المساعد الشخصي الرقمي

مشاهدة النسخة كاملة : دردشة بنات ليبيا , دردشة حوامل ليبيا , تجمع بنات ليبيا

الصفحات : 1 2 3 4 5 6 7 [8] 9 10 11 12 13 14 15
اوشي
05-17-2013, 11:10 PM
الحمد لله يابنات .. برا الجو مطر غزير واصوات رعود جو ايهبل ورائحة

التراب آآآآه ه ه اتجنن
اوشي
05-17-2013, 11:27 PM
اليوم توأم روحي جابلنا عشانا من برا

ثلاث انواع بيتزا بالكبدة والكباب والشاورما وانواع سلاطات

سيزر وتبولة وطحينة ونوعين اخرين

ودلاع وووووووووووووووووووووووووو .................. قاااااااااااااااااااااوين

اكيد بتسئلو شن هو القاوين

هو البطيخ كيف ما يقولو هنا في الجبل وبنغازي ودرنة والمرج

وفي الغرب تقولو عليه قلعاوي

يعني تقريبا الشراقة كلهم ايقولو للشمام بطيخ الا في طبرق قاوين وبما اني

طبرقية لم استطع ان انسى ما تعود لساني عليه
ليبياقلبي
05-18-2013, 04:21 AM
مشكورة ام فراس علا النصائح بس اوشي كيف نديرها التومة
روزا2
05-18-2013, 08:05 AM
مشكوره ام فراس وجوهرة ليبيا والجميع سواليفكم حلوه وحبيت كلامكم. وأنا ماني مغتربه مثل أمل انا في نفس المملكه لاكن بعيده عن اهلي بس الحمدلله اقدر ازورهم بالاجازات اهلي من المدينه المنوره وانا حاليا بالرياض واموله مدري كيف طلعتلي اعلى قوس على قولك شكله يهبل ويخوف ياعمري الله يحفظك ويسخرلك راجلك بالاخر بتكلم ليبي مثلكم. ويشرفنيhwaml7
اوشي
05-18-2013, 11:30 AM
مشكورة ام فراس علا النصائح بس اوشي كيف نديرها التومة


هلا حبيبة هذا يا حنة خودي حبة تومة وقشريها وفريها بعود الاسنان

وابلعيها مع المية وسلامتك

مشكوره ام فراس وجوهرة ليبيا والجميع سواليفكم حلوه وحبيت كلامكم. وأنا ماني مغتربه مثل أمل انا في نفس المملكه لاكن بعيده عن اهلي بس الحمدلله اقدر ازورهم بالاجازات اهلي من المدينه المنوره وانا حاليا بالرياض واموله مدري كيف طلعتلي اعلى قوس على قولك شكله يهبل ويخوف ياعمري الله يحفظك ويسخرلك راجلك بالاخر بتكلم ليبي مثلكم. ويشرفنيhwaml7

هلااااااا روز 21 انستينا حبيبة ... نورتي التجمع بالاول كنت نحسابك ليبية بس طلعتي سعودية

احسن ناس مرحبااااااا بيك
شموسه 88
05-18-2013, 11:49 AM
اليوم توأم روحي جابلنا عشانا من برا

ثلاث انواع بيتزا بالكبدة والكباب والشاورما وانواع سلاطات

سيزر وتبولة وطحينة ونوعين اخرين

ودلاع وووووووووووووووووووووووووو .................. قاااااااااااااااااااااوين

اكيد بتسئلو شن هو القاوين

هو البطيخ كيف ما يقولو هنا في الجبل وبنغازي ودرنة والمرج

وفي الغرب تقولو عليه قلعاوي

يعني تقريبا الشراقة كلهم ايقولو للشمام بطيخ الا في طبرق قاوين وبما اني

طبرقية لم استطع ان انسى ما تعود لساني عليه


صباح الخير اوشي
ماشالله عطاكم ربي بلجو الحلو نحنا امس الجو في طاعه الله حمو او عجاج امس تغديت في حوش حني دايره ذبيحه غدا "يعني صدقه"
او صحه صحه العشاء العشاء رااح فيها الرجيم يا اوشي
نحنا في بنغازي انقولولا البطيخ
اوشي
05-18-2013, 01:16 PM
صباح الخير اوشي
ماشالله عطاكم ربي بلجو الحلو نحنا امس الجو في طاعه الله حمو او عجاج امس تغديت في حوش حني دايره ذبيحه غدا "يعني صدقه"
او صحه صحه العشاء العشاء رااح فيها الرجيم يا اوشي
نحنا في بنغازي انقولولا البطيخ

صباح النور شموسة.......

الجو في الليل امس ايهبل بس اليم صاح ما فيش شمس ولا عجاج بس اتحسيه حمو

باهي ماشاء الله صدقت حنك .. بينها وبين السو

وبالنسبة للعشا فعلا خربي نظام كنت دايرته خاصة توة صيف اللي هو العشاء حليب وتمر

وجبنة ...



وتعرفي طريقة زيت الزيتون فعلا القيت روحي في 5 ايام نزلة كيلوين ونص

بس عااااااااااااد بعشاء امس اكيد ردن دبل ... الله يهديها ردينة هي اللي

طلبت من بوها العشاء

الله المستعان ... بنبدا من جديد
اوشي
05-18-2013, 01:29 PM
لآ تبخل على نفسك بقرائتها .. قمة الرروعة .،
وأنت تقرأ تخيل الموقف ،

سألت عائشة رضي الله عنها رسول الله عن نزول هذه الآية
(( يَوْمَ تُبَدَّلُ الْأَرْضُ غَيْرَ الْأَرْضِ وَالسَّمَاوَاتُ ))
أين سنكون .؟!

قال رسول الله صلي الله عليه وسلم
سنكون على الصراط ،
وقت المرور علي الصراط لا يوجد إلا ثلاث أماكن فقط ،
ـ جهنم
ـ الجنة
ـ الصراط
يقول رسول الله صلي الله عليه وسلم
يكون أول من يجتاز الصراط أنا وأمتي
(( أول أمة ستمر على الصراط أمة محمد ))

تعريف الصراط ..
( يوم تبديل السموات والأرض )
لن يكون هناك سوي مكانين الجنة والنار ،
ولكي تصلل إلي الجنةيجب أن تجتاز جهنم

ينصب جسر فوق جهنم إسمه " الصراط "
بعرض جهنم كلها إذا مررت عليع ووصلت لنهايته وجدت باب الجنة أمامك
ورسول الله صلي الله عليه وسلم
واقف يستقبل أهل الجنة (( يا رب جنتك ))

مواصفات الصراط ..
ـ أدق من الشعرة
ـ أحد من السيف
ـ شديد الظلمة تحته جهنم سوداء مظلمة " تكاد تميز من الغيظ "
...وهناك تجد السول
واقفاً في نهاية الصراط عند باب الجنة يراك تضع قدمك على أول الصراط
يدعو لك قائلاً (( يا رب سلم يا رب سلم )) حبيبي أنت يا رسول الله ♥♥

يري العبد أمامه منهم من يسقط ومنهم من ينجو ولا يبالي ،
وقد يري العبد والده وأمه لكن لا يبالي بهما أيضاً ،
فكل ما يهمه في تلك اللحظة هو نفسه فقط .!

يروي أن السيدة عائشة رضي الله عنها
تذكرت يوم القيامة فبكت ،

فسألها رسول الله صلي الله عليه وسلم
ماذا بكِ يا عائشة .؟!
فقالت " تذكرت يوم القيامة فهل سنذكر أباءنا .؟!
هل سيذكر الحبيب حبيبه يوم القيامة .؟!

قال رسول الله صلي الله عليه وسلم
نعم إلا فى ثلاث مواضع .،
" الميزان ، عند تطاير الصحف ، عند الصراط "

اصبروا ثم اصبروا على فتن الدنيا ،
فتن الدنيا سراب فلنجاهد أنفسنا ولنعين بعضنا ،
علي أن نلتقي في جنة عرضها السموات والأرض

ولا تنسوا أن تعقدوا النية علي عجل هذه الرسالة ،
صدقة جارية بإذن الله ♥♥

" اللهم أجعلنا ممن يعبر الصراط المستقيم بسلام ياا رب "
(( يا رب حُسن الخاتمة ))

فهل تعتقد بعد هذا كله أن هناك أحد يستاهل منك تشيل عليه ،
أو تحقد ، و تضيع أعمال بسببه .؟!
نصيحة (( دع الخَلق للخالق ))
...

إلهي لقد مننت علي وهبتني أغلي من كنوز الدنيا أحباباً أرق من الزهور ،
وأتقي من الماء العذب أري فيهم براءة الحب وسلامة القلب ،
اللهم أغفر ذنوبهم ويسر أمورهم وفرج كربهم وأكتبهم عندك من عبادلك الصالحين ،


وصلي الله وسلم علي سيدنا محمد وعلي أله وصحبه وسلم
dr.loly
05-18-2013, 01:59 PM
السلام عليكم ورحمة الله وبركاته
dr.loly
05-18-2013, 02:04 PM
الحمد لله يابنات .. برا الجو مطر غزير واصوات رعود جو ايهبل ورائحة

التراب آآآآه ه ه اتجنن



ماشاء الله قلت لابوفراس توا نشروا حوش بالجبل خخخخخخخخخخخخخخ هروبآ من هالحمووووووووووووو
توا روحت من العمــــــل درجة الحرارة بالسيارة طلعت توا بس 12ونص يعني43 hwaml9وااااااااااااااااااااااااااااااااااااوhwaml0 3hwaml9


وصحة البتزا سهفتيني ... مع ان مش جووو غدا وتطيب ومروحة دايخة درت سريعه

اللي هي بكبوكي اللي هي مكرونهhwaml02

مطلعة لحم الصبح لقيته ذايب حطيته عالسريع وخلاص
dr.loly
05-18-2013, 02:10 PM
مشكوره ام فراس وجوهرة ليبيا والجميع سواليفكم حلوه وحبيت كلامكم. وأنا ماني مغتربه مثل أمل انا في نفس المملكه لاكن بعيده عن اهلي بس الحمدلله اقدر ازورهم بالاجازات اهلي من المدينه المنوره وانا حاليا بالرياض واموله مدري كيف طلعتلي اعلى قوس على قولك شكله يهبل ويخوف ياعمري الله يحفظك ويسخرلك راجلك بالاخر بتكلم ليبي مثلكم. ويشرفنيhwaml7


العفــو اختي انستينا ونورتينا من جديد... وحتي انا نفسك بعيدة عن اهلي مش بنفس المدينه
بعيدة عنهم مسافة120كم..
dr.loly
05-18-2013, 02:13 PM
العفو ام نوزة وان شاء الله الف لاباس عليك من جديد... وشكرآ علي ردك بمشاركتي...
جوهرة ليبيا
05-18-2013, 02:26 PM
السللام عليكم ورحمة الله وبركاتة
جوهرة ليبيا
05-18-2013, 02:28 PM
روزا2 شرفتينا حبيبتي وخلينا ننسمع اخبارك

سوسو ليبيا وينك ياحلوة غياااااااااااب
جوهرة ليبيا
05-18-2013, 02:40 PM
وكيف حالكم جميعا
انا من ساعة بس كيف قمت سفرة الفطور وقاعدة مانفكرش في الغداء ابداااااا مازال
كتبت قاااااااااااائمة طويلة عريضة نواقص اساسية وجانبية انا من النوع مرة وحدة او تنين نتسوق بصراحة الاسواق ماتنقربش بسبب الاختلاط والتبرج المباااااالغ فية حشاكم وحاشا البعض طبعا

عندي عمال اينظفوا في الجنانات مش عارفة شن بنديرلهم غداء مساكين اليوم الجو سخون كيف طلعلهم زوجي ترمس مية مصقع ربي ايعاونهم درتلهم فطور

المشكلة ان بيقعدوا للمغرب لان سلفي يبيهم حتي هو يعني اليوم ماااااااااااااافيش طلوع آآآآآهي وانا نستنا في السبت ليا اسبوع
بنشري كندره يااااااااااااناس عجبتني كندرة كرستال في سوق الثلاتاء لكن حرام ناخدها ومستحيل لانها250 جنية لكن هي روعة وتلتبس عالفضي والذهبي
بنشوف في نادي الاتحاد عندهم ب60و70 ايهبلوا ومش عارفة نقدر نلبسها مع الحمل او لا انخاف عالبيبي
وبناخد لرنودة بدلة جلوة او حاجة تانية عربية من بوسليم اعتقد رخاص وحلوات
وان شاء الله انحصل موعد مع الحناية بنحني حنة هندية بما اني بنلبس هندي
اللي في طرابلس وتبي رقم وحدة سودانية ماشاء الله عليها نقشاتها ومتاع صلاة ماشاء الله وثقة اتحني في الحنة الحمراء المنقرشة و(حنة البخور )<<<طبعا ماننصحش بيها وحدة عندها حساسية او حامل
جوهرة ليبيا
05-18-2013, 02:48 PM
زوجي قالي الحمد لله ان مرة او مرتين في السنة ايجيك عرس في الحوش ومافيش منظومة كان هذا امنامتك سيبتلك الحوش وانجنيتhwaml03hwaml03hwaml03hwaml15hwaml9 ههههههههههههه

يعني يابنات انا لما انخمم هلبا وانرتب للعرس او انبالغ شوي لاني مانطلعش فنحط اللي هناك في هالعرس ههههههه
ايجوني عراس لكن مانمشيش للصالات وحتي العراس اللي في الحوش وفيهم منظومة لاااااا او الخيمة عالشارع انحس الصاله استر والله اعلم وربي ايتمم عالجميع بخير




وان شاء الله مانكونش تقلت عليكم او قلت حاجة غلط في هدرزتي لاني والله انسانة تلقائة وربي ايخليكم ليا وهالتجمع الحلو بيكم اوخياتي
جوهرة ليبيا
05-18-2013, 05:36 PM
وييييييييييييييييييييييييييييييييييييييييييييييييي ييييييينكم hwaml03hwaml03hwaml03
dr.loly
05-18-2013, 06:57 PM
السلام عليكم ورحمة الله وبركاته

سوسو غياب اليوم وامس............ استدعاء ولي امر خخخخخخخخخخخخخخخخ
dr.loly
05-18-2013, 07:07 PM
ع سيرة الافراح مولعة فيديو فرحي نتفرج عليه... نذكر ف ايامات الرشاقه ااااااااااااااااااااه

وحتي نا نفسك جوهره عندي فرح الصاله استر

والحنة خطرتيها عليها طبعآ نا محرومة منها لان زوجي يكرهها مووووووووووووووت

تصدقوا حتي بفرحي ماحنيتش بس عجبتني الفكره وقتها لان فيلويا كان احلي بدونها
أمل ليبيا
05-18-2013, 08:10 PM
مشكوره ام فراس وجوهرة ليبيا والجميع سواليفكم حلوه وحبيت كلامكم. وأنا ماني مغتربه مثل أمل انا في نفس المملكه لاكن بعيده عن اهلي بس الحمدلله اقدر ازورهم بالاجازات اهلي من المدينه المنوره وانا حاليا بالرياض واموله مدري كيف طلعتلي اعلى قوس على قولك شكله يهبل ويخوف ياعمري الله يحفظك ويسخرلك راجلك بالاخر بتكلم ليبي مثلكم. ويشرفنيhwaml7
تسلميلي ياقلبي انتي صح هو يخوف بس انا من عشاق المغامرات ههههه
انتي كيفك حبيبتي وكيف الحمل معاك ان شاء الله ربي يتمملك ع خير يارب
وتأنسينا اكيد سولفي علينا مرة مرةhwaml53
أمل ليبيا
05-18-2013, 08:15 PM
سوسو \\ام اجنادين\\\وين غااااااطسات؟شن فيه في الزاويه؟

جوجو ماشاء الله عليك افتكيتي من الحرام حتي اني مانحبش المنظومه لكن اوقات الحق نمشي ان شاء الله نفتك منها بكل
واهني ماشاء الله ليبيات هلبا قريب 80 بعائلاتهم ف ديما نواصلو في بعض ولمات وجو توا مقررين بيشرو دربوكه باش الي دير مناسبه يقيموهالها واني نتبع وخلاص ههههه

اوشي وام فراس وشموسه واثري وليبيا قلبي كيف حالكم ان شاء الله تكونو بالف خير
جوهرة ليبيا
05-18-2013, 08:15 PM
لالالالا الحنة الهندية راجلي يهبل عليها وتوة يقولي معادش اتحني الا الهندية وبث

هلبة زيك ام فراس مايحبوش رجالتهم الحناء وفية العكس
بنت جيرانا ايحلف فيها راجلها غير حني
في العرس طول الوقت تبكي لما ايحنوا فيها وطول الوقت تغسل فيها بالصابون هههههه يوم حفلتها حنتها راحت حااااااااله
أثري في مدادي
05-18-2013, 08:24 PM
والله يااوشي مانعرفة لكن شكلة حلو بنجربة مع اني انحب انذوق الحاجة قبل منجربها ومادام الكل يحبة لاااااازم انديرة ويارب ماننسا شئ ههههه وشكرا عالشرح الدقيق اختيhwaml25
إممممممممممممممممم
الحسا من الوجبات اللذيــــــــــــــــــذة عندي
وحلالـــــــــــــــــــة لمشاكل """ أزمة الثلاجة خخخخخخخخخخخ"""
وتعرف عليه زوجي عن طريقي
وأعجبه كثيراً
وصار يقول ::: ديريلي حساء شرقااااااااااااااااوي
فأوصيكن بــــــــــــــــــــه


