تجمع الغاليات بنات العراااااق**التجمع الجديد** [الأرشيف] - الصفحة 3

( ام يوسف )

03-28-2014, 01:42 AM

ههههه ان شاء الله تجيبين وتفرحين بشوفة النونو وادكومون بالسلامه .. الله كريم الله يثبت حملي يارب انا الي مخوفني اهلي وابوه هواي ظلوا يحجون على الحمل اول ماعرفت بي وكلها ادكلي مو وكته وصار بوكت غلط لحد مايسوون بي شي ويرتاحون :( هههههه الوكاحه شنو نبطلها تمااما لو قصدج تخفيف هههههه الدكتوره كلتلي ماتضر بس بحد المعقول ههههه لتخوفيني يمعوده

الله يسلمج حبي وربي يثبت حملج ويكمله ع خير وحبيبتي الحمل الله كاتبه قابل بكيفكم وكل طفل تجي رزقته وياه وهو اللي رح يربط حياتكم وايسوي اكشن بيها
استودعي بيد ربج وهو قادر يحمي الج
ي اذا مينزل عليج افرازات بنيه ولا عندج اجهاض مسبق يصير بس اني جنت اخاف بس مره بالسبوع الوكاحه لان مرت حماي جان عادي الوكاحه يعني مثل قبل الحمل وصار ينزل عليها افرازات بنيه اهواي وتهددت بالجهاض وبعدين بطلو وكاحه وصارو عقال وبطل ينزل عليها شي
ان شاء الله ماكو شي لا عليج ولا ع النونو وربي يتمملج ع خير

( ام يوسف )

03-28-2014, 01:44 AM

هلو حبيبتي سيﻻ اني الحمدلله بخير وعافية وانتي شخبارج شخبار ريانووو شكله ﻻزك غير لزكة الله يسهل عليج الوﻻدة ودكومين بسﻻمة يارب

دوم ان شاء الله بخير يارب
اي لاززززك اليوم طلعت مشيت كومه وماكو نتيجه :'(
يله بلكي ع الايام الجايه الله كريم

لمى العراقية

03-28-2014, 02:00 AM

دوم ان شاء الله بخير يارب
اي لاززززك اليوم طلعت مشيت كومه وماكو نتيجه :'(
يله بلكي ع الايام الجايه الله كريم

الله يسهل عليج وتولدين بلسﻻمة

( ام يوسف )

03-28-2014, 02:43 AM

مبروووك الاشراف لماوي حبيبتي

مدام التماري

03-28-2014, 12:58 PM

هلا سيلا شونج :) لا انا الحمدلله مانزلت علي افرازات وهذا حملي الاول ان شاء الله ماكو شي والدوا الي نطتني اياه الدكتوره علمود الوحام حييييل تعبني :( صرت بس انام وراسي ثكيييييل ومااستوعب شي ابد مثل المحشش هههههه باجر اريد اخابرها واشوف المصيبه ادكلي صبح وليل لازم اخذه انام ومااشبع ههههه الله كريم

مدام التماري

03-28-2014, 12:59 PM

تسلمين حبيبتي لمى الله يسمع منج يارب :hwaml7

لمى العراقية

03-28-2014, 05:44 PM

مبروووك الاشراف لماوي حبيبتي
الله يبارك بيج حبي يوم تولدين بالسلامة يارب

لمى العراقية

03-28-2014, 05:48 PM

تسلمين حبيبتي لمى الله يسمع منج يارب :hwaml7
الله يسلمج حبيبتي

&ام همام&

03-28-2014, 05:50 PM

مساء الخير منو موجود ؟؟؟؟؟

لمى العراقية

03-28-2014, 05:54 PM

مساء النور منورة ام همام

المهندسة ام تيم

03-28-2014, 06:09 PM

مساااااااااااااااااااء العسل حبايب
حمودي يبوس خالاتة

&ام همام&

03-28-2014, 06:21 PM

مساء الفل لماوي ونبروسة
ليش ما نبهتو

مدام التماري

03-28-2014, 06:23 PM

صباح الخير هههه

جسر الاحزان

03-29-2014, 02:47 PM

مساء الخير شلزنجن بنات ان شاء الله بخير
بنات اني من طبيت بلثامن كامت توكع عليه افرازات لونه ابيض او مرات اصفر شتكولن عادي لو لا اني من قبل جانت توكع بس هسه شويه زادت والله اخاف اروح للدكتوره اطلعلي مية سالفه 0

طوق الياسمينة

03-29-2014, 08:23 PM

هلوووووووووو بنات حنوشة ماكو يمكن جابت ...هههههههههههه هية اليوم جانت ناوية تسوي شيرة...الله يسهل عليها... لماوي ياربي يوم الي تصيرين حامل امييييييييييين وعن قريب ان شاء الله ادعيلج من قلبي...علاية شلونج ياوردة...سيلا مابقة شي الشريط يقرة اسبوع وتخلصين شهرج...جسر الاحزان و مدام منورين المنتدى...نبروسة مشتاقيلج يمعودة

( ام يوسف )

03-31-2014, 05:16 AM

بناااااات اني صامده مو راضي يجي البيبي كرهت نفسي من الثكل اهئ اهئ
ادعوووووولي :'(:'(:'(:'(:'(

redrose82

03-31-2014, 02:25 PM

لسلام عليكم ياحلوات شلونكم. .مشتاقتلكم كلللللللكم. .
انا طبعا هالاسبوع دوام ومالحك اسولف وياكم. ..
سيلا عمري لاتضوجين انشاء الله يجي بوقتة. ...الله يسهل عليكم انتي وحنوشة. ..
ياسة عمري مشتاقتلج. ..شون صرتي انشاء الله احسن. ..
ام همام ماكو صار كم يوم غايبة ...خير انشاء الله. ..
لماوي عمري مبروك الاشراف. .انشاء الله نبارك لج بالحمل عن قريب. .يارررررب. .
نورة حبيبتي روحي للطبية وشوفي شنو سللفة الافرزات. ..يجوز عندج التهاب مجاري بسيط. .والله يتمم االج الحمل بسلامة ..انتي ولولو ..
روكة ..خلي نت عالشريحة يمعودة نريد نسمع اخبارج. ..مس يووووو

لمى العراقية

03-31-2014, 09:09 PM

مساء الخير عليكم حبايب شلونكم بنات
علاية الله يبارك بيج حبيبتي والله يثبت حملج
ياسو اشكرج حبي واني ادعيلج الله يتمم عليج حملج بخير وسلامة
سيلا وحنوشة شلونكم ياغاليات يلا عاد فضوها وجيبوووو ههههههههه
نيبو شلونج قلبي شلون حمودي شكله ماخذ كل وقتج وماتدخلين
ام همام شلونج ياغالية
وكل البنات ان شاء الله انتو بخير وعافية

&ام همام&

03-31-2014, 10:37 PM

مساء الخير
شلونكم
سيلا يلو هانت تحملي شويبس يمكن حنوشسبقتج
علوش شلونج ديري بالج لو تاخذين اجازة بعد ترناحين اكثر
لماوي شلونج حبيبتي
بقية البنات شلونكم
اني ما الي خلك صاراسبوعين فدخولي قليل

&ام همام&

03-31-2014, 10:38 PM

اللي تجي تنبه

لمى العراقية

03-31-2014, 10:39 PM

هلوووووووو ام همام منورة حبي شلون ابو الهمة

&ام همام&

03-31-2014, 10:48 PM

هلو لماوي ليش ما نبهتي
مالله ماادري زين همامي لو لا

لمى العراقية

03-31-2014, 10:54 PM

ليش حبيبتي شنو بيه الله يحفظه يارب

&ام همام&

03-31-2014, 10:55 PM

وينكم رح انفجررررررررررررررررررررررررر

&ام همام&

03-31-2014, 11:05 PM

والله ما ادري
ماريد اضوجكم مدري اني مدري همام
ضجت

( ام يوسف )

04-01-2014, 01:48 AM

ان شاء الله الله يسهل عليه و على كل الحوامل

خيرررر ام همام شبيه همام ضل بالي ؟؟؟؟

طوق الياسمينة

04-01-2014, 11:56 AM

هلووووووووووو حبيباتي شلونكم
شلونج ام همام خير خوماكو شي؟؟؟

مدام التماري

04-01-2014, 04:14 PM

هلو حبايب شونكم ؟؟ ياربي بخير

انا هاليومين منشوله ومصخنه :(( وعلى حظي يادكتوره اخابر عليها يا اجازه يا عدها شغل برا العياده وماعرف صارتلي تقلصات كلش قويه ورا الصخونه وهسه رايحه عالمستشفا ادعولي :(

( ام يوسف )

04-01-2014, 10:46 PM

لولو ان شاء الله مابيج غير العافيه والله يحفظلج البيبي يارب

( ام يوسف )

04-02-2014, 11:41 PM

يمكن حنوشه سوته صدوك وولدتتتتتت وعافتني اهئ اهئ

طوق الياسمينة

04-03-2014, 02:10 PM

هههههههههههههههههههههه سيلا صحيح يمكن حنوشة سبقتج هسة انريد اطمنة على سلامتها وشجابت ولد لو بنية

طوق الياسمينة

04-05-2014, 07:05 PM

يمعودين وينكم طمنزنا عن اخباركم

( ام يوسف )

04-06-2014, 04:18 PM

اني الحمد لله وابني بعده صامد ودا انتظر الفرج
انتي والنونو والدوام مالتج مسيطره ع الوضعيه لو ؟

طوق الياسمينة

04-06-2014, 08:24 PM

سيلا حبي صبري مابقى شي... النونو راسة بعدة منازل؟؟؟ شوكت ناوي الطبيب ايجيبج اذا مصارت عندج ولادة طبيعية؟؟؟ ياربي يسهلج الولادة وتشوفين احلى ريونة...اني ماخذة اجازة طويلة من الدوام وحاليا ببيت اهلي مكظيتها نووم...بنات اريد اسالكم شكد واحد لازم يترك المثبت اني هسة بالخامس بس تعرفون شصار عندي اخاف اترك المثبت لياثر على الطفل ولو الطبيبة كالت كطعي

( ام يوسف )

04-07-2014, 07:43 PM

اي صابره والله يقدم اللي بيه الخير لحد يوم 20 اذا مصارت ولاده ساعتها يتصرفون
اي احسن ارتاحي يم اهلج
والله ماعندي فكره ع المثبت اهنا مينطونا مثبتات ان شاء الله البنات يفيدوج
ولو همه مختفيات :'(

طوق الياسمينة

04-07-2014, 10:38 PM

الله يسهلج سيلا ...ياربي ولادة سهلة ومباركة...حبي اشتريتي السيت الي كلتي عليه ونزلتي صورتة بالنت مال ولادة...شوكت بديتي اتجهزين للطفل بيا شهر؟؟

( ام يوسف )

04-08-2014, 12:50 AM

تسلمين حبيبتي وربي يتتملج ع خير
لا والله مشتريته لان خفت ميوصل و اولد لان يحتاج لوقت اشتريت واحد من يمنا بالمحلات
بديت اجهز من عرفت ةلد لو بنيه وجان هذا بالاسبوع 18 تقريبا كل شهر اشتري شي يعني شهر العربانه شهر كرسي السياره شهر السرير وهكذا والملابس كلما الكي عروض اشتري طبعا هم بعد معرفت نوع الجنين هيج سويت لان حتى ماانسى شي وبنفس الوقت يمنا شغلات البيبي مثل العربانه والسرير والكرسي و كرسي هزاز غاليات والوضع مادري ميسمح اشتريهم كولهم بنفس الشهر وهم علمود العروض وحتى ما انخبص بالنهايه شويه شويه جهزت والحمد لله هسه كولشي جاهز انتي اشتريتي شي ؟ و اتاكدي من جنس الجنين؟

المهندسة ام تيم

04-08-2014, 05:57 PM

مسااااااااااااااااااااااااااء الفل

المهندسة ام تيم

04-08-2014, 06:06 PM

سيلا ان شاءالله تكومين بألف سلامة انتي وحنوشي ساعة سهلة ان شاءالله

المهندسة ام تيم

04-08-2014, 06:06 PM

الله يتمملكم بخير وسلامة حبيبااااااااااااااتي الحوامل الله يحفظ نونواتكم

طوق الياسمينة

04-08-2014, 10:51 PM

هلو سيلا اني اول مرة سويت سونار كالت ولد بس السونرين الاخرين كالت بنية بعد هذا الشهر اتاكد ان شاء الله..لا والله بعدني كلشي مشتريت بس والدتي راحت عمرة وجابت كم اوفر الوان متفرق للولد او البنية ان شاء الله من اعرف ابدي اشتري...نبروسة مساء الورد عليج

( ام يوسف )

04-09-2014, 12:39 AM

تسلمين حبيبتي نبروسه الله يحفظلج ابنج

ياسمينه يله ان شاء الله تتاكدين ولاحكه تشترين هو اصح شي السونار ب الاسبوع 18 احنا بس واحد ايسون بالاسبوع 18
وايكولون جنس الجنين
مقرره اسماء لو بعدج ؟
والاوفرات يارب يهريهم بالهنا امييييين

redrose82

04-09-2014, 02:03 AM

شلونكم حبايب. .مشتاقتلكم كلكم ...سيلا يمكن حنوشة جابت لان صار فترة ماكو. ..لو بعدها جان خبصتنا بالوسواس. .هههه
ياستي شلونج عمري. ..انشاء الله انتي والنونو بخير. ..
البنات مختفيان. ..بالنسبة الي جنت بيت اهلي كم يوم ...وتسمعون بس العافية انكسرت رحاتي وهسة محتارة. .كلها تكول ميصير اروح لطبيب الاسنان. .
بس الله يستر ويخف الالم شوي. .. لان حيل متئاذية. ..
سلامي للجميع. .. وانشاء لله يكفيكم شر وجع الاسنان ههههه

( ام يوسف )

04-09-2014, 02:40 AM

هلاو حبي علوشه شلونج والنونو شلونه والدوام دا اتروحين لو ضاربته اجازه مثل ياسمينه
الله يساعدج ويعينج ع وجع الاسنان بس اهواي سامعه ميصير وانتي هم سألي دكتورتج
حنوشه يمكن جابت بس غير تدخل اطمنا

