تجمع مواليد شهر ( ذو الحجة ) لعام 1434 ه بإذن الله

[عنبر الورد]

الف الف مبروك روح المدينة تتربي بعزكم

[ام لموووش]

الف مبروك روح المدينه يتربى بعزكم والله يجعله من عباده الصالحين
باقي الصامدات الله يسهلهم ان شاء الله
عيون امها وينك مختفيه ان شاء الله ولدتي بشرينا عنك
الهادية الولاده بتجي من رب العباد لاتفكرين فيها واجد
انا اليوم استأذنت وسويت تخطيط في العيادة طلع عندي طلق خفيف

[الهاديه]

الف مبروووووك روح المدينه

عقبالنا ياااارب

باذن الله احس
اخت عبدالرحمن وانثى حالمه وعيون امها ولدووو
....

بنات اللي ولدت وش اخذتي بشنطه المستشفى وش نسيتي مااخذتي واحتجتيه
خصوصا اللي بحكومي
تكفون ردوو

[اخت عبدالرحمن]

ابشركم بنات الحمدلله امس ولدت وجبت احلى بنوته

عقبال الجميع

دعيت لكم كلكم ان ربي يسررر لكم

طبعاً الولاده شي كبير حسيت فيه بس من تشوفين البيبي كل شي يهون

اهم شي تدعون وتذكرون الله وتعمدون عليه هًو الميسر م غيره احد

وو قت الطلق م تصرخون وتروح الطاقه ع الصرااخ

[Lolooo]

الف الف مبروك اخت عبدالرحمن & روح المدينه
الله يكتبهم من الذريه الصالحه
نبي اكشناتكم بعد متريحون :)

[المشرقة]

الف مبروك
روح المدينة
اخت عبدالرحمن
الحمدلله على السﻻمة
يتربوا في عزكم

ربي ييسر على البقية

[¤♥ أنثى حآلمه ♥¤]

مساء الورد
روح المدينة &أخت عبد الرحمن
الحمدلله على سلامتكم والف مبروووك يتربون بعزكم

عيون امها مختفيه عسى المانع خير وتكون ولدت

الهاديه لا والله لازلت صامده طلوووقي باررده ماتقوووى على نفس الوتيره لها يومين
واحس بضغط النونو ودفه ونغزات سكاكين كل مامشيت لكن الطلووق مو راضيه تزيييييد
مرا مؤلمه النغزات تبكي ...... بس لنا الاجر ان شاء الله ... بكرا اخر يوم لي بالتاسع يارب تهونها علي الليله
ماعاد اقدر انام .... يارب تفرجها علي وعلي البقيه يااااااااااااارب

[اخت عبدالرحمن]

الله يسلمكم جميع من الشر ويبارك لكم ربي


احساسك كان بمحله الهاديه ههههههههههههههههههه


انا اليوم اللي ولدت فيه كنت ماشيه بالسوق وعقب رجعت شقتي

وكنت عادي م حسيت باي بوادر ولاده المهم ذيك اللليله طاقينها سهره مو جاينا نوم

وصليت الفجر وعادي نام زوجي انا جلست لين الساعه ٧ تفريبا

وصحيته للدوام وهو ساحب بالنوروم ههههههخههخخ

انا بهالوقت نمت و م صحيت الا ع صوت يقول طخ والم وسط بطني

انزلت علي المويه وع طول رحت تروشت والى المستشفى و فحوصات وحاله

فالوااا ولاده خلاص مفتوح 2 واقعد اسيح

وبدء الطلق ب البدايه كل ٧ دقايق وعقب انتظم كل ٥ دقايق

بعده بدء الجددد والطلق صار نار والاكسجين كان مساعدني والا كان م تحملت

طبعا القابله تبيني ادفع ويله لين دفعت الدفعه القويه وطلعت بنيتي وسمعت صوتها اختفى كل الالم الللي احس فيه

وع طول خذوها ونظفوها وانا شبه فاقده

وعطوني ابره عشان المشيمه وحطت زي القسطره وطلعتها

واخر شي اشتغلت ع الجراحه اللي هالكتني للحين وخيطتني

والحمدلله انا طيبه وبنيتي طيبه بس تبكي شوي عشان الحليب

صدري لحد الان م اشوف فيه حليب هالشي قاهرني

وعقبال الكل يولدون ويشوفون احلى شعور بالدنيا

[كآبتشينو]

الف الف مبروووووك روح المدينه و اخت عبدالرحمن

والحمدلله على سلامتكم ويتربى بعزكككككم. ..

وعقبال الكروشات يارب

[الهاديه]

مبرووووك اخت عبدالرحمممن يخليها لك ربي ويرزقك برها

انثى الله يفرجها علينا جميع
توي اطلع من الطوارئ عشان الحساسيه
طلع عندي التهاب وفطريات
بس قالت تنويم طلق صناعي
قلت لا بجي بكرا
قالت ع مسؤوليتك لو صار شيء
والحمدلله احس مرتاحه لهالشي اني طلعت
برجع لهم ب الليل بعد ماانام واكل
اليوم زخممممممممممممممه وكلهم ولاده ومافي سراير

مفتوح الرحم 1 والطلق خفيف لايذكر

كيف الطلق الصناعي ؟؟وهل بيفيد معي
احس خايفه ومرتاحه مدري كيف

ادعووووولي ب صلاتكم الله يوفقكم ان ربي يفرجها علي وعليكو

[عنبر الورد]

حمدالله علي سلامتك ومبروك البنوتة اخت عبد الرحمن تتربي عزكم انشالله يلا اتجدعنو وجيبو اخ ليها هههههههه امزح

[اخت عبدالرحمن]

الله يبارك فيكم ي رب تسلمون م تقصرووووون

عقبال اللي م ولدواا ربي يسهل لكم ان شاء الله

وتشوفون اطفالكم بصحه وعافيه

[toome]

مبرررروك اخت عبدالرحمن عقبالي انا والكروشات


عيون امها شكلها ولدت مالها حس !!



الهاديه انا كمان شايله هم الصنااااااااااااعي الله يفرجها علينا موعدي الاحد تنويم وربي شايله همه اخاف بالنهايه يسون عملية ):

[عيون امها]

الف مبروك للي ولدو

انا ولدت الظهر يوم الخميس ... جبت احلى شهد بالدنيا
ماقدرت اتحمل الم الطلق تعبت خصوصا اني مانمت ولا اكلت يومها
طلبت العمليه على طول لاني رحت خاص بجد تعبت من الحكومي كل ما اروح رجعوني حتى تخطيط للطلق ماعملو لي
نامو وارتاحو حتى لما تجيكم الولاده مايصير معكم مثل اللي صار معي

[اخت عبدالرحمن]

الحمدلله ع سلامتك تتربى بعزك وعز ابوها

اهم شي سلامتك وسلامتها

كل الالم يهون

[اخت عبدالرحمن]

تووومي الله يبارك فيك

وبي يسر ويهونها عليك

وتشوفين ولدك بحضنك

حبيبتي الطبيعي والصناعي كلهم الم واحد

بس الفرق بالطبيعي الوحده تطول وهي تطلق والصناعي يكون حار وتولد بسرعه

بالنهايه كلهم فيهم الم وتعب خلك مستعده وروحي بنفسيه عاليه وخليك مجمعه طاقه حق الدفع

[اخت عبدالرحمن]

تووومي الله يبارك فيك

وبي يسر ويهونها عليك

وتشوفين ولدك بحضنك

حبيبتي الطبيعي والصناعي كلهم الم واحد

بس الفرق بالطبيعي الوحده تطول وهي تطلق والصناعي يكون حار وتولد بسرعه

بالنهايه كلهم فيهم الم وتعب خلك مستعده وروحي بنفسيه عاليه وخليك مجمعه طاقه حق الدفع

[¤♥ أنثى حآلمه ♥¤]

صباح الخير حلواااات
أبشركم ولدت ليلة الجمعة الساعه ١٢ ونص وجبت ولد قمووووور
بس اطلع البيت وارتاح احكيكممم الاكشن

عيونو أمها الحمد لله ع سلامتك تتربى ألقمووره بعزكم

عقبال البقية الله يهووووونها عليكم

[اخت عبدالرحمن]

صباح النور

الف مبروووووك يتربى بعزك وعز ابوه

والف الحمدلله ع سلامتك

[الهاديه]

ممممممماشاء الله تبارك الله
الف مبرووووووك ام معاااذ

يووه مابقى الا انا أدعووولي باليوم المباررك :(
ماقدرت انام اوسوووس واهوجسسس


بنات خلونا نسوي قروب بالبيبي bbm
الي معاها ايفون او جلكسي تقدر تنزله + نساند بعض بالنفاس ومابعده
اليي تبي ترسلي البن واضيفهاااا ...


