احلى عراقيات حوامل ...... تفضلوا [الأرشيف] - الصفحة 16

طوق الياسمينة

12-02-2013, 01:51 PM

هلوووووووو حبيباتي عذروني مداادخل هواية والله مخبوصة بالشغل والدوام
نيبو بالي يمج شلتي الخياط ؟؟ومبروك دخولج بالتاسع ويارب تجيبن بالسلامة
حنوشة وبنك وسيلا ورقوقة وعلاية الوردة شلونكم يارب بخير...لماوي بالي يمها

مي &

12-02-2013, 02:06 PM

نبروسه حبابه طمنينه عنج حبابه

( ام يوسف )

12-02-2013, 06:50 PM

هلاو يابنات شلونكم عمتي وحماتي صارلهم 3 ايام عندي ومخبوصه بيهم
نبروسه مابيج غير العافيه وتولدين بالسلامه طمنينا عنج
روكه وحنوشه وميوش شلونكم وشلونه الحمل
علايه وياسه ولماوي الله يرزقهم الذريه الصالحه يارب
روز وسراوي ومنوشه الله يحفظلكم اطفالكم وتشوفوهم عرسان يارب

مي &

12-02-2013, 07:35 PM

شلونكم بناتتتت

عفيه منو تعرف شي عن نبروسه

يارببي والله بالي يمهه

حلمي بطفلي

12-04-2013, 12:38 AM

ياسه ومياوي وسيلا شلونكم حبايب اني الحمدلله بس لحد هسه مداحس بحركه وكلما استل الطبيبه دكولي طبيعي بس اني بصراحه خايفه ادعولي
نيبو حبيبتي طمنينه عنج شلون صرتي بشري

p!nk rose

12-04-2013, 02:05 PM

أم تيم شو صار معك و الله قلقانة عليكي ان شاء الله بتولدي بالسلامة لا تخافي لأن لحظة وئت تشوفي ابنك أجمل و أحلى بكتير من هالخوف الله يحميكي و يحمي ابنك يارب

بنات بشكر كل مين سألت عليي و الله يقوم بالسلامة كل بنت حامل و يخلي أولاد كل بنت عندها أطفال و تفرح فيهم يارب

p!nk rose

12-04-2013, 02:06 PM

لمحبي الخواطر القصيرة

http://forum.hwaml.com/t278836-5.html

متجدد

حلمي بطفلي

12-04-2013, 06:10 PM

بنك روز الله يقومك بااسلامة وبشفي ابنك

@ام مريم@

12-04-2013, 06:34 PM

مرحبا بنات شلونكم
اريد اعترفلكم فد شي اني ادخن وحامل بشهري الثاني وخايفه حيل منو تعرف احد جان يدخن وحامل ومصار شي عل الطفل المشكله مداكدر اعوفها

( ام يوسف )

12-05-2013, 03:24 AM

هلاو بنات شلونكم
نبروسه طمنينا عنج حب
ام مريم والله ماعندي فكره انتي ابنتج الاولى جنتي ادخنين لو لا ؟؟
ام يامن حنوشه ميوشه منوشه ياسه وعلايه روكه والبنات الباقيات يارب الكل بخير
شو مختفياااات ؟؟؟؟

طوق الياسمينة

12-05-2013, 09:24 AM

صباح الورد والياسمين على احلى بنات شنو السالفة شو التجمع صار قليل علاية حبيبتي صارلج مدة ماكو نبروسة ان شاء الله تجيبين بالسلامة حنوشة وسيلا شلونكم وردات...سيلا شوكت ترحين تشوفين اهلج؟؟ظ روكة منوشة ميوشة وبنك ونورس وام همام وام مريم منورين
سلامي للغاليات شفوقة وام حسوني رجعو للتجمع نريدة يرجع حيوي واكثر...

