفتك والله فرحت كثير لما رديتي علي أنا متزوجة من سنة ونصف حملت مرة وأجهضت وربي يرزقنا جميعا يارب ممكن نكون صديقتكم الوفية

jorri sham

01-23-2012, 07:59 PM

عبير تسلميلي صحيح انا مشرفة بس كلنا خير وبركة ..
ومشان الصور انا رجعت عبيتي ووبييتي مافي صوور بس روح عند اهلي بدي جربها
نشالله ..
عبير مشان الحرقة شربي حليب سادة بارد وبدون سكر شربي كاسة صغيرة نشالله فورا بتروح الحرقة
ولحمدلله عسلامتك وسلامة البيبي ومبروك انك شفتي صبي اي حبيبتي
اازا صبي ببين بسرعه قبل البنت بس الافضل الشهر الجاي او لي بعدو مشان يكون تخلق اكتر تأكدي وخبرينا
وكمان مبروكين لكنزاات
بدي اسالك وين ساكنة انتي برياض انا بالملز

سرووءة تشتقلك العافيه
هلئ انا ببيتي بس النت عندي عدم جدا بطيئئ ..
رنوومة
انا لحمدلله كتير منيحة ويزوونتي لحمدلله منيح
ماشالله صاير عم يغطا منيح بنوم ههههه
ولرضاعه لحمدلله تمام وبرضعو مني بس
لحمدلله عم يشبع مني وما بساعدو بحليب صناعي ..و
الله يعينكم على طفي هالكهربا والله شي بيعمي القلب !!
وشكرا انك علمتيني بس روح عند اهلي بدي جرباا ..
هدوول
تسلميلي حبيبتي صحيح انا مشرفة بس كلكم خير وبركة ..
انا طبخت االيوم خضار مشكلة باللحمة ورز جنبها وصحتين وهنا لكلل .....

ولييييييي كريييييت كتيير بااا ي
خروووووج,,,,

jorri sham

01-23-2012, 08:01 PM

ياههلا بسمراء تسلمي حبيبتي
الله يعووضك بخير ويرزقك الحمل اللسليم ياارب
اكيد بتشرف نكون اصدقاء
يا هلا فيكي

سمراء

01-23-2012, 09:32 PM

أأأأأأمين يارب بيك وهلا حبيبتي الغالية ومشرفتنا أكيد نكون أصدقاء على طول إنتي عندك أولاد

عبير اسماعيل

01-23-2012, 10:28 PM

رنومه تسلميلي ان شاء والله بالنا بضل عنكون والله يعين ‏
اساسا مو منغص علينا شي الا وضع بلدنا اللي بيحرق القلب ‏
الله يفرجها وربي يكون بعونكون ويشفيكي ويعافيكي
وانا ‏
كمان ‏
عامله ‏
ملوخيه
ام زونه كيفك وكيفو بيبيتك ان شاء الله يضل بخير ويخليلك ياه
ياستي انا ساكنه بالبديعه شرفينا بزيارة من كم يوم جبنا نابلسيه من الملز
ويسلمو ‏
عالنصايح

سروءة الله يبارك فيكي والله يتممنا ع خير
انتي كيفك شو بلشتي تجيبي شي للببوبيه ومن منين عم تجهزي
يالله شوفي شغلات بتجنن للبنوتات الله يجبلك ياها بخير وسلامه

عبير اسماعيل

01-23-2012, 10:33 PM

هدولتي كيفك ونووووم العووووافي ‏
عنجد انتي النكهه الطيبه للتجمع بحركاتك الحلوة

سيلا وينك عسى ما شر طمنينا عنك
ام فؤاد كيفك وكيف الحمل وان شاء الله تكون امك وصلت بخير ‏

سمرا اهلين فيكي وتشرفنا بوجودك معنا ميت اهلين

silla

01-23-2012, 11:16 PM

لك يسعدلي اوقاتكن حبيباتي ...
ماغطيت ليش مين بيقدر يغط عنكم اي والله اتعودت عليكن ؟؟؟؟؟
شو ياترى حاليا في حدا ؟؟
انا بالعادة الفجر بفوت بدردش هالفجر مافتت التهيت بمسلسل خاطفة القلب (بائعة الورد )كنت عم شوفو بالنت بالتركي وفي ترجمة كتابة اي احللللللللللللللى بكتير
انا عاشقة مسلسلات تركية طبعا ... مالي شغلة غيرن حاليا من الفرااااغ

