تجمع اللي بيولدون في شهر ذو الحجه

[لابسه المنفوش]

بنااااااااات اليوم ان شاء الله بنزل اقضي للبيبي ابغى اخذ كم غررررض والبااااقي بعد العيد وربي مررررره شاااااايله هم التقضيه رغم اني من يوم مااحملت وانا استنى هذي اللحظه

[لابسه المنفوش]

ايووووووه صح بقولكم تعرررفوا شيء يعالج الزكااااام امس عصرت ليمونه معملعقة عسل مع معلقت زيت زيتووون طبعا الطعم حدث ولا حرررج بس الحمدلله حلللقي طااااااب بس بااااقي الزكاااام احد يعررررفله شيء يووووديه

[عسله]

لابسه المنفوش
لوتاخدي دحينا كل شي مره وحده ترتاحي
والحمدلله لقيتي حل للكحه
الزكام انا استخدم الفيكس يريحني

[ام عبدالله 86]

لابسه منفوش قولي تاريخ ولادتك وجنس النونو عشان تصيري معانا بالجدول ....

[ريميهـ]

دادو الف الف الف الحمدالله على السلامه والله يعينك يارب ويقومك بالسلامه
ام عبدالله ان شاء الله توصلي بالسلامه والله يعينك على المشوار بس الحمدالله المسافه مو طويله مره بس حطي خداديه خلف ظهرك لان انا صرررت مره اتضايق من مراتب السياره وتعور ظهري


طيب ياحبوبات انا معلمه ومحتاره ايش اشتري تنانير حمل او شباح احلى ؟؟؟ وش رأيكم
وابي محلات حمل طفشت مافي غير مراحل ويبرين فيه غيره او لا واللي عندها موديل افصله تعرضه الله يسعدها ... قبل رمضان بطني ماكانت كبيره مره كنت البس ملابس عاديه بس الحين كبرت شوي ماشاء الله ومااقدر البس ملابس عاديه واحترت وش البس بالمدرسه والبلايز الداخليه النص ممنوع بس الحاير والكمام والله حووووووووووووووووسه وباقي اغراض النفاس مااشتريت وش تنصحوني احس الوقت يمشي بسررررررعه ......

[اجوان]

قلبي مدينه,,
حبيبتي اصلا سنتر بوينت مبدئيا حتلاقي فيه كل حاجه اتوقع,,

عسله,,
مشكووووووووووره على مقطع اليوتيوب مره عجبتني التسريحات مره فنانه,,ببدا اتعلم عليها مع انو شعري قصير بس بعضها يضبط :)


بنات امس باليل جلست اتصفح منتدى الولاده واقرا البنات اللي ولدوا ومن ضمنهم صاحبتنا اميره باوصافها,,والله العظيم من امس لليوم وانا فيني ضيييييقه ياربي ايش هدا اللي فتحت معها الخيوط واللي زوجها قاللها توسعتي :"""""""(((

حسيت مره حوووووووووووسه ياربي ,بليز بنات اللي تعرف احد ولد طبيعي اسالوهم كيف اول بيبي الوحده تتغير من تحت او لا :((
انا كل اللي بجيلي وامون عليهم ولدوا قيصري ومايعرفوا للطبيعي شي وامي مره اخجل اسالها وبعدين امي مره قديمه مو زي جيل الحين احس الدكاتره يختلفوا ,,

بليز اسالوا لي ابغى اتطمن مره متضايقه وبس افكر بعد الولاده ايش راح يصير لي :"""""""""(((((

[لابسه المنفوش]

ام عبدالله ادخل التاااسع يوم 11/12وجنس النونو ولد بإذن الله

[لابسه المنفوش]

بناااات اليوم نزلت سنتر بوينت وتووووني جاااايه وعلى طوووووول عليكم

طبعا هذي اول نزله ليا اشتريت بعض الاغراض بس تعبت ورجعت ماقدرت

اطوووول وقلت اكمل بعد العيد ان شاء الله...........
شوفوا الاغررررراض واعطوني رأيكم
يالله نبدأ :

http://forum.hwaml.com/imgcache2/hwaml.com_1314142231_912.jpg (http://www.up-00.com/)

http://forum.hwaml.com/imgcache2/hwaml.com_1314142230_971.jpg (http://www.up-00.com/)

http://forum.hwaml.com/imgcache2/hwaml.com_1314142232_439.jpg (http://www.up-00.com/)

http://forum.hwaml.com/imgcache2/hwaml.com_1314142231_655.jpg (http://www.up-00.com/)

http://forum.hwaml.com/imgcache2/hwaml.com_1314142231_259.jpg (http://www.up-00.com/)


http://forum.hwaml.com/imgcache2/hwaml.com_1314142230_169.jpg (http://www.up-00.com/)

يتبع....hwaml16

[لابسه المنفوش]

http://forum.hwaml.com/imgcache2/hwaml.com_1314142568_762.jpg (http://www.up-00.com/)

http://forum.hwaml.com/imgcache2/hwaml.com_1314142568_191.jpg (http://www.up-00.com/)
وبـــــــــــــــــــــس............

[rooraa]

بنات امس باليل جلست اتصفح منتدى الولاده واقرا البنات اللي ولدوا ومن ضمنهم صاحبتنا اميره باوصافها,,والله العظيم من امس لليوم وانا فيني ضيييييقه ياربي ايش هدا اللي فتحت معها الخيوط واللي زوجها قاللها توسعتي :"""""""(((

حسيت مره حوووووووووووسه ياربي ,بليز بنات اللي تعرف احد ولد طبيعي اسالوهم كيف اول بيبي الوحده تتغير من تحت او لا :((
انا كل اللي بجيلي وامون عليهم ولدوا قيصري ومايعرفوا للطبيعي شي وامي مره اخجل اسالها وبعدين امي مره قديمه مو زي جيل الحين احس الدكاتره يختلفوا ,,

بليز اسالوا لي ابغى اتطمن مره متضايقه وبس افكر بعد الولاده ايش راح يصير لي :"""""""""((((([/quote]
هلا اختي لا اول بيبي ولا حتى عااشر بيبي لو الدكتوره خيطتك تماام خياطه تجميليه مو اي كلام واهتميني بنفاسك تمام لو جبتي 10 حتكوني زي ما انتي

[عسله]

اجوان

انا لي جالسه استفسر عن دكتوره تمام
وكل مااقول لماما خايفه مدري وين اولد تقول لاتشيلي هم
وع قولتك اخجل أقولها عشان الخياطة
لان ابغاها تجميلي مافي الازوجي هرجت معاه وفهمتو لان يقولي
لاتخافي كل الحريم ولدو قولتو مو ع كدا الهرجه في الخياطة تعبها وبحالها
يبغالها اهتمام
الله يفرجها ويسهلها لنا من عنده


لابسه المنفوش
تبارك الرحمن حلوين عقبال ماتفرحي بشوفته وتنبسطي وانتي تلبسيه

ريميه
دحينا خلصي اغراض نفاسك
لان وقت الدوام ماحتفضي تقضي
ولايهمك ادا لقيت لكي موديل احطلك الصوره


عقبااااااال قلبي مدينه تقضي للبيبي هههههه<< مرا شايله همها
هيا واجوان

[لابسه المنفوش]

عســـــــــله : شكراااااا حبيبتي هذا من ذوقك

استنى باااااقي البنات>>>>قصدي الكروشاااات هع

[عسله]

اجوان
الله يسااااااامحك وربي موقادره اناااام
الخوف هلكني
مالنا الاندعي ونوكلها ع الرحمن الرحيم

[اجوان]

لابسه المنفوش,,
ماشاءلله تبارك الله مره حلوه الملابس ,,يارب تتهني بشوفة ولدك وهوا لابسها وسليم بين يدينك اميييييين..
انتي تقريبا شريتي مثلي قطعتين كدا من سنتر بوينت كبدايه ومادري متى تصير النهايه ههههههههههههه


rooraa,,
حبيبتي مشكوره ياقلبي يارب مانتغير ابدا ابدا ويرحم حالنا..


عسله,,
انا المشكله الحين دكتوري رجال نفسي اسالو كيف الخياطه تكون وكدا بس والله مستحيييييه منوووو مرررره مع اني كل مارحتلو اتطمن هوا شاطر وفاهم ومعاه تخصص تجميل ,,,والغريب انو كل البنات اللي بعمري وامون عليهم والدين قيصري واولهم اختي يعني ماني فاهمه ليش كلهم قيصري؟؟؟؟؟؟؟؟
اختي حوضها كان صغير بس الباقين احس اسبابهم عجيبه اللي نقصت مويه واللي قل النبض ماني عارفه احسهم هما يطلبوا قيصري !!!

انا ماابغى اولد قيصري لاني عندي رعب من غرفة عمليات وجرح عمليه ومررره عندي رعب من البنج ,,بس بجد نفسي اعرف ايش سالفة الطبيعي هذي بالضبط :(((


يااااارب ياكرييييم تسهل ولادتنا وتجعلنا زي قبل الحمل واحسن ياااارب يااااااكريم ...

[أميره وين ماكنت]

جوان ياقلبي لاتخافي انا الحمدالله ولدت طبيعي ومرتين واي استفسار انا حاضرة
لاتشيلي هم بعدين اذا قمتي بالسلامه ان شاء الله كل شي يهون والمسأله جدا عاديه
بالنسبه لي انا من القصيم واولد مستشفى اهلي واغلب الاهليات تكون خياطتهم تجميليه بدون ماتقولي لهم
كل شي يهون ان شاء الله لاتخافون

[عسله]

اميره
طب بسالك انا قريت لوحده ان اعطوها كمام ماحست بشي أغمي عليها
صحيت لقت نفسها في غرفتها
يعني لو اطلب الكمام كدا بيكون ؟

[قلبيــ مدينهــ]

لابسه المنفوش مررره حلوين عقبال ماتشوفي نونتك لابسهم بالعافية يارب ...

عسله رووووعة الكولكشن ...

اجوان الولادة الطبيعي احسن بكثير من القيصري انا ولدت قيصري واتبهدلت من الآلام وغير كذا تحسي عضلات بطنك مشدوده ويجيكي رعب في الولاده الثانيه لأنو اللي تولد اول ولاده قيصري ما يدوها في الثاني طلق صناعي ..أما الولاده الطبيعي زي ما قالت اميره مع العناية والاهتمام في الأربعين ترجعي زي ما كنتي واحسن ...واذا ولدتي في خاص طبيعي يسووا خياطه تجميلي من برا ومن جوا ....

عسله انا جربت الكمام ومعاه يدوكي ابره مسكنه في العضل ماتحسي بشي الا وانت والده والنونو على بطنك هههههههه يارب تكون ولادتنا كلنا طبييييعي ...

[قلبيــ مدينهــ]

أجوان ...إنتي لا تستحي اطلبي خياطه تجميليه اخواتي كذا يطلبوا واحيانا ما تحتاج البكريه خياطه تجميليه بس اهم شي تسويلك برنامج نفاس وتغذيه كويسه وان شاء الله مايصيرلك مثل اللي سمعتيه ...

[GhoOosha]

اهليين هلا قلبو
زمان عنك .,.
الف سلامه عليكي
ومن ناحية الثقل والتعب
صادقه في دا الشي
ع كتر الخوف من الولاده الا ابغا اولد وارتااااااااااااح

بس ليش الم زي الطلق؟؟؟


اااااه بس لا تخليني ابكي ....انا رمضان اللي راح سويت عمليه شفط وشد للبطن لانو ماكان في نيه حمل..وبعدهاب 4 شهور حملت ..وخفت لانو العمليه لازم مافي حمل لمده سنتين..وطمنتني الدكتوره انو مافي خطر بس راح تجيني الام زي الطلق عشان البطن تتوسع ...والله انو الم يخليني افرفر من مكاني واجلس اصرخ يجيني كل كم يوم ربع ساعه ويروح..اخلاقي مره صارت تجاريه وماني طايقه نفسي...ادعولي ربي يسهل امري

[غلا روحهـ]

hwaml53سلام يا حلوات .. انا عضوه جديده وان شاء الله بولد في شهر 12 حبيت انضم لتجمعكم وبسhwaml84

[GhoOosha]

ghooosha أنا زيك معاي ارتفاع في الحرارة مع زكمه واحتقان صرفولك مضاد ؟؟
عموما ألف سلامه عليك !!!
عسله معطر الجسم اخواتي مدحوه ليا ...بالعافيه حبيبتي...
أميره والله مع الآلام اللي احسها نسيت التفكير في الولاده ...يارب سهل علينا جميعا...