المهندسة ام تيم

04-09-2014, 05:40 PM

المهندسة ام تيم

04-09-2014, 05:42 PM

حبي سيلا شوكت موعد ولاتج.. يا رب تكومين بالسلامة.. ولتسين تدعين للماوي بالولد ويفرحها ويعوضها ان شاءالله
الله يشهد اني منسيتكم بالدعاء اثناء الطلق

( ام يوسف )

04-09-2014, 09:54 PM

هلاو نبروسه حبي والله المفروض جان يوم 7 بس ماكو ولاده ولا اي الم لحد هسه رح انتظر ليوم 16 اذا ماولدت اتحول للمستشفى
ان شاء الله بهل ايام اولد وربي يسهلها وان شاء الله مااانسى احد بالطلق

المهندسة ام تيم

04-09-2014, 10:56 PM

حيااااااااااااتي الله يسهلج بولادة طبيعية .. بلكي ينطوج محرضات شي

لمى العراقية

04-09-2014, 11:26 PM

السلام عليكم
شلونكم بنات مشتاقتلكم هواية
ادعولي بنات صار خمسة ايام عن موعد الدورة
يارب يكون حمل وابشركم وهواية هواية خايفة

لمى العراقية

04-09-2014, 11:31 PM

حبي سيلا شوكت موعد ولاتج.. يا رب تكومين بالسلامة.. ولتسين تدعين للماوي بالولد ويفرحها ويعوضها ان شاءالله
الله يشهد اني منسيتكم بالدعاء اثناء الطلق
حبي نيبو شلونج وشلون حمودي واني اشكرج هواية هواية
والله يسهل على سيلا وحنوش بس شكل حنوش ولدت وخلاص الله يكومهم بسلامة يارب

منى عمري

04-09-2014, 11:50 PM

مرررررررحبا
شلوووونكم حبايبي
اني جدا جدا جدا اسفه انقطعت عنكم
بس صدك حمودي اخذ وقتي كله وبعد ماالحك اكمل شغل البيت حتى انام
شخباركم وحده وحده
مبروك حبي نيبو ولو متاخره انشالله يتربه بعزكم ودﻻلكم
حنووش شلونه والبنات
سيﻻ وام هيمو ومي ورقاوي وعلوش ويااسو
انشالله ياربي الكل بخير واعذروني اخاف نسيت وحده
مشششششتاقتلكم موووت

( ام يوسف )

04-10-2014, 12:01 AM

تسلمين يابنات ربي يسهل عليه ويرزقكم باللي تتمنو
لماوي حبي ياربي خير وتطلعين حامل سوي تحليل وبشرينا
منى ونبروسه الله يحفظلكم حمودياتكم ياحلوات ويفكون عنكم ياخه حتى نشوفكم

( ام يوسف )

04-11-2014, 04:19 AM

hwaml83hwaml83hwaml83

redrose82

04-11-2014, 04:33 PM

جمعة مباركة على الكل. ...شلونكم بنات ..انشاء الله يخير كلكم. ...
سيلا عمري لاتضوجين هي البكر تتاخر ولادتها. ..وانشاء الله ساعة سهلة. ..انا هالايام اداوم نص ونص هههههه مرات اخذ اجازة يومين بالاسبوع ..
نيبوووو عيني راح اسميج المراءة الحديدية ...يمعودة الله يساعدج شلون تحملتي بدون بنج. ..انتظر لثتي تتحسن شوي واروح للطبيبة ...
منوش منورة التجمع شلونة حمودي. ..
لماوي انشاء الله خير ونفرح بيج عن قريب. ..
ام همام جانت ضايجة خطية اخر مرة دخلت ..وبعد ما نعرف شنو اخبارها ..انشاء الله راحت الضوجة. ..
رقاوي وشفوقة واروى وحنوشة انشاء الله بخير. ...بلكي جابت حنوشة وتجي تسولف الاكشن مالتها. ..
ياسة شنو اخبارج وي الحمل انشاء الله بخير. ...
نورة ومدام التماري. .الله يسهل عليكم الحمل ...

المهندسة ام تيم

04-11-2014, 06:49 PM

حبيباااااتي مسائكم عسل
حياتي منوشة منوررررررررررررررررة الله يعينج والله التربية صعبة
لماوي ربي يرزقج بالحمل وتبشرينا وتفرحين ونفرحلج يا عمري

علوس شتعرفين عني.. اني صدك مرأة حديدية حتى بالبيت كلشي اسوي واشيل واحط واكلب ومااهتم اكول لزوجي انت مزوج رجال هههههههههههه

حبيباتي ربي تكومون بألف سلامة انتو ونونواتكم

المهندسة ام تيم

04-11-2014, 06:50 PM

ياسة حبي تعالي طمنينا عنج شخبار الحمل ..

redrose82

04-12-2014, 01:30 AM

ههههه ضحكتيني نيبو. ..انا قبل الحمل جنت رجاااال هسة صرت انثى ههههههه. ...قبل كلشي البيت والفراش والشغل كلة علي. ..لا وادفع نص الاجار ومصرف البيت من راتبي ...طبعا احس بالرجولة ههههه. ..بس هسة علمود النونو اخاف اسوي اي شئ كاعدة وساكتة. .بس كون تعدي سلامات وتمر اشهر الحمل بسلام انشاء الله. .

....ح

04-12-2014, 03:15 AM

&ام همام&

04-12-2014, 04:12 PM

مساء الخير
شلونكم كروشات وامهات

طوق الياسمينة

04-12-2014, 07:35 PM

هلوووووو حبيباتي ياربي لماوي ادعيلج من كلبي بالحمل السليم عن قريب جربي الشريط المنزلي وطمنينة... علوشة عندج العافية شوفي الاشياء المشتركة دتزيد اني هم الحشوة مال سني وكع جزء منها ودياذيني بس مغلسة على الموضوع لان اخاف على النونو... نبروسة حبس منورة وميوشة ...سيلا مابقة شي ياربي سهلة كلها ان شاء الله

المهندسة ام تيم

04-13-2014, 07:21 PM

امييييييييييييييييييييين علوشتي ربي يتمملكم حملكم بالسلامة يااااااااارب

المهندسة ام تيم

04-13-2014, 07:22 PM

منوررررة ام همومي العسل

ام ملك@@

04-13-2014, 09:00 PM

السلام عليكم ورحمة الله تعالى وبركاته

اسعد الله اوقاتكم
وجمعكم في الفردووس الاعلى من الجنة
باذن الله تعالى

غالياتي بنات العراااق

بسم الله نفتح التجمع الجديد بعد ان صعب التواصل بالتجمع القديم

الله يجعلو تجع الخير عليكم جميعاا

وارجو من الغاليات اعلامنا ان غفلنا عن عدد صفحات التجمع بان لا تفوق ال 20 لكي يسهل عليكم التواصل

مع تحياتي لكن جميعا

الله يعطيكم الف عاافية
وفقكم الله لما يحبه ويرضاه

السلام عليكم اتمنى تقبلوني معاكم انا ام ملك من العراق

المهندسة ام تيم

04-13-2014, 09:18 PM

منوووووووووووووووورة حبيبتي هلا بيج ويانة

( ام يوسف )

04-14-2014, 06:41 PM

بناات حببت اطمنك عليه ولدت البارحه يوم 13/4
وكانت ولاده صعبه ومتعسره بس الحمد لله كولشي ب اجره
وابني الحمد لله والشكر زين بس بعدني بال مستشفى لو باجر لو عكبه اطلع ياحوامل ربي يتمملكم ع خير ويرزق الحمل لكل اللي متمني

لمى العراقية

04-15-2014, 01:22 AM

حبيبتي سيﻻ الف الف الف مبررررووووك
والف الحمد لله على سﻻمتج ويتربى بعزكم
والله يخلي الج وتشوفيه عريس

لمى العراقية

04-15-2014, 01:41 AM

حبيباتي اشكركم هواية
قدر الله وماشاء فعل
نزلت الدورة وان شاء الله خيرها فغيرها
الحمد لله على كل حال

redrose82

04-15-2014, 12:56 PM

الف الف الف الف مليوووووووون مبروووووك حبيبتي سالي. ...الحمد لله على سلامتج وسلامة يموني ...انشاء الله يتربى بعزكم ودلالكم انتي وابوه. ..وتعب الولادة اجر انشاء الله وثواب. .

redrose82

04-15-2014, 12:57 PM

لماوي عمري لاتضوجين خيرها بغيرها بعدج صغيرة وربج كريم ماينسى احد. ..انشاء الله نفرح بيج عن قريب ..آميييين

redrose82

04-15-2014, 01:02 PM

ام همام وامهات حمودي ...شلونكم انشاء الله بخير. ..روكة بعد ماشفناها اكيد ملتهية بعلاوي الله يحفظة. .
ياسة شلونج وي الحمل. ..وهاي مشكلة الاسنان عادي وي الحمل. . شلونها النونة ماتحسين بحركة. .انا كلشي ماكو ابني خانس وجاي بالعرض. .مبين علية كسولي وعجوزي هههههه. .
حنوشة ماكو خبر عنها ...هسة لو بس تدخل نطمئن عليها. ..

المهندسة ام تيم

04-15-2014, 08:16 PM

حبيبتي الف الف تالالالالالالالالاف مبرووووك واالحمداالله ع سلامتكم حبيبتي سيلا
ان شاءالله يتربى بعزكم ودلالكم

المهندسة ام تيم

04-15-2014, 08:17 PM

لماوي حياتي ربي يعوضج بالجاي ويااااارب تحملي بتوأأأأأأأأأأأأأأأأأأأأم

&ام همام&

04-16-2014, 02:44 PM

سلام عليكم
مبروووووووووووووووك سيلا والحمد لله ع السلامة يتربى بعزكم
لماوي شلونج بلة حبيبتي لازعلين الفرحة قريبة انشاالله
ام حمودي نبروسة شلونج حبيبتي حمادة شلونة
علوش شلونج حبيب خالتة شلونه عادي الولد يتاخر بالحركة والوضعية هم تاثر ع الحركة وبالنسبة للاسنان عادي اني هم هاجن علية روحي للدكتورافضل اني انتظرت من صرت بالخامس يلة رحت وكال اكو بنج مال الحوامل بس كال تكدرين تتحملين خاف ع الطفل بس انطة مضمضة ومعجون خاص
سايمن شلونج شخبار ابنا انشاااله بخير
ام ملك نورتي واهــــــــــــــــلا وســـــــــــهلا بيج \
بقية البنات الغائبات كلجن مشتاقيلجن هوااااااي

طوق الياسمينة

04-17-2014, 02:39 PM

الف مبرووووووووووك حبي سيلا ياربي يتربى ريوني بعزكم وتشوفي احلى عريس...وصحتج شلونها المفروض اليوم انتي باللبيت ....الف مبرووووووووووووووووووووك

طوق الياسمينة

04-17-2014, 02:42 PM

لماوي حبي لتضوجين ادعيلج بالحمل القريب ان شاء الله...

لمى العراقية

04-18-2014, 11:14 AM

جمعة مباركة
حبيباتي اني كلش اشكركم واكيد هو خير الي
نبروسة شلونج وشلون حمودي
ام همام ان شاء الله تكونون بخير انتي وهمام
علاية وياسة شلونكم وشلون الحمل وياكم الله يتممم عليكم وتولدون بالسﻻمة
حبيبتي سيﻻ ربي يخليلج ريانووووو وتشوفيه عريس
حنوشة حبي مختفية بس ادخلي طمنينة عنج
ام ملك اهﻻ وسهﻻ بيج بين اخواتج
وباقي البنات يارب كلكم تكونون بخير

روكة

04-18-2014, 09:49 PM

هلو بنات شلونكم طولت عليكم علاوي مديض وشالع قلبي عنده حساسيةوخشمة مسدود وميقبل يرضع المهم حبيباتي انتو شلونكم سيلا حمد لله علا سلامتج ويتربه بعزكم الله يحفظه الج وان شاء الله ولدت حنوشة بالسلامة. علايه حبيبه قلبي الورد شلونج وشلونة الحمل وياج مشتاقين ام هيمو شلونج شخبارج شكو ماكو لماوي لضوجين ان شاء الله. قريب تفرحين بالحمل

redrose82

04-18-2014, 10:37 PM

هلاااااا بام علاوي نورتينا. ..شلونج وشلونة علاوي اسم الله عليه منين اجتة الحساسية !! وطبعا ميرضع الطفل اذا خشمة مسدود ميكدر يتنفس بعد. .انا شايفة خواتي يخلون شوي ملح بمي قليييل ونقطر بخشمة وشوي ينفتح ويتنفس. ..

روكة

04-18-2014, 11:26 PM

اي حبي اشتريتله بخاخ هو مي وملح افتح خشمة من يريد يرضع صدك طوال بشرته كولش حساسة يمثلون لان ابيض المهم صاير من جثة قطعة حمره مع العلم كولش اعتني بيه ابد مااخلي يطول بالحفاضة وعلا طول استخدم سيلافكس وطين خاوة الدكتور كال هاي من ورة الحر كتبلي كريم رمديفيد مااعرف شخليلة ويروح

redrose82

04-19-2014, 12:22 AM

حجيج صحيح الطفل الابيض كللللش حساسة بشرتة. ..وهاي مشكلة خواتي لحد عمر خمسة سنوات وانواع الحساسية الله يكفيج الشر. ..اخر مرة اخصائية اطفال كبيرة عدنا انطت اختي الصغيرة عصارة مال اطفال من الولادة فما فوق. .اسمها ..اليكا ان. ..هاي العصارة كلش زينة للحصف وتحسس الحفاضة واحسن من السيلافيكس .. مجربة سالي الصيدلاني عليخا وهو يكلج ..الحمد لله شوي ارتاحو. . وحاولي تغيرين نوع الحفاضة لمن تشوفين منو يناسب بشرتة اكثر ..بعد الحلو ميتحمل هههه

روكة

04-19-2014, 01:01 AM

حبي عصارة اليكا ام اني كنت استخدمها للفطريات يعني تصير للاطفال والحفاضات استخدم بامبرز هي احسن شي هلايام تخلي شوية يتهوة واتركة بدون حفاضة حتا يرتاح

( ام يوسف )

04-19-2014, 10:18 AM

بنات ادعولي انا بالمستشفى وابني في البيت عندي التهاب بالدم و شاكين غده بالرحم و داينطوني مضادات ان شاء الله اصير احسن و مااحتاج عمليه
قلقانه ع ابني وبس ابكي طول الوقت يارب ارجع للبيت ادعولي ربي يفرج همكم

redrose82

04-19-2014, 03:09 PM

سلامتج سالي عمري ماتشوفين شر. ..انشاء الله ماكو غدة ولاشئ وترجعين لبيتج وابنج بالسلامة. .. واحنا ندعيلج بالصحة والعافية. .

