تجمع امهات التوام حياكم

[نـــــــارا]

أحلى تونز هلا وغلا.. بخير السبت ان شاء الله بطعمهم عن الشنيتر اللي تسمونه عنقز

بناتي زايدة شطانتهم كل شي يسووه ما يخطر على البال واكتشوا كولر الماي والدرج ومتغربلة

اول الغرام هلا حبيبتي انا اتعامل معاهم حسب طاقتي اذا عندي طاقة ارضعهم ثنتينهم في مرة بالعادة ثنتينهم يبكوا واصلا حتى لو ثنتينهم مو جواعة بس مجرد ما ارضع وحدة الثانية تغار وتجر اختها من شعرها تبيها تقوم او تركب فوقها وتحاول تدزها بويهها عشان تمص

اذا كنت تعبانة واحد من الاثنين يا اما اخلي الثانية تصيح وانا اقول لها اول اختج لانها قبل وان انتوا تتشاركون بالحليب دوم اكلمهم ساعات يسكتون ويسمعوني وساعات يواصلوا بكاء وساعات يسكتوا بنفسهم من غير عوار راس وتنتظر دورها بمجرد ما اختها تخلص الثنية تبكي على طول يعني الانتظار واضح

انا بعد علمتهم شي يسهل علي اتعامل معاهم لانهم ما يعرفوا يوصلوا معلومة ... دوم اسالهم اسئلة خيارات جوابها يس او نو ( نعم او لا)

وطبعا علمتهم يهزون راسهم اي او لا

واشتريت لهم سيديات sign language
من هالموقع
Www.mybabycantalk.com

صاروا يشوفونه وبعد شهر بالضبط عرفوا يسوون لي اشارات باسماء الاشياء

واخذت سيديات تعلم القراءة
من هالموقع
Www.yourbabycan.com


وما شاء الله تعلموا منه اشياء وايد بس لحد الحين ما عرفوا يقرأوا بس لما اقول لهم عن الاشياء اللي بالسيدي يسووها مثلا لما اقول لهم
Where is you nose
تاشر على خشمها

[عذب]

اهلين صبايا
كيفكم وكيف التوينز؟
عذرا على طول الغياب بس تعرفون كرف البيت والعيال

شالتطورات اللي صارت أكشن وتفاعل وحركات هذا حلاتكم
والله من جد اشتقت لكم
أحبكم واااااااااااااااايد

[(سوسو)]

سوسو فديتك ربي يسعدك يالغاليه ويسمع منك زي ماقلتي رحت المستشفى وأعطاني مضاد لكن ما اعطيته طيب لو خليته كم يبغاله ويرجع طبيعي تعبت معاه في الرضاعه *
الافضل انك تعطينه المضاد لأن لوخليتيه بيطول على هالحاله وماراح يرضع
الله يشفيه يخليه لك يارب

[رضاك ربي]

رضاك ربي
مايشوفون شر البنوتات
انا من رايي انك تطعميهم مع بعض تتعبين تعب واحد
اسهل من انك تتعبين كل اسبوع مع واحد ..
اذا طعمتي عيالك دلكي مكان الابره مباشرتن واضغطي عليه بيدك كذا مره
لين يخف الالم ... واعطيهم خافض الحراره اذا وصلتي لبيتك على طول ... وان شاء الله مايشوفون شر ...


مشكورة حبيبتي ربي يقر عينك بسلامة محبينك

[الأميرة جوري]

السسسسسلام عليييييييكم
كيف الحااااااااااال؟ياحلواااااااات
عذب
هلا والله منورة شحالج؟ وأحنابعد نحبج واااااايد
نارا
مشكووووووورة ع الموقع المفيد
رضاك ربي
طمنينى شحال البنات الحين
باقي البنات شحالكم؟ وشحال التوينز؟

[رضاك ربي]

هلا حبيبتي احلى تونز حمدلله تحسنوا بعد مرور 48 ساعة على المطعوم مشكورة حبيبتي تسأل عنك العافية

[الأميرة جوري]

بنات وحدة جايبة 5 توأم ماشاء الله

http://www.youtube.com/watch?v=uSc98V4ylQ4&feature=related

[رضاك ربي]

تبارك الله الله يسلمهم لاهلهم

حضرت على يوتيوب وحدة جابت 8 تخيلوااااااااااااااااااا

[زود الغلا]

مرحباااااااااااااااااااااااااااا عليكم يااحلى امهاااااااااااات

[نـــــــارا]

يا هلا
اليوم يوم سيء

خدامتي بدلتها من يومين وبناتي اخلاقهم منعفسة يشوفون وحدة جديدة
وفوقه اليوم الاء طاحت على ويهها وانبطت اشفتها لان اسنانها انغرسوا في الشفة

وبعدها نور دفعت باب الحمام مكرمين وهو المنيوم دفعته وما قدرت وانصك عليها وتعورت يدها

والثالثة الاء مرة ثانية طاحت من فوق طاولة الضيوف الوسط مو رفيعة بس اختل التوازن وانقلبت على ورا

احس نفسي في دوامة

[ام جومانة]

هلا والله باامهات االتوائم
كيفك وكيف الكتاكيت ؟

[انت الحب]

سلام خواتي
انا حامل بتؤم والحين بالشهر الرابع بس احس بطني بالسادس
ورجلي اليمين من الاعلى توجعني واحس دائما تشد علي
الله يعين مع اني للحين مو مصدقه اني حامل بتوم ومو متخيله ايش بيصير فيني بعد الولاده وكيف بربيهم مع عيالي الاتنين وكيف بنتبه لزوجي
بس الله يكون بالعون
اكيد مافي سهرات دلع مع زوجي ولافي عيد زواج ولا مشوار ولا طلعه بسالحمد لله
على فكره خبروني انو احسن اولد قيصريه من اول التاسع
وفي شي ثاني انا دائما بأول الشهر الثامن يبدا وجهي يتنفخ الحين ومع التؤم من بدايه الرابع وشكلي مره اتبهدل
اسفه طولت عليكم

[رضاك ربي]

صباااااااااااااااح الامومة المضاعفة هههههههه

اخباركم وأخبار تونزاتكم ربي يسلمهم وييسر امر تربيتهم ويعافيهم من كل شر

[رضاك ربي]

يا هلا
اليوم يوم سيء

خدامتي بدلتها من يومين وبناتي اخلاقهم منعفسة يشوفون وحدة جديدة
وفوقه اليوم الاء طاحت على ويهها وانبطت اشفتها لان اسنانها انغرسوا في الشفة

وبعدها نور دفعت باب الحمام مكرمين وهو المنيوم دفعته وما قدرت وانصك عليها وتعورت يدها

والثالثة الاء مرة ثانية طاحت من فوق طاولة الضيوف الوسط مو رفيعة بس اختل التوازن وانقلبت على ورا

احس نفسي في دوامة


قل أعوذ برب الفلق الله يحميهم سلامتهم الحلوين مايشوفوا شر الله يهديهم ويعافيهم تخيلت نفسي أمر بالسوالف مع البنات الله يكون بالعون

[رضاك ربي]

باركولناااااااااااااااااااااااا

اخيرا تناولنا الوجبة الاولى بحياتنا يم يم يم
بدأت بالخضار مسلوق عالبخار والخطوة القادمة فواكة ان شاء الله وبعدها اللحووووووووووم

[الأميرة جوري]

السسسسلام عليييييييكم
شحاااااااااااالكم ياأمهات يامجتهداااات بتربية الكتاكيت الصغار(الله يحفظهم)

نارا
سلامة بناتج مايشوفون شر فديتهم شو صار عليهم الله يحفظهم ديري بالج عليهم زين وحصنيهم
الحمدلله سلامتهم.

رضاك ربي

مبرووووووووووك فديتهم الله يحفظهم لج (ماشاء الله)


أم جمانة

هلا والله فيج أحنا بخييييير وكتاكيتنا بخييييييير أنتي شحالج؟ وشحال الكتاكيت
طلي علينا بين فترة وفترة لا تقطعينا,,, توحشينااااا

[الأميرة جوري]

سلام خواتي
انا حامل بتؤم والحين بالشهر الرابع بس احس بطني بالسادس
ورجلي اليمين من الاعلى توجعني واحس دائما تشد علي
الله يعين مع اني للحين مو مصدقه اني حامل بتوم ومو متخيله ايش بيصير فيني بعد الولاده وكيف بربيهم مع عيالي الاتنين وكيف بنتبه لزوجي
بس الله يكون بالعون
اكيد مافي سهرات دلع مع زوجي ولافي عيد زواج ولا مشوار ولا طلعه بسالحمد لله
على فكره خبروني انو احسن اولد قيصريه من اول التاسع
وفي شي ثاني انا دائما بأول الشهر الثامن يبدا وجهي يتنفخ الحين ومع التؤم من بدايه الرابع وشكلي مره اتبهدل
اسفه طولت عليكم

ألف مبروووووووووك
ولالام الي تحسين فيها هذي عادية مرينا فيها ترى موواحد هذيلا توأم غير عن الحمل بواحد يكون الظغط والثقل أكبر
وآن شاء الله لشرفوا الحبايب ع الدنيا بيكوووووون كل شي عادي لا تحاتين المهم يطلعوا بالسلامة وبتربيهم نفس عيالج الثانين
والانتفاخ عادي هذا بيروح كله بعد الولادة
بسسس انتي انتبهي لحالج وتغذي اوكي
والسهرات والدلع خليه عنج الحين هذا كله يروح مع قدوم البيبي بيصير همج الوحيد بعدين شوفه الكتاكيت الصغار والاهتمام فيهم.
والولادة ع اواخر الشهر الثامن بيحددوا لج اذا راس الاجنة تحت طبيعي آن شاء الله واذ غير كذا عملية
لا تخافي ولا تحاتي وخلي أملج بالله كبييييييير وكثري من الاستغفار والدعاء بنية الولادة السهلة الميسرة.

[رضاك ربي]

احلى تونز فداك الكون حبيبتي يبارك بعمرك تسلمين ويحفظ عيالك من كل شر

[حور العين]

مراحب

وحشتونني كلكم لي فتره مادخلت على النت لانه كان اجهاز عطلان hwaml15

بناتي صاروا يمشو ماشاالله عليهم بس وحده لسى شوي تخاف تمشي وتطيح ههههه

بس والله النوم مو راضي يزبط عشان انا مو صارمه معاهمhwaml17

[زود الغلا]

سلااااااااااااااااااامااااااااااااااااااات ناااااااااارا خطاكم السو يارب الله يحفظ بناتج
انا بنتي بعد طاحت علي الطاولة وانقص الخط اللي بالشفة فوق من داخل انشق علي الاخر بعد عمري ....وانا ماصدقت يطلعونلها اسنان وطاحت عليهم المسكينة ..
شلوووووووووووووووونكم باجي الامهات .وشلون كتاكيتكم

[زود الغلا]

انت الحب
الف مبرووووووووووووووووك الحمل وابي انصحج لا تخلين الشيطان يوسوسلج ويضيق خلقج .... الامور بيد الله سبحان الله ...انا نفس وضعك عندي ولدين وحملت بتوام انصدمت وخفت من وضعي بعد الولادة وشلون بتحمل وراح اسيطر علي الوضع او لا ...بس السهاله من الله الحمدلله الوضع شوي صعب بس مو نفس ماتوقعته بس التفكير اهو الله يجنن الواحد ...ارتاحي وادعي الله بيدة الراحه .

[عطر فواح]

مسائكم ورد ياامهات متئ انقلبو كتاكيتكم
وهل التوام يتأخرو

[زود الغلا]

مسائكم ورد ياامهات متئ انقلبو كتاكيتكم
وهل التوام يتأخرو

شلوووونكم .....انا اعتقد ومن رايي التوام يتاخرون بناتي تاخرون بالتقلب يمكن 6 شهور والحبي يمكن 11 شهر والتسنين توهم يسننون عمرهم سنة :) بس الحمدلله علي كل حال والحين يمسكون الاثاث ويمشون متمسكين بالكنب .

[زود الغلا]

بنات انا عندي مشكلة بناتي لي الحين ماياكلون الا الاكل المهروس المايل للسائل وهالشي مسببلي ازمة ماخذهم معاي والسبب اي مكان والسبب الاكل ...وعلي فكرة جربت مرة اخلي الاكل شوي جامدة بس ماتحملوة رجعوااا ...عطوني حل ابي رتاح من هالطريقة .

[ليالي حب]

الله يسعدكم
يامهات تؤام الله يخليهم لكم
بغيت اعرف مااسباب الحمل بتوائم ؟ الله الرزاق اكيد
بس هل هناك امو ر لو تنيشط وغيره ساعدت

بليز .. ساعدونى
من فتره افكر اسال
كيف ممكن يحصل بعد مشيئه الله حمل تؤائم لوو مجرد اسباب؟؟ اذكروهااااا
لان عمرى 30 وابي اختصر واتمنى ربي يرزقنى من واسع فضله

لا تتجاهلونى
وفقكم الله لمافيه خير وصلاح



بليز .. ساعدونى



لا تتجاهلونى
hwaml7

[نونة العسولة]

مساء الخير ماميز شلونكم وشلون كتاكيتكم الحلوين

انا بنتي بتموتني من دلعها وبجيها صج احس روحي مضغوطة منها ومن الحمل

مو راضية افطمها من صدري شسويلها تعبتني وغير احس ان الثانية مقصرة بحقها

وبحق ريلي صج اوقات افكر من اولد ويصيرون 3 شسوي ..؟

كارهه روحي والحمل وريلي وكل شي ..

باجر عندي موعد مراجعة للحمل بس مالي خلقة ولا ابي اروحله

[زود الغلا]

ليالي حب ... بالنسبة لي حملي كان من الله طبيعي بدون اي منشطات سبحان الله حمل التوام متتتتتتتتتتتتتتتتتتتعب متتتتتتتتتتتتعب وخصوصا عندي اولاد غيرهم فالوضع صعب جدا والولادة كانت قيصرية مرت علي ايام مايعلم فيها الا الله ...والحمدلله علي كل حال .

[زود الغلا]

مساء الخير ماميز شلونكم وشلون كتاكيتكم الحلوين

انا بنتي بتموتني من دلعها وبجيها صج احس روحي مضغوطة منها ومن الحمل

مو راضية افطمها من صدري شسويلها تعبتني وغير احس ان الثانية مقصرة بحقها

وبحق ريلي صج اوقات افكر من اولد ويصيرون 3 شسوي ..؟

كارهه روحي والحمل وريلي وكل شي ..

باجر عندي موعد مراجعة للحمل بس مالي خلقة ولا ابي اروحله

شلووووووونج ؟؟؟ والله انت معطتها وجه خليج صارمة معاها ...حطي فلفل على صدرج عشان تكرهه... واذا قامت تبجي علي دلع طنشيها وراح تسكت بروحها راح تتعبين اول شي وبعدين راح يتعدل طبعها .....وبنتج الثانية لالالالا تنسينها من حنانج ...والله المستعااااااااااااان :)

[رضاك ربي]

صباحكم نشاط وحيوية

شخبار الامهات الحلواااااااااااااااااااااااااات

الله يكون بعون الجميييييييييييييع

[نونة العسولة]

زود الغلا

اليوم من الصبح وانا معاندة معاها تركتها تبجي تبجي وكل ماتجي يمي اوخرها

لين ماتعبت ونااامت .. قعدت اكلت شوي وكملت بالحن والبجي بس ماسكة اعصابي

اخاف امد ايدي عليها اكثر احس بلاعيمي تعورني من كثر الصراخ عليها قرصتها لين ماقلت بس اليوم ولو بيدي جان طقيتها اكثر وبردت قلبي ..

ماكنت جذي انا بس اعصابي تعباااااانة صج من تزوجت وانا بتعب وماارتحت

حملت فيهم بعد شهرين من زواجي وماتهنيت بشي وتوهم كبروا وجريت نفسي شوي ولا ارد احمل

الحمدلله على كل حال .. اليوم بالغصب رحت للموعد اجيك الحمل وقالتلي الجنس حتى ماااستانست من دريت عادي عندي شنو ماكان ..

[الأميرة جوري]

نونة العسولة
الله يعينج ع التوأم والحمل
بسسس حاولي لاتزعلين نفسج ترى مو زين للحامل الزعل والصراخ والتوتر
وحاولي حد يساعدج بنتج خليها بيت أهلج خليها شوي بعيدة عنج علشان تتعود تعتمد ع نفسها
وتلعب بروحها ماكل شوي لازقة فيج هههههههه فديتها بسسس حاولي لاتعصبين عليها ترى ياهل وماتعرف وآن شاء الله لولدتي بتهتمي بنفسج وفرحي بالحمل ولا تكدرين نفسج ترى هذي نعمة الكل يتمناها لزم تشكرين ربج عليها أحسن يكونوا ورى بعض علشششان يكبرون سوى.

