اسمعوا قصة اجهاضي وادعوا لي ربي يثبتني ويعوضني

[الوصف المستحيل]

السلام عليكم ورحمة الله وبركاته
كيف حالكم
انا عضوه جديده وحبيت انقل لكم قصة اجهاضي
انا بكر وبعد خمس شهور زواج ربي كتب لي وحملت ونساتي شديده ولله الحمد وبعد ثلاث شهور ونص اجهضت ، اللهم اجرني في مصيبتي واخلف لي خير منها
كنت نايمه وصحيت على الم شديد في بطني دخلت دورة المياه الله يكرمكم بشوف نزل دم او لا ماشفت شي طلعت وانا بالموت امشي ورحت على السرير وانسدحت قلت يمكن شد عضل او برد ، الالم يزيد ماينقص وصحيت زوجي ورحت المستشفى وانا اتوجع جاتني الدكتوره وشافت نبض الطفل قالت سليم ، روحي سوي تحليل بول (الله يكرمكم ) وسويت تحليل ونزل معي دم ، حطت لي مغذي والالم يزيد وناديتها قالت حسبي الله عليها انتي عندك التهاب في البول ودم في البول وصديد على الكلى ويمكن حصى في الكلى ، قلت لها مافيني شي في الكلى قالت الا هذا تحويل لمستشفى ثاني ( حكومي عندنا ) روحي خليهم يسوون لك اشعه للكلى ، قلت لها مايصلح اسوي اشعه وانا حامل ، قالت حالتك تستدعي انك تسوين اشعه ، قلت لها ينزل مني ماي الحين قالت لا هذا من الكلى قلت لها لا هذا من الرحم ماصدقت ، طلعت ورحت للمستشفى الثاني وبهدلوني من قسم لقسم ومن غرفه لغرفه واخر شي دخلت على دكتوره قالت سوي تحليل بول ، قلت لها تعبانه مو قادره اوقف على رجولي قالت لازم ، وطبعا زاد نزول الماي والدم ودخلت اسوي التحليل وينزل الطفل وانا في دورة المياه ويبقى متعلق في المشيمه مانزلت انا انصدمت يوم شفته متخلق سبحان الله بس صغيييير، الله يعوضني يااارب ، جلست اصيح مارضيت اطلع قلت لهم اخذوا الطفل من تحتي ماراح اطلع فيه كذا وبعد سالفه طويله دخلوا طلعوني ونقلوني لمستشفى الولاده وسووا لي تنظيف .
الله يعوضني ويعوض جميع من فقدت او اجهضت طفل
عذروني طولت عليكم ، دعواتكم

[ياويل حاااالي]

ياحياتي عليك الله يعوضك يارب لا تزعلين نفسك وخيره من الله

[نسمة دفا]

ربي يعوضك حبيبتي

ويرزقك بالذرية الصالحة

[nwarah]

الله يعوضك حبيبتي
من جد موقف صعب

[حمرة الورررد]

لاحول ولاقوة الا بالله
الله يعوضك حبيبتي
انا اجهضت مرتين والحمد لله
وربي عوضني الله كريم اختي لا تزعللي نفسك اجر وعافيه

[ويبقى الامل بالله]

الله يعوضك باالحمل السليم المعافا
حاولي ياقلبي ف هالفتره ترتاحين وتتغذين عدل
لانك نزفتي دم كثير روحي بيت اهلك افضل ارتاحي

[*قلب(H)حبيبي*]

الخيره فيما أختاره الله
الله يعوضك خير و كثري شرب الماء لو فيك صديد و حصى
و ارتاحي و تغذي كويس

ولا تحزني يا قلبي أنا سقطت من عيون الناس اللي ما ترحم
و الحمدلله ربي عوضني خير

[ام مراوي]

الله يعوضك ان شاء الله

[خفايا الدنيا]

الله يعوضك حبيبتي ويرزقك الذرية الصالحة ياااااارب

[أسيرة عيونه]

الله يعووضش أختي بالحمل السليم

والله عورني قلبي

الله كريم