طوق الياسمينة

04-19-2014, 10:02 PM

حبي سيلا قهرتيني والله ادعيلج من كلبي بتمام الصحة والعافية وتكومين بالسلامة وترجعين ليبتج معاااافاية ياربي

روكة

04-19-2014, 10:47 PM

سالي ياقلبي ان شاء الله ماكو شي وترجعين لبيتج ولابنج ولتبجين بعدج نفسة موزين عليج الله شفيج وماكو غير الصحة والعافية

دانة العراق

04-20-2014, 12:50 PM

مرحبا بنات بلدي الغاليات
اسفة جدا لان انقطعت عنكم وعن المنتدى لفترة طويلة لكن اعذروني حدثتلنا حالة طارئة ابعدتني عنكم
المهم شلونكم حبيباتي ؟ اخباركم ؟ ها منو جابت منو صارت حامل ؟
ههههههه
متشوقة اعرف اخباركم غاليات

المهندسة ام تيم

04-22-2014, 11:01 PM

سلامتج سيلا حياااتي الله يكومج بالسلامة حبي

( ام يوسف )

04-23-2014, 09:07 PM

تسلمون حبيباتي اني طلعت للبيت بس بعدني مو بصحتي ودا اخذ مضادات الالتهاب وعندي مراجعه نهايه الاسبوع حتى يجيكون ع الرحم ان شاء الله ماكو شي

طوق الياسمينة

04-26-2014, 07:58 PM

حبي سيلا طمنيني شلون صرتي
مشتاقتلكم كلكم

&ام همام&

04-27-2014, 04:32 PM

سلامتج سالي انشاالله ماكو الا الخير

( ام يوسف )

04-28-2014, 12:11 PM

هلاو بنات شلونكم اخباركم اني الحمد لله البارحه خلصت الادويه وان شاء الله ميرجعلي المرض
بناتتتتتتت اوصيكم ديرو بالكم من العين ترا كول اللي صار بيه عين
طلعت من المستشفى عبالك مو والده الحمد لله اوبس يجون خطار تحرك وامشي و ماكعدت ابد و ماكو اربع ايام ووكعت ف ديرو بالكم حتى لو مابيكم شي اشكو وابجو هههههههههههههههه
والله يسلمكم جميعا و طمنونا عليكم ليش مختفين؟

المهندسة ام تيم

04-28-2014, 05:11 PM

حبيبتي سلامتج وسلامة عمرج قلبي ..
بوسااااتي لحبيبي ريوني والج

طوق الياسمينة

04-30-2014, 01:36 AM

الحمد لله على سلامتج ياوردة...الله يخلي ريوني...حنوشة اختفت فد فمرة ليش حنوشاتي... علاية حبي شخبارج نبروسة وام همام وام الحموديات والكل ياربي تكونون بخير

جسر الاحزان

05-04-2014, 05:28 PM

شلونجن بنات شخبارجن مشتاقتلجن ان شاء الله بخير

حلمي بطفلي

05-06-2014, 02:39 PM

هلو بنات شلونكم اشكر كلمن سال عني اني جبت الحمدلله طبيعي قبل شهر ونص وابني الله يحفظه طلع زين بس وره اسبوع ادهورت حالته وهسه مريض كلش ادعوله واني نفسيتي كلش تعبانه وانشاء الله اححيلكم كلشي واكشن الولاده هم دعواتكم الله يخليكم ادعوله يكون مابيه شي

redrose82

05-06-2014, 08:15 PM

الحمد لله على سلامتج حنوشة. .وانشاء الله يطيب ابنج ويكبر وتفرحين بي. ..
شلونكم بنات وين مختفين. ..
امهات حمودي وام ريوني وام علاوي وام همام كلها ملتهية...انشاء الله نسمع عنكم اخبار حلوة. ..

ياسة شلونج عمري انتي والنونة انشاء الله تمام. .ديري بالج على نفسج. ..
لماوي انشاء الله تفرحينة عن قريب. ...
جسر الاحزان ومدام التماري شلونكم وي الحمل...
انا الحمد لله زينة بس هالايام هملت نفسي شوي واتحرك هواي. ..وشوي الطفل نازل لازم ارتاح. .

( ام يوسف )

05-07-2014, 11:44 AM

الحمد لله على السلامة والله يشافي ويعافي يارب
وننتظرج حتى نشوف اكشن ولادتج وسبب اختفائج
شلونكم يابنات مشتاقتلكم طبعا دخولي صاير قليل لان مدا اكدر احك راسي من وراه
وأنتو قليل دا ادخلون
علوشه ارتاحي وان شاء الله مابيج غير العافيه
الله يتمم الكم ع خير انتي و ياسه وجسر الاحزان ومدام التماري ودانه و كل الحوامل يارب
يحفظ اطفالنا انا وكل الامهات
و يرزق لماوي وكل المنتظرات الحمل يارب بالذريه الصالحه بالقريب العاجل
واعذروني اذا نسيت احد لان صاير بي زهايمر من ولدت لهسه هههههههههههههههه

& زهرة حياتي &

05-07-2014, 08:50 PM

مساء الخير على الجميع

& زهرة حياتي &

05-07-2014, 08:54 PM

سيلا مبروك ولو متأخرة بس شسوي الحمودي مديخليني أشوف دربي يتربى بعزك ودلالك وحنووش حبيبتي الحمد الله على سلامتك وربي يشأ في ويعافي ابنك يارب أميين وميرويك بي مكروه أبد أبد علاية الورده شونك يارب اتكومين بألف سلامة ونقر عينك بالنونو و ام مهام الورده وحبيبة قلبي روووووكة مشتااااقتلكم كلش كلش كلش

& زهرة حياتي &

05-07-2014, 08:57 PM

وكل البنات أخاف نسيت احد لان مو بس زهايمر كلشي بيه هههههههه

& زهرة حياتي &

05-07-2014, 08:58 PM

من صار عندي مجال أنتو ماكو :('

المهندسة ام تيم

05-08-2014, 02:59 PM

الحمدالله عالسلامة حبي حنوشة والله يطمن قلبج ع ابنج ووسلامة ان شاءالله لتخافين اني ابني صار بي ذات الرئة من جان 40 يوم عمرهه والحمدالله الله الشافي المعافي

المهندسة ام تيم

05-08-2014, 03:02 PM

منورة ارو.. حمودياتنا مدينطونا مجال نتواصل وية العالم

المهندسة ام تيم

05-08-2014, 03:02 PM

حوامل الله يتمملكم بخير وسلامة حبايب .. ويفرحكم بأطفالكم

حلمي بطفلي

05-10-2014, 12:08 PM

هلو ينات شلونكم سيلا شلونج حبي حمدلله على سلامتج وسلامة ريوني يتربى بعزكم ... محجيتيلنه على اكشن الولاده .. اني بالحلقه الجايه احجيلكم اعوله لابني بنات الله يشفيه ... ام تيم تسلمين حبي ... ياسه وعلايه وكلالبنات دعيتلكم الله يرزقكم وبسهل عليكم بالولادة وبسلامه منسيت احد بالدعاء باثناء الولاده .... شلونكم مشتاقتلكم سيلا طهرتي ابنج لو بعد وشوكت اطهريه اني اريد اطهره وخايفه

المهندسة ام تيم

05-10-2014, 06:54 PM

سلامته حبي ماعليه شر ان شاءالله
حبي طهريه هسة ترة تتعذبين بس يكبر شوية اني موتني لأن بس يتحرك ويومية ضابة لو يطخة لو يجرة وجرحه ويضل يبجي طهري مدام صغير وبس نايم حتى تسيطري عليه

حلمي بطفلي

05-10-2014, 08:07 PM

يبو وين ينام جنني عفيه ولد ميحب للنوم ابد انتي صدك شكد عمره وطهرتيه وشوكت كمتي تطلعين بيه ليبره
اني مينام ابد اليوم كله بس 5 ساعات ينام وتاباقي كاعد مشايفه هيج طفل

redrose82

05-10-2014, 11:56 PM

هلووووو. ..بنات شلونكم. ...
حنوشة عمري الله يشافي ويعافي ويفرحج بي انشاء الله. .مشكورة على دعوتج الحلوة. .. ونصيحة طهري ابنج مدام صغير حتة يطيب بسرعة من يكبر يتعبج ويتاذى. .ومدام الجو حار بسرعة يلتئم الجرح. .
نيبو منورة شلونج وشلونة حمودي انشاء الله بخير ..انتي وامهات حمودي الباقيات. ..
روكة ماكو اكيد ملتهية بعلاوي الحلو. ..وام همام مختفية ماكو. ..
سيلا ديري بالج على نفسج وتغذي زين ..
ياسة وجسر الاحزان ومدام التماري الله يسر حملكم. ..
لماوي هم مختفية. ..

حلمي بطفلي

05-11-2014, 12:24 AM

علايه مانسيتج من الدعاء انتي وياسه ولمى الله يحميكم وتشوفون جهالكم انشاء الله اطهره .. شلونه ابنج بديتي اجهزين لو لا اكيد متلهفه تشوفيه هههه

redrose82

05-12-2014, 12:39 AM

مشكورة حبيبتي حنوشة. ..ماكلتي شنو سميتي ابنج الله يحفظة ويخلي الج وانشاء الله تجيبلة اخوان واخوات. ..
انا بالنسبة الي ماجهز هسة انشاء الله بالاشهر الاخيرة. ..كل يوم يفوت احمد الله واشكرة ..مامستعجلة عالتجهيز. ..ههههه. ..بس الحمد لله هالايام بديت احس بالحركة على خفيف. .احساس حلو. ..الله لايحرم احد من هاي النعمة. ..

حلمي بطفلي

05-12-2014, 02:12 AM

حبيبتي علايه سميته محمد ..على اسم الرسول عليه افضل السلام... والله يفرحج بطفلج صدك احساس حلو ذكرتيني بالحمل وايامه تعرفين اول حمل يكون احساس يخبل ومن تجيبين يكولون بعد احلى هو فعلا بعد احلى لان تشوفيه كدام عينج بس مادري انس اشتاق لايام الحمل واحنلها هوايه اكثر من الجيبوبه مادري لان خلص الدلال واجه الكراب هههه...انتي شناويه تسمين ابنج انشاء الله

حلمي بطفلي

05-12-2014, 01:38 PM

سيلا وينج ؟؟؟؟؟ ..وين ياسه وام تيم وعلايه ولمى والبتات وام همام ئو ماكوووو

( ام يوسف )

05-12-2014, 01:44 PM

هلاو شلونكم ياحلوات الله يسلمج حنوشه الله يشافي ابنج هو شعنده ؟
اني بعدني مطهرته وزوجي ديلح عليه بس مقرره ع السابع اطهره ان شاء الله يعني بعد شهر ونص حتى يكون كبران شوي و اخاف هو واصغير لتن اهواي اطفال يطهرون هكه وصغار وميضبط ويضطرون يسوون طهورين

والله كريم كوله بالتساهيل
علايه ربي يتمملك حملك ع خير يارب انتي و ياسه وكل الحوامل
طبعا اكشن الولاده مالتي كولش صعب اخاف احجي لان خاف الحوامل يتعقدون اذا وافقو احجي ★

redrose82

05-12-2014, 05:28 PM

شلونكم بنات. ..
حنوشة انشاء الله ينعاد عليج الاحساس باخو لو اخت لابنج. .... واكيد ماكو احلى من اسم محمد ( ص) ...يعني انظميتي لتجمع امهات حمودي الله يحفطهم ويكثرهم. ..
سيلا خطية ابنج طهري هسة احسن بعدين يبدي يفتهم وخطية يتاذى ابن النفاس كلة نايم ومايعرف شنو السالفة ههههه
انا جان بالي اسم بس زوجي مايرضى يريد اسم ثاني. .فقررنا مانحجي بالموضوع لمن اوصل بالتاسع انشاء الله. .الله يسهل على كل الحوامل. .
وبالنسبة للاكشن هاي كلها بيد رب العالمين كل وحدة ولادتها تختلف عن الثانية سولفي براحتج. ..
بقية البنات ماكووووووو. ..

