مواليد<<شهر ربيع الثاني♂ ♀ فبراير (1435,2014)

[عشرينية]

مسا الخير حبيباتي
كيفكم
ماشاء الله اغلبكم عرف جنس الجنين باقي انا ان شاء الله اعرفه يوم الثلاثاء واتطمن ع البيبي انه كويس
امنية قولي لزوجك انه اللي له شغل في تحديد جنس الجنين بعد الله هو الرجل
فاذا بيزعل يزعل من نفسه
افرحي ببنتك وحبيها ترى انت اللي حامل فيها وانت تستمتعين بشعور حركتها ونبضها
اهم شي تام الخلقة
لاتقعدين تحطين براسك يمكن غلطانين وانه ولد وتشترين الوان محايدة
وصدقيني الرجال كلهم يفرحون بالولد اكثر بس حبيبة قلبه البنت ومايتعلق الا فيها
الله ييسر علينا

[ندووش]

امنية يا قلبي هم كذا الرجال و ربي لو عندك ولد كان شفتيه بعد زعلان

طبع الرجال يحبون الولد حتى لو تجيبن درزن اولاد و بعدين تجبين بنت راح يزعل

لا تشيلي هم و افرحي فيها و بكره راح ياكله اكل

عندك زوجي لم درى انها بنت زعل و عصب و انا عندى ولد الحمد الله اهل العقول براحة

سبحان الله الا يشترط و يقول نفسي و نفسي يجي العكس
هذى نعمة من الله و غيرنا محروم من الذرية

[ندووش]

بناااااااااااااااااات بكره بروح المستشفى

عندى صدااااااااااااااااااااااااااااااااااااع فضيع احس بالم مو طبيعي

بروح اكشف و اطمئن اخاف يكون ضغط لا سمح الله

[احساس طفوله]

ندوش سلامتك ايوه فترة الحمل تخافين من كل شي روحي تطمني ان شالله انه مايطلع ضغط

[امنيه 28]

قووت
ام احلى بنوتين
احساس
حبيبة خلودي
عشرينيه
ندوش

الله يجبر بخاطركم ويسعدكم ويفرح قلوبكم بكل ماتتمنونه
صدقوني انا حابتها وفرحاااانه فيها
البنت عز امها وتربيتها اسهل وكل شي فيها حلو الله يصلح لنا الذريه
والله والله اني مجرد ماشفتها كأنها تودع يوم كشفت بالسونار نزلت دمعتي وحبيتها
لكن زي ماقلت لكم الرجال مشكله وصدقتي ندوش اهل العقول براحه وهو عارف انه مسؤول عن تحديد الحنس بعد مشيئة الله لكن الواقع مايقدر يكبت مشاعره
وبصراحه الحمد لله الحين يعرف ويقتنع تماما ويرضى( والحمد لله هم نعمه كبيره من ربي) ولا اذا ولدت يجلس يدمر نفسيتي خخخخ

واصلا ع طول قال لي الاسم اللي مختار شكلها جت ردة فعل ههههه قلت براحتك
سمها الاسم اللي يعجبك ماجلست اعارضه ابد

وبالنسبه للبس من قبل والله ناويه مااكثر وناويه اجيب محايد كتغيير عن الوردي يعني ؛)


الله يسعدكم حبيبات قلبي
ويتمم علينا بخير ويفرح قلوبنا بسلامة الجميع
:)*

[امنيه 28]

ندوش
سلامتك مااتوقع ضغط
ترا فقر الدم يجيب الصداع
كم كان اخر مره حللتي فيها ؟؟

ماتسوفين شر

[جريحة المحبه]

امنيه

الخيره فيما اختاره الله والحمدلله ع نعمه لذريه

بالنسبه لزوجك لاتفتحين معاه موضوع جنس البيبي وربك قادر ع كل شي عليك بالاستغفار والدعاء ان ربي يخيب ظن الدكتوره

والله اني اقرا عن فضل الاستغفار واندم واقول كل اللي نبيه من ربي لازم نستغفر ونحسن النيه

الزمي الاستغفار وربك بااذن الله يرزقك ماتمنيتي

[جريحة المحبه]

انا كشفت بااخر الثالث وعطتني نسبه 60%بنوته وطلعت اتحمد الله واشكره

وعلمت زوجي وحمد الله وقال اتمنى ولد. قلت هذا بيد ربي تبي الولد ادع ربك واستغفر وربك قادر ع كل شي والحمدلله يوم قلتله ارتاح حمدلله

ياقادر ياقادر ياقادر ارزقنا جميعا مانتمنى واكتب الخير لنا حيث كان

[يغار الحلى]

ياعمرررري يا آمنيه والله اشوف حريم كثيير ماشاءالله معاهم بنتين وراء بعض جيبينهم

واحس انهم مستانسين فييهم و فرحانين و ربي انهم يجنننوون بس عندنا الرجال مدري اش فيهم

يبغوون اﻵوﻻد .. عادات انهم يبغوا ولد و ﻻ والله مافكرر ﻻ فتربيته وﻻ فتعبه

كل شي علينا الحمدالله بسس ..

قدامك العافيييه يارب يا ندووووش .. انا خايفه اشتري اغراض ولد

و يطلعوا غلطانييين بالسونار بروح اسوي سونار مره ثانيه

و ربي كرريمم ..

[ندووش]

يسعد مسائكم بكل خير

الله يسلمكم من كل شر

اليوم رحت المستشفى و قالت ان ضغطي مره نازل 90 على 60
مع ان رحت و انا افطرت و شربت حليب و قالت اهتمي بالاكل
و الحمدلله اطمئنت على بنتي حبيتي و قالت كل شي تمام الحمدلله
و طلبت ان اسوى اشعه حقت التشوهات للبيبي
بس بعدين راح اسويها

[امنيه 28]

جريحه
الحمد لله انا عادي بس البارح فضفضت لكم هنا وارتحت
الله يسعدكم جميعا
والله يرزقني واياك مانتمنى
اكذب عليكم لو قلت للحين ماعندي امل
لاني يوم احمل كانو يقولون بالاشعه مافيه امل تحملين ودعيت وحملت
والحين يقولون مستحيل ولد وانا داعيه وراح يكون املي بربي
والولد والبنت كلهم نعمه الله يرزقنا اياهم
ونصيحه لو رحتي تاخذين اشعه قولي لاتعلميني قبل تحكي
اريح لك :)

يغار
الله يسعد قلبك
والله البنات حلوين وانا زي ماقلت عاااادي جدا واعتقد الكل هنا مجرب شعور الطرف الثاني
الله يهديهم الرجال مازالت افكارهم وعقلياتهم مغبره شوي وفعلا صدقتي لايفكرون لابتربيه ولابغيره
انا تخيلي اول ماجبت يارا كان يحن علي احملي ابي ولد بس سديت اذاني والحين ابطنشه
والله يعطيني مااتمنى
اختي يوم كانت حامل بولدها مجهزه بناتي لانهم الى الثامن يحكون انه بنت وبالتاسع قالو لها ولد
لذلك فعلا لايعلم مافي الارحام الا الله سبحانه

ندوش
سلامتك ياقلبي
اذا كنتي تاخذين اوميقا٣ تراه يسبب انخفاض بالضغط
انتبهي لنفسك الله يستر عليك

[شهد009]

سﻻمتكم كلكم ماتشوفون شر
امنيه حبيبتي هو في احلى من البنات !! ههههههههه
هذا هم كذا تفكيرهم متحججر ما يتغيرون
ماعلينا اﻻ انن نسايرهم ، الحمد لله ع كل حال
المهم والله لكم وحشه احس لي فتره عنككم

[يغار الحلى]

مايووحشك غالي ياارب

وييينكم اليووم كولكم غايبين ؟؟ وﻻ عشانه خميييييس خارجيين .

[جريحة المحبه]

انا توني واصله من الرياض رحت مع اهلي حاضرين زواج


حددددي تعبانه

[عشقي الاطفال]

اهلن بنات •• كيفكم •• جمعة مبآركـــة عليكم ••
ليش محد سأل عني *~*
المهم انا برآقبكـم من بعيد لبعيد وقت اكون بيزي ••
امنيه لاتزعلي يجننو البنوتات خاصة لما تكون بنوته ورا بنوته صح نفسنا نحرب الاولاذ
بس الافضل تكون بنوته صديقة لاختها يكبرو سوا مره حلو ••
وان شاءالله حملتك الجآية توينز اولآد يآرب انتي و

[امنيه 28]

شهد & عشقي
الله يسعدكم ويرزقكم ماتتمنونه
الحمد لله البنوتات خير وبركه انا مازعلت عشان نفسي وسبق وقلت السبب
عموما انا نسيت الموضوع او بالاصح تناسيته ايا كان جنس البيبي اهم شي يجيني سليم معافى

بنات
عندي عزيمة عشا فبيتي هالاسبوع باذن الله بس لسى ماحددنا يوم
تخيلو ٢١ رجل احس العدد فوق طاقتي بس انا قلت لزوجي لاتقسم الناس بعزومتين
خلها وحده عشان افتك
وزعت بعض الاشغال ع خواتي وامي الله يسعدهم بس احس الهم كبييير الله ييسر
اقترحو علي سلطات عشا للرجال مادري وش يناسبهم لو حري اعرف ذوقهم خخخخ بس الرجال مدري احترت
راح اسوي ٣ انواع سلطه
طبعا سلطه عاديه وهذي اكيد
لكن النوعين الباقيات مدري وش اسوي ؟؟*

[ام تميم*]

امنيه سوي خيار باللبن احس الرجال بياكلووونها
وسوي سلطة مكرونة ،،
والله يعينك الصراحة ٢١ مرررررة كثير الله يسهل لك يارب اهم شي يكون عندك احد يساعدك ويحط ويشيل

وانتي انتبهي ع نفسك ولا تتتحمسسسسسسين كثير
موفقة


وصباااحكم جمعة مباركا فيها صبايااا

[احساس طفوله]

مرحبا بنات اخباركم وينكم مختفين التجمع نااااايم ادخلو طمنونا عنكم انا من امس خمووووول وربي يالله اتحرك احس جسمي كله مكسر؛؛؛؛؛؛؛؛؛؛؛
امنيه الله يعينك عزايم الرجال متعبه السلطات مثل ماقالت حبيبة خلودي خيار بالبن وسلطه عاديه وسلطة ملفوف وجزر احس هذي السلطات الي تصلح لرجال ؛؛؛؛؛ بس لاتتعبين نفسك سوي اشياء بسيطه وخلي اخواتك يكملون عنك الباقي

[احساس طفوله]

عشقي ياحياتي لك وحشه بس انتي مو معودتني تدخلين كثير عشان كذا البنات مايسألون

[يغار الحلى]

هﻵ فيكم منورين التجمممع صباياا

اخباركم ؟ بكره عندي تطعيمة بنتي حقت سسسنه

نفسي اخلص تطعيماتها قبل يجي الثاني و بعدين اطعم فيهم الثنين .. الله يعين

امنيه الله يعينك و يقويك يارب كثييير الرجاال لكن اذا احد بيساعدك

ان شاءالله ماتتعبي ..

