تجمع اللي بيولدون في شهر ذو الحجه

[sara*_*]

اخباركم بنات ازيكم وازي بيبياتكم انشاء الله مناح

[جداويه مغتربه]

قلبي مدينه ماتصدقي الين فين وصلت بالوساوس لحد اني اتخيل انه خلاص وانه بنوتاتي بيبقو من غيري وليش اشتري وليش وليش انتي كدا؟
بجد مره خوافه

[أم ســـــامر...]

قلبي مدينة...رحت عند اهلي غيرت جووو وعيدت عندهم
واللاب ماشلته معاي والحين رجعت جدة ما عندي شغلة غيره...خخخخ

[حبيبة موني]

اهليييين ساااااره

من زمااان عنك ،، كيف الكروووشه والبييييبي


جداااويه الله يعينك من الوساااوس ،، حاولي تشيلي الافكار دي من بالك ،،

[جداويه مغتربه]

انتي كدا تفكري ولا بس انا

وان شاء الله بشيلها

[GhoOosha]

يابنات احنا في فتره صعبه علينا نفسيا وجسديا على الاقل نخلي تفكيرنا ايجابي مو وساوس ومدري ايش...فكري بالنونو والتغير الجديد اللي حيصير وكده وربنا يدينا احسن من نياتانا ان شاءالله

[عسله]

الله يصبح صباحكم بالخير والسعادة والراحه .؛. امييين يارب
جمعه مباركه قماري
لاتنسو قراءة سورة الكهف الله ينور حياتكم بالخير

[جداويه مغتربه]

صباح الفل أنا أحاول قد مقدر ربكم كريم

[قلبيــ مدينهــ]

جداويه مغتربه انا زيك خوافه علما بأني مو بكريه بس ابعد الوساوس بالاستغفار والتوكل على الله والحمد لله اموري ماشيه ...

[عسله]

وين القماري
اجوان
دادو
ام عبدالله
حبيبة موني
صفاء القلب
عطر المكان
وباقي قروبناان شاءالله المانع خير

[قلبيــ مدينهــ]

sara*_* أهلين احنا مناح الله يعين كتر التفكير في الولادة ...

ام سامر الله يهون كويس انك رحتي قضيتي وقت عند اهلك ...

حبيبة موني و GhoOosha
صحيح والله لازم نبعد الوساس ونتوكل على ربنا ...

[قلبيــ مدينهــ]

عسله ... انا زيك في حملي الأول حملت على طول ورفعت تجهيزاتي لبعد الولاده بس كرهتها وما استخدمتها ... خليكي احسن مني واستفيدي منها بعد ما تقومي بالسلامه يارب...

[عسله]

بسالكم سؤال مووووهم مرااا
دحينا في الشهر التامن البيبي ينزل راسه للحوض
طيب هل لمن انا احس بالنبض اسفل معناته نزل ولا؟
انا لو دكتورتي رجعت كان سألتها وارتحت

[أم ســـــامر...]

صباااااااح الجووووووري كروشااااااات...
عسله.. قلبووو الي اعرفه البيبي يكون نازل في السابع والتاسع
والتامن بيطلع فوووق>>>الله اعلم
قلبيـ مدينة.. الحمدلله غيرت جووو وطلعنا استراااااااحه كووولنا انا واهلي
يلا احسن من غيري>>هع

[عسله]

اهااا
طيب نستنا ردود بقية العسولاااااات

[اجوان]

وحشتوني 3>

خلاص انا قررت اولد هنا عند دكتوري واخلي امي تجيني وبعد اسبوع ارجع معاها الرياض ,,الله يعيني عالطياره ,,
بس في شي خوفني ,, سمعت وحده سافرت بالطياره مع بنتها عمرها 4 ايام وبعدها مره اتاثر السمع عندها وقالوا لها من الطياره الضغط اثر على طبلة الاذن لانها كانت مره صغيره ,,تتوقعوا هالكلام صحيح ؟؟؟؟؟

حبيباتي انا رحت امس ادور رضاعات ابغى افنت لانو يمدحوها بس كلو بلاستيك وسمعت وحده تقول افنت مافي زجاج !!
مين لقت زجاج؟؟؟

مين حتعمل توزيعات للمولود زي الحلاوه وكدا ,,ومتى اعملها ؟؟؟

[الراضية بقضاء ربها]

السلام عليكم ورحمة الله وبركاته
حبيبتي أجوان مافيه رضاعات أفنت زجاج بس فيه نوع لون كرتونه ذهبي والبلاستيك يكون عسلي لونه هو الأفضل

[حبيبة موني]

عسله

كولنا بكريات ومهوييييين ماندري فين ربنا حاطنا ،،

بس ماما قالتلي انو من السابع الجنين يسير راسو تحت ويكبر على دا الوضع الين التاسع ،، بس حكاية انو كيف نعرف انو تحت مابعرفش بصراحه

بنااات انا بنووتتي ماشاء الله حركتها كثرت وقويت يارب خليلي هيا حتى بعض الاحيان تالمني ،، بس مو يقولو في الشهور الاخيره الحركه تقل !!؟؟؟؟؟؟

[حبيبة موني]

اجوان انا برضو دورت افينت قزاز مالقيت اشتريت بيجون

ممم والتوزيعات ماراح اعمل دحين لانو حولد عند ماما في الشرقيه واهالينا في جده ،، بعد النفاس ان شاء الله حنزل جده وحسوي سابع مره وحده

[عسله]

ياحياتو انا
وربي يااجوان فرحتلك انك بتروحي عند مامتك شوفي نحنا ياما
نسمع هروج قد شعر راسنا انتي اسالي دكتورك افضل شي ولاتنسي
التوكل ع الرحمن الرحيم

حكاية التوزيعات
انا بخليها ليوم السابع
بس ادا جو عندنا اهل ماما بجيب كب كيك يسونه للمواليد ع اللون اللي تبغيه
لان تبارك الرحمن ضيوف ماما كتييييييير أجيب لمين واخلي لمين هههههه

الرضاعات لاتنسي اللي تمنع الغازات من سنتربونت
تصدقي أفنت اللي اخدتها من مدركير ناسين زجاج ولا هههههههه

/
حبيبة موني
انا زيك كدا سمعت بس تبارك الرحمن احيانا ماانام من الحركه اسفل بطني
زوجي يقول هو يبغى خلاص نفرج عنه ههههههه

[عاشقة طيور الجنه]

بالتووووووووووووووووووفيق يا احلا كروشااااااااااااااااااااااات

انا موعد ولادتي 12/7

[عسله]

هلا عاشقه؛،؛

منورتنا الله يتمملك ع خير يارب

[لابسه المنفوش]

السلام عليكم كيفكم وحشتووووووني
كروشـــــــــــــــــات بليـــــــز الله يرحم والديكم ويسهل ولاداتكم
ابغــــى رقم سواق يوصل للجاااااامعه في المدينه وربي حااااااااايسه دورت الين ماطاح راسي
واهم شيء يوديني ومايودي معااااااايه درزن بنات لان العام كان يوديني واحد معاه بنات وكان يمشور فيني وانا دحين حامل كثرة الدوره بالسياره ماتنفعلي

[عسله]

كان ودي أساعدك بس للاسف
مو من المدينه ولااعرف احد فيها


الله يسهل امرك

[" قلب غيث "]

مرحباً ياحلوات
انشالله ولادتي
1/11/2011

[جداويه مغتربه]

اخباركم بنات اش مسويين انا مو من المدينه مااعرف الله ييسرلك

[ام يوسف؟؟؟]

مرحبااااا الله يتمم عالجميع ياارب حبيت استيشركم
انا اخر دوره كانت 11/3/1432 الموافق 14/2/2011
والسونار اعطاني ثلاث مرات موعد ولادتي 23/12/1432 الموافق 21/11/2011
وبعدين صار يعطيني الولاده بشهر واحد
والحين انا محتاره امشي على اي تاريخ خصوصا اني بكريه وابي اولد عند اهلي وبنفس الوقت عندي دراسه ومدري ايش اسوي اجلس عند اهلي بعد العيد او ارجع مع زوجي وعلى شهر واحد ارجع لااهلي لاني اذا حسبت لنفسي تكون ولادتي شهر 12
وانا عشان الاجازه والغياب بالكليه من دورتها مثلي واعطاها السونار شهر 12
سااااااااعدوني

[عسله]

ام يوسف
كان ودي افيدك بس للاسف مااعرف احسب

اليوم رجعت بيتي
كان ودي اجلس عند ماما لين الولاده
مرااا تعبااانه تقل والم ظهري هلكني
واحيانا احسه مرا اسفل بطني مااقدر أوقف او امشي
والاكل خلاص الحمدلله ع النعمه ماابغا شي
ماما تقولي لااشوفك تجيني ارتاحي في بيتك انا اجيكي
خلي دا الشهر يعدي خير


يااارب سهلها بتمام الخلق وهون الطلق عليا وع كل حامل

[قلبيــ مدينهــ]

لابسه المنفوش بنات اختي زيك يعانوا من المواصلات اتعاملوا مع شركه اسمها (العاديات للنقل الجامعي) ويشتكوا من اللفلفه ويتعبواعبال ما يوصلوا للبيت..

أم يوسف انتي مابين اخر شهر الحج او اول محرم وعشانك بكريه ممكين تتأخري شوي والله اعلم ...

عسله ينزل الراس في الشهر السابع او التامن ويقولوا المشي ليه دور في دا الشي والله يسهل....

[GhoOosha]

وحشتوني 3>

خلاص انا قررت اولد هنا عند دكتوري واخلي امي تجيني وبعد اسبوع ارجع معاها الرياض ,,الله يعيني عالطياره ,,
بس في شي خوفني ,, سمعت وحده سافرت بالطياره مع بنتها عمرها 4 ايام وبعدها مره اتاثر السمع عندها وقالوا لها من الطياره الضغط اثر على طبلة الاذن لانها كانت مره صغيره ,,تتوقعوا هالكلام صحيح ؟؟؟؟؟

حبيباتي انا رحت امس ادور رضاعات ابغى افنت لانو يمدحوها بس كلو بلاستيك وسمعت وحده تقول افنت مافي زجاج !!
مين لقت زجاج؟؟؟

مين حتعمل توزيعات للمولود زي الحلاوه وكدا ,,ومتى اعملها ؟؟؟


حبيبتي والله دا احسن قرار ..انا في ولاده بنتي امي الله يرحمها طلعتلي اسبوع ونزلت معاها طياره وان شاء الله البيبي بيكون بخير ..بس انتي برضو اسالي دكتورتك افضل..
وبالنسبه للرضاعات ما شفت زجاج واغلب اللي اعرفهم يمدوحها مره انا اخدت 2 العاديه والذهبيه
وتوزيعات البيبي نفسي اسويها من دحين بس ماعرف شي بالرياض اذا احد عنده فكره ياريت يقولي

وبالتوفيق للجميع يارب

[GhoOosha]

بنات حبيت اسالكم...انا اشتريت الحزام الاندونيسي بس متا استخدمو بعد الولاده بكم يوم ؟

[اجوان]

حبيبتي والله دا احسن قرار ..انا في ولاده بنتي امي الله يرحمها طلعتلي اسبوع ونزلت معاها طياره وان شاء الله البيبي بيكون بخير ..بس انتي برضو اسالي دكتورتك افضل..
وبالنسبه للرضاعات ما شفت زجاج واغلب اللي اعرفهم يمدوحها مره انا اخدت 2 العاديه والذهبيه
وتوزيعات البيبي نفسي اسويها من دحين بس ماعرف شي بالرياض اذا احد عنده فكره ياريت يقولي

وبالتوفيق للجميع يارب


طيب يعني انتي شريتي بلاستيك؟؟؟ عادي انشالله ماتضر؟؟
في علبه من افنت تجي في مذركير وسنتر بوينت ثلاث رضاعات واللي تنظف الرضاعه معاها تنصحيني اشتريها؟؟؟؟

التوزيعات شوفي اختي عملنا لها لبنتها من محل جوي في شارع الثلاثين,,وعموما شارع الثلاثين كلو محلات حلويات وتوزيعات لو فيكي حيل انزلي الشارع وادخلي محل محل ..
وكما بالنسبهللشوكولاته التقديم انصحك تجيبي من جوي مره طعمه الشوكولاته حقتو hwaml03

[GhoOosha]

اذا افنت خديها وخدي رضاعتين زياده وسط وصغيره للمويه واليانسون...بالنسبه للرضاعات البلاستك لا تخليها تطول اتوقع من شهرين ل 3 وخلاص تنرمي...انا اول كنت انظفها كل ليله احطها بقدر في مويه مغليه وملعقه صغيره خل وخليها تغلي دقيقتين وخليها تبرد في القدر بعدين غسليها بالفيري عادي واقلبيها فوق منشفه او مصفايه الين تنشف وحطيها بالثلاجه لين وقت الاستخدام..حتى عضاضه البيبي والعابه انظفها كده وفي كمان كلوركس للرضاعات بس والله من زمان ما اشتريت الاشياء دي اخر ولاده ليا كانت من 12 سنه وكل شي دحين جديد عليا.. ومره شكرا على الشوكلاته راح احاول اروح اسويها عشان افرح نفسي على الاقل في دي الغربه والوحده اللي انا فيها

[GhoOosha]

http://alfrasha.maktoob.com/alfrasha13/thread1315097/


وانا جالسه اتصفح قريت موضوع مره مفيد رائع الصراحه وكلنا حاليا نحتاجه..يااارب تسهل علينا..ماعرف احط لنكات هنا غير كوبي وبيست اذا ماطلع علموني كيف احطه عشان الكل يقراه ويستفيد بالذات البكريات

[GhoOosha]

http://www.sehha.com/cl/viewthread.php?tid=33858


ودا كمان مرررررررررررررره مهم تقروه بالذات انتي ياحبيبه موني

[حبي]

السلام عليكم ورحمة الله وبركاته
بصراحة يابنات ماني عارفة انا راح اولد في اي شهر يمكن في شهرالحج
اوبداية محرم يعني انا في النص بين الحج ومحرم بس ان شاء الله وقت مااولد سواء في الحج او محرم راح ابشركم وان شاءالله ربي يكتبلي انا وجميع الحوامل ولادة سهلة ويرزقنا باالاطفال السليمين المتعافيين قوووووووووووولوووووووووووااااااااااااااميييييييييي يييييييييييييييين

[أم ســـــامر...]

تسلمي ياقلبووو ع الروابط ماقصرتي...
مشكووووووره والله يعطيك العافية...

[ام عبدالله 86]

تسلمي ياعسله على سؤالك عسى مانحرم منك يارب
دي اليومين بس نوم نووووووم مو طبيعي لدرجة ان زوجي يروح ويرجع من الدوام وانا لسه نايمة ...وبس اوقف شوية تعب وكتمة وخفقان الله لايحرمنا ولايحرم امهاتنا الاجر ان شاءالله

[ام عبدالله 86]

امس بقول لزوجي نخرج عشان نقضي للبنوتة يروح يقولي لا لما تولدي (اتغير كلامو بعد ماعرف جنس البيبي( بنت )مااتوقعت انه كدا ابدا خاصة وان الحمل ماكان متوقع لاني عندي انبوب فالوب مسدود لكن الحمد لله حملت بعد سنة ونص من زواجي ودحين احس انه مو مبسوط
والله صرت بس ادعي انه ربي يحيني انا وبنتي مادامت الحياة خير لنا ويتوفاني انا وهيا مادامت الوفاة خير لنا ......

