تجمع الغاليات بنات العراااااق**التجمع الجديد**

[طوق الياسمينة]

هلو حبيباتي اني مشغولة بالدوام كلش ..علاية مس يوووووو.الوحام بعدة والمشكلة مرات ميصير عندي وحام على غفلة اتقيا ...يارب تمشي هاي الايام بسرعة وتخلص بخير وسلامة...سالي الحمد لله على سلامتج مشتاقين ياربي تجيبن ابنج ببيتج ويم ابوه ارو منورة وحنوشة مختفية...اما نبراس راحت وكالت عدولي يمعودة وينج طمنينة عليج وعلى حمودي ...احبكم كلكم وياربي تكون رقية ومهاوي وشفوقة بخير واذا يقرون حجي خلي يرجعون تعالوا يمعودين

[( ام يوسف )]

تسلمون حبيباتي ربي يبارك بيكم ع هل دعوه الحلوه
يمعوديييين اني الوحام من الاسبوع السابع لحد الان مستمر
حتى من رحت امي اتكولي اني مشايفه هيج حمل 9 شهور لعبان نفس وتقيؤ الله يعينا ويكتبلنا الاجر يارب

[حلمي بطفلي]

حياتي سيلا وياسه مشتاقتلكم موتات ولعلايه هم والكل البنات علايه وياسه الله يفرحكم بحملكم
سيلا حياتي حمدلله عسلامه مشتاقتلج وينج عفتينه اني كلش ثكلانه ومداكدر انام الليل كله من التقلصات وسويت تحليل طلع عندي الكالسيوم والحديد قليل بس طبيتي مقبلت اخذ شي كالت خليه على الاكل وبس والسونار انشاء الله اسويه ببداية الشهر التاسع والله يسهل هاي اخباري يارب انجيب بخير وسلامه وانتي اجيبين ببيتج

[طوق الياسمينة]

تسلمين حنوشة على الدعوة الحلوة...حبي عرفتي جنس الطفل لو بعد وشقررتي شتسمي اذا ولد واذا بنية؟؟؟

[دانة العراق]

مرحبا حبيباتي بنات بلدي العزيز
وين هذا التجمع اشو اليوم يله اندليته هههههه
بعد وكت مو ؟
كلش عجبني التجمع وحبيت انضملكم حبيباتي

[( ام يوسف )]

حنوووشه انتي وين اتجيبين ابيتج لو عد اهلج
جهزتي للبيبي لو بعدج ؟ والراس نزل لو بعده اني الدكتوره كلتلي نزل يمكن ورح اتاكد باجر ان شاء الله بالسونار
ياسه حبي ربي يتمملج ع خير خلصتي 3 شهور لو بعدج ؟؟؟

دانه هله حبيبتي نورتي التجمع يله المهم اندليتي بالنهايه يله عرفينا عن نفسج

خلي اعرفج اني اول
اني اسمي سالي وايدلعوني سيلا اهنا وحامل نهاية الشهر الثامن متزوجه صارلي سنه واربع شهور تقريبا
من بغداد وعايشه بالنروج ومواليد 91

[دانة العراق]

حنوووشه انتي وين اتجيبين ابيتج لو عد اهلج
جهزتي للبيبي لو بعدج ؟ والراس نزل لو بعده اني الدكتوره كلتلي نزل يمكن ورح اتاكد باجر ان شاء الله بالسونار
ياسه حبي ربي يتمملج ع خير خلصتي 3 شهور لو بعدج ؟؟؟

دانه هله حبيبتي نورتي التجمع يله المهم اندليتي بالنهايه يله عرفينا عن نفسج

خلي اعرفج اني اول
اني اسمي سالي وايدلعوني سيلا اهنا وحامل نهاية الشهر الثامن متزوجه صارلي سنه واربع شهور تقريبا
من بغداد وعايشه بالنروج ومواليد 91

اها
تشرفت بيج غلاي
واني ام روان من العراق مواليد 88 ومتزوجة من 2009
و روان عمرها حيصير بعد كم شهر 4 سنوات
وهسه حامل ببداية الشهر السابع

بعد شنو ؟؟

[( ام يوسف )]

اها
تشرفت بيج غلاي
واني ام روان من العراق مواليد 88 ومتزوجة من 2009
و روان عمرها حيصير بعد كم شهر 4 سنوات
وهسه حامل ببداية الشهر السابع

بعد شنو ؟؟

حبيبتي تسلمي الشرف اليه
ربي يجفظلج روان ويخليها الج هي والبيبي الجاي
والعمر كله يارب hwaml7

[حلمي بطفلي]

دانه منوره حبيبتي

ياسه حياتي بشهر التاسع اسوي والاسم عاجبني لينا لو بنيه واذا ولد لو خالد لو نمر ههههه بس رجلي مديقبل

سيلا حياتي والله اني حاليا بيتي بس كلت بالليام الاخيره اروح بيت اهلي حتى يكونون ويايه لان من هسه خايفه ومدانام الليل دافكر بالولاده شلون رح اعصر واطلعه اني مو كد المسؤليه خايفه موت
جهزت كم شغله والباقي من اتاكد
هاي مميات وخاوليات وكماطات بيض واغراض حمام وكم اوفر يرهم لولد ولا بنيه
اني ممسويه سونار بس داحسه نازل لان ياهو اليشوفني يكولي بطنج نازله كلش وقبل كم يوم حسيت راس نزل يحوضي وكلش خفت بقيت جامده بمكاني والله يستر بعد انتي شنو اخبارج طمنيني

[المهندسة ام تيم]

مرحبا بنات
اعذروووووووووووووووووني حمودي ماخذ كل وقتي
شلونكم ربي يتتمملكم بالسلامة ويحفظ اولادكم
قريت خبر يجنن ..............علاوي حااااااامل
الف الف تالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالاف مبروك ربي ربي يعوض صبركم خير وان شاءالل يجي بالسلامة

[( ام يوسف )]

اني سويت اليوم سونار والحمد لله كولشي ماشي تمام وطمنتنى
والله حنوشه عندج طولت بال اني 4 شهور بلكوه تحملت وانتي رح اتصيرين بالتاسع وبعدج متعرفين
بس بالتاسع صعب تعرفين لان اني هسه بالسونار كولشي مفتهمت لان ميبين مثل من هو وصغير
والتجهيز بالتاسع رح ايتعبج لان هسه والثكل والتعب مجنني


اي اذا اهلج قريبين روحي يمهم اني من اروح لااهلي حتى انسى اني حامل ولا طبخ ولا تنظيف ولا مسؤليات ههههههههههه ارجع عزابيه عندها كروووشه هههههههههه
اني الحمد لله كلتلي نازل

[redrose82]

هلووووو بنات شلونكم. ...
يالة حنونة وسالي ..شدو الهمة مابقة شئ. .وانشاء الله ساعة وسلامة وتشوفون النونو. .بس خاف ترحون ومنشوفكم. ..مثل امهات حمودي هههه
مناوي و اروى ونبراس. ...اشو كلمن تسمي حمودي تختفي ههههههه. .الله يحفظهم ويفرحهم بيهم. ..
نيبو عمري الله يبارك بيج وتفرحين بحمودي عريس انشاء الله ...
سراوي انشاء الله ترجع بالسلامة. ...ومها تسلم عليكم كلكم
شفوقة ورقية. ...اشتاقيتلهم. .يارب يكونون بخير و صحة سلامة. ..
ام روان منورة ....انا علا مواليدي 82 معلمة جامعية ومتزوجة من تسع سنوات والحمد لله حامل بالشهر الثاني. ..

[حلمي بطفلي]

علايه حبيبتي الله يثبت حملج انتي وياسه ويفرحكم يارب
سيلا حياتي والله كلامج صح بس سويت قبل شهرين كلتلي ساد رجله مره دكولي بنيه مره دكول ولد فكلت انتظر التاسع حتى تكون متاكده مو بالشك وبعدين جانت مسافره هيه وهسه رجعت فكلت انشاء الله اسوي والتجهيز ماما كلتلي لتشيلين هم اني اروح واجهزلج هههه حتى جنطتي ممحضرتها ... بس صدك اريد اسال ولو سؤال محرج بس سامحوني شوكت تسوين شيره لجسمج كله وخصوصا المنطقه الحساسه لان مداعرف شوكت ابلش سيلا بلكت دكوليلي والبنات العدهم خبره بلكت ينصحونه شوكت بلشو يسسون من هسه لو شكد بالتاسع

[حلمي بطفلي]

علايه حبيبتي الله يثبت حملكم انتي وياسه يارب
سيلا حياتي كلامج صح بس جانت دكتورتي مسافره واني صارتلي ظروف فمكدرت انشاء الله بالتاسع اسوي حتى اتاكد لان كل مره كايلي شكل وماما كالت لشيلين هم اني اجهزج حتى جنطة الولادة بعدني ممحضرتها انتي حضرتيها لو بعدج ؟؟ صدك اريد اسال سؤال ولو محرج بس سامحوني سيلا شوكت رح اسوين شيره لجسمج كوله وخصوصا المنطقه الحساسه لان مداعرف شوكت ابلش هسه لو شكد من التاسع وياريت البنات يفيدونه الي عدهم خبره حبايب

[طوق الياسمينة]

هلو علاية حبي شلونج ياوردة وشلون النونو مالتج ....حنوشة حبي انتي وسيلا مابقى شي الدور دورة اني وعلاية بعدة المشوار باولة ياربي يفرحنا كلنا...اني بعد3 ايام اقبط 3 شهور والحمد لله والشكر

[( ام يوسف )]

ياسه وعلايه ربي يتمم لكم عخير ويرزقنا شوفت اطفالكم سالمين متعافين
الله يساعدج ويعينج حنوشه ع التجهيز ويه التعب والثكل شكلها دكتورتج مو شاطر بالسونار
اني من شهر الخامس اجهز ولحد هسه يوميه متذكره شي
وبقتلي بس اجهز جنطه المستشفى لان رح ابقى يومين او 3 فلازم اجهزها زين واحاول ماانسى شي
و عن الشيره اني المنطقه الحساسه ماسويتها بالشيره من حملت لحد هسه اسويها لو بالمكينه لو بالشفره وهسه هم مقرره اسويها لو بالمكينه لو بالشفره لان اول شي مااشوف شي من ورى بطني hwaml15و ثاني شي اظل اشد بااعصابي hwaml17 من الوجع وهذا مو زين ع الطفل
بس انتي سويها بنهايه الثالث يعني فد 23 بالثالث او 25 ورح يبقى للولاده لان الششيره اتطول
ان شاء الله اللي عدهم تجارب ايفيدونا hwaml15

[حلمي بطفلي]

شكرا حياتي ياسه الله يتمملكم على خير انتي وعلايه غمضي فتحي هسه شوفين نفسج جبتي بالسلامه
سيلا حياتي شكرا على جوابج الي اي اني متعلمه علشيؤه طول حملي اسوي بس طبعا فرات متباعده بس اخاف اسوي بالشفره لو مكينه لان بشرتي حساسه واخاف هم تطلعلي حبه وتلتهب مابيه حيل بس كلت من ادخل التاسع اسوي زين انتي شيره لجسمج بيا تاريخ رح اسويه اريد اعرف حتى اني هم ما استعجل تالي تطلعلي علولاده وبنفس الوقت خايفه ليصير عندي ولاده ببداية التاسع لان البكر متنحزر شوكت اجيب انتي شكلتلج الطبيبه طبيعي اجيبين ؟؟

[طوق الياسمينة]

صباح الورد والياسمين على احلى كروشات ...احبكم

[( ام يوسف )]

صباح الخير والفل والمحبه
يارب جمعه مباركه ع الجميع ويرزقنا ولاده سهله ميسره
شلونكم ياسه وحنوشه وعلايه
والبنات المختفياااات يارب يرجعون بالسلامه
وربي يرزق كل المنتظرات الحمل القريب يارب بجاه يوم الجمعه

[( ام يوسف )]

حنوشه طبعا عدنا اول شي الولاده الطبيعيه ينتظرون الوحده اسبوعين ورا موعدها اذا مجابت قيصري
بس اني الحمد لله كلتلي البيبي نازل وان شاء الله يارب يكتبلنا الطبيعي
انتي البيبي نازل لو بعده وشوكت اخر مراجعه جان الج ؟
والله الشيره رح انتظر لنهايه الثالث لان ايكولون البكريه تتاخر والله يستر
واني موعدي 7 _ 4 يعني لحد هسه كدامي وقت طويل
انتي كول شكد تراجعين الطبيب ؟؟

[طوق الياسمينة]

