احلى عراقيات حوامل ...... تفضلوا

[حلمي بطفلي]

مناوي هلا حبي نورتي انتي وحمودي توكاي على الله وطهريه وطمنينه
مهاوي شلونج حبي يارب هلشهر تحملين بتوئم
ضحاوي منوره يارب تحملين هلشهر

[منى عمري]

حبيبتي مهاوي الله يسلمج بعد عمري
لا شويه اخذتلي غفوة حمودي نام استغليت الفرصه شويه كتبتلكم ونمت ماعبالي اكو احد كاعد
حنوشه حبيبتي شخبارج وي الحمل انشالله ياربي تكونين مطمئنه عالبيبي
ضحاوي الف الف مبروك ياعروس ياربي تكونين حامل هالشهر
ولا تعتمدين على هاي الطرق ما اتوقع تكون صحيحه الاختبار المنزلي صحيح اني اربع ايام وطلع خطين
وخلي املج بالله كبير ولاتفكرين بالحمل بعدج عروووووس وانشالله الله يرزقج الذريه الصالحه

[( ام يوسف )]

هلا يابنات شلونكم
الله يرزق المنتظرات بالذريه الصالحه هلشهررررر اميييين
الحوامل الله يتمم حملي وحملكم ع خير وانشوف اطفالنا يارب
الامهاااات الله يحمي اطفالكم ياااارب

البارحه بال 11 بليل بعد الجماع نزل 3 قطرات دم بس امسح بالكلينس واتخبلت الليل كله مانمته واليوم جان عندي موعد ويه الطبيبه جان اتكولي عادي بس ااذا ظل ينزل تعالي والحمد لله انقطع وكلتلي طول ماعندج لعبان نفس وتستفرغين يعني الجنين بخيررر
واني من اول مكعدت لحد مرجعت منها واني استفرغ وفوكاها نازل وزني كيلوين وتلقحي الحصبه ماماخذته وكلتلي ميصير تاخذي طول فتره الحمل يعني اي بيت بي احد مسخن لتروحيله لان خطر علجنين
والله يعيني وايمرر هلفتره ع خير وقررنا انعيش اني زوجي اخوووان من اليوم طول فتره الحمل هههههههههههههه

[المهندسة ام تيم]

يسعد مساااااااااااااائكوو صبايا

[المهندسة ام تيم]

منوشي الله يحفظلج حمودي ويعينج ان شاءالله الله يسهل عليج حبي
واني اكول طهروه الطفل اهسة حسن واريح اله والكم

[المهندسة ام تيم]

حبيبي سيلا ديروووووووووو بالكم ترة موخوش سالفة الدم اخذي مثبت حبي لازم
وابيتعدو عن الجماع على الاقل لحد نهاية الشهر الثالث

ربي يثبت حملنا ان شاءالله

[المهندسة ام تيم]

هلو حنوش شونج حبي شنو اخبارج .. شون النونو الله يحميه يااااااااااااااارب

[المهندسة ام تيم]

مهاوي وضحاوي وعلاوي وكل الحبايب عسااااااااااااااااااكم بألف خير

[عيون المهى]

هلووووووو بنات شلونكم حبايب
حبيبتي نيبوووو وانتي بالف خيررررر ويتمملج حملج بخير يارب
سيلا حيبيبتي ديربالج على نفسج الدم خطر يرادلج راحة ومثبتات وكاحة بعد ماكو ابد
سمعتي نبض الجنين لو لاماكتيلنا
حنو حياتي تسلمين على الدعوة الحلوة وين الله ويستجاب دعاج توئم رحمة الله واسعة
الله يتمملج حملج ياوردة بخير وسلامة
علا ومناوي وميوشة وشفوقة ونوال شلونجن حبايب
ضحاوي عيني شكرا على التعليمات طبعا هاي اول مرة اسمع بهاي الطريقتين انجربة ونشوف اهم شي متخسررررر ههههههههه وديري بالج تراجعين دكتوراة قبل السنة بعدج عروس حبيبتي انتظري الله يفرحج ان شاء الله بدون دكاترة وعلاج
حبيبتي سراوي شلونج وهمام وابوة شلونهم صار كم يوم ماكو ان شاءالله المانع خيررر

[عيون المهى]

حبايب طبعا اليوم عندي خطار الساعة 9 يجون
اني اعزل واروح ههههههههه حدي وياكم لل9
واكللكم تصبحون على خيررررر الخطار مو غربا خواتي

[ضحى السماوي]

مساء الخير بنات شلونجن
عيون المهى العفو حبيبتي هاي المعلومات اخذتهه من المنتدى جنت ادور على طريقة قبل لا اكول الدورة فايتتني
احنة بخير ام تيم اذا انتي بخير
الله يبارك بيج منى عمري/ ان شاء الله حوامل من هالشهر
منور المنتدى بيكم ياحلمي بطفلي
طبعا الدورة لسة ماشرفت
ما ادري اذا اخذ سونار يبين اذا اكو طفل او لا
وشنو رايكم اذا طلع ماكو طفل اضرب ابرة او اخذ حبوب تنزل الدورة

[منى عمري]

هلو حبايب شلونكم ياعيوني
ضحاوي انتظري هي الدورة تنزل وحدهه هاي يجوز خربطة هرمونات شكد صارلج بالتحديد متزوجه
اني اتخربطت عليه الدورة ورة ست اشهر من الزواج وراسا حبلت والحمدلله هسه بحضني حمودي
انشالله ياربي يرزقكم ومايحرمكم من الاطفال

الحبايب شلونجن وحده وحده


سيلااا سلامتج حبي انشالله ماكو شي بس اتحذري وديري بالج من الوكاحه

[حلمي بطفلي]

مناوي حياتي والله الحمد لله بس عندي الالام وتقلصات قويه والله اليستر شسوي
مهاوي انشاء اللله يستجيب خلي ثقتج بالله كبيرة ياعمري
سيلا حياتي جيري بالج علة نفسج موزين الدم لازم تاخذين مثبت اخذي دوفستون 3 مرات باليوم يثبت الحمل ومابيه ضرر وامتنعي عن الجماع اني ورجلي من زمان اخوان من يوم الي عرفت بنفسي حامل ههه
نيبو حياتي بخير مادامج بخير شخبارج انتي وشلونه النونو ليش مسوين سونار حتى تطمنين علبيبي اذا هيج قلقانه مو احسلج

[منى عمري]

حنوشه حبيبتي انشالله ياربي ماكو شي والالام طبيعيه وتروح انشالله
ويتمم حملج بالتمام وتجيبين احلى نونو حنوش مثل امه الحنوشه


ضحاوي ما اتوقع يبين هسه بالسونار اذا حامل وانشالله ياربي حااامل وتفرحين وتفرحينه وياااج

[منى عمري]

بالنسبه للاخوااااان
الحمدلله وكت الحمل ماخاويت زوجي يعني بين بين
يوم لك ويوم عليك اول اربع اشهر كل اسبوع مره
والخامس ماكو لان كلولي الطفل نازل
السادس والسابع تقريبا بالسبوع مرتييين
والثامن شويه كثرنه خوووو التاسع بعد منلحك هخهخههخخخخهخخخخخههخ
وكل هذا ومااااااكو توووووسع هخههههخهه ربي سترني زين ماسوولي عمليه
بس هسسسسه حاليا احنه كلششش خوووش اخوان وحبابين هههههههههه

[حلمي بطفلي]

ههههه مناوي ضحكتيني اني زوجي تعقد حتى يمكن نسى الموضوع شكد ما اياس مني ههههه يكولي حرام عليج رح نظل 9 اشهر اخوان هوووايه

[منى عمري]

هههههههههه لا ولج خطيه كليله مو بس 9 اشهر ووراهه مالت الولاده للاربعين ويجوز فوكاهه شكم يوم بعد
الله يساعدهم هخهخهخخه

[حلمي بطفلي]

ههههه كايلتله مناوي هو من هسه شاد عصبه براسه وحاط بيها خاشوكة حتى تمتص الغضب ههههععع

[شمعه امل]

مرحبا بنات انا جيت من بعد غيبه
شخبارركم
ولك منى مبروك ولدتي الف مبروك شسميتي البيبي ومنو
ولدت كمان؟
ام تيم حبيبتي مشكوره ع سؤالك اني الخميس ساويت العمليات
وكانت حالتي خطره الحمد لله رجعني لاطفالي وصلت للموت الا شوي
الحمد لله
وين وصلو البنات بالحمل اروى ولدت لو لساتها ؟
وشنو اخبار روقيه ومروه وفرح وسرى وساره وباقي البنات كلهم اعذروني
ان نسيت احد والله حالتي مأساويه

[&ام همام&]

هلو بنات شلونكم
توتة عاش من قرة صفحتج خخخخخخخخخخخخخ
مشتاقتلج وينج خيرج ليش ماكو شلون صرتي السرة شلونها بتج شلونها واخوج
الج وحشششششششششششششششششششششششة

[&ام همام&]

سلامتج توتة سولفيلي اني سرى غيرت اسمي وصرت ام همام

[( ام يوسف )]

هلاو يابنات شلونكم
الحمد لله لحد هسه بعد مانزل دم واليوم حاسه الاستفراغ قل واني بالاسبوع ال ١٢ يعني بمكان مجان من اول ماكعد من النوم لل ١ الظهر صار بس مره وحده هذا الشي عادي يابنات لو لا وشوكت المفروض يوكف الاستفراغ ؟
مهاوي لا والله مسمعت النبض لان جهازها ايسمع من الاسبوع ال ١٦ فرح انتظر للسونار والله كريم هو قادر يحفظلي جنيني
حنوووشه سمعتي النبض لو بعدج صايره حبابه متوهسين انكلب الوهواس اليه ههههههههه
نبروسه حبيبتي ان شاء الله النونو مابي شي روح سوي سونار واخلصي من القلق والله لو يصير عدنا جان كل اسبوع اسوي سونار حتى اطمئن
ياسو وعلايه وشفوقه شلونج ياحلوات
منوووش وحنوشه هههههههه احلى شي الاخوووه وخلص بطلنا وكاحه وصرنا اخوان متحابين لمده ٥ شهور هههههههه
وبقيه الصبايا يارب تكونون بخير
سرواي وميوش وضحى ونوال مهاوي ارو
وتوته نورتيييي حبيبتي وحمد لله ع السلمه ولو احنا ممتعرفين من قبل
ان شاء الله منسيت احد
احبببببكووووم كوووولكوووم

[( ام يوسف )]

اكووووو احد اهناااا لو ادير وجهي واطلع صبايا اللي تجي تسويلي تنبيه

[عيون المهى]

هلو ووووووو بنات شلونجن عيوني
مناوي وحنو منورات علا وسيلا وشفوقة ونوال وياسة وسراوي ونيبووضحاوي شونجن حبيباتي
مشتاقتلللللللكم وحدة وحدة اكللجن عيني اشو التجمع اتفركش يومية تختفي وحدة تدرون ارو ورقية من شوكت مدخلن ان شاء الله المانع خير

[عيون المهى]

