تجمع حوامل اللي موعد ولادتهم في شهر جمادى الثاني1433 ‏ه

[fufualmoon]

لا همسات اليوم مكابرة ماسكه نفسي حتى قمت سويت غدا
بعدل نومي عشان اروح بكرا لدكتورة مصحصحه
بنت القطان ودحين كيف صرتي ؟؟ *

[fufualmoon]

مين تعرف كيف شكلها عشبه الحلتيته
في جوجل لها اكثر من صورة

[همسات هادئه]

فوفو هذي هي الحلتيته

طبعا عمري ما اشتريته او استخدمته
بس وحده قبل اربع سنين لما كنت والد ورتني
قالت زين لشمم
عاد مادري


http://forum.hwaml.com/imgcache2/hwaml.com_1336404851_773.png

[fufualmoon]

الشمم اللي هو الالتهابات ؟؟

[همسات هادئه]

ايوا ,, الحين لما تولدي لازم تبعدي عن العطورات
لانه راح يلتهب الجرح من الريحه

فهذيك الحرمه كانت تستخدم الحلتيته عشان الريحه
اما انا فاستخدم المره

[fufualmoon]

اهاا دحين ركبت الصورة ههههه
اهلي يستخدمو المر بس ع بالي انه ينظف ويحلي الخيوط تطيح *

[fufualmoon]

همسات هادئه ماشاء الله هذا ثاني حمل لك ؟؟

[همسات هادئه]

عشان الخيوط لانه يعقم الجرح>>هذا اللي اعرفه
وبعد يقولون انه يضيق الوحده بعد الولاده
بس كثرته مو زينه

والله اعلم ههههه

[همسات هادئه]

همسات هادئه ماشاء الله هذا ثاني حمل لك ؟؟


ايوا هذا ثاني حمل >>متزوجه وانا صغيره

بس بحملي الاول دااجه ولا اعرف شي
وصراحه ما زلت ما اعرف اغلب الحاجات
ما ابي اثقف عمري عشان ما اخاف>>لاني خوااافه حيل

[fufualmoon]

ههههه اجل خلي هذا الشغل لامي لا اروح اسوي لنفسي شيء

[fufualmoon]

لا تقولي انك بنت ثانوية !!
بنت ولا ولد ها المره

[همسات هادئه]

لما تزوجت كنت باول ثانوي
وحاليا جامعه بس مأجله ترم عشان الحمل

لا بنووته ,,والاول ولد الله يهديه و يخليه لي

وانت؟؟متى متزوجه؟؟

[fufualmoon]

ما شاء الله الله يحفظهم لك ياارب
انا ليا سنة و9 شهور متزوجه
تزوجت في اول سنة من الجامعه

[نسيم الجبل]

سلام
كيفكم؟؟؟؟

[fufualmoon]

وعليكم السلا والرحمة
ماشي الحال نسوومه
نمتي بدري اليوم ؟

[نسيم الجبل]

هههه لا نفس السالفه تكررت فصل النتhwaml15

[نسيم الجبل]

كيف نومك فوفو باقي ملخبط

[وهوجه]

اليوم موعد ولادتي ع حسب السوناار
لكن ما في اي بوادر ولاده hwaml02

[fufualmoon]

هههه الله يعين احيانا يقهر النت
نسيم في حملك الاول زودتي ع الاربعين ولا ولدتي قبل موعدك ؟

[همسات هادئه]

اها .. ماشاءالله


وعليكم السلام نسيم

تماام الحمدلله,, كيفك انت؟

[fufualmoon]

باقي ملخبط بس اليوم مكابرة ابغا اغير الروتين
واخلص القضى اللي عليا

وهوجه قومي امشي اليوم وان شاء الله تولدي في هذا الاسبوع
يلا وانا وراك اولد هههه

[وهوجه]

فوفو ع طااري المشي
اليوم ام زوجي الله يحميها قالت لي قومي مشواار معي خمس دقايق ونرجع قلت اووك

تخيلي رحنا اربعه العصر ورجعنا سته المغرب وين الخمس دقايق

ولا مع الدرج كملت لو تشوفي كيف امشي اعررج زي البطريق امشي

[وهوجه]

بنااات عندكم حررقه

انا عندي حرقه ليل ونهااار وربي تعبت منها وان شربت الحليب يهديه وبعدها ينتهي مفعول الحليب ويرررجع ثاني hwaml4

[fufualmoon]

ههههههه ما قصرت معاك خلاص ارتاحي حاسه فيك
مدري اش عاد نسوي الله المستعان

[fufualmoon]

بنااات عندكم حررقه

انا عندي حرقه ليل ونهااار وربي تعبت منها وان شربت الحليب يهديه وبعدها ينتهي مفعول الحليب ويرررجع ثاني hwaml4

قريت عن ها الشيء حاولي لا تاكلي اشياء تجيب الحرقة
انا تجيني فجأه وتروح اغبها لم انسدح

[وهوجه]

ابي اسالك

اللحين اذا شفت العضو الذكري للجنين واضح نهايه الثامن هل معناه اكيد ولد

انا لما دخلت وسويت سوناار طلبت انه ما يقول لي لاني ابيه النونو مفاجاه
بس خالتي الله يهديها كلمته بلغتهم لاني اعيش حاليا في افريقيا شفته موخر الشاشه عني ويوريها العضو
لكن انا انتبهت

[نسيم الجبل]

ايوه فوفو في حملي الاول زووودت كثييييير يمكن 15 يوم ههههاي الصراحه صار لي شئ غريب كل الدكاتره خوفوني وقالوا نعطيكي طلق صناعي وانا مكابره ولاهمني قلت ابدا وقالوا انتب تتحملي المسؤوليه لو يصير لنونو شئ الحمد لله ريي عدى الامور على خير مكن اني خاطرت بس الصراحه خفت من الطلق الصناعي
ياربي خايفه يقولوا لي هالمره

[وهوجه]

يقوولو الجمااع يعجل ,,,؟؟؟

بسبب ماده في مني الرجل نفس اللي يحطونها في الطلق الصنااعي ...

[نسيم الجبل]

وهوجه الحرقه حتى انا ذبحتني تصحيني من النوم
كلي خيار بااااارد يخففها انا الحليب ماينفع معايه بس لحظه وترجع اقوى واقوى

[قلب عبآدي]

أهنن .. سلآموآ عليكم قميعآآ .. hwaml7
أنآ متآبعه للمنتدى قبل مآأحمل وطول فتررة حملي أستمريت ^^ بس تو أفكر آسجل < من آلتفهي ..
وموعد ولآدتي هآلشهر 29 /6 .. hwaml15hwaml79
تعبت من آلأآنتظآر وتعب آلحمل بس آلله كريم
آلحمدآلله ع سسلآلآمة آلكروشآت آللي ولدووآآ وعقببآآلنآ ,,
ربي يسهل علينآ وع بقية آلحوآمل آللي موعدهم هآلشهرر .. hwaml13

[رذآذ آلمآس]

صبااااااح الخير .. توني رجعت من بيت امي

والله احسس فااااتني الكثير من السوالف ههههههه

بناااات والله وانا عند امي ماقدرت إنام ذبحني الوجع كأنو وجع دورة وافرازات مع مويه قسسسسم خفت انتم مثلي..... 0



قلب عبادي اهلين فيك بس مشاءلله. جايه بدري يوم قرب التجمع يقفل هههههههه
نورتي يا حبي لك

[رذآذ آلمآس]

بناااات انا بروح انام جايه من مسافه طويله
بكرۍ لنا لقاء بأذن الله ..

