تجمع لحوامل شهر جمادى الأولى 1433

[سرووءة]

الديماس
كيف يعني موزين وشو يلي خلا اختك تقول مو كويس
ييعني نظافة ولا شو
وكم كلفتها هناك
وخلو الزوج يدخل معها
ياريت تجاوبيني
زوجي طفش مني
كل مايجيب لي اسم مشفى بطلعلو فيها مية علة
:( انا تعبت وياليت تساعديني بكل المعلومات
اختك متى كانت اخر ولادة لها

[المخملية]

لودي اذا كان نبض الجنين ضعيف والموية قليلة لا هنا اقولك حالتك ماينسكت عليها
انتي اشربي الخرووع ونظفي بطنك وروحي السبت
وان اشاء الله تجيكي ولادة قبلها وماتحتاااجي لطلق صناعي او عملية

امي اغلى ناس .. المفروووض دكتورتك تكشف علي موية البيبي وتشووف اذا شوية والا كويسة
حتي لو خرجتي علي مسؤوليتك المفروض تنبهك
انتي انتبهي لحركة البيبي اذا قلت عن 10 حركات لازم تروحي تشوفي نبض الجنين ومويتو
طيب ماقالتلك اذا رحمك مفتوح او لا
يمكن رحمك مو مفتووح ويكون فيه تسريب من كيس البيبي

وااايت .. هاا بشري ماافي الآم ؟؟
وكيف الطقس بيكون في هاليومين ؟؟

الديمااس .. طيب انتي ماتطلبي زوجك هدايا ؟
انا بنفاسي الاول ماجبت له لانو سافر قبل اخلص نفاسي
بس لما رجع جبت له هداياا
وهو جاب لي عطر من دبي بعد شحدة طبعاا
صراحة مالها طعم الهدية لما تشحديها بس ايش اسووي ابغاااه يتعود
مدري هالمرة اذا نزل بيجيب هدية والا لا

[المخملية]

سروءة .. انا وحدة من قريباتي ماتولد الا في العسكري عشان زوجها عسكري
ماعمري سألتها عن عنايتو ونظافتو
بس مرة جبنا سيرة الخياطة والغرز
انا قلتلها بالخاااص غرزي مااحس فيها بس العقدة الي احس فيها لان الدكتورة مخيطتها علي جواا
هي قالت انا اعدهااا 7 غرز
لان تعرفي الحكومي ممكن تولدك داية ( قابلة ) بعكس الخاص انتي تختاري وانا كنت عند دكتورة استشارية
لكن بما انو دكتور برفسور راح يسويلك عملية هو بنفسو اعتمدي بعد الله عليه وان اشاء الله تكون ولادتك زي العسل

[الديماس]

حسرتي كتبت رد طويل عريض وانقطع الاتصال

تصبحون على الف خير والله ما عدت اقدر اشوف من النوم بكره ان شاء الله ادخل

على فكرة اخر ولادة لاختي قبل سنتين وعشرة اشهر

[white sugar]

ههههههههههه مخملية حسستيني اني الارصاد الجوية
مدري عن الجو بس اليوم نزل هتان ونزلت مطرة في الشمال معناها بكرة احتمال تنزل والله اعلم

الين دحين مافي الام ولا شي حتى الافرازات صح زايدة بس مافيها دم ولا شي
قمت سويتلي كوب حليب بالقرفة قلت يمكن ينفع
بس ماجبت سيرة لجوزي لانو خاصمني قلي ما تشربي شي يحرض
كنت ابى استفيد من جيته بس قلت يا بت خليه ينام انا تعبانة ومافيا دحين اقوم اتروش في الفجرية والله برد وكمان عشان الصلاة خليها بكرة ازا ما جاني طلق يمكن ينفع -مخليته احتياط ههههههه-

[امي اغلى الناس]

هي ماسوت لي سونار بس كشفت من تحت. وانا بس الي نزل معي موية من دون دم وﻻ حتى الم
و
الحين ينزل علي افرازات بيضاء عادية والله مدري ايش وضعي المشكلة مو مرتاحه لهذي الدكتورة المناوبة بس مافي غيرها

[المخملية]

واايت .. انا ايش دراني .. انتي الي عندك اخبااار الطقس هههههه
وخلاص متى فكرتي تولدي عندك تحريض من نوع خاص هههههه

امي اغلى الناس ... انتي تراجعي عند مين ؟؟
وليش مارحتي لدكتورتك ساعتها ؟؟ ماكان عندها دواام ؟
احجزي علي اليوم الجمعة او بكرة السبت وروحي لدكتورتك تشوفك
واهم شي زي ماقلتلك احسبي حركات البيبي لاتقل عن 10 وان اشاء الله البيبي بخير
انا تنزل مني علي طول موووية وتعبي لي الاندروير وسألت الدكتورة قالت طبيعي الله واعلم عنها
بس انا احسب للبيبي اذا شفت حركتو قلت اكيد بروح للدكتورة
ورحت لها الاحد الي فات النبض كويس والموية كويسه
فلاتشيلي هم بس اذا قلقانة زي ماقلتلك احجزي عند دكتورتك خلال هاليومين واطمني بنفسك احسن

متحمسة للودي ابغي اعرف متي بتاخذ الخروع وايش راح تكون النتايج
انا مفكرة اخذ خروع بس علي اخرة التاسع
لكن ممكن اذا شفت نتيجه علي لودي يمكن اتحمس واشربو

[امي اغلى الناس]

صباحك سكر يامخملية
الله يسعد قلبك طمنتيني. انا رحت الطواري تبع الوﻻدة ﻷن خلص تقريبآ دوام العيادات
والمشكله بس سوو لي تخطيط وفحص داخلي
يعني ماعندهم سونار ومافي عيادات اليوم
الله يعين استنى لبكرة
حركة البيبي كويسه
نصيحة يامخملية ولكل البنات انا جربت الخروع في بنتي ولﻷسف جاب لي طلق ﻻيحتمل ومافتح الرحم وبالنهاية ولدوني قيصري. . تراه يضر ماينفع بﻵش منه نصيحه

[lody]

مخمليه خلاص انتظريني على الساعه 11 الليل راح آخذه ،، وبكتبلك الاحداث أول بأول
ترقبيني hwaml7

[white sugar]

سلام بنات. . مأجزين اليوم

[سرووءة]

هلا وايت
لسا ماولدتي ^^

[white sugar]

لا بستناكم :-)

[سرووءة]

هههههه اصيلة
ياليت الكل متلك ^^

[الديماس]

صباح معطر بذكر الله

اخباركم

سرؤءة اعذريني البارح كنت دايخه نوم كتبت رد وطار

اختي ولدت مرتين بالعسكري
طبعا مجانا لانو الوالد عقيد فدخلت بكرتها

تقول النظافه ماشاء الله بس زحممممممممه وما بيهتموا بالوحده الا اذا الله انقذها ومر الطبيب يقوموا الممرضات يسون مخلصات قدامه
اختي تولد بالسابع لانو عندها اجسام مضاده وزلال ويرتفع الضغط في السابع

فالمفروض يعاملوها معامله خاصه بس للاسف ما بينتبهوا الا اذا مر الطبيب

وعلى فكرة مشفى العسكري للولادة بالجنوب مزحووووووم مزحووووووووووووم لانو العسكر كثير بالمنطقه ولهذا السبب ما افكر اولد فيه ابدا ابدا اش لي ووجع الراس والقرف

[توليب حوامل]

متااااابعة بصمت
ايش فيكم بديتو تذبلوا وييييييييين سواليفكم

[سرووءة]

الديماس
حبيبتي
ماادري ايش اقلك
البارح زوجي عصب وتهاوشنا
بالنهاية قلي انا وين اقلك تولدي
طفش مني كل مايجيب لي مشفا اطلع له مية علة
شكلي خلص راح اثبت عالعسكري
واتوفع لاني سورية ياخدون فلوس عالولادة
وانا سمعت ان الممرضات اذا دفعتي لهم فلوس بيعتنو فيكي
هيك قرات بالنت
الله المستعان مايخافو ربهم
والله تعبت نفسيتي
من هلموضوع
بس انا سمعت انهم مايسمحو بالزيارة الا ساعة وحدة باليوم صحيح هالكلام ان نظامهم مشدد بالزيارات ولالا
كمان بسالك وقت اختك ةلدت حلو احد يدخل معها يعني امك او زوجها ولالا ممنوع

[lody]

وايت باقي بتوقيعك اسبوعين ،، ليش بتولدي الحين ؟؟

[lody]

كراريش زوجي مرررررره رافض اني اروح اولد عند ماما ،، بمنطق انو الناس بتقول عني مافيني خير وقت صحتك وعافيتك معاك ولما تعبتي رميتك عندهم لين تتعافين بعدين آخذك وانو هوا اولى يهتم فيني وفي البيبي ،، واساسا هوا ماخذ الموضوع تسليه وحده تعبانه يجلس يبدع فيها ويجرب وبيبي صغير يلعب فيه ،، المشكله اني عارفه ما عنده ما عند جدتي ما بيقدر يسويلي حاجه وبالعكس بيتعبني زياده ،، بس راسو تنكه

قولتكم لو خليتو يدخل معايا الولاده بيغير تفكيره ويعرف انو الموضوع مو لعب ،؟؟؟؟

[white sugar]

والله مالي خلق استنى اسبوعين كمان
بما انو الرحم فاتح وعلى قولة الدكتورة مرة متهيئ للولادة وعندي عنق الرحم سار مرة قصير ونزلت السدادة حقت الرحم على قولتهم فليش استنى لاخر التاسع
وكمان عشان فولدي ولدت على 37 اسبوع مابى اسحب كمان اسبوعين دحين انا يومين واكمل 38
بالله لو مكاني بتستني كمان ، انا حدي اليوم ما جاني شي حكلم الدكتورة بكرة واقلها ابى اجي اولد خلاص طفشت من التقل
مع انها متوقعتني اولد بالكتير الاسبوع اللي يجي
لانو قبل كدا جاتني ولادة مبكرة زي ما قلتلك

[توليب حوامل]

lody زوجك نفس زوجي بس انا بولد عنده وامي بتججيني انا قلت بفرحه باول مولود والثاني يصبببببر ربي يعينو انا عمتي متوفيه وماعندي الا خوات زوجي والشغالات صاروا يتشرطوا مايشتغلوا عند وحده والد على قولهم الشغل كثيييييييير فامي وخواتي راح يجوعنندي البيت لحد ماينتهو الزوار وخصوصا هذا اول حفيد ولد لعمتي الله يرحمها فنفسي يستانسون فيه واايت حبيبيتي مره بدري ع ولادتك نصيحتي لا تستعجلين عشان ماتتعبين

[المخملية]

انا اشوف بكرية تنفسين عند امك احسن
الزوج ايش بيسوي وايش بيعلمك
الرضاعه يبغالك صبر واحد يساعدك عليه والاكل يبغالك اكل خاص ووقت تبغي تنامي تلقي الي يمسك لك البيبي
الزووج مابيهتم فيك هالاهتمام
اما اذا كان ثاني نفاس هذا شي راجع لك تبغي تقعدي عند اهلك او ترجعي لزوجك بكيفك لانك مريتي بهالتجربة واكيد مجهزة الي لك والي عليك وعارفة كل شي راح يمر عليك

البنات الي ولدو لهم فقدة والله
محد فكر يفتح تجمع نفوسات جماد الاول

عني انا شكلي بأولد اخر وحدة البيبي ماشاء الله مبسوووط ببطني
وبيني وبينكم صح ابغي اولد خلاص بس مرتاحه كذا لا هم رضاعه ولا بيبي يصيح اخر الليل ولا ضيوف كل يوم ولا معاناة بالحمام مع الغرز
وربي اني بنعمة
من تولدي تبدأ معاناة النوم والاكل والرضاعه والتسنين والتطعيم
انا يادوب خلصت تطعيم بنتي ودحين بأبدأ نفس السيناريو مع البيبي الثاني
فخليني ارتااح في هالكم اسبووع

[توليب حوامل]

كلامك سليم مخملية وانا زيك شكل البيبي مطول الرحم يادوب فاتح واحد ونص سانتي وفي بنات في التجمع فاتح ثلالثة ولا ولدوا يعني مطولة ربي يعيننا وييسر لنا

[المخملية]

يمكن حتي انا فاااتح عندي الرحم وانا ماادري
عاااد يلا نستنى الولادة
تدرين انا مدلعه من اهلي عشان الحمل
وشايلين همي واخواتي كل ماقالو خلي المخملية تقوم تنظف ماما وبابا يعصبون عليهم ويقولون اختكم تعبااانه
مع انو محزنتني امي لانها شايله همي حتي لها فترة تعبانة من القالون اقول شكلو بسببي
لان امي من النوع الي تشيل همي ..