حلمي بطفلي

05-13-2014, 12:37 AM

سيلا ماعرف بس يخوفون بيه مره هيج ومره هيج هسه احجيلكم لاحقا ... اني ماعرف بمال صغير وتالي طهورين انتي ناويه شكد يصير عمؤه واطهريه اني خوفوني كالو الالتهابات والامراض لان مو طهور من وكت مادري بعد
لا سيلا اححيلنه الاكشن اني هم اريد اسولف .. لان اني اولد وانتي بالي اكةل يا مدري سبقتها مدري سبقتني واريد ثنينه نحيب سويه ههههه يلا طهور ولدنه بلكت سويه ..
علايه مره سمعت منج تردين اسميه عباس مو صح لو اني غلطانه يمعوده شمجان المهم اجيبين بااسلامه هاي احسن شي وتمام الخلقه

( ام يوسف )

05-13-2014, 12:42 PM

الله كريم ع الطهور كولشي بتساهيله

( ام يوسف )

05-13-2014, 12:52 PM

كان يا مكان في يوم 11/4 اني مااحس بأي بوادر ولاده واني جان موعدي يوم 7 ع حساب السونار و يوم 10 ع احساب الدكتور يوم 11 طلعت اني وزوجي مشيت ع البحر كوووومه بحيث تغبتتتتت واكوله لزوجي اكيد حيسوولي عمليه والمكان اللي رحتله كوله صعدات ونزلات رجعت المغرب وبعدين بليل صار بيني وبين زوجي (وكاحه )
وبعدين نمت كعدت الصبح ب 9 دينزل مني دم من امسح وماكو اي وجع اني كلت عزا خاف اجيب واني نعسانه خلي اروح اشبع نوم دخلت سبحت و نمت وراها لل 1 الظهر لكيت الدم يزيد كلي زوجي حتصل ع المستشفى
اني كتله لحظظظظظه خلي اشسور خاف ايكولون تعالي هههههههههههههه فايقه ورايقه
بعدين شسورت وخابر المستتشفى كالو اكو وجع كتله لا كالت اذا نزل دم بالسانتي تعالي واذا اجا وجع كول 5 دقايق تعالي واني الدم جان بس من امسح

الجزء الثاني قريبا لان كعد ريوني :-(

redrose82

05-13-2014, 04:28 PM

همزين لهنا ماكو شئ يخوف هههههه. ..الله يستر مبين الاكشن كلة بالجزء الثاني. ..
حنوشة اذا صحتج زينة وصحة النونو طهري احسن ..وطهري عند مضمد او مطهر مدري شسمة دير بالج تاخذي لطبيب لان الاطباء هاي مو شغلتهم وميضبطوها. ..عدنا اثنين لهسة ابن اختي وابن خالتي وابو طبيب عشتو وطهورهم مو صحيح. ..لان الابهات عاندو وراحو للطبيب. ..فاحسن شئ انطي الخبز لخبازة هههه. ..يعني مضمد ثقة ... هاي نصيحتي ....
وبالنسبة للاسم بعد راح اخلي هو يسمي هالمرة واذا ربنا قاسملي بالسلامة بعد انا اسمي. ..اشتغل الطمع ههههه. ..ولو رب العالمين كريم وعطاياه واسعة ...
البنات الباقي ماكو. ..انشاء الله خير

طوق الياسمينة

05-14-2014, 12:51 AM

هلو بنات فرحتوني رجعتوا للتجمع
حنوشة الحمد لله على سلامتج ياربي تشوفي عريس
علاية ديربالج على نفسج
سيلا شلون صرتي ياربي زينة
نبراس شلونه حمودي
اني حامل ببنية والحمد لله والشكر...يعني عيني بنتي راح تدلل لان البنية الوحيدة بالمنتدى البقية كلهم ولد
ياربي يفرح لماوي وكل منتظرة بالحمل العاجل امين ياربي

( ام يوسف )

05-14-2014, 02:16 PM

هلاو ياسه حبي مبروك عليج البنوته رح تصير عركه عليييييها هههههههههههههههه من هسه محجوزه هاااا ؟
والله عندي مراجعه يوم 21 ايجيكون الرحم ان شاء الله ماكو شي :'(

( ام يوسف )

05-14-2014, 02:29 PM

الجزء الثاني
يوم السبت اللي هو يوم 12 دخل ابو زوجي للمستشفى اتمرض وراح زوجي ايشوفه اني حجيت ويه ماما ودك سوالف وماكلتلها شي لان يضل بالها
بعدين دخلت العفو الحمام لكيت كوووومه دم خفت خابرت زوجي كتله وكال رح اجي اخذج واني جنت بعدني دا احجي ويه ماما كتلها عمتي رح تجي تنام عندي لان اعرف من اكولها هيج مدك عليه بعد
اجا زوجي اخذني واني ولا عبالك اضحك و اسولف واكول الله هيج الولاده سهله ههههههههه
المهم الكدامك متجوز من النت دخلت قريت جان كاتبين اذا استمر الدم يعني اكو خلل بالمشيمه
المهم دخلوني غرفه الفحص وخلولي مال الطلق حتى ايتابعو وكول شويه يجون يسالوني يتحرك اكولهم لا مدا احس بشي وشافو طلق بالساعه مره لو مرتين
بعدين كالو لازم انسويلج سونار لان مدا يتحرك وبهذا الحجي الدم مستمر
اطبعا اني كذابه هههههههه جان يتحرك بس اريد ايسوولي سونار لان اذا اكولهم يتحرك ميسوولي سونار ههههههههههه
وخرعت زوجي وامه من كتلهم ميتحرك لان اذا اكله لزوجي يتحرك ايرزلني وايكةلي كوليلهم ف اختصرت الموضوع
شافو السونار كولشي تمام جان الحمد لله و كلولي روحي للبيت من يصير كول 5 دقايق تعاي
رجعت الساعه 9 و رحت ابيت اخت زوجي اتعشينا و سولفنا والوجع بلش ب 10 يجيني اني واهناك بس ماكلت لحد
الجزء الثالث قريبا خلي اروح اطبخ :'(

&ام همام&

05-16-2014, 07:20 PM

مساء الخير عليكم
شلونكم عيوني
مشتاقيييييييييين
الحمد لله على سلامتكم حنان وسالي يتربون بعرزكم
سلامي لكم جميعا

طوق الياسمينة

05-18-2014, 12:10 AM

منورة ام همام... سيلا حلو الاكشن مال ولادة مالتج...بس خرعتيني وانقهرت عليج كلش من كتبتيلنا ادعولي اني بالمستشفى لان صار عندج مشكلة بعد الولادة... حلو الاكشن انتظر البقية
حنوشة انتي اخر شي كتبتلينا انوا انتي تردين اتسوين شيرة وجان موعدج اذكر يوم سبت ... يلة سولفينا
بنات اني هسة بنص السادس وبعدني اخذ دوفستون عادي لو لا؟؟؟ واخذ بركنا كير...وصدك المثبتات وراها قيصيرية يعني ماكو امل بالطبيعي؟؟؟

روكة

05-18-2014, 01:07 AM

هلو بنات شلونكم مشتاقتلكم كلش كلش حنوشة وسيلا حمد لله علا سلامتكم ياسمينة لتفكرين طبيعي عملية المهم تكومين بالسلامة انتي والبنوتة فديت قلبها ارو بعد عمري الج وحشة يالغالية شلونج انتي وحمودي وعلاية القلب الله يفرحج بالنونو وتعدي الشهور بسرعة وتخلي بحضنج الله يحفظة الج ياوردة سراوي ام همام شلونج قليب وشلونة ابو الهمة مشتاقين نسمع اخبارج ميوش منو يعرف اخبارها وتحياتي لكل البنات

روكة

05-18-2014, 01:12 AM

بنات اريد اطهر علاوي بس خايفة ومترددة لان هو نحس وحرك شلون اذا طهرته اخاف ياذي نفسة بحركتة زين بالنسبة للحفاظة شلون البسها اله واذا لابس حفاظة اخاف يلتهب بسبب البول انتو شنو رايكم ياريت تفيدوني بمعلوماتكم

( ام يوسف )

05-19-2014, 12:45 PM

شلونكم ياحلوات ياسه حبيبتي ربي يتمملج حلمج انتي وعلايه وربي يسويلكم اللي بي خير الكم
روكه انتي نفس مشكلتي هم اخاف من الطهور وحايره شسوي يوميه ااجللها والله يستر

( ام يوسف )

05-19-2014, 01:15 PM

الجزء الثالث
رجعت للبيت الساعه 11 وغيرت ملابسي و دخلت الغرفه ع اساس انام زوجي راءسا" صار بسابع نومه واني الوجع ايصير 4 مرات بالساعه ورها 5 ورها كل 10 دقايق واخر شي صار كل 5 دقايق وطلما اتوجع اروح للهول حنى ليكعد زوجي ويخبصني
اخر شي اجا الوجع فجاءه و طلع صوتي فكعد .ها شنو كتله صار كل 5 دقايق المهم خابر المستشفى كالو تعالو خابرنا ام زوجي وغيرت ملابسي هاي الساعه 4 الفجر رحت للمستشفى المهم دخلوني غرفه الكشف وخلولي مال الطلق ودكات الكلب مال الطفل واني نعساااانه بين طلقه وطلقه انام من اتعب والخوف
قاسولي الرحم طلع 2 سانتمتر ورا كل هلوجع طبعا الدم جان مستمر
وجنت اتوجع كولش دخلت سبحت عساس بهل طريقه يفتح الرحم بسرعه وانطوني تحميله تهدي الوجع بس كلاوات طلعت متغير شي من الوجع
وع ال 8 الصبح لكوه صاير 4
ودوني لغرفه الولاده ع الساعه 10 خلوني بالبانيو حتى يصير توسع اكثر والووجع مستمر انطوني الاوكسجين وجنت استخدمه غلط واني عبالي ميفيدني ابجي واكله لزوجي مدا يفيدني وزيدو نلي الجرعه مالته ونفس الشي وبعدده الوجع وبعدين علمتني شلون استخدمه وبقيت حاضنته ماقبل اهده وطبعا صار ماعندي طاقه كامو ينطوني مشروبات طاقه و لبن بالفواكه وايوكلوني وماكو فايده اخر شي خلولي مغذيات طبعا من الساعه 12 صار 8 والوجع زاد و مدا يتغير ولا يزيد ولاشويه اخر شي ع الساعه 2:30
كالو لازم انخليلج ابره الظهر واني اكولهم اريددددددد عمليه بس خلصوني
مقبلو ايسوولي وطبعا زوجي مقبل ع ابره الظهر لان اني من نوع اتحرك اهواي وخاف انو يصير شلل اذا الواحد اتحرك ورها كالو لل ساعه 3 اذا متغير شي انخليها اذا قبلتو او مقبلتو
و اني جان الوجع بس بضهري لذلك رادو ايخلولياها
جابولي مخذه كبيره ونيموني ع بطني عليها حتى يخف وماكو فايده
اخر شي ب 3 صار 9 وره شوي صار 10 وصارت الولاده و متت بالولاده لان مدا يطلع وظليت هيج اخر شي ولدت ع 4:16
بعد ماشفت نجوم بعز الظهر جانت ولادتي صعب وعسره طبعا زوجي جان ويايه بالولاده خطيه حصل رزايل هههه جنت بس اعيط عليه خطيه وهو يتحمل وميحجي شي واني استغليت الفرصه هههههههه
واخر شي طلع وخلوه عليه و بدو ينضفوني طبعا اول مخلوه عليه زوجي اخذلي صوره اني وياه للطفل ودزهه ل اهلي لان همه ميدرون دا اولد لان مردت ايضل بالهم خطيه
خطيه كيفو التكمله بالجزء الرابع

( ام يوسف )

05-19-2014, 01:16 PM

ع فكره غيرت اسم ابني من ريان ل يوسف

المهندسة ام تيم

05-21-2014, 12:53 AM

الف حمدالله ع سلامتج حبي .. اكشن ولادتج مرررررررررررعب بشكل .. الله يعيينا هي هاية بداية الامومة..

المهندسة ام تيم

05-21-2014, 12:56 AM

روكة حبي اني طهرت حمودي قبل شهرين يمكن بالكاويةيعني مو بالطريقة القديمة ومن طلع من الطبيب لبس حفاضة وشدتها بس اول يوم من تطهرية
وبالعكس البوم يعقم الجرح يعني عاادي
بسنصيحتي انه اول ايام لتحفضيه . خل ينام هيجي عالهوا وخليلة نايلونة جواه فد 4 او 4 ايام بس ينشف المكان وراها عااادي
لتخااافين اني هم جنت اخاف بس كلش بسيطة حتى دم ميطلع
والله يسهلج حبي

المهندسة ام تيم

05-21-2014, 12:57 AM

المهندسة ام تيم

05-21-2014, 12:58 AM

ياسو حياااتي ربي يحفظلج البنوتة ان شاءالله

المهندسة ام تيم

05-21-2014, 12:58 AM

حنوشة يلة سولفينا اكشن ولادتج وليش حمادة تمرض شصار بي ..؟؟

حلمي بطفلي

05-21-2014, 01:03 AM

ياسه حياتي مبروك البنوته وعلايه مبروك الولد يارب تجيبون بسلامه وتفرحون بيهم ... سيلا عمري نفس المعانات بس الله يساعدج الحمدلله خلصت بشوفة يوسف مبروك الاسم الجديد بس ليش غيرتيه ؟؟ وشوكت رح اطهرين ابنج

بنات سؤال عفيه وضروري كلمن تشوف السؤال اجاوبني بداعت ابنها مو تجواب بعين لان مستعجله اريد اعرف سمعت اكو طهور بكوي وطهور بخياط منو مجربهم وياهو الاحسن ... ام تيم وام همام شنو جان طهور ابنكم وبياعمر طهرتوه وعلايه هم عفيه الي مطهره ابنها دكولي روكه والكل عفيه

المهندسة ام تيم

05-21-2014, 01:03 AM

ياسوو حبي للتخااافين اني للثامن واخذ مثبتات وابني تالي تزحلك اول يومين بالتاسع هههههههههههههه
المهم تكملين حبي طبيعي قيصري اي شي
ولو من تشوفين الم الطبيعي تتمنين لو تولدين قيصري ههههههههههه

المهندسة ام تيم

05-21-2014, 01:05 AM

حنوش حياتي الف حمدالله ع سلامتج حبي..
كتبت تفصيل بالصفحة السابقة
اني طهرت ابني بالكوي وماشااءالله صار يخبوووول
ولا قطرة دم .. والم بس اول ليلة من تطهرية وراها عادي

المهندسة ام تيم

05-21-2014, 01:06 AM

لماوي حبي مشتاااااااااااااااااااقين جداااا
شنو اخبارج...

