الغاليات بنات فلسطين اتفضلو هون.....

[دموع الليل]

السلام عليكم

الحمدلله

ولدت يوم 20_8 وشرف احلى عبود فى الدنيا

عبد الرحمن الله يحفظه من كل شر

[ام عبدالله لولو]

مساء الخير يا صبايا
الف مبروك دموع ان شاء الله يتربى بعزكم ان شاء الله كانت ولادتك سهلة بنتسنى اكشن ولادتك
حواء صحة وهنا ههههه هاد انتي زي كنت اجوع ههههه اكسل اقوم اعمل اكل كنت اتصل ع زوجي يجبلي جاهز بس تعرفي ما في بعد الشوربات
دودو الله يطمنك عليه يارب بما انو صحتو كويسة الوزن بزيد ان شاء الله في اطفال هيك طبيعة اجسامهم كم وزنو اما ولد نولي صورة الو
لولو الله يخليلك اياه وين صورتها ولا خايفة لحسدها هههه اله يخليك اياه
ام مرون شو اخبارك واخبار الحلوة ان شاء الله ما بتغلبك وين صورتها
باقي الصبايا يسعد مساكم يار ب

[~{{ DoDo }}~]

دموع الليل
حمدلله على سلامتك يارب
يتربى بعزكم ودلالكم عبود وتشوفوه عريس

ام عبدالله
قصدي ام اسيد القمر
الحمدلله انا مطمنة انخ صحته منيحة
وياستي ايمانب بربنا قوي ان شاء الله ما بضره وات بضرني
بالنسبة لوزنه كان لما انولد 3 و600
وهلا 4 و 800 وطبق شهرين من يومين المفروض وزنه كانى5 وشوي
بس الحمدلله عادي بيكبر

[غصن ألبان]

http://forum.hwaml.com/t268389.html

[كبريآء أنثى ـآ]

مساء الخير
هلا حبيباتي
أنا منيحة وكمان منوشة تمام الحمد لله بتسلم عليكن
بتصدقوا يا صبايا إنه بنتي بتناغي ما شاء الله عليها هههه
كتييير بنبسط عليها لما تصير تناغي وتضحك مع إنه اللي بعمرها لسا بدري عليهم المناغاة بس الحمد لله
وما شاء الله عليها الله يخليلي اياها
هية أول حفيدة لدار حماي وسلافي شباب بس أنا أول كنة وطول نهارهم يلاعبو فيها غصب عنها بدها تناغي هع هع
والله بدي أنزل صورتها بس مابفضى أنزل صورتها من الجوال يعني يادوب بفوت أطمنكم وبقوم على طول
بس إن شاء الله بالقريب العاجل راح أنزلها ولا يهمكم
طمنوني عنكم يا صبايا كلكم (( بدون ذكر أسماء )) عشان ما أنسى حدا

[ام عبدالله لولو]

هلا دودو وام مروان منورات يا حلوات
دودو الله يحماه ويخليلك اياه ممتاز وزنو بعد الولدة انا ابني ولدتو 3 كيلو و100 وما اخدت من شهري غير 14 يوم بس الحمد لله زاد يوم السبت الو مراجعة بخبركم ان شاء الله
ام مروان الله يخليك اياه يارب هاي مدللة منى هههه اكيد لانها ع اسم امهم كمان حصتها كبيرة

[حواء مثالية]

السلام عليكم

صباحكم فل

مااااااااااالكم بتجو مره وحده وبتختفو مره وحده

يارب نرجع زي اول والله اشتقتلكم

[كبريآء أنثى ـآ]

صباحك ورد حواء
هلا حبيبتي
طمنيني عنك شو أخبارك ؟
وكيف برلنت وعزوز ؟؟ مغلبينك ؟؟
ممم بصراحة الدردشة فيها شوية ملل صار صح ؟؟

[كبريآء أنثى ـآ]

بدي أكمل شغل البيت وبآجي أقعد عشان أنزل صورة منوشة

[ام عبدالله لولو]

صباح الخير يا صبايا
جواء وام مروان يسعد صباحكم شو اخباركم وكيف بيباينكم ان شاء الله بخير
صبااايا شو بدكم تتبطبخو هههههههه رجعنا كالمعتاد محتارة

[كبريآء أنثى ـآ]

هلا أم أسيـد
ممم بصراحة حماتي نايمة عند أهلها من امبارح وانا راح أطبخ لوبيا وأعمل جنبها رز

[كبريآء أنثى ـآ]

وين غطستي يا حواء ..
انا نسيت أحكيلك هالشغلة
إنتي شو قصدك بأيام ولادتك لبنتك وولادتك لابنك اه ؟؟؟
بنتك يوم زواجنا كان 10/7/2012
وابنك يوم عيد ميلاد زوجي
هع هع
شو بدك من الآخر يا حلوة ؟؟ ههههههه

[كبريآء أنثى ـآ]

وييييين غطستوا يا صبايا ؟؟؟؟

[رسيل خالد]

مسا الخيير صبايا

[حواء مثالية]

هههههههههههه ام مروان ضحكتيني من قلبي ان شاء الله بتكون كل تواريخ السنة حلوه علينا وعليكي

[ام عبدالله لولو]

مساء الخير ياصبايا
تم مروان يلا يعطيك العافية وصحة وهنا ع الوبيا شو اخبار الصغيرة وكيف نومها .. شو بتاخد مانع حمل
حواء كيفك وكيف الصغار ان شاء مو مغلبينك كيف نوم عزو باليل وبالنهار
سيل منورة يا عسل

[حواء مثالية]

مساكم فل جميعااااااااااااا

ام اسيد ياقلبي الحمدلله ماشي حالي مدبرة راسي معهم بس برلنت مجننيتني ماشاء الله عليها مابتهدى بتضل تنبش بالبيبت عزوز الحمدلله بسلم عليكي يوم هيك ويوم هيك

[فوفو89]

صباحوووووو صبايا
كيفكم وشو اخباركم
وكيف اطفالكم لانه اغلبكم والدين جديد

اتا بعدني صامدة ،، اخر موع 28-9 لسه مطووووووووله شكلي

شكلها ام جودي ولدت ،،ما في اخبار عنها

[حواء مثالية]

صباحكم فل كيفكم

منورة فوفو الله يقيمك بالسلامة يارب

الايام بتعدي بسرعة انا كل فكري اليوم الثلاث طلع اليوم الخميس ما بحس بالوقت صايرة

مبارح خواتي اجن عندي يالله شو انبسطت فيهن

بابا عمل عملية والحمدلله هلا هو كويس بس بالي مشغول غلي لاني ما شفته

قاعد بمسح بغبرة حد يجي يساعدني

[كبريآء أنثى ـآ]

أم اسيد
هلا حبيبتي .. الحمد لله بنتي منيحة ونومها كمان منيح الحمد لله بتنام كتير
النوم عافية للصغار وهو اللي بنصحهم كمان
ممم أخدت حبوب منع حمل 4 أيام وبطلت آخدهم هلأ عاملة منع طبيعي
ما بدي أحمل لأنه وضعي ما بسمح إني أحمل .. ولله الحمد

[كبريآء أنثى ـآ]

http://forum.hwaml.com/imgcache2/hwaml.com_1378389101_319.jpg (http://arabsh.com)


http://forum.hwaml.com/imgcache2/hwaml.com_1378389100_920.jpg (http://arabsh.com)


هي صورة منووووش حبيبة قلبي

[حواء مثالية]

مساكم فل


اللهم صلي على النبي تبارك الرحمن الله يحميها بنتك زي القمرر ماشاء الله

[كبريآء أنثى ـآ]

ولا تخيبي حبيبتي ..
الصورة الأولى مش واضحة مابعرف ليش ؟؟
بس إن شاء الله راح أصورها صور جديدة وأنزلها تشوفوهم

[كبريآء أنثى ـآ]

حواء بدي أسألك ؟؟
مفكرة تاخدي مانع ؟؟ وشو هو ؟؟

[ام عبدالله لولو]

مساء الخير يا صباي
منورات حواء وام مروان ماشاء الله عنها زي القمر الله يحفضه ويخليلك اياه
ليه ما بدك تحملي ام نروان .. وليه تركت الحبوب في اله مضار يعني
حواء بدي اسالك بما انك ولدتي قيصري اول مرة هلا انا اول يوميم نزل دم وخفيف يعني وصار ينزل اصفر لحد اليوم 25 وخفيف جدا هلا باليوم 29 والي هو امبارح نزل دم زمستمر لليوم الو يومين بالك بكون دورة ولا نفاس والله مو عارفة

[كبريآء أنثى ـآ]

لما أخدتهم تعبت كتيييير منهم كنت أعاني من دوخة مستمرة ونفسي تلعي وصداع فظييع
ومش قادرة أقف على رجلية يعني كنت كسولة جدا جدا فوق ماتتصوري
يعني تعبت ع الآخر ووقفتهم
ممم أنا عايشة بالعيلة والبيت مو واسع يعني دووبه مكفي اللي فيه ومسؤولية بيت العيلة
وحملي هاد كان زوجي معارض بس انا اصريت عشان نشوف حالنا ع القليلة أول بطن وبس
وإن شاء الله لما أسكن لحالي بفكر إني أحمل مرة تانية عرفتي ليش

[كبريآء أنثى ـآ]

شووووو وين غطستوا يا صبايا ؟؟

[ام عبدالله لولو]

هههههههه ضحكتنيني يا ام مروان ع اعرفتي ليش هههههه الله يسعدك يارب وبتسكني لحالك ويخليلك هبوشة يارب عندك بيبت حماك بنات حما ولا كيف هاتي خرفيني زهقانة حالي بخرف بحالي

[لولو الفلسطينية]

مسا الخير
مين هون ؟؟ و الا كلو ملتهي هههه
اول شي
دموع
الحمد لله على سلامتك ... الله يخيلك عبودة و يكون ذرية صالحة
ام مروان
مين مروان ؟؟ هههه
ما شاء الله عليها منوشة قمرر الله يحميها و يخليلك ياها يااا رب
بخصوص المانع ... انا ما بدي احمل على طول بدي استنى سنتين زمن عشان ارتاح و عشان باخد ابر اما احمل و مش لازم اخدهم لفترات طويلة و متواصله
طبعا كلو بارادة الله
بس انا خايغة استخدم الحبوب و خايفة من اللولب هههه .... و هينا ماشيين عالطبيعي ... زينا زيكو هههه
صحيح بنوتي كمان بتناغي من اسبوعين تقريبا ههههه ... مشاغبات شكلهم التنتين
ام عبد الله
يا عثل انتي ههههه بالنسبة لصورة سوسو بدي انزلها بس المشكله اني بدخل من الموبايل و بتغلب انزل منه صور .... بتضدقي و الله من يوم ولدت لليوم ولا مرة فتحت اللابتوب ... عشان هيك بنزلها بس اشبك من اللابتوب ... ولا يهمك ام اسيد ... حبيبتي انتي
فوفو
قرببببتي الله يهونها عليكي
ام جودي
شو صار معك .. وين وصلتي ؟؟ هههه الله يعينك و يهونها عليكي
ييهد مساكم جميعا
اشتقتلكم

[حواء مثالية]

يسعد مساكم يا حلوات

ام مروان انا راح استعمل الكوندوم انا خايفه من اللولب لانه الاغلب ما بناسب وبعمل مشاكل

ام عبدالله انا الدورة اجتني اخر يوم بالاربعين وضلت خمس ايام هلا قبلها نزل علي افرازات بيضة لزجة واذا شفتي هالافرازات بتكوني اطهرتي صار معك هيك شي

انا مثلك الدم كان ينزل خفيف وافرازات وقت اعملت العملية

[حواء مثالية]

اهلا لولو منورة وشك ولا وش القمر

[ام عبدالله لولو]

اهلا لولو الله يسعدك يارب ويخلياك صابرينا نعالي تا نتسلى ولا بطلو وبتروحو
حواء الله يخليكي والله مو عارفة هاي شو دورة ولا ايش مش عارفة مع العلم انو انا ما شفت دم من يوم ما اولدت كلو اصفر الله يكرمكم بكرة بصرلي شهر والدة وهياله يومين

[حواء مثالية]

يبقى لسه نفاس هاد انتي نزل عليكي افرازات بيضة قبل هاد الدم

[ام عبدالله لولو]

بس يومين ابيض بدي اسالك انت صار معك هيك ولا كيف
بتعطي عزو حليب ولا بس من صدرك

[حواء مثالية]

انا على الاربعين قبل اخلص الاربعين بيوم نزل افرازات بيضة وتاني يوم اجتني الدورة انتي اصبر كم يوم وشوفي شو بصير معك اذا خلصتي الاربعين ونزل عليكي دم بتكون هاي دورة والي عليكي هلا بكون نفاس


انا الحمدلله برضع طبيعي

[ام عبدالله لولو]

وانا الحمد لله برضع طبيعي هههههه بس باليل بجنني بدو يضل يرضع لهيك بعطيه وجبة باليل وكمان اما اطلع بعطيه منها .. شو عم تعملي هههه والله الدردشة صاير ما فيه غير انا وياكي وام مروان وحلا ولولو ودودو كل وين وين نا يطلو

[ammona]

مسا الخير صبايا
كيفكم ان شاء الله بخير
حبيت امسي عليكم واطمن عنكم

[ام عبدالله لولو]