ايوة اخدت مضاد من الصيدليه مافيا اروح مستشفى..واخدت معاها بخاخ للزكمه وفتامين سي ومشي الحال

كانو سمعت اميره باوصفها ولدت؟ هيا حسابها معايا تولد عسى خير يارب ...<<< متنحه وماهي فاهمه الهرجه

[GhoOosha]

[QUOTE=اجوان;1374666]Ghosha,,
الله يعينك ياقلبي ويسهل عليك ,, على فكره كيف الام الطلق؟؟ من جد زي الدوره؟؟


تقريبا بس دبل كم مره...اول ولاده سهله لانو ماتعرفي ايش هوا الالم.زكل ما تحسي بشي تتوقعي انو في اقوى منه وتصبري نفسك وشويه تلقي نفسك خلصتي وانتهى كل شي..لا تشيلي هم ربك يسهلها

[لابسه المنفوش]

بنات انا زمااااااان وانا بثاااانوي مااخذت ابرة القزاز

فهل عااااااااااادي ولا لازم اخذوها بليز فيدووووووووني>>توها تفتكر

[حبيبة موني]

صباااااحوو اشطه يادبدووباااات

كيف الحمل معااكم بنااات ،، انا اليوم اهلي جو اتسحرو عندي اول مره كلهم يتجمعو عندي ،، اختي جات من بريطانيا واخويا جا من جده مررره انبسطت ومع انو ماوقفت لحالي في المطبخ ومامتي طبخت معايا وشغالة اهلي موجوده ،، لكن وربي عظام جسمي كووولها توجعني ،، بس عاادي مرررره انبسطت فيهم


قلبي مدينه

روحي سنتر بوينت ،، اصلا النواني في اللفه ماتبان عليهم الملابس ولمن يكبرو شويه اتفنني في لبسهم

لابسه المنفوش ،، حتى انا اتوقع مااخذت الابره في الثانوي

بنااات انتو دحين توسوسو في جنس النونو ،، انا مررره من وقت ماقالتلي بنوته وانا خلاص حاطتها في بالي ،، بس زوجي اللي يوسوس خخخخخخخ يقولي اتخيلي يطلع ولد اقول يلبس الملابس غصبا عنو ولا ارجعو

[عسله]

لابسه المنفوش
انا أخدتها مرتين في الرابع والخامس
بعضهم ماياخدوها
اما في الثانوي ماادكر

حبيبة موني
الله يديم جمعاتكم ع خير يارب
والف سلامه عليكي


ايوا

[عسله]

قلبي مدينه
الله يسعدك دنيا واخره كويس فهمتيني عشان ان شاءالله اطلبها

Ghosh
الف سلامه عليكي معليه هانت راح الكتير وبقي القليل
تتسهل ان شاءالله
بسالك انا اسمع عن دي العمليه بس يقولو
ان المكان الي تسويه فيه كدا يرجع في مكان تاني فهمتيني


غلا روحه
هلا قلبو
منورتنا ,;,
الله يتمملك ع خير يارب

[حبيبة موني]

الله يسلمك ياقلبو

بنات احس الايام مشيت بسرعه ماني متخيله انو خلاص ماباقي شي ع الولاده*

[قلبيــ مدينهــ]

حبيبة موني الله يبسطك على طووول يارب فعلا موعد الولادة قررربhwaml15

عســــله أختى تقول ابرة العضل ما يدوها الحكومي الا اللي بتصرخ وتسوي ازعاج بينما الخاص يدوكيها اول ما يحمى الطلق ....والله يهون علينا جميعا...

GhoOosha ترى اميره بأوصافها ولدت خوفتك جتها ولاده مبكره....

لابسه منفوش احنا اخذنا ابرة الكزاز في التانوي وما عادوها في الحمل بما انك ما اخذتيها اسألي دكتورتك واظن عسلة اخذتها في الحمل كانت بتسأل عنها ....

[غلا روحهـ]

عسله تسلمي حبيبتي ... حبيت تجمعكم يارب يسهل ولادتنا ويهون الطلق علينا يا قادر ياكريم

[عسله]

ايوا كنت اخدها اقول للدكتوره لي تقول مو عشانك عشان البيبي هههههه

[أميره وين ماكنت]

هلا حبيباتي
بالنسبه للكمام هو مايخدر كامل بس يهدي وتحسي كأنك بتنامي
انا بولادتي الأولى من الخوف قلت عطوني ابره تخدر وماصدقوا على الله عطوني صحيح اني ماصحيت الابالغرفه بس والله مالها فايدة لانها يعطونك على طلعة الراس يعني اذا طلع الراس تتبنجي
وش الفايدة اللي عليه العلم راح واذا طلع الراس خلاص ماتحسي بشي
نصيحتي انكم ماتطلبوها احسن يكفي انه اذا طلع الطفل تحسين بفرحه وتجلسي تطالعيه

[عسله]

اما الكمامه بس وقت طلوع الراس؟؟؟!!!!
اجل ايش الفاااااايده
يعني وقت الطلق والالم مافي شي يسكن يهدي الألم


والله انا تعبانه الم في اسفل بطني ورجليني منفخه بزياااده عن كل مره
وكلة الاكل والنوم
الحمدلله ع كل حال
يارب يارحيم ارحمنا برحمتك ولاتضيع تعبنا وسهل ولادتنا يارب
انك سميع عليم مجيب الدعاء

[حبيبة موني]

اااااااامين ياااارب الله يسهلها ويهون علينا الطلق ،، انا مررره نفسي اخذ ابرة الظهر بس الله يهديهم الناس ماعندهم غير التخويف

[عسله]

حبيبة موني

مو إبرة الظهر للطبيعي نفسها للقيصري ولا؟

[حبيبة موني]

ايوا هيا نفسها بنج نصفي ،، وفي كتير ناس يسو بنج نصفي رجال وحريم بس مادري ليش ع الحوامل يخوفونا منها

[حلا جدة]

مساء الخير
كيفكم كروشات وكيفكم مع رمضان والعشر الاخيرة شدو حيلكم في العبادة مابقى اللا كم يوم الله يبلغنا جميعا رمضان أعواما عديدة
أم عبداللةأضيفيني للجدول تاريخ الولادة المتوقع 5 الحج والجنين ولد

[عسله]

اها
ياقلبو انا شوفت اختي وربي بعد ولادتها تشتكي من ضهرها
وجابت اندونسيه تمرخها
بعد الولاده يكفي الخياطة واهتمامها


حلا جده
هلا قلبو
منورتنا ؛،؛
الله يتمملك ع خير يارب

[اجوان]

اميره,,قلبي مدينه..
مشكورين حبايبي طمنوتوووني..

اميره بس بسالك لمن اولد طبيعي كيف راح تكون حركتي اول الايام ؟؟؟؟؟ وبعدين اقدر اجلس ولا بكون طول الوقت منسدحه؟؟؟


عسله,,
الله يسهل علينا يارب والله الثقل ودخلات الحمام الله يكرمك تعبتننننننننننني وصايره ماانبسط اذا رحنا نتمشى من الثقل وسالفة التواليت هذي :((
تلاقيني اكون طفشااااااااااااااااانه بس مالي خلق اروح مكان :/



لا وفي شي كمان ,,
ياربي مااحب اتشكى كثير بس والله من اللي احس فيه :(
الحين انا اي كل اكلو احس بتخممممممممممممه واصير ثقيله,,هل انا اكثر اكل فعلا..؟؟ولا هو شعور طبيعي؟؟
لا واذا قلت بمشي عشان اهضم امشي دقيقتين واتعب :/

يالله وحشني شعور الخفه ايام ماكنت اناقز ..

[ريـ الغلا ـم]

مرحبا

انا في السابع ولادتي في نص ذي الحجة على كلام السونار ,,

عادي اخذ مسرعات الولااااده لاني بجد تعبت وضقت ماعاد فينين اتحمل اكثررررر

[اجوان]

ريم الغلا,,,
ياقلبي قريت وضعك الله يخفف عنك يارب بس تحملي كلو على اجر ونهاية الصبرالفرج انشالله,,وصدقيني حتى لو اخدتي مسرعات ادا ربي مو كاتب تولدي الحين ماحتولدي..

[حبيبة موني]

ريم

لييييييييش بدري علينا الطفش من دحين ،، ادعي ربنا يتمم لك حملك على خير ولا تحسبي كم باقيلك ع الولاده وربي حتحسي الايام مشيت بسررررررررعه ،،

[حبيبة موني]

قريت موضوووعك ياقلبي ،، الله يعيينك ويكتبلك اللي فيه الخير

[عسله]

اجوان
والله مالي نفس اخرج مع زوجي نفس حكايتك تواليت مره ازمه
وادا خرجت لو اكون عطشانة مابغا اشرب
وحكاية الاكل
برضو لقمتين واحس كأني اكلت كتير الحمدلله ع النعمه

[حبيبة موني]

بنات قبل امس رحت المشغل قصيت شعري وشلت شعر وجهي وسويت سكراب لوجهي ورقبتي ،، شكلي اتغير ونفسيتي صااارت احححسن وكل شويه البس ملابس العيد واصور كرشتي ،، سوو نيو لووك وحتشوووفو كيف نفسية الحمل تتعدل

[اجوان]

حبيبة موني,,
ماشالله عليكي مره كويس :)))
انا كل اسبوع اشقر حواجبي واشيل شعر وجهي بالبيت ,,كم مره فكرت اروح اسوي تنظيف وجهي وبدكير بس ماعرف ليش اكسل يمكن لانو مافي لا دخلات ولا خرجات :/
وشعري ماجلتو للنفاس عشان استناه لمن يطول شوي ابغى اعملو قصه جديده وصبغه ..

[عسله]

حبيبةموني
ماشاءالله حركتااات نعيما
انا بكرا ان شاءالله بروح عند اهلي
بروح مع ماما المشغل بس حنظف وجهي شعري طويل
قولت بعد الولاده ان شاءالله اقصه واصبغه

اجوان
ماشاءالله كيف تنظفي وجهك في البيت؟

[عسله]

امس شوفت جلابيه قصيره زي اللي تلبسهم الهام الفضاله في
فرصه تانيه
بلااااها اترددت اخدها في حياتي مالبست جلابيه
بس دحينا افكر اخدها قبل ماامشي لاهلي

[حبيبة موني]

عسله

الله ينعم عليكي

فين لقيتي الميني جلابيه ،، وقت ماكنت اقضي للعيد كان نفسي اشتري وحده بس اللي شفتها مرررره وووع حسيت فيها دفاشه وتقييييييله مو زي اللي تلبسها الهام الفضاله ،،


اجوااان

انا مررره نفسي اشقر حواجبي ،، حواجبي مرررره مرتبه وماعمري شقرتها الا يوم زواجي ،، وبعدها طلعتلي كم شعره ودحين ابا اشقر زوجي يقوولي لاااااا مايعجبني التشقير عشان يشوف شكل اختو لمن يخف التشقير ،، بس هيا حواجبها ماشاء الله مررررره كتيييره ،، ودحين حاط العذر يقولي الحامل ماينفع تشقر <<< كيف يقتنع دا خخخخخ

[قلبيــ مدينهــ]

ما شاء علي اك حبيبة موني... كذا حلووو كثير لأن تغيير الشكل يحسن النفسية ...

اجوان انااشقر لنفسي وانظف بشرتي بنفسي زيك ....شطاار صح!!!

عسلة انا اليوم رحت الدكتوره وكل مواعيدي اللي قبل كذا تقولي الدكتوره كل 12من الشهر تدخلي شههر جديد طيب انا قبلك دورتي وكمان ولادتي ليش انتي كل 9 من الشهر تدخلي شهر جديد؟؟؟؟

[حبيبة موني]

دخلت على تجمع رمضان وجلست اقرا ردودهم ،، والله شي يخووووف ،، بس احساس حلوووو لمن تدخل وحده وتكتبلهم الحمدلله ولدت << دخلت جو خخخخ

[عسله]

قلبي مدينه

انا اخر دوره يوم 2/24
فقالت كل 9 تدخلي شهر
قبل فتره روحت لدكتور سوالي سونار بس مو في تاريخ 9
قالي انتي في السابع استغربت كيف دا قبل يوم 9


حبيبة موني
ادا حواجبك ماشالله مرتبه وماتحتاج حلو خليها
الجلابيه عندنا شارع الستين ياكترها تحتاري ايش تاخدي

[أميره وين ماكنت]

ياقلبي ياجوان لاتخافي ولاتشيلي هم
بعد الولادة عادي جدا من ناحية الخياطه وتجلسي المفروض عادي من ثالث يوم وتمشي عادي

[عسله]

قلبي مدينه
والله جاني صوداع رهيييب من كترالتفكير بالله طمنيني

[ريميهـ]

الميني جلابيه حلوووه واعجبتني بواحة الجلابيه بس مااشتريتها لان مااطلع كثير وعندي ملابس باقي مالبستها
طيب ماقلتولي ايش احلى اشتري للدوام تنورة حمل او شباح وتحته بلوزه ؟؟؟

[غلا روحهـ]

الحمد لله على كل حال ..انا امس دخلت السابع بس بجد تعبت احس في كل شي تعب في النومه والجلسه وشغل البيت في كل شى ...
وماما تقولي اصبري في السابع والثامن والتاسع اصعب ...لازم تهيي نفسك
وانا اصلا تعبت في حملي وبنتي راسها نازل من الخامس وهو في الحوض وحتى لو تحركت ترجعه ما ادري ليه ؟؟!
واحس اهملت نفسي مو عارفه ايش اسوي ؟؟!

[تـوته]

غلا روحي ,,انا باقي ايام وادخل السابع ومثلك تعبانه وظهري حدث ولا حرج
الله يعنا ويخفف علينا ويهون يااااااااارب.....

بنــــــــــــــات معاي صديد في البول تكرمون وصرفت لي الدكتوره مضاد حيوي اسمه
التراموكس .. احد صار معه مثلي ياليت يخبرني ؟؟؟؟؟؟؟؟

[عسله]

ريميه
احلى تنورة حمل

غلا روحه
والله كلنا في الهوا سوا في التعب يزيد كل شهر
الحمدلله ع كل حال
بس من الخامس ماشاءالله راسها في الحوض مو بدري ولا
ترا ع بالي بس في التاسع

[حبيبة موني]

والله جد جد خلاص بدا الجد الله يستر اليوم روحت السوق ولمن رجعت احس ظهري يوجعععععععني ،، اقول لاهلي شكلو طلق شكلي بولد خخخخخخ عااااااد انا خواااافه وربي مادري كيف بولد الله يسهلها علينا يارب

ريميه
التنانير احلى

[عسله]

توته
انا قالتلي زيك واخدت ادويه لمدة اسبوع
والمراجعه
عصبت وقالت مااتغير شي
خليكي ع المويه والبيره شعير في بنكهات والبقدونس بس ماقربت منه مااحوبو
وجلست فتره ع كدا ودحينا لا
بس بسالك اللي عندها كدا مو وقت الله يكرمك التواليت تحس بحرقان ولا موشرط؟


حبيبة موني
الف سلامه الله يكتبلك ولاده ميسره

[حلا جدة]

صباح الخير يابنات
أنا اليوم رحت السوق احس اني مره تعبت الله يعين
يابنات مين فيكم تدرس وهل تكمل الترم القادم ولا تسحب ؟؟؟

[قلبيــ مدينهــ]

ريميه التنانير احلى بكثيير وخذي جينز شيال وتحته بلوزه لأن الجينز عملي وانا زيك من المدينه محلات ملابس الحمل محدوده جدا بس انا رحت لينبع اغير جو وحصلت عندهم حاجات خباااااال ...

