تجمع امهات التوام حياكم

[سآره]

امهات التوام انقذوني طعمت عيالي اليوم تطعيمة الشهرين وارتفعت حرارتهم وتورمت فخوذهم مرره متنفخه ماادري شسوي عطيتهم خافض للحراره وحطيت كمادات دافيه لرجولهم وحطيت فكس بس مافي فايده ساعدوني

[زود الغلا]

سارة رديت عليك بتجمع الحوامل .

[جومانا]

سلاااااااام وحشتوووني كلكم
ااااااااه يازين ايام الحمل عند مقارنة بالتعب اللي الحين عايشة فيه
سارة نفس اولادي لما طعمتهم الشهرين بس خليكي على خافظ الحرارة كل 6ساعات

[زود الغلا]

جومانا .......... وحشتينا ..شلونك وشلون الحلوين ..قرتي تسيطرين على الوضع ؟؟شلون نومتهم..؟؟

[سمسمه مسمسمه]

اخواتي السلام عليكم
انا اختكم اسماء من مصر
حامل في الشهر الخامس
وان شاء الله حامل في توأم
انا فرحانه بيهم اوي ونفسي ميعاد الولاده ييجي بقي
نفسي اشيلهم في حضني لأني حملت فيهم بعد سنتين ونص زواج
بس عندي مشكله خايفه منها اوي
خايفه من الولاده المبكره نفسي اولد في التاسع
ياريت اللي عندها نصيحه تقولهالي ازاي اتجنب الولاده المبكره
الله يخليكم ما تطنشونيش

[joumana]

السلام عليكم انا حامل بتوأم وان شاء الله بعد اسبوعين تقريبا اعرف شو عندي اريد نصائح منكم كيف عم تقدروا تربوا توام وشكرا

[زود الغلا]

سمسة ..... الله يتمم حملك ويهون عليك بصراحة حمل التوام من بدايتة لماتولدين وانتم بافكار غريبة وخوف غريب في البداية تخافين من الاجهاض وبعدها تخافين من الولادة المبكر كلنا مرينا بنفس الشعور توكلي على الله واوديعهم لله الذي لاتضيع ودائعه هو الحافظ وليس نحن ... وارقيهم واقري المعوذات وحاولي انك ترتاحين قد ماتقدرين ولا تطلعين كثير ولالالالالا للعصبية والغضب لانها تجيب الطلق والله يحفظهم .

[زود الغلا]

جومانا الله يحفظلك توامك ...ولا يكلف الله نفسا الا وسعها وحمدي ربك على النعمه اللي الكل يتمناها ...وشيلي من بالك الاوهام انك مراح تقدرين عليهم في البدايه صعبة شوي وبعدين راح تتاقلمين على الوضع ومن تشوفينهم جدام عينك كل شي يهون وهي فترة بسيطة وتعدي والله يسهل علينا تربيتهم ياااااااااااارب .

[هيونه]

مساء الخير امهات ترى توني بس ان شاء الله باجيكم عن قريب قلت خل اجي اتعرف عليكم قبل ما اولد _^_^

[اول غرام]

البطاقة الشخصية :
نوع الحمل :حمل توأمي طبيعي ...
نوع الحمل التوأمي : في كيسين ومشيمتين مغلفين بكيس ...
مدة الحمل : 37اسبوع و5 ايام ...
نوع الولاده: طبيعي ولله الحمد ..
نوع المواليد :بنت و ولد ولله الحمد ...
أسمائهم : دانه و مشاري ...
وزنهم عند الولادة :2300 و 2400 ...
هل إحتاجوا إلى حضانة : لا ولله الحمد
نوع الرضاعة : طبيعية + حليب صناعي ...

[حب ومرح]

مشكوووووووووووووره

[سآره]

امهات التوينز ساعدوني الله يبلغكم في عيالكم كل خير

عيالي من بعد تطعيمة الشهرين صاروا مايرضعون يعني عادي يجلسون 9ساعات من دون رضاعه واذ1ا جاعوا يشربون نص اوربع ولايرضون يكمولون شسوي احس بصيح

[سآره]

هلا وغلا بغرومه منوره تجمع الامهات دوم ان شاء الله

غرومه وش نوع الحليب اللي تستخدمينه؟؟

[اول غرام]

سارونه
بالنسبه لي عادي ببكري صار معي كذا
اذا تعب وجته حراره مايرضع كثير
واذا رضع رجع الحليب كله ..
حنا الكبار اذا مرضنا مانشتهي ناكل ونشرب كيف الصغار !!
ان شاء الله ماعليهم شر ..بس اذا تطورت الحاله وديهم للدكتور
الحليب الي استخدمه لعيالي نوفالاك
بس ولدي مايشرب منه كثير اما البنت تشرب عادي ..

[سآره]

غرومه نفس حليب عيالي

بس غرومه واحد راحت حرارته والثاني تروح وترجع حيل خايفه عليهم وبالنسبه للدكتور من بعد التطعيمه وهم عند الدكتور بسبة حرارتهم وديتهم عشان ينزلون الحراره بالكمادات لان واحد صارت 40 والثاني 39 بس ماقال شي على لوزهم ياربي على هالعيال

[زود الغلا]

هلا وغلا غرومة شلونك مع الحلوين ؟؟
سارة .... مايشوفون شر عيالك الحرارة عادي بس ليش مايشربون وبقولك شغلة الاطفال في هالسن ما تجيهم لوز لانها م اكتملت لوزهم لي الحين .

[سآره]

اهلين زود

طيب ماتعرفين ليش مايشربون بيجنوني فجاه اثنينهم مايبون مميات ياربي وش الحل وش اسوي لهم؟؟

[زود الغلا]

اهلين زود

طيب ماتعرفين ليش مايشربون بيجنوني فجاه اثنينهم مايبون مميات ياربي وش الحل وش اسوي لهم؟؟

سارة والله انا انصحك اذا استمروا وديهم الطبيب منتي خسرانة شي على الاقل تطمنين.

[الوان الحياة]

سلاااااااااام لاحلى امهااااااااااات كيف التعب مع التوينز الله يجعله تعبكم اجررررر وتكفيرررر ذنوووب
حبيت اسااالكم عن ملابس التوينز شووو الي نااسبهم مقاااس نيوبورن او من 0الى 3
محتااارة مادري شوو اشتري ؟؟
شفت مقاااس نيوبورن حييييييييييييييل صغيررررررر و0 الى 3 اخاااف يصيرررر مبهدل ابي شي مزبووووووط وماابي اكثررر من الملابس
شنووووو تنصحوووني ؟؟

[محجبه]

الوان الحياه ربي يعينك التوام صعبييييين
انا بنوته عندي للحين تلبس نيوبورن والثانيه توها بدت تلبس من صفر لثلاثه وعمرهم اربع شهور

[حور العين]

سلام على الامهات الحلوييييييين انا انقطعت عنكم لانه في الفتره هذي ماعندي شغاله ومرررررررررررره مشغوله وماعندي وقت ادخل واسلم عليكم المهم كيفكم وكيف توينزاتكم الحلوين نا ان شاالله بكره حطعمهم حق ال6شهور ادعولي ربي يسهلي شغاله ممتازه وكويسه ,,,,

يالله البنات يبكون

[اول غرام]

سارونه
وش اخبار عيالك الحين..؟
ان شاء الله بخير..؟

[نـــــــارا]

شلونكم أمهات التوائم يا مكافحات؟ وحشتوني
أنا بديت أأكل بناتي الحين وأسبوع الجاي بيكملون ستة أشهر
وأسبوع الجاي بداوم في الشغل بس أحاتيهم لأن خدامتي ما وصلت ومانعينهم
عن البحرين بسبب الأوضاع

انتوا شلونكم؟

[زود الغلا]

هلا نارا ... شلون الحلوات ان شالله طبعهم صار احسن ؟؟؟ وبالنسبة للخدامات صرنا نفكر فيهم اكثر من نفسنا الله يعينا بس ..ويرزقك بالخدامة الحبوبة الحنونة على بناتك .

[أم مروان]

السلاااااام عليكم
كيفكم ياامهات التوائم
بسالكم واتمنى الاجابه انا حامل بتوام بنوتات الله يارب يحفظهم ويتمم على خير
انا ببدية الشهر السابع ومتخوفه من الولاده المبكره وماني عارفه متى وايش اجهز لهم
وخايفه من الولاده الطبيعيه مررره لانه اول حمل لي
يااااااااااااليت احد يرد علي ويريحني من التفكير
وان شاءالله مابنساكم من الدعاء

[نواعم النعومه]

هلا والله ام مروان حياك الله في التجمع انا ولله الحمد ام لتؤام كم يوم ويدخلون الشهر الخامس ولله الحمد
نصيحه اهم شيء الراحه الراحه لاتجهدين عمرك باي شي والله يسر امرك ياعسل
انا ولدت في الشهر التاسع ولله الحمد عمليه وكانوا يقولون يمكن ما تكملين الحمل الى التاسع وتولدين في السابع بس الحمد لله تيسرت من عند رب العالمين اللهم لك الحمد
واي استفسار انا حاضره للحلوات

[نـــــــارا]

هلا والله زود الغلا.. بناتي مجننيني متعلقين فيني وما يبون حد غيري والنوم شوي تعدل بس بعد يبيلهم وقت لين ينتظم عدل
انتي شلون كتاكيتج؟

أم مروان... كلنا تخوفنا من الولادة المبكرة... أنا من دخلت السابع جاني طلق مبكر وعطوني مثبتات وألزموني الراحة وأخذت ثلاث أيام من التاسع وولدوني
مثل ما قالوا لج اهم شي الراحة...
وبخصوص التجهيز أنا ما دخلت السادس إلا كل شي جاهز علي بس أولد رتبي أمورج وخلصي أغراضج باسرع وقت وبالسلامة ان شاء الله

[محجبه]

ناااااااااااارا شلونك وزود اخباركم وانتم يابنات وام خالد شلونك
بنوتاتي بخير مجننيني من ناحيه النووووم بس يصيحون وطعمتهم حق الاربع شهور
وبديت اعطيهم رز مصري اطبخ قد ربع كاسه شاي مع اربع كاسات ماي وبعدين اخلطهم بخلاط
ورضعتين باليوم مع حليبهم يمكن كل رضعه اخلط معها ثلاث ملاعق مع الماي يعني مااثقل
ولاتقولون خطر الخطر انك تتاخرين واذاجيتي بتعودينهم عالاكل رفضو
واذوقهم سيريلاك بالارز حق ميلوبا الصبح كل وحده ملعتين صغار اهم شي يتعودون
وببدا احط مع الرضعه بس بشوف بطنهم بيتقبل
وان شاء ناويه اسلق لهم خضار خفيفه يتذوقون ان شاء الله بس بصبر شوي شفت وحده مسويه لطفلها ابواربع شهور
ام مروان
الخوف لازم وانا خفنا وحنا ولدنا قبل بس الله الله بالدعا ولالحاح على ربي بالفرج والطبيعي افضل يليت يحصل
ولاتكثرين حركه قبل التاسع انا اليوم اللي ولدت باخر اسبوع بالثامن وخشو بناتي حضانه عشر ايام وللحين اجسامهم صغااااااار حيل وبسبب تنظيف البيت وقمت اغسل واطبخ واروش عيالي قلت بستغل شغاله جتني يوم بالاجاروطلعت للمستشفى بولاده مبكره وهي فالبيت ومدري جو اهلها وخذوها وانا بغرفة العمليه

