الغاليات بنات فلسطين اتفضلو هون..... [الأرشيف] - الصفحة 2

نور العمر

07-30-2013, 12:38 PM

مرحبا ميوش كيفك وربي يتمملك الحمل على خير ... بالنسبه للنبض ببان من الاسبوع السادس للاسبوع التامن هيك بسمع انا

وطبعا دكتورتك اخبر بحالتك ولو في شي لاسمح الله كان حكى و بما انو طمنك معناتو كل شي تمام الحمد لله

ونصيحه لاتتعبي حالك بالتفكير والقلق مش منيح الك ولبيبي .. انبسطي بحملك وتوكلي ع الله ربنا بحميلك جنينك ان شاء الله وتفرحي بشوفتو سليم معافي بعد تسع شهور ان شاء الله ...

دودو كيفك وكيف البيبي.. بالنسبه للمغص فيه دوا اسمو بيبي رست مابعرف اذا فيه منو عندك بالامارات هدا عباره عن اعشاب بهدي المغص وفيه كمان اعشاب بنشرو من الصيدليه .. وسلامتو .. طمنينا عنو ...

ميوووش محمد

07-30-2013, 12:49 PM

تسلمي كتير نور العمر ....

ربنا يطمن الجميع ويرزق الجميع

حواء مثالية

07-31-2013, 02:16 AM

يسعد مساكم يا بنات كيفكم شو اخباركم يارب تكونو بخير

انا صارلي يومين معزومه عند اهلي ووعمامي نمت عندهم ومن شوي روحت لهيك ما طليت انا كثير تعبانة واوجاع اشكال الوان شبه مستمرة وثقل الله يهونها علينا يارب ونرتاح قريبا

دودو منورة كثير بنبسط لما بشوفك فايته ما تغيبي وبالنسبة للمغص في اطفال بتم معهم ليصيروا ثلاث شهور علاج معين ما بعرف

لولو الفلسطينية

07-31-2013, 01:23 PM

مسا الخير يا بنات
حلا
ربنا يهونها عليكي و تقومي انتي و يوسف بالسلامة يااا رب
حواء و ام عبد الله انتو كمان قربتو .. ربنا يقومكم انتو و عبودة و عزوز بالسلامة يا رب
دودو
هههه انا امبارح بنتي طول الليل و هي صياح كتييييير ولا سكتت و انا طبعا بقعد اصيح معها و جوزي المسكين بدل ما يسكت وحدة بصير يسكت تنتين هههه و اخدناها عالدكتور و حكى كلو تمان و ابحمد لله .. بس عندها شويه مغص و بطنها منفوخ و قاللنا طبيعي هيك بضلو للتلات اشهر و هم ممغوصين و تعطانا دواء .. عبارة عن اعشاب و بس
بس بشكل عام هي دائما بالليل ما بتنام ولا بتنيمنا ... جتى انا بضل راسي زي المسطولة هههه اللخ يخليلنا ياهم ... شو ىتديش صار وزن عمورة ؟؟ الله يحميه و يخليلك باه
ميوش
ربنا يطمن قلبك و يتملك على خير
ممكن النبض يتأخر للاسبوع التامن .... ما تقلقي و توكلي على الله و ان شاء الله ملو تمام
ام مروان
سو وضعك انتي هههه ؟؟ كيغك و كيف البنوتة ؟؟
احساس و جارة و نور العمر
منورين .. ضلو طلو و طمنونا عليكم
باقي المختفيات اشتقنالكم يا دبات
تعو طمنونا عنكم

~{{ DoDo }}~

07-31-2013, 02:03 PM

يسعد مسااااكم
اشتقت للكل والله

ام مروان وحواء ولولو تسلمو على ردودكم يا حلوين
عمورة احسن الحمدلله يعني هيك وهيك
بس كمان ما بننام ههههه نسينا النوم وبدنا نتاقلم
المهم انه ما بعرف شو قصة التسريب هاي
بتكون الحفوضة نضيفة بس بلاقي الفرفورة واصلة لضهرو
وما بتهنى على اي لبسة وهاد الحكي جديد
مع انه بيتعمل احسن نوع حفوضات
وبلبسه اياها منيح وبضغطها ومقاسها ع قده
مبارح كل غيار يصحى دقيقتين يسرب جنني

لولو
بكرا عنا موعد مع دكتورنا
عشان بيكمل عمورة شهر ان شاء الله
وبنشوف اديه وزنه
انتي طمنيني عنك وعن صابرينا وكم وزنها
وبتسرب متل الازعر تبعي ولا لانها بنت مؤدبة هههههه

حلا وام عبدالله وحواء انا بانتظار الاخبار الحلوة

~{{ DoDo }}~

07-31-2013, 02:05 PM

صحيح صرلي 30 يوم والدم مش عم بوقف
نفسي اصوم كم يوم :(
مع انه نضفوني منيح لما ولدت

حواء مثالية

07-31-2013, 06:53 PM

يا هلا يا بنات كيفكم منورات

شكلها حلا ولدت

دودووووو في طريقة لتلبسي الولد الحفوظة غير عن البنت في على اليوتيوب الطريقة فوتي وشوفي

منورة لولو حلوه الامومة وهاي ضريبتها شقاوة صغارنا

وردة سورية

07-31-2013, 11:02 PM

http://forum.hwaml.com/t265998.html#post3315303

حواء مثالية

08-01-2013, 08:30 PM

بنات خبر حلو بهالمسى حلا مبارح ولدت بالسلامة الله يتم عليها ويكمللها الاربعين على خير

عقبال عندي وعند ام عبدالله وينها لتكون الثانية عملتها وضليت لحالي هلا الدور النا ادعولنا

نور العمر

08-01-2013, 08:41 PM

مرحبا حواء ويسلمو ع الخبر الحلو والف مبروك لحلا والله كنت فاتحه عشان اشوف شو صار معها سبحان الله شي خلاني افتح ع التجمع ربنا يتمملها الاربعين ع خير ..

وعقبال عندك يا حواء نفرح بخبر ولادتك وقومتك بالسلامه انتي والبيبي وعند ام عبد الله كمان ...

وباقي الصبايا كيفكم وشو اخباركم ... ؟؟

حواء مثالية

08-02-2013, 02:13 AM

مساء الخير كيفكم يا حلوين

نور العمر الله يسعدك يارب ويخليكي على الدعوة حبيبتي انتي

حيفا الله اعلم شو اخبارها يارب تكون بخير وتجي تطمنا عنها انبثاقة وغموض وباقي البنات

بعرفوا عن هاد التجمع ولا ما خبرتوهم الي عندها فيس حدا من البنات تبعت رابط الصفحة الها والله الهم وحشة

احساس أنثى

08-02-2013, 04:24 PM

مساكم جوووووري ياحلوين
شو هالاخبار الحلوه حواء

الف الحمد لله ع سلامتك حلا الحمد لله راح التعب:)
عقبالك ياحواء انتي وكل الحوامل يلي انا منهم هههههه

شو عاملين فطور ؟!
احنا بيتزا تفضلو :)

نور العمر

08-02-2013, 04:58 PM

مسا الخيررر ... كيفكم وجمعه مباركه ..

كيفك احساس وشو اخبار الحمل برمضان وكيف ابنك ..؟؟

صحه وهنا ع البيتزا

بالنسبه لفطورنا منسف اردني .. اتفضلو ..

حواء مثالية

08-03-2013, 01:20 AM

يسعد مساكم

منورة احساس وصحتين على البيتزا اليوم كنا عازمين بنات حماتي عملت منسف كمان مثل نور العمر

هانت يا بنات شكلها قربت بس حاسه انه لسه معي وقت مع اني تعبانة كثير الله يهونهاااااااااااا يارب

ام عبدالله ما تغيبي هالايام خلينا دايما نطمن عليكي مممممم ما ضل شي لرمضااااان كل عام وانتو بخير ان شاء الله مضى بسرعة والله

احساس أنثى

08-03-2013, 04:45 AM

صباح الخير اكيد الكل نايم

نور العمر حبيبتي سألت عنكالعافيه الحمل متعب من غير رمضان فما بالك رمضان
بقول حمل البنات تعب :) ابني الحمد لله كويس متعلق فيا كتير بطل بدو ينحمل ويطلع يار ماما ماما :)
شعور حلو للام بس مش دايما بكون فاضيالو :)

حواء هانت ان شالله انتي متى اخر معاد ؟

احساس أنثى

08-03-2013, 04:47 AM

حواء
اكيد برلنت طبقت السنه عملتيلها عيد ميلاد ولا مابتآمني بهالشفلات
واحكيلي شو نوع الحليب يلي بتعطيها اياه بعد السنه ؟!

نور العمر

08-03-2013, 07:18 AM

هلا احساس .. صباح الورد .. ابنك متعلق فيكي بكون حس انو فيه غيرو جاي بالطريق ربي يحميلك اياه ويتمملك حملك ع خير

اه حمل البنات اصعب من الاولاد انا كان حملي في بنتي صعب مش زي ابني ...

والله انا صاحيه مانمت بعد السحور استغليت انو اولادي نايمين وعملت حملة نظافه طبعا تحضيرات العيد غسلت الغسيل ونزلت الستائر وغسلتهم وغسلت مفارش السراير وطلعت السجاد بدي شمسو وفيه منو بدي اغسلو غسلت سجاده ... وهلء بدي روح شوف سيلا لانو صحيت ..

وكل عام وانتم بخير ..

فوفو89

08-03-2013, 10:42 AM

مرحبا يا حلوييييين

كيفكم وشو اخباركم
اشتقتلكم كتير كتير

هااااااانت ضل كم يوم وييجي العيد ،، عنجد رمضان كان صعب كثيييييير ،، الله يجعله في ميزان حسناتنا يارب
انتو شو عاملين مع رمضان ؟

حلا
الحمدلله ع سلامتك ومبروووووك المولود الجديد ،، وعقباااالنا لما نرتاح من الكرش والثقل

جارة القمر

08-03-2013, 11:28 AM

صباحووووووووووو يا حلوين

الف الحمد لله على سلامة حلا ..

وعقبال ام عبدلله وحواء.........

رمضان فعلا الةاحد فيه ما بيفضى ...........

احساس أنثى

08-03-2013, 12:02 PM

صبااااااااحو عسل للجميع

نور العمر / الكل بيقلي هيك عشان في غيرو الله يعيني بس اولد حتبدا الغيره :)
يعطيكي العافيه والله عامله حمله جامده احنا لسى كسلانين

حتعممممممملو كعك ؟ ياصبايا!!

جاره / يسعد اوقاتك :)
فوفو / الحمد لله مضى رمضان ع خير
اعتقد العييييييد الخميس صح!

حواء مثالية

08-03-2013, 04:37 PM

منورات صبايا

الله ما يحرمنا هالطلة يا رب

انا اخر موعد الي 20\8

برلنت طبقت السنة كان عيد ميلادها اول يوم برمضان بس ما عملتلها الحفله اجلتها لتاني يوم العيد ان شاء الله

ام عبدالله مهختفية معقول تكون ولدت

انا هلا بعطر برلنت حليب نيدو

فوفو89

08-04-2013, 09:37 AM

يسعد صباحكم

كيفكم اليوم

احساس
اه الحمدلله مضى ع خير ،، انا افطرت 5 ايام في رمضان ،، 3 ايام كنت مريضة ،،ويومين راحت علينا نومة وما صحينا ع السحور
بيحكو الاحتمال الاكبر انه العيد يوم الجمعة ،، ياااارب يكون الخميس ،، عنجد هلكنا في رمضان

نور العمر

08-04-2013, 10:02 AM

صباح الخير ... كيفكم ..؟

كيفك فوفو شو اخبارك ...كل عام وانتي بخير ..

لاتقولي شو الجمعه انا بتمنى الاربعاء او حتى بكره ههههههههههه وانتي بطولي فيها لجمعه ان شاء الله يكون الخميس

والله انا هلكت مش من الصوم من اولادي صعب لما تكون صايم وعندك صغار وكمان بجننو الواحد ابني شقي كتير طلع عيني برمضان الواحد لما بكون مفطر بتحملو خخخخخ

انا طالعه ع السوق ... بشوفكم بعدين ..

فوفو89

08-04-2013, 05:02 PM

هلا نور
انا منيحه الحمدلله بس بدووون صيام ورمضان هههه
ياريييييت لو بكرا العيد
الله يكون بعونك اطفال ومسؤوليات وطبخ ونفخ وصيام

خلص انا قررت افطر يوم الخميس سواء كان عيد او مش عيد ،، عنجد فرطنا

احساس أنثى

08-04-2013, 06:12 PM

مساكم جوري ياحلوات
فوفو وحواء ونور العمر وكل الصبايا

حواء/ العمر كلو لبرلنت يارب
وان شالله اولدي عموره ب١٩/٨ عشان يسير نفس تاريخ ميلاد زوزو :)

فوفو / انا سمعت انو صيامنا كان غلط يعني تأخرنا بيوم لما صمنا لهيك حيجي العيد خميس
وحكت السعوديه حتطلع عن كل المسلمين عشان صمتا متأخر مابعرف اذا صح الخير او لا
بس احنا كل ترتيباتنا انو الخميس العيد :)
انا افطزت اسبوع الدكتور ماخلاني اصوم لحتى اخلص كورس الدوا

نور العمر / تتهني بالسوق انا خلصت من بدري مابحب السوق باخر ايام بكون زحمه كايييير الله يعينك
هانت صبايا راح الكتير باقي القليل

كل عام وانتو بخير

سما الدنيا

08-04-2013, 10:40 PM

كل عام وانتوبالف خير يا بنات شو اخباركم مشتاقتلكم كتير....ربي يتقبل الطاعات ويبلغنا ليلة القدر يا رب...

نور العمر

08-04-2013, 10:47 PM

مساااء الخيررر ..

كيفكم بعد الافطار اكيد احسن من قبل الافطار خخخخخ

فوفو انتي هلء الدور عليكي بعد حواء وام عبد الله

حواء مابينت اليوم ليكون ولدت وام عبدالله صارلها فترة ما بينت

احساس انا شريت كل اشي قبل رمضان بس بضل شويت شغلات ناقصه وكملتها اليوم ناقص بس الحلو بحب اجيبو ليلة العيد بكون السوق حلووو بالليل ليلة العيد ينعاد علينا يااارب بالصحه والسلامه ...

وكل عام وانتم بخير ...

حواء مثالية

08-05-2013, 12:47 AM

يسعد مساكم كيفكم

لسه يا فوفو شكله عزوز راح يعيد ببطني انا شريتلو لبسة العيد هههههه اذا خايف ما يعيد موعدي الاسبوع الجاي اذا ما كنت مخلفة الله يكرمني واخلف طبيعي يا رب انا وام عبدالله وكل الصبايا

حواء مثالية

08-05-2013, 11:47 AM

صباااااااااااااااااااااااحو

umm 3amr

08-05-2013, 12:52 PM

السلام عليكم
شو الأخبار
كل سنه وانتو بخير يا رب

حواء مثالية

08-05-2013, 12:56 PM

يا هلا وغلا ام عمر وانتي بالف خير طمنينا عن اخبارك

umm 3amr

08-05-2013, 12:58 PM

اذا في امكان. الصبايا ضيفوني ع الفيس وحشتوني كتير

حواء مثالية

08-05-2013, 08:16 PM

كالعادة الدردشة مهجورة

نور العمر

08-05-2013, 09:02 PM

مساا الخيررر ... كيفكم صبايا

كيفك حواء شو اخبارك وكيف برلنت ..

معك حق الدردشه شبه معدومه ... يمكن بسبب رمضان وكمان العيد...

انتي صحيح ولدتي برلنت بعمليه شو حكولك الدكاتره بالنسبه لهاي المره.. ان شاء الله يارب تكون طبيعي ...

حواء مثالية

08-05-2013, 09:21 PM

هلا نور الله يسعدك يا قمر نحنا بخير

بالنسبة للولادة هاي حكالي الدكتور كلشي طبيعي والحمدلله احتمال كبير اولد طبيعي

انا اصلا سبب ولادتي بعملية المره الاولى كان وزن برلنت قليل عشان هيك ما تحملت الطلق هي لهيك قررولي عملية

فوفو89

08-06-2013, 01:17 AM

نور
اه دوري بعد ام عبد الله وحواء
الله يهونها يارب وتمشي الايام بسرعه ،، كثير مشتاقة اشوف بنتي

احساس
الله يسمع منك ،، لانه اخر يومين بطلنا نقدر نتحمل ، عنجد صعب رمضان مع الحمل

صبايا بدي اسألكم
هل ضروري اشتري اواعي بيبي مقاس نيوبورن ؟ ولا بينفع مقاس 0-3 ؟
وبالنسبة للغيارات الداخلية الشباحات كم بحتاج منها ؟

حواء مثالية

08-06-2013, 02:19 AM

هلا ياقمر اشتريهم كبار لانه البيبي بكبر بسرعة بتبطلي تستفيدي منهم

ممممممممم دودو ولولو وام خليل وام عبدالله وسما ولك الشلة يالله تعالووووووووووووووووووووووووووووو

فوفو89

08-06-2013, 09:53 AM

يعني ما اشتري مقاس نيوبورن ابدا ؟

فوفو89

08-06-2013, 09:54 AM

يسعد صباحكم جميعا

كيفكم

انا صبحت جوعانة كثير ،، معدتي بتاكل بحالها اكل من الجوع هههه

بيحكو احتمال بكرا العيد ،، ياااااااااريت

شو بتحكو العيد بكرا ولا بعد بكرا ؟

انا بحكي العيد بعد بكرا ،، مستحيل يكون بكرا

جارة القمر

08-06-2013, 10:13 AM

صباحوو

هههههههه شو القصه عن بكرا العيد معناتها اكلت هواااا انا ......بعدني مش معزلة بيتي عالمزبوط لاني
طلبت من بنات يجو يشتغلو معي يوم لاربعاء .. ولسا مش مخلصه تجهيزات .......

يعني بجد يارب مهو بكرا اصلا نفسيا مش مريح 28 يوم صيام بس ...........!؟

حواء مثالية

08-06-2013, 11:01 AM

صباااااااااااااااااااااااحو

فوفو خدي المقاس الاكبر افضل

مستحيل بكرا العيد انا جهزت كلشي الحمدلله ضايل ضيافة العيد

حواء مثالية

08-06-2013, 01:27 PM

سلام عليكم منورات صبايا

فوفو اذا بدك تشتري اشتري غيار واحد بس لاول ما ينولد والباقي اشتري لعمر اكبر

انا خلصت كلشي للعيد ضل علي اشتري ضيافة العيد بس

حواء مثالية

08-07-2013, 02:20 AM

باركووووووولي واحكو ما شاء الله برلنت اليوووم مشت جدعة هالبنت اسم الله عليها

نور العمر

08-07-2013, 07:22 AM

مبرووووك ... والعين تحميها ياااارب ... وان شاء الله يااارب لما تشوفيها تخطي اول خطوه للمدرسه ... وان شاء الله السنه الجاي تشوفي عزوز وهوا بخطي اول خطوه ...