وانا بنفس لحالي واحتاج نصايحكم اكيد ولانكم خوواتي ♡

[ام جنا الحلوة]

الف مبروك حبيباتي
الحمدُلله على سلامتكم ويتربو بعزكم
طبعاً مازلت صامده وبشده الله يعين ويسهل عليه وعلى الهاديه وام لموش وتومي
اذا في صامده غيرنا ونسبتها تعذرني
ألهي اكتب لنا فرجا من عندك

[ام جنا الحلوة]

الف مبرووووك حبيباتي ويتربو في عزكم
طبعاً مازلت صامده وبشدة الله يعين ويفرج علي
وعلى الصامدات الباقيات

[عنبر الورد]

الف الف مبروك عيون المها تتربي بعزكم بنتك شهد زي بنتي الله يخليهالكم والف مليون مبروك ام معاذ يتربي بعزكم انشالله وحمدالله علي سلامتكم وعقبال باقي الكروشات يقومو بالف سلامة انشالله

[ام لموووش]

الف مبروك لكل اللي ولدوا اخت عبد الرحمن وعيون امها وكل اللي ولدوا
ابشركم ولدت البارح الساعة ١٠ ونص بالليل الخميس وجبت بنوتتي بالسلامة يارب لك الحمد
طبعا كتبت لكم الظهر اني استأذنت من المدرسة ٩ ونص الصباح
وطلعت للعيادة وسووا لي تخطيط وكان فيه طلق خفيف معي من ٤ الفجر ووقف
وكشفت علي الدكتورة قالت مفتوح ٣ سم
ورحت امشي ٤ ونص العصر وجيت المستشفى بعد المغرب قالت فيه طلق قوي شوي بس مو منتظم والرحم لازال ٣ سم
وطلعتني ورحت امشي شوي وبغيت انام ماقدرت من الطلق. ورحت ع المستشفى الساعة ٨ ونص كشفت قالت ٥ سم
ولبت ابرة الطهر ورفضت الدكتورة قالت انتي قريب تولدين وولدت الساعة ١٠ ونص ولله الحمد والمنه بس جتني الام بعد الولادة زي الطلق
عشان الرحم قاعد يرجع زي اول
وعقبال اللي ماولدوا يارب

[ام لموووش]

معليش بنات كتبت لكم الاكشن ع السريع عشاني تعبانه للان مانمت زين من امس
عشان كذا الكلام مخربط
طبعا كشفت علي الدكتورة الساعة ١١ ونص الظهر
وجيت المستشفى ٥ ونص المغرب وطلعوني ورجعت ٨ ونص
وولدت ١٠ ونص
وكنت طالبة ابرة ظهر عشان مااتحمل الالم بس رفضت الدكتورة قالت انتي ٥ سم خلاص قريب تولدين
سبحان الله كنت حاسة ان روح امها واخت عبد الرحمن بيولدون
وكنت حاسه ان ولادتنا الثلاثة مع بعض ماادري ليش يمكن لانهم قريب من موعد ولادتي
وعقبال كل حامل يارب تولد بالسلامة
ولاتنسون اهم شي السلامة سواء طالت المدة والا قصرت وكثروا من الدعاء وطلب الرحمة من ارحم الراحمين
لان وقت الولادة ماينفعك احد ابدا مامعك غير الله وحده

[Lolooo]

عيون امها & انثى حالمه & ام لموش

الف الف مبروك والحمدالله ع سلامتكم

[Lolooo]

تحمست ابي اولد وبنفس الوقت اخاف وقول لا مابي <<<< كانه بكيفي ههههههههههههه


بصراحه ودي تتاخر ولادتي شوي لين يرجع زوجي من السفر وهو باقيله تقريبا اسبوع :(

[Lolooo]

الهاديه ..

اذا سويتي القروب عطيني خبر بصراحه حلو نستفيد من بعض وقت النفاس واكيد بيقفلون التجمع

[الهاديه]

مساء الخير
ارسلو لي البن حقكم ب الخاص وانا اضيفكم ان شاء الله


دعواتكم ف انا بحاجتها
متجهه للمستشفى ربي يتمم لي بخير

[ام لموووش]

انثى حالمة الف مبروك
الهادية الله يسهل عليك كثري من الذكر
لولو عقبالك يارب تقومين بالسلامة

[Lolooo]

الهاديه الله يسهلك يارب ويهونها عليك

ام لموش امييييين يارب

[المشرقة]

الف مبروك عيون امها و انثى حالمة
الحمدلله على السﻻمة
جعلهم الله من مواليد السعادة

[المشرقة]

مبروك الف مبروك
ام لموش وام معاذ
الحمدلله على السﻻمة
يتربوا في عزكم

من اين عرفتوا عن ام معاذ
لها مدة ماتدخل التجمع

[عنبر الورد]

الف الف مبروك ام لموش يتربي بعزكم

[كآبتشينو]

الف الف مبروووك انثى حالمه وعيون امها وام لموووش

الحمدلله ع السلاممممه وعقبال باقي الكروشات

عيون امها لييه عمليه ؟؟ ولادتك الاول عنليه ولا

[toome]

الهادية طمنينا عليك انتي اقرب وحده لوضعي علميني كيف الم الصناعي ):

[ام لموووش]

الله يبارك فيكم جميعا وعقبال اللي ماولدوا بولادات سهله ميسره ان شاء الله
تومي
بالنسبة للطلق هو الطلق سواء طبيعي او صناعي بس الطبيعي تاخذين وقت
اما الصناعي تولدين أسرع هذا الفرق الا في حالات شاذه اقصد اللي أصلا مايفتح عنق الرحم معها
الا ببط شديد هذي بيسوولها عمليه لانها تاخذ وقت بالصناعي
طبعا المعلومة هذي من دكتورة
لاني ماجربت الصناعي
وولادتي الاولى كان طلق حامي وطولت مدة ٧ ساعت من الالم الغير محتمل لدرجة اصارخ
وولدت طبيعي ولله الحمد
والولادة هذي كانت بتسهيل من رب العباد مااخذت الا ساعتين فقط من فتح الرحم ٥ سم
ولله الحمد والطلق كان اهون من الولادة الاولى ويمكن مااشتد الا ساعه فقط او ساعه الا ربع
اللهم لك الحمد حمدا كثيرا طيبا مباركا فيه
بس الفرق بين الولادة الاولى بشكل عام والولادات الثانية واللي بعدها
انه دائما اول ولاده بمجرد تنتهي الولاده ينتهي الطلق اما باقي الولادات
ممكن يجي مايسمى بمخلفات الطلق الم نفس الطلق عشان كذا اخذ مسكنات
ويزيد طبعا مع الرضاعة هذا اللي اعرفه اذا ناسيه شي ذكروني
الله يطيب ثرا امي ويرحمها ويغفر لها كما تكبدت الالم في حملي وولادتي وتربيتي
ويغفر لكل ام حملت وولدت وربت وشقت فالام قطعة من الجنه وضعها الله في الارض

[ام لموووش]

طبعا نسيت اقول ان الولادة الاولى عموما اطول من الولادات التالية لكن بمجرد تنتهي الولاده ينتهي الالم
والولادات التالية تكون أقصر ولكن يكون هناك الم بعد الولادة

[sweet90]

اهلين بنات صباح الخير
كيفكم
الف الحمد لله على السلامة لكل الي ولدوا ومبروووك
وعقبال البقية الله يسهل عليكم
انا انقطعت اخر مرة دخلت قبل اولد ولادخلت بعدها
تعبت في الطلق مرة وبعد الولادة وخصوصا الخيوووط متعبتني ومتعبة نفسيتي
احس جتني ردة فعل او صدمة من الولادة مادري
مراح اكتب الاكشن حقي احسه يخوف
اذا ولدوا كل البنات هنا يمكن اكتب ههه
الله يهون عليكم

[ام لموووش]

سويت ٩٠
انا بعد جاني رعب من اول ولادة الحمد لله ع سلامتك
بالنسبة للخياطة استخدمي بيتادين ٣ الي ٤ مرات باليوم
واستخدمي بعد التنشيف مرهم زيتا ع الخياطة عشان ماتتعذبين
وبإذن الله اسبوع والخيوط طايحة ولا تشكين من شي
بس انتبهي من الغازات اشربي كمون ويانسون ع طول

[sweet90]

ام لمووش يعنب الصدمة الي انا فيها طبيعية:(
انا احط كريم افوميب وغسول مرتين باليوم واشرب يانسون
لي ١٩ يوم والخيوط مرررة
خفت بعدين رجعت مرة متعبتني والله

[sweet90]

الله يسسلم قلبك والحمد لله على سلامتك انتي بعد ❤❤

[ام لموووش]