هلا امونة منورة انتي جديدة هون من وين انتي عرفينا على حالك
حواء وتم مرون وين اختفيتو

[ام عبدالله لولو]

هلا امونة منورة يا عسل من وين انتي
حواء وام مروان وين اختفيتو

[حواء مثالية]

ام عبدالله حبيبتي مبارح اجاني ضيوف عشان هيك اختفيت

جمعتكم مباركة ونهاركم قشطة

صلوا على الرسوووووووول عليه افضل صلاة وسلام

[ammona]

جمعة مباركة صبايا
انا من فلسطين غزة
كيفكم انتم وعرفوني ع نفسكم

[حواء مثالية]

اهلا وسهلا اموونه انا من بيت لحم ادي معك اولاد من متى متزوجه شو دارسة

احكيلنا عنك شوي

[~{{ DoDo }}~]

مسا الخير صبايا
كيفكم وشو اخباركم
وكيف اطفالكم الحلوين
مشتقالكم وحدة وحدة

لولو
رفيقة الدرب كيف صابرينا
وشو اخبارك انتي شو عاملة
راحت الالتهابات والوجع ولا بعدو؟
وكيف صابرينا ونومها ورضاعتها
صارت تناغي ولا لسا؟
لانه عمورة ماشاء الله بيناغي وبيضحك بصوت عالي صار
وبتزكر سالتيني عن التسريب مرة
من زمان بطل يسرب لانه جبنله المقاس الصح تبع البامبرز
كان قبل كبير عليه شوي ولما زبط المقاس انحلت المشكلة
صحيح مغلبتي الافندي بمص الايدين
كتيرزبيمص ايديه حتى لما يكون راضع وشبعان
عشان هيك مرات بضطر اعطيه اللهاية
منه ببطل مص ومنه بينام عليها جنني بالمص

ام عبد الله
انا متلك بعطي صناعي بالليل ولما اطلع
وبيني وبينك بنريح حالنا شوي
وعشان ياخد صحة شوي الافندي
طمنيني على اسيد

حواء
منوووورة ام عزوو طمنينا عليه اسم الله الله يحميه عسل
وكيف برلنت طعمتيها ولا لسا
واديه طلعلها اسنان؟

اموونة
اهلا وسهلا فيكي
عرفينا عن حالك اكتر
انا من غزة وعايشة بالامارات
وعمري 27 ومتزوجة من سنتين ونص وعندي بيبي عمرو شهرين وشوي ؛)

باقي الصبايا جمعتكم مباركة
والصبايا الغايبين اشتقنالكم تعوا طمنونا عنكم خصوصا ام جودي وفوفو واحساس وجارة وعيون المها وحيفا وغموض وانبثاقة والكل

[حواء مثالية]

هلا وغلا دودو منورة الله يحمي عموره ويخليلك اياه يارب

برلنت طعمتها يوم الاربعاء الماضي هلا ما شاء الله عنها بلشت تطلع بالطواحين من تحت بس والله مجننيتني ما بتهدى بتضل تتنطط وتلعب وما بتخلي شي

[لولو الفلسطينية]

مسا الخير
جمعه مباركة
منورين الصبايا
رسيل و امونة اهلا فيكم نورررتو
انا لولو عمري 20 و عندي بنوتة عمرها اكتر من شهرين و نص بشوية ههههه
دودو
هلا و الله
ههههه ... و انا بنوتي بتكاغي زمااان .. من اكتر من اسبوعين ... هههه ما شاء الله شكلهم كلهم مشاغبين و سابقين سنهم .. الله يخليهم
حتى بحس لو اتركها براحتها بتزحف ههههه بتثدي من و عمرها اقل من شهر كانت لما احطها عبطنها ترفع رقبتها و رجليها و ترتكز على ايديها و تطول ههههه كتيرة حركة الزعرة
بالنسبة للالتهابات الحمد لله راحت و كلو تمام التمام
باقي الصبايا يسعد اوقاتكم
بابا الو كم يوم بتركيا و عاملين اليوم لمانا و اخواتي غدا
تفضلو :p
سلام

[لولو الفلسطينية]

دودو
هههه بالنسبة لمص الايدين زينا زيكو هههه .. حتى بعد الرضاعه مباشرة بتصير تمص بايدها ز المشكلة مش بتمص اصبع واحد زي باقي الزغار ههه لازم ابدها كللها ... حتى لما تكون بترضع و يفلت صدري منها بتصير زي الي بماجعة بدها تدخل ايدها و تمصها ههه عادي
بس بتعرفي مص الايدين بأثر هلى الاسنان لقدام
و اللهايه مش راضية تقبلها ابدا .. مجرد ما بحطها بتمها بتدفعها بلسانها لبرة هههه معها حق الطبيعي بضل غييير

[حواء مثالية]

دودو ولولو ضحكتوني الله يخليلكم اولادكم ويضلو مغلبينكم هههههه

[فوفو89]

مرحبا يا صبايا

كيفكم ووشو اخباركم

انا بعدني صامدة ،،خلصت اول اسبوع من التاسع وباقي 3 اسابيع

انا بعد الجماع بصير معي وجع بالرجلين كثير قوي وما بقدر اوقف ع رجلي ،، ومرات الوجع بالحوض
مين عندها خبرة ليش؟


دودو ،، لولو ، ام اسيد ،، حواء ،،
الله يخليلكم اطفالكم وتنبسطو عليهم اكثر واكثر
ابعتولنا صورهم خلينا نشوفهم

[حلا الماس]

سلام عليكم ... جمعتكم مباركة

كيفكم صبايا ؟؟؟ والله مشتاقتلكم كتييييير بس مشاغلي ما بتسمحلي ادخل كل يوم

مع انو رفيقات الدرب ما في غنى عنكم حبيباتي :)

دودو .. لولو .. حواء .. ام أسيد .. فوفو .. إحساس .. حيفا .. انبثاقة .. جارة ... ام جودي .. نور العمر .. والكل أتمنى تكونوا بخير جميعا

دموع
حمد لله على سلامتك حبيبتي والله يخليلك عبد الرحمن .. يتربى بعزكم ودلالكم

[إنبثاقة أمل]

حبيباتي

اشتقتلكم جدا جدا جدا

شو أخباركم

الامهات الجديدات ربي يخليلكم احبابكم ويجعلهم قرة عين الكم

فوفو ربي يهون عليك وتقومي بالسلامه ياااارب


حواء الف الحمدلله ع سلامتك

ربي يجعلة قرة عين الكم ويجعله من الصالحين

ويخليلك الاميره المشاغبه هههههه


دودو ولولو

كتير بنبسط وانا اقرأ مغامراتكم وحكاويكم مع اطفالكم

ربي يخليهم ويحميهم ويبعد عنهم اي شر


حلول

الله يعينك ياقلبي ع مسؤولياتك

ويخليلك احبابك ويجعلهم قرة عين الك


ام اسيد

شو أخبارك واسيد البطل



دموع

الحمدلله ع سلامتك ربي يجعله من الصالحين وقرة عين الك


عيون المها

نورتي من جديد

واكيد مافي احلى من القدس واهل القدس


حيفاا

شو أخبارك اشتقتلك جدا

الله يبشرك بالحمل القريب ويفرح قلبك


جاره

شو أخبارك ياقمر طمنيني عنك وكيف اولادك



احساس

شو أخيارك وكيف البيبيه وزيزو المشاكس


ومين كمان اكيد فقدت الذاكره هههههههه

وكل الحبيبات الغايبات والضيوف الجداد



اما انا اخباري

الحمد لله متل ما انا .. ايام النفسيه حلوه وايام سيئه جدا

عملت قبل فتره تلقيح ومانجح

الحمدلله ع كل حال

هالفتره بعيش شهر عسل مع زوجي ماخد اجازه ومدلعه حالي ع الاخر


اهلي نزلو ع الضفه هالايام

وشافو عروس لاخوي والاسبوع الجاي بده ينزل يشوفها

احتمال كبير انزل معه ازا صار نصيب ع شان احضر الخطبه

[حلا الماس]

صباحوووووووو

يسعد صباحكم ... وينكم ؟؟

انبثاقة
منورة يا عسل .. تسلمي يا قلبي ويخليلك حبايبك يا رب

ربي يرزقك بالحمل عن قريب



مين من الصبايا هون ونشيطة متلي ؟؟

[حواء مثالية]

يسعد صباحكم

كيفكم شو اخباركم ياحلوات

حلا منورة انا ما نمت كويس برلنت سخنانة راسي مش معي مصدعة وميكلة هوى


انبثاقة نورتي ياعسل

الله يرزقك الحمل القريب انتي وحييفا

عيون المها وينك لا حس ولا خبر

جارة كمان شبه مختفيه

[لولو حمادة]

صباح الخير

[فوفو89]

انبثاقة
تسلمي حبيبتي
عقبالك يارب بالقريب العاجل
ومبرووك لأخوكي سلفا ،، والله يتمم ع خير ان شاء الله


حلا
هلا فيكي
والله يعينك المسؤولية كبرت عليكي
كيفو البيبي الصغير الله يخليلك اياه يارب


باقي الصبايا
يسعد صباحك
شوو اخباركم


شكلها ام جودي ولدت وتركتني لحالي :)

[حواء مثالية]

هلالالالا لولو يسعد اوقاتك

[حواء مثالية]

فوفو الله يهونها عليكي يارب قربت ما تم شي غمضي عين وفتحي عين بتلاقي الوقت مر بسرعة والبوبو بين ايديكي

[فوفو89]

حواء
تسلميلي يا حواء
امبارح كنت بحكي مع امي وبتحكيلي ان شاء الله بتوصلي نص التاسع وبتولدي وبترتاحي ،، وانا بحكيلها لا مش مستعجلة خليها البنوتة ع راحتها متى ما بها تشرف بتشرف ،، امي بتحكيلي شكلك خايفة من الولادة مش قصة مش مستعجلة ههههههههههه

عنجد كتير خايفة من الولادة بس بعدين بحكي انا مش اول وحدة ولا اخر وحدة
وخايفة لاني حضرت فيديو ولادة طبيعية ع اليوتيوب وبضل اتذكر فيه ،، الله يقطع الفضول ويومه هههه

[حواء مثالية]

بالسلامه يا قلبي بتجي على اهون سبب

[كبريآء أنثى ـآ]

مساء الخير يا صبايا
كيف الجميع ؟؟
معلش غبت عنكم والله كنت مشغولة كتيييير عشان هيك ما بينت هههه
مممم لولو وانا بنتي كتير بتمص بإيدها وبتحط الإيدين التنتين بتمها هههه مش الأصابع
بتجنني كتيييير بالشغلة هاد فكرت ع بنتي لحالي هههه طلع ع الكل
الله يخليلنا أطفالنا ياااارب ويرزق كل مشتهي
طمنوني عنكم ؟؟؟

[كبريآء أنثى ـآ]

وين الصبايا مختفيات ؟؟

[حواء مثالية]

هلا ام مرووووووان نورتي كيفك اليوم

[كبريآء أنثى ـآ]

أنا منيحة حبيبتي
طمنيني عنك ؟؟ كيف ابنك عزوز وبرلنت ؟؟
يسعد مساكي يا عسسل

[حواء مثالية]

الحمدلله كلنا بخير الله يسعدك يا رب

[حلا الماس]

مسا الخير صبايا

قبل شوي رجعت من بيت أهلي :)

فوفو
الله يهونها عليكي وتقومي بالسلامة يا رب

ام مروان وحواء
منورات يسعد مساكم

باقي الصبايا وييييييييييييينكم ؟؟؟ بشو مشغولين

بكرة بيصيرلي ٤٠ يوم والدة الحمد لله ... ورح روح عالدكتورة اركب لولب لمنع الحمل

وانتوا شو وسيلتكم لمنع الحمل ؟؟

[كبريآء أنثى ـآ]

هههههه أنا وسيلتي طبيعي هههههه

[حلا الماس]

هلا ام مروان يسعد مساكي

هو الطبيعي منيح بس أزا بتلتزمي ههههه .. أصلا اللولب ما بينصحوا فيه الا بعد الولادة التانية وفي دكاترة بيقول وا بعد الولادة التالتة

كيف منوشة الصغيرة ؟؟؟ غلباوية ولا هادية

[حواء مثالية]

هلا صبايا منورات حلا كيفك يا عسل

انا كمان ما رح حط لولب راح تكون وسيلتي طبيعي وزوجي بدو هيك كمان لانه كل وسيلة الها متاعبها وهاي اسلم شي

[كبريآء أنثى ـآ]

يسعد مساكن
منوشة والله عسل مافي منها
الحمد لله هادية بس إلا وما تجيكي ساعة نحاسة باليوم هع هع
مممم
حواء مش قلتي بدك تستخدمي الكوندوم ؟؟ ولا زوجك ما رضي
هههه انا زوجي مارضي بس هلأ مانع طبيعي عاملين
وربنا يسهل

[حواء مثالية]

ما قبل يختي وحكالي خليها لحالات الطواريء هههههههه

[حواء مثالية]

صباااااااااااااااااااااااحا لخير

[فوفو89]

صباااااااااحكم فل

كيفكم

بتحكو بموضوع بيهمني كتير
انا بعرف بعض الطرق لمنع الحمل مثل اللولب والحبوب والعازل الذكري
ومش حابة بعد ما اولد استخدم اللولب والحبوب لانهم بيحكو مش منيح
شو الطرق الي بتستخدموها ؟

[حواء مثالية]

هلا فوفو منورة يا قمر

في العازل الذكري والمانع الطبيعي افضل طريقتين

[نور العمر]

صباح الخيرر ... كيفكم وشو اخباركم ...؟؟

[فوفو89]

كيف مانع طبيعي ؟


العازل الذكري مرة حكيت ل جوزي عنه بيحكيلي في احلامك نستخدمه ههههه
شكلهم الرجال ما بيحبوه

[كبريآء أنثى ـآ]

ههههههه
إي الرجال ما بحبو العازل

[دموع الليل]

يسعد مساكم

منورين

كيفكم وكيف اولادكم؟؟

[حلا الماس]

مسا الخير يا حلوات

لسه عم تحكوا عن نفس الموضوع ...
انا اليوم ركبت اللولب وان شاء الله برتاح عليه مع انو هاي مش اول مرة بستعمل اللولب

ام مروان
هههههههههه انا جوزي ما بيحب ولا أي نوع لا العازل ولا المانع الطبيعي كمان
وحبوب الحمل بيقلي ما تفكري فيها نهائي لهيك ما الي الا اللولب الحل والوحيد ...