جمعة مباركة على حبيباتي الوردات احبكم كلكم....بنات اريد اسالكم طبيبتي لحد الان ماخذت وزني ولا طلبت مني تحليل لاي شي...اني باجر ان شاء الله ادخل بالشهر الرابع...شنو المفروض الي اسوي هاي الفترة ؟؟؟؟واللقحات شوكت تبدي؟؟؟

[( ام يوسف )]

غريب بعد لحد هسه مااخذت ووزن
احنا اهنا من اول شهر لحد اخر موعد وزن وتحليل دم وبول بكل موعد
ان شاء الله البنات العايشات ابغداد يفيدوج يمكن عدكم غير سستم

[حلمي بطفلي]

حبيبتي ياسه بالنسبه للوزن والتحاليل مو كل وحده تطلبها بس انتي اذا تردين سوي تحليل دم وادرار وتابعي وزنج بالعكس كلما ازيدين بالوزن احسن من ما تكونين ضعيفه حتة طفلج يطلع مربرب ههه وصحته زينه وبالنسبه للتلقيح اني طبيبتي منصحتني بيه دكول الي عدنه موزين بالعراق فاني ما لقحت واي شي تحتاجين اني حاضره

[( ام يوسف )]

حنوشه ترا جاوبتج بالصفحة القبلها خاف مشفتي !
♥♥♥♥

[دانة العراق]

جمعة مباركة على حبيباتي الوردات احبكم كلكم....بنات اريد اسالكم طبيبتي لحد الان ماخذت وزني ولا طلبت مني تحليل لاي شي...اني باجر ان شاء الله ادخل بالشهر الرابع...شنو المفروض الي اسوي هاي الفترة ؟؟؟؟واللقحات شوكت تبدي؟؟؟



اختي ياسمينة لازن اتابعين وزنج من اول شهر الى يوم الولادة حتى تعرفين كيفية نمو البيبي وحتى تعرفين ديزيد وزنج او لا ؟ وهل هذه الزيادة طبيعية ام لا ؟
وبالنسبة للتحاليل لازم تنعمل كل 3 شهور تقريبا حتى تعرفين اكو التهابات او لا وتعرفين اكو فقر دم او لا واكو تحليل ينعمل ابدايتة الحمل وهو مال داء القطط وهذا التحليل كلش ضروري
وآخر شي بالنسبة للقاحات رح يكون اول لقاح لمن تحسين بحركة البيبي ان شاء الله .

[حلمي بطفلي]

حياتي سيلا تره زين كتيلي مشفت رسالتج .. احنه هم هيج حبي اسبوعين او 10 ايام فوك موعدها واكو 5 ايام بس اكثر شي 14 يوم وطبعا تختلف من طبيبه الطبيبه واللله اني دائما اسوي يطلع على مقعده ومره وحده جان على راسه وهم رجع على مقعده بس اشو اخر مره رحت الها كلتلي تعااي وره 10 ايام من التاسع واسويلج فحص داخلي وسوي سونار بالله السونار اسوي بس خايفه من الفحص الداخلي لا ياذيني لو بسويلي توسع بس هيه دكولي ضروري حتى اشوف اجيبين طبيعي لو لا وطبعا عايشه برعب بالنسبه انو اابكر اطول فطبعا مو شرط اكو بيهن من اول يوم بال9 تجيها الطلوكه اني موعد ولادتي هم مثلج 7 _4 بس رح اسوي بنص الثالث لان خافتسويلي داخلي وراها يصير شي لاسامح الله والله خايفه موت

[redrose82]

مساااااااء الورد. ...شلونهم الحلوااااات
ياسة شلونج حبيبتي مبروك دخلتي الرابع. .يكولون احلى فترة بالحمل. .يوم الالي. ..هههههه
سراوي طولت الغيبة. ..اشتاقينالها. ..
وامهات حمودي مشغولات بحمودياتهم الله يحفظهم الهم..
حنوشة ..لاتخافين من السونار الداخلي مياذي شفتة عد السونار صغيرون. .ههههه بس ماجربتة. ..بعدين وراج ولادة وطلوك شنو تخافين من عودة بلاستك ههههه. ..
بعدن لازم شوفون عنق الرحم. ..تشجعي وصيري شجاعة. ..شوف منو ينصح خخخخخخ
سيلا. اله يسهل عليج وتجيبين بيتج يم زوجج انشاء الله. .
ام روان منورة عيني. ...
رقية وشفوقة الغائبات الحاضرات . ..مس يووووو
بنااااااات. ..اريد شريط حمل حلو. .ولونة اخضر حلو مثل مالت سيلا. .. الموقع خبلني كلما افتحة مالكى التوولز وماكو شريط حمل. .فدوة سولي واحد. ..اخر دورة22 /12

[حلمي بطفلي]

علايه حياتي تسلميلي يارب تجيبين بالسلامه انتي وياسه حبيبتي مو سونار داخلي فحص داخلي بيدها عااااا اني اخاف

[&ام همام&]

مساء الخير
شلونكم حبايب
مشتااااااااااااااااااااااااااااقتللللللللللللللكم
حييييييييييييييييييل
اني الحمد البارحة رجعت وكانت سفرة حلوة
شنو الاخبار
شكوماكو

[redrose82]

هلا وغلااا. ...نورت سراوي. ..الحمد لله على سلامتكم. ..سفرة سعيدة .... احنا بخير ونسال عنج. انتي شكو ماكو. ...
سراوي فدوة مادام رجعتي اريد صوغة هههههههه. ..سويلي شريط حمل ابو الطفل ...ههههه. .
بعد تحملوني مستغلة الفرصة وادلع. ..

حنوشة مانتبهت. .بس هذا الفحص لابد منه. .تدريب عملي على الولادة ..انشاء الله يتمم لج وتكومين بالسلامة انتي وسيلا

[طوق الياسمينة]

هلو حبيباتي شلونكم شلون علاية الحلوة وشلون حنوشة وسيلا ونوناتكم شكرا دانة على النصيحة وام همام الحمد لله على سلامتج ياوردة...بنوتات اول البارحة صار عندي نزف وبعدة الدم مستمر لليوم بس اخف الحمد لله ام السونار كالت عندي توسع والطبيبة كالت ننتظر يروح الدم ونسويلج ربط ادعولي ربي يحفظة للنونو...ربي ميراويكم مكروه احببببببببببببكم كلكم

[( ام يوسف )]

حياتي سيلا تره زين كتيلي مشفت رسالتج .. احنه هم هيج حبي اسبوعين او 10 ايام فوك موعدها واكو 5 ايام بس اكثر شي 14 يوم وطبعا تختلف من طبيبه الطبيبه واللله اني دائما اسوي يطلع على مقعده ومره وحده جان على راسه وهم رجع على مقعده بس اشو اخر مره رحت الها كلتلي تعااي وره 10 ايام من التاسع واسويلج فحص داخلي وسوي سونار بالله السونار اسوي بس خايفه من الفحص الداخلي لا ياذيني لو بسويلي توسع بس هيه دكولي ضروري حتى اشوف اجيبين طبيعي لو لا وطبعا عايشه برعب بالنسبه انو اابكر اطول فطبعا مو شرط اكو بيهن من اول يوم بال9 تجيها الطلوكه اني موعد ولادتي هم مثلج 7 _4 بس رح اسوي بنص الثالث لان خافتسويلي داخلي وراها يصير شي لاسامح الله والله خايفه موت

بس المفروض هسه ايكون راسه جوه بلكي تروحين وتلكين راسه جوه ان شاء الله
اي اني سامعه الفحص الداخلي ايسوي تحريض ع الولاده بس مو ويه كل الناس صديقتي سولها 8 مرات فحص داخلي خلال حملها وعادي جابت بالاسبوع ال 39 وحماتي سوت سونار داخلي مرتين وجابت ورا موعدها ب 10 ايام ف مو شرط انتي سمعي كلام الدكتوره وسوي اللي تكولج عليه احنا اهنا ميسولنا ابد فحص داخلي من يجي الطلق يله ايشوفون ويفحصون
احنا المفروض بعد يومين او 3 وندخل بالتاسع الله يسهل علينا وع كل الحوامل




هلو حبيباتي شلونكم شلون علاية الحلوة وشلون حنوشة وسيلا ونوناتكم شكرا دانة على النصيحة وام همام الحمد لله على سلامتج ياوردة...بنوتات اول البارحة صار عندي نزف وبعدة الدم مستمر لليوم بس اخف الحمد لله ام السونار كالت عندي توسع والطبيبة كالت ننتظر يروح الدم ونسويلج ربط ادعولي ربي يحفظة للنونو...ربي ميراويكم مكروه احببببببببببببكم كلكم

هلاو ياسمينه حبيبتي ان شاء الله ماكو شي يارب لاتتوترين واللي دينزل افرازات بني لو دم ؟
هاي اكيد دم باقي من الدورات القبلها انتي ارتاحي ولتروحين للدوام ولدنكين ابد ولشيلين شي ثكيل بس اتمددي ورفعي رجلج ع مخده
ومابيج غير العافيه ترا الاجهاد اللي يسوي هيج اني مرتين نزل عليه دم واكون تعبانه خلال النهار وينزل
واهم شي لتسوون وكاحه هسه ابد لان من اسباب الدم الوكاحه hwaml11

[( ام يوسف )]

علايه حبيبتي هسه اسويلج وتدللين انتي والنونو

[( ام يوسف )]

ام همام حمد لله ع السلامه
يارب اتكوني غيرتي جو واتونستي وونستو لهيمو

[( ام يوسف )]

http://global.thebump.com/tickers/tt1688ea.aspx (http://www.thebump.com/?utm_source=ticker&utm_medium=UBB&utm_campaign=tickers)

[( ام يوسف )]

هذا الشريط علايه غير عن مالتي لان مالتي الموقع مدا يفتح

<a href="http://www.thebump.com/?utm_source=ticker&utm_medium=HTML&utm_campaign=tickers" title="Parenting Tips"><img src="http://global.thebump.com/tickers/tt1688ea.aspx" alt=" BabyFetus Ticker" border="0" /></a>

[حلمي بطفلي]

ياسه حبيبتي انشاء الله ماكو شي بس اخذي دوفستون 3 مرات باليوم حبه ولتعبين نفسج وابتعدي عن زوجج ويارب ماكو شي بس لتعبين نفسج
سيلا حياتي الله يسمع منج هو خايفه من الفحص بس دكواي الدكتورة ضروري حتى اشوفج اجيبين طبيعي لو لا وحوضج يسمح لو لا ورحمج واني كلش خايفه خايفه اخليها وخايفه ما اخليها
انشاء الله نجيب بالسلامه

[( ام يوسف )]

حبيبتي اول شي سألي الحوامل القبلج واللي وياج ايسوولهم هذا الفحص لو لا
وبعدين سوي اذا شفتي الحوامل الباقيه مسويه
يمعوده اذا من الفحص خايفه لعد الولاده شلون هههههههههه

[( ام يوسف )]

وصلتتتتت التاسسسسع
:o
↓
↓
↓
↓
↓
↓

[redrose82]

حبيبتي سيلا مشكووووورة بعد عمري. .انشاء الله تكومون بالسلامة انتي ووحنوشة ....
ياسة عمري سلامتج وسلامت النونو. .سوي ربط وارتاحي نفسياااا وجسدياااا لان التعب مو زين عالحامل. ..ووكاحة ماكو. ..وانشاء الله تممين حملج بخير وسلامة. ...
ام همام شلونج وشلون ابو الهمة. ..
الغائبات الحاضرات. .سلام للجميع

[( ام يوسف )]

http://forum.hwaml.com/imgcache2/hwaml.com_1393965248_725.png (http://www.baby-gaga.com/)


هذا واحد ثاني لان ذاك شكله ماضبط ويه توقيعج

[( ام يوسف )]

اذا مكدرتي اتخلي بتوقيعج

هذا الموقع

Pregnancy Tickers - BabyGaga (http://www.babygaga.com/tickers/pregnancy)


واذا معرفتي شلون اتسوي
دخلي اهنا وتعلمي
http://forum.hwaml.com/t276664.html

[حلمي بطفلي]

علايه يارب انتي وياسه الله يثبت حملكم ويارب تجيبون احلى نونوات

ام همام شلونج حياتي مشتافين
سيلا اني جنت فرحانه وخايفه بس انصدمت الدكتوره كلتلي يوم 20 تدخلين بشهرج التاسع شلون حسبته مادري حسبت من اول سونار الي بالرغم الدوره والسونار اخر واحد يكول انو المفروض اني هسه مثلج داخله بالتاسع اني من ناحية انو رح يطول الحمل فرحانه حتى اخلص من اللم الولادة وخوفها ومن ناحيه اريد اسوي شيره وافضها عاااا

[( ام يوسف )]