[&*أم علي*&]

مساء الخير شخباركم
انا الحين في الاسبوع 37 وللحين ما ولدت شالحل تعبت وعادي يعني اتم لهالاسبوع؟؟

[نـــــــارا]

هلا محجبة وحشتونا
انا بناتي توني مبدية اعطيهم رز ميلوبا مذوب في حليبي اعطيهم بالصباح وجبة وبالليل وجبو ودخلت لهم الكوسا المهروسة وما حبوها الا لما خلطتها مع الرز والحليب وعلى مضض بعد وجربت الافوكادو بس ما حبوه ورجعوه بنفس الوقت

ام علي... عادي حبيبتي حدج الى الاسبوع 38 خاصة اذا ما عندج مشاكل وكل شي طبيعي.. زين لج يتمون ببطنج احسن من يطلعون مبكر.. الله يردج بالسلامة

[اول غرام]

ام علي
عادي جدا .. انا ولدت بنهاية الاسبوع 37
والحمدلله تيسرت من رب العالمين ... لاتستعجلين عليهم ..
ماراح يجون الا باليوم الي ربي كاتبه لهم ..
الله يتمملك على خير ان شاء الله

محجبه ونارا
يعني تنصحون ابدي اعطي عيالي اكل من بعد الرابع ..؟!
لان ولدي البكر طفشني .. ماصار ياكل الا يومني فطمته ولا معتمد على صدري لين سنه ونص .. حتى انه حيييييييل نحيف .. يكسر الخاطر ..
يمكن عشاني ماكنت اذوقه اي شي .. لين 6 شهور ..!!.؟

[اول غرام]

ام مروان
مثل ماقالولك اهم شي الراحه الجسديه ..
وابعدي عنك الخوف والوسواس ..
حنا تعبنا من الوسواس والخوف والقلق ...
حاولي تريحين من الناحيه النفسيه بعد ..
وان شاء الله ربي ييسر لك ويتمم عليك بصحه وسلامه

[بروفكشن]

اي سارووونه لا والله مابعد اطلع معاهم مجمعات وكذا تدرين صعبه. بس حدي اذا بروح بيت اهلي

[سآره]

طيب بتسافرون في الصيف ؟؟

[بروفكشن]

لا والله ماتوقع أسافر وانتي

[سآره]

ان شاء الله بسافر بس الله يعين ماادري شبسوي معاهم خايفه يفضحوني في الطائره خخخ

[سآره]

غرومه بتجلسين في بيت اهلك بس فترة الاربعين ولابتطولين اكثر؟؟

[بروفكشن]

اي والله الله يعينك شكلهم بيقولون لك سكتي عيالك احسن لك ههههههههه

[سآره]

بروفكشن تشغلين المكيف ولاللحين ووين تنومينهم معاك في غرفة النوم ؟؟

[بروفكشن]

سارونه انتي في بيتك ولا بيت اهلك وشكثر جلستي بيت اهلك

[بروفكشن]

اي اكيد اشغل حررر حتى اهم يحترون مايعرفون ينامون اي وياي ينامون

[سآره]

انا في بيت اهلي للحين جلست من وانا حامل في الشهر الثالث للحين

[سآره]

شلون زوجك يتحمل صياحهم مايقول شي؟؟

[هيونه]

متابعة بصمت عشان ماتقولون وش هالكرشة الي جتنا ^_^

[اول غرام]

انا ودي اجلس اكثر ف بيت اهلي يعني ابي اكمل شهرين
بس شكل زوجي ماراح يوافق
وسالفة التكييف احترمتهم باول الايام بعدين قلت لازم يتعودون على جو المكيف
هيونه
شدعوه بصمت سولفي معنا ولا ببط كرشتك خخخخخخخخ

[هيونه]

هههه تبطينها لا فديتك بانحاش اجل تصبحون على خير
^_^

[سآره]

هيونه حياك معانا

غرومه انا توني بديت اشغل المكيف اللي في الصاله بره الغرفه وافتح الباب شوي

[سآره]

بنات تخيلوا امس داقه علي خالتي تهاوشني تقول انا صج ماعندي الا 3عيال بس ترى عيني راده واطالع احد وماله داعي تخبين ممات العيال اذا جينا وامك اذا رضعوا تحطهم ورا ظهرها بنات حدي انصدمت خاصه اني ماسويت كذا احس ضاق صدري مرره شلون تفكر هالتفكيرطبت فيني طبه لدرجة جسمي قام يتنافض من كلامها وتفكيرها

[بروفكشن]

يلا ماعليه سارونه بعد شتسووين زي مره خالي تقولي ليه تجيبين قبلي

[سآره]

هههههه حلوه هاذي بس خالتي مو اول مره تسوي كذا حتى لما انخطبت تمت اسبوع كل يوم تدق تهزاني وتسكر لين انخطبت بنتها ارتحت شوي

[بروفكشن]

يووووووه هههههههههههههههه بعضهم يغارووون حييييييل حتى احنا في كذا اذا انخطبت وحده يغاررون مدري شالطبع

[سآره]

بروفكشن متى تنامين؟؟

[بروفكشن]

يلا اجل استاذن هذا بروح انام قبل مايجلسون شكلهم يمهدوون تصبحين على خير ساروووووونه

[سآره]

وانت من اهل الخير الله يعينك ويعينا يارب

[زود الغلا]

هلا والله بالغاليات اليوم متجمعين من وراي يوم ما دخلت كلكم داخلين ....اجل انا زعلت وابطلع هههههههههه لانه مافي احد قاعده اكلم نفسي .

[نـــــــارا]

حبيبتي أول الغرام انا أكلت بناتي بنص الخامس وكل اربع ايام اجرب شي...

[اول غرام]

ساره
انا مشكلتي مع التكييف ابي اعودهم لاني بروح بيتي وبنام بغرفتي وزوجي ماينام الا بجو بارد .. فصعبه يدخلون كذا
اشغله شوي واريحهم كثيير .. امس واحد منهم تعب وزكم واليوم كنه خف شوي
وبالنسبه لخالتك هي هذي نفسها خالتك اخت امك من ابوها اللي قالتلك اهم شي انك ولدتي وجو عيالك بالسلامه ...
اذا هي لاتشرهين عليها ولاتنافضين ... وخلي اذن من طين واذن من عجين ولا عليك منها ...
اهم شي اقري على عيالك وارقيهم حتى من اقرب قريب ..

زود الغلا
شفتي شلون الخيانه ..؟
اخبارك واخبار البنوتات الحلوات ...؟
بسألك غلاوي متى تحسين التوام يكبرون .. يعني بعد الاربعين ولا بعد شهرين ولا الخ ؟
آآآآآآآآخ متى بنتي تكبر والبسها واكشخها اهيء حيييييييل نتفه ربي يحفظها

[بروفكشن]

هلا والله بنات شخباركم شخبارك غرووومه وشخبار كتاكيتك. كم اوزانهم يوم جبتيهم انا بنتي نتفه

[اول غرام]

هلا بروفكشن
الحمدلله تمام وكتاكيتي بخير
بس الولد اليوم مدري وش فيه صياحه مب طبيعي ...
ومب قادر يتنفس ...
وبنتي يوم اجيبها وزنها 2400 ...
انتي من من عيالك الي وزنه كيلو ونص ..؟

[اول غرام]

هلا نـــارا
اخبارك واخبار اهل البحرين ..؟
يعطيك العافيه ع الافاده ..
نص الخامس حلوو .. وانا سمعت من كبار السن انو لازم تذوقين الطفل كل شي تاكلينه انتي .. عشان يتذوق الاكل .. ومايعافه تالي ..

[زود الغلا]

هلا غرومة والله بناتي يهبلون معذبيني وخرمت اذونهم ووحدة منهم وحدة من اذونها خرمها غلط :( على جنب فوق طاير حدة فشلتها وخليت الثانية وبروح بعد كم يوم اسويلها مرة ثانية ,, وبالنسبة للبس والكشخة لسة بد\ري بناتي لي الحين صغار وبدوا يكبرون اول ماطلعت من الاربعين تقريبا .

[بروفكشن]

انا ولدي وزنه نازل اول كيلو ونص الحين العكس البنت ضعفت صارت نتفه يقولون اللي تجيبينه ضعيف اهو اللي يتغير والثاني يضعف

[(سوسو)]

مساء الخير يا حلوات
كيفكم وكيف الحلوين
مبروك اول غرام مع انها متأخره
اخبارك زود الغلا واخبار الوردات
ما شاء الله اجل هذا وقت النشاط عندكم
اول مره ادخل والاقي جمعتكم

[بروفكشن]

هلا والله سوسو شخبارك حيااااااااك

[(سوسو)]

اهلين بروفكشن
تصدقين الكلام الي تقولين صحيح
بنتي كانت احسن من الولد الحين الولد صار مثلها في الوزن اسم الله عليه وهي صارت زيادتها بطيئه

[(سوسو)]

راجعة لكم بعد شوي

[بروفكشن]

اهذا بنتي نتتتفه وعطيتها حليب سيميلاك مايناسبها ترجعه الحين أعطيها بيبلاك. صارت احسن عليه اشووي بدت تتعافى

[(سوسو)]

اولادي في المستشفى عطوهم سميلاك صار عندهم امساك عطيتهم اياه اسبوعين بعدين غيرت لفيبي ملك استمريت عليه لين كملو شهرين هو حلو وماشي معاهم لا امساك ولا ترجيع الحمد لله بس لاني بغيت وزنهم يزيد غيرت ل اس 26 رجع معاهم الامساك الحين اعطيهم عصير برتقال مخفف بماء والحمد لله يخف الامساك مع ان الدكتوره قالت يتعب معدتهم قلت اذا كملو 6 اشهر رجعت لفيبي ملك

[اول غرام]

بروفكشن
انا بنتي جبتها اكبر من الولد بـ 100 غرام بس
الفرق بينهم بسيط ... بس الحين شايفه البنت يقالها بدت تتعافى
والولد لا مازال على ماهو عليه ...
استخدم حليب نوفالاك .. بس احس انه مايكبر ..