فوفو وحواء
منورات يسعد ربي هالمسا
شو أخباركم ؟؟ شو عملتوا غدا ولا بعدكم

انا عملت اليوم مفركة بطاطا ( بيض مع بطاطا ) لأنو رجعت من عند الدكتورة موعد الغدا والمفركة سريعة وسهلة ههههه ما لحقت اطبخ شي

[حلا الماس]

نور العمر
هلا يا حلوة كيفك ؟؟ طمنيني عنك

وكيف زغارك ؟؟

دموع الليل
مسا الورد حبيبتي .. طمنينا عنك بعد الولادة كم صرلك والدة وكيف البيبي ؟؟؟

احكيلنا قصة ولادتك ...

[دموع الليل]

اهلا حلا منوره

انا الحمدلله بخير صار الى 20 يوم والده والبيبى كويس الحمدلله

بيس مابينام بالليل

وابنى الكبير مجننى بيغار كتير من اخوه

مش عارفه شو اعمل معه

ـــــــــــــــــ

انتى كيفك حلا وكيف اولادك ؟ وكيف المدرسه معهم؟

بوساتى الهم

[حلا الماس]

الله يخليلك إياهم يا رب

قصة النوم ما تسألي عنها كتير عانيت لحد ما انتظم نوم ابني
أما الغيرة حاولي انك ما تعطي اهتمام للصغير قدام الكبير وضلي امدحي بابنك الكبير انو شطور وخليه يساعدك بحمام البيبي مثلا يجيب الشامبو أو الحفوضة أو الاواعي وانتي جيبي لعبة أعطيها الو وقوليلو هاي من أخوك لأنو بيحبك وشوي شوي رح يتعود على وجود اخوه ورح تخف غيرتو


انا ولادي بخير الحمد لله ... برتاح من مشاغبتهم لما يكونوا بالمدرسة

[ام عبدالله لولو]

مساء الخير يا صبايا
حلا ودودو ولولو وفوفو وانبصاقة وحواء وام مروان مروان ممنورات حبيباتي
امبارح كان تطعيم أسيد الشهر زالحمد لله اخدو وما غلبني طولو كان 57 وزتو 5 كيلو كثير كويس ع اشهر
شو اخباركم يا صبايا وشو قصنكم والمانع ههههه
يسعد مساكم جميعا

[دموع الليل]

هلا ام عبدالله منوره

كيف اسيد ؟؟ان شاءالله ما بيغلبك

كم كان وزنه لما ولدتيه؟

[حواء مثالية]

يسعد مساكم جميعاااااااااااااااااااااااااااااااا


كيف الحااااال

منورات صباياااا

انا اليوم عامله مسحب

[جارة القمر]

يسعد مسااااااااااااكم

لولو حمادة:

كيفك اشتئت لاخبارك ...........


بتحكوووو عن المانع هههههههه انا بــ6 سنين زووواج استخدمت كل موانع الحمل هلا على اللولب بس نوع موناليزاا

انعم نوع الحمد لله ناسبني ...........

[فوفو89]

يسعد مساكم يا حلوين
كيفكم وشو اخباركم

ام اسيد
ماشاء الله عنه ابنك امووووور الله يخليلك اياه يارب

[كبريآء أنثى ـآ]

مساء الخير
مين من الصبايا موجودة ؟؟؟؟؟

[كبريآء أنثى ـآ]

حواء وينك ؟؟؟؟

[كبريآء أنثى ـآ]

والله محتاجتكم كتييير ليش مافي حدا برد ؟؟؟

[كبريآء أنثى ـآ]

بدي احكيلكم شو صاير معي وبدي تفيدوني لأني متوترة ونفسيتي كتييير تعبانة لدرجة كنت بعيط
اليوم أجت علينا مرة عمه لزوجي وإحنا قاعدين نطت بتقلي شكله دمك ضعيف بقلها ليش ؟
بتقلي وجهك أصفر وعيونك ذبلانين كتير .. بقلها يمكن دمي ضعيف وسكتت
بعد بشوي بتقلي بتاخدي مانع حمل قلتلها لأ ما بآخد إلا هي بتقلي والله شكلك حامل ما دام مابتاخدي مانع
وبصراحة أنا زعلت كتير واتنكدت من هالموضوع مش لأني كرهانة أحمل بس لأنه وضعي مابسمح إني أحمل
المهم حماتي بتقلي أجتك الدورة ؟؟ قلتلها أجتني يوم الأربعين وقعدت علية 5 أيام
وفي 20/8 نزل علية شحطة دم بس كنت يوم 20/8 المغرب صار معي احتقان باللوزتين وسخنت
إمي حكتلي يمكن مع السخونة نزلت شحطة الدم ولما حكيت هاد الكلام لعمتي اليوم بتقلي هاد يمكن علامة حمل
وبصراحة أنا توترت كتيييير وما تحملت صرت أعيط لأنه انا وزوجي اتفقنا إنه بس تكبر بنوتتنا ونستقر لحالنا بنجيب بيبي تاني
وبعدين بنتي لساتها صغيرة كمان أسبوع بتصير 3 شهور وبترضع من صدري فقط
المهم رحت بعتت اشتريت كاشف حمل بنفس اللحظة ورحت حللت طلع إلي الخط الغامق وبعد 5 دقايق بين خط تاني خفيف جدا جدا
مع إنه أنا وزوجي ماخدين احتياطاتنا بس مابعرف ليش هيك صار وأنا بصراحة تعبانة كتيير ونفسيتي زي الزفت بعيد عنكم
ومش عارفة شو أعمل وحتى زوجي تنكد كتيييييييير وبقلي مستحيل كيف صار هيك
طيب هلأ لو حللت بالدم ببين أكيد إني حامل أو ما ببين ؟؟ طمنوني ؟؟

[حواء مثالية]

دام مروان يا قلبي الخيرة فيما اختاره الله عسى ان تكرهوا شيئا وهو خير لكم

انا كمان بعز الدين ما كنت بدي احمل بس ربنا كتب الحمدلله

[فوفو89]

ام مروان
الله بيختار الاحسن دائما
اتوكلي ع الله

جربي اعملي فحص حمل بالمختبر ،،اضمن واحسن

[جارة القمر]

يسعد اوقاتكمـ

ام مروان:

بحملك الاول بعد كم حللت وبان الحمل بالفحص؟

هي الافضل بعد مرور موعد الدورة باسبوع ........

بس ما ذكرتي متى اجتك الدورة

وكله من ربنا منيح .......

هاد مشكلة المانع الطبيعي كل شهر على اعصابك خوف ليصير حمل .......... :(

[حواء مثالية]

ممممممممممم هاتو شي نحكي في


اجت غموووض بالي يارب تكووون بخيررررررررررر

[دموع الليل]

يسعد صباحكم

ام مروان حللى دم افضل حتى تتأكدى

والخيره فيما اختارها الله

[ام عبدالله لولو]

مساء الخير يا صبايا
ام مروووان ريتو الف مبرووووووووووك ههههههه الله يسعدك يا قلبي زي ما حكت حواء الخير فيما اختارها الله وبعدين ليه تزعلي هاي نعمة من الله حرام استقبليه بكل حب وسعة صدر خلي ربنا يثبت حملك ويسر الامور ان شاء الله الف مبروك مرة تانية

حواء اخبارك يا جارتي ههه كيفو عزو ان شاء الله مو مغلبك
فوفو عيونك الحلوة الله يعطيك زيووبشقاوتو هالازعر مطير النوم من عيوني صرت اشتهي النووووووووم
دودو شو اخبارك انتي وعمورة حطيلي صورتو نشفتي ريقي انتي ولولو وحلا وما كان نزلتو صور هه ولا خايفين احسدهم
جارة القمر يسعد مساكي يا عسل اخبارك يا حلوة
دموع يسعد مساكي حبيبتي ابني جبتو 3كيلو و100 اما ككمل الشهر كان 5 تبارك الله
بتقي الصبايا يسعد مساكم يارب

[حواء مثالية]

يا هلا وغلا صبايا منورات

حبيبتي ام عبدالله شخبارك انا بخير نشكر الله ماشي حالي هيني بين عزوز وبرلنت الله يرضى عليهم

[لولو حمادة]

مساء الخير
اشتقتلكم كثير كثير
الفترة الماضية كانت تعبانة من اول رمضان بس الحمد لله شفيت
اما اخباري الجديدة موعد الدورة كمان يومين وامبارح رحت لدكتورة عشان ظهري بوجعني وبشك انو في التهابات
بس طلع ماعندي شي الحمد لله وعملتلي تحليل حمل وطلعت حامل بس نسبة الهرمون 59 ضعيفة يمكن عشان حامل باسبوعين او عملت التحليل قبل الدورة

[جارة القمر]

لولو:

ان شالله تتأكدي انه حمل يااااااااااارب
والف مبرووووك

ام اسيد :

هلا حبيبتي انا بخير

حواااء:

الله يخليلك عزوز وبرلنت يارب

[لولو حمادة]

جارة الله يبارك فيكي
موعدي عند الدكتورة كمان اسبوعين ان شاء الله بطمن

[حواء مثالية]

لولو الف مبروك انشاء الله كلشي يكون تمام عندك وقت تعيدي الفحص طمنينا عنك

هلا جارة كيف امورك وشو اخبارك مع الحلويات زمان عنك

[كبريآء أنثى ـآ]

مرحبااااااااا
كيفكن يا صبايا ؟؟
اليوم رحت اتأكدت والحمد لله كتييير اتريحت
ما طلع حمل بس شكلها شوية التهابات وأعطاني تحاميل مهبلية وفلاجين

[حواء مثالية]

يا هلا ام مروان

سلامتك يا قمر ما تشوفي شر انتي مو مستخدمة وسيلة منع

[فوفو89]

لولو
مبرووووك الحمل
الله يتمملك ع خير


ام مروان
سلامتك ،، ما تشوفي شر



حواء ،، نور ،، ام اسيد ،، لولو ،، دودو ، ، وباقي الصبايا يسعد مساكــــــــــم

[حواء مثالية]

يا هلا بفوفو منورة يا عسل

[احساس أنثى]

مساكم قشطه ياحلوين
الي فتره مافتت الدردشه كنت مشغوله بس هلا حكون ع طول هون ان شالله

ام مروان ليش تزعلي انك حامل هيني حملت وعمر زوزو بالسادس ربنا هيك كاتب الحمد لله ولعلو خير
والله 2 مع بعض حلوين بونسو بعض بعد هيك حطي مانع انا هيك حعمل بعد مااولد وهي حواء وهي جاره موقفه بعد الولدين
لا تزعلي من ارادة ربنا

حواء ماشالله عليه عموره ربي يخليلك اياه معزبك بتغار منو برلنت ؟

ام عبد الله اسيد نعوم وملامحو ناعمه لمين طالع اكيد لامو :) ربي يحفظلك ياه

باقي الصبايا دون ذكر اسماء بجد مشاقالكم برشا برشل

[حواء مثالية]

هلا احساس منورة حبيبتي

برلنت ما غارت لهلا لاني ما اهملتها بالمره وقت اكون مع البيبي بتكون هي مع ابوها وانا قبل ما اخلف شريت الها مجموعة العاب وكل كم يوم بعطيها لعبة جديدة

عزوز الحمدلله بسلم عليكي

[نور العمر]

مساااا الخيررر كيفكم ..؟؟

لولو الف مبروك الحمل ..

ام مروان سلامتك ... بنوتك زي القمر

سيلا ويامن بسلمو عليكم لانو ال 2 مشاركين معي باللاب توب ههههههه

[حواء مثالية]

صباحكم رضا من رب العباد

[حلا الماس]

هلا حواء يسعد صباحك حبيبتي وصباح الجميع

طمنيني عنك وعن ولادك ؟؟

شو وين الصبايا ما حدا مبين ؟؟

[نور العمر]

صباح الخير ..

كيفكم ..

شو اخباركم .. حواء وحلا منورين ...