نسيت أقول بالنسبة للي ولدوا انتبهوا من الامساك كلوزملينات عشان ماتتفكك الخياطة
الرشاد جدا زين بس انتبهوا لاتغلطون غلطتي بولادتي الاولى كثرت من الرشاد وجاني اسهال
وانتوا بكرامة وسبب لي بواسير
لان البواسير ممكن تجي من الاسهال او الامساك خصوصا للي توها والده ممكن تجيها بواسير الولادة
اذا مانتبهت لنفسها زين

[ام لموووش]

نسيت أقول بالنسبة للي ولدوا انتبهوا من الامساك كلوزملينات عشان ماتتفكك الخياطة
الرشاد جدا زين بس انتبهوا لاتغلطون غلطتي بولادتي الاولى كثرت من الرشاد وجاني اسهال
وانتوا بكرامة وسبب لي بواسير
لان البواسير ممكن تجي من الاسهال او الامساك خصوصا للي توها والده ممكن تجيها بواسير الولادة
اذا مانتبهت لنفسها زين

[ام لموووش]

سويت ٩٠ ايه ياقلبي الصدمة جدا طبيعية خصوصا بعد الولادة الاولى تقعدين تقولين كيف الناس تجيب عيال والم الولادة كذا!!
بس مو شرط الولادة الثانية نفسها لانه معروف الولادة الاولى تاخذ وقت اما الثانية والثالثة لا
بالنسبة للكريم اللي تستخدمينه مااعرفه بس انا بولادتي الاولى كنت استخدم كريم زيتا جدا رهيب
بس انا استخدمه كل مااروح الحمام بعد التنشيف على طول و١٠ ايام وخلاص تنتهي معاناتك من الخياطة بإذن الله

[¤♥ أنثى حآلمه ♥¤]

الله يبارك فيكم وعقبال اللي ماولد ....الله يهونها
المشرقه انا ام معاذ ...
ام لموش وسويت الف مبروووك يتربون بعزكم
ابكتب لكم اكشن ولادتي بعد شوويات ... انتظرووني

[اخت عبدالرحمن]

بنات اللحين لازم الوحده تكون منسدحه ع ظهرها سيده و م تميل عشان الرحم م يميل

[اخت عبدالرحمن]

اي والله الخياطه مبهذلتني

وغير كذا صار لي التهاب بول

والنفسيه صارت دمار

انا امس طلعت من المستشفى بنتي م خلتني انام من صياحها

هي تصيح وانا اصيح خايفه عليها قطعت قلبي

حتى النوم من ولدت م انام كويس وداعاً للنوم حدي ساعتين واصحى

الامومه شي عظيم الله ياجر امهاتنا بالفردوس الاعلى من الجنه

[اخت عبدالرحمن]

لمى اغير حق بنتي الحفاض تبكي هالشي طبيعي

اقصد تتوقعون من سرها يعورها

[الهاديه]

محدثتكم ب المستشفى تطلق من تحاميل الطلق عطوني وحده
وفقدت طاقتي احس جوعانه ومدري يصلح اكل من برا او لا
تعبت تعبت تعبت امشي واحس بطيح

سبب ولادتي الحسسسسساسيه

[المشرقة]

الله يبارك فيكم وعقبال اللي ماولد ....الله يهونها
المشرقه انا ام معاذ ...
ام لموش وسويت الف مبروووك يتربون بعزكم
ابكتب لكم اكشن ولادتي بعد شوويات ... انتظرووني

هلا والله
انتي ام معاذ وانا مش عارفة بتغيير اسمك كل هذه المدةhwaml15

[اخت عبدالرحمن]

الهاديه الله يسهل لك ولادتك


اسالي الدكتوره بس اتوقع انك م راح تاكلين بس بتشربين ماي مثل حالتي عشان م ترجعين

[ام جنا الحلوة]

الله يفرج عليك يالهاديه وعقبالي
شكلو مابقي الا أنا
وانا اللي بقفل التجمع

[¤♥ أنثى حآلمه ♥¤]

المشرقه توقععتك تعرفي لان الكل يعرف
اخت عبد الرحمن نفس المعاناة تخيلي الله يصبرنا هالشهر
ام جنا الحلوه الله يهونها عليك وتولدي الليله

[¤♥ أنثى حآلمه ♥¤]

قصتي بالتفصيل ... يوم الثلاثاء تعبت ورحت اكشف طلع مفتوح 2 سم رجعتني البيت
رحت لاهلي وجلست عندهم الثلاثاء والاربعاء والخميس يوم الاربعاء اتصلت على زوجي كنت مكتئبه ابغى اتمشى
جاني المغرب رحت الممشى مشيت حول الساعه وفوقها لحد ماتعبت حسيت شيء يدف بقوه بيخرح ركبت االسياره
طلبت من زوجي يجيب لي كف مريم لعلها تححمي الطلق رفض ... طلبت منه نروح الحرم ناخذ من موية زمزم كانت معي علبة مويه
اشتهيت الكنافه وااشترى لي ... رجعني بيت ااهلي اتعشيت .... ونمت لي ساعه وصحيت وقعدت اقرأ على موية زمزم بعض ورد الولاده وشربت منها واترشرشت طول الخميس
يوم الخميس الصباح صحيت على الام خفيفه ساعه واختفت ....غفيت غفوه وحلمت حلم مخيف .. وصحيت ابكي طول الظهر مسويه نفسي عنج اهلي نايمه وانا ابكي
اتصلت على زوجي قلت تعال ابرجع بيتي جاني المغرب ورحت بيتي وماحس بشيء نظفت البيت وجمعت اغراضي على اساس اخر الليل يرجعني اهلي لانه الجمعه عنده استلام وصعبه اجلس بالبيب
الساعه 9 بعد العشاء صار جماع عميييق وبعده بنص ساعه كمان مرا ثانيه قام زوجي يتحمم وانا نايمه على السرير الساعه عشره بديت احس بالالام شديده تبكي شكيت انه طلق واني ابولد
قمت اتحممت بمويه شوووي حاره وجلست وقت الطلقه ادلك ظهري حسيت بيغمى علي خرجت وقلت لزوجي المستشفى كان بين الطلقه والثانيه 3 دقايق يعني قريب ماراااا
وقت الطلقه اخذ نفس ركبنا السياره وصلت المستشفى دخلت الطوارئ الدكتوره عندها اجتماع استدعوها جات كشفت طلع 5 سم نزلتني الكشك اعطووني حقنة شرجية وركبوا التخطيط
واشتد الطلق وركبو لي كمام حتى جاء وقت اللدفع الساعه 12 ونص دفعت دفعه دفعتين وخرج بعدها حبيبي وسمعت صرخته وطلعت المشيمه ودخت بعدها نمت وصحيت وهم يطلعوني الغرفه

[باتريسيا]

الف الحمد لله على سلامة اللي ولدوا ومبروك ما جاكم...
وعقبالي وعقبال باقي الصامدات...
بنات هل تأخر ولادتي عادي...
لان موعد ولادتي كات 12/15
انصحوتي هل اروح المستشفى وهل يقدرون يعطوني طلق لان ولادتي الاولى عمليه...
ولا انتظر..

[زهرة البنفسج ّ]

الف الف مبرووووووك للي ولدو
عيون امها
واخت عبد الرحمن
وام لموش

وعقبال البقيه ياارررب
انا قلت بكتب لكم اكشن ولادتي

لكن من يوم ماولدت لانوم زين ولا شي )؛

الحمد الله ع كل حال نسأل الله الاجر والثواب والله يخلي لنا امهاتنا

ع طاري الخياطه. انا اتنقع ب مره وملح حجري

المره تشد الخياطه والملح يعقم

[ام جنا الحلوة]

لااااا
غلط تتنقعي تدخل المويه الرحم
بس تشطفي فيها ولاتكثري من المر يشد الخيوط ويذوبها بدري
خليك على المويه والملح وبس تشطيف خارجي

[المشرقة]

السلام عليكم

صباح كله خير ورحمة من رب العالمين

اليوم بحكي لكم عن ولادتي
طبعا انا والدة مرتين طبيعي
واجريت عملية ترميم (اصلاح) للمهبل قبل سنتين

وكنت طوال حملي افكر في الولادة هذه
لان طبيبات كثر قالوا اولدي قيصري

الا دكتورة في سليمان فقية قالت تعالي في التاسع اكشف على المهبل ومن ثم اقرر
لقيت الحجز عندها قبل التاسع بخمس ايام

عندما كشفت علي كدت اموت من الالم بسبب العملية
والا الكشف مايعور لهذه الدرجة
قالت الافضل لك قيصري واذا تبين طبيعي بتتعذبي كثير
لان المهبل مره ضيق ولازم نقصه لنساعد في خروج الجنين

فضلت القيصري خوفا من ان اتعذب واتقطع كثير ويعود سقوط المهبل
الا انها اجلت تحديد موعدها بسبب فقر الدم الذي عندي كان 7
قالت خذي ابر حديد هذه 10 ايام
ومن ثم ارجعي للعملية