[قلبيــ مدينهــ]

توته الله يشفيكِ يارب !!
غلا جده مداكِ تلحقي على الاختبارات كملي ولا تتكاسلي!!

[لابسه المنفوش]

بنااااااات بالله عليكم ردوا عليه
طبعا انا مااخذت الكزاز وامس رحت موعدي وقلت لدكتوره قالتلي روحي خذيها في حكومي هنا مايعطونك اياها
سؤالي : متى اروح للحكومي بأي وقت ولاهيا اوقات معينه يكون فيها تطعيم لاني حااايسه نفسي اضربها قبل العيد بالله فيدوني

[قلبيــ مدينهــ]

عسله .... أنا اراجع في المدينه عند دكتوره اسمها احسان بخش لها خبره 30سنه في طب النساء يقولوا شاطره ...وانا زيك سبحان الله آخر دوره 24/2 طلعنا مع بعض ... لكن لاتقلقي خلي القلق لوقتو من بداية التاسع حنبدأ نحسب .... والله يسهلنا ولادتنا جميعا يارب !!!

[قلبيــ مدينهــ]

لابسه منفوش متهيألي انك من المدينه اسمعي روحي لمستوصف الحي وافتحي ملف وهما يدوكي هيا بس اظن قفلوا دوام...

[تـوته]

عسله .... يقولون البيره ممكن تسقط البيبي فخفت اخذها وكمان البقدونس مو زين
مادري مين اصدق !!
اخذتي مضاد حيوي الللي نصه احمر ونصه اصفر ؟؟ هو الوحيد اللي صرفت لي اياه

[حبيبة موني]

حلا جده انا ساااااحبه ،، اجلت السنه كلهااا

[عسله]

لاياقلبي اول مرا اسمع كدا والدكتورة بنفسها قالت خدي بيره وبقدونس
واكتر مويه
البيره شربتها لين أدمنت عليها
موسي ومره اخدها بربيكان

امممم
انا فاكره الأحمر النص التاني لا هههههه
لان كنت بالقوه اعرف اخدها

[عسله]

اجوان
امس مانورتنا
!!

[غلا روحهـ]

ايه يا عسله مفروض بالتاسع بس هي مستعجله ههههههههههههههههههههه
يارب هون علينا واكتبلنا الاجر ياكريم

[لابسه المنفوش]

بناااااااااااات احتمااااال اليوم تكون ليلة قدر اكثروا من قول اللهم انك عفوا كريم تحب العفو فعفوا عنااااا
>>>>>>لي رجــــــعه خررررررررروج

[حلا جدة]

صباح الخيييييير
كيفكم ياكروشات
حبيبة مونييعني أجلتي سنه مو ترم ، طيب قدمتي أوراقك ولا لسه ، وانتي في أي جامعه

[حبيبة موني]

اجلت من قبل تقريبا شهرين حق السنه هادي ورحتلهم في عمادة القبول << ترى كان في تأجيل بالنت بس انتهى عشان كدا روحتلهم ,, وعلى بداية السنه تقدري تسوي اعتذار بالنت


<< جــامعة عزوووز

[اميره باوصافها]

انا لله وانا اليه راجعون
اللهم اجرني في مصيبتي واخلف لي خيرا منها
داعوتكم لي يا اخوات بالصبر وان الله يعوضني بطفل اخر
اضمه
اللهم كما اقريت عين ام موسى بموسى قر عيني بطفل يالله

[اجوان]

انا لله وانا اليه راجعون
اللهم اجرني في مصيبتي واخلف لي خيرا منها
داعوتكم لي يا اخوات بالصبر وان الله يعوضني بطفل اخر
اضمه
اللهم كما اقريت عين ام موسى بموسى قر عيني بطفل يالله

ياحبيبتي انتي الله يعوضك ياااااارب ,,ويجعل وليدك شفيع لك بالاخره..
انا لله وانا اليه راجعون..
تغلبي على احساس الحزن وافرحي لانو ربي كتب لك من يشفعلك يوم القيامه هذا الشي مره يميزك عن غيرك ..
والخيره فيما اختاره الله وانتي لسا العمر قدامك انشالله بتجيبي صبيان وبنات وتملي البيت ويملوا عليكي حياتك ..

[عسله]

لاحول ولاقوة الا بالله العلي العظيم
ان لله وان اليه راجعون
الله يعوضك ياقلبي وان شاءالله يكون لكي شفيع يوم القيامة
والله يصبر قلبك ...

[حلا جدة]

الله يعوضك خير ،ويجعله شفيع لك يوم القيامة

[أميره وين ماكنت]

الحمدالله الله يعوضك يارب والخيره فيما اختاره الله
قلوبنا معك ياأميره وان شاء الله بيعوضك ربي كل خير

[Dado]

انا لله وانا اليه راجعون

الله يعوضك حبيبتي ويجعلو شفيع لكي بالجنه

[قلبيــ مدينهــ]

انا لله وانا اليه راجعون ....عوضك الله خيرا ..

[قلبيــ مدينهــ]

بنات مين اصابع يديها متورمه؟؟؟
وهل تحسوا بتنميل في اصابع اليد اثناء النوم؟؟؟

[Dado]

انا كلي متورمه
يدي ورجلي وجسمي كلو احسو مليان مويه
وصايبتني كآبه من وزني
كنت قبل الحمل 48 والشهور الاولى مازدت شي كنت مبسوطه وبعدين صرت ازيد شوي شوي
تخيلو وصلت 61 خلاص كرهت عمري

[عسله]

قلبي مدينه
انا ولاخاتم لااله الا الله اقدر اللبسه
ورجليني برضو انتي عارفه ايش اللبس الله يكرمك من نعومي
شبشب اخرج فيه واخدت واحد للعيد من ماكس ههههه مافي شي يجي مقاسي

شي طبيعي في دي الشهر نتنفخ انا من الخامس


دادو
الوزن عاد هرجتو تانيه نفسيتي تتعب احيانا لمن اشوف جسمي كدا
بس وحده تقول لاختي ان زوجة ولد اخوها
بعد ولادتها اشترت جهاز مااعرف اسمو
بس زي القرص توقفي عليه وتمسكي بحاجه وهو يهز جسمك كولو كانو رقص
اقل شي توقفي عليه 10 دقايق
لان انا ملاحظتها ماشالله ولادتها ورا بعض وجسم يرجع زي ماهو

[عسله]

ماشالله قلبي مدينه
انا وانتي وقت حملنا مع بعض الله يسهلها لنا يارب
*

[اجوان]

بنات ايش سبب التنفخ؟؟؟؟
انا مااحس تنفخت الحمدلله..
شوفوا اكلكم يمكن تاكلو ملح كثير ولاتهتموا بالمويه ..

تخيلوا يمكن ننقل من شقتنا خلال الشهرين اللي جايين انشالله,,والله بيكون تعب احس الله يعيني ..

[Dado]

عسله.. مشكلتي كسلانه قبل ما احمل قلت حسوي زي اخت زوجي ما حاكل غير سلطات ودجاج مشوي.. بس بعد شهور الغثيان فتحت نفسيتي مرره مع اني مو من النوع اللي ياكل كتير اصلا

حتى الكريم اتكاسل احطو الله يرضى عليهم اخوات زوجي كان يجرو ورايا بالكريم وياويلي ما احطو لووول


اجوان انا ماتنفخت غير من بعد الطياره

[Dado]

اجوان الله يعينك عالنقل والله مرره تعب حاولي تأجلوها

[عسله]

اجوان
اساسا انا مااطبخ مرا حتى الجبن اجيبو مو مالح
الله يعينك بس جيبو شركه تزبط نقل البيت وترتبه


قماري اشتريتو حلاوةالعيد ولا؟؟؟

[قلبيــ مدينهــ]

أجوان اجلي النقل لأن الشهر الثامن اخطر شهور الحمل الأخيره ....انتبهي..

Dado صحيح انا اول ما اتنفخت بعد ما روحنا استراحة ووقفت كثير مع البنات في الملاهي والمسبح وبعدها اتنفخت ومسك معايا التنفيخ الى دحين ...وهوا حسب طبيعة الجسم في اجسام تتنفخ وفيه لا ....

عسله وحنشوف مين تسويها اول انا والا انتِ ههههه

[عسله]

انا كتير ادا شافوني
قالولي حامل بولد لانك منفخه وتعرجي
اقولهم اول مرا اسمع ان الي كدا حامل بولد !!

[قلبيــ مدينهــ]

عسله نسييييت حلاوة العيد شكلي حعدي على باتشي وآخد دايت شكولاته ....واتفضلي زورينا في المدينه مرحبابك ...

أجوان اسم اجوان مررره حلو ليش ما تسمي نونتك هدا الاسم مررره روووعه...

[اجوان]

المشكله يادادو انو لازم بهالفتره ننقل لانو باقي ثلاث شهور ويخلص العقد وصعبه نجددو ,,وعلى قوة عسله شركه حتنقل بس الاشياء الصغيره انشالله اهل زوجي مايقصروا ويساعدوووني ..

عسله,,
لا والله ماشريت بس ايش فايدتها؟؟
يعني ببيت اهلي كنا نشتريها نوزع عالاطفال ونشتري صينيه نتقهوى فيها الصباح مع امي وابوي << ياربي ببكي نفسي اعيد معاهم وحشوني :((
بس الحين اهل زوجي مو من عاداتهم يوزعوا حلاوه للاطفال واطفالهم مره شوي وماتوقع حشوفهم كمان هدول الاطفال ههههه
يعني اشتري صينية واحطها ببيتي انا وزوجي نتسلى عليها؟؟

[اجوان]

قلبي مدينه,,
اجوان مو عاجب زوجي يقول جوانا احلى ,, وانا وهوا متفقين على جوانا عاد ماتدري وقتها يجي اسمها معاها

عسله,,
بالعكس يقولوا البنت تنفخ الام,,
انا كل من شافني قالي ولد عشان جسمي ماتغير يقولوا البنت تنفخ امها هههههههههههههههه
ماعليك من العالم كل واحد يخربط من راسو.

[قلبيــ مدينهــ]

أجوان حتى جوانا حلو الله يتمم لك على خير يارب !!!

عسله صح يقولوا الحامل بولد تتنفخ وما تقدر تمشي مزبوط يعني يجيها شد في الرجل اليمين تحديدا .....مع انو زي ما قالت اجوان البنت اتقل من الولد ..

[عسله]

قلبي مدينه
بعد الولاده لنا زياره للمدينه ينفع تخلي الحلاوه لوقتها هههه
اجوان
يعني لو شوية حلاوه
ماادري يمكن لان اتعودت اشتريها لمن كنت عند اهلي



في سؤال جا ع بالي
دحينا الشهر التاسع ان شاءالله كل اسبوع مراجعه
هل كل مراجعه الدكتوره تكشف من تحت ؟.
معليه دي الهرجه مرا مستصعبتها حبتين هههههه

[عسله]

حلو اسم جوانا
واجوان برضو حلو

[قلبيــ مدينهــ]

عسله انا عندي بنت قبل دا الحمل كنت اراجع في التاسع بس ما افتكر انو فيه كشف من تحت ابدا الا عاد ساعة الطلق يدخلوا يديهم يقيسوا فتحة عنق الرحم ..

[اجوان]

عسله,,
والله اول ماتزوجت كنت اسوي الاشياء اللي كنت اسويها عنداهلي مع زوجي بس خلاص شفت مافي تفاعل يأست ههههههههههههههههه
اقولو ابغى الف حلاوه للعيد باكياس ملونه لاخواتك الصغار يقولي مايحتاج مايحتاج والله جبلي الاحباط هههههههههههه
بس تصدقي شكلي حسويها يمكن تعجبهم الفكره ويصيروا يقلدوني p:
وبالنسبه لحلاوة الكبار خلاص يكفي اهل زوجي يشتروا واحنا نروح ناكل عندهم ههههههههههه

[قلبيــ مدينهــ]

عسله تصدقي زكرتيني تصدقي الكمام اللي حطوه ليا وقت الطلق هوا اللي تعبني وجابلي فتور واتعسرت ولادتي وولدت قيصري بعد ما اتبهدلت يومين والآخر قيصري هدا في بنتي اللي قبل دا...

