دردشة حوامل الأحساء- تجمع بنات الأحساء - الحسآويآآت

[حرم صالح]

هلا ببنات الاحساء
انا انبسطت لم شفت هالتجمع الله يدومه
انا عضوه جديده وحامل جديده ومااعرف شي
اخر دوره لي كانت 9/8
حللت من كم يوم بشريط المنزلي طلع لي واحد غامق والثاني فاتح شكيت مابغيت افراح وايد
رحت مستوصف النسائي وحللت وطلعت حامل والحمدلله
بس الحين ابي احسب كم لي ؟ ومتى اعمل سونار ؟
وافض مشتشفي اتابع فيه ؟ وش رائكم بالموسى ؟

[نبض قلبي]

حرم صالح.,

هلا فيييك نورتينا .,.

والف الف مبروك الحمال ربي يتمم عليك وعلينا يارب.,

شوووفي انتي نفسي الحين بالشهر الثاني .,.

بس انا لسى ماعملت سونار ولاشي انتظر زوجي يجي بالسلامه .,.

سويت موعد هذا الاسبوع ان شاء الله راح تسوي لي سونار وفحوصات .,.

وانا بولدي جربت الموسى بس مادري حسيتهم عاديين يمكن لان بعدين حوولوني

ع دكتورة ثانيه وهذا ماعجبتني بس ماعرف اساميهم .,.

بس انصحك روحي المغلوث عند دكتورة توحيدة هذي دايما اسمع الناس تمدحها حييل

ان شاء الله هالاسبوع موعدي عندها .,

[حرم صالح]

هلا اختي نبض
الله يبارك فيك ويثبت حملي وحملك يارب
يعني الحين انا ف اي اسبوع ؟
اي دكتوره توحيد سمعت عنه حيل يمدحونها
بشوف احتمال اروح له اتابع لاني للحين مارحت مستشفي

[نبض قلبي]

انا تقريبا ع حسبة صديقتي في الاسبوع السابع

لان دورتي كانت نهاية شعبان انتي في بدايتة

يعني مادري تكونين نفسي اواكثر

بس خلاص اذا بتحجزين عند توحيدة دقي من الحين وحجزي

لان زوجي كلم المستوصف ذاك الاسبوع وعطاه موعد هذا الاربعاء

[Oom reem]

سلام
حرم صالح مبروك الحمل انا كنت اراجع عند الوطني بس الدكتوره سافرت والحين راجعت في مستوصف انوار المدينه بس الدكتوره حيل بطيئه

[آنسة فوشية]

تمام مناح نفحط بالحمال هع

انتي كيفك انسة فوشية ؟

دلع وأنا بكلية الاداب>>>لقافه موهع

دوم مناح يا رب
انا بخير .. الحمدلله
و انا بعد بكلية الاداب hwaml03

[غ ــــلآ]

7
وانا بكلية الآدااااااب ^^

[آنسة فوشية]

وناااسة
بأي سنة و أي تخصص ؟

[الحلم المنتظر]

ياهلا فيكم يالطيبات الله يتتم لي ولكم ع خير يارب ام ريم انا اتابع عندها بطيئه بس جيده سوزان قصدك مره طيبه بس الحين صرت اتعالج عن كردش ممتاز بعد لان زوجي يبيغى يشوف ويدخل يشوف الجنين وهي ماتدخل رجال خخخخخخخ

[مريم ناصر]

مرحبا كروشات الف مبروك للحوامل الجدد وياهلا ومرحبا بلي لفوووو


كيفكم بنات واحوالكم وحشتوووووووني قدا


أنا الحين من ولدت خذت 18 يوم واكتشفت ان التربيه أصعب من الولاده بعد ماكنت مرتاحه ونومي على كيفي صرت اقعد في كل وقت وصار المزاج مو شي ، حياه جديده ولازم اتعود عليها واذا صرت رايقه اقول الحمدالله على نعمة الامومه بس يبيلها قلب يتحمل والله يخلي لي ولدي


الله يتمم لكم على خير وتقر عيونكم بشوفة عيالكم

[حور الدلع]

هلا كروشات انا حامل في الشهر الرابع وبكره بداوم كلية

[نبض قلبي]

حور الدلع.,.

الله يتمم علييك يارب,.

أنتي بأي كلية؟.

[Oom reem]

هلا كروشات
حلم المنتظر مادري احس دكتوره سوزان متسرعه دايما تقول لي اشياء بعدين تغير رايها
قالت لي عندك التهاب وعطتني مضاد حيوي وتحاميل لمده اسبوع وجاتني الام اسفل الرحم موراضيه تروح بسبب علاجها
وهيا تقول هذا بسبب الالتهاب طيب الالام ماجات الا بعد العلاج ؟؟؟؟محتاره شسوي مع هالالم ساعدوني

[شيخة الزينات]

هلا فيك نبض قلبي الله يتمم علي وعليك ويثبت حملنه

وبنسبه لدكتوره توحيده حيل زينه

بس زوجي مو راضي اروح ارجع في المستشفى وسمع انبض البيبي

يقول لين تجي دكتورك ف ذي الحجه قهر صح

بس الحمدالله متوصله مع الدكتوره عن طريق الجوال وانا حامل بتلقيح المجهري

وانا ادرس في المدرسه اسنه اخر سنه لي بس باخذ وقف الحمل يبي له عنايه

وزوجي خايف علي خصوصن ان صار لي من تزوجة 4سنوت >>ههههه قلت لكم قصت حياتي

[الحلم المنتظر]

شوفي ام.ريم وربي.انا اجهضت قبل 4سنوات وجاني التهاب فضيع كرهت.نفسي وماحد عرفله.الا هي والحمدلله الحين هي شاطره حق الالتهابات واللي تحمل تحمل بس سمعت.حق متابعة الحمل يعني بصراحه حاولي ياقلبي تروحين.دكتوره ثانيه شوفي توحيده طيب

[حرم صالح]

هلا بشيخه الزينات
الله يثبت حملك يارب وانتبهه ع نفسك
مثلي انا حيل متحمسه اروح دكتوره اسمه نبض البيبي بس ان شاء الله بكره
وقفي دراسه اهم شي صحتك وصحه البيبي

[نبض قلبي]

شيخة الزينات.,.

ياهلا ووغلا ..,الله يتمم علينا يارب .,.

اي والله الحمل مع الدراسه متعبه حييييييل انا اليووم داومت في الكليه وحسيت طول الطريق

بتعب قلت الله يعيييني اذا كل يوم كذا بس يلا الله يعييين .,.

بس انتي اخر سنه عشان تفتكين اخذي منازل احسن لك

عشاان لجبتي البيبي بالسلامه تكونين مخلصه دراسه

انا اقول لو الكليه فيها منازل هع كان زين المشكله وقف قيد وصعبه اخذ وقف

بس يلا الله يسهل ويعيييينا .,.

ووووواذا ع زوجك مالك الا تطيعينه انتظري تجي دكتورتك

عشاان ماتروحين لها الا يكووون ان شاء الله البيبي مبين شنو جنسه .,.

[Oom reem]

الحلم المنتظر مشكورة كلامك ريحني والله يسهل عليك يارب
شيخه الزينات الله يثبت حملك يارب ويفرحك ويفرح زوجك
بنات احد عنده فكره السونار في مستوصف النسائي بكم؟

[شيخة الزينات]

حبايب قلبي ودي احول منازل بس زوجي مو راضي >>بيني وبينكم انا كسلانه ولحولت منازل اكيد رسوب

هههههههههههههه

وصدق الكليه تعب اخذي مثلي وقف اهم شي البيبي مع اني حيييل افكر

مابي يصير له شي الله لايقولها وزوجي حيييل مستانس ب الحمل
..
ادعو لي بنات ان الله يتمم علي. وانتو الله يتمم عليكم ويثبت حملي وحملكم يارب .

[دلع الأحساء]

شيخه ربي يثبت حملك وحملنا كلنا يارب
وخلاص احسن لك.وقفي دراسه خاصه حملك بعد معاناه
ربي يثبته لك.

[احسساس غالي]

هاااايووووو

صباااح الخير
كروشات منفوخات😝😝


اخباركم

[آحبك]

متى خف وحآمكم
بنات

[Oom reem]

صباح العسل احساس
وحامي خف بعد الشهر الثالث الله يسهل عليك اثقل شي بالحمل الوحام

[افنديه]

هااااااي بنات كيفكم hwaml95

[غ ــــلآ]

وناااسة
بأي سنة و أي تخصص ؟

سنه ثانيه وتخصصي دراسات إسلاميييييييييييه

بس ماخذه الكليه انا لعب hwaml02

[غ ــــلآ]

بنات بعطيكم أسآمي دكاتره اللي جربتهم بحملي هذا

حلويين صرآحه

الدكتوره علآء في النعيم

والدكتور عبدالخالق كردش في مجمع الضياء الطبي جنب البستان

ونجوى في الأدريسي

[الحلم المنتظر]

انا خف وحامي عند دخولي الشهر الرابع انذبحت منه نزلت 6 كيلو من الوحام الحمدلله ارحت وعقبالك غلا.انا جرب علاء بس مادخلت قلبي هههه الحين متابعه مع كردش الحين مرتاحه له انا وزوجي نص الدكاتره.رحتهم انا اسوي سياحه بمستوصفات بالاحساء ههه جربت كردش ونجوى وسوزان وعلاء وعبدالفتاح ووحده منزمان في مستوصف عزيز نسيت اسمها واللي ارتحت لهم للحين سوزان وكردش باقي اجرب توحيده بس مادري ان شاء الله ماحتاجها الا في خير

[دلع الأحساء]

انا خف وحامي في الشهر السادس

[شيخة الزينات]

بنات انا ارجع قبل اتحليل بس بعد اتحليل مارجعت الامره يمكن والحين انا بشهر الثاني ومافيني وحام بس لوعه ندره جدا

والله اني اوسوس اخاف صار للبيبي شي او وقف انمو او مافي نبض والله ابي اروح اطمن اذا في نبض بس اخخخ من زوجي

كله يقول لاتحاتين ونشالله كلشي تمام وحتى الم في بطني وظهري خفيف ونادر ومن امس مو قادره اجلس احس موخرتي تعورني ورجولي

بنات بلعربي اخاف صار شي للبيبي الله ليقوله ودكتورتي مسافره مراح ترجع الا في ذي الحجه ابي حل....ودعو ان في نبض وان الله يتمم حملي وحملكم على خير ..

