تجمع لحوامل شهر جمادى الأولى 1433

[..ام بدر..]

المخمليه يقولون المشي حلو من السابع والمفروض كل يوم اقل شي نص ساعه نمشيها
بس انتي شوفي من الدكتوره كيف وضعك اذا يسمح لك تمشين

[..ام بدر..]

يمك دروبي...الله يسلمك...انتي وين ساكنه؟

[يمكـ دروبي]

انا بالرياض حبيبتي

[رنووومة]

مسا الخيررر كروشااات كيف الثقل معكم انا الحمد لله ثقل على الاخر والي اسبوع بعاني من غثيان وما بيضل الاكل بمعدتي وتعب رهيب وبدوخ الله يسترها موعدي الاثنين الجاي مشان نحدد موعد القيصرية والله يكملها يا رب معي لأني تعبانة خالص وما فيني حيل وبيجيني صداع وتعب بعيوني

سروؤة حاككيتها من شي 5 ايام قبل ما يرجع المنتدى وهي بخير ببعتلها رسالة على المسنجر نطمن عليها انشاء الله

[المخملية]

ام بدر انا بالسابع نزلت السوووق وفرفرت كثير مع انو معي ثقل وبطني ضاغط علي تحت مو زي حملي الاول وكنت اقول شكلي بولد بالسااابع
بس دخلت الثامن وقفت مشي لكن امشي في البيت من غرفة لغرفة اجري ورا بنتي ان كان ااكلها او اغسل ملابسي وملابسها وكثير انحني وانظف واشيل الاشيااااء عن الارض
مع اني عند اهلي لان زوجي مسافر بي امي ماعندها خدامة واكثر من يقلب البيت ويحوووس بنتي فتلقيني امشي وراها ارتب
لكن مرة متحمسة للمشي وطلعت سطح بيتنا ومشيت حق 10 دقايق مع بنتي

بس تصدقين استفدت من حاجة انتي قلتيها راحت علي
انا خلصت لبس البيبي بس اشتريتو كلو بربتوزات مقفلة من عند الرجل لان احب المقفلة احس الطفل ملموم فيهااا
بس انا اخذت كل لبس بنتي 0-3 ماعادا قطعه والا خلاني اخذها كذا اني لما قيست النيوبورن علي البربتوزات الي من 0-3 لقيتها زي بعض تقريباااا

[الدلال والدلع]

السلام عليكم ابسالكم حبيباتي انا بكرية وخايفة انا نهاية التامن باقي لي اسبوع وجاني اليوم الم من اسفل اذا مشيت بس اول مااوقف وامشي يجيني واحس بنبض في بطني سريع زي داقات القلب وحركة الجنين احسها قوية شوي وزايدة حركاتة وانا صار لي يومين خافة حركة الجنين


انا اليوم شاربة بغد المغرب قهوه بالقرنفل <المسمار>تتوقعون منه وهل اروح المستشفي طمنوني الله يريحكم

[المخملية]

اذا قلقااانة روحي للمستشفى
لكن مااتوقع انها مؤشر للولادة
الطلق يكون زي مغص الدورة ويزيد عند البعض
او الاغلب
بس فيه بنات يقولو مغص بسيط ويروحو يلقو الرحم مفتووح وهذا تيسير من ربي
ترا الضغط من المشي يعني ثقل لاتخااافي

[رنووومة]

انشاء الله ما يكون طلق انتي ارتاحي وعادي انا من وقت فتت بالثامن بتجيني مغصات وبتزيد لما بتعب واهم شي ارتاحي والطلق بيمتد لوجع الظهر والفخاذ وحتى ايام بتخف الحركو وايام باخذ نفسي بثقل من كثرتها الله بيتمملك ويتمملنا على خير عزيزتي

[..ام بدر..]

المخمليه....الله يكون بعونك انا كمان مامعذبني الا شغل البيت عندي عمال يشتغلون في البيت وغبت عنه شهر ورجعت من 5ايام ومافيه الا شيل وحط وتنظيف مررره تعبت الله يكتب الاجر

الدلال والدلع...دورتي بنفس يوم دورتك واللي تشكين منه عادي وطبيعي والطلق مو كذا ياقلبي ولا تقلقين ابدا ياما بتشوفين انواع المغص والالام هذا كله عشان يتهيأ الرحم للولاده

[متغربه]

كيفكم كروووووووشات؟؟

[المخملية]

بخير دامك بخير
نبغي ننام لكن عاارفة الحال - الحمدلله -
اليوم بالذات جايتني حالة خلاااص ابغي اولد
حتي زوجي اقلقته بسفره ارسل له رساايل اقولو خلاص طفشت ابغي اولد
شكلي اجرمت فيه ههههههه

كيفكم بناااات ؟
تصدقون خفو البناات مدرب ايش سالفتهم
شكلهم يقولون خلاص ملينا قد ايش واحنا نشكي لبعض خلاص متي نولد هههههههه

[شذى الجنوب]

والله انا متواجده دووم بس مافي احد يشجعني

البنات كسالى وكسلوني

ادخل اطل واطلع

[نكهة شوكلاتة]

السلام عليكم

كيفكم كرووشات

انا عندي مفررش لونه اوف وايت ومزين بالسماوي

والطقم كامل من سرير طفل الى زينه الباب

اللي حابة تشوفه ترسلي على الخاااص وبعرض لها الصور

وبسعر مناسب وانا من جدة حيااكم

[قمر .]

صبااااااااااح الخير
كيفكم ؟؟؟ واخبار اخر شهر معاكم
دخول سريع لسلام

[يمكـ دروبي]

صباح الخيرات
اخباركم ؟؟؟

الحمد لله تطمنا على سرووءه ويارب تدخل قريب
المخمليه وانا مثلك خلالالاص ابي اولد تعبت منجد
قمر حياك .... وش ذا الغيبه

[بوح التفائل]

يسعدلي صباحكم كروشات
كيفكم ومبرووووك للي دخلو التاسع الله يهون عليهم وعلينا ويقومنا بالسلامه جميع

شذى ع قولتك كسلنا مع الثقل
ولسي ماخلصت تجهيز الله يعين

[رنووومة]

صباح الخير لكل الكروشاااات صباح الطمأنينة والصحة انشاء الله

[الديماس]

صباح الخير

ام بدر فعلا كلامك في محله كل النصائح اللي قلتيها عن ملابس الاطفال كنت حاطتها فبالي من كنت اقضي لولدي الاول


كروشات اش اخباركم؟؟؟؟؟؟؟

[H&H]

مساء الخير على الجميع
وبعد طول غياب عدنا لكم من جديد
كيف حال حبايبنا الحوامل
والله يسهل عليا وعليكم ويقومنا بالسلامة

وبعدييين انا زعلانةhwaml4 من اول وانا اقول خلونا نسوي جدول بأسمائنا ومحد عبرني
ولما غبت عن المنتدى القاكم مسوينه
مالي شغل ابي اسمي معاكم ان شاء بالزاوية .... والا ....hwaml11 *

[ام يسميين]

اهلا كيف حالكم جميعا
والله انا دكتورتي قالت ابدا مشي من الاسبوع 32
كل يوم نص ساعه بس برضة ما بمشي
الله يعينا جميعا علي هذا الشهر
انا باقي 8 ايام وابدا التاسع ان شاء الله
الله يهون علينا جميعا ونقوم بالسلامة

[..ام بدر..]

H&h اهليييييين وين الغيبه وحشتييينا كيفك مع الحمل

ام ياسمين...انا كمان ادخل التاسع بعد 8ايام بحساب التاريخ الميلادي

بنات اليوم صاحيه وركبي واوراكي ومفاصل رجولي تعووووورني

[..ام بدر..]

بنااات بديت استحي منكم ما ادخل الا اشتكي من شي هههههههههههه

عشان ما اطفش زوجي قلت مالي بعد الله الا انتو اشكيلكم تحملوووني فديتكم

[يمكـ دروبي]

مساء الخير
ام بدر عادي حبيبتي مالنا الا بعض
خذي راحتك ياقلبي

[المخملية]

منجد مالنا الا بعض بعد الله
بس مانقووول غير الحمدلله علي كل حاال
يارب اأجرنا
شخباااركم اليوم مافي تطورات جديدة

[المخملية]

ابوي جاب معجنااات من برا
ودحين بنتي واخواتي نامو
وانا قمت سويت شااهي وبنجلس عليها انا وامي
حياااكم بناااات

[الديماس]

المخملية بالعافية اتهني يا بنت الحلال دامك عند اهلك

[الدلال والدلع]

اهلين يااحلي امهات المستقبل
ابسالكم للي عارفة نوع الجنين او للي خلفت صبي اوبنت ابيكم تقولولي وش المميز بالحمل البنت عن الولد
باللحركات
او الاكل
او الاحلام
وهل في فرق بينهم طبعا بالاشهر الوسطئ والاخيره
ابي تفاعل منكم ياعسولات

[الدلال والدلع]

انا بأبدا انا حيروني اولا قالو ولد وبالسابع بنت انا في الاشهر الوسطئ والاخيرة جاني حب للشوكلت والحلويات بجنون طبعاااا
والاحلام حلمت مرة ببنات اخوي الصغار ومره ثانية حلمت ان عندي طقم ذهب ابيض فخم مرررررررررررةةة وشكلة رررعة

هل هذا دليل علي ان فيني بنووووتة يااااارررررررب ارزقنيها كاملت وجملية الخلقتي والخلق وسهل حملها ومخرجها
يا لله ابي تفاعل

[ميهاف]

اخباركم بنات ...يالبى قلبك يا ام بدر كلنا نتشكى ..
الله يعظم الاجر ...

انا حوضي والم الورك عذاااب

[المخملية]

ميهاااف أنا عندي ظهري
دايم اسمع ان الحمل يفكك الظهر بس مافهمت كلامهم الا بحملي الثاني هذا
منجد احس شي يطقطق بظهري هههههههه الله يستر

الدلع والدلال
أنا بحملي الأول بنت ... بالشهور الاخيرة حبيت الحلا بشكل وخااصه التمر لكن بالتااسع بطلتو ههههه خلاص شبعت منو وكمان كنت اشرب الحليب المركز شرب الين وحدة من قريباتي قالت جاني سكر الحمل من الحليب المركز وخففت منو
وبحملي هذا قالت لي الدكتورة بنت... وعندي شراهه للحلا بشكل مو طبيعي حتى خاايفة من سكر الحمل ...
وبس ...~

[الدلال والدلع]

مشكوره حبيبتي المخملية ربي يتمم لك علي خير ويرزقك الذرية الصالحة ويكفيك شر السكر يارب وجميع الحوامل والمسلمين والمسلمات

[المخملية]

آآمين .. وياااك يااقلبي

روحو يابنات وشوفو دردشة البنات الي بيولدون بربيع الثااني
ناس ولدت وناس تترقب
اقرا محادثاتهم واقول يالله الشهر الجاي أن أشاء الله بنقعد نقول زيهم (( رحت مشيت .. مغصي زاد.. ولدت... عندي ولادة ... رحمي مفتوح ..أألخ))

بناات عندي فوكيرة آيش رايكم نتقابل بمكان واحد ونمشي مع بعض ههههههههههه
>>>مالك الا سطح بيت اهلك هههههههه

على فكرة شفت الجدول الي مسويتو شذى الجنوب أأول وحدة فينا أم ليآآآن
يلا ياأم ليااان شدي الهمة وأولدي قبلنا والا ترا نولد ونخليك هههههههههه

تحسووون أني مروووقه مو .. يلا الله يستر لا اهستر بس ههههههه

[..ام بدر..]

ميهاف ااااه من الم الحوض والورك والله العظيم عذاب

الدلع والدلال انا بحملي هذا اوله حبيت الحوامض وكرهت الحلى حتى بالشاي صرت اقلل منه واما من بعد السادس بديت ارجع للحلى وعندي شراهه مو طبيعيه في اكل الحلى وامي بس تخانقني تقول لايجيك السكر وجالسه احاول امسك نفسي بس مو قاااادره.....ويقولون عندي ولد والله اعلم

حملي الاول ما اذكر اني حبيت الحلى في الشهور الاخيره وجبت ولد

وانا احس كل هالاشيا على حسب هرموناتك ماله دخل بالجنين

حملي هذا يفرق عن الاول بكل شي الوحم التعب الالم شكل البطن وحجمه حركت الجنين وعلى كذا بالسونار يقولون لي ولد

[..ام بدر..]

المخمليه هااااانت كلها 16يوم ونلحقهم والله اعلم بنولد عالجدول ولا فينا اللي بتسبق وتولد قبل موعدها....انا حاسه اني راح اطووول ولا بولد بدري

وبيني وبينكم انا خايفه كثيييييييييييييييييير من الولاده...الله يسهلها علينا اجمعين

[..ام بدر..]

عارفين هالمره من ايش بشكيلكم من ولدي

صاااااير مررره مررره مررره متعلق فيني بدرجة طفشت منه ومن نفسي ولا يبغى ينام الا فوقي اكون نايمه على جنب وهو فوقي وياويلي اغيب عنه لو شوي هو ماكان كذا ابدا بس صار من شهرين تقريبا لاااااصق فيني اهلي يقولو من كثر غيرته....طبعا الاخ دايم يسألني وين ام النونو اللي في بطنك ووين ابوه مو مقتنع اني انا امه ههههههههههه
شايله همه اذا ولدت كيف بيبعد عني هذاك اليوم....الله يصلحه ويهديه انا يالله لي في نفسي مو ناقصه احد يغثني....تهنو يابكريات ترا الحمل الثاني عذاااب

[المخملية]

أم بدر ... خلي عنك الوسوسة...صدقيني من تولدين بتضحكين علي نفسك وعلى مخاااوفك
ولادتك بتكون آن أشاء الله زي العسل وماتدرين الا ولدك بحضنك...~
وأنا بنتي زي ولدك
خااصه أنو مفتقده أبوها من غير شر عليه لانو مسافر
فوجهها بوجهي علي طول
تصدقين لما اكون نايمة زي العسل مع امي واخواتي بس اقوم يبدأ الصياح والبكى وتبدأ تشاكس أخواتي وتدخل فيا عشان مايهاوشونها أو يضربونهااا
أمي تقول بنتك من تشوف وجهك يبدأ الدلع والصيااااح ...
والنوووم علي سريري مع انو سريرها جنبي بس تنام أشيلها لسريرها لان سرير نفر وتضايقني في النوووم
غير أن خالتي دوبها خلصت الاربعين وتشوفها ترضع بنتهااا وصارت زيها تفتح صدري وتدخل راسهاااا وتقول ماما ننه .. الله يستر ...
ساعات أقول يارب أولد صبح تكون نايمة واغيب اخواتي معهااا أو أكون بخميس أو جمعه عشان اخواتي يكونون بالبيت معها ومن أولد أخليهم يجيبونها ليا ماابغاها تفتقدني ....عاد أنا مااروح سوق او عيادة الا هيا معايا مااخليها عند اهلي
وشوفي دحين الساعه وحدة الليل وجالسه بغرفة ومقفله علي نفسي لانها تلعب ومسويه حال واخواتي نايمين ماابغاااها تزعجهم ...~

فصدقيني الغيرة لابد منها خاصه له 3 سنوات الدلع له كلووو ومحد منافسو بأمو وأبوه غيروو فطبيعي بيغاار
وأنتي حااولي انك ماتهملينو بالأحضان والبوسات بالنفاس
عاد مدري أخاف أنا أنصحك وأصير أخص منك...لاني اعرف النفااس البيبي شي والاكتئاب والحالة النفسيه شي ثااااني ...~

آحس أني كثرت كلام بس لا تخافين
تفاائلي
أنا لاخفت خفت
فعشان كذا أحاول أتفاااءل

[رنووومة]

صباح الخيررررر كروشااات

ومخملية الله يعينك يا رب على وجع الظهر انا هادا رابع حمل والثالث يلي يكمل لهالمرحلة وعنجد التعب مو طبيعي الله يسترها يا رب
معنا

أم بدر حبيبتي عادي نحنا كلنا منفوت نفضفض عنا شوي وكله تعب بس بالاخير انشاء الله نفرح بالبيبي

والله يبعد شبح السكر عنكم يا رب

بالنسبة لي الاثنين الجاي اخذت موعد بدي اروح احدد موعد الولادة انشاء الله عند الدكتورة وبالنسبة للجنس انا ما عرفت دكتورتي ما بدها تخبرني بس الحمد لله يمكن لأن عندي بنتين والله اعلم

[رنووومة]

مخملية حبيبتي الله يعينك من الغيرة هههه تصوروا بنتي الكبيرة عمرها 11 سنة ونصف والصغيرة 3 سنين و 8 شهور اكيد حتقولوا فرق طبعا رحلي بيناتهم حمل بالرابع بولد والحمد لله ووعملت بعدها عملية بكليتي ورجعت جبت بنتي نسرين ولو تشوفوا الغيرة مو طبيعية خصوصي من الكبيرة والكل مفكر انو خلص همها وهي حتساعدني بدل ما تتعبني من وقت رجوعها من المدرسة تشاكس بأختها لدرجة راسي يطق من صراخ الصغيرة وطناش الكبيرة ههه والله يعين يا رب

[..ام بدر..]