أهتمي بنفسج وبالحمل وخلي حد يساعدج بالتوأم وبتعدي عن العصبية والضيق
الله يوفقج

أنا عندي ولد وبنت والتوأم وماأخذت مانع حمل وأذا صار حمل عادي ماعندي مانع تحسسسسسسسسسي وناااااسة بيبي جديد.
عندي شغالة وحدة وبيت كبير والحمدلله الأمور ماشية تمام.أنتي ماعندج شغالة؟؟؟

[نونة العسولة]

احلى توينز

فديتج مشكووورة على الرد

بنتي ابوها يحاول يمسكها هذاك اليوم قالي لبسيهم بطلعهم معاي
طلعوا ورى 10 دقايق اشوفهم ردوا ولا الحلوة مسوية حفلة بالبجي تبيني
مسكين يابها عندي ورد طلع مع ليان

حتى خواتي واهلي تحبهم بس من بعيد لبعيد بنتي الثانية كانت جذي من كانوا صغار

بس حبيبتي تغيرت وايد وصارت اجتماعية الحين بس جوان حارقة اعصابي ودمي هالبنت
عندي خدامة الحمدلله بس انا مضغوطة من هالبنت مو من شي ثاني

يعني مافي راحة من وراها من غير شي زهقانة من كل شي ومابي احد يمسكني وهذي لازقة

بس خايفة من اولد وتبدي الغيرة من البيبي الله يعين شكلي وقتها بهرب منهم
وعلى الحمل مو قادرة اتقبله واحبه حتى صايرة احس بحركة الياهل بس ماادري احس مافي مشاعر
عكس حملي فيهم كنت حدي مستانسة بكل شي .. الحمدلله على كل حال

وانتي الله يحفظلج التوينز وعيالج الكبار بس صدقيني تربيتهم مو سهلة الحين يمكن بيبيات صغار

بس الحين يبدون يسننون ويمشون كل مايكبرون تعبهم يكبر ..

[الأميرة جوري]

نونة العسولة
صح تربيتهم وايد صعبة بس شو نقول الله كريم
لحين عندي يحبون ويرحون كل مكان ويحاولوا يقعدون ومرات يطيحون ع راسهم
صح عندج لما يكبرون يصيرون مزععجين اكثر وأنا الحين صايرة عندي وحدة ماتاكل الابالغصب.

[الأميرة جوري]

الله يعينج ع دلع جواااااااااان أنا عندي دانة هي الدلوعة ماأقدر أطلع برى الغرفة الا قامت تبكي وتريدني بسسس أمسكها أختها غييييير.

[الأميرة جوري]

بنات نسيت أخبركم من كم يوم غيرت أسم بنتي التوأم
من بانة الى جوري علششششششان التعليقات الي ياتني من الاسم
وأخاف بنتي باجر لكبرت تتعقد فغيرنا أسمها
صح صاروا مختلفين بسسس أهم شي المعنى^_*

[نونة العسولة]

احلى توينز

اي والله صدقتي .. الله يقوينا على تربيتهم

بناتج مابدوا يسننون او يحبون

واسم بنتج وايد حلو اسم جوري احلى من بانة زين غيرتيه لها

انا بنتي جوان كان الكل مستغرب منه بس هالاسم وايد انتشر هالفترة

[رضاك ربي]

احلى تونز مبارك عليها الاسم الحلوة العسل

نونة حبيبتي الله ييسر امرك ولا تذمرين نعمة الحمل كرم كبير من رب العالمين الله يتمم لك بالخير وتعيشي بقة حباتك بسعادة وراحة انتي الحين مضغوطة بس فترة وتنتهي ولا تذمرين واستغفري سامحيني حبيبتي اعرف النفسية اللي تمري فيها الله يهون عليك ويهدي البنوتة الدلوعة انا بناتي خمس شهور ويحسون بالملل لو تركتهم او لو كنت عندهم ومنشغلة بشي ثاني هههههههه

[الأميرة جوري]

احلى توينز

اي والله صدقتي .. الله يقوينا على تربيتهم

بناتج مابدوا يسننون او يحبون

واسم بنتج وايد حلو اسم جوري احلى من بانة زين غيرتيه لها

انا بنتي جوان كان الكل مستغرب منه بس هالاسم وايد انتشر هالفترة

طلعت ليهم سنين تحت ويحبون ويحولوا يجلسون شوي ويطيحون
اسم أجوااان وايد حلو بسسس الاسم بعده مومنتشر عندنا

[الأميرة جوري]

احلى تونز مبارك عليها الاسم الحلوة العسل



الله يبارك بحياتج شحالج أنتي وشحال التوينز؟

[الأميرة جوري]

سؤااااااااااااااااااااااااااااااااااالhwaml9



بنات بعد ماولدتوا راحت الكرشه ولا بعدنها
أنا وااايد مضيقتنيhwaml4 مارحت كيف قضيتوا عليها ولا بعدنكم مثلي تعانون من نفس المشكلةhwaml15
قالوا لي الكمون واااااايد زين للقضاء ع الكرشه
بسسس ماقدرت أستحمل مذاقه وععععععع
والرياضةhwaml8 من عنده وقت لرياضه من البيبيات أوووووووف الكرشه مخربه علي جسمي ومعكره صفو جويhwaml78

[نونة العسولة]

احلى توينز مشالله عليهم الله يحفظهم يارباحنا عندنا اسم جوان وايد انتشر بهالفترة وكرشة الحمل انا راحت تقريبا لان لعبت رياضة ومشيت على دايتبس الحين ردت شوي طلعت من الحمال00000000000000000000000000000000000000000000 00000000000000000000000000000000000000000000000000 00000000000000000000000000000000000000000000000000 00000000000000000000000000000000000000000000000000 000000000000000000000000000000000000000000رضاك ربي لا مو زعلانة بالعكس بس لو تنحطين بنفس حالي الحين بتقولين نفس الكلام واكثر يمكنانا احمد ربي واشكره على نعمة الحمال والعيال بس انا من داخل احس متحطمهلان ماعشت حياتي نفس باقي العرايس استانسوا وسافروا وطلعوا .. من تزوجت وانا بس احمل واتوحم واولد واربيحتى ريلي حيل قصرت بحقة احس ماشبع مني كله متنرفزة ومتوجمة ومالي خلقة وتييني حالات اكرهه خاصتا فترة النساة عسى الله بس يعدي فترة الحمال هذي واولد والله يسهل

[نونة العسولة]

واي شفيه المنتدى جذيعدلت على الرد مرتين بس الحروف والكلام داخل فبعض

[زود الغلا]

احلى توينز ... حلو اسم جوري احلى من بانه ...وبلنسبة للكرووووشة والله لي الحين وبصلراحة ماعتنيت فيها مالي خلق :) ,
نونة العسوله ...........الله يكون بعونج بس بناتج توهم صغار علي الزف والقرص اذا كبروا وطفروج صج شراح تسوين .
بس قولي الحمدلله علي النعمه واذا ولدتي ركبي لولب ...انا عندي ولدين وتوام بناتي وركبت لولب ومع مناعه طبيعية ..
نونة انت كويتية صح ؟؟؟ اابي انصحج اذا ولدتي بالسلامة انشالله دخلي بناتج حضانه وارتاحي .

[رضاك ربي]

نونة العسولة حبيبتي الله يكون معك فهمت عليك وان شاء الله ربنا يعوضك بايام احلى واحلى صدقتي وان كان علي اتمننى الحمل بعد توأم بناتي لاني 11 سنة انتظر الحمل وعلى قولة خواتي تدللت كفاية حمدلله ويارب يرزقني حمل سليم معافي توأم صبيان هالمرة ههههه لانها صايرة وصايرة هههههههه


زود الغلا شخبار الحلوين

[رضاك ربي]

[QUOTE=أحلى توينز2011;1906259] سؤااااااااااااااااااااااااااااااااااالhwaml9



بنات بعد ماولدتوا راحت الكرشه ولا بعدنها
أنا وااايد مضيقتنيhwaml4 مارحت كيف قضيتوا عليها ولا بعدنكم مثلي تعانون من نفس المشكلةhwaml15
قالوا لي الكمون واااااايد زين للقضاء ع الكرشه
بسسس ماقدرت أستحمل مذاقه وععععععع
والرياضةhwaml8 من عنده وقت لرياضه من البيبيات أوووووووف الكرشه مخربه علي جسمي ومعكره صفو جويhwaml78 [/QUOT


يسلمك ياعمري البنات تمام بدأو يملون لو كانوا وحدهم اخرتي بستأجر هندي يقرقر لهم ههههههههه انا كرشتي بسلامتها كانت مختفية بعد الولادة ووقت الرضاعة ومن انقطعت الرضاعة بدأت بالظهور اتمنى بس ماتكبر عن هالحجم لان على قولتك جسم رشيق ومع كرورش مايحلى وانا ما أخذت اي اجراء لاني افكر بالحمل ان شاء الله مو حابة اتعب معها وبعدها يضيع تعبي والكمون انا اكله للقولون وما اشوفه فاد كرشتي

[عطر فواح]

انا في معاناه مع كرشتي مع انها اول ولاده لي والله اللي يشوفني كأني في الخامس مره مشوهه جسمي ياليت القى لها حل

[نونة العسولة]

زود الغلا

انا قبل مااحمل كنت حيل مدلعتهم وحتى بنتي اللي متعبتني الحين متحمله دلعها ولا عمري زفيتها او اذيتها

بس الحين خاصتا اول فترة بالحمل ايام النساة ماكنت طايقة روحي ف 24 ساعة متنرفزة ب ويوههم

والحين بديت صج افقد اعصابي لان مو زين ترضع مني وانا حامل ومو راضية تقتنع وتنفطم صج تعبت معاها

اي انا كويتية وناوية ياان اوديهم كل يوم مع الخدامة لبيت ابوي وانا اتفرغ للبيبي او اوديهم حضانة بس ابوهم مو راضي يقول حرام صغار ..




رضاك ربي

الحمدلله على كل شي عسى بس تمر الايام بسرعة واولد

احس بس اولد وافتك من المزاج والنفسية الخايسة هذي يكون وضعي غير

اليوم اول ماقعدت الصبح حسيت بحركة البيبي ووايد انبني ضميري عليه صج ماله ذنب
فديته وقلت لريلي من الشهر هذا نحط ميزانية ابي ابدي اجهزلة ان شاء الله

لان بعد كم يوم ادخل بالخامس وابي اخلص كل شي قبل ماابدي اثقل خاصتا مع البنات وايد تصير صعبة الطلعة

[زود الغلا]

رضاك ربي ...الحلوات الحمدلله تمام مجننيني يضربون بعض ويعضون بعض وهم توهم مسننين الله يستر متى ماطلعت اسنانهم شراح يسوون :)
نونة العسولة ....انا ولدي دخلته حضانه من يوم كان عمرة سنة وثمان شهور ماكنت حامل ولا شي بس انا ما احب عيالي مع الخدامه علي طول ...انصحج بالحضانه .الصبح يروحون ويردون الظهر يلعبون شوي وماتصير الساعه 8 الا وهما داااااايخين اريحلج .

[نواعم النعومه]

أهلين. اشتقت لكم بنات أخباركم محجبة من زمان عنها.
أنا خالد يمشي. وغلا بدت تمشي سوي وتطيح. تتغلا علينا ههههههههههههه
ها الايام مع تغير الجو صدر خالد تعبااااان مرة وصرفوا له بخاخات 6 مرات في اليوم. مسكين صار متضايق منه. بس عاد الشكوى على الله


والله اتمنى أني احمل. احس تجربة الحمل مبررة حلوة ومتعبه كان ابو الشباب مهتم فيني بالمرة. :( عشان البيبيات
اتمنى الحمل من غير تدخل مستشفى او تلقيح. والله كريم يا رب ترزقنا من واسع فضله

[نـــــــارا]

بناتي مطفشيني حركة في حركة وطول الوقت الحق وراهم

حمل التوأم جاني من الله

زود الغلا الله يعينج انا بناتي كله يغارون من بعض ويتهاوشون

[نونة العسولة]

زود الغلا

بحاول مع زوجي وان شاء الله يقتنع نسجلهم من اولد بالسلامة


نواعم النعومة

الله يرزقج باللي تتمنينه


نارا

شخبارج مو انتي اللي كنتي تساليني يوم كنتي حامل

ان شلون بتفرقين بين بناتج لانهم توام متشابه

ولا انا مخربطة

[نـــــــارا]

ما اذكر صراحة يجوز سالت بس انا توأمي غير متطابق بس التشابه بينهم كبير الناس تعتبرهم نفس الشي بس هم مشيمتين وغير عن بعض

اول اسبوعين تم كل سرير عليه الاسم واسوارة المستشفى بعد عليهم وبعدين حفظتهم وشلتهم ويوم شلتهم ابوهم عصب لانه صار ما يعرفهم بس الحين خلاص الكلتعود والعيلة حفظتهم بعد

[نونة العسولة]

اها سبحان الله ..

انا بناتي نسخة من بعض ومن ولدتهم كان ريلي يفرق بينهم من الكبابيس او الطاقيات

البسهم الوان مختلفة او ان لبستهم كله نفس الشي يفرق بينهم من المصاصة كل وحدة لون ماخذة

بس طبعا من كبروا خلاص تعود عليهم بس رفيجاتي للحين مايفرقون بينهم

شنو اسمائهم بناتج ؟

صج ليش مانسوي جدول نكتب فيه اسم كل عضوة واسماء التوام

وتاريخ ولادتهم

[الأميرة جوري]

السسسسسسسلام علييييييكم

شحاااالكم ياأمهات يامكفحات ومضحيات

http://forum.hwaml.com/imgcache2/hwaml.com_1328384228_442.jpg
نونة العسولة
فكرتج وااايد حلوووة

أنا أسماء توأمي :دانة وجوري وتاريخ الولادة9/6/2011
بسسس من الي بيسوي الجدول؟

[حور العين]

سلام على امهات التوام المناضلات انشا الله تكونو كلم بخير انا بناتي ماشاء الله يمشو مع انهم طولو شوي بس الحمد لله صارو يضحكو بعض ويلعبو بعض بس احيانا يقلبوها عض ههههههههه ويقولو بعض الكلمات ويتفرجو طيورالجنه مرررره يحبوها



نونه العسوله الله مبروووك الحمل الله يتمم لك على خير حاولي قد ماتقدري تتاقلمي مع الوضع وتطولي بالك قد ماتقدري لانه هذي نعمه من رب العالمين والايام الجايه انشاءالله تكون احلى

انا بالنسبه لي انشا الله بعد مايكملو السنتين اتمنى احمل وادعولي يارب بتوام اولاد لانه لسى ماعندي اولاد


على فكر يابنات شازل ايش اخبارها ياريت الي يعرف شي عنها يطمنا



تحياتي للكل

[درة البحر]

مرحبا يا أمهات التوأم شخباركم وشخبار توائمكم
من زمان مادخلت المنتدى لأني كنت منومة مع البنات في المستشفى كان عندهم التهاب رئوي وضليت معاهم أسبوعين انا وأختي لأني ماأقدر عليهم ثنتينهم الدكتور قال لي لأنهم مواليد الثامن ومناعتهم ضعيفة والشتا أثر عليهم صاروا يتحسسون من أقل شي هم الحين بنص الرابع وصاروا يناغون ويبتسمون ويحاولوا يقلبون على جنب بس أنا ماأخليهم ينامون الا مرفوعين يعني أرفع راسهم بشي مثل ماقال لي الطبيب لأنهم يرجعون واجد وأخاف يختنقون
وأنتوا وش آخر التطورات عندكم

[jassmine]

اهلييييييين بأمهات التوائم طمنوني كيف تتعاملي مع توائمكم بسم الله عليهم أنا والله شاليه هم قد الجبل مني عارفه كيف راح أتصرف معاهم أنا طحين في ناهيه الشهر السابع وتوامي مشيمة واحدة ومره تقلانة والمشكلة كمان أنا بعيدة عن أهلي وخايفة من الولادة الفجاة والقيصرية هادا اول حمل ليا ومرة متوترة طول فتره الحمل hwaml15 معليه حبايبي اتحملوني صرت أتكلم مره كتير مرة واحدة hwaml4 بس والله مره فرحت بهادا التجمع وسامحوني علي الكلام الكثير

[نـــــــارا]

بناتي اسماءهم آلاء و نور

[نـــــــارا]

نسيت اقول تاريخ ولادتهم عشان الجدول
آلاء ونور توأم غير متطابق / تاريخ الولادة 10/10/2010

[ام انس 1419]

السلام عليكم كيفكم وكيف اعيالكم انا وبنوتاتي الحمدلله بخير اخر تطعيمه حقت سنه وست شهور اتعبتهم وحراره يومين بس دالحين الحمدلله بخير كيفك زود وكيف بناتك كيفكم جميعنا بدون استثنا
بناتي جبتهم باخر الثامن يوم 28-8-1431هجري
بالميلادي يوم9-8-2010
بناتي لين ونود

[نونة العسولة]

مساء الخير

قريت ردودكم وابي ارد على كل وحده ومو قادرة من البنات

سهرانات للحين بس ينامون ارد ان شاء الله

[نونة العسولة]

هلا خواتي

امس ماقكرت ارد عليكم لان انشغلت بتنويم البنات ودخت ونمت معاهم

احلى توينز

انا مااعرف اسوي جدول بالفوتوشوب بس قصدت يعني اكتب اسم كل وحده مع اسماء توائمها وتاريخ ميلادهم

[نونة العسولة]

حور العين

الله يبارك فيج حبيبتي ويارب الله يرزقج بالحمل بالوقت اللي تبينه

درة البحر سلامتهم التوام الله يكون بعونج يارب


اللاخت اللي حامل بتوام لا تحاتين صح حمل التوام صعب وتربيتهم اصعب

بس شنسوي الله يعينا احسه جهاد وقاعدين ناخذ اجر عليه ان شاء الله

[نونة العسولة]

