تجمع حوامل سوريا-دردشة ورود سوريا-دردشة الغاليات [الأرشيف] - الصفحة 18

أم ملاك ومالك

06-14-2012, 03:01 PM

الســـــــــــــــــــــ عليكم ـــــــــــــــــــــــــــــــــــلام

كيكفم عسولاتي وكيف قطاقيطكم ؟؟ يارب تكونوا بالف خير والله يقومكم بخير وسلامة وتكحلوا عيونكم بالبيبيات يارب ويكونوا من الصالحين يارب وحافظين كتاب الله ..

ويارب تفرجها ع سورية عاجلا" وليس آجلا" ياالله ياكريم ويحمي أهلي وأهلكم يارب

وبالنسبة للغايبات عسولاتي طمنوني عنكم بالي عندكم الله يحميكم يارب

وبالنسبة إلي أهئ أهئ اهئ أهئ وااااااااااااااع واااااااااااااع واااااااااااع أنا كتير زعلانة خخخخخخخخخخخ هيك بغيب وماحدا بيسأل عني hwaml4 أقطع شعراتي يعني hwaml15 ههههههههه

المهم بطمنكم عني بخير والحمدلله وملاك بتبوسكم كلكم والحمدلله هي بخير واليوم بيصير عمرها سنة و3 شهور بالضبط ههههههه زوجي بيقلي لو بتقدري كل شهر بتعمليلها حفلة .. ولهلق ماعطيتها لقاح السنة شايفين والله مقصرة معها كتير الله يعين .. ومالك افندي الحمدلله بخير وبيرفس بقوة وبكرا عندي موعد رباعي أبعاد أدعولي أشوفوا ع خير ويكون وضعوا أحسن من هداك الشهر يارب ... بالنسبة إلي بنات قررت أطالع حالي من النفسية الزفت وحجزت اليوم عند مركز تجميل وموعدي الساعة 4 عصرا"وبدي روح اعمل تنظيف بشرة وبدكير وحمام زيت وسيشوار .. ههههههههههه وزوجي مستغرب كيف صايمة وبدي روح ع مركز تجميل .. اممممممممممممم وشو كمان أي امبارح نزلت ع السوق رحت ع بيبي شوب واشتريت كم شغلة لمالك ولملاك واشتريت إلي مشد للبطن والقطن الي بنستخدموا للصدر من شآن الحليب ماينزع اواعينا .. واشتريت وسادة الرضاعة .. راااااااح شوف العسولة زهرة إذا بتقدر تنزلهم لاني طلع عندي مشكلة برنامج التحميل بدي ابعت الجهاز ع الصيانة إذا الله راد ..

بنات بدي خدمة ابوسكن أنا .. عندي وجع مو طبيعي بصدري وحكة قوية قولولي شو أعمل وكيف اهتم فيه من شآن الرضاعة مع العلم أني مارضعت بنتي ابدا لاني ماكان عندي فكرة اني لازم اهتم بصدري فترة الحمل وكانوا الحلمات موطالعات ابدا وتعذبت بعد ولادتي وبنتي تعلمت ع الصناعي بس هلق كتير حابة وناوية بإذن الله رضع مالك أبوسكن ساعدوني وماتبخلوا علي بنصايحكم حبيباتي .. طبعا" سألت دكتورتي وما استفدت منها بشي ..

أنا اليوم صايمة الله يتقبل مني ومنكم يارب

سامحوني راح علق ع كل الصفحات المسا إذا الله راد بوساتي وحبي وشوقي إلكم ياعسولاتي ولقطاقيطكم الي برا والي بي بطوناتكم ههههههه ربي لا يحرمني منكم يارب

مع كل الود
♥ تحياتي (^_*) ♥

شام الهوى

06-14-2012, 04:42 PM

أسفة ام يويو طولت عليكي سامحيني

البيتزا اول شي رح نبدأ بالعجين

هي العجينة خليها عندك بالمفضلة لان متل القطن وأطرى كمان
اول شي بالخلاط كاسة حليب جاف وفنجان سكر وملعقة صغيرة ملح ملعقتين خميرة وكاسة ماي دافي
خلطيهم وضيفيلهن نص كاسة زيت ربعها زيت زيون وربع زيت طبخ وكاسة ماي كمان دافي واربع كاسات طحين وملعقة بكنج بودر طبعا الطحين بشيلي شوي وبتعجني لحد مايصير ناعم وهيك شوي شوي لحد ما تصير عجينة متماسكة يمكن اقل من اربع كاسات ويمكن اكتر حسب نوع الطحين وغطيها وخليها عجنب

حضري الخضرة بتقطيع البصل جوانح رقيقة والبندورة كمان جوانح رقيقة والفلفل حلقات رفيعة والنقانق او مرتديلا او لحم مفروم معصج انتي ورغبتك وزيتون شرايح اسود وأخضر ومشروم وجبن موزريلا وجبن قلاص ملعقتين مخلوطين مع ملعقتين كتشب وملعقة ماي البندورة وزعت بيتزا اختياري وريحان مجفف اختياري بس انا بحبهم بيعطوها طعم
طيب جهزوا الأغراض نجي ونقسم العجين قسمين ونفرد عحسب الصينية الي بدنا نسوي فيها وانا بفضل الخاصة بالبيتزا ندهنها شي بسيط زيت ونمد العجين فيها بإدنا وطبعا اذا بدك تكون سميكة او رقيقة انتي بتحددي وبتحطي الخلطة الحمرا عليها بدون ما توصلي عالاطراف من شان لا تحترق وبعدين بتحطي شرايح البصل وبعدين رشة جبن موزريلا وبعدين البندورة والنقانق والفلفل والمشروم والزيتون وندخلها الفرن مشغل مسبقا وحار من تحت بس تقريبا ربع ساعة او اقل حسب الغاز
ولما تستوي خلص طلعيها ورشي عوجها جبن موزريلا ودعميها شوي ورجعيها الفرن تدوب الجبن النار من فوق بس وطلعيها وكليها وهي سخنه من شان تشط وتمط وصحة وهنا على قلب يويو هههههه الله يخليلك ياه وتشوفيه بصحة وسلامة
اي سؤال انا حاضرة

شام الهوى

06-14-2012, 04:46 PM

اي نسيت اقلك العجين الباقي يااما سوي فيه خلية نحل بتقطعي العجين دوائر وبتحشيها جبن كيري وبتصفيا جنب بعض بصينية مدهونة زيت وبعدين بتدهني وصفار بيضة وسمسم او حبة البركة ودخليها الفرن تستوي واذا خلصت شربيها قطر فيه فانيليا وصحة وعافية
ولو حابة تحطي العجين بتلاجة بتعد يومين وبعدين طلعيها تدوب وسويها
او سويها دونت او فطائر حلوه لكل شي

hadeel al rouh

06-15-2012, 01:27 AM

اهلا ام ملاك الغالية كيفك حبيبتي انشالله صرتي احسن ‏
لا مو معقول ننساكي بس بتعرفي والله منشوف هالاخبار مننسى حالنا وبتتعب النفسية الله يعين بس
حبيبتي ام ملاك انا متلك عبحس بحكة والم بصدري بس انا بكرية مارح اقدر افيدك انشالله البنات الي جربوا الرضاعة بينصحونا
مبروكين تياب ملوكة الامير يهريهون ان شاء الله بالهنا والعافية
اي يلا ناطرين تطمنينا عن مالك وتطمني وتبقا نزلي الصورة كمان ‏
الله يقومك بالسلامة بوسلي ملوكة الحلوة

hadeel al rouh

06-15-2012, 01:28 AM

الله يتقبل صيامكون ياصايا ويتقبل دعائنا ويفرجها على سوريا

hadeel al rouh

06-15-2012, 01:32 AM

شاااااامو الشيف الغالية الله لايحرمنا من هالوصفات عجينتي كتير بتشبه عجينتك بس بدون زيت الزيتون
وبحطلها احيانا حبة البركة بتطلع كمان ظريفة
يعطيكي العافية بس سرقت طريقة كرات النحل خخخخخ

شام الهوى

06-15-2012, 01:56 AM

http://forum.hwaml.com/imgcache2/hwaml.com_1339714571_378.jpg

زهرة الحب

06-15-2012, 05:08 AM

مرحبا بنات كيفكن والله اشتقتلكن وكلمة اشتقتلكن قليلة كتير كتير
كيفكن وشو اخباركن
هايدي وينك ياعسسل والله اشتقتلك كتير امانة تخبرينا عنك طمنينا لو بكلمة والله امبارحة عم افكر فيكي قلت ياريتني اخدت رقمك موبايلك كنت اطمنت عليكي

جوري كيفك ياقلبي وشو اخبارك وكيفه يزونة والله اشتقتلكن كتير واشتقت لحتى اسهر معك عالمسنجر يارب يكون اهلك وصلوا بخير لعنا يارب

شاااااام كيفك ياطباختنا الحلوة وشو اخبارك وكيفهن ولادك

سيلا كيفك ياعسولة انا لسا مصرة اسميكي فرفوشة المنتدى بش شوفك بالمنتدى بحس المنتدى عم يغلي غلي من خفة دمك ومن كلامك الحلو الله يحميك والله بتدخلي على القلب فورا الله يقومك بسلامة وتشوفي كرووومة بحضنك

هدولة كيفك حبيبتي بنت ولاصبي كله خلقة ربنا المهمة الخلقة التامة الله يبعتلك كل اللي بتتمنيه ويخليكون لبعض انتي وجوزك ويديم المحبة بيناتكن يارب

ام ملاك كيفك ياعسل ايه ها هيك بدي ياكي يارب تبقي سعيدة وفرحانة بحياتك اكيد رح انزلك الصور ولو مية طلب متل هالطلب

ام يويو حبيبتي انا تشرفت فيكي بس انا عايشة بالشام مو بالرياض بس اكيد بتشرف بزيارتك

ام عائشة منورة ياقلبي وماشاء الله وكان ولادك بجننوا كتير حلوين الله يحميهن يارب

عبورة كيفك ياقمر وكيفه حمودة العسولة الله يحميه يارب

رنوومة وينك غاطة ياقمر والله اشتقنالك خبرينا عنك وعن اخبارك مشغول بالنا عليكي

وردة حلب كيفك ياحلوة وشو اخبارك يارب تكوني بخير

سرووءة كيفك وكيفها جود اشتقنا لوجودك معنا تنورينا

سامحوني بنات اذا نسيت حدا منكن وسامحوني اذا غلطت بحق وحدة فيكن او قصرت بحقكن امانة تسامحوني بحبكن كتير وانا كتير خايفة من الوضع عنا صار سيء كتير ولدرجة
انا صرنا نقول الشهادة كل شوي وندعي ربنا يغفرلنا ونقول لناس تسامحنا اذا غلطنا بحقهن
بنات امانة تدعولنا انو مايصير شي اليوم والله عايشين على اعصابنا وقلبنا بكفنا اليوم صار تفجير بمنطقة اللي ساكنين فيها فقت عالصوت والله متت رعبة الله عليهن هالظلام

شام الهوى

06-15-2012, 12:08 PM

حبيبتي زهرة اسأل الله العظيم ان يحميكم وينصركم انه ولي ذالك والقادر عليه

استودعتكم الله الذي لاتضيع ودائعه

ام عائشة ان شاء الله اليوم بنزلك طريقة الشاورما

ام ملاك كيفك يا غالية وكيف مالك وملاك أحبكم فالله والله أني سألت عنك انتي فالقلب والبال

هدول كيفك ياعسولتنا شو اخبارك الله يسعدك يارب

سلولة كيفك ياقطة وشو اخبارك الله يسعدك

ام يويو كيفك انتي ويويو وين غاطة الله يحميكم

سلام لكل البنات الغايبات الله يحفظكم يارب

جمعة مباركة عالجميع لاتنسوا تدعوا لسوريا الحبيبة وشعبها المناضل في اخر ساعة من الجمعة

أحبكم فالله جميعا

hadeel al rouh

06-15-2012, 12:08 PM

اللھمَ إنّ يــومْ آلجمعةِ أحـَبُ آلايـام إليك
اللهم يامن تسمع كلامنآ وترى مكآننآ ..
اللهم إن شعبنا في سوريآ ..
يئن ويصرخ ويستجير بك ..
يقول "مالنا غيرك يا الله" ..
ولارب لنآ سواك فندعوه ..
يآرب عجل بنصرنا ..
يآلله لا تَدع شَمـسَ السَبْـت تُشرِق إلٱ ۆ قد گتبَت لنآ قبولا لدعائنا...
و إزآحَــةً لهمٌومنا في سوريا،و تفريجا لكروبنا ،و شفاء ا لمرضانا ،و رحمة لموتانا..
و قبولا لشهدائنا ،و سعادة تغمر قلوبنا...
يا رب عجل بنصرك لنا ،يا رب نصرك الذي وعدت ...
ربي اننا مشتاقون لسجدة الشكر حين النصر، ربي لا تحرم منا احدا متعتها و نحن بين يديك نحمدك و نشكرك على نصرك لنا ...
ربي بدل دموعا ذرفناها قهرا و حسرة على من نحب ،بدموع فرحة النصر...
ربي لا تحرمنا متعة تلك اللحظة... ولا تردنا خائبين.. انك على كل شئ قدير .

اللهم آمين

سرووءة

06-15-2012, 12:49 PM

مسا الخير
اشتقلكم كتيير
كنت مشغولة بحماتي
شواخباركم كلكم
شكلو رايح علي احاديث كتيرة

سلولتي حبيبة قلبي
كيفك وكيف كرومة
الله يهونها عليكي يارب

ام ملاك
كيفك انتي وملاك واابوبو
ان شالله بخير
وبالنسبه للصدر راح قلك تجربتب
بلشي من هلأ دهني الحلمات زيت زيتون
مشان مايشققو وقت الرضاعة
والحلمة مع الرضاعة بكرا راح تطلع
وماشالله عديارة مالك
مبروكة وانشالله بيلبسا بالهنا كتير مزوئة
وبتجنن
وجايبة شغلات بكير عليها متل الصحون ههههه
ان شالله بتشوفي عخير يارب

هدولة
الف الف مبروك البنوتة
وشوبدك احسن مم البنات
تعي شوفينا طاير عقلنا بجود
ابوها قلي اذا كل البنات بيجو متلا جيبيلي بنات
ومن ناحية الترباية لاتاكلي هم
الله بكون معك وبساعدك
وانت اذا ربيتيا احسن ترباية مابتخافي عليها
وتربايو البنت اسهل من ترباية الصبي

*

سرووءة

06-15-2012, 01:06 PM

عبورة ماشالله تبارك الله
الله يحفظو يارب
ويخليلك ياه

ام عائشة
اللهم صلي عالنبي
ماشاالله
الله يحفظلك ياهن بجننو
حصننيهم دايما بالاذكار

شام الهوى
ماشالله شو هاد شو هالابداع
منيح ماعم اتوحم ولاكنت جبتك
من الكويت ركد هههه
الله يهني زوجك وولادك
كيفك شو اخبارك انت والولاد

وردة حلب
شو اخبارك
وكيف الاولاد
كانو ماكتير عم تفوتي

ام يويو
اهلا وسهلا
راح عرفك عن حالي
انا إسراء من ريف دمشق
عمري 23 متزوجة من سنتين ونص ومتغربة بالسعودية
زوجي سوري ابن عمي
وعندي بنوتة عمرها شهرين اسمها جود
الله يتمملك حملك عخير وتقومي بالسلامة

زهرة الحب
شواخبارك
الله يبرد قلوبكن
ويحميكن
من الظلام يارب
كيفها وردة سلميلي عليها امانة

رنومة يارب تكون بخير هي وهايدي ونادو ومع الله وردة سوريا

جوري اشتقنالك
ان شالله اهلك بيوصللو بالسلامة يارب

يالله ان شالله ماكون نسيت حدا
مشان الله لاحدا يزعل اذا نسيتو
بس جود عإيدي وضوجتني
وراح نزل صور جود

سرووءة

06-15-2012, 01:20 PM

هي صور جود
قوليلي شو رايكم

http://forum.hwaml.com/imgcache2/hwaml.com_1339755659_716.jpg

http://forum.hwaml.com/imgcache2/hwaml.com_1339755658_161.jpg

http://forum.hwaml.com/imgcache2/hwaml.com_1339755664_847.jpg

وهون مبلستا بجامة رياضة
http://forum.hwaml.com/imgcache2/hwaml.com_1339755663_201.jpg

http://forum.hwaml.com/imgcache2/hwaml.com_1339755664_512.jpg

http://forum.hwaml.com/imgcache2/hwaml.com_1339755663_607.jpg

http://forum.hwaml.com/imgcache2/hwaml.com_1339755663_514.jpg

شام الهوى

06-15-2012, 01:34 PM

ماشاء الله شو هالجود هي اللهم صلي على النبي
ماشاء الله تبارك الرحمن بتجنن يا قلبي الله يحفظها ويحميها يارب

@أم يويو@

06-15-2012, 02:21 PM

سروؤه وانا الي الشرف بمعرفتك ياقلبي
نحنا بعمر بعض بس اسم الله انت بنوتك عمرها شهرين وانا لسه ماولدت
اسم الله على جود عنجد اسم على مسمى ربي يحميلكياها والله شكلي حطيت عيني عليها لابني يعني شوفي الفرق بيناتن كم شهر بس واحلى من جودي ماحلاقي شو رأيك؟ ههههه ربي يفرحك فيها عرووس انشالله

أم ملاك حبيبتي والله انت بالبال بس شايفه الاخبار من سوريا شلون والله هذا اسوء اسبوع مر على اهل سووريا الله يعينهم يااارب
مبروووكين غراض ملاك ومالك ويهروهن بالهنا
ماقصرت انك رح تروحي عالصالون وتجددي نفسيتك
وكلو من صالح ابو مالك بالنهايه هههه ربي يسعدكن مع بعض وتتموا عرسان هيك على طول
وبالنسبه لتشققات الصدر انا بكريه بس عن استعمل كريم avalon لتشققات الصدرلونو بنفسجي كتيير منيح وريحتو حلوه يعني مابتدايئي بس تحطيه تقومي بالسلامه انشالله ياقلبي

@أم يويو@

06-15-2012, 02:27 PM

زهره الحب
الله يسعدك وين ماتكوني يحميك انت وعيلتك من كل شر ويخلصكم من هالازمه عالخير
كلك زوق حبيبتي

شمومه حبيبتي كيفك ياغاليه والله انا كتيراشتقتلك
اولا يسلموا دياتك على وصفه البيتزا سيفتها عندي ورح طبقها انشالله عزبتك معي
ثانيا انا كتير منيحه وبسأل عنك والله غاطه بتجهيز يوسف افندي لسه ماخلصت تعرفي قربت جيتو ولازم نقوملو بالواجب
وانت اكيد بالبال ياقلبي ربي يسعدك انت واولادك وزوجك ويخليلكياهم

@أم يويو@

06-15-2012, 02:29 PM

هدووله
دعائك كتييير حلو الله يسمع منك يارب
اااااامين

وردة حلب

06-15-2012, 04:25 PM

سلام يا بنات

زهرة الحب ...اهلا يا قلبي ...يارب يكون معكم ويحميكم والله بالنا عندكم وحسبنا الله ونعم الوكيل

سرووءة ...ماشاء الله تبارك الله ...ياربي ما احلى البنوتات الصغار ...بتجنن جود الله يحميها يارب
ويخليلي هالضحكة ...يارب يفرحك فيها ويلا لحقي على طلبات العرسان وهي محمد تاني عريس وهي تختار
بين ابني وابن ام يويو هههههههههههههههههههههههههههههههههههههههههه
والله ياقلبي كنت مشغولة بضيوفي ودخولي قليل المهم عم بطمن عليكم

هديل ...يارب يستجاب لدعائك

شام ...تسلم الايادي وانا حفظت طريقة البيتزا عندي وعم بنتظر الشاورما ههههههههه

ام يويو ...كيفك اليوم ...الله يسهل عليكي

ام ملاك ....ياقلبي انا استعملت كريم افالون وارتحت عليه ..المهم انت بس تولدي تطولي بالك وتتحملي
وان شاء الله بترضعي طبيعي ...كتير حلوة الرضاعة وممتعة للام والبيبي ...ولاتتاخري بلقاح ملاك اكتر من هيك
الله يحميها يارب

شام الهوى

06-15-2012, 04:48 PM

ام يويو يا قلبي دخيلو يوسف انا من هلئ قلبي ملهوف عليه عنجد الله يجيبه بسلامه ويسهلك ولادته يارب ويحسن خلقه وخُلقه
اي يا قلبي لكاااان جهزوا لألكن هاد الباشا يوسف مو حيالله ههههههه

وردة حلب كيفك ياعمري وين هالغيبة والله اشتقنالك
اي موتكرم عينك اليوم ان شاء الله بنزل طريقة الشاورما

ضوء البدر

06-15-2012, 05:59 PM

بنات سوريا طمنونا عليكن
الله يعينكن يا رب
ويدمر بشار و كل الصفوية المجوس

ضوء البدر

06-15-2012, 06:02 PM

اللھمَ إنّ يــومْ آلجمعةِ أحـَبُ آلايـام إليك
اللهم يامن تسمع كلامنآ وترى مكآننآ ..
اللهم إن شعبنا في سوريآ ..
يئن ويصرخ ويستجير بك ..
يقول "مالنا غيرك يا الله" ..
ولارب لنآ سواك فندعوه ..
يآرب عجل بنصرنا ..
يآلله لا تَدع شَمـسَ السَبْـت تُشرِق إلٱ ۆ قد گتبَت لنآ قبولا لدعائنا...
و إزآحَــةً لهمٌومنا في سوريا،و تفريجا لكروبنا ،و شفاء ا لمرضانا ،و رحمة لموتانا..
و قبولا لشهدائنا ،و سعادة تغمر قلوبنا...
يا رب عجل بنصرك لنا ،يا رب نصرك الذي وعدت ...
ربي اننا مشتاقون لسجدة الشكر حين النصر، ربي لا تحرم منا احدا متعتها و نحن بين يديك نحمدك و نشكرك على نصرك لنا ...
ربي بدل دموعا ذرفناها قهرا و حسرة على من نحب ،بدموع فرحة النصر...
ربي لا تحرمنا متعة تلك اللحظة... ولا تردنا خائبين.. انك على كل شئ قدير .

