تجمع نفوسااات ذو القعده

[عشيري2000]

السلام عليكم ورحمة الله وبركاته

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

لقد من الله علينا ورزقنا بزينه الحياه الدنيا والله يجعلهم من عباده الصالحين البارين

ويتمم علينا وعليهم الصحه والعافيه /افتتحنا بعون الله هذا التجمع ليكون عونا لنا

في التشاور والاستشارات وتغيير الجو عن بعض لان من المعروف ان هذه الفتره

تمر ببعض الملل والروتين والحيره

بسم الله بندا وانا اول وحده اقص الشريطhwaml7

[ورد القلوب]

مبرووووووووووك لكل الي ولدوا

انتم السابقون ونحن اللاحقون

واتمنى نستفيد منه احنا وجميع الامهاات

ان شاء الله راجعه للتجمع بعد ما أولد :)

[ام فارس اوان]

الف مبروك التجمع ان شاء الله نلحكم بعد ما نولد بالسلامة

[جمره غضى]

اهلين عشيري
والف الف مبرووووووك الولاده

وعقبال الباقين يااااااارب يفرحونا ويقومونا بالسلامه


نفوسات
كيفكم مع البيبي ؟؟؟

[عشيري2000]

جموره الله يبارك فيك حبيبتي ياااااااااااه سبحان الله العظيم زي الحلم مرت علي الاحداث بحلوها

ومرها بس يله الحمدلله على كل شيء

والله انا ذا الفتره فيه عقده من الخياطه زي الحديده مهبلتبي ماعلرفت اقعد منها وبعض الاحيان

ارضع ولدي وانا واقفه او منسدحه واليوم بشتري ميبو لاني احس بيتادين العصار مانفع معي

[جمره غضى]

اي والله معاك حق مثل الحلم بحلوها ومرها
الله لايحرمنا الاجر

بالنسبه للخياطه احس الحمل تسع شهور والولاده كووووووم
ولخياطه كوووم ثاني
اهم شي غسلي المنطقه بمويه دأاافيه ابعدي عن البارد
وجففي المنطقه كووويس

انا كريم ميبو ماناسبني ابدا

[عشيري2000]

طيب وش حطيتي ومتى طاحت خيوطك

وش سميتي ولدك

انا سميته مؤيد

[سنيورة]

الخياط هالمررره امره عجيب

مره يالمني وممرات احس بحككه شديييده ..
ومرات احس بالم في الدبر وحكه مررره يضايقني هالوضع وش الحل ؟؟

[ام جيان]

مبروك التجمع
ومبروك عليكم البيبس
ان شاء الله ننظم الكم قريب

قولو امين

[جمره غضى]

عشيري للحين ماطاحت خيوطي بكمل عشرين يوم
بس طاح خيط وأاااحد والباقي لاااا

سميت ولدي فارس






سنيوره كم لك والده

[مرهفة حس]

الف مبروك للي ولدو كلكم والحمدالله على سلامتكم
وان شاء الله ننظم لكم وباقي البنات قريب بالصحه والعافيه احنا واجنتنا يارب ومبروك هالتجمع

[ام علاوي99]

واخيرا فتحتو تجمع الف مبرووووووووووووووك لنا جميعا والله يصلحهم ويرزقنا برهم امين
وعقبال الباقين من الحوامل
انا لي اسبوع والده مره تاعبني الخياط من داخل ومن برا وموصل لين الشرج
مقدر ابدا اجلس الم فضيع بقوووه استخدم منقوع المر ومعقم صارفه لي مستشفي وكريم ميبو
وزايد معي حكه شديده ومسببه التهاب الله لايوريكم ادخل الغرفه وسكر ع نفسي وافصخ كل شي عشان يبرد
الله يعديها ع خير
ولدي فيه صفار ومضيق صدري ولا ابي اتنوم عيالي بغو ينهبلون يوم رحت اولد اللي تعرف طريقه بالبيت تفيدني ولها دعوه

[جمره غضى]

ام علاوي
اتوقع المره بدرري عليها لانها تشد الخيوط وتخليها تطيح والجرح بااأقي ما التئتم
افضل شي تحطي مع مويه التشطيف بيتادين منظف جراح
مع الكريم اللي ترتاحين عليه

والصفار ولدك لازم يتعرض للضوء
خليه تتحت النور
وفي الصباح بدري عرضيه للشمس
وباذن الله مايحتاج مستشفى

[ام علاوي99]

مشكوره جمره ع المعلومه الله يسلمك

[%ريحانة الدنيا%]

صبااااح الورررررررد
قبل ما أباركلكم على التجمع
باركولي ولله الحمد ولدت بالسلامه
وأبيكم تدعون لبنتي من يوم ماولدتها
ماطلعت معي بالمستشفى شربت من مويتها والبراز
وامتلى صدرها منه

[سنيورة]

لي اسبوعين وشوي تقريباً ..

[سنيورة]

ام علاوي انتي مثلي
الحكه تزيد علي بس قالت الدكتوره فيه التهب بسيط بالخيوط وصرفت لي الدكتوره مضاد

واحيانا يخف واحيانا يزيد

المره الحين بديت استخدمها بعد اسبوعين مع ملح ولما استخدمها الخياط يشششد علي :(
والجلد يكترب مره

وامي تقول افضل عشان ينخاط الجرح والجلد مشدود وانا ماقدر اتحمله صراحه

الله يعين يارب

على فكره الدكتوره مانصحتني ببيتادين تقول قوي

[سنيورة]

بالغلط سوري

[عشيري2000]

هلا ام علاوي انا ولدت بعدك بيوم انتي الاثنين وانا الثلاثاء الساعه2 في اليل وولدي فيه صفار

زي ولدك بسم الله عليهم مدري وش الحل انا ذا اليومين احطه في الشمس وبصبر الى الاربعاء

اذا ماراح وديته المصتوسف وان شاء الله يروح اللي عيالنا ولا نحتاج للمصتوسف يارب ياكريم


وش رايكم يبنات كل وحده تكتب اهي من اي منطقه وفي اي مستشفى ولدت وقصه ولادتها

[عشيري2000]

ام علاوي شوفي ذا الموضوع حلو

علاج مرض الصفرة أو "يرقان الأطفال حديثي الولادة" !!


نقاط مهمة حول يرقان الطفل حديث الولادة



1. من الطبيعي جدا أن يحصل الصفار لدى 70 في المائة من المواليد حديثي الولادة.


2. الصفرة هي ناتج عن ظهور مادة «بيلوروبين» في الدم. وهذه المادة تأتي من خلايا الدم الحمراء عند تكسرها. ومن الطبيعي أن تتكسر بعض خلايا الدم الحمراء بعد الولادة لأن دم الجنين يحتوي على كميات عالية من خلايا الدم الحمراء، والتي لا يحتاج إليها حقيقة الطفل بعد ولادته. ولذا فإن تكسر هذه الكمية القليلة من خلايا الدم الحمراء لن يُؤذي الطفل المولود.


3. ولأن كبد الطفل لم يكتمل نموه بعد، ولم تكتمل قوة قدراته على إزالة مادة «بيلوروبين» من الجسم، فإن نسبة مادة «بيلوربين» تزيد في الجسم، ويظهر الصفار على الطفل. أما قبل ولادة الطفل، فإن المشيمة كانت تقوم بتنقية الدم من هذه المادة.


4. الطبيعي في الصفرة "اليرقان" أن ينشأ الصفار خلال اليوم الثاني أو الثالث من بعد الولادة، وتزداد شدة الصفار خلال الأربعة أيام التالية، ثم تبدأ بالانخفاض التدريجي. ولذا قد يستمر الصفار لمدة نحو أسبوع أو أسبوعين. ومن المطمئن جدا ما تشير إليه جميع المصادر الطبية بأن وجود الصفار لمدة أسبوعين لا يتسبب بأي أضرار مستقبلية على صحة الطفل.


5. من الطبيعي أن تستمر مدة الصفار أطول إذا كان الطفل يتلقى رضاعة طبيعية من ثدي الأم.


6. الأمر غير الطبيعي أن يُولد الطفل ولديه من اللحظة الأولى صفار، أو أن ينشأ الصفار خلال اليوم الأول من الولادة.


7. عادة ما، يقوم الأطباء روتينيا بإجراء فحص سريري للمولد كل 12 ساعة خلال فترة ما بعد الولادة لمعرفة ما إذا كان ثمة صفار. كما يجرى بشكل روتيني أيضا تحليل دم للطفل في ال24 ساعة بعد الولادة. أي قبل الخروج من المستشفى. ويتم تحديد الأطفال الأكثر عرضة للإصابة بالصفار.


8. إذا كان الصفار ضمن المعدلات الطبيعية، فلا يحتاج الأمر إلى أي علاج. بل تستمر ملاحظة الطفل، ويستمر تكرار إجراء تحليل نسبة مادة «بيلوروبين» إذا رأى الطبيب ضرورة ذلك. مع الاهتمام بإعطاء الطفل السوائل التي تساعد على تنقية الجسم من هذه المادة. ويتم إخراج هذه المادة من الجسم عبر البراز. (مادة «بيلوروبين» هي التي تعطي البراز اللون البني لدى الأطفال والبالغين).


9. عندما تكون نسبة مادة «بيلوروبين» عالية، يلجأ الأطباء للعلاج. وهو ما يُسمى ب«العلاج الضوئي». أي تسليط نوع أزرق بنفسجي من الضوء على جسم الطفل، لتتحول مادة «بيلوروبين» إلى مادة خاملة يسهل إخراجها.


10. عند تحليل الدم، تلاحظ النقاط التالية:


- المستوى الطبيعي في نسبة مادة «بيلوروبين» هو 2 ملغم/ديسيلتر.


- المستوى الطبيعي في صفار ما بعد الولادة هو أن تصل النسبة إلى 12 ملغم/ديسيلتر (أي إنه ليس خطرا على الطفل).


- ما فوق 15 ملغم/ديسيلتر هو ما يتطلب معالجة من قبل الأطباء.

[مرهفة حس]

بنات مساء الخير ادعولي اولد عاجل غير اجل
وكل وحده قبل ولادتها بيوم وش حست وولدة وكل شي صار من دخلتي المستشفى الى وقت خروجك
وش الاشياء الي تمنيتي انك سويتيها وماصارت ادري بربرتي كثيره بس علشان انا والبنات نستفيد
والله يخلي لكم ماعطاكم

[عشيري2000]

السلام
انا منا لرياض وولدت في مدينه الملك فهد الطبيه وكنت قبل اولد في مستشفى ثاني بس جابني لهم
سمعتهم ومدح الناس لهم وانهم صارو زي الاهلي من ناحيه الدلع والخياطه وجو الغرف وابره الظهر
ومرافق ومن ذا الكلام فدبرت واسطه وراجعت عندهم فاول انطباع اخذته وقت المراجعه انهم وسط
وماعندهم ذيك الزحمه اللي كنت اشوفها في المستشفى القديم فتوكلت على ربي وقلت خلاص ذا المره
بتدلع في ولادتي كل اللي ابيه بيصير بس سبحان الله اكتشفت اني متعلقه في اوهام ماتتوفر في مستشفى
حكومي مهما وصل مدح الناس لهم اللي تبي الدلع وتتحقق لها كل اللي تبي مالها عن الخااص وصرف
الفلوس عشان تحصل راحتها
نجي للقصه
انا من دخلت التاسع طبعا تكون المراجعه اسبوعيه فصارت روحتي لها كل اثنين رحت اول اثنين عادي
وثاني اسبوع سوت لي توسعه وقالت 2 سنتي وان ساء الله بتولدين قريب كانت هنديه لاني كل مره ادخل
على وحده شكل وهذا من عيوب الحكومي وجلست استنى الولاده ذاك اليوم ماعرفت انوم وتخيلو جلست اسبوع
لاحس ولاخبر وذايك اليله نزلت على سداده الرحم في اليل قلت خلاص هذي ولاده واستنيت للصبح ورحت للطوارئ
قالو لسى 2ونص سانتي اطلعي مانقدر ننومك طلعت وجاء موعدي ماولدت اللي اهو يوم الاثنين دخلت على يمنيه
قالت ليه ماولدتي وانتي لك اسبوع السداده نازله لاااااااااازم تنويم عشان مايجيك جرثومه انتي والجنين
خوفتني صراحه لانها راح تعطيني طلق صناعي وانا متعقده منه في عيالي كلهم كنت اخذه وعارفه انه حااااار
تخيلو طلق ربي اللي يجي في يوم اهو يجمعه لك في 3 ساعات ينفضك نفض الله المستعان
وخلاص توكلت على الله وقلت تنويم وخليت زوجي يروح لعيالي وانا لبسوني اسواره التنويم ورقوني
جناح تحفيز الطلق مخصصين له دور كامل ولايحولونك لجناح الولاده الا من فوق 4سم وجلست من الساعه
12 الظهر يوم الاثنين الي 12 في اليل واهم يحطوني كل 6 ساعات مضاد في المغذي عشان الالتهاب
ويم جي الساعه 5 العصر من نفس اليوم جاءدكتور وانا كنت مااااابي دكتور بس اهو المناوب ذاك اليوم وهذي سئيه
اخرى للحكومي ماتولدك حرمه وكشف علي تخيلو انواااع الاحراجات وقال 2ونص بحطلك تحميله طلق عباره
عن حاجه زي الواقي الذكري يحط فيه تحميله ويدخل نصه ونصه الثاني يخليه برى تخيلو يبنات
وقالي بعد ساعه يبدى المفعول وجلست استنى من 6 المغرب من نفس اليوم الى 11 ماجاني طلق قالتلي
الممرضه امشي في السيب مشي سريع وقمت مشيت تقريبا 25دقيقه وبعدين تعبت قلت بنوم واكمل الفجر
والله يبنات توني ينوم على الساعه 12 الا وذاك الطلق اللي يضرب في الظهر وبعدين في البطن ويتحجر ولدي
وكل ماله ويزيد في المده وفي التقارب للساعه 1 بعدين خلااااااص معد قدرت اصيطر على نفسي ولا على
انفعالاتي بعد ماكنت هاديه اقراى وردالولاده واقرى قران صارت تطلع مني ردود فعل غريبه عجيبه الله
المستعان الوحده في ذيك الفتره ماتقدر تصيطر على الوضع ابددددا يوم شافوني كذا جت الممرضه كشفت
قالت 3ونص خلاااص بنكلم الدكتور ونحولك لجناح الولاده لان الطلوق كانت مررره حاااااره وقووويه
تخيلو عاد احر ماعندي ابرد ماعندهم انا قاعده افحط على السرير وهم جالسين يعبون اوراق
ويسولفون مع الدكتور عن حالتي مو وقته حسيبي عليكم لا وكملوها وجابو كرسي وقالو قومي البسي عبايه
واجلسي على الكرسي جعلكم الضربه انا اقدر احرك نفسي عشان البس واجلس بعد وبعد جهد جهيد اذا بردت
الطلقه قمت بسرعه وجلست على الكرسي ودخلوني على جناح الولاده طبعا باب عازل للصوت وجناح مرعب
وموحش وماتسمعين الا الصرخات من وراء الابواب ياااااااااااجعل ماشفنا تكفير يالله
وتخيلو بديت ادفع وانا جالسه على الكرسي لسى مادخلوني على غرفتي قمت اتنافض ااشر لها بيدي معد اقدر
اتكلم دخلتني الغرفه ويوم بردت الطلقه على طول رقيت على السرير الا وبدى الجد الله لايوريكم بدى الاكشن
والله يبنااات كل اللي مر على ذا ليوم كوووم واللي صارلي في هذي الغرفه في ساعتين كووم ثاااااني
يوم شافوني الممرضات دليت ازحر وادفع كشفو علي وقالو ان شاء الله ولاده قريب وانا منهبله وشذا الالم
شيء مو طبيعي فوق الاحتمال وفوق الوصف وانا كل ماصرت ادفع اصارخ واقرى يامخلص النفس
يوم شافو الوضع متازم راحو نادو الدكتوره وقامو يخترشون ويشققون في الاكياس ويطلعون المقصات
والمشارط والمفارش يوم جت الساعه2الا انا خلاص حسيت براس ولدي بيطلع والدكتوره تحتي جالسه تقولي
ادفعي اذا جتك الزحره لاتصارخين يروح جهدك على الفاضي وانا اصارخ اقول غصب عني والله تقول انا عارفه
بس تحملي يله ولدك قريب وتلمسه بيدها وقالت يله اخر زحره اذا جتك حطي يدك على فخوذك من تحت
ونزلي رقبيك عند صدرك وادفعي من دون نفس باقوى ماعندك وانا مسويه تجميل قبل بغيت اموت تخيلو
قلت لها وسعيني قالت اذا جاء الراس يطلع شقيتك وجت الزحره وهاااااااات ياذيك الصرخه اللي ماانساها
طالعه من روحي سبحان الله الوحده في ذيك الساعه تشوف الموت تتوقف عندها الحياه خلاص تحس بسكره الموت
ومعد تحس باللي حوليها تروح لعالم اخر ومع نهايه هذي الدقايق المؤلمه طلع ولدي وسمعت صوته يصيح
وانا اقول باعلا صوتي الحمدلله الحمدلله الحمدلله وضمتني الممرضه ياعمري رحمتني وبستها وتمسكت فيها
كنت محتاجه لحضن ذيك الساعه وبعدها حطو ولدي على وقالو مبروك ولد وباركت لي الدكتوره وكان معها
متدربه اهي اللي خيطتني باشراف الكتوره بس اللي استغربته ان خيوطهم مو قماش لا تحسونها زي السيم
المعدن ماادري اهي تذوب والا تفك الله يستر وبعدها جابولي كرواسون وحليب كنت جوعاااانه وخلوني في المراقبه نص ساعه
وبعدين دخلتني الحمام وروشتني ولبستني الله المستعان الوحده تعز عليها نفسها ذيك الساعه ونقلوني لغرف
الولاده العاديه وهناك الصدمه تخيلو غرفه مزحزمه فيها 3 قيصريات وانا الرابعه وحمام واااااحد
قلت لا وش هذا مابي ابي بلحالي قالت الغرفه ب600والجناح 1200تخيلو الاستغلال حكومي والغرف بفلوس
وولدي عندي من ذيك الساعه لين طلعت تخيلو ماخذوه ابد ادخل الحمام واخليه بلحاله بس يله جعل ماشفت تكفير
خلاااااااااااص تعبت من الكتابه اذا عندكم اي سوال انا جاهزه

