تجمع نفوسااات ذو القعده

[جمره غضى]

الله يقومها بالسلامه هي وولدها
والف الف مبرووك ماجاها

[حاملة قيمي]

الحمدالله على سلامتها وربي يعافي وليدها ويخرجه لها بالسلامه

[حاملة قيمي]

عشيري الله يسلم قلبك
احس الخياطه كنها دبابيس
الله يعين نطلع من حاجه نبلش بغيرها الله ياجرنا

[ام علاوي99]

ياعمري ياريم الحمد الله على سلامتك والله يشفي ولدك ويحفظه لك
عشيري الى الامام ببد
سنيوره حرام عليك والله اعيالاي جننو اهلي لحسو مخ ابوي هههههه رفعو سكره مسيكين هههه

[عشيري2000]

بنااااااااااات الحقو اليوم جالسه اتطقس في المنطقه اللي خبركم احم احم

ولقيت عقده جوااا مرررررررره مابعد طاحت وحاولت افكها باصبعي وعورتني وش السوات

وشلون اخليها تطيح معد عرفت اقعد احسها تغزني

[ام علاوي99]

عشيري
انا مثلك ورحت لدكتوره وقالت عادي خليها هي بتطيح لحالها قدامك 10 الايام
ولقت عندي بمنطقه الخياط صديد واكتبت لي مرهم 3 مرات يوميا
وطلبت مجفف حليب وحبوب منع حمل بس قالت سوي تحليل تتطمن ع مراره لان كانت ملتهبه وانا حامل
امس ختنت ولدي وذبحه الصياح وقت الول ياقلبي عليه

[%ريحانة الدنيا%]

الف الف مبروووك ريم ياقلبي والله يهون عليك ان شاءالله
ويشفيلك ولدك ياارب
طمنينا عليه

[ام ايلان1432]

السلام عليكم ورحمة الله وبركاته احببت ان انظم اليكم ولدت بفضل الله وكرمه يوم 22 ذو القعده ورزقت ببنت

[مرهفة حس]

قصة ولادتي بفيصل
الله يخليه ويحميه من الشر
كنت احس بمغص قبل ولادتي بثلاث ايام من الاحد احس بمغوص زي الولاده تروح وتجي رحت الاحد للمستشفى الحكومي وسوو لي تخطيط الطامه الكبرى قالت كل شي كويس سالتها الرحم مفتوح قالت مقفل تحطمت وطلعت رحت بيتي نمت قمت العصرقلت لزوجي ودني الممشى بامشي وصلحت لي ثلاجة القرفه واخذت الرطب واكل واشرب وامشي ساعه كامله رجعت البيت تروشت بمويه حاره ونمت الاثنين احس بالطلوق رحت المستشفى قالت مفتوح 2سانتي بدون علامات
رحت البيت رتبت واستعديت نمت الثلاثاء رحت لدكتوره قالت 2سانتي وانا باموت من الالم وصتني بالخروع بما اني دخلتالعاشر بيومين
ووصيت زوجي بفراوله مجمد وخروع من الصيدليه
واخلط الفراوله واحليه بالسكر واحط 3ملاعق خروع هذا الكلام العصر وتجيك الالام بدون اسهال انا متعوده على الاسهال اذا شربت الخروع
المهم وزوجي جاه رجال ويبيني اسوي له قهوه وادف نفسي على المطبخ
واركب القهوه واجهزالصينيه جيت باصلي المغرب واحس بشي ينزل مني ابيض المهم غيرت وجيت بارفع رجولي علشان الوضوء وتنزل مني السداده وقعدت ابكي مو من الالم لا من الفرحه وبنفس الوقت اول مره اولد بعيد عن امي ولحالي ماعندي احد الا اهل زوجي جاء زوجي يسالني تعبانه ماعلمته ان العلامه نزلت ولا شي قلت بنودي العيال عند جدتهم وبنمشي شوي على البحر
طبعا بجده
جهزت عيالي ووديتهم ماقدرت اتحمل الالم بالسياره
دقيت على الدكتوره قالت تعالي اكشف عليكتقريباالساعه 8 ونص قالت الرحم مفتوح 3ونص روحي امشي وبعد ساعه على المستشفى
ووداني زوجي مركز مول وامشي مادريت عن نفسي صرت احس الطلوق بدت تقرب من بعض وميته من الجوع ومالي نفس جاب عشى زوجي وتعشى ويحاول فيني وانا مرررررررررررره النفسيه قافله
ورحت المستشفى الساعه 12قالت مفتوح 7سانتي والموت الطلق حار وعلى مادخلوني السرير وحطوا لي المغذي والكمامه الي زي قلتها يقولون تخفف الالم االم مايخففه الا رب العالمين
جت دكتورتي والرحم 9سانتي فكت لي المويات وادف ثلاث مرات المره الثالثه احس مره ماقدرت لينحسيت ببداية الراس بيد الدكتوره خفت ينقصه اكسوجين ولا ينخنق وادف باقوى ماعندي واسمع صرخته ونسيت كل شي حضنته وبوسته
ونضفوه ووطلعوه لابوه الواقف عند الباب ويسمع كل الفلم الي دار ويبوس النونو ويسجد سجو د الشكر ان ربي رزقه وقومني بالسلامه وحولوني غرفتي ونام معي زوجي كمرافق بنفس الغرفه
وطلعت بالسلامه الظهر ولدت الساعه وحده ونص صباح يوم الاربعاء الحمدالله يارب تقومني بالسلامه من النفاس

[جمره غضى]

مرهفه حس

ماشاء الله عليك والف مبروك ماجبتي
الحمدلله على سلامتك وسلامه فصوولي

[ام علاوي99]

ياعمري يامرهفه سلامتك والحمد الله على العافيه والله يخليه لكم ويرزقكم بره وطاعته

بنات صدري بموت من الالالم منتفخ ودكتوره تقول لاتشفطينه خليه وحطي عليه كمادات
اااه مدري كيف بنام لازم ع ظهري
اضحك ع خواتي اقول بدايه نفاس خياط ونهايته الم صدري
يارب ينشف بسرعه ولايتعبني

[MooNi]

ام علاوي نفس حالتي تعببت من صدري
وفيني حرارة ماتنزل ابببد
وكل ماطلعت الحليب ارتفعت حرارتي
ياااارب الله يعيني
متى ينشف الحليب وارتاح مع انه الحليب اللي بصدري موكثير يطلع 2 مل بس يتعببببني

[ميرآ]

السلام عليكم ورحمة الله وبركاته

بقول لكم كيف كانتولادتي فلم ولا الافلام الهنديه

في البدايه كان لي يومين وأنا أحس يالم يروح ويرجع المهم قلت والله انه طلق كاذب
وأكلم زوجي أقول له خلاص تعال أحس اني بولد قريب وهو يقول لا بدري على باله أني بالتامن المهم وجاني ألم باليوم التالت بس برضو طنشت جاء المغرب وحسيت بالم قوي طبعا ولا علامه من العلامات بانت علي طلبت من أمي توديني المستشفى

ودقت على اخوي ونروح على مستشفى خاص وتقولي الدكتور باقي لك 14يوم لان الجنين صغير 2كيلو وأعطتني حبوب للمغص المهم رجعت البيت وزاد الالم وماقدرت أتحمل جات أم زوجي وهي تسولف مع أمي وتقولها البنت شكلها ولاده هيا أنا أعرف دكتوره شاطره وقبلكذا شربت كوب حليب دافي أحسه زاد الالم بسببه
ورحت عندالدكتوره ألي تعرفها عمتي وتفحصني من تحت والله العظيم فحص مولم أييييي وقالت لأمي وعمتي مفتوح 2سنتي كان الكلام الساعه 9وقالت بالضبط الساعه 1حتولد بأذن الله ويطير أبوي فيني للبيت ويجيبون شنطة المستشفى وأمي تاخذلها كم قطعة ملابس ويطير فيني لجده طبعا أنا بيتي برى جده وكل مطب وحفره بالريق أبويا ياكلها عذبني ويستقبلونا ولد خالي وأخته علشان أبويا مايعرف وين مستشفى بخش اللي بالشرفيه ونروح طبعا أبو الشباب عنده خبر اني ولاده أتصل على المستشفى وكانو بأنتظاري أستقبلوني وسيده على غرفة الكشف جات الدكتوره وكشفت كان 4سنتي وتحويل عبى غرفة العمليات ولاده وطول الطريق وأنا بس دم ينزل مني هههه طول الطريق اللي يوديني على غرفة العمليات والخط اللي ماشيه فيه وأنا على الكرسي دم على الارض ينزل مني وأول ماوصلت غيرت لبسي بسرعه وعلى السرير وتجي الدكتوره تفحص طبعا ألم في الظهر مو طبيعي وتقولي 9ستي طبعا أهلي كانو معايا أمي ماقدرت تدخل جلست على الكرسي خافت وأبوي وأخوي وولد خالي كانو برا يسمعون الاحداث الداخليه في غرفة العمليات بنت خالي دخلت معاي الله يرزقها الزوج الصالح مسكينه وأنا كلها دفه وثنتين وثلات وأسمع صوت الولد ولله الحمد كانت ولاده سهلها رب العالمين من عنده وزوجي لما قالو له أني ولدت سجد لله وهو بعيد عني الله يحميه وجلس يبكي وأخوي النذل سجل صوت الولد وأرسله له وصوره