المخمليه الله يعينا عليهم انا ولدي كذا بينجن ليش النونو اذا جا بيرضع مني وانا من الحين اعلمه اقوله عشان ماعنده اسنان

عارفه بعدها صار يقول بكسر اسناني عشان هو كمان يرضع

رنوومه الله يسهل عليك العمليه ويرزقك بالطفل السليم المعافى هذا اهم شي ولا الولد والبنت كلهم نعمة من ربي اهم شي العافيه

[..ام بدر..]

يالله يارنوومه الله يعينا على غيرتهم

طبعا ولدي من يوم حملت وهو يقول انو حامل معاي ولمن يعوره بطنه يقولي النونو عورني...واوقات يجي عندي يقول اسمعي نونتي اش يقول مسوي فيها انه حامل معاي....اخر مره سويت سونار كان زعلان يبغى يسوي سونار ويشوف نونته<<<مكذب الكذبه ومصدقها

[رنووومة]

ويسهل عليكي ام بدر يا رب وعلى كل حامل باذنه تعالى

[white sugar]

مرحبا بنات
انا المفروض اني اولد في شهر 5 بس ما اعرف اي يوم

كنت معاكم في بداية التجمع بس بعد كدا ما دخلت لاني شفت التجمع كان بارد ، بس ما شاء الله عليكم دحين سرتوا تعرفوا بعض اكتر

اتمنى تقبلوني معاكم .. واللي تعرف تحسبلي بالعربي متى ولادت اكون شاكرة لها
انا ولادتي المتوقعة بالاجنبي 21/4

[..ام بدر..]

اهلييين وحياااك بيننا

انا لمن حولت التاريخ طلع لي 30/5/1432

والله يسهل عليك

[شذى الجنوب]

يكون التاريخ تقريبا 27/5/1433


اخباركم بنات

[شذى الجنوب]

عفوا اختي

طلع بالتقويم


29/5

[..ام بدر..]

اهلييين شذى كيفك وكيف ولدك

[..ام بدر..]

شذى ممكن اعرف كيف احط التوقيع اللي سويتيه عندي بتوقيعي مثلك

[white sugar]

مشكورين حبيباتي

بس كدا احبطتوني hwaml96 ما كنت متوقعة اولد اخر الشهر .. يلا الله يسهل

ان شاء الله اولد على نص الشهر بالكتير hwaml77.... مستعجلة الاخت هههههههههه

[شذى الجنوب]

هلا فيكم

الحمد لله تمام

بس ولدي الزكام مو راضي يتركه

بالنسبه للتوقيع عادي

تحفظيه عندك وتحمليه بمركز تحميل للصور وتنسخي الرابط ومن مكان الرد فيه ايقونة ادراج صورة حطي الرابط اللي نسختيه

اصبري اعطيك الرابط وسوي آخر خطوة

يعني تضغطي ادراج صورة وتحطيه

طبعا بمكان تعديل التوقيع من لوحة التحكم

[شذى الجنوب]

http://im26.gulfup.com/2012-03-07/1331078525351.jpg


تحطي الرابط بعد ماتضغطي ادراج صورة

[..ام بدر..]

شكراً شذى الحين دايخه نوم وموقادرة استوعب الكلام خخخخ

ان شاءالله اسويها بكره

سكر ابيض...ان شاءالله ربي يكتب لك الساعه الطيبه ويسهل عليك يارب

[شذى الجنوب]

اوووووووووووك نوم العوافي

[المخملية]

ام بدر .. ههههههه حلوووة
ولدك رهيب الله يحفظو لك ماشاء الله
كويس مستوعب أنا بنتي مرررة مو مستوعبة واذا قلت لها ببطني نونو تجيب عروستهااا

انا مو معاااكم بالجدول
لان بالفترة الي سويتي فيها ياشذى الجدول كنت منقطعه عن المنتدي بسبب ان النت فصل عندي وحتي الايفون ماكان فيه نت
تأزمت من غير نت
انا ولادتي بأخر الشهر
اقول للدكتورة متي تقول 27 او 28 او 29 او حوله
ماحددت لي بالضبط
مع انو انا حسبت اني ببداية شهر 6 والمفروض اكون بتجمع بنات جماد الاخر
لكن مدخلة نفسي بينكم عشان اعطي نفسي امل واتفاءل
شفتي كيف ياام بدر يعني انتي المفروض تتفاءلي وتروحي لتجمع ربيع الثاني هههههههه
قووويه صح
يلا ماصدقت بنتي نامت ودخلت اتسحب للغرفة عشان اخواتي مايقومون

[المخملية]

صباااح الخير

اخذت لي غفوة قبل الفجر وقمت صليت ومانمت للآن
غفوتي كلها احلم بتجمعنااا هذا اقلب يمين بوجهي التجمع اقلب يسااار كمان بوجهي وزي القلق بنووومي
وأكثر وحدة جات ببالي أم ليااان مدري ليش احسها متوترة وتعبانه نفسيتها اتخيل لو اسألها ولدتي تثور فيا >>> طبعا هذا الهواجس كلها بهالغفوة
طمنينا عليك ام ليااان

عاااد تدرون ماابشكي اليوم من شي الا من الناموس
لعب بحسبتي لعب

[شذى الجنوب]

الله يكون بعونك المخملية انا للحين مانمت بس افكر انام

[..ام بدر..]

صباااح الورد

المخمليه ياحلوك ومن كثر ماحمستيني بغيت اروح تجمع ربيع الاول كمان مو ربيع الثاني هههههههههههههههه

انا انام شوي واصحى صار النوم متعب مو راحه :(

بسبب الاام الحوض الله يكتب اجرنا وبس


ومازالو ام ليان وام رزان وسروءة مختفين ياليت يدخلون يطمنونا عليهم

[فوفو سكر]

سلام عليكم بنات شخباركم .. انا دخلت التاسع و عقبالكم يارب

انا من جم يوم كنت مريضة ورحت المستشفى طلع عندي التهاب في البول سبب لي تقلصات

حتى الدكتورة كشفت علي من تحت بس الحمدلله الرحم كان مسكر وضربوني ابر لرئة الجنين لان كان شوي وادخل التاسع

يارب هون علينا وكل شي باجره كرهت المشفى والقعده فيه جم يوم كانهم سنوات

[..ام بدر..]

فوفو الحمدالله على سلامتك وماتشوفين شر

والتهاب البول جدا متعب خليك عالادويه الي اعطتك اياها الدكتوره...اتوقع اعطتك فوار اصفر ومضاد حيوي<<<حافظة ادوية التهاب المسالك البوليه خخخخخخ

وكثري ياقلبي من شرب الموسي او البربيكان بالنكهه الي تعجبك والمويه كمان عليك بها...وعصير قصب السكر حلو كثيير

والله يشفيك متعب كثيييير وعانيت منه بحملي الاول الله يكتب اجرك

[فوفو سكر]

اي ولله خيو متى اولد وارتاح ان شاءالله مااطول هههههه بس انتي لا تولدين قبلي لان اغار خخخخ

عندي بعد اسبوع موعد عند الاستشارية وراح اجوف شنو تقرر لي .. مافي اخبار عن ام رزان ؟؟

[ام سهــــــــاد]

مساء الخير كراريش ...

ربي يسعدكم ويكتب لي ولكم الاجر يارب ..

مخملية عادي شوفي انا حاسبة ولادتي على 4/5 والدكتور يقول لا غلط راح اولد على 22/4 فعشان كذا دخلت تجمعكم وتجمع ربيع الثاني اتفائل خير ههههههههههه والله خلاص ودي ومنى عيني اولد ملل ..
وكمان الكتور لما رحت موعدي كان يوم الاثنين اللي فااات قال باقي لي عشر اياام واولد بس مو مقتنعة بكلامة والله اعلم ..
اهم شي يكتب لنا ربي ساعة اليسر والولادة اليسيرة...

[ام سهــــــــاد]

فوفو سلامتك في بداية التاسع جاتني التهابات بالبول وصديد ربي يكرمكم وعطوني مثل ما قالت ام بدر فوار اصفر ووووووععععع طعمة بالقوة ينبلع ومضاد حيوي وبعد 5 ايام الحمدلله راح وتحسنت حالتي ..

[..ام بدر..]

ام سهاد&فوفو وباقي الكروشات الله يكتب لنا الساعه الطيبه ويعجل بهاليوم خلاص تعبنااااااا

[شذى الجنوب]

اخباركم


ام سهاد ليه كم آخر دورة

[ام سهــــــــاد]

امين ام بدر

شذى اخر دورة 19/7 ومتاكدة حسابي صحيح يعني متاكدة ولادتي المتوقعة 4/5 بس دكتوري يقول غير كذا اهم شي عطااااني امل اولد بدري ...

[يمكـ دروبي]

مساء الخير
كيفكم
بنااااااات النووووم النوم ودعته هههههههههه
منجد ماصرت انام زي الناس
البارح نمت 2 وصحيت 4 ورجعت نمت ولما اذن الفجر صحيت وصليت ونمت يمكن نص ساعه
ولين اللحين صاحيه ما يجيني نوووم مدري تفكير والا تعب

[ذبلت ورودك]

هلا بنات كيفكم 
ام رزان اخبارك بشري طلعت البنوته
اخباركم كروشات مع الشهر التاسع انا مثلكم
بعد ماارتاح بالنوم اصحي من الم الظهر وكليتي
اليمين  صار لي يومين امشي نص ساعه
بحاول ازود شوي اليوم
الدلال والدلع انا لاحظت بحمل البنات اسمر واشين
بس الولد احلو زياده
بس استغربت بعض البنات لسى لحد الآن ماعرفوا جنس
البيبي
انا جهزت شنطتي حطيت روب وطرحه اوشال و
اندر وير و فوط صحيه و شراب وحطيت مر وزيت
الخواجوا وكمان مشد البطن 
اغراض البنوته وحطيت لها رضاعه
بنات اذا ناسيه شي ذكروني ،،

[المخملية]

ذبلت ورودك .. لاتنسي سروال قطني طويل عشان يدفيك
والمشد انصحك ماتلبسينو الا بالاسبووع الأول عشااان الرحم يرجع
ولا تنسي حمالة صدر ( سنتيانه) تكون اكبر من مقاسك المعتااااد وتكون مريحة
والبيبي اهم شي بودرة السرة ومسحات طبية ولبسة كاملة له من ملابس داخلية وبربتوز وقبعه وشال له ( كوفلة )
واصلا البيبي يحتااج لبسه وحدة لانك بتلبسينه وقت خروجك لان لو لبستيه بالمستشفي لو شالو البيبي انسي تشوفين لبسو تاااني
بعكسك يمكن تقعدين يومين وتحتاااجين غياريين
كمان شيلي معك تمر معبوط انتي مسويتو بالبيت حطيه بعلبة
لان انا بنفاسي الاول الاكل يجببونه لك بأوقات معينة واصلا من الجوع الي تحسي فيه تحسي ان الاكل مايكفيك وعلي بال مايجون اهلك يزورنك يكون معهم ورد او تشوكلت او تلاجات اعشاب او حليب يعني لاتعتمدين يجبون لك اكل وامي كانت معي بالمستشفي
وشيلي قارورة موية زمزم اذا توفر واذا ماتوفر عادي

اليوم النفسية زفت ومتهاااوشه مع اهلي وخانقتني العبرة
كلو لان مااحب احد يقولي بنتك سوت او انتي مهملة بنتك
خاطري اطلع السطح واحط حرتي بالمشي 😢

كيفكم انتو ياكروشاااات ؟

[أم رزاان]

مساء الخير يالغاليات
كيفكم حبايب قلبي .. مررة وحشتوووني :)
ترى كل اللي بتتكلمون فية
مريت أنا فية قبل لا اولد سواء قلة النوم او النفسية الزفت او الأم !!
خلااااااااااااااااااااااص هانت مابقي شيء كلها ايأم معدووودة وترتاحووون
وتفرحون بهلمفاعيص اللي اتعبوكم ^_^

وأبشركم بنوتي خرجت وصرت لا ليلي ليل ولا نهاري نهاااار
انام معاها نص ساعة ساعة
وأصحى معاها !
المشكلة ماتنام إلا بدوووش .. وأنا أخاف عليها من البرد
بس شكلها متعووودة في الحاضنة كل يوم يحمموهم !

الله يكتب لنا الأجر يااااااااااااااارب

[فوفو سكر]

يحليلج ام رزان هههههه حمستيني ولله ودي اسبح ولدي وينام يمي اهم شي ترضعيها وايد

[المخملية]

‏آللھُـــــــــــمَ....... في هـذا" المسسساء"
ســرَ خَوآطّــرنَآ بِ خَبـرِ جمِيل !
إنـــكَ علـــى كُل شيءٍ قديــــر ......

مسسسآء الخـــ🌹ـــير كرووووشآآآآت

[أم رزاان]

هلا وغلا فوفو
اقووووووول تهني بالنووووم قبل لا تولدي نصيحة هههههههههههههه
مع الصغير ودعي النوم وودعي غرفة نووووومك ^_^
الله يصلحهم ياااااااااااارب ويحفظهم لنا .. :)

المخملية .. هلا وغلا يالغالية
ومساك سعادة وعباااادة

فين باقي الكروشات ؟!
ياريت يدخلوا ويطمنونا عنهم !!

[فوفو سكر]

انا ما نام احين ولله لازم نزور الحمام على الاقل ثلاث مرات انا ابي اولد لان خايفه من الالتهاب الي فيني

حتى قبل لا ادش التاسع ضربوني ابر لرئة الجنين وفوق هذا كله خايفه موووووت من الولادة سني صغير وامي تقولي لاتعرفين احسن

[ذبلت ورودك]

مخمليه
ذكرتيني باغراض من الصيدليه ناسيتهم
اللي هي بودرة السر وبيتادين ومرهم فيوسدين
و ميبو عشان خياط الجرح
وصدقتي لازم ناخذ تمر معبوط
الله يجزاك خير ويسهل عليك
بالنسبه للنفسيه انا مثلك وأردى من امس ألج لج
ع زوجي وهات يادمووووع
ام رزان الحمدلله ع سلامة البنوته الله يحفظها
خلي بناتك يهتمو فيها لما يكونوا صاحين وانتي نامي
بهالفتره
فوفو عادي لاتهتمي ولا تشغلي بالك انا كل اطفالي
عندي اللتهابات مسالك ومااولد الا مخلصه شهري،،

[..ام بدر..]

اااه من النفسيه اليوم عندي مر علي كله بكااااااء
من الطفش والثقل واذا كلمني احد وقال كيفك اقعد ابكي ابكي

خاصه لمن سمعت صوت امي صرت ابكي كثيييير..مدري اش جاني

والنوم انا ودعته من اسبوعين تقريبا صار. عندي ارق واذا نمت اصحى اقل شي3مرات للحمام غير انو الم الحوض يصحيني

بنات ماجاني الطلق الكاذب الا مرتين بس :(

مقهوره ودي احس فيه عشان احس بقرب ولادتي...مع انو حاسه نفسي راح اطول كثييير واخذ التاسع كله والله اعلم

[white sugar]

مرحبا بنات

انا حالي من حالكم مافي نوم .. كلها ساعة ولا اتنين واصحى اما جيعانة او ابى حمام او مكتومة غير التكسير اللي احسه فجسمي
دا غير الاخلاق السياحية اليومين دي hwaml85سايرة بس اتنرفز على زوجي مسكين

.................................................. ..

بنات بما اني كنت منقطعة عن التجمع فحابة اعرف كم وحدة حامل فولد وكم وحدة فبنت ولا عاملينها مفاجأة hwaml23

[..ام بدر..]

هلا سكر...انا يقولون لي ولد والله اعلم
والكتمه معناها انو الجنين مرتفع عندك لسا مانزل بالحوض لكن انتي ارفعي المخدات وحاولي تنامي وراسك مرتفع
والله يهون علينا اجمعين

[white sugar]

ام بدر الله يخليلك بدر ويفرحك بشوفة اخوه .. تدري اني نفسي اسمي بدر بس زوجي مو راضي الرجال هدول مافي شي يعجبهم ههههههههههههه
.................................................
البيبي عندي راسه تحت من الشهر السابع .. مدري ازا كان دا قصدك او لا
بس الكتمة ساعات تجيني لما اكون متضايقة .. وانا من يوم حملت وانا بالقوة سايرة امسك اعصابي على ولدي وعلى زوجي
حتى الدكتورة نصحتني اخد بريك منهم هههههههههه

[شذى الجنوب]

الله يكون بعون الجميع

[white sugar]

الله يكون بعون الجميع

امين يا رب

[المخملية]

{ يارب }
لقد ضعفت ولا غيرك يقويني ..!
لقد يئست ولم أفقد فـِ♡ـيْ ك يقيني ..!
لقد ضللت ولا سواك يهديني ..!
لقد غرقت وأنت وحدك منجيني ..!


{ يارب }
ارحمني في لحظة ضعفي ..!
و ابعد عني شيطاني ونفسي ..!
و اهدي لي قلبي وعقلي ..!
و اغفر لي خطيئتي ويأسي ..!


{ يارب }
إلى من أشكي وأنت موجود ..!
و لمن أبكي وبابك غير مردود ..!
و من أدعو وأنت فقط المعبود ..!
و من أرجو ورجائي فيك غير محدود ..!


{ يارب }
اجعل عفوك عني دائم ..!
و رضاك علي قائم ..!
و اجعلني عن الذنوب نادم ..!
و لباب توبتك قائم ..!