[مرهفة حس]

عشيري جعل ماجاك تكفير لذنبك ان شاء الله والله عشت الموقف عسى الله يهون علينا ويرحمنا برحمتك
انا ببنتي البكر ولدة بالرياض باليمامه قمت الاهانه كانك تشحذيهم
تخيلي الممرضه تضربني من فخوذي تقول دفي وانامو فاهمه شي وبالخير جت ممرضتين ويضغطون من اعلى بطني باكواعهم تخيلو بالاكواع يوم خلصو ثاني يوم ماقدرة ارفع ظهري من الالم كله من ظغطهم حسبي الله عليهم ولا خياطتهم الي زي وجوههم يالله الله يعوضنا خير المره هذي ناويه باذن الله اني باولد بخاص باذن الله بجده واهلي مو عندي تحت رحمت رب العالمين

[روح الفراشة]

هلا بالأمهات..

عشيري ذكرتيني بالذي مضى يا مامات اللي بتنضم للتجمع تكتب قصة ولادتها بالتفاصيل نبي نسمع قصصكم والأكشنات..

أنا بكتب قصتي في القريب العاجل إن شاء الله ولدت 5 ذو القعدة يوم الاثنين الساعة 5 الفجر وجبت بنوتة الله يحفظها..

مو شايلة هم اي شي الا بنتي كان فيها صفار وعطيتها موية حندبان وحيچ وماي الحلوة وأعرضها للشمس الصبح والحمد لله بعد اسبوع راح الحين صار لها يومين مزكمة وتنفسها ثقيل وعلى طول ممغوصة امس خذيتها عيادة الاطفال قالو لي وزنها ما زاد وضيفي وجبات حليب صناعي علشان الوزن يزيد الحين أحاتيها لأنها رجعت مرتين اليوم..عموما دعواتكم..

[جمره غضى]

عشيري الله عشت معاك المووقف من جد لحظات صعبه


انا يوم الاحد تاريخ 27 من شهر 10
نزلت عليه السداده بدون الم او اي اعراض ورحت الممشى مشيت تقريبا ثلاثه كيلو
ورجعت ألبيت اكلت تمر وعسسسل وكثرررت منها
واليوم اللي بعده الاثنين 28 قمت من النووم وانكبت عليه مويه الجنين كانت كثيره
قمت من السرير وغسلت ورحت المطبخ اكلت صحن شوربه بالدجاج
لاني مأبي اروح اولد وانا جوعانه
وطوال هالوقت كل شوي تنكب مني مووويه كثيره
وبعدها رحت الطوارئ وجلسوني على كرسي وطلعوني فوق قسم الولاده
دخلوني غرفه وعطوني الملابس حقتهم ودخلت دوره المياه ولبستها
كانت الساعه 7 ونص المغرب
وحطو على بطني جهاز نبضات الجنين وجات الممرضه تكشف قالت 1سانتي
طبعا الكشف كان مره يوجع واللي تكشف زنجيه هي اللي ماسكه حالتي
وبعد نص ساعه تقريبا جات وتشوف الجهاز حق نبضات الجنين قالت البيبي نبضاته ضعيييفه
قلبتني يمين ويسار وخلتني على ظهري قالت مانفع
وتجيب الاكسجين وقالت اسحبي اكسجين كثير وبرضو مانفع
جات دكتوره اردنيه وكشفت قالت لسى 1 سانتي والبيبي نبضاته ضعيفه
ومافيه طلق
وجابت ورقه قالت وقعي في اي لحظه راح ندخلك غرفه العمليات
ووقعت قلت في نفسي ياليت عمليه خايفه من الولاده مررره
وجلست لين 11 وانا بس 1 سانتي والمويات تنزززل كثييييره
يوم جات الساعه 12 بدا الطلق كل خمس دقايق ومره في بطني
ومره في ظهري
جلست من 12ليييين 7 الصباح والطلق حااااأر وكل خمس دقايق
والله ريقي ناشف من الالام ودموعي تنزل غصب واذا راح الطلق استغفرت وقريت الزلزله
والساعه 4 جلست ابكي ابغى مسكن للالم وجات الممرضه عطتني ابره مسكن في العضله
والحمدلله بدت تجيني الزحره احس اني ادفع وصارخت عليهم اقولهم احس اني اددفع
جات كشفت قالت خلاص ولاده وجهزو المقصات وعدتهم
والحمدلله ولدت بالسلامه الثلاثاء تاريخ 29 من شهر 10

[عشيري2000]

نداء لنفوسات ذو القعده وينكم
ماما رورو ( ولدت بالسلامه وجابت ولد الله يحفظه)

wssw ( ولدت بالسلامه وجابت ولد الله يحفظه)

النابلسية ( ولدت بالسلامه وجابت ولد الله يحفظه)

جامعية ( ولدت بالسلامه وجابت بنوته الله يحفظها)

روح و خواطر ( ولدت بالسلامه وجابت ولد الله يحفظه)

فجر الباسل ( ولدت بالسلامه وجابت بنوته الله يحفظها)

رمش الغلاا ( ولدت بالسلامه وجابت ولد الله يحفظه)

ام جنى ( ولدت بالسلامه وجابت ولد الله يحفظه)

روح الفراشة ( ولدت بالسلامه وجابت بنوته الله يحفظها)

كوينــــات ( ولدت بالسلامه وجابت بنوته الله يحفظها)

تاج راس ابوي ( ولدت بالسلامه وجابت بنوته الله يحفظها)

امواج هادئه ( ولدت بالسلامه وجابت بنوته الله يحفظها)

هاشمية ( ولدت بالسلامه وجابت ولد الله يحفظه)

زوجي دنيتي الحلوه ( ولدت بالسلامه وجابت ولد الله يحفظه)

[جمره غضى]

مرهفه حس الله يسهل عليك وتولدي قريب باذن الله


نفوسات ذو القعده ويبييييينكم

[ريم ام لولو]

عشيري
الصراحه موتيني من الخوف اقرا كلامك وقلبي يرجف خصوصا اني بولد في نفس المستشفى

معقوله مافيه ولا شي حلو فيه ولا حسنه وحده ولا القابله لللي كانت معاك حليوه ؟ ولا الممرضات حبوبات ولا فيه احد يواسيك

والله مرررره خوفني كلامك وخصوصا الباب العازل للصوت وصراخ الحريم
والله اني اقرا كلامك واتخيل


وبسالك مكيفات المستشفى بارده يعني تحسين انك تتراجفين اخذ معاي بجامه متينه و كمها طويل ؟

[ريم ام لولو]

فيه سؤال ثاني الله يسعدك ويسخر لك

ليش سوت لك الدكتوره الهنديه توسيع ثاني اسبوع ؟ انتي طلبتي منها ولا على اي اساس سوت توك لسا مالك الا اسبوغين وتسوي لك توسيع

[ام جنى2009]

الف مبروك التجمع ياحلوات اناكنت استناه من زمااانطيب بالنسبةللغرز الحمدلله كلهاطاحت باقي وحدة قالت الدكتورةاركزعليهابلمرهم ماشاالله تبارك الله ومرهم ميبو ياجمرةرهيب مين قلك موكويس بالعكس يطري الغرز وماتحسي فيهاالحمدلله اعذروني والله ملتهية بجنى وعبدالله بحاول اكتب قصةولادتي اذالقيت وقتصحيح الي جابو اولادختنتواولادكم وحلقتوروسهم اناالحمدلله ماشاالله ختنت بس ماحلقت

[جمره غضى]

ام جنى انا قلت ان الكريم ماناسبني
ماقلت انه مو كويس
فهمتي


فيه كثييييييييييير يمدحونه وحتى الطبيبه صرفته لي
بس ما استخدمته احسه يووجعني بالخياطه وماارتحت له

بس ماشاء الله تبارك الله خيوطك طاحت
وش تستخدمي عليها وهل هي داخليه وخارجيه والا لا

لان خيوطي للحين ماطاحت تتوقعين عادي
ماطاح الا خيط واااحد بس والباقي لسى

[ام جنى2009]

مااستخدمت شي جمورةغيرا لغسول كنت اتنقع فيه لمدة10دقايق 3مرات في اليوم وبعدين أنشف كويس وأحط المرهم وخيوطي خارجيةبس لانوالبكربس اتوقع تحتاج داخلية

[%ريحانة الدنيا%]

افا بنااات ولاوحده من النفوسات باركتلي
ادعوا لبنتي تكفوون اليوم الدكتور يقول بشيل جهاز الاكسجين عنها تجربه يشوفوا كيف تنفسها الله يعين يارب

[جمره غضى]

ام جنى ماشاء الله عليك
انا للحين ماجربت اتنقع ابدا
بمكن التنقيع ساعد على طيح الخيوط


ريحانه
الف الف مبرووووووك ولادتك حبيبتي
وياارب نطلع بنتك بالسلامه وتفرحينا بخروجها للبيت
استودعيها الله


نفوسات اكيد مع النفاس الوحده يتغير عليها اشياء في حياتها
وسهر وتتعب مع البيبي
يمكن تحسون ببعض الضيقه والاكتئاب
انصحكم تشغلو القران والله ترتااااحون والبيبي كمان يرتاح
وتحسو بطمانينه وانشراح
حتى سبحان الله ربي يحفظكم من العين او الحسد انتي وطفلك

ولاتنسون تحصين الطفل صباح ومساء

[ام علاوي99]

صباح الخيرات على جميع النفوسات كيفكم
ريحانه الف مبرووووووووووووووووووووووووكوالله يشفى بنتك ويفرحك بضمتها لصدرك

[ام جنى2009]

مبروك ريحانةوان شاالله تطلع بنتك بالسلامةوتفرحي فيهاوتشوفيهاأحلى عروس

[%ريحانة الدنيا%]

الله يبارك فيكم بنات
والله بنات كل يوم ابكي اطالع في صورتها اللي صوروها اهلي ليا وابكي من يوم ما اصحى لين انام
حتى صدري صاير متحجر حاولت اشفطه ماطلع غير نقطتين ماعرفت
وحتى الناس لمن يجونا مالي نفس لهم احس ماله داعي يجون دام بنتي مو معايه
كارهه كل شي على اتفه شي ابكي

[ام جنى2009]

هونيهاتهون يابنت الحلال وادعي ربك وان شاالله تحمليهابين ايديكي وتضميهاوتفرحي فيها

[عشيري2000]

ريحانه الله يطلع بنتك بسلامه وتضميها لصدرك يارب

ريم انا والله ماودي انك قريتي كلامي لاني ماودي يضيق صدرك وتخافين لان اللي صار معي

مو شرط يصير معك ياعمري لان الولاده تجارب شخصيه وفي نفس الوقت حظوظ الله يسخرلك

ذاك اليوم وتدللك الممرضه انا صراحه الممرضه اللي كانت معي في غرفه الطلق كانت زنجيه

عسسسسلللل كلمه قليله عليها بس لما خلصت مناوبتها جتني هنديه خايسه حتى يدها في الكشف

مرررره حاااره وبالنسبه للجو هم مقصرين على المكيفات والجو صاير معتدل والتوسعه انا

طلبت منها وهي قالت عادي

[عشيري2000]

ام علاوي حنكتي معاذ واذنتي في اذنه

[ريم ام لولو]

الله يسخر لنا ياوخيتي

والواحد لازم يتعلق بربه لا بمستئفى اهلي ولا حكومي ولا دكتوره ولا غيره

انا قالت لي الدكتوره اللي في النستوصف الخاص تبين اوسع لك ورفضت والله خفت قلت انا تحت رحمة رب العالنين متى مالله اراد بولد ان شاء الله

بنات وين ختنتوا عيالكم

اللي بالرياض طبعا

لان يقولون مدينة الملك فهد يختنون
والدكتور اللي العاده خواني يختنون عيالهم عنده ماطري وينه سافر او عزل او غير عيادته

[عشيري2000]

والله انا قلت للدكتور يوم جيت اطلع ختن ولدي قال معد عندنا هذا النظام انتي ختنيه في اي مركز

صحي وانا اللا الان ماوديته لان فيه صفار وانا لسى مابعد طبت استنى لين اقوى شوي عشان

اقدر اعتني فيه وفي ختانته

[ام علاوي99]

ام علاوي حنكتي معاذ واذنتي في اذنه
هلابك حبيبتي
حنكتي قصدك ختنته اذا هذا قصدك لا للحين ابي لين السبوع الجاي لين يخف علي الم خياط واقدر اجلس زين وانا مرتاحه

