تجمع حوامل سوريا-دردشة ورود سوريا-دردشة الغاليات [الأرشيف] - الصفحة 29

Nayota

04-08-2013, 10:30 PM

واخيرا
اشتريت غراض للبيبي مع انو لسا بكييير ههههههههه
رح ئلكن شو جبتلو مشان تزكروني ازا نائص شي جبتلو ياحبيباتي مايلي;
حرامين-3 مناشف حمام-6 ئمصان داخلية-افرولين-وبيجامتين-3 طوائي-دئونتين هاي التياب في شي نائص؟
ولسا بدي جيب سرير وكارسيت وعربة ومرجوحة عالكهربا بيلزم شي تاني ياترى؟
لاني مابعرف شو بدي جيب هون الغراض مختلفة عن بلادنا
مبروكين منار بس لسا عندك الشامبو وزيت خاص للأطفال بس لاتجيبي بودرة مأزية للتنفس الطفل
وبنصحك بلاها وقت يصير تسلخات انا كنت ادهن زيت زيتون لنايا ومأحلاه تاني مرة غيرلها يكون رايح التسلخ وجيبي كمان حفاضات للبيبي زيرو وجيبي بانيو للحمام وابدا لاتجيبي محارم معطرة مأزية كتير لجلد الطفل هههههه عم وفر عليكي
وازا جبتي كرسي للبيت لاتحطي البيبي فيه اول اربع شهور او ازا حطيتيه يكون ضهرو جالس متل السرير لان بيكون عمودو الفقري طري
وبالنسبة للتياب جيبي مقاسات يعني البربتوزات جيبي من كل مقاس تلاتة يعني من عمر صفر للتلت شهور تلت بربتوزات ومن اربعة لستة شهور جيبي تلاتة ومن ستة لتسعة جيبي تلاتة وكمان الافرولات نفس الشي ومابنصحك تجيبي نيوبورن مابيلبسو اسبوع وبيصغر عليه انا هيك عملت وقت نايا بئيت لعمرا تسع شهور عندا بربتوزات وعندا بيجامات وافرولات لان اول الشهور بيكون الطفل كتير بيعزب بالنوم ومارح تكوني فاضية تنزلي تتسوقي وفي ولاد بيستفرغو او بيسهلو العفو منك بيلزمون تغيريلون تيابون اكتر من مرة باليوم
في حزام خصوصي كمان للضهر ازا لقيتي منو جيبي اتنين كتير منيح وازا مالقيتي مو مشكلة انا نايا مالئيتلها والله ومشي حالها حتى في حزامات للسرة بتصور هي ضرورية وخاصة لحتى تنزل السرة
وايا شي انا حاضرة اسما معلوماتي جديدة مانسيت

Nayota

04-08-2013, 10:38 PM

كيييفكن ياحلوين انا الحمدلله تمام والبيبي الحمدلله تمام بس بدي اسألكن عم تكتر الافرازات صفرا اعزكم الله .. في شي ولا طبيعي ؟؟مع اني عم اخد المثبت يلي كتبتلي يا الدكتورة وعم حاول ما اتعب حالي انشاء الله مافي شي طمنونيي

كيفك شذى لاتخافي كلشي طبيعي عم يصير معك وازا بدك في هون بالمنتدى تطور الجنين ببطنك شهر بشهر وكمان الاعراض يلي بتحسي فيها وفي موقع كتير منيح سجلي فيه كل اسبوع بيبعتولك عالايميل تطورات الجنين انا لهلأ مسجلة فيه لان حتى بعد ماتولدي بيقلولك تطورات الطفل وفي كتير شغلات بتساعد اسمو بي بي سنتر وفي منو بكل اللغات وبالعربي كمان اسمو بي بي سنتر ارابيا
بتصور انتي الجنين هلأ حبة عدس عندك يمكن الشهر الجاية بيصير حبة عنب انا من الموقع اعرفت هيك شغلات وعنجد كتير ظريف الواحد يعرف هيك شغلات

Nayota

04-08-2013, 10:46 PM

كيفكون صبايا

ام جوجو ان شالله تكوني قمتي بالسلامة طمنينا عنك

ونجمة كيفك وكيف بنوتاتك ان شالله ماعم يعزبوكي

انا والله على طول ملحوقة وعندي شغل اكتر من الوقت والله مع اني من الخمسة بفيئ بصلي ومابرجع بنام بس مابعرف ليش هيك عم يصير معي يمكن من نايا لان عنجد احيانا بتربطلي ايديي من نئا ومابعود بعرف ساوي شي تؤبرئلبي هية ونئا هههههه
اليوم عملت عالغدا فول مئلى اكلة طيبة ومناسبة لريجيمي
نسيت ئلك منار كيف طلعت الحرابأصبعو وازا خطرلك وصفة شي أكلة ئولي لاتستحي انا محتارة شو أكتبلك ماشالله كلشي بتعرفيه
عندي وصفة سلطة معكرونة ازا مابتعرفيها على عيني بكتبلك ياها وهية من الأكلات الباردة

والبنات الغاطين اشتئنالكون زهرة كيف حملك طمنينا وسروؤة اشئنالجود انتي مااشتئنالك هههههههههه

شذى الاسلام

04-09-2013, 02:57 PM

لك هلاااااااااااااا
شو اخباركن ؟؟؟
اي طمنتيني الله يطمن ئلبك ..

عاشقة جوجو2

04-10-2013, 02:06 AM

بسبوسة زوجها

04-10-2013, 08:48 AM

كيفكم بنات انا لسه بالمشفى بطلع ان شاء الله يوم الخميس
انا الحمد لله بخير وحمودي بجنن بس كتير صغير ياحرام
وماعم يرضع مني ماعم يعرف وانا ماكتير فيني حليب ماعارفة شو ساوي
يالله المهم اطمنت عليكم ادعولي يطيب جرحي بسرعة
الف الحمدلله عسلامتك ام جوجو وانشاءالله الف مبروك ويربى حمودةة بعزكن ودلالكن يارب الله يخليه ويكتبو من الصالحين
الحمدلله طمنتينا عنك حبيبتي
وعئبالي انشاءالله

بسبوسة زوجها

04-10-2013, 09:20 AM

حبيبتة ئلبي هديل
يسلمو ياعسل منيح انك نصحتيني عنجد شكرا كتير
منيح انك ئلتيلي عالبانيوم لاني كتير عم فكر انو كيف بدي حممو
ومشان البودرة اشتريتها من يومين بس متل مائلتي مارح استعملها
والمحارم المبللة كمان جبتهن وياريتني شفت نصائحك ئبل ماجيبهن
بس حبيبتي شو البديل عنهن؟
وكمان اليوم جبتلو تياب للتلات شهور متل مائلتي
بس بدي اسئلك انتي نايوتا لفيتها بالئندائ ؟لان هون مابلفو الولد فيه ومافي الو غراض
ياالله ياهديل حاسة حالي متل الضايعة وكتير متلبكة آآخ لو ماما جنبي ماكنت هيك ضعت
وكمان حبيبتي بدي اسألك
شو عملتي لبطنك حتى مايترهل ويبئى منفوخ ؟
واستعملتي كريمات او شي تاني مشان التشققات ؟
وكمان الصدر بسمع انو بيتشقق من الرضاعة صح؟
وصاير معي انتفاخ بسيط بجسمي نحنا منئلو زلال ياترى برأيك بيرجع جسمي لطبيعتو بعد الولادة انشاءالل؟
لاتآخزيني ياروحي عم كتر عليكي اسئلة بس والله نصايحك بتنزل متل البلسم عئلبي وكتير بوثق فيكي
ومشان الحرااصبعو يممي طلع كتير لذيذ انا اول مرة باكلو ورجعت مبارح عملتو لبيت حمايي كتير عجبن يسلمو حبيبتي منيح انك تزكرتيني بهالاكلة وصحة وهنا عالفول المئلى كمان مرة اخدت طريئتو منك بتتزكري؟واول ماينزل الفول الاخضر رح اعملو
وسلطة المعكرونة ياريت تعطيني الوصفة لاني كتير بحب المعكرونة بس عفضاتك طبعا
بوسيلي نايا كتير وخلي نايا تبوس امها عني

بسبوسة زوجها

04-10-2013, 09:25 AM

نجمة السمر
نورتي حبيبتي اشتئنالك
انشاءالله موعد ولادتي ٣٠ نيسان
بس اليوم كنت عند الدكتورة وئالتلي ممكن اولد ئبل الموعد وانا من لما هيك ئالتلي حاسي حالي بكرى رح اولد وكتير متلبكة لاني لحالي
وانتي حبيبتي حكيلنا شو اخبارك ؟

Nayota

04-10-2013, 09:58 AM

مرحبا صبايا

الف الحمد لله على سلامتك ام جوجو وان شالله بيطيب جرحك قريبا بس بدي قلك لا تستسلمي بالرضاعة الطبيعية واسألي حماتك عن مدرات واتغزي عندك الجاج ومرقة الجاج والخضار بأنواعا وامتنعي قدر المستطاع عن الأكلات يلي بتعمل نفخة والله وقت يكون الواحد مو حسنان وابنك عم يبكي افضل شي واقرب شي عليكي صدرك هادا غير الفوائد من الحليب الام مابدي قلك عليها بتعرفيها وقت السخونة حليبك افضل شي والله انا ابقيت اسبوع عم شرب نايا ماء التمر وبابونج وحاول وحاول لعرفت ترضع ومارضيت شربا حليب صناعي خفت تحبو وماترضى ترضع مني ولا بيصير مع الولد تسلخات انتي اكبر قدر من حليب الام والله عن تجربة مافي افضل من حليب الام وكل مارضعتي اكتر بيزيد حليبك اكتر وطولي بالك الطفل بيتعب بدك يكون عندك طولة بال كتير انا والله كنت رح أيأس بس الحمد لله الله قواني
وان شالله مبروك ويربى بعزك وعز ابوه بوسيلي ياه للزغنون

Nayota

04-10-2013, 10:13 AM

منار كيفك ولا تخافي ولاشي احلى مرحلة من مراحل الحمل الولادة لكن شوبدك تضلي تقيلة خليكي اتخفي وبعدين مالك متشوقة تشوفي علوش افندي
بديل المحارم الماء ونشفي ببشكير خصوصي او ازا براز انتي اكبر قدر بالمي والصابون وبعدين نشفي بالبشكير وكنت والله مع اني مالي حسنانة آخد نايا عالحمام ونضفها منيح وجيبا عالغرفة حفضها وفي شغلة نايلون بيحطوها تحت البيبي وقت الغيار جيبيها كتير منيحة
الاندائة ملها داعي بس لفي البيبي بالبطانية او شرشف قطني صغير وضبيلو ايديه بيرتاح اكتر بالنوم بالشهر الاول لان بيحس حالو وكأنو لساتو ببطن امو بيشعر بالأمان اكتر بس لاتشدي كتير انا بنتي كانت احيانا تطالع ايديها ماتحب الاندائة وكل ولد وطبيعتو
ومشان بطنك لاتاكلي همو بالرياضة بعد الاربعين كلو بيشد وبيروح ولاتستعملي مشدات ابدا الدكتورة منعتني منعا باتا من المشد قبل الاربعين خاصة بيعمل التصاقات بالرحم والبشي بالنفاس رواب نوم مريحة ولاتشدي على بطنك شي بتكون الرحم عم تنضف حالها بهل فترة وعم تشد وتصغر وترجع لوضعا وجلدة بطنك بالرياضة بتشد وبتصير مأحلاها والرضاعة الطبيعية كمان بتساعد انو يصغر البطن وترجع الرحم لوضعا طبعا في رابط بين الثدي والرحم
والتشققات بتخف وبتصير لونا ابيض ادهني زبدة الكاكاو كريم موجود بالصيدلية او زيت زيتون كان لازم من فترة الحمل تبلشي تدهني بطنك وصدرك بس مافي مشكلة لا تندمي وجربي من هلأ وبعد ماتولدي كمان كملي دهن والرياضة كمان مفيدة بتروح التشققات وادهني كمان الحلمة بالغلسيرين من الصيدلية منيح مابتعود بتشقق وقت الرضاعة وعمليلها رياضة وشديها لتكبر وتساعدك عالرضاعة وشوفي شو كتبت لام جوجو ومافي احسن من الرضاعة الطبيعية
والزلال بيروح لاتاكلي همو بس كتري مي كتير وخففي ملح وازا صحلك تلغي الملح لاتقصري اشربي شي لترين مي باليوم ازا احسنتي
وايا شي اسألي انا جاهزة ولا تستحي وصحتين عالحرابأصبعو مجاري الهنا

شذى الاسلام

04-10-2013, 01:14 PM

الحمدلله ع السلامة ام جوجو ..والف مبروووك الله يخليلك يااا
عئباليييي بس انا مطووولة مابعرف ايمتا حيخلصو7تشهر وشوف ابني اوبنتي ..
مبروووووووك وانشالله بيربى بعزك وبشوف ايام حلوة .....
كيفكن بنات ؟؟؟؟؟؟؟؟

ام ندوشة

04-10-2013, 10:15 PM

كيفكن يا حلوات طمنوني عليكن الف الف مبروك يا ام جوجو على قيامك بالسلامة انتي والببو انشالله بيربى بعزك ودلالك

ام ندوشة

04-10-2013, 10:17 PM

طمنوني عليكن كيفك بسبوسة وكيف الببو يلا قربت ولادتك, كيفك ام نايا شو اخبارك واخبار نايا

ام ندوشة

04-10-2013, 10:21 PM

انا الحمد لله اتحسنت وبخير بس الببية صغنونة كتيرررررررر والحمد لله عم ترضع بس حاسة انو ماعم تشبع جاية على بالي جبلا حليب صناعي ,واختا ندوووشة حاببتا كتير , ماعم يصحلي فوت عالتجمع بسبب البنوتات والضيوف ,

شذى الاسلام

04-11-2013, 02:37 PM

كييفكن يابنات ؟؟
لك عم حس يوجع ع الجنب اليمين اسفل البطن والله مابعرف اوصفلكن يا انشالله تفهموا عليي يعني متل النخز
ولعية نفس ..ياإلهي ...لييش ؟؟انا فتت بالاسبوع التامن ....طبيعي ؟بعرف بسال كتير بس يلي بتعرف ترد عليي الله يجزيكن الخير
حلوين انتو ردو اي .....

