احلى عراقيات حوامل ...... تفضلوا [الأرشيف] - الصفحة 13

شعور الامومة

10-24-2013, 01:17 PM

السلام عليكم شلونكم يابنات شخباركم كل عام وانتو بالف خير
ياسمينه انتظري بعد موهسة تسوين تحاليل خلي يفوت على موعد الدورة كم يوم يله تسويها ويارب تبشرينه بالحمل
علاية شوكت اسمع بيج حامل يارب عن قريب وافرح بيج يارب اقسمت عليك بحق محمد وال محمد
سيلا وحنوشة ونيبو ومناوي وكل البنات يارب تكونون بالف خير

المهندسة ام تيم

10-24-2013, 01:40 PM

هلالالالاو حبي شونج وشون النونو..

طوق الياسمينة

10-24-2013, 02:07 PM

هلووووووووووو
جانت النت مكطوع الصبح
ماعندي البرنامج

المهندسة ام تيم

10-24-2013, 02:29 PM

يا برنامج حبي..

المهندسة ام تيم

10-24-2013, 02:31 PM

اذا قصدج برنامج لاين مال دردشة موجود الرابط مالته بالصفحة الي قبل هاية..واشرتلكم الرابط الي تضغطون عليه ..

لمى العراقية

10-24-2013, 03:28 PM

شلونكم بنات ام تيم وياسو ان شاء الله بخير ياربي

&ام همام&

10-24-2013, 06:00 PM

مســــــــــــــــــــــــــــــــــــــــــــــــ ـــــــــــــاء الخيــــــــــــــــــــــــــــــــــــــــــــــ ـــــــــــر
شلونكم حبايبي مشتاقتلكم كلللللللللللللللللللللللش
اعذروني مختفية بس جان عندي تنظيف شقة عيالي
وحدي لان نسوان حموايني هم راحو يم ابوية وامي ع العملية مال ابوية
امي وابوية يعني عمي وعمتي
والبارحة يلة اجو من السفر والف الف الف الحمد لله العملية ناجحة
بليل انشا الله ادخل

&ام همام&

10-24-2013, 06:10 PM

سولفولي شكو ماكو
لان مستحــــــــــــــــــــــــــــــــــــــــــــــ ــــــــــــيل
اقرة هذا الكم الهائل من الصفحات

redrose82

10-24-2013, 06:31 PM

السلام عليكم. .....شلونكم بنات. ...يوم سعيد عليكم......وليلة جمعة مباركة عالكل. ..
شكرااااااا للحبايب السالو عني وآسفة ماادخل هالايام لان مشغولة ودوامي متتتتتتتتتعب بشكل مو طبيعي. .درج وصعدة ونزلة وحصصي هواي. .الله يعين
انتم شلونكم. ..مرات ادخل اقرا ومابية اكتب من التعب. ...
سراوي حمدلله على سلامة والدج والدتج. ... رقاوي بعد عيني شنو هالدعاء اليشرح القلب. .الله يتمملج الحمل ويسهل عليج الولادة بجاه هاليوم المبارك. ..
نبراس تكنلوجيا عيني شلونج. ..طلع حسابي بالفيس معلق مادري ليش زوجي اكتشفة طبعا لان انا كلشي ماكو
سيلا وحنوش مشتاقين لوهواسكم وسوالفكم الحلوة
مياوي ومناوي انشاء الله بخير انتم ونونواتكم. ...
منورة عيني لمى. .... سلامي الكم وبوساتي. ..اكمل شغلي وادخل

redrose82

10-24-2013, 06:33 PM

ياسة عمري سلاااام خاص الج. .حبي لاتفكرين. .وانشاء الله يرزقج الحمل هالشهر وتفرحين انتي وزوجج. ..انتظري تفوت الدورة وحللي انا هذا المنزلي ماحبة وماتفاءل بي حللي دم احسن. ..وانشاء الله نفرح بيج هالشهر

&ام همام&

10-24-2013, 08:39 PM

علوش اني اهنا

redrose82

10-24-2013, 08:44 PM

هلو سراوي. ..شلونج. .وشلون ابو همام انشاء الله راح السكر. ...

&ام همام&

10-24-2013, 08:49 PM

هلا وكللللللللللللللللللللل الهلا بعلوشتي
والله صار فترة ما محلل التهى بابوة بس لازم رجيم والله كريم

redrose82

10-24-2013, 08:53 PM

الله يشافي هو وابو انشاء الله بجاه ليلة الجمعة المباركة. ..انتي شخبارج انا دوام وتعب السنة مو نشيطة مثل العام

&ام همام&

10-24-2013, 09:33 PM

رحمة الله والديج
اني يعيني ضايجة ومالة لكيت تعين بمدرسة اهلي بس ابو همام ميقبل يكول ميسوة التعب
وعوفة همام
ليش شعجب مونشيطة خاف لان بداية سنة

لمى العراقية

10-24-2013, 09:48 PM

شلونكم بنات ليلة سعيدة على الكل وجمعة مباركة الكم ياربي وجاية اكللكم بعد التوكل على الله قررنا انا وزوجي نعمل عملية اطفال انابيب الشهر الجاي واطلب دعواتكم معي يارب تنجح العملية مع العلم هذي ثاني مرة اعمل العملية المرة الاولى مانجحت ويارب ماتتكرر مثل المرة الاولى

redrose82

10-24-2013, 10:10 PM

هلة لمى. .انشاء الله تنجح وتفرحين..
سراوي غسلت ملابس الحب. ..باجر جايتهم لجنة ودوام. . اكلج خلي يكبر همام شوي احسن حتة لاتتبهذلين وانشاء الله تتعينين تعيين حكومي وترتاحين. ..
انا السنة حصصي اكثر خامس اثنين وسادس اثنين وكل شعبة مملية ملي ودرج واحس تعبانة. .ومحد وياي اختصاص. .والله يسهل هالسنة بلكي تجينا معلمة جديدة ترحم بحالي. .

redrose82

10-24-2013, 10:11 PM

البنات الظاهر منزلات البرنامج وملتهيات بالسوالف . اليوم اجينا ماكو احد. .

المهندسة ام تيم

10-24-2013, 10:35 PM

مسسسسسسسسسسسسسسسسسسسسسسساءالخير عالحبايب
شونكم بنااااااااااااااااااااااااات

المهندسة ام تيم

10-24-2013, 10:36 PM

حبيبي لمى الله يفرح قلبج ويرزقج ياااااااااااااااارب ان شاءالله تنجح العملية
منورررررررررررررة حبي

المهندسة ام تيم

10-24-2013, 10:37 PM

هلا علاوي شونج حبي الله يعينج على قرف الدوام ويااااااااااااااربي حاامل ان شاءالله
شخباركم بخصوص الدواء والعلاج ..

المهندسة ام تيم

10-24-2013, 10:38 PM

منورة ام همام حبي الحمدالله على سلامة الوالد الله ليشوفكم شر بعزيز وغالي ياااااارب
بوسة لهمومي

لمى العراقية

10-24-2013, 10:46 PM

النور نورج حبي ام تيم والله يسمع منج لان تعبت هواية ونفسيتي موكلش زينة والله يعوضنة خير ياربي

المهندسة ام تيم

10-24-2013, 11:04 PM

امين يا قلبي الله يعوضج خير ويرزقكم من وسعه ان شاءالله

redrose82

10-25-2013, 12:13 AM

هلة بنيبو. ...والله الحمد لله زوجي ماشي عالعلاج مثل الساعة وانشاء الله اسبوع الجاي يكمل شهرين ويحلل والله كريم. .حتة حماي استوة اجة من برا نفس دوا زوجي بالضبط كلولة ضعف بسيط يروح بالفيتامينات. ..الظاهر العائلة عدها نقص فيتامينات. ..
وانا دوامي تعب بشكل والله لو ينطون المعلم راتب وزير مايوفي حقة عالتعب يعني ٢٥٠ طالبة لازم اعلمهم انكليزي لغة وقواعد وسادس وزاري حتة مرض ماكدر اتمرض واعوفهم.....انا مسلمة موضوع الحمل بيد رب العالمين اذا قسملي كون حمل قوي ويتحمل. ..بعد هم نتشرط. ..ههههههه

طوق الياسمينة

10-25-2013, 12:02 PM

هلاو يااحلى وردات يارب علاية متشوفين روحج الة حامل والله يسهلها عليج ان شاء الله
نيبو جمعة مباركة عليج ياوردة
لماوي يارب تطلعين حامل ويثبت حملج ان شاء الله
حنوشة وسيلا مشتاقتلكم
اني شرفت الدورة عليا وكظيتها بجي...العلاج والتعب كلة راح...والحمد لله والشكر ويارب يعوضني خير

طوق الياسمينة

10-25-2013, 12:07 PM

لمى ان شاء الله تنجح هاي المرة ادعيلج من قلبي

المهندسة ام تيم

10-25-2013, 01:37 PM

جمعة مباركة عالحبايب
الله يحقق منايا ومناكم ياااااااااااااارب يتمم حملي وحملك البنات ويرزقكم يالنتظرات ياااااااااااااااااارب الله ليحرمكم ان شاءالله

المهندسة ام تيم

10-25-2013, 01:38 PM

حبي علاوي الله يرزقكم ياااااااااااااارب ان شاءالله .. وبلكي ترتفع النسبة ويكون نص المشكلة انحل..حبيبي ادعيلج من كل قلبي

المهندسة ام تيم

10-25-2013, 01:41 PM

حياتي ياسوو امانة لتقهرين نفسج قلبي .. مو لأن الموضوع ميستاهل بس لأنه مو بيدج شتسوين حبي ..
فوضي امرج لرب العالمين وخليج وية الطبيبة .. وبلكي يقدرلج الحمل ان شاءالله ..
يااااااااااااااارب حياتي الله يفرح قلبج وادعيلج حبي

لمى العراقية

10-25-2013, 02:26 PM

حبي ياسو لاتنقهريين والله يعوضج يارب واني همين شرفت علية امس بس شنو نسوي مو بدينا وانا كنت متاملة هذا الشهر واشكرج واني همين راح ادعيلج ياربي يرزقنا الذرية الصالحة وارجع اكولج لاتبجين لان اني كنت ابجي بس لمن كلتي انج تبجين راح عني البجي وكمت اواسيج والله يعوض علينا ويصبرنا