سيلا وسراوي منورات عيوني
ااااااااااااااااانييييييي موووووووووووووووووووجووووووووودة

[( ام يوسف )]

هلاوو مهاوي شلونج وشلونه صار رجلج طمنينا
خطيه رجلي فلاونزا سوده عليه نايم بالهول ايخاف لعديني ومااعرف شسويله والله حتى الدكتوره كلتلي لتتقربين من اي احد مسخن لان ماعندي مناعه الله يشافي وايشافي كل مريض يارب

[عيون المهى]

هلو حبيبتي سيلا اني الحمد لله بخير ورجلي اليوم الصبح على الريق راح سوا تحليل سكر وهم طلع مرتفع 245 وطبعا ماشين على نظام بهريز والله كريم انتي شلونج عدة العافية زوجج ان شاء الله مابية شي فلاونزة بسيطة ديري بالج على نفسج ترة هية الصخونة موزين عالحامل

[&ام همام&]

سيلا سلامتج وسلامة زوجج بس لازم يضرب ابرة حتى لايعديج
وبالنسبة للوحام اكيد يروح خو مويظل للابد لاتخافين

مهاوي شلونج شلون صار زوجج سكرة انشا الله نزل
بقية البنات شلونكم

[عيون المهى]

هلووو سراوي عمري شلونج وهمام وابواة شلونهم ان شاء الله بخير
الحمد لله زوجي شوي شوي داينزل سكرة دعواتكم الة الله يشافي كل مريض يارب

[عيون المهى]

اكلج عيني سراوي ابو همام شنو دايسوي حمية وشكد سكرة
والله اني محتارة بالطبخ شنو اسويلة ماادري

[( ام يوسف )]

حبيباتي الله يسلمكم والله مبتعده عنه وحتى عازله مخاديده ولحافه وفراشه وكلوشي عني لان هو هم خطيه ايخاف عليه لا انعدي
مهاوي ان شاء الله يارب مابي غير العافيه زوجج وزوج سراوي وبس فتره وتعدي استمرو ع البهريز واهم شي استعملو خبز وتمن اسمر
وقللو الزيت بالاكل لان اسم الله يسوي كرسترول
طبعا يمكن محد يعرف اني شمخلصه اني مساعده طبيب فقاريه كومه ع الامراض
الله يبعدكم ويبعدنا اني الامراض وايشافي الجمييييييع يارب

[طوق الياسمينة]

هلوووو باحلى بنات
شلونج حنوشة ياااارب تكونين بخير
سيلا شلونج ياوردة ...ان شاء الله هاي بس وهواس وماكو شي
سرى منورة
مهاوي يارب يطلع التحليل المنزلي غلط وتكونين حامل ضحاوي منورة ويارب تكونين مثل مها وتصيرون حوامل هذا الشهر
علاية مشتاقين
ميوش وين الغيبة
مناوي شلونة حمودي يارب يحفظة ويخليه
نبروسةشلونج ياغالية
بنات اني اول مرة استعمل حبوب تنظيم الدورة بروموليوت اني دورتي منتظمة بس الدكتورة انطتني علمود تضخم المبيض
اليوم 3 يوم من كطعت الحبوب والمفروض تجي وما اجت ليش؟؟؟؟؟؟

[طوق الياسمينة]

عندة العافية زوجج سيلا حبي ان شاء الله

[عيون المهى]

تسلمين حياتي سيلا الله يسمع منج ان شاء الله فترة وتعدي مستمرين على البهريز والله كريم
حبيبتي ياسو انتظري بعد يومين لان اقصى حد 5ايام ان شاء الله متجيج وطلعين حامل

[عيون المهى]

من رخصتكم اروح انيم حسوني الى الملتقى ليلا

[( ام يوسف )]

هلاو حبي ياسو شلونج ان شاء متجيج وطلعين حامل انتي ومهاوي وعلايه وكل المنتظرات يارب
تسلمين حبيبتي الله يسلمج

[( ام يوسف )]

مهاوي حبي مرخوصه ونشوفج بليل اني هم دا اسوي غدا وعين ع الاكلل وعين ع تلفون هههههههه

[شمعه امل]

هلا والله بام همام والله اني مشتااااقتلك ومشتاقه للكل
اسفه معرفت البنات شو اخبارهم ً مشكوره حبيبتي ربي يسلمك انتي وعيونه دنيتي
وانتي شخبارك وهمام حبيبي شلونه وشكم عمره هسه ربي طوله العمر
اخباري ياشيخه هههههههه والله فيلم هندي اخوي الحمد لله صار شوي احسن
واما ڤوني صار عمره شهرين و20 يوم ولساته ناعمه جدا الحمد لله يارب
اما عملليتي مو بس فتق بالسره وشالو لي المراره
اثناء العمليه لما شال المراره صار نزف معي لدرجه مبقى دم بجسمي الكبد صار بلا دم وكمل العمليه الدكتور
وبعده ناده ع زوجي يجيب دم لان ماكو o+
وبده النبض ينزل 70 وينزل طبعا زوجي سولف الي وجهي مابي لون وسمعت بعدين من الممرضات كالولي ابوك وزوجك كاننو يبكون عليك
وبكيتي الكل وطبعا جسمي لحد اليوم ازرق من الابر المغذيات عددهم 12 حتى اخر شي حطو الدم برقبتي ومشيه حالي باابر المسكن لان الالامي قويه
وكله بكفه وصايره من يوم العمليه اختنق من البنج كل شوي والله ميوري لاحد وصعب اكح الله المستعان

[redrose82]

السلااااااااالم عليكم. ..شلونكم كلكم. .مشتاقتلكم كوووووووومة. ....
منوش يالة طهري حمودي قبل ماتبرد الدنيا. .خالتي الجابت وياج عملية صار شكد من طهرت ابنها وطاب وصار زين. ...وانشاء الله توكع خيوطج كلها ههههههه
ياسة سالت عنج العافية حبيبتي انتظري كم يوم لان حتة انا مرة اخذت البريملوت ورى خمس ايام نزلت وانشاء الله حامل وترتاحين
مهاوي وسراوي الله يشافي ازواجكم ويعافيهم ويحفظ اولادكم. ......
نيبو شلونج وشنو اخبارج. .الله يساعدج على شغل البيت والحمل. .. حنوشة وسيلا الله يطمنكم على نونواتكم. ....
ام علي وشفوقة اكيد مثلي دوام وتعب ...الله يعين
ميوش واروى ورقاوي اشو ماكو مشتاقيلكم يامعودات
توتة. .الحمد لله على سلامتج ماتشوفين شر انشاء الله. ..

[redrose82]

اليوم من كد التعب نزلت علي الدورة قبل يومين من موعدها. ..اصعد وانزل وعفست المخزن مال الكتب لان ماكو كتب تكفي الطالبات. .. لمن سلمتهم كلهم.....افكر شلون احمل السنة وي هذا التعب الله يعينا

[حلمي بطفلي]

سيلت سلامة زوجج حبيبتي ديري بالج لا والله اني حظي فكر ياهو الاروحله صاموط لاموط ابو السونار ميحجي شي يسوي وخلصكلشي مسمعت لحد هسه
مهاوي عساج بخير حبي يارب حامل
ياسه شلونج يارب تحملين هلشهر
ام همام منورة
شمعة منورة
علايه حبيبتي يارب هلشهر اخر شهر تجيج الدورة وراها نف ح بيج حامل يارب بس حبيبتي ميصير بعد التلقيح تعبين نفسج احنه نريد نمنع الدورة ونسوي حمل مو كاعده تنظفين وتعبين وتنزلين الدورة ليش هيج صوجج ميصير ليش العروس من تتزوج يكولولها هلاشهر لتعبين نفسج خصوصا بعد ايام التبويض لحد موعد الدورة حتى اخاف يصير حمل مينزل وتجيها الدورة بعد لسوين هيج

[ام علي العابدي]

السلام عليكم بنات [indent]شلونكم ان شاء الله بخير عندة العافية زوج سيلا ما يشوف شر مهاوي وضحى شلونكم عيني ام حمودي طهري هسه احسن اني علاوي صار عمره 2 ونص شلع كلبي شهر ما طاب وصارت بيه مضاعفات اسم الله على ابنج توكلي على الله وطهري انصحك لاتكونين موجودة ساعة الطهور لان ما تتحملين تسمعين من يبجي حبيبتي علا وشفق شلونكم الله يساعدكم من الدوام ويساعدني اني مو بس دوام وعندي 3 بالمدرسة وزهراء هايه البجر راحت للاول متوسط وعكس دوامي لازم ارجع للبيت وامشط شعرها واوديها للسيارة واني الرجال والمرة صايرة ...نبراس شلونج وكلجن شلونجن وحدة وحدة /indent]

[( ام يوسف )]

علايه ان شاء الله هلشهر حامل
حنوووشه ليش انتي شوكت سويتي سونار ؟ وشعجب مسمعت اني سامعه انو من الاسبوع الثامن يبين بالسونار الله يطمنج ويطمني ع نونواتنا يارب
ام علي الله يساعدج ويعينج حبيبيتي

[redrose82]

حنوشة انشاء الله تسمعين نبض النونو وتشوفينة. .بس سالي على السونار قبل متحجزين. ...وبالنسبة الي هذا شغلي ماكدر ارتاح يعني اذا قررت اسوي حقن لازم اجلة للعطلة نص السنة. .وبلكي ةلنسبة ترتفع عالعلاج هاي كم شهر... بس انا سويت تحليل منزلي اربع مرات وكلة سلبي وعرفت ماكو حمل. ...بلكي من ينتظم الجدول ارتاح اكثر. ..لعد المعلمات الي وياي شون يحملن ونفس اتعب. .هو كلة تسهيل من رب العالمين ...
ام علاوي الله يساعدج. .بس بنتج الله يخليها كبيرة لازم تساعدج بالبيت. .علميها يمعوة حماتي بنتها بالخامس وعندها هسة توام خمس اشهر وحتة اجازة ماتاخذ تخليهم عند اختهم. . القبلهم هي ربته الولد ولو خطية بس مو افراط ولاتفريط خليها تساعدج شوي. ..الله يحفظها الج. ..
سالي ديربالج على نفسج. .والله يشافي زوجج الانفلاونزا مكروهة للحامل. ..