المهندسة ام تيم

05-21-2014, 01:08 AM

ياسو شنو اخبار فحصج اليوم يااااااااااارب اخبار تطمن..؟

حلمي بطفلي

05-21-2014, 03:10 PM

حبي ام تيم شكرا حياتي الله يخليلج حمودي ... اكيد اسولفلكم اكشن الولاده مالتي بس يسكت حمودي هههه
اكولج حبي يا طبيب وديتيه لان اني ماعرف احد علمود هيج خايفه ومتردده ولو زحمه عليج بس هسه كوليلي عفيه

&ام همام&

05-22-2014, 04:59 PM

مساء الخير شلونكم
سالي حلو الاكشن ومرعب بس الحمد لله ع السلامة
حنوش اني طهرت ابني بالكاوية واول مرة اسمع مال الخياط
لاتتاخرين بعد لان كل ميكبر لحمتة تقوى ويطول ليصير زين
روكة شلونج علازي شلونة
مبروك ياسة على البنوتة
علوش شلونج ونونو شلونة
ام تيم شلونج وحموقي شلونة \بقية البنات شلونكم انشاالله الكل بخير

حلمي بطفلي

05-22-2014, 06:07 PM

هلو بنات شلونكم واخيرا طهرت حمودي بعد تفكير وعناء طويل من كثرة القلق الحمدلله على كل حال يوم اطهرين ابنج سيلا بس طبعا عرس علينه الليل كله منامه من البجي ولحمته بعدها دانتظر واشوف شلون رح اطيب بس الحمدلله اهم شي خلصت من حمل جنت افكر بيه

طوق الياسمينة

05-22-2014, 10:40 PM

مبروووووووووووك حنوشة...نبروسة حبي تسلمين على الكلام الطيب ياطيبة فحصي بعد اسبوعين ان شاء الله
... ام همام الله يبارك بيج ياربي...علاية مشتاااااقين ياربي انتي والننونو زينين...سيلا طمنينا شلونج انتي وريوني
بنات اريد اسالكم على جهاز الولادة كم افر اول احتاج؟؟؟ اني اشتريت تي شيرتات ودشداديش علمود الصرة حتى مطخ لحد متوكف...بس هاي الاوفرات والبجايم القطعتين والشغلات المرتبة شكد احتاج اشتري؟؟؟؟
وشكد احتاج فانيلات وبجايم وتي شيرتات جوة الملابس؟؟؟ سولفولي شجهزتوا والعدد؟؟؟

المهندسة ام تيم

05-23-2014, 12:07 AM

مبرووك حنوشة حياتي .. ان شاءالله تفرحين بعرسه

المهندسة ام تيم

05-23-2014, 12:11 AM

ياسو حيااتي تكومين بألف سلامة انتي وحبيبتي النوني

اشتري 4 اوفرات 2 بردت و2 بلا ردن وبيجامات فد 4
وكماطات 3
ودشدات 3 بيها ردن كاملة
كب 2 للراس
كله لازم قطن 100 %
ملحف
منشفة
بطانية
بطانية خفيفة كلش
صداري رضاعة

ان شاءالله شوكت بالسلامة تولدين حتى اكولج شنو صيفي وشنو شتوي..؟؟

حلمي بطفلي

05-23-2014, 01:48 AM

ام تيم حياتي يوم عرس حمودي وتخاويه حياتي تسلمين
ياسه يارب ماكو شي وجيبين بالسلامه شوفي حبي اني بوكتها تاخرت بالتجهيز لان مجنت متاكده من جنس الطفل والدكتوره كل مره دكول شكل بس قبل ماجيب باسبوع تقريبا جهزتلي ماما وطبعا هيه قبلها جانت تشتريلي واظم لكن مو لون محدد بياضات ترهم للولد والبنيه وانتي هم هيج سوي الي تحتاجيه 3 اوفرات بنص ردن او كات لان رح اجيبين بآب اللهاب يعني حاره مو مال ثخين و ولحاف وبطانيه كلش خغيفه لثكلين حتى ما تتمرض لان رح تجي الحلوه بعز الصيف كماطات كلهن موزينه بالسوك خيطي احسن اني ما كمطت ابني بس 3 ايلم وهيج علخفيف ويضوج منه وعفته بعد بكيفج جفوف مال ايد حتى متخرمش وجها اذا متكمطيها اوفرات خارجيه فد عدد 5 او 7ﻻن تستهلكين جتطه حفاظات مميات فد 5 خاوايات مناشف عدد 3 صابونه وشامبو وليفه وبيت طفل ومشمع عدد3 هاي الي اذكرها الرئيسيه ولتكثرين لان الطفل يكبر بشرعه ويارب بالتمام يون جهاز زواجها

طوق الياسمينة

05-23-2014, 11:23 PM

تسلمون حنوشة ونبروسة زين كلتولي....اني جنت محسبة غير حسابات ...تسلمون...نبروسة ان شاء الله اجيب بشهر 8

المهندسة ام تيم

05-24-2014, 11:49 AM

ان شاءالله بالف سلامة عمررري

حلمي بطفلي

05-26-2014, 02:55 PM

تدللين حبي ياسه
سيلا وينج وعلايه وينها
ام تيم شلونج وشلونه حمودي يارب تكونون بخير
بنات الي جابو والي جايبين قبل شكد عمر ابنكم وبدياو تطلعون بيه للمحلات والمولات وبيوت الناس كولونه حتى نستفيد عفيه

المهندسة ام تيم

05-26-2014, 10:25 PM

بأي عمر من 3 وفوك .. المهم ترتبيله وضعه واخاف يحتاج رضاعة وانتي تتمشين بنص السوك واخاف يكوم يبجي ويتنحس وانتي ببيت احد او بسوك او بمول وتتضايقين يعني هاية المعوقات بس صحيا ماعليه شي امانة الله ورسوله

طوق الياسمينة

05-26-2014, 10:38 PM

هلو بنات اليوم صار عندي ضيق بالتنفس وخفقان...ودوخة بحيث مكدرت انام لا بالليل ولا بالنهار...اختي تكلي هاي فقر دم...شتكولون صح كلامها لو شي ثاني الضغط طبيعي والحمد لله...احس كلش تعبانة مااكدر اتنفس طبيعي

حلمي بطفلي

05-27-2014, 01:12 AM

ام تيم تسلمين حياتي يعني انتي 3 اشهر بقيتي بالبيت ولا مره طلعتي يبووووو ؟؟؟؟؟؟
ياسه حبي كلما تتقدمين بالحمل ويزداد حجم بطنج يزداد ضيق التنفس لان الرحم ديكبر والطفل بيه ويضغط علحجاب الحاجز فعادي هلشي ضيق التنفس والخفقان كلشي المره الحامل تمر بيه من غربب بس هلشي عادي واكو قسم يصير بيهم وقسم لا... وممكن فقر الدم هم هيج يسوي ليش لا بس حللي اذا طبيعي وموىجوه ال 9 فمعناها مثل مكتلج ويارب سلامات حبي

المهندسة ام تيم

05-27-2014, 06:49 PM

حبي حنوشة اني الحمل كله بالبيت وفوكاها ولدت بالشتا ومكدرت اطلع الا طلع البرد وكبر حمودي .. يعني سنة الا شوية اني نايمة بالبيت والحمدالله

حلمي بطفلي

05-28-2014, 01:03 AM

الله يساعدج حياتي يعني اول طلعه اله شكد جان عمره حمودي الله يحفظه

redrose82

05-28-2014, 02:24 PM

شلونكم بنات انشاء الله بخير. ...
ياسة عمري عندج العافية ..هاي الاعراض الي كلتيها مال فقر دم ...طبعا قبل فترة صارت عندي وخفت رحت لاهلي ورحت للطبيب طلع دمي ٩ وعندي التهاب مسالك بولية قوي. ..نفس الحالة خفقان وصعوبة بالتنفس. .نطوني شهر مهلة التزم بالتغذية والمقويات وراها اذا مارتفع دمي ابرررررر حديد. ...وخذت مضاد حيوي للاتهاب. ..روحي جيكي وضعج وانشاء الله خير. ..
امهات حمودي شلونكم وحمودياتكم الله يحفظهم. ..
حنوشة سالت عنج العافية عمري. ..
بقية البنات انشاء الله كلكم بخير وصحة وسلامة

redrose82

05-28-2014, 02:27 PM

حنوشةهاي سالفة الخفقان مسويلتي رعب كل شوي الزم كلبي عبالك عجوز. ...الحمد لله طلع فقر دم ولاغير شئ. .وبالنسبة للاتهابات منو صارت عدها وشلون عالجتوها. ..انا اشرب مي دائما ..واخذت مضاد حيوي دورة كاملة. ..بس بعد اكو حرقة. ..واخاف تاثر عالحمل

حلمي بطفلي

05-29-2014, 01:30 AM

علايه حياتي ماعندج غير العافيه .. حبيبتي فقر الدم بالحمل عادي كلش لان الطفل دياخذه اني جان 9 وطبيبتي كلشي مخلتني اخذ كالت ميحتاج وهو وره الولاده يرجع وبالفعل رجع بعد الولاده بس انتي اذا كلتلج اخذي وتغذي حتى متحتاجين لابر لو دم لا سامح الله
بالنسبه للالتهابات هاي عادي بالحمل هم لان مناعتج قليله وماخذها ابنج الكتكوت
بسسسس لازم تشربين مي عوايه وكورس المضاد مع العنايه بالمنطقه ماعرف دسويها شيره انتي لو بالموس ؟؟وخلي زوجج يمتنع عنج لان هم تسبب التهابات والحرقه شويه شويه تروح لتخافين ومسالت تاثر علحمل لو لامتاثر الا اذا جانت واصله مرحله كلش كلش قويه يلا .. بس اذا التهاب عادي يمعود اكو يجيبن وعندهن التهاب وعادي يطلع الطفل مثل الورد لتخافين حبي وساويسج ماره بيهن جنت اسال واخاف وانتو تهدوني هسه انتي تسالين واني اهديج والله يا زمن هههههههههه

redrose82

05-29-2014, 01:35 PM

مشكورة عيني حنوشة ام حمودي. ...صدك والله زمن. ..ماتنلامين عالوسواس. ...مشكلتي نساوتي متعبة واخذت كل طاقتي وزني نزل وهسة لازم اعوض ...واللاتهابات انا معتنية بالمنطقة كلش والعلاقة شبه معدومة ههههه. .لذلك تعجبت من كالت التهابات ...بس مثل ماكلتي الدكتورة هم كالت تصير بالحمل. ..انتظر احلل مرة لخ بلكي خفت شوي. ..

حلمي بطفلي

05-29-2014, 03:07 PM

هيه علايه ها كل وحده تحمل وساويس العالم كله يجي بالها بس تجيب دكوم تضحك على نفسها ودكول شون فطيره اني وبعد ما سويها وتنعاد مرة الخ بالحمل الثاني والثالث وهكذا ههههه
يارب مشافايه نقص الوزن عادي كلش هسه تدخلين بالسادس وتلهمين لهم حتى زوجج تاكليه ههههه انتي المنطقه الحساسه تسويها شيره لو مكينه بالحمل ؟؟؟

المهندسة ام تيم

05-30-2014, 11:57 AM

جمعة مبااااااااااااااااااااااااركة حبايب

المهندسة ام تيم

05-30-2014, 12:04 PM

الهي ياااااااااااااااربي يحفظلنا اطفالنا
ويتمم للحبايب الحوامل بألف صحة وسلامة ياااااااااااااارب ويفرحون بأطفالهم مثلنا

نحبكم اني وحمودي ونبوس نونواتكم

حلمي بطفلي

05-30-2014, 02:49 PM

امين ام تيم حبيبتي الله يحفظهم والنا ويح اطفال حواملنا امين
جمعه مباركة عليكم
وبوساتي الكم

redrose82

05-30-2014, 02:53 PM

جمعة مباركة عليكم كلللللكم. ....
مشكورات امهات حمودي انشاء تجيبون اخوان لحمودياتكم. ...
سراوي وياسة وسيلا ماكو صار كم يوم. ..يارب بخير. .
الحمد لله دخلت السادس. .يارب يمر سلامات واخلص من فقر الدم والالتهابات. ..
بقية البنات الغايبات مشتاقتلكم كلللللكم ...

حلمي بطفلي

05-31-2014, 10:36 AM

علايه حياتي مبروك دخولج الشهر السادس بالسلامه ... بس مكتيلي انتي تسوين شيره لو موس المنطقه الحساسه وشتستخدمين كم مره سالتج مجاوبتي خاف داحرجج عااا
سيلا وياسه وام تيم وهمام شكو ماكو وينكم

طوق الياسمينة

05-31-2014, 09:35 PM

شكرا حبي علاية ...وياربي عند العافية ان شاء الله...الوحام بعدة مراح ليهسة؟؟ الله يساعدج حاولي تاكلين اني اختي هيج خطية هسة بالالثالث ضعفت حيل واصفرت ومتكدر كلشي تاخذ...ديربالج على صحتج
حنوشة حبي تسلمين على النصائح الحلوة...الله يخليلج حمودي
نبروسة منورة حبي...الله يخليلج حمودي البطل
باقي البنات اشتاقينالكم...سيلا بالنا يمج مو عوايدج تغيبين
اليوم رحت للطبيبة الحمد لله الامور كلها تمام وكالت مو سبب فقر الدم...كالت اني شاكة بشي ومقبلت تحجي وطلبت مني ايكو...بصراحة خفت اسوي وعفتها ورجعت للبيت ...لان كلما اروح لازم هاي الطبيبة اتهبطني
وانطتني حبوب كالسيوم...حنوشة اتذكر مرة سالتي بالمنتدى على الحبوب ؟؟؟ِشلونها امنة بالحمل وكل شكد تناخذ؟؟؟كالتلي بين يوم ويوم وبدون مااسوي تحليل كتبتها عااادي؟؟؟

حلمي بطفلي

06-01-2014, 01:03 AM

ياسه حبي حمدلله على سلاكتج والله نصيحه لسوين ايكو بس خرج فلوس وخلص انتي بعدج شابه قابل شعندج حتى دشك مثل مكتلج اذا دمج طبيعي وحتى لو قليل تره الخفقان لازم يصير بالحمل وكلما يتقدم الحمل مثل مكتلج يزداد الرحم بحجمه ويضغط علحجاب الحاجز ويسوي ضيق تنفس واكيد رح يصير عندج خفقان فعادي هلشي اطمني همه يحبون يضخمون الاشياء حتى اجر فلوس وحبوب الكالسيوم عادي بالحمل متاثر بس بصراحه اني ما اخذت لان طبيبتي كالت ماكو داعي هو بالحمل يقل وره مجيبين يرجع وهمه يوصفون الكالسيوم عادة بدون تحليل علساس انو ميحتاج رح يطله قليل بس انتي حافظي عليه بشرب البن او الحليب وخلص لتخافين ذكرتيني بوساويسي بالحمل خخخخخ شلون ايام رعب

( ام يوسف )