الحمد لله يابنات .. برا الجو مطر غزير واصوات رعود جو ايهبل ورائحة

التراب آآآآه ه ه اتجنن

العاقبة عندنا في المسراااااااااااااااااااااااات
مشكوره ام فراس وجوهرة ليبيا والجميع سواليفكم حلوه وحبيت كلامكم. وأنا ماني مغتربه مثل أمل انا في نفس المملكه لاكن بعيده عن اهلي بس الحمدلله اقدر ازورهم بالاجازات اهلي من المدينه المنوره وانا حاليا بالرياض واموله مدري كيف طلعتلي اعلى قوس على قولك شكله يهبل ويخوف ياعمري الله يحفظك ويسخرلك راجلك بالاخر بتكلم ليبي مثلكم. ويشرفنيhwaml7

أهلا أهلا
بأهل المدينة وبأهل الرياض
والشكر موصول لأموووووولة الغالية ،،، فهي من عرفتنا بك
ومرحبتين بيك في كل وقت


السلام عليكم ورحمة الله وبركاته

سوسو غياب اليوم وامس............ استدعاء ولي امر خخخخخخخخخخخخخخخخ

صحيح ،،،،،،،،،،،،،،،،،،،،،،،، ولازم من عقاب
تجيبلنا
مهبولة مهبولة على عددنا
~~~~~~~~~~~~~~~~~~~~~~~~
جوهرة ليبيا
05-18-2013, 08:29 PM
اهلين امولة واثري كيف حالكم وشن اخباركم
جوهرة ليبيا
05-18-2013, 08:38 PM
بنات بنتعبكم معاي بطلباتي
نبي صور تسريحات ناعمة وحلوووووووووة وللشعر الطويل لان احم شعري طويل ومتعب في نفس الوقت هههه والحمد لله درجة نعومتة كويسة ومع الضعف الحمل وجهي نزل ومعادش انحسة امدور خخخخخخخ انشوف فية طويل طول <<<مجنونة خخخ
المهم نبي تسريحة ايضا تخلي وجهي دائري وياريت مافيهاش نفخة هلبة <<<كترتيها بشروطك

أأأأأأأأأأأأأأأأأأأأأأأأطلعييييييييييييييييييييييي ييييييييييييييييييييييييييي
جوهرة ليبيا
05-18-2013, 08:40 PM
بنستناكم ارجووووووووووووكم
أثري في مدادي
05-18-2013, 11:14 PM
هههههههههههههههههههههه
اللهم بارك
حنشتغل معاك .............. حتة حتة
والله معنديش فيه تنزيل الصور
....................
إنت ناوية تشتغليها لوحدك التسريحــــــــــــــــــة ؟؟؟؟

بالله عليك أعطيني موجز شامل عن الحناء الهندية هذه ::: مثلاً
لو ممكن تحطيلنا صورة قريبة منها
في اللون خاصة
~~ كم تبقى على اليدين لتصبــــــــــــــــغ ؟؟؟
~~ بكم تشتغلها المرأة ؟؟؟
~~~ تأتي للبيوت أكيد ؟؟؟

وشكــــــــــــــــــــراً
جوهرة ليبيا
05-18-2013, 11:21 PM
hwaml7hwaml7اهلا اثريhwaml7hwaml7
جوهرة ليبيا
05-18-2013, 11:26 PM
شوفي السعر من 80واكثر وكل ماركبتي الحناء فوق كل مااغلي يعني مثلا لنص الساق ديما في 80 من غير حق التاكسي ههههههه وكان للركبة وفية للفخد كل مازاد السعر
الحمراء اغلي من الكحلة والكحلة بالبخور لوعندك حساسية مديريهاش افضل والمدة لين تجف تبي ساعة او نص وبعدين اتبخرك طبعا بعد متجف تخشي تغسليها واتحكيها بالصابون تطلعي اتقولي وييييييين الحناء ومجرد اتبخرك اتولي كححححله
والحمراء اتنقرشك وتقعد مدتها ممكن زي الليبية من 3الي4 ساعات
الحمراء اغلي من ال100واركب فوق
جوهرة ليبيا
05-18-2013, 11:29 PM
ملف كامل نقوش حنا متنوعه (http://www.ebdaol.com/vb/t7373.html)

هذة الصور قريبة من نقشاتها خصوصا الاولي والسادسة زيها
جوهرة ليبيا
05-18-2013, 11:31 PM
نقوش حنا للعروس 2011- نقش حنا اخر موضه 2011 (http://www.ebdaol.com/vb/t9244.html)

النقشات هادي عجبتني موت وقريبة للهندية هلبة بنختار وحدة وبنقوللها اديرلي زيها
وفية نقشات بناتية لليدين عجبوني درت وحدة زيها قبل مانتزوج
جوهرة ليبيا
05-18-2013, 11:42 PM
طبعا الجيان للحوش اغلي وفية هلبة في مزينات يخدموا فيهم سودانيات طبعا انا اللي نتعامل معاها سودانية ماشاء الله عليها شريت منها حتي الخمرة هههههه بضم الخاء اللي ماتعرفاش حاجة عيييييييييييييييب خخخخخخخخخخخخ للمتزوجات هي نوع من الروائح
المهم كان بتجيك لازم معاك وحدة تانية متجيش علي خاطر وحدة بس
وكان ماعندكش جنان واسع وبديري امتاع البخور الافضل متجيبيهاش حتخليلك الحوش صنتة حااااااااااااااله
\

بصراحة البخور هو مش بخور لااااااااا هو ريتي الجريدة امتاع النخلة نهايتها يقولوها الكرناف هههههه هو هذا البخور اتولع فيها ودير دخان واتحطها في كانون في كيسة ودخلي برجل وبعدين اليدين طبعا حيصيرلك اختناق كان متتحمليش ههههههه والله انا تحملتها بالسيف من كثر مالحناء الليبية ماتصبغش قيا خشيت عليها لكن بصراحة سوووووووووووووواد خصوصا مع اليدين والرجلين البيض روعة فيها فن

وماتبيش صغار يوم بتحني لان التعفيسة اتفسد الشغل كله وحتي الحناية ماتبيش
وحتقعدي عالاغلب عالكرسي امقعمزة وتمديلها بالرجل والايد

شرح دقيق هههههههههههه غير حنوا بس والله تهبل
جوهرة ليبيا
05-18-2013, 11:54 PM
وهدي نقشات سودانية للي تحب البساطة والنعومة
تعالوا بسرررررعة احلى حنة سودانية ممكن تشوفوها هنا وبس - منتدى فتكات (http://forums.fatakat.com/thread4200062)
جوهرة ليبيا
05-18-2013, 11:56 PM
وهادي هندية اصلية ههههه


أجمل أروع نقش نقوش رسم حناء اماراتي خليجي هندي سوداني جديد للعيد 2012 (http://forums.merkaz.net/t77489.html)
روزا2
05-19-2013, 12:11 AM
اتشرفت فيكم والله وكلنا اخوان مسلمين كل قلب واحد ويجمعكم بأهليكم يارب hwaml84 الله لايفرقكم. يابنات ويسعدكم
أثري في مدادي
05-19-2013, 12:25 AM
بــــــــــــــــــــــــارك الله فيك
ما قصرتيش

جوجو

صحيتي ~~~~~~~~~~~~~~
همســـــــــــــــــــة

تعرفي الحنة الليبية الزمنية معتقدش في حاجة تجي خير منها .... ولا شن رايكم ؟؟؟
الخطيفة
العرايسية
ذيل الحوتة
نمووووووووووووووووووت فيها
حتى المزركشة باللصقة مخشتش مزاجي
وين نديرها ندير فيها بسيطة ونااااااااااااااااااعمة على الآخر
وأغلب حنتي تطريف أصابع بكلاوات وأشكال هندسية رقيقة متمركزة في الأنامل ال\هبية
خخخخخخخخخخخخخ متمركزة ،،،،،، حلوة ه\ه ~~~~~~~~~
أثري في مدادي
05-19-2013, 01:28 AM
أوووووووووووووووووه
روعة البسيطة
تلك
مميـــــــــــــــــــــــــــــــــــــــــــزة

وخاصة الرابعة في الرابط اللي وصفتيه بالبساطة والنعومة

حلوووووووووووووووووو

يعطيك الصحة
جوهرة ليبيا
05-19-2013, 01:30 AM
lمرااااااااااااااااحب روزا2

شلونك
أثري في مدادي
05-19-2013, 01:30 AM
سؤال صغيرون ......................
شنو الخُمرة هذه ؟؟؟

وأما حناء "" الحناية ولاء ""
ما رأيت فيها أي بهااااااااااااااء
خخخخخخخخخخخخ
جوهرة ليبيا
05-19-2013, 01:33 AM
ولو اثري هذا واجبي


والله الحنة الليبية رووووووووووووووعة بس حتي التغير مميز احيانا وكل واحد وذوقة

لكن زي ماقلتلك انا ماتصبغش فيا الحنة الليبية حتي انحني انا وخواتي هما تطلعلهم كحلة وانا عادية آآآآآآآآآآآىهي شفتي المعاناة
جوهرة ليبيا
05-19-2013, 01:38 AM
احم احم احم الخمرة هي عبارة عن سائل ذو رائحة غريبة ههههه ويدهن بة الجسم ووووووو

والله هي تسحر زوجك مجرد ميخش للحوش ويشمها ونسحر بيك خصوصا كان زايدة في اناقتك ويصير لقاء خاصhwaml51hwaml51 ووووووووو


افهميييييييييييييييييييييييييييييييييييييييييي
والله وجهي ولا احمرhwaml53hwaml53
ام وسونة
05-19-2013, 01:43 AM
السلام عليكم

كيف حالكم وشن اخر اخباركم واهلا بوخياتنا الجدد وربي يحفظلكم عويلتكم

بالنسبة ليا قررلي الدكتور موعد عمليتي يوم 27\5 ادعولي ربي يسهلها عليا لكن توا

عندي الزكمة وكحة مش طبيعية وعندي انيميا عاطيني الدكتور ابر فينوفير في التغدية في الوريد

غدوة اخر يوم ربي يسهلها وخلاص
جوهرة ليبيا
05-19-2013, 01:43 AM
تقدري اتقولي انها زي مستحضرات الاغراء الموجودة في تجهيزات العرائس
وموجودة في قرقاش الحاجات هذي بكثرة
نقتنع بيها في حالة صار اللقاء مجرد اداء واجب وخلاص يعني زي لما تغيري اروابك كلهم كالوان وموديلات

اعذروني لو صار تمادي في الكلام
جوهرة ليبيا
05-19-2013, 01:46 AM
مرحبا ام وسونة

ربي يسهل عليك وتنوضي بالف خير يااااااارب
وتبشرينا بصحتك وصحة النونو يارب

والله العملية متعبة مجربتها خصوصا كان البنج نصفي لااااا
جوهرة ليبيا
05-19-2013, 01:56 AM
اثري وينك ؟؟؟

هربتي من كلامي ههههههههههههه


والله فاقدة شموسة وسوسو وام اجنادين ياااااارب المانع خير
جوهرة ليبيا
05-19-2013, 02:09 AM
تصبحوا علي الف الف الف خيييييير
ليبياقلبي
05-19-2013, 02:13 AM
الف سلامة عليك ام وسونة وربي يسهلها عليك
جوجو تو ندورها الخكرة وين في قرقاش ولا تمادي في الكلام لا حاجة احنا نساوينات وعادي انا كعادة في حوش اماليا من الخميس علا اساس بنعلم نوزة نحولها شمال حشاك تعبتني وفدتني نبي قبل انجيب اعطوني نصايح بدتلها من الخميس ومن امس نضرب فيها حرقتها حتى بالنار
بابنسبة ليا انا مشيت اليوم لدكتوري محمد المحيشي في مصراتة حشاكم امس لية قريب انموت مشيت اعطاني فنتولين وطمني علا حالي وطالسيوم وفيتاممين
جوهرة ليبيا
05-19-2013, 02:17 AM
لالالالالا حرام ام ناريز بشويش تو تتعلم اصلا قاعدة صغيرونة زعلت منك

وربي يشفيك ياغاالية
جوهرة ليبيا
05-19-2013, 02:22 AM
في قرقارش وين بالزبط مانعرفش وفية حتي وكيل تطلبي طلبة اللي عجبك من المستحضرات ولانجري

انا خواتي وصحباتي يمشولة انا نتحشم مانقدرش انقول لزوجي ارفعني ومايخليش فيا نطلع مع حد ابدا وبصراحة هكي اريح باش مايعتمدش عليا لازم يهتم بمشترياتي كلهم نواجه في صعوبة بس لما بنختارلة هدية نضطر نشوفها معاة ونطلب من وحدة من خواتي تشريهالي ونهديهاله مشوااااااااار ههههه






*******<<<<هادي اللي بترقد
ليبياقلبي
05-19-2013, 02:43 AM
كيف جوجو نظام راجلك باكش زي راجلي انا مضايقة منه في هادي وديما انا وياه نتعاركوا انو منطلعيش معا حد الا معاه ولازم ينز معاي نحسها لقطة قدمة
جوهرة ليبيا
05-19-2013, 02:56 AM
بالزبط زي راجلك باهي شن بديري حكم القوي عالضعيف هههههه
ليبياقلبي
05-19-2013, 03:26 AM
وووووووووووووووووووووووووواك جودو مش عارفة علاش امس من محاتك حسيتك نفس حياتي
ليبياقلبي
05-19-2013, 03:26 AM
فرحتني لكان لقيت من مشاركني قبل نحساب روحي المة الوحيدة
sosolibya
05-19-2013, 08:02 AM
السلام عليكم ورحمة الله وبركاته


صباح الخير
اوشي
05-19-2013, 12:57 PM
السلام عليكم

كيف حالكم وشن اخر اخباركم واهلا بوخياتنا الجدد وربي يحفظلكم عويلتكم

بالنسبة ليا قررلي الدكتور موعد عمليتي يوم 27\5 ادعولي ربي يسهلها عليا لكن توا

عندي الزكمة وكحة مش طبيعية وعندي انيميا عاطيني الدكتور ابر فينوفير في التغدية في الوريد

غدوة اخر يوم ربي يسهلها وخلاص


ام وسون لاباس عليك .. ربي ينوضك بالسلامة بس نصيحة اخت حاولي انك تفتكي من الكحة

لانها واعرة عليك مع العملية وان شاء الله مع الابر هادي يرتفع الهيموجلوبين لانهم كويسات بكل

تقدري اتقولي انها زي مستحضرات الاغراء الموجودة في تجهيزات العرائس
وموجودة في قرقاش الحاجات هذي بكثرة
نقتنع بيها في حالة صار اللقاء مجرد اداء واجب وخلاص يعني زي لما تغيري اروابك كلهم كالوان وموديلات

اعذروني لو صار تمادي في الكلام

لا حبيبتي نستفيد مع من بعض وبعدين كلامك مافيشي كلام محرج ولا يحشم هههههه

كلنا نحاولو نطلعو باحلى حلة واحلى بنة وريحة ...

بس الخمرة هادي انا زمان حني كانت ادير فيها لروحها وفيها قرنفل وعطر ورد وعطر زهر

وتقعد ريحتها طابقة الحوش حتى لما انجو انشمو دبشها بعد الغسل نلقو الريحة مازال قاعدة

وهي اتحط فيها علي راسها .. ولما انجو انحبو علي راسها تتمني انك ادوخي علي راسها

وما حد يرفعك خخخخخخخخخخ

الف سلامة عليك ام وسونة وربي يسهلها عليك
جوجو تو ندورها الخكرة وين في قرقاش ولا تمادي في الكلام لا حاجة احنا نساوينات وعادي انا كعادة في حوش اماليا من الخميس علا اساس بنعلم نوزة نحولها شمال حشاك تعبتني وفدتني نبي قبل انجيب اعطوني نصايح بدتلها من الخميس ومن امس نضرب فيها حرقتها حتى بالنار
بابنسبة ليا انا مشيت اليوم لدكتوري محمد المحيشي في مصراتة حشاكم امس لية قريب انموت مشيت اعطاني فنتولين وطمني علا حالي وطالسيوم وفيتاممين


كيف حالك ام نوزة شن درتي ... حرم عليك ليش تضربيها وتحرقيها والله حرام عليك

شوهتي البنت ... زعلت منك
السلام عليكم ورحمة الله وبركاته


صباح الخير







وعليكم السلام ورحمة الله وبركاته














صبااااااااااااح النور
اوشي
05-19-2013, 12:59 PM
ام اجنادين

ام فراس

شموسة

ام معاذ
اوشي
05-19-2013, 01:05 PM
اكيدة تقولو اوشي كنها كتبت الاسماء فوق شكلها اتسمع علي روحها هههههههههههه

هذي الست ريرو مسكت فيا ما عتش بت تسكت اظطريت اني اصيف الرد بدون تكملة
اوشي
05-19-2013, 01:06 PM
كيف حالكم كلكم بنات ان شاء الله طيبين
جوهرة ليبيا
05-19-2013, 01:17 PM
صباح الخير


سوسو الحمد لله طمنتينا وينك ان شاء الله خير

اهلين اوشي
جوهرة ليبيا
05-19-2013, 01:23 PM
تعرفوا البارح ماباش ايجيني النوم قريب هبلت مع الحمل وااااااااك نضت كسبت القيام البارح بكري وصلينا الفجر وانقول لراجلي ترقد قبلي انوريك ههههه وماخليتاش يرقد
ماشاء الله علية يرقد بسرعة وفي اي مكان ههههه
المهم من نص ساعة كيف نضت صليت ركعتين ودرت الفطور وقعمزت
وبما ان امس ريح وغبرة سبحان الله يعني الحوش تسيق ومسح ووووووووووووووووووووو
ربي ايعاون الجميع
جوهرة ليبيا
05-19-2013, 02:27 PM
يااااااااااربي
الضي هرب الغسالة وقفت والماكنسة الكهربائية والشفاط والتكيف لااااااااااااااااااااااااااااااااا
جوهرة ليبيا
05-19-2013, 02:43 PM
يااااااريت نلقا مزينة اديرلي زي هالتسريحة بالضبط آآآآآآآآآآآآآخ حقا انا متعبة كثيرا