[حواء مثالية]

الله يسعد اوقاتكم نور وحلا الحمدلله انا وكتاكيتي بخير بصبحو صاحيين من الصبح عزوز بصحي برلنت كل يوم الساعة 8 يعني من يوم ما خلفت وانا النشاط انسو من الاخر ههههههههههههههههه

الله يسعد قلبهم شو بحبهم بتعبوني بس لزيزين

[نور العمر]

هههههههههه الحال من بعضو انا بصحو من ال6 صبح .. بس حلوين الله يرزق كل مشتهي ..

[احساس أنثى]

مساكم عسل
حواااااء ربي يخليلك اياهم ويخليلك طولة بالك
انا والله كتير بنرفز ع زوزو يمكن لاني مالحقت اطفال كوني اصغر وحده
مابتحمل غلبتو ومشاغبتو

[حواء مثالية]

تسلموا يارب

والله يا احساس هلا ما فيكي تعتبريها مشاغبة من زوزو بكرا لما تجي اخته بتعرفي شو قصدنا انا ونور العمر

يعني اذا في حبة عقل بتطير هههههههههههههههههه

نور العمر انا بصحى من السته بجهز قهوة بشربها انا وزوجي وبتسهل على شغله وبعد ما يطلع بنص ساعة حضرتهم بصحو وطول النهار بينهم التنين صرت ااجل الاكل على العشى يعني بعد الساعة سته بكون زوجي مروح عشان يساعدني فيهم اغلب الاحيان باخد برلنت عني

[حيفا]

صباح الورد والفل والياسمين
الف مبارك لكل يلي ولدوا بغيابي
والف مبارك للي حملوا بغيابي
اشتقتلكم كومايات كومايات
بس بتعرفوا انه التفكير بموضوع الحمل متعب
ووجودي هون بزيد هالتفكير
مشان هيك غبت ولما رجعت مالقيت الدردشة
وبالصدفه لقيت هالمكان
جد شو مشتاقه لصباحاتنا
وسهراتنا
حبيبااااتي شو بحبكم
بوسات كتير الكم ولبيبياتكم

[حواء مثالية]

يسعدلي هالصباح ياحيفاااااااا يارب ياكريم يووعدك بحمل قريب من كل قلبي بدعيلك

مصيرها تهون والي عند ربنا ما في اقرب منو وكلي امرك لربنا

كيفكم يا حلووووووووات لي ماتطلو عاد والله اشتقنالكم

[لولو الفلسطينية]

يسعد مساكم صبايا
شو الاخبار ؟
لولو
الف مبروك الحمل ... ربنا يتمملك على خير
ام مروان
سلامتك يا عسل ما تشو في شر
كيف منوشة ؟؟ وين وصلت هههه ؟
حيفا
منووورة يا قمر
وكلي امورك لربنا و ما تضايقي حالك ... انتي بتعملي الي عليكي ... ربنا يرزقك عاجلا غير اجلا يا الله يا كريم انتي و انبثاقة
حواء و نور العمر
هههه الله يعينكم .. انتو ادها يا حلوات .. الله يخليلكم هالالمامير
دودو و حلا
اشتقتلكم ..ويينكم ؟ و شو اخبار بيبياتكم ؟ شو اخر تطوراتهم
ام عبدالله
كيفو اسيد القمر
ما شاء الله عليه .. الله يحميه
باقي الصبايا كلكم بدون استثناء اشتقتلكم يا كسولات ... هههه ليه هيك مبطلين تحكو زي قبل ؟؟

[لولو الفلسطينية]

بنات بدس أسألكم سؤال
هلا مش البيبي اول شهرين بضلو اغلب الوقت مسكر ايديه بقوة ... انا هيك قرات في اكتر من محل ... و على الشهر التالت تقريلا ببلش يفتحهم
صابرينا كانت اول شهرين هيك كتير مسكرة ايدها و ضاغطة عليهم و لما بحط اصبعي بايدها كانت تشد عليه بقووووة بس هلا صحيح كلشي بحطه بايدها بتمسكه بس مش بالقوة و الضغط الي كان باول شهرين
هيك عادي و الا شو ؟؟
هي ما شاء الله كتير حركة و قوية ... حتى مرات و انا حاملتها بتكون بدها ترفع حالها و تقعد هههه بس لسا بدري عليها
يعني كلو قوي و تمام بس هاي الشغلة شوية حيرتني

[نور العمر]

مسااا الخيررر ..

كيفكم جميعااا ؟؟

حيفااا منوره شو اخبارك ..

احساس بكره ان شاء الله بس تقومي بالسلامه وتجي البنوته رح تبدأأ المغامرات وين وين لما تلاقي وقت فاضي ..

حواء انا كمان زوجي بطلع ع 7 ونص وبعدها تشتغل المغامرات ... والله بحكي لزوجي يااريت نبدل انا اروح الشغل وانت تضل بالبيت لو يوم واحد هههههههههه مسؤلية الصغار صعبه وخصوصي لما يكون فيه بيبي .. وابني كمان كتير دلوع لليوم بغار من اخته مع انه دخلت الشهر الخامس ...
لولو كيفك وكيف البنوته ... بالنسبه لسؤالك عادي انا بنتي هيك ما بتمسك الاشياء الا شوي ... بس هلء بالخامس صارت تقلب ع جنب وترجع لورا .. وطبعاا صارت تاكل سيريلاك وكمان بتذوق من اكل البيت ...

[حواء مثالية]

يسعد مساااااااااااكم

لولو كل الاطفال هيك ما تقلقي


نور العمر الله يكون بعونا وما نقصر فيهم

[نور العمر]

حواء شو اسهل طبيعي او العمليه ...

[ام عبدالله لولو]

مسا الخير يا صبايا
لولو انتي القمر الله يخليلك صابرينا انا ابني دائما فاتح ايده ههههه بس ماشاء الله قوي بس يكون يرضع بدو يقاتل مقاتلة ويشد بيدو
دودو اين انتي يا عسل ولا عمورة ماخد وقتك الله يكون بعونك هي صعبة شوية اما الواحد يكون لحالو ههههه جربته مش بس الي بالغربة
لولو مبوك الحمل الله يتمملك ع خير
حيفا الله يرزقك بالحمل قريبا يارب
حلا وحواء وفوفو واحياي يسعد مساكم يارب

[ام عبدالله لولو]

فوفو شو اخبارك تسلمي حبيبتي عيونك الحلوة والزيزة اكيد ع ابوه طالع ههههه حلو يلا شدي حيالك مو انو حاسك اولدتي الله يقومك بالسلامة
نور العمر انا بالنسبة الي اولدت مرتين مرة عملية ومرة طبيعي لانو وصل التوسع عندي 8 ونص بعدها حولوني عملية هههههه الحمد لله العملية ما بتحسي بشي لكن رح تعاني متهاما الطبيعي بتموتي من الوجع بس بعدها كل شي بروح بحالو زي ما بحكوه وجع ساعة

[إنبثاقة أمل]

صباح الخير

شو أخباركم حبيباتي

نفسي اعض بيبهاتكم ربي يخليهم ويحميهم يارب هههههههه

بس اقرب وحده علي هي ام اسيد ههههههه

ام اسيد ربي يحفظه شو لزيز وامور

ان شاء الله يوم السبت نازله ع الضفه .. الله ييسر الامور

[حواء مثالية]

صباحكم سعيد ان شاء الله

والله يا نور ما في شي ارح من شي العملة الها همها والطبيعي الو وجعو وهمو وبالاخر كله تيسير من الله والحمدلله على فضله ورحمته فينا وتخليصنا بالسلامة

جارة يسعد اوقاتك وين ما كنت

عيووووووووووووووون المها طلي علينا يا قمرررررررررررررررررررررر

[نور العمر]

صباح الخيررر ...

كيفكم وكيف اصبحتم ...؟؟

روتين بملل اوقات كل يوم نفس الروتين وكانو الايام بتعيد نفسهااااا ...

شو ناوين تطبخواا اليوم ...

[فوفو89]

مرحبا يا حلوين

كيفكم وشو اخباركم

هلا ام اسيد
لا بعدني ما ولدت
صامدووووووووووووووون انا وبنتي


الله يهونها علينا ونقوم بالسلامة يارب

باقيلي اسبوعين واخلص التاسع

يا جماعة العيد باقيلو شهر تقريبا >> شو حضرتو هههههههه

[فوفو89]

مرحبا يا حلوين

كيفكم وشو اخباركم

هلا ام اسيد
لا بعدني ما ولدت
صامدووووووووووووووون انا وبنتي


الله يهونها علينا ونقوم بالسلامة يارب

باقيلي اسبوعين واخلص التاسع

يا جماعة العيد باقيلو شهر تقريبا >> شو حضرتو هههههههه

[حواء مثالية]

هلا نور العمر اي والله انا كمان كثير ماله

انا عامله حواضر اليوووم

احساس وينك عحساب ما راح تغيبي

[كبريآء أنثى ـآ]

يسعد مسااااااااااااكن

[dr.loly]

http://forum.hwaml.com/t270493.html#post3391455

[حواء مثالية]

ولكوووووووووووو مهجورة الدردشة صارت

[ام عبدالله لولو]

صباح الخير يا صبايا
انبثاقة الله يسعد قلبك عقبالك يارب
كل الصبايا يسعد صباحكم
حواء صباح الفل يا وعسل

[كبريآء أنثى ـآ]

صبآآآح الخير
كيفكن يا صبايا ؟؟
إمبارح كانت تقبيضة سلفي .. وعملنا حفلة
منوشتي زي العسل ما شاء الله عليها والله ما بحسها صغيرة صرت أحسها كبيرة وبتفهم ههههه
يعني بصير أناغيلها بتعيد من وراي واذا رحت عنها بتعيط ولما تكون مع أي حدا وبتعيط وأنا أشيلها بتسكت
معقول صارت تعرفني ؟؟؟؟
اليوم الصبح أجتني الدورة والله منا قادرة معي مغص ومش عارفة شو أعمل إلي الخاطر أخد حبة دوا

[حواء مثالية]

يا هلا وغلا ام عبدالله منورة يا حلوه

ام مروووووووان الله يخليلك اياها الامورة

والف سلامة عليكي

[احساس أنثى]

يسعد هالمسااااا
حواء لانو يلي بفوتو ع الدردشه محدودين
ام مروان سلامتك اشربي ساخن بلاش الادويه عشان بترضعي

[حواء مثالية]

ام مروااان شو يعني تقبيضة اول مرررررررررررررررررررررررررررره تمر علي

[حواء مثالية]

احساس اذا كل وحدة فينا حكت هيك ما راح نلقى حد هوووووووووووووون

[فوفو89]

يسعد مساكم

كيفكم

ووين نشاطكم ؟

انا الثقل متعبني ،،خصوصا وقت النوم ،، بطلت احب انام لانه بتعب كتير لما اجي بدي انام ،،وما بلحق اغفى وبصير ع طول بدي اروح ع الحمام وانتو بكرامة
باقيلي 13 يوم واخلص شهري

يارب اولد ع خير ولادة طبيعية وسهلة

[نور العمر]

مسااا الخيررر ...

كيفكم وشو اخباركم ...؟

كيفك فوفو وكيف الحمل معك ... ربنا يقومك بالسلامه وتشوفي البيبي بصحه وعافيه ...

باقي صبايا وينكم ما بتطلوو...

[جارة القمر]

هايزززززز
اشتئتلكم والله

معلش مشغولة بالتحضير لعرس سلفي ......الله وكيلكم الفساتين صايرين كتير عجئه يعني متل كأنهم بدلات
لو بدي البس منهم رح اقعد انا والعروس جنب بعض ههههه عشان هيك عمالي بدور على فستان حلو ورسمي وبسيط
وشو حابه اشتري مغربي اسمه (القفطان المغربي) وهيني بدور .........