زود الغلا
يادين البنات الحلوين ...
ويادين الحلق عليهم ياناااااااااس ...
الله يخليهم لك يارب ... وتلبسينهم الذهب وهم عرايس

سوسو
حيا الله سوسو ام وعد ووليد
وش اخبارك وش مسويه مع الحلوين ..؟
الله يبارك بعمرك يارب ..
بالنسبه للحليب .. وحده من قريباتي تستخدم لعيالها حليب بيبيلاك
وماشاء الله يتعافون عليه ..
بس انا ودي انهم يكبرون شوي .. مابيهم يتعافون كثيير .. مااحب السمنه المفرطه

[اول غرام]

سارونه
انتي مثلي تستخدمين لعيالك نوفالاك ..؟
وش رايك فيه حلوو ..؟
حسيتي ان عيالك كبروا عليه وزاد وزنهم ..؟

[زود الغلا]

سوسو هلاااااااااااااااااااااااااااااوغلاااااااااااااااا ااااااااااااا وحشتينا شلون الحلوين ؟؟؟؟؟؟؟؟؟؟؟
غرومة .......... هههههههههههههههههههههههههههههههههههههههههههههههههه ههههههههههههههوالله ضحكتيني ماتحبين السمنه المفرطة .\
بنات انصحكم في حليب نوفولاك يهبلللللللللللللللللللللللللللللللل وبناتي ماشي معاهم ...وابتاميل يمدحونة بس ماجربتة ...
ابتعدوا عن سميلااااااااااااااااك لعب بعيالي قبل امساك ترجيع غازات عوار بطن بكي على طول من غيرته وعيالي شايفين الراحة .

[اول غرام]

غلاوي
انا بعد احس نوفالاك مرررررررره ممتاز ..
بس خوفوني بالنت كاتبين انه مسرطن و فيه جرثومه
انتي وشلون منسقه موضوع الرضاعه بين الثنتين
انا واحد يقعد والثاني ينام ومقضيه يومي كذا مااذوق النوم كلش ملش

[نواعم النعومه]

هلا والله حبيباتي انا الدكتور نصحني بحليب انا لاك ممتااااز
وانا ولله الحمد بديت مع عيالي من بداية الرابع بسيريلاك بالارز
وباذن الله من الاسبوع الجاي بابدا اعطيهم خضار مسلوقه ورز مصري
يالبى قلوبهم
بنات ياحبي لتجمعكم ربي لايحرمني منكم

[بروفكشن]

صباح الخير لالحلى امهااااااات

[سآره]

اهلين غرومه ..بروفكشن ..زود الغلا..سوسو..نواعم النعومه

اخباركم واخبار كتاكيتكم ان شاء الله بخير اكيد نوم مافيه الله يعينا ويقوينا يارب

غرومه..لاهاذي خالتي اخت امي من امها وابوها موو قهررررررررر يالله الله يسامحها

حليب نوفلاك حلو وماشي معاهم لاتغيرين الحليب ترى يضرهم على قولة دكتورة الاطفال في الحرس تقول كل الحليب الصناعي نفس الشي اهم شي الطبيعي وانا الطبيعي مافي

زود..يالبى الاذان الصغنونه ياناس يشوقون الله يخليهم لك
بروفكشن..اخبارك ان شاء الله تمام
سوسو..نواعم جلسوا عيالكم ولا بدري على الجلوس الله يبلغكم فيهم كل خير

انا عيالي نومهم مقلوب وانا بعد راسي مقلوب ابي انام ياناس مانمت الا ساعه ونص راسي يعورني وعنوني تحرقني من قل النوم

اي صح غرومه ليش ماتخلين اهلك يمسكون عيالك وانت تنامين دامك في بيت اهلك استغلي الفرصه اذا رحتي بيتك ترى مااحد بيرحمك اسالي مجرب لايروح تفكيرك بعيد مارحت بيتي للحين خخخ

ايوه بنات المهم رحت لدكتور تجميل عشان بطني شكله وييييييييع مترهل كثير كثير كثير كانه بطن عجوز سالته عن عملية شد الجلد والله كنت اظنها شي سهل طلعت صعبه مره تصدقون شقها من بداية البطن الى نهايته يقول يفتحون البطن ويشدون العضلات ويسكرونه لالالاهونت تخوف مايمزح الدكتور يعني من جده اعدل الترهل اقوم اشق بطني يقولي ان بطني مافي دهون فيني كروشه من ترهل عضلات البطن يعني لو تنشد العضلات يصير مالي بطن ونااسه وزني صار 63تحطمت لاني مانزلت ادعولي يصير وزني 53باقي 10 كيلو الله يسهل

قرقت عليكم واجد بس احب افضفض لكم

[بروفكشن]

هلا والله سارووونه شخبارك انا تمام اي لازم من هالكرشه انا بعدها ماراحت والبطن مايحتاج ههههههه املح اي سارونه العيال يبيلهم والنوم قليل يالله تلقينلك وقت تنامين انا استانس اذا نامو وتوني بنام يجلس واحد وارضعه بنام يجلس الثااني. تععب الله يعيين بس اذا ادخلو الرابع يتعدل نومهم صحيح يسهرون لاكن ينامون يجلسون وقت الجوع

[زود الغلا]

والله يا بنات نومت بناتي خاااااااااااااااااااااايسة وانا كل عيالي كذي على كيفهم بعد اسبوعين يدشون الخامس .
غرومة ......... انا ارضعهم مع بعض وحتى لو الثانية نايمة احاول اشربها بعد ما اخلص من اختها على طول عشان يصيرلي وقت ارتاح فية .

[اول غرام]

بروفكشن
انا زي حالتك بالضبط يوووووووه والله من جد تعب
بس عندي ارحم من تعب الحمل ويييييييييييع على قولة ساره خخخخ

اما انتي ياسارونه مع الترهل ههههههههه
من جدك تبين تسوين عمليه ..
اذا انتي ماعندك ترهلات قبل الزواج و الحمل ابشرك راح تزول تدريجيا ...
انا كرشتي صغرت مع الرضاعه .. بس مو زي الاول باقي .. ومثل ماقالت بروفكشن البطن صاير اجلح املح خخخخخخخخخخ
يبيلي عناية ..من الاسبوع الجاي نبدى بالخلطات الي تفتح السواد الناجم عن الولاده ..
وعيالي اووووووف مطفشيني ... بسالفة النوم والرضاعه و كل شوي غيري حفايظهم الله يكرمكم هذا غير الصياح الي من دون سبب ..
والله جتني حالة اكتئاب منهم ومن ابوهم بعد ...

[اول غرام]

غلاوي
الرضاعه بوقت واحد احسها متعبه بنفس الوقت .. على انها توفر الوقت مثل ماقلتي
بحاول اضبطهم مع بعض لاني ارضع الولد طبيعي اكثر من الصناعي والبنت صناعي اكثر من الطبيعي ..
وناويه باذن الله اعطيهم 3 رضعات صناعي بس باليوم والباقي طبيعي
الهدف من الصناعي انهم مايستغربونه بيوم من الايام لاصار عندي ظرف طاريء
الله يعينا على تربيتهم يارب ...

[نـــــــارا]

انا احاول احيانا ارضعهم بوقت واحد بس اكثر الاوقات ورا بعض ونومتهم بعد مأساة ولا ينامون ... اما عن التعب حدث ولا حرج انا سهرانة وريلي راقد وطبعا اشتغل 24 على 24 ومازلت مخيمة عند بيت اهلي وشكلي ما برد بيتي ابد!!! الله يستر بس دام ريلي عاجبه جذي شعلي اريح لي! بناتي بيكملون 6 اشهر بعد يومين وانا للحين ما سويت لهم هوية وجواز!!!

[نواعم النعومه]

اهلين اي والله اما النوم حدثثثثثثثثثثث ولا حرج
طفش ما ارتاح ابد بس والله ياحلوهم صار وقتي زحمه
صار للحياة نكهه معهم الله لا يحرمني منهم يارب ويرزقني برهم

[بروفكشن]

صباحكم سكر يابنات سخباركم

[سآره]

هلا والله يروفكشن شخبارك وين الرقم شكلك نسيتي السالفه

[سآره]

زود الغلا طيب الللي مايرضعون وكل شوي يصحون شتسوين فيهم ماادري اجلدهم خخخ

نارا اخيرا شفت وحده مثلي مخيمه في بيت اهلها من شهور هههه نفس الحاله

انا طلعت لهم جواز ياحلوهم وياحلو صورتهم للجواز ودك تاكلينهم يدنون

[سآره]

غرومه احسن مو حلو فترة الاربعين كان ودي انتحر

[بروفكشن]

هلا والله ساروونه شخبارك معليش نسيت لاكن بكره ان شاء الله اجيب لك الرقم

ها شخبار العيال ان شاء الله ناموووو والله تعب الله يحفظهم

[سآره]

احذفي احسن مدري وش دخلها خخ

[بروفكشن]

شفيك ساروونه

[سآره]

ينامون ويصحون خلاص راسي بينفجر فيني صداع وامس رحنا استراحه وسبحت طويل في البركه وجسمي متكسر وفيني النوم ودي اسحب عليهم واروح انااااااااااااااااااااااااااااااااام ههههههه

[سآره]

اهلين بروفكشن والله ماادري احس الظغط عندي مرتفع

مب قادره اقوم على حيلي حيل تعبانه

[اول غرام]

اما يانارا من 6 شهور وانتي في بيت اهلك << ماكني طول حملي عند اهلي خخ
دام زوجك عاجبه مثل ماقلتي ارتاحي قد ماتقدرين ...

سارونه
فاهمه .. كنتي تبين تقولين احس مو حلوه فترة الاربعين وجت النون زياده مدري وش تبي
والاربعين حلوه بالعكس دلع وحركات ودايم منسدحه بس اللي مو حلو بالموضوع الخياطه اووووووف الم مب طبيعي..
عيالك الله يعينك عليهم .. انا ولدي مطفشني مثل عيالك .. مايرررررررضع
اليوم حطيت الرضاعه بفمه .. ومسوي نفسه يرضع الاخ واكتشفت انه جالس يلعب ... والله ضيع وقتي ع الفاضي .. وامي تقولي انا تعبت من ولدك .. << لان الصناعي تخصص الوالده الله يحفظها ماجربت اعطيه بنفسي خخخخ

بروفكشن
اخبارك واخبار العيال الحلوين ..؟
انا من قل النوم صارت عيوني مثل عيون ساره تحرقني
وماينامون الا اذا طار النوم من عينك ...

نواعم النعومه
وش اخبارك وش اخبار غلاوي وخلودي ..؟
هذا اول حمل لك ..؟

بس بنات بسألكم ..
وش نظامكم بالنفاس ...؟
يعني تنظيف الارحام من الدم تكرمون وهل استخدمتوا تحاميل مثل الملح او التحاميل السوداء او هيك شي ..؟!