[سرووءة]

مخملية
الواحد لما يقتنع ان بس يصير وقت الولادة بيولد
بترتاح نفسيتع
بجد زي مايقولو الولادة زي الدورة
لما ننتظر الدورة ونفكر فيها ماتنزل ابدا خخخ
والولادة نفس الشي
بس نشيلها من راسنا بتفاجئا
الله يمضي هالاسبوعين على خير يارب

[ام سهــــــــاد]

مسائكم عسسسسسسسسسسسل

ها بنات وش اخباركمكيف الكرووووووش والبيبيهاااات طمنونا مين ولدت ؟؟

الله ييسر لكمتفرحوا بشوفة اطفالكم يارب..

[ام سهــــــــاد]

ع فكرة سرووءة مرة سالتي عن الفوط المناسبة انا جربت لوتس في ولادتي حلوووووووووووووة مرة ومريحة وخاصة ان الخيوط موجعة بس تريحك وبعد ما فكت الخيوط استخدمت فااام وكل شي ماااشي تماااام ولله الحمد ... حبيت افيدك قلبي انتي والبنات .. ولاتخااافي ترى الدم اللي ينزل مثل الدورة مو مثل ما انتي متصورة هههههههههههه كل ما افتكر كلمتك اضحك .. ربي يسعدك ..

[ام تركي و سديم]

سَلٱمٌ:6ـَاـْيگمّ-ۈرΖـْمّـٌة"ٱللـّہ"ﯙبُرگـّاتہ

كيفكم يا كروشات الله يسهل عليكم كلكم ياررررب
انا كنت معكم في بداية التجمع وبعدين انقطعت عنكم بسبب الاتصال
وبعدين رجعت بس متابعه بصمت hwaml7

بس الان حبيت ابشركم انا الحمد الله ولادة البارح وجبت ولد

والحمد الله كل شي تمام
وعقبالكم ان شاء الله كلكم يارررررررررب

[white sugar]

الف مبروك ام تركي ،انشاء الله ما تكوني تعبتي
ايش سميتي البيبي

[امي اغلى الناس]

بنات ايش يعني عنق الرحم طويل وقاسي
انا اليوم رحت الطواري وفحصتني الدكتورة المناوبة وقالت لي عنق الرحم عندك طويل وقاسي وشبهته بعنق الزجاجه
وقالت المفروض يكون لين مثل المنديل المبلول
هل هذا يأثر عالوﻻده انا ماأبغى اولد قيصري
سروءة ايش قالت لك الدكتورة على عنق الرحم وايش اﻷنسب الطبيعي واﻻ القيصري
انا ببنتي مافتح الرحم اﻻ واحد سم فقط والطلق كان 24 ساعة متواصل وبعدين ولدوني قيصري

[سرووءة]

الف مبروك ام تركي
وحمدلله عسلامتك

ام سهاد اهلا فيكي
منورة مرة تانية
وبخصوص الفوط خلاص بجيب نفسها انشالله
طمنينا عنك
ويلا نبغا الاكشن تبعك

[خالة تميم]

اووووووف ببببنات تمللت يلا متي اربي

اول شي ابي اسويه انام علي بطني وحشني النوم علي البطن ههههههههههههههههههههههه

بس شكلي موطووووووووووله مايبي يطلع شكله مرتاح بس تعبت ابي انام عدل اتضايق في النوم

والامنان عندي خفت ماقامت اتيني الي نقزات تحت بسسس وبطني لين الحين ناقز مانزل تحت لاني حامل بولد

بس الكل يقول لازم ينزل اففففففف والله تمللت استغفر الله


انا ثيابه كلها جاهزه كل شي جاهز في البيت ومرتب بسس بكره بحاول اطبع اكلات حق فترة النفاس

شخباركم بنات شمسوين؟؟؟

[lody]

الساعه 12 بالضبط شربت قارورة خروع كااااااامله hwaml60 ،،
وجالسه اترقب وش يصير hwaml56 ،،
الموهم اذا اختفيت اعرفوا اني فكيت البقشه hwaml7 ،،

[white sugar]

لودي يا مفترية حرام عليكي نفسك
قارورة كاملة
انا على كوب القرفة وجالسة الوم نفسي فما بالك قارورة خروع
يلا ان شاء الله ربي يسهللك
انا بكرة ان شاء الله رايحة للدكتورة وبشوف ازا في شي جديد ، يمكن اقوم انام دحين
بس طمنونا عنكم بنات. . لو صحيت بدري دخلت طقيت حنك معاكم
يلا تصبحو على خير حبايبي

[المخملية]

لودي...يامجرمة .. قارورة كاملة
الله يستر عليك
باين انك واصلة حدك
يلا نترقب الحدث

وايت سكر... أنتي رايحة مراجعه والا ناوية ولادة؟؟
..

[عشرينية ذوق]

الله يكتب لكم ولادهه سهلة وميسرهه

[lody]

خخخخخخخخخخ >>> حتى المغص والاسهال الي كلهم اجمعوا عليه ما جاني hwaml15

انا الحين بقوم افطر واجهز شنطة المستشفى وآخذ كبسولتين زيت خروع يمكن ربي حاط سري في الكبسولات hwaml7
واذا ما ولدت لين بكرا خلاص بروح تنويم لأني من جددددد طفشت hwaml4

[white sugar]

والله يا مخملية انا كلمت دكتورتي امس وقلتلها ازا مافي ضزرر من الطلق الصناعي ابى اخده عشان اولد
قلتلها انا جيتك التلوت وقلتيلي الرحم عندي 3 وشي وانا كدا ولا كدا حاخد الابرة حقت الضهر يعني ماراح احس بشي
قالتلي تعاليلي بكرة اشوفك -يعني اليوم - مع انو المفروض السبت الجاي مراجعتي

لودي كان من بدايتها كبسولات خروع اشلك واشل لعبان النفس اععع

[المخملية]

اصبري لاتاخذين كبسولتين
تووك ماخذه الزيت كمان بتكملين عليهم بالكبسولات

وبعدين الدكتورة متى قالت تعاالي؟

[المخملية]

وايت..الله يكتبلك الي فيه الخير
أنتي مجربة ابرة الظهر بولاادتك الاولى والا اول مرة؟؟

تصدقين انا بطلت اولد جايني شعور خووف ههههههه

[white sugar]

ايوة جربتها اول وحتى اول ترى كان طلقي خفيف وطولت عبال ما ولدت
بس الفرق انو المرة الاولى نزلت الموية من حالها في البداية وبعد ما اخدت ابرة الضهر اعطوني الطلق وولدت الحمدلله

ليش خفتي ؟

[المخملية]

اهاا...

مدرري بس جاني شعووور خووف

[white sugar]

جاني قبلك خخخخخخخخ
بس لما تطفشي تقولي خلاص ابى اولد
قمت من النوم جيعانة ابى افطر قلت يا بت كلي رطب مع كاسة لبن بس لقيت اللبن مخلص o_O قلت اشرب موية احسلي
وازا صحيت ماما افطر معاها مع انو لسةبدري على صحوتها

[المخملية]

يعني
قولتك رااح يروح هالشعوور ..
يلا الله يعين

انا عكسك سهرانة على فلم هندي
وشويتين وراح انام

متى موعدك؟؟ في الليل؟

[white sugar]

انتي ألصادقة انا احس الايام دي بتمر عليا وكاني في فلم هندي ما يحتاج اتابع ههههه
ايوة ان شاء الله الساعة 8 في الليل
انا قلت بما اني صحيت دحين بدري اكيد ماحد حيكون موجود ولاعلى وش نوم خليني اقرا قران يمكن تتيسر

[المخملية]

يب .. فيه ناس على وش نوم
أنا ههههههههه
وكمان جهازي نرفزني كل شوي يقفل

اقري قران ماابغى اشغلك
والله ييسر لك ولادة سهلة وميسرة
لاتنسيني من الدعااء
وادعي للودي حاسه البنت دي رااح تتهور وتجيب لنفسها مصيبة

الله معاك حبيبتي

[white sugar]

يلا خليني اقلك تمسي على خير على قولك :-)
ولدي دحين صحي بقوم اسويله فطور

[ذبلت ورودك]

بنات انا ولدت لساعه6 ص
بعد تحميله ، وجبت بنوته وكلنا بخير
بس مرره تعبت ادعولي وعقبالكم يارب ،،

[توليب حوامل]

مبررررررررررررررررررررروك تتربى في عزك يالغلا

[توليب حوامل]

lody بما انك في الطايف في اي مستشفى وعند اي دكتورة انا اراجع بالامين عند الدكتورة اميمة كامل مرررره مريحه في التعامل

[توليب حوامل]

بنات حابة استشيركم انا امشي ساعة ونص واكل تمر وملعقتين عسل واشرب حلبه يوميا هالشي يكفي والا ازيد ساعات المشي واشرب شي ثاني لان مافي بوادر ولادة ابدا وانا اخر اسبوع في التاسع وما ابغى ازييييييييد تكفووووووون ردوا

[lody]

بطططططططلت من الكبسولات بدأ مفعول الخروع احس بيجيني جفاف hwaml93

توليب ،، والله للحين ما ادري زوجي يبغاني اولد عند دكتور خالد الاستشاري الي في الامين ،، هوا مررررره كويس بس انا ما ابغى دكتور يولدني احس بيوترني واصلا استحي ،،
وانا ابغى دكتوره ملكه الي في العدواني لأن العدواني مريح نظيف ومرتب مو زي الامين احسو مغسلة أموات ،،

[white sugar]

الف مبروك ذبلت ورودك والحمدلله على سلامتكم

[lody]

توليب ،، نصيحه وخرررري عن الحلبه وربي تصيري بلّونه ،،

انتي روحي للدكتوره وخليها تسويلك فحص داخلي احسو بعدها يفتح الرحم على طول ،، انا رحت للدكتوره يوم الاثنين الي راح وما فيني وجع ولا حاجه بس اتطمن ع البيبي وقالت تبغى تسويلي قاتلها لا ما جاني وجع ولا طلق قالت برضو بفحصك ولقيت الرحم مفتوح 1سم ،، وفي نفس اليوم الفجر نزل مني دم ورحتلها يوم الخميس كمان بدون ألم وقالت فتح 2سم ..