{ ‏​​‏​‏​‏​‏​‏​‏​‏​‏​‏​‏​‏​‏​‏​‏​​‏​‏​‏​‏​‏​‏​اللهـّ م }
و لا تُصعب لي حاجة ..!
و لا تُعظم علي أمراً ..!

{ اللهـّم }
لا تحني لي قامة ..!
و لا تكشف لي سترا ..!
و لا تفضح لي سرا ..!

{ اللهـّم }
ان عصيتك جهرا فاغفرلي ..!
و ان عصيتك سرا فاسترني ..!

{ اللهـّم }
لا تجعل مصيبتي فى ديني ..!
و لا تجعل الدنيا أكبر همي ..!

{ اللهـّم }
لا تجعل ابتلائي فى جسدي ..!
و لا فى مالي ..!
و لا في اهلي ..!

{ اللهـّم }
لا تُمكن مني حاسد ..!
و لا تُفرح بسقوطي اعدائي ..!

{ اللهـّم }
إغنني بحلالك عن حرامك ..!
و بخشيتك عن عصيانك ..!

{ اللهـّم }
ان ضاقت علي الارض بما رحبت ..!
فأغثني برحمتك التي أغثت بها صاحب
الحوت


اللهم أمييييييييين
‏​┆‏​​ˆ. اللهُم آرزقنـــــي
​┆
• فرحْ يعقوب
• وفرجْ يونس
• وتقوىَ يوسف
• وصَبر آيوب
• وإيمآنُ موسىَ
• وآحتمآل نوح
• وطهُر عيسىَ
• وزُهد مُحمد

`‏​
يآرررب 💓
فيٌ هذھہِ السآعھہِ اسآلگ الراحھہِ ،،
لگل منٌ ضآقتٌ عليَھہِ دنيآھ

[..ام بدر..]

سكر ابيض...انا اقصد اذا نزل في الحوض تقدرين تتنفسين وتاكلين بس تتعذبين في المشي والجلسه...والاسامي انا كمان انقهر اذا اخترت اسم ورفض زوجي اقوله انا اللي اوحم واحمل واتعب واتعذب في الاخير انت اللي تسمي والله قهر خخخخخ

وحاولي ياقمر تهدين نفسك قد ماتقدرين لانك اذا عصبتي تضرين الجنين ويجي عصبي يجننك بالبكا والصراخ هدي نفسك عشان مايتعبك طفلك اذا جبتيه

[..ام بدر..]

{ يارب }
لقد ضعفت ولا غيرك يقويني ..!
لقد يئست ولم أفقد فـِ♡ـيْ ك يقيني ..!
لقد ضللت ولا سواك يهديني ..!
لقد غرقت وأنت وحدك منجيني ..!


{ يارب }
ارحمني في لحظة ضعفي ..!
و ابعد عني شيطاني ونفسي ..!
و اهدي لي قلبي وعقلي ..!
و اغفر لي خطيئتي ويأسي ..!


{ يارب }
إلى من أشكي وأنت موجود ..!
و لمن أبكي وبابك غير مردود ..!
و من أدعو وأنت فقط المعبود ..!
و من أرجو ورجائي فيك غير محدود ..!


{ يارب }
اجعل عفوك عني دائم ..!
و رضاك علي قائم ..!
و اجعلني عن الذنوب نادم ..!
و لباب توبتك قائم ..!


{ ‏​​‏​‏​‏​‏​‏​‏​‏​‏​‏​‏​‏​‏​‏​‏​​‏​‏​‏​‏​‏​‏​اللهـّ م }
و لا تُصعب لي حاجة ..!
و لا تُعظم علي أمراً ..!

{ اللهـّم }
لا تحني لي قامة ..!
و لا تكشف لي سترا ..!
و لا تفضح لي سرا ..!

{ اللهـّم }
ان عصيتك جهرا فاغفرلي ..!
و ان عصيتك سرا فاسترني ..!

{ اللهـّم }
لا تجعل مصيبتي فى ديني ..!
و لا تجعل الدنيا أكبر همي ..!

{ اللهـّم }
لا تجعل ابتلائي فى جسدي ..!
و لا فى مالي ..!
و لا في اهلي ..!

{ اللهـّم }
لا تُمكن مني حاسد ..!
و لا تُفرح بسقوطي اعدائي ..!

{ اللهـّم }
إغنني بحلالك عن حرامك ..!
و بخشيتك عن عصيانك ..!

{ اللهـّم }
ان ضاقت علي الارض بما رحبت ..!
فأغثني برحمتك التي أغثت بها صاحب
الحوت


اللهم أمييييييييين
‏​┆‏​​ˆ. اللهُم آرزقنـــــي
​┆
• فرحْ يعقوب
• وفرجْ يونس
• وتقوىَ يوسف
• وصَبر آيوب
• وإيمآنُ موسىَ
• وآحتمآل نوح
• وطهُر عيسىَ
• وزُهد مُحمد

`‏​
يآرررب 💓
فيٌ هذھہِ السآعھہِ اسآلگ الراحھہِ ،،
لگل منٌ ضآقتٌ عليَھہِ دنيآھ


اللهم امييــن والله يجزاك خير عالدعاء الرائع

[يمكـ دروبي]

مساء الخير

[..ام بدر..]

مساء النور يمك دروبي

[سما الدنيا]

مساء الخير لكل البنات شو اخباركم مشتاقه..
ام رزان الحمد لله علا سلامتك يا ربي عقبالنا احنا كمان ؟...
ضايلي اسبوعين وبخلص شهري ادعولي اني اقوم بالسلامه انا وابني ولشوفو بين احضاني...
الله يقوم الجميع بالسلامه

[..ام بدر..]

الله يسهل عليك يارب ويقومك بالسلامه ويقر عينك بشوفة ابنك سليم ومعافى

[..ام بدر..]

وين الكروشات؟؟
ولا اليوم خميس وكلكم برا؟؟
ليش ما اخذتوني معاكم انا لوحدي هنا :(

[white sugar]

ام بدر هوا حيطلع عيني حيطلعها مافي مفر انا متاكدة ههههههههههههههههههههههه
على قولة ماما تقلي حيجي البيبي دا يخرج حق ولدك الضعيف .. المشكلة عصبيتي عليه بسبب تدخلاتهم في تربيته ودلعهم الزايد والله خربوه وحتى زوجي زيهم مافي احد فصفي ابدا :(
انا اتعب واربي واادب و من يوم ما يروح عندهم يتخرب كل شي ... الله يعين بس

[أم رزاان]

هلا قلبي سما الدنيا
يسلملي عمرك يالغالية
والله يقومك بالسلامة أنت وكل كروشات التجمع
يالله هانت مابقي شيء :)

[رنووومة]

مساااا الخيرررر كيفكم وكيف البيبيات معكم

[حبيبة محمد]

مساء الخير كروشات

كيفكم جميعا شو الاخبار

ام رزان الحمد لله على سلامة بنتك و عقبال ما تشوفيها عروسة ياااا رب

[الدلال والدلع]

انا معك ياام بدر جالسة لوحدي بالبيت يعني كلنا بالهواء سواء

[..ام بدر..]

بنات احس دماغي تغلي من يوم الاربعاء وانا اصلا معصصصبه وعلى طول مستفزه خايفه يكون الضغط مرتفع...احاول اهدي نفسي بس مو قادره

[الدلال والدلع]

حبيبتي هدي نفسك والله مافية شي يستاهل

انا من الاربعاء صايرة حساسة بس ابكي بكيت عشان مالقيت احد يودني للبيت اهلي واليوم بكيت عشان لقيت احد يودني للبيت اهلي بس اهلي مو موجودين وابكي واشاهق وزوجي يقول وش السالفة من كلمتي اخت وانتي تبكي صاير شي علمني وانا احلف مافي شي بس مو مصدق وانا الحين وانا جالسة اكتب ودي ابكي
وش فيني ماادري الله اعلم ضايقة مرررررررررررررررررررررررررررررررررررةة

[ام سهــــــــاد]

بسم الله عليكم .. وش فيكم بناااات لها الدرجة النفسيااات تجااارية حبيباتي تعوذوا من الشيطااان والله قاعد يلعب بالاعصاااب الله يخزية ..
واللي تحس تعبانة نفسيتها تتوضأ وتقرأ قران وتشوف كيف الراحة ..
ربي يهون عليكم يارب ..

ام رزان الف مبروك طلوع ليونة بالسلامة وربي يعينك ..

باقي الكروشااات ربي يحقق لي ولكم ماااتتمنوا وييسر لنا وكل حامل ...

[يمكـ دروبي]

صبايا وش السالفه. ههههه
على بالي اني لوحدي الي صايره نفسيه خخخخ
وربي بكاء على طووول وعلى اتفه الاسباب
واحاول اضيع وقتي بالقرآن
حتى زوجي مستغرب يقول وش صاير لك
جننته كل شوي ابكي
الله يعين الجميع ويخارجنا على خير

[ام سهــــــــاد]

امين يارب..


تصبحوا ع خير يارب ..

[أبحار]

مرحبـــــــــــــــــآ

[سرووءة]

صباحكم خير كروشات
وحشتوني موت والله
بالي عندكم
اسفة عالغيبة بس موبايدي
كنت تعبانة
اجاني كريب قوي والتهب حلقي وصدري
وصوتي راح ماعاد طلع
وطولت كتير لان ماكنت قادرة اخد علاج
وطول وقتي نوم ماحاسة على شي
دوخة طول الوقت وبس انام
حتا مااقدر ادخل المنتدى
ماصدقت حتا تحسنت لحتا ادخل اطمنكن عني واطمن عليكن
مبروك لكل مين دخلو التاسع
انا على حساب دورتي باقيلي 9 ايام وادخل التاسع
رحت دكتورتي من يومين اطمنت
البنوتة بخير وكان وزنها كيلين
انشالله يزيد حتا اولد
يابنات النفسية صايرة زفت وربي
مليت من هالكرشة
التعب فجأة زاد علي بس صرت بنص الثامن
انتو شواخباركم
كلكم
ام رزان الحمدلله عسلامة ليونة الله يخفظها لك يارب
الباقي كيفكم

[..ام بدر..]

ابحار مررحبتين

سروءه...والله قلقنا كثيير عليك والحمدالله على سلامتك وماتشوفين شر ...انا نفس الشي بس صرت بالثامن جا الثقل والتعب مره وحده حتى النوم متعب والسدحه متعبه والجلسه متعبه والمشي متعب ماتدرين اش تسوين في نفسك خخخخخ

انا باقيلي 4ايام وادخل التاسع والله يسهلها علينا اجمعين ياااااارب

اليوم جمعه لاتنسون تدعون لانفسكم وللي مارزقهم ربي بالخلفه

[شذى الجنوب]

سلامتك سروءة ماتشوفي شر

يلا انتم السابقون ونحن اللاحقون

[فوفو سكر]

الى الكل راقد ومتملل يالله هانت كلها ايام او اسابيع ونجوف نونواتنا

[سرووءة]

تسلمو يابنات
الله يمضي هالشهر على خير
بجد هالشهرين مافي غير الشكوى
ماتوقعت حالي ان يصيبني ملل اخر شهرين
بس موبيدي مليت من هلكرشة
هههههه
غير ان اشتقت لبنوتي ^^

[يمكـ دروبي]

مساء الخير
كيفكم

سرووءه سلامتك حبيبتي
ماتشوفين شر
يله هانت حبايبي راح الكثير ما بقى الا القليل

[..ام بدر..]

الله يسهلها علينا اجمعين

انا ملاحظه كلنا هنا بس نشكي وتعبنا الله يسرها ويهونها علينا

بنات ام ليان مختفيه يمكن ولدت؟؟؟

جهزتو شنط المستشفى ولا باقي بدري؟؟

[..ام بدر..]

بنات انا سويت تحليل دم نسبة الهموجلوبين والكالسيوم...الحمدالله الهموجلوبين كويس
بس الكالسيوم طلع لي 8<<<مو قليل؟؟

انا بكره بروح افتح ملفي عند الدكتوره الي بولد عندها وان شاءالله تجي لانو دااايم نجلس في الانتظار4و5ساعات في النهايه تلغي العياده وتعتذر مدري ليش ماتعتذر من بدري

[المخملية]

هلا سروءة كيفك ياعسل
انفجعنا عليك مرررة مختفيه
يلا ياقلبي سلامات عليك كلو بأجرو
كيف اهلك بسوريا وكيف حملك ،؟

انا غبت عن المنتدي امس والي قبلو عشاان كان عندنا عزاء وبقي يوم
بس دخلت افضفض شووية
النفسية الحمدلله علي كل حااال
مدري اذا لقيت اجواء فرفشة تتغير نفسيتي والا نفس الشي
وغيرر النوم ودعنااااه
تدرون ايش المضحك ان وحدة من صاحباتي ولدت بأخر محرم مع انو شهرهاا صفر ماشاء الله عليهاوكنت مااكلمها القاااها طفشانة وزهقانة وبس تبكي وتقول متي اولد تعبت خلاص ماافي نووم
وربي يكتب لها تولد قبل تخلص شهرهاا دحين لماا اكلمها تقولي تعبانه مااافي نوم مع بنتي
قلت سبحان الله هما ببطونا مانرتاح ولا نذوق النوم واذا ولدنا مايخلونا نذوق النوم
بس الحمدلله علي كل حال وربي نعمة غيرنا يتمنونهااا

تصدقوون امس بالعزاء من كثر القعدة وواقفة جالسة اسلم علي الناس جااني الم طلق ونزل علي افخاااذي صرت اضغط وافرك برجلي تعبت مرررة كل شوية اقول بقووووم ارجع البيت الين جاتني امي قالت اهل العزاء مايقومون يسلمووون خليك جالسه وربي ريحتني
بس ساعات اقوم اسلم استحي بعض الحريم ينحنون علياا
وبعض الحريم يقولون لاتقومين خليك جالسه حانين علياا الله يسعدهم

انا بعد اسبوووعين اخلص الثامن ان اشاااء الله وابغى اروح للدكتورة بعد الاسبوعين دي
وناااوية امشي كثير قبل اروح لها يمكن تقولي بطنك نازل والبيبي نزل وتفرحني وكمان لو تقولي رحمك فاااتح تسوي فيني خير

انتووو شخباااركم يابنااات ؟
وكيف نفسياااتكم ؟
وربي ماودي اشكي المفروض احنا بنعمة ولازم نشكر ربي عليهااا
والشيطان يحاااول يزين الشكوى لنا اعوذبالله من الشيطان الرجيم

خلينا نستغفر ونقرا قران ونتعوذ من الشيطان
وربي يأجرنا يارب

[المخملية]

ايوا ياأم بدر الشنطة لسى ماجهزتها مع انو لبسي ولبس البيبي مغسل ومكوي بس اسحب واحط بالشنطة بس اقول بدري
بس تحمست اقفلها لان مرت خالي تقولي امها قفلت لها الشنطة حقت المستشفي وشهرها زي شهرنا
قلت ان اشاء الله هاليومين ارتبها ان اشاء الله بس ابغي كم غرض بشتريه اذا اشتريتو ان اشاء الله بأبدأ ارتب

طيب انتي رتبتيهااا ؟

علي فكرة تحليل الكالسيوم والحديد انتي طلبتيه والا الدكتورة طلبت تسويه ؟
وهل سويتي تحليل السكر والا لسى؟
انا بشوف الدكتورة تطلب والا لا
اذا ماطلبت ابغاها تسويلي للكالسيوم لاني شاكة انو عندي نقص كالسيوم

وفين بتولدي ان اشاء الله ؟
انتي من جدة زيي والا فين ؟
وليش دوبك بتفتحي ملف؟
ادري كثرت اسئلة بس قلت نسولف شوي ونفرفش

ويلا يابنااات هذا السؤال للكل
مين الي خلفت قبل كذا وجربت حوض ينحط بكرسي الافرنجي - اكرمكم الله - وتعبيه مويه حارة وملح وتجلسي تتنقعي فيه ؟
وبالنسبة للبكرياات قولو لي اذا تعرفوه والا لا ؟
انا بجربتو بنفاسي الاول مررررة حلو واشوف انو المفروض يكون ببيت كل وحدة تتنقع فيه في فترة الدورة وبين فترة وفترة

كمان بسألك سواء الي مجربة النفاس والا لا
ايش حتشترو فوط ؟ اي نوع يعني
انا بنفاسي الاول جربت ايلويز الموف ومررررة سيئة بس ماجا علي بالي ادور نوع ثاني
ومن بعدها صرت استخدم ايلويز الوردي للبشرة الحساسة حلووووة
بس كم مرة اشوف بنات يمدحو نوعيات ثاانية
فاانتو ايش تفضلو ؟

[..ام بدر..]

المخمليه احسن الله عزاكم والله يرحم ميتكم

ودي يجيني الطلق بس ابدا ماجاني الامرتين في الثامن...احس جاني احبااط وبتأخر في ولادتي :(

انا كان الجنين عندي نازل في الحوض ولا اقدر امشي ابدا بس صرت اتنفس واكل احسن من اول لكن ما اعرف المشي والجلسه وقبل4ايام جاتني اندونيسيه وسوت لي مساج لاني كنت بموت من الم ظهري والله يهديها جلست ترفع لي البيبي والحين مرررتفع كثير وكاتمني بس خف الضغط على رجلي وظهري

سبحان الله كذا متعب وكذا متعب والحمدالله على كل حال

[..ام بدر..]

