تجمع حوامل سوريا-دردشة ورود سوريا-دردشة الغاليات

[syria]

كيفكون ياحلوات شوووووووووووووووووووووووو اخباركن صرلي كم يوم غاطة

حاكيين كتيير بغيابي


االليوم هو اليوم المتظر رح اروح عالدكتورة بس بجد اذا ماعرفت نوع البيبي عنجد رح ادايئ كتيرررررررررررررررررررررررررررررررhwaml9hwaml9

[ام ندوشة]

اهلين سيريا حبيبتي انشالله تعرفي جنس البيبي وتجي تبشرينا فورا ها مو تنسي * برجع بقلك انتي قلبك شو قايلك بنت ولا صبي قلب الام دليلا * المهم الخلقة التامة الله يقومنا بالسلامة ونجيب ببابي حلوين بخلقة تامة يا رب

[ام ندوشة]

كيفك ميورة انتي والبنوتااات وهنودة صهري انشالله حباب يقبشني شو كربوج انشالله يطلعو اخواتو حلوين متلوو* الله يقومك بالسلامة ويخليلك هنودة وابوه

[ام ندوشة]

سرروءة حبيبتي طمنيني عنك* الحمد لله يلي اجيتي شفتي اهلك اكيد كنتي دايبة على ما تشوفين وكانت فرصة منو شفتي اهلك ومنو اتفسحتي شوي * وانا عما قول ليش منورة مصر اتاريكي هوون

[syria]

اهلين سيريا حبيبتي انشالله تعرفي جنس البيبي وتجي تبشرينا فورا ها مو تنسي * برجع بقلك انتي قلبك شو قايلك بنت ولا صبي قلب الام دليلا * المهم الخلقة التامة الله يقومنا بالسلامة ونجيب ببابي حلوين بخلقة تامة يا رب

حاسة بنوتة او يمكن مو حاسة بس حابة ومتل مائلتي اهم شي الخلئة التامةhwaml10

[ام ندوشة]

كيف الصبايا كلن والجدد اهلا وسهلا فيكن نورتوناااااااااااااااا اليوم مالي عرفانة شو اطبخ ومالة من الطبخ والنفخ كتيررررررررر بعد كم اسبوع بفوت بشهري قرررررربت ولادتي وبدي روح عالدكتورة وقت بفوت بشهري لتحددلي طبيعية لما قيصرية ادعولي طبيعية يا رب

[نجمة السمر]

سلامة ياحلوات كيفكم


الله يقومك بالسلامة ام ندوش وتفرحي بالبيبي


كيفك سيريا ان شاء لله تعرفي شو معك من شان تجهزي حاجيات البيبي وتفرحي فيه كتير حلوة هاللحظة الله يوفق الجميع


يارب ارزقني طفلا وينها غاطة ونايوتا اخباكم طمنونا عنكم ان شاء الله تكونوا كلكم بخير


سلامات للجميع

[نجمة السمر]

الحمد على سلامتك ميار ان شاء الله ماتعبتي بالسفرة



منيح يلي سافرتي تشوفي اهلك سروؤة مافي اغلى من الاب والام الله يطمنك دايما عليهم وين انت ساكنة بسوريا

[عاشقة جوجو2]

كيفكم صبايا انا كتير تعبانة ما بعرف ليش ما عم اقدر حتى على شغل البيت
ام ملاك بنتك الجديدة ان شاء الله على اسم بنتي جميلة الله يحفظهم
ام ندوش يمكن انتي متلي بالتامن انا قالتلي الدكتورة 24 -3 بدخل بالتاسع
الله يهون علينا لهلاء ما بعرف وين بدي اولد ومحتارة لاني لحالي
وقت بنتي ما حسيت لاني كنت عند امي بالشام الله يحفظها ويخليلي ياها يارب

[سرووءة]

صباح الخير كيفكن
وين غاطين
انا راح عرف عن حالي للجدد
اسراء من ريف الشام عمري 24
متزوجة من 3 سنين عندي بنوتة اسما جود عمرا 10 اشهر وشوي

هي حكيتلكن عني
شو اخباركم
شو ناويين تطبخو اليومً انا راح اعمل كباب بلفرن واقلي سمك تفضلو

[syria]

http://tickers.baby-gaga.com/p/dev147pp___.pngكيفكون صبايا شو اخباركن شو رئيكن بهاالمفاجئة واخيرا طلت بنوتة الحمد لله بس شكلها فجعانة طول الوئت عم تفتح تمها وتبلع من المي عنجد اا كتير فرحانة

بس ئاللي الدكتورة صاير معي بداية تكلس بالمشيمة مابعرف شو الوضع ئالتلي لا تعبي حالك وكلي منيح ويمكن المي نائصة حسب مافهمت شكلا مو حابة تخوفني بس هي زلئ لساانا وئالتلي ارتاحي بلكي لمي تزيد

وكمان الحمد لله البيبية اخدت وضعية الولادة وصار راسا تحت ووزنا ميح كمان وزنا 987 غ الحمد لله

[عاشقة جوجو2]

صباح الخير بنات كيفكم سرووءة شو اخبارك اليوم يمكن اطبخ مجدرة جاي على بالي وعندي شوية فطاير من مبارح
حبيبتي سيريا ان شاء الله الف الفمبروك البنوتة ويارب تولدي بالسلامة ما في احلى من البنات
باقي البنات وينكم ؟؟؟؟؟؟؟؟؟
والله انا فقت من وجع ضهري ما بعرف حاسة عم يزيد الوجع وما مرتاحة حتى بالقعدة
يارب تختار الخير ونولد بالسامة

[syria]

الله يبارك بعمرك حبيبتي والله من فرحتي انها بنوتة كنت بدي ئئوم ابوس الدكتورة عاليمين والشمالhwaml03

[يارب أرزقني طفلااا]

hwaml13كيفكن صبايا نجمه السمر تابشي قلبي ما انسيتيني والله انتي والبنات بالبل بس اليوم شرفت الدوره وتعبانه نفسيا وجسديا الحمدالله _ ام ندوشه سلامتك يا قلبي __ ام جوجو كيفك البي انتي وجوجو _ وام مهند _ وسرؤؤؤه _ كلكن بقلبي والله ***** سيريا ريتو الف مبروك ع البنوته بكرا ابتفرحي اكتر بس اشوفيها يارب يسر ولادتك قلبي اكيد جوزك فرحان بالاخص ازا اجت البنوته اجت ابتشبهك يا سلااام ___ اانا اليوم ما طا بخه لان مو قدرانه وعندي اكل من مبارح ’’’’’ شا كريه ورز وفريكه ؟؟؟؟:::::::::::::::::::::: هبه( جوريه شا ميه غاطه ( المجدره طيبه بالاخص ازا جنبها سلطه حااامضه ريتو الف هنا

[عاشقة جوجو2]

مسا الخيربنات وينكم نايوتا ما بالعادة هالغيبة ان شاء الله خير
يارب ارزقني طفلا ان شاء الله هالشهر اجت الدورة الشهر الجاي ما بتجي وبتكوني حامل
حبيبتي كل شي الله بيختارو هو خير النا عشان هيك لا تتعبي نفسيتك ولا شي وان شاء الله اله كريم وبيرزقك
وانا اليوم عملت مجدرة وجاج مشوي بالفرن بس بكرة جاي على بالي ارتاح وما اعمل شي هههههههه من كتر الشغل يعني

[يارب أرزقني طفلااا]

مسا الخيربنات وينكم نايوتا ما بالعادة هالغيبة ان شاء الله خير
يارب ارزقني طفلا ان شاء الله هالشهر اجت الدورة الشهر الجاي ما بتجي وبتكوني حامل
حبيبتي كل شي الله بيختارو هو خير النا عشان هيك لا تتعبي نفسيتك ولا شي وان شاء الله اله كريم وبيرزقك
وانا اليوم عملت مجدرة وجاج مشوي بالفرن بس بكرة جاي على بالي ارتاح وما اعمل شي هههههههه من كتر الشغل يعني
انشالله يارب الله يسمع منك والله كلامك صح صحتين وميت هنا والله انا يلي عساس ما اعمل شي بس شكلي راح اعمل ملوخيه

[سرووءة]

كيفكن بنات
سيريا مبروكة البنوتة وانت صار فيكي متلي طار عقلي انو بنوتة
الله يقيمكًً بسلامة يارب
لك وين الباقي ليش كل مرة هيك كل مااجي الكل بيهرب
نايوتا وينك مابلعادة بتغطي

اليوم طبخت رز بخضار وجنبا جاج مشوي تقضلو

[syria]

سروئة الله يبارك بعمرك يارب تسلميلي الهي

لا تزكريني بالولادة والله اانا كتتتتير خايفة منها الله يسهلا يارب

[أم ملاك ومالك]

صباحكن عسل وياسمين شامي

كيفكم ياعسولات ؟؟ وكيف القطاقيط إلي جوا وبرا .. الله يخليلكم ياهم يارب .. ويرزق الكل بجاه الحبيب المصطفى

يارب أرزقني طفلا" كيفك حبيبتي يارب تكون أمورك بخير وصدقيني خلي أملك بربك كبير وكلشي بحكمتوا سبحان الله وعسى أن تكرهوا شيئا" وهو خيرا" لكم .. راح قلك شي بإختصار أن أول ماتزوجت حملت مباشرة وسقطت وبعدها ماصار حمل والدورة صارت تغيب ومن هل حكي المهم بالاخير رحت ع دكتور مشهور بالاردن لاني مقيمة مع زوجي بالاردن المهم ياستي تخيلي شو قال أنه عندي الرحم مقسوم بالنص وصعب يصير حمل وضعف بالمبايض وقصص كتير والله العظيم قالوا لزوجي يمكن مستحيل يصير حمل وبدك ملايين لعلاجها hwaml15 والله لايورجيكي انا جنيت ورجعت وتخانقت مع زوجي وقلتلوا طلقني ورجعني لعند أهلي hwaml03 من كتر ما اسودت الدنيا بوجهي المهم ظروف زوجي كانت صعبة فقررنا نأجل العلاج لحتى تتحسن الامور وبعد 4 شهور قلي خلينا بس تجي الدورة نروح نشوف شو بدو يحكي ونبلش بالعلاج ياستي المهم ما شرفت الخانم كالعادة وبعدها انتظرت الشهر الي بعدوا نفس الشي ماشرفت فأخدنا موعد شآن أخد علاج وتنزل وبعدها بلش بالعلاج المهم كانت الصدمة hwaml03 أني حامل شهرين ونص تخيلي الدكتور انصدم وقلي انتي تابعتي مع دكتور تاني قلتلوا لا اساسا نحن توكلنا ع رب العالمين لان ظروفنا مابتسمح وقت القررنا نتعالج طلعت حامل فالحمدلله يارب ... وإن شاء الله الشهر الجاي تكوني حامل يارب بتؤام يارب وتفرحينا إن شاء الله
آسفة طولت عليكي بس حبيت احكيلك تجربتي


ندى الشام ندوشة كيفك حبيبتي وكيفها ندى قديش صار عمرها الله يحميلك هي يارب وإن شاء الله تقومي بخير وسلامة أنتي والبيبي شو راح تجيبي وشو راح تسمي الله يخليلك هنا يارب

نايوتا كيفك حبيبتي وكيفها نايوتا الحلوة الله يخليك هي وين غاطة إن شاء الله خير قديش صار عمرها معلش سامحيني بس لان لسا ماحفظت


بسبوسة زوجها كيفك حبيبتي الله يقومك بخير وسلامة يارب ويبعد حماتك عنك بجاه الحبيب المصطفى الله يعين مابكفي الغربة فوقها نكد الحماية الله يسامحها يارب ويبعدها عنك ويحنن قلبها عليكي صحيح شو راح تجيبي وشو راح تسمي الله يقومك انتي والبيبي بخير وسلامة يارب


عاشقة جوجو كيفك وكيفها جوجو الله يخليلك هي يارب قديش عمرها الله يحميها وشو راح تجيبي وايمتى موعد ولادتك وشو راح تسمي الله يقومك أنتي والبيبي بسلامة يارب ولاتخافي حبيبتي أنا ولدت لحالي مافي غير الله وزوجي وبنتي بس الحمدلله ربك بيعين وإن شاء الله تكون ولادتك سهلة متل رمش العين يارب انا ولادتي من وصولي للمشفى لطلعتي من غرفة العمليات طولت 7 دقايق بالضبط الحمدلله وصلت الولد نازل بين رجلي ولولا لطف الله لكنت ولدت بالسيارة هههههه الله يسرلك يارب

سيريا ياقلبي ألف مبروك البنوتات كتير حلوين بكرا بتصير رفيقتك وبتونسك كتير وبتصير بكلشي بدها تقلدك هههههه الله يحميها يارب وإن شاء الله تقوموا بخير وسلامة يارب

سرووءة كيفك ياقطة وكيفها جود بوسيلي ياها أمانة ليش مقاطعتني اشتقتلك كتير

نجمة السمر هلا ياقطة والله يوفقك يارب بدراستك ويطعمك مراد قلبك يارب حبيبتي

ميار ألف الحمدلله ع وصولك بخير وسلامة وتتهني بشوفة الله يارب وع قبال عندي يارب فرط قلبي ع شوفة أهلي الله يفرجها يارب بوساتي إلك ولهنودة وإن شاء الله تشوفي التونيز بصحة وعافية يارب الاسماء كتير حلوة يعيشوا ويحملوا اسمهم يارب

بنات الله يخليكم سامحوني إذا نسيت حدا

مع كل الود

تحياتي (^_*)

[Nayota]

نجمة السمر الله يخليلك بناتك ويطعمون اخ انا ماعندي غير نايا
نغم الله يصلحلك حال زوجك ويطعمك الزرية الصالحة
سيريا الف مبروك انو معك بنوتة ميار اعتمدت عالاسماء بقي انتي وام ندوشة يلا ابدئي عملية البحث والتمحيص ههههههههه
ام ندوشة تسلميلي ويعيشو ايديكي عزبتك معي نايا تسع شهور ونص تقريبا كل هالاكلات
بتاكلون الحمد لله بس المشكلة انو مابتحب الفواكي وانا عم حطلها معون رز مسلوق عم يمشي الحال
بتحب الحامض احيانا بشربا عصير ليمون روح قلبا ومابتتلمض حتى
ومابتحب الحلو ابدا غريبة ما
مجربة أعملها كوكتيل فواكي منعمل عراضة ومابترضى تشرب مو طالعتلي انا لازم سمي حالي عاشقة الحلويات كلشي حلو بالعالم كيف ماكان بحبو


ام جوجو ان شالله بتقومي بالسلامة ويجي حمودة انشالله حباب ومايعزبك بالنوم
ميار برافو فورا عتمدتي عالاسماء والحمد لله رحتي لعند اهلك يمكن طاير عقلون بهنودة
ام مالك ان شالله بتقومي بالسلامة وبتكون ولادتك سهلة من ولادت مالك



سروؤة كيفك وكيفا جود لقحتا لنايا وسخنت يوم كامل هو نفسو يوم اللقاح عطيتا خافض حرارة
مرتين والحمد لله مشي الحال وصحتين عالاكلات الطيبين


منار شو طمينا سافرت حماتك لعند ابنا التاني

انا الحمد لله بخير ونايا كمان والله ماصرلي فوت عالتجمع هالاسبوع من المشاكل يلي بسوريا ومتربطة ايديي ومتوترة وخايفة على أهلي والله يفرجا ويحل عسيرا وصايرة كل مازاد عندي وقت فراغ بقرأ قرآن بخف توتري والله يلطف بعبادو

[نجمة السمر]

مساء الخير عالجميع

يارب تفرجها على عبادك بسوريا يارب

[عاشقة جوجو2]

كيفكم شو اخباركم انا الحمد لله بخير وهلاء قررت اولد بمشفى عبيد طبعا بالرياض
رح روح السبت شوف الدكتورة واتوكل على الله صرلي يومين داخلة الشهر التامن
بس لازم من هلاء جهز اموري اغراضي خلصت ضل بدي كم بجامة عشاني بالبيت
ورح بلش تعزيل بالبيت عشان على اول شهري كون خالصة كل شي ان شاء الله
والله يسهل على الجميع

[يارب أرزقني طفلااا]

مسا الخير بنات كيفكن ام ملك وماللك انشالله يارب الله يسمع منك يارب بس يا قلبي عليكي ع الزعل يلي زعلتيه بس دخيل الله ما اكرمو الف الحمدالله وعقبالي ترى الشغله بدها الصبر يارب يصبرنا كيفك انتي ووولادك وحمللك انشالله تمام


نا يوتا انشالله ما بساللك عليكي الا بالخير تأبشي البي ويخليكي يا غاليه

منار من زمان ما دخلت ياترى شو اخبارها
وسلامي لكل الصبايا_ ام جوجو وسرؤؤؤه و نجمه السمر_سيريا* و ام مهند*وجوريه شاميه

[ام ندوشة]

كيفكن اليووم طمنوني عليكن * ام نايا بوسيلي ياها لها القطة وديري بالك عليها* وام ملوكة الله يقومك بالسلامة* ميورة ووينك لاتطولي الغيبة بيغلي قلبنا عليكي* سيريا الف مبروك عرفتي انو بنوتة واخيرااااا الحمد لله حلوين البنات يقبشوني حناين وبكرة بتصير رفيقتك * شو حتسميا للكتوتة

[ام ندوشة]

سلاااامات للكل انا والله اليوم تعبانة شوي * ادعولي لانو قربت ولادتي وخايفةكتيررررررررررررررررررررر

[عاشقة جوجو2]

مسا الخير صبايا وينكم انا نمت وفقت صابني قلق
قلت بسلم عليكم وبرجع بنام

[بسبوسة زوجها]

صباح الخير صبايا
حبيت سلم عليكن كتير اشتئتلكن وهلئ حتى صرلي ادخل بس دايخة كتير وبدي روح نام بلكي بكرى برجع بدخل وبحكيلكن اخباري
سلامي للكل

[يارب أرزقني طفلااا]

نحن بانتظار منوره( ام علي)hwaml03 حبيبت البي وين هالغيبه طمنينا

[syria]

ام ندوشة الله يبارك بعمرك يارب هو هيك يسلمولي لبنات


كيفكون ياحللوات شو اخباركن لاتاخذوني عالغيبة بس بتعرفو الجمعة والسبت عطلة وما بلحئ حك راسي طبع مو شغل بس بيكون زوجي بالبيت


كيفكووووووووووووووووو بنوتات

[بسبوسة زوجها]

نحن بانتظار منوره( ام علي)hwaml03 حبيبت البي وين هالغيبه طمنينا
تسلميلي حبيبتي نغومة حبيبة ئلبي والله هالغيبة الله وكيلك كلها هم وتوتر واخباري زفت حاسي حالي رح طق من قهري ياربي صبرني
دخلت من كام يوم بالتامن وعم اتعب حتى من الصلاة عالوائف وحماتي الله ينتئم منها حاطا حطاطها من حطاطي والله يانغومة حاسي حالي بدي انفجر منها والمصيبة اتأجلت سفرتهن لعند ابنن لآخر ايار يعني لازئة عئلبي تلات شهور لسا ماعم بعرف كيف رح اتحملها مافيني بتجيب بيت سلفتي لعندي غصب العنهن وبتصير بتتشرط عليي شو بدي اعملن عشا ومابترضى الا بالكتير والصعب وانا هلكت من خدمتهن والتنضيف وراهن هلئ هنن عنا وانا بغرفة النوم لان ضهري انكسر وانا وزوجي متزاعلين وهو عم بجاكرني مجاكرة وانا مفلفلة بدي انفجر من البكي بس عم امسك حالي بالقوة
الله يفرجها علينا يارب وانتي حبيبتي شو اخبارك طمنيني عنك
بتعرفي هلئ رح قوم لعندن غصب عني حتى ماتكبر المشكلة ادعيلي الله يصبرني

[ام ندوشة]

كيفك بسبوسة حبيبتي الله يكون بعونك وربي يصبر قلبك * اتحملي شوي ولاتنسي صحتك اهم الشي *ونفسيتك لازم تكون مرتاحة الانو بتاثر عالببو *حاسة فيكي يا قلبي* يارب يفرج همك ويزحزحن عنك شي شوي لحتى تتنفسي *سلميلي عالببوووو وديري بالك عليه لا تزعلي ولاتقهري حالك

[يارب أرزقني طفلااا]

صباح الخير صبايا بسبوسه يا قلبي والله حا سه فيكي وشا يله همك ياربي يصبرك يارب يارب ويقويكي يعني قوليلها مرد عمو تعبانه ما قدرانه (((.... بعرف اكيد ابتفتح موشح حسبي الله ونعم الوكيل وبتهز بدنك بس صدقيني ما في شي بدوم انشالله قريبا ابتستقري لحاااااااااااااااااالك يارب ................ وانا اخباري الحمدالله علاقتي انا وزوجي اتحسنت لاني عم طنش وما بحب المشاكل لذالك رجعت الموي لمجاريها والله يصبرني ازا اكتشفت شي بس كل ما الشيطان بوسوسلي ابزكر كلااامك hwaml13hwaml8









ام ندوشه شو اخبارك هالاييام
و نا يوتا _ ام مللك ومالكhwaml13 _سيريا_ ام جوجو_ سرؤؤه_ جوريه شاميه_ نجمه السمر_ ام مهند كلكن اشتقتلكن والله سا محوني ازا انسيت حدى ،،، تحياتي يا غوالي

[ام ندوشة]

صبايا طمنوني عنكن اليووم انشالله كلكن بخير * والله اليوم رايحة عالدكتورة بركي بتحددلي ازا كانت طبيعية او قيصرية* وبطمن عالببية * سني انكسرررر وعم يوجعني كتيررررررررر شو اعمل حدا صار معو هيك شي خايفة روح عالدكتور ويقلي بدي حطلك بنج وياثرعالببية* على كل حال رح اسال الدكتورة اليوم عن هالشي* وندوشتي مرضانة يعلي عليها * الله يشفيا والله بزعل عليها وقت تمرض لا بتاكل ولا بتشربوبتضل كانة طول نهار واعدة عالكنباية* وجعتلكن راسكن بمشاكلي*سلامي للكل نغومة وبسبوسة وام نايا وسروءة وميورة وام ملوكة وسيريا و