اللهم آمين

الله ينصركم يا رب
نصرا عاجلا غير اجل
من اي مدينة انتي يا هديل ؟؟

hadeel al rouh

06-15-2012, 11:19 PM

شكرا الك اختي ضوء البدر الله يجزيكي خير على دعائك لاهل سوريا وتعاطفك معنا
الله يصبرنا ويصبر كل ام وكل اخت وكل زوجة وكل ابنة على فراق شهدانا

حبيبتي انا من مدينة ادلب لكن مقيمة بالرياض وبعيدة عن بلدي واهلي واهلي تحت النار كل يوم ‏ كما حال كل الشعب السوري
دعائك النا اختي احنا بامس الحاجة للدعاء

ضوء البدر

06-16-2012, 12:43 AM

يا عمري انتي ، الله يحمي اهلك واهل سوريا واحد واحد ويدمر الصفوية الملاعين واحد واحد
والله بحبكم في الله ، حكيكون طيب و فيكم ادب واحترام روعة ، الله ينصركم يا رب كلكم على المجوس

ضوء البدر

06-16-2012, 12:16 PM

بنات سوريا الحبيبة طمنونا عليكن وعلى اهلكن

hadeel al rouh

06-16-2012, 04:11 PM

يا عمري انتي ، الله يحمي اهلك واهل سوريا واحد واحد ويدمر الصفوية الملاعين واحد واحد
والله بحبكم في الله ، حكيكون طيب و فيكم ادب واحترام روعة ، الله ينصركم يا رب كلكم على المجوس

اللهم امين امين امين

الله ينولك يلي ببالك وتبقي انتي واهلك واحبابك بكامل الصحة والسعادة
تحبك العافية حبيبتي ..انتي منين ياعسل؟؟

hadeel al rouh

06-16-2012, 04:18 PM

شام الهوى وينك ياغالية اليوم
وردة حلب الله يعطيكي العافية بس لاتغيبي كتير منشتقلك
زهرة سوريا وينك ليش غبتي كتير عسا المانع خييير يارب
ام ملوكة تعالي خبرينا شو عملتي بشعرك وحالك حتى نغار منك ونغير شكل احنا كمان .. ربي يسعد قلبك
ام يويو الحلوة الله ييعينك على التقل بس لاتتقلي علينا حبابة
سيلا وين صور ديارة كرومة؟؟؟؟؟؟جبتي التخت ولا لسا؟؟؟؟اليوم بتكوني دخلتي التامن ياقلبي انتي انشالله بكون سهل عليكي ومابتحسي بشي وبتلدي بسرعو وسهولة وبطلي خوف انشالله بتتيسر ومابتعرفي شلون ربك بسهلها انتي بس وكلي ربك وادعي واستغفري كتيييير الاستغفار بنية تيسير الولادة ياعمري كتير منيح
سروءة ابوس هالقمر بعرف البنات حلوين كتير بس انا هيك بتوسوسخلص وكلت امري لربي ومو مصدقة ايمت تجي بنتي حبيبتي لتسليني واحاكيها متلك لاني كتير عبمل
عبورة بدي صورة لحمودة هوي ومفتح عيونو هههه شوفي سروءة حطلتنا صور لجود بكل حالاتها ماشاء الله عليهون الله يحميهون
ام عائشة ياغالية ابوسون ولادك فعلا دايما حصنيهون بينخاف عليهون ولله من الحسد او العين ربي يخليلك ياهون ويطعمك البطن الي جاي عائشة ..لاغيبي عننا كتير منشتقلك

ضوء البدر

06-16-2012, 04:29 PM

انا من المغرب العربي بس قلبي بسوريا مع اهلها

زهرة سورية

06-16-2012, 05:18 PM

بنات حبيباتي اشتقتلكن كتير يا اخواتي الحلوين وعنجد الكن وحشة ئلت بسلم عليكن بالاول و بعدين بقرأ اللي راح عليي

زهرة سورية

06-16-2012, 05:46 PM

الصبايا الحلوين لي سالوني عني و اشتاقولي تشتقلكم مكة ان شاء الله يا حبيباتي

ام ملاك كيفك وكيف ملوكة القمر ومالك العسول ان شاء الله مرتاحة ومانك تعبانة بهالشوبات الله يقومك باسلامة يارب وكيف كان موعد صالون التجميل

عبير حبيبتي كيفك وكيف حمودة الله يحميه ان شاء الله مانو عم يعذبك الازعر ماشاء الله عنو الله يخليلك ياه

سيلا الحلوة الخويفة ليش خايفة حبيبتي اتكلي على رب العالمين ةاباذن الله بتكون ولادتك سهلة وبتجيبي أحلى بيبي و بتقعدي وبتنزليلنا بهالصور الحلوة لالو باذن الله بس انتي قولي يا رب

هدولة الامورة بنت صبي كل شي بيجي من رب العالمين حلو المهم الخلقة التامة يا قلبي و قيامك بالسلامة باذن الله واول بيبي بيكون الو بهجة غير شكل سواء كان بنت ولا صبي

ام يويو الله يهون عليكي حبيبتي و ييسرلك و لادتك باذن الله

شام الهوى اي شو هالطبخات الغير شكل ماشاء الله عنك الله يحميك من العين ويلا بمعية الصبايا منسرق الوصفات ههه

ندى الشام اهلين فيكي حبيبتي نورتي

وردة حلب بعد زمان كيفك حبيبتي مرة سالتيني وين ساكنة انا ساكنة بالسليمانية

سروءة كيفك حبيببتي وكيف جود العسولة ان شاء الله تكونو بألف خير يارب

أم عائشة ما شاء الله لا قوة الا بالله الله يحميلك هالشباب يا رب ماشاء الله عنن و يجعلن من الصالحين و قرة عين الك و لابوهنو ويرزقك عائشة آمين

زهرة الحب الله يحميكي حبيبتي ويحمي اهلنا يار ب وينصرنا و يفرج و يريحنا يارب

جوري حبيبتي كيفك اشتقنالك وكيفو يزونة الحلو

واذا نسيت حلوة من الحلوات تسامحني أنا منيحة الحمد لله ماشي حالي وعم انتظر الفرج من رب العالمين

@أم يويو@

06-16-2012, 08:16 PM

شااامو حبيبه قلبي

تسلميلي ياجارتي جاره الرضا والله ليكني ماني مقصره عم جهز واتعب من الوقفه ورجليي تتنفخ كمان من روحات السوق
بس عقولتك هذا يوسف باشا بدنا نجهزلو منيح
كيفك اليوم مالك صوت انشالله يكون المانع خير ياارب
اشتقنالك ياغاليه

هدوووله
لك تسلميلي انت ولسانك اللي عم ينقط عسل
والله انك حاسه فيني لوتشوفي حالتي رجلي منفخه وحركتي ثقيله
حتى الصلاه صرت عم صلي وانا قاعده والحمدلله على كل حال
مافيني اقثل على خواتي حبيبات قلبي تسلميلي
طمنيني عنك انت شلونك؟ وشلونها بنوتك الحلوه ؟
انشالله ماعم تعزبك ؟بلشت تتحرك ولا لسه؟

زهره سووريه
تسلمي على سؤالك حبيبتي والله يسمع منك ويخفف عنا جميع ياارب

ورده حلب
اهلا بوردتنا كيفك ياقلبي ؟
منووره متل العاده والك وحشه
انا الحمدلله ماشي حالي بس تعرفي انت شلون الايام الاخيره
لاتطولي الغيبه علينا
والله يحميك انت وعيلتك

ام ملاك
كيفك ياحلوه شواخبارك وملوكه الحلوه شلونها تسلملي عينها
ومالك افندي انشالله ماعم يعزبك
ماحكيتيلنا عن روحتك عالصالون شلون كانت
وكيف كانت ردود الافعال من الكل عنها يللا بلكي تشجعيني انا التانيه وروح
لانو صار ضروري جهز حالي قبل الولاده
لاتطولي الغيبه علينا

hadeel al rouh

06-16-2012, 08:26 PM

اهلا حبيبتي زهرة نورتي والله ونحنا اشتقنالك الك وحشة ‏

ضوء البدر اهلا فيكي وبكل اهل المغرب العربي
انتي شو وضعك حبيبتي متزوجة ‏؟ حامل؟ عندك اولاد هههه باختصار سيرتك الذاتية ‏
حبيبناكي وحبينا نتعرف عليكي اكتر
ربي يسعد قلبك

ضوء البدر

06-16-2012, 09:24 PM

ولك تكرمي يا ستي بحكيلك سيرتي كلها ، و من عيوني كمان
انا متزوجة عندي بنت وهلا حامل ببداية الشهر التاني، والله يثبتو، حكتلي الدكتورة ان وضعو مش كتير منيح دعواتك حبيبيتي
انا يا ستي عندي باكالوريوس دراسات اسلامية
عمري شرفت تقريبا عال 24
اللي بدك تعرفيه على هالراس والله
ولا تنسي تطمننيا على اهلك واهل ادلب ، تهمنا سلامتهن كتيييييييييييييير

شام الهوى

06-16-2012, 09:26 PM

سلام بنات شو اخباركن اشتقتلكن كتيركتير بوساتي الكن كلكن💋💋💋💋💋💋💋💋💋💋

كيفك ام يويو شو اخبارك وأخبار الباشا يويو الله يحميه

كيفك هدول والله انك فعلا هديل الروح تقبشي قلبي

كيفك يازهورة شو اخبارك وين غبت عنا وخليتينالا عاد تعيدها إيه وبالنسبة للطبخ ولا يهمك حبيبتي انا تحت خدمتك يا عسل الطبي واتمنى ولو اقدر اوصلك الاكل اسوي وجيبه لعندك من عيوني

كيفك سررروءة العسولة اشتقتلك كتير

وينك سلولة الحبوبة وشو اخر اخبارك طمنيني عنك

ام ملااااك وينك يا قلبي

زهرة الحب وينك يا غالية اشتقنالك الله يحميكم يارب ياعمري انتي الله الشاهد انك غالية علينا
يارب تسمعنا بخبر حمل اختنا الغالية زهرة الحب بتوأم اولاد اللهم امين

جوري الشام كيفك ياقطقوطة المنتدى ان شاء الله اهلك وصلوا بسلامة الله معهم يارب ويردولك بسلامة بوسيلي يزززون الكرميلا

ضوء القمر اهلا فيكي اختي وبأهل المغرب كلن

بنات اليوم سويت كعك السميط كان بيشهي بصرااااحة وحبيت اجل لكن الصورة تشوفوها وطبعا أخدت الطريقة من هون للاخت ام ارجواااان

http://forum.hwaml.com/imgcache2/hwaml.com_1339871178_943.jpg

شو رأيكم

ضوء البدر

06-16-2012, 09:38 PM

يسلمو الايادي اخت شام
على فكرة معرفك حلو كتير

hadeel al rouh

06-17-2012, 12:05 AM

جوري الحلوة غايبة عند اهلها بتكون اليوم عبتودعهم بكرا مسافرين عالشام الله يعينك ياجورتنا على فراق اهلك وان شاء الله بيرجعولك بالسلامة

silla

06-17-2012, 02:53 AM

هي صور جود
قوليلي شو رايكم

http://forum.hwaml.com/imgcache2/hwaml.com_1339755659_716.jpg

http://forum.hwaml.com/imgcache2/hwaml.com_1339755658_161.jpg

http://forum.hwaml.com/imgcache2/hwaml.com_1339755664_847.jpg

وهون مبلستا بجامة رياضة
http://forum.hwaml.com/imgcache2/hwaml.com_1339755663_201.jpg

http://forum.hwaml.com/imgcache2/hwaml.com_1339755664_512.jpg

http://forum.hwaml.com/imgcache2/hwaml.com_1339755663_607.jpg

http://forum.hwaml.com/imgcache2/hwaml.com_1339755663_514.jpg

لك ماااااااااااااااااااااشاااااااااااالله شو كبرانة
تقبشي قلبي يا جوووووووووووووودي الامورة
يالله شو طالعة بنوتة دلوعة وكربوووجة الله يحميها يا سروءة
مبينتها عاقلة !!! بقا الله اعلم
سروووءة ثابري والى الامام انتاجك ممتاااااااااز ههههه

دايما كل فترة وفترة نزليلنا كم صورة الها سبحان الله كيف بيتغير الولد
بس احلى شي جزبني فيها موديل تمومها ودقنها ماشالله ...
بوسيلي ياها من هون ومن هون
والها بوسة من كرومتي صار يرفس وقت عم بتفرج عالصور معناها عجبتو hwaml02hwaml03hwaml02

silla

06-17-2012, 03:01 AM

زهرة سورية
من قلبي .... اللللللللللللله يفرح قلبك عاجلا غير اجل باحلى بيبي وابسط حمل

تسلمي لقلبي شو مزوقة الله يحميكي حبيبة قلبي ....

كتير حبيت كلماتك ودايما ادعيلي ... والخوف لابد منو يعني ان شالله بتطلعي حامل وبجي بهديكي من الخوف
بتعرفي انا اول 3 شهور كلها خايفة انو اخسر هالحمل كمان بس الف حمد وشكر الله حمالي هالحمل ويارب يتمملي بالخير ويسهل علي مخرجو يالله
وهلئ عم خاف من الولادة بس لا تقليلي ولا قلك كل حامل بس تقرب بتخاف
لك خلص فتت بالثامن وقرررررررررررررررررررررررربت هههههههههه ياربي دخيلك وكلتك وسلمتك امري ,,,

وين انت عم تغطي شو عندك ليش صايرة عم تغيبي

silla

06-17-2012, 03:03 AM

ضوء البدر ماااااااااااااشالله
بربي فكرتك سورية
ماشالله حفظانة اللهجة تمام

وتسلمي لقلبي حبيبتي بشكرك من قلبك لاحساسك العالي فينا وماتنسونا من الدعاء يارب تستجيب..

silla

06-17-2012, 03:07 AM

ام ملاك ؟؟؟؟؟؟؟؟؟؟ ويييييييينك
ولا حجزك ابو مالك ع النيو لوك
هههههه

جوري الله يعينك ع وداع اهلك

شام ماشالله عليك بس مين معلمك انت كل هالشي اللهم صلي عالنبي

هدوووولة النشيطة تقبشيني كيفن اهلك حبيبتي الله يحميهن ويحمي اهلي ويحمي كل هالناس يارب دخيلك تعجل الفرج علين يارب

عبورة وينننننننننننك حمودة شاغلك هالقد هههههههههه ان شالله يكون عاقل بس

وردة حلب عم تغطي شو عم بصير عندك لا تقليلي عزايم خخخخخخخخخخخخ

زهرة الحب ... هايدي طولتو الغيبة ياربي تطمنا عليكم يارب

@أم يويو@

06-17-2012, 03:24 AM

سلوله حبيبتي كيفك ياقلبي انشالله بخييير

طمنيني عنك شواخبارك؟

شلون الحمل معك ؟

هي انت فتت بالثامن وانا بعدبكره بالتاسع

حاستو حيكون اطول واصعب شهر لاني من هلأ منتهيه وتعبانه

الله ييسرلنا يارب

ويأجر امهاتنا اللي تعبوا فينا

@أم يويو@

06-17-2012, 03:34 AM

شمومه ياقلبي انا بخير نشكرالله

بس تعرفي اني فايته عالتاسع ونفسيتي تعبانه شوي بحس بخووف

وشوي بحماس ولهفه لشوف ابني

سلميلي على حمودي والولاد

ضوء البدر

ميه اهلاوسهلا فيك حبيبتي

نورتينا وكتير تشرفت بمعرقتك

وتسلمي على مشاعرك الصادقه

والله يخلصنا من اللي نحنا فيه

يااارب نصرك

@أم يويو@

06-17-2012, 03:36 AM

ورده حلب

زهره الحب

اشتقنالكم ياحلواات

نورونا بطلتكم الحلوه

ناطرينكم

@أم يويو@

06-17-2012, 03:37 AM

يللا ياامورات تصبحوا على الف خير

بحبكن كلكن والله

الله لايحرمنا من بعض

خواتي وحبيبات قلبي

أم ملاك ومالك

06-17-2012, 01:52 PM

السلااااااااااااااااام عليكم حبيباتي اشتقتلكم كتير يارب تكونوا بخير أنتوا والقطاقيط يارب والله يقوم كل حامل بخير وسلامة وتفرح بشوفة البيبي يارب ...

بنات تعالوا طمنوا قلبي الله يطمن قلبكم يارب والله امبارح ماعرفت نام وانا عم فكر واتقلب يوم الجمعة كان عندي موعد رباعي الابعاد لطمن ع البيبي المهم رحنا وقت اجى دوري دخلت اطمنت الدكتورة ع الاعضاء الحمدلله كل شي سليم وقالت وزنو كليو ونص وأني بالاسبوع 28 و5 أيام وحبيب قلبي كان نايم وكمان كان أخد وضعية الجلوس يعني راسوا لفوق فقالتلي الدكتورة الافضل تيجي السبت من شآن نشوفه قالها زوجي مافي مشكلة المهم رجعنا يوم السبت وشفنا مالك وكان الحمدلله قالب حالوا لتحت بس المشكلة الحبل السري لافف ع رقبتوا والدكتورة حاولت طمني وقالتلي ديري بالك ع النبض والحركة شو اعمل شو بتنصحوني ومين عندوا فكرة الله يطمن قلبكم يارب الحمدلله استودعتوا الله الله يحميه ويفرحني بشوفتوا

كنت حابة افوت احكيلكم عن مغامراتي من يوم الخميس ههههههههههه والنيولوك بس سبحان الله ماعم تكمل الفرحة معي الحمدلله والشكر لله

معلش بنات ماحدا يقول عني انانية بعرف صرلي فترة مقصرة بحقكم سامحوني

مع كل الود
♥ تحياتي (^_*) ♥

أم ملاك ومالك

06-17-2012, 02:06 PM

http://forum.hwaml.com/t140872.html

سرووءة

06-17-2012, 02:43 PM

ام ملاك حبيبتي
نفس يلي صار معي
وقت عملت رباعي الابعاد
كان الحبل لاففت عرقبت جود
والدكتور قلب طبيعي ولاتخافي
ولحالو بفك
بعد اسبوع رحت قلي ان فك الحبل
وكتير كنت خايفة وصرت اقرا قران عبطني
والحمدلله
بس كلو بقول طبيعي نتيجة حركة الجنين
بس انت خليكي منتبهة لحركتو
اذا خفت او ماحسيتي لاقدر الله
دغري روحي الدكتور

شام الهوى

06-17-2012, 02:51 PM

السلام عليكم ام ملوكة كيفك ياعمري

والله ما عندي خلفية عن الموضوع بس حبيت ادعيليك يارب تشوفيه لمالك بخير وسلامة ويقر عينك فيه انتي ووالده اللهم امين ويجعله من حفظة القرآن الكريم

بس اللي بعرفه ان اذا كنتي نايمة عجنب لاتلفي عال اطرف التاني بليف الحبل السري عالرقبة البيبي لازم تقعدي وتغيري نومتك هاد اللي بعرفه والله اعلم اذا صح ولا لأ

ديري بالك عحالك يا قلبي الله بقومك بسلامة يارب انتي وجنينك

شام الهوى

06-17-2012, 02:52 PM

كيفك سروءة وكيف جود الحلوة الله يحميها يارب ويفرحك فيها

سرووءة

06-17-2012, 05:05 PM

اهلين شام
بس تصحيحا لمعلوماتك بعد اذنك
وانا كنت متلك فكر هيك ان كتر التقلب بالنوم بأثر
وسالت دكتورتبن
قالولي لا هلحكي كانو يفكرة زمان بس هو مادخل لان الجنين محمي بكيس ومشيمة ومية

والله اعلم
جود بخير بنسلم عليكي
شو طابخين اليوم

@أم يويو@

06-17-2012, 05:15 PM

ياحبيبه قلبي ام ملاك لاتاكلي هم

كتير من اللي بعرفن صار معن نفس الشي

وفك الحبل السري عن البيبي

بس انتبهي انت لحركتك ماتعملي حركات عنيفه

بالعكس خليك راايقه دايما

وكتري من الصلاه والدعا وماحيصير الا الخير انشالله

الله يطمن قلبك حبيبتي

وردة حلب

06-17-2012, 08:43 PM

السلام عليكم يا بنات

تسلمولي كل يلي سالو عني ...هديل وسيلا وام يويو وشام ...ويلي نسيتهم يسامحوني

نفسيتي تعبانة شوي وحسبنا الله ونعم الوكيل ...

ام ملاك ...لاتخافي ياقلبي ...المهم المراقبة لوقت الولادة ومافي شي بيخوف اثناء الحمل
الخوف وقت الولادة اذا لاسمح الله لاقدر الله كان الحبل لافف على رقبة الجنين بتولدي قيصرية
بس اثناء الحمل سبحان الله في مشيمة وسائل بتحمي الجنين وممكن بالمراجعة القادمة يكون تغير الوضع والله يقومك بالسلامة يارب

ضوء البدر

06-17-2012, 09:00 PM

السلام عليكم يا بنات

تسلمولي كل يلي سالو عني ...هديل وسيلا وام يويو وشام ...ويلي نسيتهم يسامحوني

نفسيتي تعبانة شوي وحسبنا الله ونعم الوكيل ...

