الغاليات بنات فلسطين اتفضلو هون.....

[حواء مثالية]

ريتو صحه وهنا خلص من اليوم وطالع شتى والشي هاد زاكي ينعمل لما بدي اعمل شي بجي بسالك ماشي

انا بتعرفي لي ما بعمل لانه حماتي بتستلمني وبصير كل يومين ثلاث بدها شي وانابصراحة ما بكون رايق كل الوقت لهيك بريح راسي وبشتري جاهز واذا قررت اعمل شي بختار يوم تكون هي طالعة في او بالليل

[كبريآء أنثى ـآ]

ممممممم عارفة أنا زي الهبلة كنت
أعمل كل الحاجات وهلأ دار عمي مستلميني كل يوم بدهم شغلة ههههه
بقول لو من الأول قلت مابعرف وخلص هع هع
بس والله انا ساعات بنبسط لأنهم بحبوا الشغلة اللي بعملها
وساعات بكون تعبانة وبطلبوا مني أعمل وبخجل أقلهم لأ
حبيبتي شو مابدك اسألي عادي

[كبريآء أنثى ـآ]

حواء مش إنتي ساكنة في بيت لحالك ؟؟ وشو بعرفها حماتك إنك عملتي شغلات زي هيك ؟؟
ولا بتنطلك هههههههههه كل يوم

[حواء مثالية]

ساكنه بشقةلحالي بس بيتهم جنبي عطول الباب بالباب

[كبريآء أنثى ـآ]

ههههه مابتعرفي تعملي ع السكت يعني من دون ماتعرف
هههههه بس أكيد بما إنك قريبة منها أكيد زوجك هيقلك ابعتي لإمي صح

[كبريآء أنثى ـآ]

أم أسيد ــ دموع الليل وين غطستوا ؟؟؟؟؟؟

[حواء مثالية]

وقت اعمل بحسب حسابهم


بس ما بحب اتقيد وحماتي ما بتصدق

[دموع الليل]

حواء .... تعجبنى شخصيتك

[كبريآء أنثى ـآ]

صح كلامك والحماوات ما يصدقوا بإشي ع الجاهز ولا شو رأيك ؟؟
مممم نزلي صورة لبرلنت خلينا نشوفها

[دموع الليل]

ام مروان كيف حماتك؟؟ منيحه معك؟

[حواء مثالية]

ذحبيبيتي دموع الواحد بدو يعرف كيف يعيش

ام مروان برلنت صورتها بالتوقيع قريبا بنزللها صور جداد

[دموع الليل]

والله معك حق حواء

لانى بعاااااااااااااانى مع سلفتى

[كبريآء أنثى ـآ]

ليش شووو مالها سلفتك ؟؟
اها شايفاها صورتي بس قصدي بدنا صورة جديدة

[كبريآء أنثى ـآ]

مممم حماتي منيحة بس أنا بدايق منها بشغلة إنها ما بتساعدني بشغل البيت
ولما أبلش شغل بغرفتي وترتيبها بتمها طول اليوم مكشرة بوجهي
بس أنا ما بوفرلها وكل يوم لازم أبلش بغرفتي وأرتبها أخر ترتيب بعدين ببلش بشغل البيت
هية مابعجبها بتصير تقلي إنتي دايما شغلتك أول شغلة خلينا نخلص شغل البيت والطبيخ بعدين بتروحي ع غرفتك
بس أنا كل يوم ببلش بغرفتي ما برد عليها
هية بدها إياني أبلش بغرفتها والبيت بس انا مابطلع من غرفتي إلا ومخلصاها على الآخر

[حواء مثالية]

انا سلفتي كثير طيبه وبنت حلال بموت عليها طبعها مثل طبعي

[حواء مثالية]

عااااااااااااااااااااااااااااد الصمت

زوزو نام

بس بتعرفو عندي مشكله مع ابو الشباب مخربلي نظام برلنت قبل ما انيمها بحكيلو اذا بدك تلاعبها بقلي لا نيميها وبس اعطيها الحليب واحطها بتختها بروح بطلعها وبلاعبها هلا اخذها وهربو عند اهلوووووووووووووو انا الساعة عشرة بالكثير لازم تكون نايمه وكل يوم بعمل معو مشكله على هالقصة وعلى الفاضي ما برد علي شو الحل برائيكم

مع انها بتكون بدها تنام وبحكيلو مو كويس عشان صحتها ما برد

هو بموووووووووووت فيها لهيك ما بقدر امنعو عنها

بس بالكم باثر هالشي عليها ولا عادي

[حواء مثالية]

صبااااااااااااااااااااااااااااااااااااااح الفل

[حلا الماس]

صباااااح الخيري يا حلوات

ما شاء الله حاكيات كتير .. يا رب على طول نتجمع متل الاول

كبرياء
يعطيكي الف عافية يا معدلة .. ما شاء الله عنك

دموع وفوفو وأم أسيد
منورات الصبايا

حوائتيي
الله يسعد هالصباح حبيبتي


احساس ام زوزو صرلها فترة ما بتطل !! ابصر وينها

مين هون ؟؟ شو بدكم تعملوا غدا ؟؟

[لولو الفلسطينية]

صباح الخييييييير
مين هون ؟
منورين الصبايا
امبارح السوسة نكدت نكد اشي مش طبيعي شكلها فعلا بدها تسنن يا حرام بتحزم و هي بتعضعض العضاضة بتكون تطلع صوت من كتر ما بحكوها ..... و الدكتور سألته و حكااي استعمملها بيبي جل لتخفيف الم التسنين و لعده بتهدى شوية مسكينه .... صرت ملخبطة ز مش عارفة هم سنان فعلا و بس نكد .... بس عندها منفوخين كتير التنين الي فوق و الي تحت كمان مش عارفه ان شاء الله خير
ولازم هاليومين اقوي فلبي و اخرملها دنيها
مممم شو كمان بعد بكرة عبد زواجنا التاني يعني بصيرلنا سنتين .... متحمسة ييجي هاليوم مش عارفه ليه هههه بس بتعرفو حاسة كأنو حفله عرسنا امبارح ههه الأيام بتجري
اليوم مرت عمي بدها تعمملنا مقلوبة ... افطرنا مع بعض لسا قبل شوية و الزعرة نكدت و نزلت غيرلتها و رضعتها و ناااامت حبيبتي
ااااه و انتو شو في عندكو اخبار ؟؟ حصحيح ام مرواااان يسلمو هالايدين صحة صحة
يسعد صباحكم جميعا

[كبريآء أنثى ـآ]

مرحباااااااااااااااا
كيف الصبايا
لولو وحواء وحلا منورات والله وينكن ابقوا طلو علينا
مممممم لولو انا بعرف الاسنان اللي تحت هية اللي بتطلع بالاول عشان يكون عندك خلفية
لأنه سألت الدكتور هيك حكالي لما حكتله عن بنتي بتعضعض وبتكرز ع الاصابع
والاسنان اللي تحت وفوق حاساهم متورمين قلي اللي تحت بطلعوا قبل

[حواء مثالية]

يسعد مساكم

شلونكم

ام مروان منورة

[كبريآء أنثى ـآ]

بوجودك حبيبة قلبي ..
بدي أروح أجهز الغدا ونتغدا وبرجع خليكي خلينا نتسلى شو رأيك حواء موافقة ؟؟؟

[كبريآء أنثى ـآ]

شووووووووووووووو مافي حدا هووون؟؟
أم أسيد اليوم ما بينت أبصر وين غاطسة

[حواء مثالية]

هاي

كيفكم

يالله انا هون من هلا لاخر الليل

[كبريآء أنثى ـآ]

هلا حواء
وين شردتي ؟؟؟

[كبريآء أنثى ـآ]

عارفة والله أنا ميتة من الزهق ومعزومين على فرح
وجاي ع بالي ومو جاي ع بالي أروح متحيرة ههههههههههه
كنت بدي أروح ع أهلي بعد العصر لقيت أهلي طالعين وأجلتها لبكرة

[حواء مثالية]

هلا انا هون ياقمر روحي على العرس بتغيري جو

[كبريآء أنثى ـآ]

عارفة بنتي ما إلها ع الطلعات لهيك أنا ما بحب أطلع
بتصير تزن وبتتنكد وبتنكد علية

[كبريآء أنثى ـآ]

خلص بدي أقوم ألبس وأجهز حالي بلاش عمتي تقعد تحكي

[حواء مثالية]

يارب تنبسطي بالطلعة وناطرك تحكيلي كيف كان العرس

وينكو يا بنااااااااااااات

[عبير الحرية]

http://forum.hwaml.com/t277758.html

[كبريآء أنثى ـآ]