ابوه اذن اول ماجا
ومشكره ع الي كتبتيه بخصوص الصفار الله يجزاك خير

[عشيري2000]

لا التحنيك بالتمر في حلق المولود

[جمره غضى]

نفوسات امس تنقعت في مويه ومره
احس الخياطه مشدوده وتوووووجع

هالشي عادي والا لأ

[ام علاوي99]

لا التحنيك بالتمر في حلق المولود
وش هذا ماقد سمعت به ووش الفايده منه

[لمعه شفايف]

الحمد الله ولدت بتاريخ مميز 11 -11 القعده وحمدا لله افتكينا من الكرشه عقبال الباقين وسميت ولدي اياد الله يخليه بس نبغا نبدء جد واهتمام في الفتره هادي موفق للجميع

[ريم ام لولو]

نفوسات امس تنقعت في مويه ومره
احس الخياطه مشدوده وتوووووجع

هالشي عادي والا لأ

حبيبتي انتبهي من المره ترا بتشد خياطك وبتخليه ينفك

استبعديها الين تتمين على الاقل شهر

والله نصيحه انا جربت المره بغيت اموت لعبت فيني قست هذيك المنطقه وخلتها مثل الحصاة لا عاد اقدر امشي ولا اقعد وصار عندي التهاب وانفكت. غرزتين منها

[جمره غضى]

مشكوره ريم على نصيحتك
فعلا مثل ماقلتي صارت مشدوده ما اقدر اجلس ولا امشي
خلالاص ماراح اتنقع ابدا

بجلس على البيتادين اللي عطتني اياه الطبيبه افضل
مع كريم مرسوم عليه اسد

ويارب تنفك الخيوط وارتاااااح منها

[جمره غضى]

طيب نفوسات
ودي اسالكم عن شي
الحين انا لئ 21 يوم من ولدت قربت اكمل شهر..... في البدايه كان ينزل دم عادي

من تقريبا 11يوم او اكثر مااااافيه ولانقطه دم
والله ماينزل مني شي ابداأأا

شربت قشر القهوه مع قرفه
واخذت تمر وحطيت جواته رشاد واكلته

وحريصه على تدفيه نفسي البس شراب وسروال طويل

بس مدري ليش الدم توووووووووقف نهائيا

والطبيبه تقول لسى رحمك فيه دم مانظف

[ام جنى2009]

مشكوره ريم على نصيحتك
فعلا مثل ماقلتي صارت مشدوده ما اقدر اجلس ولا امشي
خلالاص ماراح اتنقع ابدا

بجلس على البيتادين اللي عطتني اياه الطبيبه افضل
مع كريم مرسوم عليه اسد

ويارب تنفك الخيوط وارتاااااح منها

صحيح جمورةالمرةبعدمتطيح الغرز انتي حطي شوي بيتادين في مويةواجلس7 فيها10دقايق 3مرات في اليوم

[عشيري2000]

والله جموره نفس المعاناه انا لسى لي 10 ايام والدم بالقطاره ينزل مدري ليه واسوي زيك

مدفيه نفسي واشرب قشر قهوه وعامله كل الاحتياطات بس مافيه فايده مادري وش السالفه

وبالنسبه لك ام علاوي التحنيك سنه عن الرسول صلى الله عليه وسلم ابحثي في قوقل وشوفي

[الصمت عشقي]

الف مبرووووك للي ولدو وافتتاح التجمع << صح النوم
والحمللده ع سلامتكم يالغوالي
وانتم السابقون ونحن الاحقون ان شاء الله

حبيباتي بخصوص الدم موشرط ينزل لك واجد
لان الدم هذا اوصاخ وفي بعض المستشفيات واهم يطلعون المشيمه ينظفون عدل
فعشان كذا بالنفاس ماينزل دم واجد
ماتشوفون اللي يولدون قيصري يقولون ماينزل لنا دم واجد لانهم واهم يشيلون المشيمه ينظفون بعدها

[جمره غضى]

ام جنى
بجرب طريقتك واتنقع في بيتادين افضضل من المره
ربي يسعدك


عشيري
تصدقين طفشت بالحيل ... البس فوط على الفاضي
احسها صارت تضايقني
وكل مره ادخل التواليت وانتي بكرامه اقول ان شاء الله الاقى دم
ومافيه ولا حتى نقطه
ياخووفي يتجمع واذا خلصت للاربعين نزززل ونكد عليه



الصمت عشقي
انا قالو لي كذا انه ينظفون الرحم عشان كذا الدم يصير قليل
بس مدري في هالحاله وش اسوي
اجلس لين اربعين يوم بعدين اتسبح واصلي .... والا اتسبح الحين
مدررري الصراحه احترت

[ام علاوي99]

مرحبا
نفس الحال دم خفيف ومعي حكه تحت وماصرت احط فوط اكتفي بقطن واحط كريم سودو كريم رحت لدكتوره جلديه لان اباطي ومنطقه اللي تحت مره تعبتني مع الخياط الله ياجرنا ع تعب بس
عطوني موعد اسبوع الجاي وبودي ولدي اختنه

[عشيري2000]

ام علاوي اذا كان قصدك اباطك مسمره اكتبلي لنا اسم الدواء اللي بتوصفه لك عشان نشتريه بعد

وفعلا انا يوم ولدت جلست الممرضه تضغط على بطني تنزل الدم وكانت مره تالمني صراحه

انا وقفت اللهومات والبر والحلبه لان صار لي 10 ايام لكني راح استمر على قشر القهوه والقرفه

انتو كيف وضعكم

[لمعه شفايف]

انا عندي معلومه بس مدري اذا مرت عليكم انه نفاس الولد الدم قليل مو زي البنت يعني بعد 15 يوم يقل الدم ويسير عادي باقي اللايام خفيف الين الاربعين انا حمد الله فكت الخياطه لانها خارجه بس ايش تنصحوني استخدم بعد ما فكت ؟؟؟؟؟؟ قشر رمان ولا

[ام علاوي99]

عشيري ابشري من اعيووني
نفس الشي وقفت حلبه والبر وجبه في اليوم فقط ولااشتهيه نفسيتي زفت مدري ليه وقالي زوجي خلاص كملي 20 يوم وارجعي لبيتك كملي الباقي احس اني ارتحت شوي بس شلت هم العيد لازم الناس بيجون يسلمون واعيالي ينبسطون مع البزارين فكرت لين اتم شهر وارجع وانتو كيف نفاسكم ببيوتكم والا عند اهلكم وكيف نفسيه
لمعه شفايف اول مره اسمع بمعلومتك واحس كل نفاس واحد ولد او بنت

[%ريحانة الدنيا%]

صباح السعاده عليكم بنات
انا اليوم قالولي على بنتي انو حيعملولها تحاليل ان شاءالله وتطلع
يارب لك الحمد والشكر
بعد ماجلست اسبوع وانا شايله هم ياربي لك الحمد

[ريم ام لولو]

الحمد لله على سلامة بنيتك حبيبتي وتقر عينك بها يارب الله يخليها لك


بنات لاتشيلون هم السواد اللي في الجسم والله اذا تميتي الاربعين سبحان الله يختفي هي هرمونات مثل مارتفعت وادت الا هالسواد ترجع ل طبيعتها ويروح السواد

[الصمت عشقي]

جمرة غضى
حبيبتي اسالي شيخ احسن عن الصلاه
عشان ماتكون عليك صلوات تقضيها بعدين

ريحانة الدنيا
الحمدلله رب العالمين اللي فرح قلبك
وان شاء الله تطلع بالسلامه يارب
ويارب تفرحي فيها
طمنينا يالغلا
الله يسعدكم يالغوالي

[@@الجوووري@@]

متى اصير نفوسه زيكم << تعبت من كرشتها خخخخخخخخخ

صباحكم عسل بس حبيت اسلم عليكم

[%ريحانة الدنيا%]

الله يسعدكم يارب لكل اللي دعوا لبنتي وعساني ماانحرم منكم يارب

بنات بغيت اسألكم كيف قادرين تتحملون تجلسوا بدون مكيف
وربي حررر موووت انا احس اني مخبصتها وربي اشغل المكيف مقدر اصبر عنه
والطرحه حطيتها مره على راسي قلك سنعه وحركات دقيقتين ونزلتها
والموييييه الباااارده اااااه بس اشتهيها مووووووت يوووم احد يشربها قدامي اتعذذذذذب هه
انا ايام الحمل الاخيره كنت اخذ الكاسه واحطها بالفريزر ليين تجمد شوي واشربها كييف اللحين
صرت اييش اسوي اشرب مويه دافيه عادي وااخر شربه اخذ فنجان قهوه مويه بارده ههه تمووويييه خخ
وكمان الحمام الله يكرمكم بنات ماعندنا سخانه وربي ما اطلع من الحمام الا وركبي تتصك من البرد
كيفكم انتووو مع التخبيصات

[عشيري2000]

والله يام علاوي وضعي مشابه لك تخيلي انا جالسه عند اهلي ومخليه عيالي عند جدتهم عشان

المدارس متقطع قلبي عليهم بس مستودتهم الله وبجلس لين اجازه العيد ويصير لي شهر بعدين

برجع لبيتي عشان عيالي ويكون الضيوف خلاص جوني في الاجازه فمافيه لزوم اجلس 40 يوم

وانا صراحه احس ام العيال مفروض تتنفس في بيتها بس بعض الاحيان ماتكون الظروف

لصالحك زيي انا كنت مقرره اجلس في بيتي بس يوم قربت ولادتي جيت اعدل في بيتي لقيته

يحتاج مبالغ كثيره مو متوفره لي الحين وكنت محتاجه لشغاله مالقيت يعني اضطريت اخلي

عيالي واروح لاهلي وانا خايفه على نفسياتهم لا تتاثر بس بشوف ولدي الصغير كانه متاثر

ا خذتله اجازه اخر 5 ايام وذاكرتله في البيت اهم شيء نفسيه الولد خصوصا انه مابعد اخذ

على وجود النونو في البيت

وعلى طاري اللهوم انا وامي الله يحفظها معارك عسكريه اهي تقول توك لازم ماتوقفين اللهوم

وانا اقول خلاص يااميمتي باطنيتي تعبت مابي الا اشرب دارسين عشان ينظف بواقي الرحم

وهي رافضه رفضا باتا ماادري وشلون اقنعها الله يهديها تبيني اكل على مزاجها وانا ماتعودت

على الاعشاب والخرابيط الكثيره يجيني ماغص وغازات واسهال وانتو بكرامه بس ماعندك احد هههههههههه

[ام علاوي99]

ياعمري ياعشيري كم اعيالك الله يخليك لهم من جد صعبه حتى عليك انتي
الله يكون بالعون خلاص مو لازم نكمل الاربعين عند الاهل باقي بيتنا وعند ازواجنا

ريحانه الدنيا
الله يطمنك ع بنتك وتفرحين بضمتها سليمه معافاه

بنات ماطاحت الخيوط معكم انا اشوف واحد طاح ومدري عن البقيه
بس مفكره بنهايه الاربعين اروح دكتوره تشيك عليها وتعطيني حبوب منع حمل

[غنج حواء]

الحمدالله ولدت لي عشر ايام بس تعسرت الولادة كثير
بس الحين الالم الخيوط الم فضيع وهذا اول بيبي لي

[جمره غضى]

ريحانه
الحمدلله مابعد الضيق الا فرج
الله يقر عينك بشوفه بنتك بين احضانك وهي بخير وسلامه



ام علاوي
انا مثلك طاح بس خيط واحد
والباقي ماطاحت

[ورد القلوب]

الامهات الجدد

جمرة غضى ( ولدت بالسلامه وجابت ولد الله يحفظه)

ماما رورو ( ولدت بالسلامه وجابت ولد الله يحفظه)

wssw ( ولدت بالسلامه وجابت ولد الله يحفظه)

النابلسية ( ولدت بالسلامه وجابت ولد الله يحفظه)

جامعية ( ولدت بالسلامه وجابت بنوته الله يحفظها)

روح و خواطر ( ولدت بالسلامه وجابت ولد الله يحفظه)

فجر الباسل ( ولدت بالسلامه وجابت بنوته الله يحفظها)

رمش الغلاا ( ولدت بالسلامه وجابت ولد الله يحفظه)

ام جنى ( ولدت بالسلامه وجابت ولد الله يحفظه)

روح الفراشة ( ولدت بالسلامه وجابت بنوته الله يحفظها)

كوينــــات ( ولدت بالسلامه وجابت بنوته الله يحفظها)

تاج راس ابوي ( ولدت بالسلامه وجابت بنوته الله يحفظها)

امواج هادئه ( ولدت بالسلامه وجابت بنوته الله يحفظها)

هاشمية ( ولدت بالسلامه وجابت ولد الله يحفظه)

زوجي دنيتي الحلوه ( ولدت بالسلامه وجابت ولد الله يحفظه)

عشيري ( ولدت بالسلامه وجابت ولد الله يحفظه)

ملاك الشرقية ( ولدت بالسلامه وجابت ولد الله يحفظه)

ام علاوي ( ولدت بالسلامه وجابت ولد الله يحفظه)

عهد الوفاء ( ولدت بالسلامه وجابت ولد الله يحفظه)

الحب الابدي ( ولدت بالسلامه وجابت ولد الله يحفظه)

ام ماهر ( ولدت بالسلامه وجابت بنوته الله يحفظها)

ريحانة الدنيا ( ولدت بالسلامه وجابت بنوته الله يحفظها)

wounded feelings ( ولدت بالسلامه وجابت بنوته الله يحفظها)

بــ أم ـــدر ( ولدت بالسلامه وجابت ولد الله يحفظه)

MooNi ( ولدت بالسلامه وجابت ولد الله يحفظه)

ماما زوزو ( ولدت بالسلامه وجابت ولد الله يحفظه)

ام عبد الرحمن السلفية ( ولدت بالسلامه وجابت ولد الله يحفظه)

[ام علاوي99]

مشاء الله ولدو الباقين الف مبرووووووووووووووووووك
عقبال مرهفه وحامله قيمي ياحليلهم والله وناسه

[اختي حامل]

مبروووووك اللي ولدوا وعقبال البقيه
بنات اختي ولد يوم السبت قيصري
وكثير قالوا انو الاعشاب ماتنفع لها خصوصا القرفه والفلفل الاسود
بناء على تجاربكم ايش تسوي وايش تاكل
بلييييييز بنات ردوا

[نبع الخير]

مبرووووووووووووك الف مبروووووك للمواليد الجدد وعقبال البقية الله يتمم لهم على خير .....