[أم ســـــامر...]

اهلا وسهلا حبي حياك معانا...

باركوووووولي سويت توقيع >>اخاف مايطلع

[عسله]

الحزام الاندنوسي
سالت زميلتي قالت بعد الولاده بخمس ايام
ماما قالتلي بعد اسبوع شويه غدي جسمك وبعدها أبدا
يعطيكي العافيه ع المواضيع


ام عبدالله
الله يهدي زوجك اللي جاب البنت يجيب الولد
اهم شي الصحه والعافيه وتمام الخلق
ان شاءالله لمن يشوف بنوتته قلبه يحن عليها ويحوبها
يمكن يتهيألك ان عشانها بنت كلمي مرا تانيه وقت مايكون رائق

ام سامر ماطلع توقيعك
انا توقيعي مخرف هههههه دخلت التامن وهو باقي hwaml03

[أم ســـــامر...]

هلا أم عبدالله صباحك فل وجوووري
اخبارك ان شاء الله تمام؟
غريبة شوفيه زوجك مستحيل يكون في ناس هيك مابيحبو البنات
كل من عند ربنا ربنا كريييييييييييييييييييييم...

[أم ســـــامر...]

عسله ليش ماطلع كمان نزلت موضوع علشان يطلع وطلع فيه ..اهئ اهئ

[أم ســـــامر...]

استاذنكووو رايحة مراجعتي واخييييييييييرا دكتورتي رجعت الحمدلله...

هييييييي هييييييييي توقيعي طلع عسله>>>خخخ

[ام عبدالله 86]

الله يسعد قلوبكم يارب
ان شاءالله اكلمو بعد كم يوم
مبرووووك ياام سامر على التوقيع
حبي.... اهلا منورتنا

[أم ســـــامر...]

الله يبارك فيك أم عبدالله..

ادعوا يكون النونو مفتح عيوناته ابي اشوفه يتغلى...

[ام عبدالله 86]

ياحلوات مين بدأيجهز اشياء النفاس زي المجلب وممرخة و.و....
انا عندي مجلب لكن كمية قليلة امي عملتو الله يعطيها العافية .....
واعرف ممرخة يمنية شاطرة وتجي للبيت لكن غالية

[عسله]

ام سامر
الا دوبو نورنا توقيعك ههههههه وان شاءالله
تشوفي البيبي مفتح عنوناته ويتشقلب كمانا هههه

ام عبدالله
الممرخه لي
اختي كانت تجيب اندونسيه لانها تولد بعمليه وتتعب من إبرة الظهر
بس ادا طبيعي نحتاج ؟؟
والمجلب عرفينا عليه لايش هدا !؟

[ام عبدالله 86]

انا اختي ولدت طبيعي وجابت ممرخة ومو شرط بس عشان الالم الظهر هيا تمرخ وتدهن الجسم كامل وبالذات اسفل البطن عشان الرحم ينظف ويقوى لمدة 3 ايام ورا بعض ...
وكنت اشوف امي لما تروح لاخواتي المستشفى تأخذ ثلاجة فيها مجلب وثلاجة فيها مسلوقة سواء دجاج او لحم والافضل مسلوقة عظم لانه يجبر العظام بسرعة وماتخليهم ياكلو من اكل المستشفى الا الفاكهة والسلطة بس
والمجلب دحين احط صورته

[عسله]

اهااا
فهمت عليكي الله ينور حياتك بالخير تسلميلي قلبو ؛،؛

يبغالي اكلم ماما ع ممرخه

[ام عبدالله 86]

المجلب هو مجموعة من الاعشاب اما تشتريها جاهزة من العطار ومخلوطة وليست مطحونة او انك تشتري كل عشبة لحال وانتي تنقيها من الشوائب وتغسليها وتجففيها وتخلطيها مع بعض ويحفظ في الفريزر لوقت الحاجة ويشرب مثل الشاي
والاعشاب هي (كمون- شمر- ينسون- حبة سودة_ سكر نبات- خرنوب -كراوية- هيل- عناب -حلبة )
هادا اللي اعرفه لكن حأسأل امي لو فيه شيء نافص واقولكم

[عسله]

انا اشيل هم طعمها
فوار فيتامين سي مااقدرله
معليه حطفشك
طيب انتي قولتي لوقت الحاجه
زي ايش مثلا؟
ولو سويتها اقدر استغني عن الحلبه مرا صعب احطها معاهم

[حبيبة موني]

صبح صبح كرووشاااات

Ghooosha

مييييرسي كتيررررر ع الروابط ,, بس رجعتي تفكيري للولاده ،، يارب يارب يارب نولد بدون مانتعور هععععععععععععع

ام عبدالله

عاادي حبيبتي الرجااال كوووولهم يتمنو اول مولود لهم يكون ولد حتى زوجي من يوم ماعرفنا اني حامل وهوا على طول قال انو ولد وسماه كمان على ابوه خخخخخ ولمن عرفنا انو بنت حسيتو تنح وخف حماسو شويتين ،، عشان كان حاط في بالو انو ولد بس كلها كم يوم ورجع اتحمس اكتر من اول وحبها ،، وملابسها هوا اللي اختارها ،، انتي لاتحطي في بالك انو مانبسط بالبنت مررررره غلط ولاتحسسيه بدا الشي ،، خليه كدا شويتين لمن يستوعب انها بنت حينبسط بيها مرررره

[حلا جدة]

صباح الوررد كروشات
خلاص قدمت تأجيل ترم للجامعه ،، خسارة هتأخر عن زميلاتي في التخرج
يالله كل علشان خاطر النونو

[اجوان]

ghoosha,,
زوجي مو راضي اشتري بلاستيك مدري احسو موسوس بزياده شكلي باخد بيجون والله مدري احترت مره بس انا اخدت حلمات افنت ,,



ام عبدالله,,
والله الرجال يحبوا البنات اكثر من الاولاد بس هما يشيلوا هم الناس ,,
ماعليكي اصلا هو بس يشوفها قددام عينو صدقيني راح يحبها اكثر منك ومعروف انو البنت حبيبة ابوها والولد حبيب امو ههههههههههههه

بعدين يمكن مو عشان بنت يمكن مكسل ولا مو مستوعب لاتحطي في بالك ياقلبي واستمتعي صدقيني البنات دمهم اخف من الاولاد بكثير بس مجتمعنا خلى اشياء غبيه تترسب في مخنا ويكفيك انو الرسول عليه السلام بكر في بنت :))

عسله,,
الممرخه كويسه تطلع الهوا اللي في الجسم وتشد العظم المفكك بعد الولاده ,,


حلا جده,,
خيره انشالله ولاحقه عالتخرج اهم شي تطلعي بالسلامه,,


بنات الحين سؤال غبي,,
لمن اشتري حلمات رضاعه ماركه والرضاعه ماركه ثانيه تختلف تركب عليها ولا لازم نفس الماركه...؟؟؟؟

[حبيبة موني]

يارب ارزقنا ولاده ميسره ،، واطفال سليمين من غير زيادة او نقصااااان


اجوان

سؤالك متعوب عليه خخخخ بس تخيلي انو ماعرف جوابو ،،

[مس توته]

مرحبا كرووووشات

انا متابعتكم اول بأول بس اتعاير بالردووود..


الله يحفظ لنا اجنتنا ياعمررررررررري على بنتي بموت على شوفتهاااااااا

[مشاعل القحطاني]

السلام عليكم ورحمه الله وبركاته
انا عضوه جديده وولادتي راح تكون بدايه ذو الحجه
لاهنتو يالغالين اهنيكم على الاجتماع الرائع انشالله استفيد وافيد
ليتني عرفتكم من زمان
لاهنتو
الله يقومنا جميع بالسلامه يارب ويهون علينا ويجعلها انشالله في ميزان حسناتنا يارب

[جداويه مغتربه]

هلا مشاعل والله ييسر لنا يارب

بنات لاحظت اكثر من وحده تكتب ان شاء الله بهذي الطريقه انشاءالله وطلع من الخطا نكتبها كدا واخاف ناثم عليها والصواب ان شاء الله انا كنت اكتبها غلط لين حذروني منها

[جداويه مغتربه]

ام عبدالله ياقلبي انا شايلين ليه انبوب فالوب وبعد فتره طويله حملت

بالنسبه لزوجك كلام لما يشوفها بينهبل عليها بس اصبري بس تلاقي مزاجه ماكان اوك

[جداويه مغتربه]

قلبي المدينه اخدت الدعاء الي بتوقيعك ياغلاهم بالمره حلو ان شاء الله مايضايقك

[عسله]

مشاعل
هلا منورتنا
الله يتمملك ع خير


جداويه
يعطيكي العافيه ماقصرتي

[دلوعه نفسي]

سسسسسسلام ياقمرآأتُ

آأول مرآأإ ادخل التجمع ولادتى بـ4/12 وانشآأءءالله اوووووووولــد قبل ..........

والله يسسسسسسسسسسهل عليا وعلييييييييييييكم

[GhoOosha]

عسله...مره شكرا على الرد

ام عبدالله...افتكريني بكره لما البنوته تاكل قلبه اكل وانتي حتغيري منها ..انا كده بنتي عيون ابوها وكلمتها تمشي في البيت والاولاد ياعيني عليهم مكسر راسهم

اجوان ..سؤالك مره لزيز ممكن يركبو بس افنت ما اظن لانها كبيره زي شكل الصدر وماتركب على بيجون..انتي خدي بيجون لازم بس اقنعيه انو افنت عشان الغازات والبلاستك حقها مدعم مو عادي..انا عن نفسي اخدتها لانو مسكين ما راح يرضع من صدري

[GhoOosha]

ايوة صح..بالنسبه للممرخه ..تعرفو احد بالرياض ؟

[الصمت عشقي]

دلوعه نفسي (http://forum.hwaml.com/u20832.html)
حيآآآآآآآآك الله بيننا
وان شاء الله تولديي بالسلامه يارب
انتي ولادتك قبلي بيومي بس ان شاء الله نولد قبل هالتاريخ


GhoOosha (http://forum.hwaml.com/u26863.html)
بسألك سؤال اذا ممكن....
ليه ماراح ترضعي البيبي من صدرك ...؟

[GhoOosha]

عشان سويت عمليه في صدري وماقدر ارضع

[حبي]

اهلا وسهلا حبي حياك معانا...

باركوووووولي سويت توقيع >>اخاف مايطلع


مشكوووووووورة ام سامرعلى الرد hwaml03مااحد عطاني وجه hwaml4غيرك ياالغالية

[قلبيــ مدينهــ]

جداويه ياحياتي عليكِ فداكِ حبيبتي وادعيلي معاكِ...

كروشاتنا الجدد مشاعل حبي دلوعه ياهلا فيكم والله يسهلكم يارب ...

اجوان انا زوجي ما سمحلي بالبلاستك واخذت بيجون وكمان اختي جابتلي من كندا رضاعات زجاج مره حلوه حجربها واشوف ...
GhoOosh الله يسهلك وييسير امرك !!!

[الصمت عشقي]

عشان سويت عمليه في صدري وماقدر ارضع

ماتشوفي شر ان شاء الله
وربي يكون بعونك

[اجوان]

بنات انا تجيني الام في منطقة العانه وبين الفخذين وماقدر اوسع خطوتي ولا اتوضا ارفع رجلي او اذا جيت البس شراب واذا طولت وانا جالسه ,, الموضوع مررره صاير مزعج,,المهم قريت بالنت لقيت هذا الموضوع:



ما هوsymphysis pubis dysfunction أو آلام الحوض؟
يصل بين نصفي الحوض من الأمام مفصل صلب يطلق عليه symphysis pubis. ويقوي هذا المفصل مجموعة كثيفة من الأنسجة المرنة والقوية في ذات الوقت، والتي يطلق عليها اسم الأربطة. من أجل مساعدة طفلك على الخروج من الحوض بأسهل طريقة ممكنة، يفرز جسمك هرموناً يسمى الريلاكسين، والذي يعمل على إرخاء الأربطة.

نتيجة لذلك، تتحرك هذه المفاصل أكثر أثناء وبعد الولادة مباشرة، مما يتسبب في حدوث الالتهابات والألم بما يعرف باسم symphysis pubis dysfunction or SPD.

هناك حالة أخرى مرتبطة بالحالة السابقة معروفة باسم اختلال في وظيفة عظمة العانة (DSP)، والتي تتسع فيها الفجوة في مفصل العانة أكثر من اللازم. تتراوح الفجوة المتوسطة بين العظام عند السيدة غير الحامل بين أربعة إلى خمسة مليمترات، وأثناء الحمل يكون من الطبيعي لهذه الفجوة أن تتمدد ما بين إثنين إلى ثلاثة مليمترات إضافية. أما إذا وصلت الفجوة إلى عشرة مليمترات أو أكثر، فتشخّص الحالة على أنها DSP. وهي حالة نادرة يمكن اكتشافها فقط عن طريق عمل أشعة سينية أو الإكس راي.

ما هي أسباب حدوث آلام الحوض؟
لا أحد يعلم على وجه التحديد الأسباب وراء حدوث آلام الحوض SPD، ولكن هناك اعتقاد أنه إذا تحرك أحد جانبي الحوض أكثر من الجانب الآخر عند المشي أو تحريك الساقين، فإن المنطقة حول العانة symphysis pubis تصبح حساسة. ولا يتعلق حجم الألم بحجم الفجوة بين المفصل. فقد تكون الفجوة لدى العديد من السيدات ذات مقاس عادي، ومع ذلك يشعرن بالكثير من الألم.

متى يحدث ذلك؟
يمكن أن تظهر آلام الحوض أو SPD في أي وقت أثناء الحمل أو بعد الولادة. وتنتبه له العديد من السيدات لأول مرة عند منتصف فترة الحمل تقريباً. إذا عانيت من آلام الحوض SPD في الحمل، فأغلب الظن أنك سوف تعانين منه مرة أخرى في حملك التالي.

قد تظهر الأعراض أيضاً في مرحلة مبكرة وتتطور سريعاً، لذا من الضروري طلب المساعدة على الفور. وقد يعينك الانتظار حتى تهدأ الأعراض بعد الولادة، وذلك قبل الشروع في الحمل بطفل آخر.

ما هي الأعراض؟
إن أكثر الأعراض شيوعاً هي ألم في منطقة العانة والفخذين. ولكن قد تحدث لك أيضاً الأعراض التالية:
آلام الظهر، آلام حزام الحوض، آلام الورك


إحساس بطقطقة أو صرير في منطقة العانة.


ألم أسفل الفخذين من الداخل أو ما بين الرجلين. وقد يزيد الألم عند فتح الرجلين أو المشي أو صعود السلّم (الدرج) أو هبوطه أو عند التقلب في السرير.


