دردشة حوامل الأحساء- تجمع بنات الأحساء - الحسآويآآت

[احسساس غالي]

هههههه
عادي انا قالووا لي بنت وزوجي شافها قال بنت
وولدت وطلع لي سبرايز هع وجبت ولد
بس اشتقت للبنوته هع


وبالنسبه للبطن انا مابان بطني الا بالسادس 😁



<<<< سلااااام عليكم
تو الناس

[تراتيل حزن]

يسعد لكم اوقاتكم بكل خير

كح كح غبار زمان عنكم

بس جد لكم وحشه يامتوحشين ههههه

[احسساس غالي]

وانا اقول من وين جت الغبار امس هههههه


والله من زماااان عنك يالرشيقه

اخبارك
واخبار بنتك
ان شاءالله تمام


😁

[وردة الأحساء]

هلااا بنات شخبار حوامل الحسا ؟؟؟ شنو مسوين مع الغبار ؟؟؟؟

مين جهزت للبيبي وين أحسن المحلات اللي تعمل مفارش ؟؟؟

[queen pink]

بنوتآآآت من تراجع بالمواااسساة واللي راجعت اللي تسوي سونار تعرف جنس الجنين ؟ يعني احد جربها ؟
تعرف تحدد يعني

[غلآ]

اهلااا كرووششات

انا بالنسسبه للتجهيييز خلصت كل شي من الدمام

بس باقي طقم النفاس

وناوويه في قصر المهند في شارع النجاح


اقمشششته مرره حلووووه وخياطه مررتبه

[أوفى الخلقـ]

السلام عليكم كيفكم كلكم :)

[وردة الأحساء]

وعليكم السلام هلا فيكي أختي أوفى الخلق شخبارك ؟؟؟
اختي queen pink أن شاء الله البنات اللي يراجعون هناك يفيدونك

مشكورة أختي غلا وماشاء الله خلصتي تجهيز ... وكيف أسعارهم هذا قصر المهند ؟؟!!

[baby`s smile]

انا بديت اشوف المحلات بشكل عام
وعلى قولتهم من كل بحر قطرة :)
تجهيزات النونو اخذت من مذركير وسنتر بوينت والصقر
ومفرش السرير ناوية اخذ جاهز .. مايعجبني التفصيل
واللي شفت عنده حلوين سنتر بوينت

بس في عندك يوم بيوم وركن الطفولة يقولون عندهم اشيا حلوه بس انا مارحت لهم
ناويه اروح هاليومين اشوفهم ..

[دمعة ندى]

بنات بسئلكم:

كيف التخفيضات الي في مذر كير في العثيم حلوه ولا ماتستاهل

[وردة الأحساء]

ماعندي علم أختي دمعة ندى لسه مابعد أجهز أي شيء ..

أختي baby`s smile صحيح الجاهز أفضل وارتب ... من زمان كنت داخله محل يوم بيوم بس ماكنت حامل فما ركزت عدل عليهم ... ومثل ماقلتي التجهيز مو ضروري من محل واحد من كل بستان زهرة ^^"

[غلآ]

حلووو اسعاااره ولاني اقماااشه يستاااهل كثييرر

ددخلت كذذا محل بس هذا عجبني كيثييرر

[queen pink]

انا حسآآوية بس ساكنة بالدمآآم
صراحة حبآآيب الاطقم هنا للنفااس اقمششة وموديلات روعة واسعار انسب من الحساء انصحكم تجون هنآآ

بسئلكم بأي شهر تجهزوون؟
وشنوو الضروريات اللي اجهزهآآ؟؟
ومتى التخفيضات بسنتر بوينت

[انا الله معا الصابرين]

السلام عليكم..بنات يعطيكم العافيه ممكن احد يفيدني عن مستشفى النساء والولاده اللي بلاحساء مين ولدت فيه وكيف العنايه تبعهم؟... انا خايفه ومحتاره لنو انا بكريه وحامل بتوأم مشاء الله وخايفه اروح اي مستشفى...ابي فيه عنايه..علشان البيبي..افيدوني يعطيكم العافيه

[صمتي حكاية]

معندي خبره انا نفسك حامل بكري
بس اتوقع عنايتهم تمشي الحال

[eklil alward]

انا بديت اشوف المحلات بشكل عام
وعلى قولتهم من كل بحر قطرة :)
تجهيزات النونو اخذت من مذركير وسنتر بوينت والصقر
ومفرش السرير ناوية اخذ جاهز .. مايعجبني التفصيل
واللي شفت عنده حلوين سنتر بوينت

بس في عندك يوم بيوم وركن الطفولة يقولون عندهم اشيا حلوه بس انا مارحت لهم
ناويه اروح هاليومين اشوفهم ..

انا مثلك فكرت اخذ من السنتر احس مفارشهم حلوه حيل عجبتني

[ام ليالي.]

مرااااحب حبوبات كيفكم انا عضوه جديده حبيت انظم لكم

[ام ليالي.]

افا والاحد رحب فيني

[ملكة الثلوج]

هلا فيك ام ليالي حياك الله بينا ان شاء الله تستفيدي منا ..انتي اي شهر

[eklil alward]

مرحبتين ام ليالي
حياك الله

[انا الله معا الصابرين]

بنات افا مارديتو عليه

[ام ليالي.]

هلابيكم حبوبااات انا في الشهر الثاني وربك يعين

[ام ليالي.]

مستشفي الولاه انا ولدت فيه في ولدي الاهتمام يعني موكثير بس حنا دايم نسمع اذ تعسرة الولاده يحولونها للولاده بس انا هذي المره ناويه ان شاء الله علي المانع

[ام ليالي.]

ايش رايكم في مستوسف الادريسي

[slyl]

شخباركم بنات
رجعت بعد غيبه طويله

أنا بالسادس وبديت اجهز صراحه متحمسه حيييل
اول طفل بحياتي ودي اشتري السوق كله هههه
أنتو زيي متحمسات
ولا عادي

[slyl]

أنا الله مع الصابرين

أنا بكريه ولا عندي خبره بالمستشفيات بس اسمع
أنا كنت ناويه أولد بخاص بعدين هونت وقلت بولد بحكومي
أخاف طفلي يحتاج حضانه لاسمح الله ونتوهق لان بعض المستشفيات الخاصه ماعندهم حضانه او ماعندهم دكتور خبير بالعنايه بالخدج

زي ماتقول امي الولاده ولاده انتي اللي بتولدين وانتي اللي بتدفعين البيبي

والعنايه صراحه بالحظ

[احسساس غالي]

السلام عليكم..بنات يعطيكم العافيه ممكن احد يفيدني عن مستشفى النساء والولاده اللي بلاحساء مين ولدت فيه وكيف العنايه تبعهم؟... انا خايفه ومحتاره لنو انا بكريه وحامل بتوأم مشاء الله وخايفه اروح اي مستشفى...ابي فيه عنايه..علشان البيبي..افيدوني يعطيكم العافيه



هلا
انا ولدت بالولاده من 3شهور
ماعليهم كلام اهتمام ونظافه بس شويه يتاخرون هع
وبنت عمتي كانت حامل بتؤام راحت لخاص قالوا لها عمليه
وراحت للولاده وولدت طبيعي الحمدلله


اهم شي السهاله
ولاتنسي الدعاء والقران



ربي يسهل عليك

[سحر الحب]

مراحب

بنات من جربت الموسى ؟؟
ولا الحكومه افضل ؟؟ ولاماكو فرق يعتمد عالدكتور نفسه ؟؟

واقدر اخلي زوجى جمبي الين تجى لحظة الولاده ولا ؟

[انا الله معا الصابرين]

يعطيكم العافيه يابنات ماقصرتو... انا بعد ودي اولد بخاص لاكن خايفه انه ماتكون متوفره عندهم لحضانه الطفل...وبنفس الوقت عيبهم انهم يستعجلون علا الوحده ويحكمون عليها قيصري....طيب يعطيكم العافيه امتا يبان جنس البيبي؟ انا خلصت الثالث اليوم

[baby`s smile]

والله انا ماعندي خلفية عن الولادة بمستشفى الولاده
جربتهم في التنظيف وتعقدت منهم

وجنس البيبي يبان في الرابع
انا عرفت نهاية الرابع

ام ليالي الله يسهل عليك ويقومك بالسلامه

كوين انا ودي اشتري من الدمام .. بس زوجي رافض فكرة اني اروح مشاوير طويله
الله يسهل علينا .. وان شاء الله نحصل شغلات ححلووه هنا

Slyl بصراحه ماألووومك انا متحمسه بقوووه مثلك
وبديت اجهز من الحين .. اصلا ياااادوووب يمدي
كل ماطلعت السوق اخذ كم قطعة
لان مو اي شي نشوفه حلوو

[queen pink]

بنوتآآآآآآآآآآت مآحد رد علي انا بكرية ومحتآرة ايشش اجهز؟

[خاتم ذهب]

بين بينك روحي السوق وجهزي كل شي للمولود
كتبي بقوقل تجهيزات المولود من الالف الى الياء وخوذي كل اللي تبيه اكتبيه^^

[خاتم ذهب]

بنات الحوامل
سمعت اللي تاكل فواكه وسفرجل وتمر وهيك يطلع الطفل يجنننننن قمر
قولي لي شنو تاكلو بالضبط غير فواكه وسفرجل عشان يصير قمر وجميل وصحي ومورد ودب هههه

[baby`s smile]

كوين انا كمان بكرية مثلك وحييل محتاره ع التجهيز
بس سألت اهلي والبنات في المنتدى .. احس ترتبت افكاري شوي

يعني ..
خذي لك شباحات داخليه نص كم وبدون كم هذا للصيف
واخذي لك اطقم تكون كامله مع اللفه والقبعه وهالشغلات
واخذي ملابس للنوم
ولفات قطن
وفوط

هذا اللي في بالي الحين
رتبي التجهيز على فترات عشان ماتتعبين


خاتم ذهب .. صح حتى انا سمعت عن السفرجل والتمر انه يخلي الطفل جميل

[انا الله معا الصابرين]

انا بعد سمعت انه السفرجل والتمر لجمال الطفل..وحصا اللبان لطفل ذكي..بنات صح ترا اكل الفستق يقولون مو زين للجنين.. يخليه يكون اكثر عرضه للأصابه بلربو... توني قريت المعلومه من يوم.. والله اعلم

[slyl]

سحر الحب
زوجه حماي ولدت في الموسى وتمدحه بس اغلب البنات يذمونه يعني حظك نصيبك
والحكومي نفس الشي بنات متعقده منه وبنات تقول زين ع حسب الدكتوره اللي بتولدك يمكن زينه ويمكن زفته وغبيه ودفشه
مابعد اجرب شي أنا انتظري ثلاث اشهر واقولك رأيي فيه ههههه
طبعا مستشفى الولاده تحلمي تشوفين زوجك حدك يوصلك باب الطوارئ ويروح البيت ولا ينتظر بموقف السيارات
اما الخاص ع حسب اغلبهم تقدري تدخليه معاك

أنا الله مع الصابرين
يبان الجنس اذا اخذتي ثلاث اشهر وثلاث اسابيع
واحتمال يبان قبل بس مو أكيد يطلع لك نفس الجنس اللي يقلون لك
واحتمال بعد يصير مسكر رجوله ولا وضعيته غلط ولاتعرفي

