اللي ولدت في مستشفى فخري الخبر تدخل

[أم أروى]

حبايبي ابي معلومات عن قسم الولادة في مستشفى فخري من حيث الغرف والاهتمام والنظافة وهل عادي يكون معي زوجي بغرفة الولادة والنيرسات هل هم لطيفين وش جنسياتهم اللي في قسم الولادة وعنايتهم وهل يهتموا بالوالد هناك وهل اقدر استخدم كاميرتي داخل قسم الولادة ابي صور لبنتي اول ماتطلع معي ومع ابوها لاتحقروني انتظر ردكم.

[أم أروى]

افا ياذا العلم ولاحد رد خيبتوا ظني

[بنت الشام]

ان شاء الاخوات يفيدوكي
تحياتي

[بذخ~]

انا كنت اتابع فيه ..
بس ما جربت الولادة عندهم لكن سمعت كثير يمدحوهم ..
ربي يسهل عليك (:

[جوهره السعوديه]

هلا اختي

أنا ولدت فيه ينتي رنوووومه الله يخليهاااااااا

الولاده عندهم شي يعني ماراح تحسين بشي كله راح تكوني نايمه

اما زوجي ما رضو يدخلونه معي وبنسبه لصور انا صورو بنتي اول ما طلعت مني
لاني كنت في بنج كاااااااامل ما احس بشي وكانت ولادتي ولاده طبيعيه

اما النظافه ميه ميه 100%
والممريضات مرره عسل
والحضانه عنايه لدرجه يخافون على البيبي ما يعطونك اياه بسرعه
بس فيه عبي انو قديم بس الدكاتره خبره
كنت اراجع عند الدكتوره هاله عوض الله جننتهاااا مسكينه

أن شاءالله اكون افتك
يالتوفيق ان شاء الله
الله يسهل عليك وعلي وعلى جميع الحوامل

[أم أروى]

تسلموا ماقصرتوا على الردود
جوهرة السعودية انا كمان اتابع مع هالة عوض الله حبيت استفسر عن التخدير يعني ابرة الظهر ولا كيف يعني لما طلعت رنومة الله يخليها انت كنت مخدرة ؟ وزوجك ابد ماخلو يدخل حتى لو حاولتي فيهم؟

[جوهره السعوديه]

هلا خيتوووو

لا ياعمري ما اخذت ابره ظهر كان تخدير بس كله نايمه ويوم جا وقت رنوم راح تطلع عطوني كمامه سوده هي البنج وبعدهااا ما ادري وش صااااااار

لابصراحه ما حولت فيهم لانه وانا في غرفه التحظير كان زوجي معاي بس جا وقت ولادتي
قالو له خلاص اطلع برااااااا

بعد ما ولدت وطلعوني من الغرفه دخل علي شفته لمحه وبعدهااا رجعت نمت مفعول المخدر عامل شغله
وبس اذا محتاجه شي كتبي وراح ارد عليكي ان شاءالله

[جوري الدمام]

كيف اسعاااارهم طيب؟؟؟؟

[علوالهمة]

ردوا عن أسعارهم أنا في أرامكوا ولاداتي السابقة بس حمستيني على فخري ,,
أبي أولادي يدخلون علي بعد الولادة (أرامكو ممنوع أحد يزورني إلا زوجي )!!!

[دنيا زهور]

الله يوفقكم <<< ههههه

[جوهره السعوديه]

هلا اختي علو الهمه
انتي في ارامكو تقدرين تحولين عندهم
جوري الدمام هلا وغلا
اما عن اسعارهم والله ما عندي خلفيه لاني تبع شركه تأمين
كان ودي خدمتك والله

[أم أروى]

حبيبتي على التأمين انا بس اذا تحبي هذا رقمهم8644244 وأنا كمان باستفسر عن الأسعار اذا رحت ابشري

[علوالهمة]

هلا حبايبي سألت عن سعر الولادة الطبيعية وكانت (4000)ريال ..
والأحلى أن اللي تولدك مو القابلة الطبيبة اللي تختارينها ..!!
الله يسهل ويسر للكل..
بس أنا متأكدة أني ماراح أولد هناك لأني بخاف في آخر لحظة وبروح أرامكو (الله لا يحدنا على المستشفيات)

[أم أروى]

كويس سعره زي المواساة تقريبا المواساة 3500اذا ماتغير

[جوهره السعوديه]

بنات بسئلكم في حد جرب ولاده في مستشفى سعد الخصصي

[أم أروى]

حبيبتي انا سلفتي بكرية ولدت فيه تقول كويس بس وقت الولادة تروح ويرجعوها اكثر من مرة بعدين اخر مرة تهاوشت معاهم خالتي بس مجرد دخلت غرفة الولادة طلعت بنتها بس هذي الحوسة من النيرسات طبعا تقول خالتي انهم معتمدين على الجهاز وهو مش دقيق .

[bnt_alnwaybet]

السلام عليكم ورحمة الله وبركاته
حبيباتي دخلت الموقع عشان بس افيدكم بخصوص الولادة في مستشفى فخري
انا ام لستة ابناء ولدتهم كلهم في فخري ثلاثة منهم على يد الدكتورة الحبيبة هالة عوض بصراحة الولادة عندهم كلمة رائعة قليلة جدا بحقهم من حيث تعامل الممرضات المصريات الله يحفظهم وفي بعضهم من الجنسية الهندية واحسن مافيه ان كل ولاداتي ما قد صارت معاي وحدة ثانية تولد طبعا لان اغلب الناس تنفر منه لقدم المبنى بس بصراحة يكفي ان عندهم خبرة
والحلو عندهم انهم يعطونك بنج يخليك نايمة ومرتاحة وتحسين بس وقت الطلق عشان تدفعين وطبعا طلعة الراس هذي ما تحسين فيها ابدا لدرجة اني اواصل في الشد افتكر ان البيبي لسة ما طلع والخياطة عندهم جميلة مرررررررررررررة تحسين فقط بوخزات بسيطة وبالنسبة للنظافة والخدمات لا يعلى عليها ودائما يتعاملون معاك ببشاشة وصدر رحب وبالنسبة لدخول الزوج طلبت دخوله وانا بكر ورفضو والبيبي اول ماتولدينه يصورونه مباشرة وبعدين يجيبونه ويحطونه على صدرك hwaml25
وهذا اللي حبيت افيدك فيه والله يسهل عليك وعلى الجميع يارب

[ورد وزهر]

اول مره اسمع ان فيه مستشفى يخدرون وقت الولاده لوقريب مني كان رحت له بس للاسف بعيد شوي