كان يتصل كل شويا ويقول أبا أكلمها يقولو له بغرفة العمليات
طبعا كنت مشغوله وأقول للدكتوره ماصليت العشاء وخايفهأموت وأنا ماصليت الفرض ههههه ولما طلعت غرفتي جاتني حاله وأنا أسمع أذان الفجر بكيت وحمدت ربي على عطيته ودقيت على زوجي وجكان يبكي على بكاي ويعتذر مني أنو ماكان جنبي بس معذور حبيبي
طبعا كان كلام الدكتوره صحيح الساعه 1 وضعت وجبت محمد الله يحفظه لي

كثرت كلام ههههه معليش

[عشيري2000]

صباح الخير

انا امس ختنت ولدي زيك ام علاوي بس غريبه ذا المره يوم ختن الدكتور ولدي لفه بلزاق

مو بلاستيكه ولا شاش وعطاني موعد بعد3 ايام يفكها له وقال حطيه في مويه دافيه 3 مرات

وصبي عليه زيت زيتون وانا زياده عليه احط ميبو

[Om KHaled]

http://forum.hwaml.com/imgcache2/hwaml.com_1320406548_855.jpg

[ام علاوي99]

غريبه عشيري
صبي عليه الزيت زيتون انا ولدي لافه شاش ابيض وانفك وبل الاصح سحبته انا في اليوم الثاني
واذا واصف له دكتور كريم حطيه علي زيي وشراب مضاد مرتين باليوم
اللي تعرف طريقه يابنات تسرع تجفيف الحليب من الصدر تعجل علي تعبت من الالمممممممممممم الله يعدي اليومين على خير

[4يو]

ليش ام علاوي تجفيف الحليب انتي ماترضعين ولدكي

[ام علاوي99]

مابغاه
وتعبت منه ملى صدري اشفط واكب تعبني وقرفني ريحه الحليب بصدري
كل اعيالي كذا الاسبوع الاول بس يرضعووون وبعدين خلاص يعافونه
كملت كل النواقص اللي لي وبروح لبيتي ثاني يوم بالعيد
اهل زوجي حاطين جمعه استراحه العايله رابع يوم وزوجي يقول تروحين معي واضحك اقول يازيني نفاس واسير ننعمه من ربي اني طلعت وجيتك قبل اخلص

[سنيورة]

ام علاوي
ياقلبي عليهم حاولي بولدك يرضع والله مفيد واكيد ماتجهلك ..
على فكره الشفط يزيد الحليب اكثر كلي حبوب الحمل ولاتشربين سوائل كثير
وبينقطع ياحسافته ..

هاه قررتي تصبغين شعرك ولالا ؟
ودي اتهور واقص بس اخاف اتندم

اجل قررتي تروحين ثاني العيد ياحليلك .. يارب تطلعين احلى من العروسه بعينه
وانا معك يارب ههههههههه


بنات انا لسه ماطهرت شي يضيق الصدر وابي مرره ابي اصوم عرفه :(
بس افرازات خفيييفه مررره :(
ينفع استعمل البوثيل وانا ماطهرت ؟؟ ولالازم طهاره تامه ؟
وغير كذا البوثيل قريت بنشرتها مايصلح للحامل والمرضع .. واشوف كثير يرضعون يستخدمونها ؟؟

عادي اتنقع ببانيو وفيه مويه وخرابيط واشياءت ولا مايصلح وانا لسه ماطهرت ؟؟

[ام فارس اوان]

كل عام وانتم بخير

[ام علاوي99]

اهلين سنيوره
لبى قلبك اشكوى الى الله ودي انه ياخذ من صدري بس كل اعيالي كذا
وان شاء الله بصبغ شعري بني غامق عشان
وبروح لبيتي ان الله عطانا حيات
الله يعينك ا

[wounded feelings]

شدعوه يا بنات ولا احد يرد علي لين اسأل
خلاص عيل انا مالي مكان بينكم
والله حزت بخاطري الله يسامحكم

[عشيري2000]

تعالي وندد وش دعوه لاتزعلين غلاتي تلرى ماشفنا سوالك والتمسي لنا العذر تلرى معد ندخل

زي اول كثير على العموم ولا يهمك بروح ادور سوالك واجاوبك بس اهم شيء الزعل ممنوع

[عشيري2000]

ام علاوي انا بروح لبيتي 4 العيد ان شاء الله ويصير باقي لي 8 ايام واتم النفاس وماراح اروح

لاحد ولا اطلع الا لمى اخلص النفاس وقررت اروح صابغه ومخلصه اموري من ناحيه الشكل

يعني صبغه /حلاوه / لبس الاااااااااااا شيء واحد ممنووووووع اللي خبري خبركم مافيه الا بعد

اسبوعين يعني بعد تمامي ب14يوم عشان اكون مستعده نفسيا صراحه احس المكان لسى يبيله

وقت حتى جرحى الى الان يعورني ماادري ليه

ام علاوي بتصبغين في البيت والا في مشغل لاني ودي ببني شوكولاته واخاف اصبغه في البيت

يطلع شعري لونين لان فيني صبغه قديمه نازله

[عشيري2000]

بنات شلون تتجهزون لبعد النفاس علموني انا بكريه
انا قريت بأكثر من منتدى ان الوحده تتسوق وملابس جديده واحذيه ومكياج وعفسه يعني الوحده ترجع كأنها عروس مادري احس شي مبالغ فيه لان اصلا ماحطيت ميزانيه لسوق يعني قلت بصبغ شعري وبستشوره واهتمام بالجسم قد ما اقدر لانه مقرف وماراح يتعدل الا بعد فتره لان كل شي ممنوع للبطن اذا قيصريه بس بحاول باللي اقدر عليه حاليا ابي اعرف شلون البس واتعدل يعني اشتري لي كم فستان ناعمين واذا جا ياخذني من بيت ابوي اكون لابسه وجاهزه ماعرف فهموني شلون الطريقه[/q

هلا وندد لقيت سوالك هههه

شوفي حبيبتي تفكيرك سليم المبالغه مو زينه واصلا اذا بالغتي بتضغطين نفسك

ماديا بس اشتري الضروريات واذا رحتي لبيتك كملي النواقص على شوي شوي

يعني الحين اشتري كم قطعه لبس على كم لبس نوم وذا عندك مكياج جديد مايحتاج

تشترين وخذي مجموعه جسم على عطرين كذا ناعمين واذا زوجك جاء ياخذك

خلك عرووووس لبس ومكياج وصبغه وريحه خليه ينبهر بشوفك بعد الحمل

وتعب الحمل

يعني مثلا اقولك انا مفكره اذا زوجي ياخذني اسوي تسريحه ومكياج من باب التغيير

لاني في عيالي ماقد طلعت بهذي الطريقه مره استشورته ومره لففته وانتي لك

الاختيار وبدعي بطلعتك خليه يوم ماينسي وذا كنتي مصوره يوم زواجك شغليه

واذا عندك شريط زفتك شغليه بعد وحطي كيكه وعصير يعني سوي حركاااااات

اتمنى اني افدتك واي وحده عندها افكار تسدحها عشان تصير مرجع للنفوسات

ونستفيد من بعض

[جمره غضى]

نفوسات اليوم خلصت النفاس الاربعين يعني
وعقبالكم يارب

[عشيري2000]

ماشاء الله جموره حمدلله على السلامه يالله انبسطي وتعالي قولي لنا وشلون استعديتي للطلعه

[" قلب غيث "]

مساء الخير ...
أخباركم خواتي ،،



بنات عندي سؤال !!
انا لي 19 يوم والد وانشالله يوم الثلاثاء بنسوي السابع لولدي يكون لي 22 يوم والد
المهم ايش تنصحوني البس بالسابع لأن ودي البس فستان طويل مره ناعم الوانه دانتيل سكري مع ورد سماوي و كحلي وبالوسط شريطه وفيونكه مره ناعم بس أكتوفي و ظهري طالعه واخذت شال سكري ناعم وباستشور شعري واحط في فيونكه كبيره من ورى سكري
...
ايش رايكم بنات ؟

إيه انشالله بكره بالعيد يكون لي 20 يوم بالبس سكني جنز مع بلوزه صوف رصاصي وقبوع عنابي ومناكير عنابي وشراب عنابي لأني نفاس وبكون بالبيت ايش رايكم عادي ولا النفاس بس تقعد لابسه أرواب نفاس <<<< لاعت كبدي منها ..