حبيبتي انتي هسه داخله بالتاسع واني هم بس احنا هسه بالاسبوع 35 و 4 ايام
اذا ولدنا هسه ماكو مشكله ان شاء الله ع البيبي بس ايكون احسن اذا ولدنا من الاسبوع 37 والاسبوع 37 ايصادف يوم 20
حتى اني دكتوري كلي احسن شي الوحده تولد بال اسبوع 37 وفوك لذلك دكتورتج هيج كلتلج والكالته صحيح يعني هسه الولاده اتكون بالحالات الخطره اسم الله علينا
ان شاء الله نولد بالسلامه
اني هم كتلج سوي شيره يوم 25 او 24 مو من هسه لان يلحك يطلع الشعر

[طوق الياسمينة]

شكرا حبيباتي لكل الدعوات الحلووووووووووووة كلكم احبكم والله...اني حاليا متمددة على ظهري وانتظر طبيبتي شتكول والله كريم النزف خف الحمد لله بس بقت شغلة التوسع...علاية وحنوشة وسيلاا وام الهمة احبكم كلككككككككككككم وكل البنات سلامي ومبروك لسيلا وحنوش دخولهم التاسع ياربي يوم لعلاية والي

[&ام همام&]

سلام عليكم شلونكم
مبروك سيلا وحنوش دخلوجن التاسع يارب تكومون بسلامة انتو ونونوتكم
حنوش الفحص لازم تسوي تقريبا كل اسبوع وسونار هم كل اسبوع حتى تصير مراقبة للجنين
وفحص المي وكثروووووووووووووووووووووووو وكااااااااااااحة وتمر
علوش شلونج وية الحمل والوحام ديري بالج ع نفسج
سلميلي ع مها وشفوقة ومها حبلت لو بعدها؟؟؟؟؟راحت للدكتورة اللي كتلج عليها
ياسة شلونج الله يتتم ع خير ماعندي علم باربط بس اسمع هواي يسون
اسئلي ام تيم هي جانت مسوية ربط اكيد رح تفيدج
منوش وميوش ولمى وام ليث واروى وروكة مشتاقييييييييييييييييييين

[طوق الياسمينة]

تسلمين ام همام على الدعوة الحلوة...التمر معناها موزين ببداية الحمل؟؟؟ واني يومية اكل كليجة

[( ام يوسف )]

ياسمينه حبيبتي ربي يتمم لج ع خير
ام همام ربي يحفضج همام وابوه

من اليوم رح ابلش اكل تمر وعسل طبيعي يكولون ينطي مفعوله ورا اسبوعين او 3


البارحه مرت حماي جابت وطبعا مسوين كروب عائله زوجي بالوتس اب وعيشوني برعب طول اليومم هسه هيج صار وهسه هيج صار حسيت نفسي ولدت وياها والليل كله معرفت انام وابجي خايفه من الولاده والخياطه خطيه زوجي اتخبل ميعرف شيسويلي ب 8 الصبح يله عرفت انا كم ساعه
الله يسهل عليه وع كل الحوامل ياااااااااااااااااارب

[( ام يوسف )]

اي ياسميه لتاكلين اهواي مو زين لان يرخي عضلات الرحم حسب مسمعت

[حلمي بطفلي]

ام همام وياسه وعلايه تسلمون حبيباتي بس اني على حساب دكتورتي بعدني مدخلت بشهري والله رح اتخبل مداعرف شلون تحسبها عااااا ادعولي

سيلا حبي مبروك دخولج الشهر التاسع والمفرةض وياج اني الله يسهل علينه

[طوق الياسمينة]

حبي سيلا لاتخافين ديربالج على نفسج...حنوشة ياربي انتي وسيلا تجيبون بالسلامة

[حلمي بطفلي]

جمعة مباركة عليكم حبايب سيلا وعلايه وياسه وام همام وكل البنات ولو ماكو احد بس احنه صفينه ههعهه
يارب الحامل يثبت حملها والي على ولادة اجبب بالسلامه امين

[طوق الياسمينة]

جمعة مباركة حنوشة عليج وعلى الكل ياربي....هههههههههههه بعدني دائما كلما اتدخلين للمنتدى اني وراج ادخل هههههه

[روكة]

صباح الخير شلونكم بنات مشتاقتلكم مووووووت اني رقية سويت اشتراك جديد اخباري ولدت والحمد لله واليوم طلعت اﻻربعين صارت عندي وﻻدة اول مادخلت بالتاسع ولدت قيصرية وبعدين اسولفاكم اكشن الوﻻدة المهم اجة علي اكبر للدنيا بخير وسﻻمة تابعت اخباركم ومجنت اكدر ارد ﻻن لكيت موقو

[روكة]

جنت موقوفة ومعرفت السبب سيﻻ ام همام حنوشة ياسة الف مبروك حمل عﻻية والله منسيتج بالدعاء

[( ام يوسف )]

جمعه مباركه حبايب
روكه الف حمد لله ع سلامتج وسلامت البيبي همزين سويتي حساب لان بالنا يمج
ويارب يتربى بعزكم علاوي هسه الدور عليه اني وحنوش انشوف منو قبل اني لو حنووووووشه
ياسه حبي بشري الدم راح لو بعده ؟
علووووشه ناسيتنه ومتدخل بس بالمناسبات
ياسه وعلوشه ع شنو تتوحمون وشحاسين اللي بطنكم ولد لو بنيه

حنوشه يا حنوشه ماسويتي سونار البيبي نزل راسه لو بعده طمنيني
و بديتي اتجهزين لو بعدج ترا احنا بالتاسع يعني باي لحظه نولد

اني البارحه عمتي اتكولي ولادتج شكلها قربت لان بطنج نازل جوه لان صارلها شهر مشايفتني فلاحظه عليه
كتلها ياريت اريد اولد واخلص تعبت

[روكة]

الله يجعلها ساعة سهلة عليكم ويسهل وﻻدتكم ويثبت حمل يلسة وعﻻية

[حلمي بطفلي]

روكه مبروك حبيبتي الف الحمدلله على سلامتج يتربة بعزكم يارب

ياسه ههههه هو احنه وحده تركض وره الخ


سيلا اسكتي حبي نفسيتي كلش تعبانه وبس ابجي ومداعرف اني بشهري لو لا وعلى شنو اعتمد طبيبتي كولي بعدج مداخله ودورتي واخر سونار يكولون داخله بشهري وياج نغس الشي المفروض وهيه دكول على اول سونار وحايره بلكت اسبوع الي يجي اسوي سونار هيه فحصت بطني وكالت راس الطفل نازل ورادت تفحص داخلي اني مقبلت فضاجت هيه ومثل متقبل دكواي اني بيا شهر الا فحص داخلي واني خايفه منه واشو ياهو الايئلها دكولي محد فحصني وخايفه بس دصير عندي الم دوره انتي هم هيج لو لا وشنو يعتبر هذا علامات والاده لو شنو

روكه اذا عندج معلومه طنينه

علايه ماكو سنطه بوساتي

[روكة]

حبيبتي اني صار بيه نفس الشي دكتورتي حساب شكل والسونار غير شكل الصحيح موعد اخر دورة وضيفي فوكاها اسبوع التاريخ اليطلعلج هو موعد دخولج بشهرج

[روكة]

دااكتب وعﻻوي بحضني مديكدر ينام من الغازات

[روكة]

اكشن وﻻدتي بدء بدخولي التاسع رحت للدكتورة كالت السائلسوائل قليل اشربي سوائل وشربت سوائل الى ان كرهت السوائل وفد يوم واني انضف حسيت نزل مي مني رحت لمستشفى الراهبات كالت الدكتورة مي الراس دينزل عندج ومقبلو يستقبلوني بالمستشفى ماعدهم خدج كالت نامي ولتتحركين واشربي سوائل بلكي تخلصين نص التاسع وبقت تنزل مني مايات رجعت للدكتورتي كالت عملية بعد متتحملين اكثر ليصير عندج تسمم بالحمل انطتني ابر رئة واني اصﻻ هم جنت ضا ربة ابر بشهر الثتمن وحددت الموعد بعد يومين من مراجعتي ولدت قيصرية الحمد لله سهاة بس الم كم يوم وراح وعلي اكبر نور حياتي

[حلمي بطفلي]

روكه حبي الله يساعدج ولو داتعبج بس عفيه الام الولاده بس تقلصات لو اكو وجع دوره اشرحيلي عفيه لان كلش خايفه

[( ام يوسف )]

حياتي روكه ربي يحفظلج علاوي وابوه
والحمد لله ع سلامتج وسلامت البيبي بس احتاج خدج لو لا؟؟
وبيا اسبوع ولدتي
حبي حنوشه خاف حملج صار متاخر لذلك هيج اتكولج اني معتمده ع السونار مال شهر الرابع
واني من اربع ايام تنزل عليه افرازات اهواي قبل هم جانت بس مو بهل كد وقريت بالنت انو الافرازات اتزيد بالشهر التاسع بعد مادري موعدي عندي الدكتور وم 11 خايفه خاف عندي التهاب الله يستر
واليوم اجاني وجع بظهري مثل مال الدوره يمكن 3 مرات بحيث كلت خاف مال ولاده وصرت احسب اجا 3 مرات تقريبا وراح والتقلصات بعدها مستمره ويايه

[( ام يوسف )]

بنات اني لازم ابقى بالمستشفى 3 ايام بالولاده
وفكرت اجيب هذا شنو رئيكم حلو لو لا


http://forum.hwaml.com/imgcache2/hwaml.com_1394233592_957.jpg (http://www.hwaml.com/up/)


http://forum.hwaml.com/imgcache2/hwaml.com_1394233592_132.jpg (http://www.hwaml.com/up/)

[حلمي بطفلي]

كلش حلو سيلا بس اشو 3 ايام ليش اذا ولادة طبيعية احنا هنا بس نص يوم يخلوها اذا ولادة طبيعية
والله سيلا شمدريني والدكتوره شمدريها صار متاخر اني غير على حساب الدورة شو هيه مره علدورة ومره على اول سونار

[حلمي بطفلي]

سيلا اني هم حبي ديصير عندي تقلصات والم دورة وافرازات مثلج ومداعرف هلشي عادي لو لا

[( ام يوسف )]

لان ايسون للطفل فحوصات الصبح والعصر مرت حماي كلولها اذا تريدين طلعي يعني بس ليله بس تجين الصبح والعصر ف بقت ل ثالث يوم ورجعت راحت باليوم الرابع
ف لازم اقل شي ليلتين واني شايله هم شون حكضيها :-(
التقلصات طبيعي لان الرحم دا يتهئ للولاده بس اني خايفه من الافرازات خاف ايكون عندي التهاب
حبي اني برئي تعتمدين ع الدوره وحسبي مثل ما كلتلج روكه اسبوع ورا الدوره هو هذا موعد الولاده قابل هي شمعرفها الدكتوره تشم كفا ايدها شوكت حتجيبين هو لو ع الدوره لو السونار
ووانتي لو اجيبين قبل الموعد ب اسلوعين لو بعده ب اسبوعين
لضوجين ولا تفكرين
انتي باخر سونارببا اسبوع جان وشكد جان وزن الطفل ؟؟؟

[روكة]

حبيبتي عادي اﻻم هاي بالشهر التاسع هيج الم ااوﻻدة يكون منتظم يعني مثﻻ تجيج عصرة وجع كل ساعة بعدين تبدي تتقرب كل نص ساعة ربع ساعة وهيج الى ان صير كل خمس دقايق وتﻻلم يقوة معناها هاي طلوكة يعني انتي شوفيها منتظمة لوﻻ هاي حسب مااعرف ﻻن اني وﻻدتي قيصرية ورابع يوم من شهر التاسع

[روكة]

سيﻻ حبي الحمد لله محتتج ااخدج بقى بيه يمكن نص ساعة بس طلع تعبان وشارب مي الراس

[( ام يوسف )]

اها الحمد لله بس شعجبج شارب مي الراس اني اللي اعرفه بس اللي ينولدون بعد موعدهم يشربون مي الراس

يله المهم اجا بالسلامه
طلع ولد مع انو كل سونار ايكلولج بنيه همزين ماجهزتي مال بنيه

[حلمي بطفلي]

اخر سونار جان سيلا حياتي جان قبل شهرين هيج شي وجان الوزن 1800 بعد هسه المفروض زايد بس ماعرف شكد انتي شكد وزن طفلج باخر سونار ؟؟؟

[redrose82]

هلو بنات شلونكم. ..انشاء الله بخير ...
سيلا عمري مشكورة . تعبتج وياي. ..بس فرحت من شفت التوقيع. ...جهازي بي مشكلة حاليا من ارجع لبيتي اسوي التوقيع عالابتوب انشاء الله ...
يابة شدو حيلكم انتي وحنوشة ...انشاء ساعة سهلة وتفرحون بنونواتكم. .
حنوشة امشي على حساب الدورة اضبط شئ مثل ماكالت سيلا لان السونار ياخذ على حجم الطفل وبي اسبوع او اثنين زايد ناقص. ..
ياسة حمد لله ع سلامتج ..دزيتلج مسج عالخاص علمود الاجازة واجرائاتها. .بس بريدج مملي مسحي قسم من الرسائل حتة توصل. ..
ام همام شلونج ياوردة وشلون ابو الهمة انشاء الله بخير. .ومها تسلم عليج وبعدها ماحبلت بس يمكن راحت للطبيبة الي كلتي عليها لان طلبت الرقم مرة لخ مني وهمزين حفظتة ..
روكة رجعت نورتنا ..بقت شفوقة بلكي ترجع لان اشتاقينالها. .هي ومنوش وميوش واروى ونبراس . ..يالة ننتظرهم يكبرون نونواتهم ويرجعو ...
بقية البنات لمى وام ليث. .انشاء تكونون بخير. ..