أجمل تسريحة شافتها عيني لا طوفكم - سيدتي (http://forum.sedty.com/t657253.html)
جوهرة ليبيا
05-19-2013, 02:57 PM
التسريحة 10شن رايكم فيها


صور تسريحات شعر 2013 , تسريحات شعر ناعمة للبنات 2013 ,احدث قصات شعر للبنات موضة 2013 ,تسريحات شعر روعة 2013 (http://vb.n4hr.com/239409.html)
اوشي
05-19-2013, 04:26 PM
جيجي .. شن حالك باهية خخخخخخخخ

نحكي غرباوي شوية

الحنة والتسريحات والخمرة ... ربي يكون في عون ابو الشباب توة يهبل

ماشاء الله عليك لا قوة الا بالله

بالنسبة للتسريحات انا عجبتني تسريحة الوردة والفراشه نعومة كثير

وبالنسبة للثانيات التسريحة رقم 9 قصدك لان فيه تسريحة معادة مرتين

حلوة حتى هي وعجبتني 17 نعومة وراقية اتهبل
جوهرة ليبيا
05-19-2013, 04:28 PM
انتي الحلوة يااوشي شكراااااااااااا علي مرورك ورايك اكيد يهمني
اوشي
05-19-2013, 04:33 PM
http://‬http://forum.hwaml.com/attachment.php?attachmentid=8499&stc=1&d=1368970280



شن رايك في الحنة هاذي ...
جوهرة ليبيا
05-19-2013, 04:38 PM
ماشاء الله حلوة
والله لو انديرها تطلع اتحشم صفرااااااا ههههههه
وانحسها تبي رجل امعبية رجلي صغنوووونة
جوهرة ليبيا
05-19-2013, 04:40 PM
حتي النقشات هدي حليوة


صور روعة للحنة الليبية .. قولوا رايكم بصراحة - منتديات عروس (http://forums.3roos.com/3roos496325/)
sosolibya
05-19-2013, 05:11 PM
السلام عليكم
sosolibya
05-19-2013, 05:12 PM
كيف حالكم يابنات


جيجي نحسها الحنة الهندية مش صحية ابدا ابدا

شنو رأيك
sosolibya
05-19-2013, 05:33 PM
ليبيا قلبى

لاتجعلى من ولادتك الثانية سببا لعناء ابنتك


يعنى مش لأنك بتجيبى تجبريها تتعلم بسرعة


وبعدين انت ماليكش يومين بادية وتبيها تتقن من اول مرة


لا ياحبيبتى مش بهذه السرعة

انا حمود بديتله من لما سكر عامين نعلم فيه يشوية بشوية

وتوا قريب يسكر 3 سنين وقعد يغلط مرات وينسى روحه

ومرات يعملها على روحها

ومرات مايلحقش يمشى للحمام

مانقولكشى انى ملائكة والله حتى انا مرات نتقعد ونتحمل ونحاول نصبر واحيانا مانقدرش ونكشخ عليه

بس ضرورى تعرفى كل مابتكشخى بتهلكى اكثر

لأنها رح تخاف تقول
ولرح تتقعد ومرات حتى تبدأ ترعش خوفا من انك تضربيها وبالتالى حتعملها على نفسها

وبما انك حبيبتى عملتى عملتك الشينة خخخ وحرقتيها

فضرورى الان تعاودى تكسبى ثقتها من جديد وتحاولى تتكلمى معها وتتحاورى معها

عشان تتطمن لك ولازم نصبرى وتوسعى بالك لأن الفترة مرات تكون قصيرة ومرات طويلة على العيل سبحان الله


طبعا فى البداية صرت نعلمه بشوية بشوية ونرغبه فى الحمام ونحببه فيه
ومرات نخليه لابس الشمال ولا يبى الحام نمشو جرى خوفا من لو مالحقش
ونسأله كل شوية لو يبى او لا
ولا يقعمز برا نحيه منه وكمان مرات نخليه يعملها فى التراب عشان يفهم انها فى السروال مرفوضة
وبعدين بديت نحيه فى النهار وفى الليل يلبسه
ولما نطلع مشوار لحد يلبسه عشان مانقعدش منحرجة


مثلا انا حمود لما يعملها على روحه نضايق منه ونقوله انت معاش صاحبى

وانت مش سمح لأن السمح مفروض يدير ككا فى الحمام

ماما سمحة دير ككا فى الحمام وبابا سمح يدير ككا فى الحمام

يبدأ يقولى حتى انا سمح انقوله خلاص دير ككا فى الحمام باش تولى سمح


ومرات نحط فى الحمام حلوى وكل مايدير فى الحمام نعطيه وحدة كنوع من التشجيع ونرجع ونقولك وسعى بالك لأنها فترة ورح تمر

بالرغم من انى فاتت عليا ايام حسيت ان ولدى مش رح يتعلم بكل على قد ماتعبنى وجننى وحشمنى


بس الحمد لله والله الحمد لله ماشاء الله عليه ليه فترة مالبس الشمال بكل لا ليل ولا نهار

ولا عملها على روحه ماشااااااء الله عليه
sosolibya
05-19-2013, 05:34 PM
لأن ياسبحان الله هذه حاجة كتعلقة بدماغ البيبي هو نفسه امتى يحس روحه جاهز



مثلا ولد حماتى من العام ونص يخش للحمام ونحى الشمال

ولد قريبتى لبعد 3 سنوات قاعد بالشمال

حماتى الثانية توا سافرت ورفعاته بلاشمال

الروضة عندهم اجبرها تردهوله وقالولها مازال لبعد 3 لاسنوات

حتى انا لما جبت ريم قعد حمود بالشمال لأنى ماكنتش فاضيه بيه ولأنه وقتها قاعد صغير

وحتى انتى بشوية بشوية

وحتى لو قعدت مرات اريحلك وانتى جايبة
sosolibya
05-19-2013, 05:42 PM
ملاحظة

جنودة غياب شنو لاهية ف التحزيم












خلاص يا ام فروسى توا نجيب تاج راسى لإجتماع أولياء الامور ونجى
sosolibya
05-19-2013, 05:45 PM
أثرى واوشى وشموسة وجيجي كيف حالكم


ام معاد شنو مش ملحقة تهدرزى علينا ربى يعاونك مع الصغار الواحد صعب يلقى وقت لروحه


ام وسونة ربى يسهل عليك ان شاء الله
انت عندك بنت صح ولا انا غالطة
sosolibya
05-19-2013, 06:00 PM
الحمد لله اليوم امتحانى كويس مادة الترجمة

ومازال الثلاثائ ونرتاح ان شاء الله











جيجي شن صار فى العمال وهما شن يديرو بالزبط
sosolibya
05-19-2013, 06:02 PM
شموسة معادش جاب عمك لبس جديد



سوق الجمعة يهبللللللللللللللللللللللللللللللللللللل

واحتمال نمشو الخميس الجاى ثانى خخخخخخخخخخخخخخ
sosolibya
05-19-2013, 06:03 PM
http://files.fatakat.com/signaturepics/sigpic79675_13.gif
جوهرة ليبيا
05-19-2013, 06:26 PM
مساء العطر
جوهرة ليبيا
05-19-2013, 06:31 PM
والله ياسوسو العمال يقصوا في العشب الزايد وعندي ورا الحوش نازل شوي جبنالة تراب وزعوة وبقايا بناء الحمام حشاك برا بنيناة جديد تابع لصالون الرجالة برا وعندي نخلات زينة والمعشب قصو الزايد ووووووووو تنظيف وترتيب عام لاكن التخطيط للجنانات قاعدين انقرزوا عليهم هههههه
جوهرة ليبيا
05-19-2013, 06:33 PM
وربي ايوفقك في امتحاناتك
والله مسؤولية حوش وراجل وصغار وقراية واااااااااااااااااعرة ربي ايعونك ياغالية
جوهرة ليبيا
05-19-2013, 06:38 PM
ماقلتيليش سوسو شن رايك في التسريحات وحطيلي كان عندك صور تسريحات بلييييييز
جوهرة ليبيا
05-19-2013, 07:33 PM
وين تختفواااااااااااا
جوهرة ليبيا
05-19-2013, 11:06 PM
وينكم بنات
ماشاء الله شكلة كل وحدة عندها طلعة او حد جايها آآآآآآآآآآآهي مسكينتة انااااااا ياويلييييي من الوحدة
sosolibya
05-19-2013, 11:22 PM
السلام عليكم ورحمة الله وبركاته

كيف حالكم توا

هذه مرواحتى من أهلى

ريم العشية قعدت تعيط لما بوها بيطلع

فقلتلهم هيا اركبو وحطنا عند خوالهم ورفعت كتاباتى معاى

أهىءءءءءءء تخيلو جو العيلة اضطنى نتعشى هههههههههه
dr.loly
05-19-2013, 11:27 PM
السلام عليكم ورحمة الله وبركاته
جوهرة ليبيا
05-19-2013, 11:28 PM
اهلااااااااااااااااااااااااااااااااااااااااااااااا ااااااااااااااااااااااااااااااااا
سوسو
وام فراس


وينكم هكي اديروا فيا آآآآآآآآآآآهي حرجانة هههههه
جوهرة ليبيا
05-19-2013, 11:29 PM
سوسو دوم هاللمة الحلوة
بنسالك شن اسم صغارك ؟؟؟
جوهرة ليبيا
05-19-2013, 11:33 PM
والله من نص ساعة حشاكم ترجيع قريب انموت
مش قلتلكم خاطري في المحلبية ودرتها وانسيت السكر المهم درتها المغرب وجتني تهبل وكليتها باستمتاع حتي اتصلت بخواتي قلتلهم درتها وكليتها هههه<<ماهو قالولي تعالي انديروهالك ربي يخليهملي
وبما اني نمرض من الحليب من بداية حملي فلهذا تعبت موووووت وترجيع الله لاتروعكم
والحمد لله علي كل حال
sosolibya
05-19-2013, 11:33 PM
شنجو جيجي

يسلمك ليا ياغالية


حتى انا توا ان شاء الله من ضمن مخططاتى بعد الامتحانات

بندير حملة على الصور


طبعا احنا مش عمال هههههههههههههههه

عمل يدوى براحنا خدمة ذاتية
جوهرة ليبيا
05-19-2013, 11:34 PM
امل ليبيا خشي وطمنينا عليك وييييييييييييينك
جوهرة ليبيا
05-19-2013, 11:35 PM
ماشاء الله ربي اايعاونكم
sosolibya
05-19-2013, 11:42 PM
استغفارنا يحتاج إلى استغفار ... نستغفر ولا يتجاوز الاستغفار حناجرنا ... نستغفر وقلوبنا لاهية ... نستغفر ونحن نفكر في الدنيا ... بل أحياناً – والله المستعان – نستغفر ونحن نفكر في الإقدام على معصية أو ترك طاعة ... لماذا لا يمازج الاستغفار قلوبنا قبل أن تنطق به ألستنا ... لماذا لا نتذكر ذنوبنا ونحن نستغفر .. ذنوبنا التي عجزنا أن نتذكرها ... فكيف وقد سجلت في صحف حفظت عند الله في كتاب لا يضل ربي ولا ينسى ... لماذا ننسى سيئاتنا ونحصي حسناتنا .... نسرع لنكمل المائة ... ثم سبحان الله وبحمده مائة ... ونظن أننا مهما فعلنا فقد غفر لنا .... إلى الله وحده المشتكى....

قرأت في هذا كلاماً جميلاً لابن القيم – رحمه الله – في الداء والدواء يقول : وكثير من الناس يظن أنه لو فعل ما فعل ثم قال أستغفر الله زال الذنب وراح هذا بهذا, وقال لي رجل من المنتسبين إلى الفقه : أنا أفعل ما أفعل ثم أقول : سبحان الله وبحمده مائة مرة وقد غفر ذلك أجمعه...................إلى أن قال رحمه الله : وهذا الضرب من الناس قد تعلق بنصوص من الرجاء واتكل عليها وتعلق بكلتا يديه وإذا عوتب على الخطايا والانهماك فيها سرد لك ما يحفظه من سعة رحمة الله ومغفرته ونصوص الرجاء , وللجهال من هذا الضرب من الناس في هذا الباب غرائب وعجائب كقول بعضهم:

وكثر ما استطعت من الخطايا *** إذا كان القدوم على كريم

وقول الآخر : التنزه من الذنوب جهل بسعة عفو الله ...

وقول الآخر : ترك الذنوب جراءة على مغفرة الله واستصغار ...

وقال محمد بن حزم : رأيت بعض هؤلاء يقول في دعاءه : اللهم إني أعوذ بك من العصمة ....
-

---!!---- انتهى كلام ابن القيم --!!--------

فيا أحبتي ... هيا لنبكي على خطايانا بلا يأس من رحمة الله ... !
ولتكن إحدانا ترى ذنوبها كجبل قائم على رأسها يوشك أن ينهار عليها ..
ولا نكن ممن يرى ذنوبه كذباب وقف على أنفه ثم أشاحه بيده ...

هيا ؛؛؛؛؛؛؛!!

لنعود إلى الاستغفار ....!.. بالليل والنهار ...!.. ولكن .... !

بقلوبنا هذه المرة ...!.

[.!.]والسلام عليكم ورحمة الله وبركاته









منقول
جوهرة ليبيا
05-19-2013, 11:45 PM
اللهم اعني علي ذكرك وشكرك وحسن عبادتك

استغفر الله الذي لآاله الاهو واتوب الية


سبحان الله
والحمد لله
ولااله الا الله
والله اكبر
sosolibya
05-19-2013, 11:46 PM
محمد 3 6 2010

ريم 7 4 2012
جوهرة ليبيا
05-19-2013, 11:48 PM
ربي يحفظهم هما وامهم وكل من تحب يااااااااارب
sosolibya
05-19-2013, 11:54 PM
http://t2.gstatic.com/images?q=tbn:ANd9GcQSiEy6g3E50cR__qPza6wWSl012i526 AnK7WcFCeR_KyoQYNqA

http://t3.gstatic.com/images?q=tbn:ANd9GcRYNmWYERkAsFMUrbr6C6haf0VWJip6j xeYFBvqZkFapbBaJSPW


بما انك شعر طويل

http://tsslya.net/up/uploads/13586214541.jpg
sosolibya
05-19-2013, 11:56 PM
http://www.swarih.com/up/uploads/1363572341461.jpg

http://forums.jraaa7.com/imgcache/122983.imgcache.png



http://www.girls-top.net/vb/img/girls-top.net_1355840500_749.jpg



http://t2.gstatic.com/images?q=tbn:ANd9GcQJDVlXJpcW2URSVnN2ROsh7pHfnSNZU cX4DtrzZpxPokV-OG5z



http://forum.mn66.com/imgcache2/887443.gif
جوهرة ليبيا
05-19-2013, 11:57 PM
شككككككككككككككككككككككرا سوسو عارفاتك ماتقصري كلك ذوق ياصاحبة الذوق كلة
جوهرة ليبيا
05-20-2013, 12:00 AM
الاخيرة حلوة ناعمة وهادية درتها في عرس اختي لكن سخنت من شعري تمنيت وقتها مرفوع كلة فوق
sosolibya
05-20-2013, 12:30 AM
وقفة لإعادة الحسابات:: لنبدأ من جديد


يبدو أنَّ الهمم ضعفت ، فما كان هذا ظني فيكم ، لقد أردت أن أجد منكم الحرص البالغ على التقدم في طريق الالتزام ، ووضعنا إصلاح الأحوال في رمضان هذا العام هدفًا إيمانيًا ، ليكون إن شاء الله أفضل رمضان مرَّ علينا .

وشعرت أنكم بدأتم تفترون ، ويبدو أن الفتن والمعاصي من حولكم قد أثرت عليكم لذلك لما لاحظت ذلك كتبت رسالة الأمس لتنشطوا .

وصدق النبي صلى الله عليه وسلم : " إنما الناس كإبل مائة لا تكاد تجد فيها راحلة " [ متفق عليه ]

فسأقف وقفة محاسبة ، وإعادة للحسابات من جديد ، ولكن سيظل نصب عيني معاني لن آلو جهدًا في إيضاحها .

أريد منكم اليوم :

(1) هل تذكر الذنوب العشرة التي ستتخلص منها قبل رمضان ماذا صنعت في ذلك ؟؟

(2) كم صرت تستغفر كل يوم ؟ وهل تديم الحمد ؟ وهل صرت تلهج بالذكر ؟

(3) وفي كم تختم القرآن ؟؟ وكيف حفظم للآيات الخمس كل يوم ؟؟


(4) ما حظك في عبادة التبتل والخلوة بالله ؟

(5) كيف هي الصدقة اليومية ؟

(6) وما أخبار الصيام في الصيف لندخره لعطش يوم القيامة ؟

(7) وما بال القيام هل وصلت إلى أن تقوم كل يوم بمائة آية ؟

(8) وهل اجتهدت لأجل الحقائب الرمضانية لتوزيعها على الفقراء في رمضان ؟

(9) وكيف حالك في أعمال البر ( عيادة المرضى .. كفالة الأايتام .. السعي على الأرملة والمسكين ....الخ ) ؟

(10) وكيف حال ( حسن الخلق ) مع الناس ؟؟

هذه أسئلة عشرة لنقف وقفة محاسبة ، ونبدأ في تصحيح المسار في هذا الزمان .