إن أسوأ الآلام تأتي ليلاً. من الممكن أن تمنعك هذه الحالة من النوم جيداً وقد يكون النهوض ليلاً للذهاب إلى الحمام مؤلماً على وجه الخصوص.
كيف يتم تشخيص الحالة؟
لقد أصبحت آلام الحوض SPD مفهومة بشكل أعمق من قبل الأطباء وأخصائيي العلاج الطبيعي وممرضات التوليد. يجب أن يقوم طبيبك بتحويلك إلى أخصائي علاج طبيعي لديه الخبرة في علاج مثل هذه الحالات. سوف يقوم بتشخيص حالتك عن طريق الاستماع لوصفك الأعراض التي تعانين منها وعن طريق إجراء اختبارات التوازن والحركة والألم في مفاصل الحوض.

كيف يتم العلاج؟
يتم التعامل عادة مع آلام الحوض بنفس الطريقة التي يعامل بها ألم حزام الحوض، ويتضمن العلاج الآتي:

التمارين الرياضية، وخاصة تمارين البطن وتمارين عضلات الحوض السفلية، وذلك لتحسين التوازن في الحوض والظهر. قد تحتاجين إلى علاج بالتمارين العملية الخفيفة للورك والظهر أو الحوض للتخفيف الخشونة وعدم التوازن. وقد يفيد أحياناً أداء التمارين في الماء.


يجب أيضاً أن تحصلي على نصائح حول كيفية أداء المهام اليومية بطريقة أقل ألماً وحول تسهيل ولادة طفلك.


قد يساعد العلاج بالوخز بالإبر، ولكن تأكدي من أن الأخصائي الخاص بك مدرب ولديه خبرة في العمل مع السيدات الحوامل.


قد يساعد تجبير العظام والمعالجة بتقويم العمود الفقري، ولكن مرة أخرى، احرصي على العلاج مع أخصائي محترف في علاج السيدات الحوامل.


من الممكن أن يعطيك الحزام الداعم للحوض إحساساً سريعاً بالراحة.
نصائح للمساعدة الذاتية
هناك أشياء يمكنك عملها بنفسك لتخفيف الألم:
قد يساعد أداء تمارين أسفل الحوض وتمارين البطن بانتظام في التخفيف من الضغط على الحوض. انزلي على يديك وركبتيك مع الحفاظ على ظهرك في وضع مستقيم، حتى يكون مستوياً تقريباً. خذي شهيقاً وبينما تصدرين الزفير، اعتصري عضلات أسفل الحوض وبنفس الوقت قومي بشفط بطنك إلى الداخل ثم أرخيه. احتفظي بهذا الانقباض لمدة تتراوح ما بين خمس إلى عشر ثوانٍ من دون حبس أنفاسك أو تحريك ظهرك. أرخي العضلات ببطء في نهاية التمرين.


تجنبي إبعاد فخذيك عن بعضهما البعض عند انحناء ظهرك أو عند الاستلقاء على السرير. كوني حذرة عند الدخول والخروج من السيارة أو السرير أو البانيو (حوض الاستحمام). إذا كنت مستلقية، فإن جذب ركبتيك إلى أعلى قدر استطاعتك يوقف حركة الحوض ويسهل عليك إبعاد رجليك عن بعضهما. إذا كنت جالسة، جربي تقويس ظهرك بحيث يبرز صدرك إلى الخارج قبل تحريك رجليك أو فصلهما عن بعض، مما يساعد على منع الحوض من التحرك.


تجنبي المزيد من الألم. إذا كنت تتألمين جراء القيام بأمر ما، فاستبعديه لو استطعت. لو أعطيت الفرصة للألم أن يتفاقم، فقد يتطلب الأمر وقتاً طويلاً حتى يهدأ مرة أخرى.


تحركي قليلاً وعلى فترات متقاربة. قد لا تشعرين بتأثير ما تفعلينه إلا بعد فترة خلال اليوم أو بعد الخلود إلى النوم.


استريحي بانتظام عن طريق الجلوس على كرة (طابة) التمارين أو الكرة الخاصة بالولادة أو عن طريق النزول على ركبتيك ويديك. من شأن ذلك أن يرفع من ثقل الجنين عن الحوض ويجعله في وضعية ثابتة.


تجنبي حمل الأشياء الثقيلة أو دفعها. عادة ما تزيد عربات التسوق من ألمك وتجعله أكثر سوءاً، لذا تسوقي عن طريق الانترنت أو اطلبي من شخص آخر أن يقوم لك بالتسوق.


عند صعود السلالم (الدرج)، خذي كل درجة على حدة. ضعي أولاً قدمك السليمة ثم ارفعي القدم الأخرى لتقابلها. كرري هذا مع كل درجة. استخدمي السلالم فقط عند الضرورة.


تجنبي سباحة الصدر وخذي حذرك في أشكال السباحة الأخرى. قد تشعرين أثناء وجودك في الماء بأن السباحة تساعدك في التغلب على الألم، إلا أنها قد تزيد الحالة سوءاً بعد خروجك من الماء.


عند ارتداء ملابسك، اجلسي لجذب ملابسك الداخلية أو السروال (البنطلون) إلى أعلى .
ما مدى سرعة شفائي من آلام الحوض SPD بعد الولادة؟
تجد معظم النساء تحسناً في حالتهن بعد ولادة أطفالهن، بالرغم من استمرار البعض في الشعور بالألم إلى أن يبلغ صغيرهن عامه الأول. استمري في مواصلة العلاج الطبيعي بعد الولادة وحاولي الحصول على مساعدة في أمور العناية بطفلك خلال الأسابيع الأولى إذا أمكن. تجد بعض النساء ممن عانين من هذه المشكلة مسبقاً، أن الألم يتكرر كل شهر قبيل موعد الدورة الشهرية. ويرجع هذا إلى إفراز هرمونات لها تأثير مماثل لهرمون الحمل الريلاكسين.


طيب تتوقعوا ارووح للدكتور خصيصا لهدا الموضوع ولا خلاص اصبر :((
والله خفت حسيت عضلاتي مرخيه ايش شورتكم؟؟؟

[ورده بين ايديه]

السلام عليييكم
ازيكم يابنات
طبعا انا جارتكم بتجمع محرم قلت اسير عليكم
حلفت عليكم ماتسون شئ

بوصلكم سلام الاخت اميره باوصافها وتقولكم يعلم الله انها اعتبرتكم مثل اخواتها
اتمنى الكل يدعي ان ربي يثبت قلبها ويصبرها

تحياتي
واذا تامرون على شئ ترى انا جنبكم
مايندرى نولد بذو الحجه ولا محرم

[GhoOosha]

الله يحيكي....بس ايش صار على اميره..انا سمعت انو جاتها ولاده مبكره..كيفها وكيف البيبي ان شاء الله طيبين...كان بيني وبينها ايام ..الف سلامه عليها..بالله طمينيني عليها ووصليلها سلامي

[GhoOosha]

اجوان...والله كلام كبير اللي رسلتيه بس عارفه انا نفس الالم دا جاني من اول الحمل ومره خف لما دخلت السابع...اكشفت انو من الدرج بيتي دورين وراح لما رحت عند اهلي...ودحين رجعت بيتي بس انزل واطلع وحده مره باليوم مره ماقدر اكتر من كده ولا اطيح زي الخروفه من التعب

[عسله]

صباح الخير والراحه الله يكتبها لنا دايم الدوووم

hwaml7


/
اجوان
انا فيني نفس الامك من الشهر الخامس
لدرجه ماقدر امشي لازم زوجي يمشيني
وادا طولت في الجلوس حتى لو شويه برضو لازم زوجي يشيلني
عشان اقوم
عاد الدكتوره اللي جات بدال دكتورتي قالت شد في الأعصاب
كنت اخد ابر فيتامينb بس مسكن حق يوم ويرجع الألم
دحينا احيانا احسه فيني

/

ورده بين ايديه

بالله سلمي عليها
وقوليلها انها جات ع بالي كتير ودعيتلها
الله يصبر قلبها ويعوضها ربــي

[عسله]

حبي

العتب ع النظر معليه ماانتبهت


هلا
منورتنا الله يتمملك ع خير يارب

[ورده بين ايديه]

الله يحيكي....بس ايش صار على اميره..انا سمعت انو جاتها ولاده مبكره..كيفها وكيف البيبي ان شاء الله طيبين...كان بيني وبينها ايام ..الف سلامه عليها..بالله طمينيني عليها ووصليلها سلامي

طفلها توفى..
اسأل الله ان يجعله شفيع لها ولابوه يوم القيامه..

[حبيبة موني]

ورده بين ايديه

ياااااااهلللللاااااااا وسهههههلااااااا سيري علينا كل يووووووم

ربنا يكون في عونها اميره باوصاافها وربي مانسيتها دايما ع البال الله يصبرها ياااارب ويهون عليها ويعوضها عن ولدهااا قاااادر يااااكريم


حبي

اهلييين فيييككي ^^


اجوااااان ،،

تصدقي انا من كتر الالام اللي تجيني ولمن كنت اشتكي لماما ولا اي احد يقولولي هوا الحمل كدا كلو تعب ،، حتى دكتورتي تقول عادي طبيعي طبيعي ،، دحين احس سار عندي تبلد ،، يجي الالم ويروح ولا اسأل ولا ادور اش دا ،، مافي الا زوجي حبيبي تعبان معايا على قول عسله يشيل ويحط خخخخخخ

[عسله]

حبايبي عندي كم سؤال

دحينا المعروف ان فترة الدوره الله يكرمكم مو تمام الاستحمام لان يضر التبويض
حتى يقلل الدم
طيب في فترة النفاس نحتاج للاستحمام بس ماحيقلل الدم او يضر بعيد الشر؟
ومتى بعد ماتنزل الرعب الخيوط ههههههه<<<< مراا مخوفتني ولاعادي اي وقت


كمانا معليه الاسئله جات دفعه من التصفح

بعد فترة النفاس ان اختنا الدوره تتاخر من الرضاعه صح!
كم شهر؟ *ولا ليكون يبغالها علاج عشان تتنظم

[أم ســـــامر...]

أجــــــــوان..
ماتشوفي شر قلبوووو اذا رحتي مراجعتك اسالي دكتورتك ممكن تفيدك...

ورده بين ايديه..
هلا بيك والله وسلمي لي سلالالالالالالام كتير على اميرة _ربي يعوضها خير..

عسلـــــــــه..
ياحياتو انت على حسب الدورة تجي بعد النفاس ممكن ايام وممكن شهور وممكن سنه سنتين
يختلف من وحدة لتانية بس احس الزمن دا الوحدة تخلص النفاس تجيها الدورة
ماتطول مابين شهر لخمسه شهور...

اما الاستحمام قريت عنه قبل فترة انه بيكون بعد عشرين يوم>>يبونا نعفن هع
انا رايي اول يوم اطلع اخد حمام دااااااااااافي وبعد عشرين يوم يسير خير..
#اممممممم هو اهم الشعر ماينغسل صح والا لا؟

[عسله]

وي
خمس شهور ماتجي الدوره ؟!!!!!

حكاية الشعر ايوا اهم شي ماينغسل وادا ماانغسل مااحس اني نظيفه

[اجوان]

بنات ايش فيكم والله كلها خرافات عادي تحممي بمويه دافيه بالعكس تساعد الدم عالنزول وبس تحممي على طول واطلعي عشان مايدخلك هوا اما اجلس عشرين يوم معفنه لا مستحيل النظافه من الايمان,,واهم شي اول ماتولدي تتحممي عشان العرق وكدا اللي بعد الولاده ,,


انا رحت شريت رضاعات افنت من مذركير اللي طمني مكتوب عليها 0% bpa اللي هيا الماده المضره في البلاستيك ..

[عسله]

اجوان
شي طبيعي في المستشفى بعد الولاده تتحممي
و
صعب نعفن بس صح كلامك مويه دافيه للجسم
حكاية غسل الشعر وربي مو خرافه
اخويا يدرس طب وزوجي هما قالولي
من قبل مااتزوج ماشيه ع دا الكلام*

[اجوان]

والله مادري ياعسله بس مو مشكله الشعر ول كل فتره بس الجسم الضروري حتى لمن تتحممي تتنشطي سبحان الله ,,

عسله توني راجعه من مذركير منزلين كولكشن رووووووعه روحي اشترري للنونو << تبغي تغريكي ههههههههههه
والله انا مسكت نفسي عالاخرررررر مابغى اكثر وتصغر وهيا ماتلبست ,,

[ورده بين ايديه]

حبيبة موووني
والله اشتقت لسواليفك يادبه
<< مافي بتجمعها احد
وقلت اجي اسوولف معاكم
الطفش وعمايلو
بنات انا لسه ماجهزت ودحين بروح اخد ابرة الكزاز لاني مااخذتها بالثانوي

[اجوان]

على فكره ايش سالفة ابرة الكزاز هدي.؟؟؟؟
انا دكتوري ولا جاب طاري ...

[أم ســـــامر...]

ههههه اجوان ضحكتيني ومن قال بنسمع كلامهم عشرررررين يوم نتعفن قرف وربي..
قريت موضوع قبل شوي وهذا منه
الاقلال من الاستحمام وحبذا عدم الاستحمام في الاسبوعين الاولين من الولاده ولاتزيد مده الاستحمام عن عشر دقائق ولابد ان يكون الماء دافئ..

[عسله]

اجوان

ههههههه حرام عليكي تغريني لان لو اقول لاهلي ولازوجي
مراااا ماحيرضو


ورده
حياكي معانا
حاولي دحينا عشان ترتاحي والله الشهر التامن تحسي بتقل يالله تدفي نفسك

اجوان
أخدتها ولاادري لايش ههههه يوم سالت الدكتوره
تقول مو عشانك عشان البيبي
بسالك
معليه سؤال برييييئ ههههه
كيف حتخلي دكتور يولدك الله يسهلك ع خير ان شاءالله

[عسله]

ام سامر
يعني اعد من واحد لعشره ههه<<<<مواصله مانامت

[قلبيــ مدينهــ]

أجوان : ألف سلامه عليكِ بس دا ألم طبيعي من الثقل يعني كل الحوامل يحسوا فيه ..

عسله ...الدوره تجي بعد مايجيلك اربعين يوم من الولاده هدا اللي اعرفه ..

[عسله]

بستشيركم في موضوع

السبت الجاي تبدأ الجامعه عند زوجي يخرج من البيت الصباح ومايرجع
الا الليل لان بعدها يروح ع دوامه
احيانا يجي الظهر يرتاح والعصر دوامه بس نادر

هو شايفني دي اليومين تعبانه فقال خلاص حوديكي الجمعه عند اهلك
لين تولدي او اخليكي في غرفه لحالك عندي في المستشفى تحت الملاحظه لين
تدخلي شهرك
يخاف ادا تعبت ماعندي احد أدق عليه قالي حتى ابويا اللي هو خالي
احيانا مايرد لو دقيتي عليه يكون نايم او مشغول غير كدا هو صحته شويه تعبانه

المشكله
انامتردده فتره طويله اكون بعيده عنه وغير كدا
شايله هم
ماما( صح انها مريحتني عندها الله يسعدها ) بس عندها ولد اخوها حاااجه تااانيه حتقولي كيف تسيبيه مع ان هو بيكون عند امه والله طول ماانا عندها وهيا قلقانه ع زوجيhwaml4
تندمني ان جيتهاوسيبته

[عسله]

نسيت أقولكم كنا متفقين ان اروح عند اهلي يوم 11/9

[أم ســـــامر...]