[طوق الياسمينة]

تسلمين علاية يعني هو ممكن يصير حمل اثناء اخذ البروموليوت ؟؟؟الي اعرفها هو يمنع ودكتورتي كالتلي بس اتكطعي راسا تجيج واليوم الثالث وممشرفة ؟؟؟بس اعراضها موجودة؟؟؟؟...
الله يساعدج على التعب اي والله مرات اصفن اكول شلون بس ربج يسهلها
يااااااااااااارب على غفلة متحسين بنفسج وانتي حامل
مسولفتيلنا على عيد زواجج لو منزلة صورة مثل سيلا ششتريتي هدية لابو الشباب؟؟؟

[طوق الياسمينة]

تسلمون حنوشة وسيلا على الدعوات الحلوة ياوردات انتوا

[ام علي العابدي]

حبيبتي هية تساعدني خطيه هواية زهوره بس اني اتعب لان الابو يشتغل بالنجف وكل متطلباتهم واكه براسي وصارله اسبوعين ما اجه والله بديت اضوج من هذا الوضع ومن ادردم عليه يكول اكعد بالبيت بلا شغل المهم حبيبتي بالنسبة للكتب النقص ينطونا لو لا اني المديرة هوايه تعتمد علية لان شوية نشيطة فخالتني بكل لجنة بالمدرسة حتى لجنة الكتب والتدقيق والحديقة والحانوت والتقيم حتى انكره بالمدرسة . شنو اخبارج علا احجيلي

[ام علي العابدي]

مشكورة سيلا حبيبتي على الدعوة الحلوة

[ضحى السماوي]

سلام بنات
شلونكم كلكم وحدة وحدة لان لسة ماحافظة اسمائكم
اللي ازواجهن مرضة شلونهن
واللي هنة مريضات عدهن العافية ان شاء الله
وحواملنة شو اخبار حملهن
واللي منتظرات الحمل ان شاء الله يفرحن هالشهر
وانا اخباري لسة ما اجتني الدورة وقلقانة حيل

[حلمي بطفلي]

سيلا حياتي لا الحمدلله بين النبض بس هو مسمعلياه مادري وكلشي ميحجي
علايه حبي ميخالف حياتي لازم تقللين من شغلج لان حتى التعب هم تاثر علحمل حبي هاي كلها عوامل مساعده ويارب ما تحتاجين للتلقيح الاصطناعي ويصير طبيعي يارب وتحملين باحلى ولد
ضحى يارب تحملين
ياسه حياتي مرات تتاخر لمدة 5 ايام بعد ما تقطعين الدواء ومرات تكونين حامل
لان هو مرات يثبت اذا اكو حمل واذا ماكو تنزل الدورة ويارب حامل

[حلمي بطفلي]

ام عبادي منورة

[ضحى السماوي]

حبيبتي حلمي بطفلي تسلمين
انا اخر دورة الي جانت ١٥ بشهر ٨

[حلمي بطفلي]

ضحى انتي حامل ليش

[المهندسة ام تيم]

مرحبا بنات شونكم ان شاءالله بخير
شكرااا للي ذكري بكلمة ودعاء حلووو الله يخليكم حبايب

[المهندسة ام تيم]

شونج ام حمودي طهريه هسة حبي احسن الكم
بوساااااااتي الله يحميه ان شاالله

[المهندسة ام تيم]

حنوشي شونج قلب الله يثبت حملنا يااااااااااااااارب والله والله عظام حوضي تموتنيييي شسوي دكتورة تكولي ارتاحي وماكو فاااااااااايدة

[المهندسة ام تيم]

سيلا حبيبتي عندج العافية وزوجج ميشوف شر ان شاءالله.. خلي ياخذ علاج وافتحي شبابيك الصبح بالبيت خلي يتغير النفس وبدلي الاغطية والشراشف دائما

[المهندسة ام تيم]

حبيبتي توتة معافاية الله ليشوفج مكروه حياتي الف الحمدالله على سلامتج حبي نورتينا برجعتج

[المهندسة ام تيم]

علاوي شونج حبي .. الله يرزقج الحمل بالشهر الجاي ديري بالج على صحتج محد يفيدج

[المهندسة ام تيم]

مهاوي حياتي شونج حبي .. حللتي دم لو نزلت الدورة لو شنوو.. سلامة زوجج حبي بهرزي والله يعافية ان شاءالله
بوسااااااااااااتي لحسوني الله يحميه

[ضحى السماوي]

حلمي بطفلي
للاسف حللت قبل يومين وماكو حمل
حللت دم

[المهندسة ام تيم]

ياسوو حياتي وام علي شلونكم الله يكتبلكم الله حمل ويرزقكم يااااااااااااااااارب امين
وكل منتظرة ان شاءالله

[المهندسة ام تيم]

الله ىيرزقج حبيبتي ضحاوي اذا بعدج عروس لتخافي الله كريم
شكد عمرج..؟
شكد صارلج متزوجة..؟

[منى عمري]

هلو بنات شلوووووووووووووونكم

توووووووووووووووووووووووووته نورتي التجمع حبي والف الحمدلله على سلامتج وانشالله معافايه وماتشوفين العمليات بعد بحياتج


ام تيمو وسيلا وحنوشه وعلوشه وام علي وام همام وياسو ومهاوي وضحاوي شلووووووونكم ياعسولات

[ضحى السماوي]

ام تيم حبيبتي تسلمين
انا عمري ٢٦ سنة وصارلي كم شهر متزوجة

[منى عمري]

هلو بنات شلوووووووووووووونكم

توووووووووووووووووووووووووته نورتي التجمع حبي والف الحمدلله على سلامتج وانشالله معافايه وماتشوفين العمليات بعد بحياتج


ام تيمو وسيلا وحنوشه وعلوشه وام علي وام همام وياسو ومهاوي وضحاوي شلووووووونكم ياعسولات

[منى عمري]

ضحاوي انشالله ياربي حامل وتفرحينه
اني من السماوة
منو طبيبتج

[منى عمري]

ضحاوي اني بالشهر الي حبلت بي اتخربطت الدورة عليه
يعني ااخر دورة اجتي قبل موعدها بعشر ايام والشهر الي وراه ما اجتي والحمدلله طلعت حامل
ياربي يفرحج انشالله وتطلعين حامل هالشهر

[عيون المهى]

مهاوي حياتي شونج حبي .. حللتي دم لو نزلت الدورة لو شنوو.. سلامة زوجج حبي بهرزي والله يعافية ان شاءالله
بوسااااااااااااتي لحسوني الله يحميه


هلوووو حبيبتي نيبوووووو تسلمين ياعمري الله يتمملج حملج بخير وسلامة
والله ماشين على الحمية والله كريم
لاماحللت دم والدودو بعدة مااجتي اليوم دايوكع علية نقاط بنية
يمكن باجر اشرف

[منى عمري]

مهاوي شلوتج حبي ام حسوني
ياربي تطلعين حاااااااااااامل وتجيبين احلى اخ او اخت لحسوني ياااارب

[عيون المهى]

شلونجن بنات
مناوي وعلا منورات شفوقة عيني ام البيت وينج
سراوي حبيبتي ماجاوبتيني حنو وسيلا الله يتمم حملجن بالخير واجيبن احلا نونوات
ضحاوي ان شاء الله متجيج وطلعين حامل نوال شلونج حبي ديري بالج من العدو
علا حبيبتي لتعبين نفسج حاول قدر المستطاع ان تريحين نفسج في فترة العلاج
وحتى حالة النفسية لازم تكون تمام ربي يفرح عن قريب ان شاءالله ونفرح بيج

[منى عمري]

مهاوي حبي حبابه اذا رحتي للزياره
ادعيلي الله يرزقني زيارة الحسين والله ميته واوصل كربلا
سبحان الله محبتهم مو بادينه اهل البيت
مع العلم اني بسهر الثالث هالينه اجيت لكربلا واني حامل اربع اشهر بس مانكدر ودي كل اسبوع اجي للزياره
امااانه تدعيلي

[redrose82]

مشكورات ياحلوات على النصائح. .بس شنسوي بداية الدوام متعبة وانوب تستقر. ..ام علاوي الكتب لحد الان سلمونا قسم يعني انا الانكليزي سلمونا كامل بس صارت نقص لان عدنا خربطة بالاعداد. ..والباق هاي الايام يسلمونة. .انا بالنسبة الي لجنة تدقيق اكثر شئ بالامتحانات يصير علي شغل بس السنة طلعوني من اللجان لان حصصي هواي. ..

مهاوي شلونج وشلون ابو حسين.....

[منى عمري]

النور نورج حبي مهوي

هالينه=هالسنه
السهر = الشهر خهخهخهخه

[منى عمري]

امنوووووووورة علوش
شلونج ياقلب قلبي
مششششتاقون

[redrose82]

هلة بام حموووووودي. شلونج. .شفتي اجتي وياج وحدة من السماوة بعد شتردين
منورة ضحى انشاء الله حامل. ...بعدج عروس عمري لاتشغلين بالج هواي خلي يجي بوقتة

[عيون المهى]

مهاوي شلوتج حبي ام حسوني
ياربي تطلعين حاااااااااااامل وتجيبين احلى اخ او اخت لحسوني ياااارب

تسلمين ياعمري شلونج منوشة وحمودي شلونة دايسهرج بليل
طهرتية لوبعدج يمكن الدودو تشرف باجر لان بطني داتوجعني وكع علية نقط بنية

[redrose82]

نيبو متشوفين شر عمري ...الله يتمم الج بخير وتجيبين احلى نونو

[redrose82]

مهاوي. ..انا عندي الدوام احسن لان اذا اكعد بالبيت اظل افكر بالحمل والاعراض عاد بالدوام احسن انسى موعدها. ..يالله صف الاول شون حلوين يخبلوووون

[منى عمري]

حبي علوشه اني الحمدلله زينه
بس اكتشفت انو جرحي انفتح فتحه اصغيره ما اعرف هذا الخيط الوكع منه ما ادري
اليوم امي راحت للعطار وجابت منه ماده يسمموهه لامه وكلله خليه عالجرح وانشالله يلتءم
دوختكم بخيوطي خهخهخهخخهههههههههه

مهاوي اي والله سهرايه
بعدني ما مطهرينه للجمعه اذا الله سهل وراد

[عيون المهى]

الحمد لله ابو حسين اليوم تحليلة مال السكر طلع 245 مرتفع شوية
انتي شلونج

[redrose82]

تشتاقلج العافية ام حمودي. ..شلونج وي الرضاعة ترضعين طبيعي لو ممات. ..الله يساعدج البجر صعبة. ..اتذكر خواتي يقيسون صدرهم منو اكثر بي حليب يرضعون منة. ..رضعي حمودي هواي حتة يكبر ويدنفش

[منى عمري]

مهاوي انشالله ماتشرررف وتطلعين حامل وعلى كولة نبراس
تخرببن وتطلعين حامل هخهخخخهخخهخ
اي علوشه لكيتلي رفيقه من ولايتي




اي بلا سولفبنه على صف الاول زعاطيط

[redrose82]

الله يشافي تبو حسين وابو همام ويبعد عنهم كل مرض آميين

[منى عمري]

هههههه اي والله اني مثل خواتج اباوعلهن منو اكبر انطبه لان من يصيربيهن حليب اهوايه يضلن يوجعني
والممه بعدني ممنطيته بيهه حليب كاعد اعوده عليهه انكي بيه ماي وانشالله هالايام اشتريله حلوووبه

[redrose82]

يفترن وراي ويبوسن بية. ... ويصيحولي. ..خالة. ...ههههههه بعدهم ميعرفون ست. ...والباقي البجي والنحيب واريد امي واريد بيبيتي. ...وعندج الحساب. .

