دردشة بنات ليبيا , دردشة حوامل ليبيا , تجمع بنات ليبيا

[أثري في مدادي]

جنوووووووووووووودة

كيف الحال ؟؟؟؟

سوسو مش لاهية بالنت توااااااااااااااااا

شبحتي فيها عند متاعينها ولا مواليها تهيج

لأنها كالعصفورة الصغيرة التي أطلق سراحها

فصارت ترفرف بجناحيها

تعبر عن فرحتها ولكنهاااااااااااااااااا

لازالت تنتظر نتيجتها

[أثري في مدادي]

جنودة

بالنســـــــــــــــــــــبة للتحزيم
في خلال رحلتي في البحث عن الأطفــــــــــــــــــال
حزمت
عند مرا جهة منطقة الفرناج
ومشيتلها علي ثلاثة أيام متتالية

والحق ديما ينصحوا بيه ،،،، وإن شاء الله بالصحة عليك يارب

[جوهرة ليبيا]

مساء الخير عالحلوين
كيف حالكم
اليوم مافضيتش قالبة الحوش كله واول حاجة بديت بيها دار النوم نزلت كل حاجة من الدولاب ورتبتة من جديد مع ان والله مرتب لكن قلت مادام حالي باهي خلي انضم ورتبت دواليب رنودة وراجلي ونزلت ستارات رواشنها ورتبت شناطي المكياج والتوكات وتوابعهم اللي في الشكماجة وسيقتها ومسحتها مع ان الجو قاعد غبرة شوي
وكنست الحوش وسيقتة كلة ومسحتة وعندي فوط الحمامات كوووووولهم غسلتهم لان الغالي القيتة مستعمل كل اللي في الدلاب النظاف ماعادا اروابي وروب رنودة حتي هي دوشتلها الامورة
وحكيت الحمامات التنين وونزلت ستاراتهم غسلتهم كلهم غبرة وحتي فراشات الدار العملية قضيتهم وغسلتهم لاااااازم كل شهر واحيانا اقل بحكم انها معيشة مع الصغار مانحكيش

المطبخ طبعا مافية شي غير طلعت لحم الغداء في القايلة وتوة كيف طيبت راجلي ايروح بعد المغرب درت رز ابيض وشربة وشكلت بعجينة البتزا اكثر من حاجة ((فخيدة الدجاج,خبزة محشية ملفوفة,وبيتزا عادية وبالخضراء المقلية)) وبس
مع الدلاع والقلعاوي والسلاطة مشوية وسلاطة الزيتون والجبنة والحمد لله

سووووووووووووووووووووسو وينك

[أثري في مدادي]

محور للنقاش

هل أنت من مؤيدي السُكنى بجوار أهلك ؟؟؟؟

الرجاء أن يكون النقاش بشكل عملي وواقعي

مع وضع ما يؤيدك وجهة نظــــــــــــــــرك ~~~

[جوهرة ليبيا]

اهلااااااااااااااااا اثري
كيف حالك
وسلامتك من الرعشة ربي ايهدي البلاد ويسخرلها ولاد الحلال معليشي ياغالية مادام يخدموا لمصلحة البلاد

وصحة غداك ان شاء الله خير علاش اتاجل عرس بنت حوك ان شاء الله المانع خير <<قصقاصة هههه

ام فراس ربي ايوفقكم ان شاء الله

اوشي بالنجاح للسنافر الحلوين

فعلا سوسو اكيدة اتهيج عندها الحق ان شاء الله تستمتع بوقتها

[أثري في مدادي]

أهلين جوجو
سلمك قصقااااااااااااااااااصة

الحق
كان العريس مصر علي العرس قبل رمضان باش يبوا يمشوا عمــــــــــــــرة

لما مصارش من العمـــــــــــــــــرة
قال خوي خليه على الموعد الأول في شوال


لأنه والله صعبة شوية عرووووووووووسة

وتخش علي رمضاااااااااااااااااان طول

[أثري في مدادي]

بالله خلي نمشي نراجع قرآنــــــــــــــــي شوية

مادام بث الدروس اليوم تاااااااااااااااعب هلبة ،،، يا خسارة

كان راجعت مقرري توا نخش نشوفكم
وبالمرة كان لقيت أم فروسي حاطة الرابط متاع موضوعها باش نصوتلها تستاهل الحق

لأني يومها قريته وبعدين تبخر ~~~~

[جوهرة ليبيا]

آآآآآآآآآآآآآآآآآآآآآآمممممممممممم اثري
الحوار انحسة صعب شوي
مثلا لوبنقولك انا من المؤيدين مش حنفيد بحكم اني نسكن بعيدة علي حوش بوي
بينما ماشاء الله عندي ست خوات متزوجات تفدري اتقولي كلهم تقدري تمشيلهم من حوش بوي لحوشهم علي الرجلين مسافة اقرب وحدة 4دقائق وابعد وحدة ثلث ساعة بس
وبما انا احني بصراحة عيله نتواصلوا بالتلفون اكثر تقدري اتقولي زيارتنا لبعض رسمية يعني مش خاشين طالعين علي بعض انحبوا نتلاقوا في حوش بوي مع بعض حتي ثلاث مرات في الاسبوع انهدرزوا وانهيجوا وقلوبنا علي بعض حتي مرت خوي زي اختنا الحق فماحد يضايق حد

فلو العيشة جنب حوش الاهل مش حتخلي الاهل مثلا يدخلوا في حياة بنتهم اوولدهم والبنت مش ماشية جاية طول الوقت لحوش بوها فانا انأيد هالشي لان الكل حيكون راضي ومرتاح

[أم أجنادين 80]

الخيرة في مااختاره الله اثري مرات احسن التاجيل من مصلحتها
والله يشكروا فيه التحزيم وان شاء الله خير
خير شنوا فيه اثري سمعت انه في اطلاق رصاص

جيجي يعطيك الصحة ردي بالك علي روحك والله من كلامك انك تبالغي في التنظيف هلبة
وخصوصا مع الحمل .
انا بماانه اليوم غبرة مبيتش انظف حتي الملابس غسلتهم مصارش من نشرهم
خليتهم .
ودرت غداي شيش طاووق ومقلوبة وسلاطة باذنجان

[أم أجنادين 80]

تعالي يااثري نبيك

[أم أجنادين 80]

حطيلنا رابط الدروس خلينا انتابوعوا معاك
وبالله عليك لو في اي دروس اتابعي فيها
او محاضرات جديدة ماتبخليش علينا بالرابط

[dr.loly]

السلام عليكم ورحمة الله وبركاته

[جوهرة ليبيا]

وعليكم السلام ورحمة الله وبركاتة

[أم أجنادين 80]

وأخيرا حملت مصحف الكتروني وهذا موقع يويتييوب
فيه اكثر من رابط للتحميل
&#x202b;المصحف الالكتروني مع رابط للتحميل و كيفية التنصيب&#x202c;&lrm; - YouTube (http://www.youtube.com/watch?v=jAiHAJui6Ww)
وانا هذا يلي حملت منه
MrHolol-quran - Download - 4shared - شبكة جنان الايمان (http://www.4shared.com/rar/jy8uyFCK/MrHolol-quran.html)

[جوهرة ليبيا]

حطيلنا رابط الدروس خلينا انتابوعوا معاك
وبالله عليك لو في اي دروس اتابعي فيها
او محاضرات جديدة ماتبخليش علينا بالرابط

صحة لسانك كيف بنطلب منها
يلا اثري اعطينا روابط وان شاء الله في ميزان حسناتك

[dr.loly]

اهلين اثري... وصحة صحة غداك ومعليش عالفجعه هضا حال البلاد حتي نا ديما فجايع بعد نقعد عند هلي انفجارات بنص الليل ديما يرعشوا فينا خصيصا عقابات الليل...

بالنسبه للهندي نقصد هكي نحس فيها حتطلع حلوة وجميله عليك حسب شخصيتك اي من اسلوب حكيك وكلامك...\\



والحمدلله عجب بنت اختك... والاهم استفادت ولو من معلومه بسيطه من تجربتي هذا كان هدفي الاول اني انفيد كل من يقراه

[dr.loly]

اهلين جوهرة وام اجنادين

[dr.loly]

http://forum.hwaml.com/t257531.html

http://forum.hwaml.com/t258490.html

[جوهرة ليبيا]

صليت وجييييييييييييييت اللهم لا تحرمنا لذة الخشوع في الصلاة وحلاوتها وان شاء الله في ميزان حسناتنا

والله ياجنودة الكل ايعارك فيا امي وعزوزتي والكل يقولي لاحقة علية الضمان حتي لما كنت مش حامل هذا حالي
لكن مش موسوسة اوعيافة لاااااا انحب انضم لاني نرتاح نفسيا خخخخخخخ

[جوهرة ليبيا]

اهلين بيك ام فروسي
كيف حالك وحال الصغار ان شاء الله بخير

[أم أجنادين 80]

راح نمشي لحوش عمي
نلتقوا متاخر شوي
وراح انجاوب علي سؤال اثري

[dr.loly]

ربي يعطيك الصحة جوهره وفعلآ تعب عليك هكي بالحمل نا مع كلام ام اجنادين... انا لما يقعد الجو عجاج نفسيتي تتعب خصيصآ اذا انقطع الضي والايام هذي يقطعوا فيه وااااااااااااجد تعبونا مع انهن ايام حمووو بكل درجه الحراره وصلت 44 اليوم............ وقطعوا الضي 5ساعات والله قهر البلاد قعدت بجد ....

ف يادوب انطيب غداي ونغلسن الاماعين و ونهتم بالعيال و بوهم وانا لااهتمام لاشئ خخخخخخخخخخخخ

[dr.loly]

إن السعادة لا توجد إلا عند اقتراب الروح من خالقها عزَّ وجلَّ، وكلما ارتفعت الروح واقتربت أكثر من الملك سبحانه وتعالى كانت أسعد ..

ولهذا حين تخرج أرواح المؤمنين من أجسادهم، فإنها تصعد إلى أعلى وتقترب من الله تعالى .. أما أرواح العصاة، فلا تُفْتَح لهم أبواب السماء ولا يدخلون إلى السعادة ..

وحينما اقترب النبي صلى الله عليه وسلم من موعد سعادته حين وفاته ، جعل ينصب يده ويقول "اللهم الرفيق الأعلى" [متفق عليه] حتى قُبِضَ ومالت يده صلى الله عليه وسلم ..

فإذا أردت أن تصل إلى السعادة، يجب أن تصعد بروحك إلى أعلى .. وهذا لن يحدُث إلا إذا نزلت بجسدك إلى أسفل ..

عَنْ أَبِي هُرَيْرَةَ: أَنَّ رَسُولَ اللَّهِ صلى الله عليه وسلم قَالَ "أَقْرَبُ مَا يَكُونُ الْعَبْدُ مِنْ رَبِّهِ وَهُوَ سَاجِدٌ فَأَكْثِرُوا الدُّعَاءَ" [صحيح مسلم]

وكلما سجدت وتذللت لربِّك أكثر، أزددت قُربًا وارتفعت مكانتك أكثر ..

قال رسول الله صلى الله عليه وسلم :"من تواضع لله رفعه الله" [صحيح الجامع (6162)]
فالسجود هو سر الفرح والسعادة .. ولهذا كان النبي صلى الله عليه وسلم إذا جاءه أمر يُسَرُ به، خرَّ ساجدًا شكرًا لله تعالى. [صحيح الجامع (4701)]
فإنك حين تسجد لا تنزل إلى أسفل، بل تسبح إلى أعلى فتقترب أكثر من ربِّك جلَّ جلاله ..

ولذلك تقول في سجــودك:
سبحـــــان ربِّي الأعلى

فما أحلى السجــــود

حين يلتصق جسدك بالأرض، وتقترب روحك من فاطر السماوات والأرض .. فتحس بالسعادة تتسلل إلى شِغاف قلبك وتسكن فيها ..

ولا تزال تسجد أكثر، فترتفع درجتك في الجنة أكثر ..

إلى أن تصل إلى قمة السعادة .. إلى الفردوس الأعلى من الجنة ..

والتي سقفها عرش الرحمن جلَّ جلاله، فأهلها جارهم هو الله عزَّ وجلَّ ..

عَن رَبِيعَةُ بْنُ كَعْبٍ الْأَسْلَمِيُّ قَالَ: كُنْتُ أَبِيتُ مَعَ رَسُولِ اللَّهِ صلى الله عليه وسلم فَأَتَيْتُهُ بِوَضُوئِهِ وَحَاجَتِهِ، فَقَالَ لِي "سَلْ"، فَقُلْتُ: أَسْأَلُكَ مُرَافَقَتَكَ فِي الْجَنَّةِ، قَالَ "أَوْ غَيْرَ ذَلِكَ؟"، قُلْتُ: هُوَ ذَاكَ، قَالَ "فَأَعِنِّي عَلَى نَفْسِكَ بِكَثْرَةِ السُّجُودِ" [صحيح مسلم]

هل علمت الآن ما الذي كنت تفعله طوال سنوات عمرك؟

أرأيت مدى خسارتك لعدم استشعارك لجمال السجــود طوال الفترة الماضية؟

وليس جسدك فقط هو الذي يسجد، بل قلبك أيضًا وهو الأهم ..

[جوهرة ليبيا]

استمتعي بوقتك جنودة

مشكورة عالنصيحة ام فروسي
والله الضي حاااااااالة ان شاء الله ايديرولة حل قبل رمضان ربي ايبلغنا رمضان علي خير ان شاء الله

[جوهرة ليبيا]

مشكورة عالكلمات اللي ينعش الروح

[dr.loly]

محور للنقاش

هل أنت من مؤيدي السُكنى بجوار أهلك ؟؟؟؟

الرجاء أن يكون النقاش بشكل عملي وواقعي

مع وضع ما يؤيدك وجهة نظــــــــــــــــرك ~~~


اذا كان جنب اهلي فأنا انتمني هالشئ خصيصآ ان اهلكـ اكثر ناس تخاف عليك وتهتم بيك... والسكنة قرب الاهل مفيدة جدآ خصيصآ للمرأه العامله نفسي مثلآ اآآآآآآه كني جنبهم قصدي كني حتي ببنغازي بس انحط عيالي عندهم ونعدي العمل مرتاحه البال او ماما تجي عندي ف وقت العمل,,,,,, تخيلت الموقف اه قاعدة نحلم...
وللاسف تباعدنا جدآ هم بمدينة وانا بمدينة حاليآ...