انتي كمان جربي

[white sugar]

توليب انتي في اي اسبوع والرحم فاتح عندك ولا؟
انا ماحنصح بشي عشان انا نفسي اتهورت وشربت قرفة ولا شفت فايدة قلت خلي نفسك فحالها يابت واهجدي بلاش تخبيص

لودي مو منك من الخروع اللي قربعتيه الله يهديكي
انتبهي بس على نفسك واشربي سوائل دحين ولو حسيتي بشي روحي عالمستشفى لا تستني لما يجيكي طلق

[lody]

وايت ،، المشكله تاريخ العائله عندنا طلق بارد يعني يفتح 4سم بدون وجع ،، انا خايفه اكون كذا وما ادري الا ولدي جنبي

[white sugar]

هههههههههه
شفتي ليش انا مستعجلة. . لانو دا شعوري نفس الشي
اخاف يفتح عندي اكتر وعلى قولك ما الاقي الا البيبي جمبي

[توليب حوامل]

انا اخر اسبوع في التاسع الخميس هذا اخر يوم في التاسع ولودي انا رحت للكتورة وكشفت علي قالت لي الرحم مفتوح واحد ونص سانتي والمرة الجاية اذا حسيتي بالم على طول على كشك الولادة وعلى طاري المشي اختي دايما تكلمني وتخاصمني تقول امشي ورتبي بيتك ولا تجلسين الا وقت النوم انا اسوي كذه ولا تطول ولادتي وفي الاخير يوم دريت اني بس امشي ساعة ونص قالت انا مالي دخل فيك انتي اللي بتولدي مو انا لا ني كمان ماشربت قرفة زي ماقالت وانا مررررره طفشانة نفسي احس باوجاع او ينزل مني دم..

[white sugar]

بيني وبينك اختك صادقة اشتغلي فبيتك ، انا يمكن مع شغل البيت نزلت السدادة وفتح عندي الرحم
بس القرفة لا تشربيها ازا ما عندك طلق احسلك
والله انا من طفشي جيت جلست عند اهلي ، ولا لو عليا ارجع البيت عشان اشتغل يمكن يسير تطور هههههه

[توليب حوامل]

الحال من بعضه بس انا نفسي اولد قبل موعدي عشان بس اوصل لامي خبر ولادتي من دون ما تنتظرني وتشيل همي بس شكلي بطول لاني ما احس باي شي

[توليب حوامل]

لــــــــــــودي حبيت افيدك بها الموضوع حصلته في المنتدى

تحذيييييير لبنات الطايف
السلام عليكم ورحمة الله وبركاته...........
كيف حالكم ياحوووووامل الطااائف انشاااء مستاانسين بالكرررشه>>هههههههه
الله يهووون عليكم يارب انا الحمدلله ولدت طبيعي في مستشفى عبدالعزيز التخصصي وابي احكي لكم قصتي مع مستشفى العدواااني ودكتوووره ملكه الله لا يذكررها بالخيررررر.....
انا من الرياااض ونقلنا للطائف عشاان عند زوووجي دوووره 6 شهووور وقلت اولد بالطااايف في العدوااني لان كثيررر من الناس يمدحوووه المهم اول ماجيت الطائف وانا بالشهررر السااابع وفتحت ملف عند الدكتوووره ملكه عل ان اولد طبيعي المهم اول ما دخلت التاااسع بسبووعين نزل عليه موووويات ودم وظهرري بينكسرر من الطلق رحت ودخلتني تنووويم وكشفت علي وقااالت لي 3 سم ونص باقي لك 4 ساعات او ثلاث وتووولدي انشاااء وقمت اشرب كف مريم وقرفه وعسل وامشي جاتني الفجرر كشفت علي وقااالت الرحم قفل وطلقك 95 حق ولاده يعني وماراح تولدي الا عمليه قيصريه وانا رااافضه قلت الله لايقووووله وزوووجي رفض قلت ابي استنى واصبر شوووويه يمكن يفتح الرحم قالت لي بكيفك والله العظيم يابنات اني ما اكذب عليكم كل شي قلته لكم وقاامت وعطتني ابررره في العضل خلت ظهرري بينبط وبطني بيتفجرررررر قمت وخررجت انا وزوجي ورحت عبدالعزيز ورحت عند دكتوووره سوداانيه عسسسل وكشفت علي وقاااالت بسم الله ماشاء الله فاتح 6سم ونص باقيلك ساااعه بالكثيرر وتوولدي وقلت لها يادكتوووره ظهرري بينبط وبطني هينفجرر قاالت انتي رحتي عند مين قلت عند دكتوووره ملكه بالعدوااني قااالت ياحبيبتي هاااذي عطتكي ابرره طلق صنااااعي والطلق الصناااعي مامنه فااايده تبيك تسوووين قيصري والقيصررري مو بسيطه يابنتي ودعيت عليها دعووه الله لايحللها انشاااء الله بغت تذبحني بالقيصري المهم
قعدت 45 دقيقه وولدت وجبت بنوووته تجننن والحمدلله بس حبيت انبهكم من هالمستشفى المحتال وهالدكتوووره الله لايووووووووووفقها يارب والله لو اني بالطاااائف كااان ارووح واتفل بوجهها اكرمكم الله بس انا بالريااااض للاسف
وحبيت ابلغكم واللهم اني بلغت اللهم فشهد
والله يسهل عليكم ياااااااارب
تحيااااتي......hwaml7

[white sugar]

الله يسهل

لودي طمنينا عنك
انا بقوم اريح لانو ورايا موعد في الليل وما حقدر اقاوم من ها لوقتها حروح مدروخة
يلا نشوفكم في شفت الليل

[توليب حوامل]

استودعتك الله ونشوفك والده ان شاء الله

[lody]

اوووبس تو قريت في منتدى ثاني انو وحده شربت خروع واتبرز البيبي في بطنها ،،
قولتكم نونتي ممكن يقل ادبه ويسوها ؟

[lody]

توليب اذا على ملكه والعدواني قريت عنها اخس من كذا ،، بس انا بستودع ربي نفسي
وكذا كذا لو قالتلي عمليه رح اطلع من المستشفى

[شوكولاته ساخنه]

السلام عليكم
كيفكم كلكم بجد ياجماعه انا تعبت متتتتتتتتتتتتتتتتتتتى يجيني طلق واولد
ابي شي يساعد بالطلق اخاف من الطلق الصناعي الله يستر ماحس الا بحركة البيبيه ورفسها ونغزات من تحت
والف مبروك لكل الي ولدووووووووووووو وعقبالنا ياناس

[خالة تميم]

بنات بذبحكم كلكم تشربون خروع قبل موعد الولاده خلصوا شهركم بعدين اشربوا

انا ماحس بشي شكلي بصير نفس الهنديه 12 شهر وربت بطفل 8 كيلو ههههههههههههه


ابي اولد بسرعه بس بنطر بحاول اصبر نفسي

[سرووءة]

ذبلت ورودك
الف الف مبروك
والحمدلله عسلامتك ..

لودي .. خخخ والله انك جريئة مننتظر نتائج الخروع ..
وايت طمنينا عندك شو يصير معاكي ..

[lody]

سرووؤه ،، الصراحه انا ما ندمت اني شربت خروع لأنو مره نظف لي بطني يعني لو جاتني ولاده اروح وانا واثقه من نفسي ما انزنق وانا اولد . .

~~

بنات أحس بمغص دوره بس خفيف ،، اروح المستشفى ولا لا ؟؟
لأنو نفس المغص الخفيف الي فتحلي 2سم ،، المشكله اني مداومه على سورة مريم والزلزله وادعية تسهيل الولاده اخاف عشان كذا ما أتألم ويروح يفتح الرحم وانا مدري ،،
وأخاف أروح المستشفى تقولي باقي ما في ولاده ،، يا ربي اش اسوي ؟؟

[المخملية]

لووودي لايكون ولدك يتبرز ببطنك من الخرووع هههههه اتخيلو يشرب معااك ومعاه مغص ياحياتي عليه
لودي اذا زاد المغص رووحي

تووليب .. مابقي لك شي كثير اصبري
انا بحملي الاول خلصت التاسع كلو وولدت علي طول اليوم الثاني مع انو دكتورتي من خلصت وهي تبغي تعطيني طلق صناااعي
مع انو المفروض تعطيني مهلة اسبوع او اسبوعين بعد الولادة
انا دحين بأصبر الين تجيني الولادة وبشووف الين يخلص شهري مع اني بحسبة الدكتورة باقي لي اسبوعين وبحسابي باقي لي 20 يوم
بأصبر اسبووعين واشوف الين ربي يفرجهاا
وصاير معي خمول بس نايمة او منسدحه ولا امشي ولا شي مدري كيف بولد لكن امري لله

ومبرووووك ذبلت وردي تتربي البنوتة بعزكم يارب

[white sugar]

كل كم بتحسي بالالم ؟
انا زيك اقراء سورة مريم والانشقاق واخر سورة البقرة واقول يمكن عشان كدا
دحين ما احس الا بالم في اسفل ضهري ونازل على وركي اليسار. . وعندي مغص مررررة مرة خفيف يروح ويجي بس مو حاطته فبالي
احس حروح اليوم وانصدم لما الدكتورة حتكشف وتقلي انو زي ما هوا مافتح زيادة

[white sugar]

لسة دوبي بتكلم مع ماما وبقلها احس بخمول وكسل
وطول الوقت مسدوحة ، لما كنت فبيتي مافيا شي عشان بشتغل
صح باحس بالم فضهري لكن مو خمول

[المخملية]

الله يسهل عليكم يابنااات
يلا ياوايت انتي رايحه موعد وتطمني ان اشاء الله
اما لودي اخاف اقولها روحي وتطلع الروحة ماهي محرزة

بناات قبل كم يوم مريت من جنب محلات سعد الدين وكان مسوي اعلان برا المحل لصحن بااين عليه حلو ولذيذ صحن للكنافة الكذابة بكذا شكل
مين قد جربوو؟؟
ماعمري جربت من عندو غير الكيك
لاني ناوية ان اشاء الله امر عليه وانا خارجة من المستشفي اذا ولدت واخذ منو كم صحن للضيوف

[المخملية]

وايت سكر
وربي اني اشيل واحط وانا بحملي كلو للثامن
لان ماعندنا شغالة فتلقيني اساعد ماما
واصلا بنتي لحالها يبغالها احد متفرغ لها
معطيتها فترة النهار لتعلم الحمام وباقي اليوم البسها الحفاظة فتلقيني معاها واتابعها وغير اكلها واغير لبسها كذا مررة وكنت نشيطة ماشاء الله عليا حتي لو بالبيت مااخليها ببجامه لازم البسها واكشخها كأننا خارجين والبس انا كمان
لكن ليا اسبوع انا وبنتي سهر الين بعد الفجر وباقي اليوم نووووم
شوفي دحين عصر وبنتي ناايمة مرررة كسلنا هالنظام
كنت اطلع للسطح واطلعها تلعب بدبابها وانا امشي بس من دخلت التاسع وقفت مشي ووقفت كل شي

انا اكثر شي خايفة منو زيادة الوزن
ابغي اولد قبل ازيييييد اكثر
الوزن هو الي مأزمني صراحة

[lody]

المغص يروح ويجي بس مو منتظم ،، بس انا قرفت خلاص ابغى اولد < على فكره للحين ماجهزت لا شنطتي ولا شنطة البيبي متكاسله وكمان ابغى اولد حاله والله ..

انا بقوم اجهز الشنطه يمكن اقفلها وربي يفتحها عليا ،، وبعدين بسويلي شاي ورق التوت خاله جابتلي هوا قالت مره كويّس اشربيه ، احس اني صرت حقل تجارب بس ما عليا حجربه ..