silla

01-23-2012, 11:25 PM

هدييييييييييييييييل مسكينة عنجد عم ازعل عليكي كتير ماضل حدا الا وطبخ ملوخية هههههههه
كل ما بتسال وحدة شو طابخة بتقلها ملوخية وهي ماعم تقدر تاكلها لان جوزها ما بحبها ههه
بالنسبة لفيئتك مع جوزك اييييييييييييه زكرتيني ههههههههه ايااااااااام مضت اول زواجي هيك كنت قال يعني منفيق ومندلع ومنلبس وفرحاااااااااانين وطاقق عقلنا ع هالزلمة وهو يبا سلام دلال ومبسوووووط ومروق اخر رواق بعدين ماعجبتني الشغلة وبعديييين انا مااا بحب الفيقة بكير
اكتر شي كنت اكرو بالمدرسة انن بفيقوني من ال 7 ياويلن من الله هلئ مقلوب نظامي قلب فعم فيقو وبرجع نام ....

عبير اسماعيل

01-23-2012, 11:56 PM

شو سيلا انتي هون نورت...

silla

01-24-2012, 12:03 AM

سيلا كيفك ان شاء الله تمام
ياستي رحت ع السيتي ماكس من يومين انا وأختي
بتصدقي اجيتي ببالي مو ع اساس ننزل سوا ههههههه
المهم ما قاومت واشتريت بلوزتين حمل حلوين بس صيفيات
شيفون وبنطلونين صحي بطون صغير بس ماعاد يمشي حال ‏
البناطيل العاديه
بس يي عليهون شايلين التنزيلات ومابحطو الشغلات الحلوة الا بعدين
ايه هاد كل شي ‏

لك ياااااالله راحت علي
بس ان شالله بالف الف الف هنا يارب يااااااي يعني صارلك كروشة ومتل العادة !hwaml7
الستي ماكس ياما صايرة قصص معي بكونو كاتبين تنزيلات وانا ما بشتري غير القطع اللي ماعليها تنزيلات منجي عالكاشير بوم بوم طاااع مناكل هوا بس قطعو شيك ومرتبة بس كمان مو دايما بلاقي ..
انا بدي دلك ع مرجان السعودية بمخرج 15 ع مااعتقد بصراحة دايما بلاقي فيه قطع حلوة وشيييك بضاعتو تركية واسعر مناسبة وفساتين وكل شي بيجي ببالك بلاقي فيه زوء سوري الموضوع ههههhwaml7
انا من يومين لفتت بالاسبوع 11 لسا قدامي مشوار للكروشة اشتري عني واتعلمي
والله يرزقك الولد التام الخلقة ويرزقك اللي بتتمنيه ورفيقتي قالتلي بنتها وابنها من التالت عرفتن دكتورتها بتوقع الها علاقة شطارة الدكتورة وخبرتها كمان لو كنت محلك كنت اشتريت للبيبي مع غراضي هههههه وما بتفرق بنوتة او صبي المهم الخلقة التامة الله يتتملنا حملنا ع خير يارب .. بس شو منشان الحديد لسا بدو يصير امساك اكتر مما صاير وللييييييييي انا لساتي بالمثبت والفوليك والجوسبرين وبالنسبة للعيار ياقلبي ماعندي فكرة بس معناها انتي سبب الاجهاض السابق بسبب تخثر بالدم وما بيوصل دم للمشيمة انا ماانعرف السبب .. وعطتني ياه من باب احتياط وقالتلي ما بضرك باذن الله وانا اتوكلت ع الله واخدتو..
من اسبوع وانا عم اشتهي الشيشبرك هههه بتعرفو الحامل والله صايرة بضحك المشكلة عم بشتهي الشغلات الصعبة لسا هلئ في مشروع يبرق ااااخ بس قلت لريح بعد الشيشبرك والسمبوسك لاني ماباكل الشيشبرك بلا سمبوسك انا التانية وجوزي مكيف ع شهواتي عالاكل...
وليييييييييييي شو كريت hwaml03hwaml03hwaml03
يلا باااااااااااياتو وسلام لسرووووءة وجوري ونادوووو حبيبتي كيف صرتي ياترى
ورنومة الله يعينكم وقلوبنا معكم ........ وسمراء بنت الجزائر اهلا وسهلا فيكي بيناتنا منورة حياتي ..
وام فؤاد ياقلبي نيالك الله يخليلك ياها يالله شو مشتاقة لماميتي يارب تجمعني فيها عن قريب والله داب قلبي شوق ... الله يخلينا امهاتنا قولوا امين

silla

01-24-2012, 12:07 AM

لك هااااااااااااااي وهلا ومرحبا والسلااااااااام عليكم بعبروتي كنت ملتهية بالكر وكنت عم كرلك ههههه

