قصتي ....أدعو لي بلفرج....

[خواااااطر]

سلام.. كيفكم ياحلووووووووات؟!
صراحه انا اعتبركم زي اخواتي مالي إلى انتو بعد الله وحابه افضفض شي بداخلي(الله لايحط عزيزه وغاليه في إلي انا فيه)
قصتي ابتدات وانا في الصف الثالث ثانوي تقدم لي شاب..فستخرت وحسيت براااااحه ووافقت وحددنا وقت كتب الكتاب ويوم قرب كتب الكتاب بديت احس بخوف وتردد واعاني من ضغوط اختبارات وزواج مو عارفه افكر بس من ناحيه العريس مرتاحه....
مرت الايام وسوينا حفلت الملكه وكانت الحفله كبيره موناقصه شي والكل كان يتكلم عنها..مرت ايام الملكه وكنا مره بعاد عن بعض ماحبيىته ماتعلقت فيه ما كأنه موجود بحياتي مكالمات وكانت مره في الاسبوع..
وحددنا الزواج بعد ما أتخرج من الثانوي يعني بعد كم شهر ""انا وزوجي من عائلتين كبار ومعروفه ""حجزنا اكبر وافخم القاعات والدقاقه وكانو اناس يتسائلون ايش بنسوي في الزواج وايش بنجيب >>>تعرفون الحريم وحب الفضول يذبحهم..
طبعآ جاء يوم الزواج ..تعرفون العروسه صاحيه من بدري وحووووووسه وكنت حاسه بخوف.
أذن الضهر واحنا في السياره رايحين المشغل حسيت انو في شي مخبى علي طبعآ جا خبر انو جدي في العنايه وحالته مرررره خطيره...جدي يصير ابو امي وولد عم زوجي..وصلنا المشغل وكنامترددين ماندري الزواج بيتم او لا ؟طبعن ماكنت ادري عن شي كانو مخبين علي مايبغون يخربون علي ليلتي وانا اسئلهم محد اعطاني جواب مقنع..(((كنت احسبهم يبكووون علي>>>>مصدقه نفسي..
اهلالعريس كلمو امي وقالو ماعاد فيه حفله..جتني امي وقالت لي جدك شوي تعبان واحنا بنسافر وانتي بيجي ياخذك زوجك من البيت..طبعآ انا سويت المكياج والتسريحه وانا في حاله مايعلم بها الى الله ..رجعنا البيت وجهزت اغراضي واهلي تجهزو((انا اكبر اخواتي واخواني واول فرحه لهم))>>بس ربي ماكتب..
دقت وحده من سلفاتي وردت عليه اختي وقالت سلفتي اذا ما بتجي العروس القاعه ترى زوجها ما بيجي ياخذها القاعه مليانه بنات وميت وحده تتمناه..وكلامه زادني هم وضيقه كنت اقول في نفسي انشاء الله يكون حلم..كنت زي الضايعه يوم زواجي ومو عارفه اش مصيري!!.
المهم الساعه 1 جاء زوجي واخذني ورحنا الفندق ةاهلي سافرو..واول ما وصلنا الفندف اخذ زوجي جوالي ومر اول وثاني يوم على خير وانا ما كلمت اهلي ولا ادري وينهم وايش صار واسأل زوجي عن جدي يقول طيب..وثالث يوم اول ماصحينا قالي تجهزي بنروح نزور جدك بس لا تحطي مكياج والبسي لبس محتشم يمكن يكون عنده ناس..ومشينا واحنا في الخط قالي ان جدي توفي يوم زواجنا في الصباح واحنا رايحين نعزي....

