دردشة حوامل أهل جدة - دردشة بنات جدة - تجمع حوامل مدينة جدة

[sendrellaa-07]

لجميع من رد علي الله يسلمكم ويسهل ولادتكم ويسعدكم ان شاء الله

اما بالنسبة لقصة ولادتي فهي معاناه مع مستشفى المتحدون
اول شيء انا رحت عندهم بالسمعه لان صديقتي ولدت هناك عند فاطمه النمر
ومدحتها كثير وراجعت حملي كله من اوله لما الشهر التاسع عند فاطمه النمر
ولما دخلت شهري التاسع اخذت اجازه وراحت ولاحتى المستشفى بلغني ولا الدكتوره
وجلست ابكي من القهر لاني ارتحت لها ,,
بعدين مدحوا لي عزه وحولت ملفي عندها وسبحان الله كنت اقولها لاتخليني وقت ولادتي لاني حسيت انهم مايهتموا ومهملين بالمرضى قالت لا مستحيل اخليك
في الاسبوع 39 تعبت فجأه جاني الم بالبطن واسهال شديد جدآ
رحت المتحدون عملوا تخطيط وقالوا خليك ساعه يخلص التخطيط وانا اصيح من الالم واقولهم ماعندي ولاده قالوا ممكن ولاده لانه من ضمن الاعراض اسهال
وجلست اتألم ساعه وجت كشفت كشف مهبلي وانا اصيح لدرجة جاني شد برجلي
من قساوتها وطلعت يدها وكلها دم بعدين قالت ماعندها ولاده جابوا لي دكتور باطنيه
قال عندك نزله معويه ومرررره انقهرت وجلست ابكي ع تعاملهم ,,
رحت البيت وماارتحت الدم ماوقف من كشفها جلست يومين وبعدين وقف
وبدأ الم الطلق يشتد وجلست من الساعه 7 صباح الى 1 الظهر وانا اتألم منه
ومو متأكده اذا كان طلق ونفس الوقت حاسه انه طلق قمت جهزت نفسي واخذت دش دافي واخذ شهيق وزفير لما يجي الطلق ولما يروح ارتاح شوي
لاني قراته من النت وفعلآ صح يفيد وقت الطلق
ومااكلت شي من الالم وبموت جوع ومالي نفس
لاني بكريه ماعندي خلفيه ,,,, والساعه 1 الظهر وانا اصلي الظهر واقفه
احس بشيء ينزل طنشت وقلت اكيد افرازات عادي وخلصت صلاتي
واشوف اللي نزل لقيته دم وخيوط (السداده ) وخفت مره لاني قريت عنها في النت
انه اذا نزلت السداده تنزل المويه وخلاص ولاده وخفت كثير بس تذكرت
انه اذا اخذت نفس يخف الم الطلق وفعلآ جلست اخذ نفس واهدي نفسي
وصحيت زوجي ورحنا المستشفى سألنا عن الدكتوره عزه قالوا ممكن بالعياده
ورحت لما عيادتها ومالقيناها قالوا عندها ولاده رحت الطواري ونا هلكانه بس امسك نفسي كشفت علي وفجاه صاحت هي والممرضه قالوا مبروووكـ ولاده الرحم مفتوح 5 ونص وانا زاااااااااااااااااد خوفي وارتبكت وزوجي ارتبك وفرح ههههههههه
قاموا ركبوا مغذي وطلعوني غرفة الولاده وادتني الممرضه لبس البسه تخيلوا وانا في غرفة الولاده دخلت الدكتوره عزه فرحنا انا وزوجي كثييييييييييير وشكرتها كثير لانها صدقت بكلامها وجت
كشفت علي قالت 5 ونص خليك ع السرير وبالعافيه تتكلم معاي سالتها وشفيك تقول تعبانه!!!
قلت لزوجي روح مر ع امي وجيبها وجت امي وزوجي وجلسوا معاي بالغرفه,,
الساعه 4 جت دكتوره ثانيه وقالت الدكتورة عزه راحت بيتها لانها تعبانه وانا جالسه اتالم وابكي من القهرررررر وبتكون معاك الدكتوره حمديه شوي دخلت حمديه وانا اخاصم فيهم وامي قامت تمدح فيها وتقول ماعليك من كلامها اهم شيء انتي موجوده اهتمي فيها هي بكريه وتخاف لاتلوميها ...والدكتوره تقول عادي ,,
كشفت علي تقول انفتح 6 المهم الساعه 7 ونص انفتح الرحم 8
طبعا من اول ادتني الممرضه اكسجين ولما زاد الالم ادتني كمام تبع الالم وقالت
ماتاخذي منه نفس الالما يجي ألم وجلست اتألم وتعبت كثير وشوي جت الممرضه
قالت مافي طلق قوي قلت لا قالت مافي اكل قلت لا
راحت وجت الدكتوره كشفت فتح 9
وشوي جت الممرضه اخذت المغذي وركبت محلول وادتني ابرتين وانا فكرتها
بتاخذ الكمام قلت لالالالا قالت لا انا سوي طلق صناعي قمت اخاصم قلت ليه
باقي 1سم خليه يفتح لحاله ماابغى طلق قالت هذا بعدين مشكله
يعني لو ماسألتها ماكان قالت لي انه طلق صناعي !!
طبعا رجلي مربوطه وثواني والطلق بدأ وقرب الراس يطلع وانا مااعرف وش اسوي
اصيح ولا ابكي لما صحت قالت الدكتوره لاتصيحي خذي نفس ودفي
وجلست ادف واقول دكتوره بموت تقول قولي لااله الا الله
حسيت فعلآ بموت قالت دفي حرام عليك الراس اشوفه باقي شوي
وتجمعوا 3 ممرضات ودكتوره وكلهم يقولوا دفي كمان باقي شوي يلا يلا
وبيني وبين زوجي ستاره وامي عندي تبكي وشوي وطلع الحمدلله
ورفعته لي وهو يبكي وكله دم وانا كنت اتمنى اللحظه هاذي والحمدلله شفتها
حسيت باحساس غريب وحلو ماصدقت انه كان بداخلي سبحان الله
طبعا عملت توسعه ماحسيت بس وانا دايخه ضغطت ع بطني عشان المشيميه
وطولت شوي قالت دفي وماقدرت ادف مافيني حيل خلاص وبعدين دخت
و حسيت بالخيط وهي تخيط وبعدها نمت وصحيت وهم حطوني بسرير
ثاني وطلعوني غرفتي طبعآ في النظافه اهمال وتعاملهم وانا كرهته كثيييييييييييييييير
وانا تعبت وانا اكتب ههههههههــ اتمنى مااكون طولت عليكم ,,hwaml13



.......

[بــ أم ــدر]

اهم شيء سلامتك سندريلا ..بس غريبه يعطونك طلق صناعي والرحم مفتوح انا اللي اعرفه انهم يعطون الطلق اللي لسى مانفتح الرحم ..
عقبال كل الحوامل بولاده سهله وميسره ياااااااااااارب..

[أم روفي]

الحمد لله ع سلامتك سندريلا وعقبالنا ان شأ الله
والله انب اقرأ قصتك وفيني الصيحه ودي ابكي خائفه والله لان أنا كمان بكريه والى الان ماني عارفه عند اي دكتورة راح أولد في المركز الطبي الدولي
الله ييسر

[أم ح ــنونـہ]

كيفكم كروشات
انا رحت للطب الدولي
وطلعت الدكتوره اللي اتابع معاها مسافره :(
اللي هيا هناء بدران وما اعرف متى راح ترجع
وحولوني على الدكتوره سوسن عبد الدايم
واخذت موعد يوم 16 اغسطس
بس نفسي اعرف عن هالدكتوره معلومات
اذا وحده تعرفها ياريت تقولي
والله يتمم لنا على خير

[r4m]

سندريلا
مبروك عالولاده والحمدلله علي سلامتك والبيبي

منجد خوفتيني من المتحدون انا من يوما حملت واسمع عنها انها ماعادت كويسة زي زمان
معنو لسه في ناس تمدح فيها بس الغالبيه لا

انا كمان بكرية وخايفه بس تاركة الامر لربي لاني نفسيا تعبت من التفكير
الله يسهل الامور ... قيدو ماباقيلي شي عالولاده

امكن اروح للدكتورة تيسير الكومي احس بارتياح لها

[ام طروق]

يابنات مين تعرف مستشفى الحرس قد ولدت فيه او تعرف احد
ولد
كيف العنايه والاطباء وتنصحوني باحد

[sendrellaa-07]

بــ أم ــدر

الله يسلمك قلبوو وحتى انا مستغربه وانقهرت بس اللي صار صار والحمدلله ,,,

r4m

الله يبارك فيك ياقلبي بس بصراحه الولاده سهله يعني لا المستشفى ولا الدكتوره بتساعدك كله تساهيل
اهم شيء ادعي الله وقتها ولاتخافي ابدآ وخذي نفس وقت الطلق ودفي لاتصيحي ترى ماينفع وكلها دقايق وينتهي
ع خير اهم شيء لاتفكري توكلي ع الله والله يسهل لك ويسعدك ,,,


أم روفي

الله يسلمك قلبوو اهم شيء ياكروشات لاتكبروا الموضوع اكبر من حجمه
والله كلها كم ساعه وتولدو ع خير وتذكرو كل اللحظات هاذي انا كنت كذا
بس اخاف بس الحمدلله صبرت نفسي ومااافكر كثير والحمدلله ولدت بالسلامه ,,,


....

[عاشقة حموده]

يابنات جده ايش رايكم بمستشفى الجامعه الحكومي لاني

ابي اولد فيه ابي رايكم

ومين ولدت فيه وتقولي تجربتها فيه

[متغليه لعيوني]

سلام اخواتي الف حمدالله على سلامتك سندريلا انا طبعا مو مستغربه من قصة ولادتك لاني سمعت زي حالتك كثير ومجربه بنفسي تكوني تتابعي عند دكتوره وتولدك دكتوره ثانيه على العموم اهم شي خرجتي انتي وجنينك بسلامه وعقبالي يارب دعواتك لاني تعبانه مزكمه على الاخرررررررررر وشهري شوال ويارب اتخارج انا والي في بطني بسلامه وسلامتك

[Wafaaa]

الحمد لله على سلامتك سندريلا
وعقبالنا كلنا
بجد خوفتيني لمن قلتي حسيتي انك حتموتي لأني بكريه ودائما أوسوس
بالموت
دعواتكم يابنات

*

[فلانه بنت فلان]

السلام عليكم بنات عندي سوال ممكن

[أم روفي]

ياقلبي اسألي واللي عندها جواب بتجوابك

[ماضي الذكرى]

يابنات جدة محتاجة وقفتكم
سؤال للحوامل في الشهر الأول:
هل نبض السرة يدل على عدم وجود الحمل وعدم النبض يدل على الحمل
لأني أنا استخدمت كلوميد لمدة 3 أشهر وبالشهر الثلاث استخدمت ابرتين تفجيرة قوتها 5000
ونبض السرة عندي قوي
وقريت بالنت نبض السرة يدل ع عدم وجود حمل هل هذا صحيح تكفون ريحووووووووني,,
وهل صحيح ابرتين التفجير تنزل أكثر من بويضة؟؟
لأن الدكتورة ماحكت عن عدد البويضات أبد وأكتفت بكلمة حلو كل شي تمااام
وانا كمان ماسألتها؟؟
ريحوووووووووني أنتظر ردكم ع أحر من الجمر.

