دردشة حوامل أهل جدة - دردشة بنات جدة - تجمع حوامل مدينة جدة

[ذكرى السنين]

ريم مكه الف الف مبرووووك عقبال الكروشات الباقيات

[ذكرى السنين]

دانتيلا الف مبرررررررررروك والحمد لله على سلامتك

[ذكرى السنين]

من صاحيه تشوف المطر


مطر خيييييييير يارب

[همسة خير]

صباح الورد ياكرووشات
ذكرى كيفك وشخبارك عساك بخير ...
انا صاحيه اشوف المطر حمااااااسhwaml7
الله يجعله مطر الخير علينا يارب ادعي ياذكرى

[أم ح ــنونـہ]

ايه وناسه مطرررررررررر
الله يجعله خير
ادعوا دحين الدعاء مستجاااااااب

[صدفة عمر]

::


بنات الله يكفينا شر المطر هذا اي خير والله انة يخوف

برق ورعد وزوجي في الشارع مو قادر يرجع البيت

واخوي بمستشفى فقية من 12 قفلوا البوابات

ي رب ترحمنا برحمتك انا شايلة هم سكان غويزة واللي يتضرروا من الامطار

الله يلطف بعبادة اكيد سار وفايات ع كثر الامطار


::

[صدفة عمر]

بس العيب الوحيد بالمستشفى انه فاااااااااااااااااااااضي مافي احد


بالعكس دانتيلا احلى حاجة انو مافية احد عشان الكل يسير حولك وانت تولدي

الحمد لله ع سلامتك وسلامة النونو

يعني حلو لمن يكون البنج موضعي ؟

طيب قد ايش جلستي وفيك صداع وماتقدري تتحركي والجرح متى بداء يلتئم


::

[صدفة عمر]

::


ذكرى فينك مختفية كيفك وكيف الحمل معاك

هموسة اخبارك ي قلبي واخبار الحمل معاك

كيف الحموضة متعبتك والم البطن والظهر

الله يعين ي رب ويسهل علينا الحمل والولادة

كيفك سوسو وكيف الحمل معاك والوحم ان شاء الله خفيف


::

[صدفة عمر]

::


هلا مسيطرة ماعندي خلفية عن الدكتورة

ببداية حملي كنت اراجع عندهم بس عملت سيرش لنفس المستشفى بقوقل

لقيت الاغلب يذم المستشفى من ناحية التخدير والاحساس بالالم

وحولت ع المتحدون عند فاطمة النمر وارتحت عندها

الله يختار لك الطيب ويسخر لك الدكتورة اللي تولدك ي رب


,

ذكرى سلامتك ي قلبي ماتشوفي شر

الله يثبت حملك ويسهلة لك ويقر عينك بشوفة النونو وهو بصحتة


::

[همسة خير]

اهلين صدفه كيفك وحشتينا
طمنينا زوجك واخوك وصلوا ؟؟
والله حتى انا زوجي للحين جالس هو والموظفين في الدوام
مفروض يجي يتغدى الظهر ويرجع العصر الدوام بس هو جلس هناك عشان يقول الطرق كلها مقفوله
الله يستر على جميع المسلمين ااامين

[فيس2فيس]

سبحان الله وبحمده
سبحان الله العظيم

[decheesecake]

الله يستر من الامطار دي زوجي لحد دحين معزوق براا..
الله يرجعوا بالسلامه يا رب

[صدفة عمر]

::


لا زوجي يقول زين لو برجع ع وحدة الليل واخوي مسكين في مستشفى فقية

وكمان مافية كهرب واطفال تبكي وصياح بيجن مسكين

كبري الملك فهد وعبد الله كلها مليانة كيف الناس ترجع لبيوتها :(


::

[همسة خير]

ان شاء الله ربي يرجعهم بالسلامه
ويستر على جميع المسلمين

[مسيطرة عالقلوب]

الف الف الحمدلله على سلامتك يادانتيلا عقبالي انشاءالله..

مسيطره...اهلين بيكي نور التجمع بوجودك ياعسل

وبالنسبه للدكتوره بريهان اخت صحبتي دائما تولد عندها وتمدح فيها

وانا مره رحت اراجع عندها بصراحه عسوله وذوق..

واي استفسار انا حاضره ياعمري..

همسه... كيفك ياعسل انشاءالله بخير..

مشكورة ياقلبي

طيب اهيا تقبل تامين والاكاش ؟

[ام رتيل]

الله يحفظ كل اهل جده
والله اليوم انا وزوجي في حرب يبغى يروح لاهله وانا امنعه والحمد لله الحال عندي مستقرهههههههههه

[ام جياد]

صدفه ان شاء الله زوجك واخوكي رجعو بالسلامه والف مبروك للي ولدو والعاقبه لينا صدفه انا اليوم كانت مراجعتي وياريتني ماخرجت والله اول ماوصلت حمدت ربي على سلامتي انا وزوجي وبنتي امطار مرررررررررره غزيره الله يستر علينا جدة تغرق بشربة مويه الله يعين

[دانتلا]

الحمد لله ع سلامتك وسلامة النونو
الله يسلمك حبوبتي صدفه وعقبال ماتولدي بالسلامه

يعني حلو لمن يكون البنج موضعي ؟
مرررره حلو انا جربت الاثنين كامل ونصفي

طيب قد ايش جلستي وفيك صداع وماتقدري تتحركي والجرح متى بداء يلتئم
الحمدلله ما حسيت بصداع وقدرت اتحرك بعد كم ساعه من العمليه وقمت من سريري ثاني يوم وكل يوم احسن من اللي قبله الحمدلله وبدا يلتئم الجرح بعد اسبوع من العمليه

[كرميلا]

اهلين مسيطره كيفك ياعسل

ايوه الدكتوره بريهان تقبل تامين..

[دف القمر]

ربنا يساعدكم ويعينكم
والله اننا خايفين عليكم خووف مو طبيعي

[صدفة عمر]

::


زوجي يرجع ع وحدة واخوي ماقدر يجي بيتي راح لبيت اهل زوجي

وذحين راح لمكة وزوجي سافر لبنان دوبة وانا جالسة في البيت وحدي

ي رب يهونها علي واقدر اروح لمكة اليوم او بكرة مررررة قلقانة

احس نفسي بولد من التعب والقلق


,

ما شاء الله دانتيلا مرة طمنتيني لانو ممكن اولد قيصري

ونفسي ببنج موضعي بس فية ناس خوفوني

ام جياد امين ي قلبي والحمد لله ع سلامتكم

هموسة تسلمي ي قلبي

ام رتيل زين انة ماطلع وان شاء الله اهلة مافيهم الا كل خير ي رب

دف القمر تسلمي ي قمر الله يعين ع الامطار والرعب اللي عشناه


::

[همسة خير]

صباح الورد
عسى اهل جده كلهم بخير يارب
صدفه حبيبتي ليه قلقانه وليه بتسافري مكه ؟؟
مهما كانت الاسباب خليكي ريلكس وانتبهي على نفسك ياقلبي

[صدفة عمر]

::


جالسة في البيت انا وبنتي خايفة يجي مطر اقوى من مطر امس وماعندي احد

زوجي سافر وبيرجع الجمعة الجاية يعني بجلس اسبوع لازم اروح مكة

مع اني ما اخاف اجلس وحدي كثير زوجي يسافر واجلس في البيت وحدي

بس امس تعبت الموية دخلت بيتي وشغل وقلق اروح ارتاح افضل لي

والله يحفظنا ويحمينا ^_^

ان شاء الله بعد ساعتين بالكثير اروح مكة

[ام دحومي]

سلاموووش كروشات
كيفكم مع الامطار؟ الله يستر جده بجد غرقت وامكان غير المره الي فاتت القويزه ماجاها شي الغرق في المطار وجهت شرق السريع بجد الله يستر على المسلمين
انا في الصفا واهلي في الوزيريه ربي لطف لين وصلت البيت ظهر الاربعاء واختي انحجزت ف يمدرستها من 12 وقت الاخلاء لحد 5 العصر وبعدها نقلوهم فندق جنب المدرسه وماقدروا اهلي يوصلون لها الساعه 3 الفجر تخيلوا الزححمه والفوضى السيووووووووووووول وربي خرجت ابي ايجبها لبيت يماقدرت من الزحمه والمطر وناس على بعض صاروا يقولون لزوجي اذا تبي نجاه وقف سيارتك وخلك فيها
يااااااااااااااااااااااااااااارب لك الحمد كما ينبغي لجلال وجهك وعظيم سلطانك اللهم اننا نحمد عند الرضى وبعد الرضى واذا رضيت
ياااااااااااااااااااااااااااارب استر على جميع المسلين ورجع كل شخص لاهله بالسلامه
يااااااااااااااااااااااااااااااارب تمم حملي وحمل جميع اخواتي في المنتدى عير خير واجعل ابنائنا قره لاعيننا يارب العباد
آآآآآآآآآآآآآآآآآآآآآآآآآآآآآآآآآآآآآآآآآآآآمين

[السر الجميل]

حبايب قلبي انا عندي شي مدري مريتوا فيه ولا لا
اصل الفخذ عندي يمين ويسار مرررة تؤلمني
مدري ايش اسوي والدكتور كتبلي الكالسيوم بس برضة مااحس فيه تحسن واذا جيت امشي الله يكرمكم كاني ممشوعة مدري الشي هذا عادي ولا لا ومين مر فيه غيري تنصحني ايش اسوي

[همسة خير]

الله يكون في عونك ياصدفه ويرجع زوجك بالسلامه
بس لا تخافي اليوم الجو كويس
وان شاء الله بكره يكون زي اليوم وربنا يلطف فينا ....
واذا بتروحي مكه امانه عليك تطمنينا لما توصلي وانتبهي على نفسك



والحمد لله على سلامتك وسلامة اهلك يا ام دحومي

[يارب لاتحرمني اياه]

الله يكون بعونكم يااااااارب

ويحميكم

قلوبنا معكم ياهل جده .. الله يجيركم في ماصابكم

وان شاء الله امطار خير من غير غرق

اكثروا من الاستغفار

((قل لن يصيبنا الا ماكتب الله لنا ))

[همسة خير]

الله يخفف عنك ياالسر الجميل بس والله ماعندي اي خلفيه عن هذا الآلم
الله يعينك حبيبتي وان شاء الله البنات يفيدونك ...

[ام رتيل]

هلا بنات وينكم يااهل جده الحزينه الله يكون بعون اهل جده

[ام جووريـ حيااتيـ]

اخبار كروشات جده مع المطر

[همسة خير]

صباح الخير
ان شاء الله كل اهل جده بخير
والله يرحم جميع اللي ماتوا
ويصبر اهليهم
ان لله وان اليه راجعون

[أم ح ــنونـہ]

الحمد لله عدى يوم المطر على خير
صح انحبس زوجي واخواني واختي في اشغالهم
بس رجعوا بالسلامه والحمد لله بس طبعا بعد وقت طوييييييييل
يارب رحمتك

[قمر بنت راشد]

قلوبنا معاكم يا حوامل جده

الله يصبركم على موتاكم ويلقون كل مفقود يارب

ويسهل عليكم حملكم وتفرحون بالولاده وكل الامور تكون زينه وكل شي يرجع طبيعي

[ام جووريـ حيااتيـ]

كروشات انتبهوا من مويه الحنفيات تراها وسخه مويه السيول دخلت على الخزانات الارضيه

الله يكون في عون الجميع

[همسة خير]

الحمد لله على سلامة اهلك يا سوسو

ومشكوره يا قمر على شعورك وكلامك
والله يستر على جميع المسلمين في كل مكان ...

[همسة خير]

والله انك صادقه يا ام جوري انا اليوم جيت اغسل الملابس لقيت المويه صفراء واستغربت
حتى ريحتها غير
الله يعينا نطبخ بموية الصحة

[ام جياد]

بنات كيفكم مع المطر واثاره الله يعيننا يااااااارب طمنينا صدفه وصلتي عند اهلك طمنينا وام دحومي سلامات انتي واهلك انا سمعت الصفا اتضرر بس الله يستر على الجميع يااااااارب

[هديل الحربي]

الحمدلله على سلامه الجميع

ويارب يحمينا

[ام رتيل]

هلابنات وينكم شكلكم نايمين مستانسين بالاجازه

[ام دحومي]

يارب يستر على الجميع من الامطار
بنات ابي استشيركم في شي
انا اجهز ولله الحمد لولادتي فشريت فازه كبيره على شكل كوب زي اكواب العصير >> ماتعرف توصف
وعل اساس احط فيهالشوكلاته بس لقيته كبيره مرررررررره
وقلت بحط فيها التوزيعات بس جاء مع مفرشي حصن للتوزيعات
دلوني كيف ااستعمل هالكوب الكبير لانه مره غالي وابي استفيد منه بصراحه
في انتظاركم

[همسة خير]

هلا يااحلى كروشات
عساكم بخير وصحه
ام دحومي حبيبتي خلي الفازه اكيد بتنفعك في وقت ثاني يعني ممكن تستغلينها في الاعياد ...