هههههههههههههههه الله يسعدك عسله
اتوووووقع جاتك الهسترررررررره...

[عسله]

والله مااتلام يومين مانمت زي الناس الحمدلله

[أم ســـــامر...]

ياقلبووو عليك عسله تعالي اديلك من نوووووووووووووووووووومي

[عسله]

ههههههه مرا مااقول لاءه عبيلي خيشة نوم

[حبيبة موني]

عسله

احسن روحي عند امك وفي الويك اند ارجعي بيتك وكدا ،، هيا كلها ايام وحتعدي ان شاء الله


يابنات ايش حل الحرقان ولا الحموضه دي ولا مادري ايش اسمها مررره تاعبتني


ورده بين ايديه

تعالي كل مايفضى تجمعكم خخخخخخخخ

[عسله]

حبيبة موني

الخيار
بعضهم يقولو الحليب
بس انا اخد اللبن

[عسله]

حبيبية موني

الطريق يتتتتتعب كل ويك اند نازله وطالعه فيه
تسلميلي قلبو ع موشاركتكي ليا في ردك ع موضوعي .,.

[اجوان]

عسله,,
والله انا عندي نفس السؤال جالسه اسالو نفسي ,,كيف بخلي دكتور يولدني هههههههه
لو الود ودي كان رحت لحرمه بس هذادكتور العيله عند زوجي وواثقين منو مره ,,عاد الشكوى لله ..

بالنسبه لموضوعك انا لو مكانك رحت لاهلي بصراحه الحين انا مره نفسي اروح لاهلي واجلس عندهم لمن اولد بس مو بيدي,, انتي روحي لاهلك وكل اسبوعين انزلي عند زوجك او خلي زوجك يزورك في بيت اهلك وكلها فتره وتعدي لانو والله جلسة البيت متعبه خصوصا لمن تكوني لوحدك :((

[GhoOosha]

اول شي الله يعوضك ياميره والله اني مره زعلت عليها

عسله ..ياماما روحي اتدلعي عند مامتك احد يقلي الراحه ويقول لا..هيا اكيد حاتقدر انك تعبانه

حبيبه موني..والله انا الحموضه تجيني من اي شي اكله وماعندي غير جافيسكون الغه لغغغغغ اي وقت وراه مويه متلجه..ووحاولي تنامي على جنبك اليسار لانه مره يخففها وقبل لا تنامي كلي خيار ولبن ولا تفاح وحليب بااارد

طيب انا عارفه انو سالتكم على الحزام اللاندونيسي بس استخدمه بعد 5 ايام ..طيب لمده كم ساعه في اليوم وكم يوم ..سالت راعي المحل وقال 5 ساعات..طيب وانا صاحيه ولا نايمه...معليش طفشتكم

[الصمت عشقي]

الله يعوض عليك اميره
وربي يصبر قلبك ان شاءالله
وربي يرزقك الذريه الصالحه يارب

[عسله]

ياقلبو الحزام ع طول تكوني لابسته ماعاد وقت النوم
حتاكدمن زميلتي ادا تفكي شويه ولا مرا تشيليه

[ورده بين ايديه]

على فكره ايش سالفة ابرة الكزاز هدي.؟؟؟؟
انا دكتوري ولا جاب طاري ...

ياستي هادي ابره تاخذيها بالحكومي
المستشفيات الخاصه مايقولولك عنها لانها اساسا مو عندهم
عند المستوصف الحكومي اللي تتبابعو عندو

واهميتها
باذن الله تحمي الجنين من التلوث وقت قطع المشيمه
واللي مااخذتها يفضل انها تاخذها
واسألي الدكتور عنها اذا قالك خذيها او لا لان في ناس يقولو لازم قبل الثامن تاخذيها

تحياااتي

[أم ســـــامر...]

ابشرررررررررري عسله من عنوني اديلك النوم
هووووووووووووووبا نوووووووووووم....
أنا فللت نوم الحمدلله وبارجع الحين

[الصمت عشقي]

ياستي هادي ابره تاخذيها بالحكومي
المستشفيات الخاصه مايقولولك عنها لانها اساسا مو عندهم
عند المستوصف الحكومي اللي تتبابعو عندو

واهميتها
باذن الله تحمي الجنين من التلوث وقت قطع المشيمه
واللي مااخذتها يفضل انها تاخذها
واسألي الدكتور عنها اذا قالك خذيها او لا لان في ناس يقولو لازم قبل الثامن تاخذيها

تحياااتي

هلا خيتو
انا اراجع في الحكومه وماقالولي عنها
وربي انك خوفتيني لانك تقولي انو لازم اخذها في السابع
بس الحين انا في الثامن
وموعدي يوم 21 / 10 / 1432
الله يستر

[أم عبدالرحمن السلفية]

دخلت لقافة ابغى اشوف سوالفكم هههههه لكن فاجئتوني بابرة الكزاز هذي

خليني اطلع لا تجي شغلات ثانية بعد
الله ييسر ولاداتكم كلكم

[Dado]

انا ماخدت ابرة الكزاز ولا ادري عنها

بنات بسألكم سؤال مقرف شويا
بتنزلكم افرازات كتير؟؟
طفشتني انا مررررررره صرت البس لاينرز طول الوقت واغيرها كل نص ساعه

شي تاني المدرسه حقتي تبغى تسويلي بيبي شاور ببيتها .. والله ماني عارفه ايش اسوي بتجهيزات البيبي كنت ناويه انزل الاسبوع الجاي بس قلت اخاف كل شي اجيبو يكونو هما حيجيبوه وحخسر نفسي
فكرت اسأل المدرسه وصاحباتي بس استحيت

حتشترو كار سيت للبيبي ؟ ولا لا؟

[Dado]

ايوا صح ترا المشد مايتلبس وقت النوم
واعتقد تفضلي لابستو من بعد الولاده لسته اسابيع
طول اليوم
انا اشتريت واحد من هنا وكدا قالولي
في سي دي حق مدرب رياضه عشان تقوية العضلات وشدها
كأنو رقص اكتر من رياضه حشتريه وحفتري بنفسي لوووووووووول

زوجي انسان يحب الرياضه لو على كيفو يعيش بنادي السكن او الجامعه و من دحين ناوي نيه بطاله قللي بالشهر التاسع حتمشي معايا غصبن عنك كل يوم وبعد الولاده تجي النادي طبعا انا دموعي على خدي مااااااابدي فاقنعتو بدا السي دي ورضي خخخخ الحمدلله

[اجوان]

دادو,,
بالنسبه للكار سيت انا حشتري بس هوا والعربيه مو دحين بعد الولاده انشالله على مهل ..

بنات انا احس يجني الم بجنبي اليمين وينزل على فخدي ايش هذا ؟؟

[الصمت عشقي]

اجوان (http://forum.hwaml.com/u24141.html)
انا عندي نفسك بس ع جهة اليسار
لما سالت الدكتورة قالت هذا طبيعي بسبب ثقل البيبي

[عطر المكان]

هلا كروشااااااات
يابنات قولولي حل للثقل اللي حاسه فيه والله رجلي مني قادره ارفعهاااااا
ياااااارب سهل علينا وهون الطلق

[ام عبدالله 86]

صباحكم عسل ان شاءالله
كيفكم وكيف نوناتكم ؟؟؟ ......
عسله .....اقصد لوقت النفاس او الدورة الله يكرمك
والحلبة حطي كمية قليلة او براحتك لكن جدا كويسة للنفاس ..
عسلة حبيبة موني اجوان جداوية ربي مايحرمني منكم

امس بالقوة قدرت انام احس شيء قاعد على صدري وكاتمني ..الله يعين كيف حيكون النوم في الثامن والتاسع ...؟؟؟

والمشد طوال اليوم ماعدا وقت النوم من كلام الممرخة ..

[ام عبدالله 86]

نسيت
مشاعل وحبي والجدد كلهم منوريين التجمع ...
والله ماادري ياعطر لكن انا الوقفة اكثر شيء تتعبني

[ورده بين ايديه]

هلا خيتو
انا اراجع في الحكومه وماقالولي عنها
وربي انك خوفتيني لانك تقولي انو لازم اخذها في السابع
بس الحين انا في الثامن
وموعدي يوم 21 / 10 / 1432
الله يستر

لا ياقلبي مامنها خوف
انتي توكلي على الله ولما تروحي موعدك اسالي عنها
ممكن تكوني اخذتيها في الثانوي وماتحتاجيها

[عسله]

صباحكم سوووكر؛،؛

كيف الكروشات الدلوعاااااات

عطر المكان
أخبارك
التقل له حل واحد نولد بالسلامة هههههه ان شاءالله ع خير

انا الألم اللي فيني والتقل اسفل بطني حتي ترفيسه الله يحفظه
وع قولت ام عبدالله كتمه احيانا

[الصمت عشقي]

ورده بين ايديه (http://forum.hwaml.com/u21036.html)
الله يعطيك العافيه
وربي يطمنك مثل ماطمنتيني

ان شاء الله ربي يسهل علينا ويرزقنا ابناء سليميين معافيين

[مشاعل القحطاني]

هلا وغلا والله فيكم والفين مرحب
قلبي مدينه عسله جداويه مغتربه ام عبدالله تسلمون جميع على الترحيب فديتكم hwaml13

بصراحه باعطيكم نبذه عني انشالله ماتطولhwaml15

انا من الخبر تزوجت وجيت سكنت لحالي بالجنوب مع زوجي
الان انا في الشهر الثامن الرابع عشر من الثامن ماشاء الله على بدايت الشهر ينحسب التاريخ عندي
عيدت عند اهلي لاني رحت مستشفيات الخبر احسن من هنا لاني تعبت ومالقيت من المستشفيات الاهليه الا الابر والكذب الزايدhwaml10
تخيلوووووووووو لما جيت ارجع وانا بالطياره جاتني زي الولاده وتعبت من الضغطhwaml21 وتكرمون رجعت على نفسي ودخت وسدحوني بالارض وعطوني اوكسجين وقالو مالك طلعه بالطياره واستدعولي طبيب والحمد لله معانا كان الدكتورhwaml10 كمال واحد مصري يشتغل في المستشفى الالماني الله يعطيه العافيه

تخيلو ماراح اولد عند ماماhwaml78 وماما احس صوتها فيه نبره زعلhwaml4 ياناااااااس وش اسوي ارضي مين ولا مين انا شفت الموت بعيني في الطياره والله
ياليت فيه البساط السحري والله لاروح فوقهhwaml87


نجي للالام :
طبعا اكثر شي المني بحملي حاجتين الي هي الام عظم العانه تكرمون موتني وقتلني وطلع عيوني ومرمطني
والثاني اول مااوقف ادوخ
ابي حلول يابنات


واخيرا :
انا شريت غرفت البيبي وكل شي من ايكيا وجبتها معاي من الشرقيه على هنا بس تخيلو باقي ماشريت للبيبي ولا شي وش رايكم انزل اشتريله ولا انتظر بعد

والله اني معتبرتكم اخوات لي من اول مادخلت لاتتضايوقون مني طولت عليكم

الله يحفظكم وييسر ولادتكم انشالله ...

[اجوان]

مشاعل,,
حبيبتي انزلي اشتري للبيبي خلاص ايش تنتظري يلا بسرعه التعب والثقل كل يوم يزيد..

بنات,,
انا شكلي اعطيت نفسي عين ,,الين السادس وانا زي الحصان والناس تسالني كيف الثقل والتعب واقولهم لا مافي ثقل ولا تعب ومبسوطه على نفسي واشوف الناس كلها تتشكى,,
وفجاه بس دخلت السابع :"""((((
كل شي جاني مره وحددددده والله اني ماقدر امشي خطوتين كاني بالتاسع مع انو بطني صغيييير اذا قمت طبخت خلاص كل اليوم اصير مرميه زي القتيله عالسرير من التعب ,,كل شي فيني يعوررررني والله كل شي من راسي صداع لزكمه مستمره تروح وتجي شهيتي مسدوده عن الاكل اغصب نفسي عظامي كلهااااا تعورررننني :""""((((

قسم بالله طفشت حتى تمشيات مااقوى عليها ابددد ودايم نفسيتي شينه وبيتي اتوقع كلو بيوت عناكب من الوساخه :""(((

انا وزوجي دايم متهاوشين من نفسيتي الخايسه آآآآآآآآآه ياربي كل شي جا فجاه مدري وش قلب الحال :((

والله ابغى استمتع بفترة الحمل بس ماني قادره تعععععععععععععععب مميييييت :(((

[التوت البري]

سلام صيايا انا ولادتي 24/11/2011يعنيشهر ذو الحجه

[sara sarona]

السلام عليكم ورحمة الله وبركاته
كيفكم كروشات عساكم بخير
انا من المدينه وساكنه الان بالدمام
الله يسهل علينا كلنا ولادتنا يارب ويرزق كل من تتمنى الذريه

اختي مشاعل الله يهون عليك يارب ويسهلك
بالنسبه للطياره يمكن معاك ضغط حمل ومايسير تطلعين بطياره اذنك تعبتي
وممكن ياقلبي تطلبي من امك تجي هيا لك لظروفك
اما الم عظام العانه من الثقل وممكن لادخلتي التاسع تسوي تمرين يخفف عليك الالم
ممكن الان تسويه بس لاتطولين مره او مرتين بالاسبوع وماتزيد الفتره عن دقايق
اما الشهر التاسع تتدرج فترة التمرين من 5-10-15 دقيقه
الطريقه : اتربعي بالارض وخلي القدم وانتي بكرامه من اسفل اليمين واليسار متواجهه
وخليها قريبه من الجسم

اما الدوخه لا تدنقين وبعدها توقفين لان ضغط الدم وقتها هو اللي يسبب لك الدوخه
ويمكن معاك فقر دم اشربي عصيرات طازجه وكلي فواكه وربي يعطيك العافيه يارب

باسالك عن اللي اشتريتيه من ايكيا؟؟
ايش ممكن الاقي عندهم شي حلو للبيبي

اما بخصوص ملابس البيبي ياقلبي اهم شي جهزي شنطتك وشنطة البيبي لليوم الاول للولادة لانك الان بالثامن ممكن المشي مو محبب
ولادخلتي التاسع قضي للبيبي والمشي مفيد لك بذا الشهر

اتمنى اني افدتك يالغلا تقبلي ودي قبل ردي

دمتي بخير

[عطر المكان]

مساااااااااءكم ورد وفل وياسمين
عسله
والله صح مالنا غير الولاده
مشاعل
لا تقولي على الالام والله اني زيك ثقل والالام عظم العانه بيذبحني احس اني بموووووت
وكل ما رحت للدكتوره اقولها كيف بتولديني عندي الالام ما يعلم فيها الا ربي
اجوووووان
والله كلنا خلاص تعبانين بس إن شاء الله هانت باقي شهرين نستحمل عشان نوناتنا يطلعوا بصحه وعافيه
يااااارب سهل وخفف على كل حااااامل يااااااارب