[نـــــــارا]

ساره ايه والله وشكلي ما برد بيتي الا بعد كم شهر بعد...
بحاول بكرة اصور بناتي باستوديو عشان الجواز

[بروفكشن]

الله يعينك سارونه ويعيناكلنا لازم العيال تعب الله يحفظهم. هلا غرومه تمام وانا عيوني بعد تحرقني فيني النوووووووووووم ولا ناامو

[بروفكشن]

مساء الخير ياامهات في احد هووون

[اول غرام]

انا هووووون

انتي مازلتي هوووووووون؟؟؟

[بروفكشن]

هلا غرومه شخبارك وأخبار الحلوييين وكم صارلك طلعتي من الاربعين ولا

[اول غرام]

سوري بروفكشن
كتبت رد وصاح ولدي يبي تغيير ورضاعه وبعده البنت يوووه تعبت
عيالي بخير ةلله الحمد
انا توي 18 يوم .. مابعد اطلع من الاربعين
انتي اخبارك ... والنونوات,,.؟

[بروفكشن]

تووووك الله يعيينك الاربعين تعععب. اي لازم من التعب غرووم اذادخلو الشهر الثالث اشوي يطولون في النوم. *

[بروفكشن]

العيال تمام انتي ولدك شين ولا بنتك ولا اثنينهم

[اول غرام]

انا بنتي شينه وماتناااااااااااااااااااااااااام ... واذا نامت كل شوي تصيح ..
اما الولد كان نوعا ما هادي والحين صار زيها ...
انتي بروفكشن متى طاحت خيوطك ..؟
وش كنتي تستخدمين عشان تطيح ..؟

[بروفكشن]

الله يعينك انا اول ولدي شييييييييييين والبنت أهون الحين بدت تصيييييح. واصراااخ. الخيوط تقريبا من خذت15 يوم تقريبا بدت تطيييييح وماستعملت الا مررهم*

[اول غرام]

يقولون الصاحب ساحب
ليت الهادي سحب المزعج ...
انا استخدم مرهم ميبو .. وخلطة الخواجوا مع زيت الزيتون
انتي وش مرهمك..؟

[بروفكشن]

أمم نسيت اسمه اهو كرتون صغير والكتابه بالأخضر لاكن ماذكر اسمه

[اول غرام]

امممممممممم بيتادين..؟

[بروفكشن]

والله مادري كااانه

[اول غرام]

طيب وش رايك الرضاعه الصناعيه بالليل افضل ولا الطبيعي ..؟
ناس يقولولي ان الصناعي افضل وقت الليل عشان يطولون بالنوم ..
وناس تقول لا الطبيعي افضل بالليل عشان يحسون بالحنان
ومدري وش الدبره ..؟

[بروفكشن]

الله يسلمك الصناعي احسن لهم ولك انهم يشبعون ويناموون لو الطبيعي انتي بتتلعوزين واهم مساكين مايشبعون وبيجلسون بسرعه لك

[بروفكشن]

انا صراحه أرضعهم صناعي في الليل علشان يشبعون وجربت أرضعهم طبيعي بسرعه يجلسوون مانام عدل شوفي انتي عطيهم صناعي وفي النهار طبيعي نسقي علشان توازنين.

[بروفكشن]

ولا بصراحه الطبيعي اسرع من انك تقومين ولعواز وتسوي الرضاعه بس اهم مايشبعووووون. انتي توهم صغار بسرعه يشبعون رضعيهم انتي اذا صار في حليب صج خل ياخذذون حنان واذا حسيتي انك مافيك عطيهم صناعي بس حاولي تاكليييين وتشربون سوائل كثير علشان يجيك. تصدقين انا الدكتوره عصبت يوم درت ارضعهم. صناعي قالت كثري من الطبيعي ولو تقدرين ابتعدي عن الصنااعي

[نواعم النعومه]

انا للاسف ما كنت مرضعتهم طبيعي عشان كنت تعبانه ويعطوني كرتزون
اول غرام هلا والله فيك ياعسل والحمد لله على سلامتك
هذا اول نفاس لي بعد زواج دام 8 سنوات ولله الحمد طبعا الولادة عملية

[الامل بالله]

السلام عليكم ورحمة الله

اخواتي حبيت أسالكم انا حامل ومعي سكر ويكون بعد الاكل 300 وخايفه على اوزان البيبيات
هل يضر على صحتهم وياترى هل يولدوني بدري

هل منكم صار معها كذا وهل منكن جابت تؤم كل واحد بكيس وكل واحد لهمشيمه بروحه وهل كانو نفس الجنس وهل هم متشابهيين انا الى الان لاعرف هل هم مشيمه واحده او اثنين مره تقولي كل واحد مشيمه ومره تقول كلهم بمشيمه

[بروفكشن]

هلا والله فيك. اللي مشيمتين يصيرون مختلفين في الجنس او متشابهين اما اذا كان مشيمه وحده يصير نفس الجنس ومتشابهين

[نواعم النعومه]

اهلين صباح الخير انا مشيميتين مختلفات وجبت ولله الحمد احلى خالد وبنوته غلاتي
ولا يشبهون بعض بس اللي يشوفهم يدري انهم توائم
الله يحفظهم يارب
بطلع بعد شوي عشان التطعيم تبع الاربع شهور

[نواعم النعومه]

وش في التجمع نايم بالسلامه
الله يستر عليكم كل هذا عشان العطله

[بروفكشن]

صباح الخير بنات في احد ولا

[نواعم النعومه]

نوووووووووووووووووم لاعب فيكم
بنات بقولكم مشكلة عندي



بعد النفاس جنبي اليسار فيه الم وتنميل رحت لحرمة تمرخ قالت يمكن ميله في الرحم بعد العمليه حاطينه بالجهه اليسرى
وانا الى ها الحين الم فضيع
رحت المستشفى اعراض عرق النساء وانا والله الالم مايخليني اخذ راحتي مع عيالي في لعبهم
الم فضيييييييع
من مر عليها مثل حالتي وتشافى الله يستر عليكم

[بروفكشن]

صباح الخيييييييير شخباركم بناااات. ماتتجمعون عسى المانع خيير. نواعم مادري ماتشوفين شر

[زود الغلا]

صباح الخيرات
شلونكم امهات ؟؟
نواعم عادي اللي فيك يمكن ميلان الرحم لانهم توام وهم في بطنك واحد اكبر من الثاني فالجهة اللي كان فيها البيبي الاكبر تكون مايلة اكثر انا بعد كني وقالي الدكتور اغلب حمل التوام تصير فيهم هالحالة لا تخافين واحتمال من ابرة الظهر اذا كنت ماخذتها مفعولها بالجسم تقريبا 6 شهور عوارها يتركز بالرجل والاجناب والله اعلم .

[أم مروان]

نواعم النعومه
نار
محجبه
جزااااااكم الله الف خير عالرد
ماقصرتم

[شازل]

السلام عليكم ورحمة الله وبركاته ... وبعد :

أخباركم بنات وأخبار توائمكم ؟؟؟ عساكم كلكم بخير ويبعد ربي الشر عنكم ...
أنا أولادي صاروا ستة شهور وبإذن الله راح أبدأ أوكلهم ... الحمد لله كبوا اليوم أخذت وزنهم صاروا واحد ستة وخمس غرامات والثاني ستة وثلاث غرامات ... فيهم إختلاف بسيط جدا أنا أفرق بينهم وهالحين زوجي شوي شوي بدى يفرق ... أنا أولادي واحد يقوم والثاني ينام ثم ينام الأول ويقوم الثاني يلعب ... شكلهم بيطلعون عكس بعض ... الله يستر ...

المهم كيفكم أنتم ووش مسوين وكيف توائمكم ؟؟؟ هل بدأو يجلسون أو يزحفون ؟؟؟ وين الناس اللي كانوا معي ؟؟؟

نواعم ... أزال الله ألمك وشافاك وعافك ..
إقرائي على نفسك المعوذات ودلكي رجلك بزيت زيتون مقرئ عليه ... أما عن السبب فلا أعرف ولا أعلم ...

بروفيكشن ... حفظك الله واسعدك ...
أعتذر عن غيابنا قد يكون بسبب أنا أولادنا كبروا ويحتاجون منا أن نقضي معهم كل وقتنا فلا نجد وقتا للراحة أو لدخول النت أو للرد لكن لم ننساكم فدعواتنا معكم ونقرأ ردودكم ونتطمن عليكم ...

[نـــــــارا]

هلا والله شازل توائمك قد توائمي بناتي كملوا ستة أشهر وحدة وزنها صار 6.6 والثانية 6.3 تقريبا نفسك وانا وحدة هادية والثانية عصبية وبدأوا يجلسون على خفيف ويزحفون ويقلبون على بطنهم.... بسألكم تطعيم 6 اشهر يسبب ترجيع غير الحرارة؟؟ لأن بناتي من تطعموا وهم يرجعون ترجيع مو طبيعي ومع انهم ياكلون بس صايرة نفسه منسدة وكل شي يرجعونه.... خايفة ومادري شالسالفة هل هو نوع من الأكل أو مرضانين أول بسبب التطعيم؟؟؟

[سآره]

صباح الخير امهات التوام اخباركم؟؟

ماادري ماتحسون ان التوام واحد هادئ والثاني مزعج وعصبي ؟؟

[أم الحلوات]

يسعدني انظم لكم
وهذي قصة ولادتي ذكرتها في تجمع حوامل التوام


السلام عليكم

حبيت اخبركم أني ولله الحمد ولدت بقيصرية وجبت بنوتتيين
يوم السبت دخلت تنويم المساء ، والأحد الصباح سويت العملية
وبناتي شفتهم اول يوم لما فقت وحولي أهلي واهل زوجي وكل احبابي وكنت مرتاحه ومبسوطة ولله الحمد أن بناتي بخير
ولكن قدر الله وماشاء فعل
اليوم الثاني اتفاجأ فيهم ماخذينهم للعناية الخاصة
والسبب أن أمعائهم ماتحملت الحليب وصار عندهم انتفاخ في البطن
ويبغوا يصومونهم عن الحليب ويعيشوا على المحاليل فترة
وبعد كذا يعودونهم على المص وبالتدريج يعطوهم الحليب
بصراحة كلام الدكاترة مو مريحني ولامقنعني
لأنهم جو بعد ماخلصت 37 اسبوع و6 ايام يعني ماشاء الله مكملين اسبوعين من التاسع
واوزانهم جيدة ومناسبة لتوأم وحده 2300 والثانية 2400
وفحوصاتهم طوال فترة حملي دائما سليمة

رحت شفتهم في العناية وكانوا في وضع يصعب على كل أم
واليوم كتبوا لي خروج وقبل اخرج مريت وشفتهم وثنتينهم بكوا اليوم مع اني يوميا اجيهم ويكونوا هاديين وناييمين
ماقدرت اتحمل وطلعت وانا مخنوقة ونسيت حتى استودعهم الله وادعي لهم
اليوم جد نفسيتي في النازل صورتهم كل شيء تجي قدامي وهم يبكون ويتوجعون
دعواتكم يابنات لاتنسونهم من الدعاء الصادق ان ربي يقر عيني فيهم وهم في حضني بصحة وعافية

[أم الحلوات]

ياأمهات طمنوني هل فيه وحده فيكم اطفالها دخلوا العناية وهم مولودين في التاسع واوزانهم جيدة مثل اوزان بناتي
وإيش كان السبب ؟!!