ام ملاك ...لاتخافي ياقلبي ...المهم المراقبة لوقت الولادة ومافي شي بيخوف اثناء الحمل
الخوف وقت الولادة اذا لاسمح الله لاقدر الله كان الحبل لافف على رقبة الجنين بتولدي قيصرية
بس اثناء الحمل سبحان الله في مشيمة وسائل بتحمي الجنين وممكن بالمراجعة القادمة يكون تغير الوضع والله يقومك بالسلامة يارب

الله يقويكي اختي ، ويجعل نفسيتك عال العال

@أم يويو@

06-18-2012, 12:48 AM

ورده حلب

ياربي يفرج عليكم ازمتكم

سلامه قلبك حبيبتي

@أم يويو@

06-18-2012, 12:53 AM

سروؤه

كيفك شواخبارك وكنتي جودي الحلوه شلونها ؟

بوسيلياها اماانه

silla

06-18-2012, 03:51 AM

شام الهووووووووووووووووى
نداااااااااااااااء خخخخخ

جايني ضيوف كبار شوي وقررت اعملن الهيطلية بطريقتك معليش تعطيني ياها بدقة شديدة
يعني مثلا ما الزهر والورد اديش بالضبط انا عندي الشامي مابعرف ازا هالشركة عندكم بالكويت اسمها المهباج

وكاستين حليب ونص اديش بكفو انو كم زبدية؟؟؟؟

والحليب البارد بعدين كيف معو القطر يعني بطبخ قطر قبل بعدين بحطلو حليب ولو سمحتي اديش الكمية
واسسسسسسسسسسسسسفة كتير لانو رح ادوشك معي ...
وشكرا وجزاك الله خيرا وربي ينصر بلدنا يارب

silla

06-18-2012, 03:56 AM

مرحباااااااااااا بنات بتعرفو صايرة ماعم اقعد بالبيت من بيت شقاع لبيت رقاع
عم قول بدي لحق حالي قبل التعب

بس بدي قلكم شغلة هلئ شو مشان بحطوني 4 ساعات بالمول وما بتعب ههههههههههه لا بتعب بس شوي يعني المو حوامل بيدايقو وبيتكسرو رجليهن قبلي
وانا ماشالله بضلني بحوحم هون وهون وع مشية سريعة ماشالله مابدي احسد حالي هههههه
لك لايكون فيني شي مو طبيعي كل وحدة بتقلي الثامن صعب واخر السابع وانا لهلئ انو ماحسيت بالعجز اللي بيحكو عنو ماشالله علي هههههههه
بس صايرة عم اكل بدرجة ممووو طبيعية اكلي زايد 3 اضعاف تقريبا
وكتير بجوع وبسرعة

في عندي وجع ضهر انو فوق قريب من الكتاف وعندي تشنج الرجلين ها\د بس مجنني بالليل اكتر شي واول مافيق ل 3 او 4 ساعات
شو رايكم هل انا طبيعية ؟؟؟ هههه الحمد لله ع كل حال الف حمد وشكر يارب

الله يفرجها ع سوريا عاجلا غير اجل ياااااااااالله يارب عجل نصرك وفرجك

عبير اسماعيل

06-18-2012, 04:40 AM

صبااااح الخيييير

عبير اسماعيل

06-18-2012, 04:43 AM

شو ميبن سهرانه سيلا ‏
كيفك ؟؟؟ اي وجع الضهر و الرجلين من تقل الحمل عادي
انا كان يزيد ع وجعك وجع باالحوض والركب كلو ممن تقل الحمل
بتصدقي انو زاد وزني كتير آخر فترة بس حموده اجا صغير ‏

jorri sham

06-18-2012, 02:04 PM

يسعد اوقاااااااااتكم يا بناات دخلت بسرعه مشاان سلم عليككتن كتير شتقتلللللللللللللكن
مبارررررررح اهلي سافرو ع الشام الاحد ووصلو بسلامة لحمدلله
بس الدنيااا وبيتنا حاسستو اسووووووووووووووود بلاهن مافي شي حلوو وكئيب
وعم ابكي كتير وقت ودعتن بلمطاار وكتمت حالي ما بييييييييييييكت بس وقت رجعت عبيتن حسيت بديئئئئئئئئئئئئئئئئئئئئئئئ رح ططئ الله يعيني ع لى هالشهررر ويمضي باسررررع وققققققققت ...... <<اسفة وجعتلكم رااسكم ...

انتوو شو اخبارركم

طبعا ماشالله في اكتر من 30 صفحة راحو عليي ما حقدررر اعد اقراهن ..
بس بشكر كل ميين سال عنيييييييييي .. وبس

تحيااتي للكل وبووسااااااتي الكم ,,

أم ملاك ومالك

06-18-2012, 02:58 PM

الســـــــــــــــــــــــــــــــــــلام عليكم

أسعد الله أوقاتكم عسولاتي

أشتقتلكم كتير كتير

مع كل الود
♥ تحياتي (^_*) ♥

أم ملاك ومالك

06-18-2012, 03:02 PM

أم عائشة

حبيبتي كيفك ؟؟ وكيف القطاقيط ؟؟ يارب تكونوا بخير .. الله يحميهم ماشاء الله عنهم حبيبتي لاتنسي تحصنيهم كل يوم وتقري لهم آية الكرسي ماشاء الله تبارك الله الله يخليلك هنا يارب .. لاطولي الغيبة .. اشتقتلك

مع كل الود
♥ تحياتي (^_*) ♥

أم ملاك ومالك

06-18-2012, 03:04 PM

أم يويو

حبيبة قلبي الله يقومك بخير وسلامة الله بيعلم أني بحبك ياقلبي الله يحمي أهلك وأهالينا يارب وتنتهي هل أزمة ع خير بيكفي طولت كتير .. الله يهنيكي يارب و ع قبال مانشوف ديارة يوسف الامور الله يخليلك ياه يارب وتشفيه بخير وسلامة ياقلبي ويكون بار إلك ولابوه يارب ..الله يهنيكي ياقلبي كلك ذوق ياحبيبتي هههههههههههه تسلمي لقلبي ع كلامك الحلو ,, بالنسبة للكريم حبيبتي وين فيني لاقيه يعني موجود بالصيدليات ولا شو ؟؟ ,, حبيبتي بنصحك تروحي ع شي مركز تجميل وتعملي كل الي بتتمنيه لأني بعد الولادة راح تغني راحت علي ياحبيبي راحت علي ههههههههههه والله جيت من الصالون عجب جوزي كتير بس بنتي الله يهديها ماعرفتني خخخخخخخ وصارت تبكي بشكل مو طبيعي وماقربت علي أبدا" فصرت قلوا لابوها شو ليش جايبلها مرت أب جديدة ههههههه ومافي نص ساعة كنت ضبية شعري وخفف المكياج وغيرت لبسي لحتى سكتت ههههههههههه شو رأيك بقى ؟؟ ,,,
الله يسلمك يارب ويخليكي ويطمن قلبك حبيبتي تسلمي الله لايحرمني منكم أبدا"

مع كل الود
♥ تحياتي (^_*) ♥

أم ملاك ومالك

06-18-2012, 03:08 PM

جوري

أم يزونة الغالية كيفك ياحلوة ؟؟ وكيف يزونة العسول ؟؟ يارب تكونوا بخير ومتل ماودعتي تلاقي ياقلبي الله يصبرك ع غياب اهلك ياعسل .. لا ياقلبي لاتبكي .. الله يحميهم ويرجعهم بخير وسلامة .. اشتقتلك كتير

مع كل الود
♥ تحياتي (^_*) ♥

أم ملاك ومالك

06-18-2012, 03:09 PM

رنووووووووومة

عسى المانع خير ياقلبي طولتي الغيبة كتير والله العظيم بالي عندك أنتي وبناتك الله يحميكم يارب ..يارب نطمن عنك لو بكلمة الله يحميكم ويكون معكم بجاه الحبيب المصطفى

مع كل الود
♥ تحياتي (^_*) ♥

أم ملاك ومالك

06-18-2012, 03:10 PM

زهرة الحب

زهورتي حبيبتي تسلميلي ياذوق والله يسعدك ويحميكي يارب وإن شاء الله توصلي بخير وسلامة لعند أهلك وتشوفيهم بخير الله يسعدك يارب وبجاه الحبيب المصطفى تبشرينا بخبر حملك حبيبتي هاد الشهر يارب وبعرف عم عذبك معي بالصور تحمليني هههههههههههههه

مع كل الود
♥ تحياتي (^_*) ♥

أم ملاك ومالك

06-18-2012, 03:11 PM

زهرة سورية

هلا ياغالية مشتقتلك والله وملاك بتبوسك الله يخليكي يارب والله ياحبيبتي الله يرحمنا برحمتوا ع هل شوب .. مالك بخير وبيبوسك شكلي عم عذبوا هههههههه .. الله يسلمك يارب ويطعمك مراد قلبك حبيبتي ونفرح بخبر حملك عاجلا" وليس آجلا" بإذن واحد أحد .. كان الموعد تمام لولا ملاك ههههههههههههه خربة علي الجو بالبيت وخلتني بعد نص ساعة خفف المكياج وضب شعري وغير أواعي خخخخخخخخخخ صارت تتحكم فيني هههههههههههههه .. الله يسعدك ياقلبي ويحمي أهلك طمنيني كيف اهلك ؟؟ يارب يكونوا بخير
مع كل الود
♥ تحياتي (^_*) ♥

أم ملاك ومالك

06-18-2012, 03:16 PM

سروءة

حبيبة قلبي أم جود ولك ابوس روحك انا تسلمي لقلبي وتقبشني جود العسولة الله يحميها يارب صورها بتجنن ماشاء الله وتبارك الرحمن عليها أمانة كل يوم الصبح والمساء اقرايلها سورة الكرسي والمعوذات اي لاتنسي ها وبوسيلي هيا ألف بوسة ويارب يكونوا أهلك بخير .. راح اجرب ادهن زيت زيتون اذا الله راد حبيبتي .. والله يهنيكي يارب ويبارك فيكي حبيبتي وبالنسبة للصحون هدول ملاك جابتهم فأخدتهم قلت منيح هلق بتشتري لبوبو وبكرا بتقتلوا هههههههههههه ... إن شاء الله يارب الله يسمع منك ,, الله يريح قلبك ياعمري والله خايفة كتير إن شاء الله حبيبتي راح انتبه .. ادعيلي الله يكمل حملي ع خير

مع كل الود
♥ تحياتي (^_*) ♥

أم ملاك ومالك

06-18-2012, 03:20 PM

سيلاااااااا

ياقلبي أنتي كيفك وكيف كرومة العسل ماشاء الله هانت الله يهونها عليكي وتكون ولادتك متل رمش العين ياقلبي لاتأكلي هم ولاتفكري كتير ربنا مابينسى عبادوا الله أكرم واحن علينا من أي إنسان ياحبي وكلي أمرك لله وبإذن الله رح تتيسر أمورك ويلا ناطرين نشوف جهاز كرومة العسول إن شاء الله بيتهنى فيهم يارب ويكون بار إلك ولابوه حبيبتي ,, لا ماحجزني ههههههههههه حجزتني ملاك بكرا بتشوفي شو راح يصير بس ينور كرومة العسول .. الله يحميكي ويحمي أهلك يارب .. وبالنسبة لوجع الاجرين عادي حبيبتي انتي بس تتسطحي رفعي رجليكي ع مخدة .. وبالنسبة لنشاط حبيبتي ماشاء الله وتبارك الرحمن عليكي عادي والحمل بيختلف من وحدة لوحدة وانا بنتي ماحسيت بشي أبدا للولادة أما هاد البطن فطالع الفرق هههههههه .. الله يحميكي ويقومك بخير وسلامة يارب

مع كل الود
♥ تحياتي (^_*) ♥

أم ملاك ومالك

06-18-2012, 03:23 PM

شام الهوى

حبيبتي شام الله يسعدك ويهنيكي يارب ويخليلك القطاقيط وتفرحي فيهم يارب بجاه الحبيب المصطفى ويرزقك توأم يارب وينولك مراد قلبك وبعدين شو ماشاء الله ع هل طبخات البتجنن جاري اللطش وبإنتظار طريقة الشاورما وإن شاء الله قريبا راح جربهم حبيبتي شكرا" كتير ع دعواتك الحلوة الله يخليكي يارب والله العظيم كلامكم بيريحني كتير وبيسعدني ربي لا يحرمني منكم أبدا" أنتوا أهلي بغربتي وملاك بتبوسك الله يحميلك أهلك ويخليكي حبيبتي

مع كل الود
♥ تحياتي (^_*) ♥

أم ملاك ومالك

06-18-2012, 03:25 PM

ضوء البدر

هلا حبيبتي منورة ياعسل وتشرفنا بمعرفتك وحياكِ الله ومافي فرق بين سورية ولا مغربية كلنا خوات بإذن الله والله يقومك بخير سلامة وتكحلي عيونك بشوفة البيبي ويكون بار إلك ولابوه ومن الصالحين وحافظين كتاب الله يارب .. أنا أم ملاك من حلب زوجي فلسطيني أردني وعندي بنوتة أسمها ملاك عمرها سنة و3 شهور و4 أيام الله يخليها يارب وحامل بالاسبوع 28 و6 أيام ادعيلي الله يتمم حملي ع خير ياقلبي

مع كل الود
♥ تحياتي (^_*) ♥

أم ملاك ومالك

06-18-2012, 03:27 PM

عبيررررررررررررر

أم حمودة العسول تبارك الله عليه .. وين غبتي وحرمتينا من صوروا يلا بدي صور العسول أبوسوا أنا .. يارب تكونوا بخير اشتقتلك ياعسل .. كيف أهلك طمنيني عنهم الله يحميهم يارب

مع كل الود
♥ تحياتي (^_*) ♥

أم ملاك ومالك

06-18-2012, 03:29 PM

وردة حلب

ياحلوة كيفك ؟؟ وكيف القطاقيط ؟؟ يارب تكونوا بخير .. اشتقتلك كتير .. الله يعطيكي العافية يارب ... سلامة قلبك ياعسل خير شو صاير معك ..كيف اهلك طمنيني عنهم ؟؟ الله يحميهم يارب .. و الله يجعلكم دايمين لبعض يارب ويهنيكم ويسعدكم يارب .. لاتغيبي كتير إلك وحشة

مع كل الود
♥ تحياتي (^_*) ♥

أم ملاك ومالك

06-18-2012, 03:30 PM

هايدي

عسى غيابك خير ياقمر اشتقتلك كتير طولتي الغيبة يارب تكوني بخير أنتي وهنودة العسل .. الله يحميكم يارب ويقومك بخير وسلامة ويوفقك بدراستك ونشوفك أشهر دكتورة يارب .. قلبي معك .. يارب نطمن عليكي بأقرب وقت

مع كل الود
♥ تحياتي (^_*) ♥

أم ملاك ومالك

06-18-2012, 03:32 PM

هديل

حبيبتي هديل ربي لايحرمني منك وإن شاء الله تقومي بخير وسلامة أنتي والعسولة يارب وبالنسبة لتربايتها لاتخافي الله بيعينك وإن شاء الله راح تقلد أمها وماشاء الله عليكي دين وأدب وأخلاق الله يحميكي يارب والله يطمنك ع أهلك ويحميه يارب بجاه الحبيب المصطفى وع قبال مانشوف تجهيزات عروستك يارب ,, وملاك بخير وبتبوسك ياقلبي ,,,,,,,
أي حبيبتي رحت عملت تنظيف بشرة عادي مو عميق وحواجب وبدكير وسيشوار ومكياج ودفعة 280 ريال يخرب بيتون حسيت أنه كتير غالي مابعرف ليش صايرة كتير عم قارن بين هون وسورية ههههههههههههههههه... والاجواء كانت حلوة بس بعد نص ساعة ربطة شعري وخففت المكياج لاني ملاك خانم ماعرفتني وبطلت تقرب علي وصرت قول لابوها ليش جايبلها مرت اب جديدة هههههههههههه بس جوزي عجبو وبالاخص صرلي اكتر من 9 شهور مش عاملة لا مكياج ولا اي شي حتى حمرة الله وكيلك ماعم حط شي ابدا" .. بس طبعا" بلبس وبتشخلع خخخخخخخ .. يلا بشجعك تروحي انتي كمان وتغيري حالك والله الله يعين الرجال بفترة حملنا .. وشكرا" كتير ع الدعوات الحلوة .. الله يسعدك وينولك مراد قلبك يارب

مع كل الود
♥ تحياتي (^_*) ♥

أم ملاك ومالك

06-18-2012, 03:34 PM

وردة سورية

كيفك ياحلوة يارب تكوني بخير أنتي وأهلك .. الله يحميكم يارب وترجعي بخير وسلامة لعند زوجك يا عسل .. كوني بخير قلبي معك .. اشتقتلك كتيررررررررررررررررررررر

مع كل الود
♥ تحياتي (^_*) ♥

أم ملاك ومالك

06-18-2012, 03:36 PM

سامحووووووووووووووني ياعسولااااااااااااات إذا نسيت حداااااااااااا

بحبكم كتيررررررررررررررررر

مع كل الود
♥ تحياتي (^_*) ♥

عبير اسماعيل

06-18-2012, 04:18 PM

يسعد مساكون
كيقكون؟؟ يارب يكون الكل بخير

عبير اسماعيل

06-18-2012, 04:19 PM

اهلين جوري كيفك؟
ان شاء الله متل ما ودعتي تلاقي

عبير اسماعيل

06-18-2012, 04:26 PM

عبيررررررررررررر

أم حمودة العسول تبارك الله عليه .. وين غبتي وحرمتينا من صوروا يلا بدي صور العسول أبوسوا أنا .. يارب تكونوا بخير اشتقتلك ياعسل .. كيف أهلك طمنيني عنهم الله يحميهم يارب

مع كل الود
تحياتي (^_*)

‏ لك يخليلي ياكي ولا يحرمنا من سؤالك يارب
والله بحسك حنونه المنتدى ‏
فيكي الخير ام ملاك ربي يخليلك بنتك ويقومك يالسلامه

انا منيحه بس خايفه كتير هكلانه هم طهور حموده ماني عرفانه ‏
ناس بينصحوني بالجراحه وناس بالحلقه
الله يهن علينا يارب

عبير اسماعيل

06-18-2012, 04:28 PM

جوري انتي شو طهرتي ابنك ووين ؟؟؟؟؟

jorri sham

06-18-2012, 05:35 PM

هلا عبوورة
تسلمي يااارب .. اي طهرتو من زمااااان كان عمرو 20 يوم ..
دكتور بريااض جدا شااااااااااااطر وتطهيرو متل زمان قص ومدري كيف موو ع الكهربا هيك صحي اكترر اللي متل زمان ...
اسم الدكتور فيصل صافي فلسطيني عندو عيادة خاصة بالعليا از ا حاب ة تطهريه عندو خبريي اعطيكي العنوان بالضبط ..
صحي انتي اديش صار عمر حموودة
الله يحفظلك ياه يارب

رنووومة

06-18-2012, 09:25 PM

مساااا الخير بات كيفكم ان شاء الله بخير انا منيحة بس ظروغنا هون تعبانة كثير قصف باليل وقال ممكن تصير مجزرة هون امانة ادعولنا الله يفرجها على شعب سوريا وامة محمد صلى الله عليه وسلم

@أم يويو@

06-18-2012, 11:25 PM

أم يويو

حبيبة قلبي الله يقومك بخير وسلامة الله بيعلم أني بحبك ياقلبي الله يحمي أهلك وأهالينا يارب وتنتهي هل أزمة ع خير بيكفي طولت كتير .. الله يهنيكي يارب و ع قبال مانشوف ديارة يوسف الامور الله يخليلك ياه يارب وتشفيه بخير وسلامة ياقلبي ويكون بار إلك ولابوه يارب ..الله يهنيكي ياقلبي كلك ذوق ياحبيبتي هههههههههههه تسلمي لقلبي ع كلامك الحلو ,, بالنسبة للكريم حبيبتي وين فيني لاقيه يعني موجود بالصيدليات ولا شو ؟؟ ,, حبيبتي بنصحك تروحي ع شي مركز تجميل وتعملي كل الي بتتمنيه لأني بعد الولادة راح تغني راحت علي ياحبيبي راحت علي ههههههههههه والله جيت من الصالون عجب جوزي كتير بس بنتي الله يهديها ماعرفتني خخخخخخخ وصارت تبكي بشكل مو طبيعي وماقربت علي أبدا" فصرت قلوا لابوها شو ليش جايبلها مرت أب جديدة ههههههه ومافي نص ساعة كنت ضبية شعري وخفف المكياج وغيرت لبسي لحتى سكتت ههههههههههه شو رأيك بقى ؟؟ ,,,
الله يسلمك يارب ويخليكي ويطمن قلبك حبيبتي تسلمي الله لايحرمني منكم أبدا"

مع كل الود
♥ تحياتي (^_*) ♥

تسلمي حبيبتي القلوب عند بعض الله يعلم وانا حبيتك كتير وحبيتها لملوكه كتير الله يحميها يااارب

وتشوفيها بالطرحه البيضا

الله يسمع منك ويقومنا انشالله كلنا بالسلامه شكلنا رح نولد ورا بعض ربي يسهلها علينا

بالنسبه للكريم موجود بالصيدليات وفي منو للصدر ولتشققات البطن رهيب صراحه ووكتير استفدت عليه

الله يسامحها لملوكه ليش عملت هيك

الظاهر لازم لحق حالي ولحق حالي هلأ احلى ماابني اوبنتي يعمل فيني متل ملوكه هههههه

الله يخليلكياها ياقلبي بوسيلياها تسلملي عينها

وسلاام كبير من يوسف ابني لرفيقو مالك

عبير اسماعيل

06-18-2012, 11:29 PM

‏ جوري يخليلي ياكي يارب صرلي فترة عم شوف وينك ‏
لا لقيتك عالماسنجر ولا بالمنتدى مشان أسألك بس اليوم طهرتو
كمان عالطريقه القديمه جراحه يعني مو كهربا يسلمو ايديكي

@أم يويو@

06-18-2012, 11:46 PM

مساااا الخير بات كيفكم ان شاء الله بخير انا منيحة بس ظروغنا هون تعبانة كثير قصف باليل وقال ممكن تصير مجزرة هون امانة ادعولنا الله يفرجها على شعب سوريا وامة محمد صلى الله عليه وسلم

الله يحميكم من كل شر ياااارب

ويبعد الاذى عنك وعن بناتك ياقلبي

بعيدالشر حبيبتي

الله بفرجها عليكم قريييييييب ياااربي

@أم يويو@

06-18-2012, 11:49 PM

‏ جوري يخليلي ياكي يارب صرلي فترة عم شوف وينك ‏
لا لقيتك عالماسنجر ولا بالمنتدى مشان أسألك بس اليوم طهرتو
كمان عالطريقه القديمه جراحه يعني مو كهربا يسلمو ايديكي