[GhoOosha]

دادو...لا استني البيبي شاور اول بعدين كملي الناقص...انا في ولدي الاول جبته بامريكا وماشتريت ولا شي بعد البيبي شاور الا ملابس حقت سنه وفوق حتى سرير وكار سيت جاني لانهم كانو مجموعه كبيره من عرب واجانب واتفقو ايش يجيبو مرره نظام حلو الصراحه يريحك من التعب والمصاريف

اجوان ...و الله كلنا التعب والخمول وكل شي انا لين دحين نومي ما زبط بعد العيد والبيت لو مو الشغاله كان مشي على رجوله...شوفيلك شغاله بالساعه تجيكي كل يومين تنضفلك

مشاعل...الله يهونها عليكي يارب

[حبيبة موني]

مرحبا صبااااااايا

اجوان ,,

الله يعين هيا فتره وبتعدي ان شاء الله وتجيكم النونه وتسير حياتكم احلى حياه

[الصمت عشقي]

السلام عليكم
اخباركم يالغوالي
والله لكم وحشه ...؟

مشاعل القحطاني (http://forum.hwaml.com/u32173.html)
ربي يكون بعونك وكيف بتولدي بعيد عن امك
هل اهل زوجك بالجنوب والا ...؟


اجوان (http://forum.hwaml.com/u24141.html)
انتبهي لنفسك واهم شيء نفسيتك
ويالله هانت رح الكثير وابقى الا القليل


التوت البري (http://forum.hwaml.com/u25633.html)
ربي يتمم لك على خير ان شاء الله

حبيبة موني (http://forum.hwaml.com/u26597.html)
اخبارك عساك بخير يارب...؟

ربي يجيب ساعة الولاده وحنا بصحه وسلامه يارب
وان شاء الله نولد بساعه سهله ميسره
وربي يسهل علينا مخرج اطفالنا
ونولد ولاده طبيعيه
اللهم آآآآآآآآآآآآآمييييييييييييييييييييييين

[مشاعل القحطاني]

اجوان
حبيبتي تسلميلي انشالله باروح حمستيني ياقلبي بكره راح اطلع

sara sarona
الله يجزاك الف خير راح اسوي التمرين فديت قلبك
ايكيا راح تلقين بقسم الطفل اشيا تجنن مره
انا اخذت سرير طفل بالف وميتين مع الدوشق حقه يجنن >>الطراحه الي تحت مدري شتسمونها
واخدت دولاب طقم عليه نفس اللون يتعلق فوقه شكله مرتب بثلاث ميه وخمسين
واخذت ادراج طقمتهم معاه باربع ميه وخمسين

واخذت ستارت الطفل بيضا عليها حيوانات بميه وتسعه وخمسين تجنن قطعتين تجيك
واخذت مفرش للبيبي هو والقطن حقه ومخداته بميه وسته واربعين
واخذت سيفتي للسرير قطن عشان البيبي مايتعور وكل القطنيات كانت اسعارها حلوه

اخذت بعد مناشف عشر حبات بخمسه وعشرين
واخذت طاولت تبديل الحفاظات تكرمون الي تتعلق عالجدار نفس حقات المجمعات هي والمشمع حقها بثلاث ميه ولا ياخذ حيز معلق بالجدار تفتحينه وتبدلين

وتجي عليه سلال بلاستيك كيوت مره تعلقينها عالجنب تحطين فيها الحفاظات تكرمون والمطهرات والاشيا الي بتستخدمينها

ممممم واخذت جيوب تتعلق على الحائط اشكالها روعه الواحد بتسعه وثلاثين انا اخذت شكل الضفدعه لاني ناويه اسوي الغرفه ازرق وتفاحي وادخل فيها خطوط رفيعه حمرا واخذت علب بعد بهالثلاثه الوان
واخذت سجاده للغرفه من ايكيا بميه وخمسه وعشرين مره نايس تفاحيه وعليها رسومات رفيعه بيضا عجبتني
انشالله انزللكم تجهيزي بس خلوني اصبغ الغرفه واجهزها واي سوال عن ايكيا انا حاضره ولو تبين روابط ادلك عليها من ببيتك تتفرجين بس مو زي لما تروحين هناك احس افضل بواجد وراح تلقين اشيا كثير حلوه


gho0osha
الله يهون عالجميع حبيبتي ويسعدك ربي ويسمعني عنك كل خير


عطر المكان
والله الالااام ذبحتني يابنت الحلال وقالو نقص حاد بالكالسيوم يابنت الحلال ربي يعيننا وانشالله مانحس فيها وقت الولاده يارب الله يقومك بلاسلامه


الصمت عشقي
تخيلي كلمت اختي اليوم تقول ماما ماارح تجيك مشغوله صراحه وكل ماكلمت وده من صديقاتها تقول اني تعبتها في حياتها وكذا
لاكن انشالله اركب الطياره والي فيها فيها اهم شي ترضا ادعولي بس مدر من وين بالقاها والله
وحتى لو اهل زوجي هنا يابنت الحلال بيني وبينك الوحده ماتقدر تتامرعليهم وتاخذ راحتها بوجودهم لازم اهلك ولا لوحدك وربي يعينك من فوق انا عني مااقدر اطلب من احد شي حتى اختي والله مااعرف اطلب منها اقوم بنفسي
تسلمين على سؤالك ربي يفرح قلبك قريب

[عطر المكان]

الله يعيننا يااااارب
والله ما جألي نوم قلت خليني ادردش معاكم شوي
وأعوذ بالله حلمت حلم يخوف صحاني من نومي إن شاء الله خيييير
يارب سهل علينا

[عسله]

هلا عطر
انا قولت بحاول انام ع الكنب يمكن لاغيرت المكان يجيني نوم
وبالفعل ههههههه نمت الحمدلله
صحيت كلمت ماما اطمن عليها

قلبو صلي ركعتين ترتاحي وان شاءالله يجيكي النوم

[قلبيــ مدينهــ]

مشاعل الله يفرحك بمولودك يارب ويتهنى فيها ...لا لا تركبي الطياره طالما منعوكي انتبهي ...والولاده تيسيرها عند ربنا سواء بوجود ماما اوبدونها ...والله ييسير ولادتك ووولادتنا جميعا ....

sara sarona هلا والله ببنت المدينه والله يسهل امورك حتولدي في المدينه؟

بنات اش حكاية الآم عظم العانه ....انا واجوان وعطر المكان ...شي مره متعب للنفسيه ...
GhoOosha تصدقي ما حصلت شغاله بالساعات علما بأن المدينه مليانه تكفى اذا تعرفي دليني الله يسعدك ..

عسله مبرووك النوم...

الصمت عشقي الله يتقبل منك دعائك يارب !!

عطر المكان انا الكوابيس تصحيني من النوم حسيت برعب عشان قرب موعد الولاده...

[اجوان]

صباح الخير,,
كيفكم حبايبي ؟؟

ابشركم خلصت اشياء النونوالجميله بس دحين باقي اشيائي انا ,,
بس بسال الازم سنتيانات رضاعه ولا عادي اي شي بس تكون واسعه؟؟ فين الاقيها ؟؟
بنات تعرفوا اللي ينحط عالصدر وقت الرضاعه زي الشرشف عشان يغطي وين الاقيه بسعر حلو لاني لقيتو في سنتر بوينت ب 150 حسيت مره كثير خصوصا اني بس راح ارضع وقت النفاس ..

انا باقي لي عشره ايام وادخل الثامن يالله مره رعععببب :s

[الصمت عشقي]

اجوان (http://forum.hwaml.com/u24141.html)
صباح النور خيتو
حنا الحمدلله بخير وبس متعبنا الثقل
يالله كله ع اجر ان شاء الله
انتي نفسي انا
انا خلصت اغراض البيبي وباقي اغراضي
وتصدقي كنت ناسيه اغراضي
واقول افتكيت من السوق
بعدين تذكرت اغراضي
وبخصوص سنتيانات رضاعه انا سمعت انو هم احسن للصدر
يعني عشان مايخرب صدرك
وموجوده في سيتي ماكس وسيتي بلازه والمحلات اللي يبيعون فيها الملابس الداخليه

[عسله]

صباح الورد
كيفكم ؟؟

اجوان
انا اخدتها من واحة الجلابيه للرضاعه
اما الشرشف اللي تقولي عليه ماجا ع بالي اخده
لي تقولي بس فترة النفاس حترضعيها وبعدها؟؟؟؟


وعقبال مايقرب الوقت ع خير وتدخلي التاسع .,.

//


بقولكم ع شي بس لاتضحكو عليا

مرااااا منحرجه من زوجي اطلبه احم احم الالويز للنفاس
اول مرا اطلبه بالله كيف اقولو ؟؟؟

[حبيبة موني]

عسله

ههههههههههههههههههههههههههه وربي انك تووووووووحفه

شافونا باخس حالاتنا ونحنا حوامل وحيشوفك وانتي بتولدي ،، يعني جات ع الاولويز

قوليلو في حاجه المفروض كنت تشتريلي هيا كل شهر بس ربنا راد وحملت وماخسرتك كل شهر فدحين روح جيب الشغله حق الحريم اللي ماكنت تجبلي هيا كل شهر خخخخخخخ اكيد بيفهم خخخخخخخخ

[عسله]

هههههههههههههههههههههههههههههههههههههههههههههههههه ههههههههه

ياشيخه الله يسعدك
اخاف يستهبل ويقولي ماااعرف شي
ايش اسمها وربي يسويها
ههههههههههههههههههههههههههه

[عسله]

قماري
شوفت هدي في منتدى تاني

ان شاءالله اروح عند اهلي وابدا اسويها

الخطــــــوه الاولى : التقشير



طبعا قبل اي اقنعه او مرطبات لجسمك لازم تكون بشرتك مستعده لامتصاصها ومساماتك مفتوحه .. والطريقه كما يلي :
اولا تجهزين علبه وتخلطين فيها : خلطه رقم 1

3 ملاعق كبيره صنفره كاب
3 ملاعق كبيره يوكو ملح الحليب
4 ملاعق عصير ليمون
فنجان قهوه ماء ورد

الكميه هذي تكفيني استخدام مرتين فقط لكامل الجسم .. تاخذين اللي يكفيك من الخلطه بصحن والباقي احتفظي فيه بالثلاجه

وتجهزين ماسك للبشره يفضل يكون بمويه بارده ويتكون من :


خلطه رقم 2
ملعقه سدر
ملعقه حليب بودره
ملعقه نشا
ملعقه كاسترد
ملعقه عسل
ملعقه زيت لوز مر
ومويه ورد الى ان تصير الخلطه شبه سايله وهذا تسوويه كل مررره ماينفع تخليه بالثلاجه


الحين نبدا بالخطوات :


اذا كان عندك حمام ساونا تاخذين الجهاز حق البخار وتحطينه بالحمام وتشغلينه وتقفلين الحمام لحد مايمتلي الحمام بخار ( بنات انا سألت دكتورتي وقت حملي عن الدخول لخيمه السونا وقت الحمل وقالت خطر جدا جدا جدا على الجنين الحراره تسبب تشوهات للجنين ) لكن اذا حطيتي الجهاز بالحمام نفسه تستفيدي من البخار بدون ماتكون الحراره مركزة على جسمك .. المهم اذا ماعندك حمام بخار تدخلي تحت الدش مويه دااافيه لمده خمس دقايق وبعدها تحطين على جسمك صابون مغربي سايل وهو الافضل او البابايا 4في1 وتفركين تفريك ناعم بشكل دايري لمده خمس دقايق ثم تاخذين الصنفره(خلطه رقم 1) وتحطينها فوق الصابونه وتكملين فرك لمده عشر دقايق ثانيه .. ثم تغسلين جسمك بمويه دافيه وتحطين الماسك (خلطه رقم2)على جسمك وتسترخين لمده عشر دقايق ثم تغسلين بمويه بارده وتجففين جسمك وتحطين مرطب والافضل تعتمدي هذي الخلطه لأنها تنعم البشره وتوحد اللون وتفتح البشره وتخفف المفاصل السودا والتجااعيد والخلطه هي :

3 علب جيلوسليد
فنجال عصير ليمون
فنجال مويه ورد
4 ملاعق زيت لوز مر

قسميها في علب استخدمي وحده واحتفظي بالباقي في الثلاجه .. انا وقت ما ادهن جسمي احط فيدي ملعقه تقريبا من الخلطه واضيف لها ملعقه كريم سودوا وادهن فيها المنطقه الحساسه ومنطقه الافخاذ من الداخل

اما الابط ادهنيه بكريم سودو فقط


الخطوات سهله بس كلاامي كثير لاني ابي اوصل الفكره بشكل واضح لان ماعندي وقت ارد ع كل الاستفسارات .. والله باذن الله لو استخدمتوا هالبرنامج مرتين بالاسبوع لتتذكرون اختكم ريميه بالخير وتدعون لها .. البرنامج للجميع حتى غير الحامل ممكن تستخدمه
وبالنسبه للترطيب اليومي بصرااحه مافي منتج متوفر وسهل افضل من منتجات فازلين ليديني انا استخدم كريم اليدين البرتقالي وهذي صورته :


وللجسم كامل استخدم لوشن فازلين الوردي ااو الاصفر او كريم جونسون

[عسله]

ادكر وحده فلبينيه كانت تجي لاختي للبيت تسويلها حمام مغربي وكدا
تستخدم لجسمها الحنه
يمكن هو السدر بس هيا ماتعرف الفرق بس مدري تقولها مرااااا كويس للجسم

[عسله]

معليه انا اتصفح واكتشف شغلات جديييييده عليا وقولت
اخليكم معايا في الاكتشاف

طبعا الرعب الا وهيا الخياطه
في عادي وتجميلي
وانا دايم اقرا عن التجميل يطلبونها من الدكتوره
بس اللي دحينا اكتشفته ان البكريه مايسولها تجميلي بس من التالت ومافوق
طيب لي ؟؟!!

[قلبيــ مدينهــ]

اجوان سنتيانات الرضاعه تحصليها في واحة الجلابيه وكمان في مذركيراما الشرشف ماعندي خلفيه اللي تعرف فينو تقولنا...

عسله يسعدك ربي بس كيف التنفيذ ّhwaml15

انتي عشان حملتي على طول ما اتعود زوجك ع الالويز ..هههه
كلام حبيبة موني مره حلو قوليلو هوا...

[اجوان]

الصمت عشقي,,
خلاص اجل حاشتري بس اتوقع يكفي حبتين صح..؟؟؟
شوفت في مذركير حبتين يجوا سوا بس مالقيت مقاسي انا مقاسي هذا معقدني دايم مخلص ماشالله كل العالم نفس مقاسي ههههههههههه

عسله,,
شوفي انا امي في اخويا الصغير رضعتو من صدرها وجلست سنتين ترضعو وبصراحه هيا اللي كرهتني الرضاعه الطبيعيه لانو كان مجننها بشكل وطول الوقت حابسها بالبيت ولما نطلع لاحد ويكون جيعان يجي يمسك في صدرها ويبغى يفك بلوزتها مره يفشلها وطبعا في السوق كلام ثاني تروح المصلى عشان ترضعو هههههههههههه
وانا بصراحه ناويه اتوظف بعد الولاده مابغى اتربط,,بس هيا لو ترضى ترضع الاثنين مافي مانع بس المشكله اللي يتعود عالطبيعي خلاص مايتقبل الرضاعه..