[يغار الحلى]

عشقي ليش تراقبينا اذا دخلتي سووولفي معانا

طمنينا عننك . ﻻ تقطعي يالغﻵ

[أسوووم]

كيفكم يابنات

الله يعينك ياامنيه ع العزيمه

يغار أنا بنتي كانت تطعيمتها يوم الاحد الي فات بس اجازه

وبرضو بنتي تطعيمة السنه

متى ولدتي بنتك شكلها قد بنتي بالزبط ربنا يحفظهم

[يغار الحلى]

شكلهم زي بعضضض ولدتها يوم 20 بالقعده

بس مدري اليووووم المستوصف فااتح ؟؟

[ندووش]

صباح الخير

لسا عندكم مشوار طويل في التطعميات

انا الحمدلله خلصت من ولدي يصير بس يبقى بنتي بعدين

[قوووت القلوب]

مرحبا كروشااااات
بناااات الحمدلله يارب
فيني بنووووووته
الحمدلله يارب
حدي مستانسه
ورحت وخذيت كم غرض لها
ملابس البنات رووووعه

[ندووش]

قوووووووووت
مبرووووووووووووووك الله يصلحها و يخليها لك

مشاءالله اغلب الحوامل الا بالتجمع حملهم بنات
الله يصلحهم

[احساس طفوله]

قووت ماشاءلله تبارك الله الف مبروك ربي يجيبها لك بالسلامه ايوه صادقه ملابس البنات ماينمل منها تخلص فلوسك وانتي ماخلصتي

[جريحة المحبه]

مبرووك قوت الله يقر عينك بصلاحها وسلامتها

[امنيه 28]

مبروك قوت الله يقر عينك بشوفتها سليمه معافاة

بنات
شكرا ع الافاده بخصوص السلطات
راح اسوي عاديه وسلطة الرمان احس الرجال مايحبون الصوصات بالسلطات
المهم
انا حوسه هالاسبوع وقاعده احط لي جدول كل يوم غرفة افرزها واطلع الصدقه والعشا شايله همه ربي ييسر
اليوم فرغت دولاب بنتي وحطيت مكان معها للنونو بس صار مزحوم وافكر اشتري ارفف او شي زي كذا للنونو
وناويه اطلع الربيعي والشتوي وافرزهن قبل اثقل
لاني من الحين صايره بطه خخخخخخخ لا مو بطه الا صرت فقمه بس اتسدح ههههه
الله يهون علينا جميعا ويفرح قلوبنا بسلامتنا وسلامة البيبيات يارب


احبكم :)

[قوووت القلوب]

الله يبارك بحياااااتكم حبااااايبي

[& ام روان &]

ماشاء الله لا اله الا الله
انا معاكم ان شاء الله في ربيع الثاني ي ١ او ٢


انا دايم ادخل اقرا واطلع ردودي قليله
بسبب ان الموقع يعلق عندي لاجيت اكتب ف عشان كذا مالي خلق اتنرفز عشان موقع

[ندووش]

هلا و غلا بام روان
منور التجمع فيك و بالجميع

[عشرينية]

مسا الخيرات بنات
اكلمكم من ارض الحدث وسط بيتي وشعري طاير وفيني طاقة مو طبيعية
اتوقع السبب اني داومت فقط يوم الخميس
الاحد والاثنين كان اجازة وعندي الثلاثاء اوف والاربعاء غبت وماداومت الا الخميس
وبعدها نهاية اسبوع جمعة وسبت
امس نمت الساعة 5 الفجر وصحيت اليوم 4 العصر
رحنا انا وزوجي تغدينا برى ورجعت البيت الساعة 8 فيني طاقة مو طبيعية واشتغلت في البيت وباقي لي حاجات خفيفة قلت ادخل وادردش شوي
يا الله يازين شعور النشاط من زمان فاقدته
زوجي يقول نامي وكملي بكرا
قلت له لا بخلص كل شي اليوم لاني بكرا برجع وحيلي مهدود وماني قادرة ادف عمري
احس اني حكيت كثير خخخخخخخخخخخخخخخخخخخ حتى اصابيعي تنشطت
المهم يوم الثلاثاء عندي موعد مع الدكتورة وبشوف جنس البيبي ادعولي انه يكون واضح
حمستوني اعرف وش عندي كلكم عرفتوا تقريبا الا انا

[احساس طفوله]

عشرينيه ياحياتي احس بس قريت كلامك حسيت بالنشاط الي انتي فيه ان شالله دوم يااااارب انا مثلكي يوم اصير نشييييطه واقلب البيت فوق تحت وباقي الاسبوع يادوب انظف المطبخ؛؛؛؛؛؛ ام روان ياهلا نورتي التجمع

[عشقي الاطفال]

ماشاءاالله قوت القلوب قروب البنات مو ربيع تاني خخخ
يلا باقي انا وعشرينينه وام احلى بنوتين وجريحة المحبه

[جريحة المحبه]

عشقي

ااااخ اتعبني التفكير بجنس البيبي واحلامي مختلطه بين الجنسين

الله يرزقنا مانتمنى

[جريحة المحبه]

ام روان


هلا وغلا منوره التجمع

[& ام روان &]

هلا فيكم جميعا
منور فيكم

[يغار الحلى]

مراحب فيك أم روآن ..

ماشاءالله ربي يسسعدك ندوش احﻻ شي الي تخلص من هالتطعيماات

اتوقع مع وﻻدتي تطعيمة بنتي حقت السنه و النصف

شايله همها مره بنتي .. ماعندي احد يعتني فيها اذا ولدت

يارب اولد طبيعي عشان اقوم بأطفالي اما القيصري تعب عليها الي عندها اطفال

الله يعييين .. ربي ييسرها علي و عليكم يااارب .

[fo0fo0]

صباح الخييير
،،،،،،،،،،،،،،،،
بنات اشكر كل من سال عني ؟؟
غبت فتره لأني رحت لأهلي
التحاليل تقول الحديد ١١ وأصلحت لي سالفه
ولما جئت أهلي رحت لدكتوره وقالت عادي الحديد بس لاينقص حاولي تزيديه
ه--------——————————----------
يوو ذكرتوني تطعيمه ولدي اليوم حقت السنه
يغار ولدي أكبر من بنتك بأسبوع هو جاي ١٢ ذو القعدة. ،،
الله يصلحهم ويبارك لنا فيهم
ويهون علينا ويتم الخلق والخلقه. ً،،،،

[امنيه 28]

مساكم عسل ياكروشات
اخباركم ؟؟

ان شاء الله تكونو بأحسن حال يارب

ماتدرون نزل الشتوي بالاسواق والا لسى ؟؟
*

[fo0fo0]

والله من زمااااان عن السوق بس اعتقد باقي

[جريحة المحبه]

منزلين الشتوي اشوف

[جريحة المحبه]

عندي موعد لاابره الكزاز وللحين مارحت مكسله وخامله

تخيلوا المستوصف الحكومي تبع الحي مايعطوني مواعيد كل شهر من فتحت ملفي عندهم ماعطوني موعد الا مره وحده

وربي من شهر ثمانيه يوم احلل الحمل عندهم مارحت لمهم ولاعطوني موعد الا مره بشهر 11ابره الكزاز

احسهم مهملين ولادريوا عني والله ماينفعك الا فلوسك مستوصف اهلي

[ملكة القلم]

بنات انا معكم ب 13 فبراير بقدر اشارك معكم؟؟

[امنيه 28]

ملكة القلم
حياك الله منور التجمع فيك :)
جريحه
هذا هم الحكوميات كذا مهملين
الا تعالي باي شهر ابرة الكزاز انا ماقالو لي للحين :( شكلي ابروح لهم بكره باذن الله

يسلمو بنات ع ردودكم بخصوص الشتوي
الله ييسر واروح اشتري لبنتي كبرت ع ملابسها ماشاء الله


وبسألكم كمان
كم احتاج افرول نيوبورن
ناسيه كم جبت لبنتي
اذكر جبت طقم و٣ اللي بكيس وحده حقات سنتر بوينت
يكفي ٤ نيو بورن ؟؟
جالسه اكتب اغراضي واسوي جدول خخخخ من الفضاوه اجلو العزيمه

[امنيه 28]

ليه التجمع نايم اليوم

[ندووش]

مساء الخير

كيفكم يا حوامل

[ندووش]

امنية مو كل المحلات منزله الملابس الشتوية

اتوقع بعد الحج راح تلاقي كل الماركات

انا عن نفسي ماراح اشترى لبس برد علشان جو جده يعتبر مو بارد مثل الرياض و القصيم و الشرقيه و غيرها طبعا

[ندووش]

هلا و غلا ملكة القلم

مشاءالله التجمع صار يزيد بالزوار الجدد الله يحييكم

بس لحد يختفى

[جريحة المحبه]

امنيه

صدقتي اهمال المستشفيات الحكوميه

ابره الكزاز بالشهر الخامس

[احساس طفوله]

هلا ملكة القلم نووورتي ؛؛؛؛ امنيه انا اتابعكم بس بصمت مدري اشفيني مكتئبه وطول وقتي اتخاصم مع زوجي حتى اخواتي صارو يقولون لاتجين عندنا اذا كان طول وقتك نفسك بخشمك يمكن نغسيتي كذا عشان طول وقتي افكر بالولاده مرررره خايفه منها ياااارب سهلها من عندك؛؛؛
وصايره ثقيله يالله اتحرك كأني بالشهر التاسع الله يعين وييسر ولادتنا ع خير

[جريحة المحبه]

احساس

لايضيق سدرك ياحياني هذا الحمل نفسيه شينه طول الوقت

زوجي يقول خلصنا من نفسيه الدوره جانا نفسيه الحمل ههههههه

اهم شي لاتفكرين كثير بالولاده ربك بيسهلها ان شاءالله

[احساس طفوله]

جريحه من جد انا ماجنني غير التفكير بالولاده بس مو راضي يروح عن بالي كل ماسهيت عنه لازم اتذكره الله يعين ع قولتك الحمل نفسييييه

[عشرينية]

انا ما طلع لي بطن ومع ذلك من دخلت الخامس صايرة ثقيلة بشكل مو طبيعي
وظهري وخواصري فيها الم مو طبيعي
مدري وش بسوي اذا كبر بطني
الله المستعان

[أم جنى فديتها]

سلام عليكم
انا كنت من هالتجمع ربيع اللي فات هههههه
الله يسهل عليكم جميعآ..