صدفة عمر وحشتينــــا التجمع من دونك ناقص عسى ترجعي لنا بالسلامه .....

ام رتيل هلا بك زوووود وعلى قولتك شكل البنات مكبرين الوسادة ونايـــــــــمين ....

[فروحه الحلوه]

يسرني انضم معكم ضيفه جديده
بس حبيت اسال هل فيكم احد يراجع عند نورما بعرفان

[همسة خير]

ياهلا وسهلا فيك يافروحة الحلوه نورتي تجمعنا
وان شاء الله تستفيدي وتتونسي معانا ...
وياليت كنت اقدر افيدك بالدكتوره نورما بعرفان بس ما اعرفها
لكن ااكيد الكروشات بيفيدوك.

[كرميلا]

اهلين فروحه ..

نورتي المنتدى ..انا سمعت عنها انها مره عسل وخياطتها حلوه وصبوره

حتى لما سويت سيرش في قوقل الكل مدحها..

حتى انا مره اتحمست اني اشوفها من كتر مايتكلموا عنها

وعندي موعد عندها انشاءالله اذا رحت اقولك ايش صار معايا ..
اوكي ياقلبو..

انشاءالله اكون افدتك يافروحه..

بس معليش ابغ اسالك انتي تراجعي عندها؟؟؟

[ام رتيل]

هلا بنات كيفكم
حبيت اسألكم عن الاطباء المتحدون كم تكلفت الولاده الطبيعي وهل يحطو بنج عند الولاده

[ام جياد]

هلا بنات اشلونكم صدفه وحشتينا والله بنات مين يتابع عند فاطمه بالمستقبل

[ام رتيل]

ام جياد انا ولدت عندها بصراااحه مرره ممتازه وصبوره بس صديقتي كانت تتابع عندها بس وقت الولاده ولدتها اللي موجوده بالطوارئ

[فروحه الحلوه]

اهلين فروحه ..

نورتي المنتدى ..انا سمعت عنها انها مره عسل وخياطتها حلوه وصبوره

حتى لما سويت سيرش في قوقل الكل مدحها..

حتى انا مره اتحمست اني اشوفها من كتر مايتكلموا عنها

وعندي موعد عندها انشاءالله اذا رحت اقولك ايش صار معايا ..
اوكي ياقلبو..

انشاءالله اكون افدتك يافروحه..

بس معليش ابغ اسالك انتي تراجعي عندها؟؟؟


هلا حبيبتي انا ولدت عندهاولدي الصغير قبل10 سنوات مره رائعه وفعلا سوت لي خياطه تجميليه واراجع عندها وهي الي عرفت قبل سنه وكم شهر على طول ان عندي حمل خارج الرحم من اول ماحطت السونارعلى بطني والدكاتره ماكانوا عارفين بس كنت ابغى اسال كيف الولاده عندها لان 10 سنين موقليل يمكن تغيرت اوشيhwaml9

[كرميلا]

مساء الخير فروحه..

يالله مره مبسوطه اني لقيت وحده تراجع عند نورما

المهم انا ابغ اطمنك انو في وحده تعرفها اخت زوجي ولدت قريب عندها يعني من شهر تقريباوبصراحه مره تمدح فيها..
بس كان نفسي اعرف عنها اكتر وعن المستشفى والبنج <<<<<زودتها

يعني ابغ اعرف هي وقت الولاده تجيكي لو طلبتيها؟

والمستشفى كيف الاهتمام فيها والبنج ؟؟؟
معليش اخر سؤال>>>>>>صراحه نفسي اعرف عنك اكثر
يعني بما اننا نراجع عند نورما يعني نستفيد من بعض اكثر
المهم انا بعرفك على نفسي انا في اخر اسبوع بالثامن
وانشاءالله اولد عندهاوموعدي معاها بعد اسبوعين..

انشاء الله ماكون كثرت عليكي ...

[همسة خير]

صباح الخيرات
كيفكم يااحلى كروشاااات بالدنيا
عساكم بصحه وعافيه ....

[لووليتا]

صبآح الخيرآت ياحلوين
انآ جديدة معاكم وبكرية الله يسهل على كل حامل وعليآ يارب
بليز حبيت اسال عن مستشفى المستقبل كيف الولادة هناك واي دكتورة تنصحوني
انا كنت ابا اروح المتحدون بس التامين حق الشركة مو راضيين الله يسامحهم وانا من مكة واتزوجت وجيت جدة مااعرف شي عن مستشفيات جدة الله يسعدها اللي ترد علي
الله يسهل عليكم وتقوموا بالسلامة ياااااااااااااااااااااارب

[ام رتيل]

حبيبتي المستقبل ممتاز واحسن دكتوره فاطمه انا مجربتها مررره صبوره وخصوصا على البكريه

[فروحه الحلوه]

مساء الخير فروحه..
مساء النور والسرور
يالله مره مبسوطه اني لقيت وحده تراجع عند نورما
وانا اكثر حبيبي هلا بك
المهم انا ابغ اطمنك انو في وحده تعرفها اخت زوجي ولدت قريب عندها يعني من شهر تقريباوبصراحه مره تمدح فيها..
الله يطمنك ويسهل امرك
بس كان نفسي اعرف عنها اكتر وعن المستشفى والبنج <<<<<زودتها
المستشفي بالنسبه لي من احسن المستشفيات في العنايه بنفسيت المريض وطاقم التمريض رائع hwaml10وانا افضل زوجي يدخل معي الولاده في الالماني ولدت بنتي جالي رعب لاني وحدي والممرضات والدكتورهhwaml4يصارخون علي
والبنج قبل ينزل الراس ماعادتحسي بشئ حتى يصحوك تروحي غرفتك لابسه ومحترمه ماكن فيه شي حصل ماتشوفي شئhwaml7
يعني ابغ اعرف هي وقت الولاده تجيكي لو طلبتيها؟
عن تجربتي قبل 10 سنوات <<<غبارhwaml03
اول مادخلت عرفوا اني تبع نورما لما قربت يعني 9سم جات وكانت خارج الدوام الساعه2الظهر
بس سمعت ان المستشفيات سوونظام ان خارج الدوام المناوبه هي الي تولد انت اساليها في موعدك تجي عندالولاده

والمستشفى كيف الاهتمام فيها والبنج ؟؟؟
الاهتمام روعه من الممرضات يحسسوك انك مهمه حتى الحمام الله يكرمك بعد الولاده هي تدخل تروشك وتلبسك موزي الاماني طحت في الحمام ماحد داري عني
امابالنسبه لنورما تحسيها ام اكثرمن طبيبه تعاملك بلطف شديد يحسسك بانها امك موطبيبتك
عيب المستشفي الزحمه الخانقه في المواعيد وحتى السرر لما ولدت جلست ساعتين بغرفة الولاده لما فضيت غرفه
ولما تنومت قبل فتره مالقيت غرفه خاصه حطوني مع وحده عندها القلب حتى موقسم نساء

معليش اخر سؤال>>>>>>صراحه نفسي اعرف عنك اكثر
يعني بما اننا نراجع عند نورما يعني نستفيد من بعض اكثر
المهم انا بعرفك على نفسي انا في اخر اسبوع بالثامن
وانشاءالله اولد عندهاوموعدي معاها بعد اسبوعين..
الله يتمم لك على خير انا كنت ارجع عندنورما من فتره قبل سنه ونص يمكن حملت خارج الرحم وتنومت عندهم على اساس تسوي لي عمليه بس كان عندهم مشاكل مايسوا عمليات وحولوني بالاسعاف عند الالماني وسويتها هناك بس رجعت عندنورما وراجعت عندها وكنت ارح لها كل شهر اطمن ان كل شي طبيعي واخرمره قبل شهرين قالت كل شئ تمام ان شاء الله تجيني لماتحملي حللت قبل 4ايام والحمد لله حامل وبروح لها ان شاء الله الخميس لانه مفتوح بدون مواعيد والله يعينني على الزحمه ادعي لي يكون حمل سليم واتطمن

انشاء الله ماكون كثرت عليكي ...
انا الي كثرت سوري hwaml7

بالتوفيق للجميع يارب

[همسة خير]

يا هلا فيك يالوولينا بينا
والله يسهل عليك ويولدك بالسلامه
والله انا سمعت اخواتي في المنتدى يمدحون مستشفى المستقبل
لكن انا ماعندي اي خلفيه عن المستشفى لاني اراجع بالمتحدون .

[لووليتا]

ام رتيل تسلميلي حبيبتي عالرد بس ايش جنسيتها فاطمة؟ واهم شي كيف الخياطة وربي مرة خايفة الله يسهل يارب طب انا سمعت انو في دكتور سوداني بس مستحيل اروح لرجال والله حرام انتي ايش رايك؟ الله يسهلك ويقومك بالسلامة يااااااارب
همسة خير تسلميييييييييييييي ياقلبي والله مدري الله يستر انا مااعرف مستشفيات جدة وكنت ابي المتحدون بس يختي الله ياخد التامين مو راضيين يقولوا انتو المستقبل وانا ببدأ من دحين اراجع عند السمتقبل عشان كدا اسال ربك يعين وييسر

[كرميلا]

صباح \ مساءالخير فروحه

كيفك ياعسل مره تسلمي عى ردودك ياقلبيhwaml13

انتي عارفه انا اللي مخوفني زحمه المستشفى والغرف hwaml15

زي ماقلتي ولا الدكتوره ماعليها قصور

بس اصلا الحين اغلب المستشفيات زحمه يعني الله يسهل امورنا

من فتره رحت عند دكتوره في الاطباء ولما سالتها عن الولاده كيف ومن دا الكلام

قالتلي يمكن يجي وقت ولادتك ومايكون في غرفه وتنتظري في الطوارئ؟؟؟hwaml03

الله يستر علينا وييسر امورنا

ويثبت حملك انشاء الله ويرزقك ربي الذريه الصالحه...

[ام رتيل]

حبيبتي الدكتوره فاطمه تقريبا سوريه بس مررره ممتازه بس اللي يطفش الزحمه عندها كثير
والدكتور السوداني ممتاز بس لوعمليه ممكن لاكن طبيعي مستحيل فعلا كمان في الطوارئ دكتوره باكستانيه مرررره تمام يعني لاتخافي روحي وانت متطمنه
والخياطه ممتازه لاتخافي
الله يقومك بالسلامه

[لووليتا]

ام رتيل ربي يسعدك ويسهلها عليكي وربي مرة انبسطت بردك طب معليش ادري اني طفشتك بس استحمليني ههههههههههههههههه الباكستانية ايش اسمها؟ عشان اروح وانا اعرف الدكاترة^^

[ام جووريـ حيااتيـ]

السلام عليكم
كيفكم كروشات جده

[أم زياد3]

كيفكم كروشات جدة
وأبتدأ العد التنازلي عندي
ومن أمس والألم زي الم الدورة واليوم الصباح جاتني ضربة في ظهري كأن أحد ضربني بمطرقة ومن بعدها صار الألم في الظهر والبطن والإفرازات زايدة بس لونها ابيض مين تعرف إش سببها
يارب ماتجي الجمعة إلا وأنا والدة ياأرحم الراحمين
وييسرها على كل الحوامل يارب

[ام رتيل]

ام زياد الله يقومك بالسلامه
والله حاسه فيكي جاني الم في بطني ههههههههههههه
اكثري من الدعاء والتمر الله يتمم لك على خير

[ام رتيل]

لووليتا الله يسعدك ما طفشتين ولا شي بالعكس احنا اخوات وامري لاتخلي شي بخاطرك
الباكستانيه والله يمكن اسمها اسماء والله ناسيه بس هي اكثر شي موجوده بالطوارئ ولا تخافي اللي مقدر راح يصير بس وكلي امرك لله

[لووليتا]

ام زياد الله يسهلك ياااارب انا اسمع ماما تقول ان الافرازات تزيد قريب الطلق الله يهون عليكي الطلق ويكون خفيف عليكي وماتحسي فيه يااااااااارب والله من جد ياام رتيل انا حتى بطني مغصتني ههههههههههههههههههههه الله يسهل لكل بنت طلقها ياااااااااااااااااااااااااااااااااااااااااارب
تسلميلي حبيبتي ام رتيل ماقصرتي يالغاليه

[كرميلا]

صباح الخير كروشات جده

[ام جووريـ حيااتيـ]

حبيبتي الدكتوره فاطمه تقريبا سوريه بس مررره ممتازه بس اللي يطفش الزحمه عندها كثير
والدكتور السوداني ممتاز بس لوعمليه ممكن لاكن طبيعي مستحيل فعلا كمان في الطوارئ دكتوره باكستانيه مرررره تمام يعني لاتخافي روحي وانت متطمنه
والخياطه ممتازه لاتخافي
الله يقومك بالسلامه
الدكتوره فاطمه
فلسطينيه

وفي الطواري وقت ولادتي كانت مصريه حبوبه مررررررررررره
اسمها منال

والخياطه كانت تجميليهhwaml7

[ام رتيل]

هلا بنات جده كيفكم

[ام جياد]