ابي نصايحكم لا تبخلون علي ^^

[%ريحانة الدنيا%]

مبررروووك عليك جموووره وعقبالنا

قلب غيث صادقه والله كلنا لاعت كبودنا
مشاءالله اختياراتك روعه بس انا اشوف ماتتزبطين بزياده عند الحريم وخلي الكشخه الزايده لزوجك وحاولي تحصني نفسك والله يحفظك ان شاءالله

[عشيري2000]

كل عام وانتو بخير
من العايدين والفايزين

[جمره غضى]

الله يبارك فيكم
وعقبالكم يارب



وكل عام وانتو بخير
عيدكم مبارك

[%ريحانة الدنيا%]

بنات نبي كل وحده تقولنا كيف كان نظامها في النفاس

[عشيري2000]

ام علاوي هاه بشري صبغتي /انا امس صبغت في مشغل كنت اعرف اسعاره بس يوم رحت
لينهم رافعين لاسعار لانه اول يوم عيد تخيلي صبغو لي لون واحدب200

قمه الاستغلال بس شسوي كنت مضطره وصبغت باقي لي كم شغله واخلص

ريحانه نصيحه مني عيشي نفاسك طبيعي وابتعدي عن المبالغه انا كنت اكل باعتدال ومبتعده عن

البارد والغازات واللهوم كلي الاشياء المعروفه وخلي عنك الخرافات اهم شيئ الحلبه والقرفه

والشمر واما الخلطات الغريبه والدخون العجيب الغريب اللي يسوونه ماانصحك فيه

لان ارحامنا بعدها رطبه حرام نحط فيها اشياء مضره ومعقده

سوي اللي مقتنعه فيه وخلي عنك كلام الاولين والعادات اللي مدري وش تبي

[أمواج هادئة]

كل عام وانتم بخير
كيفكم أمهات وكيف البيبيات
أنا طلعت من الأربعين ولازلت بيت اهلي مارحت لزوجي بعد3أيام بروح لزوجي
مشكلتي يطلع مني اصوات وهواء كثير في الرحم
شريت تحاميل البوتيل واستخدمتها مره وحده مافيه فائده نفس الشي وقريت انا التحاميل للي فيهم قرحة الرحم
وانا بنتي ماشاء الله عليها كسولة يانايمه أو صياحه الحين اذا طولت في النوم اكثر من ساعتين اصحيها وارضعها ولا اخليها تواصل والحلبة تسمنه ولا لا؟
لأنه كل اللي يشوفه يقولي صغيره أنا ولدتها في التاسع 2كيلو و100جرام وقبل اسبوع قالي 2كيلو و700 جرام

[%ريحانة الدنيا%]

الله يسعدك ياعشيري دنيا واخره
ويخليك ربي حلوه دايمآ في عيون زووجك ويسخره لك ان شاءالله انتي وكل النفوسات

[%ريحانة الدنيا%]

بنات ربطتو بطونكم انا اربطه بالمشد حق الصيدليات واحيان افكه واحيان اخليه كل اهلي يخاصموني يقولولي ماينفع ابد لان شده خفيف
وربي حشره كفايه نفوسنا ضيقه من النفاس كمان نضيقها على بطوننا وين نروح ننفجر

اما نظامي في النفاس احسه غلط خصوصآ من ناحية البرد لان زي ماقلت اول لازم اامكيفات شغاله عند اهلي وغير كذا احيان اجوع اتكيسل اروح اكل
لان نفسي انسدت من وزني تخيلو كان اول الحمل 60 اللحين 72 ملابسي كلها ماصارت قدي يارب لك الحمد والشكر على كل شي
والبخور محتاره اتبخر ولا لا ماعرفت باقيلي 14 يوم واخلص النفاس

[سنيورة]

بنات ضايقه فيني صار 38 يوم ولسه ماطهرت :(

وش الحل طبيعي والا لا ...\


ينفع استخدم البوثيل الحين عشان اطهر ولا ماله دخل ..
مع العلم اني شربت كلل شي واكلت رشاد وشربت قرفه ..
وش اسوي بنات >> راحت تصيح

[ام الخير]

مبروك التجمع والف الحمد له على سلامتنا وسلامة البيبيات الله يرزقنا برهم وينبتهم نباتا حسنا
ثاني شي ربي يسهل على الحوامل اللي بعدهم ما ولدو والله يطمنا عليهم
سنيوره ياقلبي طالما انك تاكلي الرشاد راح يطول معاك الطهر لان لسه وساخة البطن بتنزل لاتخافي لما تخلص الوساخه بتطهرين وبعد الطهر تقدرين تاخذين اي شي للطهارة
انا راح ابدا لكم قصة ولادتي من يوم اخر مراجعهة الا حزة الولاده
بســــــم الله الرحمن الرحيم
طبعا رحت موعدي كان يوم الثلاثاء 20 القعده كان لي 3اسابيع بالثالث يوم دخلت على الدكتور كتب لي تنويم لان السكر عندي كا ن هابطمره والضغط فوق وفي طلق بس وسط مو مره تنومت وطلعت ع الساعه 2 الظهر طبعا وبعد التحاليل والكلام الكثير جاتني الدكتورة وقالت راح نبدا معاك الطلق اللحين وكانت الساعه 3ونص العصر قلت خلاص فرجت الحمد لله
وجاالعصر والمغرب والعشاء ما في ولا احد جاء ع الساعه 10 اعطوني الطلق وقالت بعد ساعه امشي قلت طيب واللي عطاني دكتور كان مره محترم من تحت الشرشف وعينه فوق ويدعي لي ويهدي فيه وقلت له يادكتور ابغى مسكن لو شد الالم قال اوكي راح اقولهم يعطوك
وجلست 3 ايام كل 8 ساعات تحميله ولا في اي بوادر ولادده وفي الاخر فتح واحد سانتي وانا ما احس باي الم بس تحجر واخر مرة جاء الدكتور طبعا واحد ثاني وقال هذي التحميله الاخيرة لو ما ولدتي عمليه بس انتي امشي واعطاني التحميله وبعد ساعة بدا الام وجلست ساعتين كمان وجات الدكتورة كشفت قالت 3 سانتي وجلست اليوم ذاك كله وهدي الالم وفضلت يوم كامل مافي ولاده ولا الم بس تحجر ونلت السداده ودم خفبف وريحت اليوم الثاني واللي بعده جات دكتورة وعطتني تحميله الصبح وقالت الساعه 3 نشوف الرحم لو ما فتح عمليه وانا خايفه وادعي ربي واستغفر وجات 3 وكشفت لقيته