[غلا وود]

السلام عليكم ورحمه الله وبركاته*



ضغط الإبري*






http://forum.hwaml.com/imgcache2/hwaml.com_1380504068_592.jpg


http://forum.hwaml.com/imgcache2/hwaml.com_1380504065_444.jpg


أثبتت الأبحاث العلمية بما لا يدع مجالاً للشك أن المشي بقدمين حافيتين على









أرض خشنة لمدة أقلها عشر دقائق يومياً ، يعمل معجزات في الجسم من حيث علاج









ومنع العديد من الأمراض بإذن الله تعالى .


















وفي وقتنا الحاضر ومع زيادة الضغوط اليومية ، ودخول الرفاهية إلى حياتنا*









فإنه لا أحد يستطيع المشي حافي القدمين يومياً على أرض خشنة ؛ لأنه ليس*









بالإمكان أن تجد تلك الأرض بسهولة ، ومتى ما أردت ..












( الضغط الإبـــري ) : هو طريقة علاج شاملة عبر نقاط الأخمص المنعكسة في القدم .










وهو جهاز عملي ينتقل معك أينما كنت ؛ لتمارس رياضة المشي حافي القدمين ؛*









لينعم جسمك بما لا تتخيل أن يوفره لك هذا الجهاز ، وبدون أضرار جانبية -- بشهادة الأطباء والباحثين ، وخصوصاً الصينيين .












ـــ المشي على هذا الجهاز : يعالج الصداع ، الشقيقة ( المايجرين ) ،*









الإلتهابات الجيبية ، الأزمة ، اللوز والأرق ، الإمساك ، أمراض المعدة ،*









الحموضة ، السكري ، سوء الهضم ، ومشاكل الكلى والقولون ، عرق النساء ، آلام









الساقين ، الركبة ،والقلق والاكتئاب والكثير الكثير*

هالقطعة هي علاج ومنع حدوث الكثير والكثير من الأمراض*










وذلك عن طريق المشي فوق سطح تلك القطعة لمدة 3 إلى 5 دقائق يومياً










تشعربحرارة عالية جداً داخل القدمين.. حرارة تنتشر من أسفل القدمين وصولاً إلى الركبتين*












طبعاً هذا ما يسمى بـ ( الضغط الإبري) وهو طريقة علاج شاملة عبر نقاط الأخمص المنعكس في القدمين










أسفل القدمين هناك نقاط بمجرد الضغط عليها فإنها تولد حرارة وكل نقطة متصلة بجزء حساس من أجزاء الجسم


تخيلوا هذي الأمراض اللي يعالجها ويساعد على منع حدوثها





السكري
- التوتر الذهني والعقلي
الصداع

- القلق والهستيريا

- الكآبة
- الأرق والإجهاد
- ضعف الذاكرة
- الزكام
- الأعصاب
- الطاقة
الجيوب الأنفية
- اضطرابات العين
- اضطرابات الأذن
- الآم الكتف
- المرفق والكوع
- اضطرابات الرئتين
- اضطرابات الجهاز التنفسي
- التهاب الرئة
- السعال
- اللوزتين
- الهرمونات
فقدان الوزن
- التهاب المفاصل
- اضطرابات الغدة الدرقية
- اضطرابات الكبد
- اضطرابات الطحال
- الربو
- الغازات
اضطرابات الكليتين
- النقرس
- اضطرابات الهضم
- الإمساك
- الأمعاء
- القولون
- العصعص
- آلام الظهر
- تدلي السرة
- المثانة
- النخاع الشوكي
- فقرات الرقبة
- الفقرات الصدرية
- عظم العجز
- عرق النساء
- القوة الجنسية
- آلام الركبة
آلام القدمين
الام الكعبين
البواسير
أمراض المعدة
- الحموضة


http://forum.hwaml.com/imgcache2/hwaml.com_1380504065_214.jpg


http://forum.hwaml.com/imgcache2/hwaml.com_1380504066_836.jpg


http://forum.hwaml.com/imgcache2/hwaml.com_1380504064_628.jpg







حديث الدكتور عبدالعزيز المعيوف عن فايده مثل هذا العلاج

&#x202b;المبدع عبدالعزيز المعيوف التميمي معالج بالطب البديل.flv&#x202c;&lrm; - YouTube (http://www.youtube.com/watch?v=lpc0bkn910o)


او اكتب في اليوتيوب عبدالعزيز المعيوف




سعــر الجهاز : 100 ريال فقط لا غير والبيع في مدينه الرياض وفيه توصل الى اي مدينه بواسطه زاجل


الاتصال على الرقم*
٠٥٥٣٢٨٦٢٠٠

[& ام روان &]

ع طاري ابرة الكزاز وش سالفتها ؟؟

[أسوووم]

كيفكم يابنات ايش اخباركم

أنا بنتي ماطعمتها وشايله همها عندها تطعيمه السنه

ولمن اولد تطعيمة السنه ونص الله يستر حووووسه

الحمدالله

أحس نفسيتي زفت مره من كتر ماافكر في الولاده والنفاس لانو في بنتي تعبت مرررره واتهلكت من الخياطه والامساااااك المقرف ودحين حيجي مغص النونو التاني الله يستر

[ام احلى بنوتين]

صباح الخير ياحوامل
اخباركم

[يغار الحلى]

هﻵ ام بنوتين صباح المسررات

الحمدالله . اخبارك انتي ؟ ماعررفتي جنسس البي بي

تكفووووون ﻻ تزيدو النفسسسيه من هم الوﻻده و التربيه

والله احس طفل يشغل مرره .. كيف 2 ماشاءالله كيف نحافظ ع الزوج ؟

حتى الي بالي بالكممممم و ربي شغله مع هاﻷطفاااال الله المستعان

بصراحه بدون شغااااله تعببب الحياه الزوجية ..

اﻷبره الي تقولوا عليها ماأخذتها بحملي فبنتي و ﻻ الحييين ماراح اخذها

بأيش تنفع ؟؟؟؟

[يغار الحلى]

آم بنوتين قوليلي بنتك اﻷخيييره بأي شهر جبتيها

و قولك حملك فبنت او ولد ... اعرررف طريقه سهله مررره بتحديد جنس البي بي

[ام احلى بنوتين]

هلا وغلا يغار الحلى
الحمدلله بخير
وباقي ماعرفت جنس البيبي
وبنتي الاخيره جبتها بشهر 5 هجري وميلادي

[ام احلى بنوتين]

والابره هذي ماأذكر اني اخذتها في بناتي الثنتين

[يغار الحلى]

أخر دوره كانت لك بشهر كم ؟ فحملك هاذا

[ام احلى بنوتين]

اخر دورو في شهر 7 هجري

[ام احلى بنوتين]

تبغين الشهر الهجري ولا الميلادي

[امنيه 28]

صباحكم ورد بنات
ابرة الكزاز تفيد برفع المناعه لك وللبيبي بالولاده لما يستخدمو شي غير معقم 100٪ الله يكفينا الشر يعني كحمايه لكم بعد الله
مو ضروريه مرررره بس اذا رحت وقالو راح نعطيك ماراح اقول لا

وبعدين انسو سالفة الولاده كلششش
لان التفكير راح يأثر عاينا سلبيا
انا يوم يارا فكرت كثير وشلت هم قبل الولاده وجاني اكتئاب نفاس ونزيف استمر شهرين وبواسير وانفتحت خياطتي وتعبت نفسيا الله لايعيد الشر ياااارب ولايجعل احد منكم يجرب اللي عشته
لذلك ادعي من الحين ان ربي يهون علي وماتطلع لي البواسير

يكفي هم الاختبارات بالشهر التاسع :(

[ام احلى بنوتين]

آمين الله يسهل عليك امنيه
و لا يعيد الشر ويسهل على الجميع ومن جد مالها داعي التفكير من الحين في الولاده واكتئاب من بدري لك حادثآ حديث

[احساس طفوله]

اهلين بنات انا اخذت ابرة الكزاز فبنتي بالشهر السابع فحملي هذا مأدري الدكتوره ماكلمتني عنها ؛؛؛؛ ع النفسيه حقة الحمل لابد منها بس اليوم الحمدلله احسن ؛؛؛؛؛؛

[جريحة المحبه]

اهلين بنات

الحين بروح ان شاءالله اخذ. ابره الكزاز ويارب تاخذلي اشاعه مااخذت الا اشاعه مره وحده بشهر ثمانيه

والله من الاهمال بهم

[جريحة المحبه]

انا وعشرينيه وعشقي وام بنوتين

لسا ماعرفنا جنس البيبي

اقول ياصبرنا ههههههههههه

[ام احلى بنوتين]

يالله ان شاءالله جريحة تعرفين اليوم جنس الجنين..