عبير اسماعيل

01-24-2012, 12:21 AM

لك دخيلك ازا ما كر يتي النا لمين بدك تكري خدي راحتك
اي بالنسبه للامساك رح يزييييييييد والله يعين
تصبحو ع خيييييرhwaml7

rashy

01-24-2012, 12:32 AM

سلامة بنات انا سورية متغربة بالسعودية حبيت اسلم عاهل بلدي ومسيكم بالخييرر

عبير اسماعيل

01-24-2012, 12:51 AM

ميت اهلين وسهلين

سرووءة

01-24-2012, 01:30 AM

كيفكن بنات
سمراء اهلا وسهلا فيكي
منورة ونحن اهل واخوات

كيفكم بنات كلكم
^^

silla

01-24-2012, 02:02 AM

انو ليييييييييييش اغلب المغتربات بسعودية هههههههههههه
اهلا وسهلا فيكي راشي

سرووءة

01-24-2012, 03:09 AM

راشي اهلا وسهلا فيكي بيناتنا
بنات مين سهران
انا مالة لحالي زوجي نام وانا قلقانة كلعادة
ويابنات من وقت دخلت السابع صايبتني كتمة وماعم ارتاح
بحس ضغط عصدري
ولي
الله يعينكن بس يكبر بطنكم وحاسة كمان بطني كلو عم يشد من الجوانب
لانو عم يكبر

هلا انا فايقة ورايقة عاللعي ههههه
الله وكيلكم حاطة صحن فواكة فيو برتقال وفريز ودراقن
وسفرجل وكيوي ونجاص ههههه تفضلو
بحب اكل فواكة لان البنوتة بتصير علفواكة بتحرك وبتتنشط
خصوصي الفريز يمي يمي توحمت عليه
ههههه حكيت كتير ما

عبير اسماعيل

01-24-2012, 07:55 AM

ميت صحه وهنا سروءة ع سيرة الحركه بدي أسألك
احيانا الجنين مابيوقف حركه وبمر كم يوم بتقل عدد مرات الحركه
وهلئ صرلو شي يومين تلاته يادوب كم نعره صغيرة بالنهار شو رأيك؟
عادي ‏
سوسو

hadeel al rouh

01-24-2012, 01:44 PM

صباح الخير صديقاتي العزيزات الله يخليلي ياكون ياربhwaml13
شو في عنا صديقات جداد؟؟hwaml03 هلا راشي عرفينا بحالك اكتر منين من سوريا؟؟ وبأي شهر انتي؟؟؟hwaml02
شايفة لك سيلا شايفةhwaml5 والله تسلميلي ماحدا حاسس فيني قدك لسا مبارح على حظي نص التجمع عاملين ملوخيةhwaml15 وانا عبتفرك علي معدتي اهئ اهئ اهئ
بتعرفي لك سيلا اصلا مابنبسط غير لما بشوفك كاتبة كذا صفحة هههههه عادي حبيبتي خدي راحتك
اي هلئ يعني قولتك سرووووءة بعد سنة ببطل قوم مع زوجي الصبح خخخخخخخ؟؟؟؟؟hwaml03
ومتل ماقالت سلولة بالاول منكون قتلانين عليه ههههههههههه!!!!!hwaml02
عبورة مبروكين بلوزات الحمل ومية صحة وهنا على النابلسية شهيتيني بالمدلوقة هههههههههhwaml7

hadeel al rouh

01-24-2012, 02:07 PM

راشي قريت موضوعكك بمنتدى اعراض الحمل والوحام الله يعوضك خير بالتوام وانشالله بكون سبب للمغفرة والرحمة وبميزان حسناتك انشالله
الف مبروك الحمل وماشاء عندك عيلة كبيرة الله يخليلك ياهون يارب

hadeel al rouh

01-24-2012, 02:09 PM

شكلكون مشغولين ياصبايا بالحوسة والطبخ
وانا قايمة كمان اطبخ بدي ساوي مفركة كوسا وشوربة عدس

وعالمسا عاملة مهلبية مممممممممم
تفضلووووووووا

سرووءة

01-24-2012, 04:02 PM

كيفكم بنات
عبورة اي حبيبتي عادي بالشهر الخامس والسادس
حتى باي شهر بيمر يوم مابتحسي بحركة الجنين
واحيانا اكتر
لان الجنين بنام اكتر من 13 ساعة
انا هيك الدكتورة قالتلي
واحيانا نحن ونايمين بيكون فايئ وبيحرك مامنحس
انا كان ينشغل بالي وابكي
بس طلعرطبيعي
بس الاشهر الاخيرة بتزيد الحركة كتيير
بس اذا مريومين ماحسيتي بولا نعرة او شي
لازم تروحي تطمني
اخر اشهر يعني
انتي لما ماتحسي بحركة حاولي تاكلي شوكولا فورا بيقومو عالحلا هههه
او كلي برتقال بيتنشطو عالفيتامينات
او اي عصير فريش
انا
كل ماروح عالدكتورة تكشفلي بالايكو
قبل ماروح زوجي بجبلي شوكولا وعصير وبتصير البنت بتلعب لعب ههههه
زوجي بقلي شكلها جاية فجعانة ههههه