لكن في نظريات ايضآ مفيدة تقول ان كل ماتباعدي عن هلك بعد الزواج تحسي بالمسؤوليه اكثر والاستقرار ,,,ويمكن هالشئ صح بعض الشئ

[dr.loly]

مشكورة عالنصيحة ام فروسي
والله الضي حاااااااالة ان شاء الله ايديرولة حل قبل رمضان ربي ايبلغنا رمضان علي خير ان شاء الله

العفو يا احبيبة... حتي انتم يقطعوا فيه عليكم؟؟
خطرتي عليا رمضان اللي فات كنت انتوحم والضي كان ينقطع بالسااااااااااااااااااااااااااعات من 4 الي 8 ساعات تخيلي ... وكان الجو يحمي بشكل رهيب عندنا لدرجة معش انتحمل روحي حتي عليك ايام

والمشكلة حتي بعد مايرد يرد ضعيف يعني المكيف مرواح بس

[dr.loly]

كنت اندير في العشا طلعت 4حوتات منظفتهن واتيات... تبلتهن وفتلكتهن بالبصل والطماطم والليم والبطاطا ودرتهن الصلصه ولفيتهن بورق الالمونيوم وحطيتهن ف طاجين فيه اميه بالكوشه وقليت بطاطا وباذنجال ودرت سلاطه ... وجيت للمنتدي منجديد العيل راقدين ..كسدت وابوفراس عازمينا اصحابه جو وداع ف مزرعة من العصر طالع وتوا الساعه 10 والحق ماعمرش طول معاهم من قبل حرام يقولي نخليك بروحك واجد نجه... شكلي بنوض فروسي يتعشي معايا بعد اشوي

[جوهرة ليبيا]

غلآي كيف روح مسكين تعبان ربي ايعينة قطعلي قلبي امشي للجامع وعين مسكرة وعين مفتوحة خخخخخخخ بيرقد

سلام توة اواليوم لازم انهيأ الاجواء لزوجي باش يرتاح واول شئ انرقد الفتفوتة اللي عندي ههههه رنودة



**استودعكم بالله الذي لاتضيع ودائعة**

[جوهرة ليبيا]

ام فراس صحتين الحوتات
واستني اكيد تو يتعشا زوجك امعاك او حتي يقعمز امعاك يكفي

[dr.loly]

في حفظ الله جوهره وليلتك سعيدة يارب,,,
http://up.3dlat.com/uploads/13602744199.gif (http://www.google.com/url?sa=i&rct=j&q=%D8%AF%D8%A8%D8%A7%D8%AF%D9%8A%D8%A8&source=images&cd=&cad=rja&docid=Lg0VP__IiDFNyM&tbnid=cH3_t33Voi1RMM:&ved=0CAUQjRw&url=http%3A%2F%2Fvb.3dlat.com%2Fshowthread.php%3Ft %3D124030&ei=Fi6dUYb9AemX1AW7rYCgDg&psig=AFQjCNFpuj2cpXiizrxWUBX5RmkiGmuDRw&ust=1369341562496268)

وحتي نا قاعدة نستني عشيت فروسي و عارفه روحي مانعرفش انتعشي بدونه...

[sosolibya]

السلام عليكم
انا جيييييييييييييييييييييييييييت

ماتنشغلو على غالى
انى كملت امس وتنفست اخيا
اااااااااااااااااااااه محلى الراحة

راحة شنو اعمال شاقة ليه ليه خخخخخخخخخخخخ
وحدة تسأل وتجاوب على روحها

كيف الحال ليا ساعة وانا نقرا فى الصفحات


وعلى اساس منبيش نسلم ليييييييييييييييين نكمل بس لقيتهم معادش يبو يكملو قلت خلى نسلم عييييييب



شن جوكم ياحلوين مستاحشتكم

[أم أجنادين 80]

صحتين الحويتات ام فراس
ماشاء الله عليها الفهومية بتهأ الجو لزوجها ربي يخليكم لبعض جيجي

[أم أجنادين 80]

هلا باغلا كله سوسو
ليك وحشة يابنت
ان شاء الله بالنجاح وعقبال ماتكملي امتحانات الدبلوم للماستر
ازيك وازي ابو العيال
احكيلنا شن الأعمال الشاقة

[أم أجنادين 80]

سوسو البلوزة يلي خديتيها من المحل الجديد جنب الأولمبي بكم

[أم أجنادين 80]

وين رقدتوا

[أم أجنادين 80]

اهئ هئ هئ هئ
خليتوني بروحي

[أثري في مدادي]

لالالالالالالالالالالالا
أني قاعدة معاك

أهلا سوسو

[أم أجنادين 80]

مرحبتين اثري

[أم أجنادين 80]

بالنسبة لسؤالك اثري
انا لو اتاحتلي الفرصة اني نسكن جنب اهلي
اكيد راح نفرح لان مفيش اي بنت لاتتمني تكون قريبة منهم لانهم اقرب ناس ليها
وتتاح ليها الفرصة انها تشوفهم ديمة وعلي ابسط ظرف تكون واقفة معاهم
وعن نفسي اكثر سبب حتي انعاون ماما مرة مرة

[اوشي]

السلام عليكم ورحمة الله وبركاته

[اوشي]

ماشاء الله عليكم سهفتوني عالهدرزة

[اوشي]

بارك الله فيكن ام فروسي وجيجي وام اجنادين

وربي يحفظلكن احبابكن

[اوشي]

كيف حالك اثري ....

امبكري نتفرج علي ليبيا الوطنية القيت دكتور في اللغة العربية

يلقي في محاضرة .. الكتور كلامه رائع واسلوبه ايجنن ويحسسك

بقيمة ماتستمعي له ودمه خفيف يعني يجذب العقول

فتذكرتك وقلت كان اثري حتى هي تتفرج عليه

[اوشي]

بالنسبة لسؤالك انا في بداية زواجي كنت نتمنى اني انكون حتى في نفس المدينة

بس بعدين لقيت انه الخيرة في ما اختاره الله واستمتعت بروحي مع زوجي واولادي

وكبرت اكثر من عقلي واعتمدت على نفسي حتى في ولادتي مانقول لحد لين نولد

واشياء اخرى

[أثري في مدادي]

حطيلنا رابط الدروس خلينا انتابوعوا معاك
وبالله عليك لو في اي دروس اتابعي فيها
او محاضرات جديدة ماتبخليش علينا بالرابط

صحة لسانك كيف بنطلب منها
يلا اثري اعطينا روابط وان شاء الله في ميزان حسناتك

حااااااااااااااااااااضر
غالي والطلب رخيص
بس مشكلتي
منعرفش نحط روابط
ولا نعرف نحط صور
لكن حنحاول نتعلم فيكم
خخخخخخخخخخخ


كيف حالك اثري ....

امبكري نتفرج علي ليبيا الوطنية القيت دكتور في اللغة العربية

يلقي في محاضرة .. الكتور كلامه رائع واسلوبه ايجنن ويحسسك

بقيمة ماتستمعي له ودمه خفيف يعني يجذب العقول

فتذكرتك وقلت كان اثري حتى هي تتفرج عليه

شن اسمه زعما الدكتووووووووووور ؟؟؟
وسلمه لي خلاك تفكري فيناااااااااااااااااا

[dr.loly]

السلام عليكم ورحمة الله وبركاته

[أثري في مدادي]

جوجو

أم فروسي

جنودة

أوشي

شكرا جزيلا
على المشاركـــــــــــــــــــــــة الرائعة
بس هناك جوانب أخرى مختفية مــــــــــــــــثل :
~~ حرصك الدائم على بقاء عائلتك بأروع حلة أمام زوجك ....... وه\ا أحيانا لايتوفر
~~ إحساسك الدائم بالمسؤلية اتجاه أمور أهلك "" أفراحهم وأتراحهم ""
~~ الإعتماد الكامل عليك من بقية الأطراف لكونك جارة للأهل
~~ السعي نحو تقوية العلاقة مع الشيابين لأنك دوما متهمة فأنت ......... مش معدلة علي حد جارة أمك ~~
~~ الواحة التفسية التي يضع الجميــــــــــــــــــــــع في ظلالها حملهم وهمومهم
~~ صعوبة وضع خطوط حمراء تحدد خصوصيتك لأنهم .......... أهلك

وبالرغم من كل هذا إن شاء الله نكون جارة أمي
دائما وأبدا
بالك نردلها لوية من لويات الوووووووووووجع

[dr.loly]

من سهرانه ... خل نديروا جووو شاهي ومكسرات ودايرة كيكة بالشوكلاته تفضلوااااا

وحدة جيعانه خخخخخخخخ

يارب امتي ننقص وتحول البطن اهئ اهئ
المشكلة رايحة ناكل الحق ماقدرتش نمنع نفسي اااااااااااااااااااااااااه

[أثري في مدادي]

منتديات البيضاء العلمية (http://www.albaidha.net/vb/)

هذا رابط المنتدى الذي أتابع من خلال إذاعته ـــ الموجود زر التشغيل الذي يخصها في أعلى الصفحة الرئيسية ـــ دروس دورة ابن القيم الرابعة والتي قصتهاااااااااااا

يتبع ..........

[أثري في مدادي]

ياهووووووووووووووو حطيت الرابط

عقبال الصوووووووووووور

خخخخخخخخخخخ

معليشي قدروا فرحتي

[شموسه 88]

السلام عليكم ورحمة الله وبركاته

[أثري في مدادي]

أهلا بأم فروسي ومكشراتها وكيكتها

بالله ما تحكيليش على الريجيييييييييييييييييم

ناكل وأني مش راضية على نفسي

والحق الرضاعة لالالالالالالالالالالالالالالا تساعد على تخسيس الوزن
هذه أكبر كذبة

وإنما تساعد على تخسيس العزيمة والإرادة

صايرة في حالة مع الحلووووووووووووووو

[dr.loly]

والله يا اثري انا نتمني ان هلي في نفس المدينة بسسس ...جارة واجد عليا انحس فيهم
وانا حاليآ جارة عربي هل زوجــي...وطبعآ حاكية ليش من قبل
انعاودها باختصار لان زوجي يخدم اسبوعين بعيد فضروري يكون ونس جنبي
مع ان هو نفسه ضد السكن فوق او جنب هله... لكن الله غالب الظروف يحكمن
وصدقوا العرب زمان اجدادنا بعد قالو... تبعد تغلي

[شموسه 88]

ياهووووووووووووووو حطيت الرابط

عقبال الصوووووووووووور

خخخخخخخخخخخ

معليشي قدروا فرحتي

هيييييييييييييييييييييييييييييييييييييي اثري مبروك برغم مش فاهمه الموضوع بس حبيت انشارك فرحتك

[أثري في مدادي]

وعليكم السلام ورحمة الله وبركاته
أهلا بشمووووووووووووووسة

كيف حالك
وكيف حال وليدي عبسي وعويناته ؟؟؟

[عبير الحرية]

http://forum.hwaml.com/t259391.html

[شموسه 88]

نمشي انقصفص الصفاحي لي فات شكلا فيه موضيع شيقه

[شموسه 88]

وعليكم السلام ورحمة الله وبركاته
أهلا بشمووووووووووووووسة

كيف حالك
وكيف حال وليدي عبسي وعويناته ؟؟؟
الله يسلمك اثري والله عبسي كاين مريض حراره واسهال شلته لدكتور قالي عندا احتقان ويسنن
بس اعيونه الحمدلله

[أثري في مدادي]

القصة وما فيها ما كنتش نعرف نحط رابط

فضيـــــــــــــــــــحة صح ؟؟؟

بس إتنم خواتي مش برانية

واللي يقروا من ورا الكواليس

ما عندي ما نديرلهم
\

[أثري في مدادي]

عــــــــــــــــــــــــــــودة
لموضوع الدروس اللي نتابع فيها
القصة وما فيها
بعــــــــــــــــــد التحرير
وزوال الطاغية وقيوده
وتعتيمه وتجهيله

أعلن في منتديات البيضاء هذه عن دورة ابن القيم الأولى والتي ستقام بطرابلس الغرب
والشيخ الذي يعطي الدروس هو الشيخ : مجدي ميلود حفالة ... يكنى بأبي مصعب
وهو من طلبة الشيخ الوادعي اليمني ،،، فقد كان باليمن ثم عاد إلى أرض الوطن وافتتح هذه الدورات الرائعة
فصرت أتابع الدروس عبر برنامج يدعى {{ البايلوكس }}
فأتابع مباشر وكأني بالمسجد
وأذهب للاختبارات في المسجد

الحقيقة استفدت كثيرا من هذه الدورات جزى الله شارحها كل خير
وهانحن الآن مع الدورة الرابعة ولله الحمد
وهذه الدورات تتدرج بك في عذة من العلوم مثل :
العقيدة اللغة الحديث الفقه وغيرها

وبما أننا في المستوى الرابع فأنصحكن بمتابعة
دروس العقيدة ـــــــــــ شرح كتاب التوحيد ــــــــــ الأيام الأحد والثلاثاء ــــــــ من العصر إلى المغرب يبدأ دائما مع قرابة الساعة السادسة
دروس الفقه ـــــــــــــ شرح عمدة الأحكام ــــــــــــــ السبت والإربعاء ـــــــــــ بعد المغرب إلى صلاة العشاء

يتميز شرح الشيخ بالسلاسة وعنده من القدرة على التوصيل الشيء العجيب
فإن من طلابه وحضوره صبيان ومشايخ ،،،،،،،،،،

فأدعوكن إلى متابعة هذه الدروس الماتعة ~~~~~~~~~

وتوتة توتة وخلصت الحدوثة

[أثري في مدادي]

بنمـــــــــــــــــــــــــــــــــشي نرقد
عيوني بيتصكروااااااااااااااااااااااااااااا

ياربي بنيتي ترقد ~~~~~~~~~~~~~

السلام عليكم ~

[ليبياقلبي]

ننننننننننننننننننننننننننننننننننننننننننننننننفس يتي تاعبنة لدرجة متضوريهاش ادعولي من كل شي ونتمنى نموت

[dr.loly]

صباحووووووووووووووو

[dr.loly]

امس كنت بنسهر ونهدرز مع اثري بس خسارة النت معش با يعلق,,,

[dr.loly]

ننننننننننننننننننننننننننننننننننننننننننننننننفس يتي تاعبنة لدرجة متضوريهاش ادعولي من كل شي ونتمنى نموت


لاحول ولاقوة الا بالله... كنك يا ام نوزه معقوله تقولي هكي ...هو صح الانسان مرات تظلم عنده الدنيا وتنقفل كل الممرات اللي تريح البال والتفس وكثير مرينا بمواقف صعبه لكن مع الصبر والاراده اخني تمشي الامور...فكري بالامور الايجابيه بحياتك اختي واتركي عنك السلبيه
فكري في مستقبلك واتركي الماضي وهمومه حتي شئ صارلك قبل ساعه انسيه ويغتبر من الماضي...
وتذكري نعم الله عليك... انك انسانه متعلمه ومتفوقه بدراستك فكري بأيفادك ومستقبلك العلمي... بنتك ربي يحفظها اقضي معها اوقاتك والعبي واهتمي بها بعد تضحك وتستجيب معاك باللعب حتحسي بأحلي شعور بالدنيا... فكري بولدك اللي ببطنك وكيف رج تحضري لولادته ومناسبتك الجياب واهم شئ نعمة الصحة اللي انعم بها الله علينا والباقي كله يهون
وان شاء الله ربي يفرج همك وضيقك ,,, بعد الضيق يأتي الفرج بأذن الله تعالي

[dr.loly]

كســـــــــــآد مافش حد يفتح بالصبح الا انا خخخخخخخخخخخ نوضن ياكسولات

[sosolibya]

السلام عليكم

[جوهرة ليبيا]

وعليكم السلام ورحمة الله وبركاتة

صباح الخير

[sosolibya]

ام فروسى قاعدة ولا مشيتى










جنودة البلوزة فيه اسوام

27 او 35

او او............

