مواليد<<شهر ربيع الثاني♂ ♀ فبراير (1435,2014)

[ام احلى بنوتين]

آمين ياقلبي..
والله يعينك على ابر الحديد اعطوني وانا حامل في بنتي الكبيره توووجع
وفي حملي ببنتي الثانيه حاولت ارفع دمي انتظمت على حبوب الحديد مرتين في اليوم عشان ما اخذها والحمدلله ما عطوني
والحين احاول بعد ان دمي ماينزل ماودي اخذها ..

[احساس طفوله]

عصير الزبيب هذا انا قاعده استخدمه من يو قلتي لي بس هو يبي له وقت عشان يرتفع ماراح يرتغع الدم بأسبوع زوجي يقول لاتاخذين الابر لين تدخلين الشهر السابع اذا مارتفع خلاص اخذهم ان شالله اني مأحتاجهم ويرتفع خلال الشهر هذا

[ام احلى بنوتين]

احساس كلي شمندر بعد يرفع الدم..

[امنيه 28]

هلا بنات
يغار واسوم مبروووك ماشاء الله
انا للحين ماعرفت وحجزت موعد بعد 10 ايام باذن الله اباخذ رباعيه والله يطمن قلبي ويفرحني بما يسرني وبما اتمناه


انا انشغلت مع اختي الله يستر عليها
تو كلمتني وراحت للمستشفى نزلت عليها سدادة عنق الرحم
الله يطمن قلبها مرررره مرتاعه ماتوقعت تجيها ولاده هالوقت ابد
دعواتكم يابنات لها

[امنيه 28]

احساس
كولي سبانخ ممتازه وترفعه بسرعه
وزي ماقالو البنات الملوخيه والشمندر والجرجير خلي وجباتك كل اليوم فيها حديد
وان شاء الله يرتفع الله يحفظك يارب

صلحو الجدول ومو مشكله يابنات نعدل عليه لو قدرنا بعدين

[ام احلى بنوتين]

امنيه سلامتها اختك ماتشوف شر الله يسهل عليها يارب ليش جاتها ولاده مبكره هي بكريه ولا قد سبق لها الحمل

[احساس طفوله]

امنبه الله يطمنكم عليها ويفرج همها

[امنيه 28]

احساس
ام احلى بنوتين
ربي يسلمكم ويحفظكم
هي عندها ٢ وهذا حملها الثالث

الحمد لله راحت وعطوها ابر مثبته ومسكن وقالو لاتتحركين خليك على ظهرك ولاتشيلي شي ومنعتها من المشي والدرج لحد ماتروح مرحلة الخطر

سبحان الله كانت تشكي وركها وفجأه جاها طلق وتعبت ونزل معها لكم الكرامه دم وخااافت
بس بصراحه هي ماتراعي نفسها ابدددد بالشغل والمشي وبالسوق تطول بالمشي ومن اول حملها ثشيل ثقيل وتقول اللي كاتبه ربي يبي يصير :(

[احساس طفوله]

ياحياتي الحمدلله الي جت ع كذا بس لااااازم ماتتحرك نهائي الله يتمم حملها

[جريحة المحبه]

ندووش. احساس. عشرينيه. يغار امنيه. اسووم

الف الف شكررر والله يسلم عمركم من الشر ولاتشوفون مكروووه يارب ويقومنا بالسلامه

فعلا الحامل تحتاج للراحه قد ماتقدر

[جريحة المحبه]

اسوووووم. يغااار


الف الف مبروووووك ويارب تقر عيونكم بشوفتهم سالمين معافين يارب العالمين

حمستووووني اكشف عن الجنس بس زوجي مو راضي ابد يقولي خليها مفاجاه

والله يرزقنا جميعا بما نتمنى من رب العالمين

[جريحة المحبه]

امنيه حمدلله ع سلامه خيتك يارب قومها بالسلامه ولاتشوف الشر

[حرم الغاالي]

اخباركم حبيباتي
مبروك للي عرفت جنس الجنين ...والله حمستوني اسوي سونار بس مابي استعجل اخاف مايبان
بس مرات احس اني مو حامل. شكله بيطلع جنيني صغير
مرة
الله يسهل علينا يارب

[قوووت القلوب]

هلا بنات
انا بعد متحمسه اعرف جنس البيبي

[ندووش]

امنيه الف سلامة على اختك
خليها ترتاح
سبحان الله حمل عن حمل يختلف

[غيمه]

•• آڵسَـِْ♡̨̐ـِْڵٱمَ ؏ـلـِْ♡̨̐ـِْيّيّگمَ اخباركم
الحمدلله عرفت الجنين
معي بنوته الله يحفظها يارب
بس بسال عن الحركه بديت أحس فيها مٍْْـٍْْ♡̷̴̬̩̃̊ـٍْْنٍْْ اسبوع بس خفيفه يعني يمر يوم مافيه شي ويوم تكون الحركه مره وحده
مع اني تطمنت عليها بالسونار طيبه ولله الحمد

[خربشات أنثى]

السلام عليكمhwaml23
كيفكم ياأحلى حوامل hwaml7
أنا دايم متابعة لكم بس على الصامت خخخخخخخخ عجزانة اكتب
س:من بدت تجهز للنفاس وخرابيطه؟ انا ماعرفت جنس البيبي بس بشتري ملابسي أنا بس محتارة ماني عارفة اشتري شتوي او صيفي خفيف ماادري كيف بيكون الجو بالقصيم؟؟

[يغار الحلى]

الف مبروووك يغار الولد الله يقر عينك بشوفته؛؛؛؛؛؛؛ الله يشفي لك بنتك يارب ايوه كل الاطفال معهم نزله معويه اذكر مره بنتي تعبت كذا والفايروس هذا الله يعينك لازم ياخذ دورته اسبوع كامل بس اهم شي عطيها دواها بوقته واكليها زبادي عشان يمسك بطنها الله يشفيها لك يارب


هﻵ احساس

ربي يبارك فييك .. والله الزبادي زي الحليب بدقايق حفاظها كله مااء الله يكرمك

جزاك الله خييير .. آمين يارب

[يغار الحلى]

ماشاءالله يغار الحلى مبروووك ي قلبي الله يفرح قلبك بشوفته والف سلامه لغنوو الله يشفيها ويحفظها لك يااارب..


ربي يبارك فيك .. آمين يارب و انتم كذلك ربي يقر عيونكم بشوفت اطفالكم

اميين يارب

ماقالولك جنس البي بي ؟؟

[يغار الحلى]

يفار الف الف مبرووووك و عقبالك ما تفرحي بشوفته يارب

و الف سلامة على غنوووو ما تشووووف شر


ربي يبارك فييك آمين يارب وانتي كذلك ربي يفرحك بشوفت بنوتتك

ربي يسلمك يالغﻵ

[يغار الحلى]

هلا بنات
يغار واسوم مبروووك ماشاء الله
انا للحين ماعرفت وحجزت موعد بعد 10 ايام باذن الله اباخذ رباعيه والله يطمن قلبي ويفرحني بما يسرني وبما اتمناه


انا انشغلت مع اختي الله يستر عليها
تو كلمتني وراحت للمستشفى نزلت عليها سدادة عنق الرحم
الله يطمن قلبها مرررره مرتاعه ماتوقعت تجيها ولاده هالوقت ابد
دعواتكم يابنات لها

ربي يباارك فيك

بشرينا عن اختك ربي يشافيها و يعافيها يارب

[يغار الحلى]

اسوووووم. يغااار


الف الف مبروووووك ويارب تقر عيونكم بشوفتهم سالمين معافين يارب العالمين

حمستووووني اكشف عن الجنس بس زوجي مو راضي ابد يقولي خليها مفاجاه

والله يرزقنا جميعا بما نتمنى من رب العالمين


ربي يباااااارك فيييك يالغﻵ

يﻵ روحي و شوفي احﻻ تعرفي تشتري مﻻبس و اغراض ع لون البي بي

البنوته غييير و الولد غيييير ..

[رومانسيات الجزائر]

رومانسيات الجزائر (http://www.romanciatdz.com/)

[أسوووم]

اخر دوره يوم 6/30 بس دورتي ملخبطه وحملي صار متأخر وأنا في الرابع دحين

[أسوووم]

الله يبارك فيكم حبايبي الحمدالله من قبل وتم بعد باقي التجهيزات الله يعين وربي يسهل الولاده ونشوف اطفالنا بخير يارب ونفرح فيهم


هامين باقي ماعرف؟

[ندووش]

غيمه مبرووووووووووووووك يا قلبي
الله يخليها لك و يصلحها و تفرحي بشوفتها

[احساس طفوله]

غيمه ياقلبي الف مبرووك الله يقر عينك بشوفتها الحركه عادي انا يوم تطفشني كثر ماتتحرك ويوم هااااديه مالها حس الله يتمم لنا ع خير

[احساس طفوله]

خربشات انثى هلا وغلا نورتينا التجهيز مو ناويه اجهز الحين احس بدري عليه اخر السادس او بداية السابع ابدا اجهز لاتنسين ان ولادتنا بالشتاء وملابس البرد للحين مانزلوها ؛؛ اما جو القصيم مدري عنه بس اتوقع انها راح تكون برد اكيييببد

[امنيه 28]

مشورين بنات
ع سؤالكم واهتمامكم
الحمد لله رحت لها الليله وتعشيت معها واحسها اخف من البارح وارتاحت مع الابر المهدئه للطلق
الله يسعد قلوبكم ويحفظ لكم كل غالي ع قلوبكم