بيبي سميل
انتي قبلي باسبوع
معاك حق كل محل ادخله مايعجبني الا قطعه قطعتين بس
أنا مابيجي السابع الا أنا خلصت كل شي من كثر الحماس. هههه
انتي بتفصلي مفرش الطفل مع الام ولا بتاخذي جاهز ؟

كوين بنك
صراحه التجهيزات تختلف من وحده لوحده

مثل أنا جهزت غير اللي جهزت اختي في أشياء بالنسبه لها مو مهمه فماشرتها
أنا اشتريت ثياب تقريبا 6 لان أريح له اول شهرين كل متربط
وملفات تناسب الثياب مع قباعات وشباحات
وشريت طقم مع مدس عشان لو جاني ضيوف احطه فيه شي كشخه ع ذوقك
وفوطه للاستحمام
وادرج لاغراض البيبي
باقي اشتري السرير وطقم السرير مع مفرش الام
وروب نفاس
واغراض الصيدليه من شامبو وكريم وبودره وحفاضات ومقص اظافر ومشط ومقياس حراره ورضاعه ...الخ

تقريبا هذا الاشياء الاساسيه لطفل خلال الاربعين وبعد الاربعين بشتري اغراض ثانيه
وفي اشياء ثانيه بس مو ذاكرتهم الحين

خاتم ذهب
صحيح السفرجل يجمل الطفل خصوصا اذا اكلتيه اول ثلاث اشهر
وبعد اذا قريتي سوره يوسف ع تفاحه واكلتيها يصير طفلك جميل
طبعا لمده اربعين يوم خلال فترة الحمل يعني كل يوم تآكلي تفاحه اقري عليها

[ريم الحربي]

السلام ...
ي الله من مده طووووووووووووووويـــــله عن هالمنتدى ,,, ادري مو بس انا غبت عن المنتدى أكيد كل الموجودين هنا اللي كانو معي غابو عنه بعد بس اتمنى يكونو بخير ...دعواتي لكل اللي موجودين ان الله يحقق آمانيهم أن شاء الله ...

[ام ابتهال]

السفرجل حلووووووووو للام والجنين
بس الصوره اللي بتوقيع ريم الحربي احلا هههههههههههه

[ظل الياسمينن]

مرررررررررررحبا بنات
بنات اللي حامل
مسويه لها برنامج من اول شهر للاخر شهر
تاكل اكل صحي وكذا وخاص للحوامل ؟
لاني سمعت في برنامج نظامي وغذائي للحامل
يعني مين تمشي على برنامج معين ؟
عشان البيبي يطله يهبل وعشان نحن بعد مانولد نطلع نهبل

[slyl]

ريم الحربي
نورتي كنتي موجوده قبل يمكن ثلاث او اربع اشهر اذكرك من توقيعك خخخ
وليه اختفيتي اذا عذرك مقبول بنسامحك اذا مادخل مزاجي برااا >> شكلي أنا اللي بنطرد برا هههههههه

ام ابتهال
ههههههههه موتيني ضحك عيب ترى بالصوره شي محضور هههه

ظل الياسمين
مو مهم نظام معين اهم شب تاكل اكل صحي ومفيد وجبات كامله يعني مو تروحي تآكلي اندومي وجبات سريعه لا اكلي اكل سنعه مثل السمك واللحوم وخضراوات وفواكه .. الخ
وتشرب حليب كثييير وماي بعد
وتاخذي الاحبوب اللي تكتب لك من حديد وكالسيوم وفتمينات ضروري لصحه البيبي وصحت الام بعد

[احسساس غالي]

سلااام بنات

شخباااركم

استانسوا دام انهم فـ بطونكم
لاطلعووا بيشيبون راسكم هع

[*دلوعه زوجها*]

كروشاااااااااااات بليز مين تعرف تحسب في اي شهر انا

انا اخر دوره جاتني في 28/8/1432هـ وتطهرت 4/9/1432هـ

بليييييييييييييييييييييز محتاره مع الدكاتره

[slyl]

كروشاااااااااااات بليز مين تعرف تحسب في اي شهر انا

انا اخر دوره جاتني في 28/8/1432هـ وتطهرت 4/9/1432هـ

بليييييييييييييييييييييز محتاره مع الدكاتره

تاريخ ولادتك بالهجري 13 /6/ 1433
وبالميلادي 5/5/2012

احساسي غالي
صراحه نبي نجرب هالاحساس
وجودهم بين عيونك احسن من بطنك
ياربي متى اعيش الجو واربي واسبح واحضن وارضع هههههههههههه ونااسه
بذمتك مو شعور رهيب

[احسساس غالي]

ههههههه
احسسساس حلوو
بس ولدي صياح بس يبي يلعب
وعايف صدري وامي تقول لا تفطمينه

[slyl]

ههههههه
احسسساس حلوو
بس ولدي صياح بس يبي يلعب
وعايف صدري وامي تقول لا تفطمينه

كل المواليد صياحين بس اللي بجيب هاديه
ههههههه
ليش عاف صدرك ؟
تعطيه صناعي ؟

أنا مقرره ارضع الاربعين وبعدها بدخل الصناعي

[احسساس غالي]

هههههههه
اعطيه الاثنين بس مال للصناعي اكثر
اذا رضعته قدام احد مااروح البيت الا يعصب ولا يبيه



اتطنز ع اللي مايرضعون وصار ولدي مايبيه هع

الله يعينا مستعجله اعطيه اكل طفشت من الحليب <<ليش انتي اللي تشربيه خخخه

[غلآ]

ااااااااااخباركم حسسوويااااااااات

[slyl]

هههههههه
اعطيه الاثنين بس مال للصناعي اكثر
اذا رضعته قدام احد مااروح البيت الا يعصب ولا يبيه



اتطنز ع اللي مايرضعون وصار ولدي مايبيه هع

الله يعينا مستعجله اعطيه اكل طفشت من الحليب <<ليش انتي اللي تشربيه خخخه

ههههههههه
حرام عليك توه مسكين ماطلعت له طحانات

بس جد كل شي تعايبين فيه يطلع في عيالك

أنا اعايب ع شي اكرهه في الطفل الله يستر مايصير فيني
ههه

[احسساس غالي]

اهلين غلا

بخير انتي كيفك



ههههههه
الله يعين والله
اجل انتظري اللي تكرهيه هع



من وين انتي
وكم عمرك

[slyl]

مدري ليه التجمع باارد
تكتبي رد بالموت حد يرد عليك

عندي سؤال
أنا صدري كل ينقط حتى لو مالمسته
يطلع طبيعي ذا؟

[احسساس غالي]

ايه التجمع صار بارد

وين اول ماتلحقي ع الصفحات هع

[slyl]

خلاص مافي غيرنا
خل نتعرف ع بعض ونتقهوه <>>يشمون ريحه الاكل ويجون هههههه

[الغلا عنواني]

هههههههههههه اي والله يا سليل انا شميت ريحت اكلكم وجيت اركض جوعانه ههههههههههههههههههههه >>>صايره قطوه تشم ريحة الاكل من بعد عشره كيلو هههههههههههههههههههه

كيفكم بنات اخباركم وحشتوني لي زمان عنكم كيف احوال عيالكم وكروشاتكم انشالله تمام

[احسساس غالي]

هههههههههههههه
اهلين الغلا عنواني

كيفك

انا بخير الحمدلله وماي بيبي بخير
نسلم عليك هع

[slyl]

الغلا عنواني ههههههه
حلوه صورتك الرمزيه ممكن تسلفيني إياها

إحساس غالي
وين طسيتي امس
مالحقت سالتك شي
كم نفر عندك بالبيت
ومتى مزوجه وكم عمرك
ههههههه
في شي نسيته يمكن
خلاص اكتبي كل شي عنك وقصت حياتك عادي مافي مشكله ههههههههه

[الغلا عنواني]

احساس انا بخير والنونو تبعي تسلم عليكي وياليت تطلع بسرعه عشان انا ارتاح منها

سلو حلالك الصوره وصاخبت الصوره فداك حبيبتي عليك با العافيه بس لا تعرضينها بكل مكان ترا هذي صورت رجلي ورجل بنتي هههههههههههههه>>>>تحلم كثير البنت

الموهم بنات انا مشتهيى جلي مين فيكم تسويه لي انا جيت على طاري الاكل وتحملوني كيفكم ههههههههههههههههه

[احسساس غالي]

ههههههههه
والله حطيت راسي ع المخده ونمت هع

عندي نفر واحد عمره 3 شهور
وعمري 18 ومتزوجه من سنتين وسبعه شهور
ومن القرى الشرقيه يعني لو فكرتي تزوريني هع
وانتي…؟

الغلا عنواني دوووم
انتي باي شهر

[نبض قلبي]

واااااااااااااااااي وحشتوني كثييييييييييييير

من زمااان عنكم يالدبب ولهت عليكم وع سوالفكم


غطيت غطيت فجأة طلعت هع


اخبااركم وأخباااراعيالكم التناتيف واخبار الكروشات >بدري


أحس التجمع صار فيه كثييييييييييير جدد المهم حيالله من جانا هع

[احسساس غالي]

هلاااااا بالدبه
وينك اختفيتي
لك وحشه والله


اخباااااارك واخبار ليووووس كبر ولا هع

[نبض قلبي]

ياهلا فيج احساس

انا جيينه وليوس جين يسلم عليك

مااايوحشك غالي يالدبه

ابد والله من زمان مافتحت الاب نسيته اهو بالي فيه هع بس هسى رجعت عليه

انتي اخبارج واخبار البيبي مالج نسيت شنو اسمه مصطفى صح ولا

[احسساس غالي]

اهــااا
دوووم ان شاءالله

انا بخير الحمدلله ويسووف بخير بس صياح ودلع

هههه اما مصطفى لا اسمووه يوسف

ايون وش الجديد

[نبض قلبي]

دووومات يارب

واااي فديت يسووف الي يدلعوون

اي من حقه يدلع ماافي الا هو عندج

انا ليوس الحين صار لازعل يروح عند باب الشقه ويصيييح ههههه

يعني خلاص صج زعل تبيني تعالي لحقيني هههههه

والله ماكو شي جديد لاحملت ولاهم يحزنون مثل ماأنا

لارحت ولاجيت هع

[احسساس غالي]

ههههههههههه
حلوه لاحملت ولا هم يحزنون
خخخ ان شاءالله تحملين اجل هع



هههه والله العيال مشكل شحلاتي اول اروح واجي ع كيفي هع

[احلام العمر]

السلام عليكم

كيف حالكم

[احسساس غالي]

عليكم السلام

بخير انتي كيفك

[حساوية]

هاااي بنات

كيفكم

[طفلتي انيقتي]

بناااااااات ابي صديقات ^^ بس اهم شي يكونون مواليات ^^ < يعني بالحرف الواحد (شــــيعيه موالي لمحمد وال محمد )
لاني طفشانه حدي

[صمتي حكاية]

هــــــــــــــــــــلا في احد موجود

[احسساس غالي]

هلا فيك طفلتي
حياك
اكوون صديقتك
انتي من وين



اهلين صمتي
اخبارك

[حساوية]

طفلتي انيقتي

اذا حابة اكون انا صديقتك

ممكن اتعرف عليك تعالي ندردش مع بعض

[حساوية]

احساس اخبارك

[احسساس غالي]

بخير

اخبارك انتي؟؟

[حساوية]

تمام

ممكن اتعرف عليك

[مريم ناصر]

مرحباً أمهات المستقبل

[حساوية]

