خواتي لاي خدمة بشان عملية طفل الانابيب انا حاضرة لكم

[أم عائشة]

بسم الله الرحمن الرحيم

السلام عليكم ورحمة الله وبركاته

خواتي الكريمات انا دخلت المنتدى ذي من يومين بس وشفت مدى طيبة اعضائه وحبهم للخيرhwaml29

الله لايغير عليكمhwaml23

بس في جمن موضوع يتعلق باطفال الانابيب شفت انه التكلفة وايد وخصوصا بالسعودية

فانا مسوية عملية اطفال انابيب بالبحرين وبنص التكلفة اللي شفتها

فاذا حابين خواتي اعطيكم اسم المستشفى اللي انا سويت عنده انا حاضرة ويشهد ربي علي اني ماابي الا فعل الخيرودعواتكم بتثبيت حملي

وانا ولله الحمد حملت باول ولدين طبيعي
عندي العود ماشاءالله عمره 15 سنة والثاني عمره 11 وبعد كان طبيعي

ولانه ولادتي باولادي كانت قيصيرية فخفت احمل بسرعة عقب الولد الثاني فكنت اخذ حبوب منع حمل لمدة سنتين

وبعدين وقفتهم وحبيت احمل مرة ثالثة وتمر الايام والشهور وربي مايكتب لي اني احمل
والصراحة اني اهملت روحي وايد وصرت اقول لنفسي خلاص ماابي اروح عند اي طبيب اذا الله كاتب لي احمل بحمل

وسبحان الله غريزة الامومة رجعت تتحرك فيني ويوم شفت انه مر 5 سنوات بدون مااحمل قلت لزوجي لا لازم اروح اكشف وخصوصا اني انا صرت فوق الثلاثين والسنين تركض

وربي مايوريكم اللي شفته ماخليت دكتورة مارحت لها وكل وحدة تقولي سبب
اللي تقولي انتي ماتحملين بسبب وزنج
والثانية تقول عندج تكيس
والثالثة تقول لامافيج تكيس فيج شحم على الرحم
لاعاد والاخيرة اللي صدمتني مرة وحدة وقالت لي اختي انتي عندج عندج عقم وخلاص مابتحملين

قلت لها عقم وانا عندي ولدين ؟؟؟؟؟!!!!
قات ايه كل شي يصير

اخر شي سمعت انه اخت صديقتي ولدت ويابت توام بنات الله يخليهم لها يارب واهي على فكرة ماشاءالله عليها امتن مني بمرتين ويابت بنوتة ووقفت 8 سنوات

فسالت صديقتي عند منو تعالجت اختها فدلتني عل الطبيب مالها

وفعلا وربي يشهد علي من رحت له وحسيت براحة عجيبة
سوالي فحوصات وقالي اختي شوفي انا كطبيب مستفيد من زيارتك وصرفك للفلوس
بس امانتي العلمية وضميري الانساني يخليني اخبرج بكل صراحة انه اختي انه ماراح تحملين طبيعي
لانه البويضات عندي كلش صغار وانا من قبل كنت ماخذة ابر وجي للتكبيرهم ومافاد

فقالي الحل اما التلقيح الصناعي اوالانابيب
وانا انصح بالثاني
وانتي استخيري ربج وردي علي

والحمدلله سويت عنده عملية الانابيب وانا الحين ولله الحمد حامل وباقيلي اسبوع وبكمل شهر وبدخل الشهر الثاني
عقب عقم 11 سنة
سبحان الله الذي لايرد من دعاه

فاخواتي اي احد منكم حاب يستفسر عن ذي العملية او الطبيب ومكانه انا حاضرة لكم
وماابي منكم الا دعواتكم انه الله يحفظ جنيني ويرزقني فيه واو بكل صحة وعافية


على فكرة انا من البحرين

[sweet moon]

ماقصرتي يأختي وجزاك الله كل خير

والله يثبت حملك ويتممه على خير

[أم عائشة]

ماقصرتي يأختي وجزاك الله كل خير

والله يثبت حملك ويتممه على خير
فديتج غاليتي مشكورة على الدعوةالطيبة

ولكي مثلها ان شاءالله

[ام حمادة المصرية]

جزاكى الله خيرا غاليتى
اللهم ثبت حملك ويتملك على خير يارب
ويرزقنا جميعا ولادة ميسرة يارب

[سموة الشوق]

ألف ألف مبروووووووووووووك حبيبتي عالحمل

والله يتمم عليك بخير ويرزقك بتوأم يارب ياكريم


معقووولة فرق بالسعر بيننا وبينكم

كم كلفتك ؟؟

وش اسم المشفى ؟؟

وش اسم الدكتور؟؟


لو ماعليك كلافة

وجوزيتي خيرا للإفادة يالغالية.