[Oom reem]

شيخه لاتحاتين ان شالله مافيه الا الخير لو صاير للبيبي شي كان نزل عليك شي او جاك مثل الام الدوره
الله يتمم حملك على خير

[شيخة الزينات]

يعني لو وقف انمو او انبض . .الله ليقولها ف البر مو ف شجر

يعني يجي الم انا بس احس زي اشد في بطني وظهري واحس كله جسمي تعبان يمكن من التفكير ...والله خايفه

مابي بعد هتعب والفرحه الي شفته في عيون زوجي يصير ف البيبي شي ...بس الله كريم ونشالله كلشي زين

[غ ــــلآ]

انا خف وحامي عند دخولي الشهر الرابع انذبحت منه نزلت 6 كيلو من الوحام الحمدلله ارحت وعقبالك غلا.انا جرب علاء بس مادخلت قلبي هههه الحين متابعه مع كردش الحين مرتاحه له انا وزوجي نص الدكاتره.رحتهم انا اسوي سياحه بمستوصفات بالاحساء ههه جربت كردش ونجوى وسوزان وعلاء وعبدالفتاح ووحده منزمان في مستوصف عزيز نسيت اسمها واللي ارتحت لهم للحين سوزان وكردش باقي اجرب توحيده بس مادري ان شاء الله ماحتاجها الا في خير

هههههه انا جربت علاء وتابعت معها تقريبا ست شهور

وكردش شهر لأن مدحته لي حماتي قلت بروح اجربه

بس كردش احسن يعطيك المعلومات قبل ماتقولين له

كأنه عارف قرقرة الحريم هههههه

وانا

[غ ــــلآ]

يعني لو وقف انمو او انبض . .الله ليقولها ف البر مو ف شجر

يعني يجي الم انا بس احس زي اشد في بطني وظهري واحس كله جسمي تعبان يمكن من التفكير ...والله خايفه

مابي بعد هتعب والفرحه الي شفته في عيون زوجي يصير ف البيبي شي ...بس الله كريم ونشالله كلشي زين

لاتخافين يآقلبي وتوكلي على الله

اللي كاتبه ربي بيصير والله يفرحك بضناك يارب

أنتي لاتتحركين واكلي اشياء مفيده وتقيدي بآلأدويه والمواعيد والله يثبته لك يارب

انا تقريبا كنت مثلك احس بألم كنه دوره تجاهلته وسافرت واطبخ واغسل ماكنت اهتم بنفسي

وجاني نزيف بس ربك ستر تنومت وعطوني مثبت وانا من حملت كنت اكل المثبت بدون

مايوصفونه لي واستمريت عليه حتى نص الشهر السادس

انتي روحي الحين لأي دكتوره وتطمني وقولي لها ابي مثبت والله اللي يثبت قبل كل شي

انتي ريحي ولاتخافين ولا تتوترين لان التوتر يضغط على البيبي اوقات

الله يحقق مناك ويثبت حملك يارب وتبشرينا بسلامتك

[شيخة الزينات]

حبيبتي كلامك ريحني وبنسبه للمثبتات اخذ مثبتت 3مرات بليوم مع حمض الفوليك

بس بقنع زوجي وبروح حق كردش..لاني اسمع عنه من قبل لاحمل وانا حامل بتوئم ..

والله يثبت حملي وحملك على خير..

حبيبتي حتى انا جاني نزيف وزادت دكتورتي المثبتت والحمدالله وقالت حتى لو لاسمح الله اجهضتي بس بتجهضين واحد وانا من بعد ماتوقف انزيف ل يومك هذا مارجعت في ولا مستشفى

[Oom reem]

شيخه اهم شي التزمي بالراحه التامه والله يقومك بالسلامه

[دلع الأحساء]

بنات يقلون سنتر بوينت تخفيضات50% راح.تبدء اليوم
ياليت الي راح تروح تأكد كان صدق ولا الخبر

[أم جنى فديتها]

سﻵم عليكم
أخباركم حساويات مثلي ههههههههه

عندي سؤال اتمنى تجاوبوني

انا في الشهر الرابع
واحس بثقل مو طبيعي احس ان الجنين تحت حييييييل كانه بيطلع ماقدر أمشي وﻵاتحرك
انا حملت من قبل 3مرات ماحسيت بهالشي حتى نساتي بس ادخل الرابع تروح واصير نشيطه ماشاءالله غير هالمره



جاوبوني

[أم جنى فديتها]

دلع اﻷحساء
اتوقع التخفيضات صحيحه ﻷن جاي فصل الشتاء ويبغون يصفون بضاعتهم
انا ودي اروح اقضي للنونو بس الحين مافيه مﻵبس صيفيه حلوه ونا بولد بداية الصيف
يعني مابقضي اﻵ نهاية الشتاء مع اني متحمسه من الحين حق التقضي..شسوي بصبر

[مريم ناصر]

بنات يقلون سنتر بوينت تخفيضات50% راح.تبدء اليوم
ياليت الي راح تروح تأكد كان صدق ولا الخبر





سنتر بوينت وسيتي ماكس في العاده يسون التخفيضات مع بعض وسيتي ماكس أمسوين تخفيضات 50٪ أختي توها رايحه قبل يومين

[Oom reem]

ام جنى عادي حتى انا بالرابع كان نازل حيل وتعذبت بس التزمي بالراحه وان شالله الشهر الجاي يرتفع شوي شوي

[Oom reem]

بنات سؤال عاجل مين تعرف وين يبيعون شرشف وطراحه بربري ضرووووووري
الله يسعدهاويسهل عليها اللي ترد

[شيخة الزينات]

بنات انا في نهايت الشهر الثاني وبدخل الثالث احس اليوم ان بطني مثل الثقيل او منفوخ مدري يعني شلون وتنزل مني افرازات بيج وفيها بني بس دكتورتي قالت لاتخافين من الفطريات دام مافيك دم عادي واحس مكان المهبل نازل يئلمني وزوجي مو راضي يسمعني انبض اخاف صار له شي يقول انبض ماينسمع الا بعد 135 يوم ونفسيتي زفت ابي اطمن والله منقهره مابقى اسلوب متبعته معاه تدلعت زعلت عصبت بس مافي فايده ..والله بموووت من القهر خايفه من االفرازات ان هذي علامه على ان البيبي فيه شي ردو علي ...ريحوني

[نبض قلبي]

بنات سؤال عاجل مين تعرف وين يبيعون شرشف وطراحه بربري ضرووووووري
الله يسعدهاويسهل عليها اللي ترد


مادري والله بس شوفي محلات تجهيز البيبي يمكن يسووون تفصال

[نبض قلبي]

بنات انا في نهايت الشهر الثاني وبدخل الثالث احس اليوم ان بطني مثل الثقيل او منفوخ مدري يعني شلون وتنزل مني افرازات بيج وفيها بني بس دكتورتي قالت لاتخافين من الفطريات دام مافيك دم عادي واحس مكان المهبل نازل يئلمني وزوجي مو راضي يسمعني انبض اخاف صار له شي يقول انبض ماينسمع الا بعد 135 يوم ونفسيتي زفت ابي اطمن والله منقهره مابقى اسلوب متبعته معاه تدلعت زعلت عصبت بس مافي فايده ..والله بموووت من القهر خايفه من االفرازات ان هذي علامه على ان البيبي فيه شي ردو علي ...ريحوني


لاتخافين ياعمري دام الدكتورة طمنتك انو عادي بس اهم شي ماينزل لادم ولاماي

الأفرازات طبيعيه في الحمل ونبض البيبي موشرط 135 هذا انا نهاية الثاني

وتوى امس سمعت نبض البيبي الحمدالله

بس انتي لاتفكرين كثيييييييييير دام زوجك موراضي في كل الحالات جيتيه تحملي

لمن تجي دكتورتك وأن شاء الله البيبي احسن منك هع مافيه الا الخييير .,.

[أم جنى فديتها]

ام جنى عادي حتى انا بالرابع كان نازل حيل وتعذبت بس التزمي بالراحه وان شالله الشهر الجاي يرتفع شوي شوي



ام ريم انتي اي شهر؟؟

[نبض قلبي]

صباح الوردات .,..

بقوول لكم شنو متعبني بالحمل واتمنى القى حل

انا حامل نهاية الشهر الثاني ووويجيني الم موطبيعي كنه طلق في ظهري

أحسه ينقص مرات الالم اسفل الظهر مرات في النص مرات فوق شوي

مع انو هذا حملي الثاني بولدي ماجاني كذا الالم مادري يمكن كل حمله تختلف مثل مايقولون .,.

سألت الدكتورة تقول عادي طبيعي بس والله اصيح أصياح منه لدرجه حتى لاصرت منسدحه ع ظهري يجيني بزياده

يعني مافي شي مريحني لامنسدحه ولا جالسه حتى النوم ماأقدر أنام .,.

تكفوووووون ابي حل شسوووي حتى والله اخاف ع البيبي لان الالم موطبيعي .,.

[شيخة الزينات]

هلا حبيبتي نبض قلبي حتى انا قسم بالله داخله بقول نفس كلامك

انا بعد نهايت اشهر الثاني وحس الم في ظهري من رقبتي لين اخر ظهري ومرات يمر في بطني اشوي وصدري احس بموووت مت ابوجع واحس فيني حراره شابه في صدري

[خجول الورد]

يسعد صباحكم .. نبض قلبي .. شيخة الزينات دام انتم في الشهور الاولى مفروض الدكتورة مع هالاعراض تصرف لكم مثبت !!

[خجول الورد]

من ناحية المستوصفات انا جربت سوزان ماحبيتها وغرفتها ظلمة تخوف هههه وجربت الوطني د/سلوى حبووبة وطيبة بس ماكملت معها .. وبحملي الاول تابعت عند النسائي د/رجاء شاطرة مره بس اسلوبها جدية مره ماتسولف كثير وتحب تختصر لانها مزحومة بس استمريت معها لشطارتها والحين بعد اتابع معها ..

[Oom reem]

ام جنى انا توني داخله السابع
شيخه الزينات ونبض قلبي لازم تراجعون المستشفى تسوون سونار عشان تتأكدون ان كل شي اوكي ولازم تاخذون مثبت بعد
الله يهون عليكم

[نبض قلبي]

الدكتوره تقول طبيعي الالم وماعطتني مثبت وسوت سونار وكول شي اوك الحمدالله

[الحلم المنتظر]

الله يسهل علينا إن شاء الله . . .