مرحبتين مرايم

[slyl]

هلا. بنات أخباركم
لي يومين مادخلت محد فقدني افاااا
يلا المهم أني فقد روحي هههههه

إحساس غالي
سوري تأخرت بالرد بس ماعليه
أنا عمري 21 متزوجه من ثلاث سنوات وشوي
ماعندي ولا نفر بعد ثلاث شهور بيصير عندي نفره ههههه

بعد شنو نسيت
اي كل وحده تسرد لنا بطاقتها مثلي

[slyl]

طفلتي مشاء الله طلعو لك جيش صديقات وينك اختفيتي

حساويه شخبارك توك جديده شكلك

مريم ناصر هلا فيك نورتي

[حساوية]

هههههههههه

slyl هلا فيك

انا تمام و انتي كيفك

اي توني جديدة وحابة اكون بينكم اذا ممكن

انا عمري 20متزوجة اخذت سنة وشهر من تزوجت

وحامل في الشهر التاسع البيبي جاي في الطريق ههههههه

وشنو بعد اممممم حساوية 100% ههههههه

[slyl]

مشاء الله يعني هذا شهرك
بنت ولا ولد ؟؟
وخلصتي تجهيز كل شي
وين بتولدين

مسكتك أسأله ههههه

بس احسن شي حساويه 100٪.
ههههه*

[Miss YoYo]

يـــــوه اقدمكم غبرتو < والله انتي المغبره هع

شخباركم يا حلوات ؟
ماشاء الله عندنا حوامل جدد
ربي يتمم لنا كلنا على خيــر

انبطت كبدي ابي يمرون الشهور بسرعه
ابي انزل لأهلي
لا ابو امريكا لابو اللي فيها كلهم طفشت من هنا
بسرعه اشوف بسرعه
كل وحده تدف الثانيه عشان نمشي سريع سريع
ولا وخرو انتو وكروشكم خلوني امشي بسرعه
×_×

[slyl]

هلا مس
انتي قبلي بسبوعين بس شكلي بولد قبلك عندي إحساس يقول كذا >>ودها تذبحني

شخبارك وشو مسويه

[slyl]

وين رحتو كلكم نمتو
ليش ماقلتو لي عشان اروح انام معاكم
خلاص زعلت بكره لاحد يراضيني مابرضى

[احسساس غالي]

ههههههههه

اهلييين فيكم

شوو اخباركم

مس يويو مغبره والله هع
الله يسهل عليك يارب
دخلتي بشهور الثقل
والتاسع اعظم

انا ماحسيت بالثقل الا بالتاسع

[Miss YoYo]

سليل ... خمي كرشتتس وسكتي دام النفس عليك طيبه <<تراني امزح hwaml02
قال تولد قبلي قال .. قسم اعصب لو سويتيها
خلاص بالدور، اللي قبل تولد قبل
نفسي بخشمي قسم بالله اليوم جايتني حاله
ودي اصك راسي في الجدار ، ودي اتهاوش مع احد
hwaml15


إحساس .. عاد نظفيني لا تخليني مغبره تفشليني مع الجدد هع
والله بالنسبه لي ما احس بثقل الحمدلله
نتفة كرشه متحسفه تطلع حتى هههه hwaml02
اللي مزهقني القعده هناخلاص احس وصلت حدي
شيصبرني لين شعبان اولد
ويمكن ما انزل إلا على بداية رمضان

الله يسهلها وتمشي الأيام

[احسساس غالي]

هههههههههه
خلاص نظفتك هع


ايه والله الغربه صعبه والله
خصوصا الحامل نفسيتها دمار كيف بالغربه


الله يصبرك 😔

انا اهلي بالجبيل واحسهم بعيد عني كيف انتي

[حساوية]

مشاء الله يعني هذا شهرك
بنت ولا ولد ؟؟
وخلصتي تجهيز كل شي
وين بتولدين

مسكتك أسأله ههههه

بس احسن شي حساويه 100٪.
ههههه*


اي واخيرا جاء الشهر التاسع تعبت وانا انتظر ومتحمسة لاني بكرية

لا ان شاء الله (ولد)

اي تقريبا خلصت اغراض البيبي بس باقي لي اشويت حاجات وافتك

مدري وين بولد انا الحين اتابع الحمل على التامين في الموسى واهلي يقولون روحي الولادة

احسن عاد وقت الولادة الله اعلم وين زوجي بيوديني


هههههههه لاعادي بالعكس انا مادخلت هنا الا عشان اسولف معكم

[حساوية]

سليل مانمت انا بس من الزهق اقرقع على هالمنتديات توني راجعه

ههههههههههاي

[احسساس غالي]

مسااااااء الخير

شو اخباركم

[احلام العمر]

مساء الخيرات لاحلى حوامل حساويات

[مريم ناصر]

مرحباً كروشاااات أنا شكلي اخر وحده بولد خخخخخ توني داخله السادس

[احسساس غالي]

هلاااا بنات

وينكم


مين تعرف محلات فساتين ناعمه ( عرس اختي الشهر الجاي)
واسعارهم معقوله لاني اشتري والبسهم مره ولا البسهم مره ثانيه

[مريم ناصر]

وينكن يابنات

[slyl]

إحساس غالي
روحي شارع النجاح محل اسمه ماركه فيه فساتين ناعمه وحلوه ومديلات جديده وفي محلات كثيره بشارع النجاح فرفري فيه وتشوفي
بس ماعرف صراحه محلات رخيصه لان المحلات الرخيصه موديلاتهم قديمه

وانا زيك اشتري الفستان وغالي ولا البسه الا مره وحده

[ام ارجواااااان]

مرحباااااااااااا
يالغالياااااااااااااااااااااات
شرفونااااااااااااااااااااااا
على الرابط


http://forum.hwaml.com/t104081.html (http://forum.hwaml.com/t104081.html)




http://forum.hwaml.com/imgcache2/hwaml.com_1333922438_316.jpg

[احسساس غالي]

اها
توو جايه من شارع النجاح بس ماتمشيت رايحه اتعشى هع
الله يعين
زوجي هالايام مشغول مافيه وقت
<<يلا باقي شهر هع


ايوون واخباركم واخبار الاهل

[غلآ]

شششكلي هنااا

اوول حسسساويه بتولد قبلكم

[غلآ]

اهلا ااحسسسساس

اخبارنا الحمدالله

انتي اخباررررك

[ابدوية]

يابنات ابي اسالكم وحطيت هذا السؤال في قسم المستشفيات والمراكز الصحية (http://forum.hwaml.com/f72.html)


من جربت الولادة في مستشفى عبيد التخصصي بالاحساء من حيث العناية بالام والطفل وكيف طريقتهم ياليت تعلموني وهل الحرس افضل منهم واقدر اختار اللي تولد وكيف عنايتهم بالطفل وهل اجيب الملف قبل الولادة ومجانا ؟؟؟


انا اراجع حاليا في مستوصف داهم عند الدكتورة يسرا وقالت انا تولد اذا جاء وقت الولادة تروح مستشفى عبيد وتولد هناك بس ابي اعرف كيف عنايتهم بالوالد والطفل اهم شيء بعد الولادة او الحرس افضل ابي نصيحتكم وتجاربكم او اللي سمعتوه

[طفلي انتظرتك طويلا]

بدويه
اذا قصدك الحرس الوطني بالاحساء
طبعا مستشفى الحرس افضل بكثيرررر من اي مستشفى خاص
وفي حوامل يتمنون واسطه عشان يولدون فيه
وحتى مراجعه الحمل بالحرس ممتازه

اذا عندك واسطه او زوجك يعمل بالحرس راح تتعالجين فيه بكل سهوله

[وردة الأحساء]

هلاااا بنات شخباركم ؟؟؟ شدعوه ماتسألون عن الغايبات ..

اللي ولدوا شنو ولهتوا على الحمل داخلين ههههههههه ودكم بواحد ثاني أنتبهوا لا نعديكم ^^

أأأأي مين متحمس مثلي ووده يجهز ببدأ خلاااااص ماني قادرة أتحمل اول بيبي ونفسي اخذ له كل شيء
ومن الحين يادوب أخلص >>>> ذوقي صعب ومش أي شيء أشتريه

[مريم ناصر]

أنا هالاسبوع جاني الحماس ودي اجهز قبل لا اطفي هع. اي محل ناويه تبتدين فيه

[مريم ناصر]

ابدويه مستشفى العبيد ماسمعت عنه
وأكيد الحرس افضل بكثير فعليكي به خخخ
أنا بنات ابي أسئل عن مستشفى الاحساء يعني تنصحوني أولد فيه ولا !!!؟

[Watan 3mree]

بنات من منكم تراجع عند مستشفى الولادة ...
اذا ليا موعد الصباح كم الساعه اروح ووين مكان العيادات حقتهم ,,

مش عارفة كيف اتصرف لو رحتhwaml85

اللي عندها خبرة تجاوبني الله يسعدها hwaml93

[slyl]

شششكلي هنااا

اوول حسسساويه بتولد قبلكم
لا ياحلوه في قبلك حساويه هههه

هلاااا بنات شخباركم ؟؟؟ شدعوه ماتسألون عن الغايبات ..

اللي ولدوا شنو ولهتوا على الحمل داخلين ههههههههه ودكم بواحد ثاني أنتبهوا لا نعديكم ^^

أأأأي مين متحمس مثلي ووده يجهز ببدأ خلاااااص ماني قادرة أتحمل اول بيبي ونفسي اخذ له كل شيء
ومن الحين يادوب أخلص >>>> ذوقي صعب ومش أي شيء أشتريه
هلا ورده صراحه اول مره التقي معك لو شفتك قبل سالت عنك >>>شفتي الإخلاص هههههه
أنا بديت اجهز من كم اسبوع وكنت ناويه انتظر لسابع بس ماقاومت
اول واحد حيل تتحمسي بزياده

ابدويه مستشفى العبيد ماسمعت عنه
وأكيد الحرس افضل بكثير فعليكي به خخخ
أنا بنات ابي أسئل عن مستشفى الاحساء يعني تنصحوني أولد فيه ولا !!!؟
الاحساء كنت بولد فيه أنا واختي وهونا
بسبب بنت عمت امي ولدت فيه وسوو لها قيصريه وكبسو الرحم والحين ماتقدر تولد الا قيصري
لانهم يستعجلو ع القيصريه

بنات من منكم تراجع عند مستشفى الولادة ...
اذا ليا موعد الصباح كم الساعه اروح ووين مكان العيادات حقتهم ,,

مش عارفة كيف اتصرف لو رحتhwaml85

اللي عندها خبرة تجاوبني الله يسعدها hwaml93
مامره رحت الولاده
بس لازم تخجلي موعد من قبل وهم يقلون لك كم الساعه تجين

[*دلوعه زوجها*]

بنات من منكم تراجع عند مستشفى الولادة ...
اذا ليا موعد الصباح كم الساعه اروح ووين مكان العيادات حقتهم ,,

مش عارفة كيف اتصرف لو رحتhwaml85

اللي عندها خبرة تجاوبني الله يسعدها hwaml93

اذا موعدك كاتبين لك الساعه 8 لازم الساعه 7ونص او 7:45 انتى عندهم لان توزيع ارقام
تروحي سلمك الله الى العيادات الخارجية وتعطي موظفه الاستقال كرت الموعد وراح تعطيك رقم بعدين ينادون عليك واذا وصلتي الموظفة لسى ماجات تحطي الكرت فوق طاوله الاستقبال عشان تعرف مين وصل قبل
الله يساعدك