المخمليه....انا باقي ماقضيت للبيبي زوجي يشوف انو بدري :(

مع اني بدخل التاسع يوم الثلاثا

وبالنسبه لتحليل الكالسيوم والهموجلوبين والسكر والزلال طلبته مني الدكتوره وانا في الاسبوع ال30وطلع عندي الهموجلوبين 8والكالسيوم9 والسكر كان تحليل عشوائي بس الحمدالله كويس 95.....لكن من يوم عرفت انو الدم عندي ناقص جلست اسبوعين كل يوم اشرب كوب زبيب اسود انقعه في الليل والصباح اشربه والحمدالله ارتفع الدم عندي صار12 والكلسيوم نقص صار8

طبعا انا الاسبوع الي فات من نفسي روحت عدت التحاليل في مستوصف

وبالنسبه للملف انا بأذن الله باولد في فقيه عند فاطمه العتيبي او سحر ملودي لو ماكانت فاطمه موجوده بيوم الولاده وانتي تعرفين فقيه وزحمته المقررفه عشان كذا كنت اراجع في الطبي الدولي وبكره بروح اخذ ملفي منه واوديه لفاطمه العتيبي

[..ام بدر..]

المخمليه...بالنسبه للمغطس الصغير والحمام الدافي والملح ولادتي الاولى كانت عند فاطمه العتيبي بفقيه ولدت بالليل واليوم الثاني الصباح جت الممرضه اخذتني ونقعتني في مويه وملح(يجي بكتات من الصيدليه)وفي الليل نفس الشي قالت لي الدكتوره اسبوعين كامله كل يوم صبح وليل تتنقعين كذا والمر والبخور والاشيا الثانيه بعد الولاده باسبوعين واول اسبوعين الملح بسس لانه يعقم الخياطه ولا يشدها وفعلا كان مرررره حلو.....وانا اقول مثلك المفروض الوحده تستخدم هالمغطس اخر الدوره او بين فتره وفتره(((انا المستشفى اعطاني اياه يجي زي الكروانه صغير ينحط في الكرسي حق الحمام وتجلسي عليه))


الفوط الي استخدمتها كانت اولويز الاصفر دايم هو الي استخدمه حتى ايام الدوره....اذا فيه نوعيات ثانيه حلوه ياليت البنات يفيدونا

[white sugar]

مرحبا بنات .. كيفكم

المخملية عظم الله اجركم .. احسلك تجهزي الشنطة من دحين لانو ما تدري يمكن تولدي اول التاسع
انا بدات احط فيها الاغراض بس ما كملتها كلها
الا ابى اسالك فين حتولدي ومين دكتورتك ؟

.................................................. .................................

ام بدر ايش قصدك بطلق في التامن .. هل هيا الام زي الام الدورة ولا كيف ؟؟؟
عند مين كنتي تتابعي في الطبي الدولي انا اروح لسما ناظر بس مواعيدهم الله لا يوريكي مافي الا بعد شهرين تخيلي مرة سيئين ما اتوقعت كدا

بالنسبة للاولويز اشوف كتير بنات بيمدحوها حتى في مواقع تانية بس هل تتوقعي انها حتتحمل الدم حق النفاس الله يكرمك .. انا اول استخدمت فام بس ما عجبتني ومرة مو مريحة صح كبيرة بس عالفاضي

[شذى الجنوب]

الله يعينك ام بدر كان جنينك تحت ورجعتيه

ماتبين تولدين بدري هههههههه

[سرووءة]

المخملية تسلمي حبيبتي
اهلي ولله الحمد كلهن بخير بس المشاكل زايدة عندهم اكتر عن اول
الله يحميهم يارب
وانا بخير الحمدلله
بالنسبة لتجهيز الشنطة لسا ماجهزتها
الحين باقي كم غرض الي بس اجيبهم اظبطها مع شنتة البنوتة
وبالنسبة للفوط جارتي كانت بتقلي البارح
ان في فوط تجي خصوصي لبعد الولادة كبيرة شوي
عشان اول كم يوم بيكون الدم غزير
بس ماقالتلي شو اسمها لانها نسيت الاسم
بس قال مكتوب عليها لبعد الولادة
وبخصوص الحوض يلي قلتي عنو عشان المغطس
حبيته ودخل مخي
بس من وين اجيبه
وين الاقيه وكم تقريبا سعره
وفي خلطة ملح بالصيدلية ولاانا من عندي احط
واكيد هي المغطس يفيدني بعد الولادة
وبالنسبة للمشي
اخر مرة دكتورتي قالتلي بلشي امشي
على مهلك كل يوم وكل شوي ارتاحي
بس لاتمشي اكتر من تلت ساعة او نص ساعة
يعني بس تدخي التاسع ممكن تطولي المشي
انا على حساب دورتي تقريبا باقيلي 8 ايام ادخل التاسع
يارب اولد بنصه او اخره ولااسحب العاشر
لاني بكرية

[ام سهــــــــاد]

مرحبا كروشاااات

هـــــــــــــــــــــــــــــــــــــــــــــــــ ـلا والله وغلا بسرووؤة شغلتيلنا بالنا يادوووووبا الف الحمدلله ع السلامة واجر وعافية ...

المخملية عظم الله اجركم

وبخصوص تجربتي وسوالفي مع تجمع ربيع الثاني ابفيدكم بنات بخصوووص الفوط انا بحثت كثير بالنت لقيت الاكثر يمدح فوط .(لوتس مابعد الولادة) يجي حجمها كبير وومريحة حتى يمدحوها لان الخيوط ماتمسك فيها مثل الويز .. طبعا الاغلبية ينصح بعدم استخدام الويز تسبب حساسية ..
وعني انا بصراحة توكلت ع ربي واشتريت لوتس وبجد ارتحت لها .. عيوبها انها مافيها اجنحة وما فيها لاصق من تحت بس يقولوا مو ضروري لان النفاس تبدل باستمرار اهم شي الراحة ..

وبخصوووص الشنطة جهزتها من الشهر السابع >>>متحمسة الاخت..

مخملية الله يجزاك خير وش اسمة هالحوض وكيف شكلوا مرااااا دخل راسي كنت افكر كيف ابتنقع بالمويا الدافية صعب بالبانيو ما ارتاح بصراااحة ..
ياليت توضحيلي اكثر ..

[المخملية]

ام بدر جزاك الله خير
انا ولدت بسليمان فقيه عند دلال بوقس بس هالمرة لانها زادت اسعارها وخرجت من التأمين فماراح اقدر اولد عندهااا
حأولد أن أشاء الله عند أسماء شحرور والله ييسرها لي
المغطس اعطوني هو بالمستشفي وملح بكتات زي ماقلتي ومرهم بس ناسيه اسموو
ومررررة كنت ارتاااح بالملح
لانك تعرفي الغرز تجيب لك زي الحكة ووتعبك بس تجلسي بموية دافية وملح ترتاحي

طيب اغراضك الي بقية مااشتريتيها كثيرة والا لا
لانو احس خلاص مو وقت سوووق
ومن ناحية بطنك ارتفعت لاتقلقي
انا بنتي بطني كان فوق واطلق عندهم بالمستشفي ومانزل الا مع الولادة
والطلوق يمكن الولد كذا مايجي له طلق
وبعدين امشي كلي تمر يمكن تحسي بطلوووق والا اقول لاتسمعين كلامي ويصير فيك شي واتحمل ذنبك

[المخملية]

سكرة ياسكرة انتي
جزاك الله خير
زي ماقلت لأم بدر حاأولد أن أشاء الله عند اسماء شحرور بسليمان فقيه
وانتي ؟
والشنطة حاأرتبها أن أشاء الله هاليومين
والفوط ياايلويز الوردي او الاصفر لانها للبشرة الحساسه او اروح الصيدلية واسأل عن فوط تنفع للنفاس بس اكيد فوط بأجنحة لاني راح اكون علي قلق من غير اجنحة راح اتخيلها تتحرك وخاصة ان ارواب النفاس كلها فواتح

[المخملية]

هلا سروءة
المغطس انا اعطوني بالمستشفي واحد وتركتو عندهم
حسبتو راح يستخدمو تاني لوحدة غيري ههههه لاتلوميني بكرية وماابعرف شي
ولما خرجت مريت علي كم صيدلية ومو متوفر بأي صيدلية يعني دوري عليه من دحين
والملح كرتون يجي فيك بكت ملح فيه مجموعة بكتات زي مااقالت ام بدر وتفتحي بكت بكت للاستخدام
بس الاسم مو متذكرة انتي اسألي بالصيدلية
اتذكر لون الكرتون من برا ابيض وفيه خط ازرق علي مااعتقد
بس انتي قولي لي في اي منطقة وبأي مستشفي حتولدي لان فيه مستشفيات تعطي من عندها ومستشفيات ماتعطي هالمغطس ولا تجيبو لك تستخدميه
انا الملح والمرهم وصفووه لي بالمستشفي ولا احتجت الحمدلله ادور بس المغطس دورت عليه من تناحتي لاني تركتو بالمستشفي
واتوقع هالمرة يعطوني مع اني دورت بالنهدي وقال الرجال مو متوفر بس دوري بفروعنا الثانية وانتي دوري اذا لقيتيه كان بها اذا مالقيته ان اشاء الله يعطوكي بالمستشفي
انا قلت بأشتري وان اعطوني بالمستشفي بأعطي ماما واحد ينفعها مع الدورة
اقول لامي لازم هالمغطس بحمامك
احسو مهم لان احنا المتزوجات علي طول التهابات فنحتاج عنايه

والله يخليلك اهلك يارب

[المخملية]

أم سهاد ياقلبي
لوتس قريت عنها بس دحين الي عرفت منك انها من غير اجنحة
مدري احس من غيراجنحة صعبه راح اقعد علي نار واستحي اقوم عند ضيوفي اخاااف تتحرك
والمغطس ياقلبي ينحط بالكرسي الافرنجي وتعبيه موية دافيه وملح يعطوكي الملح في المستشفي مع مرهم مرررة يريح الحمدلله
انتي اكتبي بقوقل مغطس النفاس وان اشاء الله تطلع لك صور
انا داخلة من الايفون ومااعرف انزل صور من الايفون

عاد انا اخر الليب ادخل الغرفة وافتح الايفون علي المنتدي او اقرا اي شي عن الحمل والولادة
او اشوف لي لوكات جديدة
عاد تعرفون النفسية وودنا نغير من اشكالناا ونشيل الكرش فاإحول أفكر بهالاشياء عشان ابعد التوتر والقلق عني

[white sugar]

مخملية انا زي حالاتك تركت المغطس في المستشفى احسبهم حيعطوه لاحد تاني

حولد ان شاء الله في المركز الطبي الدولي عند سما ناظر
.................................................. ..................

على فكرة مين تعرف ايش الاشياء الضرورية اللي لازم ناخدها في شنطة المستشفى

.................................................. .......................

ايوة صح اسم المرهم ميبو ازا هوا دا اللي تقصديه ريحته زي زيت السمسم ولونه بني ولا مو

[المخملية]

اهاا يلا تولدي بالسلامة يارب
المرهم مو متذكرة اسمووو مرة بس اذكر بني لونو
وانتي كمان تركتي المغطس هههههه ياقلبي عليك وعلي كل بكرية
كل مااتذكر نفسي ببكري اضحك علي اشيااء واحزن علي اشياء اهملت نفسي فيها وماعرفت اتصرف فيهاا
والشنطة غيار للبيبي واحد وقت الخروج تلبسيه لان بالمستشفي راح يشيلون البيبي للحضانة ومارح تشوفي لبسو تاني
وانتي روب نفاس ملابس داخلية وحمالة صدرك وسروال طويل وشراب او شبشب - الله يكرمك - يدفي رجلك ومشط وكلبس للشعر وفرشة ومعجون وشاحن جوالك لانو راح يقفل من الاتصالات وفوط ووممكن كريم لليدين والرجل ومرطب شفايف او للبشرة ومزيل عرق وتمر معبوط مصلحتو ببيتك او تمر عادي اممممممم مدري ايش كمان انا الين دحين ماجهزت شنطتي بس امس مرت خالي جهزت شنطتها وقاعدين نذكرها بالاشياء المهمة وانا ستي ماسويت شي مع انو شهرنا واحد

[white sugar]

يسلمو عاللستة يا قمر
انا اللي جهزته في الشنطة روب واحد حق النفاس وبجامة لانو ما اتوقع حجلس اكتر من يومين في المستشفى ان شاء الله
وللبيبي حطيت 3 غيارات لاني فولدي نفس الشي سويت وعادي يرجع بلبسه يمكن المستشفى اللي انتي رحتيها يشيلو الغيار وما يرجعوه غريبة الحركة منهم .. اصلا حتى لو سوو كدا انتي ما رجعتي طلبتي اغراضك منهم؟؟

ايش قصدك بالتمر المعبوط ؟

[المخملية]

لا انا ماشلت للبيبي الا غيار واحد
لان ماما جابتني بحكومي وتقول شالو لبسك قلت خلي بنتي بلبس المستشفي مو مهم لا خرجت البس البيبي

والتمر المعبوط الي هو المعجون احنا نسميه تمر معجون بس تعودت اقراها بالمنتديااات باسم المعبوط
وهو عبارة عن تمر معجون وسمن وحبة البركة ورشاد بس نصيحة الرشاد حطيه بالعشرين الاخيرة مايصلح بالعشرين الاولي
ممكن تستبدليه بسمسم لان السمسم يدر الحليب

علي فكرة هالشي ماسويتو بنفاسي الاول لاني ماعرفت لكن قريت كثير هاالمرة وان اشاء الله اتحسن مو زي نفاسي الاول

ليش سهرانة ؟ لاتقولي ارق الحمل ؟

[شذى الجنوب]

متابعتكم انا

[المخملية]

شذى علي الصامت انتي ههههههه
شكلك طفشانة ومافيك للكتابة

[white sugar]

الا والله بس ايش نسوي امر ومكتوب الحمدلله بس
ماسكني الم في بداية ضهري في كتوفي وتحت رقبتي مو راضي يروح الشكوى لله
لو عندكم دهان ينفع غير الفولتارين والراديان اعطوني

[المخملية]

انا بحملي الاول كان عندي اسفل ظهري ووصفت لي الدكتورة مرهم خاصه بمصابين الروماتزيوم
بس مااحس نفعني واصلا قالت طبيعي الم الظهر لان الرحم مربوط بالظهر باربطة وكل ماثقل الرحم يشد الظهر وتحسي الام

حملي هذا عظامي كلها تألمني حتي اصابع يدي احسها تألمني الحمدلله
لكن مافكرت اروح اسألها
لاني خلاص اقتنعت انو هذي الام الحمل واكيد نقص كالسيوم
وان اشاء الله اطلبها تسويلي تحليل كالسيوم

[شذى الجنوب]

مو كذا بس ما ادري ايش اقول

[white sugar]

قوليلنا ايش اخترتي اسم للبيبي :d

[شذى الجنوب]

للحين بحييييييييرة

عندكم اسماء؟

[white sugar]

اولاد ولا بنات؟؟

[شذى الجنوب]

بنت ان شاء الله

[white sugar]

امممممممم ايش رايك في اسم دانة

[شذى الجنوب]

ماعندك غيره

[توليب حوامل]

سلام كروشات
بصرااحة انا ندمانة اني مادخلت التجمع من زمان بس حابه تفيدوني انا موعد ولادتي 20/5 وطبعا بكرية ولي موعد بالمستشفى بداية التاسع فمتى الدكتورة تكشف من تحت وايش المفروض البس يعني ايش اسهل وفت الكشف

[يمكـ دروبي]

صباح الخير كروشااات

اخباركم

[توليب حوامل]

صباح الورد
الله يعين تعب وثقل وقلة نوم

[سرووءة]

ام سهاد تسلمي يارب

مخملية ان شاء الله راح أولد بمشفى الالماني بأبها
ماادري البعض نصحوني فيه
وقال احسن شي الدكتور حسن دكتور استشاري مررة ممتاز
وانتي شورايك بالمشفا
زوجي الحين بيظبط لي تأمين طبي عشان لاياكل هم المصاريف
بس انا مااعرف اسعار المشفى اذا التامين ماظبط عندم فكرة عن اسعارو
وبالنسبةة للفوط تزمرت ان اسمها لوتس جارتي حكيتلي عنها وقالتلي لها جوانح
انا بسال الصيدلي عن احسن نوع
الله يسر
انا موراضية افكر بالولادة
البارح جالسة مع جاراتي وكل وحدة صارت تنصحتي بشي يعني شواخد معي للمشفى وشو راح احتاج
وربي يابنات حسيت برهبة قلتلهم خلص اسكتو بلشت احس حالي بموقف جدي >>> احلفي يعني كنا نمزح
هههههه صحيح متى الدكتورة راح تفحصني من تحت عشان تعرف الرحم فتح ولالا يعني بداية التاسع ولالا
عسان اعمل حساب ماتفاجئني خخخخخ
انا يممكن اخر التامن طالعة ابها افتح ملف بالمشفى واشوف الدكتور
دعواتكم يظبط التامين

[سرووءة]

صحيح مخملية بسالك المشفى الالماني تتوقعي يعطوني مغطس
طيب وان عطوني باكت الملح يعطوني للبيت ولالازم اجيب انا عشان بس اخرج للبيت
ولمتى لازم ضل عم اعمل مغطس اول اسبوع فقط ولا كل النفاس
وكمان سؤال خخخخخ وقت اعمل المغطس ماراح يتعبا دم لا اكون بالنفاس
سؤال بايخ صح بس والله موعارفة شي ههههه

[((ام ليان))]

السلام عليكم
كيفكم وحشتووني معليش انقطعت عنكم النت كان منفصول
والله يا حالتي تحزن ما اقدر اقوم من رجلي اليمين ولا اقدر امشي الصلاة اصليها وانا جالسه
مره تعبانه رحت المستشفى قالت علشان الثقل كله على رجلك
وانا خائفه تأثر علي وقت الولاده تعرفون باقي اسبوعين الله يكون في عوننا
ام رزان الحمدلله على سلامة ليونه
سرووءة سلامتك يالغالية ما تشوفين شر

[..ام بدر..]