[أم عائشة]

جزاكى الله خيرا غاليتى
اللهم ثبت حملك ويتملك على خير يارب
ويرزقنا جميعا ولادة ميسرة يارب

وجزاج الله بمثله ان شاء الله
اللهم اااااااااامين وانتي بعد ماشاءالله الله يثبت حملج يارب ويرزقج اللي تتمنينه

[أم عائشة]

ألف ألف مبروووووووووووووك حبيبتي عالحمل

والله يتمم عليك بخير ويرزقك بتوأم يارب ياكريم


معقووولة فرق بالسعر بيننا وبينكم

كم كلفتك ؟؟

وش اسم المشفى ؟؟

وش اسم الدكتور؟؟


لو ماعليك كلافة

وجوزيتي خيرا للإفادة يالغالية.

الله يبارك فيج اختي والفال لج ان شاءالله

جوفي اختي انا بس عملية سحب البويضات وترجيعهم كلفتني 800 دينار يعني 8000ريال سعودي وبعد دفعتهم على مرحلتين
بس قبل العملية لازم تاخذين جمن ابرة حسب حالتج يعني
انا مثلا كانت عندي البويضات كلش صغار فاخذت ابر التبويض تقريبا 5 كانت كل وحدة ب 400ريال وقبل العملية بيوم عطاني ابرة التفجير وذي كلش رخيصة ب 50 ريال بس
يعني العملية كلها مع الابر كلفتني 1300 دينار
واسم المستشفى البركة للخصوبة
وفيه طبيبين الاول الدكتور احمد والثاني حاتم
وماشاءالله كل واحد اشطر من الثاني
انا كنت عند الدكتور حاتم وللحين عنده يتابع حملي والفحص عنده كلش رخيص بس 15 دينار يعني 150 ريال

على مااظن التكلفة ارخص من عندكم

ان شاءالله اكون افدتج غاليتي

[دلوعة بالحيل]

الله يثبت حملك ويتممه على خير و يرزق كل محرومه

[ريتاج2009]

هلا أختي الله يثبت حملك يارب
أنا أفكر بأطفال الأنابيب حاليا أنا لي سنتين و4شهوربس خايفه تفشل والمبلغ يطير بالهواء
مع أني سليمه وزوجي بعد بس مالله كتب لي أحمل....................................

[أم عائشة]

دلوعة بالحيل مشكورة اختي على هالدعوة الطيبة جزاج ربي كل خير


واختي ريتاج عملية الانابيب كاي عملية اخرى يمكن تنجح ويمكن تفشل
والدكتورة اهي اللي تقولج اذا في داعي تسوين طفل انابيب او تنتظرين يمكن الله يرزقج طبيعي
يارب الله يحقق امنيتج وتحملين طبيعي اللهم ااااااااااااااامين

[@حلوة الحلوة@]

جزاك الله خير حبيبتي
الله يتمم لك حملك على خير ويقومك بسلامه
انا سويتها عندنا هنا في السعوديه في مركز ذريه وكان ترجيع الاجنه قبل 6 ايام
قالو انتضري اسبوعين بعدين حللي احس بالم زي الم الدوره وانا خايفه انه مايكون فيه
حمل وتنزل الدوره
ياليت تقولين لي وش حسيتي فيه خلال الاسبوعين قبل التحليل لاني خايفه بعد التعب
والمعاناه مايصير حمل
واتمنى من الجميع الدعاء لي ان الله يرزقني بالحمل السليم

[ريتاج2009]

الله يسمع منك ياأم عائشه قادر ياكـــــــــريم

[أم عائشة]

جزاك الله خير حبيبتي
الله يتمم لك حملك على خير ويقومك بسلامه
انا سويتها عندنا هنا في السعوديه في مركز ذريه وكان ترجيع الاجنه قبل 6 ايام
قالو انتضري اسبوعين بعدين حللي احس بالم زي الم الدوره وانا خايفه انه مايكون فيه
حمل وتنزل الدوره
ياليت تقولين لي وش حسيتي فيه خلال الاسبوعين قبل التحليل لاني خايفه بعد التعب
والمعاناه مايصير حمل
واتمنى من الجميع الدعاء لي ان الله يرزقني بالحمل السليم

الله يتمم عليج حملج يارب وان شاءالله تبشرينا بانج حامل
والله انا بعد الترجيع ابد ماحسيت بشي
بس ترى الاعراض تختلف من وحدة لوحدة
انتي اهم شي ريحي نفسج على الاخر ولاتشيلين اي شي ثقيل ودايما استغفري خلي لسانج كله رطب بالاستغفار والله كريم يختي
اللهم ارزقها ماتتمناه
اللهم بعزتك وجلالك وقدرتك تهبها الذرية الصالحة ولاتضيع تعبها يارب
اللهم اااااااااااامين

بشرينا عاد اختي

[@حلوة الحلوة@]

مشكوره حبيبتي ام عايشه على هاذي الدعوه الحلوه وياك يارب ويتمملك حملك
على خير ويقومك بسلامه ويزقني ويرزق كل محرومه امين يارب

[سموة الشوق]

جزاك الله خيرا غاليتي ام عائشة عالتوضيح

والله يتمم حمالك على خير يارب ويرزقك الذرية الطيبة

وياحلوة الحلوة

الله يرزقك الحمل السليم بالذرية الطيبة من عنده

وتبشرينا يارب.