[عاشقة جوجو2]

مسا الخير صبايا والله حبيت سلم عليكم
حبيبتي بسبوسة شلونك اليوم ان شاء الله تكوني احسن والله زعلت من يالي عم يصير معك ان شاء الله ربي بيفرجها عليكي
ربي ارزقني طفلا الله يديم المحبة بينك وبين زوجك ويرزقه الهداية وخليكي ماسكة اعصابك لو شو ما صار
ام ندوشة طمنيني شو بتقلك الدكتورة وان شاء الله ربي يسهل عليكي
نايوتا كيفك وينك التجمع ما حلو بدونك
ام مهند يالي شاف احبابو نسي اصحابو شو نسيتينا بس والله معك حق القعدة مع الاهل غير شكل
باقي الصبايا اخباركم

[ام ندوشة]

تسلميلي يا عاشقة جوجو * انتي طمنيني عليكي* وكيف حملك الله يقومنا بالسلامة ويجبر خاطرنا* فتت بشهري على حساب الايكو بس حساب الدكتورة لسا ما فتت* والله ضوعوني على مين رد* واليوم رايحة على دكتورة الاسنان*شو رايك باسم سارة او سيدرا هدول الاسمين عاجبيني

[يارب أرزقني طفلااا]

ــــــ كــــــــــــــــــــــــــــــــــــــــــــــل الصبايا مسا الخير


ام ندوشه والله اتنين حلوين بس ساره احلاهم وانشالله يارب اتقومي بسلامه ويجبر بخا طرك ويجعلها متل الصلاه ع النبي ولادك انتي وام جوجو وسيريا وكل كروشه وانشالله انتو ابتولدو من هوووووووووووووون وانا بحمل من هون حبايبي وخواتي والله محتاجه دعائكم ى




تحياتيhwaml5

[syria]

كيفكون صبايا شو اخباركن بسبوسة ان شااء الله الله بيحنن ئلب حماتك عليكي

واذا هي ضيعت تعبك انتي لا ضيعي تعب حالك انوي صبرك عليها لوجه الله تعالى وثوابك كبير

ام ندوشة يارب يسهل ولادتك بس اسمحيلي ئلك انو كلامك مو صح سنك مانكسر بدليل انك ئلتي سني ما ئلتي ((( ثني))) ههههههhwaml03ههههههه عم امزح ماعئلبك شر ان شاء الله

ميار و نايوتا و سروءة و يارب ارزقني طفلا وباقي الصبايا كيفكون شو اخباركن

لا تئاخزوني بس صرلي فترة ماعم ئئعد عالنت زيادة وماعم حب ئئعد عليه بصراحة هيك مرتاحة اكتر لانو عديت علي فترة صرت مدمنت نت ونفسيتي تعبت كتير وصرت مشكلجية وعصبيةhwaml03 عنجد النت مرض والله عافاني منو موو حابة ارجع اتعود عليه لانو مو بالهين خلصت مو وخاصتن انو بنوتي قربت تجي ولازم وئتي يكون مفرغ الها

[عاشقة جوجو2]

كيفكم بنات شو اخباركم
اليوم تعبانة نفسيتي رح احكيلكم ويالي عندها خبره لا تبخل علي
اليوم فقت من الصبح ورحت عند رفيقتي على اساس بعد صلاة العصر نروح على السوق
بس وقت ادن الضهر ورحت عالحمام اتوضا الله يكرمكم شفت دم متل دم اول يوم الدورة
يعني لونو مو احمر بين البني والاحمر والله ما عاد عرفت شو بدي ساوي
وانا لسه من كم يوم دخلت التامن اتصلت على جوزي قلتلو يجي ياخدني بس قلتلو استنى شوي
رح اتصل على الدكتورة وبردلك خبر اتصلت قالتلي خدي حبتين دفيستون يعني تثبيت ونامي على ضهرك واذا ما وقف الدم تعالي لشوفك شربت الحبات وارتحت شوي قام الحمد لله وقف الدم بس جوزي كل ربع ساعة يتصل علي
وبكرة من الصبح رح ياخدني لشوف شو سبب الدم لاني كتير خايفة
بعرف حكيت قصة حياتي بس امانة يالي مرت بنفس الحالة تحكيلي اذا في شي بخوف على الجنين
وان شاء الله ما حدا يمر بشي سيء يارب دعواتكم الله يثبت جنيني ويكمل هالشهر على خير

[Nayota]

مرحبا صبايا كيفكون تسلميلي يانغم انتي الغالية وان شالله الشهر الجاية بتكوني حامل يارب
كيفك نجمة وكيفون بنوتاتك القمورات
كيفك ام ندوشة زعلتيني على ندوشة الله يعافيها يارب وان شالله بتقومي بالسلامة طمنينا على سنك لترجعي فيكي اتعضي على حبة قرنفل
ازا بتعرفيها بيستعملوها لسلق اللحمة فيها مادة مخدرة وبتخفف الألم انا بحس حساب الحمل عالدورة ازبط شي وكتير حلوين هالاسمين اسماء بنات رفيقتي وماشالله كل
وحدة متل القمر بياخدو العقل
سيريا كيفك حاسستك طاير عقلك انو معك بنوتة وان شالله بتحمليها بين ايديكي وبتتهني فيها يارب
تسلميلي شو حكيك حلو بنصيحتك لمنار عنجد يتهنو بيت حماكي فيكي
منار الله يقويكي ويحمل معك والله صعبة حياتك بس الله يعينك شوبدك تعملي مافي مهرب منهون بيت حماكي لا تعصبي ولاتتوتري
مابينفع بيرتفع ضغطك وانتي حامل لاتنسي والله يقومك بالسلامة يلا هانت بكرة بتولدي وبترتاحي من الحمل والتقل
ام جوجو يمكن عم اتعبي حالك بالشغل البيت والتعزيل وان شالله يكون الدم خارجي وبماانو الدكتورة قالتلك بس حبتين
دفستون اطمني معناها مافي خطورة عالجنين وارتاحي اهم شي الرياحة حتى اهم من الحبوب ولو كان شي بيخوف كانت قالتلك الدكتورة تعي لعندي
والله يقومك بالسلامة يارب لاتخافي ان شالله عرضية وتسلميلي يارب على كلامك الحلو عني والتجمع منور بوجودك

انا يابنات الحمد لله منيحة انا ونايا خانم ....وصايرة كتير عم اتعزبني على نئ وسئ طول النهار عازرتا يمكن بدون يطلعو سنانا الفوقانيات وصايرة مزاجية احيانا بتاكل بشهية واحيانا بتبزء وبتزعوط ومابترضى تاكل وهالكتني بالزعوطة والصريخ طول النهار ومالي عم اعرف شوبدها
بترك كلشي من أيدي وبصير بقعد جنبا بلاعبا صوتا صاير عم يوترلي أعصابي
اجا الشوب عنا وصار لازم طالع الصيفي وضب الشتوي بس عم استنى ليركن راسي وبالنسبة للطبخ والنفخ اليوم لسا ماقررت شو اطبخ محتارة بركي بعصر مخي وبيطلع معي شي طبخة

[يارب أرزقني طفلااا]

الله يسعد نهاركن يا صبايا___ سيريا انا متللك ما عم حب اقعد ع النت كيتر وازا دخلت فورا بطلع ما عم حسو عم يسلينيhwaml4 ابداااا hwaml13 وانشالله اشوفي بنتوتك ع خير يارب ويقر عينك فيا

نا يوتا تسلميلي وانشالله بيطلعو سنان بنتك دون ما تعزبك وتنتزع اخلاقها الله يحميها يارب بوسيلي اياها

عا شقه جوجو ما تشغلي باللك انا خالتي صار معها متللك بس اتسطحت ورتاحت وولدت بسلامه انشالله ع قباللك يارب والافضل اتروحي ع دكتورتك والله لا يضرك ويتمم عليكي يارب


انا اليوم بدي اعمل بطاطا وفروج بالفرن hwaml8

[syria]

نايوتا حبيبتي تسلمي هاد م زوئك حتى عندي بلش الشوب وبدي ضب الشتوي وكمان الاواعي يلي ماعم ئلبسن حالين بسبب كروشتي بتعرفي بليل مبارحة طول الوئت اتئلب بلتخت وفكر شو بدي ظبط بالبيت ئبل الولادة مستعجلة بعرف بس حابة خلص شغلي عبكير وخاصاتن بعد ئصة تكلس لمشيمة لي طلعتلي يمكن اولد اول التاسع لانو التكلس بلش معي بكير الله يسهل علي بس



يارب ارزقني طفلا كيفك تسلمي يارب وعئبالك كمانن صحي ئليلي اسم اناديكي في لانو اسمك طويلhwaml03

عاشقة جوجو ماعئلبك شر يارب والله يتمم حملك عخير وتشوفي لبيبي بين ايديكي

[يارب أرزقني طفلااا]

سيريـــــا حبيبتي انا الحمدالله تمام وانتي كيف انا اسمي ( نغم) وانتي شو اسمك)) وما قلتيلنا شو اسم بنوتك انشالله


وبا قي الصبايا كيفون وقبل ما انسى ؟؟؟ ميوره ( ام هنوده بسلم عليكن كتير كتير )


ام ندوشه شو صار معك رحتي ع الدكتوره وانشالله وقف الدم ولا زم ترتاحي لان بكون البشيمه زا حله هيك بسمعhwaml8
عا شقه جوجو كيفك انتو وبنوتك انشالله بخير

سرؤؤه_ ( ونجمه السمرـ بسبوسه( منار) جوريه شا ميهيا ترى شو اخبارها ( هبه) وبا قي الصبايا يلي ما زكرتون والله اشتقتلكن شو اخر اخباركن

[ام ندوشة]

كيفكن اليووم حبايب قلبي * نغومة انا بخير الحمد لله ما عم ينزل مني دم هي عاشقة جوجو يلي عم ينزل منا دم مسكينة والله* طمنيني عنك شو طابخة وشو عاملة اليووم

[ام ندوشة]

سيريا حبيبتي كيفك انتي والببية شو قررتي تسميا * ربي يهون عليكي حملك وييسرلك ياه * والله فرحتلك كتير انو عرفتي جنس الببو واخيراا هلئ بتجهزيلا اواعي وبتجيبي اغراض على كيفك *والله وعندي الجو شوب بالنهار ومتقلب بالليل يعني لسا مالو امان *شوي تانية بضب الشتوي لسا بكير *بدي اسالك من شو صار معك تكلس المشيمة*وسلامت قلبك ديري بالك على حالك

[ام ندوشة]

ام نايا وسروءة وميورة كيفكن ووينكن غاطين * وعاشقة جوجو حبيبتي ماعلى قلبك شررر الله يحميكي ويحفظلك هالببو وتقومي انتي ووياه بالسلامة

[يارب أرزقني طفلااا]

والله انا فايته بالحيط ام مدرسه انا بخربط بينك وبين ام جوجو لان انتو التنين حوامل ربي يقومكن بالسلامه ( انا اليوم عملت بيض ومرتديلا ( أكله صعبه بعرف ههههه) بكرا انشالله طبختي( ششبرك وسمبوسك) ميوره بسلم عليكن يا صبايا كتير السلام. ( ام جوجو طمنينا عنك

[syria]

كيفك نغم عاشة الاسامي ان شاءء الله البنوتة لسى محتارة باسمى لساتها ملف بلاا عتوانhwaml9

[syria]

ام تدوشة شو اخبارك اي والله الحمد لله حسيت هم ونزاح عني لما عرفت توع البيبي ولسا ماقررت مشان الاسم ابوها عم يئول نسمي اسيل ولاسم مبدئي عاجبني بس لسى ما ووافقت

اي والله كتير حابة بلش جيب غراض للبنوتة هاد احلا شي اصلن هههههههه

[يارب أرزقني طفلااا]

سيريا عا شو حبايبك قلبي hwaml7 ملف بدون عنوان هههههههههههههه ضحكتيني بالنسبه لاسم اسيل والله حلو وبكرا هي البنتوته يلي بتحلي الاسم طبعا انشالله يارب )) امك ما بدها تجي ع ولاتك؟؟؟؟؟

[عاشقة جوجو2]

كيفكم بنات اخباركم والله انا كتير خايفة لاني حاسة الرحم مفتوح السبت عندي مراجعة
بس عم يجيني مغص ورحت على الدكتورة عطيتني حبوب دفيستون 3 حبات باليوم وقالتلي ارتاحي انا هلاء بالاسبوع 33
لسه بنص التامن ادعولي الله يثبت جنيني لخلص التامن وما اولد ولادة مبكرة
والحمد لله على كل شي

[بسبوسة زوجها]

كيفك بسبوسة حبيبتي الله يكون بعونك وربي يصبر قلبك * اتحملي شوي ولاتنسي صحتك اهم الشي *ونفسيتك لازم تكون مرتاحة الانو بتاثر عالببو *حاسة فيكي يا قلبي* يارب يفرج همك ويزحزحن عنك شي شوي لحتى تتنفسي *سلميلي عالببوووو وديري بالك عليه لا تزعلي ولاتقهري حالك
اهلين حبيبتي ام ندوشة تسلميلي يارب
سلامتك حبيبتي شو صار بسنك طمنيني وكيفها ندوشة لساتها مرضاني ياألبي سلامتها يارب
كنت مفكرتك بالشهر التامن متلي طلعتي بالتاسع !
انا دخلت بالاسبوع ٣٤ الله يئومنا بخير وسلامة نحنا والبيبيات
والاسماء يللي فبالك كتير حلوين
بالنسبة الي بعد ماتزاعلت انا وزوجي هداك اليوم كتير ندمت لاني زعلتو وهو كان عم يساعدني ويداريني وتاني يوم الصبح بعد ماهديت وارتحت ئلتلو بدي صالح امك ازا بتنبسط مني ئلي بتمنى انك تسامحيها وتصالحيها وبتاخدي ثواب لانك عم تصبري عليها وانا مشان ارضيه مباشرة ئمت صالحتها وبست ايدها وراسها وئلتلها الله يسامحك من ئلبي وهي كتير انبسطت مني وهلئ انا واياها سمنة وعسل والله هيك نفسيتي كتير ارتاحت وزوجي كمان احسن شي الواحد يسامح ويصالح
وعلى فكرة بنت حمايي اجت لعنكن عمصر ويمكن بالصيف انشاالله نروح لعندا
بوسيلي ندوشة كتير

[بسبوسة زوجها]

نغومة حبيبتي شو اخبارك انشاالله بتبشرينا عن ئريب كتير بحملك
حبيبتي انا منزلي موضوع مشان شغلات بتفيد للحمل بإذن الله وانا من لما طبئت كلام الدكتورة وتاني شهر حملت الحمدلله واكتر شي ادعي بالسجود
ربِ هب لي من لدنك ذرية طيبة انك سميع الدعاء
وربي لاتذرني فردا وانت خير الوارثين
سدئيني انشاالله قريبا بتحملي
انا اليوم طبخت مكمور بانجان وجنبو سلطة خس بلبن وعش البلبل بالباف بيستري كتير طلعو طيبين اتفضلي انتي وبائي الصبايا

[بسبوسة زوجها]

ام جوجو كيفك حبيبتي طمنيني شو اخبارك؟
انا وانتي تقريبا بنفس الاسبوع طمنيني عالبيبي انشاالله بخير
بتعرفي ماعم ارتاح بنومي بالليل كتير تئلاني وكيف مانمت ماعم ارتاح ياترى هيك طبيعي؟ جبت مخدة خاصة للحوامل على طول الجسم ارتحت فيها شوي مو كتير مابعرف ازا عندكن بالسعودية متلها شغلتها سند الكرش ههههههه
بس رحتي عالدكتورة طمنيني
نايوتا كيفك حبيبتي كنا نايوتا الحلوة عم تعزبك مشان هيك عم تحرمينا طلتك الحلوة بوسيلي نايوتا كتير
صحيح اتزكرت من يومين عملت كبسة جاج عطريئتك وطلعت روعة وعجبت كتير زوجي واهلو يسلمو كتير ياروحي
وانتي بعد عصر مخك شو طبختي؟
سيريا كيفك حبيبتي وكيفها البنوتة ايمت رح تبلشي تجهزيلها غراضها
انا لهلئ ماجبتلو شي مالي نفس على شي
وانا عم عزل البيت شوي شوي واليوم غيرنا الجلاي هاي خطوة كتير مهمة بالنسبة الي لان البيت يللي مستأجرينو جلايتو ئديمة وصوتها بيصرع انا لما بشغلها بعصب من صوتها وبصير البيبي برفس هههههه
بئى اليوم خلصت من هالهم وبائي عندي ترتيب خزن المطبخ وبدي فضي خزانة بغرفة النوم للبيبي
وسلامي لبائي البنات نجمة السمر
سروؤة -ميورة-شذا حداد-شام الهوى- سيل- شو اخباركن من زمان ماطليتو اشتئتلكن

[بسبوسة زوجها]

بنات بدي رأيكن
من كام يوم انا وداخلة عالحمام ماشفت حالي الا دخت ووئعت عبطني وبعد شوي صحيت لحالي كان زوجي نايم واجيت لئوم ماشفت الا باطن ساقي تشنج ومابئى قدرت اتحرك لان انا بلشت معي حالة هالتشنج من آخر الشهر السادس
المهم بئيت هيك عبطني حوالي تلت ساعة لحتى صرت صيح وبعدها صحي زوجي واجا حملني
وانا كتير خايفة ماتكون هالوقعة اذتو للبيبي ومن بعدها خفت حركتو كتير وصارت المنطئة يللي عند صرتي توجعني كتير وماأئدر اتحرك منيح منها وبس مبارحة واليوم حتى راح الوجع ورجعة حركة البيبي طبيعية ولسا موعدي عند الدكتورة يوم الاربعاء
بنات مشان الله طمنوني حدى صار معو هيك وماتأثر البيبي؟

[بسبوسة زوجها]

صباح الخير ياحلوين شكلكن نايمين وانا مصحصحة لاني كتير مرضانة وصايبني رشح فظيع عيوني ماعم ائدر فتحن ونازلي عطس يمين وشمال وآخ آخ حالتي حالي طول الليل عم اتئلب ماعم بئدر نام وصار شربت برميل عصير ليمون ولاأثر فيني كأنكن عم تكبو هالعصير بالمجلا
وعندي سؤال لكل وحدة فيكن
ماحدى فيكن ناوي ينزل عسوريا بالصيفية؟
انا عم فكر انزل من حدود تركيا لأن ئلبي ناطف عأهلي وهنن كمان عم يئولولي نزلو الاوضاع مارح تهدى بنوب
بئى انتو شو رأيكن؟

[عاشقة جوجو2]

هلا بسبوسة شو اخبارك انتي اخر دورة يمكن كانت متلي 19-7 بس انا حاسبة اني بالاسبوع 33
ما بعرف اذا صح والله هلاء انا عم ارتاح كتير وما عم اتحرك متل اول اقل شي هالاسبوعين لادخل التاسع ان شاء الله
بس حبيبتي لا تفكري تنزلي على سوريا ولا على تركيا هلاء فكري بحالك وبالبيبي والله انا متلك حتى بهي مو بس بالحمل
قلبي ناطف على اهلي بس ما طالع بيدنا شي غير ندعيلهم وهلاء رجعو فتحو باب الزيارة بسعوديا ان شاء الله امي ترضي تطلع لعندي
انا بدي طالعها بس هي ما بدها عشان بيت حماي وعشان اخواتي كمان
يالله الله يفرجها والله انا كمان ما عم ارتاح بالنوم عم نام عالقاعد بفيقجوزي بلاقيني قاعدة بس اذا قالتلي الدكتورة ولادتي قيصري
اول اسبوع بالتاسع بدي اولد ان شاء الله وارتاح
كترت حكي بس شو ساوي فشة خلق

[يارب أرزقني طفلااا]

كيفكم صبايا ام جوجو سلامتك ياااارب يثبت حمللك التاسع. ولشهرو الله لا يضرك والله بالي عندك ( بسبوسه ) كيفك. منوره الله يخليلي اياكي ع ألدعوات الحلوة سلامتك بالنسبه للدوخة مابعرف بس انشالله ما بأثر ع البيبي أبدا ويوما لأربعاء طمنينا شو بدقالك الدكتوره ( ولاتنزلي حاليا ع سوريا متل ما قالت ام جوجو بس إديه ؟ اللك ما شفتي اهللك ؟؟؟. ويارب تهدى الأوضاع. انا متلك كتيررر عم عطس ومرشحه (( ام جوجو هلق فتحو الزياره أكيد وفي تفيز ؟؟ أنسيت قللك منوره ريتو ألف صحه انشالله بقيامك بسلامه ياقلبي. وباقي الصبايا شو اوضاعكن؟؟؟hwaml13

[يارب أرزقني طفلااا]

ام علوش بدي اساللك !! انتي من جديد. امنزله الموضوع ولا من زمان ؟؟؟؟؟يلي مفيد للحمل؟؟؟؟؟ أنسيت قللك الله أيديم الوفق والمحبه بينك وبين حماتك ' الله يحنن قلبها عليكي ( والله فرحتيني

[بسبوسة زوجها]

ام علوش بدي اساللك !! انتي من جديد. امنزله الموضوع ولا من زمان ؟؟؟؟؟يلي مفيد للحمل؟؟؟؟؟ أنسيت قللك الله أيديم الوفق والمحبه بينك وبين حماتك ' الله يحنن قلبها عليكي ( والله فرحتيني
اهلين حبيبتي نغومة
انا منزلي الموضوع من زمان يعني من ئبل ما احمل من حوالي 8 او 9 شهور هو عن شغلات منيحة للتبويض وفيكي كمان تجيبي جهاز اختبار اباضة انا من اول استعمال عرفت يوم الاباضة وتم الحمل بإذن الله جربيه كتير مفيد اسمو كليربلو ديجتال اكيد في منو بالامارات
والله حبيبتي الي سنة ونص ماشفت اهلي يعني من اول ماجيت عامريكا واللي زاعجني انو مافي امل تهدا الاوضاع بسوريا مشان هيك عم فكر بالنزلة بس شوفن اطمن عليهن برتاح كتير
وانتي حبيبتي كيفن اهلك انشاالله الاوضاع بحماه منيحة وعبتئدري تحكي مع اهلك