مين هووووووووووون؟
ههههههههه روحت بسرعة بجد العرس كان زحمة كتيييير بس حلوو والله

[ام عبدالله لولو]

مساء الخير يا صبايا
انا هون مش تروحي يلا وينك يا حواء هي ام مروان هون ههههه مسكته

[كبريآء أنثى ـآ]

صباااااااااااااااااااااح الخير
سوري امبارح قطعت الكهربا .. الله يقطعهم والله جننونا بقصة هالكرها
يااااارب تفرجها علينا

[حواء مثالية]

صباحكم فل

كلكم بتحطو رد وبتختفووووو

من السته صبحت صاحي شوفو النشاط مره زوزو بصحى ومره برلنت

[فوفو89]

صباحوووووو صبايا
كيفكم
امبارح حلصت الاربعين ولله الحمد ،، خلصت الاربعين وبلشت الدورة عطوووووووووول وجوزي مولعع ههههههه


لولو
ليش ما خرمتيلها اذنها من بدري اريحلك
انا لما طلعت من المستشفى رحت ع دكتوراطفال عشان نعمللها فحص شامل ونتطمن عليها ،، والسكرتيرة حكتلنا اخرمو ذنيهها هس اريحلكم ،، وحكيتلها طيب ،، وخرمنا ذنيها وحطينالها حلق من اول يوم ،، وعيطت شوب وسكتت عادي


انا بدي اعمل فول ع لبن للغدا وانتو؟؟

[حواء مثالية]

هلا فوفو منورة الحمدلله على سلامتك

انا مو عارفه شو راح اطبخ

[ام عبدالله لولو]

صباح الخير يا صبايا
منورات صبايا شو اخباركم بعين الله يا ام مروان اخرته بتفرج بادن الله
فوفو مبروك نمامك الاربعين بخير عقبال الصبي هههههه
حواء ههههه شو بدك تعملي نامي معهم ولصحي معهم شو اخبار عزو ابني ماشاء الله صار يلعب وازا حد لعبو بضححححك ههههه وشاطر صار يعرفني يعني اما اقرب حدو زهز بالكوتة بصير يضحك وبنبسط وشو كمان الحمد لله برضع مني والببرونة ع الاخر تركه بفضل الله
نزلتو صورة بالتوقيع ما بعرف ازا حد انتبه عليه نزلي صورة زوزو الله يحمالنا اياهم يارب امبارح اجت الدورة والل كان رح يوقف قلبي وانا استنى فيه مع انو جوزي ما انبسط ههههه بدو ياني اكون حامل وانا ربصراحة بخاف يارب يجيب الي فيه الخير
بدي اعمل مقلوبة مين ع بالووووو يتفضل وصدقا والله شو نفسي اكون اعرفكم بالواقع ع اد ما بحبكم وبنبسط معاكم دودو ولولو وحلا ونور ودموع وفوفو وجارة وام مروان سابقا هههههههه وكل الصبايا وحبيبتي الغالية ام عز الدين يسعد صباحك وصباح كل الحلوات انا هيني هون ياريت حد يفوت يعني ازا ما رديت ع طول بكون بالمطبخ برجع هههههه صبحت ارغي

[~{{ DoDo }}~]

يسعد صباحكم يا حلوين
كيفكم وكيف بيبياتكم
ان شاء الله كلكم بخير فردا فردا

انا الحمدلله بخير والازعر المشاكس كمان بخير
لسا نكد الاسنان شوي عامل عمايلو
بس احسن من قبل

واليوم بلشت اعطيه وجبة سيريلاك الارز
طبعا بس معلقة صغيرة سيريلاك مع ٤ او ٥ ملاعق مي
وحبها شكلو اكل بس طبعا لسا مش عارف كيف ياكل بالمعلقة
بيمص وبيتف شوي وبيبلع شوي ههههه ما كملتلو اياها كلها
بالتدريج احسن ، وبدي اقعد اسبوع متل هيك بس وجبة سيريلاك
بعدين الاسبوع اللي بعدو بيكون بنص الخامس بدي ابلش جزر او كوسا
وبقلكم شو بيصير ههههه بس اتاري البيبيات بدهم طولة بال كتيييييييير بالاكل

شو طابخين اليوم ؟
انا يمكن اعمل عدس

[ام عبدالله لولو]

هلا دودو منورة شو اخبارك بدي اسالك كم صار وزنك ههههه وكم نولتي بعد الولادة

[~{{ DoDo }}~]

هلا ام اسيد
منوووورة يا حلوة
يا ستي وزني هلأ ٧٣ ونزلت بعد الولادة حوالي ٩ كيلو وثبتتتتتت
مش راضي هلا يتزحزح من مكانه :(
وانتي نفس السؤال ؟

[حواء مثالية]

يسعد هالصباح يا بنات

ام اسيد الله يخليلي اياكي يارب اليوم بنزل لزوزو صورة ولايهمك صار كلبوزززززز بزززززززنن ما شاء الله عنو ابنك زي العسل الله يخليلك اياه يارب

دودو هلا ياقمر شو اخبارك

الله يخليلك اياه عمورة وصحتين وهنا على قلبوووووووو

[ام عبدالله لولو]

اسفة ع التاخير ههه كت بطبق بالطبخة والله انا بعد االولادة صرت 74 كنت قبل الولادة بيومين 82ونص حابة انزل وارجع زي ماكنت 62 ههههه شكلو بلاحلام المهم صار عندي كرشة من العملية المهم الحمد لله على كل شي ولا مرة اتوقعت نكون ولادتي عملية بس الحمد لله كلو تساهيل من الله
حواء الله يخليلي ايكي يارب هاد من زوئك يا عسل هيني بستنى بالصورة

[~{{ DoDo }}~]

حواء
يسعدلي هالطلة الحلوة ام الزوز
بوساتي للحلو الكلبووووووووز
ويسعد اوقاتك يارب

ام اسيد
والله الحال من بعضو حبيبة قلبي
انا نفسي انزل لل ٦٥ متل ما كنت
بس مش عارفة ليه مش عم يتحرك وزني
مع اني ما باكل كتير وبرضع ابني كتير منيح الحمدلله
مستغربة بجد
عم بستنى يطبق ابني ال ٦ شهور عشان يكون معتمد عالاكل منيح
وابلش اعمل ريجيم انش اء الله واقسى على حالي عشان انزل
وارجع البس تيابي

ممممم

شو عندكم اخبار واشياء جديدة

صحيح ام اسيد صلاة النبي عالامور اسيد بيجنن
وعسل الله يخليلكم اياه

[حواء مثالية]

حبيباتي تسلمووووووو يارب


انا ما عندي اخبار جديدة خلصت شغل البيت ونشرت الغسيل وهيني ببرم معكم

[ام عبدالله لولو]

الله يسعدك ام عمر ويخليك ابنك يارب وتشوفيه اخوه ان شاء الله
مش كثير بطلع من ابني ما بحب يطلع بنكد بس يطلع لهيك بختصر وبضل بالبيت هههه تا يكبر شوية غير هيك الجو عنا متقلب ببرد وبرجع بحمي كيف ابنك كم صار وزنو وطولو ومحيط راسو اليك ولحواء السوال

[~{{ DoDo }}~]

حواء
يعطيكي العافية يا قمر

ام اسيد
والله انا كمان ابني بيغلب بالطلعات
بس انا بطلع صراحة عشان يتعود
وشوي شوي يبطل يغلب
وهيو عم بتحسن وانا صراحة لو ما طلعت بطق
انتي عارفة غربة وما الك حدا لازم تتاقلمي وتغيري جو وتشوفي ناس
امممم بالنسبة لوزنه وزنته اول الشهر لما كمل ٤ شهور
كان ٧ كيلو و ١٠٠ جرام وطوله ٦٥ او ٦٦ نسيت
اما محيط الراس صراحة ما انتبهت زوجي اللي انتبه
وقال الدكتور انه محيط راسه ماشاء الله كبران
وكل شي طبيعي وزنه بالنسبة للمعدل طبيعي وممتاز
اممممم ما رح اوزنه الا عال ٦ شهور هلا الدكتورة قالتلي ما في داعي عال ٥
وبالمرة وقتها بيكون في تطعيم ال ٦ شهور
انتي كم وزن اسيد وطولو اسم الله ؟

[ام عبدالله لولو]

يعطيكي العافية يا حواء والله انا لسه بطبخ هههه
دودو ابني تبارك الله ع الشهرين يعني قبل شهر كان 6ونص وزنو وطولو 59 ومحيط راسو 40 هلا بس يطبق الاربعة شهور الو تطيعيم وميزان ان شاء الله خير

[كبريآء أنثى ـآ]