3 ونص بس .............. طبعا انا خفت وجلست تورقن ع السسترات وانا قلبي يرقع بقوة شوي قالت شوفي يا مدام انا قلت خلااااااااص عمليه راحنوديك كشك الولادة ونفتح لك كيس المويه قلت طيب جابو الكرسي وانا توضيت وصليت الظهر والعصرودخلت الكشك
قابلوني القابلات الزنجيات وبدا يكلمني ويتعرفون علي ويتغلون فيني وانا ابتسم لهم ومن يوم تقفي الوحده اكشر بسرعه من الخوف ركبوالتخطيط ولبسوني ثوبهم المشخلع وطلبت من الدكتورة ابرة الظهر قامو افتحو لي الكيس الين المغرب فتح 1 س يعني 4 ونص بس واخذت ابرة الظهر وتمدددت وبدا مفعول الابرة احس بخدر في فخوذي وبطني لكن رجولي احس بها واحركها والطلق ايد والنبض قل وانا ادعي ربي يحفظ لي بنيتي ويقومني بالسلامه لعيالي ولساني ما فتر من الدعاءلي ولخواتي بالمنتدى الغالي لين جات الساعه 12 قفلو ابرة الظهر وشالوها مني والرحم ما ال اربع ل5 س وفجأة اكشفت القابله الا الرحم تقفل وصل 1 س صرخت وصارت تنادي تطلب المساعدة وجو القابلات وكشفو طلع مقفل وانا يا ربي ياربي سهل والالم زاد واطلب ابرة الهر يفتحوها لي عشان اتبنج وهي تقول لا يا مدام انا اعطيك ابرة عشان الالم لام انتي في الم شوية عشان بيبي يجي
وانا طيب سمعا وطاعه من خوفي على بنيتي والله وشد شد الالم وانا اتالم وادعي ربي واتذكركم وتكشف لقته 6 س قلت الحمد لله وفضل الين الساعه 3 قبل الفجر وانا ادعي والسسترات والدكتورة كل شوي تجينيتطمن وقلب البيبي ضعف واعطوني ابرة عشان قلب النونو يتعدل نبضه والحمد لله تعدل شكل السكر نزل عندي واثر عليها بعد قلبي انا فديتها وفضلت استغفر وادعي اين انام ويصحيني ذااااااااااك الالم ذقت الموووووووووت ووقالتالرحم 7 بس بيبي هاي يعني لسه فوققلت ما بدها لازم اساعدها ع النول وادف دف خفيف كني بدورة المياه اكرمكم الله وييد الالم ووقت الالم ادف خفيف الا احس بالدف بدا يجيني لحاله وتقيس وتلقاه 10 وبدات وتجهز العده وتيجيني الالم وادف يمكن 4 دفات متقاربه وتطلع غصب بطلوووع روحي وياها والحمد لله ربي سلمها وسلمني وصورتها لي القابله وغطرفولي ونمت بعدها ساعتينولدت ع الساعه 6 صباحا يوم الاحد25 القعده وكانت بنوته قمر وبعدها صحيت وتروشت بمساعدة الممرضه وطلعوني غرفتي نور خافت وفطور ع الساعه 8 ونص وبعدها نم ع الساع 11 نومه الين وقت الزيارة جوني عيالي على بعد المغرب عشان انام وارتاح
بسسسسسسسسسسسسسسسسسسسس..................
انا حملت فوق اللولب واللولب ما لقوه وجلست كمان يوم عشان يدورونه بالونار ما قدرويشوفون سويت اشعه اكس ري ولسه ما شفت النتيجه بس يا خواتي حييييييل تعبانه لي 18 يوم امشي بصعوبه اوراكي وحوضي يوجعوني وما اقدر انام لى ظهري من الم الابره وكمان عظامي توجعني ما اقدر اتقلب كل شي يو جعني واما الله يكرمكم البول اتبول بصعوبه واللي يخليني ما اروح المستشفى السهر من الليل الى ذا الساع وانا ما نمت مع ه البنت تطير لي النوموتنام وادور للنوم ما القاه ع العموم طولت عليكم بالسالفه ادعولي بالشفاء وابغى اتطمن على صموته وش سوت ولدت ؟؟

[%ريحانة الدنيا%]

االله يجعل كل ماشفتيه ياام الخير في موازين حسناتك
والله يهون عليك كل الم
حزنتني قصتك الله يكون وياك لين تعدين هالفتره على خير

[ام علاوي99]

الحمد ع سلامتك يام الخير وع اجر ان شاء الله
ريحامه الدنيا والله العظيم اني ماسويت ولاحاجه بنفاسي مع اني مابقي اعلاج ولابخور ماشريته كل شي واني ماستخدمت الاشاي النفاس مده 5 فقط وغيره والله انه زي ماهو حتى المرقوق والقرصان حامت كبدي منها وصرت اكل زي اهلي مو كني نفاس
وامي ضايقه بس انا مقدر اتعب
بس الله يستر مع اني اليومين ذي اسمع صوات من تحت وخايفه اكون خربانه

عشيري هلابك
انا صبغت شعري بالبيت ناديت كوفيره وسوت شعري وقصته وحواجب
واليوم انا بيتي
وارسلت لي حماتي شغالتها الله يجزاها خير و ساعدتني بالبيت والمطبخ ريحتني شايله همه
باقي مابعد رتبت ملابسي بالدالوب ملابس اعيالي رتبتها

وكـــــــــــــــــــل عام وانتم بخير

[%ريحانة الدنيا%]

منوره بيتك ياام علاوي ان شاءالله دايم يكون عامر
بوجودك

[سنيورة]

بناااااااااااات متى استخدم البوثيل

لازم طهاره ولا عادي اذا فيه افرازات خفيفه شوي ؟؟

[عشيري2000]

سنيوره ليه تبين تحطين التحاميل انتي قد جربتيها والا من كلام الناس لاني سالت دكتورتي عنها

قالت لاتحطينها /واتوقع انها تنفع من غير طهاره لكن الافضل دقي عللى اي مصتوسف واسالي

ام علاوي انا رحت امس لبيتي واخذت شغاله اهلي ورتبت البيت اللي صاير عزبه وحطيت

الملابس واخذت اغراضي اللي كانت عند اهلي اخف لي اذا جيت لبيتي المره الثانيه

بسالكم بنات متى تتوقعون التجمع يتقفل لان محد يسولف غير3

[سنيورة]

عشيري لا يقولون زينه تنشف وتضوق

وحابه اطهر مليت :( بس افرازات خفيييفه

[ام الخير]

افتكر مرة جربتها وكنت مو طاهرة يعني افرازات صفرة ومرات لون وردي ويوم استخدمتها نزلت مني مويات وكمان بعدها رجع علي الدم وتميت الين بعد الاربعين بيومين وانا استخدمتها 20 من النفاس بس ما ادري منها نلت الوساخه او لا
ام علاوي عشيري نورتو بيوتكم الله يعينكم عاد عالشغل والتعب والله يقويكم اما انا راحت الشغالة اجاة وانا لي 12يوم وما عندي احد يساعدني وعلي دخل والله الله يسامحها ما عاد رجعت وبنتي تعبت والله شغل البيت والبورة والظيوف الله يعينها وانا نفسيتي زفت يختي الشغاله ما بها شي ينه وطبيخه بـ1750ريال وحركة نقمووني الناس عليها ها كيف الشغاله والله الله شف لك الا ذا الوقت ما تحصلين وكل يوم داقه وحده ها الشغاله كيف تمام واللي تسال جارتي كيف شغالة ام الوليد الين طااااارت والحمد لله اللحين يوم درو هجدو من السؤال
طولت عليكم كل عام وانتو بخير

[جمره غضى]

نفوسات

متى تجي الدوره اخت النفاس

وهل ممكن يحصل حمل قبل تجي الدوره

طمنوني الله يسعدكم

[ام علاوي99]

ريحانه الدنيا ام الخير
الله يجزاكم خير
جمره ايه ممكن يصير حمل لان وحده من قرايبي حملت وهي بنهايه الاربعين هههههههههه مامداها ترتاح
يقولون تجي الدوره بعد 10 ايام والناس يختلفون ترا
عشيري منوره بيتك والله يخليك لعيالك والله ان البيت راحه نفسيه مو زي بيت اهلي احس اني مشتته حتى النوم مارتحت ابد الا يوم جيت بيتي الله لايغيرها

[جمره غضى]

ام علاوي
الله يستر بس

[عشيري2000]

جموره وشذا الكلام اعقلي يابنت لاتتهورين هههههه الله يستر اعقلي انتي وابو الشباب هههه

ام علاوي اي والله مافي زي بيت الوحده عند عيالها وزوجها الله لايغير علينا

بنات ماتدرون عن الصمت عقي اهي اللي بقت ماولدت محد يعرف عنها شيء

ووين ماما زوزو وام عبدالرحمن السلفيه وباقي النفوسات نداااااااااااااااء عااااااااااااجل لهم

[" قلب غيث "]

مساء الخير ..