[هاشميه]

مرحبا انا هاشميه ولدت بتاريخ 8 ذو القعده يوم الخميس
بس انشغلت بالصفار اللي بولدي وبالخياطه ماخيطوني

[جمره غضى]

هاشميه
ليش ماخيطوك غريبه
هل هذا اول بيبي والا لأ

[هاشميه]

لا مو اول بيبي عندي عيال. بسوالله مشغوله ادور دكنوىه تخيطني
تقول اللي بالولاده جرح صغير واحس امه موصغير بس هم ماعملو لي توسعه

[عشيري2000]

ياعمري هاشميه انا بعد زي ولدك جاه صفار وش سويتي وانصحيني وش اسوي انا محتاره

اخاف اوديه يقولون طبيعي انتي كم قعد فيه انا اليوم له 9

[جمره غضى]

عشيري عرضيه للنور اهم شي

[عشيري2000]

ايه انا قايله لزوجي يجيب لمبه من الصيدليه خاااصه للي فيهم صفار والله ينفع بها

مانتمتي / انا ولدي الله يهديه ويسكن عنه ذا الماغص كل ماغطيت صحاني من عز نومي

ودي اغمض وافتح والقى النفاس مخلص من غير شررررر اووف طفش وملل وروتين

[أمواج هادئة]

الف مبرووك للي ولدوا والحمد لله ع سلامتكم وسلامتي هههههههه وعقبال البقيه
أنا لي 23 يوم وبكره24 وباقي الخياطة الداخلية ماطاحت بس خوفتوني بالمر بأنه يطيح الخيوط والجرح مايلتئم مع اني المر اخذته معي المستوصف بعد ماولدت حطيتها ومت من الألم اكلت بنادول ع طول
بس أنا للحين من تحت وسيعه مره وماكنت مهتمه في نفسي في النفاس واكلي خرابيط ولا عندي احد ينفسني عدل غداي وعشاي كله رز مليت منه وغير البطن المترهل مع اني في الحمل زدت 18 كيلو بعد ماولدت نزلت 11 كيلو والحين زدت كيلو واحد
وغير بنتي من يوم الأحد مابرزت وانتم بكرامه أمس عطيتها منقوع التمر مافيه فايده واليوم يانسون مع سكر نبات ولا فيه فايده بس تطلع هواء ورحته مرررره خااايس ماادري شسوي له
وبسألكم كيف انحف وكيف المنطقة تتضيق مع اني بكرية

[أمواج هادئة]

وبخصوص بو صفار انا بنتي جاها وماطلعته إلا خامس يوم وقالت لي الدكتورة حطي عليها ذهب وكنت يومياً اوديها الشمس الصباح وادهنها بمر وزيت زيتون وإلى الآن ادهنها وعلى طول اخليها تحت اللمبة الصفراء بس دعواتكم لها ربي يشفيها من المغص وتتبرز

[لمعه شفايف]

اختي امواج انا ولدي فيه صفار حمد الله خف من الشمس والنور الابيض اوالازرق اذا عندك الاصفار ما ينفع لك حتى مويه الجيلكوز ممتازه انشالله يخف منه اما المغص طبيعي الطفل يجيه مغص بس الله يصبرنا اقوى مفعول للتضيق قشر رماااااااااااااان ممتاز هوا والقرض بس اذا فتكت الخياطه سويه صبايا في خلطه للتفتيح الجسم ممتازه عن تجربه ترمس مر مطحون من العطار حطي كاسه منها وتلاته كاسات مويه مغليه كلها في علبه قزاز لو توفر عندك وخليها وتندمج صح وخليها في تلاجه لمده 24 ساعه بعد كدا حطي منها لحد ما تحسي انها نشفت وغسليها انا وحده مجربتها وانا بجربها وانتو معايا سوا احلى هههههههههه ادعولي الله يسهل اموري يارب

[هاشميه]

ياعمري هاشميه انا بعد زي ولدك جاه صفار وش سويتي وانصحيني وش اسوي انا محتاره

اخاف اوديه يقولون طبيعي انتي كم قعد فيه انا اليوم له 9

انا له 16 يوم وديته يوم خامس ماولدت وقالوا 15 ولليومك ماوديته عقبها كل يوم نقول اليوم بس وش علاجه

[ام علاوي99]

عشيري انا قالو لي بخصوص الصفار الللي في ولدي
لايرضع لاصدرك وكاني لاحظته بدا يخف شوي منه بدي يرجع الدم في وجهه
طبعا من تجربت قريباتي ونصايحهم ويعرض لشمس ويخف الصفار
امس نسيت وتربعت اححححححححححححح
اشوف جنب الخياط زي شق صغير في حراره فضيعه بس يقولون يتلايم مع الوقت يكون زي الشفه اذا انشقت بعض الاحيان شق عميق واشوي ارتحت صرت احط ميبو عليه وان شا ء الله اداوم عليه

[ام علاوي99]

رضعيه من صدرك لاتعطينه صناعي

[MooNi]

مرحباً نفوسات

اللحمدلله صرت نفوسه

وش مسوين في الخياط تعبت مااقدر اجلس على حيلي اببد
و ولدي مايرضع من صدري ابببد ماعندي حلمة تعبت معااااه وش الحل

[عشيري2000]

حمدلله على السلامه ومبروك ماجبتي جربي موبي وبتدعين لي مررره حلو للجرح يلينه
ويرييحك

[عشيري2000]

موني ههههههه قصدي ميبو

[ريم ام لولو]

عشيري
يقولون بعد ماتولدين يجونك فريق متخصص في الرضاعه الطبيعه ويعلمونك ويطلعون حلمة صدرك ويخلون البيبي غصب يمسك صدرك

صدق سواء معاك كذا في مطينة الملك فهد الطبيه

لان انا مارضعت بنتي ولا يوم ووطي ارضعها بس مااعرف ولا لي حامه ابد ودي يساعدوني

[الحجة]

تطلعون يابنات من النفاس بسلامة بنات الله يعافيكم اللي عندها خادمة بشهر ترسلي رقمها لاني انا حامل ومحتاجة وحدة في النفاس انا في الرياض لرسلو لي الارقام

[جمره غضى]

ياربي ايام النفاس كل يوم يمر كنه سنه

متى نخلص النفاس ونرتاح

ونرتاح من الخياطه والمها يارب تنفك ويلتئم جرحي

[ام علاوي99]

صباااااااح الخير بنات
عظم الله اجركم بوفاه الامير سلطان الله يغفر له ويرحمه

[MooNi]

عشيري استخدم ميبو يلينها علي بوقتها بعدين ترجع وتشد

عاد اللحين عندي التهاب في حلقي ياااارب بس كل همي ماودي أعدي البيبي

[عشيري2000]

غريبه انا استخدمه في كل مره ادخل فيها دوره المياه وانتي بكرامه وكنت اكثرررررر وكان

يريحني بصراحه

وريم /اذا ولدتي تجيك اخصائيه رضاعه تشوف اذا كنتي تعرفين ترضعين والا لا
وتنصحك وتسوي لك محاضره انا ازعجتني الوحده تعبانه مو فاضيه لقرقره هههههه واذا عندك

اي سؤال تجاوبك عليه

اي والله متى نطلع من النفااااااااااس ونفتك انا صار لي اسبوعين وطقت كبدي مدري وشلون

بتحمل شهر زيااااده يارب انه يمر علينا بسهوله وصحه وعافيه ونطلع من غير شر

[عشيري2000]

بنات بديتو تدخلون السوق وتتقضون ووش شريتو صيفي والا شتوي

ووشلون تقضون يومكم احس الليل طووووووووويل وملل والناس مايجون الا اربعاء وخميس

ووش مخططين تشترون وتسوون في اعماركم من سمكره وهندسه هههه

[جمره غضى]

عشيري
من جد اليوووم طووويل وخصوصا الليل
انا للحين ماتقضيت شي باقي انتظر الخياطه تطيب لانها توجعني

بالنسبه للسمكره استخدم خلطه فكس وزيت اللوز وكريم سودو
تخلطينها وحطيها على المناطق السمراء بجسمك
انا احطها على ركبي وادهن فيها وجهي كمان
ببس الريحه مررره تكتم عشان الفكس
يعني حطيها وابعدي عن طفلك

[حلا جدة]

مبروك لكل اللي ولدو وربي يخليلكم النونات انشالله
وعوقبال اللي ماولو زي حالتي

[حلا جدة]

يابنات طالبتكم طلب اي وحده تدخل تكتب في اي مستشفى ولدت وعند اي دكتورة وهل تنصح فيها اولا
علشان اللي لسه ماولدو يستفيدو

[%ريحانة الدنيا%]

مسااااء الخير يارشيقااات خخ قوييييه

قبل كنا نقول متى نخلص التاسع ونفتك واللحين النفاس
متى نخلصه ونفتك
انا لي 11 يوم احس اني مضيعه نفسي مررره ما اهتم
الله المستعان اكره الحر واشغل المكيف وحركتي كثيره اكره انحشر في مكان واحد
وبنتي بس اخاف عليها وكله موسوسه لاتطيح يوم احد يشيلها
لاتنخنق في النوم ولا اتقلب عليها
محتاره وين احطها وقت النوم جنبي ولا علي السرير تبعها
هو ماهو خشب خفيف مره
مره حطيتها فيه لقيت خشمها محشور في الزاويه بغيت اتجنن خفت
نومي صار قليل اخاف بزياده

[عشيري2000]

وينكم يبنات ليه التجمع بااااااارد مايسولف الا ثنتين والا ثلاث وين الباقي ماشاء الله نصنا

والدين بس محد يدخل ليييييييييييييييه

[ريم ام لولو]

المشكله مااحد يدخل لا في اللي ولدو ولا اللي مابعد ولدو مادري وش السالفه

هناك ماافيه الا انا لحالي *

[حاملة قيمي]

ياعمري ياريم جايه
تشتكي علينا النفوسات
هههههههههههههههه
تعالي نرجع للكروشات
ربي يسهل علينا

[جمره غضى]

عشيري معاك حق
التجمع صار بارد

وينكم يانفوسات

[wounded feelings]

بنات انا هون
شخباركم
اأخ انا تعبانه لاني ولدت قيصريه
ماقدر احس بجرحكم ولا اقدر اشرح لكم عن جرحي يمه شنو يألم ومتعب وماقدر اسوي اي شي الله يعين
بروح ازور تجمع القيصريه بشوف شحالتهم

[ام جنى2009]

كيف الحال ياحلوات سورري والله مشغوولةمع الاطفال المهم الي حلماتها صغارفي الصيدليةحلمات تحطيهاعلى صدرك تساعدك في الرضاعة جربوها

[روح الفراشة]

ما شاء الله حلو التجمع..

أنا الحمد لله الخياطة فكت بس للحين ما رحت موعد أتطمن اذا وضعي أوكي وكل اللي كنت أستعمله غسول طبي وبعدها ميبو..

وبالنسبة للي تسأل عن بوصفار الافضل تعرضين البيبي لنور الشمس. ما تكون مباشرة ومن الصباح الباكر وتعطينه بطيخ أحمر قطعه صغيره بحجم الظفر تعصرينها داخل الفم على شكل قطرات وبعد تحطينه تحت اللمبة البيضة بس يكون الطفل لابس حفاضة وبس.. واللي من البحرين او تقدر توفر الخلطة ملعقة من كل شي ( ماء/ مرقدوش أطفال/ ماء حيچ أطفال/ حندبان/ ماء حلوة) تخلطينهم في رضاعة صغيرة وتعطينه..

مامات عندي سؤال شنو الحل مع تشقق الحلمات صار لي يومين موقفة الرضاعة الطبيعية واستعمل لهم كريم بس ما أحسه جاب نتيجة والحل؟؟

[روح الفراشة]

بالنسبة للمغص أنا بنتي ما تنام من بطنها كل عشر دقايق تصحى ارفعها على كتفي واطبطب عليها وتنام عشر دقايق وتصحى وتعور قلبي خذيتها للدكتور وقال لي عندها غازات وكتب لي على قطرات للمغص مفعولها ممتاز أعطيها وقت اللزوم ما شاء الله تهدأ وتطول في النوم..

[%ريحانة الدنيا%]

روح الفراشه ماشاء الله كم لك والده
الحلمه انا مثلك متشققه حطيت فازلين احسه مافاد
وبنتي احسها ماتبي ترضع مني اهلي يخاصموني يقولولي رضيعيها
احس صدري مافيه حليب كثير والحلمه في الغالب ماتكون بارزه فتجلس تصيييح بنتي
تبغى الرضاعه اكثر من صدري

[جمره غضى]

روح الفراشه كم لك والده ماشاء الله

انا خيوطي لونها ابيض واحس من فوق صارت مفكوكه
لان خيط منها سحبته بيدي
والباقي من تحت احسها لسى ونهايتها زي العقده

وفيها ووووووجع ونغزات
رغم اني بكمل بعد ثلاث ايام شهر من ولادتي


ساعدوني نفوسات

[ميرآ]

سلااااام عليكم

أنا ولدت ولله الحمد اللي سهل لي الولاده وجزاء الله البناتاللي كانو منزلين مواضيع عن تيسير الولاده واللي كانت عن ظرق الادعيه والايات والله اني دعيت لكم بالخير

المهم أنا بعد الولاده وخروجي من المستشفى طوالي أستخدمت المر وياويلي رحت عند الدكتوره وهاوشتني لان المر أكل الخيوط والجرح صار مفتوح بس وأعطتني مرهم وغسول وقالت لي بعد عشره أيام سوي اللي تبين بس دحين لاوالحمدلله بس بسألكم أبغا شي يضيق لي المنطقه لانها واسعه

[عشيري2000]

اول شيء مبروك ماجبتي
ثاني شيء وش دريك انك واسعه يمكن تتخيلين واذا خايفه روحي للدكتوره واهي تحكم واذا كنتي

واسعه تسويلك خياطه تجميليه صح انها متعبه بس الوحده اذا تذكرت الراحه النفسيه والثقه بالنفس

اذا طلعت من النفاس عند زوجها تتحل الالم وتسويها اما من ناحيه انك تبين اعشاب وخرابيط

ودخون يضوق انا مو معك في هذي المقطه لاني احسه نفسيا مالها اي اثبات علمي او طبي

مافي شيء يضوق وبرفع المهبل الا الخيااااطه

[ريم ام لولو]

مرهم لتشققات الحلمه من افالون قليله بحقه كلمة خيال

وكثير ناس يستخدمون ميبو لتشققات الحلمه ويمدحونه

[أمواج هادئة]

ميرآ أنا نفسك
عشيري يصلح لي خياطة تجميلية وأنا بكرية
بس مادري كثير حريم يمدحون لي المر ووديته معي المستشفى بس مره يحرق قام الجرح ياكلني قلت بحط فازلين قالو لا لاتحطين يرطبه
الحين استخدم كسرة مر احطها داخل المهبل بعد ماأكمل الشهر بستخدم المثلوثة نفس الطريقة داخل المهبل يقولون تنظف المهبل وتضيقه

[أمواج هادئة]

أنا إلى الآن ماهتميت في نفسي
وابي انزل 8كيلو وش اسوي

[%ريحانة الدنيا%]

مشكوره ياقلبي ياريم ان شاء الله بستخدم ميبو
مع اني قرفانه من ريحته

[لمعه شفايف]

هاي بنات اخيرررررررررررررا لقيت علاج للصفار من العطار اسمه عوصفور بضمه خخخ المهم شكله زي زعفران روعه للصفار حمدالله ولدي اتحسن تحطي منه في مويه شوي لوننه يغتير جيبي منديل او قطنه ونقطي على عيونه وفمه مره او مرتين في يوم ممتاز صراحه الله يسهل
ملللللللل الله يصبرنا

[ميرآ]

لا عشيري مابي خرابيط أبد وعلى قولك أنا عندي مراجعه للدكتوره وبأسالها

طيب بنات بالنسبه للنظافه عادي أبدا أشيل بالموس من دحين وأنا مرت علي 20 يوم من ولادتي ولا

[روح الفراشة]

اللي تسأل كم صار لي والدة كملت 3 أسابيع

ريم ام لولو هذا هو المرهم اللي استعمله حالياً بس ما اعرف ليش ماجاب نتيجة بس أختي تقول جربت كل شي ما نفع معاها وخف لمن كملت اربعين النفاس..