[منى عمري]

اميييين يارب انشالله مشافين معافين

[عيون المهى]

تسلمين ياعمري شكرا لدعواتج الحلوة
منوشة حبيبتي احنا ندعي والله يستجاب ان شاءالله
من عيوني والله كلما اروح ازور ادعيلكم كلكم وحد وحدة

[منى عمري]

ههههههههه هلا خاله شلونج
خطيييييييه اليبجون ...زين ذولي ليش يردون بيبي هخهخهههخهخ

[redrose82]

اي احسن رضعي هواي خاصة من صدرج. .بس اذا حليبج ميشبع انطي مساعدة حليب. .. بس اهم شئ هسة حليبج. .ولو يأذي ويحجر بس ميخالف. ...وانشاء الله تطهري ويطيب. .والجرح حتة اختي صارلها مثلج وتالي عدلو الها بثاني طفل. ...

[منى عمري]

تسلميييين مهاوي وينطيج العافيه انشالله الج ولابو حسين وبخليلكم حسوني ويرزقكم باخوان واخوات اله

[منى عمري]

يايمه يعني يضل لثاني طفل
يلا الله كربم انشالله خلصت

[redrose82]

بعد بيبيتة جايبتها للمدرسة. .انا اضوج من الامهات..بالبيت يكفخون جهالهم ويجون للمدرسة يسون لحضات الوداع. ..عبالك فلم هندي.

لو عبالك المعلمة تاكل اطفال هههههه. ...
اليبجي نشتريلة عصير جبس ونسكتة ...والحلوة اصعد للسادس الكة الصف نصة خواتهم ياخذون حصص وياهم وميرضون ينزلون لصفوفهم. ..

[منى عمري]

هههههه كبل للسادس
بس شبيج اكو امهات يكيفن يدزنهم للمدارس مثل الي يردن يخلصن منهم
زين هاي النساتل والعصاير والجبس لنهاية السنه خخهخهخخخ اصا لنهاية السنه كلشششش خوووش هخهخهههه

[redrose82]

مو اختي فلتت الغرزة بالنص يعني صار مثل الثقب ههههت تالي حبلت ورى سنة وشوي وفتحولها نفس المكان لان الخياطة القديمة مو شئ وخيطتها خالتي من جديد ولثالث لا الحمد لله بدون خياط. .

[redrose82]

لا بس بالبداية مرات اشوف بالساحة وحدة تبجي ضايع مصرفها انقهر واشتريلها ههههه. ...واكو يجون ينطوني جبس وعصير لو تشبكني وانا حتة ماعرفهم بس الاطفال حلوين بريئين. ...والامهات طبعا يخلصن لان الحبايب ماشاء الله عندهن بكل صف وحدة. .ومرات اثنين. ...مو توام. .لا وحدة بداية السنة وحدة بالاخير. ..يمكن يتكاثرون بالبيض هههه

[عيون المهى]

علا انتي مو انكليزي شعدج وي صف الاول

[منى عمري]

اي علوش اني هجي
اني لزمت المرايه وكعدن اباوعله عااابتلهن شسون بي خطيه اي المهم لكيت بي فتحه اصغيرونه مثل ماكلتي بالنص بحيث اباوع شنو هاي فتحتين صارت بيه خهخهه طلعت لاختي اكوللهه ولج صارت بيه فتحتين
بس صدك كله صووووج الخياااااطه ماتعرف تخيط عدل هسسه مو ابلاش والله بفلوس

[redrose82]

هيج انا اروح يمهم. ...احبهم. ..اساعد ام الاول معلمة جبيرة وتعبانة .....بس ارتبهم وياها والعب وياهم شوي واروح لصفي. ..

[منى عمري]

مهوي هم تطلعين لحسوني قناة طه
شايفه هاي اغنيه ياولاد الحاره

[redrose82]

حلوة مال فتحتين .. هههههه هم تفيد. ...ههههه

[منى عمري]

الله يرزقج على كد نيتج علوش على كد ما انتي طيبه وحبوله
انشالله تترسين البيت جهال
درزن

[منى عمري]

هههههههههه حبوله= حبوبه

[redrose82]

مناوي انا حافضة ياولاد الحارة. .تردين اغنيلج اياها. ..من ورى جهال خواتي البيت كلة طه. ....اموت على هاي البنية ام خدوووووود يمة مال اكرص بخدودها

[عيون المهى]

الخياط مسألةعادية صارت منوشه عيني ياهية الجيب وفتحنة وخيطنة
بس مرات هوة الوحدة ينفتح ابطن الثانية مو الايفتحوة يلة اتحملي لخاطر حمووودي
ان شاء الله يوكعن كلهن وترتاحين طبعا اني عندي فتح البطن ولافتح الداخلي

[redrose82]

تدرين حافضة كل الاناشيد مالتهم لان من راح زوجي لكوريا ضليت شهر واجتي اختي حامل وتعبانة وماشفت شئ غير طه

[redrose82]

مهاويي انا مثلج. افضل العملية ...بس انتي والله شجاعة انا الفحص العادي واكمز. .اكول الله بس يرحمني مابية عالانابيب والحقن. ..

[عيون المهى]

شلون مااعرفة منوشة احنة هم النهار كلة على قناة طة
حبيبي حسوني يحبة كلش واكثر شي يحب اغنية نحنو الصغار احباب الله
وادفع صدقة لان بيهن اطفال يطلعون يكوم يكمز وياهم وباب اشترالي بالون

[منى عمري]

ذاك اليوم من كد ماتعبانه ومانايمه نمت بالسته الصبح فكعدت ب11
كعدت اكيت روحي اغني بصوت عالي
عم نزرع خضره .... خسه وخياارا ...بندوره حمرااا ...هيدي الشطااارا
خهخهخهخهخهخهههخههههعه كعدت متت على روحي من الضحك هاي بت اختي واخوي ماعدنه بس هالقناة من وراهن

[redrose82]

مناوي انا اح النشيد مالت هاي مالت ماعم اعرف ادرس الشكرة. .... لان ابوها يشبة زوجي ههههههه

[redrose82]

تالي تريكتي خيار وطماطة لو جبن. ..ههههههه

[منى عمري]

علوش لو اسولفلج عالفحص مالت الدكتورات المقيمات ذني الجدد والله لعبان نفس وحشاج ادبسزيات والله
قبل خمس دقايق فحصتني ومو فحص عادي يموووت وره شويه اجتني كتله دكتورة توج فحصتيني تكولي الحقيره اي حبيبتي مو اني كاعد اتونس بيجن
ودي بذيج اللحضه اكوم املخها بس مابيه حيل خههههه

[عيون المهى]

ان شاء الله ماتوصلين لهاي المرحلة و ان شاءالله من العلاج واصيرين حاامل وتخلصين
حبيبتي علا اكلكم بنات طرحو علية ان اكون مشرفة ياقسم اشوفون ادخل بية

[منى عمري]

هههههههه لاجبن

[ضحى السماوي]

منى عمري حبيبتي انا من السماوة بس اتزوجت بكربلا

وبعدني مارايحة طبيبات واذا رحت بالسماوة فاكيد اروح اما بشرى او هناء

[ضحى السماوي]

مناوي انتي هسة هستوج والدة
ومنو برايج للطبيبة الزينة

[عيون المهى]

اهلا وسهلا بيج ضحاوي منين اخذتي من كربلاء

[redrose82]

همزين هاي خالتي خوخة نعمة من الله هي تجيب خواتي و حتة عملية خالتي هية سوتها بايدها. صدك ماعدهن احساس واحد يتالم واحد يتعلم براسة .
مهاوي عمري بركة دعائج ياطيبة. ...

[redrose82]

مهاوي شوفي اكثرقسم تدخلية وتهتمين بي اكيد احسن

[ضحى السماوي]

عيون المهى انا اتزوجت بالعباسية الشرقية

[منى عمري]

ضحاوي اهلا وسهلا ونتشرف بيج وباعل كربلا كلهم نفر نفر
وباهل السماوة هماتين ههههههه
اي هناء زينه بس بشرى ما اعرفه
اني طبيبتي جانت شيماء بس من ورة حجزه المزعج تركته
وهسه طبيبتي شذى صحيح كله تحجي عليه بس هي اقدم دكتورة وتفتهم وعلى ايدهه اخذت علاج واتخربطت الدورة وحبلت

[منى عمري]

ضحاوي اهلا وسهلا ونتشرف بيج وباعل كربلا كلهم نفر نفر
وباهل السماوة هماتين ههههههه
اي هناء زينه بس بشرى ما اعرفه
اني طبيبتي جانت شيماء بس من ورة حجزه المزعج تركته
وهسه طبيبتي شذى صحيح كله تحجي عليه بس هي اقدم دكتورة وتفتهم وعلى ايدهه اخذت علاج واتخربطت الدورة وحبلت

[ضحى السماوي]

اي شيماء حجزهه كلش مزعج
بس يمعودة ترة شذى لعبت بجنة بيت خالي وهستوهه طالعة من السجن يعني اتخوف
هسة انتي بالمستشفى

[منى عمري]

اي حبيبتي اني توني جايبه صارلي اسبوعين
والحمدلله دكتورة شذى ساعدتني اهوايه

[redrose82]

بنات تصبحون على الف خير. .لازم اناااااام لان الصبح اطبخ وراي دوام. ....اشوفكم على خير انشاء الله. .

[ضحى السماوي]

الف الحمد لله والشكر على سلامتج
يتربى او تتربى بعزكم
وتصبحون على خير
نكمل باجر ان شاء الله
ماعرفت انتي من يا منطقة

[عيون المهى]

اهلا وسهلا بيج وبأهل العباسية كل الهلا بيج من السماوة لكربلاء نتشرف بيج وبجيتج لكربلاء
حبيبتي علا تسلمين ياوردة على الرد اهتمامي والي ادخلة اكثر شي
منتدى الطبي العام

[منى عمري]

ضحى اني هم مثلج هيج كلت تخوف بس الحمدلله ماشفت منه شي مو زين
واني ولادتي مو عمليه لا الحمدلله طبيبعي بس شو احسه زينه وياي
وبعد انتي اعرف

[منى عمري]

نوم العوافي علوشه وتصبحين على الف خير
ضحاوي انشالله باجر نكمل سوالفنه
مهاوي تصبحين على ورد حبي

[عيون المهى]

علا ومناوي وضحاوي
تصبحون على خير حبيباتي واحلام سعيدة
اشو كلكم شلعتو فد شلعة ههههه

[المهندسة ام تيم]

شنو هالسهرة الحلوة فاتتني .. بس زوجي عوضني ههههههههههههه سهرنا وتونسنا

مرحبا حبايب شلونكم انشاءالله بألف خييييييييييييييييييير

[( ام يوسف )]

فلاونزااااا مو طبيعيه :(

[المهندسة ام تيم]

سلامتج حبيبتي .. ديري باااااااااااااااااااااااااالج من الصخونة

[نورس دجلة]

اهلا بيكم بنات مشتاقتلكم نور عيني مبررروك يا ربي يتربى بعزكم شنو اسمه او اسمهه

[نورس دجلة]

كيفك ام تيم وكيف الاحوال

[نورس دجلة]

منى عمري حبيبتي تكدرين تكوليلي شلون كان حسابك بالحمل واي اسبوع صارت الولادة

[ضحى السماوي]