06-01-2014, 11:02 AM

صباح الخير يا حلوات شلونكم اخباركم والله يوسف ماخذ كل وقتي اسف مدا اسلم عليكم بس دا اطمئن عليكم اخباركم اموركم ياسه وعلايه اشكال الوساوس جان تجيني وكلما اروح للدكتور ايطلعلي شغل والحمد لله هاي جبت ويوسف بحضني ويبوس ايدين خالاته بس اهم شي اخذو حبوب الحديد اذا عدكم دوخه لان اني ضليت شهرين تجيني دوخه وماكدر اوكف فتره طويله جنت من اطبخ اظل 3 ساعات لان كول شويه لازم ارتاح مثل العجوز وبعدين اكتشفت ورا شهرين عند ي نقص كولششششش قوي بالحديد واخذت حبوب والحمد لله كولشي رجع تمام
بس عاده يجي نقص الحديد ورا الشهر السابع و بالسابع
مشتاقتلكم ومشتاق لسوالفكم و وساويسكم
حنوشه مبروك الطهور ويوم ل يوسف ان شاء الله
بنات حبجيييييي صار عندي كرششششش :'(:'(:'(:'(:'( مدا اطيق نفسي

حلمي بطفلي

06-01-2014, 03:22 PM

صدقه ليوسف وامه تسلميلي حياتي يوم طهوره وتفرحين بيه مشتاقتلج ولج اني هم كرش صار غنجي بس كرش فارغ مو مليان عاااا وصدك صار عندي بقع سمره ببطني شسوي عفيه انتي هم نفس الشي وشتستخدمين الي عدها خبره دكولنه بداعت اولادكم عااا

( ام يوسف )

06-01-2014, 09:02 PM

اني هم مشتاقتلج حبي احنا جنا بالهوا سوا انتي شكد بشهر ولدتي اني 13/4 خلي انشوف الفرق بينهم للعرسان
اني هم نفس كرشج اهئ اهئ واني طلعتلي بالحمل تشققات وحايره بيها الله يعين بس قرفانه نفسي
اهئ اهئ ورحت للطبيب كلي ماكو حل خلال الوقت تخف وتختفي
انتي هم استخدمتي مانع للحمل لو بعدج لو اصلا مرح تستخدمين ؟"

( ام يوسف )

06-01-2014, 09:03 PM

الصور الرمزيه مالتي حلك يويو هههههههههههههههه خطيه وكع بيد ام هبله

redrose82

06-01-2014, 09:13 PM

هلو بنات شلونكم. .
ياسة عمري ماكو شئ لاتخافين انا مثلج وبعد اكثر... من غير بس اوكف تصير الدنيا سودة. .كالت الطبيبة عادي ضغف عام. .انا حتة سكري دائما نااااازل مع العلم اكل حلويات ...والمقوي استمري علية انا اخذ بركناكير وحيل منتظمة علية وهسة خف الخفقان. ..
حنوشة مو قصدي اعلسج ههههه. انا قبل جنت عالشيرة هسة بالحمل بالموس ..اخاف على الطفل ينجعص ههههه. ..وطبعا لسة ماعندي بطن. ..
شلونج عيوني ام يوسف . انشاء الله بخير. .ابدو من هسة تغذية صحية ورياضة. .لان خواتي يكولن الرضاعة تسمن لان كلسا تجوعسن. .ركزي على الفواكه والتمر والحليب. .وابتعدو عن الاكل الدسم
نبرسة الله يخليلج حمودي ومشكورة عالدعوة الطيبة ....
ام همام ورقاوي لماوي ماكو مختفيات. ...انشاء الله خير

( ام يوسف )

06-01-2014, 09:49 PM

ي والله ياعلوشه كول شويه اجوع عبالك اكودوده ابطنيييييي اهئ اهئ اكل صحي ورياضه هو اني الحك احك راسي اصلا هههه من ورا يوسف والبيت وغسل الماعين والملابس والطبخ وزوجي يطلع الفجر ويجي ال مغرب واني وحدي الله يعين ويساعد

redrose82

06-02-2014, 01:35 AM

هههه حتة خواتي يكولون انتي بطرانة. ..احنا مانلحك وهاي تكول اكل صحي ...انوب اكثر شئ يردون الحلويات ويشتهوها الله يعينكم ...

المهندسة ام تيم

06-02-2014, 01:50 AM

مساؤء العسل مساء الورد
يسعد مسائكم يا حوامل ويا مامات

حلمي بطفلي

06-02-2014, 02:23 AM

هههه علايه الله يعينج يارب تجيبين وتخلصين حبي البطن بالسادس شويه تبدي تبين لتخافين هسه تصيرين فيل بخلال شهر وعلايه لتخافين اني جنت استخدم شيره بطول فترة حملي
ام تيم مساء الانوار
سيلا حياتي الله يعينا صدك بالهوا سوا بالنسبه لحمودي اجه بيوم25 _3
والمانع ممستخدمه بعد لان قبل اسبوعين يلا راحت اوساخ النفاس بس الدوره مجتني لحد هسه مداعرف شنو ااسبب وانتي استخدمتي لو لا واجتج الدوره لو هم بعدج

( ام يوسف )

06-02-2014, 12:23 PM

اي والله علوشه دا اطلع الفرق من جنت حامل ابد ما اكل حلاه يله الله يعين
ام تيم شلونج وحمودي شلونه يارب بخير
ياسه شلونه حملج خما تعبانه ( سؤال تافه هههههههههههههههه اكيد تعبانه )
اها يعني فرق بينهم 3 اسابيع تقريبا العمر كوله ان شاء الله
شو محجيتيلنا الاكشن مالتج
لا والله كوله برااا برااا وزوجي مدا يقبل اسوي مانع وماعرف شسوي اهئ اهئ خايفه يصير حمل واني ممستعده ابددددددد
الدوره مجايتني لهسه لان ارضع طبيعي ووياه صناعي مرتين باليوم
ايكولون اللي ترضع طبيعي تتاخر دورتها :/

حلمي بطفلي

06-02-2014, 03:26 PM

اي والله سيلا العمر كله يارب والله حبي زوجي مثل زوجج ميقبل مانع واني صدك تعبت مابيه حيل كله كوم والولادة والتربيه كوم ثاني عبالهم سهلع واحنه نموت المهم اني هم جنت ارضع طبيعي بس بصراحه ضجت لان حموجي تعلم على صدري لازم مكابلته وماعده ميقبل فخليته صناعي شسوي وحتى الدوره ما تتاخر لان لحد هسه ماكو دوره وخايفه وبالنسبه لاكشن الولاده فيا عمري قبل ما جيب بسبوع جانت عندي عزيمه بحيث مخليت شي مسويته وتنظيف بالرغم زوجي ممخليني انظف بالحمل مع ذلك نظقت وكملت العزيمه بيومها حسيت ظهري يوجعني حيل خابرت امي وعمتي كالو ارتاخي خاف ولاده واني مطمنه كلت لا لتفولولي ماكو ولاده و قبل يوم من داجيب او بليلتهاجنت ضايجه كلت خلي انظف ونظفت وغسلت هدوم وبطني كامت توجعني وجع قوي خابرتني ام زوجي دتسال عني كتلها بطني دتوجعني كالت خاف رح اجيبين كتلها لا يمعوده بعده وطبعا مجان يوم ولادتي المهم صار العصر كتله لزوجي طلعني ضايجه طلعنه وامشينه وبوكتها اذكر مرتين صعدت دراج من هذا الطويل والثقيل بصعدته رجعت للبيت شو اختفه الالم كلت لا عادي وطةلت يمكن لل5 ونص اني كاعده توني غفيت جان يطك مي الراس طبعا نزل عليه مي دافي وهوايه بوكتها عبالي مسويه شي حتى من خوفتني كعدت من نومي واني متصلبه واول ما صحت زوجي اجان يطفر كال ها شبيج كتله شو مي داحس كال هاي شنو اني غركانه بالمي طبعا مجنهمتحضرين بحيث هو يركض واني جفلانه اندك على اهلي ميجاوبون نايمين ندك على اهله هم ميجاوبون هم نايمين بحيث اني ابجي اكوله اريد امي وهو يركض مثل الافلام ويكمز فوك القريوله ميعرف شيسوي ههههه جان منظر مضحك ومؤلم طبعا فوك الساعه اني كاعده والالم يزيد ويزيد والدمايه تالي باخر لحظات امي شالت التلفون كتلهم لحكولي داجيب امي كامت تبجي وخايفه اني وزوجي مرتبك وراها زوجي اذني للمستشفى وخابرو اهله واجوي ورانه ةصلت للمستشفى كالو ليش تاخرتي الطفل رح يتعب اشو مدري شطوني كالو لازم نزيد التوسع مالتج واطوني ادويه هم واني ابجي كتلهم ماتحمل الالم سوولي عمليه وكعدت اتوسل بيهم حتى بالفراشه توسلت والطبيبه معانده متقبل اسوي عمليه وزوجي هم مقبل تالي سال زوجي الاطباء كللهم عليها خطوره كللوله لا كال لعد جتفوها وجيبوها ةاني كلعت اتوسل بزوجي وامي وام زوجي اكوللهم خلوني اجيب عمليه رح اموت ويكولولي لا تالي تموتين بالعمليه وموزينه عبالهم يخوفوني وطبعا حطوني بصالة الولاده ومحد ويايه وممنوع احد يدخلي بحيث اصرخ بوحدي ومتت من اللم وكلساع فاحصيني تااي كتلهم حتى لو اكو موت او خطوره الي فعادي اقبل خلي اموت بس سوولي عمليه وميقبلون والطفل هم تعب يعني جانت ولاده صعبه كلش وردت اروح بيها ومحد يقبل يسمعني تااي واخيرا جبت العصر حمودي بعد ما ادمرت وسسواي فتح طويل وماكو اي بنج واخر شي يعد ما كملت حطولي وجبت احلى حمودي بس خطيه طلع تعبان لان تاخرت ولادتي ووتعسرت واطوني ادويه ماعرف شنو هيه واول ماطلع اخذوه وظل عدهم فتره وهاي مرات مرضه من مرضه لان مهتمو بيه وهسه الحمدلله ادعوله الله يعافيه ويحميه والكم بالمثل
هاي قصتي اكشن قوي ها صدك طبعا جانت الدنيا حاره ومن خبصتي لبست شتوي وطلعت لان كلشي ممتحضره عااااا ههههه

&ام همام&

06-02-2014, 06:24 PM

مساء الخير
شلونكم خواتي مشتاقتلكم
كلللللللللللللللللش ا

اعذروني غبت عنكم بس التهيت ومن شغلة لشغلة الله يعين
احبكم

حلمي بطفلي

06-02-2014, 07:54 PM

ام همام الله يساعدج ومحلوله انشاء الله منوره حبيبتي

المهندسة ام تيم

06-02-2014, 08:15 PM

الحمدالله ع سلامتج حبي
اووووي هي هذي الولادة الطبيعية تمووووووووووووت

المهندسة ام تيم

06-02-2014, 08:15 PM

سويتولي واهس اسولفلكم اكشن ولادتي

( ام يوسف )

06-02-2014, 08:21 PM

حنوشه اني هم مثلج جان ايسوي بيه بس بالممه يهدي لان حليبي قليل حبيبي ميشبع والحمد لله هسه ممه بس من اطلع و بليل انطي واحيانا خلال النهار
يله الدوره اول وتالي تجي شسويلها والاكشن مالج مثل مالتي هم صعب يله الله ياجرنا ان شاء الله ع التعب
وطبعا طول اليوم ملتهيه وياه ومدا الحك احك راسي
ام همام يله ان شاء الله المانع خير يارب

( ام يوسف )

06-02-2014, 08:22 PM

يله ام تيم سووووولفي

المهندسة ام تيم

06-02-2014, 08:38 PM

نبدأ

اني طبعا مثل متعرفون اني اخر فترة كلها تقلصات واكوللكم ادعولي ضليت بين المستشفى وطبيبتي اراجع
لحد ماااا فتت يومين بالتاسع..
وتقلصات مكطعتني تروح وتجي وتروح وتجي بس جانت تنحمل..
بس بيوم كتله لزوجي ترة اني باجر اجيب كلي شتجيبين كتله حمودي غير ههههههههههه

ف نفس اليوم ساعة 2 باليل تقلصات بدت تشد بحيث كعدت من النوم اتألم بس اخاف اكعد زوجي لأن اذا كعد وماكو ولادة يكرع رااااسي كلش يحب نومته العزيزة ههههههه

ضلييييييييييت اتألم متحملت خابرت ع امه بأمريكا فجانت عدهم ضهر ضليت اسولف وياها لل4 الصبح كتلها بعد مااااتحمل كالت كعدي خلي يوديج
كعدته هو فززز كلي هااا صدك يله بدلي واني ابجججججي لأن توني فايته بشهري

المهم خابرت امي كتلها ترة عندي ولادة بدلي نروح للمستشفى .. هذا الحجي امي متفقه وية اختي الثانية عدها عملية قيصرية دتجيب

عاااااا امي احتااارت زخطية طلعت واجتي وياية رحنا للمستشفى فحصتني الطبيبة كالت ماكو توسع اخذي ابرة اذا عندج ولادة تسوي توسيع واذا لا تهدئ رحمج
المهم ضربتها ورجعت لبيت اهلي ورزوجي راح للدوام
صارت ساعة 7 الصبح والالم يززززززيد ويزييييييييييييد وخبلت خواتي الممتزوجات من الالم
المهم اخوية كلي ابقي من تتألمين كولششششش اني اوديج ..