[أم البداري]

بقى 3 أيام و ماولدت :( :(

[همسات قلبي]

كيف الكروشات

فوفو ونسيم ورذاذ شلة السهارى فينكم

بنات قررت اطلع ع السرير وانط عشان أولد وف نفس الوقت خايفه

[myso0oul]

همسااات

لاتتجنني بليز لايروح يصير فيكي ولا في البيبي شي
ترا لو نطيتي لبكررره اذا الله ماكتب لك تولدي ماراح تولدي الا بساعتك

[أم البداري]

خخخخخخخخخخخخ

بنات أنا شربت قرفه و أكلت اناناس و ما نفع وش اسوي

[نسيم الجبل]

سلام
همسات قلبي ياقلبي لاتتهورين تراك غاليه علينا والاغلى النونو اللي راح يملى عليك البيت ان شاء الله
ام لافي لا تشربين قرفه الحين خليها بعد الولاده احسن

[حياتي جوريتي]

شخباركم ليه سهرانين لهالوقت

[حياتي جوريتي]

انا بعد زهقت وكل يوم اقول انشالله اليوم يارب يسهل على الكل على العموم انا موعد ولادتي 28

[نسيم الجبل]

هلا حياتي جوريتي نورتي التجمع يعني راح تكوني اخر من يولد في تجمعنا ان شاء الله
على العموم تقومي بالسلامه

[همسات قلبي]

هلا بنات
هالقد خائفين علي بس والله بجد ودي أولد خلاص النفسيه ماسكه معاي

[نسيم الجبل]

همسات استهدي بالله والله كلنا ملينا بس الصبر زين وعيشي لحظات الحمل الاخيره اللي ان شاء الله راح تشتاقي لها يوم من الايام وتكرريها
ههههه الحين تقولين لا تكفين يانسيم خخخخخخ
الا وين الباقين صاروا اللي في التجمع ينعدون على الاصابع

[رذآذ آلمآس]

صباااااااح الخير انا صحيت هع هع


بنات انا انجنيت من هالافرزات ذبحتني تخيلو اذا كنت نايمه وصحيت ولما اوقف تنزل مني احسها كانها مويه مااسيطر عليها
بس مو كثيره


انتم مثلي ولا بسسسس انا

[همسات قلبي]

ياعمري يانسيم راح اسمع كلامك

رذاذ حاسه انك ح تولدي بداية خيانه

[نسيم الجبل]

صباح النور رذاذ صح النوم
شويه وبحط راسي بالتناوب صايرين هههه
ايش هالافرازات مبين من كلامك انها ماهي افرازات تاكدي لايكون مويه الجنين ترى تختلف كميته

[نسيم الجبل]

خيانه عظماء يارذاذ ههههه ان شاء الله تقومي بالسلامه يمكن ولاده يمكن لا

[همسات قلبي]

شكل رذاذ راحت ولاده

نسيم باقي أنا وانت وفوفو لا تخونو فيني

[رذآذ آلمآس]

ههههههه اي ولادة حرام عليكم

لاوالله بس ماقدرت اكلمكم حااسه ب وجع مثل الدورة يمووت
بس هالحين خف الحمدالله

[أم عزووووووز]

صباح الخير
كيفكم يابنات إن شاءالله بخير الله يهون عليكم
أبشركم ولدت يوم السبت وجبت عزوز الله يخليه ويحفظه
عقبالكم الله يقومكم بالسلامه يااااااااارب
حبيت أبشركم

[رذآذ آلمآس]

الف مبرووووووك يااااام عزوز الحمدالله هااااانت يااعسل
طمنيني انشااااااءلله طبيعي .. ننتظر قصة ولادتك يااااااااا قلبي

[رذآذ آلمآس]

ام عزوز ولدتي بدري مشاءلله عليييييك

[همسات قلبي]

الحمدلله ع السلامه ام عزوز
يارب مانسيتينا ودعيتيلنا

رذاذ صديقيني ولاده

المهم ح نام موعدنا ان شاءالله بعدين

[fufualmoon]

انا جييييت صبااح الخير
ام عزوز مبروووك وحمد لله ع السلامة يلا عقبال عزوز حقي يطلع بالسلامة
ادري جايه متأخر خخخ دوبني صحيت بنعدل الروتين
اليوم بإذن الله بروح لدكتورة بطمن ع الوضع وان شاء الله يااارب القى اخبار تسر

[رذآذ آلمآس]

همسات لابدري علۍ الولاده

فوفو الله يسههل لك يارب ويفرج عنك
ويارب تكون ولادتك سهله يارب

[قلب عبآدي]

رذآذ آلآلممآس ..
تسلمين لي والله عنوني
شسوي بعد. مو مني. من الواهي اللي فيني ههههههههههههههههه تعبت من جد ابي اولد
الله يسهل علينآ ونفتك

[بنت القطان]

اهلا اهلا
صباح الورد ياكراريش



انا ماولدت للحين حبيت ابشركم ههههههههه

ام عزوز الف مبروك تشوفينه معرس انشاء الله

[نمولة]

مبرووووك ام عزوز يتربى في عزك

بنات الالم قام يزيد شوي واحس عظمة العانة بتتكسر واحس ارجولي ما اقدر افتحها ما اادري ايش بسوي وقت الولادة

[fufualmoon]

توني رجعت من عند الدكتورة الاخبار مثل ماهي الحمد لله كل شيء تمام ووزنه زاد صار 3 كيلو ماشاء الله بس حضرته لسه مانزل الحوض الله يهديه
وآلام الدورة الي تجي هذا دليل على ان الجنين قاعد ينزل شوية شوية وكل ما نزل اكثر يشتد الألم
الموية اللي تنزل افرازات عادية قالت لي مويه الجنين تمام الحمد لله

رذااذ الله يسمع منك امين يارب
نمووله الله بفرجها عليك قريب
ان شاء الله تولدي في ها الاسبوع قبل الامتحانات وترتاحين
بنت القطان انتي عندك ولد ولا بنت

[بنت القطان]

ولد ان شاء الله
انا نفسج صار وزنه 3 كيلو ما شاء الله بس نزل الحوض يمكن لأني كنت أتحرك وايد
بس انا نزل اكثر والآلام صارت كل فتره تجيني أقوى من الم الدوره

انتي امشي وايد عشان ينزل

[Koka2012]

اهلين بنات كيفكم اسفه ماقدرت اشوف اللي فات احمد لكل اللي ولدو بالسلامه واللي لسه يارب تقومو بالسلامه ترا دعيتلكم اكيد انتو زي اخواتي
وابشركم الحمد لله ولدت يوم السبت الساعه اربعه ونص العصر وجبت احلى ربيع في المركز الطبي الدولي بس اطيب راح اقلكم قصتي ان شاء الله

[fufualmoon]

بنت القطان انا أوريك فيه راح اكسر رجولي في المشي 

[أم البداري]

أم عزوز + كوكا
الحمممممممممد لله على سلامتكم و عقبالنا يا ررررررب

[قشطه وعسل]

ام عزوز وكوكا
الف مبرؤؤك والحمدلله على سلامتكم
انتم ولدتم معاي بنفس اليوم بس انا ولدت الصباح الساعه 7ونص
يلاعقبال الباقين
الله يهون ويسهل عليييكم

[قلب عبآدي]

أم عزوز وكوكآ ..

آلحمدآلله ع سلآلآلآمتكم وعقبآآآل عندنآآآ يآآآربيييييه ..!

[همسات قلبي]

كوكا الحمدلله ع السلامه مبروك ويتربي في عزكم


فوفو يلا نشد ألهمه عشان الرأس ينزل الحوض
أنا الخميس موعدي وراح اشوف اش الوضع ياويلها تقول اكشف عليك كشف مهبلي


رذاذ أشم ريحة خيانه عما قريب سوف يصلنا الخبر

اتوقع أنا وفوفو اخر ناس نولد لان حنا الوحيدين مانزل راس الجنين للحوض

بنت القطان ولاده قريبه بعد انت ورذاذ حاسه فيكم بالخيانه

نسيم يانسبم اين انت

[نسيم الجبل]

سلام اخباركم
الف الف مبروك لك يا ام عزوز والف الف مبروك لك koka
جعلهم الله مواليد السعاده ان شاء الله
هموسه ياقلبي انا موجوده ماراح اسوي خيانه هههه الله اعلم الحين رجعت زي اول لا الم ولا افرازات مخلوطة مدري قصتي قصه

[همسات هادئه]

مساء الخير


كيفكم بنات؟؟

وانا احسبوني معكم ما نزل الجنين بالحوض>> هذا الكلام قبل اسبوعين

بس امي تقول مو لازم ...بعض الحريم ينزل وقت الولاده

الله يعين ويسهل

والافرازات بنات كانت تنزل معي>> من كلامكم على بالي قربت الولاده
بس سويت تحليل طلع التهابات حاده

والحين اكل مضاد

[نسيم الجبل]