غيمه
مبروك البنوته الله يقر عينك بشوفتها

خربشات
حياك الله معنا نورتينا
والتجهيزات لسى مافكرت اتقضى


بنات
انا عندي القولون لما اتوتر خلااااص تذبحني الانتفاخات وعسر الهضم
وكنت اشرب كمون ويانسون قبل احمل
عادي اشربهم بالحمل ؟؟؟

[احساس طفوله]

امنيه ولله مادري مأقدر افيدك انا اشرب ينسون وكمون بس ماكثر منهم مرتين بالاسبوع واخليه خفيف لان نفسي طايحه عليهم من يون حملت بس مادري هو عادي للحامل اولا يمكن فيه بنات مجربات بيفيدونك

[& ام روان &]

تجمع حلو
الله يثبت حمل كل مسلمه

[امنيه 28]

احساس
صباح الخير
مشكوره ياقلبي
تصدقون مانمت من القولون
ابقوم الحين ان شاء الله اصلح لي كاس عجزت اتحمل التعب الله يعظم اجرنا :(

[أسوووم]

ماتشوفي شر ياامنيه القولون تعب مره الله يعينك بس بعدي عن الي يهيج القولون

وكلي كمون كووويس للمعده

لسا جهزت اشياء بسيطه من بدايه حملي جبت لحاف النونو وكم بربتوز وكم لبس شي بسيط ودحين ان شاء الله بعد فتره بنزل اشتري واخلص

وجبت لنفسي جلابيه نفاس وعندي وحده من نفاس بنتي ومرت اخويا اعطتني وحده صارو 3 وباقي اغراض كثيره الله يعين

تجهيزات النفاس يبغالها ميزانيه لحالها

[جريحة المحبه]

صباح الخير لااحلى وارق كرووووشات

[جريحة المحبه]

امنيه

الله يشفيك اقري ع نفسك الرقيه وان شأءالله ترتاحي وتنامين

اسووووم


جهزي حبه حبه كل شهر خصصي لك حاجه تشترينها عشان مايكون ضغط بالميزانيه

انا كنت ميته وددي اجهز لما اكشف بس لما رفض زوجي وامي بعد تقول لاتكشفين خلاص بالشهور الاخيره ان شاللع بشتري الوان محايده

[يغار الحلى]

يسعد صباحكم يالغوالي

قدامك العافيه يا آمنيه

ربي يكتبلنا اﻵجر يارب نتعب و نتألم و فوق هاذا كله

نربي و نتعب مع اﻻبناء .. الجنه تحت اقدام اﻷمهاات ..

[يغار الحلى]

بالنسبه لتجهييز حاليا ماعندي نيه نهائي بنتي هدت حيلي مرره

صخونه و استفراغ و اسهال .. توها رجعت كل الي بطنها

و الله النووم معرفه و ﻻ انام الله يعين

ان شاءالله تتحسن بعد كم يوم بريح شهر بعدين بجهز ع رواق ..

ان شاءالله

[ندووش]

صباح الخير لاحلى حوامل

[ندووش]

امنيه ماتشوفي شر يالغلا
ابعدى ثم ابعدى ثم ابعدى عن التوتر و العصبيه
انصحك انا كنت اعاني من القالون
ورحت عند دكتور نصحنى قالي ابعدى عن البيبسي و القهوه
و الصراحه لم بعدت عن البيبسي ارتحت كثير
بس ما قدرت على القهوه
و الحين لا تاكلي الفول و الطعميه هم السبب الرئيسي
و ابعدى عن اى شي حار
شكلة طولت في الكلام خخخخخخخخخخخخ

[شهد009]

السﻻم عليكم
شخبارككم ي بنات والله وحشتوووني لكن مع الدوام ارجع زي الميته
ما اشوف غير السرير قدامي
وسﻻمة اللي تعبوا كلهم قدامكم العافيه ي ررررب
اﻻ بسألكم شرايكم نسوي قروب بالواتس !!

[امنيه 28]

الشر مايجيكم يالغاليات
الحمد لله شربت كمون وارتحت
والبارح زعلت ع اختي وعصبت ع الصغار بنتي وعيال اختي ازعجونا ربي يصلحهم لذلك اتعبني
اما القهوه ياندوش ماقدر اصبر ابدددد الحين بديت اخففها صرت اشربها مره باليوم خخخ والا قبل الحمل كنت اشرب اكثر ماشاء الله

شهد
لو فتحنا قروب بالواتس راح يموت التجمع هنا ولاراح يجي معنا اعضاء جدد
هذي وجهة نظري مدري عن البقيه *

[غيمه]

صباح الورد سلامتك ياامنيه ماتشوفي شر انا نفس وضعك القولون الله يعين
اشربي ماء زمزم لو عندك

[يغار الحلى]

آنا بالنسبه للقروب مااقدر اعطيكم رقمي

آخاف صراحه لو معانا رجاال خخخخخخ او شي زي كذا

كثرت بﻵوي الدنيا الله يكفينا شرهاا

صراحه زوجي ملتزم واخاف ع نفسي

وانتوو براحتكممم

[جالكسي و الدنيا عكسي]

شلونكم كروشات ...
كيف الحمل واوحام ان شاء خف عليكم ..

[احساس طفوله]

اهلين بنات ع القروب انا مع كلام امنيه راح يموت التجمع هنا وماراح يجونا بنات جدد خلونا هنا احسن ؛؛؛؛؛ جلكسي ياهلا حبيبتي احنا تمام والوحام هو احسن من اول بس يوم يخف ويوم يرجع فترة الحمل متعبه الله يتمم لنا ع خير؛؛؛؛ اليوم جاراتي راح يجوني احس مرررره تعبت عزلت البيت والحين احس نفسي دايخه بس بحاول اسوي حلا لو نوع واحد واجيب الباقي من برا

[جالكسي و الدنيا عكسي]

الله يعينك .
والله الضيافه اثناء الحمل تعب ...وارهاق
الله يتمم لنا على خير ...
بنات انا لي يومين بتالاسبوع ال21 متى ولادتي بتكون ..
لاني من فلاحتي لما رحت للدكتوره ماقالت لي ..
وانا نسيت اسالها

[احساس طفوله]

جلكسي اتوقع انتي قبلي بأسبوع يعني ولادتك اتوقع انها 25 ربيع الاول صح هذي حسبه تقريبيه لانك ماعطيتيني تاريخ اخر دوره

[امنيه 28]

احساس الله يعينك
حاسه فيك تلقين ظهرك خلاااص :(
الله يقويك
انا عندي غرفه بالبيت نفسي اعزلها وافرشها وارتبها وكل يوم بكره
بس قررت باجازة اليوم الوطني استأجر شغاله تجي تساعدني وتنظف البيت عميق بصراحة مافيني حيل ابددددد
والبارح جلست اقنع زوجي اشتري مكنسة البخار وان شاء الله اقدر اشتريها هالفتره لان السيراميك تنظيفه اهلكني

[امنيه 28]

غيمه
الشر مايجيك يارب
القولون يبغى له مراعاة نفسيه لان بالعصبيه خلاااااص احس بطني راح ينفجر
الله يشفينا منه يارب

عشقي الاطفال
ندااااااء
وينك مختفيه عسى ماشر ؟؟


يله بنات نبي جدول نحطه بالتوقيع :)

[ام احلى بنوتين]

نفسي اعرف اسوي توقيع عاجبني شريط الحمل اللي انتو حاطينه..

[ندووش]

احساس بالعكس انبسطي و غيري جو

امنيه اظن راح نولد و محد راح يسوى لنا الجدول ههههههههههههههههه

[ندووش]

بناااااااااااااااااااااااات سؤؤؤؤؤؤؤؤؤؤؤؤؤؤؤال

انا اعرف ان العسل مضر بالاشهر الثلاث الاولى

يعنى الحين لو اكلته خطر على البيبي و الا عادى ما يصير شي

[جريحة المحبه]

احساس. الله يعينك ياقلبي جيبي فطاير ومكسرات مع الشاي واذا كانو بيتعشون مثلا جيبي من برى

[جريحة المحبه]

ندوووش اول مره اسمع ان العسل مضرر عاد انتي تاكدتي

[جريحة المحبه]

وووووووين عشقي خابرته تقول بزين لكم جدوول لاعرفتوا جنس الببو والحين نصنا تقريبا عرفوا الجنس

[جريحة المحبه]

للمره الثانيه بنتي كسرت شاشه جوالي اول مره كسرته غيرته ب450 وهالمره خربت يالله اشوف بالشاشه مظلمه

مت منه هي وهالجوالات

[عشقي الاطفال]

انا بكرا عندي موغد واعرف جنس النونو ان شاء الله •• حسوي الجدول لكن اللي معرفو ؟

[قوووت القلوب]

انا موعدي مطول وللحين ماعرفت جنس الجنين

[امنيه 28]

اهلييييين عشقي
ربي ييسر لك
حبيبتي صلحي الجدول الله يسعدك والبقيه لاعرفو الجنس يبلغونك ان قدرتي تضيفينه والا مو لازم اهم شي مواعيد الولاده وانا بكل رد ابقولكم وشو عشان ماتنسونه خخخخخخ لان موعدي الاربعاء الجاي باذن الله

[امنيه 28]

باقي انا وقوت وام احلى بنوتين وحرم الغالي مدري بس اعتقد انها ماقالت وشو
وفوفو صح ماعرفتي ؟؟

المهم الحين ربي يرضى عليكم كل وحده تدخل تكتب موعد الولاده وجنس الجنين
انا عن نفسي موعدي ب٢-٢ (فبراير)
اما الجنس ماعرفته وباذن الله لاعرفت ابلغكم ولو ع احساسي ولد خخخخخخ قولو يارب ؛)*
الله يرزقني ولد سليم معافى حسن الاخلاق والخلقه

[ندووش]

جريحه

ايه العسل مضر يسقط الجنين في الثلاث الاشهر الاولى
و القرفه كمان

[يغار الحلى]

انا عن نفسي موعد الوﻻده بإذن الله يوم 4 شهر فبراير

الجنس ولد ان شاءالله ..