نجمة السمر

04-11-2013, 02:44 PM

الحمد لله عسلامتك ام جوجو
مبارك جية حمودة بالسلامة الله يحفظه ويجعله قرة عينك وتفرحي فيه دايما
ومعافية يارب حاولي ترضعي ابنك مافي انفع من حليب الام
وكلي اكل مغذي وكتري من الخضار الورقية والحليب واللحمة ومع الرضاعة بيكتر الحليب
خليك عمتحاولي لا تيأسي لانه افادة اليك وللبيبي وبتستعيدي صحتك اسرع الله يشافي جرحك ويعافيك

نجمة السمر

04-11-2013, 02:53 PM

يالله منار هانت كم يوم وبتشوفي البيبي جنبك وبتفرحي فيه الله يقومك بالسلامة الغربة صعبة الله يكون بعونك وماتحتاجي حدا
انا بناتي كلهن جبتهن بالغربة لوحدي الحمدالله هلا صاروا صبايا الله يجمعك مع اهلك قريبا بالخير والزلال بروح بعد الولادة لا تخافي ومتل ماقالت هديل خففي ملح وبلاه احسن حتى جسمك بعد الولادة بيرجع متل اول خاصة مع الرياضة والرضاعة الطبيعية بيرجع كل شي تمام الله يسهل عليك ولادتك وماتحسي بتعب

نجمة السمر

04-11-2013, 02:59 PM

حبيبتي شذى سلامتك مارحتي عدكتورتك مرة تانية اذا حملك من المبيض الايمن عادي تحسي بنخز بس مايكون الم كتير والوحام هلا لازم يبدا معك حاولي تاكلي على دفعات يعني عوض تلات مرات خمس مرات كميات قليلة وكل ماحسيتي بالدوخة ارتاحي ربع ساعة جلسي ومدي رجولك واسترخي بترتاحي كتير واذا مالك اكلة بتحسي بلوعة خدي بسكويت مالح او بسكويت الشاي الحلو حسب انت رغبتك بين المالح او الحلو بيعدل المعدة وبتخف اللوعة وسلامات ياحلوة ماعلى قلبك شر

شذى الاسلام

04-11-2013, 03:08 PM

يسلمووو حبيبتي..لا الوجع مو كتير
اي انشالله بتمضى هالفترة وبشوف البيبي بين ايديي

نجمة السمر

04-11-2013, 03:16 PM

سلامات ام ندوشة ان شا الله صرتي احسن تكملي اربعينك بخير يارب كيفا ندى واختها شو قررتي تسميها بعدين الله يحفظهن ويسعدهن حاولي تكتري خضار ورقية يتكتر الحليب واللحمة والحليب والحلاوة طحينية والمكسرات بلاه الحليب الصناعي مابفضله ابدا عن جد مافي متل حليب الام الحمدالله ماجربته ولا رح جربه بإذن الله هو حليب الام ايام بقل بس بيرجع حسب النفسية والاكل واذا حسيتيها ماعمتشبع واضطريتي عالصناعي خليه رضعة بالليل قبل النوم من شان ماتصحيك بالليل الله يبعت رزقها ومايحيجك للصناعي وقت ولدت بنتي شام الاخيرة حليبها كان خفيف كتير وهي كتير عصبية ونزقة وصارت معنا ظروف كتير صعبة بعد شهرين توفى والدي الله يرحمه ويسكنه الجنة يارب وقامت الاحداث بحلب ونفسيتي كانت صفر عن جد لاخر حد من الحزن والتعب النفسي ونشف حليبي بالمرة ورغم هيك صبرت عليها وشوي شوي رجع وكتر الحمد الله حتى لما فطمتها حجر وصار متل البالون هههه حكيت قصة حياتي بس لاني مابحب الصناعي الله بيعت رزقهم ويحميهم يارب

نجمة السمر

04-11-2013, 03:17 PM

ان شا الله شذى بتفرحي بابنك ويكون من الصالحين يارب

نجمة السمر

04-11-2013, 03:47 PM

عني انا اخباري هي

امبارح كنت عند الدكتورة وقالتلي عندي بويضة جاهزة وعطتني ابرة تفجرية
متوترة الصراحة وصاير معي دوخة وصداع بالليل اجاني وحابة احكي مابعرف اذا حدى منكن جرب هالابرة ولا لأ
كلكن الله يسعدكن ويوفقكم بالبداية انا اكبر وحدة يمكن بينكم (الختيارة) مع اني عمري 30 بس
اكلة هم وعمادعي طول الوقت انه الله يبعتلي ولد صالح
لانه زوجي رافض فكرة الحمل نهائي يعني خلص مابدو ولاد ولا بنات
بس تحت اصراري وافق اني احمل حاسة حالي بتجربة صعبة وخايفة
قبل هالمرة سمعت منه كلمة انت يلي بدك ورح اسمعها هالمرة كمان بعرف
بس املي بان ربي يرزقني ذكر صالح وبار يفرح قلبي ويفرح قلب زوجي
لولا الغربة والاحوال الصعبة بسوريا يمكن كان الوضع احسن
انا مو فارقة معي حسهم بالبيت اغلى من كل الدنيا عندي
وحنيتهم وضحكاتهم الله لايحرمني منهن ويسعدهن
ماعاد همني كلام اهله لاني مليت من الهمز واللمز وتعودت عليه
بس زوجي بهمني كلامه وهو حياتي كلها
الله لا يدوء حدى منكم يلي عمعيشه من الم نفسي من صغر عقل هالناس
يلي مابهمهم حدى تقولي البنات مو نعمة متل الولاد ورزق
الله يلي قدره وقسمه لعباده ماحدى بيختاره لنفسه الاولاد ولا البنات
كريت كتير ووجعتلكم راسكم بس عن جد حابة فضفض الله يرزقكم الاولاد والبنات الصالحين البارين يارب

ويرزقني قرة عين ويعطيني طلبي ويفرح قلبي بالولد الصالح البار الفائز بالدنيا والاخرة امين يارب

نجمة السمر

04-11-2013, 03:58 PM

نغم غايبة الها زمان غلي قلبي عليها يارب تكون بخير ونسمع منها خبر مفرح
ياالله ياحي ياقيوم يارحيم يامن تقول للشيء كن فيكون ترزق نغم الحمل السليم التام ويقر عينها ويفرح قلبها في القريب العاجل ويسعد قلبها بما يرضيها ويفرحها هي وزوجها ويجمع بينهم بالخير والفرح ويرضى عنا كلنا برضاه ويجمعنا بالجنة مع الحبيب المصطفى محمد صلى الله عليه وسلم وخاصة ادان العصر طلع هلا عندي امين يارب امين

كيفك هدولة حبيبتي الله يجبر خاطرك بما يفرحك
وسيريا كمان غايبة الها مدة الله يتمم عليها حملها ويفرحها وام مالك سلامات للجميع رايح صلي وادعيلكم كلكم ولسوريا الله يفرجها علينا يخزي هالظالم ونرجع نعمر بلادي ونزينها بضحكاتنا يارب يارب تجعل هاليوم قريب

زهرة سورية

04-11-2013, 04:48 PM

صبايا بلدي الحلوات *مساكن خير حبيباتي*
كيفكن ان شاءالله تكونو كلكن بألف خير انتو و الئطائيط الحلوين ،اشتئتلكن صرلي زمان ما فتت ،كتير صاير خلئي ديئ و أليلة مروة*
الحمدلله صرت بنص السادس و اسا ما اخترنا اسم للبنوتة الله يجيبها بالسلامة حتى تسليني و تملي عليي البيت حاكم جوزي صايرة ما بشوفو غير ساعة باليوم بيجي اخر الليل هلكان يا بلحئ احكي معو كلمتين يا ما بلحئ و الله عم يطئ البي لحالي و أدمت لاهلي ع زيارة انرفضت بدي حاول أدم مرة تانية بركي بيمشي الحال*

ما لحئت اقرأ الصفحات اللي راحت عليي بس شفت انو ام جوجو ولدت*

الحمدلله ع سلامتك و ألف مبروك يا أم جوجو الله يحميلك حمودة و يخليه و يربى بعزك و دلالك انتي و ابوه*

شذى الاسلام

04-12-2013, 06:30 PM

مسالخير كيفكن ؟؟جمعة مباركة

Nayota

04-13-2013, 12:33 PM

مرحبا صبايا كيفكون

شذى الله يقويكي عالوحام شكلو بلش عندك بس فترة وبتمر اول الشهر الرابع بترجعي طبيعية ان شالله

ام ندوشة الحمد لله اتحسنتي وشو سميتيها للصغيرة ماقلتيلنا

زهرة اشتئنالك ومبروك انك شفتيها بنوتة كتير حلو يلي بكرها بنت حتى في حديث عن الرسول صل الله عليه وسلم من بركة المرأة تبكيرها بالانثى

نجمة والله ماعندي فكرة عن الابرة التفجيرية وان شالله الله يبعتلك صبي صالح وتام الخلقة
بس انتي حطي ببالك واقتنعي انتي ولايهمك غيرك ..انو الله سبحان وتعالى على طول بيختار الخير لعبادو وين الخير ماحدا بيعرف ولاتنزعج نفسيتك من كلام الناس ولاشي خليها آخر همك حكي الناس وانشالله بتطلعي هالشهر حامل بصبي يارب
وماشالله عندك همة وعمرك مناسب للانجاب مالك كبيرة ولاشي وان شالله بتجيبي توم صبيان مو بس صبي واحد
والله يحميلك بناتك وتفرحي فيهون

وباقي الصبايا وينكون طمنونا عنكون

انا الحمد لله بخير وبدعي بسلامة الجميع

ام ندوشة

04-13-2013, 02:38 PM

كيفكن صبايا حبيبات قلبي انا بخير والحمد لله, ام نايا تسلميلي يا رب سميت الببية سيدرا وهيي كتير نعومةوامورة كيفا نايا وانشالله عم تاكل منيح لانو الولد بها السن بيعزب بالاكل كانت ندى تعزبني باكلا لحتى صار عمرا سنة ونص لركز اكلا وصارت تاكل منيح و طمنيني نايا بلشت توقف على اطراف الكنبايات واديش صار عمرااا الله يسلما يا رب

ام ندوشة

04-13-2013, 02:51 PM

بتعرفو شو حابة فشلكن خلئي والله العظيم يا صبايا طول نهار بضل معصبة وعم عيط على ندوشة على كتر ماعم تعزبني مدري شو صايرلا من وقت ماولدت واجت اختا وهيي صارت ورشة وتصرفاتا متل الصبيان بشقاوتن وبتضلا تكركب البيت وتنكتوو مقلوبة مية وتمانين درجة , هيي حابة اختا كتير وبتضل عم تبوسا وبتخاف عليها بس حاسستا متجاكرة مني انا ومو طايقتني عم تعمل كل هالشغلات لحتى تقلي انا موجودة هوون مو بس تهتمي باختي وتنسيني , اخخخخ عنجد عم تعزبني كتير شو اعممممممممممممل قلولي مع العلم انو انا وابوا عم ندللا اكتر من الاول

syria

04-13-2013, 09:34 PM

كيفكونن ياحلوات لساتكن متزكريني شو اخباركن انا صرلي زمان غاطه والله ظروف

وصرلي يومين مكسلة مابعرف شبني مبارحة باليل صار يجيني وجع بضهري ويشد لبطني يمكن طلء بحكم اني مو مجربة من ئبل بس الحمد لله مضيت الليلة على خير بائي اسبوعين وبفوت بالتاسع رح اريح حالي هلء وبعدها عادي اذا ولدت

حابة اولد بسرعة مشان اخلص من هالبطن مع انو حجم بطني مو كبير كتير وكل النسوان اللي شافوتي مايسدئو اني بالتامن يس ئرفت من حالي وحركتي بطيئة ووزن زايد الله بيعين

syria

04-13-2013, 09:38 PM

صحيح صبايا يلي ولدو من جديد ويلي ولدو من قبل

سؤال صريح كم كيلو نزلتي بعد الولادة مباشرة وكم كان وزن البيبي

في كتير ناس ئالولي نزلو عشرة كيلو مباشرة بس انا حاطة لحالي انزل بس 3 كيلو مشان اذا مانزل وزني ما انصدم hwaml03

عاشقة جوجو2

04-14-2013, 12:21 AM

كيفكم يا صبايا الله يبارك فيك جميع وان شاء الله كل وحدة الله يرزقها يالي بتتمناه
انا الحمد لله احسن من الاول بس الجرح عم يوجعني مع الحركة وخايفة يكون ملتهب
بس يالي متعبني اكتر تشققات الحلمة والله عم حس روحي عم تطلع كل ما بيرضع حمودة
رغم انو بعد كل رضعة بدهن فازلين بس ما استفدت شي يالله الحمد لله على كل شي

syria

04-14-2013, 10:56 AM

ام جوجو الحمد لله عئيامك بالسلامة وان شاء الله بيربى بعزك ودلالك

وعقبال كل الحوامل يارب يقومو بالسلامةhwaml9

امجااد

04-14-2013, 11:26 AM

http://forum.hwaml.com/t249684.html#post3126693

Nayota

04-14-2013, 02:40 PM

مرحبا صبايا

ام ندوشة كتير حلو اسم سيدرا ان شالله بتشوفيهون عروسات وبتفرحي فيهون والله بالأكل تؤبرني نايا مابتعزبني والحمدلله عم تمشي عالكنرات وبمسكلها ايدها بتمشي معي خطوتين وبعدين بتقعد بتتعب بس بتنئ بتحبني على طول جنبا
ومشان ندوشة بدك تطولي بالك عليها بس اول فترة هيك بتعمل بعدين بتتعود علوضع واتركيها تنكت البيت وتلعب والمسا وقت تنام ضبيه ولاتعصبي ولاتوتري حالك انا نايا بتركا تنكت وتكركب لتشبع والمسا وقت تنام بضب البيت ليش لحتى احرق اعصابي ولد وبدو يلعب ويكبر المهم ماتكون عم تلعب بشغلات بتأزي

ام جوجو زعلتيني عليكي وعلى تشئئات الحلمة يمكن كان لازم حدا ينبهك انو من الشهر السابع وقت كنتي حامل لازم تبلشي دهن وترطيب بس هلأ منيح الفازلين خليكي عم تدهني او جيبي غلسرين طبي وادهني كمان كتير منيح وان شالله اجر وعافية ومشان جرحك لسا ماحلك اتطيبي طولي بالك وروحي راجعي عالجرح مشان تطمني

سيريا مانسيناكي شلون بدنا ننساكي ولاتاكلي هم الوزن انسي وزنك هلأ كلو عالرضاعة بيروح انا صار معي انسمام حملي واحتباس سوائل وليكني ارجعت البس من فساتين عرسي واتصوري بهل فترة بكرة بترجعي نحيفة وبتشوفي حالك شلون كنتي ومابتصور حدا نزل عشرة كيلو مباشرة بعد الولادة لان مثلا الطفل بيكون شي تلاتة ونص وزنو وعندك المي والمشيمة يعني خمسة كيلو عالأكتر إلا ازا كانو جايبين ولادون وزنون كتير خمسة كيلو مثلا والله انا ماانتبهت وقتا للرقم مزبوط بس متل ماعم قلك انسي الوزن وبكرة بترجعي عروس ولايهمك

اليوم عملت اسكالوب ايطالي عالغدا كتير طيبة هالأكلة وان شالله بدي اكتبها لمنار

شذى الاسلام

04-14-2013, 07:56 PM

مسالخير كيفكن
انا اليوم محبطة ويأسانة كنا عم نعزي ام شهيد عنا بالحارة والله ئلوبنا احترئت على هالشباب يلي عم تروح متل الورد أملنا بالله ككبير بس تعبنا والله العظيم تعبنا ومشاكل الحمل عم تزيد يوم بعد يوم ومااااالي طايئة بيت حمايي وحماتي عندي ليل نهار وانا عروس لاتئرفوا لك ااااه وحتى زوجي مابعرف شو صايرلي من ناحو لك مالي طايئة منو شي ماااااااااااااااااااااالة
بدي استشهد دعولي ..............يااااااااارب ترزقني الشهادة في سبيلك ........