ريحانة صادقة يختي ريحته كانت تسبب لي أزمة وكل ما أتحرك أشم ريحته بسألكم بعد ما تطيح الخيوط أوقف استعمال ميبو او أواصل عليه أنا للحين استعمله لكن مسحة خفيفة مو مثل اول..

أنا قبل الولادة قلت لزوجي بجلس شهرين عند أهلي لزوم الدلع والتغلي بس جد رغم انهم يدلعونك ويهتمون فيك وطلباتك أوامر ما ادري ليش يضيق الخلق وتحسين بملل عموماً أنا قررت أجلس 4 أسابيع وأعود إلى دياري باقي لي اسبوع الله يصبرني..

[ريم ام لولو]

استمري على ال ميبو الين تطهرين احسن لك والله ترا هو يساعد على الالتئام *

[جمره غضى]

نفوسات اللي طاحت خيوطهم
كيف عرفتو انها طاحت شفتوها يوم طاحت والا من النوع اللي يذوب
وايش كان لون الخييوط

وكمان ايش تستخدمو عشان تطيح

[%ريحانة الدنيا%]

بنات بنتي ماترضع مني مررره بس تصيح تعبتني معاها
والرحم تعرفون مايرجع الا بالرضاعه
المهم قلت ليش ما اتمرخ وحده تجي تمرخني تتطلع الرحم
شرايكم انتم اجيبها وانا دوب لي اسبوعين من ولدت ولا استنى اخلص الاربعين

[هاشميه]

هلا والله بنات وانا الفففففففففففففففففففففففففف
ادور لي دكتوره ممتازه تخيطني من شان كذا انشغلت كثير والخوف ذبحني من البنج الموضعي
انا ولدت بيوم 8 ذوالقعده
وماخيطوني يقولون جرحك 2 سم ومايحتاج
وانا احس انه يحتااااج بروح لدكتوره تكشف وارتاح

[حاملة قيمي]

روح
شي طبيعي اللي انتي تمري فيه من ملل يسمى اكتئاب الاربعين
جموره
شكلك نفسي وضعي في ولدي الاول
الخيوط مرررره مبهذلتني
احس بنغزات فيها وما اقدر اجلس عدل منها
وما طاحت ولاشفت شي يمكن خيط صغير اسود الاسبوع الاخير من الاربعين
وغرزه بعد ما خلصت الاربعين
رغم ما تتخيلي كيف كنت اهتم بتعقيمهن
شكل زياده الحرص هي اللي سببت لي التاخير في سقوطهن
المهم رحت بعد الاربعين لدكتوره قالت العيب من اللي مخيطك مو خيوطك !!!!!!!!!!!!
حسبي الله ونعم الوكيل
ريحانه
بتنك ما ترضع لانها جلست فتره في الحضانه يعني طولي بالك عليها بين وقت واثاني حطيها على صدرك بعدين خليها تجووووع مره وعطيها صدرك تبدا تتعود عليه شوي شوي
المهــــــــــــــــــــــــــــــم
تجمعكم مررررررررررررررررررررررره بارررررررررررررد
ابغى اذا جيت باذن الله تتنشطون وتتشعللون موووو بررررود وانتم ما وراكم لا شغل ولا مشغله

[fufualmoon]

الله يعينكم ويتمم لكم ع خير عقبالنا ان شاء الله

[جمره غضى]

حامله قيمي
طيب وش تنصحيني اسوي
وهل هذا ياثر عليه بعدين يعني اذا كانت الخياطه مو كويسه يتوسع والا لا

مدري وش اسوي
على قولتك مقدر اجلس وفيها الم مرررره

[%ريحانة الدنيا%]

الله يفرج همك ياحامله قيمي
صادقه والله شكله عشان كذا ماترضع

لاتلومي التجمع شكل البنات ماعاد يفضون زي اول
قبل كانت كروشهم اللحين كل وحده مايمديها تحك شعرها
يلاقوها من هم الخياطه ولا هم النونات

[ام علاوي99]

يسعد مساااااااااااااااااائكم وحشتوني موت
انا لي اليوم15 يوم اوووووووووف الحمد الله عقبال الباقي ان شاء الله
كل وحده تكتب وين منفسه فيه وكيف نفسيتها
انا عند اهلي ومريحيني الحمد الله بس نفسيه زفت ودي ارجع بيتي زوجي يقول تعالي بس احس توني حتى الم الخياط توه وارحامي توجعني اذا طولت جالسه بس اعيد عند هلي اول يوم وبروح معاد يباقي لي الا 13 يوم الله يعين

[سنيورة]

ام علاوي نصيحه لاتروحين الا وانتي نظيفه ومخلصه وتامه الاربعين افضل لك وله :)

مدري بس الرجل نفسه شينه لاشافك بلهوماتك ولبسك العادي .. لان شي طبيعي بتصيرين لابسه قميص مثلا وبنطلون تحته وشرابات .. الخ وحوسه ..
مو مثل لما تكونين طالعه وخالصه ونظيفه وتلبسين اللي تبين القصير والخفيف واللي تشتهين
وغير كذا اللي خلاك تتحملين شهر وشوي يخليك تتحملين 10 ايام ان شاءالله ..



طيب دوري الحين

مررره ضايق صدري لي الحين تقريبا ً 25 يوم
وما عمري لمست او شفت الجرح والخياط .. بس اليوم لما جيت احط الكريم بالمنديل لاحظت ان فيه زي الورمه الصغيره من تحت عند مكان الجرح ولما اضغط عليها تألم شوي وشو هذا :(

تتوقعون هذي العقده اللي يقولون ولا الجرح ملتهب ولا وش السالفه :(


نوروووني >> فيس يصيح

[جمره غضى]

ريحانه حاولى لاتيئسين
صح في البدايه تعب بس بعدين ترتاحين
عطيها صدرك وهي جوعانه عشان تمسكه
وانتي باصابعك امسكي لها الحلمه وحطيها في فمها وهي راح تمصها
الله يحفظها لك وش سميتيها



ام علاوي
انا نفست اول الايام في بيتي وبعدين جيت عند اهلي
الان انا عندهم وباذن الله يوم عرفه اخلص النفاس
بس باقي الخيوط حالتي معاها حااااااااله
وشكلي بخلص الاربعين وللحين قاعده اتالم من الخياطه

كنت بروح لماجده اللي بالاهلي بس يقولون مسافره
احتمال اروح العميد ابي دكتوره كووووويسه تشوف لي وش سالفه الخياطه
وش تنصحيني اي مستشفى اروح


سنيوره
لاتشكين لي ابكي لك
احس الولاده والحمل والهم كله راأأح وجات الخياطه اعظم منها وتطفش
انا شفتها الخياطه من البدايه كنه مفتوح وفي الاخير خيوط نازله
ومدري وش سالفتها احسها مبهذلتني فيها الم مو صاحي
شكلها الخيوط انسحبت والجرح ما التئم مدرررري

[حاملة قيمي]

ام علاوي ليه مستعجله روحي لزوجك وانتي عروووس احسن من تروحي بحوستك راح الكثير وما بقى الا القليل الله يسعدك
جمره
الالم اللي تقولي عنه في جرحك من كثرة الحركه الاسبوع الاول من ولادتك
من تجربتي انا الشخصيه
واللي احسها تقارب لك كثير لما ولدت صارت عندي ظروف الاسبوعين الأولات من ولادتي وصارت حركتي كثيره طالعه نازله من السريرودرج وحركة زايده عن حدها
وصاااااااار اللي صااااااااااااار لجرحي لكن بعد 35 يوم اشتكيت لوحده من صحباتي
عن الجرح قالت انتبهي لا تروحي لدكتوره راح تفك وتخيط من جديد وترجع لك المعناة
ولالم اقوى والمنطقه راح تترهل
اذا راح تسمعي كلامي انصحك بفكس>>قلت وااااااااااااااااو مستحيل لالالا
قالت والله انا ما اعرف من ولاداتي كلها غير مويه وملح لتعقيم وفكس
فكرت وفكرت قلت كل شي جربته وقفت على الفكس خلي اجربه
رحت وتشطفت بمويه وملح وحطيت ع الفوطه مسحة فكس ولبستها
بصراحه مخدرررررررررررررررر طبيعي الالم خفففففففف
وبعد يومين طاح الخيط الاسود اللي قلت لك عليه
وقلت ليتي جربته من زمااان ...........
انتي ورحي اهم شي تطمني انو مو شمم او التهاب
اذا طلبت تفك وتخيط ارفضي..
من ناحية انو توسعت لا الحمدالله
ما تأثرت ..اهم حاجه اهتمي بأكلك
وماتشوفي شر باذن الله...........
ريحانه
نسيت اقولك انتبهي بنتك تنوم معك
اولا لاسمح الله تكتميها نفس الرضيع بثواني لاقدرالله وحده من قريباتي متعوده تحطها جنبها وياعمري بس طرف الحاف حتى خفيف غطى ع ونص وجهها والله يعوظها اختنقت وماتت
ثانيا راح تتعود ما تحب السرير حتى في بيتك عند زوجك بتبهذلك ويصير الصياح عندها مستمر
لفيها كويس بحيث مهادها يكون شاد ولا ينفتح ولاتكثري الحوسه من الفات في سريرها واسدحيها فيه وسمي عليها
الله يحفظها لك يارب...........
ربي يسر امري وفرج همي عاااااااااااااااااجل غير اجل

[سوسو الأموره]

سلام نفوسااااااااااااااااااااااااااااااااااات

[جمره غضى]

حامله قيمي
الله يوفقك على النصيحه
امس زأااااااااد الالم ولما رحت التواليت وانتي بكرامه شفت الجرح بالمرايه
تخيلي الجرح مفتوووووووووح والخيوط مفكوكه
وينزل من الجرح دم


ماادري وش اسو
ساعدوني نفوسات انتظركم

[ام علاوي99]

هلابك سوسو الحمد الله ع سلامتك
بنات زوجي رافض يبني ارجع البيت بس اتم 20 يوم وانا اقول اقل شي اعيد اهلي وبعدين اروح رافض بقوووه يبي نرجع البيت وبيني وبينكم انا موب كارهه اهلي عندهم بنا يرممون البيت وساكنين بدور اللي فوق وزحمه وعيالي معاد اقدر اسيطر عليهم فالتين احس بيتهم ابرك لهم
والله يابنات اني كنت مجهزه لهومات واداوي جاني زي الحاله منها معاد ابي عيشه فيها اداوي ارجع اذا شميتها بس اكل عادي مو كني نفاس اااااااه الله يعين بس انا الحمد الله الخياط اشوف قطع صغيره منه تطيح بس الجرح اللي انفتح جنب الخياط بسبب تربع و اللي ذابحني
ودي اروح دكتوره تكشف عليه واخذ مجفف حليب صدري ذابحني وولدي مايرضع منه

[%ريحانة الدنيا%]

حامله قيمي الله يسعدك يارب ان شاءالله بسوي اللي قلتي عليه

جمررره وش تنتظرين لازم تروحين الدكتوره تشوف الخياط
عشان لو فيها شي تلحقك من البدايه قبل لا يلتئم الجرح

[%ريحانة الدنيا%]

ام علاوي احسن لك بيتك عشان تشوفين عيالك وتنتبهين لهم
الله يحفظهم لك يارب

[امال 07]

السلام عليكم
كيفكم حبيباتي
الحمد الله ولدت يوم 8 اكتوبر الموافق ل10 دو القعدة ساعة 12 الظهر و جبت احلي غفران
و بكده اصير ام رحمة و غفران
هلا بعد 18 يوم لسا حاسة بالتعب نتيجة السهر
فبنتي تعاني من الغازات و تنام بصعوبة
و لا اجد الوقت لاهتم بحالي و لا بالبيت hwaml15

[امال 07]

اما عن نفاسي فاني قضيته في بيتي
جات امي عندي لاسبوعين
و هلا وحدي
بس كثير تعبانة ما قدرت اوفق بين بينتي و بيتي و بنتي الكبري الي حاسة بغيرة
و تحتاج رعاية خاصة
اما عن الجرح الحمد لله فيه تحسن كبير بس ما اقدر اهم بنفسي
اكتفي بشاور ليليا
و كريم للوجه
حابة كثير اعل دايت و اهتم بجسمي بس ما اجد الوقت و لا الحماس لذلك

[عشيري2000]

اهلين بنات معليش انشغلت ذا اليومين عنكم والله ولدي وضيق صدري فيه الصفار وماراح

عنه ووديته مستوصف اهلي وحللوه وقالو نسبته مرتفعه قمت وديته للمستشفى الحكومي وتخيلو

رجعو ياخذون منه دم مره ثانيه وعذبوه بالابر ياعمري خذوه من يده كن فيه يد تتحمل الضعيف

جلس يصييييح بشكل قطع قلبي معه طلعت وخليت ابوه معه ماقدر اكمل وطلعت النتيجه يقولون

انه مرتفع بس جالس ينزل وان شاء الله مافيه الا العافيه بس لا حظيه اذا زاد او تغير للون البراز

جيبيه/ادعوله يبنات ان الله يتمم علي وعليه الصحه والعافيه ويطلعنا من باقي الشر

[ام علاوي99]

عشيري الله يشفيه لك يارب ويخليه لك
ماترضعينه من صدرك احسن لك
ريحانه ماقصرتي فديتك

[جمره غضى]

عشيري
الله يشفي ولدك يارب
خليك على علاج المستشفى اذا كانو عطوك علاج
وخليه دايم معرض للضوء
واذا عندك سكر نبات سمعت انه كويس للصفار




الحمدلله رحت الطبيبه وسحبت الخيوط
قالت الخيوط متعفنه لانها المفروض انفكت من زمان
وجعتني شوي لما سحبتها - بس الم ساعه ولا كل ساعه

ويارب تضبط اموري لاني خايفه من الجرح
تقولي تنقعي في مويه دافيه عشان جرحك

[عشيري2000]

ام علاوي قصدك اقطع الرضاعه الطبيعيه طيب وشلون

جموره الله يستر لاتتعفن خيوطي لاني بيصير لي 3 اسابيع وماطاحت واحس بعض الاحيان

ان فيها ريحه مزعجه على اني احط غسول بيتادين واحط ديتول وانشف المكان زين بس

خايفه لاتتعفن الله يستر ولا ودي اروح تقعد تعذبني بالتسحيب لاني مجربه فك الخيوط مرررره

مؤلم

[ام علاوي99]

لا مو قصدي ياعشيري بلعكس عطيه صدرك ع طول واقطعيه من الصناعي اذا كان ياخذ طول الوقت كل ماصاح حطي صدرك بفمه وخليه يضع لو كان مو جوعان انا حسيت بفرق في ولدي هو توه فيه بس خف صفار اعيونه واحطه في شمس الصبح عشر دقايق

[جمره غضى]

عشيري خليك هالاسبوع اذا ماطاحت روحي فورا
نصيحه
انا هاوشتني الدكتوره تقول شهر كامل من ولادتك
المفروض تطيح خيوطك
ولما كشفت عليها قالت مره متعفنه لابد اسحبها لك

والله ووجعني بس وش اسوي مجبوره اتحمل الالم
وخليتها ترش بنج

[أمواج هادئة]

