تجمع حوامل اللي موعد ولادتهم في شهر جمادى الثاني1433 ‏ه

[بنت البنات]

اللي ماتحس بشي مثل الم يعني الجنين مانزل للحوض سمعت فيها

[بنت البنات]

في طريقة يقولونها المجربات ممتازه لنزول الجنين الحوض
تجلسين على الأرض كأنك بتقضين حاجه في دورة المياه الله يعزك وتمشين او تشتغلين
كنك تكنسين او تمسحين الأرض وان شاءالله تنفع

[fufualmoon]

الافرازات موجودة من الثامن مدري ايش قصتها بس تعودت عليها
قالت لي الدكتورة عادي
نسيم الله يهونها عليك ان شاء الله انتي متى موعد ولادتك؟؟؟

[fufualmoon]

ههههه بنت البنات قصدك حركة القرفصاء سمعت عنها كثيير*

[بنت البنات]

هههههههههههههههههههههه

مدري ايش اسمها الحركة المهم فهمتوها

[بنت البنات]

ما اسمع صوت ولا حركة اليوم في بطني شكل ولدي معجبه الوضع مايبي يطلع

الله يهديه

[fufualmoon]

بنت البنات مايقولو ان ها الجيل غير
شوفيهم كل واحد يبغا يطلع على كيفه خخخ
انتي متى موعد ولادتك

[بنت البنات]

اخر دورة 14 / 9

ودكتورتي عجوز الظاهر بتموت قبل اولد

[fufualmoon]

هههههههههههههههه
ضحكتيني الله يسعدك
يعني ما قالت لك متى ولادتك ؟

[بنت البنات]

تقول الدكتورة اول ماتدخل التاسع اعتبري نفسك اي يوم بتولدي مافي وقت محدد

[fufualmoon]

حتى عمتي قالت لي الناسع شهر الانتظار هههه
موعد ولادتك20 مايو اتوقع يوم 29 هجري من هذا الشهر*

[بشرى فوزي]

السلام عليكم اخواتي كيفكم
أنا أول يوم من آخر دورة كان 29 رمضان 1432 ه و يوم الولادة المتوقع إنشاء الله 13 رجب 1433
و هذا حملي الثاني و أحس إني حولد قبل هالتاريخ لأنه البيبي نازل تحت و بطني صارت نازلة كثير

[fufualmoon]

بشرى الله يكتب لك الساعة الطيبة بس بدري ع الولادة
على كذا لساتك في التامن

[أم عزووووووز]

بنات نزل مني دم بني إلي هي السدادة ورحت المستشفى
قالت فيه طلق بس الرحم مفتوح واحد سانتي
وإذا صار الطلق كل عشر دقائق تعالي لسه مو ولادة
شربت قرفه وأكلت تمر و عسل
والحين فيني ألم بس مو منتظم

[fufualmoon]

ام عزوز قومي امشي وتسبحي في مويا دافيه
وقومي صلي ركعتين وادعي لي معاك اني اولد

[أم عزووووووز]

الألم مو منتظم بس كل شوي يزيد
الله يسهلها علي وعليك وعلى كل الحوامل يااااااااارب
يااااااااارب انك تهونها

[fufualmoon]

امين يااارب. الله يخفف عنك وتولدي بالسلامة

[رذآذ آلمآس]

ام عزوز ليش نزلت السداده انتي شربتي شئ
او هي كذا من الله

[رذآذ آلمآس]

فوفو والله شكلنا بنطول اخر مايولد احنا

[fufualmoon]

رذااذ هي شكلها كذا 

[همسات قلبي]

رذاذ وفوفو
أنتو مافي اي الم زي البنات أنا مايجيني الألم الا نادر بس تقول الدكتوره الرأس مانزل الحوض
وأنتو كيف وضعكم

[fufualmoon]

مثلك ياهمسات مافيه اي الم
يجي الم دورة بس خفيييف اغير جلستي يروح
انا عندي موعد اليوم السبت بس مالي نفس اروح ابغا اي بوادر ولادة وبعدين افكر اروح لهم ولا لا خخخخ
احساسي يقول ما راح اولد الا في موعدي يعني لم اخلص الاربعين اسبوع

[أم عزووووووز]

لا ما أخذت شيء
والحين الطلق يجي ويروح تقريبا كل عشر دقائق

[fufualmoon]

ام عزوووز ياريتني معاااك هههه والله ودي اروح المستشفى معاك الله يكتب لك الساعة الطيبة
كيف شعووورك الم مع فرحه مع توتر هههه ابغا اجرب ها الاحساس

[همسات قلبي]

فوفو
عايشه المواقف
والله كل وحده تقول عندها الم وتعبانه أخاف عليهم وأبي اطمئن ماابي ارد عليهم لحد مايطمنوني عنهم
فوفو أنا حاسه بسك كل الشهر وبعدين أولد

[fufualmoon]

والله اشوفكم مثل خواتي وانا ماعندي خوات اصلا
لم اشوف وحده تولد ولا تتألم كاني اشوفها قدامي وابغا امسك يدها هههه
وبعدين ليه حاسبه الشهر كله تفائلي خير خلينا نرتااح 
تصدقين متحمسه اسمع قصة ولادتك انتي ونموله كثييير مدري ليش 

[أم عزووووووز]

لو تشوفيني تموتين من الضحك
قبل شوي جاني الطلق جلست اصفق من الالم
يوم راح ضحكت على نفسي مدري وش احس فيه
الله يهونها علي وعليكم ياااااارب

[fufualmoon]

هههههه يعني اذا صفقتي الطلق بيروح ههههه ضحكتيني والله
الله يسعدك ويهونها عليك

انا تعبتني حركة ولدي رجووله ع اليمين وقاعد يرااافص
ماشاء الله عليه احس ضلعي بينكسر منه
حركته صارت كثيره ها اليومين مدري ايش السبب *

[همسات قلبي]

فوفو ياعمري عليك يعني انت وحيدة ماعندك خوات
ولا يهمك أنا اختك وغير كدا من نفس ديرتك

عجبتني ام عزوز تصفق والله الوحده تسوي حاجات وقت الألم بعدين تفتكر تضحك
الله يسهلك يارب

تخليو كل يوم زوجي يتصل ويسأل هاا فيه شي كدا او كدا
اقوله لا يقول يارب قريب خلينا نفرح
واذا مارديت ع طول يتصل في ماما مره متحمس


صح بنات بسألكم هالاسبوع كله طايحه ع السفن بس علبه في اليوم واشربها بشراهه عادي مالها اي ضرر




غير كدا اخت أنا بدونك ماتلاحظو اختفت فجأه هي وحزن الليل

ولا وحده طمنتنا عنهم

[بنت القطان]

انا سمعت اللي يجيها الطلق تسوي تنفس شمي ورده واطفي شمعه

بس انها تصفق !! شيً جديد هههههههههههه


انا مازلت صامده والبيبي واقف وقفه عسكريه مايبي يطلع
اليوم عندي موعد ان شاء الله كل شي بخير


الله يسهل للكل يارب

[بنت القطان]

همسات انتي طايحه ع السفن
وانا على الحلى

المشكله عندي سكر حمل راح مني بس هالشهر اكل حلى مو طبيعي

[همسات قلبي]

اهم شي ماتضرري انتبهي
يارب مانتضرر ونقوم بسلامه

[fufualmoon]

فوفو ياعمري عليك يعني انت وحيدة ماعندك خوات
ولا يهمك أنا اختك وغير كدا من نفس ديرتك
عجبتني ام عزوز تصفق والله الوحده تسوي حاجات وقت الألم بعدين تفتكر تضحك
الله يسهلك يارب
تخليو كل يوم زوجي يتصل ويسأل هاا فيه شي كدا او كدا
اقوله لا يقول يارب قريب خلينا نفرح
واذا مارديت ع طول يتصل في ماما مره متحمس
صح بنات بسألكم هالاسبوع كله طايحه ع السفن بس علبه في اليوم واشربها بشراهه عادي مالها اي ضرر
غير كدا اخت أنا بدونك ماتلاحظو اختفت فجأه هي وحزن الليل
ولا وحده طمنتنا عنهم

ماعندي الا 3 اخوان الله يحفظهم واكبرهم ثالث متوسط ههه يعني صغاار
من جد في بعض بنات مختفيين عسى المانع خير ان شاء الله
بنات رحت امشي قبل شوي جاني الم فظيع في ظهري ماقدرت عاد اكمل ماخلصت حتى نص ساعة دحين روحت ولا كان فيه شيء اخ يا القهر

[همسات قلبي]

فوفو أنا زيك امس طلعت امشي الساعه 1 ماعدت نص ساعه غير عندي الم
اسفل بطني وظهري وريحت شوي وكملت وبعدين رجعت البيت



الله يساعدنا وتتسهل ولادتنا يارب

[fufualmoon]

امين ياااارب

[قشطه وعسل]

بنات ابشركم ولدت اليوم الساعه 7
وجبت وتين
يوم رحت لهم الساعه2ونص كان الرحم 6سانتي والحمدلله
فتح 10الساعه 7

[hana kh]

ماشاء الله قشطه وعسسل والف والف مبروووووك والحمدلله على السلامه
ومبرووك للي ولدو وعقبال الباقين تبشرووونا ..