وكل عام وانتم بخيرررر ..

اكيد بتكونو هلء نايمين بس انا اولادي ما خلوني انام خخخخخ صاحيين من بعد السحور ...

حواء مثالية

08-07-2013, 11:52 AM

صباحوووووووو

تسلمي يا قلبي الله يخليلك اولادك وتفرحي فيهم

احساس أنثى

08-07-2013, 12:07 PM

مساالورد ياعسولات
كل عام وأنتم بخير جميعا جميعا

حواء مبروك لبرلنت ربي يخليلك اياها:)

احنا خلصنا كل الاشغال بس لسى اليوم عفسة الكعك :)
يالهوووووووي

حلا الماس

08-07-2013, 01:05 PM

سلام عليكم

مساكم سعيد وكل عام وانتوا بألف خير يا رب

حبيبتي حواء شكرًا لأنك بلغتي الصبايا أني ولدت وكل الصبايا الي باركولي ربي يسعدكم ويبارك فيكم يا رب وعقبال الحوامل يقوموا بالسلامة ويعطي الي ببالها تحمل يا رب

حواء
يلا الدور عليكي هلأ شدي حالك وربي يهونها عليكي وتقومي بالسلامة حبيبتي وترتاحي متل ما انا ارتحت :)
ومبروك خطوة برلنت الأولى ربي يحميها ويفرحك فيها

تحياتي لكل الصبايا وكل عام وانتوا بألف خير عيد سعيد للجميع

رح أتغيب عنكم ومش رح ادخل متل اول لأنو العيلة كبرت والمسؤولية كترت والحمد لله

حواء مثالية

08-07-2013, 05:00 PM

هلا وغلا بنات الله يبارك فيكم

منورة حلا كل ما تقدري فوتي وطمنينا عنك الله يخليلك عيلتك يا رب

سما الدنيا

08-07-2013, 06:07 PM

مرحبا صبايا كيفكم..كل عام وانتو بالف خير ..شو خلصتو تجهيزاتكم للعيد انا ما ضل عليه اشي عملت المعمول وجهزت كل شي...
وبما انو اخر يوم برمضان حابه اعمل قدره ..اتفضلو يا جماعه..

سما الدنيا

08-07-2013, 06:15 PM

حلا الحمد لله عالسلامه والف مبروووك..
حواء مبروك لبرلنت ويجعل كل خطواتها بالخير يا ربي..
احساس ودودو ونور العمر وجار وكلالموجودين والغايبين يسعد هالمسا...

فوفو89

08-07-2013, 06:45 PM

مرحبا يا حلوين

كيفكم اليوم

كل عام وانتم بالف خير وينعاد عليكم بالصحه والسلامة

حواء
انا حكيت هيك اشتري غيار واحد عشان اول ما تنولد والباقي كله اكبر
مبرووك اول خطوة ل برلنت ،،وعقبال ما تفرحي فيها يارب

حلا
الحمدلله ع السلامة ومبروك المولود الجديد وعقباااااااااااااااااالي يارب

فوفو89

08-07-2013, 06:46 PM

انا عملت كعك للعيد وغريبة

هي صورة الغريبة والكعك لسه ما صورته

http://forum.hwaml.com/imgcache2/hwaml.com_1375890403_655.jpg (http://www.0zz0.com)

كبريآء أنثى ـآ

08-08-2013, 12:41 AM

حلا .. الحمد لله ع سلامتك
ومبروووك حواء الخطوة الأولى للبنوتة الحلوة
كل عام وإنتن بألف خير

حواء مثالية

08-08-2013, 02:05 AM

كل سنة وانتو سالمين ينعاد عليكم بالصحة والسلامة

ام عبدالله مو مبينه شكلها ولدت

حواء مثالية

08-08-2013, 09:19 AM

اجا العيد وانتو ما اجيتوووووووووووووووووو يالله اليوم الكل يجي عشان نشوف مين عيديتها اكثرررررررررررررر

جيبو معمول انا ما عملت

احساس أنثى

08-08-2013, 01:28 PM

كل عااااااااام والجميع بألف خير ياحلوين
حواء انا أقل عيديه :)
لانو ماالي الا خال/ و٣ أعمام فقط:)

فوفو89

08-08-2013, 05:00 PM

كل عام وانتم بالف خير

ينعاد عليكم بالصحه والسلامة

اتفضلوو ضيافة العيد

كعك ،، مقروطة تمر ،، غريبة ،، شوكولاته

http://forum.hwaml.com/imgcache2/hwaml.com_1375970414_866.jpg (http://www.0zz0.com)

احساس أنثى

08-08-2013, 07:00 PM

فنانه يافوفو
عيدك مبارك
وصحتييين وهنا

فوفو89

08-08-2013, 11:40 PM

كل عام وانتي بخير احساس

صحه ع قلبك يارب

ينعاد عليكي بالصحه والسلامة

حواء مثالية

08-09-2013, 11:43 AM

>>>>>>>>>>>>>>>>>>>صباااحوو

نور العمر

08-09-2013, 12:14 PM

صباح الخيررررر ...

كل عام وانتم بخيررر ... وينعاد عليكم باالصحه والسلامه ياااارب ...

شو هاد يا فوفو ضيافه بتشهي ...

هلا حواء صباح الخيررر ... كل عام وانتي بخير ... وكيف العيد مع برلنت ...

لولو الفلسطينية

08-09-2013, 01:02 PM

كل عام و انتو بألف خير
ينعاد عليكم و علينا بالصحة و هداة البال
شو كيف هالعيد معكم ؟؟؟
حلا
الحمد لله على سلامتك و يتربى بعزكم يوسف الغالي و تفرحي فيه و في اخواته
حواء
الف مبروك خطوة برلنت الاولى .... ان ساء الله بتشوفيها عروس و يتفرحي فيها يا رب
ام عبد الله
وييييينك ؟؟؟ لتكوني عملتيها يا بنت ! الله يهونها عليكي
دودو
هههه شو الوضع عندك ؟؟ كيفو عمورة افندي و كيف كان موعدو مع الدكتور قبل كم يوم ؟؟؟ ههههه امبارح صابرينا طول اليوم و هي تصيح ما خلتنا نعرف نشوف حدا ههههه
وقف الدم و الا كيف ؟؟
اه بنات بدي اسالكم ايمتى بيثبت لون عيون البيبي ؟؟ هههه عيون بنتي خضرا و متفائلة فيهم هههه
..............
بنات انا الدم وقف عندي نهائيا تقريبا بعد الولادة باسبوعين و ماااا نزل ولاااا نقطة لحد اليوم الاربعين نزل نقط خفيييييفة لمدة يومين و راحت و هلا صارلي والدة 55يوم و قبل اسبوع تقريبا صار ****** و تاني يوم الصبح نزلت علييه نقطة دم صغييييييييييرة و لونها فاتح و بعدها نزل لون بني برضو خفيييف .. نقط
و امبارح كمان صار **** و قبل شويه برضو شفت نقطة زي الافرازات البيضا و مخلوطة بدم ... مش عارفة شو القصة
في داعي أسأل الدكتور و الا الوضع هيك عادي ..... المشكله انا كتييييير خايفة لدرجة اني رحت عملت تحليل حمل و انا متاكدة انو ما في لاني ماخدة احتياطاتي
الله يستر
المهم
اشتقتلكم كلكم و نفسي كل البنات يرجعو زي قبل و ييجو يطمنونا عنهم ..... ان شاء اللله يكونو بخير
عيدكم مبارك يا احلى صبايا

حواء مثالية

08-09-2013, 01:57 PM

هلا وغلا بنات كل عام وانتو بالف خير

انا حاسة حالي منتهية من التعب شكلي مو مطولة بالمرة بس اليوم غير عن كل يوم ادعولي

ام عبدالله لولو

08-09-2013, 02:33 PM

مرحبا صبايا

كل عام وانتن بخير

انا والحمدلله ولدت يوم الثلاثاء الماضي

وبعملية قيصرية ..والبيبي امور بجنن ..صلن ع النبي هي صورته في المرفقات

وبس ان شاء الله بس اتعافى بعاود الدخول سلامي للجميعhwaml12

حواء مثالية

08-09-2013, 03:43 PM

اللهم صلي على سيدنا محمد الف الحمدلله على سلامتك كان قلبي حاسسني انك عملتيها

بس لي بعملية شو صار معك احكيلنا

يالله عبود بستاهل التعب الله يخليلك اياه يارب ويتربى بعزكم

عيوني دمعو بحكي خلص الدور علي والله خايفه مع انها مو الولادة الاولى بس حاسة انه المره غير والاوجاع غير ادعووووولي امانه

فوفو89

08-09-2013, 04:37 PM

ام عبدالله
الحمدلله ع السلامة وماشاء الله ع ابنك امووور ويبعت بوووسة كمان ههههه
الله يخليلك اياه يارب

لولو
يمكن بواقي دم بالرحم ،،مش شرط يكون حمل
اسألي دكتورة اضمنلك

حواء
يلا شدي حيلك الدور عليكي ،، وبعدها الدور علي
انا بعدد 20 يوم بفوت بالتاسع ان شاء الله
الله يهونها يارب

احساس أنثى

08-09-2013, 07:54 PM

ام عبد الله
الحمد لله ع السلامه :)

حواء مثالية

08-09-2013, 10:01 PM

اخ وبس تعبانة نفسيا مقهورة كمان

ميوووش محمد

08-09-2013, 10:07 PM

الحمد لله على سلامتك .. وماشاء الله على ابنك ...

ميوووش محمد

08-09-2013, 10:08 PM

حواء مثالية .....

ربنا يهونها عليكي ... وان شاء الله خير ..

احساس أنثى

08-09-2013, 10:18 PM

سلامتك حوااااااء

لولو عادي ينقطع الدم بدري

حلا الماس

08-10-2013, 12:19 AM

مسا الخير يا حلوات

كيف العيد معكم ؟؟ ان شاء الله انبسطتوا

حبيبتي ام عبد الله
ألف حمد لله على سلامتك وسلامة البيبي ... عملتيها وولدتي قبلي يا بنت
انتي الثلاثاء وانا الأربعاء ... يلا شدي حالك وتعالي قوليلنا ليش ولدتي بعملية وشو يلي صار معك

حواء
سلامتك من القهر والتعب يا قلبي
هونيها بتهون ... ان شاء الله بتقومي بالسلامة وبتفرحي بشوفة البيبي ورح تنسي هموم الدنيا كلها

لولو
الله يسلمك حبيبتي :)

فوفو - إحساس - نور - ميوش - وكل الصبايا منورات وربي يسعدكم كلكم

وردة سورية

08-10-2013, 03:56 AM

http://forum.hwaml.com/t266463.html#post3325395

Snowwhite-90

08-10-2013, 04:34 AM

صباح الخير حبيباتي ،، قبل كيفكم حابة احكيلكم اني اشتقتللللللللللللللللكم كتيييييير كتييييير ،، وكل عام وانتوا بالف خير ينعاد علينا وعليكم بخير وسعادة الي فترة ما بفوت الموقع لانه فقدت الامل انه ترجع الدردشة ،، والحمدلله عيدي بعيدين مع رجعتنا هون ،، والف الف مبروووك عالتجمع البيبيات الجداد
عمووورة الامور ،، صابرينا الحلوة ،، وعبودي العسول ،، ويوسف الغالي ،، يا الله انبسطت كتييير لما قرأت الصفحات وشفت هالاخبار الحلوة وعيوني دمعوا ههههه ،، اعتقد ام مروان كمان ولدت ؟؟ معلش التركيز عندي هالايام شوي تعبان ههههه
دودو حبيبتي يتربى بعزك ودلالك ان شاء الله ،، ربي يفرحك فيه وهو عريس متل القمر ،، بوسيلي عموره كتييييير :)
لولو يا لولو ،، شو عاملة مع هالكتكوتة ؟؟ ربي يطول بعمرها ويسعدها ويحميها ،، اكيييد طالعة امورة لامها ،، بوسيلي اياها :)
ام خليل يا عمري كبرت المسؤولية هلأ ،، ربي يجعله من البارين ،، ويخليلك اياه ويربى بعزكم ودلالكم حبيبتي
ام عبوددددي ،، حبيبتي الف الحمدلله على سلامتك الله يشفيكي ويعافيكي ويعينك عالقيصري ،، ما شاء الله عليه عبودي ربي يحميلك اياه ويربى بعزك ودلالك ،، بس احكيلنا ليه احتجتي عملية ؟؟ شو الي صار معك ؟

حوااااء حبيبتي الدور عليكي يلاااا شدي الهمة ههههه ،، بوسيلي برلنت الامورة والف مبروك ع اول خطوة ،، ان شاء الله بتسير تركض بالبيت كله وانتي تركضي وراها وما تعرفي تمسكيها :)

طبعا الصبايا كلكم من دون ذكر اسماء بتمنى تكونوا جميعا بخير واموركم تماااام ،، يا ريت نرجع نتجمع هون متل زمااااان

اما بالنسبة لاخباري انا ما بعرف اذا قرأتو اخر صفحات بالتجمع القديم ولا لا ،، رمضان هاد كان صعب كتير عليا من ناحية التعب خصوصا انه اتورطت ونزلت صيفي بالجامعة :( دراسة مع حمل باخر شهور مع طفل بالبيت مع صيام تعب كتييير والله ،،لكن الحمدلله كاااان حلو جدا جدا والاجواء روعة بس كان ناقصه جمعتنا هون ،،
انا حاليا بنص التامن و منتظرة افوت التاسع على احر من الجمر ،، لحتى اشوف بنوتي واحضنها وتنور حياتنا مع حمودي ياااا رب ،،،

يا صبايا انا اشتقت لعيون المها كتيييييييييير ودايما ببالي ،، يا رب تكون بخير
وحيفا كمااان ونفسي اطمن عليها ،،،

احساس أنثى

08-10-2013, 03:33 PM

حلا الماااااااس
كيف البيبي ؟ بيعزبك؟

ام جودي
كل عام وانتي بخير
واحنا اشتقنالك موت والله
الحمد لله عدت فترة الصعوبات ع خير اكيد انتي قدها ياكبيره :)

والله في صبايا كتير اشتقنالهم غير عيون المها وحيفا
انبثاقه ونبض وكتييييير صبايا كانو معنا

لولو حمادة

08-11-2013, 12:28 AM

كل عام وانتم بخير
كثر شتقتلكم بس عندي ظروف ادعولي ربنا يفرجها

حلا وام عبدالله الحمد الله على سلامتكم

حواء مثالية

08-11-2013, 01:28 AM

يا هلا وغلا منورات ام جودي طلة ولا اجمل الله ما يحرمنا منك ويبارك فيكي ويتمملك على خير

كبريآء أنثى ـآ

08-11-2013, 01:53 AM

مرحبااااااااااااااا
كل عام وإنتم بخير
سنووايت أنا ولدت وعدو صارلي شهرين هههه
لولو ولدت قبلي بيوم هههه والحمد لله كانت ولادتي سهلة بس تغلبت كتير من الغرز
طمنوني يا صبايا كيفكم ؟؟
وكيف الكروشات اكيد تعبانات يلا ربنا يعينكن ويقومكن بالسلامة ياااااارب

حواء مثالية

08-11-2013, 11:46 AM

لولو حمادة الله يهونها عليكي اذا بنقدر نساعدك بشي خبرينا

باقي البناااااات يالله نيمو اولادكم وتعو طمنونا عنكم اليوم

حماتي نزلت على الاردن اليووووووووم

كبريآء أنثى ـآ

08-11-2013, 01:05 PM

حواء .. ألف الحمد لله ع سلامتها
قوليلي كيف الحمل أكيد متعبك ... يلا هانت راح الكتير ومش تامم الا القليل
ربي يهونها عليكي ويجعل ولادتك سهلة وميسرة يااااااارب
قوليلي إنتي من وين .. ؟ ووين عآيشة هلأ ؟؟

لولو الفلسطينية

08-11-2013, 01:13 PM

مسا الورد للحلوات
اشتقتلكم كتيييير
بنات .. انا قثدي عادي الدم هيك يضلو ينقط كل كم يوم و انا بدو يصيرلي شهرين والدة !!!!! ؟؟؟؟ غريبه
ام جودي
ربنا يسعد هالطلة الحلوة .... احنا كمان استقنالك
الله يعينك و يتمملك على خير
انا الحمد لله ما كنت ماخدة صيغي لاني كنت بالتاسع و حالتي يرثى لها كانت هههه
بس انتي ما بينخاف علبكي ام جودي
لولو
ربنا يفرجها عليكي و يريح بالك يااا رب
طمنبنا عنك اول بأول
ام عبد الله
الف مبروك .... الحمد لله على سلامتك تنتي و عبودة الامور ... ما شاء الله عنه .... ان شاء الله بتربى بعزكم انتي و أبوه
بس شكلك ولدتي بدري كتييير .... في اول التاسع .. و الا لا ؟؟؟ تعي احكيلنا اكشنك و الا بس شاطرة علينا هههه ؟؟؟ شو صار معك ؟؟
دودو
ههههه اين انتي يا ام عمر ؟؟؟؟ شكلو عمورة غلباوي زي صابرينا ههههه ..... اسم الله عليه كم وزنو صار ؟؟
صابرينا لما طعمناها طعم الشهر كان وزنها 4و 100 و حكولنا كتبر منيح
بعدين شكلها بلشت تفهم لما حدا بيلاعبها بتصير تضحك و بدها تقوم من محلها هههه بس الها من امبارح هيك ... سبحان الله كل يوم بحس في فرق في كلشي فيها .... الله يخليلنا ياهم و ما يحرم حدا من هالنعمة
حلا
الله يعينك جد مسؤوايتك كبرت بس انني اكيد ادها .... الله يخليك ياهم و تشوفيهم عرسان يااا رب
حواء
سلامة قلبك ام غزوز
الله يعينك .... هااانت ما ضل الا القليل
ههههه انا كمان عمي و مرت عمي في روسيا بس الهم تقريبا شهر مسافرين
الله يرجعلنا ياهم بالسلامة
باقي الصبايا يسعد اوقاتكم ... اشتفت لكل الصبايا جد الهم وحشه كلهم كلهم ... ان ساء الله خير

كبريآء أنثى ـآ

08-11-2013, 01:47 PM

هلا لولو منوووورة والله
عارفة نزول الدم عادي ماتقلقي أنا بصير معي متلك بعد كل جماع
والكل حكالي عادي ما تخافي

حواء مثالية

08-11-2013, 03:03 PM

حبيبتي ام مروان الله يسعدك انا من بيت لحم سكان بيت ساحور

لولو منورة ياقمر الله يحميها بنتك يارب وتشوفيها عروووووووووس

فوفو89

08-11-2013, 11:56 PM

يســــــــــــعد مساكــــــــــم

حواء مثالية

08-12-2013, 12:30 AM

ياااااااااااااااااااهلالالالالالالالالالالا

شلونك فوفو شخبارك

~{{ DoDo }}~

08-12-2013, 12:30 AM

مسا الخير يا حلوين
كل عام وانتو بخير ولو انها متاخرة وان شاء الله عيدكم كان حلو وانبسطو
انبسطت كتير بالاخبار الحلوة