أم علاوي دهني بنتك يومياً بمر وزيت زيتون واخذي ثوب من ثيابها نقعيه بمر ولبسيها يومياً وعرضيها للشمس يومياً الله يشفيها يارب
بنات إذا رحتوا المستشفى بتكشفون عن الخيوط وش تقولون لهم ردوا علي مااشوفكم تعطوني وجه
انا لي 28 يوم طاحوا بعض الخيوط وباقي بعضها وللحين إذا جلست اتألم شوي وعند البول وانتم بكرامه اتألم

[جمره غضى]

امواج هادئه
عادي ادخلي على الطبيبه وقولي انا والده لي 28يوم
وابغى تكشفين على خيوطي
لاني للحين اتالم منها

وهي راح تتصرف

[ريم ام لولو]

سلامة وليدك اختي عشيري عطيه موية جلكوز مرره ممتاز للصفار

انا اتابع عند مستوصف اهلي وقالت لي لازم بعد ولادتك باسبوع تجينني واشوف خيوطك

يعني المفروض من اسبوع او 10 ايام الوحده تروح وتتطمن لانها خياطه وجراحه في منطقه مكتومه وحساسه وبالثانيه تنتشر البكتريا فيها ف تحتاح متابعه وملاحظه عشان ماتلتهب وتتعفن



الله يسعدكم

انا خللالالالالالالالالالالالالاص تعبت تعبت ابي اولد

لا انوم مثل الناس ولا اكل مثل الناس ولا اطلع ولا اروح ولا اجي حتى شغل بيتي احس اني عاجزه ماعاد اقدر اسوي شي من الثقل والتعب

ربنا لا تحملنا مالا طاقة لنا به

ابي الخلاص ابي ربي يخلصني ويفرج كربتي واولد على خير

[جمره غضى]

ريم ام لولو
الله يفررررررج عليييييييييك وتولدي ولاده سهله عاجلا غير اجل

[ريم ام لولو]

امين امين يارب

[لمعه شفايف]

الله يصبرنا على النفاس ملل انا لو بيتي بي المدينه كان ريحت فيه كم يوم لا كن بسافر شريقه بعد ما اكمل شهر الله يعين ادعولي صبايا ارجع للمدينه والمشكله التانيه لما تتركي زوجك في الغربه لحاله اه ه الله يصبرني على فراق اهلي اهئ اهئ

[%ريحانة الدنيا%]

الله يشفيلك ولدك ياعشيري ان شاء الله
لا تشيلي هم انتي اغلب الاطفال كذا بس انتي واظبي على علاجاته
الله يحميه لك يارب حزنت عليه على الابره حسيت كأنها بيدي
*

[ام ماهر]

مساءالخير بنات اللي عندها وصفه لتنضيف الرحم تسدح الخلطه وشرايكم بقشرقهوه كيف طريقته سمعت كثيريمدحونه

[wounded feelings]

مرحبا يا بنيات
شخباركم
انا كنت اعاني وايد يس الحين الحمدلله خفيت شووي

الله يشافي عيالكم اللي فيهم بو صفار

بخصوص حلمة الصدر هي تكون جافه اول الايام ترى
تصدقون من كثر ما كانت تألمني وبنتي تصيح تبي ترضع كنت اصيح وانا ارضعها من الالم وبعدين رجعت وطلع دم من حلجها مال حلمتي وععع
وقلت مابرضعها اول بداوي صدري بس انا ماعطيتها صناعي
المستشفى كانو يرضعونها صناعي لاني قيصريه ماقدرت ارضعها اول ثلاث ايام
المهم يا بنات هذا افضل كريم استعملته لتشققات الحلمه جدا ممتاز ماشاء الله
اسمه bepanthen و استعملت بالمرز بعد بس الاولي احسن واحين الحمدلله لانت الحلمه واذا ما ارضعها اتعب وترتفع حرارتي لان الحليب يتجمع ويصير الصدر يابس
طريقة الرضاعه للي ماعندها حلمه امسكي حلمتج بصبعينج ودخلي صدرج بفم البيبي واعصري شوي ودايما حركوا الحلمه بريت زيتون

بنات انا امس شفت شويه خيوط منتفه بالاندر وير لاصقه وجرحي يألمني وايد واحسه مفتوح شويه بس ماعتقد يمكن لان الخيوط قاعده تطيح للعلم انا قيصريه مو طبيعي

بطني نزل وفش بس بعد باقي وخصوصا كرش القيصريه مايروح كامل للاسف بس التشققات اللي كانت ببطني تألمني وتحكني وادهنها بزيت زيتون وبطني اسمر ويخرع جدا مقرف ماقدر اسوي شي اخاف على العمليه شنو الحل

اليوم اخلص 12 يوم نفاس

وحشني زوجي و وحشني بيتي مع اني مستانسه ببيت ابوي الحمدلله مادري شالنفسيات اللي عندنأ ههههههه

[عشيري2000]

جموره على قولك بصبر اذا صار لي 20 يوم رحت والله يعيني على الالم

ريم ان شاء الله اوصي زوجي يجيبها لي على ان الدكتور يقول ماتعطينه ولا شيء بس ان شاء الله
مامن الجلوكوز ضرر

ريحانه الله يجزاك خير حبيبتي

وندد والله كلنا اشتقنى لبيوتنا ولحياتنا اليوميه ولازواجنا الله لا يحرمنا منهم

[أمواج هادئة]

أمهات صحيح الجوع يسبب خراب أنا من ولدت اجوع ولا اكل لأني ماعندي احد ينفسني عدل طيب شسوي الحين علشان اعدل نفسي في العشر الأيام الباقية
وغير بنتي مسكينه مايجيها حليب من صدري لأني جوعانه واشرب ياعصير يا ماء أوأكل خربطه قلت يمكن يجياها مشكلتي اني بكرية ومابي اروح لزوجي وسيعه
ساعدوني الله يخليكم

[ريم ام لولو]

ليش ماتكلين كويس

اقل شي حليب دافي خبز بر بيض مسلوق اشياء تشبعك وماتسمنك عدو النفاس اللدود هو الجوع

مو مهم اللهومات و الخرابيط اهم شي لا تجوووووووعين

ولا تاكلين اشياء ماتفيدك مثل رز ومكرونه وخبز ابيض
عليك بالفلفل الاسود مع الحليب


*

[ريم ام لولو]

كتبت لك امواج هادئه في تجمع ذو القعده

حاولي تردين على استفساراتي عشان البنات يستفيدون

[جمره غضى]

نفوسات
الدم متوقف وبعد ماالدكتوره فكت الخيوط
رجعت البيت لقيت افراز ابيض سائل

بنات تتوقعون خلاص هاذي علامه الطهر
والا من اللي سوته الطبيبه


صراحه ودي اصلي ومو عارفه هل تنزل الافرازات البيضاء بدون طهر


انتظركم

[عشيري2000]

والله ياجموره انا زيك محتاره الدم وقف معي وودي اصلي واصوم يعني ونتي بكرامه احط منديل

يقعد علي يوم كامل مافيه شيئ ومدري اغتسل والا لا انا لي الحين 18 يوم

وبالنسبه لك اتوقع هذي علامه الطهره واذا اكلتي حبوب حمل خلاص راح يوقف الدم

[جمره غضى]

عشيري نفس حالتي
طول اليوم مافيه ولا شي

انا بتسبح واصلي
احس طوووووولت لي عشرين يوم بدون دم

[" قلب غيث "]

أهلين بنات
انا لي 9 ايام والد
واحس بكأبه وضيقه احس حياتي انتهت

[مرونة]

قلب غيث هذا إكتئاب النفاس احرصي على شرب البردقوش كا سين في اليوم واقراي البقره البسي قفاز واقريها ترا أنا جاني زيك في نفس اليوم والحمدلله زالت الغمه الله يشفينا وآياك. .هذا يجي مع إضطراب هرمون الحليب حاولي ترضعين ولا تفكري كثير واستعملي فيتامين أوميغا3 قدامك العافيه

[%ريحانة الدنيا%]

بنات الله يسعدكم طمنوني
انا عندي ربو وكتمه ولي اسبوعين والده وكل شوي اعطس واكحكح
ومررررره خاااايفه اتوسع او الخياطه تخرب

[أمواج هادئة]

قلب غيث اكلي حبوب الحديد يخفف الأكتئاب
ريم الله يجزاك خير رديت عليك
انا كمان ياجمورة يوقف الدم عندي سبحت وصليت 3فروض ورجع الدم الحين الدم ماينزل الا إذا حطيت تحاميل المر والملح ومادري ايش والصباح يوقف بس التحاميل حيل حار شكل الملح فيها كثير
بنات بسألكم كيف تعرفون إذا فيه بقايا مشيمة في الرحم
ياحياتي بنتي مو عارفه تنام تتألم من بطنها عطيتها منقوع المر وإن شاء الله ترتاح

[أمواج هادئة]

أمهات بسألكم كم رضعة صناعية اعطيها بنت في اليوم هل 3 رضعات كافية بس اخاف تترك صدري
والمشكلة انا صدري مايشبعها بعض الأحيان تمص على الفاضي
هل صحيح إذا كنت انا جوعانه ماينزل حليب
ريحانة الدنيا الله يشفيك ماعندي علم بكرية

[" قلب غيث "]

الله يعطيكم العافيه حبيباتي ..

انا ولدت تاريخ 18/ 10 ..
وجبت ولد الله يخليه لنا ،،

الحمدلله اليوم انا بخير احسن من امس يوه امس امكن اشوي وانتحر أعوذ بالله من الشيطان الرجيم ،،

[سنيورة]

انا بكمل شهر مابعد طهرت..
بس لاحظت شي مدري عندي انا بس ولا كلكم ...
الاحظ لما خف الدم وصار قليل صار بريحه غريبه !!
مو مثل اول ماله ريحه ..؟؟ عادي كذذا ؟

[سنيورة]

وحبيت اسأل ليش الدكتوره تفك لكم الخيوط ؟؟؟
انتم قيصريه اول مرره اسمع فيها اللي اعرفه انها تذوب

[4يو]

معليش نفوسات انا داخلة فيكم عرض انا ولدت يوم 3/11 واصلا المفروض اولد على 26 شوال اكون كذا مخلصة التاسع بس ربي اراد اخذ اسبوع في العاشر على الصفار يوميا عرضوهم لشمس انا ولدي كان اصفار عالي عندة وبعدين عرضة لشمس 4 ايام الحمد لله راح الصفار انا الحين الدم اكرمكم الله يوقف كم يوم والحين كل يوم ينزل شوي اذا اكلت تمر مع حب الرشاد حبيت افيدكم ممكن تقبلوني معاكم

[عشيري2000]

ريحانه مافيك الا العافيه ان شاء الله اذا خفت الكحه روحي للدكتوره تطمني

سنيوره فعلا انا يوم بديت اطهر لاحضت ريحه غريبه بس الدكتوره ماقلت شيئ

والخيوط نفكها لانها حديد مو من النوع اللي يذوب

بنات ابشركم رحت للدكتوره وفكت لي الخيوط وعطتني كريم لاثر الجرح

الا بسالكم من جربت عبايه السيده وجابت معها نتبيجه

4يو اكيد نقبلك معنا حيااااااك يختي انا ولدي عرضته للشمس وماخف عليه الصفار بس لاحظت

اني يوم وقفت الطبيعي كنه خف شوي والدكتور قالي على هذي الطريقه وقال اذا ان الصفار من

صدرك ماعليه خوف ان شاء الله كملي الطبيعي وانتي مطمنه

[قمر جدة]

احم احم

يلا انا جيت انضم للنفوسات

كيفكم بنات

عساكم بالف خير

انا لي 6 ايام والدة

واللي متعبتني االخياطة



وخوفتوني بقصة تسحب الخيوط

انا ثالث مرةاخيط

بس ماعمري سمعت انها تنسحب الخيوط

المشكلة اني انا ولدت طبيعي بدون شق

بس انا طلبت خياطة تضيق وتجيملية

لاني في اخر ولادة مانشقيت ولا اتخيطت

وندمت اني ماطلبت خياطة

وش تنصحوني وربي بموت لوتقولي تسحب الخيوط وتعذبني كفاية تعذبت في الولادة

جعله اجر وعافية

[عشيري2000]

هلا قمر شوفي انا زيك مارحت للدكتوره كله خوف من سحب الخيوط لكن يوم رحت حمدلله

قلت للدكتوره اني خايفه فتفهمت الوضع وشالتها بالراحه صحيح تالمت بس الم محتمل

وانتي تحملي شوي عشان ماتلهتب او تتعفن لاسمح الله

وانا كنت قايله للدكتوره تخيطني من جوى ولمى رحت على حسابي اتطمن قالتلي اهي مخيطه من

جوى بس ماشدت المكان مررره صاير وسط وانا محتاره اروح اسوي تجميل والا اخليها على

الوسط ومايكون الا خير ان شاء الله

[MooNi]

مرحباً نفوسات وش اخباركمم مع مواليدكم

أنا مبهذلني المغص اللي بولدي ماينام ولا يخليني أنام
ولي 12 يوم للحين خيوطي تالمني
الناس يقولون لي اسبوع الا الألم رائح والخيوط طايحة
بكمل أسبوعين اللحين والالم ماراح
والله يعين ويسهل يارب
والله النفاس كآبة وهم وقل نوم

[%ريحانة الدنيا%]

مشكورين امواج - عشيري الله يجزاكم الجنه

هلابك قمر جده منورره عقبال باقي البنات ينظمون معانا

[%ريحانة الدنيا%]

بنات صح انو لمن الطفل يبتسم معناته الملائكه ضحكت له
ولا خرافات

[سنيورة]

عشيري اول مرره اسمع بخيوط حديد !!
الله يعينك ويطرح فيها البركه خخخخ

بأي مستشفى ولدتي ؟

وشي ثاني بقولكم عنه الاحظ المنطقه الخلفيه مندمرررره مع الحمل والحبوب اللي اثرت عليها
وش الحل معها :( ابي شي يفتحها ويصفففففيها

وتتوقعون لو استخدم فير اند لفلي للوجه يأثر على الرضاعه ؟؟

ياحلو هالتجمع حبيته والله


وصح عشبة عباءة السيده يمدحونها وودي اجربها
بس اخاف مفعولها يصير عكسي لما اتركها بعد فتره ترتخي المنطقه اكثر من اول

[%ريحانة الدنيا%]

تحبك العافيه ياسنيوره

انا سمعت انو الدكتور يمدح هالعشبه ونفسي اجربها

[قمر جدة]

عشيري

هلا بك زود ياقلبي

وربي ميتة خوف لان الدكتورة ماتتفاهم hwaml4

ماتحب الكلام الكثير hwaml15

نفسيتي عدم الله المستعان

وعن الخياطة والله ماعرف بس اللي اعرفه تقدري تسويها في اي وقت

[قمر جدة]

موني

الف سلامة مايشوف شر

سوي له رضعة ينسوون

تخفف له المغص وقبل لينام ادهني جسمه بزيت زيتون مرة حلوو

يخلي الطفل مسترخي ويطول في النوم

واذا على الخيوط نفس الشيء

بس اليوم بنت خالي اعطتني الطريقة الصحيحة واحس احسن

انه كل مادخل الحمام الله يكرمك اتغسل بالغسول اللي اعطتني هو وانشف المنطقة مضبووووط

واحط ميبو

اليوم اشوى الله يشفينا كلنا ماتشوفي شريالغلا

[قمر جدة]