[ام علاوي99]

الله يستر جموووووووووره مفكره خلي كل شي برا اللي خبري خبرك عشان مايصير حمل معليش ع الجراء بس يمكن تكوني غفلتي عنها

عشيري لبى قلبك خلصتي شغلك انا والحمد الله مارست حياتي الطبيعيه بيتي طبخ نفخ تغسيل الا طلعه من بيت لين اطلع ان شاء الله بس معاذ الله يهديه لازم شيليني والا بصيح بس عسل ع قلبي فديت اعيونه
عشيري وش اسم ولدك

قلب غيث مساء الورد
وين ام جنى وجامعيه ومرهفه حس وحامله قيمي وووووباقين

[فجر الباسل]

صباح الخير ياعرب
كل عام وانتم بخير بعد الزحمه
ابسال ايش تسخدمون حليب للبيبي
جربت اس 26 مانفع مع بنتي وجربت بريمير كير ومانفع
والحين فبي ميلك1 مين جربه
ورضعها من صدري بس قليل
وانا طهرت 1/12وامس الدوره شرفت عادي ولا
وشكرا

[ورد القلوب]

كيفكم رشيقااااااااااااات

اخبار النونوات ،،، ومبروك لكل الي ولدوا

انا ولدت 4 ذو الحجة ,, كان ودي ادخل اسولف معاكم

بس عندي بنوتة تصيح 24 ساعة

[ورد القلوب]

امهاااااات للي عندها خبرة
انا من بعد الولادة وانا احس بألم في معدتي وترجيع
ودايما حاسة بدوخة

رحت المستشفى وكل شي تمام

ومو عارفة السبب

[جمره غضى]

عشيري
ام علاوي
مشكورات حبايبي على الرد والله يستر يمكن تلقوني في تجمع الحوامل ههههههه



ورد القلوب
الحمدلله على سلامتك ومبروك البنووته
الدوخه اتوقع بسبب التغذيه
كلي كووويس واحرصي على السلطه والفواكه والعصيرات
عشان تعوضين الدم بجسمك




فجر الباسل
افضل حليب سيملاك بتجربه مني ومن اللي حولي
وكل طفل يختلف عن الثاني من ناحيه تقبل جسمه للحليب

[%ريحانة الدنيا%]

انا بعد حليب بنتي سيميلاك

ورد القلوب امكن ناقص عندك الحديد

[ام جيان]

صباح الخير رشيقات
اشتقت لكم والله

[مرهفة حس]

السلام
مساء الخير
اخباري وسوسه بلخياطه موطبيعيه لدرجة كل وحده تدق علي اسالها متى طاحت خيوطك وكيف اهتميتي فيها
النفاس طفش انا بعيده عن اهلي ولي 17يوم والد واحد جاني من جماعتنا الا مره وحده كلا لاهي مع اهله وعياله وانا ماسكه البيت وطفشانه وماقدر اجلس اخاف تنفتح الخياطه كان عندي موعد عند دكتورتي الاسبوع الي راح قالت كل شي كويس
وعندي موعد الاسبوع هذا
واشوف وش تقول
اما البيبي
حدث ولا حرج والله يابنات اني اكل وانا واقفه واهزبه على يدي تقريبا اكثر الوجبات
مره صياح بدرجه عكس اخوانه
وكان مهاه امساك لمدة 5ايام ورحت سويت له يانسون وشرق علي والله ستر وصرت اخاف عليه كثير ويستفرغ ويشرق مانام اليل منه والنهار من عيالي الله يكتب لنا ااجر يااااارب ويعوضنا ببرهم وصلاحهم
انا ربطت بطني بس احس فيه بروز خفيف وتقريبا انفاسي تغذيتي حلوه اشرب اعشاب يوميا ومااكلت الرز الى الان ولله الحمد

[" قلب غيث "]

مرهفة الحس ..
انا نفس الشي عندي وسوسه بالخياطه لي الحين 3 اسابيع و 3 ايام ما طاحت ؟؟؟

[ام جيان]

الصمت عشقي شو اخبارها

[جمره غضى]

قلب غيث
روحي الطبيبه اذا كان الجرح التئام تفك لك الخيوط وترتاحين



مرهفه حس
الله يعينك ياقلبي
بس لاتعودينه على انك تشيلينه
شبعيه وتاكدي انه نظيف ومافيه مغص وخلاص نزليه على الفراش
خليه يبكي عادي
بس لايطوووول يعني شوي كذا وبعدين شيليه لين يتعود ع الارض

واشتري له لهايه عشان يريحك من الصياح

[حاملة قيمي]

مراااااااااااااااااحب نفوساااااااااااات
اخباركم.......والله مشتاااااقه لكم
ولسوالفكم..
بس كل شي اجتمع مره وحده
نفاس ونفسيات خايسه وخيوط بلشانه فيها وبيبي صياح متواصل وماغص
ولد الله يصلحه يحاول ياخذ مكاني بتدبير
بيرضع ويغير لاخته وينومها
وعيد وناس داخله وناس خارجه
احس اني في دوامه .....................

[حاملة قيمي]

اللي خلصو ايش استخدمتو خلطات للجسم ونتيجتها حلوه
مالي خلق تجارب ابغى خلطه للجسم نتيجتها مرضيه

[wssw]

مساء الخير ياحلوات والله اني مشتاقتلكم
انا بالنسبة لي استخدمت خلطة اخذتها من المنتدى عبارة عن دلكة جدا جدا جدا رائعة من اول مرة فتح بطني منها تحت تأثير البخار طبعا

[حاملة قيمي]

بنات احداستخدم شاي اليانسون للبيبي؟

[ام جنى2009]

كيف الحال ياحلوات الحمدلله خلصت الاربعين على خير وان شا الله الحين بتشوفوني كتير لاني رجعت بيتي وخلصت الزيارات ورجع الروتين
وكتير خايفة من جماع مابعد الاربعين الله يستر

[ام جنى2009]

الاعشاب للي عند مواليدهم مغص اغلي كوب موية على النار ولما تطفي النار حطي م ص يانسون وم ص كمون وورقتين نعنع وصفيها وشربيه منها 30 مل ماتزيدي كثير لان الكثر مو زين وحطي الباقي في التلاجة ولما تحتاجيها دفيها

[حاملة قيمي]

wssw
ايش الخلطه والله ما احب التجارب ونفسي بحاجه مجربه
ام جنى 2009
يعطيك العافيه ع الوصفه انا اعطي بنتي يانسون وكمون ويخفف بشكل مؤقت واخذت من الصيدليه
نقط الماغص نتيجتها حلوه بس احس طعمها حيل مر من تعابير وجه بنتي ياقلبي وبرضو ثقيله

[wssw]

الخلطة
5 ملاعق حنة
4ملاعق قرنفل مطحون
3 ملاعق قشر برتقال انا حطيت بشر البرتقال
3ملاعق سكر موشرط مطحون
1ملعقة كركم
2 ملعقتين سدر
زيت اللوز المر وكنت احيانا احط زيت السمسم او زيت الزيتون

حطيها على جسمك وانتظر عشرة دقايق بعدين ابدئي دلكي جسمك بيدك وانت مشغلة البخار وبعدين خذي ليفة انا عندي ليفة مغربية الأصلية اخذتها بـ50 ريال
تشوفي الجلد الميت ينزل معاك
وبعدين غسلي جسمك بموية دافية مايلة للحرارة
وبعدين اشطفي جسمك عادي بموية وصابون

[wssw]

جاء عندي ولدي فترة الأربعين امساك قعد تقريبا 13 يوم مايتبرز وديته عند دكتور اطفال
ونصحني ماشربه يانسون يقول انه يكبر القولون قالي استخدمي الشمر افضل

[مرهفة حس]

جموره هلا يالغلا انا شاريه اللهايه غندي ورافضها كل مااحطها يطلعها ونفسي انه يتعود يمديني اعوده من الحين لاني انا ارضع طبيعي الحمدالله

[مرهفة حس]

يابنات افيدوني للي عندها خبره
انا طالبه من الدكتوره تجميلي
واحس ان الخياطه غرزتين وسالتها مرتين عن نوع الخياطه وقالت من نفسها تجميلي وشاكه بالموضوع مين قد سمعت بخياطة مها الخميس بمستشفى الحمراء

[مرهفة حس]