على فكره أجواء أوربيه عندنا في الطايف برق ورعد ومطر قوووووووووووي و برَد يصقع في الشبابيك ..

[المخملية]

الله يالودي علي الاجواء الي عندكم
قومي جهزي شنطتك
واقعدي ادعي مع المطر وان اشاء الله ربي يستجيب لك دعائك من غير محرضات
وادعي لنا معاك

[ريم11]

بناااااااااااااااااااااااااااااااااات ابشركم

ولدت وجبت احلى ولد

ولدت يوم 10 /5

يالله عقباااااااااااااااااااال الكل يارب

[المخملية]

ماشاء الله ياريوووم
مبروووك الف مبروووك
هذا انتي ولدتي وارتحتي
كنتي تصحين وتحنين طفشانة تبغيين تولدين
الحمدلله الي قومك بالسلامة

[حلم حقيقي]

مرحبا كروشات
اخباركم
مبروووووك ريم والحمد لله ع سلامتك وسلامة ولدك
عقبالنا يارب
بنات عندي اوجاع بالحوض مو طبيعية تمسكني شويه وتفك وكذلك المغص نفس الشي
!?!?

[lody]

^^

انا بعد عندي نفس اوجاعك ،،

[عيون حبيبي]

الله يسهل عليكم وعلي يارب ويتمم حملنا جمييييع ونشوف النونوات وهم بخير وصحة وسلامة

الف مبروووووووووك رييييم عقبال لنا يارب

[حلم حقيقي]

لودي ؟!؟!
يمكنها علاماات قرب الولادة لكنها قوويه ربي ييسر

[عيون حبيبي]

اخباركن ياكروششاااات

[حلم حقيقي]

تمااام يالغلا انتي شو اخبارك

[عيون حبيبي]

هذا انا افحححط مع الكرشششه

[حلم حقيقي]

الله يعين والله مو مخوفني غير رجلي اليمين احسها احيان من كثر الوجع تموت مااحس فيها وماقدر اشيلها
ياارب رحمتك صراحه ماودي اخلص شهري كله ودي اولد قبل
امس جهزت شنطتي وقلت يارب ماطول واستخدمها قريب

[عيون حبيبي]

الله يسسسهل عليكك ياقمر

انا من امشششي احسسس بضغط من تحت بس اغامر

[حلم حقيقي]

يارب قريب ندخل ورى بعض ونبشر بولادة كل وحدة فينا ع خير

[عيون حبيبي]

امييين

يالله يارحمان يارحيم يارازق انك تسسسهل علينا امييين

[ملاك بأخلاقي]

مرحبا حبايبي انا كروشه جديده معاكم ..وبكريه ولسى ماولدت موعدي بكره ومو حاسه بشي تجيني اوجاع خفيفه بس والم ف ظهري وافرازات طفشتني والله طفشت نفسي اولد وارتاح ادعو لي تكفوووووون ..خايفه اروح بكره وتحطمني تقول لسى مافي ولاده

[عيون حبيبي]

الله يسسسهل عليك وعالينا يارب

انا موعدي بعد بكره ان شاء الله خخخي ر

[عيون حبيبي]

واناكمان بكرريه وخااايفه وفي نتفس الوقت متحممممسه اشووووف البيييبي

[حلم حقيقي]

انا كمان بكرية وحملي هذا حلم انتظرته 7سنووووات ربي عوض صبري خير ولكل محروووم
وبعد بكرة موعد مراجعتي وبنشووف ش بيصير لان انا بدايه حملي اخذت مثبتات للحمل تتوقعون منها تتاخر الولادة او ماله علاقة؟؟؟؟

[عيون حبيبي]

امممممممم
انا حملت 7شهوووور بعد الزواج والحمد الله على كل حا ل

[عيون حبيبي]

ابحثثي في النت اذا الها علاقه او ما لها علاقه يالغلا

[حلم حقيقي]

عيون سويت بحث لكن الاراء متفاوته البعض ماله علاقه بتاخر الولادة والبعض دخلو العاشر بسببها
ربك كريم انا اخذتها ع شكل تحاميل بالشهر الاول
ووقفتها. بعدين
ربي يسهل

[lody]

احساسي يقول انو وايت فكّت البقشه

[عيون حبيبي]

هههههههههههههههههههه


الله يسممع منك ترتاح البنت وباقي حنا

[white sugar]

جيتكم وبقشتي قبلي اسكتوا بس

[عيون حبيبي]

ههههههههههههههههههه عمرك طوووويل


اخباررك يابطوطه

[Beso]

وايت بشرينا صار شي جديد

[عيون حبيبي]

،،،،،///////////

[عيون حبيبي]

بنات يجييييييييييييني الم ويروح ادعووووووووووووولي ا نو بدايت الطلق

يلا عن اذنكم بقوووووووم اججججري

[lody]

وايت هاتي الهرجه اش صار معاك ؟؟

~~

بنات جاني ألم قوووووووي أسفل بطني لدرجة اني اتشنجت ما قدرت اتحرك شاده نفسي ودموعي تنزل مسك معايا 5 دقايق وراح ،، تتوقعون بداية طلق ؟؟

[white sugar]

معليش بنات كنت بحط العشا لزوجي وعبال ما خلص قمت رفعت
وحطيت الغسيل في الغسالة لاني رجعت عالبيت اليوم ومابى يتكوم فوجهي

مافي شي جديد غير انو جاني احبااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااط
مارضيت الدكتورة تكشف ولا تولدني حتى اهئ اهئ والله جلست ابكي عندها قالتلي كدا حتحسسيني بالزنب
قبل ما ادخل عليها قالتلي روحي سوي تخطيط وتعالي
وطبعا كالعادة مافي طلق .. هيا مغصة وحدة يتيمة جات وراحت ولا عاد شفتها زي كل مرة
والله طول الطريق وانا دموعي اربع اربع مقهورة من الدكتورة ومن زوجي
قالتلي ارجعي بيتك مالك غير المشي وزوووووووووووجك قلتلها فوجهه مابى شوفيلي شي تاني
رجعت قالتلي ارجعي بيتك .. المهم لما شافتني ابكي قالتلي خلاص ازا انتي مصممة تعاليلي الخميس الصباح
واديكي طلق واولدك مع اني اباكي تستني
اصلا من هنا للخميس يكون باقيلي بس 9 ايام واخلص التاسع على قولها

[noni]

لودي
لو تكرر بشكل منتظم بيكون طلق

[آجمل شيء]

وايت سكر لاتستعجلين باقي كملي شهرك
ماعليه كلنا ملينا وتعبنا بس راح الكثير وماباقي الا الكثير
وعلى قولة سروءة لاتنتظري الولادة حاولي تنسي

من جد ترى التوليد وعنق الرحم شاد صعب مو مثل لما يكون خلاص
اجا وقته من ربي ولان وارتخى للوضع

الله يطمن بالك ويهديك والجميع


لودي انتي بعد الخروع توقعت ولدتي

الله يعينك يارب


اخبار باقي البنات ما في احد نبارك له ولد


؟؟

[آجمل شيء]

عبون حبيبي امشي لاتجرين
الج ري مايصلح للحاامل تنفصل البشيمة عن الجنين لاسمح الله

كثير يحذرون منه

[white sugar]

من اخر كشف ليا قالتلي انو عنق الرحم مرة طري وقصير
بس عشان مافي طلق تقلي ما اولدك استنيه يجيكي مابى اديكي تحميلة ولا ابرة طلق
والله مقهورة مرة
انا قلت شكلي بسحب عليها يوم الخميس .. يعني بالله يبقالي 9 ايام اقوم ابهدل نفسي
مشي حالك

[noni]

هاي كروشات
طبعا وحشتوني ووحشتني السواليف معاكم
وربي ادعيلكم بولادة سهله في اقرب وقت علشان ترتاحو
قريب بكتب قصه ولادتي بس اختصارها بدايتهامغص مو منتظم وبعدها جلست احسب الفرق بين وقت كل مغصه ولما صار كل ربع ساعة اتصلت بزوجي يطلع من دوامه و يوديني للمستشفي
ولان ولادتي قبل قيصري وخافوا يصير لجرحي حاجة دخلوني ومارضوا يطلعوني لان الرحم فتح  سانتي
وبعدها بساعات الحمد لله ربي كتب لي اولد بالسلامة

بس نصيحه لاتستعجلون وتسوون طلق صناعي
صديقي ولدت الخميس بالليل تبهذلت كله بسبب ان نزلت مويه عليها وراحت لدكتورتها تتفق معاها علشان تروح معاها تولدها قالت بس بعطيك طلق صناعي لان ماجتها طلوق
واول ماعطوها طلق ضعف بنض البيبي وقالت دكتورتها اسفة ما اقدر اولدك انصحك روحي مستشفي حكومي بسرعه وبعد ماطردتها راحت حكومي وجلست تصارع الولاده اكثر من ساعة وبالاخير ولدوها بعمليه

نصيحه لاتستعجلون

[المخملية]

اخبااااركم كروشااااات
اتوقع لودي ووايت لانهم متحمسين للولادة ببولدو اخر ناس في التجمع >>> يارب مايجيني شي طاير منهم ههههه

افكرررر بالاناناس بكرررة
يمكن اقول لبابا جيبو ليا
وساعات اقول ليش اسوي بنفسي مصيبة خليني علي طبيعتي الين اولد
حتي دكتورتي قلت ماابغي اروح لها ولاتشوف وجهي الا وانا جايتها ولادة
طفشت من روتين المراجعات
والحلبة لو مو خوفي انها تزيدني وتنفخني كان طحت فيهاا وشربتهااا

[امي اغلى الناس]

وايت ماشاءالله ﻻتستعجلي دام عنق الرحم قصير ولين معناته وﻻدتك قربت
ﻷن امس فحصتني الدكتورة وقالت ان عنق الرحم اذا ﻻن معناته قربت الوﻻدة
وقالت انتي عندك عنق الرحم طويل ولسه قاسي زي عنق الزجاجه
المشكلة مو عارفة ايش الي يخليه يصير قصير ولين
الي تعرف تقول الله يرضى عليكم

[white sugar]

شكلي بقوم انام .. عيوني تحرقني من البكى
لودي طمنينا عنك انتي وعيون

[white sugar]

امي اغلى الناس امشي يمكن المشي يفيدك

[white sugar]

hwaml33

مخملية وصلتك ولا لسة

[المخملية]

لا وصلت
كنت عند التلفيجن هههههه
يااشيخه خليها علي ربك ليش البكى
مابقي شي علي التاسع وبعدين الدكتورة بنفسها راح تولدك

[Beso]

عاتي عاتي لاتبكي ولا شيء
وكلي امرك لربي
شوفي انا باقي لي 7 ايام واخلص التاسع
ولا مغص ولا رحم مفتوح ولا اي حاجة ومع ذلك امشي كل يوم :(
الله يسهههل يارب لنا

[امي اغلى الناس]

والله كلنا الحال من بعضه
لا ألم ولا طلق ولا أي حاجة
مع اني هريت عمري بالمشي من بداية التاسع
احيانآ أمشي ثﻻث او أربع ساعات متواصلة
بس مابيصير الا إلي كاتبه ربي

[امي اغلى الناس]

بيسو
انتي بكرية وإﻻ قد خلفتي
ﻷن مابيننا غير يوم

[Beso]

بكريه

وانتي ؟

[امي اغلى الناس]