[عشقي الاطفال]

انا موعدي ١٩ الحج بدري عليك بدري :( شكلي اخر وحده حعرف
بكلم دكتوري عن ابرة الكزاز
بنات مره خايفه من التشوهات متى تبان ..؟ من كتر ما اقرا مواضيع فالنت وسوست ..:(

تاني شي ماحس بحركة انا دحين ليا تقريبا اسبوعين فالخامس ..؟ طبيعي
احس اني بكريه نسيت كل شي فبنوتي مع انها لسه صغيره سنه و٣ شهور

كيف تكون الحركة فالخامس ؟ احيانا واما منسدحة على ضهري احس شي خفيف مره مره اشك هيا حركة او لا ،،؟

[ام احلى بنوتين]

لا تخافي ي عشقي منتي اخر وحده انا موعدي 25 الحج بعدك
وحركةالجنين احسها زي النبض وانا الحين اول اسبوع في الخامس

وينك يغار الحلى اختفيتي خخخخخ

[احساس طفوله]

مرحبا بنات اخيرآ دخلت الشهر السادس الله يعدي الشهور الباقيه ع خير احس خلاص مليييييت؛؛؛
عشقي بالشهر الخامس تبان التشوهات بس انتي لاتوسوسين استودعيه الله ؛؛؛ والحركه تختلف من حمل لحمل انا بحملي فبنتي والحمل هذا تحرك من نص الرابع بس انتي شكله توه بادي يتحرك لاتخافين ع نهاية الخامس تحسين بحركاته واضحه

[عشرينية]

انا بكرا موعدي الصبح ان شاء الله
عشقي انا زي تفكيرك
خايفة من التشوهات وخايفة لايكون في البيبي شي
ومن كثر ما افكر كذا حتى جنس البيبي مو هامني مره
اهم شي بصحته وتام الخلقة
الله يطمننا

[عشقي الاطفال]

يارب طمنا

انا كمان مايهمني الجنس

اهم شي الصحة التااامه يارب

[امنيه 28]

بنات لاتفكرون بشي زي كذا
ان شاء الله ربي يطمن قلوبكم بصحتهم وعافيتهم
تفااااااائلو بالخير تجدوه وادعو وتوكلو على ربي سبحانه

بكره تبشرونا بسلامتهم ياحبيباتي
بإذن الله

وبالنسبه للحركه انا ماتحرك البيبي الا بنص الخامس والحمد لله اهم شي يكون بصحه وعافيه

احساس
حلو اجل دخلنا السادس الله يتمم بخير ياااارب

*

[يغار الحلى]

مبروووك عليكم الشهر السادس امنيه واحساس

عقبال التاسع ياارب ..

ام احﻻ بنوتين بالهجررري ..

[ام احلى بنوتين]

يغار جبت بنتي الاخيره في شهر 5 هجري
واخر دوره شهر 7 هجري وش طلع معاك..

[يغار الحلى]

بنوووته ربي يحفظلك بناتك ..

كل شي بيد الله سبحااااانه ..

[يغار الحلى]

ربي يكتبلك السليم المعافى يارب سواء ولد او بنت

اهم شي الصححه ..

بششرينا اذا سويتي سوناار

[ام احلى بنوتين]

يارب الله يكتب لي الطفل السليم المعافى البار تام الخلقه والخليقه وجميع المسلمين

ان شاءالله بعلمكم اذا سويت سونار
نسيت اقولك ان في فرق 5 سنوات بين بنتي الاخيره وهذا الحمل

[ام احلى بنوتين]

جريحة الحبة طمنينا وش سويتي امس في الموعد،،

فوفو سلامات وينك مختفيه عسى ماشر ان شاءالله،،

[يغار الحلى]

ماشاءالله تبارك الله انتي صبرتي ع الموانع وﻻ من الله

انا العام جبت بنت و الحين حامل نفسي بعدين اجلس 3 سنوات

بس احسها كثييره اخاف عمري يروح و المراءه كل ماكبرت تتعب سبحاان الله ..

بإذن الله حسابي غلط و ربي يرزقك الولد الصالح البار .. انا علمتني فيها وحده و مدري هي صح

طريقتها و ﻻ خرابيط .. زوجي يقولي خرررابيط ههههههههه ..

[أسوووم]

ههههههههههه سبحان الله

بس ماتحسي يايغار أنا وانتي جبنا بناتنا العام وفي نفس الشهر بنتي جات يوم 4القعده وانتي بنتك متى جبتيها ؟

وكمان كشفنا نفس جنس النونو سبحان الله

بس الاشياء دي ممكن خرابيط زي ماقال زوجك ههههههه الرجال دايما كدا يحطمو الاختراعات ههههههه

أحس خلاص طقيت بولد طفشت ثقل وبيتي وبنتي وزوجي تعب والله

الحمدالله اللهم لك الحمد يااااارب الله يعظم اجرنا يارب

ربي يسهل علينا من كتير التفكير بنجن وربي

[ام احلى بنوتين]

انا جبت بناتي الثنتين ورى بعض وانا قي بداية العشرين وتعبت معاهم بعدين اخذت مانع 3 سنوات ويوم جيت بحمل صارت عندي مشاكل مره هرمون الحليب مرتفع ومره اكياس ع المبيض ومره البويضه صغيره جلست سنتين كل مره تطلع لي مشكله لين ربك اراد ومادريت الا وانا حامل سبحان الله اذا اراد
والحين كلنا مشتاقين للبيبي بنت او ولد الله يجيبه بالسلامه اللي من الله حياه الله بس تعرفين الانسان طماع ويحب التغيير والله كريم

[احساس طفوله]

صباااح الخير؛؛؛؛؛ يغار قولي لي كيف حسبتيها خلينا نشوف اذا ضبطت مع كل البنات يصير كسبتي الاختراع ؛؛؛؛؛؛؛ (احس ذبحني الفضول هههههههه

[احساس طفوله]

ام احلى بنوتين ربي يحفظهم لك ويرزقك بالولد الصالح الله يعلم قد ايش دعيت لك بصلاتي وسوى ولد او بنت كله خير من ربي ؛؛؛ يغار احس مسألة انك تجيبينهم ورى بعض مره وحده تعب عليكي الاطفاال يخلونك تكبرين بسرعه

[ام احلى بنوتين]

احساس الطفوله الله يجزاك خير ياقلبي ويسعدك دنيا واخره ويحفظ لك بنتك ويسهل عليك ولادتك ياااارب

[يغار الحلى]

آمييييين يارب ربي يستجيب دعوواتكم و ﻻ يحرمكم من تحقيق امانيكم ياارب

ايوه صح والله متعبين اﻷطفاال بقوووه بس قصدي يوم يكون عمر الطفل سنتين .. المفروض نحمل

لكن اذا اكثرررر هو الي قصدي العمر يمشي و حنا لسى ..

بس حلوووو يكون فرق بينهم تربي اﻷم صح عكس وراء بعض

بس اشوف اختي جابت 7 ماشاءالله وراء بعض هههههههه و عمليات

و تعب و ﻻ تحضر افراح و عزايمم . والحين ماشاءالله اكبرهم ثاني متوسط و اصغر واحد عمره 3 سنوات

و تقوول طفشانه خﻻص ماعاد عندي خلفيه مرره مشتاقه لنونو .

واوﻵدها يزيدوها اذا شافوا اطفالنا يتخاصمون عليهم يبغو يبسون بنتي

و يبغو يشلوها والله بالدوووور ههههههههههه غير مخاصمات

يﻵ اخذت قسمهااا و ربت و تعبت .. والحين نأخذ قسمنا الله يعين

[يغار الحلى]

الطريقه الشهر الي جاء فيه مولودك مثال شهر 4 و كان جنس المولود بنت

و حملتي لو بعد 3 سنوات او اكثرررر .. الشهر الي تكون الدوره اخر مره فيه مثال شهر 7

تحسبي 4 بنت . 5 ولد . 6 بنت . 7 ولد

تجيبي ولد ..

فهمتوها وﻻ ﻻ ههههههههه ياليت انكم فهمتوها

والحيين انا و اسوم اخر شهر للبنات الي جو فيه شهر القعده

طيب 12ولد . 1 بنت . 2 ولد . 3 بنت . 4 ولد

5 بنت . 6 كانت اخر دوره لناااا ولد .

[يغار الحلى]

كل وحده تحسسسب و تقول صح جنس مولودها وﻻ غلط

[ندووش]

صباح الخير يا حوامل

[ندووش]

يغار كيفك شوووو اخبارك
طريقتك حلوه
يا احسبي
و لدت في ولدي الاول 23 / 10 هجري
و حملت بعد سنه و سبعه شهور
و كانت اخر دورة 29 / 6
و حامل في بنتي
شوفي صح طريقتك او لا

[يغار الحلى]

هﻵ ندوووش مراحب

الحممدالله بخيبر .. ماعدا من التعب الله يعين

كيفك انتي ؟ و كيف ولدك

قررتي بأسم البنوووته و ﻻ بااقي ؟

انا لسى كل ماجبت اسم مايعجب زوجي و العكسسس

[ندووش]

الحمدلله بخير
يغار لا لسا
مره محتاره
ابغى اسم حلو و سهل بنفس الوقت
الله يعين
بالعكس مافي اسهل من اسماء الاولاد مره حلوه و سهله
غريبه زوجك ما قال راح يسميه على اسم ابوه
انا ولدى على اسم ابو زوجي

[يغار الحلى]

بس كل ماحسبلك ع نفس الطريقه يجيني انك حاامل ب ولد ..