يزوووون اشتريتله بدلة توكسيدا متل الموسيقار بتجنن عليه
اما زيد ما رح اشتريله لانه عندو لبس جديد

بناااااااااات سؤال:

انا محتارة ....
انا محجبه و الحمد لله ولا مره سلفي شاف شعري ..... هلا مش عارفه الكل بحكيلي اعملي شعرك بالعرس
وليدخل سلفك غطي راسك
شو رأيكم.......؟
ارد عليهم ولا البس لحجاب من الاول ..........؟

[لولو حمادة]

مرحبا صبايا

جارة القفطان كثير حلو وبيجنن انا حابة اشتري واحد لمن انزل لعند اهلي
بنسبة للحجاب حسب ادا في تصوير فيديو وسلفك كثير بيقعد بصالة اتحجبي من الاول

[حواء مثالية]

يسعد مساكم جميعاااااااا
فوفو يالله هانت ما ضل شي

جارة انا عن تجربة بقلك البسي الحجاب من اول هيك بتكوني براحتك وما بتتقيدي بعدين العريس اغلب الوقت راح يكون بالصالة وكل شوي بدك تلبسي وتفكي

[فوفو89]

مرحبا يا صبايا
كيفكم وشو اخباركم

حواء
هلا فيكي
الله كريم
كيف برلنت وعزوز

جارة
انا رأيي من رأي حواء
البسي الشال من اول الحفلة اريحلك ،، وبتضمني يضل زابط شكلك طوول الحفلة
لانك اذا ما لبستي شال رح تلبسيه لما يدخل سلفك بطريقة عشوائية ومش مرتبة
ومبروووووك وعقبال عند اولادك يارب


باقي الصبايا يسعد مساكم
شو عاملين للغدا؟.
انا عملت عدسس اليوم

[لولو حمادة]

حواء وفوفو يسعد مساكم
فوفو وانا عاملة عدس

[حواء مثالية]

انا راح اعمل جاجه محشية

برلنت وعزوز بخير بسلمو عليكي

[حواء مثالية]

يا ححرام سلفتي حامل بالشهر التاني نازل عليها دم ان شاء الله يكون حملها بخير ويكون الشي خارجي

[فوفو89]

لولو
صحة وهنا
ازكى اكلة العدس انا بحبه
ومنيح للحوامل كمان


حواء
صحة وهنا
الله يسعدهم ويخليلك اياهم
سلامتها سلفتك ،، ان شاء الله يكون خارجي يارب

[حواء مثالية]

هلا رحت عندها المسكينة زايد عليها الدم وحماتي هادة اعصابها كل شوي يا حرام ويا مش عارفه اش

حاولت اهديها بس على الفاضي

الله يثبت حملها يا رب والله حزنت عليها

[فوفو89]

الله يكون بعونها ويصبرها ويثبت حملها
ليش ما راحت ع الدكتور او ع المستشفى ؟

[لولو حمادة]

مرحبا
حواء خليها تروح على دكتور افضل بلكن يعطيها مثبت

فوفو حملى نزل يوم الخميس الحمد الله على كل حال

[كبريآء أنثى ـآ]

مرحباااااااااا
كيف الصبايا ؟
معلش طولت عليكن
حواء حبيبتي معلش طولت بالرد عليكي
تقبيضة يعني هاد حفلة صغيرة يعني بروح بسلمو المهر لأهل العروس
يعني أهل العريس مع رجال العيلة بروحوا ع بيت العروس وبيسلموا المهر
هيك عنا بغزة بصير ويوم الأحد كتبوا الكتاب يلا صار إلي سلفة ههههههه
طمنوني كيف الحوامل وكيف البيبهات ؟؟
والله منوشة ماخدة كل وقتي

[حلا الماس]

صباح الخير

والله مشتاقة لكل الصبايا بس ما معي وقت ادخل هون كتير

فوفو
لساتك صامدة وقوية لهلأ !! ربي يهونها عليكي وتقومي بالسلامة حبيبتي

حواء
كيفك وكيف برلنت وعزوز ربي يحفظهم ؟؟
سلامتها سلفتك ؟؟ طمنينا عنها

ام مروان
شو أخبارك ؟؟ ومنوشة العسل كيفها ؟؟
مبروك لسلفك

جارة
يسعد كل أوقاتك يا رب طمنيني عنك ؟؟
انا من رأي الصبايا خليكي بالحجاب من اول السهرة احسنلك

لولو حمادة
منورة كتيييييير حبيبتي ... زعلت انو حملك نزل .. بس لعلو خير ربي يعوضك بأحسن منو يا رب

إحساس
ام زوزو .. كيفك وزوزو شو اخبارو ؟؟ كم عمرو هلأ اسم الله

وكيف الحمل ؟؟؟ كم الك حامل هلأ وشو قررتي اتسمي البنوتة ؟؟

نور العمر
يسعد أوقاتك يا رب ... كيفك وكيف يامن وسيلا ؟؟

ام أسيد
وير آر يو ؟؟
اسم الله عليه أسيد متل العسل الله يحميه ... بيشبه يوسف هههه
صدقيني رح انزل صورة ليوسف اول ما أفضى ...

انبثاقة .. دودو .. لولو .. سما .. حيفا .. دموع .. وباقي الصبايا يا رب الجميع يكونوا بخير

طمنوني عنكم

[فوفو89]

صباحووووو صبايا كيفكم وشو عاملين

لولو
حبيبتي الله يعوضك احسن منه
لعله خير يارب


حلا
اه بعدني صامدة
كثير بصير معي تحجر ،، والثقل متعبني خصوصا وقت النوم
الله يهونها علينا يارب

[~{{ DoDo }}~]

صباح الورد صبايا وماميز
مشتقالكم كتير كتير كتير
بس والله يا دوب بلاقي شوية وقت افوت النت وما بلحق اكتب اشي
الا الافندي بيلهيني بشغلة ههههه
شو اخباركم وشو عاملين

كل الحوامل الله يسهلها عليكم يارب ويهونها عليكم
ام جودي وفوفو واحساس وكل الغايبات كمان
والماميز الحلوين طمنونا عن بيبياتكم الامامير

لولو وام اسيد وحلا وحواء ونور العمر وام مروان ودموع وجارة
ومشتاقة كتير لحيفا وغموض وعيون المها والله عليكم وحشة يا صبايا ولهبة وبيبو وعسولة كمان زمان عنهم
يا ريت نرجع كلنا زي زمان بس المشكلة الحياة بتشغل الكل ، يلا المهم نتطمن عليكم

بالنسبة الي الحمدلله بخير والافندي صار شهرين ونص وشوي
قرب عالتلات شهور وقرب موعد الدكتور لنتطمن عليه
بس انا الحمدلله فرقاه كتير حاساه متغير ونصحان واغلب تيابه صغروا عليه
صار بدنا مشوار شوبينج انا وياه ههههههه
وانا نفسي انزل وزني كمان ، لسا في ٧ كيلو مدايقينني ومش عارفة انزلهم
بيقولوا الرضاعة بتنحف بس وزني ثابت صرلو فترة معقول بياخدو وقت هالقد :(
مممممم وشو كمان شكلها الدورة بدها تجيني لانه هاليومين كتير بطني بيوجعني
هي اجتني بعد النفاس مرة ، يمكن انا من الناس الي بتجيهم وهم بيرضعوا الله اعلم
صحيح والافندي من مبارح من عملها مسكين ههههه شكله عندو امساك حزنانة عليه
وخايفة يعملها مرة وحدة ويغرق الدنيا ههههههه
صحيح الدكتور اكتر من مرة يقللي الاكل عال ٦ شهور وهيك وانا شايفة الكل بيطعمي عال ٤
مش عارفة شو الصح وشو الافضل صراحة ممممم صحيح حاسة ابني بدو يسنن بكير
كتير بيريل وبياكل باصابعه

برمت كتير وحكيت قصة حياتي ،،،،،، نهاركم سعيد

[حواء مثالية]

صياحكم فل الله يهدي بال الجميع يا رب

عطول سلفتي راحت على الدكتور اعطاها مثبت حكيت معها الصبح بتحكيلي انها احسن والدم اخف من مبارح

لولو حمادة الله يعوضك خير حبيبتي

بنات من بعد ما خلفت اغلب الايام راسي بضل يوجعني وايام بكون صداع لا يحتمل اجمالا ما بشكي من شي الحمدلله بالكم شو القصة

[~{{ DoDo }}~]

حواء يسعد صبااحك

طمنيني عنك وعن الحلوين

بالنسبة للصداع متل ما صار معي
هاد يا ستي من الاعراض الجانبية لابرة الضهر
هيك دكتور التخدير حكالي
وحتى ما بيخف بالمسكن مرات وبيكون مزعج
هاد بس فترة محدودة وبيختفي اطمني ؛)

[حلا الماس]

مرحباً يا حلوات

فوفو
ربي يهونها عليكي وتقومي بالسلامة ان شاء الله

دودو
وأخيرا طليتي يا حلوة ... الله يكون بعونك ؤيعطيكي العافية

حواء
هلا حبيبتي سلامتك من الصداع .. يمكن لفحة هوا ديري بالك انتي لسه نفاس ما كملتي الأربعين ... الله يتمملك إياهم على خير يا رب
سلامتها سلفتك الله يتمملها على خير

وينكم شو عم تعملوا ؟؟؟

قبل شوي ولدت بنت حماي جابت صبي بعد ٤ بنات والله فرحتلها من كل قلبي

[كبريآء أنثى ـآ]

يسعد مساكن يا حلوات

[لولو الفلسطينية]

مسا الخييييير
شو الأخبار ؟؟
اشتقتلكم يا ضرسانات :d
لولو
ربنا يعوض عليكي ان شاء الله .. ما تزعلي الخيرة فيما اختاره الله
فوفو و ام جودي
وين وصلتو ؟؟ الله يهونها عليكم و تولدو بالسلامة و ترتاحو
دودو
هههه التريل هادا مش تسنين ... انا كمان السوسة الي عندي دايما بتريل و بتاكل ايديها و صارت كل اشي بتمسكه بايدها على طوووول على تمها هههه حتى في بنطلون الها الو رباط على الخصر امبارح ضلت تمسكه ز تحاول ترفعه بدها تحطه بتمها هههه و العابها و كلللل شي على تمها و الترييل كتييييير
يعني عادي هيك بضلو حوالي شهرين لحد ما يبلش التسنين
بالنسبة للاكل انا قرأت انو في دراسات جديدة على هالحكي و انو لازم على 6 شهور بس الكل بحكي بعد الاربعه
هو على كل الحالات حتى لو على الاربعه لازم تكون اشياء كتييييير خفيفة و بسبطة و شوية شويه بنزبدها ههههه
صحيح سلامته بطنك ههههه انا كمات اجتني مرة وحدة و موعدها بعد اسبوع المفروض بس خااايفه انا هههه
حواء
سلامته راسك يا حلوة
انا و الله لليوم و راسي كتيبببر بوجعني و ما بينفع معو المسكن ... بتعرفي حتى مرات بحس عيوني بدهم يطلعو من راسي من كتر الوجع
و الدكتور بحكيلي عادي بتصير بعد الولادة
بعيننا الله
باقي الحلوات كلكم كلكم اشتقتلكم بدون استثناء
يللا ارجعو زي اول و رجعو الحيوية للدردشة
يسعد مسا الجميع

[لولو الفلسطينية]

حلا
منووورة
الحمد لله على سلامتها عقبال ما تشوفي لولادك يا رب
ام مروان
يسعد هالمسا منووورة
شو الاخبار ؟

[كبريآء أنثى ـآ]

هلا لولو
الحمد لله أنا منيحة والله مشتقالك كتيييير
وبنوتي منيحة الحمد لله
الحال من بعضه واللي عندك عندي هههههه
متى تكبر وتصير تمشي هههههه

[كبريآء أنثى ـآ]

شووو ما في وحدة سهرانة هع هع

[فوفو89]

يسعـــــــــــد صباحكـــــــــم

شو اخباركم

حلا
الحمدلله ع سلامتها ومبروووك


انا بعدني صااااااامدة انا وبنتي
باقي 10 ايام واخلص التاسع
يارب تهونها علينا يارب

[حواء مثالية]

يسعد مساكم صبايا

الحمدلله طنتوني ان شاء الله فترة وبتعدي
منورات لو كنت بعرف انكم هون اجيت لما تلتمو هيك نادو علي

بالله ترجعو زي اول

[~{{ DoDo }}~]

فوفو وحواء وام مروان يسعد صبااااااحكم
جوعانة نووووم والافندي مصحصح وبدو يلعب
ههههههه الله يكون الي معين

باقي الصبايا يسعد هالصباح جميعا

[~{{ DoDo }}~]

فوفو
ادعي ادعية تسهيل الولادة واقري سورة مريم كل يوم
واشربي زعتر ورق ممتااااااز بيسهل عليكي هاي نصيحة دكتورتي
الله يسهلها عليكي ويقومك بالسلامة حبيبتي
زكرتيني بحالي الله يكون الك معين انتي وكل الحوامل

[فوفو89]

يسعد صباحك دودو انتي والامور الصغير
الله يخليلك اياه يارب
متى قصدك اشرب الزعتر ؟ وقت ما يبلش الطلق ولا عادي في اي يوم ؟
انا بس باكل تمر كل يوم الصبح 7 حبات وبمشي ،،غير هيك ما بعمل لا اعشاب ولا خلطات ولا وصفات

الله يهونها علي يارب ،، سقالله وانا والدة ومرتاحه ،،كثير متشوقة اشوف بنتي

[حواء مثالية]

يسعد صباحك دودو كيفك ياحلوه

يالله هي انا مشتهية انااااام برلن بتصحى وهو بنااام والعكس كمان ولما ينام هو بالنهار برلنت بصوتها بتصحي وهو من الصبح بصبح صاحي وما بنام الا ليصحي برلنت بعياطو

واكثر الاوقات معاناة وقت المغرب لما يوصل جوزي من الشغل

[حواء مثالية]

اهلا فوفو انا حاسة راح تولدي اخر الاسبوع

ان شاء الله بالسلامة يا رب

والله يا دودو بحب اتذكر اي شي الا يوم ولادتي الاشي الحلو الي كان في شوفة عز الدين يقبر قلبي

[~{{ DoDo }}~]

فوفو
لا الزعتر دكتورتي قالتلي من بداية التاسع اشربه
بيساعدك منيح وبيسهل الولادة هو والمشي ، وكمان الينسون كتير منيح
ازا فيكي اشربي ينسون وزعتر كل يوم مع التمر ممتاز وطبعا كله بايد ربنا بس بناخد بالاسباب

حواء
الله يعينك حاسة فيكي والله
ان شاء الله بتكبر برلنت وبتبطل تغلب كتير وبتهونها عليكي يارب

منورين صبايا

[كبريآء أنثى ـآ]

مسااااااااااااء الخير
فوفو الله يقومك بالسلامة ما تخافي أنا ولدت بآخر يوم إلي بالتاسع
وكنت متلك متشوقة أشوف بنتي وبدي اولد وأتريح من التعب والثقل
وإن شاء الله ربنا بهونها عليكي
باقي الصبايا كيفكن ؟
حواء .. لولو .. أم أسيد .. دود .. لولو حمادة .. حيفا .. انبثاقة ... عيون المها ...... إلخ طمنونا عنكم وبلا كسل وملل
خلوا الدردشة فيها متعة وحيوية

[نور العمر]

مسااا الخيرر .. كيف احوالكم ..؟؟

فوفو ربي يهونها عليكي وتكون ساعه سهله يااارب ...