شلونكم بنات شو اخباركم
منى الله يهديلج الدكتورة ان شاء الله
عيني ام تيم بالعافية عليج السهرة
اهلا بنورس دجلة

[ضحى السماوي]

بيج اكثر عيون المهى
انتي من كربلاء

[ضحى السماوي]

بنات خواصري يأذني وعندي آلام الدورة شسوي كللي
اذا اكو بيكم وحدة من كربلاء خل تكلي على طبيبة زينة

[طوق الياسمينة]

عندج العوافي سيلا وديربالج على نفسج
نبروسسسسة بالعافية السهرة وربي يوم الي يجي حمودي ويخبصكم وبعد متشوفون دربكم الله يفرحج ان شاء الله
ضحى روحي على طبيبة لتضلين ساكتة
منورة نورس
اني شرفت الدورة البارحة الليل منمتة من الالم موو طبيعي وبعد يومين ابدي بالمنشطات الله يسهل ياااارب
حنوش اخبارج
علاية صارت تجينا بنفس الوقت هههههههههههههههههههه
مهاوي شلون صار زوجج
مناوي شلونج وشلون حمودي
شفوقة واروى مي يااارب تكونون بخير

[المهندسة ام تيم]

مساء الرقة والاحساس
مساء الفل م
مسائكم ورد احمر

[المهندسة ام تيم]

امييييييييييييييييييييييييين ياسوووو حياتي الله يسمع منج يااااااااااااااااارب
والهي يرزقج بالحمل القريب ويفرح قلبج حياتي
وكل منتظرة ومحرومة يااااااااااااااااارب

[عيون المهى]

السلام عليكم
هلو بنات حبيباتي شلونجن عيني
ام تيم مسائج عسل ياوردة لضوجين على سهرتنا البارحة سهرتج احلى وي الحب بالعافية
ياسو حبيبتي زوجي ان شاء الله زين تسلمين ياعمري على سؤالج ان شاء الله بس وصفة هذا الشهر وبعد متشوفية يارب ضحاوي حبيبتي اي اني من كربلاء نورس منورة حبيبتي اهلا وسهلا بيج عرفين بنفسج سيلا حبيبتي سلامتج ديري بالج على نفسج
مناوي وعلاوشفوقة وسراوي شلونجن حبيباتي

[*شفق*]

هلو بنات شلونكم يارب تكونون بخير
اسفة مداادخل هواية بس كولللللش ضايجة هالايام بسبب الدوام
جدا جدا متعب
مدرستي كولش بعيد بس الطريق ساعة
والله تعب احول بلكي اتكلف لمدرسة قريبة
والله حالتي النفسية زفت
اسفة مااريد ادوخكم بس ماادخل لان ضااااايجة
مالي خلك اكتب ابد
اتمنى تعذروني قريت اخباركم يارب كلكم تكونون بخير،
توتو حبي الف الحمد لله ع سلامتج خوفتينة عليج والله شنو هالغطة
الحمد لله الله يكومج بالسلامة لبنتج يارب ويحفظها الج

[منى عمري]

هلو بنات شلونكم
سيلا سلامتج حبي معافايا انشالله
شفوقه انشالله تتنسبين على مدرسه قريبه عليج وترتاحين يبارب
نينو حبي شلونج ياوردة وبالعافيه السهره وي الحب اكيد احلى
ضحاوي سلامتج انشالله ياربي حامل
ياسو خيرهه بغيرهه انشالله هالشهر تحبلين وتفرحينه
مهاوي منورة ورده
حنوش مختفيه اليوم خييييرج؟
علوشه هم ماكو انشالله ياربي المانع خير
نورس منورة
ام علي شلونج شخبارج شو هم ماكو


تحياتي للجميع

[منى عمري]

هلو نورس اني كنت حاسبه وي حساب السونار
يعني من اليوم السابع لاخر دوره وابدي احسب
وولدت اني بالاسبوع الاربعين يعني كملت تسع اشهر وعشر ايام تقريبا

[عيون المهى]

هلوووووووو منوشة حبيبتي النور نورج شلونج وحموودي شلونة يشبهج لو يشبة ابوة
شفوقة حبي الله يسلعدج ان شاء الله تلكين مدرسة قريبة وتنقلين وترتاحين شوية
شونج وجهالج شلونهم الله يساعدج على التعب

[منى عمري]

هلو حبيبتي مهاوي
لا حمودي ميشبهني كله نسخه من ابوه
الحمدلله والشكر

[عيون المهى]

الحمد لله على تمام الخلقة
يعني زوجج يحبج اكثر منج
ههههههه

[عيون المهى]

علا وسيلا وحنو اليوم مختفيات
ان شاء الله المانع خير
ونوال صار كم يوم مادخلت

[عيون المهى]

ها منوشة وينج حبي

[دانة العراق]

اهلا وسهلا بيج حبيبتي ام روان نورتينا
والله يتمم حملج بخير وسلامة واجيبن احلى نونو

وبيج عيوني هذا نوركم ياوردات العراق والله يتمم على الجميع ويثبت حملهم ويسعد قلوبهم

[دانة العراق]

ام روان شكد عمرج وشنو عملج وشكد عندج اطفال
وشكد صارلج مزوجةعرفينا بنفسج تحقييق ههههههه

ههههههه لاعزيزتي من حقكم تعرفون كل شي عن اختكم
اني عمري 25 من مواليد 1988 وماعندي وظيفة حالي لان انتو تعرفون التعيينات بالعراق شنو اساسها وشلون تصير مع العلم اني خريجة علوم سياسية ،
وبشهر ال6 يصيرلي 5 سنوات متزوجة وعندي بنت عمرها 3 سنوات و5 شهور
بعد تحبين تسالين شي ثاني هههههه
بس بالمقابل اريد اعرف كلشي عن خواتي هنا حتى نبقى ان شاء الله على تواصل

[دانة العراق]

ياهلة بعلاية منوووووووووووووووووووورة شلونج وشلون ابو الشباب
امنورة ام روان
مهاوي راح اخذ كلوميد من 3 يوم الدورة لمدة 7 ايام
مهاوي انتي من بغداد؟؟؟؟؟؟

هذا نورج عزيزتي طوق الياسمينة

[دانة العراق]

اهلا ام روان
تنورينا حبيبتي كل الهلا


شكرا الج عزيزتي وبارك الله بيج عيوني
اني جدا سعيدة ومرتاحة بانضمامي لمنتداكم و انضمامي لهذا الملتقى الحلو

[ضحى السماوي]

سلام عليكم جميعا شلونكم
شنو اخر اخباركم
انا بعدهي دورتي
والله راح اموت من القلق

[دانة العراق]

سلام عليكم جميعا شلونكم
شنو اخر اخباركم
انا بعدهي دورتي
والله راح اموت من القلق

مرحبا عزيزتي ضحى وعليكم السلام احنا بخير
بس خير شكو شنو حالتج بلكي نكدر نساعدج بشي
hwaml10

[حلمي بطفلي]

هلو بنات شلونكم اليوم اجونه خطار وكلهم يدخنون واني اشتم الدخان والله خفتت خوما يسوي شي من اول مره بنات طمنوني
مناوي ونيبو وياسه وسيلا وعلايه ومعاوي والبنات كلهم يارب يرزقكم الي تتمنوه اليوم ظهري حيل ديوجعني

[ضحى السماوي]

اهلا ٨٨ شلونج
انا متزوجة من كم شهر
وهذا الشهر اتاخر موعدها حيل
صح هية مو مضبوطة كلش بس مو هلكد فترة
دورتي الاخيرة جانت يوم ١٥ بشه ٨ ولحد الان ما اجت
وحللت حمل تحليل دم ماكو شي
ماعندي اطفال ولا صاير عندي حمل مسبقا ولا مراجعة طبيبات
وشكرا

[دانة العراق]

اهلا 88 شلونج
انا متزوجة من كم شهر
وهذا الشهر اتاخر موعدها حيل
صح هية مو مضبوطة كلش بس مو هلكد فترة
دورتي الاخيرة جانت يوم 15 بشه 8 ولحد الان ما اجت
وحللت حمل تحليل دم ماكو شي
ماعندي اطفال ولا صاير عندي حمل مسبقا ولا مراجعة طبيبات
وشكرا

اها من 15 فترة مو قليلة يعني اللي بحالتج المفروض تكون حامل
زين شنو هو التحليل اللي سويتي وشوكت؟

[عيون المهى]

ههههههه لاعزيزتي من حقكم تعرفون كل شي عن اختكم
اني عمري 25 من مواليد 1988 وماعندي وظيفة حالي لان انتو تعرفون التعيينات بالعراق شنو اساسها وشلون تصير مع العلم اني خريجة علوم سياسية ،
وبشهر ال6 يصيرلي 5 سنوات متزوجة وعندي بنت عمرها 3 سنوات و5 شهور
بعد تحبين تسالين شي ثاني هههههه
بس بالمقابل اريد اعرف كلشي عن خواتي هنا حتى نبقى ان شاء الله على تواصل

ياهلا وسهلا بيج حبيبتي ام روان يارب العمر كلة ويحفظلج روان
اني مها عمري 38سنة صرلي 18 سنة من مزوجة
وعندي طفل واحد اسمة حسين عمرة سنتين يعني الا 10/23 يصير عمرة سنتين ونشرف بمعرفتج

[*شفق*]

اهلا وسهلا بيج ام روان نورتينا قلب كل الهلا بيج
انت بعمري اني هم 88
صارلي 7سنوات متزوجة
عندي بنية عمرها 5سنوات وولد سنة و4اشهر والحمد لله موحامل مااريد
وممممممم بعد شنو
مدرسة رياضيات
العام تعينت هيج والله تعييني قدمت عالنت وطلع الحمد لله لاواسطة ولاشي،
يوم الج يارب وتتعينين

[*شفق*]

شلونكم حبيباتي مهاوي ومناوي مشكورين ع دعواتكم الحلوة الله يسمع منكم يارب
علاوي ونبروسة سيلا حنونة سراوي ياسمين ام علي ميوش توتو شلونكم كلش مشتاقتلكم
احبببببكم

[عيون المهى]

السلام عليكم
شلونكم بنات ككككككككككككللللللللكم وحدة وحدة مشتاقتلكم
اهلا بأم البيت حبيبتي شفوقة منورة
نيبوووو وعلا وسراوي ومناوي وميوشة ونوال وضحاوي وسيلا وياسة وتوتة شلونكم حبيباتي والله مشتاقين شنو هاي ماكو لمة صار فترة اكلللللكم ترا الدودو شرفت وماكو حمل اهئ اهئ اهئ
الحمدلله على كل حال

[عيون المهى]

بنات حبيباتي باركولي على الاشراف
ترى اشراف بالمنتدى موعبالكم بغير مكان

[ام علي العابدي]

مبرو ك والففففففففففففففففففففف مبروك حبيبتي تستاهلين كل خير مهاوي

[عيون المهى]

مبرو ك والففففففففففففففففففففف مبروك حبيبتي تستاهلين كل خير مهاوي

تسلمين حبيبتي نوال الله يبارك بيج

[المهندسة ام تيم]