اخذت الابر وكثرت من السلطات والرطب والزبيب
ورجعت لها بعد 10 ايام وكان عندي مغص خفيف ونزول شوية ماء
كشفت علي وقالت الرحم مفتوح 1 سم وشوية والمهبل ماشاءالله لين
ماتحتاجي قيصري بتولدي ان شاءالله طبيعي وبنساعدك
كان هذا في اسبوع اول من التاسع
فرحت وزال عني هم الولادة

ولما قالت مفتوح كثرت المشي والجماع واكل الرطب والعسل
وكل يوم اقول بولد من الثقل ونغزات المهبل وكان الراس يدف لاسفل
بس الم طلق مافي

وكملت التاسع يوم 8 ذوالحجة
واعصابي متوترة من الي حولي
الكل يسال ايش فيك متاخرة وزوجي كان بيحج الا انه اجل الحج بسبب الولادة
وهتلك من الاسئلة هاه اوديك المستشفى

ويوم عرفة صمت وبعد الفطار جاني مغص انتظرت الي بعد صلاة العشاء وهو على ماهو مستمر بس دون زيادة
قلت اروح المستشفى احسن لان الدكتورة قالت لاتتاخرين
اول مايجيك الطلق تعالي خوفا من تمزق المهبل والعملية

رحت مالقيت دكتورتي لانها كانت في الحج
وكشفت علي دكتورة الطوارئ قالت الطلق خفيف مره والمهبل فاتح 1 سم
ومابتولدي طبيعي انتي لازم قيصري ... ليش دكتورتك قالت طبيعي؟
قلت لا انتظر الى ان تجي الا اذا زاد الالم برجع للطوارئ

ورجعت من المستشفى 2 ليلة العيد ونمت من الارهاق وراحت علينا صلاة الفجر والعيد !
مر العيد علي بضيق بسبب كلام دكتورة الطوارئ حيث كنت قد اطمئننت من كلام دكتورتي
وخفت على الجنين تنقص عليه المويه او تنفصل المشيمة او يتبرز او يكبر حجمه زيادة عن الطبيعي

بعد 3 ايام من العيد قلت لزوجي خليني اروح اسوي اشعة اتطمن على الجنين
لو مافيه شئ انتظر الئ ان تجي دكتورتي واذا في شئ مش مشكلة قيصري اهم شئ السلامة
رحت للطوارى ولازم يحطون تخطيط النبض والطلق والكشفية
وانا اقول مااشتي كل هذا اشتي اشعة سونار مارضوا قالوا نبض البيبي كويس مافي داعي

رجعت البيت ضيقانه
يوم السبت قررت اروح اطلب قيصري الا ان زوجي قال لا بكرة الاحد نروح علشان الدكتورة بتكون داومت
وهي قدها عارفة بحالتك طوال الحمل
ضقت منه واخذت وضوء واصلي وبكيت بكاء مر بين يدي ربي
لم ادعي باي كلمة فقط كنت ابكي وربنا يعلم ماتخفي الصدور
بعدما سلمت شعرت براحة وانشراح ونمت الى الفجر نوم هادئ

صحيت يوم الاحد 15 ذوالحجة ونزلت لي قطرات دم
قلت جاءالفرج لك الحمد يارب
اخذت لي عصير التمر وكاسه عسل وسويت فطور ومشيت ساعة

رحت المستشفئ ونفس الروتين قياس الوزن وكشفية وساعة على تخطيط النبض والطلق
وبعدها تقولي دكتورة الطوارئ
مافي ولادة
تعالي بعد بكرة نسوي لك طلق صناعي
زاد همي لاني بعرف ان ولادتي الطبيعية بتكون بمساعدة
وخفت من الطلق الصناعي لو يشد علي الطلق والمهبل مايتمدد ويحصل انفجار بالرحم

رجعت البيت وعلى طول صلاة وبكاء بين يدي الله
سلمت ومديت الغذاء الا وتلك الموية انسكبت والم فوقه فوقه
وبسرعة للسيارة _الوقت الي كنت في بيتي 10 دقائق فقط_ وقت الصلاة

دخلت الطوارئ والم يزيد ومتتالي اول ما قاست قالت 8 ماشاءالله
فرحت وتحمدت ربي
وعلى طول غرفة الولادة وبسرعة يحطوا لي الكمامة ويجي دكتور التخدير
وزوجي معي في الولادة ماسك بيدي

وكشت علي مرة ثاني لقته 10 وتقول خلاص ولادة وبديت ادف
دفة دفتين والثالثة طلعت ريومه
سمعتهم يقولوا بنت وحطوها على بطني
تحمدت ربي
وبعدها ماحسيت بشئ لان دكتور التخدير اعطاني المخدر
وصحيت بعدما خلصوا الخياط لانها وسعت لي المهبل

بعد ساعة طلعت لغرفتي
والحمدلله كل ذلك الخوف من ولادتي كيف بتكون
وتاخرت اسبوع وانا رايحة وجاية الطوارئ
ايقنت بعدها ان كل هذا التاخير لان ربي يحب ان ارجع اليه
يحب من عبده ان يدعوه ويتضرع بين يديه
ماان دعيت الا وسكنت نفسي وانشرح صدري
وانفتح الرحم من 1 الئ 8 خلال ركعتين وسهل ولادتي
انه الله

لم تولدني دكتورتي لان الوقت ماكان يمدي الى ان تجي
دكتورة في الطوارئ غير الي كنت القاها في المرات الاولئ

وربكم الميسر وماله من جزاء غير اننا غي غفلة عن حسن عبادته

[ani8h]

السلام عليكم جمييييعا ..
كيفكم يامامات ..وكيف تعب الامومه معاكم ..

عني انا مودعه النوم براحه ..
كل شوي اقووم عشان وسام يبكي والا معاه مغص ..
الله يصبرنا ..

الف مبرووووووووك للي ولدو ..
ماشاءالله كلنا ورى بعض ..الحمدلله ربي يسرها لنا ..
الولاده والطلق شي صعب بجد ..الله يكتب اجر امهاتنا على تعبهم فينا ..
ويكتب اجرنا ياااااارب ♡

[حلم الغروب]

باتريسيا انا مثلك موعد ولادتي 15 من هذا الشهر وباقي ماولدت...
رحت الطواري امس والرحم مفتوح 2 سم وماعاد بأروح لهم الا اذا جاني الالم القوي ....لاني اتعب واتعذب من الكشفيه

[باتريسيا]

باتريسيا انا مثلك موعد ولادتي 15 من هذا الشهر وباقي ماولدت...
رحت الطواري امس والرحم مفتوح 2 سم وماعاد بأروح لهم الا اذا جاني الالم القوي ....لاني اتعب واتعذب من الكشفيه

الله يهون علينا ويقومنا حنا وعيالنا بالسلامه. .

["ام تولين"]

ألف ألف مبروك لكل اللي ولدوا عقبال الباقي
آلله يهوون وييسرلكم ??

[الهاديه]

صباح الخير
ولله الحمدوالمنه رزقني الله بمولود ييوم السبت
حفظه الله وشافاه


ارسلو البن وبضيفكم بقروب امهات

[ام لموووش]

الف مبروك الهادية الحمد لله ع سلامتك
بس شفيه ولدك يوم تقولين الله يشفيه
باتريسيا& حلم الغروب
الله يسهل عليكم ان شاء الله وعقبال ولادة ميسره بإذن الله

[عنبر الورد]

الف مبروك الهادية وحمدالله علي سلامتك سلامت خير اش فيه ابنك انشالله خير

[بيللي]

حمدلله على سلامتك يالهاديه

والله يطلع ابنك بالسلامه ويشفيه

ومبروك للكل

[sweet90]

الله يبارك فيكم وعقبال اللي ماولد ....الله يهونها
المشرقه انا ام معاذ ...
ام لموش وسويت الف مبروووك يتربون بعزكم
ابكتب لكم اكشن ولادتي بعد شوويات ... انتظرووني

الله يبارك بعمرك أنثى والف مبروك لك والحمد لله على سلامتك

اخت عبد الرحمن انا سمعت انو اازم تنسدحين مستقيمة عشان مايميل الرحم بس مادري ماسمعت كلامهم وطول الوقت على الجنبين لان الظهر يألممممني

[الجنة مطلبي]

السلام عليكم ...كيفكم بنات ...اللهم لك الحمد انا ولدت وجبت حموودي صراحة الولادة كانت زي الحلم المليئ بالألام كأني كنت بحلم وفجأء صحيت وهو بحضني ونسيت كل شيء النسيان اكبر نعمه وعقبال الباقي الله يسر لكم جميعا ويسهل عليكم يااااارب

[toome]