[نـــــــارا]

الحمد لله على السلامة ام الحلوات ولا تحاتين بناتج هم بحفظ ورعاية الرحمن... حاولي ترضعينهم من صدرج ما عليج منهم في اطفال عندهم حساسية من حليب القر والصناعي بشكل عام حاولي تعطينهم منه ولو تشفطينحليبج وتشربينهم اياه لان حليبج افود لهم

[بروفكشن]

مساء الخير ياامهات شخباركم


سارونه شخبارك اي لازم يكون واحد هادئ والثاني مزعج سبحان الله لازم ولا تتعبين. بسالك الحين حبوب منع الحمل حق الرضاعه. ماتحمل الوحده عليه ولا انا احس الدوره تاخرت. الله يستر من زمان مغتسله ولا الحبوب تأخر الدوره

[بروفكشن]

بنات عندكم خبره عن حبوب منع الحمل مكيرولوت وهذا مضمون ولا

[اول غرام]

بروفكشن
وش سالفة حبوب الرضاعه ..؟!

سارونه
انا بعد زيك واحد اهدى من الثاني
البنت صياحه والولد صياح بس مب زيها .. يعطيك فرصه ع الاقل تنفسين خخخخخ
و

[سآره]

بروفكشن مبروووك الحمل هههههههه

لاحبيبتي ماعندي فكره عن الموانع واذا على الدوره انا بس جاتني اخت النفاس ومن بعدها ماشفت دوره

[بروفكشن]

صباح الخير ساروونه لاااااااااااا فال الله ولا فالك حللت مو حامل الحمد لله. شخباركم بنات

[نواعم النعومه]

بنات اا الدورة متاخررة علي الله يستر والله بطلع اليوم للدكتوره احلل
والله ضايق صدري مدري وش السالفه
والم البواسير لاعب فيني
ورجولي فيها الم كثير يالله حسن الخاتمه
صايره كاني عجيز كل شيء يعورني

[شازل]

أهلين نارا ... عافا الله توامك وجعلهم بصحة وعافية ...
أنا لسى ما طعمتهم الشهر السادس لأن كان فيه تطعيمه ناقصة فطعمناها قبل أيام يعني بعد شهر نطعم حقت الشهر السادس ...

أم الحلوات ... رد الله لك توأمك وجعلهم بصحة وعافية ...
لا أعرف عن السبب لك دعواتي معك ...

بروفيكشن وسارة ونواعم ... تأخر الدورة صارت قديمة عندي الخبر الجديد إني حامل مع كل الموانع ... الللي يكتب له ربي الحياة يجي مهما نرده والحمد لله على جميع نعمه وكان الله في عون على الحمل والولادة والتربية والرعاية لجميع أولادي

[سآره]

شازل ياقلبي عليك توك ماريحتي من التربيه الله يعينك ومبروك الحمل

[بروفكشن]

هلا باللامهااااات شخباركم

[سآره]

هلا وغلا بروفكشن شخبارك شمسويه مع العيال؟؟

بسالكم متى اشتري لعيالي العاب يعني الحين باقي لهم كم يوم ويكملون الثالث ماادري شالاعاب المناسبه لهم ومن وين اشتريها؟؟

[محجبه]

صباااااح الخير على الامهات الحوامل والمرضعات
شلونكم اخباري انا والكتاكيت فارضين حضر الزيارات لاطلعت بالخميس نكدو علي شكلي ببطل طلعه
بديت اذوقهم عصير تفاح مخفف وكوسه مطحونه ومخففه واحليها بعد دلع

شزوووووووول شلونك وش هالخبر يارب تكون بعونك والله حاطتك اكبر حافز ومشجع كلما انهكتني التربيه اقول بصبرشوفي شازل ماشاءالله
لكن الحين اشد ياعمري ماامدى عمليتك تخف
شلون يعني مااكلتي حبوب ولاوشلون خفت على روحي لاني اكل حبوب ضعاف الله يستر والله تعب بعد توام الله يكون بعونك

[شازل]

أهلين بنيات ... سهل الله التربية وزادكم قوة ونفعا ...
سارة ... الله يبارك بأعمالك ...

محجبة ... حيا الله من زارنا ...
الحمد لله على كل نعمة ، ويكتب ربي بكل شيء خير ... أكلنا حبوب والعزل أيضا ، بس نحن نريد والله يريد ويفعل الله ما يريد ويكتب لنا فيه الخير الكثير ... حكمة ربي وهو أعلم بها ... أدعوا الله لهم أن اربيهم أحسن تربية ... وربي متكفل لي بكل شيء قال تعالى ( نحن نرزقهم ... ) ولم يحدد الرزق بالمال فقط بل جعله مفتوحة ... يعني يرزقهم العلم والاخلاق والصحة والعافية والمال والجاه وكل ما يحتاجونه - هذي نظريتي - وإذا حملت بعد العملية بثلاث أشهر فأكيد فيه خير وبركة ورحمة لي وراح يسهل علي ربي كل شيء...

[اول غرام]

شازل
الف مبروك الحمل .. وربي يجعلهم من اهل الصلاح ان شاء الله
ويهون عليك ويمر عليك الحمل خفيف وماتحسين به اللهم امين
وكلامك صحيح ان الله فعال لما يريد .. وماتدرين وين الخير فيه ..

[نواعم النعومه]

الله يكون بعونك ياشازل
وهلا ومرحبا يامحجبة من طول الغيبات جاب الغنايم والله اني اشتقت لك ولعلومك الزينه
ابشركم رحت للدكتورة وسوت تحليل الللهم لك الحمد طلع نقتف سالب
الله يرزقنا بس باذن الله بس بعد سنتين ثلاث والله يكتب اللي فيه خير وصلاح

[محجبه]

هلا والله بكا احباااابي
والله ماطولت وانا دايم احوس بالتجمع بس شفت امنا شازل والعالم بدت تختفي لهيتو بكتاكيتكم ربي يخليهم لكم صابني كسل
شلونك شزول يارب تكون بعونك اهم شي القناعه وانك ماجزعتي ورضيتي بكتبه ربي وماشاء الله عليك نادر امثالك صابره الله يسهل عليك الحمل
وايام تمشي وبعدين تحمدين ربي ووش صار على رجيم الزبااادي ونخاله زين اجربه لاني نحيفه بس بطني رايح وطي كله شقووووق وخاريط وش الحل واسود مثل الكحل شوهته ههههه
الصراحه للحين احاول اغطيه عن ابو الشباب اخاف يتذكر ايام زمان والرشاقه والله لوتشوفون سري مثل البيضه واااااو وش الحل
انا بعيالي قبل كنت احمل رغم الموانع وكنت يضيق صدري لاحملت ويوم كبرو وخف تعبهم قلت يالله لك الحمد اشوني جبتهم قبل رغم كل واحد بينه والثاني سنتين

بنااااات انا اكل احبوب مرفلون بس قبل تجي الدورة بايام يصير معي دم ربي يكرمكم خفيف وازمل من زوجي اش اقوله
سالت الدكتورة قالت ضعف ببطانه الرحم صح كلامه تقول كولي حبوب قويات ياربيه واش اللي يقوي بطانه الرحم لوو كلامه صح
شلونك نواعم ام خاااااااااااالد عاش من شافك ياختي انتي المفروض تحملين من شان تملين البيت من عقب الايام الخوالي ولاتوحشين يمكن خيرة لك
هاه شلون الكتاكيت عطينا علومهم

[سآره]

بنات بقولكم شي بس اخاف تكفخوني احس اشتقت للحمل وان بيبي يتحرك في بطني شعور حلو بس لاتخافون ماراح اتهور خخخخخخ

[الامل بالله]

السلام عليكن اخواتي ورحمه الله بركاته

حبيت سالكن من فيكن لما كانت حامل غلط معها السنار مثلن قاللها بنات وطلع تؤامها ذكور او قالو لها واحد ذكر والثاني بنت وطلعوا كلهم بنات او ذكور
تكفون طمنوني الله يخلي لكم عيالكم ويصلحهم

[بروفكشن]

صباح الخيرات ياامهاااااات

[نواعم النعومه]

مساء الخير على الجميع
اشتقت لعلومكم وعلوم البزورة
:)
محجبة
اللهم لك الحمد عيالي تمام الصحه ةالعافيه الولد نومه قلق ضحك في النهار كل يستانس على ابتسامته وانا بالليل اتلقى الصياح والخوف الله يستر عليهم
ويهديهم واجعلي اشوفهم هادين مهتدين دينين مصلين مسمين

[زود الغلا]

السلاااااااااااام عليكم
وحشتووووووووووووووووووووووووووووني كلكم بدون استثناء .ما فقدتوني صارلي فترة غاطة عنكم .
امي الغالية وعمري وحياتي راحت لبيتها لانها كانت عندي من ولدت لما صار عمر بناتي 3 اشهر ونص الاسبوع اللي طاف راحت لانه ختي ولدت الله يعين امي و يخليها لنا ماقصرت ...بس تصدقون ما حسيت بالامومة والتعب الا يوم راحت لاعاد انام ولا اكل ماعندي وقت كانت مريحتني .
انا عن نفسي اخذ حبوب مانع اسمها بيلارا جننوني اعصااااااب على طول ويوم الاربعاء الجاي ان شا الله بركب لولب وارتاح .

[زود الغلا]

ام الحلوات الحمدلله على سلامتك واااااااااااااااااالف مبروك الحلوات ماشالله كل شي زين ويمكن على كلام الدكاترة ماناسبهم الحليب ومافي وضعهم شي يخوف انشالله مافي الا العافية .والله يحفظهم ويخليهم بصحة وعافية .

[سآره]

اهلين زود الغلا والله دايم على بالي فكرتك سافرتي اخبارك واخبار العروسات

[بروفكشن]

هلا والله زود لك وحشه وين مختفيه يالدووبه شخبارك وأخبار كتاكيتك اخبارك سارووونه وان شاء الله العيال اهدأوووو

[سآره]

هلا بروفكشن بسالك بديتي تاكلين عيالك؟؟

[سآره]

ماادري عندي عيالي مايرضعون شرايكم اوكلهم؟؟؟ولا تو الناس

[سآره]

بروفكشن مشكوره حبيبتي على الرساله

[بروفكشن]

لا تو الناس على الاكل. ليه انتي مايرضعون يعني. العفو. ترى. المكتب مضمووون

[سآره]

والله ماادري شفيهم فجاه كذا صاروا مايرضعون اول كان واحد يرضع والثاني لا الحين لثنينهم والله معورين قلبي يصيحون جايعين بس مايرضعون احترت معاهم

[اول غرام]

اخباركم بنات
زود الغلا والله لك وحشه وانا فقدتك بس بقلبي ... ومثل ماقالت ساره حسبتك مسافره
اخبارك واخبار الحلوات ..؟

بروفشكن
اخبارك واخبار عيالك ..؟

ساره
انا ولدي بالاول مااكان يرضع ..
وامي تعطيه تمره مع مويه دافيه وبعدها صار يرضع شوي احسن من الاول
جربي ترى التمر مفيد وزين ..
على كذا عيالك ماكبروا ..؟!