صبآح الخيرآت ياحلوين
انآ جديدة معاكم وبكرية الله يسهل على كل حامل وعليآ يارب
بليز حبيت اسال عن مستشفى المستقبل كيف الولادة هناك واي دكتورة تنصحوني
انا كنت ابا اروح المتحدون بس التامين حق الشركة مو راضيين الله يسامحهم وانا من مكة واتزوجت وجيت جدة مااعرف شي عن مستشفيات جدة الله يسعدها اللي ترد علي
الله يسهل عليكم وتقوموا بالسلامة ياااااااااااااااااااااارب
لووليتا وانتي مغمضه عيونك روحي لفاطمه والله راح تتدعيلي هيا عسل وسكر وولادتها ماشاء الله مايبغالها كلام اسمها فاطمه علاو ومرررررررررررره زحمه عليها اذا تبغي تروحي وتدخلي يعني شويا بدري احجزي بالتليفون وقصدي شويا بدري يعني بعد 3 ساعات على الاقل بس راح ترتاحي معاها هيا مررررررره طيبوبه انا ولدت عندها على بنتي ون شاء الله ناويه اولد عدها بهذا لحمل الله يوفقك

[ام جياد]

ام جياد انا ولدت عندها بصراااحه مرره ممتازه وصبوره بس صديقتي كانت تتابع عندها بس وقت الولاده ولدتها اللي موجوده بالطوارئ
مشكوره ام رتيل على ردك بس انا موبكريه ابغى اسال كيف ولادتها على الطفل الثاني زيي الاول لاني ولدت اول مره عندها ومررررررررره ارتحت معاها حتى زوجي يقول غيرها اقول لا بس ابغى احد ولد ثاني ولاده عندها ومدحها لاني مررررررررره خايفه من الي اسمعه من كلام الحريم وانو ثاني ولاده اصعب من الولاده الاولى

[ام رتيل]

ام جياد كيفك ايش اخبارك
بالنسبه لتجربتي الاول كان عند فاطمه بس كانت مررره صبوره عليه بس اللي تعبني الطلق والرحم ما انفتح بسرعه
بس بالثاني بنتي في سليمان فقيه مررررره حلوه ولادتهم وما تحسي بشي
بس صديقتي جابت الثاني في المستقبل ما اعطوها بنج بس كمام وقالوا لها البنج للبكريات هههه
الله يقومك بالسلامه والسهاله من الله ثم من الدعاء المتواصل بتسهيل الولاده

[ام جياد]

ام جياد كيفك ايش اخبارك
بالنسبه لتجربتي الاول كان عند فاطمه بس كانت مررره صبوره عليه بس اللي تعبني الطلق والرحم ما انفتح بسرعه
بس بالثاني بنتي في سليمان فقيه مررررره حلوه ولادتهم وما تحسي بشي
بس صديقتي جابت الثاني في المستقبل ما اعطوها بنج بس كمام وقالوا لها البنج للبكريات هههه
الله يقومك بالسلامه والسهاله من الله ثم من الدعاء المتواصل بتسهيل الولاده
انا بخير الحمدالله انتي كيفك hwaml03من جد الي تقوليه يعني هيا ماطلبتhwaml10او ايش خوفتيني لانه كل مااسال احد يقولو حلوه والله لغيرها اذا مارضيت بكلمها في زيارتي الجايه انا جايه بفلوسي مولعب بعدين بطلب ولاده بدون الالم >>خايفه من الولاده hwaml15

[ام رتيل]

حبيبتي ام جياد يمكن فعلا لازم تكلمي الدكتوره انت تأكدي منها انه بنج موبس كمام عشان تكوني عارفه لانه كثير بيقولوا ما يعطوهم بنج
انا في بكري كان بنج فماحسيت الا بالطلق وقت الولاده بنج انا كنت ابغى اولد عندهم هذي المررره بس مرررره خاااايفه الله يسهلك ويسهلي

[لووليتا]

ام جياد وام رتيل تسلموولي حبيباتي اجل بتوكل على الله انا بعد اسبوعين ان شاء الله بروح والله يسهل يارب مشكورررررررررررات ماقصرتوا
ام جياد ههههههههههههههههههه ايوة حبيبتي حقك تطلبي بنج بفلوسك والله انتي كلميها والله يسهلك مين مايخاف من الولادة بس ربك يعين ان شاء الله

[صدفة عمر]

::


سلام عليكم كيفكم كروشات وحشتوني

كيفكم وكيف نوانيكم ان شاء الله كلكم مناح ي رب


::

[ام جووريـ حيااتيـ]

مبروووووووووووك صدفه دخول التاسع
عقبال الولاده وتقومي بالسلامه

[ام جياد]

حبيبتي ام جياد يمكن فعلا لازم تكلمي الدكتوره انت تأكدي منها انه بنج موبس كمام عشان تكوني عارفه لانه كثير بيقولوا ما يعطوهم بنج
انا في بكري كان بنج فماحسيت الا بالطلق وقت الولاده بنج انا كنت ابغى اولد عندهم هذي المررره بس مرررره خاااايفه الله يسهلك ويسهلي
امين ربي يسهل ليا وليكي على خير ياااااااااااارب وراح اكلمها
ام جياد وام رتيل تسلموولي حبيباتي اجل بتوكل على الله انا بعد اسبوعين ان شاء الله بروح والله يسهل يارب مشكورررررررررررات ماقصرتوا
ام جياد ههههههههههههههههههه ايوة حبيبتي حقك تطلبي بنج بفلوسك والله انتي كلميها والله يسهلك مين مايخاف من الولادة بس ربك يعين ان شاء الله
اكيد بكلمها وهيا اصلا عارفاني خوافه من بكريتي الله يعيننا بس زيي ماقلت لك احجزي بالتليفون عشان ماتتاخري عندها
::


سلام عليكم كيفكم كروشات وحشتوني

كيفكم وكيف نوانيكم ان شاء الله كلكم مناح ي رب


::
الحمدالله بخير بس وحشتينا والف مبروك دخولك التاسع عقبال الولاده

[صدفة عمر]

::


ام جوري الله يبارك فيك ي قلبي

كيفك وكيف الحمل معاك وكيف بناتك ان شاء الله بخير ي رب

,

ام جياد عقبالك وفرحتك بشوفة النونو وهو بخير ي رب

كيفك وكيف النونو وجود ان شاء الله بخير


,

هموسة فينك ي قلبي لك فقدة ان شاء الله بخير


::

[همسة خير]

اهلين صدفه حبيبتي نورتي المنتدى
عساك بخير ...
ومبروك دخولك التاسع وعقبال ما اباركلك بالولادة
انتبهي على حالك
وانا كمان دخلت التاسع ادعيلي ....

[ام جياد]

مبروك هموسه دخولك التاسع الله يهون على الجميع

[ام احمد الهوارى]

السلام عليكم ام جياد
كيف عملتى شريط الحمل

[ام احمد الهوارى]

انا حامل جديده ونفسى اعمل شريط حمل

[همسة خير]

مشكووووره حبيبتي ام جياد
والله يولدك بالسلامه ...

[همسة خير]

الله يبارك فيك يا ام جياد
والله يولدك بالسلامة ياحبيبتي ...

[aro0ora]

مرحبا حبيبتي ..بس بغيت اسالك عن الاطباء المتحدون هم ضمن التامين الطبي تع الشركات ولا لا مشكوره لانه ماخذ شهره في الخدمه والاهتمام...تقبلي مروري.. لهومي

هلا حبيبتي تدخل ضمن التامين

واي خدمه حاضرين

[aro0ora]

مرحبا

انا حامل بالخامس وهذا حملي الثالث واراجع بالاطباء المتحدون عند د\ فاطمه النمر طبعا الاولاده قيصري

[ام جياد]

السلام عليكم ام جياد
كيف عملتى شريط الحمل
من عيوني اعطيني اخر دوره لك وبسوي لك ياقلبي اعذريني طلعت على طول ومانتبهت الا الحين
مشكووووره حبيبتي ام جياد
والله يولدك بالسلامه ...
امين والجميع ياااااااااااارب نقوم بالف سلامه

[ام جياد]

مرحبا

انا حامل بالخامس وهذا حملي الثالث واراجع بالاطباء المتحدون عند د\ فاطمه النمر طبعا الاولاده قيصري
هلا حبيتي كيف الحمل معاكي وان شاء الله تكوني مرتاحه عند دكتورتك هذا اهم شي والله يعينك على العمليه hwaml03انا اخاف من العمليه الله يهون عليكي ياااااااااارب

[ام رتيل]

هلا ام جياد حبيت اسالك اذا عندك فكره عن مستشفى هاله بن لادن

[صدفة عمر]

::


هموسة الف مبروك ي قلبي وان شاء الله ابارك لك بالولادة اليسرة ي رب


,

ام احمد حياك ربي بيننا ي قلبي

كيفك وكيف الحمل معاك ان شاء الله تمام

وكيف الاوضاع عندكم بمصر الله يعديها ع خير ويبعد الاحزاب عنكم

,


اروى هلا فيك ي قلبي

انا كمان اراجع عند فاطمة ومرة ارتحت معاها

وخايفة اولد قيصري الله ييسرها من عنده


,

ام جياد كيفك ي قلبي وكيف النونو ان شاء الله بخير

,

ام رتيل المستشفيات سارت شختك بختك

اهم شيء انتي ارتحتي لمين واستخيري الله وربي ييسر لك الدكتورة الطيبة


::

[~قموووره~]

هلا ام جياد حبيت اسالك اذا عندك فكره عن مستشفى هاله بن لادن

مرحبا ام رتيل مستشفى هاله بن لادن اختي ولدت فيها عند الدكتوره مها وتقول انها مرره شاطره
راح تولدي هناك ؟؟hwaml13

[ام جووريـ حيااتيـ]

كيفكم كروشات الله يسهل للجميع

صدفه اخبار نور

[ام رتيل]

صدفه الله يوفقك ويسهلك ربي ولادتك
قموووووره تسلمي حبيبتي انا من زمان ابغى احد يرد عليه بس اختك متى ولدت ؟وكيف الولاده عندهم يعني اعطوها بنج ولالا؟؟
وهيه بكريه ولالا؟؟
مع ليش تعبتك تسلمسلي

[صدفة عمر]

::


اهلين ام جوري نور زمان عنها ان شاء الله بكرة اكلمها اشتقت لها

::

[صدفة عمر]

::


امين ام رتيل اجمعين ان شاء الله


::

[ام رتيل]

هلا صدفة عمر انت وين بتولدي ان شاءالله

[صدفة عمر]

::


ان شاء الله بولد في المتحدون عند فاطمة النمر اذا ربي اراد


::

[~قموووره~]

صدفه الله يوفقك ويسهلك ربي ولادتك
قموووووره تسلمي حبيبتي انا من زمان ابغى احد يرد عليه بس اختك متى ولدت ؟وكيف الولاده عندهم يعني اعطوها بنج ولالا؟؟
وهيه بكريه ولالا؟؟
مع ليش تعبتك تسلمسلي
معليه عالتأخير حبيبتي ولدت قبل 3 شهور تقول معاملتهم حلوه واعطوها بنج وهي مو بكريه ونصحتني اولد عندهم وانشالله خير

[همسة خير]

يابنات ابسألكم وين الاقي سلة النونو بس يكون سعرها معقول
لاني اشتريت سرير خشب لنونو من ستي بلازا وابغى سلة عشان ينام فيها النونو في الايام الاولى من الولادة واللي لقيتها في ستي بلازا ومذركير سعرها ماناسبني وين ممكن الاقي غيرها ؟؟؟

[همسة دلع]

يابنات ابسألكم وين الاقي سلة النونو بس يكون سعرها معقول
لاني اشتريت سرير خشب لنونو من ستي بلازا وابغى سلة عشان ينام فيها النونو في الايام الاولى من الولادة واللي لقيتها في ستي بلازا ومذركير سعرها ماناسبني وين ممكن الاقي غيرها ؟؟؟

في العائله مول في اشكال حلوه واسعارهم حلوه
وتلاقين السله عندهم بي 40 ريال

[ام رتيل]

تسلمي قموررره بس بتعبك معايا يعني حست بالطلق كله حتى الولاده واعطوها بعدين البنج ولا
اعطوها البنج وقت الطلق
مع ليش تحمليني انا احب اسأل عشان اكون عارفه ايش راح يصير
وسؤال اخير الدكتوره جابتها معاها ولاموجوده بالمستشفى لاني من شهرين قالوا ليه مافي غير دكتوره وحده اسمها خلود ومشكوررررررررررررره

[~قموووره~]

تسلمي قموررره بس بتعبك معايا يعني حست بالطلق كله حتى الولاده واعطوها بعدين البنج ولا
اعطوها البنج وقت الطلق
مع ليش تحمليني انا احب اسأل عشان اكون عارفه ايش راح يصير
وسؤال اخير الدكتوره جابتها معاها ولاموجوده بالمستشفى لاني من شهرين قالوا ليه مافي غير دكتوره وحده اسمها خلود ومشكوررررررررررررره

من متى اعطوها بنج بالظبط ماادري ؟؟ قاعده ادق عليها الحين ماترد شكلها نايمه لما اتاكد منها اقولك والدكتوره اعتقد جابتها معاها hwaml13
وعادي حبيبتي خذي راحتك