لا فاتتني سوالف كثيره خخخخخ

سروءه وباقي البكريات انا لمن ولدت نظفتني الدكتوره وصار الدم اللي ينزل علي قليل مو غزير


يعني صار زي دم الدوره العادي مو الغزير بداية الدوره ....لا يعني ما احتجت لفوط النفاس الفوط العاديه نفعت معاي

هالمغطس متوفر في اغلب الصيدليات اشتروه انتو سعره مايتعدا 40ريال قولي ابغى مغطس النفاس يجي لونه بني قوليله ينحط بالكرسي حق الحمام

والبكتات الملح هذا اسمهاbilo bath
انا دكتورتي قالت لي اول اسبوعين مرتين باليوم عشان ماتلتهب الخياطه والله الله بالنظافه من تحت عشان ماتندمون يجيكم التهاب مع الجرح ولا يجيكم شي ثاني لاسمح الله.....ونصيحه لكم كلكم لا احد يستخدم اي مغطس ثاني غير هالملح اول اسبوعين والله اعرف بنات كثير بكو وندمو لمن استخدمو المر والاشيا هذي اول نفاسهم...والله العظيم طلعت لهم خراريج من تحت وراحو لدكتوره وفتحو الخياطه ونظفوها ورجعو تخيطو من جدييد...انا حبيت انبهكم اول اسبوعين تنقعي بملح الصيدليه لانه معقم مع ماي دافي وحطي المرهم الي كاتبه لك طبيبك

كل ماتذكرت شي او نصيحه بقولها لكم والي عندها شي ياليت تفيدنا

[..ام بدر..]

ام ليان انا كنت مثلك بس الالم كله باليسار وجاتنني اندونيسيه حقت مساج وسوت لي مساج والله يهديها رفعت لي البيبي كثير تقول عشان تقدرين تمشين :(

والله زعلت تمنيت انها مارفعته لان وقتها حسيت ولادتي قربت...هي لمن جت ترفعه قالت لي هو جوا الحوض والله يسامحها رفعته لي

بس فعلا بعد مارفعته صرت اقدر امشي واتحرك احسن من اول والجلسه كانت تعذبني بس ارتحت ....والحين اشتغل ببيتي لانو اهل زوجي بيجوني بالاجازه ااه ياربي شايله هم الواحد صايره اخلاقه صفر. مايقدر يجامل ويقوم بضيوف وقتها بيكون ثاني اسبوع لي بالتاسع...والله يعين

[..ام بدر..]

توليب انا وانتي نفس موعد الولاده وخوفتوني لمن سألتو عن الكشفيه...انا في بكري كنت جاهله تخيلو في التاسع ماراجعت الا اول يوم في التاسع ولا روحت لدكتوره الين الولاده شافتني بغرفة الولاده مع اني تأخرت اخذت التاسع وزياده بس ماكنت ادري انو لازم اراجع فما احد كشف علي ولا ادري متى الكشفيه...اليوم ان شاءالله اروح لدكتورتي الي بولد عندها واشوف كم مره المفروض اراجع في التاسع

[((ام ليان))]

بنات بسالكم الحساب الحمل الصحيح هو حساب الدورة او حساب السونار
حساب الدورة باقي لي حدود اسبوعين وحساب السونار باقي يمكن ثلاث اسابيع يوم قلت لها
ليش ثلاث اسابيع قالت يمكن علشان وزنه صغير والله رجعت بيتي وانا كارهه حتى نفسي
ونمت نوم موطبيعي حتى زوجي يقول نمتي من الاحباط بس يضحك يقول وش الفرق اسبوع
قلت يوم واحد يفرق معي
يارب سهل ولادة كل حامل ولا تعسرها يا كريم

[..ام بدر..]

ام ليان سألت كم استشاريه ويروفيسور كلهم قالولي حساب الدوره هو الصح

تخيلو بنات بروح المتسشفى من الحين اخذ رقم والدكتوره تداوم 7...واوقات اروح الاقي رقمي8يعني ما ادخل قبل الساعه9بالليل ااااه من فقيه مستحيل اقعد في الانتظار اقل من 7ساعات

[يمكـ دروبي]

ام بدر ام ليان
اخباركم

ام ليان صادقه وربي ان اليوم يفرق
الله يخارجنا على خير

بنات من اول ما دخلت التاسع وفيني قلق
كل يوم احس اني بولد خخخخخ
وربي تعبت احس اني بولد قبل اخلص شهري
اتمنى ذلك ههههه

[سرووءة]

ام ليان
سلامات مانشوفي شر

ام بدر
الله يجزيكي الخير عالنصايح
نحن البكريات محتاجين هيك نصائح
حفظت عندي اسم الملح عشان اجيبو من الصيدلية مع اغراضي
وانشالله لازم اداوم عالمغطس بعد الولادة
يعني هو فقط عشان الجرح لايلتهب
ولا له فوائد تانية
بجد حاسة حالي موفاهمة شي ابدا

[الدلال والدلع]

السلام عليكم اليوم
رحت لموعدي واول مرة ادخل عند الاستشاري تبع متابعة حملي
وقالي لك يومان بالتاسع وش رايكم يقول علي حسابة وحساب السونار
وانا الحين مدري من اصدق حسابي بعد ثلاث ايام ادخل التاسع

[متغربه]

مساء الخيرات

كيفكم يالغاليات

اشتقتلكم والله كثير

اتابعكم من فتره لفتره بس من التعب اللي انا فيه ما اقوى اكتب

انا هالفتره معاي آلام تروح تجي ومثلكم مودعه النوم والثقل على تحت

شافني الدكتور قال لي الراس مره نازل تحت بس الرحم لسى ما فتح

ما ودي اولد الحين ابي اصبر شوي لبعد اسبوعين.. والله يتمم لنا جميعا على خير

[متغربه]

سروؤه.. ما تشوفين شر يالغاليه..
أم رزان.. وش اخبارك والبنوته؟؟
أم بدر.. المخمليه.. أم ليان.. يمك دروبي.. الدلال والدلع.. كلكم بلا استثناء
كيفكم والتعب؟؟

[الدلال والدلع]

والله تعب بس مالنا الا الاجر ان شاء الله وخاصة عند النوم يزيد عندي بشكل مو طبيعي الحرقان بس مااقول الا الله يعين ويسهل علينا ان شاء الله الولادة يااااااااااررررررررررب

[ام سهــــــــاد]

مساء الخير بنااات اتمنى تكونوا في اتم العافية ..

مشكورة ام بدر ع التوضيج بخصوووص المغطس والملح ...

ام ليان اللي اعرفة ان الحساب الصحيح يكون بالدورة مو بالسونار ...

وبيني وبينك ثلاث ايام يعني حسابك صح باقي لنا اسبوعين ونخلص التاسع .. بس بالسونار يمكن شافوا حجم النونو صغير فعطاك اسبوع زيادة ... والله اعلم ...

باقي الكراريش كيفكم حبيباتي ..

[فوفو سكر]

انا تعباانه ابي اولد على طول فيني اوجاع مثل الدورة تروح وتجي وثقيله وايد حتى فيني الصيحة

[سرووءة]

متغربة اهلا فيكي حبيبتي
انت طمنينا عنك
وجا زوجك ولالسا

[..ام بدر..]

طبعا روحت لدكتوره وصلت الساعه4الاربع وجلست الين الساعه10وماجت الدكتوره ودخلت عالمساعده حقتها وحسابها مثل حسابي وتقولي كل شي تمام
وصتني اكمل عالحديد والكالسيوم الين بعد الولاده

بنات ما يجيني الالم حق الدوره اللي تحسون فيه(الطلق الكاذب؛
يمكن عشاني ماخذه مثبتات كثير الين الخامس

[يمكـ دروبي]

متغربه ام سهاد سرووءه

اخباركم
الله يخارجنا جميعاً على خير

[يمكـ دروبي]

باقي الكروشات

وش مسوين .... كيفكم مع الثقل

[المخملية]

آآهلاً صباياا آهلاً كروشاات
أخباركم؟؟

سروءة وآم سهااد آتمني أن أم بدر جاوبت علي اسئلتكم
لانها قالت نفس الي كنت بقولو ...
الله يعطيها العافية

أما ياسروءة من ناحية المستشفي الالماني الي بأبها ماعندي عنو أي خبرة لاني من جدة
بس اذا مااعطووك المغطس تقدري تشتريه من الصيدليه
أم بدر تقول لونو بني أنا حقي كان لونو أزرق فمو شرط اللون
يعني مو تروحو الصيدليه ويجيب لك ابيض تقولين لا بني
عااد اعرف حركات البكريات ههههههه
والملح والمرهم اتوقع يوصفوه لك خاصه انكي بتولدي بخااص بس ممكن للأحتياط تاخذي ملح مو خسارة
تقدري تستخدميه بين فترة وفترة كنظافه
والمغطس تسألي بأيش ممكن استفيد منو بعد النفاس
تقدر بأخر كل دورة تتنقعي بملح وموية في المغطس كنظافة وطهارة
وممكن للي تعاني من التهابات تجلس فيه
يعني وجودو بحمام كل وحدة مهم حتى البنت احس المفروض تتنقع بملح وموية


والحساب اتوقع حساب الدورة اضمن...

[ذبلت ورودك]

هلا بنات كيفكم جميعاً
وكيف النفسيه ..؟
انا اليوم رحت لموعدي قال الدكتور راس البيبي نازل
ووضعك تمام الحمد لله ،وأعطاني ورقه آخر موعد لي ب13
لو ماولدت أجي عندهم يولدوني اهئ
بس قال أكيد راح تولدي قبل ماراح تطولي مدري
ع ايش استند بكلامه وانا اتوقع كمان لان عندي طلوق
من نص الثامن..
بنات خلصت تجهيزي وخلطاتي واليوم جبت اعشابي
الحمدلله ،،
بالنسبه لسؤالكم عن الفوط انا استخدم لوتس حقت النفاس
ومرتاحه عليها وباقي الايام استخدم كوتكس
ام رزان ايش صار ع الخياطه التجميليه
شكلك بطلت عشان عمليه قيصريه 

[المخملية]

بنااات رحت أدور لكم صور للمغطس عشان انزلها لكم
ولقيت هالموضووع
أن أشآآء الله تستفيدوو منو
مرررة موضوع حلو ومفيد وينفع للبكريات
http://forum.hwaml.com/t91517.html

[المخملية]

ذبلت ورودك.... هلا ياقلبي
كلنا أن أشاء الله بخير
بكرة حأنزل السوبر ماركت بأشتري كم غرض وبعدين بنزل الصيدليه حاأشتري باقي الأغراض
بس بسألك أنتي بكرية والا تاني حمل لك؟
وليش تسألي عن الخياطة التجميلية..؟؟ ناوية تسويها؟؟

أنا نفسي اسويها هالمرة
أم بدر فقيه على مااعتقد يسوهاا
أنتي سويتي الخياطة التجميليه بولدك والا لا؟؟

مين يابنات سبق لها ولدت وجربت الخياطة التجميلية؟؟؟

ماتلاحظون كل مرة افتح لكم موضوع ههههههه
وربي ابغي البنات البكريات يستفيدو لاني عانيت ببكري

[..ام بدر..]

ايه انا بولدي سويت تجميليه وهالمره بأذن الله اسويها مستحيل اسوي خياطه عاديه

بنات كنت مقرره اخذ ابرة الظهر والدكتوره شجعتني وكمان دكتورتين سألتهم وهما كمان شجعوني بس زوجي اليوم يحلف ما اخذها والله زعلت ومتضايقه مدام الالم موهو الي بيحس فيه ليش يرفض....ومن يوم حملت الين قبل شوي وانا اقنعه يدخل معاي وقت الولاده وموراضي يقول مستحيل وشيلي السالفه من راسك :(
زعلني وضايقني كثييير اشوي وابكي

[المخملية]

ليش ابرة الظهر
صح تريح وتشيل الالم بس اخاف منهاا....
وعن زوجك يمكن متخوف يشوفك وانتي تعباانه وتبكي وتتألمي
واذا دخل معاك بولدك يمكن تعقد
أنا زوجي دخل معايا ببنتي وحالف مايدخل ثاني يقول أنا تعبت اكثر منك هههههه
واذا مصره خلي اذا جات الولادة تمسكي فيه وابكي يمكن يدخل معاك

[ذبلت ورودك]

هلابك مخمليه
كيفك ..؟وكيف بنتك الله يحفظها
انا هذا رابع بيبي عندي بنتين و ولد
بالنسبه للخياطه التجميليه جربتها بعد
الثاني بفتره ومررره حلوه بصراحه ولما ولدت
بالثالث سوت لي بالولاده بس مو زي الاولى
اذا تبين خياطه حلوه سويها بعد الولاده باسبوعين
لان وقت الولاده الرحم والمهبل متوسع اصلا فماتظبط
وهالكلام عن تجربه..
انا ناويه أولد بدون خياطه وبعد اسبوعين اخيط
الله يكتب لي ولاده ميسره ولكم يارب ،،*

[..ام بدر..]

مخمليه...لا مادخل معاي بولدي ولاشافني ابد...بس ودي يعرف اننا نعاني وقت الولاده ونتعب ونتالم مو ندخل ننسدح ونولد ونطلع هو رافض الابره لانو مايعرف اننا نتعب ونتعذب...والابره مره تحمست اخذها فيه كم وحده من اقاربي وصديقاتي مجربينها ودام الطب تقدم ليش اعذب نفسي وفيه شي يخفف الالم
وشكلي بسوي مثل ماقلتي بسكت الين وقت الولاده ووقتها اترجاه وابكي يمكن يحن ويوافق :(

ذبلت ورودك....اللي انتي سويتيها بعد الولاده باسبوعين هذي العمليه التجميليه مو خياطه تجميليه وهي تفرق وماتنعمل وقت الولاده...الخياطه التجميليه هي اللي تنعمل وقت الولاده وكثير مابيفرقو بين العمليه التجميليه والخياطه التجميليه

[ريم11]

صباااح الخير حبايبي

اخباركم وربي وحشتوني كلكم

متغربه سرورة ام ليان اخباركم
ام رزان الف مبروك والحمدلله على سلامتكك

انقطعت فتره لاني نسيت الرقم السري وكنت اتابع اخباركم ومقهوره ماقدر ارد عليكم

انا الحين في االاسبوع الثالث من الثامن
وابي اسالكم النونو يتكور في بطني يصير كانه كوره وقاسي هذا الشي طبيعي او لا ...؟

[شذى الجنوب]

اهلا ريم

بيني وبينك ثلاث ايام تقريبا


بس شريطك ليه واقف

عموما اهلا فيك

نورتي

[توليب حوامل]

يسلمو ام بدر ع الرد بس يعني بداية التاسع ماتكشف من تحت لكن مارديتي علي بخصوص اللبس ايش افضل وقت الكشف

[توليب حوامل]

بنات ياليت كل وحده تقول ايش بتاخذ وقت مابتحس بالطلق لاني انا ابي اجرب كف مريم اخذتها واحده من قريباتي تقول وانا اصلح في العشاء حسيت بوجع خفيف وضليت اشرب كف مريم وانا اصلح في العشاء وتقول في النهاية ماقدرت اتحمل بدات الالام تزيد وعرفت اني بولد وطلعت اولادي من الغرفة وطلع البيبي على طول يعني ما انتظرت لحد مايفتح الرحم ولا راحت المستشفى ...بس هي قالت لي اذا بتاخذيها خذيها في المستشفى عشان ما اولد في البيت بس بشرط اذا حسيتي الطلق...

[ريم11]

اهلا ريم

بيني وبينك ثلاث ايام تقريبا


بس شريطك ليه واقف

عموما اهلا فيك

نورتي

ي هلا شذى
مافهمت وش قصدك بثلاث ايام

ايوه الشريط واقف مدري ليه اذا تعرفين تسوين لي ابي اكوون شاكره لك

[متغربه]

يا صباح الورد
كيفكم بنات.. سروؤه هلا يا قلبي.. أنا الحمد لله بخير وزوجي بيجي قريب.. أ، شاء الله آخر هالأسبوع.. خايفه اولد قبل ما يجي بس أ، شاء الله تتسهل الأمور..

كيفك أنتي يالغاليه؟؟ وكيف البنوته الحلوه..

[متغربه]

يمك دروبي.. أنا بخير يالغاليه الحمد لله بس انتي عارفه الشهر التاسع متعب حيل..
الله يقومنا بس بالسلامه..