قائمة التوأم

ماشاء الله تبارك

ام انس .. توام بنات .. لين ونود ..9 اغسطس 2010

نونة العسولة توام بنات متطابق .. ليان وجوان .. 24 .اغسطس.2010


نارا .. توام بنات غير متطابق .. الاء ونور ..10 اكتوبر 2010


احلى توينز 2011 توام بنات .. دانة وجوري6/سبتمبر/2011



والبنات اللي ماعطوني الاسماء وتاريخ الولادة نسخوا القائمة وضيفوا اسماء وتاريخ ميلاد توائمكم

[الأميرة جوري]

احلى توينز 2011 توام بنات .. دانة وجوري6/سبتمبر/2011





السسسلام عليييييييكم
شحااااااالكم؟
نونة العسولة
مشكووورة ع الجدول الحلو يعطيييج ألف عااافية
بسسس انا ماولدت بشهر سبتمبر انا ولدت شهر 6 يعني
9/يونيو/2011 توأم متطابق
وشكـــــــــــــــــــــرآآآ^_^

[الأميرة جوري]

احلى توينز

انا مااعرف اسوي جدول بالفوتوشوب بس قصدت يعني اكتب اسم كل وحده مع اسماء توائمها وتاريخ ميلادهم

لا احنا نريد جدول عادي مانريد فوتوشوب ومشكوووووووورة ع الجدول النااايسhwaml60

[الأميرة جوري]

رضاك ربي
وينج؟عسى خييييييييير؟ ماشفتج من مدة >>>وحشتيني عسسسساج بخيييير يالغالية طمنينا عنج وعن البنوتات

[رضاك ربي]

رضاك ربي
وينج؟عسى خييييييييير؟ ماشفتج من مدة >>>وحشتيني عسسسساج بخيييير يالغالية طمنينا عنج وعن البنوتات


هلا حبيبتي مايوحشك غالي حمدلله كلنا بخير يسلم غاليك يالغالية وتسأل عنك العافية كنت مرضانة خمس ايام حرارة وقشعريرة وصداع والقولون الله يهديه حمدلله الحين احسن تسلمين عالسؤال

[رضاك ربي]

ام انس .. توام بنات .. لين ونود ..9 اغسطس 2010

نونة العسولة توام بنات متطابق .. ليان وجوان .. 24 .اغسطس.2010


نارا .. توام بنات غير متطابق .. الاء ونور ..10 اكتوبر 2010


احلى توينز 2011 توام بنات .. دانة وجوري6/سبتمبر/2011


رضاك ربي... توأم بنات ...ندى وجنى 2/ سبتمبر /2011

[الأميرة جوري]

رضاك ربي
الف الحمدلله ع السلامة والله يعينك ع القولون
هذا موضوع انا نزلته عن القولون شوفيه آن شاء الله يفيدك

:: إلتهابات القولون :: (http://forum.hwaml.com/t94567.html)

[(سوسو)]

مرحباً لكل الأمهات ان شاء الله الجميع بخير حلوه فكرت الجدول تسلم ايدك ينونه ياعسوله ـ أخبارك زود الغلا انتي و و والبنوتات

[(سوسو)]

توأم غير متطابق ولد وبنت وعد وليد 1 يناير 2011

[الفراشة الجميلة]

الله يعطيكم العافيه كيفكم جميعا وكيف تونزانكم ان شاء الله بخير
والله لكم وحشه بس عاد الشكوى لله البيت والعيال والدوام خلوها على رب العالمين صارت الوحده ماعاد حتى تفضى لعمرها بس يارب لك الحمد والشكر الله يخلي لناا ماعطانا نعمه الله لا يغيرها علينا
والله يعطيط يا نونه غلى الجدول فكره حلوه


ام انس .. توام بنات .. لين ونود ..9 اغسطس 2010

نونة العسولة توام بنات متطابق .. ليان وجوان .. 24 .اغسطس.2010


نارا .. توام بنات غير متطابق .. الاء ونور ..10 اكتوبر 2010


احلى توينز 2011 توام بنات .. دانة وجوري6/سبتمبر/2011


رضاك ربي... توأم بنات ...ندى وجنى 2/ سبتمبر /2011
الفراشة الجميلة ..... توأم أولاد غير متطابق سعد وفهد 18_ 4 _ 2011

[رضاك ربي]

أحلى تونز يسلم عمرك حبيبتي مشكورة حبيبتي

[نونة العسولة]

ام انس .. توام بنات .. لين ونود ..9 اغسطس 2010

نونة العسولة توام بنات متطابق .. ليان وجوان .. 24 .اغسطس.2010


نارا .. توام بنات غير متطابق .. الاء ونور ..10 اكتوبر 2010


احلى توينز 2011 توام بنات .. دانة وجوري9/يونيو/2011


رضاك ربي... توأم بنات ...ندى وجنى 2/ سبتمبر /2011

[نونة العسولة]

رضاك ربي

سلامتج ماشوفين شر حبوبة


احلى توينز

عدلت اسمج باللسته واعذريني حدي كنت دايخة امس كتيت التاريخ غلط

[الأميرة جوري]

احلى توينز

عدلت اسمج باللسته واعذريني حدي كنت دايخة امس كتيت التاريخ غلط

معذورة يالغلا ماصار شيhwaml7

[الأميرة جوري]

عشمانة بربنا,أم ساره وسبلاء,دموع الشوق
وينكم؟ وحشششششششششتوناhwaml29

[رضاك ربي]

نونة العسولة الشر مايجيك حبيبتي تسلمين يالغلا

[رضاك ربي]

ندوش وجوجو بمناسبة عيد ميلاد أبونا ككككككككككككhttp://forum.hwaml.com/imgcache2/hwaml.com_1328764424_135.jpg

[نـــــــارا]

بناتي مزكمين ومجننيني مع السهر

حبيبتي احلى تونز غيرتي اسم بنتج من بانة الى جوري تحسينها تتخربط باسمها يعني لما تنادينها باسمها الجديد تعرف نفسها او لا؟

[الأميرة جوري]

بناتي مزكمين ومجننيني مع السهر

حبيبتي احلى تونز غيرتي اسم بنتج من بانة الى جوري تحسينها تتخربط باسمها يعني لما تنادينها باسمها الجديد تعرف نفسها او لا؟

ههههههههههههه لا عادي اصلآ من جبتهم وكل مرة أغير بأسميهم
يعني لما ولدتهم أسميتهم عنود وعهود بالشهادة الميلاد
وأنا قبل ماولدهم كنت مصره ع اسم دانة وبانة بسسس بانة ماعجب الناس الي برى
وبعدين قررت اسميهم دانة وجوري بسسس بعدنه
زوجي ماخلص الاجراءات بالمحكمة علشششان تغير الاسماء باقي كم خطوة وبنخلص من هالموضووووع
ومساكين كل مرة اغير بأسمائهم علشششان جي تعبت من هالموضوع وبناتي بعد بسسس زوجي عاجبنه عنود وعهود بسسس انا راسي يابس.

[نونة العسولة]

مساء الخير شلونكم خواتي ..

ابي اسالكم سؤال على السريع صرت احاتي البيبي صارله يوم مااحس بحركته

صح اهو قبل مايتحرك وايد بس احسه بحركاته ..

نسيت حملي الاول لان ماشاء الله عليهم كانوا دائما يتحركون يعني بطني دائما تتحرك لو وحدة ماتحركت الثانية تتحرك

[الفراشة الجميلة]

حبيبتي كلي شي حالي وانسدحي ويتحرك ان شاء الله وعلى فكره ترا انتي لسى توك على الحركة القوية احس اللحين ممكن تحسين يوم وراء يوم او كل يومين وان شاء الله مافيه الا العافية

[الفراشة الجميلة]

نارا الف سلامه على بناتك مايشوفون شر ان شاء الله عاد الزكام مره شين للاطفال لا نوم ولا شي اهم شي عليك بنقط للانف عشان يعرفون يتنفسون وينامون زين وماعليهم الا العافيه ان شاء الله

[الأميرة جوري]

السسسلام عليييييييكم
نونة العسولة
كلي شوكلاته او ايسكريم او ثلج ع طووووووول بتحسين بالحركة

[اول غرام]

سلاموووو عليكووووو ياقماعة

اازيكوووو يااحلى تقمع بالدونيا

واحشني ياهوانم التوائم ,,,,,,

ابشركم عيالي طلع لهم 4 سنون ماشاء الله

بس دايخين مع الحراره والزكام الله يشافيهم ,,,,,

ومطفشيني بالدلع كل واحد يبي الدلال له لحاله اهيء اهيء

ناااااااااااااارا
مايشوفون شر البنات يارب
وش اخبارك مع الرضاعه الطبيعيه للحين صامده


رضاك ربي
العمر كله لابوكم يخليه لكم يارب
وش اخبار البنات العسولات ..؟

احلى توينز
مررررررررررره اسم عهود وعنود حلوووين

بس شكلك حابه اسم دانه عشان جي متعلقه فيه

خليهم دانه و عنوود

وحتى دانه وجوري مرره حلووين

[زود الغلا]

نونة العسولة ... عادي تو الناس علي الحركة انا حتي توامي ماحسيت بحركتهم لا اخر الخامس اتوقع علي السادس انشالله تكون الحركة بشكل يومي .

نارا ...سلااااااااااامات للحلوين الحين موسم تغير جو الله يشفيهم .
اول غرام ....... يااااااااااااااااااااااااااااااااااااااامراااااااا حب وهلا وغلا ...طالت الغيبة ...عسى ماشر فقدنااااااااااااااااااك .وسلامات للحلوين .

[نونة العسولة]

هلا بنات

فديتكم ماقصرتوا على النصائح

الحمدلله البيبي تحرك بنفس اليوم اللي كتبت فيه بالليل

واليوم رحت موعد مراجعة وسونار وشفته يسلم قلبه .ان شاء الله اليوم

اروح للسوق ابدي اشتريله اغراض لان كنت خايفة من سالفة جنس البيبي بس اليوم تاكد الحمدلله

الله يرزق كل محرومة يارب

[نـــــــارا]

ما بتتعبي بالتجهيز كل شي موجود منه اثنين ههههههه


اول الغرام للحين صامدون مع الرضاعة الطبيعية الحمد لله

[رضاك ربي]

أول غرام هلا حبيبتي شخبار الحلوين مباركين أسنانهم ربي يسلمهم ويحفظهم من كل شر بناتي بخير حمدلله وزايدين حلى ودلع على أبوهم هههههههه تسلمين حبيبتي ويسلم أبوكم ويبارك لكم فيه


استشاااااارة :

حبيت أستشيركم بشي شاغل بالي هالايام

انا حملت بالتوأم بالانانبيب بعد انتظار 11 سنة وحمدلله ربي تمم حملي بالخير واحتفظت بالاجنة المتبقة بالمجمدة بالمستشفى ولان عمري الحين 33 أحس ظروفي جدا مناسبة للحمل من الناحية المادية والمعنوية حتى شغالتي حمدلله حابة استغل وجودها لانها تبارك الله جدا خدومة ومتعاونة معي عالبنات والبيت ولان البنات توهم صغار يمكن ما يتعبوني كثر تعبهم بعد السنة محتارة وما أدري اذا تفكيري صحيح وقلت أخذ رايكم واعرف وجهة نظركم ما أعرف ليه احس ان الظروف اللي اعيشها يمكن ماتتوفر لي بعد الحين مثل الشغالة وبنتاتي عمرهم صغير ومادياتنا تسمح بأعادة الزراعة اعذروني عالاطالة

[زود الغلا]

رضاك ربي ....انا انصحك انك تفكرين بالحمل لاسباب كثيرة ..حاليا عمرك مناسب وانت قلتي انك صارلك 11 سنة يعني لازم تستغلين الفرصة وتحاولين لانه يمكن ماتضبط من اول مرة وتحملين فيصير عندك وقت للمحاولات واذا انشالله الله رزقك حاولي انك ماطوفين فرصة :) اللي بعدو هههههههههه لا تنسين مابقى شي علي الاربعين وسن الاربعين ماينصح الحمل فية فجيبيهم مرة وحدة ...والله يرزقك ويرزق كل محروم.

[رضاك ربي]

زود الغلا تسلمين الغالية على الردhwaml7 أسعدني ردك <<<<<<<< مو مصدقة من الله حد يشجعها كككك)


يارب الله يكتبلي اللي فيه الخير ويكتب لك عزيزتي الخير والرزق والسعادة والصحة

[الفراشة الجميلة]

رضاك ربي انا نفس كلام زود الغلا افكري بالحمل واعتمدي الفكره وسويها العمر يمشي وظروفك مناسية للحمل وحتى ولو كان عمر بناتك صغير معليش ربي راح يعينك على تربيتهم ويسهل امرك والله يرزقك ان شاء الله بتوام اولاد ويكونون بصحه وعافيه
بس حبيت تسالك انتي عملية او طبيعي والله يسهل لك ويرزقك ويرزق كل من يتمنى يارب

[الفراشة الجميلة]

غرومه هلا وغلا ومبروك نطورات عيالك مقاربه لاتطورات عيالي
انا كلهم طلع لهم سنين تحت يس واحد منهم طلع له ثنين فوق والحمد لله يحبون ويجلسون ماشاء الله ومشاغبين وواحد منهم شرس ويضرب اخوه والثاني بس يبكي مرره دلوع واخوانهم الكبار ميسوطين عليهم لانهم بس الله عليهم صاروا يحمسونهم في اللعب والحركات بس طلبعا الي اكبر منهم على طول تو عمرها 4 سنوات ماتطيقهم وخاصة واحد منهم بس تضربه وتعظه بس الكبار هم الي يحبونهم والله يصلحهم ويهديهم ويخليهم لنا يارب ويخلينا لهم
نونه الله يطمن قلبك عليه والله يهون عليك وتشوفينه في احضانك يارب

[عذااري]

السلام عليكم
ان شاء الله تذكرتوني
ماعاد ادخل المنتدى من عيالي من جد وقتي الحين مشغول على الاخر
الله يصلحهم بكايين درجة اولى
اعمارهم 8 شهور احجامهم مره صغيره لاني ولادتهم باول اسبوع بالثامن وجلسو شهر بالحضانه
ينقلبون وبس اوزانهم تقريبا 7 ونص كيلو
مادري كيف اقدر انظم نومهم كل يوم لهم نظام نوم مختلف يوم سهر ويوم ينامون شوي ويصحون وانا عندي بعد دوام الله ييسر لنا يارب ويرزقنا برهم

[نونة العسولة]

مساء الخير ماميز شلونكم اليوم

نارا

على التجهيزات كل تجهيزات بناتي وزعتهم على المقربين ماعندي غير قطع غاليه على قلبي

تاركتها لهم للذكرى .. وبعدين كان تجهيزهم كله بناتي وردي وبنفسجي والوان بناتية

والحين انا حامل بولد فلازم ابدي اجهزله كل شي والله يعين على الميزانية اللي تكسر الظهر

امس اشتريت الشغلات الضرورية ملابس نيوبورن خذيت المهم لان ماابي اشتري وايد نفس ماسويت بالبنات وايد اشتريت اشياء مالبسوها




رضاك ربي

انا دائما ضد الحمل ورى بعض وسبحان الله حملت بدون مااخطط

بس بالنسبة لحالتج لا انصحج حملي وتوكلي على الله والله يعينج ويعيني على تربيتهم يارب


احلى توينز وزود الغلا والفراشة والكل شخباركم

[الأميرة جوري]

السسسسسسسسسسسلام عليكم ياحلووووووات

اول غرام
ياهلا ويامرحبا نورتينا ييعطيييج العااااافية زين والله تدخلي وطمنينا مونفسسس الياه مادري ليش نستنى مرة وحدة!!!

عذااااري
اكييييييييد مذكرينج كيف ننسى ربيعتنا ايام الحمل شحالج؟ وشحال التوينز؟

نونة العسولة
انا الحمدلله بخيييييير سألت عنج العافية

[رضاك ربي]

الفراشة الجميلة مشكورة على الرد وربي يسعدك ويقر عينك بسلامة محبينك انا ولدت بعملية حبيبتي مو طبيعي


نونة العسولة ماقصرتي حبيبتي بالرد والله يفرجها عليك وييسر امرك دائما وابدا الله يكون بعوننا جميع

[الأميرة جوري]

رضاك ربي
رأيي من رأي البنات توكلي ع الله والله يعطيج توأم أولاد كاملين الخلقه والخلق ويقدرج ع تربيتهم.