[redrose82]

طبعا زوجي انطاني تلفونة لان سريع بالنت ..وخطية جابة من كوريا ومعتز بي ..وحاليا جاي يلفظ انفاسة الاخيرة يمي ههههه. .همزين الحمل ستر علي. .ومئمنة من العقوبة. هههه
طبعا نساوتي قوية. ..وكلش ضعفت احاول اجبر نفسي بس ماكدر. .وعندي كآبة يكولون من الدوفاستون يكئب. .بعد مادري. .
وحاليا ماتوقع شئ اريد اطمئن عالطفل اخر سونار بالاسبوع ٨ انشاء الله اسبوعين بعد واخذ سونار ثاني وبلكي كلشي تمام ...حتة ارجع لبيتي ...صارلي شهر ونص بيت اهلي. ...

[حلمي بطفلي]

علايه فرحتلج حياتي الله يفرح قلبج ويثبت حملج حبي بس لتوهسين مثلي ههههه والكئابه عادي كلنه مرينه بيها واكثثر بعد
روكه حياتي خوش اكشن ولو مرعب بس الحمدلله مرت سلامات الله يحفظلج النونو وتفرحين بيه

[( ام يوسف )]

حنوششششه اني جان عندي سونار بنص الاسبوع الرابع وجان الوزن 2400 الحمد لله وماشاء الله
كلتلي اذا جبت بموعدي يوم 7_4 رح يكون الوزن 3100 تقريبا ان شاء الله
بس شعجب كول فتره طويله تاخذين سونار !!! اللي اعرفه كول شهر سونار وخاصه الشهر الثامن لان لاسامح الله علمود المي مال الطفل اذا ناقص او شي اني جنت خايفه من هذا الشي
بس ان شاء الله ماعندج شي



علوووشه ربي يتمملج ع خير واتشوفين طفلج بحضنج سالم متعافي يارب انتي وياسه
ويسهل علينا ولادتنا ني وحنوشه
يحفظ اطفالكم يااااااااااااااااا امهااااااااااااااااااااااات

[حلمي بطفلي]

حبي سيلا لا بالعكس اني جنت كل شهر اخذ بس اجتي فترة طبيبتي سافرت فما اخذت وعلمود الوزن ماشاء الله حياتي بس مفتهمت عليج شنو نص الاسبوع الرابع وجان 2400 يا اسبوع رابع هاي كلش صغير لو انتي غلطانه

اكولج حبي سيلا دتصير عندج الام مثل الدورة لو بس تقلصات عفيه كوليلي بسرعة

[( ام يوسف )]

صباح الخير كروشات وامهات
حنوشه حتلو دكتورتج مسافره بس ميصير علمود التحايل مال الدم والبول لازم كل شهر اكثر شي ،
اقصد نص الاسبوع 24 بس نسيت العشرين صاير عندي زهايمر :d
قبل يومين اجاني وجع بضهري مثل مال الدوره اجا ع 3 مرات وبعد مااجاني وراها
والتقلصات مستمره و دا تكثر وتطول مدتها يوم عن يوم

[redrose82]

واخيراااااا سويت شريط الحمل. ..سيلا مشكورة عمري. ..رحت للموقع النزلتي. .بس تصدكين كلما اكتب موعد ولادتي شهر التاسع .. يطيني شريط فايتة الولادة!!!!
اخر شئ اخرت ٣ ايام عن موعد ولادتي. .بشهر العاشر يالة قبل. ..يمكن راح اجيب بالعاشرهههه. .
يعني كلمن يشوف شريطي خلي يضيف فوكاه ٣ ايام. ..ههه
حنوشة الطلوكةما تختلف عن التقلصات الي تحسيها هسة. .بس مثل ماكالت روكة تبدي وتستمر وكلفترة تقل المدة بين وحدة وحدة لمن توصل بالدقايق ...اختي المحروسة طلكت يمي وشفت الفلم من بدايتة هههه. ..

[طوق الياسمينة]

ههههههههههههههه علاية مبروك على الشريط كلش حلو بالعافية ياربي يوم الي نجيب بالسلامة.... سيلا عمري شكلج ولادتج قريبة ديربالج على نفس وتجيبنة احسن ريوني...حنوشة حبي لتخافين ان شاء الل يجي النونو مدبدب وحلو ياربي

[طوق الياسمينة]

هلوووووووووووو روكة شلونج حبي الحمد لله على سلامتج منورة ياغالية والله فرحتينة الله يخليلج علاوي ياربي اشتاقيتلج كلش

[طوق الياسمينة]

سيلا السيت مال ولادة كلش حلووووووووو اشتري...ويوم الي تجيبين بالسلامة.....تني اخباري النزف وكف الحمد لله والتوسع راح بس طلع عندي تفطر بالمشيمة كالت يرادلها راحة هدوء وباجر ان شاء الله اروح للدكتورة

[لمى العراقية]

السلام عليكم شلونكم بنات مشتاقتلكم هواية حبيبتي نبروسة الف الف مبروك يتربة بعزكم ويتشوفيه عريس علاية وياسة الف الف مبروك والله يثبت حملكم وتمام الخلقة حنوشة وسيلا الله يسهل ولادتكم وتشوفون اطفالكم وام همام وبشارة وبنت الرافدين وباقي البنات ان شاء الله تكونون بخير يارب

[( ام يوسف )]

علايه الف مبروك الشريط يوم اللي توصلين للتاسع وربي يتمم الج و ل ياسه بالخير والبركة
والحمد لله ياسه وكف الدم اهم شي الرااااااااحه
لمى حمد لله ع السلامه حبيبتي شوكت رجعتي وشصار وياج بشرينا

[روكة]

شلونكم بنات اخباركم لمى حياتي شنو اخبارج بشرينا عﻻية ياسة حنوشة سيﻻ باقي البنات ان شاء الله كلكم بخير اني بيت اهلي واحتمال اليوم او باجر ارجع وبالبيت ماعندي نت يعني اغيب فترة وارجع وان شاء الله تكون حنوشة وسيﻻ ولدو بالسﻻمة ولتكطعون خلونا نعرف اخباركم

[المهندسة ام تيم]

هلوووووووووووووو حبيباتي
شنو اخبار الكروشات ان شاءالله بأأأأأأأأأألف خير حمودي يبوس نونواتكم
حياتي لماوي والله العظيم انتضرج من يوم الرحتي وافكر بيج دااااااااااااائما يلة بشرينا ليش رحتي ومكلتي شصار وياج

[المهندسة ام تيم]

حبايبي الحوامل الله يتمم حملكم بألف سلامة وساعة سهلللللللللللللللللللللة ان شاءالله

[روكة]

هلو نيبو شلونج وشنو اخبار حمودي اشو مسالتي علية

[روكة]

حنوشة دااشوفج اون ﻻين وينج خلي نسولف شوية عﻻوي نام استغل الوفت اسولف وياكم

[( ام يوسف )]

صباح الخير يابنات شلونكم
روكه حبيبتي لتغيبين اهواااااااي خلينا نسمعاخبارج
شنو بقيتي لل 40 يم اهلج ؟؟؟
وشلونه علاوي ايخليج اتنامين لو متعبج
ياهو اسهل الحمل لو الولاده ؟؟؟

نيبو الله يخليلج حمودي يار رررب

لماووووي وين اختفيتي طمنينا شصار وياج

[حلمي بطفلي]

روكه حياتي موجوده بس تقلصات دتصير عندي وسويت تحليل ادرار طلع عندي صليب ونص لان مداشرب مي وما اخذت علاج لان ضجت من المضادات الحيويه عود حطي نت روكه حتى نسولف عفيه
سيلا شلون امورج حياتي الظاهر مابقه شي علينهشوكت تسوين شيره كوليلي حتى اسوي وياج توئمي هههه
ياسه بشري رحتي للدكتوره وشصار وياج
علايه مبروك الشريط وانشاء الله يوم شريط جيبوبتج

لماوي شلونج حياتي مشتاقيلج الحمدلله عسلامه بشري شصار وياج بالنه يمج

[لمى العراقية]

حبيباتي اشكركم هواية صارلي شهر من اجيت من السليمانية بس صارت عندي ضروف ماكدرت ادخل واطمنكم والحمدلله قدر الله وماشاء فعل صار حمل بس وقف نمو وهسة اني كلش زينة لمن سمعت اخباركم

[لمى العراقية]

في صباح ساحر مع دعاء طاهر ارسل باقة ورد عاطر لاغلى من مر على الخاطر نبروسة وحنوشة وسيلا وياسة وعلاية وروكة وام همام وبشارة وبنت الرافدين وكل البنات اهديلكم هاي الابيات احبكم ومشتاقتلكم هواية هواية

[روكة]

لماوي حبيبتي اهم شي انتي بصحة وعافية والله يعوضج ان شاء الله وقريبا نسمع انتي حامل بحمل سليم ومعافى ان شاء الله سيلا ﻻوالله مبقيت للاربعين اسبوعين ورة وﻻدتي ورجعت بس صار هواية مجاية ومطالعة فبقيت اسبوع يمهم طبعا عﻻوي وكح وعندة سوالف يبو تخيلي بس اعوفة شوية الكاه فايت جوة البطانية ومختنك مدوخني شلون ديتحرك وهو مكمط والسهر مااحجيلج عليه المهم الحمل اسهل من الولادة بس كل هالتعب بس تشوفي يضحك تنسين الله يسهل عليج وعلى حنوشة وتكومون بالسلامة

[طوق الياسمينة]

هلو حبيباتي
لماوي الحمد لله على سلامتج...ادعيلج ياربي يفرح قلبج بحمل قريب ويتم بسلامة وتمام الخلقة بالي يمج ذيج الايام
سيلا الوردة اخبارج اني اتوقع ايا قليلة ونشوفج مختفية وراح نتوقع انتي ددتجيبين بالسلامة ياربي
حنوشة شلون حنوشي او حنوشة ...خطية بعدج متعرفين مو المهم ولد لو بنية المهم السلامة وتمام الخلقة
روكة ياربي تنورين بيتج ولتكطعين بينا
نبروسة منورة ياوردة
اني اخباري ....عندي فطر بالمشيمة هو الي سبب النزف الدكتورة الت راحة تامة وهدوء وحتى غسل مااغسل...اهي اهي اهي...وطلبت مني اسوي تحليل مال سكر..