[ام رتيل]

تسلمييييييييييييي قموررررره
انت وين تتابعي ؟؟؟؟؟

[~قموووره~]

انا بالخبر واراجع هناك بحكم شغل زوجي
بس بالشهر الثامن برجع جده وبنفس عند اهلي

[ام رتيل]

تقومي بالسلامه ان شاءالله

[~قموووره~]

وياكي يااارب

[aisha]

السلام عليكم
كيفكم بنات
يارب يهون عليكم الحمل يارب
انا عضوه جديده بالمنتدي
حامل ليا شهر
وساكنه بجده وماعرف شئ عن المستشفايات
لاني من سكان المدينه
ياليت توصفولي افضل مكان اتابع فيه حملي

[صدفة عمر]

::


هلا عايشة حياك ي قلبي ومبروك الحمل

عندك بجدة مستشفيات كثيرة

الطبي الدولي -فقية -المتحدون - المستقبل-خالد ادريس-عرفان-الالماني -بخش

بس انا اراجع في المتحدون ودكتوراتهم المعروفين

حنان الشمراني فاطمة النمر =استشاريات

حمدية = اخصائية

هذولا اكثر الممدوحين والشينة فيهم امل صفوت

وان شاء الله البنات تفيدك


::

[صدفة عمر]

::


هموسة وكمان تلاقيها في الشاطيء واي محل فية ملابس اطفال

مثل الهرم ومركز تحطيم الاسعار


::

[السر الجميل]

هلا حبيباتي كيفكم امس كان موعدي عند الدكتور وقالي اني في الاسبوع السته والعشرين ووزن البيبي 660جم يقول كويس
ومنعني من الحلويات لانه شاف عندي زيادة في الوزن كيلو ونص بعد اخر زيارة كانت من عشرة ايام تقريبا
بس الام الفخذين مستمرة عندي وانشاء الله ربي يتمم علينا كلنا بس حبيت اسال هل وزن البيبي صحيح كبير بالنسبة لاسبوعه لانه جارتي بتقولي كبير ماشاء الله من يفيدني ....

[ام دحومي]

اختي السر الجميل احس ماعندهم سالفه مو مهم ورزنه زياده او نقص اذا بخير عادي
هم يهمهم انه يكون كبيعي مايزيد وطالما زيادته عاديه ماظن تضر انا كذا قالوا لي بس احس وضعه عادي ولله الحمد

[صدفة عمر]

::

الوزن مايحسبوة الا في الشهر السابع وغير كذا مايهم

وانتي حاولي تبعدي عن الحلا والاكل الدسم في الليل

عشان الم فخذك مايزيد وربي يعديها ع خير ويفرحك بشوفة سليم معافى


::

[ام جياد]

هلا ام جياد حبيت اسالك اذا عندك فكره عن مستشفى هاله بن لادن
اختي كمان ولدت هناك بس عند دكتور سامي وهيا ماتولد الاعنده لانه لها سوابق بالاجهاض المتكرر والحمدالله الحين معاها اربعه وكلهم عند الدكتوره سامي>>مع اني احسها صعبه خخخخخخخخ عند رجال الله يوفقك بالي ترتاحي معاها

[ام جياد]

هلا صدفه اشلونك وكيف بنوتتك وكيفكم بنات وهلا بيكي عايشه واعتقد صدفه كفت ووفت بس انا اراجع بالمستقبل عند فاطمه وفي سمر عراقيه بس يقولو شويا عصبيه وفيه دكتور سوداني وانتي الي ترتاحي عندهم باي مستشفى روحي والله يوفقك ياااااااااارب

[aisha]

::


هلا عايشة حياك ي قلبي ومبروك الحمل

عندك بجدة مستشفيات كثيرة

الطبي الدولي -فقية -المتحدون - المستقبل-خالد ادريس-عرفان-الالماني -بخش

بس انا اراجع في المتحدون ودكتوراتهم المعروفين

حنان الشمراني فاطمة النمر =استشاريات

حمدية = اخصائية

هذولا اكثر الممدوحين والشينة فيهم امل صفوت

وان شاء الله البنات تفيدك


::
الله يجزاكي خير حبيبتي

[صدفة عمر]

::


هلا ام جياد كيفك ي قلبي انا وبنتي بخير

كيفك انتي ان شاء الله بخير وحشتيني زمان ماقابلتك


::

[ام رتيل]

تسلمي يا ام جياد
قمووووووره وينك ما رديتي سألتي اختك ولالا؟؟؟؟

[ام جياد]

هلابنات كيفكم اليوم

[كرميلا]

صباح الخير كروشات جده..

[جوجو22]

دوووووبي اكتشف انو في تجمع لحوامل جده والله اني حست وانا اسال في المنتديات عن اغراض بيبي بجده وتجهيزات وتوزيعات بجده ماني عارفه شي بس دحين ياليت تفيدوني عالسريع لانو باقي لي عشرين يوم واولد دخلت التاسع من اسبوع وانا بكريه ماليا في دي الحاجات ابدن انشالله راح اولد في بقشان عند الدكتوره حنان مين جربتها او جربت بقشان تحكيني عنوو بالتفصيل واللي عندها خبره اكبر تقلي من وين ازين غرفه المستشفى ومن فين القى توزيعات على قد الحال وكم اسعار حلويات باتشي اوشكولاين

[ام رتيل]

جوجو حبيبتي الله يقومك بالسلامه انا صراااحه ما اعرف اي شي عن بقشان ان شاءالله الباقيات يفيدوك
ثانيا التوزيعات تلاقيها في حي الهنداويه في محلات مختصه بالزينه والتوزيعات مررررررره افكارهم حلوه وجديده وكمان الاسعار مناسبه اما زينه غرفة المستشفى اكيد جنب بقشان في محل للورود والهدايا هما راح يزينوا الغرفه
اسعار الشوكولاته ما عندي فكره

[صدفة عمر]

::


جوجو كمان في الخاسكية التوزيعات اسعارها مرة رخيصة وكمان مهجة ويابلاش

بس الخاسكية ارخص منهم بس الله يعين ع الطريق

وبقشان ما عندي خلفية ان شاء الله البنات تفيدك


::

[ريشانا]

بنوتات اقصد كروشات هههه


ياليت تفيدوني انا حامل
وحاليا بالرياض بس حاولد بجدة

وعندي تامين بالطبي الدولي تنصحوني فيه ؟!!

طيب انا سمعت ان الطبي الدولي هو المستشفى الوحيد الي تدفعي فيه فوق التامين يعني تدفعي نصف الولادة او شئ مثل كذا غير المستشفيات الثانية الي تدفعي فيها فقط استدعاء للطبيبة

ياليت لو واحدة عندها تامين تفيدني بهالناحية ؟

[صدفة عمر]

::


حلو الطبي بس اول مرة اسمع انك تدفعي نص الولادة

ما اعتقد وانتي ممكن تتاكدي اتصلي عليهم

وربي يسهل لك ولادتك ي رب


::

[همسة دلع]

بنوتات اقصد كروشات هههه


ياليت تفيدوني انا حامل
وحاليا بالرياض بس حاولد بجدة

وعندي تامين بالطبي الدولي تنصحوني فيه ؟!!

طيب انا سمعت ان الطبي الدولي هو المستشفى الوحيد الي تدفعي فيه فوق التامين يعني تدفعي نصف الولادة او شئ مثل كذا غير المستشفيات الثانية الي تدفعي فيها فقط استدعاء للطبيبة

ياليت لو واحدة عندها تامين تفيدني بهالناحية ؟

اهلا فيك بجده
اولا حبيبتي الطبي الدولي مستوها جداً عالي والفلوس اللي ياخذونها في الولاده عالي
يعني مثلاً تكون الولاده في المتحدون بي 13 الف مثال يعني
راح تكون بي 20000 الف في الطبي
التامين اللي عندك يغطي كم يعني انا التامين حقي ياامن الولاده لغاية 13 الف اذا زاد عن كذا راح ادفع الزياده من جيبي
فهذا يعتمد على التامين حقك يغطي كم في الولاده

[همسة دلع]

دوووووبي اكتشف انو في تجمع لحوامل جده والله اني حست وانا اسال في المنتديات عن اغراض بيبي بجده وتجهيزات وتوزيعات بجده ماني عارفه شي بس دحين ياليت تفيدوني عالسريع لانو باقي لي عشرين يوم واولد دخلت التاسع من اسبوع وانا بكريه ماليا في دي الحاجات ابدن انشالله راح اولد في بقشان عند الدكتوره حنان مين جربتها او جربت بقشان تحكيني عنوو بالتفصيل واللي عندها خبره اكبر تقلي من وين ازين غرفه المستشفى ومن فين القى توزيعات على قد الحال وكم اسعار حلويات باتشي اوشكولاين

اغراض البيبي ممكن من الهرم ولا سنتر بوينت وعندك كمان العائله مول
وبقشان انا عندي موعد معاهم يوم الاحد واول مره اروح عندهم لاني بكريه
بس كثير يمدحون فيها
والله يسهل لنا

[ام جياد]

اختي جوجو زي ماقالت صدفه عندك الخاسكيه مررررره اشيائهم حلو ورخيصه اما بقشان ماادي بس وحده من صحباتي ولدت عندهم من قبل 4 سنين وماعجبها ولادتهم بس يمكن الحين تحسنو مايندرى واهم شي تكوني مرتاحه للدكتوره الله يوفقك

[noni200]

سلام يا احلى حوامل جدة

بالنسبة للمتحدون الولادة ب 6500 اعتقد

وطبعا غرفة خاصة بس عادية

وفي غرفة اسمها جونيور سويت حجمها ضعف الغرفة العادية وفرق 400 ريال في اليوم وشكلها حلو

والجناح زي ما قالوا البنات ب 1500

بس انا حبيت الجونيور سويت لانه سعره مناسب وحجمه حلو كبييره
بس انتوا وحظكم اذا صادف انه فاضي وقت الولادة

وربنا يسهل للجمييييع


اهلين حبيبي بغيت اقول شي انا ان شا الله بولد فيها واخت زوجي بتولد فيها وصحبتي بتولد في الاطباء المتحدون بـ3500 بس عند حنان الشمراني 6500 بس انا ماانصح بحنان الشمراني طبيعي لانها غالبا اجازه او اذا كانت الحرمه مهي بكريه ماتهتم سوت الحركه في وحده من الجماعه ولا تقولها ليش تصرخي كدا اش انتي ماقد ولدتي بالله دا كلام ينقال لوحده ولاده لو بولد15 مفروض ماتقولها كدا اما عننا احنا المذكورين فوق
حنولدعند حمديه صرررررررررررراحه تعاملها جدا راقي وطييييييبه

[noni200]

اهلين ياحلوين انا حامل لسه دوبي في البدايه بدايه الشهر الثاني هذا تاني بيبي ليا ان شا الله
حاااااسه اني نسيت الحمل واعراض الحمل وكل شي مررررررررا فقدت الذاكره من دي الناحيه
بس عمال افكر بجدولي فترة الحمل
الي هيا طبعا الي الشهر السابع كلو تمام عادي بس ان الله في التامن الي هوا رمضان الجاي
قلت بنزل واشتري مررررررا وحده ليا ولدي للعيد وكمان حاجات البيبي وبعدين لمن اولد ان شا الله
طبعا في الاطباء المتحدون عند الدكتوره حمديه انا ماحب المستشفيات حقعد يوم واحد يعني اولد وثاني يوم اطلع وبعدين ارجع البيت اطلع فوق عند اهلي (انا ساكنه مع اهلي) وقلت بسوي رجيم واسوي خلطات الي مااقدرت اسويها وانا في بيتي واهم شي اجيب ممرخه ترى من الممرخه لها فوايد كتيير اهمها البطن البارز يدخل جوا بنسبه معقوله يعني الي تقدري يقولي زي قبل لاتحملي
وبس هادذ تخطيطي للحمل وبعد الحمل طبعا انا اراجع كل شهرين تقريبا بس عند مستوصف وطنك لنو بس اسوي اشعه ولا شي من الكشف الباقي اسوي بس اذا دخلت الرابع اروح عند الدكتوره الي بولد عندها وعليها الى التامن ارجع الروح وتكون زياتي لها اسبوع واسبوعين لا زي كدا الى ان الله يفرج عليا واولد والتحاليل اللازمه في الحمل زوجي حبيبي كمان كل فتره ياخدني عند الجامعه يسوي ليا التحاليل هوا يشتغل في المختبر

[صدفة عمر]

::


نوني الف مبروك وربي يسهل حملك وولادتك ويفرحك بشوفة النونو وهو بخير

اية حمدية طيوبة اخوات زوجي ولدوا عندها مرررة يمدحوها وصبورة


::

[همسة خير]

مساء الورد
كيفكم يا احلى كروشااات عساكم بخير وصحه ...
حبيت اسألكم اذا الولادة كانت طبيعية كم يوم افضل اجلس بالمستشفى يوم او يومين ؟؟

[صدفة عمر]

::