[احلى أم]

سلام عليكم
شخباركم كروشات
انا جديده عندكم بالمنتدى
وبكريه بس هذا سادس حمل لي من بعد 5 اجهاضات اللهم لك الحمد
ادعولي ربي يتمم لي ويتمم لكم على خير ويفرحنا بشوفة عيالنا بصحه وعافيه يارب
انا اراجع عند دكتوره اقبال بمستشفى جميل خطاب
وآخر مره شفت البيبي والنبض وانا بالاسبوع السابع
والوحام مازال عندي ونزل وزني 5 كيلو
<< مطوله تقص قصة حياتها
بس احس بثقل هالاسبوع حتى لقمت امشي احس البيبي نازل كنه بيطلع
تتوقعون هالشي طبيعي؟

[Oom reem]

احلى ام الله يتمم لك على خير ويقر عيونك بشوفه ضناك يارب
حياك الله معنا والتزمي بالراحه لين تعدين الاربع شهور الاولى وارفعي رجولك فوق مخده اذا انسدحتي

[دلع الأحساء]

احلى ام ربي يثبت حملك يارب حاسه بمعاناتك لان انا بعد عندي اجهاض متكرر وربي يثبت حملي وحمبك ونشوفهم بين يدينا

[الحلم المنتظر]

ياعمري فيك وانا حاسه فيك والله الله يعوضك ان شاء الله ارتاحي بس ولاتنسين سورة البقره يوميا والرقيه وانصحك ملتخبرين احد بحملك لين تعدي مرحلة الخطر او بهد الخامس

[دلع الأحساء]

بنات المعارض متى يفتح؟

[احلى أم]

ام ريم مشكوره حبيبتي على الرد هذا انا ملتزمه بالراحه لاخر حد والله يتمم لك ولي على خير ان شاء الله
دلع الاحساء الله يتمم لك على خير وتشوفين ضناج بعد تسع شهور كامله انتي وجميع العضوات يارب
الحلم المنتظر الله ينولج اللي ببالج ويرزقج باللي مايخلونج تنامين زين من ازعاجهم هههههه ويرزقنا انا وجميع الكروشات يارب اما بالنسبه عن المعارض ما عندي علم ان شاء الله الكروشات يفيدونج

[نبض قلبي]

احلى أم

الله يتمم عليييك يارب وتشووفين البيبي بحضنك

ويسهل عليك وعلينا يارب

[Oom reem]

دلع ماعندي فكره متى تفتح المعارض اذا عرفتي خبرينا
بنات تعرفون من وين يبيعون الكماده الكهربائيه؟
وتعرفون مكتب يأجر شغالات؟

[شيخة الزينات]

بنات الدعو لي ان الله يعوضني

تخيلو اني اجهضت من ثاني اسبوع التحليل وتوني اعرف

بنات انا حييييل منصدمه احس اني مخنوقه بعد ماتاخرت 3سنين ودخلت4سنه وسويت عملية الحقن باكثر من 40الف بعت ذهبي

حملت يتوئم اخر شي كن فيكن كلشي تبخر

ادعو لي اني احمل مره ثانيه وقريب مو بعيد


بنات والله اكتب لكم وصيح

نصيحه مني لي توها حامل لتحسس احد بحملها

الحسد والعين تجي

وسامحوني طولت عليكم وبنات خلاص انا مراح ادخل معاكم الدردشه والله يثبت حملكم وتقومون بسلامه

والله حبيتكم

باي...
ب

[Oom reem]

شيخه الله يعوض عليك يارب عاجلا غير اجل
عورتي قلبي حاسه فيك لاني اجهضت من قبل مرتين وكنت ما انام الليل
اقري قران والتزمي بالدعاء وان شالله يارب يكتب لك الحمل قريبا عاجلا يارب وتقر عينك بشوفه ضناك

[الحلم المنتظر]

حتى انا اجهضت مرتين ويارب يعوضني هالمره.اتكلي على ربك حبيبتي ويعوضك خير وان شاء الله.تحملين قريب عليك بصلاة الليل والقران.والله كريم وعسى ان تحبو شئ وهو شر لكم الله يصبرك

[نبض قلبي]

ياعمري الله يعوضك ان شاء الله عن قريب

والله احس قلبي عورني عليك

بس ان شاء الله ربي يعوضك بس عليك تدعين ربك في كل صلاه

وأن شاء الله الله يعطيك على قد نيتك

[الحلم المنتظر]

بنات متى انتو تبدون تشترون اغراض المولود لان تعرفون جاي الشتاء قريب وانا باذن الله بولد بداية الصيف

[Oom reem]

انا شريت الاغراض من السابع الحين بتنزل البضاعه الشتويه ماراح تلقين صيفي كثير

[الحلم المنتظر]

ماشاء الله لبس العافيه ان شاء الله لو بدخل السابع بالشتاء والثامن بعد الله يسهل علينا

[آنسة فوشية]

بنات
وش افضل مستشفى بالاحساء ؟
و افضل دكتورة فيه ؟

[الوان الفراش]

مرحبا بنات
انا جديده بالمنتدى وبكريه بالشهر الخامس
وفيني توم
والثقل اللي فيني متعبني ماقدر اتحرك وعلى طول بطني
يألمني واليوم تجيني الام بظهري تروح وتجي وخايفه حيل
ادعو لي

[Oom reem]

انسه فوشيه ماعندي علم بس انا اراجع عند الدكتورة سلوى بمستوصف الهفوف
الوان ربي يسهل عليك ويثبت حملك يارب

[نبض قلبي]

صبااااااح الوردات ,.,

شوووو نايمييييييين ولافي حدا صاااحي.,,.؟

[الحلم المنتظر]

ياهلا فيك كيفك بنات حرقان للمعده.تعبني اشرب حليب واكل خيار يزيد امهاتنا الاول يقولون شعر بيطلع ههههههه طبعا خرافات

[غ ــــلآ]

شيخه

وربي ضاق صدري عليك الله يعوضك خير يارب

واعرفي ان ربي اذا حب عبد ابتلاه والله يبي يختبر صبرك وإيمانك

خلي إيمانك قوي واعرفي الله عطاك وخذاه بأذن ربي يعطيك شي ماتتوقعينه

وانتي الحمدلله تحملين مع الوقت إن شاءالله تتحسنين غيرك عاقر مافيه امل تحمل الا بأمر

الله

أحتسبي الأجر وانا اختك واعرفي الخيره فيما اختاره الله

وإن شاءالله ترجعين لنا تبشرينا بحملك

[احسساس غالي]

شيخه
الله يعوضك يارب
عاجل غير آجل
وربي حزنت عليك 😔



<< كنت متابعه م̷ـــِْט خلف الكواليس😊

[خجول الورد]

شيخة ياعمري .. ربي يعوضك خير ان شاء الله ويارب تحملين بدون علاج عليك بالاستغفار وسورة البقرة

[أم جنى فديتها]

ي..بنات اﻷحساء ..تعالو بسألكم سؤال ضروري مستعجل (http://forum.hwaml.com/showthread.php?p=2544844#post2544844)

أهﻵ حوامل اﻷحساء

ممكن تساعدوني في موضوعي

شيخه ..الله يعوضك خيير صبري واستغفري ..
انشاءالله تحملين ويعوضك ربي ويقر عينك

[برستيجي دلع]

يا بعد قلبي يالحساويات
ان شاء الله قريب احمل واصير من ضمن التجمع
توي عضوه جديده hwaml7
وهالشهر ان شاء الله بشيل اللولب وابي احمل عاجل غير اجل يارب يكتب لي الحمل
عندي بنوته بيصير عمرها 3 سنوات
وان شاء الله اجيب لها اخو او اختhwaml13
انا بشيله عند الدكتوره رجاء في مستوصف النسائي في شارع النجاح
وش رايكم فيها من ناحيه المبايض
انا مدريي اذا عندي مشكله او لا بس بتابع عندها عشان احمل بسرعه
وخاطري بتؤامhwaml02 بخليها تشوف الوضع وتعطيني منشطات لو احتجت

[برستيجي دلع]

ي..بنات اﻷحساء ..تعالو بسألكم سؤال ضروري مستعجل (http://forum.hwaml.com/showthread.php?p=2544844#post2544844)

أهﻵ حوامل اﻷحساء

ممكن تساعدوني في موضوعي

شيخه ..الله يعوضك خيير صبري واستغفري ..
انشاءالله تحملين ويعوضك ربي ويقر عينك

حبيبتي عندك الدكتوره رجاء في النسائي يمدحونها في المتابعه للحمل والتصوير
اما لاشياء ثانيه ما بعرف

[خجول الورد]

برستيجي ..هلا بك وان شاء الله تنضمين للحوامل من ناحية الدكتورة رجاء انا مجربتها وانصحك فيها ..

[king_ro7e]

ـآهليييين بنـآآآآآآآآآآآآآآآآآآآآت وحشتوووووني

ـآخبـآركم وـآخبـآر عيـآلكم وـآخبـآركم مع ـآلحمممل

[Oom reem]

برستيجي اختي كانت مركبه لولب عند النسائي بس ماعرف اي دكتوره ولماتحرك اللولب الدكتوره بدل ماتبدله رجعته مره ثانيه وبادوات مو نظيفه وسببت لاختي نزيف والتهابات بسبب اللي سوت وعدم نظافتها

[دلع الأحساء]

اللهم صلي على محمد وال محمد
بلا لولب بلا هم
مافي احسن من العزل

[دلع الأحساء]

بنات منين تفصلون طقم سرير البيبي ؟
وشي المحلات الي اسعارها حلوه
و وين موقعها

[اموووووول]

هاي حوامل شو الاخبار

[Oom reem]

دلع الاحساء اذا قصدك بالطقم اللي يكون سرير الام والطفل مع قميص الام والطفل تقريبا اغلب المحلات تسوي بس اسعارها غاليه انا شفت تاجرة بالنت تسوي وسعرها معقول وافكر اطلب منها ويمدحون خاماتها
امووول هايات اخبارك انتي؟

[نبض قلبي]

اهلييييين صبايا .,.

لي كم يووم مادخلت اشوووووف ماحد سأل عني >>>>الاخت تدلع تبي احد يسأل عنها هع

اخباركم واخبار البيبي ان شاء الله تمام؟

[دلع الأحساء]

ام ريم لا بس اقصد طفم سرير البيبي يعني الدباج والمخده ولي حول السرير يكون والناموسيه تبع السرير

[الحلم المنتظر]

ياهلا فيك نبض الحمدلله.طيبين يالغلا واخبار الجميع مبسوطين بنات تعرفون بيبي جوي وشرايكم فيه هل غالي اسعاره

[دلع الأحساء]

الحلم هذا الي يقلون بشارع الستين؟؟
اسمع صدقتي تقول حييل حلوه اسعاره
بس مايدله زوجي اصلا شارع الستين وين مادري

[الحلم المنتظر]

اي هذا اللي اقصده يعطيك العافيه هو بالشهابيه هو مقابل مؤسسة سعد الخميس

[من ملكني فهمني]

هلا بكم كروشاااااات شحا لكم مع التعب

انا امس رحت فصلت لي طقم السرير من محل ملاگ بشارع النجاح وبصراحه سعرة مناسب

مفرش الام وستارة السرير للبيبي وحاجز السرير وتلبيسه للدولاب وسير ومهاد مبطن وثوب وقبعه ولباس رضاعه
طلع قيمته 1300ريال وأخذت كم طقم من عنده ودي أنزلهم بس م اعرف أنزلهم بالايباد

[حرم صالح]

هلا بنااات اشتقت لكم
بس انقطعت هاليومين والسبب زكمت وحراره ووحام احس اني هلكت
بس اليوم الحمدلله احس بشوية نشاط

[الحلم المنتظر]

ياهلا فيكم منورين من ملكني عليك عافيه حرم صالح ماتشوفين شر يارب

[تهاني 911]

الله يتمم على كل وحده حامل ..