ﻻ هذا الحمل الثاني
حملي اﻷول ببنتي قبل اربع سنين ودخلت العاشر بدون اي اعراض وﻻدة
تقريبآ عشرة ايام بعد موعد وﻻدتي
بعدين جاني طلق بعدما جلست ساعتين في موية البحر
يقولوا تأثر على موية البيبي
وجلست اطلق اربع وعشرين ساعه
وبالنهاية الرحم مافتح وولدوني قيصري
والحين اخاف نفس التجربة تتكرر ﻷني موحاسة بأي شي
الله ييسر لنا ونولد طبيعي وبدون تعب يارب لكل مسلمه

[Beso]

يو خوفتيني :(
ياربي يسهلها ياكريم

[امي اغلى الناس]

ﻻ تخافين ياعمري
كل وحدة تعتمد وﻻدتهاعلى حسب هرموناتها واستعداد رحمها للوﻻدة
يارب انا نولد طبيعي ونرتاح
بنات كثروا من اﻷستغفار بنية وﻻدة ميسرة وسهلة

[Beso]

اللهم امين
الله يسمع منك يارب

[المخملية]

صباااح الخير كروشاات

سروءة فينك امس مختفية ؟؟

لودي اخباارك ؟؟

وانتي كمان ياوايت ؟؟

[سرووءة]

صباح الخير
بنات
انا هنا انا وبقشتي ههههههه
لسا مافكيتها
ريم الف الف مبروك وحمدلله عسلامتك
سبقتيني انا وانتي نفس يوم الدورة بس انتي اشطر مني
..
كيفكن ياصامدات ههههههههههه
ماضل غيرنا
هالبيبيات ماكانو يستحو على حالهم وينزلو .. منشوف شو اخرتها معهن..^^

[مام صغيره]

هلا بنت ليش ما تنسبهم بي مويه صخنه يمكن يفتح عندكم الرحم
وستمر بي جماع لانه يفتح الرحم الله يسهل عليكم

[مام صغيره]

[QUOTE=مام صغيره;2091943]هلا بنت ليش ما تنبحون بي مويه صخنه يمكن يفتح عندكم الرحم
وستمر و بي جماع لانه يفتح الرحم الله يسهل عليكم[/QUOThwaml7hwaml12hwaml7hwaml7E]

[شوكولاته ساخنه]

ياااااااااااااااااااااااااااارب نولد كلنا الحين ايش فايدة الزنجبيل للحمل هل يفتح الرحم ولالالالا اناااشربوا كل يوم مع حليب وملعقتين عسل

[رحيق الفردوس]

hwaml02االحمد لله ولدت يوم الاربعاء 12-5-1433ه وجبت احلى (رتيييييييييييييييييل) قصة ولادتي بعدين اقولكم بس مرة خطيرة hwaml9وعمليةhwaml4 بس ارتاح ......

[lody]

رحيق ،، الف مبرووووووك < عقبالنا يارب

~~

انا بروح المستشفى بعد الظهر واقول للدكتوره ولّديني بالطيب بالغصب ولّديني ولا ما راح اطلع من عندكم hwaml32

[آجمل شيء]

مبروك رحيق الحمدلله على سلامتك


سروءة ولودي قلت ربي فرجها عليكم لما فقدتكم امس

[المخملية]

رحيييق. الف مبرررووك
والحمدلله علي سلامتك

لووودي .. الله يستر لا تطردك الدكتورة

سروووءة ... مازلتي صااامدة زيي ههههه الله يفرجها عليك وعلياا

[شذى الجنوب]

أخباركم لكم وحشه طبعا لسا ماولدت لكن دمي وصل 7 وتمنيت اني ماسويت تحليل عشان زوجي زعل والحين مع ابر الحديد الله يعين والدكتور قال خلاص ممكن تولدي اي يوم بس استمر عالابروالله يعين وانتوا أخباركم مين ولدت

[حلم حقيقي]

رحيق الف مبرووك والحمد لله ع سلامتك
شذى سلاامات يالغلا
كلي تمر وان شاء الله بيرتفع الدم عندك

[حلم حقيقي]

اخباركم يالغوالي
مافي خبر من العضوة حلمي اشوفك ؟؟؟؟

[بوح التفائل]

الف الف مبروك رحيق والحمدلله ع سلامتك
شذى سلامتك الله يقويكي ويرتفع الحديد
ايش الاعراض اللي حسيتي فيها وعشانها سويتي تحليل دم
وعشان الحديد خوذيلك زبيب اسود يماني وبنجر مرررره ممتازه وربي يسهلنا

[عيون حبيبي]

رحيق الف مبرووك والحمد لله ع سلامت

[عيون حبيبي]

انا امسس تنقعت قي بركه لمده سسساعه وبعدها جماع وبعدها ممممشي حسسيتت بالم من وقت العصر الي اليل


فرحححححت حدي قلت يمكن طططللق بسس هذا انا ع الحال لامويه ولادممم

[المخملية]

شذى ماتشوووفين شررر
كلي زبيب اسوود وبنجر زي ماقالو البنات
وكمااان الكبدة كوويسة والطماطم

[المخملية]

عيووون ايش ماتسووي ماراح تولدي الا في اليوم الي ربي كاتبووو لك
شووفيني انا كل مافكرررت اسووي شي اهووون
خليني زي ماانا الين مااخلص التاسع وان اشاء الله بولد طبيعي من غير اي شي يااااارب
المشكلة اني حطيت في بالي اولد اول التاسع وهذا غلط لاني تعبت نفسيا عشان ماولدت للان وحطيت في باالي اطنش احسن

مع اني اشتقت للنومة علي بطني اهئ اهئ وكماان ذبحتني حرارة جسمي والسواد الي بجسمي
الله يسهلك ويسهلي ياارب


فين واايت اليوم ؟؟

[حلم حقيقي]

بنات والله خلاص تعبانه مووت من هالحموضه اكلت ولا لا كلو وواحد وربي مني قادرة اخذ نفس حتى
الهي رحمتك

[حلم حقيقي]

امس قلت لامي بتهورر وباخذ عسل وقرفه قالتلي يابنتي الشي لااستوى زين ونضج بيخرج ههههههههههههه
لحاله بدون اي شي
اقتنعت لان من جد تكوني بش وتصيري بشئ تاني لاسمح الله
الصبر والله كريم

[سرووءة]

رحيق الف الف مبروك
وحمدلله عسلامتك
وعقبال الباقي يارب ^^

شذى فقدناكي
انتي عند اهلك صح
كلي عسل اسود مرة ممتاز للدم ويرتفع بسرعة
الله يكون بعونك
المخملية انا مبسوطة اني صامدة
لان مارحت ابها
بكرا الضهر انشالله طالعين
ومن بعدها راح يبلش النىء وانتظار الولادة خخخخ
الحين ماافكر لان مو وقتا بس من بكرا بلش وقتا
الله يستر
من الصباح وانا مشغولة خلصت غرفتي كلها وضبيت شنتطة المشفة تبع البنوتة وشنطة تيابها بس اطلع من المشفا
لسا ماضبيت اغراضي
ماعرفت ايش احط لي بشنطة المشفى ... ؟؟

[فوفو سكر]

سروؤة حبيبتي اذا في مجال الى الطبيعي تيسري ولا تتهاونين وتطلبين قيصري مافي احسن من الطبيعي عشان ماتتعبين وانتي بكر

وانتي متغربة ومايمج احد

[عيون حبيبي]

حلمم راح الكثييير باقي القليل الصصبر

[white sugar]

وايت موجودة بس مالها خلق لشي
نضفت بيتي ورجعت عند اهلي لانو زوجي الاسبوع دا مرة مشغول في العمل وما حيرجع البيت بدري وانا نفستي زي الزفت
قلت ما راح اجلس لحالي في البيت
حبيبي يويو امس نام عند ماما ولما شافني اليوم بس يبوس فيا تقولو ماشافني من زمان. . حتى ماما بتقلي امس عيونو غرغرت وقت النوم مع انو مو عوايده ،في العادة ما يسأل عني بس يروح عندهم ينساني هههههههه

انا قلت ازا ماولدت من دون شي الاسبوع دا ما راح اروح الخميس زي ما اتفقت مع الدكتورة
بالله ايش الفايدة ازا كان ما حيبقى على نهاية التاسع غير كم يوم اصبر وكله باجره

[white sugar]

شذى فقدناكي قلنا اكيد البنت ولدت
طمنينا ان شاء الله وصلتي بالسلامة عند اهلك؟

عشان الحديد زي ما قالولك البنات كلي زبيب اسود وازا ما قدرتي عليه عشان البزر اللي في
نقعيه في الليل وتاني يوم اخلطيه وصفيه واشربي منه زي حالاتي انا كدا بسوي ليا كم يوم

[عيون حبيبي]

بنااااااات من امسسا حسسس بضغط تحت والم الين اليووم
لانو انا من نهايه الثامن وانا يجججيني طلللق

وبكرا موووعدي
الله يعين

[ام شوووق]

سلام ياحلوووين ^^^وحده ملقوفه
الله يسهلها ويهونها عليكم
ولاتستعجلو وتستخدمو شي
الولاده متى ماجات جات
ذكرتوني بتجمعنا ربيع الثاني الله يسعدهم كنا مع بعض على طول ومابقي شي ويقفل التجمع
المهم
خليكم على الرطب وادعو بصلاتكم واستغفرو
وثقو ان راح يرزقكم ربي بولاده سهله واحسنو الضن به
حبيت اكتب لكم لاني مريت بهاذي المرحله وعارفه شعوركم
يارب ارزقهم ولاده سهله وميسره

[امي اغلى الناس]

الي عندها عنق الرحم طويل وقاسي ايش اﻷفضل لها القيصري واﻻ الطبيعي
ﻷني بحثت بالنت ومالقيت جواب
ودكتوري ماأقنعني
اخاف اتعب من الطلق ومايفتح الرحم زي وﻻدتي اﻷولى

[رنووومة]

مساء الخيرررررر

[رنووومة]

مبررروك لكل يلي ولدوا وعقبال الصامدين يا رب نفرح فيهم

[المخملية]

مسااء الورد رنوومة
كيفك وكيف بناتك وكيف البنوتة الصغننة وكيف عمليتك ان اشاء الله ارتحتي ؟؟

حلم حقيقي متي اخر دورة لك لان الفرق بيني وبينك زي مو في الشريط ظاهر عندي وعندك يوووم بس ؟؟؟
واشبعي نووم لاحقة علي السهر والتعب والحموووضة متعبة مرررة
كلي خياار مع انو مفعولو مؤقت
انا كنت اشرب حليب باارد لكن جاب لي غازات وذبحني فبطلتو صرت اذا بشرب حليب اشربوو حار مع زنجبيل ورطب

واايت ... صح اذا ماجاتك الولادة لاتروحي لدكتورة لان المواعيد نفس الروتين مايتغير
انا كذا قلت ماابغي اروح للدكتورتي ولا ابغاها تشوف وجهي الا علي ولادة او اذا خلصت التاسع وانا ماولدت
وكمان اخاف اروح تقولي وزنك زااايد

لووودي ... أين انتي يافتاة؟؟

سروءة ... لاطلعتي ابها لاتفكري ابداً بالولادة راح تحسي الايام ثقيلة
نصيحة تمشي انتي وزوجك في ابها واعرفي علي اماكن جديدة وزوري ناس اذا تعرفو احد بأبهاا واحتفلي انتي وزوجك الين تمر الايام وتجي بنتك مستوية خلاص هههههه يكون في علمك مع الاطفال ماتاخذي راحتك ففرصة انبسطي انتي وزوجك قبل مايجيكم واحد زي المباحث بينكم هههههه

اااااخ ابغي طريقة انام فيها علي بطني
بس اخااف افغص بنتي هههههه

[ام سهــــــــاد]

مبروووووووووووووك رحيق ..