كيغكم اخبااركم

الله يعينك احساس الضيووف متعبين جونا ضيوف يتحمدولي بسﻵمة غنوو اليوم عند امي

والله من 5 و نص و انا اشتغل توني ريحت الحمدالله ..

ومع اﻻطفال تعب بزيااده ..

يﻵ كل وحددده تقووول اش بتسمي طفلها او طفلتهاا ..

[احساس طفوله]

مرحبا كروشاااات اهلين عشقي صايره ماندخلين كثير ؟ الجدول خلاص سويه نص البنات عرفو نوع الجنين الي ماعرفو قليل ويقولو ان مواعيدهم مطوله ؛؛؛؛؛؛؛؛
انا ان شالله ولادتي 2/1معي بنوته ربي يجيبها بالسلامه ؛؛؛؛؛؛؛؛؛؛

[احساس طفوله]

يغار من جد الضيوف تععععب انا قبل شوي راحو استانست معهم بس هلكني التعب احس ضهري مررررره يوجعني؛؛؛
الاسم للحين احيان ابغى الين واحيان همس وزوجي يبغى جنى او سديم وخالتي ام زوجي تقول لا سميها رنا بس للحين ماقررت

[عشقي الاطفال]

بنات كل وحده ترسلي موعد ولادتها بالهجري وجنس الحنين واللي ماعرفت ترسل بدون جنس الجنين

حسوي الجدول بتاريخ هجري افضل

[يغار الحلى]

بالهجري يوم 4 شهر 4 .. بإذن الله

ادعولي اولد طبييبعي

[امنيه 28]

صباح الورد
عشقي
انا ولادتي باذن الله ١-٤ -١٤٣٥

احساس
حلو غيرتي جو وانبسطتي :)

يله ياحلوات كل وحده تدخل تكتب الموعد
*

[امنيه 28]

يغار
الله ييسر لك ولاده طبيعيه يااااارب
بالنسبه للاسم ماقررنا الى الان :)


الجو الايام هذي حساسيه وغبار الله يلطف بنا
وخلاااااص انا وبنتي مع الحساسيه شي فضيع
سيلان وعطاس وكحه
متى يخلص فصل الخريف وارتاح

[جريحة المحبه]

صبااااااح الورد يااحلى وروود >>>>>فيس فرحان بالجدول ههههه

مشكوووووره عشقي ماقصرتي

موعد ولادتي. (13/4/1435) بااذن الله

جنس البيبي. ( ماعرفت ويامحلا عطية ربي )

دعيت ربي ان يرزقني الولد الصالح وان شاءالله ربي مايخيب ظني. وككل من يتمنى

ادعولي بالولاده الطبيعيه.

احبكم

[احساس طفوله]

صباح الخير اخباركم بنات يالله البنات الي مايدخلون دايم كل وحده ترسل موعد ولادتها ونوع الجنين اذا كانت تعرف
انا ولادتي4/1 معي بنوته
جريحه يغار الله يرزقكم الولاده الطبيعيه انتم وكل البنات يااااارب ترزقهن ولاده سهله

[جريحة المحبه]

احساس. اللهم امييين مشكوره ياقلبي

احساس وامنيه نفس تاريخ الولاده بنشوف من اللذ تسبق وووتولد هههه

[ام احلى بنوتين]

صباح الخير حبايبي
اخباركم
والله انا لسى موعدي مطول ولا اعرف جنس الجنين و لا قالو لي موعد ولادتي
لكن دخلت برنامج وحطيت تاربخ اخر دوره وكتب لي موعد الولاده المتوقع 26 فبرابر
يوافق 25 /4

[يغار الحلى]

احساس و امنيه جزاكم الله خييير و ربي ييسرلكم الوﻻده ياارب ..

[قوووت القلوب]

انا بعد نفس ام احلا بنوتين 25/4

[عشرينية]

انا تاريخ ولادتي 14-4 هجري
باذن الله
لي اسبوع يجيني الم في خصري اليمين وكل يوم يزيد الالم
ومايجيني الا وقت النوم
اخر شي امس بالليل جاني حوالي 4 مرات يروح ويجي
ماني عارفة ايش سببه بس معد نمت
والالم ماسك جهة اليمين كاملة يعني مو عارفة هل هو من الكلى او عضلة
ودكتورتي من الصبح احاكيها جوالها مشغول
الله المستعان بس

[امنيه 28]

جريحه
انا ببنتي ولدت بنص التاسع وان شاء الله حملي هذا اكمل التاسع عشان اذا طلعت باذن الله يصير البرد اخف
وبعدين غريبه ماقالو لك جنس البيبي اتوقع بالسونارات الجايه يقولون حتى لو ماسألتي لان هذي هواية المستشفيات هههههه
الله يرزقك ويرزقني مانتمنى

عشرينيه
ماتشوفين شر اتوقع شد عضلي مع كبر حجم البطن اناي جربي الحين ادهني كريم زبدة الكاكاو والعصر روحي تطمني
الله يستر عليك ويشفيك يااااارب

عشقي
اخبار موعدك ؟؟

ام احلى بنوتين وقوت
برضو انتم بنفس اليوم خخخخ مثلي انا واحساس


الله يهون علينا جميعا

[خربشات أنثى]

مرحبا
أنا موعد ولادتي ان شاء الله 4/22
والجنس لسى ماعرفت أدعي ربي يرزقني به سليم معافى تام الخلق من غير زيادة ولا نقصان

[جريحة المحبه]

امنيه

كشفت نهايه الشهر الثالث وعطتني نسبه 60% بنوته ولاتاكدت

وعطتني موعد بااول السادس تقول اتاكد من الجنس

وزوجي وماماتي رافضين بشكل قاطع وسراحه ماودي اكسر كلمه الحبايب

وربي متحمسسسه ماغير افكر بجنس البيبي


اخيرا. لايعلم مافي الارحام الا هو سبحاانه.

[جريحة المحبه]

ابسالكم بنات الحين انتم وين تكشفون عن جنس البيبي بمستشفى خاص او حكومي

بس انا خابره الحكومي مايعلمونك ابد

[قوووت القلوب]

انا انشالله يوم الخميس بروح لعياده خاصه عشان اكشف جنس النونو
وهالعياده اتابع معها بداية حملي

[يغار الحلى]

انا فبنتي رحت لحكومي و قالتلي ولد ماهي داريه

رحت خاص 3 مستشفيات كل مره مستشفى واكدولي كلهم قالولي بنت

و كله يررجع الى شطارة الدكتوره او الدكتور ..

والحين بس مره كشفت و قالولي ولد بس ﻵزم اروح أتأكد اكشف مرتين كل مره بمستشفى

مااحب اعلم اهل زوجي و يطلع غلط ..

[شهد009]

انا وﻻدتي ب 27-4
قالت لي ولد بس نتأكد الشهر الجايى افضل
الله يسهل علينا جمميع
اﻻ بسألكم انا خايفه تطلع لي تشققات الحمل
ايش كنتوا تستخدموا بحملكم اللي قبل وما طلع لكم ماشاء الله !!!؟

[ام احلى بنوتين]

الحمدلله انا ماتطلع لي تشققات بس سمعت حريم يحطو زيت الزيتون عشان ماتطلع لهم تشققات

[غيمه]

•• آڵسَـِْ♡̨̐ـِْڵٱمَ ؏ـلـِْ♡̨̐ـِْيّيّگمَ • هلا كروشات
انا باذن الله معي بنوته وولادتي باذن الله ١٧-فبراير يوافق ١٦/٤

[غيمه]

انا تاريخ ولادتي 14-4 هجري
باذن الله
لي اسبوع يجيني الم في خصري اليمين وكل يوم يزيد الالم
ومايجيني الا وقت النوم
اخر شي امس بالليل جاني حوالي 4 مرات يروح ويجي
ماني عارفة ايش سببه بس معد نمت
والالم ماسك جهة اليمين كاملة يعني مو عارفة هل هو من الكلى او عضلة
ودكتورتي من الصبح احاكيها جوالها مشغول
الله المستعان بس

سلامتك انا مثلك جاني وكان مره مؤلم سالت الدكتور قالي عضلات واربطه مشدوده مع كبر الرحم وقاللي كثري مٍْْـٍْْ♡̷̴̬̩̃̊ـٍْْنٍْْ شرب المويه
بس لازم تسوي تحليل بول تطمني

[يغار الحلى]

زيت زيتوون للتشقاقات يوميآ .. انا مجربته بحملي اﻷول و الله رووووعه

بهذا الحمل كل يوم اقول بكرره و الى اﻻن ماستخدمته انشغلت مع بنتي الله يحفظهاا ..