المهندسة ام تيم

10-25-2013, 03:17 PM

لا تنسوا قراءة سورة الكهف يرحمكم الله

المهندسة ام تيم

10-25-2013, 03:19 PM

حبيبتي لمى منورة حبي
خلينا نتعرف عليج ..اكثر
اسمج لمى ..من وين وشكد صارلج مزوجة وشمخلصة وتشتغلين لو كاعدة بالبيت ...
تحقيق خخخخخخخخخخخخخخخ

المهندسة ام تيم

10-25-2013, 03:21 PM

اني نبراس ويسموني نيبو او ام تيم بكيفج تيم ابني البكر بس متوفي والله يعوضني عنه خير بهذا الحمل والله ليحرمني منه بالاخرة
من بغداد صارلي سنه واربع اشهر تقريبا متزوجة ,,
عمري 24 ومخلصة ماجستير هندسة حاسبات بس كاعدة بالبيت

لمى العراقية

10-25-2013, 03:28 PM

حبي ام تيم انا تحت امرج طبعا عرفتي اسمي لمى وعمري 22 ومتزوجة من 6 سنوات انا من الانبار قضاء حديثة لاانا ماخلصت حتى الابتدائية وكاعدة بالبيت واذا اتريديين شي بعد اني حاضرة وعرفيني عليج انتي وكليلي شكد عمر تيومي ربي يخلي الج وعندج اطفال لو بس تيم

المهندسة ام تيم

10-25-2013, 03:31 PM

لا حبي ميأمر عليج ضالم قلبي .. نورتيني يا عمري وهلا بأهل الانبار وبحديثة ..
الله يرزقج يااااااااااااااااااااااااارب

حبي كتبتلج عني ..تيم ابني نور عيوني عمره كان شهر ونص وتوفي ؟؟؟لأنه كانت ولادته مبكرة
..ومشتااااااقتله حبيب امه اول فرحتي

لمى العراقية

10-25-2013, 03:46 PM

حبيبتي والله قهرتيني واني اسفة لان سالتج على العمر والله يعوضج خير يارب وان شاء الله تشوفينة بالجنة والحمل ياشهر

المهندسة ام تيم

10-25-2013, 03:54 PM

امين ياااااااااارب الله لا يحرمني شوفته بالأخرة ان شاءالله
ويعوضني ويرزقج يالغالية ياااااااااااااااارب امين

redrose82

10-25-2013, 04:02 PM

جمعة مباركة عالجميع وانشاء الله يقضي كل حوائجكم ويحقق امنياتنا. .واهم امنية الامومة للجميع. .ويحفظ نونوات الامهات. ....
منورات حبايب لمى ونبراس.... مشكورة عالدعوة التشرح القلب. .والج بالمثل
ياسة لاتضوجين عمري. .انا تسع سنوات بي صدكي ولا دورة بجيت كلما اشوفها ارفع عيني للسما واكول مادام الرزاق موجود ما راح اياس يجي يوم ويعوضني. ..
الحمدلله والشكر. .ولاتنقهرين عالعلاج المنشط مرات يبقة مفعولة للشهر البعدة بالجسم. .. واذا ممسوية تحليل استغلي فرصة باجر عطلة وثاني يوم بالدورة سوي تحليل شامل لكل الهرمونات. ...انا محد طلبة مني بس سويتهم كلهم والحمدلله ارتاحيت
واشعة ملونة عندج. وزوجج تحليلة زين .....بس استغلي الوقت سبحي استغفري اقري سورة مريم يومية ..تصدكين انا حفظتها شكد مااشغلها عالنقال واشتغل بالبيت. ..وانشاء الله يعوضج ...التهي بغير اشياء خاف من كد التفكير مرات يتاخر الحمل. .. لاتضوجين الله كريم

لمى العراقية

10-25-2013, 04:02 PM

حبيبتي مثل ماشفت بالتوقيع انتي بالشهر السابع يارب يتمم عليك الي الشهر التاسع ويولد سليما معافا وتضميه لحظنك وتربيه وتشوفيه يكبر كدامج يارب ياسميع يامجيب

( ام يوسف )

10-25-2013, 04:16 PM

مرحبا يابنات
شلونكم
ياسو ولمى ربي يعوضكم الشهر الجاي انتو وكل المنتظرات يارب
نبروسه شلونج حياتي اليوم ؟
حنوووشه مختفيه الحبوبه وين وهاويسج هههههههههههههه
علايه ان شاء الله ترتفع النسبه هلشهر وتحملييييين
والبنات الباقيات منوشه ميوشه ورقيه ومهاوي وشفووووقه ونورس يارب تكونون بخير واذا نسيت احد عذروني

لمى العراقية

10-25-2013, 04:31 PM

حبيبتي اعيونه اشكرج والله كنت كلش ضايجة بس لمن دخلت على التجمع راحت الضوجة وادعيلج ربي يثبت حملج يارب

المهندسة ام تيم

10-25-2013, 04:37 PM

فدوة لقلبج لموش حبي الله يرزقج قلبي شكرااا عالدعوة الحلوة يااااااااارب يسمع منج حبي

( ام يوسف )

10-25-2013, 04:37 PM

حبيبتي لمى الله يبعد عنج الضوجه وعن امه محمد كلها
اني اسمي سالي وايسموني سيلا اهنا
من بغداد بس مغتربه عايشه بالنروج مواليد 91
اتشرفت بمعرفتج حياتي

المهندسة ام تيم

10-25-2013, 04:39 PM

منور علاوي شونج قلب الله يسمع منج والله لا يحرمنا من حلمنا ياااااااااااااااارب ((الامومة شي مو طبيعي احساس عجيب اني عشته شهر ونص بس صار بية حنان الدنيا هسة اريد انطي روحي لأبني حتى اشوفه))

المهندسة ام تيم

10-25-2013, 04:40 PM

منورة سيلا شونج قلب بووووووووووسة لنونو

لمى العراقية

10-25-2013, 04:45 PM

اني الي الشرف حبيبتي سالي وانتي نفس مواليدي اني كذالك 91 والله يعينج ع الغربة

لمى العراقية

10-25-2013, 04:51 PM

فدوة لكلبج انتي عيوني نيبو واني ادعيلج من كل كلبي وادعي لكل الموجودات في التجمع لان انتو اخوات اليا واهلي واني اتونس وياكم هواية

( ام يوسف )

10-25-2013, 04:53 PM

جياتي نبروسه الورده ربي يتمم الج ع خير وكل الحوامل
اني زينه الحمد لله ودا انتظر يوم 6 ع احر من الجمر حتى اطمئن ع البيبي والله خايفه ربي يحفظه اليه ويحمي
نبروسه انتي كل شكد تسوين سونار؟؟؟؟
هو هم ايبوسج ايكول بوسيلي خالتوو نيبو
حياتي لمى الله يعيني وايعين الجميع امييييين

لمى العراقية

10-25-2013, 04:56 PM

بنات اني اترخص منكم اروح وبليل ارجع وياربي امسية سعيدة على الجميع

( ام يوسف )

10-25-2013, 05:03 PM

حياتي اخذي راحتجج ونشوفج بليل ان شاء الله

المهندسة ام تيم

10-25-2013, 05:30 PM

حبي لموش امسية سعيدة النا والكم
اخذي راحتج ننتظرج

المهندسة ام تيم

10-25-2013, 05:31 PM

سيلا حبي اني اخذ سونار كل شهر مرة.. يم الطبيبة النسائية مو يم اخصائي سونار
الله يحمي حملنا ويفرح قلبنا ياااااااااااااااااااااااااااارب

المهندسة ام تيم

10-25-2013, 08:55 PM

وينكمممممممممممممممممممممممممممممممممممممممممممممم ممممممممم

لمى العراقية

10-25-2013, 09:06 PM

بنات مساء الخير والعافية عليكم حبي نبروسة وعلاوي وسيلا وياسو وكل البنات

&ام همام&

10-25-2013, 09:54 PM

مسائو شلونكم عيوني
مشتاقتلججججججججججججججججججن هواي
بس كله بيت عيالي لان الناس طابة وطالعة واسوي غدة ظهري انكطم
انشاالله رب العالمين ينطي مراد الجميع وكل الامنيات بس اول واهم امنية
هي الاطفال الله يرزق الجميع واللي عنده الله يحفظهم ويكثرهم

طوق الياسمينة

10-25-2013, 10:14 PM

هلو يااحلى وردات شلونكم ان شاء الله زينات... نبروسة وسيلا ولمى وعلاية الوردة...والله انتوا خواتي واكثر وعلى حجاية لمى صدك اني من دخلت التجمع كلش اتغيرت نفسيتي للاحسن والحمد لله
بالمناسبة نبروسة اني ياسمين مو اسمي هذا اسم مستعار هههههههههه مو اثتحي

طوق الياسمينة

10-25-2013, 10:21 PM

حياتي لماوى ان شاء الله تنجح عمليتج

طوق الياسمينة

10-25-2013, 10:23 PM

علاوي تدرين الصبح جنت افكر بيج اكول عليج من صدك وردة ويارب يجيج احلى اطفال وتفرحون بيهم ان شاء الله

حلمي بطفلي

10-26-2013, 01:00 AM

مساء الخير بنات وجمعه مباركه جميعا جنت بيت اهلي مكدرت احجي وياكم
سيلا حبي يارب تطمنين على البيبي ويكون مثل ما تتمنين يارب ادعيلج من كل قلبي
ياسه حبيبتي ابد لتنقهرين كولي الحمدلله وان شكرتم لازيدنكم هاي اختبار من رب العالمين على صبرج واكيد ربي رح يعوضج وهسه شوفين والابره التفجيريه متروح هوايه حملو بعدها بشهر ميروح مفعوله يستمر للشهر الي بعده وبعده لتخافين حبي يارب يرزقج من حيث لا تحتسبين بتوم
لمى اتشرفنه بيج اني حنان من بغداد 24 وبعد معاناة حملت بالشهر الرابع انشاء الله هسه واتشرف بيج حياتي بعدج صغيره ليش ماتنتظرين بعد ولو حقج 6 سنين مو قليله بس بعدج صغيره انتظري فد سنتين بس اذا خلص هذا قرارج فادعيلج من قلبي ربي يرزقج بتوئم وتنجح العمليه
علايه حياتو مشتاقين والله شخبارج يارب زوجج يتحسن ويارب الشهر هذا تكونين حامل ويعوض صبرج خير يارب وتفرحينه
نيبو شلونه البوبو حبيب خالتو ديلعب لو لا ههههه فدوه لقلبه
ام همام منورة حبي الله يساعدج