واللي تنتظر الحمل ربي يرزقها بالذريه الصالحه..


خواتي انا اول حمل لي وتوني بالشهر الاول واحس بالم بطني بين فتره وفتره ويزيد وقت النوم

ورحت فحصت قالت الدكتوره كل شي عندي تمام رغم كنت خايفه انه البيبي فيه شي بس الحمدلله

بس اللي ابيكم تفيدوني فيه شي يخفف الالم من جد تعبت من الم بطني وظهري وش تنصحوني فيه خواتي؟؟

[دلع الأحساء]

تهاني مافيش حاقه تخفف هذي ظريبت البيبي
الحين توك بالبدايه وتعبانه من الم ظهرط وبطنك
كيف في الثلاث شهور الوسطى ابتتعذبين من الشد الي يجي
وبعدين الم الحوض وبعدين بطنك من تحت يعورك من المشى وبعدين الثقل بالموت تقدرين تنقلبين وتتحركين وبعدينالتحجر وبعدين الطلق وبعدين الولاده هع
الله يعين
بخصوص الي قضت من شارع النجاح انا رحت محل عند فندق الغزال وبس طقم سرير البيبي مخده ودباج وستاره قال500 هذا اذا ابد قماش ردئ واذا قناش سنع ب900
ورحت المحل الي قبال العثيم ونفس الشي اسعاره
وشلت فكرت اني افصل غالي حييل
بشوف الجاهزين وبشتري بس مادري وين يبيعونهم
هجر يبيع؟؟الي بشارع النجاح

[دلع الأحساء]

جا العيد وجت المدارس
وشبت جامعة نوره
ونصقعنا بخمسه من اسبانيا
والفريدي مرمط ادارة الهلال
وفطس السفير الامريكي ب ليبيا
ونزل ايفون5
وشهر عشره مابعد خلص!!

[الحلم المنتظر]

الله يهون عليك عليك مافيه شي بخفف بس ارتاحي طبيعي هذا دلع ههههه حلوه عن جد تاخر هالشهر

[احسساس غالي]

هاااااي كروشات
اخباركوووم



اقول
اشرايكم تاخذون ولدي تجربون عيشه العيال 😁

[تهاني 911]

يعطيكم الف عااافيه خواتي ..

بس من جد الم متعب بذات بطني..

بس الحمدلله اهم شي وضع البيبي ممتاز ماني خايفه بس التعب ذبحني

وربي يهون علي وعلى كل وحده حامل

[Oom reem]

هاي بنات انا شفت طقم النفاس كامل في السويق محل اسمه تقريبا ركن الطفوله بالف وشوي وشكله حلو
بنات تعرفون محل يبيع عسل اصلي بالحسا؟

[الحلم المنتظر]

للاسف ام ريم ماعرف العسل الاصلي،وين بالضبط ان شاء الله يفيدونك البنات

[نبض قلبي]

صبايا يمكن اغلبكم سمع عن دكتورة توحيدة الي بالمغلوث

انا رحت اتابع عندها بس انصدمت رحت لها مرتين وماشفت شي من الي يمدحونه فيها .,.

تخيلوا انا الي اقول لها كم لي انا وكم يوم وادخل شهر جديد ومتى موعد الولاده احس ماتقول من نفسها

ولا اقول لها كم يوم احسب من كل شهر عشان ادخل شهر جديد تقول اخذيها بالميلادي 11 او بالهجري 5

يوم رحت اشووف الميلادي يختلف عن الهجري بجد انقهرت موعارفه للحساب

ووووزن لي ماسوت يعني احس غيير مواعيدي بولدي كنت عارفه كل شي ووكل مره يسوون لي وزن

احس وودي اغيرها بس اخاف زوجي مايرضى وحتى لو رضى مشكله ماعرف دكتورة شاطره للحمل .,.

احس منقهره بقوووة

[دونات]

نبض قلبي

انا لو منك وكذا حالتها أسحب عليها على طول

المفروض مع كل زيارة تحسب الوزن وقياس الضغط والسكر والدم

صراحة اذا أنا بعلم الدكتورة عن وضعي ليش أدفع لها فلوس

اقنعي زوجك من هالناحية قوليله احنا ندفع فلوس عشان تفيدني ولا علشان

أنا أروح أقولها تفاصيل بأي أسبوع وكمان أجر الاجابة منها جر بالعافية

عالأقل اذا سألتها تجاوبني بالتفصيل أو أقل القليل تعطيني حقي بالتشخيص والافادة

مو تعطيني كلمة ورد غطاها ..سؤالي أطول من الاجابة ..!!!




بالنسبة للدكاترة جربت ثنتين الدكتورة نانيس بمستوصف الزهراء و الدكتورة ماجدة عاشور بمستوصف المواساة

نانيس حلوة وشاطرة بس هادية شوي بس للأمانة اذا سلتها شيء تجاوب وتحاول تفيدك

لكن اللي أنتي طالبته وانا زيك أحب الدكتورة تعطيني حقي بالكامل

وتاخذ وتعطي روحي للمواساة الدكتورة ماجده

أول ماتشوفك - ازيك ياعسل -

وتبتسم وتضحك وتحب الكلام مع المريضة وان سألتيها تنصحك بالاجابة

تاخذ الوزن والضغط وتحاليل للدم والسكر مع كل مراجعة

واللي ناوية تراجع شهرياً عندها يكون لها وضع خاص من ناحية المصاريف

هي قالتلي اذا بتعتمدين تكون مراجعتك أكيدة كل شهر عندنا هذي

يكون لها حساب مخفف من عند المستوصف مش من عندها يعني

انا مرتاحة عندها لكن ماروح شهرياً

مراجعتي بالأساس عند الحكومي وضعي الصحي يستدعي اني كل شهر عند الحكومة

لكن احيانا أضطر اني اراجع عند الحكومة وعند الخاص وهي عندها علم اني بشكل أساسي اراجع عند

الحكومي ومع ذلك تحرص على أخذ الوزن والضغط وتسألني عن أدق التفاصيل

والتحاليل تسألني اذا سويتها من قريب في الحكومي أو لا وايش النتيجة

عشان ماتطلب مني التحليل لأن مافي داعي

أذكر بأول حملي الكيس والجنين ماهو باين دخلت الشهر الثاني ومافي شي باين

لا الكيس ولا الجنين

قالتلي ارجعي العصر وعطتني ورقة لقسم الأشعة تحت قالتلي عندهم جهاز سونار متطور أكثر من اللي عندي

ومش راح آخذ فلوس ثانية عليكي ماحب آخذ عليكي حقك

انتي لساتك بالبداية وومكن تصير حالات مايبين فيها الجنين

لكن الجهاز اللي تحت متطور وأوضح وممكن يبين

والصراحة مابين شي لكن عطتني موعد لآخر الشهر ونفس الشي

وللمرة لثانية تكتبلي صورة سونار عند قسم الأشعة بالجهاز الجديد


والحمد لله بين واضح في المرة الثانية

ومن بعدها تصويري كله عندها فوق

وبالها طويل مع أسئلتك وان حبيتي تستوضحين نقطة معينة تحاول تعطيكي الاجابة كاملة

وزيادة اذا تقدر ..

[دونات]

ام ريم

أظن محل البيروني بسوق الهفوف عنده أصلي

واذا فتحت المعارض الدولية يجيكي يمنية عندهم أصلي بعد

مادري اذا هالفترة فاتحين أو لا .!!

[اموووووول]

اهلين حوامل
انا اراجع عند توحيده بالمغلوث وصدق انا اللي اسئلها عن كل شي بس اهم شي عندها تشوف بالسونار وبس ومقدمتني على اخر دوره شهر يعني حاسبه لي الحمل من ايام الدوره ومن راجعت عندها من بداية حملي الى الحين ولا مره قاست الضغط ولا الوزن والتحاليل بس مره سوتها لي من اول ماحملت وعندي موعد الاربعاء هالاسبوع قالت بتسوي لي تحاليل
وحتى الحبوب اذا بيخلص انا اللي اقولها كتبي لي واخر مره رحت لها نسيت ماقلت لها تكتب لي المثبت والحين خلص من اسبوع اللي طاف وماعندي ماكتبت لي بحاول اروح الليله اشتري لي
احس طولت عليكم بهرجي عذرا

[نبض قلبي]

دووونات ياأحلى دونات هههههه

يعطيييك العاافيه ياعمري .,

بس تدرين كان رايح عن بالي دكتورة ماجدة لاني جربتها في اشياء ثانيه عسل عسل.والله,.

حتى برمضان كنت رايحه بحلل عندها بس للاسف طلعت مسافره ودخلت عند الثانيه نسيت اسمها .,

بس شكلي بنتظر زوجي يجي بالسلامه اسبوع الجاي وبقوله اني بحول للدكتوة ماجدة .,.

[نبض قلبي]

يؤؤؤؤؤ اموووووول

احس صج حطيت في بالي ماأكمل معاها دام حتى معاك ماتسوي كل شي مطلوووب .,..

انا توى من اسبوعين سويت تحاليل ويوم رحت الاربعاء الي طاف قالت كل شي كويس

ومافيك شي الحمدالله بس هذا الي قدرت عليه وانا الي اسحب الكلام منها

وعاد يليت عدل

بس صج بسحب عليها دام ماتسووووي كل الفحوصات الي لازم تسويها

[دونات]

نبض قلبي

تسلمين الله يسهل عليكي ويقومك بالسلامة

،،

أموووووول

المثبت مو ضروري وصفة انا اذا خلص من عندي آخذه من الصيدلية بدون وصفة ولايقولي شي

،،


بالنسبة لتوحيده

اول ماحللت وطلعت حامل قبل بجربها على كثر المدح

ورحت لها وقالولي لازم حجز قبل

قلت لها بس انا لسة حتى ملف لساتني مافتحته عندكم ..!! يعني كيف أسلوبكم؟؟

قلنا يعني متى ؟؟ احنا جايين مستعجلين طالبين استشارة عاجلةhwaml10

على اساس اني كان عندي كيس من غير جنين المرة الماضية فحبيت اتاكد من وضعي هالمرة

قالت اللي بالاستقبال اذا مستعجلين مرة بعد ثلاثة ايام أكتب لكم حجز ..!!!!!!!!!!!!!

قلت بخاطري لو جاييني نزيف لاسمح الله ولا وجع قوي أو حالة ضرورية

بستنى على وضعي لما يجي دوري بالحجز بعد كم يوم ،، أجل طواريء الولادة أرحم ...!!hwaml7

وتركتها ورحت لماجده على طول ..