[fo0fo0]

السلام عليكم. ،،
أخباركم بناااات. ،،
أنا ما عرفت جنس البيبي لحد الحين ،،،
بس موعد ولادتي حسب برنامج ،،
٢٧ - ٤ هجري ،،،

[عشقي الاطفال]

اهلين بنات صباح الخيرات والليرات

خلاص حسوي التصميم بدون ماكتب الجنس ممكن يكون احد غلطان فالجنس وكتير ماعرفو

بس دخين تقريبا ٥ اللي قالو موعد ولادتهم ؟؟

انا البوم الدكتور حاول يشوف الجنس بس قلبس الحبل السري مغطي مره وموعدي التاني بعد شهر

[احساس طفوله]

صباح الورد؛؛؛؛؛؛ عشقي اوك حلو بدون الجنس لان مو كلنا عارفين جنس الجنين والبنات الي قالو موعد ولادتهم انا وامنيه ويغار وخربشات انثى وام احلى بنوتين وغيمه وفوفو وعشرينيه وجريحه وشهد وقوت شوفي الصفحات الاخيره يمكن فيه بنات كتبو موعد ولادتهم وانا نسيتهم؛؛؛؛اما ندوش واسوم وحرم الغالي مدري كتبو بالصفحات الاخيره موعد ولدتهم او لا
جريحه انا ف بنتي مستشفى الحكومي هو الي قال لي بنووته ورحت مستوصف خاص واكدلي اما الحمل هذا مستوصف خاص وقالت لي واكدت لي انها بنوته

[عشقي الاطفال]

ماراح اقدر ارجع كل الصفحات يادوب الكم صفحة اللخيره كونت اتمنى ترسلولي عالخاص بس يللا مو مشكله انتظر ندوش واسوم والباقي

[عشرينية]

عشقي الاطفال فكرتك حلوة نرسل لك ع الخاص عشان ماتنحاسين وتتعبين
خصوصا انها مش صفحات قليلة
مشكورة مقدما ياحلوة

[أسوووم]

أنا موعد ولادتي

4-20

[يغار الحلى]

يﻵ متى ندخخل الشهر السادس

بإذن الله باقيلي اسبوعين و ادخل الساادس الحمدالله

وييييينكم مشغولييييين مع اليوووم الوطني ..

[احساس طفوله]

يغار حتى انا الحمدلله ماباقي شي ع الشهر السادس الله يتمم لنا ع خير ؛؛؛؛؛؛
بنات وينكم مختفين شكلكم مشغولين بأجازة اليوم الوطني ؛؛؛؛؛؛؛ ندوش وينك من امس مادخلتي ان شالله يكون المانع خير بالعاده دايم متواجده

[أسوووم]

أنا هناااااااا

معاكم

[جريحة المحبه]

انا تعبانه اليوم استفراغ تكرمون ومعدتي مش ولابد وجتن الدوخه مرتين اليوم

حتى بنوتتي اليوم فيها سخونه وحراره ضيقت صدري وماغير والله بالشقه ماطلعت لاامس ولا اليوم

[احساس طفوله]

اسوم انتي بكريه؟؟؟
جريحه ياحياتي الله يعينك هذي فترة الحمل تعب عسى الله يسهله علينا ويتمم لنا ع خير ؛؛؛؛؛؛ اما بنتك ان شالله ماعليها حمميها بمويا فاتره وعطيها خافض حراره وشربيها عصير ليمون وان شالله يوم تصحى انها تمام

[امنيه 28]

مرحبا بنات
اخباركم ؟؟

انا انشغلت ببيتي
عندي كومة اشغال وزوجي الله يهديه يومه سنه
وتراكمت الاشغال عليه ولاااااصلح ولاشي
تعبت نفسيا الله يهديه
وانا انسانه ماارتاح وفيه شي خربان بالبيت هذا طبعي اعجز اتحمل
كهرب البيت كله منعدم احيانا اذا شغلت اللايت ينفجر بصوت وتمديد الغاز يهرب واضطريت ألغيه وادخل الاسطوانه للمطبخ واخاف ع بنتي من هالاشياءوووو احس خلااااص طفشني من كثر مايأجل

معليش بنات
حبيت افضفض لكم والله لو ماكتبت يمكن انفجر*

[جريحة المحبه]

احساس مشكوره يالغاليه ماقصرتي تعب الحمل وربي حملته كرها ووضعته كرها

امنيه

بعذرك يقهر الرجل الي يومه سنه انا كذا زوجي بارد تخيلي امغسله له 3شهور خربانه واذا قلتله شي يقول

الميزانيه لاتضغطين علي المشكله اننا مو بايجار ساكنه مع اهل زوجي

الله هديهم. بس

[احساس طفوله]

امنيه هههههههه عندي وعندك خير هذا هم الرجال عندهم برود مو طبيعي بس انتي حاولي لاتعصبين وترفعين ضغطك اذا تبغينه يسوي لك شي ازعلي عليه لاتكلمينه لين مايسوي الي طلبتيه منه انا هذا اسلوبي مع زوجي والحمدلله كل اموري تمام

[أسوووم]

الله يعينك ياجريحه ويشفيلك بنتك

ياعمري الحال من بعضو

أنا وبنتي تعبانين مسكينه بنتي زكمه وشوية سخونه وبعدين كحه واليوم الصباح كنت نايمه عند اهلي لا نومتنا ولا نامت المسكينه طووول الوقت تصحى وتبكي وماكنت عارفه اشبها وكانت أمي تساعدني فيها الله يطول بعمرها وقالتلي أمي ادنها تعورها البنت وبعدين صارت أحسن قالتلي أمي شكلو بتطلع لها اسنان فوق لانو طلعلها 2 تحت وأنا زكمه واليوم كحه اللله يستر بس ويشفي بنتي يارب والله طفل واحد وتعب الله ياأجرنا كيف ماشاء الله بااكثر من طفل

الله يجازي امهاتنا خير الجزاء

يغار الحلى فين تراجعي في أي مستشفى بحكم اننا في المدينه ؟

[أسوووم]

احساس لا مني بكريه عندي بنوته

ليش؟

[جريحة المحبه]

اسووم

الله يكون بعونك عاد تطليع الاسنان كله سخاين والضروس اشد ماانسى تعب بنتي الله يأجرنا

[احساس طفوله]

كنت احسبك بكريه بسوي احصائيه كم عندنا بكريه بالتجمع

[يغار الحلى]

هﻵ فيييكم كروشاات

منوريين التجمع يالغوالي

اراجع فالدار عند الدكتوره شيرين ..

قدامك العاافيه جرريحه .. آمنيييه الحمدالله بسس هاذا زوجي مسافر يتمشى

و ﻻ فكرر في و بالطفش الي انا فيه من الحمل و تعب بنتي ..

انا مااقدر اسكت ﻻزم ابربرهههههههههه لو زعلت و انا ساكته

امووت والله وﻻ تجيني جلطه من القهههرر ..

[أسوووم]

اهاا الله يعينك يغار حتولدي عندهم ولا فين غريبه مااخدتي الدكتوره نجوى الكل يعرفها مشكلتها زحمممه

الطفش لاعب فينا لعب أحس بمووت بطق والله المشكله زوجي يشتغل في الحج وانام واصحى أنا وبنتي لوحدنا أحس ملل

[*mimi*]

احسااس .. انا بكرية hwaml23

[احساس طفوله]

ميمي ياهلا حبيبتي شكلك تدرسين ماتدخلين التجمع كثير؟ يعني انتي وعشرينيه بس بكريات ؛؛؛ ارسلتي موعد ولادتك ع عشقي ؟
ندوووووش فاقدتك وينك صايره ماتدخلين ان شالله المانع خير

[امنيه 28]

جريحه
اييييه عاد الميزانيه عذر قوي عندهم خخخخخخ
احساس
انا مااعصب عليه بس احيانا تقفل معي غصب خصوصا لاشفت يارا تلعب باسطوانة الغاز وهي مو عارفه خطورتها بس يله واعداني بكره يجيب كهربائي وسباك ويخلص كل شي .... نقول ياااارب ؛)
يغار
ههههههه حلوه ابربر
انا جربت اسكت وجربت اطلع اللي بقلبي ولاطريقة نفعت

بس خلاص يوم فضفضت لكم ارتحت شوي


يغار واسوم
سلامتكم ماتشوفون شر
انا مانمت من يارا كحه وسيلان وابوها كذا وخايفه ينقلون لي العدوى
القهر اننا باجازه بس ماحسيت فيها مع تعب بنتي رحمتها ماتقدر تنام ولاتخليني انام

[امنيه 28]

احساس
كم باقي لنا ع الشهر السادس؟؟

ندوووش
عسى المانع خير يارب
جد فقدناها

[احساس طفوله]

باقي اسبوع ويومين بالتيم ^ _^ طول وقتي احسب الله يعدي الشهور الباقيه ع خير احس خلاص مللللليت

[ام احلى بنوتين]

ماشاءالله عليكم منتظرين السادس وحنا حتى الخامس باقي مادخلناه الله يعينا ويسهل علينا جميعاً

[قوووت القلوب]

حتي انا مليت
الله يتمم لنا ع خير

[قوووت القلوب]

احساس انا بكريه

[جريحة المحبه]

انا لي. يومين دخلت الشهر الخامس ولله الحمد

[امنيه 28]

احساس
الله يتمم بخير
ام احلى بنوتين
حنا حبينا التجمع وحبيناكم والله
وجلسنا فيه ومعطينا مواعيد ولاده متأخره بفبراير والا احنا بحساب الدوره نولد نهاية يناير
لذلك سابقينكم بفتره تقريبا

راح تعدي الاشهر ع خير باذن الله
ونهني بعض بالمواليد الجدد
قولو يااااارب

[ندووش]

مساء الخير لجميع الحوامل الحلوات

احساس و امنيه مشكورات على السؤال

اختفيت لاسباب الحين بذكرها خخخخخخخخخخخخ

علشان الاجازه تخلبطت الامور اهل زوجي نزلوا من الطائف و طبعا جوا عندي غيرنا جوا و انبسطنا