[أم روفي]

مرحبا ياكروشات وينكم ليش نايمين

[شواطئ الحياة]

يابنات جده ايش رايكم بمستشفى الجامعه الحكومي لاني

ابي اولد فيه ابي رايكم

ومين ولدت فيه وتقولي تجربتها فيه


انا والده فيه قبل اسبوعين hwaml7

بصراحه افضل مستشفى حكومي واحسن من الخاص بعد نظافه واهتمام ورعايه حتى الممرضات رهيبات في تعاملهم

[ورده وسط شوك]

السلام عليكم ورحمة الله وبركاته .. اخباركم كروشات..
انا ورده من جده وفرررحه لما شفت تجمع بنات جدهـ..
هذا ثالث حمل لي لكن غيرررر.. الله يعين انا في الرابع والوحام مجنني.. ووزني ينقص كثير.. الله المستعان..

اخباركم...

[أم عبدالرحمن السلفية]

السلام عليكم حمولات كي رمضان معاكم .. الله يسهل علينا الصيام والقيام

[الفتاة الشقراء]

السلام عليكم
كيفكم خواتي
حابه استشيركم واسالكم انا اراجع عند الدكتوره فاطمه العتيبي ومن الزوحمه وماتديك الوقت الكافي لاسالتك نفسي اتركها واتجه للاطباء المتحدون عند حنان الشمراني

ايش تنصحوني ومن جربة الولاده عند الدكتوره فاطمه والدكتوره حنان


انتظركم

[ورده وسط شوك]

السلام عليكم كيفكم بنات... وكيف رمضان معكم...

[اميرة الخيال]

وعليكم السلااام

بنااات انا اراجع عند الدكتوور احمد في مستشفى سليمان فقيه

مين تتابع عنده

[ورده وسط شوك]

هلا اميره والله معرفه زين انا كنت اراجع عند مصريه اسمها هدى زي العســــل..

[ورده وسط شوك]

هي دكتوره في سليمان فقيه بعد

[اميرة الخيال]

اهاااا ...هدى برضو سمعت عنها

انا رجعت عنده بس مرره اخلاق واضح من اسلوبه ممتاز
ومشاء الله زحمه عليه بس ابغى احد جرب الولاده عنده

[أم ح ــنونـہ]

انا ان شاء الله راح اولد في مستشفى الزهره
والدكتوره قالت لي احتمال قيصري :(
والقيصري عندهم بـ 6000 ريال
وقالت ممكن تعمل تخفيض
والله يكتب اللي فيه الخير

[r4m]

اخباركم بنات

سوسو
الله ييسرلك يارب ولادتك وتكون طبيعيه لاتحتاجي قيصري ولاعمليه ولا شي
اميرة
بالنسبة لسليمان فقيه اول مرة اسمع عن الدكتور دا
بس يااختي روحي لدكتورة افضل لانو العورة مغلظه لو ماحصلتي دكتورة ابدا بعدين روحي دكتور ... عموما استخيري قبل اي دكتورة ودكتور وربي يسهلك وقتها

انا كنت اسال مابين الدكتورة تيسير الكومي وخلود رستم في هاله بن لادن
بس محد رد عليا الا اتنين الله يعطيهم العافيه بس ابغي وحده مجربه قريب
الاتنين لسه حوامل ابغي وحده مجربه الخياطه وهل عندهم ليزر؟
لانو كاني سمعت خياطه تيسيرمو كويسة لانو يقولو خدي خلود عشان خياطتها

[أم ح ــنونـہ]

^^^

تسلمي يا قلبي
والله يسمع منك
والله يكتب اللي فيه الخير

[متغليه لعيوني]

سلام اخواتي انا رحت امس مستشفى هاله عند الدكتوره خلود وعلى اساس اني في اخر الثامن لما كشفت عليا با الجهاز تقولي الجهاز طالع عندي انك في التاسع وليكي عشر ايام وتقولي امشي ولما سالتها اني لو ولدت في العيد وطلبوكي قالتلي انها مو مستعده تترك عيالها وزوجها في العيد تخيلوا يابنات اتضايقت من كلامها وانا محتاره والله ايش اسوي والمستشفى مافيه غير دكتور وسالت هناك قالوا عادي يجيبولك دكتوره من المستوصف يعني شختك بختك والله العالم يطلع حضي مع مين با الله كيف ذااا الكلام صايره الولاده في المستشفيات والله غريبه سلفتي ولدت في فقيه يوم جمعه طلبوا دكتورتها جاتها دكتوره ثانيه واخت زوجي في الاطباء برضه صار معاها طلبت دكتورتها جاءتها ولدتها دكتوره ثانيه ايش العمل با الله بنات الله يخليكم ادعولي معاكم والله اتضايقت من كلامها بزات انها قالت ان الجهاز يبين ان ليا عشر ايام في التاسع وتقولي امشي واكلي تمر وقرفه الله يستر عليا ويسهل ولادتي يااااااااااااااااااااااااااااااااااااااااااااااااا اااارب ويسسر لها ويسهل للجميع يااااااااااااااااااااااااااااارب

[أم عبدالرحمن السلفية]

أختي متغلية لا تحطي أملك كله بالدكتورة .. الله الحافظ انتي امشي كثير هذي الفترة
وربنا يدبر الامور << ما تدري فين الخير لك ادعي الله انو يسهل ولادتك كثير هذي أيام فاضلة وتحري وقت الاستجابه الله يوفقك

[ورده وسط شوك]

سلام بنات اخباركــــم.. اليوم 15 رمضان كيف الحمل والصيام معكم الى الان.. عني الصرااحه تعبانه ودااايخه.. الله يعين انا في الرابــع ومليت نفسي انط لتاسع خخخخخخخخخخ
متغليه.. الله يسهل عليكي الولادهـ ..كثري دعاء في الشهر هذااا انا ولدة مرتين والله اتابع واتعب عند دكتوره واولد عند غيرها.. خخخخخخخ الله المستعان
المهم ان الله يوفقك ساعتها بوحده طيبه ونفسها هينه والباقي ربي بيسهله عليكي..
كثرررري تمر.. والله يهون عليكي

[متغليه لعيوني]

جزاكم الله خير وانا متوكله على الله وربي انشاء الله يسهل عليا ولادتي ويخرجني انا والي في بطني بصحه وسلامه ويعطيني ساعه طيبه ودعواتكم ليا وربي يسهل على الجميع ياااارب

[أم عبدالرحمن السلفية]

مرحبا حمولات جدة الجو بدأ يصير بارد شوي صح ..
قضيتوا للعيد او لسى .. باقي لي كماليات

[اميرة الخيال]

انا ماقضيات للعيد .. كل مره اتكاسل
شكلي يخلص العيد وانا ماقضيت هههههههههه

[r4m]

متغليه
حبيبتي لاتاخدي القرفه ابداااا
شوفي عن تجربه لها وقتها تاخديها في وقتها ... اللي هوا بعدما الرحم يفتح خلاص بكم سم كويس يعني

اما لو اخدتيها ورحمك مو فاتح والطلق مو قوي حتتعبي ياقلبي وقتها يزيد الطلق والرحم مقفل والبيبي يضغط وتتعذبي هادا الي حصل مع اختي + مرت اخويا ... الين وحده عجوزة علمتنا وقتها الصح كيف والدكتور منع وحده من بنات المنتدي لانها حكت نفس الشي اخدت قرفه قالها هادا اللي تعبها في الطلق وخرب عليها

شوفي انتي اتوكلي عالله وابداي المشي شويا شويا وكل يوم خديلك شوية رطب خصوصا الي يجي تاثيرة حار زي الروتانه
وادهني كل جسمك زيت سمسم عشان مايجيكي شد عضلي وقت الولاده وبعدها تكون عضلاتك مرنه اصلا هادا اخدته من اخواتي <خبره خخخخ
ولا تشيلي هم الدكتورة ربي ييسرلك يارب والله انك في بالي

بالنسبة للعيد
انا اخدت كم لبس وانا لسه بالخامس والسادس عشان قبل رمضان والزحمه بس بطني نفخت دوبها عالتامن كتييييييييير فامكن قطعه قطعتين ماتيجي او بالاصح تيجي بس تضايق
يعني اول سويت بروفة اللبس مريييييييييح
دحين من فترة سويت علي طقم بروفة حسيته مزعجني ابغي شي انعم منه يعني اوسع
خخخخ الله يستر بس كويس عندي فستانين للعيد امشي حالي بيهم

بنات من فين تاخدو شوكولا العيد ؟
سرت اكره شوكولاين وباتشي ماتسمحلي ميزانييتي
فين المحلات الباقية ؟

[أم ح ــنونـہ]

كيفكم كروشات
امس مشيت كتييييير
والجو كان حلو صراحه
وان شاء الله راح امشي كمان اليوم
وموعدي يوم السبت عشان الدكتوره تقرر
راح اولد طبيعي ولا لأ !!!
والله يسهل واولد طبيعي
دعواتكم

[اميرة الخيال]

سوسو
الله يكتب لك الولاده طبيعيه والميسره ....
امشي كتير ياقلبي وان شاء الله البيبي يكون نازل الحوض وينكتب ولاده طبيعي

كرووشات متى تقضى لملابس البيبي ..؟ نفسي اقضي لما ادخل السادس ان شاء الله
بس اقووول بدري لسه هههههه فدات لما اشوف ملابس الصغار

[أم ح ــنونـہ]

اميرة
تسلمي يا قلبي
ولا توصي حريص
راح امشي كتيييييييير ان شاء الله
والله يسهل وأولد طبيعي
بالنسبه لي انا
قضيت للبيبي اغراضه لما دخلت السابع
ولما أكدوا انها بنوته ^^

[بكون بخير]

دعاء الحامل

اللهم اني اسالك ان تجعلة امة واحده ,اللهم اني اسالك ان تجعله مسلمآ مؤمنآ,
اللهم اني اسالك ان تجعله من الدعاة الصادقين المخلصين , اللهم اني اسالك ان ترزقه الشهادة بعد طول عمر وحسن عمل . اللهم اجعلة قرة عين لي و لوالده ولاخوانه المسلمين . اللهم اني اعيذه بك وذريته من اليطان الرجيم . اللهم سهل حمله ,
وسهل ولادته , ويسر سبيله انت الذي خلقته , انت الذي انشأته وسويته وعدلته ابرا اليك من حولي ومن قوتي لااله الا انت , اللهم احفظه من بين يديه و من خلفه و عن يمينه وشماله , واقذف التوحيد في قلبه واعني على تربيته ياارحم الراحمين . اللهم اجعله من المجددين لدينك , ومن المحبين لسنة نبيك محمد صلى الله عليه وسلم ..

[اميرة الخيال]

اميرة
تسلمي يا قلبي
ولا توصي حريص
راح امشي كتيييييييير ان شاء الله
والله يسهل وأولد طبيعي
بالنسبه لي انا
قضيت للبيبي اغراضه لما دخلت السابع
ولما أكدوا انها بنوته ^^

ماما تقوولي قضي في الثامن ... يالله اقضي شويه بالسالبع وثامن شويه
الله يتمم فرحتي واشوفه في حضني يااااااارب ...

انت فين قضيت ملابس الصغنووونه ...