[قلبيــ مدينهــ]

أجوان ... الرجال كل ما فكرنا بفكره قالوا هبال حريم ....ما يقتنعوا أبدا

[ريميهـ]

مرحبا حبيباتي اشتقتلكم كثير
انا الحمدالله وزني مازاد كثير وبطني كأنه بالخامس
بقولكم ايش صار لي اليوم يابنات
بعد ماافطرت المغرب رحت الكوفيره عشان اشيل شعر وجهي لانه بعد المغرب مايكون زحمه
المهم لما بدأت تشيل لي حسيت بدووووووووخه وماشوف كويس قلتلها برتاح شوي
اول ماقمت من عالكرسي ماحسيت بنفسي فجأه صحيت ولقيت الناس متجمعين
وراسي من الخلف متورم من الطيحه يابنات
وعطوني ملح ومويا لحد ماراحت الدوخه
مين تحس مثلي الايام هذي كثرت الدوخه معاي مررررررررررررره واحيانا اشوف ظلام
والدم عندي 10 والحديد ماناسبني لا فيفول ولا فروز
فيفول يجيب لي امساك شديد الله يكرمكم والفروز نفخ واسهال
وماادري وش الحل ياحبيباتي ...........؟

[عسله]

قلبي مدينه
يناسو ع بنوتتك ماشالله كم عمرها؟

اجوان

هههههههههههه انا زيك جاني احباط امس عند شوكلاين
قال مين بجي عندنا محد
الا انا قفلت معايا بس شاف اختي تشتري وشافني أقولها ايش تاخد
كانو قلبه حزن شويه عليا واشترا بس بعد ماقفلت


بس انتي سويها لهم شي جديد وحلو عليهم وحطيلهم عيديه معاها

[عسله]

ريميه

الف سلامه عليكي
انا زيك بطلتهم تعبت بسراحه
وكان عني نازل
بس كنت اكل تمر
الدكتوره استغربت تقولي تمام ايش سويتي
عاد قولتلها لان كنت اخد حبتين حديد
بس ادا اخدتيها خدي برتقال كتري منو مايسببلك الله يكرمك امساك

[عسله]

كمانا عندك الزبيب كويس والكبده

[قلبيــ مدينهــ]

عسلة بنوتتي عمرها 7سنوات وبعدها جاتني ولاده مبكره زي اميره واجهاضات بس الحمد لله على قضائه ....

ريميه يمكن زاد عندك فقر الدم انتبهي لايوصل 8 بعدين تحتاجي ابر والف سلامه عليكِ!!!والله انا مداومه على حبوب الحديد ضروري لا تسيبيه!!!

[اجوان]

عسله وقلبي مدينه..
هههههههههههههه من جد واللهي هذولا الرجال حياتهم كئيبه وتقليدين يعني مايطفشوا :\

ريميه,,
الف سلامه عليكي,,بس ايش يعني الدم 10؟؟؟ كويس ولا لا؟؟ ترى مره ماافهم بهذي الامور ,,عموما حاولي تهتمي باكلك يمكن مقصره على نفسك بالاكل وياقلبي حبوب الحديد ضروري لانو غير الحديد فيها نسبة فوليك وكلهم ضروريات للجنين ..

[عسله]

انا عارفه اني ع غلط
مااخد لاكالسيوم لاحديد ولا جوسبرين

[عسله]

قلبي مدينه

الله يتمللك ع خير ويعوض اميره يارب

[عسله]

اجوان
الظاهر لازم يكون الدم 11

[اجوان]

عسله,,
يؤيؤ واحنا نقول انتي العاقله طلعتي ماتاخذي ولا حاجه ههههههههههههه
بنات اهتموا مره لازم عالاقل الحديد انا من النوع اللي مااحب التزم بحبوب بس والله الحديد هذي مداومه عليها زي الالف..

[Dado]

عسله الحال من بعضو حتى المويه بطلت اشربها
لما رحت الدكتوره قالتلي لازم تاخدي فيتامينات اهم شي بس الحديد اشوف بعد التحليل لو تحتاجي والكالسيوم نفس الشي لانها قالت كترة الكالسيوم تسببلك مشاكل

بنات متى نولد مليت مرررره نفسي كمان اشوف النونو كيف شكلو
حلمت انو عيونو خضرا زي ابوه بكل شي وانا من جمبها
لو طلع منجد زي ابوه وقالولي يشبه ابوه حعصب عليهم لووووول

[Dado]

ريميه سلامتك ماتشوفي شر وانتبهي عالحديد لانو الطبيعي يكون من 12 لحد 15

انا باول حملي كان 13.9 ولما حللت بالسعوديه صار11.6 والدكتوره بامريكا قالت لو نزل اكتر من كدا حعطيكي حديد

[حبيبة موني]

مرحبا صباااااايااااا


اميره ،، الله يعوضك خير ياقلبي ويلهمك الصبر والسلوان ويشفعلك يوم القيامه

اجوان

انا دا اول عيد وانا متزوجه واشتريت اكياس صغيره اورقنزا وبحط فيها شوكلاته والف العيديه بشرايط صغيره واوزعها على البزوره والفكره عجبت زوجي سويها وماعليكي منو حتعجبو

قلبي مدينه

انا ماتنفخت ودايما يجيني شد في رجلي اليمين ،، بس حامل ببنوووته ^^
يعني مو شرط

ريميه

الف سلامه عليكي ماتشوفي شر روحي المستشفى عشان تطمني على نفسك ،، انا دمي 10 بس الحمدلله ماأحس بدووخه ،، والحبوووب حدث ولا حرج بس اخذ الحديد ومرات افووت والكالسيوم ولا اقربووو ،، تقهرن الحبه كبيييييييره*

[حبيبة موني]

داااادووو

مررررررررره حتى انا نفسي اشوف شكل نووووووونتي ،، يارب عدي الشهور على خييير واحفظلنا اجنتنا يااااااارب

[عسله]

اجوان
ههههههه
لاداعي للاحرااااااااج هههههههههههه

[حبيبة موني]

تتوقعو العيد ثلووث ولا ربوووع

[عسله]

تلوووووت ؛،؛
دادو

انا عكسك اتمنى يطلع يشبه بابتو

[Dado]

عسله انا ماعندي مشكله بالعكس حفرح لو طلع زي ابوه
بس ما بدي الناس طول الوقت يقولو واااو يشبه ابوه واحس حالي صفر عالشمال

يجاملوني ويقولو يشبهكم الاتنين زي ما اسوي مع الناس انا لوووول

[قلبيــ مدينهــ]

Dado أنا زيك حاسه انو حيطلع زي ابوه (ابوه اشقراني)شايفه بنتي تشبهلي وهدا اكيييد مثل ابوه ياالله تمام الخلقه ...

[حبيبة موني]

كيييييييف الكروشاااااات والنوناااات اليوووووم؟؟


بنات ماتحسو حركة النونو قلت ؟؟؟

[اجوان]

من جد حتى انا متحمسه اعرف كيف راح يكون شكل خلفتي ههههههههههه
اصلا للحين مو مستوعبه اني راح اصير ام وعندي عيال اتحكم فيهم بكيفي هههههههههه
انا اتمنى بنتي تصير تاخد مني ومن ابوها يعني ابغى تاخد عيوني وحواجبي وتدويرة وجهي ومن ابوها الخشم والفم والشعر ,,وبصراحه ابغاها احلا مني تكون ابغاها تصير احلا وحده في الدنيا ههههههههه

يارب تمم لنا على خير ونشوفهم باحضاننا ..

حبيبة موني,,
انا احيانا حركتها تخف وبعدين ترجع ثاني يعني مو شرط كل يوم تكون بنفس النشاط ,,بس لو تحسي مره خفت وطولت لا احسنلك تتاكدي .

[حلا جدة]

مساء الخير ياكروشاااات كيفكم
وكيف تجهيزات العيد
أنا بنتي عمرها اربع سنين وماشالله من أول ماولدت وهي نسخه مني لحد الان
حتى أخوي لمن زارني في المستشفى يقول هذي عينه منك هههههه
واللب في بطني ان شالله يطلع يشبه ابوه لانه غيران مني لانه بنتي تشبه لي ومااخذت منه شي

[عسله]

اتمنى ولدي يشبه بابتو في كل شي شكل وطبع وقتها اعرف ان حرمته حتكون
اسعد إنسانه هههههه
بس الي اكتر شي ابغاه فيه
غمازاته ويكتب باليسار وطموح زيه
بس الشعر زي ناعم والبياض



اليوم انا افتريت في كرشتي
الخدامه اللي قالت بتجي تنظفلي مقفله جوالها من الساعه 8 ماجاني
صبر مسكت مجلس الرجال اااه دفيت في الكنب واغسل السيراميك
وانا بس ابكي تعبانه كيف امسح الجبس
الازوجي صحي من النوم الله يسعده دنيا واخره
دق ع الرجال اللي ينظف سيارته قاله يجي
يمسك بيتنا غسيل من والى

[عسله]

حبيبة موني
ايوا قلت عن اول
يس اهم شي تحسي بالحركه في كل يوم

[حبيبة موني]

عسله ازا خلص غسال سيارتكم ارسليلي ياه عندي شغل متلتل خخخخخخخخ

<< على اساس كنا نازلين على جده يوم التلووووت بس زوجي قدم يوم الحجز وخلاه الاثنين ،، وشووووفي كيف غرفة الملابس صاايره في غسيييييل مليان وجالسه أطلع ملابس العييييد واحط في الشنط وحااااله

[حبيبة موني]

ايوا احس بحركتها تقريبا كل يوم بس مرررررررره اخف عن اووول

[عسله]

ياحياتو انا من عنوناتي ارسله لكي
انا بكرا بغسل ملابسنا ابغا العيد يجي مااشوف قطعة ملابس يبغالها غسيل
الغساله الاتوماتيكيه ترييييح ع الاخر

[حبيبة موني]

انا عندي غساله اتوماتيك ونشافه كهربائيه كمان بس انا والغسيل ابدا مانتفق

[اجوان]

بنات طفشااااااااانه :(
اهل زوجي ماعندهم عيد واول يوم مافي شي نسويه انا وزوجي مرررره طفش احس كل الناس فرحانه بالعيد الا انا :((
ليتني عند اهلي والله اتحملت فراقهم برمضان والحين بالعيد ياربي عجزت استوعب اني اتجوزت خلاص ولازم اتأقلم مع الحياة الجديده :((
دايم طفشانه :(

[عسله]

اجوان تعالي عندي مرا حنبسط لو تنوريني
طيب اخرجو يابت انتي في جده ماشالله تماشي ياكترها
ايش اقول انا ماغير اخرج اخدلي كابتشينو ولاعمنا باسكن روبنز هههه

ودام انتي وزوجك مبسوطين مع بعض اهم شي
حاولي تروحو مطعم او البحر يعني اتسلو
اتفرجو فلم حاجه زي كدا

[عسله]

اجوان انا ليا 7 شهور متزوجه وليومك ابغا عند اهلي
وادا روحت اخرج من عندهم وانا ابكي وزوجي يضايق
<<< بالله ايش قالنا نتزوج ههههههه
الحمدلله ع كل نعمه الله يديمها علينا

[حبيبة موني]

اجواااااان

انتي سوي جو العيد ,, زي ماكنتي في بيت اهلك ,, يعني من الليل البسي بجامة العيد واز جا الصباح روحو المشهد انتي وزوجك وصلو العيد وبعد ماترجعي اكشخي والبسي لبس العيد وسوي الفطور او اخرجي افطري برا انتي وزوجك وفرفشي

عسله ,,,

خخخخخخخ خلاص يابت انتي كبرتي

[اجوان]

عسله,,
احنا قلنا الصباح نصلي العيد وبعدين نطلع نفطر في فندق لانو الفنادق تفتح بوفيهات فطور,,بس وباقي اليوم محنا عارفين فين نروح بالضبط,,
اي والله من قالنا نتزوج ههههههههههه
عارفه اليوم افكر مع نفسي اقول نفسي ارجع زي ايام الخطوبه عايشه ببيت اهلي واكلم زوجي بالتلفون وكدا بس هههههههه

بس انشالله اخر عيد في جده الاعياد الجايه كلها بروح لاهلي وراح اخد زوجي معايا عشان يحس بالعيد..

والله ياليت اشوفك ياقلبو اتشرف بس اتوقع انتي مو في جده..

يلا الحمدلله على كل حال ربي رزقنا ازواج طيبين وانشالله قريب ذريه طيبه بس النفس احيانا تضعف :(

[اجوان]

حبيبة موني,,
انا بسوي كذا بس تعرفي العيد مع الناس غير لمن تلبسي وتتمكيجي وتطلعي للناس انا اتعودت كدا عند اهلي ,,يعني انا وزوجي طول السنه تماشي مابقى مكان ماروحنا ..
انشالله ثاني يوم في بيت اهلو يقول نروح نتعشا عندهم بس اول يوم مافي شي انشالله مايبطلوا لانهم كدا مره قالوا بنسوي بعدين يبطلوا بعدين يرجعوا يقولوا بنسوي ههههههههه..

[ريميهـ]

عسله .. أجوان .. حبيبة موني .. قلبي مدينه .. دادو
مشكووووووووووورين حبايبي والله يسلمكم يارب
عسله الدكتوره قالت اهم شى الحديد لاتتركينه تراه اهم من الكالسيوم لازم تاخذينه ياقلبي

[ريميهـ]

حتى انا هذا اول عيد مع زوجي واهلي سافروا وخلوني
واهله موجودين بس مهما كان استحي اجلس عندهم طول اليوم ....
وقلت شكلي بتفق مع صديقاتي نطلع لملاهي او حديقه

[Dado]

بنات ايشبكم طفشتو من الزواج
احمدو ربك عالاقل قريبين مو زي مرميه اخر الدنيا
حتى مع فرق الوقت مالحق اكلمهم ياهما نايمين او انا

انا هدا تاني عيد ليا مع زوجي بصراحه انا مررره احب اهلو لانهم يدلعوني طول الوقت لووول بس اللي ما احب اختلط معاهم قرايبنو والحمدلله زوجي مايحب يرحلهم اصلا

دحين بامريكا مدري كيف العيد حيكون بس ما اتوقع رح احس فيه اصلا

احمدو ربكم ماعندكم دراسه ولا قرف.. ورايا بلاوي متلتله ولازم ادور قبول ماجستير ويمكن انقل ولايه تانيه ولسا كل دا له وقت محدد ولا ارجع زي الشاطره لبلدي وكأنك يابو زيد ماغزيت

ادعولي تتسهل اموري والله شغلة قبول الجامعه تجيب الجلطه

[عسله]

دادو
لاتشيلي هم تتسهل ان شاءالله
اخت زوجي كدا زيك ومشيت امورها
موفقه بإدن الرحمن

[Dado]

شكرا يا عسولتنا
الله يسمع منك يارب

[اجوان]

عيدكـــــــــــــــــــــــــ مبـــــــــــــــارك ـــــــــــــــــــــــــــــــــــــــــــــــم

كل سنه وانتوا طيبين حبااااايبي :****

انشالله السنه الجايه معانا نونواتنا ونشتري لهم لبس العيد ونفرح معاهم :)))

[قلبيــ مدينهــ]

يارب ياأجوان آميييييييييييييييين ...