طوق الياسمينة

10-26-2013, 10:58 AM

هههههههههههه هلاو حنوشاتي
تدرين اني عبالي وكل فكري اسمج حنين ...طلع حنان
ماكو فرق...شلونج ياوردة...ورة شكد صرتي حامل من زواجج ..شلونة الحنوش او الحنوشي ان شاء الله زين
ربي يثبته ويجي وتفرحون بي ويحفظة ان شاء الله

حلمي بطفلي

10-26-2013, 11:30 AM

حياتي ياسه تسلميلي ياقمر والله حنوشه او حنوش عادي متفرق المهم حنانيش خخخخخخخ سنه وشويه يارب يرزقج بكلشي تتمنين بس اصبري وهسه شوفين الفرحه صدكيني

حلمي بطفلي

10-26-2013, 11:32 AM

اقصد تقريب سنه حبي
انتي بعدج صارلج 11 شهر يعني ممقبطه سنه لتخافين لمدة سنه طبيعي وهو هو يجي انتي شكد عمرج

لمى العراقية

10-26-2013, 11:49 AM

شلونكم يااحلى بنات ياسو وحنان ونيبو وسيلا وعلاوي والكل اخاف نسيت احد

لمى العراقية

10-26-2013, 12:10 PM

حبي حنان الله يثبت حملج يارب وتشوفين النونو بحضنج يارب واني اشكرج وصحيح اني بعدني صغيرة والكل يكلولي بعدج صغيرة بس حبيبتي الايام تمشي واني مشتاقة اضم طفلي على حضني ويارب يكتبلي هذا الشي الاريدة واتمنى دعواتج وياي الله يسهل وتنجح العملية

لمى العراقية

10-26-2013, 12:12 PM

حبي ياسو شلونج وشلون المعنويات اليوم ان شاء الله احسن

لمى العراقية

10-26-2013, 12:17 PM

حبيباتي نيبو وسيلا شلونكم وشلون النونوات والحمل وياكم خوما تعبانين حبايب خالتهم همة

حلمي بطفلي

10-26-2013, 12:49 PM

حياتي لمى حقج والله مقدرة حالتج ومالومج ابد لان الامومه متعرف صغير او جبير مجرد الواحد يزوج يفكر لا اراديا بالاطفال
بس جربي تصبرين لسنتين اتحملي انتي تحملتي هوايه وبعدين عمرج صغير واذا ماعدكم مشكله تمنع الحمل فانتظري يجوز الله ديختبر صبرج وقوة ايمانج واخر حملج وجعلنا لكل شئ سببا والله مايظلم عبده بس توكلي عليه وحرامات تصرفين نفلوس اذا انتو مابيكم شي حياتي اني مثل اختج وداحس بالمج والله كلنه جربنه وعانينه

المهندسة ام تيم

10-26-2013, 01:09 PM

مساء العسلات لكل العسلات
شلونكم حبايب ..
احبكم

المهندسة ام تيم

10-26-2013, 01:09 PM

حبايب الله يحمي حملنا يااااااااااااااااااارب ويتمم بالخير والسلامة يااااااااااااااارب

المهندسة ام تيم

10-26-2013, 01:11 PM

الهي ربي الله يرزقكم يا منتظرات ياسوو ولمى وعلاوي الله يرزقكم ميحرمكم حبايب ياااااااااااااااااااااااربي امين

المهندسة ام تيم

10-26-2013, 01:12 PM

لمى حبي ان شاءالله ربي يكتب النجاح لعمليتج يااااااااااااااااااااااااااارب بحق القران الكريم

المهندسة ام تيم

10-26-2013, 01:15 PM

ياسووو ليش تستحين حبي .. اسمج محلووو خخخخخخخخخ
لعد شنو رأيج صديقتي اسمها ايهاب خخخخخخخخخخ وعادي بس زوجها يسميها هبة هي تكوله لتسميني ايهاب جان ابوها يريدها ولد وطلعت بنية وسموها اسم ولد

واني اسمي اسم ولد شنسوي ذنب اهلنا هعهعهعهعهع

( ام يوسف )

10-26-2013, 02:58 PM

صباح العسل ياعسولات ياهلا بحنوشتيييي تسلمين حبي ربي يطمني ويطمنج وكل الحوامل ع النونوات اللي ابطنا
شلون جانت روحتج الاهلج نمتي اهنا لووو نفس اليوم رجعتي ؟
نبرووسه حياتي شلونج وشلون النونو لا عيني اسمج اسم بنيه اني مسامعه ولد اسمه نبراس
ام همام شلونج وشلون همام ؟
لمى حياتي ربي ينطيج وميحرمج وتنجح العمليه انتو وين رح اتسووها بالعراق لو برا العراق
ونفس المكان اللي سويتوها بي المره الفاتت لو غير مكان
ياسووو شلونج حياتي يارب نفسيتج اتحسنت ؟
علوشه ولمى وياسو ومهاوي وكل المنتظرررررات ربي ينطيك وميحرمكم بلا عمليات وبلا ادويه ان شاء الله

طوق الياسمينة

10-26-2013, 03:18 PM

شكرا لماوي وسيلا النفسية زينة والحمد لله
حنوشة تسلميلي على الدعوة الحلوة عمري 31
نبروسة اسمي حلو...بس ياسمين احلى ...يمة ماكو احلى من نبراس
طبعا كل وحدة اتخيلها وانطيها صورة ببالي...تدرون مرات اتمنى اتعرف
عليكم من صدك ...مثلا البارحة جنت رايحة للمنصور مول وشفت حوامل كلت يجوز هاي حنوشة او يجوز هاي نبروسة
احبكم ورودات

حلمي بطفلي

10-26-2013, 04:06 PM

هههههخخ ياسو حبيبتي والله اكيد اسمج يخبل على صاحبته وروحها الحلوه بعدج هم صغيره ياسو وتوج مزوجه هلشي عادي حبي يارب يروقج بالولد
نيبو مساء العسل يا عسل توئمي بالوهواس هههه شلونج وشلونه النونو عساكم بخير شوكت تخلصين السابع بعدلج شكد حتى نطمن والله بالي يمج
سيلا حياتي مستقبل جهالي ههههه ونفس شهري شلونج حبي ههههه شلونه سلوم عساه بخير كبرت بطنج لو لا اني بعدها منفخت عااااا وماكو حركه انتي بعدج دتحسين بالحركه لو عادي بس نبض
اني رحت لبيت اهلي ورجعت نفس اليوم لان قبلها جنت بايته ومكدرت انام تعودت على فراشي هههه

مي &

10-26-2013, 07:24 PM

شلونكم حبااااااااااااااايب مشتااااقتلكم
الكم كلكم موت موت

احببببببببكم

طوق الياسمينة

10-26-2013, 08:15 PM

هلو ميوش منورة
تسلمين حنوشة انتي الاحلى...صدك وين الوهواس صار فترة ماكو هههههههههههه

حلمي بطفلي

10-26-2013, 08:45 PM

هلو مياوي حبي شلونج تشتاقلج العافيه
وينكم بنات موجودات لو لا

حلمي بطفلي

10-26-2013, 08:46 PM

ههههه ياسه هسه يجيج الوهواس على الابواب لتخافين خخخخخخ

redrose82

10-26-2013, 10:24 PM

هلو بنات شلونكم. .يارب كلكم بخير...انتم ونونواتكم. .. مشكورين على الدعوات التخبل
.عذروني مشغوووولة اليوم اسئلة وطبع وباجر امتحنهم عااااااااااا
يعني صريخ وعياط. .اول امتحان تحريري انكليزي وعدكم الحساب وشنو ١٤٠ طالبة. .تدرون هسة اتمنى انا معلمة فنية ومرتاحة. ..
والتصحيح. .اذا طولت ومادخلت كولو انتحرت. ..هسة تكولون ليش العياط حتة يسمعوني من اقرا الاسئلة. .ويحلون سؤال سؤال وياي ...
يمكن باجر تجيني الدورة بالصف. .لاحمل ولابطيخ. ...اهئ اهئ اهئ

لمى العراقية

10-26-2013, 10:28 PM

مساء الخير على احلى بنات حنونة ياسو نيبو سيلا علاوي ومي والكل احبكم موت يارب تكونو بخير

لمى العراقية

10-26-2013, 10:42 PM

حبي سيلا العملية نسويها داخل العراق بالسليمانية ونفس المركز والدكتورة وحبيبتي حنونة نعم انتي على حق بس احنة عدنا مشكلة رجلي عندة ضعف بحركة الحيامن جدا بطيئة والتجئنة لعملية اطفال انابيب بالمرة الاولى ظلينة بالسليمانية 15 يوم بس هاي المرة قررنا نبقى ثلاث او اربع اشهر

لمى العراقية

10-26-2013, 10:53 PM

شلونج علاوي حبي لاتفاولي على روحج يارب ما تشوفيها وتبشرينا بحملج والله يعينج 140 طالبة والله صح انتحار هههههههههههههههههههههههههههه

لمى العراقية

10-26-2013, 11:09 PM

وووووووووووويييييييييييييييييييينننننننننننننننننن نننكككككككككككككككككككككمممممممممممممممممممممممممم بنات

حلمي بطفلي

10-26-2013, 11:38 PM

علاااايه الله يساعدج حبي شسوين صدك لو صايره معلمة فنيه احسن كلاوات وطلعين هههه ميخالف اتسلي احسن من كعدت البيت ويارب ما تجي الدورة وتكونين حامل وتجين تبشرينا يارب
لمى حياتي والله مشكلتكم كلش بسيطه هوايه يكونون عدهم ضعف بحركة الحيوانات المنويه وبالفيتامينات والعلاج يصيرون زينين بس بعد اذا انتو قررتو يارب ما ترجعون خايبين ويارب الله ميفشلكم ويرزقكم بالتوئم يارب وطمنينه عنج هناك امانه