[n00na]

بنات جدة ابغى محل يفصل مفرش للنفاس

[chance2x2]

السلام عليكم

انا حامل باشهر الاول
ومو عارفة اتابع عند اي دكتورة
بس بخاطري تكون في الاطباء المتحدون او في المركز الطبي
واهم شي يغطيعا التأمين الطبي

بايش تنصحوني يابنات

[do0odi]

المركز الطبي انا اتابع في بس لسا دوبي في الاول

في دكاتره مراااا كويسين

وفي المتحدون كمان مرااا ممتازين

والله انا زيك محتاره بس بشوف دي الدكتوره كيف وبعدين اقرر

[do0odi]

بناااات الي يعرف الدكتورة سوسن في المركز الطبي يقولي كيف

انا كنت عند الدكتوره منال بس مارتحت ودحين بروح عند سوسن والله يقدم الي فيه الخير .....

[chance2x2]

اهلا فيكي يا do0odi

انا من خلال بحثي بجوجل لقيت بنات كتير يمدحو بالدكتورة سوزان الكافي في المركز الطبي بس مااعرف كيف الولادة عندها

ما سمعتي فيها؟

[أم ح ــنونـہ]

اميرة
تمام كده وتوكلي على الله
انا والله قضيت من محلات مختلفه
رحت لسنتربوينت بس ما اشتريت كتير منه
ورحت على برافو والعائله مول
هاي اكثر محلات اشتريت منها

[Baby doll]

مرحبا حبايبي
كل سنة وانتوا طيبين يارب
مادري هدي اول مشاركة ليا بس انا من بداية حملي وانا معاكم ومتابعة ع السايلنت
انا دحين في الشهر السادس لسى ماخلصت اول اسبوع منو ..وبراجع في مستشفى الاطبآء المتحدون .. في بداية حملي رحت عند الدكتور هشام رمضاني اول شهرين ومن بداية الشهر التالت بدأت مع الدكتور بهآء الدين حماد .. الدكتور دا صراحة قمة في التعامل والاخلاق وانا ارتحتلو اكتر من الدكتور هشام وناوية اكمل معاه ان شاءلله
اللي حابة استشيركم فيه هيا ابرة الظهر .. اسمع عنها كلاام كتييييييير توهوني اللي يقول كويسة واللي يقول لاا ... انا بكرية وخااايفة مررررة ..بليز اللي جربوها يفيدوني وبإيش ينصحوني اخدها او لا ..
والله يسهل عليا وعلى كل حامل ويبعت لكل محرومة يارب...

[اميرة الخيال]

سوسو
ياقلبي تسلمين .. وان شاء الله يكون تحفضيات في شهر 11 و12
انت كيفك مع المشي لازم تشدي حيلك عاد الجو حر بس استحملي ..
ان شاء الله تولدي بسلامه .. بالله طممني عنك لو ولدتي ياقلبي وراح ادعليك

[أم ح ــنونـہ]

اميرة
تسلمي حبيبتي
وان شاء الله في تخفيضات
وبصراحه برافو والعائله مول اسعارهم معقوله وحلوه
لا تخافي انا بمشي كتيييييير كل يوم
وبالعكس الجو صار احسن هاليومين
وحتى لو حر بروح بمشي في المولات
والله يتمم بخير ونولد بالسلامه
واكيد راح اطمنكم لما أولد ان شاء الله ^^

[اميرة الخيال]

سوسو
ياقلبي ربي يكون بعونك .. ويسهل لك ...
برافو والعائله مووول وين مكانها ..؟
وين القى سرير حق النونه حلووو ومرتب ..

نفسي اغمض عيني والقى نفسي بالشهر التاسع هههههه
يااااااااارب ياكريم مرر حملي ع خير ويكون خفيف عليه ..

[ام رتيل]

السلام عليكم حبيباتي كيفكم والله وحشتوني ...
حبيبتي انامررره ما ااييد ابرة الظهر كله باجره ليه تحرمي نفسك من الاجر والدعوه المستجابه وبعديين الالم كله وقت طلوع الراس وهما يعطوك اكيد بنج موضعي مع كمام وماراح تحسي الا مثل الحلم وكلها خمس دقايق وتشوفي نونتك جنبك
ذكرتيني بولادتي جت اخصائية البنج تسألني اذا ابغى بنج ولالا طبعا قلت لها ايوه فقالت ليه ماتبغي ابرة الظهر ماكملت الكلمه الا زوجي نط من الكرسي وقال لها لالالالالالالالالالالا لالالالالالالالالالالالالاماتبغى تبغى الاجر من الله الدتوره صاارت تطالع فيه وفي زوجي وانا اضحك على الموقف

[أم ح ــنونـہ]

أميرة
حبيبتي انتي
الله يسمع منك
برافو عند مستشفى المغربي للعيون في حي الصفا
والعائله مول شارع الستين في حي الربوة بعد دوار الفلك على اليمين
ولا تستعجلي على التاسع انا كنت مثلك
وسبحان الله الايام مرت بسررررعه وما حسيت فيها
والله يتمم لنا على خييييييير

[اميرة الخيال]

سووسو
ان شاء الله ارووح هناك واشوف اكيد حلوو اشياء دامك دليتني عليها :)

ههههههههههههههههه
صاااااااادقه الايااااام تمر بسرعه وكله باعمرنا سبحان الله ...
الله يتمم علينا بخير ياااااااااااارب ..
اشتريت اليوم عباايه وجزمه وشنطه يدوبك ورحت البيت تعبت هههههههه

[do0odi]

اهلا


سوزان عبد الكافي عرفت زيك من خلال البحث ف النت الله يخليه بس مااعرف احد راح لها

بس لاتخافي ازا بتجربي روحي ولو ماارتحتي غيريها ....

[ورده وسط شوك]

سلام حوامــل جدهـ كيفكم....؟؟؟
مين ولدة في مستشفى االمركز الطبي الدولي
ومين افضل دكتووره ولاده فيه؟؟
بليززز ساعدوني

[أم عبدالرحمن السلفية]

....... مرحـــــــــــــــــبا بنات .......

[Baby doll]

ماقلتولي ياحلوين مين تعرف الدكتور بهاء الدين في الاطباء المتحدون او راجعت عندو او حتى سمعت عنو ... انا براجع عندو حاليا حسيتو انسان طيب وحبوب بس مااعرف كيف وقت الولادة وهل يشرف هوا بنفسو او لا وبالو طويل او لا بليز طمنوني ..

[deme]

انا ولدت في المركز الطبي
بس مو عند دكتوره من حقون العيادات ،، في دكتورات يكونوا في قسم التوليد بس مالهم عيادات يعني زي اللي يكونوا مناوبين
واي سوال انا حاضره

[chance2x2]

doodi
انا ان شاالله حاروح لها بعد العيد
بس انتي طمنيني عنك ايش صار معاكي

وردة وسط شوك
حتى انا محتارة بس سمعت عن الدكتورة سوزان الكافي انها كويسة

deme
هلا فيكي
الحمد لله ع السلامة
ومبروك عليكي البنوته الحلوة تتربى في عزك ان شاالله
مين اللي ولدتك وكيف كانت والخدمات اللي في المستشفى
يعني من الالف للياء ······لوووول

[ام عبدالله 86]

وردة انا اتابع في المركز لكن بكرية ومااعرف وحدة قد ولدت هناك

deme
الحمد لله ع السلامة
ومبروك ماجاكم تتربى في عزكم ان شاالله


زوي ماقالت اختي
chance2x2 (http://forum.hwaml.com/u16907.html) قوليلنا عن المستشفى.. من ...الى

[اميرة الخيال]

مساء الخير ..
كيفكم حبايبي اليوووم مع الصياام ...؟
انا في حملي احس ماسكني رشاح وعيوني متحسسه مرره ... حتى جلده صاير حساس
ههههههههه الله يعين ... مين يعرف ايش سبب ودائما انسى اقول لدكتور ...

[أم عبدالرحمن السلفية]

أختي بيبي دول :
ليه تراجعي عند طبيب طالما في طبيبات الأفضل لك عشان ما تكشفي عوراتك أمام الرجل طالما يوجد طبيبات ... الاطباء المتحدون فيه حنان الشمراني من أفضل الدكتورات الله يوفقك .

ديمي :
مبروك عليكم

[ام عبدالله 86]

حوامل الان موسم الرطب وهو رخيص عكس ايام البرد سعره يرتفع
ولو تقدروا تشتروا الرطب ويغسل ويعلب و ويوضع في الفريزر (تجميد )
ولما تدخلوا التاسع على خير كلوا منه والله يسهل علينا

اميرة انا قرأت ان بعض الحوامل يحسوا بجفاف في العيون ويوصف الدكتور الدموع الاصطناعية وقولي للدكتورتك افضل ....

[اميرة الخيال]

ام عبدالله
تسلمي ياقلبي ... اسال الدكتور ان شاء الله
زوجي امس اشترى رطب يقولي لاتكتري منه هههههههههه
في التاسع اشتري كرتون لك ههههههه

[اميرة الخيال]

أختي بيبي دول :
ليه تراجعي عند طبيب طالما في طبيبات الأفضل لك عشان ما تكشفي عوراتك أمام الرجل طالما يوجد طبيبات ... الاطباء المتحدون فيه حنان الشمراني من أفضل الدكتورات الله يوفقك .

ديمي :
مبروك عليكم

مو حرام اذا كشفت الوحده عند دكتور وبعدين هما حالفين بالقران الله ..
دام الدكتور شاطر وارتحت له مو مشكله ... في طبيبات سبحان الله ماترتاح لها

[أم عبدالرحمن السلفية]

مو حرام اذا كشفت الوحده عند دكتور وبعدين هما حالفين بالقران الله ..
دام الدكتور شاطر وارتحت له مو مشكله ... في طبيبات سبحان الله ماترتاح لها

أميرة الخيال إذا ما ارتحتي في عشر غيرها هذي عورات مغلظة وسبحان الله إذا حالتها صعبة ماختلفنا , يعني الوحدة تفضل حرمه تكشف عليها أفضل من رجل إلا لو حالتها ختيررررررة ,,,,
شكراً لك أميرة الخيال وربنا ما يحوجك لطبيب لأنو الله الشافي المعافي

[اميرة الخيال]

أميرة الخيال إذا ما ارتحتي في عشر غيرها هذي عورات مغلظة وسبحان الله إذا حالتها صعبة ماختلفنا , يعني الوحدة تفضل حرمه تكشف عليها أفضل من رجل إلا لو حالتها ختيررررررة ,,,,
شكراً لك أميرة الخيال وربنا ما يحوجك لطبيب لأنو الله الشافي المعافي

شوفي ياقلبي كل وحده ترتاح لاحد
مو شرط اذا حالتها صعبه لو ماخلو اطبه بيمسك نساء ولاده
مشاء الله عيادات الطبيب نفس عيادات الطبيبه لو مايخاف الله وماحترم
كان مامسك هذا المهنه ..وكان ماحد دخل عيادات طبيب ...

انا بتعالج بتابع عند دكتور وعادي مدام انه مو حراااااااااااام ليه لا لا
كل وااااحد حر في اخياره ... وانا احترم راايك ...