[يارب أرزقني طفلااا]

أهلين فيكي يا قلبي لا الأوضاع بحماه يعني ماشي حالا الحمدالله اي بحكيهم نت واتصال الحمدالله ما عادو قطعو التغطية حاليا ) انشالله بجيب من هدا الجهاز '،،،،،،،،. يلا نحن ما اكرم من الله ما بتعرفي ايمت ابتهدى. يااااارب

[يارب أرزقني طفلااا]

ام جــــــوجـــو الزياره اكيد فتحوها لسوريا يعني صار اكيد رديلي خبر حبابه الله يقومك بسلامه

[زهرة الحب]

مسا الخير يابنات لونعرفوا شو اشتقتلكن شواخباركن
أخباري لسا بحلب ماتغير علي شي قاعدة مع اهلي والوضع كتير سيء وزوجي بالشام نزل من 3شهور ورجع طلع لحتى يشتغل
انتوا شو اخباركن مارح اذكر اسماء بس بدي سلم على عالكل اللي هون حتى ماانسى حدا
وبحب ابارك لكل الحوامل الله يتمملكن على خير وتقوموا بسلامة ادعولي يابنات لحتى ارجع متل اول احكي معكن واتابع اخباركن

[عاشقة جوجو2]

مسا الخير اي حبيبتي فتحو الزيارة بس عم يقولو انو كتير غالية يمكن 6 الاف ريال
لما بتاكد من السعر برجع بخبرك

[syria]

hwaml5كيفكون صبايا شو اخباركون
عاشقة جوجو و ام تدوشة ونغم ام نايوتا وميار وبسبوسة زوجها وسروءءة

والباقي يلي نسيت ااسمون لا تزعلو كيفكو كلكون

اا نا تمام والبيبية بتسلم على خالاتا لا تا خذوي بس صايرة ماعم ادخل كتير

[ام ندوشة]

كيفكن حبايب البي , طمنوني عنكن وعن الببابي

[ام ندوشة]

سيريا كيف القطة الصغنونة اسيل اسم حلوو كتير والله لهلئ لسا ما اعتمدت على اسم للببية محتارة كتير الله يقومنا بالسلامة نحنا وهالببابي والله مالي مصدئة ايمت اولد ضاق خلقي من الحمل

[ام ندوشة]

نغومة طمنيني عن اخبارك كيفك انتي وجوزك,الله يسعدكن ويوفقكن ويبعد عنكن كل المشاكل ,شو طابخة اليوم قوليلي لانو انا لسا ما طبخت وعم فكراعمل مندي وسلطة

[ام ندوشة]

ام نايا وينك يا قمرر غاطة والله غلي قلبي عليكي حبيبتي طمنيني عنك وعن الكتكوتة نايا

[ام ندوشة]

انا بخيرات والحمد لله ,سني اتحسن ورحت عالدكتور عطاني مسكنات وبعد الولادة بدي اعملو زيارة لحتى يزبطلي ياه وبالفعل حطيت عليه حبة قرنفل واتحسن كتير تقبشي قلبي ام نايا انتي يلي نصحتيني بالقرنفل,الببية منيحة واليوم رايحة لشوفا لانو قال بالتاسع لازم كل اسبوع روح عالدكتورة ,وبدا تشفلي ازا الولادة طبيعية ام قيصرية, ادعولي وسلاماتي للكل

[ام ندوشة]

صوتولي للاسم الاحلى سارة سيدرا تاج رتاج المى لمار وعطوني اسماء من عندكن ازا بتعرفوووو

[يارب أرزقني طفلااا]

مسا الخير يا صبايا سيريا..... الحمدالله ي البي انشالله تولدي بسلامه اي بس ما تغطي خليكي عم اضلي علينا


ام ندوشه يااا هلا الحمدالله انا وزوجي ماشي حال لان انا طنشت ومتل ما قلتيلي ااخرتها ابيعقل عم حاول اتغلب ع مشا عري شة بدي ساوي ومستحيل ارجع افتح معو هالموضوع والله انا ما بحب المشاكل والزعل وبالأحره بدي اسلم ع ريشي منو هههه يلا الحمدالله ع كل حال( االحمدالله انو اتحسن سنك والله وجعو صعب وبالأخص انتي حامل بالأشهر الاخيره يعنو مو نا قصك وبضوجي منو ... وانشالله ابتولدي طبيعي وما ابتحتاجي قيصريه يسلمو انو افديني بالزياره لان بنت عمي بدو يطالعها خطيبها يا حرام وعم تستنا يفتحو الفيزا الله يبشرك بالخير يارب ويبشرك بسلامتك وسلامت الببيبي يااااااااارب انتي وسيريا وام جوجو وميار وكل الحوامل وبا قلي الصبايا غااااااااااطين

[يارب أرزقني طفلااا]

ااااااااااااااايه انسيت قللك انو انا اليوم طبخت لحمه بالصينيه وتبوله ولبن بخيار كمان والمندي انا بجيبو جا هز عبالي اطبخو بس ما عندي الجرأه وما بعرف الطريقه والمكونات بعرف اطبخ كلشي وبمهاره بس المندي لااااhwaml15 ,,,, واكيد من تحت ديادك ابيطلع طيب كتير

[Nayota]

صباح الخير صبايا كيفكون اليوم

ان شالله الحوامل تقومو بالسلامة ونغم ونجمة الله يرزقكون الحمل قريبا

منار صحتين عالكبسة والحمد لله اتصالحتي مع حماتك بترتاحي من القال والقيل وطمنينا لترجعي يوم الاربعا من الدكتورة

نغم صحتين عالاكلات الطيبين

ام جوجو الله يقومك بالسلامة اصعب شهور الشهور الاخيرة وهانت ان شالله

ام ندوشة انا بصوتلك على اسمين المى ولمار حلوين وناعمين

سيريا حلو اسم اسيل وقت سمينا نايا كان من الخيارات زوجي اقترحو بس لان في بالشام ماركة مسكة وماركة لانجري مارضيت سميه
وعلى كل حال بيجي الطفل وبيجي اسمو معو
انا وقت عرفت انو معي بنت اعتمدت على ليان ووقت اجت نايا غيرنا على نايا سبحان الله


اخباري الحمد لله بخير ونايا عم اتعزبني مزبوط بس سبب غيبتي انو مشتركة مع رفقاتي انو كل يوم كل وحدة فينا تقرأ جزء قرآن
مشان هيك ئلت طلاتي عالمنتدى
وهالفترة عاملة ريجيم وكل أكلي صاير يابتولة ياسلطة يافتوش مع فيله جاج مشوي او شوربات لازمني انزل خمسة كيلو
وطبعا عم امشي كل يوم ساعة حابة ليصير عمر نايا سنة كون ارجعت لوزني قبل الحمل

والبنات الغاطين وينكون زهرة من زماااااااااااااااااااااااااان ماسمعنا اخبارك تعي خبرينا شو طلع معك صبي او بنت وطمنينا عنك وعن حملك
سروؤة كمان تعي نتشجع ونجيب اخوات لبناتنا ههههههههه نايا كتير صايرة نقاقة وعم يديق خلقا تعي خبريني عن جود

[يارب أرزقني طفلااا]

ومسا كي يا ام نايا واللله اشتقناللك (( ةعلى قلبك) ما قصرتي ع القرآن الله يتقبل والله لا يحرمني هالدعوات الحلوه ويسمع منك ويطعمني ويطعم كل محرومه ويخليللك نا يا يارب




انا بصوتللك ع اسم ريتاج

[عاشقة جوجو2]

كيفكم بنات انا بخير الحمد لله وقررت اولد قيصري بنص التاسع ان شاء الله يعني بعد اربع اسابيع
ويارب ارزقني طفلا انا يالي خبرتك عالزيارة شو قضتك على طول بتناديني ام ندوش
حبيبتي ام ندوش الله يهون عليكي وتقومي بالسلامة

[ملكتني بهمسك]

كلكم ادخلو وافيدوني في موضوعي هذا وباقيم كل الي يردون علي فيه hwaml86

http://forum.hwaml.com/t243245.html#post3047618

[امجااد]

شاركونا بمسابقة ربيع حوامل

http://forum.hwaml.com/t243313.html#post3048653

[يارب أرزقني طفلااا]

اسفه حبيبتي والله يا ام جوجو ما بعرف شو صايرلي مو بس باسمائكن انا بكتيرررر سغلات عم خربط

[syria]

[quot=عاشقة جوجو2;3047282]كيفكم بنات انا بخير الحمد لله وقررت اولد قيصري بنص التاسع ان شاء الله يعني بعد اربع اسابيع
ويارب ارزقني طفلا انا يالي خبرتك عالزيارة شو قضتك على طول بتناديني ام ندوش
حبيبتي ام ندوش الله يهون عليكي وتقومي بالسلامة[/quote]

الله يقومك بالسلامة حبيبتي ويسهل عليكي بس حسب مافهمت من كلامك او انتي يلي قررتي القيصرية مو الدكتورة يعني انتي مو بحاجة قيصرية ؟؟؟؟؟؟؟؟؟؟؟؟؟؟؟؟؟

[syria]

سيريا كيف القطة الصغنونة اسيل اسم حلوو كتير والله لهلئ لسا ما اعتمدت على اسم للببية محتارة كتير الله يقومنا بالسلامة نحنا وهالببابي والله مالي مصدئة ايمت اولد ضاق خلقي من الحمل

اانا محتارة بين اسيل وشام بس اسيل على الاغلب بالنهاية كلو بعلم ربنا مسجل ومعلوم يعني البنت مسماية قبل ماتخلئ الله اعلم شو ممكن يكون اسمها يمكن زليخةhwaml03

اي والله مو بس انتي وانا كمان حابة الد بسرعة انتي هانت بس اانا شغلتي مطولة لسىhwaml15

[syria]

صوتولي للاسم الاحلى سارة سيدرا تاج رتاج المى لمار وعطوني اسماء من عندكن ازا بتعرفوووو


لمار كتييييييييير حلو اقترحتو عزوجي ومارضي بس لو رضيان كنت سميتو للاسم هاد

وبيجي بعدو سارة كمان حلو وكمان كان عالقائمة وكمان زوجي مارضي

وفي عندك اسماء حلوة لين , تالين , الين , تولاي , تاليةhwaml7hwaml7hwaml7hwaml7hwaml7hwaml7

[syria]

مسا الخير يا صبايا سيريا..... الحمدالله ي البي انشالله تولدي بسلامه اي بس ما تغطي خليكي عم اضلي علينا


ام ندوشه يااا هلا الحمدالله انا وزوجي ماشي حال لان انا طنشت ومتل ما قلتيلي ااخرتها ابيعقل عم حاول اتغلب ع مشا عري شة بدي ساوي ومستحيل ارجع افتح معو هالموضوع والله انا ما بحب المشاكل والزعل وبالأحره بدي اسلم ع ريشي منو هههه يلا الحمدالله ع كل حال( االحمدالله انو اتحسن سنك والله وجعو صعب وبالأخص انتي حامل بالأشهر الاخيره يعنو مو نا قصك وبضوجي منو ... وانشالله ابتولدي طبيعي وما ابتحتاجي قيصريه يسلمو انو افديني بالزياره لان بنت عمي بدو يطالعها خطيبها يا حرام وعم تستنا يفتحو الفيزا الله يبشرك بالخير يارب ويبشرك بسلامتك وسلامت الببيبي يااااااااارب انتي وسيريا وام جوجو وميار وكل الحوامل وبا قلي الصبايا غااااااااااطين

الله يسلمك حبيبتي وان شاء الله ربنا بحئئلك لي بالك

شو اخبارك ووشو عاملة هلايام اانا هلئ ملتهاية بالصيام علي صيام كتير وبلش الجو يشوب واذا ماصمتون ابل ما الد راحت علي عم فيء دوبي اطبخ ولملم لبيت بيكون اجا زوجي وادن المغرب والله ماعم افضى حك راسي وبس اجا زوجي عالبيت بتربط وبئعد جننبو مابئدر ئوم اشتغل شي hwaml03hwaml03hwaml03

[عاشقة جوجو2]

حبيبتي سيريا انا بصراحة الكلية اليمين بكل حمل بتضخم طبعا هذا ما بيمنع اولد طبيعي
بس انا مع هالمشاكل خفت وقررت القيصري والله يسهل ووقت بنتي ولدت قيصري
بس الحمد لله على كل شي

[Nayota]

مرحبا صبايا كيفكون جميع


ام جوجو خير ماقررتي والله انا وقت نايا ولدت طبيعي وشفت الموت الولادة الطبيعية مو كلمة والقيصرية بتضل احسن هادا رأيي الشخصي لان
عالحالتين في قطب بس بيضل مكان القطب بالقيصرية انضف ومكان مو حرج متل قطب الطبيعي وأكتر من هيك مافيني احكي وخاصة في بكريات هون والله يقومك بالسلامة انتي وكل هالحوامل بالمنتدى

نغم خبري ميار ازا في اتصالات بيناتكون تطلطل علينا هون ونحنا كمان إلنا حصة ههههههه


سيريا صيام مقبول انشالله انا صمت وقت كنت حامل بنايا مابنساهون هالصيامات ابدا كان وقت يأدن المغرب ولسا ماشرب مي او آكل تمرة وإلا ينزل ضغطي وويطنو اداني وحس صار الدم نزل على اصبيع رجليي انتي اهم شي اتسحري انا لان كنت مااتسحر

اخباري مافي شي جديد على حالي دايق خلقي ومالة ونايا الزعرة كمان مأحلاها بتسليني شوي بلعب انا وياها مالي مسدقتا ايمت تكبر وتصير رفيقتي هههههههه

[syria]

حبيبتي سيريا انا بصراحة الكلية اليمين بكل حمل بتضخم طبعا هذا ما بيمنع اولد طبيعي
بس انا مع هالمشاكل خفت وقررت القيصري والله يسهل ووقت بنتي ولدت قيصري
بس الحمد لله على كل شي

ماعئلبك شر حبيبتي الله يخترلك الخير وان شاء الله بتولدي وبتئومي بالسلامة يارب

[syria]

مرحبا صبايا كيفكون جميع


ام جوجو خير ماقررتي والله انا وقت نايا ولدت طبيعي وشفت الموت الولادة الطبيعية مو كلمة والقيصرية بتضل احسن هادا رأيي الشخصي لان
عالحالتين في قطب بس بيضل مكان القطب بالقيصرية انضف ومكان مو حرج متل قطب الطبيعي وأكتر من هيك مافيني احكي وخاصة في بكريات هون والله يقومك بالسلامة انتي وكل هالحوامل بالمنتدى

نغم خبري ميار ازا في اتصالات بيناتكون تطلطل علينا هون ونحنا كمان إلنا حصة ههههههه


سيريا صيام مقبول انشالله انا صمت وقت كنت حامل بنايا مابنساهون هالصيامات ابدا كان وقت يأدن المغرب ولسا ماشرب مي او آكل تمرة وإلا ينزل ضغطي وويطنو اداني وحس صار الدم نزل على اصبيع رجليي انتي اهم شي اتسحري انا لان كنت مااتسحر

اخباري مافي شي جديد على حالي دايق خلقي ومالة ونايا الزعرة كمان مأحلاها بتسليني شوي بلعب انا وياها مالي مسدقتا ايمت تكبر وتصير رفيقتي هههههههه


شو قطب ماقطب يوفئك ربيي لا تخوفينيhwaml15hwaml15

بس الحامل لما بتصوم اديش اجرها كبير اانا والله ماعم حس لابتعب ولا جوع الحمد لله بس اخر نص ساعة ئبل الادان بتعدي يوم كاملhwaml03

[يارب أرزقني طفلااا]

الله يسلمك حبيبتي وان شاء الله ربنا بحئئلك لي بالك

شو اخبارك ووشو عاملة هلايام اانا هلئ ملتهاية بالصيام علي صيام كتير وبلش الجو يشوب واذا ماصمتون ابل ما الد راحت علي عم فيء دوبي اطبخ ولملم لبيت بيكون اجا زوجي وادن المغرب والله ماعم افضى حك راسي وبس اجا زوجي عالبيت بتربط وبئعد جننبو مابئدر ئوم اشتغل شي hwaml03hwaml03hwaml03حبيبتي سيريا ربي يتقبل منك والله انا كمان عليه صيام 3 ايام لازم صومون والله صار شوب صح لا انا بصحى بكير مع زوجي وصايره بعد مايروح عم ارجع نام من ديقت خلقي شو بدي اعمل لان ما عاد اجا ع الغدى فصار في وقت فراغ يعني الطبخه للمسا لساعه 8 لان ابيجي 11 او 12 حسب وما بلحق ابشوفو بكون تعبان بقوم بنام والله عم اتفرج عليه وهوه نايم هههههههههههه وطبعا بحاول ما خلي شي عليه مشان ما قوم من جنبو حتى جليات العشا والعصير وما شا به بضلو للصبح خخخخخ بس بكزب عليكي ازا قلتلك ما عم يديق خلقي كتير يلا الحمدالله واليوم عملت فخدات مقليه وبطاطا


ويسلمو ع الدعوه وانتي الله يحقق يلي ببالك ( انتي وين بالامارات انا بالشارقه
با قي الصبايا شو اخباركن وشو عاملين اليوم

[يارب أرزقني طفلااا]

يا بنات الله يخليكون بدي كل وحده تدعي معي ميار ام هنوده من اسبوع صار معاها حادث وزجها داخل بغيبوبه من اسبوع __ ادعولها الله يفرج كربها هي الحمدالله ما فيها شي ولاا هنوده_ الحمدالله أسأل الله العظيم رب العرش العظيم ان يشفيه زوجها والله مالي نفس اكتب يا بنات حسبي الله ونعم الوكيل يارب بسر الفاتحه تشفيه ( انا مجربه سوره الفاتحه واليوم انا نويتها اليوم انا عملت 500 مره بدنا نعملها 100 الف والف بدي اسا عدوني وشو العدد يلي ابتعملو قلولي عليه وانا بسجلو عندي___ ع هالنيه الله لا يخجلنا نحن خواتها ولازم انوقف معاها(

[Nayota]

صباح الخير صبايا

نغم زعلتيني على ميار الله يعافيلها زوجها يارب وكيف البنات يلي ببطنا ان شالله صحتون منيحة وانا ئد ماصحلي قراءة لسورة الفاتحة رح أقرأ وبحاول عدون وخبرك بالعدد

سيريا حبيبتي ازا ماعندك خلفية كيف الولادة وشو بيصير بنصحك تفتحي مقالات وتقرأي بس يوتيوب لا تفتحي وبالعكس لازم يصير شق وقطب حامل
بالولادة الطبيعية ولو قطبتين هيك الولادات هلأ بالطب الحديث ولاتخافي ولاشي وكل حالة وإلها خصوصيتا بيجوز انتي تكون ولادتك سهلة متل رمش العين رفيقتي تلت طلقات كانت ولدانة بس الثقافة بموضوع الولادة لابد منا علقليلة مابدك تعرفي شو رح تعمل فيكي الدكتورة وان شالله تكون ولادتك سهلة ومافيها عزاب وعلى كل حال كلو بأجرو وثوابو والله مابيضيع مثقال ذرة

[يارب أرزقني طفلااا]

البنات الحمدالله بس احتمال وحده تجهض منهم وتنفصل عن المشيمة ( حسبي الله الله لا يضرها فيهم

[عاشقة جوجو2]

حسبي الله ونعم الوكيل الله يشفي زوجها ويحميلها بناتها
والله زعلت بس كل شي من الله الحمد لله

[بسبوسة زوجها]

صباح الخير بنات
لاتآخزوني عم غط كتير لان جاييتني نوبة تعب من الحمل وخوف من الولادة او الاصح رهاب ههههه لان اهلي بعيدين عني وحاسي اني كتير بحاجة لتكون ماما جنبي
نغومة والله زعلتيني عميار كتير ياحبيبتي مالحئت تفرح بشوفة اهلها هاي لان حماتها مو رضياني عروحتهن للبنان الله يشفي زوجها ويئوم بخير وصحة وسلامة ويحفظ اولادها يارب ازا عرفتي شي طمنينا عنها
ام جوجو كيفك حبيبتي الله يئومك بخير وسلامة انتي وحمودة انشاءالله
انا يوم الاربعاء رحت عالدكتورة وسمعتني دقات قلب البيبي وطمنتي انو لما وقعت عالارض ما اتأثر البيبي الحمدلله وعطتني موعد بعد اسبوعين بكون انشاءالله دخلت بالتاسع
نايوتا كيفك حبيبتي صار لازم تفكري تجيبي اخ او اخت لنايا بيربو سوى وبيلعبو مع بعض هيك نايا مابتمل بالبيت
سيريا كيفك وكيفها البنوتة وشلون استعدادك للولادة!
ام ندوشة حبيبتي طمنيني شو اخبار الحمل وكيف استعدادك للولادة انتي وام جوجو مجربين الولادة مافي عنكن رهبة متلي الله يئومنا بخير وسلامة ومشان الاسماء يللي عم تفكري فيها كتير حلوة وانا بقترح شهد-جنا-رغد-ميرا-تالا -رشا-جود-غزل عاسم اختي عم اعملو دعاية هههههه
باقي البنات بسلم عليكن كلكن ولاتآخزوني ازا مازكرت اسماء
لنحكيلكن عالطبخ شوي بما انو صاير تسلايتي هههه
مبارح طبخت رز بفول وكبابة بالفرن وسلطة وعيران
واليوم عملت محاشي وسمبوسة بحشوة اجبان مختلفة
وعملت حلو تشيز كيك بالفرن طلع روعة
وانتو حكولي شو طبختو ياشيفات هههههههه
صحيح ومن يومين عملت معمول بالجوز بس مازبط معي لان عملتو بس بطحين وحطيتلو خميرة هاي الطريئة اول مرة بجربها وطبعا آخر مرة لان طلع طري كتير وقوامو كتير هش ونفش معي
بقى مين فيكن عندو طريئة معمول طيبة ومايكون هش كتير وخاصة بنات الشام يالله حبيبات ئلبي انتو شاطرين بالمعمول وبدي الوصفة تكون مجربة ومضمونة لاني كتير بحب المعمول ومعدتي مو حقل تجارب