انشالله الف مبرووك عبورره على طهور حموودي

انشالله ماعذبكم ؟ ومايكون تعب عليك بعدالطهور

عقبال ماتشوفيه عريس وتفرحي فيه

بوسيلياه

عبير اسماعيل

06-18-2012, 11:56 PM

ام يويو.....
اهلين كيفك ؟؟؟
يبارك فيكي ربي ‏..‏ لا الحمد لله من المغرب لهلء نايم
بس بفيق بينعص شوي وبرجع بينام ان شاء الله مايعزبني
بالليل
انتي كيفك وكيف البوبو؟؟؟ يارب تكوونو بخير

عبير اسماعيل

06-19-2012, 12:02 AM

جوري آسفه سألتيني ع عمر ابني ‏
صار عمره ست وعشرين يوم
صرلي اسبوع محتارة مشان شغله هالطهور
والله كنت هكلانه الهم بس يارب ما يتوجع بالليل
عندي مراجعه بكرة الساعه سته المسا مشان يفكلو الشاش
ويعطينا المرهم ويشوف الجرح ‏...‏ الله يهونها عليي

عبير اسماعيل

06-19-2012, 12:18 AM

رنومه ياعمري الله يفرجها عليكون
والله الوضع بسوريا غصه بقلبي
فرحتي بكل شي ناقصه وبضل بالي عند ياللي هونيك
خصوصا اخواتي الله يحميهون يااااااارب
والله يحميكون وترجع بلادنا آآآآمنه سالمه يارب

@أم يويو@

06-19-2012, 12:59 AM

ام يويو.....
اهلين كيفك ؟؟؟
يبارك فيكي ربي ‏..‏ لا الحمد لله من المغرب لهلء نايم
بس بفيق بينعص شوي وبرجع بينام ان شاء الله مايعزبني
بالليل
انتي كيفك وكيف البوبو؟؟؟ يارب تكوونو بخير

اي الف الحمدلله ياارب

انشالله يتهنى بنومتو حبيبي ويريحك

انا الحمدلله بخير بشكرالله والبوبو يبوس ايدك وخدك

jorri sham

06-19-2012, 01:11 AM

عبوورة الحمدلله عسلامتك ابنك ونشالله ما يشووف شر
انا بعرف انوو ما بيصير يفكلو ياها الدكتور لحالا بعد يومين تلاتة بتففك بس ضلي حطيلا وخرقيا بزيت الزيتوون او بالمعقم بيجي لونو بني غامق اسود ازا بتعرفي ..
وبس تفك بيعطيكي معقمااات وكرريم بتصير لونا احمرمتل الدم وشي 10 ايام 15 بيرووح اللون بتصير طبيعي انا هيك بعرف
ةوالعززاب الله يعينك انا ضل ابني 3 ايام لحتى خف وما تووجع ..
يلا سلامتو والعممر كلوو يارب .....
وصحي بيرضع منك ولاصناعي

jorri sham

06-19-2012, 01:12 AM

ام يويو شكلك جدديدة اهلا وسهلالا فيكي بيناتنا لو متاخرة بس كنت غايبة عند التجممع الحلوو انا ..
عرفيني عن حالك حبيبتي ..
انا بعرفك ,,,

سورية شامية عمري 17 متزوجة من سنة ونص وعندي ولد واحد عمرو 7 شهور الا اسبووع اسمو يزن يزوونتي هههه

hadeel al rouh

06-19-2012, 03:29 AM

السلام عليكم ياحبوبات ‏
مييييين فاااااااايقة؟

@أم يويو@

06-19-2012, 09:31 AM

ام يويو شكلك جدديدة اهلا وسهلالا فيكي بيناتنا لو متاخرة بس كنت غايبة عند التجممع الحلوو انا ..
عرفيني عن حالك حبيبتي ..
انا بعرفك ,,,

سورية شامية عمري 17 متزوجة من سنة ونص وعندي ولد واحد عمرو 7 شهور الا اسبووع اسمو يزن يزوونتي هههه

اهلين فيك حبيبه قلبي

اي والله جديده عالتجمع

تشوفت بمعرفتك حبيبتي وياارب يحميلك يزوونه الامور اسم الله صار زلمه صار لازم تشوفيلو عروس ههههه الله يفرحك فيه ياارب

بس موكأنك صغيره شوي الله يحيميك

أنا سوريه من ديرالزور وعمري 23 سنه وهذا اول حمل الي الحمدلله كمان صارلي شي سنه و4 شهور مزوجه ومقيمه حاليا بالكويت

ودخلت شهري الحمدلله وعم جهز لولادتي هلأ

الله يسهل علينا جمييع يارب

انت شكلك مقيمه بالرياض؟؟

jorri sham

06-19-2012, 08:16 PM

هلا فيكي حبيبتي
اي والله زغيرة ع زواج بس الحمدلله كلوو اسمه ونصيبب ومملاقي حالي صغيرة ع الولاد
بس الحمدلله انا بحب الولاد وطلعت اد المسؤوولية ههههههههههه مع انو ما توقعت حالي كون اد مسؤولية الزوااج
المهم ,,,,, قلتلك قصه حياتي هههه

وانا تشرفت بمعرفتك والله يقوومك بسلامة يارب شو معك بنت ولا ولد وشو رح تسمي_ها ...
اي انا مقيمة بريااض .......

سرووءة

06-19-2012, 08:25 PM

عبوورة الحمدلله عسلامة ابنك
ماحكيتبلي شلون لاقيتي القيصري متل ماحكيتلك ولااصعب

جوري
متل ماودعتي تلاقي
كيفن اهلك وهنن وين بالشام
صح انا نزلت صور جود بالصفحات الاخيرة
اذا بتحبي تشوفين

عبير اسماعيل

06-20-2012, 01:40 AM

[quote=سرووءة;2345190]عبوورة الحمدلله عسلامة ابنك
ماحكيتبلي شلون لاقيتي القيصري متل ماحكيتلك ولااصعب

الله ‏
يسلمك ‏
سروءة ‏...‏ ماشاء الله شو هالجود هي ‏
اسم الله يحفظها دخيل قلبها شو قريبه للقلب ‏،‏ الله يخليلك ياها
الحمد لله لقيتها سهله بس أول يوم صعب ما كنت أقدر شد ضهري
مشان المشي بس بعدين الحمد لله الله هونها
بالعكس صايرة القيصريه حديثه وبرأيي اسهل من الطبيعي،‏ ع هوات
ماشفت اللي حوليي ماكانو يقدرو يقوموا دغري ‏،‏

عبير اسماعيل

06-20-2012, 02:43 AM

جوري ما جاوبتك ع سؤالك آسفه
والله عم يشرب صناعي واحيانا طبيعي لأنو الطبيعي
ماعم يشبعو ‏..‏ وعملت بنصيحتك حليب مع جوز الهند
وماي لحمه وجاج بس مافي نتيجه

jorri sham

06-20-2012, 04:13 AM

سرووءة الله يسلمك حبيبتي
انشالله بدي ارجع شووفن .. الله يخليلك ياها يارب
عبورة
اي مو مشكلة في نسوان اد ما عملو حليبن بيكون خفيف المهم صحتين على قلب حموودة الحلووو ...
كيفكوون يا بناات والله شتقتلكككن
وحاسة حالي مكتئبة بدوون اهلي رح مووت علييهن ... ما عم انبسط بشيي وبالي عندن وعم اتزكرهنن ... بس الله يصبرني على فراقن مالون يومين وهيك عم قوول كيف بدي اتحمل شهر كااامل ...........

jorri sham

06-20-2012, 04:47 AM

سرووءة دورت بس ما قدرت لاقين اززا بتقدري حياتي تحطيلي رقم الصفحة لي نزلتي فيهن ياريت او اسهلك ردي نزلين لي بتحبي
لاني مشتاقة شووف جوود الحلوو ة

@أم يويو@

06-20-2012, 10:04 AM

جووري حبيبتي طمنيني عنك انشالله تكوني بخير

متل ماودعت تلاقي

الله يسامحك يومين

الله وكيلك ماعم شوف اهلي غير من السنه للسنه وهلأ قرب موعد ولادتي وعم حاول جيب امي اهلي عندكم بالرياض ولهلأ مابين شي

وخايفه اني اولد لحالي

بس الحمدلله على كل حال

ادعيلي الله يسهل جيتهم اليوم يبين معي وياارب يكون خير

الله يرجعلك ياهن بالسلامه يارب ويهون عليك ياقلبي

بالنسبه لسؤالك حبيبتي فأنا عندي صبي انشالله

وناويه سميه يوسف بازن الله كتييربحبو لهالاسم من زمان

الله يفرح قلبك بشوفه اهلك سالمين ويخلهم فوق راسك

@أم يويو@

06-20-2012, 10:09 AM

سلوله حبيبتي وينك اشتقنالك شواخبارك طمنيني؟

شام الهوى ياقلبي والله مستفقدتلك كتيير وين هالغيبه يااارب يكون خير

هدووله كيفك ياقلبي طمنيني عنك

ام ملاك شلونك ياغاليه وشلونها ميمي الاموره

ناطرتك تطمنيني عن مالك

الله يفرحك بشوفتو سليم ومعافى

سرووءة

06-20-2012, 12:35 PM

جوري
هاد الرابط

http://forum.hwaml.com/t89464-427.html

jorri sham

06-21-2012, 01:57 AM

ام يويو حبيبتي الله يعينك يمكن انتو تعودتو ع لغربة بس انا لسه جديده عليها هههههه...
الله يقومك بسلامة وييسر جييت امك كنت قبل بوقت يعملولك كرت زيارة عرياض انتي اخف ازا اجيتي لهون من امك
ويقومك بسلامة ويسهل عليكي ياربب .. وعاشت الاسامي من هلئ ع اسم يووسف كتير حلوو وانا كمان بحبوو ..

سرووءة يسلموو اديكي ع رابط
وماشالله الله يحفظها كتيييييييييييير نعوومة وحلووووووووووووة ه جوجو ..
بس مين بتشتبه .. جد هي صبية التجمع الاموورة الله يحفظظها

jorri sham

06-21-2012, 01:59 AM

كيفكن يا صبايا شو اخباررررررركم
ويونننننننننننكم غاايبين مو مبينيين انا ويزوونة تمام
كنت سهرانة عند بيت حماييييي وهلئ رجعنا وتعشينا شاوورما يميمممممممم ..
انتو اخباررررركم ؟

ياسمين شامي

06-21-2012, 02:41 AM

مرحبا يا بنات

شو مافي حدا سهران ؟؟؟؟

@أم يويو@

06-21-2012, 03:04 AM

اهليين ياسمين

هلاياقلبي

انا فايقه

كيفك شواخبارك؟

@أم يويو@

06-21-2012, 03:16 AM

[QUOTE=jorri sham;2348992]ام يويو حبيبتي الله يعينك يمكن انتو تعودتو ع لغربة بس انا لسه جديده عليها هههههه...
الله يقومك بسلامة وييسر جييت امك كنت قبل بوقت يعملولك كرت زيارة عرياض انتي اخف ازا اجيتي لهون من امك
ويقومك بسلامة ويسهل عليكي ياربب .. وعاشت الاسامي من هلئ ع اسم يووسف كتير حلوو وانا كمان بحبوو ..

]
يسعدلي صباحك جوري حبيبتي

والله تعودنا ومشي حالنا الف الحمدلله على كل حال

المشكله هون كان بدنا واسطه لانن مانعينا نحنا السوريين من الزياره ومامشي حالها

هلأ اهلي يقولولي انت تعي وجوزي بيقول ضلي هون واحترت كتير والله

تسلمي ياقلبي من زوئك والله

يخليلك يزون الامور ويفرحك فيه

ويوسف بيبوسو

أم عائشة

06-21-2012, 11:06 AM

كيفكم صبايا

سامحوني كتير مشغولة مع تونزي طهرتهم وتعبوني كتير بس الحمدلله على كل حال
شواخباركم

أم عائشة

06-21-2012, 11:08 AM

سرؤؤؤؤؤؤة ماشاءالله تبارك الخالق بتجننننننننننننننن جود
خلاص حجزتها لابني احمد
شوقلتي موافقة.?*

jorri sham

06-22-2012, 05:35 AM

ام يويو مو مشكلة الله ييسر ولادتك اهم شي
بعرف وحدة تعسرت جية امها هي بلكويت كمان .. وصغيرة عمرا 20 يمكن
وسبحان الله ولدت وكتير كانت ولادتها سهلة الله بيكون معك انشالله .... وازا عندك حماتك او حدا قريبك مو مشكلة ....

ام عاائشة لحمدلله ع سلامة ولادك ابراهيم واحمد
والله زكرتيني وقت طهررت يزوون حلفت بعدا ما جيب صبيان لانو بيتعزبوو كتير بيعتلي حممىىىىى .. اخ شو صعب انا ماما صورتلي فيديو طهوور يزن مابعرف كيف تحمل هالووجع تخيلي بس ورح تتالمي كتير:(:( <<رح ابكي شووي تانية ههههه
الله يحفظلك ياهن يارب

jorri sham

06-22-2012, 05:37 AM

هديل هاييدي سروءة سلووولة ام عائشة ام ملاك
شام لهووا وردة سورية
عبوورة زهرة الحب .. ام يويو كيفكن شو اخباركن نشالله ماكوون نسيت حداااااااا
شتقتلكن كتير وينكن غايبين ان شاءلله يكوون عزركم ع خيرررر

@أم يويو@

06-22-2012, 12:13 PM

جوووري ياقلبي الله يسمع منك انشالله

تسلميلي انت وكلامك اللي بيريح

عندي بس رب العالمين ماحيخيبني انشالله

طمنيني كيفو ابوالزوز انشالله بخير؟

اسم الله عليه

نزليلنا الو صور جديده الله يخليك

لشوفوشلون كبران وحليان

بوسيلياه اماانه

@أم يويو@

06-22-2012, 12:15 PM

ام عااائشه الف مبروك على تطهير الاولاد

يللا خلصت الحمدلله وكلها كم يوم ويرجعوا متل ماكانوا واحسن

لاتطولي علينا الغيبه ها

أم دجانة

06-23-2012, 12:52 AM

مرحبا يا صبايا أنا أول مرة بدخل معكم بالتجمع هون وبتمنى تقبلوني بيناتكم

حامل بالأسبوع التاني من الشهر الرابع ادعولي الله يمضي هالكم شهر على خير

@أم يويو@

06-23-2012, 02:42 AM

اهلا وسهلافيك ام دجانه

منورتنا والله

عرفينا عن حالك اكتر

الله يمضي الاشهر اللي باقيلك عالخير

وتفرحي بشوفه النونو بين ايديك سليم ومعافى

hadeel al rouh

06-23-2012, 03:45 AM

السلام عليكم ورحمة الله
بتمنى تكونوا كلكون بخير وعافية يارب
الله يفرجها على سوريا وعلى شعبها
يارب

silla

06-23-2012, 03:10 PM

مرحبا بنات كيفكم انا اسفة ع غيابي
عم حاول اشغل حالي هالايام كتير .. وعم نام كتير .. وعم استقبل ضيوف
كل مااقعد لوحدي بتزكر ماما وشوقي لاهلي وولادتي كلمالها عم تقرب
ياربي تفرجها ع سوريا وع شعبها اللي هلكو يارب عجل فرجك عليهن ياااااااااالله مالن غيرك
الله ينهيك ويدمرك يا بشار وياكل حدا بقول انا مع بشار الله يبيدكم ويخلصنا منكم قريبا عاجلا غير اجل يااااااااااااااارب
يااااااااااالله .... يارب تخلص سوريا باسرع وقت يارب تحمي شعبها البريئ الشريف يارب تحميهن بحمايتك يارب

silla

06-23-2012, 03:27 PM

جووووووووووري حبيبتي الله يصبرك ويعينك فراق الاهل صعبببببببببببببببب

كيفو يزونتك عم يعقل ولا العكس ههه بس قولي اول ولد وماعندو اخ او اخت ما بظن يتعبك الله يخليلك ياه يارب ...

ام يويو ياقلبي تسلميلي وشكرا ع سؤالك عني ... الله يكون معك ويساعدك ويعينك عالولادة ويارب تتيسر جية امك ...انا جية امي مستحيلة .... الوضع ما بيسمح وحماتي وضعن صعب بس بتجي يعني هههههههه بس انا بالنسبة الي بهيك وقت جيتها بتصعب علي الموقف اكتر واكتر وفي هون عندي رفقات هنن عرضوا وقالوا ما منتركك بس بقا لنشوووف انا المهم عندي جوزي يارب يتحمل مسؤوليتي هديك الساعة مابخاف من شي ....

ام ملاك الامورة .... هههههههه ماعرفتك ملوكة ياااالله يلعن ديبك بدك قتل مكياج ماعدتي حطيتي عالقليلة مسكرة وشوية كحل
تعي شوفيني انا الحامل ما بشيل الكحل والمسكرة اول مابفيق وحياتك خخخخخخخخ
بس جد مابصير هيك تهملي حالك بالمرة ولوووو اد ماكانت نفسيتك ولا وضعك .... اتوصيلنا بابو مالك هههههههه

هدولتي حبيبتي كيفك ياعمري شو اخبارك ان شالله تمام ومافي شي تاعبك .. لا تقليلي عم تعملي عزايم او تفرمي تبولة لسا هههههه .... كيفو البيبي او البيبية ... ان شالله صرتي تحسي بحركاتو ...
كيفن اهلك ان شالله وضعن صار احسن ..؟؟؟

عبووووووووووورتي ان شالله الف هنا طهرتيه بقا خلللللللللص بدنا نجوزو معناها هههههههه الله يخليلك ياه ويشفيلك ياه ويعافيه وما يضرك فيه يارب

ام عائشة ان شالله الف الف مبروك طهرتي توينزك الامور الله يعافيهم وان شالله فورا بطيبوا ....
طمنينا عليهن ..

سرووووووووءة جودي الامورة سرقتك منا هههه هيك بيلهي البيبي ...؟؟؟ هالقد ..؟؟؟؟ سبحان الله الله يحميها شو كربوجة بوسيلي ياها

رنووووووووووووووومة الله يحميكم اسال الله العظيم ان يحميك ويحمي بناتك واهلك وزوجك من كل اذى وضرر الله يكون معكم ويساعدكم ويصبركم يارب ...

وردة حلب وزهرة سوريا وشام الهوى وزهرة الحب وهايدي كييييييييييفكم ووينكم شو هالغطة ؟؟؟؟؟؟؟؟؟؟ ان شالله تكونو بالف خير الله يحميكم ...

سامحوني ازا نسيت حدا ...... بحبكم كلكم الله يفرجها ع بلدنا سوريا باسرع وقت ياااااااااااااااارب

أم خالد 1980

06-23-2012, 03:57 PM

السلام عليكم ورحمة الله وبركاته،،،
بتمنى أنضم لمجموعتكم الحلوة والشيقة بالأحاديث....أنا جديدة بالمنتدى ومقيمة بقطر ومتزوجة جديد وحابة والله كريم الله يرزقني بالذرية الصالحة ومايحرمها لحدا.....

@أم يويو@

06-23-2012, 06:46 PM

تسلمي لقلبي سلولتي الغاليه

الله يسمع منك ويهون علينا ولاداتنا نحنا التنين

لاني صفيت متلك كمان جيه الماما مامشي حالها وحماتي بسوريا يعني صعب كتيير انها تجي

وانا بيني وبينك بهيك موقف بتنراد الام وبس بس شوبدنا نعمل الف الحمدلله على كل شي

هون المشافي منيحه وجوزي كمان متكفل بكل شي يقللي انت بس اولدي ورضعي البيبي وخلي

الباقي علي

وانشالله بعدما اولد بشهر رح روح على اهلي عالرياض لشوفن ويشوفوني ويشوفو يوسف

افندي كمان هههههه

الظاهر بدن شوفه يوسف اكتر حتى من شوفتي

كمان رفقاتي اللي هون قالولي ماحنتركك بس على قولتك بالولاده ماحدا بيساعدنا غير حالنا

الله يسهلها علينا ويقدر ازواجنا يكونوا قد المسؤوليه

زهرة الحب

06-23-2012, 07:41 PM

مرحبا بنات كيفكن وشو اخباركن انا اشتقتلكن كتير

ج و ر ي : كيفك ياحلوة وكيفها يزونة العسل الله يعينك اشتقتي لاهلك الله يرجعهن بسلامة يارب كتير صعبة الفرقة والغياب

س ر و و ء ة : كيفك ياقمر ماشاء الله شو كبرانة جود وحليانة الله يحميها وماشاء الله العرسان بلشوا يتقاتلوا عليها ههههه

أ م ع ا ئ ش ة : مبرووووك طهور الاولاد يارب تشوفيهن عرسان وتفرحي فيهن

ه د و ل ة : كيفك ياعسل وشو اخبارك وكيف الحمل معك

س ي ل ا: مين يارب الله يسمع منك ايه منيح حبيبتي عم تلهي حالك الله يحمي اهلنا يارب

ش ا م ا ل ه و ى: وينك ياعمري وين هالغيبة اشتنقنالك كتير وين شيفتنا الحلوة وكيفك وكيف الاولاد

و ر د ة ح ل ب: كيفك ياعسل وين هالغيبة كمان انتي غايبة صلك فترة منيحة اشتقنالك يارب تكوني بخير

أ م ي و ي و: مرحبا ياقمر كيفك وشو اخبارك وايمت رح تولدي بإذن الله يسرلك يارب ويجي يوسف ويارب يكون جماله واخلاقه متل سيدنا يوسف عليه الصلاة والسلام

زهرة الحب

06-23-2012, 07:46 PM

ع ب و ر ة: كيفك شو محمد اخدلك كل وقتك اله يخليلك ياه يارب وتفرحي فيه

ر ن و و م ة: الحمد الله انك بخير وصحة تامة يارب الله لايقدر يصير شي الله يحميكي ويحمي بناتك اطلع من منطقتك وروحي على غير مكان وخبرينا وطمنينا عنك

هايدي وزهرة سوريا ينكن والله اشتقنالكن كتير هايدي امانة تخبرينا عنك لو خبر بس نطمن انك بخير يارب

أم خالد وام دجانة اهلا وسهلا فيكن نورتوا

سامحوني اذا نسيت حدا منكن

زهرة الحب

06-23-2012, 07:53 PM

خبر عاجل :
أم ملاك : كتير تعبانة وفي احتمال تولد هاليومين ادعولها تقوم بسلامة لانو الولد لسا الحبل السري على رقبته وهي كانت عم تنضف المطبخ استعملت منظف فشمت ريحته وداخت وقعت بالمطبخ وغميت فترة وبعدين صحيت ومن وقتها مغص وتعب وراحت عالدكتورة قالتلها بداية اعراض الولادة وفي احتمال كبير تولدي هاليومين طبعا قيصيرية ادعولها وهي بتسلم عليكن كتير مابتقدر تحكي معكن لانو الاب توب عندها خربان وماعندها نت عم تحكي معي عالواتس اب

تاني خبر انو وردة سوريا بتسلم عليكن كتير كتير كتير وياحرام شو مشتاقة لجوزها وصوتها كتير تعبان كان لما حكيت معها واو ضاع بدرعا كتير سيئة والله حماها كانت تصوبت برصاصة بس الحمد الله ماصرلها شي بس ارتعبت ونفسيتها تعبت من الرعبة

زهرة الحب

06-23-2012, 07:59 PM

اما انا فا رح انزل على حلب يوم الاربعاء ادعولي ورح اقعد جمعة وارجع انا وجوزي بس اليوم اجى يخبرني خبر كتير زعجني انو المكتب اللي منحجز فيه مسكر واتصل على موبايل لاقاه مطفي ومامنقدر نروح على كراج حرستا لانو هينك قايمة القيامة عنجد الخبر صدمني ادعولي انزل الاربعاء لانو دااااااااااااب قلبي على اهلي كتير اشتقتلهن كتير كتير ومالي متحملة اقعد اكتر من هيك لانو بعدين جاي رمضان الله يجيبه بخير علينا يارب

silla

06-23-2012, 08:32 PM

والله كتييييييييييير خوفتيني ع ام ملاك ... الله يحميها يارب دخيلك الله يسامحها شو هالمنظف اللي هيك عمل فيها ... عنجد مستغربة
يارب الله يحميها ويحمي ابنها ويبعد عنهم الاذى ياحبيبتي ازا ولدت هلئ قيصري وفوق المنها ابنها رح يقعد بالحضانة يااااااارب دخيلك تكون معها وتحفظها وتحفظ اللي برحمها وتتم حملو وتجيبو بالسلامة يارب
تعطيها ابرة تثبيت هلئ بلكي تروح اعراض الولادة ...