بجد مافهمت سياسة المستشفى عندهم كيف

انتو كمان لازم تحجزون قبل بيوم أو بأيام قبل ماتدخلون عندها ؟؟؟

ولا هذا بس للي جاي أول مرة ؟؟

[دونات]

في هالحالة يا نبض قلبي

أنا بالحكومة مستانسة ومرتاحة ،، موعدي شهرياً

وكل موعد تعطيني ورقة تحاليل للمرة الجاية بدل ماأدخل لها وتعطيني ورقة تحليل وارجع اسوي تحليل وعلى مايطلع

تختصر الوقت تعطيني التحليل للمرة الجاية كل شهر عن

تحليل بول عن الالتهابات والزلال
تحليل دم للسكر ونسبة الدم والهيموجلوبين
وتقيس الضغط والوزن
اجي قبل الموعد بيوم يومين اسوي التحليل على راحتي بدون عجل وبدون ماأدخل لها

ويوم ثاني على طول الموعد أدخل تشوف النتيجة وتعطيني ملاحظات وتسوي تصوير سونار

وسلامات ،،،

[نبض قلبي]

دووونات.,.

حتى انا يوم بفتح ملف كان اخر يوم لها تقريبا عشان اجازة عيد الفطر

ومادخلوني قالوا لازم تحجزين عندها بس مادري ليه ماحجز زوجي في نفس الوقت .,.

تخيلي يوم راح دوامه دق عليهم وبالموت وصل له الخط وحجز بعد اسبوعين .,.

يعني شكله هذا نظامهم

بس انا استغربت اول مادخلت عليها وقلت لها عن الالم الي يجيني في الظهر

يعني طلق يذبح تقول عادي طبيعي من الحمل انا مادخل مزاجي ردها

يعني الم مواي الم كنت ماأنام منه اصيح حسيت الالم لويزيد شوي اولد وهي تقول طبيعي

[نبض قلبي]

دوووونات,.

زززيييين والله مريحتك ع الاخر .,.

موانا اهئ اهئ مقروده

يلا الله يسهل علينا .,..

[دلع الأحساء]

دونات اي دكتوره انتي واي عياده&#191;
انا عياده رقم 3 دكتوره منى وفي التاسع بيحولوني على ناهد لان حالتي خاصه
ومن قبل اسبوع سوو لي سونار رباعي عند ناهد وشفت البيبي فديته وعطتني صوره له
مافي احسن من الحكومه
صج تتعبين في الانتظار بس في اهتمام وخاصه لصار حظك حلو وطلعت دكتورتك عسل

[دونات]

أنا الشهري متابعة بالمركز الصحي هذي اللي مريحتني دكتلورة مصرية ومن زمان بالمركز

وفي مستشفى الولادة موعدي كل شهرين عند عيادة رقم 1 الدكتورة سحر ماشفتها الا مرة وبعدها

كل مناوبات جاني دكتور سوداني ..بس آخر موعد لي جاتني دكتورة باكستانية اسمها فاطمة

حيل حبابة ..بس شكلها مو باكستاني كل ملامحها عربية

هالمرة عطوني موعد بعد شهر مو شهرين

لأن بيعطوني ابرة عن فئة دمي سالبة ..يسمونها anti D + حملي السابق نزل وسوولي تنظيف

[دونات]

بخصوص الي قضت من شارع النجاح انا رحت محل عند فندق الغزال وبس طقم سرير البيبي مخده ودباج وستاره قال500 هذا اذا ابد قماش ردئ واذا قناش سنع ب900
ورحت المحل الي قبال العثيم ونفس الشي اسعاره
وشلت فكرت اني افصل غالي حييل
بشوف الجاهزين وبشتري بس مادري وين يبيعونهم
هجر يبيع؟؟الي بشارع النجاح

هجر بشارع النجاح فيه كم سرير ينعدون عالأصابع

لكن جوهرة هجر اللي قريب محطة وسط النخيل

عنده بالدور الثاني مجموعة وتشكيلة أكبر ..رغم اني شفت أسعارهم من قريب

بس الحين نسيت >>> الذاكرة زيرو

[خجول الورد]

ياحظكم بنات .. انا عند دكتور حطوني كنت ابي دكتوورة مدري اقدر اغير ..
دونات انا بمركز صحي طول فتره الحمل تشوفك الدكتورة بس اربع مرات .. انتو حلو شهريا ..

[دونات]

بس أربع مرات طول فترة الحمًل ؟؟ غريبة ظنيت انو الكل متابعتهم شهرياً ..!!

يجوز لأن في عايلتي تاريخ في السكر والضغط عشان كذا تراقبني شهرياً ..!! وحملي السابق سقطت

يمكن

بس منطقياً ظنيت انو المفروض مراجعات مراقبة الجنين تكون شهرية لأن سبحان الله شيصير

عالأقل في مراقبة دورية له ..؟!!


،، بالنسبة لتغيير الدكتور في مستشفى الولادة أعتقد في امكانية

شوفي لرحتي لموعدك سألي الممرضة اللي في الاستقبال عند العيادات اذا تقدر تحولك على عيادة دكتورة

وتكتب على الكرت تغيير اسم الدكتور

وان كانت ماتقدر ...

فالأكيد لما تدخلين عالدكتور طلبي منه يحولك على دكتورة وأكيد

بيحولك لأن في تنبيه للكل انو المريضة اذا طلبت دكتورة يعني دكتورة الا ماشاء الله اذا صدف

انو الظرف بهاليوم بالذات كل الدكتورات ياما عمليات أو اجازة أو ....نقص وضغط في الدكاترة ..

[الحلم المنتظر]

ياهلا والله بدونات نورتي ..

[الحلم المنتظر]

سمعت زوجة اخوي تقول ان توحيده.احسن مافيها السونار حقها الملون بس غيرتها وراحت عند نجوى بالادريسي كثير يمدحونها

[اموووووول]

شنو هذا السونار الملون؟

[الحلم المنتظر]

تقول السونار شاشته ملونه برتقاليه ولاادري عنها

[الحلم المنتظر]

اموله انتي معي بالخامس كم باقي لك وتخلصين وتدخلين السادس يارب سهل

[دونات]

ياهلا والله بدونات نورتي ..

النور نورك

تسلمين ،، حيالله بالغوالي ..

[Oom reem]

مشكورة دونات على ردك
انا اراجع عند سلوى في مستوصف الهفوف كل مره اروح لها تقيس الضغط والوزن وسوت لي تحليل واذا سويت سونار او تحاليل تعطيني اياهم في ظرف
بس سافرت الحين
انا المفروض اراجع بالحرس لاني راح اولد هناك بس بعيد وزحمه

[اموووووول]

هلا وغلا بنوتات
هلا وغلا الحلم المنتظر
انا اخر دوره لي 8-6جمادى ثاني
وانتي متى اخر دوره لك؟
حسبوا لي بنات المنتدى موعد ولادتي 23 ربيع اول والله العالم
وهل سمعتي انه الدكتوره توحيده زينه لتحديد الجنس والا لاني اراجع عندها من بداية حملي ومن اسبوعين قالتي لي جنس البيبي ولد
وان شاء الله كلامها صح يارب يطلع ولد

[الحلم المنتظر]

امول سبحان الله فرق بيني وبينك يوم واحد انا اخر دوره 6/9.وموعدي مثلك

[الحلم المنتظر]

بصراحه توحيده ماادري عنها عن الجنس الله يرزقك ماتتمنينه

[اموووووول]

ماشاء الله بس يوم
حلو لقيت وحده معاي تحمسني واحمسها
انتي وين تراجعين وهل عرفتي جنس البيبي؟

[الحلم المنتظر]

انا كنت بسوزان وغيرتها رحت لكردش وجنس الجنين يقولي دايم جلسة الجنين مواضحه الشهر الجاي قالي بقولك ويارب يوضح.يارب

[اموووووول]

اها
يارب وتولدين بالسلامه وربي يرزقك باللي تتمنينه
انا موعدي الاربعاء عند توحيده وقالت هالمره بتسوي لي تحاليل مدري ليش
وحاسه ظهري يألمني بقوووووووووووووه تتوقعين شي طبيعي والا؟

[نبض قلبي]

ياحياتي امووول عرفتي جنس البيبي وان شاء الله يكون مثل ماتتمنين

والحلم قريب تعرفين .,.

احس متحمسه اوصل للشهر الي اعرف جنس البيبي مالي .,.

حدي متشووقه توووني دخلت الثالث مادري متى يخلص >>مستعجله هع

[الحلم المنتظر]

امول ان شاء الله حتى انا قالي بسوي لي تحاليل هالمره يقول حق الدم والسكر لان بالشهر السادس لازم يصير مل شئ اوك الظهر شء طبيعي انا دايما جنبي الييمين والشمال متعبني كثييير وكله من الحمل . نبضه يارب تخلصين وترتاحين ههههه الواحد عن جد يبي يخلص

[الحلم المنتظر]

سامحوني ع الاخطاء الاملائيه لاتي اسولف من الجوال دايم هه

[نبض قلبي]

الحلم .,.

يلا الله يسهل علينا ان شاء الله

لاعادي الاخطاء الاملائية دايم تصير اذا من الجوال

[الحلم المنتظر]

امين يارب ....

[نبض قلبي]

مرااااااااااحب.,.

واخييييرا قلت لزوجي بغيير الدكتورة ووافق,..,

اهو يقول الموسى اروح بس انا قلت لا ابغى المواساة عند دكتورة ماجده مجربتها .,.

بس بسألكم لورحت الموسى شنو أفضل دكتورة حق متابعة الحمل ,.,

مع اني مجربتهم بحملي الاول كنت اتابع عندهم بس حولوني لدكتورة ثانية بعدين ,.,

يعني حسيتهم عادييين

مادري الحين يمكن غيروهم اوشي .,.

بس امي ودها اتابع في الاحساء عشان مرة وحده اولد عندهم ,..,

بس انا مادري عن الدكاتره للمتابعه ماجربتهم ,.,

احس حدي محتارة بقوووة,.

بس تدرون شنو ودي ,.,

ووودي انا اتابع في مستشفى بس اهم شي الدكتورة تكون كويسه عشان لاجيت اولد عندهم يكونون عارفين لي وعندهم

ملف لي .,.