واختي جابها زوجها واخذت امي وراحت دتجيب
واني الالم صاااااااار فضييع ساعة ب 10 الصبح كتله وديني بعد مااااااااااكدر
رحت وبالطريق اعيييييييييييييييط واعيييييييييييييييييط ويكولي صبري كولي ياالله اكولهم ماكدررررررررررررر
المهم فحصتني الصبيبة كالت عندج 3 اصيع
فوتي صالة ولادة .. اني كييفت كلت رح اخلللللللللللص

وطكو مي الراس وجيكو الطفل واني عاااااااااااااااااااا اتألم

تالي سمعن صوت امي وصت الطبيبة عليه ودزتلي ممرضة تحرضني عالولادة

كلتلي الممرضة تريدين تجيبين وتخلصين لو تظلين هنا كتلها لالالالالا وديني اريد اجيب
اخذتني وشفت امي واكفة بوستني ودعتلي وضلت تنتظرني

واني ااااااااااااااه واااااااااااااااااه وجان يطلع حمودي ب 1 الا 10 الظهر
طلع تعبان ومخنوووووك ومبجى حبيبي
شبعوه بسط جان يكوم يبجي

واخذوه خدج وامي تبجي عليه

وطلعوني ارتااحيتوب7 العصر كلت لزوجي وديني لبيتي تعبببببببببت
ورجعت للبيت شبعت بجي اريد ابني

وثاني يوم الصبح رحت عليه وشفته والطبيبه كالت اخذي ابنج كلش زين

رجعت للبيت للمغرب وابني بس نااايم خابرت اخوية طبيب كلي سويله تحليل ابوصفار

وطلع بي ابو صفار وميرضععععععععع ابد
ونمت بي مستشفىطلع هابط سكره بسبب ابو صفار

وراها الحمدلله طلع وصار مثل الورد

لحد ما صار عمره 38 يوم صار بي ذات الرئه
ووراها الحمدالله طاب عالعلاج بالبيت

اسأل الله تعالى العفو والعافية النا والكم

وشكرا لأصغائكم

هذي قصتي

( ام يوسف )

06-02-2014, 10:12 PM

اهم شي كومتي انتي و حمودي بالسلامه وقصصنا وحجه اصعب من الثانيه بس ان شاء الله ربي يهون الطلق والولاده ع علايه وياسه ♥♥♥♥

redrose82

06-02-2014, 11:45 PM

شنو هاي افلام رعب مو اكشن. ..طلع التجمع فال خير بالحبالة بس مو خوش بالولادة. ..خوفتونيييييييي اهئ اهئ
بس احلى شئ جبتو بالنهار انا اخاف من الليل بالولادة مادري ليش. ...
طبعا ضحكت على شغلتين زوج حنوشة ابو جتفوها وجيبوها. ..وزوج نبراس ابو نومة العزيزة. ..
الله يستر من زوجي ...المهم خلصت على خير. .وعلى كولة امهاتنا ياطلكة المنسية ردي علية..
انا اذا جبت طبيعي اطلع من الصالة اركص واكمز واكول لقد فعلتهاااااااا ههههههه. ..لان اجبن وحدة بالدنيا

redrose82

06-02-2014, 11:46 PM

منورة سراوي انشاء الله خير ونشوفج اكثر ..بوساتي لابو الهمة

redrose82

06-02-2014, 11:50 PM

بنات سؤال شعجب ماطلبتو ابرة ظهر لو تخدير جزئي ...مامعقولة ماموجودة يمكم. ....

( ام يوسف )

06-02-2014, 11:56 PM

اني اخذت اوكسجين بس ابره الظهر اخاف منها علمود الشلل اسم الله اذا واحد يتحرك واني من النوع حركه
ومثل مكتبت بالقصه من جنت 8 سنتي رادو ينطونيها وبعدين زوجي مقبل ماعرف اذا قريتيها لو لا

( ام يوسف )

06-02-2014, 11:57 PM

علوشه اذا انتي حامل ببنيه ف ولادت البنيه سهله ايكولون البنيه تتزحلك مو مثل الولد عااااااااصي

حلمي بطفلي

06-03-2014, 02:35 AM

ام تيم الله يساعدج ويساعدنا المهم انتو سلامات الله يحميكم هاي كل وحده منه قصتها شكل
ههههه علايه ضخكتيني مال فعلتها ادري اذا اتتي رح دكوليها زوجج شرح يكول يلا صدك ااساعه المنسيه ولو مو عندي هلشي عاااا لخد هسه اذكرها0 يارب اجيبين بالسلامه
سيلا حياتي اني هسه قطعت الطبيعي صارلي بس شهر ونص انتي كم مره ترضعيه من صدرج وكل شكد ولمدة شكد علميني عفيه حتى استفاد من خبرتج حبي

( ام يوسف )

06-03-2014, 05:11 AM

والله حنوشه صح الممه مريحه بس مو بكل وقت يعني مثلا نص الليل اتعاجز اسويله ممه وبالنهار نن يلج يله اسويله يعني الطبيعي احسن من ناحيه جاهز و باي وقت موجود مو مثل الصناعي اني انطي بالنهار بس يلج ويريد يبقى يمص اسوي ممه واخترصها ومن يجون عندي خطار و من اطلع مكان ومرتاحه ع هذا النظام يعني بليل اني وقت نومته ب 11 انطي ممه يوكعد ةرا كم ساعه ايكون عندي حليب انطي صدر و ينام ورا كم ساعه انطي الثاني
والصناعه اذا بس هو يسويله امساك او اسهال اسم الله ع جهالنه
بصراحه من صدر ماكو مده محدده حسب اذا يرضع اهواي لو شويه بس تقريبا ساعه ونص بس بالممه اسويها كل 3 ساعات لان حليب اﻻام خفيف وبسرعه ينهضم مو مثل الممه حليبها يطول يله ينهضم
انتي كم ملي تنطي حليب ؟؟؟

المهندسة ام تيم

06-03-2014, 12:11 PM

اي والله يا بنات كل وحدة قصة شكل بس كلنا عشنا نفس المعاناة بالطلك والولادة الله يعين ويكبها بميزان حسناتنا

علاية كلنا جبانات وداعتج واني اولهم بس من تجي ساعة الطلك بعد هاهية مو بكيفج وينه الي يخلصججججججج ويطلع الطفل والمهم سلامة الطفل ثم انتي (هاية نظريتي اكول اني جبيرة اتحمل بس نونو شيتحجمل اكول يا ربي اذا اكو شي خلي بية مو بأبني)

ان شاءالله ساعة سهلة حبايب وياااارب يتم الحمل بالسلامة

حلمي بطفلي

06-03-2014, 02:37 PM

سيلا حياتي اني صدري بطلت منه لان على كولة يلج وميشبع منه فجان يبقه عليه ساعه كامله وهو مماخذ شي بس شويه ويلوج بيه ويعلس بس اشيله يبجي ارجعه عليه سواء النهار او بليل فشفتها مو مال هيج تعب عليه وهو غده عصفور لان ميشبعه فحولت ممه كلها واطيه 60 سيسي كل 3 ساعات بس عو ميرضع يريد بس تبقه الممه بحلكه ومرات حسب من يبجي يرضع
انتي شكد تطيه بالممه وقصدي اذا ترضعيه من صدرج شكد تحطيه عليه ساعه لو ربع ساعه لة شكد وكم مره تطيه ممه وكم مره تطيه صدر يجوز اني غلط داسوي لان مدينام بليل بس يبجي لو ينام بالنهار ويكعد بليل انتي شلوندينام كم ساعه وشوكت تنيميه معلمتيه لو لا اني جاعلمه بس يعاند يلا وحده تنصح الخ حتى نستفاد
ام تيم اي والله الكل عانت الله يحفظلنياهم ويوم لياسه وعلايه وكل الحبيبات

redrose82

06-03-2014, 06:32 PM

مشكورات حبايبي. ..الله يحفظ حمودياتكم. ...
سيلا قريت قصتج كلها جان سؤالي لحنوشة و نبراس لان بالعراق ..انا خواتي اخذو مخدر بالاوكسجين يكولون بس تحملي الطلوك لمن يكمل التوسع وراها الولادة تخدير جزئي ...ولا تكولين الولد عااااصي حبوبة كولي يتزحلك هههه. ..
على العموم الله يعدي علينا اشهر الحمل بالسلامة وانشاء الله الولادة تسهيل من رب العالمين. ..
نيبو بالنسبة الوضعي يسمو حمل عزيز. .فيهتمون بسلامة الطفل اكثر من نوعية الولادة. .حتة خالتي دكتورة ولادة تكلي تحضري للعملية لان ماريدج تعبين الطفل. ..بس بعد تبقى يم رب العالمين شنو كاتب النا نشوفة

redrose82

06-03-2014, 06:38 PM

بالنسبة للرضاعة انصحكم بالطبيعي. ..صح متعبة بس حليب الام ماكو مثلة. ..وتكدرين تساعدين بممة بس حاولو الاعتماد الاساسي عالصدر احسن الكم ولاطفالكم. .لان وحدة من خواتي طلع عد ابنها طيف بسيط من التوحد وسوت بلاردن تحاليل وحتة بفرنسا دزو تحليلة. .طلع السبب حليب البقر. .القوطية. .والمضادات الحيوية لان عندة التهاب مزمن باللوزتين وانطو ابر. ..
وطبعا اخصائين تغذية واطفال كولش يفتهمون ..نصحوها بالطبيعي وبعد متنطي حليب قوطية. .
هسة خطية عمرة اربع سنوات ومنعو عنة الحليب وهو يموت عالحليب. ..وانطو مكملات غذائية وبدائل عنة
ماريد اخوفكم بس هاي واقع تجربة وحجي اخصائين. ..الله يبعد عن اطفالكم كل شر. .

( ام يوسف )

06-03-2014, 10:16 PM

اني جنت ناويه من قبل مااولد انطي اثنينهم يعني حرامات تفطي من صدر انتي صار كم يوم ممرضعته ؟؟
اني انطي مرتين باليوم ومره العصر من يجي ابوه ومره بليل وذا اطلع انطي طول ما اني برا وصدري ماكو وقت محدد شوكت مينحس انطي صدري بس مو ازيد من عشر دقايق
بس اني هم يريد يمص طول الوقت لذلك جبتله لهايه وريحت نتفسي لو ما الهايه جان منتحره من زمان هههههههههههههههه
وبليل موعد ب 10 ينام معلمته و يكعد مرتين بليل واحيانا 3 وب 8 الصبح يكعد ابدل حفاضته ويلعب فد ساعتين ويرجع ينام هيج مسويه نظامه ويارب يستمر عليه من يكعد نص الليل ارضعه عشر دقايق وانطي اللهايه وينام

( ام يوسف )

06-03-2014, 11:08 PM

الله يكومج بالسلامه علوشه

حلمي بطفلي

06-04-2014, 02:02 AM

علايه خةفتيني والله صارلي شهر كاطعه عنه صدري حتى الدوره هم مدتنزل ماعرف شسوي احس صدري مابيه حليب مو ثقيل شلون ميرجع بيش تنصحوني هسه
حبي عاايه اني مطوني تخدير ابد بس بعد ما كملو خياط يلا اطوني شي بسيط وبس
سيلا حبي خوش نظام اني نظام ابني ينام بال وحده ااظهر هذا ليله ويعني ااايل كله كاعد لل وحده او ال12 الظهر حسب مزاجه عفيه شلون غيرتي نومته لو من الاول هيج الله يحفظه

&ام همام&

06-04-2014, 02:24 PM

والله اكشن ولاداتكم حلوووة
الله يحفظ اطفالكم
بس علوش خوفتيني من الحليب شنو نوع الحليب اللي جانت تستخدمة اختج
لان اني فطمت همام صح هو ميشرب الحليب ابدااااااااااا
بس اخلي وية السيرلاك ووية البسكت

redrose82

06-04-2014, 04:49 PM

هلو سراوي منورة ...مو قصدي اخوفكم والله. .بس خطية مقهورة على ابن اختي الحمد لله هو ماعندة من النوع القوي فد شئ بسيط يروح بالحمية يعني كسل بعمل خلايا الدماغ بسبب نوع التغذية والابر ..اهم شئ لاتنطون اطفالكم ادوية هواية وقوية لان تاثر علة تطور خلايا الدماغ. ..حاولو بالمسكنات والكمادات. ..
اختي جانت تنطي حليب فرنسي ماتذكر اسمة بس اتذكرة اكتبة جانت تشتري من الصيدلية وجان من النوع الغالي ... بس موشرط كل طفل يتاثر ... اكو هواي عوامل ...بس اسم الله الرحمن كلش منتشر هالايام. .وانوب ماكو مراكز علاج بس بالاردن وغاااااالي حيل فوق ماتتصورون ...
والطبيب وصاها بالرضاعة الطبيعية احسن وائمن. ..
سراوي اهم شئ ابنج يتفاعل وي الناس لان التوحد هو نقص بالتواصل الاجتماعي وتاخر بالنطق وهواي شغلات الله يبعدة عنا وعنكم يااارب. .

( ام يوسف )

06-05-2014, 10:59 AM

لا حنوشه علمي ينام وياكم ويكعد وياكم لتنيمي اهواي بالنهار سويله بس نومت ظهر طويله يعني تغيير حفاظه وكماط وممه حتى ينام اهواي اني نومت الظهر مالته ساعه خمسه من يجي ابوه حتى نتغدا اني و ابوه براحتنا وباقي النهار خلي بلا كماط و اذا شفتي طول بنومته قبل الساعه 8 كعدي نزعي حفاظته وفتحي الضوه هسه يكعد
لا مو وحده اتعلم اني بس جان صغير جانت بس اتصير ساعه 9 بليل اخذه وافوت الغرفه واطفي الضوه واسويله اجواء نوم صح عذبني بس هسه عرف الليل بالنهار
هسه اطول نومه عنده بالنهار ساعه انتي حاولي اتعلمي الليل من النهار هو رح يستوعب اجا الليل والكل نام بالنهار اذا ماعندج احد يسوي هوسه مثل حالتي فتحي التلفزيون وخلي صوته عالي
ان شاء الله الله يهدي ويتعلم ينام بليل

( ام يوسف )

06-05-2014, 11:01 AM

علوشه مابي غير العافيه ابن اختج ويارب يشافيه ويعافيه
والله يحفظ اطفالنا واطفال العالم كولها اميييين يارب

المهندسة ام تيم

06-05-2014, 02:17 PM

الله يشافيه ويعافية علوشة ويحفظ اطفالنا واطفالكم من كل ياااااااااارب امين

حلمي بطفلي

06-07-2014, 11:05 AM

علايه حبيبتي مكوني تخدير اني هيج بس مسكنات عجاها مامو بالظهر

سيلا حياتي شكد حاولت ميقبل ابد زين كويلي جدولج من اول ميكعد ااصبح لي ثاني يوم ساعه بيش تكعجيه وساعه بيش تنيمه وشوكت تغسليله بس جسمه لو راسه هم وكم مره باليوم علميني على كلشي بلكت اعرف ويتعلم يصيبج اجر كلش ديعذبنه حتى ابوه رح ينطرد من الشغل من كثرة السهر والروحه متاخر