مي &

12-05-2013, 11:24 AM

صباح الخير يبات شلونكم وحده وحده

نبروسه حياتي ليش هيج اني دشوفج اتفوتين للمنتدى ليش مطمنينا عنج كل البنات بالهم يمج طمنينا ولو بكلمه

@ام مريم@

12-05-2013, 03:53 PM

مساء الخير جميا شلونكم يارب تكونو بخير

حلمي بطفلي

12-06-2013, 11:12 AM

جمعه مباركة بنات شلونكم سيلا شلونج هسه بيا شهر انتي لان اني تاهت عليه ههه شلونه النونو يارب بخير شنو اخر اخبارج
نيبو شلونج بالنه يمج
ياسه شلونج حبي يارب تكونين حامل

( ام يوسف )

12-06-2013, 01:56 PM

هلاو حنوه والله اني الحمد لله ع الله والنونو ان شاء الله زين
بارحه دخلت شهر السادس ع حسابي الاول لان ماغيرته
انتي شلونج والنونو شلونه بدلتي الدكتوره لو لا
ياسه شلونج حبيبتي والله عساس بهذا الشهر بس زوجي مرضي يحتفل راس السنه وحده ولا اني يهون عليه احتفل بعيد عنه
بس عندي موعد يوم 10 اكمله والله كريم
ام همام شو مختفيه عسى المانع خير
البنات الباقيات شلونكم يارب كولكم بخيررررررر

حلمي بطفلي

12-06-2013, 04:36 PM

اكولج حبي سيلا اشو اني مو قبلج ب3 ايام اشو اني بالحساب باجر ادخل السادس ليش الشهر السادس دخلته يا اسبوع ؟؟
اي بدلتها ورحت على غيرها واشو خوفتني على هاي شنو متاخر بالحركه وكلتلي تحتاجين دوبلر وسالت اابنات كالو ليش دبلر لازم شاكه بشي المفروض بس سونار مادري اشو خوفتني رح ارجع على طبيبتي احسن اني الحركه عندي خفيفه وايام متباعده مدري طبيعي ولا لا
الله يحفظلج ابنج ريان حبي شوكت اجهزين شو اني متفائله وياج لان نفس الاسبوع والشهر حتى اجهز وياج هههههه شكد مكروهه اني مووو

( ام يوسف )

12-06-2013, 05:16 PM

حبي ان شاء الله ماكو شي معليج بيها هي الحركه لحد اسبوع 24 بعدها يبدي القلق
الاسبوع ال 22 و يومين اتصيرين بشهر السادس يعني اني صارلي يوم من دخلت الشهر السادس بس عند الدكتور صارلي خمس ايام بس حسابي ع احسابه الاول لان دخت انتي شوكت حددولج موعد الولاده
لا حبي عادي بالعكس
اني اشتريت السرير مالته والعربانه وكرسي السياره لان جانو مسوين عليهم عروض واستغليت الفرصه والملابس اذا رحت لاهلي اجهز مناك بهذا الشهر واذا لا اجهز هم بهذا الشهر ع نهايته لان يمنا ايسوون عروض اهواي بيهاي الفتره ف دا انتضر ايسوون واجهز ودا احاول اخذ فكره من تجهيز المواليد اللي موجود بالمنتدى
انتي عرفتي حامل بولد لو بنيه لو بعدج
اذا معرفتي شلون تجهزين !!!

حلمي بطفلي

12-06-2013, 06:31 PM

اتسلميلي حياتي اني كالت يوم 7 الولادة بس حساب الدورة ديطلع شكل والسونار شكل اخر مره سويت سونار كالت ممبين لا اني عساس اجهز بالسابع انشاء الله عبالي انتي هم اني كلت اشتري الاشياء العامه ومن اعرف جنسه اشتري الباقي مثل مميات وكرسي مال سياره هم هدوم الي هيج شي مال ولادة فوار مال مميات يعني مابيها لون محدد بس هسه متوهوهه مدري اسوي سونار مدري دوبلر خايفه زوجي يكول هذا طفلنا هادئ ميتحرك حتة ميضوجج هههههه عود يريد يطمني
بالعافية عليج المشتريات يارب يوم تشترين جهاز عرسه