ووردة ربي يكون بعونها ويحميها ويحمي اهلها ويجيبها بالسلامة يالله هاي نفسية كل حدا عايش بسوريا الله يدمرك يابشار
يارب ياااااااااااااااارب يالله افرجها عليهن عاجلا غير اجل يارب ضاقت فيهن الدنيا وانهكهن التعب ياربي من حسنة كل طفل بسوريا بريئ ومالو ذنب يارب تتولاهن وتحميهن بحماك يالله .... حسبنا الله ونعم الوكييييييييييل حسبنا الله ونعم الوكيل اللهم عليك بنظام الاسد فانهم لا يعجزونك اللهم عليك بهم يارب اللهم ابدهم وارنا فيهم عجائب قدرتك

وانت ياعمري الهي تتيسر جمعتك باهلك عاجلا غير اجل الله يعينك كتير حاسة فيكي من يللي انا حاسستو وصاير فيني
الله يجمعك باهلك باسرع وقت
ويجمعني باهلي عاجلا غير اجل يارب

silla

06-23-2012, 08:41 PM

تسلمي لقلبي سلولتي الغاليه

الله يسمع منك ويهون علينا ولاداتنا نحنا التنين

لاني صفيت متلك كمان جيه الماما مامشي حالها وحماتي بسوريا يعني صعب كتيير انها تجي

وانا بيني وبينك بهيك موقف بتنراد الام وبس بس شوبدنا نعمل الف الحمدلله على كل شي

هون المشافي منيحه وجوزي كمان متكفل بكل شي يقللي انت بس اولدي ورضعي البيبي وخلي

الباقي علي

وانشالله بعدما اولد بشهر رح روح على اهلي عالرياض لشوفن ويشوفوني ويشوفو يوسف

افندي كمان هههههه

الظاهر بدن شوفه يوسف اكتر حتى من شوفتي

كمان رفقاتي اللي هون قالولي ماحنتركك بس على قولتك بالولاده ماحدا بيساعدنا غير حالنا

الله يسهلها علينا ويقدر ازواجنا يكونوا قد المسؤوليه

يييييييييي ع بالي امك كمان بسوريا
واهلك ليش عايشين بسعودية يعني ولا كيف ؟؟؟

والله غريب ما تجي حسبي الله ونعم الوكيل بس ازا اهلك بسعودية اي لا تاكلي هم يعني اولدي واطلعي من المشفى وعادي جدا تسافري لعندها بتقعجدي عندن بتدير بالها عليكي
وضعك سهل الحمد لله ...

وطبعا بهيك مواقف الام وبس والله بحب حماتي وعلاقتنا كويسة ولانو علاقتنا كويسة مابدي ياها تجي بخاف يطلع مني شي بهيك موقف يخليها تاخد مني موقف لانو الحماية مابتغفر متل الام وحماتي بتزعل ازا حسستها انو بدي امي اكتر مابدي ياها ااااااااااااااااااااخ ياامي .. الله يخليلي ياكي ياروحي وياقلبي ياامي يااغلى الغلا تقبري قلبي ياروحي شو شتقتلك ياغااااااااااالية والله مشتهية نام بحضن امي يابنات حاسة حالي طفلة صغيرة من حاجتي وشوقي الها .. ومابقدر احكي معها ولا قلها شي خطي ياعمري كل ما بحكيها بتغص بدموعها الغالية .... الله ينتقم منك يابشار الله ينتقم منك شر انتقام عاجلا غير اجل يااااااااالله اميييييييييييييين

@أم يويو@

06-24-2012, 01:41 AM

حبيبه قلبي زهورتي

ربي يسعد قلبك على هالدعوات المزوقين متلك ياحلوه

بالنسبه لولادتي عطوني اخر موعد يوم 20 -7 وليكني ناطره

بلكي اولد قبل لاني تعبت ومليت من هالوضع واشتقت لابو اليوس كمان

وانت وينك اشتقنالك والله ماتطولي علينا الغيبه هيك ها

يللا مسموحلك تغيبي عنا بس ايبوع تروحي تطمني على اهلك وترجعيلنا بالسلامه

انشالله تهدى الامور شوي وتلاقوا حجز

والله يفرجها علينا جميع

سرووءة

06-24-2012, 02:36 AM

يالله صرلي فترة مادخلت ودخلت هلأ قرات هالاخبار
امانة طمنينا عن ام ملاك
يارب تحمي جنينها يارب وتحميها

ووردة الله يحميا ويجمعا بزوجا عن قريب
امانة طمنيني عنن وان شالله تشوفي اهلك عخير

عبير اسماعيل

06-24-2012, 07:28 PM

زهرة الله يخليلي ياكي يارب
كنت ملتهيه بحموده فعلا طهرتو وبتعرفي الباقي

سيلا كيفك ياعمري الله يهون عليكي
اشتقتلك كتير

hadeel al rouh

06-24-2012, 10:41 PM

يارب كون مع اختنا ام ملاك الغالية
يامسكينة ياحبيبتي ياام ملاك حملك من الاول متعذبة فيو بس ان شاء الله عند ربك مابضيع شي
ان شاء الله بتقومي انتي ومالك الحلو بخير وسلامة يااااااااارب

hadeel al rouh

06-25-2012, 01:00 AM

عبورة وام عائشة الف مبروك تطهير البيبيات وان شاء الله بيرجعوا متل اول واحسن

@أم يويو@

06-25-2012, 01:38 AM

سلامه قلبك حبيبتي ام ملاك

ماتشوفي شر انشالله

استخيري ورب العالمين ماحيكتبلك الا الاحسن اكيد

وياارب يقومك بالسلامه ياقلبي وتفرحي بشوفتو لملوكه بين ايدك معافى وماعقلبو شرانشالله

طمنينا عنك ها

jorri sham

06-25-2012, 02:10 AM

ام دجانة اهلا وسهلا فيكي نورتينا عرفينا عن حالك اكتر

واهلا وسهلا فيكي كمان ام خالد نورتينا حبيبتي التجممع الله يرززقك الحمل عاجلا غير اجلا يارب ..

سلوولة لحمدلله يزن متل ما هوو عزابو بس بيسهرلي لل 6 صبح ماشالله عليها وام منفيق للعصر وهلئ عم حاول نظملو نومو لانو عم يعزبني ويؤبرني حركاتو حلياانةكتيررررر وعم يفهم ويكبر ماشالله عليه ..

الله يقوما بسلامة لام ملاك والله خوفتيني عليها بعد ما قلتي في ولادة نشالله تكون دخلت التاسع اهم شي حاكيا حبيبتي ورديلنا خبرررررررر امانة
شو اخبارك انتي نشالله بتوصلي بسلامة عند اهلك والله ييسرلك نزلتك ناشلله ..

ام يويو
شام لهوا وينك غايبة
سروءة كيفك وكيف جوجو حبيبتيييي. ..
رنوومة
ام ملاك نشالله تجي تخبرنا عن حالا ..
وردة سورية
سيلا
هدوولة
هايدي كمان غايبة نشالله على خير
انشالله ما كوون نسيت حدا شتتقلكن كتير

وانا اخباري ..
رحت نمت عند بابا يوومين مشا ن سليه وكمان مشان نضفلو لبييت ما في حدا من غير شر ينضفلو ياه وغسلتلو الغسيلات .. كمان
وليوم رجعت ع بيتي ......
يزونة منيح بس ما بتزمر صورتو صوور جديدة بس صورو فوورا بنزلن انشاللللللللللللله

شتئتلكن كتير كتير

جووووووووووووووريتكم ^^

silla

06-25-2012, 02:38 AM

هلاااااااا عبورتي لك كيفك
طمنيني كيفو هالعريس ان شالله ما تعب او اتوجع كتير ؟؟؟

علميني هههههههه شو عملتيلو حممتيه عادي شو صار بوضعه ؟؟؟

الله يعافيلك ياه ومايضرك فيه حبيبتي ...

شو اخبارك كيف حياتك صارت احلى ولا ؟؟؟؟؟ هههههه احكي الحقيقة معليش

silla

06-25-2012, 03:31 AM

هدولتي كيف شو ويييييييييييينك كيف الخامس
ان شالله مبسوطة ؟؟؟ ومرتاحة وراحت الازعاجات

hadeel al rouh

06-25-2012, 05:36 AM

ياحبيبتي سيلا اسفة مقصرة معك ومع البنات بس والله مابدخل كتير الا شوية بقرا اخباركون وبتطمن عليكون وعلى البيبيات ويابرد ويامابرد وبطلع
نفيستي تعبانة وبالي مشغول على اهلي الوضع كرمالو اسوء ‏ حسبي ‏ الله ‏ ونعم ‏ الوكيل ‏ والحمد الله صايرة عبحسن صوم خميس ماضي ورح صوم اتنين وخميس الي جاي اذا الله قدرني وزوجي كمان

اي الحمد الله الخامس ماشي حالو وعبحس بترفيسات بنتي بس نخزات كتير خفيفة بس كتير بنبسط عليها ههههه متل الهبولة بروح لعند زوجي وبخبرو ‏
وان شاء الله قررنا نسميها عاسم عمتها رانيا شو رأيكم حلو اسم بنتي ‏....؟؟
قلولي رأيكم بصراااااحة امانة ‏
يعني بدعلها رنوشة هههه رنوشتي ‏
وانتي حبيبتي منيح بتتسلي بالزيارت احسن ماتضلي قاعدة وصافنة ومشتاقة
على فكرة مبارح وانا عمبقرا كلامك لماميتك ربنا يخليلك ياها بكيتيني وصار زوجي يواسيني ‏
والله ياقلبي كأنك عبتحكي عني ‏
ربي يفرجها عليكي وتشوفي امك عن قريب وتفرحي بحضنها وحنانها يااااااااارب

hadeel al rouh

06-25-2012, 05:40 AM

شام الهوى ووردة حلب قلقتونا عليكوم يابنات عسى تكونوا انتوا واطفالك بخير ‏
يارب

jorri sham

06-25-2012, 06:30 AM

هدولة شو شفتي بنت سدقي ماعندي خبر
سبحان الله الايام عم تركد ركد من كم يوم عم تخبرينا انك حامل وكنتي شهرين يلا انبسطي بايام حملك ولا تستعجلي ع الولادة
اانا كتير ينصجوني ما استعجل بلولادة ورح اشتاق لايام الحمل وفعلا صاار معي هيك
الله يقومك بسلامة انتي وكل الحوامل يارب
وحلوو اسم رانيا نااعم وبحبو انا بس بحسوو ع الببابي كبير عليهن ما بعرف ......
بس سؤال حشري شووي ليش على اسم عمتها ؟؟

Babysugar

06-25-2012, 10:31 AM

مرحبا صبايا ... زمان عنكن .. ان شالله الكل بخير وعافية وربي يطمنا ع اهالينا بسوريا كلياتنا قلوبنا متل النار بس ربكن يفرجها و يفرحنا بالنصر يارب

اخباري ولدت الحمدلله واجت الحلوة لانا ... عقبال عند البقية يقومو بالسلامة ..

بطمكن ع وردة حلب عندها شوية ضيوف مشغولة فين و ان شالله بتدخل و بطمنا اكتر ... غير انو بالها مع اهلها بحلب الوضع صاير سيئ الله يفرجها علينا و عليهم يارب دعواتكن صبايا ...

Babysugar

06-25-2012, 10:45 AM

كنت عم اقرا الردود ... ياربي يلطف بام ملاك ويقومها بالسلامة يارب والله خفت عليها .. ويكتبلها ساعة ميسرة يالله

وردة سورية .. الله يفرجها عليكي ويجمعكي بجوزك عن قريب ... ويفرج همك يارب

زهرة ... كمان الله يفرجها عليكي ويسهلك نزلتك لعند اهلك و يصرف عنكن كل شر ومكروه يارب ...

يارب عجل بنصرك كرامة لاهالينا يالله .. مالنا غيرك

بقية الصبايا اسعد الله صباحكن بطاعة الرحمن

jorri sham

06-25-2012, 12:20 PM

صباااح الخير كيف الكل ان شاءالله تكونو تمام
بيبي شوجر كيفك حبيبتي انا لاول مرة بشوفك معنا بتجممع نوورتي ولحمدلله ع سلامتك وسلامة لنووشة ...

jorri sham

06-25-2012, 12:21 PM

انا جوزي ليوم عطل ما راح ع الشغل ...
وفيقني طبعا وانا نايمة 7 ونص صببببببح الله بيعيييييييين وفيقني ع 12 مو شيعانه نووم
شترا مكيف جديد وبدون يجوو عمال يركبو الي اوومي فيقي
ومبارح شترا صحرااوي كمان وشترالي مكرووويف ..
والحمدللللله ,,

Babysugar

06-25-2012, 01:17 PM

مرحبا جووووري والله يبارك فيكي و يخليلك الحلو يززونة ... ولنوشة بتسلم عليه هههههههههه

والله انا متلك عم عاني من قلة النوم لانو جودي بنتي الكبيرة عمرها تقريبا 4 سنين اذا هي بتفيق اختها بتنام و العكس هاد غير السهر باليل مع الحلوة لنوشة .. الله بيعينا و يكتبلنا الاجر النا و لوالدينا ...

ومبروك المكيفات و الميكرويف ... :))

@أم يويو@

06-25-2012, 09:41 PM

سلووله ياقلبي

لاتواخذيني تأخرت عليك

الله يخليلك الماما ياارب ومايحرمك منها ولامن حنانها

بالفعل احلى واعظم من الم مافي

الله يطول بأعمار امهاتنا ويخليهن فوق روسنا

اي والله ياعمري اهلي مقيمين بالسعوديه من زماان

والله يسهللنا ولادتنا نحنا التنين

@أم يويو@

06-26-2012, 12:57 AM

جووريتي الحلوه

الله يعطيك الف عافيه ويجزاك الف خير ياارب

من غير شر مالو حدا غيرك وانت اسم الله عليك ماقصرت

واماانه اول ماتصوري ليزوونه

نزلي صورو دغري تسلملي عينو مااحلاه

ربي يحميه ويفرحك فيه

ومبروووووكين انشالله المكيفات والمايكرويف

شايفه على وشن الخير والسعاده

@أم يويو@

06-26-2012, 01:04 AM

شام الهووى

وينك غاطه حبيبتي والله اشتقنالك كتيير

شوهالغيبه الطويله هي ربي يجعلها خيير

حبيبتي ورده حلب

الله يعطيك الف عافيه ويقويك

اكيد مشغوله مع ضيوفك

بس بيسوى تفوتي تطمنينا عنك

الله يحمي اهلك ويبعد عنهم كل شر

jorri sham

06-26-2012, 01:25 AM

بيبي شووجر الله يبارك فيكي
والله يعينك ياارب .. فعلا الولاد بيتعبوو خاصة السهر بس كلوو باجرو ان شاالله ...
تسلميلي وهو بيسلممممممم

ام يويو حبيبتي ويبارك فيكي انشالله
امين يارب
ونشالله في عندي صوور بس مكسلة انشالله اول ما يجيني نشاط بنزلن هههههه ..

عبير اسماعيل

06-26-2012, 01:48 AM

هدولتي الله يسلمك ويخليلي ياكي ويقومك بخير وسلامه
حاسه فيكي وبنفسيتك معك حق ‏...الله يفرجها عليكي ‏

سيلا ‏...ام كرومه كيفك ياعمري
حموده منيح والحمد لله الله هونها ‏
اي والله جيت حموده ع حياتي ملتلي ياها
تغيرت وصرلها طعمه غير ‏..‏ الله لا يحرم الامومه لحدا

عبير اسماعيل

06-26-2012, 01:51 AM

بيبي سكر ‏.....‏ الف الف الحمد لله ع سلامتك
وربي يجعلها من البارين فيكي وبأبوها

silla

06-26-2012, 03:30 AM

لك اهلين بيبي شوجر يالله معقول انت فكرتك جديدة اتاريكي لا موجودة من زمان معنا وبتعرفي اخبارنا
منورة حبيبتي بيناتنا وما تواخذيني يمكن الحمل اخد مفعوله تمام معي هههه
الحمد الله ع قيامك بالسلامة ... كيف كانت ولادتك ان شالله ما تعزبتي واتيسرت عليكي ..؟؟

الله يكون بعونك ويساعدك ويخليلك القطقوطتين يارب ... وعم نستنى صور الكتكوتة الصغيرة لانا ..

silla

06-26-2012, 03:43 AM

ياحبيبتي سيلا اسفة مقصرة معك ومع البنات بس والله مابدخل كتير الا شوية بقرا اخباركون وبتطمن عليكون وعلى البيبيات ويابرد ويامابرد وبطلع
نفيستي تعبانة وبالي مشغول على اهلي الوضع كرمالو اسوء ‏ حسبي ‏ الله ‏ ونعم ‏ الوكيل ‏ والحمد الله صايرة عبحسن صوم خميس ماضي ورح صوم اتنين وخميس الي جاي اذا الله قدرني وزوجي كمان

اي الحمد الله الخامس ماشي حالو وعبحس بترفيسات بنتي بس نخزات كتير خفيفة بس كتير بنبسط عليها ههههه متل الهبولة بروح لعند زوجي وبخبرو ‏
وان شاء الله قررنا نسميها عاسم عمتها رانيا شو رأيكم حلو اسم بنتي ‏....؟؟
قلولي رأيكم بصراااااحة امانة ‏
يعني بدعلها رنوشة هههه رنوشتي ‏
وانتي حبيبتي منيح بتتسلي بالزيارت احسن ماتضلي قاعدة وصافنة ومشتاقة
على فكرة مبارح وانا عمبقرا كلامك لماميتك ربنا يخليلك ياها بكيتيني وصار زوجي يواسيني ‏
والله ياقلبي كأنك عبتحكي عني ‏
ربي يفرجها عليكي وتشوفي امك عن قريب وتفرحي بحضنها وحنانها يااااااااارب

ااااااااااااااااه يا هدولتي ااااه ... ربي العالم شو في جواتي
يارب فرجك يالله فرجك القريب العاجل

وشو ماشالله دغري قرقرتوا ههههه بعرف بضيعو الاهل كم شهر وبيحتاروا كتير ..
طيب ليكي هلئ ظريف بس ليش مافي خيارات انتو ههههه انو مقررين من زمان ع اسم العمة ؟؟ رنا طيب !!!!؟؟
مابعرف الله يختارلها الخير يارب عمي بقي يقول بدو يسمي ع اسم ستي واجت وسماها ع اسم ستها وبعد كم يوم غير رايه بقا عنجد ما بتعرفي شو ربك كاتبلها ربي يسعدها ويخليها ويجعلها من الصالحات البارات يارب

وشو اخيرا صارت ترفس هالشقية تقبش قلبي من كتر مو نعومة وامورة صغيورة يخليييييييييلي قلبها وقلبك هلئ لحسيتي ع حركتها ماشالله ربي يخليها ويقر عينك وعين ابوها فيها يارب..
لسا الحركات كلمالها ع اقوى اااااااه والله صارت بالتامن الحركة بتوجع اكتر شي وقت يضرب عالحوالب والمثانة عم بتشقف هههه عصبي ابني باينتو ربي يستر..
شو اشتريتيلها تنورة قصيرة ههه؟؟ الا اشتريلها انا مابصبر انا روح قلبي التنانير والفساتين ياامي شو بجننو طول الشبر وقال فساتين الن واكسسورات ومتل متلنا هههههه الله يخليهن يارب
ويااااااااارب يارب ترزق رفقاتي التنين خصوصي اللي ببالي وتمن عليهن عنن و زهرة الغالية بالحمل السليم المعافى عاجلا غير اجل
يارب تجبر بخاطرهن وتفرح صميمهن وقلوبهن عاجلا غير اجل يارب يارب تعلم بحالهن يارب ...