استمعوا لمحاضرة : ( ساعة حساب )

من هنا

غفر الله لي ولكم ، وفتح لنا أبواب رحمته وحفظنا من كل سوء ، وجعلنا من عباده الصالحين .


اللهم بلغنا رمضان
واعنا فيه علي الصيام والقيام إيمانا وإحتسابا
واللهم اجعلنا فيه من عتقائك من النيران


منقول
ليبياقلبي
05-20-2013, 02:32 AM
يسعد مساكم ياحلوات
أمل ليبيا
05-20-2013, 02:39 AM
والله من نص ساعة حشاكم ترجيع قريب انموت
مش قلتلكم خاطري في المحلبية ودرتها وانسيت السكر المهم درتها المغرب وجتني تهبل وكليتها باستمتاع حتي اتصلت بخواتي قلتلهم درتها وكليتها هههه<<ماهو قالولي تعالي انديروهالك ربي يخليهملي
وبما اني نمرض من الحليب من بداية حملي فلهذا تعبت موووووت وترجيع الله لاتروعكم
والحمد لله علي كل حال
اهلين جوجو اني اليوم مشيت للزووو لكن الصبح فطرت ياغورت بس وتبعد علينا الحديقه حوالي ساعتين صارت فيا حاله مرتين حشاك نرجع في السياره تعرفي زيك الحليب والجبنة تقول سم ناخدهم منا تصير فيا حاله طول مع اني قبل الحمل نموت في الحليب ومشتقاته


الله غالب واجعني حال البيبي ماكلتي صفر مش صحيه واعطتني الدكتورة فيتامينات وفوليك ماخديتهمش والله عايش بالبركة ربي يستر وخلاص):
ليبياقلبي
05-20-2013, 02:40 AM
مشكورة سوسو وجوجو عالنثايح
ليبياقلبي
05-20-2013, 02:41 AM
هلا امولة شن جو الحمل
أمل ليبيا
05-20-2013, 02:42 AM
بنات في حاجه مظايقتني هلبا ومسببتلي احراج ليا قريب اسبوعين مش طايقه اللعاب في فمي بكل ع طول نتخلص منه تخيلو والميه نشرب فيها بالسيف مانوصلش 3طاسات في اليوم لين جتني المسالك والدكتورة قتلي علاجهم المية واني نحس فيها مورة جربت جميع انواع الميه بلا فايده والعصاير والمشروبات كرهتهم نفس الشئ وريقي مش طايقاته بالله كيف الحل وهل في حد صارله زيني؟؟شن السبب زعما؟؟وهل نقص الماء يؤثر عليا؟
ليبياقلبي
05-20-2013, 02:58 AM
حبيبتي ردي بالك من التهاب المسالك اسالني انا حملت بيهم اللية لاتوا عندي غصبي علا روحك راهو لازم اقل شي لتروا ونص ومشكلة اللعاب صارتلي في حملي هدا خودي ديما اللةبان في فمك امضغي
أثري في مدادي
05-20-2013, 03:08 AM
الســــــــــــــــــــــــــــــــــــــــلام عليكم ورحمة الله وبركاتـــــــــــــــــــــــــــــــــــــــه
يا هلا فيكم كلكم كلكم كلكم ~~~~~~~~~~~~~~


السلام عليكم

كيف حالكم وشن اخر اخباركم واهلا بوخياتنا الجدد وربي يحفظلكم عويلتكم

بالنسبة ليا قررلي الدكتور موعد عمليتي يوم 27\5 ادعولي ربي يسهلها عليا لكن توا

عندي الزكمة وكحة مش طبيعية وعندي انيميا عاطيني الدكتور ابر فينوفير في التغدية في الوريد

غدوة اخر يوم ربي يسهلها وخلاص

الحمد لله
هانت ،،،،،،،،،،،،،، الله يبارك
قريبا وسيكون ضغيرك في حضنــــــــــــــــــــــــــــك
وينسيك كـــــــــــ التعب ــــــــــــــــل
انتبهي لنفسك
وابتعدي عن التكييف ، وغلفي روحك بزويتة زيتون دافية
باش تخف وتتلاشى الكحة ،،،
وكان تخديرك نصفي
انتبهي للراحة وعدم رفع الرأس عقب الولادة لمدة 24 ساعة ،،،
باش تفتكي من وجع الرااااااااااااااااااااس
والله يسهلك أمرك ويسخرلك كل أحوالك

اثري وينك ؟؟؟

هربتي من كلامي ههههههههههههه


والله فاقدة شموسة وسوسو وام اجنادين ياااااارب المانع خير

هههههههههههههههههههههههههههههههههه
لا والله
لكن خطفنــــــــــــــــــــــي سلطان النوم
يعطيك الصحة معلومات طيبة جداً
والحقيقة الاستفادة في جميع الأمور
أنا من أشد المؤيدين لها
ونحن بحاجة ماســــــــــــــــــــــة
للإهتمام بأزواجنا وإنعاش علاقتنا بهم دووووووووووووووما
لأنها عُرضة للتلف من الروتين والأطفال والمشاغل اليومية
فينعكس على عطاؤنا ويقلل من جودتــــــــــــــــــه
وهذا يزعل أبو الشباب ................
فلابد من الانتباه

الف سلامة عليك ام وسونة وربي يسهلها عليك
جوجو تو ندورها الخكرة وين في قرقاش ولا تمادي في الكلام لا حاجة احنا نساوينات وعادي انا كعادة في حوش اماليا من الخميس علا اساس بنعلم نوزة نحولها شمال حشاك تعبتني وفدتني نبي قبل انجيب اعطوني نصايح بدتلها من الخميس ومن امس نضرب فيها حرقتها حتى بالنار
بابنسبة ليا انا مشيت اليوم لدكتوري محمد المحيشي في مصراتة حشاكم امس لية قريب انموت مشيت اعطاني فنتولين وطمني علا حالي وطالسيوم وفيتاممين

أم نوزة ....................
مش حنزيد نعاتبك ،،، لأن أوخياتنا داروا اللازم
وصدقوا في كل كلـــــــــــــــــــمة قالوها
حبيبتي
أبناؤنا جواهـــــــــــــــــــر ولكننا حدادون
كتاب أنصحك بإقتناءه ووضعه بالقرب منك
والإطلاع عليه
لتستشعري فداحـــــــــــــــــــــة عملك
أنااااااااااااااااااااااااااااااااااااااا
ضد الضرب
ولدي قارب على أن يكمل أربع سنوات
ولله الحمد لم أضع يدي عليه إلى الآن
وإنما أقسى أنواع العقاب عندنا
""" كرسي العقاب """" مثلا
الحرمان اللامبالاة وووووو
أما الضرب........... فلا
آثاره المدمرة تبقى وتنعكس على علاقتنا بأبنائنا
وتجعل الفعل السيـــــــــــــــــء
يختبيء لا يختفي
فللننتبه ~~~~~~~~



بنات في حاجه مظايقتني هلبا ومسببتلي احراج ليا قريب اسبوعين مش طايقه اللعاب في فمي بكل ع طول نتخلص منه تخيلو والميه نشرب فيها بالسيف مانوصلش 3طاسات في اليوم لين جتني المسالك والدكتورة قتلي علاجهم المية واني نحس فيها مورة جربت جميع انواع الميه بلا فايده والعصاير والمشروبات كرهتهم نفس الشئ وريقي مش طايقاته بالله كيف الحل وهل في حد صارله زيني؟؟شن السبب زعما؟؟وهل نقص الماء يؤثر عليا؟

آآآآآآآآآآآآآآآآآآآآآآآآآآآآآآآآآآآآآآآآآآآآآآآه
يا غالية نوضتي علي مواجعـــــــــــــــــي
قبل لا نجاوبك .... في حد في عيلتكم هكي وحامه ؟؟؟
عموما
حكاية بلع الريق هي قصتي ومعاناتي في حملي إلـــــــــــــــــــــــــــى أن أنجب
أول مايطلعوا البيبي سواء طبيعي أو بالعملية
نقعد نزمط في ريقي
وقبله حاشاك نحس فيه حاجة ثانية خالص عععععععععع
هذا في أطفالي الثلاث """ باش ما تتلخبطوش نحسب في بنيتي بكرتي اللي توفاها الله """

في الأشهر الأولى ما عنديش ماكلة ،،، فمدايرتها علي """ التفل """ حاشاك وحاشا قدرك
صنااااااااااااااااااااااااااااااديق الله ورق ناعم استهلكتها
ولما بديت في نهاية الخامس
وبديت نذوق وناكل بديت ديما حاطة حاجة ونقرمش فيها
لوز أخضر ، زيتون ميكونش مالح هلبة ، الفواكه بأنواعها وين ما نمشي الصونية معاي ، أما العلكة " المستكة واللبان" مخليتهم لما نطلع ، عصير سنتب بحداي نمص منه مرة مرة
لدرجة
ولدي يجي بحداي يقولي : ماما باش تغيري في ريقك ؟؟؟
عارف لازم يكون بحداي حاجة تتاكل
شن رأيك الليل ماسلمش من المضغ .... إما مستكة ولا لوبان
نين حناكي يوجعوني ،،،،
لما رقدت في المستشفى ببكرتي ، تشوف في الممرضة ديما نمضغ قالتلي : خيرك ديما تاكلي زي الدابة ؟؟؟
معليشي الممرضــــــــــــــــــــــة فليبينية ~~~~
والحمد لله
أهو نزمط في ريقي توا لاباس علي
وكل حمل نقول معقولة توا يولي ريقي عااااااااااااااااادي ؟؟؟
وماليشي علاقة لا بمية ولا بأي حاجة
أمي في حملها بي جتها الحالة هذه ........... دين مردود
إن شاء الله تسامحنــــــــــــــــي ميمتي شحورتها وأني في بطنها وأني برا منها ~~

أطــــــــــــــــــــــــــــــــــــــــــــــــ ـــــول رد في العالم
خخخخخخخخخخخخخخخ
~
ليبياقلبي
05-20-2013, 03:17 AM
اتري ربي يعطيك الصحة ومشكورة عالمعلومة وعادي لومي وعاتبي انتم وخيات وحبيبات والله انا لاعلا قد وسعة بالي زمان معا الصغار تو تحولت معا بنتي من لما عمرها 3 شهور نضرب فيها وضرب مبرح لدرجة كسكينة لما حد يعلي صوتها تلب
وتسكر في عيونها والله توجع فياا واي نوع ضرب دايرتلها الفلف الشبشب القرص بس شن بندير منقديرش نتمالك في روحي
أمل ليبيا
05-20-2013, 04:49 AM
حبيبتي ردي بالك من التهاب المسالك اسالني انا حملت بيهم اللية لاتوا عندي غصبي علا روحك راهو لازم اقل شي لتروا ونص ومشكلة اللعاب صارتلي في حملي هدا خودي ديما اللةبان في فمك امضغي
تسلمي ع نصيحتك حبيبتي باااااااااااارك الله فيك وربي يخليلك بنيتك ويحفظها يارب



آآآآآآآآآآآآآآآآآآآآآآآآآآآآآآآآآآآآآآآآآآآآآآآه
يا غالية نوضتي علي مواجعـــــــــــــــــي
قبل لا نجاوبك .... في حد في عيلتكم هكي وحامه ؟؟؟
عموما
حكاية بلع الريق هي قصتي ومعاناتي في حملي إلـــــــــــــــــــــــــــى أن أنجب
أول مايطلعوا البيبي سواء طبيعي أو بالعملية
نقعد نزمط في ريقي
وقبله حاشاك نحس فيه حاجة ثانية خالص عععععععععع
هذا في أطفالي الثلاث """ باش ما تتلخبطوش نحسب في بنيتي بكرتي اللي توفاها الله """

في الأشهر الأولى ما عنديش ماكلة ،،، فمدايرتها علي """ التفل """ حاشاك وحاشا قدرك
صنااااااااااااااااااااااااااااااديق الله ورق ناعم استهلكتها
ولما بديت في نهاية الخامس
وبديت نذوق وناكل بديت ديما حاطة حاجة ونقرمش فيها
لوز أخضر ، زيتون ميكونش مالح هلبة ، الفواكه بأنواعها وين ما نمشي الصونية معاي ، أما العلكة " المستكة واللبان" مخليتهم لما نطلع ، عصير سنتب بحداي نمص منه مرة مرة
لدرجة
ولدي يجي بحداي يقولي : ماما باش تغيري في ريقك ؟؟؟
عارف لازم يكون بحداي حاجة تتاكل
شن رأيك الليل ماسلمش من المضغ .... إما مستكة ولا لوبان
نين حناكي يوجعوني ،،،،
لما رقدت في المستشفى ببكرتي ، تشوف في الممرضة ديما نمضغ قالتلي : خيرك ديما تاكلي زي الدابة ؟؟؟
معليشي الممرضــــــــــــــــــــــة فليبينية ~~~~
والحمد لله
أهو نزمط في ريقي توا لاباس علي
وكل حمل نقول معقولة توا يولي ريقي عااااااااااااااااادي ؟؟؟
وماليشي علاقة لا بمية ولا بأي حاجة
أمي في حملها بي جتها الحالة هذه ........... دين مردود
إن شاء الله تسامحنــــــــــــــــي ميمتي شحورتها وأني في بطنها وأني برا منها ~~

أطــــــــــــــــــــــــــــــــــــــــــــــــ ـــــول رد في العالم
خخخخخخخخخخخخخخخ
~[/quote]
للاسف اني بس طالعه في العيله هكي شفت العجب والحمد لله
حتي اني زيك مش طايقه ريقي بكل لين خلاص مظاااااااااااااايقه
بالنسبه للمستكه ان شاء الله نجربها وتمشي معاي

المشكله ياخيتي كرهت جميع مبيوعات واماكن امريكا ماكلتهم كلها خلااااااص والله نكرهها
في محل عربي نشرو منها حاجته غاااااليه ومش كل شئ عنده
غير باش ناكل شويا بس

باااااااارك الله فيك اختي اثري وان شاء الله اجر تعبك حاصل وربي يحفظلك صغارك وربي يهون عليا وعلى كل من تعبانه
والحمد لله ربي العالمين
sosolibya
05-20-2013, 12:46 PM
ألسلام عليكم ورحمة الله وبركاته
كيف حالكم ياحلوين

انا مشغولة على أجنادين



فديت من القرايةومعاش عندى طاقة بس يالله هانت غدوة ان شاء الله أخر يوم
sosolibya
05-20-2013, 12:52 PM
ربى يكون فى عونك يا امولة والله الحمد لله مامريتش بيها الحالة هذه



اثرى كيف حالك وشن امورك مع البيبيز

ليبيا قلبى والله حرام عليك وعيب عليك
والله سخفتنى بنتك
مانقولكش انا مانتعقدش بس مش للدرجة هذه
وصدقينى بنتك رح تتطلع معقدة وكزمة ومريضة حرام عليك تجنى عليها
اتقى الله فيها
وتذكرى ان الله رح يحاسبك
وسعى بالك وديرى علامة باش تذكرى كل مرة انك لما ادير حاجة تبتسمى وتناديها وتقوليلها تعالى حبيبتى خلاص معاش تعاوديها


الله قداش رح تفرح ورح تحس بالامان


لأنها توا صدقينى تخاف منك رعب مش حب أو احترام ليك
فأكسبى ثقتها من جديد

وديما فكرى انك كنت زيها وأحرف منها ههه

وفكرى انها بنتك قطعة منك

ويللى حتعمليه حتعمله هي لصغارها فهل يرضيك


واذا قعدت هكى معقدة وخوافة ومرعوبة رح تبدأ مريضة ومش رح توصل لمرحلة ان يكون عندها أطفال اصلا

الله يحفظها
بس نخوف فيك باش تغيرى اسلوبك معاها
أم أجنادين 80
05-20-2013, 12:52 PM
السلام عليكم ورحمة الله وبركاته
كيف حالكم كلكم
ماتنشغلي علي غالي سوسو
بس جهازنا الواي ماكس كانت فيه مشكلة
sosolibya
05-20-2013, 12:53 PM
صح أحيانا الضرب ليه فايدة بس حتى للضرب أصول معينة

وعمرها ماكانت التربية الجيدة بالضرب وانما بالحوار والصبر والمحاولة مرة واثنين
sosolibya
05-20-2013, 12:55 PM
اهلين بنور العين والغالية جنودة شنجوووو ياحبى
sosolibya
05-20-2013, 12:57 PM
جنودة شن صار فى التحزيم
sosolibya
05-20-2013, 01:05 PM
https://fbcdn-sphotos-e-a.akamaihd.net/hphotos-ak-ash3/p480x480/575720_244566865686320_231443356_n.jpg

هذه ريم الصيف يللى فات توا تغيرت شوية
sosolibya
05-20-2013, 01:07 PM
هذه فى الشتاء



https://fbcdn-sphotos-g-a.akamaihd.net/hphotos-ak-frc3/397633_181161618693512_827830030_n.jpg
أم أجنادين 80
05-20-2013, 01:26 PM
ماشاء الله عليها ربي يحفظهالك
كل ماتكبر اتزيد تحلو هالضرسانة بالله بوسيهالي من خديداتها يهبلوا
أم أجنادين 80
05-20-2013, 01:28 PM
صورتها في الصيف عجبتني هلبة
مشيت حزمت
وكان معاي نساء يحزموا علي وجع الظهر
جوهرة ليبيا
05-20-2013, 01:31 PM
صباح الخيرات
أم أجنادين 80
05-20-2013, 01:34 PM
كيف حالك جوهرة وكيف بنوتتك
ام وسن وليبيا قلبي ربي يسهل ولادتكم
أم أجنادين 80
05-20-2013, 01:37 PM
وينك سوسو
نحكيلك كيف دارتلي
جوهرة ليبيا
05-20-2013, 01:44 PM
https://fbcdn-sphotos-e-a.akamaihd.net/hphotos-ak-ash3/p480x480/575720_244566865686320_231443356_n.jpg