الف مبروك يالهاديه



بليز علميني بعد كم تحميله ولدتي لان وضعي نفسك بكرا تنويمي طلق صناعي وتحاميل لان الرحم مقفل ):

[ام لموووش]

صباح الخير
اخباركم بنات
وين اللي ولدوا اختفوا
تومي الله يسهل عليك لاتخافي
ان شاء الله ربي يسهل امرك
ام جنا الحلوة اختفت الله يسهل عليها ان شاء الله تكون ولدت
الجنه مطلبي الف مبروك وهي الولادة كذا لازم الم

[¤♥ أنثى حآلمه ♥¤]

الجنة مطلبي & الهاديه
الف الف مبرووووك ... يتربون بعزكم

ام لموووش شو نعمل يدوبك نحصل وقت للنوووم ... ماشاء الله البيبيات اخذين الوقت

[ام جنا الحلوة]

ابشركم الحمدُلله ولدت الاثنين الساعه 1 صباحاً
بعد طلق اكثر من 15 ساعه
وجبت احلى معاذ...
عاد الاكشن متى ماتسمح الضروووف

[فاقده الغالي]

ابشركم ولله الحمد يوم السبت وجبت بنوته الله يحفظها

وعقبال كل اللي بالتجمع

طبعا ولدت اول يوم بالعاشر الف مبروك للي ولدت

وعقبال الكروشات ولاده ميسره

[اخت عبدالرحمن]

صباح الخير


كيف امهات

الف مبروووووووووك للي ولدوااا


يتربووون بعزكم



انا حدي مع البيبي و عندي وقت احك راسي


انام ساعتين متقطعين مليون قطعه بنتي صيااااحه


بس افتح الحفاظه تصيح يمكن سرها يالمها مو عارفه

[المشرقة]

الف مبروك
الهادية
الجنة مطلبي
ام جنا الحلوة
فاقدة الغالي

الحمدلله على السﻻمة
يتربوا في عزكم

[المشرقة]

صباح الخير


كيف امهات

الف مبروووووووووك للي ولدوااا


يتربووون بعزكم



انا حدي مع البيبي و عندي وقت احك راسي


انام ساعتين متقطعين مليون قطعه بنتي صيااااحه


بس افتح الحفاظه تصيح يمكن سرها يالمها مو عارفه

الله يعينك
كل شئ باجره
يمكن غازات تسبب لها مغص
اعطيها شاي اطفال
وحاولي ارقيها
انتبهي ﻻكلك انتي فابتعدي عن الفلفل وكل حراق
اسدحيها على بطنها وربتي على ظهرها

[Lolooo]

الهاديه
ام جنى الحلوه
الجنه مطلبي
فاقدة غالي

الف مبببببروك والحمدالله ع سلامتكم
مشاءالله كلكم ولدتو شكلي تسكير التجمع من نصيبي هههههههههههههه

دعواتكم انا بعد اولد قريب

[اخت عبدالرحمن]

المشرقه

اعطيها شاي بس اتوقع سرها يعورها

ويمكن تكون برد عليها

مدري كم تكون درجة الحراره المناسبه لها

[اخت عبدالرحمن]

الله يسهل لك لولو وتقومييييين بالسلامه عليك بالدعاء

[ani8h]

الف مبروووووووك للي ولدو ..
الحمدلله ع سلامتكم ♡

الله يسسهل للصامدات ويجعل ولادتهم ميسره يارب ..

طمنووووني عنكم ..باين انه النونوات مطلعين عيونكم ..
نفس حالتي ..ولدي يبكي كثير ..واذا جيت انام يصحى ولما اصحى ينام ..
مدري الشغله نذاله والا ايش ههههههههههه
هذي الامومه الله يعيننا عليها ..

[زهرة البنفسج ّ]

ألف ألف مبروووووك للي ولدو

والله يعيننا في تربيتهم بجد كل الوقت لهم

وعقبال اللي ماولدوو بولاده ميسرره يارب


واخباركم امهاات مع البيبيهااات (:

[بيللي]

انيقة ولدك نفس ولدي


ههههههه الله يعين


المشكله انا اللي وقت نومي غلط


ماانام الا الصبح

[اخت عبدالرحمن]

انا بنتي مجننتني لما ابي انام تصحى ولما هي تنام انا اصحى

وصياح وصارت سالفه الحفاظه مصيبه من يجي وقت التغير يبدء مود البكي

[المشرقة]

http://forum.hwaml.com/t252492.html

[المشرقة]

درجة حرارة الغرفة يجب أن تبقى باستمرار دافئة للطفل حديث الولادة،
ويجب ألا يغطى الطفل كليا .
ضعي يدك خلف رقبة طفلك، فإذا كان يعرق هذا يعني انه دافئ جدا أما أن يكون سببه حرارة الغرفة أو ثياب الطفل الثقيلة ممايسبب في بكاءه

[زهرة البنفسج ّ]

يعطيكي العاااافيه موضوووع مفيييد

[ام لموووش]

الف مبروك للي ولدوا وعقبال اللي بقي ان شاء الله ولاده ميسره
اخت عبد الرحمن انا بنتي نفس الشي صياحه وخصوصا وقت تغيير الحفاظ
ماعانيت هالشي في بنتي الاولى مع ان الاولى كانت تعاني في البدايه من غازات
ومع هذا هاديه مو صياحه مثل هذي
اللهم لك الحمد انتهت رحله الحمل والولاده بسلام هذا اهم شي
الله يصلح لنا ماعطانا ويجعلهم ذريه صالحه مباركه

[المشرقة]

الحمدلله الذي بنعمته تتم الصالحات

["ام تولين"]

ما شاء الله

الف الف مبروك لكل اللي ولدوا
الحممدلله ياااارب


عقبال اللي باقي ربي يسهل عليكم حبيباتي

["ام تولين"]

خلاص ذي اخر أيامنا مع بعض :(من جدددد بفقدكم :(

[المشرقة]

ايوه والله
بنفقد بعضنا البعض

ظللنا اخوات 9 اشهر

["ام تولين"]

نسوي قروب لبعد الولاده ؟!

[المشرقة]

افكر بنفس الشئ ام تولين

[ام لموووش]

انا معكم ابي نتجمع بقروب امهات
من جد لقيتكم اخوات لي مع اني مادخلت معكم الا الايام الاخيره

[اخت عبدالرحمن]

انقضت احلى الايام بسرعه سبحان الله

تجربة الحمل حلوه بمعنى الكلمه صحيح تعب بس فيها احلى مشاعر تنتهي بلحظه الولاده

حتى الولاده كانت لها طعم مميز بحياتي خصوصا لما طلعت البيبي كنت احس اني بحلم

وكان احلى حلم شوفة طفلتي تسوى كل شي بحياتي

ربي لا يحرم انثى من هالشعور ويرزق كل محرومه عاجل غير اجل

[ام لموووش]

فعلا تجربه جميله ومميزه انا كنت احسبه بس الحمل الاول والثاني يصير عادي بس اكتشفت
انها من أجمل اللحضات في الحياه ،لحظات تتمنين تكرارها وعيش التجربه بكل آلآمها من جديد
اللهم كما وهبتنا الذريه ارزقنا صلاحهم وبرهم وحنانهم واحفظهم من كل شر ياكريم ياحي ياقيوم
من جد بفقدكم لان مشاركة هالتجربه معكم زادت التجربه جمالا على جمال ❤

[ani8h]

مااححب هذي اللحظات ..
احس اني ببكي :"(
احلى ايام عششتها معاكم ..بجججد اعتبرتكم اخواتي ..
الله يسسعدكم كلكم ..♥

المهم المره الجايه خلونا نحمل سوى ..هههههههههه دعابه

ياليييييت يكون في تجمع ..ماودي نفترق صراحه

[روح المدينه]

الف مبروك للجميــــــــــــع
وربي يحفظ لك وحده ماعطاها
حمـــد الله ربي فرح قلبي بطفلي وجا لولدي اخو يشبهه

وربي عوضني خير
لما جاتني ولد رفض رفض تام اروح لمستشفا حكومي
ورحت خاص وفعلا فيه فررررررررق كبيــــــــــــــــــــــــر بين الحكومي والخاص
وربي يسر ولادتي ولله الحمد والشكر
اخت عبدالرحمن بنتك و ولدي نفس اليـــوم ولادتهم خخخخ
يوم 18
فعلا ماحبيت التجمع يقفل ابــــد
والله حبيتكم مرررا
انيقه مررررا نفسي ما اقطعك احس دخلتي قلبي
وحبيتك قد الدنيا
باقي البنات سامحوني اذا زعلتوا مني احبببببكم ♥♥
والله يجمعنا في جناته كما جمعنا في هذه الدنيااااااا

[المشرقة]

اللهم امين
اجمعنا في دنياك على حبك وطاعتك
في اﻻخرة تحت ظل عرشك يارب العالمين

["ام تولين"]

يا قلبي اانتووووووو����

بجد راح افقدكم وافقد سؤالفنا مع بعض :(


الله يجمعنا في الفردوس الأعلى ❤❤❤❤

[المشرقة]

Lolooo
وينك مختفية
ان شاءالله تكوني ولدتي بالسﻻمة
بشرينا عنك
بعديوم راح يتسكرالتجمع
اتمنى مايتسكر اﻻوقد تطمنت عليك
علشان ارتاح ان جميعنا ولدن بالسﻻمةهن والبيبيات

[روح المدينه]

هاي بنات
بسالكم طفلي يرجع كثيرررر
عادي او لازم دكتور

[كآبتشينو]

من جد بنات اشتقت لكم وربي وبفقدكم يا احلى صديقات

ربي يوفقكم بحياتكم ويسعدكم .. كنتم لي مثل الاخوات والصديقات ،، تعاونا وتساعدنا بكل شي ..