هدولة شوقصتكن مع الملوخية انا كنت موت عليها
بس اول وحامي كتير اكلت
منها بئا مشان هيك هلأ مابتخطر ببالي ابدا
شوطابخين اليوم انا عم اعمل رز وبامية
جاعبالي
هههههه تفضلو كلكن

عبير اسماعيل

01-24-2012, 04:23 PM

عبير اسماعيل

01-24-2012, 04:28 PM

هدوله شو قصتك مع شهيتك للملوخيه
ان شاء الله وحام مبكر هههههههه
اي والله معك حق هي طيبه انا بحطلها معلقه دبس بندورة مع التقلايه
وبقطع خبز مقلي ع الوش بتتلطع بتشهي جربي اعملي لوصحن صغير
وجائز جوزك لما يشوف هيك يصير يحبا لأنونفس الشي صار معي

عبير اسماعيل

01-24-2012, 04:31 PM

سيلا كيفك اليوم
وكيف الحمل ان شاء الله خلصتي التالت ولا لسه
وعم تحسبي ع الميلادي ولا الهجري بقولو الهجري ازبط
ما بعرف عن تجارب هيك سمعت من أكتر من وحده ‏
الله يتمملك لأنو عنجد اول تلت شهور متعبين نفسيا وجسديا

عبير اسماعيل

01-24-2012, 04:33 PM

ام يزونه كيفك كيفو بيبتك لا تطولي علينا

رنومه كيف صرتي تبقي طمنينا عنك
والله يفرجها علينا يارب

hadeel al rouh

01-24-2012, 08:14 PM

عبورة وسروءة مية وردة حبيباتي
اي بجرب الملوخية هيك ياربي يحبها بس قلولي منين جيب ملوخية وممكن لاقي خضرا هون ‏؟شو سيلا شو قولك
‏ عبورة الف مبروك عالحركات الحلوة للبيبي
لا شو وحام ماوحام ياريييييت بس لسا من ايام خلصت الدورة
عنديhwaml5

hadeel al rouh

01-24-2012, 08:33 PM

صحيح صبايا فيدوني من تجاربكم ايمت وقت التبويض عندي دورتي
كانت ب ‏‏_‏

سرووءة

01-24-2012, 09:34 PM

عبورة
يلا الحمدلله انو حسيتي بحركتو
ابمت بتدخلي الشهر السادس

هدوولة
ايام التبويض بلشي عدي من اول يوم دورة ليوم 12 بلشي داومي عالجماع
من يوم 12 ليوم 16
واهم ايام هي 14 و15
وبس تخلصي لاتقومي خليكي متسطحة ةرفعي رجلك
هههههه اسفة عالتوضيح بس مشان قلك يعني
والاحسن وقت تبلشي خطي مخدة سفل ضهرك مشان السائل يوصل دغري
وضلك شي نصاعة او اكتر نايمة عضهرك
انشالله الله بيكتبلك هالشهر الحمل
بس انتي شدي حيلك

hadeel al rouh

01-24-2012, 11:12 PM

شكرا حبيبتي سروووووءة الله يخليلي ياااااكي
مافي مشكلة حبيبتي كيف لكا بدو يصير حمل هههههه
اي يعني انتوا عملتوا هيك ولابصير حمل من دون ماتعمل الوحدة هالخطوات قصدي التشطيح ورفع الرجلين ‏
تسلميلي حبيبتي سروووءة عالدعوة
بتعرفوا سلفتي ولدت من يومين
صبي حلو كتير طبعا شفنا بالصور ههههه لما حكيت معها باركتلها
سمعت صوتو جنبها عبمصمص الرضاعة يالللله شووووووحلوووو صوتو هي بعمري بس اتزوجت قبلي بسنة

‏
كتير شهتني ‏ صير أم
‏

hadeel al rouh

01-24-2012, 11:20 PM

سيلاااااااااا سللووووووولة وينك اليووووم اشتأتلك ولووووو
ادخلي نورينا
وحكيلي عن تجربتك ‏