اهلين همسات هادئه بغيت اسألك الافرازات كيف شكلها لانها نزلت عليه الاسبوع اللي فات والحين راحت
طيب يعني الالتهاب يسبب شئ كذه الله يستر انا معي التهاب والدكتوره ماقالت لي من الالتهاب هذا ضريبة الروحه لمستشفيات حكوميه يستعجلون عشان يلحقون على الطوابير

[همسات هادئه]

افرازات بيضاء مايلة للاصفر واحيان بيضاء
مره خفيفه ومره تكون شوي ثقيله

وهالحين صار ما ينزل الا نادر والاغلب مافي شي

[همسات قلبي]

همسات هادئه

ماتشوفي شر ربنا يبعد عنك كل مكروه
هموسه يعني اصفقي بكفوفك معانا اللي مطولين

[fufualmoon]

بنات احيانا تمر عليكم لحظة تحسي بلحظة ضعف
تبغي تطلعي اللي مسبب لك التعب باي وسيلة وما تبغي تتجرأي لانه يستاهل فيه التعب
يعني تصير ما بين وبين لا حول لك ولا قوة غصب عنك تبكي :(

القى نفسي راضية بحكم ربي وفجأه افقد صبري اقعد اضرب في بطني او اسوي اشياء فوق طاقتي
اااه ياربي والله تعبت رحمتك وعفوك عليا

[همسات قلبي]

صدقتي يافوفو
أنا نفس حالك يارب يسهلنا يارب

[قلب عبآدي]

^
مريت بهآلحاله آلاسبوع اللي مضضى *_*
آلله يصبرنآآ ويسهل علينآآ أن شاآءآلله قريب .. !

يآربييه أرحمنآآ جميعآ .. ّ

[fufualmoon]

الله يعينا ويكتب لنا الاجر ان شاء الله

[hana kh]

كيفكم ياكروشات وايش اخبار كرشاتكم

الحمدلله على الصحه والعافيه بس الله يهدي بنوتتي بلشه معاناه مع الرضاعه وتشققات وقلبي يتقطع لمن اضطر اعطيها رضاعه او لهايه احسس بذنب
وصدري مايشبعها 

نصيحه بنات لاتلعبون بالخياطه انا وصتني الدكتوره قالت لاتحطي مره ولا خرابيط فقط المرهم اللي اعطيك وغسلي بماء دافي وملح حجر الحمدلله يارب الحمدلله التئم الجرح وبدت تذوب الخياطه وانا تو كملت 10 ايام الحمدلله

واللي تقول العطر يلهب الجرح او الخياطه سالت الدكتوره قالت ماله دخل والحمدلله من اول يوم احط مسك العروس واتعطر لمن يجي ضيوف والحمدلله عااادي ماتاثر الجرح وامشي بعد الولاده على طول يحرك الدم انا ماارتاح لين امشي ..
وان شاء الله يهون عليكم ساعتكم ويرزقكم الشوفه الطيبه لاطفالكم ويسهل ولادتكم
انا اقول اللي جربت لاني قريت كثير تضارب في النصايح وانا قلت لكم تجربتي

[حياتي جوريتي]

يارب الله يسهل علينا يارب

[fufualmoon]

شكرا هناء ع النصيحة
انا لسه شايله هم الخياطة كيف بعتني فيها ماني متخيلة
الله يحفظ لك بنوتتك بس لا تخلي بنتك ترضع الا طبيعي

[حياتي جوريتي]

فوفو انتي متى اخر موعد لك

[fufualmoon]

فوفو انتي متى اخر موعد لك

قصدك اي موعد ؟ انا دورتي كانت 8 رمضان وولادتي باذن الله 24

[همسات قلبي]

تسلمي هنا ع النصيحه

فوفو ضايقه حيل حاسه انك زيي
ودي اخلص ونرتاح

[قلب عبآدي]

ألله يسهل عليك فوفوو وعلينآ جميعآ ..
أنآ موعدي 29 *_*
تيب تحسين بألم أو شي وآلأآ نهآئيآ مآجآتك تغآليط للطلق .. ؟

[fufualmoon]

همسات قلبي
حتى مشي مالي نفس ابغا انسدح وانام
الشيء الوحيد اللي ينسيني با الوقت
خلينا نقوم نصلي ونقرا قران بنية الولادة وان شاء الله ربي يلطف بحالنا
عن اذنكم

[do0o0o0de]

بنااااااااااات لاتنسوووووووووني أنا معووووووووووشرة وبقووووووووووووة بعد لي يوم بالعااااااااشر
أمس ودعت التااااااااااسع
والنفسية زي الزفت ودورتي 2 رمضااااااااان أتوقع نسيم الجبل أنتي مثلي والباقين اللي معانا ولدوا ماباقي إلا وانتي يااااااااااااارب تسهلها علينااااااااا ونولد بأقرب وقت وقبل نهاية الأسبووووووووع
بس غريبة يانسيم وقف الدم اللي اعرفه بعدها بيومين بالكثير تجيك ولااااااااادة لو رحتي وكشفتي افضل تشوفي مفتوح الرحم ولا لا ؟؟؟؟؟؟؟؟؟

[مولي1]

الحمدلله على كمال النعمه
أبشركم ولدت وجبت أحلى بنوته يوم الأحد 15 / 6 الساعه 2،44 فجراً
وعقبال كل الحوامل الله يهونها ويفرجها عليكم ياااارب ..

[نسيم الجبل]

الف الحمد لله على سلامتكaa وجعلها الله من مواليد السعاده
والله يادودي الصراحه صح واصله معي مدري عن الدم هذا ايش سببه والله خايفه يكون شئ موزين اخاف يكون من الالتهابات الله يستر ويحمي جنيني انا كشفت على الرحم وقالت مافتح
انتي بكريه اكيد طبيعي لاتشيلين هم والله ييسر لك

[بدور 123]

السلام عليكم نسيم. دوووووووودي أنا قبلكم بيوم والمشكلة كل الآلام اختفت دورتي 1 رمضان. هنا ايش الملح الحجر

[أم البداري]

الله ييسر لنا الولاده السهله

[حياتي جوريتي]

اﻷه يسهل عليكم ا
تولودون بكرى واسمع عنكم وحمد اﻷه على سلامه اﻷي ولدو و عقبالنا انا اﻷي معاي ولدو قبل المعادهم و افتكو و انا اطالع فيهم متحسرة ههههه

[أم البداري]

^ نفس حالتي للأسسسسسسسف

[do0o0o0de]

نسيم ياااااااااااقلبي انا مو بكريه ولا شيء عندي 2 وهذا الثالث
وكل الاثنين اللي قبل طلق صنااااااااااااااااعي والظاهر هذا بعد
بدووووووووور وينك مختفيه والله اليوم كنت افكر فيك اقوووووووول اختفت شكلها ولدت
الله يسهلها علينا
ام لافي شكلك حتى انتي تودعين التااااااااااسع معانا

[do0o0o0de]

a.a
ألف مبرووووووووووووووووك والحمدلله على سلامتك كنت أسأل عنك قبل كم يوم لأن موعد ولادتك نفس موعدي بس ماشاءالله عليك سبقتيني وإن شاءالله يااااااااااااارب أولد مثلك قبل موعد الطلق الصنااااااااااااعي

[نسيم الجبل]

ماشاء الله دودي افتكرت بكريه عشان اكثر اللي في التجمع بكريات سوسوري
الله المستعان حتى انا لازم ازود على التاسع مثل الحمل الاول يارب يصبرنا
بدور بغيت اسالك ايش الاوجاع اللي جاتك واختفت

[do0o0o0de]

أم لاااااااااافي أنتي موعد ولادتك قريب مننا
أنا المفروض 16 _6 وعديت التاسع ودخلت العاشر
صرناااااااا احنا على رأس المعوشرات بالمنتدى
رحمتك ياااااااارب وفرجك

[حياتي جوريتي]

انا توني جايه من المشي ظهري يالمني من المشي بنتي ولدتها في نفس موعد د ورتي يعني في الاسبوع 38

[أم البداري]

أنا المفروض 20 - 6 و شكلي مطوووووووووووله

اليوم كان عندي مراجعه و عطتني موعد السبت و تقول بننتظر أسبوع بعد السبت :(

[hana kh]

بدور ملح حجر الخشن نفسه اللي يجي طبيعي مو مكرر لون الكيس ابيض تقريبا نص كيلو ينباع