هممسسسسسسااااااات لاتشررربي غازيات على ذمة بنت عمي قايل لها الدكتور ماتوسع عنق الرحم بسبب البيبسي وجابت بكرها عمليه ابعدي عنه احتياط انتي في غنى عنه اشربي حلبه وعسل يغذيك ويعالج كل التهابات الجسم ويساعد في تسهيل الولاده باذن الله 

[fufualmoon]

يا قلبي قشطة وعسل الف الف مبرووووك ما شاء الله عليك
ربي يسرها لك بسرعه يارب تكون ولادتي مثلك
الف حمد لله ع السلاااامة وسلامة وتينه الله يحفظها
هههه كنت بسمي وتين بس طلع ولد يلا كللهم نعمة

[نمولة]

مبروك لييين
مبروك قشطة
عقبال لنا ان شاء الله

انا من السابع وانا مدمنة ايسكريم مع اني من حملت معاي كحة بس ما اقدر الا اكل

[fufualmoon]

نموله مع هذا الحر معاك حق
انا ماعندي شيء معين
لاني ها الفترة ما صرت اطبخ غدا اللي القاه قدامي اكله
بس صاير اكلي خفيف كله كيك وبسكويتات لا واندومي كمان ههههه
ولدي بينتقم مني في الرضااعه حاسه انه بيتعبني

[fufualmoon]

بنات كيف حركة اجنتكم
قليلة ولا كثيرة ؟؟
انا تعبتني حركته صارت كثيرة بس يرافص
ناس يقولو في الشهور الاخيره تخقف وناس تقول وقت الولادة يتحرك كثير
ماعد عرفت اسمع مين
انتو عندكم خيرة في ها الموضوع ؟؟

[رذآذ آلمآس]

قشطه وعسل الف الف مبررررررررررروك ونااااسه اخيرا ارتحتي

فوفو انتي مثلي ماعندي خوات

همسات ربك يستر انا والله تقريبا كل يوم اشرب علبة سفن او ميرندا برتقال

[همسات قلبي]

قشطه وعسل مبروك الف مليون تليون مبروك عقبالنا

هنا

وش اسوي اوقات اشتهيه أحاول اكابر مااقدر

نموله

كيفك بشري فيه بوادر ولاده او ساكنه زينا أنا وفوفو ورذاذ

رذاذ حبيبتي انت ماادري ليش خايفه منك تلعبي في نفسك وتاخذي حاجات تفتح الرحم
اذا فكرتي ياويلك ازعل مو عشان شي خليها ربنا يسهلها علينا وحركات نص كم مانبغاها هههههه

[نمولة]

تصدقين فوفو احسن شي صار في الحمل اني كرهت الاندومي
انا بالنسبة للحركة فهي بعض الاحيان قليلة وبعض الاحيان تزيد تقول امي يمكن متضايقة

همسات التقلصات زايدة من امس والافرازات بعد ومعاي دوخة وغثيان وتقول امي ان بطني نزل عن اول
ان شاء الله ما يجي الجمعة الا وبنتي عندي بالسلامة
انا معاكم نهاية الشهر اخر الناس

[fufualmoon]

ليش تجمعنا ناايم يلا انا بنام معاكم

[رويدة_ أم ألق]

مرحبا بنات شلونكم؟

لأول مرة أدخل التجمع كان يفترض أدخل وأستفيد من زمان
ولادتي باذن الله نهاية هذا الشهر

وبالنسبة للحركة قوية جدا ومستمرة
يعني بنتي تتحرك طوال اليوم أكثر مما تكون ساكنة


قريت هنا عن أعراض لا توجد عندي
مثل الافرازات والتقلصات والغثيان
أعاني فقط من تعب وقلة نوم... من منكم مثلي؟

[رويدة_ أم ألق]

قشطة وعسل مبارك عليكِ الولادة عزيزتي

يارب سهل علينا جميعا.

[بنت القطان]

الف الف مبروك قشطه

بنات انا انتوا ماشيين على السونار ولا الدوره ؟

ومتى سوت لكم الدكتوره فحص داخلي ؟

[myso0oul]

مبروووووك لكل اللي ولدووو

الله يسهلنا مثل ماسهلكم ان شاء الله دعيتولنا

والله انقطعت بسبب ظروف عندنا بس محد حس ادري

انا احس بآلام من امس الليل الين دحين بس اختي تقول تعاديل

وانا اقول ان شاء الله ما اطووول ويجي الطلق بسهولة واولد

[❤نجمهـ ويضويني حنآنهـ ❤]

الف مبروك قشطه :) ..

وعقبآآآآآل البآآآآقي ..,

[myso0oul]

بنت القطان

انا ماشيه على الدوره

وآخر دوره لي 9/7

وولادتي محدده السبت الجاي 6/21

[نسيم الجبل]

سلام ياحلوات
الف مبروووك قشطه وعسل سبقتيني ماشاء الله هههه اهم شئ دعيتي لي ....وين ولدتي اي مستشفى
بنات اليوم كل اعراض الولاده اللي جاتني اختفت بس معي مغص بسييييط
سويت كشف مهبلي اليوم وقالت مافتح الرحم باقي بس قالت خلاص ولادتك قربت مره بما انه نزل عليه افرازات بدم
بش اليوم مافي الا افرازات فقط ...تقولي سوي تمرين القرفصاء الحين بكثره
بنات قلت لها عن الالتهابات كتبت لي مرهم ورحت الصيدليه يقول مافي الا تحاميل نفس الاسم انقهرت اشتريتها ولا استعملتها خفت منها الصراحه

[همسات هادئه]

قشطــهـ وعسل مبــرووكـ والحمدلله على سلامتك


.....


اليووم مشيت تقريبا اكثر من ربع ساعه
واحس بنغزاات من داخل احيان ما اقدر امشي منها


بنات بسألكم عن الافرازات كيف يعني
اذا قربت الولادة تنزل افرازات؟؟وايش لونها ؟؟

[همسات قلبي]

فوفو
اسمع شخيرك لعندي اصحي
الحمدلله اليوم حاولت امشي نص ساعه فقط
حسيت بألم وقت ريحت راح الألم


يقولو لازم امشي وقت أطول بس والله اتعب وش اسوي

[do0o0o0de]

بنات ملاحظين إنه أم عزوز مختفيه شكلها ولدت
إن شاءالله تبشرنااااااااااااا بولاااادتها عقبااااااااااااااالي يااااااااااارب طولت باقي يومين واكمل 40 أسبووووووووووع

[hana kh]

نسيم دوري على النرهم اآمن وابدائي العلاج قبل تولدي وتتورطي مره مو كويس لا لك ولا للجنين الالتهابات وقت الولاده
بالحاله الطبيعيه يادووب تتحملي اثار الولاده والخياطه والتعب كيف مع التهابات نصيحه لاتنامي الليله الا وانتي باديه العلاج مايتحمل تاخير لراحتك وصحتك

[do0o0o0de]

]
طمنيناااا عليك ولدتي ولاااااااااااااباقي ؟؟؟؟؟؟؟؟؟؟؟
a.a
إن شاااءالله تكونوا ولدتوا كلكم وتبشروناااااااااااااااا اللي جاتههم علامات الولادة

[/color]

[do0o0o0de]

بناااااااااااات جاوووووبوني بليز
اللي جربت التحريض تقولي مؤلم ولا زي الكشف المهبلي لعنق الرحم ؟؟؟
وهل تطول الدكتورة وهيه تعمله ولا بسرعه مثل الكشف العااادي ؟؟؟؟؟؟؟؟