[لمى العراقية]

حبيبتي روكة تسلميلي ربي يحفظلج عﻻوي وبوساتي اله وياسة حياتي ربي يتمم حملج وتشوفين طفلج لو تدرين شكد فرحتلج ويين البنات الباقيات مشتاقة احجي وياكم

[المهندسة ام تيم]

حياتي لماوي ربي يعوضج ان شاءالله يا عمري
الحمدالله ع سلامتج حبي

[حلمي بطفلي]

روكه حياتي تسلميلي الله يحفظلج علاوي

ياسه حبيبتي انشاء الله ماكو شي هيه بداية الحمل مخيفه ومزعجه والواحد يوهس بس تخلصين ال3 اشهر كلشي يروح

لماوي انشاء الله الشهر هذا تحملين يارب الله يرزقج بحمل سليم وتفرحين ادعيلج من كل قلبي

[( ام يوسف )]

حبيباتي اشكركم هواية صارلي شهر من اجيت من السليمانية بس صارت عندي ضروف ماكدرت ادخل واطمنكم والحمدلله قدر الله وماشاء فعل صار حمل بس وقف نمو وهسة اني كلش زينة لمن سمعت اخباركم


حبيبتي ربي يعوضج خير يااااارب وتحملين بهذا الشهر مو بعيده عن رب العالمين
ويارب واحنا ندعيلج وربي يرزقج الطفل السليم المتعافي ياااارب


سيلا ﻻوالله مبقيت للاربعين اسبوعين ورة وﻻدتي ورجعت بس صار هواية مجاية ومطالعة فبقيت اسبوع يمهم طبعا عﻻوي وكح وعندة سوالف يبو تخيلي بس اعوفة شوية الكاه فايت جوة البطانية ومختنك مدوخني شلون ديتحرك وهو مكمط والسهر مااحجيلج عليه المهم الحمل اسهل من الولادة بس كل هالتعب بس تشوفي يضحك تنسين الله يسهل عليج وعلى حنوشة وتكومون بالسلامة
اي الواحد ميرتاح الا ابيته اني اهلي يتوسلون بيه اروح اجيبعدهم بس مامتقبله الفكره اكول ماارتاح غير ابيتي حتى امي يمكن متكدر تجيكتلها مو مشكله عمتي قريبه عليه وهي تبقى يمي لحد ما ماما بصير عدها مجال وتجي
هههههههههه ربي يحفضه الج هو جيل هذا الوكت هم وبال اللفه وكحين ومينكدرلهم هههههههههه
تسلمين حبيبتي ويارب ايسهل ولادتنا اني وحنوشه وايصيرون جهالنا اصدقاااااااااااااااء



سيلا الوردة اخبارج اني اتوقع ايا قليلة ونشوفج مختفية وراح نتوقع انتي ددتجيبين بالسلامة ياربي

اني اخباري ....عندي فطر بالمشيمة هو الي سبب النزف الدكتورة الت راحة تامة وهدوء وحتى غسل مااغسل...اهي اهي اهي...وطلبت مني اسوي تحليل مال سكر..
لا والله ماتوقع اليوم جنت عند الدكتور وكالي لحد هسه مطوله لان بطني مرتفع من فوك كال من يصير جوه يعني تقرب الولاده
والله كريم والله تعبت اريد آولد مدا اكدر اتحرك مثل العالم ولا امشي ولا انام ع طول مكسره

حبيبتي ارتاحيييي ولتتحركين ابد قضيها هل كم شهر ......
بس انتي دا اتروحين ع الدوم لو لا ؟

روكه حياتي موجوده بس تقلصات دتصير عندي وسويت تحليل ادرار طلع عندي صليب ونص لان مداشرب مي وما اخذت علاج لان ضجت من المضادات الحيويه عود حطي نت روكه حتى نسولف عفيه
سيلا شلون امورج حياتي الظاهر مابقه شي علينهشوكت تسوين شيره كوليلي حتى اسوي وياج توئمي هههه




ان شاء الله ماكو شي وضلي شربي مي خلي يمج بطل وطلي شربي صيري بطه ههههههههههههههه
اليوم الدكتور كلي لسه مطوله لان بطني بعده مرتفع من فوك معناه ولادتي مطوله لحد هسه وانطاني موعد بعد اسبوعين ورا مااخلص الموعد اسوي ان شاء الله

[حلمي بطفلي]

اني خو كلتلي الدكتوره بطني نازله وميته خوف نيالج هههه اني اريدها اطول لان خايفه من الولادة ولو رجلي مورمه كلش سيلا غاديه طبل ههههه الله يسهل علينه ونجيب اكولج حبي بدت تصير عندج افرازات لو لا وشنو لونها ؟؟؟

[( ام يوسف )]

لا اني الحمد لله جسمي مامورم اليوم الدكتور جيك وكلي مامورم
لا اني اريد آولد بسرعه تعبت من الحمل ومن الخرعات تحرك متحرك نقص فيتامين الضغط صاعد والسكر مدري شبي يوميه مطلعيلي سالفه
اريييييييييييييييد آولد بسرعه واخلص ولو خايفه من الولاده بس شي لابد منه اذا هسه واذا بعدين وربي يسهلها
اي تنزل عليه من اول مدخلت التاسع زادت وخفت ايكون عندي التهاب واليوم مسويت تحليل دم ولا ادرار لان هاي اللي تسوي مجايه كلي تعالي غير يوم اذا تريدين
بس اني مااكدر لان زوجي عنده شغل يادوب اليوم وداني وانطوني موعد بعد اسبوعين
دا تنزل عندي افرازات بيضه ع صفار وكلي بعض الحوامل اتزييييد عدهم هاي الفرازات بالشهر التاسع واني من ضمنهم
وطمني وبعد ماادري اذا التهاب لو لا بس مااعتقد لان لا حكه ولا اروح حمام اهواي

يعني قربتي اذا بطنج نازل
هم دا تمشين ؟؟؟؟

[المهندسة ام تيم]

صبااااااااااااااااااح الخير

[المهندسة ام تيم]

حبيباتي سيلا وحنوش الله يكومكم انتو والنونوات بألف الف سلامة وسااااعة سهلة بأذن الله
بس توكلوا ع الله هي شدة وتزول وتضل الفرحة كل العمر
وبالطلق ادعو لأزواجكم واهلكم والمقربين الله يستجيب بذيج الساعة والله يشهد اني دعيت للبنات ياسة وعلاوي والبنات بالحمل وماشاءالله الله قدرلهم الله يتمم فرحتكم وفرحتهم ياااااااااااارب وتضموهم لصدركم

[لمى العراقية]

مساء الخير والعافية على احلى بنات

[redrose82]

هلو بنات شلونكم. ...انشاء الله كلكم بخير. ..
لماوي ..الحمد لله ع سلامتج وانشاء الله رب العالمين يعوضج بحمل من غير علاج ولا عمليات. ..مادام صار عندج حمل انشاء الله الامل موجود. ..واحنا ندعيلج. .
منورة نبراس شلونة حمادة. .
روكة. ..يمعودة سحبي نت. .حتة لو عالشريحة. .بس لاتكطعين بينا من ترجعين بيتج. ..
سراوي .وين غاااطة هالايام مشتاقيلج ...يمعودة راح ننقرض. ..هههههه
حنوشة وسيلا. .. يالة استجمعو شجاعتكم. ..وطاقتكم. ..انشاء الله ساعة سهلة. ..
ياسة. .شلون صرتي. .انشاء الله احسن. وسويتي اجازة لو بعدج

[لمى العراقية]

حبيبتي عﻻية منورة شلونج شلون الحمل وياج خوما متعبج ياالله شكد فرحتلج بعد طول انتظار الله اكرم عليج تستاهلين

[المهندسة ام تيم]

مسااااااااااااااااااااااااااااااء الفل والاحساس
مساء الورد والرومانسسسسسسسس

[لمى العراقية]

مساء العسل على احلى ام حمودي شلونج حبيبتي

[المهندسة ام تيم]

هلوات عمري شونج انتي الف الحمدالله ع سلامتج ربي يرزقج ميحرمج ياا قلبي

[المهندسة ام تيم]

شوفي حمادة ابني صورتي الرمزية وصلوا على سيدنا محمد(ع)

[لمى العراقية]

الله يسلمج حبيبتي ويخليلج حمودي

[لمى العراقية]

اللهم صلي على سيدنا محمد ربي يخلي الج وتشوفيه عريس

[المهندسة ام تيم]

اشكرج قلبي الله يسمع منج ربي يرزقج بحمل قريب عاجل يفرح قلبج ويسر خاطرج بجاه حبيبه النبي

[حلمي بطفلي]

سيلا حياتي الدكتورة نصحتني امشي بس اني مرات امشي ومرات ماكدر لان رجلي مورمه كلش بحيث اذا اكوم من مكاني تورم وطبعا ماعدا الادرار لان الطفل نازل يضغط علمثانه كلساع حمام عاااا فماعرف شسوي والمشي هم زين للحامل انتي دتمشين لو بعدج
ام حمودي تسلميلي حبي الله يحفظلج حم دي اكيد عليج حلوووو حبببي

علايه وياسه الله يثبت حملكم يلا انتو هم شدو الهمه نريد نشوف نونواتكم
لماوي انشاء الله قبل منجيب تبشرينا بحملج اني كتفائلتلج بالحمل القريب يارب

[&ام همام&]

هلو بنات شلونكم مشتاقتلكم
لماوي حبيبتي الله يعوضج انشاالله باقرب وقت بتوم وتفرحين اهم شي لاتنقهرين وخلي عينج بعين الله والله كريم
حنوش وسيلا يلة شدو حيلكم بد العد العكسي تكومون بسلامة انتو ونونواتكم
علوشتي شلونج شلونه حبيب خالتة ديري بالج علية الله يتمم ع خير
ام تيم الله يحفظلج حمودي وتشوفي عريس
ياسة شلونج بعدج ينزل دم
منوش وينج مختفية
اروى هم مختفية
روكة الحمد لله السلامة يتربى بعزكم ودلالكم طهرتي لو بعدج
سلام لكل البنات

[لمى العراقية]

مساء الخير بنات شلونكم حبيبتي ام همام اني اشكرج والحمد لله على كل حال أكيد خير الي وربي يخليلج همام حبي حنونة الله يسمع منج ويوم تبشرينا بوﻻدج انتي وسيﻻ وام حمودي شلونة حمودي ياسة وعﻻية شلونكم وشلون النونوات وباقي البنات انشاء الله تكونون بخير

[المهندسة ام تيم]

ام همومي الورد شونج حياتي
حبي بعدني مطهرت ابني لأن كلشششششش باردة وشوية كسر الجو واشو رجعت البرودة .. بلكي من يدفى الجو

زوجي ميقبل احتفل بطهور ابني يكولي انتي بيا زمن عايشة !!!!!!!!!!!!!
صدك مودة قديمة اني كلش فرحااانة بأبني هو رجع ضحكتي .. ليش ماافرح بي ..

شتكولون وبصرااااااااااحة
بوساااتي لكل الحبايب

[&ام همام&]

ليش لحد هسة اتاخرتي
عااااااادي احتفلي بطهوره وتونسي

[لمى العراقية]

احلى مساء على احلى بنات منورات ام همام وام حمودي

[&ام همام&]

هلا وكل الهلا بلماوي

[لمى العراقية]

هلو حبيبتي ام همام شلونج شلون ابو الهمة حبيب خالتة امانة بوسي الي

[لمى العراقية]

جمعة مبااارركة

[المهندسة ام تيم]

جمعة مباركة علينا وعليكم حبايب.. لا تنسوا قراءة سورة الكهف يرحمكم الله

[لمى العراقية]

مساء الخير بنات وينكم اشو ماكو احد

[redrose82]

مساااااااء الووووورد. ...شلونكم حبايب
عذروني دخولي قليل عندي مشكلة بالنقال ..بس افتح نت يطفى الجهاز. ..
لماوي عمري ..مشكورة عالسؤال والرسالة ياوردة. ..سالت عنج العافية وانشاء الله تؤام يخلون تنسين اسمج مو بس تنسيني ...هههههه. ..
ياسة شكو ماكو طمنينة شلونج هالايام ...
حنوشة وسيلا شلونم وي التاسع ..الله يعينكم ويسهلها عليكم. ..
سراوي. ..مس يوووو. ..انتي هم بوسيلي همام حبيبي. ..
منور حمودي وامة. ..شلونج عيني نيبو. .طهري ابنج كلما صغير احسن يطيب بسرعة. ..وفرحي وتونسي ..احنة اصلا من نطهر الولد نذبح ونطبخ وونفخ ونسويها هوسة. ..
بقية البنات روكة وشفوقة ومي ومناوي انشاء الله كلهم بخير. ..

[redrose82]

بنات انا وزني نازل. .وماكدر اكل ... بس اشوف الاكل اغتث ...مو بس اشوف حتة من اسمع احد يسولف على الاكل اغتث ومعدتي تكلب. ..مرات اجبر نفسي بس عندي حموضة حيل مئاذيتني ...شنو الاكلات الي تخفف الحموضة. .