حلا
الف الف مبروك يا عمري وحمدلله على سلامتك
طمنينا عنك وعن البيبي يوسف وكيف وضعه وكيف ملاقيته
واخواتو مبسوطين عليه اكيد وطيرانين فيه
حبيبتي الله يعينك ع مسؤولياتك واشتقتلك كوميات واشتقت للحكي الصباحي تبعنا
بوسيلي يوسف وخليل وماسة وحلا

ام عبدالله
حمدلله على سلامتك يا حلو
اللهم صلي على سيدنا محمد
عبود زي القمر اسم الله الله يخليلك اياه ويتربى بعزكم
بدي تخبرينا شو صار معك وقصة ولادتك وليه قيصري يلا عم نستناااااكي

حواء
كيفك يا قمر
يلا الدور عليكي هلا تعي خبرينا انه ولدتي
الله يهونها عليكي يارب وان شاء الله ما بتتغلبي وبتولدي طبيعي
وبتكون اسهل من ولادتك الاولى
بوسيلي برلنت

لولو
اهلا اهلا ام صابرينا
كيفك وكيف الزعرة
والله شكلها غلباوية زي الافندي عمور
بينام طول النهار وبيصحى طول الليل وما بنيمنا الا بعد ال 8 الصبح
مرات مبسوط وبلعب ومرات ممغوص ومنكد يا ويلي والله بنعاني معه
بس الحمدلله بيقولو بس اول شهرين بعدين بينقلب لواح تاني
هو قبل اسبوع تقريبا يعني كان شهر واسبوع كان وزنه 4 و 300 جم
وعندو تطعيم باول شهر 9 هو تطعيم الشهرين عنا
ولما ينمغص مسكين بنحتاس معه مع انه انا ماخدة بالي من اكلي منيح
وما باكل شي بيمغص او بينفخ عشانه بس بعطيه نقط للمغص لما يتازم عشان يرتاح

ام جودي
اشتقتلللللللللك كتير والله نورتي
زمان عنك حبيبتي كيفك وكيف حمودي والحمل
شو قررتو تسمو البنوتة ومتى اخر موعد لولادتك
ضلك تعي دايما وطمنينا عنك يلا هاااااانت
الله يعينك هلا عالولاد والدراسة والمسؤولية بس انتي قدها انشالله

فوفو
كيفك وكيف استعدادك للولادة
انتي كمان الدور عليكي قربتي
شو حاسة وكيف وزن البيبي وكل امورها ؟

باقي الصبايابدون زكر اسماء مشتقالكم كتير طمنوني عنكم
الله يسهل عالحوامل منكم وعالجميع

صحيح بدي اسالكم متى فيه امل انه البيبي ينتظم بالنوم
يعني ينام بالليل ويصحى بالنهار متلنا ؟

حواء مثالية

08-12-2013, 12:46 AM

هلا دودو منورة ياقلبي كل عام وانتي وعيلتك بالف خيرررررررررررر

برلنت بتسلم عليكي وبتبوسك

البيبي بصير ينام طول الليل بعد عمر خمس او ست شهوووور طول ما هو شبعان ونضيف بضلو نايم

فوفو89

08-12-2013, 08:24 AM

هلا حواء
انا منيحه الحمدلله
انتي كيفك وكيف البيبي ؟
شو مطووووووووولة ؟؟

دودو
هلا بيكي
كيفك وكيف البيبي الغلباوي
انا منيحه الحمدلله وبنتظر ع احر الجمر ادخل بالتاسع واولد ،، مع انه كل ما قرب الموعد بيزيد الرعب ههه
ربي يهونها علينا

فوفو89

08-12-2013, 08:24 AM

هلا حواء
انا منيحه الحمدلله
انتي كيفك وكيف البيبي ؟
شو مطووووووووولة ؟؟

دودو
هلا بيكي
كيفك وكيف البيبي الغلباوي
انا منيحه الحمدلله وبنتظر ع احر الجمر ادخل بالتاسع واولد ،، مع انه كل ما قرب الموعد بيزيد الرعب ههه
ربي يهونها علينا

حواء مثالية

08-12-2013, 12:00 PM

هلا فيكي يا قلبي انا هلا باي لحظة بولد كثير تعبانة وموجوعو بكرا موعدي عند الدكتور احتماااال اروح اليوم لاني تعبااااااااانة كثير

فوفو89

08-12-2013, 01:50 PM

الف سلامة عليكي
والله يقومك بالسلامة
لاتنسي اتطمنينا عليكي ياعسل

فوفو89

08-12-2013, 01:51 PM

انا عندي الم بالاضلاع تحت الثدي الايسر اكثر شي
خاصة لما اكون قاعدة او لما انام

احساس أنثى

08-12-2013, 02:49 PM

يسعد مساكم ياحلوات
فوفو سلامتك انا ماعندي خبره من شو كان حكتلك

وكل الامهات الله يعينكم ع اول اشهر بس الامومه حلوه ربي مايحرم حد هالشغور

حواء هانت :) ادعيلنا
انا اليوم دخلت السادس بس مابحس بحركة البوبيه بحكولي البنات مابتحركو بدري متل الولاد صح هالكلام ؟!
كتير بقلهم حاسه حالي مش حامل :)

لولو حماده ان شالله فترره وبتعدي
كيف كان عيدكم صبايا

ام عبدالله لولو

08-12-2013, 04:21 PM

مساء الخير يا صبايا
حلا الف حمد لله ع سلامتك الف مبروك الصبي الجديد يتربى بعزكم يارب
لولو الله يسعدك ويباركلك يارب ويخليلك اياه دودو تسلملي ويخليلك عمر وتشوفيه عريس
ام جودي وفوفو وميوش الله يقومكم بالسلامة وتفرحو فيهم بين يدك يارب احساس تسلمي يا عسل عقبالك يارب وكل الصبايا يسعد مساكم يارب
حواء بتهوت حبيبتي ما ظل كثير
هاد يا صبايا يوم السبت رحت ع الدكتورة لانو كان الي يومين ما بعرف انام منيح اتعبت من قلة النوم وككمان كان الي مراجعة خكتلي بعدك باول شهرك وانتي بكرية بطولي شوية طلع عندي التهاب بالبول الله يكرمكم اعطتني ابرة افضل من الكبسولات ولانو رمضان باخدهم بهد الفطور هلا يوم الاتنين صحيت ع 9 الصبح مصدعة وتعب خفيف رحت اخدت دوش سخن عشان ارجع انام هههه يعني اسطل وانام مع الصيام المهم انام واصحى بدون وجع ولا شي يدكر ع 2 ونص العصر اصحيت عشان الطبيخ وارتب البيت رحت الحماك وانتو بكرامة لقيت مخاط ممزوج بدم المهم خفت ورحت صحيت زوجي وع الطول ع المستشفى عملولي فحص داخلي حكولي توسع 2 سنتي روحي لانو انتي بكرية ممكن يقعد هيك اسبوعين المهم روحت من هون والوجع بلش من هون مقريبا كل ربع ساعة يجي وجع يادوب دقيقتين ويروح رحنا افطرنا عند حماتي لانو ككنت تعبانة ظليت هيك لحد 12 ونص بالليل بس كان الوجع ممحتمل رجعني جوزي ع المستشفى عملولي فحص لقيو التوسع 3 نيموني بالغرفة وقالولي كلي تمر واشربي عصير كانت اخني وزوجي معي ع 3 الصبح صار التوسع 4 وانا الوجع صار كل 5 دقائق ويما ع الوجع موت حطولي طلق صناعي بس شالو بعد ربع ساعة لانو ما اتحملت كان طلق طبيعي وقوي وحطولي ابرة مهدئ للوجع ع 6 الصبح وابدا الوجع يزيد ع 7 ونص وصل التوسع 8 سنتي وظل الوجع ما بعلم فيه عير الله وصوتي ههههه خليه ع الله غير الاستفراغ واعطوني ابرة للمراجعة من كثر ما استفرغت وظليت هيك لحد الساعة 12 ونص الضهر حكى الدكتور خلص لازمه عملية لانو حرام اكثر من هيك عداب الي صار انو التوسع موجود وطلق موجود لكن راسو كان مترتفع شوية يعني كان راسو لعند توسع 5 واعملت الغملية والحمد لله ع كل شي واجى أسيد ع دنيا ضيف طايرة فيه انا وابوه شاطر وامور وهادي عين الله عليه هههه بس يوم بنام بنهار وبصحلي باليل ويوم العكس المهم يا ست فوفو ما تستعجلي ع الولادة لامها والله موت يعني انا اولادة مرتين مرة طبيعي ومرة بعملية بعد ما وصل التوسع 8 ما ظل فيه الحمد لله ع كل حال

حواء مثالية

08-12-2013, 04:43 PM

فوفو الي بصير معك عشان حجم البيبي صار كبير لهيك بصير يضغط على القفص الصدري

احساس الله يتمملك على خير يارب

انا حاسة برلنت انشط من عزوز وهي ببطني ههههههههههه

هلا رايحة على الدكتور بس اروح بطمنكم ان شاء الله

حواء مثالية

08-12-2013, 04:52 PM

ولي عليكي يا ام عبدالله صار معي ببرلنت هيك بس انا ما استنو علي كل هالوقت لانها هي تعبت

المهم الله اكرمك وارتحتي

حواء مثالية

08-12-2013, 04:53 PM

سميتي الولد اسيد حلو الاسم يعني انتي هلا ام اسيد

ميوووش محمد

08-12-2013, 04:56 PM

الله يخليلك البيبي ..

بنات حابة اسالكم .. اانا هلا ببداية التالت وباحس بسخونة كتير برجليا بالكعب بالزات مع اني ما باقف وما بتحرك وجسمي دايما سخن ...

حد منكم عنده خبرة بهيك شي

نور العمر

08-12-2013, 05:00 PM

مساااا الخير صبايا ... كيفكم وشو اخباركم ..

حواء ان شاء الله تقومي بالسلامه طمنيننا عنك شو بصير معك

ام عبد الله حمد الله على سلامتك وسلامة النونو ... والله يكون بعونك جربتي الطبيعي والقيصري بس الحمدالله على كل حال المهم انو ولدتي وارتحتي وشوفتي ابنك بخير وصحه وعافيه وماشاء الله عنو زي القمر وكيف هلء بعد العمليه اكيد فيه تعب بس المهم ما تحملي شي تقيل ...

دودو ولولو .. كيفكم انتو والنونات والعيد ان شاء الله بخير ... بالنسبه للنوم انسو النوم اول شهرين بس بعد هيك بصير احسن أنا بنتيحخ كانت اول شهرين ما بتنام بالليل بس هلء صارت احسن بتصحى ترضع وتنام بس بتصحى من الصبح من ساعه 6 هي فتره وبتعدي بس يكبرو شوي بكون النوم احسن ...

فوفو كيفك وكيف الحمل معك وكيف كان العيد معك ان شاء الله بتقومي بالسلامه وتشوفي بنتك على خير يااارب

احساس كيفك ومبروك دخولك السادس والبنات تتاخر بالحركه بس روحي صوري بكون احسن ...

حواء مثالية

08-12-2013, 06:40 PM

هلا رجعت من عند الدكتوووووووور

هلا بولد باي لحظة كلشي تمام البيبي واموره ونازل بالحوض والاوجاع بحكيلي طبيعية يعني من هون لاسبوع اذا ما كنت مخلفة بروح مراجعة ادعولي والله كل هالتعب كمان اسبوع ويمكن اكثر الله يهونها يارب ويخفف عني

حواء مثالية

08-12-2013, 06:41 PM

حبيبتي نور العمر تسلمي الله يخليلي اياكي يارب

احساس أنثى

08-13-2013, 08:12 AM

صباااااااحو عثل للجميع

ام عبد الله ياقلبي المهم قمتي بالسلامه بس شو معنى اسم ابنك ؟؟

حواء ليش مستعجله سبيها لما تيجي لوحدها حتلاقي حالك ولدتي

نور العمر والله لما بصور بتتحرك وكل شي تمام :) بس في بطني يادوب نبض خفيف

فوفو89

08-13-2013, 09:09 AM

ام عبدالله
الحمدلله ع سلامتك
حلو الاسم كتير الله يخليلكم اياه يارب
بس ليش غيرتو اسم عبدالله ؟
انا مش مستعجلة ع الوجع ،، بس ييجي موعد الولادة بسرعه واولد وارتاح ،، لانه الحمل جد تعب كثير كثير ،، واكيد الولادة اتعب وما بعد الولادة اتعب واتعب ،،بس يعني
عنجد انه قصة ولادتك فيلم رعب ،، رعبتيني بزيادة ،، الله يجبرك
والحمدلله ع السلامة يا ام اسيد

نور
تسلمي ياعسل
والله يخليلك حبايبك يارب

حواء
انا قرأت ع النت مكتوب من ضغط الرحم والجنين ع الاضلاع
الله يهونها
والله يقومك بالسلامة يارب،، اسبوع او يوم مش مشكلة الايام بتركض ركض

احساس
يسعد صباحك
شكلها بنتك هادية ، او مخبية الحركة لما تنولد وتيجي عندك هههههه

حلا الماس

08-13-2013, 09:11 AM

صباح الورد يا بنات

كيفكم طمنوني عنكم ؟؟

ام عبد الله
ألف حمد لله على سلامتك يا قلبي ومبروك الصبي عقبال تفرحي فيه وتشوفيه عريس ان شاء الله ... اسم الله عليه أمور كتير
قوليلي طهرتو ولا لسه ؟؟

لولو ودودو
يبارك بعمركم يا رب ويفرحكم بولادكم ..
طمنوني ان شاء الله مش متغلبين معهم ... هو دائماً الطفل الأول تجربة وبعدها بتصيري خبرة

حواء وفوفو
ربي يهونها عليكم وتقوموا بالسلامة يا رب وتيجوا تحكولنا عن بيبياتكم :)

إحساس
يسعد أوقاتك يا رب ... انا عندي حركة البنات كنت أحسها من الشهر التالت والأولاد اتحركوا بعد الخامس
ما تستعجلي عال حركة لأنك رح تآكلي رفس كتير هههههه خليها براحتها

نور العمر
الله يعينك ويخليلك ولادك ... كيفك طمنيني عنك ؟؟

ام جودي
الله يبارك فيكي ويخليكي وعقبال تقومي بالسلامة يا رب :)

بنات اليوم يوسف صار عمرو ١٤ يوم ورح نطهرو اليوم

احكولي صبايا متى نزل باقي الحبل السري عن سرة بيبياتكم وشو عملتو فيها ؟؟

جارة ابصر وين غاطة لا حس ولا خبر !!!

كل البنات بدون ذكر أسماء اشتقتلكم جداً

حواء مثالية

08-13-2013, 01:33 PM

يا هلا صبايا منورات الله ما يحرمنا هاللمة حلا الف مبروك طهور ابنك يارب عقبال ما تزفي وهو عريس يارب

انا مو مستعجلة بس معي وجع يا بنات بس على كلام الدكتور هاد لسه عادي وخفيف مع اني ميكلة هوى هلا القصة ما بدي اروح بكير على المشفى المره الاولى ببرلنت رحت مراجعة عادي فوتوني ولادة وما كان معي اي من الاوجاع الي بحسها هلا فهمتوني حكالي الدكتور خلكي على اتصال معي ووقت ينزل علكي اي شي من علامات الولادة او يستمر الوجع منتظم لاكثر من ساعة عطول روحي

هلا كمان عندي مشكله تانية

حماتي نزلت على الاردن بنت حماتي الي بالبيت عامليتلي قصة وزعلانه قال بدها اروح اشتغل شغل بيتهم وقصص طبخ ومش عارفه اش انا بالبيت يادوب مسلكة اموري وانا بالايام العادية يادوب اعمل معهم اشي طبعا هي ما حكتلي هالشي حاكية لزوجي انا لو قادرة ما بقصر ما بكفي هم الوجع ناقصني دلعها مع انها مش صغيرة 23 سنة المفروض ما تخلي حد يعمل معها شي حاسة حالي بدي افقع

احساس أنثى

08-13-2013, 02:02 PM

مساكم ورد

حلا وفوفو
انا بقول شكلها هاديه بنتي وغلبانه خاصه مع زياد ههههه بيخبط فيها لما تدوخ مسكينه

حواء
لا تردي عليها انتي متلله ودوبك بنتك وجوزك
اعملي يلي بريحك وسيبك منها
هادي بدها تعمل شغل الحمايه بدل امها
وخلي جوزك يخكيلها كلمتين بس باسلوب هادي انك تعبانه وبشهرك

حواء مثالية

08-13-2013, 02:49 PM

هلا احساس منورة

والله يختي رضاها اخر همي بس مش ناقصني نكد على وجه الولادة

~{{ DoDo }}~

08-13-2013, 04:05 PM

منورين صبايا

احساس وحواء وفوفو وحلا يسعد مساكم حبيباتي

حلا
بالنسبة للحبل السري
عمورة كتير طول لينزل يعني اكتر من اسبوعين وشوي
عادي وطبيعي الدكتورة قالت بيكون عنده كريات الدم البيضا خاملة شوي
وهاد شي موجود ببعض الاطفال ما منه ضرر
المهم انه تنزل لوحدها وما تلتهب ولا يسخن البيبي بعيد الشر
بالنسبة للطهور انا طهرت عمورة تالت يوم ولادة قبل ما اطلع من المستشفى
والحمدلله كان قرار مزبوط لانه كان صغير وما غلبني ولا نكد و توجع
وطاب بسرعة من تاني يوم الحمدلله وكل الامور مشيت تمام ماشاء الله
العمر كله ليوسف وان شاء الله طهورو بيكون سهل متل ابني وما يغلبكم حبيبتي

ام عبد الله
والله عانيتي يا مسكينة
بس الحمدلله شوفة ابنك بتسوى الدنيا
اسمه حلو وغريب كيف بينلفظ ؟ وشو معناه ؟

عموري هاليومين طالعتله حساسية بوجهه وبقشرة راسه مسكين
زعلانة عليه بس قالولي طبيعي وبتروح لحالها وعشان بيسمن قال

سلاماتي الكم كلكم

ام عبدالله لولو

08-13-2013, 05:51 PM

مساء الخير يا صبايا
تسلمولي كلكم والله يبارك فيكم كلكم
حلا والله زوجي حكي ع الاسبوع بس انا رفضت زي ما بتعرفي عاملة عملية ويادوب مسلكة حالي معاه حكتلو بس اتحسن منيح بنطهرو يعني ع الاسبوعين ان شاء الله
فوفو زي ما بحكو بس يجي بيجي اسمو معاه والله يا بنات الاسم حكاه زوجي هيك سبحان الله وسمه يعني نهائيا ما خطر ع بالنا وبالنسبة لمعناه هو تصغير اسد
دودو مبروك طهور ابنك الله يفرحك فيه يارب
حواء الله يقومك بالسلامة بس انتي روحي ع المستشفى ممكن يكون توسع بدون طلق او وجع باقي الصبايا يسعد مساكم يارب