[*دلوعه زوجها*]

بنات كروشات الله يخليكم
وين احصل بربتوزات سادة وين المحلات بالاحساء احصلها ياليت تساعدوني؟

[مريم ناصر]

سليل اجل وين ناويه تولدين

[Watan 3mree]

ما فهمت عليكم >> مشتغله غباء هههههه

الله يساعد بس

في احد يبي يروح معااي ؟. يعلمني اول مره اروح هناك hwaml93hwaml93hwaml93
موعدي الاربعا

[مريم ناصر]

ماراح تضعين سئلي الاستقبال واهم بيعلمونك

[slyl]

بنات كروشات الله يخليكم
وين احصل بربتوزات سادة وين المحلات بالاحساء احصلها ياليت تساعدوني؟
عندك محلات كثيره
عندك ملاك ع شارع النجاح
جود بيبي بالمحدود
وماي بيبي ويوم بيوم نسيت اسم الشارع

سليل اجل وين ناويه تولدين
بمستشفى الولاده ان شاء الله
امي مو مشجعتني اولد بخاص تقول كلهم يستعجلون ع القيصريه ويخوفونك يقلون النبض ضعف ولا بيموت ولا حالتك ماتسمع ويخلونك توافقي ع القيصريه لان اربح لهم القيصيريه من الطبيعي
وخلاص بسمع كلام امي وبولد بالولاده
ما فهمت عليكم >> مشتغله غباء هههههه

الله يساعد بس

في احد يبي يروح معااي ؟. يعلمني اول مره اروح هناك hwaml93hwaml93hwaml93
موعدي الاربعا
خلي امك ولا اختك
ولا حتى ام زوجك
يرحون معاك
انتي اي شهر الحين ؟؟

[Miss YoYo]

مراحب يا حريمات
أخباركم وأخبار عويلكم ؟

إحساس .. والله ماعندي فكره عن محلات ملابسها حلوه ورخيصه
انا اشتري ملابسي غاليه البسها لبسه وحده وتتخزن بعدها
حتى أجار ما أحب أأجرها على أحد

ابدويه .. اذا رجلك من بتوع الحرس لاتفكرين في غيره
انا خالتي تشتغل هناك تو والد عندهم وتمدح فيهم وفي رعايتهم

سليل .. ترا كل المستشفيات يغلطون حتى الولاده لهم أغلاطهم
هي تساهيل على الله .. اللي مكتوب بيصير
وبعدين وش فيها اذا سكرو بطنها بـ الكبس
ترا عادي تقدر تولد طبيعي بعدها مو لازم خياط عادي
انا وحده من اهلي جابت الأول قيصريه وكبسو بطنها والحين عندها 2 بعده جابتهم طبيعي
لا تحطون هالأشياء براسكم .. خلوها على الله

وأما على التجهيــز انا محتاره .. اول شي النونو مرتين قالو لي ولد ومره بنت
وآخر فتره كل مارحت اكتشف مخبيه حتى بالـ 3d ماقدرنا نعرف
ومحتاسه لأني بقعد اسبوعين او 3 هنا وبنزل لأهلي
اخذت شوية شغلات لبنت وشوية شغلات لولد وشوي محايد
وامي ارسلت لي شوية اغراض
بدبر نفسي فيهم لين أولد واشتري على كيفي بعدين

يالله تتمم لنا كلنا على خير وتسهل علينا

[مريم ناصر]

مستشفى الولادة مرت عليهم جميع الحالات وأكيد انهم اخبر من غيرهم بس زوجي وده خاص بس أنا حيل محتاره

[غلآ]

؟؟؟؟؟؟؟؟؟؟؟؟؟؟

؟؟؟؟؟؟

[slyl]

سليل .. ترا كل المستشفيات يغلطون حتى الولاده لهم أغلاطهم
هي تساهيل على الله .. اللي مكتوب بيصير
وبعدين وش فيها اذا سكرو بطنها بـ الكبس
ترا عادي تقدر تولد طبيعي بعدها مو لازم خياط عادي
انا وحده من اهلي جابت الأول قيصريه وكبسو بطنها والحين عندها 2 بعده جابتهم طبيعي
لا تحطون هالأشياء براسكم .. خلوها على الله

وأما على التجهيــز انا محتاره .. اول شي النونو مرتين قالو لي ولد ومره بنت
وآخر فتره كل مارحت اكتشف مخبيه حتى بالـ 3d ماقدرنا نعرف
ومحتاسه لأني بقعد اسبوعين او 3 هنا وبنزل لأهلي
اخذت شوية شغلات لبنت وشوية شغلات لولد وشوي محايد
وامي ارسلت لي شوية اغراض
بدبر نفسي فيهم لين أولد واشتري على كيفي بعدين

يالله تتمم لنا كلنا على خير وتسهل علينا
انا اعرف ان الولاده تساهيل بس اتكلم عن القيصريه مو الولاده الطبيعيه والاخطاء الطبيه ادري تصير بكل مستشفى
بس الخاص دائما وغالبا يستعجلون بالولاده ويحولونك قيصريه طبعا مو الكل عشان ماتصير عليهم ملاحظات بس الاغلبيه كذا
صديق زوجي راح وده زوجته الموسى تولد وقالوا لازم قيصريه وضعيت البيبي ماتسمح وخطر عليه وراح هو وخذها ودها الولاده لان ماعنده فلوس لعمليه قيصريه غاليه
يوم وداها مستشفى الولاده ولدوها طبيعي يعني شنو معناها نصب في نصب
وبعض الدكاتره ماعندهم ذمه وضمير اهم شي يستربح وله عموله مع كل ولاده قيصريه

اما مستشفى الولاده مايستعجلون عليك يخلونك تطلقي لما تموتي اذا شافو انك جد تحتاجي يقصريه حولوك لان مو مستفيدين شي هم


مستشفى الولادة مرت عليهم جميع الحالات وأكيد انهم اخبر من غيرهم بس زوجي وده خاص بس أنا حيل محتاره
انا كنت حدي متحمسه ع الخاص
عشان زوجي يكون جنب وانا اولد وكذا
بس جلست افكر يعني يمكن طفلي يحتاج حضانه ولا عندهم حضانات عدله ولا يمكن ماعندهم دكتور خدج ممتاز
لان وحده قالت لي ولاده بخاص وقالو لها ماعندهم حضانه لطفل زي حالته ومامداها توديه حضانه الا مات طفلها
هذا غير سالفة العمليات
فقلت خليني ع الولاده عشان اطمن اكثر ع البيبي

ويمكن حضك تطيحين ع مستشفى عدل ودكتوره عدله

[وردة الأحساء]

هلا والله أختي سليل ماتقصرين ... لان في فترة مرت الدردشة فيها خمول ماحد يعرف أحد

الله يسهل عليكِ وعلينا ...
أنتي مثلي أنا أفكر أولد بالولادة افضل لي والكل قال لي لأنك بكر لا تفكرين بمستشفى غيره ممكن تتاخرين في بنات أعرفهم راحوا بالليل وولدوا بالصبح يعني يتركونك تصارخين لين تولدين هههههه
زوجي يقول روحي خاص أرتب وانظف ... أمممم يعني ماتوقع الولادة بيصير ماعندهم نظافه أبد !!!

[slyl]

اهلا ورده الاحساء
لا ماتوقع ماعندهم نظافه بالعكس انا ماشفت وحده من اللي ولدو عندهم قالو شي عن النظافه
بس يتكلمون بالدكتوره اللي تولدهم يعني ممكن تجيك وحده زينه وطيبه وممكن تجيك وحده نجسه ماعندها احساس
وطبعا هالشي حظك نصيبك حتى بالخاص ماتختاري الدكتوره اللي تبي

زين لقيت وحده زيي بتولد بالولاده هههههههههههههه
انا ماعرفك بس بتعرف عليك
انتي كم سنه متزوجه ؟
وكم عمرك ؟
وتدرسي ولا لا؟

[مريم ناصر]

مستشفى الولادة من كثر الزحمه الي فيه تكون نظافته وعنايتهم بآلام والطفل اقل اما الخاص عنايتهم لك بفلوسك ولا بكل الخاص عنايتهم ممتازه

وردة الاحساء أنا مثلك لاني بكري احس خايفه اروح اي مستشفى بس لمن ذاك اليوم يحلها الف حلال

[slyl]

مستشفى الولادة من كثر الزحمه الي فيه تكون نظافته وعنايتهم بآلام والطفل اقل اما الخاص عنايتهم لك بفلوسك ولا بكل الخاص عنايتهم ممتازه

وردة الاحساء أنا مثلك لاني بكري احس خايفه اروح اي مستشفى بس لمن ذاك اليوم يحلها الف حلال
اي معاك حق
لان مستشفى الولاده حق الاحساء كلها حتى العيون يجون يولدون فيه
بس ماتوقع مايعتنون في النظافه
يلا ربي يسهل
في وحده معانا بالمنتدى محتاره تولد بخاص ولا حكومي وبالنهايه ولدت بالبيت وجابو لها الاسعاف وخذوها مع طفلها ههههه
ربي لايحطني بموقف كذا

[مريم ناصر]

لا يعتنون بنظافه بس اقل يمكن بسبب الزحمه

[slyl]

مريم ناصر
انتي اي شهر الحين؟

[مريم ناصر]

أنا توني في أيامي الاولى من الشهر السادس وانتي ؟؟؟؟؟

[احسساس غالي]

هلاااا والله
اخباركم

هع محتاسين بالمستشفى

ترا الولاده سمعت فيها قبل مااولد ذم ولا فيه نظافه ومدري ايش وكلام كثير
بس يوم رحت اولد شفت العكس والله
بس ع اللي تولدك
ولا النظافه والعنايه تمام التمام
انا استغربت سمعت شي وشفت شي ثاني صرراحه
لان يقولون قاموا يهتموا فيها وارامكوا تعدل فيها <<يعني من هذا الكلام

[مريم ناصر]

طيب إحساس من ناحية العنايه بآلام والطفل كيف ؟؟؟؟؟. والله تمام اذا كانت أرامكو تهتم بالموضوع معناها وصلنا خير خخخخ

[slyl]

أنا توني في أيامي الاولى من الشهر السادس وانتي ؟؟؟؟؟
انا باقي لي اسبوع وادخل السابع
متى بتبدئي تجهزي اغراض البيبي وعرفتي الجنس خلاص اكدت لك ولا باقي؟

هلاااا والله
اخباركم

هع محتاسين بالمستشفى

ترا الولاده سمعت فيها قبل مااولد ذم ولا فيه نظافه ومدري ايش وكلام كثير
بس يوم رحت اولد شفت العكس والله
بس ع اللي تولدك
ولا النظافه والعنايه تمام التمام
انا استغربت سمعت شي وشفت شي ثاني صرراحه
لان يقولون قاموا يهتموا فيها وارامكوا تعدل فيها <<يعني من هذا الكلام
انا بعد سمعت السنوات الاخيره كثرة الشكاوي وصارت مراقبه عليهم
<<<الحمد لله في احد بالتجمع مدح الولاده هههههههههه

صديقتي قالت لي انه ولدت عندهم مرتين وشايلينها شياال من الاهتمام تقول يمكن لانها واسطه
مافي وحده فيكم تعرف واسطه تعتني فينا لجينا نولد شكلكم كلكم مسكينات زيي اهئ