نجمة السمر

04-15-2013, 01:55 AM

سلامات ياحلوات الله يسعد اوقاتكم يارب

سلامتك شذى حبيبتي لا تفكري هيك وقوي قلبك الزعل مو كويس من شانك
هرمونات الحمل مأثرة عليك كتير والوحام اله تاثيرات عالنفسية
والله نحن هون وبعيدين وقلوبنا عمتتقطع عالشباب يلي عمتموت كل يوم وهالعالم عميتفرج علينا
غير انو اهلينا عندكم وقلوبنا عليهم ومنخاف نسمع اخبار مو منيحة ومالنا غير الدعاء
انت بمرحلة حساسة والوحام بيزيد عليك اذا كنت مدايقة \كبي ورا ظهرك الخلافات الصغيرة
وحماتك عامليها متل امك بتكسيبها وحاولي ترضي زوجك لازم نتحمل بعض بهالايام الصعبة يلي عمتعدي علينا
مو حل ان واحد يموت كانوا كل الميتين ارتاحوا ورا الموت في حساب
لا تزعلي مني عيني انت متل اختي والله ان اختي بالدمام بالسعودية وبيت حماها عندها وكل مرة بتحكي معي بصبرها
كمان عروسة وكانت حامل وتعبت وهي بتركض فيهون ولا جزاء ولا شكورا بس المعاملة مع الله مو مع البشر
الله يقويك ياروحي كلها كم يوم وبيخلص الوحام وبتحسي بتحسن كبير
وخصوصا لما بيتحرك البيبي احلى شعور الله يتم عليك وتجيبي احلى بيبي يارب
والله يفرجها عسوريا ونرجع نضوي ليليها بالفرح والهنا وترجع الضحكة لقلوبنا امين يارب

نجمة السمر

04-15-2013, 02:11 AM

شكرا حبيبتي هدولة عالدعوة والتشجيع يلي الله كاتبه رح يصير ومن رضي فله الرضا
وعلى الهمة مو بكيفو الواحد ايام الزمن بيجبر الواحد على اشياء مابدو ياها
ويمكن هي اخر مرة بفكر فيها بالحمل(الله يثبتني على هالكلام لان عنجد الواحد مو بكيفوا)
من هيك اكلة هم ومتوترة لانه اخر مرة اما كلام الناس اخر همي لانه مابينفع ولا بيضر
وان شا الله الله بفرح قلبك بولد صالح اخ لنايا ابوسها صارت تخطي يالله كم شهر بتركض ركض الله يحميها ويخليلك ياها

ام جوجو الله يعينك عالتشقق لازم كان تدهني من انت حامل
على فكرة زيت الزيتون كتير بينفع بس مشكلته انه لازم تغسليه وقت الرضاعة
الجلسرين افضل متل ماقالت هديل معافاية ان شاء الله يارب

نجمة السمر

04-15-2013, 02:26 AM

ام ندى مبارك اسم الحلوة سيدرا الله يحميها هي واختها وتفرحي فيهن يارب الغيرة لابد منها
عنجد مجربة اشتري شي بتحبو بنتك من دون علمها لعبة او لبس او اكلة يعني شكلي كل مرة
وقوليلها هي اختك جابتلك هي هدية راح تفرح وترجع تحس انكم مهتمين فيها مو بس باختها
وخليها تساعدك بلبس سيدرا وشغلاتها يعني حمليها البامبرز او البشكير تبع الحمام
وقوليلها تعالي نتساعد بحمام الدادا رح تنبسط كتير وتحس انها مهمة وعالكركبة دخيلك البيت ملعب الاطفال ومملكتهم

سيريا حبيبتي الله يتم عليك هانت
انا لما اولد بنزل عشرة كيلو فورا هاد غير اذا كنت منفخة كلو عالولادة بروح
وبعدها مع الرياضة والرضاعة كله بيصير تمام الله يقومك بالسلامة انت والبيبي فكرتي شو رح تسمي

Nayota

04-15-2013, 09:46 AM

مرحبا صبايا

تاري القصة مافيها ضحك تركت حالي الشهر الماضي بلا مانع ومالي كتير متأملة بس والله دعيت ربي والحمد اطلعت هالشهر حامل
اتأخرت عليي خمس ايام واليوم حللت طلع ايجابي .....اجتك وحدة اتساعدك شذا بالوحام ههههههههه من شي يومين عم دوخ وماعم اعرف ليش.. ويسلمو كتير لكل يلي دعالي.. والله يجبرخاطركون جميعا .. وبرافو نجمة انك بتنزلي عشرة كيلو لماتولدي معناها هالقصة طبيعة اجسام مادخل حجم البي بي متل ماكنت مفكرة

شذى الاسلام

04-15-2013, 10:47 AM

صبااح الورد الله يسهل عليكي نجمة ويبرك فيكي معكةحق والله
لك حزروا شو اليوم فئت لئيت زوجي ماهون كالعادة يعني عندو شغل ادعولو الله يحميلي يا ويشوف ابنو الله يخليلكن حبايبكن بتعرفو شبابنا شو عم تعمل ..........
المهم ئمت حسيت حالي رايئة شوي غليت قهوة وعم اشرب انا وحماتي :) ..
ئولتكن خطوة منيحة ؟؟؟
اما البيبي والله بالي مشغول بالعادة بحس بطني لما فيئ قطعة وحدة ئد مو ئاسي ومتحجر اكيد فهمتوا عليي اكيد لانكن مجربينو اما اليوم والله هالاحساس خافف مابعرف شو اعمل ولسا موعدي عند الدكتورة لبعد 15 يوم شو اعمل بنوتات ؟؟؟؟؟؟؟؟؟

نجمة السمر

04-15-2013, 06:41 PM

مساؤكم خير وسعادة

مبارك حملك هدولة يارب يتمم عليك بالخير ويرزقك الولد التقي البار ويجعله من الصالحين امين يارب
على هيك اذا حملت هالشهر بنكون سوا انت سبقتيني كم اسبوع يالله عقبالي وكل مشتهية الحمل يارب ياكريم

نجمة السمر

04-15-2013, 06:55 PM

حبيبتي شذى الله يحفظ زوجك وكل هالشباب ويفرحكم بشوفة ابنكم بتمام الصحة

syria

04-15-2013, 07:45 PM

كيفكن صبايا شو اخياركن اانا اخباري بالمرة مو منيحة

رحت اليوم عالمشفى وفحصوني وزن البيبي كتير ئليل يعني لازم يكون 2140 غ وطلع وزنا 1500 غ يعني فرق شاسع

والمي ناقصة وضربوني ابرة وعندي ابرة تانية بعد 12 ساعة يعني الساعة 2 باليل بدي اروح اضربا
والله من صدمتي بالي اسمعتو ماخطر عبالي اسءلون ميشان شو الابرة بس اظنلكم مشان انضاج الرئتين

ولازم اعمل تخطيط لنبض البيبيه كل يومين
وكمانن احسب حركت البيبي واذا تحركت اقل من 10 حركات لازم اروح عقسم الولادة واساوي تخطي ط قلب للبيبيه

صبايا اانا بحاجة دعائكن يارب اقل شي بس اخلص الثامن عخير واذا الله راد اني الد بكير مااتحتاج بنتي لحاضنةhwaml15

syria

04-15-2013, 08:18 PM

سيريا مانسيناكي شلون بدنا ننساكي ولاتاكلي هم الوزن انسي وزنك هلأ كلو عالرضاعة بيروح انا صار معي انسمام حملي واحتباس سوائل وليكني ارجعت البس من فساتين عرسي واتصوري بهل فترة بكرة بترجعي نحيفة وبتشوفي حالك شلون كنتي ومابتصور حدا نزل عشرة كيلو مباشرة بعد الولادة لان مثلا الطفل بيكون شي تلاتة ونص وزنو وعندك المي والمشيمة يعني خمسة كيلو عالأكتر إلا ازا كانو جايبين ولادون وزنون كتير خمسة كيلو مثلا والله انا ماانتبهت وقتا للرقم مزبوط بس متل ماعم قلك انسي الوزن وبكرة بترجعي عروس ولايهمك

اليوم عملت اسكالوب ايطالي عالغدا كتير طيبة هالأكلة وان شالله بدي اكتبها لمنار
هو هيك والله ماعاد همني وزني بعد الحكي لي سمعتو اليوم بالمشفى نحرئ دمي وهلئ رح احاول التزم باكل صحي المشكلة صاير معي حرءة بالمعدة اصلن انا ئبل ما اتزوج بست اشهر كان وزني بوزني هلئ بس خلال ست اشهر كتير انحفت والعالم يشوفوي مايسدئو وصار جسمي يجنن بسر صغير بس ( الرقص ) بدون حمية ولا شي وعفكرة كنت اكل بشكل فظيع بحكم اني بالمدرسة مع رفئاتي يعني كانت الشوكلا والشيبس والحلويات والبيتزا والكولا جزء م روتيني اليومي وطبعن بالبيت لازم كل يوم انئرش اانا ومرت اخي بطاطا مقلية وبزر فما بالك اذا رضعت واكلت اكل صحي ا كيد بنحف خاصتن انني لسى بعمر النمو يعني بنحف بسهولةhwaml5
مسالخير كيفكن
انا اليوم محبطة ويأسانة كنا عم نعزي ام شهيد عنا بالحارة والله ئلوبنا احترئت على هالشباب يلي عم تروح متل الورد أملنا بالله ككبير بس تعبنا والله العظيم تعبنا ومشاكل الحمل عم تزيد يوم بعد يوم ومااااالي طايئة بيت حمايي وحماتي عندي ليل نهار وانا عروس لاتئرفوا لك ااااه وحتى زوجي مابعرف شو صايرلي من ناحو لك مالي طايئة منو شي ماااااااااااااااااااااالة
بدي استشهد دعولي ..............يااااااااارب ترزقني الشهادة في سبيلك ........
حبيبتي الله يفرجا عك وعن اهلنا بسوريا انتي هلئ ئاعدة بسوريا ؟؟؟؟؟
شو احكيلك لاحكيلك انا اخي معتقل من شهرين مامنعرف وين اراضي مو حرام عريس ماصرلو سنة متزوج مرتو ولدت ماشاف بنتو
واهلي كل واحد نازح بئرنة واختي صبية لساها صار معها التهاب كبد بسبب الجو
وشو احكيلك لاحكيلك بس بالنهاية عندي امل بربي اني ارجع وشوف اهلي كلون مجموعين وفرحانين بالفرج
ولازم يكون صبرك اكبر من هيك انتي ببطنك في بيبي بكرة بتجيبيا وبتفرحي فيا وعفكرة اانا كتير قرئت عالنت hwaml13عن مكانة المرة الحامل عند ربب العالمين انوي تعبك بحملك لوجه الله والحامل اجرها متل اجر المجاهد في سبيل الله فاخلصي النية واندري يلي ببطنك لرب العالمين ميشان الله يبارككلك فيه

سيريا حبيبتي الله يتم عليك هانت
انا لما اولد بنزل عشرة كيلو فورا هاد غير اذا كنت منفخة كلو عالولادة بروح
وبعدها مع الرياضة والرضاعة كله بيصير تمام الله يقومك بالسلامة انت والبيبي فكرتي شو رح تسمي
تسلمي حبيبتي عنجد طمنتيني اانا لحد الان زايده 10 كيلو اذا بروحو كلون او بيزيد منون شغلت كليين تلاته كتير تمام حتى خواتي ئالولي انهم بينزلو 10 كيلو خلال الاربعين من دون ريجيم وطول مايرضعو ينحفو ان شاء الله تكون طبيعت جسمي متلون وعفكرة وحامي ووحام خواتي والماما نفس الشي تمام مافي لا لعية ولاغيرو بس مجرد خمول
مرحبا صبايا

تاري القصة مافيها ضحك تركت حالي الشهر الماضي بلا مانع ومالي كتير متأملة بس والله دعيت ربي والحمد اطلعت هالشهر حامل
اتأخرت عليي خمس ايام واليوم حللت طلع ايجابي .....اجتك وحدة اتساعدك شذا بالوحام ههههههههه من شي يومين عم دوخ وماعم اعرف ليش.. ويسلمو كتير لكل يلي دعالي.. والله يجبرخاطركون جميعا .. وبرافو نجمة انك بتنزلي عشرة كيلو لماتولدي معناها هالقصة طبيعة اجسام مادخل حجم البي بي متل ماكنت مفكرة
حبيبتي ان شاء الله الف مبروك الله يتمملك عخير الله يرزئك الذرية الصالحة وتكون قرة عين ئلك ويكملك حملك وولادتك بدون تعب ويكتبلك الاجر والثواب
hwaml5

شذى الاسلام

04-15-2013, 08:32 PM

مسالورد كيفكن ...
مبروك حملك هديل الله يتمملك بخير ...
الله يفرج عن اخوكي سيريا وعن كل المعتقلين ياارب
وباقي الصبايا شو اخباركن ؟؟