حواء مثالية

08-13-2013, 09:17 PM

هلا دودو الله يسعد اوقاتك يارب

ام عبدالله حلو الاسم كثير الله يجعله من حظه ونصيبه ويكون خير عليكو وعلي

بعدني صامدة نفسيا متذايقه شوي كمان برلنت مرتفعة حرارتها من ساعة مش عارفه مالها لهلا ما طعمتها طعم السنة كل ما اخد موعد بتكون سخنه بدها تطلع سن

دموع الليل

08-13-2013, 09:39 PM

السلام عليكم

اشتقت لكم كتيييرر

الف مبروك للى ولدوا

لولو ودود الف مبروك البنات

حلا وام عبدالله مبروك الصبيان يتربو بعزكم

حواء وفوفو الله يهونها عليكم وتقوموا بالسلامه

احساس مبروك البنوته الله يقومك بالسلامه

نور العمر كيفك حبيبتى؟؟ وكيف اولادك؟

باقى الصبايا يسعد مساكم

بالنسبه لاخبارى

مريت يظروف صعبه كتيررر والحمدلله على كل حال

ويالنسبه للحمل

انا دخلت التاسع من 10 ايام

الله يفرجها على كل الحوامل

ونفرح فيهم يارب

إنبثاقة أمل

08-13-2013, 09:58 PM

مسا الخير والسعاده

الف الف الف الحمدلله ع سلامتك حلولي وام أسيد خلص بطل عبدالله هههههههه

الله يجعلهم من الصالحين وقرة عين الكم

الفال ل حواء ربي يهون عليك ويسهل امرك ويقومك بالسلامه ياقلبي :)

لولو ودودو

ربي يحفظهم الصغنونين من كل شر

وكل الصبايا الحبيبات والله اشتقتلكم كتيييير

رمضان كان زحمه الوقت كتير

والعيد كان جدا صعب علينا هدا اول عيد من غير عمي الله يرحمه

كتير افتقدانه وكان الجو صعب

وانا ع حطت ايدكم مافي شي جديد عندي بستنى رحمه ربي علي

وبحبكم كلكم :)

احساس أنثى

08-13-2013, 11:17 PM

يسعد مساكو وليلكم :)

دودو مبروك طهور ابنك
ام عبد الله عاشت الاسامي
دموع الليل مبروك دخولك التاسع وربي يقومك سالمه انتي وحواء

حواء بدي اسألك ابرة السنه بتتعب ؟؟
باقي اسبوع ع ابرة زياد وبفكر فيها من هلقيت

وردة سورية

08-14-2013, 10:33 AM

http://forum.hwaml.com/t266674.html

جارة القمر

08-14-2013, 11:32 AM

صباحكم عسل يا عسولات

الف الحمد لله على سلامتك يا ام اسيد
بس ليه ما سميتو عبدالله ؟!

حواء مثالية

08-14-2013, 12:08 PM

صباح الخير واللمة الحلوه

صبحت مصدعة برلنت مبارح ما نيمتني

الله يخليلي ايااكم كلكم ضلو استدعولنا

احساس ابرة السنة بحكو انها اصعب وحدة عشان هيك انا بدي اطعمها قبل ما اولد عشان ادير بالي عليها كان المفروض مبارح تاخدها بس سخنت من هون للسبت اذا ما كنت مخلفة باخدها

لولو الفلسطينية

08-14-2013, 12:30 PM

يسعد مساكم صبايا
حلا
سرة سوسو نزلت على الاسبوعين بس ممكن تطول زي ما حت دودو بس ضلك عقميها ز بتنزل لحالها
شو كيف خليل افندي متقبل يوسف هههه ؟؟ الله يخليلك ياهم
ام عبد الله
بعين الله .. كلو باجره ان شاء الله .. المهم انك شوفتي ابك بصحة و عافيه و الباقي بهون ... ان شاء الله بتفرحي في ياا ب
دودو
اهلا ام عمورة
انل كمان صارلها يومين القشرة طالعه لسوسو براسها بس كتييير خفيفة ... هاي بتطلع لاغلب البيبيات
و كمان عندها هلى انفها و دقنها هيك حبوب بيضا صغييييرة و قليله و برصو امي بتحكيلي انها لما تطلع هاي الحبات يعني بدهم يسمنو ... يعني ما تقلقي كلو طبيعي ان شاء الله
دموع الليل
زمااان عنك ... منورة يا حلوة .. الله يهونها عليكي و يقومك بالسلامه
حواء
هانت ام برلنت .. الله يهونها عليكي و تكون ولادتك ميسرة يااااا رب
جارة و انبثاقة
منورين يا عسولات ... زمان عنكم ... ما تحرمونا من هالطله الحلوة
فوفو
وجع الأضلاع الي سالتي عنه ... عاااادي .. انا كمان كنت اعاني منه ... بس اما اعطوني الطلق الصناعي كنت رح اموت من كتر الوجع و الصغط على الأضلاع تحت ثدرق و كنت احاول اضل نايمة على جنبي و رافعة رجليبه لما تيحي الطلقه عشان اخفف من وجع الاضلاع .. مع انه الدكتور كان يمنعني اقعد هيك
ما تخافي كلو طبيعي ... الله يغينك و يقومك بالسلامة
باقي الصبايا منورين يا حلوات
اشتقتلكم كلكم
انا بستنى زوجي يبجي بدنا نروح عالدكتور ... بطني من اول ما ولدت لليوم و هو كل فترة بوجعني هاد غيرﻻ انو في اشي بضل مدايقني من تحت لما بقعد او بضغط برجلييه على بعض و بدي اشوف شو هاد الدم الي بينزل كل كم يوم و ان شاء الله خير
يللا بنشوفكم بس يسير مجال ههههه ....

كبريآء أنثى ـآ

08-14-2013, 01:13 PM

ممممم مرحبااا
كيفكم ؟؟
لولو بالله طمنيني شو بدو يحكيلك الدكتور عن الوجع اللي ببطنك ولما تقعدي كمان لأنه أنا متلك بصير معي
أمانة لا تنسي

حواء مثالية

08-14-2013, 02:19 PM

يسعد مسااااااااااااااااكم

غموض اجت ببالي ان شاء الله تكون اخبارها تمام

وحيفا كمان ما حد بشوفهم؟؟؟؟؟؟؟؟؟؟؟؟؟؟؟؟؟

كبريآء أنثى ـآ

08-14-2013, 06:01 PM

حواء
يسعد مساكي
طمنيني عنك ؟؟ كيف الحمل ؟؟
الله يقومك بالسلامة ياااااارب وتكون ولادتك سهلة متل ولادتي

حواء مثالية

08-14-2013, 06:21 PM

هلا ام مرون الله يسعد اوقاتك يارب

والله هيني ميكلة هوى ان شاء الله ربنا بحن علي واولد اليوم قبل بكرا وتكون ولادتي سهلة

الصداع مش راضي يروح لا باكمول ولا بشي كمان حاسة حالي سخنانة اااااااااااااخ

وردة سورية

08-15-2013, 07:22 AM

وردة سوريةهنامسابقة ((ألقاب الصحابة والصحابيات)) رضوان الله عليهم (http://forum.hwaml.com/t266846.html)

وردة سوريةشاركينافي مسابقة أجمل منزل (http://forum.hwaml.com/t266674.html#post3328973)

مشاركات مسابقة اجمل منزل (http://forum.hwaml.com/t266814.html)

احساس أنثى

08-15-2013, 12:19 PM

حواء
غريبه لهلا مش معطيه برلنت الابره
كان اعطتيها اياها بدري قبل ماتولدي عشان ماتغلبك

حواء مثالية

08-15-2013, 01:15 PM

بكل موعد لطعم السنة بتكون مريضة عشان هيك ما اخذته لهلا

~{{ DoDo }}~

08-15-2013, 03:07 PM

يسعد مساكم

تعبااااااانة ونعساااااااانة وابني ما بينام بالليل :(

حواء مثالية

08-15-2013, 05:39 PM

سلامتك يا دودو نامي على نومته انتي عودي حالك هيك وقت يكون نايم نامي

فوفو89

08-16-2013, 08:19 AM

مرحبا صبايا

كيفكم وشوو اخباركم

انا اليوم تعبانة شوي ،، في جهة من اللوز شكلها ملتهبة ونازلة ،، وكمان طالعلي حبوب حم جانب ثمي من برا ،،
شو اعمل ؟ :( :(

احساس أنثى

08-16-2013, 11:57 AM

جمعة مباركه صبايا

حواء/ الف سلامه عليها برلنت اكيد اسنان لانها فترتهم هلا

دودو/ سلامتك معلش هيا اولها فتره صعبه بكره بتتعودي

فوفو / سلامتك روحي ع الصيدليه بيعطيكي مرهم للحب وكبسولات للوز

حواء مثالية

08-16-2013, 12:10 PM

سلام عليكم

جمعتكم خير وبركة

اه والله مسكينة من سنانها هي ماشاء الله كلهم ورى بعض طلعتهم الله يعينها

beboo

08-16-2013, 12:29 PM

صباح الخير صبايا كيفكم

جمعة مباركة علينا وعليكم

بس بدى اسال انا رحت ع العيادة لابرة ابنى 9 شهور قالولى ع السنة مافى ابرة ع ال 9 شهور

مع مكتوب بدفتره في ابرة قال لا اتغير

هلا مين اعطيت ابنها او بنتها الابرة على ال 9 شهور

وكمان بدى منكم خدمة بعرف كلى غلبة :$

في موضوع الى في قسم المكياج بانيقات حوامل بدى مساعدة اذا ممكن

حواء مثالية

08-16-2013, 12:35 PM

هلا بيبيو كيفك منورة

ما في ابرة على 9شهور صارت على السنة بس على 9 شهور في قياسات للبيبي وزن دم فحوضات ششامله يعني بس الطعم على السنة باخدو

لولو الفلسطينية

08-16-2013, 12:58 PM

يسعد مساكم صبايا
جمعتكم مباركة
ام مروان
طلع عندي التهاب في الرحم و الدكتور حكالي عادي بتصير بعد الولادة و هي سبب وجع البطن و نزول الدم و اعطاني دوا و بس .... و بالنسبه للاشي الي بدايقني من تحت لما اقعد حكا انه ما في اشي معين بس احيانا بتدل هاي الشغلة على قرحة بس الحمد لله ما بسن شي على السونار .. يعني بس التهاب ... روحي على الدطتور ادا عندك وجع لطن للتطمني و ادا في شي لا سمح الله توخدي علاج عالبدري ... ما تخافي
سو كيف بنتك ؟ و كم صار وزنها ما شاء الله ؟؟ متدكرة محيط راس بنتك اديش كان لما كان عمرها شهر ؟؟؟ ههههع انا بسال عشان هي و بنتي نفس العمر تقريبا
الله يخليك ياها ... صحيح شو سميتيها ؟؟؟
دودو
سلامه قلبك ام عمورة .... هههه الحال من بعضه و الكل بيحكولي بس اول شهرين تلاته بعدين بصير الوضع احسن و هينا بنستنا هههه ... الله يخليلنا ياهم يا رب
حواء
يا صامدة ههههه الله بخونها عليكي
فوفو
سلامتك ما علة قلبك شر
احسلس منورة ام زوزو
باقي الصبايا كلكم منورين
يسعد اوقاتكم

لولو الفلسطينية

08-16-2013, 01:13 PM

دودو
بس بدي احكيلك شغله ... بمكن ابنك بكون زي سوسو ... شوفي اانا صحيح عندي سوسو من يومها ما بتنيمنا بالليل بس انا لاحضت شغله .... انا كل ما بروح على مناسبه او عزبمة و بكون ناس كتير ما بتنام بالليل ابدا يعني بزبادة عن دايما و بتضل تصيح و تصرخ بصوت عااالي و احنا مش عارفين ايش مالها ... بتكون حفوضتها نضيفه و بتكون شبعانه و كلو تمام بس صراخ و عياط و مجرد ما بشغل على موبايلي سورة البقرة بتبلش تهدى و شويه شويه بتسكت و بتنام ... و الله في ناس عيونهم بتصيب ... الله يجيرنا
حتى عشان هيك زوجي و اهلي و عمي و مرت عمي مش مخلييني احط صورتها عالفيس عشان هدا السبب و مش خالصة المسكينه
ديري بالك و حاولي تضلي تسمعيه قران و شوفي و ان شاء الله خير
صحيح ربنا الحامي ... بس برضو احنا لازم نوخد بالاسباب
الله يهديهم و يحميلنا ياهم

حواء مثالية

08-16-2013, 03:26 PM

يسعد مساكم جميعا

لولو الف سلامة عليكي كويس انك رحتي على الدكتور واتطمنتي الله يحميها صبرينا هي وكل الاطفال يارب ويبعد عنهم العين والحسد

جوووووووعانه مش جاي عبالي اوكل

ام عبدالله لولو

08-16-2013, 03:53 PM

مساء الخير يا صبايا
دودو سلامتك بعين الله الحال من بعضو بنامو بالنهار وبصحو باليل هههه طمنينا عنك كيف صحنك كم نزلتي بعد الولدة زكم صار وزنك
لولو الف سلامة عليكي التزمي بالعلاج عشان تخفي الله يخليك اياه صابرينا عقبال عند التاني ههههه
فوفو سلامتك روحي ع الدكتور
والله يا صبايا انا الي يومين مفلوزة رشح وقحة وخايفة اعدي ابني
حواء احكيلي اما اعملتي العملية بعد كم يوم خفيتي وكمان بالعادة بحكو الحمل يصير بعد سنتين انتي ليه اعملتي ع طول وكمان صار عندك مضاعفات اواي شي سامحيني علبتك بس لانو قصتك بتشبه قصتي ههههه بالولادة اوله طبيعي واخره قيصري

حواء مثالية

08-16-2013, 04:41 PM

هلا ام عبدالله منورة ياعسل

العملية لتحسي حالك صرتي منيحة بعد اسبوعين بتصيري تتحركي براحتك والاوجاع ما بتختفي بس بتخف كثير كثير

انا ما كنت عامله حسابي احمل بس الحمدلله على كل حال وعادي احتمال 80 بالمية اولد طبيعي هم بنصحو يصير حمل بعد كل ولادة سواء كانت قيصري او طبيعي بعد سنة اقل شي وكله مقدر ومكتوب والحمدلله حملي من اوله طبيعي وممتاز وما صار معي مضاعفات بالولادة ولا بعد ولا بالحمل كمان وهلا هيني ان شاء الله بولد طبيعي

ام عبدالله لولو

08-16-2013, 04:50 PM

ان شاء الله انك بتولدي طبيعي يا حواء هلا بعد ما ولدتي كيف اختفى البطن هههه بصراحة ظلت بطني بارزة وخايفة احط مشد لاني بعدي بتوجع

حواء مثالية

08-16-2013, 04:54 PM

الله يسعدك ياقلبي تسلمي الله يسمع منك يارب

ما تحطي مشد انتي عامله عملية انا بطني خلص الاربعين وما كان منو شي ولا بارز ولا شي ما تشتعجلي مع الرضاعة بتضعفي كثير بس اعرفي شو توكلي

ام عبدالله لولو

08-16-2013, 05:09 PM

الله يسعدك يارب وبالنسبة للدم عندي كثير خفيف من اول يوم ولونو مش احمر اسفة ع الوصف بس بدي اشوف هيك بكون

نور العمر

08-16-2013, 05:18 PM

مرحباااا صبايا كيفكم وشو اخباركم ..؟؟

هلا ام عبدالله الدم خفيف لانو عملتي عمليه بكونو نظفو كتير وقت العمليه انا كنت هيك ...

كيفك حواء وشو اخبار الحمل وسلامتها برلنت ...

دودو بدك تتغلبي شوي في النوم بس بعد تلات شهور بتحسن الوضع ان شاء الله ...
لولو حمد الله على سلامتك ومنيح انو روحتي ع الدكتور واطمنتي ...

حلااا كيفك وشو اخبار يوسف ومشكوره على سؤالك انا الحمد الله منيحه واولادي بخير صح بغلبو شوي بس حللوين ربنا يحمي كل الصغار

فوفو سلامتك روحي ع الدكتور ..

احساس كيفك وشو اخبار الحمل مع زياد ..

باقي الصبايا يسعد مسائكم .. وجمعه مباركه ..

ام عبدالله لولو

08-16-2013, 05:33 PM

هلا نور شو اخبارك وكيف سيلا ان شاء الله مو مغلبتك والدم بيظل للاربعين ولا بروح مش عارفة ليه الاكل ما بيجي ع بالي معم انو بكون جوعانة لكن الطبيخ ما باكلو بجوز لانو انا بعملو وبشم ريحتو هههههه بتسكر نفسي مع انو الله يخليلي اياه جوزي ما قصر معي بشي لا باكل ولا بشغل البيت احكيلي يانور انتي وحواء هيك صار معكم بالنسبة للاكل

نور العمر

08-16-2013, 05:43 PM

انا والله كنت هيك بكون جوعانه بس ما باكل بس بعدين عادي ما بعرف يمكن النفسيه لانو انا بعد كل ولاده ما بعرف ليه بكون حاسه حالي مخنوقه بس بعد الاربعين بتمشي الامور وبكون احسن

بالنسبه لدم انا كان اول 3 ايام بس بعدين خف كتير تقدري تقولي انو مافيه شي ..

وان شاء الله العمليه بعد الشهر بتخف اكتر بس لاتحملي شي تقيل هاد اهم شي ,, وربنا يحميلك اسيد وتشوفيه عريس ..

نور العمر

08-16-2013, 05:44 PM

طالعه على فرح صاحبتي ... بدي روح جهز حالي واولادي كمان ..

بشوفكم على خير ان شاء الله ...