[مريم ناصر]

سليل ......مادري متى ببتدي اجهز بس ان شالله قريب ودي ابتدي بسنتربوينت احس في أشياء مغريه.... بنسبه لجنس الجنين قالت لي بس مادري هل هي متأكده ولا لا. عموما دام فيني حماس التجهيز بشتري ألوان محايده

[slyl]

سنتر بوينت
اسعاره غاليه حييل كل شي الضعف بس فيه اشياء حلوه اشتريت منه
بس في اشياء ماعندهم مثل ثوب الطفل وهذا مهم اول ماينولد اريح لطفل وبعد عشان السره

[مريم ناصر]

سليل ..... ماراح اجهز كل شي من سنتر بوينت أكيد بجهز من الغالي والرخيص بس كبدايه ودي بسنتر عشان تنفتح النفسيه اكثر واكثر خخخخخ طيب سليل خًذتي فكره على سرير البيبي ولا لسى؟؟؟؟

[slyl]

اي سالت كثير محلات حتى بس سنتر بوينت اسرتهم مبالغ فيها
طبعا ع الحجم سعر السرير بس انا باخذ سرير وسط بسعر 500 او 700 كذا
وغير الطقم مع مفرش الام له سعر ع حسب القماش

[مريم ناصر]

إها انتي ناويه تتطقمين مفرش الام والبيبي طيب شفتي محل يوم بيوم يقولون شغله حلو يسوي مفرش الام والبيبي بس مادري عن أسعاره

[slyl]

اي رحت له وشفت اسعارهم بعد غاليه
يعني حتى الشباحات يبيعوها 15 ريال واغلب المحلات 10
وبعد طقم ثوب وقبعه 20 ريال ولقيته عند محل ثاني 15
وبعد شفت سرير عندهم 1000 ريال ورحت محل ثاني ولقيته 850 نفسه بالضبط اللي لونه اخضر
في محل اسمه جود بيبي بالمحدود عجبني اسرتهم واقمشتهم واسعارهم معقوله
قلت بفصل عندهم

[حساوية]

مرحبا بنوتات

شخباركم

ماشاء الله في سوالف هاليومين عسى دوووم

ليتني كنت موجوده معاكم


بنات انا محتارة اولد في الموسى ولا الولادة

في احد جرب الموسى وكيف العناية عندهم من ناحية الام والبيبي

[غلاهم كلهم]

انا مثلك كنت محتاره
قررت على الولاده اختي صابها تسمم حمل و هي تتعالج بمستشفى خاص و سوت تحاليل و قالوا لها تمام
لكن في اخر يومين قررت تراجع بالولاده و اكتشفوا انا معها تسمم حمل

[slyl]

مرحبا بنوتات

شخباركم

ماشاء الله في سوالف هاليومين عسى دوووم

ليتني كنت موجوده معاكم


بنات انا محتارة اولد في الموسى ولا الولادة

في احد جرب الموسى وكيف العناية عندهم من ناحية الام والبيبي
توك ع بالي والله كنت اقول شكلك ولدتي مالك حس
من يومين وحنا نتكلم عن الخاص والولاده هههه
خلاص ولدي في الولاده
الموسى اعرف ثنتين ولدو فيه وحده مدحته ووحده ذمته
بس بالنت اغلب البنات مايمدحونه وانتي اكتبي في قوقل وتشوفي ردودهم

[حساوية]

لا لسى دعواتكم لي بالسلامة

يعني تنصحوني بالولادة والله كلن يقول اهم احسن بس مدري ليه

اروح واجي على هالخاص

[مريم ناصر]

حساووويه....... أنا مثلك سيم سيم انتا...الله يسهل عليك ويقومك انتي والبيبي بسلامه

[سماء الاحساء]

حبيت ادخل بينكم واطمن عليكم بنات ديرتي الله يقومكن بالسلامه ياااارب
وانصحكم بالمشي والغذااء المفيد

[حساوية]

ههههههه حلووة سيم سيم انتا

ربي يسلمك

مريومة انتي بكرية مثلي ولا ؟؟

واي شهر انتي ؟؟

[حساوية]

ياهلا فيك سماء الاحساء


ربي يسلمك

[slyl]

هلا فيك سماء الاحساء نورتي

حساويه
ربي يرزقك الولاده السهله
كم لك بالتاسع؟

تدري عاد حتى انا كنت حيل ابي اروح خاص اكشخ هههههه
وزوجي يكون جنبي وحركات بس من كثر ماخوفوني هونت

[مريم ناصر]

حساويه...... ايه أنا بكر بعد توني داخله السادس. سليل....ياحبك للكشخه خخخخ بنسبه لي فكرت في الخاص عن زحمة الولادة قلت اخفف عليهم ههههه

[slyl]

مريم تخففي عليهم هاا
علينا هههههههههههههه
من جد تفكير نبيل

اي بنات بسالكم عن الاشعه الرباعيه الابعاد الملونه
من سوتها ولا بتسويها ؟
انا بسويها هالاسبوع عشان اشوف الملامح وكل شي

[احسساس غالي]

هااااااااي بنات <<لاتصدقوا انكم بنات انتوا حريم خخخ
اخباركم

[مريم ناصر]

أنا ما سويتها وماظن بسويها اشوف ملامحه اذا شرف خخخ أنا مواعيدي بالموت اروح مالي خلق مستشفيات

[مريم ناصر]

هلا إحساس نورتي الحته

[slyl]

[

هااااااااي بنات <<لاتصدقوا انكم بنات انتوا حريم خخخ
اخباركم
أنا حتى الحين بنت مابعد يجيني طفل ههههههه
انتي وين تختفي وتنطي فجأه
كيف البيبي معاك وخلصتي ثالث ثانوي ولا لسى
أنا ما سويتها وماظن بسويها اشوف ملامحه اذا شرف خخخ أنا مواعيدي بالموت اروح مالي خلق مستشفيات

اجل بيفوتك نص عمرك هههههه
أنا بكره ان شاء الله بسويها اذا الدكتوره فاضيه

انتي عكسي أنا مافوت ولا موعد وساعات ازيد مواعيد من راسي واروح مرتين ثلاث بالشهر ههههههههه
وكل موعد لازم سونار اصلا ماروح الا عشان السونار ولا هذرتها ماتهمني
ونااااسه تشوفي البيبي يتحرك آآه >>خقيت ههههه

[حساوية]

هلا فيك سماء الاحساء نورتي

حساويه
ربي يرزقك الولاده السهله
كم لك بالتاسع؟

تدري عاد حتى انا كنت حيل ابي اروح خاص اكشخ هههههه
وزوجي يكون جنبي وحركات بس من كثر ماخوفوني هونت


الله يسمع منك

تقريبا اسبوعين وكم يوم hwaml03

اي كشخي ههههههههه

hwaml7

[حساوية]

حساويه...... ايه أنا بكر بعد توني داخله السادس. سليل....ياحبك للكشخه خخخخ بنسبه لي فكرت في الخاص عن زحمة الولادة قلت اخفف عليهم ههههه



الله يتمم عليك وتقومين بالسلامة

من ناحية زحمة اووو خليهاا على الله تقولين سوق مو مستشفى ماشاء الله

بالذات في اوقات الزيارة ازعاج مو طبيعي غير زحمة الغرف الاهل يجوون مافي كراسي زايدة

يظلوون واقفين hwaml4..

[حساوية]

مريم تخففي عليهم هاا
علينا هههههههههههههه
من جد تفكير نبيل

اي بنات بسالكم عن الاشعه الرباعيه الابعاد الملونه
من سوتها ولا بتسويها ؟
انا بسويها هالاسبوع عشان اشوف الملامح وكل شي



سليل بصلتك محروقه ههههههه تبين تشوفين الملامح

انا ماسويتهااا واول مره اسمع فيهاااا

كل شي بوقتة حلوووو

[مريم ناصر]

حساويه..... انتي خلاص قربتي على النهايه شوي وتقصين الشريط. الدور الباقي علينا لساتنا في نص ألطريقه الله يقومك انتي والبيبي بسلامه

[slyl]

سليل بصلتك محروقه ههههههه تبين تشوفين الملامح

انا ماسويتهااا واول مره اسمع فيهاااا

كل شي بوقتة حلوووو
ههههههههههه
لا انا مافيني صبر لين اولد
وبعد عشان الذكره لانهم يعطوني فيديو وصور لها وهي باللوان وتشوفيه وهو يتحرك ويضحك ويمص اصبعه ويحرك يدينه وكل شي hwaml7

انتي خلاص راح عليك hwaml02 بعد كم يوم بيشرف

انا اليوم مارحت ياحسافه لان زوجي انشغل hwaml15

مريم انصحك تسوينها

[مريم ناصر]

سليل....وين تسوينها في خاص ولا حكومه. .. بنات شالحل مع الدوخه كل دايخه وفيني النوم بس مايجيني النوم. وحتى اذا طلعت يقولون لي شفيك كل دايخه حيل فشله

[أوفى الخلقـ]

السلام عليكم كيفكم

ابي اسوي اشعه واتطمن ع الجنين اي مستشفى تنصحوني به :)

[Miss YoYo]

حبيباتي اللي بيسوون الثري دي والفور دي
لا تتحمسون واجد لها .. هي حلوه اذا كان البيبي معطيكم وجه
انا سويتها هنا في امريكا و[احسن اجهزه
بس نونتي الله يهديه مدري يهديها كان مستلعن
انا من اول ماحملت ماشفت وجهه ولا قدرنا نشوفه على بالفور دي
لأنه حاط وجهه على مثانتي .. ماقدرنا نثبت ملامح ابد
ونوعه بعد ماقدرنا نشوفه .. خاشه بطريقه قويه كأنه يتحدى احد يشوفه هههه
طبعا هذي وضعيته من اول ماحملت مب راضي يغيرها
يتحرك ويرجع لنفس الوضعيه واذا حس بأي ضغط او حوسه يهون عن الحركه
كل اللي قدرت احصل عليه كم حركه له
وصوره لليدين والرجلين والأصابع بس
وبيعيدونها لي هالشهر إن شاء الله عشانهم ماقدرو يشوفون شي الشهر اللي راح
الله يهديه هالمره ويكون مصحصح ومروق ويخلينا نعرف نوعه
ونشوف خشته السمحه

[baby`s smile]

ماشاء الله عليكم .. سوالفكم تونس

سليل انا شبه خلصت تجهيز الملابس
والمفرش ماباخذ طقم ..
رحت كم محل عشان اشوف السرير والمفرش
وشفت العجب العجاب هههههههههههههاااي

يوم بيوم حرامي ونصاب بقووووه

سلامات سرير ب 1700
انا ناويه اخذ شي بالمعقول ..
لا واللي يقهر نفس السرير تحصلينه في محلات ثانيه ب 800

والمفارش عاد اللي يقول ب 800 و 700 و600
والله حتى لو اني باخذ مفرش لسريرنا .. مو بهالسعر
فقررت اخذ جاهز من سنتر بوينت بحدود 300


على طاري الولاده انا ودي بالحرس
اذا رحتي لهم وانتي بتولدين خلاص ياخذونك
بس المشكله انا شلون بعرف اني بولد هع هع
بس من هنا لذاك الوقت يصير خير

[baby`s smile]

سليل انا تحمست ع 4d
بس بصراحه لنا سألت عن اسعارهم حيييل غاليه
وقلت اخليها مفاجأة اشوف النونو احلا
ومثل ماقالت مس يويو .. يمكن تدلع علينا ولاتخلينا نشوفها .. فبصير مااستفدت شي

انا متحمسه ابي يجي يوم الاربعاء عشان اروح مراجعتي واشوف نونتي شهرين ماشفتها :(

[baby`s smile]

وردة شخبارك .. طمنينا عنك ؟!!
داحساس غالي كيفك ياعسل ؟!! وكيف يسوووف ؟!!