مي &

12-06-2013, 08:08 PM

هلو بنات شلونكم شخباركم مشتاااااااااااااااااااااقتلكم

حبي حونشه فدوه اروح للوهواس مالتج هههههههه

حبي سوي دوبلر ميهم ولايضر ولابي شي وهو اضبط من السونار حياتي ومابي قلق
اني بنتي هم الدكتوره طلبت مني دوبلر مع العلم جانت مسويتلي سونر بس حبت تتاكد من شي معين بالدوبلر وكنت بوقته بشهر السابع

الدوبلر طمنها وكالت ماكو شي

حياتي انتي هم انشالله ماكو شي وانشالله بردا وسلاما

حياتي مرت اخويه هم جانت حركه طفلها خفيفه ومتباعده ومشالله تبارك الرحمن جابت ولد ايخبل فدوه اروحله وهااااااااااااااااادئ كلش حسه مينسمع صلوات انشالله ابنج يطلع مثله واني حاسه بيج ولد لهذا جهزي ازرق وعى ضمانتي ههههههههههههه

سيلا حبي الف مبروك دخولج السادس ومبروك وبالعافيه الغراض الي اشتريتيهن يارب يهريهم بالهنااا ريوني ويجي بسلامه وصحه وعافيه

بقيه البنات شلوووووووونكم

علا حياتي وينج مشتاااقيلج

نبروسه كافي عاد بس كوليلنا شلونج منريد شي بالنا يمج

ياسمينه حياتي شلونج الله يرزقج ولا يحرمج

لمااااوي يارب ترجعيلنا بخبر حلو يارب وبدل مترجعون اثنين اترجعن اتلاثه

ام همام وام حمودي شلونكم حبايب مشتاااقيلكم

ام مريم حياتي الله ايكومج بسلامه حبي حياتي موزين التدخين على الحامل حاول اتبطلين لخاطر النونو خطيه

وابقيه كلكم احببببببببببببببببببببببكم

همسات القمر ~

12-06-2013, 08:28 PM

سلام عليكم بنات اني من العراق وحبيت انظم الكم
وعجبني هالتجمع ^_^

مي &

12-06-2013, 08:33 PM

اهلا وسهلا حبي نووووووورتي

اني مي عندي بنوته عمرها سنتين اسمها ابرار وحاليا حامل بالشهر التاسع ادعيلي ربي يسهل ولادتي

ربي يسهل حملج ياااااارب

همسات القمر ~

12-06-2013, 08:43 PM

اهلا وسهلا حبيبتي ويارب الله يكومج بالسلامه وتجيبين احلى نونو

redrose82

12-06-2013, 10:47 PM

السلام عليكم. ....شلونكم بنااااات. ..مشتاقتلكم كلكم بكدالدنيااااااااااا. ....
صدك صدك. ..اشتاقيتلكم. ...بس عذروني جان عندي ظروف صعبة بالبيت وماكدر ادخل يادوب دوام وشغل البيت. ..
مياوي بعد عمري سالت عليج العافية الله يسهل عليج وتجيبين بسلامة
ياسة انشاء الله نحمل سوا اني وياج ونصير مثل حنونة وسالي
حنان وسيلا مبروك دخولكم السادس انشاء الله حنوشة تشوف النونو ونعرف جنسة وانشاء الله تمام الخلقة والصحة والعافية
انيبو ماكو بلكي جابت وهسة حمودي بحظنها يارب. .
رقاوي وام همام ومنوش. ...حبايبي مناسيتكم. ...انشاء الله بخير كلكم
ومسك الختام شفوقة ام البيت الراحت انشاء الله ترجع وترجع لمتنا الحلوة. .
عذروني بنات عندي ظرف طارئ بالبيت اخلصة وافرغلكم

( ام يوسف )