Dado الله يوفقك ويسهلك ....

ريميه الحمدلله ع السلامه

عسوله الله لايحرمنا من طلتك ......


بنات كل عام وانتم بخير ومن العايدين ....

[nano nono]

الله يسهل عليكم كللللللللللللللللللللللللللللللللللللللللكم يارب ويرزقني وياكم أهم حاجة إنكم تدعووووولي إن الله يرزقني بالذرية.

[Dado]

كل عام وانتو بخير يارب
نانو نونا الله يرزقك يارب بالذريه الصالحه عاجلا غير اجل
ويثبت حمل اختك وخالتك يا كريم

[تـوته]

كل عااااااااااااام وانتووووووو بألف خير

بناااااااااااااات تكفووووووون انقذوني والله تعبت من آلاااااام التهاب البول الدكتور منعني هاليومين اخذ علاج عشان بيعملي مزرعة بول . وماني عارفه وش اخذ عشان يخفف الالللللللللللللم
البقدونس والبيره قالولي مب زينه وش الحللل يا نااااااااااااااااااااس؟؟؟؟؟؟؟

[قلبيــ مدينهــ]

توته الله يشفيك يارب سوي مزرعة بول عشان يدوكي المضاد المناسب ...وكثري من شرب المويه تعرفي الشوفان خذي ملعقه وانقعيه في مويه لمدة ساعه وصفيه وحطي عليه ملعقة عسل ...واشربيه وان شاء الله يفيدك...

[ريميهـ]

كل عااااام وأنتم بألف خير حبيباتي .......... ان شاء الله نجتمع بعيد الفطر الجاي ومعانا نونوات يارب .......
داودو الله يوفقك يارب وعليك بصلاة الليل ركعتين وتسليمه بعدين ركعه يسمونها سهام الليل وان شاء الله راح تشوفين امورك تتسهل بأذن الله .... وشدي حيلك اضغطي على نفسك
قلبي مدينه الله يسلمك يارب ........
توته انا كل مااخذ مضاد يرجع لي نفس الشئ وطفشت وخفت من الادويه ...... مالك الا تكثرين شرب المويا وان شاء الله ربي يشفيك

[ام عبدالله 86]

اميين يااجوان ربي يسمع منك
يااحلى حوامل كل سنة وانتوا طيبين ومن العايدين ان شاءالله

[ام عبدالله 86]

اللهم صلي على خير الانام محمد صلى الله عليه وسلم

الجدول

فاتي 29 /10 /2011 (بنوتة)
اميره باوصافها1\11\2011
GhoOosha 2\11\2011
(ولد)
الصمت عشقي 3/11/2011 (لم يحدد(
انمار 4/11/2011 (ولد)
قلبيــ مدينهــ 8/11/2011 )ولــد(
ام سامر 9/11/2011 )ولد(
انت حلمي 9/11/2011(لم يحدد(
عسله 12/11/2011(ولد(
صفاء قلب 16/11/2011 (لم يحدد(
اجوان 16/11/2011 )بنوته(
ساره 17/11/2011 (لم يحدد(
فيونكه بلون الفراوله 18/11/2011(بنوته)
مفاهيم الخجل 2 18/11/2011(لم يحدد)
اصالة 18/11/2011 (بنوتة (
عطر المكان 19/11/2011 )بنوته(
كليجه 21/11/2011 (لم يحدد(
حبيبة موني 22/11/2011 (بنوته(
دلوعته واحبه حبيبي22/11/2011 )لم يحدد(
الشيخة 22/11/2011 (بنوتة )

sara*_* 23/11/2011 (لم يحدد)
دادو 23/11/2011 (ولد)
اميرة وين ما كنت23/11/2011 (ولد(
مس توته 23\11\2011 )بنوته(
ام عبدالله86 24/11/2011 )بنوتة(
منوش 30\11\2011 )لم يحدد(
حلا جدة 1/12/2011 (ولد)
لابسه المنفوش 11/12/2011 (ولد)
ريــ الغلا ـــم 11/12/2011 ( لم يحدد )
عاشقة الطيبة 14/12/2011 (لم يحدد(
ام شيخه 31\12\2011 (لم يحدد(



ومرحبا باللي انضموا معاناhwaml7 ..الله يتمم لكم ولنا على خير يارب

[حلا جدة]

صباح الخير
أمس وقبله انشغلت ماقدرت ادخل اعايد عليكم
***(( كل عام وانتم بخير))***(( عيد سعيد))***
ينعاد عليكم وانتم بصحة وعافية، وعيد السنة الجاية مع بيبهاتنا انشالله الله يجيبهم بالسلامة

[ريميهـ]

وانتي بالف خير ام عبدالله
افااا ياام عبدالله هذا وانا اعطيتك جنس المولود وتاريخ الولاده وعلى اساس تضيفيني ...؟؟؟

[موف]

صباح الخير اااااااااااات كيفكم وكيف النونوات
من العاااااااااااااااايدين وكل عام وانتم بخير
يابنااااات عندي الم اسفل ظهري مع رجولي زي الم الدوره من صار لها كذا وهل تتوقعون عادي ؟انا خااااااااااااااااااااااااااااااااااااااااااااااااا يفه وموعدي بعد اسبوع والله مره محتاره لاني اقرا الم الظهر للحامل بس ما ادري هوزي الم الدوره او لا

[عطر المكان]

هلا والله بكل الموجوووودين
كل عام وانتم بخير وعيدكم مباااارك
معنها جات متأخرة بس والله ما فضيت من المعايده
واليوم اخر يوم نستقبل الضيوف والحمدلله انبسطنا
بس والله تجيني الالام كاني بولد اليوم وطوال ما انا امشي وانا حامله بطني احسها من الثقل بتطيح وتحجر الله يخفف ويسهل علينا يااااااااارب
وأنتو وش عاااااااملين؟؟؟؟؟؟؟؟؟

[ام علاوي99]

سوااااااااااااااااااااااااااااااال
بنات دخلتو الثامن
ارجوكم ردو

[" قلب غيث "]

أهلين صبايا
بنات كل سنه وانتم بألف خير ''
ونواني بخير. يارب
انا انشالله يوم الثلاثاء اول يوم في الثامن ..
ادخل الاسبوع 33. الله يسهل علينا يارب "

[أنت حلمي]

آخباركم صبايا

كيف الكروشات أنا أدخل الثامن يوم 10

كيف تجهيزاتكم خلصتوا ولا باقي

[GhoOosha]

Ghosh
الف سلامه عليكي معليه هانت راح الكتير وبقي القليل
تتسهل ان شاءالله
بسالك انا اسمع عن دي العمليه بس يقولو
ان المكان الي تسويه فيه كدا يرجع في مكان تاني فهمتيني


كيف ترجع في مكان تاني؟ مافهمتك

[الراضية بقضاء ربها]

مساء الخير كيفكم يا حوامل وكل عام وأنتم بخير
أنا بأدخل الثامن يوم 15 سويت سونار رباعي وأنا في السادس قالوا لي بنت تتوقعوا ممكن يغلط لأني ما أبغى أتورط قي أغراض البنات وما تطلع بنت مين عندها خبرة بها الموضوع

[موف]

اهلين فيكم لسا ماجهزت وبدخل التامن يوم 10 ان شاء الله بن
اش بتسوون بعد الاربعين من تغييرااات في اللبس والشكل وووووو
انتظر تفاعلكم

[موف]

الراضيه انتي متواجده حاليا

[موف]

من رايي تشتري الوان محايده زي البيج والابيض والاحمراهم شي ماتركزي عاوردي والموف

[الصمت عشقي]

سوااااااااااااااااااااااااااااااال
بنات دخلتو الثامن
ارجوكم ردو

هلا خيتو
انا دخلت الثامن صار لي يومين
ربي يتمم لنا على خير ان شاء الله

[اجوان]

كيفكم بنات وحشتووووووني,,
والله بطني جالسه تكبر بشكل سريع ماشالله يارب ماتصير كبيره مره,,وياااااااااااااارب اولد بالتاسع ولا ادخل العاشر ..

[فيولا]

مرحبا انا بولد بنهاية الشهر

رحبو فيني

[أميره وين ماكنت]

مرحبا كل عام وانتم بخير لو انها متأخرة بس انت تعرفوا ايام العيد ودوشتها
اليوم ضاق صدري رحت لموعدي واخذت لي سونار وقالت الالم اللي فيك تحت من الجنين عشانه جالس وضاغط ع الحوض بس ان شاء الله راح يتعدل بالثامن او التاسع

[عسله]

سلااااام ياقماري
كيفكم
مراااااااا وحشتوني
كل سنه وانتم بخيراات
معليه متأخره
الحمدلله كان عيدي من احلي مايكوووون
ودحينا انا عند اهلي
بس والله كنت تعبانه واحاول ماابين لزوجي وأهلي انو تعبانه ماابغا
اخرب عليهم فرحتهم


ماشالله قلبي مدينه
دخلت التامن يعني انا زيها في التامن hwaml03
وي وي ياقلبي وبطني مغصتني
الله يسهلها
اجوان

كيفك قلبو
الله يسهلك اهم شي المشي وأكل التمر
وحليب بالعسل

[عسله]

فيولا

هلا قلبو منوره
الله يتمملك ع خير


اميره

وانتي بصحه وعافيه
قلبو ان شاالله ماتجي المراجعة التانيه الا وضع البيبي تمام
بسالك معليه
يعني دحينا الشهور الاخيره كيف لازم يكون وضعه؟؟؟؟؟

[اجوان]

عسله,,
مشكوره ياقلبي ,,
بس بالنسبه لوضع الجنين انا الدكتور قاللي بالتاسع ينقلب مو ضروري الحين ..

[عسله]

احيانا احس بحركته ماشالله اسفل بطني
اخااااف
بس دحينا رجليني الله يكرمكم مراااا منفخه عن اول بكتير

[نوني القمر]

هلا وانا كمان بولد باول الشهر ودحين انا بالاسبوع 30 ويومين بس الله يكرمكم دخوول الحمام يضايقني ومره مااقدر استحمل ثانية لمن تقل المثانة ويجيني الم مو طبيعي على جمبي اليمين يالله هانت يارب ويسهلها عليكم وعليا يارب

[عسله]

نوني
انا سرت أكسل اخرج من هرجة التواليت الله يكرمك
هاااااانت الحمدلله
وبدا العد التنازلي ع خير ان شاالله

[اجوان]

بنات بفضفض شوي لانو بصراحه مافي احد مستوعبني :((

الحمدلله ربي مخلي تفكير انو الولاده سهله مره واحس اني متطمنه,,بس دايم انا بحياتي لمن اكون متطمنه بشي يجي عكسو :(((
مره خايفه بعد هالاحساس ان الولاده سهله انو يصير شي وقت الولاده ومااولد بسهوله وماما ماحتكون عندي :"(((

كمان خايفه من الطبيعي اخاف ماارجع زي اول,,وبرضو خايفه من القيصري ماابغى يشقوا بطني وادخل غرفة عمليات :(((

بعدين بعد الولاده مااعرف ايش راح اسوي مع النونو ,,امي يمكن تجي اسبوع وترجع عشان ماتقدر تسيب البيت كثير وانا حاكون ماعرف شي لوحدي :((((((

وبعدين وقت النفاس حاكون مع زوجي في الشقه اخاف مع منظري بالنفاس ودايم بجايم وشكلي حوسه اخاف يكرهني :""""(((((

مره شايله هم كل شي وحاسه مررررره حووووسه,,,ومن اول ماحملت اقول لزوجي راح اولد عند اهلي وهوا يقولي لا ابغى اشوف النونو اول ماينولد مو زي الغريب ماشووفو الا بعد شهر ,, ياااااربي مره التفكير ذبحني ولا احد فاهمني لمن اتكلم يحسوني اتدلع وابالغ,,وكل قرايبنا يلوموني اني ماراح اولد عند اهلي مايدروا انو موووو بكيييففففييييييي :"""((((

غير كذا الحين فين الاقي شغاله زي الناس؟؟؟ ومتى اجيبها بالضبط؟؟؟ غير كذا يقولوا رواتبهم اكثر من 1500 بالشهر يعني هذي كم بتكلفني لو بغيتها اربع شهور تقريبا 7000 ريال مرررره كثيررر :(((


سوري بنات ادري كل وحده شايله هم ومو ناقصه بس حبيت اكتب وافضفض شوي مره هلكني التفكير ..