يوم يكفي هموسة ي قلبي

كيفك انتي وكيف التاسع معاك


::

[ام جووريـ حيااتيـ]

كيفكم بنات جده

[ام رتيل]

الحمدلله بخير انت كيفك ؟؟؟

[ام جياد]

كيفكم وكيف الحمل معاكم الف مبروك نوني الله يتمم لك

[ام جووريـ حيااتيـ]

بنات وين فيه مشاغل قص وصبغ حلوه

او الي متعودين تروحله بعد نفاسكم

[ريشانا]

مشكورة على ردودكم

طيب نوال السناني موجودة ببخش ؟

وايش رائيكم بفقيه كيف غرف الولادة فيه كبيرة وشرحة ولا تجيب الهم ؟

[noni200]

ريشانا حبيبي ماانصح النظافه مومرررا والولاده اخت زوجي لمن جات تولد البيبي طالع الممرضه تدخلو عشان ايش الدكتوره تفطر الساعه 7 الصباح ولمن جات قالت تبى تفتح مويه الراس والبيبي اصلا طالع ومسكين اتجرح البيبي في مقدمة راسو بس سلم الحمدلله وعلى فكره الدكتوره عفاف النوري

[noni200]

حبيباتي كنت بسال انا عندي افرازات بينه لزجه هذا انذار اجهاض ولا لا الله يسعدكم انا اليوم بروح عند الدكتوره بس موقادره اتحمل الين اروح غندها

[صدفة عمر]

::


كيفكم ام جياد ام جوري ام رتيل ريشانا

ان شاء الله كلكم بخير وكيف الحمل معاكم والنواني

,

ريشانا اللي اعرف المستشفى زين والولادة تساهيل من ربي

بس قرايبي اللي كانوا يولدوا فية حولوا ع المتحدون بس اثنينتهم طيبين

وربي يختار لك الطيب

,

نوني ي قلبي اعتقد تحتاجي مثبتات ريحي نفسك وقللي جماع

وربي يثبت حملك ي قلبي ويفرحك بشوفة النونو


::

[noni200]

انا باخد مثبتات بس وقف كم يوم ودحين نزل ثاني

[aisha]

انا باخد مثبتات بس وقف كم يوم ودحين نزل ثاني
الله يثبت حملك يارب
وانا مثلك امس كنت عند الدكتوره اعطتني مثبت دافستون
ادعي الله كثير ولاتشيلي هم
ويارب نفرح باطفالنا

[صدفة عمر]

::

الله يثبت حملكم ي رب ويقر عينكم بشوفة اطفالكم وهمة بخير


,

ام جوري معروف عندك جاك وجمالك

بس انا اروح للمقينة وكلها في التحلية

دايم اقص شعري عند الما فلبينية ويدها خفيفة


::

[صدفة عمر]

::


كيفكم كروشات ان شاء الله بخير

انا ماكاني في التاسع مافية طلق ولا بوادر ولادة

ربي يسهلها ي رب بس سار النوم شين وصعب


::

[دلوعة وطيوبة]

صدوفه الحلوة الله يسهل ع عليك مابشوفك بالقروب

[أُمنية حامل]

السلام عليكم

اقولكم وين بولد ان شاء الله

بولد عند بخش فيه وحده مدحته لي

مع العلم اني بولد قيصري

من هنا الى ذاك الوقت ماندري وش ربي يكتب

بس ذا الي الحين براسي

[كرميلا]

اهلين حياتي صدفه عمر

والله كانك تتكلمي عني النوم صاير مره شين وصعب

الله يعين...

[aisha]

جمعه مباركه
بنات انا ساكنه بالسامر وبراجع عند دكتوره في عيادات الهبه
اسمها جهان
في احد يعرفها
لاني جديده في جده
بليز اللي تعرف احد يراجع عندها يقولي

[ام جووريـ حيااتيـ]

::

الله يثبت حملكم ي رب ويقر عينكم بشوفة اطفالكم وهمة بخير


,

ام جوري معروف عندك جاك وجمالك

بس انا اروح للمقينة وكلها في التحلية

دايم اقص شعري عند الما فلبينية ويدها خفيفة


::
جربتي نواره

[ام جووريـ حيااتيـ]

جمعه مباركه
بنات انا ساكنه بالسامر وبراجع عند دكتوره في عيادات الهبه
اسمها جهان
في احد يعرفها
لاني جديده في جده
بليز اللي تعرف احد يراجع عندها يقولي
ماعرفها للاسف

[ام جووريـ حيااتيـ]

السلام عليكم

اقولكم وين بولد ان شاء الله

بولد عند بخش فيه وحده مدحته لي

مع العلم اني بولد قيصري

من هنا الى ذاك الوقت ماندري وش ربي يكتب

بس ذا الي الحين براسي
الله يسهلك وتولدي طبيعي بدون مشاكل

وين ماكانت ولادتك كلها تساهيل من ربي

[روعه**]

مرحبا كروشات وكيف الحمل معاكم انا جديده وياليت تقبلوني صديقه معاكم في هالتجمع الحلو انا حاليا بالسادس ويارب يهون وييسر حملي وحملكم ...

[ام جياد]

كيفكم ياكروشات وياهلا بيكي معانا ياروعه

[صدفة عمر]

::


دلوعة وطيوبة فديتك ي قلبي مرة سرت اتعب من جلسة النت فديتك

وماتفقدي غالي ي قلبي ان شاء الله امر ع القروب

,

امنية حامل الله يختار لك الطيب وتولدي بالسلامة

,

كرميلا الله يعين الحمل كل شهر اعصب من اللي قبلة

الله يطوي علينا الايام ويقر عيوننا بشوفة النونو وهو بخير ي رب

,

ام جوري نو ماجربتها بس روحي جاك في وحدة اسمها روز خطيرة

قصها حلو وكمان فية وحدة فرنسية ما اعرف اسمها همة التوب هناك

وجمالك عندك عطرة معروفة كمان جربت القص في رويال كير اللي بالحمراء

حلو كمان بس انا دايم عند المقينة بس روز خطيرة

,

هلا روعة حياك الله خيتو وربي يفرحك بشوفة النونو وهو بحضنك

واذا تحتاجي شيء كلنا هنا اخوات ماراح نبخل عليك :)

,

ام جياد هلا ي قلبي وحشتيني ي وحشة كيفك وكيف جود وجياد


::

[صدفة عمر]

::


انا صحتي بخير بس سرت احس بالم اسفل

احس المنطقة تتوسع اتوقع النونو نزل الحوض ما ادري

ي رب سهل حملي ووضعي شايلة هم الولادة ومرعوبة


::

[ام جياد]

::


انا صحتي بخير بس سرت احس بالم اسفل

احس المنطقة تتوسع اتوقع النونو نزل الحوض ما ادري

ي رب سهل حملي ووضعي شايلة هم الولادة ومرعوبة


::
الله يسهل عليكي ويقومك بالف سلامه وتبشريني تراني مستنياكي تولدي انا بعدك hwaml02مع اني بديت احس الم بالحوض الحين الله يعين والثقل كمان زاد ربي يعيننا ويقومنا بالف سلامه ياااااااااااارب
وانا بخير وجود بخير ويسلمو على جوري وسوسو بس حتى انا صلا صرت اتعب من جلست النت الله يعين

[همسة خير]

::


انا صحتي بخير بس سرت احس بالم اسفل

احس المنطقة تتوسع اتوقع النونو نزل الحوض ما ادري

ي رب سهل حملي ووضعي شايلة هم الولادة ومرعوبة


::

صدفة حبيبتي ربي يسهل عليك وتولدي بصحة وسلامة

ولاتخافي انشاء الله هانت باقي قليل وتفرحي بالنونو يارب ....

وتراني مثلك ماصرت اقدر انام بالليل وغير كذا جنبي اليمين مرره يوجعني مدري ليه ؟ ادعيلي

[أُمنية حامل]

صدفة عمر
الله يسهل عليك الولاده ياااارب
وتقومين لنتي والبيبي بسلامه يارب

[أُمنية حامل]

ام جوري مشكوره ياقلبي
بس انا اصلا غصب عني اولد عمليه
لانه حمل عزيز
الله يتمم على خير ويسهل للجميع

[حآلمه ..}]

مرحبا صبايا
كيف الحال
انا بكريه ومن جده برضو بس الحين خارج جده
بغيت اسأل لو رجعت جده اقرب شي عندي مجمع خالد الطبي
والسامريه اللي بحي السامر او اللي بحي النسيم مو مشكله

هل تنصحوني بالمتابعه عندهم ؟ ومين افضل دكتوره الله يسعدكم

[صدفة عمر]

::


ام جياد ي قلبي الله يعينك ويسهل ولادتك ي رب الثقل كل ماله يزيد


هموسة فديتك ي قلبي يلا مين يسبق انا او انتي خخخخخ

الله يسهل لنا ي قلبي ونولد بالسلامة ي رب


,

امينة تسلمي حياتو ع الدعوة الطيبة ماننحرم منها ي رب

كيف خلصتي وحم الله يطوي عليك الايام ويسهلها لك

,

هلا حالمة فية بنات تمدح خالد الطبي والسامرية اللي في النسيم

بس خالد اكثر بس ما اعرف مين الدكتورة الشاطرة هناك

سوي سيرش بقوقل وشوفي مين الافضل والله يسهل لك ولادتك ي رب


::

[أم زياد3]

كيفكم كروشات جده
أنا حددت الدكتورة يوم الثلاثاء العملية
السبب لأن اخر طفل عندي كان بلعملية وإللي في بطني ماشاء الله تبارك الرحمن حجمه أكبر من إخوانه وضاغط على جرح العملية عشان كده قالت عملية
إلا بسألكم أشوف نور وينها مافي وحدة تعرف إش أخبارها من زمان والله فقدناها من يوم ماماتت أمها

[روعه**]

مرحبا كروشات
كيف الحمل معاكم يااني اعاني معاناه من كثره روحتي للحمام الله يكرمكم والله صرت اتفشل لما اروح للناس لازم ازور حماماتهم وليته مره وبس كل شوي خلاص كرهت الطلعه من البيت ههههه اقعد في بيتي استر لي شايله هم اذا دخلت بالشهور الاخيره حتزيد المعاناه

[همسة خير]

مرحبا كروشات
كيف الحمل معاكم يااني اعاني معاناه من كثره روحتي للحمام الله يكرمكم والله صرت اتفشل لما اروح للناس لازم ازور حماماتهم وليته مره وبس كل شوي خلاص كرهت الطلعه من البيت ههههه اقعد في بيتي استر لي شايله هم اذا دخلت بالشهور الاخيره حتزيد المعاناه

مساء الخير يا احلى كروووشات

روعة حبيبتي ياهلا فيك بينا
ولا تتفشلي ولا حاجة هذا امر طبيعي انك تدخلي الحمام كل شوي ...
اكثر الحوامل كذا الله يسهل عليك وتولدي بصحة وسلامة

[روعه**]

همسة خير ربي يسعدك بس والله شغله بس الله يكتبو في ميزان حسناتنا

[نبض الحياء]

لحوامل جده من جربت مستشفي الوالاده بمستشفي المساعديه اول مره ارحواله وبغ اسواي فيه عمليه

[ام رتيل]

نبض الحياه المستشفى الحكومي؟
وسلامتك عملية ايه اللي بتسويها؟؟

[00دانه00]

كيفكم حبايبي00
الله يهون علينا انا حامل بالسابع واراجع بمستشفى الاطباء المتحدون عند الدكتوره سلوى00
وانا بكريه وخااايفه قد سمعتوا عنها وكيف المستتشفى00

[همسة خير]

دانه حبيبتي انا اراجع في الاطباء عندهبة فؤاد
وسمعت عن سلوى بس ما اعرف كويسه ولا لا
ان شاء الله البنات يفيدوكي وسوي سيرش في قوقل يمكن يطلع لك شيء ..
والله يوفقك وتولدي بالسلامه

[Noufa]

السلام عليكم و رحمة الله و بركاته
كيفكم يا حلوات ^^
ما شاء الله المنتدى عجبني فيه كتير مواضيع مفيده
و جبيت اشارك معاكم في التجمع ( عجبتني الفكره )^^
انا حالياً في الشهر السادس تقريباً او السابع مش متأكده p:
و بتابع مع دكتورة سلمى بغدادي في المركز الطبي الدولي

الله ييسر حملي و حملكم و يرزقنا بولادة سهلة و نفرح بنونواتنا و يتمم لنا الصحه و العافيه بعد الولادة

[Noufa]

و على فكرة انا ولادتي الاولى كانت عند دكتورة صباح حداد في الاطباء المتحدون
اللي تحب تسأل عن شي انا تحت امرها ^^

[همسة خير]

السلام عليكم و رحمة الله و بركاته
كيفكم يا حلوات ^^
ما شاء الله المنتدى عجبني فيه كتير مواضيع مفيده
و جبيت اشارك معاكم في التجمع ( عجبتني الفكره )^^
انا حالياً في الشهر السادس تقريباً او السابع مش متأكده p:
و بتابع مع دكتورة سلمى بغدادي في المركز الطبي الدولي