يالله يابناات شدوا الهمة ربي يقومكم بالسلامة ..

اعتذر دخولي نادر بس النونو مرة بكاية ..

شذى لاتتهاوني بالدم والله مشكلة وحاولي تشربي زبيب كل يوم كوبين والله يشفيك..
باقي البنات وش اخباركم؟؟

[..ام بدر..]

الف مبروك لكل اللي ولدو
والبنات الي باقي ماولدو الله يسهل عليكم ويسرلكم يااااارب
وحشتووووني...انشغلت عنكم بسبب الم الغرز :(
والله انكم مرتاحاات كذا لا وجع خياطه ولا سهر ولاهم بيبي ولا عذااااب وقت دخول الحمام :(
اتهنو اتهنووووو

[white sugar]

مخملية انا الموعد اللي معطيتني هوا الدكتورة للتنويم
اثرت عليها المسكينة امس الين قالتلي خلاص تعاليلي الخميس الصباح واديكي طلق خخخخخخخخخ
ولا هيا اساسا قبل الفلم اللي سويته قالتلي مابى اشوفك الا لما تخلصي الاسبوعين حقتك وقتها تعاليلي

اهلين ام بدر والله لكي وحشة كيفك وكيف البيبي ، ماقلتيلنا ايش سميتيه. . يلا اعطينا قصة ولادتك يمكن نتحمس ونلحقك

[white sugar]

عادي مخملية نامي على بطنك ولا عليكي منها ههههههه
انا ساعات اسوي كدا ازا كان البيبي وضعيته تساعدني اني انسدح على بطني
بس ماما تخوفني تقلي خليه دحين يغير وضعه بدال ما يكون في الوضع الصح للولادة وانتي اللي حتتعبي
اقوم اتعدل. ... ناس ما تجي الا بالتخويف هههههههههه

ابى اكل بس نفسي مسدودة وكل ما فكرت فشي قلت بلاش
بس والله بجوع

[المخملية]

اهاا... يعني نقوول ولادتك بتكون الخميس بأذن الله يااوايت..

ام بدر.. هلا والله .. لك وحشة يارشيقة
كيفك وكيف البيبي وكيف بدر وعيوونو؟؟
غرزك للأن ماطابت؟؟
منجد كل مااتذكر قلة النوم والسهر ومعاناة الحمام والغرز اقول يلا بقي لي اسبوعين وشوي خليني انبسط فيهم

[المخملية]

لودي اخر مرة دخلت قالت بترووح الظهر يولدونهاا
تتوقعون ولدت؟؟ والاا طردوهاا؟

[Beso]

اتوقع لوددي ولدت

[white sugar]

لا لا تفرحي يمكن اسحب عليها وما اروح
قلت ازا ماراح يبقالي الا 9 ايام واخلص التاسع اصبر يمكن تجي من ربنا

ان شاء الله تكون لودي ولدت وارتاحت
في وحدة بمنتدى تاني انا مشتركة فيه شريط حملها نفس حقي ولدت اليوم ما شاء الله ، قلت ان شاء الله الحقها انا كمان

[عيون حبيبي]

وايت الله يسسسسهل عليج يارب وتولدين ونلحققققج حنآآآ

[عيون حبيبي]

اتووووووقع لودي سوتهااااااااااااااااااااااا وااااااااو وناسسسه لوسوتهاااا هههههه

[المخملية]

وايت.. كيف بقي لك 9 وشريطك باقي لك 13 يووم ؟؟

[white sugar]

من اليوم الين اخر يوم في التاسع باقيلي 13 يوم
بس من الخميس الين اخر يوم يبقالي 9 فخمتي يا اخيتي

[lody]

لازلت صاااااااااااامده مع هالكرش hwaml7

[المخملية]

اهااا....
هوا كدا...~

طيب انا بالشريط بقي ليااا 18 يوم وعلى حساب دكتورتي 12 يووم
والله العالم كم بقي لي...

ياناس اللقافة ذابحتني ابغى اعرف ايش صار مع لودي

[lody]

يا ربي وش الحل ؟

جماع وكسرت ظهر الرجال وما نفع ،، خروع وشربت علبه كامله ومانفع ،، شاي ورق التوت ماخليت على قلبي حسافه منه وشربت لين قلت لا اله الا الله ومانفع ،، مشي و مشيت لين ما اتورمت رجولي ومانفع ،، مويه حاره وحرقت جسمي من النوم فيها وما نفع ،، عسل بيجيني السكر من كثر ما اكلته وما نفع ،، رطب صرت نخله من كثر ما اكلت وما نفع ،، قرفصاء جاني شلل اطفال منها وما نفع ...

اروح اموت اصرفلي !! << برب انتحار

[المخملية]

اهلا لوودي...
قوليلنا ايش صاار معاكي؟؟

[lody]

مخمليه لا تتحمسين زوجي ما رضي يخليني اروح ،،، يا ربي ابغى اولد قبل الاربعاء

[المخملية]

لووودي... ههههههههههههههههه
تعررفين مشكلتك فين...؟؟
انتي تبغين تولدين بأي طريقة ولسى البيبي ماجا يومه
خلاص اصبري راح الكثير ومابقي الا القليل ...~

[lody]

احس الموضوع مسك معايا عناد اولد قبل موعدي يعني اولد ،،

تخيلي زوجي من الاسبوع الي راح مررره شايل هم البيبي عشان المويه قليله وطوووول الوقت يزن فوق راسي خلاص خلينا نروح يولدونك واذا ما نفع طلق صناعي يسوون لك عمليه ،. وانا مررررره كنت رافضه والحين لما وافقت وابغى اروح لهم يولدوني هو مو راضي

[المخملية]

عكاااسه هههههههههه

خلاص اصبري بقي لك كم يوم
صدقيني من تطنشين تجيك الولادة

[المخملية]

لودي.. من يجي ولدك امسكيه من اذنه واقرصيه
وقولي له تعبتني يالعنيد

[حلم حقيقي]

بنات دعواتكم ع كثر ماني فرحانه اني قربت اولد لكن الان بكيت لين ما وجعني راسي من تصرفات زوجي
استغفر الله العظيم
قبل شوي دار نقااش حاد بيني وبينه وانا لي اصلا 5 اشهر بعيدة وربي كرهت بزيادةمايقدر وضعي
اناني بدرجه كبيرة
والله بكرة عندي مراجعه وانا بعالم تاني دعواتكم

[..ام بدر..]

لودي حبيبي انا كنت نفس مشكلتك كانت المويه قليله وكانت الدكتوره معطيتتي موعد الاحد وتبغى تولدني طلق صناعي

ويوم السبت بالليل. صليت العشا وبعدها استخرت ربي اروح اخذ طلق صناعي او لا ونمت وصحيت الفجر عالمويه اننفكت وبعدها بساعه بدا الطلق...سبحان الله استخرت ربي واختارلي خيرته الطيبه

بنات عندي لكم كم نصيحه من تجربتي
اول شي لازم لازم تتنقعون في المويه والملح وهالشي بتطلبه منكم الدكتوره وابتعدوووو عن الاشيا الثانيه زي المر والحاجات الثانيه الين تخلصوون 15يوم

ثاني شي فيه تحاميل اسمها فولتارين روووعه روووعه روووعه تتاخذ مره باليوم طبعا تحاميل شرجيه اذا حطيتها المنطقه من تحت تتخدر وارتاااااااح اقدر اممشي واتحرك وانااام نصيحه لوجه الله اكتبو اسمها والله بتحتاجونها ومكتوب عليها لبعد العمليات ااه شفت الموووت وتعذبت ويوم استخدمتها ارتحت كثيييير وقلت اعلمكم عليها

فيه غلطه انا غلطها وابغاكم تنتبهون طبعا انا ولدت الاحد الظهر وبالليل اعطوني حبوبي المضاد واخذتها كمان الاثنين الصباح والمسا اصريت عليهم يطلعوني وطلعت ونسيت اخذ ادويتي منهم ولا تذكرتها الا بالبيت اليوم الثاني راح زوجي ياخذها منهم ورفضو قالو انهم اعطوني وانا اصلا ما اخذتها
طبعا طنشت ولا اخذت المضاد وصررت بس تعبانه من الغرز امس في مراجعتي لدكتوره قالت ما اكشف عليك الين ترجعين تاخذين المضاد 4ايام عالاقل

فلاتهملووووون المضاد ضرووووري تستخدمونه عشان يطيب الجرح والغرز

وهذا اللي عندي واللي اتذكره والله يقومكم بالسلامه

وايت سكرر ولدي سميته تركي

[الديماس]

معقولة محد افتكرني ولا سال عني
كنت متحمسه احكي لكم اش حصل معي
وجيت بعد غيبه يومين وقريت 12 صفحة اللي فاتتني بس للاسف محد افتكرني قلت بلاش اتعب واكتب ومحد مفتكرني

[الديماس]

ام بدر الله يكتب اجرك بشتري التحاميل اللي قلتي ان شاء الله لان عندي فوبيا من الخياطة والم الغرز شفت الويل بولادتي الاوله

[..ام بدر..]

حلم الله يسخر قلبه لك ويحنن قلبه عليك وانا كمان حالي مو احسن من حالك وبيني وبين زوجي مشكله

مايقدروون ولا يحسون ابداً انااانييين بدون احساااس ولا حتى مشاعر...الله يهديهم ويحنن قلوبهم علينا

[حلم حقيقي]

ام بدر امين يارب
بس من جد هذا توقيت مشاكل وقلت خير
يارب رحمتك
وحسبي الله ونعم الوكيل ع كل من يتدخل بين زوجين والنية هي الخراب بينهم

[المخملية]

حلم حقيقي..مافهمت ايش مشكلتك ولا اقدر احكم لان انتي الي تعرفي نفسك وزوجك
بس احسن حل للزوج انك تطنشيه وماتحطيه بببالك وحبة حبة رااح تتفاهمو وتنتهي الامور
دحين تعوذي من الشيطان واقري قران او سمعي لايات السكينة وراح ترتااحي
التفكير بالرجال مايجيب الا الهم ..