طوق الياسمينة

06-10-2014, 01:15 PM

هلو حبيباتي عذروني طولت عليكم الغيبة النت جمو زين ابيت اهلي
سيلا اتفاجئت مسمية ابنج يوسق صدقة لااه فدوة لهل الحلق الصغيرون يخبل ماشاء الله...شوكت غيرتي الاسم جان ريان على مااذكر
حنوشة الاكشن مرعب مال ولادتج ههههههه اني اذكر اخر شي كتبتي تردين اتسوين شيرة وعندج موعد وية الطبيبة..يعني كم يوم بالتاسع وجبتي بالسلامة؟؟؟ الله يخلي لحمودي وتفرحين بي ياربي
نبروسة الاكشن مالتج هم صعب والله يساعدج وياربي الصحة لحمودوي والج على طول ..يعني انتي واختج نفس اليوم ولادة الله يساعد الوالدة زين وين رحاي ببيت اهلج لو بيقتي يم زوجج بعد الولادة؟؟؟
ام همام تسلمين حبي على الدعوة الحلوة ربي يخليلج همام وتفرحين بيه
علاية حبي ياربي يخليلج ابنج وينطيج الصحة وتشوفي احلى عريس...بالمناسبة كثرت العوامل المشتركة بيني وبينج اني هم ابن اختي عندة طيف من التوحد بس كالولها سببة واحد من اللقحات بي نسبة من مادة عالية اثرت على الدماغ والله يشافي ويشافي ابن اختج ياربي
اني الحمد لله زينة..بنات اني كل شهرين مغيرة الطبيبة لان مدااثبت على وحدة ..وهسة لازم اقرر حتى ان شاء الله هية اتجيبني نبراس وحنوشة شتنصحوني وبيبا مستشفى زينة...دااااايخة...اني ولادتي راح اتكون ببيت اهلي صارلي شهرين هنا والشهرين الجاية هم بتقية..الحمد لله اهلي كلش مريحيني بس مشتاقة لزوجي هواية...ياربي يهونها الايام علينا ونجيب بالسلامة ويخلي نونوات الكل
احبكم يااحلى بنات ...ياربي يديم لمتنا

( ام يوسف )

06-12-2014, 01:25 AM

اهلين حنوشه اسفه تاخرت بالرد لان صارت هوسه عندي صارلي اسبوع عند بيت عيالي لان بيتي المطبخ مالته صار بي رطوبه وتصليحه يطول شهر اقل شي فملتهيه اهنا ويه يويو ووياهم
يوسف يكعد ب 11 الصبح عادي ارضعه من صدري فد 15 دقيقه واشيله اغيره الحفاظه واخلي يلعب شويه بدونها وبعدين البسه واطلع ع الهول اخليله فراش يم التلفزيون وافتححله كارتون بين مااتريك اذا جان يبجي اخليله لهايه واذا ميبجي اعوفه بعدين ينام ع 1 تقريبا اشويه ويكعد وهم يرضع من صدري وينام ع 3 شوي ويكعد اخر شي انطي ممه ب 5:30 واكمطه وينام طبعا نومت الظهر هاي بين ما يجي ابوه ونتغدا ونشوف تلفزيون شوي هو ساعه ويكعد تقريبا و ب7 او 8 ينام شوي بعدها اكعده اطول فتره ممكن لحد ميتعب هم اسويله ممه ع 10:30 وكماط ونومت الليل واذا منام اقراله قران واطبطبله وينام طبعا بالاستعانه باللهايه طول اليوم ويكعد ع 3 او 4 الصبح يرضع وراها ع 6 وورها ع 8 خلص يريد يلعب نلعب لل 9:39 وانام اني وياه ونكعد ع 11 وغشنا عيشه سعيده
والحمام كل يومين اسبحه اني وزوجي هو يلزمه واني اسبحه وركبته بس اشوفه وسخه امسحه

ياسه شلونج حبي ابن اختج مابي غير العافيه وربي ايشافي
والله غيرنا لان اهنا صعب يلفظو ويوسف مداول بكل الدول ف اتغير الاسم
ان شاء الله تولدين بالسلامه وترجعين لزوجج وبيتج حبي

حلمي بطفلي

06-12-2014, 02:25 PM

عاشت ايدج سيلا خوش برنامج هسه اسوي مثله اني اغسله مثلج يلزملي واني اغسل بس اني يوميه اغسله لان ركبته مليانه خطيه ابيض من الحليب علمود هلشي عبالك مصلوخه انتي هم هيج لو شنو وتستخدمين باودر مال اطفال لو شوكت ناويه تستخدميه
ياسه مبروك دخولج ااستبع يارب بالتمام هانت ما بقه شي والله حسب كلمن وقناعته بالمستشفى اكو الراهبات كلش زينه والطبيبات تره مو ثابتات اني طبيبتي بيوم ولادتي جانت مسافره فاضطريت وحده اخرى تجيبني

( ام يوسف )

06-12-2014, 04:14 PM

اني هم ركبته مرات تصير هيج بس امسحها بمي دافيه وانشفها وسالت الدكتور عليها ع جوه ابطه كلي هذا جلد زايد امسحي بمي دافيه ونشفي زين واني اخليله بودرت جونسون اخليله شويه وره ما انظف ركبته وامسح لان اذامتمسحيها ايصير احمر حتى جوه ابطه بس لزمه وامسحلهيا ييصير يبجيييييي بس كلي عادي مسحيها حيل لان هذا جلد زايد
ان شاء الله الله يهدي لابنج ويصير ينام بليل

حلمي بطفلي

06-12-2014, 06:04 PM

تسلمين حبي امين .. يعني انتي سالتي الدكتور عادي نحطلهم بودرة لان يكولون يسوي تحسس ماعرف صدك هلشي

( ام يوسف )

06-12-2014, 06:34 PM

لا والله مسلته بس اني اخلي بودره والحمد لله ابني مابي شي حتى استعمل بودره معطره اللي هي جونسون والحمد لله كولشي تمام بس سالت الدكتور ع البياض اللي جوه الابط والرقبه وكال عادي هذا جلد زايد

طوق الياسمينة

06-13-2014, 07:05 PM

هلو سيلا حلو البرنامج مالتج ماشاء الله
الله يخلي يويو وتفرحين بي ياربي
حنوشة انتي جبتي بالراهبات؟؟؟
سمعت اكو مستشفى جنين هم زينة بالكرادة بعد ماادري حاااااااااايرة

&ام همام&

06-13-2014, 07:10 PM

هلو ياسة شلونج
مبروك ع البنوتة الله يجيبها بسلامة

روكة

06-14-2014, 12:28 AM

شلونكم حبايب دااطول بالغيبة عليكم مشغوووولة كولش وهم حتا تشتاقولي اشتاقيتلكم هوووووواية وباركولي طهرت علاوي واخيرا وشبعت بجي من سمعته يعيط ويبجي بس انطيته ادوية ومهدات والحمد للله عدة اليوم علا خير باجر باذن الله ميحتاج بي المضادات الحيوية علاية مشتاقتلج كومة وين وصلتي بالحمل انتي وياسة ارو الج وحشة وين ايام الدوام جنة نسولف نن الصبح يبببو اذكرت الدوام ماريد الاجازة تخلص لماوي شوكت نفرح بيها يارب قريب ان شاالله ام همام شلونج عيوني شخبارج وحنوشة وسيلا بوساتي الكم ولنونواتكم

طوق الياسمينة

06-14-2014, 08:53 AM

ام همام تسلمين حبي شلونج شخبارج ياربي زينة وابو الهمة شلونه ياربي بخير كلكم
روكة حبي منورة والج وحشة كلش شلونج ياوردة وعلاوي شلونة يوم تفرحين بعرسة ...ومبروك الطهور زين طهرتي خوش وكت ...اتذكرت من جنتي تسولفين على الدوام والمدير يضوجج على الصدرية لون نيلي...ايام...احبكم كلكم

روكة

06-14-2014, 01:07 PM

اي والله ايام علاوي بخير ولو شوبة متنحس وحبيبي صايرة بيه خوفة يفز ومينام الا اني يمة ان شاالله كم يوم وينسة هسة اني وداكتب كعد خايف شافني يمة ونام خطية

منى عمري

06-14-2014, 01:11 PM

السﻻم عليكم
شلونكم بنات مشتاقتلكم مووت
بوساتي الكم حبيباتي

منى عمري

06-14-2014, 01:12 PM

هلوووو رقاوي شلونج حبيبتي
مشتاقتلج والله
هسه رايحه اتغده وارجعلكم
ابو حمودي جوعان خهخخخخخخخخ

منى عمري

06-14-2014, 02:47 PM

هلووو بنات
شنو مااكو احد نايمات
لو وي الببو كاعدات
اذا ماكو احد اروح انام مدام حمودي نام

طوق الياسمينة

06-14-2014, 08:11 PM

هلو منوشة منورة ياغالية لو تدؤين اليوم انتي اجيتي على بالي كلت اكيد مختفية من ورة حمودي ...وداافكر اني اذا الله سهلي وجبت اكيد التهي بالنونو اكيد...بنات شوكت بديتوا تحضرون غراض المستشفى ( جنطة الولادة)...اني دااشتري تقريبا اغلب المستلزمات طبعا كلها على ذوق الوالدة وخواتي وليهسة ممشترية شي لبنوتي على ذوقي وذوق ابوها...الله يسهل للكل ياربي

همسات القمر ~

06-15-2014, 11:37 AM

هلووو بنات اني من بغداد وهسه يله شفت التجمع ^^ عن طريق طوق الياسمينه
شخباركم يسعدني اكون وياكم اني حامل بالثامن وبكريه

روكة

06-15-2014, 03:51 PM

منورة همسات القمر وياهلاو100 هلابيج يارب يكتبلج ولادة سهلة مناوي حبي دايماتجين علا بالي شخبارج وشخبار حمودي شوكت تنتهي اجازتج الامومة اني محتارة اداوم ورة الستة اشهر لو اكمل السنة تبقاورة الظروف ايجتر ومصاريف هواية مدنلحك اني وابو علاوي ياسة حبي حضري جنطة الولادة نهاية الثامن والله يسهلج اني حضرتهة بالثامن وبنهاية الثامن جبتهلعلاوي لاطك عندي مي الراس واني ماعندي ولادة وجبت عملية اسم الله عليج وعلا البنات ان شاالله تكملون حملكم بخير وسلامة وتجيبون وربي يجعلها ساعة سهلة عليكم

&ام همام&

06-15-2014, 05:20 PM

مساء الخير
شلونكم
مشتاقين منوشة وين هالغيبة حمودي شلونة
منورة روكة ومبروك ع الطهور
همسات القمر منورة اهلا وسهلابيج
انشاالله الكل بخير
ياريت نرجع مثل قبل وايامنا وسوالفنا
احبكم

همسات القمر ~

06-15-2014, 07:05 PM

روكه وام همام النور نوركم تسلمولي يارب
منو منكم حامل وبكريه ؟ ومنو عدها اطفال ومتعبيها هههههه

طوق الياسمينة

06-15-2014, 11:13 PM

منورة همسات ...حاليا الاعضاء الحوامل بس اني وعلاية اول حمل النا واثنيننا مواليد 1982 اني من بغداد وهية من البصرة.. بقية البنات الحمد لله قسم ولادتهم جانت قريبة مصار هواية وقسم عدهم اطفال... وعدنا لمى العراقية ندعيلها دائما ربي يرزقها ويفرح قلبها
حبي روكة سولفيلي شلون طك مي الراس؟؟؟ بلا سبب لو جنتي تعبانة من الشغل.؟؟؟
واجازة الوضع شوكت وشلون واحد يقدم عليها ؟؟؟ اريد تفاصيل كاملة عفية ؟؟لان اني هسة بنص السابع لازم افتهم هاي الامور ان شاء الله
بنوتات حنوشة وسيلا شنو الحليب الي تستخدموا لاطفالكم وكان زين؟؟؟
علاية حبي مرة خوفتيني علمود الحليب تكدرين تتاكدين من اختج شنواسمع نوع الحليب الفرنسي الي ستخدمته وسوة هيج؟؟؟ لان اريد ابدي احضر غراض الولادة ان شاء الله
سلامي لنبروسة ومنوشة وام هومي
وكل البنات احبكم

همسات القمر ~

06-16-2014, 12:11 AM

هلا بيكم كلكم وياربي يرزقكم الولد الصالح ويفرح قلب كل وحده من البنات امييييييين

روكة

06-16-2014, 01:37 AM

ياسة ماعرفت شنو السبب بس يمكن ثقب بكيس مي الراس والاجازةتفدمين عليها من تدخلين بشهر التايع اني قبل ماادخل باسبوع قدمتها تسوين تاييدمنالدكتورة دخلتي بالتاسع واكو يعتمدون علا التاييد واكو يحولوج سونار المهم تقدميهة وهاي اجازة ماقبل الوضع 21يوم وبعدها الوضع وبعدين تبدي الامومة الله يسهلج وساعة سهلة وتكومين انتي والنونو بالف سلامة

روكة

06-16-2014, 01:43 AM

اني باجر راجعة لبيتي ان شا الله اسمع اخباركم الحلوة علا جيتي الثانية

طوق الياسمينة

06-16-2014, 10:04 AM

شكرا روكة تسلمين ياوردة

منى عمري

06-16-2014, 01:23 PM

هلو بنات منوراااات
حبي روكه مبروووك الوﻻده ومبروك اطهورة لعﻻوي
مشتاقتلكم والله بس حمودي كبر وتنحس كلش اسم على جهالكم بس يبجي يمكن علمود اسنانه
ام همام شلونج حبيبتي وشلونه همام حبيبي مشه لو بعده حمودي توة بده يزحف
حبيتي ياسو اني حضرت جنطة الوﻻده قبل ﻻ ادخل بالتاسع يعني بنهاية الثامن وشوفة عينجن تذكرن شكددددد اتاخرت يالله صارت وﻻدتي كملت التاسع وفوكه 9 ايام وهم ما اجتي الطلوك وحده لمن فحصتني الدكتورة هيجتني وسوت عندي طلوك
الله يتمملج على خير يااااارب ويسهل عليج اناي وعلووشتي
مشتاقين علوش شو مااكو
نبراس شلونج ام حمودي يتربه بعزكم انشالله حمدوني
همسات منورة التجمع
سيﻻ وحنوشه مشتاقين ومبروك وﻻداتكم