مرحباااااااااااااااا
ام عبد الله انا كان وزني آخر يوم بالتاسع اللي هو اليوم اللي ولدت فيه
بس طبعا توزنت قبل ما أولد 81 وهلأ وزني 58 بالزبط
مع إني قبل ما أحمل كان وزني 62 مممم بس أنا طويلة ما كان مبين علية 81 ههههههههههههههههههههه

[~{{ DoDo }}~]

ام اسيد
يا حبيبي اسم الله
ديري بالك عليه ع تطعيم ال ٤ شهور
بيغلب شوي مسكين بياخد ابرتين برجليه وتطعيم بتمو

[~{{ DoDo }}~]

هلا ام مروان منورة
حلو كسمك ماشاء الله
حافظي عليه
وبيكون جسمك من النوع اللي سهل ينزل بسرعة اسم الله

[حواء مثالية]

الله يزيدكم عافيه

ام اسيد يا حلوه بكرا طعم زوزو الشهرين بكرا بكتبلك التقرير كامل مووووووووووووواه

[~{{ DoDo }}~]

حواء
ان شاء الله ما يتغلب زوزو من طعم الشهرين
انا ابني ما تغلب كتير منه الحمدلله
ان شاء الله بتطمنينا عليه

[حواء مثالية]

ان شاء الله يا رب

[كبريآء أنثى ـآ]

النور نورك يا عسل
عارفة انا لما حكتلي 81 انصدمت خفت إنه ما ينزل وزني
بس عارفة أنا جديد صار وزني 58 يعني رجعت ألبس تيابي اللي اشتريتهم قبل الحمل
والحمد لله كل شي بيجي فية ههههههههه
انا عندي بـ 20/11 تطعيم لمنوشة بتقلي تطعيم الحمى ... في حدا أخدو هاد التطعيم ؟؟

[~{{ DoDo }}~]

ام مروان
انا كمان لما ولدت كنت بحدود ال ٨٣
ان شاء الله انزل خليتيني اتفاءل هههههه
بالنسبة للتطعيم انا اللي بعرفه فيه عال ٦ شهور بما انه منوشة كملت ال ٤ شهور واخدت تطعيم ال ٤
مش عارفة ازا كان هو تبع الحمى ولا لا
اسالي الدكتور اللي بتتابعي معه

[حواء مثالية]

لي سكتو هاتو شي نحكي في

[كبريآء أنثى ـآ]

دودو هاد التطعيم كان لازم تاخدو ع الشهرين بعتقد بس ما كان موجود

[فوفو89]

ام اسيد
تسلمي يارب
انا كثيييييييير خايفة من موصوع الحمل قبل السنة،، والدكتورة حكتلي استخدم موانع طبيعية وبس
وزوجي معارض فكرة المانع الطبيعي

شو بتنصحوني؟

[كبريآء أنثى ـآ]

حواء ... بدي أحكيلكم وأفضفضلكم شو جواتي لأني مدايقة كتيييير
أنا زوجي طبيعته عصبي كتييير وأنا حساسة زيادة عن اللزوم
وأنا بتحسس من أقل شغلة منه وبدايق وبزعل وهو لأني بحرق منه قال بزعل مني وبدايق وبستخسر يراضيني
وبقلي إنتي مش عارفاني لليوم اني عصبي وشوي وبروق ليش بتزعلي وبتحرقي وبصير هو الزعلان وبدو أنا أراضيه
مش عارفة أتعامل معاه أبدا ياااااريت تنصحوني كيف أتعامل معاه اللي ما يزعلني ولا أزعله

[~{{ DoDo }}~]

حواء
نحن هنا هههه

فوفو
منورة ام رزووونة شو اخبارك
بالنسبة للموانع انا وزوجي بنستخدم الواقي
بيضل اشي طبيعي وما فيه لخبطة هرمونات متل الحبوب واللولب
اقترحيه على زوجك وشوفي شو رايه

ام مروان
الرجال بدك تعتبريه بيبي صغير
يعني ابنك مش زوجك
صدقيني كل الرجال اطفال
ازا صار موقف وزعلتي جربي او زعلك هو بدون قصد
حاولي ما تبينيلو انك حرقتي وزعلتي ما تعملي ردة فعل
وقتها هو بيحس بالزنب وعلى طول لما يرق بيراضيكي
الرجال بالعموم ما بيحبو الست اللي بتحرق وبتبكي وبتتدايق على طول
بعتبروها قليلة عقل ههههههه هم هيك سبحان الله تفكيرهم
حاولي تتبعي هاد الاسلوب وشوفي شو بيصير معك

[كبريآء أنثى ـآ]

فوفو أنا زوجي كان معارض المانع الطبيعي وكان رافض فكرة اني أحمل عشان أنا عايشة بعيلة
بقلي لما نطلع لحلنا وقتها بنفكر نجيب التاني
بدي أروح أقلي السمك عشان نتغدا وبعدها بدي أروح على أهلي وبيجي ياخدني زوجي بالليل يروحني

[كبريآء أنثى ـآ]

دودو طيب كيف بدو يراضيني وهو عرف اني مازعلت او ماصارت مني ردة فعل ؟؟

[~{{ DoDo }}~]

ام مروان
الرجال اذكياء كتير يا حلوة
يعني بيعرف طالما انتي ما عملتي ردة فعلا لا سلبية ولا ايجابية انك ماخدة ع خاطرك
لانه انتي ضليتي ساكتة وهو مش متعود عليكي ما تعملي ردة فعل
حسسيه انك متدايقة بس بدون ما تحرقي وتبكي يعني كوني هاااادية زي المظلومة او حدا اكلك حقك
بيحس وقتها بالزنب انه هو غلط وبيراضيكي

[كبريآء أنثى ـآ]

هههههههههههه هو هلأ زعلان مني لأني برضو حرقت منه وزعلت منه لأنه عصب علية امبارح بالليل
كيف بدي أراضيه ههههههه

[كبريآء أنثى ـآ]

دودو إنتي وين بالغربة ؟؟
ومن وين بالأصل إنتي وزوجك ؟؟ من وين بفلسطين
وهل هو قريبك ؟
وانتي كنتي بالغربة قبل ماتتزوجي ولا تزوجتي وتغربتي \؟

[فوفو89]

ام عموووووره
المشكلة انه رافض فكرة المانع الطبيعي
حكيتلو انه الدكتورة حكت يستخدم اكياس او انه يكب برا
بس رفض الفكرة تماما

هو لحد الان ما صار جماع ابدا ،، وخايفة من الجماع اول مرة

[كبريآء أنثى ـآ]

فوفو بدك نصيحتي إوعي تاخدي حبوب بس شوو قصة الأكياس ؟؟؟ مابعرفها أنا ؟؟؟
انتي احكي لزوجك يا بنستخدم الواقي أو إنه يكب برا
عارفة انا زوجي رافض رفض تام الواقي
وجبت حبوب استخدمتهم لمدة 4 أيام تعبت كتييير كتييييير وأجتني الدورة منهم مع إنها كانت مخلصة جديد
وحزن علية واضطر إنه يكب برا وإحنا لهلأ بنستخدم هاي الوسيلة يكب برا

[~{{ DoDo }}~]

ام مروان
متل ما قلتلك ما الم الا تغيري اسلوبك
عشان هو كمان يغير اسلوبه ويصير يراضيكي
انا يا ستي من غزة وعايشة انا وزوجي بالامارات
زوجي بيقربلي ، وكنت بغزة قبل الزواج واهلي واهله بغزة
بس هو لما تخرج اجا يشتغل بالامارات وخطبني بعدها

فوفو
مش عارفة شو اقللك
بس حاولي تقعدي معه لتلاقو طريقة مانع مناسبة ازا مش حابين يصر حمل

[كبريآء أنثى ـآ]

يعني مش مفكرين ترجعوا ؟؟
طيب انتي درستي بغزة ولا ؟؟
كام عمرك ؟؟

[كبريآء أنثى ـآ]

وييييييييييييييييين غطستوا ؟؟

[كبريآء أنثى ـآ]

ممممممممممم خلص غطسوا الصبايا انا بدي أقوم ألبس وألبس منوشة عشان بدي أروح ع أهلي
هما جنبي بس مو كتير يعن دقيقتين وبكون عند أهلي

[حواء مثالية]

مممممممممممممممممممممممم انا هووووووووون

الله معك يا قمر

ياريت لو اهلي قريبين مني

[فوفو89]

هههههههه حلوة بتصدقي انه حماتي ما حكتلي انها عازماها ع الغدا غير وانا بجهز بالغدا حكتلي هع هع
بتفقن علية
انا عارفة عزومة وعدت عملت مقلوبة بس طلعت زاكية زاكية
مممممم شرط أهلها انها تعيش بدار لحالها وسلفي بدو يتأجرلها شقة