و امس الجمعه كنت بزواج من زمان ما حضرت خخخخخخخ كان ودى ارقص

انا مجنونه رقص ما غير اهز رجولي هههههههههههههههههههههههه

و اليوم السبت رحت وعدي للمستشفى و دخلت الخامس لى يومين فقط

و الحمد لله البيبي طيب و قلت له بعرف جنس الجنين قالت مو واضح انقهرت

تقولي بالشهر السادس راح يوضح

عاد زوجي انبسط يقول احسن ان شاءالله يطلع ولد موب صاحي خخخخخخخخخخخ

و الحمد لله قالت نسبه الحديد 11 و قالت انتبهي لا ينزل

و حددت موعد الولاد يوم 13 / 4 هجري

قالت اسبوعين من التاسع وراح تولدي قيصري

و بس ,,,

شكلى كتبت قصتي حياااتي خخخخخخخخخخخخخخخخخخخ

[ندووش]

بنااااااااااااااااااااااااااااااااااات سؤؤؤؤؤؤؤؤؤؤؤؤؤؤؤؤؤؤؤؤؤؤال


قالت وزن البيبي 400 جرام

احسه مره ضعيف مو صح ؟

[جريحة المحبه]

اهلين ندووش لك وحشه ياقدعه

انتي معاي بالضبط انا موعد ولادتي بااذن الله 13/4 ولي يومين. داخله الخامس

غريبه مو واضح اذا كنتي بحكومي فطبيعي مايقلونلك اما خاص غريبه ماقالتلك

[امنيه 28]

اهليييين ندوش
العفو ياعسل والحمد لله انك بخير
وغيرتي جو
اما الوزن بصراحه مادري انا للحين مااخذت سونار صح للبيبي
موعدي الاربعاء باذن الله


بنات سؤال داخل عرض
كم تتوقعون يكفي مبلغ عشان اتقضى للبيبي ولي
ناسيه كم كلفتني بنتي بس كنت مسرفه فيها
ابي مبلغ تقريبي
كل وحده تقولي كم حطت فبالها مبلغ

[ندووش]

هلا جريحه
مشكورة يا قلبي
لا خاص على التامين بس قالت البيبي معطيها ظهرها
ما يبغى احد يشوفه ههههههههههههه

[ندووش]

امنيه
مشكورة يا عسل

شوفي على حسب ميزانيه ابو الشباب
اذا راتبه حلو تدلعي يالغلا
و اذا على قدكم خذي كل شهر حاجه
شوفي لا تكثري
ما ادرى عن عاداتكم
بس احنا كان يجي للبيبي اطقم و فلوس
و اذا بنوته يجيبوا لها ذهب
انا لما عرفوا اهلي انها بنت
امى راح تجيب لها اساور و اختى سلسلة
محد قدها ههههههههههه

[احساس طفوله]

مرحبا كروشات؛؛؛؛؛ قوووت انتي الثالثه قليل البكريات بالتجمع هذا الله يسهل يااااارب خاااايفه موت من الولاده
ام احلى بنوتين ياقلبي ان شالله تعدي الشهور وماتحسي الشهر الخامس خفيف ماحسينا فيه؛؛؛؛؛
ندوش ياحياتي لك وحشه وربي؛؛؛؛؛؛؛
امنيه مثل ماقلت لك ندوش ع حسب ميزانية زوجك انا بنتي كانت ميزانيتها 2000بس كانت اول مولوده وماخليت شي بالسوق ماجبته ماكنت عارفه ان المولود يكبر بسرعه فيه ملابس مالحقت تلبسهم بس بلبسها اختها ان شاءلله البنوته هذي عندي سرير اختها حق النفاس ومفرشي القديم بس باخذ لها ملابس

[عشقي الاطفال]

تفضلو التوقيع وسوري عالتاخير ,, ان شاء الله يعجبكم

يارب التواريخ صح مافيني افك اللابتوب تاني سرت افكو فالسنه مره

[عشقي الاطفال]

http://forum.hwaml.com/imgcache2/hwaml.com_1379799826_295.gif

[جريحة المحبه]

امنيه

بالنسبه للميزانيه اعتقد الف ريال كافيه انا حاطه في بالي ان شاءالله الف

الله يقومنا بالسلامه

[جريحة المحبه]

عشقي

مشكووووره يالغلا ماقصرتي

[جريحة المحبه]

ندوووش

عشرينيه

عشقي

غيمه

ماشاءالله تواريخنا ورا بعض ههههههههههههاي الله يتمم علينا ماشالله

[احساس طفوله]

عشقي رووووعه التوقيع يعطيك العافيه يارب

[أسوووم]

عشقي الله يديكي العافيه يارب

حلو مره

وحنولد كلنا ورا بعض ماشاء الله

الله يسهل يارب

بنسبه للميزانيه ماادري في بنتي كنت كل شهر اجيب شي والحمدالله قضيت ودي المره ماادري بس جبت اشياء بسيطه وبنزل أنا وابو الشباب ان شاء الله نكمل

[يغار الحلى]

صبااحكم ورد .. كيفكم

احس معاي الم من تحت مرره حتى الحمام مره يألمني اذا رحت مدري اش المشكله

ان شاءالله بروح للدكتوره ﻻني حتى حبوب الحديد تركتها تعبتني باﻷمساك.. و طلعت نتيجة التحالليل الدم ناقص عندي بس زوجي مسافر

ان شاءالله اوديها لدكتوره و طمني مره وحده ع اﻷلم ..

هﻵ اسوووم فبنتي ولدت بخاص ولدوني عمليه استعجلوا علي الحمدالله بسس

اما هاذي المره ناويه مستشفى الوﻻده حكومي بإذن الله ..

مين ولدت بخااص طبيعي ؟؟؟؟؟؟؟

وبالنسبه لتكاليف ياامنيه النونو مايحتاج مﻻبس كثيير انا غنو جبتلها 13 لبس

والداخليات تقريبا 16 و الكوافيل 4

وحاليا النونو الجديد بإذن الله بس بشتريله مﻵبس و كافولتين .. عندي داخليات و مفرش نفاس بسريره

لونه سكرري جبته ايام بنتي ب 1950 ريال

و عندي قبعات للشعر لونها ابيض و سكري تجي بناتي و وﻻدي

و على قولة احساس يكبروا بسسرعه ماشاءالله تصغر عليهم المﻵبس

و طبعا ﻻزم مفرش و شنطه للبي بي و الحمدالله ..

[يغار الحلى]

يعني تقريبا الف رياااال ..

هاذا من غير الهدايا ماشاءالله

غنوو جاتها هدايا كثيير مﻵبس و ذهب ..

[يغار الحلى]

ندوووش زيي احب الرقص مررره .. و زواج اوﻻد اختي نهاية الحج ان شاءالله افكر مااروح

اخاف اتهور و ارقص خخخخخخخخ و خاصة ان خواتي ماشاءالله كثار و كلهم يرقصوا اخاف اتحممس

اكثر شي مااحضر حتى الفستان صعب مافي حلو جاهز للحوامل و التفصيل يبغاله شغل الله يعين ..

عششششقي الف شكررر ع التوقييع ان شاءالله الحين احاول اركبه

ربي يعطيك العاافيه يالغﻵ ..

[أسوووم]

يغار في أيت مستشفى ولدتي بنتك ؟

أنا ولدتها في الصفا عشان مرتاحه مع الدكتوره وماحبيت اروح لغيرها والحمدالله ولدت طبيعي يارب لك الحمد

وكمان في النونو دا عند نفس المستشفى ان شااااء الله وربي يسهل

[يغار الحلى]

فاﻷلماني عند الدكتوره سااره

مين دكتورتك فاطمه بالخير وﻻ غيرهاا ..

[عشقي الاطفال]

الله يسلمكم يارب


اسوم ليش التوقيع عندك مايتحرك؟؟

[عشقي الاطفال]

انا فبنتي ما ابالغ خسرت من 9 الى 10 الاف بس اخدت اللبس واغراض البيبي مناشف ادوات الحمام ولرضاعات والشنط بس بدوت سرير وجلاسه والحاجات دي اخدتها بعد الولاده
بالنسبه للاستقبال والتوزيعات من عند ماما ربي يخليها
ان شاءالله فحملتي دي دروس بشتري بس لبس وبسيط الطفل بسرعع يكبر وبعد كدا اول باول يارب بس ماتجنن وارجع لهبالتي نص اللبس بنتي مالبسته مرره ندمت دحين شايلة الجديد كلو لو كانت بنوتة

[fo0fo0]

السلام عليكم ،،،
صباح الخير بناااات،،
عشقي مشكووووره علئ التوقيع رووووعه ،،
بس المشكلة أنا داخله من ايباد
بنات اللي تقدر تنسخ لي رابط التوقيع لاهنتوووو

[عشقي الاطفال]

http://download.mrkzy.com/u/2113_49cfa376c05b1.gif

تفضلي فوفو دا رابط مباشر للصوره

واللي ماتععرف كيف تنزل الصوره تنسخ الرابط كامل وتروح فوق جنب الخط ولون الخط في مربع اصفر مرسوم فيه جبل اصغطو عليه وحطو الرابط وتفتح معاكم الصوره

[أسوووم]

لا دكتورتي منى منصور كووويسه ماشاء الله كتير يمدحوها اختي معايا كمان

عشقي مدري ليش مايتحرك أهم شي انو موجود ههههههه

[عشقي الاطفال]

اسوم سوي نفس الطريقة اللي قلتها لفوفو
انتي حفظتي الصوره ورفعتيها من نفس المنتدى وتغيرت صيغة الصوره عشان كدت كدا ماتتحرك

[ندووش]

صبااااااح الخير

[ندووش]

ليه مو راضيه تطلع صورة التوقيع

حملته و رفعته و ما شفت شي

[قوووت القلوب]

مرحبا بنااااااات

[قوووت القلوب]

حتي انا نفس الشي

[جريحة المحبه]

بنات

عجزت ارفع صوره التوقيع من امس وانا احاول

[قوووت القلوب]

حتي انا ما اعرف لييييش

[جريحة المحبه]