مشكوووره عالوصفات الجميله بس ترى الحنه هما يقصدو حنه بس حنه خاصه بالجسم يستخدموها المغاربه في الحمام حقهم يقولوا مره كويسه..

قلبي مدينه,,
هذا الشرشف موجود في سنتر بوينت بس ب 150 حسيت غالي وانا قد شفتو مره في مذركير بس لمن رحتلهم ماحصلتو ..



اليوم الصباح رحت مذركير مع زوجي وجلسنا ساعه نتفرج بالملابس ومنزلين لبس ميني ماوس يجنننننن يصير كانها ميني ماوس يعني زي التنكري بس جاي افرول وقعدنا ساعه مترددين ناخدو او لا بعدين قلتلو اقولك خلينا نطلع احسن اشكالنا تضحك واحنا بس نتفرج عالملابس ومترددين ناخد او لا خليها اذا جت عالارض شرينا لها انشالله ههههههههه

[الصمت عشقي]

حبيبتي اجوان
بصراحه مااتوقع انو يكفي 2
خذي 3 او 4
لانو لاتنسي صدرك بيكون يطلع حليب ويمكن تبقع السنتيانه
انا عن نفسي قلت باخذ يا 3 او 4

الله يكون في عوننا ويسهل علينا ساعة الولاده
اللهم اااااامييييييييييييين

[عسله]

هو مافي الا حل حبيبة موني هههههههههههههههههههههههههههه

قلبي مدينه
ان شاءالله انفدها واشوف نتايجها واديكي خبر
طيب يااجوان
اختي كانت ترضع بنتها وفي نفس الوقت تعودها شويه ع الرضاعه

كان اشتريتيه وخليتيه لين تكبر

[عسله]

ههههههههههههههههههههههههه

قماري مو قبل شويه حاطه خلطات للجسم وكدا
صاحبة الموضوع حاطته دوبها
ههههههههههههههه

[تـوته]

بنااااااااااااااااات ليش شريط الحمل موقف عندي ؟؟

[GhoOosha]

قلبي مدينه..والله ماعرف في المدينه شغالات غير وحده تجي لاهلي برمضان ومرره دايخه ..تعرفي ايش تسوي شوفي الحبشيات اللي يشتغلو في المستشفيات كتير منهم يبغو بيوت

عسله ..من جدك انتي؟ روحي بنفسك الصيدليه واشتريها وبعدين مو بس هيا يبغالك اكتر من شغله اغراض النونو شامبو وعطر وزيت شاور جل بودره وكده وانتي خديلك فرشه اسنان ومعجون وشامبو للمستشفى وجهزيهم من دحين في شنطه المستشفى ..يعني مو بس حفوظات النفاس يالا اتشجعي وروحي
اجوان.. انا شفت حق الرضاعه دا بس مو شرشف يجي شكلو مستطيل يمكن دا لما البيبي يخلص رضاعه ويتشجا في سما بالشرقيه.. بالرياض ماعرف فين في جده عندكم سما اللي بعد دوار الفلك جنب تاجتوج

يابنات صرت ما انام ولو نمت نومه زي الطين اقوم معصبه وماني طايقه احد يكلمني كل شي مو مريح لا نوم ولا اكل ولا شي مره نفسيتي تعبت وحاسه انومحد مستحملني

[اجوان]

Ghoosha,,
تصدقي بموضوع النوم دا انا عكسك طوووول الوقت نايمه والله لمن اقوم تعذيييب وزوجي يقولي انتي كل اعراض الوحام رجعتلك نوم كثير وماتشتهي اكل ,,مااعرف يمكن الوحم يرجع بالشهور الاخيره ...

[جداويه مغتربه]

مرحبااااا الله يتمم عالجميع ياارب حبيت استيشركم
انا اخر دوره كانت 11/3/1432 الموافق 14/2/2011
والسونار اعطاني ثلاث مرات موعد ولادتي 23/12/1432 الموافق 21/11/2011
وبعدين صار يعطيني الولاده بشهر واحد
والحين انا محتاره امشي على اي تاريخ خصوصا اني بكريه وابي اولد عند اهلي وبنفس الوقت عندي دراسه ومدري ايش اسوي اجلس عند اهلي بعد العيد او ارجع مع زوجي وعلى شهر واحد ارجع لااهلي لاني اذا حسبت لنفسي تكون ولادتي شهر 12
وانا عشان الاجازه والغياب بالكليه من دورتها مثلي واعطاها السونار شهر 12
سااااااااعدوني

كيفك ياعسل ان شاء الله بخير المهم انا دورتي بالهجري 8\3 وولادتي حسب الدوره والسونار 22\12 انتي بعدي بكم يوم بسالله يسهل ولادتنا ويرزقنا باطفال سليمين ويخلينا لهم كلهم ويخليهم لنا

[جداويه مغتربه]

كيفكم بنات وكيف التعب

[مشاعل القحطاني]

مسا الجوري صبايا
انا تو جايه من السوق شريت للبيبي ملابس واغراض وهيك بس باقي اغراض الصيدليه كللللللللللللللها مااخذت شي قلت بعدين
حمستوني امس >>>>>>>>>>>باقي متحمسه ترى
حبيت اقولكم الي عندها bb ترسللي البن على الخاص اللي حابه فقط
هارد لك للجميع

[عسله]

Ghoosha
ياقلبو مو الهرجه الصعبه في هدي ههههههه

و اغراض البيبي الحمدلله زوجي ريحني وجابها من عندهم في المستشفى باقي اغراضي
اليومين دي ماما تجيني الله يسعدها عشان ماارهق نفسي واخرج ان شاءالله يوم الخميس اخدها واديها ماما
تجهزها لان كل اغراضي عندها

اجوان

ماشالله تبارك الرحمن ( اديني شويه) استمتعي بنومك وحاولي تكبري المخده التامن شي تاااااني
والله مااقدر انااااااااااااااام اواصل يوم كامل ماانام غير كم ساعه وبالقووووه
الحمدلله
والاخلاق عندي مرا صفر وع اي شي ابكي



جداويه
التعب الحمدلله ع كل حال خلاص سار تبلد وربي ع قولت زوجي من غير ماتقولي تعبانه مبين عليكي

مشاعل
نصيحتي لكي خديها من دحينا وريحي نفسك
<< ايفون ,.,

[عسله]

قماري

الاكل ماسرت ادورله اول مرا تسرلي
يوم كامل ع مويه وكم حبة بسكوت !!!

[sara*_*]

كيفكم بنات
ابسئل وش سبب زيادة المويه حول الجنين وش علاجها
مين قد صار لها كذا وش سوت
مره خايفه من الموضوع والقلق بياكلني

[GhoOosha]

اجوان...انا حتى في وحمي ما كنت انام..ويجني نوم في اوقات مره غلط

عسله...خلاص اجل خليها على مامتك الله يخليها لك يارب...انا خلصت اغراض الصيدليه اليوم بس باقي اشياء السره وكريم البامبرز

[عسله]

ساره
والله ماعندي خلفيه الله يطمن قلبك ويريحك

[عسله]

قلبو كريم البامبرز اللي هو سودو؟
واشياء السره اسمع ان في لها بودره
بس انا ماما بزيت النارجيل كانت تسوي لبزورة اختي ع طول ينشفها

[عطر المكان]

يسعد صباااااحكم
عسله
حتى انا ما ما تستخدم زيت النارجيييل زيكم
بس لو نزلت دم لازم البودره

ساااااره
هلا والله
لا تخافي إن شاء الله مافيه مضرة

بنات الا حابه اسالكم تحسوووا هذا الشهر بتحجر فضيع ومررره يعور
انتووووو زيي ولا لا؟؟؟؟؟

[GhoOosha]

عسله...الا نحط نارجين بس من من اول يومين في امريكا كانو بحطو لولدي مسحه طبيه وبودره
وهنا كمان بس بعد كم يوم يحطو النارجين ولازم تتربط ..وامي الله يرحمها كانت تقول اذا شبعتي البيبي سرته تطيح بسرعه


عطر المكان.. ايوة والله اكون جالسه في امان الله وبطني تتحجر ولا اقدر اتنفس ولا اتحرك الله يعين بس

[عسله]

ايوا صح نسيت كمانا المسحه الطبيه

الله يرحمها ويغفرلها ..,.

التحجر ايوا حتى لو مشيت في البيت من غرفه لغرفه الاحظ زي كدا
سبحان الله

[اجوان]

كيفكم مامات ؟؟

تتوقعوا لمن اشرب كل يوم كوب قهوه ياثر عالبنج بعدين ولا لا؟؟؟
لاني بجد ماقدر استغني :\

[أيوش الحلوة]

بنات لو سمحتو ممكن تدخلو تعطو رأيكم باقتراحي ^_^
http://forum.hwaml.com/t73077.html#post1432070

[حبيبة موني]

اجوان انننننتبهي

لسى امس بنت عم زوجي تحكيني كيف في ولادتها مامسك معاها بنج ابرة الظهر تخيلي من الكوفيهات ،، مع انو في ولادتها ببنتها الاولى برضو اخدت الابرة وماشاء الله مسك معاها البنج وماحست بالولاده بس في التانيه مع كترة القهوة مامسك معاها شي وطفشتهم مررررره

[اجوان]

حبيبة موني,,
يالله خوفتيني والله بحاول ابطلها مع اني مااروق الا لما اشرب قهوه :s

[عسله]

ياااارب رحمتك
والله تعبت من قلة النوووووم
خلاااااااااص تعبت والله جسمي يشتكي بس ابغا انام عشان ارتاح
قلبي يوجعني ع زوجي اقلها الاكل موقادره اسويله
استغفروالله العظيم الحمدلله ع كل حال

[سفانه]

الله يسهل علينا ان شاءالله
تعبت من نومي بس اتقلب واحس بثقل
وتعب في الجلوس واذا قمت مرره تعب الله يكتب لنا الاجر

[عسله]

الحمدلله
ربك يفرجها لنا بولاده ميسره ويهون علينا الطلق
وحسن الخلق

[سفانه]

اللهم امين

[GhoOosha]

انا صرت زي السودانين اصحى من النوم عشان ارتاح..استغفر الله اقوم وفيا الم في ضهري فظيع ما ارتاح الا بدش حار..وبدات اكتشف شي مو طيب..صرت بس اكل اي شي بس افتح التلاجه وااااكل ..مره ايش دا حاله مزريه الصراحه

[sara*_*]

مساء الخير
الله يعين الحال صعبه ربي يعدي ذا الشهور على خير وييسرها علينا قولو امين

[عسله]

GhoOosha


ههههههههههههههههههههههههههههههههههههههه
والله ضحكتيني يوم تقولي اكتشفت شي مو طيب
دا اكتشافك فيني دي اليومين بس المصيبه يوم اجي اكل قليل مو ع قد الجوووع


ساره
الله يسمع منك .,. امييييييييييييييييييييييين

[عسله]

ساره

طمنينا ايش سبب موية الجنين عندك؟؟؟؟؟

[عسله]

بناااااااااات
انا تجيني الام زي الدوره الله يكرمكم وربي مرا خايفه ومو اول مرا
بدات وانا نايمه احس بالالم

مو عارفه ايش هدا!!

[سفانه]

8
8
نفس حالتي
ان شاءالله انه شي طبيعي:::::::

[عسله]

الله يسمعها منك

سفانه
تصدقي والله انا كنت اقول لزوجي ابغا اسماء بناتي سفانه وساجيه
بس هو واهلي مستغربين من الاسماء

[sara*_*]

ساره

طمنينا ايش سبب موية الجنين عندك؟؟؟؟؟

زايده وانا مره خايفه وخاصه بعد اللي قريته في النت مع انا الدكتوره مره مبرده
حتى وهي تقولي وكانه شي عادي بس قالت لي ارتاحي وماتتحركي

[sara*_*]

بناااااااااات
انا تجيني الام زي الدوره الله يكرمكم وربي مرا خايفه ومو اول مرا
بدات وانا نايمه احس بالالم

مو عارفه ايش هدا!!

كانت تجيني من وانا في الخامس ربع ساعه وتختفي اول مره خفت رحت لدكتوره قالت لي احتمال ولاده وخوفتني وقاستني قالت مافي شي بس اذا جاك ارجعي لي
ولما درو خواتي هزئوني قالولي ليه ترضين لها تقيسك ماعليك منها بتزيد الامر سوء
بعدين صار عندي عادي لما يجيني لانه شبه يومي اذا صرت واقفه اجلس واذا جالسه امشي او اتمدد ويخف
ومره قريت معلومه انو اذا جاك اشربي مويه لان الرحم يعاني من جفاف فينقبض
ادري طولتها وقصيت قصت حياتي

[sara*_*]

الله يسمعها منك

سفانه
تصدقي والله انا كنت اقول لزوجي ابغا اسماء بناتي سفانه وساجيه
بس هو واهلي مستغربين من الاسماء

ترى اسم سفانا مره عاجبني من ايام الخطوبه وكلما اقول لزوجي اذاا جاتني بنت بسميها سفانا يتريق عليه يقولي اسم سياره

[قلبيــ مدينهــ]

أنا زيك ياعسله تجيني آلام زي الدوره مع الآم الظهر شي مو طبيعي ...

أجوان انا جتني زكمه ومسكت معايا مو راضيه تفك انتي زيي؟؟؟

ساره اتطمني المويه لو هيا زايده مره كان تلاقيها هيا تقلق وعشان تطمني روحي لدكتور استشاري!!!!

سفانه ..هلا والله فيكِ بيننا !!

بنات الآم في عظام جسمي كلها اش اسوي؟؟؟

[حبيبة موني]

قلبي مدينه

والله حتى انا احس عظامي مرررررره توجعني والام في جنبي اليسار ولسى ماروحت موعدي ،، وامس جاتني الام زي الدوره اول مره تجيني ،،



بس كل مادخلت النت اقرا شكاوي البنات نفس الشي ،، حسيت انو عادي شكلو الحمل هوا كدا،، << تصدقو اصبر نفسي لمن اشوف مشاكلكم زي مشاكلي

يارب تعدي دي الايام بسرعه احس اني طفشت

[اجوان]

قلبي مدينه,,
انا دايم خشمي مقفل يفتح يوقفل مع نفسو وطول الوقت اعطس هههههههههههه
مدري ايش هذي زكمه ولا ايش بالضبط..