(يا بنات بعرف مابدكم توصاية بس الله يخليكم كثفوا دعاكم بالفرج العاجل ياااااالله )

silla

06-26-2012, 03:51 AM

اللهم منزل الكتاب وهازم الأحزاب أهزم الكفر واهله والظلم واعوانه .. اللهم وانصر إخواننا في سوريا .. اللهم ياقوى ياعزيز أشف صدور قوم مؤمنيين .. اللهم إنك تعلم أن النظام النصيري قد جمع عدته ورجاله الأنجاس لـ يحارب عبادك المسلمين ..

اللهم ياقوى ياعزيز مزقهم كل ممزق وأرنا فيهم عجائب قدرتك اللهم افشل مخططاتهم .. اللهم أسقط طائراتهم واقتل جنودهم ودمر دباباتهم واجعلهم غنيمة للمسلمين اللهم اجعلهم عبرة وآية اللهم ارحم الاطفال والشيوخ والثائرين لنصرة الحق وقمع الباطل وأهزم النصيري وحلفائه.. اللهم لاتمكنهم من إخواننا ياذا الجلال والإكرام.......

قولوا اميييين

silla

06-26-2012, 03:54 AM

هلا عبوورة بس ما حكيتيلي كيف كان الطهور ع حمودة ..
وشو بتعطيني نصايح عن الطهور ...؟

وحاسستك انشغلتي عنا وماعاد يطلعنا فيك حصة ابدا لانك من الاساس كنتي دايما مشغولة ههه ماشالله عليكي

(الله يفرجها يا بلدي الله يفرجها ياشعبي الله يفرجها عليكم يااهلي الله يفرجها عليكم يااااااااااااااارب يارب عجل نصرك وفرجك )

silla

06-26-2012, 03:57 AM

ام يويو امين ياقلبي ... وشو حابة او شو مقرريلك مشان الولادة طبيعي او قيصري الله يهونها عليكي ياقلبي ويسهلها
وشو مشان شام الهوى عنجد اتاخرت كتير كانت نشيطة كتير يارب تكون بخير هي واهلها ...

كيفن اهلك حبيبتي كانو هالفترة حاطين حطاطن بالدير .. الله ينتقم منن يارب
وتحمي عبادك المستضعفين يااالله

silla

06-26-2012, 03:58 AM

زهورة ياقلبي طمنونا عن ام ملاك ...

يارب تحميها يارب وتحمي جنينها وتمم عليها بالخير يالله

jorri sham

06-26-2012, 05:45 AM

سيلا حبيبتي ازا بدك انا بعطيكي نصايح وبضفلك مع انو بكير
اول شي ازا كان لطهو ر القديم بشفر ة وهيك انضف واطهر و عسنه النبي انا صورتلي ياه ابني وقت طهورو الله لا دوقو لحدا المهمممممممم

الدكتور حيكون لاففا بشااش ورافعا غامرها يعني بدك تغمريها بزيت الزيتون للشاشية مشان تشتش وتهر لحالا اوعك تقربيلو عليها وبتغمريها كمان بالمعقم .. البوفيدون الاسود وبس تهر بعد 2 ا و 3 ايام بيعطيكي دكتورر مرهم بتحطيلو ياه بعد كل غيار وبيكون عليه ا حماار احمر يعني بيروح بعد 10 ايام اسبوع وبس
انا بفترتها اعدت عند امي هي تغيرلو كتير خفت علييييييييه ..
ولي حكيتلك قصه حياتي يلا حبيت وضحلك بس

jorri sham

06-26-2012, 05:47 AM

يييييييي يا بنات صاير يزونة عم يعضني من حلمتي العفوو والله بتوجع
وهو اصدن بشوفني سرخت وتوجعت بصير يعيدها ...يمكن لان بدو يطلعو سنانو لي فوق محبليين ..او عم يلعب معي الله اعلم

jorri sham

06-26-2012, 05:48 AM

وكمان اصبييع اديييي بيمسكن وبيعض فييييييين

Babysugar

06-26-2012, 09:36 AM

صباح الخير صبايا ...

يارب يكون الكل بخير ... ويفرجها ع اهالينا بسورية يارب

عبير تسلمي ياقلبي و ربي يخليلك ابنك و تفرحي فيه و يرزقك بره كمان ..

سيلاااااا ... تسلمي عالترحيب و الله حاسة حالي بين اهلي واخواتي ... ووردة سورية الله يسعدها هي وزهرة الحب دلوني عليكن الله يوجهلن الخير وين ماكانوا وييسر امورن يارب ..

كنت متابعة معكن هون بس اجت ولادتي ب ايار و التهيت مع الصغيرة و البيت و شو كانت اموري مكركبة بالاول بس الحمدلله هلأ صار في شوية استقرار هههههه بس عم عاني من غيرة جودي من اختها صح مابتبين كتير بس من جوا بتلاقيها عم تغلي خاصة اذا بتشوف حدن عم يلعب لانا او يناغيها ... الله يهديها بس

بالنسبة للولادة .. انا خلصت شهري كلو و اخر يوم سبحان الله ماكنت حاسة بشي غير وجع ضهر كاني كنت شي تقيل فئت الصبح انت اكبر قدر و لقيت دم زهري ركض عالمستشفى وانا هونيك طقت مي الراس و شد الطلق معي بالليل و سبحان الله تيسرت كتير و ربك هونها .. وعقبال عندك يارب تتيسر و تكون سهلة و تفرحي بالبيبي .. :)

جوري .. طبيعي اللي عم يعملو يزونه الله يخليه هو هيك عم يحك اسنانو .. ياقلبي .. حاولي تعطيه العضاضة خليها شوي بالبراد لحتى تبرد ع لثتو ... انا كنت غسل اصبعتي منيح و حكلها لجودي لثتها يالله شو كانت ترتاح ... وكنت اعطيها جزرة من البراد بس ضل جنبها لانو بخاف تقض منها او تتشردق لاسمح الله ..

حكيت كتير عالصبح ... هههههه بقية الصبايا .. صباحكن سكررررر

عبير اسماعيل

06-26-2012, 01:42 PM

سيلا كيفك ماشاء الله شو هالنشاط ‏
الله يحميييييييييكي...
ياستي تمام متل ما قالت جوري ‏..
يوم اللي طهرتو ماشاء الله نام وماغلبني ابدا
وقللي الدكتور كل غيار حطي زيت عالشاشه ولا تشيليها
وحتى لو تبول عليها الله يكرمك..
وفعلا عملت بنصيحتو تاني يوم ماشاء الله هرت الشاشه لحالها
يعني بعد اربع وعشرن ساعه ورحنا مشان المراجعه ..
شافها قللي ممتاز ووصفلو غسول ومرهم قللي:‏ بتخلطي الغسول مع ماي
ويتعمليلو تغطيسه صبح ومسا وبتدهنيلو المرهم بعدها وبعد كل غيار حفوضه
اي ما شاء الله حتى احمرار ما احمرت خفيف وماعزبني الله يحفظو ‏
يعني شغله تلت يام كان الوضع طبيعي ما أخد معي وقت الحمد الله
اي كمان شغله ازا حسيتو موجوع وعم ينئنئ كنت اسقيه تمبرا هاد مسكن
بهديه وبنيمو
وان شاء الله وقت بدك تطهري ابنك الله يهونها عليكي

عبير اسماعيل

06-26-2012, 01:45 PM

هدولتي كيفك يخليلي ياكي
وكيفا البوبيه ان شاء الله تقومي بالسلامه
وتقر عينك بشوفتها

عبير اسماعيل

06-26-2012, 01:54 PM

ام ملاك الله يهون عليكي ويقومك بخير وسلامه ‏

جوري كيفك وكيفو يزن الله يهون عليكي بطلعه سنوناتو ‏

سروءة كيفك وكيفا جود ماشاء الله عليها..

زهرة ماسشاء الله عليكي باين الأخبار كلها عندك
كيفك ان شاء الله تكوني تمام

silla

06-26-2012, 03:46 PM

سيلا حبيبتي ازا بدك انا بعطيكي نصايح وبضفلك مع انو بكير
اول شي ازا كان لطهو ر القديم بشفر ة وهيك انضف واطهر و عسنه النبي انا صورتلي ياه ابني وقت طهورو الله لا دوقو لحدا المهمممممممم

الدكتور حيكون لاففا بشااش ورافعا غامرها يعني بدك تغمريها بزيت الزيتون للشاشية مشان تشتش وتهر لحالا اوعك تقربيلو عليها وبتغمريها كمان بالمعقم .. البوفيدون الاسود وبس تهر بعد 2 ا و 3 ايام بيعطيكي دكتورر مرهم بتحطيلو ياه بعد كل غيار وبيكون عليه ا حماار احمر يعني بيروح بعد 10 ايام اسبوع وبس
انا بفترتها اعدت عند امي هي تغيرلو كتير خفت علييييييييه ..
ولي حكيتلك قصه حياتي يلا حبيت وضحلك بس

يالله بتعرفي شو جوريتي
المشفى اللي بدي اولد فيها ان شاء الله بطهرو البيبي تاني يوم وبهاي الحلقة البلاستيكية
ياترى فيني قلن انو يعلولو ياها بالطريقة القديمة انا كل شي ع سنة النبي عليه الصلاة والسلام بحسو اكيد صحي واسلم ياعمري والله هكلانة همو من هلئ ههههه

طيب ... في حال اتطهر بالحلقة البلاستيكية هاي شو وضعها نفس هالنصايح بتصير ؟؟؟

وشكرا كتير كتير

ومشان عضاتو لهالرزيل الشقي ههههه اي هو عم يلعب معك عم ينبسط ع حالو عم يسببلك شي عم يلاقيك عم تصرخي قال معناها عم بعمل شي
انت حاولي تكتمي صوتك بس تحسسيه انو عمل شي غلط هههههه بس مابتوقع فينك تزاوريه حتى مزاورة ههههه الله يخليلك ياه يارب ...

وجيبيلو عضاضة وحطيها بالبراد كتير بعرفن هيك بيعملو بيرتاحو ولادهن ...
الله يطالعلو سنوناتو ع خير وسلامة

silla

06-26-2012, 03:50 PM

بيبي شوجر الف الحمد لله ع تيسيرها ... واهلين فيك بيناتنا ودايما ضلي معنا مو تغطي ههههه ااااااااخ والله مو متخيلة حياتي مع البيبي كيف بدها تكون يارب تساعدني وتكون معي اتحمل كل شي لحالي ...
وكنتي لحالك الا عندك امك او حدا ؟؟؟
انت وين مقيمة

يارب تتيسر ولادتي وتهونها علي يارب

silla

06-26-2012, 03:55 PM

سيلا كيفك ماشاء الله شو هالنشاط ‏
الله يحميييييييييكي...
ياستي تمام متل ما قالت جوري ‏..
يوم اللي طهرتو ماشاء الله نام وماغلبني ابدا
وقللي الدكتور كل غيار حطي زيت عالشاشه ولا تشيليها
وحتى لو تبول عليها الله يكرمك..
وفعلا عملت بنصيحتو تاني يوم ماشاء الله هرت الشاشه لحالها
يعني بعد اربع وعشرن ساعه ورحنا مشان المراجعه ..
شافها قللي ممتاز ووصفلو غسول ومرهم قللي:‏ بتخلطي الغسول مع ماي
ويتعمليلو تغطيسه صبح ومسا وبتدهنيلو المرهم بعدها وبعد كل غيار حفوضه
اي ما شاء الله حتى احمرار ما احمرت خفيف وماعزبني الله يحفظو ‏
يعني شغله تلت يام كان الوضع طبيعي ما أخد معي وقت الحمد الله
اي كمان شغله ازا حسيتو موجوع وعم ينئنئ كنت اسقيه تمبرا هاد مسكن
بهديه وبنيمو
وان شاء الله وقت بدك تطهري ابنك الله يهونها عليكي

بدي انسخها وحطهن عندي هاي نصايح بالتفصيل
بس ولييييي ازا بطهروه بالحلقة البلاستيكية هههههه

عنجد نسلمي لقلبي ياعبورتي الغالية شكرا شكرا شكرا كتير ..

بدنا صورة جديدة الو بدي شوف كيف صار هالعسول رفيق كرومتي هههههه
بوسيلي ياه الله يحميه يارب

زهرة الحب

06-26-2012, 04:39 PM

مسا الورد يابنات كيفكن وشو اخباركن
عبورة مبروووك طهور ابنك ويارب تشوفيه احلى عريس بكل الدنيا يارب ايه والله اخبار عندي ههههه
لكل بنت معنا بتجمع بقلها كيفك واشتقتلك كتير وبحبك كتير انا اسفة مشغولة مارح اعد اسماء
انابكرا الساعة 12 الضهر طالعةعالباص ورايحة على حلب ان شاء الله تعالى وراجعة بعد جمعة اذا طولت اكتر من شهرين وماشفتوني بس اقراولي الفاتحة وسامحوني الله يوفقك رح اشتقلكن كتير كتير كتير كتير ديروا بالكن على حالكن وتذكروا انو كنتوا اغلى من اخوت بالنسبة الي الله يخليلي ياكن ومايحرمني منكن

@أم يويو@

06-26-2012, 08:29 PM

ام يويو امين ياقلبي ... وشو حابة او شو مقرريلك مشان الولادة طبيعي او قيصري الله يهونها عليكي ياقلبي ويسهلها
وشو مشان شام الهوى عنجد اتاخرت كتير كانت نشيطة كتير يارب تكون بخير هي واهلها ...

كيفن اهلك حبيبتي كانو هالفترة حاطين حطاطن بالدير .. الله ينتقم منن يارب
وتحمي عبادك المستضعفين يااالله

تسلمي لقلبي سلوله الغاليه

والله انشالله طبيعي وضع البيبي منيح ونازل لتحت الحمدلله

بس جاي عبالي اولد بسرعه وخلص والله تعبت وايدي ورجلي مورمين ولي كلو كوم والتاسع كووم

الله يعيننا يارب ويأجرنا

بالنسبه لاهلي الحمدلله قلتلك هن مقيمين بالرياض بس اخي هنيك بالدير خلص امتحاناتو وطلع عالرقه
وانشالله رح يروح لعندن عالريااض

اي والله صارلن كم يوم دبحوا الناس هنيك الله يعين ياقلبي

انشالله هذا شرف وعز للمدينه واهلها ولاهل كل شهيد

يااااربي تفرجها على اهل سووريا وتتلطف فيهن اامين

تسلمي على سؤالك كلك زوق

احكيلي عنك كمان انت بكريه؟؟

شلون ايامك وشو ناويه تسمي البيبي انشالله

وشلون المعنويات خصوصي انك حتكوني لحالك من غيرشر

@أم يويو@

06-26-2012, 08:47 PM

مسا الورد يابنات كيفكن وشو اخباركن
عبورة مبروووك طهور ابنك ويارب تشوفيه احلى عريس بكل الدنيا يارب ايه والله اخبار عندي ههههه
لكل بنت معنا بتجمع بقلها كيفك واشتقتلك كتير وبحبك كتير انا اسفة مشغولة مارح اعد اسماء
انابكرا الساعة 12 الضهر طالعةعالباص ورايحة على حلب ان شاء الله تعالى وراجعة بعد جمعة اذا طولت اكتر من شهرين وماشفتوني بس اقراولي الفاتحة وسامحوني الله يوفقك رح اشتقلكن كتير كتير كتير كتير ديروا بالكن على حالكن وتذكروا انو كنتوا اغلى من اخوت بالنسبة الي الله يخليلي ياكن ومايحرمني منكن

بسم الله عليك ياقلبي بعيد الشر

انشالله تروحي تنبسطي وتطمني على اهلك وترجعيلنا سالمه يارب

تفي من تمك شو عم تحكي

الله يحميكن يارب ويبعد عنكن كل شر

jorri sham

06-26-2012, 10:48 PM

هلا بنووتات كيفكوون قال بنوتات قال حصرنا امهاات وفي مننا حيصيروو ههه
كيفكن
انا ليوم عملت كبسة جاج وزبيب كتير ظريفة طلعت وعزمت بابا عا العشى معنا ....
واعده ويزن لسه ع ميعزب فيي. ...
انا رايحه اقرا الصفحاات وبجيكن
بحبكككككككككككم ..
ويمكن روح عند بابا نام عندوو ... جعبالو نام عندوووووو ...
لا تستفئدوولي ازا غبتلي يومين
بحبككككككككككككككم

@أم يويو@

06-27-2012, 01:27 AM

هلا بنووتات كيفكوون قال بنوتات قال حصرنا امهاات وفي مننا حيصيروو ههه
كيفكن
انا ليوم عملت كبسة جاج وزبيب كتير ظريفة طلعت وعزمت بابا عا العشى معنا ....
واعده ويزن لسه ع ميعزب فيي. ...
انا رايحه اقرا الصفحاات وبجيكن
بحبكككككككككككم ..
ويمكن روح عند بابا نام عندوو ... جعبالو نام عندوووووو ...
لا تستفئدوولي ازا غبتلي يومين
بحبككككككككككككككم

ولووو جوري خلينا ندلع حالنا شوي مابيطلعلنا يعني

ياستي قولي عرايس حنتمنا عرايس انشالله

صحتيين وهنا عالكبسه كتيير طيبه مع الزبيب

بوسيلي يزونه وقوليليو حاجه تعزبها للماما

اكيد البابا بينبسط بنومتك عندو انت ويزونه

الله يخليليكياه ويطول بعمرو

بوسيلي يزوونه كتير ولاتطولي الغيبه علينا ها

رح نشتقلك

jorri sham

06-27-2012, 02:27 AM

ام يويو حبيبتي اي والله صح كلامك ...
ع قلبك حبيبتي مارحت مع بابا قلي بدو يروح يمشي يعمل رياضه ئلتلو مرة تانية انشاالله ..

jorri sham

06-27-2012, 02:48 AM

بيبي شووجر الله يعينك ع الغيرة انااختي هيك ما بتبين بس عم تغلي غلي من جواتا باعمرري مو بايدن

اي عندو عضاضة بدي حطلو ياها بالفريزةة لتبرد ان شاء الله

سلولتي اي هيك شكلوو والله اي جبتلوو من زمان عضاضة بس متل ما قلتلوولي ححطلوو ياها بالبراد واعطي ياها يحط فيها سنانوو احسن ما يحك فيني ههههههههه
ا ي حفظي ه نصاايح
انا بعرف هي لبلاستيكة بكل المشافي ازا بعد ما نولد فورا طهروه بيحطولو بلاستيكة وبتكون الطهور ضابط هيك بعرف ووحدة ولدت قبلي بشهرين تقريبا ..
بس يمكن الها شي تاني
هلئ في كمان تبع الكهرباء قال بيطق طقا بيطهر الولد بس ما في احلا واحسن من سنة لنبي على القص والمووس ..
المهم انتي حفظين للارشادات لي قلنالك عليهن واي سؤال بس يجي اميرنا الحلو نحن جاهزين هاا

زهرة حبيتبي ليش هيك ع متحكي عن حالك بعيد شر
انشالله بتروحي وترجعي بسلامة وبتشووفي اهلك على خير وبتنبسطي عنن
انتبهي على حالك كتير . وحاولي تطمنينيا عنك وانتي بحلب ..

jorri sham

06-27-2012, 02:53 AM

بنات والله رح طق من الاعده لحالي كتير ملانة الي شي سنة ونص ما طلعت من مكاني ولا رحت انا وجووزي الاشهر العسل اسبوع ع دمام
وعم قلو ازا ما بدك تاخدني على الشام بس خدني كم يووم ع الدمام او جدة غير جوو شوي ولا ملانة رح طق من الملل
بقلي انشالله وهيك بقلو امانة فكر بالمووضووع ما تنسى بحسو بيطنشني او بيضحك عليي بقلو ما تضحك عليي امانة وفكر بالموضوع ازا بتحبني والله رح طق بقلي والله ما عم اضحك عليكي بس عندي شغل ومشغلة كتير وما بيقدر يترك شغلو لانوو بيعطووه باليووم المصاري مو مثلا راتب شهري ,, هيك شغلو
وورمضان عبواب يعني بدي من هلئ رووح ...
وازابدي روح ع العيد امي بتكون ولادتا اخر رمضان اول العيد على حسب حالتها يعني .. بس الاغلب اخر رمضان وكمان بدي ضل عندا بلعيد مو معقول امي ولادنة جديدد وانا رووح كمان .
اخ بس والله رح طططططططئ
اسفة كتير وجعتلكن رااسكن بمشكلتي بس حاابة فضفض شووي شو اعمل سشو احكيلوو .. شو ققلو لحتى يحس فيني او مثلا حل او ووقت لحتى يووافق عليه امانة قلولوووولي

زهرة الحب

06-27-2012, 08:54 AM

صباح الخير ياحلوين الله يسلمكن جمعيا وشكرا كتير على دعواتكن الي
انا كنت نايمة فقت بس مشان اطمنكن عن ام ملاك لانو والله نسيت لذلك دخلت من تلفوني
هي بخير الحمد الله الدكتورة عطتها دوا لتثبيت وقالتها انو الولد لسا ملفوف الحبل على رقبته
وقالتها انو اخد شكل الولادة ورح تدخل بتاسع اوله فورا رح تولد قيصرية
وبنتها ملاك مرضانة كتيرة مرتفعة حرارتها40ونص طلع معها التهابات ادعولها وهي بتسلم عليكن واشتاقتلكن
كتير كتير

jorri sham

06-27-2012, 06:58 PM

شكرا كتير زهوورتي ..
لحمدلله ع سلامة ام ملاك يارب منيح انك طمنتينا والله يهون عليها
ويعافي بنتها يارب

jorri sham

06-27-2012, 07:00 PM

شو وينكم يا بنات
ليش هيك الجممع فااضي ما عاد في عجئة متل اوول الله يسامحكن
انشالله يكوون ع خير..
مافي غيري اكيد هلئ ,..

تعالوو .. ................