ام بدر.. ماشاء الله اسامي اولادك ملكية بدر وتركي
الله يحفظهم لك ياارب
وخلاص الاسم رااح ينحفظ عندي بالجوال ...
والله يقومك بالسلامة ياارب

الديمااس... ماانشغلنا عنك ولا شي
وكلا بهمو حتى ماحسيت انو مررررر يومين والله
وكمان انشغلنا بلودي جاابت لنا الجنان
صار كل التجمع يستنى اخبارها هي ووايت...~
كيفك وكيف ولدك وكيف البيبي؟؟

[noni]

أم بدر

شكلي بجرب التحاميل
بهذلتني الغرز مأعرفت أنام ولا أرضع ولا أجلس ولا أكل

والمضاد ماعطوني إياه إلا يومين وماصرفولي غيره
حتئ مأسالتهم عن الأدويه كان همي اطلع وبس

وقالوا لي الملح مو. كويس للخياط
مدري احترت ومؤ عارفه
إذا عندك خلفيه عن هالأشياء بليز خبريني

[المخملية]

نوووني...انتي نافسه عند اهلك؟؟
وكيف بنوتتك مع البيبي؟؟

[noni]

مخمليه حبيبتي قريت لك موضوع كنت تسألي عن المشي في التاسع
وقلت بخبرك أني في التاسع ما كنت أمشي إلا للصروره يعني إذا رحت مشوار أو كنت الأحق بنتي
غيره ما أقدر لأني إذا وقفت وطولت مدري ليش تجيني دوخه
والحمد لله ولدت بس كملت التاسع كله
والله يسهل عليكم ولادتكم يارب

[noni]

إيه مخمليه عند أهلي
بس مو مرتاحه مررره
عكس نفاسي ببنتي
من ثاني يوم إخواتي تخانقوا مع خدامتي وقهروني وحده تقولها أنت سرقتي
جوال ولدي وبدق ع الشرطه
والثانيه تقولها ليس ماتساعدين الخدامات
وكان وقتها في خدامات إخواتي وكانت خدامتي مشغوله مع بنتي

وعصبت وقلت لزوجي بجي أكمل نفاس عندك
وقلت لامي أبي أروح بيتي خلاص أنا وبنتي مو مرتاحين
بس اضطريت أكمل عند أهلي بس أفكر أروح بيتي بعد عشرين يوم

[Beso]

صباح الخير

[المخملية]

نوني .. هههههه هذا هوو الوحدة ماترتااح الا لما تكون بصحتها لا عند اهلها مرتاحة ولا في بيتها مرتااحة
الا اذا كانت متعافية وتجلس ببيتها مرتااحة
اذا صحتك تحسنت كملي نفاسك ببيتك
وانا اتوقع انتي تضايقتي عشان نفسيتك تعبانة مع النفاااس
هونيها وتهوون
والمشي ااااه من المشي خليها علي ربنااا مالي نفس ابدااً
ماشااء الله يعني انتي ولدتي وانتي مخلصة التااسع
يلا عقباالنا يارب

[حلم حقيقي]

المخملية والله صادقة التفكير بالرجال يجيب الهم
ربك كريم وربي ييسر الاموور ونولد بالسلامه
ربي لاتذرني فردا وانت خير الوارثين

[آجمل شيء]

ماقي اي بوادر ولادة !!!

شكلي واياكم مطولين خخخ

[Beso]

أجمل شيء انتي بكرية ؟؟

[آجمل شيء]

لا مو بكرية عندي سوابق ههههه يسعدصباحك

[Beso]

يخليهم لكِ يآآآآآآرب

ربي يسهههل علينا يارب

[المخملية]

بيسو صباااح الورد
معليش كتبت رد وخرجت اصلي مع اني شفت ردك بس قلت ارجع
انتي بكرية بيسوو ؟
باين من توقيعك مابقي الا القليل
يلا هاانت

حلم حقيقي .. اهم شي هدأت نفسك
انا تعلمت شي من حياة امي وابوي ومشاااكلهم
ان مااخلي همي كلوو الرجااال وبس مع اني احب زوجي بس ساعات الرجال عليهم تصرفااات تقهر واعرف مليون بالمية اذا حاولتي تقهري الرجال راح يقهرك الف مرة والمجتمع يساعد الرجال علي كذا
لو اشتكيتي من زوجك يقولون لك اصبري ولو زوجك اشتكاك يقولون ايش الي مصبرك
فعشان كذا تعلمت اعتمدت علي نفسي واحل مشاكلي بنفسي ومؤمنة ان كل شي يجي بالهداوة وحبة حبة وبالصبر والثقة بالله
ولياا فترة صايرة مسعوورة هههههه ماابغي احد يدخل بحيااتي حياة امي وابويا سبب مشاكلها نااس دخيلة فماراح اسمح اخلي احد يكون دخيل علي حياتي وسبب مشاكلي
خليك قوية ياحلم وبكل شي راح تنتصرين بس خليك حقانية وعند ثقة ربك
والله يسعدك دنيا واخررررة

اجمل شي .. توقعت احنا الي لنا سوابق بنولد قبل البكريااات لكن طلعنا اصيلات وبنقعد مع البكريات الين يفقسون هههههه

بنااات الدلع والدلال مختفية ...!!!

[Beso]

ايوة بكرية
هانت يلا ماباقي شيء
يارب اولد هاليوممين

مخملية ع بالي انتي بكريه
الله يسهل لنا ياكريم

[المخملية]

ايووا هاانت
الله يسهلك يارب

وانا عندي بنت الحمدلله يعني مو بكرية

صبااح الخيرات صبايا

[lody]

نفسي ادخل يدي من تحت واسحب النونو مع اذنه ..

~~

صباح الخير ،،

[Jordan Lily]

صباح الخيرhwaml95
انا جديدة هون
و حابه أتسلى معكو
لإني ما بنام بالليل
و بصحى بدريhwaml7

[noni]

هائ جوردن
راح تلاقي الكروشات سهرانات بكل وقت
والي ولدت بالسلامه برضو نومها متلخبط مع النونو مثلي اهىئ اهىئ
والحمد لله على كل حال

مخمليه إيه ولدت قبل نهايه التاسع بيومين أو ثلاثه
حتئ لما جاني الطلق توقعت أنه داخل بطني برد
بس لما انتظم عرفت أنه طلق
وكان عندي موعد الأربعاء بس ولدت الثلاثاء

عقبأاااااااال مانفرح بولادتكم بالسلامه

[آجمل شيء]

المخمليه تصدقين مع اني مو بكرية
بس موعارفة احدد كيف الطلق الي للولادة وكم مرة لما يجي الالم اقول يالله هذي الولادة
وبعدين يبرد
احس اني كني بكرية وماني فاهمة

الله يفرج لنا يارب


حاسه فيه بنات ولدو

[الدلال والدلع]

اهلين المخملية
كيفك عسي تمام
مشكوره حبيبتي علي سوالك عني والله فرحتني بسوالك ياعسل
ابشكرررررررررررررررررررررررركم










لسا صامدة معاكم ولافي اي بوادر ولادة مع انيي خلاص باقي لي 3ايام واخلص التاسع

[الدلال والدلع]

اهلين الديماس كيفك وكيف النونو عسي تمام

[عيون حبيبي]

بنات دعواتكن اليوم موعدي
الله يستر بس

[خالة تميم]

الله يهون علينا ان شاء الله

[سرووءة]

كيفكم كروشات
مازلت صامدة انا خخخخ
نحن الحين على طريق ابها
ساعتين ونص ونوصل انشالله دعواتكم

امي اغلى الناس
انا زيك عنق الرحم عندي طويل
والكل ينصحني قيسري
انتي ولادتك الاولى ولدتي طبيعي
وتعزبتي يعني من عنق الرحم ولا ايش ؟؟

[عيون حبيبي]

توصلين بسسلامه سروءة

[المخملية]

سرووءة ... توصلين بالسلامة ياارب
كيف اجواء ابهااا ؟؟

الدلع والدلال ... هلا حبيبتي
انا بخير الحمدلله
يلا هانت من تخلصي التاسع راح تولدي
بس لماا اختفيتي قلت يمكن ولدتي

ريم ... موووعد ليش ؟؟
يكشفوون علي الغرز ممكن ؟

اجمل شي ... حتي انا لما يجي الم اقوول يزيد
هذا هو الطلق بس لسي مازاد ودحين يزيد
ويقوم يختفي
وعلي دا الحاال كل ماجااني الم
الطلق عندي هو الم مو محتمل مع بوادر ولادة زي موياات او دم
والله يفرجهاا علينا

نووني .. يعني لا انتي حامل مرتااحة ولا وانتي والد مرتااحة
الله يعين

اناا معي دحين الم بظهررري بس الي مطمني انو الجنين يتحرك
وانا قريت عن الطلق الكاذب الجنين يتحرك اما الطلق الحقيقي ماتحسي بحركة الجنين

وايت اليوم مختفية ... شكلها قرفاانة وطفشاانة ومالها مزاااج تدخل
الله يفرجها عليها وعلينا يارب

لوودي ... لو بيدنا كلناا سحبنااا نونااتنا لكن نصبر الين مايشرفون حضراتهم وهم طيبين

[آجمل شيء]

توصلي بالسلامة سروءة

مخمليه صدقتي بكلامك


والاجوااء بالرياض حلووة غيم ومطر

[white sugar]

هههههههه حلوة مخملية سارت حافظة النفسية كيف
انا بدخل كل شوية اشوف اخباركم واطلع ماعندي شي جديد

امس اشتريت حبوب خروع واخدت حبة بس ونضفتلي بطني لكن لافي وجع ولا شي

[lody]

بنات ودي اشرب قرفه < هذا آخر حل ،، بس اخاف انها تقفل الـ 2سم الي مصبرتني وبعدها من جددد انجلط ..

[white sugar]

لودي باقيلك 3 ايام اصبريها خلاص
يعني ماشاء الله استنيني الفترة دي كلها وجيتي على 3 ايام ماتبي تصبري
انا جربت القرفة بس ما سوت شي قلبت معدتي وبس
واخر شي قررت اطنش موضوع الولادة يمكمن ازا طنشت تجيني من ربنا

[يمكـ دروبي]

السلام عليكم
مساء الخير
كيفكم صبايا ؟؟

[فوفو سكر]

هلا ولله يمك دروبي شخبارج وشخبار النونو والغرز؟

[يمكـ دروبي]

هلا بك فوفو
الحمد لله
بس الم الغرز مرررررررررره متعب
و ولدي الله يحفظه ينام النهار واللييل سهرررر
وانا اللي رحت فيها الله يعين بس

[فوفو سكر]

ههههههههههه الحال من بعضه انا الغرز خف وجعها بس للحين موجوده تصدقين حتى زوجي صار يتاخر ع الدوام بسبة السهر

[المخملية]

وااايت خلااص تعووودت اشوفك هاليومين طفشانة واخلاقك تعبانة
الله ييسرلك الولادة السهلة يارب

لودي .. اشربي حلبة خخخخخ ترا تلين الرحم وشوفي ام بدر ولدت عليها

يمك دروبي ... هلا والله
اخبارك واخبار ولدك ؟
الله يعين علي قلة النوووم مررة تعب

[lody]

وايت خلللللص الصبر ،، واخاف تخلص الثلاث ايام وانا باقي ما ولدت

[قمر .]