فوفو89

08-16-2013, 07:57 PM

مرحبا يا حلوات

كيفكم وشو عاملين

بدي اسألكم سؤال محرج شوي خصوصا الحوامل او الي ولدو

بخصوص تنظيف المنطقة الحساسة للتجهيز للولادة ،، استخدمتو حلاوة او شفرة او ماكينة او شو ؟

حواء مثالية

08-16-2013, 07:59 PM

ام عبدالله لهلا بقلك ام عبدالله هههههههههههههههههههه متعودين هيك

بالنسبة للدم مثل ماحكتلك نور عشان بعملية بكونوا نظفوا الرحم كويس بس بضل ينزل من وقت للتاني نقط انا ما نزل علي شي تقريبا ونظفت على الاسبوعين كمان شوي بكون على شكل افراازت انتي بتعرفي وقتيش انك طهرتي وفيكي تصلي وتباشري حياتك اذا صارت الافرازات بيضة لزجة لو ما نزل شي بكتوني لسه مو طاهرة ونفاس لتنزل الافرازت البيضة

وبالنسبة للاكل حسب النفسية بتعرفي اول بيبي بال الام بكون مشغول بمليون قصة بس بعد فترة بتتعودي وبترجع لاامور عادي

نور العمر يسعد اوقاتك مبروك لصاحبتك عقبال اولادك

حواء مثالية

08-16-2013, 08:01 PM

هلا فوفو انا بحملي الاول ما لقيت مشكله كنت انظف بالحلاوة ونظفت فيها بس المره ما قادرة اتحمل وجعها من بداية الثامن بستخدم مزيل فيت كثير كويس

ام عبدالله لولو

08-16-2013, 08:27 PM

هلا حواء الله يسعدك يارب هههههه والله الاسم هيك اجى سبحان الله شكرا اليك حبيبتي الله يسعدك انتي كل ما بتتاخري بالرد بحكي شكلها راحت تولد ههههههه الله يقيمك بالسلامة يما وجع الولدة الطبيعة بمون ولا الطلق الله يكون بعونكم انا كل ما ادكر الوجع بنعس ههههههههه
فوفو اول الحمل كان عادي لحد السادس لانو بطني كبرت فبطلت اشوف شو بعمل هههه كنت استخدم فيت مع الوشن تبعو عملي حساسية سالت الصيدلية حكت استخدم الشفرة افضل واامن لانو بظل مواد كيماوية ولا نو الراس بكون تحت

فوفو89

08-16-2013, 11:40 PM

حواء وام عبدالله
يسلمو ع الرد

حواء بس ما بيأثر ع الجنين الفيت؟

ام اسيد بدنا نبطل نحكيلك ام عبدالله مع انه بحب اسم عبدالله كتير لانه ع اسم ابوي الله يخليه
طيب الشفرة بيطلع الشعر بسرعه ،، وكمان ما بيأثر على القطب تحت؟

حواء مثالية

08-17-2013, 12:16 AM

ههههههههههههه ام اسيد ضحكتيني ما تخافي قبل اطلع على المشفى راح افوت احكيلكم اني رايحه ههههه والله كله وجع العمليةالها تعبها والطبيعي بس بضل الطبيعي ارحم ساعات وبتروح بس العملية بدك اكثر من شهر لنصحصح الله يوعدنا باللي في خير النا يا رب

فوفو الفيت للاستعمال الخارجي ما باثر استعماله بكثرة باقر لو ما في حمل بس انتي فترة وبتروح

حواء مثالية

08-17-2013, 07:44 AM

صبااااااااااااح الخير

نور العمر

08-17-2013, 09:51 AM

هلاااا صباح النور ..

كيفك حواء وكيف اصبحتي مبين صاحيه بدري ...

حواء مثالية

08-17-2013, 11:45 AM

يسعد اوقاتك نور انا بخير نشكر الله

مو نايمه كويس حاسة حالي مكسرة

احساس أنثى

08-17-2013, 12:06 PM

صباحم ام مساكم قشطه
والله زياد نساني شو كنت بدي ارد ع كل وحده

نور العمر زياد مجنني بدو مكوك يضل يجري وراه غلباوي وبكل شي بيلعب
بيبو مافي شي ع 9 شهور انا الوكاله كتبتلي ع السنه

ام عبد الاه ولولو ديرو بالك ع بيبيهاتكم ربي يحميهم
حواء قرب ميعادك ربي يقومك بالسلامه

حواء مثالية

08-17-2013, 12:20 PM

هلا احساس منورة لسه ما شفتي شي من زوزو بس يمشي بتشوفي اللعب على اصوله

برلنت بتفضي جوارير البيت وبتقعد فيهم

نور العمر

08-17-2013, 01:52 PM

مرحباااا صباياااا

سلامتك حواء يلا هانت ان شاء الله اليوم قبل بكره تكوني ولدتي والله امبارح بالليل بنت عمي راحت ولدت اجيتي ببالي قلت عقبال عند حواء تقوم بالسلامه ...

احساس لسى ماشوفتي شي بس يكبر اكتر بجننك اكتر خخخخخخخ انا ابني بحكي عنو بكره بس يكبر يعقل وكل ما يكبر بتكبر مشاكلو خخخخ ربنا يخليهم النا يااارب وما يحرم حدا هيك نعمه ...

حواء مثالية

08-17-2013, 05:40 PM

الله يسمع منك ياقلبي حاسها قربت كثيرررر

جارة القمر

08-17-2013, 06:01 PM

يسعد مسااااااااااااااكمـ

حواء مثالية

08-17-2013, 06:24 PM

يا هلا وغلا جارة وينك لا حس ولا خبر شو اخبارك هاتي الموجز وين غاطة ههههههههه

دموع الليل

08-17-2013, 08:06 PM

يسعد مساكم

حواء ؟؟ لسه ما ولدتى؟

الله يقيمك بالسلامه

حواء مثالية

08-17-2013, 09:00 PM

هلا دمووووووع ابني بعدو ما قرر يشرف هيني باي لحظه بعملهاادعولي

عيـ‘ـون المهـ‘ـا

08-17-2013, 11:48 PM

بعد غيــــــــاب في احلى و اروع رحله بحياتي للقدس
بحكي مساء الورد و صباح الفل للكـــل ,,
شو هاد شهر و انا ادور عليكم صباياااhwaml8 و اخيــــــراااااااا
عثرت عليكم من خلال الصفحه الرئيسيه =)
اكيد مشتاقه لاخباركم و بتمنى تكونو بخير,,

القدس مش عم بتغيب عن بالي و لا دقيقه و عم بحاول اصبر نفسي
و اتأقلم و ارجع لحياتي الطبيعيه بس مو قادره دموعي دائما بتسبقني
بكل لحظه بشتاق لاهلي و لكل الايام الحلوه اللي قضيتها هناك
hwaml93
اكيد بدي اهني كل اللي ولدو يالسلامه اكيد لولو و دودو عندهم احلى بيبيهات هلآ
و ما عم بنامو الليل هههههه و مين كمان نسيت ؟؟؟؟؟؟؟
حواء و ام جودي و ام عبدالله و دموع و حلا
ان شاء الله تقومو بالسلامه و ياللي ولدت الف مبروك
ان شاء الله اسمع اخباركم و اطمن عليكم جميعكم
------------------------

حواء مثالية

08-18-2013, 12:39 AM

يا هلا وغلا عيون المها نورتي ياعسل كلهم ولدو الا انا يختي شايفه ابني ثقلان علينا ههههههههههههه

الحمدلله على سلامتك يارب تكوني انبسطي كثير فقدناكي

كيف لانا واسيل وادم ان شاء الله كمان انبسطو هووووووووووووون

عيـ‘ـون المهـ‘ـا

08-18-2013, 01:40 AM

هـــــلا.... حواء
كيفــــــك ؟؟... و كيــف برلنت ؟؟ ...
الله يئيمك سالمه حبيبتي اديه الك داخله شهرك و ايمتى اخر موعد للولاده
ان شاء الله تشوفي عز في اتم الصحه عالازعر عم بدلل من هلآ

اكيد انبسطو لانا و اسيل و ادم ..كانت رحله بتجنن ما راح ينسوها
و ما بدهم يرجعو على امريكا كتير حبو الجو هناك جو الاهل و اللمه و الاطفال حوليهم

فوفو89

08-18-2013, 09:56 AM

صباااااااحكم سكــــــــــــــــــر

نسمة المحبه

08-18-2013, 02:33 PM

مساء الخير كيفكم بنات فلسطين

ام عبدالله لولو

08-18-2013, 03:17 PM

مساء الخير صبايا كيفكن

احساس أنثى

08-18-2013, 05:44 PM

مساكم ورد صبايا

عييييييييون المهااااا
بعد طول غياب كيف رحلتك ان شالله انبسطي ؟

صبايا انا عامله اليوم عيد مسلاد لزوزو تفضلو في الرينبو اكيد بنا غزه بعرفوه
هلا بدي اقوم لانو معادنا ع ٦
ان شالله بنزلكم الصور :)

كبريآء أنثى ـآ

08-18-2013, 08:33 PM

ههههههههه عقبال 120 سنة لزوزو يااااارب
مممم أكيد بعرفه الرينبو وحلوو كتييير للأطفال
يلا تتهني حبيبتي ..
عيون المهااا
أهلا وسهلا حبيبتي منورة ..

يسعد مساكن جميعا

احساس أنثى

08-19-2013, 01:03 AM

حبيبتي أم مروان
عقبال ماتعملي لاولادك
وتشوفيهم عرسان

احساس أنثى

08-19-2013, 11:29 AM

أين أنتم

حواء مش عوايدك تغيبي لتكوني ولدتي ؟!

كبريآء أنثى ـآ

08-19-2013, 12:55 PM

ههههههههههههه شكلها والله عملتها ولدت
يلا ربي يقومها بالسلامة إن شاء الله

وردة سورية

08-19-2013, 07:05 PM

http://forum.hwaml.com/t266814.html

عيـ‘ـون المهـ‘ـا

08-19-2013, 08:31 PM

مسـ ــــ ــــ ـــاء الخيــ ـــ ــ ــر
كيفكــ ـــ ــــم اليــ ـــوم ؟؟؟؟

نسيت اشكر سمـــآ لانهابادرت و فتحت هاي الصفحه :}

حـــوآء طمنيناااااااااا عنك

لسى عندي تقريب الضهر و رجعت للطبخ من جديد تفضلو عامله ملوخيه\:

احساس أنثى

08-19-2013, 11:31 PM

مسااااااء الهدووووووء

!!!!!!

فوفو89

08-20-2013, 09:45 AM

مرحبا صبايا

كيفكم اليوم

حواء شكلها ولدت ؟
الله يقومها بالسلامة يارب

عقبالي يااااااارب
انا باقيلي اسبوع وادخل التاسع ان شاء الله
الله يهونها يارب

فوفو89

08-20-2013, 09:50 AM

بدي اسألكم

كيفك ممكن اعرف انه الراس تحت او فوق ؟

لولو الفلسطينية

08-20-2013, 11:32 AM

يسعد صباحكم يا حلوين
شو الاخبار؟
طمنوني عنكم
امبارح كان يوم شااااق .. الصبح طلعنا نطعم سوسو طعم الشهرين و حكولنا انتبخو هادا طعم مش يسيط و اعطوها ابرتين يرجليها و وحدة بايدها و نقط بتمها و بعدين رجت انا عالدكتور مش عارفة شو قصة وجع لطني و ضهري و من تحت تحت كمان هههه كلو بوجعني وجع غريب عجيب و لحد الان ما راح و رجعت عالدكتور و اول ما عمل سونار الا هو بحكيلي شكلك حامل ههههه و اما اشتغل وجهي اشارة مرور ... صار يروح بلون و ييجي بلون ... طبعا هو حكا هيك عشان شاف بطانه الرحم سميكة شويه . على طول طلب تحليل حمل و تحليل للالتهابات و الحمد لله ماااا في حمل بس الغريبة مش عارفة شو القصة بس الدكتور بحكيلي ممكن لانه ما اجتني الدورة بعد الولادة الرحم و المتطقة التحتا بدها الدورة لانه الرحم متعود على تلدورة كل شهر و لما ما في دورة ممكن يصير خيك اشي و عشان هيك بحس بهاي الأوجاع و ان شاء الله خير
المهم بعد ما روحنا من عند الدكتور اشتغل صياح صابرينا المسكينه كل ما تحرك رجليها تصرخ و صوتها بقطع القلب كام و طبعا زوجي وصلنا عالبيت و رجع عشغله و انا كمت لحالي و مش عارفة كيف اسكتها بس صرت اعيط معها هههه و اترجى فيها تسكت و تهدى ... قال يعني انها فهمت علييه ... و عطول اجت امي اخدتني عندهم عالبيت و عملنالها كمادات و هديت شويه ... بس الحمد لله في الليل هديت و نامت بس طبعا مش قبل الساعة وحدة
حواء
اين انتي ام عزوز ؟؟ شكلك ولدتي .. الله يهونها عليكي يااا رب
احساس
كل عام و زوزو بالف خير .. عقبال 190 يا رب
ان شاء الله بتشوفيه احلى عريس
فوفو
ادا بتحسي بدفع و ضعط لتحت يعني الراس مقلوب لتحت و كمان ادا عمرك حسيتي الزقزيقة الي بتكون زي النبض ... ادا حسيتيها تحت يعني الراس تحت انا هيك كنت اعرف و طبعا ممكن تميزي من الحركة يعني ضربات الايدين و الرجلين ممكن منها تحددي مكان الراس .... ان شاء الله يا رب يكون الراس لتحت و تولدي طبيعي يااا رب ... قربتي هههه

لولو الفلسطينية

08-20-2013, 11:41 AM

باقي الصبايا كلكم كلكم اشتقتلكم
صحيح عيون المها نورررررتي .. زمان عنك يا عسل .... ان شاء الله امورك تمام ؟
بنات هلا انا نزل كل الوزن الي طلعنو بالحمل و فوقو اتنين كيلو ههههه يعني صرت 62 بس المشكله الي مخوفيتني صارو عضام الحوض و عضام القفص الصدي من تحت طالعين شويه و لما بنام على بطني كتيييير بدايق منهم بحسهم بدهم يخرمو بطني هههه ....و في كمان مشكلة و هي بطني من تحت صحيح راح كلو بس شويه صارت رخوة و لازمها رياضة لتشدها .... فكركم هلا عادي لو عملت تمارين شد البطن و الا كيف ؟؟

فوفو89

08-20-2013, 02:05 PM

لولو
تسلمي يا عسل
وسلامتك انتي وصابرينا الغلباوية
انا بحس بضربات ورفسات فوق ،،يعني شكلو الراس تحت صح
بس الزقزيقة الي بتحكي عنها ولا عمري حسيت فيها نفسي احس فيها ههههه

احساس أنثى

08-20-2013, 03:33 PM

لولوووووووو
الف سلامه عليها بنوتك معلش الاطفال هيك مع التطعيم :)

وعقبال ماتعملي لصابرينا ميلاد قد الدنيا

نور العمر

08-21-2013, 12:38 PM

مرحبااا صبايااا كيفكم ..؟؟

والله كتير مخنوقه ابني معو حمى اسمها حمى قرمزيه والله لما بشوفو بتوجع قلبي بتقطع وطول النهار بكى كتبلو اربع ابر

مع انو من بنص رمضان كمان مرض واخد 6 ابر مابعرف شو صاير بس الحمد لله على كل حال ... من يوم ما سكنت بالبيت الجديد

ماشوفت يوم راحه كل شوي ابني بمرض ..

ادعولواا ...

فوفو89

08-22-2013, 09:28 AM

نور
سلامته ابنك ،، والله يشفيلك اياه يارب
اقرأي عليه المحصنات كل يوم الفجر والمغرب
و حطي بخور ببيتكم وشغلي قران دائما

احساس أنثى

08-22-2013, 08:32 PM

نور
الف سلامه عليه ابنك
يمكن مناعتو ضعيفه شوفي الدكتور يعطيه مقويات شي لسنو
وخلي بالك من الحمى ربي يرفع عنو

احساس أنثى

08-23-2013, 12:29 PM

جمعه مباركه صبايا
بناااااات أنا أعصابي بالمره مع الحمل
بنت وبزعق ع زياد كتير وبسير يعيط هوا غلباوي جدا وكتير حركه
بعرف كل الاطفال هيك بس شو اعمل ماعندي طولة بال وحزنانه عليه كتير

نور العمر

08-23-2013, 01:28 PM

مسااا الخير ... جمعه مباركه عليكم ...

مالكم عندكم خمول الصفحات ما بتتحرك من يومين نفس الصفحه ..

المهم حبيت اطمنكم انو ابني صار احسن من قبل ومشكورين فوفو واحساس على الدعوه ...

والله يا احساس ابني ما رضع مني بالمره كل رضاعتو كانت صناعي ,, وكلو حسد ما رضع الكل صار يحكي لما ولدتو انو اجوزت وبعد 9 شهور ولدت وكمان ولد ويلي اجوزو معي بنفس الشهر ما ولدو .. مع انو حملت بعد شهر من زواجي بس جبتو ع 8 شهور ف عشان هيك ماقبل يرضع مني ... بس الله كريم

ابنك غلباوي متل ابني بطلع عيني والله وكمان بنتي مبين عليها شقيه اكتر من اخوها .. بعين الله

حواء مش مبينه يمكن ولدت ربي يقومها بالسلامه ..

باقي الصبايا شو اخباركم ...

نور العمر

08-24-2013, 04:49 PM

وينكم يا بنات ... ان شاء الله تكونو بخير ..