حواء والله كانو بتحكي عن حالي مع اولادي واحد بصحى تاني بنام يعني بالتناوب وكمان بصحو بعض ...

بس هلء صار الوضع احسن بنتي انتظم نومها لانه صارت بنص الخامس .. بس بضلو ابني مجنني شقي وغلباوي كتيرر...

حلا الله يسلمك يااارب ...اولادي الحمد لله بخير ... انتي كيف ماسه والمدرسه وكيف باقي اولادك حلا وخليل ويوسف .. ناويه تخلفي بعد يوسف او خلص ... وخليل متل عمر ابني مفكره يروح روضه السنه الجاي ان شاء الله ...

لولو حماده الله يعوضك خيررر ياااارب عن قريب ..

لولو ودودو ام مروان وأم أسيد.. كيف البيبهات كبرو اكيد... بس بنتي اكبر بيبي في التجمع ههههههههه

باقي صبايااا احساس وجارة القمر وغموض وعيون ودموع وسما وحيفا وانبثاقة وبيبو وسنووعسوله وايت ان شاء الله ماكون نسيت حدا طمنونا عنكم ...

يسعد مسائكم...

[فوفو89]

تسلموووو دودو و ام مروان ونور
الله يسمع منكم ويهونها علي واولد ولادة طبيعية سهلة


كيفكم انتو وشو اخباركم

اليوم كان الجو كتير حلو ،،طلعت انا وجوزي واتمشينا ،، غيرت جو بس عنجد المشي صعب مع الثقل

[غُمُوض أُنثَى]

والله يا صبآيآ اديش مشتقآآآآآلكم الكم وحشششششششششششة كبيرة كبيرة
ي الله اديش انبسطت لما حكتلي جارة القمر انه في تجمع جديد ، بس انقهرت عالدردشة يلي راحت فكرت المنتدى خرب وبطلت افوت من زمااااان :)

زمان عن هالجمعة الحلوة والله شو اخباركم وشو مستجدااااتكم يا حلواااااااااااات
ببقى افوت وقت يلي بتكونو موجودين ان شاء الله ^^

[فوفو89]

يسعـــــد صباحكـــــــم

كيفكم اليوم وشو عاملين


غموض
يسعد صباحك ،،
واحنا اشتقنالك
كيفك وشو اخبارك



انا بعدني صاااااااااااااااااااامدة انا وبنتي رزان
باقيلي 9 ايام واخلص التاسع
يارب تهونها يارب

[dr.loly]

http://forum.hwaml.com/t271351.html#post3404191

[حواء مثالية]

صباحكم فل ونهاركم سعيد

جمعتكم مباركة

انا بحكي شو هالنور وكاين نورك يا غموووووووووووووووض وينك ما حكيتي اخبارك كيفك وكيف حملك شو عملتي بهالغيبة

[فوفو89]

يسعد صباحكم صبايا

كيفكم وشو اخبارك

صباحوو حواء كيفك


شو عاملين ع الغدا اليوم ؟؟

انا بدي اعمل أوزي جاج اتفضلوووووووووووووو

[حواء مثالية]

هلا فوفو كيفك ياقمر انا بخير الله يسعدك

انا مو عارفه شو بدي اعمل وعلى الارجح راح يجيب زوجي معو جاهز

بنات برلنت مشاركة بمسابقة وبدي اصوات شو اعمل ما بعرف حد كثير واخر الاسبوع السحب وحابه تدخل القرعة على الاقل بدي اصوااااات ما عارفه كيف اجمع

[فوفو89]

صحه وهنا يارب

طيب نزلي رابط المسابقة هون بلكي عرفنا نصوت ونساعدك

[نور العمر]

مرحباااا ياصبايا يلي حاضرين بالبال والفكر ..وغايبين هون بالتجمع مالكم ما تجتمعو زي زمان !!!

فوفو كيفك بعدك صامده الله يهونها عليكي يااارب..

حواء كيفك وكيف برلنت وعزوز ..؟؟
وشو هاي المسابقه وكيف نصوت عشان تربح .. وموفقه ياااارب وان شاءالله تفوز

غموض انثى نورتي شو اخبار حملك وليش توقيعك كاتبه فيه هاد الدعاء !! صاير شي بالحمل لا سمح الله ..طمنينا ..!!

باقي صباياا وينكم ..والله الواحد بصيبو اكتئاب لما يفوت ويلاقي الصفحه نفسها من يومين مافيه جديد..

[غُمُوض أُنثَى]

تسلمولي يا صبآيآ الله يخليكم والله كتير اشتقتلكم كتير كتير
حوآء كيف الامامير الزغار بوسيلي ياهم :)

والحمدلله ع سلامتك يا دودو شو سميتيه ابنك
فوفو ونور العمر منورآت والله
نور انا والله نزلت وراح البيبي في اخر الشهر التاني متل الحمل الاولاني والحمدلله ع كل حال ازمة وعدت :)
صرآحة كتبلي الدكتور تحاليل اعملها بس انا مكسلة خصوصا اني اجلت الحمل لقدام خلص تقولي زهقت الحمل وقصصو وصراحة نفسيتي تعبت بعد الاجهاض التاني فجوزي حكالي خلص احنا ما بدنا حمل وولاد هلأ انتي اهم من اي شي

ف ان شاء الله لما نقرر يصير حمل رح اعمل التحاليل قبلها عشان نعرف سبب الاجهاض التاني
وربنا يجيب الخير :)

يسعد صبآحكم يآرب

[حواء مثالية]

هاي مسابقة اجمل ابتسامة هي تفاصيلها بالرابط

هااد الرابط

وزعوا على االي بتعرفوهم


http://www.facebook.com/Sbitanybaby?sk=app_451684954848385&app_data=view-vote%2Cfor-1287615

اضغط على كلمة VOTE عشان ينحسب الصوت

[حواء مثالية]

يسعد صباحكم

حبيبتي ياغمووووووووض الخيرة فيما اختاره الله الله يعوضك خير يارب وكلي امرك لربنا

اولادي بخير بسلمووووو عليكي والله اتذايقت عشانك


اخ يابنات الي عندها فيس تصوت لبرلنت يالله بدي همتكم لسه معنا من هون لاخر الشهر

[لولو الفلسطينية]

صباح الخيرات لاحلى صبايا
اشتقتلللكم كتييييير
غموض
حبيبتي ... كلشي من الله يا محلاه ... ربنا يعوض عليكي بالحمل السليم ياااااا رب
بس ضروري تعملب التحاليل اول ما تنوي تحملي و تن شاء الله خير
فوفو و ام جودي
سو اخباركم يا حلوات ؟؟ لساتكم صامدين هههه ؟؟ الله بسهل والدتكو انتو التنتين و تشوفو أطفالكم بصحة و عافيه
باقي الحلوات كلكم ان شاء االه تكونو بخير
و بيبهاتكم كيف ؟؟ شو اخر تطوراتهم ؟
حواء
يسعد صباحك
ان شاء الله برلنت هي تفوز



امبارح عملنا عقيقة لصابرينا و طول اليوم عجقة و تعب بس الحمدلله عدت على خير .
الزعرة صارت تحاول ترفع ايديها و رجليها بدها تقعد بس طبعا لسا ما بتفدر بس بتحاااااول هههه
و كل اشي بتشوفو قدامها بتمسكه و بتصير تلعب فيه و بعدين على تمها عطوووول
و وزنها صار سته كيلو و عمرها هلا تلات اشهر و أسبوع .. هو المفروض على التلات شهور يتضاعف الوزن الي انولد فيه البيبي
يعني تقريبا هيك كويس
و بالنسبة الي انا ميته خوف هههه خايفة هالشهر اكون حامل مع اني محتاطة ز دايرة بالي بس مش عارفة ليش خايغة و عندي احساس مش مريحني و ماني مصدقة و تجيني الدورة
ضايل على موعدها اربع ايام ... الله يستر
لسا بدددددري :D
عندي دراسة لفوق راسي و ما الي مزاج
حكيت كتبر :p
المهم يسعد صباحكم كلللكم

[كبريآء أنثى ـآ]

يسعد صباح الجميع ؟
كيفكن .؟ إن شآء الله الجميع بخير
أنا منيحة الحمد لله ومشتقالكم كتييييير والله ومنوشة زي العسل بتسلم عليكن وبتبوس كل وحدة فيكن
لولو .. اعملي متلي ههه صار معي نفس ما صار معك كنت خايفة أكون حامل ههه بس الحمد لله أجتني الدورة
منوشة صغيرة حرام ع القليلة بس تصير تمشي بنفكر نجيب أخ ولا أخت إلها
والله منوشة زي العسل الله يحفظها صرت كل ما أمسك إيديها بدها تقوم بس شغلة مص الأصابع هاد جننتني فيها كتييير
وكل ما أشيل إيدها من تمها بتصير تصرخ زي اللي تقولي حدا ضربها ولما ترجع إيدها بتسكت
أنا خايفة تتعود على مص الأصبع ولا هالشي بصير لكل الصغار وفترة وبتروح طمنوني ؟؟
أنا مابدي تتعود على مص الأصابع صرت أكوفلها وأخبي إيديها عشان ما تمص أصابعها والله احترت شو أعمل ؟
هههه وقصة حركة الرجلين هاي ما بتسكت دايما تلعب برجليها كتيييير كتييييير
والله إنها عسسسل
لولو ... وين صورة بنتك ؟؟؟

[ام عبدالله لولو]

مساء الخير يا صبايا
دودو وحلا وفوفو ولولو وام مروان وحواء ونور العمر يسعد مساكم كيفكن وشو اخباركم
غموض الله يعوض ثبرك خير يارب
صبايا كنت مشغولة بعيد زواجنا الاول جد ايام كثير حل وة احنفلت انا وزجي فيه
وكمان اسيد ابني كان مملوع ومسكين ما كان ينام الليل بس هلا اتحسن الحمد لله باقي الصبايا يسعد مساكم يارب

[ام عبدالله لولو]

صباح الخير يا صبايا
خير مالكم من امبارح ما حد كاتب شي زعلانة انا هههههه
حلا وينك يا ضرسانة دودو ولولو وينكم فوفو واحساس ومور وام مروان يسعد صباحكم جميعا
حواء ان شاء الله بتفوز برلنت انا ما عندي فيس بس خليت جوزي من فيسو يصوتلها ولا يهمك الي بعرفو راح اخليه يصوتلها

[حلا الماس]

صباح الخير عليكم يا غاليات

غموض
حبيبتي ربي يعوضك خير ..

نور العمر
ربي يسعدك ويخليلك ولادك .. انا مش مفكرة نهائيا بالحمل بعد يوسف الحمد لله عندي بنتين وولدين أحلى خلفة وهيني ركبت لولب لما يكبر يوسف ويدخل المدرسة بيصير خير .. بالنسبة لابني خليل ان شاء الله رح ادخلو روضة سنة الجاي بيكون صف بستان عالاكيد رح اسجلو لأنو بيكون مكمل ٤ سنين

حواء
انا صوت لها لعسولتك ... يا رب تفوز

فوفو
ربي يهونها عليكي وتقومي بالسلامة

ام أسيد
هلا حبيبتي والله منورة يا حلوة

طمنيني كيفك وكيفو البطل أسيد ؟؟؟ ابني صار يلعب ويكاغي وبيدحك كمان
اليوم بس افتح اللاب توب رح انزل صورو

ام مروان .. احساس .. لولو .. دودو ... وكل الصبايا يسعد كل أوقاتكم حبيباتي :)

[كبريآء أنثى ـآ]

يسعد مسااااكم يا حلوات
شووو ليش الدردشة نايمة ما فيها أي نشاط ؟؟
وينكم يا حلوات ؟؟
بدنا نشاط وهمة خفوا هالكسل
كيفكن صبايا ؟؟ طمنونا عنكم ؟؟ وعن بيبهاتكم .. ؟

[حواء مثالية]

سلام عليكم

كيفكم جميعاااااااااااااااااااا

منورات صبايا

ام اسيد وين بتغطي بالايام وبتظهري فجاة

عيووووووووووون المها ما عادت فاتت انشاء الله تكون بخير هي واولادها

[ام عبدالله لولو]

الله يسعدك يا رب يا ام خليل اسيد كويس الحمد لله بس مغلبني ههههه عودنو ع الحمل وبدو اظل حاملتو الجمد لله بلعب وبناغي بس ع الخفيف ههههه وبصحك لحالو من غير لعب بس اما لعبو ما بيضحك بعدو صغير شز ريكم بنتويم ع البطن كويس ببرضع وزلا كيف
حواء يسعد اوقاتك يارب كنت مشغولة بعيد زواجنا الاول
ام مرزان منورة يا عسل

[دموع الليل]

يسعد مساكم

كيفكم؟؟؟

غموض ربنا يعوضك خير ويرزقك بالحمل السليم

حواء ان شاءالله تفوز برلنت

حلا كيفك وكيف اولادك ؟؟

فوفو الله يفرجها عليكى وتقومى بالسلامه انتى والبيبي

ام اسيد.نور العمر.لولو, دودو.حيفا .عيون المها . وباقى الصبايا

يسعد مساكم وين ماكنتم

[ام عبدالله لولو]

صباح الخير يا صبايا
مالو الكسل ههههههه صحصحو مالكم لستكم صبايا بطلت اعرف شو اطبخ تعالو تانحكي زي اول حوووواء وينك وام مروان ودودو ولولو وحلا وفوفو وكل الصبايا يسعد صباحكم

[جارة القمر]

الله يسعد اوقاتكم~~

[كبريآء أنثى ـآ]

يسعد مساكم
شووو وين فوفو لتكون ولدت ؟؟
الله يقومها بالسلامة

[حواء مثالية]

مرحببببببببببببببببببببببااااا

كيفكم

انا هوووووووووووووون بس انتو سنوي لتطلووووووو

[كبريآء أنثى ـآ]

مييييين موجودة بالدردشة ؟؟؟

[كبريآء أنثى ـآ]

عنجد يا صبايا صارت الدردشة مملة كتيييير
كنت قبل أتلهف لحتى أفوت ع الدردشة هلأ ما في إلي نفس أفوت ع الدردشة من كتر الملل اللي فيها
لييييييش هيك صاااار ؟؟
وينكم يا صبايا ؟؟

[فوفو89]

مسا الخير صبايا

كيفكم


حبيت ابشركم



انا

.
.