مساءالخير بنات وجمعة مباركة عليكم
شلونكم حبايب

[المهندسة ام تيم]

اني وزوجي غركانين بالشغل مال البيت نعزززززززززززززززززل كوووووووووومة كراكيب بالبيت انكسر ضهري متتتتت تعب
كمت كوة امشي

[المهندسة ام تيم]

الف مبرووووووووووووك ام حسوني الاشراف يا رب يوم نبارك بالحمل ووراها ولادة اخو حسوني اكيد هذا احلى شي بالدنيااا

[( ام يوسف )]

هلاو يابنات شلونكم
اسم الله عليكم البارحه نايمه واون من المرض بعيد الشر عنك يارب وان شاء الله متشوفون اللي شفته وحتى دوا مااكدر اخذ اخااااف ع النونو
بس الحمد لله اليوم اتحسنت شوووويه
بس اريد اسالكم ع درجه حراره الحامل شكد المفروووض تكون ؟؟؟؟
درجه حرارتي 36و1 هذا الشي عادي لو لا
مبروووك مهاوي ع الاشراف
ونبروووسه ع كيفج حبيبتي مو زين تتحركين اهواي دير بالج
وباقي البنوتات ياااارب بخير كولكم

[عيون المهى]

الف مبرووووووووووووك ام حسوني الاشراف يا رب يوم نبارك بالحمل ووراها ولادة اخو حسوني اكيد هذا احلى شي بالدنيااا


تسلمين ياعمري الله يبارك بيج وشكرا لدعواتج الحلوة الله يسمع منج
امين يارب العالمين طبعا هذا احلى شي بالدنيا نيبووو
ربي يحفظلج النونو وشوفية كدام عينج والكراكيب متخلص ديري بالج على نفسج

[عيون المهى]

سلامتج حبيبتي سيلا عندج العافية والله يبارك بيج ياعمري
بالنسبة لدرجة حرارتج طبيعية الله يتمملج حملخ بالخير والسلامة

[دانة العراق]

ياهلا وسهلا بيج حبيبتي ام روان يارب العمر كلة ويحفظلج روان
اني مها عمري 38سنة صرلي 18 سنة من مزوجة
وعندي طفل واحد اسمة حسين عمرة سنتين يعني الا 10/23 يصير عمرة سنتين ونشرف بمعرفتج

وبيج عزيزتي تشرفت بيج عيوني
وياربي العمر كله وربي يحفظك لعائلتك ويحفظها الك ورداية ورب يحرسكم ويحرس كل العراق

[دانة العراق]

اهلا وسهلا بيج ام روان نورتينا قلب كل الهلا بيج
انت بعمري اني هم 88
صارلي 7سنوات متزوجة
عندي بنية عمرها 5سنوات وولد سنة و4اشهر والحمد لله موحامل مااريد
وممممممم بعد شنو
مدرسة رياضيات
العام تعينت هيج والله تعييني قدمت عالنت وطلع الحمد لله لاواسطة ولاشي،
يوم الج يارب وتتعينين

وبيج عيوني
انتي تزوجتي قبلي ((ياربي دوم المحبة بينك وبين زوجك)) وربي يحفظ اطفالك ويحرسهم من كل مكروه
ومبرووك التعيين ست شفق بصراحة اني ماقدمت بذيج التعيينات اللي بالنت ،
واكولج يعني الا تختارين اختصاص رياضيات والله اتخبل منه ، بس زين حتى تدرسين بنتي لما تدخل مدرسة بعد عمر طويل هههههههه.
اتشرفت بمعلافتج ورداية

[( ام يوسف )]

تسلمين حبي مهاوي
يعني تعرفين درجه حراره الحامل شكد او بين منو ومنو لان مرات اتصير 37 و8 ومرات بدايه ال 37 ومرات 36 و1 فمدااعرف شكد لازم تكون !

[( ام يوسف )]

ام روان امنورررره حبيبتي

[طوق الياسمينة]

هلو شفوقة اني زينة الحمد لله تسلمين على السوال
مهاوي لتنقهرين صارت اني وياج وعلا بنفس الوقت تجي يارب نصير حوامل عن قريب يااااااااارب
سيلا عندج العافية وديري بالج عندج العافية يارب
حنوشة وينج ماكو
نبروسة عفية مو وكت تعزيلات ديربالج على نفسج والنونو
مناوي تسلمين على الدعوة الحلوة
ام روان اتشرفنا بمعرفتج
مهاوي مبروك على الاشراف بيا قسم؟؟؟؟؟؟؟
بنات اريد اسالكم سوال ديني شوية؟؟؟ ذا صار انزال على جسم المراة بدون جماع وجوب على الطرفين الاغتسال؟؟؟؟؟؟ لو بس غسل المكان الي صار عليه؟؟؟؟

[منى عمري]

هلو بنات شلووونكم
سيلا سلامتج عزيزتي انشالله مابيج غير العافيه
نينو حياتي ديربالج على نفسسج يمعوده استري علينه
شفوق وعاوش وحنوش وميوش وياسو ومهاوي وكل البنات شلووونكم

[طوق الياسمينة]

شلونج حنوشاتي مشتاقين والنونو شلووووووووووونة

[منى عمري]

شلونج ياااسو انشالله بخير حبيبتي
ياربي انشالله حوااامل انتي والبنات كلهن

[( ام يوسف )]

ياسووو ومهاوي وعلوووشه وكل المنتظرات ان شاء الله تحملن هلشهر يارب
ياسووو حبيبتي الله يعافيج يارب
حبي اللي اعرفه انو يصير اغتسااال وان شاء الله البنات ايفيدوج
منوووش شلونج وحمودي شلونه الله يخليلجيا ياااارب

[المهندسة ام تيم]

منورين قمرات
حياتي منوشة شونج ام حمودي
ياسوو شونج قلب ان شاءالله بخير
الف سلامة قلبي سيلا لتخافين ام شي مو صخونة طبيبعية حرارتج حبي ومن تصخنين سوي كمادات رأسا متشوفين شر حبي
منورة ام روان كل الهلا حبي
بوسااااات ام حسوني فدوة لقلبج شنو هالكلام العسل ربي رزقج ميحرمج ياااااااااااااااااارب

[المهندسة ام تيم]

حبيبتي ياسووو اذا انتي نزلتي معناها جنابة لازم تغسلي ... واني انصحج الاغتسال بكلتا الحالتين ..
الله يسعدكمممممممممممم ياااااااااااااااارب

[عيون المهى]

اهلابيكم بنات منورين منوشة حبيبتي شلونج وحمودي شلونة
ياسو حبيبتي شلونج والله يبارك بيج اني اشرافي بقسم الطبي العام
سيلا حياتي شكرا لدعواتج الله يسمع منج بالنسبةلدرجة حرارت الحامل تتراوح من 36 الى 39 اما فوك ذالك موزين علا حبيبتي وينج اليوم

[( ام يوسف )]

نبروووسه تسلمين حياتي والله يتمم حلمان ع خير يارب اميييين
مهاوووي يسلمو حبي ع المعلومه ان شاء الله الله يبعد السخونه والامراض كلها عنا وعن امه محمد كولها اميييين

[*شفق*]

هلو بنات شلونكم
يارب كلللللكم بخير
نبروسة مو وقت كراكيب،ديري،بالج شوية شوية
ياسمينة قلب
زوجج اكيد لازم يغتسل غسل الجنابة
وانت بس تغسلين المكان
هذا الجواب متاكدة منة

ام روان تدرين لبش رحت رياضيات
لان امووووووووت علية اعشق الرياضيات
ههههههههه
اكثر الناس ميحبو بس هو يخبل

[ضحى السماوي]

كيفكم بنات
منى شلون صرتي
مها مبروك الاشراف
ام تيم وشفق شو اخباركم
والجميع شلونكم
دورة لسة ماكو شي

[طوق الياسمينة]

تسلمون حبيباتي على الدعوة الحلوة مثلكم ربي ميحرمكم من شي ابدا

[طوق الياسمينة]

ضحى انصحج ترحين على طبيب وتسوين تحليل دم

[ضحى السماوي]

طوق الياسمينة شلونج
سويت تحليل اليوم من الصبح
تحليل بيتي وماكو اي شي ولله الحمد

[&ام همام&]

هلو بنات شلونكم مشتاقتلكم
اعذروني غايبة عنكم
لان ماما رجعت من ايران
وابو زوجي وامه واخوة افرو حتى يسون عملية لابو زوجي
جنت ملتهية

[&ام همام&]

حبايب شكو ماكو لان ماشاء الله الصفحات
كووووووووووووووووومة ما اكدر اقراهن

[redrose82]

السلام عليكم. ..شلونكم حبايب. ..مشتاقتلكم كلكم. ..عذروني بنات بيت حماي من يوم شدو النت ابتلينا بيهم لازم اعلم البنات شون يستخدمو والولد كلساع جايبين حاسباتهم وجاين. ...
وكلساع خطار مفاجئ حتة الحلاوة صار كم يوم مسويتها وماكدرت استخدمها. .....انتم شلونكم
سراوي عمري شلونج وشلون ابو همام انشاء الله تحسن السكر مالتة. ..بوسيلي همومي
سيلا عندج العافية ديري بالج على نفسج وشربي سوائل دافية واكلي برتقال هواي
نبراس على كيفج عمري مو وقت زوجج يصير شرطي النظافة هههههه هسة وضعج حرج لازم ترتاحين حتة تعدي هاي الشهرين على خير انشاء الله
ياسة ومهاوي صارت الدودو مالتنا سوا. ..انشاء شهر الجاي كلنا حوامل. ..
حنوشة فدوة لوهواسج هههههه ماياثر الدخان. ..مو من مرة وحدة اله يحفظ النونو انشاء الله
مناوي ام حمودي شلونج وكعن الخيوط لو بعد. .يالة استعجلي بردت الدنيا طهري حمودي الجرح يطول بالبرد وكلما عمرة اصغر يرتاح بالطهور لاتتماهلين توكلي هلى الله
ام علي نوال. وشفوقتي ..شلونكم يامعلمات وشلون الدوام الله يساعدنا. ..انا بديت وانطيت حصص واملاء وسويتها ضلمة عالطالبات. ..
ميوش واروى ورقاوي يمعودين حتة لو سلام بس نطمئن عليكم. ....وي مس يو. ..
ضحاوي وام روان ونورس منورين. ...