[الفراشة الجميلة]

رضاك ربي انا سالت عن نوع الولاده لانه طالما انها عملية استشيري دكنورة اذا مافيه مشكله توكلي على الله وحملي

[الفراشة الجميلة]

كيفكم يا امهات وكيف كتاكيتكم يصراحه الجو متقلب جدا ومغبر اله يستر على ذا الاطفال
نونه كيفك مع الحمل وكيف البيبي مسكين طلع ولد الله يعينه على ذا البنتين بيورونه شغله
وبقية الامهات كيف اولادكم وكيف اموركم ان شاء الله تمام

[رضاك ربي]

أحلى تونز تسلمي ياعمري على الرد والله شجعتوني وربي يقدرنا جميع على تربيتهم ورعايتهم


الفراشة اكيد بستشير طبيب الزراعة واشوف شو ينصحني وبخصوص العملية اظن عادي بنت عم زوجي ولدت ثلاث توائم اولاد عملية وبعد ثلاث شهور حملت مرة ثانية بجنين واحد

[الفراشة الجميلة]

رضاك اجل توكلي على الله وابدأي من الان قبل لا يجيك الوحم في رمضان ياشين الوحم في رمضان جربته بالتوام جدااا متعب
والله يرزقك ان شاء الله بتوام اولاد وهم في اتم الصحة والعافية

[الأميرة جوري]

الفراشة الجميلة
آه من الوحام ذكرتيني فيه أمووووت لما أوحم ماأطيق اي شي لا بيتي ولا زوجي ولا عيالي أكره الاكل غير الترجيع والنفسية دمار بسسس الحمدلله ع كل شي يكفي اخره هذا التعب بيبي يملى علينا الدنيا.
رضاك ربي كيف الروحام معك بالتوأم؟واذ الوحام يتعبك فحاولي تحملي قبل ما يشرف عليكي شهر رمضان مثل ماقالت لج أختناالفراشة(÷ الله يوفقج

[الأميرة جوري]

ندااااااااااااء لـ عشمانة في ربنا
وينج طمنينا عنج من مدة ماشفناج عسسسسسسى خير

[رضاك ربي]

ان شاء الله الله كريم الفراشة الجميلة واحلى تونز مشكورات على الرد والله شجعتوني بالتونز حمدلله كان وحامي مافي ترجيع ولا لوعة بالتونز بس نعس وقلة حيل يمكن لاني كنت متبعة نظام غذائي جدا رائع الله ييسر امري ويكتب لي ولكم اللي فيه الخير

[الفراشة الجميلة]

ايه والله احلى توينز جداا كان وحام شين على انه ماية ترجيع بس غثيان ولوعه وا اشتهي الاكل بدااا وخمول وتعب ونفسيتي كانت جدااا تعبانه بس على قولتك يارب لك الحمد والشكر ربي رزقنى باطفال عوضونى عن كل هذا التعب الحمد لله
رضاك ربي العفو ياعمري وش دعوه ماسوينا الا الواجب
ندااا الى كل الامهات وووينكم ليش الغيبه ادخوا طمنونى عليكم وعاى عيالكم وخلونا ندردش ونستفيد ونفيد

[الفراشة الجميلة]

ياحلوووين تنت وتحد من عيالي التوام ماعاد يبي الاكل ابداااا مااعرف ليه عجزت عنه اعطيه ويطلعه والله بسم الله على قلبه ماكان كذا بس فجاه وش رابكم تروح تاصيدليه واجيب له فاتح شهيه واعطيه والا وشلون والله مضيق صدري عطوني رايكم

[نونة العسولة]

مساء الورد شخباركم ياحلوات

يالله ابي وحدة تحمل معاي هههههههههه

[عشمانة في ربنا]

ندااااااااااااء لـ عشمانة في ربنا
وينج طمنينا عنج من مدة ماشفناج عسسسسسسى خير

السلام عليكم
تسلميلي حبيبتي علي السؤال ، كيفكم امهات التوائم

انا الحمد لله بخير وبناتي يخير الحين عمرهم 9 شهور ونصف والحمد لله واحدة طلع لها 4 سنون والتانية سنة واحدة وبيحيوا وبيجلسوا ولسة من كام يوم بدأوا يقفوا ماسكين بالاثاث
وانا الحين في الاسبوع التاني في الشهر السابع من الحمل
انا عارفة اني مقصرة معاكم كتير بس بصراحة بناتي كتير صعبين والله ما عدنا نعرف نشوف تلفزيون ولا بقيت اعرف افتح اللاب توب من بناتي
التليفزيون ليل نهار شغال علي قناة طيور الجنة ولو فكرنا نغير القناة يسووا فضيحة وطبعا مجرد ما افتح اللاب توب تلاقيهم بسرعة يبوني اشيلهم علشان يضربوا علي الزراير بتاعة الكمبيوتر فقوم قافلاه بسرعة ويجلسوا يبكوا لدرجة اني بقيت اخاف افتح اللاب توب
والله ماما كلمتني علي الموبايل قالتلي البنات واحشنها وعاوزة تشوفهم علي النت وحاولت افتحة بناتي مسابونيش الا اما قفلته قبل حتي ما افتح النت ورجعت كلمت ماما علي الموبايل واعتذرتلها

مش عارفة اعمل ايه ومش عارفة هل كل الاطفال كدة ولا بناتي بس ربنا يعين
المهم انتوا اخباركم ايه والله استغليت ان بناتي نايمين بدري مش زي عوايدهم قلت افتح النت بسرعة اطمن عليكم

رضاك ربي انا متفقة مع راي البنات انك تحاولي من الحين وربنا يرزقك يا رب هوة اكيد تعب الحمل مع التوأم بس ربنا يعينا يا رب ويفرحنا بيهم

أحلي توينز اخبارك حبيبتي والله ما استغني عنكم ووحشتوني كلكم انتي ودموع الشوق وروعة وكل بنات صفنا وعلي بالي دايما وربنا يجعلنا نفتكر بعض بالخير يا رب احكيلي تطورات بناتك ايه

بنات من اي عمر بتبدأوا تعلموا الاطفال علي النونية بتاعة الحمام ؟

[رضاك ربي]

عشمانة هلا عمري ربي يباركلك بالبنوتات ويتمم حملك بالخير والسلامة نورتي حبيبتي ومشكورة عالنصيحة

واللي اعرفة من خواتي ان لازم اول مايبدأو يقعدوا البنات لازم تجلسيهم على النونية مو بالضرورة ليستخدموها بس حتى يتعودوا عليها ومايخافو منها على كبر

[عطر فواح]

صباحكم خير وطاعه --

رضاك ربي كيفك ياغاليه وكيف الكتاكيت الحلوين بما انهم نفس عمر عيالي حبيت اسألك انقلبو ولا باقي ووش من الاكل بديتي تعطينهم الله يحفظهم ويخليهم لك يارب ''''.انا اعطيهم سريلاك بليفيت بلس من عمر اربع شهور وتوي بديت اعطيهم خضار مسلوقه

[الأميرة جوري]

أحلي توينز اخبارك حبيبتي والله ما استغني عنكم ووحشتوني كلكم انتي ودموع الشوق وروعة وكل بنات صفنا وعلي بالي دايما وربنا يجعلنا نفتكر بعض بالخير يا رب احكيلي تطورات بناتك ايه

بنات من اي عمر بتبدأوا تعلموا الاطفال علي النونية بتاعة الحمام ؟


هلا والله فيج عشمانة منورة يالغالية أسعدتينا بطلتج علينا
أنا آخر تطورات بناتي طلعت ليهم سنين تحت واحس في سنين بعد تحت بتطلع مبينه باللحم
ويحبون ويوقفون بالسرير بسسس مايجلسسسون أحاول أجلسهم ويقعدون شوي ويطيحون
بسس يقولون كلمات مثل ماما بابا وتعا وحدة من بناتي تسوي باي باي بايدها اذا قلت ليها باي باي وبسسس يشفوني البس العباية اريد اطلع يضلون يبكوووووووون علشان امسكهم.يعرفوا اني بطلع ههههههههههههههههههه

وشو يعني النونيه بتاعه الحمام ماعرفتها؟
واذا قصدج انا نمنع عنهم الحفاظ ترى بعدنهم صغار علميهم بعمر سنة و8 شهور أحسسسنhwaml7

[رضاك ربي]

صباحكم خير وطاعه --

رضاك ربي كيفك ياغاليه وكيف الكتاكيت الحلوين بما انهم نفس عمر عيالي حبيت اسألك انقلبو ولا باقي ووش من الاكل بديتي تعطينهم الله يحفظهم ويخليهم لك يارب ''''.انا اعطيهم سريلاك بليفيت بلس من عمر اربع شهور وتوي بديت اعطيهم خضار مسلوقه


هلا حبيبتي يسلم غاليك ياعمري حمدلله بناتي بخير للحين ما انقلبو بس ندوش تميل على جنب وماتنقلب تسلمين ويحفظ لك محبينك حبيبتي بالنسبة للاكل اخر شي اعطيتهم سيريلاك

1_ بديت بسلق جزر وكوسا وبطاطا واطعميهم ياه مهروس
2_ وبعدها ضفت جزء صدر دجاج للخضار واستبدلت البطاطا بالارز
3_وبعدها ضفت البازيلا المسلوقة والمقشرة
4_وبعدها ضفت الطماطم المقشرة منزوعة البذور

وبعدها صرت اعطيهم سيريلاك الارز للمشاوير
والحين أفطرهم مهروس موز مع معلقة حليبهم الباودر أو تفاحة مسلوقة مهروسة مع معلقة سيرلاك أرز أو قمح
وأغديهم خضار وممكن عالعشا اعطيهم لبن روب قليل الدسم

قبل ما أضيف الطماطم هرست موزة مع نقط من عصير البرتقال حتى اشوفهم يتحسسوون من فيتامين سي ولما تأكدت انهم مايتحسسون ضفت الطماطم اتمنى اكون افدتك وبالهنا والعافية على قلوبهم

[الفراشة الجميلة]

مرحبا يا حلوين كيفكم وايش اخباركم مالكم لا حس ولا خبر
شفتوا ذا البرد الي جانا بعد ماصيفنا ولبست انا وعيالي صيفي الا
جانا ذا البرد الله برحمنى برحمته يارب

[ام جومانة]

مساًءالورد للجميع اشتقت لكم عزيزاتي كيفكم وكيف الكتاكيت ؟

[عطر فواح]

رضاك ربي^^ مشكوره الله يعطيك العافيه ع الرد

[رضاك ربي]

عطر فواح يعافي قلبك ياعمري



اللي خفت منه صاااار وصلنا الزكام حبيبتي جنى زكام وبلغم والتهاب بالحلق ان شاء الله تتعافى قبل تطعيم السادس وماتعدي أختها

[نونة العسولة]

صباح الخير شلونكم ماميز

[عطر فواح]

هلا ياغاليات كيفكم hwaml7
رضاك ربي سلامتها الحلوه ماتشوف شر حاولي تبعديها شوي عن سميتي ندوووشhwaml86 ههههه عشان العدوي فديتهم والله hwaml84
غريبه باقي ماطعمتيهم انا طعمت نواف الحمدلله ارتفعت حرارته اليوم الاول بس مع التحاميل نزلت وباقي جوري ليوم الاحد ربي يعينني عليها مره عصبيه وماتتحمل hwaml93hwaml79
حبيت اسألكم كيف السفر بالطائره مع التومhwaml69 بعمر سته شهور خايفه اتعب معهم hwaml15مسافره بعد اسبوعين ان شا الله والمده ساعتينhwaml5 الله ييسرها ان شا الله

[نـــــــارا]

غبت عنكم
باركوا لي زوجي اشتغل
بس نفسيتي زفتة

بعد لوعة جبد من خدامتي القبلية وجبت لي وحدة جديدة الحين حتى الجديدة ما تبي تقعد عندي مع انها زينة وحبيت شغلها بس طلعت لي بطلعة مشتاقة لعيالها وتبجي تبيهم ويوم صبرتها انها تنتظر لبال ما تييني وحدة سكتت اسبوعين وامس سوت لي فلم هندي
قالت ان ابوها توفى وتبي الحين اردها عشان تشوفه
قلت لها لايكون شايفتني ساحر بتختفين من البيت وبتتطلعين في الفلبين
يبا هذي اجراءات مو في يوم وليلة وخليتها تكلم المكتب وقالولها لازم تنتظر من 4 الى 6 اسابيع لان لازم يوفرون لي بديل حسب العقد
واهيه مو راضية تفهم وتبجي طول الوقت

وانا متأكدة انها جذابة وابوها ما توفى زلا شي
يوم تقول ما تقدر على شغل توم
ويوم تقول بيتي كبي وانا ما اقدر اشتغل فيه ... آل كبير آل .. كلها شقة غرفتين وصالة!!
ويوم تقول انتوا كله صاكين الباب عليكم ما اشوف ناس تييكم ... وانتي شعليج؟
ويوم تقول انا اتملل بروحي كلكم نفس بعض الا انا غير!!! الاخت تبي ونيس مادري اهيه رايحة رحلة لو شنو

ونفسيتي زفتة منها ومو طايقتها
واحاتي اذابتييني بعد وحدة ما ادري شنو اخلاقها

شوروا علي شجيب

انا جبت من الفلبين كرتين وما توفقت الاولىكانت كبيرة في السن وعندها9 عيال وياتني عيوز دليعة ومتفلسفة وهمها الكريمات والاكل والنوم
وهذي صغير ودلوعة بعد وكله تبجي
شسوي؟

[الأميرة جوري]

غبت عنكم
باركوا لي زوجي اشتغل
بس نفسيتي زفتة

بعد لوعة جبد من خدامتي القبلية وجبت لي وحدة جديدة الحين حتى الجديدة ما تبي تقعد عندي مع انها زينة وحبيت شغلها بس طلعت لي بطلعة مشتاقة لعيالها وتبجي تبيهم ويوم صبرتها انها تنتظر لبال ما تييني وحدة سكتت اسبوعين وامس سوت لي فلم هندي
قالت ان ابوها توفى وتبي الحين اردها عشان تشوفه
قلت لها لايكون شايفتني ساحر بتختفين من البيت وبتتطلعين في الفلبين
يبا هذي اجراءات مو في يوم وليلة وخليتها تكلم المكتب وقالولها لازم تنتظر من 4 الى 6 اسابيع لان لازم يوفرون لي بديل حسب العقد
واهيه مو راضية تفهم وتبجي طول الوقت

وانا متأكدة انها جذابة وابوها ما توفى زلا شي
يوم تقول ما تقدر على شغل توم
ويوم تقول بيتي كبي وانا ما اقدر اشتغل فيه ... آل كبير آل .. كلها شقة غرفتين وصالة!!
ويوم تقول انتوا كله صاكين الباب عليكم ما اشوف ناس تييكم ... وانتي شعليج؟
ويوم تقول انا اتملل بروحي كلكم نفس بعض الا انا غير!!! الاخت تبي ونيس مادري اهيه رايحة رحلة لو شنو

ونفسيتي زفتة منها ومو طايقتها
واحاتي اذابتييني بعد وحدة ما ادري شنو اخلاقها

شوروا علي شجيب

انا جبت من الفلبين كرتين وما توفقت الاولىكانت كبيرة في السن وعندها9 عيال وياتني عيوز دليعة ومتفلسفة وهمها الكريمات والاكل والنوم
وهذي صغير ودلوعة بعد وكله تبجي
شسوي؟

الله يعينج نفسسس حالتي جبت وحدة اندونيسيه مرات تقول تعورها ريولتها ومرات تقول انا
شكلي ماراح اطول عندكم لان ريلي زعلان مني ويقول لي اذا سافرتي ماراح طولي وبشوفي
وكل يوم طالعة لي بشي (الله يعينا عليهم أنا بشكارتي الاولنيه زينة بسسس بسافر 3 شهور وبترجع وكفلت هذي وطلعت ضغطي ولوعت جبدي وكله تكذب بستحملها 3 شهور لين ترجع شغالتي اوووووووف من الشغالات أررررررررررررررررررف
ومبروووووووووووك ع شغل زوجك والله يجعله فاتحه خير عليكم^_^

[الأميرة جوري]

شحاااااااااااالكم ياحلووووووووووين
اشتقت لكم _( حيييييييييييييل

[نونة العسولة]

هلا بنات شخباركم

انا كنت مسافرة لدبي 4 ايام ورديت غيرت جو الحمدلله

واشتريت اغراض للبنات وللبيبي

البنات ماراحوا معاي تركتهم مع خدامتهم عند بيت ابوي

[انثى من زجاج]

ياااااااااارب اكون حاااااااامل بتوم ياقادر ياكريم دعواتكم توم بنات او بنت وولد ياااااااااااااااااااارب الله يبلغني ويعطيني مثل مافرح قلوبكم

[الأميرة جوري]

هلا بنات شخباركم

انا كنت مسافرة لدبي 4 ايام ورديت غيرت جو الحمدلله

واشتريت اغراض للبنات وللبيبي

البنات ماراحوا معاي تركتهم مع خدامتهم عند بيت ابوي

هلا نونة زين والله غيرتي جو مبرووووووووك ع اغراض البيبي يقطعونها بالعافية.