انا مثل اسوم ماتتحرك الصوره يالله موب لازم اهم شي جدول

[امنيه 28]

عشقي

يسلمووووووو الله يعافيك ع الجدول واهم شي انا واحساس متصدرين القائمه هههه الله يتمم بخير


بنات
الحمدلله احنا ميزانيتنا كويسه بس حبيت اسأل عشان زوجي يقول علميني واحول بحسابك المبلغ بشرط ماتجين بعدين وتقولين مايكفي خخخخخ
وحسبت التكاليف تقريبا 3000 ومع اغراضي وبنتي ودي اتقضى لها الشتوي باذن الله قبل تجي اختباراتي
تقريبا 6الاف
اما عن عاداتنا
احنا ماعندنا اقارب كثير
ماعندي الا خاله وحده وعندها بنت وحده وماعندي عمات ووو لذلك الهدايا اللي تجي مااعتمد عليها
وغالبا يهدون لي الناس فلوس لاني انا اعطي فلوس كهدية لأي وحده ولدت اريح لراسي خخخخخخخ
والضيافه ماتكلف مررره ماحسبتها مع الاغراض

اذكر يوم بنتي شريت خرابيط وملابس مالها داعي ومالبستهن وطلعتهن لخواتي
الله يعين وييسر لنا يارب

يارب الاربعاء اعرف جنس البيبي وارتاح من التفكير فيه ويجعله ولد صالح معافى ياااارب

[احساس طفوله]

مرحبا بنات احفظو الصوره لللاستديو وادخلي مركز تحميل الصور لمنتدى حوامل وارفعي الصوره من هناك وتجيكي روابط كثيره اختاري رابط المنتديات انسخيه ولصقيه بتوقيعك طبعآ هذي الطريقه للي مثلي يدخلون من الجوال واتوقع الي عندهم مشكله بالتوقيع كلهم داخلين من الجوال

[احساس طفوله]

امنيه من جد احس ماترتاحين لين تعرفين نوع الجنين الله يطمن قلبك ويعطيك الي تتمنينه ؛؛؛؛؛؛ الملابس انتبهي تكثرين وربي البيبي يكبر بسرعه كل اسبوع تجيبين مقاس اكبر الله يجيبهم بالسلامه يااارب

[جريحة المحبه]

بنات

ولاعليكم طلب عجزت ارفع صوره التوقيع لو تكرمتوا اذا حده تعرف اعطيها المعرف وتينه لي

[بنت الزوايده]

مساء الخير انا عضوه جديده وابي انضم للتجمع

[احساس طفوله]

جريحه انتي سويتي نفس الي قلته؟؟؟

[احساس طفوله]

بنت الزوايده ياهلا وغلا نورتينا تشرفينا ياقلبي

[بنت الزوايده]

منوربوجودكم
انا اخر دوره كانت7/11 وموعد ولادتي 25 ربيع الثاني

[ام تميم*]

مراحب صباياااااا

دايم اتابعكم والله يسهل لي ولكم انا تقريبا بولد باذن الله علئ ١٨/٤/٢٠١٥

وحبيت تجمعكم ،، والله يخفف باقي الايام الجاية علينا ونشوف الكتاكيييييت واحنا طيبين وهم طيبين ؛)

لين الحين ما حسيت بحركة البيبي يارب وبعد بكرة عندي موعد ويارب كل شي يكون أوكي .. أتوقع دخلت الخامس

موقفين حبايبي

[جريحة المحبه]

احساس

جربت كل شي ماظبط معاي

[جريحة المحبه]

بنت الزوايده. حبيبه خلودي

شرفتم ونورتم

[جريحة المحبه]

امنيه

الله يرزقنا واياك مانتمى انا تعبت من التفكير بجنس النونو ودي اعرف بس يالله صبرني ليوم الولاده

[امنيه 28]

حبيبة خلودي & بنت الزوايده
نورتو التجمع وحياكم الله

جريحه رحتي لموقع رفع صور ورفعتيه ؟؟
غريبه ماضبط
لو ماحصلتي احد يصلحه لك انا بكره اصلحه لاني بطلع الحين ياعسل ؛)
اما انا وياك وجنس البيبي نكته شكلنا بنولد واحنا نتمنى نعرفه

[عشقي الاطفال]

http://forum.hwaml.com/imgcache2/hwaml.com_1379857023_614.gif (http://www.hwaml.com/up/)

[عشقي الاطفال]

http://forum.hwaml.com/imgcache2/hwaml.com_1379857056_303.gif (http://www.hwaml.com/up/)

[عشقي الاطفال]

من مركز تحميل حوامل للناس اللي ماتظهر الصوره عندهم

[جريحة المحبه]

ولله الحمد ضبط التوقيع اخذت الرابط يوم رفعتيه من مركز حوامل

مشكوووووره عشقي

[جريحة المحبه]

امنيه

مشكوره يالغاليه ضبط ابشرك

ههههههههههههههه اي والله اننا نكته انا وياك شغال التفكير عندنا الله يرزقنا الاولاد [COLOR="Red"]الصالحين وكل من يتمنى]

[جريحة المحبه]

احساس

ماقصرتي يالغلا ضبط معاي

الف شكرررر

[يغار الحلى]

انا رفعته من مركز حﻵ للتحميييل

اسوم ماعمري جربتها دكتورتك .. نجوى بالدار مرره زحمة عليها و ماتجي بدري و تمشي بسررعه

و تجلس اﻻرقام لليوم الثااني و لخبطه كل وحده تقول دوري و حااله

عشان كذا اخترت شيرين بس ماعجبني المستشفى ماعندها سونار بس جهاز تسمع صوت نبضات البي بي

ماينفع كذا يعني ماتعرف حجمه و الموياء ناقصه او ﻻ ..

والسونار اسويه عند ياسر النصار بمستشفى المدينه الطبي

بس الحين اخذ اجازه ..

فاطمه بالخير سمعت وحده توفت عندها و هي تولدها

و كل شي قضاء و قدر ..

[يغار الحلى]

انا رفعته من مركز حﻵ للتحميييل

اسوم ماعمري جربتها دكتورتك .. نجوى بالدار مرره زحمة عليها و ماتجي بدري و تمشي بسررعه

و تجلس اﻻرقام لليوم الثااني و لخبطه كل وحده تقول دوري و حااله

عشان كذا اخترت شيرين بس ماعجبني المستشفى ماعندها سونار بس جهاز تسمع صوت نبضات البي بي

ماينفع كذا يعني ماتعرف حجمه و الموياء ناقصه او ﻻ ..

والسونار اسويه عند ياسر النصار بمستشفى المدينه الطبي

بس الحين اخذ اجازه ..

فاطمه بالخير سمعت وحده توفت عندها و هي تولدها

و كل شي قضاء و قدر ..

[ام احلى بنوتين]

مشكوره عشقي الاطفال على هذا الجدول الحلووو

وهليييين حبيبة خلودي وبنت الزوايده نورتووو التجمع

[ام احلى بنوتين]

الحمدلله اخيرآ عرفت اسوي شريط الحمل قبل ما اولد ههههههههههههه

[جريحة المحبه]

صبااح الورررد

بنات ابسالكم وين تتنفسون بعد الولاده ببيتك او ببيت اهلك??


سراحه ماخذه هم تبلشن بنتي مع مبزره اخواني وخواتي وهوشاتبين لاطفال وانواع الازعاج

[قوووت القلوب]

انا بيت اهلي

[يغار الحلى]

والله حتى انا محتااره بس مشكلتي اني انا بديره و اهلي بديره بيننا 800 ك

يعني اضطر لو ولدت فبيتي ضروري اجيب شغاله صعب اشتغل مرره ..

عند اهلي حريم اخووواني ازعااااااج كل يوم ناطه وحده ..

[ندووش]

صباح الخير للحوامل

[ندووش]

انا راح اولد في بيت اهلي احسن

عالاقل في احد يهتم في ولدي

[شهد009]

انا بكرييه ف اكككيد عند اهلي

[امنيه 28]

صباحكم ورد
باذن الله النفاس عند امي الله يخليها لي وابستأجر شغاله باذن الله لان شغالة اهلي ماجت للحين :(
صعبه فبيتي وكل حاجه قدام زوجي
وبصراحه لاشافك ببيتك يبي تهتمين فيه ماراح يرحمك ويحس بتعبك بس لاابعدتي عنه افضل لك وله ولو صرتي حوسه ولبسك ماهتميتي فيه مايصير بعينه
هذي وجهة نظري وكل وحده لها ظروفها

[ام احلى بنوتين]

صباح النور
انا في بيتي لان اهلي في مدينه بعيده عني وبنتي تدرس ما اقدر اروح عندهم

[ندووش]

مو كان احساس مختفيه ؟

[عشرينية]

مسا الخيرات
كيفكم
من زمان عنكم ادخل
عشقي مشكورة ع الجدول الحلو ماقصرتي
طبعا ماعرفت احطه بتوقيعي يوم حطيته طلع لي رابط خخخخخخخخخخخخخخخخخخ
من زود الفلاحة والله
بس اذا رحت عند اهلي اخلي خواتي يصلحونه لي هم ابخص
على طاري اهلي ,,,,, انا بولد عندهم
انا اكثر شي مخوفني شلون بروش النونو
احس شي يخوف
الله المستعان

[امنيه 28]

ندوش
الا والله فاقده احساس بس اتوقع انشغلت بالاجازه
ان شاء الله تكون بخير يارب ؛)*

[بنت الزوايده]

يسعد مساكم مشكورات امنيه وام احلى بنتين على الترحيب

[جريحة المحبه]

يغار شكلك نفس حالتي حريم اخواني ببيت اهلي وربي ازعاج مع مبزرتهم مااخذ راحتي مع امي لارحت لااهلي ياشين كذا