[عاشقة جوجو2]

شلونك بسبوسة حبيبتي الله يقومنا بالسلامة
كلنا خايفين من الولادة صح انا مجربة بس كنت عند اهلي يعني دلال على الاخر بس هلاء لحالي ان شاء الله الله معنا
انا ما عم اطبخ صرلي فترة عم ناكل عندحماتي كل يوم والله كتير تعبانة وحاسة بملل من الحمل نسيت شي اسمو نوم وراحة
وانا عندي موعد السبت الجاي عند الدكتورة يعني بعد اسبوع وقالتلي بكون بالتاسع والله تلخبطت وانا حاسبة اني اقل
ما بعرف على حساب مين امشي لان قالتلي رح ولدك بنص التاسع لان رح اولد قيصري يعني باقي شهر او اقل الله اعلم
طولت عليكم بس شو بدي ساوي من الملل حابة اطبخ بس ما عم اقدر قوم بس حماتي الله يخليها ما عم تقصر هالفترة

[عاشقة جوجو2]

وينكم ليش ما دحدا عم يدخل

[بسبوسة زوجها]

مساالخير صبايا
شو ليش هيك غاطين الو التجمع فاضي قرن ههههههه
نغومة طمنيني عنك حبيبتي شو اخبارك
عاشقة جوجو كيفك حبيبتي انشاالله بخير
ام نايوتا كيفك حبيبتي صايرة ئليلة فوتك عالمنتدى عم اشتئلك
ام ندوشة كيفك حبيبتي من زمان ماطمنتينا عنك شو اخبارك واعتمدتي على اسم للبيبية ودخلتي شهرك ولا لسا؟
سيريا كيفك حبيبتي كمان عم نشتئلك يادلوعة التجمع هههههه كأنك عم تدللي علينا شوي هههه
ام مالك حبيبتي
الف مبروك الحمل و شو طلع جنس البيبي؟وشو اخبارك واخبار الحلوين ملوكة ومالك؟
بائي الصبايا من دون ماأذكر اسماء شو اخباركن انشاالله أموركن بخير

[عاشقة جوجو2]

انا موجودة كل يوم عم ادخل التجمع ما بلاقي حدا
وهلاء راحو بيت حماي على العمرة الله ييسرلهم
وانا زعلانة لانو من زمان ما رحت على مكة بس جوزي خاف علي روح
قالي انتي يومين وبتدخلي التاسع بركي صار معك شي بالطريق
يالله ان شاء الله بس اولد بروح

[بسبوسة زوجها]

والله حبيبتي ام جوجو هيك احسن وأأمن بلكي انشاءالله بعد ماتولدي بالسلامة بتروحي الله يطعمنا جميعاالحج والعمرة
هلئ عرفت من نغومة خبر سيء ومصدومة كتير وزعلانة
زوج ميار ام هنودة عطاكي عمرو
توفى نتيجة الحادث لاحول ولاقوة الابالله
بئى يمكن بائي البنات بيعرفو الخبر مشان هيك ماحدى عم يدخل
الله يرحمو انالله وانا اليه راجعون

[عاشقة جوجو2]

لا حول ولا قوة الا بالله
متاكدين من الخبر والله انصدمت
حدا يخبرنا شو صاير

[يارب أرزقني طفلااا]

مسا الخير يا صبايا كيفكون هلأيام


( ميار ما عندها نت بلاب توب وحتى ايميلها ماعم تفتحو ( حسبي الله ونعم الوكيل
الله يكون بالعون

بسبوسه لا ما حد من البنات ابيعرف هنن لحالون ما عم يدخلو
hwaml85hwaml85hwaml85hwaml78
ام جوجو الله يسر ولادتك ( اي والله اكيد صبر جميل وبلله المستعان

[syria]

مساالخير صبايا
شو ليش هيك غاطين الو التجمع فاضي قرن ههههههه
نغومة طمنيني عنك حبيبتي شو اخبارك
عاشقة جوجو كيفك حبيبتي انشاالله بخير
ام نايوتا كيفك حبيبتي صايرة ئليلة فوتك عالمنتدى عم اشتئلك
ام ندوشة كيفك حبيبتي من زمان ماطمنتينا عنك شو اخبارك واعتمدتي على اسم للبيبية ودخلتي شهرك ولا لسا؟
سيريا كيفك حبيبتي كمان عم نشتئلك يادلوعة التجمع هههههه كأنك عم تدللي علينا شوي هههه
ام مالك حبيبتي
الف مبروك الحمل و شو طلع جنس البيبي؟وشو اخبارك واخبار الحلوين ملوكة ومالك؟
بائي الصبايا من دون ماأذكر اسماء شو اخباركن انشاالله أموركن بخير


انا تمام انتي كيفك وشو اخبارك وكيف حماتك معك
لك تسلمي يارب وتشتائلك مكة والمدينة بس صايرةعم فيء واشتغل كم شغلة بهالبيت بيكون اجا زوجي وطبعن بس اجا عالبيت هو بيستلم الابتوب عشرة بلدي واانا بئعد جنبو وبكر فوء راسوhwaml5

[syria]

مسا الخير يا صبايا كيفكون هلأيام


( ميار ما عندها نت بلاب توب وحتى ايميلها ماعم تفتحو ( حسبي الله ونعم الوكيل
الله يكون بالعون

بسبوسه لا ما حد من البنات ابيعرف هنن لحالون ما عم يدخلو
hwaml85hwaml85hwaml85hwaml78
ام جوجو الله يسر ولادتك ( اي والله اكيد صبر جميل وبلله المستعان


كيفك نغومة وشو اخبارك شو عاملة هلايام

وشو ئصة زوج ميار زعلتيني كتير طمنيني عنها

[syria]

عاشقة جوجو ربي يقومك بالسلامة وان شاء الله ااااالله يسهلك ولادتك

باقي االصبايا كيفكون وشو اخباركن

اخباري اانا صايرة كتير كسولة وئليلة مروة ومالي خلئ على شي

باقي كم يوم وبدخل التامن

صايرة حركتي كتير تئيلة وجسمي هابط يعني مالي مروة حرك ايدي وخاصتن بعد ماكبرت بطني عنجد الله يعين يلي بيكبر بطنا من بداية الحمل انا هالشهرين حتى كبرت بطني وكرهانة حالي كتير وصايرة دبدوبة
حتى لما بمشي بحس حالي متل البطريق بروح يمين وشمالhwaml03

[Nayota]

مرحبا صبايا
عنجد بعد ماقرأت خبر وفاة زوج ميار كتير زعلت مسكينة ابنو
صغير وهية حامل أمانة نغم عزيها باسمي وقت يصرلك
وتحاكيها او ابعتيلي عالخاص ايميلها ازا ماعندا مانع
وسامحوني صبايا صايرة فوتتي عالتجمع قليلة بس سبق وزكرت
مشتركة مع رفقاتي بقراءة القرآن وعم خلص جزء باليوم بالزور مسؤولياتي
كتيرة والاسبوع الماضي اتوفى عمي وكتير مأهورين الله يصبرنا أحسن شي
سلماتي للجميع وان شالله بتقومو بالسلامة الحوامل ويلي مو حوامل ان شالله الله يطعمكون الخلفة الصالحة

[بسبوسة زوجها]

العمر الك حبيبتي نايوتا
الله يرحم عمك ويتقبلوا من الشهداء انشاءالله
برافو عليكي مشان ختمة القرآن
وانا ناوية انشاءالله احفظ بعض السور الطويلة بس هلئ مالي خلئ على شي دوبني اصحى ونام واطبخ حتى المشي الي اسبوعين مالي خلئ عليه

[شام الهوى]

يسعد اوقاتكم صبايا كيفكن اشتقتلكن كتييييير

[عبير اسماعيل]

حسبي الله ونعم الوكيل .... الله يقويها ويصبرها

[عبير اسماعيل]

شام الهوى كيفك اتزكرتيني... بعتلك استفسار مره مع نجوى
ماشا الله حامل البركه الله يقومك بهير وسلامه

[شام الهوى]

هلا والف غلا ياقلبي اكيد تزكرتك كيفك ياعمري وشو اخبارك
الله يسلمك يارب ويخليلي ياكي

[عبير اسماعيل]

الحمد لله بألف خير
مااتواخزيني اتأخرت عليكي بالرد بس كنت عم قللي الباميه
حموده كم يوم بفوت بالشهر 11
وانا هلأ حامل كم يوم بفوت بالشهر التالت

[أم ملاك ومالك]

البقاء لله الله يصبرك حبيبتي ويقويكي يارب
إنا لله وإنا إليه راجعون
مهما كتبت مارح أوصل للي بدي قولوا بس بدي قلك قلبي معك ديري بالك ع حالك من شآن الي بطنك ومن شآن هنودة حبيبتي

نغم لوسمحتي اذا عندك رقم ام هنودة ابعتيلي هو ضروري ابوس روحك ردي بسرعة علي

[يارب أرزقني طفلااا]

نا يوتا .... وعبير ___ بعدللك ايميل ميا ر ع الخالص بس بدك تبعتيلي ايميللك مشان اعطيها اياه مشان اضيفكم


باقي البنات اشتقتلكن والله كتير كيفكن

[عاشقة جوجو2]

كيفكم بنات انا اليوم كان عندي موعد بالدكتورة وقالتلي رح تولدني بعد اسبوعين
ان شاء الله

[شام الهوى]

انا لله وانا اليه راجعون الله يصبرك اختي ام مهند ويجبر ماصابك يارب

[يارب أرزقني طفلااا]

عا شقه جوجو2 ربي يتمم عليكي ويسرللك يلا هانت عقبال باقي البنات لا تنسي تدعلي بالحمل أمانه

[شام الهوى]

كيفك اختي يارب ارزقني بطفل
انا اختك ام عبد الرحمن
اسأل الله ان يرزقك الذرية الصالحة البارة التقية يارب العالمين
شو سبب تأخر حملك
انا عندي خلطة اعشاب لهوم لو حبيتي ابعتلك ياها صارلي تقريبا تسع شهور ماحملت من التكيس وبنفس الشهر اللي اكلتها فيه صار حمل بإذن ربي
اذا حبيتي ابعتلك ياها من عيوني

[شام الهوى]

هي هي الخلطة اختي



لتنظيف الارحام
كاس ماش
نص كاس شمر = حبة حلوه*
نص كاس حلبة
ربع كاس حبة سودا
ربع كاس كمون
ربع كاس فلفل أبيض
ربع كاس فلفل أسود
ربع كاس رشاد
ربع كاس نانخه = ما أدري اذا لها أسم ثاني*
ربع كاس سكر نبات = للطعم بس
ملعقتين كبار مرميه مطحوونه طبعا
ملعقتين كبار قرفه = دارسين*
ملعقتين كبار مسمار = قرنفل
ملعقتين كبار بابونج
ربع كاس زعتر بري
ربع كاس قشر قهوة
ملعقتين كبار مره
ملعقتين كبار يانسووون*


نطحن كل عشبة لحالها ماعدا الرشاد ونخلطهم كلهم وناكل منها ملعقة طعام بعد الريوق من تاني يوم دورة لاخريوم وتشربي معها لبن او عصير او ماي
وطبعا ماننسى الدعاااء وقيام الليل وماء زمزم ان امكن
الله يرزقك يارب

[ام ندوشة]

كيفكن صبايا طمنوني عليكن شو هالاخبار هي, عنجد زوج ميار اتوفى له له الله يرحمو ويصبر قلبا انشالله الله يجعل مسكنو الجنة يارب ,يا حبيبتي يا ام هنودة والله احترء قلبي عليكي ,

[ام ندوشة]

انا رح تولدني الدكتورة يوم التلاتا , قيصرية , ادعولي امانة لانو حاسة حالي تعبانة ومالي حدااا غير الله ,سلاماتي للكل واسفة لاني ماعم فوت كتير بس مشغولة بامر الولادة وتحضيراتا .

[يارب أرزقني طفلااا]

ربي يجزيكي الخير أم عبد الرحمن والله حابه من قلبي جربها هالشهر بس تجيني الدوره بس زوجي طلع معو دوالي وعم يآخد حبوب وازا ما مشي حال بدو يعمل عمليه كنت عم فكر اخد حبوب فيتكس ادعيلي سجلت الخلطه مشان جيب مكوناتها والله لادعيلك بسجودي والله يكتب الخير ياااارب ربي يتمم عليكي

[عاشقة جوجو2]

كيفكم صبايا حبيبتي ام ندوش لا تنسي تطمنينى عنك وتحكيلنا تفاصيل الولادة
الله يهونها عليكي لاني بعدك ان شاء الله ب15 يوم يارب ارزقني طفلا رح ادعيلك ان شاء الله انتي وكل مين بخاطرها الحمل الله يرزقك عن قريب

[شام الهوى]

يسعد مســ❤ــاكم

[يارب أرزقني طفلااا]

عاشقه جوجو2 الله يسمع منك ياااااارب وربي يسر ولادتك يا البي انتي وأم ندوشه ومنار وميار يا كريم ...... شام الهوى( أم عبد الرحمن ومساكي يارب ميت هلا يا غاليه شو اخبارك ،،،،،،. انا اليوم مرشحه ومكربه وحالتي حااااله أدعو لي هالشهر ما تجي الدوره وحلل واطلع حامل وعيش هال فرحه بجاه اسم الله الأعظم ياااارب باقي يومين ع موعدها ياااااارب باقي الصبايا-- نايوتا ؛- سيريا-/-- إسراء ؛ بسبوسه منار /:؛؛؛؛ جوريه شاميه :؛؛ عبير إسماعيل :؛؛ام ندوشه عاشقه جوجو نجع السمر ....... ام ندوشه لاتنسي اطمنينا عنك وتدعلي والله عم ادعيلكون الله يسر ولادتكم من قلبي

[بسبوسة زوجها]

كيفكن صبايا
شام الهوى
عبير اسماعيل الف مبروك حملكن
والله اشتئنالكن كتير شو هالغيبة الطويلة
ام مالك كيفك ياروحي اشتئتلك دائما طمنينا عنك
ام ندوشة وام جوجو الله يئومكن بالسلامة يارب ويسهل ولادتكن وولادتي انشاءالله عم ادعي بكل صلاة تكون ولادتي سهلة
نغومة حبيبتي انشاءالله بإذن الله تكوني حامل وماتشوفي الدورة الا بالولادة انشاءالله يارب اكتب الحمل لاختي بالله نغم هاد الشهر وفرح ئلبها بالحمل برحمتك ياارحم الراحمين آمين يارب
حبيتي ازا لاسمح الله اجتك الدورة بلشي اشربي يانسون وعصير اناناس لوئت التبويض وكلي ئد مابتئدري جوز ولوز وبوظة بالحليب واجبان لانها بتئوي الاباضة بإذن الله انا دكتورتي هيك نصحتني بس اليانسون وعصير الاناناس من ماما الله يحفظها بس بائي الشغلات من الدكتورة وسدئيني من لما عملت هيك حملت تاني شهر مباشرة
ولاتنسي تجيبي جهاز اختبار اباضة كليربلو كتير ضروري حتى تحددي فترة اباضتك وتعملي يللي عليكي
ومشان الدوالي مابتأثر كتير عالحمل يعني اهم شي تكون انتي اباضتك قوية وبصير حمل انشاءالله رغم الدوالي
ووصفاتي مارح تأثر عوصفة شام الهوى لانها فيكي تعمليها بشكل يومي وطبيعي بس اعملي متل مائلتلك والله حبيبتي عم انصحك من ئلبي ولانهن بفيدو ومافي نسبة ضرر ولا واحد بالمية
وانشاالله يارب تكوني حامل وماتجربي ولاشي

[بسبوسة زوجها]

بنات شوفوا شو الدكتورة قالتلي مشان الحم (http://forum.hwaml.com/t155618.html)ل معلومات كتير مفيدة ومهمة (http://forum.hwaml.com/t155618.html)
نغومي دخلي موضوعي

[Nayota]

صباح الخير صبايا

كيفكون شو اخباركون

كيفك منار ئديش باقيلك لتدخلي التاسع ؟ ان شالله بتولدي ولادة سهلة وحلوة على فكرة ئد ماكانت الولادة صعبة بتكون حلوة وأحلى شعور لما تطلعي من المشفى وتدخلي على بيتك وحاملة ابنك مافي أحلى منو شعور والله أحلى من شعوري لما اتخرجت من الجامعة وأصلا مافي مجال للمقارنة عم شوئك مشان تولدي هههههههه

سيريا وانتي التانية يلا شدي الهمة وولدي بسرعة ههههه


ام ندوشة ان شالله عندك حدا لما تولدي وطمنينا عنك


ام جوجو كيفك وكيف استعدادك للولادة يمكن لان صرلك زمان جايبة جوجو انسيتي حاسة حالك بكرية


نغم ان شالله تطلعي حامل هالشهر يمكن مافتحتي صندوق الرسائل عندك


هالصيف من أولها فرح بولاداتكون ان شالله بالسلامة

كيفك ام مالك منورة ومبروك الحمل لعبير وشام الهوى عقبال عندي

والله يابنات انا من فترة عاملة ريجيم ومخففة أكل والحمد لله في نتيجة حتى اني عم آخد فيتامينات مشان مايصير معي نقص كلس او فقر دم لان لساتني عم رضع نايا وبدي منكون انا التانية تدعولي أطلع حامل هالشهر لان عنجد متمنية اني جيب كل عيلتي ورا بعض بعدين ارتاح لان خلص متى ماأجا أول ولد خلص الحياة كلها بتختلف ويلي بيربي ولد بيربي تنين او تلاتة وانا كمان مالي صغيرة لحتى خلي مسافات كتير ولادي حتى حاسة حالي ماعاد بالي طويل وإلي خلئ كتير على مسايرة الولاد وكلشي من الله منيح بالنهاية هادا شي مكتوب عند رب العالمين

[عاشقة جوجو2]

صباح النور نايوتا كيفك شو اخبار الامورة نايا
ان شاء الله تطلعي حامل ويتحقق يالي ببالك بس والله انا بعكسك رغم انو بالي طويل بس ما بفكر جيب ورا بعض
الا اذا الله راد هاد شي تاني بحس تعب وكل شي من الله منيح
حبيبتي ربي ارزقني طفلا يارب ما تجيكي الدورة وتطلعي حامل وحابة قلك شغلة انا جوزيكمان كان عندو دوالي لما اتزوجتووعم يتعالج والحمد لله ماشاء الله طلعت حامل من اول شهر ههههههه يعني ما دخل كل شي ليريد الله ما عليكي الا بقيام الليل والدعاء واكثري الاستغفار على نية الحمل كل الوقت بالبيت استغفري ان شاء الله بتكوني حامل والله ما بخيبك
حبيبتي سيريا وين هالغطة طمنيني عنك
ام ندوش ربي يهون عليكي
بسبوسة حبيبتي يمكن انتي وانا مع بعض بالحمل يعني انتي متلي هلاء دخلتي التاسع على ما اعتقد بس انا لاني بولد قيصري
حددولي بعد اسبوعين والله اني خايفة لان اهلي ما جنبي بس الحمد لله كلي ثقة بالله انو يكون جنبي

[بسبوسة زوجها]

صباح النور حبيبتي نايوتا
تسلميلي على دعوتك الحلوة انا بائيلي اسبوع بدخل بالتاسع انشاءالله
وانتي حبيبتي انشاءالله انتي ونغم تطلعو حوامل وتبشرونا بحملكن ونحنا نباركلكن بدنا أخبار مفرحة خبر ميار كتير زعجني الله يكون بعونها
وازا انتي او نغم عرفتو عنها شي أمانة خبرونا
وبتعرفي كمان شايلي هم الولادة لاني لحالي كتير حاسي اني بحاجة لماما تكون جنبي وكمان عم اتذكر لما نصحتيني انو بيت حمايي يبئو جنبي والله طلع معك حق هلئ عم تهدا نفسي شوي لما رح يكونوا معي
بحس بجو عائلي مريح
بس والله مكتئبة من هالوضع بسوريا وعأهلي بتم ئلبي عم يغلي
الله يدمرك يابشار ويخلص سوريا منك ومن اجرامك لان هالمجرم هو يللي حارمني من شوفة اهلي
ادعو يابنات عليه بلكي بنخلص من هالمجرم
صحيح حبيبتي نايوتا بدي اطلب منك
طريئة فتة المكدوس وعجينة معمول ازا سمحتي لاني كتير بوثق بزوئك وطبخك
لان من فترة نعزمنا لعند جماعة شوام وكانو عاملين من ضمن الاكل فتة مكدوس وكتير عجبت زوجي وبدي بكرى اعمل منها دورت بالنت بس ماوثقت ولابطريئة ئلت مالي غير حبيتي ام نايا
طولت عليكي هلئ بتئولي عني كرارة هههه بس يمكن ئلتيها وخلصتي
بس انتي صايرة عم تحرمينا من طلتك الحلوة مشان هيك بدي لحئ حالي ئبل ماتغطي هههههه
بوسيلي نايا الحلوة كتير

[بسبوسة زوجها]

صباح الخير ام جوجو والله شعور كتير صعب انو الوحدي تولد ويكون فيه غصة بئلبها على اهلها منو خوف عليهن ومنو خوف عحالها
انا حبيبتي بعد اسبوع بالتمام بدخل التاسع انشاءالله وعندي موعد عند الدكتورة يو الاربعاء مابعرف شو رح تئلي
الله يسهل ولادتنا ونئوم نحنا والبيبيات بخير وسلامة ويفرجها على اهلنا بسوريا ويجمع شملنا عن ئريب يارب
صحيح صبايا شو آخد معي غراض عالمستشفى وشو بدي جيب للبيبي؟
من كتر مو متوترة ومكتئبة لهلئ ماجبت شي للبيبي مالي نفس وماللي من الحمل وماعم اعرف شو جبلو

[وردة سورية]