انثى من زجاج
الله يرزقج بتوأم الي يتمناه قلبج عن قريب ياااااااااااارب ياقادر ياكريم

[نونة العسولة]

احلى توينز

اي الحمدلله قلت اغير نفسيتي قبل مااولد وتزيد مسؤوليتي

[نونة العسولة]

كشخة صرت بالشهر السادس هههههههه

[maha8181]

صباح الخير
واخيرا فتح معاي المنتدى
محد سال عني ولافقدني
والله دايم على بالي

شخباركم كلللللكم
انا الحمدالله لسه صابره ومجاهده عيالي الله يحفظهم صايرين دلوعين وحمود هادي وحبوب وبنيتي مطلعه عيني بدلعها وحركتها الزايده تحبي وتوقف على كل شي على اخوها توقف وتتكئ على كتوفه المشكله مايلوق شطانه واجد ودلاعة بنات
والله يومي يخلص وانا بس اركض وراها يارب تكبر وتهدى شوي

بس انا مشكلتي الازليه معاهم النوم صرت اكره الليل بسبب الليل ورضاعتهم مجنيني يبون يرضعون كل ساعتين موقتين صحيتهم 12 ,2 و 4 و 6 وكذا رجعو زي يوم كانو رضع ابوشهرين والله لو تشوفون حالي شلون صاير من التعب والارهاق ولا والاكثر من كذا ان كل ساعه واحد يصيح منهم وهو نايم واقوم ارجع مصاصته وارجع للفراش وكذا كل ساعه يتناوبون علي لين الصبح ولا والحين صار لما يصيحون بصوت عالي احس كل اللي فالبيت يسمعهم
وهذي حالتي
ما اتوقع في احد بمعاناتي حاولت كل شي مع الرضاعه في الليل حاولت اعشيهم واشبعهم والمصاصه واروشهم والمساج وماخليت شي وكل شي مافي فايده مااصدق في لحد يجوع بساعتين والصناعي ثقيل ويشبع حاولت اعطيهم ماي يطلعونه ويبدون يبكون بكا خيالي واذا ماعطيتهم قامو وصحصحو خلاص يبون يلعبون
والله تعبت مووووت والحين شغالتي اللي تعودت عليها بتروح كانت على الاقل تمسكهم خمس ساعات انام وارتاح شوي وبتروح بعد ايام وماني عارفه شسوي

انا عندي مشاكل بالنوم من زمان ما انام بسهوله واذا فزيت ما اعرف ارجع انام بسرعه والحين زاد الطين بله

الله يحفظ لكم كل غاليً في احد عنده حل
*

[نونة العسولة]

الاخت مها

يمكن عيالج مايكونون يوعانين يمكن اسنانهم ويبون شي يحطونة بحلقهم

لا تعطينهم حتى لو تتعبين معاهم خليهم يبجون حتى لو قمتي معاهم المهم ماتعطينهم شي

لان بهالحالة يتعودون ويصير صعب عليج الله يعينج

والله هاليهال ماينعرفلهم يتعبووون

[رضاك ربي]

هلا ياغاليات كيفكم hwaml7
رضاك ربي سلامتها الحلوه ماتشوف شر حاولي تبعديها شوي عن سميتي ندوووشhwaml86 ههههه عشان العدوي فديتهم والله hwaml84
غريبه باقي ماطعمتيهم انا طعمت نواف الحمدلله ارتفعت حرارته اليوم الاول بس مع التحاميل نزلت وباقي جوري ليوم الاحد ربي يعينني عليها مره عصبيه وماتتحمل hwaml93hwaml79
حبيت اسألكم كيف السفر بالطائره مع التومhwaml69 بعمر سته شهور خايفه اتعب معهم hwaml15مسافره بعد اسبوعين ان شا الله والمده ساعتينhwaml5 الله ييسرها ان شا الله
حبيبتي هالاسبوع تطعيم السادس ما اعرف هذا موعدهم حمدلله زكامهم صار افضل ندوش فترة الصبح تتعب من الزكام وباقي اليوم متونسة وتلعب

وان شاء الله سفرك يتيسر وانا بعد افكر بتعب السفر معهم الله يييسرلي يارب لاني بكون وحدي معهم

[maha8181]

مشكوره نونه حياتي الله يسهل لك حملك ومتعك بالصحه والعافيه ويهدي عيالنا ويخليهم ويحفظهم يارب العالمين
والله يانونه مالي قلب اخليهم يصيحون بس عندي امل يكملون سنه ويتعدلون من نفسهم

[(سوسو)]

حبيبتي مها انا عكس عيالك عيالي ينامون ماشاء الله الساعه 12 ومايصحون الا لما انا اصحيهم الساعه 10 لاكن ياحبيبتي مو عاجبني لان شرب الحليب عندهم ضعيف والاكل ضعيف واحياناً استغفر الله اوسوس اعوذ بالله من الشيطان الرجيم واحركهم وهم نايمين لانهم يطولون نايمين واصحى الفجر واسوي رضعه واعطيهم مستحيل يشربونها اوزانهم البنت 9 ونص والولد 10 وديتهم الدكتوره مو مرضانين ولا شي لاكن الشهيه للاكل عندهم ضعيفه الاكل وجبتين فقط والرضعه 3 مرات عطيتهم فيتامينات مافي فايده الحمد لله على كل حال اولادك حاولي تجيبي لك احد يساعدك قبل لا تروح شغالتك وانشاء الله فتره ويضبط نومهم اهم شي لا تحرميهم من شي الله يخليهم لك ويحفظهم من كل شر

[زود الغلا]

السلااااااااااااااام عليكم
شخبااااااااااااااركم
نارا ..........انا خداماتي سيلانيات والله احسن جنسية جربتها كل الخدم فيهم عيوب بس اتوقع من تجربتي اهم اهون من غيرهم .
نونة العسولة .........الحمدلله علي سلامتج وزين سويتي تريحين اعصابج قبل الولادة وعليكم بالعافية .
سوسو ..........شخبارك وشلون الحلوين ...بالعكس اوزان عيالكم طبيعي ماشالله ولاتنسين انك جايبتهم صغار انا بناتي اضعف من عيالك بنتي 8 ونص والثانية تسعه ومايحبون الاكل ولا الحليب حدهم جننوني اللي عندها حل تنقذنا
وعاى فكرة بناتي لي الحين الاكل لازم سااااااااااااااااااااائل اذا صار شوي يابس يرجعون

[رضاك ربي]

الله يقر عينكم بسلامة توائمكم يارب العالمين

[(سوسو)]

هلا بزود الغلا انا بخير وصغاري بخير سألت عنك العافيه وش اخبار التسنين عند بناتك صغاري عندهم 3فوق و3 تحت والبنت عندها لين عظام ورجلها اليمين مايله اذا ركضت تطيح اعطيها فيتامين د واستوكير لمدة سته شهور وكل شهرين تحليل

[(سوسو)]

الله يقر عينكم بسلامة توائمكم يارب العالمين

امين. تسلمين على هالدعوه

[اول غرام]

السلام عليكم والرحمه

اخباركم يامجاهداااااااااااااااااااااات ....؟

انا مرررررررررررررررررره مررررررررررررررره هلكت مع عيالي بس الحمدلله على كل حال

بكرى تصير ذكرى ويعوضونا التعب امين يارب

احلى توينز
شحالك وشحال البنات الحلوات ...؟

نونه العسوله
فطمتي بنتك خلاص ..؟
رحله ممتعه وزييييييييين ماسويتي وشكلي بهج زيك وبغير جوووو
الله يتمم عليك الحمل وتقر عينك بالسلامه

انثى من زجاج
الله يرزقك بتوم حلووووين يارب ويفرح قلبك قريب اللهم امين

مهااااااااوي
اخبارك ياحلوه ....؟
مشكله عيالك يمكن تكمن في انهم مرضو او كانو بفترة تسنين عشان كذا رجعوا على نظام الساعتين
او يمكن بفترة النهار ترضعينهم وتعطينهم وجبات كل ساعتين مثلا
او يمكن الحليب الي تستخدمينه خفيف ولطيف على المعده مثل نوفالاك
والشي الثاني المصاصه اعتقد ثم اعتقد انها تجوع
ومن ناحية الدلع حدث ولا حرج ولدي دلووووووووووع مرررره مايبي احد يكلمه ولا تراه بيزعل وكثير حركه الله يحفظه يحب الاشياء الخطره
اما البنوته هم دلوعه بس انها قليلة حركه

سوسو
نورتي المنتدى بطلتك
اغلب الاطفال شهيتهم للاكل ضعيفه لانهم يستغنون بالرضاعه
بس حالة عيالك تستدعي طبيب ...
انتي وش نوع الرضاعات الي تاخذينها ..؟
وكيف عرفتي ان بنتك عندها لين عظام ...؟

زود العلا
مرحبا الف
اخبااااااااااااااااااااارك يالقاطعه

رضاك ربي
ولك مثلها يارب
وش اخبار العسووولات ..؟

[الأميرة جوري]

السسس عليكم سسسسسلام
شحااااااالكم؟ وشحااااااال توينزاتكم؟
أنا بناتي مايجلسسسسون فترة طويلة شوي وع طول يحبوووون ومرات يطيحون ويتعوروا
بسسس يوقفون بالاثاث وع الحيط
وطلعت ليهم بسسس سنين تحت وأحسسس شي مبين من تحت بسسس للحين ماطلع شي

مها
الله يعينج ويكوووووووون بعوووووونج

نونة العسولة
مبروووووووووك دخولج السادس والله يتمم لج ع خيييييييييير

[(سوسو)]

هلا ومرحبا اول غرام عرفت ان عندها لين عظام من رجولها عندها تقوس في رجولها خاصه اليمين واضح مره هي بدت مشي وهي بنهاية الشهر العاشر انا ماعطيتها فيتامين( د) إلا شهر واحد بعد الولاده علشان كذا صار لها سويت تحليل دم وطلع نقص كثير في الكالسيوم وعطتني الادويه اللي قلت وقالت سته شهور وكل شهرين تحليل لاكن اللي يسوي تحليل لازم يكون الطفل مايخذ فيتامينات قبل التحليل بفتره لاني سويته قبل كذا ولا بان في التحليل يقل الدكتور طبيعي قلت اكذب عيني ههههههههههه قال صح هي رجلها فيها ميلان لاكن التحليل يقول طبيعي وبعد فتره تركت الفيتامينات وسويت التحليل مره ثانيه وطلع باين في التحليل

[رضاك ربي]

كان تطعيم بناتي اليوم للشهر السادس وسخونة وتعب حبيباتي الله يعافيهم ويجعله برد وسلام على اجسامهم والجديد ان توها الطبيبة تتذكر فيتامين د كان المفروض تقلي عنه بعد الولادة طبعا انا كنت الفت انتباه طبيبهم يقلي توأم ومولودين بالثامن عادي انهم يكونون متأخرين الغريب محد قلي عن الفيتامين وماسمعت عنه بالمنتدى ولا من تجارب غيري صراحة انشغل بالي من غير شر عنهم بناتي قررت اخذهم كل يوم نص ساعة بالشمس لان انا وزوجي مشاويرنا نادر ماتكون بر وبحر لانها تقول شمس البيت ماتكفي

اول غرام هلا والله بالطلة الحلوة حمدلله بناتي بخير يزيدن حلا يوم عن يوم شخبار توأمك طالما قررتي تطفشي حطيهم عندي وروحي اطفشي هههههههههه انا ناوية ان شاء الله بس اسافر احطهم ببيت اختي لانها متزوجة اخو زوجي وناسة مارح اخاف عليهم

[رضاك ربي]

احلى تونز كنت بسألك لقيتي صعوبة باجراءات تغير اسم بنتك افكر اغير لسببين الاول انا انتبهت عالاملاء خطأ متأخر بعد ماتسجلو جنى وندى مكتوبة ندا وجنا والسبب الثاني كنت اتمنى ارزق ببنت اسميها رواسي اذا تذكرين وكنت مصممة وبالمستشفى وانا مو صاحية قالولي مو حلو وصارو يفكروا باسم ندى حتى يتناسق مع جنى اذكر اني وافقت بس مو بقناعة كنت مو مصدقة انهم معي واني اخيرا الله اكرمني وحابة اسميها رواسي لان المعنى حلو واثنيناتهم يصير اسمائهم من القرآن الكريم

[الأميرة جوري]

احلى تونز كنت بسألك لقيتي صعوبة باجراءات تغير اسم بنتك افكر اغير لسببين الاول انا انتبهت عالاملاء خطأ متأخر بعد ماتسجلو جنى وندى مكتوبة ندا وجنا والسبب الثاني كنت اتمنى ارزق ببنت اسميها رواسي اذا تذكرين وكنت مصممة وبالمستشفى وانا مو صاحية قالولي مو حلو وصارو يفكروا باسم ندى حتى يتناسق مع جنى اذكر اني وافقت بس مو بقناعة كنت مو مصدقة انهم معي واني اخيرا الله اكرمني وحابة اسميها رواسي لان المعنى حلو واثنيناتهم يصير اسمائهم من القرآن الكريم

والله لقينا صعوبه مثلآ اول شي زوجي راح الجوزات وطلع ورقة انه بيغير الاسم من كذا الى كذا
وبعدين وداها المحكمة وبعدين ياب ليهم شاهدين ع انهم يشهدون عنده بالمحكمة هم بيطلبون منكم شاهدين
والمحكمة كتبت كتاب لزوجي علشششان يوديه لاي جريدة علشششان ينزلون اعلان بالجريدة لمدة 15 يوم وبعدين رحنا ع المحكمة علشششان نودي ليهم الاعلان وبعد ماكملت المدة 15 يوم وكتبت لينا المحكمة كتاب لتغير شهادة الميلادة وغيرنا شهادة الميلاد واضفنا اسمائهم ع الجنسيه بعد ما شطبوا الاسماء الاولانيه وسوينا جوزات بلاول ماكنت مسويه جوزات حقهم بسسس اظفناهم بالجنسية وشهادة الميلاد جديدة.
المهم اذا تريدي تغيرين كل يوم بتسوين شي لييييييييين تخلصييييييين
مثلا يوم واحد للمحكمة وبعدين نزلوا الاعلان لمدة 15 يوم وبعدين المحمة وهكذا لين تخلصووووووون (الله يعينكم صح حوسه بسسس قوانين تشيب الراااااااااس)
بسس ليش الاخطاء المفروض الي مايعرفوا يكتبون الاملاء صح ليش متوظفين (الله يخرب الواسطه تعمل عمايل
بسسس ندى بعد وااااايد حلو اسم صغير وناعم ومعناه أحلى
رواسي بعد حلوووو.

[الأميرة جوري]

اول غرام
هلا فيج والله اسعدتينا
انا الحمدلله بخييييييير والعيااااااااال تمام
زين انج تدخلي وطمنينا عنج هذا يسعدنا^_*

[رضاك ربي]

يسلمو ياعسل على التوضيح من الحين بقولك اذا المشوار طويل لهالدرجة زوجي مارح يمشي فيها المعاملة معنده الوقت والصبر على المعاملات اذا المخالفات انا اروح اسددها ههههه نصيبهم والخيرة فيما اختار الله http://forum.hwaml.com/imgcache2/hwaml.com_1331637536_212.jpg

[(سوسو)]

كان تطعيم بناتي اليوم للشهر السادس وسخونة وتعب حبيباتي الله يعافيهم ويجعله برد وسلام على اجسامهم والجديد ان توها الطبيبة تتذكر فيتامين د كان المفروض تقلي عنه بعد الولادة طبعا انا كنت الفت انتباه طبيبهم يقلي توأم ومولودين بالثامن عادي انهم يكونون متأخرين الغريب محد قلي عن الفيتامين وماسمعت عنه بالمنتدى ولا من تجارب غيري صراحة انشغل بالي من غير شر عنهم بناتي قررت اخذهم كل يوم نص ساعة بالشمس لان انا وزوجي مشاويرنا نادر ماتكون بر وبحر لانها تقول شمس البيت ماتكفي
بالنسبه لي عطوني قبل ما اطلع من المستشفى لكن انا ما عطيتهم الا شهر وبس لما كانت الشغاله عندي ولما راحت عانيت اكثير معاهم لان عندي اولاد غيرهم ومااعتنيت فيهم زين والحين ضميري يأنبني عليها وبعد سنه وشهر من المعاناه باركولي اليوووووووووم جتني شغاله الله يعطينا خيرها ويكفينا شره قولو امين

[(سوسو)]

رضاك ربي. الله يخلي لك بناتك ويعافيهم

[دلـــوعــه عـــــبوديـ]

السلام علييييييكم
اخباركم يامهات انا عندي توام اولاد باقي لهم اسبوع وكم يوم ويدخلون السادس
بس بسال متى يجلسون ويحبون ومتى يقولو بب يعني بابا

[رضاك ربي]

سسو تسلمي حبيبتي

[نـــــــارا]

شلونكم أمهات دبل

وحشتوني.. هالأيام انغفصت مع بناتي انا وهم صايدنا اسهال كرمكم الله بسبب جرثومة بالجو
وهلكوني من التبديل الحين الحمد لله أحسن

المهم حبيتكم تزورون الفلكر مالي وتشوفون
جايبة بضاعة أجرب حظي في البيع
أبي رايكم وتشجعوني وتنشرونها إذا ما عليكم أمر وممكن تراسلوني إذا حبيتوا تشتروا من عندي.. أوصل لخارج البحرين

Flickr: Naroona's Photostream (http://www.flickr.com/photos/naroona)

[نونة العسولة]

مساء الخير شلونكم ياامهات التوام السهرانات والتعبانات الله يعييينا

احلى غرام اي الحمدلله السفرة اييت بوقتها نفسيتي كانت واصلة حدها من الضغط والتعب النفسي

وبنتي فطمتها ومن سافرت لعوزتهم لاهلي بالبجي والحين من رديت ردت تبي ترضع تعبتنننني معاها

ومو عارفة شسويلها توقعت بسفري تكون نست خلاص بس ردينا على نفس الموال

خايفة باجر اولد وتشوف البيبي يرضع مني وتزهقني عيشتي بالغيرة والدلع ..

حاسة روحي حييييييل مضغوطة واليهال يوم عن يوم تعبهم يزيد

غير الحمل متعبني هالفترة بدى الثقل وصرت اتعب بسرعة مو مصدقة متى اخلص شهوري واولد




احلى توينز

الله يبارك فيج حبيبتي والله يتمملي باقي الشهور ويخلصني على خير


نارا سلامة بناتج ...