احساس أنثى

08-25-2013, 02:06 PM

نور العمر
ازييييييك

تعرفي انا لما ولدت صدري كبر وتأزمت كانو يحكولي لانرضعي قدام حد لتنحسدي
اقول ياريت بلكي يصغر. كانو يحكولي لو انحسدتي مابصغر بنقطع الحليب
واكتر منوحده حكتلي لما اقتنعت :) فعلا العين بتصيب خاصه هالايام حاسه الناس ع كل شي بتتطلع ولو شي بسيط

يالله الله يعينا ويعينك الاطفال مابيجو بالساهل بس رفم غلباوتهم بيضلو براءه ولزيزين ربي يعطيهم لكل مشتهي

ammona

08-25-2013, 02:12 PM

مرحبا صبايا كيفكم
حبيت انضم الكم

حلا الماس

08-25-2013, 04:33 PM

سلام عليكم جميعا

كيفكم صبايا ... اشتقتلكم كتيييير انا

إحساس ونور
الله يكون بعونكم على زغاركم ويخليلكم إياهم يا رب

فوفو
كيفك وكيف الحمل ؟؟؟

حواء
عالاكيد أنها ولدت لانها مختفية من هون ومختفية عالفيس كمان .... يا ريت تدخل اتطمنا عن حالها

ام عبد الله الي صارت ام أسيد كمان غاطة البيبي أخدها منا

دودو ولولو وجارة وسما وعيون المها وانبثاقة وميوش وكل الشلة .... وحشتوني جداً

بنات اليوم بنتي ماسة داومت اول يوم بالمدرسة بالصف الأول ... وحلا بالصف التمهيدي عقبال ولادكم يا رب
والله الفرحة مش واسعتني :)

ام عبدالله لولو

08-25-2013, 07:19 PM

مساء الخير ياصبايا
كيفكم ياصبايا كلكم شو اخباركم ان شاء الله تكونو بخير الجميع
حلا اكيد احساس حلو وبجوز احزنتي عليه ههههه اول يوم بحزنو بكونو ما بدهم يروحو يلا ان شاء الله عقبال ما تشوفيه بثوب العرس يارب كيف يوسف ان شاء الله مو مغلبك حطلي صورتو اشوفها
حواء اكيد ولدت لهيك رح اباركلك اول وحدة مبروووووووووووووك هههههه ان شاء الله بترجعيلنا سالمة يارب واكيد الصورة بتنزليها
دودو وين انتي يا ام عمر روحت امك ولا بعدها تزلي صورة ابنك هههههه اليوم للكل بدي احكي ينزلو صور اولادهم
لولو الف سلامة عليكي حبيبتي بس انتبهي تحملي قبل ما تعالجي الالتهابات لانو النهابات الرحم بناثر ع البيبي وقت الولادة معافية يا ام صابرينا وين صورتها
احساس مبارك عيد ميلاد زوزو ان شاء الله بتشوفيه عريس وبتقومي بالسلامة انتي والبنوتة
فوفو يلا الدور عليكي هههههه الله يقومك بالسلامة ونكون ولادنك سهلة يارب
ام مروان وينك ما حكتيلنا اسم بنتك وكمان نولي صورتها
باقي الصبايا يسعد مساككم يارب

كبريآء أنثى ـآ

08-26-2013, 09:22 PM

مرحبااااا صبايا
معلش غبت عنكم والله كنت تعيانة كتييير من السخونة واحتقان في الحلق
كتييييييير كتيييييير تعبت بس الحمد لله هلأ أحسن
طمنوني عنكن صبايا ؟؟؟؟
حوااااء الحمد لله ع سلامتك ومبروووووك البيبي ,,, يتربى بعزك وبعز أبوه ياااااارب
أنا اليوم بنتي أخدت تطعيم الشهرين ياوردي عليه من الظهر وهية بتتوجع وتعيط والله حزنانة وزعلانة عليها كتييييير
لولو بدي أسألك كيف ميزان بنتك طمنيني ؟؟

كبريآء أنثى ـآ

08-26-2013, 09:23 PM

ام عبد الله ..
اسم بنتي ((( منى ))) على اسم حماتي هههه

فوفو89

08-26-2013, 10:42 PM

مسا الخير صبايا

كيفكم وشو اخباركم

اكيد اغلبكم مشغولين بالبيبي الجديد لانه اغلبكم ولدتو

هس الدور علي ،، بعد 6 ايام بدخل التاسع ان شاء الله
انا اخواتي بيخلصو التاسع واول يوم او ثاني يوم بالعاشر بيولدو ،، انا الله اعلم اكون زيهم او لا

ادعولي الله يرزقني بولادة سهلة واقوم بالسلامة انا وبنتي

بدي اسألكم
شو الاغراض الي لازم احطها في شنتة المستشفى ؟

ام عبدالله لولو

08-27-2013, 09:10 PM

مساء الخير ياصبايا
دودو ولولو وحلا مالكم ما بتبينو ارجعو زي اول وبنحكي شو البيبيات بعملو هههههه وبنستفيد من بعض
فوفو حطي غيار اليك والبيبي وبامبرز اليك وللبيبي وبشكير ومحارم اليك حطي قميص نوم هههه لانو انا ما كنت بدي قمص وحطيت بجامة لكن وقت ما تولدي ما بتقدري تلبسي بجامة لهيك خدي قميص نوم واغرضك الداخلية للببي خدي تبان وبجامة وشباح انتي اما تولدي بكون الجو بارد الله يقومك بالسلامة يارب
ام مروان الله يخليلك اياه منى شكلك بتحبي حماتك ههههههه حطيلي صورتها شكلها امورة ع امه
حواء تعي طمنينا عليكي
نور العمر اتلف سلامة عليه ابنك
باقي الصبايا تعالو مالكم يسعد مساكم حميعا

فوفو89

08-28-2013, 09:00 AM

يسعد صباحكم يا حلوين

كيفكم ووين غاطسين ما بتبينو

حواء اختفت وما رجعت اطمنا ع حالها ،،ان شاء الله يكون المانع خير يارب

ام عبدالله
قصدي ام اسيد هههه
كيفك وكيف اسيد الامووور
ما شاء الله عنه صورته حلوة الله يخليلك اياه يارب
تسلمي ع الرد يا زوووووووووء

جارة القمر

08-28-2013, 10:13 AM

صبااااااااااااحووووووووو

حواء مثالية

08-28-2013, 02:01 PM

سلام عليكم
كيفكم شو اخباركم الله يخليلي اياكم شكرا لانكم سالتو عني

انا الحمدلله ولدت يوم الاربعاء الماضي ب 21\8\2013

ونشكر الله كانت ولادتي طبيعي تغلبت شوي بس الحمدلله عدت على خير وشرف احلى عز الدين بالكون

كبريآء أنثى ـآ

08-28-2013, 03:52 PM

أهليييييين حوااااااااااااء
والله أقلقتينا كتيييير كتيييير
بس الحمد لله على سلامتك ومنيح قومتك بالسلامة إنتي والبيبي
والأحلا من هيك إنك ولدتي عزوز بعيد ميلاد زوجي ههههههههه
يلا يتربى بعزكم إن شاء الله يا عسل
بس بدنا تحكيلنا قصتك بالولادة ؟ ؟
وكيف برلنت والبيبي ؟؟ ما أخد ولا قتلة منها ؟؟
بلشت تغار ولا لسا ؟؟؟

فوفو89

08-28-2013, 10:59 PM

حواء
الحمدلله ع سلامتك والف مبروووك البيبي يتربى بعزكم ودلالكم
احكيلنا عن قصة ولادتك عشان استفيد لاني بكرية ، ، وكان فيها مغامرات او لا هههه

واحكيلنا عن عزوز ونزليلنا صورته ،،

سما الدنيا

08-29-2013, 12:09 AM

مساااااء الخيييير كيفكم يا احلا بنات...
حواااااء الف الف اف مبرووووك والحمدلله عسلامتك وسلامة البيبي يربا بعزكم ان شاء الله..
عيون المها اهلا وسهلا برجوعك نورتي..
ام عبد الله لولو ما شاء الله زغنونك الله يحميه ويربا بعزكم..
باقي الصبايا يسعد مساكم..
بكره اول يوم دوام الي ادعولي بالتوفيق...

كبريآء أنثى ـآ

08-30-2013, 12:29 AM

شوف شوف شوف
وين رحتو وغبتو بشوف الدردشة صارت بالمرة مملة
وينكن يا بنات

~{{ DoDo }}~

08-30-2013, 09:51 AM

صباح الخير جميعا
وجمعة مباركة عليكم يارب
انش اء الله كلكم بخير واولادكم بخير يارب

اول شي حبيت ابارك لام عزووو حواء
الحمدلله ع سلامتك حبيبتي ان شاء الله بيكونو عزو وبرلنت من الذرية الصالحة يارب
تعي احكيلنا اكشن الولادة يلا عم نستنى

عيون المها
الحمدلله ع سلامتك ونورتي المنتدى
اشتقنالك كووووميات
كيف لانا واسيل وادوم
اكيد كبروا وفرقوا بهالكم شهر اسم الله
خصوصا ادوووم

فوفو
يلا الدور عليكي ياقمر
الله يقومك بالسلامة يااارب
وتكون ولادة سهلة اسهل منا كلنا خصوصا انا ههههه

ام مروان ونور العمر واحساس منورين
ان شاء الله اطافيلكم بخير
حلا ولولو وام عبدالله رفيقات الدرب
اشتقتللللكم كيف يوسف وصابرينا واسيد
بوسات الهم مني ومن عموورة
انا بخير اجتني الدورة بعد الاربعين ب 10 ايام
شكلها رح تنتظم ع هيك واموري احسن بس نفسي انزل شي 7 كيلو ارجع متل اول
وعموري عنده تطعيم الشهرين بعد بكرا الله يستر خايفة عليه
لانه لحالنا هلا سافرت ماما وانا بخوض المسؤولية لحالي هههه
صرت احسه اسم الله بيجوع اكتر لانه بكبر بسرعة
وبدو يضل نلاعبه 24 ساعة انا وابوه هههه
اممم شو كمان متحمسة اعرف اديه وزنه صار لانه فرق كتير علينا الشهر هاد

المهم هاد مختصر سريع لاخباري بحاول افوت اليوم كمان مرة
بلكي لقطت حدا فيكم

لولو الفلسطينية

08-30-2013, 01:08 PM

مرحباااااااا
جمعة مباركة عليكم كلكم
شو الاخبار
حواء ... ام عزوز
الف الف مبروك و الحمد لله على سلامتك ... ان شاء الله بتربى بعزكم و بكون درية صالحة
ان شاء الله ما تعلبتي ؟؟
ام مروات
وزن بنتي امبارح صار 5 كيلو و مية ما شاءالله ... شو كيفك و كيف منوشة الحلوة ؟
دودو
زي ما ودعتي تلاقي
الله يحميلك عمورة يااا رب
هههه انا اجتني الدورة قبل يومين بس مش عارفة شو القصة ... كتييييييييير خفيفة يعني تقريبا بوم واحد و ما نزلت كتير
كيف دورتك كانت ؟؟
ام عبد الله
كيفو اسيد العسل ؟؟ ان شاء الله ما بعزبك ؟؟
هههه طولي بالك يا بنت الحلال .. اي حمل تاني ههههه . انا ناوية اقل شي استنى سنتين تلاته على الاقللللل
هههههه لسا مش قادرة انسى وجع الطلق كيف كان ...الله ياجرنا ... ههههه
حلا
وينك ام خليل . شو اخبارك ؟؟
فوفو
الله يقيمك بالسلامة
قربتييييييييي
دموع الليل
يا ترى ولدت و الا لسا ... الله يهونها عليها
باقي الصبايا كلكم كلكم اشتقتلكم كوميات
طمنوني عنكم

ام عبدالله لولو

08-30-2013, 05:43 PM

مساء الخير يا صبايا
حواء مبارك الصبي يتربى بعزك وعز ابوه يارب تعي خبرينا الاكشن تبعك الحمد لله على سلامتك
دودو تسلمي حبيبتي واله خوات واعز الله بعلم شو اشتقتلكم ياريت نصير نلتقي زي اول شو بدك تتبطخي وشو اعملتي هههههههههه كيف عمورة ان شاء الله ما بغلب بتساعديه بحليب صناعي
لولو شو اخبارك واخبار صابرينا حطيلي صورتها خلي ابني يشوفها هههههههه اله يخليك اياه يارب بتساعدي بنتك بحليب بدي اسالكم ابني لو يضل صدري بتمو طول الليل ما بحكي لا بجنني وبنععععععععععععععس لهيك جبتلو حليب
بس باليل من كثر ما بغلبني بدي يضل يرضع بعطية وجبة وحدة بس
باقي الصبايا يسعد مساكم يارب

كبريآء أنثى ـآ

08-30-2013, 08:18 PM

مسساء الخير يا صبايا
كيف الجميع اليوم ؟؟
جمعة مباركة يااارب
هلا دودو نورتي .. ابقي اتزكرينا مش تنسينا
الدردشة صارت بالمرة مملة عنجد صارلي يومين بفوت والصفحة نفسها وآخر رد متل ما هو
المهم ..
لولو حبيبتي بتعطي بنتك حليب صناعي ولا بس ع صدرك ؟؟ ممم ابقي نزلي صورة بنوتك وأنا إن شاء الله بالقريب العاجل راح أنزل إلها صورة
ممم أنا بنتي بس على صدري ما بعطيها حليب صناعي والحمد لله ميزانها كتيييير منيح
يعني يوم 26 الشهر وزنتها كان ميزانها 6 كيلو و200 غرام .. ما شاء الله عليها والله بموووووت عليها من زكاوتها نفسي آكلها هههههه
الله يخليلي اياها ياااارب وما يحرمني منها ..
أم عبد الله .. هلا حبيبتي والله منورة ..
كيفووو أسيد ؟؟ ما شاء الله عليه .. الله يخليلك اياه

حواء مثالية

08-30-2013, 10:12 PM

سلام عليكم

جمعتكم مباركة كيفكم يارب تكونوا بخير

بكره بنزللكم قصة ولادتي وصورة عزوز ان شاء الله مش ملاقية وقت ناس رايحة جايه والبوبو وبرلنت

Snowwhite-90

08-30-2013, 11:54 PM

مساء الخير على عيونكم حبيباتي ،،

كيفكم جميعا ،، ان شاء الله تكونوا بخير والبيبيات باحسن حال ،،

بصراحة مو قادرة اوصف فرحتي برجوع عيون المها (ام ادوووم) عنجد نور المنتدى بوجودك حبيبة قلبي كتييير اشتقتللللللك ،، كيفك حبيبتي وكيف ادوووم العسول ولانا واسيل ،، اكيييد ادوم هلأ اسم الله عليه كبر وتعلم شغلات جديدة ،، وان شاء الله ربي بيجمعك بالاهل مرة تانية ،، احكيلي كيف كانت زيارتك للقدس ؟؟ وكيف كانت اجواء رمضان والعيد هناك ؟؟ كتييييير مشتاقة احكي معك يا عمري

حواااااء ( ام عزوز) حبيبتي الف الحمدلله على سلامتك وسلامة عزوز يا الله شو فرحتلك لما شفت خبر ولادتك لانك بالفترة الاخيرة كنتي كتيير موجوعة وتعبانة ،، الحمدلله ربي هونها عليكي وارتحتي وشرف عزوز ربي يجعله من الذرية الصالحة ويرزقك بره ،، شو اخبار برلنت هلأ ههههه احكيلي عن مغامراتها معه ،، وكيف كانت ولادتك ؟؟

دودو حبيبتي كيفك يا قمر وكيفو عمورة العسول ؟؟ اشتقتللللك كتييير ،، حبيبتي متل ما ودعتي تلاقي وان شاء الله بيجمعك بمامتك مرة تانية ،، كتيير حابة ندردش متل زمان بس الكهرباء سايرة سيئة جدا هالفترة مع الاحداث بمصر ،، ربي يهونها عليهم وعلينا ونرجع نتجمع متل اول

بتمنى الكل يكونوا بخير مو حابة اذكر اسماء بلا ما انسى حدا ههههه

صبايا انا هلأ الي بالتاسع 10 ايام وكتييييير تعبانة وبالعافية بقدر امشي واتحرك حاسة حالي ما هكمل كل الشهر من الاوجاع الي بشوفها ،، ربي يسهل ولادتي وتشرف حبيبتي جودي ،، يا الله يا صبايا شوووو مشتاقة اشوفها ،،

ادعووووولي حبيباتي :)

فوفو89

08-31-2013, 08:10 AM

مرحبا يا صبايا

كيفكم وشو اخباركم

دودو و لولو
الله يسلمكم يارب ويسعدكم ،، الله يسمع منكم

سنووايت
الله يقومك بالسلامة يارب
وتشوفي جودي بخير وسلامة

انا الي 3 ايام بالتاسع ،، وما في اي بوادر ولادة لا مغص ولا تحجر ولا اسهال ولا ضغط ،، شكلي رح اولد بالعاشر ههههه

~{{ DoDo }}~

08-31-2013, 11:01 AM

صباح الورد
جمعتكم مباركة صبايا
كيييفكم اليوم
منورين جميعا

لولو
والله بالنسبة الي كانت دورة عادية وقعدت شي 6 ايام
مع اني برضع طبيعي مية بالمية بس بعطي رضعة صغيرة صناعي
عشان يتعود وما يغلبني لقدام
بكرا موعد دكتورته وتطعيمه وبنشوف اديه وزنه
اسم الله بتوقع متل وزن صابرينا يكون

ام عبدالله
منووورة ام اسيد كيفك وشو عاملة
مغلبك البيبي ولا لا وكيف نومه ورضاعته
شوفي انا لما كنت بالمستشفى خبيرة الرضاعة قالتلي
اقل شي يضل البيبيعالصدر تلت ساعة واكتر شي نص ساعة
والا بيكون اخد زيادة عن حاجته
لانه عنده غريزة المص بيحب يضل يمص بهالعمر
بالنسبة للرضاعة انا برضع طبيعي طول الوقت
بس بعطيه رضعة وحدة صناعي بالعدد عشان الطلعات
وعشان ما يغلبني لقدام وياخد المصاصة بسهولة وهاي نصيحة الماما الله يخليلي اياها يارب

ام جوووودي
مشتقااااالك والله
ربنا يقومك بالسلامة ويفرحك بولادك
وتشوفيهم عرسان وعرايس يارب
ضلك طلي طمنينا عنك بكل وقت عشان نعرف اخبارك
ونعرف ولدتي ولا لا ، بوسيلي حمووودي وطمنينا عن دراستك الله يعينك كله تعب والله

حواء
بالنتظاااااار قصة ولادتك بعزووو
واخبار برلنت متقبلة الوضع ولا لا

فوفو
ربنا يهونها عليكي ويطمنا عليكي باسرع وقت

جميع الصبايا يسعد صباحكم ومساكم

نور العمر

08-31-2013, 12:57 PM

مساااا الخيرررر ..كيفكم وشو اخباركم ...

حواء الف مبروووك قومتك بالسلامه انتي وعزوز والحمدالله انو ولدتي طبيعي وكيف برلنت مع عزوز

حلاااا مبرووك دخول ماسه الصف الاول عقبال تخرج من الجامعه ولماباقي اخوتها بالمدرسه كمان ...