شنو خديتى حاجة


انا امس ندهورو فى القناعة

وطقيت فى الزهيوى والخبر المحزن ان القفطان مالقيتاش اهىءءءءءءءءءء والله زعلت من كل قلبى وجعنى هلبةةةةةةةةةةةةة

[sosolibya]

اهلين بالغالية جيجي شنجو


والله امس لقيت قفاطين يهبلو يجننو لريم رحت بلا عقل

فستان اقمشة مختلفة وفوقه جاكيت صغيرون

الاسعار 18 20 35


شنو رايك فى الاسعار

[جوهرة ليبيا]

اهلا سوسو
كنت نقرأ في الصفحات اللي فاتوني
اسعارهم ولااااااااااا اروع
والله رنودة اخديتهولها ب75وعادي سنبل بس ناعم فية براءة الاطفال هههههههه

وان شاء الله القفطان تلقي احلي منة انتي شن ماتلبسي اكيد حيطلع حلووووو

[جوهرة ليبيا]

توة نشرب في شاهي وبريوش بالشكولاتة هههههههههه بديت كل مانشربه نذكر فيك كيف قلتي وشاهي الصبح المفحفح بالنعناع ههههه سلمها الهدرازة بس انا شاهي الظهر يفحفح

[ام معاد]

السﻻم عليكم كيف حال الجميعhwaml7

[ام معاد]

جيجي صحة الشاهي والبريوش اماﻻ طار الوحم

[جوهرة ليبيا]

امس اتفقت مع الحناية السودانية وقالتلي فضية اليوم اللي نبيها فية آآآآآآه حاجة وافتكيت منها
اما مزينتي يوم السهرية عندها عرايس في دار الايتام ماشاء الله عليها اول ماتعرف وحدة بتتزوج تمشيلها ومتخلي ماتهديلها ان شاء الله في ميزان حسناتها والله هي ماتقول لكن نسمعوا من الناس اللي تعاون فيهم حتي اللي حالتهم المادية عادية اديرلها ولا قرش تاخد تبي الدعاء بس
القيتها اول امس في حوش خوي خلت الجو ايهبل بخفة دمها القيتهم ايديروا في فطيرة وسفنز قعدت للليل والله ماروحت لين روحت ههههه

[جوهرة ليبيا]

اهلا ام معاد وينك غاطسة امس انفكر فيك
كيف حالك وحال كل اللي عندك؟؟

والله امس واليوم انحس بروحي الحمد لله
راجلي ايقولي غير لاهية في التجهيز للعرس والعرس قرب هههههههههه
تعرفوا احني النساوين انصحوا للطلوع والعراس هههههه

[ام معاد]

اني الايام هدي ةوجيج واخد من النت شغله وقرايته ماتمش جخ

[ام معاد]

ههههنفس يلي قل فيه راجلي

[sosolibya]

معقولة 75 والله غالى هلبة

مانا نتمشى ناخذ 2 ولا 3 قبل ماتغلى الدنيا على رمضان

وعجبنى واحد ابيض يجنن كأنه فيلو ندسه للعيد كانا حيين ان شاء الله
لانه اكيد فى العيد يوصل لل70 مادامه توههكى



صحة البرريوش سهفتينى نجى نهدرز معاك




اهلين بالغالية ام معاد

غير طمنينا على ام ورد

[ام معاد]

سوري علي الامﻻء نكتب من النقاال

[جوهرة ليبيا]

وين هربتي سوسو

[جوهرة ليبيا]

الكتابة من النقال والقرائة ممله هههههه ربي ايعينك

[sosolibya]

بس شن رايكم ابيض صعب يتلبز ومايتحمش

[ام معاد]

اهﻻ سوسو انحسه عادي ﻷنحس مﻻبس الصغار غالييين هلبة .ام ورد حالها كويسة وتسلم عليكم75

[جوهرة ليبيا]

سوسو انا خديتة سكري يتحمل اكتر من الابيض

[sosolibya]

ايه حتى انا نقصصد السكرى لانى اصلا عجبنى السكرى احلى من الابيض بهلبةةةةةةة

[sosolibya]

وخيت لبسة لحمود تخيلو بالرغم من انها كتان حلو يعنى تشبه البيجامة شورت طويل وسورية بس انا نحب ناخد لصغارى لبسة كبيرة شوية نكره اللبس يبدأ معصب على الصغار
يعنى تجيه كأنه
سروال

ب 8 دينار فقط

وخديت انا عباية ب25

لأنى والله حرت شنو بنلبس لما نمشى لامتعينى كل مرة لاننا الحق نلبسو فى قفاطين

بس بديت نتحشم من القفاطين هلبةةةةةة وحسيت العباية اريح واستر

تخيلو العباية زى هديكا النوعية الراقية

طبعا فكرتها كأنها شرعية يللى مافيش كمام يعن مع بعضها

وفيها حزة بسيطة عند الصدر والله تعقدت نمنها يعنى مستورة وجت فى الصدر دارو هالحزة بس هى مش مبينة الصد

وخديتها رقم 1وجت واااااااااااسعة

[sosolibya]

وين مشيتوووووووووووووووو


عندى حاجة بنقولهالكم


امس اتصلت بيا ام صاحبتى وعزمتى على بيان بنتها يعنى اخت صاحبتى

واحنا الحق نواصلو فى بعض هلبة

وعزمتنى انا وامى

لانها حى هي وامى يواصلو فى بعض

وشوفو شنو اقترحت بنرفع وقولولاى رايكم

طبعا وصيت مرت خالى يللى ادير فى الحلويات
على 50 كنافة (معششة)

وصندوق مشروب

وفكرنا فى صندوق موز

وامى بترفع من الحوازة صندوق خوخ

ونكر فى هدية كمثرد او شى من هذا القبيل

شنو رايكم


فكرة الموز كنوع من المساعدة
بما اننا مثل الاهل والحمد لله

[جوهرة ليبيا]

الحزام اللي يجي في العباية مش لازم تربطية باش مايبينش الصدر

انا نلبس في عباية الراس علي قولت الخليج والليبين ايقولوها الخفاش والخيمة واستهزاء عيني عينك
انا لما نطلع كحلة مع بعضي ماعدا الكندرة والشنطة عندي الوان هادية بيج زيتوني قهوي ورصاصي
ومايخلوا ميعلقوا هادي كيف تمشي لاش هذا كلة حتي مرة دكتورة قالتلي انتي اصغيرة علاش غامة روحك قلتلها انا ساترة روحي لطاعة الله وطلعت والله ماعاد امشيتلها خخخخ
فية اللي تلبس سرواويل وحالة لكن تحترمك واتقولك ادعيلي ماقدرتش انسيب هالبس
بينما فية عقليات الله اكبر عليهم
والله لو بنتكلم علي هالموضوع مانسكت ههههه

[جوهرة ليبيا]

ماشاء الله ياسوسو سلمك ودادة كفيتي ووفيتي رافعة حاجات يستفيدوا منها ربي ايعاونك واستمتعي بوقتك

[sosolibya]

صح والله فها من الداخل خيط طويل وانا حايسرة شن هو ونتل فيه البارح كله خخخخخخخخخخخخخخخ

[أم أجنادين 80]

السلام عليكم ورحمة الله وبركاته
من وين حصلتيها ب 25
انا عندي عبايتين وحدة للمناسبات كبيرة زي متاع الخفافيش علي قولتك جيجي بس وشاح من فوق
وعندي وحده ثانية مفيهاش فصوص بسيطة بس مخصرة ومن كثر ماطلعت بيها قدمت
نبي ناخد وحدة بسيطة وواسعة ورخيصة
سووسو والله مدخلي فيك لازم تصوريها

[أم أجنادين 80]

سجلت في منتديات البيضاء يلي حطت رابطه اثري
بارك الله فيها

[sosolibya]

سلمك ياجيجي سلمك ليا


وين جنودة اليوكم

والفالحة ام فراس خشت سيقت وبخرتوهربت وياحليلنا توا لما تلقنا معفسين هههههههههههههههه

[أم أجنادين 80]

كفيتي ووفتيتي سوسو ياريتك صاحبتي خخخخخخخخخخخخ " طماعة "
جيجي شن غداك اليوم

[sosolibya]

ياسبحان الله جنود\ة جت والله تبت الرد قبل مانشوفك


مانا والله برى خودة وحدة يهبلو والكم فيه مسافة يعنى مضغوطة ولصقة وهذه المسافة وخط الحزة يكونو قماش كاتفة نفس اللون وانا خديته سماوى تركوتز يهبللللللللللل

ومازلت وحدة على لون الوردى تهبل عجبت امى بس خديت خديت هذه وخلاص

طبعا هذه الوردية رقم 1 الاخرات 2 و3

برى برى خوديها وتوكلى على الله

تعرفى والله ماخاطر عليا

بس لما لقيتها رخيصة

وتذكرت انى مستحقة خديتها

[sosolibya]

كفيتي ووفتيتي سوسو ياريتك صاحبتي خخخخخخخخخخخخ " طماعة "
جيجي شن غداك اليوم


هههههه شن بيديرولك قداش مرة كلم فيك ونقولك تعاليلى
هههههههه والخوخ موجود معطى وبيع

وتفضلى فى اى وقت

عيالى عندهم وعمى يبيع فيه


كان تبى ندزلك صندوق
باش حتى انا نحصل ليم بوصرى مرة ثانية عاد جوددائم مشهورين بيه ماشاء الله

قصدكمكويس الحاجات يللى رافعتها

ونزيد مثرد ولا مش لازم

[أم أجنادين 80]

سوسو نبعثلك عالخاص بس الباين المساحة الرسائل الواردة عندك هلبة
امسحي منها
نتغدي ونرجع......

[اوشي]

حااااااااااااااااااااضر
غالي والطلب رخيص
بس مشكلتي
منعرفش نحط روابط
ولا نعرف نحط صور
لكن حنحاول نتعلم فيكم
خخخخخخخخخخخ



شن اسمه زعما الدكتووووووووووور ؟؟؟
وسلمه لي خلاك تفكري فيناااااااااااااااااا

هلالالالالالالالالا .... حبيبة عادي عادي تعلمي فينا مافيش حد براني

حتى انا كيفك مازال نبي نتعلم طريقة وضع الصور من غير طريقة ارفاق ملف

ربي يساعد خخخخخخخخخخ

جوجو

أم فروسي

جنودة

أوشي

شكرا جزيلا
على المشاركـــــــــــــــــــــــة الرائعة
بس هناك جوانب أخرى مختفية مــــــــــــــــثل :
~~ حرصك الدائم على بقاء عائلتك بأروع حلة أمام زوجك ....... وه\ا أحيانا لايتوفر
~~ إحساسك الدائم بالمسؤلية اتجاه أمور أهلك "" أفراحهم وأتراحهم ""
~~ الإعتماد الكامل عليك من بقية الأطراف لكونك جارة للأهل
~~ السعي نحو تقوية العلاقة مع الشيابين لأنك دوما متهمة فأنت ......... مش معدلة علي حد جارة أمك ~~
~~ الواحة التفسية التي يضع الجميــــــــــــــــــــــع في ظلالها حملهم وهمومهم
~~ صعوبة وضع خطوط حمراء تحدد خصوصيتك لأنهم .......... أهلك

وبالرغم من كل هذا إن شاء الله نكون جارة أمي
دائما وأبدا
بالك نردلها لوية من لويات الوووووووووووجع



والله يااثري كان في جعبتي كثير من الكلام من واقع الحياة بس ريرو الله يهديها عكرتلي مزاجي

فقصيت الموضوع حتى لما تقريه تشوفيه مش كامل

من سهرانه ... خل نديروا جووو شاهي ومكسرات ودايرة كيكة بالشوكلاته تفضلوااااا

وحدة جيعانه خخخخخخخخ

يارب امتي ننقص وتحول البطن اهئ اهئ
المشكلة رايحة ناكل الحق ماقدرتش نمنع نفسي اااااااااااااااااااااااااه

لااااااااااا لالالالالالالالالا لااااااااااااااااااا ... الحق توة ننقصو علي هالموال حتى انا في العشية

دزيت حمادي علي مكسرات وارس وسنكرس وبراو وايس كريم ....... هذين ابروحهن 10

كيلو زيادة اهيييييييييييئ
أهلا بأم فروسي ومكشراتها وكيكتها

بالله ما تحكيليش على الريجيييييييييييييييييم

ناكل وأني مش راضية على نفسي

والحق الرضاعة لالالالالالالالالالالالالالالا تساعد على تخسيس الوزن
هذه أكبر كذبة

وإنما تساعد على تخسيس العزيمة والإرادة

صايرة في حالة مع الحلووووووووووووووو

فعلا مع الرضاعة انا نزيد مستحيل ننقص ربي ينقصنا علي خير

ننننننننننننننننننننننننننننننننننننننننننننننننفس يتي تاعبنة لدرجة متضوريهاش ادعولي من كل شي ونتمنى نموت

ام نوزة ما تخليش الشيطان يتحكم فيك اختي العزيزة ارمي احمولك عالله وتوكلي عليه

وعليك بالسجود وقراءة القران فيهم راحة ونسيان للهموم ...... ربي يفرج عليك

وين مشيتوووووووووووووووو


عندى حاجة بنقولهالكم


امس اتصلت بيا ام صاحبتى وعزمتى على بيان بنتها يعنى اخت صاحبتى

واحنا الحق نواصلو فى بعض هلبة

وعزمتنى انا وامى

لانها حى هي وامى يواصلو فى بعض

وشوفو شنو اقترحت بنرفع وقولولاى رايكم

طبعا وصيت مرت خالى يللى ادير فى الحلويات
على 50 كنافة (معششة)