كيفكن يا بنات سوريا الغالية اشتئتلكن كتير كتير انا رجعتلكن من جديد وبتمنى ما غيب عنكن مرة تانيه
ماشاء الله في كتير ضيفات جداد بالدردشة اهلا وسهلا فيكن
اشتقت للصبايا كتير شو اخباركن ماعم شوف مشاركاتهن قليلة
سروءة وام ملاك وجوري وهديل وعبير وزهرة الحب حبيبه قلبي بتمنى ربي يحميها ويجمعها بجوزها عن قريب طمنوني عنكن كلكن حابه اسمع اخر اخباركن\
انا الي يومين راجعه من سوريا وهلاء صرت بقطر عند زوجي الحمد لله بعد صبر غياب سنه الله جمعني فيه وفيكن من جديد
سوريا بتسلم عليكن كتير يابنات ادعولها وان شاء الله بنرجعلها عن قريب وهي محررة
وبرجع برحب بكل صبيه جديدة هون وبعرفكن بحالي
انا روان من درعا
عمري 19 سنه الي متزوجه 3 سنين كنت بقطر مع زوجي خلصت زيارتي وروحت لسوريا من سنه ومن يومين لحتى طلعتلي زيارة والحمد لله فرجها علي وان شاء لله بفرجها عسوريا
لسى ماعندي ولاد ان شاء الله ربي بطعمني وبطعم كل مشتهيه

[يارب أرزقني طفلااا]

اااااالله بنات ع الدعوات يلي فرحت قلبي من جوا الله يسمع منكن يارب ،، وانا حاليا عم يتعالج بس ربك قادر كريم وانا متوكلين عليه ..... نايوتا لا فتحت الرسائل وعطيتها لمسار ايملاتكن قال عم اتحاول أضيف من الجوال لان مافي نت بلاب توب وهيه كتر مشتاقتلكن. ،، روان انتي بعمري وبس لسا ما طبقت 3 سنين زواج انشالله انا وانتي الله يرزقنا بحول الله وقوته ،،،،،، بسبوسه جزاكي الله خير شورأيك أخد هالشهر فيتكس ازا اجت؟؟؟؟؟

[وردة سورية]

اي حبيبتي وانا لسى ما كملت ال3 سنين باقيلي شهرين ليصرلي 3 سنين متزوجه
وقعدت مع زوجي سنه ونص وسنه ونص قضيتهن لحالي بسوريا
ربك كريم ان شاء الله برزقك وبرزقني وبرزق كل مشتهيه
انتي من وين بسوريا ؟

[شام الهوى]

كيفكن بنات
اليوم رحت الدكتورة لان عم ينزل معي دم بني ولا سويت تحليل هرموني ومااافي حمل الحمد لله عكل حااال

[بسبوسة زوجها]

حبيبتي نغومة
مشان الفايتكس وانا ئبل مااحمل كنت مفكرة آخد منو بس كنت مترددة لان الو سلبيات خطيرة وكنت ناوية اسئل دكتورتي عنو بس الحمدلله بنفس الشهر يللي كنت ناوية فيه آخدو ماشفت الدورة وطلعت الحمدلله حامل
عئبالك يارب ماتشوفي الدورة وتطلعي حامل

[بسبوسة زوجها]

وردة سوريا
اهلين حبيبتي والحمدلله عسلامتك نيالك كنتي بسوريا الحبيبة أديش مشتائة لهواها واهلها طمنيني كيف الوضع فيها ومن اي مطار طلعتي؟
رح عرفك عن حالي;
اسمي منار من ادلب عمري ٢٥ الي متزوجة تقريبا سنتين ساكنة بامريكا
حامل بالشهر التامن والبيبي انشاءالله ولد
وانشاءالله انتي ونغومة تكونو حوامل هالشهر وتبشرونا
حبيباتي ادعو بالسجود واستغفرو على نية الحمل وكل تأخيرة فيها خيرة انشاءالله
ادعولي الله يسهل ولادتي ونئوم انا والبيبي بخير وسلامة لاني متوترة وخايفة لاني بعيدي عن اهلي ومحتاجة ماما كتير

[بسبوسة زوجها]

صبايا بدي آخد رأيكن
عندي يوم السبت عزيمة لجماعة سوريين من الشام وناوية اعمل عشا
كبة دراويش يعني مئلية
وشيخ المحشي كوسا
الكبة عملتها من كام يوم وفرزتها
بئى شو رأيكن بعمل شي تاني ولا هيك منيح
وبدي ضروري كتير تعطوني وصفة كيك مجربة وطرية لان بدي اعملن كيك بنات لاطنشوني يللي عندها وصفة طيبة طعتيني ياها
يمكن حبيبتي شام الهوى انتي خبيرة بوصفات الكيك بدي منك وصفة مضمونة
لان كل وصفات الكيك يللي بالنت ماعجبوني وانا بوثق ببنات بلدي الحبيب سوريا

[وردة سورية]

اهلا وسهلا فيكي منار
الاوضاع كتير تعبانه بسوريا والله طلعت وقلت يمكن ما اوصل لبرا سوريا لانو القصف كان شغال فوقنا ربي يفرجها ويهونهاا علينا\ انا طلعت من مطار لبنان
قعدت بلبنان 3 ايام وبعدها سافرت لقطر
ان شاء الله ربي بقومك بالسلامه وينولك الي ببالك ويهون عليكي ويهون على سوريا متل ما بهونها على الحامل
وان شاء الله ربي بطعمني وبطعم كل مشتهيه يارب


ئليلي كيف بتعملي دعكه الكبه
انا بعرف اعملها بس خايف ماتزبط معي

[يارب أرزقني طفلااا]

كيفكن يابنات ... روان كمان انا قضيتهم نصهم بسوريا وبعيده عنه اامين الله يسمع منك ويجبرنا الله مافي اكرم منو. ( منار) بالعكس مافي آثار جانبيه متل كلوميد لانه من أعشاب اعملي بحث عنو وشوفي ( والله عم ادعي والباقي ع الله بس متأخره الدوره يومين وبطني وصدري ماعم يوجعوني أبدا ولا صدري منتفخ غريبه بالعاده قبل بأسبوع بطني وصدري ابيوجعوني هلق بس كريب ورشح وضهري هم يوجعني وطلعلي حب كتير ؟؟؟؟؟ بنات يلي ابتعرف اتقلي ( يامنار كتير عم ادعيللك الله بيعلم اللك ولروان ( روان انا من حماه وكمان وقت اطلعت كان القص شغال بس جئت من مطار الشام ورحت قبل بيوم ،.... ام ندوشه اليوم ولادتها يارب ياربي انت تيسر لها وتقومها بسلامه -) نايوتا كيفك يا البي وباقي البنات شو عاملين اليوم ( ام عبد الرحمن كيفك ؟؟؟؟؟ سيريا : انشالله شاده عزما تك وبلشتي اجيبي تياب البيبي؟؟

[يارب أرزقني طفلااا]

منار. الكبه وشيخ المحشي كتير تمام واعملي فطائر ببيتزا او سبانخ او جبنه - وعملي صحن سمبوسك كتر موجب وشكلو حلو وطيب ( وانشالله صحتين سلف وانشالله ربي يقويكي يا ام علي يااااربhwaml7

[يارب أرزقني طفلااا]

وعملي تبوله جنب الكبه هههههه هذا طبق

[وردة سورية]

كيفكن يابنات ... روان كمان انا قضيتهم نصهم بسوريا وبعيده عنه اامين الله يسمع منك ويجبرنا الله مافي اكرم منو. ( منار) بالعكس مافي آثار جانبيه متل كلوميد لانه من أعشاب اعملي بحث عنو وشوفي ( والله عم ادعي والباقي ع الله بس متأخره الدوره يومين وبطني وصدري ماعم يوجعوني أبدا ولا صدري منتفخ غريبه بالعاده قبل بأسبوع بطني وصدري ابيوجعوني هلق بس كريب ورشح وضهري هم يوجعني وطلعلي حب كتير ؟؟؟؟؟ بنات يلي ابتعرف اتقلي ( يامنار كتير عم ادعيللك الله بيعلم اللك ولروان ( روان انا من حماه وكمان وقت اطلعت كان القص شغال بس جئت من مطار الشام ورحت قبل بيوم ،.... ام ندوشه اليوم ولادتها يارب ياربي انت تيسر لها وتقومها بسلامه -) نايوتا كيفك يا البي وباقي البنات شو عاملين اليوم ( ام عبد الرحمن كيفك ؟؟؟؟؟ سيريا : انشالله شاده عزما تك وبلشتي اجيبي تياب البيبي؟؟


اهلين فيكي ياروحي
ان شاء الله بتكوني حامل يا قادر يا كريم
او يمكن تكون هرموناتك تلخبطت
الله يطعمك ويطعمني ويطعم كل مشتهيه

[يارب أرزقني طفلااا]

واهلين فيكي روان ،، والله ما بعرف انشالله ياااارب امين شو عامله اليوم يا ألبي انا شويت باذنجان بدي اعمل متبل،،،، وباقي الصبايا وينكن

[عاشقة جوجو2]

كيفكم صبايا والله انا دخلت عشان ادعي لام ندوش الله يهونها عليها
بالي عندها لاني انا بعدها ان شاء الله الله يسهل على الجميع وان شاء الله الكل يطلعو حوامل هاد الشهر
ربي ارزقني طفلا خبرينا ان شاء الله ما تكون اجتك الدوررة يالله يا كريم يكرمك بالذرية الصالحة وكل من قال امين

[وردة سورية]

يارب ارزقني طفلا
شو اسمك ما عرفتينا
انا عملت محاشي كوسا وباذنجان ويبرق
مممم شو رئيك بسكبه
وصحتين عالمتبل

[يارب أرزقني طفلااا]

ام جوجو. الله يسهلك والله شايله همك وعم ادعيللك اللك ولام ندوشه ياااارب ام جوجو ليش ما ابتعرفي اسمي اتحكيني فيه وزان انا اسمي نغم قليلي نغومهhwaml84hwaml84hwaml84 ريتو ألف هنا ع المحاشي يلا عم استنا الصحن مشان دوء اكلاتك hwaml68،،،،،. ام جوجو لا والله ما شرفت شوفي شو كاتبه فوق انا

[يارب أرزقني طفلااا]

سامحوني ازا عندي أخطاء أملائيه لان عم ادخل من الجوال لان من لاب توب نسيانه كلمه السرhwaml03. لأعمل استرجاع بس كتر مروهhwaml9

[بسبوسة زوجها]

سلامات صبايا
حبيبتي روان مشان عجينة الكبة انا كنت متلك خاف اعملها وماتزبط معي والمشكلة زوجي بحب الكبة كتير ومن كتر التجارب صرت هلئ محترفة بالكبة ههههههه
العجينة ;كل كيلو برغل بطحتيلو كيلو هبرة وبصلة متوسطة وملعئتين كبار فليفلة مطحونة وملعئتين كبار كمون مطحون وملعئة كبيرة كزبرة مطحونة وملعئة كبيرة من خلطة السبع بهارات وملعئة كبيرة ملح
وطبعا لما بدك تنئعيها بياخد معك كل كيلو برغل اربع او خمس كاسات مي بارد حسب نوع البرغل انا كيلو البرغل بياخد معي خمس كاسات مي وبتطلع العجينة معي روعة
هاي هي العجينة واي استفسار انا جاهزة حبيبتي
بس على فكرة انتي والصبايا معزومين لعندي يوم السبت يالله حجزوا من هلئ ومابئبل اعتذار حدىhwaml7

[بسبوسة زوجها]

اهلين حبيبة ئلبي نغومة
والله منيح زكرتيني بالتبولة كانت رايحة عن بالي تماما يسلموووووااااااhwaml84
وفكرة حلوة السمبوسة بتكون مقبلات
انشاءالله حبيبتي ماتجيكي الدورة وتطلعي حااااامل
اللهم بشْر اختي نغم بالحمل السليم هاذا الشهر يارب ياكريم آمييين
حبيبتي مشان الفايتكس انا بنصحك تسألي دكتورتك ئبل وانشاءالله مابتحتاجي لاتاخدي ولاتاخدي غيرو وتكوني بإذن الله حامل
لان اللعب بالهرمونات والاباضة مو منيح وخاصة انك ماشاءالله لساتك ظغيرة
صحة وهنا عالمتبل انا اليوم ناوية اعمل فيليه دجاج محشي هاي الوصفة من منال العالم ورح اعمل كمان جنبن صينية معكرونة

[بسبوسة زوجها]

الله يسهل ولادة ام ندى يارب وتئوم هي والبنت بخير وسلامة يارب
ام جوجو الله يسهل ولادتك وتئومي انتي وحمودة انشاءالله بخير وسلامة
وانا جاييني الدور بعدكن الله يسهل علينا يارب
ويرزقنا جميعا الذرية الصالحة آمين

[يارب أرزقني طفلااا]

اناااا hwaml71hwaml71hwaml71hwaml71hwaml71عازمه حالي لحالي لاتخافي عليه ههههههhwaml82hwaml82. انا ما عندي جرأه للكبهhwaml83. واستفتدت منك بس كمون وكزبرا اول مره اسمع فيهن الكبه بينحطلها،،، منجرب يسلمو البي

[يارب أرزقني طفلااا]

ام علي ربي يفرح قلبك ع الدعوات ولكي مثل انشالله ،، وايديكي شايفه شلون انا ساعدك واخترتلك الأطباق hwaml02 ههههه صحتين لا انا بدي اعمل جنب المتبل فتوش الخضر وهلق قايمه أألي الخبز وجهزو وانتي صحتين يارب اياالبي ربي يقويكيhwaml39hwaml39

[يارب أرزقني طفلااا]

حبابه منوره المعكرونه بشو ابتعمليها ،،،، وطيبه ؟؟؟؟

[بسبوسة زوجها]

حبابه منوره المعكرونه بشو ابتعمليها ،،،، وطيبه ؟؟؟؟
ولو نغومة حبيبة ئلبي غاليييييية والطلب رخييييييييييص من عيوني ياروحي بدنا خدمة تحرز
وطبعا انتي مابدك عزيمة صدر البيت إلك يائلبي تفضلي ودوئي أكلاتي والله رح يعجبوكي وخاصة الكبةhwaml16
وبعدين مو انتي نئتيلي الاكلات بدك تجي تاكليهن مافي مجال لاي عذر اوكي!hwaml92
والله حبيبتي عم ادعيلك من ئلبي وانتي بتستاهلي كل خير
طريئة المعكرونةhwaml73
اول شي بتسلئيها وبعدين بتجيبي لحمة مفرومة ناعم وبصلة زغيري مفرومي ناعم وبتقليهن بشوية زيت ذرة وبتحطيلن ملح وبهار وقرن فليفلة حد مفروم ناعم وبتحركيهن وبتتركيهن عنار هادية لحتى اللحمة تستوي
وبعدها بتجيبي شوية مي وبتدوبي فيها دبس بندورة وبتحطيهن فوق اللحمة وبتتركيهن يغلو مع بعض وبعدين بتحطي شي كاسة كريما سائلة وبعدين بتحطيلن المعكرونة المسلوئة وبتحركيهن وبتجيبي طبئ فرن بايركس وبتصبي هالخليط فيه وبدخلي عالفرن شي نص ساعة وبعد ماطالعي من الفرن وهو سخن نار بترشيلو جبنة موزيريلا مبشورة
وصحة وهنا وعوافي
انا ماعطتيتك مقادير لان ماعندي مقادير ثابتة هيك بالنظر بطبخ
سدئيني كتير طيبة جربيها وعزميني لان زوجي خلصلي ياها hwaml27ولساتني مشتهيتها لان انا وعم اطبخ صرت نسول وجيت عالعشا صدت نفسي مااكلت كتير وانا ماعم كتر الطبخة حتى ماتبات عندي ومو طيب التسخين
والف صحة وهنا عالمتبل والفتوش بكرى انشاءالله رح اعملن شهتيني كتير عليهن
كتبتلك جريدة لازم تئريها عدفعات كأنك عم تئري رواية مشان عيونك ههههههههههhwaml03

[بسبوسة زوجها]

نغومة قررت كمان اعمل يبرق شو رأيك هيك بجهزو ئبل بيوم وبطبخو يوم العزيمة طبعا هاي الاضافة من عند زوجي مو رغبتيhwaml15
بس بدي سايرو والله بعين

[يارب أرزقني طفلااا]

ههههههههههههههههه لا قريتون دفعه وحده اتخيلي وانا مبسوطهhwaml03 ههههههههه. والله هيك صار كتير عليكي مع اليبرق ،،،،، ماشالله ع المعكرونه شكلها لذيذة انا بموت بالكريما. بس ولا مره دخلتها بطبق. ...،؟! تكرم عينك منعمل صينه ألي واللك ما في الرجالhwaml02hwaml02 ههههههه وهالأيدين ع شباك النبي ياااارب يارب يسلمو يا البي. .،،؟؟؟ روان كيفك. ، ام جوجو ونايوتا هالصبايا جميع ؟،،،،،

[يارب أرزقني طفلااا]

رياض الاسعد
الأخبار العاجلة لجميع المناطق السورية
بشار الأسد مااااااااااااااااااااات
بيان هام من [لواء الاسلام -جبهة النصره -لواء سيف الشام ].......
"""""""""""""""""""""""""""""""""""""""""""""**"""""""""""""""""""
بـــــسم الله الرحمن الرحيم .
الى مقاتلين الاسد وشبيحته في دمشق .
نعلمكم وكلنا ثقه بمانقول .
ان بشار الاسد قد مات وجثته النتنة شاهد على ذلك في مشفى الشامي بدمشق .
وأن كل من يحمل السلاح في وجه الشعب السوري هو هدف لنا وبالاخص في دمشق الغاليه .
وان كل من يلقي السلاح وينأى بنفسه عن المواجهه فهو حر طليق .
وعليه .......
فان الحواجز المتواجده في دمشق وريفها يجب أن تغادر حالا وتلقي السلاح وعليها الامان .
ومن لايلقي السلاح فهو عدو للشعب السوري ولله ولرسوله وللمؤمنين .
اللهم أشهد انا قد بلغنا ...اللهم أشهد انا قد بلغنا .
نرجو النشر على اوسع نطاق ..حتي لايكون هنالك حجه علينا ...
حرر في 25/3/2013
عااااجل : بشار قتل بطلق ناري من حارسو الايراني وتم نقله الى المشفى وأكدو ان الاصابه من مكان قريب ومصادر اسرائيلية تقول ان بشار لن يرى خلال 24 ساعة الاخيرة وايران تحاول السيطرة على الجيش السوري والغرب لن يسمح بهذا وخلال 48 ساعة القادمة ستظهر صور بشار ميتآ والصور بجيوب الحراس الشخصية وستباع الصورة بمليون دولار

[يارب أرزقني طفلااا]

﷽🌹 ﴿انَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَاأَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

[عاشقة جوجو2]

صباح الخير كيفك نغومة

[يارب أرزقني طفلااا]

ياصباح الورد ام جوجو. مييييت هلاااا يا البي. كيفك شو اخبارك انشالله تمام

[عاشقة جوجو2]

كيفكم بنات حدا بيعرف شو اخبار ام ندوش يطمنى عليها

[وردة سورية]

يييييييييي شو صايرات قليلات مروة
وينكن يا صبايا مالكن بينه يلا خلينا نرجع متل الاول على طول ملتمين والله اشتئتلكن

ماشاء الله عليها نغومه انشط وحدة فينا

[وردة سورية]

سلامات صبايا
حبيبتي روان مشان عجينة الكبة انا كنت متلك خاف اعملها وماتزبط معي والمشكلة زوجي بحب الكبة كتير ومن كتر التجارب صرت هلئ محترفة بالكبة ههههههه
العجينة ;كل كيلو برغل بطحتيلو كيلو هبرة وبصلة متوسطة وملعئتين كبار فليفلة مطحونة وملعئتين كبار كمون مطحون وملعئة كبيرة كزبرة مطحونة وملعئة كبيرة من خلطة السبع بهارات وملعئة كبيرة ملح
وطبعا لما بدك تنئعيها بياخد معك كل كيلو برغل اربع او خمس كاسات مي بارد حسب نوع البرغل انا كيلو البرغل بياخد معي خمس كاسات مي وبتطلع العجينة معي روعة
هاي هي العجينة واي استفسار انا جاهزة حبيبتي
بس على فكرة انتي والصبايا معزومين لعندي يوم السبت يالله حجزوا من هلئ ومابئبل اعتذار حدىhwaml7
تسلميلي ياروحي ماقصرتي
انا زوجي بموت عليها وخصوصا هلاء جايه من سوريا فلازم اعمله كل الاكلات الي بحبها بس خايفه اعمل الكبه انا بعرف كيف بيعملوها بس خايفه ماتزبط معي بس خلص هالمرة بدي صير متلك وشد حيلي واعملها وببقى بخبرك عن النتائج
يلا وشكرا عالعزيمه مابتشوفيني غير عندك انا ونغومهhttp://forum.hwaml.com/images/smilies/TR%20(55).gif

[يارب أرزقني طفلااا]

اي ياريت كانت اللمات ع دوري ياروان. ههه. لا والله ما منعرف شي عن ام ندى. الله يطعمنا عليها يارب

[يارب أرزقني طفلااا]

hwaml16hwaml16راح نجيكي قبل بيوم يا منار ههههه

[عاشقة جوجو2]

مسا الخير كيفكم بنات وين هالغيبة

[ام ندوشة]

كيفكن صبايا حبايب روحي , بدي خبركن ولدت والحمد لله وقمت بالسلامة عقبال عند بسبوسة وعاشقة جوجو يا رب ونغومة كمان تجي وتبشرينا بحملك عن قريب , بعملية قيصرية وتخدير كامل ونصفي مع بعض , جبت بنوتة حلوة كتير ماشاء الله حولا شبه ندوشة كتيررر تقولو تووم , وندوشة غيرانة خيرات الله جننتنا بغيرتا المهم ادعولي طيب بسرعة واجي احكيلكن كيف كانت ولادتي , عقبال عندكن,

[يارب أرزقني طفلااا]