عسله,,
انا نفس الشي تجيني زي الام الدوره بس والله على قولة حبيبة موني شكلو الحمل كدا ,,والله انا افكر كيف امي كانت وهيا حامل تقوم تطبخ لنا وتلبسنا وعادي كل شي طبيعي والله شي غريب مادري احنا نتدلع ولا ايش السالفه :\


ghoosha,,
انا حالة الاكل هذي مثلك احس بس نفسي اكل واهم شي اذا احد سالني ايش مشتهيه اقولهم مو مشتهيه شي يعني ابغى اكل بس مو مشتهيه شي هههههههههه


امس نزلت شريت بعض من اشيائي والله وانا امشي خلااااااااص احس ظهري بينففففك عن جسمي يالله شعور شين كاني شايله عشره كيلو مو كيلو واحد انا استغرب لما اول كنت اروح المولات واشوف الحريم ببطونهم يتمشوا في السوق كيف يقدروووووا انا خلاااااااااااص مافيني مشي الا الضروري بسسسسسس..

مامات,,
انا شفت قميص للمستشفى عجبني مره بس لونو فيروزي وانا مهاد البنوته حيكون سكري طيب ايش رايكم ايش اشتري لون المفرش حق المستشفى؟؟ انا نفسي اشتري نفس لون القميص فيروزي بس تتوقعوا ينفع لاني جايبه بنت يعني يكون فيروزي سماوي احس الناس بتحسبني كنت حامل بولد بعدين فجاه صارت بنت ههههههههههههههه
بس انا عاجبني اللون تغيير عن السكري والوري مالقيت من هذا القميص وردي ,,ايش رايكم اخذ الفيروزي ومفرش فيروزي وبس ؟؟؟


ايش هذا التيكر دخلني الثامن hwaml03
لا مو على كيفو لسا باقي كم يوم hwaml4

[الراضية بقضاء ربها]

أختي أجوان إحنا حسبتنا على التاريخ الهجري بس هو دخلك الثامن بدري لأنه على الحسبة الميلادي نفس اللي يصير معاي

[عسله]

ساره
يعني انتي دكتورتك كشفت عليكي من تحت !!!!؟
انا بروح السبت ودا اللي خايفه منو
ان شاءالله نونتك مافيه الاكل خير وادا حسيتي مومرتاحه للدكتوره
روحي لوحده فاهمه عشان تطمني

بس ادا الألم من قلة شرب المويه بالعكس ماشالله تلات ارباع بطني مويه ههههه

قلبي مدينه
انا قريت من أعراض الشهر التامن احتقان الانف


اجوان
انا كنت بسوي شرشفي وسرير ولدي خربزي الا
ماما قالت هدا للبنت
خاصه ان انا مقرره هدا اللي مسويته بخلي للولاده التانيه ان شاءالله
وانا طيبه بعد سنتين او تلاته ههههههه
حلو الفيروزي بس ع قولتك بيحسبوه ولد
عندك خربزي او شاي بالحليب
تصدقي ع قد ماروحت ولادات ماعمري شفت شرشف وردي دايم اشوف سكري او بيج

[عسله]

اجوان
ههههههه انتي بدري انا عكسك متأخر

[اجوان]

الراضيه بقضاء ربها,,
والله ممكن بس لانو دكتوري يحسبلي ميلادي وعلى حسبتو لسا مادخلت الثامن,,
عموما يوم يومين ماهي فارقه اهم شي اولد اول التاسع ياااااااااارب اولد بداية التاسع مابغى اصير زي اختي مسكينه دخلت العاشر ..

عسله,,
انا قلت فيروزي لانو القميص اللي عجبني مافي منو غير هذا اللون فقلت على اساسو انسق مفرش السرير ,,

انتي دحين ايش شريتي لون؟؟؟

مامات فين الاقي بجايم بازارير من قدام فجاه كل البجايم صارت مقفله ههههههه
ابغى مكان غير لاسنزا ..

[اجوان]

فيني فراغ مره ,,
ايش رايكم كل وحده تكتب عمرها وكم عندها قبل ,,

انا بكريه وعمري 23 حملت بعد سته شهور زواج ..

يلا كل وحده تقول مو بس عرفتوا عمري تسحبوا علي ههههههههههههههه

[لمعة الماسة]

هلا بك اجوان انا عمري 26 وهذا حملي الثالث الله يسهل عليناوانا بتكون ولادتي شهر ذو الحجة وزواج اخو زوجي شهر محرم حسافة ماراح احضره اهئ اهئ

[أم ســـــامر...]

هههههه أجوان انا فيني فراغ ونشاط امس واليوم
انا بكرية وعمري 18 و اربعة اشهر حملت بعد7 شهور وسقطت
وحملت بحملي دا بعد سنة وربي يتمم لنا ع خير

[اجوان]

لمعة الماسه,,
ماشالله تبارك الله وكيف الحمل بالثالث زي الاول ولا يختلف؟؟

ام سامر,,
ياقلبي عليكي عمرك 18 اسمك معطيكي اكبر من كدا يلا الله يتمم لك على خير ويقر عينك بشوفته ياكريم.

[أم ســـــامر...]

هههههههههه اجل باغير النك علشان تعرفوا انو لسى صغيرة

[لمعة الماسة]

لا الاول خفيف وماحسيت اني حامل بس هالمرة بموت من الثقل الله يعين

[عسله]

اجوان والله نسيت اسم المحل اللي بجايم بازارير وبالقوه لقيت عندو بس شكلين بس اديني دقايق ادكر اسم محل حلو احلى من لاسنزر احم احم معاكم هههههههههههههههه كاني في مقابله شخصيه انا بكريه حملت بعد زواجي باسبوعين وعمري 24 وزي دي الايام كنت اتجهز لشبكتي لانها يوم 10/20 الله ع ديك الايام وفلتها وحلاوتها شي شي هههه

[عسله]

ايوا يااجوان
انا لونو سكري وبيج
لان ماابغا سماوي

[عسله]

ايوا
عندك
دا المحل
lavie en rose
وعندك
واحة الجلابيه
وعندك ضياء ادا ماكنت غلطانه في اسمه
ومن سكريت بس احسها تقيييللله بكم طويل

[حبيبة موني]

اهلين صبايا اخبار الكروووووش


انا عمري 22 ودا اول حمل ليا حملت بعد زواجي ب 6 شهور

وزي دا اليوم كنا انا وابو الشباب اححححلى كنااري وكان اول يوم زواج زواجي كان يوم 16/10/1431


عسله

من جد انا كنت اقول لزوجي زي دي الايام السنه اللي فاتت كنت اجهز لزواجي ودي السنه في نفس الايام اجهز لبنوووتتي الله يجبلي هيا بالسلامه ياااااارب *

[جداويه مغتربه]

عسله
انا نفس مشكلة النوم باليوم كلو انام اذا زادت 4 ساعات ومقطعه بالليل مايجيني نوم نهائي الله يتمم لنا ويفرجها علينا يارب والحمدلله على كل حال

[لياليـ]

مساء الخير
انضم للي راح يولدون ان شاء الله في شهر ذو الحجة

الله يسهل على الجميع يارب

[حبيبة موني]

اهلين بيكي ليالي

[لياليـ]

هلا والله فيك حبيبة موني

[ام عبدالله 86]

كيفكم يابنات وحشتوني مرررره والله
معليش انا اتابعكم من بعيد عشان مااقدر اطول على النت عند اهل زوجي
انا من جدة واتزوجت وسكنت في ينبع و عمري 25 وهادا حملي الاول من بعد سنة ونص من زواجي

[ام عبدالله 86]

يالف مرحبا بليالي والتوت البري واللي انضم معانا ياريت تكتوا لنا تاريخ ولادتكم وجنس البيبي عشان تصيروا معانا بالجدول ونطمن على بعض دائما

[قلبيــ مدينهــ]

أنا عمري 29سنه جبت بنوتتي وكان عمري 22سنه وبعدين سلسلة اجهاضات +ولاده وحده مبكره ودحينا دا الثاني الله يتمم لي ولكم جميعا !!!

[اجوان]

شكرا لكل اللي عرفوا بنفسهم واعطوني وجه :)))

عسله,,
انشالله بروح اشوف المحلات اللي قلتي عنها ..

بنات فكرت اسمي بنتي ديانا وانا وزوجي مره عجبنا ,,بس في مشكله انو معناتو اسم الهة الصيد عند الرومان طيب انو لو بسمي بنية انو مو قصدي كذا ينفع؟؟ وبعدين تتوقعوا يقبلونو بالاحوال المدنيه ؟؟؟

والله تعبت من سالفة الاسم وهذا الاسم الوحيد اللي اتفقنا عليه :(

[عسله]

ليالي
هلا قلبو
منورتنا الله يتمملك ع خير

الله يسهلنا جميعاااااااا بولاده ميسره ويتمم فرحتنا ع خير يارب


اجوان
حلو الاسم المعنى لا بس حتى المعنى بالنسبه لنا برضو كدا ؟
كل شخص ياخد نصيبه من معنى اسمه
لي ماتسو قرعه واتفقو اول اسم تستقرو عليه

انا والله ليومك نفسي في حسام
بس أحرجني وقال طلبتك ماترديني نفسي في تركي
قال التاني حسام مابغا اسماء بزورتي مشكله ههههه
احوب يكونو نفس الحرف

[عسله]

اليوم نفسيتي اتحسنت الحمدلله كلمت زميلاتي كانو معايا ايام
الدوام الله ع ديك الايام بحلوها ومرها لها دكرياااااااات

تصدقو نفسي اتوظف بس أخاف انشغل عن بيتي وزوجي وولدي
خاصه ان كنت اشوف امهات كتيييير مقصرين في حق بزورتهم
ماابغا اكون كدا
واحيانا اقول خلاص اجلس في البيت ارتاح
متردده

[اجوان]

عسله,,
والله شوفي لو ولد ماعندي مشكله لو يسميه مصطفى هههههههههههه
بس البنت احس لازم اسمها يكون حلو وبالنسبه انو نعمل قرعه هذا لو في اكثر من اسم عاجبنا بس للاسف هذا الوحيد اللي اتفقنا عليه مايجي نعمل قرعه بورقه وحده ههههههههههههههه
على فكره انا في اسماء كثير عاجبتني بس عندي كمان اهل زوجي مره يتدخلو بالاسم ومو اي شي يعجبهم كل ماقلنا اسم لا لا لا اخر شي قلنا انا وزوجي ديانا وماراح نعلمهم الين اولد عاد من جد ماني عارفه ايش يصير مية راي يتدخل في الاسم يعني مو كفايه امها وابوها يسموها والله شي يقهر :""""((


بالنسبه للوظيفه اتوظفي والله الوظيفه حلوه انا انشالله اول مااولد راح ادور وظيفه ماااتحمل اقعد بالبيت وانشالله ماراح اقصر بحق بيتي ..

[عسله]

اجوان
في اخويا قولنا نبغاه غيث
وطول ماما حامل فيه نكلمه ع انه غيث
يوم ولدت دق عمي قال سمو احمد
وااااه ياقلبي انا جلسنا فترنا مستمرين نناديه غيث
لين اتقبلنا اسمه

سبحان الله كل طفل يولد ومعاه اسمه
انتم لاتقلولهم ع الاسم خلو مفاجئه لهم
والمفروض نحنا اللي نسمي لان تعبنا فيهم

[اجوان]

المشكله ياعسله ماابغى اخلي الموضوع الين وقت الولاده بعدين من التعب اختار اي اسم واندم ابغى اكون مجهزه الاسم من بدري,,وعلى قولك انا اللي تعبت وحملت ليش يجوا اهلو يتدخلو وسموا ولا تسموا ,,يلا الشكوى لله والله كان نفسي باسماء كثير مره حلوه وفخمه ومميزه بس مايعجبهم العجب ..

[عسله]

لاشوفي انتي وهو
اتفقو ع الاسم من دحينا

[لياليـ]

هلا والله فيكم ياحلوات ومشكوره على الترحيب

[GhoOosha]

احس انو قريت صفحات كتير وماعرف ارد على مين...هههههههههههههه مره مهلوسه بس فاكره موضوع العمر ومدري ايش ..بس خايفه تنادوني ياماما هههههههههه...يالا ماما ماما..عمري 32 اتزوجت من 19 سنه ودا حملي الرابع بعد 12 سنه واكيد اول حمل احلى حمل

ايوة افتكرت..اجوان ابشرك انا ماعمري سميت كلو اهله (حسبي الله بس)<<< قلبتي عليها المواجع...بس دحين صرت قويه وشجاعه وما سالتهم اصلا وقررت اسميه عمر وكلنا نقول اشياء عمر وسرير عمر ودلعنا موري كمان هههههههههههه وياا خوفي يكون بس بياخدني على قد عقلي ويكون مجهز اسم لحسن هوا يموت في اسماء قريش كلها ..ههههههههههههههه

عسله... ترا الالم دا عادي خلاص دي تعديلات الولاده يعني انوجسمك يتهيا للولاده لا تقلقي بس خدي نفس عميق وغيري وضعيتك

[عطر المكان]

هلا كروشات
انا من جده وعمري 28 وهذا حملي الثالث واول حمل كأن عمري 23 وثاني حمل كأن 26
وربي يتمملنا على خيييييير

حابه اخذ رايكم انا عندي بنوته
وبنتي الاولى اسمها جودي وحابه اسمي الثانيه وحده من هذي الاسامي وش رايكم ايت احلا
جوري - جولي - جمانه - جنان
وش رايكم تراني محتااااااره

[عسله]

الله يسعدك طمنتي قلبي لن الدكتوره ماحترجع الا نهاية الشهر

عطر المكان
جوري ع نفس ايقاع جودي حلو
بس جولي بالنسبه ليا مو منتشر الاسم وحلو معناه

جودي وجلوي ياعيني ههههههه عقبال ماتفرحي فيهم وتشوفيهم في الكوشه ههههههههه

[Dado]

كيفكم كروشات
الحمدلله طلعت نتيجة السكر سليمه

بنات وحشني النوم المريح وحشتني حياتي قبل الحمل
والله مررره تعبت اعراض الشهور الاولى بدأت ترجع كل يوم غثيان وحرقان وقله نوم
حتى النوم ياعالم صار مؤلم.. يالطيف لما اقلب وانا نايمه احس روحي بتطلع
وصرت افكر بالولاده كتير وخايفه منجد .. لدرجه اني مفكره اكتب رساله او وصيه لزوجي.. تجيني تخيلات و كوابيس مخيفه

هدا كلو كوووووم وهم الدراسه كوم تاني

الله يعيننا ويسهلنا ياااارب

[قلبيــ مدينهــ]

Dado انا زيك كوااابيس والله نفس فكرتك قاعده اوصي اتخيلي ....

بنات نسيت حكاية الاسم أنا بنوتتي اسمها (شادن) بس مفكره إن شاء الله اسمي ولدي (عبدالله ) على اسم ابويا ..
عطر المكان سمي بنتك جنان او جمانه لأنك لو سميتيها جوري اش الفرق را بس احيانا تنكتب زي الدال حتسير لخبطه ..