وصندوق مشروب

وفكرنا فى صندوق موز

وامى بترفع من الحوازة صندوق خوخ

ونكر فى هدية كمثرد او شى من هذا القبيل

شنو رايكم


فكرة الموز كنوع من المساعدة
بما اننا مثل الاهل والحمد لله


ماشاء الله تبارك الرحمن كفيتيو ووفيتو انتي وامك وعلي قولت جنودة ياريتني صاحبتك خخخخخخ

[اوشي]

انا غداي اليوم رز امبوخ نمشي انحطه توأم روحي جا

[أم أجنادين 80]

الباين طلعتوا

[أم أجنادين 80]

صحتين اوشي
انا غداي طاجين حوت
والحويتات ودني بيهم سلفي من اصطياده
وسلاطة مشوية درتها في الكوشة جت روعة قبل كنت اندير فيها علي الغاز وادير في دخان هلبة ويقعد
الطماطم باميته بس المرة هذه حلوة حلوة مع سلاطة خس وفواكه

[ام معاد]

اني اليوم بروحي ةوجي تغدا وامشي علي حاله اهئ اهئ اهء

[ام معاد]

اني اليوم غحاي كسكسي بالخضرة.وين جيجي ماقالتش علي غداها شنو

[ام معاد]

شكلكم امقيلين نوم العوافي

[جوهرة ليبيا]

حتي انا اليوم غداي كسكسي بالخضراء ((كسكسي مش اليابس الاخضر علي قولتنا))

ومع طاجين جبن بالدجاج ودلاع وسلاطة مشكلة وبثثثثثثثثثثثثثثثثث

والحمد لله بركة

[اوشي]

صحة الحويتات جنودة وسلم سلفك انشاء ديمة ايود فيكم

صحة الكسكسي ام معاذ

[اوشي]

جيجي صحة غداك ... ماشاء الله لاقوة الا بالله

والله خايفة عليك من العين ... ربي يعطيك الصحة ويحفظك من كل شر

[جوهرة ليبيا]

الله يخليك ويحفظك اوشي


بنات فقاطين السنة موديل قشرة الحوتة ههههههه علي سيرة الحوت
والله عندي قفطان شريتة في عرسي قشرة حوتة وبسيط وفية نفخة بسيطة من تحت ومن غير كمام رقبة بس مع خراص طوال والله لبستة مرة وحدة في السبعة ايام قلت مادامة موديل السنة وماشافني فية حد بنغير رقبتة وهو واسع شوي 42يعني قاعد ايجي عليا حتي مع الحمل وفكرت نستغلة في العرس في السهرية

شن رايكم نعرف مرات انفكر هههههههههههه
حتي عزوزتي كانت عندي وشجعتني <<ستايل عزوزتي عندها ذوق هي اللي تشجع فيا راجلي ايقوللها هي ناقصها انتي اتزيدي فيها وكلة علي راسي ههههه تهبل

[اوشي]

انا اليومين هادو غاطسة في الحوش رفعته كله ماعادا المربوعة حتى ديار العيال رفعتهم

وخليتهم عالفرش العجمي بس وتسييق من فوق للوطا

وطلعت الفرش كله في الحواجر برا امتا ما احس روحي بنغسلهم نغسلهم

واعفن حاجة كانت في الحوش دار محمد وعلي ... التراب اللي طلعته من الحوش مايجيش في

ربع تراب دارهم ... خخخخخخخخخ والله يابنات تعبت معاهم حواسين بشكل ماتتصوروش

لما نمشي لاختي والا لسلفتي نلقى ديار اولادهم مرتبة وعيالهم شواطين ايقولو للبلا

تنزل والا نرقولك بس في ديارهم لا ماشاء الله عليهم من غير حسد ياربي

واولادي هاديين نوعا ما مقارنة بيهم بس تحويس دارهم شي يفوق الخيال الله يهديهم

بالنسبة لردينة الله يربحها دارها ديمة نظيفة بس دبشها اي دولابها ايفضح

مرة جتني اختي وهي تتميز بالنظافة لين تتحشمي انك تقعدي امعاها في مكان من

قوة جريها وضمانها للحوسة لا قوة الابالله ... جيجي تذكري في بيها انحسك حتى تشبهيها


المهم خشت دار ردينة وقالت ماشاء الله يادودو دارك حلوة ومرتبة ونظيفة طبعا تحكي

وتمشي شور الدولاب وهي حطت ايدها بتفتح وانا انقولها بصوت عالي لالالالالالالالالالالالالالا

انفجعت وردت وقالت لي الستر ياربي كنك ... ضحكت وقلت الها ننصحك خليك هكي فكرتك .

حلوة والا ستصابي بصدمة عاطفية خخخخخخخخ

[اوشي]

جنودة انا اليوم بندير بسبوسة الجلاكسي خخخخخخخخ ماعتش ننسى اسمها

[اوشي]

توة بالسلامة توة نطل عليكم بعدين

[جوهرة ليبيا]

سلاااااااااااااااااااام اوشي

تعرفي ديما انفكر بعد وقت ان شاء الله يبدوا عندي هلبة صغار <<مش هلبه 4 بس هههه
كيف بندير خصوصا مع راجلي نقطة ضعفي لو انقصر معاة والله يابنات نبدا مريضة ويقولي ماديري شئ لكن ضميري يانبني لازم انطيب ونشكل ونحدد الحوايج ونظف الحوش بالرغم من انة مش النوع اللي يبي كل شي جاهز ومرتب عادي مادامني مريضة ميلومش وهو صفر في الاعتماد علي نفسة من لبس او ماكلة يعني الحاجات اللي تخصني بنديرهاله مستحيل يقدر ايديرها بنفسة ههههه دلع

[ام معاد]

hwaml11ياين انتم؟

[جوهرة ليبيا]

ام معاد زوجي في الطريق جهزت توة السفرة بخطم عالصيدلية يجيبلي بندول الزرق راسي يوجع شوية والعشية بنمشي زي ماقلت بنغير القفاطين وبنشري كندرة

سلااااااااااام

[أم أجنادين 80]

صحتين الكسكسي ام معاذ وجيجي
اوشي شن غداك

[أم أجنادين 80]

يعطيك الصحة اوشي
عادي الصغار اغلبيتهم هكي ورودينة توا تكبر وتتعلم بنية ماتخافيش عليها

[أم أجنادين 80]

حتي نستاذنكم بندير كيب كيك قبل ماينوض زوجي

[أم أجنادين 80]

درت الطاجين الأول
ورجعت مفيش ولا وحدة

[اوشي]

سلاااااااااااااااااااام اوشي

تعرفي ديما انفكر بعد وقت ان شاء الله يبدوا عندي هلبة صغار <<مش هلبه 4 بس هههه
كيف بندير خصوصا مع راجلي نقطة ضعفي لو انقصر معاة والله يابنات نبدا مريضة ويقولي ماديري شئ لكن ضميري يانبني لازم انطيب ونشكل ونحدد الحوايج ونظف الحوش بالرغم من انة مش النوع اللي يبي كل شي جاهز ومرتب عادي مادامني مريضة ميلومش وهو صفر في الاعتماد علي نفسة من لبس او ماكلة يعني الحاجات اللي تخصني بنديرهاله مستحيل يقدر ايديرها بنفسة ههههه دلع

هلااااااااااا جيجي ... على فكرة اختي اسمها فيفي هكي دلعها وامسجلتها في النقال فيفي


وعندي اختي الثانية اسمها جيجي حتى هي زيك نظيفة وماتهمدش بكل بس هي نوعيتها

تتعب وتقول انا درت ودرت ودرت وانت ما درتي غير هذي بس بينما فيفي ماتعدلش اتضم

حتى وهي مريضة ولا تقول ولا تطلب من حد يساعدها جيتي ساعدتي باهي وان ما جيتي باهي

....................................

وهي نفسك سبحان الله كل حاجة الا زوجها ضروري كل حاجته على احسن مايرام من ملبس

وماكلة ونظافة ... وهي حشى عويناتك عندها 5 اولاد بنت و4 اولاد

على فكرة راجلها من زليتن .... وديما انخاف عليها من العين كل حاجتها واتية وجاهزة وهي كيفك

ديما تعارك في خواتي الاثنين الصغار علي لبس القصصير والعريان ربي يهديهم طبعا بحكم انها

متدينة ومنقبة حتى من قبل انتشار الخمار حاليا

اللهم احفظ اختي من كل اذى


hwaml11ياين انتم؟


سلمنا hwaml7خلاص يانا جينا ........ بس انت وين تمشي

تكتبي كلمتين وتغطسي

[أم أجنادين 80]

ليا كم يوم نحاول انحمل مصحف الكتروني صوت وصورة للتحفيظ
وكل ماانحمل ونفرح يطلع مايشتغلش بالنت او يطلع صورة بس

[شموسه 88]

السلام عليكم ورحمة الله وبركاته

[شموسه 88]

اتصدقن يابنات توا غير قمعزت من الحوسة عجاج امس اوعبسي ياروحي مازال واكلها انحس في راسي يبي ينفجرمن تعب قبل نبي نطلع لسوق ناخذ كم لبسه تركيب اودبش لصغار بس ماقدرتش

اودرت غدايا رز بلشعريه اودجاج كنتاكي او قلايا

[شموسه 88]

يلنسبه لفستان مازلت نرجى في رد وصيت كم محل في طرابلس عل فستان لي نبيه اومازالوا ماردوا عليا ياربي ايصير منا

[جوهرة ليبيا]

مساااااااااااااااااااااااااااااااء الورد والتعب هههههههههههه
آآآآآآآآآه يارجليا توة كيف روحت نعتبر بسرعة ماشاء الله عليا

[جوهرة ليبيا]

مشكورة اوشي عالكلمات والمدح الحلو والله كلك ذوق وانسانة صريحة ماشاء الله عليك
وربي يحفظ كل وخياتك ويهدي الصغيرونات عاجل غير اجل ياااااااارب

شموسة ربي ايعاونك كل شئ يتم بشويش عليك

[أم أجنادين 80]

والله مانحكيلك علي الحوسة شموسة
انا البارح استغليت الفرصة ودرت جزء من الاعمال الخارجية تكنيس وتسيق
واليوم الداخل كنس
وغدوة مسح الأثاث
بصراحة انقسم الاعمال افضل من تعب يوم واحد

[أم أجنادين 80]

شن صار في القفطان جيجي
صار منها التعديلات وبكم تكلف

[شموسه 88]

اهلين جنووده اوجيجي
والله صدقتي الحوسه مافيهاش مفر بذات لاني نطلع كل يوم

[شموسه 88]

وين سوسو كملت امتحانها ولا مازالت مقدرتش انلحق عل هدرزه لي فاتت

[شموسه 88]

اوشي سهفتيني في بسبوسها وهظا وقتها بس معندش جهد انديرها دزيلي تبسي سلم خيتي ماتخافش مش حنردلك التبسي فاضي

[جوهرة ليبيا]

هادا ياحنا صلي زوجي العصر وصليت انا ووتيت روحي انا ورنود والقفاطين ورفعتهم للخياطة وشرحتلها ونسيت حاجات ماقلتلهاش عليهم هههههه التهيت انهدرز عليها دوتي هلبة سلامتي
وبعدين امشيت لنادي الاتحاد <<اشهر امكان بالنسبة ليا للكنادر ناااااااااااازك وروعة
شفت ممكن 4محلات بس
واخترت وحدة كرستال اوان الطيف تمشي مع الذهبي والفضي ب70 وشنطة يد بسيطة بس نازكة فوشي في الفضي ب25 طبعا انجنيت علي اللي ب85 لكن في عرس اختي واخدة وحدة ب65 قاعدة جديدة ان شاء الله 3سنين معادش نشري لاني زي مانقوللكم نشري حاجة غالية وناعمة لكن منغيرش ديما نقعد علي حاجتي لو طلعت بها 10مرات عادي ننتقم من سعرها وهالشرح المفصل باش متقولوليش مسرفة والله لاااااااا لان كان من نوع نشري ديما والسعر معقول حنتجاوز الاسعار اللي نتعامل معاها

بعد هكي خطمنا علي بن عاشور محل مارينا للمكياج ايهبببببببببببل اخديت ماسكارا ووروج السنة اللحمي وكحل تركواز وازرق كحلي واخضر وبثثثثث
وروحت
راجلي مش مصدق قالي دوم مش يوم
وتوة راجلي وبنوتي قاعدين في الجنانات مع عمها وصغاره وعزوزتي

[شموسه 88]

صليت المغرب اوجييت

[شموسه 88]

مبروك ماشريتي جيجي اتبيدي بلهناء

[اوشي]

السلام عليكم ورحمة الله وبركاته

كيف الحلوين




اتصدقن يابنات توا غير قمعزت من الحوسة عجاج امس اوعبسي ياروحي مازال واكلها انحس في راسي يبي ينفجرمن تعب قبل نبي نطلع لسوق ناخذ كم لبسه تركيب اودبش لصغار بس ماقدرتش

اودرت غدايا رز بلشعريه اودجاج كنتاكي او قلايا

هاااااي شموسة ايش لونك عيني ..

بالنسبة للحوسة راهو العمر يكمل والحوسة ماتكمل

وحدة وحدة اهو انا ليا يومين ومازال ما كملت .. كيف ماقلت لكم الحوش كبير عليا

وفيه 4 حواجر 3 مفتوحات علي بعضهن وواحد بروحه والحواجر تسييقهن بس يبي ساعتين

ماقلتلكمش ... حصلنا في الحوش 400.000 وجماعتنا هلي وهل توام روحي واصحابه كلهم

قنعونا اننا مانبيعوشي ...