عاشقة جوجو2

04-16-2013, 03:08 AM

كيفكم صبايا
كتير فرحتلك هديل ان شاء الله الف مبروك والله يرزقك بالذرية الصالحة يارب
نجمة السمر حبيبتي انتي شو عندك كم بيبي الله يحقق يالي ببالك وتطلعي حامل وبولد صالح ان شاء الله
سيريا الله يفك اسراخوكي واخي وجميع المعتقلين والله يكمل حملك بخير وان شاء الله ما تولدي لتدخلي التاسع
شذى حبيبتي تفألي بالحياة والله كلنا تعبانيني وخاصة نفسيتنا كل واحد عندو هم بسوريا الله ينتقم من بشار شو عم يعمل
يارب تعجل نصرك ياالله

Nayota

04-16-2013, 06:21 PM

مسالخير صبايا كيفكون تسلمولي على مباركاتكون وان شالله الله يجبر خاطوكون والله يفرجا علينا يارب

ان شالله تطلعي حامل نجمة هالشهر منتآزر سوا عالحمل ومننبسط سوا

وشذا الله يتمملك حملك وتفرحي بالبيبي انتي وزوجك يارب

سيريا لا تتوتري وانشالله الله يتمملك حملك وتولدي على خير وسلامة ولاتعطي أدنك كتير للدكاترة لان بيهولو الأمر وبيخوفو المريض

Nayota

04-16-2013, 06:23 PM

ام حمودة ( ام جوجو ) بدنا نناديلك ام حمودة من يوم ورايح واحكيلنا شلون الاجواء عندك يمكن طاير عقلون بيت حماكي بحمودة وكيف جوجو غيرانة او لا حاببتو لحمودة

شذى الاسلام

04-16-2013, 09:45 PM

مسالخيييير
كيفكن ؟؟؟شو اخباركن :)

عاشقة جوجو2

04-16-2013, 09:47 PM

نجمة السمر

04-17-2013, 02:52 AM

سلامات ياحلوات شو اخباركم

تسلملي هدولة ان شا الله كون حامل الله يكتب لي الخير يارب ونمشى وسوا بالمراحل

حبيبتي سيريا لا تحملي هم وزن البيبي هو اصلا وزن تقريبي يعني مو حقيقي بالحقيقة بكون غير السونار
والدكاتر بهولوا الامور كمان
حاولي تاكلي اكل مغذي وبعدي عن الشبس والغازات وكلي مكسرات غير مملحةمن شان الضغط
وكلي لحمة ودجاج واصلا بس دخلتي بالتاسع وزن البيبي كل يوم بيزيد مية غرام اذا اكلتي كويس
وقتها بنتي كان وزنها قليل ولاخر التاسع زادت كتير حتى الدكتورة استغربت
مع انها هي يلي قالت لي هالمعلومة عن الشهر التاسع وبس دخلتي فيه كلي بلح او رطب
ياسلام شو مغذي مع كاسة حليب واصلا مذكور بالقرأن لما اجى المخاض للسيدة مريم وقال الله تعالى لها(وهزي اليك بجزع النخلة تساقط عليك رطبا جنيا فكلي واشربي وقري عينا) الله يتمم عليك شهورك ويفرحك بالبوبية الحلوة يارب

نجمة السمر

04-17-2013, 03:03 AM

كيفك شذى وكيف البيبي الله يفرحك فيه شو اخبارك ياحلوة

كيفك ام جوجو الله يحفظلك حمودة وجوجو
الله يقويك يارب وتتعافي بسرعة ولا تحتاجي لمخلوق
البشر حتى لو ساعدوا بمننوا بس الله هو الرحمن الرحيم
سالتيني شو عندي هنن اربع بنوتات اكبرهم 12 سنة والصغيرة سنة واربع شهور الله يجعلهن صالحات ويسعدلكم اولادكم

وين باقي الصبايا مافي ليش غاطين الله يسرلهم امورهم يارب

syria

04-17-2013, 06:14 AM

مسالورد كيفكن ...
مبروك حملك هديل الله يتمملك بخير ...
الله يفرج عن اخوكي سيريا وعن كل المعتقلين ياارب
وباقي الصبايا شو اخباركن ؟؟
تسلمي يارب حبيبتي امين

syria

04-17-2013, 06:16 AM

syria

04-17-2013, 06:19 AM

اخ يا هديل شو بدي احكي لاحكي
والله مقهورة من قلبي تخيلي من يوم ولدت لليوم يعني ايام ما حدا اجا لعندي
من بنات حماي ولا وحدة اتصلت تلفون غير وحدة لما يصير كذب
وانا كل ما كنت قول لجوزي اكلة هم اولد لحالي يقول اهلي هون وين راحو
من يوم طلعت من المشفى وانا غسيل وتنضيف بس حماتي شو طابخة بتبعتلي صحن
والله يوم ولدت جوجو عند اهلي حتى على الحمام الله يكرمك كانو يفوتو معي
بس يالله كلو باجر ان شاء الله
بتصدقي نفسيتي كتير تعبانة
سلامت ئلبك م القهر لاحطي عبالك مابيسوالك الزعل

عكل حال اعتبري حماتك اجت عدك وصارت تعملك مشاكل رح تتعبي كتير فمعليش مو راسك مرتاح الله بيعينك عبائي الامور

اهم شي راحت البال وتعب الحسم بروح بس كل سمة بدن بتسوى عمر البني ادمhwaml15

Nayota

04-17-2013, 09:06 AM

صباح الخير صبايا

ام حمودة لاتزعلي ولا تتوتري مابينفعلك الزعل اولا نفسا وتانيا مشان حليبك ومتل ماقالولك الصبايا البيت الاحمى المناح يلي مابيدخلو ولابيعملو مشاكل ومافي متل الاهل سدقيني ومن الله القوة الله يعطيكي القوة وتقومي بولادك ومابدك حدا واشتغلي على قد استطاعتك لايكلف الله نفسا إلا وسعها يعني اللازم اللازم واصلا النفسا بهل فترة مابتكون جاية على بالها تشوف حدا وفرحتك بحمودة بتسوى الدنيا
والحمد لله جوجو واعية وكبيرة وازا كنتي بسريرك وطلبتي منها شي غرض او شي كاسة مي بتلبيكي والله يقويكي بحسنة ولادك يارب

سيريا منورة الله يقومك بالسلامة ونفرح فيكي ماقلتيلنا لساتك معتمدة على اسم اسيل للبنوتة فيكي سيريا تشربي لبن بدال الحليب ازا ماعم تقبلي الحليب

بدي استشيركون مشان رضاعة نايا انا لساتني عم رضعا قلت لحالي برضعا لرمضان بعدين بفطما شو رأيكون بيأثر شي على صحتي انا متأكدة انو الجنين مارح ينقص شي عليه كلو بياخدو مني بس انا خايفة يصير معي نقص كلس وبنفس الوقت بعرف انو الرضاعة بتخفف الوحام مابعرف فيدوني بهل قصة

شذى الاسلام

04-17-2013, 09:59 AM

صباح الخير ...
اهلين نجمة انا الحمدلله مشتاائتلك ...انشالله بتكوني حامل ةربي يروقك بيلي بتتنمي يااااااارب
سيريا كيفك انشالله يتئومي بالسلامة وبتجتمعي باهلك عن ئريب بخير وفرحة النصر يااارب ..
هديل باينتك بلشتي وحام لهيك عم تغطي :)
ام جوجو..ولا ام حمودة ؟؟الله يحفظللك ياهن ويجعلن قرة عين لابويهم ....كيفك طووولي باالك لما بتتدايئي جيبي ولادك وعدي لعبين واحكي معن انا هيك ناوية اعمل اذا رب العامين طعمني ولاد وكان دائي خائي ...ومعك حق الواحد لحالو بيتعب كتير ...ادعيلي يمضوا هالسبع شهور وشوف ابني او بنتي ....
وباقي البنات ما أخباركن ؟؟

syria

04-17-2013, 11:12 AM

سيريا منورة الله يقومك بالسلامة ونفرح فيكي ماقلتيلنا لساتك معتمدة على اسم اسيل للبنوتة فيكي سيريا تشربي لبن بدال الحليب ازا ماعم تقبلي الحليب

بدي استشيركون مشان رضاعة نايا انا لساتني عم رضعا قلت لحالي برضعا لرمضان بعدين بفطما شو رأيكون بيأثر شي على صحتي انا متأكدة انو الجنين مارح ينقص شي عليه كلو بياخدو مني بس انا خايفة يصير معي نقص كلس وبنفس الوقت بعرف انو الرضاعة بتخفف الوحام مابعرف فيدوني بهل قصة

حبيبتي تسلميلي يارب محتارة بين اسيل وشام الله يختار اللي فيو الخير

لشكلة مابحب اللبن عندي الحليب ارحم مبارحة نقعت بكاس حليب شوية تمر وشوية زبيب واليوم حطيتون بالخلاط مع موزة وشربتون كتير قرئت او هي الشربه بتغذي البيبيhwaml03

syria

04-17-2013, 11:14 AM

صباح الخير ...
اهلين نجمة انا الحمدلله مشتاائتلك ...انشالله بتكوني حامل ةربي يروقك بيلي بتتنمي يااااااارب
سيريا كيفك انشالله يتئومي بالسلامة وبتجتمعي باهلك عن ئريب بخير وفرحة النصر يااارب ..
؟؟
الله يسلمك حبيبتي وانتي كمان الله يقومك بالسلامة

والله حطيتي ايدك عالجرح من 9 شهور ماني شايفة اهلي يعني من يوم العرس حسبي الله ونعم الوكيل

ام ندوشة

04-17-2013, 02:02 PM

صباح الخير هلئ فئت متاخة بالفيئة هههههه مبررررررررررررروك الحمل ام نايا الله يتمملك على خيرر وتولدي بالسلامة اولا منشان الرضاعة لازم تفطمي بنتك باسرع وقت ما بيسوا تكوني حامل وترضعي مشان صحتك وصحة الببوو اسالي الدكتورة وهيي حتقلك نفس الحكي

ام ندوشة

04-17-2013, 02:10 PM

ام حمودة كيفك حبيبتي طمنيني اتحسنتي والجرح انشالله ماعم يوجعك لا تزعلي ولاعلى بالك الله يسامحن, انا ماكان حدا معي وقت ولدت وكنت اكلة هم خيرات الله وخصوصي ندوشة بس رب العالمين رحمني وصدفة اجت مرت خال زوجي من سورياهيي وخالو لزوجي واعدت عندي يومين دارت بالا عليي وعالببية وعلى ندى وساوتلي البيت وطبختلي الله يجزيا الخيروالله مافي منا بكل هالدنية ,

ام ندوشة

04-17-2013, 02:12 PM

كيفهن الصبايا الباقيين نجمة وشذى ونغومة وسيريا . طمنوني على ام هنودة كيف صارت هلئ .

شذى الاسلام

04-17-2013, 02:34 PM

السلام عليكم
يالطيف ياصبايا لو تشوفو شو صار فيني من شوي الله لايوفئن
ضربو صاروخ مواجه بيتي وواحد تاني ورا بنايتنا حيغط على ئلبي ضهري وسفل بطني ماعد حسيت فين من الوجع ..
وزوجي ماهون كملت معي ...والله العظيم كل مابتصير هيك ضربة بحط ايدي على ئلبي ئد مابخاف ع البيبي ..يلي الله كاتبو بدو يصير وانا ئبلانة بحكمة رب العالمين ..بس والله مو بايدي عم خاف على الببو كتتيييييييييييييييير مع اني مابخاف الحمدلله كتير يعني شوي ..بس هلأ بالحمل مابعرف شو صايرلي ...يااااااااااااارب فرجك
امانة دعولي الله يئبت حملي ويرزقني الولد الصااالح الله يجزيكن الخير ويحئئلكن يلي ببالكن .....

بسبوسة زوجها

04-18-2013, 05:48 AM

سلامات ياصبايا الحلوين
هديل حبيبتي انشاءالله الف مبروك الحمل الله يتمملك عخير يارب ويكتبلك الصحة والسلامة الك وللبيبي والله فرحتلك من ئلبي انشاءالله تجيبي اخ لنايا بخير وسلامة

بسبوسة زوجها

04-18-2013, 06:07 AM

نجمة السمر
حبيبتي الله يكتبلك الحمل بولد سليم وبخلقة تامة يارب ويخليلك البنات يارب
لساتك كتير زغيري لابئى تحكي هيك ولسا ئدامك ١٥ سنة بتجيبي فيهن ولاد كتير انشاءالله واهم شي انو الحمدلله عندك البنات بخلقة تامة وبكرى بتجيبولن اخوة انشاء لاتستعجلي بس ادعي رب العالمين وكل تأخيرة فيها خيرة

بسبوسة زوجها

04-18-2013, 07:36 AM

صبايا بدي اسئلكن وكتير ضروري تجاوبوني
يوم التلاتا الي مضى يعني مبارح رحت عالدكتورة وئالتلي التوسع عندي تلاتة وولادتي ئبل الموعد يللي حاسبتلي اياه وانو بس رحت عالمشفى وكان التوسع اربعة مابئى بخلوني ارجع لاني بكون رح اولد
بئى ياريت تئولولي شو يعني تلاتة واربعة
وازا هيك يعني ايمت بتتوقعو ولادتي بهالاسبوع ؟
مشان الله جاوبوني كتير ضروري
هديل -رغد-ام حمودة-نجمة السمر-انتو اكيد بتعرفو طمنوني حبيباتي مشان احسب حسابي

Nayota

04-18-2013, 10:18 AM

Nayota

04-18-2013, 10:25 AM

شذا والله خفت عليكي ازا بتحسني تطلعي من مطرح مو ساكنة وتروحي لمكان آمن لاتقصري الشغلة مافيها لعب وحتى لو مابتخافي هي الروح غالية وبلا ماتنأزي والله يحميكي انتي وكل السوريين ويفرجا علينا يارب

ام ندوشة انشالله قريبا رح افطم نايا وانتي خبرينا عم اترضعي سيدرا منك او من البيبرونة وليش حددولك ولادة قيصرية ماقلتيلنا

ام جوجو بدي اسألك وين عملتي مراجعاتك وعند مين ولدتي وبأيا مشفى وشوكانت جنسية دكتورتك وشورأيك بالتخصصي منيحة او مونصيحة

والله يبارك فيكون منار وام ندوشة والله يوم عن يوم عم حس انو لسا الدنيا بخير وفي ناس بتحب الخير متلكون ومتل كل الصبايا هون

شذى الاسلام

04-19-2013, 10:15 AM

صباح الخير ياحلوييين
انشالله جمعة مباركة بس بددون راجمة صواريخ ....:)
كيف الجميع واين انتم غاطين ؟