[نبض قلبي]

شو وووينكم بنات

ان شاء الله المانع خيييير

مالكم حس اليووووم

[دلع الأحساء]

دونات ربي يثبت حملك يارب
وعرفتها دكتوره سحر حليوه

حلمي المنتظر واموله سونار الملون يعني السونار الرباعي الابعاد تقدرين تسوينه وتشوقين ملامح البيبي وتكون واضحه حيييل وتعرفين منو يشبه ابوه ولا امه
بنسبه لي انا الحكومه سواه لي لان حالتي خاصه ويبون يطمنون ع البيبي
والحمدالله شفت جنيني قبل اسبوعين وعطاني صوره له يشبه ابوه حيييل نفس خشم ابوه وعيون ابوه وشفايف ابوه ربي يجيبه بسلامه
واحسن شي تعمليه في شهرك السابع يكون البيبي متكون شكل انسان
ولا اذا سويتيه قبل راح تشوفين رائن فضائي خخخخ
بحثي بقوقل صور وكتبي سونار رباعي الابعاد
وبتفهمينه وبتتحمسين تسوينه
مستوصف منبر الهدى يسونه ب300 ومستوصف الملحم يسونه ب200


نبض مانصحك تراجعي في الموسى ابد ابد ابد جربته باجهاضي وقم مافي اهتمام حتى ماعرفت ان البيبي متوقف نبضه الا يوم قلت لها صاير انا رحت لدكتوره غير.وقالت البيبي ميت
ولي بالموسى ماعرفت
وغير كذا الزحمه يقلون لك موعدك 8 وماتدخلين ع الدكتوره الا10
يع قرف الموسى

خلك ع ماجده

[دلع الأحساء]

امول وحلمي شوفو زي كذا السونار الرباعي الملون
http://forum.hwaml.com/imgcache2/hwaml.com_1348007054_812.jpeg (http://www.gulfup.com/show/X2cy1rlt4g2kgk)
شفتو البيبي كيف يشبه نفسه بعد الولاده
ربي يبلغكم وتوصلون ل7 وتسونه
عاد بتفرحون لصار يتحرك تشوفون اصابعه واحتمال يمص صبعه ويكون واضح حييل
انصحكم لجيتو تسونه دخلو ارجالكم وياكم

[دلع الأحساء]

http://forum.hwaml.com/imgcache2/hwaml.com_1348007110_325.jpeg (http://www.gulfup.com/show/X2cy1v3ddef9c4)
احس اني كسرة خاطر نفسي

[الحلم المنتظر]

انا مع.دلع سمعت ان.الموسى موزين حتى بالولاده ماشاء الله حلو التصوير الرباعي الله يخليه لك يارب من امس وانا الصداع متعبني واحس بلوعه خفيفه مادري وش السبب

[Oom reem]

الحلم المنتظر سلامتك ماتشوفي شر
مادري نزلو الشتوي بالمبارك ولا لا متحمسه ودي اقضي لنفاسي؟

[دلع الأحساء]

ام ريم الصالح بلازا نزلو شتوي وشريت كم قطعه مخمل
وعندك سنتر بوينت نزلو شتوي يجنن المخمل
بس بصراحه الصالح ارخص وحلوين
خذت مخمل بدله مسكره جهة الرجول ب17 بس

[دلع الأحساء]

الحلم صداع امم يمكن من التككيف ولا ماتبلعين حديد
واللوعه اخدي وخلي منها انا بالسابع وللحين لوعه

[دلع الأحساء]

ام ريم انا اقصد حق الدادا شتوي
بس للكبار يعني لنا مادري ماجيكت

ليش المبارك في حلوين بجمات لنفاس شتويه؟؟
لاني خذت من سنتر بوينت قطعه ب96 بس بلوزه اكمام قطن وقصيره وفيها قبعه ياخوك تحسفت اني خذتها غاليه مادري مين صافعني على راسي وخلاني اخذها
المبارك في مخمل؟؟
انا نفسي في بجامه تجي زي السبورت جاكيت فيه سحاب عشان.اقدر ارضع الجاهل
ومنها.اقدر البس البلوزه زي الجاكيت والبس من تحت ملابس صيفيه
لان تعرفين يقلون وقت الرضاعه تموتين حر من الالم
وبكذا اقدر افصخ الجاكيت لو احتريت

[دونات]

دلع الأحساء

هههه صحيح وقت الرضاعة تحترين حيييل مو بس بنفس اللحظة ،، أصلاً الشتوية

كلها تصير عليش أخف ان كنتي ترضعين ..

..

تقومون بالسلامة والله يرزقكم بأطفال كاملين خُلُقاً وخَلقاً ..

[الحلم المنتظر]

الله يسلمكم.من كل شر تسلموووون مادري.عن المبارك والله بس دخلت محل واحد قال بنزل بعد شهر شتزي

[Oom reem]

دلع انا كل سنه اشتري بجاماتي من المبارك ينزل بجامات شتويه مخمل واشكال كثيره بسحاب وبدون وبعضهم ثلاث قطع بس ان شالله السنه ينزل كوليكشن حلو

[الحلم المنتظر]

اذا نزل شتوي خبرينا ام.ريم ناويه اروح .

[اسراء الاحساء]

انا توي داخله السابع من كم يوم ولا قضيت شئ للجنين وبتكون ولادتي في الشتاء متي اقضي للجنين

[نبض قلبي]

اذا بتقضوون حق شتاء اتوقع خلاص بينزلون شتوي للعييد


اسراء الاحساء ,..

الله يتمم لك على خير وتولدين بالسلامه ,..

دامك بالسابع يعني مابقى شي يادوب من الحين تقضين ترى اغراض البيبي يبي لهم وووقت

يعني خلاص اشتري من الحين شووي واذا تبين شتووي انتظري للعيد ,..

ان شاء الله ينزلوون

[الحلم المنتظر]

متى نهاية الشتاء تقريبا . ^^

[دونات]

الحلم المنتظر

نهاية الشتاء تقريباً بتكون على جمادى الثانية

أذكر العام الماضي بحكم ان عيالي بالمدرسة جمادى الثاني كان بارد بالصبح والليل

لكن على وقت الظهر تصير الشمس حارة بس مايخلى من هواء بارد يعني الجو بين برادين

المهم انو رجب كان صيف رسمي

حسب الشهور الشمسية ...كذا الفصول تتقسم ..شوفي ولادتك بأي شهر ميلادي

وحاولي تقيسين عليه ..

الحين احنا في سبتمبر 9 =آخر شهور الصيف

أكتوبر 10 = أول شهور الخريف

نوفمبر 11 = ثاني أشهر الخريف

ديسمبر 12 = أول شهور الشتاء

يناير 1 = ثاني أشهر الشتاء

فبراير 2 =ثالث أشهر الشتاء

مارس 3 = أول شهور الربيع

ابريل 4 =ثاني شهور الربيع

مايو 5 = أول أشهر الصيف

يونيو 6= ثاني أشهر الصيف

يوليو 7 = ثالث أشهر الصيف

أغسطس 8 = رابع أشهر الصيف

[الحلم المنتظر]

الله احس الولاده بالشتاء موبحلوه بس اجل الله يعين هع فكرت بولد بداية الصيف

[دونات]

لا والله مو حلوة بالشتاء مع ان لها ميزة حلوة يعني البراد حلو هههه

بس من ناحية الجرح الصيف يلتئم أسرع من الشتاء

في الشتاء ممكن تتمرضين زكام وكحة وحالة وعندش طفل رضيع وممكن يتعادى منك

بررررد وكل شوي جالسة بالليل هالوليد الصغير قعد يصيح وتقومين وانتي مثلللجة ويالله قعدة

والنوم والدفء حلو خصوصاً بالبرد ههههه


بس في ناحية وحده حليوة ان ريحة الحلبة تصير أخف ... لأن مابتعرقين كثيرر

[Oom reem]

دونات خوفتيني من ولاده الشتا الله يسهل علينا يارب
بنات ماتعرفون احد يااجر شغالات بالشهر؟محتاجه ضروري لولادتي
الله يسهل عليها اللي تفرج عني

[الحلم المنتظر]

اي والله.خوفتينا عن.الجرح الله يسهل انا بكريه ماعرف شئ ام ريم اي اعرف رقم انا اسمها ام محمد ويالله تعرفين كلامهم انا عطيت اختي وتفاهمت معهم صوماليين توها جايبينها بولادة اختي كان برمضان

[دونات]

لاتخافون حييل مو لهالدرجة صعبة بس صج الصيفية أريح شوي

يعني حتى الجرح بالصيف بسرعة يلتئم لكن مو انو في فرق كبير جداً بينه وبين الشتوية

لا يعني تطول شوي بحكم البرودة غير لما يصير حرارة

بس كلشي مع الاهتمام والتوكل على الله بتتسهل الأمور ..

الله يعينني هذي ثاني ولادة لي بالشتاء ..على اني أحب الشتويات كثير بس تجربتي السابقة شوي

بهدلتني ...

الجرح طول شوية بس مش خارج حدود المعقول ..يعني مشى الحال أيام وعدت ..

بس اللي بهدلني ان ولدي ارتفعت حرارته والمولود زكام ومايقدر يتنفس

وزاد الطين بلة انو انا ارتفعت حرارتي بعد .. فصعبت علي المسألة شوي ...و موعارفة اشيل روحي ولا عيالي hwaml15

فأنتو حاولو انكم ماتستمرضون وكل شي بيهون ...

تدفو عدل.. شربو سوائل دافية ....بعدو عن تيارات الهواء البارد

طلعو من الغرفة انتو والبيبي شوي خلال اليوم وفتحو نوافذها يتجدد الهواء

وبس تسكرون النوافذ رجعو لها ارتاحو ..

غطو راسكم مع الأذان وارجولكم زين وتدفو وبإذن الله مابتلاقون الا الخير والعافية

وبتقولون دونات ماعندها سالفة خوفتنا عالفاضي ..هههههه

,,

[الحلم المنتظر]

هههههه دونات الله يجزاك.خير على نصائحك

[Oom reem]

الحلم المنتظر بكم في الشهر؟وشلون شغلهم وشكلهم مو سمر حييل

[الحلم المنتظر]

سعرهم كان لمدة شهر برمضان والله ب3800يممكن لانه رمضان وغالي اما الايام العاديه مادري والله هم لون بشرتهم وكلامهم مثل الحبشيات اللي بالزواجات يقدمون

[دلع الأحساء]

ام ريم مارحتي المبارك؟؟؟
دونات تكفين الحين شتانا شتى؟؟
احس شتانا يتعيبط خخ.يعني مو برد حييل

[نبض قلبي]

اه راسي مصدع مرات يخف مرات يزيد نفس الي ينبض

اهئ اهئ

تخيلووا مومنتظمه في حبوووبي مرات اخذهم باليوم مره ومرات لا ,.,.

احس الحديد نفس الكالسيووم صاربالنسبة لي ,..