[&ام همام&]

سلام عراقيات
شلونجن
شكو ماكو
علوش ليش حبيبتي اهم شي تتغذين روحي للدكتورة خلي تنطيج مشهي
اهم فتره هي هاي

[( ام يوسف )]

حنووشه اني بالعكس الدكتور ايكولي ضلي متمدده ومرتاحه واذا تريدين تمشي ف مو اهوايه ومو دائما
اني اتمنى امشي بس المشكله اضوج وحدي امشي وزوجي دائما بالشغلل بس حنوووشه اكلي تمر وعسل طبيعي كولش مفيد ايسهل الولاده
اني دا اكل يوميه لو خاشوكه لو اثنين عسل و تمر 3 الصبح ويه لبن و 3 بليل
وربييسهل علينا
ياسه طمنينا شلونج والنونو شلونه
علايه حبي لتاخافين حاولي تاكلين الاشياءء اللي متلعب نفسج منها اني نفسج هسه بالتاسع يله قل الوحام
اكل لبن وخيار دائما هم مفيد وهم ايقلل لعبان النفس وهس فتره وتعدي واذا عندج حموضه شربي عصير رمان او حليب بارد واذا كولش قوي كولي للطبيبه تكتبلج ع حبوب
اني هم نزل وزني 3 كيلوات لحد شهر الخامس يله صعد
اخذي فيتامينات اني اول 3 شهور اخذت فيتامينات تغني عن الاكل لان جنت كولشي مااكول فجانو يعوضوني عن الاكل
نبروسه الله يخليلج حمودي ويحفضه الج
روكه تعاليييي ترا نشتاقلججججج
ام همام ربي يحفظلج هيمو بوسيليااااا

[مدام التماري]

ياهلااا بالعراقيات شونكم؟

انا صديقتكم الجديده اتمنى تقبلوني وياكم عراقيه :) وحامل بالاسبوع السادس هسه الله يسهل علي وعلى كل حامل يااارب hwaml02

[redrose82]

هلو بنات
شكرا عالنصيحة سيلا حبيبتي. ..انشاء الله باجر اروح للطبيبة ويارب الكة كلشي تمام. ..ادعولي ...
مادري ليش يوم الطبيب والسونار ثكيل ويخوف. ...وين حنوشة ام الوسواس. .طلعت اضبط منها ...
مدام التماري ...هلة بيج ويانا ...ومبروك عالحمل انشاء الله يتمم حملج بخير وتفرحين بالنونو ...عرفينة عليج. .
ياسة مختفية. .قلقت عليج يمعودة. ..شنو اخبارج ربطتي لو ماتحتاجين. ...

[redrose82]

سراوي. .الله يحفظلج همومي. ..باجر اروح انشاء الله واكلها هالمشهي. .. لو فيتامينات ..بعد تقريبا اسبوعين واكمل الثالث ..موتني الفولك. .معدتي ماتتحملة ..

[لمى العراقية]

حبي علاية ان شاء الله تروحين وطمنينا عليج وعلى النونو نيبو شلونج شلون حمودي اشو ماكو ام همام قلبي شلون ابو الهمة ياسة شلونج حبيبتي مختفية ان شاء الله تكونين بخير طمنينا عليج حنوشة وسيلا يارب يسهل عليكم وتولدون بالسلامة وتشوفون اطفالكم بخير وعافية حبيبتي مدام التماري اهلا وسهلا بيج عرفينة بيج وباقي البنات ان شاء الله تكونون بخير يارب

[( ام يوسف )]

علوشه ان شاء الله الدكتوره اتفيدج وتنطيج شي ايفيدج
ياسه وحنووووشه بالي يمكم طمنونا عنكمممممممممممممممم
مدام التماري هله بيج حبيبتي نورتي التجمع شلونج وشلون الحمل وياج ربي يتمملج ع خير انتي وكل الحوامل يارب
لماوي ربي يرزقج بالقريب العاجل وتفرحينا ياااااااااااااارب

[مدام التماري]

هلو حبايب مشكورين عالاستقبال الحلو منور الموضوع بوجودكم ..

مممم انا اسمي لولو هههه (الحقيقي مو الدلع) .. عمري 19 سنه متزوجه من 6 شهور تقريبا وهذا اول حمل الي بالاسبوع السادس حاليا واتمنى يكون ولد بإذن الله واسمي يمان :) hwaml02 حاليا بالامارات بس بعدني ممستقره hwaml7

وهذا الي على بالي هسه اي شي ثاني سئلوني اخاف نسيت ههههه وعرفوني بيكم hwaml03

[طوق الياسمينة]

هلو حبيباتي عذروني انقطعت عنكم اني ببيت اهلي ...مسويت ربط ام السونار كالت عندي فطر بالمشميمة وتتعالج بالراحة واني مكضيتها متممدة ونايمة...سلامي الكم واحبكم كلكم

[( ام يوسف )]

اهلييين لولو
عاشت الاسامي وربي يتمملج حملج ع خير ويرزقج اللي تتمني
اني اسمي سالي وايسموني اهنا سيلا عمري 22 صالي سنه و 4 شهور متزوجه وحامل بالشهر التاسع وعايشه بالنروج مغتربه مثل حالتج

ووووووووووهاهيه اعتقد
صارلج اهواي بالامارات ؟
بدآالوحام عندج لو بعده

[( ام يوسف )]

ياسه ان شاء الله يتم حملج ع خير واهم شي ارتاحي وادللي ترى بعد الولاده يخلص الدلال هههههههههه
استغلي الفررص

[مدام التماري]

تسلمين حبيبتي عاشت الاسامي الله يكومج بالسلامه وتفرحينه وتفرحين بشوفة ابنج بإذن الله

الله يعينج عالغربه .. انا بالامارات من عمري سنه وورا زواجي ظليت يوميه بدوله هههههه وحاليا يم اهلي لحد ماتتيسرر شغلتنه بإذن الله

والله الوحام يوم عن يوم ديزيد كلش تعبانه الله يساعد كل حامل ويكومنه بالسلامه ويفرحنه بشوفة اولادنه وننساها ههههه

[مدام التماري]

طبعا انتي ولادتج راح تصير على مااعتقد ويااختي هههه حملج الاول هذا؟

[( ام يوسف )]

الله يسهل عليج حبيبتي ويجمعج ويه زوجج
الوحام اسوء شي بالحمل تعبني كولش :-(
ي هذا اول حمل اليه وموعد ولادتي بااذن الله 7 ابريل
الله يسهل علينا الولاده اني واختج وكل الحوامل يارب

[حلمي بطفلي]

هلو بنات شلونكم غبت عنكم لان النت جان مكطوع عندي بسبب خللل وعلساس صار الله يكرم ولو موزين بس يله وشكرا لكلمن سال عني مشتاقتلكم ودتصير عندي اوجاع تروح وتحي والله يستر

[طوق الياسمينة]

مدام لولو منورة ياوردة...اني جنت قبل شهرين بالامارات...سيلا حبي مابقالج شي يارب ولادة سهلة ويجينة احلى ريوني...حنوشة شلونج حبي مشتاقتلج شنو اخبارج خلصتي تجهيز غراض النونو؟؟وين ناوية اتجيبين ان شاء الله بيا مستشفى..علاية حبيبتي مشتاقتلج بكد الدنيا...شلونة النونو اكلي من تكدرين...ياربي يجي بالسلامة

[مدام التماري]

(عيونه دنيتي) انا الحمدلله زوجي وياي ههههه ماجان اجيت لاهلي اذا مو وياي :) الله يكومكم بالسلامه حبوبه

(طوق الياسمينة) مشكوره حبوبه النور نورج

[حلمي بطفلي]

ياسه حياتي تسلميلي يا عمري والله هيج وهيج الجهاز بعد ما كامل والجو محير مدري الواحد ياخذ شتوي مدري صيفي والله ناويه انشاء الله ببيت اهلي اجيب بس المستشفى ممقرره بعدني بس الاكثر مستشفى خاصه

انتي شخبارج واخبار الحمل وياج بشريني يارب انتي وعلايه ومدام بثبت حملكم

[&ام همام&]

سلام عليكم
شلونكم بنات
مشتاقتلكم حييييييييييييييل سيلا وحنوش شدو حيلكم هانت
علوشتي شلون صرتي وحبيبي شلونهة ديري بالج عليه
ام تيم شلونج وحمادة شلونة
ياسة شخبار الدم انشاالله انقطع ديري بالج اهم شي الراحة الراحة وماكو وكاحة انتبهي
روكة واروى ومنوش مهاوي وشفوقة وينجن

مدام التماري شلونج نورتي التجمع واهلا وسهلا بيج
والله يتمم حمللك ع خير
لمى شلونج حبيبتي عوفي المسابقات وتعالي نسولف
دانة العراق وين اختفيتي

[حلمي بطفلي]

ام همام منورة حبي شلونج وشلونه ابو الهمه يارب بخير

[&ام همام&]

هلو حنون شلونج هممامي الحمد لله
شخبارج شكد وتخلصين التاسع

[redrose82]

السلام عليكم ...شلونكم بنات. ..يارب كلكم بخير. .
شلونج سراوي ...انا الحمد لله زينة. .والنونو يسلم على خالتة ...وابن خالتة. .ابو الهمة
ياستي عندج العافية ارتاحي بيت اهلج. .يمعودة انا صار شهرين يمهم. .واليوم يالة رجعت لبيتي ...ديري بالج على نفسج. .وانشاء الله المشيمة تقوى. .
حنوشة. .شدي حيلج انتي وسيلا وكثري تمر وعسل ووكاحة هههه. ..الله يسهل عليكم. .
امهات حمودي. ..منوش واروى ونبراس يارب بخير. ..وميوش وشفوقة وام ليث انشاء الله نسمع اخبار طيبة عنهم. .
لماوي شلونج ياوردة. ..صار يومين ماكو. .لاتغيبن عنا ترى نشتاقلج. ..
لولو ..تشرفنا بمعرفتج ..انا علا عمري ٣٢ ومتزوجة من ٩ سنوات و معلمة جامعية. .ولحمد لله والشكر حامل. ..يارب يتمم حملنا على خير ويرزق لمى تؤام حلوين انشاء الله. .

[redrose82]

هلو سراوي شلونج. ..

[&ام همام&]

هلو علوش شلونج شكو ماكو

[redrose82]

الحمد لله زينة. .اليوم رحت للطبيبة. .واخذت سونار الحمد لله وضعي زين بس عندي هبوط شوي بالسكر لان مااكل

[&ام همام&]

يمعودة ديري بالج اهتمي بتغذيتج

[redrose82]

رحت اخر وحدة للسونار. ..والطبيبة كلش حبااابة. .خلت زوجي يفوت وياي ..لان خطية مشتاق يشوف الطفل. ...وراوتنا اياه جزء جوء من راسة لرجلية ..الله يحفظة ويجيبة بالسلامة ...انا ظليت ادمع. .يعني شوي بجيت ههههه. ..الحمد لله والشكر. .

[redrose82]

والله سراوي. .ماشتهي اكل ...احاول اغصب نفسي ..بس مشكلتي الحموضة ...وانطتني علاج بلكي يفيدها. .لان انا اصلا عندي مشاكل بالمعدة قبل لا احمل

[&ام همام&]

اوي فدة صدك لحظة حلوة من تشوفين الطفل
اني من جنت ب السادس دخل زوجي وشافة وبوكتها جان ابني مسوي اوكي بس فاتح اصابيعة
وبالنسبة للحموضة تنطيج دو حسب حالتج الله يسهلج

[redrose82]

انتم شلونكم. .شونة همام حبيبي. ..وابو همام شلونة ..يارب كلكم بصحة وعافية

[&ام همام&]

همهم دمرني مياكل بس يريد صدري وبالكوه سيريلاك
تعبت من عدم اكله
رحمة والديج تسال عنج العافية

[redrose82]

ههههه لو تدرين من حلت السونار على بطني واكو شاشة كبييييرة كبالي. ..طلع طفل اخترعت. .ههه كلت سبحان الله معقولة هذا بطني. ..اشو بطمي مخسوفة جوا. .حتة كرش ماعندي. .

[redrose82]

اوووو ...كمت اسحك. ..وينة مناوي شرطة السحك الله يذكرها بالخير

[&ام همام&]

ههههه
كومتي تشخبيطين بالكلام شنو نعسانة

[redrose82]

حبيبي. .هو مرات الطفل يصير نحيس يريد بس يرضع. ...حاولي تجوعينة وتنطي اكل. .مايحب الشوربات. .العصاير

[&ام همام&]

جانت منوش متعبر الا تكول سحكتتي

[redrose82]

ههههه ..نعسانة بس استوني اكلت ..لازم اظل كاعدة شوي...

[redrose82]

مرات ادخل للفيس الكاها معلقة على صور ملابس واشياء. ..بس ماجاي نتصادف سوا ..بس مها تسلم عليكم

[&ام همام&]

عندة استعداد يكتله الجوع ومياكل شوربة
وبالنسبة للعصاير موزين لان تتلف اسنانة وهم من يشوف حلا يعوف الحليب
يعني اليوم من 2ونص رضع لحد 9 ونص يله رضعتة وهو بس يبجي ميقبل العفو منج يتفلها الشوربة وتكوم نفسة تلعب
جهال اخر وكت على كولة امي جيل دعدع

[&ام همام&]

الله يسلمها وشفق ماعندج اخبار عنها

[redrose82]

اووو. .مو خوش سالفة. ..هاي شلعان قلب. .حتة بالطلعة احراج لان جبير ويندل مكان الحليب ههههه
قصدي عصاير طبيعية ..مثلا روبة وفواكة. . حليب وفواكة. .ملك شيك لو سموذي..مايحبها

[redrose82]

لا والله شفوقة صار فترة ماتراسلني. ..هي على حسابها بالمنتدى ادزلها عالخاص وتلكاها. ..بلكي حصلت نقل مدرسة قريبة وترتاح

[&ام همام&]

ملك شيك لو سموذي
شنو هاي ؟؟؟؟؟؟؟؟؟
علوش اني ماشيه ع كلام الدكتور بلاكل يكول يخاف من التحسس
لان هيج عمر ممكن يتعرض الى اسهال اوحساسية وندخل بمشكلة ثانية
كل عمر الى اكل معين

[redrose82]

هاي انتي مثل خواتي. ..ماشية عالقانون هههههه. ...وعدهن رعب من الحساسية والاسهال. ..بس يجون يمي الجهال. .راسن تحقيق شنو وكلتيهم !!!!