اقولكم شي بنات بس والله مدري الموضوع صدفه والا له تاثير زي ماتذكرون انا جاني نزيف وتنومت من الجمعه واعطوني تحاميل تحريض 3 تحاميل كل 6 ساعات وماجاني اي طلق وقررو ينزلوني التنويم يوم السبت الساعه 9 الليل عشان يكتبون لي خروج صباح الاحد وانا كنت حدي تعبانه من الالام بس مو طلوق منتظمه المهم نفسيتي تعبت من الانتظار ومافي بوادر رحت حطيت باذاني سماعات جوالي وشغلت سورة مريم والله ماكملت السوره الا والطلق بادي ماصدقت عيوني تبققت قفلت السوره رجع الوجع رحت اتحمم زاد الالم وانتظم اكثر عرفت انها ولاده بس سبحان الله صدفه والا بتاثر القران فيني الحمدلله تيسرت وولدت ثاني يوم اللي هو الاحد وكان اححححلى يوم واحلى احساس نفسي يتكرر كل يوم احساس انك شفتي طفلك اخيرا بعد تعب

[أم البداري]

سبحاااااااااان الله

الله يسهل لي و لجميع الحوامل

[غرام الوجدان]

كيفكم بنااات .... باركولي ولدت وجبت احلى بنوته بعد تعب معاناه ... بس احساس الولاده رهيب بمجرد تشوفي البيبي تنسي التعب كله ..... الله يسهل عليكم ياللي تنتظرون الولاده ودايما حطوا في بالكم انكم قادرين على تحمل الولاده والمها ... لان كلها ساعات وتشوفوا ضناكم

[حياتي جوريتي]

سورة مريم لها تاثيرها الفعال اﻷي محد ينكره صحييح انا لما قريتها اول امس جاتني الالم يوم ثاني بس وقفت والله لو اقراها متواصل احس ما بيطلع علي نهار الا وانا والد

[أم البداري]

غرام الوجدان أللللللللف مبروك و الله يرزقك برها
و عقبالنا يا ررررررب

[حياتي جوريتي]

مبروك غرام حمد الله على السلامه ويارب عقبالنابرو

[بدور 123]

الحمدلله على سلامتك غرام

دوووووودي احاول اشغل نفسي بتنظيف البيت عشان الوقت يعدي بسرعة ما أحس فيه

نسيم الالام اللي زي الم الدورة بس كانت قوية اتوقعت اولد قبل موعدي

بس اليوم الخوف زايد عندي بزيااااااااااااادة

هناء سبحان الله القران كله خير وبركة الحمدلله على نعمة الإسلام

[نسيم الجبل]

الف مبروووووك غرام الوجدان والحمدلله على السلامه واقرالله عينك بشوفة الاموره ورزقك برها ان شاء الله
ماشاء الله ماباقي الا قليلات الله يسهل علينا ويصبرنا ويرزقنا باطفال سليمين العقل والبدن قولوا امين

[بدور 123]

آآآآآمين يااااااااااارب

[همسات قلبي]

الحمدلله ع السلامه ياغرام

عقبالنا الله يسهلنا

فينكم بنات أنا اليوم حاولت امشي ساعه ورجعت وحاولت اشتغل وأبي أولد بسرعه اش اسوي كمان

[أم البداري]

^ إذا لقيتي حل قوليلي خخخخخخ

[lwlw22]

بما انكم منتظرين الولاده زاي مين فيكم وضع الجنين بالوجه ومين لسه الجنين منزلش في الحوض انا في الاسبوع 39

[lwlw22]

انا في الاسبوع 39 ووضع الجنين بالوجه ممكن يتعدل

[lwlw22]

حد يرد عليه علشان انا هتجنن

[lwlw22]

طيب مين كانت بتاخد مثبت وولدت طبيعي
وهو المثبتات مش بتخلي الرحم يفتح وقت الولاده

[أم البداري]

أسفه أنا بكريه ما أعرف لهالأشياء

[lwlw22]

شكرا ياجماعه علي عدم الاهتمام

[نسيم الجبل]

معليش اخت lwlw ما عندي معلومه اكتبي موضوع وان شاء الله هتلاقي حد يفيدك

[همسات قلبي]

عزيزتي ماعندي خلفيه بكريه وماعرف شي عن هالامور
وحكاية نزول راس الجنين أنا للحين مانزل للحوض يارب ييسرها علينا






فين شلة السهارى

[نسيم الجبل]

هلا هموسه انا هون
رذاذ مختفيه عسا المانع خير انا اقول هنالك خيانه عظماء سترتكبها رذوذه
فوفو وييييينك كفااااايه نوم ماشاء الله
هموسه كيف النفسيه اليوم
تجمعنا بارد من زمان ممل شوفو التجمعات الثانيه شعله ماشاء الله

[همسات قلبي]

هلا نسيم

النفسيه مش ولا بد
ورذاذ من امس حاسه فيها انها ح ترتكب خيانه

فوفو تشخر او انها تمشي ح تكسر رجولها زي ماقالت

اما عن التجمع صدقتي بقوه التجمع كله برود مافيه شعلة نشاط

اش رايك نسيم نشعللهم ونرقصهم


بس مااعتقد يتحمسوا

نسيم اش تغير فيك من حملتي أنا احس سمرت شوي والمشيه ههههه تغيرت

[قلب عبآدي]

يآربي آللله يسهل علينآ تعبت مآفي لانوم ولآ رآحه وقلق

آمس رحت موعدي والاربعاء الماضي كنت رايحه بس نسيت اسوي تحليل ورحت امس الثلوث

وقالت لي عندك التهاب شديد للعلم ماكنت حآسه فيه بس آليوم احس كآثرره الافرازات مع الم ف ظهري. طبعآ هي عطتني مضضآد كل 8 سآعات.
وعطتني موعد بعد 7 ايام ف 24 تحليل من جديد < قلت ف خاطري اقلقتيني ان شاءالله اولد ومااشوف وجهك
وموعد ولادتي ف 29 وقالت اذا ماولدتي تعالي جآبت لي القلق اووف

دعواتكم

[نسيم الجبل]

صباح النور
والله الحموضه لاعبه فيه كل ما انسدح تشعلل ياربي والله بانفجر
اكيد هموسه السمار يصير هو شر لابد منه بس مو مشكله فتره بعد الولاده ويروح ونرجع زي اول ان شاء الله من ناحية المشيه ههههه بطريق يمشي على هونه
المشكله في رجلي اليمين اليوم فيها الم متعبني يجي ويروح الله يستر الالم من فوووووق في الفخذ من جوه وربي اني خايفه منه

[همسات قلبي]

قلب عبادي

ان شاءالله تولدي بسلامه

نسيم الله يعينك ع الحموضة
حكاية رجلي والله أنا زيك بس الثنتين الألم قوي

[نسيم الجبل]

سلامتك قلب عبادي
طيب الالتهاب يضر لو الوحده اهملته سالتي الدكتوره
اكثر وحده مهمله انا اتحمل الالم وابلع لساني خووووووووافه وان شاء الله يجعل العواقب سليمه

[همسات هادئه]

صبااح الخيير كروشات


نسيم اللي سمعت انه ايوا يضر الجنين وقت الولاده
يسبب له التهاب عااد مادري اذا صدق او لا


بِــ̯͡سّ الافضل انك تسوي تحليل وتعالجي نفسك
اذا فيك شي


باقي اربع ايام على موعد ولادتي
ادعولي اولد طبيعي
لانه احتمال اولد عمليه اذا عدى موعدي

[نسيم الجبل]

هلا همسات هادئه
بعيد الشر عنك ان شاء الله تولدي طبيعي وتقومي بالسلامه
ليش يولدونك عمليه ايش المشكله ان شاء الله مافي مشاكل

[همسات هادئه]

امييين يارب وياااك ان شاءالله

لا الحمدلله بِــ̯͡سّ لان ولادتي الاولى عمليه
فاذا ما ولدت طبيعي من حالي مرح يقدرون يسون شي
غير انهم يولدوني عمليه لانه طبعا مستحيل يعطوني طلق
صناعي عشان ما يفتح العمليه

[نسيم الجبل]

((((الحمد لله على كل حال ان شاء الله اللي ربي كاتب فيه الخير يصير ويقومك بالسلامه )))
مو راضي يجيني النوم راسي بينفجر من الظهر امس مانمت الظاهر كثرة المنبهات@@
يلا استودعكم الله الذي لاتضيع ودائعه دعواتكم،،،،،،