يسبب لي الام ابطني وووواحس شي يقلب داخلي وخلاص ماقدر ع طول الحمام

وامس صارلي وسبب لي حراره بحلقي .,.,

مادري شسوي اخاف اذا مانتظمت على الحبوب يأثرعلى البيبي

[دلع الأحساء]

نبض اصلا ماله داعي تاخذين فتمينات الحين توك الشهور الثلاث بي اخذي فوليك
لطبيتي الرابع كذا على نهايته
اخذي الكالسيوم والحديد ومعاهم فوليك
كالسيوم اخذيه بعد العشا والحديد بعد وجبه دسمه
وانا الصراحه استخدم فروز خفيف وحتى مايتحاج اخذه بعد وجبه دسمه

بس اهم شي فرقي بين الكالسيوم والحديد مو كلهم مع بعض لان لو.جمعتيهم مع بعض ماتستفيدين شي
لزم يكون فرق بينهم اقل شي 4ساعات

بنات رحت المبارك ومانزلو بجمات شتويه ولا مخمل

ورحت البستان مول محل الاطفال نسيت اسمه هوا عند بوابه رقم2
عندهم ملابس مخمل حلويين للبيبي الي يجي مشبك مع الرجول
احلا من الي عند الصالح بلازا
وخذت منهم البستان اقصد طقم المشبك الي قلت لكم عنه مع قبعه مخمل وقفاز لليدين مخمل و شباحي اكمام مخمل
ب 39 او 29 ماني فاكره
بس ماعندهم مهدات وعفسه
لاع بس المشبكين كم قطعه مخمل بس حلوين

[Oom reem]

انا لسه مارحت المبارك قلت لين يبرد الجو عشان اتاكد انهم نزلوهم
نبض قلبي ماتشوفين شر انا الحديد قطعته بسبب الامساك

[نبض قلبي]

الشر مايجييييك ياعمري

[نبض قلبي]

دلع ,.

الدكتورة ماجده رحت لها وقالت وقفي عن الكالسيوووم بس صرفت لي الحديد

وهذا اخذت منه مرتين وبس

بس بحاول انتظم فيه

[دونات]

عادة الكالسيوم يصرف بعد الثلاث شهور الأولى


ويجب عدم الجمع بين الحديد والكالسيوم

أصلاً اذا جمعتي بين الحديد والكالسيوم الأغلب من النساء يشتكي ألم قوي بالمعدة والجسم بشكل عام ..

[نبض قلبي]

اي هذا دكتورتي الاولى صرفته لي الكالسيوم بس اخذته مرتين ورحت لدكتورة ثاانية

وان شاء الله راح اتابع عندها قالت لا وقفي عن الكالسيووووم لاتاخذينه الحين

بس الحديد وووالفوليك الي اخذ الحين ,..

بس ام الغباء في الدكتورة الي صرفته لي الكالسيوم

[دلع الأحساء]

نبض خلك على ماجده
ام ريم رحت رد تاغ وشفت عنده بجمات مخمل سبورت اكمام فيها سحاب تنفتح زي الجاكيت وفيها قبعه من ورا الوان في اسود وبرتقالي وتركواز و وردي و رصاصي وكحلي
وخامتهم حلوه ومريحن السروال والبدله ب100
طبعا يبيعون السروال بروحه والبدله بروحها بس كلهم سعرهم على بعظهم ب100
خذت لون برتقالي
وفي بعد بجامات قطن سبورت اكمام فيها سحاب وتنفتح.زي الجاكيت وفي الوان ومديلا واجد وكمان بعد السروال يروحه ينباع والبدله بروحها وكل القطعتين ب100
يعني طلعت من رد تاغ ب بجامتين ب 200

[Oom reem]

دلع انا توني رايحه سيتي ماكس ولقيت بجامات حلوة بس مو مفتوحه من قدام واللي فيها سحاب اشكالها حيل عاديه وطلعت وماخذت شي قلت بنتظر ماراح استعجل انا محتاره الحين في المشد مو عارفه اي شكل اخذ

[اموووووول]

هاي حوامل شو الاخبار؟؟؟؟؟؟؟

[الحلم المنتظر]

هلا فيك اموول.الحمدلله بخير وانتي وين ايامك .

[اموووووول]

هلا وغلا الحلم المنتظر انا بخيرات
انتي اخبارك يالغلا ؟
ليه ماتحطين في توقيعك شريط الحمل؟

[الحلم المنتظر]

دوم يارب لاني ادخل من الجوال ولابعارفه اسوي توقيع سجلت عن طريق الجهاز منزماااان بس ماشاركت الا يوم حملت وصرت ادخل بالجوال

[دلع الأحساء]

ام ريم انتي حطيتي صوره للمشد في تجمع محرم
والحين البنات ردو عليك وحطو صور للمشد الي المفروض تاخذينه
روحي اقرائي الردود وبتشوفين
يقلون المشد الي حطيتيه انتي مو زين وقصير
يبيلك مشد اطول يجي من تحت الصدر لين الحوض

[Oom reem]

دلع اوك راح اشوفه
اموله هلا فيك
بنات وين يبيعون ستيان الرضاعه؟

[الحلم المنتظر]

مساء الخير اخباركم وينكم . ؟

[الحلم المنتظر]

اذا تبغون مشد زين روحو محل نعومي يبيعون بس اكيد غالي بيكون معروف المحل غالي بس زين

[الحلم المنتظر]

امول ماعرفت احط توقيع بالجوال خلاص اذا دخلنا السادس على خير سرقت حقك هههه

[دلع الأحساء]

ام ريم ستيان الرضاعه الي يجي فيه طق طق وينفتح؟؟
شفت زي كذا في عدنان الي عند المبارك يمكن ب14 ريال او8 ريال ماني فاكره
بس مافي واجد يمكن بس مقاس واحد

[دونات]

دلع الأحساء تخفيضات رد تاغ على كل شيء يعني ينقالهم تصفية
ولا أشياء قليلة .. على الطاير؟؟
سعر البيجاما على 100 ممتاز..يبيلها روحة

،،

[اموووووول]

ههههههه اووووك الحلم المنتظر سرقيه حلالك يالغلاااااا

[ايات محمد]

شخباركم حوامل
انا حامل جديده معكم
حساويه اتمنى تقبلوني دوبني محلله للحمل يوم الاحد الماضي
وحبيت اسالكم متى يبان تقريبا كيس الحمل

[ايات محمد]

لاني التحليل الى حللته هرموني نسبته86
والدكتوره قالت لي توك حامل بدري مايبان الكيس
بس حبيت اسالكم متى يبان اشوف تجاربكم

[الحلم المنتظر]

ههه اللله.يسلمك يالغلا تسلمين ايااات الف مبروك الحمل يبان الكيس بالاسبوع الخامس او السادس من الحمل وبعضهم سبحان الله يتاخر الى شهر

[الحلم المنتظر]

وحياك الله.بيننا نورتي وربي يتمم لنا على خير

[ايات محمد]

الله يبارك فيك اختي
حبيت اسالكم عن دكتوره رجاء في مستوصف النسائي كويسه
لاني بتعالج عندها

[هجراوية]

بنات منو تراجع في المانع
انا اراجع عند نهله توها جديده
وخايفه من الولاده عندهم عقدوني بولادتي لاني والد عندهم بالليل
ان شاء الله هالمره اولد بالنهار عشان تولدني دكتوره
وهذا احوس على مستشفى زين للولاده حتى فكرت اروح مستشفى الولاده الدمام بنت خالتي حيل تمدحه

[الحلم المنتظر]

ماعرف عن رجااء والله.ولاالمانع بس اسمع بنت عمتي تعسرت بولادتها بالمانع ماتمدحهاا والله

[ايات محمد]

المانع فاشل بنت عمتي تعسرت ولادتها حيل عندهم
خاص بالليل ماكو دكاتره كويسات اكثر حاجه ممرضات

[هجراوية]

ايه والله انا تعقدت من الولاده لاني ولدت عندهم بالليل
وانواع الافلام سووها فيني حسبي الله عليهم
بعدين اكتشفت ان الي بالليل متدربات والي بالنهار دكتوره استشاريه
زوجة اخوي ولدت بالنهار تقول حلوه الولاده عندهم قلت احمدي ربك الله لايذوقك عندهم ولادة الليل

[اموووووول]

مين جربت الدكتورة توحيده في أالتوليد ودي أولد عندها ان شاء الله

[نبض قلبي]

اموووووووول .,.

ليه المغلوووث عندهم كمان توليييد ؟

[نبض قلبي]

الله يبارك فيك اختي
حبيت اسالكم عن دكتوره رجاء في مستوصف النسائي كويسه
لاني بتعالج عندها


ايات محمد مبروووك الحمل ربي يتمم لك ولي على خيير .,.

الدكتورة رجاء حيييل خواتي يمدحونهم مجربينها حتى انا

انصحوني اروح اتابع عندها بس مارحت يعني يقولون حيييل ممتازة

ولاقالت لك الجنس شنو نوعه يضبط معاها يعني أكييييد .,

[اموووووول]

هلا نبض قلبي
ايه في المغلوث توليد بس يطلعونك في نفس اليوم

[دلع الأحساء]

الي اسألت عن رد تاغ تخفيضات بس مو.على كل شي

[الشووق]

صباح الخير صبايا
أنا عضوه جديده ويشرفني انضم لكم
دعواتكم لي أنا بالتاسع لي 35اسبوع
بنات وشرايكم بالولادة بمستشفى الحكومي

[الحلم المنتظر]

ياهلا فيك تولدين بالسلامه

[الحلم المنتظر]

مادري عن المستشفيات لاني اول مره بس دايم اسمع عن الحكومي كثير يولدون فيه

[Oom reem]

ايات الف مبروك الحمل
الشوق حياك الله وان شالله تولدين بالسلامه اذا قصدك مستشفى الولاده حظك نصيبك ياتطيحين في دكتوره كويسه او لا وعيبهم الزحمه بس ميزتهم انهم يقدرون يتعاملون مع كل الحالات لان عندهم خبره افضل من الخاص

[Oom reem]

بنات رحت اليوم العطار سألت عن عشبه قرص القمر لاني سمعت عنها حييل مفيده للنفاس وتقوي الظهر افضل من الحلبه بس ماحصلتها بنات اللي تعرف وين اقدر احصلها بالاحساء تقول لي ؟؟؟؟

[اموووووول]

يعني تنصحوني بمستشفى الولاده ؟؟؟؟؟

[ايات محمد]

امووول انا امي تتعالج بالخاص بس ماتولد الا بالولاده
وتمدح الولاده ا

[دلع الأحساء]

بنات يوم الثلوث كان موعد لي
وصدفه كانت في المستشفى ممرضه حامل وتشتغل في الولاده وقابله مادري شسمهم الي يولدون وتراجع بالولاده
سألتها عن الولاده بالحكومي
قالت افضل من الخاص بس قالت عيبهم.الخياطه يخيطون وبس كنها قطعة قماش مو.منطقه حساسه
تقول انا ممرضه واشوف شلون الخياطه عندهم حضك نصيبك ع حسب الي يولدك
قلت لها خوفتيني خخخ
قالت اغلب الي اخياطهم مو.كويس الدكتور مو الدكتوره


وان شاء الله تولدني دكتوره خياطتها كويسه

وسألتها يصلح.نختار الدكتورة الي بتولدنا قال لا حضك.نصيبك

[دلع الأحساء]

ام ريم لو بطاوعين بنات المنتدى.واعشابهم مابتخلصين
خلك ع الي تعودتي عليه وتعودو عليه امهتنا
حلبه وثوم ورز حساوي ونشا
وبتصبر صحتنا كويسه

[Dlo3t-oboha]

السلام عليكم

انا توني مسجلة في المنتدى :)

انا حامل وفي الشهر السابع :)

حبيت اشارك معاكم

[الحلم المنتظر]

اهلين فيك وعليكم السلام نورتي بينا وربي يتمم لك على خير

[ايات محمد]

هلابك قلبي منور المنتدى والتجمع
وربي يهون عليك ويقر عينك بشوفت ضناك

[Dlo3t-oboha]

الحلم المنتظر -- ايات محمد

فديتكم حبيبات قلبي تسلموون :)

[الحلم المنتظر]

فداك الكوون

[الحلم المنتظر]

بنات رحتو السوق ولا يعني نزلو شتوي ولامازال صيفي للعيييييد لاني محتاره مادري وش البس بالعيد حق حمل ولا ايش

[نبض قلبي]

بنات ياحلوووات الي عنده اطفال سواء بنت اووولد

ترى مسووووي محل المبارك تخفيضات على 15 و20

لايطووووووووفكم طبعا انا مارحت بس سمعت

الحلم .,.