[متغربه]

ريم 11.. هلا بك والله طولتي الغيبه وفقدناك..
وش اخبارك والتعب ؟؟ لا تشيلين هم أبدا تكور البيبي بالبطن والتحجر شي طبيعي..
أنا والله طول الوقت بطني كذا..

[متغربه]

أم بدر.. المخمليه.. ذبلت ورودك..
جيتوا على الجرح.. حكيتوا عن مواضيع متردده فيها ومشغله بالي كثير..
أول شي .. ابرة الظهر.. انا طبعا ما قد جربتها ابدا.. وهالمره ودي اجربها ومحتاره.. ناس يمدحون وناس يذمون..
ثاني شي.. التجميلية.. ودي اسويها بس بعد اسبوعين من الولاده افضل والمشكله اني ما اقدر وراي روحه للجامعة
يمكن ما يعطوني الا من ثلاث الى اربع ايام اجازه..
ثالث شي.. دخول الزوج لغرفة الولادة،، والله يا أم بدر أن الوحدة تحتار، لأن مو أي زوج ينفع يدخل للولادة..
أنا هذا الرابع وما قد دخل زوجي معاي لأن نفس المستشفى ما يسمحون..
فكرت هالمره قلت بما أني بولد بأمريكا ليش ما اخليه يدخل.. وهو ما عطاني اجابه اكيده..
الله يسهل

[متغربه]

ياليت بنات التجمع اللي جربوا ابرة الظهر يحكون لنا عن تجربتهم وايش رايهم فيها

[قمر .]

أهلين بالكروشات hwaml7 احس بفتقد الكلمه أنا بخير والحمدالله امس كان اخر سونار وشفنا البيبي وتاكدنا انو صبي الله يسهل مخرجه يارب اما من ناحية الخياطة الله يستر من جد خوووف مو طبيعي احس عذاب ياااربي سهل علينا

[شذى الجنوب]

اهلا قمر

بالسلامة يارب


بس ليه آخر سونار؟

[قمر .]

مغتربه شريطي مثلك طبعا ع حسب الدوره هذا اما سونار يسبقه باسبوع متوقع ولاده 11جمادى ع حساب الدوره الله يسهل علينا

[قمر .]

اهلا قمر

بالسلامة يارب


بس ليه آخر سونار؟

اهلين ياقلبي hwaml03 مدري ع حسب برنامج متابعة الحمل 3سونار بس في الثاني والخامس والتاسع بس أحسن شي زوجي دخل معاي كان ممنوع يدخل بس كلمة الدكتوره وقبلت وزوجي شاف البيبي احسه انبسط وكان مستغرب يشوف الدكتوره وهي تشتغل ويناظر الشاشه لهيت في زوجي ومانتبهت لنونو وصور ما اقدر أخذها الا اذا ولدت ودي اروح موعدي بسرعه حتى ادقق في الصور لانها تروح الى الدكتوره ع طول

[ام سهــــــــاد]

صباااااااااااح الخير كراريش ..

بناات ليش تبغوا ازواجكم يدخلوا معكم احس ما افكر انه يدخل معاااي وخاصة انه ماااااااااااارا حساس والله يابنات حتى اذ تحرك الجنين اقول له يحط ايدة ع بطني مايحب يخاف يقول ما اقدر ..
فكيف ادخلة معي مستحيل اخاف تجيه حااااله هستيرية ... ههههههههههههههههه

والخياطة ماعندي خلقية بكرية دااااااجة ..

متغربة ان شاء الله يجي زوجك وتستمتعي معة اسبوع وبعدها تولدي ...
بس وش بتسوي اذا رجعتي الجامعة من بيمسك النونو والله تعبت لك اجازتك قصيرررة ... ربي يكون بعونك ..

يالله اشوفكم ع خير يا رشيقاااات >>>تشجيـــــــــــــــــــــع ...

[سرووءة]

يسعد اوقاتكم كروشات
اخباركم كلكم
انا بخير والبنوتة بخير
بالنسبة للخياطة التجميلية دخلت مخي
يعني انا كيف اقول للدكتور قبل الولادة ابغا تجميلي ولاايش
موفاهمة حاجة خخخخ
وبالنسبة لدخول الزوج لولادة انا مقتنعة مليون بالمية يدخل
بس هو مرة يقلي اي ومرة يقلي لا مااتحمل
بس انا ناوية متل ماقلتو ضل اصارخ بااولادة حتا يحن ويدخل هههههههههه
وام سهاد ههههه ضحكتيني انا زوجي متلك
لما يكور بطني وتتحرك اقلو حط يدك يحطها بس وهو خايف
مدري يقلي مااقدر شي غريب
ههههههه
ريم اهلا فيكي طولتي الغيبة
انا وانتي نفس يوم الدورة
منشوف مين بتولد قبل خخخخخ

[يمكـ دروبي]

مساء الخيرااااااااااات
اخباركم ..؟؟

اممممم بالنسبه لأبرة الظهر ما افكر اخذها نهائيا << خواااااااااافه
ولا اعرف احد من قرايبي اخذها

الخياطه التجميليه .. مدري متردده هل هي ضروريه
قريت من بعض البنات يقولون بعد البيبي الثاني
اللي تبي تسوي تجميلي

دخول الزوج لغرفة الولاده اتمنى .. وكمان زوجي حاب يدخل معااااي
بس معروف مستشفياتنا في السعوديه ما يدخلونه..
ممكن يجلس لحد ما تقرب الولاده خلاص بعدين يطلعونه
كذا صار لاختي ووحده من قريباتي ..

[يمكـ دروبي]

اهلين سرووءه كيفك ..!؟

صبايا بكره عندي موعد وخايفه
مدري احس بتقلي شيء يخوفني
الله يستر .. هههههههه

[..ام بدر..]

ريم11....ياهلا نورتي التجمع من جديد وبالنسبه لتكور الجنين عادي وطبيعي بالعكس اقعد اضحك اذا سواها ودي اشوفه احسه يتمطط

توليب....البسي شي مفتوح من تحت زي التنوره او جلابيه مع اني عادي اخذ بنطلون وافسخه اذا وصلت لدكتوره بس الاريح تنوره لانك بس ترفعينها


بس بالنسبه للي باخذه وقت الطلق انا بولدي اول ماحسيت بالطلق زاد علي حطيت عالنار كوبين مويه وملعقتين كبار قرفه واول مابدت تغلي المويه حطيت7تمرات بدون نواة غلت شوي وطفيتها وشربتها واخذت دش حاار وقتها زاد علي الطلق مره روحت لاختي عشان اخذها سوت لي كوب حليب دافي وخلتني اشرب قبلها ملعقة زيت خروع وعلى طول عالمستشفى اول ماكشفو لقيو الرحم عندي 5ونص سم....وانا اتوقع من القرفه بس امانه بنات انتبهو تسوونها حتى بحملي هذا ماراح اخذ شي غير زيت الخروع لاني ماكنت ادري ان القرفه تسبب نزيف وتعسر الولاده انا ماسوت لي شي الحمدالله بس هنا في المنتذى قريت بنات يحذرون من القرفه فبصراحه ماراح اخذ شي هالمره غير زيت الخروع وبستشير الدكتوره في المراجعه الجايه عن القرفه واشوف اش تقول

[..ام بدر..]

أم بدر.. المخمليه.. ذبلت ورودك..
جيتوا على الجرح.. حكيتوا عن مواضيع متردده فيها ومشغله بالي كثير..
أول شي .. ابرة الظهر.. انا طبعا ما قد جربتها ابدا.. وهالمره ودي اجربها ومحتاره.. ناس يمدحون وناس يذمون..
ثاني شي.. التجميلية.. ودي اسويها بس بعد اسبوعين من الولاده افضل والمشكله اني ما اقدر وراي روحه للجامعة
يمكن ما يعطوني الا من ثلاث الى اربع ايام اجازه..
ثالث شي.. دخول الزوج لغرفة الولادة،، والله يا أم بدر أن الوحدة تحتار، لأن مو أي زوج ينفع يدخل للولادة..
أنا هذا الرابع وما قد دخل زوجي معاي لأن نفس المستشفى ما يسمحون..
فكرت هالمره قلت بما أني بولد بأمريكا ليش ما اخليه يدخل.. وهو ما عطاني اجابه اكيده..
الله يسهل

شوفي المغتربه لو انا بامريكا اخذ ابرة الظهر وانا مغمضه عيوووني توكلي على الله وخذيها بنت عمي ولدت بامريكا قبل 12سنه واخذتها واختها كمان اخذتها بامريكا قبل7سنين وزوجة اخوي من 8سنين وبنت عمي الثانيه ولدت امس بامريكا واخذتها دكاترتكم ابد مو مثلنا والطب عندكم متطور وهالابره مو شي جديد عليهم مثلنا....صلي الاستخاره وتوكلي على الله


اما الخياطه التجميليه الي اعرفه بامريكا مايشقون ابد لو انشقيتي خيطو الشق ولو ما انشقيتي مايشقونك هما...اسالي دكتورتك وتأكدي

بامريكا اكيد بيشجعونك الدكاتره تدخلينه انا زوجة اخوي وقريباتي الي ولدو هناك دخلوهم معاهم وكانو يصورون فيديو الولاده كلها

[رنووومة]

صباحكم عسل كيفكم وكيف الحمل معكم

قرأت يلي فات وابرة الظهر لسه بسوريا مو معروفة كثير منهيك ما بفكر اعملها لسه ما عندهم خبرة وهون اكيد ما بخلوا الرجال يوت وانا ما بحب يفوت ممكن تتغير نظرته بس كل واحد حسب نفسيته بتصور

متغربة وشذى ويمك دروبي ريم ميامي حلمي وفوفو والمخملية وكلكن كيفكم

[رنووومة]

أم بدر كيفك هلأ وكيف الثقل معك انشاء الله احسن

[رنووومة]

بكرة الصبح بدي اروح للدكتورة نحدد موعد الولادة ادعولي الله يعونها يا رب

[..ام بدر..]

مساء الخيرااااااااااات
اخباركم ..؟؟

اممممم بالنسبه لأبرة الظهر ما افكر اخذها نهائيا << خواااااااااافه
ولا اعرف احد من قرايبي اخذها

الخياطه التجميليه .. مدري متردده هل هي ضروريه
قريت من بعض البنات يقولون بعد البيبي الثاني
اللي تبي تسوي تجميلي

دخول الزوج لغرفة الولاده اتمنى .. وكمان زوجي حاب يدخل معااااي
بس معروف مستشفياتنا في السعوديه ما يدخلونه..
ممكن يجلس لحد ما تقرب الولاده خلاص بعدين يطلعونه
كذا صار لاختي ووحده من قريباتي ..

شوفي انا الي حمسني كثير اخذ ابرة الظهر اخر اربع شهور اعرف5بنات ولدو واخذوها وشجعوني كثير اخذها...انتي عشانك بكر ماتعرفين الولاده فماتفكرين فيها لاكن انا جربتها واعرف اش قدامي عشان كذا مرعوبه ومن الحين افكر فيها ولا فيه دكتوره رحت لها ماسألتها ولا احد سبها كلهم مدحوها وحمسووني


شوفي انا اقولك ولسروءه وكل البنات الحوامل الخياطه التجميليه ضروووووورريه ومثل ماقلت لكم تفرق عن العمليه التجميليه

الخياطه التجميليه...تنعمل وقت الولاده وهي عباره عن انو مايبان انك انشقتي والاحم احم حقك مايتغير شكله بس زي لمن يسون اي عمليه في جسم الانسان يده بطنه ويخطونها تجميلي(يعني مايبان الشق ويكون شكله طبيعي)

العمليه التجميليه.....هذي تنعمل بعد كذا ولاده اذا حسيتي نفسك من تحت (المهبل) وااااسع وقتها يسونها بعد الولاده باسبوعين ماتتسوا وقت الولاده
الدكتوره تشق المهبل وتقص منه وتضيقه وتخيطه وتخيطك من برا تضيق كمان الفتحه

اتمنى فهمتو الفرق بين الثنتين...والله يابنات الخياطه العاديه مو حلوه ويصير شكل الاحم احم موحلو وتنحرجين من زووجك كثير

انا بولدي سويت خياطه تجميليه وهالمره لازم اسويها وانصحكم تجربونها

وبالنسبه لزوجك...المستشفيت الاهليه تدخل الزوج انتي اسالي دكتورتك وشوفي

[..ام بدر..]

رنومه...اهلييين انا الحمدالله بخير كيفك انتي والله يسهل عليك يااارب ويسر ولادتك

[رنووومة]

الله يسلمك حبيبتي ام بدر انا منيحة بس معدتي لساتها تاعبتني وخصوصي لما باكل ايا شي والحمد لله

[يمكـ دروبي]

ام بدر

يا بعد عمري ماقصرتي ..
وان شاء الله اسالها واشوف عن الخياطه وانو زوجي يدخل معي

رنومه ..
هلا بك حبيبتي ..اخبارك ..
انا تمام الحمد لله

[رنووومة]

انا البنتين جبتهم قسصري وهلأ كمان قيصري بس الله يستر انا خايفة من النزف اصلي المرة يلي فاتت نزفت كثير وهلأ كمان بحس دمي بنوب ما فيه تركيز يمكن من فقر الدم والله اعلم

[ام سهــــــــاد]

يسعدلي مساكم حبوبات

يمك دروبي ليش الخوووف توكلي ع الله روحي وان شاء الله تتبشري باللي في خير

زنووومة ربي يكون بعونك صح انتي يسووا لك قيصري الله يقومك بالسلامة بس حاولي تاكلي زبيب اسود او تنقعية من الليل وتشربية الصبح مثل ما قالت ام بدر حلو لفقر الدم انا طبعا بدأت اسوي هالطريقة لان دمي كان 11ونص ولما تركت حبوب الحديد نزل 10 وخاصمني الدكتور بس ما حبيت الحبوب قلت استخدم الزبيب يوميا ..

سرووءة يسعدك رجالنا حساسين .. سبحاان الله مايحسوا بالشعور اللي احنا نحس فية لما البيبي يتحرك والله اني اطير فرح اذا تحرك ...

ام بدر يعطيك العافية ع التوضيح ...

[white sugar]

سلام يا كروشات .. ماشالله اتكلمتوا فمواضيع مهمة اليومين دي

انا عن نفسي من البداية مكلمة دكتورتي على الخياطة التجميلية وكل ما رحتلها فكرتها عشان ما تنسى
وعلى دخول الزوج وقت الولادة اكيد حخليه يدخل لاني بولدي دخلته الين ما ولدت ، مسكين اتبهدل معايا تخيلو كان صايم وما فطر الا عالعشاا بعد ما ولدت

ابرة الضهر انصحكم فيها لانها تخفف عنكم كتيييييييييييييير وان شاء الله راح اخدها المرة دي كمان

[أم رزاان]

مساء الخير يالغوالي
كيفكم جميعاً وحدة وحدة وفرد فرد ؟ :)
اللي تبغى يدخل معها زوجها .. في الحكومي والله لو ايش مايصير لك مايدخلوووه !
لكن خاص لو هو طلب ( ركزي هو !! ) ^_^
لو هو طلب بيدخلوووه عاااادي !

وبالنسبة للخياطة أثناء الولادة اتوقع مافي مستشفى مايعملها سواء خاص
او حكووومي .. طلبتيها او ماطلبتيها !
طالما صار فية قطع توسيع بيعملوها على طول
حتى لو رفضتي مايردوا عليك !!!

العملية التجميلية رحت لدكتورة قبل خمس ايام
وكان معي زوووجي وقلت لها بعملها
قالت طيب .. لو تبغي تعالي بعد يومين وجيبي معك احد ( اختك .. أمك .. اي احد يكون معاك ) !
وطلبت تكشف من تحت hwaml10
وكشفت وقالت لي .. قومي بلا دلع !
مين اللي زارع بمخك إنك لازم تعملي عملية تجميلية !! hwaml4
أنا سمعت كلامها جاني احباط .. وتحطمت وربي .. وماكنت ابغى زوجي يسمع !
لاني اعرفه بيقولي قلت لك بس أنت عنيدة وكله من صاحباتك في النت هههههههههههه
تراه مايقصدكم hwaml02

المهم رحت فرحااانة .. hwaml03 ورجعت بخفي حنين hwaml15

[..ام بدر..]