احبكم بنات :)

روح المدينه اذا ترضعينه صناعي يمكن الحليب ماناسبه ..!! اذا يرجع بكثره شوفي الدكتور احسن عشان تتطمنين عليه

ربي يحفظه لك


بنات كيف الامومه ..؟! مين طفلها صياح ..!! انا الحمدلله ماهي صياحه بس تبي الحضضضن ماتبي السرير ابد :(

الله يعينا على تربيتهم ويجعلهم يارب من الصالحين والصالحات ..

[ani8h]

روح المدينه ..
يسسعدك ربي ححياتي ..
وانا وربي اححححححبكم كلكم ..:"(

كابتشينوو ..
الامومه حلوه بس يبغالها صصصصصبر ..
انا ولدي يبكي كثيييير من المغص ..
يحزنني والله ومايسكت الا اذا حطيته بحضني ..
الله يصلحهم ..♥

[ani8h]

شوفولنا حل ..ماودي افقدكم والله ..
انا حملت البي بي ..اذا بتسوون قرووب عليه خبروني ♥

[كآبتشينو]

وانا عندي حملته بعد

ياليت نسوي قروب في البي بي ونتواصل مع بعض

[¤♥ أنثى حآلمه ♥¤]

سلااام احلى بناااات
كيفكم وكيف نوناتكم ....
من جد جد راح افقدكم وافقد تواصلكم .. كانت احلى ايااااام واحلى اوقات قضيناها سوا
نشتكي لبعض ونهون على بعض ونواسي بعض .... تشاركنا هموم الحمل والولاده
احبكم احبكم احبكم ♥♥♥
لازم نعمل تجمع لنا بعد الولاده .... نتشارك فيه حياتنا ...
انا ولدي مو صياح مرا ..... لكن اذا صحى مستحيل يخليني ارتاح ...
خاصة مع اخووه والغيره مراا بتقتله ... الله يرزقنا صلاحهم

[المشرقة]

هاي بنات
بسالكم طفلي يرجع كثيرررر
عادي او لازم دكتور

هﻻ قلبي
اذا يرضع طبيعي من صدرك ويتجشى بعد الرضعة ﻻتخافي من كثر الترجيع ﻻن اوﻻدي كانوا كذا
من زود الترجيع يطلع من انوفهم بعد ههه
بس نوميه على بطنه او على جنبه اذا ماطاح السر بعد
علشان خطر تنويمه على ظهره للذي يرجع كثير يمكن يكتمه الترجيع او يختنق به
بس لو يرضع حليب صناعي ماادري
يمكن كما قالت كابتشينو من الحليب

[المشرقة]

حبيباتي سويت تجمع لنا لبعد الولادة
علشان ماننقطع عن تواصلنا
لاني احببتكن من كل قلبي واستفدت منكن الكثير وقضيت معكن احلى وقت

هذا هو الرابط
http://forum.hwaml.com/t277038.html#post3484262

[ام لموووش]

المشرقه مشكوره ع التجمع الجديد من جد مانبي نفترق
نفسي اتطمن ع البنات اللي ولدوا واختفوا عيون امها لها فقده من جد
وغيمة ومطر كانت مسويه جو بالتجمع
ولولو من تعرف ولدت ووش صار عليها؟؟

[المشرقة]

كمان ورق لبتون
ماتدخل التجمع منذفترة
البنات الي معهم قروب شوتعرفوا عنها
ولدت بالسﻻمة ومتى وشو جابت

تومي بشرينا عنك

[ani8h]

المششرقه ..
الله يسسعد قلبك ..
ويجمعك بأحبابك ف الجنه زي ماجمعتينا من جديد ..
بس ياخووفي يقفلووه التجمع ..:"(
لانه امهات ذو القعده كان عندهم تجمع بعد الولاده وقفلوه الاداره ..

[المشرقة]

نحن والمكتوب لنا
اذا كتب لنا الاستمرار مابيقفل
واذا قفل فمعزتكن في القلب

[المشرقة]

قفل التجمع
فيس حزين

بس في تجمع مثبت بالقسم لما بعد الولادة

راح نتواصل فيه

[المشرقة]

حاولت ارجع للصفحات واقرى سوالفنا

وجمعت الي ولدن بالسلامة ورتبتهم على حسب بشارتهن لنا بالولادة

1- عنبر الورد - ولد

2- فديت الغالي

3- ليتني مو انا -بنت

4- رجاوي - ولد

5- شوق - ولد

6- برنزواج

7- ليال - بنت

8- تالا

9- منايل - بنت

10- نورالمغرب - ولد

11- غيمة ومطر - بنت

12- راما القمر - ولد

13- بيللي - ولد

14- ام تولين - ولد

15- زهرة البنفسج - بنت

16- كابتشينو - بنت

17- حلم العمر - بنت

18- منوول

19- المشرقة - بنت

20- انيقة - ولد

21- روح المدينة - ولد

22- اخت عبدالرحمن - بنت

23- عيون امها - ولد

24- انثى حالمة - ولد

25- ام لموووش - بنت

26- سويت

27- الهادية - ولد

28- الجنة مطلبي - ولد

29- ام جنا الحلوة - ولد

30- فاقدة الغالي - بنت

31- تومي


الحمدلله على السلامة
جعلهم الله من مواليد السعادة
رزقنا الله بر امهاتنا واباءنا وبر اولادنا

[المشرقة]

كذلك هناك اخوات كنا معنا وفقدناهن
ان شاءالله المانع خير

وياحبذا يدخلوا تجمع مابعد الولادة ويبشرونا بالسلامة

ومنهن

ورق لبتون
لول
بسوووومه
باتريسا
حلم الغروب
طير طاير

واعذروني اذا نسيت وحده

[كآبتشينو]

تووومي بعد مفقووده ان شاء الله خييير

[Lolooo]

المشرقه حبيبتي انا باقي صامدة
الله يكتبلي الولادة السهله الميسره


الي تسال عن تومي ولدة

[كآبتشينو]

بنات للاسف تقفل موضوع المشرقه

بنات انا امس طاح خيطين والباقي لسسى .. مرا زاعجتني الخيوط وماودي اروح المستشفى واكشف :(

بس احط على الجدح ميبو ومطر بيتادين مره اسبوعيا ومطهر ديتول احيان

واحسه الجرح التام وما احس بالم بس احس بالخيوط تغز

[كآبتشينو]

بنسبه لنفاسي

اشرب قشر قهوه واحط معه دارسين ويانسون وكمون وزنجبيل

واشرب حليب مع زنجبيل وفلفل ابيض

والهم لهوم حلبه مع الغدا .. واحيان الهم رشاد

وامممممم نفاسي بسيط وان شاء الله نطلع من نفاسنا احسن من اوول

بنات اللي عندها نظام نفاس مفيد تفيدنا اللي يعافيها

[ام لموووش]

الله يسهل لك يالولو
ع البركة ماجابت تومي لهافقده
طبعا بعد ماتقفل تجمع المشرقه اللي تحب نتواصل في تجمع
مابعد الولادة خصوصا خواتنا اللي غابوا نعرف اخبارهم
ونستفيد من بعض فترة النفاس والامومة
وان شاء الله ربي يصلح لنا ماعطانا ويجعل فيهم البركة

[ام لموووش]

كابتشينو انا نفاسي ابسط منك
حليب مع كمون ويانسون وفلفل ابيض والحبه الحلوه اللي يسمونها رشاد او سنوت
واحيانا رشاد مع تمره الصباح وقليل اشرب حلبه
وبس
والاحظ ان الدم الله يعزكم صار ينزل علي قليل من يومين وانا لي ١٠ ايام الحين
من صار لها كذا وهل معناة اني ممكن اطهر بدري؟؟
انا بالنسبة للخياطه شافتها الدكتوره يوم الخميس وقالت كويسه
والحين توجعني احسها مورمه هل ممكن تنفتح بعد اسبوع يابنات والا خلاص التمت؟؟