بسبوسة زوجها

04-20-2013, 06:18 AM

صباح الخير صبايا

منار لاتخافي ولاشي قصدها الرحم مفتوح عندك تلاتة سم ولحتى يصير ولادة لازم يكون عشرة سم وازا متل ماقالتلك انو بس يصير الرحم مفتوح اربعة معناها بتضلي بالمشفى عم تطلقي لحتى يصير عشرة بعدين بتفوتي على غرفة المخاض وبتولدي.. انتي دوري بالنت وشوفي كيف بيكون وضع الرحم بهي الحالة وفي كتير صور مرسومة بشكل توضيحي وبيفهم الواحد شو صاير معو بالعكس فرحي اصلا الشهر التاسع كلو ملل ومابتسدق الوحدة فينا ايمت تولد وترتاح
وعندك فترة طويلة لتولدي وتدخلي غرفة المخاض يعني بتتهيئي نفسيا مودغري وانتي بس تلاقي حالك نزل منك مي هي بيكون نزل السائل لامينويوسي او نزل منك دم بتكون سدادة الرحم نزلت وكمان ازا حسيتي بمغص من ضهرك لبطنك وحسيتي بألم لا يحتمل فورا بتكوني مجهزة شنتاية المشفى فيها مستلزماتك ومستلزمات البيبي من ملابس إلك وإلو ومابعرف كمان ازا نظام المشفى عندك بيلبسو البيبي من عندون وازا بدك تفصيلات على غراض الشنتا على عيني وبوشك عالمشفى بيكون اجا الجد وماعاد في لعب وعلى فكرة هاللحظات احلى اللحظات وان شالله بتقومي بالسلامة يارب ولاتنسي ماتطمنينا عندك
يسلمو كتير حبيبتي هديل
من يوم رحت لعند الدكتورة ولهلئ عم ئول اليوم بولد وماعم يجيني طلق بس عم يصير معي مغص خفيف وضهري عم يجعني كتير وكمان مبارح شافتني امها لسلفتي وئالتلي بطنك نازل معناها ئربت ولادتك
وانا كتير حابي اولد الله وكيلك رح موت من التعب والتقل بس اتسطحت بصير كل منطقة الورك والفخاد بيوجعوني وجع فظيع ما عم بئدر نام طول الليل
بس هدولة بدي اسألك
يعني في بوادر للولادة ئبل بيوم او اكتر ولا هيك فجأة بصير مغص وطلق بنفس اليوم وعلى رأيك يعني تلاتة سنتم بعد كام يوم ممكن اولد لاني خايفي يفتح الرحم اكتر ومايجيني طلق ويعملولي طلق صناعي بئرا عالنت انو صعب
وبتعرفي قررت أتوكل عاالله وآخد ابرة الابيدورال لان دكتورتي نصحتني فيها وئالتلي هي آخدتا وسلفتي آخدتا تلات مرات وبنت حمايي دكتورة وآخدتا بكل ولادها والدكتورة ئالتلي كتير آمنة انشاءالله
انتي شو رأيك؟
ومشان شنتة المشفى سألت الدكتورة ئالتلي بس جيبي لحالك روب نوم وللبيبي بدل خارجي بئى ياريت انتي كمان تنوريني حبيبتي
صحيح كمان بدي اتشكرك لانك ئلتيلي عالبانيوم تبع البيبي اول شي استغربت وماكان يخطرلي بنوب انو فيه هيك شي لما دورت تاري السوئ مليان اشكال الوان عنجد يسلمو
ومرة تانية الف مليون مبروك الحمل الله يباركلك فحملك وفزوجك وفبنتك نايا انشاءالله وديري بالك عحالك حبيبتي
وشو اخدتي موعد عند الدكتورة؟

غُمُوض أُنثَى

04-20-2013, 06:23 AM

صبآح الخير ل بنآت سوريآ ،،

انآ فلسطينية بس حبيت ادخل عندكم وأدعي الكم ولسوريآ

الله يكون معكم ويحميكم يآرب

Nayota

04-20-2013, 05:28 PM

مرحبا صبايا

منار الولادة أمر إلاهي يعني مابيعرف الواحد ايمت هالنفس بدها تنزل عالارض انا وقت نايا على اساس اولد اول شهر ضليت تلت اسابيع من الشهر التاسع وأجمالا البكريات بيضلو لآخر شهرون وكمان مو قاعدة متل ماقلتلك أمر إلاهي وإيمت ربنا رايد ماحدا بيعرف بس انتي جهزي حالك واتهيئي .... الطلق للبكريات بيستمر اجمالا 12 ساعة من لما بتكون مسكرة الرحم لحتى تصير 10 سم وانتي فاتح تلاتة عندك مرتاحة من كم ساعة ههههههههه بس لازم يكون الطلق منتظم يعني بتجي الطلقة وبعد ساعة بتجي وحدة تانية وهكزا لحتى يصيرو قراب من بعض والفترة بين الطلقة والتانية خمس دقايق بعدين بتصير دقيقتين ازا ماانتظم الطلق ونزل السائل الامينيوسي احتمال يعطوكي طلق صناعي او نزلت سدادة الرحم بس في احيان بيجي الطلق ومابينزل السائل الدكتورة بتنزلك ياه وكل ولادة وحالة خاصة بزاتا يعني بوادر الولادة لماتجي وبعد ساعات بتكوني ولدانة وبالنسبة للابرة بماانك حاسمة امرك ورح تجربيها خلص جربيها واتكلي على الله وان شالله بتولدي متل رمشة العين ومابتحسي بشي
والشنتة خلص متل ماقاتلك دكتورتك روب إلك وشي تلبسيه برجلك ومشطك وكريمات الترطيب تبعك ازا بتحطي وفوط نسائية و بشكير صغير وللبيبي شي بطانية صغيرة تلفي فيها لما بدك اتطالعي من المشفى وافرول خارجي ومابعرف ازا بيحطولو من عندون حفاضات ومستلزماتك الشخصية ان شالله ماكون نسيت شي

ولسا مااخدت موعد عم استنى للاسبوع السابع او التامن بفرد مرة بسمع نبض الجنين ووصفت لحالي فوليك اسيد وكالسيوم وبلشت فيهون وبدي اسأل اكتر على دكتورة شاطرة بالرياض بركي بتساعدني ام جوجو لان ماعندي حدا اسألو

شذى الاسلام

04-20-2013, 06:45 PM

مسالخييير كيفكن ياحلوين تسلميلي هدولة الله يسلمك بس والله كل المطارح عنا نفس الشي الله وكيلك الصواريخ متل زخ المطر ستي شو بدنا نعمل الحمدلله كيفك انتي ؟؟وكيف بائي البنات ؟؟

نجمة السمر

04-21-2013, 04:46 AM

يسعد ايامكم ولياليكم

كيف الحلوات اليوم

كيفك هدولة حبيبتي وكيفها نايا ربي يحميها حاولي تفطميها قبل رمضان لانه جاي الصيف وحرام تفطميها بالصيف شوب عليها وبتحتاج سوائل كتير وعوضيها حليب ضروري وكمان برمضان مع الصيام صعبة الرضاعة وحمل رح تتعبي كتير لازم تقرري بسرعة بهالموضوع الرضاعة بتأثر عليك بس اما نايا والجنين عمياخدوا حقهم تمام وانت لازم ماتضعف قوتك ومن شان كلسك وعضامك واسنانك وشعرك الله يقويك ياروحي ويتمم لك شهورك ويفرح قلبك باحلى اخ لنايا يارب
كويس بلشتي بالفوليك فيه العافية يارب بس بلا الكالسيوم لبعد الشهر التالت بتوقفي الفوليك بتشربي الكالسيوم حتى الفيتامينات لبعد الشهر التالت اشربي حليب او لبن بعوض عن الكالسيوم هلا والبيض والاكل المغذي افضل من كل الفتامينات

منار الله يرزقك ساعة سهلة ميسرة وتقومي بالسلامة يارب حبيبتي حاولي تتنفسي بعمق وقت بتحسي باول الطلق بيفتح الرحم بسرعة ومابتتعذبي بطول ساعات الطلق بالعكس بتخلصي بسرعة وبتشوفي ابنك قدامك يارب يهونها عليك يارب التنفس كتير مفيد وحاولي تاكلي رطب او بلح كمان بساعد بالولادة كتير وبسهلها

كيفك شذى وشو اخبارك الله يحفظكم ويسلمك هو خير حافظ وهو ارحم الراحمين

وردة سورية

04-21-2013, 07:10 AM

http://2.bp.blogspot.com/-KMnZ8Icldr0/TvjNnrTVz3I/AAAAAAAAAGQ/CloDjBYVNMs/s320/090918174216SH9l123.jpg (http://www.google.com/url?sa=i&rct=j&q=%D8%AF%D8%B9%D9%88%D8%A9+%D9%84%D8%AD%D9%81%D8%B 8+%D8%B3%D9%88%D8%B1%D8%A9+%D8%A7%D9%84%D9%83%D9%8 7%D9%81&source=images&cd=&cad=rja&docid=Nj-y7r1lN8IPdM&tbnid=P4533gi9E0dSqM:&ved=0CAUQjRw&url=http%3A%2F%2Fblog.kau.edu.sa%2Famoolah%2F2011% 2F12%2F28%2F1058%2F&ei=DRdyUbSJAYXprQfmhoEo&bvm=bv.45512109,d.bmk&psig=AFQjCNHkLMqqs6s0vvCTaQpSY81j_9wnOw&ust=1366517857930719)
معـــــــــــــــــــــاً لحـــــــــفــــــظ كتــــــــــــاب الـــــــــ ـلـ ـــــه

http://forum.hwaml.com/t250728.html (http://forum.hwaml.com/t250728.html)

شذى الاسلام

04-21-2013, 10:22 AM

صباح الخير
كيفكن ...............

ام ندوشة

04-21-2013, 05:25 PM

السلام عليكم كيفكن صبايا

ام ندوشة

04-21-2013, 05:30 PM

بسبوسة حبيبتي لازم تكوني مجهزة حالك بجوز بايا لحظة يجيكي الطلق وتولدي لهيك جهزي شنتة المشفى وكل شي بتحتاجيه خذي معك اواعي داخلية للبيبي وافرولين وحرامو وطاقية وحفوضات ولاتنسي قميصين نوم الك واواعي داخلية وشحاطة و وفوط نسائية انتي اكبر قدر معلش من كل شفلة خدي تنتين احسن ما بتعرفي شو بيصير بركي نمتي بالمشفى واتوسخوو تيابك او تياب البيبي

شذى الاسلام

04-21-2013, 06:09 PM

السلام عليكم كيفك ام ندوشة ؟؟شو اخبارك ام ناياكيف حالك وام جوجو كيفو حمودة الصغير الله يحمي يارب بسبوسة الله ييسرلك وسهل عليكي ياااارب بااقي البنات طمنوني عنكن ..... لك سؤاااال انا رح اخلص الاسبوع التاسع وفوت بالعاشر بعد يومين انا بأي شهر؟؟؟؟؟جاوببوني الله يجزيكن الخير واذا رحت عند الدكتورة الاسبوع الجاية يعني باخر العاشر بئدر اسمع نبض الجنين ع الجهاز ؟

syria

04-22-2013, 06:51 AM

كيفكون صبايا شو اخباركن بعرف طولت الغيبه بس عندي البتوب منزوع ومابحب فوت عالنت من الموبايل حبيت اطمن عليكون وطمنكن عالبيبيه الحمد لله لهلء وضعي منيح وصايره عم اكل مشان البيبيه حركت البيبيبيه اويانه حتى مبارحه مسكت ايدها مدري رجلا وبكره عندي سونار يارب تكون كبرانه

نجمة السمر

04-22-2013, 07:11 AM

صباحك خير سيريا كيفك حبيبتي الحمد الله ان الحركة تحسنت
الله يفرح قلبك وتشوفيها بصحة وعافية بين ايديك
يالله هانت شهر بتعبيلك البيت فرح ان شاء الله

نجمة السمر

04-22-2013, 07:20 AM

حبيبتي شذى انت هلا ماشي بالتالت ولاخر اسبوع التالت عشر بتخلصي التالت بتبلشي بالرابع الله يقويك

اكيد ان شاء الله ببين نبض الجنين بهالعمر وبتشوفيه اذا في سونار عند الدكتورة
الله يفرح قلبك احلى شعور والله الله لايحرم حدى منه

شذى الاسلام

04-22-2013, 10:48 AM

لك اهليييين بنجمة وسيريا كيفكن شو اخباركن ؟؟

شذى الاسلام

04-22-2013, 11:05 AM

ياربييييييي ايمتل رح يجي يوم وتئلولي جهزي شنتة المشفى يمكن يجيكي طلق باي لحظة ياسلاااام
يي لسا 7 شهور الا شوي طبعا ههههههه
تسلمولي شو حبيتكن كلللللللياتكن ...

شذى الاسلام

04-23-2013, 11:04 PM

مسالورد ياحلوين كيفكن
طمنوني شو اخباركن ؟؟

عاشقة جوجو2

04-24-2013, 05:05 AM

كيفكم صبايا انا عم ادخل كل يوم وعم اقراء التعليقات بس المشكلة اني نسيت رقم السري يالي مشتركة فية بالمنتدى عشان هيك ماعم علق قهر والله
بس بالجوال مدخلتو من زمان ولساتو محفوظ قلت بفوت بطمنكم على حالي وبطمن عليكم
حبيبتي هديل انا كنت متابعة بمركز الوطن مخرج 14دكتورة سوريا وهي بتقربلي روحي لعندها وانا بوصيها فيكي هههههه
وولدت بمشفى عبيد التخصصي والدكتورة باكستانيا صح هي بعمر ستي بس بصراحة روعة
بس المشكلة انو ما بتولد الا قيصري
وهي قصة حياتي واي سؤال انا جاهزة من عيوني

toq

04-24-2013, 08:14 AM

صصصصصباحح الخيرات ,,

ششخباركم ., ان شاء الله بخخير ..