الله ييسر حملي و حملكم و يرزقنا بولادة سهلة و نفرح بنونواتنا و يتمم لنا الصحه و العافيه بعد الولادة

ياهلا وسهلا فيك يا نوفا نورتي تجمعنا
وان شاء الله نفيدك ونستفيد منك واحنا كلنا هنا اخوات ...
والله يتقبل منك الدعوه الحلوه وييسر علينا اميــــن

[aisha]

مرحبا صبايا
كيف الحال
انا بكريه ومن جده برضو بس الحين خارج جده
بغيت اسأل لو رجعت جده اقرب شي عندي مجمع خالد الطبي
والسامريه اللي بحي السامر او اللي بحي النسيم مو مشكله

هل تنصحوني بالمتابعه عندهم ؟ ومين افضل دكتوره الله يسعدكم
اهلا اختي
انا برضو ساكنه بالسامر
واحترت وين اراح بالسامر ولا خالد ولا عيادات الهبه
بالاخير استقريت علي الهبه عند دكتوره جهان
بامانه لي بس زيارتين عندها
والخميس رايحه اسوي تصوير
بالاساس انا من المدينه
الله يسهل ويارب تكون شاطره
مستنيه زوجي يعملي بطاقه بوبا
واراجع في مستشفي افضل

[عاشقه أمي]

مشكوره لولو على موضعك الحلووو
بصراحه انا ناويه اولد عند دكتوره عبير محمد بمستشفى غسان نجيب فرعون بس المشكله إنو شهر ولادتي حتكون هي في إجازه وطبعا ذي أكبر صدمه لي ..
أنصحوني وين أولد وابي دكتوره مريحه وبالها وسيع ..
واللي تقول انها تراجع الجدعاني اللي بحي الصفا ترا كثير مايمدحوونه والله يسرلنا الخير
تقبلو مروري ,,

[noni200]

الله يثبت حملك يارب
وانا مثلك امس كنت عند الدكتوره اعطتني مثبت دافستون
ادعي الله كثير ولاتشيلي هم
ويارب نفرح باطفالنا


ايوا هوا اعطتني هوا لمدة ثلاث اسابيع استخدمته اسبوع ودا الثاني
بس مو عارفه لمتى حستمر عليه ان شا الله ثلاث اسابيع ويثبت الحمل
واسيبه انا اليوم بروح الاطباء المتحدون عشان حبدأ مراجعه خلاص وبعدين
عشان بولدي الاول ماسار ليا كدا بس دا شكلو بيجي مدلع براجع عند حمديه
عشان يكون عندها علم اش سارلي وانا في بداية حملي وزي كدا

[aisha]

ايوا هوا اعطتني هوا لمدة ثلاث اسابيع استخدمته اسبوع ودا الثاني
بس مو عارفه لمتى حستمر عليه ان شا الله ثلاث اسابيع ويثبت الحمل
واسيبه انا اليوم بروح الاطباء المتحدون عشان حبدأ مراجعه خلاص وبعدين
عشان بولدي الاول ماسار ليا كدا بس دا شكلو بيجي مدلع براجع عند حمديه
عشان يكون عندها علم اش سارلي وانا في بداية حملي وزي كدا
الله يثبت حملك يارب
انا ليا اسبوع استخدمه ووقف الحمدلله وعندي تصوير الخميس
ادعيلي يارب يبان الكيس واتطمن
انا اول حمل ليا
الخميس حيكون ليا اول يوم بالشهر الثاني وانتي؟

[Razan77]

مساااء الخيرر ..

بنااات جده بليييز افيدوني ..

محتاره وين اولد انا دحين اراجع ف الطب الدولي ومدري ليش خايفه اولد عندهم لانه يمكن مااعرف احد ولد عندهم واساله .. فـ بليزز الي تعررف تقولي كيف من كل النواحي الخياطه والولاده وكل شيء تعرفه ..

وفكرت كمان اولد في سليمان فقيه لاني اعرف ناس كثير ولدوا فيها .. بس تاميني هنااك لكن اقدر احوله لكن لازم من بدري خلال دا الشهر لازم اقرر فين اولد يـ سليمان فقيه يـ الطب الدولي ..

بليييز جاوبوني بالي تعرفووه او سمعته عنه ..

<<<بكررريه وخايفه من الولاده :( ..

[همسة خير]

هلا وسهلا فيك اختي رازونه
اول شيء اقولك لا تخافي انشاء الله ربنا معاكي وين ماكنتي
اما بنسبه لمستشفى الطبي الدولي ماعندي اي خلفيه عنه
ولكن سليمان فقيه كثير من الاخوات يمدحونه
وان شاء الله البنات يفيدوكي اكثر وانصحك كمان تسوي سيرش على القوقل
وتستخيري الله قبل تأخذي القرار..
والله يوفقك

[همسة خير]

صدفه حبيبتي وحشتينااا
ماصرتي تتواجد في المنتدى مثل اول فقدناك
والله شايله همك يارب يفرج عليك ااامين

[روعه**]

مرحبا ياحلوات كيفكم ؟
بنات من تعرف او سمعت عن عرفان لاني اراجع عندهم ويعني احس اني مرتاحه الحمدلله فقررت اولد عندهم ياليت اللي تعررف عنه تفيدني

[اميرةفى امانيها]

سلام حبيباتى اختى رازان انصحك سليمان فقية اصبح سمعتة مادية يعنى ولادتك طبيعى يخلوها قيصرى انصحك بخالد ادريس ممتاز وبدون الم وعناية بس خليكى عند ميمى او درية واطلبى تجميل واللة يسهلك

[درة المنتدى]

ماشاء الله يتمم على الجميع حملهم بصراحه انا ولاداتي الثنتين عند اهلي بالشرقيه ولا عندي اي خلفيه عن مستشفيات جده بس ابي رايكم بمستشفى العسكري من ناحيه الولادات القيصريه لانه راح اولد قيصريه واذا تعرفون دكتور اودكتوره ممتازه فيها
طلب ثااني يااخوات وياليت تساعدوني انا حامل بسبع اسابيع كل شي سليم بحملي حتى سونار سويت ولكن الله يكرمكم تنزل مني افرازات بنيه واحيانا شويت دم واخذت ثبتات واكن تم الوضع زي ماهو المهم اللي ابيه دكتوره شاطره تفهم باي مستشفى حكومي او خاص بليز اكسبوا اجر فيني انا بالسامر ساكنه ولا اعرف احد بلييييييز

[ام جووريـ حيااتيـ]

ام جوري مشكوره ياقلبي
بس انا اصلا غصب عني اولد عمليه
لانه حمل عزيز
الله يتمم على خير ويسهل للجميع
حمل عزيز

مافهمت اش تقصدي


ترااا الفهم صاير لك عليهhwaml7

[ام جووريـ حيااتيـ]

مرحبا صبايا
كيف الحال
انا بكريه ومن جده برضو بس الحين خارج جده
بغيت اسأل لو رجعت جده اقرب شي عندي مجمع خالد الطبي
والسامريه اللي بحي السامر او اللي بحي النسيم مو مشكله

هل تنصحوني بالمتابعه عندهم ؟ ومين افضل دكتوره الله يسعدكم
السامريه في النسيم عندهم دكتوره وحده اسمها جهان وقت الولاده تروح معاكي بخش تولدك هناكhwaml5

بس هذا الكلام قبل سنتين دحين مادري

[ام جووريـ حيااتيـ]

نصيحه مني
الي اختارت مستشفى
اوالي بتروح للقريب منها تروح ولا تسال عن دكتوره ولاغرفه ولا نضافه ولاشي


تروح تراجع وتريح نفسها عشان لاتوسوس ولاتفكر

والي صار لغيره موشرط يصيرلها

يمكن ربنا يكتبلها الخير في ذا المكان

لاتعبوا نفسكم بكثره الاسئله
في النهايه بتولدوا
وربنا يسهلها لكم
حتى لو في مركز الصحي حق الحي خخخخخخخخخخ

والي كاتبه ربنا بيصير

[aisha]

بنات سوال الله يسعدكم
انا عندي تصوير في اول يوم بالشهر الثاني
يبان كيس الجنين ولا لا؟

[noni200]

لا ياقلبي مايبان انا الى الان في الاسبوع الخامس ولا بان

[aisha]

لا ياقلبي مايبان انا الى الان في الاسبوع الخامس ولا بان
:(:(
طيب هيا قالتلي تعالي عشان اشوف مكان الكيس في الرحم فين واتطمن عليه:(
احبطت:(

[Razan77]

همسة خير ..

مشكوووره قلبوو على ردك وصح كلامك الواحد يستخير قبل ماياخذ قراراته ..

الله يعطيكِ العافيه ..

,,

اميره قلبو ايه خالد ادريس مره كويسه امي ولدت فيها بس المشكله ماعندي تامين فيهاا
عشان كدا كنت افكر ف سليمان فقيه ولا لو ماعندي تامين ماابغاها لانه كمان دحين زودوا الاسعار فيها ..

آآآميين ويسهلك ياارب ..

[noni200]

:(:(
طيب هيا قالتلي تعالي عشان اشوف مكان الكيس في الرحم فين واتطمن عليه:(
احبطت:(
متى قالت لك اصبري اسبوعين وروحي لها وان شا الله كل شي يكون تمام
انا زي كدا الدكتوره قالت لي قالت ما ابغى احكم انو في شي في الحمل روحي اسبوعين وتعالي نسوي سونار تاني يعني تكوني في الاسبوع السابع وان شا الله يبان البيبي حقي والبيبي حقك

[ms.moon]

صباح الخير ياحوامل

[ms.moon]

اش كل الحوامل نايمين الين دحين
انا من يوم ما دخلت التاسع ماعرفت عيني طعم النوم
بليييييييييييييييييييييييييييييييييييز احد يقوم يرد علي

[همسة خير]

ياهلا يامس مووون والله انا ما انام الليل من التعب
وتلاقيني نايمه طول النهار
نفسي اعدل نومي ومو قادره

[ام جياد]

كيفكم يابنات وها بشري هموسه انتي وصدفه مافي بوادر ولاده عندكم طمنونا

[فوفو الأمورة]

السلام عليكم ...
كيفكم كروشات ؟
اول شي رحبوا فيني
انضميت متأخر
انا حاليا بالشهر الثامن او التاسع <<عاد محتارة عندي موعدين ولادة والله يجيب الله فيه الخير :)
وبكرية ..
وساكنة بالليث عشان عمل زوجي بس طبعا انا من سكان جدة واهلي هناك ومراجعتي هناك ..
ماقدرت اقرا دردشتكم كلها..
بس انا براجع عند دكتورة وفاء أمين في عيادات الفتح اللي في كيلو 2
أحد سمع عنها ؟
بصراحة الدكتورة فوق الممتازة ماشاء الله تبارك الله ..ولا يغركم إنها عيادة ..
وان شاء الله الولادة في بخش الشرفية وهي اللي بتولدني ..
والله ييسر عالجميع ياااارب


صح بنات اللي عندها ارقام شغالات بليز لاتبخل علي
والله محتاجتها ومو لاقية ..
وترى ابغاها في جدة مو بالليث لا تخافوا لاني بولد عند أهلي ان شاء الله

وثانكس مقدما :)

[همسة خير]

كيفكم يابنات وها بشري هموسه انتي وصدفه مافي بوادر ولاده عندكم طمنونا

اهلين ام جياد عساك بخير ان شاء الله ...
والله انا باقي لسه ما احس بشيء
اما صدفه فماادري ايش صار معاها لكن صار لها كم يوم ماتدخل المنتدى
عندي احساس انها ولدت يارب تكون بصحة وتكون ولادتها سهله ونطمن عليها قريب
وعقبال كل الحوامل يارب ..

[همسة خير]

السلام عليكم ...
كيفكم كروشات ؟
اول شي رحبوا فيني
انضميت متأخر
انا حاليا بالشهر الثامن او التاسع <<عاد محتارة عندي موعدين ولادة والله يجيب الله فيه الخير :)
وبكرية ..
وساكنة بالليث عشان عمل زوجي بس طبعا انا من سكان جدة واهلي هناك ومراجعتي هناك ..
ماقدرت اقرا دردشتكم كلها..
بس انا براجع عند دكتورة وفاء أمين في عيادات الفتح اللي في كيلو 2
أحد سمع عنها ؟
بصراحة الدكتورة فوق الممتازة ماشاء الله تبارك الله ..ولا يغركم إنها عيادة ..
وان شاء الله الولادة في بخش الشرفية وهي اللي بتولدني ..
والله ييسر عالجميع ياااارب


صح بنات اللي عندها ارقام شغالات بليز لاتبخل علي
والله محتاجتها ومو لاقية ..
وترى ابغاها في جدة مو بالليث لا تخافوا لاني بولد عند أهلي ان شاء الله

وثانكس مقدما :)


ياهلا وسهلا فيك يافوفو بين اخواتك نورتينا ونورتي تجمعنا ...
يارب نفيدك ونستفيد منك
شوفي حبيبتي انا ماسمعت عن الدكتوره وفاء اللي تراجعي عندها بس اهم شيء انك مرتاحة معاها فيارب تكون ولادتك سهله عندها...