[نسيم الجبل]

اكيد اختي هناء التهاب وخياطة مشكله اصلا الخياطه المها لوحده يبكي فمابالك مع حكه ياربي رحمتك
همسات هادئه الافرازات تكون كثيره ومايله للإصفرار وممكن تكون بنيه او مخلوطه بدم وانتم بكرامه

[نسيم الجبل]

اختي دودي الصراحه ماعندي خبره بس اكيد انها شئ بسيط يعني تحميله بس يمكن الالم مايذكر الا بعد ما تاخذ مفعولها في عمل الطلق
الله يجعلنا ما نحتاج تحريض ولا غيره ويسهلنا الله

[همسات الندى]

قشطه وعسل الف الف مبررروك

تهي تهي خليتوني لوحدي في التجمع كل اللي دورتهم 25 - 8 ولدو الا انا

هذا خاامس يوم ليا في الشهر العاااشر

دعواتكم ليا بناات انتي اولد

[نسيم الجبل]

عادي همسات الندى مادام انك بكريه اكيد بتزودين بس نصيحه استغلي هالايام ونامي زين وانبسطي لاحقه على طفل ومسؤلياته ان شاء الله
الله يسهلك ويقومك بالسلامه ولاتفكرين بغيرك وتغثين نفسك كله مقدر وكل شئ بوقته حلو

[do0o0o0de]

Koka2012 بشريناااااااااا ولدتي ولا لا ؟؟؟؟؟؟؟؟؟

[همسات الندى]

عادي همسات الندى مادام انك بكريه اكيد بتزودين بس نصيحه استغلي هالايام ونامي زين وانبسطي لاحقه على طفل ومسؤلياته ان شاء الله
الله يسهلك ويقومك بالسلامه ولاتفكرين بغيرك وتغثين نفسك كله مقدر وكل شئ بوقته حلو


يسلمووو حبيبتي على الرد اناا قلقانه ومتوتره لانو لو ماولدت راح يولدوني بطلق صناااعي وسمعت انو متعب مرره بس الحمدلله على كل حال كل شي مقدر ومكتوب على قولك

[أم البداري]

الله يهون الطلق على كل الحوامل يا رب

أنا عطوني موعد ولادة 11 مايو

يعني تقريبا بعد 5 أيام و إلى الآن ما احس بأي ششي :(

مدري يمكن عشاني بكريه أطول ؟؟؟؟؟؟؟

[❤نجمهـ ويضويني حنآنهـ ❤]

ههههههههههههههههههههـ

كلنآآآ بالهووووى سووووى

[منووول]

مرحباااااااااااااااا كروشات

انا الحين لي اسبوع بالعاشر
ورحت لدكتورتي اليوم

قالت الجنين كويس بس المويه قليله

وسوت لي كشف قالت عندك الرحم مفتوح 2
وراح نستنى لحد الصبح بكرة اذا ما ولدتي طلق صناعي
واحتماال عمليه
بنااااااااااااااات ادعولي اني اولد بدون طلق

الله يهون علي وعلى الجمييييع

[❤نجمهـ ويضويني حنآنهـ ❤]

الله يهووون عليج ياااارب

ويسهل لج ولادتج منووول

[بنت البنات]

ابشركم ياحبيبااااااااااااااتي

ابشششششششششششششششششششششركم



نزل الجنين الحوض والحمد لله

[منووول]

امييييين يارب

بناات طمنوني انا بعد الكشف نزل دم بني غامق
والحين مستمر والم بظهري يجيني

[همسات الندى]

مرحباااااااااااااااا كروشات

انا الحين لي اسبوع بالعاشر
ورحت لدكتورتي اليوم

قالت الجنين كويس بس المويه قليله

وسوت لي كشف قالت عندك الرحم مفتوح 2
وراح نستنى لحد الصبح بكرة اذا ما ولدتي طلق صناعي
واحتماال عمليه
بنااااااااااااااات ادعولي اني اولد بدون طلق

الله يهون علي وعلى الجمييييع

نفس وضعي
بس انا راح ينتظرو عليا 10 ايام

ربي يهووون عليكي ان شاء الله ويرزقك بالولااده السهله

[همسات الندى]

امييييين يارب

بناات طمنوني انا بعد الكشف نزل دم بني غامق
والحين مستمر والم بظهري يجيني

عادي حبيبتي انا قبل اسبوعين كشفت ونزل مني دم وكان الرحم فاتح 2 سم
بس بعد يومين راح الدم

[غرام الوجدان]

الف مبروك قشطه وعسل .... والله انك فرحتيني اهم شي دعيتي النا الله يسهلها علينا
بنااااااااات بعد كم ساعه راح ادخل المستشفى وراح يعملوا لي تحريض وطلق صناعي دعواتكم

[منووول]

يسلموووو همسات الندى
بس انا ماراح تنتظر اسبوع مثلك

وقالت لي انا سويتلك مساااعده ااذا ماولدتي من الحين للصباح
طلق
لان مويه الجنين قليله

[بنت البنات]

مبروك يا ام قشوطه

غرام ماتشوفي شر الله يسهل عليك ياقلبي

[همسات الندى]

غرام الوجدااان ومنووول ربي يسهلكم ان شاااء الله ويرزقكم بالولاده السهله

[بنت البنات]

ياحبيباتي

اللي موية جنينها نناقص تاكل لوووز بدو ملح

[بنت البنات]

منول وهمسات اكلوا لوز بدون ملح و بهارات لوز عادي

معروف وعن دراسة

[بنت البنات]

فوفو وينها شكلها ولدت

[همسات قلبي]

الله يسهلكم يابنات وتتسهل معاكم

[همسات قلبي]

بنت البنات اش نزل الجنين الحوض
تكفين قولي اش سويتي

[بنت البنات]

همسات الحمد الله نزل من المشي فريت الرياض فر كل يوم وتمارين القرفصاء على قولت فوفو هههههههه

[بنت البنات]

مشتاقه اسمع اخبار حبيبة علاوي

اذكرها تقول هذا اول حمل لها بعد سنوات

وكانت ميته من الفرحة

يارب انها تولد بالسلامه وتطمنا عنها

[همسات قلبي]

تيب كم ساعه مشيتي
وكيف تمارين القرفصاء بسويها يارب اروح الموعد الخميس تقولي الدكتوره نزل الحوض

ودي أسألكم

اذا نزل الجنين الحوض تجي الولاده او تطول

[رذآذ آلمآس]

همسات قلبي لا مراح اخون فيك كنت ناوية اكل شئ يسرع الولادة بس غلطة وقلت لـ امي وحلفت علي قالت امانه معاك اذا لعبتي في روحك وكلتي اي شئ ترا بزعل منك وبعدها خلاص صرفت نظر ههههه

[رذآذ آلمآس]

همسات لا مالو علاقه بسرعه الولادة انا من زمان قالت لي انو نازل بالحوض

[همسات قلبي]

رذاذ مستحيل أخذ شي أنا خوافه مره
بس خلينا نمشي افضل

وربنا يسهلنا

رذاذ والله احس فيني ضيقه ودي أولد النوم ما ترتاحي فيه ويقولو إيه خذي كفايه في النوم
كيف وانا احس بثقل

[همسات الندى]

همسات قلبي انا من الثاامن والجنين ناازل بالحوض وهذا انا بالعااشر وللحين مااولدت

[نسيم الجبل]

ياربي مره متضايقه مدري ايش فيني استغفر الله استغفر الله استغفر الله

[همسات قلبي]

همسات الندى

ربنا يسهلك

نسيم الجبل

والله أنا زيك ضايقه مره بنفجر من كثر الضيقة

[همسات الندى]

الحال من بعضو بنااااات

[بنت البنات]

اسفه على التأخير

همسات امشي في اليوم نص ساعه والمشي مفيد لكل شي

[بنت البنات]

القرفصاء

http://forum.hwaml.com/imgcache2/hwaml.com_1336267743_100.gif


جلسة القرفصاء جلسة شائعة بين أهل القرى ، ويبدو أن لهذا السبب تكون ولادة نساء القرية أكثر سهولة ويسر عن الولادة بين نساء المدينة ، فوضع القرفصاء يفيد المرأة أثناء الحمل والولادة ، وحالياً ينصح المختصون السيدة الحامل بالتدرب على جلسة القرفصاء ، وبعضهم يفضل أن تلد أيضاً عن طريق هذا الوضع بدلاً من الولادة أثناء الاستلقاء على الظهر .