رضاك ربي شخبارج وكل الامهات اخاف نسيت احد ترى داخلة على السريع

[نونة العسولة]

امهات ابي اخذ رايكم باسم البيبي

زوجي يبي يسميه عبدالله او وليد

وانا ابي ريان او راكان على وزن ليان وجوان

شنو رايكم لان خلاص ابي اقرر الاسم وابدي بالتوزيعات وشغل المستشفى

ابي على الشهر السابع كل شي مخلص ومااحاتي شي بعد لان من الحين احس تعب الحمل والثقل بدى

واحاتي شهوري الاخيره .. منتظرة ارائكم

[رضاك ربي]

نونة العسولة بخير ربي يسلمك وييسر امرك

[حور العين]

كيفكم ماميز انتو والحلوين الله يسعدكم يارب ويخليلكم توائمكم اخبار بنوتاتي الحلوين تمام الحمد لله الحين ماشاالله سنه وخمسه شهور والغيره شغاله بدا العض hwaml02وشد الشعر hwaml15hwaml17والله يستر



نونه العسوله الله يعينك ويتمم لك على خير وبلنسبه للفطام احسه شي مو سهل ترا انا من الحين شايله هم الفطام احس كل ماكبرو اتعلقو اكثر

وبلنسبه للاسماء انا اشوف ريان مرررره حلو ويتناسب مع اسماء اخواته وكمان معنى الاسم حلو انا يعجبني

[حور العين]

على فكره يامهات ياحلوين انا اشتغل في شركة مستحضرات تجميل اورفليم الي يبغى اي حاجه منها يتواصل معاي على الخاص اوحتى لو تبغو تكونو مندوبات فيها

[أحلى أيام العمر]

السلام عليكم ورحمة الله وبركاته
كيفكم خواتي عساكم بخيرانتم وتونزاتكم<<رسميه
انا الحمدلله من فضله وكرمه وتيسيره ولدت قبل شهر ونص وكنت متابعه مع الاخوات في قسم حوامل التوائم والحين ترقيت وصرت من الامهات رزقني الله بولد وبنت الله يحفظهم ويبارك لي فيهم وفاخوانهم ياكريم
نونه انا كمان اشوف ريان حلو صح انا مااحب الاسماء ع وزن واحد بس لان اسم ريان افضل الموجود والله يقومك بالسلامه يارب
بدينا الصدق عاد خواتي بسالكم اللي عندها خلفيه عن الفيتامينات انا بصراحه ماعندي خلفيه ولاقد استخدمتها
رحت طهرت ولدي الحمدلله وصرفتلي الدكتوره فيتامين استخدمه اسمه شراب البرتقال وزيت سمك القد وانا عاجبتني الفكره فقلت مدري عادي استمر عليه واعطيه لاخته وباقي اخوانه باستمرار بدون وصفه طبيه لان هي كتبته لي بدون اي تفصيل اذا حد جربه يفيدني

[رضاك ربي]

احلى ايام العمر ماعندي فكرة عن موضوعك ممكن افيدك فيها انا بروحي تأخرت بفيتامين د للبنات وكل يوم اخذهم بالشمس نص ساعة الله يعدي فترة هالغبار على خير وارجع اطلعهم بالشمس


بنات متى استخدم المشاية لبناتي باي شهر المفروض الطفل يتجلس فيها

[أحلى أيام العمر]

رضاك اهلين قلبو كيفك وكيف البنات ايوه حبيبتي حتى انا ماكنت استخدم لهم ولالاخوانهم اي فيتامين بس مدامك تعرضيهم للشمس احسن شي تسوينه والمشايه انا ابدا فيها من عمر سته شهور بس البيبي مايحترف المشي فيها الا ع الثمانيه او بعضهم سبعه شهور بس جيبيها انتي لهم يبداون يتعودون على الجلسه فيها حبه حبه عقبال ماتشوفيهم يمشون يارب

[رضاك ربي]

احلى ايام العمر تسلمي ياعسل على الرد ان شاء الله بجلسهم فيها كل يوم نص ساعة حتى يتعودوا وبالثامن بجلسهم يتمشوا فيها ويعملوا سيران على قولة اخواتنا السوريات الله يفرج همهم وينصرهم ويوحد كلمتهم

[زود الغلا]

السلاااااااااااام عليكم
شخباااااااااااااركم وشخبار الحلوين
انا بناتي تعبانات صدر وكمام الله يشفيهم كله من الغبار للي جانا
سوسو ...بناتي فوق 4 اسنان وتحت 2 عسولات .يعضون الحين :)
نارا ............اسم عبدالله يهبببببببببببببل وواحس اسم ريان اسم بنت مادري ...والولد حلاته اسمه غير عن وزن البنات .

[أحلى أيام العمر]

رضاك ربي نسيت اقلك تفتحي شوارع جانبيه في البيت لو عرفو يمشون فيها منعا للتصادم وتكسير مقتنيات المنزل ههههههههههههه الله يحفظهم يازينهم ويازين تخميساتهم بس

[أحلى أيام العمر]

امهات نفر اتنين
هههههههههههههه مين تعرف تعمل لي توقييييييع توقيعي ترا مصلب ماعليكم منه

[نواعم النعومه]

هلا عسولات
أخباركم من زمان عنكم ماصرت ادخل كثير بسبب الحلوين الله يصلحهم hwaml4
أنا ولادتهم في تاريخ 3/1/1432 هجري بس ما اعرف الميلادي


تكفون لاتنسوني. حكومي معاكم

[نواعم النعومه]

عسولات وينكم والا عطلة فالين ابوهاhwaml7

[رضاك ربي]

رضاك ربي نسيت اقلك تفتحي شوارع جانبيه في البيت لو عرفو يمشون فيها منعا للتصادم وتكسير مقتنيات المنزل ههههههههههههه الله يحفظهم يازينهم ويازين تخميساتهم بس

ههههههههههه اي ضروري ولو لزم الامر نعمل جسور اللهم زد وبارك فيهم هههههههههه

[الأميرة جوري]

السسسسلام عليييييييييييكم
شحاااااااااااااااااااااالكم؟
رضااااااك لاتنسي المهرجان التوأم بكرة

[(سوسو)]

زود الغلا. سلامت بناتك مايشوفون شر

[رضاك ربي]

السسسسلام عليييييييييييكم
شحاااااااااااااااااااااالكم؟
رضااااااك لاتنسي المهرجان التوأم بكرة


مشكورة حبيبتي ماقصرتي

[نـــــــارا]

شلونكم امهات
غبت عنكم توني راجعة من دبي حضرت المهرجان يوم واحد ما مداني احضر يومين

[الأميرة جوري]

السسسلام علييييييكم
شحاااااااااالكم؟

رضاك ربي
سلامات مايشوفون شر بناتج شحالهم الحين؟


بنات هذي بعض الصور من مهرجان التوأم


http://forum.hwaml.com/imgcache2/hwaml.com_1332793565_275.jpg

http://forum.hwaml.com/imgcache2/hwaml.com_1332793565_455.jpg

http://forum.hwaml.com/imgcache2/hwaml.com_1332793566_246.jpg

http://forum.hwaml.com/imgcache2/hwaml.com_1332793564_660.jpg

http://forum.hwaml.com/imgcache2/hwaml.com_1332795999_308.jpg

http://forum.hwaml.com/image.php?type=sigpic&userid=17504&dateline=1332795953

[الأميرة جوري]

شلونكم امهات
غبت عنكم توني راجعة من دبي حضرت المهرجان يوم واحد ما مداني احضر يومين

هلا نارا شحالج؟الحمدلله ع سلامتج
ماشفتج اتمنى اشوف حد من الاصدقاء بسسس مالتقيت باحد ورضاك ربي الله يعينها ويشفي بنتها ترقدت بالمستشفى يوم المهرجان كنت متلهفه لشوفتها بسسس آن شاء الله خيرها بغيرها
والله يشفي بنتها ويقومها بسلامة والله يكون بعونها.
أنا ماطولت بالمهرجان لان الجوكان حار والبنات تضايقوا

[الفراشة الجميلة]

أحلى توينز ما شاء الله الله يخليهم لك ياحلو البنات تصدقين اشتريت العربيه الي جنب بعض ولا طلعوا معي الا المره واللحين عمرهم سنه تخيلي ودينهم وعيون الناس عليهم تقولين مافيه احد عنده توام الا أنا حتى حرمه مستني وقالت حرام ليش تجبينهم خوفي عليهم من عيون الناس الله يجزاها خير عشان كذا ماعدا ودي بعربية الي جنب بعض ودي يا أحط كل واحد بعربيه والا الي وراء بعض خاصه انهم ما يتشابهون أولادي ولا كأنهم توام بس وش رأيك انتي تنصحيني بلي وراء بعض
أنا عيالي لهم 5ايام الله يكرم كم إسهال وأستفرغ هد حيلهم هد لا اكل ولا شرب كل شي يستفرغونه يضيقون الصدر بس الحمد الله احس اليوم كأنهم أحسن ان شاء الله

[نونة العسولة]

مساء الجوري عليكم ماميز شخباركم

احلى توينز ماشاء الله بسم الله عليهم بناتج يهبلون الله يخليهم الج يارب

كتاكيت نفس بناتي الله يحفظهم

[رضاك ربي]

أحلى توينز ما شاء الله الله يخليهم لك ياحلو البنات تصدقين اشتريت العربيه الي جنب بعض ولا طلعوا معي الا المره واللحين عمرهم سنه تخيلي ودينهم وعيون الناس عليهم تقولين مافيه احد عنده توام الا أنا حتى حرمه مستني وقالت حرام ليش تجبينهم خوفي عليهم من عيون الناس الله يجزاها خير عشان كذا ماعدا ودي بعربية الي جنب بعض ودي يا أحط كل واحد بعربيه والا الي وراء بعض خاصه انهم ما يتشابهون أولادي ولا كأنهم توام بس وش رأيك انتي تنصحيني بلي وراء بعض
أنا عيالي لهم 5ايام الله يكرم كم إسهال وأستفرغ هد حيلهم هد لا اكل ولا شرب كل شي يستفرغونه يضيقون الصدر بس الحمد الله احس اليوم كأنهم أحسن ان شاء الله
سلامتهم الحلوين معافيين يارب انا معك بعرباية اللي ورا بعض لان تعبتنب عرباية اللي جمب بعض وكل ما اروح مول اا مر شيخ يقولي اقرأي عليهم واذا شافتهم حجة كبيرة تسمي عليهم وتقرأ المعوذات وكل مايمر احد يايبتسمون اول يصيحون توأم اتوقع لو ورا بعض تكون مو ملفتة للانتباه ما كنت اهتم من الحسد بس الناس اللي يشوفهم ينبهوني اقرأي عليهم عادة انا بس اطلع من البيت اقرا اللهم اني اعيذهما بكلماتك التامة من كل شيطان وهامة ومن كل عين لامة شيخ بارك الله فيه بالمول خبر زوجي بالدعاء تدرين حتى العرباية اللي ورا بعض اسهل بالحركة الاقي بعض المصاعد ماتستوعب عرباية البنات احس الثانية سهلة بالحركة وبالمناسبة التوائم تبارك الله صارت ظاهرة ملحوظة اخر مول رحته بدبي تبارك الله مو اقل من 20 توأم اشكال والوان واعمار سبحان الله اللهم زد وبارك

[رضاك ربي]

هلا نارا شحالج؟الحمدلله ع سلامتج
ماشفتج اتمنى اشوف حد من الاصدقاء بسسس مالتقيت باحد ورضاك ربي الله يعينها ويشفي بنتها ترقدت بالمستشفى يوم المهرجان كنت متلهفه لشوفتها بسسس آن شاء الله خيرها بغيرها
والله يشفي بنتها ويقومها بسلامة والله يكون بعونها.
أنا ماطولت بالمهرجان لان الجوكان حار والبنات تضايقوا



حبيبتي تسلمي عالدعاء ربي يعافيكي ويعافي بناتك من كل شر استغفر الله انا اللي كنت بمةوت من مرضة البنت من الخوف والقلق لان حالتها صار صعبة وحمدلله تبارك الله تعافت ومو باقي الا الزكام معها ما اعرف شصارلها فجأة كانت متعافية تماما من الزكام والبلغم وتعمدت ما احممها ولا اطلعا من البيت ومع ذلك انتكست حمدلله يارب يقر عينا بسلامتهم ماقدرت اتخيل يصيرلها شي حتى عيد الام ما دريت عنه من الظرف اللي انا فيه ولا هنيت احد فيه ولا حتى والدتي ولا ام زوجي تخيلت ان هالتريخ رح يكون مو حلو لكن ربي سلمها وعافاها وبعد فضل رب العالمين الفضل للاطباء حمدلله

[الأميرة جوري]

السسسلام عليييييييييكم
الفراشة الجميلة
الحمدلله ع سلامة عيالج الله يحفظهم ويعافيهم
والعرباية الي ورى بعض انا اشوفها احسن من العربايه الي جنب بعض
لان العربايه الي جنب بعض تكون مكشوفه اكثر وملفته للانتباه
انصحج بالعربايه الي ورى بعض احسسسسن خوف عليهم من العين والحسد


نونه العسولة
عيونج الحلوة حبيبتي

رضاك ربي
الحمدلله ع سلامه بنتج ماتشوف شر آن شاء الله

[الفراشة الجميلة]

رضاك ربي. الف سلامة على بنتك سلامات أيش صار فيها الله يخليهم لك ان شاء الله وتشوفينهم أحلى عارايس
أحلى توينز امين يارب و الله يجزاك خير ان شاء الله شكلي اجل اشتري الي وراء بعض بس ما يتضايق الى وراء من للي قدام لانه ماراح يقدر يشوف شي والا عادي

[رضاك ربي]

يسلمكم صبايا مشكوراااات

الفراشة الجميلة لاتشغلي بالك بيتسلى بالعاب او يقدر يشوف الناس من الجوانب وممكن تبدلي اماكنهم كل فترة

[الأميرة جوري]

رضاك ربي. الف سلامة على بنتك سلامات أيش صار فيها الله يخليهم لك ان شاء الله وتشوفينهم أحلى عارايس
أحلى توينز امين يارب و الله يجزاك خير ان شاء الله شكلي اجل اشتري الي وراء بعض بس ما يتضايق الى وراء من للي قدام لانه ماراح يقدر يشوف شي والا عادي

لاعادي لانه يقدر يشوف بسسس غيري أماكنهم بعد فترة من تقعديهم^_^
شحال عيالج الحين آن شاء الله بخير

[الفراشة الجميلة]

رضاك ربي وأحلى توينز الف شكررررر ما قصرتوا والله يعطيكم العافيه ويخلي أولادكم لكم يارب
شكلي خلاص ابتوكل غلى الله وأشتري وحده
وعيالي لا الحمد لله اخف بكثير يارب لك الحمد بس واحد منهم ماعدا يشتهي الأكل كل ما عطيته طلع اكل مدري ليه والله يعين يارب هالنزله المعويه مرت على عيالي كلهم من اصغرهم لأكبر هم وانا بعد معهم بس الحمد لله مرت بسلام صح تعب نفسي وصحي بس عاد الشكوى لله

[نـــــــارا]

انا رحت اول يوم من 2 الى 6 المغرب ثاني يوم ما مداني اروح يوم ثاني
وطافتني الصورة الجماعية للاسف

بنزل الصور وقت ثاني

[حور العين]

السلام عليييييييييييكم ياحلوات انا ادخل دايما اقرا ردودكم واطمن عليكم انتو وكتاكيتكم الحلوين الله يقر عيوننا يشوفتهم دايما بصحه وعافيه بس مادري ليش ماقدر اضيف ردود من الايباد والمشكله اني استسهل الايباد اكثر من اللاب توب


رضاك ربي الف سلامه على بنتك وماتشوف شر يارب عليكي بلتحصين واذكار الصباح والمساء على طوووول

وبلنسبه للعربيات انا حق بناتي اللي جنب بعض نفس الشي احسها ملفته والكل لازم يطالع وبعضهم يعلق بس انا جاتني هديه ولا لو كنت مخيره كنت اختارت اللي ورا بعض افضل ولو انه الي ورا بعض اللي وراء مايقدر ينام بس جالس على مااظن

[حور العين]

يارب لك الحمد على كل حال

[حور العين]

اليوم كان مره صعب عليا طاحت بنتي جودي وخبط راسها في رجل الكنب ونزفت من راسها وقلبي كان ينعصر من الخوف والفجعة بس الحمد لله انه ابوها كان موجود ولاانا لو اشوف الدم مااعرف اتصرف بس الحمد لله حطيت عليها الثلج وبعدين البن وقف الدم بس ماوديتها للدكتور خفت يخيط لها ويالمها بزياده الله يخليكم ادعولها والله وانا اكتب لكم قلبي مرره يوجعني عليها وبعدها بساعه طاحت جوري من كرسي غرفتي وكانت لحالها واتعورت فوق شفتها اللي فوق بس حمد لله بسيطه

[الفراشة الجميلة]

حور الف سلامه على البنوتات مايشوفون شر ان الله والله يخليهم لك انتبهي لهم هذا السن صعب وخطر خلي عيونك عليهم اربع وعشرين ساعه واستودعيهم رب العالمين دائم وان شاء الله ما عليهم الا العافيه

[احساس روعه]

حبابيبي حابه اسالكم كيف الولاده في اسبوع 35 من الحمل هل فيها ضرر على الاجنه
طبعا ولاده قيصريه
ومين ولادته في الاسبوع 35 من الحمل تطمنى

[الفراشة الجميلة]