[كآبتشينو]

لولوو اخبارك ؟؟
ةخلصتي التاسع ولا ،؟

ربي يكتب لك ولاده سهله ميسره يارب

[كآبتشينو]

ام لموش

انا مثلك نادر ينزل دم واحيان اقعد يومين بدون ماينزل شي

بنسبه للخياطه بنات اكلو المضاد اللي من المستشفى عشان ماتلتهب الخياطه

[ام لموووش]

اكلت المضاد اول ماطلعت من المستشفى خلاص
هو حسيتها مورمه بعد ٨ ايام من الولاده المفروض طابت
هل ممكن تلتهب بعد هالفتره؟؟

[كآبتشينو]

اي ممكن تلتهب انتبهي على نفسك

حطي مطهر بيتادين ممتاز .. امسحي على الجرح بقطنه يطهرها

[sweet90]

ام لموش انا استمرت متورمة حول ١٥ يوم او اكثر بئ استمري عالغسول والكريم ومايصير الا كل خير

والدم اول شي كان ينزل بعدين خف تقريبا زيك من اليوم ١٠ وصار ينزل خلال اليوم نقطتين والحين لي ٢٧ يوم وتخيلي ماطهرت
وقالتلي الدكتورة احتمال تكملين للاربعين ماوقف واذا وقف لاتظنين انه طهر ترى توك
وصار كلامها صحيح
وقف عني يومين ورجع بس خفييييف

[sweet90]

بنات وش رايكم بتمارين كيجل
جرتبوها ولالا
وعادي نسويها مع الخياطة
انا مااقتنعت فيها ماااادري ليه بس كثير يمدحونها
وسالت دكتورتي قالت انصح فيها
وش رايكم انتو؟؟؟

[sweet90]

كابتشينو ياحبيلك نفاسي زيييك بالضبط ههه
بس كان اول النفاس الحين تغير صرت اطنش مليت
الله يسهل هالفترة ويعديهااا على خير

[Lolooo]

اهلين كابتشينو
انا بخير الحمدالله يب لي يومين مخلصه التاسع

[Lolooo]

بنات الهاديه مسويه قروب ع البلاك
خليها تضيفكم

[المشرقة]

بنات للاسف تقفل موضوع المشرقه

بنات انا امس طاح خيطين والباقي لسسى .. مرا زاعجتني الخيوط وماودي اروح المستشفى واكشف :(

بس احط على الجدح ميبو ومطر بيتادين مره اسبوعيا ومطهر ديتول احيان

واحسه الجرح التام وما احس بالم بس احس بالخيوط تغز

انا لسى ماطاح اي خيط
بس الحمدلله ماتالمني .. شوية نغزات
اعقمها بالمطهر مرتين في اليوم
واحط كريم ميبو مرتين في اليوم
ترى دكتورتي قالت استمري على الميبو الى ان تخلصي الاربعين
حتى لو طاحت الخيوط
لانه بيلم الجرح ويخفي الاثر

[المشرقة]

بالنسبة عن النفاس

اولا
على الريق حليب دافى وحلبة وملعقة عسل
(لمدة 20 يوم الاولى فقط لان الحلبة تسبب رخاوة الرحم وكثرة الافرازات في 20الايام الثانية)
وفائدة الحلبة مع الحليب والعسل يقوي الظهر ويدر الحليب

وتمر مع زيت السمسم
على قشر القهوة والزنجبيل

ومن ثم الفطور

مع الغذاء مرقة ولحم
وبعده كاس يانسون

العصر حليب وزنجبيل ويانسون
و2 بيض

اكثر التمر مع زيت السمسم وبراد حليب مع الزنجبيل وقشر القهوة
كل ما جوعت اكل منه

هذه العشرين الاولى
العشرين الثانية اوقف الحلبة على الريق
واستبدلها بالرشاد على كاس حليب وملعقة عسل
لاتاخذون رشاد الان لانة بيوقف الدم وبيضل داخل الرحم
الرشاد في العشرين الثانية علشان ينشف الرحم من الرطوبة والمويات

ونفس الشئ النظام
غير انني اخذ لهوم بعد الرشاد
لهوم محلب + فلفل ابيض + كمون + عويدي
مرتين الصباح والعصر
ومستمره على التمر والسمسم
وحليب بالزنجبيل وقشرالقهوة
واليانسون والمرقه والبيض

مع الابتعاد عن العصاير والمشروبات الغازية والماءالبارد
طول الفترة اغطي راسي ولا امشي حافي

استحم كل يوم بماء دافى بس مااطول بالحمام (على السريع)
ادهن بطني بالليل زيت زيتون
وفي الصباح امسحها بالمسحات الطبية (يطلع السواد في المسحات)

امشي كل يوم 10 دقائق
الفترة الاولي
والعشرين الثانية زودها 20 دقيقة

هذا المشي شوية لاني اقوم ورى اولادي وارتب على خفيف البيت
لان ماعندي احد يساعدني في النفاس فقصرت الدقائق

اما الي عندها احد يساعدها
لاتضل طول الوقت منسدحة
امشي وزودي الوقت ليصل نصف ساعة
بس بخطوات متقاربة ومتى ماحسيتي بالتعب اوقفب على طول وارتاحي
المشي يساعد على تقوية الحوض ويلتئم الجرح وهو مشدود
مو مترهل من النوم

بطني يوم اربط ويوم لا
هو بيفيد الربط بس مو دائما
الافيد بكثير تمارين البطن

تمارين كيجل ممتازة
والدكاترة يقولوا عادي تسوينها حتى مع الخياط مابينفتح منها

بس للعلم مابديت في اي تمارين غير المشئ
باجل التمارين الى بعد الاربعين

الخلطات بنفاسي الاوليين في العشرين الثانية بديت بها
زيت زيتون وكركم احطه على جسمي ساعة واجلس في الغرفة بدون مكيف
واسوي حمام مغربي مرة في الاسبوع

اخذت كريمات ترطيب وللتشققات ومقشرات بس لبعد الاربعين

هذا نظامي كامل

[بسوووومه]

أنا ولدت الحمد الله بتاريخ 1434/12/14

الف مبروووك للي ولدوا والله يرزقنا برهم يارب

كنتم خيرا تجمع لي واستفدت منكم الكثير ....فشكرا لكم

[¤♥ أنثى حآلمه ♥¤]

الف الف مبروووك بسووومه المولووود يتربى بعزكم
لولووو الله يهوون عليك وتولدين الليله

نظامي بسيييط .... الصباح قبل الفطور السفوف مكون من حلبه وحبة بركه وماش
واالفطور فطاير مع حليب
والغداء مرق او ايدام او مرقوق مع خس او بقدونس
العصريه شاي اعشاب او يانسون وشمر .... والمغربيه قهوة قشر القهوه مع نانخه وقرفه وزنجبيل مع تمر او حلاا ههه

قبل العشااء ملعقة سفوف نفس الفطور واتعشى الموجود جبن بيض مع شاي نعناع او مرقوق او ايدام ....

وبعدها النوووووووم

بالنسبة للخياطة استخدم البيتادين ومرهم افوميب مرتيين باليوووم مع الحرص على نظافة الجرح وجفاف المكان

والحمدلله امس كان عندي موعد وقالت الجرح التئم ووفكت الغرز الخارجيه والداخليه قالت تذووب

وقالت استمري على الغسول والمرهم كمان اسبوع و راح اكمل بعد على الميبو وغسول المويه والملح

رغم انها فكت الغرز لكن مو قادره اجلس احس بالم

[¤♥ أنثى حآلمه ♥¤]

http://forum.hwaml.com/t277240.html

عملت تجمع في ملتقى عضوات حوامل وان شاء يكون فيه تواصلنا
واستسمح اختنا المشرقة نسخت عباراتها لاني ماقدرت احاكيها

[كآبتشينو]

المشرقه ماشاء الله عليك نظامك ممتاز

شدي حيييلك بنسبه لي ما اصحى الصبح افطر اصحى ع طول ع الغدا

،،،

بنات كيف اعرف ان في خيوط داخليه ،،؟

[كآبتشينو]

الهاديه

عندكم قروب في البلاك .؟؟؟

اذا عندكم خبريني حابه انضم معكم

[المشرقة]

أنا ولدت الحمد الله بتاريخ 1434/12/14

الف مبروووك للي ولدوا والله يرزقنا برهم يارب

كنتم خيرا تجمع لي واستفدت منكم الكثير ....فشكرا لكم

مبرووووك الف مبرووووك
الحمدلله على السلامة

[المشرقة]

http://forum.hwaml.com/t277240.html

عملت تجمع في ملتقى عضوات حوامل وان شاء يكون فيه تواصلنا
واستسمح اختنا المشرقة نسخت عباراتها لاني ماقدرت احاكيها

جزاك الله خيرا على جمعنا
بارك الله فيك وفي عمرك وعملك وذريتك

[المشرقة]

المشرقه ماشاء الله عليك نظامك ممتاز

شدي حيييلك بنسبه لي ما اصحى الصبح افطر اصحى ع طول ع الغدا

،،،

بنات كيف اعرف ان في خيوط داخليه ،،؟

ليييييييه ماتفطرين ؟؟!!