وتتمثل الفوائد التي تعود على الحامل والوالدة من القرفصاء في الأمور التالية :
تساعد القرفصاء على تخفيف آلام الظهر ، وتزيد الضغط داخل بطن الأم وهذا يمنع شعورها بالإمساك أثناء الحمل ، وأثناء الولادة تساعد القرفصاء على زيادة حجم الحوض وسهولة خروج الجنين دون الحاجة إلى إجراء الشق الجراحي لتوسيع مخرج الولادة في منطقة العجان (وهي المنطقة التي تقع خلف فتحة المهبل) episiotomy ، كما أن الوضع الرأسي للجنين أثناء القرفصاء يجعل وزنه يساعد الأم على الولادة بمجهود أقل .



كيفية التدرب على القرفصاء :

الأطفال وصغار السن يجيدون القرفصاء ويمارسونها أثناء لعبهم بمهارة ، كذلك يمارس القرفصاء كبار السن في أغلب المجتمعات التي اعتادت الجلوس والعمل على هذا الوضع . أسلوب الحياة الحديثة لا يتيح لنا ممارسة هذا الوضع بسهولة ، ولذا فمن الضروري أن تتدرب السيدات عليه حتى قبل حدوث الحمل .

باعدي بين القدمين وكذلك الركبتين بمسافة مناسبة ، واجعلي الساقين متجهين للخارج .

حاولي القرفصاء بهدوء ، مع المحافظة على اتجاه الساقين نحو الخارج ، ولا تدعي الساقين ينزلقان للداخل .

يمكن ضغط الكوعين على داخل الركبتين مع تشابك اليدين أمام البطن .
إذا فشلت في أداء الوضع توقفي ثم حاولي من جديد ، ويمكنك الاعتماد على كرسي أو قطعة أثاث أثناء المحاولة ، بعد فترة ستكتسبين المرونة والقوة لإتقان الوضع . إبدائي القرفصاء لفترة 30 - 60 ثانية كل مرة ، وبالتدريج يزداد الوقت حتى تصلي إلى دقيقتين أو ثلاثة دون الشعور بألم .
في حالة وجود دوالي أو بواسير ينبغي وضع شيئاً تحت الكعبين لرفعهما قليلاً عن الأرض ، أو ارتداء حذاء رياضي ذو كعب متوسط الارتفاع .


أثناء الولادة
أثناء مراحل الولادة الأولى تنصح الأم بالحركة ، ولكن إذا حان وقت ولادة الطفل يكون وضع القرفصاء مفيد - للأسباب التي سبق ذكرها



ولا ننسى التوكل على الحي الذي لايموت ونكثر الدعاء فهو أهم سبب لتسهيل الولادة00

[بنت البنات]

حبيباتي اللي ضايقه ومكتومه مره

تقوم توضي وتصلي ولاتنسي القران واذكرو الله واستغفروه

[بنت البنات]

نصيحة للحامل أكثري من قراءة القرآن‏
‫نصيحة للحامل أكثري من قراءة القرآن‏‬‎ - YouTube (http://forum.hwaml.com/redirector.php?url=%68%74%74%70%3a%2f%2f%77%77%77% 2e%79%6f%75%74%75%62%65%2e%63%6f%6d%2f%77%61%74%63 %68%3f%76%3d%45%69%53%51%33%34%6a%4f%39%54%30)


مدري يفتح المقطع !!

اتمنى تدخلون المقطع مفيد

[بنت البنات]

وينكم يابنات ؟؟

احس كلكم تسووون القرفصاء

ههههههههههههههههههههههههههههههههههه

[نسيم الجبل]

هههههه الله يسعدك يابنت البنات مدري ليش ماعاد عندي مرونه انا اسويها بس ما اطول المفروض الوحده تطول
في حملي ببكري كنت اتفنن في انواع الرياضه بس الحين كسوووووله لابعد حد حتى مشي ما امشي الا قليل

[همسات قلبي]

بنت البنات الله يسعدك ويسهلك

ياحبي لك سويت التمرين احس متعب

والحمد لله هالايام امشي بس اليوم احس مره مالي خلق وضايقه ونفسي أولد نفسي

[رذآذ آلمآس]

هموسه ياقلبي تعوذي من الشيطان خلاص هانت مابقى الا10 ايام ونولد ونرتاح هههههه >> شوفي من يتكلم
انا وربي مثلك حتۍ احسب بالجوال كل يوم يعدي احط عنده علامه

[رذآذ آلمآس]

بنات الي صاحيه تجي خلونا نسولف شوي وننسئ هم الولاده

[نسيم الجبل]

هلا رذاذ انا صاحيه اصلا من قبل امس وانا ما انام طار النوم hwaml03

[همسات قلبي]

رذاذ أنا صاحيه

وفيني ضيقه حيل ودي ابكي بس وقت ابكي
يضحكو علي وماسكه نفسي

[رذآذ آلمآس]

يمممه بنات وش فيكم حرام عليكم لاتسسون بنفسكم كذا
همسات تكفين عدلي نفسيتك جننتي البيبي ترا يتعب معاك

[رذآذ آلمآس]

هموسه انتي ليش مزعله نفسك وضايقه على شان البيبي مانزل بالحوض هذا قصدك ياقلبي

[رذآذ آلمآس]

نسيم اخر شئ بتجيك هلوسه بالمخ من قلة النوم هههههههه

[همسات قلبي]

لا مو كدا بس احس خلاص تعبت ابي اطلعه

رذاذ ربنا يهونها علينا جميعاً

المهم بغير سولفي عن اي شي

[رذآذ آلمآس]

تدرون بنات وش الي قاهرني
انو ازوجنا نايمين مبسوطين لاهم ولاده ولاوجع ولاثقل واحنا حالتنا حاله
بعض المرات احقد على زوجي اذا نام وانا ماقدرت انام من الوجع واصحيه اقول المفروض تتعب معاي مثل مااتعب هههههههههه

[همسات قلبي]

ههههه
رحت جبت ثلج وحطيته ع صدري

[رذآذ آلمآس]

هموسه متى كان زواجك كم اخذتي شهر وحملتي وكيف زوجك استقبل الخبر بحملك >>> هههههه احاول اغير الموضوع

[رذآذ آلمآس]

يممممه ثلج مره وحده يانهار مش فايت لها الدرجه حالتك ههههههههه

[نسيم الجبل]

ههههه هلوسه في المخ حرااام عليك رذاذ
انا استعد للبيبي واخفف النوم عشان لو اثقل النوم الحين بحس بقيمته اذاولدت وانقهر خليني من الحين مبققه عيوني هههههه >>>> لاتتفلسفين احسن لك ههههه

[همسات قلبي]

ههههه
والله أنك صادقه
أنا فالح يتصل يقول ها فيه الم فيه شي اقوله لا يقول الله يسهل
خلاص ح نام ويروح ينام وع هالموال
اوقات أطير فيه

[fufualmoon]

صبـــــاح الخير :) ازيكو يا بطاريق ماوحشتكم >> اسكتي احسن لك
اشوف المود مو كويس اليوم ايش فيه ؟؟

[رذآذ آلمآس]

نسسيم عاد انتي مجربه قبلنا

هموسه هههههههه زين بعد انو يتصل تصدقون قالي زوجي يوم دخلت التاسع يلا بوديك لـ امك قلت ههاااي لاحبيبي بجلس عندك ليوم ولادتي وانت الله لايهينك تكفل بكل شئ من جد يابنات ابيه يحس بمعناتي مو اذا ولدت دقوا عليه وجاء يشوف البيبي جاهز مجهز

[نسيم الجبل]

لو تقولين لزوجك انت ماتتعب
يقول ايش وانا اشقى كل يوم عشان مين اوف وش هالشقى مره بتتعبون احنا ليل نهار كرف في هالبيوت طبخ كنس غسل بزارين وفوقهم زوج اكبر طفل الله المستعان

[رذآذ آلمآس]

فوفو ياهلاوغلا يا صباح العسل
والله كنت بسأل عنك اختفيتي فجئه شكلك عصفورة الصباح كل صبح اشوفك هنا مشاءلله