[Baby doll]

مو حرام اذا كشفت الوحده عند دكتور وبعدين هما حالفين بالقران الله ..
دام الدكتور شاطر وارتحت له مو مشكله ... في طبيبات سبحان الله ماترتاح لها

يعطيكي العافية حبيبتي ..الشي التاني انا مو رايحة عندو عشان استعبط او اكشف حالي بارادتي لا للضرورة احكام والحاجة تبيح المحرمات ولا ننسى انو نساء الصحابة كانوا يمرضوا جرحى جيش المسلمين وقت الغزوات

[أم (عمرو)]

سلام عليكم كروشاااااااااااااات جدة ... أنا عضوة جديدةوأتمنى تقبلوني صديقة لكم
أنا حامل الحين والحمدلله في الشهر الرابع
أراجع في مستوصف بسمة الطبي عند الدكتورة أمل وبجد مرررررررررة محترمة وتشرح الصدر
عندي استفسارات كتييييييييرة بس مضطرة أخرج عشان جلساتي..أخلصها وأرجعلكم
دعواتكم ليا وربي يسهلها على كل حامل ويطمن قلبها على اللي افبطنها ويقومها بالسلامة هي وقرة عينها
سلااااااااااااااااااااااااااااااااااااااام

[اميرة الخيال]

Baby doll

الله يعافيك ياقلبي ...^^

بسمه امل

الله يتتمم حملك ع خير ...
وياهلا بيك اي وقت انا والاخوات ان شاء الله مانقصر معاك

[مــون حــبــيــبــي]

وحشتووووني حبايبي أبشركم ولدت الحمد لله وجبت أحلى أنوسي ..

[اميرة الخيال]

مبرووووووووووووك موووووووووون ياقلبي ...
الله يتمم علينا يااارب ونولد بسلامه ...

[أم روفي]

الف الف مبروك مووون
والحمد الله ع سلامتك وجعله بار فيك وبابوه

[أم روفي]

الف الف مبروك مووون
والحمد لله ع سلامتك ويجعله ربي بار فيك وفي أبوه

[أم روفي]

كروشات واللي يعافيكم اللي عندها وحدة ممتازه تسوي مساج وتجي البيوت
ترسل رقمها ع الخاص تكفون أبيها ضروري

[أم (عمرو)]

مساؤكم وردي
كذا تزعلوني يعني مرررررررررررة محد معبرني ( الله يسامحكم )
وألف مبرووووووك موووووونوحمدلله على سلامتك وسلامة البيبي

[ام الخير]

الحمد لله ع السلامه موووووووون ويتربى بعزكم وتفرحو فيه يارب

[شعاع الشمس الدافئ]

اليوم تبدا ليالي العشر وفيها ليلة القدر تقدر فيها عدة انواع من المقادير الازلية والسنوية واليومية يكتبها الله على الانسان (تستطيع تغيير قضاء بالدعاء) مثال قدر سيئ للسنة القادمة" فشل في زواج .." وصرت تدعي في ليلة القدر بالتوفيق والعافية باخلاص يامر الله عز وجل الملائكةان يمسحو الصحيفة التي كتب فيه الشقاء ويكتبو لك السعادة "يمحو الله مايشاء ويثبت وعنده ام الكتاب" اخواتي كان الرسول صلى الله علية وسلم اذا دخلت العشر الاواخر شد مأزرة وقام الليل كله . ولاندري قد يكون هذا اخر رمضان نحضرة كل الامور باقية الاسواق والتلفازالا ليلة القدر لو ضاعت فلربما لاتعود " من قام ليلة القدر ايمانا واحتسابا غفر له ماتقدم من ذنبه كثري من الذكر وقراءة القران وقيام الليل والدعاء اللهم انك عفو كريم تحب العفو فاعفو عنا.
ان الخيل اذا شارفت على نهاية المضمار بذلت قصارى جهدها لتفوز بالسباق فلا تكن الخيل افطن منا فانما الاعمال بالخواتيم ...
هاهى العشر الاواخر اقبلت فاستبقوا فربما ركب النجاة قد فاتك في العشر الاول وفاتك في العشر الوسطى ولكن لاتدعه يفوتك في العشر الاواخر بلغني الله واياكم ليلة القدر
اللهم اجعل ماتبقى من ايام شهر رمضان جابرة للقلوب..ساترة للعيوب..ماحية للذنوب..مفرجة للكروب..اللهم ان شوقنا لرحمتك قد زاد يارب لاتحرمنانحن واهلنا ووالديناوذريتنا وازواجنا واخواننا والمسلمين الاحياء منهم والاموات عفوك وغفرانك
والعتق من نيرانك....*)
اجاب الله لكم الدعاء وابعد عنكم البلاء ورفع شانكم في الارض والسماء....اللهم امــــــــــــين)

[اميرة الخيال]

اللهم امين ..

شعاع جزاك الله خير ..

كيفكم كروشااات .؟

[أم عبدالرحمن السلفية]

أم عمرو: مرحـــــبا بك ,,,, ان شاء الله تنبسطي بالتجمع

مون ألف مبروك عليكم أنوسي وربي يحفظة ...

بيبي دول: أتمنى أنك ما تزعلي من نصيحتي وربنا ييسر لك ولادتك .

[خـوخه]

مرحبااا بالكروشاات الحلووين

حابه استشيركم .. ايش افضل مستشفى للولاده ومين احسن دكتورة اراجع عندها

مرة ما عندي خلفيه في دا الموضوع لسى بكريه ^_^

[أم عبدالرحمن السلفية]

خوخة:
الله يبلغك حملك بالسلامة ومرحبا فيك لساعني بكرية زيك ان شاء الله البنات يفيدوك

[ام عبدالله 86]

الحمد لله على السلامتك يا موون ويتربى بعزكم ان شاءالله
ام عمرو ... منورة التجمع
خوخة ..مبرووك الحمل الله يتمم لك على خير ياكريم ...انا بكرية واراجع في المركز الطبي الدولي عند دكتورة سحر عيدروس ...

[أم ح ــنونـہ]

كيفكم كروشات جدة
انا اليوم زوجي قلي انه لو ولادتي قيصري لاسمح الله
راح ياخدني اولد في مستشفى الجامعه الحكومي
اما لو طبيعي ان شاء الله وهادا المحتمل
راح اولد في المستشفى اللي فيه الدكتوره اللي بتابع معاها اللي هوا مستشفى الزهرة
لأن في الجامعه اللي راح يولدني رجال وانا لايمكن اولد طبيعي مع رجال -_-
والله يتمم لنا على خير ونولد بالسلامه
دعوااااااااااتكم

[..ام بدر..]

اهلين بنات كيفكم اتنا حامل ببيداية الشهر الثاني وحابه انضضم لكم

بالنسبه للاخوات خوخه وأم عبدالرحمن السلفيه انا راح اتكلم عن تجربتي ولادتي الاولى كانت بسليمان فقيه

عند الدكتوره فاطمه العتيبي وصراحه مايحتاج اتكلم عنها لانها معروفه

وارتحت لها كثير واهم اهم شي كانت عندي الخياطه الحمدلله بعد الولاده لا التهبت علي ولا كانت خياطه اي كلام زي الي يشتكو من خياطاتهم بعد الولاده كانت مره كويسه ولا تشق غالفخذ وهذا الشي حلو

وطبعا بعد الاربعين دعيت لها كثير .... وان شاء لله حملي هذا كمان بأولد عندها

بس مشكلتها زحمه موت موت ولا اقدر اروح للمراجعات عندها انا بس روحت الشهور الاولى فتحت ملف عندها

واعطيتها كل التحاليل حقتي وحطتها بالملف بعد كذا زورتها مره او مرتين بالتاسع بس لانو مره مره مره زحمه عندها

ووقت الولاده جتني مرتين مره اول مافتح الرحم 7سم ومره ثانيه وقت الولاده انا صراحه انصحكم فيها

واكثر شي يعجبني فيها على كثره الناس والزحمه الا ان اخلاقها حلوه وابتسامتها ماتفارقها

وولادتي هذي بأذن الله كمان عندها

هذي تجربتي وحبيت افيدكم

[Smsh]

كيفكم ياكروشات وكل عام وانتم بخير لله الحمد والمنه انا توني حامل ورحت اول زياره لي عند الدكتوره ولاء بندق في بخش فيه احد جربها او يعرف عنها شي وكذلك عن المستشفى حلو والا لا انتظر ردودكم كذلك عندي طلب تعرفون اذا فيه اي مكان يعطيني اجازه مرضيه لفتره طويله لاني اعمل معلمه بمنطقه نائيه بالجنوب وطريقها جدا سئ واخاف يصير لي شي وانا بالبدايه خصوصا ان حملي باطفال انابيب ياليت تفيدوني

[عاشقة حموده]

يابنات انا ابي اولد بالجامعه الحكومي رحت عندهم قالو لازم تجيبين تحويل ملف من المستشفى

اللي كنت اراجع عنده وانا كنت اراجع عند مستشفى المستقبل الدكتوره فاطمه مستشفى خاص

تعتقدون انو مستشفى خاص يحول على حكومي

تكفون ساعدوني انا بنهاية الثامن لازم افتح ملف بالجامعه الحكومي

قبل ماتجيني الولاده ويحولوني على الطؤاري ويولدوني الممرضات

لا انا ابي دكتوره مختصه ابي افتح ملف بس مااعرف اشلون

[r4m]

عاشقه اعتقد التحويل يتم من مستوصف الحي او مستشفي حكومي يعني جهة حكومية لاني كنت اول حملي اتابع في مستوصف الحي وطلبت تحويل مرة للملك فهد لبطني ومرة للولاده بس مدري اتاكدي من البنات انا هادي تجربتي مع التحويل ام بدر كم كلفتك الولاده عند فاطمه ؟ كنت اتمني اولد عندها بس زحمه كرهتني عمري + قالولي الستف حق ممرضات التوليد تغير وماعاد زي اول طيوبين ومدري ايش فخفت كيف مستشفي هاله بن لادن ؟ بالزات من ناحيه الممرضات والغرف وكدا ؟

[العمر لحظه]

الف مبروك مون والحمد لله على السلامة

[تاج راسي ابوي]

كيفكم كروشات
مووووووون مبروك والف حمد لله على السلامه
انا حامل بالشهر الثامن وماني عارفه وين اولد تكفون بايش تنصحوني عند اي دكتوره وكم سعر الولاده لان زوجي محدد4000 الاف للولاده
الله يسهل علي وعليكم الولاده

[r4m]

تاج راسي
الولاده بالسعر دا الي محده زوجك كويسة
حتلاقيها في اماكن كتيرة تقريبا

في عندك مستشفى الحمراء في الحمراء
وهالة بن لادن في الحمراء
وكتير من الدكاترة اللي في المستوصفات يولدو في مستشفيات تانية يطلعولك بالميزانيه هادي تقريبا
واظن مستشفي المستقبل كمان تقريبا دا سعرهم

عرفان اختي ولدت فيه بـ 4600 وعند دكتورة ممتازة
انا اروح لدكتورة اخدت اسمها هنا من البنات مدحولي فيها
اسمها تيسير الكومي في مستوصف هاله بن لادن وتولد في المستشفي حقهم
تقريبا سعر الولاده يوصل لـ قريب 4000 واقل هادا وانا طلبت غرفه منفصله لنفسي

طبعا حطي ببالك لو طلبتي ابره ظهر راح تدفعي مابين 1000 الي 2000 ريال علي حسب المكان

هادا سعر الطبيعي لانو القيصيري اغلى وماعرف عنه تقريبا للاسف الا انو متوسط الدفع يكون 5 الالاف او سته

ازا تقدري روحي للدكتورة تيسير الكومي انا الان بالتامن ورحتلها عالتامن مرة ريحتني وطيبة
وتجاوب علي كل شي زيما البنات قالولي والي بالمستشفي سالتهم علي خياطتها قالو كويسة مرة ماشاء الله لاني سالت وحده مسوية قيصري وتانية مسوية والده طبيعي عندها هيا واخت زوجها كمان