لمى العراقية

10-26-2013, 11:53 PM

حنونة اي صح حبيبتي وهسة هو مستمر على الفيتامنات وابر منشطة بس هوى يدخن وتعرفين التدخين مايخلي العلاج ياخذ مفعولة وهو الي طرح الفكرة لان تعبنة هواية ماخلينة شي ماسويناه ويارب هالمرة ربي يكتب النجاح واني اشكرج على مشاعرج وياي

( ام يوسف )

10-27-2013, 12:46 AM

مرحبااااا بنات اكو احد سهراااااااااااااااااان

( ام يوسف )

10-27-2013, 12:47 AM

لـــمى حبي ليش متشوفون ايران ايكولون بيها هاي الشغلات وشاطرين بيها ربي يحقق مناكم وتحمليييين وتجيبين توم ياااااارب امييييييييين

( ام يوسف )

10-27-2013, 12:48 AM

حنوووووووووشه شحاسه انتي حامل بولد لو بنيه ؟؟؟؟؟

( ام يوسف )

10-27-2013, 12:49 AM

ترااااا ضووووووووووووجه وانتو مختفينننننن

( ام يوسف )

10-27-2013, 12:49 AM

حاسسسسسه دا احجي ويه نفسييييييييي

المهندسة ام تيم

10-27-2013, 11:19 AM

صباح الخير يا بنات
اني ع الله حالي دخلوني مستشفى وخافو من ولادة مبكرة وخلصتها بججججججججججججججججججججي وقهر الله ليرويكم
وكتبولي كووووووووووومة ادوية وابر والله كريم
مااااااااريد ولادة مبكرة وخدج تعببببببببببببببببببت رح اتخبل والله والله والله
ادعولي عساها تكون ساعة استجابة والله يسمع منكم والكم بالمثل

شعور الامومة

10-27-2013, 12:15 PM

صباح الخير مساء الخير عليكم شلونكم شخباركم
نبروسة حبيبتي الف سلامة عليج وان شاء الله متجيبين الا بعد التسعة شهور الله يكون بعونج صحيح حقج تتعب نفسيتج بس الله موجود
ياسو علاية لمى يارب الله يرزقكم فرحة قريبة
حنوشة شخبار الوهواس سيلا شخبارج

شعور الامومة

10-27-2013, 12:15 PM

ميوش مشتاقين شخبارج وشلونها برورة

لمى العراقية

10-27-2013, 12:23 PM

حبي نيبو يارب ياالله يتمم حملج الى الشهر التاسع وحتى اذا ولدتي هسة لاتخافين بنت عمي ولدت الشهر السابع وهسة بنتها مثل لقمر بس انتي لاتتوترين وان شاء الله ماتولدين هسة يارب وطمنينا عليج امانة ترى اني كلش قلقت ويارب يسهلج

المهندسة ام تيم

10-27-2013, 01:53 PM

حبايبي الله يسمع منكم ياااارب
لا لمى اني ولدت ابني بالسابع وتوفى .. واخااااااااااااااااااااااااااااااف ينعاد المضى .

الله يلطف بحاااااااااااااااااااااالي ياااااااااااااارب

( ام يوسف )

10-27-2013, 03:22 PM

نبرووووسه ححياتي لتخافين ويارب متجيبين الا تسع شهور وربي يتمم لج حملج ع خير ويحفظ جنينج
حياااتي لتصيرين سترس حتى الادويه تاخذ مفعولها وطمنينا عنجججج ولتقطعييين والله بالي يمجججج

( ام يوسف )

10-27-2013, 03:22 PM

( ام يوسف )

10-27-2013, 03:24 PM

لمى شلونج حبي اليوم ؟؟

طوق الياسمينة

10-27-2013, 05:22 PM

نبروسة بالي يمج يمعودة كولي يالله ..ياربي تممين تسع شهور ويجيج احلى نونو ويكبر وتفرحين بي ياربي ادعيلج من كلبي وهسة ديأذن..وطمنيني عن اخبارج

طوق الياسمينة

10-27-2013, 05:24 PM

شلون سيلا يارب تكونين زينة
لماي ورقوق يارب زينات
حنوشة ماكو اليوم
علاية الله يساعدج على التصحيح...واكيد تعبااااااااااااااانة

لمى العراقية

10-27-2013, 05:24 PM

بنات مساء الخير حبيبتي نيبو شلونج طمنينا عليج اني قلقة جدا وياربي ماتولدين الى التاسع الله يحفظلج جنينج وحياتي سيلا اني بخير انتي شلونج وشلون النونو وشعور اني جدا اشكرج على الدعوة الله يسمع منج ويفرحنا يارب وياسو وعلاية وحنونة ومي شلونكم اشو ماكو

&ام همام&

10-27-2013, 06:23 PM

مساء الخير شلونكم
نبروسة لا تخافين انشاالله ماكو الا الخير اهدئي شوي مو زين لاتتوترين بالي يمج
بقية البنات شلونكم
علوش
سيلا
حنون
ياسمين
لمى
ميوش
منوش
روكة
اروى وينج يلة ارجعي وطمنينا عنج وعن خمودي
انشاالله كلكم بخير

مي &

10-27-2013, 08:16 PM

مساء الخير يابنات شلونكم وحده وحده

حبايبي انتووووووووووووووووووووووووووووو

حياتي نبروسه انشالله مابيج الا العافيه ولتقلقلين انشالله ماكو شي
ويتم حملج تسع شهور تااامه من دون زياده ولا نقصان ياالله

حبي اني هم التقلصات امتوتتني ودا اموت من وراهه خلي ايمانج بالله قوي واستودعي طفلج عند الي متضيع عنده ويديعه

يارب تمم حملي وحمل كل البنااااااااااااااااااااااااااات بخير وسلامه ياالله وارزقنه اطفال سالمين معافين يارب

وارزق كل منتضره الحمل ارزقهه بالحمل عاجلا غير اجلا يالله

واحفظ اطفال النساء كلهن يارب يارب يارب انت سميع مجيب

يارب دعوه غريب لغريب اللهم انت المجيب

لمى العراقية

10-27-2013, 10:44 PM

مساء الخير بنات شلونكم سيلا ومي وعلاية وياسو وحنونة وشعور ونبروسة حبي شلونج هسة ان شاء الله احسن طمنينا عليج يارب يتمم حملج الى الشهر التاسع ويجيج احلى مولود بالدنيا بصحة وعافية

لمى العراقية

10-27-2013, 11:11 PM

هذا اجمل ورد لااحلى وردات بالمنتدى وكل وحدة تختار الوردة الي عجبتها http://forum.hwaml.com/imgcache2/hwaml.com_1382904707_565.gif http://forum.hwaml.com/imgcache2/hwaml.com_1382904707_494.gif http://forum.hwaml.com/imgcache2/hwaml.com_1382904708_572.gif http://forum.hwaml.com/imgcache2/hwaml.com_1382904709_214.gif http://forum.hwaml.com/imgcache2/hwaml.com_1382904709_934.gif http://forum.hwaml.com/imgcache2/hwaml.com_1382904710_126.gif http://forum.hwaml.com/imgcache2/hwaml.com_1382904710_517.gif http://forum.hwaml.com/imgcache2/hwaml.com_1382904711_938.gif http://forum.hwaml.com/imgcache2/hwaml.com_1382904711_870.gif http://forum.hwaml.com/imgcache2/hwaml.com_1382904712_763.gif http://forum.hwaml.com/imgcache2/hwaml.com_1382904713_552.gif http://forum.hwaml.com/imgcache2/hwaml.com_1382904713_591.gif

المهندسة ام تيم

10-27-2013, 11:33 PM

حبيباتي اشكركم على دعواتكم اني زوينة بس وضعي بعده ممستقر .. وخااااااااااااايفة الله يستر

حلمي بطفلي

10-27-2013, 11:34 PM

لمى حبيبتي الله يوفقكم بس لازم يمتنع عن التدخين حتة تنجح العمليه ميصير خلي يتنازل شويه لان هو هم الطفل مو بس الج اله هم
سيلا حبي كلشي مداحس لحد هسه وهلشي موخفني امي دكول حركة البنيه مثل الفراشه والولد مثل الحيه يتحرك واني لا هاي ولا هاي وشكله الوسواس رح يبدي عاااا
نيبو اسم الله يا ستار شجالج ياربي ظل بالي كلش عليج زين اذا مابيج شي ليش دخلوج للمستشفى وحطو بالهم ولادة مبكرة ؟؟ ليش شديصير وياج ؟؟
ام همام ومياوي وياسه وعلايه شلونكم شخباركم طمنوني عنكم

حلمي بطفلي

10-27-2013, 11:43 PM

سيلا اني احب البنات انتي شدتحسين ولد لو بنيه ؟؟؟

المهندسة ام تيم

10-28-2013, 12:37 PM

شلونكم يا بنات ان شاءالله تكونون بخير ..
اني رجعت نمت ع ظهري وميصير اتحرك ابدااا ودااخذ مثبتات والله يستر
تقلصاااااااااااااااااااااااااااااات مو طبيبعية .. بس يريدون يهدون رحمي من التقلصات ..