[المهندسة ام تيم]

مرحبا بنات شلونكم ان شاءالله بخيييييييييييييييييييير

[حلمي بطفلي]

هلو بنات شلونكم ياسه يارب تحملين
مهاوي مبروك الاشراف حبيبتي ويوم الولد الثاني
سيلا شلون صرتي يارب بخير انتي والنونو
نيبو شلونج وشلونه النونو ديري بالج على نفسج
علايه هههه شسوي كاتلني الوهواس كتل لو الكل مثلي جان محد حبل هههه شلونج حبي يارب هلشهر توئم

سراوي وشفوق وارو وكل البنات شلونكم عساكم بخير
مناوي شلونج وشلونه حمودي

بنات اريد اسالكم اريد اسوي شيرة لجسمي كله والمنطقة الحساسه هم من جوه كلش كلها عادي لو تاثر علحمل والبيبي انتظر جوابكم ومنو تسوي بحملها ؟؟؟

[المهندسة ام تيم]

هلو حنوشة شونج حبي اشو رجعتي للوهواااااااااااااس ههههههههههههه
حبيبي يصير تسوين شيرة لجسمج بس المطنقة الجوة كلش ماانصحج اني بالمزيل هسة اخاف من الجر مال الشيرة
بس خلي كلينكس شوية ثخنية عالمكان الفتحة حتى ليفوت مزيل واني انصحج مزيل اخاف الشيرة تنزل الرحم او هيج شي
اكو يكولون عادي بس اني اوهسسسسسس^_*

[redrose82]

هلو بنات شلونكم. .شلونج نيبو بطلتي شغل لو بعدج تحوسين بالبيت
حنوشة. .مثل ماكالت نيبو خليج عالمزيل احسن لانخاف تقلصين بطنج من تندكين لو تسحبين قوي. .مانصحج بالشيرة هسة. .

[redrose82]

انا هم اريد انظف جسمبس خاف يجوني خطار ويلكوني ملزكة بالشيرة ههههههه. ...

[المهندسة ام تيم]

هههههههههههههههههه علاوي شونج حبي شنو اخبارج

[المهندسة ام تيم]

اريد اكوللكم شي بس اخاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااف من الله ومنكم

[redrose82]

كولي شبيج خرعتيني. ...ليش هلكد يخوف .....احنا نساعدح اذا كدرنا انشاء الله

[المهندسة ام تيم]

علاوي حياتي والله حقيييييييي مااكدر ابطل تفكير قربت فترة حملي من نفس فترة هذاك الحمل من صارتلي ولادة مبكرة واخااااااااااااااااااااااااااااااااااااااااااف واكيد حرام اكول هيج بس مو بيدي التفكير ديموتني.. وكل شوية اكول اخاف ينزل المي فوبيااااااااااااااااااااااااااااااا رح اجن

ادعولي الله يوفقكم يتم حملي والله يهديني
فوضت امري لله
اللهم اتم حمله اللهم اتم حمله اللهم اتم حمله
اللهم يامن امسكت السماء وهي بلا عمد امسك ما في رحمي
اللهم احمه واحفضه وامسكه من ان يسقطط واتم له على خير

[حلمي بطفلي]

احجي شكو خير يمعودة

[المهندسة ام تيم]

اللهم اني استودعك جنيني الذي في رحمي فأنت الذي لا تضيع عندك الودائع

[redrose82]

طبعا توقعت هالشئ منج. ..وحقج ماتنلامين لان مريتي بتجربة صعبة وحزينة بس ربج ارحم وتعلقي برحمتة ومااعتقد يعيد عليج نفس الالم هذي وسوسة من الشيطان. ..خلي تفكيرج ايجابي وتذكري لازم نحسنين الظن برب العالمين فوضي امرج لرب العباد. ..وهو ارحم الراحمين. ..لهي نفسج هاي الفترة ...خيطي طرزي اقري كتب تعلمي طبخات حلوة. ..الوسواس يدمر النفسية. ...الله يسهل عليج وتممين تسع شهور وتسع ايام بعد. ..آمييييين

[حلمي بطفلي]

لا حياتي نيبو لتخافين كولي يا الله وتوكلي على الله وحطي عينج بعين الله ويارب يحميج ويحمي طفلج

نيبو وعلايه يعني محد منكم او تعرفوه سوه المنطقه الجوه وصار عليه شي عفيه كولولي لان ماحب المزيل وكله اسوي شيره ماحبغير شي

[المهندسة ام تيم]

حبايبي اشكركم على كلامكم الطيب ..ادعووووووووووووووووولي حبايبي كلما اجي ببالكم الله يتمم حملي والله قلبي ممروووووووووووود والله يهديني ..
احبكم

[redrose82]

حنوشتي ماعندي علم بس خاف تدنكين او تقلصين بطنج. . يمعودة استعملي مزيل احسن. ..

[ضحى السماوي]

ام تيم حبيبتي اقري قران
وربج هو ارحم الراحمين لتوهوسين هذا كلة من الشيطان
ماكو الطف من ربج

[ام علي العابدي]

مساء الخير وحياكم الله بنات واحلى خوات ليش هل الخوف يا حبيبتي كولي يالله وتوكلي على الذي لاينام وهو يحرس جنينك يارب تحطيه في حضنك بعد 9 شهور وما يخليك تنامي من الرضاعة ياروحي مو كل حمل مثل الي قبلة حطي ثقتك بالله والله يكتبلك كل خير ان شاء الله

[ام علي العابدي]

ام تيم تابعي حملك بالسونار اني اعذرك بخوفك هذا بس الامل بالله يريح وتذكري ان الشيطان هو الي بوسوس في قلبك والله انا عندي هم كان قبل ما اقراء الي كتبتي نسيته وظل تفكيري بيج انا ادعيلك من كل كلبي انتي في اي شهر حامل

[redrose82]

شلونج ام علاوي اخبارج. ..مشتاقين

[المهندسة ام تيم]

حبيايبي الله يخليكم ويحميكم ويرزقكم ما تتمنون ييييييييياااااااااا رب
ام على تسلمين يالغالية الله يخليج وربي ليشوفج هم ان شاءالله
اني بنهاية الشهر السادس ربي يثبت حملي ويتمه بجاااااااااااااااااااااااااااه الحبيب الاحمد المصطفى

[المهندسة ام تيم]

حبايبي لتنسوني اذكروني بالسؤال والدعاء بلكي ساعة مستجابة والله يتمملي بالسلامة واحط طفلي بين ايدية كامل وسالم
يااااااااااااااااااااااااااااارب

[ام علي العابدي]

بالنسبة للشيرة عادي استعمليها اني ما استعمل غيرها لان جسمي يتحسس من اي مادة مو طبيعية وبكل حملي استعملها المشكلة في الشهر الاخيرة صعب اتشوفين المنطقة استعملي المرايا واني كنت من ابدي استعملها ما اكدر اكمل لان اتعب اروح مئجله الباقي لثاني يوم يعني نص ونص هههههههههههه خلي نضحك ام تيم ونسيهه

[redrose82]

نوال حلوة هاي مال نص ونص. ..مرات مالحك اكمل رجلي ثنينهم اسوي شغلة وارجع واظل اباوع عليهم واضحك. .. بالمناسبة كطمت حاجبي بالمكينة مالت الوجة لحضة وحدة بس والنتيجة صار عندي صلعة بنص حاجبي. ..وحاليا قلم المحل بجيبي وعندي رعب بالدوام. ...خاف ينمسح ويشوفوني طالباتي. ..وافشلتااااه

[ام علي العابدي]

هلو علا حبيبتي اني شلونك وكل اهل البصرة الطيبين والله اني ضايجة لان ماجد (زوجي) اجه ليله الجمهة ويوم السبت باليل تزاعلنا ما اعرف ليش صار هيجي وراح اليوم الفجر طبعا السبب تافه بس اني زودته شوية ومن البارحه لليوم ابجي عليه حتى عيوني ورمت باجر الطالبات يضكن عليه

[redrose82]

بنات من رخصتكم اعشي زوجي بلكت شوي وارجع. ..سي يو. ..

[المهندسة ام تيم]

حبيبتي ام علي الله يسعدج يااااااااااااااااارب
ليش زعلتيه خطييييييييييييييية والله اني حيل انقهر على زوجي .. ومن ازعل منه اضل احوس يمه حتى يصالحني واذا مصالحني ونام اكعده واضل ابوسه وهو يصالحني .. ونكعد الصبح ناسين كولشي..
لتبجين خابريه كوليله اشتاقيتلك انت اغلى شي عندي احبك
طيبي خاطره خطية

[المهندسة ام تيم]

عافيات علاوي عليكم واني جعت اروح اكل شي واجي..

[ام علي العابدي]

ضحى اهلا بيك معانا وين ساكنة في اي حي اني نفس محافظة زوجك شخبار تاخر الدورة ان شاء الله حامل

[ام علي العابدي]

والله اني مااريد زعل بس الشيطان اليوم الصبح كتبتلة رسالة على الفيس يصفحته وكتلة كل شي انت ابو بيتي وحبيبي واني ما كدر بلياك لان فعلا اني جانت اعصابي تعبانة لان هو طول اسبوعين بالنجف خطيه جان جايبلي هديه ساعة اليوم الصبح لكيته ونقهرت هوايه اني منتظرة يخابرني لو يكتبلي رساله على الفيس احنه نحب بعضنا هواية اني ما عندي غيرة بالدنيا هو كل حياتي

[المهندسة ام تيم]

يا حيااااااااااااااااااااااااتي الله يسعدكم ان شاءالله ويبعد عنكم الزعل خاااااااااااااابريه هسة وطيبي خاطرة وكوليله اشتاقيت لصوتك

[حلمي بطفلي]

ههههه ام علي حلوه نص نص اني هم اتحسس من كلشي واحب اسوي الشيرة يعني ام علي انتي بحملج بالشهر الثالث هم جنتي تسوين الجوه المنطقه الحساسه طمنيني عفيه
علايه هههه حلوه مال صلعه شلون باجر خاف يشوفوها البنات هههه
نيبو حبي ليكون بالج اني دائما من ادعي لنفسي وادعيلج وادعي للحوامل وغير الحوامل وحده تدعي للخ حتى بساعه تستجاب من غريب لغريب وانشاء الله احنه خوات ماكو بينه غربه
ام علي حبيبتي حقج مرات تزعلين واعصابج مشدوده لان مسافر بس شسوي اكيد شغله ميخالف اتحملي واشتريله هدية وفاجئيه وصالحيه بس مو كلش ههههه حتى متطلع عينه هههه

[( ام يوسف )]

هلاو يابنات شلونكم اخباركم
اسم الله عليكم بعدني مريضه ومدا اخذ دوا لان اخاف ع النونو ومكضيتها شوربات وحليب والفيتامينات وطول اليوم نايمه بالفراش وحايره شسوي وخطيه زوجي هو اللي قايملي بكل شي اكل وتنظيف واماعين وهو خف شويه من المرض و
الكحه موتتني اليوم اجلب عندي ب 3 دقايق
علوشه حبي شلونج ياررب تكونين بخير
نبرووووسه حبيبتي كلما تفكرين بهيج شي كول اعوذ بالله من الشيطان الرجيم
ان شاء الله متتكرر وكوني شجاعه ودائما خلي ثقتج بربج عاليه لان هو الله اللي انطاجيا وهو قادر يحفظه لعد اني شكول لحد هسه لا سامعه نبض ولا شايفته ولاشي بس مستودعته بيد ربي
ام علي حبيبتي روحي خابري وصالحي ترى همه هم الله يساعدهم ضغط الشغل واحنا نتامر عليهم استهدي بلله ورحي خابري
حنوووشه حبيبتي لسووين من جوا لان اسم الله مو زين مو بس عليج حتى ع الموحوامل اسم الله عليكم اتسوي مرض مو زين هذا اللي اعرفه ورح تقلصين لان رح تتوجعين ف ماانصحج اسوين
منوووشه شخبارج وحمودي شلونه طهري هو وصغير وخلصي من هاي المهمه
الله يحفظه الج يارب
والبنات الباقيات ياسو وضحى وام روان ميوووش وارو مهاووي شفووقه يارب تكونون بخير وسلامه يارب منسيت احد