ايش داير عبسي توة ان شاء الله كويس

مشكورة اوشي عالكلمات والمدح الحلو والله كلك ذوق وانسانة صريحة ماشاء الله عليك
وربي يحفظ كل وخياتك ويهدي الصغيرونات عاجل غير اجل ياااااااارب

شموسة ربي ايعاونك كل شئ يتم بشويش عليك

الله يسلمك ويحفظلك كل احبابك

والله مانحكيلك علي الحوسة شموسة
انا البارح استغليت الفرصة ودرت جزء من الاعمال الخارجية تكنيس وتسيق
واليوم الداخل كنس
وغدوة مسح الأثاث
بصراحة انقسم الاعمال افضل من تعب يوم واحد


صدقتي جنودة ... انا من قبل كنت هكي لين ظهري وكرعي يقعدو يسطرو فيا

وبعدها قلت من يجري في جرتي خلني اندير حاجتي بالتقسيم

اوشي سهفتيني في بسبوسها وهظا وقتها بس معندش جهد انديرها دزيلي تبسي سلم خيتي ماتخافش مش حنردلك التبسي فاضي

آآآآآآآآآآآآه ياحبيبتي لوجارتي بس


هادا ياحنا صلي زوجي العصر وصليت انا ووتيت روحي انا ورنود والقفاطين ورفعتهم للخياطة وشرحتلها ونسيت حاجات ماقلتلهاش عليهم هههههه التهيت انهدرز عليها دوتي هلبة سلامتي
وبعدين امشيت لنادي الاتحاد <<اشهر امكان بالنسبة ليا للكنادر ناااااااااااازك وروعة
شفت ممكن 4محلات بس
واخترت وحدة كرستال اوان الطيف تمشي مع الذهبي والفضي ب70 وشنطة يد بسيطة بس نازكة فوشي في الفضي ب25 طبعا انجنيت علي اللي ب85 لكن في عرس اختي واخدة وحدة ب65 قاعدة جديدة ان شاء الله 3سنين معادش نشري لاني زي مانقوللكم نشري حاجة غالية وناعمة لكن منغيرش ديما نقعد علي حاجتي لو طلعت بها 10مرات عادي ننتقم من سعرها وهالشرح المفصل باش متقولوليش مسرفة والله لاااااااا لان كان من نوع نشري ديما والسعر معقول حنتجاوز الاسعار اللي نتعامل معاها

بعد هكي خطمنا علي بن عاشور محل مارينا للمكياج ايهبببببببببببل اخديت ماسكارا ووروج السنة اللحمي وكحل تركواز وازرق كحلي واخضر وبثثثثث
وروحت
راجلي مش مصدق قالي دوم مش يوم
وتوة راجلي وبنوتي قاعدين في الجنانات مع عمها وصغاره وعزوزتي

مبروك ماشريتي صحة وعافية عليك ... حتى انا كيفك من النادر وين نمشي للسوق

ووين نمشي نجيب حاجة عليها القيمة ونادرة ونعرف انه مافيش منها واجد ونطلع بيها

ياما من المرات

تعرفو عندي 3 عبايات من اول ما اجوزت يعني من 12 سنة مازلت نلبس فيهم

لاني والله بدون مبالغة ماشفتش حد لابس منهم اللهم الا عباية وحدة لقيت

صبية صبيتي لابسة وحدة كيفها بس لونها مش حلو كيف امتاعتي

[جوهرة ليبيا]

الله يبارك في عمرك ياشموسة عقبال ماتكملي لصغارك ويوصلك القفطان اللي تتمنية يااااااارب

[اوشي]

عندي موضوع بنستشيركم فيه وان شاء الله نلقى المساعدة منكم

[اوشي]

بس توة عاجنة عجينة بنمشي نرميها ونكمل عشاي ونجيكم

[جوهرة ليبيا]

الله يبارك فيك اوشي يارب

عندك الحق الواحد يشري شي علية القيمة ويريح باله

اللي سالتني عالتكلفة في 170بالمساعدة طبعا لان سلامتي مبالغة في التغير وطالبة كرستال درجة عالية والفقطانين بنديرلهم خيوط من اخلف وتكلفة الخيوط ديما كل قفطان45 وطلبت فيوكة في نهاية الخيوط بالكرستال الذهبي

[جوهرة ليبيا]

في انتظارك اوشي
حتي انا شوي تانية بيجوا اصحاب راجلي خميسية وحلفلي قالي نبي العشاء بيتزا في الطاجين القابسي بسسسسسسسسس صحابي ايحبوها مع الدلاع والقلعاوي ومشروب ريحني بالحلف لاني منهنيش روحي لازم انشكل السفرة ههههه
وتوة نضرب في النسكافية نكتب شوي ونضرب شوي هههه

[شموسه 88]

غفيت اشويه نضت عل نقنقت عبسي عند حراره درتلا دوش اوعطيتها كلبون بس الحمد لله انزلت اشويا ياربي اللطف بيه

[شموسه 88]

اه حمدلله تخلصت شموسه من البمبرز نهائي كنت انحول فيه الها نهار وليل انلبس فيها بس مسكينه حتى في الليل اتنوضلي اتقولي نبي الحمام ليا ليليتين متريحه منا

[sosolibya]

السلام عليكم ماشاء الله عليكم هدرازات

انا العشية مشيت لشراك الخوخ متع عمى جووووووووووووو


حنودة ابعثى توا نقصت منها الرسائل

[جوهرة ليبيا]

الف سلامة عالغالي عبسي وارتحتي من البامبرز والله بنتي كان نلقي انحيهوله غير قاعدة انحسها ماتفهمش


مراحب سوسو ربي ايعاونك

[sosolibya]

جيجى ممكن نسألك سؤال بي ماتحرجيش منى

شن رأى راجلك فى طريقة صرفك يعنى نحسك تاخدى فى الغالى والغالى ماياخد غير الغالى

بس نحس الراجل حتى لو ماتكبمش

اكيد يضايق

وان شاء الله منكونش قلت حاجة غلط

غير نسأل بالك عندك طريقة جديدة للتخبيل
خخخخخخ



انا الحق زوجى مايقوليش لا ولو نبى ناخد يللى نبيه

بس انا نتحشم ونقول مانبيش تضايقه ونخليه يتعقد منى ويقل انها تاخد ديما ومااتاهد غير الغالى
فهمتينى منبيشه يحس الاخساس هدا ويضايق منى لا شعوريا

ماتحرجيش من جيجي رانى حاسباتك اختى

لانى ماعنديش خوات اهىءءءءءءءءءءءءءءء

[شموسه 88]

اهلين سوسو شنوا الجو ان شالله كملتي امتحناتك

[جوهرة ليبيا]

وانتي زي اختي واعز والله امدايرة عليك كبيدة

انا لما نكتب قلت اكيد حيقولوا هذا الشئ لكن ياغالية كتبت اني مانشريش ديما ولما نشري الحاجة نشريها ماركة وغالية
بس لو نشري ديما وبسعر عادي بتطلع التكلفة اكثر بهلبة يعني انا وزوجي الرابحين هههههههه

ومانتحشمش من زوجي اولا لاني مانطلبش ديما هي مرتين في السنة وبنتي حتي انقول بهدرزة وعفوية اني خاطري نشريلها حاجة طول ايقولي تو نشروهالها
وبالعكس يفرح بيا وبيتخطيطاتي لان الغالي بزعاك ومايعرفش وين ايحط فلوسة انا نقترح وعالغلب ايوافق من غير ان الحمد لله معاشة كويس ايكفينا مصروف حوش وتحويش علي جنب والله انا مامسرفة ومانطلب الا اللي فعلا مستحقاتة وماعنديش والله قعدت سنة بداية زواجي مطلبت حاجة اولا عندي وتانيا راجلي كان خاش جمعيات من نص الشهر انفلسوا ومع ذاك جبت بنتي بعد 9شهور من زواجي ومع ذالك دار عزومة كبيييييييييييييرة ومانقص شئ وجبت في عيادة خاصة والحمد لله من سنة كمل ديونة وترقي مدير فرع للشركة والحمد لله مرتاحين وفي نعمة

والله مامسرفة وبشهادة زوجي وحتي امة
وان شاء الله الصورة وضحت عندك ياعسولة

[شموسه 88]

شهيتني بلبيتزا والعجن بلرغم معندش جهد بس مشيت عجنت خاطري في بيتزا الملفوفه نبي نحشيها صلصله اوجبنه مبشوره اوزيتون اوتن

[شموسه 88]

وينك يابنات ره نمشي نهرب

[شموسه 88]

معتها سلام توا انصلي العشاء ونبرم عل البيتزا وانجيكم ان شالله

[جوهرة ليبيا]

وطريقة للتلخبيط ماعندي لكن انا انقول بنمشي لفلانة او بنشري حاجة ايقولي لا انقولة حاضر المهم راحتك علي طووووووول ايقولي نوضي

راجلي من النوع اللي ميحبش العناد كان انقوله لا ضروري مستحقة او شئ يزيد ايعاند

وبانسبة للشري تو المفروض عندي تحليلات لمتابعة الحمل وديما ندير فيهم في الخاص من 50الي 70 جنية فما اني صرفت هالشهر هلبة فحنضطر انوض بكري ونديرهم في مكان العام مستشفي او مستوصف

وعلي فكرة لو انقولك اني من النوع اللي انجمع بالجني وخمسة واحيانا عشرة بتقوليلي مستحيل حتوفري حنقول لااااااااااا لاني حاليا من ثلات شهور انجمع ولما جتني المناسبة القيت نفسي عندي 285 ماشاء الله لما نغسل الحوايج انفتشهم وديما نلقي ونجمع وزوجي فرحان بيا هلبة لاني انوفر علية احيانا صح هو فلوسة مش خادمة انا عليهم لكن لما بنطلب بدل منقول 700انقول 550عرفتي كيف
وبصراحة الطريقة هادي تعلمتها من اختي والله دارت بالتلقيط الجني والخمسا حديدة وتعليقة مش حتي خفاف لكن توة بعد مصغارها بدو يقروا قالت بديت نعطي فيهم مصروف ههههه

[sosolibya]

حبيبتى جيجى عرفتك بتتحسسى منى انا مانقصدش حاجة

وان شاء الله مانكونش رزنت عليك



شنو رايكم نقول لأمى دير سفنز لمشيتنا غدوة

بدى طرفة والناس تفرح بيه

[sosolibya]

لما بنطلب بدل منقول 700انقول 550عرفتي كيف


النقطة هذه مافهمتهاش


حتى انا جيجى خر مرة درت شقاقة طلعت منها 800 ماشاء الله

ودرت ب 600 منهم تعليقة

حتانا فالحة هههههههههههههههههههههههههههههه

[sosolibya]

طبعا انا حاصلة فى الخوخ نعاند فيه

بندير مربى اكيد

وبندير عصير عشان امتعينى غدوة

ان شاء الله

[sosolibya]

حتى انا زيك جيجى ديما نقترح على زوى ويفرح باقتراحاتى هلبةةةةةة

ونحس نفسى نريح فيه بالقرارات وألأفكار يللى نعطيهاله



نمشى نعاند الخوخ ونجيكم

[sosolibya]

من يعرف أى شىء عن غسالة الفراشات او البساطات لو سمحتم يتفضل يعطى رايه

[اوشي]

صورة 241.jpg (89.4 كيلوبايت)


هذه لك ياشموسة تفضلي

[جوهرة ليبيا]

ربي ايعاون سوسو
لا محرجتش بس انا نقطة ضعفي حد يفهمني غلط انا منقولكش انسانة مثالية وكاملة لكن الحاجة اللي امقصرة فيها انقول
وانا الحمد لله مش من النساوين اللي يطلبوا كل شهر وياريت قايمين حوشهم ومهتمين بازواجهم والحق زوجي ايقولي تستاهلي تاخدي عيوني زي ماحاطتينا في عيونك يقصد حتي امة بصراحة مش مقصرة انادي فيها كل يوم ونشريله واي حاجة اتخش لحوشي والله بالنص انا وياها والحمد لله ان شاء الله ربي مايغيرنا علي بعض بالرغم والله عندها حاجات لاتحتمل لكن انفوت لوجة الله وعلي خاطر عيون زوجي الغالي

**لما عرف زوجي بالعرس قالي قداش مستحقة شفت قداش مجمعة وجمعت حق المكياج والبدلة الهندية والتعديلات فبدل منقول نبي 700قلتلة 550 فهمتيني ياعسل

[sosolibya]

لقيته قاعد سخون قلت خلى نجيكم شوية


جيجي عيب عليك معقول تزعلى منى

اثبتى انك مش حرجانة

ياستى باش نريحك اهو نحكيلك انا نشرى الحق ناخد طبعا مش كل مايعجبنى بس لما تعجبنى حاجة ورخيصة
ناخدها بالرغم من انه لبة مرات تنازلت على هلبة حاجات

بس انا منحبش ناخد الغالى هذه نعتبرها ميزة فيا منم لما كنت فى حوش عيالى

منحبش ناخد الغالى ناخد حاجتين اسعارهم معقولة ومختلفات ولاناخد حاجة غالية

بس اكيد فيه من لبسات ومناسبات بى حاجة فخمة وغالية

ناخدها والحق مش من نوعية نبى لكل عرس

يعنى الحاجة ناخدها غاليةونلبسها اكثر من مرة فى أكثر من مكان


أتمنى ان تكونى مازعلتيش منى


هذه هدرزة ناخذو ونعطو

[جوهرة ليبيا]

سلم ايدياتك اوشي ويعطيك صحيحتك وبالهنا والصحة تاكلوها

[جوهرة ليبيا]

لا محرجتش والدليل قاعدة ناخد ونعطي لاني والله لو نحرج حندير خروج ومعاد نفتح عالمنتدي ابدا حتي خلف الكواليس طبعي شوي شين hwaml4نمشي صح وكان حد غلط فيا انطنشه ولاناخد ونعطي معاه

فشوفيني انا قاعدة انهدرز وعادي ونفكر في المربي اللي اديري فيها ياقمر ههههه ابعتيلي منها

وفي حاجة بنقولهالك اني مانطلعش هلبة يعني مناسبة او 2بالكثير بحكم لانمشي لصالة ولامنظومة فهمتيني
وتعرفي انا انموت في الهدرزة<<<والدليل ردك بعشرة ردود هههههههه
خصوصا العشية مع شاهي العالة وانروح منحبش انكلف حد لاغداء لاعشاء حتي لو نعرفة مايتعبش لا ماديا ولا جسديا ولااااااا انحب المناسبات الرسمية وحدة تشبح للتانية وخلاص انا لما نلبس ونكشخ لنفسي ولزوجي وبس بحكم ان صعب نجيب وحدة تمكيج ووحدة اتحني<<والله ديما انحني حتي بروحي
باش ايشوفني زوجي درتها 2بس كمفاجاة لان تعرفي مرةتغيري ارواب لون شعرك تسمني تضعفي كلة مقدور علية لكن زي المناسبة صصصصصصصصصصصععععب هههههه

[اوشي]

سلمك ياحبيبة هاذو طرفين اسهفت عليهم شموسة

اتفضلي خودي واحد خخخخخخخخخ

[جوهرة ليبيا]

ياااااااااااهووووووووووووو وين عديتوا <<<قلبت شرقاوي ياحبي ليهم ولهدرزتهم السمحة يارب احفظهم

[جوهرة ليبيا]

لالالالا اوشي ابعتيلي صونيتي بروحي ياغالية

بصارة ياعسل والله كاني كليت مادام كليتي منها وسمي عليا طريف صغيرون <<مش طماعة ههه

[اوشي]

حبيبة جيجي وسوسو ربي يدوم المحبة بينكم

اكيد كل وحدة فيكم فهمت عالثانية ... صحححححححح

[اوشي]

نجيها ياربي جيجي الحانطة ضي التجمع اللي ديمة منورته

حتى انا انحب لهجتكم ... وبالنسبة للبسبوسة ياقلبي هانعطيك طرف

بالكثير طرفين عشان الرشاقة

[جوهرة ليبيا]

والله خيرك سابق يكفي انك اتوديني من قلبك الله لايحرمني منك ويحفظ لك صغارك وزوجك وكووووووووووول غالي عليك ياااارب

سوسو هادي عسولة التجمع مستحيل نحرج منها غالية وتبي مصلحتي بس ربي يحفظها

[اوشي]

بالنسبة للموضوع اللي قلت الكم عليه بنستشيركم فيه هو ..........