هذه ريم الصيف يللى فات توا تغيرت شوية

ياناسووووووووووووووووووووووووووووووو عسل ماشاء الله تبارك الرحمن
انا عضيهالي في خدودها وفخادها الامورة والله لو قدامي قطعتهالك ههههههههههه




يااااااااااااااااااااااااااااااااااااااارب احفظها من كل شر
جوهرة ليبيا
05-20-2013, 01:47 PM
الله يسلمك جنودة
وكيف حالك انتي
وان شاء الله بالصحة والعافية عليك التحزيم ويعطيك كل ماتتمني ياااااارب
أم أجنادين 80
05-20-2013, 01:47 PM
صورة توضح جدول لحفظ القرأن
https://fbcdn-sphotos-h-a.akamaihd.net/hphotos-ak-prn1/923194_658515954174988_670918503_n.jpg
جوهرة ليبيا
05-20-2013, 01:51 PM
البنوتة بتجنني سلامتها الغالية
كيف دوشتلها ولبستها ودرتلها تسريحة بالتوكات ماشاء الله لكن مافوتتش 10دقايق القيتها امنحيتهم hwaml02hwaml03كوووووووووولهم ربي يهديها
وهي شعرها زيني تبارك الرحمن طويل وناعم ينزل علي عيونها وتولي شفشوفة فنحاول نتمالك اعصابي وخلاصhwaml4hwaml4
أم أجنادين 80
05-20-2013, 01:55 PM
http://imagecache.te3p.com/imgcache/60d7c2cc91fe1bdd51fa68abe11c719f.jpg
ماشاء الله عليها
حتي انا عجبتني صورتها في الصيف ياجوهرة
الباين ريم طالعة امورة لامها
جوهرة ليبيا
05-20-2013, 01:55 PM
مشكورة جنودة ان شاء الله في ميزان حسناتك

ياريت نلقا من تراجع معاي قرآني اللي قريب ننساة ربي ايسامحني ويقدرني عالمراجعة
أم أجنادين 80
05-20-2013, 01:57 PM
صغيرة ماتتحملش التوكات توا تكبر وتبدأ بروحها ادير فيهم
أم أجنادين 80
05-20-2013, 02:03 PM
راجعي بروحك وقسمي وقتك
كل اسبوع جزء مثلا او اكثر
سوسو وين طلعتي
جوهرة ليبيا
05-20-2013, 02:04 PM
لاجنودة شنو صغيرة سنتين ونص من 3شهور انديرلها في التوكات الخفاف

هي تعرفي علاش اتنحي فيهم مرة شافت قناة طيور الجنة في حوش خالتهاوعجبتها وطبعا انا مانعتها عليها بحكم الايقاع اللي فيها
المهم قالتلي اختي الشهرين اللي فاتو تقدري اتنحي الموسيقي القناة امدايرين الخدمة هادي
قلت يلا خلي اتكسد عليها فلما اتشوف البنيات يرقصو وشعرهم مفتوح تبي ادير زيهم ههههههههههه تقليد
sosolibya
05-20-2013, 02:09 PM
صورتها في الصيف عجبتني هلبة
مشيت حزمت
وكان معاي نساء يحزموا علي وجع الظهر

خيانات كتفقين نمشو مع بعض خخخخخخ
وين مشيتى
وان شاء الله تجيك القدام

صباح الخيرات


قايلة الخير
هذا صبحك صح النوم ههههههههههههه
كنت فالحة شورنا خديناك بالعين
جوهرة ليبيا
05-20-2013, 02:10 PM
جنودة انراجع فية باش ماننساش الكلمات والترتيب لكن صعب انسمع علي نفسي انا الحمد لله القران من عمري 5سنين لين قبل مانتزوج باسبوعين بس سيبت الجامع وعارفة المراجعة من غير ان قرانك اكيد لنفسك باش نعمل بية في حياتي ونلقاة لاخرتي لكن التحدي والحماس والرغبة ايخلوك منضبطة ان فية من بيسمعلك والمفروض ماتغلطيش قدامة ووووو وهلبة كلام غير مش عارفة كيف بنشرحلك
أم أجنادين 80
05-20-2013, 02:15 PM
بسبوسة الجالكسي
اتفضلوا
https://fbcdn-sphotos-c-a.akamaihd.net/hphotos-ak-ash3/945888_327079344087896_1638897646_n.jpg
وهذه الطريقة ...
علبه قشطه ساده بنفس العلبه ديري علبه ونص سميد نص علبه جوز هند علبه سكر نص علبه زيت 3 بيضات ملعقه كبيره كاكاو وملعقه كبيره نسكافيه ملعقه كبيره bbوالشراب نص علبه حليب نستله وهيا سخونه سقيها و جالكسي وبعد ماتبرد ديري جالكسي فوقها تاني
sosolibya
05-20-2013, 02:16 PM
ياناسووووووووووووووووووووووووووووووو عسل ماشاء الله تبارك الرحمن
انا عضيهالي في خدودها وفخادها الامورة والله لو قدامي قطعتهالك ههههههههههه




يااااااااااااااااااااااااااااااااااااااارب احفظها من كل شر



سلمك جيجي ويسمنك خخخخخخخ بس أكيد مش احلى من رنودة









جنودة سامحينى لهيت فى الخوخ بندير مربى

احم احم ماتقوليش نبى منه ياجيجي تعالى هنا تفضلى لكن ماتقوليليش تعاليلى فى حوشى
خهههههههههههههههههه
جوهرة ليبيا
05-20-2013, 02:18 PM
لاياسوسو قلتلكم انا انوض الساعة 12انصلي ركعات وانضم الديار بس ونفتح رواشنهم وانسكرهم واندير فطور خفيف انشغل الكتل باش اندير شاي كيس خفيف مع توست وبنتي توست وسن توب وبس ربع ساعة فطور ونوض انشغل الاجهزة الكهربائية هههههه وتوة بنوض انصلي وانكمل ضمان الحوش والغداء ماااااااااااااازااااااااااال منفكرش فية خصوصا هاليومين راجلي عندة معرض يروح المغرب
والضمان مش هلبة لاني مستحيل نرقد وانخلي حوسة وراي انضم العاب بنتي وانرتب وانرد الماعين من السقطار للدولاب
عزوزتي اتجيني انقوللها والله قاعدة ماضميت اتقولي ثلاث سنين وحوشك بيفسخ من كتر الضمان خخخخخخخخ
جوهرة ليبيا
05-20-2013, 02:23 PM
لااااااااااااااااااااااااااااااااااااااااااااااااا اااااااااااااااااااااا
حرام عليكم وحدة بسبوسة عذاب والتانية مربي خوووووووووووووووووخ

والله ياريت ياسوسو اتجيني وانجيك والله انموت في جو اللمة خصوصا لما ترتاحي في المكتن تتمني ماتنوضيش منة عكس بعض الاماكن
ننغم فيهم والحمد لله ربي فكني منهم ربي يستر عليهم غمز ولمز وقرمة عيني عينك <<<هادي وين مشت ياهو ووو خلينا في البسبوسة والخوخ

علي فكرة انا اسم دلعي من زوجي خوختي هههههههه خمموا شن اسمي
sosolibya
05-20-2013, 02:23 PM
بسبوسة الجالكسي
اتفضلوا
https://fbcdn-sphotos-c-a.akamaihd.net/hphotos-ak-ash3/945888_327079344087896_1638897646_n.jpg
وهذه الطريقة ...
علبه قشطه ساده بنفس العلبه ديري علبه ونص سميد نص علبه جوز هند علبه سكر نص علبه زيت 3 بيضات ملعقه كبيره كاكاو وملعقه كبيره نسكافيه ملعقه كبيره bbوالشراب نص علبه حليب نستله وهيا سخونه سقيها و جالكسي وبعد ماتبرد ديري جالكسي فوقها تاني






اااااه ربى يسامحك جنودة ليش تهبلى فينا


هده انتى مدايرتها يللى فى الصورة

خلى نجى ناكلها عندك

ومشكورة على الطريقة نحاول نجربها ان شاء الله

وصحة صحة
أم أجنادين 80
05-20-2013, 02:24 PM
ان شاء الله سوسو
مشيت لنعيمة الباشا صرمان
اول شي اتسخن تراب وتحطه تحتك مش مباشرة بس في قطعة قماش
وبعدين اتجي معاها وحدة ثانية تخدم معاها وتحزمك حزمة كويسة لين اتحسي كل عظامك قربوا من بعض
وتقعدي ساعة وبعدين اتحوله ,,
واتحطلك فازوات علي بطنك من غير حجامة ربع ساعة
ونفس الشي اليوم الثاني بس بالعكس التراب تحت البطن والفازوات علي الظهر عشر دقائق ,,
وطبعا هيا اتعالج في الصغار اكر شي يلي ضعيف ومايكلش وعلي حساسية الصدر ادير ضميدة بجلد الأرنب
والله اعلم هدا صح او لا بس الناس لاقيين عليها وفي من مايعرفش الطب مشكلة ولدها اوبنتها يجيبوا فيها ليها هيا
وتعالج في الصدفية والثعلبة ,,
بس الحجامة ننصحك ب عجيلية المداح افضل
sosolibya
05-20-2013, 02:27 PM
شنج ياخولة خخخخخخخخخخخخخخ


والله حتى انا اجتماعية لين خلاص ونحب الناس ونموت فى جو اللمة ونحب نواااااااااااااااصل


خلاص تعاليلي فى النجاح نجيك فى المجيبة
حخخخخخخخخخخخ
sosolibya
05-20-2013, 02:31 PM
جنودة خلينى من الحجيمة وخلينى على الحزم

والله فرحت لما قلتى العظام يجو لبعض

ديما نحس فى ظهرى مفتوح

وانت ليش اخترتى هذه بدات واى يوم تمشى بالزبط بعد الدورة





البسبوسة تغطسى كل طرف بروحه فى الشوكلاطة ولاكيف
أم أجنادين 80
05-20-2013, 02:38 PM
بنات لما الوحدة بتمشي لاقاربها عندهم ولدهم ضرب ولد وسببله في عاهة عفاكم الله
مش اهل الولد هدا لم يقدموا شكوي فيه
شن اتقول لاهل الولد اللي سبب المشكلة ولم يتأذي
أم أجنادين 80
05-20-2013, 02:40 PM
لاااا ياسوسو
البسبوسة ديريها عادي في الطاجين زي مانديروا فيها وهيا سخونة قصيها واسقيها بحليب المركز نص علبة
وابشري شوكولاتة فوقها
او لو انتي بديرها زي الكب الكيب اكيد بديري كل قطعة بروحها
أم أجنادين 80
05-20-2013, 02:43 PM
اخترتها لانها مراة كبيرة وقديمة وكانت امي تمشيلها واحني صغار تحجم عندها علي صداع الراس
والباقي يحزموا علي البارد من غير تراب سخون حسيت بالتراب السخون افضل
والقيت عندها هلبة وفي من حملت علي ايديها طبعا بعد ارادة وتسخير ربي
sosolibya
05-20-2013, 02:44 PM
مش عارفة بس ممكن

تقولى

ان شاء الله ربى يفرج
sosolibya
05-20-2013, 02:47 PM
https://fbcdn-sphotos-f-a.akamaihd.net/hphotos-ak-prn2/969874_531800206866101_414613072_n.jpg
أم أجنادين 80
05-20-2013, 02:48 PM
شن غداكم
انا بخلت اليوم درت مكرونة
يوم السبت مشيت لحوش عمي القيتهم مجهزين خضرة البراك درت معاهم وزدنا حتي مصارين
وحصلت حرقة فوق حرقة ايدي من الحنه من اميه العصبان جيت بنحول غطاء الطنجرة وكان فيها اميه سخونة

تووا ايدي كلها بلونات بلونات
وروحت العصر راجلي جاينه اصحابة 6 وهما مش اول مرة يجوا يتعشوا عندنا
يبوا مكرونة بالحوت مع سلايط وفواكه
ودرت كيكة الباونتي علي طريقة عيون الله يذكرها بالخير
عجبتهم وسالوا راجلي من وين شاريها مصدقوش انها من الحوش
sosolibya
05-20-2013, 02:48 PM
مانا خلاص نتوكل على الله ونمشيلها

طيب ماقلتيش اى يوم تمشيلها

انا توا عليا الدورة

وين تقع وبكم تحزم

بالتفصييييييييل
أم أجنادين 80
05-20-2013, 02:51 PM
يلا سلامات نتلاقوا العصر او الليل
sosolibya
05-20-2013, 02:52 PM
https://fbcdn-sphotos-d-a.akamaihd.net/hphotos-ak-ash3/575675_531811100198345_363705625_n.jpg

























جنودة تقصدى طريقة عيون نمتع الجبنة صح
sosolibya
05-20-2013, 03:00 PM
طلعتو وخلتونى

سلام نمشى نقرا
جوهرة ليبيا
05-20-2013, 03:22 PM
لااااااااااااااااااااااااااااااااا
سوسو تعالي خخخخخخخ مكارة ماتبيكش تقري
جوهرة ليبيا
05-20-2013, 03:26 PM
بعد ماصليت طلعت اللحم وعندي ستيكة بوريك حتي هي طلعتها والله اعلم شن بندير الغداء

وكنست الحوش كلة ونشفت عالسريع وسيقت حمام الضيوف مع ان البارح سيقتة خشيت بنديرلة المطهر القيت فية شوية تراب من الريح البارح واليوم المهم سيقتة عالسريييييييييييع في خمس دقايق مسحت المراية ودولاب وطلعت وشغلت المبخرة في الحوش وجيت نجريhwaml16
لكن
لكن
انتوا

طلعتوااااااااااااااااااااااااااااااااااااااااا hwaml93hwaml79hwaml93
جوهرة ليبيا
05-20-2013, 06:17 PM
الغداء استقريت عالفاصوليا وبوريك ودرت شرائح سكالوب دجاج وسلاطات وخبيزات من كل حاجة قطع بسيطة
كلمني راجلي وقالي اني امروح فدرت الغداء الساعة3 وروح الاربعة تغدينا وغسلت الماعين وسيقت المطبخ علي اذان العصر دوشت عالسريع وكيف صليت

بنمشي انجفف شعري سلاااااااام
شموسه 88
05-20-2013, 06:47 PM
السلام عليكم ورحمه الله وبركاته
شموسه 88
05-20-2013, 06:56 PM
شن جو بنات كيف حالكم كلكم بدون استثناء ماشالله عل الهدرزه والله ماقدرتش نقرا لي فاتني

انا اخبار الحمد لله معش نقعد في الحوش بكل نطلع مع صبيتي "حماتي" نختاروا في تيورات والفيلوا والفستان السهره اوطبعا راسي دايخ معجبنش شي من فساتين السهره اصلا عندي فستان خاطري فيه من ماركه امريكه يشحنوه لكي اويوصل بعد 25 يوم بس زوجي الله يهديه مابش ايوفقلي قالي مانبيكش اتجازفي مرات يقعدوا نصابين اومرات اللوقت مايساعدكش جميع انواع الاقفال عطاهن ليا من كثر ماهو بين اعيوني حسيت الفساتين ليشفتهن كلهن شينات

اه عل سيرت زوجي بكرا ان شالله امسافر لصين ياربي ايمشي وايجي سالم غانم "وانا نقعد وحيده "
شموسه 88
05-20-2013, 07:02 PM
صحه جيجي غداك انا اليوم مادرتش غدا امطلعه المطبخ او وتيت دبش زوجي اوضميت داري ماحصلتش او معندش نيه انطيب جابلي مسكين لازانيا انا او شموسه او هو جاب لروحه كبده اورز واسلاطات اصلا مايحبش البشاميل
اوشي
05-20-2013, 07:10 PM
بسبوسة الجالكسي
اتفضلوا
https://fbcdn-sphotos-c-a.akamaihd.net/hphotos-ak-ash3/945888_327079344087896_1638897646_n.jpg
وهذه الطريقة ...
علبه قشطه ساده بنفس العلبه ديري علبه ونص سميد نص علبه جوز هند علبه سكر نص علبه زيت 3 بيضات ملعقه كبيره كاكاو وملعقه كبيره نسكافيه ملعقه كبيره bbوالشراب نص علبه حليب نستله وهيا سخونه سقيها و جالكسي وبعد ماتبرد ديري جالكسي فوقها تاني

هلا جنودة ...... تعرفي الطريقة هادي اندير فيها بس القشطة وجوز الهند نضرب فيهم في الخلاط

بيش يفوج جوز الهند .. وماكنتش نعرف ان اسمها بسبوسة الجلاكسي hwaml02

https://fbcdn-sphotos-d-a.akamaihd.net/hphotos-ak-ash3/575675_531811100198345_363705625_n.jpg

























جنودة تقصدى طريقة عيون نمتع الجبنة صح

كلام جميل ومعقول ... قريتها لردينة قعدت تضحك عالقردة

شن جو بنات كيف حالكم كلكم بدون استثناء ماشالله عل الهدرزه والله ماقدرتش نقرا لي فاتني