بسم الله ماشالله تبارك الله ،،، ألف سلامه عليكي والحمد الله ع سلامتكن الله يشفيكي يا قلبي هدا احلا خبر بسمعو اليوم ألف حمد وشكر اللك يارب عقبا ل سيريا منار وأم جوجو. وعقبال انا وروان يا رب. ربي يسلم هالتم يا ام ندوشه ع الدعوات الطيبه ،،،،،، الله يشفيلنا اياكي

[عاشقة جوجو2]

الحمد لله على سلامتك ام ندوش والله يخليلك ياهن يارب
كيفك نغومة مافي غيرنا عم يدخل عالتجمع شو اخبارك

[بسبوسة زوجها]

انشاءالله الف مليون مبروك ام ندوشة
الف الحمدلله عسلامتك ياروحي والله طمنتينا عنك
انشاءالله البنوتة تربى بعزكن ودلالكن
الله يشفيكي ويعافيكي
شو اسم البنوتة

[عاشقة جوجو2]

جمعة مباركة على الجميع

[يارب أرزقني طفلااا]

ياهلا ام جوجو. ،،،، الحمدالله ماشي حالي. آنتي كيف عزماتك هالايام ... الله يقويكي. اي التجمع ماعاد في حدى. عم يكش هههههههه

[يارب أرزقني طفلااا]

اللهم أمين الله يجعلها جمعه خير. ع سوريا وع الكل ياااارب. (أِلًحًمَدُ لًلِهً أًلَذًيَ ذَلٌ ڳًلّ شُيّ لَعَزٌتٌهٌ

أَلُحِمٌدُ لٌلَهُ أًلَذًيَ خَضُعُ ڳَلٌ شٌيَ لُمِلِڳَهٌ

أِلّحٌمًدُ لًله أُلَذَيَ أِسَتًسًلّمَ ڳُلً شًيٌ لُقّدًرٌتّهّ

[شذى الاسلام]

السلام عليكم ..كيفكم
انا سجلت جديد بالمنتدى ومابعرف شي
.حابة اتعرف ع بنات المنتدى واسأل كم سؤال عن الحمل ..لاني اول بحمل ومااابعرف شي ابدا ..بتمنى تفيدوني http://forum.hwaml.com/images/icons/icon7.gif

[يارب أرزقني طفلااا]

يا هلاااااا حبيبتي نورتينا طبعا انتي من وين؟؟؟؟؟؟

[يارب أرزقني طفلااا]

هون البنات كتيررر ابفيدوكي بموضوع الحمل انشالله

[عاشقة جوجو2]

اهلين وسهلين اخت شذى وان شاء الله بتنبسطي معنا وبتستفيدي

[عاشقة جوجو2]

اخ يا بنات بلشت حس بالتعب والملل والخوف لاني بغربة ورح اولد لحالي
هلاء تخانقت مع زوجي وهو كان عم يختصر الموضوع وانا بس بدي اعمل مشكلة
حاسة ملللللللللللللللل يارب لك الحمد
والله يا بنات اكلة هم اخي يالي عمرو 18 سنة صرلو 8 اشهر مسجون الله ياخدك يا بشار
وكتير عم تجينا اخبار انو معذبينو وقلبي عم يحترق على امي كل ما بحكي معها عم تبكي
يارب تفرجها وانا تعبانة من الحمل وحاملة هم الولادة وطول الوقت بتفشش بجوزي هالمسكين
ههههههههه يالله طولت عليكم بس خليني اشكيلكم شوي وانتو ادعولي لاخي الله يفك اسرو هو وجميع شباب سوريا
يارب يارب يارب

[وردة سورية]

‏بعشـــــــقك ســــوريـــا‏

صباح مشرق للنفوس الصابره رغم المحن ..
صباح مليء بالتفائل والأمل لأرض الصمود ..
صباح يشع منه نور وضياء بعد ماحل البلاء..

صبــــاحكم حريـــــه ياوطن الكرامة
http://sphotos-e.ak.fbcdn.net/hphotos-ak-ash4/s480x480/216767_488961311157483_1517686176_n.jpg

[وردة سورية]

أم ندوشة ألف الحمد لله عالسلامه ان شاء الله بخليلك ياهن ويتربو بعزك
وعقبال عند كل مشتهيه يارب

[وردة سورية]

نغومه كيفك حياتي شو عامله ووين قضيتي جمعتك
جوجو الله يفك اسر اخوكي يارب ويكحل عيون امك بطلعته سالم غانم يارب ياكريم
وما تهكلي هم ان شاء الله ربك بهونها عليكي وقت ولادتك

[نجمة السمر]

سلام عليكم
كيفكم ان شا الله تكونوا كلكم بخير

حمد الله على سلامة ام ندوشة مبارك مااجاك وعقبال باقي الحوامل ام جوجو وبسبوسة زوجها الله يقومكم بالسلامة

ام جوجو الله يفك اسر اخوك ويرجعه سالم لبيته وتقومي بالسلامة انت والبيبي امين

(الله ينتقم من هالظالم وياخذه اخذ عزيز مقتدر)امين

كيفك نغومة شو اخبارك ياحلوة سيريا كيف الحمل معك وردة سورية اشتقنالك الحمد على سلامتك ان شا الله تكونوا كلكم بخير
اهلا فيك شذى منورة

لسا ماقرات الصفحات يلي قبل قلت اسلم عليكم بالاول الله يجعل صباحكم خير وبركة

[شذى الاسلام]

اهلين فيكن ..الله يجزيكن الخير
انا من سوريا ...الله يفرج عنا يااارب ..وينصرنا ...

[نجمة السمر]

زعلت كتير على زوج ام مهند الله يرحمه ويغفرله يارب ويقومها بالسلامة
المؤمن مصاب اللهيصبرها ويجبر خاطرها بولادها يارب ان لله وان اليه راجعون

طمنيني عنك نغومة ان شاء الله مااجت الدورة يارب تكوني حامل يارب
وتجي تبشرينا وعقبال عند روان كمان تكونوا سوا حوامل يارب
وانا كمان كانت متاخرة بس حللت مافي شيء وهلا شرفت اليوم الصبح ماكنت متاملة كتير لان عمنعزل هالايام بس ليش تاخرت الدورة خمس ايام النفسية كتير تعبانة وصار اجانا اخبار وفيات من حلب كتير تنين ولا عمه لزوجي كل واحد خبر لحاله غير انه في متصاوبيين لانه بالقصف جنب بيتهم وزوجي مو مبسوط وباله عند اهله حاولنا نساويلهم زيارة مامشي الحال رح يرجع يحاول حدى منكم طالع فيزة زيارة عالسعودية وزبطت لان اختي قدمت لامي كمان ولهلا ماعطونا جواب بس ماما مو بسوريا هي حاليا عند اخي بالامارات الله يسر امورنا جميعا

[شذى الاسلام]

يابناات انا بدي اسألكن سؤال يلي عندا الخبرة انا هاد اول حمل لئلي وماني عرفانة كيف احسب ...لانو المشكلة الحمل صار عندي بايام الدورة ..حالة غريبة بس سبحان الله الحمل طبيعي جدا هيك خبرتني الدكتورة بس ماحسبتلي قال ليبين نبض الجنين بتبدأ بالحساب يعني مابئدر احسب على اخر دورة فهمتو عليي ؟؟رح اعطيكن عمر الحمل وانتو حسبولي انا باي اسبوع وهل دخلت الشهر الثاني ؟؟وايمتا ببين نبض الجنين ؟؟؟انا اليوم عمر حملي 39 يوم وتاريخ اليوم هوة 3/30/2013
وادعولي الله يتمملي بخير على هالرعبات يلي عن اسمعا بسوريا ...طولت عليكن سامحونيي ...الله يجزيكن الخيير

[نجمة السمر]

حبيبتي هاتي الدورة يلي قبل هاي ايمت اخر مرة شفتيها للدورة

[Nayota]

كيفكون صبايا والله مئصرة ومالي نفعانة لشي ئولو هيك بعرف حالي

نغم حبيبتي رح اكتبلك وصفة الفتة مكدوس على عيني بس والله المعمول مابعرفا بسأل ماما وبخبرك انا مابعمل معمول ماما الله يخليلي ياها بتحسب حسابي وبكتبلك وصفة كيك كمان انا بعملها يمكن اتأخرت بالوصفات حئك عليي بس خليهون عندك ولو خلصت عزيمتك والله يئويكي ويعطيكي ألف عافية ماشالله حولك شيف على سن ورمح وشو مابدك وصفات كمان انا جاهزة

ألف مبروك ام ندوشة البنوتة وان شالله بتشوفيهون عرايس هية وأختا

ام جوجو الله يرجعلكون أخوكي ويفك أسرو يارب ويصبر قلب أمك وان شالله بتئومي بالسلامة وطولي بالك ولاتخافي بكرة لتشوفي حمودة لتنسي كل هالايام الصعبة


نجمة كيفك طولتي الغيبة علينا والله انا متلك حابة اطلع حامل ومو حابة تاركتا على رب العالمين لان والله يلي شفتو من ولادتي بنايا ماحدا شافو طلعت عيوني وصار معي بلاوي مشاكل سببتلي بعمل جراحي كنت لساتني بفترة النفاس والحمد لله الله نجاني
ومابئول غير الله يئدم يلي فيه الخير

ام عبد الرحمن انشالله بتطلعي حامل الشهر الجاية وكيفون حمودة وعبودة ومريومة وان شالله الله بيبعتلك إلها اخت مافي أحلى من الاخوات

[Nayota]

حئك عليي منار خربطت بالرد يلي ئبلو ئصدي انتي كتبت نغم

كيفك نغم وشو اخبارك طمنينا اجتك الدورة او لسا ان شالله تكوني حامل هالشهر
ولهلأ ماجتمعت بميار وماحسنت زبط معها عالماسنجر وان شالله الله يصبر ئلبها يارب وهية سبحان الله المصيبة بتبدى كبيرة وبعدين بتصغر
والحمد لله على كل حال

وردة سورية وشذى الاسلام اهلا وسهلا فيكون
رح عرفكون عن حالي اسمي هديل اول مرة بزكر اسمي حتى رفئاتي هون مابيعرفوه مقيمة بسعودية وعندي بنوتة اسما نايا شامية من العمارة

البنات الغايبين كيفكون طمنونا عنكون

[Nayota]

صحي نجمة فيز الزيارة لسا ماتحلحلت نزلو قرارات وشروط معينة ولسا مافتحو السفارة للسورين لا بلبنان ولا بالاردن اصدقاء زوجي مئدمين على زيارات بعضها انرفضت وبعضها اجت مع الموافقة بس مو هون المشكلة المشكلة انو لا بلبنان ولا بالاردن في تفييز للسوريين مسكرينا بوشنا لسا حتى الجية بالمطار صعبة وخطرة مطار دمشق قصدي وبالبر مابتصور حتى بئا يئدر يجي
الله يفرجنا علينا يارب

[شذى الاسلام]

انا اخر دورة شفتا قبل عرسي بتاريخ 17/1/2013وماعد شفتا ابدا بس الحمل عندي مو صاير بعد الدورة مباشرة ...الحمل صاير عندي بتاريخ 20/2/2013 على حسب ماعطتني الدكنورة عمر الحمل لمارحت قالتلي عمرة 20 يوم هالحكي قيل 19 يوم ..فهتي عليي اختي كيف صار الحمل ؟؟؟يعني انا عمر حملي اليوم 39يوم بالضبط بدي اعرف باي اسبوع انا وهل دخلت الشهر التاني من الحمل ؟؟؟

[شذى الاسلام]

انا من سوريا ...من ريف دمشق ادعولنا الله يفرج عنا ويخفف القصف وينصرناا على الطاغية ,,,

[شذى الاسلام]

اهلين اختي هديل الله يخليلك بنوتك وتشوف ايام حلوة ايام النصر يااااارب وابني يلي جاية ع الطريق مابعرف بنت ولاصبي ..الله يتمملي بخير ادعووولي ....يارب ولادنا يجو على سوريا الحرة ...يااااارب

[يارب أرزقني طفلااا]

الحمدالله نجمه السمر مشتاقتلك ،، وين كنتي غاطه...- روان الله يسمع منك يفرجا انا والله رحنا ع البحر الجمعة لأنو قرريب من بيتنا وانتي شو اخبارك الله يحقق يلي ببالك قريبا وانتي كيف كانت عطلتكن. وانشالله دائمين ع بعض وما عاد تفترقو ،،،،، ( ام جوجو. والله العظيم معك حق تعصبي وكلشي ربي يفك اسرو ليكي عاملين سوره يسّ - للأسرى ع نيت ربي يفكهم من يلي ما بخافو الله ساعدينا أقرأه معنا وانشالله يارب ابتشوفو امك سالم غانم وبصحه وعافيه بحق لا اله إلا الله - صاير انتي اجتك من جميع الجهات( حسبي الله يارب يا صبايا كل وحده ربي يفرج همها...

[شذى الاسلام]

ليش ماعم تردوو عليي ...
طيب سؤال تاني هل بالاسبوع السابع ببين نبض الجنين ؟؟؟

[Nayota]

صباح الخير صبايا

شذى الاسلام والله انا ماكتير بعرف بالاسابيع بس عملتلك بحث من النت وجبت شوية معلومات 4 أسابيع يعتبر بداية الشهر الأول

8 أسابيع بداية الشهر الثاني

12 اسبوع بداية الشهر الثالث

16 اسبوع بداية الشهر الرابع

20 اسبوع بداية الشهر الخامس

24 أسبوع بداية الشهر السادس

28 اسبوع بداية الشهر السابع

32 بداية الشهر الثامن
36 بداية الشهر التاسع

وانتي اليوم باليوم الاربعين على ماأظن يعني باقيلك تسع ايام بيصيرو سبع اسابيع
وبالنسبة للنبض سبحان الله كل جنين وايمت رب العالمين بحط االنبض فيه بعضون بالاسبوع السابع والبعض بالتاسع على حسب مافي قاعدة
بس انتي كل مااستنيتي احسن والمهم تبلشي بالفوليك اسيد وشوفي دكتورتك شو بتوصفلك اول حديد او كالسيوم
واهتمي بتغزيتك
وان شالله كون فدتك وبما انو الحمل الاول إلك الحق معك تكوني متشوقة لتسمعي النبض احلى شعور والله والله يتمملك على خير

[Nayota]

رسبي المعمول لمنار الامورة بس بدي ئلك شغلة لاتعزبي حالك وتساويه لان المكونات ازا ماكانت من الشام او من سوريا مابيطلع بنفس الطعمة
كل واحد كيلو غرام طحين طبعا الطحين لازم يكون تلتين زيرو هيك بيسموه بيجيبو من محلات خصوصي لمكونات المعمول وتلت طحين عادي كندي نص كيلو سمنة نباتي او حيواني حسب مابتحبي بس الحيواني اطيب وبلا خميرة لان مافي خميرة بلدية وين ماكان والخميرة السريعة او الفورية بتخرب العجينة بعد العجن اتركي العجينة ترتاح بالبراد وفنجان صغير زيت وكاسة سكر وتلت رباع الكاسة ماء وبيجوز تحتاجي ماء كمان على حسب نوع الطحين
طريقة العجن افركي السمنة والزيت مع الطحين ليصيرو مع بعض حبيبات وبعدين دوبي السكر بالماء واعجنيهون
ومتل مائلتلك السر بالطحين
الحشوة هي طريقة ماما مو كل الناس هيك بتساويها
فستق حلبي مو مطحون مفروم عاليد بالسكينة ومعو قطر وسمنة بلدية وشوية ماء زهر وسكر مشان يشبك مع بعضو
العجوة مطحونة منيح وبتحطي معا رشة هيل ورشة قرفة
الجوز مع شوية جوز هند وقطر وسكر ليشبك مع بعض
ونارنج كمان مربى بيطلع كتير طيب

[شذى الاسلام]

صبااح النوور
شكرا حبيبتي ع المعلوماات ..طمنتيني شوي
ان شاء الله الخميس موعدي عند الدكتورة وبطمنكن ...

[ام ندوشة]

كيفكن صبايا طمنوني عليكن , انا الحمد لله بخير وجرحي عم يتحسن وكل يوم احسن من يلي قبلوو ,يوم التلاتا رايحة عالدكتورة لتفكلي القطب , ندوشة غيرانة من اختا شوي بس عم نحاول قدر الامكان ما نعصب عليها ولا نخانئها حتى ما تنعكس على نفسيتا وتصير تكره اختا, المهم قلولي شو سمي الببية لهلئ ما قررررررررررررررت ساعدوني حابة يكون اسم ثلاثي , متل اسمي واسم ندى على فكرة انا اسمي رغد

[Nayota]

ان شالله التمام على خير شذى الاسلام

رسبي الكيك الكلاسيكي لمنار وازا بدك الباوند كيك او السبونج كيك كمان على عيني بكتبلك ياهون انا كتير شاطرة بالكيكات ههههههه وبكل اكلات الحلو اجمالا بما اني عاشقة الحلويات هههههههه وعم اكتب وفارطة على حالي من الضحك ... المهم هادا عيار قالب صغير بدك اكبر بتكرري المقادير مقاس القالب او الصينية ستة انش
كوب ونص طحين منخول
تمن معلقة ملح او رشة ملح
ملعقة صغيرة بيكينغ باودر
125 غرام زبدة او نص فنجان
فنجان سكر عادي
2 بيضة
ملعقة صغيرة فانيليا سائلة وازا مومتوفرة السائلة حطي باودر مابيأثر انا مجربة الاتنين وناجح معي
نص فنجان حليب بحرارة الغرفة
ازا مابتعرفي طريقة خفق الكيك كمان من عيني بكتبلك ياها


رسبي فتة المكدوس انا هيك بعملها بس في ناس بتعملها بطريقة تانية
شرحات باذنجان مقلي ومصفى من الزيت وخبز مقطع مقلي ومصفى من الزيت ولحمة مسلوقة عادية ماء السلق لتئيمي الزفرة
حطي بصلة وورقة غار وهيلة وازا بدك بلا لحمة مسلوقة كمان بتصير
بتاخدي شرحات البيتنجان وبتصفيون بصينية غميقة شوي وبتغمريهون بماء السلق اللحمة او بماء عادية وبتضيفي معلقة رب البندورة ومعلقة دبس رمان وملح وازا بدك تمر هندي بدال الدبس رمان المهم حمض وملح طبعا انتي ركزي المرقة لتطلع حامضة وظريفة وخليها تغلي عالنار شي خمس دقايق وضيفي اللحمة المسلوقة
هلأ منجي للسوس او الصلصة
لبن وطحينة وملح وعصير ليمون كمان ركزيها بمعرفتك
وبتقلي لحمة ناعمة وصنوبر للوش
منجي للتطبيق
جيبي الخبز المقلي بسفل الجاط وبعدين ضيفي من مرقة شرحات البيتنجان وصفي البيتنجان كمان فوق الخبز المقلي واللحمة المسلوقة
وضيفي السوس عالوش وحاولي يدخل من السوس لداخل الجاط وبعدين عالوش لحمة وصنوبر
وازا بدك بقدونس مفروم ناعم للزينة وبتكوني محمية سمنة عالنار وآخر شي قبل التقديم بتحطي السمنة الحامية عالوش
وبتصير كمان بلا لحمة عالوش بس صنوبر ازا عندك حدا نباتي مابياكل لحمة وطيابتا بالحمض يلي فيها
وصحة هنا
وأيا استفسار انا جاهزة

[Nayota]

الحمد لله على سلامتك ام ندى اسمك حلو عاشت الاسامي
بركي انشالله المسا على فضاتي بكتبلك شوية اسماء ثلاثية ناعمة ودارجة

[شذى الاسلام]

الحمدلله ع السلامة اختي ...انا جديدة معكن بس رح اكتبلك كم اسم ...
رشا ..غزل ..ريم ...حلا ... هلا ..هبة ...نور ..لين ..جنى ..ربا ..غنى ...علا ..أمل ...سنا ..
سجى ..."شذى "..اسم بنوتي اذا الله رزقني بنوتة بحملي ...هدول هلأ ببالي واذا طلع معي بكتيلك ...وانشالله بتربى بعزك ودلالك
مبروووك وعئبالي ...

[نجمة السمر]

السلام عليكم كيفكون ياغاليات

هديل حبيبتي مشكورة عاهتمامك بشأن الفيزة شكلها معقدة
كيفا نايا الحلوة بوسيلنا ياه يسلم دياتك عوصفة المعمول يمكن استعملها سهلة وشكلها رح تكون طيبة تحياتي للوالدة الله يرزقك اخ لنايا من شان يتسلوا سوا حرام لحالها والله يسهل عليك حمله وتربيته ترى مو بالضرورة يكون كل مرة حملك وولادتك متعب التاني الاغلب اسهل اذا مافي فرق بعمر الاولاد الله يسرلك امورك يارب

نغومة حبيبتي انا كنت موجودة بالمنتدى ماغبت كنت ملتهية بتجمع محاولة الحمل بتوأم عندهم افكار حلوة قلت بستفيد مشتهية توأم بس كله ارزاق من الله والواحد بياكل هم واحد شلون تنين الله يرزقنا ونحمل سوا قريبا انت شو اخبارك ياحلوة

كيفكون ياحلوات شو اخباكم جميعا

شذى الاسلام انت لخبطيني الصراحة بس شكلها اباضتك كانت متاخرة او ان دورتك مدتها طويلة انا هلا لدخلت الظهر من هيك تاخرت بالرد عليك وهي هديل ماقصرت الله يجزيها الخير كتبتلك جدول كويس وشامل على كل حسبتلك بالحاسبة تبعت المنتدى هون بتلاقيها باول الصفحة على كلام دكتورتك لسا ماخلص التاني على الحاسبة انت باول التالت يعني شهرين واسبوع او عشرة ايام الله يسرلك حملك ويكون من الصالحين خلق وخلقة وتقومي بالسلامة يارب على كل الاحوال خليك عكلام الدكتورة لانه السونار بحالتك هو الحكم وببين النبض لسا البوبو صغير الله يفرحك فيك يارب

[نجمة السمر]

الحمد الله على سلامتك ام ندى تتربى بعزكم .....الغيرة لابد منها الله يعينك الله يحميهن الك بكرة بيصيروا رفقاتك

الاسماء يلي كتبتهم شذى كتير حلوين وفي عندك ود ووجد نور

[شذى الاسلام]

يسلمن حبيبتي ...
الله يجزيكي الخير وانشالله يكون كل شي طبيعي يااااااارب الخميس ببين معي انشالله ...