انا الحمدالله جبت احمد يوم الجمعه بس للاسف تعسرت الولاده وسويت عملية قيصيريه
لك الحمد ياارب

[سرووءة]

الحين وصلنا الفندق
اجواء ابها تجنن
الشوارع كلها مطر
وبرد كتير
الجو ذكرني بجو الشام
نفس الاجواء
وربي تعبت من الطريق
طول الوقت لارضيت اشرب شي عشان الحمام الله يكرمكم
ماسكة نفسي خخخخ

يابنات يلي ولدو
حاج تخوفونا من السهر والغرز ههههه
شكلنا الحين موعاجبنا الوضع ولابعدين
هههههه حواء مايعجبها شي

[فوفو سكر]

قمر الف الحمدلله ع السلامة يتربى بعزكم الله يشافيج وعافيج


سروؤة عادي حبيبتي تصدقين ع صياح البيبي وسهره لكن بتحسين ان كل هذا فداه ولله

[عيون حبيبي]

قمر الف الحمدلله ع السلامة يتربى بعزكم الله يشافيج وعافيج

[lody]

قمر ،، الف مبروووووووووك < عقبالنا

~

مخمليه ،، حلبه مستحييييييل لو اعرف اني اكمل سنه بالحمل

[يمكـ دروبي]

الف مبرووووك للصبايا اللي ولدو
وعقبال الباقي يارب

المخمليه
هلا فيك
الحمد لله بخير يا الغاليه

[عيون حبيبي]

اخبااارك لووودي


انا اليوم رحت المستشفى وحطت تخطيط وقالت انو في طططلق منتضم احسس حمستني اولد وقالت ان شاء الله ده السبوووع حتولدي

[سرووءة]

قمر
والله بالي عندك
الف مبروك وحمدلله عسلامتك
نتظر قصتك وسبب تعسير ولادتك
طمنينا عنك عن قريب

[lody]

عيون حبيبي ،، يللا يارب تفكي بقشتك بالسلامه وتكوني بداية خير لنا كلنا ،، عندك طلق منتظم طيب تحسي بوجع مرررره ولا الام خفيفه ؟؟

انا قبل شوي استخرت وشربت قرفه بالعسل ،، ويا رب يكتبلي فيها الخير

[noni]

قمرر ألف ألف مبروك
وكله بثوابه عند رب العالمين

يمك و فوفو
كيفكم مع الغرز
أنا مره متعبتني والمشكله ما غطتني الدكتوره أي دواء
إنتم تحطوا شئ للغرز وإلا مثلي
بليز علموني

ألف مبروك للي ولدوا والي لسئ الله يكتب لهم ولاده سهله ميسره يارب

[white sugar]

مبروك قمر والحمدلله على سلامتك
بس تفوقي وتصحصحي اكتبيلنا قصة ولادتك

[Jordan Lily]

شكراً نوني للرد و حمدلله ع سلامتك
وسلامة البيبيhwaml23
أنا حابه أكمل الشهر
و أولد عالموعد
هاد أول بيبي الك؟
طب كيف ضليتي لقبل موعدك بيومين كنتي تمشي أو لا؟

[ام سهــــــــاد]

مسائكم عسسسسسسسل ياحلى من العسسسسل امممممم بناات بلاش محفزات راح تتعذبوا انا قبل ولادتي بيومين شربت حليب وحلبة ونزلت على المويا وتنومت يومين واليوم الثالث ولدت .. انتبهوا وكل شي بوقتة حلوووو ..

نوني حبيبتي انا استخدمت مطهر بيتادين وبعدين قالت لي الدكتورة استخدم برمنجنات البوتاسيوم احطة في المغطس مع مويا دافية وانتقع فية ربع ساعة او عشر دقايق واجفف المنطقة واحط كريم ميبو والحمدلله لي 17 يوم والجرح ملتئم والخيوط فكت ولله الحمد ..

مبرووووووووووووووك للي ولدووا .. وعقبال الكراريش ع خير..

[ام الملاك]

كيفكم كروشات حتى انا استنى متى اولد من جد مليت والالم ظهري خلوها على الله بس واللي قاهرني زياده اخوي مسوي ملكته بدايت الشهر الجاي يعني اكون وقتها نفاس مستعجل مافيه يصبر لين اكمل شهرررر الله يعين وييسر لنا ولادتنا ونقوم بصحه وعافيه يارب

[امي اغلى الناس]

مرحبا بنات

اهلين سرووءة الحمدلله عالسلامة... انا فحصتني الدكتورة. الجمعه الي فاتت وقالت عنق الرحم طويل وجاي عالخلف ..وفي ولادتي الاولى جلست اعاني من الطلق المتواصل تقريبآ 12 ساعه متواصلة ومافتح معي عنق الرحم لحد ماضعف نبض بنتي وولدوني قيصري عشان كذا خفت انو عنق الرحم المشكلة وابغى اتأكد ماابغى اجرب. الولادة مرتين طبيعي وقيصري انا بروح لدكتورة ثانية الاربعاء وبشوف اذا بتنصحني انتظر والا اعتمد القيصري. واتوكل على الله وانتي ياسرووءة طمنيني ايش بتقول لك الدكتورة ..خلينا مانستعجل على. القيصري والله يكتب الي فيه الخير

[ابيك اقرب من انفاسي]

بنااااااااااااااااااااااااااااااات الرشيقات الي ولدو الحمدالله وقامو بالسلامه متى الرحم بدى يفتح عندكم hwaml03 واذا بدى يفتح كم استغرق وقت لين ولدتوا hwaml13انا امس كشفت وطلع مفتوح 1 سم هل هذا دليل على قرب الولاده < < طولت عليكم بس بكريه وما عندي سالفه hwaml02

[lody]

^^

لا تفرحي كثير زيي شوفيني لي 5 ايام وهو 2سم ،، وفي وحده بمنتدى ثاني تقول من نص التاسع مفتوح 2سم وكملت شهرها وفوقها اسبوعين من العاشر يعني صارلها 4 اسابيع على 2سم وبعدها جاها الفرج وولدت

[lody]

كروشات انا صايره انزّل مويه قليل يعني بس تبلل البانتي ،، اروح ولا استنى ؟

[ابيك اقرب من انفاسي]

هههههههههههههههههههههههههه حلووووووووو التحطيم hwaml02بس يلا الحمدالله اهم شي تمام الخلق ومتى مالله كتب اني اولد اولد hwaml13

[..ام بدر..]

لودي الله يهديك احسك لاعبه في نفسك لعب عشان تولدين صدقيني والله مابيجي غير في اليوم الي ربي كاتبه له
وبالنسبه للمويه اذا كانت كثيره وعلى طول تنزل عليك وقتها روحي المستشفى

نووني...كم لك من يوم ولدتي؟؟
وكيف دكتورتك ما اعطتك كريمات ولا ملح ولا مغطس ولا مسكنات ولا مضاااد؟؟؟ هذي كلها ضروووريه

بالنسبه لافضل مسكن تحاميل فولتارين 100مل وبأذن الله بترتااااااحين كثيييير كثييير كثييير وبتدعين لي

اي سؤال ياقلبي انا حاضره

[المخملية]

لودي... انا من الساابع كانت تنزل عليا موية تبلل لي الاندروير
بس تنزل اذا مشيت كثير لاني كنت اروح للسوق
وكمان نزلت علي كم مرة بالثاامن اذا تحركت كثير او مشيت
بس ماتنزل بشكل مستمر ومن دخلت التاسع وانا اغير الاندروير مرتين باليوم لان الموية تبلل الاندروير وافخاااذي
بس الي مطمني انو الجنين حركتو كثيرة والدكتورة كل مااروح لها واسألها عن موية الجنين تقول كوووويسه ولما سألتها عن الموية الي تنزل تقول طبيعي
والله العالم هو طبيعي والا الدكتورة ماعندها سالفة
بس انتي بما انو رحمك فاتح فيمكن طبيعي نزول موية منك
بس انتبهي لحركة البيبي

[white sugar]

لودي ازا الموية كتير وما وقفت روحي احسلك
بالزات عشان انتي عندك موية البيبي اساسا ناقصة
لا تسكتي على نفسك ، بس اخاف زوجك يجي يقتلني ازا مافيكي شي خخخخخخخ

[noni]

لودي وباقي الكروشات
جد تحمسنا معاكم أنكم تولدون بالسلامه
ما أبي أعدد وإنسئ أحد

والله يا أم بدر اليوم بكمل أسبوع
والله ما عطوني شي
بس قالت انتبهي للخياط ومدري أيش
غيره لا
طيب التحاميل هذي ؤش فايدتها
لأني بصراحه قمت ما اتحرك من فراشي
لأن لو تحركت بتالم
طبعا أليم محتمل بس تعرفين كيف تشد الغرز وتخليك ماتعرفين تتحركين


أفكر بكره أورح للمستشفى والله هالغرز جننتني
انصحيني ؤش إسوي والي عندهم فكره لإيقصرون معي
الفائده للكل

[noni]

لودي عن تجربه لما تنزل مويه ألبيبي ماتنزل كذا بدون حركه
تجي قبلها زي الرفسه القويه
وبعدها تنزل المويه
هذا عني وعن كلام إخواتي

[الدلال والدلع]

اهلين كروشات
سوال نريد الفايدة للجميع وخااااااااااااصة للبكريات مثلي
ماهي الاعراض التي احسستي فيها قبل الولادة بيوم او نفس اليوم <مسوية بالفصحى>
وحركة الجنين كيف تكون قوية او تكون خفت عن قيل
والالم اول شي وين حسيتي فية
وشكل البطن هل تغير والا نفسة

تكفون جاوبوني رجاءءء
ابي اعرف هل قربة الولادة او لا

[Beso]

صباح الخخير
انا متلك بكريه ولسا ماولدت
بس حاسة باآلم ليا يومين بظهري ومستمر لين دحين
ومغص يجي ويروح بس مو منتظم

يارب يارب اولد هاليومين ويسهلها يارب ياكريم

[الدلال والدلع]

صباح الورد
انا باقي يومان واخلص التاسع والم نادر مايجني اذا مشيت شوي احس بالم في المنطقة الحساسة وتحجر اسفل البطن والم الظهر جاني امس احس انة شي يمسكني ويفك بس 4مرات بعدين ماعاد جاء اما شكل بطني ماتغير لانزل ولاشي بس انا مااحس بشي فوق

ابسالكم هل تقدرين تحددي جسم طفلك في بطنك

[أم رزاان]

صباح الخير حبايبنا
كيفكم يالغاليات :)

قمر .. الف مبرووووك يالغالية
وحمداً لله على سلامتك ياقلبي .. الله يحفظ لك أحمد
ويتربى بعزك يالغاليه :)

ومبرووووك لكل اللي ولدوا .. والله يقومهم بالسلااامة ياااارب


الدلال والدلع .. الأعراض يالغالية تختلف من وحدة لثانية !!
لكن .. ابرز الأعراض اللي الأغلبية يحسوا فيها هي الم الظهر مع تقلصات غير منتظمة ( مغص مع تحجر البطن لما
يتحجر ماتقدري تتحركي ) وموية بتنزل معك حتى لو كانت قليله !!

هذة ابرز العلامات الدالة على قرب موعد الولادة !

الله يسهلها عليكم ياااارب
ويعيننا أحنا عالسهر والصياح والغرز والعماليات :(

[الدلال والدلع]

اهلين صبايا

اليوم يكون مر علي زواجنا 3سنوات يعني الملكة والا الزواج بعد اسبوعين اتمني اولد اليوم عشان يكون التاريخ لاحلي حدثين مايتنسون


ادعولي اولد\ ولادة سهلة ياررررررب في هذا اليوم

[المخملية]

الدلع والدلال..
بولادتي الاولى .. قبلها بااسبوع كان يجيني مغص مع الم بالظهر وينزل على افخاذي وماكنت ادري انو بداية طلق
ولما رحت باخر يوم بالتاسع وقلت للدكتورة قالت سووي تخطيط للجنين وللطلق وسويت كان فيه طلق بس خفيف
وكشفت على الرحم وكان فاتح واحد سانتي
وبس زاد الالم وولدت اليوم الثااني
وبطني مانزل مرررة نزل وقت الولادة

[ام الملاك]

انا كل من شافني قال بطنك نزل وماراح تكملي الاسبوع الا وانتي والاده بس لين الحين مافي شي يجيني تحجر في بطني والالم من تحت وظهري بس ما نزل مني شي غير السواىل والله يعين

[المخملية]

بأي اسبووووع ام الملاك؟؟

[lody]

مخمليه الحين لما يجي ألم في الظهر وينزل الألم على الفخذ هذا طلق ؟؟؟؟؟؟

[المخملية]

يب طلق
بس يمكن يختلف من وحدة لوحدة
وانا قلت كان معي قبل ولادتي باسبوع وكان خفيف ومحتمل بس كشفت عند الدكتورة على طول اليوم الثاني زاد الطلق وولدت مدري اذا هي سوت تحريض او لا او التحريض جا من الكشف