انا ليوم عاملة مسقعة بيتنجان وبطاطا مقليه
وبسسسسسسس
واعده ع نت عم بحبش بهلمنتدى الحلووو

شام الهوى

06-27-2012, 11:11 PM

سلااااااااااام بنااااات بلدي الغالي اشتقتلكن كتتتتتتتيييييرررر والله عنجد سامحوني انشغلت عنكن
أحبكم فالله

@أم يويو@

06-28-2012, 01:05 AM

زهووتي منيح اللي طمنتينا عن ام ملاك

الله يعطيك الف عافيه ماقصرت

والحمدلله يلي خلصت على هيك

وانشالله تقومي ياام ملوك بالسلامه

ياعمري اكيد هلأ انت تعبانه من غير شر وكمان ملوكه تعبانه الله يعينك ياارب

وسلامتها لمي مي الحلوه الف سلامه الله يقويك ياقلبي

@أم يويو@

06-28-2012, 01:08 AM

وصحتين عالمسقعه والبطاطا زهوور

مطرح مايسري يمري

@أم يويو@

06-28-2012, 01:10 AM

لك اهليييييييين شمومه ياقلبي

طمنيني عنك كيفك وكيفن الاولاد؟

لك وين هالغيبه يابنت الحلال انشغل بالي عليك

نورتي من جديد ياقلبي

عبير اسماعيل

06-28-2012, 03:21 AM

بدي انسخها وحطهن عندي هاي نصايح بالتفصيل
بس ولييييي ازا بطهروه بالحلقة البلاستيكية هههههه

عنجد نسلمي لقلبي ياعبورتي الغالية شكرا شكرا شكرا كتير ..

بدنا صورة جديدة الو بدي شوف كيف صار هالعسول رفيق كرومتي هههههه
بوسيلي ياه الله يحميه يارب

الله يسلمك سيلا ‏
وان شاء الله تقومينا بخير سلامه انتي و كرومه حبيبي..
مشان الصور تكرم عينك ‏..هلء عم فوت من الجوال وقت بفتح اللابتوب
بنزل صور لحموده خصوصي انو بكرة مسافرين ع مكه بصورو بالحرم ان شاء الله
تبوسك العافيه حبيبه قلبي يخليلي ياكي يارب

عبير اسماعيل

06-28-2012, 03:26 AM

مسا الورد يابنات كيفكن وشو اخباركن
عبورة مبروووك طهور ابنك ويارب تشوفيه احلى عريس بكل الدنيا يارب ايه والله اخبار عندي ههههه
لكل بنت معنا بتجمع بقلها كيفك واشتقتلك كتير وبحبك كتير انا اسفة مشغولة مارح اعد اسماء
انابكرا الساعة 12 الضهر طالعةعالباص ورايحة على حلب ان شاء الله تعالى وراجعة بعد جمعة اذا طولت اكتر من شهرين وماشفتوني بس اقراولي الفاتحة وسامحوني الله يوفقك رح اشتقلكن كتير كتير كتير كتير ديروا بالكن على حالكن وتذكروا انو كنتوا اغلى من اخوت بالنسبة الي الله يخليلي ياكن ومايحرمني منكن

زهوره ‏
يبعتلك ‏
الهنا عالهحكي
بعيد الشر عن قلبك ان شاء الله بتروحي وبتجي بخير سلامه
الله يحميكي ونحنا ح نشتقلك
استودعناكي عندالله الذي لاتضيع ودائعه

jorri sham

06-28-2012, 04:25 AM

ام يوويو شبنا انا عاملة المسقعة مو زهور ..
في فرق بين زهرة والجورية ههههههههههههههههههههههه

jorri sham

06-28-2012, 04:26 AM

بناات عم اعمل كيكك ادعوو يظبط
كتير جعبالي
عملتو بالحليب والشوكلا ....
بس شكلو ان شاءالله زاابط لانوو ريحتو فايحة ماشالله 5 دقايق وبيكون جاهز
تفضلو

عبير اسماعيل

06-28-2012, 11:16 AM

صحه وهنا جوري ‏
ان شاء الله بيزبط معك
بعدين ماشاء االله عليكي ظغنونه بس بيطلع منك
وشو ما عملتي بيطلع طيب...

@أم يويو@

06-28-2012, 12:53 PM

ام يوويو شبنا انا عاملة المسقعة مو زهور ..
في فرق بين زهرة والجورية ههههههههههههههههههههههه

ههههههههه

مواول مره يصير معي هيك

ااخ من الحمل والتعب واخر ايام كمان كلو فات بكلو

عم حط كل شي براس هالحمل مسكين هههههه

صحتييين وهنا عالكيكه مقدما

الله يسامحك والله شهيتيني كتير خليلي حصتي عل جنب

انا مابعطي رأيي الا دوق

ههههه ياقلبي انت صحتين وانشالله يزبط باين من ريحتو غييرشكل

hadeel al rouh

06-29-2012, 06:57 AM

السلام عليكم احلى صبايا وخوات
ان شاء الله تكونوا كلكون بخير انتوا واطفالكون وجنيناتكون واهاليكون يااااااارب
اسفة انشغلت شوي عنكون اجوا يعندي بيت خالي من الدمام بكرا ان شاء بدخل وبتطمن عليكون

سيدرة

06-29-2012, 09:25 PM

مرحبا انا جديدة معكون وبتمنى كون اخت خفيفت الظل عليكون وشكراhwaml7

سيدرة

06-29-2012, 09:50 PM

لما شفت هل منتدا كتير انبسطت اني احكي مع بنات بلدي

jorri sham

06-30-2012, 04:01 AM

عبوورتي تسلميلي حيااتي ع قلبك يارب اي لحمدلله ظبط وهلئ ر ح يخخلص كمان هههههههه كلك زوء

ام يوويو مو مشكلة حتى انا بحملي كنت كتير انسى هون اسألين كنت اسال الوحدة مرتين 3 السؤال نفسو وانساهههههه
وزووجي يقلي كانك عم تنسي كتير خخخخ اسئالله .. شو ماشفتي بووادر ولادة ولا اجتك بواادر ولادة
تسلمي يلا خليتك قطعتين دووقين وعطيني رايك يا حلوة ..

اهلا وسهلا فيكي حبيبتي نوورتيناااااااا ...
عرفنيا عن حالك اكيد رح تنبسطي عنا هوون كلنا ظراف ماشالله هههههههههههههه <<<مدااحة هههه

وخليكي دايما ادخلي لهوون بتتسلي معنا ...

انا سورية شامية عمري 17 عندي ولد عمرو 7 شهور ونص يزن اسمو .
ومقيمة برياض مع اهلي واهل جوزي ..
وانتي عرفنيا عنك
,,,,,,,,

سرووءة

06-30-2012, 04:24 AM

شواخباركم بنات
كل وحدة ملتهية بهمها
اشتقنا للحكيات والسهرات
وينكم يلا ارجعو هههههه وانا اول وحدة

اشتقتلكم كتير طمنوني عنكن
كلللللكم
وخاصة ام ملاك
سلامات والله يتمملك عخير

عطر الشام

06-30-2012, 01:57 PM

مرحباااااااااااااا ياااا حلوووووااات
ان شاء الله يارب تكونو بخير ... حبيت اسلم عليكنhwaml7

ميآر [ مهند حيآتي ]

06-30-2012, 06:06 PM

مسا الخير ... احلى صبايا بالكون كله.. كلمة مشتااقتلكن قليلة حبيبات قلبي .. بعرف اني طولت الغيبة عليكن بس والله ما بايدي ... مافي لا نت ولا خطوط بحمص .. اااخ ومشالله كتير حاكيين بغيابي ههههه ...كيفكن وكيف ولادكن ( جوري - سروءة - رنومة - عبورة -أم ملاك - ام عائشة ) وكيف الحمل يا حلوات ( هدولة - سيلا ) وكيف الصبيات الحلوات وردة وزهرة .. انا اسفة اذا نسيت شي اسم بس سدءوني كلكن بقلبي يا حلوات ...أنا منيحة كتير وهنودة منيح كتير .. وصرت ام كرش وتقلانة كتير ... امتحانات وامتحانات وبكرة عندي مادة لسا ما درست شي منها ... أبو الشباب صاير عم يضحك ع كرشي ويئللي انتي سمنتي صار لازم جبلك ضرة وبنصير نضحك هههه باقي شهرين تماما لولادتي وامي رح تجي باخر الشهر الجاية لعندي وتضل عندي لولادتي .. الله ييسرلي وييسرلكن يا رب ... حبيباتي بقرا كل شي راح عليي وبرجع برد عليكن يلااا شوي وبرجع .. بحبكن ..

jorri sham

06-30-2012, 08:52 PM

هايدي ي حياتي ونحن شتقنالك كتير ...
انا تمام ويزون بخير بيسلم على هنودة .. يزونة طلعلو سن جديد جنب بلزق سنينو تحتانيات
وفوق نيرتو كتير محبلة قلت معقول يطلعو كل سنانوو بهسرعة ماشالله ولا بتعرفو طبيعي ..؟؟
انا بعرف كمان انو لبيبي لي بيطلعو سنانوو اول بيتاخر بلمشي ولاكيف ؟؟

وهايدي مبرووك اسم لجديد كتير حلوو
غرت بدي اعمل اسمي يزن روحي هههههههههههههههههههههههههههههه

شو عاملين انا اجيت عند ابي ليوم وتغدينا جاج مشووي ورز وسمك ... وملووخية وشووربة عدس كتير طيبين
طبعا مو انا الفالحة عملتلن كلون من مطعم .......
وانتوو شو عاملين شو اخباركم

ميآر [ مهند حيآتي ]

06-30-2012, 09:17 PM

ههههههه الله يبارك فيكي يا عمري انتي

والله غيرت الاسم لاني حاولت فوت من موبايلي وما عرفت اكتب الاسم

قلت هيك احسن ههههه ...

تؤبشي ئلبي يا جوري شتئتلك وشتئت ليزونة ....

انا بعرف انو الطفل اللي بيطلعو سنانو بكير بيتأخر بالمشي انا هيك طلعو سناني اول ومشيت ع السنة وشهرين

اما اختي مشيت ع ال 11 شهر بس سنانها تأخرو ع العموم مافي قاعدة محددة كل طفل شكل

انا صايرة عم جيب بنت ابن حمايي اسما ريناد وعمرا 5 شهور وحطها عندي وبخليا عندي للمسا بيجو اهلا بياخدوها

هلا مسكينة بتضل تبكي من وجع سنانها ...

صحتين وهنا ع الاكل ...

بس انا رجعت ع الوحام هههه ومبارح كنت مشتهية البيتنجان فعملت محشي ...

ولسا عندي منو اليوم ....

jorri sham

06-30-2012, 09:30 PM

ايوااا .. يلا منيح .. حلوو كتير ع لعمووم
اي ومتل ما قلتي ما في قاعده محدده للاطفال والتغيرات لي بتصير عليهن كل طفل شكل ..
اي منيح انك بتحطيها عندك وكمانن فترة تتعلمي وتدربي مشان مهندووو كمان هههههه ..
صحه وهنا ع البتنجان والمحاشي انا ج عبالي ياها كتير ومشتهيتا اكتر من ادين ماما وبس ترجع بسلامة بقلا تعملي ياها

ميآر [ مهند حيآتي ]

06-30-2012, 09:31 PM

..اي صح كل طفل شكل

ماااا درست لساااا وفحصي بكرة ....hwaml9hwaml9

ومهند عم يرفس يخزي العين عنو شكلو بدو يطلع مهاجم بفريق كره قدم ...

صايرة عم حس بحرقة بمعدتي امي عم تئول يمكن هدول شعرات الباشا مهند ....

ههههhwaml15hwaml15

وردة حلب - شام الهوى

كيفكن حبيباتي ..

منورات الصبايا الجدد ع التجمع نشالله بتنبسطو معانا .

سيدرة

06-30-2012, 10:57 PM

مرحبا صبايا انا سيدرة وحابة كتير اني احكي معكن كلكن ظراف قرات احاديثكن و حبيتكن وحسيتكن اراب مني وكاني بعرفكن من زمان

سيدرة

06-30-2012, 10:59 PM

وحابة عرفكن عن حالي انا سوري ومقيمة بالامارات مع زوجي وانا حامل وبالشهر التاسع

سيدرة

06-30-2012, 11:02 PM

صرلي سنة متزوجي تقريبا وكتير عم مل من القعدة لحالي وخصوصا انو اهلي بعاد عني عم ادرس ادب فرنسي بجامعة حلب وضل عندي مادة وبتخرج انشالله بس ما رحت هي السنة ولا قدمتا من هل الاوضاع

شام الهوى

06-30-2012, 11:57 PM

كيفكم بنات ماشتقتولي اموااااه أموت فيكم الله يجمعنا بالفردوس الاعلى من الجنة يارب

اهلا حبيبتي سيدار نور التجمع فيكي يالغالية وتولدي بسلامة انا ام عبد الرحمن عمري 22وعندي تلات اولاد ومتزوجة كويتي

اهلا هايدي كيفك ياعسولتنا الله يحفظك من كل شر

سلام لكل البنات تصبحوا عالخير حبيباتي
استودعتكم الله الذي لاتضيع ودائعه

@أم يويو@

07-01-2012, 12:23 AM

أهليين حبيبتي سيدره حياك الله معنا

انا سوريه ياقلبي من ديرالزور وباقيلي 3 مواد عالتخرج بدرس ادب انججليزي بجامعه الفرات وعمري 23 سنه مانزلت السنه من ورا هالاوضاع كمان متلك

متزوجه ومقيمه بالكويت وكمان حامل بالشهرالتاسع وقربت ولادتي

الله يسهل عليك وعلي وعلى كل حامل ياارب

نورتي حبيبتي

jorri sham

07-01-2012, 04:02 AM

هايدي حبيبتي .. الله يعينك ع الامتحاان اي سبحان الله بيصير معها الوحدة حرقة من شعر البيبي انا بشهر سادس رحت ع دكتورة ما قالتلي في شعر عند لبيبي .. ورحت بسابع وكانت عم تجيني حرقة كتير قالتلي بلشو يطلعو شعراتو ما بعرف شو سبب سبحان الله ..

سيدرا حبيبتي اهلا فيكي تشرفت فيكي الله ووفقك وينجحك ي رب ويقوومك بسلامة ..
اديش عمرك بس .؟؟

hadeel al rouh

07-01-2012, 04:48 AM

حمد الله على سلامة الصبايا يلي كانوا غايبين ربي يحفظكون كلكون ‏
هايدي كتير انبسطنا اتطمنا عليكي كنا متوقعين يكون مافي عندك نت هاد امر طبيعي للاسف بسوريا ‏
الله يعينك عالامتحانات بس معقول عبتقدري تنزلي عحمص
ربي يحميكي انتي وهنودة ويوفقك مع زوجك ياااااارب

شام الهوى الحمد الله انك بخير بس لاعاد تطولي هيك
اتعودنا على وجودك ونشاطك والله

اوووف باين كل وحدة عندها همها الي منسيها التجمع وكل شي

سيدرة اهلا وسهلا فيكي حبيبتي ‏
انتي منين من سوريا انا من ادلب مقيمة بالرياض من ثماني شهور حامل بالشهر الخامس

سرووءة

07-01-2012, 05:41 AM

هايدي واخيرا طمنتينا عنك
الحمدلله انك بخير
ومبروك جية امك لعندك

يارب تدخل رنومةتطمنا عنا

سيدرا
انا اسراء من دمشق عمري23
عندي بنوتة عمرا شهرين ونص
مقيمة بالسعودية متزوجة من سنتين ونص
وزوجي سوري طبعا
واهلي كلن بسوريا
وعم ادرس ادب عربي وباقيلي سنتين
كمان ماقدمت هالسنة متلك مشان الاوضاع
الله يقيمك بالسلامة هلا انت وام يويو مع بعض
وبعدكن سيلا
شو معك بنوتة ولاصبي
وان شالله تنبسطي معنا

jorri sham

07-01-2012, 06:17 AM

لحمدلله رجع لتجمع لحيويته اكتملنا تقريبا
نورتو هدولة وهايدي شام الهوا وسوءة

انا ابني ماعم ينيمي بس رغم هالشي ما عم ااقدر الا فوت واطمن عليكن وخبركن عني ..
بس الحل الجزري جبلو دوا منووم ضبطلو دوامو عليه لانو جننننننننننننننني
\صرعتكن بحالي انا اسفة بس حاليا مالي غيركن

ميآر [ مهند حيآتي ]

07-01-2012, 12:42 PM

هاااي بنات ...

انا هلا طلعت من الفحص وكتبت كتير منيح

برجعلكن بس هلا فايتة من موبايلي ورح موت من وجع رجليي

يلااا ع البييييت هههههه

سي يووو بعد شوي

ام اسكندر

07-01-2012, 03:46 PM

شاركونا يابنات في الموضوع

http://forum.hwaml.com/t132960.html

كل يوم لنا جدول

وهذا جدولنا لليوم

جدولنا لليــوووم

تنظيف الصــاله فقط

حاووولي انك ترتبيهااا وتمسسحي كنبهاا

بلااااش كسسسل

ياليت تخشو ع رابط الموضوع اللي فوق وتشاركونا ونتحمس سوا

ميآر [ مهند حيآتي ]

07-01-2012, 04:20 PM

بنااااااااااااااااات وين غاطين ...

أنا هون ومعي ريناد عم تكبس ع اللاب

بحبكن ...

سروءة - جوري - أم ملاك - هدولة - سيلا
رنوومة -وردة - زهرة الحب - زهرة سورية - شام الهوى - وردة حلب - سيدرة - عبورة - أم عائشة ... وانا اسفة اذا نسيت شي اسم ...

كيفكن يا قلبي ...

انا اليوم جبت مناقيش من نفق الجامعة وفطرت انا وأبو الشباب حلوان المادة اللي
قدمتا اليوم ...

انتو شو طبختو ...؟؟

ميآر [ مهند حيآتي ]

07-01-2012, 04:43 PM

عبورة : مشالله تبارك الله ابنك بياخد العقل ...

ام عائشة : بسم الله تبارك الله الله يحفظلك البيبيات يا رب وتشوفيهن احسن ناس ...

جوري : يلا خلي يزونة يودع الشهرة بالمجمع باقي شهريييين يا حلوة وبيجي هنودة ...

أم ملاك : سلامتك يا روحي نشالله صرتي أحسن ... وكيف القمر ملوكة ..

عم كمل قراءة ... برجعلكن

يتبع ,..

ميآر [ مهند حيآتي ]

07-01-2012, 05:37 PM

صباااايااا انا نازلة هلا ع السوق ...

فاتح مول جديد بالوعر بشارع الفردوس ... رح ننزل انا وابو الشباب ونتسلى

وبس ارجع بحكيكن

ودي

Babysugar

07-01-2012, 05:50 PM

مساء الخير صبايا ...

عم انشغل عنكن بس والله ماعم لحق شغل البيت والركد ورا البنوتات الله يحمين .. بس ان شالله الكل بخير ..

سيلا .. ردي متاخر ههههههه لما ولدت اجت امي لعندي وقعدت اسبوعين وبعدها رجعت .. بابا ماعاديتحمل فراقها هههههههههه الله يخلين ...

Babysugar

07-01-2012, 05:51 PM

كل الصبايا ... اسعد الله مساكن ...
الي عودة بس لانشر الغسيلات و امسح الارض ... خخخ

ميآر [ مهند حيآتي ]

07-01-2012, 06:00 PM

بيبي شوجر ...

منوووورة يا قمر انتي

يعطيكي العافية يا رب

كيفك ..؟؟

يلا برجع لكركر

باااي بنات

jorri sham

07-01-2012, 06:14 PM

هايدي لالا ما حزرتي ابني هو الاول والاساس بعدين ولادكم تحت ابني ههههه .. يزون الريس ..
بس طبعا اول ما يجي رح نهتم في اكتر شي .. لانو كل شي جديد الو لذته ... الله يقومك ب سلامة ي رب
والله يووفقك منيح انك قدمتي منيح عقبال كل المواد وصحتيين على المنااقيش ..
انا تغديت ليوم برووستد قلت لبابا جيب خضرة اطبخ احسن من نجيب من برا . قال لا مو محرزة وليوم يمكن ارجع ع بيتي ..

ببيبي شوووجر الله يعطيكيي العافيه حبيبتي كيفك وكيف الولاد ؟؟

jorri sham

07-01-2012, 06:15 PM

هايدي وربي عم امزح اصحك تزعلي حاكم الحووامل بيكونو حساسين زيادة عن الايام الطبعيية ..
كل الولاد خير وبررررررررركة وكل وولد الوو حركاته ولذتو .. الله يقوومك ب سلامة ونفرح سوا بشووفة هنوود

hadeel al rouh

07-01-2012, 06:47 PM

هايدي دكتورتنا الحلوة انتي وجوري وبيبي سكر وسروءة منوريييييييييين
يارب باقي الصبايا تكونوا بخير

Babysugar

07-01-2012, 06:49 PM

هايدي وجوري يسعد مساكن ويعطيكن العافية كمان ... الحمدلله الكل بخير انا عندي بنتين الله يخليهم جودي و لانا .. الصغيرة لسا شهر ونص والكبيرة ب 4 رمضان بطبق 4 سنين ...:)

ماخلصت شغل والله بس لانا فتحت اذاعتها ... هههههههههه وصحتين ع قلبك جوري .. هايدي تقومي بالسلامة

اهليييين هديل .. منورة كمان hwaml13

jorri sham

07-01-2012, 07:32 PM

هدوولتي حبيبتي منوورة ي قلبي تسلمي ...

بيبي شوجر الله يعافيكي ي رب
ويخليلك بنااتك انشاللللللللله ..
وع قلبك كمان

ميآر [ مهند حيآتي ]

07-01-2012, 08:41 PM

ههههههه تؤبري ئلبي يا جوري

انا ما بزعل منك لان اكيدة انكن رح تحبي هنودة متل ما انا حبيت يزونتي

بيبي شوجر الله يخليلك بناتك ... وتشوفيهن بأحلى جامعة وناجحات وامهات بياخدو العقل متلك

صبايا انا هلا رجعت من السوق ورح موت من وجع ضهري ....

رح سخن منقوشة وبرجعلكن

ميآر [ مهند حيآتي ]

07-01-2012, 09:21 PM

شو يا حلوات ....

وينكم ...

ميآر [ مهند حيآتي ]

07-01-2012, 09:43 PM

عم شوف فاطمة هلا ....