[Nayota]

مسا الخير صبايا
اسما جاييتني قريحة الئعدة لان والله متل البرغي مابحب اقعد بنوب ونايا طالعتلي هههههه
ئلت بدخل عالتجمع بكتب كم اسم لأم ندى هي اسماء بحبا وازا جبت بنت بعد نايا ناوية تكون من الاسماء المقترحة
ود
طل
ماريا
تقى
سيرين بس طويل ومو ثلاثي يمكن مايناسبك
يمنى
ألمى
سنا
وعلى فكرة كل اسم من هلأسماء إلها بنت من بنات رفئاتي وبحبا هههههههه وجبت نايا ولهلأ بحبون وإلهون معزة بئلبي
على فكرة نجمة انا ماعاد فيني أولد طبيعي مشان هيك متخوفة من القيصرية

[عاشقة جوجو2]

كيفكم بنات اشتقتلكم كلكم
يوم انا ما دخلت الكل دخل التجمع عجبكم عم تهربو مني هههههههههههههه عم امزح طبعا
الله يجزاكم الخيرعلى الدعوات لاخي والله لا يحرم حدا من اهلو
المهم انا اليوم رحت على الدكتورة وقالتلي انو يوم 10 الشهر رح تساويلي العملية ان شاء الله
يعني يوم الاربعاء
ام ندوش حبيبتي ما كتبتيلنا وين عملتي العملية ولا كتبيتي شوية تفاصيل نستفيد منها
على كل حال الحمد لله على سلامتك وتتربى بعزك
حبيبتي ام نايا ليش انتي ماعاد تولدي طبيعي وانا بتذكر انو انتي ولدتي نايا طبيعي ولا انا غلطانة؟؟؟
حبيبتي نغم شو صار معك ان شاء الله تكوني حامل
وباقي البنات وين غاطين؟؟؟؟؟؟؟؟؟؟؟

[syria]

صباح الخير ياصبايا كيفكون وشو اخباركن زمان عني بعرف بس صايرة عم اتكاسل عالدخلةhwaml02

عاشقه جوجو ان شاء الله بتقومي بالسلامة وتشوفي البيبية بحضنك يالله ودعي ايام النوم باليل

ام ندوشة الف مبروك البيبية وتربا بعزك ودلالك بس انتبهي عالبيبي لاتضربا اختا وتئذيا
شذى الاسالام ان شاء الله الف مبروك الحمل وعقبال ايامك بالسلامة واهلا ووسهلا فيكي بيناتنا بعرفك عحالي اسمي >سيرياhwaml03 عمري 17 متزوجة جديد ومغتربة بالامارات
نايــــــــوتا كيفك وشو اخبارك زمان عنك كيفا الاميرة نايا

نغومة وينن هالغيبة شو اخبارك وكيفا ميار طمنينا عنها

اخباريhwaml03 قررت اصير انام بكير واشبع نوم قبل ماتجي بنتي المحترمه وانحرمو
حابه يخلصو الشهرين بسرعة مشان اخلص من هالبطن متل المدفعيه وارجع للبس الجينز وانحف حالي وطبعن اشووف البيبيهhwaml02
عمفكر بعد ما الد حط لولب سنة علاقل وزوجي تقريبا موافئ اقنعتو hwaml03 لهيك فيكون تفيدوني بخصوص هالموضوع ؟؟؟؟؟؟؟؟؟؟؟
يعني بحطو لوحدة صغيرة وممكن يأثر عالحمل بالايام
انا فكرت لقيتو انسب حل لاني بعدني صغيرة اذا كل سنة اجاني ولد رح يصير عندي جيش بحالو وانا مابحل اكتر من 4 ايام ومن ناحية تانية انا مالحئت اتهنا بزواجي لانو اول شهر اضيتو بسوريا تشرد ورمضان وبعدين جيت لهون وحملت وبلش لوحام ومشاكلو وهلئ صايرة بالونة
وكمان اهم شي اني اخد بكلوريا السنة الجاي ئبل مايصيرو ولدين وتروح عليhwaml02

[Nayota]

صباح الخير صبايا
كيفكون

ام جوجو اشتقنالك والله يا ام جوجو مااحكيلك شو صار فيني بنايا لحتى يشيب راسك وأيه طبعا ولدتا طبيعي وعملت وانا لساني بفترة النفاس عملية وقالتلي الدكتورة ماعاد فيكي تولدي طبيعي انتي بس بدها قعدة وش لوش لحتى احكي هون عالنت مابيمشي الحال ههههههههههه تعي لعندي خليني اكسبك بزيارة انتي وجوجو الامورة او قلك تعي منحكي شي تاني وبلاها هالقصة المعتة هههههههههه
أحلى من هيك كلشي بنسى إلا قصة ولادتي مابنساها والله أحيانا ازا بتعمق شوي بالقصة بصير ببكي يلا الحمد لله على كل حال


سيريا كيفك ولا تاكلي هم زيادة الوزن كلو عالرضاعة بيروح وان شالله بتقومي بالسلامة ومنفرح فيكي وبالبنوتة

انا اليوم مالي عرفانة من وين بدي ابدا عندي كتير شغل بالبيت والله كل يوم الصبح بفيئ بسمع خبر مو حلو بتعكر كل النهاري
الله يفرجا علينا يارب ويمكن عالغدا اعمل معكرونة بس بشو لسا ماقررت بيجوز بللبن اسهل شي
ونايا صايرة مأحلاها ملكة النئ والسئ وصايرة بتوقف لحالها لثواني وبتقعد بعدين ولسا ماطلعلها غير سنين حاسستا اتأخرت باقيلها شي 13 يوم بتخلص الشهر 11

[Nayota]

صحي سيريا سألتي مشان اللولب انا من جهتي مالي مركبة زوجي ماوافئ على أيا نوع مانع لان اجمالا كلو بيأزي الجسم معتمدة عالعدد والمانع الطبيعي لو رحتي بسوريا على دكتورة بتخاف الله بتصور مابتركبلك بتخاف يصير معك عقم من بعد اول ولد اما بالامارات بتصور مابيهمون غير المصاري بس ولو كنتي صغيرة بنصحك تجيبي ولدين ورا بعض بعدين استعملي المانع يلي بناسبك ولاتاكلي هم الدراسة يلي عندو اصرار وعزيمة بيلحق مع تنظيم الوقت مابدي خوفك بس والله بعرف وحدة مشان تكمل دراستا بالجامعة ركبت لولب ولما اتخرجت قامت الللولب بس ضلت عشر سنين وهية عم تتعالج بعدا لحتى اقدرت تجيب الولد التاني لان اللولب في هرمونات بتأثر على جسم المرأة
وعلى كل حال هادا أمر الولاد وكم ولد الواحد بدو يجيب لا بأيدي ولا بأيدك كلو بأيد رب العالمين والله يرزقنا الولاد الصالحين ويهدينا لنعرف نربيهون ونرشدون عالصح ويفوتونا عالجنة يارب

[بسبوسة زوجها]

صباح الخير صبايا
حبيبتي هديل ام نايوتا يسلموووووووووووووووووا ياروحي وصفاتك بتجنن لاتآخزيني عم عزبك معي وانا كمان وائعة بغرام الحلويات وازا مافيا تئلة ياريت تكتبيلي كل شي بتلائي مميز من تحت ايديكي الحلوين بس طبعا عفضااااااتك وعلى مزاجك ومهلك لان عملت دفتر ظغير وعم اكتب فيه بس وصفاتك وعم جربن عم يطلعو روعة
بس المعمول مشكلتو معي مافي هون طحين زيرو كلو طحين عادي ولو تعرفي آخر مرة اخدت الوصفة من منال العالم وفيها خميرة فورية
ييي طلع معمول بهدلة الله لايرويكي لامنظر ولاطعم!وهلئ عم فكر اعملو بس بسميد وفرخة لان مارح يزبط بدون طحين الزيرو
حبيبتي كيفها الحلوة نايا ماشاءالله بتكون صارت صبية الله يحفظها ويرزئك الها اخوة وخوات يارب أمانة بوسيلي ياها كتير
وماشاءالله عليكي لما بتدخلي التجمع بصير متل العسل لان الكل بيستفيد منك وبياخد الجواب لسؤالو منك ماشاءالله عليكي متل الزبدية الصيني من وين مانئرناها بترن
بوساتي الك ولنايا الحلوة

[بسبوسة زوجها]

ام جوجو
حبيبتي ئربت ولادتك الله يئومك بالسلامة يارب
وانشاءالله بيرجعلكن اخوكي سالم ويفكو من ادين هالظلاّم ويفرجها عليه ويردو لامك بصحة وعافية ويكون اجر وثواب الكن والو هالصبر يللي صابرينو آمين
شذى الاسلام
اهلين فيكي حبيبتي نورتي التجمع والف مبروك الزواج والحمل
بس عرفينا عن حالك اكتر
وين ساكني؟أديش عمرك؟شو دارسي؟ههههه كأنو فحص!
ومشان نبض الجنين انشاءالله ببان معك انا بين معي كنت على حساب السونار بالاسبوع السابع وعلى حسابي بالاسبوع السادس
رح عرفك عن حالي
اسمي منار من ادلب عمري ٢٥ متزوجة من سنة و٩ شهور عم ادرس حقوق وساكنة بامريكا
حامل بالشهر التاسع وانشاءالله البيبي صبي
نجمة السمر
كيفك حبيبتي اشتئنالك طولتي الغيبة شو اخبارك انشاءالله بخير
بس بدي اسألك مو انتي ساكنة بسوريا؟ولا انا مخربطة!
سيريا شو اخبارك حبيبتي شو اعتمدتي تسمي البنوتة؟ومشان اللولب لاتركبي متل مانصحتك هدولة خليكي عالطبيعي اأمن لاتخاطري بشي واي شي من رب العالمين بكون نعمة
نغوووووومة
وينك حبيبتي نطرتك عالعشا وماجيتي انا زعلاااااااانة منكhwaml93
شو وين هالغيبة انشاءالله طلعتي حااامل طمنينا عنك
روان
كيفك حبيبتي شو اخبارك؟وشو عم تطبخي لزوجك؟دللي بالاكلات السورية الطيبة
بائي الصبايا كيفكن من دون مااذكر اسماء مشان ماانسى حدى

[بسبوسة زوجها]

صبايا بدي اسئلكن
يوم الاربعاء الماضي رحت عالدكتورة وسألتها عن الولادة
ونصحتني بإبرة الضهر الايربادول
ئالتلي كتير آمنة ومابتحسي باي الم بس انا خايفي ومترددة كتير فيه ناس بتئلي آخدا وناس بتئلي أوعك تاخديها لان بتسبب وجع ضهر وتعب كبيير بعد الولادة وانا محتارة بئى ياترى شو بتنصحوني
وزوجي عم بئلي آخدا لان اختو اخدتها وكتير وصفت فيها وما أذتها بشي

[شذى الاسلام]

اهلين منار كيفك الله يطعمك يلي ببالك ...مسالخير صبايا كيفكن
ياستي انا من ريف دمشق ...وساكنة بريف دمشق ...عمري 18 سنة متزوجة من شهرين وانا هلأ حامل بس مايعرف اديش ئلي ههههههه يمكن بالاسبوع السادس يومين وببدا بالسابع المهم يوم الخميس عندي موعد عند الدكتورة وانشالله يبين نبض البيبي...

[عاشقة جوجو2]

كيفكم يا صبايا ان شاء الله الكل بخير

[يارب أرزقني طفلااا]

ايه يابنات انا الحمدالله انتو كيفكن- منار- ام جوجو- ام ندوشه- سيريا - شذى الإسلام - روان- نايوتا- اشتقتلكن والله. وانشالله كلكن بخير يارب((راح احكيلكن شو صار معي انا دورتي لازم تجي 23 ميلادي وهي منتظمة ولهلق ما أجت وبالعاده صدري قبل بأسبوع بيوجعني وبحس بأعراضها وهلق ماحاسه بشي بس عم يطلع حب كتير وضهري عم يوجعني ونفسيتي زفت. والله غريبه ودايق خلقي وتعبانه نفسيتي لان ما اجت وبعد مااتأخرت 4 أيام حللت طلع سالب يعني 27 ميلادي ..... مابعرف ممكن هرمونات متلخبطه معي انتو شو قولكم ؟((((([COLOR="Blue"]اي بنات انا اليوم طابخه بطاطا ملفحه مابعرف عم احتار ،،، وبكرا عيد ميلادي كل سنه وانا سالمه ههههه [/COLO

[شذى الاسلام]

صباح النور ع الجميع كيفكن ..
اي حبيبتي الله يرزقك الذرية الصالحة يااارب
بالنسبة للتحليل المنزلي انا كمان شي 3 مرات وطلع سلبي خط واحد ...بس بعد 15 يوم من الحمل طلع ايجابي والحمدلله ...
ورحت لعند الدكتورة وشفت كيس الحمل وكان عمرو 20 يوم ...بس لهلأ ماشفت البيبي ادعيلي شوفو واسمع نبضو بكرى او يلي بعدو استني ليمضو ايام دورتك و حللي واذا ما اجتك الاحسن تشوفي دكتورة وانشالله ياااارب بكون حمل ...وياصبايا يلي عندا الخبرة تفيدها انا عم احكي يلي صار معي وهاد اول حمل يلي بتعرف تئلها ....انا مابعرف شو بدي اطبخ معي حالة غثيان قويييية ما عم ئئدر فوت ع المطبخ شو اعمل ؟؟؟

[عاشقة جوجو2]

كيفكم صبايا ان شاء الله يا نغومة نسمع اخبار حلوة وتكوني حامل يارب
انا بحملي هاد ما بين معي من اول تحليل وتاني تحليل طلع خط خفيف يا دوب باين والتاني باين
ان شاء الله تكوني متلي وتطلعي حامل يارب ياكريم
شذى الله يعينك على الوحم بس ان شاء الله فترة وبتروح انا الحمد لله هاد الحمل ما توحمت بس بجوجو لتاسع وانا غثيان ودوخة
يارب لك الحمد
انا يا بنات ما عم اطبخ لاني خلصت تعزيل بيتي وبعد اسبوع ولادتي ما نفسي بيتي يتوسخ ههههههههههههه
عم اكل عند حماتي تحت الله يخليها والله ما عم تقصر ههههههههه

[شذى الاسلام]

مساء الخير ياحلوين
اليوم صارت معي شغلات يالطيف عصبت من مشكلة صارت معي ئام بعد شوي لئيت في افرازات بنيية على شكل خطوط
ئلت راح الولد بعيد الشر ...رحت فوورا ع الدكتوورة وطمنتني الحمدلله انو الجنين الحمدلله وبخيير وشفت نبضاااتو بينو اليوم الحمدلله ..بس عطتني مثبت قال احسن الحمدلله مافي تجمع دموي حول الجنين بس عطتني المثبت ئئال احسن وخااصة عهالقصف يلي حوليي الله يهدن يااارب .....اي حبيت خبركن شو صار معي ..المهم سمعت نبض لبيبي ادعوولي الله يتمملي بخيير أمانة ...

[أم ملاك ومالك]

السلاااااام عليكم

مساااااااااااااااااااااااااااااااء الخير ولا صبااااااااااااااااااااااااااااااح
الخير ههههههه

كيفكم ياحلوات ؟؟ إن شاء الله تكونوا بخير

اشتقتلكم كتييييييييييييييييييييييييييييييييييير

وبعتذر ع غيابي

راح أقرأ إلي راح علي وأرجعلكم
http://www.hwaml.com/up/uploads/1364943381252.jpg (http://www.hwaml.com/up/)




http://www.hwaml.com/up/uploads/1364943380881.jpg (http://www.hwaml.com/up/)

[أم ملاك ومالك]

مساء الخير ياحلوين
اليوم صارت معي شغلات يالطيف عصبت من مشكلة صارت معي ئام بعد شوي لئيت في افرازات بنيية على شكل خطوط
ئلت راح الولد بعيد الشر ...رحت فوورا ع الدكتوورة وطمنتني الحمدلله انو الجنين الحمدلله وبخيير وشفت نبضاااتو بينو اليوم الحمدلله ..بس عطتني مثبت قال احسن الحمدلله مافي تجمع دموي حول الجنين بس عطتني المثبت ئئال احسن وخااصة عهالقصف يلي حوليي الله يهدن يااارب .....اي حبيت خبركن شو صار معي ..المهم سمعت نبض لبيبي ادعوولي الله يتمملي بخيير أمانة ...


السلام عليكم أختي

الحمدلله رب العالمين والله يحفظلك جنينك يارب ويقومك بخير أنتي والبيبي يارب

الله يحميكم يارب أنا أم ملاك ومالك كنت قديمة بتجمع وصارلي زمان غايبة hwaml93

وكتير مشتاقة لتجمع حبيت سلم عليكي وأدعيلك

مع كل الود

تحياتي (^_*)

[أم ملاك ومالك]

كيفكم صبايا ان شاء الله يا نغومة نسمع اخبار حلوة وتكوني حامل يارب
انا بحملي هاد ما بين معي من اول تحليل وتاني تحليل طلع خط خفيف يا دوب باين والتاني باين
ان شاء الله تكوني متلي وتطلعي حامل يارب ياكريم
شذى الله يعينك على الوحم بس ان شاء الله فترة وبتروح انا الحمد لله هاد الحمل ما توحمت بس بجوجو لتاسع وانا غثيان ودوخة
يارب لك الحمد
انا يا بنات ما عم اطبخ لاني خلصت تعزيل بيتي وبعد اسبوع ولادتي ما نفسي بيتي يتوسخ ههههههههههههه
عم اكل عند حماتي تحت الله يخليها والله ما عم تقصر ههههههههه

حبيتي كيفك وكيف جوجو ؟؟ يارب تكونوا بخير

والله يعطيكي ألف عافية يارب وإن شاء الله تقومي بخير وسلامة أنتي والبيبي يارب

أي أحسن لا تطبخي بهل والله يخليلك حماتك يارب ويحننها عليكي أكتر وأكتر يارب

بوساتي لجوجو

مع كل الود

تحياتي (^_*)

[أم ملاك ومالك]

ايه يابنات انا الحمدالله انتو كيفكن- منار- ام جوجو- ام ندوشه- سيريا - شذى الإسلام - روان- نايوتا- اشتقتلكن والله. وانشالله كلكن بخير يارب((راح احكيلكن شو صار معي انا دورتي لازم تجي 23 ميلادي وهي منتظمة ولهلق ما أجت وبالعاده صدري قبل بأسبوع بيوجعني وبحس بأعراضها وهلق ماحاسه بشي بس عم يطلع حب كتير وضهري عم يوجعني ونفسيتي زفت. والله غريبه ودايق خلقي وتعبانه نفسيتي لان ما اجت وبعد مااتأخرت 4 أيام حللت طلع سالب يعني 27 ميلادي ..... مابعرف ممكن هرمونات متلخبطه معي انتو شو قولكم ؟((((([color=blue]اي بنات انا اليوم طابخه بطاطا ملفحه مابعرف عم احتار ،،، وبكرا عيد ميلادي كل سنه وانا سالمه ههههه [/colo

حبيبتي يارب بجاه الحبيب المصطفى تكوني حامل يارب يارب الله لايخجلك ويعطيكي مراد قلبك وأكتر وكل سنة وأنتي بألف ألف خير وإن شاء الله السنة الجاية تعيدي والبيبي بحضنك يارب

وبالنسبة لتحليل عادي جيبي الجهاز الحساس بين وإذا مابين وما اجتك وإن شاء الله ماراح تجيكي روحي حللي دم أنا أول حمل إلي مابين بالمنزلي أبدا" وقت قررت روح حلل دم طلعت حامل شهر ونص ويمكن أكتر هههههههه سبحان الله
لذلك خلي أملك برب العالمين وإن شاء الله مارح يخيب يلا وبدي الحلوااااااااااااااااااان ها بجي لعندك أو بتبعتي ع القصيم مادخلني مووووووووووووواه ومرة تانية ينعاد عليكي بالصحة والعافية والفرح يارب

مع كل الود

تحياتي (^_*)

[أم ملاك ومالك]

صباح الخير ياصبايا كيفكون وشو اخباركن زمان عني بعرف بس صايرة عم اتكاسل عالدخلةhwaml02

عاشقه جوجو ان شاء الله بتقومي بالسلامة وتشوفي البيبية بحضنك يالله ودعي ايام النوم باليل

ام ندوشة الف مبروك البيبية وتربا بعزك ودلالك بس انتبهي عالبيبي لاتضربا اختا وتئذيا
شذى الاسالام ان شاء الله الف مبروك الحمل وعقبال ايامك بالسلامة واهلا ووسهلا فيكي بيناتنا بعرفك عحالي اسمي >سيرياhwaml03 عمري 17 متزوجة جديد ومغتربة بالامارات
نايــــــــوتا كيفك وشو اخبارك زمان عنك كيفا الاميرة نايا

نغومة وينن هالغيبة شو اخبارك وكيفا ميار طمنينا عنها

اخباريhwaml03 قررت اصير انام بكير واشبع نوم قبل ماتجي بنتي المحترمه وانحرمو
حابه يخلصو الشهرين بسرعة مشان اخلص من هالبطن متل المدفعيه وارجع للبس الجينز وانحف حالي وطبعن اشووف البيبيهhwaml02
عمفكر بعد ما الد حط لولب سنة علاقل وزوجي تقريبا موافئ اقنعتو hwaml03 لهيك فيكون تفيدوني بخصوص هالموضوع ؟؟؟؟؟؟؟؟؟؟؟
يعني بحطو لوحدة صغيرة وممكن يأثر عالحمل بالايام
انا فكرت لقيتو انسب حل لاني بعدني صغيرة اذا كل سنة اجاني ولد رح يصير عندي جيش بحالو وانا مابحل اكتر من 4 ايام ومن ناحية تانية انا مالحئت اتهنا بزواجي لانو اول شهر اضيتو بسوريا تشرد ورمضان وبعدين جيت لهون وحملت وبلش لوحام ومشاكلو وهلئ صايرة بالونة
وكمان اهم شي اني اخد بكلوريا السنة الجاي ئبل مايصيرو ولدين وتروح عليhwaml02