[نسيم الجبل]

اهي كملت بقدوم فوفو يالله انك تحييها

[نسيم الجبل]

اهي كملت بقدوم فوفو يالله انك تحييهاhwaml7

[رذآذ آلمآس]

اي والله انك صادقه يانسيم مرة قلت له تعبت من الحمل قال امي تقول يوم انا حامل فيك كنت اركض وتنطنط ولاكاني بتاسع
وانتي مافيك الا الدلع

[fufualmoon]

حمله ضد الازواج ههههه
نسيم رغم كل هذا الشقى ما نرضى عليهم
انا زوجي مسكين اهملته وجودي في البيت زي عدمه هو يداوم انا اصحى يرجع البيت انام
لكنه صاابر معايا الله يخليه ليا ياارب

[همسات قلبي]

هلا فوفو

نسيم ورذاذ
لو تدرو ان رحت بس اسبوعين لبيتي رجعني لأهلي ووصى ماما علي
بس ينزل يطمئن عليه ربوع وخميس ويرجع

بس الحمدلله أنا عند ماما مهما كان اكتر إنسانه ح تحس فيني مو رجال مايحس

[fufualmoon]

ههههه حلوة عصفورة الصباح
ماورانا شغل يا ع النت يا التلفزيون

[نسيم الجبل]

ههههه علق وكرر كيفك فوفو وكيف النفسيه

[fufualmoon]

انا تماام الحمد لله بس طفشتني حركته مرره قوية
حتى لم اجي امسح على بطني تبان رجوله هههه صغيييرة

[رذآذ آلمآس]

من جد تعب وقت الحمل انا اخر مرة طبخت قبل 3 شهور

[رذآذ آلمآس]

فوفو انتي تبيني اطلع عليك من الجهاز وناسه الحركه وانا لو على كيفي اخلي بنتي بس تحرك ببطني بس شكلها بارده يادوب تحرك من فتره لفتره
انتي وش ناويه تسميه

[fufualmoon]

رذااذ ربك كريم مأجوريين ان شاء الله
كل يوم اتخيل ولدي سادح جنبي في كوفلته
اشوف يدينه ورجوله بس ابغا اتخيل وجهه ما اقدر هههه
يقول لي خليها مفاجأه هههه ابغا اشوف طالع لمين

[همسات قلبي]

أنا بيتي مره مغبر من زمان غائبه عنه


والله زوجي ينظف بس احس ماارتاح لحد ما أنظف أنا
يساعدني والله بس أنا اجحده اوقات ههههه

[رذآذ آلمآس]

سبحان الله انا من كثر مافكر بشكل بنتي اتحلم فيها
انو شعرها اصفر عيونها ازرق وربي ههههههه
بس عاد اهم شئ عندي الوزن يكون وزنها طبيعي علشان اقدر احطها بحضني مااحس انها بتقطع يعني يكوم كل شئ فيها صغير

[رذآذ آلمآس]

همسات يوووه لاتذكريني بالغبار تعالي شوفي الغبار الي عندنا ببريده
وربي ماتصدقين كل شوي اجيب خدمات صديقتي تنظف البيت وزوجي ياخذ الحوش عاد هذا تخصصه ديما هو ينظفه هههههه

[همسات قلبي]

رذاذ

ليش الحركه قليله الحمدلله بنتي زي ولد فوفو حركتها ماشاءالله
حتي أنا أتخيل ودي أشوفها يارب نشوفهم بصحه وعافيه وسليمين

[fufualmoon]

ههههههه همسات زوجي ما يمسك شيء الا يكسره
اخليه يكنس يمسح بس ارجع انظف من وراه

رذااذ انا مثلك كل احلامي اولاد بس ما اتذكر وجوههم
اخر مره حلمت اني ارضع طفل وهو مو ولدي بس كان قلبي يقول لي انه ولدي لم صحيت قعدت ابكي صراحة اللي من بطنك من جد غييير

[رذآذ آلمآس]

مادري ياهمسات احس حركتها قليله مره
لاتخوفوني انتم انا خلقه خايفه

[رذآذ آلمآس]

فوفو عاد تنظيف الرجال غير حدث ولاحرج ههههههه كلش مايعرفون ينظفون

[همسات قلبي]

لا تخافين اهم شي انها بصحه

[رذآذ آلمآس]

هموسه الحمدالله على كل حال

يمكن بنتي هادئه او انو دبه ومحشوره ببطني مو ماخذه راحتها عدل ههههههه

[fufualmoon]

دام انها تتحرك تطمني

الا بسألكم عن القضى قضيتو اللي عليكم حق رمضان ؟؟

[رذآذ آلمآس]

فوفو اي الحمدالله خلصته انا كان 5 ايام والحمدالله صمت بعد رمضان عجزت ارتاح وعلي قضى

[رذآذ آلمآس]

فوفو اي الحمدالله خلصته انا كان 5 ايام والحمدالله صمت بعد رمضان عجزت ارتاح وعلي قضى

[همسات قلبي]

إيه الحمدلله خلصت قضى دايم أصوم بعد رمضان ع طول


انت ليش متاخره للحين

[fufualmoon]

ااه دلعت نفسي مع الحمل باقي لي يومين مدري متى بخلصها

[همسات قلبي]

الله يعينك
والله تعب تحسي بخمول وجسمك مافيه طاقه
بس ربنا يكتبلك الأجر ان شاءالله

[رذآذ آلمآس]

الله يعينك تقدري تقضيها بكرى او بعده علشان ترتاحي مرة وحدة

[همسات قلبي]

بنات بحاول أنام
لنا لقاء يااحلى كروشات

انتبهوا ع انفسكم وبوسه لكروشكم

[رذآذ آلمآس]

اي والله صادقه هموسه احس جاني النوم

تصبحون على خير هموسه امانه معاك لاتعبي نفسيتك علشان البيبي



اشوفكم على خير
خروووووووووج

[fufualmoon]

لا ابحاول اني اخلصها قبل ما اولد وبعدين اتورط
يلا نو وم العوافي ان شاء الله

[fufualmoon]

عندي فضول اروح المستشفى اشوف وين وصلت
وما ابغا اروح الا اذا حسيت بالم لان وضعي اشوفه طبيعي الحمد لله
محتاارة اروح ولا لا ؟؟

[myso0oul]

فوفو
مدام تحسي بوضع طبيعي لا تروحي ولا شي
هدي وروقي والله يكتبلك ساعه طيبه

[أم البداري]

ما شاء الله عليكم يا مدلعات
ما تطبخون و لا تنظفون !!!!
أنا صحيح تجيني حالات ما أطبخ بس مو ع طوول
باقيلي 5 أبام على موعد الولادة و أطبخ و أسوي كل شي :( :( :(
للأسف محد مدلعني :(
بس بسألكم الجنين لحد الحين ما نزل للحوض .. أحد منكم يعرف ليش ؟؟
و ممكن أولد و هو ما نزل ؟؟ أو لازم ينزل ؟؟

[قشطه وعسل]

السلام عليييكم
كيف ياكروشاا :) اناالحمدلله طلعت من المستشفى اليوم الصباح
بس الخياطه مره متعبتني في الجلسه مااقدراجلس ولاامشي زين احس اني بطريق اذامشيت هههههههه
اناالي فتح رحمي الحلتيته وكنت اشرب حليب زنجبيل وقرفه وطول الطريق وانارايحه المستشفى
كنت اشم حلتيته ووصلت لهم رحمي مفتوح سته وكان الالم يحتمل وقالو على طول كشك الولاده
وفتحولي المويه ثم شوي شوي بداء الألم جد وحسيت اني بموت من بعد مافتح ثمانيه صرت اتلوى على السرير
واعطتني ابره تقول مهديء بس ماسوت لي شي احسها زادتني واعطتني الكمام ماسوا لي شي وريمته في وجههاههههههههه طبعا الخياطه طلبت تجميليه ومع اني مبنجه في غرزاحس بها لمايدخل الأبره واصيح ويقولي
هاذي عشان اللحمه لينه مدري شقصده على فكره حلقي عورني من الصياح مع اني كنت ناويه مااصيح بس سمعت الحريم
وصرت اسوي مثلهم ههههههه لاشعوريا وربي اصلا لمااتذكراظحك على نفسي
الله يهون ويسهل عليييكم يارب والله الله بالحلتيته عن تجربه