[يغار الحلى]

ﻻ الحمممدالله مقتنع ان اسم ابوه مو بنفس اسماء اوﻻد هاذا الزمن

[يغار الحلى]

والله محييييره مرره نبغى اسم حلوووو

[جريحة المحبه]

اهلين ام احلى بنوتين

رحت لموعدي وعطتن ابره الكزاز مع يدي والحين يدي وارمه توجعن ماابي احد يلمسها

واخذت علي اشاعه وعطتني موعد ب1/1/1435. وقالتلي ان شاءالله ابتاكد من جنس البيبي بعد اراده الله

ياقادر ياقادر ياقادر بشرني وكل من يتمنى بالولد الصالح البار المعافى وبااذن الله اجي ابشركم يارب العالمين

[ام احلى بنوتين]

يغار يمكن طريقتك تعتمد على الشهر اللي حصل فيه الحمل
يعني اذا كانت الدوره اول الشهر بيكون الحمل في نفس الشهر
بس اذا الدوره في اخر الشهر بيكون الحمل في الشهر اللي بعده زي حمل ندوش
اتوقع كذا عشان تضبط الطريقه والله اعلم

[احساس طفوله]

اهااا يغار مدري انا يمكن ماتصلح معي الحركه لاني حملي صار متأخر انا جبت بنتي شهر12 واخر دوره شهر 5 البنات الي حملهم مضبوط يسوونها ونشوف؛؛؛جريحه الله يرزقك بالولد الصالح يااارب

[ندووش]

لا لا لا قالوا لي بنتوته الله يصلحها
بس تصدقين تضبط على ناس و ناس لا

يغار و ش رايك باسم خالد و يزن و عمار

انا لم حملت و قلت ان جاء ولد بسميه عمار
الصراحه عاجبني
ولدي اسمه عبد العزيز
ترى اسماء الاولاد اسهل كثييرررررر من البنات

[ندووش]

احساس انا ما ضبط معايا
قالت ولد والا في بطني بنت

[ام احلى بنوتين]

جريحه ماتشوفين شر
الحين صارموعدك بعد موعدي ب 5 ايام
الله يرزقنا يارب بالولد الصالح البار وكل من يتمنى

[احساس طفوله]

ندوش يمكن مثل ماقلت جريحه الشهر الي صار فيه الحمل اذا كان كذا يصير انا ضبطت معي جبت بنتي بشهر12 والحمل صار بشهر 6 او يمكن ماتضبط بس صدفه صارت

[عشرينية]

مسا الخير حبيباتي
توني راجعة من المستشفى
الحمدلله الجنين اموره زينة و وضعه تمام يارب لك الحمد
تخيلوا نزلت اصلح الاشعة في قسم الاشعة وصلحتها لي دكتورة هندية وجلست ربع ساعة تحوس في بطني مره وجعتني
قلت لها وش جنس الجنين قالت مو واضح
طلعت لدكتورتي وفتحت الكمبيوتر وشافت التقرير قالت لي امورك سليمة وعندك ولد
قلت لها هي تقول مو واضح
قالت عاد هذا اللي مكتوب
الحين وش اسوي في هالهندية شككتني في عمري
وتقول لي مو واضح بكل ثقة وكاتبة بالتقرير انه ولد
المهم انه النونو متعافي الحمدلله ياربي

[احساس طفوله]

ههههههه عشرينيه طيب ليش ماقالت لك بجد تحير احسها هي ماتبي تقول مستحيل يكون مو واضح انتي خلاص بداية الخامس بس اهم شي ان البيبي تمام والجنس تأكدين منه الشهر الجاي ان شالله

[ندووش]

ترى صح في دكتورات ما يعلمون جنس البيبي
بالذات اذا بنت يخافون من الشعب السعودي ههههههههههه تعرف انه يحب الولد
اذكر لكم موقف امى اخر حمل لها كان ولد و قفت عشر سنين تأكل
موانع و قالت خلاص برتاح شهر و ارجع اكلها و سبحان الله حملت على طول
و كانت تراجع في حكومي و لم كان امى تسالهم بنت او ولد يقولون مو واضح
على الشهر السابع راحت خاص و سالتها في البدايه
كم بنت عندك ؟ امى قالت 2 قالت كويس هذه بنت ثالثه
اغلب المستشفيات اذا شافوا بنت ما يخبرون
يخافون من المشاكل

[يغار الحلى]

مبروووك عشرينيه و عقبال ام احﻻ بنوتين و جرريحه يااارب

صح كﻵمك ام احﻻ بنوتيين بالنسبه لندووش يمكن الشهر الي بعده ﻻن دورتها اخرر الشهرر

..

زميلتي اقرب الناس لي ملقبه نفسها من اول ماتزوجت ام عمار

و الحين لها خمس سنوات مالله رزقها بالحمممل وﻻ زوجي مره عاجب

احسها صعبه اجيب ولد و سميه اسم عماار و كثيير انا وهي نجي عند بعض

تزورني وازورها بستمرار مستصعبه اﻷسم مرره ..

و بالنسبه لخالد مرة اخووي

زوجي يقولي اختاري محمد و عبدالله و أحمد و عبدالرحمن

وتعرفي الحرريم نفسي ب كنان بس مو راضي

[ندووش]

بنااااااات انا قرات معلومه
ان الزوجه الا تستخدم عزل مع زوجها
و بعد فتره تركت العزل او صار حمل
يقولون تحمل في بنت
و فعلا قرات ردود بنات كل الا بالعزل حملوا في بنات
و انا منهم

[ندووش]

عشرينيه مبروووووك يا قلبي
افرحي و اذا يمديك تروحي مستوصف
خاص روحي سوى
سبحان الله الولد يكون واضح اكثر من البنت

[ام احلى بنوتين]

الف مبروووك عشرينيه الله يتمم لك ع خيييير

[ام احلى بنوتين]

يغار الحلى حتى انا مدري في اي شهر صار الحمل في اخر شهر 7 او بداية 8

وبنسبه للعزل يندوش سبحان الله حتى انا كنت استخدمه بعد بنتي الاولى و وقفته وحملت بالثانيه

[جريحة المحبه]

عشرينيه

مبررروك والله يعطيك ماتمنين

[جريحة المحبه]

احساس ام بنوتين


مشكورات حبيباتي

يغار

شرايك باسم باسل او مؤيد

[& ام روان &]

ياحلوات انا لي اسبوع ونص او اسبوعين احس حايمه كبدي
وامس كنت برا شميت ريحة حمسه او شي مدري وش..
مدري كيف كني بالشهور الاولى الله يعين
انتوا كذا ولا وش الوضع

[احساس طفوله]

ام روان ايوه عادي انا للحين بطني تقلب واستفرغ الحمل متتتتعب الله يأجرنا

[قوووت القلوب]

الف مبرووك عشرينيه الله يتمم لج ع خير ياقلبي

[جريحة المحبه]

ام روان

عادي الغثيان انا مازال معي ويوم عن يوم استفرغ غثيان الصباح


الله يعظم اجرنا ويقومنا بالسلامه

[يغار الحلى]

هﻵ جريحه يسلمووووو حتى زوجي عاجبه باسل حلو المد باﻷسمااء

و بالنسبه للعزل انا كنت ع العزل و حملت الحين الحمدالله بولد ..

[عشرينية]

حبيباتي الله يبارك باعماركم ويتمم علينا حملنا ونشوف عيالنا قدام عيوننا
والله ماهمني بنت او ولد كلهم حلوين وانا اصلن ماعندي واحد منهم عشان احن للنوع الثاني
بس حيروني صرت شاكة
بعد اسبوعين بروح اصلح سونار واشوف وش يقولولي
يغار حلو اسم باسل
وترى عادي لو سميتي عمار انا لو من صاحبتك افرح خصوصا انه الاسماء مو ملك احد
بالعكس لما عاجبني اسم بقترحه على صديقتي حتى لو انا وهي نسمي نفس الاسم
ام روان عادي لوعة الكبد تجي من فترة لفترة
اجسامنا هالفترة مو مستقرة من ناحية الهرمونات
شي طالع وشي نازل

[أسوووم]

مبروك عشرينيه وعقبال جريحه يارب

وعقبال مانقوم بالسلامه يارب

[أسوووم]

أنا ان شاء الله

اسم النونو عبدالله على اسم أبو زوجي من زمان قلي كدا

وبنتي اسمها ريم

[جريحة المحبه]

مشكوووووووره حبيبتي اسوم

[ام احلى بنوتين]

صباح الورد لاحلى كروشااات

[جريحة المحبه]

صباح النور والسرور

ياهلا والله

[جريحة المحبه]

عجزززت انام من ايدي وارمه وتوجعن قووه

ياعمري يالاطفال دايم نطعمهم ولايقولون شي

[احساس طفوله]

اهلين ياصباخ الورد؛؛؛؛ جريحه ابرة الكزاز اخذتها يوم كنت حامل فبنتي جلست حوالي خمس ايام وهي وارمه وتوجعني احسها قووويه

[جريحة المحبه]

يووووه خمس ايام يعني مطوله سراحه. قويه هالابره

[يغار الحلى]

هﻵ فيييكم صباح النوور

كيفكممم ؟

صعبه اسمي اسم زميلتي ﻻن نفسها باﻷسم ومالله رزقها اطفاال لو عندها عادي ماعلي فيهاا

امي تقولي مايصلح تسمي اسم الناس نفسها فيه مايعطو طفلك خيير كل ماشافوه تمنوه لهم الطفل

و ربكك كرييم ..

[احساس طفوله]

يغار صح كلامك لو انا مكانك مستحيل اسمي باسل ويزن وسام كلها احلى من اسم عمار واسماء العيال كثيبببره وماتحير مثل اسماء البنات هذا انا مره محتاره بأسم بنتي كل يوم يطري علي اسم

[قوووت القلوب]

جريحه جتي انا اول ما اصحى من النوم
تكون ايدي وارمه

[يغار الحلى]

الحمممدالله مااخذت اﻷبره

يمكن لو بخاص افضل من الحكوومي متورم

هﻵ احساس والله تحييير مره خاصة ان ماشاءالله كل اﻷسماء هاذي عندنا

باسل و مؤيد و يزن ولد اختي و وسام ولد بنت خالي ..

ماشاءالله جماعتنا سسسموا كل اﻷسامي مابقوا شي

معاذ و زياد و اياد و يامن و اوس و الياس امس وحده جابت ولد سمته تميم

تهي تهي ههههههههههه كل اﻷسماااء مسمااه

[يغار الحلى]

لو بسمي ﻻزم مكرر ماعدا كنان و رواد محد سماها و فكر فيها ..

[يغار الحلى]

بااااركولي دخلت باﻷسبوع اﻷخييير من الخااامس

احسااس سمي ألين او جيبي اسم بعييد عن اسم بنتك مثال حور مره حلوو

[يغار الحلى]

◆◆◆◆تجهيــز مواليد درجة أولى مع مدسات بيبي زون -جديدنا بالصور◆◆◆◆ (http://www.q8yat.com/t1070745.html)

شوفوا هاذا الرابط و ادعووولي

الي يعجبها و تشتري تدعيلي ربي ييسرلي وﻻدتي ..

[يغار الحلى]

◆◆◆◆تجهيــز مواليد درجة أولى مع مدسات بيبي زون -جديدنا بالصور◆◆◆◆ (http://www.q8yat.com/t1070745.html)

شوفوا هاذا الرابط و ادعووولي

الي يعجبها و تشتري تدعيلي ربي ييسرلي وﻻدتي ..