حبيبتي كيفك ؟؟ يارب تكوني بخير والله يقومك أنتي والبيبي بسلامة يارب

شو قررتي تسميها ؟؟ إن شاء الله بتجي وتعيش وتحمل أسمها يارب

بس نصيحتي إلك ياقلبي منعي طبيعي إحسن شي ومابيضر عندي بنت خالتي بعد أول بنت منعت وصارت تأخد حب وبعدها بكم سنة وقفت وقررت تحمل وهلق صار عمرها بنتها 16 سنة ولهلق ماحملت وعم تتعالج ماعم يمشي الحال قاللولها الحب عملها عقم وبنت حماي ركبت لولب وحملت hwaml02
ههههههههههه وعدا هيك بيأثر كتير ع صحتك ونفستيك فديري بالك ياقلبي وبالعكس جيبي بيبي تاني وربيهم سوا آحلى بتشوفيهم عم يكبروا قدامك وبتتسلي معهم الله يوفقك يارب مووووواه

مع كل الود

تحياتي (^_*)

[أم ملاك ومالك]

صباح الخير صبايا
كيفكون

ام جوجو اشتقنالك والله يا ام جوجو مااحكيلك شو صار فيني بنايا لحتى يشيب راسك وأيه طبعا ولدتا طبيعي وعملت وانا لساني بفترة النفاس عملية وقالتلي الدكتورة ماعاد فيكي تولدي طبيعي انتي بس بدها قعدة وش لوش لحتى احكي هون عالنت مابيمشي الحال ههههههههههه تعي لعندي خليني اكسبك بزيارة انتي وجوجو الامورة او قلك تعي منحكي شي تاني وبلاها هالقصة المعتة هههههههههه
أحلى من هيك كلشي بنسى إلا قصة ولادتي مابنساها والله أحيانا ازا بتعمق شوي بالقصة بصير ببكي يلا الحمد لله على كل حال


سيريا كيفك ولا تاكلي هم زيادة الوزن كلو عالرضاعة بيروح وان شالله بتقومي بالسلامة ومنفرح فيكي وبالبنوتة

انا اليوم مالي عرفانة من وين بدي ابدا عندي كتير شغل بالبيت والله كل يوم الصبح بفيئ بسمع خبر مو حلو بتعكر كل النهاري
الله يفرجا علينا يارب ويمكن عالغدا اعمل معكرونة بس بشو لسا ماقررت بيجوز بللبن اسهل شي
ونايا صايرة مأحلاها ملكة النئ والسئ وصايرة بتوقف لحالها لثواني وبتقعد بعدين ولسا ماطلعلها غير سنين حاسستا اتأخرت باقيلها شي 13 يوم بتخلص الشهر 11

حبيبتي كيفك وكيفها نايا العسولة ؟؟ يارب تكونوا بخير

الله يحميلك هي يارب يلا شدي الهمة وجيبي بيبي تاني يتسلوا مع بعض صارت عروس بوسيلي هي امانة

وبالنسبة للولادة ياقلبي إن شاء الله كل ولادتك تكون طبيعي يارب ومابيصير غير الي كاتبو رب العالمين ,,, حسب مافهمت من كلامك يمكن تعذبتي متلي وبالاخص اول ولادة بنتي متت وعشت لدرجة نزلت من كرسي الولادة وصرت صرخ اتركوني بدي روح ع سوريا ههههههههههههه hwaml03 وبعدها بشهرين رجعت ع سوريا وعملت عملية تانية hwaml15 وقررت ماعيدها لبعد عشر سنين ههههههه بس لاتصدقي حملت بمالك وملاك عمرها 9 شهور تقريبا" hwaml7
وهلق حامل ب3 بين حملي وابني شهروكم يوم ههههههههه والحمدلله ولدت طبيعي ف يلا هي عم شجعك شدي الهمة

مع كل الود

تحياتي (^_*)

[أم ملاك ومالك]

صباح الخير صبايا
حبيبتي هديل ام نايوتا يسلموووووووووووووووووا ياروحي وصفاتك بتجنن لاتآخزيني عم عزبك معي وانا كمان وائعة بغرام الحلويات وازا مافيا تئلة ياريت تكتبيلي كل شي بتلائي مميز من تحت ايديكي الحلوين بس طبعا عفضااااااتك وعلى مزاجك ومهلك لان عملت دفتر ظغير وعم اكتب فيه بس وصفاتك وعم جربن عم يطلعو روعة
بس المعمول مشكلتو معي مافي هون طحين زيرو كلو طحين عادي ولو تعرفي آخر مرة اخدت الوصفة من منال العالم وفيها خميرة فورية
ييي طلع معمول بهدلة الله لايرويكي لامنظر ولاطعم!وهلئ عم فكر اعملو بس بسميد وفرخة لان مارح يزبط بدون طحين الزيرو
حبيبتي كيفها الحلوة نايا ماشاءالله بتكون صارت صبية الله يحفظها ويرزئك الها اخوة وخوات يارب أمانة بوسيلي ياها كتير
وماشاءالله عليكي لما بتدخلي التجمع بصير متل العسل لان الكل بيستفيد منك وبياخد الجواب لسؤالو منك ماشاءالله عليكي متل الزبدية الصيني من وين مانئرناها بترن
بوساتي الك ولنايا الحلوة


حبيبتي كيفك وكيف البيبي يارب تكونوا بخير وع قبال قياااامك بسلامة يارب

وإن شاء الله تكون حلت عنك حماتك يارب الله يحننها عليكي ويبعدها ويسعدها يارب

طمنيني عنك ماشاء الله عليكي نشيطة وفنانة بالطبخ نيال زوجك عليكي وصحلها حماتك هيك وحدة ولك بدي قلك جد شكلها بتغار منك hwaml02 أبوس قلبك أنا

مع كل الود

تحياتي (^_*)

[أم ملاك ومالك]

كيفكن صبايا طمنوني عليكن , انا الحمد لله بخير وجرحي عم يتحسن وكل يوم احسن من يلي قبلوو ,يوم التلاتا رايحة عالدكتورة لتفكلي القطب , ندوشة غيرانة من اختا شوي بس عم نحاول قدر الامكان ما نعصب عليها ولا نخانئها حتى ما تنعكس على نفسيتا وتصير تكره اختا, المهم قلولي شو سمي الببية لهلئ ما قررررررررررررررت ساعدوني حابة يكون اسم ثلاثي , متل اسمي واسم ندى على فكرة انا اسمي رغد

أم ندووووووووووشة ألف ألف مبروك وتتربى بعزكم ودلالكم يارب الله يخليلكم الولاد وإن شاء الله تفرحي فيهم وتشوفيهم من آحسن الناس ويرزقكم برهم يارب وعاشت الاسامي اسمك كتير حلو وبعتذر ع التأخير بس والله حتى لعرفة وماعم يصحلي فوت لان ماعندي دي اس ال hwaml15 ادعيلي جيب واحد ياقلبي انتي جد مابعرف كيف بدي اعتذرلك عن تأخيري بلمباركة حقك علي
بقترح عليكي أسم نغم
يلا خبرينا شو سميتيها ونزلينا صورة العسولة هي وندوشة لحتى نشوفهم ربي يسعهم يارب

مع كل الود

تحياتي (^_*)

[عاشقة جوجو2]

كيفكم صبايا وين هالغيبة حبيبتي نغومة شو صار معك طمنيني
ام نايا وينك اشتقتلك لازم تكوني هون ليصير التجمع حيوي
بسبوسة طمنيني عنك لتكوني ولدتي قبلي ههههههه ولا ليش غاطة
ام ملاك الله يخليلك ياهن ويسهل عليكي حملك
سيريا وشدى الباقي وينكم ما في لا حس ولا خبر

[Nayota]

صباح الخير صبايا
حبيبتي هديل ام نايوتا يسلموووووووووووووووووا ياروحي وصفاتك بتجنن لاتآخزيني عم عزبك معي وانا كمان وائعة بغرام الحلويات وازا مافيا تئلة ياريت تكتبيلي كل شي بتلائي مميز من تحت ايديكي الحلوين بس طبعا عفضااااااتك وعلى مزاجك ومهلك لان عملت دفتر ظغير وعم اكتب فيه بس وصفاتك وعم جربن عم يطلعو روعة
بس المعمول مشكلتو معي مافي هون طحين زيرو كلو طحين عادي ولو تعرفي آخر مرة اخدت الوصفة من منال العالم وفيها خميرة فورية
ييي طلع معمول بهدلة الله لايرويكي لامنظر ولاطعم!وهلئ عم فكر اعملو بس بسميد وفرخة لان مارح يزبط بدون طحين الزيرو
حبيبتي كيفها الحلوة نايا ماشاءالله بتكون صارت صبية الله يحفظها ويرزئك الها اخوة وخوات يارب أمانة بوسيلي ياها كتير
وماشاءالله عليكي لما بتدخلي التجمع بصير متل العسل لان الكل بيستفيد منك وبياخد الجواب لسؤالو منك ماشاءالله عليكي متل الزبدية الصيني من وين مانئرناها بترن
بوساتي الك ولنايا الحلوة

تسلميلي يامنار والله خجلتيني بحكيك ومو انا الوصفاتي المنيحة انتي الطباخة الشاطرة ماشالله عليكي وهمتك عالية الله يقومك بالسلامة يارب
ومشان سؤالك عن هي الابرة انا قرأت عنا انو نسبة ضئيلة جدا بالمية بتسبب شلل وكمان فيها احتمال وجع ضهر بئا مافضلت أولد بهي الطريقة ولا حتى أيا نوع مخدر وحتى لو كان الطبيب شاطر يلي رح يعملها خفت وقلت لحالي مابدي نام بين القبور وشوف منمات وحشة وخوضي يابنت تجربة الولادة الطبيعية هههههههه وكانت تجربة غير شكل هههههههه انا هيك عم قلك عن حالي ومابعرف ازا بتاخدي آراء كمان في نسوان بيقولو انها بتجنن ومابتحسي بأيا وجع بقا شوفي انتي واستخيري ربك والله يسرلك
ومشان وصفات الطبخات على عيني كل مابيصحلي بكتبلك شي وصفة وان شالله تعجبك

[بسبوسة زوجها]

اهلا وسهلا بام مالك
كيفك ياروحي وكيفن الحلوين ماشاءالله عليهن شو حلوين ومتفئين الله يخليلك ياهن وتئومي انتي والبيبي الجاي بخير وسلامة
والله حبيبتي هلئ الحمدلله خالصة من حماتي الهن ٣ اسابيع ببيت سلفتي عندن مواعيد طبية وتحاليل الحمدلله من زمان ماحسيت هيك بهدوء نفسي وهلئ حتى ولو اجت مارح انزعج كتير لان الي فترة مرتاحة وهلئ زوجي آخد اجازة وعم جهز غراض للبيبي يعني وأخيرا فضيت لحالي شوي
وانتي حبيبتي طمنيني شو اخبارك ولو سمحتي عرفيني عن حالك اكتر
اظن انك من حلب بس أديش عمرك؟وين ساكنة؟امممم هيك يعني
وصحيح حبيبتي بدي اسألك عن ابرة الضهر شو رأيك ؟
امانة بوسيلي ملك ومالك ودائما خليكي بالتجمع عم نشتئلك

[Nayota]

صباح الخير صبايا

تشتقك مكة ام جوجو الله يقومك بالسلامة مجبورة الخاطر يارب

نغومة طمنينا عنك

شذى اهم شي الراحة اهم من المثبتات راحة نفسية وجسدية والله يتمملك على خير

ام مالك الله يخليلك ملاك ومالك وتقومي مجبورة الخاطر انا بحب متلك كل ولادي ورابعض وبعدين ارتاح وكلو شغل رب العالمين

[بسبوسة زوجها]

حبيبتي هديل ام نايا
تسلمي يارب ماشاءالله عليكي ويسلموا على كلشي
ومشان الابرة كتير مترددة ومابدي خاطر الله يسهل ولادتي وما احتاجها
بس رح صلي استخارة وشوف تيسير رب العالمين
وفتة المكدوس اليو عملتها عطريئتك وطلعت كتير طيبة وعملت جنبا رز وعجبتو كتير لزوجي يسلمواااا ياروحي

[Nayota]

الله يسلمك منار وصحة وهنا

انا اليوم من الصبح فايئة متنشطة عملت فطور وعزمت زوجي عالفطور ههههههه صرلنا زمان مافطرنا سوا بيطلع بكير من البيت وصاير غدانا بكير كمان على أدان الضهر تقريبا

[بسبوسة زوجها]

ام جوجو اهلين فيكي حبيبتي
آخ لو تعرفي أديش مشتهية اولد وارتاح من هالتئل كأني حاملي براميل عضهري لاعم نام منيح وحركتي صعبي حتى الي شهر تقريبا عم صلي عالكرسي مافيني اسجد عالارض بنوب بينقطع نفسي ولما رحت عالدكتورة آخر مرة شافت اني منتفخة شوي وقالتلي عادي يصير هيك
وانتي حبيبتي ماشاءالله ئربت ولادتك الله يئومك بالسلامة
ومابتئصري مشان الاكل عند حماتك الله يديم المحبة والله يعطيكي خيرها ويكفيكي شرها
وانا هلئ خلصت من العزايم بهالشهر عملت تلات مرات عزايم وانا تئصدت اعملن ئبل ماصير بشهري واتلبك
وكمان عملت كبة كتير وفرزتها مشان لما كون تعبانة مااطبخ بس بطالعة وبئليها وعملت صفيحة وفرزتها كتير هيك بريح حالي خصوصي لما بكونو بيت حمايي عندي

[بسبوسة زوجها]

نغومة حبيبة ئلبي
انشاءالله تكوني حامل يارب واعراضك بإذن الله اعراض حمل جيبي جهاز اختبار حمل يكون ديجتال احسن وفيه كتير بنات ماببان معاهن مباشرة لان الاباضة بتكون متأخرة بس انشاءالله انتي حامل
طمنيني شو صار معك لاتطولي الغيبة مشان نباركلك انشاالله

[بسبوسة زوجها]

اهلين حبيبتي روان تشرفت بمعرفتك
الحمدلله عسلامتك وسلامة البيبي ديري بالك عحالك والله يحمي كل اهل سوريا يارب وينصرنا على بشار الكلب واعوانو قريبا بإذن الله
مابعرف شو بدي ئلك نيالك لانك بسوريا بس الله يحميكي ويحمي اهلي وكل اهل سوريا ويآمنهن فبيوتن واوطانن يارب
وحبيبتي لاتتحركي كتير او تمشي خليكي اكتر شي متسطحة وشربي فوليك اسيد كتيييير ضروري وحب زيت سمك كمان وكلي شغلات فيها فيتامين سي لانو بساعد عتثبيت الحمل انشاءالله

[شذى الاسلام]

صبااح النووور كيفكن

[بسبوسة زوجها]

ام ندوشة حبيبتي
طمنيني عالبنوتة كيفها؟ولسا ماسميتيها؟
انا بحب اسماء البنات;حلا-رشا-جنا-شهد-نغم-لما-لين-واسمك كتير حلو وبحبوا
حكيلنا عولادتك مشان استعد نفسيا ههههه

[Nayota]

رح اكتبلك منار اكلك كتير بحبا اسما حرا بأصبعو
بما انك حبيتي الحمض بتصور بتحبيها مشهورين فيها اهل الشام
بس بدها شغل كتير رح ئلك مقادير تقريبية يعني لشخصين
اول شي بتجيبي معكرونة ببيونات انا لئيتا بالببيونات كتير منظرها حلو شي 250 غ
وعدس مسلوق شي كاسة
وكزبرة شي جرزة
وبصل مقطع جوليان او شرحات شي بصلتين وسط
وتوم شي خمس ست سنان توم
بدها تمر هندي او دبس رمان بس التمر الهندي افضل لان الدبس رمان بيغمئها
وللوش بتعجني عجينة والعجينة مثلا فنجان صغير طحين ورشة ملح وماء دافي للعجن ضيفي المي شوي شوي لتطلع معك العجينة ريحيها شوي وبعدين مديها وقطعيها بقطاعات صغيرة كتير بدك اشكال كمان بتصير وردات او دوائر انا ماعندي قطاعات من هادا الحجم بغسل غظا قلم الحمرا وبقطع فيه بيطلعو دوائر كتير صغار وبعدين بنخلون من الطحين وبقليون بالزيت وبصفيون وبئيمون على جنب
وللوش كمان بئلي كزبرة مفرومة وتوم بس كتريون لان مناخد منون كمان لئلب الحرابأصبعو
وللوش كمان شرحات البصل المقلية بس حمريها لتطلع مقرمشة
واقلي كمان شرحات بصل بس لاتخليها تقرمش بس لحتى تطرا وتستوي
هادا كلو بيتجهز لحالو بعدين منبلش بالطبخة
بتسلقي عدس وبس يستوي منيح ضيفي فوقون مي ازا كانو ناقصين واسلقي المعكرونة
وبس تستوي ضيفي الحمض التمر الهندي والملح وركزيهون مزبوط وخليكي عم تحركي وضيفي البصلات الطراية مو المقرمشين وضيفي تلت رباع الكزبرة والتوم المقلايين
وخليكي عم اتحركي وارجعي دوقي الحمض وركزيه وازا لقيتي قوام الحرة بأصبعو مريئ ضيفي رشة طحين وحركي لازم القوام يكون شوي صغيرة جامد مو كتير لان عند السكب بيجمد وقبل ماتستوي بشوي صغيرة وتزبط جميع الطعمات معك ضيفي فنجان زيت زيتون
وبعد السكب زينيها بالقرمشات يلي قليتيهون والبصل والكزبرة
كنت بدي نزلك شي صورة من النت لان ماعندي صورة للحرا بأصبو تبعي مالقيت ولا وحدة بتشبه طبختي ههههههه
من زمان كانو بدال مايحطو معكرونة كانو يطبخوها بالعجين نفس عجينة القرمشات بس بلا ئلي بينزلوها بعد سلق العدس وبيطبخوها بس انا لئيت المعكرونة كتير طيبة ومو تئيلة عالمعدة
وأهم شي يكون حمضا ظاهر لهل أكلة

[Nayota]

شذا وانا ومنار مع بعض بنفس الوقت وااااااااااااااااااااااو النا زمان ماحدا عم يجتمع مع حدا كل واحد بيفوت بيكتب وبيطلع

[بسبوسة زوجها]

الله يسلم اديكي حبيبتي هديل
والله كان بدي اسئلك عنها لان كتير بسمع اهل الشام بيعملوها وبشتهي اعملها وهلئ لما شفت المقادير كتير اشتهيتها بكرى انشاءالله رح تكون عشانا تفضلي يامعلمتي

عنجد كتير يسلمو وهلئ رح سجلها بالدفتر
بوساتي لاحلى نايا وام نايا الحلوين

[بسبوسة زوجها]

شذى الاسلام
حبيبتي لاتآخزيني كبتلك رد باسم روان خربطت بينك وبين روان آسفة حبيبتي
صباح النور ههههههه
بس انا هلئ رح ئلكن تصبحو عخير لان عندي ليل وفارطة من نعسي يالله انشاءالله نهاركن سعيد وانا نوم هانئ واحلام سعيدة هههه

[Nayota]

ان شالله تعجبك
وأكيد بيصلو البوسات
وإلى اللقاء مع مطبخ هديل ههههههههههههههه
لازم اعمل قسم هون بالمنتدى لطبخاتي ضروري ههههههههههه عم امزح

[شذى الاسلام]

عااادي حبيبتي على حسابك الشعب السوري واحد ههههههههههه
نووم الهنااا

[بسبوسة زوجها]

الله يسامحك ياهديل
مابئى فيني روح نام لانك بالتجمع مابسخى لان اول مرة منجتمع سوى وانا كتير بحب تكوني موجودة
بتعرفي انا كنت فكر انو اسم الاكلة حراق اصبعو ههههههه

[بسبوسة زوجها]

تسلميلي شذا ئديشك متسامحة هههههه
ويسلم تمك الشعب السوري واحد
بس طمنيني عم تاخدي الفوليك اسيد؟

[Nayota]

أديش الساعة عندك منار وانو يوم انتي نحنا تقريبا 12 إلا ربع صباح الخميس انت مساء الاربعاء ما
رفيئتي يلي بأميركا حكيتلك مرة عنا ازا بتتزكري صارت بأريزونا أديش بعيدة عنك

[Nayota]

شذا ماسألتك حانة شي لأيام العزوبية هههههه أهلك قراب عليكي انا اتزوجت علغربة وكنت كتير بحب اني اتزوج وكون قريبة من اهلي بس سبحان الله كلشي نصيب

[شذى الاسلام]

اي عم اخد الفوليك اسيد ...من اول يوم بالحمل ...
اي اهلي جنبي ...الحمدلله والله معك حق الغربة صعبة وخاااصة العرووس انا هيك وولي شو مشتائة لايام العزوبية الزواااج مسؤؤلية كبيرة بس يعني كمان هوة استقرار وشي حلو:)

[عاشقة جوجو2]

كيفكم بنات راح علي تجمعكم اليوم
والله اليوم فايقة دايخة كتير ومنافسي عم تخبط
معقول عم اتوحم ههههههههههههههه؟؟؟؟؟؟؟؟؟
كتير تعبانة الله يكون بالعون

[شذى الاسلام]

صباح الخير جمعة مباركة ....اللهم عجل بالفرج والنصر والاخلاص من الطاغية بشار واعوانه...

[عاشقة جوجو2]

امين يا شذى الله يخلصنا من بشار واعوانو والله قلوبنا عم تتقطع على سوريا

[بسبوسة زوجها]

كيفكن ياحلويين
حبيبتي هديل وئتها كانت الساعة عندي ٢ الا ربع تقريبا بالليل وكان اربعاء ومشان رفيئتك اي بتزكر
وانا بكاليفورنيا وايرزونا بعيدي عنا شي اربع أو خمس ساعات بالطيارة