ادعوووووولي ..ربي يتمم حملي بالسلامة وادعيلكم ربي يرزقكم بأحلى ما تتمنون

حلمي بطفلي

10-28-2013, 01:41 PM

حبيبتي منوششش الله يسهل عليج
نبروووسه ان شاء الله اتشوووفين ابنج بين اديج بصحه وعافيييه يارب
علوووووووووووشه الله يرزقج بالولد الصالح يااااارب

ياستار ياربي منين اجاج هذا حبيبتي بعد افتحي نت من التلفون حتى تنامين على ظهرج وتكتبيلنه ولدكعدين علحاسبه بس طمنينه عليج ولتسوين شي يارب مامو شي وتمملين التسع شهور بسلامه وشوفين ابنج بحضنج حبيب خالتو

حلمي بطفلي

10-28-2013, 01:44 PM

حبيبتي نيبو يا ستار ننين اجاج هذا يارب تكملين شهورج كلها وماكو شي وتشوفين ابنج بحضنج يارب حبيب خالتو بس ارتاحي وطمنينه عليج حبي

المهندسة ام تيم

10-28-2013, 05:01 PM

اشكرج قلبي حنوشة الله يسمع منج ياااااااااارب
الله ليشوفج مكروه قلبي .. وربي يتمم حمانا بالسلامة يااااااااااااااااارب

redrose82

10-28-2013, 07:05 PM

السلام عليكم. .شلونكم بنااات. ...انشاء الله كلكم بخير. ....
نبراس حبيبتي سلامتج انتي والنونو وانشاء الله ماكو شئ بس انتي نامي وارتاحي وحاولي شكد متكدرين تسترخين وهدئي اعصابج حتة تخف التقلصلات. .. وانشاء الله يكمل الحمل تسع شهور. .وتشوفين احلى نونو
شلونكم سيلا وحنوشة ومياوي ورقاوي و ام ليث الله يتمم حملكم بالسلامة وسهولة. ..ومشكورات عالدعوات الحلوة حبايبي الله يخليكم. ..
ياسة شلونج عمري وشلون معنوياتج. ..انا وياج نفس الدودو بيناتنا يومين. .يالة انشاء الله نحمل سوا. .بنفس الشهر. ..
ام همام. .شلونج وشلون ابو الهمة بوسيلي اياه حبيب خالتة. ..
اروى. . الحمدلله عالسلامة ..يالة تعالي كافي سولفينة على اكشن ولادتج خلي نشوف من اقوى فلم انتي لو مناوي. ..
لمى ..الله يوفقج وتنجح العملية وتفرحين ....
شفوقة ومهاوي وام علي. ..مشتاقيلكم كوووومة

طوق الياسمينة

10-28-2013, 07:39 PM

نبروسة حبيبتي لتخافين فدوة اروحلج....هدي اعصابج وان شاء الله تشوفين احلى نونو وتفرحين بي لحد ميشيب....
شلونج حنوشة الحلوة مندريد وهواس علكيفيج وي نفسج
علوشة شلون الطلاب خوما تعبج الامتحان...يارب يارب يفرحنا عن قريب
لماوي وسيلا وارو ورقوق يارب تكونون بخير

&ام همام&

10-28-2013, 07:56 PM

مسا ءالخير
شلونكم عيوني
كلكم شلونكم فردا فردا
وابو الهمة يبوس خالاته كللللللللللللللهن
نبروسة حبيبتي ارتاحي ونامي ع ظهرج ولا تتحركين الله يتمم هالمدة ع خير وتجيبن بوقتج
ويحفظلج ابنج ويريح بالج وتتكحل عيونج بطفلج

المهندسة ام تيم

10-28-2013, 08:01 PM

شكرااا حبيباتي عالدعوات الله يسمع منكم ان شاءالله
الله يخليكم ويفرح قلبكم بأغلى امانيكم ياااااااااااااااارب

ام علي العابدي

10-28-2013, 08:18 PM

سلامتج نبراس ان شاء الله ما شي ولا تخافين ارتاحي والله هو اعلم بحالك والله يتمم حملك ان شاء الله وتشوفين ابنك بحضنك يارب .... علا شكر على السوال عليه والله اني امر باصعب ظرف بحياتي والله يعيني واعبره البنات كلهم شلونكم ان شاء الله بخير اني ما اعرف اخباركم .بس احبكم والله

المهندسة ام تيم

10-28-2013, 08:43 PM

اشكرج حبيبتي ام علي .. الله يسمع منج انشاءالله
وربي ييسر امرج... خيرج ..خوما اكو شي؟؟

حلمي بطفلي

10-28-2013, 09:22 PM

نيبو ادعيلج من كل قلبي الله يطمنج ويتمم حملج وحملنا على خير
ياسه شلونج حبي اني بخير اذا انتي بخير شكو ماكو
علايه حبي شلونج انشاء الله انتي وياسه اخر دوره تشوفوها يارب شلونج شلونهم طلابج
ام علي خيرج حبي يا رب مكضيه شغلتج
ام همام بوسيلنه همومي يارب يحفظه
سيلا وينج اليوم ماكو ولمى هم

حلمي بطفلي

10-28-2013, 10:15 PM

بنات عفيه اي وحده تقره سؤاالي اجاوب عليه بداعت حملكم واطفالك وعافيتكم منو مستخدم دواء اسمه vidha مال حوامل وشنو رئيكم بيه منو مجربته عفيه

طوق الياسمينة

10-29-2013, 01:27 PM

حنوشة شلونج

طوق الياسمينة

10-29-2013, 01:40 PM

سالت اختي طبيبة مسامعة بي

( ام يوسف )

10-29-2013, 05:50 PM

هلا يابنات شلونكم
نبروسه وعلوشه وياسه وحنوشه ورقيه وام همام ولمى وارو ونوال ميوشه ومنوشه وكلكم فردا فردا يارب تكونون بخير
والله حنوشه مااعرف بس هو مال شنو ؟؟؟
كتبي عنه بالنت بلكي اكو احد مستخدمه
اني محضره اسم البنيه وكلشي وحاسين اني وزوجي انو بنت بس عمتي اتكولي اتجيبين ولد مبين من شكلج طبعا اذا ولد او بنيه كله نعمه
بس انتي اذا عندج نبض جو بطنج يعني بنيه هاي الشغله متاكدين منها
طبعا ابيت عيالي من البارحه عمتي اجتي من السفر واجينا عدها

طوق الياسمينة

10-29-2013, 06:02 PM

منورة سيلا يعني ان شاء الله بعد 5 ايام موعد السونر
يارب تشوفين احلى نونو
نبروسة شلونج يارب زينة ...حبي لتبقين بالنا ادري والله صعبة عليج بس ان شاء الله تهون

المهندسة ام تيم

10-29-2013, 06:09 PM

مساءالخير بنات
شونكم ان شاءالله كلكم بخير

المهندسة ام تيم

10-29-2013, 06:13 PM

حنوش والله مسامعة بالدوا...جان سألتي الدكتورة حبي
حبي سيلا انتي شونج ان شاءالله زينة..
ياسو الله ليشغلج بال حبي اني على الله قلبي

حلمي بطفلي

10-29-2013, 10:13 PM

ياسه شكرا حياتي تعبتج
سيلا حبي هذا الدوا دكتورتين كالو عليه زين يطور الطفل بيه تركيبة دهن السمك اوميكا 3 وحبيت اعرف منو مستخدمه لان خايفه منه ولو هوايه نصحوني بيه بس داشوف منكم اني اثق بيكم هههه سيلا اني احب البنات بس بعدني مشتريت شي اتتي جهزتي لو بعدج وشمحضره اسماء بنيه او ولد ؟؟
نيبو شلون صرتي حياتي طمنيني عليج يارب ماكو شي كاعده ادعيلج الله يسهل عليج بس طمنيني شديصير وياج امانه
اني اسم الله عليكم اليوم مسكطه احس ظهري واحشائي توجعني خصوصا من اطلع من الحمام بعد الادرار احس احشائي تموتني مدري عادي مال حمل مدري التهاب مداعرف ولو ماعندي حرقه بس ماعرف

طوق الياسمينة

10-30-2013, 08:58 AM

عندج العافية حنوشة....ونبروسة الله يسهلج كل امورج
علاية وسيلا ماكو
صباح الورد للجميع

طوق الياسمينة

10-30-2013, 08:59 AM

مابقة شي على عيد زواجي...اشتريت هدية للقلب...بس شتكولون اسوي بارتي صغيرة وية عيالي قبل محرم...لو نحتفل بوحدنة شتكولون

حلمي بطفلي

10-30-2013, 02:40 PM

redrose82

10-30-2013, 03:13 PM

هلو حبايب شلونكم. .نبروسة عندج العافية وماتشوفين شر اانشاء الله الايام تمر بسهولة وتلكين نفسج بالتاسع. .
حنوش ماسامعة بالدواء بس اذا وصفة دكتورة اخذي واذا فيتامينات تفيد النونو زيادة الخير خيرين. .واذا قلقانة سوي بحث بالكوكل. .
ياسة حبي عيد زواج سعيد انشاء الله العمر كلة بساعدة وسنة التجي النونو بحضنج. ..
واحتفلي انتي وزوجج هذا عيد الحب مو عيد العياااال. .ههههههه. طلعو وتنوسو وتعشو ومن ترجعون عيدو ليلة العرس وانشاء الله يحيكم نونو. ..
واكو هواي بنات يحملون بعد سنة من الزواج. .بلكي انتم منهم
سيلا ماكو شلونج انشاء الله تمر الايام وتشوفين النونو لو النونة بالسونار وتطمئنين علية
مناوي وسراوي وميوش ورقاوي واروى مشتاقين الكم كوووومة شلونكم. ..
لمى ماكو انشاء الله المانع خير. .

redrose82

10-30-2013, 03:14 PM

طبعا ستوني جاية من الدوام ونعسااانة بس كلت اسلم عليكم قبل ماانام. ..بلكي بالليل اشوفكم

المهندسة ام تيم

10-30-2013, 03:41 PM

مساء الورد حبايب

المهندسة ام تيم

10-30-2013, 03:42 PM

الف الف مبروووووووووووووووووووووووووووووووووك ياسوو
يا رب العمر كله حب وسعادة وفرح حياتي
برأيي سويها وحدكم والبسي براحتج وسوو الي يعجبكم

المهندسة ام تيم

10-30-2013, 03:44 PM

يخرب عئلالالالالالالالالالالالاتك حنوش على هالحجاية خربيتيني ضحك

يالله شدو حيلكم ياسوو وان شاءالله هالليلة حامل

اكوللكم حيييييييييييييييييييييييل اشتاقيت لزوجي مااصدك افوت بشهري وينفتح الحصاااااااااااااااااااااار..