هههههه الله يجبرها حماتك
طيب سلفتك منيحه ؟؟

اهلها معهم حق يتشرطو هيك شرط ،، شغل الحماوات بيملل وبيقرف


فوفو انتي من الضفة وقديش عمرك ؟؟
بتدرسي أو خريجة وشو درستي ؟؟
زوجك شو بشتغل ؟؟
قديش الك متزوجة

اه انا من نابلس
عمري 24 ــ اتخرجت من كلية الطيرة في رام الله ،، وقاعدة ما بشتغل
زوجي استاذ عربي
اتزوجت في شهر 7 2012

اي اسئلة كمان انا جاهزة ههههه

[فوفو89]

ام مروان
الاكياس قصدها اشغله بيحطها الزلمة قبل الجماع

انا حكيتلو انه نستخدم هالطريقة او يكب برا بس مش راضي ، بيحكيلي باحلامك ههههه

الله يجيب الي فيه الخير

[فوفو89]

انا كمان اهلي قريبين مني كتير بنفس الحارة
دقيقتين بس مشي بكون عندهم

الحمدلله

[حواء مثالية]

مين هون يا حلوين

كيفك فوفوووووو

[~{{ DoDo }}~]

ام مروان
سامحيني اجا وزوجي واضطريت اتركك واقوم
المهم احنا مغتربين لانه ما لقى زوجي فرصة شغل كويسة بغزة
منتي عارفة بلادنا كلها شغل وسايط والوظايف صعبة
اضطر بعد الجامعة يسافر عشان يلاقي شغل
ما بنفكر نرجع الا اذا قدرنا نامن حق بيت او نلاقي فرصة شغل محرزة بالبلاد

فوفو
يبقى انا فهمت الاكياس قصدك الواقي
قولي لزوجك اذا هو رافض الواقي واللي برا
ولو ما رح تستخدمي موانع تانية اكيد رح تحملي
ورح يجي اخ او اخت لرزان هههههههه

[لولو الفلسطينية]

بخخخخخ
مسا الورد
شو الاخبااار ؟؟
في حد هون نطأ حنك و الا اخد بعضي و اطلع :p
اليوم رحت قصيت شعري و زبطته .... كتير صار خربان و بكت بعد الولادة صار خفيييف مع أنه اصلا شعري طويل و خميل كان بس هلا خفيببف
بنوتي كمان اربع ايام بتصير خمس شهور و كله تمام و الحمد لله
اليوم ما ناااااامت الا يمكن نص ساعه من الصبح و هيها هلا نيمتها بس طبعا ما بتطول اكتر من نص ساعة ههههه بس بالليل نومها احسن الحمد لله
يسعد مسا الجمييييع

[دموع الليل]

يسععد مساكم

تعالو نحكى قبل ما تقطع الكهربا

[لولو الفلسطينية]

منورة دموع
كيفك و كيف الازعر الي عندك ؟؟

[دموع الليل]

هلا لولو

انا الحمد لله

انتى كيفك؟ وكيف الاموره اللى عندك؟؟

[لولو الفلسطينية]

الحمد اله احنا تمام هههه
شو اديش صار عمره ابنك ؟؟
زهقااانه كنييبر انا
زوجي بكتب لرسالة الماجستير و انا زهقااانة

[دموع الليل]

ابنى كمان 10 ايام بيكمل 3 شهور

سلامتك من الزهق

صرتى تأكلى بنتك؟؟

[لولو الفلسطينية]

العمر كله ان شاء الله
لا و الله
كنت ناوية هاليومين ابلش اعطيها سريلاك شوية شوية بس الدكتور حكالنا ممنوع فبل ست شهور
حتى الصيدلاني بحكي نفس الحكي و صرت محتااارة هههه بس مرات بدوقها تدويق من الاشياء مش اكتر

[دموع الليل]

انا بجيب لاولادى ارز مطحون من الصيدليه

بعد 5 شهور بطعميهم

[دموع الليل]

مافى حدا غيرنا يالولو

احتلينا الدردشه هههههههه

[لولو الفلسطينية]

مممم ان شاء الله اسبوعين زمان و ببلش اعطيها سريلاك و ان شاء الله خير
هاتي افتحيلك موضوع نحكي فيه هههه

[دموع الليل]

كمان شوى رح تقطع الكهربا


والله زهقنا حالنا


خاصه لما يكون فى اطفال

[لولو الفلسطينية]

بعين الله
الله يفرجها

[دموع الليل]

اميـــــن


لولو انتى بتدرسى؟؟

[لولو الفلسطينية]

اه بدرس سنه تالته اقتصاد ههه عيرت تخصصي قبل فترة
و انتي ؟

[دموع الليل]

انا خلصت


هانت ضايل الك سنه

كيف بتدرسى من بنتك هههههه

هى غلباويه؟؟

يا بنات وينكم ؟

[حلا الماس]

مسا الخير
انا هون


مين موجووووود

[لولو الفلسطينية]

هههه عادي هي صعبه بس هيني داحلة هههه
منورة ام خليل يسعد مساكي

[حلا الماس]

حبيبتي لولو .. يسعد هالمسا


كيفك ؟؟ طمنيني عنك

وبنتك كيفها ؟؟ ارغي يلا هيني عم بسمع

[كبريآء أنثى ـآ]

مسساااااااااااااااااااااااااااااء الخيراااااااااااااااات
منورات يا صبايا

[كبريآء أنثى ـآ]

مممممممم بدي اروح أعمل عشا
تفضلوا صبايا

[كبريآء أنثى ـآ]

شوووووووووووووو عشان أنا إجيت رحتو غطستوا ؟؟؟؟؟؟؟؟؟؟؟؟؟؟

[حواء مثالية]

هاي ما يحرمنا هالطلات يا رب

[نور العمر]

مرحبااا

كيفكم وشو اخباركم اشتقتلكم كتيرر ..؟

بس النت فاصل عنا وداخله من شبكه تانيه لانه لاب توب ف نت جيرانا دخلت منه خخخخخخ

طمنوني عنكم ..

مين هون

[حواء مثالية]

هلا نور منوره

انا هووووووووووون

[نور العمر]

كيفك حواء ...

انا ابني صحاني عملتلو حليب .. وشكلو صحصح هههههه

[نور العمر]

وين غطستي خخخخخخخ

[كبريآء أنثى ـآ]

ممممممممم بشوفكم سهرانات

[كبريآء أنثى ـآ]

نوووور كيفك يا دبة
والله اشتقنالك

[نور العمر]

انا الحمد لله

انتي كيفك ومبرووك الاسم الجديد كتير حلووو

[كبريآء أنثى ـآ]

الله يبارك فيكي
مشتقالك والله وزمااااااااان عنك
انا زهقانة كتير ومش عارفة أنام
ولو ما رديتي كنت هطفي وانام

[كبريآء أنثى ـآ]

مااااااااافي حدا خلص يلا تصبحوا على خير ألقاكم غدا إن شاء الله

[حلا الماس]

صباااااااح الخير والنشاط

جهزت بناتي وديتهم عالمدرسة وهي اجيت بسرعة اصبح عليكم :)

كبرياء وحواء ونور ... منورات السهرة مبارح صبايا

ام أسيد مبارح ما طلت هالضرسانة ابصر وين غاطة !!

مين هون نشيطة متلي ؟؟

[نور العمر]

صباح الخيررر

ام مروان النت فصل امبارح وماقدرت اكمل سهره

صباح الخير حلا كيفك وشو اخبارك ... انا عن النشاط لاتسألي من الساعه 5 صاحيين..

شو ناويين غدا اليوم ..