انا اخبار الحمد لله معش نقعد في الحوش بكل نطلع مع صبيتي "حماتي" نختاروا في تيورات والفيلوا والفستان السهره اوطبعا راسي دايخ معجبنش شي من فساتين السهره اصلا عندي فستان خاطري فيه من ماركه امريكه يشحنوه لكي اويوصل بعد 25 يوم بس زوجي الله يهديه مابش ايوفقلي قالي مانبيكش اتجازفي مرات يقعدوا نصابين اومرات اللوقت مايساعدكش جميع انواع الاقفال عطاهن ليا من كثر ماهو بين اعيوني حسيت الفساتين ليشفتهن كلهن شينات

اه عل سيرت زوجي بكرا ان شالله امسافر لصين ياربي ايمشي وايجي سالم غانم "وانا نقعد وحيده "

هلا شموسة ..... ربي يعاون والعاقبة لاولادك ... وربي يرجعلك راجلك بالسلامة

انا اليوم درت الغدا براك وفلفل وكوسة محاشي .. وفاصوليا خضرا علي لحيمات اجدي

وخبزة حوش وسلاطة ونحرقت ايدي من الكوشة hwaml5hwaml5hwaml5
شموسه 88
05-20-2013, 08:22 PM
اهلين اوشي شن الجو صحه الخبيزات سهفتيني بيهن

وابعيد السو عل ايدياتك
شموسه 88
05-20-2013, 08:24 PM
اليوم عبسي ياروحي اعويناته متنفخات شكلا جايته رمد ربيعي وصيتله عل قطره او مرهم
شكلا خذا عدوه من ولد عمه امس
شموسه 88
05-20-2013, 08:26 PM
اشويا اونبرم عليكم سلااام توا انشوف الفيس وانجي
أم أجنادين 80
05-20-2013, 08:50 PM
السلام عليكم ورحمة الله وبركاته
كيف حالك شموسة صار جري وسكات توا
سوسو الجلسة بعشرة وبالنسبة للي يحزموا علي الوجع تقريبا مااتعطيش فيهم في علاج
عسل وزيت فيهم اعشاب ,,
ومكانها اول سيمافروا في صرمان في بعده محطة بنزين يلي قبل سوق الربيع ومصحة الفاروق
في طريق بعد محطة البنزين علي يمينك تدخلوا منها وتمشوا علي طول حوشها علي اليمين هوا
علي اكثرمن دور ولونه زي الياجوري الداكن هوا الحوش الوحيد يلي ملون في الطريق هديكا
وبعد حوشها بشوي مصحة المعلمين
عالعموم الباب الرئيسي متاع الحوش ديمة مفتوح تدخلي منه واتبعي تلقي زي الديار علي يمينك
براا الحوش هادوكا اتعالج فيهم ,
بعد ماتغسلي من الدورة امشيلها ولو تبي رقمها تسفسري منها نعطيه ليك
وهيا بتمشي للعمرة نهاية 5 او بداية 5
فانسب وقت تمشي بعد دورتك هذه وعلي مااعتقد وجع الظهر ماليشي علاقة بانتهاء الدورة
أم أجنادين 80
05-20-2013, 08:51 PM
وكل شي بايد ربي سوسو
يعني مرات تمشي وماتلقي عليها
بس ديري يلي عليك ..
دافئة المشاعر
05-20-2013, 10:08 PM
http://www.hwaml.com/up/uploads/1369044399861.gif

http://forum.hwaml.com/images/icons/e12.gifhttp://forum.hwaml.com/t258765.html#post3206238
جوهرة ليبيا
05-21-2013, 01:02 AM
مساء الورد حبايبي
أم أجنادين 80
05-21-2013, 01:04 AM
ماشاء الله عليكم مشيت وجيت ولا وحدة غير جوهرة
اوشي
05-21-2013, 01:06 AM
السلام عليكم
أم أجنادين 80
05-21-2013, 01:10 AM
مساء النور جيجي
اكيد سوسو رقدت او تقرا عندها امتحان
شموسة رحتي في الفيس او طلعتي مع صبيتك
شن صار فيك اخترتي فستان
اوشي
05-21-2013, 01:12 AM
كيف حالك شموسة ... الله يسلمك ياحبيبة

لو جارتي راني دزيتلك فردة

بعيد السو علي عبسي عينك منه
أم أجنادين 80
05-21-2013, 01:20 AM
أزيك يااوشي
بنات عندي عرس المده الجاية لبنت نعرفها الصراحة كنا صاحبات هلبة بس صار موقف
خلانا نبعدوا علي بعض
هيا اتقول اني غالطة بس انا ماغلطتش فيها او حتي لو درت تصرف مايستاهلش تعاملني بالمثل
وهدا الموقف صار مع صاحبتها تعرفها قبلي وعاملتها بنفس الشي وقطعت علاقتها بيها لدرجة تلاقة معاها
مرة لم تسلم عليها ,,
عموما هيا عرسها المدة الجاية وفي عرسي هدتلي جلباب وروب ولما جتني للحوش اعطتني 20 دينار
شن تنصحوني نهديلها ,,
فكرت نعطيها 100 دينار بس قلت مرات هلبة هما مش هلبة بس عندي التزامات ثانية فكرت انقص المبلغ الي 50 " بخيلة " ههههه
ومرات انقول مش راح تصير فرصة انردلها الهدايا متاعها
شن رايكم
أم أجنادين 80
05-21-2013, 01:28 AM
اكيد اتقولوا شن علاقة الهدية بالموقف
لان الموقف وغيرها من تصرفات خلتني نبي انقص من علاقتي بيها البنت
اهتماماتها غير اهتماماتي ...
ولذلك ممكن معادش انواصلها هلبة
جوهرة ليبيا
05-21-2013, 01:33 AM
آآآآآآآآآآآآآآآآآآآآآآىه ياضهري ورجليا قريب انموت منهم طلعت العشية كلها وانا انلود في محلات سوق الجمعة
اول مطلعت خطمت علي امي الغالية عندها زكمة شوي مالقيتهاش عند جدي مريض شوي ولقيت خواتي يامحلاهم يشوا في الجنان هما وبوي وخوي دابحين خروف هههههه بوي الغالي مرة مرة يخطر علية يدبح عندة ماشاء الله غنم يربي فية عندي حوش جدي الله يرحمة كنا نفس السانية وبوي راس ولد وعماتي باعوا لبوي الحوش المهم اجرناة ممكن سنتين وبعدين بوي مل وهو كبيييير خلا منة دارين وحمام اللي فاتحين علي جنان حوش بوي الحق مستفيدين منهم اماعين العراس والبساطات والدواليب كل شي فيهم
المهم الجهة التانية تفتح فلي جنان وباب عالشارع القدامي مانستعملوش فية هههههه فهنا ايربي في الغنم هههه

آآآآآآآآدهشت وهذا مش راس الموضوع



المهم خديت منهم صونية الشواة الجاهزة وهربت بيها كليتها انا وابو الشباب


وبعدين خطمت علي اختي اللي مريضة قلتلكم عليها الحمد لله حالها باهي وطلبت منها دكتورتها راحة شهر والمشكلة هي توة في نهاية الخامس وكملت الدور التاني بديرة معيشة مازال الاتات بس قالتلي نبيك اتاتتيلي علي ذوقك مش عارفة حتي انا ماكملتش حوشي التغير
المهم قلتلها لما تعجبني حاجة انصورهالك بالاي باد واختاري

بعدين امشيت لمحل اخديت منة المرة اللي فاتت بدلة ب20اتهبل خفيفة ونازكة هلبة اخديت منها لحبيبة عمتها ايوتة بنت خوي لون تاني
وبعدين شفت محل مفاجاة الاحذية قست اربع كنادر عجبوني وللاسف جاني احباط في المحل اللي تعجبني مافيش مقاس38 اخ وخلاص
طلعت وفي طريق الحشان محل زهرة الخليج عجبتني فية بدلة هندية تهببببببببل قلت لراجلي انزل اسال عليها تعرفوا بقداش طلعت


























240بسسسسسسسسسسسسسسسسسسسسسسسس

اتفاجاة والله نلقا فيها 500 و700 مش اقل من هكي ونفس البدلة ونفس القماش وانا كنت بناجرها ب200 حراااااام صح خياطة موثوقة لكن مش زي


لكن
لكن
زوجي قالي ماتشريهاش سلامتة عندة تسكر دماغ مش في وقتة اجلت النقاش خير ميروح بيا خخخخخخخ
وبعدين ياحنا امشيت لممحل بتمون للاحدية ونفس الشئ عجبتني وحدة الوان الطيف وب50بس لكن ملقيتش الا39وجتني كبيرة وبما ان الكعب عاااااااالي فمنقدرش ناخدها واسعة حتي شوي باش نقدر نمشي بيها
وبعدين خشيت لمحل لجين ومااستقريتش علي راي فطلعت هههههههه
واخر حاجة امشيت لبيبي ماكس اخديت منة فيلو نااااااعم لرنودةب70لكن نازك هلبة سكري ومن نفس المحل اخديتلها كندرة سكريةب25 وشخشير وتوكات بيج وبرفان وكارونة اكليل كسرتها قبل مانطلعوا من المحل خخخخخخخخ مشاخبة سلامتها

واذن المغرب فضطرين ننزل انصلي في حوش بوي كنا قراب وبعد ماصلي قلتلة بنقعد وليلي الساعة12 قالي لاااااا



ومش لان مايبش ايخليني لااااا في نص الطريق قالي الشباب جايين لالااااااااااااااااااااااااا عرفتوا علاش روح بيا يبي عشاء ونسكافية


والله كيف قعمزت درتلهم بيتزا وخبزة قابسية محشية وشرائح سكالوب وبازيليا بالحم الخروف اللي جبتة من حوش بوي خخخخخخخ
ولما امروحين قلتلة امالة خلاص خودلي عجينة باف خدالي وشكلتلهم بيها حاجات وبطاطا مقلية وسلطات ومشروب
ودرت قبل العشاء نسكافية وكيكة باردة
المهم كيف طلعت من المطبخ سيقتة وبخرتة وجبت عشاي وقعمزت ههههههه
جوهرة ليبيا
05-21-2013, 01:41 AM
مراحب جنودة واوشي كيف حالكم

جنودة حسب راي قدري قيمة الهدايا امتاعها وردي هملها مرة وحدة وماداما في مصلحتك انك ماتواصليهاش فالافضل تقطعي علاقتك بيها امشي لعرسها واستمتعي لكن خليك ضيفة وبس وربي يبعد عليك كل شر ياربي
sosolibya
05-21-2013, 01:42 AM
السلام عليكم
انا ماشية بنرقد كنت نقرا
وكنت عاملة حسلبى مطل عليكم بدون مانعلق

بس لقيت جنودة كاتبة اسمى ماقدرتش نقاوم
خخخخخخخخخخ


نصيحت ترديلها العشرين


وتشريلها هدية يعنى وحدة بوحدة


مثلا خلاط

او مايكرويف

او طاقم فوط او ارواب
أم أجنادين 80
05-21-2013, 01:45 AM
الف لاباس علي امك وجدك واختك جيجي
هذا المشوار كله وماشريتي شي
الباين انك زيي لازم انشوف كل المحلات قبل ونقعد محتارة شن ناخد
أم أجنادين 80
05-21-2013, 01:47 AM
تصبحوا علي الف خير
أثري في مدادي
05-21-2013, 01:52 AM
السلام عليكم ورحمة الله وبركاته

يا سلم هالهدرزااااااااااااااااااااااااات

الله يبارك
كل وحدة مخططاتها من نوع

الله يوفق كل حد في مايرغبه ويشتهيه
أثري في مدادي
05-21-2013, 01:55 AM
أهلا جنودة
حتى إنت بتناااااااااااااااااااااااااامي ؟؟؟؟؟؟؟؟؟؟؟؟؟؟

أضم صوتي للبنات ، اضغطي على روحك ورديلها هديتها باش
ترتاحي من علاقة غير مرغوب بيها
وعجبني تعليق
جوجو أو خوخو
امشي للعرس ضيفة وبرااااااااااااانية
ممكن تاخديلها بالقيمة تعليقة فضة نزوكيـــــــــــــــــة ~~~
جوهرة ليبيا
05-21-2013, 01:57 AM
وانتي من اهله

ربي ايعاونك سوسو

آآآآآآآآآآآآخ اليوم كله شقا الحمد لله علي كل حال

بالصدفة فتحت دولاب راجلي بنحطلة فلوس في الدجاكة محسوبكم ماياخدش معاة في فلوس لين انحطلة ههه انقول علي اي ضرف اونبي حاجة وهو مروح
المهم ملقيتش بدلة جاهزة وامحددة فتوة كيف عبيت المية للحداد باش انحددلة بدلة ااااااااخ وخلاص
جوهرة ليبيا
05-21-2013, 02:05 AM
اهلين اثري الباين ماتطلعيش الافي اليل متاخر هههههه
أثري في مدادي
05-21-2013, 02:08 AM
جوجو~~~~~~~~
مشاوير معتبرة ............ طيب فيك كملتي لرنودة
ذكريني العرس عرس شكووووووون ؟؟؟
والبدلة الهندية
هذه أوصفيهالي بالله عليك
وشن مستورة ؟؟؟
وشن الألوان اللي في
حتى أني قاعدة ندور لعرس بنت خوي
علــــــــــــــــــماً
أني من فترة واخدة قفطان شيفون ناعم لونه بين الأخضر والأزرق
سواريه ،،،، وكل مرة نبي نخيطله جاكيت ما تسخرش الحال
وأخيــــــــــــــــــــــــــــــــرا
خيطتله جاكيت ،،، والحق الخياطة نحس فيها غالية خدت حق الخياطة 55 دينار ، والتفصيلة ناعمة وسمبل هلبة
لأن القفطان موديــــــــــــــــــــله ناااااااااااااااعم
هذا القفطان جاهز ~~~~
لكن لأني شاريته من فترة ما دابيا ناخذ حاجة ثانية مادامه هو حاسب حسبة حاجة ليا ~~~ خخخخخخخخ استفادة قصوى

وأني حامل بجود في الثامن دار محل ""الشريف "" للبدل النسائية
تخفيض ،
وكنت نتمشى ومعاي 100 دينار نبي ناخذ بيهم حاجات منزلية ~~~ على أساس
ولقيته كيف يعلق في لافتة التخفيض
خشيت لقيت بديلة علي التراااااااااااابي المائل للأحمر ... تميزها في درجة لونها
وحقها 100 دينار لا غير ـــــــــــــــ كانت بــ 260
حطيت فيها الفليسات وروحت
وهذه البدلة الجديدة الثانية
غير عيبها جاكيت والجو في آخر 6 ماندريش عليه يتحمل بدلة رسمية ؟؟؟

ولازالت الحيرة مستمرة
وبالله كان تعرفوا وحدة تجي للحوش
ومكياجها وتسريحاتها حلووووووووووووة قولولي
والأهــــــــــــــــــــــم ماتكونش تنقي ~~~

عندي وحدة الله يبارك عليها مش عادية بكل مكياجها وتسريحاتها
وما تنقيش
لكن مارتحتش لنقطــــــــــة وحدة
ما تعرفش تحط ظلال نين تستعمل الخافي اللي زي اللصقة على زوائد الحاجب
حسيت روحي = المنقيـــــــــــــة بالظبط ؟؟؟

ربي يعوضني خير
ويسهل الأمور
أثري في مدادي
05-21-2013, 02:18 AM
محسوبتك خفافيش ليل

خخخخخخخخخخخخخخخخخخ

والله الحق ..............