المهندسة ام تيم

10-30-2013, 03:48 PM

حبيبتي علاوي شونج حب ان شاءالله بخير
الله يسمع منج وتعدي الايام بسررررررررررعة .. والله الطبيبة تكولي بس اوصلي لنص الثامن زين ..
وانيييييييييييييييييييييي نايمة بالفراش كلشي مااكدر اسوي والله انقهر على زوجي يرجع من دوام تعباااااااااااان ويسولنا اكل وناكل..وتعزيل البيت وكولشي عليه الله يعوضنا ياااااااااااااارب

لمى العراقية

10-30-2013, 03:51 PM

شلونكم بنات ان شاء الله بخير نبروسة حبي شلونج هسة اسفة ماصرلي وكت اسال عليج والله خفت عليج وياربي ماتشوفين شر ويجي المولود بصحة وعافية ,ياسو كل عام وانتي بالف خير واني اكول مثل ماكالو البنات احتفلي انتي ورجلج بس وياربي السنة الجاية تحتفلون وياكم النونو ,حبيباتي علاية وحنونة وسيلا ومي وام همام ان شاء الله تكونون بخير وسعادة يارب واحبكم كلكم يااحلى خوات بالدنيا

المهندسة ام تيم

10-30-2013, 04:03 PM

حبيبتي لمى منوررررررة
اني حالي يم رب العالمين الله يحمي حملي ياااااااااااااااااااااارب ومتنعاد المأساة السابقة ان شاءالله الهي ربي بحق النبي محمد صلى الله عليه وسلم ..

لمى العراقية

10-30-2013, 04:04 PM

لباقـــة نوثقهــــا لغير المعتـــــــاد

لمن شغف قلبــــي بطيبـــ الوداد

إلى من سلكـ طريق الهدى ..

وعشـــت معه في رشـــــاد

إلى أخـواتي في الله
نيبو,ياسو.علاية.سيلا,حنونة,ام همام,مي ,وكل المشاركات في التجمع (احبكم فما لقيت ان اهديكم اجمل من هذه الكلمات لتعبر عن حبي لكم كاللاخوات)

المهندسة ام تيم

10-30-2013, 04:12 PM

حبيبي كلج ذووووووووووووووووووووووووووووووووق

لمى العراقية

10-30-2013, 04:13 PM

النور نورج نيبو امين حبيبتي بس انتي اخذي راحتج ولاتفكرين وان شاء الله توصلين لتاسع واني حاسة بهذا الشي بس اهم شي الراحة ثم الراحة والله لايضيعلج تعب

المهندسة ام تيم

10-30-2013, 04:20 PM

اجمعييييييييييييييييييييييييييييييين ياعمري
الله يرزقج ولا يحرمج حبيبة قلبي .. الله يفرح قلبج بحمل قريب يقر عيونكم انتي وزوجج

حلمي بطفلي

10-30-2013, 06:45 PM

حبيبتي علايه تسلميلي حياتي اني بخير اذا انتي بخير بس دصير عندي تقلصات قويه هلايام الله يستر يارب تحملين هلشهر ونفرح بيج عيني علايه اريدج ويانه بليل ولو نص ساعه لان نشتاقلج عاااا
نيبو شلونج حبي ههههه ولج يا انفتح الحصار ميصير بشهر السابع وانتي عندج تقلصات يمعوده ستري علينه عود فتحوه بشهر التاسع ولج خوما فتحتو الحصار ديري بالج
لماوي حبيبتي تسلميلي يا احلى اخت عمري الله يحفظج ويرزقج بالولد الصالح وتفرحين بيه وتفرحينه يارب
سيلا وينج اشو ماكو اليوم تعالي اشتاقينالج
ياسه حياتو عيد زواج سعيد بس اريد نعرف ششتريتي هديه هههههه ياسه لزعلين مني بس اني احب انكت بس ما انكت مي عهعععع انكت نكات خخخخهخ
اضحكو حبايب محدش واخذ منها حاجه وخلوها على الله

لمى العراقية

10-30-2013, 10:38 PM

شلونكم بنات

حلمي بطفلي

10-30-2013, 10:44 PM

هلو حبيبتي لماوي شلونج انتي شخبار امورج طمنينا

لمى العراقية

10-30-2013, 11:15 PM

هلا حنونة اني الحمد لله كلش زينة وانتي شخبارج وشلون النونو خوما متعبج حبيب خالتو

حلمي بطفلي

10-30-2013, 11:41 PM

والله حياتي على الله الحمدلله بس دصير عندي تقلصات قويه كلش مداعرف سببها هل عادي هذا لو شي ثاني لا قدر الله
شكله رح يبدي وسواسي يضوجكم هههه

لمى العراقية

10-30-2013, 11:56 PM

عندج العافية حبي ولاتفكرين واني الي اعرفة هذا شي عادي يصير لكل حامل عوفي عنج الوسواس ههههههههههههه

حلمي بطفلي

10-31-2013, 12:14 AM

الله يسمع منج حبي ويارب يرزقج هلشهر بالطفل الصالح يارب وتفرحينا

لمى العراقية

10-31-2013, 12:36 AM

يارب حبيبتي حنونة عندج معلومات عن اطفال انابيب تعرفين اني سويتها مرة وظلينا بالسليمانية 15 يوم ثاني يوم ترجيع الاجنة رجعنة لحديثة والطريق خمس ساعات هل هذا الشي اثر على عدم نجاح العملية واتمنى اذا تعرفين شي من هذا الموضوع تكوليلي

حلمي بطفلي

10-31-2013, 02:30 AM

لماوي حبيبتي والله اني مادري بيها بس مره طلع طبيب مشهور بالتلفزيون ومال حتى لو بعد ساعه من ترجيع الاجنه كامت المريه واشتغلت ماعليها شي وعذا الاعتقاد مال وكعت خاطئ كلش لان ماتوكع عادي فد بعد ساعتين تكدر المراءة تطلع وعادي هاي هيج سمعته باذني واكو ببغداد مراكز مال اطفال انابيب اجنبيه اتصور بس بصراحه ماعندي علم بيها بس سامعه بالاردن اكو مستشفى متخصص بهيج شي وناجحه 100 بالميه

طوق الياسمينة

10-31-2013, 08:37 AM

هلو لماوي يارب تنجح العملية ويسهلج الامور كلها بصراحة اني مااعرف بس اكو بنية سمعت سوت ومن رجعت بالطيارة للعراق فقدت الجنين وهم دوري بالنت وسالي الطبيب والله كريم...اني مراح اراجع هذا الشهر انطي لنفسي راحة شوية لان حتى زوجي بدة يضوج...يارب يسهل الي والج ولعلاية ومهاوي احلى اطفال ويثبت حمل ويحفظ اطفال البنات الورودات

طوق الياسمينة

10-31-2013, 08:41 AM

ياسه صباح الانوار حبي والله برئيي احتفلي انتي وياه بس على شنو عيالج هاي شكد تحبيهم هههههه
حبي اطلعو تعشو برا وبليل من ترجعون سويلج حفله على الشموع بغرفتج وقدميله هديتج ويارب يصير حمل بهليله ههههه شكد عيب استحيت داشاقه
لزعلين ياسو
بس شنو شتريتيله هديه لان اني احب الهدايا هههه

هلو حبي اليوم سهرانة الحلوة...راح امشي على نصيحتكم...بس شنو الشموع الي تخليها من هاي الزجاجية لو شنو نوعها تكون حلوة؟؟؟
شكرا الله يسمع منج واصير حامل يارب...اشتريتلة مكينة مال حلاقة لان ضليت حايرة واغلب الهداية بدت تتكرر فاختاريت المكينة لان مجايبتلة قبل ...وهسة اشتريت ورق التغليف ووردة وكارت وبقة ورد مجفف داادور مداالكة

طوق الياسمينة

10-31-2013, 08:44 AM

طوق الياسمينة

10-31-2013, 08:49 AM

الف الف مبروووووووووووووووووووووووووووووووووك ياسوو
يا رب العمر كله حب وسعادة وفرح حياتي
برأيي سويها وحدكم والبسي براحتج وسوو الي يعجبكم

هلو نيبو...الله يبارك بيج تسلميلي ياوردة... طبعا ضحكتيني من شفت ردج على حنوشة والكتابة بالحمر...هههههههه
شلون صرتي وشلون النونو الحلو يارب تكونين بخير...

حلمي بطفلي

10-31-2013, 11:32 AM

ياسه هلو حبي شلونج يارب بخير حبيبتي اني كل يوم انام وجه الفجر اشو انكلبت نومتي النهار كله نايمه واليل كله سهرانه مداعرف ليش وصايره هوايه افز من نومتي اسم الله عليج
حبي الشموع بكيفج بس اكو محلات هوايه تبيع شموع بانواعها واكو معطره تصير بحافظه زجاج والشمع من تشعليه يطلع ريحه حطيه بغرفتكم ريحته كلش طيبه
والهديه مالتج كلس حلوه وغريبه فعلا احسن من التكرار لان هدايا الولد محدده وعاشت ايدج يارب زواج سعيد ومايكمل الشهر الا وانتي حامل يارب

طوق الياسمينة

10-31-2013, 06:00 PM

تسلمين حنوشة الوردة....هههههه اتعودي حتى من يجي النونو مو غريب عليج من يكلب ليلج نهار ونهارج ليل...الله يسعدج وية زوجج وتشوفين احلى نونو شوكت تسوين سونار ونعرف حنوشة لو حنوشي

المهندسة ام تيم

10-31-2013, 07:03 PM

مساء الفل بنات

المهندسة ام تيم

10-31-2013, 07:07 PM

الله يهنيكم ياسووو .. وحلوووووووة الهدية ..
اشو التوقيع يكتب صارلج تقريبا سنة وانتي تكولين العام احتفلتي بعيد زواجج ..!!!!!!!!
خخخخخخخ شكد صارلج متزوجة .. عبالي هذي اول سنة زواج ^_*

مي &

10-31-2013, 07:14 PM

شلوووووووووووووووونكم حبايب

مشتااقتلكم موت موت

مي &

10-31-2013, 07:17 PM

شلونكم حبايب

نيبوووو

ام همام

ياسمينه

علايه

منااوي

حنوووونه

سيلاااااااااااا

لماااوي

ضحى

ارووووو

رقااوي

وكل الحنيناااااااااااااااااااااااااااااااات
احبكم

المهندسة ام تيم

10-31-2013, 07:41 PM

هلا ميوشششششة شونج حبي .. ان شاءالله زينة
اسم الله عليج اني كلششششششششششش تعباااانة من التقلصاااات