اكيييييييييد راح ينزلون شتووووي الحييين الجووو بالليل بارد يجنن

انتي بأي شهر ؟

انا بالثالث ومفكره اشتري للعيد ملابس واسعه شووووووي لان ماقدر ع البنطلونات تضايقني

مع اني بالثالث بس طالعه لي كرووووشة صغيييرة

[الحلم المنتظر]

انا بدخل السادس ان شاء الله حتى لو حلو بالليل بس ااحس يتاخر عندنا الشتاء مااشتري شتوي الا اذا برد الجووو انا كل سنه

[الحلم المنتظر]

لا لا ماابغى بناطيل حتى لو واسعه ماابغى اخاف ابغى اتحمل وامتنع الين اولد بالسلامه

[نبض قلبي]

الله يتمم لك على خيير ياقلبي

أي موشرط تشترين شتوي ثقييييل لا يكون اكمام ويدفي شوووي

بس انا مفكره اشتري لي عادي صيييفي لان حتى لوجى الشتاء باالعيييد بيكون توى بادي

يعني انا بتحمل الجوووو بس غيييييير ولدي لا راح اشتري له اكمام طبعا .,.

بس لسى مارحت السووق اشوووف شنو الجديد .,.

[الحلم المنتظر]

امين يارب وياك ايه عاد الاطفال مايتحملون مثلنا تلبسينهم بالعافيه

[نبض قلبي]

الله يعافيييييك ياقلبي ```

[الحلم المنتظر]

الله يسلمك ويسمنك خخخ وينكم ياحلوات

[الحلم المنتظر]

الحين الفوارس فيه حق حوامل لاني مادققت حق حوامل اذكر بس الاحساء والبستان والعثيم فيه الفوارس مادققت

[Oom reem]

صباح الورد
الفوارس والله ماركزت بس ماشفت اذكر ان فيه محل جلابيات بالدور الثاني
الكرامه رحت له قبل فتره عنده حق حوامل بس ما ادري اذا خلصو

[دلع الأحساء]

يؤ بنات مانصحكم تشترون ملابس حمل
موضه قديمه خخخ
الحين في ملابس عادية وفيها قصات تصلح للحامل
اخذو اكبر من مقاسكم برقم واحد.بس
انا كذا كل ملابسي مو حقين حمل واخذ اكبر من مقاسي برقم
وعادي يصير شكلي مرتب وكويس
ومنها استفيد منهم لولدت
مو صح نبض حلوه هدومي ومرتبه ههه

[دلع الأحساء]

بس اذا تبون شي خفيف يصلح للبيت عندكم جزيرة التوفير

[الحلم المنتظر]

حلووو دلع انا اصلا مااحب حق حمل مومتخيله البسهم شكلي بسوي كذا

[الحلم المنتظر]

مشكوره ام.ريم ودلع احس الكرامه نادر مقاساته واسعه وانا الحين ابغى واسعه

[اموووووول]

هلا حوامل شو الاخبااااااااااااار؟
اشتقت لكم وينكم

[الحلم المنتظر]

الحمدلله اموول منيحين وانتي اخبااارك ... اشتاقت لك العافيه

[Oom reem]

هلا امول تشتاق لك العافيه

انا اخذت من الكرامه فستان قصير قصه حمل وقميص مع بنطلون خاصين للحوامل طقم بس واسع طلع علي

[الحلم المنتظر]

حللووو ام ريم ملبووس العافيه شكلي بروح مجمع كبير وارتاح تصير دخلتي وحده

[أم يسوف]

هاي بنات اخباركم جميعا
ان شاء الله الكل بخير
انا عضوة جديدة اتمنى اكون خفيفه عليكم
انا حامل ثاني مولود لي
وانا في الاسبوع ال 13
واليوم رحت المستشفى كان عندي
انتفاخ في سرتي وشوي والم
وقالت لي الدكتورة عندك فتاق
احد منكم مرة عليها مثل هالحاله
لاني خايفه

[الحلم المنتظر]

هلا ام يسووف منورره المنتدى ومبروك الحمل ماعندي معلوومه والله ان شاء الله يفيدونك

[احسساس غالي]

سلاام كروشااات

اخباركم
واخبار بيباتكم هع

😝

[ايات محمد]

كلنا بخيرات
انتى اخبارك

[احسساس غالي]

الحمدلله آنـّـّّـّّّـّّـّاََ بـّخـْيرٌ

😁😊

[الحلم المنتظر]

بنات الاحساء وينكم ماتسولفوون تبغون حب وشاي هههه

[ايات محمد]

هههههههه
حلووه حب وشاي

[دونات]

والله وتطور الكرامة صار لي فترة طويلة تاركته على جنب مايجيب الا حق العصاقل
أيام قبل ماجيب العيال ..بس زين منه قام يجيب للحوامل يبيلها روحة ...عسى يحصل لي قريب

،،

أم يسوف ..

أنا هالمرة سرتي واضحة حيل بعد يعني تبين بارزة حتى من تحت الثياب تضحك شكلها
بدون ألم ولا شيء
بس سألت دكتورتي قالت بالنسبة لي طبيعي لأنو مع تكرار الحمل تصير عضلات البطن لينة
وزي توسع وتبتعد العضلات عن بعضها فتبرز السرة

عاد مدري عنك انتي هل بارزة بشكل كبير جداً جداً يعني ..

[الحلم المنتظر]

ههههخخخ دونات هذا اللي اقصده انه مايجيب الا حق النحاف اكثر مع اني البس مديم بس احيانا يصير ضيق اذا خذت منه وانا منزمااان مارحته.تركته السبب كذا

[الحلم المنتظر]

ايات تعالي نتقهوى مع بعض

[نبض قلبي]

عاد انا توني متعشية وخاطري احلي وأتسلى بحب>>صج حساوييين هههههه

يلا انا الحب عندي جاهز بس ينتظر منكم اشاره ههههه

زوجي مشى ومافي الا انا وووليووس ولدي >>فيس زعلان اهئ اهئ

[اموووووول]

نبض قلبي الله يعينج ههههههههههههههههه
نفس حالتي زوجي مو معاي

[نبض قلبي]

اموووووول

طلع الحال من بعضه نواسي بعض ههههههه

خلينا نسولف وندردش زهقانه حدي جالسه اتابع لوباقي ليله

[اموووووول]

هههههههههههههه
انتي شنو نضام عمل زوجك
انا زوجي يشتغل في شركه وماينزل الا يوم الثلاثاء والجمعه يمشي وهذي حالتي
واروح بيت اهلي متنقله واغراضي متبعثره هنا وهناك الله يسهلها يارب

[نبض قلبي]

زين انتي احسن مني تفارقينه كم يوم بس

أنا زوجي يشتغل بالحفريات ويروح عني اسبوعين ويجي اسبوووع

وهالاسبوع كنه يومين بسرعه يطييير وعاد توى اليوم مشى

شكلك بكر عشان كذا تروحن بيت اهلك وخوافه هع

انا نفسك يوم كنت بشقتي الاوليه كان ماعندي لوسي ولدي كنت كل اسبوعين اشيل نص عفشي

واروح بيت اهلي احس حتى الشقه ماحس لها طعم هههه

بس الحين يوم جبت لوسي عقلت شوووي ههههه كنت وقت مافكر اروح بيت اهلي يومين ثلاثه وارجع

>>>والله الي مخليني اعقل لان اختي ساكنه تحت وانا فوق هههههههه

[اموووووول]

هههههههههههه ايه معك اختك حمدي ربك
الله يعينك في الحفريات يعني انا اهون منك
ايه انا بكريه ودي اتعود على شقتي بس ان شاء الله اذا ولدت اعقل هههههه

[نبض قلبي]

اي والله الحمدالله

تدرين اول ماولدت الياس واحيانا ماعرف له انزل لها معصبه واقول لها مادري شفيه ههههههه

فادتني اختي فديتها

يلا ان شاء الله لاولدتي بالسلامه يونسك البيبي بالشقه >>اهم شي يعفس هع

[همس المنار]

السلام عليكم ورحمة الله
هلااااا بنااات كيفكن ؟؟ يارب تكونوا بخير
حبيت أسأل عن أفضل عياة لمتابعة الحمل بالاحساء
لأني مريت بتجربة قاسية جدا وهو أنو في حملي الأول مات الجنين وأنا بالشهر الثامن وولدت في مستشفى الولادة والأطفال بطلق صناعي وكان الجنين ميت له أيام .. الحمدلله على قضاؤه وقدره والمشكله أني ما عرفت منهم سبب الوفاة كل دكتور كلاااام يختلف !! مع العلم اني مصابة بتكسر في الدم واحدهم قالي انو هذا هو سبب وفاة الجنين !! وأنا مو مقتنعه
لان الدكتور اللي قبله قال لي انو التكسر ماله علاقة بالوفاة!!

[نبض قلبي]

همس المنار

هلا بييييك حنا بخيييير يالغلا

أنتي كيييفك ؟

انا انصحك بدكتورة ماجده في مستوصف المواساة حيييل حبوبه وزينه وزحمه عليها

ووووودكتوره رجاء في مستوصف النسائي خواتي يمدحونها وحتى هنا بالمنتدى

[همس المنار]

تسلميييين يا قلبي
أنا بخير ولله الحمد
اي مشكووووورة حبيبتي على الرد ويارب ينكتب لي حمل ولكل محرووووم ..

[اموووووول]

الله يسهلها يانبض علينا وعليك يارب
انتي وين ساكنه؟

[اموووووول]

الله يعوضك ياهمس المنار
مااعتقد التكسر له دخل والله العالم