بنات سسويت موضوع أتمني تشاركوني فيهه ., ,

تعالي قولي لنا ايش شريتي (http://forum.hwaml.com/t251394.html#post3145351)

ام ندوشة

04-24-2013, 03:34 PM

السلااام عليكم كيفكن صبايا , كيفك شذى انشالله بخير , بنصحك بموقع اسمو بيبي سنتر , روعة انا كتير بستفيد منو , سجلي حساب عليه وبيبعتولك عالايميل رسالة كل اسبووع بيحكولك عن تطوات الجنين ووبايا اسبوع انتي ووشو لازم تاكلي , نسيت عرفك عن حالي انا رغد عمري 21 سنة شامية من الصالحية وعندي ندى عمرا سنتين واربع شهور, وسيدرا عمرا بعد كم يوم ح يصيرشهر , مقيمة بمصر من وقت مااتزوجت الي سنتين ما انزلت عالشاااام اخخخ رح طق قلبي ,

ام ندوشة

04-24-2013, 07:13 PM

كيفك ام نايا وطمنيني على الحمل معك ونايا انشالله فطمتيا لما لسا ورحتي عالدكتور اطمنتي عالجنين ,الله يتمملك على خيرر ويبعتلا لنايا اخت او اخ حلووين متلااااا ,

ام ندوشة

04-24-2013, 07:16 PM

ام حمودة كيفك انتي والببو الامور وكيفا جوجو خانم انشالله مالا غيرانة منووو , اجو بيت حماكي لعندك لما لساا ,

بسبوسة زوجها

04-25-2013, 03:49 AM

سلامات صبايا
رغد يسلمو حبيبتي
كيفها الحلوة سيدرا ماشاءالله صار عمرها شهر الله يخليلك ياها يارب وتربى بعزكن ودلالكن
صحيح انتي ليش ولدتي قيصري ؟وندوشة كمان ولدتيها قيصري؟
انا جهزت شنطة البيبي وحطيت فيها كل الغراض يللي ئلتولو عليهن انتي وهديل يسلمو حبيباتي كنت متل الاطرش بالزفة مو عارفي شو آخد
وهلئ بعد شوي رح ئلكن اخباريhwaml13

بسبوسة زوجها

04-25-2013, 03:58 AM

هديل
كيفك حبيبتي طمنيني كيف وحامك وعلى شو عم تتوحمي؟وئديش الك ماشاءالله حامل
وبدي اسئلك حبيبتي نايا لما ولدتيها مسكت صدرك مباشرة ؟وكمان هالسؤال لرغد ولأم حمودة
وكمان بدي اسئلك لما اجاكي الطلق كيف بلش معك ؟
صحيح اتزكرت انو كمان حبيبتي خدي زيت سمك كتير مهم لزكاء الطفل انا الدكتورة وصفتلي اياه من اول زيارة ولهلئ عم آخدو

بسبوسة زوجها

04-25-2013, 04:18 AM

شذى كيفك وكيف حملك؟
الله يحميكن ويحمي كل اهل سوريا من بطش بشار الكلب والله ئلبي عاهلي دائما متل النار كل شبر بسوريا عم يقصفو هالكلب
وانشاءالله اول دعوة رح ادعيها انا وعم اولد رح تكون عليه
وبتسمعي نبض الجنين بزيارتك لعند الدكتورة انشاءالله
ومشان حماتك سايريها معليش مشان زوجك ومشان البيبي واهم شي الحمدلله زوجك واهلك جنبك انا بتمنى كون ئريبة عاهلي
وانتي مالحئتي مشاكلي مع حماتي البنات الئديمات كلن بيعرفو مأساتي معها والله يخليهن كانو دائما يواسوني وينصحوني والحمدلله فعلا هلئ انا واياها كتير مناح ومابئى عم يزعجني شي المهم يكون زوجي جنبي واهلي بخير وابني طبعا وانتي هيك اعملي كتير بترتاحي
لان الوضع بسوريا بئطع الئلب ومالنا غير بعض نتحمل بعضنا ونساعد بعضنا
عم اتفلسف كتير بعرف بس لاني مجربي ومعاناتي كتيري مع حماتي

بسبوسة زوجها

04-25-2013, 04:39 AM

هلئ رح ئلكن اخباري
مبارح رحت عالدكتورة وئالتلي الرحم فاتح اربعة ونص سنتم وئالتلي غريب لهلئ انتي حامل وماولدتي وانا موعد ولادتي يوم التلاتا الجاي وئالت ازا صار التلاتا ومااجاني طلق رح تعطيني دوا الصبح بيعملي طلق وبولد المسا انشاءالله
ولما رجعت عالبيت صار العفو منكن يطلع مني مع الافراز دم خفيف ورحت عالمشفى وئالولي عادي من الكشف وتركوني بالمشفى اكتر من ساعتين راقبو وضعي ونبض البيبي والحمدلله كان كل شي تمام

Nayota

04-25-2013, 09:25 AM

[quote=بسبوسة زوجها;3147417]هديل
كيفك حبيبتي طمنيني كيف وحامك وعلى شو عم تتوحمي؟وئديش الك ماشاءالله حامل
وبدي اسئلك حبيبتي نايا لما ولدتيها مسكت صدرك مباشرة ؟وكمان هالسؤال لرغد ولأم حمودة
وكمان بدي اسئلك لما اجاكي الطلق كيف بلش معك ؟
صحيح اتزكرت انو كمان حبيبتي خدي زيت سمك كتير مهم لزكاء الطفل انا الدكتورة وصفتلي اياه من اول زيارة ولهلئ عم آخدو[/quote

فكرتك ولدتي والله , يلا التلاتا هانت وان شالله بتقومي بالسلامة يارب
نايا بقيت شي اسبوع لرضعت اول تلت ايام صار يطلع مني سائل اصفر بيقلولو الصمغة وكتير مفيد للطفل طبعا انا رضعا منو وبعد تلت ايام اجت درة الحليب نظامي بس نايا لان حلمتي صغيرة اتعزبت شوي بالرضاعة بعدين اتعلمت كنت عطيها بهل اسبوع لصارت ترضع منيح بالبيبرون ميه تمر مغلي وبابونج بس مو مع بعض كلشي برضعة لحال
والطلق اجاني فيئني من النوم كانت بتزكر شي تلاتة بالليل نزل السائل الامنيوسي بعدين نزل مني دم كتير انتي أكبر قدر وجع قوي وعرفت بوقتا انو هادا هو الطلق الحقيقي لاني من آخر التامن كان يجيني طلق بس خفيف وروح عالدكتورة تقلي هادا طلق بس مو طلق ولادة لان لسا ماانتظم وصارو الطلقات اقراب من بعض
ومشان زيت السمك من سنة ماوقفتو باخدو من وقت ماكنت رضع نايا ولهلأ

Nayota

04-25-2013, 09:34 AM

مرحبا صبايا

ويسلمو ام جوجو على معلومات الدكتورة بس لسا مارحت مالي كتير متحمسة على روحة الدكتورة وانا ولادتي مية بالمية قيسرية واصلا لو في احتمال واحد بالمية اني اولد طبيعي انا مابدي صار معي مشكلة بولادة نايا قالتلي الدكتورة يلي عملت عندا العملية كل مليون حالة لتجي حالة متل حالتك والحمد لله عملت العملية وصحيت وطبت والله لا يمتحنا بصحتنا يارب والحمد لله على كل حال
وكمان بلش معي الوحام والله عم دوخ وراسي تئلان وعم حس بلعية نفس بس اخف من وقت وحامي بنايا بس كمان بحس حالي مالي طبيعية والله يمرء هالكم شهر على خير ونايا فطمتا وخافة قابليتا عالاكل بس الحمد لله دغري اتعودت علبيبرونة مع انو كانت ماتعرف ترضع متل العالم

شذى الاسلام

04-25-2013, 10:16 AM

ياصباح الورد
اهليييين رغد كيفك الله يخليلك هالامورتين ويرجعك ع البلد بالسلامة والنصر يارب ...
بسبوسة حبيبت ئلبي تسلميلي اي والله حاسة امي يلي عم تحاكيني نفس كلامك هههههه ..والله معك حق بدنا نتحمل بعض ...
الله ييسر عليكي ولادتك ياااااارب وتجيبي الخلئة الكاملة والصالحة ياااااااااااااااااااارب ...باقي الحلوين كيف حالكن؟؟؟
ياستي اما انا فمبارح رحت عند الدكتورة وشفت البيبي ماشاء الله ...وئالتلي انا هلأ ماشية بالتالت وكل15 شهر بفوت شهر جديد امااااانة دعووولي لاني معي شقيقةووحام ودراس العئل عم تطلع وصاير معي تحسسس ربيعي اكيد سمعانين في لان بترفوا هلأ وئت الزهر والفول وفي حساسية بتطلع الله وكيلكن رح تطلع روحي من الوجع مبارح ..ستي الحمدلله المهم الببو بخير وطمنت عليه .......

Nayota

04-25-2013, 11:21 AM

كيفك شذا الله يتمملك على خير سابقتيني بشي شهرين يمكن انا حسبت هون علحاسبة تبع المنتدى طلع اني بولد ب 18 كانون الاول انتي ايمت موعد ولادتك

syria

04-25-2013, 02:02 PM

كيفكون صبايا شو اخباركن اخباري رحت من يومين عالمشفى وحسب لسونار ماشاء الله صايره البيبيه 2300غ الحمد لله وعطوني موعيد لتخطيط النبض يوم اي يوم لء والله شي بملل طبعن بعد تلت ايام بدخل بالتاسع هانت الحمد لله كل يوم عم احلم بالبنوته طبعن هلء عم شوف شو بئي لازما للبيبيه مشان اجبلا اليوم غسلتا راضا بتعرفي بيجو مغبرين
بئيلي التجهيزات الاخيره شوي للبيت وشوي ئلي وانا بعرف مبرده ئلبي hwaml5انا عم اجل كلشي ميشان اساوين بالتاسع ويمرء الوئئت بسرعه وبلش الجد ازم شمر عن زنودي انزل عساحه المعركهhwaml17

عاشقة الأمل

04-25-2013, 06:39 PM

شاركونا في مسابقتنا أبواب الأمل على الرابط التالي

http://forum.hwaml.com/t251802.html

شذى الاسلام

04-25-2013, 08:22 PM

اهلييييين بأم نايا ...الله يتمملك بخير انتي كمان يااااارب
ياستي انا رحت عند الدكتوة وعطتني موعد الولادة طلع 15/تشرين التاني لسا مطوووولة قال هاد اخر حد بفوت بشهري ب15 تشرين اول بئى لنشوف
سيريا كيفك الله يهون عليكي وتئومي بالسلااامة .........

ام ندوشة

04-25-2013, 09:32 PM

بسبوسة حبيبتي الله يقومك بالسلامة انتي والببو , لا تاكلي هم الرضاعة اول ما بينزل الببو من بطن امو بيكون بيعرف يرضع ويمسك صدر امو سبحاان الله بالفطرة حتى هوو وبطن امو بيرضع اصابيعوو,

ام ندوشة

04-25-2013, 09:44 PM

انا ولدت ندى قيصرية , نزلت عالشام لاولد وانا باول التاسع وصابني رشح قووي المهم ررحت عالدكتورة لاكشف قالتلي كلشي تمام ومطولة ولادتك وصفتلي ادوية لطيب من الكريب, بعد كم يوم صارت تنزل مني مي كل ما عطس او اضحك انا فكرتا التهابات نسائية او العفوو انو الببيةضاغطة عالمثانة , ما خطرلي انو مية الراس , ضلت الميشي تلت ايام تنقط مني, اخر شي صار بطني يوجعني وحجر والببية ماعد حسيت على حركتااا ابداا رحت لعند الدكتورة قالتلي اوف شو جابك لسا من اسبوع كشفت عليكي قلتلا هيك هيك صاير معي حطت هالايكو على بطني وشافت انوالببية اعدة بلا مي ببطني ونبض قلبا كل مالو عم يقل وكانت عم تنازع يالطيف يا رب استر,وركضت فيني عالمشفى بسرعة والله قامت ومااعدت المشفى يومها, ولدت واعدت يومين تحت المراقبة انا وندى,والحمد لله الله يحميلي ياها,اما سيدرا خانم ولدتا قيصرية لانو خافت الدكتورة عالجرح والطلق ما بيواتي يلي ولدانةقيصرية مشان هيك قررتلي قيصرية

Nayota

04-26-2013, 12:12 PM

صباح الخير صبايا وجمعة مباركة بالصلاة على النبي اللهم صل على سيدنا محمد
معناها شذى بتولدي قبلي بشهرين الله يتتمملنا على خير ونولد بستر وسلامة
والحمد لله على سلامتك وسلامة البيبية سيريا
ام ندوشة كيفك وكيفا سدورة والله يقويكي اصعب شي اول تلت شهور

شذى الاسلام

04-26-2013, 12:17 PM

ياصباح الخير جمعة مباركة ياارب
كيفكن شو اخباركن ...اي هدولة بيناتنا شي شهرين تقريبا او اقل بظن ..اللهم اميين الله ييسرلنا ويتمملنا على خير ويرزقنا الذرية الصالحة يااااااارب .....

Nayota

04-26-2013, 12:51 PM

شذا انتي اسمك الحقيقي او مو اسمك ؟؟؟
وشو اسمك ازا مافيها احراج

شذى الاسلام

04-26-2013, 01:17 PM

لا مو اسمي اسمم بنوتي اذا الله رزقني ان شاء الله :)
اسمي حنين ....بتعرفي غريب ما سالتوني ولامرة وانا ما اجا ببالي ئول ههههههه

Nayota

04-26-2013, 01:54 PM

عاشت الاسامي ياحنين والله يطعمك يلي ببالك
انا بلشت فكر باسماء بنات و ازا الله طعمني صبي اسمو جاهز عدي زوجي بينادولو ابو عدي

شذى الاسلام

04-26-2013, 02:14 PM

اهلين بأم عدي والله عاااشت الاسامي ربي يرزقك بعدي ويكون قرة عين ئلك ولابو ياااارب
انا بالمناسبة ام "البراء "براء بالعامية هههههه وانا كمان اسم الصبي جاهز اذا الله رزقني صبي .......