بنات الي تعرف شي عن الخياطه التجميليه تجاوبني
لي اليوم 18يوم وما شفت اي خيط الى الان هل الموضوع طبيعي
ومتى بالعاده يلتئم الجرح
ودي يلتئم علشان ابدء اهتم بنفسي خلطات وكريمات يالله شاده الظهر فيكم نخيتكم مانخيت بخيل

[%ريحانة الدنيا%]

ياقلبي امكن خياطتك من النوع اللي يذووب ماتطيح يعني تذوب من نفسها

[عشيري2000]

الله يستر جموووووووووره مفكره خلي كل شي برا اللي خبري خبرك عشان مايصير حمل معليش ع الجراء بس يمكن تكوني غفلتي عنها

عشيري لبى قلبك خلصتي شغلك انا والحمد الله مارست حياتي الطبيعيه بيتي طبخ نفخ تغسيل الا طلعه من بيت لين اطلع ان شاء الله بس معاذ الله يهديه لازم شيليني والا بصيح بس عسل ع قلبي فديت اعيونه
عشيري وش اسم ولدك

قلب غيث مساء الورد
وين ام جنى وجامعيه ومرهفه حس وحامله قيمي وووووباقين

هلا وغلا ام علاوي انا زيك رحت لبيتي ومارست حياتي طبيعيه الا الطلعه الين اتم

الاسبوع الجاي ان شاء الله على اني الى الان احس اني نفاس يمكن الشغله نفسيه

الي اتم ال40 كامله /صراحه احس الجرح والمكان الحساس الى الان رطب مدري

متى بينشف واحس اني خايفه من الاحم احم /وباقي عقده ماطاحت واحس فيها ريحه

مدري وش اسوي فيها وخايفه اروح للدكتوره تبربس فيني اللي عندها اسم علاج

للالتهاب والريحه تقولي /وولدي اسمه مؤيد

[حاملة قيمي]

ام علاوي / عشيري
ع البركه عودتكم للمنازل وربي يمتعكم بالصحه والعافيه
عشيري علاج الريحه مسك الطهاره من عبدالصمدالقرشي الاسود
المشكله عندي انا ما ادري ايش نوع خيوطي وما اشوف اي خيط بس عقده نهاية الجرح واحس بنغزات
اش تكون نوعيتها الي عندها خبره

[حاملة قيمي]

بنات من عندها خلفيه عن المره ؟؟؟
بنتي ياعمري اخوها نقل لها عدوى الانفلونزا واحس خشمها متسكر وتكح قالت لي ام زوجي
لاتوديها عالمستشفى تتعودع عاىالادويه خذي مره منقعه ومسحي خشمها وشفايفها
اش رايكم؟؟؟

[ورد القلوب]

حاملة قيمي .. ما بعرف للمرة بس اذا نفع معاها خبريني
لان بنتي كمان مزكمة و خشمها مسكر

[ورد القلوب]

مرهفة الحس ..
انا نفس الشي عندي وسوسه بالخياطه لي الحين 3 اسابيع و 3 ايام ما طاحت ؟؟؟


انا سوت لي الدكتورة خياط من برا و داخل
الي من برا رحت الموعد وفكت الخياطة بعد 10 ايام
والي من داخل قالت لي تدوب

[ورد القلوب]

رشيقاااااااات

انا صار لي 13 يوم من ولدت

والكرشة تقريبا قريب تختفي

بس مشكلت سري لسى باارز

هل ينزل بعدين والا يضل فيه بروز

[قمر جدة]

بنااااااااااات

الف الف حمدلله على سلامتكم وحشتوووووووني مووووووووووت

اعذروني مقصرة بس ماعندي نت فد=يتكم

والله فرحانة لكم كلكم

حمدلله على سلامتكم اخيرا سكرنا تجمع حوامل
وجينا نفوسات خخخخخخخخخ

المهم اللي ولدها تبي تعوده على اللهاية عادي

المهم جربي له نوع يتقبلها بنتي تعبتني على ماخذت نوع معين

اهم شيء تكون صغيرة وقد فمه ولينة

وتراها حلوووووووة ل3 شهور بعدها شيليها احسن

واللي خياطتها ماشافتها

عادي ياقلبي انا سويت تجميليه وماشفت الا عقدة وحدة

ولسة الخيوط اللي في الرحم ماتوقع انفكت لاني لين اليوم احس بنغزتها

الله يتمم لنا على خير


واللي سرتها باقي بارزة بتروح ماعليكي اصبري بس عليها

واللي بنتها خشمها مسكر

عادي فديتك بس خذي لها من الصيدلية موية وملح وحطي نقط هنا ونقطة هنا
وتنفك ووتنفس وترتاح وماعليها خوف

انا والله بنتي مسكينة نفس الشيء اخوها عداها بس كحة قوية لها اسبوع وصدرها مرة تعبان

وكل يومين اراجع فيها وتقولي تعالي بعد يومين وعلى ذا الحال

وكل صدرها بلاغم





المهم بنات

وش عندكم خلطات انا لين دحين ماسويت شيء ووزني زايد

احس مع الرضاعة جوووع مو طبيعي عكس حملي ماكنت اكل

يلا اسدحو لي وصفاتكم

اممممممممممممواح لكم كلكم

[مرهفة حس]

رحت اطهر ولدي اليوم وبمستوصف اهلي وجاني حب فضول اني اكشف على الخياطه ومريت على دكتوره قالت خياطتك تمام سالتها قلت تجميلي قالت ايه بس من برا وقلت لها والداخليه قالتمافي داخليه بس خارجيه انصدمت من كلامها وانا والد بمستوصف خاص علشان الخياطه وش رايكم بالموضوع يابنات

[طويلة العمر]

السلام عليكم
كيفك يا نفوسات ..
الحمدلله ولدت في 24 ذو القعده
وقربت اخلص شهر ..بس عندي مشكله في الكرششششه وش الحل معهاا
والخياطه للحين متعبتني ما اقدر اجلس منهاا ..استعملت المره من 4 يوم من ولادتي وانفكت الخيوط الاسبوع اللي بعده بس اخر خيط طاح قبل امس وكل يوم اتنقع في المره واتشطف بمويه وملح الحين احسن من اول بكثيييير بس الألم باقي موجود ابغى ارتااااااح :(
دعوااااتكم

[طويلة العمر]

قمر جــــدة ..
انا ابغى استعمل لولدي اللهايه ومحتاره ..ويقولون انها ماتصلح للي اعمارهم اقل من 3 شهور
وانا تعببببببببت ابغى ارتاح من صوته شوي
ويقولون انها تقدم اللثه له صح والا ؟؟

[قمر جدة]

مرهفة حس

غريبة ماخيطت لك من جوا

لما ترجعي لها اساليها

استغفر الله من الدكاترة بس

حسبنا الله ونعم الوكيل

[قمر جدة]

طويلة عمر

فديتك انتي ولدتي في نفس اليوم اللي ولدت انا

بس انا ولدت الساعة 11 الليل ومابغت تنزل وشفت المووووت

انتي الساعة كم ولدتي

حبيبتي

اللهاية احسن وقت هي الثلاثة الشهور الاولى

لانه يبي يمص وهو شبعان والله مارتحت شوية

الا بعدما ماسكت الهاية

وانا هذة رابع خلفة وكلهم على هاية

اهم شيء ماتطول عشان مايتعلق فيها

انا ولدي الاول ماقدرت افطمه منها وعمره ثلاث سنين وتعبت علشان ينساها

ومن ناحية تقدم اللثة كثير لثتهم متقدمه وهم مايعرفو اللهايات

توكلي على الله ياختي واعطي ولدك


الله يخليه لك

ومن ناحية الخيوط

انا عن نفسي خفت من المرة مادري ليش وناوية دحين ابدا فيها

لانها تعبتني الخيوط لكن دحين الحمدلله

بس الخيوط اللي جوى متعبتني

تقولي الدكتورة من الحركة الكثير
وانا مو قادرة اريح عمري واقعد زي الخلق

ومن ناحية الكرشة والله نفس حالتي احس اني حاملة بخمس شهور

قلت اجرب طريقة وحدة من العضوات منزلتها وتقول مجربتها
جربي معايا وان شاء الله تختفي الكروووووشة

انا تعبتني بنتي كحتها وصدرها كلو بلاغم ولا دوا نفع معها

وكل شوي تطلع

مادري وش اسوي لها

اللي عندها خبرة تفيدني

فديييتكم

[مرهفة حس]