معي عشر دقائق وتقطع الكهربااا ... يااارب اليوم ما تقطع خخخخخخ

[حلا الماس]

حبيبتي نور

يسعد هالصبااااااح يا رب

انا اليوم بدي اعمل محشي بتنجان ومحشي بطاطا :) اتفضلوا

وانتي ؟؟

[~{{ DoDo }}~]

صباح الفل يا حلوين
كيكفم
منورين جميعا

ام خليل تسلملي هالطلة الك وحشة والله
صحتيييين عالمحاشي ويعطيكي الف عافية يا قمر
كيفو يوسف طمنينا عنه
كيف وزنه ورضاعته وكل اموره ان شاء الله مش مغلبك

باقي الصبايا منورين ان شاء الله كلكم تكونوا بخير
انا رضعت الازعر تبعي وفطرتو وهيني قاعدة عاملتله بهلوان هههههههه

ومش عارفة شو رح اطبخ محتااااااارة
ع اساس اعمل ورق عنب لقيت الليمون مخلص وانا مش منتبهة

[فوفو89]

يسعــــــــــــد صباحكم يا حلوين

كيفكم اليوم

[فوفو89]

انا اليوم ما بدي اعمل غدا ،، بدنا ناكل شغلة ع الماشي
لانه اهلي عازميننا ع العشا
امبارح طلعت عليهم انا وبنتي اول مرة بعد الولادة والاربعين وعزمونا اليوم ع العشا
هيك العادات عنا

[لولو الفلسطينية]

مرحباااا
شو الاخبار ؟؟
حلا
حبيبي اسفة امبارح تركتك هههه بنتي صحيت و اشتغل الواع و الويع هههه
صحتييين عالمحاشي
احنا اليوم عيد زواجنا و ما بدي اطبخ هههه عملت كيكة زعيييرة و كم شغله حلو و بس ههه و بس يبجي زوجي بنشوفلنا محل نطلع عليه هههه
مممم شو كمان
بنات صحيح ممكن يطلعو السنين الي فوق قبل الي تحت هههى؟؟ غرييييبة
منورين الصبايا
انا اجيت اسلم عليكم و افلخ عشان ابو الشباب طلع من شعله و هيو جاااي ... اليو
م في تعليق للدوام في عشان ذكرى استشهاد ابو عمار لهيك روح بدري
يسعد مساكم :d

[حلا الماس]

مسا الخير

منورات حبيباتي

دودو
الله يعافي قلبك .. تعي خدي ليمون من عندي في متلج وفي اخضر

انا بخير ويوسف حبيبي متل القمر ورضاعتو كويسة الحمد لله عم يلعب وبيدحك وبعرفني وبيعرف ابوه واخواته

فوفو
الحمد لله كملتي اربعينك على خير وربي يخليلك اهلك وصحتييين سلف

لولو
معلش حبيبتي صابرينا اهم ربي يخليها
ذكرى زواج سعيدة وكل عام وانتي بخير..

اليوم ما في وقت فراااغ أبدا ..

اول شي حفرت المحشي وجهزت كل شي ونزلت عالسوق مشوار سريع شي نص ساعة وبعدها رجعت طبخت المحشي واتغدينا ورتبت البيت وأجأ جوزي فك غرفة النوم لأنو رح نركب موكيت جديد شطفت الغرفة والشبابيك ومسحتها ولمعتها وطلعت كل شي من الغرفة ..... ولسه الشغل ما خلص :(

ااااااااااخ يا ظهري تعبت

[حواء مثالية]

يسعد مساكم يارب
حلا يعطيكي الف عافية يا رب

اليوم زوزو اخد طعم الشهرين والحمدلله قياساتو ممتازة ماشاء الله طولو 59 وزنو 5200 ومحيط الراس 39.5

ام اسيد وينك يا قمر

استنو صورة زوزو الليله راح انزلها

[كبريآء أنثى ـآ]

مرحباااااااااااا
كيف الصبايا ؟؟؟
والله اشتقتلكم كتييير
كنا اليوم معجوقين عملنا فطير بسبانخ وفطاير حلوة
والله تعبت كتييير وبعد ماخلصنا تغديت ونمت وهيني تو صحيت
بدي أقوم أشطف البيت والغرف بما إني لحالي وبعد ما أشطف بقعدلكم
صحيح صبايا أنا اليوم زوجي دوامه بالليل مين راح تسهر بس تكون قد كلامها مش تضحك علية وتشرد ؟؟

[نور العمر]

مسااااا الخيررر

مين هون ...؟

[كبريآء أنثى ـآ]

أنا هووووووووووووون
كيفك نووور ؟؟

[نور العمر]

تمام الحمد الله

انتي كيفك وكيف منوشه

وكيف الوضع مع حماتك

[كبريآء أنثى ـآ]

الحمد لله احنا مناح ومشتاقين إلك .. ناوية تسهري الليلة ؟؟
بدي أروح أعطي اللاب توب لسلفي بدو يحكي مع خطيبته على التانجو
وبس يخلص برجع بحكي معكم

[نور العمر]

اوك ماشي بس شو تانجو انا بعرف انها نوع من انواع الرقص ...

وبالنسبه للسهر ان شاء الله اسهر اذا مانمت على اللاب توب زي اخر سهره خخخخخخخ

[لولو الفلسطينية]

مسا الخيييير
مين هون ؟؟
هههه زوجي طلع مع اخوي على را م الله و هيو هلا مروح بالطريق
في حدا هون بدو يطأ حنك و الا هئة ؟؟

[نور العمر]

هلا لولو منوره

كيفك وكيف صابرينا

[لولو الفلسطينية]

النور نورك نور هههه
احنا الحمد لله بخير
و انتي كيفك و يامن و سيلا ان شاء الله بخير ؟

[نور العمر]

تمام الحمد لله بخير

سيلا صار عمرهاا 6 شهور و8 ايام وصارت شقيه كتيرررررر وعطول تحب تلعب مع يامن كانها بعمرو بتصير بدها تمشي وتجري بس طبعاا لسى صغيره بس هاد من كتر الشقاوه بتنط من ايدي

انا شوفتك بالصفحات يلي قبل كاتبه انه اجلتي موضوع اكل بنتك انا بنتي كنت بدوقهاا من الراابع وعلى اخر الرااابع صارت تاكل عادي بس طبعاا على خفيف لازم تعوديهاا ع الاكل بالتدريج عشان تتعود على الاكل وماتغلبك ع ال6 شهور ..

انتي كمان متلي انا بنتي لسى ادانها ماعلتهم الها خايفه عليها بس نويت على يوم الخميس ان شاء الله

[لولو الفلسطينية]

هههه الله يخليلك اياهم
و الله انا لدوقها اشياء بس هيك تلحس هههه بس اكل اكل لسا الدكاترة كلهم بحكو عالستة لازم بس ان شاء الله ببلشلها قبل السادس
و انا برضو نويت اقوي قلبي و اخرمهم دنيها بلكي بكرة او بعده

[نور العمر]

كيف الدراسه مع بيبي اكيد حلوو هههههههههه

[لولو الفلسطينية]

هههه اكييبببد
بيني و بينك تقول في بيني و بين الكتاب عداوة هههه ما في مزاج للدراسة نهائيا بس هيني بحاول هههه و دااااحلة ....

[نور العمر]

ربنا يوفقك ياارب

اكيد مسؤليه لما تكون دراسه وتربية اطفال ربنا يكون بالعون

[لولو الفلسطينية]

امين يا رب
تسلمي
ايواااا هاتيلك اشي نحكي فيه هههه

[نور العمر]

هههههههههههههه شكلك زهقانه زي حالاتي خخخخخ

[نور العمر]

اليوم عيد زواجك

تاريخ مميز 11-11

وين احتفلتو...

[لولو الفلسطينية]

هههه اه و الله
طيب احكيلي عن حالك
عمرك و كم سنه الك متزوجة و شو دترسى و الي بدك اياه هههه

[لولو الفلسطينية]

هههه اه و الله
طيب احكيلي عن حالك
عمرك و كم سنه الك متزوجة و شو دترسى و الي بدك اياه هههه

[لولو الفلسطينية]

مممم اه صارلنا سنتين
تزوجنا ب 11 -11 -2011
هههه بتقدري تقولي لسا ما احتفلنا عالمزبوط ... بس طبعا ما فاتت ههه
خليت زوجي يروح مع اخوي عرام الله لأنه اخوي صارله يومين مريض فحكيتله يروح معه عشان يسوق بداله ههه و اجلنا مخططاتنا شوية هههه

[نور العمر]

انا عمري 26 وزوجي دكتور بالعلاج الطبيعي وبشتغل بالوكاله بالعياده ...

وانا خلصت اخصائية خدمه اجتماعيه ... ومتزوجه من 4 سنين وطبعاا عن حب داام اكتر من 6 سنين ومازال مستمر الحمد لله...