شذى الاسلام

04-27-2013, 10:39 AM

السلام عليكم
كيفكن شو اخباركن
لك يابنات معي وجع اسفل البطن وع الجوانب وعم يلف لضهري شو مشانو ؟؟لسا من كم يوم رحت عند الدكتورة وطمنتني الحمدلله مابعرف شو صايرلي طبيعي ؟

بسبوسة زوجها

04-28-2013, 03:48 AM

السلام عليكم
كيفكن صبايا
بدي بشركن انو الحمدلله ولدت بالسلامة وجبت علي افندي
وهلئ انا بالمستشفى وابني بحضني الله يخليلي اياه ويخليلكن ولادكن يارب ويئوم كل حامل بالسلامة
وعئبال سيريا وهديل وحنين وبائي الحوامل ازا نسيت حدى
وكان تاريخ الولادة يوم الجمعة الساعة ١و١٠ الضهر بالضبط
والحمدلله كانت ولادتي كتير ميسرة وبس رجعت عالبيت انشاءالله بكتبلكن قصة ولادتي بكرى الاحد بعد الضهر رح نطلع من المشفى
والله يابنات كتير مبسوطة اني صرت ام الله لايحرم هالفرحة لحدى احسا رائع لما بحط ابني بحضني بحس حالي عم احلم
بس اهلي لهلئ ماعرفو وهالشي كتير زاعجني كتير مشتاقة لماما وحابي كنت احكي معها انا وعم اولد كتير انا بحاجة الها
لان اهلي تركوا حلب لان المعيشة فيها كتير غالية ورجعوا عالبلد بريف ادلب وهنيك مافي اتصالات لاعالموبايل ولاعلارضي
والله عم اكتب وابكي مابتعرفو ئديش انا بحاجة لاسمع صوت ماما وئلها اني صرت ام
الله ينتقم منك يابشار حرمنني عالفرحة الله يحرمو حياتو ويدمرو بإذن الله

Nayota

04-28-2013, 08:48 AM

صباح الخير صبايا
الحمد لله على سلامتك ام علي والف الف مبروك انك صرتي ام والله احلى شعور ويلا صار دور سيريا بعدك انا آخر وحدة
وشذا لاتخافي هادا كلو طبيعي مااحكيلك شو بيصير معي اعراض بالوحام ليشيب راسك بس انا مابحب نئ زيادة بحاول اشغل حالي بشغلات
ليمضى النهار واان شالله اجر وثواب إلي وإلك وانتي كمان بكرية الحق معك تخافي بوبس موضوع انك شفتي دم انتي اكبر قدر هادا الشي بيخوف اما الاعراض التانية بالشهور الاولى عادي بس نجمة وينك تعي خبرينا شو حامل هالشهر او مامشي الحال

شذى الاسلام

04-28-2013, 07:28 PM

مساء الخييير

نـرجـس

04-28-2013, 09:46 PM

مساء الخير صبايا

syria

04-28-2013, 11:58 PM

كيفكو صبايا شو اخباركن

بعرف طولت الغيبة بس صرلي فترة ماعم افضا للنت

عم بلش جهز البيت باركولي دخلت الشهر التاسع وبلش العد التنازلي لسا مابلشت خاف من الولاده عادي لاي اصلن لما كنت ادرس ماكنت اخاف م الامتحانات لساعة اللي امسك الورقةhwaml13 وانصدم واخاف بعد ماتوئع الفاس بالراس وهيك شكلو رح يصير معي

عاشقة جوجو2

04-29-2013, 04:50 PM

كيفكم انا كتير مشتاقتلكم
انا الحمد لله بخير وحموده كمان بسلم عليكم
وجوجو اه وما ادراك ما جوجو رح تجنني هي غيرانه بس ماعم توضح بس صايرة شقية زيادة عن اللزوم الله يهديها
ماكتير عم اكتب بالتجمع لاني ناسية الرقم السري للمنتدى وعم ادخل على الجوال لاكتبلكم
منار ان شاء الله الف مبروك علوش والحمد لله على سلامتك يالله بيني وبينك 19 يوم بكرة بصيرو ابني وابنك رفقات

عاشقة جوجو2

04-29-2013, 04:54 PM

اي صحيح انسيت بشركم الحمد لله يابنات يوم الخميس اخي طلع بالسلامة من سجون الظالمعقبال كل المعتقلين بسوريا يارب
والله ما صدقت من الفرحة طلع لاقى حالو خال من جديد هههههه
يارب نجتمع باهلينا من قريب يارب تفرج هم اهلنا في بلاد الشام الحمد لله يارب على كل شي

شذى الاسلام

04-30-2013, 01:36 PM

السلام عليكم
كيفكن شو اخباركن
الحمدلله ع السلامة منار انشالله بيربى بعزك ودلالك ياااااارب
ام جوجو الحمدلله عسلامة اخوكي وعئبال كل المعتقلين والفرج ياااااااااااااارب
والبااائي كيف حالكم ياحلوين ؟؟:)

نجمة السمر

04-30-2013, 08:15 PM

السلام عليكم

كيفكم ياحلوات

الحمد الله على سلامتك منار والله يفرح قلبك بولدك وتشوفيه احسن الناس ويجمعك بأهلك وتفرح امك فيك يارب ياكريم

ام جوجو الحمد الله ان اخوك طلع بالسلامة الله يحفظ لك اهلك وتشوفيهم بخير قريبا

شذى ياحلوة كيفك شو اخبارك حبيبتي الرحم بتوسع والاربطة بتستعد لتحمل وزن البيبي لانه بيكبر والبكرية اكتر شي بتحس بالشد حبيبتي ادهن بطنك وافخاذك بكريم مرطب من شان مايصير معك تشقق بالبشرة لانه كتير مزعج منظرها واكثري من شرب الماء من شان يتم الجلد عندك رطب ومايصير تشقق الله يتمم عليك وتفرحي بالبيبي يارب بصحة وعافية

هديل وينك غاطة اكيد تقلانة علينا من الوحام الله يقويك يارب

حبيبتي سيريا لا تخافي احلى الشي لما بتشوفي البيبي جنبك الله يقومك بالسلامة وولادة سهلة وميسرة ان شاء الله يارب

انا الله ماكتبلي الحمل هالشهر الحمد الله كله خير وبركة

شذى الاسلام

05-01-2013, 09:26 PM

مساء الورد
اهلين نجمة حبيبة ئلبي انشالله الله بفرحك عن ئريب ... اي والله الشد يالطيف مجنني بس يلي عامل معي وجع زيادة الشقيقة الله لا يورجيكن
عم تجيني كل نوبة عم تضل 24 ساعة ودوا الشقيقة يلي ستعملو مانعتني عنو الدكتورة من اول الحمل ...وحياة الله وجع للموت
يلا الحمدلله على كل حال المهم الله يتمملي بخير وشوف البيبي بحضني بركي بنسا هالوجع ...
اي بنات كيفكن ما اخباركن ؟؟

سلمى العمر

05-02-2013, 11:07 AM

سلام بنات سورية. انا بكرية و ما حوالي بنات بالعيلة أسالهم. لكن بعد الولادة شو لازم البس بالمشفى و باستقبال الضيوف في البيت. ولادتي قيصرية فما اعرف كيف لازم اجهز نفسي و شو لازم اخد معي للمشفى. اريد اتصور مع البي بي بعد الولادة و حابة البس دانتيل و ساتان زهر. برايكم حلو؟ و لما استقبل الضيوف شو الافضل يكون لبسي. مع العلم اني من الشام لكن انا اكبر بنت بالعيله و ما حوالي احد استفيد منه و مااريد اسال قرايبات زوجي. يا ريت تفيدوني. و بعد سؤال مبارح كنت بالحمرا و الصالحيه و تفاجأت باسعار البسه الاطفال كتير غاليه. الافرول العادي القطن بالف ليره و انا ناطره توأم يعني اقل ما يمكن احتاج ب 20 الف تياب واوووو. و كمان عربايات الاطفال و مقعد السياره من وين اشتريهم برايكم. اسألتي كتيرة لكن اتمنى تفيدوني

شذى الاسلام

05-02-2013, 01:43 PM

سلمى العمر اهلا وسهلا
بالنسبة للبسك وحاجيات المشفى البنات انشالله بفيدوكي لانن بيعرفو بس انا بكرية متلك ماعندي علم والله ...
بس بالنسبة لتياب البيبي على حسب مافهمت من كلامك انك بالشام ليكي في محل بالطلياني بالجسر الابيض اسمو رمضان عندو اغراض بيبي كتييير حلو وارخص شوي من غيرو والاسعار بالشااام نااااار عن جد كتير غالي الله يعينا كيف بنا نجهز للبيبي حسبي الله ونعم الوكيل ..الله يفرج عنا ...انشالله كون فدتك شوي

سلمى العمر

05-02-2013, 04:03 PM

شكرا إلك شذى الإسلام، ان شالله قريبا امر على رمضان. لو اعرف كنت مريت بالامس تعرفي صاير مشوار السوق رعب يا رب يحمينا و يحمي كل العالم. بالفعل اسعار الشام نار. رفيقتي تجهز لولادتها في حمص و اتوقع اوصيها تجهزلي معاها لان فرق اسعار كبير. لكن صراحه ما اعرف شو لازم اشتري و خاصه لباسي. ما اريد اصرف ليرة الا بمحلها. تعرفون الغلا و الاسعار النار حرام البيبي اغلى من مفرش تختي. يمكن ألمحل الي شفته كان غالي زيادة لكن انصدمت بالامس. يا ريت البنات يفيدونا

سرووءة

05-03-2013, 04:43 AM

كيفكن بنات شو اخر اخباركن
صفحات كتيرة ماقادرة اقراها
طمنوني شو اخر اخباركن
مين ولد ومين حامل
سامحوني عالتقصصير بس ماعم يصحلي ادخل
طمنوني عن ميار كيفها حدا عم يتواصل معها

شذى الاسلام

05-03-2013, 04:21 PM

السلام عليكم
جمعة مباركة ...كيفكن ؟؟

ام ندوشة

05-03-2013, 05:13 PM

الف مبررررررررررررروك منورة والحمد لله عالسلامة ويتربى بعزك ولادلك يا رب

syria

05-04-2013, 12:46 AM

كيفكن صبايا شو أخباركن شايفين صايره تقيله كتييير ماعم ادخل الا بالمناسبات بس عنجد مشغوله بتجهيز البيت والمسا عم روح امشي صحي نسيت خبركن بعد اسبوعين بالتمام رح ألد الدكتوره راح تحطلي طلق صناعي اذا ماولدت لانو المشيمه متكلسه وماعاد تتحمل اكتر من هيك ادعولي الله يسهلا علي

شذى الاسلام

05-05-2013, 07:56 PM

السلام عليكم كيفكن بناات ؟؟
منار وهديل وام ندوشة وام جوجو ونجمة وسيريا ؟؟
لك شو اخباركن انا معلق عندي الايميل وماعم يوصلني كتابتكن بالمنتدى ؟؟

sosolibya

05-06-2013, 03:26 PM

شرفونى يابنات يللا

مشاركتى فى مسابقة أبواب أمل (همسات وقصص عن ألأمل) (http://forum.hwaml.com/t254679.html)

sosolibya

05-06-2013, 03:28 PM

السلام عليكم ورحمة الله وبركاته

صباح الخير
كيف حالكم بنات

بصراحة قلت مالى غير إخوانى السوريات أكيد حيكونو قدها وقدود
عشان يصوتولى وأملى بالله كبير وبعد بيكم ياحلوين

المشروع الخاص بمشاريع حوامل بس عنوان المشروع مفاجأة (http://forum.hwaml.com/t249980.html)

التصويت على مسابقة مشاريع حوامل (http://forum.hwaml.com/t252424.html)

وردة سورية

05-06-2013, 05:50 PM

كيفكم حبيباتي
طمنوني عنكم
بعتذر كتييير عن التقصير
بس والله ما عم لحق
بس والله دايما ببالي يابنات بلادي
ان شاء الله منسمع احلى الاخبار عن سوريا وان شاء الله بتفرج عن قريب

شذى الاسلام

05-06-2013, 06:19 PM

السلام عليكم
كيفكن ؟؟؟

وردة سورية

05-06-2013, 06:35 PM

http://forum.hwaml.com/t254725.html#post3172987

أسيرة زوجي

05-06-2013, 09:41 PM

http://im16.gulfup.com/4oRa1.jpg

عاشقة جوجو2

05-06-2013, 11:52 PM

كيفكم يابنات وينكم طمنوني عنكم انا الحمد لله بخيروحمودة وجوجو بسلمو عليكم

sosolibya

05-06-2013, 11:56 PM

بنات مالى غيركم بعد الله (http://forum.hwaml.com/t254744.html)

مشاركتى فى مسابقة أبواب أمل (همسات وقصص عن ألأمل) (http://forum.hwaml.com/t254679.html)
هنا التصوت لمسابقة أبواب الأمل حياكم الله (http://forum.hwaml.com/t254744.html)

وردة سورية

05-07-2013, 06:33 AM

http://forum.hwaml.com/t103685-2.html#post3174044

شذى الاسلام

05-08-2013, 02:23 PM

وينكن ماحدا مبين ؟؟

ام ندوشة

05-10-2013, 12:52 AM

شايفة ماحا عم يفوت عالتجمع شوووو وينكن يا غوالي

ام ندوشة

05-10-2013, 12:53 AM

طمنونني عنكن هدولة وشذى ومنورة وسيريا ونجمة ووووووووووينكن ما حداا مبين

ام ندوشة

05-10-2013, 12:54 AM

انا مششغولة ببنتي ندى وقعت على رااسا وانفجت واخخخخخ حالة واخدناها عالمشفى وقطبولا راساااااااااا ادعولا بالشفاء العاجل

شذى الاسلام

05-10-2013, 11:01 AM

اهلين ام ندوشة ...سلامتا لنوشة انشالله معافاية ..
والله وانا متلك بفوت مابلائي حدا شو القصة وين غاطين ؟؟

سلمى العمر

05-11-2013, 11:47 PM

شكرا يا بنات اليوم مريت على رمضان . احلا نصيحه، اسعاره ارخص من كل السوق و كمان نوعيه جيده جدا. اشتريت منه طقم المشفى. لكن اريد محل يكون فيه تياب اتقل و حرام للبيبي يكون مميز. و كمان دورت كل الحمرا و الصالحيه و الجسر الابيض لروب مشان المشفى لكن ما عجبني شي . ذوقي صعب جدا. وين تنصحوني ادور كمان ممكن الشعلان؟؟؟

شذى الاسلام

05-12-2013, 11:17 AM

السلام عليكم
كيفكن شو اخباركن ووين غاطين ؟؟ماحدا مبين ابدا ؟؟

زهرة سورية

05-12-2013, 07:28 PM

مرحبا صبايا بلدي الحلووات اشتئتلكن كتير بس كتير صايرة مروتي ئليلة*
ان شاءالله كلكن تكونو بألف خير

أنا الحمدلله منيحة و صرت بنص السابع و عم جيب غراض البنوتة بدي خلص نزلات السوق لانو كتير عم اتعب بالمشي و عم يوجعني ضهري *و قدمت لاهلي ع زيارة كمان انرفضت رح ضل حاول ادعولي تزبط يا بنات،و لسا ما لقيت اسم للبنوتة ماني حابة و لا اسم ، كل الناس بيئلولي لازم تكوني اخترتي اسم و انا لسا حاسة انو بكير هههه*

نايوتا حبيبتي مبروك الحمل الله يتمملك ع خير و تجيبي لنايا اخ حلو متلا ان شاءالله*

ام ندوشة سلامة قلبا ندوشة الله يشفيها و يعافيها يارب شفاءً لا يغادر سقماً*

كل الصبايا الحلووات اللي هوون بسلم عليكن و يارب تكونو بأحسن حال انتو و البيبيات و اللي جايين ع الطريق و الله يرزق اللي مشتهية الحمل منكن آمين يارب*

شذى الاسلام

05-17-2013, 12:08 PM

السلام عليكم كيفكن
لساغاطين ومومبينين ؟؟

شذى الاسلام

05-18-2013, 11:02 AM

كيفكن بنات ؟؟
بدي شي وحدة تعملي شريط الحمل ...
انا مازبطت معي ....تاريخ ولادتي 15/11/2013

صافو

05-19-2013, 01:55 AM

مسالورد صبايا كيفكن
كيف الحمل معكن

سلمى العمر

05-20-2013, 09:23 AM

كيفكم بنات، أنا بالشام و اريد اشتري سرير للبيبي لكن ما اعرف من وين، وين تنصحوني، اعرف بالحريقه في لكن ما شفتهم بعد، وين في غير الحريقه؟؟

دافئة المشاعر

05-20-2013, 10:22 PM

http://www.hwaml.com/up/uploads/1369044399861.gif

http://forum.hwaml.com/images/icons/e12.gifhttp://forum.hwaml.com/t258765.html#post3206238

عبير الحرية

05-23-2013, 02:27 AM

http://forum.hwaml.com/t259391.html

ميآر [ مهند حيآتي ]

05-25-2013, 01:21 PM

مسا الخير يا صبايا ...
كيفكن ...