[امنيه 28]

صباحكم ورد

عشرينيه
مبروك البيبي الحمد لله تطمنتي عليه يتربى بعزكم يارب وعقبال ماتقر عينك بشوفته
جريحه
شكلي هونت ماراح اخذها طالما انها كذا تعذب
يغار
احس اسماء الاولاد اسهل من البنات
انا مافكرت للحين بالاسم
ابي اسم واضح معناه
ومبروك عليك الاسبوع الاخير من الخامس
كان شهر ثقيل وممل
ع الاقل الشهر السادس فيه اجازه وباذن الله يمر واحنا مبسوطين فيها



بنات
ابي مفسر احلام يرد ع المكالمات او بالواتس عادي

[امنيه 28]

وتعالو بقولكم ع طاري الاختبارات اللي تقولك بنت او ولد
خلونا نجرب اختبار سلسلة الذهب
كل وحده تجيب سلسال ذهب فقط السلسله وتحطها ع راحة يدها اليسار وترفعها بهدوء
بالبداية راح تكون ثابته نوعا ما
وبعدها اللي تدور بنت واللي تروح بشكل افقي ولد
يله علمونا تضبط والا لا

انا ماضبطت معي حقت الاشهر ولامع خواتي
يله خلونا نتسلى خخخخخ

[جريحة المحبه]

امنيه

انا ببنتي سوت لي اختبار السلسله مرت اخوي وكل مره يطلع لي ياولد يابنت

احسها ماتضبط

[ام احلى بنوتين]

امنيه مره سويت هذا الاختبار لزوجة خالي كانت السلسله دايم تتأرجح يعني ولد وهي كان احساسها انها حامل بولد وفي السونار قالو لها بنت وفي الاخير جابت بنت طلع هذا الاختبار مو صحيح ماضبط

[& ام روان &]

الي صار بينها وبين زوجها اتصال بيوم التبويض يعني ولد
والي قبل التبويض بنت
باذن الله
تذكروا انتوا متى صار !!!






وشسمه بنات عادي اذا استخدمت كريم اليكا ام ع يدي
طالعة لي حساسيه وكل مالها تكبررر صار مكانها كنها محترررق
وتحكني اذا خلصت غسيل مع اني البس قفازات بس برضو تحكني حنى لو توضيت للصلاه
وش اسوي اذا لا مو عادي ؟؟؟؟

[أسوووم]

كيفكم

امنيه قولي حلمك يمكن افسرلك هوا هههههههههه

يغار دخلت الموضوع اشيائو حلوه بس مني عارفه الاسعار شوفي أنتي ازا بدك تاخدي منهم شي اسألي

اشيائهم فخمه عجبتني

[fo0fo0]

بنات مسآئكم سعااااااده. ،،،
بنات كيفكم مع الحمل
أنا اعاااااااااني من الجفااااااف والعطش
يدي وشفايفي وإقدامي علئ طورول تجف. ،،
احد مثلي ولا كيف؟؟
ومابي أروح اكشف عن جنس البيبي وتقول مؤ واضح!!

[امنيه 28]

اسوم
شكلك صرتي مفسره احلام مثلي من كثر مااقرأ بالتفسير هههههههه


فوفو
انا كذا جفاف فضيع بس طبيعي من الجو لاننا بفصل الخريف

انا اجل اعاني من قل النوم والارهاق :(
بالليل ماانام زين من ظهري وبطني
والنهار من بعد الفجر يبدأ شغل العمال جنبي ارض لسى توهم يبدأون بعمارها
وانواع الازعاج
*

[ندووش]

يسعد مساكم بكل خير

ام روان الافضل انك تروحين مستشفى احسن و بالذات دكتورتك

علشان انتى حامل و لا تستخدمي اى شي الا باستشارة الدكتورة

[& ام روان &]

يعطيك العافيه ندوش



امنيه الله يعينك ع الازعاج

[يغار الحلى]

كيفكم كروشاات اخبااركم ؟

صادقه ندووش ﻻ تستخدمي شي بدوون وصفة دكتور

ابرسلهم رسساله ان شاءالله يا أسووم بشتري 2 مدسات بإذن الله احسها مميزه

[أسوووم]

ان شاء الله اهم شي شوفي الاسعار

امنيه ترى أنا مفسره احم احم هههههههه قولي؟

[أسوووم]

فوفو

أنا زيك جسمي صاير خششششن مره كل يوم شغاله ترطيب ويرجع اخس من أول بس سألت امي قالتلي من الحمل معنو في بنتي كان جسمي ناااااعم وصااااااااافي ومووورد كنت محلوووه مرررره

دحين ماتغيرت بس جسمي صار حراشيف هههههههههه

[يغار الحلى]

والله زيي فبنتي حلوويت .. الحيين يقولولي مرره سمررتي و يديني خشنت

و كلف بالرقبه اش حطلها مافيه شي يفتحها اﻻ فيه كرتزون ..

[عشرينية]

الحمدلله انا بيضت بحملي
لكن الترطيب لابد منه
الرياض جفاف واضيع انا بدون زبدة الكاكاو

[جريحة المحبه]

انا بحملي ببنتي نحفت قوه وبطني صغير واسمرت رقبتي وجفت بشرتي

برضوا هذا حملي ناحفه وبطني صغير واسمرت رقبتي

[أسوووم]

لا أنا ماسمرررت في بنتي الا في صدري صارت الحلمات لونها كحلي من كتر السواد واتنفخت وصار جسمي شيييييييي حتى زوجي لصق فيااااااا ههههههه

ودحين ماتغيرت ولاشي بس صرت مدمنه بيبسي الله يستر بس

نفسيتي زفففففت في دا الحمل في بنتي ماشاء الله نشيطه دحين دايما تفكير وخوف ومنعزله وطفشانه مره والجو مايساعد بصراحه حجاج مليانيييين ماشاء الله الواحد يخاف يخرج من الامراض عشان أنا في المدينه ساكنه

الحمدالله يارب سهل علينا

[امنيه 28]

اسوم
جد تتكلمي تعرفي تفسري الرؤى ؟؟
والله تعبت وانا ادور نفسر بس ماحد يرد


انا بحملي هذا العكس ماشاء الله صرت بيضاء واحلويت اما جسمي ماتغير بس شايله هم الزياده بالنفاس الله يتمم بخير
وشعري تساقط ويوم بنتي صار لي شي غريب لما ولدت كبر خشمي اسبوع كأني لسى بمرحلة البلوغ لدرجة كل اللي حولي لاحظو ههههههههههههه يارب مايتغير هالمره

اما شعر البطن اتوقع الكل يعاني منه
والنفسيه يالله رحمتك بس
مررررررره زفت والله ارحم يارا كل يوم لازم اصارخ عليها واعاقبها
وبالليل اندم لما تنام اروح ابوسها :(

[جريحة المحبه]

صباحكم امنيات تتحقق بحسن الظن بربها

[جريحة المحبه]

امنيه

انا مثلك نفسيتي زفت واحط الحره ببنتي ماغيرتحووووس وانا مطاردات وراها

وربي خايفه ع عمليتي مع الحمل لما اشيلها او كذا وكبرت بسم الله عليها عمرها سنتين واربع شهور

[جريحة المحبه]

اسوووم

تعالوا غيروا جو بالقصيم الجووو ولااحلى وفرصه دامه وقت حج وزحمه هجوا عن المدينه

[جريحة المحبه]

احساس

وينك غلاتي عسا المانع خير

[أسوووم]

ابشري ياجررريحه دحين عندك

هههههههههههههه

أصلا مين فاضي يودينا كلللهم اخواني وزوجي يشتغلو في الحج ماشاء الله محد فاضي الناس فوق بعض تبارك الله

طفش مره

امنيه

ياقلبي امزح معاكي مااعرف أفسر كتير بس عندي خلفيات دايما افسر احلامي وأحلام اخواني ماشاء الله تطلع صح

والعلم عند الله

[يغار الحلى]

و الله زيي ياجريحه اطارد فبنتي و اشيلهااا و خايفه ع العمليييه

ربي ييسرها لنا و لكل مسسلمه ياارب ..

[ام احلى بنوتين]

صباحكم سعاده وسرور
اخباركم

[ندووش]

صباح النور للجميع و
كيفكم يا حوامل

بنات انا الا اعرفه السمار في الرقبه
و الصدر لم تكون حامل في بنت
و مره انا خايفه اسمر
صرت كل شوى اطالع في صدري و رقبتي

[ندووش]

جريحه مشاءالله فرق شهرين بين ولدي و بنتك

ولدى عمره سنتين و شهر بالضبط

اما بالنسبه للعمليه انا دكتورتي قالت سته شهور بعد العمليه
ما تشيلي شي ثقيل
و الحين لم اراجع عند دكتورتي تقول مستحيل
نعطيك طلق صناعي لانه يفك جرح الخياطه
الا اذا جاء طلق من الله

[ندووش]

صاحيه من بدري اسولف

شكله محد صاحي

امس جوا عندي اهل زوجي صاحيه من بدرى
قلت يمكن احصل احد صاحي و اسوى فطور و لقيت الكل نايم
و الحين اكتب و اشرب حليب لحالي فقط

[احساس طفوله]

مرحبا كروشات ام احلى بنوتين صبااااحك احلى اخنا تمام انتي كيفك ؛؛؛
جريحه ياقلبي انتي يااارب ماتفقدين غالي الايام الي راحت موجوده بس كنت احيان ادخل اتابع بصمت نفسيتي الايام هذي زفت مافيه احد ماتخاصمت معها بس باقي انتم ههههههههه مدري متى تزين النفسيه كل يوم لي مزاج حتى زوجي يقول طفشت منك ومن دلعكي انا ولله مو دلع غصب عني كل شي يزعلني ويعصبني

[احساس طفوله]

ندوش ماشاءلله مروقه ان شالله دوم صحوة الصباح لها جوها بس الناس الحين صايره نادر ماتلقين احد صاحي الصباح

[احساس طفوله]

يغار انا سبحان الله كانك تقرين افكاري انا اقول لزوجي ابغى اسمي الين او حور او همس بس زوجي معند يبغى جنى او سديم وانا مأحب الاسماء هذي احسها قديمه وموجوده عندنا بالعايله وهو الي سما ليان مع انه موجود كمان احس خلاص مابغى اسمي اسامي مكرره

[يغار الحلى]

كلهااا روعه الين و حور و همس

صح قديمه جنى و سديمم الرجال مايعرفوا بس اش نسووي غصبن عنا نسسكت ..