في دكتورة امال العمر في الرويس
كويسة ومدحولي فيها البنات كتير بس ماعجبني ماتجاوب علي كل سؤال
لكن للامانه طيبه وتهتم بيكي وشاطرة بس ماتتكلم كتير ولاتجاوب وانا اطفش من الي كدا

[مووج البحر]

السلام عليكم ورحمة الله وبركاته

حبيت اسالكم يا بنات في احد يعرف
دكتورة خديجة عباس بمستشفي د. فقية
انا بروح عندها بس مره زحمة
بس كل الدكاترة في سليمان فقيه عليهم زحمة
هي احسن ولا مستشفي الاطباء المتحدون
لنو زوجي يقول غيري المستشفي عشان زحمة الانتظار

فيدوني حبايبي hwaml13

[اميرة الخيال]

مووج البحر ..
حديجه عباس ماسمعت عنها بسليمان فقيه ...كل الدكاتره زحمه وانا ارجع عند دكتور احمد
اخلاق وممتاز بصراحه ... انت مرتاحه لها اتوكلي ع الله ..
بس اكيد ممتازه لانه سليمان فقيه احسن ولاده من حيث النظافه والاهتمام ...
الله يولدك بسلامه وكل حامل

[مووج البحر]

شكرا حبيبتي الله يستر
يعنى ما اغير المستشفي

[أم عبدالرحمن السلفية]

موج البحر انا أعرف د.سحر في سليمان فقيه لكن استخيري وإن شاء الله البنات يفيدوك الله يسهل لك أنتي بأي شهر ؟

[ورده وسط شوك]

كيفكم يبنات؟؟؟ وكيف الحمل معكم..
انا تعبت من الزحمه عند سليملان فقيه.. ونفسي اغيررررر.. بس متردده اروح لمستشفى غيره؟؟
مين تنصحوني فيه.. بالمركز الطبي؟؟؟

[ورده وسط شوك]

كيفكم يبنات؟؟؟ وكيف الحمل معكم..
انا تعبت من الزحمه عند سليمان فقيه.hwaml4. ونفسي اغيررررر.. بس متردده اروح لمستشفى غيره؟؟
مين تنصحوني فيه.. بالمركز الطبي؟؟؟
ردوو علي بليززز

[مووج البحر]

حبيبتي انا في الشهر الخامس
بس انا ودى شي تبع التامين شركة التعاونية
في دكتوراة ما يرضون الا كاش

[العمر لحظه]

الله يكتب لنا اللي فيه الخير ويقومنا بالسلامة يارب ويرزقنا الاطفال الاصحاء البارين الكاملين الخلق والخلقة

[Om KHaled]

تعالو صوتو على أحلى لبس العيد

http://forum.hwaml.com/t70981.html



hwaml7



http://forum.hwaml.com/t70969.html

[Wafaaa]

كيفكم يابنات
يارب تكونوا في احسن حال
انا بكريه ولسه داخلة الشهر السادس
بس احس اني مرررره تعبانه ومو قادره اسوي ولا شي
واحيانا تجيني دوخة تستمر ثواني وتروح
المشكلة انو دكتورتي مسافره
بس هل هدا يدل على شي خطير ولا كل الناس كدا زيي

[مووج البحر]

عادي حبيبتي انا لم اشرب مويه اتعب او حتى اكل

الله يكون في عونا جميعاً

[مدام عبد الله]

اهلا يا بنات ان شاء الله قريب هاجى اعد معاكم ف جده عشان جوزي سعودي

[أم عبدالرحمن السلفية]

مدام عبدالله مرحبا بك في عروس البحر حقنا ... وانتي بأي شهر؟

[أم عبدالرحمن السلفية]

وفاء :
الدوخة أما نقص دم أو وحام طول معاك اتأكدي من نسبة الدم عندك
أم بدر:
الحمد لله ان ربي وفقك بدكتورة تمام زي فاطمة العتيبي ..

[تاج راسي ابوي]

r4m
اشكرك ياختي على ردك لي
حبيت اسالك كيف الاهتمام والعنايه والنظافه عندهم وكيف الخياطه التجميليه عند الدكتوره تيسير الكومي وهل عندها زحمه لان زوجي مايحب الزحمه والانتظار معليش اتحمليني ثقلت عليكي يا اختي

[r4m]

تاج راسي
ماتقلتي ولا حاجه ياقلبي احنا اخوات ونتساعد

شوفي بصراحه ماسالتها عالخياطه التجميليه لاني كنت نسيت اسالها كم سوال من ضمنها هدا << من كترة اسالتي والله
الاهتمام اللي قريته في النت عن هاله بن لادن انو كويس ونظيف
انا للامانه رحت المستشفي بس عند الاستقبال وشفته كويس مالحقت ادخل اكتر
بس شفت وحده مصوره غرفه ولادتها شكلها كويس مرة
وتقول النظافه كويسة والممرضات طيبين
بصراحه انا رحت للدكتورة مرة وحده في نص رمضان
فكان الدوام يبدا 10 مدري 10 ونص وينتهي ع 1
يعني يادوبك طبعا في زحمه بس والله اخف من سليمان فقيه والطبي الدولي وعرفان
رقمي كان 8 وجلست لحد 11 وشويات وقتها دخلت عالدكتورة
يعني 12 انا في سيارتي وراجعه بيتي
ماشاء الله كشفها كويس وصبورة علي اسالتك هادا الي شفته لاني سالتها بالتفصيل كيف اروح في ولادتي وهيا تدوام في المستوصف
بجلست تشرحلي بهدوء وسالتها عالغرف لو ابغي خاصه وسعر الولاده و و و
مو زي بعضهم تقلك وقتها اقلك ولا اسالي الرسبشن ولا تعطييكي ردود طفش
انا اختي ولدت فيها بس زمان مررررررررررررة من سنين طويلة
وكانت تمدح فيها صحيح ماهي فخمه مرة بس نظيفه وكويسة

كلامي كتير بس عشان اريحك بالي اعرفه كله ^^

[Wafaaa]

موج
مشكورة حبيبتي عالرد
وبجد بعد الاكل يزيد التعب

ام عبد الرحمن
تسلمي عالرد ورح اروح احلل دم في اسرع وقت ان شاء الله
*

[مدام عبد الله]

انا كنت حامل ف التانى وسقطت

[r4m]

الحمدلله علي سلامتك يا ام عبدالله ومعوضة ان شاء الله
ربي يكتبلك الحمل من جديد ان شائء الله بس تشدي حيلك وترجعي صحتك : )

وفاء
دوبي اشوف حكاية الدوخه
ترا احتمال مع الصيام تحصل طبيعي عشان قلة الاكل والموية بالزات بس برضو لازم تحللي دم احسن شي عشان تطمني كويس


بنات معليه سوال خارجي كدا اول سالت محد رد عليا

ايش في محلات شوكولاته غير باتشي ومفتي وشوكولاين والجونه وبيوت الكاكاو
مين الكاكاو عندهم لزيز وسعره كويس كمان ؟

[أم عبدالرحمن السلفية]

مدام عبدالله الله يعوضك ان شاء الله

ار 4 ام
قصر الشوكولاته لكن اسعارهم نفس الشيء والنقلي لكن انا ما أحبه .

[Wafaaa]

r4m
تسلمي ياقلبي طمنتيني شويه
بالنسبة للشوكولاته غير شوكولاين وباتشي احب اشتري من مرحبا*

[Smsh]

كيفكم ياكروشات وكل عام وانتم بخير لله الحمد والمنه انا توني حامل ورحت اول زياره لي عند الدكتوره ولاء بندق في بخش فيه احد جربها او يعرف عنها شي وكذلك عن المستشفى حلو والا لا انتظر ردودكم كذلك عندي طلب تعرفون اذا فيه اي مكان يعطيني اجازه مرضيه لفتره طويله لاني اعمل معلمه بمنطقه نائيه بالجنوب وطريقها جدا سئ واخاف يصير لي شي وانا بالبدايه خصوصا ان حملي باطفال انابيب ياليت تفيدوني

يعني ماحد شاف رسالتي والا ماحد عنده رد ياليت تجاوبوني

[Wafaaa]

مدام عبد الله
اتاكدي انو هذا هو الخير لك والله يعوضك يارب

[Wafaaa]

Smsh
والله ياعمري ماعندي اي فكرة
ان شا الله يفيدوك البنات

[مووج البحر]

السلام عليكم ورحمة الله وبركاته

Smsh حتى انا ماعندي اي خلفية


بنسبة لشكولته ترا الرفاعي عندهم شكولته حلوه ومره لذيذة
انا مالي نفس لشكولته عشان الوحم

بس انا وام زوجي خلصنا نص كيلو وحنا جالسين هههههههههههههه

واشتريت منها للعيد 3 كيلو ونص وسعرها معقول اهم شي انها لذيذه مو فيها طعم مثل النقلي تحسيه قديم وقاسي ولا مره مثل باتشي

ولكم منا اجمل تحيه وكل عام وانتم بخير hwaml13

[اميرة الخيال]

شكولاين بصرااااااااااااحه جونان ...
كرشاااااااااااات كل عام وانتم بالف خير ...

[أم عبدالرحمن السلفية]

*عيدكم مبارك وعساكم من عواده*
انا أول وحدة أعيد عليكم الحين الساعة 5و45دقيقة كاشخة ومنتظرة زوجي نروح نصلي صلاة العيد ونعيد على أهالينا ......

ان شاء الله ربي يفرح قلوبنا قريب ويسهل ولاداتنا ..

وعيدسعيد

[بــ أم ــدر]

السلام عليكم..
صباح الخير يااحلى حوامل..
http://forum.hwaml.com/imgcache2/hwaml.com_1314691500_179.gif

[العمر لحظه]

كل عام وانتم بخير

طمنوني كيف كان العيد معاكم

[sosa]

الدوخه نقص في الدم

والي تبي دكتوره كويسه انا اراجع في الاطباء المتحدون فيه كم دكتوره كويسه

وانا ارجع عند ناهد فاروق
فيه كمان صباح حداد يمدحوها بس مشكلتها المواعيد عندها بالاشهر

[GoGe]

كيفكم كروشات
انا رحت للطب الدولي
وطلعت الدكتوره اللي اتابع معاها مسافره :(
اللي هيا هناء بدران وما اعرف متى راح ترجع
وحولوني على الدكتوره سوسن عبد الدايم
واخذت موعد يوم 16 اغسطس
بس نفسي اعرف عن هالدكتوره معلومات
اذا وحده تعرفها ياريت تقولي
والله يتمم لنا على خيرالف مليون مبروك على الولادة ويارب يسهلها للجميع hwaml7

[GoGe]

كيفكم يا بنات انا فرحانه لانى وجدت التجمع دة انا فى الشهر الخامس ولسة هروح اتابع فى المستشفى السعودى الالمانى حد يعرف عنها حاجة وايه اخبار الولادة فيها وانا كمان كنت عايزة اسأل عن ابرة الظهر اللى بيخدوها علشان الواحد ما يحس بالولادة ياريت اللى تعرف حاجة ترد على ضرورى

[أم باسل1]

الدوخه نقص في الدم

والي تبي دكتوره كويسه انا اراجع في الاطباء المتحدون فيه كم دكتوره كويسه

وانا ارجع عند ناهد فاروق
فيه كمان صباح حداد يمدحوها بس مشكلتها المواعيد عندها بالاشهر

بالله ياريت ترسلي لي بالخاص كل الاسماء الكويسة .. ويقبلوا تامين

انا حجزت عند حنان الشمراني لكن معطيتني موعد بذي القعدة :(

[أم باسل1]

الحرقان ذبحني .. والاكل مش ولابد

وش الحل ... وسؤال :

لو رحت بكرى بدون موعد انتظار بمستشى الاطباء المتحدون عادي ؟؟ والا لازم موعد

[sosa]

ايش تامينك انتي

انا حقي تعاونيه بس حنان الشمراني مو تامين خارج التامين
فيه كمان وحده لقبها النمر يمدحونها سعوديه وفيه وحده اسمها عزة
وانتي استخيري والله يسهلك الي فيه

ام باسل روحي انتظار بس دقي عليهم اساليهم متى وقت الانتظار عندهم عشان ماتنلطعي عندهممم
وتلاقي دكتوره انا امس دقيت وحجزت عند دكتورتي اليوم الظهر
والله يسهليك

[مووج البحر]

صباح الخير يا حوامل

انا اتصلت على الاطبا امس عرفة انو كلها موعيد

بس لسه ما حجزت بفكر اني ما ارحو الشهر هذا عشان الزحمة

هههههههههههههههههه hwaml02

بنات انتم تاخذو كاسيوم وحديد بس ولا في شي تاني

[أم عبدالرحمن السلفية]

موج البحر :
انا عن نفسي ايوة كالسيوم وحديد فقط .