[fufualmoon]

والله نااايمه في العسل خلاص ماعد فيه سهاري نام بكير عشان تصحى بكير خخخ
النفسية صلحت الحمد لله عاد اليوم ربوع بروح بيت اهلي وبسوي فيهم الجنان واطلع كل اللي في نفسي

aa وغرام وجدان... مبروووك والف حمد لله ع السلامة عقبالنا ان شاء الله
نسيم.. يعني انتي مطوفة !! وماشاء الله عليك سااكتة هههه
قلب عبادي ..سألتيني عن الالام لا ما فيه اي الام غير الم دورة خفييف سألت الدكتورة قالت ولساته حيزيد حتى يجيك الطلق هههه
لولو.. انا في 39 وله مانزل الحوض
ماشاء الله اللي قرو سورة مريم رحمة من ربي والله انا قريتها كللها ما أثرت فيني سبحان الله

وبسألكم ع الالم اللي يجي في اعلى الفخذ جاني حتى ما يخليك تمشين ايش سببه ؟؟

[fufualmoon]

امس في الليل الله يكرمكم صحيت ابغا الحمام سويت حركة مرره غبية ههه
بقوم من السرير وفيني نووم طيحت نفسي في الارض على ركبي تخيلتوو المهم
بطني مسكين ماهو مستعد بس وقفت وتعالي على الام مسكني بطني من فوق وظهري من فوق بنفس الاتجاه ماعد قدرت اتحرك وقفت دقيقة ع الجدار عشان يروح ههههه ضحكت على نفسي <<< هذا كله حب في النوم
والله مسكين ولدي تعذب معايا

[hana kh]

انتبهي فوفو بعيد الشر موب زين تطيحين اي طيحه بسيطه عبالك بيسلم اللي ببطنك ترى والله اعرف قصه ماتبين تسمعيها ولا بفاول على احد بس اي ضربه في ظهرك او في مقعدك يعني الحوض اعلى الافخاذ فيها ضرر مباشر للجنين انتببببببببببهي تطيحي علي مقعدك او تجلسي بقوه او تنطي لمن تركبي السياره يكفي الشر الحوض يضرب براس الجنين ومايتحمل لان عظمه طري

[fufualmoon]

الله يستر ياهناء بس الحمد لله لسه بيتحرك ما شاء الله ها المره جت سليمة

[hana kh]

فديتك الله يحححميك ويحمي طفلك ويقر عينك فيه عاجل غير اجل 

[fufualmoon]

امين يااارب
كيف النفاس معاك ؟؟

[قلب عبآدي]

آلله يسلمكم حبيبآتي
اايه نسسيم الالتهآب مرره مضرر وقت آلولاده اقولك اقلقتني الدكتوره عطتني تحليل ثاني الاسبوع الجاي عشآن هآلالتهاب < ان شآءآلله اولد ومآأروح لهآ
أناا يجيني ألم ف ظهري وبطني يشد بس مو متوآصل مثلآ سآعه أو سآعتين بعدين عآتي آلحووض وتحت الله يعزكم آلم فضيع وخآصة وقت النوم اتعذب مقدر افتح رجولي. سئلت الدكتوره قالت عشان الرأس نآزل تحت ويضغط ع الحوض
مامداني افرح بااالم انه جاني الا يختفي ههههههههههههه

وآلسهآلات من رب آلعآلمين .. آلله كريم يجبر بخوآطرنآ

[أم البداري]

للحين ما ولدتو خخخخخخخخخخخ

[fufualmoon]

ام لا في باقي لك يومين اذا ولدتي احنا وراك ههه

[قلب عبآدي]

آلله يسسسهل عليك أم لآلآفي وتبشرينآ بخبرر ولآلآدتك ..

[fufualmoon]

قلب عبادي متى موعد ولادتك ؟؟
وانتي بكرية ؟؟

[قلب عبآدي]

أيييه بكريييه عنوني ..

موعددي 29 /6

[hana kh]

الحمدلله يافوفو النفاس مو زي ماتوقعت التعب الوحيد بس انك تدارين الخياطه والا كل شي الحمدلله دلال واكل ومرعى وقلة صنعه 

[fufualmoon]

قلب بادي اخر الشهر ههه ان شاء الله تولدي قبل
هناء يلا عقبالنا نجرب النفاس

[أنا بدونك "no thing"]

hwaml7
أبشركم أختي طيبه ولله الحمد ربي أكرمها وولدت يوم الأحد 6/15
بطلق صناعي
وجابت بنوته تشبهها ربي يحفظها
وعقبال عندكم إن شاء الله وعن قريب تكتب لكم قصة ولادتها
بس هاليومين مشعوله بالضيوف

[نسيم الجبل]

الف الحمد لله على سلامة اختك انا بدونك والف مبروك على المولوده الصراحه فقدنا اختك نستنى الاكشن منها ان شاء الله

[fufualmoon]

ماشاء الله مبرووووك لاختك انا بدونك وحمد لله على سلامتها
سلمي لي عليها كثيير

[أم البداري]

صح بقالي يومين بس ما حسيت بأي بوادر
الله يسهل لي و يسهل لكم يا رب

[قلب عبآدي]

هههه أيه وآلله ي فوفو أخر آلشهر آلله يسمع منك واولد قبل ..

آم لآلآفي أن شآءآلله تولدي آلطلق يجي فجأهـ ربي يسهل عليييك أن شآءآلله ..

[fufualmoon]

بنات بقولكم بطني احسه متحجر وفيه شويه الم دوره ماسك ظهري ورجلي
حاسه اني بولد في موعدي يوم الاثنين الجاي
ان شاء الله اني اولد قبل ماعد فيني اصبر للأسبوع الجاي

[همسات قلبي]

الحمدلله ع سلاما اختك أنا بدونك

يلا عقبالنا الهمه يابنات

رذاذ مختفيه البنت صارت ام

فوفو يارب يسمع منك ونولد قريب

[نمولة]

وانا بعد يافوفو توني اقول لخواتي فيني الام دورة وغثيان بالضافة الى التقلصات الي كل مالها وتزيد جلستني اكثر من مرة امس الليل ان شاء اولد قرييب ولا اتبهدل بطول الطلق

[fufualmoon]

رذااذ اختفت فجأة
ان شاء الله انها ولدت بالسلامة
نموله كيفك مع الامتحانات *

[همسات قلبي]

فوفو ونموله

عندي الم بس في ظهري هو زي كدا اللي عندكم وعندي غثيان
اما أفخاذي مرررره الألم شاد فيها

وكمان وأنتو بكرامه احس معايا إمساك اش اسوي

[همسات هادئه]

مبــــرووكـ لكل اللي ولدو والحمدلله على سلامتهم

كيفكم بناات؟؟اخبااركم؟؟

[شجون الشمري]

الله يهون عليكم
ويقومك بالسلامه

[قلب عبآدي]

آمييييين ي فوفوو ربي يسهل عليك وتولدين ب آلسلآمه
وأنتي كمآآن همسآت ربي يسهل عليك
ويسهل علي أنآ بعد وويسسرهآ لنآ قبل موآعيدنآ أمين يآرب آلعآلمين

[همسات قلبي]

قلب عبادي
الله يسعدك يارب ويسهلك وتتيسر ولادتنا يارب

[fufualmoon]

فيه احد ؟؟

[قلب عبآدي]

أيه أونــآآ هههههههههههههههه

[fufualmoon]

هلا قلب عبادي شكلك زهقاانه مثلي هههه

[قلب عبآدي]

لآ وآلله موب مرآآ عآتي <

تو أختي بششرتنآ بخبرر حملهآ مبسوطين هههههههه

عقبآل مآيفرحون بخبر ولآدتي أناا بعد ..

هآآ أجل متى موعدك .. وكيفك تحسين بألم آلحين .. ؟

[fufualmoon]

امين الله يسمع منك ومبروووك لاختك يلا قدامها مشوار طوييل ههههه الله يعينها <<< خلاص زهقت من الحمل
لا الحمد لله كالعاده راح الالم خخخ بس بطني لسه متحجر احسه بيطيح
انا موعد ولادتي الاسبوع الجاي نفسي يطلع اليوم قبل بكره
انا عندي عريس الله يجيبه بالسلامة وانتي اش معاك ؟؟

[قلب عبآدي]

أيه وآلله مشوآرهآ طويل من قلب < ي ويل حآلي
وآلله أنآ أحس بمغص ف بطني وزي ألنقزآت من تحت وضغط شوي ..
لآ وآلله أنآ معآي عروسه ربي يجيبهم معآريسنآ ب آلسلآمه آلله يسهل علينآ يآربيه يوم آلسبت أدخل ألأاسبوع 39 .