بديت نقعمز عليه الاسبوع هذا من بعد العصر
في دورة اسمها دورة ابن القيم الرابعة
مُقامة في مسجد أم المؤمنين بحي الأكواخ ويبثوا فيها على النت
نحضر فيها
لأني بحمد الله
حاضرة الدورات الأولات وامتحنت حتى فيهم

لكن ما نفتحش لا علي فيس ولا سكايب ولا منتدى
باش نستفيد ونحط بالي علي جيهة
وتكمل الدروس مع صلاة العشاء
دوبي ندير دورة في الحوش يبدا سلامته ولدي واخد جوه أني لاهية على اللاب توب
فالحوش مقلووووووووووووووب
وبعدين نضرب دورة في عمري
علي جية أبو الشباب
نحطله العشي
ونهدرزوا مشوار
ولما يلها بجرايده
نلهى بيكم
خخخخخخخخخخخخخخخخ
جوهرة ليبيا
05-21-2013, 02:22 AM
والله يااثري البدلة الهندية جدا مستورة قطعتين كان بدي وقونة طويلة وواااااسعة ومعاها زي الشال عرفتية ومطرزة بالكامل

نعرف وحدة اتمكيج في الحياش ومتنقيش لكن 6بتمشي للعمرة وتحط في لصقة لكن كان قلتيلها لاا اتقوللك براحتك المهم متقوليش المكياج مش حلو خخخخخخ
جوهرة ليبيا
05-21-2013, 02:24 AM
الالوان فية جميع الالوان لكن انا كان خديت بناخد فوشي
العرس ولد عم زوجي وساس في الساس وصاحب زوجي الروح بالروح
أثري في مدادي
05-21-2013, 02:25 AM
آآآآآآآآآآآآآآآآآآآآآآآآآآآآآآآآه

تبخر الرد

بضغطة زر خاطئة

علقت فيه
على شموسة وعرس صبيتها
ّ
وسوسو وقرايتها
وجنودة وتحزيمتها

وأوشي وخبزتها

ووووووووو
جوهرة ليبيا
05-21-2013, 02:26 AM
باهي اثري قوليلي عليها اللي تجي للحوش اتمكيج وبقداش ورقمها واسمها بالله عليك
جوهرة ليبيا
05-21-2013, 02:26 AM
باهي انا مش معاهم انحدفت ههههههه
جوهرة ليبيا
05-21-2013, 02:28 AM
علي فكرة الدجاكيت حرام55 دارتالك بالكرستال الحقاني والا كيف
جوهرة ليبيا
05-21-2013, 02:29 AM
اثرييييييييييييييييييييييييييييييييييييييييييييييي يييي وينك
أثري في مدادي
05-21-2013, 02:29 AM
والله يااثري البدلة الهندية جدا مستورة قطعتين كان بدي وقونة طويلة وواااااسعة ومعاها زي الشال عرفتية ومطرزة بالكامل

نعرف وحدة اتمكيج في الحياش ومتنقيش لكن 6بتمشي للعمرة وتحط في لصقة لكن كان قلتيلها لاا اتقوللك براحتك المهم متقوليش المكياج مش حلو خخخخخخ

جبتيها في خاااااااااااطري
بالله أوصفيلي الدكان
بالك نمشي نشبحها هاليومين

وهذه سلامتها بتمشي في أول شهر 6 ولا آخره
عموما كان فيها كيف تبعثيلي رقمها
نلاقاها حتى مرة ثانية
وسامحينا مشقياتك معاااااااااااااااي


الالوان فية جميع الالوان لكن انا كان خديت بناخد فوشي
العرس ولد عم زوجي وساس في الساس وصاحب زوجي الروح بالروح

أيه معك حق توتيله هكي
قريب
وجار
وصاحب
وزيدها يا زايد
عرس في الحوش بلا منظومة
بــــــــــــــــــــدخ ~~~~~~~~~~
جوهرة ليبيا
05-21-2013, 02:33 AM
ريتي سومافروا العاشوري كان العاشوري علي يمينك كملي يمين وخشي علي طريق الحشان امشي مسافة مش هلبةمعقول اسمة المحل زهرة الخليج المهم ماتفوتيش الاربع شوارع اللي بيلااقوك
أثري في مدادي
05-21-2013, 02:34 AM
قااااااااااااااااااااااعدة

غير دودي ،،،،،،،،،،،،، تنقنق
والله لا كريستال ولا أي حاجة

استغــــــــــــــــــــــلال مش كريستال
صعقت لكن ماقدرتش نتكلم
لأن صاحبتي هي حلقة الوصل
وقتلي
خياطتها تحفة وتوا نديرلك معاها سوم كويس
وكانت النتيجة هذا الرقم الرائع
راهي قصيرووووووووووووونة للصدر بس
وكمام حائرررررررررة
وفي آخر الكم شيفون يرد على القفطان خداته من سيور القفطان
بــــــــــــــــــــس

خلاص توا نحطهولك الرقم اسمها هويـــــــــــــدا
بالك سامعة بيها ؟؟؟؟

يتميز مكياجها بالقوة
منعرفش يمشي معاك ولا لا ؟؟؟
جوهرة ليبيا
05-21-2013, 02:37 AM
البدلة الهندية تبي مكياج قوي زي السدرة

هاتي الرقم هههههههه
جوهرة ليبيا
05-21-2013, 02:38 AM
الحداد سخن وعاود خخخخخخخخخ
أثري في مدادي
05-21-2013, 02:40 AM
واضحة النعتة ...............
بإذن الله نحاول نطق فيه
.

صحيتي

أمس مشيت للملاك الأبيض بحي الأندلس
مافيشي حاجة معقولة ومستورة
العريااااااااااااااااااااان وخوه

الله يلطف بينا وخلاص

سوسو ........................
كيف بنق عليك علي خاطر صورة بنتك الرمزية
زدتي حطيتي صورها
فكي روحك يا بنتي من التصووووووووووووووووووير
راهو حراااااااااااااااااااااااام


صورتك الرمزية حتى إنت يا جوجو تبي إعادة نظر
حطي طبيعة ولا مااااااااااااااااااااكلة
خير

وحدة جاعانة خخخخخخخخخخخخ
أثري في مدادي
05-21-2013, 02:46 AM
إمممممممممممم

صنة جود تفحفح
بعد ما دوشتها ولبستها بيجامتهااااااااااا

إهيء إهيء

بنمشي نغيرلها
ونغنيلها
باش ترقــــــــــــــــــــــد
سلامات

نلتقي على خير

السلام عليكم

بري اتكي يا جوجو
اليوم تعب في تعب
جوهرة ليبيا
05-21-2013, 02:50 AM
مشكورة اثري

والله امشيت حددت عالسريع ورجعت بنقولك تصبحي علي الف خيييييييييييييييييير
جوهرة ليبيا
05-21-2013, 02:56 AM
مشكورة عالتذكير اختي اثري والله عارفة وبتذكيرك نبهتيني بارك الله فيك
أم أجنادين 80
05-21-2013, 10:21 AM
صباح الخيرات ياحلوات
وين ردك علي التحزيم اثري عاوديه
هدا رايكم في الهدية
المشكلة مش من النوع يلي تعجبها اي حاجة مانحبش نهدي لشخص هدية ومايستفيدش بيها
او يلوحها ,,
انفكر ناخدلها ارواب حمام الفوط حاجة كويسة شن رايكم
انا كنت انفكر نعطيها 100 دينار بس الباين ميزانيتي لا تسمح
اعطوني حل غير 100 دينار ويكون مناسب وراقي
ر ي م
05-21-2013, 10:49 AM
سلام يا بناااااااااااااات .. شن حالكم وشن الجو :)
الله يتمم على كل حامل حملها .. ويرزق كل منتظره يارب .. آآآمين

انا يا ستات باختصار بحب ليبيا واهل ليبيا وطبخااااااااااات واكلات شعب ليبيااااااا
ودي اتعرف على ليبية في الرياض .. هل يوجججججججججججد ؟؟؟؟؟ ولكم مني جزيل الشكر

اممممممم ودي اعرف طريقة الرز المبوخ .. اي نوع رز يفضل استخدامه الامريكي الدب القصير والا عادي الطويل مثل الوليمة وشكرا شكرا شكرااااااااااااااااااااااا

سامحوني طبيت عليكم ههههههههههه
dr.loly
05-21-2013, 10:49 AM
صباحوووووووووووووو
ر ي م
05-21-2013, 10:51 AM
ايه صح من عندها بلاك بيري عشان اضيفها :)
dr.loly
05-21-2013, 10:57 AM
سلام يا بناااااااااااااات .. شن حالكم وشن الجو :)
الله يتمم على كل حامل حملها .. ويرزق كل منتظره يارب .. آآآمين

انا يا ستات باختصار بحب ليبيا واهل ليبيا وطبخااااااااااات واكلات شعب ليبيااااااا
ودي اتعرف على ليبية في الرياض .. هل يوجججججججججججد ؟؟؟؟؟ ولكم مني جزيل الشكر

اممممممم ودي اعرف طريقة الرز المبوخ .. اي نوع رز يفضل استخدامه الامريكي الدب القصير والا عادي الطويل مثل الوليمة وشكرا شكرا شكرااااااااااااااااااااااا

سامحوني طبيت عليكم ههههههههههه

اهلا بيكي ريم,,, انستينا ونورتينا ,,, وحالنا باهي وطيب شن جوك انتي ؟؟؟
وباين انك تتكلمي ليبي كويس انتي سعودية اوليبية مقيمة بالرياض خخخخخhwaml02

بالنسبة لنوع الارز يفضل القصير طبعآ... نحن بشرق ليبيا مانحبوش الطويل عادة كل اكلات الارز عندنا بالنوغ القصير وكان انقطع هالنوع بتصير ازمه هههههههه خصيصآ بالافراح

وعندك هالرابط فيه الطريقه وبطريقه حلوة ولذيذة بحثتلك عليه توا وهو من كتابة اختنا سوسو ليبيا..
http://forum.hwaml.com/t180812.html
dr.loly
05-21-2013, 10:59 AM
اهم شئ يكون عندك كسكاس طبعآ

وللاسف ماعندي بلاك بيري...

وتسمحي تعرفينا عليك... بطاقتك الشخصيه يعني خخخخ
ر ي م
05-21-2013, 11:02 AM
يا حبيبتي يام فراااااااس الله يخليك ويوفقك يارب
شكرا لردك ..
باهي الي حد عبرني ورد علي

انا بخير حبيبتي وحالي باهي .. :)

انا سعودية بس عشت من زمان في بريطانيا وكانو صحبات امي ليبياااات وكنت احبهم شعب جدا طيب وراقي وذوق ويحب الناس .. الله يسقيها هذيك الاياااااااااام كانت حلللللللوة

شكرا بتابع الرابط واحاول اطبق :)
اممممممم ع العصبان والمقطع والكسكسي بالبصلة يا سلاااااااااااااااام
الشعيرية المبوخة < صرت اطيبها مثل الليبيات بالتمااااااام
dr.loly
05-21-2013, 11:03 AM
يابنات اللي قرت مشاركتي بسوبر ماما للرضاعه وعجبتها بأمانه بسس...تدخل عالتصويت اللي قهرني ان كتبته وتعبت فيه والنت راح وبعدين عاودته تعب اخري وتجميع صور .. ياريت نسخت مواضيع وخلاص نفس الباقي خخخخخخخخخخخخ
http://forum.hwaml.com/t258490.html
ر ي م
05-21-2013, 11:05 AM
ايوة عندي كسكاس اعمل فيه الشعيرية المبوخة بحط لكم الصور ان شاء الله تشوفوها كيف :)
انا ريم من الرياض سعودية ووو متقوزة وماعنديش اطفال ولسى بالطريق نونو الله يتمم على خير ويسهل ان شاء الله

:)

وايش حابه تعرفي عني كمان ..
خاطري توا في مقروض وقهوة بالحليب ونهدرسوا انا وانتي ^^
dr.loly
05-21-2013, 11:10 AM
يا حبيبتي يام فراااااااس الله يخليك ويوفقك يارب
شكرا لردك ..
باهي الي حد عبرني ورد علي

انا بخير حبيبتي وحالي باهي .. :)

انا سعودية بس عشت من زمان في بريطانيا وكانو صحبات امي ليبياااات وكنت احبهم شعب جدا طيب وراقي وذوق ويحب الناس .. الله يسقيها هذيك الاياااااااااام كانت حلللللللوة

شكرا بتابع الرابط واحاول اطبق :)
اممممممم ع العصبان والمقطع والكسكسي بالبصلة يا سلاااااااااااااااام
الشعيرية المبوخة < صرت اطيبها مثل الليبيات بالتمااااااام


باين ست بيت ماشاء الله عصبان hwaml9ومكرونه شعيريه امبوخه وعصبااااااااااااااااااان وكسكو بالتقليهhwaml7 والف مرحبا وهلا بأهل الســـعودية حياك الله

انا برضه مسافره بريطانيا بعد كم يوم تحديدا مدينة نيوكاسل...
انتي بأي مدينة كنتي بالضبط ببريطانيا.؟؟
dr.loly
05-21-2013, 11:12 AM
اوووووووووووووه قهوه بالحليب تخصصي تصدقي مانحبش نشرب القهوه الا بالحليب .... وخصيصا بعد تكون فايحة بالحبهان القهوه

ع سيرة القهوه مش عارفه كم انشيلو معانا كيلو قهوه خخخخخخخخخخخ نا وزوجي من مدمني القهوه العربيه الليبية طبعآ

وقالوا هذي برا ماتلقهوش شيلوها معاكم خير
dr.loly
05-21-2013, 11:17 AM
تفضلي ياريم

http://t0.gstatic.com/images?q=tbn:ANd9GcQqzbKK4g59TRbeCtKuiyUQy6ePO8Okn h1NCVlC19H_poqzBOSbRw (http://www.google.com/url?sa=i&rct=j&q=%D9%82%D9%87%D9%88%D8%A9+%D9%88%D9%85%D9%82%D8%B 1%D9%88%D8%B6+%D9%84%D9%8A%D8%A8%D9%8A&source=images&cd=&cad=rja&docid=VhvoTY2I2sDoHM&tbnid=qSnQBXTEV-RbDM:&ved=0CAUQjRw&url=http%3A%2F%2Fforum.hawa.ly%2Fshowthread.php%3F p%3D217226&ei=aDCbUaXUKsrWtQbytICQAw&psig=AFQjCNGcXBr8YvJo9s2Dz0BDZSTLh13iMQ&ust=1369210688143911)
ر ي م
05-21-2013, 11:18 AM
انا كنت في نيو كااااااااااااااااااااااااسل

سبحان الله ... مسافرة دراسه ؟ الله يسهل عليكي يارب

يااااااااااااااااااه رجعتيني 7 سنواااااااات لوراااااااااا

كنا في منطقة كونقستون بارك وقبلها كنا في درم
dr.loly
05-21-2013, 11:20 AM
http://t3.gstatic.com/images?q=tbn:ANd9GcTuWJznoMB9izZfzYwEzYYq0NY9wDNRn av4q0KahOGh8z7p0GB_ (http://www.google.com/url?sa=i&rct=j&q=%D9%82%D9%87%D9%88%D8%A9+%D9%88%D9%85%D9%82%D8%B 1%D9%88%D8%B6+%D9%84%D9%8A%D8%A8%D9%8A&source=images&cd=&cad=rja&docid=XBYqmrYJUn-T-M&tbnid=WCx_xk5sXxk3nM:&ved=0CAUQjRw&url=http%3A%2F%2Fwasafat-wasafat.blogspot.com%2F2012%2F08%2Fblog-post_6981.html&ei=2y2bUfTBE4XltQb6-4CoBw&psig=AFQjCNGcXBr8YvJo9s2Dz0BDZSTLh13iMQ&ust=1369210688143911)
dr.loly
05-21-2013, 11:26 AM
سبحان الله... برضه نيوكاسل

زوجي بيدرس ماجستير هندسه ميكانيكية تخصص نفط... وانا بحاول ادرس ايضآ اهم شئ عندي ااولادي طبعآ وبعدها الدراسه لو لقيت اي شئ يفيد تخصصي طب الاسنان اكيد بدرس ولو دورات مثلآ....
وقريت من فترة عن نيوكاسل بيكثر فيها الليبين والسعودين اقصد جامعة نيوكاسل هل اهالكلام صحيح..؟؟ وقالو في مسجد بانيه اخ سعودي


وان شاء الله ربي يتمملك حملك ع خير وسلامه انتي بأي شهر توا
ر ي م
05-21-2013, 11:33 AM
هلبا ليبين وسعودين هذا الكلام اخر شي لينا هناك سنة 2004
وكان في مساجد كثير وفي مسجد كبير جامع ..
ماشاء الله تبارك الله تخصصك اسنان ؟ الله يوفقك ويوفق زوجك واولادك

انا الحين خشيت الشهر السابع الحمدلله

اول مرة تروحي نيوكاسل ؟ لا تخافي وكثير باكستااااااان وبلد نظيف وحلو ان شاء الله .. وبقالات عربية وباكستانية تبيع اكل حلال ومنتجات عربية .. وبعد مطاعم هندية كثيرررررر .. والمدارس العربية منتشرة اتذكر في مدرسة ليبية هناك
ر ي م
05-21-2013, 11:34 AM
http://t3.gstatic.com/images?q=tbn:and9gctuwjznomb9izzfzywezyyq0ny9wdnrn av4q0kahogh8z7p0gb_ (http://www.google.com/url?sa=i&rct=j&q=%d9%82%d9%87%d9%88%d8%a9+%d9%88%d9%85%d9%82%d8%b 1%d9%88%d8%b6+%d9%84%d9%8a%d8%a8%d9%8a&source=images&cd=&cad=rja&docid=xbyqmryjun-t-m&tbnid=wcx_xk5sxxk3nm:&ved=0cauqjrw&url=http%3a%2f%2fwasafat-wasafat.blogspot.com%2f2012%2f08%2fblog-post_6981.html&ei=2y2buftbe4xltqb6-4cobw&psig=afqjcngcxbr8yvjo9s2dz0bdzstlh13imq&ust=1369210688143911)


ماشاء الله تبارك الله يسلمك ربي يا حنااااااا ... ماشاء الله عوافي يارب

http://t3.gstatic.com/images?q=tbn:ANd9GcTuWJznoMB9izZfzYwEzYYq0NY9wDNRn av4q0KahOGh8z7p0GB_
dr.loly
05-21-2013, 11:42 AM
اول مرة نمشيلها .... وطمنتيني اختي باهي ف ونس
وهم الباكستان منتشرين ف بريطانيا واجد عندي هالمعلومه من زمان... وماشاء الله في مدرسة ليبية اخري
باهي كويس في صاحب زوجي اولاده بسن المدارس
انا بعدهم ازغنونين فراس سنه و3شهور وألولي شهرين وايام


وان شاء الله تفرحي بشوفة ابنك او بنتك سليم معافي بين ايديك يااااارب
dr.loly
05-21-2013, 11:56 AM
تشرفت بمعرفتك ر ي م
وزورينا ديما............