مي &

10-31-2013, 07:49 PM

هله حبي نبروووسه حياتي اسملله عليج حبي
والله اني هم مثلج تقلصات موتتني مرات اني وامش فجاءه تتحجر بطني واتصير عبالك صخره اوكف راسا
رجلي يضحك عليه ايكلي ها ضربتي بررريك

الله ايعينه يارب وايمتتلنه ع خير

دكتورتي جانت ابمكه وذيج الجمعه جتي والبارحه يله داومت ويادوب حصلت حجز ع السبت يمهه

اروح السبت والله كريم ربج ايعين شوكت اطبين بالثامن

اني الشريط مالتي مستعجل امطببني بالثامن وهو اني باجر انشالله اطب بالثامن والله كريم

مي &

10-31-2013, 07:51 PM

اكلج عندي حرقه مو طبييييييييييييييييييييييعيه كلش دتاذيني انتي همين؟؟؟

Um Rosan

10-31-2013, 07:58 PM

مبروك على التجمع

مي &

10-31-2013, 07:59 PM

الله ايبارك بيج حبي
اهلا وسهلا

المهندسة ام تيم

10-31-2013, 08:07 PM

والله متعذذذذذذذذذذذذذذذذذذبة بالتقلصاااااااااااات حيل حييييييييييييل
اي عنديييييييييييييييي واخذ رينيه وارتاح

المهندسة ام تيم

10-31-2013, 08:07 PM

شكرااا حبيبتي منورة

المهندسة ام تيم

10-31-2013, 08:08 PM

هم تاخذين علاج للتقلصات ... شنو اسمه
اني وراج ب5 ايام ادخل بشهر 8

مي &

10-31-2013, 08:27 PM

لا والله مااخذ علاج للتلقصات كتلج السبت اروح للدكتوره واشوف شنو الموضوع ليش هيج ديصير

طوق الياسمينة

10-31-2013, 09:30 PM

هلو ميوش شلونج مشتاقين شلون ابرار والنونو شلونة...نبروسة عندج العافية انتي وميوش يارب تعدي الايام بسرعة ويجيكم احلى نونو

طوق الياسمينة

10-31-2013, 09:31 PM

دااسمع صوت ضرب هسة عرفتوا وين ؟؟؟ الله الحافظ

طوق الياسمينة

10-31-2013, 09:33 PM

هلو نيبو هاي اول سنة زواج بس احتفلنا بعيد الحب قصدي مو بعيد الزواج...ويهنيج يارب ويسعدج

حلمي بطفلي

10-31-2013, 09:45 PM

ياسه حبي بعد شهر يلا اسوي هيج كلتلي الدكتورة ودانتظر على نار هههه
والله بنات اني هسه كلش ضايجه ومتعصبه طبعا رجلي اليوم صار شاطر وملئ نفط وطبعا االبيت كله صار نفط وعلى الزوالي هم وكاعده اتنفس نفط ومداعرف هل هذا يؤثر علبيبي لو عادي والله داموت وكاعده ابجي وهو ولا مهتم شسوي هسه اني الله يخليكم كولولي

المهندسة ام تيم

10-31-2013, 10:29 PM

حياتي ياااااسوووو الله يسعد بختج ياااااااااااااااااااااارب بنونو ان شاءالله

&ام همام&

10-31-2013, 10:36 PM

هلو بنات شلونكم
اخباركم مشتاقتلكم كلكم
نبروسة شلونج بالي يمج دعيتلج كولليلي شنو وليدج

المهندسة ام تيم

10-31-2013, 10:38 PM

حنوووووووووووووووشة ماااااااااااااااكوو شي لتخاااااااااااااااااااافين

المهندسة ام تيم

10-31-2013, 10:39 PM

حياتي سراوي والله التقلصااااااااااات ذاااااااااااااااااااااابحتنييييي

&ام همام&

10-31-2013, 10:45 PM

ليش مارحتي للدكتورة زين شنو السبب
ولج عيني ابد لاتحركين نامي والله هانت ما ظل بس شهرين

حلمي بطفلي

10-31-2013, 11:03 PM

ينات اخر اخباري موزينه الم فضيع بظهري وبطني رح اموت

&ام همام&

11-01-2013, 10:04 AM

http://forum.hwaml.com/imgcache2/hwaml.com_1383289482_335.png (http://www.hwaml.com/up/)
جمعــــــــــــــــة مباركــــــــة

حلمي بطفلي

11-01-2013, 10:53 AM

جمعه مباركة بنات
اسم الله عليكم صارلي يومين الم كلش بطني وظهري ادعولي بنات الله يستر

المهندسة ام تيم

11-01-2013, 11:44 AM

جمعة مباركة..عليكم جميعا

لا تنسوا قراءة سورة الكهف

المهندسة ام تيم

11-01-2013, 11:45 AM

اسم الله عليج حنوشة .. خبري الطبيبة او روحي عليها ميصير تسكتيييييييييييييييييييييييين

لمى العراقية

11-01-2013, 02:47 PM

شلونكم بنات جمعة مباركة عليكم نيبو ,حنونة,سيلا,مي,ياسو,علاية,ام همام, وكل بنات التجمع ومشتاقتلكم هواية هواية
ويارب بجاه يوم الجمعة يثبت حمل نيبو وحنونة وسيلا ومي ويسهل ولادتهم ويولدو احلى اطفال بالدنيا ويرزقني ويرزق ياسو وعلاية بالذرية الصالحة عاجلا غير اجلا ياربي ياسميع الدعاء

لمى العراقية

11-01-2013, 05:36 PM

مساء الخير بنات وينكم اشو ماكو احد يارب تكونو بخير الكل بدون استثناء

المهندسة ام تيم

11-01-2013, 06:30 PM

حبيبي لماوي فدوة لقلبج شنو هالكلمات الحلوة
ربي يرزقج ميحرمج يا عمري عاجلا غير اجلا يارب وياسوو وعلاوي ومهاوي وكل منتظرة ياااااااارب
وربي يكفيني ويحمي حملي من شر الولادة المبكرة ياااااااااااااااااااارب امين وللبنات بالمثل

الله ليكسر قلب وحدة امين يا ربي ..الله يجبر بخاطرنا ويفرحنا بألي يريده خاطرنا ياااااااااااااااارب
ادعو اليوم مطر ويوم جمعة واخر جمعة بهاية السنة الهجرية وياااااااااااااااااارب الجاي احلى بأذن الله

لمى العراقية

11-01-2013, 09:33 PM

حبي نيبو عيونج الحلوة وشافت الكلمات حلوة وهذا اقل شي اقدمة للااحلى خوات الدعاء من قلب محب واني كلش احبكم وادعيلكم من كل قلبي وهذا واني ما شايفتكم بس احسكم قريبات مني

المهندسة ام تيم

11-01-2013, 09:38 PM

حياتي انتي الله يفرحج ياااااارب

لمى العراقية

11-01-2013, 09:48 PM

يارب الله يسمع منج قلبي زين شلون صحتج حبيبتي نيبو قلبي يمج

المهندسة ام تيم

11-01-2013, 10:58 PM

حياتي والله نايمة بالفراش بعدني عايشة بالهبطة
الله كريم الله ليفشلني ويخيب ضني

حلمي بطفلي

11-01-2013, 11:44 PM

نيبو شلونج حياتي شلون صرتي بالي يمج طمنيني عليج شسويتي والبيبي شلونه
لماوي حياتي تسلميلي علدعاء الحلو ويارب يرزقج بالولد الصالح ويﻻيح قلبج
اني اليوم صارلي يومين الم فظيع بظهري وبطني والدكتورة مالتي مسافره وكاعده وابجي ماعرف شسوي وشنو سبب هلشي ادعولي بنات والكم بالمثل يارب

طوق الياسمينة

11-02-2013, 01:01 PM

عنج العافية حنوشة وياربي ماكو شي...منو طبيبتج؟؟؟ لتبقين بالي
نيبو لماوي علاية سيلا ام همام ومي ومنوش وين الغيبة

المهندسة ام تيم

11-02-2013, 02:24 PM

سلامتج حنوشششششششششة طمنينا عنج
منورة يااااااااااااسوو حبي

حلمي بطفلي

11-02-2013, 04:21 PM

بنات شلونكم تسلميلي ياسه ونيبو الله يطمن بالكم ويريحكم والله كلش تعبانه ياسه زكيه حبي
تقلصات قويه والم بظهري ومداعرف هلشي عادي لو اكو شي
انتو شلونكم نيبو شلون صرتي عساج بخير
ياسه احتفلتي لو بعدج

لمى العراقية

11-02-2013, 04:45 PM

شلونكم بنات حنونة حياتي شلون صرتي طمنيني عليج نيبو حبي الله كريم وترى الحالة النفسية لها دور كبير بالعلاج وانتي شكد ماتكدرين حاولي تشغلي نفسج بشي والله لايضيعلج تعب ياسو شلونج مشتاقتلج هواية وان شاء الله تبشرينا وتفرحينا بخبر حملج هذا الشهر يارب سيلا علاية مي ام همام اشو ماكو وين الغيبة ياربي تكونون بخير

مي &

11-02-2013, 04:47 PM

شلةنكم حبايب وحده وحده مشتااقتلكم كووومه واحبكم

يارب ينطيكم وميخليكم ابد انشالله

بعد ساعه اروح للدكتوره ادعولي حبابات صصار هوايه ممراجعه
انشالله ماكو شي وانشالله التقلصات مماثره ع الطفل

احببببببببببببكمhwaml13

( ام يوسف )

11-02-2013, 04:49 PM

هلاو بنات شلونكم
لماووي حياتي تسلمين ع الدعاء وربي يرزقج انتي وكل المنتظرات الذريه الصالحه ياااارب امييييييين
حنوشه حبيبتي لتبقين هيج روح للدكتوره واذا دكتورتج مسافره روحي غيره ترا ميصير تسكتين
اذا تنامين ع ظهرج لتنامين لان سبب وجع الظهر يجي منها روحي وشوفي شنو القصه وياااارب ماكو شي
نيبو حياتي تسلميلي ع سوالج عليه بالموبايل ربي يطمنج ع جنينج واتجيبين احلى طفللللل امين
ياسه الهديه اتجنن ربي يخلليكم لبعض واتحملين هلشهر امييين
علايه حبي ان شاء الله حامل هلشهر
منوووشه ام حمودي مختفيه يارب ايكون المانع خيرررررر تعالي وطنينا عليج
ام همام ومي والباقيات يارب بخيررررر