رنومه صدقيني الزبيب الاسود بيرقفع الدم كثيير وبتدعين لنا جربي وماراح تخسرين شي بالعكس بيزيد الدم عندك والافضل تنقعينه الليل والصبح تحطينه بالخلاط وتشربينه وطعمه مرره حلو

ام رزان الحمدالله افتكيتي من الخياطه التجميليه ودامك ماتحتاجيها الحمدالله استمري على تمارين كيجل وبتشوفين النتيجه ولا اروووع

كروشات الافرازات كثررررت عندي مررره والدكتوره البارح تقولي طبيعي نهاية الثامن والتاسع كذا بس انا قررفت على طول بالفوط اليوميه انتو مثلي؟؟

[سرووءة]

ام رزان اهلا يالغالية
هههههههههه ضحكتيني وربي
طيب خلص مزال الدكتورة قالتلك مافي داعي للعملية بلاها
خخخخخ
منيح زوجك ماسمعها
كيفها ليونة اكيد كبرانة متى راح تورينا صورها
عشان نتحمس ونولد بدري خخخخ

[أم رزاان]

هلا بالغاليات
ومساكم سعااادة ياااارب

أم بدر الإفرازات طبيعي ياقلبي
يالله هانت مابقي لكم شيء وترتاحوووون :)

سرووءة والله ياقلبي زوجي سمع كلام الدكتورة
وهي قالت له ما انصحها ابداً تعمل العملية لأنها مو محتاجتها !
بس الفكرة لسى براااسي وماراح استسلم ^_^

وبالنسبة لبنتي الحمد لله صار وزنها 2 كيلو و100 غرام
بس تصدقي عصبية مرة يعني اعطيها صدري ولو مامسكتة من اول مرة مستحيل
ترضى تأخذة .. ! :(
وإن شاء الله بصورها لكم تشوفوها :)

حلصتوا تجهيزاتكم ولا لسى ؟! :)

[فوفو سكر]

هلا ولا ام رزان شهالغيبة كل هذا من ليونه ههههههه الله يخليها ويحفظها ادعيلي اولد هالاسبوع او الاسبوع الياي

لاني تعبت حتى امي مسكينه وايد تحاتيني تقولي متى تولدين ويرتاح قلبي باجر عندي مراجعة عند الاستشارية ان شاءالله خير

[سرووءة]

ام رزان
يلا انشالله يقتنع زوجك
واذا انت حابة تسويها لازم تقنغي بطريقتك وتقوليله انا عشانك بسويها ^^
انا خلصت تجهيز البنوتة باقي اغراض الصيدلية
وانا لي جبت فستانين نوم للمشفا خصوصي للرضاعة
واحد جبته من واحة الجلابية وواحد ام زوجي جابته لي
وجبت مفرش السرير
ولسا لازمني ستيانات للرضاعة وكم قطعة داخلي كيلوت يعني
وكم غرض يعني قلت بجيبهم بيوم واحد انشالله
^^
اذا نسيت شي ذكروني

[..ام بدر..]

مرررحبا حبوبات وين الكروشات اليوم

ابشركم اليوم جاني شوي مغص <<فررحت لمن. حسيت فيها

[..ام بدر..]

بناات متى راح تلبسون المشد من اي يوم بعد الولاده؟؟
واي نوع من انواع المشد راح تلبسون؟

[ريم11]

ريم 11.. هلا بك والله طولتي الغيبه وفقدناك..
وش اخبارك والتعب ؟؟ لا تشيلين هم أبدا تكور البيبي بالبطن والتحجر شي طبيعي..
أنا والله طول الوقت بطني كذا

هلا متغربه انا الحمدلله انتي اخبارك ..؟
الحمدلله انه طبيعي الله يسهلها يارب


ريم11....ياهلا نورتي التجمع من جديد وبالنسبه لتكور الجنين عادي وطبيعي بالعكس اقعد اضحك اذا سواها ودي اشوفه احسه يتمطط

هلا فيك ي روحي
هههههههههههههههآآى من جد شكله يتمطط
يا فديتهم

ريم اهلا فيكي طولتي الغيبة
انا وانتي نفس يوم الدورة
منشوف مين بتولد قبل خخخخخ

هلا فيك زوود
صح انا وانتي نفس اليوووم
الله يسهلها يارب

[white sugar]

ام بدر ليش فرحانة عشان المغص قوليلي عشان افرح انا كمان
هل هوا دليل على قرب الولادة

[المخملية]

صبااح الخير كراريش
كيفكن؟؟
سرووءة...يابنت ياكسولة خلاص خلصي أغراضك والا عشانك بكرية حاطة ببالك تطولي
ايش دراك يمكن أول وحدة فينا تولد هوا انتي يمكن حتى قبل أم ليان
أتوقع لو صاار تنهار ام ليان
ياقلبي عليهااا مدري شخبارهااا ؟.. مختفيه هاليومين
أنا رحت اليوم للصيدليه وخلصت بس بقي أرتب شنطتي ...

أم بدر ... مبروك على المغص هههههههههه
صرنا نبارك بعض علي الألم والمغوص ,,, الله المستعان
والمشد على قد ماأقرا ماينصحون فيه من أول أسبوع
عشان يرتفع شوي الرحم
أنا ممكن ألبسو بعد أسبوع أو بعد 5 أيام بالكثير
ومو عارفة للأن أيش أستخدم مشد
أمي تقولي الشماااغ أفضل شي
المشكلة بحملي الأول أستخدمتو مرة وبطلت
بس أنا غلطت بحاجه
هوا وقت النوم تفكيه
أنا خليتو حتى وقت النوم وضايقني كثير وكمان ماشديتو زي الناس وانبرم الين فوق
والأفضل تربطيه وأنتي منسدحه لان البطن يختفي
زي وانتي حامل شفتي لما تنسدحي على ظهرك بطنك يصغر
فالأفضل تنسدحي وتربطي
بس تدري شماغ واحد ماراح يكفي يمكن أشتري قماش زي نوعية قماش الشماغ واخذ كم متر زيادة والف علي بطني

رنوومة...الله يسهلك وييسرلك الموعد...
بس أختاري تاريخ مميز هههههههه

أما بخصوص دخول الزوج ... أنا أأيد وبشدة دخولو
بس للأسف زوجي مسافر وماراح يجي الا بعد مااأخلص نفاس بشهر
أنا بولادتي الأولى دخلتو معايا
صح تعب وداخ وكان حيغمى عليه بس هو جلس أول ماحس بالدوخه
وماأكل شي مررررة...وكمان رافض أنو يدخل معايا مرة ثانيه
بس أنا حأصر عليه لكن بولادتي الثانية أن أشاء الله
يلا بحملي الأول أخذت تخدير كلي وماشفت بنتي لما طلعت هوا شافها وانفجع لان طلعت لونها رمادي اتوقع انكتمت ومابكت على طووول
فأن أشاء الله بولادتي هذي أخذ تخدير موضغي وأشوف بنتي نيابه عنو هههههه

[المخملية]

وايت سكر.... بيني وبينك 5 أيااام
أنتي قبلي ....
متى أخر دورة لك؟؟
أنا دورتي بـ 20 - 8

[..ام بدر..]

سكر ابيض....المعروف ان هذا المغص والالام(الطلق الكاذب)يعتبر زي التمارين للرحم عشان يستعد للولاده ويفتح بسرعه وقت الطلق

المخمليه...بدل ماتشترين قماش اشتري المشد الاندنوسي يجي 10متر ومررره حلو بس لازم تفكينه وقت النوم واذا صحيتي البسيه
وبصراحه حلو زوجك مابيجي الا بعد شهر من نفاسك ترتاحين بنفاسك وماتشيلين همه ويجي وانتي وقتها ان شاءالله بخير ومتعافيه

[..ام بدر..]

بنات استغفرالله صرت اكره وقت النوم...لاني اعرف اني مابنام ولا برتاح :(

[white sugar]

مخملية .. انا ما امشي عالتاريخ الهجري بس لما حولت التاريخ طلع يوم 14-8 اخر دورة جاتني

ام بدر يعني افرح زيك .. انا المغص من السابع وهوا يجيني اما الشهر دا زاد تقريبا يوميا يجيني مغص بس على خفيف طبعا
ازا هوا من علامات قرب الولادة الله يكتره كمان وكمان ، مع اني مابى احس بالوجع

لسة اليوم بتكلم مع ماما وبقلها انا ماحسيت بالطلق اللي يقولو عنو البنات يعني اقوى من الدورة بس مو هداك اللي يموت لانو نزلت عليا الموية .. قالتلي لااااااا الم الطلق غير ما يخليكي تقدري تتنفسي حتى .. صراحة خفت مع اني مهيئة نفسي للولادة ومو شايلة همها

[الدلال والدلع]

اهلين كروشات كيفكم ان شاء تمام ابسال للي جابوا اطفال ابساكم في المولود الاول



كم اخذتي من التاسع وولدت

[المخملية]

أنا كنت أبغي أشتري المشد الأندنوسي بس لما قريت في النت فيه ناس تمدح وناس ماتمدحو بعكس الشماغ أو القماش محد ذمو
وعموماا المشد الاندنوسي يمكن حلو من ناحيه انو اريح بدل قماش وتعديل ومن هالكلام
بس لو فكرت اشتريه ماادري من فين ...وأنا خلاص ماعاد فيني للأسواق
اليوم نزلت للسوبر ماركت وبعدين للصيدليه احس اني تعبت
لما اروح لجدتي ارجع مرهقه كأني أهد جبل مو كأني رايحه زيارة الحمدلله على كل حال
أصلا شايله هم مشواري للدكتورة
لان اهلي يبغون يروحون معايا عساس نتمشى بعد العيادة
وكمان يبغالي نزلة اشتري فيها شوكلاتات وكم حاجه للضيافه
أفكر أشترري صحن شفتو عند خالتي سألتها من فين اشترتو تقول من يابلاش
مرة حلووو
يكووون مستطيل كبير ومقسم لأقسام وله غطاء والصحن شفاف وله يدين من الجوانب
فكرت اشتري فواكه مجففه ولدو ولبنيه ومعمول واوزع في الصحن واشتري صحن ثاني تشوكلت ونوعية تمر فاخر ممكن نوع سادة ونوع بالسمسم وارتبها بصحون
وبكذا اريح أمي من هم الضيااافه....~
بس جد شايله هم النزلة للسوق خاصه ان ابويا عصبي مررررة اليوم علي اعصابي نزلت ... ~

أيش فكرتو للضيافه يابنات ..؟؟

[white sugar]

اهلين الدلال والدلع .. انا تقريبا اسبوعين من التاسع
وان شاء الله المرة دي كمان ما اكمل واولد بدري :d

[..ام بدر..]

انا اخذت التاسع وزيااده في حملي الاول

والمشد الاندنوسي جربته بنفاسي الاول وارتحت معاه كثير وان شاءالله هالمره كمان استخدمه

[((ام ليان))]

صباح الخير
كيفكم اش اخباركم اليوم رحت موعدي اخر موعد لي وبعدها موعد الولادة ان شاء الله يارب
حللت كل شي تمام بس قالت ليش وزنه صغير 2كيلو و500غرام وسالتني تقول اولادك دائما كذا اوزانهم
قلت لا وقت الولاده كلهم 3كيلو خوفتني بسالتها يارب تسهل لنا الولاده ونشوفهم سليمين
دلال ودلع بولدي الاول حددت لي في 20 رمضان وولدت في نفس اليوم
المخملية انا افضل الشماغ لانه مره حلو خالتي اشترت مشد اندنوسي بس ما استخدمته الا مره اذا انتي من الرياض
هي لقيته في اسواق الرياض الدولي

[white sugar]

أيش فكرتو للضيافه يابنات ..؟؟

انا الين دحين ما فكرت فشي غير الشوكولاتة ابى اجيب نوعين للمستشفى افكر اجيب صينية او علبة حلوة وسط واعبيها من الشوكولاتة اللي مو مغلفة زي اللي في شوكولاين لانو تخلص بسرعة

وللبيت عندي صحن تقديم حق شوكولاتة كبير افكر اعبيه شوكولاتة تغليفتها ماشية مع اللون اللي بسويه للغرفة
طبعا المعجنات لازم تكون فرش فنفس اليوم تعبيها يعني ما تنفع تتجهز من بدري ، في محل اسمه المبتغى يسوي معجنات مرة رهيبة شكل وطعم بس صراحة غالي الكيلو ب 300 نفسي اسوي منه بس مستخسرة

وللتوزيعات مترددة اني اسويها قلت ازا سويت سابع راح اسويها .. وبس

[المخملية]

أم بدر... الله يعينك ...
أنا أجلس علي اللابتوب في الظلام لان بنتي واخواتي نايمين
واخواتي بسن مدرسه
فأنسدح علي السرير واللابتوب جنبي اجلس عليه الين ادوخ
واقفلو علي اساس ابغي انام ومايجيني النوم
مع انو فيني نوم بس زي القلق وجسمي شي زي التقريص...
قلت بسأل الدكتورة يمكن يكون نقص فيتامين ...تعذيب هالتقريص وغير الحرارة الي بجسمي وخاصه رجلي
بس الصقها بالجدار ... أما المغص اذا جاني افرح فيه واقعد احسب له ههههههه
واقوم ارجع للأيفون اكمل عليه الين انام
تدري متى انام ؟؟,,,... قبل الصلاة بساعه او اقل
أعوذبالله ابليس يخدرك ... وتصحيني ماما ومع رجة اخواتي اقوم اصلي وارجع ابغي انام لكن مااااش يطير ثاني
فأرجع اطقطق على الايفون اذا زوجي فاضي اكلمو واذا لا ابحث بأي شي الين يقرب الظهر وانام
واصحى علي صلاة الظهر وجية اخواتي ومضارباتهم ...يالله مرة مزعجين
وبس هذا نظاامي من دخلت الثاااامن حتى الصداع صاار ملازمني ووجهي صار شاحب اخص من اول

وبخصوص زوجي...صح انو حلو مايجي الا انا مخلصه وناويه على برنامج عنايه بالجسم
ابغي اهتم وابغى اربط بطني وابغى امشي وابغى وابغى ... فحلو انو بيجي بعد النفاس بشهر
بس بصراحه انو وجودو بهالشهرين الاخيره مهم بالنسبه لياا ... بس يلا الظروف تجبرنا ..

الدلع والدلال...أنا أخذت التاااسع كلووو
بس أن أشاء الله أولد يدري في هالحمل

[..ام بدر..]

المخمليه انا اغلب الي راح يباركون لي بيجوني بعد ما اطلع من الاربعين
لانو انا اولد وتجي امي من ابها في شقتها يادوب عشر ايام يزورنا فيها اقاربنا بنات عمي وزوجات خالي واروح مع امي ابها اكمل نفاسي وهناك بتكون تجهيزات امي للضيافه عشان الجيران واهل زوجي بيجوني....وبعد ما ارجع بيتي يجوني جاراتي وصحباتي وزوجات اصحاب زوجي....من اليوم لهذاك اليوم اشوف اش بسوي مافكرت صراحه

[..ام بدر..]

المخمليه انا اشوف النوم صار متعب لاني لو انام على جوانبي اتعب من الم الحوض ولا اقدر انام على ظهري لانو خطيير عالجنين....اتعب وانا اتقلب ولا ارتاح على اي جنب وكل شوي اصحى من الالم ينزل حتى على الورك والافخاذ

[آجمل شيء]

آخباركم بنات


فاتتني صفحاات كثيرة


اتمنى الكل بخير

[المخملية]

أم بدر... طيب قولي لنا تجربتك بالمشد الاندنوسي ... كيف بطنك راحت..؟؟

أم ليان... هلا ياقلبي ... لا أنا مو من الرياض من جدة ياقلبي ..
بس أتوقع انو الاسهل لي قماش او شماغ
مافيني انزل لسوق الا مرة وحدة

وايت سكر...
أنا ببنتي سويت توزيعات وتندمت عليها
تعرفي ليه؟
لاني جهزتها وحطيتها عندي بالغرفة واوزع منها على ضيوفي تخيلي فيه ناس مهمة وناس زي صاحباتي وجدد عليا وناس من طرف زوجي مااخذو من التوزيعات لانها خلصت وكمان عيب هالشي اني اوزع بالقطارة
بعكس لو سويت سابع وسويت توزيعات مرة وحدة للسابع ويصير اوزعها دفعه وحدة احسن
لكن ماسويت خليتها صدقه ببنتي لان زوجي على وجه سفر ومو فاضي
وهالمرة افكر اسويه صدقه لان زوجي كمان مو موجود
يمكن لاجبت الولد اسوي سابع هههههه بس اخاف يقولون فرحت بالولد أكثر من البناااات
عاااد يعع اكره هالتفكير الي في الناس

[white sugar]

ام بدر جربي تحطي مخدات من الجنبين وكل ما قلبتي تخلي المخدة بين رجولك وشوية تحت بطنك
منها تريحك وترفع الضغط على بطنك .. انا كدا من يوم ما دخلت الرابع الين دحين ما ارتاح في النوم الا بدي الطريقة

[..ام بدر..]

اهلين اجمل شي .....الحمدالله كلنا بخير وفي انتظار الولاده...انتي كيفك؟؟

المخمليه....وين بتولدين ان شاءالله

[آجمل شيء]

هلا ام بدر ...


الحمد لله ماشي الحال ثقل وتعب ونفسية وانتظاررر وقل نوم


توقيتك نفس توقيتي ...الله يسهلهاا يارب

[..ام بدر..]

سكر...ما انام الا ومعاي 4مخدات وحده تحت راسي ووحده بين رجولي ووحده عاليمين والثانيه عاليسار واذا جاتني الكتمه وانا نايمه رفعت نفسي بالمخداات اصير انام وانا مثل الجالسه

المخمليه...الحمدالله جربت المشد الاندنوسي والنتيجه جدا جدا رااااائعه وانصحكم فيه....يشد البطن ويخصر ويرفع المؤخره

[المخملية]

وايت سكر...كثرت عليك أسئلة
بس متى حددت لك الدكتورة موعد الولادة؟؟

أم بدر... بسليمان فقيه أن أشاء الله
ببنتي ولدت فيها وأن أشاء الله هالمرة فيها كمان
أيش رايك نتقااابل ههههههه
بس بكشك الولادة وأحنا نطلق ههههه
والله يعينك بنومتك
أنا اعاني من الشد العضلي برجولي هذا اكثر شي والحموضه يالله يالحموووضه حاجه فضيعه

[..ام بدر..]