ريحانة

عاكسة نورك فديتك

وان شاءالله ينظمون لنا ونتونس هنا
سنيورة

مافهمت وش تقصدين بالخلفية ؟؟

[kozeda]

اليانسون والكمون والقرفه ممتازين للكرشه

[سوسو الأموره]

لا يابنات الكمون مو زين وقت النفاس يحبس الدم القرفه واليانسون حلوه

[جمره غضى]

صباح الخير

[wounded feelings]

السلام عليكم
شخبار النفوسات

اففف يا بنات انا احس تمللت من الروتين وكل ما اشوف بطني وصدري يصيدني اكتآب تشققات وكرش طايح مع انه قاعد يخف بس مو مستحمله اشوفه وعع
الا بقولكم سويتوا شي لجسمكم انا احط جلسرين و زيت لوز مر بالليل صار لي 3 ايام احس يخفف التشققات وابي اشتري زبده الكاكاو بعد

الجرح يقرصني بنات في منكم ولدت قيصريه من قبل علموني جزاكم الله خير متى تطيح الخيوط وشلون تصير انا الحين صارت تنشاف ولونها اسود


نفوسات بتعيدون ولا بتقعدون بالبيت
شريتوا شي لعيالكم ولكم ؟

[MooNi]

موني

الف سلامة مايشوف شر

سوي له رضعة ينسوون

تخفف له المغص وقبل لينام ادهني جسمه بزيت زيتون مرة حلوو

يخلي الطفل مسترخي ويطول في النوم

واذا على الخيوط نفس الشيء

بس اليوم بنت خالي اعطتني الطريقة الصحيحة واحس احسن

انه كل مادخل الحمام الله يكرمك اتغسل بالغسول اللي اعطتني هو وانشف المنطقة مضبووووط

واحط ميبو

اليوم اشوى الله يشفينا كلنا ماتشوفي شريالغلا



اسوي له ينسون وأعطيته دواء طارد الغازات يهدا شوي ويرجع يبكي
الله يعينةيارب والله العمر هذا تعب
والخيوط اسوي نفسك أحط عليها مطهر بيتادين ومرهم ميبو
بس كثرة الحركة مع البيبي تتعب خيوطي
الله يعين ويسهل يارب

[MooNi]

ويندي
الحال من بعضه
الكرش والتشققات والصدر كلهم مسببين لي أزمة نفسيه
حطي مع الخلطة حقتك فكس وفازلين وصابون مبشور وزبدة الكاكاو
أخواتي مجربينها ومرة نفعت معهم وسوتها لي اختي بس مابعد استخدمتها
كل شوي اقول بعد شوي احس الوقت كله يطير مع الطفل مافي وقت لنفسك

[ريم ام لولو]

يابنات الحمد لله على العافيه انا ذبحنا الدلع

تخيلوا بنت خالتيولدت امس في مستشفى الجامعي وهذا الطفل الثالث لها وولدتها طبيعيه وبنتها طيبه بس تخيلوا وهم يولدونها شقوا المثانه ابي اعرف وش وصلهم للمثانه وش جابهم لها ؟؟؟؟؟؟ انا اقول يمكن من القسطره شقوها


المهم بعد ماولدت سو لها عمليه وبنج كامل وخيطوا المثانه واللحين هي في العنايه المركزه الله يعافيها ويرفع عنها


ويقول الدكتور لازم شهر كامل ماتتبول الا بقسطره

يارب رحمتك

[ام علاوي99]

يالله ان تعين قريبتك ياريم وربي يشفيها قطعتي قلبي
نفس وحده من جيرانا توها بكريه وتوها والده ووقت الولاده شقو رحمها مع انها طبيعي وحطو لها بنج كامل وسوولها عمليه لخياط الرحم وزادو جرعه البنج وجتها جلطه في راسها توها صغيره ورجعو سوو لها عمليه في راسها ولازالت بالعنايه المركزه

[عشيري2000]

سنيوره اي والله الله يطرح فيها البركه ههههههه

انا والده في مدينه الملك فهد الطبيه

وعبايه السيده ان شاء الله بجربها والله ينفع بها لاني احس اني مو مره ضيقه لاني اذا كحيت او

عطست احس بزي الفقاعات تطلع مني مدري ليه

[%ريحانة الدنيا%]

ريم ام لولو ام علاوي
الله يعين قريباتكم يارب ويشفيهم شفاء لايغادر سقمآ
حزنت عليهم الله المستعان
بنات اظن عباءة السيده يمعت بس 21يوم

[قمر جدة]

ريم وام علاوي

الله يشفيهم

لا حول ولا قوة الا بالله

الله يطمنكم ويرجعهم لبيتهم سالمين معافيين

استغفر الله

والغلطات الطبية حسبنا الله ونعم الوكيل

الحمدلله على النعم اللي احنا فيها

بنات احنا في ايام مباركة اكثرو من التكبير

والدعااااااء

[جمره غضى]

لا اله الا الله

الله يشفي قريباتكم حزنت عليهم تقطع قلبي

الله يكون فب عووونهم ويقومهم بالسلامه يارب

[عشيري2000]

جموره وش اخبارك

بديتي تتقضين ولالا ووش ناويه تصبغين

[%ريحانة الدنيا%]

بنات ذحين انتو تقدروا تجلسوا ولا بس متسدحين

وبعد كم من الولاده نجلس عادي زي باقي المسلمين

[عشيري2000]

هههههههههههه ضحكتيني ياريحانه يحبيلك عادي اجلسي زي المسلمين بس لا تتربعين

حتى ان حسيتي انك قادره بس لم رجولك احسلك عن الهوى لاحقه على التربع

بنات من جربت تتبخر باخواء جواء تسدح تجربتها هنا

[wounded feelings]

ليش يا بنات انتوا على طول منسدحين
الصراحه انا كل قاعده مع ان قايلين لي يا منسدحه يا امشي بس شلون وانا ارضع واحس القعده تريحني اكثر كأني ارعص الجرح
الله يسهلها يارب

[أم عبدالرحمن السلفية]

مرحبا انا جيت ليكم ابغى تهاني بالأول

[قمر جدة]

ريحانةانا لين دحين ماقدر اقعد

خليهاعلى ربك
المهم يابنات ابى نصايحكم اناماقدرالبس ثقيل وادفي نفسي زي العالم والناس

[أم كرشة في الورشة]

انا كمان اجلس بس مايلة على جنب << هع
مااجلس جلسة عادية لاااا جدتي تقول انتبهي من الجلوس لااااا تجلسين امشي او انسدحي
بس والله صصصصصصصصصعبة
حاسة الدم تحجر برجلينيوالله اذا جيت انام اموووووووووووت


وبالنسبة للبس مو لازم ثقيل انا لابسة قميص روز (هع)
بس اهم شيء البنطلون اللي جوى وكمان الشراب

[جمره غضى]

عشيري
اليوم نزلت السوق وقضيت كم شغله وبكره باذن الله اكمل الباقي
لاني خلصت نفاس من ناحيه الطهاره وصرت اصلي عادي
بس الاربعين نفسها باقي لي ست ايام واخلصها


الصبغه ناويه اصبغ من درجات البني الشوكلاته


انتي وش اخبارك
ووش سويتي بخصوص السوق
وهل بديتي تصلين والا لا

[ريم ام لولو]

اهلا اهلا ب ام عبدالرحمن تستالين التهاني والترحيب والله

الف الف مبروك المولود والحمد لله على سلامتك وسلامته وماقدامك الا العافيه ان شاء الله

اللهم اجعله عبداً صالحاً بار بوالديه يارب


كيف كانت ولادتك ؟؟ وايش رأيك في الولاده

[%ريحانة الدنيا%]

ههههههه من جد والله نفسي اجلس زي الناس يامنسدحه او علي جنب ما اقدر اجلس زين اخاف اتعور نفسي اجلس مع اهلي لمن يتقهون ويتجمعون دايم فنجالي لحال
مع انو حركتي مرررره كثيره وحتى عفشه بعض الاحيان خصووصآ لمن اخلي بنتي لحالها واروح اسويلها حليب او اروح الله يكرمكم الحمام تلاقوني ارجع مسرعه اخاف يصير لها تصيح او تستفرغ وكمان عندنا بنت عمي تغار مررررره من بنتي لمن احد يجي يشيلها عشان كذا اخاف واسرع

[ريم ام لولو]

عشيري مدينة الملك فهد يسوون قصطره ؟

سوو لك قسطره ؟

[قمر جدة]

ريحانة

فديتك وانا بعد حالتي زي حالتك

بس انا اخاف من ولدي الصغير عمره 3 سنين جنني بغيرته ولو غفلنا شوي نلقاه يسحب فيها يبغى يشيلها

الله يحفظ لنا اولادنا يارب

[قمر جدة]

بنات

انا نصحوني اشرب شوية مر

ودقيت شوية في كاسة عصير وشربتها

دحين فيني الم كأنو مغص طلق ومو قادرة ارفع نفسي امشي راكعة

من قوة الالم

مادري ليش صار لي كذا اللي عندها فكرة تفيديني جزاها الله الف خير

[جمره غضى]

قمر جده

يمكن ماغسلتيها كوويس
لازم تغسليها زييييييييييين قبل تنقعيها

واتوقع الكمييه كبيره اللي شربتيها كاسه عصير
اللي اعرفه في فنجال قهوه


سلامتك ماتشوفي شر



ريحانه
على مهلك في حركتك
لاتغلطين غلطي كنت اتحرك كثير وخياطتي تعبتني حيل

والجلسه عادي كلنا كذا نجلس على جنب
ماتقدرين تجلسين زي الناس
فتره وتعدي باذن الله

[ام علاوي99]

بنات ختنتو عيالكم
احس اني تاخرت على ولدي
وهل طول لين يتلاءم جرحه

[4يو]

انا لسى ماختنت ولدي ابوة يقول الاربعين عشان تكوني بعافيتك وتهتمي فيه الحين كملت شهر

[4يو]

والله قمر جدة ماعندي علم بس يمكن دخلك براد الله يشفيك حبيبتي

[4يو]

ريحانة انتبهي لعمرك لحقة على القعدة والتربع الحين انتبي واحرص على عمرك والخياط لا ينفك وتوهقين والبنت حطيها عند احد كبير وروحي سوي الحليب نصيحة بكرة تتعبين محد ينفك غير نفسك في مثل <اهلك يبغوك غنية وزوجك يبغاك قوية >انتي تبي ترجعي لزوجك مريضة ولا تشتكين انا تعبانة ولاولا

[قمر جدة]

جمرة

الله يسلمك ياقلبي الشر مايجيكي
بصراحة ماغسلتو صحبتي جابتو لي وقالت دقيه ناعم وحطيهم في عصير

وانا شربتو مع العصير عشان الطعم

وحطيت مرة قلييييييييييييييل

الحمدلله على كل حال

[قمر جدة]

4 يو

الله يسلمك ياقلبي

فديتك

بنات اللي ماطهرت ولدها والله احسن تطهير بدري
مايتعذب ولسة صغير

كلما كبر يتعذب

اهم شيء تودونه مطهر زين

وان شاء الله سهالة

[%ريحانة الدنيا%]

لبى رووووحكم بنات على نصايحكم
لاخلا ولاعدم

بنات شرايكم نستخدم غسول قشر الرمان
وهل هو نحطه في مغطس ونجلس فيه ولا كذا بس غسوول

[سوسو الأموره]

سلام بنات ابي اسأل من جرب اللزقات لمنع الحمل ولها اضرار جانبيه

[عشيري2000]

عشيري
اليوم نزلت السوق وقضيت كم شغله وبكره باذن الله اكمل الباقي
لاني خلصت نفاس من ناحيه الطهاره وصرت اصلي عادي
بس الاربعين نفسها باقي لي ست ايام واخلصها


الصبغه ناويه اصبغ من درجات البني الشوكلاته


انتي وش اخبارك
ووش سويتي بخصوص السوق
وهل بديتي تصلين والا لا

هلا جموره انا طهرت واغتسلت وصليت وفي اليل شفت بقعه دم الله يكرمكم ووقفت

الصلاه ضااااق صدري صراحه المشكله معد نزل شيء بعد ذا البقعه مدري وش

الدبره ودي اصلي وامسك القران زي العالم والناس

وبالنسبه للسوق خلصت الملابس وباقي المكياج والعطور وشوي كماليات

غير المشغل اللي بخليه اخر اسبوع ان شاء الله وانا زيك ناويه اصبغ بني شوكولاته

على كراميل

ونصيحه استعملي مسك الطهاره الابيض للمنطقه الحساسه مسحه خفيفه على المكان

تعطرك لمده يوم كامل

وبالنسبه لام علاوي انا زيك مابعد ختنت ولدي وخايفه عليه عشان الصفار وش

رايكم اتوكل على الله واختنه عادي مع الصفار

هلا وغلا بام عبدالحمن اسفرت وانورت

[قمر جدة]

سوسو

انا مجربتها لكم سنة

بصراحة مالقيت احسن منها

وان شاء الله بعد الاربعين برجع لها اهم شيء ماتنسي تحطيها خامس يوم
هذا عن تجربتي وتجربة اخت زوجي

[قمر جدة]

عشيري
دام عنده صفار اسالي الدكتور قبل لا تختني

بسانا مجربة في اثنين اولادي كلما كان بدري كلما كان احسن له ولكي

[قمر جدة]

ريحانة

بعد ماتطيب الخيوط سوي اللي تبيه

عشان ماتتجرثم
اما قبل تكون المنطقة مهيجة وتتجرثم بسرعة

هذا خبري ماجاكي شر

[قمر جدة]

بنات

جسم بنتي فيها قشووووور مادري كيف اعالجها مادري طبيعي والا لا

والحلق متى احط له

خالاتي يقولو عادي دحين وليا اسبوع

وانا خايفة لان الدكتور مارضي قال بعد شهر

[4يو]

انا نصحوني بيه البنات في التجمع يقولون خذي قشر رمان واطحنية وبللي اصبعك وحطيه في القشر ودخلي اصبعك في المنطقه اكرمكم الله يمدحونه اكثر من الغسول

[جمره غضى]

عشيري
بالتووفيق ياقلبي
ان شاء الله تكملي باقي الاغراض وترتاحين


قمر جده
عادي انا ولدي للحين يتقشر جلده بشكل مو طبيعي كان كنه تسلخات
اشيل الجلد بيدي من قوه التقشير
ترى عادي اغلبهم كذا




نفوسات للحين ينزل من مكان الغرز دم
لما امسح بالمنديل اشوف دم فاتح من مكان الخياطه
هل معناته الجرح مو ملتئم
ووش اسوي

انا اتشطف بالمر
واحيان اتنقع فيها او اتنقع في مويه وملح

وش رايكم

[4يو]

دهنيها زيت زيتون وافركي بيدك يطلع كل القشر انا ولدي كذا سويتله والحمد لله راح كل القشر ورشيها اليوم الثاني وهذا طبيعي

[عشيري2000]

يالله يبنات مدري وش اسوي مع ذا الماغص اللي في ولدي عطيته كراويه وعطيته ينسون

واسدحه على بطنه بس تحسون انها كلها مفعولها مؤقت ماتدرون متى الناغص يروح من البزارين

[سوسو الأموره]

قمرجده مشكوره ياقلبو
جمرة غضى بيتادين احلى غسول المره سبوها كثير

[4يو]