[عسله]

دادو
اما التخيولات خليها ع ربك
مرا قولت لزوجي لو سرلي شي لاقدر الله تزوج غيري
<< مرا حسيت اني هبله هههههههههههههه
موفقه ان شاءالله في دراستك

قلبي مدينه
ماشالله حلو اسم بنوتتك
ومرا مرا احوووووووووووووبك عارفه لي hwaml03 لان بتسمي ولدك عبدالله
صدقيني من دحينا اقولك بجي حليوووه وتعمون ولديد ومرا مافي زيو ههههههههههه


شوفي عندنا طبع في شجرة العيله الكريمه ان اي واحد يجيه ولد يسميه ع اسم ابوه عاد تعالي شوفي الاسم الف نسخه منه
بابا وخالي اسمهم سليمان
اخو زوجي جاله ولد سماه سليمان خالي بالقوه وافق
زوجي مايبغا دي العاده تتكرر مع اسم ولدي

/

قماري نفسيتي تعبااااااااااااااانه وربي بس ابكي من امس
ماابغا اليوم اروح عند اهلي مدري لي اول مرا
وزوجي الا غاصبني يقول انتي ماتعرفي مصلحتكي هو كلم ماما قالتله خليها الاربعاء لانهم بروحو جده وهما راجعين ياخدوني
وربي شايله همه زي الجبل ع قلبي صح امه ماتقصر معاه بس مو زي لمن اكون معاه
ودحينا جامعه ودوام يارب لطفك ورحمتك

[اجوان]

Ghoosha,,
ههههههههههههههههه من جد صرتي امنا << امزح امزح p:
اجل كويس مو انا لحالي بسالفة الاسامي بس والله حاجه تنرفز المشكله ياليت يجيبوا اسماء حلوه كلها معفنه ومكرره وقديمه يلا يارب بس على اخر لحظه تتسمى على كيفي..

عطر المكان,,
لاتمسي جوري مره لخبطة على قولة قلبي مدينه شوفي جمانه حلو او سميها جوانا << مره نفسي بهذا الاسم لبنتي بس الشكوى لله :""(((

دادو,,
الحمدلله كويس وترى الغربه والله هي اللي تجيب الواحد الوساويس تعوذي من الشيبطان ياقلبي وانشالله فتره وتعدي,,

عسله,,,
اعقلي يابنت اما تتزوج عليا ههههههههههههههههه
انتي اولدي الحين بالسلامه وبعدين وسوسي انو زوجك يتجوز عليكي ,,عموما احلى شي انو زوجك مايبغى يكرر سالفة الاسم هذي ترى مره شينه الاسم مكرر مليون مره ..

قلبي مدينه,,
تصدقي عاجبني اسم شادن بس زوجي مو عاجبو ياربي مادري ايش يعجبهم جننوني ههههههههه


مامات انا الدكتور ماطلب تحليل سكر تتوقعوا لانو ماشاف اعراض سكر مثلا؟؟
بس طلب تحليل دم للموعد الجاي ماعرف احس تحاليلو مره قليله يمكن لاني ماقد اشتكيت لو فهو حاسس كل شي سليم ..

[قلبيــ مدينهــ]

عسله يسعدك يارب ...والله طفشنا ازواجنا ...انتو بكريات يعني اول تجربه لكن احنا مافي مجال حتي نشتكي...وتصدقي الحمل الأول عندي اخف بكثييير من هذا الحملّّّّ وزوجك يعرف مصلحتك احنا دحينا ما نعرف نركز ولا نفكر!!!

أجوان تصدقي اسم جوانا مره حلو لبنوتتك ...لكن مادام اتفقتوا على ديانا اتوكلي على الله والله يقر عينك بشوفتها يارب!!!

[قلبيــ مدينهــ]

أجوان السكر ما يركزوا عليه الا في الشهر السادس اذا ما بين معاهم في الثامن مايطلبوه هدا اللي اعرفوا

[عسله]

سبحان الله
قلبي مدينه انا كنت متوقعه اول حمل متعب اللي بعدو لا
قولت يمكن لان الاول شي جديد ع جسمنا

[عسله]

كنت قبل شويه اقرأ لدكتور سليمان العوده
عن الظلم
ادكرت انسانه ظلمتني قبل كم سنه دعيت عليها بمرض الله يجيرنا منه
سبحان الله دعوة المظلوم مستجابه لو بعد حين
قبل كم يوم سمعت خبر وفاتها بنفس المرض
لا اله الا الله ;,;

جمعه مباركه لاتنسو حبايبي سورة الكهف والاستغفار والصلاة ع النبي

[اجوان]

عسله,,
الله يرحمها ادعيلها بالرحمه محتاجه دعوات الحين :(

بنات الحين انا امشي عالجنبين والم وشد ولمن اقوم بس اتأوه طيب عارفه طبيعي كذا الحمل بس زوجي الا تروحي الدكتور شكلك مو عاجبني تمشي زي الخشبه ههههههههههههههههه
اقولو الحمل كذا لا لا تروحي الدكتور وحجزلي الاحد بالله الحين اروح الدكتور ايش اقولو احس من جد راح اتفشل بيقولو كذا الحمل :\
وزوجي مو راضي يقتنع ..


على فكره عسله انتي ليش متضايقه لانك بتروحي لاهلك ياستي روووووحي والله لو مكانك رحت ولا فكررررت ابد روحي ريحي .

[عسله]

قلبو
روحي اطمني زياده حلو الدلع و
زوجك حيقتنع لمن يسمع كلام الدكتور

/
لان وربي مراااا اشيل همه حتى لو هو عند اهله
العصر ان شاءالله حرولهم

[حبيبة موني]

سلاااااام ياحلواااااات

عسله

والله انا زيك ماني قادره اسيب زوجي ،، حتى في بداية الحمل كنت اقولو ترى التاسع من بدايتو بروح عند ماما ،، وامس يقولي روحي عند امك يومين غيري جو عشان نفسيتي زي الزفت ،، اقولو لااااااا حتى التاسع شكلي بروح اسبوعين وبرجع بيتي ،، هوا يقول مرررره لا تكملي اربعين يوم كااامله الين ماتتعافي خخخخخ مادري اشبي مشاعري زايده ابغاه جمبي على طول


اجوان

ههههههههههههههه حلوه زي الخشبه ،، انا احس اني سرت امشي زي البطريق ،، واوقات احس نفسي خفيييفه وكاني ماني حامل

[الصمت عشقي]

هلا والله خواتي
وربي اشتقت لكم
اخباركم عساكم بخير يارب ....؟
والتعب هاد حيلنا كلنا
ان شاء الله كل شيء باجر
ربي يكون بعوننا ويسهل علينا الباقي من الحمل
وربي يرزقنا ساعة الولادة السهلة الميسره
اللهم امييييييييييييين

[Dado]

حاسه فيكي ياعسله
لما كنت بالسعوديه مرات عند اهلي ومرات عند اهلو لانو مشردين ماعندنا بيت لووول
بس انو كنت اتضايق بالايام اللي اكون عند اهلي اشيل همو مررره مع انو امو فرحانه بشوفتو وماتقصر بشي خاصه انو ولدها الوحيد.. بس برضو كنت احس اني مهملتو ومقصره

اجوان حتقلك الدكتوره كل دا طبيعي عشان الحوض بيتوسع
حذرتني على تلاته اشيا دكتورتي لو صارت لازم اجيها على طول
لو مرت ساعتين والبيبي حركتو اقل من 10 حركات
لو نزلت مني مويه او دم
لو حسيت زي الام الدوره وتكون منتظمه يعني خلال تلات ساعات بتجي منتظمه

غيرو كلو عادي

حبيبة موني انا زي البطريق ورجولي منفخه بطريقه مرعبه
تخيلو وانا امشي بترجر من كتر التنفخ حتى زوجي لاحظ قلتلو صار عندي كرشه حتى برجلي مرره شكلها يضحك ويخوف بنفس الوقت

[حبيبة موني]

الصمت عشقي


اااااااااااامين يارب ولادتتا تكون سهههههههله


داادو

<< جالسه اتخيل رجولك عندها كرشه خخخخخ
بس يلا هانت باقي شهرين بس الحمدلله

[جداويه مغتربه]

دادو الكتور يقول اهم شي خلال 7 او 8 ساعات عشر حركات

[جداويه مغتربه]

عسله ياقلبي انا مره دعيت على تنتين بقلبي واول مره ادعي وتعبو التنتين فلما تعبو مره ندمت وجلست ادعيلهم ان ربي يشفيهم والحمدلله طيبات ان شاء الله عشان كدا اوصيكي ونفسي انه ندعي لهم بالهدايه الي يظلمونا

على فكره دودا وقلبي الوصيه من اول مفكره فيها بس اعتقد انه طبيعي دامنا كلنا وسوسنا وعلى فكره البكريه ياسلام ياليتني لسا بكريه بس ربكم كريم يمكن تجي اسهل ولاده لكم ولي يارب

المهم طولت عليكم انا من اول ناويه لوجاني ولد عبدالله لانه ماعندي اولاد والبنوته رتال

[احلى الاسماء]

hwaml4بنااااااااااات انا طفشااااانه
خلاص ابغى اولد جاتني حاله من الضيق

[جداويه مغتربه]

ليه حسستوني انه انا مامتكم خخخخخ انا 35 من جده وساكنه تبوك عندي بنوتتين وولد مات وهدا الرابع

[الصمت عشقي]

احلى الاسماء (http://forum.hwaml.com/u23157.html)
اصبري يالغلا
راح الكثير ومابقى الا اللقليل
الله يسهل علينا بالولاده ان شاء الله

جداويه مغتربه (http://forum.hwaml.com/u23077.html)
الله يخليلك بناتك ويارب تفرحي فيهم
وربي يرحم ولدك ويسكنه فسيح جناته
ويارب تولدي بالسلامه ان شاء الله
انتي بتولدي بتبوك والا بجده .......؟

[الصمت عشقي]

فيني فراغ مره ,,
ايش رايكم كل وحده تكتب عمرها وكم عندها قبل ,,

انا بكريه وعمري 23 حملت بعد سته شهور زواج ..

يلا كل وحده تقول مو بس عرفتوا عمري تسحبوا علي ههههههههههههههه

انا بكريه عمري 21 حملت بعد الزواج بــ 8 شهور
الله يتمم لنا على خير ان شاء الله
ويرزقنا اطفال سليمين معافيين كامليين بدون زياده او نقصان
اللهم آآآآآآآآآآآمين

[حبيبة موني]

احلى الاسماء

معليش ياقلبوو الحال من بعضو ،، ماباقيلنا شي ان شاء الله


ماما جداويه مغتربه hwaml02

الله يخليلك بنوتااتك يارب ،، دحين ايش في كرووشتك ؟؟

[جداويه مغتربه]

انا مااخليها تقلي ياقلبي خخخخخخ اكره اعرف قلت على الله

[جداويه مغتربه]

بولد بتبوك بنتي تدرس يلا على الله ان شاء الله

[GhoOosha]

عسله يالا في ماما تانيه جداويه ..ههههههههههههههه ياحبي لاهل جده بس

جدوايه الله يهنيكي ببناتك ويجعل ولدك شفيع لك ولابوه يارب ويرزقك ولد سليم وتشوفيه عريس يارب

احسن دعوة للمظلوم حسبي الله ونعم الوكيل ..لا تدعو على احد ويروح حقكم في الدنيا...اكيد احنا محتاجينها في الاخره ....يارب تجعلنا مظلومين ولا ظالمين

[جداويه مغتربه]

هههههههههه

اللهم امين لا انا اتعلمت والله وتوبت ان شا ء الله

[عسله]

قماري
قبل كم يوم سويت تحليل
واليوم جا زوجي مرااااااااااا مقفله معاااااااااااااه ومعصب وماسك في اعصابه
كل شي عندي ناااااااااااااااااقص
قولتله بالله وقف تعصيب لان دحينا عند ماما هيا بتكمل الشوط التاني
ههههههههههههههه

وبالفعل كملت الله يسعدها وبكرا بتوديني عند دكتوره في المستشفى اللي تبغاني اولد فيها ان شاءالله قولتلها كويس عشان اشوفها واخد واعطي معاه ان شاءالله ارتاح معاها

[ام عبدالله 86]

كيفكم ياحلوين ..
ليش كده ياعسله ...اتغذي كويس عشان وقت الولادة ان شاءالله

[Dado]

عسله وباقي البنات لاتستهينو بالحدييييييد
اكيد اللي عندهم خبره فاهمين قد ايش مهم
انا لو ماشفت صاحبتي تتعذب قدامي ماكنت استوعبت

خدو حدييييييييد حتى لو عندك دم العالم كلو
البيبي في هالفتره بياخد كل الحديد واغلبنا ناقص عندنا هدا ازا مو كلنا

[عطر المكان]

صح كلاااام دادو
انا كل يوم اخذ ابرة حديد والله يستر اليوم العصر عندي مراجعه واكيد بتسويلي تحليل
ليه اسبوعين اخذ حديد وكالسيوم ابريارب تقولي تعدل وارجع حبوب والله تعبت من الابر

[عسله]

عندي الإبر أهون من الحبوووووووب مرا قلق
العصر ان شاءالله بروح والله يستر

[Dado]

عسله منجدك؟؟؟
يعني بالله فيكي حيل تروحي المستشفى وكمان تنضربي ابره
والله الحبوب ارحم مررررررره خاصه انو حبوب الحديد تجي صغيره

اهم شي طمنينا عنك وانشالله مافينا الا كل خير

عطر المكان انشالله يكون ارتفع وترجعي للحبوب
كم كان عندك الحديد.. انا 10 ونص وكتبتلي حبوب
صاحبتي كانت 7 وشافت الويل حتى جاها نزيف وقت الولاده وربك ستر وجلست بعد الولاده تراجع المستشفى عشان موضوع الدم وعلاجات وهم

[حبيبة موني]

يوووووه يابنات وربي خوفتوني

انا خر عهدي بالحبوب اخر ايام رمضان ,, مادري ليش قرفانه منها بس ان شاء الله اخدها دحين

[عسله]

صباحكم سوكر ياسوكرات ياامورات

الحبوب مااعرف ابلعهاااااا احوس انا وهيا
اماالابره خدي طزه ههههههه وانتي مغمضة

[Dado]

هههههههههههههههه انا عندي كلو الا الطزات
والله الفيتامينات والحديد مررره مهمين لا تهملو نفسكم يابنات
انا والله لو مو زوجي اللي يجري ورايا فيهم ماكنت اخدتها بانتظام

[حبيبة موني]

بنااااااااات تفشاااااانه :(

مافي احد صااااحي الا انا ,, دقيت على جاراتي وصحبتي ولا احد رد عليا << ازعااااااج خخخ

مافي غير زوجي في الدوام قرقرت على راسو شويتين وقفلت :(

[عسله]

لا قلبو انا معاكي صاحيه هههههههه

[عسله]

ماشالله عندك جارات انا ولاحبه ههههه

[اجوان]

انا معاكم صاحيه وطفشانه :\
مااعرف ايش افطر مشتهيه كابتشينو بس امس نمت من غير عشا واحس لازم افطر زين بس مو مشتهيه الا كابتشينو خخخخخخخ

[حبيبة موني]

عسله هههههههههههههههههههههه

ان شاء الله ربي يرزقك كم حبه هههههههههههههههههههههه

اجوان تصدقي شهيتيني اقوم اسوي كابتشينو

[اجوان]

حبيبة موني لا راح اخربك انا هههههههههههه
سوي لك شي مفيد ;)


ياربي باقي شهرين بالضبط واولد ايش هذا الررررعب :s


60 Days