يسعد مساكم يا رب
ماكنت حابة اشارك لكن اسم الدكتورة ريهام الخرابشة ذكرني بتجربتي التي سأذكرها للمعلومية فقط
انا كنت متابعة عند الدكتورة ريهام وكنت مبسوطة كتير عليها ماكانت تخوفني وكانت تورجيني البيبي وتشرحلي عنو وكنت انبسط بس اشوفو (يروح الوجع) وكان اول حمل الي. وهي كمان والله كنت انبسط بس اشوفها حبوبة ومشاء الله عليها واردنية متلي
بس مرة رحتلها وانا تعبانة كتييييير الله لا يحط حدا مكاني هديك الساعة . وفي الاستقبال حكولي تأمينك تغير والمركز مش بالتأمين . حكالهم زوجي مش مشكلة خليها تكشف على حسابي بس المهم تشوفها الدكتورة . حكولي اوك بس هي مواعيدها فل بس عشان حالتك فوتي عليها تشوفك بدون موعد . فتت عليها حكتلها يادكتورة بنزل علي مي كتيييير وبتوجع من ظهري وبطني (حالتي بالمختصر بس والله ماكنت قادرة اوقف) . شيكت الدكتورة على الكمبيوتر وحكتلي انتي تأمينك تغير ما بقدر اعملك اشي . حكتلها على حسابنا المهم اكشفي علي يا دكتور الله يخليكي . حكتلي مواعيدي فل وهمي حاجزين يعني ابدا منك وبعدين شو بعرفني انك صادقة يعني هاي الاعراض الي بتحكيها صحيحة (ضلت تحكي معي اكثر من 5 دقائق يعني لو كشفت علي كان اسرع وعرفت مشكلتي وريحتني من الالم) المهم حكتلي بالاخر هاي مية الراس (بدون ماتكشف علي) ولازم تتحولي على الاسعاف وانا مابقدر احولك لانو المركز مش تابع في التأمين تبعك الجديد . طبعا اطلعت بعد ما انصدمت فيها مابعرف ليش اتغيرت فجأة (يعني عشان التأمين مثلا حسبت اني هاي المرة راح اكشف على حسابي والمرة الجاي ماراح اجي عليها ؟؟ مع انو زوجي كان ناوي يرفع فئة التأمين لاني كنت مبسوطة عليها وفعلا رفعناها بس ما ارجعت عليها ولا راح ارجع لانو الانسان معاملة مش تأمين وفلوس)
المهم رحنا على مستشفى التخصصي وفتنا الاسعاف وجابولنا دكتورة حكتلها الاعراض حكتلي ما تخافي هاي التهابات شديدة (والله قبل ما تفحصني حكتلي هيك) واعطتني دوا عشان ارتاح شوي وحكتلي اعملي هدول التحاليل واعملتهم وفعلا طلع معي التهابات شديدة واتعالجت منها بفضل الله .
وما اظن انها الدكتورة اشطر من الدكتورة ريهام بس الدكتورة ريهام ما بدها تكشف علي عشان التأمين وزعتني
بس هاي تجربتي مع الدكتورة ريهام وهي شاطرة وما شاء الله عليها والله يسامحها