وانتي نفس السؤال هاتي بطاقتك الشخصيه خخخخخخخ

[نور العمر]

هههههههههههه وانا بقول ليش زهقانه

ملحوقه ان شاء الله تتعوض خخخخ

هههههه انا كمان زهقانه اخوي اتصل ع زوجي وحكالو يطلعو يتمشو شوي خخخخخ

طبعااا لانه اخوي سكتت ههههههه لانه زوجي واخوي اصحاب من قبل ما نتزوج خخخخخ

[لولو الفلسطينية]

هههه
انا عمري 20 و متزوجة من سنتين
زوجي بكون ابن عمي و كمان كنا نحب بعض و طبعا ما زلنا ههههه
و عندي صابرينا حبيبتي
و شو كمان
انا بدرس اقتصاد و من الخليل
خههه شو بدك تعرفي كمان ؟

[لولو الفلسطينية]

هههه هيو اجا زوجي
يللا باااااي
هههه

[نور العمر]

انا كمان زوجي ابن عمي خخخ شو هالتشابه هههههههه

[كبريآء أنثى ـآ]

انا اجييييييييييييت
نور حبيبتي هاد التانجو برنامج اتصال بحكي ببلاش طبعا للجوالات الحديثة

[نور العمر]

اها

كيفك ام مروان وكيف امورك ..؟

[لولو حمادة]

مساء الخير صبايا

[كبريآء أنثى ـآ]

الحمد لله انا منيحة لسا تو دخلت غرفتي والله اليوم تعبت شغل
الله يقطعه الشغل ما بخلص شووو هاد
وهلأ حماتي مسكاني بكلمة ظهرها بجعها والله عدها جلطتني

هلا لولو كيفك ؟؟

[كبريآء أنثى ـآ]

صبايا بدي أسألكم هلأ أنا بكون حاطة بنتي بالكوتة
وبعد شوي بآجي بدي أشيلها بلاقي إيديها معرقين ورجليها معرقين كتييييير
وحتى لما ترضع إيديها ورجليها بعرقوا كتييييير
هاد اشي عادي ولا كيف طمنوني ؟؟
ومن كتر مابعرقوا بكونوا زي التلج

[نور العمر]

بعين الله

طيب سلفتك بدها تسكن في بيت لحالها

هلا لولو حماده نورتي كيفك ..؟

[كبريآء أنثى ـآ]

اه سلفتي هتسكن ببيت لحالها لأنه هاد شرط أبوها
وهما فلسطينية سكان السعودية وأبوها متشدد كتيير
يعني كان بدو يكتب الشرط بعقد الزواج بس ما بنفع عنا
ممممم وبعدين سلفتي قوية يعني مش قليلة

[فوفو89]

يسعد مساكم

رزان صحيت العصر و ل هس مش راضية تنام

اهئ اهئ

[نور العمر]

هههههههه فوفو بدك تتحملي

اقري شوية قران يمكن تهدا وتنام..

[نور العمر]

وينكم...........

[لولو حمادة]

نور العمر الحمد الله على كل حال
كبرياء يسعد مساكي

[نور العمر]

ام مروان سلفك شو بشتغل ..؟

[نور العمر]

لولو مالك شكلك زهقانه..؟

[لولو حمادة]

زقانة قليلة روحي طلعانة

[نور العمر]

ليه مالك ..؟

[لولو حمادة]

بيصير عندي ضيق نفس من اسبوع
واليوم موعد الدورة وتعبتني ولسى مانزلت

[نور العمر]

اها يمكن حامل ...

[كبريآء أنثى ـآ]

سلفتي أصغر مني بسنة ونزلت ع غزة تدرس جامعة
وصارلها أكتر من 4 سنين هون بغزة بس طبعا بتروح ع أهلها تجدد إقامتها بالسعودية
بس لهلأ فصل أول بالجامعة مممم مابعرف شكلها مش تاعت قراية بتمها تحول من تخصص لتخصص

[كبريآء أنثى ـآ]

فوفو حاولي تنيمها النوم عافية وبنصحها كماااان \حاولي قد ماتقدري تنيميها

[لولو حمادة]

لا ماعتقد حامل
بعدين اعراض الدورة اكثرمن الحمل

[كبريآء أنثى ـآ]

صبايا بدي أسألكم هلأ أنا بكون حاطة بنتي بالكوتة
وبعد شوي بآجي بدي أشيلها بلاقي إيديها معرقين ورجليها معرقين كتييييير
وحتى لما ترضع إيديها ورجليها بعرقوا كتييييير
هاد اشي عادي ولا كيف طمنوني ؟؟
ومن كتر مابعرقوا بكونوا زي التلج

[لولو حمادة]

اعتقد العرق عادي لانو برضاعة بيبدل مجهود البيبي

[نور العمر]

ام مروان طيب شو سلفك بشتغل

وكمان انتي بحقلك هلء طالبي بيت لحالك لانه لازم يكون عدل زي ما سلفتك عندها بيت لازم انتي كمان نفس الشي بما انه زوجك بشتغل ...

لولو ادعي تكوني حامل اوقات الاعراض تتشابه

[نور العمر]

عادي يا ام مروان لانه بتكون تبذل مجهود بتحرك رجليها وايديها وهي بالكوته فبتعرق انا بنتي نفس الشي

[لولو حمادة]

ربنا يجيب اللي فيه الخير

[كبريآء أنثى ـآ]

مممم يلا طمنتوني
انا عارفة وضع زوجي لو زوج وضعه بسمح لكان زمان طلعنا
لأنه أنا زوجي كانت كل تكاليف زواجه عليه ولليوم بسدد وإن شاء الله ع آخر السنة هاد بنكون خلصنا
مممم وبدنا نتنفس شوي من الديون بدنا نصبر شهرين تلاتة وبعدين نطلع
يعني قبل مايتزوج سلفي بدي أكون طالعة ببيت لحالي
سلفي هيتأجر وإحنا راح نتأجر ولما يبلشوا بنى دار حماي بنبني طايق إلنا
واذا كنت موظفة دائم ماراح ابني عندهم راح أشتري قطعة أرض لحالي وأبني فيها أريح لراسي

[كبريآء أنثى ـآ]

ممممم أم أسيد غايبة صارلها فترة
الله يستر أبصر شو مالها لو إنها تفوت اطمنا عنها

[لولو حمادة]

وينكم نمتوا ؟؟

[كبريآء أنثى ـآ]

هوووووووون يا عسل
لولو انتي وين هلأ ساكنة ؟

[لولو حمادة]

ساكنة بالامارات

[كبريآء أنثى ـآ]

قديش عمرك وقديش صارلك متزوجة ؟
وأهلك وين هلأ ؟ وأهل زوجك ؟

[لولو حمادة]

عمري 28 متزوجة من ثلاث سنوات وثمن اشهر
اهلى واهل زوجي ساكنين برفح

[كبريآء أنثى ـآ]

اهاااا وليش إنتو بالإمارات ؟
أكيد زوجك ابن عمك ؟؟
كام ولد وبنت معك ؟

[لولو حمادة]

زوجي بيشتغل
وزوجي ابن عمي كيف عرفتي ؟

عندي ولدين احمد ومحمد

[كبريآء أنثى ـآ]

من لما حكيتي اهلي واهله برفح هههههه
الله يخليلك اياهم
شووو زوجك بيشتغل ؟؟؟ مخلص شووو ؟؟ جامعة قصدي

[لولو حمادة]

درس بالجزائر ماجستير هندسة الالكترونيات
وانا درست رياضيات بجامعة الاقصى

وانتي زوجك بقربلك؟

[كبريآء أنثى ـآ]

اهاا الله يوفقكم يااااااااارب
لا زوجي غرييييب بس جيراااااان
مممم كيف العيشة بالامارات ؟؟

[ام عبدالله لولو]

مساء الخير يا صبايا
شو اخباركم كيفكم اليوم واخبار الصغار ان شاء الله كلكم بخير
حواء ان شاء الله ما غلبك زوزو بطعم
كنت عند حماتي لهيك ما فتت امبارح واليوم كنت مشغولة بالبيت واعملت معجنات شوفو الشطارة وشغل ايدي ههههه طبعا هاي العجينة اتعلمتها من ام خليل اول ما فتت المنتدى هههه

http://forum.hwaml.com/imgcache2/hwaml.com_1384206218_889.jpg (http://forum.hwaml.com/redirector.php?url=%68%74%74%70%3a%2f%2f%73%74%6f% 72%65%31%2e%75%70%2d%30%30%2e%63%6f%6d%2f%32%30%31 %33%2d%31%31%2f%31%33%38%34%32%30%35%39%35%32%35%3 2%31%2e%6a%70%67)

[لولو حمادة]

عيشة الامارات كويسة بس الغربة صعبة

ام عبد الله تسلم ايدك

[كبريآء أنثى ـآ]

هلااااااااااااا ام اسيد
والله قبل شوي فقدتك
هههههه جبنا سيرة القط أجا ينط هع هع بمزح معك
ممم ليش الصورة صغيرة
حاولي تحمليها بموقع عرب شير ونزليها بتكون أكبر
انا هيك بعمل لما بدي أنزل صورة
ع العموم صحة وعافية على قلوبكم حبيبتي

[كبريآء أنثى ـآ]

لولو ... أخدتي زوجك عن حب ؟؟
متى آخر مرة نزلتي فيها ع غزة ؟؟ ومتى جاية إن شاء الله ؟؟؟

[لولو حمادة]

لا زواج تقليدي اصلا كان غايب عن غزة 10 سنين وشافني على النت
اخر مرة نزلت قبل سنة وابع شهور
نفسي انزل اليوم قبل بكرة بس المعبر مشاكل عليه

[ام عبدالله لولو]

منورات لولو وام مروان اظغطي ع الصورة بتكبر بس عملتيه صغير ة ع شان المساحة

[كبريآء أنثى ـآ]

مممممم اهاا الله يصلح الاحوال ياااااااااارب
ام اسيد شووو صار معك ؟؟
بتهوووون يا لولو ... لكن زوجك مش مفكر يستقر بغزة ؟

[نور العمر]

شو بتعملو لهلء بترمو خخخخخخخخخ

منوره ام اسيد ... كيفك..