انا مدحل الحوش لما اتخشي من الباب الرئيسي علي يدك اليمين دروج امدايرة

فيهم حوضين حلوين حاطة فيهم ياسمين بلدي وافرنجي ومسك الليل

ونهاية الدروج فريندا كبيرة علي شكل حرف ال بالانجليزي حاطة فيهم اصيصات نباتات منزلية

جبتهم السنة اللي فاتت ايهبلو وكل اللي ايجو عطينا منهم كيف ينزرعو والحق انا شاريتهم

ما يقار 30 اصيص ب 300 دينار ... بعد ما مرضت ما عتش اهتميت بيهم وحدات ايهبلن ماتن

وحدات قاعدات لكن انحسهن مش تمام

غيرت التربة وزدتها رملة وونقطع في الاوراق الصفراء ونسقي فيهم شوي شوي

بس انحسهم مازل ما اصلحو

فا أللي عندها فكرة او خبرة تقولي

[جوهرة ليبيا]

بما اني حساسة شوي <<<لا والله هلبة ههههه
تعرفوا احيان تدمع عيني لما انشوف كيف الهدرزة كلها مفيدة ووحدة اتود التانية وتنصح التانية ندعي من كل قلبي الله لايفرقني عليكم يااااااارب
وهدا بالنسبة ليا اول واخر تجمع لبنات ليبيا مادام مرتاحة فية مستحيل انبدل عليكم ابدا كلكم غاليات علي قلبي



بنات انا قلقانة ومشغولة هلللللبة علي ام ناريز ردها مش مريح ابدا ربي ايفرج عليها وان شاء الله المانع خير وربي ايدلها عالطريق الطحيح وينزل الطمانينة علي قلبها <<مش حابة انخوفكم عليها لاكن بجد انا مشغولة من الصبح انصبر في روحي ممكن اتخش وطمنا ياااااارب ان شاء الله خير



اثري شوي وتطلع زي القمر في الليل هالسهارة

[اوشي]

جيجي ياقلبي اذا عند فكرة قوليلي ... غير انا توة الست روى موعد نومتها نمشي انجهزها

نتلاقو بكرة باذن الله ليلتك سعيدة

في حفظ الرحمن

[ام معاد]

السلالالالالالالالالالالام عليكم مين اتجي تسهر معاي

[جوهرة ليبيا]

وعليكم السلام ورحمة الله وبركاتة
ام معاد منورتنا اليوم متواجدة هلبة دوم ياربي

[جوهرة ليبيا]

والله يااوشي ماعندي فكرة ابدا ان شاء الله ايفيدوك البنات
وليلتك اسعد
في رعاية الله
استودعك بالله الذي لاتضيع ودائعة

[جوهرة ليبيا]

ام معاد سامحيني لو اختفيت بدون استاذان نسمع في السيارات صحاب زوجي الاول الاول ولع سيارتة وبيروحوا

[جوهرة ليبيا]

اثري وينك انفكر انكلم هويدا نحجزها يوم السهرية لكن خايفة انجازف مع اني واثقة من دوقك لكن انا من نوع نطحطم كان معجبنيش يعني مانمشيش للعرس ههههه او نمشي ومش مستمتعة او نمسحة وادير مكياج بروحي

[جوهرة ليبيا]

ام معاد وينك

[sosolibya]

ااااااااااااااه ظهرى تكسر من الوقوف وخدمة بالخلاط وتقشير وغسيل ووو

تعرفى ياجيجيى حشمة منك معاش نقدر نحكى قدامك على شىء بحكم انك حامل

والله تدللى للمربى غير وين نلقاك ونجيبهولك

[ام معاد]

اني قعدة غر النت ضعييييييييييييييييييييييييف

[جوهرة ليبيا]

مشكوووووورة سوسو واصلة من غير متخممي فيا ربي سلم ايدياتك ويعاونك

[جوهرة ليبيا]

معليش ام معاد يكفينا وجودك وان شاء الله النت يتقوي عنك

[sosolibya]

اااه عييت تعرفو ا الصغار رقدو من صلاة العشاء معجزة خخخخخخخخخخخ

منو موجود

[أثري في مدادي]

السلام عليكم أنييييييييييييييييييييي

موجودة

فراشــــــــــــــــــــــــة الليل تحييكم ~~~

عاد خير من خفاش الليل

خخخخخخخخخخخخخخخخخخخخخخخخخخخ

[أثري في مدادي]

من امبارح لتوا نلقى عشر صفحااااااااااااااااااااااااااات
حرام عليكم

معاش عرفت شن بنرد ولا شن بنقول

؟؟؟؟؟؟؟؟؟؟

[أثري في مدادي]

~~~~ جنــــــــــــــــــــــــودة
مبارك تسجيلك بالبيضاء ؟؟؟

تصوري نصيبك
كانوا مصكرين التسجيل من قبل ما نحمل بجود

وفتحوه توا إستثناااااااااااااااااااائي

سبحان الله
جعله الله لك فاتحة خير بذريـــــــــــــــــــة طيبة

[أثري في مدادي]

جـــــــــــو جـــــــــــــــو ~~~

شريتيها البدلة الهنديــــــــــــــــــــة ؟؟؟
أني تأجل برنامج المشية للمحل ،،، قالي مش العرس تأجل معناها حتى المشي تأجل ~~~~
ردي بالك يا غاليـــــــــــــــــة علي صحتك
قاعدة صغيرة ،، وطاهقة بصحيحتك ،،، صحتك أوزنيها بميزان الذهــــــــــــــب ~~
يقول المثل :
كان الفلاحة يوم نشمر ونجي غااااااااااايرة
لكنها دوووووووم خلي يقولوا بايرة

مش تحسابونــــــــــــــي بايرة ؟؟؟
اليوم طواريء لأن الجو تنظف من الغبرة
وصار مغري للتنظيفات العميقة
أول ما تصبحت علي الجنااااااااااااااان
وبعدين
الروااااااااااااشن
وبعدين الأبواب
مع الحوايج في الغسالة
والغدي فوق النار """"""" بازيلياء وسلايــــــــــــــط """""""
مع الحمام والمطبخ
واليوم مافيش دروس ، الخميس إجازة

ســـــــــــوســــــــــــو~~~~~~~~
صحة ليك ،،،
صاحبة واجــــــــــــــــــــــب
هذا بيان أخت صاحبتك مالا كان صاحبتك شن كنت بترفعيلها ؟؟؟
الله يبارك ما قصرتيش
بـــــــــــــــــــــس عندي تعليق وتعقيب واحد :::
صاحبتك الله يكمل عليها بالخير عندها علم بالحاجات اللي بتجيبيها ؟؟؟
قصـــــــــــــــــدي
ماحلاها الهدية اللي تجي في مكانها بالظبط
توا حني كعائلة وحتى كصاحبات مقربات
وين تقرب مناسبتك يتصلوا بيكويقولولك بنهنوك علي هاذيكا الحاجة ....
توا كان عرس بنت أختي في شهر 11
الله يبارك الأحباب كل واحد خذي حاجة،،، مافضلش لأم العروسة إلا ديكور الصالة
لأننل مانديروش أعراسنا في صالات الأفراح فخدينا تحت العرص متاع جيرانا
لكن شكله كئيــــــــــــــــــــــــب بكل
امشي اتفقت مع مهندسة ديكور ،،، خلت هذاكا المكاااااااااااااان حاجة ثانية

المهم.............
لو اتصلت بصاحبتك وقتيلها بالك تبي حاجة نعاونك فيها ؟؟؟ طبعا بتقولك جيتكم سادة
قوليلها : مادامك ماتبيش تقولي أني بنجيبلك معششة 50 طرف ،،
وكان تحسي في معازيمها أكثر تلغي الموز والمشروب مثلا
وتزودي عدد المعشعشة
باش تهنيها علي حاجة
وهذا شيء مجرب ،،،، في اسبوعي ولماتي اللي جابلي حاجة من باب المفاجأة الغالب مااستفدتش منها
وحدة جايبتلي حااااااااااااااااااااافظة مليانة كعك مالح مظفور
أني موصي علي خوه بالظبط ؟؟؟؟

حد مثلا يجيبلي صندوق موز وأني شاااااااااااريه موز
وشوفي جوك الموز مع جو السخاااااااااااااااااانة
وقداش بتاكلي وبتوكلي ~~~~

صح الموز غيريه نحس فيه مش ماشي مع المناخ ،،، وأكيد شارية موز
ومادامكم عويلة وحدة الله يحفظكم
استعملوا اسلوب إعطاء العلم ،،، والله فكرة مريحة ونافعة ~~~
وإن شاء الله مردود في نجاحك وحجتك ~~~

[أثري في مدادي]

أوشـــــــــــــــــــــــــــي

أهلا بيك ،،،،،،،،،،،
شن أخبار الشرق ؟؟؟ إنت في درنة ولا البيضاء ؟؟؟
ولا المرج ؟؟؟
نعرف إنك من طبرق ... لكن وين السكنى ؟؟؟ تحديداً

ربي يحفظ أوخياتك ويزيدهم من فضله ..........
لكن تعرفـــــــــــــــــــــوا
أني ممكن مسمومة شويــــــــــــــــــة
لكن
أني ضد العفس علي القلب والصحة
وتوفيـــــــــــــر كل مايشتهيه الزوج
داااااااااااااائما
وأبدااااااااااااااا
أقصد المرأة تمر بمراحل توهن صحتها وتغير مزاجها
دورة ، حمل ، وحام ،، ترزين ، نفاس ، سهور ليل مع الأطفال
وهي أمور معفيين منها الرجال
فلاحـــــــــــــــــرج
إن تدلعت شوية حينما تكونين بحاجة للراحة والاستجمام
وهذا مش عيب فيك
بل هو أمر يزيدك أنوثة ورقة ونعومة
ويحسس زوجك أنك تستاهلي الاهتمام والرعاية المثلى
لأن اللي مايديرش لروحــــــــــــــه قيمة مايدروهالاش الناس ~~~ قاعدة أراها ذهبيـــــــــــة

أني مش من باب تخبيب الزوجة على زوجها ’’’’ لا والعياذ بالله
ولكن من باب أن دوام الحال من المحال
والإنسان عرضة لتغيرات تقلل من جودة عطاءها فإن إعتاد الزوج على نمط معين من الرفاهية
صحيحة تاعبة
مرتاحة متكدرة
مش حيتقبل أي تقصير ، ويعتبره من واجباتك بعد أن كان ينظر إليه على أنه من جمايلك
°°°°° خلاصـــــــــــــــــــــة سنوات زوجيــــــــــــــــــة
~~~~~~~~~~~~~~~~~~~~~~~~~~~~~~

[أثري في مدادي]

باقي الحبايب

أم نوزة ،،،،،،،،،،،،،،،،،،،،،،،، توكلي على العزيز الرحــــــــــــــــــــيم
ولا تستسلمي للأحزان ،،،،،،،،،،،،،،،،،،،،، وكوني أقوى بـ" لا إله إلا الله "

شمـــــــــــــــــوسة ،،،،،،،،،، لاباس على عبوسي ،،،
أعتقد لازم ياخذ مضاد مادام حرارته شايطة
ردي بالك عليه

أم فروسي ،،،،،،،،،،،،،،،،، لا هية في التجهيز والتوتااااااااااااااااااااي
سفرة موفقة ،،، في مرضاة الله

أم معاذ ،،،،،،،،،،،،،،،، قمر غاب عناااااااااااااااااااااا
وطل علينا فأشرق بنوره تجمعناااااااااااااااااا

أمووووووووول ،،،،،،،،،،،،،، شن أخبار الوحام ؟؟

أم وسونة ،،،،،،،،،،،،،،،، قريب الخير يوصل ... بالسلامة إن شاء الله
طمنينا

الباقيات اللي مابيتش نسميهم
باش يعرفوا غلالالالالالالالالالالالاهم

كلكم تصبحوا علي خير
السلام عليكم
الساعة 2 ونصف إلا خمسة
هذا وين رقدت البنوتة

[ليبياقلبي]

اتري واوشي وام فراس بارك الله فيكم علا ردودككم الي اشرحت صدري وانا توا حالي الحمد لله بس في موضوع صاير انا خايفة منه هلبة

[ليبياقلبي]

جوجو ماشاء الله عليك ست بيت من الطراز الاول نبيك تقوللي علا اسماء محلات الاطفال لي قلتي عليهم مرة في عرادة نبي ناخد لنوزة حاجات للصيف وبنسالك انت تقري ولالالا وتسكني جنب شيبانيك ولا بعاد

[ليبياقلبي]

سوسو شن جو القراية

[ام وسونة]

السلام عليكم

[جوهرة ليبيا]

صباح الخير
والله يابنات انحس روحي معادش نتحمل هالايام جايني علي قلة النوم
رقدت جنب زوجي وبنتي في سريرها وقلت اذكاري ولاااااااااااااا قال النوم انجيك عاودت الاذكار فوق 10مرات ونفس النتيجة وحشاكم ماشية جاية عالحمام المهم الساعة2قلت خلاااااااااااص زي الليلتين اللي فاتوا انوض انصلي ونكسب الاجر خيرلي صليت ماكتب ربي والساعة4قرات سورة الكهف ومن شوي كيف سقدت راجلي للجامع نوضتة بالدعاك هههه وصليت ركعتين وقلت والله الا منشوف البنات
وبالاخص اثري فراشة الليل هههه ربي يحفظها
ام ناريز فرحت هلبة اني اطمنت عليك وتوكلي علي ربي ومش حيصير الا كل خير ياااااارب

اسماء المحلات بيبي ماكس ولجين ولجين ايجي في سومافروا العاشوري في المثلث بازبط وانتي ماشية لعرادة وعاليسار نفس الطريق بيبي ماكس
وفي محل مقابل العاشوري بالزبط اسمة روبين حتي هو روعة ومبروك مسبقا hwaml7

[جوهرة ليبيا]

كيف حالك ام وسونة ربي يسخرلك ولادتك علي كل خير يارب

[جوهرة ليبيا]

**امل ليبيا **

فاقدينك بشدة وينك
طمنينا عليك

[جوهرة ليبيا]

توة سلام يادوب انكمل اذكار الصلاة واذكار الصبح واذكار النوم

وياااااااااااارب ايجيني النوم اول منكملهم

احتمال نمشي لحوش بوي بعد صلاة الجمعة والله اعلم
فنتلاقوا علي كل خيييييييييييييير


والسلام عليكم ورحمة الله وبركاتة

[ام معاد]