انتو شو بتقولو لمعي بيسامحها لميسر كرمال البوبو ههههههه hwaml11hwaml11

عبير اسماعيل

07-01-2012, 11:14 PM

ام مهند ‏.....‏ اهلييين نورتي كيفك وكيف دراستك
اشتقنالك ومبروك تقديمك للمادة ام شاء الله تتخرجي ‏
ونشوفك دكتورة كبيره والله يهون عليكي وتقومينا بالسلامه
بتعرفي أخر شهرين كتيييير متعبين الله يكون معك

عبير اسماعيل

07-01-2012, 11:23 PM

يسعد مساكون جميعااااا
اشتقتلكون

jorri sham

07-02-2012, 02:29 AM

عبير يسعد مساكي يا قلبي كيفوو حمودة صغيير ...

هايدي يا روحي اكيد رح حبوو والله من هلئ مشتهية شوفوو حاسة رح يجي ابيضااني ونعووم ... الله يحيمه .
وححببو اكتر لاني بحب اسم مهند كتير ع اسم الممثل التركي وكمان اسم مهند جدا حلوو ..

ميآر [ مهند حيآتي ]

07-02-2012, 11:00 AM

صبااح الخير صبايا ...

كيفكن ....

جوري :

كيفك يا عمري وكيفو يزونتي .... يخزي العين عنو

ع فكرة ريناد بنت ابن حمايي كتير بتشبه صورة من صور يزونة ...

وخصوصا وقت حلئولا شعرا هههه ...

تؤبري ئلبي انتي احلى اخت بالكون كلووو نيالو مهند ع هيك خالة ...

سروءة :

أم جود القمر كيفك وشو اخبارك ...
كيفا جود نشالله ما عم تعذبك ...
شتئتلك كتير كتير كتير

أم ملاك :

حبيبة ئلبي ... كيفك وكيف مالك وملوكة .... نشالله صرتي أحسن ...

أنا بشكرك ع سؤالك عني بفترة غيابي

والصبايا كلهن حزرو السبب (( انقطااااع الاتصالات والنت واااع ))

الله يتمملك ع خير يا ئلبي ويسهلي ويسهلك ولادتك ...

وردة حلب :

كيفك يا قمر ... وين غايبة ؟؟

طمنينا عنك ^_^

زهرة الحب :

يا ئلبي انتي مبروووك البيت الجديد تشوفي ع وشو الخير يا رب ...

ويطعمك الحمل عاجل غير آجل يا رب العالمين

كيفك وشو أخبارك ... جاااية لدور عليكي هههههه

وردة سورية:

تؤبري ئلبي منيح اللي شفت عنك اخبار ...

الله يكون بعونك والله الوضع عندك صعب

ديري بالك ع حالك وطمنينا عنك

شام الهوى :

كيفك حبيبتي وكيف ولادك ...

شتئتلك كتير كتير...

عبورة :

كيفك يا عمري وكيف حمودة .. انا بخير ومشتائتلك ...

بالنسبة للامتحانات عم قدم منيح وئت بيكون مهند افندي مرتاح ..

بس يبلش مشالله يرفس لا بعرف ادرس ولا حتى اكتب وقت الامتحان ههه تركيا لله عنجد

بطني لحلقي وعم قدم امتحان ....

هدولة :

كيفك يا عمري وكيف الحمل معاكي ...

عرفتي شو جنس البيبي ولا لسا ..

الله يرزقك يا رب مولود صالح معافى سليم ....

سيلا :

كيفك يا عمري وكيف الحمل معاكي ...

انتي سابقتيني بشوي بتولدي انتي نشالله وانا بلحقك ..

ديري بالك ع حالك ....

أم عائشة :

كيفك يا قلبي وكيف التونز الحلوين ...

الله يحفظلك ياهن ويحميهن ...

أنا كنت حب يكون أول حمل بتونز ..

بس بصراحة ... عنجد بيكون هالشي متعب ..

لانهن وقت بيكونو بيبيات .. بيبكو سوا وبيتوجعو

وهاد بدك تضلي شايلتي ليسكت وهداك غير نومتو بدك تتفقديه ..

انا صرت اعرف هالشي لان عم جيب ريري لعندي بس والله شي متعب ..

وكلو كوم ووقت يبلش وجع السنان كوم ... ههه\\\ كرااارة وعم نئ مووو

بس اكتشفت اني ما رح اعرف كون ام لواحد بئا شلون تونز هههههه

الله يحميلكن ولادكن وييسر ولادتكن وييسرلي معكن ...

عم شوف الصبايا عم تحكي عن الديارة

فعلا ديارة الصبي مافيها تنوع متل ديارة البنت

يا ريت لو عندي نت سريع كنت نزلتلكن صور تياب هنودة بس اااخ

امي جابتلي شي 3 غيارات نيو بورن ... وقمصان بيضا كتير مشان اذا ولي ع ئلبي استفرغ ما اتعذب بالغسيل

وطواقي والباقي كلهن من 0-3 اشهر ... ئلتلا يمكن يكونو كبار عليه ئال لا بيضلو معو

وجهزنالو للسيد مهند تخت بغرفتي الو 3 درجات للارتفاع وفي محل للعبو ....

كنا عم نفكر نعملو غرفة بس انا تراجعت بدي ياه ينام عندي هالفترة وبعدين بس ليكبر بنعملو غرفة ...

بالنسبة لغراض الحمام ..

جبت شامبو جونسون وليفة رقيقة ومنشفة وبانيو زغير وبشاكير .... وجبتلو بشكير كبير مشان وقت نضفو الله يكرمكن ..

وحفوضات حديثي الولادة وكمان المقاس الاكبر انتو بتعرفو الوضع كيف وما بعرف اذا رح يصحلي لاقي من الحفوضات بعدين

لان جبتلو بامبرز وهلا عم تنقطع البضائع اللي عم تجي من برا ...

حايرة وتعبانة .... والله شي بيلبك انو امي مو جنبي ...

بس نشالله بس تجي ع ولادتي بدها تنزل ع الشام قبل وتكملي غراض هنودة وتجي

يعني ما رح اتعذب بالشراء وع العموم اذا نقصو شي بنشتريلو ... الحمد لله ابوه مو مسدأ

ايمت يشوفو ...

كنت عم فكر اعمل نفس الصورة اللي حكت عنا سروءة بس ااااخ مافي اي فرصة ...

ما عم روح الا ع الجامعة واصلا مافي وقت بخلص امتحانات وبولد فورا ...

في ناس عم تنصحني روح اولد بالشام وجوزي كتر خيرو ئللي بتولدي بحمص

الله يهديه ...

كترت حكي مووو هههه

انا رايحة اعمل شي افطرو وبرجعلكن

ميآر [ مهند حيآتي ]

07-02-2012, 02:17 PM

يييييييي وين البنات ...

يا نااايماااات تعو مليت لحالي واااع

ماﺀ السماء

07-02-2012, 02:22 PM

سلام بنات سوريا الجريحه سالت ربي يحميها ويشفي جراحها
كيفكم
هذا رابط موضوع جديد ومفيد:)

دردشة الانيقات .. بخصوص ملابس العيد لو محتاره او محتاجه نصيحه تفضلي ولوخبيره افيدينا (http://forum.hwaml.com/t147860.html)

حبيت فيه نجتمع ونتبادل المشورات والاراء ونشوف افضل الاماكن والمحلات والتخفيضات وجديد الموضه وووو الخ
احلى شي نتبادل الخبرات مع بعض عشان الكل يستفيد يالله مستنيتكم تشرفووو^^hwaml7

ميآر [ مهند حيآتي ]

07-02-2012, 03:49 PM

ماء السماء نووورتي ...

يلا جاية للموضوع

بس ويييييييين البنات

Babysugar

07-02-2012, 04:30 PM

مررررحبا صبايا ..

هايدي انا هون ...:) بقية الحلوات يسعد مساكن ...

ميآر [ مهند حيآتي ]

07-02-2012, 04:59 PM

ـأهلا وسهلا بيبي شوجر ...

كيفك يا عمري ...

شاااايفة كيف الصبايا تاركيني لوحدي ...

شو اخبارك؟؟

hadeel al rouh

07-02-2012, 07:49 PM

هايدي الله يحميكي شو هالنشاط ماشاء الله لاعدم هالطلة يااااااارب
تسلمي حبيبتي ربي يحفظك من كل شر وان شاء تقومينا بالسلامة وتجيبنا احلى مهند
اي حبيبتي عرفت انو معي بنت اول مرة قالتلي الدكتورة صبي والمرة التانية قالتلي بنت والله اعلم
هلق صرت بالاسبع 19 وعبحس بحركة مظبوط الحمد الله كتير عبفرح عليها

باقي الصبايا وينون
سيلا ياقلبي وينك ولا لسا ماخلصتي تجهيز كرومة حكيلي شو اخدتي الك كمان تفاريع الولادة؟؟

ام ملاك ياريت تطلي وتطمنينا عنك ياغالية ربي يحفظك انتي ومالك وتقومي بالسلامة وييسر ولادتك ياكريم يارب
رنومة انشاء الله تكونوي انتي والبنات بخير الله يحميكون ويحمي كل اهلنا بسوريا
وردة حلب وشام الهوى اشتقنالكون ياحلوات

ام عائشة وعبورة وسروءة اكيد ملتهيات بالبيبيات ربي يحفظون وتقر عيونكون فيهون ياااارب ..ناطرين الصور الجديدة

ميآر [ مهند حيآتي ]

07-02-2012, 09:36 PM

ييي يا عمري انتي الله يرزقك الذرية التامة الخلقة

وتكون بنوتة قمر متل امها نشالله

بعدين بدي احجزها من هلا لهنودة لاني بدي جوزو 4 فورا هههههه

hadeel al rouh

07-02-2012, 09:44 PM

الله يسلمك حبيبتي امين يارب اهم شي الخلقة التامة

اي تكرمي ليش وين رح لاقي احسن منك حماية لبنتي بس مابدي يكون الها ضرة ها مابتصبر بنتي مدللة متل امها مابتصبر على الضرة هههه
ان شاء الله تقومي بالسلامة يارب انتي والعريس

jorri sham

07-03-2012, 02:01 AM

تؤبشي البي يا هايدي انتي وهنوودة حبيبتي بعيد شر عنك ...
والله يخليلك ياه ي رب وتفرحي بشوفتو ومبرووك غراضو ديارتو ولا لالا تولدي بحمص قايمة قيامتها صايرة مدينة الاشباح خليكي بلبناان احسنلك ...
تسلميلي وانت احلا خالة يا هدهد ...

ماء السماء سبحان الله هلئ عم قول لزوجي بدي انزل ع سووق اشتري تياب للعيد من هلئ لانو رمضان ولعيد دايما عجئة والاسعار بترتفع ...
بدي اشتري عباية جديدة وكندرة كعب عالي بس مو كتير وسط العفوو وتياب الي وليزن للعيد وشوية مكياج ..
وجوزي بدو يشتري كمان الو كسوة كاملة من راسو لاساسوو هههههههههههههه .....

وبعدين هايددي شو بدك تاخديلنا كل عراايس التجمع خليلي وحدة ليزوونة بدي اخطبلوو احلا وحدة .. مين مين .. ههههه

وهلئ بقى اخباري
عندي يوم اربعاء حلفة خطبة ابن رفيقت ماما حروح عليها .. انشالله ..
والاسبوع الجاية بدي رووح ع سووق بس اكيد جوزي بيقلي ليوم وبكرا ليوم بكرا لحتى ييجي لعيد وتروح عليي التخفيضات هههههه بس بدي ضل زن كل يووم ههههه ....

اي وليووم طبخت خضار مشكلة مع دجاج بلفرن وقلت لبابا يجي يتغدا معنا خطي ..........
وبسسسسسسس

ميآر [ مهند حيآتي ]

07-03-2012, 07:32 AM

ههههه تؤبشي ئلبي يا هدولة ...

خلص يعني وافقتي ...

لحد الان خطبت جود ولجين وبنت هدولة ضل وحدة ... بدي اخطب اختو ليزونة بالمستقبل ...

بعدين شو مشان جوري .. انا سبقتك وحكيت بالبنت ...

خطبي ليزن من برات التجمع خخخخخخخ

أو استني شي 6 سنين لجيب البنوتة اللي بعد هنودة هههه \\ واثقة من نفسي كتير مو ههههههه

يخليلي ياكي جوري ...

ونشالله بتتهني بالتياب ... اي ضلك ئليلو بيحن ئلبو وبينزلك هههه انا بستخدم مع زوجي هالاسلوب

بيصير بدو يخلص من نئي وحامل مافيه يزعلني هههههههه

ونشالله مبروكة الخطبة ويتهنوو يا رب

انا ما رح اعمل شي للعيد لان يمكن ما بلحقو بكون ولدانة :(

وزوجي مصر اني ما روح ع لبنان وااااع وامي وبابا كتير حكيو معو

لان سفر امي كتير صعب وبابا ما رح يكون بس مشان تكون ستو يللي هيي امو لزوجي موجودة

وتشوف هنودة وهيي كبيرة شوي بئا الله يعيني ويصبرني وائدر اقنعو ....

فكرة اني اولد هون كتير بتخوفني

يا رب ترجعلنا الامان يا رب

ميآر [ مهند حيآتي ]

07-03-2012, 07:34 AM

وصحي نسيت ئللك صحتين ع الدجاج ...

ميآر [ مهند حيآتي ]

07-03-2012, 04:10 PM

لك ويييييييييييييييييينكن ...

اهئئئ تاركيني لحااالي ...

ماثي انا زعلت منكن هههه

أم ملاك ومالك

07-03-2012, 05:46 PM

السلام عليكم عسولات
كيفكم يارب تكونوا بخير ,,, وكيف الأهل بسوريا الله يحميهم يارب ,,, اشتقتلكم كتير كتير كتير وبحكبم كتير كتير كتير
شكرا" كتير ع دعواتكم إلي الله لا يحرمني منكم أبدا" يارب بالنسبة لآخباري فهي كالتالي :

حبيباتي الحمدلله ع كل حال أول شي كنت خايفة أولد ع السابع بس الحمدلله هلق صرت عم تابع كل اسبوع مع دكتورة بس لسا الحبل السري لافف ع رقبة البيبي الله يحميه يارب سلمت أمري لرب العالمين واستودعه الله الذي لاتضيع ودائعه .. بس المشكلة بدكتورتي ياعسولات والله راح تجنني أنا عملت رباعي الابعاد مرتين وكانت الحكي نفس الشي أنه الحبل السري لافف ع رقبة الجنين وفحصت عند دكتورة تالتة كمان نفس الحكي حكت بس رحت لعند دكتورتي الي بتابع معها قالتلي لا الحبل السري جنب رقبتو مو لافف عليها وطلبت مني اعمل ثلاثي الابعاد عندهم بنفس المشفى قال أضمن مع العلم أنه السونار عندها مو مطور ابدا" وقت بقلا بدي صورة البيبي بتقلي مارح تفهمي شي لاني جهازي قديم فشو رأيكم وحتى اني ع رباعي الابعاد والدكتورة التانية كلهم قالولي أني بالاسبوع 32و4 أيام وبس رحت لعندها بتقلي انتي هلق بالاسبوع 30 ههههههههه جننتني وآحلى الشي بس قالتلي بنوتة قلتلها شوووووووووووو خافت مني قالتلي شو قالولك قلتلها صبي بإذن الله قام رجعت قالتلي آسفة صح صبي خخخخخخخخخخخخ ... ,, وجوزي مو راضي اغيرها لانها استشارية وأردنية مالي عرفانة شو اعمل ؟؟ قلتلوا خلينا نفحص هل اسبوع عند وحدة تانية والاسبوع الي بعدوا بنرجعلها قال بنشوف .. وبالنسبة لملاك بنفس الاسبوع تعبت كتير و وصلت حرارتها 41وأخدناها للمشفى وطلع عندها إلتهابات الحمدلله ولهلق هي تعبانة بس أحسن من أول وعم أعطيها علاج وضربناها أبرة من شآن الالتهابات الله يشفيها يارب .. وبنات بدي حذركم ماتعملوا متلي أبدا" أياكم ثم أياكم تستخدموا منظفات وبالاخص الي ريحتها قوية استخدمت منظف للفرن بخاخ والله لا يورجيكم شو صار فيني ضليت اسبوع عم عاني وغط ع قلبي وتاني يوم ابو الشباب شافني مرمية بارض المطبخ الصبح وعمل عندي مغص مو طبيعي والله ستر إن شاء الله راح نزللكم صورتوا للاحتياط ..

حكيتلكم قصة حياتي بس حبيت اطمنكم عني كونوا بخير ياعسولات

مع كل الود
♥ تحياتي (^_*) ♥

أم ملاك ومالك

07-03-2012, 05:53 PM

هايدي

أم هنودة الغالية كيفك ياقلبي وكيف هنودة ؟؟ يارب تكونوا بخير .. نورتي التجمع عن جديد الله لا يحرمنا منك يارب والله العظيم اشتقتلك كتير وكان قلبي عندك الحمدلله طمنا عليكي الله يقومك بخير وسلامة ونفرح بتخرجك يارب .. شو تخصصك ؟؟ الله يوفقك يارب .. والف مبروك ديارة هنودة إن شاء الله بيلبسهم بالعافية يارب وتفرحي فيه ..وإن شاء الله يقتنع ابو الشباب معك وتنزلي تولدي بلبنان الله يكتبلك الي فيه الخير يارب ... وعندي طلب بدي رقمك من شآن صير اطمن عليكي كل فترة طبعا" غذا ماعندك مانع حبيبتي وإذا جوزك مابيمانع بهل شي يعني بيحقلك القبول او الرفض ههههههه

لا تغيبي عنا لاني إلك وحشة حبيبتي ربي يسعدك

مع كل الود
♥ تحياتي (^_*) ♥

أم ملاك ومالك

07-03-2012, 05:55 PM

عبيررررررررررررر

أم حمودة العسول تبارك الله عليه .. الف مبروك طهوروا وع قبال ماتشوفيه عريس وتفرحي فيه يارب ..أبوسوا أنا .. كيفكم ؟؟ يارب تكونوا بخير اشتقتلك ياعسل .. كيف أهلك طمنيني عنهم الله يحميهم يارب

مع كل الود
♥ تحياتي (^_*) ♥

أم ملاك ومالك

07-03-2012, 06:00 PM

شام الهوى
حبيبتي شاموووووو الله يسعدك ويهنيكي يارب ويخليلك القطاقيط وتفرحي فيهم يارب بجاه الحبيب المصطفى ويرزقك توأم يارب وينولك مراد قلبك .. ومازلت بإنتظار طريقة الشاورما .. حبيبتي شكرا" كتير ع دعواتك الحلوة الله يخليكي يارب .. ملاك بتبوسك .. الله يحميلك أهلك ويخليكي حبيبتي.. طولتي الغيبة علينا يلا رجعي اشتقنالك ياعسل

مع كل الود
♥ تحياتي (^_*) ♥

أم ملاك ومالك

07-03-2012, 06:05 PM

سيلاااااااا

ياقلبي أنتي كيفك وكيف كرومة العسول ماشاء الله هانت الله يهونها عليكي وتكون ولادتك متل رمش العين ياقلبي الله يحميكي ويقومك بخير وسلامة يارب .. عسى المانع خير وين هل غيبة حبيبتي .. اشتقتلك يلا طلي ونورينا ياعسل أنتي .. الله يحميكي يارب ويحمي أهلك بسوريا بجاه الحبيب المصطفى ..

مع كل الود
♥ تحياتي (^_*) ♥

أم ملاك ومالك

07-03-2012, 06:10 PM

سروءة

حبيبة قلبي أم جود كيفك وكيف العسولة جود ؟؟ يارب تكونوا بخير .. و تسلمي لقلبي وتقبشني جود العسولة الله يحميها .. بوسيلي هيا ألف بوسة ويارب يكونوا أهلك بخير ..

مع كل الود
♥ تحياتي (^_*) ♥

أم ملاك ومالك

07-03-2012, 06:11 PM

رنووووووووومة

عسى المانع خير ياقلبي طولتي الغيبة كتير والله العظيم بالي عندك أنتي وبناتك الله يحميكم يارب ..يارب نطمن عنك لو بكلمة الله يحميكم ويكون معكم بجاه الحبيب المصطفى

مع كل الود
♥ تحياتي (^_*) ♥

أم ملاك ومالك

07-03-2012, 06:12 PM

وردة سورية

كيفك ياحلوة يارب تكوني بخير أنتي وأهلك .. الله يحميكم يارب وترجعي بخير وسلامة لعند زوجك يا عسل .. كوني بخير قلبي معك .. اشتقتلك كتيررررررررررررررررررررر

مع كل الود
♥ تحياتي (^_*) ♥

jorri sham

07-03-2012, 06:14 PM

بنات هي صورة يزوونة جديدة ع لاب توب
http://forum.hwaml.com/imgcache2/hwaml.com_1341328467_109.jpg

وهي كمان اقلبو الاب توب مشان تشوفوها نسيت اقلبها ما اغباني هههههه
http://forum.hwaml.com/imgcache2/hwaml.com_1341328468_504.jpg

أم ملاك ومالك

07-03-2012, 06:15 PM

وردة حلب

ياحلوة كيفك ؟؟ وكيف القطاقيط ؟؟ يارب تكونوا بخير .. اشتقتلك كتير .. كيف اهلك ؟؟ الله يحميهم يارب .. عسى غيابك خير .. لاتغيبي كتير اشتقتلك

مع كل الود
♥ تحياتي (^_*) ♥

أم ملاك ومالك

07-03-2012, 06:22 PM

هديل

حبيبتي هديل ربي لايحرمني منك وإن شاء الله تقومي بخير وسلامة أنتي والعسولة يارب
والله يطمنك ع أهلك ويحميهم يارب بجاه الحبيب المصطفى وع قبال مانشوف تجهيزات عروستك يارب وتعيش وتحمل اسمها يارب ,, ع فكرة الاسم كتير حلو ,, وملاك بخير وبتبوسك ياقلبي ,,,,,,,
وانا كمان بدي احجزها لمالك إذا الله راد بس ادعيلي يجي بخير وسلامة يارب .. وشكرا" كتير ع الدعوات الحلوة .. الله يسعدك وينولك مراد قلبك يارب

مع كل الود
♥ تحياتي (^_*) ♥