دقيت على دكتورتي وماصبرت كلمتها وقلت لها عن الخياطه انها بس خارجيه قالت انها سوت داخليه وخارجيه وقلت تتوقعين ان الداخليه انفكت قالت لو انفكت الداخليه من باب اولى تنفتح الخياطه الخارجيه لانه على الاطرااف وانا الى الان ماجلست وش رايكم اجلس ولا بدري اليوم لي 20يوم

[طويلة العمر]

قمـر جده فديييتك ..انا ولدت الساعه 1 في الليل وتعببببببت تعب مو طبيعي
بس الحمدلله عدت على خير ..
اما اللهايه بتوكل على الله واعطيه ما يخليني ارتااح بس يبكي وانا تعبت
اما الكرشه الله يعين انا غلطتي ماشديت بطني من البدايه وهذا انا بكريه قولي انتي معذورة
وشفت طريقة وحده شكلي بستخدمهاا ..
سلامة بنتك ماتشوف شر ..شوفي انا ولدي كان كذا وديته المستشفى قالوا عنده احتقان والكحه والله لسى ماراحت لدحين ..لكن انتي حاولي تخفضين المكيفات مررره والاجواء الحين بارده ..والله يخليها لك
والخياطه كووووم والحمل والولاده كوووم ثاني ..انتي لاتتحركين كثير ريحي نفسك .
والله يشفينااا ..

[ورد القلوب]

انا اللهاية استخدمتها لبنتي الاسبوع الاول لان ماكانت تعرف تشرب من صدري

فكنت اسحب الحليب واحطة بالرضاعة واعطيها اياه

اما الحين لما تعودت تشرب من صدري

رفضت اللهاية

[ورد القلوب]

انا بعد ماولدت ماراح كرشي على طول بس الممرضات بالمستشفى
كانوا كل شوي يجو يسوو لبطني تدليك مشان ينزل الدم وتروح الكرشة

وحتى لما طلعت من المستشفى قالت لي الدكتورة

حاولي تدلكي بطنك مشان مايضل عندك كرش

والحمد لله انا لي 15 يوم وتقريبا الكرش راح

[عشيري2000]

اهلين بنات كيفكم اشتقت لكم ابي اسالكم عن شغله محيرتني انا لي 37يوم والد وزي ماتعرفون في

بيتي الحين بس باقي صديقاتي لسى ماجوني وبعض قرايب امي راح يجوني على ال39يوم

محتاره كيف استقبلهم هل البس روب النفاس ولا احط مكياج والا خلاص اعتبر طلعت من

النفاس اكشخ عادي شورو علي اخاف ينقدون الناس علي

ومتى يصير جماع اذا طهرت الوحده قبل ال40

ومن تعرف شيء عن الصمت عشقي ولدت والا لا

[الصمت عشقي]

عشيري2000 (http://forum.hwaml.com/u26222.html)
انا اشوف انك تستقبليهم عااادي
يعني لاتحطي ميك اب لانهم يمكن يصكوك بعين << اسم الله عليك

وياعمري لسى ماولدت
مازلت صامده بكرشتي
ولدي ماوده يطلع مشبص بسنونه ببطني
ومتى ماامر ربي بيطلع
لانهم طلعو مقدمين اسبوع
يعني انا الحين ع حساب السونار 40 اسبوع و3 ايام
يالبى قلبك وربي فرحني سؤالك عني
ربي يعطيك ع قد نيتك ان شاء الله

انا اجي اطل عليكم واشوف سوالفكم واطلع
اتذكر قبل بالتجمع كيف كنا كل وحده تقول فيني ومدري ايش ومتى اولد ياااااه ع ذيك الايام :)

[عشيري2000]

يالبى قلبك الله يهون عليك ويصبرقلبك ويفرح نظرتك يارب وتقومين بالسلامه

[الصمت عشقي]

الله يسمع منك يالغلا
دعواتك حبيبتي

[%ريحانة الدنيا%]

الله يهون عليك يالصمت عشقي ويفرج عليك يارب

[قمر جدة]

طويلة العمر

فداكي الكون ياقلبي

اذا على التعب وربي متت على شان تنزل

وتعذبت عذااااااااب الحمدلله على كل حال

يلا حمدلله على سلامتنا جميعا كنا فين وصرنا فين

الله يشفي عيالنا


ايش الطريقة اللي بستخدميها على شان البطن

[قمر جدة]

الصمت عشقي

الله يعطيكي ساعة طيبة
وتنظمي للنفوسات

الحقي نامي لك شوية

الله يطمنك على مولودك وتبشرينا بخير

[ام جنى2009]

يعطيكم العافية ياحلوات كيفكم وكيف مواليدكم
بالنسبة للكحة سمعت تشربي البيبي موية
الصمت عشقي الله يهون عليكي ويقومك بالسلامة

[4يو]

ابشركم الصمت عشقي ولدت امس في وحده نزلت خبر عنها حبيت اخليكم تفرحون

[قمر جدة]

4 يو

الله يبشرك بالخير

والف حمدلله على سلامتها وسلامة مولودها

ماتشوف شر ان شاء الله

[%ريحانة الدنيا%]

الحمدلله على سلامتها
والله فرحتلها
مبروووك يالصمت عشقي والحمد لله على سلامتك

[ام الخير]

كللللللللللللللللللللللللللوووووووش الف الف الف الحمد لله ع السلامه صموته يارب لك لحمد واخيرا ولدتي بالسلامه
بناااااااات جسمي تعبان وعظامي مكسرة وحوضي اتقلب علىالفراش بالم وصياح يارب رحمتك كني بالشهر الاخير من الحمل وعندي نغزات جهة المبايض والبول ينزل بصعوبه شوي موطبيعي كالعاده
وافكر اعمل عمليه ترفيع للارحام ذا الاسبوع ينفع والا لا مع تضويق من الداخل والخارج وانا بجده مين تعرف دكتورة ممتازة في الخياطه التجميليه وسعرها تمام وتقول لي بكم الخياطه وتحتاج تنويم والا بنفس اليوم تطلعين وهل المها يطول والا تهون مع المسكنات انتظر ردكم لا تبخلون على عهدي فيكم متعاونات

[قمر جدة]

ام الخير

سلامتك ياقلبي ماتشوفي شر

اول شيء انتي ماتخيطي في الولادة

المهم

في دكتورة كويسة بالتضييق وعملية التجيل واتوقع سعرها رخيص وخيالي

بس البنج خفيف بس محل الخياطة يعني بنج موضعي

تتعبي في البداية بس الكل يشكر فيها

ردي عليا وبقولك وين مكانها

[الحب الابدي]

بنات انا باقي 5 ايم واخلص الاربعين
بنتي مزكمه وتكح واوقات تخف واوقات تزيد عليها
وانا ماابغى اودها المستشفى ماودي اعودها على الادويه
تجاااااااااااربكم بنات الله يخلي لكم عيالكم والله حزنانه عليها مره واوقات ابكي اول طفله لي ماني عارفه وش اسوي

مشكوووووووورين

[طفلة الورد]

بنات الحقووني الله يسعدكم وربي جاني انهيار
وبس ابكي دخلت الحمام الله يكركم وبعد ماخلصت وغسلت حسيت اني شديت
خيط بيدي وعلى طول نزل دم ما انفك بس سحبته وانشد وربي بتجنن
اللي تعرف شي. تفيدني وربي بدعي لها ليل ونهار
وبكره جمعه مافيه مستشفيات ساعدونيييييي

[سوسو الأموره]

وينكم يابنات وحشتوني ادخلوا سلموا بس عساكم بخير انتم وبيبياتكم

[ام الخير]

ما تشوفي وحش سمورة انتي كيفك وكيف البيبي ان شاء بخير نسال عنك يالغاليه وين باقي النفوسات سلللللللاااااااااام من بعيد ههههههههههه
قمر جده :
والله يختي ما تخيطت من كثر مني تعبانه وتعبت بالولاده هونت اطلب خياطه وبعدين النونو كات مررره صغيره وما شقتني بس حابه اهتمبنفسي شوي مو مره هااااا قوولي فين بس ما ابغى الام ما عندي شغالة وكما ن مرة وحده لو تعرفي شغاله اندنوسيه تطبخ وشاطرة دليني عليها وما ننحرم منك ياقمورة جده يا عسسل