عشيري المغص هذا طبيعي يقعد 3 اشهر وبعدين يصير يقدر الطفل يطلع غازات بدون الم ان سالت دكتور قال هذا امر الى الحين عجزو الدكاترة يعرفون ايش سبب هذا المغص المؤلم للطفال علمة عند الله كل الي اخترعوة هيا مسكنات فقط

[%ريحانة الدنيا%]

القشور تروح بزيت الزيتون دهني بنتك كل جسمها
انا امي دهنت بنتي ثلاث ايام كذا بعد كذا راحت

[أمواج هادئة]

أمهات تكفون ريحوني زوجي عطاء بنتي ماء المرقدوش بدون مايخففه بماء هل يضره والله إني خايفه عليها احاتيها

[حاملة قيمي]

مرحباااااااا
امهات.......
اخباركم اخبار بيبيهاتكم
عفيا بنا ت مين خيوطها التأمت بسرعه وايش استخدمت
مررررررررررره تعباتني
انا استخدم مويه دافيه وميبووبيتادين

[ام علاوي99]

الحمد الله ع سلامتك حامله قيمي
الخيوط لازم تالم في البدايه 5الايام الاولى بغيت اموت منها بس انا يمكن تعرضت لشمم
وبعدين صح تالمني بس مو زي الايام الاولى
انا استخدمت مطهر واصفه لي مستشفي زي البياتيدين وميبوووووووووووووووووووووووو
والله ارتاح لما احطه الحمد الله
وان شاء الله 15يوم وبتبدين تشوفين الخيوط تطيح

رحت امس لسووق وشريت لي بجامات بيت وفستان لطلعه وتيورين ومكياج وعطر وكريم من نكتار وبخاخ جسم يجنن
وباقي اروح لسوق اجيب جزمه الله يكرمكم وشنطه وعبايه وسلامتكم
واذا بقى اسبوع واطلع اصبغ شعري واقص واشقر
ودي اجيب لغرفتي مفرش جديد لزووم تغير
بنات امس سويت خلطه صابونيه تجنن تسبحت واستخدمت ليفه المغربيه شي فضيع طلع من جسمي شي ماكنت متوقعه اني شايله ذي الوسخه ويوم خلصت وتمسحت دهنت جسمي بزيت لوز حلو وجلسرين سايل مخلوطه مع بعض
ويبي لي 3 مرات او 4 مرات استخدم الخلطه عشان يبان نتائج وبشيل شعر جسمي ب شرايح فيت الشمعيه وبس هذا اللي عندي
كتبت عشان نستفيد من بعض
ويارب لك الحمد كما ينبغى لجلال وجهك وعظيم سلطانك

[wounded feelings]

السلام عليكم
شخباركم بنات
انا مرضت امس اسهال وارجع كرمكم الله ومت من الخوف على بنوتي وبيتنا كامل مجرثم اخواني وخواتي مرضى ورحنا المستشفى بالدور سيلان وابرر
الحمدلله اليوم كلنا احسن والدكتور قالي عادي رضعي بنوتج بس اغسلي يدينج زين ولا تبوسينهاا

الحمدلله ربي يحفظهاا ماجاها شي

المهم يا بنات انا من الترجيع امس الخياطه تعبتني الم مو طبيعي وكأن شي انفتح تحرقني موت ولونها احمر على الاطراف وطاح خيط صغير

اليوم صار لي 17 يوم من ولادتي
للتذكير انا قيصريه

[ام علاوي99]

سلامتك حبيبيتي ماتشوفين شر
بس وش سبب هذي الجراثيم انتبهي لبنتك الله يحفظها واكيد خيوطك تعبك من الالم اللي جاك الله يقومك بسلامه

[قمر جدة]

الف سلامة عليكم بنات ماتشوفو شر الله يحفظكم

[قمر جدة]

واذاعلى الخياطة نشفيها مضبووووووووط قبل لاتحطي ميبوو

والله يشفيكي ياقلبي

وانا امس لقيت عقدة خيط طايحة مادري ليش

مرة خايفة

[سنيورة]

انا مثلك ياللي تقولين مكان الخياط يطلع دم مع اني الدم موقف عندي بس افرازات خفيفه

استغربت شكيت ان الخياط انفك >>موسوسه درجه اولى

[جمره غضى]

سنيوره
انتي كم لك والده
وهل تحسين فيها الم مثل الجرح والا ماتحسين بشي

لانو انا مثلك

[سنيورة]

جمرة غضى صار لي 32 يوم تقريباً ..
واحس بالخياط بالوسط مو مثل اول على جنب مدري صح علي او اتوهم .. >> كأني اول مره اولد مررره ماعرفت اميز الخياط هالمره ..

وبصراحه اكثر ما اتخيل اني برجع للعلاقه نفس اول فيه الم اذا ضغطت على ذاك المكان
مدري طبيعي ولالا

[عشيري2000]

والله يسنيوره انا زيك هذي 3 ولاده واحس مكان الخياط غريب عجيب جاي على جنب من

فوق وانا اخبر الخياط يجي في المنطقه الوسطى اللي بين الفرج والشرج اكرمكم الله

هذي المره لا جاي على الجهه اليمين من فوق الله يستر بس ويكون كل شيء زين ولا نتفشل

او نضطر لعذاب التجميل

ام علاوي رحتي لبيتك والا لسى انا بروح بعد العيد ان شاء الله ويكون باقي لي 5 ايام ومحتاره

في شغله وابي اشاوركم فيها وش رايكم اروح وانا جاهزه وصابغه والا اروح وانا باقي نفاس

مااسوي شيئ

[جمره غضى]

سنيوره
انتي خيطوك داخلي والا لا

انا الالم في مكان الخياطه الخارجيه
لان الخيوط شالتها لي الطبيبه وقالت بالكثير اربع ايام وترتاحين

بس للحين قاعده اتالم واحس الجرح مو ملتئم
وينزل منه بعض الاوقات دم
يحررررقني مكان الجرح احسه مفتوح

ياليت اللي عندها خبره تساعدني
اتشطف بالمر
واتنقع بماء دافي
وماحسيت باي نتيجه




عشيري
اذا تقدرين لاتروحين الا وانتي مضبطه عمرك
خمس ايام تروووح بسرعه ماعليك

[سنيورة]

جمرة غضى :

والله مدري اذا خياطتي داخليه او خارجيه بس ..
انا تعبت وقت الولاده فخدروني وقت الخياط فمادري اش هببت :(

عشيري
والله مثلك الله يستر خايفه ومتوتره شايله همها مرره وشي ثاني مضايقني
مابعد طهرت >> فيس يصيح

مدري متى بطهر ودي اخلص عشان تجيني اخت النفاس هالايام واخلص :(

ياحليلك ليه تروحين لبيتك انا بكمل ان شاءالله في بيت اهلي وبروح اذا كملت

خليها بعدين اصبغي وادهري وروحي مره وحده وانتي كاشخه

[%ريحانة الدنيا%]

بنات انتو تتبخرون يعني تسوون الكبو ولا لا
تنصحوني فيه انا اول مره اولد يعني ما اعرف كيف ترجع الوحده بعد النفاس لو ما انتبهت لنفسها جاتني وحده تمرخ قالتلي انتي جسمك مليان هوا
انا انفجعت لاني انا والمكيف اصحاب واذا انا عاد انتبهت على نفسي اهلي ماراح يقفلوه عشاني

[ام علاوي99]

عشيري
انا بروح لبيتي 3 يوم او 2يوم بالعيد لان زوجي بيكون مداوم واذا طلع بياخذنا بيكون باقي لي ذاك اليوم 9ايام
ودي صراحه بيني وبينكم اقص واكشخ خلاص وش دخل بتفرق ذا اليومين
وانتي ماعليك روحي تراك تاركه اعيالك وراك مشتاقين لك ماتفرق 5 ايام
يعني انبسطي اذا صرتي طاهره

للمعلوميه انا وعشيري مو بكريات يعني معيلين من قبل عاتي الوضع
بولدي الاول طلعت عمري 37يوم من النفاس لبست وكشخت لزوجي ولا احلى مني
طبعا ماعلمت الا انتم محد يدري عني لانه خاص بيني وبينه بس اقولكم عاتي للي مو بكريه

[ريم ام لولو]

رد: تجمع الحوامل الي بيولدون في شهر ذو القعده ^_^

بنات كلمت دكتورتي اللي في الاهلي وقلت لها انه مفتوح واحد سانتي ومافيني طلق وواعدوني الجمعه تنويم قالت اللحين اشتري علبة خروع من الصيدليه واشربيها الفجر باذن الله وانتي والاده


وش رايكم يابنات


اشرب خروع ولالا ؟؟؟؟؟

[سنيورة]

ام علاوي انا معيله معكم صموني لفرقتكم فرقة حسب الله امهات العيال هههههههههههههه

ايه طب وش حادكم دام انها عطله ياشيخه تغلي على ابو الشباب وتدلعي شوي
يمديك تملين منه ويمل منك >> تحطيم خخخخ

[%ريحانة الدنيا%]

هههههههه انتمممم يافرررررقة حسب الله
دام عندكم خبررره قولولنا تبخرتم في نفاساتكم ولا لا
ووش تنصحونا فيه
نستخدكم الكبو *

[ريم ام لولو]

يمه
طيب احد يعطيني وجه
حرام عليكم

[ام الخير]

كيفكم نفوسات الحمد لله ان ربي هون علينا ولادتنا وعقبال باقي الحوامل ولدت ولله الحمد وجبت احلى بنوته وسميتها ليان واللحين انا مبسوطه بس.......؟؟؟؟؟
السهروالتعب وصحيان الليل كل ساعه رضاعه وقلق بالنهارما اعرف انام من اخواتها وكمان بعد المغرب يبدأو الضيوف الين 12 باللي وبعضهم سمره الين 4 او 5 الفجر الله المستعان
وعلى ذا الحال لا هتميت بنغسي ولا عندي وقت اصلا ولا تبخرت ولا تمرخت وحالتي بالبلا صياح على ه العيال ربي يعنني بس دحين الالاام تزيد مغص مثل الطلق وغير كذا شد بالمثانه وجنبي اليسار واعلى المعده الم لما اضغط واشيل يدي كن سكين تطعني وشذا يا بنات لي 6 ايام على ه الحال وما اقدر امشي منهواذا كنت حشرانه الله يكرمكم اروح الحمام احس ما ينزل البوا بسههوله يعني ما ارتاح ياربي طفشت من المستشفيات وش تنصحوني عطوني خبراتكم وتجاربكم في الكبو والتمريخ وذيالاشياء وانا ما سويت خياطه بس ماكان في توسعه من اساسه بس كنت ناويه اقول للدكتوره تخيطيني يومتعبت في الولاده ما فيه حيل هونت يسير اسوي خياطه الان وانا لي 10 ايام ....؟؟؟
كثرت عليكم الله يعينكم علي ولس... ههههههه

[wounded feelings]

ريم ام لولو
الله يسهل عليج ياقلبي اكره انتظار اخر ايام الشهر التاسع استغفر الله ما أطولها
انا تعقدت من كثر ماشربت وكليت ومشيت وبالاخير طفت موعد ولادتي ورحت اولد وانقلب الحال من الطبيعي للقيصري

بنات شلون تتجهزون لبعد النفاس علموني انا بكريه
انا قريت بأكثر من منتدى ان الوحده تتسوق وملابس جديده واحذيه ومكياج وعفسه يعني الوحده ترجع كأنها عروس مادري احس شي مبالغ فيه لان اصلا ماحطيت ميزانيه لسوق يعني قلت بصبغ شعري وبستشوره واهتمام بالجسم قد ما اقدر لانه مقرف وماراح يتعدل الا بعد فتره لان كل شي ممنوع للبطن اذا قيصريه بس بحاول باللي اقدر عليه حاليا ابي اعرف شلون البس واتعدل يعني اشتري لي كم فستان ناعمين واذا جا ياخذني من بيت ابوي اكون لابسه وجاهزه ماعرف فهموني شلون الطريقه

[ام رتوولة]

كيفكم نفوسات الحمد لله ان ربي هون علينا ولادتنا وعقبال باقي الحوامل ولدت ولله الحمد وجبت احلى بنوته وسميتها ليان واللحين انا مبسوطه بس.......؟؟؟؟؟
السهروالتعب وصحيان الليل كل ساعه رضاعه وقلق بالنهارما اعرف انام من اخواتها وكمان بعد المغرب يبدأو الضيوف الين 12 باللي وبعضهم سمره الين 4 او 5 الفجر الله المستعان
وعلى ذا الحال لا هتميت بنغسي ولا عندي وقت اصلا ولا تبخرت ولا تمرخت وحالتي بالبلا صياح على ه العيال ربي يعنني بس دحين الالاام تزيد مغص مثل الطلق وغير كذا شد بالمثانه وجنبي اليسار واعلى المعده الم لما اضغط واشيل يدي كن سكين تطعني وشذا يا بنات لي 6 ايام على ه الحال وما اقدر امشي منهواذا كنت حشرانه الله يكرمكم اروح الحمام احس ما ينزل البوا بسههوله يعني ما ارتاح ياربي طفشت من المستشفيات وش تنصحوني عطوني خبراتكم وتجاربكم في الكبو والتمريخ وذيالاشياء وانا ما سويت خياطه بس ماكان في توسعه من اساسه بس كنت ناويه اقول للدكتوره تخيطيني يومتعبت في الولاده ما فيه حيل هونت يسير اسوي خياطه الان وانا لي 10 ايام ....؟؟؟
كثرت عليكم الله يعينكم علي ولس... ههههههه


نفس حالتك لي 18 يوم والده جلست عند اهلي 13 يوم وتعبت من اولادي ماارتاحوا عندهم وبعدها رجعت لبيتي
استغفرالله تعب في تعب من قلت النوم وشغلت العيال
غير الظهر متعبنيييييي حييييييييل لاني من ولادتي وانا امشي ماقد ارتحت وغير ضيق الصدر على طووووول فيني بكاء
مااقول الا الله يعديها هالايام بسرعه

[جمره غضى]

ريم ام لولو
الله يقومك بالسلامه ماعندي خلفيه عن زيت الخروع
بس دام الطبيبه وصفته لك ان شاء الله مايضرك
افضل خذي كميه بسيطه اذا كنتي خايفه


باقي النفوسات كيفكم

[مرهفة حس]

اهلين بنات انضم لكم الحمد الله رزقت بفيصل الله يحفظه لي ويحفظ لكم غواليكم في 27\11
الخياااااااااااااطه موسوسه مدري كيف حكمت انها مفتوحه
ومااقدر اجلس اخاف عليها مره اول مره اخيط تجميلي بنات هل الاهتمام فيها يعجل بالتئامها ساعدوني بها لموضوع الله يرزقكم ماتتمنون

[مرهفة حس]

اعذروني بنات انا مااقدر ادخل كثير والده ببيتي وعيالي مشيبين راسي والبيت كله فوق راسي الله يعين يارب تلتئم خياطتي غاجل غير اجل وارتاح\عندي شغاله بس زي قلتها باااااااااارده

[عشيري2000]

صادقه يام علاوي كم يوم ماتفرق وياسرعها والناس مايدرون بقولهم اني خلصت الاربيعين وبس

وبروح لبيتي مستعده احسن وان شاء الله اطهر ذا اليومين لان ماينزل معي الا بفقعه في اليوم

[عشيري2000]

بنات ريم ولدت قيصريه وتقول ادعو لولدي انه تعبان