باقي صبايا كيفكم وشو اخباركم ..؟؟

حواء مثالية

08-31-2013, 02:14 PM

السلام عليكم

نهاركم سعيد كيفكم شو اخباركم يارب تكونو بخير

الله يسعدكم يا بنات ويخليلي اياكم يارب شكرا على مباركتكم والله انكم غاليات على قلبي

هلا نجي للي صار معي بالولادة اااااااااااااااااااااااااخ من هون لعند كل وحدة فيكم

نبلش

انا رحت على المشفى باخر يوم بشهري كان 20 \8 كنت قبل اسبوع معي طلق بس مو منتظم وكنت متابعة مع الدكتور بالعيادة هلا لما وصلت المشفى عملولي فحص اولي وحكولي دخول حالة ولادة كان عندي توسع 2سم وبليلتها من الساعة وحدة بالليل وانا بالبيت كان الطلق يجي كل ثلث ساعة منتظم وضلو هيك بس التوسع كثير بطيء يعني الوجع فظيييييييييييييييع والتوسع يادوب

تميت هيك للمغرب اجا الدكتور عملي كمان فحض وكان التوسع مثل ما هو بس الوجع كان اقوى من اول هلا انا عشان ولدت برلنت بعملية قيصرية ما كان بنفع يعطوني اي شي الا ليتاكدوا اني راح اولد طبيعي وهاد ما ببان الا ليصير التوسع عندي فوق ال 3 سم حكى الدكتور من هون للصبح اذا ما كان زايد التوسع بنطلعك على غرفة الولادةة وبنزل مية الراس وبنشوف بعدها شو راح نقرر وبالفعل طول الليل ما نمت يومها والوجع صار كل عشر دقائق بعدها صرت امشي بالمشفى واعمل تمارين تسهيل الولادة واقرا قران خصوصا سورة الزلزلة ضليت اعاني اجت الممرضة الساعة 12 شافتني منتهية من التعب والوجع ونزل علي بوقتها دم حكتلي راح اعملك فحص اذا زايد التوسع هلا بنطلعك عغرفة الولادةة من هون للصبح بتكوني مخلفة ان شاء الله بعد كل هالمعاناة بعد ما عملتلي الفحص لقت التوسع زايد شوي يعني اقل من نص سم انجنيت انااااااااااا بحكيلها مش قادرة اتحمل حاسة حالي راح اموت حكتلي هلا ما بنقدر نعملك ولا شي الا مثل ما حكى الدكتور وحكتلي احاول انام وحاولت على الفاضي الطلق ورى بعض بطلت اقدر اخد نفس وانا بقرا قران وبعمل تمارين كل ما قدرت اوقف

الساعة خمسة الصبح اجا الدكتور عملي كمان فحص وحكى يالله على غرفة الولادة راح نزل مية الراس التوسع عندك زايد شوي كمان
اطلعت على غرفة الولادة اخذت دش والبست روب الولادة وبلشت القابلة تجهز فيا نزلتلي مية الراس وبعدها عينكم ما تشوف الا النور طبعا رنيت على اختي كانت باقل من ساعة عندي هي وبابا وابو الشباب كان عندي طبعا اتقطع قلبي علي قد ما حزن عليا وصلت لمرحلة بجد ما كنت قادرة اتحمل الوجع طلبت ابرة الظهر رنت القابلة على الدكتور وحكى ما في مشكلة بتقدري تاخديها لانه التوسع عندك بطيء والوجع كثير يعني كان معي وجع ولادة ولسه التوسع اقل من 3 سم

اجا دكتور مختص اخذت ابرة الظهر وخففت عني كثير كثير كل الالام الي كنت احس فيها اختفت والحمدلله اني اخذتها هلا الساعة 8ونص الصبح صار التوسع عندي 3 سم وهيك الحمدلله اتاكد اني راح اولد طبيعي الدكتور حكالي هلا راح نعطيكي طلق اصطناعي اخذت جرعات مخففة عشان ما تاثر على العملية والحمدلله صار كل ساعة يصير توسع عندي 1سم انا مع ابرة الظهر الوجع ما حاسة في بس وقت يجي الطلق من الجهاز تعرف القابلة هلا بعد ال 7 سم بوقفو جرعات التخدير عشان خلص ما تم شي للولادة صار التوسع عندي على الساعة 2ونص 7سم ونص وشوي شوي رجعت احس بالطلق والوجع بس كان مضاعف عن الي كنت احسه بالاول هلا لصار التوسع عندي 8 سم كنت محترمه حالي ما طلعت ولا صوت بسمع كلام القابلة وما احلاني بعدها \ما قدرت اول صرخة اختي حطت ايدها على تمي كويس ما قطعت اصبعها المسكينة قال اش بتقلي اتحملي بحكيلها شو اتحمل الموووووووووت انا قاعد بموووت بحكي للقابلة احكي للدكتور بدي عملية هلا وهات الي يسكتني مرات الهي حالي بقراءة سورة الززلزلة ومرات كثيرة ما كان يزبط معي شي صوتي يملا قسم الولادة هلا انا بعرف انه طلوع الصوت على الفاضي وبزيد تعبي بس ما قدرت هلا صارت الساعة 4 وثلث صار التوسع كامل الحمدلله 10 سم وبلش عزوز يساعدني ويدفع ليطلع بعدها ست سبع صرخات مرتبات اكيد اسمعتوهن من بيوتكن هههههههههههههههههههههه شرف عزوز بعدها يمكن ساعة وانا احكي الف الحمدلله يا ربي بس هالكلمة بتمي حطو على صدري ما رضيت اعطي للممرضة تلبسه وانا ابكي واحكيله الي يومين بعاني وبترجى فيك تريحني لي عملت فيا هيك بتقلي الممرضة بعدين بتحملي قد ما بدك قلتلها ابدا في جوز كلام بدي اياه يعرفو هلا هههههههههههههههه كلهم يضحكو عليا ويعيطو معي بتقلي اختي اول مره بعرف انك حنونة هيك قلتلها انا كمان اول مره بعرف انه الي صوووت عالي ههههههههههههههههههههه

الحمدلله الساعة خمسة الا ربع انولد عزوز على الدنيا والحمدلله رب العالمين كان بصحة ممتازة ووزنو تمام 2700 غرام وربي اكرمني ونور حياتي في يارب ما يحرم هالشعور لحدا يارب

انسيت اقلكم ضغطي ارتفع بالولادة صار 99\160 وضلو هيك كل ما تجي الطلقة يرتفع وكل ما تروح يرجع طبعي ولهلا بحسه برتفع وبرجع طبيعي وحكالي الدكتور لازم اتابع موضوع الضغط عشان ما يصير عندي فحصته مرتين بعد الولادة مره كان مرتفع والي بعدها طبيعي

بالنسبة لبرلنت تركتها عند عمتها الا مو متزوجه وعند مرت عمها الحمدلله اخدو بالهم منها اجت على المشفى معهم وقت اولدت كل ما نحكيلها هي البوبو تحكي ددا بدها تضربه تاني يوم روحت على البيت ما تقبلته بالمره بالبداية ووقت يبكي تحكي شو هاد ومن وين هالصوت جاي هههههههههههه تصير تضحك وعيونها يدمعو انا قررت اني ما اهملها ولا اخليها تشوفني وانا مهتمه في خصوصا وقت ما يكون ابوها بالشغل يعني واحد فينا لازم يهتم فيها عشان ما تحس بالنقص هلا جديد صارت تبوسو ولما يبكي تجري على تختو تشوفو

هلا احكيلكم الصراحة انا شفت القيصري اهون من الطبيعي بس شو الحلو بالطبيعي اني يومين ثلاث صحيت وقدرت اتحرك براحتي هو وجع الغرز شوي اهتميت فيهم وهيهم شبه راحو الحمدلله والقيصري بدي وقت اطول لاصح بس بعدين فكرت فيها وحكيت وجع ساعة اللي هي ساعة الولادة الطبيعي ولا وجع اسبوعين ثلاث بالعملية

الله يكتب ولادة سهلة الك ام جودي انتي وفوفو ويكرم انبثاقة وحيفا الحمل القريب يارب ويفرحنا فيهم ونشوفهم احلى مامات

والي خفف عني كمان حماتي كانت مسافرة ما حضرت ولادتي ولا كان الالم مضاعف

هاي تجربتي بالولادة ان شاء الله ما حد يتوجع الوجع الي انا شفته مع انها القابلة بتقلي ولادتك بالنسبة لغيرك كثير اهون قلتلها اذا هيك اهون ان شاء الله بتكونو اهون مني فوفو وام جودي

نلقاكم بقصة جديدة مع ولادة جديده هههههههههههههه بعد ثلاث اربع خمس سنوات الله اعلم متى

كبريآء أنثى ـآ

08-31-2013, 03:03 PM

حواء
أول شي الحمد لله ع سلامتك
بصراحة وأنا بقرأ بقصتك بجد قشعرتيلي بدني اتزكرت حالي لما ولدت
بس الحمد لله ولادتي كانت سهلة جدا جدا يعني ساعتين اللي قعدتهم بالمستشفى وبعدها ولدت
يعني ببوس إيدي وجه ووقفى اللي ولادتي كانت سهلة وما طولت بالمستشفى
ممممم بصراحة أكششن رهيييب
الحمد لله على سلامتك وسلامة البيبي وأهم شي ما تتركي برلنت مع البيبي لحالهم لأنه بتخافي الصغار غدارين هع هع

كبريآء أنثى ـآ

08-31-2013, 03:04 PM

والأحلا من هيك انبسطت كتييير كتييييير عزوز يوم ميلاده كان عيد ميلاد زوجي هع هع
لازم لازم نعطي عزوز هدية ههههه
قوليلي إنتي من وين ؟

حواء مثالية

08-31-2013, 03:35 PM

حبيبتي ام مرواااان الله يسلمك يا رب عيد ميلاد سعيد لزوجك يالله عزوز ناطر الهدية

انا من بيت لحم بيت ساحوور

كبريآء أنثى ـآ

08-31-2013, 04:57 PM

ههههههه فكرتك من عنا من غزة كان أحلا هدية لعزوز
مممم هديتي إله بوسيلي اياه بوسة جامدة جامدة جامدة هع هع

حواء مثالية

08-31-2013, 05:15 PM

واصلة يا قلبي تسلمي حبيبتي

لولو الفلسطينية

08-31-2013, 05:29 PM

مسا الخييييييير
حواء
حبيبتي .... يا الله شو تفاصيل ولادتك بتشبه ولادتي هههه زكرتيني بحالي ... يا الله كلو بأجر ان شاء الله
المهم انك انتي و عزوز بخير و الباقي بهون ان شاء الله
الله يخليلك اياه هو برلنت العسولة يااا رب
ام مروان و ام عبد اسيد و دودو
انا كمان بنوتي الغلباويه كتيييير صارت تجوع .... هههه لما تكون ترضع و يفلت صدري من تمها بتصير زي المجنونة بدها تدخل ايدها بتمها هههه كأنها في مجاعة
هي اسم الله كتير حركة .. ممكن بتتعب و بتجوع ههههه
على سيرة حيفا و انبثاقة ... كتيييييير اشتقتلهم .. ان شاء الله يطلو و يسمعونا اخبار حلوة يا رب
كتير صبايا نفسي اتطمن عليهم . اشتتقتهلم

لولو الفلسطينية

08-31-2013, 06:00 PM

صحيح
ام جودي
نورررررتي با عسل
ان شاء الله ربنا بهونها عليكي و بتقومي بالسلامة انتي و جودي الي رح تكون قمررررر زي امها يااااا رب
ضلك طمنينا عنك خصوصا هاي الفترة بما انك على وش ولادة

كبريآء أنثى ـآ

08-31-2013, 06:32 PM

لولو
أهلا وسهلا حبيبتي نورتي كتيير والله
هههه عارفة بنتك متل بنتي بس يفلت صدري منها بتصير تعيط وبدها تحط إيدها بتمها تقولي بمجاعة فعلا
كتييير بضحك عليها لما تعمل هيك .. بس ماقلتيلي بتعطيها حليب صناعي ؟؟

لولو الفلسطينية

08-31-2013, 07:21 PM

ام مروان
النور نورك يا حلوة
ههههه ... الله يخليلنا ياهم يااا رب
بتعرفي في البدايه حاولت اعطيها حليب صناعي بس ماااااااا قبلت هههههه حتى اللهايه اول ما بحطها بتمها بتدفعها بلسانها و بتطلعه لبرة ههههه ... مع اني نفسي تقلبهم
بس انا بحاول ارضعها كل تلات ساعات مرة و لما بتجوع بينهم بحاول الاعبها و امشي فيها عشان تلتهي شوية ..... بس مرات بشوفها كتير جوعانة و بحزن عليها و برضعها لو قبل التلات ساعات هههه
بس الحمد لله وزنها منيح يعني كلو تمام
هههه حتى هي طوييلة ما شاء الله طولها لبيبي عمره اربع شهور و اكتر ههههه اخر مرة قسنا طولها كان 63 سم هههه هلا .... بكون اكتر ههههه
شو منوشة كيف الوضع معها هههه ... كيف صارت تنام بالليل و الا لسا ؟؟

دودو
ضل عمورة يسرب من الحفوضة هههه ؟؟ بتعرفي انا كنت استعمل حفوضات بامبيرز و كانت تسرب بس غيرتها على هقيز و جربته كم يوم و حسيتها كتييير احسن و ما في تسرب
شو كيف صار نومه الازعر ؟؟ سوسو صارلها كم يوم الحمد لله الحمد لله صارت بالليل تنام شوية مش زي قبل
طمنيني عنو بعد التطعيم .. ما تنسي ... ديري بالك هادا التطعيم مش سهل .... بنتي ما سخنت عليه بس يا حرام ما كانت قادرة تحرك رجليها كانت كتييييير تتوجع .... ان شاء الله عمورة ما يتأثر ياااا رب

فوفو89

08-31-2013, 08:21 PM

حواء
عنجد قصة ولادتك فيلم رعب ،، خوفتيني من الولادة بزيادة الله يسامحك ههههههه
المهم الحمدلله ع سلامتك انتي وعزوز
وديري بالك عليه من برلنت هههه

الله يرزقنا بولادة سهلة ،، كل يوم بدعي اللهم انا نسألك حسن الحخلق وهون الطلق والله يسسسسسسسسسسسستر

حواء مثالية

08-31-2013, 08:44 PM

فوفو انا نوعي ما بتحمل اي وجع حتى شكة الابرة يارب تكون ولادتك ما اسهل منها

مسااااااكم عسل

فوفو89

08-31-2013, 11:13 PM

يسعد مساكي ام عزوز

اها وانا مثلك من وجع الدورة كنت اضل اعيط كيف وجع الولادة ،، الله يكون بالعون
وكمان لا تنسي انهم بيحكو طلق الولد اقوى بكثير من طلق البنت ،، يمكن عشان هيك اتعذبتي اكثر

حلا الماس

09-01-2013, 08:14 AM

صباح الخير يا حلوات

كيفكم ... طمنوني عنكم ؟؟

أي ايوة هيك ارجعوا متل اول وخلي الدردشة تنتعش

حواء
يا غالية ألف حمد على سلامتك وسلامة عزوز ... الله يخليلك إياه ويربى بعزكم ودلالكم يا رب
قصة ولادتك فيها أكشن .... بس انا ما عمري صيحت وانا أولد

فوفو
كيفك يا قمر شخبارك ؟؟ كيف رزونة مش مغلبتك !!

دودو ولولو
كتيييير مشتاقتلكم .... ما بعرف ليش بحسكم توأم ههههه
المهم كيف عمر وصابرينا ؟؟

نور العمر
حبيبتي الله يبارك فيكي عقبال تفرحي بروحة ولادك عالمدرسة ... هههههههه بس صرت أنام بكير واصحى بكير متلهم

ام أسيد
تفبرني النغاشة الي فيكي يا عسل :)
كيفو أسيد مغلبك ولا هادي ؟؟ ما في فرق بين يوسف واسيد بس ٥ أيام

ام جودي يا عسل
والله بس أشوف اسمك بفرح ... الله يهونها عليكي ويقيمك بالسلامة يارب
ضلي طمنينا عنك وخبرينا لما تولدي :)

عيون المها
يسعد هالطلة يا حلوة ... اشتقنالك كتير كتير

ام مروان
كيفك شو أخبارك ؟؟ وكيفها منوشة الزغيرة

إحساس .. جارة .. انبثاقة .. سما .. دموع الليل ... وكتير بنات كمان غايبات تعالوووووووووووووووا

مين من الصبايا هون

فوفو89

09-01-2013, 08:41 AM

هلا حلا
كيفك ووين هالغيبة وكيف يوسف الصغير ؟ ان شاء الله ما بيغلبك
انا الحمدلله منيحه ورزونة كمان منيحه الحمدلله ،، حركتها خفت كثير بالشهر الثامن والتاسع،،
انا وزوجي بنضحك عليها اكثر شي لما يصير جماع لانها بتصير تتحرك ،، بنحكي شكلها بتحس فينا ههههههه

ان شاء الله اولد ولادة طبيعية سهلة واقوم بالسلامة انا والي ببطني ياااااااااااارب

حلا الماس

09-01-2013, 09:26 AM

صباح الورد يا فوفو

شايفة صايرة أغيب كتير ... بس ما تعاقبني المديرة ههه

والله يا فوفو منيح الي لسة متزكرة اسمي ... عيلتي كبرت ومسؤوليتي كبرت معها ... بيت وولاد وعندي هلأ بالمدرسة والله يا دوب بلاحق

المهم هيني بدخل كل كم يوم بطمن عنكم وبطمنكم عن حالي

يسعدها رزونة ... ان شاء الله بتجي بالسلامة هاي بترافس لانها بتكون نايمة وانتوا بتصحوها هههههه

يوسف منيح الحمد لله مغلبني متل اخوتو ... صار عمرو شهر مبارح وعندي تطعيم يوم الخميس ... بس هاد التطعيم خفيف وما بيتأثرو منو الزغار

~{{ DoDo }}~

09-01-2013, 11:26 AM

صباح الخير صبايا
كيفكم
منورين جميعا بدون ذكر اسماء
انشالله كلكم بخير واطفالكم بخير يارب

اليوم الصبح اخدنا الافندي الصغير طعمناه
طبعا الدكتورة ما اعطته المطعوم كامل عشان مايتاثر كتير .عطته الي برجله بس
والقسم التاني عالشهر التالت
بس انا كتير متدايقة ومنكدة لانه وزنه مش زايد الا نص كيلو بهالشهر
والدكتورة قالتلي الحد الادنى نص كيلو والاقصى كيلو
وزنه هلا 4 و 800 جم واليوم كمل شهرين وطوله 57 سم
يعني هو يا دووووب عالحد الادنى مع اني برضعه منيح وفيه حليب
بس بتقلي الدكتورة يمكن اكلي مش كويس مع انه والله مهتمة كتير
وكمان قالت لانه ما بنام بالنهار منيح والنوم منيح هو الي بنصح
بجد كتير متدايقة وحسيت حالي للحظة مقصرة ومش قد المسئولية

ديروا بالكم ع حالكم وبوساتي للحلوين

حواء مثالية

09-01-2013, 02:11 PM

يسعد اوقاتكم يارب الله يخليلي اياكم يارب تسلموووووووووووو

دودو انتي نظمي الو الرضعات وبعد كل رضعة المفروض ينام لحالوووووووو يعني هيك لعمل اربع خمس شهور بكونو لصغار

واذا ما ببكي بكون عادي هيك طبيعة جسمووو انا برلنت ولدتها صغيرة بالبداية كانت تزيد كيلو بعدين صارت اقل يعني هلا على عمر السنة لسه ما وصلت عشرة كيلوووو بس صحتها منيحه ودمها كمان وطلعت سنان ومشت الحمدلله عملتلها كل لفحوصات ما عندها شي بس طبيعة جسمها هيك لهيك ما تقلقي اخذتها على اخصائي تغذية حكالي ما بلزمها شي هيك عودها وطبيعة جسمها هيك انتي نظمي الرضعات الو وشوفي الشهر الجاي وزنو وبناء علي بتتصرفي

ساعتها بتساعدي بحليب صناعي

كبريآء أنثى ـآ

09-01-2013, 07:47 PM

أهليييين صبايا
أنا منيحة ومنوشة الصغيرة تمام
لولو حبيبتي ..
الحمد لله منوشة هلأ أحسن من أول بكتييير ما شاء الله عليها بتمها نايمة طول الليل
حتى أوقات انا بصحى وبصحيها عشان ترضع بالليل بس الساعة 10 لازم تصحى وتلعب
واذا ما حدا لاعبها بتصير تزن هههه فأنا اختصرت وصرت أنام على نومتها وأصحى معها
كتييير بنبسط عليها الصبح بتبقى مفرفشة ومنعنشة وبتضحك كتييير
إن شاء الله هاليومين راح أنزل صورتها