[حلمي بطفلي]

سيلا اسم الله عليج حبي ديري بالج على نفسج حبيبتي واكلي ليمون كلش زين للنشله يوخرها وبرتقال
وماعندج غير العافيه
سيلا والله خايفه شلون لعد اريد اسوي شيره زين انتي عذرا الجوه شلون دتسويه وسويتي شيره لو لا لجسمج

[( ام يوسف )]

والله دايره بالي ع نفسي بس المرض ميحرم احد الله يبعدج عنا والجو برد كولش عدنا ف هاي مال تغيير الجو
والله بصراحه اخر مره سويت شيره بعد اخر دوره اجتني بس عرفت حامل بعد مسويت لان اني من نوع كلش اتاذه من الشيره واقلص نفسي
واكضيها عياط ف جبت مكينه ابد متااذي هاي اللي تكص الشعر مااعرف اذا تعرفيها ف دا اسوي كولشي بيها
بس شنو كل اسبوع اسوي يعني مو مثل الشير كل شهر وكولش مرتاحه عليها

[منى عمري]

هلو بنات شلونكم حبايبي انشالله ياربي الكل بخير
اني والله علىحطة ايدكم لا وكعن بعد خيوطي ولا رحت للدكتورة التهيت وي حبيبي حمودي امس الجمعه طهرناه والحمدلله بس خطيه بعده مورم وخايفه عليه ادعوووله حبايبي انشالله يطيب
شفووقه شلوتج حبي والجهال شلونهم
سيلا سلااااااااامتج حبيبتي هاي اني صار هيج بيه بالشهر الثاني والحمدلله والشكر عدت على خير بس ديري بالج من الصخونه اسم الله عليج يحفظج ويحفظ جنينج
حنوشه اني اخاف اسويه بالشيره عاد اصبري بس فترة الحمل
نبروووسه حياتي شلونج ياااورد خلي ايمانج بالله قوي واتوكلي على الله وانشالله ماكو الا الخير
علوووش شلونج ياحبيبتي شجاج وي حاجبج الله راحمنا بالقلم هخهخخخخخهه لو ماكو قلم جا صرنه افلااام اني هم الحافوفه كطمته وتكلي يلا سويي بالقلم كلتله جا انتي شهامج خهخهخخههههخخخ
ام علاوي شخبارج ... مثل ماكلت نيبو اتصلي عليه وكليله مشتاقتلك والله كلشي ينسى
ضحاوي حبيبتي شلونج شخبارج ماكو جيه للسماوة ... صدك انتي من يامنطقه .اني من حي الحسين
مهاوي شلونج حبي وشلونه حسوووني
ام هيمو وحششه عليج
ميوووش مختفيه
ام روان نورتي
ارو ورقيه بعد ماااكو اتوقع ارووو دخلت شهره واخذت اجازه وضع يااااربي يسهل عليج يااااروى وتجيبين بالسلامه
تحييياتي للكل

[*شفق*]

هلو بنات شلونكم
ام تيومي حبي ان شاء الله حمودي ماعلية شي انت توكلي على الله وادعي دائما والله ميخيب عبدة ربج ارحم اراحمين
يارب تشوفي بحضنج سالم معافى يارب
علاوي قلب مشتاقتلج اني بعدني مدرست لان مموعين الكتب ان شاء الله باجر ابدي ادرس
سيلا حبي عندج العافية بس عادي اخذي علاج ترى مو لهدرجة اني بابني بشهر الثالث صار بية نفس الشي ووياهة سخونة قوية اخذت علاج وماكو شي الحمد لله
حنونة سوي شيرة عاااادي اني جنت كللللة اسوي بشيرة مااسوي بغيرها
من بداية حملي الى ان اجيب
كلة شيرة يعني تقريبا بشهر مرة
ومثل مكالت ام على بثامن والتاسع اخلي مراية واشوف لان مااشوف من بطني،
ام علي حبيبتي خابري ورضي وانت هم جيبيلة هدية انطيهيا من يرجع
الاه يخليكم لبعض

[*شفق*]

مناوي حبي الف الف مبروك طهور حمودي
حبيبي لتخافين عادي،بلبداية يورم شوية
الحمد لله خلصتي والله احسن وهو صغير
ابني هم طهرنا عمرة سبوعين والحمد لله بسرعة طاب
بس حاولي فد ساعة تذبين عنة الحفاظة يضربة الهوا
ووغطي بشرشف خفيف
لا يسويلكم سالفة هههههه

[( ام يوسف )]

حمد لله ع سلامته لحمودي
ان شاء الله يطيب بس اني سامعه اذا بقيتي بالحفاضه مال البول تكرمين مده اكثر يطيب بسرعه بعد ماادري اذا هي معتقدات لو حقيقه
شفوووقه شلونجوشلونهم الجهال اتاقلمو ع الروضه
ان شاء الله تنتقلين بمدرسه قريبه وترتاحين
واني مكضيتها شوربات وفيتامينات وبلكت اصير احسن

[*شفق*]

والله الحمد لله حبيبي سي لا بنتي زينة فرحانة ع الروضة
بس ابني حبيبي باجر اول يوم اودي للحضانة والله بس ادعي ان شاء الله يتكيف وياهم حبيبي،.
شايلة هم الله كريم

[( ام يوسف )]

يا حبايبي لا ان شاء الله يتاقلم
اذا هو حرك ووكح رح يتاقلم حبيبي الله يحفظهم الللللج وابوهم يظل ع راسكم يااااارب

[منى عمري]

هلو شفوقه الله يبارك بيج ويسلمج حبيبتي
اي انشالله اني هم كلت باجر اوخر الحفاضه خلي يضربه الهوة شويه
وهو سواهه العمله اليوم هههههخهخههه جاي ابدله الحفاضه وعملها نافورة دبي هخهخهههخخخه
سيلا الله يحفظج حبيبتي
اي اني مخليته بالحفاضه بس شوي كلت يضربه الهوة بلكت ييبس

[ضحى السماوي]

هاي بنات مالحكت على تجمعكم
ان شاء الله تنجمعون دائما بالخير والعاافية
العابدي حبيبتي انا هسة بالعباسية وصالحي لزوجج خطية والله يهدي سركم يارب
وحللت الصبح منزلي وماكو حمل
سيلا عندج العافية وديري بالج على نفسج
مناوي عالخير طهور ابنج وعندة العافية ان شاء الله وطلعنة احنة جيران
ام تيم عشتي على شجاعتج ونريدج دائما قوية
البنات كلكم شلونكم ان شاء الله الكل بخير
وتصبحون على الف خير

[حلمي بطفلي]

شكرا بنات الله يطمنكم حبايب
شفوقه مادري اني تعودت علشيرة من يوم ازوجت وهسه مادري خايفه اسويها ناس دكول موزين وناس دكول مابيها شي ومداعرف شنو الصح بس اريد حوامل مجربات بالشهر الثالث

[حلمي بطفلي]

شكرا بنات الله يطمنكم حبايب
شفوقه مادري اني تعودت علشيرة من يوم ازوجت وهسه مادري خايفه اسويها ناس دكول موزين وناس دكول مابيها شي ومداعرف شنو الصح بس اريد حوامل مجربات بالشهر الثالث

[حلمي بطفلي]

ضحاوي ميخالف يارب الشهر هذا تحملين بعدج عروس لتشيلين هم حبيبتي
مناوي مبروك طهور حمودي يارب يوم زواجه وتفرحين بيه

[عيون المهى]

صباح الخير شلونكم بنات جميعا وحدة وحدة
مناوي حبيبتي مبروك طهور حمودي يوم تخرجة واشوفية عريس
علا حبيبتي ديري بالج لتلزكين بعد وين نلكاج ان شاء الله شهر الجاي اصيرين حامل وبعد لاحلاوة ولابقلاوة
حنو عمري كافي وههههواسس شلون بيج بالنسبة لشيرةاني جبانة مااسوي بالشيرة من حبلت
سيلا حبيبتي عندج العافية
شفوقة عيني الله يطمنج على اولادج ان شاء الله تنقلين وترتاحين
نيبووشلونج حياتي الله يتمم حملج وبعدي هاي الافكار عنج تفائلي بالخير ان شاء الله تكملين 9شهور
نوال وضحا وياسو شلونجن حبيباتي يارب تكونون بخير

[&ام همام&]

صباح الخير مدري مساء الخير
شلونكم شو ماكـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟

[المهندسة ام تيم]

حبايبي الله لا يحرمنا من بعض اشكركم على كلامكم الطيب ودعواتكم الصادقة حبيباتي الله يتمملي ويفرحني بشوفة طفلي بصحة وعافيةوكل حامل ياااااااااااااااااااااااااارب
وربي يثبت حملي وحمل كل حامل الله..ويرزق كل منتظرة ومحرومة ياااااااااااااااااااااارب
الله ليحرم انثى من كلمة ماما
احبكم

[&ام همام&]

خيرج ام تيم خو ماكو شي

[ايلاف]

الرجاء من الجميع الالتزام بقوانين المنتدى
والله الموفق

[ام ارجواااااان]

مرحبااااااااااااا
يارب الكل يكون بخير
عزيزاتي
التجمع فتح للفائدة واتمنى من الجميع
الالتزام بهذا الموضوع
نحن لا نغير افكار احد و لانعادي احد نهائي
وكلنا هنا اخوااااااااات تحت ظل الشريعة الاسلاميه
ولكن عليكم فقط الالتزام بما تنص عليه قوانين المنتدى
وبالتووووووووووووووفيق

[&ام همام&]

انشا الله ام ارجواان الجميع يلتزم بقوانين المنتدى

http://forum.hwaml.com/imgcache2/hwaml.com_1380451745_159.gif (http://www.hwaml.com/up/)

[المهندسة ام تيم]

ان شاءالله نلتزم ويلتزم الجميع
جزاكي الله الف خير

[المهندسة ام تيم]

هلو سراوي شونج حبي
والله ماكو شي بس وسوااااااااااااااااس خناس لازكلي الله يهديني

[المهندسة ام تيم]

الف مبروووووووك منوشة طهور حمودي ان شاءالله تفرحين بتخرجه وبعرسه

[ضحى السماوي]

بنات شلونكم اخباركم
انا عندي سؤال
اذا الدورة متاخرة او تتاخر معناهة التبويض متاخر
لو التبويض فد شي ثابت
يعني بعد نزول دم الحيض ب١٤ يوم تنزل البويضة
بس تتاخر الدورة
طبعا ياريت اللي تعرف تفيدني

وسؤال ثاني/ شنو احنة اتجاوزنا قوانين المنتدى؟؟؟