خﻻص دامه سمى ليان قوليله الحين دوري ^_^

[ام احلى بنوتين]

احساس ماشاءالله اسم الين روووعه ويناسب مع ليان مرره احب اسماء الخوات تكون قريبه من بعض
الله يهدي لك زوجك ويخليك تسمين على كيفك

[ندووش]

انا محتاره
ابغاكم تساعدوني
بحط لكم كم اسم و شوفوا الاحلى
و كل وحده تختار اسم واحد فقط

[ندووش]

دانه
وتين
لانا
رند
لتين
لينا

هاه يا بنات وش رأيكم
كل وحده تختار

حابه اقولكم اخواتي اختاروا وتين و رند

[& ام روان &]

وتين حلو الاسم

[ام احلى بنوتين]

اسم رند حلوو

[جريحة المحبه]

دانه يجننن

[احساس طفوله]

ندوش اسم وتين ودانه روووووعه رند حلو بس حرف الرا ثقيل

[يغار الحلى]

دانه آحﻵ شي ..

[امنيه 28]

دانه حلو

بنات
معي شد يمين السره من فوقها الى تحتها تقريبا
مدري فهمتو بالوصف
المهم احس كأنه عرق مشدود مررررره
من صاير لها مثلي مرررره اتعبني ومالي خلق مستشفيات بهالليل
:(

[& ام روان &]

امنيه اكيد هذا البيبي
انا يصير معي كذا بس ع تحت لاحركت يدي بنفس المكان يختفي الشد

[امنيه 28]

ام روان
يسلمو حبيبتي
حاولت احرك يدي فوقه ماتغير شي
كنت اتوقع البيبي ضاغط عليه بس شكله البطن بيكبر
الله يكتب لنا الاجر :(*

[& ام روان &]

امييييييييين

[أسوووم]

اللهم صلي وسلم على سيدنا محمد عليه أفضل الصلاة والسلام

[قوووت القلوب]

عليه افضل الصلاة والسلام

[جريحة المحبه]

اللهم صلي ع محمد

شخباركم كروشات باقي ان شاءالله اربع شهور وشوي ونولد بالسلامه ان شاءالله

[جريحة المحبه]

خامله ومكسله مالي خلق انظف الشقه

يارب تعين بس

[جريحة المحبه]

ياسااااتر وينكن اليوم

[يغار الحلى]

ذبحنا النووووووم الله يعيين

سهرتني بنتي ماخلتني آنام بالليل و الصباح و الظهرر

ماناامت اﻵ بعد العصرر و توني بالقوه صحصحت ..

[جريحة المحبه]

يووه الله يعينك ياشين نوم العصر يضيق الصدر

[يغار الحلى]

hwaml78

بقووه

[جريحة المحبه]

امنيه

بسالك يوم كشفتي عن جنس البيبي كان سونار عادي ولا اشعه رباعيه??

[امنيه 28]

هلا جريحه
لا كان عادي مو رباعيه
والدكتوره حقت الاشعه هي اللي قالت لي وشو والا انا بالواقع ماشفت شي

انا من البارح حالتي حاله مع يارا
رجعت لها ازمة الربو مع تقلبات الجو الله يستر بس
وطلعت لحديقه مجامله مع مرت اخوي المغرب وعشان خاطر ماما
وزااااادت الازمه
احس تعبت مررره :(

دعواتكم بنات لها ان الله يشفيها من الربو :( *

[جريحة المحبه]

اها اذكرك تقولين بااخذ اشاعه رباعيه عشان كذا سالتك

ياعمري الله يشفيها ويخليها لك

[يغار الحلى]

قدامها العاافيه يارب ماتشوف شرر

ربي يخليها لك ..

[عشرينية]

امنية كل اهل الربو الحين تعبانين هالايام والسبب انه هالوقت من السنة يصير تلقيح بالجو
وهم ياعمري عليهم يتحسسون
زوج اختي مره تعبان وصدره قايم عليه لان عنده ربو
الله يشفيهم ولا يبتلينا

تخيلوا بنات بطني جهة اليمين قاسي واحس فيه بحركة النونو واليسار لين وفاضي
وكل تعبي من جهة اليمين سبحان الله ما احسه موزع بالبطن كامل
وبطني طالع فيه شعر مو طبيعي وصاير طويل ومرسوم
انا ماكان عندي شعر في بطني بس الحين مع الحمل طلع لي

[قوووت القلوب]

عشرينه حتي انا بس انا بصدري
واول ما كان فيني ابد بس مو وايد بصدري شوي واستغربت

[امنيه 28]

عشرينيه
الحمد لله هي كل سنه كذا وقت الخريف بس لاني حامل وثقيله تعبت نفسيا معها
اما شعر البطن انا كذا بطني غابه بس ترا يروح بعد الولاده باذن الله

جريحه
كنت باخذها وهونت

جريحه & يغار & عشرينيه
يسلمو الله يخلي لكم احبابكم


جايتني ضيقه استغفر الله

[ام احلى بنوتين]

امنيه سلامتها بنتك ماتشوف شر الله يشفيها يارب

[ام احلى بنوتين]

غريبه بنات وش ذا الشعر اللي تكلمون عنه اول مره اسمع فيه ماعمره طلع لي في كل حملي في بناتي شكل الحمل يختلف من جسم لجسم

[& ام روان &]

ههههههههههههههههههههه وانا اقول وشفي شعر بطني كاثر
مع ان شعري كثير بس مو مثل الي طلع حاليا
بس اشيله انا ماخليه اصلا يحوم الكبد

[*mimi*]

مرحبا حبايبي hwaml95

بنات الشرقية اللي في التجمع ياليت تفيدوني بأي مستشفى قررتوا تولدون ؟؟

لاني ناوية انقل ملفي ومحتارة حيييل ... hwaml15

جلست اقرا كثير عن المستشفيات واحترت اكثر وصليت استخارة اكثر من مرة

فكرت في ( بروكير ) او ( المانع الخبر )

لا تبخلون علي بالنصايح ... استنى ردوودكم hwaml94

[& ام روان &]

انا ان شاءالله في المانع الجبيل

[ام احلى بنوتين]

في مجمع الملك فهد الطبي العسكري في الظهران

[ندووش]

يسعد مسائكم بكل خير يا حوامل

اشكر كل وحده ساعدتني باختيار الاسم

امنيه الف سلامه على بنتك

[ندووش]

بنااااااااااااااات

مين راح تصوم بكره عشره ذى الحجه

انا ان شاءالله راح اصوم
الله يكتب لنا الاجر

[يغار الحلى]

لﻵسف والله ماآقدر بنتي تتعبني مرره

ان شاءالله ناويه يوم عرفة ..

[& ام روان &]

وانا ان ششاء الله اصوم يوم عرفه

[قوووت القلوب]

وانا بعد انشالله اصوم يوم عرفه

[احساس طفوله]

مرحبا كروشات لكم وحشه وربي ؛؛؛؛؛
امنيه ياقلبي الله يشفي بنتك ويخليها لك لاتضيقين خلقك ان شالله بكره راح تكون احسن ؛؛؛؛؛؛؛؛ ندوش انا ان شاءلله اذا وافق زوجي بصوم معك ؛؛؛ انا بطني طالع فيها شوي شعر بس الحمدلله مو كثير
ليونه حبيبتي صارت تمشي الحمدلله بس ماتوقعت انها اذا مشت بيكون تعب كذا اتوقع اذا وصلت التاسع مايحتاج امشي معطيتني ليان تدريب من بدري من كثر ركضي وراها الله يخليها لي يارب

[& ام روان &]

ماعندكم قروب بالكيك ماسنجر او الواتس

[احساس طفوله]

ام روان لا ياقلبي احنا ماعندنا تجمع غير هنا

[جريحة المحبه]

صباااااح الوررررد

اخباركم ان شاءالله طيبين

[جريحة المحبه]

احساس

مبروووك بنوتتك اجل بدت تمشي وبنفس الوقت الله يعينك ع المطاردات انا من زمان ناحفه من مطاردات بنتي الله يصلحها يارب اهم شي لاتغفلين عنها ولا دقيقه الله يستر عليها حار او شي خطر ويخليها لك يارب

[جريحة المحبه]

انا بصوم عرفه ان شاءالله ماقدر ع العشر لااني راعيه دوووخه لو مااكل شي

وخاصه اني علي قضاء يوم واحد من رمضان عشان كذا بصومه واصوم عرفه اذا الله اراد

والله يتقبل يارب

[ام احلى بنوتين]

صبآإح أول فجراً من ذي الحجه صبآإح يستقبل افضل عشر ليال جعلنا الله واياكم من العابدين القائمين بها والفائزين ببركات فضلها واجرها

[أسوووم]

أنا ان شاء الله بصوم يوم عرفه مااقدر ادوخ على طول

يابنات بسألكم النونو عندي لسا مااتحرك بس لمن انام على بطني أحس بشي بسيط خايفه والله

شو رئيكم ؟

[احساس طفوله]

ياصباح الورد؛؛؛؛، جريحه ايه الحمدلله صارت تمشي ولله انا وياها سباق ع كل شي تحوس واذا شافتني جيتها تهرب وتضحك عارفه ان الي تسويه غلط *_* الله يهديها ويخليها لي يارب
اسوم حبيبتي عادي اغلب البنات ماتحرك عندهم غير نهاية الخامس شكل ولدك كسوووول بس عشان تطمنين روحي سوي سونار لكن اذا حسيتيه يتحرك لو ع خفيف ماله داعي تروحين

[يغار الحلى]

ماشاءالله مشية العاافيه ياارب و الله نفس سلوب بنتي اذا شافتني جيتها تششرد هههههههه

يعرفوا انه غلط .. الحمدالله متعبين الله يحفظهم

اليوم طعمت بتتي الحمدالله ابرة السنه و رميت الرضاعه باﻷرض و نكسسرت

بس الحمدالله كنت ملبسه الرضااعه لبسس و تكسرت وسط اللبس

و ﻻ كان تفشلت مع الدكتووره الله يصلحهاا .. تبكي بآعﻻ ماعندها

كل الناس عرفت انها بتطعم ههههههههه ..