السسﻻم عليكم

[أم أجنادين 80]

السلام عليكم ورحمة الله وبركاته
اوشي ربي يعطيك الصحة الباين حوشك كبير وشن قصة 400,000 بتبيعوا
انا كنت اول ماتزوجت تنظيف ومسح كل يوم انا وزوجي بس القيته تضييع وقت وبدل
مانضيعه في تنظيف زايد نقعد مع راجلي او اندير اي شي ثاني
جتني فترة درت حتي اشغال يدوية من الكساد ,,,
وتوا بديت انقسم في الاعمال علي عدة ايام حتي مانتعبش رغم ان حوشي صغير
والوقت الباقي للمطبخ او لنفسي

[أم أجنادين 80]

كيف الحال ام معاذ وام وسن وام نوزة

[أم أجنادين 80]

جيجي تعرفي انا تفكيري بينك وبين سوسو
في حاجات ناخدها سعرها معقول ومرات غالي حسب الميزانية وحسب اللبسة
فمثلا قبل مانتزوج مكنتش نشري هلبة وحتي في العيد مرات مانشريش لان مايعجب فيا شي ففي سبيل
اني نشري حاجة مميزة نضطر ناجل حتي نلقي طلبي ولما نلقاه حتي لو غالي ناخده مايهمنيش
فتلقي عندي لبس محدود بس راقي ونازك وانا من النوعية يلي نحافظ في لبس قاعد حتي بعد ماتزوجت واستفدت منه هلبة
خصوصا لبس الحوش ,,,
وبعد الزواج بديت بين الغالي والرخيص حاجات بسيطة للمناسبات البسيطة يعني
قفطان قصير لعزومة علاخفيف مش معقولة بيفوت 150 وحتي 100 هلبة
وفساتين السهرة حسب الفرح قريب او بعيد فمثلا في عرس حماتي ماشريتش فستان جديد
لبست فستاني يلي لبسته في البيان ويلي واخداته في عرس خالي ولبست قفطان تايقر قصير ثاني والاثنين قديمات
بس مش شايفينهم اقارب زوجي وفي اكثر من مرة نلبس في قفطان البيان يلي جابوه في بياني
لين طلعت سعره وزيادة ولبسته في اعراس اقاربي واقارب زوجي ,,
وطبعا كله مستور لاني انركب في جاكيت فوقه ,,
واخر قفطان شريته كان غالي لاني فكرت قبل مانخده عدد المناسبات يلي بنلبسهم فيه
وكلها في اماكن تستاهل لبس راقي وغالي ,, وانفكر اني انأجره لانه كبير وحلو وبسيط في نفس الوقت الموديل المنفوخ من تحت ,,
وزيادة انحب نطلع في الكسوة لبسة والحنة في الليل بصدرة ومش مشكلة الصدرة تتعاود
عندي بدلة صغييرة وكبيرة متاعات عرسي وتركيبة حرير التطريز الهندي غير الحوالي احني في ال
زاوية نلبسوا فيهم لمات النافس اكثر شي وانا انحب نلبسه لانه يرحني من التفكير في شعري ..
وتوا عندي عرس قريب راجلي وبنمشي معاهم للكسوة انفكر شن نلبس وقلت ياريت عندي قفطان هندي هدوا يلي طالعات توا
زي يلي حطت صورتهم شموسة او قفطان مغربي بس عندي سبب يخليني منشريش
كم مرة بنلسه غير انضيع فلوسه ,,
واخر كندرة خديتها ب 50 هذه اغلي وحدة ناخدها في حياتي واكثر من السعر هدا مانفكرش اني نتزاوجه
وحتي هدا وانحس بتتانيب الضمير مش عارفة ليش وحتي حقيبة متاعت مناسبة ديمة الي 30 لانها مش حتتلبس هلبة
او احني في الزاوية مايركزوش علي الخامة او الجودة ..
حتي البدلة كبيرة ولا صغيرة يقولوا فضة كاملة ب 1000 صراحة انشوف فيها مبالغة لان هكي بيئتنا مايركزوش الا علي الالوان
ولما اتقولي سعرها يعلقوا عليك ,,
وعن قناعة وتجربة القيت روحي سواء خديت غالي او رخيص ديمة نبي نجدد ونطلع بشي جديد فلهذا ديمة وسط
وديمة انقول لنفسي هدا لو بيهم ذهب خير ,,
رغم اني بمرتبي والحمد لله بس نحتاج اني انحوش منهم حتي نساعد زوجي او اهلي في اشياء معينة

[أم أجنادين 80]

واكثر سبب خلاني نغير من قناعاتي وناخد حاجات معقولة بدل اشايء غالية
اقارب زوجي هلبة ويواصلوا في بعض فكل طلعة مرات بلبسة ,,
وعندي اهداف ثانية اهم من اللبس " حوش الاحلام " هههههههه
فنقولك جيجي بما ان حالتكم كويسة خودي يلي يعجبك وانتي طلعاتك مش هلبة عنددك الحق تاخدي حاجات معدودة وراقية ..
وانا عن قناعة بديت انقص في مصروفي مثلا بدل مانجيب حناية ب45 انحني بروحي والفولس ناخد بيهم لبسة هههههه بخيلة
لاني من النوع يلي نعرف وين انحط فلوسي ,,,

[أم أجنادين 80]

الله يسامحني قبل كنت لما بنشري نشحور في ماما معاي كل المحلات نشوفوها ولا يعجبني شي
وطبعا الطريقة هذه مش كل الرجال يتحملوها وخصوصا راجلي مايحبش الدوران هلبة في المحلات
فبديت نمشي لمحلات معينة يلي نعرف بضاعتها حلوة او نسال صاحباتي حتي نسهل علي نفسي وعلي راجلي
ومرات نضطر ناخدها غالية في سبيل اني ماندورش هلبة انا وراجلي وهذه قناعته هوا
يقولي في سبيل واحد يريح نفسه ياخدها زيادة حتي 20 دينار ولا يقعد من محل لمحل

[أم أجنادين 80]

https://fbcdn-sphotos-e-a.akamaihd.net/hphotos-ak-prn1/923123_468942249850584_1951967896_n.jpg

https://fbcdn-sphotos-h-a.akamaihd.net/hphotos-ak-ash4/375094_468942229850586_1815542287_n.jpg

https://fbcdn-sphotos-h-a.akamaihd.net/hphotos-ak-ash4/375094_468942229850586_1815542287_n.jpg

شن رايكم

[أم أجنادين 80]

سوسو رايي من راي اثري
لو تسالي صاحبتك شن محتاجة افضل او ممكن تهديلها فلوس
لاني قررت نرفع لصاحبتي 100 دينار لان ممكن معادش تتاحلي الفرصة انردلها هداياها
وهيا عينها واسعة واكيد واخدة كل شي ومن اراقاه واحسنه فالفلوس افضل تاخد شن تبي

[ام معاد]

بنات بنسألكم كم بينا ويببن تونس في التوقيت .ةو

[ام معاد]

زوجي طيارته الساعة تمانية تطلع من تونس يعني الساعة كم عندنا حني

[اوشي]

السلام عليكم ورحمة الله وبركاته

كيف حالكم اليوم ان شاء الله طيبين

نذكركم بسورة الكهف والصلاة علي المصطفى والسلام

وتحرو اخر ساعة في يوم الجمعة اللي فيها الدعاء المستجاب

[اوشي]

ام معاذ .. كيف حالك

والله ما نعرف ... لكن اكيد توة وصل بالسلامة

[اوشي]

اخيرا من كم يوم وانا بندير البازين

اليوم كيف صار منه درته غدانا

[اوشي]

بنات شن صار في استشارتي ليكم

[اوشي]

أوشـــــــــــــــــــــــــــي

أهلا بيك ،،،،،،،،،،،
شن أخبار الشرق ؟؟؟ إنت في درنة ولا البيضاء ؟؟؟
ولا المرج ؟؟؟
نعرف إنك من طبرق ... لكن وين السكنى ؟؟؟ تحديداً

ربي يحفظ أوخياتك ويزيدهم من فضله ..........
لكن تعرفـــــــــــــــــــــوا
أني ممكن مسمومة شويــــــــــــــــــة
لكن
أني ضد العفس علي القلب والصحة
وتوفيـــــــــــــر كل مايشتهيه الزوج
داااااااااااااائما
وأبدااااااااااااااا
أقصد المرأة تمر بمراحل توهن صحتها وتغير مزاجها
دورة ، حمل ، وحام ،، ترزين ، نفاس ، سهور ليل مع الأطفال
وهي أمور معفيين منها الرجال
فلاحـــــــــــــــــرج
إن تدلعت شوية حينما تكونين بحاجة للراحة والاستجمام
وهذا مش عيب فيك
بل هو أمر يزيدك أنوثة ورقة ونعومة
ويحسس زوجك أنك تستاهلي الاهتمام والرعاية المثلى
لأن اللي مايديرش لروحــــــــــــــه قيمة مايدروهالاش الناس ~~~ قاعدة أراها ذهبيـــــــــــة