اوفى الخلق اذا بتسوين سونار عادي انصحك بمستوصف النسائي عند دكتورة رجاء
تصويرها حلوو وتوريك كل شي .. انا اتابع عندها وجربت تصويرها وجربت غيرها بس هي اوضح شي

[slyl]

سليل....وين تسوينها في خاص ولا حكومه. .. بنات شالحل مع الدوخه كل دايخه وفيني النوم بس مايجيني النوم. وحتى اذا طلعت يقولون لي شفيك كل دايخه حيل فشله
أكيد خاص لان الحكومي سونار عادي تشحتيه منهم كيف ملون مستحيل وشكل ماعندهم بعد
والدوخه يمكن عندك فقر دم قولي لدكتورتث

السلام عليكم كيفكم

ابي اسوي اشعه واتطمن ع الجنين اي مستشفى تنصحوني به :)
مستوصف منبر الهدى عند دكتوره عفت
حبيباتي اللي بيسوون الثري دي والفور دي
لا تتحمسون واجد لها .. هي حلوه اذا كان البيبي معطيكم وجه
انا سويتها هنا في امريكا و[احسن اجهزه
بس نونتي الله يهديه مدري يهديها كان مستلعن
انا من اول ماحملت ماشفت وجهه ولا قدرنا نشوفه على بالفور دي
لأنه حاط وجهه على مثانتي .. ماقدرنا نثبت ملامح ابد
ونوعه بعد ماقدرنا نشوفه .. خاشه بطريقه قويه كأنه يتحدى احد يشوفه هههه
طبعا هذي وضعيته من اول ماحملت مب راضي يغيرها
يتحرك ويرجع لنفس الوضعيه واذا حس بأي ضغط او حوسه يهون عن الحركه
كل اللي قدرت احصل عليه كم حركه له
وصوره لليدين والرجلين والأصابع بس
وبيعيدونها لي هالشهر إن شاء الله عشانهم ماقدرو يشوفون شي الشهر اللي راح
الله يهديه هالمره ويكون مصحصح ومروق ويخلينا نعرف نوعه
ونشوف خشته السمحه
ليش مانتحمس صراحه متحمسه بقوووه
يمكن يطلع حظنا حلو ويبان عدل لازم نخوض التجربه
ماشاء الله عليكم .. سوالفكم تونس

سليل انا شبه خلصت تجهيز الملابس
والمفرش ماباخذ طقم ..
رحت كم محل عشان اشوف السرير والمفرش
وشفت العجب العجاب هههههههههههههاااي

يوم بيوم حرامي ونصاب بقووووه

سلامات سرير ب 1700
انا ناويه اخذ شي بالمعقول ..
لا واللي يقهر نفس السرير تحصلينه في محلات ثانيه ب 800

والمفارش عاد اللي يقول ب 800 و 700 و600
والله حتى لو اني باخذ مفرش لسريرنا .. مو بهالسعر
فقررت اخذ جاهز من سنتر بوينت بحدود 300


على طاري الولاده انا ودي بالحرس
اذا رحتي لهم وانتي بتولدين خلاص ياخذونك
بس المشكله انا شلون بعرف اني بولد هع هع
بس من هنا لذاك الوقت يصير خير
أنا بفصل لي مفرش نفرين عشان لرجعت شقتي استفيد منه
والوحده قبل تشتري شي تحوس اكثر من محل عشان ماينصبو عليها
أنا شريت شنطه للمولود ب 55 ريال من شارع الظهران ورحت محل ثاني لقيتها 30 ريال قهر بس يلا خذت عبره ههههه

سليل انا تحمست ع 4d
بس بصراحه لنا سألت عن اسعارهم حيييل غاليه
وقلت اخليها مفاجأة اشوف النونو احلا
ومثل ماقالت مس يويو .. يمكن تدلع علينا ولاتخلينا نشوفها .. فبصير مااستفدت شي

انا متحمسه ابي يجي يوم الاربعاء عشان اروح مراجعتي واشوف نونتي شهرين ماشفتها :(
مو كل المستشفيات غاليه حيل ع حسب المستشفى
أنا بسويها 350 يعني فرق 200 عن السونار العادي
صراحه بسويها مافيني صبر شهرين هههه*

[بنت حمود]

السلام عليكم

اخباركم بنوتاات ؟؟

آحم آحم
بدخل معكم في التجمع إن شاء الله
حق افيد واستفيد hwaml95

ترى انا ميييح hwaml32 ماعرف شيء في الحمل
لأن هاذي اول حمله لي

[مريم ناصر]

سليل بتسوي الإشعاع بتسويها مابذنها ماي خخخخخخ......بنت حمود..نورتي القروب كلنا هنا نساعد بعض الا انتي في اي شهر ؟؟؟؟؟

[slyl]

السلام عليكم

اخباركم بنوتاات ؟؟

آحم آحم
بدخل معكم في التجمع إن شاء الله
حق افيد واستفيد hwaml95

ترى انا ميييح hwaml32 ماعرف شيء في الحمل
لأن هاذي اول حمله لي


هلا فيك معاانا
حتى إحنا بكريات بس نسمع معلومات ونخزن قبل نحمل ههههه
سليل بتسوي الإشعاع بتسويها مابذنها ماي خخخخخخ......بنت حمود..نورتي القروب كلنا هنا نساعد بعض الا انتي في اي شهر ؟؟؟؟؟
هههههههههههههههه
اي فاهمتني
بروح الحين موعدي وبسويها
واذا رجعت بقولكم شصار معاي وبنزل صوره بنوتي ههههه

[مريم ناصر]

بتوفيق سليل ويمكن تحمسيني اسويها .... كل التوفيق

[بنت حمود]

مريم ناصر ،، النور نورك حبيبتي . أنا مكمله الشهر الثاني الحين امشي بالثالث

سليل ،، ههههههه انا اصلاً ماتوقعت اني بحمل ,, في اول شهر من زواجنا حملت
مع ان كنا نمنع بس يلا هذا امر الله سبحانه وتعالى

[مريم ناصر]

بنت حمود....الله يتمم لك على خير ويرزقك بالذريه الصالحه....

كنت ناويه اطلع السوق بس الجو مايساعد

[ملكة الثلوج]

اي سبحان الله بسرعه انقلب الجو الله يرحمنا برحمتك ....بنات هذا الاشعه ملونه يطلع شكل البيبي واضح

[مريم ناصر]

ملكة الثلوج ..... شوي تجي سليل وتخبرنا ومايندرى بعد راحت في هالجو ولاغيرت رايها.......

[slyl]

بنات يالاااا الاسف
تتوقعون مارحت هههه
لا رحت قبل يتغير الجو وصلت المستوصف يوم طلعت شفت الجو قلب فجأه

بس ياخسااره ماسويت الاشعه تقولي الجهاز خربان تعالي يوم الاربعاء
أقولها أخاف يكبر ولا اشوف شي
قالت لا يبين
مدري شفي حظي كل مره يتأجل
*

[slyl]

بنت حمود
سبحانه الله اذا ربي كاتبه يصير حتى لو انك مركبه لولب مو بس عزل خارجي
ربي يتمم لك اعتني بنفسك ولا تتحركي كثير لين تخلصي الثالث

مملكه الثلج
الفور دي يخليك تشوفينه بالألوان وتشوفي ملامحه وكل شي فيه
اما اذا قصدك تطمني ع صحته السونار العادي يكفي

[حساوية]

مرحبااا

شخباركم وشنو مسووين مع هالجووو

سليل الظاهر مو مكتوب لك تسوينهااا

[حساوية]

اي صحيح بغيت اقول لكم اني امس رايحة العثيم وشفت رد تاغ مسوي تخفيضات

الي حابه تاخذ منه فرصة والله وفي اشياء حلووة بس انا قضيت حق البيبي فماخذت شي

وفي بعد محلات ثانية بس مو كلهم محلات اطفال في محلات نسائيه وعطورات

[*دلوعه زوجها*]

بنات الله يخليكم

مين تعرف دكتوره شاطره
انا قبل اسبوع سويت عمليه ولاده قيصريه
والان فيني حراره
طبعاً انا ولدت في مستشفى الولاده

ومن فيكم مرت في نفس الحاله ؟

[مريم ناصر]

سليل.....ان شالله المره الجايه تضبط...

حساويه....تمام زين قلتي وشلون تجهيزات البيبي في رد تاغ حلووووو ولا شووو؟؟؟؟


دلوعة زوجها....الحمد الله على سلامتك يقولون دكتورة توحيده في مستشفى المغلوث ممتازه بس للامانه ماتعاملت معها بس كثير يمدحونها

[شمس الشموس]

مساء الخير شاااااااااااااركونا على الربط التالي



http://forum.hwaml.com/t105503.html

[احسساس غالي]

هلا بنات
اخباركم


شوو مسوين مع الحمل

الجو اليوم دمار <<الحمدلله ع كل حال
بس كنت ناويه اطلع

[baby`s smile]

سليل انتي وين بتسوينها ال 4d ؟!
انا سألت في الموسى قالوا لي ب700 عشان كذا هونت عنها
بس شالحظ مو جايه تضبط وياج هههههههاااي

بنت حموود الف مبرووك ع الحمل ربي يتمم لك على خير
وكل شي من الله يامحلاه

دلوعة زوجها الحمد لله على سلامتك
ومالك شر ان شاء الله

[baby`s smile]

احساس شووو اخبارك ياااعسل ؟!!
بس الامطار اليوم شي خطير

[احسساس غالي]

تمام الحمدلله
انتي شحالج


‏​أيٌـ.yesـہٌَ الامطار حلوه
بس ابي اطلع طفشانه هع

[slyl]

مرحبااا

شخباركم وشنو مسووين مع هالجووو

سليل الظاهر مو مكتوب لك تسوينهاااا
لاااا تقوليهااا
بسويها يعني بسويهااا

بنات الله يخليكم

مين تعرف دكتوره شاطره
انا قبل اسبوع سويت عمليه ولاده قيصريه
والان فيني حراره
طبعاً انا ولدت في مستشفى الولاده

ومن فيكم مرت في نفس الحاله ؟
الله يشفيك يارب
في دكتوره غاده بعياده جميل خطاب اختي تراجع عندها
ودكتورتي في مستوصف الهددى اسها عفت
سليل.....ان شالله المره الجايه تضبط...