[كبريآء أنثى ـآ]

ام أسيد شو رايك تسهري الليلة ولا مابتقدري ؟؟
لولو لما بدك تطلعي بتحكيلنا فاهمة مش تروحي لا حس ولا خبر

[كبريآء أنثى ـآ]

هلا نور وين غبتي ؟
شكلو قطع الكهربا عنا ع 2 صح

[ام عبدالله لولو]

هلا ام يامن شو اخبارك انا الحمد لله بخير
ام مروان هيني هون ههههه بس ازا اختفيت اعرفي اني اطلعت كيف حماتك اليوم واتصالحتي انتي وزوجك

[لولو حمادة]

هلا موعد نومي بس ابني صاحي مش راضي نام
لمن اسكر بحكي قبل

[نور العمر]

اها ع ال2

انا بحضر فيلم انا وزوجي وبحكي معكم خخخخخخخخ

[كبريآء أنثى ـآ]

ام اسيد هاد زوجك اللي بالصورة ؟؟

[ام عبدالله لولو]

هههههههههه ييييي كنت بدي انزل صورة لاسيد طلع هاي ههههههه شو رئيك ههههه

[كبريآء أنثى ـآ]

عارفة ابنك كله ابووووووه

[نور العمر]

هههههههههههه حولتوني مش عارفه اركز على الفيلم

[نور العمر]

صبايا تصبحو على خير بدي روح نااام خلص الفيلم ...

وانا نعست ... بشوفكم بكره ان شاء الله ع ساعه 2 المسااا

[ام عبدالله لولو]

تسلمي حبيبيتي ام مروان سابقا ههههه وبنتك مين بتشبه يا ترى امها ولا ابوها
ام يامن سلامت عيونك خير مالك ليش انحولو ههههههههههه

[لولو حمادة]

وانا كمان تصبحوا على خير

[نور العمر]

لانه بحضر فيلم ع التلفزيون ومركزه معكم هون...

[نور العمر]

يلا تصبحو على خير بشوفكم بكره ان شاء الله...

[كبريآء أنثى ـآ]

وانتي من أهله يا نووووووووور
أم أسيد وين رحتي ؟؟

[كبريآء أنثى ـآ]

شووووووووو ما في حدا هوووووووووون
كلكم شردتوا مع بعض

[كبريآء أنثى ـآ]

يلا تصبحوا على خير
شووو بدي أتم أعمل لحالي
بشوفكم بكرة ان شاء الله

[فوفو89]

صبااااااح الخير

[كبريآء أنثى ـآ]

شوووووووو مافي حدا فات ع الدردشة من الصبح
وينكن يا ستات ؟؟؟؟؟؟؟؟؟؟؟؟؟؟؟

[ام عبدالله لولو]

مساء الخير يا صبايا
شو اخباركم يا صبايا مالكم ما خد مبيت ان شاء الله خير
حواء يارب يكون ابنك منيح تعي طنتيناعليكي وعليه الله يحماه يارب
ام مروان سابقا ههههه انا هيني هون وكمان بسهر الليلة اوا ما عندك مانع بس اكديلي السهرة فيه ولا لا

[حواء مثالية]

مممممممممممممممممممممرحبا كيفكم

زوزو تعبان ومنكد من الطعم


مشتائلكم

[نور العمر]

مسااا الخيرررر

كيفكم وشو اخباركم..؟

حواء سلامتو ابنك التطعيم بغلب .. الله يكون بعونهم

شو طبختو اليوم..؟

[نور العمر]

http://forum.hwaml.com/imgcache2/hwaml.com_1384265124_363.gif (http://www.google.ps/url?sa=i&rct=j&q=&esrc=s&frm=1&source=images&cd=&cad=rja&docid=2S0-uMqTTFxgWM&tbnid=hBLskgzkB91iuM:&ved=0CAUQjRw&url=http%3A%2F%2Fforum.tawwat.com%2Fimages-topics%2Ffwasel2.htm&ei=QzWCUut75bLsBurwgdAC&bvm=bv.56146854,d.ZGU&psig=AFQjCNFKgrSVW4KxuPjCZBPkQ2pv7qTXEw&ust=1384351181326172)

[ام عبدالله لولو]

مساء الخير يا صبايا
حواء سلامتو والله بتعب مسكين ابني يومين ساخن وحرارتو وصلت 39 بس الحمد لله راح الله يعينا ع طعم الاربعة اشهر بحكو اده وامر
نور منورة وين الصبايا وين الخفة والنشاط يلا شكلي بدي اصير حماية هون وافرجيكن الشغل ع اصولو هههههههه يسهد مساككم جميع يلا تعالو انا هون

[نور العمر]

هلا ام اسيد منوره

ههههههههههههههههه من فتره كانت مدرسه ومديره حلا هههههه هلء صار حمايه خخخخ

كيفك وكيف اسيد

شو اتغديتو اليوم ..؟ عشان مش عارفه شو اطبخ بكره خخخخخخخخ

[نور العمر]

http://forum.hwaml.com/imgcache2/hwaml.com_1384272584_430.gif (http://www.google.ps/url?sa=i&rct=j&q=&esrc=s&frm=1&source=images&cd=&cad=rja&docid=Q00yRJ9I-UwWDM&tbnid=4qGXXIIWGgDs6M:&ved=0CAUQjRw&url=http%3A%2F%2Fwww.clasicooo.com%2Fbarca%2Fmodul es.php%3Fname%3DGroups%26file%3Dgroups_dicshow%26g r_dic_id%3D155228&ei=tFKCUt7XAunE0QWloYGQDA&bvm=bv.56146854,d.ZGU&psig=AFQjCNEAqrs08n5Mvbk1eGzGclWdksF3Bg&ust=1384358484255562)

[نور العمر]

مين هووووووون

[فوفو89]

مسا الخير صبايا

كيفكم اليوم

حواء
سلامته ابنك ،، هذا طعم الشهرين؟؟
خوفتيني ،، لانه بنتي عندها تطعيم الشهرين بعد اسبوعين في 25-11

[دموع الليل]

مســــــاء الخـــــــــــير

[نور العمر]

نورتو ..........كيفكم فوفو ودموع...؟

[دموع الليل]

هلا نور


كيفك انتى وكيف اولادك؟

[فوفو89]

هلا نور
الحمدلله تمام
كيفك انتي


يسعد مساكي دموع

[فوفو89]

صبايا سمعتو عن خبر قطع النت بكرا عن العالم كله؟

[ام عبدالله لولو]

هلا صبايا منورات اليوم طبخت ملوخية ةهيني بحضر بورق عنب وكوسا لبكرا ههههه بس هيني بكنب ليه ما بلشت فيهم مش تروحو ارغو تا اشوف شغل الحماوات ههههههههههه

[ام عبدالله لولو]

سمعت من اي ساعة لاي ساعة ههههه

[دموع الليل]

فوفو كيف الاموره رزان؟؟
ام اسيد منوره

[فوفو89]

هلا دمووعه
منيحه رزونة
بس لما تغلبني بيجي ببالي اعصب عليها بس بمسك اعصابي هههه
انتي بتذكر ولدتي قبلي صح؟

ام اسيد
والله ما بعرف
بس حكو رح ينقطع النت 18 ساعه ،، ما بعرف اي وقت

[دموع الليل]

اها انا ولدت ولدت فى شهر 8

[فوفو89]

اه

انا ولدت في30-9

[كبريآء أنثى ـآ]

مرحبااااااااااااا
كيف الصبايا بشوفكن نشيطات
أم أسيد إي بسهر معك بس عارفاكي نصابة زي كل مرة هع هع

[دموع الليل]

ام مروان يسعد مساكى

[ام عبدالله لولو]

منورات صبايا دموع الله يسعدك يارب الحمد لله ابني بخير كيف ابنك انتي بعدو بياخد حليب كم وجبة بتعطية منك
فوفو هلا لسه شو شفتي من الغلبة بعين الله
ام مروان انا النصابة ههههه لليلة بسهر بس انتي ضلي شو اخر تطوراتك مع حماتك جوزك الليلة مداوم صحى

[نور العمر]

صبايا بدي طريقة عجينة فطائر ...