أهلين إحساس. اولا اهم شي وزن احنه اذا كان كلمة كليوين ان شاء الله ما عليهم الا العافيه ولازم تأخذ ين إبرة الرئه احتياط والأفضل
وبعدين ليش بيولدونك وانتي مالك الا 35 اسبوع اذا أمورك تمام تحملي لو اسبوع الى 10ايام حرام راح الكثير مابقى الا القليل والله يكتب لك الي فيه الخير ويفرحك ويتمم عليك ولاتخافين في بنات كثير ولدوا بالسابع والثامن والحمد لله ما عليهم الا العافيه توكلي على ربك وفوضت أمرك له وعليك بالدعاء والاستغفار وان شاء الله ماراح تشوفين الا كل خير

[حور العين]

الفراشه الجميله

الله يسلمك يارب فرحني ردك علي والله يحفظلك ما اعطاكي امين يارب العالمين
احساس الله يقومك بالسلامه ويفرحك بسلامة الحلوين اهم حاجه تاخذين ابرة الرئه مهمه والدكتور هو اعرف بحالتك انشاء الله ماعليك شر

[maha8181]

صباح الخير

سوسو حياتي قولي الحمدالله وارتاحي ولاتخافين اوزانهم زي وزن عيالي الحين الله يخليهم ويحفظهم*

غروومه كل عام والحلوين بالف خير الله يحميهم من كل شر

احلى تونز شخبارك وشلون الحلوات والمهرجان عيشتينا الجو *

رضاك ربي ماشاء الله تبارك الله تهبل هذي جنى ولا ندى ولاتغيرين اسم ندى حلو والمشايه انا بديتهم من السابع بس لاتخلينهم فتره طويله ترى الاطباء ماينصحون فيها *اذا كان البيبي مايمشي فيها ويقولون هي سبب تقوس الارجل حطيهم نص ساعه لين يمشون فيها
طمنينا على عيالك ياقلبي *

نارا سلامتكم طمنينا عليك وعلى البنات*

نونه الحمدالله على السلامه شلون سفرتك*
الله يعينك على بنتك احس عيال هالوقت دلعهم زايد مااحس احنا كذا بدلعهم
نونه اسم ريان يهبل الله يمتعك بالعافيه

*زود الغلا سلامة الحلوات ان شاء الله احسن*

الفراشه شخبارك انا زيك والله شريت اللي جمب بعض واذا طلعتهم كل العالم تناظر واللي يقربون ويلعبون معاهم ولازم يسالوني توام توام كانه شي غريب والله كل مااطلعهم يقلب الجو غبار ومطر ويمرضون ياحياتي

حور سلامة الحلوات انتبهي عليهم بس لو وديتيها للطبيب احسن يطمنك اكثر الله يعينا ويخليلك اياهم ويحفظهم من كل مكروه *



*

*

[maha8181]

شكله كل الاطفال مرضى اليوم كنت باخذ موعد لعيالي وكل الاطباء مشغولينن
وياحياتي صارلهم ثلاث ايام حرارتهم 38 ولا راضيه تنزل واخذهم للطوارئ يقولي الدكتور هذا فيروس ولايحتاجون علاج وبلاعيهم محتقنه ومايقدرون ياكلون ولايشربون
الله يعينا احنا الكبار مانستحمل شلون الصغار

[الأميرة جوري]

السسسسلام علييييييييكم
حورالعين
الحمدلله ع سلامه بناتج وانتبهي لهم عن الحوادث الله يحفظهم
احسسساس روعه
اذا امورك تمام انتظري اسبوع ع الاقل والاسبوع 35 أوكي بسسس أهم شي الاوزان تكون أوكي
مها
هلا الغاليه سلامة عيالج مايشفون شر الله يشفيهم تغيرات الطقس تلعوز الأطفال الله يعينهم
انا الحمدلله بخير والعيال بخير بسسس التسنين تاعبهم وبنتي عندها التهاب المنطقه بسس الحين الحمدلله بخيييييييييييير

[رضاك ربي]

هلا وغلا مها حبيبتي حمدلله البنات تمام تسلمي على المعلومة واللي بالصورة جنى سبحان الله كانت ندوش احلى منها الحين الكل يعشقون جوجو بس ترى الصورة قبل ماتمرض حمدلله رب العالمين


حور العين تسلمي حبيبتي وسلامتهم الحلوين انا اول اكسندنت يصير كان يوم الجمعة ندوش وقعت من الكنبة للارض وخافت وصارت تبكي بس المسافة بسيطة حمد لله الله يسترنا من اللي جاي

[عطر فواح]

صباح الخير يا غاليات.
وربي بديت اقلق عيالي باقي لهم كم يوم ويكملو سبع شهور وباقي ماانقلبو ولا سننو ولا يجلسو هل هوو طبيعي للتوام احس عظامهم رخوه. بعرضهم ع الطبيب احس يحتاجو فيتامينات

رضاك ياعسل بديتي تحطي بناتك بالمشايه العربيه لاني بجيب لهم احسها تساعدهم في شد عظامهم وش رايك
افيدوني ياامهات بخبراتكم

[نونة العسولة]

مساء الخير شلونكم ماميز وشلون التوائم الحلوين؟؟

ا

[نونة العسولة]

مها سلامتهم عيالج مايشوفون شر

عطر فواح احسن عرضيهم للطبيب ان شاء الله مافيهم الا العافيه

انتي ولدتيهم مبكر ؟


احلى توينز وباقي الماميز ان شاء الله تكونون بخير

انا عني اليوم دخلت السابع وحييييل احس روحي ثقيله وتعبانة مافيني شدة اسوي شيي

الله يسهلي الباقي من الحمل على خير

[رضاك ربي]

صباح الخير يا غاليات.
وربي بديت اقلق عيالي باقي لهم كم يوم ويكملو سبع شهور وباقي ماانقلبو ولا سننو ولا يجلسو هل هوو طبيعي للتوام احس عظامهم رخوه. بعرضهم ع الطبيب احس يحتاجو فيتامينات

رضاك ياعسل بديتي تحطي بناتك بالمشايه العربيه لاني بجيب لهم احسها تساعدهم في شد عظامهم وش رايك
افيدوني ياامهات بخبراتكم


حبيبتي والله للحين ماتجرأت احطهم فيها الا دقايق لان اذكر ابن عمي تقوست رجوله من المشاية

[نـــــــارا]

شلونكم مامات
انا دايخة هذي الخدامة الثالثة تجيني خلال اقل من سنة ادعولي تثبت عندي تعبت من زود ما ادرب ويطلعون مو زينين
بناتي يحاولون يتكلمون الحين وكله لغوة مومفهومة

[رضاك ربي]

نارا لاتشكيلي ببكيلك هههههههههه

انا صرلي بس 5 ايام بالبيت الجديد ومن ثاني يوم الشغالة قررت ترجع بلدها وتخيلي اللي صاير بحالتي كانت معنا مثل العسل وعالبيت الجديد انهبلت يارب تساعدني وتقدرني على اداء واجباتي من الصبح وانا ادور جلاية صحون وخايفة ماتوفق فيها حل مؤقت حتى تشرف البديلة عنها

[maha8181]

رحت ورجعت ولسه بنفس الصفحه ياحياتي امهات التوام من جد مجاهدات
احلى تونز ورضاك ونونه وعطر فواح ونارا وباقي الامهات شلونكم
عطر فواح لاتخافين طبيعي مع التوام يتاخرون ويمكن انتي والده مبكر بعد بس احرصي على قطرات فيتامين د

نونه هانت الله يهون عليك ويتمم لك على خير

نارا الله يعينا مع هالشغالات احسهم يشوفون توام ينحاشون انا اهلي يقولولي جيبي ثانيه لاني موظفه بس صراحهاحس تكاليف واجد

اخر اخباري اني نقلت سراير الاطفال لغرفتهم تمهيدا انهم ينامون لحالهم وماعطاني قلبي اخليهم فصرت انام معاهم ابي اعودهم ينامون متواصل والله يعيني على الصراخ والبكا
وابي اقطع عنهم الرضعات المتواصله باليل
ادعولي الله يقويني والله احس التربيه صعبه هذا وهم لسه ماكبروا

[عطر فواح]

حبيباتي انا والده فيهم بنهايه الشهر الثامن
الحمد لله نواف انقلب امس فجاه اطالعه وهو منقلب والله فرحت عقبال جوري العسل هي في محاولات
رحت لدكتور وخاصمني ليش ما اعطيهم فيتامينات وصرف لي نوعين فيتامين د وكالسيوم ويقول استخدمهم شهرين لازم

تسلمون ع الرد ياغاليات

[الأميرة جوري]

السسسسلام علييييييييييكم
شحااااااااالكم ياحلواااااااااات
انا والعيااااااااال بخيييييييير بسسس الطفح بعدنه ماراح (طفح الحفاض)
وانا الدورة متأخرة عندي أخاف أكووون سويتها وحملت كنت أقول عادي لو حملت والحين لصارجد متوهقه وخاصه أفكر بالوحام وكيف أقطع الرضاعه ع بناتي المهم بحلل يوم الجمعه وبتأكــــــــــــــــد
المهم أنتوا شحالكم؟ وشحال العيااااااااال

[الأميرة جوري]

عطر فواااح
مبرووووك لنواف وآن شاء الله جوري بعد انا بناتي للحين مايجلسسسسون اوكي يجلسسسسون شوي وبعدين يطحون ع ورى ولاع قدام
ويتعورون انا اشوف التوأم يتأخرون بالمشي وبالجلوس والاسنان ووووو
والمشايه من الشهر السابع احطهم فيها لين الحين ويتمشون فيها ع كبر البيت واذا ماشي مشايه بيذبحوني ماأقدر كل شوي انتبه لهم عن يطيحوووون انا عيالي الي قبل كنت احطهم بالمشايه والحمدلله ماصار ليهم تقوس ولا شي واكثر الوقت يكونوا بالمشايه والحمدلله والمشايه مريحتني ومريحتنهم

[رضاك ربي]

مها هلا وغلا الله يكون معك ويهديهم لك التوأم

عطر فواح سبحان الله دخلت اقولك عن فيتامين د لانه ضروري للعظام والاسنان ومبارك حركة ابو الشباب نواف


احلى تونز هلا بالقمر لك وحشة حبيبتي
جربتي تخلطي زيت الزيتون بالنشا انا عالج لبناتي الطفح حمدلله
ولا تزعلي لو طلع حمل كرم من رب العالمين انا العكس تماما صرلي اسبوع مخلصة دورة ومن تعبي بالبيت الجديد وقهري من الشغالة لانها تركتني حصلت الدورة اليوم جاية اول مرة تصيرلي حمدلله

مشكورة حبيبتي على معلومة المشاية لانها تفيدني هالفترة عالاقل ينشغلون عني



بنات شو رايكم بجلاية LG او samsung الله يفرجها عليكم اللي تعرف تفيدني وضعي مع البنات والبيت سيء وادور على حلول مؤقتة

[نونة العسولة]

هلا ماميز مساء الورد صايره ماافضى واكتب البنات كل ماكبروا كل مازادت مسؤوليتهم

لازم عيني عليهم .. وحيل تعبانة هالايام ماادري احس الجنين ضاغط حيل على صدري وعلى تحت

واي حركه يتحركها صج احس تتعبني اوقات اقول شلون تحملت الحمل بتوام سبحان الله ..



مها .. الله يعينج حبيبتي وزين نقلتيهم غرفة بروحهم انا بناتي هم ينامون بغرفة بروحهم واحط لهم الجهاز ان بجوا اسمعهم


عطر فواح الف مبروك علىى قلبة ولدج وعقبال البنوتة ان شاء الله

احلى توينز الله يعينج من شنو صار فيهم جربتي تشتريلهم كريم من الصيدلية

رضاك ربي ونارا والجميع ان شاء الله تكونون بخير

[maha8181]

الامهات المتواجدين والغايبين صارلهم فتره شخباركم وينكم عسى المانع خير
نونه كويس انهم ينامون لحالهم من اي شهر عودتيهم لاني انا تعبانه معاهم حييل
احلى تونز سلامة البنوته
طمنينا على تحليلك والله يكتبلك الخير بس احس لسه مو وقت مناسب للحمل

عطر فواح مبروك ولاتخافين استني شوي ترى التوام صغار وناعمين انا اقارن عيالي مع اللي اصغر منهم واشرف عيالي نتف ناعمين وااجد

واقول مااصدق الصغيرين ذولي يكملون سنه
طبعا لسه مامشوا ولا في بوادر

قولولي يا امهات عيالكم متى مشوا

[عطر فواح]

الله يبارك فيكم فديتكم واللهhwaml13
اليومين هذي مادخلت تعب ولدي ارتفعت حرارته وصلت 40 hwaml03واسهال الله يكرمكم تعذبت معاه ياقلبي عليه قال الدكتورhwaml10 عنده شويه احتقان وتسنين وبدايه نزله معويه كلها مع بعضhwaml9 تخيلو حرارته مانزلت اعطيته تحاميل وشراب ومافيه فايدهhwaml93 حتى في المستشفى عذبوه بس يكبو عليه ثلج عشان تنزل حرارته
الحمد لله على كل حال صرف له الدكتور مضاد وعلاج للنزله اللحين تحسن اللهم لك الحمدhwaml23

[رضاك ربي]

عطر فواح سلامااااااااااااااااااااات ربي يقر عينك بسلامته حبيبتي

[نونة العسولة]

مها بنتي ليان لان فاطمتها من صدري قبل جوان بفترة فماتعبتني تقبلت تنام من عمرها سنة وشهرين

جوان كنت هم اوديها بس تعرفين تعبتني بفطامها وكنت اوقات اضطر اييبها عندي بنص الليل لان تبجي وتبيني

بس الحين لا اثنينهم خلاص الحمدلله نومهم بالغرفة

[دلـــوعــه عـــــبوديـ]

السلام عليكم امهات التوم
انا عندي توام ولديناعمارهم 6شهور بديت اعطيهم سريلاك لي اسبوعين بس بسال متى اعطيهم بطاطس مهروس وفواكه؟؟
اتمنى تجابوني

[عطر فواح]

رضاك ربي. الله يسلمك يارب تسلمي

دلوعه عبودي انا اعطيت عيالي من 6شهور بس بديت اعطيهم اول مره جزر لحاله بعدين جزر وكوسه وبعدين دخلت البطاطس شويه شويه ودخلت لهم شويه من صدر الدجاج في بدايه 7شهور والفواكه اعطيهم برتقال مخفف بشوي مويه واعطيهم تفاح وشوي موز احيانآ اجيب لهم من الصيدليه عصير معلب والافضل تسوين لهم *

[دلـــوعــه عـــــبوديـ]

مشكوووره اختي عطر فواح الله يخليك لعيالك ويجعله في مزان حسناتك
انا توامي صارو ينقلبون وحتى احسهم بيزحفون

[عطر فواح]

مشكوووره اختي عطر فواح الله يخليك لعيالك ويجعله في مزان حسناتك
انا توامي صارو ينقلبون وحتى احسهم بيزحفون




العفوو حبيبتي
ماشاء الله تبارك الله ربي يحفظهمhwaml13 متى جبتيهم بأي شهر
وهل بدأو يجلسو لحالهم ولا باقي

[دلـــوعــه عـــــبوديـ]

انا جبتهم باخر السابع
لا مايجلسون الى الحين بس ينقلبون ويزحفون ع وراء واذا حطيت لهم لعبه يزحفون شوي عشان يوصولنها

[رضاك ربي]

دلوعة عبوي متحمسين الشباب عندك شكلهم ناويين على لعبة كورة هههههههههه تبارك الله الله يخليلك ياهم وبالنسبة للاكل عطر فواح ماقصرت بالرد

[دلـــوعــه عـــــبوديـ]

هههههههههههههههههههههههههه من جد والله متحمسين مررررره اخبار البنات رضاك
بنات ايش رايكم احطهم بعربيه ولا باقي

[ام جومانة]

السلام عليكم
كيفكم يابنات وكيف الكتاكيت ان شاءالله الكل بخير

[الأميرة جوري]

السسسسسسلام علييييييييييييكم
شحااااااااااااااااااااااااااااااااااااالكم؟

عطر فواااااااح
الحمدلله ع سلامة ولدج مايشوف شر
رضالك ربي,دلوعه عبودي,نونه العسوله,أم جمانه,نارا,مهااااااوي

شحااااااااالكم؟وشحال العياااااال؟

انا الحمدلله بخيييييييييير والحمدلله ماطلعت حااااااااااامل من كم يوم الدورة شرفت ههههههههههههه
كنت اقول عادي لوحملت بسسس بعدين لما صار الجد قلت لا والف لا هههههههههههههه
الرضاااااعه هي همي الوحيييييييييييييد الحين وازعااااااااااج بناتي وصرااااخهم
علششششششششششششششان كذا ماأريد أحمل ومواااااااانع الحمل خلاااااااااص بطلت اخذهااااااا
مضره بششششششششششكل فظيييييييييييع الله كريم ان شاء الله الرضاااااااااااعه تكوووون مانع طبيعي وماأحمل^_^

[عطر فواح]

احلى توينز  الله يسلمك حبيبتي

[رضاك ربي]

عطر فواح هلا حبيبتي البنوتات عسسسسسسسسسسسسل صايرين حمدلله

دلوعة عبودي اظن لازم تغيرين هالاسم صارلك منافسين بالدلع انا بعد السابع بدأت اخليهم بالمشاية وما اتأخر عليهم بس عشر دقائق الى ربع ساعة جارتي من اول السادس تخلي بنتها بالمشاية هذي تجربتي ومو متأكدة من صحة تجربتي


احلى تونز حبيبتي كلنا بخير بس انا اللي حالتي حالة بدون الخادمة الحمدلله البنات مو مقصرة عليهم بس تعبببببببببببببببببببب البيت الله يكون بالعون وربي يكتب لك ولي الخير دائما سواء حمل او مو حمل

[دلـــوعــه عـــــبوديـ]

ههههههههههههه شكرا رضاك ع الرد انا حطيتهم بعربيه وماطول مثل ماقلت لي ربع ساعه
امس اعطيتهم جزر وماحبوه ايش اسوي بنات
احلى توينز مبرووووك مافي حمل هههههه والحمدلله الشباب طيبين

[زود الغلا]

السلاااااااااااااااااااام على احلي امهااااااااااااااااااات
وحشتوووووووووووووووووووووووووووووووووني
اخر الاخبار خلصنا من الكحة والحين حرارة واحتقان بناتي مع بعض سبحان الله ومن سننوا ما وقفوا عض وبناتي حييييل ضعاااااااااااااف ورقيقاااااااات ووحدة منهم متعلقة فيني حييييييييييييييل كله تقعد بحضني وتبيني اشيلها وصايرين يجننون الله يهديهم

[دلـــوعــه عـــــبوديـ]

زود الغلا ربي يحفظهم لك ان شاءالله والف سلامه عليهم

[عطر فواح]

صباحكم ورد يا احلا امهات hwaml7

من يوم انقلب حبيب امه نواف وهو ماصار يحب ينام الا وهو منقلب **شكله مبسووووط با الانقلاب ههههه

يعني اصحى اكثر من مره وهو نايم على بطنهhwaml03 خايفه عليه يختنق لاقدر الله هل الاطفال كذا اول ماينقلبو ووش اسوي لهhwaml5

زود الغلا سلامتهم البنوتات ربي يعافيهم

[رضاك ربي]

زود الغلا سلامتهم الكتاكيت

حبييباتي بناتي رجع لهم الزكام والله يستر من الكحة ياربي تعافيهم


عطر فوا ح عادي ندوش تنام على بطنها وماترضى لا على ضهرها وعلى جنبها

[زود الغلا]

تسلمون يا الغاليات
الجو الحين متقلب جو امراض لله يحفظهم .