[fufualmoon]

هااانت الخميس والجمعة بسسرعه يمشون
الله يجفظ لك بنوتك وتيجي بالسلامة
النغزات تجيني كثيير بس لم يتحرك

[نسيم الجبل]

سلام ياكروشات فيه خيانه جديده؟؟؟؟
فوفو ايوه انا مفوته على حساب الدوره لكن على حساب السونار يوم 24 علشان كذ ا توقعي كان على حساب السونار والحين مدري ايش طرالي اغيره على موعد الدوره ههههه يلا اعطي نفسي دافع عشان اخاف مره يمكن الخوف يخليني اولد ههههه
المهم عندي موعد السبت شكلهم بيقولون نسويلك طلق صناعي زي حملي الاول وادعس واطنشهم خخخخ

[همسات قلبي]

فوفو متي الاسبوع الجاي موعدك
أنا موعدي الربوع

[fufualmoon]

انا يوم 23 يصادف 14 مايو يوم الاثنين
انا دكتورتي ماشية معايا ع الدورة
اخر مره سألتها قالت لي عمره 38 يعني بتمشي في 39 قلت لها صح ههه
نسيم يااارب نولد كلنا بنفس اليوم لا حد يقدم ولا احد ياخر

[نسيم الجبل]

هلا همسات قلبي
فوفو انا عادي ازود متعوده دايماً خخخ
الله يحمي جنيني ويحمي اجنتكم
بنات فيه الم في رجلي اليمين من فوق والله الم مزعج زي البرق ياربي تشفيني
اليوم رحت المستوصف وسويت تحاليل زراعه تطلع بعد 3ايام يمكن اولد قبلها ويمكن لا المهم قالت معك التهاب باين لانها اخذت عينه تكرمون
يارب اتشافى قبل ما اولد

[fufualmoon]

ما شاء الله عليك يا نسوومه اعطيني شوية من صبرك
لا ان شاء الله تتعالجي منها قبل ما تولدي
الالم اللي في رجولك في اعلى الفخذ ؟؟

[نسيم الجبل]

هههه خذي من صبري حلالك هههه والله انا من الناس الصبوره والحمد لله ترى مابعد الصبر الا الفرج والاجر والحمدلله
ايوه الالم في الفخذ من جوه فوووق حتى من وجعه احس بسخونه داخليه الله يستر

[fufualmoon]

والله مدري يا نسيم انا جاني مرتين اليوم بس يمسك شوية ويروح
الله يسر لك امرك يااارب مع هذا الصبر ويسهلك ولادتك
همسات فينك ؟؟

[نمولة]

همسات انا اذا كان معي امساك اكل تفاحة حلوة للامساك والرسول صلى الله عليه واله يقول( كلوا التفاح على الريق فانه نضوح المعدة) ونضوح يعني انها تنظف المعدة والامعاء جربي كليها

[نمولة]

نسيم الالتهابات خطرها ان وقت الولادة تنتقل للجنين اثناء خروجه وتسبب له رمد صديدي تصير عيونه كل تطلع منها اوساخ وتحتاج علاج بسيط
اتذكر ولد حماتي وقت مارحت لها المستشفى كان في تحت عيونه خط اصفر لانها كان فيخا التهابات والمستشفى كانوا عارفين فحطوه له العلاج
اما زوجة اخوي كان فيها التهاب ولا انتبهوا المستشفى فضل مع ولدها الاتهاب في العين ثلاث اشهر الى ان شافوا له علاج مناسب

ان شاء الله ما يكون معاك التهاب شديد
*

[نمولة]

طبعا انا متعقدة من لاتهابات لانها كانت السبب في تاخر حملي بعد التسقيط الله يكفينا واياكم شره

[fufualmoon]

انا جربت الالتهابات والله عذاااب
المشكلة اني كنت في بداية زواجي كنت استحي اروح المستشفى
لكن دحين خلاص ماعد فيه حياء هههه

يلا عن اذنكم موعد النوم جاء خخخخ استودعتكم الله

[بنت القطان]

شخباركم يا كراريش

انا ماادري شنو فيني يوم اجي اكل اختنق واشرق !!

[نسيم الجبل]

الله يستر يانموله ومايكون التهاب شديد
بنت القطان بسم الله عليك يمكن انتي معك خوف من الشرقه عشان كذه تتحسسين من الشرقه وتشرقين>>محلله نفسيه
اخبار بدور ودودي بنت البنات والباقيات طلوا بقاء وطمنونا ^^

[do0o0o0de]

أهلين قلبوووووووو نسيم الجبل
والله أنا صااااااامدة لكن مليت وطفشت وجالسه أتناسى الموضوع بكرة عندي موعد للتحريض والله يستر منه والسبت الطلق الصناعي

[نسيم الجبل]

اهلين دودي خليكي مثلي وانتظري فرج الله الصراحه ما احب التدخلات الطبيه الا اذا كان فيه ضروره

[صحفية المستقبل]

والله اني شايله هم للان ما ولدت ومنتظره الفرج

[همسات قلبي]

هلا كروشات
وحشتوني والله قلبي عندكم بس من الألم في افخاذي ماني طايقه نفسي
اليوم موعدي عند الدكتوره دعواتكم

[fufualmoon]

صباح الخير الله يهونها علي وعليكم ياارب رحمتك علينا
همسات قلبي ان شاء الله انه نزل الحوض

[أم البداري]

دعواتكم لي الله يسهل لي و يجيب لي الطلق

طفشششت من الأنتظار

[fufualmoon]

ام لافي لو عليا كان طلعته بعمليه لكن خايفة انه يموت الله لا يقدر هذا هو اللي مصبرني
اش عندك ولد ولا بنوته؟

[رذآذ آلمآس]

صباح الخير بنات ابشركم ولدت امس الساعه 9 ونص الصباح
وجبت بنوته
بس حبيت اطمنكم علي وانشاءلله ادخل اذا طلعت من المستشفئ
وترا دعيت لكم نسيم فوفو همسات وكل بنات التجمع

[fufualmoon]

ما شاء الله تبارك الله خيااانة ههههه
الف الف ىمبروووووووووووووك يا رذاااذ وحمد لله ع سلامتك وسلامة البنووتة
والله من جد فرحت لك يلا عقبالناا يااارب

[نسيم الجبل]

الف مبروك رذاذ والحمد لله على السلامه وتتربى في عزك البنوته
بنات دعواتكم انا رايحه المستشفى المغص ذبحني غير انه نزلت عليه مويه في الصباح كميتها قليله وطنشت بس الحين بدا يجيني وجع يارب رحمت تكفون ادعولي وماراح انساكم ان شاء الله

[fufualmoon]

نسيم سلامتك ان شاء الله مافيه الا العافية قلبي معاك
اذا ولدتي طمنينا الله يسر لك امرك ويهون عليك ياااارب

[همسات قلبي]

الحمدلله ع السلامه يارذاذ والله كنت افكر فيك اش صار عليك

بوسيلي القمر الله يخليها لكم

نسيم ماتشوفي شر وطمنينا عنك

فوفو يدي بيدك لا تتركيني لوحدي
تحسي بشي أنا بس الم ف ظهري وافخاذي واليوم شوي الم ف بطني بس مو كتير يروح وقت ويرجع


موعدي مع الدكتوره العشاء ارجع اطمنك

[fufualmoon]

همسات ان شاء الله نولد بنفس اليوم :( ما بقي الا احنا
يلا رذاذ امس واليوم نسيم وبكرا احنا ونرتاح
ايوه انا عندي الم دورة وبطني مرره متحجر من امس

[همسات هادئه]

الحمدلله على سلامتك رذاذ الف مبروووك

نسيم الله يهون ويسهل عليك يارب
لا تنسيني من الدعاء

[fufualmoon]

همسات هادئه وانتي معانا لسسه ؟

[عزتي مالها حد]

سلام بنات انا موعد ولادتي الاول المفروض يوم 18 /6
بس يوم دخلت التاسع قالت كمان اسبوع زياده يعني يوم 25 /6 مين صار معاها نفس الشي