[ليااال]

الله يسهلها لك هونيها تهون ولاتفكرين انت سوي اللي عليك والباقي على الله واكثري من الدعاء والاستغفار الله يقومك بالسلامه

[عسله]

اه ياقلبي يااجوان

حاولي تقنعي زوجك انا والله كان زي زوجك تولدي في بيتك
بس حاولت اقنعه ان مااعرف اسوي شي ولازم احد يهتم في اكلي
والخياطة يبغالها اهتمام بحاله وادا احتجت احد يمسك ولدي يساعدني
محد عندي
او اقنعيه لو فتره بسيطه يخليكي تروحي
قوليله ماحتكون غريب بيت اهلي زي بيتك
يختي حزنيه شويه ابكي اترجي فيه ههههه

وع فكره ليومك يقولي مايكفي اسبوعين اخليكي
hwaml4

حكاية البجامه ومظهرنا
من دحينا لو نحاول ايش مانلبس ولانحط في وجهنا
التعب مبين علينا وأكيد هو مقدر هدا الشي كلها فتره ونرجع زي اول
لاتقولي شايله هم ماترجعي زي اول بعد الولاده
ان شاءالله ولادتنا طبيعي بس انتي اطلبي خياطه تجميلي
لان بعضهم يسونها بعد الاربعين مرا صعبه نسويها مرا وحده
ونرتاح
والشغاله لحد الان ادوور لان الشهر الجاي واللي بعدو ماتحصلينهم
في مكه يهاجرو ههههه
حاولي لو ع الاقل تجيكي بالساعه ادا كان سعرها زايد حبتين
او بس فترة الولاده انا كدا بسوي

الله يريح قلبك التفكير في الولاده موترنا حبتين وان شاءالله زي ماانتي حاطه املك في ربك ان ولادتك سهله تتسهل معاكي
ترى ربنا يعطي الانسان ع قد نيته ؛،؛،؛

[اجوان]

ليال,,
امين يارب..


عسله,,
ياقلبي المشكله اهلي بالرياض يعني لو قررت اولد عندهم لازم من نهاية الثامن اروح وانتظر الولاده عندهم,,عشان كذا زوجي يقولي كيف تتركيني فوق الشهرين وبعدين اجي زي الغريب ازورك وارجع وماشوف المولوده الا بعد شهر عشان هو لازم يرجع جده عندو دوام ,,
يقولي اولدي وبعد اسبوعين روحي لاهلك بس احس صعبه وانا نفاس اركب طياره وانتي عارفه درج الطياره كيف ومشي بالمطار :((

يااااااااااااارب ياكرييييييم سهلها علينا جميعا ياااااااااااارب ....

[لمعة الماسة]

فديتك يااجوان بجد صعبة وخاصة انك بكرية ماتعرفين شي حتى اسبوع اذا جات الوالدة مايكفي وهو الله يهدية مو مقتنع يعني لازم يفكر فيك مو بنفسة على اساس انة بيجلس لحاله عادي فتره وتعدي اقنعية لازم تكونين بيتكم واذا كان على البجايم والحوسة من الحين الكشة صايره ههههههههههه الله يعين ويهون علينا يارب

[قلبيــ مدينهــ]

كيفكم حبايبي وحشتوووني كتيير ...
عسله ههههههه دخلت التامن اتخيلي الخوف مره مسيطر عليا اوهام واحلام خليها ع ربنا ..

أجوان عشان انتي بكريه ويلزملك عنايه في الأربعين لازم تولدي عند امك ...حتى لو جبتي شغاله ما حتعرف تطبخلك اوتجهزلك الأشياء اللي تحتاجيها ...وبعدين أنا مجربه بعد الولاده سبحان تحتاجي ناس تتكلمي معاهم ويسلوكي لأنو يجيلك زي الاكتئاب والضيقه مع وجود النونو والبكا ولخبطة النوم يعني دحينا تعتبري مرتاحه وهوا في بطنك لمن تولدي يجيلوا مغص وخدي من البكا وهوا ينام وانتي تصحي حتى حتنسي الاهتمام بشكلك تصيري تدوري بس على النوم والراحه ..
لكن اذا ما رضي زوجك زي ما قالت عسله جيبي شغاله بالساعه تنظف البيت وتغسل الملابس ..وانت جهزي كل متطلبات الولاده واهتمي بأكلك وتغذيتك ومع الوقت تتعودي ع الوضع الجديد والله يسهلك وييسر ولادتك وولادتنا جميعا يارب....

[عسله]

اجوان
ادا مافي الا هدا الحل انك تروحيلهم بعد ولادتك باسبوعين
اتوكلي وروحي صعبه شويتين بس ع الاقل تلاقي احد يهتم فيكي ويساعدك

[Dado]

حبيبتي اجوان لاتشيلي هم عالاقل اهل زوجك جمبك
ايش اقول انا اللي لحالي وما معايا احد غير زوجي واحتمال حماتي تجي بس لسا مو اكيد
وبرضو بكريه وحالتي صعبه ولا افهم بشي وحتى صاحبتي اللي هنا حترجع السعوديه على ولادتي

تراها فتره وتعدي وتبغي الصراحه انا مع زوجك بدا الموضوع ولو كنت بالسعوديه كنت حولد ببيتي،، لما اشوف قريباتي ممددين عند اهلهم بالاسابيع والابو يجي ويروح زي الضيف مايعجبني الوضع مررره
خليه معايا يشوفني بكل اوضاعي الحلوه والمفجعه وصدقيني الازواج ماحينفجعو من مناظنا بالعكس حيقدرونا اكتر
كمان خليهم يحسو يساعدونا من اول الطريق

انا دايما اقول طالما الامريكان هنا يقدرو يسووها لحالهم كمان اكيد نحنا نقدر
اتكلي على ربك وافتكري مصيبتي وحتهون عليكي مصيبتك :)

خوفي الاكبر من لحظه الولاده بس الله يسهلها لنا جميعا يارب

[عسله]

هلا قلبي مدينه
بسالك انتي دحينا ماشالله كل كم تدخلي شهر ؟

[حبيبة موني]

سلاااااام على احلى كرووشااااااات ،، اخبااااااااركم

اجوان ياقلبي لاتوسوسي والله كترة التفكير تجيب الهم اتوكلي على ربنا ويارب كل شي يسير بسهاله ،، وماشاء الله مدام زوجك يبغاكي جمبو فماراح يطفش من شكلك بالعكس هيا كلها كم اسبوع وحنرجع كاننا عرايس من جديد << خخخ قوييه

لا لا بجد حنرجع زي اول واحسن ،، والشغاله جيبيها اسبوعين لحد ماتروحي عند اهلك ،، انتي بس سهليها حتتسهل

قلبي مدينه

مااااااشششششششاااااء الله دخلتي الثامن يامااااااااااامي الله يسهلها يارب

داااادو

الله يعينك في غربتك يااارب ويسهلها عليكي يااااارب

عسله

كيف التنفيخ معااااكي ؟؟ سألتي دكتورتك عن حكاية التنفيخ ؟؟

[موف]

صبااح الخير كيفكم وكيف الكروشات
اجوان لاتشيلي هم باذن الله تتسهل عليك دحين خذيلك شغاله تنظف بيتك من والى والمطبخ تنظيف كامل وبعدها جهزي الاغراض اللي ممكن تحتاجيها في اكلك مثلا اذا تطحني الاشياء اللي تحتاج طحن وتحاولي تجهزي كم طبخه سهله ومفيده وخفيفه وسريعه بعدين انتي اطبخي واتفقي مع شغاله تجيك بالساعه تنظف المطبخ وتكنس البيت وتغسل الغسيل وبكذا انشا الله ماتشيلي هم
شوفي انا لوحدي في بيتي وماما ماراح تجي ولا عندي الا الله بس لوهممتي نفسك صدقيني ماتستفيدي شي غير الحاله النفسيه وبالنسبه للشكل كوني مرتبه عادي موشرط شياكه عشان بعد الاربعين تطلعين غييييير يبغالك تفكري وش بتسوي بعد الاربعين لان احس هناك التفكير بالشكل اهم وبالنسبه للطبيعي الطب تطور والخياطه تطورت والله لوكل الحريم فكروا تفكيرك ولا وحده حملت لا وبعد ماتخلص شهرين الا وهي حامل hwaml7اما بالنسبه للقيصري فنصيحة اخت خلي ظنك بالله خير والله يقول {انا عند ظن عبدي بي فليظن بي ما شاء}ادعي ربي تكون ولادتك طبيعيه وماراح يخيبك """
دادو لك نفس الكلام اللي لاجوان ربك وحده المعين والميسر
بنااات تصدقون انا اش هامني شي واحد اني اخلص الثامن بسلام لان عندي الم اسفل الظهر والارجل زي الم الدوره ورحت الطواري قالوا لازم الاستشاري يشوفك يمكن تكون جلطه الله يكفيني واياكم وبكره ان شاء الله بروح واشوف تكفون ادعولي ان الله يكفيني من كل سوء
اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااسفه عالمحضر واتمنى لكم التوفيق

[Dado]

حبيبتي موف سلامتك ماتشوفي شر
بس انا زيك تجيني الام بظهري والام زي الدوره وقالولي طبيعي
وممكن تكون بسبب نقص الحديد

الله يطمن بالك وانشالله مافيكي الا العافيه
وكلامك منجد ريحني الله يعطيكي الف عافيه

بنات لما جيت امريكا سويت تحليل السكر ابو ساعه وللاسف فشلت فيه وطلعت النتيجه ايجابيه
وكمان الدم نزل فجأه وصار عندي انيميا وهد الشي مجنني لاني لما قبل ما ارجع امريكا كان كويس وكمان كنت اخد حديد
انتبهو يابنات ترا البيبي ياخد حديد كتير بالشهور الاخيره عشان كدا بينقص معايا بسرعه حاولو تستمرو عالحديد مرررره مهم

يوم التلوت عندي اعاده تحليل السكر ابو تلات ساعات ادعولي اعديه ويكون كل شي سليم

[قلبيــ مدينهــ]

هلا حبيبة موني من زمان عنك بشرينا عن أوضاعك؟؟؟؟

دادو الله يهون عليك عاد الغربه شي تاني....الله يسهل !!!!

عسله على حساب الدوره والشريط تبع الحمل كل يوم 5 ادخل شهر جديد لكن
الدكتوره قالتلي كل يوم 12 تدخلي شهر جديد يعني بين الحسابين اسبوع تقريبا ... وحتى انا منفخه رجولى ويديا وخشمي ...بس الحمد لله يقولوا طبيعي .....

[قلبيــ مدينهــ]

Dado الله يعينك شوفي طمنينا بعد ما تعيدي التحليل وصحيح الحديد يستهلك كتير في الاشهر الاخيره ..

[عسله]

الله يطمن ويريح قلب كل وحده فيكم وكل حامل يارب
وان شاءالله نخلص الشهر التامن ع خير وندخل التاسع
مانطول فيه بولاده سهله ميسره بتمام خلق البيبي وصحته وعافيته

انا زيكم الم الظهر والم في اسفل بطني وخايفه يارب تتسهل معايا بكرا
واروح للدكتور اطمن مع ان مابغا هدا ماارتحتله
دكتورتي بعد اسبوعين تجي

[عسله]

حبيبة موني

تصدقي دحينا انا مااقدر امسك شي بيدي اليمين
ولااحس بيها ادا مسكت حار او شي خشن والم فضيع ماانام وربي
ويدي اليسار بدا يجي ويروح فيها
ورجليني كل من شافها انفجع

دكتورتي الفاهمه ماجات
والاهبل اللي بروحلو بكرا عارفه بيقولي سيبيكي من دا كولو
ماودي اروحله بس عشان هو صاحب بابا والا الا يبغاني اروح عنده

[اجوان]

مشكورين كلكم ,,احبكككككم كلكم من جد ريحتووووني ,,,

لمعة الماسه
عسله
قلبي مدينه
دادو
حبيبة مووني
موف,,
كلامكم ريحني الله لا يحرمني 3>



موف,,
انشالله خير ياااارب والله يسهلها عليك ,,لاتنسي تطمنينا ..

[عطر المكان]

هلا بنات
صبااااحكم قشطه
ما قدرت انااااام من الالام اللي في رجلي ووركي
بنات امس رحت عند الدكتوره وراجعت طلع عندي فقر دم وكتبولي كله ابر حتى الكالسيوم ابروانا من التعب اللي فيا خلاااااااص
بنات مين تحس زي بالثقل ولا تقدر تمشي والله والله ما اقدر حتى شوي ما ادري حتى كيف بجهز للنونو اللهخ يعيني ويعييييينكم معايا وتعدي هذي الشهرين على خييييير

[عسله]

الف سلامه عليكي
ماشالله قلبو ماجهزتي للبيبي؟!!!
الله يهديكي ادا في احد يخرج بدالك يكون احسن مع التنفيخ
تعب عليكي

[الصمت عشقي]

ربي يسهل علينا ان شاء الله

موف (http://forum.hwaml.com/u30271.html)
ان شاءالله مافيك الا العافية يارب
واتوقع انو اللي يجيك طبيعي من الثقل ولانو البيبي بدء يكبر حجمه

Dado (http://forum.hwaml.com/u24021.html)
ان شاء الله مايكون عندك سكر
ويارب تدخلي وتطمنينا
واهم شيء انتي لاتفكري كثير وكثري استغفار
وربي يكون بعونك مع الغربه


قلبيــ مدينهــ (http://forum.hwaml.com/u21755.html)و (http://forum.hwaml.com/u21045.html) (http://forum.hwaml.com/u21045.html)عسله (http://forum.hwaml.com/u21755.html)
ربي يكون بعونكم
وبخصوص التنفيخ اللي بالأقدام
الدكاتره دايم ينصحون الحوام انهم اذا انسدحو تكون الارجل مرفوعه
عشان الانتفاخ يخف شوي

عطر المكان (http://forum.hwaml.com/u22782.html)
ليه ماجهزتي للبيبي من وقت
انا الحين بس باقي لي اغراض الصيدليه وشايله همهم
فكيف انتي
ربي يكون بعونك يالغلا

[GhoOosha]