[redrose82]

اختي تشغل التلفزيون على سبيس تون لو طه ..وتنتظرهم يصفنون. .وتبدي تعبي. ..اكلها هذا اكل تحت تاثير المخدر. هههه

[&ام همام&]

هسة بس يجي عبوسي تتغيرين 180 درجة اني ماجنت اتوقع اصير هيج بحيث امي تضحك علية تكولي شنو عاقر وفكستي
احساس الامومة كللللللللللللش حلو الله لايحرم وحدة منه هسة تجربين وتكولين كالت سرى

[redrose82]

سراوي. .شنو هاي الصورة الرمزية. .يمعودة احنا ناس محرومين ههههه. ..زوجي يكلي شوكت يخلص الحصار ..كتلة للتاسع ههههه

[&ام همام&]

ما كلتيلي شنو هذا (((ملك شيك لو سموذي))))
اني هم استخدم هاي الطريقة بس همام يحب طيور بيبي
بس هالاياهم دا اشغل ذني القنوات حتى يحبهن

[redrose82]

اكيد الامومة شئ حلو ...وعندي عينات بالبيت. .هههه خواتي ومرة اخوي ...الحمد لله والشكر عالنعمة. .الله لا يحرم احد منها

[&ام همام&]

يمعودة كله كافي ماشبعت
اهم شي عبس خل يجي وكلش يهون اني هم جنت هيج اني زوجي حتى بالتاسع يخاف صار عندة ردة فعل

[redrose82]

ههههع لزكتي بيهن ..مثل عين الجمل ههههه. ..
حبيبتي السموذي روبة وفواكة وعسل تسويها بالخلاط تصير عصير حلو ومغذي بنفس الوقت لان مابي سكريات صناعية ...مثلا فراولة ...برتقال ..اي موع فاكهة. .اذا وي الروبة اسمة سموذي. .واذا بالحليب يسمو ملك شيك. .يعني حليب مخفوق

[&ام همام&]

والله علوش منكم نستفيد
صدك اريد اسئلج المنطقة اللي بالظهر اللي تكون بتحديد الستيان شنو اسمها
والمنطقة اللي فوك الكلى شنو اسمه
اقصد اسمائهن المتعارف عيه
اللي فوك الكلى نسميها عراعير
لان شوي بارزات عندي اريد اعرف اسمهن حتى اسوي رياضة الهن واخلص

[redrose82]

هاي اول مرة اسمع بهاي التسمية. .. الفوك حسب موقعها ...يعني. .لوح الكتف اذا هذا المثلث اللي على الجهتين. .واذا بالنص الفقرات ..مو !!!
والجوة بجهة الكلى. .نسميها الصفحة. ..ويمنى ويسرى .تدل على الم الكلى. .

[redrose82]

شنو جاي تدرسين تشريح. ..

[&ام همام&]

لالالالالالالالالالا
مافتهمتي قصدي اللي بتحديد الستيان مو اكونسوان من كثر سمنهن من تلبس الستيلن تحديدةيبين وتطلع زوائد
والمنطقة الثانية بين الكلى والعضلة شوي تسمن شنو ماشايفة نسوان سمان ؟؟؟؟؟!!!!!

[&ام همام&]

لج تشريح ليش من كعدة البيت شوي ذني برزن هسة موكافي كرش الولادة
يمعودة اني قبل الزواج بحياتي وزني ما وصل 55هسة 61

[redrose82]

اوو...صايرة ماركز. ..بالنسبة للظهر. .هاي اكيد تحدبين من ترضعين. . . تدنكين على ابنج. .هواي. .يسموها حدبة. .لازم تحاولين تخلين ظهرج دائما مستقيم

[redrose82]

والجوة. ..هاي شايفته.. خالاتي خطية بسرررررعة تكبر عدهن اول شئ يسمن بالجسم

[redrose82]

وبالنسبة لمنطقة الحمالات...انا من ضعفت تقريبا ١٠ كيلو يالة ضعفت هاي المنطقة. .اسمها محيط الصدر

[&ام همام&]

اكلج صايرة كللللللش استيعابج بطي
ولج مو حدبة صدك لو تشاقين ما ادري شلون اوصلج الفكرة بس جيبي ستيان وخلي اشرحلج

[redrose82]

هاي ماتروح بالرياضة. .الا تضعفين يالة تروح. . تحسين من يقل قياس الحمالات مالتج. ....ومرة سمعت انو الي تستخدم الشيرة للابط يصير عدها ترهل بهاي المنطقة ...ومنها وعفتها ..

[redrose82]

ههههههه. ..زهاااااايمر. ...لا مو انا قريت اول سطرين وجاوبت وبعدين قريت الوراها وجاوبت. ..سوررري. .همزين ماداوم ..ههه

[&ام همام&]

بارك الله بيج بشرتيني
بس اني الحمد موكلللش بارزات بس اني ما احبهن
وكلامج صحيح هسة انتبهت لان بمحرم لبست ثوب والبارحة لبستة حسيت اكو فرق

[&ام همام&]

اكلج باجر ساعة بيش تكدرين تدخلين حتى نكمل سوالفنا ونرجع امجادنا ماطول ماعندج دوام
لان لازم اكوم انام لان همام يكعد كل ساعتيت دمرني اروح الحك اخذلية غفوة

[redrose82]

هاي المنطقة الجوة ..جانت موضوع نقاش عدنا بالبيت. .البنات محتارات بيها خاصة اذا اكثر من طفل كلش تترهل..جربو المشي مافاد ..البايسكل ..او الدراجة الرياضية ..مافادت ..الحل الوحيد تعوغين النشويات والدهنيات يالة تروح

[redrose82]

انا موجودة اكثر شئ العصر ماعندي شئ. ..اخذي راحتج عمري. .نلتقي غدا باذن الله. ..

[&ام همام&]

تعوغين النشويات والدهنيات يالة تروح
شنو قصدج بهاي الكلمة

[redrose82]

فصدي النشويات التمن والخبز والمعكرونة. ..والدهنيات يعني القلي ...بين قوسين صيري ارنب واكلي خضروات ..

[&ام همام&]

والله عاجبني اكمل لان كللش ضايجة وحابة اسولف وياج
يلة تصبحين على خير

هاهاهاها اوكفي بعدني ما سديت المنتدى ابو الهمة كعد
خلي اروح ارضع وانام

[&ام همام&]

hwaml7hwaml7hwaml7
باي علوشة

[حلمي بطفلي]

ام همام حبيبتي المفروض اجيب بالرابع اذا الله راد بس اشو طبيبتي مستعجله بس تريد اجيبني واني ممكمله شهري ماعرف ليش ... شنو رئيج

علايه حبيبتي الحمدلله وضعج زين . اهم شي الراحه وماكو وكاحه هههه والله يثبت حملج وتشوفين عبسي بحضنج

[( ام يوسف )]

هلاو بنات شلونكم يارب الكل بخير ..........

[حلمي بطفلي]

هلو سيلا شلونج حياتي مشتاقتلج سوبتي شيرة لو بعدج تره دانتظرج عاااا

[( ام يوسف )]

الحمد لله ع الله انتي شلونج لا بعدني عندي موعد يوم الاربعاء ورا مااكمله اسوي ان شاء الله

[( ام يوسف )]

ان شاء الله ايكولي قربت ولدتج حتى اسوي واني مطمئنه لان المره الفاتت كلي مطوله ه اذا كلي مطوله انتظر للجمعه والسبت اسوي

[( ام يوسف )]

حتى اكون بالاسبوع 39 وميبقالي شي لل ولاده غير اسبوع

[حلمي بطفلي]

يعني يا تاريخ شكد بالشهر رح تسوين حتة اسوي وياج انشاء الله

[( ام يوسف )]

عندي موعد يوم الاربعاء يوم 26_3 رح اسوي الموعد واشوف شنو يكولي الدكتور مطوله لو لا
واسوي شيره يوم السبت او الحد يعني يوم 29 او 30 بس انت اذا الدكتوره كايلتلج ولادتج قريبه سوي علمود لتتور طين
بس اني شكلي مطوله اهئ اهئ

[حلمي بطفلي]

اني كلتلي موعدي 28 بس رح يصادف يوم جمعه فمارح اروح ورح اسوي شيرة انشاء الله بلكت السبت وراها اروح للطبيبه لان رح تفحصني داخلي تريد فعلمود هيج خاف تسويلي شي لو اسم الله يطك مي الراس فكلت بعد مابيها مجال ااخر الشيره اني لا الدكتورة هيه مستعجله على جيبوبتي ولا اني نفسج اتاخر بس هيه مدري شبيها

[& زهرة حياتي &]

شوووونكم بنات أن شاء الله الكل بخير يارب الي على باب والده تولد بألف سلامه والي حامل الله يتمم حملها على خير

[& زهرة حياتي &]

حمودي مأخذ كل وقتي مداكدر افوت دائماً واسلم عليك المهم اتكونين بخير يارب دووووم كم

[روكة]

هلو بنات شلونكم اخباركم حنوشة وسيﻻ عبالي جبتو يله ان شاء الله تجيبون وتكومون بالسﻻمة عﻻية بعد عمري شخبارج مشتاقتلج والله الله يثبت حملج وان شاء الله يطلعون توم يارب ارو يالغالية شلونج وشلونه حمودي اي والله صدوك منلحك ام همام شلونج ياقلبي وابو الهمة شلونة بعدة شالع قلبج لو استقرت نومته مشتاقتلكم كلكم اني يم اهلي جية سريعة رحت للدكتورة ﻻن الدورة بعدها مجايتني خفت ﻻيكون حمل بس الحمد لله طلعت متاخرة ﻻن صدري بيه حليب انطتني ابر تنزلها

[لمى العراقية]

السلام عليكم
شلونكم بنات
حبيباتي سيلا وحنوشة ان شاء الله تولدون بسلامة يارب
نيبو شلونج وشلون حمودي اشوماكو شنو حمودي لاهيج عنا
علاية وياسو شلونكم شلون النونوات ياربي يثبت حملكم وتجيبون احلى اطفال بالدنيا
ام همام شلونج ياغالية شلون ابو الهمة
وباقي البنات روكة بنت الرافديين واسفة اذا نسيت احد انشاء الله تكونون كلكم بخير وعافية يارب

[جسر الاحزان]

مرحبا بنات شلونجن شخبارجن شكو ماكو هههههههههههههه اني اليوم سجلت بالمنتدى اتمنى اتعرف عليجن
او اريد دعائجن كون الله يسهل عليه او اجيب او ارتاح لان تعبت والله

[&ام همام&]

مرحبا شلونكم بنات مشتاقييييييييييين
نورتي جسر الاحزان عرفينا عن نفسك
بس ليش اسم الله ليش اسمج هيج

[جسر الاحزان]

هلا اختي ام همام الغاليه اني اسمي نور عمري 21 مزوجه او حامل بشهر السابع
او بالنسبه للاسم هاي اختي العوبه كتله سجليلي بالمنتدى عافت اسامي كله سجلتلي هذا الاسم هههههههههههه

[&ام همام&]

نورتي نورة ضحكتيني من ورة اختج
اني ام همام خريجة علوم كيمياء وعندي بس همام
وعمرة بالتوقيع وسنين الزواج هم بالتوقيع
الله يكومج بسلامة يله هانت ما ظل شي وتخلين ابنج بحظنج وتفرحين بي

[مدام التماري]

هلوو حبايب شونكم اخباركم؟ انا اجيت جديده للتجمع من كم يوم وشردت ههههه .. بس عاجبني اكون صديقة الكم وماعرف شون هههه

[&ام همام&]

واذا حابة تغيرين اسمج
نزلي الموضوع بهذا الرابط والادارة انشاالله تغيرلج اسمج

http://forum.hwaml.com/f88.html

[&ام همام&]

شلونج مدام التماري
وين اختفيتي
انتي صرتي اخت وصديقة ميحتاج تفكرين شلون تصيرين
احنا كلنا خوات وصديقات واذا نكدر واحدة تساعد الثانية

[مدام التماري]

الله يخليج ام همام مشكوره حبيبتي .. والله انا دايما اقرا حجيكم بس ماعرف شون ادخل بالموضوع وياكم هههههه ونفس الوكت تعبانه من الوحام وزوجي الله يحفظه يزيده علي هههه

[جسر الاحزان]

منورات ام همام او مدام التماري خواتي الغاليات
اووف هجي اجيب او ارتاح ما اصدك ههههههههه ح لان متت او تعبت والله
الله يسهل عليج مدام التماري او يوميه دخلن خل اندردش شويه لان كلحنا ضايجين ههههه

[جسر الاحزان]

منورات ام همام او مدام التماري خواتي الغاليات
اووف هجي اجيب او ارتاح ما اصدك ههههههههه ح لان متت او تعبت والله
الله يسهل عليج مدام التماري او يوميه دخلن خل اندردش شويه لان كلحنا ضايجين ههههه

[طوق الياسمينة]

هلووووو حبيباتي شلونكم مشتاقتلكم كومة
علاية الوردة نفس الشعور الي حسيت بي من شفت النونو مالتي اول مرة...بس خطية البابا مالتنا لحد الان مشايفة بالسونار لان الطبيبة ادخل اكثر من وحدة بس ان شاء الله الزيارة الجاية اشرط عليها ادخلة وياية
سيلا وحنوشة قلبي وياكم مابقالكم شي ان شاء الله ولادة سهلة...ياربي..حنوشة شنو اسم طبيبتج؟؟؟
روكة نبروسة اروى وام همام والماوي والبنات الغايبات و الجديدات اهلا بيكم
اخر اخباري الحمد لله والبشكر البارحة سويت سونار كالت الفطر مال مشيمة ملتحم بس يرادلي راحة لان يجوز على غفلة ترجع...
كالت اكثر شي الطفل بنية وشكلها حركة ربي يخليها وتجي بالسلامة ونفرح بيها اني وابوها ياربي...