[❤نجمهـ ويضويني حنآنهـ ❤]

ااالف اااااااااالف الحممد الله علي سلآآآمتج يااعسل

بس شنو هذي الحلتيته اول مره اسمع عنهآآآ

[fufualmoon]

قشطة وعسل انتهيتي من الحمل عاد الله يعين دحين ع الخياطة والرضاعه الله يسرها لك ان شاء الله
ميسول خلاص بخش 39 وبعدين اروح لهم الله يعين

[fufualmoon]

نجمه موعد ولادتك بعد 3 ايام صح ؟
يابختك قربتي تخلصي هههه الله يعطيك الساعة الطيبة *

[همسات قلبي]

فوفو

فين ح تولدي

رذاذ شكلها تشخر

[fufualmoon]

هههه هلا همسات صحي النووم
خلي البنت في حالها تشبع نووم
اهو في غيره المستشفى العام
ها كيف النفسية دحين احسن ؟

[fufualmoon]

انا استاذن 

[بنت القطان]

مازلت صامده هههههه

[myso0oul]

قشطه وعسسل

الحمد لله على سلامتك ياقمر والله يقومك بالسلامه عن قريب
اتمنى اعرف كيف طريقة استخدامك للحلتيته بالضبط تحمست صراحه

[همسات قلبي]

فوفو وين رحتي

ان شاءالله اليوم احسن

ماشاءالله كل اللي أعرفهم ولدو يارب نلحقهم ونقوم بصحه وسلامه

[أم البداري]

عقبالي يا رررررررب

[قشطه وعسل]

فوفو اي اكيدراح اركب لولب ان شاءالله

ماي سوول كنت اشمها

[نسيم الجبل]

سلام كروشات اليوم فصل النت عندي في الصباح انقهرت كنت ابغى ادردش مع فوفو وهمسات وراذاذ بس جات من النت وفصل شكلهم قالو احسن اني رحت لانهم ماسالو عني فجاه واختفيت هههه امزح
قشطة وعسل الحمدلله على السلامه رحتي اي مستشفى
بنات انا باقي تنزل عليه افرازات بنيه الله يكرمكم حتى الصلاه مدري كيف صايره
يارب انك تسهل ولاتعسر

[احاسيس مبعثره]

سلاااااااااااااااااااااااااااااااااااااااااااااااا اااااااااااااام كروووووشااات
وحشتووووني حييييل ...اخبااااااركم ...هاااااااااااااااااانت ربي يسهلهاااا عليييكم
مبروووووووووووك للي ولدوووو والحمد لله على السلاااااااااااااااااااااااااااامه

[همسات قلبي]

نسيم
حطيت ف بالي انك نمتي

أحاسيس
كيفك أر تحتي خلاص

[نسيم الجبل]

هلا همسات كيفك وكيف نفسيتك اليوم ان شاء الله اوكيه
هلا احاسيس كيف النونو والنوم والرضاعه ووووو الله يعطينا القوه ويصبرنا

[قشطه وعسل]

نسيم ولدت في مستشفى النهضه

[fufualmoon]

همساات اكلتي سنكرس ههه انت مو انت وانت جيعان 
بالعكس نسووومه كنتي في بالي بس قلت امكن انشغلتي 
قشطة وعسل ماجاوبتيني  ؟؟
بنت القطان الله يسهل عليكي وتولدي

بنات ضلعي بينكسر من رجووله تتوقعون مضايق ولا يدف نفسه للحوض ولا ايش قصته
اتعبني ماقدرت انام الله المستعان بس

[وهوجه]

بناااات أنا اخر دوره 11-8-2011 وموعد الولادة ع حساب الدورة 17-5-2012 لكن لما سويت سونار اخر الثامن حسب موعد ولادتي. 7-5-2012 السونار قدم موعد الولادة عشر اياام ماني عارفه اعتمد على وش

[fufualmoon]

وهوجه السونار دائما يقدم يقولو ع حسب حجم الجنين يقيسو عمره
انتي خليكي ع الدورة افضل

[نسيم الجبل]

اهلا وهوجه يمكن الجنين بسم الله عليه متعافي عشان كذه السونار زود عمره حبتين الله يقومك بالسلامه

[نسيم الجبل]

بنات تجمعي العزيز عندي سؤال للي ولدو ا قريب واللي سبق لهم الحمل والولاده سابقا مين نزل منها افرازات بدم تجي وتروح وطولت ماولدت يعني كم يوم جلست تنزل عليها وبعدين ولدت ياليت تفيدوني لاني مستغربه من اللي صاير ليه ياليت تتفاعلون والله تجمعنا شبه نايم
صح الاغلبيه ولدو ا بالسلامه وقللوا زيارة التجمع بس ياليت يطلون الحين ويعطوني معلومه بلييييييز

[بنت البنات]

hwaml03hwaml03

الهدووووووووووووء الذي يسبق (( الولادة ))


ههههههههههههههههههههههههه

[بنت البنات]

نسومه قلبي من متى هالدم

[صحفية المستقبل]

ان شاء الله يا رب نولد ونقوم بالسلامه

[بنت البنات]

اللهم امين ياصحفية

[همسات قلبي]

نسيم
تجمعنا مايفيدك بشي واحنا الموجودات ماعندنا خلفيه اول مره لنا بالحمل

[بنت البنات]

الله يعين صدق تعب و اجهاد الحمل وانتظر وخوف لكن الحمد الله وقتنا تطور ومستشفيات

مدري كيف امهاتنا وعجزنا اول جد صابرات وجيدات

[بنت البنات]

عاد امي تقولي انها ولدت فيني بالمطبخ بلا مشفى بلا هم

و اقولها ليش هذا اللي خلاني دبه واحب الاكل واجد

ههههههههههههههههههههههههههه

[همسات قلبي]

بنت البنات

ههههه في المطبخ شكلك تخبئ المطبخ حيل

[بنت البنات]

همسات

حيل وبس اللي من حبي للاكل والمطبخ ودي اقلبه غرفة نوم

ههههههههههههههههههههههههههههه

[بنت البنات]

حبيباتي بجد عندي سؤال في بالي ذكرته مع سالفة المطبخ هههههع

كل وحده تقول كم كان وزنها قبل الحمل والحين ؟؟ وكم زادت كيلو ؟

[رذآذ آلمآس]

صبااااح الخير يا بطاريق
بنات اليوم انا رحت عند امي زياره علشان كذا مادخلت
نسسسيم والله انك علئ بالي بسال عنك اليوم الصباح بس ذبحني النوم ورحت في شخيرا عميق علئ ماقالت همسات هههههه

بنت البنات انا كان وزني 67
والحين 84
ييييمه يخوف صح احس اني صرت بلونه حتى الدبله ماالبسها الا احط شوية كريم على اصبعي علشان تدخل هههههههههه

[fufualmoon]

انا زدت. 11 او 12 كيلو
نسيم سوي موضوع يمكن يقدرو يفيدوكي اكثر
انا ما عندي خلفية

[رذآذ آلمآس]

بنات منو عندها حساب في التويتر اضيفها نتواصل اكثر

[نسيم الجبل]

صباح الخير
يلا انتظر لين مايجي الفرج
هههه عاد انا اخف وحده فيكم كنت 52وصرت67 ماشاء الله وزن مثالي ههههه لا تغارون مني خخخخخ

[yaza]

بنات ابشركم ولدت يوم الاحد الساعه 2 بعد الظهر طبيعي مع ان الكل قال قيصريه من يوم الخميس وانا معاي طلق والجمعه والسبت بالليل دخلت تنويم لانو نزل معاي مايات ودم ولكن تعبي راح سدا وولدت الاحد على يد سفاح مو دكتور ولاده اصر انها تكون طبيعي بيكره العمليات حضرتوه وراني النجوم الساعه 2 الظهر
انا اكتبلكم من المستشفي خسرت دم كثير ومعاي دوخه ولا كان كتبت قصتي المرعبه الله لا يوريكم اللي شفته
ودعيت لكم يابنات التجمع وخصيت فوفو بدعوه لانها طلبتني وتصبحون على خير اجمل ايامي بهالتجمع كنت كل ما نزنق بشغله اللقى جواب هون
والله يسر على اللي ما ولدوا للحين

[رذآذ آلمآس]