صباحكم سكر كلكم...اجوان ..الله يسهل امورك يارب ويكون كل شي مريح لكي

موف...سلامتك الف سلامه

دادو ..ان شاء الله ما يكون فيه سكر

انا دخلت الاسبوع التاني من التامن..شكلي بولد اول وحده..راح اولد ببيتي ويمكن اختي تكون معايا اذا قدرت تاخد اجازه...الين دحين ماني عارفه اجهز اشياء بعد الولاده من اعشاب وكده..مين عندها فكره؟
وبالنسبه للنونو باقي سريره ودولاب واشياء الصيدله بس..اما انا ماني عارفه من فين اجيب ارواب الولاده وبيجامات مريحه هنا بالرياض ...الله يسهلها صار مافي نوم وصرت عايشه تقريبا بالحمام الله يكرمكم وحموضه والم في الضهر والمشي ما احكيكم امشي شويه وافحط من التعب..وبالنسبه للبس الوان الطيف وموديلات شي عجيب..ولو زوجي جلس يطل فيا اقولو ايييييييش مو عاجبك يقولي لا لا ابدا قممممرررررر <<<<<< ادري يخرط عليا هههههههههههه بس يمشي مسكين لانو مره ماني في حاله لبس وشياكه
يارب يكتبلنا ولاده سهله ونونوات بصحه وعافيه يارب

[عسله]

قلبو
عندك قرية مدري واحة الجلابيه ارواب النفاس
انا سمعت ان نعومي عنده بس مدري أكيد ولا

الله يسهلها لكي

بالنسبه الأعشاب أسالك ماما لانها كانت تسوي لاختي واديكي خير

[حبيبة موني]

اهلييييين قلبي مدينه ،،

انا الحمدلله كويسه واوضاااعي تمااااااام بس ليا يومين ماسكني الم في جنبي اليسار جهة الكليه مررره متعبني وان شاء الله في موعدي اشوف ايش حكايتو

عسله ،،

ياحياااااتي الله يخفف عنك ياااارب حاولي تريحي نفسك وضرووري تشوفيلك دكتورة شاااطره عبال ماترجع دكتورتك

عطر المكان ،،

الله يعينك وتخلصي تجهيزااتك بس عجلي احس خلاااص ماباقيلنا وقت

[عسله]

حبيبة موني
الف سلامه عليكي
ان شالله كل خير يارب

اليوم روحت لدكتور
احلي مافي الموضوع من يوم مااجي دوغري يدخلني أموت انا ع الواسطات هههه
الحمدلله تمام ضغطي وولدي كمانا
بس قالي لازم ماتنشي دحينا تريحي مراااا ع الاخر عشان رجليني الله يكرمكم
منفخه قال لايزيد الزلال
سالته انا في اي اسبوع

ع حسب السونار 30 نص التامن
وقال كل 10 تدخلي شهر
تولدي يوم 12/10
فرق بينه وبين دكتورتي يوم

والحمدلله

[حبيبة موني]

دحين في الاسبوع الكم ندخل التامن؟؟؟ والاسبوع الكم ندخل التاسع


وكمان ابا اغسل ملابس النونو ،، فين الاقي صابون غسيل ملابس الاطفال ؟؟؟؟ << مالقيتو في السوبر فين القاه

[حبيبة موني]

عسله

ياااعيني ع الواسطات ،، الحمدلله اطمنتي على البوبو

انتي ولادتك 10/12 هجري ولا ميلادي؟؟

[GhoOosha]

عسله مره شكرا حبيبي..من جد استناكي تسالي مامتك وترديلي
وبالنسبه للشهر الثامن تدخليه في الاسبوع 31 ويوم مو 30..والتاسع 35 و5 ايام

حبيبيه موني..بالنسبه للصابون خدي الصابون المبشور هوا انعم شي للاطفال وغسيليه معا كمفورت وخلاص بعدين حطي الملابس فس بوكسات في الدولاب عشان لا تتغبر البوكسات تلقيها في ايكيا
والله يسهل للجميع

[عسله]

الاسبوع 31
اجل دا الاهبل كيف يقول دخلتي التامن ههههههههه
وربي انا حسيت انو من جنبها
بس تجي ماما من خرجتها ع طول اسألها

حبيبة موني
12/10 بالهجري
وصح كلام العسوله بصابون المبشور

[قلبيــ مدينهــ]

الله يسهل على كل حوامل هدا التجمع ...

عسله ..أنا أصبع السبابه في يدي اليسار ما اقدر احركه منفوخ ولونه كدا متغير واصابع يديا كلها توجعني ومنفوخه وكمان رجولي منفخه سألت الدكتوره قالت عادي مع الحمل واحيانا يدي تنمل وقت النوم اقوم مفجوعه وما احس فيها مع ان وزني عادي موكتير بس الله يسهل علينا يارب ....نفسي يا عسله تقولي لنا على الاعشاب اللى من مامتك نفسي ابدأ اجهزها ...
GhoOosha من زمان عنك ...الله يهون عليكي انتي تقريبا اول وحده فينا موعد ولادتها....
حبيبة موني الف سلامه عليكي وكتري شرب المويه ...

[موف]

اهلين بنوتات
الحمد لله اليوم رحت المستشفى وطمنتني الدكتوره تقول مافيك الا العافيه تقول الم الظهر والارجل طبيعي مع انه قوي ساعات بس الحمد لله ,,,,اليوم جاني رعب من كشك الولاده احس اذا دخلته تجيني حاله نفسيه بس على قولهم من بغى الدح ماقال احhwaml9
احس اذا وقفت وبذلت اي مجهود على طول ظهري ورجولي وشد ببطني الله يعيننا ونعدي ذا الشهر على خير

[الصمت عشقي]

GhoOosha (http://forum.hwaml.com/u26863.html)
انتي متى موعد ولادتك ؟؟؟

موف (http://forum.hwaml.com/u30271.html)
الحمدلله انك تطمنتي
ربي يسهل علينا ونولد بالسلامه يارب

[موف]

قلبي مدينه الدكتوره اليوم تقول التنمل طبيعي مع الحمل انا فخوذي تنمل مرررررررررررررره الف سلامه عليك

عسله الحمد لله انك تطمنتي على صحتك والدكتوره تقول تدخلي الثامن الاسبوع31 تقول كل يوم 9 تدخلي شهر
حبيبة موني وربي انا نفس مشكلتك اذا نمت عالجنب اليمين احس كليتي بتنفجر وبرضه عاليسار واحس اني انخنق وما اقدر اتنفس وعلى ظهري الم فضيع مع رجولي يعني جيبي لي حل كيف انام
hwaml15hwaml15hwaml15hwaml15
انا كمان لسا ماجهزت ولا شي انشا الله ربك ييسر

[موف]

هلا بك الصمت عشقي الله يعافيك ويسلمك يااااااارب

[GhoOosha]

قلبي مدينه..يسلمو على سؤالك بس من التعب والانشغال في رمضان والعيد ماقدرت ادخل نت...كيفك انتي وايش اخبارك؟

الصمت عشقي ..ولادتي 30_12 ميلادي بس عندي احساس انو قبل كده على خير ان شاء الله ..يارب يسهلها عليا وعليكم

موف... نامي على جنبك اليسار احسن عشان الحموضه ترووح وحطي مخدات تحت رجلك ومخدات الراس تكون لينه عشان ترتاحي في نومك

[عسله]

ماما تقولي
اختك كانت ماتحوب الأعشاب بس ادا كنت ابغا بتجبلي من العطار
انا سراحه مااقدر اشرب دي الاشياء تجبلي غثيان الله يكرمك
كانت تسوي لاختي
الطنوب دا كاسه مويه فيها عسل تغطيها بشاش من الليل
تسويها والصباح أشربها
لان العسل لحاله بس يوصل للبطن
مع المويه للجسم كولو
كمانا قهوة قشر مع زنجبيل وقرفه
الأسبوعين الاولى تغديه مزبوته
بعدها تخفيف
اهم شي ملوخيه وباميه مااقرب منها

[حبيبة موني]

متى نولد ؛(

[الصمت عشقي]

الصمت عشقي ..ولادتي 30_12 ميلادي بس عندي احساس انو قبل كده على خير ان شاء الله ..يارب يسهلها عليا وعليكم


ياعمري اتوقع انو قبل ولادتك
لانو بيني وبينك اسبوع وانا قالو لي ولادتي 1432/12/6 او 12/3
وطبعا قالت لي ها اقصى تاريخ للولاده
وربي يسهل علينا ان شاء الله

[Dado]

الصمت عشقي انا كمان اقول زيك بس ليش شهر 12 وانتو سابقيني؟؟
انتو ماشيين بالاسبوع 33 وانا ماشيه بالاسبوع 29 و ولادتي انشالله يوم 23-11بالميلادي
اتوقع ولادتكم قبل بكتير


الله يسهلنا جميعا يارب

[Dado]

موف الحمدلله طمنتينا

سلامتكم جميعا ماتشوفو شر وكل دي الالام طبيعي من الحمل
انا دخت وانا اقرا مواضيع طبيه.. التنميل والتقل وكل دي الاشيا طبيعي جدا>>قلبت دكتوره الاخت

بنات بكره موعدي ادعولي مايطلع فيني سكر والله مره خايفه
ادعولي كمان مايكون في عواصف واعاصير عشان اقدر اروح عالموعد لحسن اليوم الامطار كانت تخوف وبالاخبار قالو احتمال تكون في اعاصير
الله يستر بس

[عسله]

دادو
الله يحفظكم وان شاءالله مافيكي الا كل خير يارب
وطمنينا

[حبيبة موني]

مساااااااااااااااااء الخير ع الحوامل النااايمين ،،،


اش داااا بطلووو كسل ،،، تجمعنا الوحيييد اللي هااااجد هع

[عسله]

ههههههههه
ياقلبو النوم ملخبط ع الاااااخر

[حبيبة موني]

والله النوم ملخبط والجسم مكسر الحمدلله على كل حال

وكمان رجعت من جده وحااااااااسه بطفففش نفسي ارجع :(

[جداويه مغتربه]

السلام عليكم


انا كمان المفروض اولد باذن الله 22\12 هجري دعواتكم اجيب طفل سليم

مره خايفه

[ام عبدالله 86]

مساء الخير على الموجودين ..الله يسعدكم فين ماتكونوا ...
بسألكم عن شنطة المواليد فين احصل اشكال حلوة وفيها جيوب كتيير
والدانوب عنده عرض على رضاعة افنت ب22 ريال 650 مل

والمعذرة ياريميهـ والله ماانتبهت
الجدول

فاتي 29 /10 /2011 (بنوتة)
اميره باوصافها1\11\2011
GhoOosha 2\11\2011
(ولد)
الصمت عشقي 3/11/2011 (لم يحدد(
انمار 4/11/2011 (ولد)
قلبيــ مدينهــ 8/11/2011 )ولــد(
ام سامر 9/11/2011 )ولد(
انت حلمي 9/11/2011(لم يحدد(
ريميهـ 10/11/2011 (بنوته )
عسله 12/11/2011(ولد(
صفاء قلب 16/11/2011 (لم يحدد(
اجوان 16/11/2011 )بنوته(
ساره 17/11/2011 (لم يحدد(
فيونكه بلون الفراوله 18/11/2011(بنوته)
مفاهيم الخجل 2 18/11/2011(لم يحدد)
اصالة 18/11/2011 (بنوتة (
عطر المكان 19/11/2011 )بنوته(
كليجه 21/11/2011 (لم يحدد(
حبيبة موني 22/11/2011 (بنوته(
دلوعته واحبه حبيبي22/11/2011 )لم يحدد(
الشيخة 22/11/2011 (بنوتة )

sara*_* 23/11/2011 (لم يحدد)
دادو 23/11/2011 (ولد)
اميرة وين ما كنت23/11/2011 (ولد(
مس توته 23\11\2011 )بنوته(
ام عبدالله86 24/11/2011 )بنوتة(
منوش 30\11\2011 )لم يحدد(
حلا جدة 1/12/2011 (ولد)
لابسه المنفوش 11/12/2011 (ولد)
ريــ الغلا ـــم 11/12/2011 ( لم يحدد )
عاشقة الطيبة 14/12/2011 (لم يحدد(
ام شيخه 31\12\2011 (لم يحدد(

الله يتمم لكم ولنا على خير يارب ...

[ام عبدالله 86]

الله يطمن قلبك ياجدواية ويقر عينك به ويكون بالف صحة وعافية ..اتصدقي بنية ان ربي يعافيه من كل داء وبلاء يارب

[اجوان]

بنات انا فيني اكتئاب من امس ,,بس ابكي ومتضايقه واليوم كلو مااكلت شي بس غصبت نفسي على حبة الحديد ,,وصايره بس ابغى انام عشان ماافكر بشي,امور كثيره متلخبطه براسي مو قادره ارتبها ,,بليييز ادعوا لي مره تعبت من هالنفسيه وانا اكثر شي خايفه عالنونو والله اليوم غصبت نفسي عالحديد بس عشانو ولا ابدا مو مشتهيه اكل :((

[حلا جدة]

مساء الخير يادبدوبات
وحشتووني
أم عبدالله تاريخ ولادتي 2/11/2011

[حلا جدة]

يابنات لحد الان ماجهزت ولاشي ، موعارفه ابدأ بأيش
المشكلة اني تعبانه مااقدر أمشي احس بالالم وشي ضاغط على تحت

[عسله]

ام عبدالله
انا مااعرف الا اللي في مدركير
بس انتي قصدك حق المستشفى ولا للخروج ؟

اجوان
الله يريح قلبك ويبعد عنك كل ضيق
هانت ياقلبي وخلي املك بالرحمن الرحيم ترى
كتر التفكير يتعب ادا بتفكري حاولي تشغلي
نفسك بشي كتري استغفار

جداويه
الله يطمن قلبك بطفلك سليم معافى

معليه ياقماري
كولنا تقلانين والتعب مخلي اخلاقنا مرا صفر
انا قبل كم يوم عصبت ع ماما واخويا وزوجي وع شي
مايستاهل موبيدي من التعب
الله يصبرنا ويفرجها علينا بولاده ميسره

حلا جده البيبي دحينا يضغط علينا من اسفل
انتي اتفرجي ع مواضيع البنات اللي حاطين
ملابس نوناتهم خدي فكره

[قلبيــ مدينهــ]

موف الف شكر لكي والله يطمنك زي ما طمنتيني ..