12-06-2013, 10:50 PM

ي هاي الاشياء اتصير للولد والبنيه بس ملابس لتشترين لحد متتاكدين لتغلطين غلطتي وصيت عيالي ملابس قبل مااعرف وجابولي محايد بس كولشي معجبني واريد اشتري من جديد بس همزين مجابولي اهواي
حبيبتي استودعيه بيد ربج واسوي اللي تكولج الدكتوره عليه والله كريم
اني السونار كال يوم 7 والطبيب يوم 10 وهسه صار الطبيب يمشي مثل السونار واني تخربطت عندي

( ام يوسف )

12-06-2013, 10:54 PM

حياتي مياوي الله يسهل ولادتج واتجيبين احلى نونو
همسات نورتي التجمع وربي يسهلج حملج امين
علايه يارب يكون الظروف خير عليكم وتجين اتبشرينا بحملج

همسات القمر ~

12-06-2013, 11:37 PM

تسلمين حبي عيونه دنيتي منور بيج ورده

قمر بغداد

12-07-2013, 02:17 AM

ميوشة شلونج شوكت تجيبين
يمعودة ناسوي هسة نونو الا اذا تخبلت عي جمانة ةلاعبة بية طوبة ومدنرتني وبعدها صغيرونة سنة و3 اشهر خطية اسكتي ليش هو الحمل هيين يدمر ويتعب و24 ساعة تلعب نفسج ومريضة وتعبانة ولازم دائما مكابلة الطبيب وكلسع مطلعة بطنج لابو السونار ونبلع بالادوية ونرحع ليورة وكل شوية جاكيج ابرة ديحللون الفقر دم وعلى هالرنة 9 اشهر والولادة تشك الحلك ههههههههههههه شكد حجيت اني
شخبارمم بنااااات اشوممو نشيطات جان تجمعنا سابقا فدشي خرافي شعلة مالحك اقرة الصفحات جنت هالكد منحجي ونسولف

قمر بغداد

12-07-2013, 02:24 AM

سلامي لكل البنات
ام همام وام ايهم وبدور السماء وشعور الامومة وفوفو وروز والكاردينيا وام هودي ةام نورهان وام الق رويدة وتوتاية وشموسة وبشارة وروزة ولمى ومنى عمري وزوجي حبيبي وكل البناااااااات الحبيبات

قمر بغداد

12-07-2013, 02:27 AM

وماننسة فروحة والمغتربة المتفائلة

قمر بغداد

12-07-2013, 02:37 AM

وام تيم وشفق وحلمي بطفلي وزهرة حياتي وطوق الياسمين وبنك

قمر بغداد

12-07-2013, 02:43 AM

ام مريم صحة الطفل اهم شي وانتي صحتج راح تضيعيها لان النيكوتين راح يوصل للطفل وانتي وكلنة نعرف شنو مضار النيكوتين بس اتركيها للجكارة يومين وصبري واتحملي وبعدها راح يصير عندج عادي اذ ماتشربيها تخيلي نفسج برمضان وصايمة لان عواقبها مو زينة لا سامح اللة وليقدر وبعيد الشر تخسرين حملج ونفسج

p!nk rose

12-07-2013, 10:58 AM

صباح الخير أحلا بنات شلونكم شو أخباركم شو في مافي ؟

p!nk rose

12-07-2013, 11:01 AM

همسات القمر نورتي حبيبتي و أهلا و سهلا فيكي معنا

p!nk rose

12-07-2013, 11:31 AM

http://forum.hwaml.com/t278836-5.html

الموضوع متجدد

طوق الياسمينة

12-07-2013, 01:14 PM

هلوووووووووووو وردات شلونكم...شكرا قمر بغداد منورة شلونج بنك

طوق الياسمينة

12-07-2013, 01:21 PM

مبروك دخولكم بالسادس حنوشة وسيلا ويارب يوم الي تشوفون جهالكم عرسان
علاية الوردة صدك فرحت من شفتج داخلة التجمع لان كلش مكانج خالي ومشتاقتلج امين ويارب يجينا احلى نونوات
خير خوماكو شي بالبيت؟؟؟ نبروسة مختفية...حبي انتي وميوش اذا صارت عدكم اعراض ولادة بلغونة حتى ندعيلكم
لماوي منعرف اخبارها وية التلقيح يارب النتيجة ايجابية ويفرحها ونفرح وياها اميييييييين
مناوي مختفية اكيد ملتهية بابنها
روكة ونورس يارب تكونون بخير
وهلة بكلمن يدخل التجمع ويانة من الاعضاء الجدد