[بروفكشن]

هلا والله غروومه شخبارك وأخبار عيالك. ساروونه غصبيهم لمن يتعلمون يرضعون

[سآره]

يووووو والله اقعد ساعه كامله اشربهم وزين اذا شربوا واحد ماتنصحوني اوكلهم؟؟؟

يبيلي اجرب التمر مع الماي

[اول غرام]

لا وش الي توكلينهم الحين ...؟
توهم صغار

بروفكشن الحمدلله تمام ..
مناوبات الله يعيني عليهم ... واحد ينام والثاني يصحى ..

[بروفكشن]

طيب سارونه ولا يرضعون منك

[سآره]

لا مابغوا صدري لان مادر لي حليب

[بروفكشن]

غروم شلون نظامك معاهم على الرضاعه طبيعي ولا صناعي

[بروفكشن]

يوو حسافه ولا الطبيعي حييييل ينفعهم. حشا شنو عايشين عليه مايرضعون اجل شتسوين ذليه ماينامون من الجوع شلون نظامك معاهم

[سآره]

بروفكشن نسيت اسالك شسم المكتب؟؟

[سآره]

والله تعذيب الله يعين ماادري شجاهم وعلى النوم كل ماينامون يقعدون اجل انا ابي شغالتين من فراغ

[اول غرام]

انا ارضعهم طبيعي
الا اذا جاعوا بنفس الوقت واحد طبيعي والثاني صناعي
واذا قل الحليب بصدري بس

[سآره]

صدري للحين في نقط حليب اذا عصرته ماادري شسوي فيه تتوقعون هو اللي مكبر صدري يعني اذا نشف الحليب صدري بيصغر

[اول غرام]

حاولي ساروونه عيالك يرضعون من صدرك
اسألي اخصائيه وشوفي وش المشكله ..
يمكن عيالك ماينامون من الجوع مثل عيالي .. صدري مايشبعهم ينامون شوي ويجلسون يصيحون .. الله يعين

[الامل بالله]

تكفوووووووووون ردوا علي

السلام عليكن اخواتي ورحمه الله بركاته

حبيت سالكن من فيكن لما كانت حامل غلط معها السنار مثلن قاللها بنات وطلع تؤامها ذكور او قالو لها واحد ذكر والثاني بنت وطلعوا كلهم بنات او ذكور
تكفون طمنوني الله يخلي لكم عيالكم ويصلحهم

[نواعم النعومه]

بنات حبيت اقولكم اذا عيالكم ما يرضعون زين غيروا حلمات الرضعات لان بعضها ما يرتاحون عليها زي عيالي اول ما جبتهم ما يرضعون زين غييرتها ولله الحمد تغير وضعهم افضل ماركه من رايي ناك Nuk
حلوة ينزل منها الحليب بشكل متوازن للطفل

[جاذبية الأرض]

سلااااااااااااااام
ولله الحمد أنا ولدت وانتقلت من منتدانا السابق تجمع الحوامل التوأم إلى أمهات التوأم .......
وكانت تجربة الحمل صعبة والولادة أصعب وما بعد الولادة أصعب وأصعب والله يكون بعون كل الأخوات اللي عندهم توأم .
ولنا تواصل مستمر ان شاء الله .

[زود الغلا]

سلااااااااااااااام
ولله الحمد أنا ولدت وانتقلت من منتدانا السابق تجمع الحوامل التوأم إلى أمهات التوأم .......
وكانت تجربة الحمل صعبة والولادة أصعب وما بعد الولادة أصعب وأصعب والله يكون بعون كل الأخوات اللي عندهم توأم .
ولنا تواصل مستمر ان شاء الله .

اااااااااااااااااااالف مبروك والحمدلله على السلامة ويتربون بعزكم كله باجره التوام صعبيييييييين حييييييل الله يعينا عليهم .

[زود الغلا]

بروفكشن ...غرومة ...سارة ... وحشتووووووووووووووني شخباركم .
سارة غيري حلمات الممية حطيها مديم بيجون .وعطيهم ماي تمر يحبونة الجهال ...

[بروفكشن]

هلا وغلا بزوود اخبااارك. اشتقنالك. أحنا تمام انتي شخبارك وأخبار البنوتات

[اول غرام]

الامل بالله
انا ماغلطت معي دكتورتي .. قالت لي ولد وبنت وطلع كلامها سليم
بس عندك العضوه روعه ن توها والده وكانوا قايلين لها ولدين وطلع بنت وولد
والعضوه كيري قالولها بنت و ولد مره وطلعوا بنتين ..
هذا الي اذكرهم اذا ماخانتني الذاكره ..

بروفكشن
اخبارك وش مسويه

زود الغلا
وانتي اكثر واحشتنا ..

ساره
غيري الحلمات مثل ماقالوا البنات ..
جربي رضاعات افنت
انا عيالي يرضعون منها بس يوم غيرت لـ بيجون واستخدمت حلمات مقاس سمول
ماصاروا يرضعون ورجعت لافنت على ان حلماتها واسعه نوعا ما بس دامها عاجبتهم اوكي

[محجبه]

مبروك جاذبية الارض يتربون بعزكم

الامل بالله
انا قالو لي بنات بالسونار طلع صح
زود شلونك والبنوتات

[الامل بالله]

الامل بالله
انا ماغلطت معي دكتورتي .. قالت لي ولد وبنت وطلع كلامها سليم
بس عندك العضوه روعه ن توها والده وكانوا قايلين لها ولدين وطلع بنت وولد
والعضوه كيري قالولها بنت و ولد مره وطلعوا بنتين ..
هذا الي اذكرهم اذا ماخانتني الذاكره ..



اول غرام الله يجبر بخاطرك ويفتحها بوجهك انت الوحيده رديتي علي
الله يوفقك ياشيخه ويجعلك من كل ضيق مخرجا اللهم آمين

[الامل بالله]

مبروك جاذبية الارض يتربون بعزكم

الامل بالله
انا قالو لي بنات بالسونار طلع صح
زود شلونك والبنوتات


اختي محجبه الله يجعلهن من الصالحات وستر عليهن ويجعلهن قره عين لك بالدنيا وبالاخره

انا كل عندي بنات ولد واحد وتمنيت انهم كلهم ذكور بس الحمد الله قالو لي وحده بنت والثاني ولد الله كريم بس قالو الولد اكبر حجمن من البنت قلت يمكن صغير ميبان للحين لان احلامي كلها تدل ان حامل بتوم ذكور

[نواعم النعومه]

صباح الخير للجميع
كيفكم اليوم

[زود الغلا]

باركولي ..............واخيرا ركبت لولب ...بلاااااااااااااحبوب بلاااااااااااوجع قلب .
الامل بالله ... انا بالنسبة لي نفس السونار قالولي بنات وطلع بنات كل السونارات .

[سآره]

مبروك زود الغلا شلون يالم تركيب اللولب؟؟

الامل بالله..انا من الاسبوع 14 قالي الدكتور انهم اولاد مع ان واحد كبير وواحد صغير وكان الفرق بينهم بالسونار 8ايام

[اول غرام]

ساره
اخبارك انتي والعيال؟؟؟
ناويه تركبين لولب ..؟

[الامل بالله]

زود الغلا \ ساره

الله يتمم عليكن ويصلح ماعطاكن

الاخت الي تسال عن اللولب انا اقولها عن تجربه مايعور ابدا حتى تنزيله ماتحسين فيه

[دنيتي زوجي]

كتير حلو التجمع انا عندي توم بنات متشايهين عمرهن سنتين و7شهور واسماءهم دارين ولارين ومرة متعبيني وانا حامل شي اكيييييييد تعب الله يعين

[اول غرام]

مااشاء الله
الله يخليهم لك ويحفظهم ويتمم عليك حملك

[سآره]

لووووووووول غرومه لعبت عليك كتبت السؤال هناك روحي شوفيه وردي علي هنا

[اول غرام]

خخخخخخخخخخخ
كان غيرك اشطر
رديت عليك هناااااك يلا روحي شوفي الرد
عيل تمشوريني رايحه راده وانا توي بالنفاس مب حرام عليك خخخخخخ

[سآره]

هههههههههه ماعليه امون ماقلتي لي وش نظامك في النفاس شتاكلين؟؟وتشربين اعشاب؟؟

[اول غرام]

نظامي بالنفاس
مثل نظام الحساويه .. رز حساوي مرقوق صالونه
والاعشاب اشرب خلطة قشر القهوه بتاعة شازل حق تنظيف الرحم
واخذ لهوم وحليب بالحلبه والزنجبيل وعصيد وبيض بالفلفل وخبز بر بالحلبه والدبس
وطبعن كل شي بوقته
واستخدم خلطة الخواجوا للخياطه واغسل بارطا وملح خشن واحيان اجلس فيه
بس الكبو هو الي ماسويته لاني احس ريحته خايسه ومااقدر انام واكتم العيال
والحين ناويه اجرب تحاميل البوثيل للتنظيف والتضييق خخخخخ

ومقاس الستيانات حتى انا احتار فيها لان مب كلهم زي بعض
بس اذا تلبسين 38 صدرك عادي مب كبير .. قيسي المحيط المناسب وااذا رحتي تشرين مره ثانيه تعرفين المضبوط .. ولا على كذا بتبسطين بهم بسوق الحريم خخخخ

سارونه انتي تستخدمين الحلاوه لشعر جسمك ولا الاله ..؟

[سآره]

لما طلعت من النفاس شلت بالشمع يعني في المناسبا اشيل بالشمع انظف بس في الايام العاديه بالحلاوه

بالنسبه لقشر القهوه ترى ينحف اذا انت نحيفه لاتاخذينه

شوقتيني للعيش الحساوي اوووف من الرجيم ووزني متنح مو راضي ينزل

[سآره]

غرومه طاحت خيوطك؟؟

[بروفكشن]

احلى صبااح عليكم. شخبارك غروووووم وشخبارك ساروونه وأخبار العيال ان شاء الله كول شي تمام

[بروفكشن]

أوه يابنات البارح العيال ضوقوني الوييييل كلهم مو راضين ينامووون اثنين شغالين صياااااح ووحده تحوووووس. اهلكووووووني*

[سآره]

الله يعينك بروفكشن شتسوين اذا صاحوا في نفس الوقت؟؟

انا طاحت رجولي وانا اغصب ولدي على الممه تعبت

[اول غرام]

باقي الخيوط الداخليه توي اكتشفها
انتي خياطه داخليه وخارجيه ...؟

بروفكشن
هلا والله تمام حنا مناح
وانتي وعيالك وش اخباركم
بسالك انتي بالشهر الاول كم مل تعطين عيالك من الصناعي
ولما يكملون شهر بالضبط ازيد لهم الكميه ولا كيف ..؟ وكم اعطيهم

[سآره]

انا داخليه وخارجيه

[بروفكشن]

هلا والله انا اعطيهم في. البدايه الى رقم اثنين ولا حتى يكملونها أجزاها لهم ويوم شفتهم يكملونها بعد ماكبرو. اشوي. ازيد لهم الى رقم ثلاثه على حسب. والله ياساروونه تتعب اذا صاحو واحد احطه في سريره ورضاعته معاه وأثبتها لك من الجهتين علشان ماتطيح. والثاني في الحجر وارضعه. بس اغلب الاوقات. يصيحون ولا تنفع رضاعه يبون الشياال يهلكووني

[بروفكشن]

شوفي غروم انتي على حسب شبعتهم اذا سويتي مثلا الى رقم اثنين ولاكملوها خليها يشربونها اذا جلسو واذا خلصوها ويصيحون معناته زيدي الكميه

[اول غرام]

ايوا بروفكشن فهمت عليك
بجرب هالطريقه معهم .. وبشوف وش الكميه اللي يحتاجون ...
انتي بعد خياطتك خارجيه وداخليه ..؟

سارونه
انا بعد داخليه وخارجيه ..
عشان كذا المها لايحتمل وغير عن خياطتي الاولى ...