طبعآ مرت الايام وكل يوم مشكله على اتفه الاسباب وبعد مرور شهرين من زواجي حملت وتوحمت عليه كرهته وما ابغى اشوفه ونتمشكل من ولا شي..وكان يحاسبني على افعالي وافعال غيري...
ويوم من الايام بعد مرور اربعه شهور من الزواج كان يوم حلووووو صحينا الصباح ناخذ شور مع بعض طبعآ شاف زوجي شي في ظهري على شكل عين ولونها احمر ومنفوخه شي غررررريب...وكلعاده ما جاء اخر اليوم الى واحنىء متمشكلين ما يمر يوم حلو إلى ونهيته مشكله...وامي يوم شافت الي في ظهري قالت لي لازم تروحون عند شيخ لكن زوجي رافض الفكره .وصلت الشهر الرابع في الحمل وصار عندنا مشكله جدآآآآ كبيره فقالي زوجي موعدك الجاي تنزلين الي في بطنك ::أنتي منتي كفو تصيرين ام::وكل يوم والثاني يقولي بطلقك..وهددني ما اعلم احد من اهلي ...والحمد لله رضي عني وما نزلت الي في بطني ..

ومن يومها الين اليوم المشاكل بدت تقل ونفهم بعض بس لابد تمر الرياح احيانآ..
زوجي الكل يمدحه ومره طيب وحنون والحين امووووت فيه الله يحفظه ويخليه لي ...هي موجه وراحت الحمد لله ...
وان الحين في بدايت الشهر السابع وحامل بولد ادعولي بلفرج والله يسخر لي زوجي ويهديه.
"""أبغى نصائحكم ودعاويكم أعتبروني اختكم الصغيره لا تبخلون علي """
وأسفه ع الاطاله.. اتمنى منكم الرد..ولو بدعوه...

[فوضت امري لله]

حبيبتي الله يسخر زوجك لك وييسر امرك بولاده سهله يارب ---------


انا نزلت موضوع عن البوصله الشخصيه وهي تتعرفي على شخصيه زوجك ----


واتوقع زوجك مثل زوجي شمال شرقي--------


الله يعينك اذا كان كذاااا دوري بالنت كيف تتعاملين معه ----------------------------علشان تفهمينه-----------

[يارب ارزقني مااتمنى]

الله يفرجها عليك يــــــــارب

[فوق مستواااك]

روحي لشيخ خليه يقرا عليك .. والله يفررجهاااااا ويسخر زوجك لك يااااااااارب

[متفائلة دائما]

ربي يسخر لك زوجك حبيبتي و يتمم حملك على خير و يسهل ولادتك يااااارب
شوفي حبيبتي عليك بسورة البقرة فهي مفتااااااااح الفرج اقريها كللللل يوم ابدا ما توقفي عنها و حتى لو انشغلتي شغليها في البيت و لو حتى من النت المهم تقرأ البقرة في بيتك و حتشوفي كيف ربي حيسعدك و يفرج همك انه على كل شيء قدير

[سيدة الغرام]

الله يسخر زوجك لكي يارب
وانتي يااختي عليكي بقراء القران
والله يتمم حملك على خير

[آحسآس آنثى]

الله يسخر لك زوجك و يسعدك و يسهل عليك و يقومك بالسلامه
حبيبتي انصحك بالاستغفار و شغلي القران في بيتك سورة البقره و حاولي تروحي لشيخ
انا حياتي كلها مشاكل اهلي من جهه و زوجي من جهه رحت لشيخ و قال مافيني شي بس اعتقد حاله نفسيه لان وانا صغيره اشوف ابوي يضرب امي كثير و يطردها من البيت و اثرت فيني كتير >>>>>>>> اسفه حكيت قصتي

[MميميM]

ياقلبي ربي يفرج عليكي يااااااارب
ويتمم حملك وتتشوفي ولدك بين يدك بالسلامة ان شاء الله
حبيبتي مدام انو زوجك شاف انو في عين في ظهرك لازم تروحي لشيخ يقرأ عليكي
او مو ضروري شيخ خلي مامتك تقرأ عليكي الرقية الشرعية

وربي يفرج عليكي يااااارب ويبعد عنك العين والحسد

[ام سيلا]

الله يسخر لك زوجيك

انا توي مخلصه نفاس ويجيني شوية دم يروح ويجي هل هذا دم الحيض واذا كان هو وش احسن حبوب منع الحمل وهل اخذها اول ما تجيني الدوره الشهريه مع العلم اني ارضع طبيعي ولدي لسى ما كمل شهرين
ساعدوني اللي عندهم خبره

[ساكـــ بقلبو ـــــنه]

الله يسهل امرك ويسخر لك زوجك