اجمل شي...يالله خلينا نشوف من تسبق خخخخخ
الله يكتب لنا الساعه الطيبه اجمعين ياااارب ويهون علينا الطلق ويسهل لنا الولاده انه القادر على كل شيء

[white sugar]

سكر...ما انام الا ومعاي 4مخدات وحده تحت راسي ووحده بين رجولي ووحده عاليمين والثانيه عاليسار واذا جاتني الكتمه وانا نايمه رفعت نفسي بالمخداات اصير انام وانا مثل الجالسه

المخمليه...الحمدالله جربت المشد الاندنوسي والنتيجه جدا جدا رااااائعه وانصحكم فيه....يشد البطن ويخصر ويرفع المؤخره

الله يعينك حبيبتي .. كم استخدمتي المشد ومن فين جبتيه؟

[..ام بدر..]

المخمليه...تعرفين الطحينه حقت التمر او الطحينه العاديه خذي منها ملعقه تريحك كثييييير كثيييير كثير هو الشي الي يريح من الحرقان والحموضه ماينفع معاي لا دوا ولا خيار ولا زبادي بس الطحينه الي ارتاح معاها

ومين الدكتوره الي بتولدين عندها في فقيه؟؟

[..ام بدر..]

وايت سكر...بديت في المشد من خامس يوم في الولاده وطول اليوم فيني افكه وقت النوم بس....جلست عليه 20يوم او25والله ناسيه بعدها كملت بالمشد العادي الين خلصت الاربعين........وسؤالك من وين اشتريته اشوي وابكي لاني مو متذكره من وين شاريته ابي اشتري الحين لان حقي رميته وما ادوي بس سمعت انو ينباع في محمود سعيد بدورله هناك وادور عليه في البقايل الاندونيسيه

[white sugar]

وايت سكر...كثرت عليك أسئلة
بس متى حددت لك الدكتورة موعد الولادة؟؟



انا قالتلي من 21 الى 23 دا موعد ولادتي بالاجنبي طبعا بالهجري اتوقع 29 وادخلي على الشهر اللي بعده ههههههه .. بس ماراح امشي على كلامها معطية نفسي امل اني اولد قبل

نصيحة للحموضة في دوا اسمه نيكسيوم كتبولي هوا في المستشفى اخد حبة قبل الفطور والله ما احس بشي طول اليوم لو ايش ما اكلت او شربت

[..ام بدر..]

كروشات حبايبي...استأذنكم لازم اقفل النت عشان انوم ولدي الله يهديه سهران للحين

تصبحووووون على خير واحلام سعيده

[white sugar]

وانتي من اهله :)

[المخملية]

أم بدر... الطحينة او السمسم الي تقولي عنو عندي منو يبغالي اجرب
كل مرة نجرب شي والله يعين
وان اشاء الله حأولد عند اسماء شحرور

وايت سكر ... اذا انتي 29 وانا بعدك يخمس ايام يعني زي ماحسبت لنفسي 4 بشهر جماد الاخر
مع ان الدكتورة قالت بأخر جماد الاول
بس انا متأملة خير بأن حأولد بنص التاسع يعني قبل اخر شهر 5
يآآآآآآآآآآآآآآآآآرب

[white sugar]

انشالله تولدي قبل ما تخلصي الشهر
وانا معاكي كمان هههههههههههههه

[((ام ليان))]

‏​‏​‏​‏​‏​‏​دعــــــاء يريح البال باذن ‏​اللـّه
آلِلِهمَ بشرَنْيَ بآلِخِيَرَ گمّآ بشرَتِ يَعِقَوب بـيوسِفِ وبشرَنْيَ بآلِفِرَحِ گمّٱ بشّرَتِ زِگرَيَآ بـيَحِيَى ..
يَاحَيْ ياَقَيُومْ اسْأَلكَ بِحَاجَة فِي دَاخِلْ إلقَلْبْْ وأنتَ اَدرَىْ بِهَا آلَلَـَهمَ آرزقَنيّ فرَجاً قريْباً و نصّراً قريْباً برحّمتَگ يآ أرحْمَ آلراحّميْنَ..
الْلَّهُم ارْزُقْنِي الْرِّضَى وَرَاحَة الْبَال الْلَّهُمَّ لاتكسّرِ لِيَ ظُهْرَا..وَلاتُصَعبُ لِيَ حَاجَةٌ...وَلاتُعْظّمْ عَلَيَّ أَمْرا
الْلَّهُمَّ لاتَحَنِيّ لِيَ قَامَةٍ ... وَلا تَكْشِفْ لِيَ سِتْرَا...وَلاتُفْضّحُ لِيَ سَرَّا
الْلَّهُمَّ انَّ عَصَيْتُكَ جَهَرَا ..فَاغْفِرْلِيْ ...وَانْ عَصَيْتُكَ سَرَّا فَاسْتُرْنِيْ الْلَّهُمَّ لاتَجْعَلْ مُصِيْبَتِيْ فِىْ دِيْنِيْ ...وَلاتَجْعَلْ الْدُّنْيَا أَكْبَرَ هَمِّيْ الْلَّهُمَّ لاتَجْعَلْ ابْتِلائِيّ فِىْ جَسَدِيْ وَلا فِىْ مَالِيْ وَلا فِيْ اهْلِيْ
الْلَّهُمَّ لا تُمَكِنِ مِنِّيْ حَاسِدٍ..وَلاتُفْرّحُ بِسُقُوْطِيْ اعْدَائِيَ
الْلَّهُمَّ إِغْنَّنِيّ بِحَلالِكَ عَنْ حَرَامِكَ ..وَبِخَشْيَتكِ عَنْ عِصْيَانِكَ
الْلَّهُمَّ انَّ دَعَانِيْ مِنْ لايَخَافُكَ إِلَىَ حَرَامٍ ...فَاحْفَظْنِيْ كَمَا حَفِظْتُ مِنْ الْحَرَامِ يُوَسُفَ الْلَّهُمَّ انَّ ضَاقَتْ عَلَيَّ الارْضُ بِمَا رَحُبَتْ فَأَغِثْنِيْ بِرَحْمَتِكَ الَّتِيْ أَغَثْتَ بِهَا صَاحِبُ الْحُوتِ
الْلَّهُمَّ انَّ رُفِعَتْ لَكَ يدَيِيّ أَدْعُوْكَ بِحَاجَةٍ ...فَلا تَرُدَّ يَدِيَ بِلا حَاجَتِيْ وَانْتَ الْكَرِيْمِ الْلَّهُمَّ إِرْزُقْنِيْ مِنَ الْرِّزْقِ الْحَلالِ ..مايُغنِيْنِيّ عَنْ سِوَاكَ الْلَّهُمَّ إِمْنَحْنِيْ مِنْ الآمَانَ ...مايَجْعَلْنِيّ أَنْعَمَ بِنَوْمٍ الْطِّفْلِ فِيْ مَهْدِهِ
الْلَّهُمَّ ارْزُقْنِيْ ذُرِّيَّةِ صَالِحَةً ..تَسُرُّنِي فِىْ شَبَابِيْ ..وَتَسْتُرُنِيِ فِىْ شَيْخُوْخَتِيْ !
الْلَّهُمَّ انْصُرْنِيْ عَلَىَ الْنَّفْسِ الأمَارَةَ بِالْسُّوْءِ الْلَّهُمَّ لا تُمَكِنِ أَبْلِيْسُ مِنِّيْ اللّهم آمين}}}

[..ام بدر..]

صبـــاااح الوررد

ام ليان الله يجزاك خير عالدعاء ويفررج كربتك ويسهل عليك ياارب

ااه ياكروشات وانا نايمه كنت ابي الحمام الله يكرمكم وقمت بسرعه وجاني شد في بطني جهة اليسار ااااااه مؤلم مرررره

[ام سهــــــــاد]

يسعدلي مساكم .........

مشكوورة ام لياان ع الدعاء بحفظة عندي ربي يجزاك خير ...

ام بدر سلامتك شوي شوي ع نفسك لا تنسي انك مو رشيقة يادددوباا ...

بناات الحين انا عندي سؤال احترت فية التمر والرشاد متى ااكلهم ناس تقول بداية النفاس وناس تقول بالعشرين الاخيرة ايهم الصحيح ...

[سرووءة]

يسعد اوقاتكم كروشات
المخملية هههههه
ماادري ليش هالكسل يلي فيني
يمكن عاطية حالي مهلة لان الكل بقلي لانك بكرية راح تسحبي شهرك كله
قمة التحطيم صراحة كل يلي حولي يقولو كدا وانا عندي احساس اني بولد بنهايتو
الدكتورة قالتلي موعدك المتوقع تقريبا 4/19 ميلادي
وطبعا على حساب دورتي اخر يوم لي بالتاسع هو 4/25 ميلادي
يارب اولد بنصه
اصلا الكسل واصل فيني لدرجة
ان لازم اطلع ابها عشان ازرو المشفى وافتح ملف واشوف الدكتور
بماان ولادتي راح تكون بابها انشالله
انا ساكنة بجيزان وبينا وبين ابها 3 ساعات بللسيارة
ناوية اخر التامن اروح روحة افتح ملف واشوف الدكتور وارجع
ومرة تانية بروح بنص التاسع عشان الولادة
مع ان يمكن لازم اكون هناك اول التاسع عشان اذا صار شي فجاة بس ماقلتلك لاني بكرية مبردة قلبي
خخخخخ
انشالله بحاول هالاسبوع اخلص كل شي

وبخصوص المشد
تنصحوني استعمله
عنا بسوريا في مشدات تنباع بالصيدلية خصوصي لبعد الولادة تجي ملمسها قاسي
ويجي خصوصي للبطن
تنصحوني في
عشان اوصي امي تبعتلي منه

والله يابنات نفسيتي اليوم مرة منهارة من وقت فقت شفت الاخبار وانا ابكي
شي لاعاد يحتمل ابدا
نفسي انام وافيق والاقي كل يلي يصير بسوريا حلم وراح
بس للاسف هاد الواقع
تعبت مرة خايفة على اهلي
ندمت لان مانزلت ولدت هناك وكنت جنبن
يالله تفرجها يارب :(

[ام سهــــــــاد]

حبيبتي سرووءة والله كلنا مؤسفنا الحال بسوريا لكن يجي يوم للظالم وربي ينصرهم عاجل غير اجل والله ندعي لهم ...

والله يحفظ اهلك يارب من كل سوء ...

وين ساكنة بجيزان يمكن نتقابل يوم من الايام والله ونااااااااااااسة ...
البارح وانا ع البحر ورحت مجمع الراشد مشيت ساعة كاملة فية ......
وكم بتجلسي بابها اذا ولدتي ..
والله تفائلت اننا نتقابل ونتعرف ع بعض لووووول وناااسة ..

[سرووءة]

ام سهاد بجد انتي بجيزان ههههههه
انا بمخطط 6 والله فرحتيني
عند اي دكتورة تتابعين
انا بمستوصف العميس الدكتورة عبير المصرية
هي احسن دكتورة بجيزان
وناسة اذا التقينا خخخخ ونشوف كراريش بعض
واذا رحت ابها راح اجلس بعد ولادتي اسبوع او اقل حسب مااقدر اقوم وارجع بالسيارة
انتي وين راح تولدي
وانت عندك اولاد ولابكرية


والله ياام سهاد من الصبح وانا ابكي تعبت
ابكي بصوت عالي زوجي موبلبيت لو كان عنا مااسترجي ابكي
النفسية تعبت من الوضع نحن عارفين ان راح ننتصر بس تعبنا صارلنا سنة عهالحالة
من كتر مابكيت والله تعبت من الصبح مااكلت شي غير كاس حليب
يمكن البكا الوحيد يلي يفش قلبي ويريحني

[سرووءة]

ام سهاد انا عم روح كل يوم امشي مع زوجي هو بيتركني عالبحر امشي وهو يروح مع اصدقائة يمشي
امل لوحدي اتمنا الاقي حد يسليني بالمشي
انا بمشي عاابحر يلي جنب دوار الصدفة عرفتيه
هناك في ممشا خضوصي جنب السد كتير اشوف ناس تمشي
انت وين ساكنة

[ام سهــــــــاد]

لا لا ابد مو مصدقة سرووءة انتي يوميا تروحي البحر ...

انا اساسا مو من نفس جيزان بس اروح وقت ما نطفش انا وزوجي وياكثر مانطفش الليلة اكلم زوجي واشوف اذا نقدر نروح بكرة او لا وارد لك خبر بس خليك متابعة هنا ...

ودوار الصدفة اعرفة ..ودايم نجلس ع البحر اللي جنبة ..
والله اني فرحانة ابشوفك انا ساكنة برا جيزان وماعندي جيران ولا اعرف احد بس نروح ع طول البحر وما اتسوق الا من جيزان ..
حبيبتي لاتضايقي حالك مايسوى عشان الجنين اسمع يقولوا يطلع النونو بكاية اذا امه تبكي كثير هههههههه..

[ام سهــــــــاد]

انا بكرية وتو متزوجة لي تقريبا سنة الا شهر ..
امممم وما اراجع بجيزان لاني مو من نفس جيزان ..
بس اختي ولدت بمستشفى جيزان الحكومي ومرة تمدحة عنااااية واهتمااام وطيبة ممرضاات ..
في احتمال انا اولد فية بس احتمال بسيط ..

طيب سرووءة تمشي وحدك ع البحر او معك احد اذا تمشي وحدك ابمشي انا وانتي ونااااااااسة مابنحس بالوقت ..

[سرووءة]

ام سهاد
انا ماامشي عالبحر يلي يجلسو عليه الناس
امشي بالطرف التاني محل مافي زي السد عرفتي شلون
سد وفيه موية وجنبه رصيف
لا امشي لوحدي
زوجي يتركني ويروح بعيد يمشي لان انا مااقدر امشي متله كتير ويترك معاي مفتاح السيارة عشان بس اتعب اجلس وانتظره لين يخلص
يعني اروح الساعة 5 امشي تقريبا ل 5 ونصف واجلس ل 6 انتظر زوجي لين يخلص ويرجع بس اليوم والبارح مارحت لااني كنت تعبانة يعني مابروح كل يوم حسب مزاجي او حسب مااكون مرتاحة بس يوم تكوني انت اكيد راح اروح ^^
انت يعني مو بجيزان معناتا قريبة منها عشان هيك ديما تروحي عليها
انتي وين بابو عريش

وبسالك تسمعي شي عن مشافي ابها
محتارة بين مشفى ابها الخاص وبين الالماني

[المخملية]

الله الله عندنا ناااس جيرااان هههههه
يلا ان اشاء الله تتقابلو وتتسلو مع بعض

والله ينصر سوريا علي الظالم
بصراحه شي يقهر ويهز البدن لكن مانقول غير يااااارب

سروءة انا بالميلادي 26 - 4
تكون ولادتي ...
بس دكتورتي قالت اني حأولد اخر جماد الاول يعني شهر 5 بالهجري
وان اشاء الله اولد بنص شهر 5 او عادي اكمل الشهر بس ماودي ادخل بشهر 6

احس حركة البيبي هديت مو زي اول
تتوقعو الرحم صار ضيق عليه ؟

كاااان نفسي امشي اليوم بس اهلي خرجو وعندي وحدة من اخواتي نايمة اخاف اخليها واطلع السطح امشي
لان مامعي مفتاح وبخلي الباب مفتوووح
يلا بعد شووووي بقوم اتلحلح وارتب شنطة المستشفى

[ام سهــــــــاد]

فهمت قصدك يالغلا اعرف السد ..
ايوا حبيبتي قريبة من ابوعريش
واوك اذا تتيسر لي اروح جيزان اعطيك خبر حلو نتسلى وننسى الحمل وتعبة ..
وبخصوص المشافي اسمع عن ابها الخاص انة عناااية واهتماام اختي سوت عملية لولدها باذنة ومرة تمدحة
وصديقتي سوت عملية اكياس دهنية ع المبايض ونفس الشي ارتاحت فية بس والله مااعرف وحدة ولدت فية ..

استخيري الله وربي يكتب لك اللي فية خير.

[ام سهــــــــاد]

حياك مخملية ...

ياكسوووووووووولة لساتك ماجهزتيها ..

متى اخر دورة لك باذن الله تولدي قبل موعدك باسبوع بدون شر

[سرووءة]

ام سهاد انشالله نلتقى عن قريب
زوجي الحين بقلي شو رايك بمستشفى ابها الخاص
والله مدري
جالسة ادورة بالنت عليه
يلي عندها خبرة يابنات ياليت تفيدني باي معلومة

[..ام بدر..]

سروءة صاحبتي ولدت في الصيف في ابها الخاص بسألها وارد لك خبر

بس اخوات زوجي والعضوة نوري ولدو في غسان فرعون ويمدحونه وصاحبتي قبل شهرين ولدت فيه ويمدحونه كثييييير

....المخمليه ماشاءالله بتجهزين شنطة المستشفى انا باقي ما اشتريت ولا شي مو مقتنع زوجي يشوف انو باقي بدري وحاط براسه اني باخذ التاسع كله ولا بأولد الا في20شهر5او بعده..،