مشتائتلكن كتير

syria

05-25-2013, 02:09 PM

كيفكون صبايا شو اخباركن

ماتاخزوني بس والله مشغولة كتيييييييييييييير

ولدت يوم الخميس الماضي وجبت احلا بنوتة ( شام ) خانم

صح تعزبت بالولادة بس و الله اول ماشفت البيبية نسيت كل وجعي رح احكيلكن قصت ولادتييhwaml9

syria

05-25-2013, 02:14 PM

يا ستي ملا انتو كان عدي لاربعااء الماضي مراجعة عند الدكتورة الصبح وعاسا ولادتي الجمعة بطلق صتاعي

المهم فحصتني الدكتورة ئالتلي رحمك فاتح 2 سانتي اليوم المسا جيبي غراضط وغراض البييبي مشان تلدي طبعن انا انصدمت رجعت عالبيت وبلشت شرب قرفة واكل تمر نضفت البيت وتحممت بمي سخنة ونمت ساعة ورحت عالمشفة الساعة 8 كان لسا المغص بارد يعني يمكن كل نص ساعة مغصة

يتبعhwaml02

سلمى العمر

05-26-2013, 01:45 PM

الحمد الله عسلامتك و الف مبروك البنوته الحلوه. بانتظار تتمه قصه الولادة و باي مشفى ولدتي

وردة سورية

05-27-2013, 01:04 PM

http://www.hwaml.com/up/uploads/1368452167971.gif (http://forum.hwaml.com/t250728.html#post3139791)

أسيرة زوجي

05-27-2013, 08:29 PM

http://forum.hwaml.com/t260328.html

شذى الاسلام

05-28-2013, 07:23 PM

السلام عليكم كيفكن ؟ كنت غاطة والله استشهد سلفي اخو زوجي الله يرحمو ويتقبلو من الشهداء متزوج عندو ولدين ...الله يصبر ئلب امو وزوجتو .... وانا اخباري الحمدلله تمام ماشية هلأ بالشهر الرابع والحمدلله ... انتو كيفكن طمنوني عنكن ...

ام ندوشة

05-28-2013, 11:26 PM

الله يرحمو يا رب لسلفك يا حنين وانشالله الله يجعل مسكنو الجنة هوو وكل شهداء سوريا . طمنيني عن حملك وعرفتي شو معك بنوتة ولا صبي وشو حتسمي , اهتمي باكلك واشربي حليب وغذي حالك تمام

ام ندوشة

05-28-2013, 11:29 PM

كيفهن الصبايا انشالله كلكن تمام , انا بخير وماما جااااااااااااااااية لعندي يوووم الاحد طاااااااااااااااااااااير عقلي رح تعد عند اخواتي , وببيت حمااااااااااااايي جاااين كممان يوم الاربعااااااااااااااا ,واكيد رح يعدو عندي

شذى الاسلام

05-29-2013, 09:38 AM

اهلاااا ام ندوشة الله يسلمك ..اللهم امين الله يتقبلهم الحمدلله الله يفرحك بشوفت حبايبك على خير وسلامة ... والله لسا ماعرفت بنت ولاصبي انشالله الموعد الجاية بعرف دعيلي اعرف لان ناااااطف ئلبي ....

شروق الامل

05-29-2013, 09:47 AM

السسسسسلام عليكم 🌺

اخبااااااركم كرووووشات ان شاء الله مناح 💃💃

بنات انا خايفه من الولاده الطبعيه وطلق حاسه مراح التحمل. ومفكره اعمل عمليه قيصريه بس الكل ينصحني عن العمليه وان الطبيعي افضل بس انا عارفه حالي مستحييييل اتحمل الطلق. استخرت ربنا كثير ولسى عندي خوف من الولاده الطبعيه انا لسى بكر ولما اشوف الولاده الطبيعيع ع اليوتيوب اخاف اكثر 😂

syria

05-31-2013, 10:39 AM

اي صبايا طولت عليكون بس والله هالشام تاعبتني كتير طول الليل نئ وسئء وبالنهار كل شوي بتبكي
رح كملل قصه ولادتي المهم خطوني الساعه تسعه عجهاز تخطيط لنبض البيبي يمكن شي تلت ارباع ساعه
اجت الدكتوره فحصتني ئالتلي لرحم فاتح 3 سانتي ودخلوني عغرفه مي للولاده بس غرفه تهييء للولاده وحطولي سيروم مغزي وفيو ئبر طلء طبعن اجت الممرضه الله يكتر خيرا بدى تسحبلي دم صار مايطلع دم بالسرنك تفضي الهوى بئلب ايدي منيح ما شلتني ورجعت جربت بلايد التانيه ورمتلي ياها المهم بئيت عهالحاله للساعه تلاته صار يجيني مغص كل خمس دئايء
والدكتوره تجي كل نص ساعه تفحصني والرحم مو فاتح حطولي جهاز تخطيط لنبض لبيبي مره تانيه مشان يشوفو شده التقلصات طبعن كانت نعي مرت خالي وزوجي بره لانو ممنوع يدخل
صارت الساعه خمسه ونص الصبح والمغص صار مستمر وجد الجد مع ذالك الرحم فاتح بس اربع سانتي هون الدكتوره زعلت علي او خافت اذا استمر لوضع هيك يطرو للعمليه مشان هيك عطوني بالسيروم ئبره بتهدي المغص وفعلن بئيت ساعه تئريبن ارتحت وما حسيت بشي وصارت الدكتوره تفحصني كل شوي مشان يتوسع الرحم وفعلن للساعه سبعه صار فاتح سته سانتي ورجع الوجع بس بشكل فظيع لانو فوء وجعي حطولي قسطره ويخلص سيروم يحطو غيرو وكمامه الاوكسجين عتمي وجهاز التخطيط عبطني وهون بلشت اصرخ يالله ماعاد اتحمل وعنجد اتمنيت لو ماني خلقانه عالدنيا حتى مرت الي طلعت لبره وصارت تبكي تقلي ماتعبتي والله نا تعبت عنك المهم للساعه تسعه الصبح صار الرحم فاتح تمانه ونص ودخلوني عغرفه الولاده ع انو هنن مابيدخلو ليصير عشره سانتي بس عقد ما مرت خالي بكت ونقت وترجتون دخلوني وحطوني بغرفه الولاده وكل شوي تجي الدكتوره اطلع علي وتروح وعالساعه عشره تقريبن بلش ينزل راس لبنت بلحوض وهون بلشت اصرخ لك بدي الدكتوره وابكي لانو فعلن احس روحي عم تطلع والدكتوره تجي اطلع علي وتروح وانا وحدي بلغرفه للساعه ادعش اجت الدكتوره ئالتلي خلص راس لبيبي صار كتير قريب لازم تساعدي يطلع وبدل ماتصرخي تحاولي تدفشي لبيبي التلا اوك بس بدي مي شربتني مي وبلشت المعركه وطلع راس لبيبي وهدي المغص واحاول انا وما اقدر وجابت الدكتوره المقص واشتغلت شغلتا بس لما طلعت شام وسمعتا عم تبكي نسيت كل الوجع ومسكوني ياها حطوا تحت الضو والحراره مشان ماتصفر انا عالتخت هون الساعه كانت طنعش الا تلت علطنعش وربع اجت الدكتور ولدت المشيمه وخدرتني موضعي وخيطتلي والبنوته كانت عم طلع علي من بعيد ياعمري غفيت شوي ولا الاقي مرت خالي فوق راسي وعطتني شام شان ارضعا وخلصت الحكاي

syria

05-31-2013, 05:22 PM

سلمى حبيبتي الله يبارك بعمرك وعئبالك يارب وانا ولدت بمشفى القاسمي اذا بتعرفي

شذى الله يرحم سلفك ويتقبلو مع الشهداء وان شاء الله بتعرفي نوع البيبي وبتفرحي بشوفتو

ميورا روحي وينك الحمد لله عسلامتك فوتي طمنينا عنك

صبايا جد ما تأخذوني بس شام كتير تاعبتني حتى شعري ماعم مشطو

hwaml15

شذى الاسلام

05-31-2013, 07:31 PM

انشالله الف مبروك سيرياااا الله يحميلك ياها وتتربا بعزك ودلالك ...عئبالي وئت احكيلكن قصة ولادتي ...

زهرة سورية

06-02-2013, 10:48 PM

الف مبروك حبيبتي سيريا و الحمدلله ع سلامتك و سلامة البنوتة *الله يحميلك ياها و يخليها*

ميار حبيبتي اشتئتالك كتير و الله و قلبنا عندك طمنينا عنك و عن هنودة و التويتز*

شذى الاسلام

06-05-2013, 07:17 PM

مسالخير كيفكن بنات ؟؟
لسا متزكريني ولانسيتوني ؟
كيفكن شو اخباركن اااخخ على هالكم يوم يلي مضوا كلن مشاكل وزعل استشهد سلفي وحماتي عندي ليل نهار والله العظيم رح طئئني لابتشتغل شغلة طول نهارا ع التلفزيون ونئ وانا تعبااانة من هالحمل وحالتي حالة وزوجي ماعم شوفو طول النهار مع الشباب الله يحميهن ..
شو بدي احكي لاحكي ساكتة وعم ئول يلا عند رب العالمين مابضيع شي بس رح افجر شوي تانية والله مابدي شي غير تحل عني شوي بدي اعد مع زوجي كم يوم لحالنا يالله صبرني يااارب
اي وهالبيبي عم استنا بركي اذا شفتو بنسى همي ...هلأ ماشية بالرابع وبع كم يوم بفوت بالخامس موعدي الجاية يمكن اعرف نوع البيبي ...
طمنوني انتو عنكن ...

بسبوسة زوجها

06-06-2013, 12:42 AM

السلام عليكم
كيفكن صبايا كتير اشتئتلكن
بس البيبي طول اليوم شاغلني فعلا متل مائالوا البنات الله يزكرن بالخير مافي نوم بعد اليوم
وحاسي انو صاير معي اكتئاب مابعد الولادة عم حس بوحدة كبيري مشتاقة لاهلي كتير وماعم اقدر احكي معهن منيح مافي اتصالات
وبيت حمايي الحمدلله سافروا من عشر ايام لعند ابنن التاني وبعد كام يوم رح يسافروا عمصر لعند بنتن رح يبئوا هنيك شي ٣ او٤ شهور
الحمدلله لما كانوا هون من بعد ماولدت حسيت جبال فوئ صدري يعني بدي اخدمن وسايرون واتحمل تصرفاتن وانا موجوعة وتعباني وماعم نام لاليل ولانهار واهلي ماعم اقدر احكي معن وضيوف رايحين جايين
هلئ الحمدلله ارتاحت نفسيتي شوي
هلئ رح روح بدي جهز للغدا رح اعمل دجاج تيكا ماسالا اكلة هندية اكيد كلكن بتعرفوها
بس عندي كتير حكي بدي ئلكن ياه بعدين
سلامات ياحلوين

شيرو

06-06-2013, 04:08 PM

http://forum.hwaml.com/images/smilies/TR%20%2891%29.gifالسلام عليكم ورحمة الله

انا حامل في الشهر الرابع في اخر عشر ايام

احسست بحركت الجنين في بداية الشهر الرابع وكانت حركاته واضحة وقوية

وبعدها اضررت ان انقل لبيت جديد واجهدت نفسي بالتعب ومن 15 يوم الى الان لم أشعر بأية حركة حتى وكأني خفيفة لااشعر بالحمل الاغثيان خفيف
زوجي مسافر ولن استطيع الدهاب للمشفى حتى الاسبوع القادم ولكني قلقة جدا ومتعبة من التفكير هل الجنين متوفي ياترى أفيدوني ربي يجزيكم الخير

بسبوسة زوجها

06-07-2013, 11:44 PM

http://forum.hwaml.com/images/smilies/tr%20%2891%29.gifالسلام عليكم ورحمة الله

انا حامل في الشهر الرابع في اخر عشر ايام

احسست بحركت الجنين في بداية الشهر الرابع وكانت حركاته واضحة وقوية

وبعدها اضررت ان انقل لبيت جديد واجهدت نفسي بالتعب ومن 15 يوم الى الان لم أشعر بأية حركة حتى وكأني خفيفة لااشعر بالحمل الاغثيان خفيف
زوجي مسافر ولن استطيع الدهاب للمشفى حتى الاسبوع القادم ولكني قلقة جدا ومتعبة من التفكير هل الجنين متوفي ياترى أفيدوني ربي يجزيكم الخير
حبيبتي انشاءالله البيبي بخير وبالشهر الرابع بتكون حركة الجنين مو كتير واضحة ومابتحسي فيها دائما لانو لساتو ظغير وبيتحرك من دون ماتحسي
بس انتي كلي شي حلو واتسطحي على ضهرك وبتحسي بحركة متل النبض انشاءالله
والدكتورة كانت تئلي هو بتحرك بس مو دائما بتحسي بحركاتو
وانتي على كل حال حاولي جاهدةً تروحي عالمشفى مشان تطمني وكمان طمنيني عنك لاتنسي