ندوووش شفيه توقيعك مايتحرك هههههههههههه انا قعدت نص يوم احاول فيه مره مايتحرك ومره يطلعلي رابط خخخخ

ام احلا بنوتين صدقيني اريح للوالد تتنفس ببيتها خاصه اذا كان بيت اهلها فيه حريم اخوانها

الله ييسر لنا جميعا ويقومنا بالسلامه

[جريحة المحبه]

احسااااااس فينك فقدناك وربي اتمنى انك بخير

[جريحة المحبه]

عشرينيه

انا يوم ببنتي ببكري اختي الي اكبر مني تروشها اخاف تزلق مني ههههه

[ام احلى بنوتين]

جريحة المحبه والله بيت اهلي هدواء ومريح وانا اكبر اخواني وهم باقي يدرسون ماتزوجو
ودي اتنفس عند امي بس المشكله اني بعيده عنهم وعشان بنتي تدرس ما اقدر اروح لوا اني بولد في عطله كان حلو اقدر اروح لهم

[ام احلى بنوتين]

عشرينيه حتى انا ما عرفت احط الجدول في توقيعي خخخخخخخ
امس قعدت احوس لين عرفت اسوي شريط الحمل واحطه في التوقيع هههههههههه

[قوووت القلوب]

انا اختي من فتره والده وجلست اجرب بنتها ابدل لها واغير الحفاظ
خخخخخ
وناااااااسه

[احساس طفوله]

اهلين بنوتات ماتفقدون غالي ان شالله بس انفصل عنا النت يبغونا ندفع المتأخر كله وزوجي يقول مايمدينا ندفع غير وقت الراتب يعني مطولين ؛؛؛؛؛؛؛
وانا بنفاسي بكون عند امي ان شالله الله يطول بعمرها يااارب ؛؛؛؛؛؛؛ عشرينيه سبحان الله انتي مثلي اخاف لما كانت امي تحمم بنتي لين وصل عمرها 3شهور صرت انا احممها لحالي وبعد كنت اخاف موووت يوم تشرق بنتي امي تقول خلاص يكفي وسوسه

[ندووش]

جريحه مو لازم يتحرك
انا ما صدقت ان طلع ههههههههههههههههه
في ولدي كانت امى تروشه لين 4 شهور بعد النفاس كنت اروح عندها علشان تروشه
كان صغير و انا خفت يطيح منى و حتى هذا الثاني بخلي امى تروشه لين ما تكبر ان شاءالله

[ندووش]

احساس هلا و غلا
كيفك و كيف بنتك و البيبي

انا لم كنت نفاس ولدي شرق و طلع الحليب من خشمه بغيت اموت من الخوف ط
حسبته مات اعوذ بالله
و بعدها جاني خوف مو طبيعي صرت ما انام و لا ابعد عنه

[أسوووم]

كيفكم يابنات وكيف الكروشه هههههههه

أنا نفاسي في بنتي عند أمي والنونو الجاي ان شاء الله عند أمي عشان مايمديني في بيتي مااعرف اتصرف وحوووسه مع بنتي

بالنسبه للترويش في كرسي الترويش للأطفال مره مريح وكويس وبصراحه ارتحت عليه مره الحمدالله تحطي الطفل وترشي عليه المويا

[امنيه 28]

مساكم ورد
اخباركم ؟؟

ياحبيلكم بنات ماتعرفون تروشون خخخخخ
انا بصراحه الدنيا علمتني الله المستعان
امي حرمه كبيييره وكثر الله خيرها اللي تسكب الماء علي وانا اروش خخخ
يوم يارا كنت اجيب البانيو عندي بالغرفه وماء دافي وشوي شامبو واسفنجة المغطس واحط مقعدها عليه اما راسها امسكه وافركها شوي بس وامي تسكب الماء وارفعها والفها بفوطه
لكن ماذكر روشتها بالاربعين الا مرتين مره يوم كملت ٢٠ ومره يوم جيت اطلع من النفاس لاني جبتها وكانت عندنا درجة الحراره ٣ تقريبا وخفت تمرض
وكنت امسحها بمناديل معطره واحط بودرة وكريم
*

يووووه تذكرت ايام لكن الله ييسر وتجي شغاله اهلي مررره عفسه وضعنا الحين

[أسوووم]

شوفو صورت كرسي الاستحمام

[احساس طفوله]

ندوش تمام الحمدلله بنعمه من ربي :انتي نفسي بنتي مرره طولت وهي شرقانه حسبتها ماتت رميتها ع امي ومن بعدها خلاص صار عندي فوبيا من الشرقه ؛؛؛ اسوم انا لبنتي جبت نفس الكرسي هذا بس ماجاني جراءه اروشها لين ماكملت3 شهور

[أسوووم]

عادي لازم تتعودي ايش تساوي

الكرسي زييييي كرسي بنتي بالزبط

عشان كدا حطيت صورتو وفي اشكال والوان

والله يعيينننا يارب شايله هم مره

[امنيه 28]

صباحكم ورد يااحلى كروشات ؛)

بنات
الحامل بالشهر الخامس يصرفون لها مضاد وعلاجات
اهلكتني السخونه والكحه والزكام الحمد لله ع كل حال
بس اكثر شي الكحه احس بطني يعورني اذا كحيت

ومين تعرف شي زين للكحه ومايضر البيبي ؟؟

[fo0fo0]

بنات صباحكم ورد ،،،،
ماضبط التوقيع أنا ادخل من ايبادَ. ؟؟

[fo0fo0]

لحظه كنه ضبط!

[fo0fo0]

ههههههههههه زين الحمد لله. ،،،

[احساس طفوله]

صباح النور؛؛؛؛؛ امنيه سلامتك ياقلبي الله يعينك ع الزكام بس روحي المستشفى وخوذي دوا راح يعطونك دوا مايضر الحامل انشاءلله لان الكحه غثيثه يالله تروح لاتسكتين ع نفسك
فوفو زين الحمدلله ضبط معك

[ندووش]

صباح الخير
كيفكم

امنيه سلامتك ما تشوفين شر
اذا رحتي للدكتورة و اساليها عن ورق الجوافه مره زين للكحه
بس ما اعرف اذا يصلح للحامل او لا
هو عبارة عن ورق من العطار و تخليه يغلي بس شوى و بعدين تشربيه يا حار او بادر مرررررررره مريح للكحه بس الافضل تسالي الدكتورة

[fo0fo0]

بنات تؤوي جايه من موعدي
ولما شافت التحاليل جلست تهاوشني تقول صديد ونسبة زلال وفطريات
والحديد نازل ؟؟
وقالت لازم نعيد التحليل نتأكد
والنتيجة الساعه ٢
وربي خايفه
لانها تقول ما ينفع ادويه لازم عن طريق الوريد

[ام احلى بنوتين]

سلامتك فوفو ماتشوفين شر ان شاءالله تطلع التحاليل سليمه.
الله يستر انا عندي الم قوي اسفل بطني وقالو لي قبل عندي املاح وقعدت اشرب مويه كثير واليوم رجع لي الالم
فوفو ماسوو لك سونار وعلموك جنس الجنين؟؟

[عشرينية]

فوفو طمنينا عنك
انا موعدي الاسبوع الجاي
مرعوبة من سكر الحمل ماغير اوسوس فيه
غير كذا شكله الم الخصر عندي التهاب في البول
شكلي بتهزأ زيك ههههههههههههههههههه الله المستعان

[fo0fo0]

الله يسلمكم. ،،
ام احلئ بنوتين صلحت سونار وتقول لسئ بدري. ،،

[ندووش]

فوفو سلامتك ما تشوفي شر
عليك بالماء و ابعدي عن اى شي مالح
و الحديد امره بسيط بس اهم شي الزلال

[احساس طفوله]

فوفو ماتشوفين شر ياقلبي الله يطمنك وتطلع النتيجه سليمه ؛؛ انتي منتظمه ع حبوب الحديد او تاركته؛؛؛ كم نسبة الحديد عندك

[قوووت القلوب]

فوفو سلامتك ما تشوفي شر*

[أسوووم]

سلامتك فوفو معقوله تقلك الدكتوره لسى بدري أنتي في الخامس غريبه والله

شكلها مهي شاطره

ماتحسي انك متسرعه عشان تعرفي جنس النونو

[يغار الحلى]

سﻵمتكم كروشااات قدامكم العافيه ماتشوفوا شر ي الغوالي

حتى انا قالولي معاك صديد بالبول ﻻزم اكثرر شرب مااء الله يعيين ...

[احساس طفوله]

فوفو وينك طمنينا عنك؟؛؛؛؛؛؛
يغار ماتشوفين شر طول وقتك اشربي مويا قدامك العافيه ياااارب

[ندووش]

الا عندها صديد بالبول
لازم تكثر من شرب اامويه

[يغار الحلى]

ربي يسسلمك احساس ..

ماغير طايحه بالعصيرات زي حملي فبنتي ..

[خربشات أنثى]

سلامتك فوفو ماتشوفين شر
انتي نفسي موعدي اليوم كنت متحمسة اعرف الجنس بس قالت لي لسه صغير مو مبين hwaml85

[احساس طفوله]

خربشات انثى شكل دكتورتك مو شاطره لان الحين الجنين يكون واااضح ع الاقل تعطيكي نسبه احس مره قلق اذا ماعرفتي نوع الجنين انا الحمدلله حدي مرتاحه بعد العيد ان شالله بأبدا اجهز لنفاسي

[يغار الحلى]

البارح رحت سنتر بوينت طلع انوو قسم المواليد ماعليييه تخفيض

مرره انقهرت بس شريت بطانيه لبنتي ..