[دمعة حرمان]

الف مبروووك اختي
اللهم يتمم عليك ويسهل لك
ان شاء الله الفال لنا

[@حلوة الحلوة@]

حبيت اقولكم اخر التطورات سويت تحليل كان سالب مافيه حمل
الله يعوضني ادعولي ....الحمدلله على كل حال

[دمعة حرمان]

ممكن سؤال اختي ام عائشة

بعد عملية اطفال الانابيب كم من المفترض ان لا اتحرك واكون في راحة تامة
صراحة نويت اسويها بس انا ساكنة في شقة في الطابق الثاني واكيد الدرج مضر

[أم عائشة]

السموحة منج دمعة حرمان تاخرت بالرد

اختي حاولي من تسوينها ترتاحين راحة كاملة والدرج جدا مضر
انا طبيبي من عقب ترجيع البويضات قالي ممنوع تسوقين السيارة
ممنوع طلوع الدرج
ممنوع الجماع وممنوع شي اي شي ثقيل لمدة 12 يوم

وعقب 12 يوم سويت التحليل والحمدلله
سالته مرة ثانية عن الممنوعات قالي كل شي قلته لج ممنوع قبل الحين اقولج اهو موممنوع بس حاولي تخففين منه لحتى تخلصين الثالث

والله صرت مااطلع من شقتي الا للضرورة القصوى

والله يوفقج اختي
وطمنينا شنو يصير معاج
اختي انتي من البحرين؟؟؟

[أم عائشة]

حبيت اقولكم اخر التطورات سويت تحليل كان سالب مافيه حمل
الله يعوضني ادعولي ....الحمدلله على كل حال

الله يعوضج خير يارب وياجرج على صبرج وتعبج
معليش اختي لعله صلاح وخير لج
عسى ان تكرهوا شيئا وهو خيرا لكم
اسال الله العظيم رب العرش العظيم ان يعوضج ويرزقج بالذرية الصالحة عاجلا وليس اجلا
اللهم ااااااااااامين
استغفر الله الذي لا اله الا هو الحي القيوم واتوب اليه
الحمدلله وسبحان الله ولا اله الا الله والله اكبر ولاحول ولاقوة الا بالله العلي العظيم

[دمعة حرمان]

السموحة منج دمعة حرمان تاخرت بالرد

اختي حاولي من تسوينها ترتاحين راحة كاملة والدرج جدا مضر
انا طبيبي من عقب ترجيع البويضات قالي ممنوع تسوقين السيارة
ممنوع طلوع الدرج
ممنوع الجماع وممنوع شي اي شي ثقيل لمدة 12 يوم

وعقب 12 يوم سويت التحليل والحمدلله
سالته مرة ثانية عن الممنوعات قالي كل شي قلته لج ممنوع قبل الحين اقولج اهو موممنوع بس حاولي تخففين منه لحتى تخلصين الثالث

والله صرت مااطلع من شقتي الا للضرورة القصوى

والله يوفقج اختي
وطمنينا شنو يصير معاج
اختي انتي من البحرين؟؟؟

شكرا عزيزتي ام عائشة ع الرد
نعم .. انا من البحرين
بعد شهرين تحليل لزوجي
اذا كانت النتيجة سيئة بنلجأ للأنابيب كفاية طولنا في العلاج ولا فيه فايدة
وان شاء الله بسويها عند الدكتورة موزة في العسكري


الله يرزق كل محرومة ويفرح قلبها بالذرية الصالحة

[oOأجامل وأبتسمOo]

جزاك الله خيرآ
ممكن اسم المستشفى ومكانه ورقمه واسم الدكتور اللي بيعمل العملية وكم تكلفتها تقريبآ...
واسبه نجاحها في المستشفى..
يالي اختي ترسلين لي ع الخاص

[الطائية]

السلام عليكم
مشكورة يا ام عائشة على كل اللي تسوينه
وانا اريد اعرف ويش اسم المستشفى وكم بتكلف العملية وجزاك الله كل خير

[MissDiorPink]

انا ناوية هالشهر اسوي بس عند احمد بركات

...

وخايفة والله

ادعوووووووووووووولي

[(فرح)]

الله يثبت حملك يارب ويرزقنا الذرية الصالحة يارب

[همس المعاني]

هلا حبيبتي
انا ودي استفسر عن شي مشغل خاطري
هل اطفال الانابيب تنجح من اول محاوله علما بان الزوجه سليمه وماعندها مشاكل والزوج عنده تشوه في الحيوانات والسليم 20%
لاني ابغى اسويها لكن مااقدر الامره وحده فقط ولن اعيد تكرارها
لرفض زوجي ذلك
واريد ان اتطمن هل تنجح ام لابد من فشلها واعادت تكرارها
ارجو افادتي ولكي جزيل الشكر
وحفظ لك الله ابنك