.

.

.

.

بعدني صاااااااااااااااااااااااامدة :( ههههههههههه

[Heba T]

مسالخير ..
اخيرا لاقيت الدردشة في المنتدى ،
شو اخباركم جميعا وكل وحدة تحكيلي اش سمت البيبي

انا اخباري ،، تخرجت و الحمدلله توظفت ، والان في التاسع مشيت فيه وباقيلي 17 يوم فقط ، ولحتى الان ما بعرف شو رح نسميه :)

حيفا ، غموض جارة ، احساس انثى ، عيون المهى ، ام مروان وحلم العمر و ام خليل ام العيال :p ، و دودو ولولو .. الكل الكل احكولي اخباركم


اما فوفو فنحن في الهوا سوا ، بنستنى نولد الحمدلله :)

[فوفو89]

هلا هبه

مبرووك الوظيفة والله يقومك بالسلامة يارب

وانا باقيلي 5 ايام واخلص التاسع :(

لحد الان مقررين نسمي البنوتة رزان ان شاء الله

[Heba T]

فوفو .. الله يبارك فيكي ويقومك بالسلامة ويعينك على التقل ، يمكن انت بتولدي زيي اخر يوم بالتاسع


اين انتم يا بنات والله اشتقتلكم كسيرا كسيرا

[لولو حمادة]

مساء الخير يا حلوين
هبة مبروك التخرج والوظيفة
فوفو يسعد مساكي

[Heba T]

لولو يا هلا فيكي والله منورة

الله يبارك فيكي .. شو اخبارك؟

[نبض قلب]

كيفكم صبايا فردا فردا
مبارك للس ولو واللي حوامل الله يسهل ليكم

[نبض قلب]

مبارك للي ولدو

[حواء مثالية]

صبااااااااااااااااحو

نبض وهبة منورات ما تغيبووووووووو

انا اليوم صاحية بمزاج سيء

بكرا تطعيم الشهر لعز لدين لايام بسرررررررعة

[نبض قلب]

مبارك ابنك حواء كيف شعورك وانتي ام لطفلين

[حواء مثالية]

هلا نبض يبارك بعمرك والله كثير مبسوطه فيهم برلنت صارت تفهم وما بتغلب كثير عزوز بس ينتظم نومو برتاح

انا بحب الاطفال كثير وبحب كلشي فيهم وقت نكدهم وقت ضحكهم بس ما بحب يمرضوووووووووو

[حلا الماس]

مسا الخير صبايا

هبة ونبض منورااااااااات يا غاليات

كل الصبايا طمنوني عنكم .. انا دخلت بسرعة اطمن عليكم واطلع

عيوني بتوجعني ويا دوب شايفة ... رحت اليوم فحصت عيوني وحطولي فيها قطرة لتوسيع بؤبؤ العين ولهلا مش عم بشوف منيح

بلكي بكرة تخف .... سلام

[Snowwhite-90]

صباحكم ورد وفل وسعادة ،، كيفكم حبيباتي واخواتي ان شاء الله تكونوا جميعا بخير والبيبيهات الحلوين يكونوا باتم الصحة والعافية ،، معلش انقطعت عنكم فترة لانه كنت مشغولة بالمناسبات والافراح واضافة لتعب وارهاق اخر ايام الحمل ،،انا بس حبيت اطمنكم عني الحمدلله ولدت بالسلامة وشرفت احلى جودي بالدنيا يوم السبت ٢١/٩ ربي يحميها ويحفظها ,,, ان شاء الله هفوت تاني قريبا تحياتي للجميع

[~{{ DoDo }}~]

صباح الخير صبايا
كيفكم
اشتقتلكم كتيييييير
شو هالاخبار الحلوة

ام جودي ان شاء اللهالف الف مبروك ياقلبي
والف الحمدلله على سلامتك انتي وجودي
طمنينا عنك وعنها وكيف صحتكم وكيف كانت ولادتك وهكزا

عقبااااال فوفو تقوم بالسلامة الدور عليها وعلى هبة كمان يلا قربتو صبايا شدوا الهمة
وعقبال سلامة كل حوامل المنتدى وربي يفرح قلب باقي الصبايا النتظرات بالحمل قريبا يارب

انا اخباري منيحة بس ابني مغلبني بالنوم كتير
بالليل لما انيمه بيغلب وبيضل يصحى كل شوي هاد الحكي جديد يعني ما بطبق ساعتين بيصحى
ومش بالضرورة يكون منكد عادي يعني مع انه بيكون شبعان ونضيف ومش ممغوص
هالولد نومه جدا خفيف بجد وبالنهار طبعا نهائيا ما بينام الله يعينني ويطمني عليه

غموض ولولو حبيباتي ربنا يعوضكم بكل خير

حيفا ولولو وام اسيد وحلا وعيون المها وجارة واحساس ونور العمر وام مروان ودموع وبيبو وباقي الصبايا ان شاء الله تكونوا بخير

[حواء مثالية]

صباااااااااااااااااحو

ام جودي الف الحمدلله على سلامتك يا قمر

دودو الله يكون بعووووونا هيك الامومة كمان شهرين بنتظم نومو وبصير طبيعي

اليوم طعمت عزوز طعم الشهر

[لولو الفلسطينية]

صباح الخير صبايا
شو اخباركم ؟؟
نبض و هبه منوووورات يا حلوات
ام جودي
حبيبتي الحمد لله على سلامتك انتي و جودي الحلوة ... الف الف مبروك و ان شاء الله بتتربى بعزكم انتي و ابوها
ها طمنينا كيف كانت ولادتك ؟؟
فوفو و نبض
عقبالكم يا رب تقومو بالسلامة انتو و بيبياتكم و تكون ولادتكم ميسرة يااا رب .. يللا بكغي دلع اولدو و ارتاحو ههههه
عقبال عند الجميع ان شاء الله
حلا
سلامة عيونك ام خليل
دودو
منورة :D
بالنسبة للنوم انا كمان نفس الشي هههه الست رجع نومها تخربط مع انها على عمر الشهرين صارت تنام احسن من قبل بس هلا رجعت زي الاول .. و بالنهار يا دوب تنام ساعتين على بعض ... و في الليل بتنام حوالي الساعة وحدة يا دوب ساعتين و بتصحى و عيونها مفتحة عشرة على عشرة و بتضحك هههه و بتضللل سهرانه لحد الخمسة او الستة و بعدين بتغكر تنام شويه :p
احنا حالتنا يرثى لها هههه انا و صابرينا و ابو صابرينا مرشحيييين و لوز و قحة و عطس و حالتنا حاله ....... عين و صابتنا ههههه
بس جد تعب حتى النفس لما بطلعه بوجعني حلقي كتييير ... الله يعيننا
و الدورة المفروض اليوم تيجي و ما الها علوم هههه .. الله يستر


اه بنات بدي اسالكم الي اعمار ولادكم شهرين لتلاته كم محيط الراس عندهم صار ؟؟
باقي الصبايا كلكم يسعد مساكم بدون زكر أسماء
يا رب كلكم تكونو بخير

[جارة القمر]

يسعد مسااكم

هبه :
هلا وغلا ومبروك التخرج والوظيفة

ام جودي:
الحمد لله على السلامة ومبارك ما جبتي تتربى بعزكم ان شالله

اخباري:

زيد مريض حبيبي كتير حساس لتقلبات الجووو وعلى طول صدره بخنئ ......
وكتير زعلانه عليه ..........

~~~~
وحنة سلفي بكرا وعشان مرضت زيد مو جاي عبالي شي ..........*

:(

[نور العمر]

مساااا الخيرر كيفكم ..؟؟

فوفو وهبه ربنايقومكم بالسلامه ياااارب

ام جودي مبرووك قومتك بالسلامه انتي وجودي وبدنا تفاصيل الولاده ..

دودو كيفك وكيف عموره ان شاء الله ع الشهر الخامس بتحسن نومو اكتر بالليل وبنهار بنام ساعتين لتلات ساعات ..

لولو حمد الله على سلامتكم منيح مرضتو مع بعض مره وحده احسن من تاخدوها على مرااحل وهيك بترتاحو وبتخفو مع بعض ..

حواء انا صوتت لبرلنت وان شاء الله تربح ..

جارة الف سلامه على زيد وان شاء الله بخف يمكن مع تغيير الجو ومعك حق الواحد لما بكون ابنو مريض ببطل الو نفس لشي بس ضروري تروحي والابزعلوو ..

حلا الف سلامه عليكي وان شاء الله عيونك اليوم احسن ..؟

ام أسيد عيد زواج سعيد انا كمان ب 16-9 احتفلت بعيد ميلادزوجي .. وكيف أسيد ..؟

ام مرواان كيفك وكيف منوشه

احساس زمان مابينت وعيون المها وكتير بنات ما بطلووو كتيررر

ان شاء الله ماكون نسيت حداا

ويسعد مسائكم جميعاااا ...

[حواء مثالية]

يسعد صباحكم يا حلوات كيفكم شو اخباركم يارب تكونو بخير

جارة الف مبروك لسلفك وسلامته ابنك ان شاء الله بخف وما بغلبك

مممممممم ما قلتيلنا شو شريتي شوراح تلبسي ؟؟؟

[نور العمر]

صبااااح الخيررر ..

كيفكم ..؟؟

[نور العمر]

https://encrypted-tbn0.gstatic.com/images?q=tbn:ANd9GcTmYfNheqz40sXH-2JuPmvfhKXFNYVQtFR039D5-yOTh7Co_eXx (http://www.google.ps/url?sa=i&rct=j&q=&esrc=s&frm=1&source=images&cd=&cad=rja&docid=mJ-7daBFhkME7M&tbnid=5mMQiX5qr_smeM:&ved=0CAUQjRw&url=http%3A%2F%2Fforum.sedty.com%2Ft610816-244.html&ei=yhFFUp6UNcXsswbh9IHYAg&bvm=bv.53217764,d.bGE&psig=AFQjCNF260kgW7QJFTlHLWDjRaz__Q6IkA&ust=1380343989946333)

[نور العمر]

http://forum.hwaml.com/imgcache2/hwaml.com_1380258310_434.gif (http://www.google.ps/url?sa=i&rct=j&q=&esrc=s&frm=1&source=images&cd=&cad=rja&docid=mJ-7daBFhkME7M&tbnid=5mMQiX5qr_smeM:&ved=0CAUQjRw&url=http%3A%2F%2Fforum.amrkhaled.net%2Fshowthread. php%3F535712-%25C7%25DE%25E6%25C7%25E1-%25C7%25DA%25CC%25C8%25CA%25E4%25ED&ei=1xFFUqbeNInUsgbxgoHYDw&bvm=bv.53217764,d.bGE&psig=AFQjCNF260kgW7QJFTlHLWDjRaz__Q6IkA&ust=1380343989946333)

[نور العمر]

https://encrypted-tbn0.gstatic.com/images?q=tbn:ANd9GcSJexJONcf-VblyUOnBMegdz8V1fhqCiDypwK1G38eJ69mq9SeV (https://www.google.ps/url?sa=i&rct=j&q=&esrc=s&frm=1&source=images&cd=&cad=rja&docid=mJ-7daBFhkME7M&tbnid=5mMQiX5qr_smeM:&ved=0CAUQjRw&url=https%3A%2F%2Fplus.google.com%2F10853368696103 0915899&ei=-hFFUvGpMsXHtQaG1oGADw&bvm=bv.53217764,d.bGE&psig=AFQjCNF260kgW7QJFTlHLWDjRaz__Q6IkA&ust=1380343989946333)

[نور العمر]

شو ناويين تطبخوواا اليوم ...

انا احتمال منسف ...

مالكم بطلوو مره وحده وتختفو مره وحده !!!

[حواء مثالية]

صبااااااااااااااحو جمعتكم خير وبركة

منورة نور

والله البنات مو مثل اول

[حواء مثالية]

انا عاملة ورق دوالي تفضلووووو

[ام عبد الهادي]

جمعه مباركه ع الجميع

[نور العمر]

صحه وهنا حواء ع الدوالي ... كيف الجو عندكم ... نحنا صار في بروده شوي ... مش عارفه شو بدي اشتري لولادي للعيد لانه بالنهار حر ومع المغرب بقلب الجو بصير بارد وابني نوعو حساس عطول بمرض ...

شو جهزتو للعيد ...
معك حق البنات بطلووو زي اول من بيبي واحد وصارو هيك كسولين كيف لما يخلفو 3 او 10 هههههههههه

شو صار على مسابقة برلنت ؟؟ لو عارفه بهاي المسابقه كنت حطيت ابني يشترك فيهاا كان كسر الدنياااا ههههههه

فوفو ان شاء الله تكون ولدت ...

باقي صبايا الحلوووين اصحو من النوم وارجعو نوروناااا

[نور العمر]

ام عبد الهادي منوره حبيبتي ...

وجمعه مباركه ..

[حواء مثالية]

تسلمي نور ا

خر الشهر السحب بالمسابقة

انا من اول ما صار الطقس هيك دفيت لولاد احسن

عشان ما يمرضووو

[كبريآء أنثى ـآ]

مساء الخير
كيفكن يا صبايا ؟؟
طمنوني عنكن ؟
فوفو شو أخبارك لتكوني ولدتي ؟؟ ربنا يقومك بالسلامة حبيبتي
حواء كيف ابنك وبنتك ؟؟ الله يخليلك إياهم
هبة .. مبروك الوظيفة يا عسل .. بس شو توظفتي ؟؟
باقي الصبايا وينكن يا كسولات ؟؟

[فوفو89]

هلا ام مروان

انا الحمدلله بعدني صامدة ما ولدت

بكرا اخر يوم الي بالتاسع

امبارح الصبح نزل علي افرازات مع دم ،، وكان في وجع خفيف اسفل الظهر والبطن بس بعدين راح الوجع ،، والعصر نفس الشي نزلت افرازات مع دم
بس اليوم نزلت افرازات عادية بدون دم

عنجد نفسي اولد وارتااااااح

ادعووووووووووووولي الله يخليكم

[نور العمر]

مرحباااا

كيفكم ..

هلا ام مروان منوره .. كيف منوشه ..؟؟

فوفو هاي من علامات الولاده يمكن السداده ... ربنااا يقومك بالسلامه اليوم قبل بكره وتشرف احلى زوزو بصحه وسلامه

[فوفو89]

تسلمي نور
الله يسعدك
رزونة مش راضية تنزل ،، شكلها مش عاجبتها لدنيا هههههههه

بيصير معي وجع مثل وجع الدورة بس اخف ،،وجع اسفل الظهر والبطن ،، خصوصا وقت النوم ووقت الصباح

[ام عبدالله لولو]

مساء الخير يا صبايا
فوفو ان شاء الله تقومي بالسلامة لازم رحت المستشفى لانو انا اما اولدت نولت عليه هيك افراوان وما كان في وحع رحت لقيو التوسع 3 ومن غير وجع مو كويس الدم ممكت يكون في شي بالمشية الله يقومك بالسلامة
حلا الف سلامة عليك شو اخبارك
حواء صحة وهنا ليه ما عومتيني ع الدوالي والا زي جارة بتعملي وبتاكلي لحالك ههههه صحة وهنا نور العمر الله يسعدك يارب تسلمي اه والله انبسطنا جوا كان حلو وطلعنا بسيارتنا ع رام الله وتغدينا هناك ههههه بس بالاخر الاستاز أسيد قلبها نكد بطل يسكت
ام مروان كيفه منوشة اكيد مدلله عند ستها
ام جودي الغ حمد لله ع السلامة تتربي بعوكم يارب
هبة الله يقومك بالسلامة ومبروك الوضيفة هههههه عقبالنا
باقي الصبايا يسعد مساكم يارب

[حواء مثالية]

يسعد اوقاتكم

نور تسلمي ولادي بخير بسلمو عليكي

ام عبدالله عليوم لو تزوريني شو ببالك بعملك

انا اليوم عازمه ست زوجي وسيدو على كبسة تفضلي

بنات عادة وقت تولدو شو بجيكم مباركات ؟؟؟؟

انا في برلنت وقت اولدت كلشي كان ناقصني بالبيت طلبته من قرايبي وهلا بعزو مو ناقصني شي فطلبت نقوووط (فلوس)

[كبريآء أنثى ـآ]

مساء الخييير
كيفكن ؟
حواء .. هيك بصير مع الكل الناقص بطلبو مافي شي ناقص بعطو نقوط عادي ههههه
ممم بصراحة انا متنكدة كتييير اليوم منى صحيت من النوم تصرخ وكانت حرارتها 37.9
مش عارفة شو مالها وضلتها تصرخ كتيييير وما هديت مش عارفة لييش
وشربتها مرمية وكمون خفت تكون ممغوصة
وحطتلها تحميلة وبردتها بس شو الفايدة التحميلة طلعت بالبراز .. الله يعزكم
بس نفسي أعرف من شو الحرارة .. مع إنه لما اختلف الجو حممتها وصرت أدفيها وألبسها بلايز كم

[ام عبدالله لولو]

مساء الخير يا صبايا
حواء والله يار يت لو انك قريبة عليا الا ازوك وتزوريني بتشرف فيكي اخت عويوة وحبيبة
ام مروام حبيبتي ما تهملي بالحرارة خديه ع دكنور ازا اسنمرن معها وبعدين بالنسبة للجو حتى لو حسيت الجو حمى ما تخففي عنها الصغار ما بيعرفو شوب وبرد طمنينا عنها والف سلامة عليه للعروسة الحلوة
لزلو ودودو وحلا وينكم فزفز ليكون اولدتي الله يقومك بالسلامة يارب
باقي الصبايا يسعد مساكم يارب

[جارة القمر]

صباح الخير

شو اخباركم؟؟
////////////////

بالنسبه لزيد اليوم احسن الحمد لله بس لسا بعطيه الدوا .......
//////////////////

اما عرس سلفي :

يوم الحنه الحمد لله زيد كان افضل من اليوم اللي قبله وحتى نام واخدت راحتي.......
//////////
طبعا رقصت رقص نزلت في 2 كيلو اللي كنت مبسوطه عليهم لاني انصحتهم ههههههههه

كنت شاريه فستان قصير لون ابيض من الموديل لجديد اللي بيجي ايديه مخرم بس رحت
على الخياطه وعملت له شبره خمري على الخصر وربط من ورا وبتجي طول الفستان ......

اما بالعرس :

الله يسامحا العروس أديش هي حلوه اديش خربت على حالها بالعرس

ما عملت تسريحه خلت شعرها نازل كله وحتى الغره فرق من النص وطويله غطت على وجها والطرحه لبناني
والمكياج مو باين نهائيا

على العلم انها على الطبيعه ما شالله كتير زاكيه
بس بيوم العرس نووووووو

انا شتريت فستان لون اخضر غامق هاد الطبقة الساتان اللي تحت وفوقه بيجي طبقة شيفون اسود منقوش عليها بالاخضر
وبيجي تحت الصدر ستراس فضي متل لحزام
وعملت شعري كتير بسيط مع اني رفعته هاد اول ساعه من العرس وبعدين اللبست حجاب .....

وهاد اللي صار

[نور العمر]

صباح الخيررر،،، كيفكم؟

جارة القمر ... الف مبروك لسلفك وعقبال ماتفرحي باولادك ..وصفك لفستان الحنه شكلو طالع بجنن بحب هيك ستايلات

والعروس ماعملت تسريحه ؟!!

وحمدالله على سلامت زيد ..

ام مروان خدي بنتك ع الدكتور اذا ماراحت الحراره ... يمكن من تغيير الجو ..وسلامتها ..

فوفو ان شاء الله تكون ولدت بالسلامه ..

باقي صبايا كيفكم وشو اخباركم..؟؟

[حواء مثالية]

صباااااااااااااااح الخير كيفكم شو خباركم

جارة اكيد كنتي قمر العرس

الف مبررررررررروك لسلفك عقبال اولادك

انا اليوم بتمم الاربعين عقبال هبة وفوفو وام جودي وكل الي ما كملووووو

[ام عبدالله لولو]

مساء الخير يا صبايا
حواء شو اعملتي اما كملتي الابعين انا اعملت شعري هايلات وقصيت شوية يعني بس حركة فيه واشتريت اغراض جديدة يعني ع قولة الخليجيات اطلعة كشخة ههههههههههه
فوفو راح اباركك لانك اكيد اولدني الف مبرووووووووك
طبعا الغائبات والعزيزات ع قلبي وخواتي لولو ودودو وحلا وام مروان ونور العمر نعالوووو

[حواء مثالية]

والله يا ام عبدالله الك وحشة

انا يا قلبي اليوم الصبح رحت على حمام بخار شريت روشت نفسي وحمام زيت وبدي لوشن من الاخر

وشرريت شغلات كثيرة بجامة وطقم داخلي وشوز واكسسوارات وشريت لزوجي هدية وفي جاتو وعاملة عشى خفيف مسحب ومقبلات وعندي شمعتين طولك هههههههه بس يارب تكوني طويله
عقبال باقي الصبايا يتممو اربعينهم عخير

[dr.loly]

http://forum.hwaml.com/t273466.html

[~{{ DoDo }}~]

هاي يا حلوين كيفكم
يسعد صباحكم ومساكم كل وحدة بتوقيتها
شو الاخبار انشالله تمام وييبياتكم تمام والحوامل تمام
متهيالي فوفو وام جودي وهبة ولدوا او يمكن وحدة فيهم ولدت عندي احساس
الله يقومهم بالسلامة ويسمعنا الاخبار الحلوة

باقي الصبايا والمامات الجداد ان شاء الله كلكم بخييييير اشتقتلكم

انا بخير الحمدلله والازعر كمان بخير
اعطيناه تطعيم يوم الاحد
ومبارح كمل التلات شهور على خير الحمدلله
وماشاء الله لا قوة الا بالله وزنه هالشهر زايد كيلو و١٠٠ جرام يعني ممتاز بالنسبة للشهر الي فات
وانبسطنا عليه كتير اسم الله طبعا لانه انا صرت ماخدة بالي من اكلي منيح وهيك
بس المشكلة انه انا الي وزني وجسمي مش عاجبينني نهائيا ومحلك سر يعني المروض الرضاعة بتنحف
بس عالفااااااااااضي شكلي رح استنى لما يبلش ياكل عشان اعرف اعمل ريجيم زي الناس هففففففف
يلا معلش كله فداه حبيب عمري
المهم شو كمان ، الجو بالامارات بلش يصير حلو والحر بيخف شوي شوي والرطوبة تقريبا راحت
هاي احلى فترات من السنة من هون لشهر ٣

صحيح بنات دكتورتي قالتلي ببداية الخامس ممكن اصير ادوقو شغلات لعمورة
حابة اشوف كل وحدة فيكم متى بلشت تطعمي وشو بلشت واديه الكمية كل يوم وكم مرة ومتى وهيك يعني

يلا خلونا نتحدت ونتبتدل خبرات

[beboo]

مسا الخير يااحلى صبايا كيفكم انا كتيييير مشتقالكوو

بس الظروف الله بيعين

المهم كيفكم نفر نفر

ام عبدالله وحواء مبروووووك البيبي ويتربي بعزكم عقبال باقى الصبايا

دودو ولولو والله اشتئتلكوو كتير

دودو حبيبتي اه بلشي من الخامس بس تدويق

يعني مثلا لبن مهلبية جزرة مسلوقة ومهروسة فواكه متل الانجاص والتفاح مافيهم شي

يعني اشيا بسيطة ولازم اول اسبوع ماياكل اكتر من 8 ملاعق صغار يعني اول يوم معلقة ونص تاني يوم كمان زودى شوي وهكذا

والله يخليلك اياه وتفرحي فيه يااااارب وتشوفيه عريس

احساس كيفك ياعسل والله وحشاني وكيف حملك انه شاء الله كله تمام

باقى الصبايا شو اخبارهم

[حواء مثالية]

يسعد اوقاتكم بيبو الله يبارك فيكي يا رب


دودو انا بلشت اذوق برلنت على الست شهووور بس في ناس ببلشو من الرابع او اول الخامس

والله يا بنات شكلكو بعتو الدردشة خلص

احساس لاحس ولا خبرررررررررر وينك يا بنت

[حواء مثالية]

صمت مخيف................. وحروف مجمدة

وينننننننننننننننننننننننننننننننننننننننننننننننن ننننكم

[نور العمر]

مرحباااااااا

والله ياحواء انا نفس سؤالك ... كل ما ادخل واشوف الصفحه زي ماهي من اسبوع بحس قلبي بتقطع

التجمع صار مخيف ملئ بالصمت والسكون مافي حيويه ونشاط متل قبل ..

ان شاء الله برجعو زي قبل....

[حواء مثالية]

انا عارفه عنهم يا نووور يالله المهم كلهم يكونوا بخيرررر

جمعة مباركة