الف الــْف مبررررررررروك فرحت لك واااااااللله
الحمدالله علئ سلامتك بس شنو جبتي بنوته ولا ولد
والحمدالله علئ سلامتك مره ثانيه

[نسيم الجبل]

الف مبرووووك يازا ويتربى في عزك المولود الحمد لله انه طبيعي ولادتك ليش متضايقه وجزا الله دكتورك خير لانه اكيد عارف وضعك انك ما انتي بحاجه لعمليه بس الظاهر انه عصب عليكي المهم الحمد لله على سلامتك

[رذآذ آلمآس]

ياااااااااربي متى اولد تعبت

[همسات قلبي]

بنت البنات
وزني قبل الحمل 42


والحين 45


رذاذ صح النوم وكيف ماما سلمي عليها
عندي حساب في تويتر

يازا

الحمدلله ع السلامه عقبالنا ويارب يكون مانسيتينا


أتوقع أنا اخر وحده أولد بعد ماطمئن عليكم جميعاً

[نسيم الجبل]

ماعندي تغريدات على التويتر للاسف يارذاذ
همسات ياربي مرررررررره نحيفه معقوله مازدتي مع الحمل؟؟؟؟؟؟؟؟؟

[همسات قلبي]

والله هذا وزني كويس وصل كدا لان بداية الحمل نزل 38
الحمدلله وصل كدا


بنات مين سوت توزيعات للمستشفى اذا اهلك جوك في المشفى

[همسات قلبي]

أنا سويت ع اساس انه بس اذا الأهل جوني ع المشفى
بس الحين بعض صحباتي يقولو ح نجيك المشفى قولي
وقت تولدي
اش رأيكم ازيد التوزيعات او لا

[fufualmoon]

يازا الحمد لله ع السلاامه اخيرا ولدتي هههه وشكرا ع الدعوة الله يسمع منك ان شاء الله
ومبروووك ماجاكم يتربى بعزكم ان شاء الله بس ماقلتي ولد ولا بنت ؟؟

همسااات ما اتخيل نحفك عندك كرش ؟؟ هههه ياقلبي عليك من ها الابر اللي موتتك يلا هانت بس مع الرضاعه لا تهملي نفسك
انا كان وزني 60 والحين 73 ذكرتوني اليوم اللي حللت فيه كنت مقابله للمرايه اشوف الاماكن اللي يبغالها تخسيس هههه على اني بروح اتمرن
وشويه الا زوجي جايب لي الاختبار وطلع خطين الحمد لله

بخصوص التوزيعات زودي خلي صديقات يتذكرون هااللحظة

[همسات قلبي]

فوفو
التوزيعات اللي للمشفى غير عن البيت أنا سويت الشي الفخم للبيت
اما المشفى سويت فواكه بالشوكليت اش رايك اخلي مع الفواكه توزيعات شوكليت مكتوب عليها عباره

[بنت البنات]

مبرووووووووووووك يازا والله حمستينا

[fufualmoon]

اكيد صديقاتك القريبين هم اللي بيجوك المستشفى يعني ماله داعي تخسري نفسك اكثر
بالعكس راح يحسو انهم من العيله وانتي براحتك اللي تشوفيه افضل

[همسات قلبي]

نسيم ورذاذ فينكم

بنت البنات

تحمستي حيل عشان كدا صحيتي الحين

[بنت البنات]

رذاذ وفوفو والله صرتوا بالونات من جد هههههههههههع الله يحفظكم

نسيم وزنك تمام ماشاء الله

اما همسات ضعيفه مره الله يعينك ياقلبي وحلوه الرشاقه

اما انا الله لا يوريكم هههههههههههههههههههههع لا تعليق مو قايله عشان ماتهربون ههههههههههههههههههههع

[بنت البنات]

بالنسبة لي ماعرف لا تويتر ولا جبنة بوك مدري فيس بوك ههههههههههههههههع

حتى النت بكبره ادخل هنا ولا يوتيوب بس نادرا وقت فراغي مثل هالايام

[بنت البنات]

همسات النوم متقلب ماله وقت

[بنت البنات]

تصدقون احلى شعور في مرحلة الحمل يوم اسمع صوت دقات قلب جنيني

ماتتصورون الفرحة ودي وقتها ادخل في بطني ابوسه هههههههههههع

يارب ياكريم

[نسيم الجبل]

بنت البنات ههه شكلك لخبطتي بيني وبين همسات في الوزن انا الحين 67يعني اوكيه الحمد لله
همسات حبيبتي لاتخسرين نفسك زياده طيب صاحباتك اكيد راح يجزنك في البيت يعني التوزيعات الفخمه راح ياخذو منها
المهم تقومي بالسلامه ان شاء الله
بنت البنات يادوبا كم وزنك لازم تعلمينا ياربي تسعد المتينات اغلبهم حبوبات والله احبهم

[fufualmoon]

بنت البنات ماشاء الله عليك حبوبه
انتي نومك مثلي ماله وقت معين هههه
الله يسهل علينا ولادتنا

[بنت البنات]

نسيم لا مو معلمتكم ههههههع

كبر وزن همسات بس دبل ههههههههههههههههع

[بنت البنات]

الله يسلمك فوفتي

اللهم امين

[بنت البنات]

بنات وش ريكم اللي مابعد ولدنا نكون يد وحده نولد كلنا سوا في يوم واحد عشان محد تجلس لوحدها <<< تبي تسحب عليكم هههههعهههههع

[بنت البنات]

بنات وينكم ؟؟؟

[بنت البنات]

وش رايكم كل واحده تقووول وش توحمت عليه

انا كنت متوحمه على فوووشار
http://forum.hwaml.com/imgcache2/hwaml.com_1336357761_425.jpg

هبلت في زوجي ههههههههههههههه كل مكان نجيه فوشار حتى يقول توحمت مع شكلي من كثر مايكل معي ههههههههههههههه الله يعينه

وكنت اكره الثوووم وريحته ووووووووووووع hwaml4

[fufualmoon]

ههههه والله كم لي من الفشار
انا مدري على ايش توحمت
وحامي جاء ع العيد كنت ابغا لحم بأي طريقة هههه اول م اكلته طعمته دم
قرفت منه بشكل غير طبيعي كل اللحم اللي كان عندي وزعته
والشيء اللي كرهته بسه ههههه شريت بسه مالها الا اسبوعين كرهتها وكرهت ريحتها وكرهت اكلها وكل شيء كان يخصها
حتى قعدت فترة اشم البيت ريحتها مع اني قلبت البيت فوق تحت تنظيف من الريحة
لم دخلت الرابع خف وحامي الحمد لله

[نسيم الجبل]

ههههه يعني اللي في بطنك ولد خخخخخ اللي تتوحم على فشار تجيب صبي >>> خفي علينا بفراستك لوووول
توحمت على جبنه مالحه اكلها بدون خبز لو اكلها الحين كان مع الحموضه اتحول صاروخ واطير على الفضاء هههه

[همسات قلبي]

توحمت ع ورق عنب وملفوف بس الحين الله يعز النعمه مااحب ريحتها
ولا ابغاها
بعد مااكلت منها وشبعت حسيت أني كرهتها وبعد كرهت لوشن فازلين زبدة الكاكاو
اي وحده اشمها ما اسلم عليها

[نسيم الجبل]

ههههه يعني في بطنك ولد فشار يعني ولد خخخخخ هذا اللي سمعته
انا توحمت ع جبنه مالحه لو اكلها الحين مع الحموضه اتحول صاروخ سكوت وعلى الفضاء دوغري

[نسيم الجبل]

الصراحه جهازي مخبط

[fufualmoon]

نسيم هذا ثاني حمل لك ؟

[نسيم الجبل]

ايوه فوفو ثاني حمل عشان كذه خايفه من الولاده ياربيييييييي

[همسات قلبي]

نسيم حنا اش نقول ميتين خوف
أنا مرررررررره خايفه لأني ملقوفه رحت اشوف مقطع ولاده
وبعدها احس مو ع بعضي الخوف ذابحني

[fufualmoon]

وانا على بالي انك بكرية ماشاء الله
انتبهت ع موضوعك تبغين اسم قريب من ديمة
استغربت hwaml03 هههه الله يحفظها لك
وليش تخافين من الولادة على كذا عارفه كل شيء
كيف كان حملك الاول ؟

[fufualmoon]