جو جي :
ان شاء الله تنبسطي بالتجمع ,, وانتي بأش حامل و بكرية أو لا ؟
وبالنسبة لأبرة الظهر انا بكرية ما عندي فكرة ,, بنت خالتي نصحتني آخذها ,!!!!
اسألي دكتورتك أحسن.

[GoGe]

أزيك يا ام عبد الرحمن السلفية انا فى الشهر الخامس ودة رابع حمل لى بس تجربتى اللى فاتت كانت مؤلمة جدا ياريت تسألى بنت خالتك اية اخبارها واخدتها فين وبكام وتنفع تبع التأمين انا رحت لدكتورة مرتين بس ما ارتحتش علشان كدة عايزة اروح المستشفى الالمانى ناس شكروا فية بس مش لاقية ناس فى المنتدى ولدوا فيه تعرفى حد ولد فيه

[GoGe]

يا كروشات انا عملت شريط الحمل على الموقع وكل ما اعمله كوبى وباست فى خانه www.تطلع (http://www.تطلع) رسالة وتقولى الملف خاطئ ازاى نزلتوه

[ورده وسط شوك]

سلام اخباركم حوامـــل.. انا في الشهر الخامس بس عندي لسعات غريبه كل يوم مريتين عند الجنين في احدمثلي؟؟؟؟
جو جي.. حطي قوقل واول رابطوسوي الشريط وانسخيه مرره سهله..

[مووج البحر]

صباح الخير

وردة ايه حتى انا احس بلسعات ومثل المغص
ما يخليني انام

[أم عبدالرحمن السلفية]

جوجي عملت الابرة في سليمان فقية عند الدكتورة سحر السعودية تقول مرة ارتاحت مع الابرة.

انا عشاني بكرية خوفانه ما أبغى أسويها .

المستشفى الالماني لا ما أعرف أحد ولدت فيه ,, أنصحك تروحي عندهم و تسألي بنفسك , لانو الاسعار تتغير و الدكتورات ,, اكتبي في ورقه عن الاشياء الي بتسألي عنها في مكتب الدخول بالمستشفى

[GoGe]

جزاكى الله خيرا يا ام عبد الرحمن وياوردة على الرد فى ميزان حسناتكم بس للاسف انا مش شاطرة فى الكمبيوتر وماعرفتش يالا الحمد لله مش لازم توقيع بس شكرا الله يكرمكم

[أم عبدالرحمن السلفية]

مرحبا حمولات أش أخبار النونوهات معاكم ..
انا صار يتحرك و البطن مطعوجة هههههه

[استعيني بالله ولا تعجزي]

مكرشاااات كيفكمممممم

انا بكرية اعطوني اسماء دكتورات ممتازات واخلاقهم حلوووة

بلييز محتااارة

فيه احد بالاطبا

ولا بخش

[مرهفة حس]

كروشات جده تكفون ابي شغاله ولادتي قربت وانا ماعندي احد وعيالي ابي مين يهتم فيهم اهم شي نظافة البيت ونظافتهم انا ساكنه ببحره تكفون
اخدموني ابي وحده تريحني موتزيدني هم
تكفون تكفون طلبتكم

[أم عبدالرحمن السلفية]

مرهفة حس مرحبا بك وكيف الكرشة صايرة هههه
ان شاء الله البنات يفيدوك

[ام رفا]

السلام عليكم
كيفكم جميعا اخيراً لقيت كروووووشات اهل جدة

[ام رفا]

في معانا في المنتدى حوامل بتوينز عشان نستفيد من تجربتهم

[ام رفا]

حابة اعرف بنفسي انا حامل في الشهر الخامس
الاسبوع 21 بس ابغى استفسر عند ابر الكرتزون متى
تنأخذ

[عطر الروح]

مرحبااااااااااا
انا حامل بكريه وبالتاسع ... يارب سهل عليا وع الجميع
اممممم انا اراجع عند دكتوره سمر ببقشان مين تفيدني كيف الولاده عندها
وعليها زحممممممممه مو طبيعيه بس ياليت الاقي وحده ولدت عندها وتفيدني

[شهد الحربي]

تكفون يابنات جدةالحبوبات مينتعرف وين القى كريم ريميديا للتشققات في اي صيدلية ضروري تعبت وانا ادوره واسال محد يرد

[شهد الحربي]

تكفون يابنات جدةمين تعرف وين ينباع كريم ريميديا للتشققات ضروري ارجوكم ردو علي تعبت
وانا ادوره واسال محد يرد

[أم عبدالرحمن السلفية]

أم رفا :
مرحبا بك لكن الابرة مو شرط أي وحدة تآخذها على حسب حالتك الصحية انا آخذ حديد و كالسيوم فقط .

شهد الحربي:
ما أعرفة انا استخدم بالمرز فيه مرسوم وحدة حامل وبديت أيتخدمى من الشهر الرابع

[العمر لحظه]

مساء الخير كيفكم ياحوامل الله يتمم لكم على خير وتقومون بالسلامة


ام عبدالرحمن كيفك مع الحمل الله يسهل عليك وتقومين بالسلامة

[ام رفا]

مرحبا ام عبدالرحمن السلفية انا قالتلي الدكتورة أبدا في الكرتزون في الشهر السابع عشان تساعد في تكوين رئة الجنين

[استعيني بالله ولا تعجزي]

ياررربيه ليش ماتردو عليآ فين تراجعوووو انا بكرية معرف

قولو لي افضل الدكتورات :(

[عطر الروح]

ياربي يا بنوتات كيف كدا ....

ماحد يعرف دكتورتي سمر ببقشان .........:'(

صباحكم ترتيب شنطة ولاده هههههههههههههههههههههههه

[أم عبدالرحمن السلفية]

أم رفا:
إذا الدكتورة قالت لك خلاص خذيها ,,, انتي عند مين تراجعي ؟ وهل عندك ربو أو ضيق تنفس ؟

عطر الروح :
لا ما بعرفها سمر بقشان .. لو مرتاحه معاها كملي وان شاء الله ربك ييسرها لك

[استعيني بالله ولا تعجزي]

افاااااااا كم مرة اكتب محد يرد علي :(

زعلتوني :(
الله يسهل لي ولكم ..

[أم عبدالرحمن السلفية]

العمر لحظة :
مشكورة عيوني ع الدعوة الله يبارك فيك

[مرهفة حس]

ام عبدالرحمن
متى اخر دوره لك
وقد سمعتي عن الولاده ففي مستشفى النساء والولاده بجده اومستشفى الملك فهد وش الافضل الي عنده خلفيه عن الموضوع بليز

[عطر الروح]

ام عبد الرحمن حبيبتي انتي الوحيده اللي عبرتيني اهئ اهئ

الدكتوره اسمها سمر الشاقي بمستشفى بقشان

ياااااارب احد يطمني بس

[GoGe]

عطر الروح ياحبيبتى لو انتى مرتاحة معاها كملى اهم حاجة انتى ازيك يا ام عبد الرحمن وازى كل الكروشات الله يهونها علينا جميعا يابنات طيب حد يعرف دكتور كويس فى سليمان فقيه مين اشطر واحد فيهم

[يارحمة الله الواسعه]

الله يسهل عليكم يااحوامل ياارب

ادعوالي اكون حاامل هالشهر

محتااجه الى الدعااء بظهر الغيب

( "ما من عبد مسلم يدعو لأخيه
بظهر الغيب إلا قال الملك : ولك بمثل )

الله يفرج همنا وهمكم ياارب

[أم عبدالرحمن السلفية]

مرهفة حس :
اخر دورة 4/ صفر يعني 8 / يناير .. و بالنسبة للمستشفى الملك فهد ما أحبه و عندي عقدة منه لمن ودوا امي طواريء ليه ما أنصحك ,,,, اما النساء و الولادة فين موقعه ؟

يا رحمة الله الواسعه :
الله يثبت حملك و يبلغك اياه ,,,اهم شيء لا تقولي لاحد انك حامل حتى اقرب الاقربين و ادعي كثير

جو جي :
انا بخير الحمد لله زي ما يقولوا إلي بيرضى بيعيــــش "
وسليمان وحدة من جماعة زوجي ولدت عند د. تغريد وتقول كويسة >> الله ييسر لك الخير

[تاج راسي ابوي]

كيفكم يا كروشات
الله يسعدكم ساعدوني ابغا ارقام شغالات حبشيات بجده ضروري لان ولادتي قربت ومحتاجتها في نفاسي لاني راح اجلس في بيتي تكفون ساعدوني ارسلو الارقام على الخاص الله يسهل ولادتكم يارب

[همسات قلبي]

كيف الحلوات

بنات حابه أسألكم افضل مستشفى اتابع فيه الحمل
ومين افضل دكتوره

ساعدوني مااعرف في هالامور اول مره

[мёмё]

السلام عليكم ورحمة الله وبركاته
وعدت بعد غيااب كيفكم كروشاات وكيف النواني

مرهفة حس
والله الملك فهد ماقد سمعت احد من قرايبي قد ولد فيه ابدا
وبالنسبه للولاده كويس مافيه شي بس انا كرهته من بعد موقف
وصراحه انصحك بمستشفى الملك عبدالعزيز الي في الجامعه صح انهم مواعيد بعيده
ويطفشو الواحد بالطعه بس الولاده عندهم مرررره تجنن اهتمام لك وللبيبي ونظيف
والله يسهل لك يارب
gogo
في سلمان فقيه د.سحر زوجة اخوي ولدت مرتين عندها وبالمرره تمدحها

رحمه
الله يارزقك ياقلبي ويفرح عيونك بشوفتهم ويرزقك بالحظه الي تضميه فيها

[أم عبدالرحمن السلفية]

همسات قلبي :

انتي كل وحدة وحسب ظروفهم فأنتي تبغى أش؟؟,,, مستشفى تقبل تأمين أو لا؟
مستشفى قريبة من بيتكم أو عادي حتى لو بعيدة ؟
تبغي الولادة تكون بحدود كم عشان تقدر نفيدك ....