حلمي بطفلي

12-07-2013, 05:13 PM

اي سيلا هو هم هيج الله يحفظ ابنج حياتي
مياوي ههههه فدوه لقلبج الله يكومج بااسلامه وتشوفين الطغل بحضنج ويسمع منج بنيه ولد ميهم بس تمام الخلقه
قموره منوره حبي ويارب يحفظلج اولادج
ياسه حياتي تسلميلي يوم نباركلج بحملج بتوئم يارب
علايه حبيبة كلبي الج وحشه يارب المانع خير وماكو شي ويوم نسمع خبر حملج بتوئم يارب لا تغيبين

مي &

12-08-2013, 12:55 PM

شلوووونكم حبايب شخباركم مشتااقتلكم كومه كومه

شنو اشو ماكو احد خيرر ليش هيج

نبروسه حبي مشتااااااقيلج وينج يارب نسمع الاخبار احلوه عنج

بقيه الحبايب شلونكم مشتاااقتلكم

اخر اخباري

رحت للطبيبيه البارحه وشافت الجنين على المقعد وحددتلي عمليه بعد 10 ايام انشالله وقبلها بيوم كتبتلي فحوصات وتحاليل كامله شامله

اسويهن وبعدها بيوم اسوي العمليه
اندعولي حبابين كلش خايفه ماادري ليش يمكن لانها ثاني عمليه ربي يستر ويسهل انشالله يارب

p!nk rose

12-08-2013, 03:00 PM

هلوووووووووووو وردات شلونكم...شكرا قمر بغداد منورة شلونج بنك

هلا حبيبتي أنا الحمد لله تمام بسأل عنك و أخبارك ان شاء الله زينة

p!nk rose

12-08-2013, 03:02 PM

حلمي بطفلي شو أخبارك كيف الحمل معك ان شاء الله تمام بتمنى تكوني منيحة

ميوشة حبيبتي يامن كمان كان على مقعدو و عملت عملية و سهلة الحمد لله و الله يسرها و ان شاء الله بتتيسر معك و لا تخافي وجع الولادة مو أكتر من 3 أيام الله يقومك بالسلامة و تشوفي وجه النونو بخير و سلامة

موضوعي متجدد
http://forum.hwaml.com/t278836-5.html#post3532256

طوق الياسمينة

12-08-2013, 06:01 PM

الله يكومج بالسلامة ميوشة ياربي

شعور الامومة

12-09-2013, 09:47 AM

صباح الخير ... بنات
نيبو شنو اخبارج يارب ولدتي بالسلامة طمنينا عنج
ميوش الله يسهل ولادتج يارب ويجعلها سهلة ميسرة ... لتخافين وطمنينا عنج
علاية وياسة ولمى الله يرزقكم فرحة الحمل قريبا ان شاء الله بحق محمد وال محمد
سيلا وحنوشة لازلنا نسير معا في طريق الحممل الله يهون علينا ماتبقى من الشهور ونشوف ابناءنا بالسلامة والصحة وتممام الخلقة
هباوي مشتاقين ... روز شنو اخبارج انت ويامن ... ام همام شلونه هيمون الورد هو وامه
والجديدات منورات

&ام همام&

12-09-2013, 11:31 AM

صباح الخيرات
شلونكم
نبروسة شلونج وحمودي انشاالله بخير
ميوش الله يكومج بسلامة انتي وابنج
روكة وسيلا وحنوش يلة شدو حيلكم ماظل شي وتشوفون جهالكم
علوشتي حبيبتي شلونج الله يرزقج بالولد الصالح انتي وياسة
وكل منتظرة
كل البنات مشتاقيلكم
وهومي يبوس خالاتة واصدقائة كلللللللللللللهم