ههههه والله ياهمسات ماني مفكرة ابدا مدري ليه
بالعكس متحمسة اكثر من اني خايفة
صح فيه شوية توتر من الاحراج اللي حيصير خخخخ
بس من جد ابغا اجرب الولادة والاحاسيس اللي تجي مع الولادة<<< خيالك واسع ههههههه

[نسيم الجبل]

ترى بس تعب الولاده في الطلق لكن لحظة خروج البيبي لازم يكون فيكي طاقه كبيره حاولو لا تضيعونها بالصراخ مثلي قلبت المستشفى بالصراخ الصراحه الم الطلق شئ فوق الوصف ما ابغى اخوفكم بس والله بعد خروج البيبي ولا كأن شئ صار بالعكس شفت بنتي وحطوها على صدري وانا اضحك ولا كأنه قبل شويه صياحي وصل المريخ ههههه

[همسات قلبي]

فوفو بجد خيالك واسع

نسيم يارب الطاقه تكون مره قويه

الله يسهلنا


بنت البنات ورذاذ اكيد ناموا

[fufualmoon]

نسيم انا من النوع اللي يتحمل ويمسك نفسه وما احب ابكي قدام حد
ماني متخيله كيف راح يكون شكلي لاني ماني مستوعبه قد اش الالم
الله يسهلها علينا ويهون الالم ان شاء الله

[نسيم الجبل]

خايفه لاني مجربه يافوفو لكن اللي مثلكم بكريات على عماهم مايدرون وش السالفه انا كنت مثلكم يوم جاتني علامات الولاده ببنتي فرحت فرحه موطبيعيه قمت استعد للروحه للمستشفى وانا مبسووووطه رحت مرررره بدري وامي قاعده تدعي لي واقول في نفسي ايش فيها امي مكبره الموضوع صح كان فيه خوف بسيط بس لا الحين الوضع غير خوف فضيع الله يهون الطلق عليه وعليكم

[fufualmoon]

امين ياارب
كم عمر بنتك ؟

[همسات قلبي]

الله يسهلها علينا ويقومنا بسلامه

اش ح تسمي هالمره

[نسيم الجبل]

سنتين وسبعه شهور
والله انها بزره باقي الله يعين على تربيتهم

[fufualmoon]

ما شاء الله الله يحفظها لك ان شاء الله
دحين بتبدأ الغيرة بين الاخوان هههه الله يعينك

[نسيم الجبل]

في الاسم محتاره مررررره وقت ما اولد الله يحلها
بنات انا نومي صار مره قليل كيف نومكم مدري احس هاليومين اذا نمت فجأه عيوني تفتح ولا عاد اقدر انام يمكن عشان حسيت اني ولادتي قربت

[بنت القطان]

صباح الخير ياحلوين

فوفو للحين معاي الألم بس مو منتظم
الله يعين ويسهل على الجميع يارب

[fufualmoon]

اتبرع لك بنص نومي اااه تعبت منه انام يصحيني ظهري اقعد افرفر في البيت وارجع انام
صحيت مع الفجر ودحين ارجع انام الظهر واصحى العصر وارجع انام العشاء ابغا اغير روتيني مافيه فايدة

[fufualmoon]

بنت القطان ترى انا بكرية ما اعرف هههه بس من اللي اسمعه
الالم يزيد ولا نفسه يروح ويجي ؟

[نسيم الجبل]

حاولي يافوفو تنامين على فراش مريح بعض الاسره ماهي مريحه للظهر ولاتكثري منبهات وراح ينتظم نومك>>>>شوف مين بيتكلم
اهلين بنت القطان ومازال جنينك واقف وقفه عسكريه هههه الله يسهلك وتقومي بالسلامه

[بنت القطان]

هههههههه فوفو انا أبي تعيشين الاحداث معاي والاكشن

اي والله يانسيم واقف وقفه عسكريه احسه بس يخوفني ويرجع مكانه

[fufualmoon]

هانت ما بقي الا اسبوع احس الاسبوع 39 بيمر بسرعه ههههه
ان شاء الله اني اولد فيه ما ابغا اقدم اكثر من كذا

[بنت القطان]

امين يارب
ان شاء الله قريب الولاده

[همسات قلبي]

أنا زيك فوفو ودي أولد قريب ماابي ازيد عن الاسبوع 39
يارب يسهلنا

نسيم
سمي جوانا

بنت القطان الله يسهلك

[بنت القطان]

امين يارب يسهل ع الجميع هموسه

جاني النووم اشوفكم على خير

[همسات قلبي]

وانا كمان ح نام
اشوفكم ع خير

فوفو ونسيم ورذاذ الدبا ح توحشوني

[fufualmoon]

افااا كلكم حتنامو اوك نوم العوافي
نسيم شكله فصل عندك
رذااذ فينك اليوم ؟؟

[احلى ليان]

صباحكم ورد وياسمين ..
اول مرة ادخل تجمع اللي موعد ولادتهم جماد تاني .. حتى انا كرشة وقربت ان شاء الله هادا شهري الله يقومنا بالسلامة اجمعين ,,
اقبلوني ادخل فيكم عرض هههههههههههه واتسلى معاكم عبال ما اولد ..

[fufualmoon]

حيااك يا احلى لياان
متى موعد ولا دتك ؟؟ :)

[هنّوسه]

fufu

مااولدتي !!!!!
يلا عااد لا تطولينهاا

[fufualmoon]

هنوووووووووووسة هلا وغلا وحشتيييني
يا سبحان الله اليوم وانا قاعدة افكر فيك اول وحدة فقست وتركتنا هههه
شوفيني لسه امشي انا وكرشتي مو راضي يطلع

[fufualmoon]

اخبارك وكيف البنوته وكيف النفاس معاك

[هنّوسه]

ههههههههههههه
يلا باصبر عليك الى الاسبع الجاي
اذا ما ولدتي بارسل لك بزارين العيلة كلهم ينططون فوق كرشتك


انا ولله الحمد سهااااري طول الوقت
لا نوم ولا اكل ....
البنوتة ما شا الله كل ماجاها وتكبر وتحلى .. وتزيد حوستهاا
يوم الخميس خلاص اكمل اربعين يوم
ونفاسي الله لايوريكم .،،،،

انكسر خاطري على نفسي ههههههههه
اسبوع بس رحت عند اهلي وتدلعت
بعدين رجعت للجامعة وصرت اكرف بالجامعة
واكرف مع بنتي لحالي واهتم بزوجي ،،،،،، وحيدة فريدة
مع انه مو مقصر والله ،،،. ما يطلب مني شي بس انا من نفسي
ويساعدني علي لولو


هههههههههههههه
تذكرت هذاك اليوم ..، انا قاعدة اذاكر وهو ماسك لولو وحاطها عند صدري ترضع
وانا يديني ع اللاب توب اذاكر ههههههههه
يا الله مسكينة انا

بس من الحين اقوله ولادتي الجاية اعوض كل شي ههههه

[fufualmoon]

حياااتي والله بوسيها ليا ماشاء الله خلصتي بسرعه ولا انا اللي ما عد صرت احس با الوقت من كثر التفكير
ما شاء الله كيف قدرتي تداومي و لساتك تعبانه وعملية بعدين

[نمولة]

اهلين بنات شخباركم
هنوسة ما شاء الله قريب تخلصين الاربعين
طيب بنتش وين تخلينها اذا داومتي؟

[هنّوسه]

يعني اخذت اجازة اسبوعين من عندهم
وسحبت من عندي اسبوعين هههههههه
ومشت الايام وهذا احنا خلصنا وننتظر الاختبارات

نمولة هلاا بك ... بنتي احطها عند عمة زوجي ،،..
حرمة كبيرة وماعندها عيال وحبوبة مرة ،،،،

[بنت القطان]

أهلين
شخباركم اليوم ؟

هنوسه الله يخلي لكم البنوته ويحفظها

[همسات قلبي]

كيفكم كروشات ونفوسات

هنوسه زي الطير تدخل وتختفي
رذاذ وينك انت ونسيم

بنت البنات تعالي او اترك شغل المطبخ كله ع راسك

فوفو اشك انك نمتي اشبك تفكري كتير تبي تولدي كلنا نبي نولد بس النوم سلطان ليش ما يتسلط عليك

ههههههه


بنات ودي اجري وأنام ع بطني اسعفوني اش اسوي