لانه ولامره زبطت معي...

....

[كبريآء أنثى ـآ]

انا بطلع اخر وحدة مش زيكن بتشردن وبتسبوني لحالي
لسا انتي اللي ضلي هع هع
تنشوفك قد كلامك ولا لا
هههههه بنتي صايرة بتزن كتييييير جننتني وبدها حدا يحملها
بالليل بقلك اخر التطورات مع حماتي

[دموع الليل]

ام اسيد والله ما قدرت امنع الصناعى عن ابنى

هلا بعطيه وجبتين من الصناعى

[نور العمر]

http://forum.hwaml.com/imgcache2/hwaml.com_1384276977_340.jpg

انتشرت أخبار متفرقة اليوم عن انقطاع لشبكة الأنترنت في جميع انحاء العالم لمدة 18 ساعة كاملة بسبب عمل صيانة وتغيير كابل بحري .

وقد انتقد الأخ يسري الأثوري مؤسسة موقع صحافة نت على صفحته الشخصية على الفيس بوك بعض وسائل الإعلام التي سارعت لنشر الخبر معقبا على ذلك بالقول : ( هناك من يقول ان الأنترنت سيتوقف عن العمل في كل أنحاء العالم لمدة 18 ساعة بسبب تغيير كابل بحري.
الغريب في الأمر ان الأخبار تقول أن الكابل البحري معطل وان تغييره يحتاج 18 ساعة.
اولاً لا يوجد كابل بحري يمكن تغييره خلال 18 ساعة.
ثانياً مادام الكابل معطل فالمفروض ان النت حالياً مقطوع عن العالم.
ثالثاً هراء ان يتم تغيير كابل بحري يربط العالم بالأنترنت خلال 18 ساعة.
رابعاً الخبر لم ينشر في اي موقع معتبر او وكالة عالمية ونشر في وسائل إعلامية لا تذكر لكن المواقع والوسائل الإعلامية اليمنية سارعت إلى نشر الخبر بدون تروي ولا تحقق.
هذا القول تماماً مثل القول بأن السيارات غداً ستتوقف عن السير في كل أنحاء العالم لمدة 18 ساعة
النت لا يمكن أن ينقطع عن العالم كله وان غداً لناظره لقريب.
حتى انقطاع النت عن اليمن مثلاً بشكل كامل تقريباً اصبح مستحيل لأن هناك عدد من المنافذ أصبحت تربط اليمن بالعالم.
الخبر القابل للتصديق أن هناك كابل بحري سيتم صيانته وليس استبداله ربما استبدال أمور بسيطة مرتبطة بهذا الكابل خلال 18 ساعة يوم الغد وسيؤدي ذلك إلى بطء خدمات الأنترنت في بعض الدول او بعض المناطق من الكرة الأرضية مثلاً “الشرق الأوسط”.
كلمة اخيرة:
شبكة الأنترنت مصممة بحيث لا يمكن أن تتوقف )

[ام عبدالله لولو]

بعين الله يا دموع المهم انو يرضع منك
ام مروان هيك مسكتيتي ههههههه ماشي انا الي بضل وع قدها ولو
نور اسمعي هااي الطريقة ولا في بعدها امبارح اعملته والله بتجنن
كاسة طحين كبيرة يعني مك حطيه في وعاء يكون وسيع شوية وحطي معلقتين خميرة كبار وملعتيت سكر وجيبي ميه سخنة مو كثير يعني محتملة واخطيهم ببعض يعني تايصير سائل ع الاخر يعني بدك كاستني ميه غطيه بشي لمدة ربع ساعة وبعديم بتشوفيه خمرة ونفشت جيب باقي الكيلو طحين لانو الكاسة من الكيلو .. حطي كاسة زيت شقحة او ممكن تخلطية بزيت زيتون زي ما بدك ورشة ملح وباقي الطجين واعجني وازا احجتي طحين حطي بعديت غطيه نص ساعة وشوفي ما احلاه والله بنفش وبصير زي الفينو هاي مقادير كيلو طحين لانو ع قدنا بعمل انا ما الي طولة بال ع هيك شغلات اكثر منه

[دموع الليل]

تصبحو على خيرررر


الكهرب رح تقطع كمان شوى

[نور العمر]

يسلمو ام اسيد ع الطريقه

حفظت الوصفه عندي بعملها يوم الخميس ان شاء الله ..

ام مروان طيب انا مارح كون بالليل لانه قاطعه الكهرباا كيف بدي اعرف اخر التفاصيل مع حماتك هيك شوقتيني خخخخ

[كبريآء أنثى ـآ]

نور انا جربت طريقة معجنات لخلية النحل طلعت رووووووووعة
بجد واعتمدتها لكل المعجنات اللي بعملها ثواني راح أجيب الدفتر وأكتبلك اياها

[كبريآء أنثى ـآ]

هههههههههه وكالة ومافي عندك ماتور شو هاد
خليه يشتريلك ماتور أو اشتركوا من اللي صاروا يمدوا للناس كهربا بس تقطع

[كبريآء أنثى ـآ]

عجينة لكل الاستعمالات من معجنات وبيتزا وخلية نحل
ملاحظة // العجينة تعجن على مرحلتين

المقادير :
فنجان قهوة سكر ــ 2 ملعقة كبيرة خميرة ــ 2 كأس ماء دافئ (سخنيها شوي عشان الجو بارد) ــ رشة ملح ــ ملعقة كبيرة بيكنج باودر ــ 5 كأس دقيق ــ نصف كأس زيت (سيرج) ، 2 ملعقة كبيرة حليب بودرة
الطريقة //
أول شي بتجيبي الخلاط وبتحطي فيه الآتي : السكر ، والخميرة ، والماء ، والملح ، والبكنج باودر ، و2كأس دقيق ، وحليب البودرة
وبتخلطيهم منيح بالخلاط
وبتحطيهم بوعاء وبتغطيهم بصينية وحطيها بمكان دافئ لمدة ربع ساعة
وبعد الربع ساعة بتجيبي باقي الزيت وباقي الدقيق وبتعجنيهم منيح وكل ماعجنتي أكتر كلما كانت أحسن
وإذا شفتيها بدها دقيق بتحطيلها وبتسيبيها تخمر لمدة ساعة وبعدين شكليها كيف مابدك

[كبريآء أنثى ـآ]

نووووور جربيها وراح تدعيلي والله

[ام عبدالله لولو]

ام مروان كيف بتنعمل خلية النحل احكيلي يا عسل ههههه

[كبريآء أنثى ـآ]

ممم شفتي طريقة اللي نزلتها عملتها وجهزتها
وجبت صينية مدورة وصرت اعمل كور واحشيهم جبنة كيري وارجع اكورهم واصفهم بالصينية بشكل دائري
ولما خلصت منها دهنت وجهها حليب سائل بالفرشاة ورشيت على الوجه قزحة (حبة البركة ) وحطيتها بالفرن
بس طبعا كنت محمية الفرن ولما حطيت الصينية وطيته زي كأني بخبز كيكة ولما اتحمرت من الجوانب نحمرتها من فوق
وبعدين اقلبيها بصينية وصحة وعافية

[فوفو89]

طريقة ام اسيد نفس طريقة عجينة العشر دقائق

كثير بحب المعجنات بس ما بحب شغلهم لانه متعب

[ام عبدالله لولو]

منورة فوفو كيف بنتك
ام مروان يعني بتعملي فوقه طبقات ولا ما بزبط حطيلي شكل اله

[لولو حمادة]

مرحبا
نور العمر مطلوبة وينك ؟
باقي الصبايا يسعد مساكم

[فوفو89]

هلا ام اسيد
الحمدلله منيحه ،، مشيبتني هههه

هي صورة خلية النحل يا ام اسيد كثييير طيبة

[فوفو89]

http://forum.hwaml.com/imgcache2/hwaml.com_1384280475_524.jpg (http://www.hwaml.com/up/)

[كبريآء أنثى ـآ]

أم أسيد هلأ بنزلك صورة الخلية اللي أنا عملتها ثواني بحمل
أم أسيد شو قصدك بالطبقات مافهمت عليكي ؟؟

[كبريآء أنثى ـآ]

http://forum.hwaml.com/imgcache2/hwaml.com_1384280873_750.jpg (http://arabsh.com)

خلية النحل

عمايل إيدية وحياة عينية ^ــ^