[سآره]

لانك والده مقعدي اكيد وسعوك لالالالالاتذكريني بالم الخياط كنت مااقدر اقلب على الجنب الثاني ولا اقدر اقعد

بروفكشن تشيلينهم اثنينهم مع بعض؟؟؟؟شلون

زود الغلا لك فقده من غير شر من زمان مادخلنا في نفس الوقت دخلي الفجر تشوفينا

[بروفكشن]

هلا اي داخليه وخارجيه. لا احط واحد على سريره ورضاعته اثبتها له والثاني على حجري

[بروفكشن]

تصبحون على خير

[جومانا]

سلاااااااااااااام وحشتوووووني
كيفكم محجبة وزود الغلا كيف اوضاعكم مع التوينز
غرومة وسارة وبرفكشن نورتوا التجمع والله يعينكم ويعننا

زود الغلا
انتي ركبتي لولب اي نوع العادي او الهرموني
كيف النزيف معاكي بعد التركيب

[أول فرحه]

امهات التوائم انا حامل بتوائم و بكريه ما اعرف وش الطلق و لا شو احسن لتوائم ولادة قيصري و الا طبيعي لأني راح ادخل التاسع و احد التوائم راسه تحت و الثاني راسه فوق و خايفه كثير حتى اهلي ما قلت لهم اني حامل بتوائم لأنهم مو في نفس المنطقه اللي ساكنتها انا و ما ودي اخوف امي علي بالله افيدوني علشان اطمن

[جومانا]

امهات التوائم انا حامل بتوائم و بكريه ما اعرف وش الطلق و لا شو احسن لتوائم ولادة قيصري و الا طبيعي لأني راح ادخل التاسع و احد التوائم راسه تحت و الثاني راسه فوق و خايفه كثير حتى اهلي ما قلت لهم اني حامل بتوائم لأنهم مو في نفس المنطقه اللي ساكنتها انا و ما ودي اخوف امي علي بالله افيدوني علشان اطمن


الله يقومك بالسلامة لاتفكرين كثير بالولادة خليها على ربك
الولادة على حسب حالتك يقررون

[بروفكشن]

صباح الخير ياامهات. شخباركم. اول فرحه لاتخافين ولاتحاتين ان شاء الله دام واحد تحت والثاني فوق على ماتدخلين التاسع في مجال الثاني يتكس ويصير طبيعي والله يسهل عليك

[اول غرام]

اول فرحه
الطلق مثل الم الدوره الشهريه
الم بالظهر بالبطن مغص شديد .. الم غييير ماحسيته قبل كذا ويزيد مع الوقت
اما عن الولاده الافضل الطبيعي طبعا
اذا راس الاول تحت والثاني فوق ان شاء الله الولاده طبيعيه
ولاتخافين وكل شي ربي ييسره بوقته
الله يهون عليك ويرزقك السلامه انتي وعيالك وتفرحين اهلك بسلامتك

بروفكشن
اخبارك وش مسويه مع العيال ,,,؟.

جومانا
هلا وغلا ,, بهالطله
وشلونك وشلووون عيالك ,,,..؟

[زود الغلا]

مراااااااااااااااااااااااااااااااحب على احلى امهات
والله يا بنات راحت امي وراحت الراحة وصرت ام :) ماعندي وقت كلش عيالي ماخذين كل وقتي .
جومانا ... وينك يالغالية وحشتينا موت يابنت صفي ...ركبت لولب عادي لان الهرموني فوق ال35 سنة تركبينة بما اني ماكملت ال30 ركبت العادي ومافي لا عوار ولا نزيف بس اخذت عينة الدكتورة عورتني شوي ...واللي يسبب نزيف الهرموني اما العادي لا نزل علي دم خفيف 3 ايام بس.

[جومانا]

هلا زوزو وحشتيني يابت
انتي ومحجبة بس مرررة ماعندي وقت

[بروفكشن]

هلا وغلا بزوووود. شخباارك يادوبا. شمسويه مع التعب. الله يعينك والله العيال يبيلهم. كم اعمار بناتك. الحيين الله يخليهم لك. أخبارك غروم انا تمام والعيال الحمد للهً

[نواعم النعومه]

هلا والله باحلى تجمع
اشتقت لكم
:)

[زود الغلا]

بروفكشن ....... لك وحشة انت ونواعم النعومة ...وكل البنات .
اخر الاخبار طعمت بناتي اليوم تطعيم 4 اشهر واليوم معاهم حرارة وعلى الله وعلى الادول وكمادات ماي بارد كل ساعتين اكمدهم لمدة ربع ساعة احط عليهم فوطة فيها ماي بارد وبس ...والحين كنها زادت السخونة عليهم الله يهون على بنياتي وياجرني ياااااااااااااااارب وياجركم .

[نـــــــارا]

شازل مبروك الحمل ما مداك تتهنين رجعتي للتعب.. الله يعطيج الصحة والعافية ويقومج بالسلامة وعساه عن خير وصلاح بس ما اجذب عليج يوم عرفت انج حامل سببتيلي رعب خاصة انج توج والدة بعدي بثلاثة ايام!! سبحان الله

زود الغلا خرقت اذن بناتي وحطيت لهم تراكي بس بنتي آلاء احس وحدة مرتفعة شوي والثانية نازلة يسوى ارد اسويها مرة ثانية؟


بنات شلون نظام التأكيل عندكم؟

[اول غرام]

نارا
اخبارك مع التعب ..؟
ماينفع اخرق اذون بنتي وهي عمرها شهر .. ووزنها 3 وشوي الحين؟

بروفكشن
الحمدلله بس عيالي تعبانين
وحده دايم ترجع والثاني عنده التهاب حاد بالصدر
ومزكمين واليوم احسهم احسن شوي ..
اما انا احس للحين بالام بمكان الخياطه.. لدرجة اني اشك ان الجرح التأم
انتي اخبارك مع العيال ..؟
وش نظامك بالبيت معهم .. انتي ممشيتهم على نظامك ولا هم ممشينك ..؟

سارونه
وينك يالدوبه...؟
اخبار العيال ......؟

نواعم النعومه
اخبارك وش مسويه ..؟
وش اخبار خالد و غلاوي

[اول غرام]

زود الغلا
ياحياتي الله يعينك .. ويهون على بنوتاتك ..
انا مدري وش بسوي اذا طعمتهم حقت الشهرين ...
شكلي باخذ احد معي .... ويجلس معي بالبيت لين يخف اثرها ..
وش اخبار اميمتك الله يجزاها الف خير يالدلوعه ..؟
وانتي وش مسويه معهم بالبيت لحالك ..؟

[بروفكشن]

صباح الخير. ياقلبي الله يعينك غرووم ويشفيهم ان شاء الله يااااارب مساكين عادالزكام يلعوزهم وانتي تتلعوزين وولدك عسى ماشر ليش هالاتهااب. اي غروم أخذي احد معاك نصيحه ترى اذا طعمتيهم بتتلعوزين في التطعيم وبعد التطعيم. انا خذت امي ماقصرت والله. وبعدين عطيتها واحد وانا واحد وصيااح ونكمدهم. ووبكره الله يعينهم

[نواعم النعومه]

هلا فيكم مشكوووووورة غرومه سالتي عني
والله ها الايام خالد مرتفعه حرارته عندده التهاب بالحلق وحساسيه بالصدر وغلاتي بدا معها الحين بالحرارةة الله يشافيهم وكل مريض

[جاذبية الأرض]

سلااااااااامات غروم لعيالك..
خواتي لاتتهاونون بعيالكم تراهم أمانة عندكم ,, اللي عيالها مريضين لازم تعطيهم عناية خاصة وما تغفل عنهم أبدا .. ونصيحة حافظوا عليهم لكن لاترهقونهم بالمضادات حقت الدكاترة تراهم لسه صغار عليها ..... وأحسن علاج للبيبهات المريضين الرضاعة الطبيعية . يعني إذا ابنك تعبان لاترضعينه غير من صدرك أيام مرضه لان حليب الام فيه المضاد اللي يساعده على مقاومة المرض بقدرة الله ....
ولا تتأففون منهم حتى لو تعبوكم والله إنهم عسل وكثييير من الناس يحسدونا عليهم ,,
أنا هذا الاسبوع سويت عملية لاستئصال المرارة وقعدت بالمستشفى ثلاثة أيام بغيت أجن عشان اني بعيدة عنهم ... ويافرحتي يوم رجعت لهم وقاعدة أحاول أرضعهم رغم الام بطني اللي مشقق من خمسة أماكن والمشكلة انهم مو راضيين يمسكون صدري غير بالمضاربات والخناق .....

[اول غرام]

نواعم النعومه
الله يشافيهم يارب ويصرف عنهم الشر .. اللهم امين ..

بروفكشن
انا احاتي لارحت بيتي مدري وش بسوي معهم ..\
خلاص مابقى شي على الدلع وينتهي اهيء اهيء ..
امي تقولي هاتي واحد منهم اذا مرض ولا اذا طعمتيه ولا اذا تعبتي
خليه عندي كم يوم ...
ومدري وش السوات ..

جاذبية الارض
معك حق .. الرضاعه من الصدر بوقت المرض مفيده مرره للعيال ..
حتى انا قالي الدكتور مانقدر نعطيهم علاجات بهالسن .. بس لان ولدي معه التهاب شديد بالصدر اضطر يصرف له دوا
الله يشافيهم من كل شر يارب

[اول غرام]

سويره
صارلك ايام مو مبينه
عسى المانع خير ان شاء الله ..؟

[زود الغلا]

السلاااااااااااااااااااااااااااااااام على احلى تجمع
نارا حبيبتي الاذن اللي مرتفعه تركيتها شيليها وخليها ترتاح اسبوع او اسبوعين خليها بدون شي وبعدين خرميها مرة ثانية انا صار مع بنتي كذي بس حتى الخرم الجديد طلع مرتفع شوي بس احسن من اول بس بخلي خلاص مراح اغيرة .
اول غرام ....والله حايسة مع بناتي عقب ماراحت امي الله يهون علينا .