وكيف اعرف اذا عندي التهابات من غير ما اروح للدكتوره ؟؟

[fufualmoon]

ممممم عزتي .. امشي ع حساب الدورة افضل لك
اما الالتهاب تحسي بحكة وافرازات كثييرة تكون بريحة بس لازم تتأكدي من الدكتورة اكثر
اما التهاب البول تحسي نفسك حشرانه وتروحي ما يطلع شيء
او يكون لونه متغير وبرضة ريحته تكون قوية الله يكرمك وتتأكدي اكثر سوي تحليل بول عند الدكتورة ههههه يعني مالك الا المستشفى
وان شاء الله ما فيك الا العافية
على كذا انتي لسه معانا الاسبوع الجاي ولادتك الله يعين

[قلب عبآدي]

وأنـآ بعد معآكم نسيتووني *_*

الحمدالله ع سلآمة رذاذ وتتربى بعزهآ ان شاءالله البنوته

وأنآ أدعوآ لي ,, آليوم صحيت أفرآزآت ودم وآلبآرح بعد نزلت علي أفرآزآت وأحس بألم دعوآتكم آلله يسههل علي يآربيه
ويسهل عليكم أن شاءالله

[همسات قلبي]

قلب عبادي وفوفو وانا وهمسات هادئه
إحنا باقي

بنات هو ضروري دم ومويات


يارب نولد بسلامه اليوم قبل بكره

[همسات هادئه]

موعد ولادتي بكره
ان شاءالله اولد فيومه ولا اعدي التاسع


لا اتوقع مو ضروري
اغلب اللي اعرفهم راحو المستشفى بسبب الطلووق
مو بسبب الدم او المويات

[همسات قلبي]

توي جايه من الدكتوره والله يابنات نفسي ابكي
تقول الرأس من دخلت التاسع هو عند عظمة الحوض
ومانزل تقول لازم اسوي أشعه مقطعيه تبغى تشوف حجم الحوض تقول اذا ضيق خلاص موعد الولاده زي ماهو الربوع الجاي
بنات ادعولي الله يخليكم مرررررره خايفه

يارب يسهلنا جميعاً

[همسات هادئه]

الله يسهل عليك يارب
ويكتب لك اللي فيه الخير

قلت لكم من قبل امي تقولي مو لازم ينزل الجنين فالحوض من الحين
تقول عاادي ينزل وقت ولادتك

انا صراحه ما همني >> بردت خلاص بعد ما كنت خايفه
اذا ربي كاتب لي بولد طبيعي بولد ان شاء الله
واذا كاتب لي عمليه فبولد عمليه
اهم شي اسوي الاسباب
اللي هي امشي واسوي تمارين القرفصاء

والله يكتب اللي فيه الخير لي

[عزتي مالها حد]

الله يسهلك ويفرجها عليك وعلينا

خلاص هانت ان شاءالله مابقى شي ونفرح بالولاده والنونو
ونرتاح من الثقل

يارب سهل علينا وعجل ولادتنا وقومنا بالسلامه ياااااارب ..

[fufualmoon]

همسات قلبي والحل معاهم استغفر الله
انتي تمشي كثير؟؟؟
اشتكي لامي اليوم تقولي اربع وعشرين ساعه نايمه كيف تبغيه ينزل ههه

[fufualmoon]

انا فوفو
همسات قلبي
همسات هادئه
نمولة
قلب عبادي
ام لافي


مين بقي يكتب اسمه الله يسهل علينا

[fufualmoon]

بناات والله زهقاااانه فينكم

[بدور 123]

بدوووور لاتنسوني .........زوجي نفسه يسحبني ويوديني للدكتورة وانا مني راضية خاااايفةادعولي تتسهل اليوم وأولد ذبحني الهم حسبي الله ونعم الوكيل. همسات الله يعينك انت فين تراجعي !!

[نمولة]

مبروووك رذاذ
باقي القليل ادعولي اولد بكرة خلاااص احس تعبت
بطني اليوم نازل واجد وتحت الاضلاع فاضي تقول امي باقي يوم او يومين بالكثير

[fufualmoon]

بدووور انتي لسسه ع بالي انك ولدتي
يلا نمووله دام نزل شدي حيلك في المشي
يالله صبرنا*

[همسات هادئه]

اليوم مشيت كثير صراحه الله يعين
واحس حاليا بنغزات من تحت

وبعد احس بثقل من تحت
ربي يسهل

[نمولة]

انا مامشيت امس ولا اليوم

[fufualmoon]

انا مشيت تقريبا 10 دقايق
خلاص تعبت وبعدين الجو ما يحتمل يا لطيف

[همسات قلبي]

فوفو إيه والله امشي يوميا ساعه وهذي اليومين صرت اشتغل وقلت لاختي أنا راح أغسل الغسيل

بدور أراجع عند منال بدوي في الاطباء المتحدون

وانت فين تراجعي


الله يسهلنا جميعاً
فوفو ترا ربنا يسهل بنت خالتي كانت ما تمشي ولا تتحرك وولدت طبيعي



قولي لامك تدعيلنا ماما تدعي لنا انه تتسهل علينا

[fufualmoon]

ولا يهمك همووسة قلت لها ودعت لكم من قلبها
الله بفرجها علينا

[fufualmoon]

همسات أش عاد سويني بالتوزيعات

[همسات قلبي]

سويت للمستشفى فواكه مغلفه بالشوكليت
وسويت شوكلاته مكتوب عليها عبارات


وانت

[مبتسنة رغم الالم]

الله يكووووووووووووون بعووونكم وتتسهل علييكم يارب

والف مبرووووووك للي ولدوووووو .........

[myso0oul]

صباح الخير كروشااات

اشبكم نسيتوووني مررره

انا امس رحت السوق واليوم كمان بعدها نزل علي دم

وعندي الام بسييطه من اوووول

الله يسهلي ويسهلكم يارب

[بدور 123]

همسات قلبي ماابغا اخوفك بس سألتي الدكتورة منال اذا كان عندهم ابرة بنج وقت الخياطة ولا لا؟

انا اراجع عند امل فاضل في مستوصف العيساوي في مكة

فوفو لما اتذكر دعوات الناس ليا ارتااااااااااااااح الحمدلله

[fufualmoon]

مبتسمه أخبارك وكيف البيبي ؟؟
ميسول تغيبي فجاه اقول امكن ولدتي خخخ

همسات تصدقي اني لسه ما سويت شيء شكلي باخذ جاهزة وخلاص

[همسات قلبي]

ياعمري الله يسهلك
بس كيف تمشي وهو ينزل عليك دم
انتبهي روحي المستشفى

[بدور 123]

همسات كثرنا عليك الاسئلة؟

فين سويتي الفواكه اللي بالشيكولاته انا صراحة محتارة حتى في المكسرات اليابانية ابغا نوع لذيذ بس والله تعبت من اللفلفة وما اعرف محلات مكة مزبوط ،حتى الشوكولاته برضو محتارة ايش رايكم في سعد الدين

[بدور 123]

ميسول الدم عادي استني لما يزيد عليك الالم بعدين روحي طبعا اذا كنت مطمنه انو كل شي عندك سليم وربنا معاك الله يسهلك ،ماشاء الله بكرة موعدك ,,,ادعيلي معاك

[myso0oul]

فوفو
انا كل يوم اتابعكم بس احسكم مهمشيني مرره

بدور
هذا اللي انا اسويه استنى الألم الحقيقي المنتظم عشان اروح
والله يسهلنا جميعاَ ياقمر
حبيت اقلك كمان اني ان شاء الله بولد بحراء

[همسات قلبي]

بدور لا ماسألت الدكتوره
ميسول لا والله انت مو مهمشه

الفواكه سويتها في محل في الحمرا عند سعد الدين
وسعد الدين مره حلو
وكمان فيه محل ح سوي عنده حق السبوع ان شاءالله عنده شوكلاتات بالصور ح سوي عنده





اذا تبغي اسم المحل ح رسله لك اذا رجعت البيت لأني مااحفظ الاسم

[همسات قلبي]

فوفو الله يعينك

بدور ح قولك في ولادة زوجة اخوي في ولدها الاول أخذنا من سعد الدين اللي تجي محشوه بالكورن
واشترينا توزيعات هدايا وحطينا الشوكليت معاها
وهالمره أخذنا بالكيلو من عندهم وغلفناها بشكل حلو


فوفو أسألك وقت يتحجر بطنك البيبي يتحرك او لا
فهموني كيف التحجر عشان اعرف لان تقولي الدكتوره وقت يتحجر بطنك ع طول تعالي
يارب يسهلنا جميعاً

[قلب عبآدي]

أهنن ي بنآت ..