حواء مثالية

09-01-2013, 07:56 PM

مساء الخير هاي صورة عزوز صلو على النبي يا جماعة

Snowwhite-90

09-02-2013, 12:51 AM

مرحبا يا صبايا

كيفكم وشو اخباركم

دودو و لولو
الله يسلمكم يارب ويسعدكم ،، الله يسمع منكم

سنووايت
الله يقومك بالسلامة يارب
وتشوفي جودي بخير وسلامة

انا الي 3 ايام بالتاسع ،، وما في اي بوادر ولادة لا مغص ولا تحجر ولا اسهال ولا ضغط ،، شكلي رح اولد بالعاشر ههههه

حبيبتي فوفو الله يسلمك يااا رب وتقومي انتي كمان بالسلامة ،، ربي يرزقنا ولادة سهلة ويشرفوا بنوتاتنا على خير :) ،،، طيب منيح انك مو حاسة بشي عالولادة هتحسي بكل شي بلا ما تتعزبي من هلأ بهالاعراض ،، جد شي متعب جدا بس الحمدلله كله بثوابه يا قمر

صباح الورد
جمعتكم مباركة صبايا
كيييفكم اليوم
منورين جميعا

لولو
والله بالنسبة الي كانت دورة عادية وقعدت شي 6 ايام
مع اني برضع طبيعي مية بالمية بس بعطي رضعة صغيرة صناعي
عشان يتعود وما يغلبني لقدام
بكرا موعد دكتورته وتطعيمه وبنشوف اديه وزنه
اسم الله بتوقع متل وزن صابرينا يكون

ام عبدالله
منووورة ام اسيد كيفك وشو عاملة
مغلبك البيبي ولا لا وكيف نومه ورضاعته
شوفي انا لما كنت بالمستشفى خبيرة الرضاعة قالتلي
اقل شي يضل البيبيعالصدر تلت ساعة واكتر شي نص ساعة
والا بيكون اخد زيادة عن حاجته
لانه عنده غريزة المص بيحب يضل يمص بهالعمر
بالنسبة للرضاعة انا برضع طبيعي طول الوقت
بس بعطيه رضعة وحدة صناعي بالعدد عشان الطلعات
وعشان ما يغلبني لقدام وياخد المصاصة بسهولة وهاي نصيحة الماما الله يخليلي اياها يارب

ام جوووودي
مشتقااااالك والله
ربنا يقومك بالسلامة ويفرحك بولادك
وتشوفيهم عرسان وعرايس يارب
ضلك طلي طمنينا عنك بكل وقت عشان نعرف اخبارك
ونعرف ولدتي ولا لا ، بوسيلي حمووودي وطمنينا عن دراستك الله يعينك كله تعب والله

حواء
بالنتظاااااار قصة ولادتك بعزووو
واخبار برلنت متقبلة الوضع ولا لا

فوفو
ربنا يهونها عليكي ويطمنا عليكي باسرع وقت

حبيبة قلبي يا دودو الله يسلمك يا رب من كل شر ويحميلك عمورة العسول وتفرحي فيه ،، ولا يهمك يا قمر هضل افوت واطمنكم عني ان شاء الله كل ما يكون في فرصة لانه انتي عارفة تعب الحمل باخر شهر وحمودي ومسؤوليات البيت ودراسة ،، واكييد هطمنكم عني ان شاء الله اذا ولدت وقمت بالسلامة :)

جميع الصبايا يسعد صباحكم ومساكم

صحيح
ام جودي
نورررررتي با عسل
ان شاء الله ربنا بهونها عليكي و بتقومي بالسلامة انتي و جودي الي رح تكون قمررررر زي امها يااااا رب
ضلك طمنينا عنك خصوصا هاي الفترة بما انك على وش ولادة

هههههه حبيبتي لولو الحلوة النور نورك ياقمر ونور الصبايا ونور البيبيهات الي نورونا جديد ،، ربي يسمع منك ونرتاح انا وفوفو ،، القمر كله عندك ياعمري ربي يحميلك صابرينا ويفرحك فيها ،، واكيد هتواصل معكم واطمنكم عني اول باول :)

صباح الخير يا حلوات

كيفكم ... طمنوني عنكم ؟؟

أي ايوة هيك ارجعوا متل اول وخلي الدردشة تنتعش

حواء
يا غالية ألف حمد على سلامتك وسلامة عزوز ... الله يخليلك إياه ويربى بعزكم ودلالكم يا رب
قصة ولادتك فيها أكشن .... بس انا ما عمري صيحت وانا أولد

فوفو
كيفك يا قمر شخبارك ؟؟ كيف رزونة مش مغلبتك !!

دودو ولولو
كتيييير مشتاقتلكم .... ما بعرف ليش بحسكم توأم ههههه
المهم كيف عمر وصابرينا ؟؟

نور العمر
حبيبتي الله يبارك فيكي عقبال تفرحي بروحة ولادك عالمدرسة ... هههههههه بس صرت أنام بكير واصحى بكير متلهم

ام أسيد
تفبرني النغاشة الي فيكي يا عسل :)
كيفو أسيد مغلبك ولا هادي ؟؟ ما في فرق بين يوسف واسيد بس ٥ أيام

ام جودي يا عسل
والله بس أشوف اسمك بفرح ... الله يهونها عليكي ويقيمك بالسلامة يارب
ضلي طمنينا عنك وخبرينا لما تولدي :)

عيون المها
يسعد هالطلة يا حلوة ... اشتقنالك كتير كتير

ام مروان
كيفك شو أخبارك ؟؟ وكيفها منوشة الزغيرة

إحساس .. جارة .. انبثاقة .. سما .. دموع الليل ... وكتير بنات كمان غايبات تعالوووووووووووووووا

مين من الصبايا هون

هههههه لك يسعدها ام خليل القمر ،، ربي يفرحك على طول حبيبتي ،، طالما بتفرحي لما تشوفي اسمي هبقى افوت كل يوم عشان دايما تكوني فرحانة هههههه ،، ان شاء الله ايامك كلها فرح وسعادة وهنا يا غالية ،، ما توصي حبيبتي هطمنكم عني ان شاء الله ،، وبوسيلي اطفالك الحلوين كتييير ،، وربي يعينك على المسؤولية الي عندك ،،كله بميزان حسناتك يا رب

حواااء حبيبتي يا ام عزوز ربي يسعدك ويفرح قلبك ويخليلك عزوز اسم الله عليه امور كتيير الله يحميلك اياه ويفرحك فيه هو وبرلنت الحلوة ،، قصة ولادتك فيها اكشنات حلوة هههههه بس الحمدلله انه اجى عزوز عالدنيا بخير وسلامة ،، بوسيلي اياه كتييير وطبعا ما تنسي برلنت ههههه

معلش يا صبايا الفترة هاي كتييير مشغولة بنات عمتي الي هما اخوات زوجي عندهم افراح لاولادهم واحد اتزوج يوم الخميس الماضي والتاني يوم الخميس الجاي وفرح ابن عمي يوم الجمعة ،، عقبال عند اولادكم واحبابكم ياااا رب

Snowwhite-90

09-02-2013, 01:00 AM

هههههه دودو حبيبتي ما بعرف شو صار تعقيبي الك اختفى ،،

اكييييد حبيبة قلبي انا مشتقالك اكترررررر ،، ربي يسعدك ويفرحك بعمورة الامور وتشوفيه عريس ان شاء الله ،، ولا يهمك حبيبتي هحاول على قد ما اقدر افوت واطمنكم عني وعن حمودي انتي بتعرفي تعب الحمل باخر شهر ومع مسؤوليات البيت وحمودي والدراسة يعني الوضع صعب شوي :( ،، بس الحمدلله هانت مو باقي كتييير ان شاء الله ،، بوسيلي عمورة حبيب قلبي كتيييير وما تقلقي عليه في اطفال هيك طبيعة جسمهم انتي اعملي متل ما حكتلك حواء ونظمي اوقات رضاعته وان شاء الله المرة الجاي بتطمني عليه :)

حيفا

09-02-2013, 08:12 AM

والله زماااان ياهوى زمااان :)
صباحكم خير حبيباتي
كيفكم طمنوني عنكم وحدة وحدة
انا لسا ع وضعي
بس زوجي تحسن الحمد لله وصار وضعه ممتاز
ماصار حمل :)
قربت اصير سنتين متزوجة :p
قبل يومين طبقت ال 27 :(

احساس أنثى

09-02-2013, 09:36 AM

صباحكم قشطه
ماعرفت اتصفح الصفحات من زوزو والموبايل :)

بس بتمنى كلكم تكونو بخير
حيفا مادام جوزك تحسن ان شالله خير والعبره مش بالسنين كل شي مكتوب
ربي يكرمك ياعسل بس اهم شي لا تتعبي نفسيتك

حواء مثالية

09-02-2013, 09:49 AM

يا هلالالالالالالالالا وغلا بحيفا ياالله ما بتروحي عن بالي استدعيتلك وانا اولد انتي وانبثاقة

حواء مثالية

09-02-2013, 09:51 AM

هلا احساس يسعد اوقاتك

ام عبدالله لولو

09-02-2013, 11:08 AM

صباح الخير يا صبايا
انا بحلم ولا جد هاي الدبة حيفا رجعت يااااالله شو انبسطت اما شفتك الحمد لله ع السلامة يا عسل وان شاء الله ربنا بهونها عليكي ما تعودي تعيبي عنا دبة hwaml02
ام جودي نورني الله يقومك بالسلامة انتي وةالبيبي حبيتي الله يسعدك ويبارك فيك ويخليلك حمودي يارب
حواء الف مبارك وبن صورتو للازعر
دودو ما تخافي عادي زي ما حكولك الصبايا في اطفال هيك اجسامهم انتي حاول تزيد رضاغات الحليب الى جاتب صدك وكلي حلاوة كثير كويسة باضرار الجليب
باقي الصبايا بسرعة يسعد صباحكم مش هارفة اكتب هههههه بعمل بملوخية وأسيد بدو يرضع
كماااااااااااان مرة نورتي يا حيفا

ام عبدالله لولو

09-02-2013, 11:14 AM

ماشاء الله تبارك الله عنو بجنن الله يخليك اياه ويكون درية صالحة وباره يالله الله يحماه حواء هههههه من اليوم دوريلي ع غروس بيضة هههههههههه بس بالنتدى كبار عليه

حواء مثالية

09-02-2013, 02:39 PM

حبيبتي ام عبدالله الله يخليكي يارب ويخليلك ابنك وتشوفي عريس

هاد من زوءك ياحلوه

حواء مثالية

09-02-2013, 03:12 PM

ام عبدالله ماشاء الله علي ابنك الله يحميلك اياه لزيز

جارة القمر

09-02-2013, 06:08 PM

يسعد مسااااااااكم يارب

حواء:

الف الحمد لله على السلامة ذكرتيني بولادتي الاولى عشان هيك حرمت الولادة لبعد 4 سنوات بس الولادة التانية اسهل

حيفااااا:

هلا وغلا دايما على البال بس ياريت تحكي لمغوض ترجعلناااااا

ام جودي:::

كيفك يا أأأأمر يارب تقومي بالسلامة باحلى يزووووون

عيون المها ::

الحمد لله على السلامة

ام اسيد:

ما شالله عن اسيد بجنن

ام دودو:

ماشالله الايام ركض كبران الاخ عمورة

ام عبدالله لولو

09-02-2013, 07:38 PM

مساء الخير يا صبايا
حواء تسلملي حبيبتي الله يخليلك اولادك يارب شو اخبار برلنت والغيرة ولا ما بتغار
جارة القمر يا نورك ولا نور القمر شو اخبارك كيف يزن وزيد ان شاء الهل بخير مالك بتغيبي كثير ارجعي زي اول كيف شغلك ان شاء الله كويس وما فيه غلبة عجبك أسيد يلا جبيبلك بنوتة حلوة زي امه وهي العريس جاهز هههه
صبايا اليوم طهرنا أسيد ويا ويلي عليه صوتو وسراخو قطعو قلبي مسكين هلا الي هدي ونام
دودو ولولو وحلا وفوفو وحواء واحساس وحيفا وتور العمر ياريت ترجعو زي اول والله بنتسلى مع بعض باقي الصبايا يسعد مساكم يارب

نور العمر

09-03-2013, 12:28 AM

مساااا الخيررر .. كيفكم ...

حواء حمد على سلامتك قصة ولادتك شبه ولادتي ب ابني يامن بس انا ضليت 3ايام وانا طلق ورا بعض والتوسع 2 اما في بنتي على طول عمليه ماكان معي وجع ولاده ..بس ربك بسهلها وبننسى ونرجع بدنا نحمل تاني ههههههه...
وماشاء الله عنو ابنك زي القمر بدو عروس وهيها جاهزه خخخخخخ بنتي اكيد بنعمل بدل ابني ياخد بنتك والعكس لانو ابني من يومين شاف صورة بنتك وانا بتصفح بحكيلي ماما مين هاي حكيتلوو عروس قال خلص بدي اجوزها ... حكيت كتير خخخخخخ

ام عبدالله كمان ابنك ما شاء الله عنو والله التجمع كلو عرسان احترت مين بدي اخد لبنتي ههههه رح لحق احجزهم قبل لولو وفوفو وام مروان هلء بياخدوهم مني خخخخ

جارة كيفك وكيف اولادك ان شاء الله بخيرر

حيفااا ياهلا والله نورتي التجمع ...

باقي صبايا يسعد مساكم ضلو طلووعلينا وماتغيبوو ...

فوفو89

09-03-2013, 08:51 AM

مرحبا
كيفكم وشو اخباركم

حيفا
الله يعوضك ويرزقك الحمل بالقريب العاجل

سنووايت
شو صار معك ؟ ولدتي ولا لسه ؟
الله يقومك بالسلامة

انا امبارح رحت ع الدكتور والحمدلله كل شي منيح ،، وزن البنوتة 3 كيلو و100 جرام ،، ووزني 58 ،، والراس الحمدلله نازل بالحوض ،، والدكتور كتبلي دهون لدهن حلمات الصدر كل يوم مرتين
وكملت اغراضي واغراض البيبي وجهزت شنطة المستشفى
بس ضل انه الامورة الصغيرة تشرف
الله يرزقنا بولادة سهلة وميسرة انا وسنووايت ياااااارب

حواء مثالية

09-03-2013, 11:49 AM

صباحكم فل

الله ما يحرمنا هاللمة يا رب

جااارة الله يسلمك يا رب تسلمي يا قمر

برلنت ما بتغار من اخوها ما بحسسها انا وابوها ماخدين بالنا منها هاي الملكة تقبر قلبي

كبريآء أنثى ـآ

09-03-2013, 12:47 PM

حواء مشاء الله ع ابتك صلاة النبي زي القمر والله
هههههه لو بنتي أصغر منه كان خطفناه منك ههههه
الله يخليلك اياه ويتربى بعزكم ياااااارب
نور العمر
هههههههههه اذا بنتك أصغر منه مبروك عليكي هع هع

لولو الفلسطينية

09-03-2013, 01:47 PM

مسا الخيرات
شو اخباركم ؟؟
حواء
ما شاء الله عليه عزوز ... الله يحميه و تشوفيه احلى عريس
ام عبد الله ...... ولك غيري اسمك ههههه :-p
ما شاء الله على اسيد منوووور ... الله يخليلك ياه و تفرحي فيه يااااااا رب
ام جودي
الله يهونها عليكي و تفومي بالسلامة يااا رف
فوفو
الحمد لله انك تطمنتي على رزونة ... ربنا يجيبها بالسلامة و تكون ولادتك ميسرة ان شاء الله انتي و ام جودي
دودو
حبيبتي ... مع تخافي بالنسبة اوزن عمورة ... اصلا اول شهرين المروض يزيدو من نص كيلو ل كيلو و بعدين بتبلش الزيادة تقل عن اول
انتي بس حاولي ترضعيه كل تلات ساعات مرة انا هيك الدكتور حكالي و حتى لو بنام و بطول صحيه و رضعيه كل تلات ساعات ..... شوفث سبحان الله كل بيبي و الو طبيعه جسمو ... انا متلا بشوف اطفال بنفس عمر صابرينا و بكونو انصح منها و في نس الوقت في اطفال تانيين حجمهم اصغر و اضعف منها ... يعني كل واحد و طبيعته ... ما تخافي بعدين عنتي اكيد اد المسؤوليه .. ما تحسسي حالك بالذنب طالما انك بتعملي الي عليكي .... احلى ام عمورة
شو اخر تطورات الافندي هههه ؟؟؟
جارة
منوووورة ... كيف يزن و زيد ... ان شاء الله بخير ؟؟
حلا
اشتقتلك يا ضرسانة هههه ... شو اخبارك ؟ و كيف الامامير الزغار ؟؟
حيفا
كمااااان منورة يا قمر.... ليش بطلتي تطلي و الا بتتغلي علينا ههههه .. ان شاء الله بنسمع الاخبار الحلوة منكو من انبثاقة فق القريب العاجل ياااا رب
باقي الصبايا
كلكم كلكم بدون زكر اسماء يسعد مساكم
ان شاء الله تكونو كلكم بخير

كبريآء أنثى ـآ

09-03-2013, 03:15 PM

هلا لولو
ممممم وين صورة صابرينا ما بدك تنزليها ؟؟؟

~{{ DoDo }}~

09-03-2013, 03:26 PM

مسا الخير يا صبايا
كيفكم جميعا ان شاء الله بخير
منورين بدون تحديد

لولو
كيفك وكيف صابرينا
مزبوط حكيك
انا اصلا من اول ما انولد عمودة وانا منظمتله رضاعته بالدقيقة
اول شهر كان كل ساعتين بالزبط بس لو نام نومة طويلة بالليل ما كنت اصحيه
وهلا بالشهر التاني كل ٣ ساعات كمان بالزبط وهو منتظم على هاد النظام وتعود خلص
بيجوع عالوقت ، وكل الامور هاي انا منفذاها
الفكره انه فيه حليب الحمدلله وكميته منيحة بس الدكتورة قالتلي بيكون حليبك مو دسم
انا اصلا من اول ما ولدت بعطيه مرة باليوم صناعي
هلا رح اخليها يومين او تلاتة بالاسبوع مرتين الصناعي عشان ينصح شوي
مع انه هو اسم الله صحته منيحة وذكي ومهراته كويسة وفحصه عند الدكتورة كان ممتاز بالنسبة لعمره
بدي اجرب اهتم شوي زيادة باكلي انا هالشهر واششوف هل فيه فرق او لا ويا ستي انا وحظي
حتى لو اضطريت ادخله الحليب الصناعي اكتر الحمدلله هو متقبله ومش تعبانه عليه لحد هلا
بتعرفي اول ما ولدت كان يزيد منيح وحاسة كان حليبي احسن ، ههههه شكلنا انحسدنا والله

حواء وام اسيد وفوفو وام مروان ونور العمر وجارة واحساس منورين صبايا انشالله كلكم بخير

حيفا
اشتقنااااالك يا بنتي لا تبقي تغيببي عنجد
بتتسلي وقولي لغموض ترجع كمان وانبثااااقة ؛)

حواء مثالية

09-03-2013, 05:06 PM

الله يسعدكم يا بنات ويخليلكم اولادكم

جوووعانه ومش عارفه شو بدي اسوي اكل مفكر بمعكرووووووووونه