عبير اسماعيل

01-24-2012, 11:57 PM

تسلميلي سروءة والله مابعرف احسب الدكتورة اللي بمستوصف الشبلان قالتلي كل سبعه الشهر بتفوتي بشهر وقالتلي انوخلي استشاريه
بمشفى تعطيني وصفه ابر المميعه والاستشاريه قالتلي
كل سبع وعشرين شهر هجري بتفوتي بشهر مابعرف على الله خير

عبير اسماعيل

01-25-2012, 12:01 AM

هدوله شكرا وان شاء الله عقبالك وقت يرفس ولعبج ببطنك
وبالنسبه للشي اللي اتفضلت وحكتو هو الوسيله والمتعارف عليه
وايمتا ربك كاتبلك ماتعرفي
ان شاء الله ربي يطعمك يارب

عبير اسماعيل

01-25-2012, 12:04 AM

سيلا وينك والله الك وحشه

ام يزونه وين أراضيكي عند اهلك ؟
ماعم تطلي

نادو

01-25-2012, 02:10 AM

كيفكن صبايا

hadeel al rouh

01-25-2012, 02:11 AM

لك اهلااااا ندووووش وينك انتي ؟؟؟؟!!!!!شو اخبارك

سرووءة

01-25-2012, 03:10 AM

هدولة حبيبتي
الاضمن هي الخطوات
انا داومت عليها والحمدلله
يعني الاحسن لان السائل بدو ربع ساعة لحتى يوصل للرحم
واذا رفعتي رجلك
احسن لوصول السائل اسرع
الله يرزقك
مافي احلى من احساس الامومة
بس صدقيني لاحقة
انا وقت تزوجت زوجي ماكان بدو احمل اجلنا سنة كاملة
قلي لاحقين عالهم خلينا نعيش حياتنا
فعلا بعد سنة وشوي حملت ومن وقت حملت
وكرهت كل شي
حتى ان زوجي يقرب علي صرت اكره وابكي مابدي
كرهت هالشغلة وكل حياتي تغيرت
قلي زوجي الحمدلله يلي ماحملتي دغري وقت تزوجنا كنا ماتهنينا
ووقت الله بريد الوحدة بتحمل

عبورة حبيبتي
اذا بدك انا بحسبلك عطيني اخر نوعد لدورتك
انا ماشية عحسابين حساب الدكتورة وحساب الدورة
والتاني يلي كلن بيمشو علي وبيولدو علي
والفرق بينو وبين دكتورتي اسبوع
يعني قراب من بعض

كيف باقي البنات سيلت وينك
لاتتركو التجمع خلي نشيط
والباقي وينكم رنومة. وياسمين وزهرة لساتك بحلب ولارجعتي استفقدنالك
وام عائشة كمان ونادو وام فؤاد

silla

01-25-2012, 03:36 AM

هدووووووووول حكي سروؤة صحيح
بس كمان في كتير نسوان ما بيعملو هالخطوات وبيلقطو انا سالت وحدة قالتلي دغري بقوم وبتحمم وماشالله بتطلع حامل هههههه ماشالله حسب كل وحدة
بس عنجد احسن شي لا تفكري ياقلبي لانو ازا عملتي هديك الشغلة منشان الحمل ما بيمشي الحال وانت بشكل طبيعي نامي بعدها ... خليها متل عادة ناميلك نص ساعة دايما

ولا عااااااااااد تحكي بهالسيرة (قليلي شلون بالله وانتو كلياتكم بطني كبر بطني صغير تياب حمل اتحرك مااتحرك دكتورة مستوصف معك حق والله ..)
اهم شي ما تخلي وما تسمحي لحدا يسالك عالطالعة والنازلة ماخبيتي شي وما خبيتي شي
لان الناس ما بينعطاها وش اساليني انا التعى قلبي سنة ونص ...

ومنشان الملوخية لك اييييييييه روحي ولحقي حالك الخضرة في منها بكارفور بهايبر بندة وبجوز بعد فترة ما تعودي تلاقي هلئ انا مابعرف عنها للخضرة لانو ما مناكلها غير يابسة يعني ازا طيبة كويسة ماكويسة ماعندي خبرة بس بهالتنين شفتها بتكون باقات باقات صغيرة نوعا ما مارح تشوفي شي متل بسوريا
واليابسة في عند محلات الرفاعي بتلاقي منها ببندة وبكتير محلات فروع هنن شغلن كلو مرتب
واليابسة في ناعمة وفي ورق بس بدها تنقاية الورق من العواد... ما بتكون نظيفة تماما متل الجاهزة بسوريا

وشووووووو لازمك قليلي صار عندي خبرة ياعين اختك ههههههههه
يلا تشااااااااو