[redrose82]

هلو بنات شلونكم. .واخيرا دخلتو للتجمع. ..
هلا بنورة نورتينا. .انا علا عمري ٣٢ ومتزوجة من تسع سنوات وشريط الحمل كدامج وحسبي ههههه. ..حبيبتي انا السابع عندي حلم. .وانتي ضايجة منة ..سبحان الله. ..شوكت اوصل للسابع بس حتة افتك من النساوة. ..
ياسة الف مبروك عالبنوتة عمري. . والعريس موجود... انا كالت ولد. .بس ماصدكت لان بعدني بنهاية الثالث..كلت عالخاس انشاء الله اتاكد. ..
.وديري بالج حركة ماكو وتعب ماكو. ..لزكي المشيمة بصمغ ههههه. ...
انا اصلا ماتحرك لان بسرعة افحط ..واتعب. .الطبيبة تكلي من الحمل ..مع العلم دمي زين نوعا ما بس عندي صفرة بس اوكف ادوخ. ...
م همام شلونج عمري وشلون ابو الهمة ....
امهات حمودي ...مناوي واروى ونبراس. ..شلونكم وحمودياتكم
روكة ...كبل ندور حبالة تالي ورى الولادة ندور مانع. .ههههه..وعلاوي فوريلة شوي يانسون وانطي زين للغازات ويهدئ الطفل ..عن تجربة خواتي. .
سيلا وحنوش. .حاليا ملتهيات بالشيرة هههههه الله يسهل عليكم. .فوك تعب الولادة تعالي سوي حلاوة. ..ههههه
مدام التماري. .لولو. .براحتج اي موضوع يجي بالج احجي احنا خواتج هنا. ..

[&ام همام&]

مساء الخير
منو موجود؟؟؟؟؟؟؟؟؟ينطي تنبيه

[&ام همام&]

وينجن يا حلوات ؟؟؟؟؟؟؟؟؟؟؟؟؟

[جسر الاحزان]

منوره اختي طوق الياسمينه اكلج شنو انوب خيه فطر بلمشيمه هههههههههههه زين شلون حسيتي صار فطر بلمشيمه
حتى احنا هم نتحذر خاف اكو فطر الله يسهل عليج حبي او اجيبين بسلامه

منورة اخني علا الله يسهل عليج يا رب يمعوده علا ولد بنيه كلشي الجان بس اهم شي اسمه طفل هههههههههههه اي شلون عرفت الدكتووره بيج ولد او انتي بثالث اني بلخامس كالت ما امبين بلسادس يلا بين السونار بيه بنيه رقيه يمه يمته تجي رقرق هههههههه
اوف يلشيره شلون بينه خايبات مكينه مال حلاقه رجال او سون جسمجن بيه ولا اتأذي ولا اتعب هههههههههههه احسن حل
يا رب الله يسهل علينا او انجيب بسلامه

[اشواق الحب]

السﻻم عليكم شلونجن صبايا منو موجوده

[جسر الاحزان]

ام همام اني موجوده
منورة اشواق الحب عرفينه اب نفسج

[( ام يوسف )]

هلاو بنات شلونكم
منورات البنات الجديدات
اني سالي ويدلعوني اهنا البنات سيلا عمري 22 حامل بالتاسع واريد اولد واخلص :'( :'( :'(
متزوجه صار سنه و 5 شهور
عايشه بالنروج

[جسر الاحزان]

اهلا اختي سالي منورى الله يسهل عليج يا رب او اجيبين بسلامه بس ها مو اجيبين بعد ما ادخلين للمنتدى

[طوق الياسمينة]

صباح الورد عليكم يااحلى حوامل والي مو حامل ياربي تصير حامل عن قريب... والي عدها نونو يارب يخلي الها
علاية حبي لتتاكدين حيل لان اني هم اول يوم دخلت بشهر الرابع كالت الدكتورة ولد وجانت من تحجي وياية متاكدة من كلامها وهسة اخر سونار تكول مبين بنية والله اعلم...الشهر الجاي السونار يكون اضبط والحمد لله والشكر على كلشي اهم شي السلامة وتمامة الخلقة
بنات اريد اسالكم اول شي بمناسبة الشيرة والحلاوة اكو مكينة مال حلاقة نسائية اسمها فينوس يطلع اعلانها بالتلفزيون مجربيها زينة للمناطق الحساسة؟؟؟؟
والسوال الثاني بالحمل شتستخدمون كريم على اللبطن حتى يمنع التشقق؟؟؟؟ اختي جابتلي كوكو بتر بس مااعرف خوما اياثر على الحمل؟؟؟ لو مااخلي شي احسن شتكولون؟؟؟

[جسر الاحزان]

صباخ الورد اختي طوق الياسمينه
اختي بالنسبه للمكينه ما سامعه بيه او بالنسبه للكريم انصحج اختي لا تستعملين اي شي لا اتخلين اي اكريم الا لمن اجيبين تدرين اني الدكتوره سألته على عصاره ردت احط منه كالتلي لا اتخلين اي اكريم ايأثر عل طفل عود اني اريد اخليه بيدي
الله يسهل عليج يا رب

[&ام همام&]

سلام عليكم
شلونكم منورين التجمع

[&ام همام&]

نور الله يكومج بسلامة وتشوفين رقرق بخير وسلامة
ياسة شلونج المكينة ماسامعة بيها
وبالنسبة للكريم يفضل متخلين خوفا ع الطفل
سيلا شلونج وابنج شلونه بشري ماكو تشاليع يلة هانت
حنوش ماكو يمكن جابت الله يسهل
اشواق نورتي عرفينا بنفسج
علوشتي حبيبتي وينك شلونه صديقي
روكة شلونج يمعودة لاتسوين مانع خليها ع الله
ارو وينك حمودي لسة ماخذج منه
منوش اختفت بشكل موطبيعي
ميوش هم ماكو حارت بجالها
لماوي شلونج شخبارج الله يرزقج باحلى تؤام
ام تيم وينك هذا حمودي هم ماخذج منه
واحلى سلام ل شفق وام علي
ها اذكرت ام ليث ومروة وام حمودي وفرح وقمر يلة ارجعو

[مدام التماري]

ميووو هههه

[&ام همام&]

هلو مدام التماري سوري نسيتج
شنو اسمج او اختاري اسم مستعار حتى يصير اسهل علينا

[مدام التماري]

حبيبتي اسمي لولو :)

[&ام همام&]

هلا ب لولولولولولو
خخخخخخخخ

[redrose82]

هلو بنات صباح الورد. .شلونكم ... ياسة الظكينة ماسامعة بيها بس اذا قصدج شفرات حلاقة فاي نوع مو مهم ..وصحيح اكو انواع نسائية ...بالنسبة للكريم انتي تريد تستخدمي حتة لاتصير عندج تشققات ..نوع من الترطيب. .زبدة الكاكاو حلوة ومرطبة اذا طبيعية100%..واذا مركب تجميلي لاتستخدمي ..استخدمي زيت اللوز المر وتلكي عد العطارين مستخلص طبيعي ومابي اي مضرة عالطفل انشاء الله. ..

[redrose82]

شريطي التعبان بي نقص ثلاث ايام يعني هسة لازم بالرابع. ..والله قهر. .. ماريد اعدلة لان ادري مايضبط بس اكلة الولادة بشهر التاسع. .يطلعلي شريط خلصان...

[جسر الاحزان]

شلونجن بنات شخبارجن شلع ههههههههههههه
اكلجن اني طبيت اليوم بلثامن لو تقريبا باجر بس المهم اشو بطني اصغيره كلش ياهو ال يشوفه يكول صدك عود انتي بلسابع اني خايفه عادي لو لا شتكولن بس الطفله حركته زينه بس المشكله بطني صغيره شتكولن عادي لو لا

[جسر الاحزان]

الله يسهل على كل حامل يا رب او يرزق كل وحده ما عده اطفال

[مدام التماري]

حبيبتي اتوقع عادي انا اختي من حملت ببنتها جانت بشهرها وبطنها عبالك بالشهر الخامس هع وهسه حامل بولد ومن الشهر السادس خطيه متبهذله من كبر بطنها يعني عادي لتخافين

[جسر الاحزان]

بنات شلون اتخلن الشريط الحمل التوقيع ما اعرف شلون اخلي

[مدام التماري]

جسر الاحزان انطيني موعد ولادتج او اخر دوره الج وانا اسوي الج :) تدللين

[( ام يوسف )]

صباح الخيرررررر

[( ام يوسف )]

مبرووووك الولد علايه ومبرووووك البنوته ياسه يوم اللي نباركلكم ع الولاده ان شاء الله \
العريس حاضر ياسسسسه ودا ينتظر الاشاره خخخخخ
ربي يتمم علكيم بالخير

[( ام يوسف )]

لولو ربي يتمم عليج وتخلصي اشهر الوحام ان شاء الله مطلعين مثلي للتاسع مشتغل الوحام يمكن لحد ما اجيب خخخخخخخخخخخخخخخ

ام رقيه جسر الاحزان
الله يتمم عليج حبيبتي ولتقلقين ان شاء الله ماكو شي وهاي تعتمد ع الوراثه يعني اذا امج او اخوتج نفس الشي لو لا
يعني جان بطنهم صغير من ججانو حوامل وبنفس الوقت حسب معرفت انتي حامل ببنيه وال البنيه جملها بالجوانب مو مثل الولد البطن تكووون ناطه براااا خخخخخخخخ عبالك مخده خاله محدثتج من قلب الحدث ههههههههه
لتقلقين وبالمراجعه مالتج خلي الدكتوره تقيس بطنج وتكلج طبيعي او لا وربي يطمن قلبج وبالج

[( ام يوسف )]

وعلمود ال شريط مال توقيع
http://forum.hwaml.com/t276664.html
هذا الرابط يعلمج شلون تسوي

[( ام يوسف )]

ام همام شلونج حبيبتي يارب تكونين بخير وربي يحفظلج هيمو وابوه

[( ام يوسف )]

لمى شونج حبيبتي شخبارج دخولج اهنا صاير قليل عسى المانع خير
والبنات الباقيات المختفياااااات ان شاء الله ترجعونا بسرررررعه

[( ام يوسف )]

امــــــــــــــــــــــــــــا بـــــــــــــــــــــــعــــــــــــــــد hwaml16
عن نفسي hwaml4 ماكو اي بوادر ولاده والافندي كاعد ابطني ومستريح وعاجبته الوضعيه ودا انتظره يجي وماكو نتيجه hwaml17
اليوم جنت عند الدكتور hwaml10 وايكولي بعده منازل بالحوض وخايفه مينزل الله يستر بس

دعواتكم بناااااااااااااااااااااات

[( ام يوسف )]

اوووي اهواي حجيت وفواكاها دا احجي وحدي يله خلي اروح افرفر بالمنتدى وارجع اشوف اذا احد موجود

برب