نستأذن توا فروسي ناض بنفطره ونغيرله ملابس النوم وحفاظه
ر ي م
05-21-2013, 12:23 PM
الله يخليهم لك يارب وتفرحي فيهم متخرجين من الجامعة ..
موفقه حبيبتي وان شاء الله ازوركم دائماااا .. احب السوالف :)

فمان الله حبيبتي
جوهرة ليبيا
05-21-2013, 02:00 PM
السلام عليكم ورحمة الله وبركاتة
جوهرة ليبيا
05-21-2013, 02:07 PM
حياك ريم معانا وربي يتمم عليك حملك بالف خير

بصراحة لو اخلي زوجي يحكيلك عني وكيف احوب السعودية واتمني اعيش هناك مارح يخلص ورح ايقولك خوديها عندكم الله يخليك جننتني الا تبي تعيش في السعودية هههههههههههه
انا حامل في بداية الشهر الرابع يعني كم يوم بس وعندي بنوتة وكنت ناوية اروح رمضان هالسنة للعمرة بس صار الحمل وانا ابي آخد بنتي معاي مااقدر استغني عنها تواني الكل يلومني لاتاخدينها الجو هناك حر كثير بس سبحانة الله صار الحمل وماصار من العمرة الله يكتبلي الروحة هناك ياااااااااارب
ر ي م
05-21-2013, 03:07 PM
حياك ريم معانا وربي يتمم عليك حملك بالف خير

بصراحة لو اخلي زوجي يحكيلك عني وكيف احوب السعودية واتمني اعيش هناك مارح يخلص ورح ايقولك خوديها عندكم الله يخليك جننتني الا تبي تعيش في السعودية هههههههههههه
انا حامل في بداية الشهر الرابع يعني كم يوم بس وعندي بنوتة وكنت ناوية اروح رمضان هالسنة للعمرة بس صار الحمل وانا ابي آخد بنتي معاي مااقدر استغني عنها تواني الكل يلومني لاتاخدينها الجو هناك حر كثير بس سبحانة الله صار الحمل وماصار من العمرة الله يكتبلي الروحة هناك ياااااااااارب

يا حيااااااااااااتي .. تعالي وانا اشيلك في عنيا يختي الله يتمم عليك الحمل ويثبته لكي والعمرة ان شاء الله تاخذيها بعد ولادتك بالسلامة ...
يسلمك ربي ويجزاكي خير على الدعوة الطيبة
جوهرة ليبيا
05-21-2013, 03:48 PM
الله يخليك مريوم كلك ذوق يعطيك العافية
جوهرة ليبيا
05-21-2013, 03:51 PM
سوسو وينك وشن صار في امتحانك طمنينا
شموسة اكيد لاهية في التحضيرات للعرس ربي ايعاونها

اثري قاعدة ماناضتش سهرانين البارح انا واياها
dr.loly
05-21-2013, 04:04 PM
السلام عليكم ورحمة الله وبركاته

شخبار الحلوات
dr.loly
05-21-2013, 04:10 PM
شكرآ جوهـــــــرة عالتصويت كلك ذوق... فرحني تصويتك وااااااااااااااااااااااااجد
جوهرة ليبيا
05-21-2013, 04:12 PM
الله يخليك ام فراس
ولوووووو هذا واجبي
بالتوفيق غاليتي
dr.loly
05-21-2013, 04:18 PM
درت غدايا مكرونة امبوخه ذكرتني بيها ر ي م ليا زمااااااان مادرتها درتها بالخضره... ودرت بطاطا امبطنه حتي هي ليا فتره مادرتها ابو فراس يحبها واجد فاجئته بها ودرت كباب ونوعين سلطه وشربه.. وغسلت الماعين وجيت كسدت عالتي في بعد رقد فروسا وزوجي مكسد مقيل حتي هو واشوية اخري بعد صلاة العصر ندير القهـــــــــوة ونشوف شن نفتلكوا معاها
dr.loly
05-21-2013, 04:22 PM
الله يسمنك خخخخخخخخخ قصدي يسلمك حبوبه

شن درتي غداك جوهره؟
dr.loly
05-21-2013, 04:33 PM
اوشي شخبار اعيالك وشن داروا ف الامتحانات وكملوا او مازال وفي سنه كم يقروا الشباب ورودينه؟؟ وشخبار الحبوبه روي؟؟

سوسو موفقه ان شاء الله بامتحانك اليوم وماشاء الله ع ريومه ربي يخليها ويحفظها لكي ياااااارب وعجبتني طريقتك مع اوليدك في تعليمه دخول الحمام

اثري اهلآ يا غاليه شخبارك وشن اخر تطورات جودي؟؟؟ ومش عارفه ليش انحس في البدله الهنديه تمشي معاك هك مع شخصيتك ميه ميه...

شموووسه لاباس ع عبسي يارب اعويناته يصحن بسرعه عليك وع قطرة الاملاح بس والكمادات الدافيه
شن اخر تطوراتك انتي وصبييتك والسوق... وان شاء الله ابو الشباب يمشي ويرجع طيب

ام نوزه ان شاء الله امورك تمام وبجد زعلت منك واجد وزعلت اكثر ع ناريز حرام يا غاليه تحريقها بجد وجعتني

ام اجنادين شخبارك وين الغيبه وان شالله افضل بعد التحزيم... بالنسبه ليا نصيحتي تشريلها هديه حق هديتها هكي والعشرين احسبيهم مع بعض وخوديلهت بيهم هدية مرة وحده

ام وسونه ربي يقومك بخير وسلامه ياااااااااااااااااااااااااارب وتفرحي به سليم معافي بين ايديك


ام معاد وينك مختفيه وان شاءالله الكتاكيت طيبين
dr.loly
05-21-2013, 04:44 PM
جوهره لو بتلبسي بدله هنديه واديري حنه هنديه ننصحك ماديريش تسريحه ديري ضفيره خصيصآ ان شعرك طويل ماشاء الله اكيد استغربتي ؟؟؟ بس عمرك ريتي هنديه بتسريحه ولابسه ساري خليك هنديه ميه بالميه عشان الاستايل يطلع صح
حصيصا اذا شريتي اكسسوارتها كاملات من اكسسورات الشعر الطرف اللي يجي ف النص بفرق الشعر وينزل عالجبهة وملصقات اللي فوق الحاجب والطرف الذهبي اللي بالخشم..

انا لبستها بفرح صاحبتي لونها ازرق مطرزه بالذهبي وكانت ايدها كم طويل ... وقونتها طويله ومعاها طرف كبيؤ ينحط عالراس بصراحة خياااال واللي شافها انبهر بدون شكيره ف نفسي طلعت انهبل يومها خخخخخخخخخخخ
بس درت كل الحاجات والاكسسورات الهنديه
جوهرة ليبيا
05-21-2013, 05:37 PM
ام فراس مش حندير تسريحة حنستشور شعري وندير فرق في النص وبنخلية علي طوله ماعاد خصلات من الشعر من الخلف بنديرهم فير 3او اربعة خصلات بروحي بنديرهم بس واكسسواراتها كاملة حتي الخلخال في الرجل
والانسان يقول قول وربك يفعل فعل ربي ايسهل الامور ان شاء الله
جوهرة ليبيا
05-21-2013, 05:46 PM
غداي كالعادة مشكل خصوصا اليوم الجو سخون
درت معكرونة بشاميل مع سلطات (سلطةمايونيز+باباغنوج)ودرت سويسرول وقعدلي شوي من مفروم المكرونة اخديت 2بطاطا ودرتهم امبطن عالسريع ومن شوي كيف طلعت من المطبخ ضميتة وسيقتة وعندي حوايج نشرتهم وجيييييييت

ابو سروال وفانيله علي قولت حبايبنا السعودين نااااااااااااااااااااااااااايم جنبي في الدار المعيشة وبنتي امعلية صوت التلفزيون ومرات نتكلم انا وياها وهو تبارك الرحمن رااااااااقد
المشكله اني منحبش من يرقد الا في دار النوم حتي لما كنت بنت انجنن فيهم خوتي الولاد علي هالحركة
لكن هو ايقولي ماتحلاش انومة الا في دوشتكم انتي ورنودة <<<عجيييييييب ههههه
جوهرة ليبيا
05-21-2013, 05:50 PM
اذن العصر عندنا بنمشي انصلي وبنمشي لحوش بوي زي ماقلت امس مالقيتش امي بنشوفها اليوم وبنقعد لليل ان شاء الله

وربي ايعيني علي تنويضت راجلي نومة تقيل ومعادش وقت عالجامع للصلاة



سلااااااااااااااااام
dr.loly
05-21-2013, 06:51 PM
عدنــــــــــــــــآ
dr.loly
05-21-2013, 06:53 PM
مافش حد ؟؟؟؟؟؟
dr.loly
05-21-2013, 07:07 PM
ام فراس مش حندير تسريحة حنستشور شعري وندير فرق في النص وبنخلية علي طوله ماعاد خصلات من الشعر من الخلف بنديرهم فير 3او اربعة خصلات بروحي بنديرهم بس واكسسواراتها كاملة حتي الخلخال في الرجل
والانسان يقول قول وربك يفعل فعل ربي ايسهل الامور ان شاء الله

حتي مطلوق مع خصلات بسيطة فلو حلو برضه... اهم شئ اكسسوارات الراس والوجه يبيعوا فيهم الوااااان وفي حتي للرجل لكن معروووفه مش حتبان الرجل لان الساري الهندhwaml87 ي
ديما طويل
أم أجنادين 80
05-22-2013, 01:20 AM
السلام عليكم ورحمة الله وبركاته
أم أجنادين 80
05-22-2013, 01:23 AM
كيف حالك ام فروسي
صار السفرة قريبة شن جهزتي
جوهرة ان شاء الله ديمة سفرتك عامرة بالتشكيلات
آآآآآآآآآآىه سهفتوني في المبطن ليا فترة عليه
dr.loly
05-22-2013, 10:59 AM
صبـــــــــــــــــــــآحووو

http://t1.gstatic.com/images?q=tbn:ANd9GcSDy4SsqFGMNENywHTzu50IQZkE997eg MX4UjfrQ32Urj5pHouU (http://www.google.com/url?sa=i&rct=j&q=%D8%A7%D8%AD%D9%84%D9%8A+%D8%B5%D8%A8%D8%A7%D8%A D+%D9%83%D9%84%D9%85%D8%A7%D8%AA&source=images&cd=&cad=rja&docid=r3oN_j_aFsCKnM&tbnid=Gm7thA9k_aQEKM:&ved=&url=http%3A%2F%2Fforum.hawahome.com%2Ft433874.html&ei=cXmcUcP1F9HCtAbOiIHABw&psig=AFQjCNHkQFYhBSsEZyD277w2vNoCYVMJMw&ust=1369295601772532)


http://t1.gstatic.com/images?q=tbn:ANd9GcSDy4SsqFGMNENywHTzu50IQZkE997eg MX4UjfrQ32Urj5pHouU (http://www.google.com/url?sa=i&rct=j&q=%D8%A7%D8%AD%D9%84%D9%8A+%D8%B5%D8%A8%D8%A7%D8%A D+%D9%83%D9%84%D9%85%D8%A7%D8%AA&source=images&cd=&cad=rja&docid=r3oN_j_aFsCKnM&tbnid=Gm7thA9k_aQEKM:&ved=&url=http%3A%2F%2Fforum.hawahome.com%2Ft433874.html&ei=cXmcUcP1F9HCtAbOiIHABw&psig=AFQjCNHkQFYhBSsEZyD277w2vNoCYVMJMw&ust=1369295601772532)
dr.loly
05-22-2013, 11:04 AM
كيف حالك ام فروسي
صار السفرة قريبة شن جهزتي
جوهرة ان شاء الله ديمة سفرتك عامرة بالتشكيلات
آآآآآآآآآآىه سهفتوني في المبطن ليا فترة عليه

اهلين ام اجنادين.... وخلآص قـــــــــــربت
مجرد ما التأشيره تطلع بس الجماعة العازبين طلعن تأشيراتهم مازلن العائلات احتمال هاليومين تطلع ان شاء الله وبعدين الشركه قالو للي طلعت تأشيرتهم تطلعو مع بعض الدفعه كلها
لان دايرين حجز بالفندق غادي بنيوكاسل مدة اسبوعين ابتداء من 3.6
وتفضلي احلي صحن امبطن لعيونكـ
http://t1.gstatic.com/images?q=tbn:ANd9GcSBzW4DgTz2ga0ACY2nNlJGiLvG0NoMS vQgZR2-BHrRZCR9csQKww (http://www.google.com/url?sa=i&rct=j&q=%D8%A8%D8%B7%D8%A7%D8%B7%D8%A7+%D8%A7%D9%85%D8%A 8%D8%B7%D9%86%D8%A9&source=images&cd=&cad=rja&docid=8Q3yst9thU5YnM&tbnid=5yI9YFo2UcXQsM:&ved=0CAUQjRw&url=http%3A%2F%2Ftalatnt.com%2Fforum%2Findex.php%3 F%2Ftopic%2F371-ocn-cssace-aieie%2F&ei=6nucUey0AsiYtQbGl4CIBg&psig=AFQjCNHB0wCpuh4cCJG1ROfC1DcIpEyCHQ&ust=1369296035832980)
جوهرة ليبيا
05-22-2013, 03:17 PM
السلام عليكم ورحمة الله وبركاتة
اوشي
05-22-2013, 04:29 PM
السلام عليكم ورحمة الله

كيف حال الجميع ... نفرة نفرة

ليا يومين ما دخلتش لقيتكم تبارك الرحمن تجارو ما حوتني كملت الصفاحي





آآآه هه دهشت
اوشي
05-22-2013, 04:30 PM
مرحبا باختنا الحلوة ريم من السعودية والله فرحتيني بحكايتك الحلوات

انستي ونورتي التجمع ديما طلي علينا
اوشي
05-22-2013, 04:32 PM
اثري وجيجي .. حكايات لين قريب الصبح ماشا الله عليككم
اوشي
05-22-2013, 04:38 PM
ام فراس كيف حالك وحال الاولاد

صار السفرة قربت ربي يوفقكم

بالنسبة للعيال كملو عليوة نجح طبعا ماشي لثانية التدائي

وحمادي كمل الاحد وهو في سنة خامسة

و دودو كملت الاثنين وهي في سنة اولى اعدادي

حمادي المفروض سنة رابعة و دودو المفروض سنة خامسة

لان بينهم سنة وثلاث شهور وذلك لان ردينة جاية في اخر سنة 2001 وحمادي

جاي في شهر واحد 2003
اوشي
05-22-2013, 04:40 PM
لي لقاء قريب معكم
dr.loly
05-22-2013, 07:44 PM
ماشاء الله ربي يحفظهم لكي يا اوشي وان شاء الله ديما من الناجحين يااارب

اي والله قربت والتأشيـــــــــــــــرة طلعت اليوم وبكره بندير نا والعيال تقارير طبيه وابوفراس

وبعدها بنعدي لهلي وزوجي بيسافر طرابلس يتم اشوي اجراءات عالطلعه وجاين هنا الاثنين ونستنوا التذاكر بعدها



وشكرآ حبيبتي عالتصويت كلك ذوق ماقصرتي لا انتي ولا جوهره قريتن الموضوع وصوتن

وشكرآ لام نوزه حتي هي نورت موضوعي.......
أم أجنادين 80
05-22-2013, 08:20 PM
السلام عليكم ورحمة الله وبركاته
ربي يحفظهملك اوشي
شكرا علي المبطنات ام فراس
حطي رابط موضوعك بنصوتلك
أم أجنادين 80
05-22-2013, 08:22 PM
وين سوسو انشغلت عليها
المفروض كملت امتحانات وفاضية حاليا
أثري في مدادي
05-22-2013, 08:33 PM
الســــــــــــــــــــــــلام عليكم ورحمــــــــــــــــــــــــــــة الله وبركاتـــــــــــــــــــــــــــــــــــــــه ~~~

يا هلا فيكم
كلكم
عرس بنت خوي تأجل لبعد العيد ،،،،،،،،،،،،،،،،،
بالك فرصة باش نزيل بعضا من الشحوم المتـــــــــــــــــــــــــراكمة

أم فروســـــــــــــــــــي ،،، ربي يسهل الأمور ويسخر الأحوال ....
ويرزقكم الخير كله في هالسفريــــــــــــــــــة

إممممممممممم شن قصة الهندي ماشي مع شخصيتي ؟؟؟

أوشـــــــــــــــــــي
غياب ،،،،،،،،، تستاهلي هالواجب كله ~~~~
ربي يوفق واشونك وينجحـــــــــــــهم يااااااااااااااارب

،،،،،،،،،،،، علي فكرة
اليوم درت غداي شعيرية بالخلطة ومعاها سلاطة خضار مبشور بالذرة ودلالالالالالالالاع
وبعدين غيرت لدودي حويجاتها هي وخوها
وناموا
وجي في خاطري نقيل ،،، خشيت غميت راااااااااااااسي
طبعل مولى بيتي ما روحش للغدي ،،، يعني بيقعد غداه عشاه ،،،
وبعد العصر نضت توضيت وتكشخت ومكيجت وششورت قصيصتـــــــــــــــي ~~~
وحطيت سفيرة عشية
وإذااااااااااااااااااااا
بصوووووووووووووت
ضربات بالأسلحة الثقيلة وفي جرتها
رصاص متتاااااااااااااااااااالي
آه
فكرني في هذوكا ألأيام
آآآآآآآآآآه

قالوا مداهمة لوكر خمور ومخدرات بالقراقشاااااااااااااا
الله يهد حيلهم
وحسبنا الله ونعم الوكيل

سوسو ،،،،،،،،،،،،
شن الجوووووووووووو
كملت وأخـــــــــــــــــــــــــــيرا ~~~

أم فروسي ،،،
عجبني موضوعك على الآخر وواضح أنه متعوب عليه
ناديت على بنت أختي حامل بكرية
قتلها تعالي أقري موضوع روعة علارضاعة
لأنني من مناصريها في العائلة
وعجبها الموضوع
يعـــــــــــــــــــــــــطيك الصحة