حساويه....تمام زين قلتي وشلون تجهيزات البيبي في رد تاغ حلووووو ولا شووو؟؟؟؟


دلوعة زوجها....الحمد الله على سلامتك يقولون دكتورة توحيده في مستشفى المغلوث ممتازه بس للامانه ماتعاملت معها بس كثير يمدحونها
ان شاء الله ربي يسمع منك
رحتي شريتي ولا مابعد تشتري ولا شي

هلا بنات
اخباركم


شوو مسوين مع الحمل

الجو اليوم دمار <<الحمدلله ع كل حال
بس كنت ناويه اطلع
بالعكس الجو اليوم ونااسه امطار وحركات ههههههههههههه

سليل انتي وين بتسوينها ال 4d ؟!
انا سألت في الموسى قالوا لي ب700 عشان كذا هونت عنها
بس شالحظ مو جايه تضبط وياج هههههههاااي

بنت حموود الف مبرووك ع الحمل ربي يتمم لك على خير
وكل شي من الله يامحلاه

دلوعة زوجها الحمد لله على سلامتك
ومالك شر ان شاء الله
الموسى غاالي انا كنت اتعالج عندهم حق فطريات الاضافر وكل كشف 70 ريال
وباقي المستشفيات 45 او 50 والمواساه 35
بس الموسى غالي ع راسه ريشه
انا بسويها بمستوصف منبر الهدى بالهفوف

[احلام العمر]

السلام عليكم شو اخباركن ان شاء الله طيبين

[احسساس غالي]

اهلين احلام منوره
‏​|.:[بـّخـْيرٌ دامـّگ بـْخـّيرٌ يـّ/.. ٱلـّغـٌالـّے]:.| انتي كيفك


اقوول خذووا ولدي تدربوا عليه هع

[baby`s smile]

ههههههههههههاااي
شكله ولدك صياح

[احلام العمر]

احساس قلبو خلي ولدك لك والله يخليك له ياااااارب.

شو اسم ولدك

[احسساس غالي]

‏​هَْہِِْهَْہْهَہهَہْْهَْہْْهہْهَْہْْهَہْْْهہْ هَْه َہِِْْ =))
يعني يبي حد يلعب معه

هههه احلام
اسمه يوسف (يوزرسيف) هع

[slyl]

إحساس
هههههههه جيبي ولدك بس اذا نسيته بالمغطس مالي دخل انتي عرضتيه مجانا هههه

سالتك سؤال من قبل ولا جاوبتي ليييش
أحسك بااارده مدري ليه

[احسساس غالي]

هع وش دخل المغطس 😒

لا مو بارده ولا حاره بالنص خخخ
ليش يعني تحسي كذا

[slyl]

وانا جالسه اسبحه اتذذكر الغدا لايحترق وخليه يولي واطير للغدا هههههه>>مثال بسيط للإهمال

انتي ماعندك بكره دوام

[وردة الأحساء]

هلا أمهات ^^
شخباركم ؟؟

اللي تعرف محلات فيها تخفيضات سنعه تقول لنا ...

[صمتي حكاية]

هلا
في احد موجود

[بنت حمود]

بنااااااااااااات

لحقوووو علي



اليوم طحت من عالدرج

وطرف الدرج ضربني في ظهري



بعدها حسييت ظهري تصلب وحسيت بنغزات خفيفه

ونزل مني دددم بس قلييل


حيييل خايفه

على الي في بطني خايفه صار لهم شيء


المشكله زوجي مو موجود حق ياخذني للمستشفى

وأطمن عليهم

[مريم ناصر]

صمتي حكايه ... نوررتي...





بنت حمووود ..... لاحول ولاقوه انتبهي على روحك عدل في الشهور الاولى عموما طلعي صدقه واذا جا زوجك روحي المستشفى او اذا في احد يوديك قبل بعد أحسن وان شاالله ماهنا الا كل خير والله يتمم حملك بصحه وسلامه

[احسساس غالي]

هلا سليل سوري طفى جوالي ونمت
لا مااشتغل انا بالبيت

هلاا بنات شحالكم

بنت حمود انتبهي لنفسك
وشوفي حد يوديك للمستشفى اخوك ابوك عمك خالك
وان شاءالله مافيه الا الخير

[احلام العمر]

مرحبا بنوتات

بنت حمود انتبهي لحالك روحي المشفى تطمني على البيبي

احس انتي اللي تاذيتيى لا الظربه جات بالظهر مو فيى البطن لا سمح الله

[فوفا الاموره]

hwaml7سلالام بنات كيفكم
حساويه جديده بالمنتدى hwaml81

[احسساس غالي]

اهلين فوفا منوره
اخبارك
يلا سدحي بطاقتك هع




بنات شوو طبختوا عشا هع
مشتهيه بسبوسة الجالكسي

[slyl]

بنااااااااااااات

لحقوووو علي



اليوم طحت من عالدرج

وطرف الدرج ضربني في ظهري



بعدها حسييت ظهري تصلب وحسيت بنغزات خفيفه

ونزل مني دددم بس قلييل


حيييل خايفه

على الي في بطني خايفه صار لهم شيء


المشكله زوجي مو موجود حق ياخذني للمستشفى

وأطمن عليهم
كان رحتي اقرب مستشفى
عشان يعطونك حبوب مثبته او ابر الدم مو زين للحامل
خلي اهلك يودونك او اي احد
لازم تنتبهين ع روحك اي حركه غلط تاثر ع الجنين

هلا سليل سوري طفى جوالي ونمت
لا مااشتغل انا بالبيت

هلاا بنات شحالكم

بنت حمود انتبهي لنفسك
وشوفي حد يوديك للمستشفى اخوك ابوك عمك خالك
وان شاءالله مافيه الا الخير
وانا اقول وين راحت الخاينه راحت تخمد وتركتني
زعلانه خلاص لاتراضيني مابرضى hwaml13

hwaml7سلالام بنات كيفكم
حساويه جديده بالمنتدى hwaml81
هلا فيك نورتي


اهلين فوفا منوره
اخبارك
يلا سدحي بطاقتك هع




بنات شوو طبختوا عشا هع
مشتهيه بسبوسة الجالكسي
اذا سويتي احسبيني
انا مرفوع عني القلم ماطبخ هههههههه
خذيت اجازه لين اولد

[احسساس غالي]

‏​هَْہِِْهَْہْهَہهَہْْهَْہْْهہْهَْہْْهَہْْْهہْ هَْه َہِِْْ =))

والله طفى الجوال ولا جنبي الشاحن

هع الله يعين جوزك
ذكريتي وانا حامل كرهت كل شي
بس اطبخ عشان زوجي وانا مااكل هع

[مريم ناصر]

مرحباً كروشات وحشتوني ئووووي....



اليوم رحت سنتر بوينت في أشياء أعجبتني بس أسعارهم غاليه وخياليه خصوصا الاطقم فقلت استهدي بالله يابنت وانتظري التخفضيات

[مريم ناصر]

بنت حمود... وينك ؟؟ طمنينا عليك ان شالله تكونين بخير

[baby`s smile]

بنت حمود .. سلامتك ان شاء الله مافي الا كل خير
بس لازم تروحين المستشفى

مريم .. بصراحه سنتر بوينت شغلاته حلووه حيل
اتوقع في شعبان التخفيضات او نهاية رجب

[وردة الأحساء]

شخباركم بنات ...

أم حمود ان شاء الله بخير ؟؟!!

والله هالسيرميك صار يخوف كم وحدة تطيح منه ...

[احسساس غالي]

مساء الخير

شو اخباركم

[مريم ناصر]

مريم .. بصراحه سنتر بوينت شغلاته حلووه حيل
اتوقع في شعبان التخفيضات او نهاية رجب



اي والله أشياء تهوووس وتخبل بس بصبر لمن التخفيضات وانتي خلصتي تجهيز؟؟؟؟؟

[مريم ناصر]

وردة الاحساء. إحساس غالي.





الحمد الله بخير وانتم شخباركم عاملين ايييييه؟؟؟؟؟؟

[احسساس غالي]

انا الحمدلله بخيير

بس ولدي مجنني اذا اصير مشغوله يبدا شغله بالصياح

[مريم ناصر]

احساس غالي. انتم السابقون ونحنوووو الأحقوووون خخخ

[احسساس غالي]

‏​هَْہِِْهَْہْهَہهَہْْهَْہْْهہْهَْہْْهَہْْْهہْ هَْه َہِِْْ =))

ودعوووا النوم

<<انا تنسيت بالنوم طول حملي والحين مو مخليني انام

[مريم ناصر]

يليتني أنا بعد متنسيه على النوم كان وناسه أنا كل دايخه بس من دون نوم تهي تهي

الله يخليه لك ويتربى بعزك مهما سوى فيك ااكيد عسل على قلبك

[احسساس غالي]

هع

اكيد عسل وكل ابوو شي الله يخليه
عاد امي اللي ماترضى عليه لانه هو اللي خلاها جده هع

[مريم ناصر]

هع

اكيد عسل وكل ابوو شي الله يخليه
عاد امي اللي ماترضى عليه لانه هو اللي خلاها جده هع



شعليييييه جدته ماترضى عليه الصراحة يحقلها امك اول حفيد يفرح الله يخليه لكم

[slyl]

سلام بناات
شخباركم
بطني يعورني من تحت حيل مع ظهري
تتوقعون شي خطير ولا طبيعي

ونفسيتي زفت كل يوم اتهاوش مع زوجي <>>>كل احقره بسبب ولا من دون سبب احس أني مضايقه منه ويتغير مزاجي بسرعه
أوف بس متئ أولد
اقوله خل اروح عند اهلي بالرياض مو راضي
*

[احسساس غالي]

اهلين سليل
‏​|.:[بـّخـْيرٌ دامـّگ بـْخـّيرٌ يـّ/.. ٱلـّغـٌالـّے]:.| انتي كيفك

ارتاحي ولا تشيلي شي ثقيل واذا ماخف الالم روحي المشفى

والله يعينك نفسة الحامل دمااااار
سالي مجرب ه😁

[مريم ناصر]

سليل لك وحشه. سلامتك ماتشوفين شر مثل ماقالت (احساس غالي) اذا استمر الالم روحي المستشفى لاتخلين روحك






وروحي حق اهلك غيري جووو وخذي لك أكبر كميه من الطاقه وبعدين رجعي ترى شووفة الاهل ترد الروووح

[احسساس غالي]

😭😭😭😭😭

انمسحوووا الصور اللي بجوالي
وربي مقهوره صور ولدي وصوور كثير ابيها
😢😢😢

[slyl]

اهلين سليل
‏​|.:[بـّخـْيرٌ دامـّگ بـْخـّيرٌ يـّ/.. ٱلـّغـٌالـّے]:.| انتي كيفك

ارتاحي ولا تشيلي شي ثقيل واذا ماخف الالم روحي المشفى

والله يعينك نفسة الحامل دمااااار
سالي مجرب ه😁
أنا اصلا ماشيل شي نهائيا حتى صحن الاكل
بس يوم الجمعه صعدت ونزلت الدرج اربع مرات
وبدا من يوم الجمعه تعب والسبت الم واليوم زاد الألم
موعدي يوم الاربعا مدري اقدمه واروح اليوم
لا معي الالتهابات وقالت اذا خلصتي التحاميل تعالي ولا بخلص الا الاربعا

سليل لك وحشه. سلامتك ماتشوفين شر مثل ماقالت (احساس غالي) اذا استمر الالم روحي المستشفى لاتخلين روحك
وروحي حق اهلك غيري جووو وخذي لك أكبر كميه من الطاقه وبعدين رجعي ترى شووفة الاهل ترد الروووح
تسلمي
أنا من اول ماحملت واقوله بس مو راضي مايحب يجلس لحاله وينام لحاله يحس انه عزوبي هههه
أنا ودي أسافر برا
وانا ادري انه مستحيل يسفرني وانا حامل

[وردة الأحساء]

سلام عليكم ..
شخباركم؟؟ واخبار النونو ؟؟

هلا مريم كيفك؟؟؟
اختي سليل لازم تغيرين جو الحبسه مو زينه بعد تجيب ضيق الخلق .... اختي احساس غالي خلاص شبعتي نوم وانتي حامل عطاك حقك الحين تحمليه ... وانا ياليت انام كله ارق ...
يااربي مجرد شغل بسيط بالليوم اتعب واحس بطني ينشد ويتصلب ؟؟؟ خوفني هالشيء
مين صار معها بالرابع ينتفخ البطن وينشد فجأة ويصير كأنه بلونه بدون غازات ؟؟؟ هل هذا نتيجه تمدد البطن؟؟؟ والله مزعج هالشيء ومتعبني

[مريم ناصر]

احساس غالي. قهررر الصور المفروض تشلينهم في فلاش حرام راحت عليك كلها



سليل. مافي زوج يستغني عن زوجته بس في حالات خاصه وأكيد انتي ماودك تخلينه بس صعبه تضغطين ع نفسك .......