[قمر جدة]

الحب الابدي
الله يتمم لك على خير ياقلبي

وسلامة بنتك ماتشوف شر
بس ياقلبي

انا بنتي تعبت ووديتها واعطتها مضاد حيوي وجوسبان للكحة بس كان صدرها مرة تعبان ومكتومة

بس كثير قالو لي حطي لها قطعة صغييييييييييييييييييييييرة مر في رضاعة مع اشوية عسل

في الرضاعة

بيطلع البلاوي كلها وان شاء الله فيه العافية

وحطي شوية عسل في اصبعك مرررررررررررررررة قليل ولحسيها

وان شاء الله تتعافى

دعواتك يالغلا

[قمر جدة]

طفلة الورد


الف سلامة عليكي ياقلبي ماتشوفي شر

لا تخافي ولا تشغلي بالك

دام مانفك لاتقلقي

اهم شيء دحين انتبهي على الخياطة

وحطي كريم ميبو ماريحني انا الا هذا الكريم

طمنينا عنك

دمتي بحفظ الله

[قمر جدة]

سوسو الامورة

مايوحشك غالي فديتك

احنا بخير دامك بخير

[قمر جدة]

ام الخير

ماتشوفي شر ياقلبي والف الحمدلله على سلامتك وسلامة البيبي

بس فديتك مافي شيء بدون الم
لازم تتعذبي شوي على قولتهم من يبي الداح لا يقول اح

وعشرة ايام تتعبي منها شوي يعني مو شوية مرة

بس تحملي وانا اختك



وبشوف لك ارقام شغالات ان شاء الله عن قريب

[عشيري2000]

صومته الف الف الف مبروك

الحمدلله على سلامتك

[ام الخير]

قمورة فديتك عساني مل خلاك ها وين الدكتورة اللي بتعمل عملية التجميل وباي مستشفى وبكم تقؤيبا وكمالكشف عندها لاني لو هيا على ظمانتك كويسه راح اروح لها دغري
انتظرك ياقلبي تردي

[ام علاوي99]

عشيري
طالعه من الشر حبيبتي وجميع النفوسات
ياسلااااااااااااااااااااام ع الحريه بلا قيود النفاس اووف ممل

[%ريحانة الدنيا%]

بنااات عادي اشرب مويه بارده
دوبني خلصت الاربعين بس نزل عليا الله يكرمكم افرازات ورديه ومرات بها زي الخيوط دم
اش هاذا دوره ولا نفاس ولا ايش

وياترى اصلي ولا لا ماني عارفه بس وقفت اصلي

[مرهفة حس]

اهلين بنااااااااااااات اخباركم
فقدتكم مافقدتوني
لي الحين 27يوم والى الان ماجلست يانايمه يا واقفه رحت لدكتورتي الاسبوع الي راح قالت الي برا التائمت والداخليه باااااااااااااااقي بس مادري عنها الحين وش تشورون علي لاتطنشون بعدين ازعل
وابي افكار حلوه للطعة من النفاس للشكل تكفون بنات وش تنصحوني افكر افرد ومتردده لان شعري بدون استشوار مو حلو وهوطويل نهاية ظهري بس ناشف وجاف نصايحكم
اتبخر ولا لا

[عشيري2000]

السلام عليكم ورحمه الله وبركاته

كيفكم بنات ان شا الله بخير

من غير شر هذا اخر رد اكتبه لكم حبيت اقول الله يجزاكم خير على كل لحظه عشتها معكم

وعلى كل مره كنت افتح فيها التجمع حق الحمل او النفاس والله يشهد انكم خواتي في الاسلام

واني حبيتكم من غير مااشوفكم والله يحللكم ويبيحكم وراح تظل ذكرى ماانساها

واحب اسلم عليكم وحده وحده من غير ذكر اسماء عشان ماانسى احد وكلكم غالين علي والله

يجمعنا في الجنه مثل ماجمعنا في هذا التجمع الحلو والاكثر من رائع وراح اطل عليكم من فتره

لفتره من غير مااكتب رد الى ان يغلق التجمع

وكل شيء في الدنيا له نهايه ودوام الحال من المحال
والسلام خير ختااااااااام

[4يو]

ليه عشيري من غير شر انا قلبي تقطع وانا اقرى كلامك دموعي مغرقه عيوني وانا بس دخلت كم مره وانا مره حزينه على بنات تجمعي حق شوال تفرقنا وصارو معد يدخلون مافي الى كم وحده ويوم دخلت تجمعكم حطمتيني ليش مافي مواضيع ثانيه نشترك فيه حرام والله لودريت انو يوم من الايام راح نفترق كان مادخلت مسامحه ومحلله والله يكتبلك الخيرفين ماكنتي

[أم عبدالرحمن السلفية]

السلام عليكم
كيــــــــــــفكم أمهات المستقبل وحشتوني
أنا كملت نفاسي والحمدلله كل شيء تمام وحشني بيتي و زوجي و النت, أهلي ما عندهم نت عشان كذا قطعت

[ام علاوي99]

الله يبيحكم ويحللكم
انا حزينه من كلامك ياعشيري والله اني زيك حبيتكم من غير ماشوفكم امين الله يجمعنا بالفردوس الاعلى
استودعتكم الله الذي لاتضيع له ودائع
بس اني راح اشيك ع منتداي الغالي كل مادخلت النت

[بــ أم ــدر]

السلام عليكم ورحمة الله وبركاته:

مساء الخير حميعاً الحمدلله على سلامتكم وسلامة البيبيهات <<<جمع بيبي
حبيت اقولكم قبل كل شيء وقبل لايسبقني احد منكم..كل عام وانتم بخير بمناسبة العام الهجري الجديد..
الدعاء أعذب نهر جرى ماؤه بين المتحابين في الله ..
ولأني في الله أحبكم أهديكم من عذوبته ..
بارك الله لكُن في عمرِكن وأيامكن ..
ورزقكن فيها قوة الهمة وحسن العبادة وسعة الرزق ..
وجعل عام1433هـ خيرا لكُن ولأهلكنُ ..<<<<اللهم آآآمينhwaml13

[ايلاف]

تم فتح الموضوع وسوف يعاد إغلاقة بعد عشرين يوماً تجاوباً مع الرسائل المرسله

[احلى الاسماء]

السلام عليكم
وينكم يانفوساااااااااات ذو القعدهhwaml7 كيفكم وان شاء الله ولدتوا بالسلامه والله وحشتووووووووني ووحشني التجمع تعاااااااااااالوا هنا

[احلى الاسماء]

ويييييييييييينكم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[رورو22]

اخيييرا فتحوه ..ابشركم ولدي كمل 3شهور ودخل ف الرابع..انا ولدت يوم13\10\1432 بس اعتبر من تجمعكم ولا...

حبيت اسال المامات طفشت مع ولدي صراحه مدري اش اسوي البول الله يكرمكم يطلع ع ملابسه من وراء..غيرت له الحفايظ اول كنت اخذ بامبرز ومانفعت وغيرت بيبي فاين وذحين بيبي جوي اخذت مقاس من 6شهور الى12شهر بس كمان مانفعت تتوقعون انا مااعرف احفظ<<هع ام فاشله

[احلى الاسماء]

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!

[رورو22]

بليز بليز بليز
ابغاكم تساعدوني..بعد ماولدت جلست شهرين والدم ينزل مني وبعدين رحت لمستشفى قالت عندي نقص ف الصفائح الدمويه واعطتني حبوب وبعد اسبوعين وقف الدم وطهرت بعدين جلست اسبوع ورجع نزل الدم وبعد 7ايام طهرت..وبعدين جلست 5ايام ورجع الدم..وجلست 8ايام وطهرت ..ونفس الطريقه جلست5ايام ورجع مره ثانيه وللمعلوميه انا مااستخدم حبوب منع حمل طبعا كلله برا تتوقعون صار حمل والا شو؟؟

[ام اديب ومساعد]

كمان انا ولادت والحمدلله ربي سهلي ويسرلي ولادتي وجبت احلى كنان في يوم سته وعشرين من ذوالقعدة

[نور على نور]

وانا ولدت في ذي القعدة الحمدلله
جبت علي في 1433/11/20
لي 22 يوم في النفاس

[ام اسكندر]

يغلق الموضوع لانه قديم من 2011

وربي يسهل لجميع الحوامل والنفوسات