&ام همام&

12-09-2013, 11:35 AM

روكة وينج وين انتي

طوق الياسمينة

12-09-2013, 01:24 PM

شكرا ام همام الله يسمع منج ويفرحج

حلمي بطفلي

12-09-2013, 02:16 PM

مياوي حياتي يارب تكومين بالسلامه وماكو شي وتشوفين النونو بحظنج يارب لتخافين
بنك روز حبيبتي تسلمي انا منيحه دامك انتي والنونو مناح الله يخليه الك يارب
روكه حياتي الله يتمملنه على خير وتعدي هلشهور بخير وسلامة ونشوف اطفالنا كدامنه
ويرزق ياسه وعلايه ولماوي وكل المشتهيات الحمل يارب
ام همام حبيبتي تسلميلي الله يخليلج همام وابو همام واطفالج يارب

redrose82

12-09-2013, 07:30 PM

شلونكم حبايب. .انشاء الله كلكم بخير ياااارب
ميوش الله يسهل عليج وانشاء الله عملية سهلة وتكومين بالسلامة انتي والنونو.
نيبو ماكو. ...اكيد جابت وملتهية بحمودي. ..الله يسهل عليها
رقية وسيلا وحنونة انشاء االله نفرح بنونواتكم. .ومشكورات عالدعوة الحلو
ام همام مشكورة عمري عالدعوة الحلوة الله يحفظلج همام وابو. ..
البنات الجدد قمر وهباوي وبنك ام يامن ام مريم اتشرف بمعرفتكم. ...
لمى. . انشاء الله تنجح عمليتج وتحملين باحلى تؤام
ام ليث ماكو هذا طيوف ماخذ كل وقتها

redrose82

12-09-2013, 07:33 PM

شلونج ياسة وشلون معنوياتج انشاء الله بخير. ..انا شوي عندي كآبة وضايجة خايفة اضطر على الانابيب ومابية حيل وهسة مو وقتها لازم بداية العطلة اذا ربي كتبلنا العمر. .بس بلكي رحمة الله تشملنا ونرتاح بدون تعب...
ولو ضوجتكم. ..بس شوي مالي خلك. ..تعبانة من الدوام

حلمي بطفلي

12-10-2013, 01:42 AM

علايه حبي الله يلطف بحالكم وما تحتاجون لاانابيب ولا اي شي وتحملين يارب قبل نهاية السنه

حلمي بطفلي

12-10-2013, 10:57 AM

ياسه حبيبتي ادعيلج بالحمل كل يوم قبل نهاية السنه يارب

طوق الياسمينة

12-10-2013, 10:23 PM

علاية ادعيلج من كلبي يفرحج باحلى جهال قريبا كلش واقرب مماتتوقعين
تسلمين حنوشاتي على الدعوة الحلوة من صدك فرحت بيها ربي يخليلج طفلج وتفرحين بي
بالنا يم نبراس يارب تكون جايبة بالسلامة ويخليلها حمودي...طمنينا نبراسة
كل البنات احبكم هووووووووووووواية

حلمي بطفلي

12-11-2013, 02:55 PM

تسلميلي عمري يا حياتي ياسه الله يفرح قلبج

نيبو طمنينه عنج حياتي يارب تكونين جبتي بالسلامه
سيلا شلونج عمري شو ماكو

سوسهs

12-11-2013, 08:30 PM

يعطيكم الف عافيا احلى عراقيات

بما ان تجمعكم قرب يوصل 200 صفحه والردوود قريب توصل 4000 رد

اعذروني راح نغلق هل التجمع

وبامكانكم فتح تجمع لكم من جديد

والله يجمعكم لما يحبه ويرضى وعلى خير ان شاء الله

واتمنى لكم التوفيق في حياتكم

___