أجوان والله حتى انا من كتر التفكيرجالي اكتئاب الله يشفي الجميع ويهون علينا ..

[قلبيــ مدينهــ]

هلا والله ام عبدالله ياليت كنت اعرف افيدك ...بس روحي لمذركير عندو كل شي...

حلا جده نفس ...حالتك انا ثقل وضغط طبيعي في الشهور الاخيره...

جداويه الله يرزقك ويرزفنا بأطفال سليمين معافين ....
حبيبة موني آه متى نولد على قولك ....
عسله مو بس عصبية احس نفسي ساعات مو قادره اضبط نفسي يالطيف..شي مو طبيعي ..

[Dado]

جدوايه الله يرزقك ويزقنا بالاطفال السليمين ياارب

اجوان الله يعينك والله حاسه فيكي بس يمكن لانو وقتك فاضي بدأتي تكتأبي وتملي
روحي جرير شوفيلك كتب عن البيبهات وكيف التعامل معاهم ومن هالكلام يعني
لأنو انا بصراحه مقرره اعمل كدا بس مع الجامعه وتعبها ماحس في وقت

تحمست لهالفكره لانو عندي اتنين من صاحباتي عندهم بنات
الاولى كانت تقرا كتب وماشالله بنتها عاقله حتى صارت وقت النوم ماتطفشها ولا شي وتنام لحالها بغرفه
اما التانيه كانت متعوده على دلع اهل امها والام اصلا ماثقفت نفسها بهالموضوع فجايبه لامها الجنان.. مسكينه كل ماتجمعنا ماتعرف تقعد زي العالم والناس

طولت عليكم بس عشان نستفيد ونريح بالنا من بدري لانو التربيه مو سهله ابدا
انا اهلي يبغوني ارسل ولدي لحد ما خلص ماستر واسوي زي بعض البنات هنا
بس ما اقدر ولا بدي ياه يدلع زياده خاصه انو اول حفيد بالعيله

اليوم رجعت من المستشفى ويدي كلها مخرمه كأني مدمنه يالطيف
سحبو مني دم اربع مرات وكمان صايمه كنت فكان وضعي مزري
انشالله تطلع النتيجه كويسه اهم شي

في بنات مختفيين من زمان زي كليجه وساره وفيونكه وغيرهم
احد يعرف شي عنهم خاصه كليجه لانها سقطت قبل
وفيونكه سافرت رحله طويله مع انو كان عندها نزول بالمشيمه

انشالله المانع خير للكل

[عسله]

هلا دادو
بالنسبه لصحباتك احيانا اضافه لثقافةالام في التربيه
المحيط اللي يعيش فيه الطفل له دور
يعني الام من النوع البارد ماتعصب الاب نفس الشي
الطفل حتى لو كان عمره 10 شهور يتاثر ويكون زيهم
اضافه لو كان عنده اخوان طريقة لعبهم وكلامهم معاه له دور

/
حتى ولدك حلو انك ماحتخلي بعيد عنك مو بس حكاية دلع زايد
يحتاج لحنانك واهتمامك واهم شي في التربيه الخمس السنين الاولى
ماتتصوري قد ايش حتأثر فيه في مرحلة المراهقه وبعدها

انا حاليا اراجع كل شي درسته عن الطفل
اقول لزوجي أتمني أسير زي د. ميسره
ايام الروضه كان يكلفونا بمهام إداريه فيخلوني
مرشده للاطفال
ادرس حالاتهم واتواصل مع الام لين نلقى حل
انا من سن تلاته مو شايله هم الحمدلله عندي خبره بس الهرجه ع اللي قبل

ان شاءالله تطلع نتيجتك سليمه وتطمنينا
وبقية القماري للأسف ماعندي خبر عنهم

[قلبيــ مدينهــ]

Dado والله فيكي الخير اتزكرت كليجه وساره بالنسبه لفيوكه هياقالت ما حقدر اتواصل معاكم .....وطمنينا على نتيجة التحليل ...

عسوله والله التربيه يبغالها ثقافه واهتمام واستعانه بالله الله يقدرنا...

بنات انا جايني خوف ووساوس واحلام من الولاده مرررره خايفه اعوذ بالله احس بضيقه وهم ..مع اني متوكله على الله بس الخوف مسيطر عليا انا بنتي الأولى ولدتها في مستشفى بخش بجده ودحينا المدينه ما فيها مستشفيات كويسه محتااااره فين اولد ...ادعولي يابنات الله يوفقكم ويسهل عليكم ...

[GhoOosha]

ياعمري اتوقع انو قبل ولادتك
لانو بيني وبينك اسبوع وانا قالو لي ولادتي 1432/12/6 او 12/3
وطبعا قالت لي ها اقصى تاريخ للولاده
وربي يسهل علينا ان شاء الله


يوووووه اسفه ملخبطه بين عربي وميلادي...عربي 4_12 وميلادي 30_10 يعني عربي في الحج وميلادي باكتوبر

[GhoOosha]

حبيبي ام عبدالله انا موعد ولادتي 30_10 ميلادي
انتي غلطانه بالجدول

[حبيبة موني]

صباااااح الخيييييير ع الحلويييييين

بنات في مستشفى فقيه عندهم في الولاده الطبيعيه تخدير كامل ماما لمن ولدتني كدا ولدوها واخت زوجي كمان طلبت زي كدا ودحين هيا حامل معايا في نفس الشهر وحتطلب تنويم برضو ،، والله فلله تخيلي تنامي وتصحي تلاقي النونو جمبك وولاده طبيعيه ،،

بس سؤااال كل المستشفيات عندهم كدا ولا لا؟؟؟

[حبيبة موني]

حلا جده روحي سيتي بلازا حتلاقي عندهم كل حااااااجه وابدأي بالترتيب اكتبي الاشياء في ورقه وخلي يوم واحد في نفس المحل ولاتخرجي الا وانتي مخلصه كل شي ،، لانو مافي وقت واللفلفه في السوق تموت وان شاء الله لمن يكبر النونو شويه كشخيه زي ماتبي ،، اما دحين حيكون في اللفه وماحتبان عليه الملابس

[GhoOosha]

حبيبه موني..جديده دي..ايش اللي انام واصحى القا النونو..والله شي يخوف..ممكن يكون بنج بس انتي صاحيه ..اقري عن الموضوع واستفسري اكتر الم ساعه ولا الم كل ساعه...اله يسهلها بس

[Dado]

حبيبة موني احس التخدير الكامل يخوف

[عسله]

والله ياقماري فتختو موضوع حساس بالمره
واكتر شي متعبني

الدكتوره اللي اراجع عندها وتتولد الاقيصري
في الأمين والعدواني
مدري وين اروح
هم ع قلبي وربي خايفه موترني
الدكتور صاحب بابا في مستشفي حكومي
امس ماما تقولي لي ماتولدي عنده نوفرلك غرفه لحالك محد معاكي
أقولها رجال صعببببه تقولي احيانا احسن من الحريم


حبيبة موني
اول مرا اسمع طبيعي وتخدير كامل لو في عندنا ياليت حطلبها ولااحس بشي

قلبي مدينه

الله يريح قلبك و يسهل أمرك وامر كل حامل

[عسله]

صباحكم سوكر

وأحلى استكانة شاي نعناع
لاحلى كروشات القمااااري ؛،؛

[أم ســـــامر...]

صباح الخير اخباركووووو حبايبي؟
والله لكووو وحشة
كلللللللللللللللللللل سنة وانتم طيبين>>بدري

[عسله]

هلاااااا ام سامر
طولتي الغيبه علينا
كيفك وكيف البيبي

؟؟؟

[عسله]

اليوم الحمدلله دخلت التامن
يارب تمملي ويااااكم ع خير ياااااااارب ؛،؛

[ام عبدالله 86]

GhoOosha (http://forum.hwaml.com/u26863.html) بس كده ولايهمك ...مايصير خاطرك الا طيب
تسلمي ياعسله اقصد شطة الخروج لكن حقت مذركير ماعجبتني.... بس ان شاءالله انزل جدةhwaml16 واروح الفرع الرئيسي هنا في ينبع مافي شيء عدلhwaml9 ....
الجدول

فاتي 29 /10 /2011 (بنوتة)
GhoOosha 30\10\2011
(ولد)
الصمت عشقي 3/11/2011 (لم يحدد(
انمار 4/11/2011 (ولد)
قلبيــ مدينهــ 8/11/2011 )ولــد(
ام سامر 9/11/2011 )ولد(
انت حلمي 9/11/2011(لم يحدد(
ريميهـ 10/11/2011 (بنوته )
عسله 12/11/2011(ولد(
صفاء قلب 16/11/2011 (لم يحدد(
اجوان 16/11/2011 )بنوته(
ساره 17/11/2011 (لم يحدد(
فيونكه بلون الفراوله 18/11/2011(بنوته)
مفاهيم الخجل 2 18/11/2011(لم يحدد)
اصالة 18/11/2011 (بنوتة (
عطر المكان 19/11/2011 )بنوته(
كليجه 21/11/2011 (لم يحدد(
حبيبة موني 22/11/2011 (بنوته(
دلوعته واحبه حبيبي22/11/2011 )لم يحدد(
الشيخة 22/11/2011 (بنوتة )

sara*_* 23/11/2011 (لم يحدد)
دادو 23/11/2011 (ولد)
اميرة وين ما كنت23/11/2011 (ولد(
مس توته 23\11\2011 )بنوته(
ام عبدالله86 24/11/2011 )بنوتة(
منوش 30\11\2011 )لم يحدد(
حلا جدة 2/12/2011 (ولد)
لابسه المنفوش 11/12/2011 (ولد)
ريــ الغلا ـــم 11/12/2011 ( لم يحدد )
عاشقة الطيبة 14/12/2011 (لم يحدد(
ام شيخه 31\12\2011 (لم يحدد(

الله يتمم لكم ولنا على خير يارب ...

[عسله]

قلبو عندك سنتربونت اختي اخدت لبنتها حلوه وع قولتها تتغسل
ماينعدم قماشها

[ام عبدالله 86]

يسعد صباحك ياكل العسل ياعسله ..الله يتمم لك وعقبال التاسع على خير يارب
ام سامر وانتي طيبه يارب

[عسله]

ويسعد صباحك قلبو
امييييين يارب والجميع ان شاءالله
نفسي اخرج دحينا في الصباح
بحاول اطلعلي مشوار واكلم اخويا هههه
اهلي رايحين اليوم غمره
نفسي اخرج بس محد راضي يقولو لا نخاف عليكي

[ام عبدالله 86]

الله يحفظك ويحميكي يارب انتي والبيبي...شوفي ان شاء تخرجي في العصر او الليل مع زوجك

[أم ســـــامر...]

أنا تمام الحمدلله بس احيانا النفسية معدومه
ما الاقي الا زوجي اطلع الي بقلبي فيه وبعدين اندم واحن عليه>>طفشت
والبيبي منيييح يسلم عليكووو كلكووو...

[حبيبة موني]

ام ساااااااااامر وحشتييينا من زمااان عنك ،،

وازا على ازواجنا الله يعينهم دي الفتره ،، ماادري الين متى بيتحملووو الله يخليهم لنا يااارب ولا يحرم احد من اللي يحبوووو

[عسله]

امييين يارب

الحمدلله خرجت مع اخويا واختي روحنا سنتربونت هما قضولهم
للدوام والجامعه
وانا يديني تاكولني ع قسم الاطفال ابغا كمانا اشتريله
واختي تجورني تقولي يكفي ههههه
افتكرتك ياام عبدالله
شوفت الشنطه اللي تبغيها

[جداويه مغتربه]

يسلموووووووووووووو حبايبي


قلبي مدينه
لاتهتمي للوساوس انا زيك واكثر مايمر يوم الا احلم حلم يالطيف واكتئب واخاف من الموت وغيره ربك يفرجها ان شاء الله علي وعليكي وعلى كل الحوامل

[بيوني]

السلام عليكم حبيباتي وحبيت ابارك لكم مقدما وقول زكرتوني فيما سبق لان اول طفل لي انولد في تجمع زو الحجة وانشاللة تفرحون بالبيبيات الحلوين اولاد اوبنات ^_^

[حبيبة موني]

اهليييييين بيووووني ،، الله يخليلك طفلك

وعوقبال ماتفتحي تجمع جديد وقت ماتبي تحملي :)

[أم ســـــامر...]

تسلمي حبيبة موني مايوحشك غااااالي قلبووو
ربك يعين بس ...

[قلبيــ مدينهــ]

جداويه مغتربه شكرا طمنتيني انو في احد زيي ..

أم سامر أهلييين طولتي الغيبه...

عسله بطلي شقاوه ... مو جهزتي خلاص دحينا اشتري كريمات بشره ومكياج وعطور لنفسك ..ههههههههه

[عسله]

ههههههه
قلبي مدينه
والله عطوراتي لحد الان موكولها استخدمتها
كريمات بشره استحاله اغامر ادا مو من دكتور
بس احب استخدم خلطاتي طبيعيه hwaml03
ومكياجي اقول لاختي خديه ياكتره عندي ولااستعمل
انا ماشاءالله
اتزوجت يوم 3/1
وفي نهاية الشهر تقولي الدكتوره حامل لكي اسبوعين
مااتهنيت ولاشي من ملابسي او اي شي
يعني بس اخلص نفاس ع خير ان شاءالله
أبغا أهني نفسي بملابسي. واغراضي