[رضاك ربي]

شخباركم امهات الله يكون بعونكم وييسر امر تربية اطفالكم ويقر عينكم بسلامتهم

[اول غرام]

السلام عليكم والرحمه والبركات والطيبات

اخباركم امهات توينز الصامدات hwaml7

اشتقتلكم برشا برشا .......hwaml13

واكيد اشتقتوووووولي ادري ادري خخخخخخخ

اخر تطورات توينزاتي

ابشركم صاروا يمشوووووون وه فديتهم ياناس واخيرا hwaml9

ويغارون من بعض كثييييييييييييييييير ودايم يتهاوشون مع بعض hwaml17hwaml15

وكل ماكبروا كل ماتعلقوا فيني اكثرررررررررررررر hwaml15

وللحين صامده بدون شغاله ..... طبعن يوم البيت تمام ويوم الله المستعان

مهاوي
اخبارك ياعسسسسل
حلوه فكرة انك تعودينهم على النوم بالغرفه لحالهم بس تقطعين الحليب عنهم بالليل
احس حرام توهم صغار محتاجين حيل الحليب للعظام والاسنان
وانتي بكيفك ,,,,,

نونه العسوله
الله يقومك بالسلامه يارب
طبيعي تحسين بالتعب لانك مارتحتي من حمل بتوام لتربيتهم لحمل فاكيد بيزيد عليك التعب
الله يخفف عليك ويسهل عليك يارب

رضاك ربي
وش اخبار العسووولات ماشاء الله يدننون الله يحفظهم

احلى توينز
نفس حالتي كل مره تاخر علي الدوره اخاف hwaml85
ومثل ماقالت رضاك ربي رزق من الله له الحمد والمنه

غلاوي
مايشوفون شر الحلوات
وش اخبارك مع الشغالات ؟؟؟

عطر فواح
عادي لو يقلب وينام على بطنه بس يقولون لايطول حاولي تعدلينه وينام على الجنب

[رضاك ربي]

أهلاااااااااااااااااااااااااااا اول غرام نورت وينك من زمان الله يكون معك ويقويكي


العسولات تطورواااااا هههههه حمدلله والاكشنات ماتنعد الاجمل الايحاءات اللي يعبرون عنها بوجوههم ههههههههه ابوهم نسي التلفزيون وصار يتابع جديدهم هههههههه متشوقة يطول شعرهم ^_*

[رضاك ربي]

وييييييييييييييينكم امهات والله الظاهر مع جية الربيع انطلقتوا مع سنافركم

[دلـــوعــه عـــــبوديـ]

السلام عليكم
ايش ابشركم توامي طلعو اسنانهم بس مره تعبانين

[ام عبودي وسيفو]

السلام عليكم و رحمة الله
مبروك دلوعة عبودي تفرحين بهم , هي مرحلة التسنين صعبة شوي , ان شاء الله تمر بسرعة
دعواتكم يا امهات نلتحق بكم قريبا في هذا التجمع
آمل ان تجيبوني عن بعض الاسئلة في هذا الموضوع ,طمنوني الله يطمنكم
http://forum.hwaml.com/t114009.html (http://forum.hwaml.com/t114009.html)

[دلـــوعــه عـــــبوديـ]

تسلميييين حبيبتي ع الدعووه

[maha8181]

صبااااااااااااح الخير
والله ولهت عليكم واااجد
بس لسه الغايبين غايبين
وينكم يا امهات
غروومه,احلى تونيز,زود الغلا , نونه ,الفراشه,رضاك ربي ,دلوعة عبوودي وان شاء الله مانسيت احد وشكله كل ما كبروا التونز يطلعون العين اكثر

غروومه شخبارك مبرروك على المشي والله يعينك شكلك اختفيتي
وترى ما قطعت الحليب لا مستحيل

اخر اخباري نومتهم بسرارهم بغرفه لحالهم حمد الله وحطيت كاميرا عليهم الحمدالله رب العالمين وااجد تحسن نومهم
وقللت صحيتهم بس لسه يقومون الفجر يرضعون ويرجعون ينامون
والمشي شكله قريب يمكن الشهر الجاي ولا اللي بعده
عاد الشي اللي يضحك ان ولدي توه يحبي ياحياتي طاير من الفرحه
عاد انا ماني مستانسه اقوله لازم تمشي الحين

ورجعت للدوام واخيرااااااا بعد انقطاع سنه
وشغالتي كل يوم تجيني بشكوى مره بطنها يعورها ومره ركبتها
وكل يوم تقولي اذا مشوا ايش راح اسوي

بسالكم يا امهات اللي عندهم توام عندكم شغالتين ولا وحده
صراحه ما عندي امكانيه اجيب 2 وخايفه انها تقصر معاهم وماتلحق خصوصا اذا بدوا يمشون

الله يحفظ عيالنا من شر الشغالات ومن كل كل من به شر

[الفراشة الجميلة]

هلا والله فيكم جميعا كيفكم وكيف توينز آتكم
الله يعينى ويقوينى على تربية أطفالنا تربية صالحه
اخر تطورات عيالي كلهم ولله الحمد يمشون بسم الله عليهم بس واحد مشيه افضل من الثاني الثاني يخاف مره يمشي شوي يناظرنا ويجلس والحمد لله على انه عندي اولاد من قبل بس سبحان الله التوام غير نعمه الله لا يحرمنا منها
مها حبيبتي أنا موظفه وطبعا عندي شغالتين والله وحده للتو ينز ومعطيته شوي من شغل البيت والثانيه معطيته الشغل المتبقي لانه بصراحه الي عندها أطفال من قبل ومؤظفه مأتم في أبدا شغاله وحده خاصه الفترة هاذي فترة المشي والحركة لازم لهم متابعه والله يحفظهم يارب
بناااااااات ساعدوني شريط توني ما يمشي من تعطف علي وتسويه لي ما اعرف اسوي للأسف
ولادتهم كانت 18/4/2011

[ام عدي آل الشيخ]

هلا حبيباتي اشتقت لكم حيييييييل حييييييل كيفكم وكيف عيالكم عساكم طيبين حبيبتي زود انا بعد وحده من بناتي متعلقه فيني حيل بس انا كل ماجت حضني انادي على الثانيه واشيلهم الاثنين تبارك الرحمن أخاف تغير من أختها والحمد لله ربي يحفظهم يااارب

[أم أحمد وفاطمة]

سلام

أنا تؤمي بنت وولد يكملوا 7 شهور 29 جمادى ثاني أتمنى تقبلوني معكم

[رضاك ربي]

ام احمد حياك حبيبتي


مهاوي مسكينة ما يكفي شغالة انا وشغالتي ومو ملحقين عالبيت وعالتوأم اخاف تقصر بتوأمك ومبارك العودة للعمل عقبالي بس لحين خايفة اتركهم الا بعد السنة صدقتي مهاوي كل ما كبروا كل ما صارو متعبين

دلوعة عبودي مياركين الاسنان حمدلله طلعة الاسنان تبشر بالخير وتبشر ان صحتهم بخير وعافية انا طرت من االفرحة بس طلعت سنانهم

ام عدي ربي يبارك لك فيهم

اخبارنا بسم الله تبارك الله من بعد الاسنان صرت اقدر اوقفهم على رجولهم وانا ماسكتهم ويعشقون المشاية يحوسون البيت

فيها ويعشقوا الالعاب والالوان بس صايرين جدا لحووحين ولازم اتواجد معهم بنفس الغرفة حتى لو يتابعون برامج اطفال

ويصرووون على صياحهم بطريقة يستفزوني ويستفزون ابوهم متلهفة حتى يمشوون ويتونسون حتى لو لحقوني بكل مكان المهم

مايضلون يصيحون حتى ارجع لهم حمدلله الشغالة طيبة معهم وهذا الاهم عندي ومشكلتي الثانية وحدة من التوأم تخاف من الناس

وتصيييح اذا استغربت المكان ومافي شي يعجبها او يشغلها المشكلة مسافرة الخميس واكيد بتشوف ناس وايد عند اهلي وخايفة

تتأثر نفسيا او صحيا الله يستر دعواتكم لنا متخوفة جدا من السفر خاصة هالامراض اشكال الوان اللهم عافينا

لاتنسوني بالدعاء

[أم أحمد وفاطمة]

بسألكم لأن أكي عندكم خبرة تؤمي ما بقى شي ويكملوا 7 شهور ولسا ما جلسوا هل هالشي طبيعي لو لا

سمعت إنا التؤم عادي يتأخروا


مع العلم إنا بنت عمهم أضغر بإسبوع وطلع لها سنين وجلست بعد


وأولادي لساتهم

[نونة العسولة]

مساء الورد ماميز شخباركم انتوا وعيالكم ان شاء الله الكل تمام
انا كنت مشغولة مع بنتي حدها كانت مريضة وتبهذلت معاها

وللحين احسها تعبانة ودايخة وانا حدي صايره ثقيله الله يسهل علي وعلى كل حامل

[حبيب قلبي عبود]

يسعد صباحكم كيف حالكم وحشتوني موت .غبت سنه وكثير وكيف حال توامكم انا توامي خلصوو سنه و7اشهررر تعبت مرة
زود الغلا كيفك ياعسل نونه انتي حامل ربي يسهل لك ياعمري

[حبيب قلبي عبود]

نسيت اقولكم عجزت انحف ماخليت شي شكلي بسوي تكميم معدة هههههه
واحد من توامي طاح وعينه احولت اليمين الله يشفيه .والدكتور يقول لازم نظارة بس كيف مع اخوة .

[دلـــوعــه عـــــبوديـ]

سلام علييكم اخباركم واخبار التوائم

رضاك انا ماصدقت يوم طلعو اسنانهم فرحت كثيير
بس الحين مايجلسون كثير بس دقايق ويطحون بس ماشاءالله عليهم يحبون المشايه ومره اقلق عليهم يختفون بسرعه وشوفي كيف امشي وراهم الله يعين

[دلـــوعــه عـــــبوديـ]

اولادي مثل بناتك يبكون بقوه بعض الاوقات امسك نفسي عن الضرب ماودي اضربهم واذا رحت عنهم شوفي كيف يصارخون تعبت معاهم
وانا ماعندي شغاله لاني ماثق فيهم ابد

[الأميرة جوري]

السسسسسلام علييييييييييكم
شحااااااااااالكم ياأمهاااااااات التوينز؟
أنا غبت عنكم فترة لاني كنت مشغووووووووله بزوااااااااااج أختي وحميتي وشغالتي سافرت وعندي وحدة ثانيه بسسس ماتعرف وااااااااايد وكنت مخطئه افكر لكبروا التوام بتخف المعناه hwaml15معهم مادري بيزيد التعب hwaml4الحمدلله ع كل حاااااااااااااااال

نونه العسسسسسسوله
الله يسهل عليييييييج قربت ولادتج وراح الكثير ومابقى الا القليلhwaml8
والله يشفي بنتج ويقومج بالسسسلامة والله يعينج ع التعب .وان شاء الله من ورى هذا التعب راحه دايمه.

رضاك ربي
الله يعينج انا وحدة من توأمي ماتحب زحمة الناس وكله تبكي بهدلتني بعرس أختي وحميتي كله تبكي وماتريد أحد كله لازقه فيني وتبكيhwaml4
ان شاء الله بنتج بتتعود ع الوضع وماتتعبي معها والله يكوووووون بعونج وتروحي وتردي بالسسسلامة hwaml16 وطمنينا عنج وحااااااولي لاتلبسين البنات نفسسس بعض علشششان لايلفتووووون الانظار>>>الله يحفظج ويحفظ عائلتج ويردكم بالسسسسلامةhwaml7


حبيب قلبي عبود
الله يشفي ولدج والله يكوووون بعووووونج مايستاهل فديته لازم تراجعين فيه لاتهملين الموضوووع الله يشفيه

أم أحمد وفاطمة
عادي حبيبتي انا توامي جلسوا بالشهر الثامن وجلستهم ماكانت ثابته كانوا كل شوي يطيحوووون بسسس بالشهر العاشر جلستهم صارت ثابته عكسسس عيالي الاثنين الي قبل جلسوا بالشهر السادس يعني التوأم صحح يتأخرووووون hwaml03 وياهلا فيج بينا منووووورة يالغلااا

ام عدي آل الشيخ والفراشه الجميله و دلوعه عبودي وسوسه وزود الغلا شحاااااااالكم؟وشوالأخباااااااار؟

[الأميرة جوري]

انا اخر تطورات بناتي طلعت ليهم اسنان 3 تحت 3 فوق مادري ليش الرابع مختفي هههههههههه
وبعدنهم مايمشووووووون بسسس يوقفون شوي ويقولووون ماما وبابا وتعالي وباي باي ويضربون بعض هههههههه
ويغارووووووون من بعض وحدة عندي تعض الثانيه والثانيه مسكينة ماتوب كل شوي حاطه صبعها بحلق اختها وانا اسمع الصراخ واركض هههههههههههه فديتهم والله

[الفراشة الجميلة]

هلا فيكم أمهات التو ينز كيفكم وكيف التوينز
أنا الحمد لله أولادي كويسين وبدأت الشقاوه من جد واحد منهم شقي ويضرب اخوه والثاني دلوع مرره وبس يبكي وإخوانهم الكبار مبسوط ين عليهم ماعدا البنت الي اكبر منهم على طول مرره ماتحبهم عجزت أولف بينهم وأقربها منهم تكرهم وتضربهم تعبت منهاا مره الله يصلحها
المهم واحد من توأمي الحمد لله صحته كويسه بس ذبحتني السعابيل مرره يسعبل مرره كل شوي أغير ملابسه عندكم حل تكفون

[رواسي]

هلا حبيباتي أحلى تجمع الله يصلحهم
انا توأمي كملو 9 شهور باقي 10 ايام وندخل في الشهر العاشر
صحتهم تمام ولله الحمد
بس واحد اضعف من واحد
وواحد طلعله أسنان والثاني لا
يجلسون زين ويحبون زين مشاءالله
بس النوم للحين معذبيني سلم واستلم وهكذا

[حبيب قلبي عبود]

هلا وغلا احلي توينز لا مااهملت الموضوع الله يشفيه ويساعدناااااا جميع ويبغنا برهم يارب

[نونة العسولة]

صباح الورد شلونكم مامات

حبيب قلبي عبود عورني قلبي على ولدج وعينه يعني مافي امل ان يشفى بدون نظاره.؟ والنظاره يتم يلبسها طول العمر.؟

اي انا حامل مابقى شي وحيل تعبااااانة ثقيله صايره حيييل ومع التوام تعب دبل الله ياجرنا


احلى توينز

اي راح الكثير ومابقى الا القليل ان شاء الله بس حيل هالفترة صعببببه .. ضيق النفس والثقل
والالام بالحوض وتقلصات ذبحتني خايفة لا اولد قبل موعدي ..

وبنتي تعبت نفسيتي وصج ماادري شسويلها 24 ساعة تلحقني وين مااروح وتبجي تبيني اشيلها

اوقات اشيلها بس مااقدر ثقيله اسم الله عليها والدكتورة مانعتني اشيل اي شي ثقيل مو زين على المشيمة

اذا اطنشها تقعد تبجيييي اخر شي امد ايدي عليها واتندم ..

قلت اسجلهم حضانة بس ابوهم مو راضي يقول صغار خليهم يكملون سنتين على الاقل اوديهم عند اهلي واهله

بس مو دائما الحين فترة امتحانات والكل مشغول يمكن يتحملون ليان هادئه بس الثانية بجااااية ..