[أسوووم]

هههههههههههه كويس طعمتيها

أنا لسا ماطعمتها تطعيمة السنه كل يوم أقول بكرا والحمدالله مشي حالك
في أيت مستوصف تطعيميها ؟

يغار في محل اسمو فاين لوك قدام البدر عندو تخفيضات ملابس ب5و19 اشياء حلوه عجبني أمس اشتريت من عندو

[أسوووم]

اقققصصصد ملابس ب5 و10

[احساس طفوله]

يغار زين انك طعمتيها ارتحتي ، كم ابره عطوها وكانت خفيفه او لا انا تطعيمة بنتي يوم عرفه وماني حابه اطعمها ليلة العيد بأجلها بعده بأسبوع خايفه تسخن او تورم منها

[ندووش]

يسعد مسائكم بكل خير

[ندووش]

احساس بشرى ان شاءالله صمتي
انا الحمدلله صمت ما حسيت بالجوع بس احس ظهري يوجعني من الوقوف بالمطبخ
الله يكتب لنا الاجر يارب
احساس لا انتبهي تتطعمي بنتك ليله العيد راح تخربي فرحتها
اكيد راح تسخن و تبكي و حرام خليها تفرح مع الاطفال
بس شوفي ترى يمديك توديها هذا الاسبوع و خليها تأخذ التطعميات
ماراح تقولك شي الدكتورة و انتى كمان اساليها
انا مره قدمت تطعميات ولدي و قالت عادي

[احساس طفوله]

هلا ندوش ايه حبيبتي الحمدلله صمت بس ماخلصت فطور جوني ضيوف مررره تعبت وربي احس ابغى ابكي من وجع ضهري مع ان العشاء كان من برا بس التقديم وتجهيز القهوه والشاي مره تعبت الله يعين يارب خفف الالم عني؛؛؛؛؛؛؛؛؛ بنات انتم ثقيلين مثلي ؟انا اتعذب وقت السجود بالصلاه كأني بالشهر التاسع

[عشرينية]

انا من يوم دخلت الخامس وبدا النونو يتحرك وانا ثقيلة
حتى نومتي معد صارت مريحة
هذا وانا مالي بطن مدري وش بسوي اذا كبر بطني في الشهور الاخيرة
الله يكتب لنا الاجر

[يغار الحلى]

هﻵ آسووم اعرف فاين فير .. بس فاين لوك معرفه عاد ماتصدقي من قبل البارح وانا اقول لزوجي

ودني البدر بشتري ثيااب حمل احس خﻵص بطني ضاقت علي المﻵبسس

اطعمها بمستوصف القبلتين جمب بيت آهلي ..

هﻵ آحسساس الله يعينك تحزن مرره و الله اني ابكي معاها

انا كمدتها لها اول ماجيت بماء دافئ و يوم صحينا العصرر بماء باارد

بس صخنت مدري ليش الحمدالله و استمريت ع آدول 3 مرات كل بعد 4 ساعات

و الحممممدالله الحين تحسنت .

سهله ان شاءالله 3 ابر . 2 بالرجل و 1 باليد و نقطه بالفم

[يغار الحلى]

ان شاءالله اشوووفه المححل و اشتري منه ..

[& ام روان &]

الله يعينكم ويعين الصغار ع التطعيمات ياعمري عليهم



بنات مين تستخدم كالسيوم وحديد مضغ عطوني امس ومدري عادي لو بلعته بدون مضغ ؟!!!

[ام احلى بنوتين]

يسعد صباحكم بكل خييير

[أسوووم]

يوووووو 3ابر الله يستر

الحمدالله

اليوم بروح أنا واختي الدكتوره بستناها تجي الست عشان نلحق قبل الزحمه

[يغار الحلى]

هﻵ آم احﻵ بنوتين و صبااحك يا قممر

اسوووم تأخرتوا يووووه تعبت من المستوصفات و الموعيد من العام و انا ع نفس الشي

مع انو اختي تقولي اسهل علييك ﻻنك توك جايبه بنتك تعرفي كل شي

عكسس لو مطوله من 3 او 4 سنوات ..

[أسوووم]

خلاص الحمدالله رحنا وجينا واتطمنا ع البيبي تمام التمام الحمدالله

وقالتلنا انو البيبيهات حقوننا قد بعض الله يستر يعني بننفس مع بعض والله يعين أمي حوووسه مررره

وكمان نفس الاجنه سبحان الله

اللهم لك الحمد

[ام احلى بنوتين]

مساء الخير
اخباركم
اليوم اوجعني ضرس العقل يبنات بغيت اموت منه والله اني صرت اصرخ وابكي من الالم اخذت فيفادول مانفع مع اني كنت اخذ قبل ويخف مابقيت شي الاسويته ولا في فايده تمضمضت بمويه دافيه وملح غسلته بمعحون ولا في فايده ماصدقت اجى العصر واروح مستوصف خاص وقالو لازم خلع وخلعته وافتكيت منه والله يستر مايوجعتي بعد مايروح مفعول التخدير والمسكن اول مره اخلع ضرس
قصيت لكم قصت حياتي بس من جد كانت معاناة الله لا يعيدها..

[جريحة المحبه]

ام بنوتين

ياعمري عليك عاد ياشينه ضرس العقل اذا اوجع ماينفع معاه الا القلع

اهم شي لاتاكلين مضاد اذا اوجعك خطر ع البيبي

ماتشوفين شر والله يقومك بالسلامه

[ام احلى بنوتين]

الله يسلمك ياجريحه ياقلبي الشر ما يجيك
ما عطوني الا بندول بس الله يعين

[& ام روان &]

دامك قلعتيه ان شاء الله مايوجعك

[يغار الحلى]

يسسعد صبآحكمم .. كيفكم


اهم شي ان شاءالله علمتيهم انك حامل عشان يحطولك بنج الحمل مو العاادي

اسووم الله يعين امك ههههههه و ربي يقومكم بالسﻵمه

عندنا وحده من جاراتنا ماشاءالله تبارك الله 4 بنات كلهم حوامل

و 2 نفسوا مع بعض و بعدهم بشهرين 2

و زارونا و ماشاءالله كل وحده ماسكه طفلها يجننوا بسم الله عليهمم ..

[جريحة المحبه]

صباحكم ورد. >>تذكرت البرنامج اللي يجي باام بي سي خخخخخ

[احساس طفوله]

اهلين صباح النور ؛؛؛ اخباركم بنات ان شالله كويسبن ؛؛؛؛؛؛
انا لي يومين داخلني برد استفراغ وطول وقتي بالحمام الله يكرمكم احس شفت الموت بعيوني من التعب رحت امس الطورى عطوني ابره للمغص ومغذي بس ماجاب معي نتيجه تعب امس هو تعب اليوم مدري ارجع لهم مره ثانيه او لا يارب تشفيني احس تعععععبت

[ام احلى بنوتين]

سلامتك احساس ماتشوفي شر ي قلبي

يغار ايوه قلت لهم حامل وحطو لي من بنج الحوامل
المشكله ان خدي مورم مررره منتفخ مدري وش اسوي له احسه مشدود مره ما اقدر اتكلم ولا افتح فمي ماعندي الا البندول ابلع منه كل 4 ساعات الله يعين

[قوووت القلوب]

صباح الانواار

ماتشوفي شر ي قلبي

[يغار الحلى]

قدامكم العاااافيه ياارب

الله يعينك احساس و يشفيك ياارب داخلك برد

حطي ملعقه ع النار خليها دافيه مو حاره

و حطيها ع راحة رجلك من تحت مكان الكعب يعني خلي رجلك تحس بالحراره شوي

و الرجل الثاانيه كماان .. ان شاءالله يوقف اﻷستفراغ ..

[يغار الحلى]

او حطي زيت زيتوون دافئ مايل للحراره شوي ..

نفس الشي ع رجلك و لبسي شراب

الحركه الي فوق احنا نسميها الواثب اذا دخل البرد اﻷنسان الكبير يعني 7 سنوات و مافووق

[عشقي الاطفال]

اهلين بنات..

بنات كيف حجم بطنكم ؟ بطني فجأه كبرت و24 ساعة نايمه خايفة يكون سكر حمل بروح اي عيادة اتطمن :(
مع انو فبنتي بطني اصغر من كدااا بكتير .. والغريب اهر سونار قللي الدكتور حجم الجنين 190 جرام ماجا ربع كيلو؟


ام احلى بنوتين انا زيك ضرسي مره يقوم عليا شكلو نقص كالسيوم بس انا خوفت اروح دكتور اسنان
بس ماقدرت اتحمل دخلت النت اقرا حاجات تخفف ومافي فايئده
اخر تجربه قريتها فلفل اسود مطحون يخفف الالم مرره قلت اجرب جربت وانا خايفه من حرارة الفلفل غلفت ضرسي بالفلفل الاسود المطحون واذا جا شي على لسانك امسحيه بمناديل
وربي خف الالم 90%
جررربي وقوليلي ايش سار معاكي وادا استفدتي ادعيلي ربيي يحقق الي فبالي

[عشقي الاطفال]

وعلى فكره االفلفل الاسود طلعت حراراو مقبووله مو زي الفلفل الاخصررر ينزعلك الم العصل عن تجرربة
احتفظو بالطريقه يابنات تجمعنا لوقت الحااااجةةة

[ام احلى بنوتين]

حبيبتي عشقي الاطفال انا خلاص خلعته امس بغيت اموت منه كان الم فضيع لا يحتمل
بس الحين مشكلتي في انتفاخ الخد
جاب لي زوجي مضاد حيوي من الصيدليه للانتفاخ مايأثر على الحوامل بجربه ان شاءالله ينفع

[ام احلى بنوتين]

والله يحقق لك اللي في بالك حبيبتي

[امنيه 28]

ام احلى بنوتين
ماتشوفين شر
انا مجربه خلع الضرس ماعطوني مضاد بس الدكتور قال لي وقتها حطي قرنفل مطحون ع مكان الخلع وتمضمضي بملح وماء ولاتاكلي ع جهة الخلع ابدددددد
والانتفاخ انا كان كذا وان شاء الله يخف حااااااسه فيك بقوه

احساس
يوووووه ياكرهي للاستفراغ استغفر الله
جربي ليمون اسود مطحون اغلي مويه وحطي عليه وحليه بعسل واشربيه عن تجربه يخف الاستفراغ
الله يقومك بالسلامه
وترا الجو كذا هالايام
الكل يشكي من الاستفراغ