[أسوووم]

حتى أنا رحت سنتر بوينت من اوووول وانقهرت على قسم الاطفال مافيه تخفيض قهررررر

بس اشتريت لحاف للنونو واخدت لبنتي فستان وبلوزه

[ام احلى بنوتين]

يسعد صباحكم كروشات
اخباركم إن شاءالله كلكم بخييير..

[احساس طفوله]

اهلين ام احلى بنوتين احنا بخير الحمدلله انتي كيفك وكيف البيبي ماجاء موعدكي كشفتي عن نوع الجنين

[ام احلى بنوتين]

الحمدلله بخير ياحساس الطفوله
لا والله موعدي لسى مطول يوم 25 شهر 12
كنت متحمسه اروح مستشفى خاص بس تراجعت بعد كلام فوفو امس انه مو باين وحنا زي بعض

[احساس طفوله]

انا عرفت انها بنت بالاسبوع17 بس احسن خليها لشهر12 عشان تتأكدين اكثر الله يعطيك الي تتمنينه ياااارب

[ام احلى بنوتين]

الله يسلمك ويحفظك ويسعدك ياقلبي

[قوووت القلوب]

ام احلى بنوتين انا بكره بروح عياده خاصه وبكشف عن نوع الجنين
وبخبركم
اتوقع خلاص يبين
متحمسه

[امنيه 28]

مساكم ورد بنوتات
حبيت ادخل اتطمن عليكم واشوف اخباركم
انا الحمد لله بديت اتحسن شربت ليمون وبرتقال وعيو يصرفون لي مضاد بس تجيني كتمه واستخدم البخار وارتاح عليه
بس سبحان الله الكحه بالحمل تهد الحيل وخايفه ع البيبي من تأثيرها

احبكم :)
*

[احساس طفوله]

امنيه ياحياتي الله يشفيك يارب الكحه غثيثه بس خليكي ع اليمون والبرتقال مرررره كويس ان شالله تخف عنك وربي حاسه فيكي فبنتي كانت معي كحه هدت حيلي بس احتسبي الاجر

[بنت الزوايده]

مساء الخير
اناموعدي 26 وان شاء الله راح اعرف جنس البيبي
بس متردده....

[احساس طفوله]

بنت الزوايده هلا ياقلبي غريبه ليش متردده المفروض يكون حمااااااس انك تعرفين نوع الجنين خاصة اذا كنتي بكريه

[ام احلى بنوتين]

بالتوفيق ياقوت القلوب وطمنينا عنك واذا بين معك جنس الجنين إن شاءالله بروح عياده خاصه

وسلامتك يامنية ماتشوفي شر ياقلبي مره جتني كحه وانا حامل في بنتي واعطوني شراب اكسلين

فوفو وينك مختفيه من امس طمنينا عنك كيف نتيجة التحاليل..

[بنت الزوايده]

هلا فيك حبيبتي متردده لانه يمكن مايبان الجنس واتحمس على الفاضي
انا افضل اني اكشف في السادس او السابع علشان يكون واضح اكثر

[ام احلى بنوتين]

بنت الزوايده بنشوف قوت القلوب بكره اذا بان لها جنس الجنين شكلنا بنتحمس ونروح نسوي سونارههههههههههههه لانك زينا نفس موعد الولاده

[ندووش]

يسعد مسائكم بكل خير

[ندووش]

من امس معايا صداااااااااااااااااااااااااااع فضيع

الله ياجرنا بس

اتوقع جنس البيبي بالشهر الخامس يكون واضح بالذات اذا كان ولد

البنت في كثير ناس يقولون ما يوضح معهم الا بالشهر السابع علشان تقفل رجولها

[ام تميم*]

سلامااات ندوش ترا طبيعي الصداع لا باس عليك

بنات انا بين معاي من نص الرابع انها بنوته وأمس اتاكدت وانا الحين بالخامس

عموما تحمسووا بس كيف ماشاءالله قادرين تصبرووووون هههههههه

[ام احلى بنوتين]

سلامتك ماتشوفين شر ندوش
صح كلامك اختي تقول يوم حملت في ولدها بان في اول اسبوع في الخامس وسوت سونار في السادس قالو موباين

[ام احلى بنوتين]

هههههههههههههه حبيبة خلودي والله انا متشوقه مررره اعرف ان شاءالله الاسبوع الجاي اروح عياده خاصه هذا الاسبوع مشغوله اشوي عندي مناسبة في العايله اذا خلصت منها رحت اكشف

[*mimi*]

مرحبا :)

انا كشفت بالاسبوع 18 قالي الدكتور 95% بنوتة

وقالي تعالي بالاسبوع 20 عشان أأكد لك .. رحت امس وقالي اكيد بنوتة hwaml95

[ندووش]

الله يسلمكم من كل شر

انا سويت اشعه في الشهر الرابع و قالت بنوته

ولم رحت لها في الشهر الخامس قالت مو واضح

[ام احلى بنوتين]

ماشاءالله ندوش بدري مررره قالولك يمكن بعد يطلع غلط

[امنيه 28]

بنات
رحت موعدي
كل شي سليم الحمد لله وقالت لي انها بنوته الحمد لله ماحد داري وين الخيره
انا ماهمني نفسي لكن بصراحه زوجي يوم قلت له كتم شوي واسكت ثم قال عندي احساس انه ولد
قهرني وربي
والله ثم والله ان كل همي انها سليمه ووضعها تمام بس يوم رجعت للبيت جلست اصيح
جنس البيبي من الله واللي من ربي حياه الله وماتوقعت ردة فعله كذا ابدا
حاول يلطف الجو لانه يوم كتم صدمني
مايعجبهم شي وربي
يارب سخر لنا :(

حبيت افضفض لكم بنات
واكيد فيه منكم من تحس بإحساسي*

[قوووت القلوب]

ياحياتي والله حاسين فيش
ولا تحطي ابالش حياتي

[ام احلى بنوتين]

ياقلبي ي امنيه وربي حاسه فيك
احسني معد ابغى اعرف جنس الجنين خفت من ردت الفعل
امنية انتي عندك بنت من قبل صح

[احساس طفوله]

امنيه ياحياتي مافيها شي انا عندي بنت وهذا انا حامل بنوته وربي اني طااااايره من الفرحه زوجي صراحه الوضع عنده عادي مو فاضي الا يتخاصم ع اسمها بس زوجك صدقيني مازعل بس كان حاط فباله انه ولد بس انتي لاتضيقين خاطرك وفهميه ان البنت بالزمن هذا افضل من الولد الا الي الله يصلحه لايصير تفكيره جاهلي بنت والي تجيب البنت مصيرها تجيب الولد بنت عمي جابت 3 بنات ورى بعض وبعده6 عيال ماشالله قولي له احمد ربي الي عطانا نعمة الذريه فيه ناس تتمناها

[امنيه 28]

ياحبي لكم يابنات
جبرتو خاطري
ام احلى بنوتين
ايوه عندي بنت وهذا حملي الثاني
احساس
اهو ماقال شي صريح بس بان ع خاطره وراح لأمه
خالتي الحنونه الله يجزاها الجنه وطبعا اكيد قالهاوالاكيد انها شافت خاطره وقالت له اهم شي سليمه
جبنا بنات وعيال لكن اهم شي صلاحهم وجاء متغيره نفسيته شوي
وعلى قولتك والله بهالزمن البنت ازين من الولد
وكلهم خير



لكن مدري اصدق دعواتي واحساسي واحلامي وحلم اختي فيني وكلهن فسرتهن ولد والا اصدق السونار اللي شفته بعيني
خواتي شككوني بنفسي يقولون لاتشترين وردي
جهزي محايد

[ام احلى بنوتين]

انتظري حتى تتأكدين ياما ناس يقولون لهم بنت ويطلع ولد والعكس
ومن جد كلام احساس صحيح البنت في هذا الزمن احسن ويازين البنات الله يحفظهم بناتي مالين علي حياتي وصدقيني مافي احلى من بنوتين ورى بعض يلعبون مع بعض ويستانسون..
انا لانه حملي الثالث وجاي بعد مده نفسنا في ولد حتى بناتي يدعون انه ولد والله كريم اهم شي الخلقه التامه واللي من الله حياه الله

[قوووت القلوب]

انا خاطري ب نوته
بس الي يجي من الله يا محلاه
اهم الشي الخلقه التامه

[احساس طفوله]

امنيه ايوه خوذي محايد احسن وبعد خوذي بعض الاغراض بناتيه السونار اصدق من الاحلام والاحساس بس انتي طول وقتك ادعي ربي اعطني الخير لي وافرحي بنوتك وزوجك بكره هو يطفشكي عليها وتغارين منها بعد البنات ورى بعض يجننون الله يجيبها لكي بالسلامه

[احساس طفوله]

ام احلى بنوتين الله يرزقكي الولد الصالح يااااارب ؛؛؛؛؛؛ قوووت انتي مثلي لما كنت حامل بكري نغسي بنت وطول وقتنا ندعي انا وزوجي انها بنت لان اغراض البنات تلفت الانتباه ماصدقت انها بنت لين رحت3 دكتورات وكلهم اكدو لي انها بنوته وياربي لك الحمد ربي عطاني ليان ؛؛ انتي ادعي الله انه يعطيكي الخير سوى بنت او ولد

[ام تميم*]

وه ياااازينهن زينها البنات ،،

أمنية حبيبتي ادعي ربك بالسلامة وزوجك بكرة بيفرح لا شاافها اهم شي انتي وصحتك وعافيتك وعافيتها
وأم البنوتين وكلكم صباااايا أدعو ربكم بالسلامة وتمام الخلقة
والله يرزقنا برهن وبركتهن