ضروري الافطار
لاتجلسين على لحم بطنك نايمة الي الغذاء
الفطور صحة ولازم للنفاس
لحقي على عمرك وافطري قبل ماتندمين


الخيوط الداخلية ماتعرفينها بنفسك
اني سالت الدكتورة عن الخيوط الداخلية
قالت لازم الخيوط الداخلية .. ماتكون خارجية بس

يعني عندك خيوط داخلية هذا اذا كان الخياط تمام
اما لو دكتورة اي كلام مابعرف شو اقلك

[اخت عبدالرحمن]

السلام عليكم

شخباركم مع النفاس والنونات

بسالكم كيف اعرف اذا خياطتي ملتهبه احس دوووم بشي يحرقني ويقرصني

[عيون امها]

وحشتووووووووني كلكم

كيفكم مع السهر وحوسته .... يشروني عسى الكل ولد مابقيت كروشه متخبيه هنا ولا هنا هههههههه

انا بخير الحمد لله بس شهد متعبتني مررررره مو مثل ولدي تركي بالنفاس مره فرق بين الاثنين
ماتخليني انام الليل ويصحى تروك من الساعه 10 يعني مافي راحه ابدا الحمد لله ع كل حال ربي يحفظهم ان شاء الله

طمنوني ايش اخباركم

[toome]

ابشركم ولدت يوم السبت بعملية بعد محاولات فاشله بالطلق الصناعي

[فاقده الغالي]

الحمداالله على سلامتك توووم ....الف مبروووك ...بشرينا وش مولودك

[toome]

الله يسلمك جبت ولد

[اخت عبدالرحمن]

الحمدلله ع سلامتك تووومي


يتربى بعزك وعز ابوه

[اخت عبدالرحمن]

عيون امها انا مثل حالتك والله م فيه نوووووم وتقعد تصيح من بطنها

مدري من الحليب والا غازات

ودي اجرب بيبي لاك يقولن م يسوي غازات

[المشرقة]

الحمدلله على السلامة تومي
مبروك ماجاك
جعله الله من مواليد السعادة

[كآبتشينو]

الحمدلله على سلامتك تووومي

ومبروووك ماجبتي .. يتربى بعزكم يارب

[ani8h]

توووومي ..
الف الف مبرووووووووووووك ياقلبي ..
والحمدلله ع سلامتك وسلامة اميرك ..
الله يخليه ..لك ولأبوه ..ويتربى بعزكم يارب ..

[بيللي]

مبروك تومي والحمدلله علي سلامتك



عيون امها انا مثل حالتك والله م فيه نوووووم وتقعد تصيح من بطنها

مدري من الحليب والا غازات

ودي اجرب بيبي لاك يقولن م يسوي غازات


ماانصحك ببيبي لاك


انا جربته لولدي ولاحظت ان المغص زاد والاسهال والترجيع


واليوم بزياده زاااد الترجيع

رحت المستشفى قالو من الحليب الصناعي


لازم الام ترضع لمده 3 شهور علي الاقل حليب طبيعي والصناعي ماينصح فيه ابدا


وقالي دامك تبي صناعي توقعي الغازات والترجيع والمغض وطبعا يختلف من حليب للثاني بس كلهم يسببون هالاعراض ويقللون من المناعة والذكاء

[اخت عبدالرحمن]

بيللي انا جربته وبنتي زاد صياحها

انا ارضعها طبيعي بس بعض الاحيان اعطيها صناعي بس مو واجد

شكلي برجع حق سميلاك ارحم والله تقطع قلبي من صياحها

[toome]

الله يبارك فيكم جميعاااااااا



ولدي بس يبكي ومايرضع ابد وصدري يدفه والصناعه يرضع رقم واحد بس مدري ليش شكل فيه ماغص

[اخت عبدالرحمن]

حاولي معه لين يرضع من صدرك

الرضاعه الطبيعيه بالبدايه صحه للطفل


انا بنتي صياح بصياح من بطنها تقطع قلبي فيها غازات


يمكن نوع الحليب م ناسبه

[عنبر الورد]

هلا بكل البنات ومبروك البنين والبنات وحمدالله علي سلامتكم جميعا ظبيعي المغص اول ثلاث شهور ماتخافون حتي ولو الرضاعة طبيعية لسه الامعاء والمعدة يتفتحو ويتعودو علي الحليب لازم مدة

["ام تولين"]

الله يرزقنا برهم جمميعا~~

["ام تولين"]

بحفظ الله جميعا

سااامحووووووني والله يسسامح الجممميع$$

[باتريسيا]

بنات ابشركم ولدت بتاريخ 12/24 بعمليه وجبت بنوته ولله الحمد انا بخير وهي بخير

[Lolooo]

أبشركم ولدت بتاريخ 5/11
وجبت بنوته

[Lolooo]

بنات بسالكم بما أنكم بديتو قبلي بالنفاس وحوست البيبيات

انا بنتي تتنفس بسرعه أحيانا كأنها مسويه مجهود وأشوف صدرها يطلع وينزل حتى وهي نايمه وأنا مره خايفه عليها
وأبي أسألكم عادي استخدم لها شفاط الانف وهي ماكملت أسبوع

[بيللي]

انا ولدي كذا ويقولون طبيعي


بس مااستخدم شفاط انظفه بعود الاذان الصغير بس بشويش


وماانظفه الا اذا شفت وسخ


ماانصحك تستخدمي الشفاط اخاف يسبب لها جفاف في الانف

[ani8h]

باتريسيا ..لولو ..
الف مبروووووك والحمدلله ع سلامتكم ..

لولو ..
عادي حبيبتي انا ولدي كذا .
والدكتور يقول طبيعي الحمدلله ..لاتخافي ولاتقلقي نفسك ..


بنات ..التجمع اكيد راح يقفل هاليومين ..
سامحوووني لو زليت ..او اخطيت عليكم ..
وان شاءالله مانفترق .. واتمنى نهتم بتجمعنا الثاني ..نفس اهتمامنا اللي كان هنا ..
لقانا بتجمع عضوات حوامل ..لحد يغييييييب عننا ♥♡

[المشرقة]

مبروووك الف مبروووك
باتريسا
لولو
الحمدلله على السﻻمة
جعلهم الله من مواليد السعادة

["ام تولين"]

الف مبرووووووووكك حبيباتي

الله يرزقكم برهم وصلاحهم

[¤♥ أنثى حآلمه ♥¤]

تومي &باتريسيا&لولوو
الف الف مبروووك يتربوون بعزكم

[¤♥ أنثى حآلمه ♥¤]

من جد بناات عشنا احلى اللحظااات .... بكل مراحل الحنل
تشاركنا همومنا ومشاكلنا ..،.
كنتم نعم الاخوااااات .... وباذن الله مانفقد تواصلكم بملتقانا
♥♥♡

[اخت عبدالرحمن]

ع الود التقينا وع الحب نفترق

ربي اجمعنا بجنات النعيم

كنتم خير اخوااات لي شكراً لكم من كل اعماق القلب

مثل م اجتمعنا بهالمكان ان شاء الله نجتمع بالملتقى

ربي يوفكم ويحفظكم ويسعدكم جميعاً ويسر لنا تربية عيالنا اولاد وبنات

السموحه لو بدر مني غلط او زله



سُبْحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ

[المشرقة]

سُبْحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ

[¤♥ أنثى حآلمه ♥¤]

سُبْحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ

[حلم الغروب]

الحمد لله ولدت يوم 24/12 وجبت احلى بنوته

[عنبر الورد]

الف مليون مبروكللي ولدو وحمدالله علي سلامتهم هما والبيبيهات

[¤♥ أنثى حآلمه ♥¤]

الف للف مبروووك حلم الغرووب ... تتربى بعزكم♥♥♡

[ani8h]

حلم الغرووب ..
الف مبروووووووووك ..
والحمدلله ع سلامتك .. تتربى بعزك الكتكوته ..

["ام تولين"]

مبروكك حياتي
تتربى في عزكم ودلالكم:)

[sweet90]

بنات انتو مسوين قروب على البي بي؟؟
عشان تضيفوني معكم

[sweet90]

مااقدر ادخل دايم المنتدى

["ام تولين"]

اي ي حياتي

[أم تااالين]

الله يتمم لكم على خير
وربي يسهل عليكم جميعآآآ وتكون ولاده أسهل من شربة الماااا