وبنسبه لشغالات انا برسلك على الخاص رقم حرمه كنت اجيب من عندها شغالات ان شاء الله تفيدك ...

[أم ح ــنونـہ]

كيفكم حوامل
انا اليوم اخذت التامين الصحي
وحطوا فيه مركز الطب الدولي
وانا ما عمري رحت عليه
قلولي كيف الدكاتره هناك لني مو حابه أغير دكتورتي صراحه
بس اكيد في الولاده حروح هناك الله يستر من دحين خايفه لأني ما بعرف الخدمه عندهم كيف
ممكن وحده تخبرني وتطمني ؟

[MALAK2010]

اللهم صلى على محمد وعلى ال محمد كما صليت على ابراهيم وعلى ال ابراهيم انك حميد مجيد
وبارك على محمد وعلى ال محمد كما باركت على ابراهيم وعلى ال ابراهيم انك حميد مجيد

[صدفة عمر]

::


كيفكم كروشات ... فديتك هموسة ي قلبي لا ماولدت ولا شيء

باقي ماخلصت عفشي احاف اولد وانا مارتبت شنطي

اليوم ان شاء الله برتبها او بكرة

انتي كيفك مع التاسع انا بطني من امس متحجر كل اليوم

مرررررررررة متعبني الله يعين بالقوة صحيت ونايمة ومو نايمة

,

كيفكم كروشات ان شاء الله كلكم بخير ي رب

اللي تسئل عن الطبي الدولي بسراحة هوة التوب بجدة

من ناحية النظافة والخدمات ومافية عندهم دكاترة مشهورين

مثل سماء ناظر اعتقد كذا اسمها خالد خداوردي وكمان سميرة ابو راوي

بس اعتقد سماء هي التوب عندهم


وي رب يسهل ولادتكم ويفرحكم بشوفة النواني

روعة ودرة المنتدى ان شاء الله البنات تفيدكم ما عندي خلفية


::

[أم ح ــنونـہ]

صدفة عمر
تسلمي يا قلبي على المعلومات
خلاص ان شاء الله خير
والله يسهل ولادتك ويقر عينك بشوفة طفلك سليم معافى

[فوفو الأمورة]

همسة خير .. جزاك الله خير حبيبتي ..
اخذت الرقم وان شاء الله هاليومين بدق ..



بنات احس اليوم بحركة غريبة زي الشد في بطني كأنها تشتل على جهة كذا
مدري في احد صار له كذا ؟

[أم عبووودي]

مرااااااااااااحب حبايبي
اخباركم ان شاء الله كل شي تمااام التمام
ربي يسهل على الجميع ويفرحكم ..

بنااااااااات بليز مين تعرف مستشفى في جده تسوي تلفزيون ثلاثي الابعاد ؟؟
انا من مكة ودكتورتي طلبته مني دخيلكم اللي تعرف تقلي اي مستشفى وبكم ؟؟
لان في مكة مافي غير ثنائي الابعاد :(
الله يسعدكم ويسهل عليكم اللي تعرف تخبرني في اسرع وقت :)

[درة المنتدى]

السلام عليكم يااابنااات
ان شاء الله انكم بصحه عافيه
بنات بلييييز ساعدوني انا ساكنه بالسامر حامل بالشهر الثاني عندي طفلين ابي شغاله بالاسبوع تجي يعني ثلاث ايام بالاسبوع
الله يوفقك الي تساعدني ويسهل ولاداتكم جميعاااا

[ام رتيل]

هلا بنات
ام عبودي روحي للمستشفيات الكبيره انا سويتها في سليمان فقيه بس بكم ما اعرف
درة المنتدى احنا والله والشغالات في زحمه في وحده من فتره حطت ارقام شغالات بس كيف تنضيفهم والله ما اعرف هذي الارقام 0501897679وكمان وحده فلبينيه 0509674201

[ام جياد]

اهلين بنات ربي يطمنا عنكم هموسه وصدفه والله بدء العد التنازلي بجد ياصدفه باقي لك 20 يوم ربي يبشرنا عنك كل البنات كيفكم

[زهــــور]

تكفون شاركوني همي والله نفسيتي زفت

http://forum.hwaml.com/t45220.html

[همسة خير]

صباح الخيرات ياحلوين
انا اليوم مرره مبسوطه رحت العصر مكة وسويت عمره ودعيت من قلبي الله يسهل علي وعلى كل الحوامل
يارب يستجيب لي ...

صدفة حبيبتي والله كنت قلقانه عليك بس الحمدلله طمنتيني
وترى مانسيتك والله دعيتلك بالاسم قلت اذا ولدتي ربي يقومك بالسلامه ويحفظلك ابنك
واذا لسه ماولدتي يارب يسهل ولادتك
ترى والله اعزك من قلبك ...

ومشكوره ام جياد على سؤالك فديتك ياعسل

[ام جياد]

العفو بس والله قلقانه عليكم ربي يقومك بالسلامه وبشرونا اذا ولدتو والله افكر فيكم ربي يفرج عنكم وعني بعدكم

[ام جووريـ حيااتيـ]

صباح الخيرات ياحلوين
انا اليوم مرره مبسوطه رحت العصر مكة وسويت عمره ودعيت من قلبي الله يسهل علي وعلى كل الحوامل
يارب يستجيب لي ...

صدفة حبيبتي والله كنت قلقانه عليك بس الحمدلله طمنتيني
وترى مانسيتك والله دعيتلك بالاسم قلت اذا ولدتي ربي يقومك بالسلامه ويحفظلك ابنك
واذا لسه ماولدتي يارب يسهل ولادتك
ترى والله اعزك من قلبك ...

ومشكوره ام جياد على سؤالك فديتك ياعسل
ماشاء الله
الف مبررووووووووووك
وعقبال ماتحجي مع نونتك
يارب

[صدفة عمر]

::


ي قلبي ي هموسة فديتك وتسلمي ع الدعوة عساني ما انحرم منها ومنك

اكيد القلوب عند بعضها ي الغالية

ما شاء الله عمرة مقبولة ي قلبي نفسي فيها

,

ام جود فديتك ي قلبي اية دخلنا بالقلق كل يوم طلق وتحجر والم

الله يسهلها علينا ي رب ونقوم بالسلامة

,

كيفكم كروشات ان شاء الله بخير ي رب


::

[aisha]

الله يسهل ولا دتكم يارب
ويتبت حمل الجميع
ويرزقكم بالذريه الصالحه السليمه المعافاه
ويرزق كل محرومه عاجلا غير اجل
اللهم امين

[درة المنتدى]

ام رتيل الله يوووفقك يالغاليه دنيااااا واخره ويفرحك بعيالك وشوفتهم باعلى المراتب

[ام رتيل]

درة المنتدى الله يسلمك ويقومك بالسلامه احنا اخوات واي طلب انت بس اااامري
اتاكدي من الارقام انا الصراحه من وقت ما اخذتها ما اتاكدت وقوليلي ايش صار معاك

[لووليتا]

صباااااااااح الخير يااحلى كروووشات كييفكم حبيباتي شوو اخباركم وكيف النووونات الطعمين ؟

ام رتيل اخبارك حبيبتي
والله وحشني المنتدى دعواتكم كنت تعبانة شوووية بس الحمدالله دحيين احسن ^^
الله يسهل على الجميييييييييييييع يارب كنت امس بالحرم ودعيتلكم كووووووووووووولكم

[شـامـخه رغـم الظروف]

مرحبا ’’’ ربي يتمملكم على خير ويسهل عليكم

[شـامـخه رغـم الظروف]

حابه اسئلكم انا جديده على جده وبكريه كمان ابغى احسن مستشفى للولادهـ فشمال جدهـ
وربي مو عارفه ولاحاجه وغير كذا اهلي بمنطقه ثانيه يعني مالي الاالله ثم انتم
ممكن تدلوني ومشكورات ,,,

[همسة خير]

صباح الورد يا احلى كروشات

ام جود مشكوره على الدعوه الحلوه وعقبالك ان شاء الله....

صدفه عساك بخير يارب وترى حتى انا بطني متحجره مثلك ولا اقدر انام منها
بس الله يعين....

اختي شامخة نورتينا وياهلا فيك بينا وبالنسبة لافضل المستشفيات بشمال جده عندك الاطباء المتحدون والطبي الدولي وسليمان فقيه
بس انا ارتاح اكثر شيء للاطباء فيها دكاتره كثير وافضلهم سمعه حنان الشمراني وفاطمة النمر
انتي سوي سيرش على قوقل واستخيري ولا تقلقي ياقلبي....

[ام جياد]

كيفكم اليوم ياكروشات جدة صدفه وينها مالها صوت اليوم ربي يطمنا عنك هموسه كيفك مع التاسع لووليتا سلامات وعمره مقبوله ان شاء الله

[همسة خير]

انا بخير حبيبتي ام جياد عساك بخير
بس احس بطني مررره متحجره والبنت ترفسني بقوووه
شكلها طفشت تبغى تطلعhwaml82

ابسألك ام جياد انتي باي شهر ياقلبي ؟

[خلوني على صبري]

السلام عليكم كيف حالكم يابنات جده انا اول مره اشارك معاكم حبيت اسلم عليكم واتطمن علي بنات ديرتي ياحبي لجده واهلها يارب تيسر حملنا وولادتنا يارب

[لووليتا]

الله يسهلكم حبيباتي همسة خير ههههههههههههههههههههه خلاص قولي لبنتك هاااانت قريب ان شاء الله الله يقومك بالسلامة ويفرحك فيها ياااااااااااااارب
شامخة والله انا زيك مااعرف مستشفيات جدة بس حظي نحس التامين حق شركة زوجي في المستقبل ومو راضيين يغيرولنا مع انو زوجي قال انه هو بيدفع بس برضوو مو راضين الله يستر وربي مرررررررررررة خايفة دي الايام بس ابكي عشان مو متقبلة المستشفى مع ان هنا في بنات مدحوها ليا
بس انا اسمع الكل يمدح الاطباء المتحدون مرة استخيري وربي يسهلك حبيبتي

[كرميلا]

ادعولي يابنات اليوم نزل مني دم مع مغص زي الدوره يروح ويجي

الله يسعدكم ادعولي ربي ييسرلي ولادتي..

[لووليتا]

كرميلا ياعمررررررررررري انتي الله يسهلك ياااااااااارب

[درة المنتدى]

كرميلا الله يسهل امرك ويقومك بالسلامه وتقر عينك بشوفته

[درة المنتدى]

ام رتيل الله يوفقك الارقاام مو لشغالات غلطط
يابنات اللي تعرف شغالات بالاسبوع تقول او بالشهر
او مكتب لاستقدااام ثقه اجيب خدامه من عندهم
ادري ثقلت عليكم بس اي جنسيه كويسه غير الفلبينيه والاندنوسيه

[ام دحومي]

مساء الخير كروشات
انا رحت للمستشفى يوم الاربعاء والدكتوره بعد الاشعه قالت ممكن اولد باول اسبوع في التاسع لان المشيمه حجمها الظاهر كبير مافهمت منها زين
بنات معقول البكريه تولد قبل لا تخلص التاسع لان الي دايم اسمعه ان البكريه لازم تزيد عل التاسع حلتى لو يوم ؟؟؟؟؟؟؟؟؟؟؟؟؟؟؟

[لووليتا]

درة والله ياليت اقدر اساعدك بس مااعرف للاسف
ام دحومي اممم مو شرطا البكرية تغلق التاسع اي نعم هو الاغلب بس مو شرطا انا نفسي اولد اول مااددخل التاسع لاني مرة تعبانة الله ييسرلك ويييسرلي وللجمييييييع يارب تقومي بالسلامة ياحلوة

[اميرةفى امانيها]

بسالكم افضل مستشفى ولادة بدون الم وكمامة بجدة ومايكون غااالى غير خالد ادريس انا سمعت المستقبل احد تدرى عنة وبخش يعنى ولادة دلع الطلق وخروج الراس وبالذات اذا انفكت الموية فية مسكنات ياليت تجاوبونى

[اميرةفى امانيها]

محد رد احد موجود يفيدنى ويعطينى عنواين للمستشفيات

[صدفة عمر]

::


لوليتا تسلمي ي قلبي ع الدعوة نفسي اروح الحرم قبل اولد ي رب تيسر لي

بعدين ليش تبكي المستقبل كثير يمدحوة والولادة تساهيل من ربي

ربي يسهلها لك وتفرحي بشوفة النونو وهو باحضانك معافى


,

فديتك هموسة ي قلبي انتي اية التحجر وكمان مغص بس روحت امس المستشفى

الدكتورة قالت بتطولي النونو لين ذحين مانزل الحوض

انتي كيفك مع الطلق واش تسوي عشان تتسهل ولادتك ربي يسهلها من عنده


,

ام جياد فديتك ي قلبي امس كنت عند اهل زوجي مارجعت غير الفجر

سايرة كل يوم اطلع افرفر ما شاء الله تعرفي الاربعين سجن ^_*

,

خلوني نورتي ي قلبي كيفك ربي يسهل ولادتك خيتو ^_^

,

شامخة مثل ماقالت هموسة فتيحي والمتحدون وفقية كلها بالشمال

وكلها حلوة ولها اسمها انتي استخيري ربك وربي يسهلها

::