وردة الاحساء. ياهلا فيك أنا بخير وماتشوفين شر ان شالله كان سئلتي دكتورتك وبعدين لاتسوين شي في البيت قعدي مثل الاميره وتدللي تراها كلها كم شهر وبتعرفين التعب على أصوله

[baby`s smile]

مريوووم انا والله من الخامس وانا اطقطق على هالتجهيز
كل مره اخذ قطعة قطعتين .. وللحين ماخلصت
لاني ماجهزت مره وحده .. كل مره اطلع السوق اخذ على خفيف
واصلا طلعاتي للسوق قليلة .. مالي خلق فوضة السوق

سليل مالك شر ياقلبي ..
لا تتعبين نفسك .. الدرج لحاله يكفي
انا من حملت جالسه عند اهلي والسبب الدرج .. لان شقتي دور ثالث
والله يعينك ع النفسيه .. بس ان شاء الله فترة وتعدي
انا منقهره عشان زوجي اغلب الوقت مو موجود لانه يشتغل بالغربية .. ويقعد شهر مااشوفه
بس الله يسهلها ان شاء الله

احساس والله تحطيم ..
لو مكانك كرهت الجوال ههههههههههااي

وردة شخبارك حبيبتي ؟؟
ريحي حالك لاتتعبين نفسك .. وان شاء الله كل شي طيب
واهم شي نفسيتك .. لاتفكرين وتحاتين لانه يأثر عليك وعلى البيبي
واتوقع هالشي عادي ..
انا للحين احيانا يجيني شد في بطني احسه ممغوط هههههههاااي
بس ماما تقول عادي عشان الرحم يتوسع

[سحر الحب]

مراحب بنات

[مريم ناصر]

مريوووم انا والله من الخامس وانا اطقطق على هالتجهيز
كل مره اخذ قطعة قطعتين .. وللحين ماخلصت
لاني ماجهزت مره وحده .. كل مره اطلع السوق اخذ على خفيف
واصلا طلعاتي للسوق قليلة .. مالي خلق فوضة السوق





سيم سيم أنا مالي خلق السوق بس يمكن عشان البيبي تنفتح النفسيه. ربي يعين










سحر الحب. ياهلا والله نورتي

[مريم ناصر]

يامساء الخير ودقة البدن

[eklil alward]

سلام
.........................

[سحر الحب]

عليكم السلام ياهلا
بنات ابي استفسر عن مستشفي الاحسا الخاص من افضل دكتوره هناك وكيف الولاده هناك

[وردة الأحساء]

هلا حبايب .. كيفكم مع التعب ؟؟؟
والله صدقتوا يا خواتي المفروض اصير مثل الملكة بعدين التعب جاااي ..
وهذا أحاول اريح نفسي يعني شغلي قليل مرة بالبيت ماضغط على حالي ...
... انتوا مثلي شريت قطعتين للبيبي وأعرف نفسي بدخل التاسع وأنا ماخلصت تجهيز حبة حبة ..

أختي سحر الحب وعليكم السلام والرحمة .... شلونك؟؟
بالنسبة للمستشفى مدري عنه أن شاء الله يفيدونك خواتي

[سحر الحب]

اهلا وردة بخير يالغلا
بانتظار من يفيدنا عنه

[ملكة الثلوج]

هلا سحر الحب انا اراجع عند الدكتورة غادة زحمة عليها ماشاءالله بس مدري عن الولاده انا افكر يا الاحساء ولا الحرس والله يتمم عليك تولدين بسلامة...

[king_ro7e]

ـآهلييين صبـآيآ

ـآخبـآركم وـآخبـآر كروشـآتكم ^^


ـآبي ـآغير ـآلمستشفى ـآلخـآص ـآلي ـآتـآبع فييييه لـآنه دكتورتي تـآخذ ـآجـآزـآت كثيييره وزوجي مو رـآضي يقول لي صعبببه تنقلي الحين وانتي بالسابع.....!!

وـآنـآمحتـآرة ـآنقل ـآو ـآجلس عندهـآ وـآذـآ بنقل ـآقول لهـآ ـآني بتـآبع بمستشفى ثـآني ـآو كييف...!؟

وـآفكر ـآني ـآولد بحكومي مـآبي ـآولد بخـآص خوفوني ـآلنـآس منهم ><

[سحر الحب]

ملكة. يعنى مافي غير الدكتور ة غاده قصدك ولا فيه وهى أفضلهم ؟ أنا أراجع بالموسى وناويه أولد هناك بس بغير لأنهم خرطئ

[ملكة الثلوج]

في غيرها اعتقد أمل وسهير بس غادة شاطره وحبوبة تعاملها مع المراجعات كثير حلو روحي عندها ماراح تندمي اذا ابي اولد في الحساء ابيها هي تشرف علي..

[ملكة الثلوج]

هلا كنج شوفي عادي تغير المستشفى وانتي بشهر السابع بس قبل ماتروحين خذي ملفك الي فيه التحاليل وحالتك انتي والبيبي علشان يعرفون كل شي عنك وبسلامة يا عمري...

[سحر الحب]

ملكة
مشكورة ياقلبي والله ماقصرتي ..
اى نويت اخذ تقرير عني واوديه للاحساء
ناويه اولد هناك

[احلام العمر]

السلام عليكم

[مريم ناصر]

وعليكم السلام

[ام هيثووووم]

هلا ببنات الحسا
بقيت استفسر منكم شو رايكم بالدكتوره اللي في مستوصف المواساه تنصحوني اراجع عندها او لا
ومين سمع عنها او راجع عندها محتاره وين اراجع وهو اقرب شي لبيتنا

[baby`s smile]

هلا وغلا ام هيثوم
دكتورة ماجدة اللي بالمواساة سمعت عنها حليوه
خالتي كانت تتابع عندها وحيييل تمدحها

شلووونكم ياحلواااات ؟؟

وردة جد الله يعينك ع التجهيز
بس احسن شي كتبي لك في ورقة الاشياء اللي بتاخذينها
عشان تصير افكارك مرتبه وماتاخذين اشياء واجد

انا تقريبا الملابس خلصتها
باقي اغراض الاستحمام والسرير والمفرش واغراض الصيدلية واغراضي انا
السرير ان شاء الله ناوية اخذه بعد 3 اسابيع لما ينزل زوجي

[ام هيثووووم]

يسلمووووو ع الجواب يعطيك العافيه غاليتي

[مريم ناصر]

ام هيثوم. أنا أراجع عند الموساه عند دكتوره ماجدة بس زحمه عليها العصر أنا اروح الصبح اخف ما قولك ممتازه بس أحسن من غيرها

[ام أروى]

السسسسسلام عليكم حوامل الحسا ياحلوات
الله يسهل علينا جميعا الحمل والولاده باطفال اصحاء كاملين الخلق والخلقه
بحق الصلاة ع محمد وآل محمد


بسالكم من وين قضيتوا للبيبي .؟ اي محلات حلوه واسعارها مناسبه ؟؟

[slyl]

السلام عليكم
كيفكم
ماحد فقدني لي كم يوم مختفيه :(
انا للحين محتاسه بالاشعه
ياربيمره جهازهم خربان مره معطتنا ظهرها ومره زحمه واخر مره
اليوم بروح تعبت
يارب تعطيني وجهها واشوفها

ادعووو انها تعطينا وجه واسويها وانا مستانسه
وان اشك انه اذا رحت اليوم بيصير شي جديد بس ربي كريم

[ندى ندو]

السسسلأأأأأأأمـ عليكم
وش اخباركم
عساكم بخير
صارلي شهور مادخلت لايكون نسيتوني

[baby`s smile]

سليل للحين على هـ الاشعه
ان شاء الله تتسهل هالمره وتشوفينها

ام اروى .. انا بصراحه قضيت من اكثر من محل
عندك مذركير بس شوي غالي ..
سنتر بوينت اسعاره معقوله
الصقر .. ركن الطفولة .. وفي محل في شارع النجاح اسمه بيبي ... بس موذاكره التكمله ههههههااي عند محل بحر زيد

[نبض قلبي]

هااااااااااااااي صباايا

اخبااااااااااركم يااكروشاات وكيف البيبي ؟

من زمااااااااااان عنكم مختفية

بس عشاان أوحشكم >فيس مطلع لسانه

[وردة الأحساء]

هلا بنات اخباركم .؟؟؟

دكتورة ماجدة مرة بس جربتها مدري مارتحت لها صحيح طيبه ...لكن مرة ماينحكم عليها

بنات اذا صار وقت التخفيضات بسنتر بوينت او ستي ماكس عطونا خبر عشان نقشع المحل هههههه
تجهيزات بتكون من عدة محلات ... لكن بقى استغل وقت التخفيضات !!!

[slyl]

هلا نبض شخبااارك
من زماان عنك

بنااات واخيراا
سويت ااشعه الملونه وشفتهااا
بنتي تشبهني ههههههههه

[احسساس غالي]

هلاااا بنات

اخبااركم


والله انا طفشااانه مووت زوجي بيمشي تبوك يوم الاربعاا

😢

[مريم ناصر]

سليل.

واخيرررررررررا الف مبروك وعقبال ماتشوفينها في حضنك




احساس غالي.




ربي يعينك الوحده فينا اذا تزوجت تتعلق بزوجها اكثر من اهلها ماكنها عايشه مع اهلها اكثر خخخ الله يساعد قليبك






وياهلا بباقي البنات الي اختفو والي ارجعووو يلبى قلوبكم

[أم عبداللة]

السسسسسسلام عليكم ورحمة اللة وبركاتة
انا ضيفة جديدة بالمنتدي
واتمني من الجميع ان يقبلني ضيفة وصديقة على قلوب الجميع
ولكم ودي واحترامي
اختكم أم عبداللة

[king_ro7e]

ـآهلييين صبـآيـآ ـآخبـآركم

ـآخبـآر نونوـآتكم وـآلحـآمل ـآخبـآر كروشتك وـآخبـآرك مع ـآلتعب

طفشـآآآآآآآآآآآآآآآآآآآآآآآآنه حد محدي

زوجي كان اجازة شهر واليوم داوم احس بطفش مو طبيعي :(

[مريم ناصر]

ام عبدالله.

نووووورتي وياهلا فيك بين خواتك

[صمتي حكاية]

هلا في احد موجود

[احسساس غالي]

هلاا


اخباااركم

[نيو أنثى]

هلا بناااات اخباركم