[REEM87]

كيفكم يا امهات التوأم يا مساااكين طمنونا ع توائمكم
الله يعينا ع تربايتهم
بعد اسبوع بسير عمر توأمي 9 شهور والله كل ما يكبرو بحلو وتعبهم بخف كتيييرهلا دايما راكبين بالمشايات و بتجولو بالبيت منظرهم تحشييش :)

[الفراشة الجميلة]

اهلين ياامهات كيف حالكم وكيف اطفالكم
حبيت ابشركم اني ولله الحمد ولدت بالسلامة بعمليه قيصريه ورزقني ربي بولدين ولله الحمد والشكر
وحبيت اسالكم متى اطهرهم ودي اطهرهم اللحين واتاح دائم هم توهم صغار بس مدري خايفه هو لازم يكون في وزن محدد للتطهير او لا

[نـــــــارا]

هلا حبيبتي اول الغرام.. يفضل بناتج يكملوا ستة اشهر عشان تكون تطعمت كم تطعيم وكبرت اذنها شوي لأنها تتأذى اذا اذنها صغيرة

زود الغلا شكري ما بغيرها ما احس يبين واضح بس زوجي يحن ويقول يبين ما ابي ااذيها

حبيبتي الفراشة الجميلة الحمد لله على السلامة والله يبارك لج فيهم... وتقدرين تتطهرينهم من الولادة اذا مافيهم ابو صفار

امس سويت لبناتي مضروبة بس رز وطماطم وحبوها

[الفراشة الجميلة]

الله يبارك فيك يا نارا بس ابسالك ودي اسوي توقيع لعيالي كييف

[نواعم النعومه]

الف مليون مبروك يا الفراشة الجميلة والحمد لله على سلامتك الله يخليهم لك ويخليك لهم
نصيحه طهريهم وهم توهم صغار
احفل لهم وبعدين دايم امي تقول تطهير وقت الصيف افضل من وقت الشتاء
والله يسر لنا ولك كل امر عسير

[نـــــــارا]

الفراشة الجميلة بصراحة ما اذكر من اي موقع سويته بس سوي سيرج في قوقل وكتبي baby ticker بتطلع لج مواقع تسوي توقيعات عليج تدخلي بس البيانات وبعدين تطلع لج وصلة لتوقيع وتاخذيها كوبي وبيست في محل التوقيع بالمنتدى

[الفراشة الجميلة]

نواعم الله يبارك فيك يارب
نارا ماعرفت ابداا طلع لي الموقع بس مافهمت شي

[نـــــــارا]

المشكلة اني استخدم النترنت من الآيباد وما اقدر اسوي رايت كلك واطلع لج شلون سويته
انتي عطيني تاريخ ميلاد توائمج بالميلادي وبشوف اذا اقدر اسويه لج

[الفراشة الجميلة]

الله يجزاك خير ماقصرتي سويت بس ماطلع زين انا ودي احط اسماء عيالي ويكونون اثنين الي سويته مو مضبوط
انا جبتهم 18-4-2011
اسمائهم سعد وفهد

[زود الغلا]

ااااااااااااااااااااااالف مبروك والحمدلله على سلامتك الفراشة الجميلة انا بسويلك توقيع حق الحلوين الله يحفظهم .

[زود الغلا]

http://forum.hwaml.com/imgcache2/hwaml.com_1304173158_671.gif

[زود الغلا]

http://forum.hwaml.com/imgcache2/hwaml.com_1304173192_633.gif (http://www.ticker.7910.org/eng)

[زود الغلا]

http://forum.hwaml.com/imgcache2/hwaml.com_1304173280_320.gif (http://www.ticker.7910.org/eng)

[زود الغلا]

الفراشة الجميلة هالتوقيعين عندك واحد فيهم راح تمشي الايام وواحد ثابت انت اخذي اللي تمشي فية الايام .وان شالله يعجبك .

[REEM87]

كيفكم يا امهات التوائم :)

حابه نحكي بموضوع منع الحمل بما انو جبنا توأم اكييد لازم ناخد منع حمل ونريح شوي من الحمل

هلا احكولي بعد كم سنه ناويين يكون الحمل التاني بعد التوأم و شو المانع اللي بتستخدموه هلأ؟؟

انا ركبت لولب قبل اسبوع والحمدلله مرتاحه فيه وان شاالله مش ناويه احمل الا لما ولادي يدخلو المدرسه


كنت مفكره اخد حبوب ياسمين بس جابو عالعربيه انو بعمل جلطات وانو الشركه الامريكيه اللي بتصنعو صار مرفوع عليها 3000 دعوه تخيلو؟؟!! الله يعافينا يا رب

[الفراشة الجميلة]

مشكوره زود الغلا الله يجزاك خير بس انا عيالي عمرهم اليوم 13 يوم وشلون طالع بالتوقيع 12
لاني والده 18-4 ميلادي وبالهجري 14-5

[الفراشة الجميلة]

زوز حبيبتي كلها ماتمشي اليوم عمر اولادي 14 يوم معليش ازعجتك بس متحمسه الله يسعدك

[نواعم النعومه]

مساء الخير على الكل

[سآره]

مساء الخير امهات التوام الله ياجرنا على تعبنا بس

غاطه هاليومين لاني كنت تعبانه ماادري شفيني يجيني الم فظيع الله يخفف عني ان شاء الله

غرومه ياقلبي مشكوره على سؤالك انا بخير وعيالي ولله الحمد بخير

ماادري ماتلاحظون اذا لبستوا عيالكم احمر دايم يصيحون ؟؟؟

قاعده افكر في القرقيعان وش افكاركم عطونا ودي اجمع من الحين لاني بسافر في شعبان على الاقل تكون الفكره جاهزه

على طاري السفر من بتسافر في الاجازه مع توامها والله اني احاتي خاصه ان بريطانيا مايعطون فيزا للشغالات شكلي بروح العوز نفسي وبرجع لووووول

امي مو راضيه لي اسافر انتوا شرايكم؟؟؟

[REEM87]

ساره حبيبتي انا سافرت مع توأمي لما كان عمرهم 3 شهور من السعوديه للاردن ولما كان عمرهم 6 شهور من الاردن ل دبي و لما كان عمرهم 8 شهور من السعوديه ل دبي وهلا عمرهم 9 شهور والاسبوع الجاي مسافره ع اسبانيا ان شاءالله ف ما تخافي وسافري وتوكلي ع الله صحيح انهم بغلبو شوي بالسفر بس عاااادي انا صار عندي خبره :) و ربنا يوفقك ب سفرك

[REEM87]

شو يعني قرقيعان ؟؟؟

[أم فرووحه]

السلام عليكم

كيقك يا أمهاات شخباركم؟؟؟
لكم وحشه كثير والله من زمان عنكم انشغلت مع بناتي و الحين الحمدلله صار وضعي معاهم احسن عمرهم الحين 7 شهوور ونص ....
حور العين لك وحشه مو عارفه اذا مازلتي موجوده بالمنتدى او لا ؟؟؟ ريم شخبارك وكيف اولادك ؟؟

[REEM87]

ام فرووحه كيفك وكيف البنوتات؟؟
ياالله الايام بتركض و اولادنا كبرو سبحان الله ولادي صارو 9 شهور الحمدلله

[الفراشة الجميلة]

ساره انتبهي تسافرين وهم معك انتي بتروحين تتمشين وتنبسطين خليهم مع الشغاله عندامك انا ان شاء الله ناويه اسار بالصيف للنمسا وباخذ عيال الكبار والتوام والي اكبر منه بحطهم عند اهلي مع الشغاله انا عندي ثنتين وحده بتكون ع التوام والثانيه مع بنتي ام 4 سنوات يااختي الوحده بتروح تتمشى بعد تعب الحمل والولاده وشو له تاخذين عيالك انتبهي نصيحه والله ان تتنكدين وماراح تنبسطين وبعدين هم صغار ولا يفهوم وشواله الغثى

[REEM87]

انا ما بقدر اسافر و اترك ولادي عند حدى والله قلبي بضل يوجعني عليهم وبضل افكر فيهم طول الوقت ولا برتاح ياااريت لو يكون قلبي قوي و اقدر اتركهم حتى لو عند امي ما بقدر

[maha8181]

صباح الخير امهات التوام

واخيرا انظميت لكم

الف حمد وشكر لك يارب

بسالكم عن الرضاعه
عطوني خبراتكم

و ولدي بسم الله عليه صارله من امس يشرب واجد بالرضاعه ويرجع كميه كبيره
وصراحه حيل خايفه
عادي ولا اوديه للدكتور
ابي مشورتكم
لان كان يرضع من الرضاعه اول تقريبا 30 مل واحيانا اكثر بس صارله يومين وهو يشرب 10 مل واخته تشرب اكثر منه
وماعنده امساك

ووشغله ثانيه عادي ينامون واجد يعني بس يرضعون وينامون

ومتى تتعدل نومهم ويكبرون

اسئلتي واجد صح

الله يعينكم
ام جديده وحاااايسه معاهم الله يحفظهم

[شازل]

أهلين بنات ...
أخباركم وأخبار أولادكم ، من أولهم لأخرهم ...

أنا بخير مع التعب بس لما أشوف أولادي حولي يخف كل شيء ويهون ...

أولادي التوأم صارت أعمارهم 6ونص شهر بس رافضين الأكل ، أولاد أخر زمن ، أعطيهم رز على طول يتفلونه ، والخضار زيه ما يحبونه ... فمحتارة وش أعطيهم ... أبي رتجاربكم

[شازل]

بنات صرت مشغولة مرررررررررررررررة ومضغوطة كثير علشان كذا ما أكتب وأرد بس وربي دايم أقرأ ردودكم وأدعي لكم ...

[REEM87]

شازل انا بخلط ل اولادي مع الخضار والارز لبن بحبوه كتير جربي
مها نصيحه من مجربه ما ترضعي ولادك الا طبيعي حاولي قد ما بتقدري انا رضعت ولادي طبيعي لمدة 6شهور ونص بعدين فطمتهم لانو صار عندي التهابات بصدري كنت اتمنى ارضعهم لسنه و طبعا الناس رح يقولولك ما بتقدري بس ما تردي ع حدا انا اختي متخصصه بالرضاعه الطبيعيه و اتأكدي انو الرضاعه الطبيعيه الها دخل بالنفسيه فما تخلي الناس يأثرو عليكي اهم شي اهتمي ب اكلك

[REEM87]

شازل انتي حامل؟؟؟؟؟؟ ليه حاطه التكر تبع الحمل بالتوقيع؟؟
اسماء ولادك كتيير حلو ماشاءالله عمر وعلي ان شاءالله بطلعو متل عمر بن الخطاب وعلي بن ابي طالب

[نواعم النعومه]

بنات حبيت اسالكم هل فيه علاقه بين عدم راحه الطفل في النوم وبين لبسه لذوات الارواح او الدباديب اللي بالدولاب
لان ولدي اتعبني في النوم ما ينام زين كله يفز من نومه ويصيح وهو مغمض
قام زوجي المصون اليوم ضف العابهم واللبس والدباديب كلها اللي فيها صور جلسواا صفر اليدين يقول بنشوف اليوم اذا نام مرتاح :)
والله ضايق صدري من حركة
امانه ردوا علي بالله
عشان اتصرف صح مع ها الموقف
والمضحك في الامر ان ها الاكياس معبيه الصاله عندي كاني برحل ههههههههههههه