وربنا يتمم لك على خير
انتي بأي شهر ؟

[همسات قلبي]

هلا

ع التأمين وعادي في اي مكان مو ضروري قريب من البيت

[أم عبدالرحمن السلفية]

روحي عند الدكتورة تغريد في سليمان فقيه إهي سورية سمعتها حلوة.

[أم عبدالرحمن السلفية]

بنات جدة مرة التجمع نايم صحصحوا اش هدا النوم

[بنت ابوهآ]

بنات بسأل عن الدكتوره سحر ميلودي اللي في مستشفى فقية هل تعملم تلقيح صناعي او انانبيب

وهل لو صار حمل عن طريق هالشيئين اقدر اتابع عندهااااااا...

وكمان هل د سحر تقبل بتامين التعاونية او هي كاش ......

وكيف الحجز عندها ضروري لان لي 4 سنوات ومالله رزقني

اللهم لاتذرني فردا وانت خييير الوارثين

[أم عبدالرحمن السلفية]

بنت أبوها الله يرزقك من حيث لا تحتسبي الذرية البارة قرة العين عاجلا غير آجل << انا صايمة الحين وربي يسهل ولادتي و يفرح قلبك بحمل ان شاء الله

البنات اتصلي على مكتب الدخول في سليمان فقيه وخذي المعلومات منهم أفضل

[بنت ابوهآ]

مشكوووره غلاتي عالرد

والله يسهل ولادتك ويقومك بالسلالامة يارب

ويرزق كل محروم الذرية الصالحة المعافة اللهم امييين

[мёмё]

بنت ابوها
السلام عليكم
زوجة اخو زوجي ماكنت تحمل
وجلست خمس سنوات تتعالج عند دكتوره سوسن في مستوصف سابا في السليمانيه
والحمدلله حملت ومعاها بنت زي القمر
روحي عندها بالمررره كويسه وان شاء الله تحملي من عندها

[العمر لحظه]

صباح الخير والفل والياسمين لكل الكروشات

كييفكم ايش اخباركم أن شاء الله بخير وحشتوني

الله يقومكم بالسلامة يارب

[يارب ارزقني الولد الصالح]

انا ولدت في الالماني عند الدكتوره اماني كانت المستشفى والدكتوره مررره ميه ميه الحمدلله

[يارب ارزقني الولد الصالح]

الدكتوره سحر في مستشفى فقيه ماتاخد تامين بس كااش

[meemoo]

بنات جده اهل الرخاء والشده


ابي منكم طلب

انا من مكه وبعد كم يووم راح انزل جده ابي محلات حلوه لسراير اطفااااال عمليه وحلوووه غير سنتربوينت وايكيا ابي محلات غيررر

عندي سووال تاني بالنسبه للمنتدى لاني ضيفه جديده عندكم ابي اشووف مشاركتي بس المجلد فااارغ لماذاااااا؟؟؟

امانه سااعدوني

[мёмё]

اختي ميموو صراحه سنتر بوينت جناان
السرير عندهم مرره حلو وعصر
عندك سوق الامير متعب عندهم سراير حلوه واسعارهم حلوه
وكمان الصواريخ بس بعييد مرره
وتقدري تروحي محلات اثاث غرف الاطفال وبتلاقي

[عاشقة حموده]

بنات مين ولدت في مستشفى الولاده اللي بالمساعديه كيف هوه ومعاملت الدكاتره والممرضات

ويحطون بنج او كمام وقت الخياطه والتنويم الكل في غرفه وحده

[أم عبدالرحمن السلفية]

بنات ايكيا عاملين عرض سرير اطفال ب 245 ريال شفته في الكاتلوج

[بــ أم ــدر]

السلام عليكم ..
كيفكم ياحوامل ,,,
اليوم رحت المستشفى وتفاجأت ان الدكتوره تقول اني دخلت الشهر التاسع وباقي لي اسبوعين واولد وتقول احتمال اولد قيصري لان الجنين وضعه مقعدي..ودكتورتي الاوله تقول ان ولادتي ح تكون الشهر هذا يوم 10 *_*.. بس للاسف سافرت وصرت اراجع عند دكتوره ثانيه..والله احترت وبتوقيعي لسى مادخلت التاسع..
ربنا يفرجها ويسهل علينا وعليكم الولاده يارب...

[متى أشوفك بيبي]

مرحبا انا جديده بالمنتدى
المهم حابه افيد كل اللي يسأل عن الدكتوره مها خميس بمستوصف عادل في جده بصراحه ما جربتها بس الكثييييييير يمدح فيها اتصلت عليهم اليوم وسألت عن سعر الولاده شامل الغرفه والحضانه لمدة يوم 1800 والولاده تختارين مستشفى هاله بن لادن او مستشفى الحمرا بصراحه اعجبني ومناسب وفيه وحده منزله صور للغرفه والحمام وتمدح فيهم في مستشفى هاله بن لادن والصور حلوه والمكان نظيف ومرتب
اتمنى اكون افدتكم ولو بالقليل واي استفسار انا حاضره

[مرهفة حس]

بنات ابي مستشفى اولد فيه يكون رخيص واهم شي الخياطه دلوني بحدود 2000او اقل

[مرهفة حس]

متى اشوفك شامل كل شي يعني اولد 1800 بس

[ام رتيل]

هلا بنات كيفكم
اللي تسأل عن مستشفى هاله كثير يمدحوا المستشفى وكمان في دكتوره اسمها تيسير الكومي تشتغل في مستوصف هاله تولد في المستشفى
كمان اعرف دكتوره اخذت رقمها من قريبتي اسمها اميره تولد فيه ب2700ويقولوا ولادتها مررره حلوه اللي تبغى رقمها تقول وانا تحت امركم ............الله يسهل لكم ولادتكم

[مرهفة حس]

بنات جده وينكم

[متى أشوفك بيبي]

كيفكم كروشات ان شاءالله بخير

[متى أشوفك بيبي]

مرهفة حس انا كلمتهم امس وقالو الولاده مع تنويم والحضانه مدة يوم ب 1800 بس والدكتوره يمدحوها كثيير انا بنزل جده الاسبوع الجاي وبروح لها يقولون مرررررره حنووونه وطيبه

[مرهفة حس]

متى اشوفك ان شاء الله تولدين بالسلامه يارب
ايش اسم المستشفى واسم الدكتوره علشان يوم الاثنين عندي موعد بالنساء والولاده وبمرهم
الي مخوفني ان المستشفيات الخاصه يطلعون بالواحد عشرين عله علشان الفلوس

[مرهفة حس]

متى اشوفك ممكن اعرف متى كانت اخر دوره لك اذا ماعليك امر
انا كانت اخر دوره لي في 25\2وحللت قبل 20\3وطلعت حامل يعني حملت من الغسله على طول
وصرت من كثر الاحباط مادري انا باي اسبوع قبل اسبوعين ونص رحت مستوصف قريب من عندنا قالت انتي لك 34 اسبوع

[متى أشوفك بيبي]

هلا مرهفة حس يعني انا وانتي في نفس الاسبوع بس انا حملت بعد الاجهاض مباشرة بدون دوره الله يكرمك انا اجهضت وسويت عمليت تنظيف والحمدلله حملت على طول وبالنسبه للدكتوره اسمها مها خميس في مستوصف عادل في حي بني مالك وهذا رقم المستوصف6719755

[متى أشوفك بيبي]

ايوا مرهفة حس نسيت اذكرك انها تخيرك بالولاده اما في مستشفى هاله بن لادن وهذا الكل يمدحو او مستشفى الحمرا

[مرهفة حس]

اهلين متى اشوفك اخبارك\\
يعني كويس مايستعبطو معاك بشي ثاني بالاسعار
انتي معايه بنفس الاسبوع والى الان مادخلتي التاسع طيب متى ولادتك على خير وين تبغي تولدي وخلاص تجهزتي للولاده

[كحلوله]

بنات مرحبا انا دحين في نص السادس
وافكر اولد في هاله بن لادن عند الدكتوره خلود رستم على الى سمعته انها كانت في سليمان فقيه
الله يخليكم الى ولدت عندها قريب عند بعض الاساله عنها
اول شي يعطون بنج وقت الولاده وخصوصا عند خروج الراس والخياطه
وثاني شي واهم شي الخياطه الخياطه عند الدكتوره هذي تجميلي ولا عاديه هذا اهم سوال
لان تيسير الولاده من رب العالمين
وكمان كيف معاملت هذي الدكتوره يعني حنونه ولا معصبه ولاتصبر عليك
وكيف الممرضات معاملتهم لان بعض المستشفيات تجيك الممرضه كانك تشحذين منها

معليش طولت عليكم بس بليز ابغى وحده ولدت قريب او احد يقرب لها ولد فيه
وترد علي

[أم عبدالرحمن السلفية]

مرحبا ,,, انقطعت عنكم بسبب السفر ,
كحولة : للأسف بكرية لكن سمعت الدكتورة رستم كويسة استخيري واتوكلي على ربك

[متى أشوفك بيبي]

انا بولد ان شاءالله في 7/12 هجري وبولد ان شاءالله في هاله بن لادن مع الدكتوره مها
والحمدلله خلصت تجهيزات البيبي باقي اشياء من الصيدليه

[متى أشوفك بيبي]

كحلوله بصراحه في ناس مدح وفي ناس ما اعجبتهم معاملتها سوي بحث بقوقل وشوفي بس الدكتوره مها خميس ولا وحده بالنت تكلمت عليها وارتحت لها كثيييييير وانا لسى مارحت لها بس من كلام اللي جربوها بروح عندها

[كحلوله]

ام عبدالرحمن
اشكرك على ردك علي والله اني شايله هم يقولو مره عصبيه فما ادري
متى اشوفك بيبي
ياقلبي الله يقومك بسلامه طيب هم يقولو انه خلود كانت في فقيه وانا اهم شي عندي الخياطه
طيب مها هذي سالتيها عن البنج والخياطه ولا كذا بتروحي على طول
طيب اذا عندك موعد قريب عندها تقدرين تسالينها عن الخياطه كيف يعني تجميليه ولا عاديه
واتمنى اتمنى اذا ربي قومك بسلامه انك تقوللنا تجربتك
لان انا ولادتي الشهر الى بعدك يعني بشهر 1

[حلا جدة]

مساء الخير
بنات جدة مين فيكم ناوية تولد ان شاء الله عند الدكتورة سحر بمستشفى سليمان فقيه ؟؟؟؟؟
وهل هي تولد في غير وقت دوامها ؟؟

[متى أشوفك بيبي]

كحلوله انا بنزل جده بعد يومين وبروح لها في اقرب فرصه وان شاءالله باذن الله بسألها عن كل شي واجاوبك وانا متفااااااائله بالدكتوره ذي من كثر ماسمعت عنها

[أنت حلمي]

بنات كم أسعار الشغالات هاليومين

اندونوسيات وحبشيات؟؟؟

[عطر المكان]

بنااااات الله يخليكم
انا في الثامن وابغى شغاله ضرووووري لاني ما اعرف اتحرك من الالام اللي في الحوض
اللي تعرف شغالات ترسلي الرقم على الخااااااص
يارب سهل وخفف عليينااااا يارب
امانه عليكم دورولي شغاله

[توحة]

ياروحي ياجده وهواها :( انا من اهل جده بس الزواج بعدني عنها بس طبعا مااستغني عنها الغاليه

بنات ربي يسهل عليكم وتولدوا طبيعي

وابي اطلب من كل وحددة تولد تدعي لي من قلب ربي يرزقني هالشهر بالحمل السليم المعافا يااااااااااااااااارب :(

لان دعوة الوالد مجابة

[توحة]

عطر الكلام انا بدور لك وبحول الله ارد لك خبر

[متى أشوفك بيبي]

توحه الله يرزقك الذريه الصالحه السليمه المعافاه دون زياده او نقصان انتي وكل محروم
بالنسبه للشغالات والله ما اعرف ان شاءالله تلاقي احد يفيدك

[متى أشوفك بيبي]

توحه الله يرزقك الذريه الصالحه السليمه المعافاه دون زياده او نقصان انتي وكل محروم
بالنسبه للشغالات يا عطر الكلام والله ما اعرف ان شاءالله تلاقي احد يفيدك

[متى أشوفك بيبي]

اقصد عطر المكان
مو مني من قومت الصبح عقلي مو بر اسي هههههههههههههه

[أم الملاك]

هههههه السهرله دور متى أشوفك ..