أني مش من باب تخبيب الزوجة على زوجها ’’’’ لا والعياذ بالله
ولكن من باب أن دوام الحال من المحال
والإنسان عرضة لتغيرات تقلل من جودة عطاءها فإن إعتاد الزوج على نمط معين من الرفاهية
صحيحة تاعبة
مرتاحة متكدرة
مش حيتقبل أي تقصير ، ويعتبره من واجباتك بعد أن كان ينظر إليه على أنه من جمايلك
°°°°° خلاصـــــــــــــــــــــة سنوات زوجيــــــــــــــــــة
~~~~~~~~~~~~~~~~~~~~~~~~~~~~~~

هلا اثري ...... انا ياحبيبة نسكن في شحات الاثرية

وانا مع كل كلمة قلتيها ... فعلا زي ما يقولو ولدك علي ماتربيه وزوجك علي ماتعوديه

يعني انا بصراحة وسط مع زوجي يعني مش مدلعته واجد ودائما لما يجي ويلقاني مثلا

ضامة الحوش ودايرة غدوة معتبرة والعيال نظاف ... انجيب له طويسة الشاهي ونقعد

جنبه ونقول آه يظهري آآآه يارجولي تعرف ياحبي اليوم نضت ودرت ودرت ودرت وكله عشانك

ياااااااااا... اناديه باسم الدلع ... يمشي ايصبي يقول للعيال خلو ماما تريح وماتعقدوهاش

ووووووو ...... وانا قصدي من كل هذا انوريه اني تاعبة عشان ما يزرش عليا في مرات اخرى


السلام عليكم ورحمة الله وبركاته
اوشي ربي يعطيك الصحة الباين حوشك كبير وشن قصة 400,000 بتبيعوا
انا كنت اول ماتزوجت تنظيف ومسح كل يوم انا وزوجي بس القيته تضييع وقت وبدل
مانضيعه في تنظيف زايد نقعد مع راجلي او اندير اي شي ثاني
جتني فترة درت حتي اشغال يدوية من الكساد ,,,
وتوا بديت انقسم في الاعمال علي عدة ايام حتي مانتعبش رغم ان حوشي صغير
والوقت الباقي للمطبخ او لنفسي


الله يسلمك ياحبيبة ... من فترة كنا عارضين حوشنا للبيع ب 300.000 طبعا انا ايامها كنت مريضة

وكارهة الحوش بس توة الحمد لله لما قعدت علي كراسي عقلي حمدت ربي اننا ما بعناش

وحتى انا نفسك ضروري الضم انقسمه حاصة لو انا دايرة حملة عالحوش

واكثر سبب خلاني نغير من قناعاتي وناخد حاجات معقولة بدل اشايء غالية
اقارب زوجي هلبة ويواصلوا في بعض فكل طلعة مرات بلبسة ,,
وعندي اهداف ثانية اهم من اللبس " حوش الاحلام " هههههههه
فنقولك جيجي بما ان حالتكم كويسة خودي يلي يعجبك وانتي طلعاتك مش هلبة عنددك الحق تاخدي حاجات معدودة وراقية ..
وانا عن قناعة بديت انقص في مصروفي مثلا بدل مانجيب حناية ب45 انحني بروحي والفولس ناخد بيهم لبسة هههههه بخيلة
لاني من النوع يلي نعرف وين انحط فلوسي ,,,


توة انا سبحان الله انا مع جيجي في النقطة هاذي .... وانت نفس الوقت تفكيرك حلو

لان كل وحدة فينا عارفة شنو البيئة والمحيط اللي هي فيه وفي الاخر

بكل الوحدة تلبس اللي يمشي مع جسمها وطولها والالوان اللي يمشو معاها

واكيد بتطلع اميرة اهم شي تعرف نقاط الجمال وتبرزهن بطريقة حضارية ومحترمة

https://fbcdn-sphotos-e-a.akamaihd.net/hphotos-ak-prn1/923123_468942249850584_1951967896_n.jpg

https://fbcdn-sphotos-h-a.akamaihd.net/hphotos-ak-ash4/375094_468942229850586_1815542287_n.jpg

https://fbcdn-sphotos-h-a.akamaihd.net/hphotos-ak-ash4/375094_468942229850586_1815542287_n.jpg

شن رايكم


ايهبللللللللللللللللل ايجنن خاطري نرسم الرسمة هادي لمزرعتي خخخخخخخخ

[أم أجنادين 80]

عندي ليك فكرة بس ماعرفتش كيف انوضحها

[ام معاد]

السﻻم عليكم

[ام معاد]

اشتقت لعيون ليها وحشة

[ام معاد]

hwaml4وينكم

[اوشي]

السلام عليكم

[اوشي]

جنودة ... جودي بما لديك اختاه

[اوشي]

كيف حالكم بناويتhwaml84hwaml82hwaml79hwaml79hwaml79

[اوشي]

http://‬http://forum.hwaml.com/attachment.php?attachmentid=8516&stc=1&d=1369433440




http://‬http://forum.hwaml.com/attachment.php?attachmentid=8517&stc=1&d=1369433440



http://forum.hwaml.com/attachment.php?attachmentid=8518&stc=1&d=1369433440

[جوهرة ليبيا]

https://fbcdn-sphotos-e-a.akamaihd.net/hphotos-ak-prn1/923123_468942249850584_1951967896_n.jpg

https://fbcdn-sphotos-h-a.akamaihd.net/hphotos-ak-ash4/375094_468942229850586_1815542287_n.jpg

https://fbcdn-sphotos-h-a.akamaihd.net/hphotos-ak-ash4/375094_468942229850586_1815542287_n.jpg

شن رايكم

مساء الخيرات
منو موجود الليلة بنسهر عالنت لوقت الصلاة خير مانتقلب في سريري لين نعياhwaml15hwaml85
بسيط وناعم نفس تنسيق جناناتي لكن بنغيرهم وانا رخام الدروج اكحل لماع ومعشب وشجرات زينة بس والممرات عاشق ومعشوق ههههه مش عارفة انتم شن تقولوله

[جوهرة ليبيا]

http://‬http://forum.hwaml.com/attachment.php?attachmentid=8516&stc=1&d=1369433440




http://‬http://forum.hwaml.com/attachment.php?attachmentid=8517&stc=1&d=1369433440



http://forum.hwaml.com/attachment.php?attachmentid=8518&stc=1&d=1369433440


سلم ايديلتك ياغالية

الريحة وصلت لعندي
سفرة ليبية اصلية صحححححححححححح ربي يحفظك
وصحتين علي قلوبكم

[جوهرة ليبيا]

كيف حالك اوشي وحال الصغار وكل ابنات جنودة واثري وام معاد وام ناريز وسوسو وامول ووسونة
انا اليوم تغديت في حوش بوي خشيت عالغداء بعد الصلاة امشيت مش قلت
بوي الغالي ذابح خروف القيت امدايرين عصبان وقلاية وشواة وسلطة مشوية
امي الله لايحرمني منها قالتلي قولي لراجلك يولي بسرعة ياخد غداة
قبل ميباعد اتصلت وجهزتله سفرة عالسريع وسلفرتلة لقبل شوي
ايقولي متحملتش انخش بالسفرة للحوش ت
غدا علي طاولة الجنان ههههه وقال البنة قاعدة في فمي كملت السفرة
في 4دقايق هههه ربي يهدية
الحق العصبان من لما توحمت مادرتاش بالرغم انقوله عادي جيب لكن ماهو لازم
اندير لينا وعزوزتي وسلفي لان سلفتي ماتاكلش فية
فما اديرش فية!!!
فلازم اندير هلبة ايحبة سلفي وعزوزتي بجنون هههههههه
وفرحانين اني اندير فية الحق آمتا ميقولوا خاطرنا نشروا وانديرلهم
وانا فرحانة

[جوهرة ليبيا]

عسولات من بيسهر معاي الليلة

اثري فراشة الليل وينك ؟؟؟

كنه عمتي واخيييييرا جابت هههههه في نهاية العاشر مع انها
مش بكرة تزوجت قبلي بليلة بس وعندها بنوتة بعمر بنتي وجابت
وليد ربي يحفظة ويخلية والسبوع ان شاء الله الاربعاء في
جنان حوشها ومافيش منظومة فبنمشي كان ربي سخر الحال ان شاء الله
درت في حوش بوي الحلوة لوجهي ماعادا خدودي يتحسسوا ومانتحملهاش
والله نستعمل في آله ام جوي اليدوية الكهربائية والحق ماشية معاي
لان الحلوة اتخلي فيا حالة جسمي مايتحملهاش حتي توة جبهتي فيها كم حبة طلعوا
مع اني درت في البداية كريم بيبنتين الطبي وبعد ماصليت العشاء درت عسل ومع دالك طلع

[جوهرة ليبيا]

بنات ادعوا لعمتي ربي يشفيها مريضة شوي من قلة الماكلة وماتاخدش في دواها
عمتتي نور حياتنا هي مربية بوي انعزوها وهي اتحبنا اكثر من صغارها <<<هي اتقول هههه ربي يحفظها
اليوم بوي امشالها العشية كالعادة في الجمعة وصلة خوي لانة امعادش يقدر ايسوق مع هالجيل علي قولتة ههههه
روح متاثر مع انةامي وخواتي ناضوا مشوا علي طول القوها حالها باهي لكن بوي ماعنداش الا اختين وماعنداش اخ
وعمتي الصغيرة ميتة الله يغفرلها ويرحمها بوي تعب هلبة في موتتها خصوصا انة الصغير متعلق بخواته هلبة
عمتي ربي يحفظها امسميتني فرحة بوها انا الصغيرة وبوي وانا متعلقين ببعض والله بكيتة بكيه في عرس انا وياه
غير المزينة امتاعي امعاي ساوتلي مكياجي قبل مانمشي لاهل زوجي
والكل عرف اني نبكي اصلا كل شوي نرفع في وجهي فوق باش مانبكيش ومع ذالك
نزلت دموعي نذكر حتي خواتي لما وصلوني لحوشي قعدوا يبكوا

وشافني العريس بدموووووووووووعي آآآآآآآآآآآه علي هديك الايام مش قلتلكم حساسة بزيادة
طول عرسي وانا نبكي في الحنة وفي كل وقت وطبعا اماليا عارفيني من غيرماحتي ايوصوا
ستوووووووووووووب قاعدة انخلط ونعجن في الدوة ربي يهديني قلتلكم دوتي هلبا<<<<لزوهاااااااااااااااااااا براااااااااااا

[جوهرة ليبيا]

لااااااااااا وينكم حتي اثري معقولة

هيا هيا تعالواااااااااااااا

[ليبياقلبي]

ام اجنادين حلو الجنان ربي يهنيك بنقولك بنبشرك عندي مرة عمي ليها 12 سنة واخدة وماشية لمصر قالولها املك في الحمل صفر وفي الزراعة 1 في المية لانها عندها هرمون يفرز عالرحم قوي هلبة المهم ميستيش مشيت لدكتور محمد المحيشي وخديت علاج لمدة توا تلاتة سنين كلا مرة هرمون ينقص اول امس مشيلا قالها توا نقدر نزرعلك
تعرفي كلنا افرحنلها لانا املها في الحمل كاين مستحيل

[جوهرة ليبيا]

سلام بنات واضح مافية حد الليله
بنحاول نرقد او عالاقل نريح جسمي علي سريري ونشوف العسل والعسولة ونطمن عليهم ونغطيهم
ونرتاح جنبهم وخلاص

نتلاقوا علي كل خير يارب

[ليبياقلبي]

جوجو ربي يشفيها عمتك يارب ويطمنكم عليها تعرفي انت تهدرزي نحس فيك نفس شخصيتي نفسي انا تهدرز هلبة واجتماعية حتى انا في عرسي مسكتيش بكل
بس وين جاوبك علا اسئلتي قتلك انت تقري ولالالا وين تسكني معا شيبانيك وبنزيدك اسئلة شن مخليك تتحجبي زوجك ولا قناعة وين تسكني اي منطقة

[جوهرة ليبيا]

اهلين ام ناريز

[ليبياقلبي]

جوجو انا هنا

[ليبياقلبي]

هلا جوجو مش قتلك زي حتى انا امس مرقدتش بكل زيك

[جوهرة ليبيا]

انا كملت التانوي وتزوجت وعلي اساس بنخش في الجامعة المفتوحة بس توحمت ببنتي وبعدين اكثر من مرة انصلي استخارة
وربي مايكتبش اني انسجل

طبعا متحجبة علي اقتناع تام من الاعدادي وانا نلبس في جلابية وشاربة طويلة ومن صغري وانا قرا في الجامع
واهلي ولله الحمد نعتبروا كلنا هكي اللي مش مختمرة تلبس جلابية واسعة وشاربة طويل والحمد لله
نسكن في سوق الجمعة وزوجي ماعنداش خوات وبوه متوفي رحمة الله وعندي سلف واحد متزوج فوق امة
وعندنا سانية كبيرة بانين فيها مش بعاد علي بعض يتسكر علينا باب واحد وبس

وانتي

[جوهرة ليبيا]

بنسالك آمتي عرفتوا جنس الحنين في اي اسبوع لو تتذكري

[جوهرة ليبيا]

فين رحتي يابت انتي
الله الزاهر انك نمتي
لا علي فين مش دا اللي اتفأنا علية
حناخد وندي امل ايه

هههههههههههههههههه
هدي اعراض قلة النوم

[جوهرة ليبيا]

وين اختفيتي


سلااااااااااااااااااااااااااام
في حفظ الرحمن

[ليبياقلبي]

جوجو انا مواليد 87 تزوجت اخر سنة جمعة قريتها معا راجلي بعدها لاحصلت خدمة لاشي معا اني الاولى علا شعبيتي بس ااهو توا حصلت ايفاد انا من الخمس وشيباني يسكنوا في الساحل بعاد عليا زي انتم طربلس متلا وجنزور كان ماقرب بينتا 10 دقايق منطقة تانتية مش الخمس نسكن في عمارة قدامي سلفة وهادي زي اختي وفوقي توا سلفة جديدة واخدة من الصيف الي فات بس متميتش حوشها امس حولت وعلاقتي بيها رسميات مش زي لي قدامي وعندي نوزة ورامية قبلها في التالت وتوا في السادس عرفت جنس البيبي من الرابع بس الدكتورة ماكدتليش اكدتلي في الخامس بالزبط

[ليبياقلبي]

طبعا انا عزوزوتي صغيرة واحنا 7 ولاد عني 6 سلفات من غيري بس توا واخدين تلاتة بي راجلي و3 حموات واخدات 2 وانا اهلي 4 بنات انا في الاوسط

[ليبياقلبي]

طبعا العمارة لينا احنى بس مش معانا ناس تحتي محلات و

[sosolibya]

السلام عليكم واخيرا لقيت نت
تعرفو كم من مرة نخش ولما بنكتب رد تريح النت
كيكم


مساء الخيرات
منو موجود الليلة بنسهر عالنت لوقت الصلاة خير مانتقلب في سريري لين نعياhwaml15hwaml85
بسيط وناعم نفس تنسيق جناناتي لكن بنغيرهم وانا رخام الدروج اكحل لماع ومعشب وشجرات زينة بس والممرات عاشق ومعشوق ههههه مش عارفة انتم شن تقولوله


جيجي مش المرة الفاتت حطيت صورة بنتك كان جنانكم تراب وقعا

ولاتقصدى جيهة ثانية ياحبى

[sosolibya]

معقولة مافى حد وين ام فراس اليوم انا طلعت وجيت ومالقيت حددددددددددددددددد


مشينا الصبح فطرنا مع عيالى

وتوا روحت

قلت نستفيد من الوقت ونظم حوشى خير من مايضيع النهار

ماهو على اساس عند عيالى بنعجن بيتزا عشان عيالى عندهم كوشة كبيرة

لانى بنعزم السوريين ان شاء الله ومبدئيا حطيت موعد الخميس بإذن الله

(جنوووووووووووودة هيا تعقدى خخخخخ ماهو جنودة هبلتها فى قولة بنعزم السوريين من شهر 2)*

المهم لما متاصارش عشان امى لاهية فى الخوخ قلت يللا نروح وكمان يللى عقدن الصغار يتعاركو هما وخالهم الصغير

وخالهم الكبير يبى يقرأ مش روحنا على رجلينا وخلاص(ماكم عارفينا نفس الحوازة)

بس توا جيت درت درورة وقعمزت بنوفكم شوية وبنوض نكما الحوسة

[sosolibya]

بنفض البساطات ان شاء الله وبنظم دواليب الكوجينة

ومرات ندير زى ماقلتو نقسم الخدمة

ومرات غدوة ندير حملة على السور

بنقلع العشب الزائد
وبنفرح القش ونلم الحوسة ونظم الدنيا وتخلى التبخبيخ لما يجو الضيوف

[sosolibya]

إن شاء الله

[sosolibya]

جنودة شن كنتى بتبعثيلى على الخاص

[sosolibya]

هههههههههه طبعا يابنات شوركم خديتونى بالعين خخخخخخخخخخخخ
امس ماصارش منه الموز وبدله رفعت مثرد حلو كبير بمغطاه

مع الحاجات الاخرى

[sosolibya]

ام فراس

مجرد مساعدة

كل ماتحتاجينه لتحضير حقيبة السفر (http://forum.hwaml.com/t180369.html)

[sosolibya]

مرات فى الغدداء ندير مكرونة جارية ان شاء الله
الله والله استاحشتها البكبوكى خخخخخخخخ
طبعا ماعنديش لحم بس لقيت عندى كنز فى الثلاجة مدسوس
خخخخخخخخخخخخخ سطل صغيرون قريش بندير بيه

[جوهرة ليبيا]

السلام عليكم واخيرا لقيت نت
تعرفو كم من مرة نخش ولما بنكتب رد تريح النت
كيكم





جيجي مش المرة الفاتت حطيت صورة بنتك كان جنانكم تراب وقعا

ولاتقصدى جيهة ثانية ياحبى

وعليكم السلام ورحمة الله وبركاتة
ماشاء الله عليك تركزي في كل شئ
لكن حتي انا قلت عندنا حوازة صح
صورة بنتي كانت في الحوازة وحتي هيا توة كلها معشب جيهة الحوش وممر كبير للمزرعة
مفصول علي جهة الغرس والشجر

سوسو ياغالية انا نكره كلمت حبي حتي لزوجي منقولش فيها انحس حبيبتي انعم وفيها ود اكثر<<<مجرد حرية راي

[جوهرة ليبيا]

مرات فى الغدداء ندير مكرونة جارية ان شاء الله
الله والله استاحشتها البكبوكى خخخخخخخخ
طبعا ماعنديش لحم بس لقيت عندى كنز فى الثلاجة مدسوس
خخخخخخخخخخخخخ سطل صغيرون قريش بندير بيه

صحتين مقدما
قريش قصدك القرقوش او القديد زي منقولوا احني

وربي ايعاونك عالقضية وان شاء الله في ميزان حسناتك

احني السورين المحتاجين في طرابلس مش هلبة
اللي مستحقين كلهم اعطينا اتات مستعمل وجديد وحق ايجار
اما الباقي ماشاء الله فتحوا مطاعم لاتحصي ولا تعد وجامع الصقع امتاع البساطات والاثاث كلهم فتحوا محلات فيهم والشباب كلهم يخدموا
باش القينا حد مستحق فعلا بصعوبة
وربي ايفرج عليهم عاجل غير اجل ياااااااااااااارب

[جوهرة ليبيا]

اوشي بعد مانضت من عالاب توب امشيت اتريحت في سريري جنب الغوالي وقلت اذكاري والمعجزة اني
رقدددددددددددددددددددددددت
والله مانضت للفجر الا بسيف مش راقدة غير ساعة وربع تقريبا وكان مانضتش سلامتة راجلي حتي هو مش حينوض
لاني متكفله بتنويضة هههههه نومة ثقيل
وحتي عزوزتي لازم ترن علية خصوصا يوم الساهر او تاعب تعرفة صعب اينوض ربي يحفظها

كلمت عمتي توة حالها الحمد لله وخلتهم يعطوها دواء وكلت شوي يااااااااارب احفظها من كل شر الغالية

[sosolibya]

السلام عليكم ورحمة الله وبركاته

شنجكم توا


طبعا الضى هرب ههه والله مايتحشم

ودرت مكرونة بالقريش

وبيتزا بالجمبرى

وخليت حمود يدير معاى فى طاجين صغير بروحه