( ام يوسف )

11-02-2013, 04:50 PM

ميييييوش يارب ماكو شي وتطمنين ع النونو

( ام يوسف )

11-02-2013, 04:52 PM

والله اني مدا ادخل لان ملتهيه تنظيف وتعزيل وكسل ونوم واسوي اكل واليوم يخلص
بس متابعتكم حبايبي

مي &

11-02-2013, 04:53 PM

هلؤؤؤؤؤؤؤؤؤؤؤؤؤ حبي شلونج مشتاااااااااااااقين

بشري شوكت موعد السونر مالتج

مي &

11-02-2013, 04:54 PM

الله ايسمج حبي

( ام يوسف )

11-02-2013, 04:56 PM

هلو حياتي يوم الاثنين موعدي ويه الطبيبه وبلكي تسمعني دكات الكلب والسونار ان شاء الله الاربعاء
يارب اطمئن ع الطفل دا تجين وساويس مو طبيعيه ربي يطمني ويطمنج وكل البنات
انتي شلوند واخبار بنوتج الحلوه ربي يخليها جهزتي لو بعدج ؟؟؟؟

مي &

11-02-2013, 05:10 PM

الله ايطمنج يارب بحق يوم الجمعه

والله اني يعني الحمدلله عكل حال
وبنتي يووومه من الوكاحه امكرعتني بسالحمدلله والشكر

وبالنسبه للجهاز والله ابصراحه طلعت غراض بنتي وشفت عندي كوووووووومه اشياء حتى اكو اشياء زايداه نصهن انطيتهن ونصهن رجعت ضمميتهن بس كلت
اطلع اشتري كم قطعه بجايم ع بالوزات بيت وكم اوفر

وانشالله بس اطمان ع النونو اليوم انشالله

كلت لماما اطلع نهايه هذا الاسبوع بلكي الله ايسلهل انشالله

( ام يوسف )

11-02-2013, 05:16 PM

حياتي ربي يخليها الج
ان شاء الله تتطمنين واتشوفين النونو ويكون مثل ما تتمنين
اني بنهايه السنه حروح لاهلي ان شاء الله ورح اجهز مناك
بس ربي يطمني ع الجنين ويطلع سالم ومعافي يارب واروح اجهز اله
انتي شوكت ادخلين التاسع ؟؟

&ام همام&

11-02-2013, 05:17 PM

مساؤؤؤؤؤؤؤؤؤؤؤؤؤ
شلونكم حبايب
نبروسة شلونج انشاالله تحسنتي
حنوش عادي لاتخافين وجع الظهر
سيلا شلونج شخبار النونو
ميوش الله وياج انشاالله تسمعين اخبار حلوة
علوش حبيبتي وينج اخ من الدوام ماخذج منة
منوش وينج انتي هم حمودي اخذج منه
ياسمين ولمى وعلوش الله يرزقكم بالذرية الصالحة عاجلا غير اجل وتفرحونة وياكم
انشاالله مانسيت وحدة

مي &

11-02-2013, 05:28 PM

الله ايسلمكم حبايب سيلا وام همام
سيلا حبي اني اول يوم بشهر 12 ادخل بشهر التاسع انشالله

حبايب اتخرص هميله اروح ابدل واتحضر

الله وياكم باااااااااااي

&ام همام&

11-02-2013, 05:56 PM

الله وياج ميوش
وين البقية وينكم
بس لا طالعين بهل البرد والمطر

طوق الياسمينة

11-02-2013, 06:25 PM

هلو ميوش و سيلا يارب تطمنكم الطبيبة واطمنوني يااااااااارب
حنوشة اخبارج رحتي لطبيبة لو لا
نبراس بالي يمج
حبيبتي علاية ماكو
تسلمون ام هماوم ولمى وباقي البنات على الدعوة الحلوة
شو اليوم النهار طووووووووووووويل

&ام همام&

11-02-2013, 06:30 PM

هلو ياسة شلونج؟؟؟؟؟

المهندسة ام تيم

11-02-2013, 07:32 PM

مساء الورد لأحلى اخوات
شكرااا الكم على سؤالكم عني حبايب

اني بالفراش وبعدها التقلصات تجي وتروح والله يستر ان شاءالله
وباجر اضرب ابرة الرئة ..
يااااااااااااااااااارب يتمملي بالصحة والسلامة وللبنات جميعا

والله يرزقكم يا منتظرات زياااااااااااااااااارب منتنظرون اكثر ان شاءالله

حلمي بطفلي

11-02-2013, 07:47 PM

لماوي حياتي تسلميلي يارب تحملين هلشهر بدون اي تدخلات شخبارج طمنيني شوكت رح تسوون حقن ؟؟
ياسه حياتي والله مارحت لان طبيبتي مسافره وماعرف احد او بالاحرى اخاف اروح وتالي يلعبون بيه لان مل وحده دكول شكل تعرفين
سيلا حياتي يارب تطمنين على جنينج ويطلع مشافى معافى بشريني ما طلعت بطنج بينت انتي حامل لو بعد ؟؟ وبيا شهر اجهزين حتى ابلش وياج ههههه لان نفش الشهر والاسبوع اني وياج
وصدك اني انام على ظهري وبس اتكلب الله يستر
نيبو حياتي ماعندج الا العافيه هانت مادام دخلتي بااثامن خلص هانت مابقه شي غمضي فتحي تخلص وابر الرئه عادي تره يطوها للكل خوفا من ولادات مبكرة بس انشاء الله تولدين بشهرج وطمنيني عليج
مياوي حبي بشري رحتي للدكتورة وشكلتلج يارب ماكو شي ولتخافين التقلصات ابد متاثر علطفل بس تاثر على الرحم مو اكثر
بنات دتلاحضوني اني اطمنكم واني عايشه برعب وهواس هههههه الله يهديني
ام همام شلونج حبي شنو اخر اخبارج البيتيه هههههه ابو الهمه شلونه

المهندسة ام تيم

11-02-2013, 08:26 PM

الله كريم حنوشي الله يسهل علينا ان شااااااءالله

المهندسة ام تيم

11-02-2013, 08:38 PM

"اللهم إني أستودعك جنيني الذي في رحمي، أنت الذي لا تضيع ودائعك يا الله"
"اللهم ارزقه جمال الخَلق والخُلق، وقوة الدين والبدن، وسعادة الدنيا والآخرة"

اللهم ياأرحم الراحمين , اللهم أكتب طفلي الذي في بطني من السعداء ..
اللهم اكتب له العمر الطويل بالعمل الصالح ...
اللهم اكتب له الرزق الواسع , اللهم واكتبه من الصالحين ...
اللهم اجعله من حفظة كتابك والعاملين به ...
اللهم اكتب له المعافاة في الدين والدنيا ...
اللهم اجعله بارا بوالديه , اللهم اجعله قرة عين لوالديه ...
اللهم اهديني واهدي أبيه بتربيته التربية الصالحة التي ترضى عنا بها ..
اللهـــــــــــــــــــــم امين للجميع

حلمي بطفلي

11-02-2013, 10:07 PM

امين نيبو حياتي

لمى العراقية

11-02-2013, 11:56 PM

مساء الخير شلونكم شخباركم طمنوني عليكم حنوشة والله ان شاء الله اخر هذا الشهر نروح لسليمانية والموعد عند الدكتورة ثاني يوم الدورة ومن اريد اسافر اخبركم باليوم واودعكم لان هناك مااكدر اتواصل وياكم

حلمي بطفلي

11-03-2013, 12:53 AM

لماوي يارب يا الهي تتوفقون ويارب ما ترجعون خائبين ويرزقكم بالاطفال مو بس طفل واحد ويارب ييسر امركم وشتتمنون تلكوه كدامكم بس حرامات مارح يكون عدكم نت
ياريت تشتركين بالاسيا او عراقنا بالنت اتصور اسيا اللشتراك بيه 12 الف بالشهر حتى تطمنينه عنج لان والله يظل بالي عليج واكيد البنات هم

المهندسة ام تيم

11-03-2013, 11:31 AM

امين حنوشي الله يسمع منج ويسهل امر لماوي ياااااااااااااااارب

& زهرة حياتي &

11-03-2013, 12:02 PM

هلوووووووو بنات شونكم مشتاقتلكم كلش كلش بس والله مداشوف دربي حبيبي حمودي مينام بليل ويضل يبجي من الغازات وبالنهار ينام خمس دقائق ويكعد وأني صار بيه ضغط من خشيت لتاسع وليهسه مجلب ويايه وجرحي التهب بس هسه أحسن الحمد الله بس ضغط متعبني والحمد الله على كل حال شونكم انتوووووو مشتاقتلكم مووووت

المهندسة ام تيم

11-03-2013, 12:30 PM

حبيبتي ارو الف الحمدالله ع سلامتج وسلامة حمودي
مشتاااااااااااااااااقين حبي
ولدتي طبيعي..؟

& زهرة حياتي &

11-03-2013, 12:39 PM

هلو ام تيمو شونج حبي يارب اتكونين بخير انتي والنونو اي الحمد الله طبيعي بس بطلك اصطناعي علمود الظغط أسبوعين بالتاسع وجيبوني خافوا على طفل من ضغط بس اتاذيت كلش منه من ٨ صبح لا ٨ بليل يله جبت والحمد الله اجه حمودي ربي يحفضليا يوم الا لكم بنات يارب

& زهرة حياتي &

11-03-2013, 12:42 PM

طبعا حطولي اربع مغذيات وبالخير كتلهم سولي عمليه ما اريد بعد فتحو بطني خلصوني والدكتوره متقبل أتكلي حرام عليه افتح بطنج

لمى العراقية

11-03-2013, 01:05 PM

حبي نيبو وحنوشة اني اشكركم هواية على دعواتكم الي ويارب يتمم ويثبت حملكم زهرة شلونج والحمدلله على سلامتج والف الف مبروك ويتربى بعزكم ويخلي الج وامانة بوسيلي النونو ,,ياسو سيلا مي ام همام شلونكم وشخباركم مشتاقتلكم