كيفكم يابنات جدة أنا توني دريت أنه في شات لنا ياحليلنا ...

[عطر المكان]

بنااااات الله يخليكم والله من جد محتاجه مساااااعده
دورولي شغاله اخاف اولد ولا احصل شغاله كمان الشغالات دحين يطلعوا الحج

توحه
الله يرزقك بالذريه اللي تنور حيااااااتك ويرزق كل محرررررروم

[كحلوله]

متى اشوفك
تسلمين ياقلبي على تفاعلك معايه حتى انا متفائله بهذي الدكتوره وان شاء الله ما يخيب ظننا
ياعيوني ليه انت مو ساكنه جده
وين ساكنه يعني
>وانا انتظر نزولك بسلامه وتجاوبين على اسالتنا بس ان شاء الله تعطيك وجه لانه يقولو ما ترد على اي اساله بس يارب تجينها وهي مزاجها رايق يارب <

[أم عبدالرحمن السلفية]

عطر المكان :
لو حصلتي شغاله قولي لي صايرات عملة نادرة هههه

أم الملاك :
مرحبا بك ,, انتي حامل أما لا؟

[أم عبدالرحمن السلفية]

توحه :
أسأل الله العلي العظيم أن يمن عليك بخلف صالح بار يا كريم أنصحك بالصدقة ,
والدعاء اللهم لا تذرني فرداً و انت خير الوارثين

[ام الملاك]

فيه ثنتين ام الملاك انا والا الثانيه ههههههه انا ايه حامل وفيه الاشهر الاولى الله يعين يارب واعديها بسلامه

[روزالينا]

بنات انا من المدينة وحابة اولد بجدة عند اهلي

وهذا اول مولود لي حابة اعرف سعر الولادة في الاطباء المتحدون عند فاطمة الشمراني

انا في الشهر الرابع وحابة اجمع معلومات عن المستشفيات بجدة

[أم عبدالرحمن السلفية]

روزالينا أنا أعرف د اسمها حنان الشمراني إلي في الاطباء المتحدون مو فاطمة .
وإهي مرة كويسة سمعتها .
واسعارهم كل فترة تتغير و على حسب ما تبغي الولادة بس أو مع برنامج متابعة الحمل لأن السعر يختلف ...
أنتي اتصلي عليهم أفضل بالمستشفى

[متى أشوفك بيبي]

عطر المكان انا بالشرقيه بس اهلي بجده وبنزل عندهم اولد

[روزالينا]

روزالينا أنا أعرف د اسمها حنان الشمراني إلي في الاطباء المتحدون مو فاطمة .
وإهي مرة كويسة سمعتها .
واسعارهم كل فترة تتغير و على حسب ما تبغي الولادة بس أو مع برنامج متابعة الحمل لأن السعر يختلف ...
أنتي اتصلي عليهم أفضل بالمستشفى

ايوة ياقلبي قصدي حنان الشمراني >> غلطة في اسمها hwaml7

[أم عبدالرحمن السلفية]

انا عندها لكن في الحكومي مستشفى الجامعه لكن زوجي رفض الحكومي وبعضهم قالوا ان الطالبات اهم الي يولدوك بإشرافها ... وفضلت الخاص . لكن الله يسهل لك

[أم الملاك]

عطر المكان :
لو حصلتي شغاله قولي لي صايرات عملة نادرة هههه

أم الملاك :
مرحبا بك ,, انتي حامل أما لا؟


هلا فيك غلاتي أنا أم الملاك 2 أو بالأصح أم ملاك2 أيه أنا نا حامل وداخله في الشهر السادس ....

[أم عبدالرحمن السلفية]

الله يتمم لك بخير وكمان في أم الملاك ثانية وكمان من جدة .... سبحان الله

[mony sweet]

السلام عليكم
بناااااااااااااااات ابغى مساعدكم انا ابغى اسوي عملية تضيق في احد جرب دكتورة كويسه وبكم والى تعلرف وحده اسمها فاتن تسوي بالخيط المصري لا تبخل عليا الله يوفقك

[العمر لحظه]

السلام عليكم ورحمة الله وبركاته

كيفكم ياكروشات الله يقومكم بالسلامة

ابشركم ولدت والحمد لله الاربعاء اللي فات 23/10/1432
بعملية قيصرية وجبت احلى لمى ربي مايحرمني منها ولامن برها يارب وعقبال اللي ماولدت والحمد لله على سلامة اللي ولدت

[أم عبدالرحمن السلفية]

العمر لحظة :
مبروووووووك و الحمد لله على سلامتك ,,,,, وتفرحي بـ لمى

[بــ أم ــدر]

العمر لحظه ألف مبرووووووووووووك والحمدلله على سلامتك وتتربى بعزكم لمى وربي ييرزقكم برها ويجعلها من عباده الصالحه<<<آآآآمين

[متى أشوفك بيبي]

العمر لحظه الف الف الف مبروووك

[عطر المكان]

الف الف الف الف الف مليون تليليوووووون مبروووك

[GoGe]

الف مليون مبروك يا ام لمى وحمد لله على سلامتك
يارب يرزقك بالذرية الصالحة يا توحة ويقر عينك بطفل جميل صالح وسليم ان شاء الله

[ام ديم ودانة]

الله يعافيكم بنات ماادرى وين اولد نفسى في الحرس بفلوس بس ماادرى بكم واللى جربت مستشفى خاص تقولى عنه ومين الدكتورة وياليت مايكون شمال جدة بعيد عنى

[أم عبدالرحمن السلفية]

أم ديم ودانة:
فين ولدتي أموراتك ؟ والمستشفيات على قفى من يشيل انتي على حسب ميزانيتك استخيري واتوكلي على الله او بالتأمين انتي؟

[ريتاال]

الله يتمم للجميع على خير

[طفلة الورد]

السلام عليكم
مين ولدت ب مستشفى السعودي الالمآني ؟

[mony sweet]

السلام عليكم
بناااااااااااااااات ابغى مساعدكم انا ابغى اسوي عملية تضيق في احد جرب دكتورة كويسه وبكم والى تعلرف وحده اسمها فاتن تسوي بالخيط المصري لا تبخل عليا الله يوفقك

[رحيل!]

حبايبي اللي تبي تولد تروح سليمان فقيه عند سحر ملودي

الكل يمدحها بس ماجربتها

الله يسعدكم اللي تعرف تحسب تقولي انا بأي شهر
اخر دوره كانت 1432/8/5
اللي تعرف لا تبخل عليه

[كحلوله]

>العمر لحظه <
الف الف مبروك تتربى بعزمك ان شاء الله

[كندية]

رحيل حبيبتي انتي11/19 تخلصي ثلاثه شهور واذا تبيني احسب موعد ولادتك انا حاظر خخخخخخخخ

[رحيل!]

تسلميييييي قلبووووووو

احسبيلي ليش لا

مشكوووره مقدما

[كندية]

رحيل ولادتك يوم 1433/5/19 والله اعلم

[رحيل!]

يوووه مشوار ههههه

الله يتمم على خير

مشكوره قلبو

[كندية]

هههههههههههههههههه هوا مشوار لكن بتعدي الايام بسرعه والله يقومك بالسلامه انشا الله

[رحيل!]

الله يسمع منك ياعسل

ليش كدا التجمع هاااادي

[أم عبدالرحمن السلفية]

رحيل :
انتي في الشهر الثاني الله يتمم لك بخير أكيد بكرية ؟

[hamooodah]

السلام عليكم ورحمة الله وبركاته اختي ام عبدالرحمن السلفيه بارك الله فيكي قولي لام رتيل اذا كانت تقصد الدكتورة اميرة زكي اللي كانت في مستشفى د هاله عيسى بن لادن تعطيني رقمها عالخاص
لاني اول مرة اشارك ما عندي امكانيه ارسلها وما ادري لو كتبت لها هنا تشوف ندائي والا لا
جزاكم الله خيرا

[hamooodah]

مشاركتها كانت في الصفحه 568
بارك الله فيكم

[رحيل!]

اهليناتو ام عبدالرحمن

كونت حامل بس توفى الجنين بالشهر السادس

الحمدلله على كل حال

مين تعرف تعمل شريط حمل

[ظل القمر 22]

السلام عليكم
بنات كيفكم مين كان فترة حملها تعاني من الالتهابات مره تعبتني وصديد في البول الله يكرمكم ايش سويتو وايش اخدتو عشان راحت انا بكريه وخايفه مره ودكتورتي عبيطه مره بغيرها بس قلت اسالكم اول الله يجزاكم الجنه وشكرا
اللي

[جلنار2]

مساء الخير

[جلنار2]

ظل القمر كثري موية وسوايل

والافضل غيري الدكتورة

[جلنار2]

سبحان الله وبحمده سبحان الله العظيم

[Baby doll]

بناااااااااااااااااااااااااات مساؤكم نووووووور ..

كيف حااااالكم ..
بدي اسألكم مين راح تولد في الاطباء المتحدون ..؟؟

[روز2011]

أسألكم يا حواملنا العزيزات عن الدكتوره منال منصور في مركز رياده الطبي مين زارها واش الانطباع العام عنها ردوا عليه الله يسعدكم وعن الشر يبعدكم

[عطر المكان]

هلا كروشاااات جده كيف الحمل معاكم
ظل القمر انا اليوم رحت المستشفى اراجع وعملتلي تحاليل
طلع عندي التهاب وصديد والدكتورة اعطتني غسول وتحاميل ومضااااااد
وقالتلي اشربي سؤائل كثير

[Baby doll]

بناااااااااااااااااااااااااات صباحكم خيييييييير ..

كيف حااااالكم ..
بدي اسألكم مين راح تولد في الاطباء المتحدون ..؟؟

[رحيل!]

هااي كروشات
مين تراجع عند فاطمه العتيبي و ايش رايكم فيها

[أم عبدالرحمن السلفية]

مرحبا حمولات كيفك حالكم <<< الله يسهل علينا الولادة ويأجرنا على تعب التحمل

[رحيل!]

الله يصبرنا من جد تعب

الحمدلله على كل شي

[العاااالي مستواها]

تعالي عزيزتي الغااليه شاركينا

في مسابقتنا الرائعه والغريبه في قسم الغرائب والعجائب

هذا رابط المسابقه

http://forum.hwaml.com/t74927.html

[كحلوله]

مرحبا صبايا
دحين في تخفيضات في سيتي ماكس وسنتربوينت ومذركير 50%
بس الى تعرف الى متى تجلس او من الممكن انه يوصل 70%
يعطني خبر