كيفككم أدعوآآ لي فيني ألم شديد وتنزل علي أفرآزآت مختلطه بدم
أدعوآ لي ربي يسسهل علي وأولد وأفتك
وربي يسسسسهل عليكم أنتوآ كمممآن

همسات وفوفو ونموله وميسول وبدور وعلينآ كلنآ يآربي
سآمحوني أذا نسيت أحد

[همسات قلبي]

قلب عبادي

الله يسهلك تكفين ادعيلنا لا تنسينا نولد طبيعي

[بدور 123]

ياعمري عليك ياقلب عبادي الله يسهلك يارب وتكون أسهل واسرع ولادة ماشا الله عليك يللللا هانت

[fufualmoon]

همسات احس بطني ينشد ويصير قاسي ولم توقفي تحسي بطنك بيطيح
واحيانا البيبي يتحرك ويشد نفسه لجهه معينة لدرجه انك تتنفسي بصعوبه

ابغا أسألكم عن سعد الدين هذا
هو محل ولا راعي المحل خخخ شوقتوني اعرف ايش عنده

ميسوول اعذرينا ياقلبي بس انا اخش واللي ألقاها قدامي حكيت معاها

نسيم الله يسهل عليك ويهون عليك الطلق
ادعو لها يابنات

قلب عبادي هانت دام عندك بوادر ولادة
انا صرت اتمنى اشوف الدم ولا المويه هذه بس اعطي نفسي حاافز وأقول هانت الحمد لله ع كل حال

انا اليووم سهراانه وحدي تعبانه نووم رحت بيت جدتي والمشوار ياخذ ساعة
ودوبني وصلت البيت يلا حبايبي لنا لقاء تصبحون على خير

[همسات قلبي]

فوفو سعد الدين اسم المحل حاجته حلوه

وحكاية بطني اوقات يسير كدا بس تقولي الجنين مو نازل الحوض يعني حتي لو شد بطني
تقول عمليه يارب يسهل مره خايفه يارب أولد طبيعي

[حبي EE]

ابشركم ولدت
بعمليه فجر السبت وكنت تعبانه
وماقدرت ادخل

[همسات هادئه]

صبااح الخييير بناات

كيفكم؟؟


همسات اذا الحوض عندك ضيق لازم يسوون لك عملية
مرح تقدرين تولدين طبيعي

ولا تخافي من العملية انا مجربتها
بِــ̯͡سّ اهم شي ما تكوني كسوله وطايحه طول الوقت بالسرير

[همسات هادئه]

الحمدلله على سلامتك حبي ee

الف مبرووووك


عقبالنا يارب

[fufualmoon]

مســــاء الخير جميعا
همسات قلبي لا لا ان شاء الله تولدي طبيعي وتتيسر لك
شككتيني في نفسي اخاف انا مثلك الحوض ضيق بسأل دكتورتي في الموعد الجاي

حبي ee الف الف مبروووك حبيبتي وحمد لله ع سلامتك وسلامة النونو

همسات هادئة بكره موعد ولادتك ان شاء الله تولدين بالسلامه وطبيعي ها المره

فين ممكن القى محل سعد الدين ؟؟؟

[بنت القطان]

احم احم

انا معاكم ما ولدت للحين
بتطمن عليكم واقفل باب التجمع وبعدين بولد ههههههههه

[fufualmoon]

ههههه بنت القطان هو هذا الاسبوع يصير اخر اسبوع لنا
وباذن الله ما تجي الجمعه الجاية الا والتجمع مقفل ونفتح تجمع لمواليد جماد الثاني 

[بنت القطان]

ان شاء الله نولد قبل الموعد

احس خلاص زهقت اهئ اهئ

[fufualmoon]

انتي موعدك الثلوث ؟

[بنت القطان]

لا الأربعاء موعدي

[fufualmoon]

انتي مع همسات قلبي يوم الربوع
الله يسر لنا ان شاء الله
كيف الآلام معاك ؟؟

[بنت القطان]

اختفت الآلام ههههههه
قبل فتره كانت تجيني بس الحين لا

بكرا موعدي بخلي الدكتوره تكشف تشوف اذا الرحم فاتح او لا

[fufualmoon]

والله قصتها قصة هذه الالام اول ماتجي افرح استنى ابغاها تزيد ترووح
ان شاء الله تسمعي اخبار حلوه انا بروح الثلوث وبخليها تشوف وضعي
انتي نزل الحوض ولا لسه مثل ولدي معصب ههه

[hana kh]

بنات ترى مو شرط ينزل بالحوض انا دخلت الولاده وهو مو نازل بالحوض يعني لاتقلقون انه نزل او مانزل

[بنت القطان]

لا الحمدلله نزل الحوض

ان شاء الله انتي بعد تبشرك الدكتوره وتقول لك نزل
الله يسهل على الجميع يارب

[fufualmoon]

هناء عادي تولدي طبيعي اذا ما نزل الحوض ؟؟
بنت القطان امين الله يسمع منك

[بنت القطان]

هناء بكريه؟


لان اللي سمعته الاول لازم ينزل الحوض قبل بس اللي مو اول مره وقت الولاده بينزل عادي

ماادري اذا صح او لا

[fufualmoon]

تعبت من كثر ما اشتكي الحمد لله على كل حاال
خلونا نغير الموضوع
بنت القطان اش سويتي لنفاس ؟

[همسات قلبي]

هلا بنات السبت ح روح اسوي أشعه اشوف كيف حجم الحوض وح روح عند دكتوراه تانيه
اذا نفس الهرج رجعت لنفس الدكتوره اذا لا ح روح لدكتوره الجديده ع موعد ولادتي

فوفو سعد الدين عنده اكتر من فرع شوفي انت فين اقرب لك واحنا نوصف
فوفو انت باقي ماسويتي شي
أنا للبيت سويت حلاوه بالكيلو للأطفال عادي بعطي منها الحريم المشكله باقي ما وزعتها في الأكياس الصغار كان وريتك هي وسوي زيها
أنا مخبيتها قلت لاخواتي وقت أولد وزوعوها ورتبوها في الكاسه الكبيره

[hana kh]

بكريه ومانزل الحوض الابعد مانتظمت الطلوق وصار بينهم 5 دقايق
والحمدلله طبيعي

[همسات قلبي]

طمنتيني هنا بس الدكتوره قاهرتني المفروض تعطيني فرصه اسبوع مو تقول عمليه
اش رأيكم بنات اغير واروح لوحده تانيه أتأكد

[fufualmoon]

ان شا الله ياهمسات تلقي اخبار حلوه
سألت زوجي عن المحل قالي يعرفه
هناء ان شاء الله اولد طبيعي ههه بدا التوتر عندي
نسيم طمنينا عنك

[fufualmoon]

ايوه همسات شوفي دكتوره ثانية وان شا الله تطمنك

[hana kh]

اححححسن شوفي دكتوره ثانيه مو خسرانه شي بالعكس فيها حرص لجنينك

[fufualmoon]

فيه وحده في التجمع كانت تقول هذا حملها بعد 8 سنوات
مين هي ؟؟ مبتسمة ولا بدور ؟؟

[همسات قلبي]

فوفو ماافتكر بس ماشاءالله مبتسمه ولدت

عقبالك وعقبالي وعقبال بنات التجمع كلهم

[مبتسنة رغم الالم]

مرحبا بنووتات
كيفكم .. يارب تولدوو بالسلامه
لافووفوو مو انا ..
اعذروني صرت نادر ادخل بس عشان الزوار طالعين دلخلين
الله يعين ويسهل لكم ولاداتكم
همسات رؤحي دكتوووره ثانيه وافضل يكون مستشفئ حكومي شوفي انا كانو بيولدوني قيصري بس الحمدلله ربي يسرها

[أم البداري]

فات وقت ولادتي و أنا ما ولدت أدعوووولي تكفوووون
الله يسهل علي و أطلع بالسلامه انا و بنوتتي