[صدفة عمر]

::


كرميلا مو بدري ي قلبي ع الولادة ربي يسهلها لك

طمنينا عنك اذا صار فية شيء جديد ي قلبي


,

ام دحومي مو شرط تخلص التاسع ممكن ياخذوا اسبوعين او اسبوع

وان شاء الله تاخذي في التاسع ع الاقل اسبوع وربي يسهلها لك


,

درة المنتدى انا اعرف وحدة في بني مالك والنسيم اذا انتي هناك اعطيك الرقم

لانها ماترضى تروح غير هذي الاماكن

,

اميرة ليش ماتبغي خالد هو حلو وسعرة رخيص

بخش انا قراءت في النت انو مايعطي اي مهدئات او كمامة

كانك تولدي ببيتك بس ما ادري ذحين كيف

بس المستقبل فية بنات هنا مدحوة بس مين الدكتورة ما اعرف

كمان فية مستشفى صايم الدهر وحدة ولدت من التجمع عند دكتور

بس ما اعرف اسمة بس تمدحة كثير وكمان سعرة حلو

اعملي سيرش واستخيري ربك وربي يسهلها من عنده


::

[ام جياد]

انا بخير حبيبتي ام جياد عساك بخير

بس احس بطني مررره متحجره والبنت ترفسني بقوووه
شكلها طفشت تبغى تطلعhwaml82


ابسألك ام جياد انتي باي شهر ياقلبي ؟

اليوم دخلت التاسع ربي يعين وحاسه بالم من تحت بس ماادري لسه بدري عليه بس الم غريب قلت اذا زاد بروح للدكتوره بس شكلي اجهدت نفسي دعواتكم مررررره خايفه

[مع حبي]

مساء الخير يااحلى حوامل
الحمدلله انا امس حللت وطلعت حامل يارب لك الشكر ..
بعد فترة طويلة
الله يسعدك ساعدوني اذا تقدرو وقولولي انا حامل في كم
انا حسبتها عن طريق المنتدى بس اتوقع مليون في المية انه حسابهم خطأ
انا اخر دورة جاتني يوم 15 يناير 2011 يعني الشهر اللي راح
والمنتدى حاسبلي اني ليا شهرين حامل

اسفة ع الاطالة
وياليت تقبلوني صديقة معاكم

[ام جياد]

صدفه الحمدالله طمنتيني عليكي والله خفت عليكي بس الحين اطمنت كرميلا ربي يطمنك وتقومي بالف سلامه

[دانة الريف]

صباح الخير انا متابعتكم من زمان بس هدة اول مشاركة لية
اتمنى تقبلوني صديقة حابة اسالكم عن مستشفى الملك خالد الحرس الوطني كيف امكن اولد فية
انا في السابع حاليا

[روعه**]

مرحبا كروشات كيفكم ؟
ام جياد يالله هانت ربي يسهل عليكي وييسر ولادتك
مع حبي .. دانة الريف حياكم الله وانشاء الله البنات هنا مايقصرو معاكم

[دانة الريف]

تسلمين
ياروعة ماقصرتي

[لووليتا]

صباح الخير بنوتات كييييييييييييييييفكم وشو اخباركم؟
صدوفة يختي لا تلوميني بكرية بس بتوكل على الله لاني مالي الا المستقبل وعلى قولتك في بنات هنا مدحوه وعملت سيرش وبرضو بيمدحوه
واللي تسال عن بخش والمستقبل وخالد ترا بخش ماسمع كثير يمدحوه مدري ليه اما المستقبل وخالد يمدحوهم مررررررررررررررة استخيري واتوكلي انا رايحة عالمستقبل ان شاء الله
دانة الريف حياكي بينا حبيبتي
مع حبي انتي في اول اسبوع من الشهر الثاني الشريط اللي مسويته صح الله يسهلك ويتمملك على خير وانتبهي لنفسك وارتاااحي والله يبلغك يارب
روعة بخييير انتي كيييفك وكيف الحمل معاكي؟

[همسة خير]

كيفكم يا كروشات عساكم بخير يارب...

خلوني على صبري يا هلا وسهلا فيك نورتينا ويارب يسهل عليك وعلينا امين ...

لوولينا مشكوره على الدعوه الحلوه امين يارب وحبيت اقولك ترى مستشفى المستقبل سمعته كويسه وبنت خالة امي ولدت هناك وتمدح المستشفى فلا تخافي ياقلبي الله يولدك بالسلامه ....

كرميلا ربي يحميك ويسهل عليك بس انتي حاولي ترتاحي ولا تتحركي كثير ....

صدفه حبيبتي انا بخير الحمدلله وما احس بطلق بس بنتي ترفسني بقووه في الجنب اليمين
وانتي كيفك اللحين انشاء الله النونو ينزل الحوض وتولدي بالسلامة...

ام جياد ارتاحي ولا تتحركي كثير لأني كنت مثلك احس بالم في نهاية الثامن والدكتوره قالت لي لا تتحركي الين مايمر اسبوع على التاسع
وطمنينا عليك ياقلبي ...

مع حبي ودانة الريف ياهلا فيكم ونورتونا ....

[خلوني على صبري]

\\صباح الخير ياهمسة خير\\كيف الحمل مسوي معاك صدفه الله يعينا جالسين نفرفر في التجمعات خلاص انا طفشت ابي اولد بسرعه

[noni200]

اهلين اخواتي كيفكم والله لي كم يوم ابى ادخل بس الواحد يقول الحمدلله اخاف اجلس كثير او اتحرك ينزل دم وغير كدا والله الدكتوره احبطتنيييييييييييييييييييييييييي على الاخير
تقول الكيس وضعو مايطمن انا المفروض في الاسبوع السابع وكم يوم
بعدين قالت يمكن الاحمل سار متاخر شويا وبعدين تقول امكن يكون الجنين صغير او لاسمح الله الله لايقولها ميت لو كان ميت او مافي جنين والله اعرف نفسيتي مرررررررررررا راح تتعب
الله يسعدكم قولولي اش الحل وكمان ازيدكم من الشعر بيت اليوم بدا معايا اسهال وماني عارفه عادي ولا موكويس الاسهال في الحمل هدوني الله يهدي سركم يابنات خلاص حاسه الدنيا ضايقه بوجهي من كل ناحيه مسكره

[صدفة عمر]

::


حياك ربي مع حبي والف مبروك الحمل ربي يتممة لك ع خير

باقي لك 3 ايام وتدخل الشهر الثاني يعني الحساب صحيح تقريبا

,

هموسة وام جياد فديتكم كيف صحتكم

ريحي ام جياد طبيعي لمن تدخل التاسع تحسي بالم ومبروك دخولك التاسع

انا امس جاني طلق واخرها راح ي رب سهل ولادتنا


,

خلوني خخخخخخ انا افرفر في البيت وفي النت عشان يتحفز الطلق ^_*

,

لوليتا عادي ي قلبي طبيعي اكيد بس المستقبل حلو وربي يسخر لك الدكتورة الطيبة

,

دانة الريف اذا زوجك بالحرس او ابوك راح تولدي

يعني اذا عندك بطاقة فية وسجل ... واذا لا يبي لك واسطة

وربي يختار لك الطيب

,

نوني ي قلبي انتظري شوي في وحدة هنا قالوا لها انو الجنين مافية نبض

ويوم راحت مستشفى ثاني تبغى تنزلة طلع نبض

يعني دقة السونار تختلف من ومستشفى للثاني

وامكن مثل ماقالت الحمل صار ماتخر

وفية بنات مايبين النبض الا في الاسبوع التاسع

والاسهال مالة دخل في الحمل بس انتي كثري زبادي وتفاح وموز وسفن

انا في التاسع واسهال وانتي بكرامة 4 ايام وماولدت والدكتورة قالت مو علامة ولادة

الله يثبت جنينك ويفرحك بشوفتة وهو بحضنك سليم معافى


::

[لووليتا]

نوني الله يطمنك ويفررحك بحملك ويتمملك على خييير يارب
همسة حبيبتي بالله ياقلبي اساليلي عند اي دكتورة في المستقبل ولدت؟ لاني مو عارفة اروح عند اي وحدة
صدوووفة وخلوني وام جياد وكل وحدة دخلت التاسع ربي يسهللللللللللكم وولادتكم ويهون عليكم الطلق ويفرحكم بنوناتكم يااااااااااااااااااااااااااااااااااااااااااااااااا ااااااااارب^______^

[دانة الريف]

تسلمون على الردود مقصرتوا بس حبيت كيف خدمتهم وكيف الدكتورات الي فية
ومين سمع عن الخياطة باليزر من تحت يقولوا ماتحسين بالم الخياطة العادية

[ذكرى السنين]

كيفكم كروشات

زعلانه منكم
محد يسأل عني لي فتره ماادخل
ولا احد يسأل عن اخباري
توقعتكم تسألون
بس للاسف زعلتوني والله

[ام دحومي]

كروشات
االله يخليك ادعولي ربي يختارلي الخير يااااااااااااااااااااااااااااارب
تكفون بجد محتاجه دعواتكم
الله يخليك لاتنسوني
وربي يفرج هم كل من تدعيلي ويقر عينها بشوفه مولودها سليم معافى ويقومها بالصحه يااااااااااااااااارب

[ام جياد]

نوني الله يطمنك ويفررحك بحملك ويتمملك على خييير يارب
همسة حبيبتي بالله ياقلبي اساليلي عند اي دكتورة في المستقبل ولدت؟ لاني مو عارفة اروح عند اي وحدة
صدوووفة وخلوني وام جياد وكل وحدة دخلت التاسع ربي يسهللللللللللكم وولادتكم ويهون عليكم الطلق ويفرحكم بنوناتكم يااااااااااااااااااااااااااااااااااااااااااااااااا ااااااااارب^______^
لوليتا توكلي على الله وروحي لفاطمه علاو وانتي مغمضه عيونك والله زوجي قال تبغي تروحي اي مستشفى تولدي فيها اوديك بس انا مااحب اولد الا عند فاطمه ماشاء الله يدها كانت حلوه على بنتي بس خايفه الحين لانه زوجي بنفسه يدعي عليه يقول ان شاء الله بعد هذي الولاده تغيري رايك hwaml03طفش من الزحمه الي عندها hwaml02hwaml02بس انا ارتاح معاها بكلامها تحسيها طيبوبه
كروشات
االله يخليك ادعولي ربي يختارلي الخير يااااااااااااااااااااااااااااارب
تكفون بجد محتاجه دعواتكم
الله يخليك لاتنسوني
وربي يفرج هم كل من تدعيلي ويقر عينها بشوفه مولودها سليم معافى ويقومها بالصحه يااااااااااااااااارب
الله يختار لك كل الخير ويفرج همك يااااااااااارب ويقومنا اجمعين بالف سلامه

[همسة خير]

مساء النور

خلوني انا الحمدلله بخير عساك انتي بخير ياقلبي ...



نوني لا تخافي واكثري من الدعاء الله يحمي مافي رحمك ويسهل عليك وانصحك اذا قلقانه مره روحي مستشفى ثانيه يمكن يطمنوكي زي ماقالت صدفه وطمنينا عنك ....


صدفة حبيبتي انا الحمدلله طيبة بس حبيت اسألك كم مره مفروض امشي في الاسبوع وكم دقيقه تقريبا وابغى اعرف في ايش يفيد المشي؟؟


لووليتا سألتها تقول انها كانت تراجع عند الاستشاريه هيفاء وكانت مره ممتازه وسمعتها حلوه بس على ولادتها كانت في اجازه وولدتها وحده سودانية بس ماتعرف اسمها تقول برضوا السودانيه كويسه بس تنصحك بهيفاء وانتي استخيري والله يوفقك يا عسل ....


ام دحومي يارب يختار لك الخير و يسهل ولادتك ويرزقك الذريه الصالحة ....


ذكرى لك حق تزعلي سامحينا ولا تشيلي بخاطرك وطمنينا عنك كيفك اللحين عساك بخير حبيبتي؟؟؟

[لووليتا]

ام جياااااااد مشكورة حبيبتي ماقصرتي ايوة كثير مدحو فاطمة وهيفاء خلاص بستخير واتوووووووووكل عالله والله ييسر ان شااااء الله طمنيني عنك كيفك وكيف الحمل معاكي

صدوووفة حياتي انتي تسلمييييييييييييييييييييييييلي والله ماقصرتي ان شاء دا الاسبوع بروح المستشفى خلاص قررت ههههههههههههههه اخبارك ياعسل واخبار الحمل معاكي؟

[روح خآلـد]

هــآي صبـآيآ ـأإنــآ جديده بالمنتدى بكريه حامل في السابع عمري 19
يارب تقبلوني معاكم

[لووليتا]

روح خالد هلابك وحياااااااابك ومرحبابك بينا >>بكل الللهجات خخخخخخخخخخخخخ
انا كمان بكرية الله يسهلنا يااااااااااااارب