ساعدووني فديتكم..

[حلا الكوون]

السلام عليكم ورحمة الله وبركاته..
اخبااركم ان شاءالله بخيرر..

حابه اقول لكم عن مشكلتي مع اهل زوجي مادري كيف اتأقلم معاهم ابو زوجي متزوج عنده ثنتين يعني ام زوجي ووحده 2 يعني يوم ويوم انشوفه يوم عند مرته الثانيه ويوم عندنا لمن يكون مو موجود اقعد مع ام زوجي بس مافي شي اقوله لها السوالف ماتطلع وام زوجي حيل حيل حساسه مرااا انا هاديه ومااسولف وااجد يعني كلمه ورد غطاها اطبخ اذا قالت لي اساعدها اذا طلبت قلت لها امري بس مشكلتي مااسولف احس مافي سوالف ماتطلع سوالفي شلونكم شخباركم بس واذا رحت بيت اهلي ارجع اهلي يسلمون عليك انا من النووع الي مايحب يحش ويتكلم عن فلانه وعلانه يعني هذي سوت وهذي حطت ماعندي وهذي سوالف ام زوجي ف هي زعلانه علي عشاني مااسولف معها وزوجي كلمني لازم تسولفين مع امي ولا ترى بزعل علييج وابو زوجي كلمني لييه ماتسولفين معانا ..احس مافي سوالف اسولف معهم ....تكفوووون ساعدووني شنوو اسوووي

[لمعة الماسة]

طيب اكيد عندزوجك خوات اسالي ام زوجك عنهم سولفي عن اي شي صار في بيتكم او سمعتي سالفه من احد ترى الامور بسيطة بس اذا جلستي تفكرين انة ماعندك سوالف راح تنغلقين على نفسك والحريم الكبار يسولفون بس غريبة ام زوجك تسكت وتنتظر منك الكلام

[عفوآ حبيبي]

والله كأنك زوجة اخوي كذا ماتسولف ابدا اذا شي يضحك تضحك اذا سالتيها تجاوب اما انها تفتح سالفه وتكمل مستحيل

اكثر من مره نقولها سولفي بس اهي طبعها كذا بس والله نحترمها كثيرررر لانها كذا ماتاخذ ذنب احد

احنا نا وخواتي كلامنا كثيييييييييييير وهذرتنا واجد ونحب السوالف فعشان كذا امي ماتمل وماتحتاج سوالفها وكمان اخوي وابوي يسولفون فاما قد تضايقت امي من هالشي


بس انا احس انه طبع في الشخص وموعيب بلعكس احسه شي حلو لك انتي بس ام زوجك تبي سوالف انتي اساليها عن اي شي يعني افتحي معاها اي موضوع وهي رح تسولف يعني مايحتاج انتي الي تسولفي ومدري عاد


الله يعينك وانشالله تنحل وحبه حبه رح تتعودي وتصيري تبربري واجد

ومعليش على بربرتي عشان تعرفي بس اني مااحب اختصر هههههههههههههههههههههههه

[انثى من زجاج]

انا كده برضه مثل ماقالت اللي قبلي عن زوجة اخوها كانها تتكلم عني بس لوقاعدة مع عمتي لحالنا بس احكي عن ولدي ايش يسوي وايش يقول وايش جديد حركاته وكلامه بس يعني الموضوع مومستاهل تضايقي نفسك بس تاخذي عليهم وتتعودي واتخلفي رح تجي السوالف لحالها مايحتاج تشيلي هم والله يسعدك يارب

[نانا2012]

الله يهدي سركم ويحببكم لبعض

[دروب الأمل]

أول شيء فهمي زوجك انك تحبين أمه

وقولي مو كره او احتقار لأني ما أسولف

بس ما اعرف , ان شاء الله مع الأيام نتطور بالسوالف

..

أم زوجك عندي لك حل ,

اسئليها دائما عن طبخات تسويها

قولي كيف تحطين الملح او البهار , أو عن طبخهم بالاول كيف كيف كان

وشوفيها ايش تحب بالتلفزيون واحكي لها لو بيجي المره القادمة

..

لو جيتي من أهلك قولي يسلمون عليك وكان عندنا فلانه

كلام عادي جدا

بالتوفيق

[روز بااريس]

كل الكلام اللي كنت بكتبة

كتبته اختي دروب الامل

يعني خلي سوالفك الطبخ البرامج واشياء زي كذاا ...

[حلا الكوون]

يعطيكم الف عافيه الله لا يحرمني منكم ومشكورين لانكم عطيتوني كم فكره زوجي ماعنده الا اخت وحده وبثالث متوسط ماتقصر تسولف وانا اسولف معها وتسولف معي حتى ام زوجي تقول شمعنى تسولفين معها ماتسولفين معي مدري انا اسولف معها عادي شسوت ب السكول وكذا بس ام زوجي غيروره واحسها تتحكم فيني وأجد مافي احد يحب كذا مثلن البس لبس تقول لي شنو لابسه البسي طويل وانا هنا اتضايق والمشكله زوجي راضي عن لبسي ي ليت لبسي فوق الركب لا حدي نص الساق الحمدالله لبش محتشم بس تبيني البس ع كيفها الله يهديها تتحكم واجد بس مااقدر اتكلم اقول ان شاءالله شنو اسوي تحكمت بنومي ماقلت شي تحكمت بلبسي ماقلت شي بس مااقدر اسكت اكثر ان شاءالله ب الطريق جايبه بيبي ماابيها تتحكم بعيالي ...
اسفه كثرت عليكم بس انا ماابي اقول لاهلي اخاف تكبر وهي صغيره وربي احبكم ومعتبرتكم اخواتي..

[دروب الأمل]

تبين الصراحة

ترى انتي محظوظة عندك أحد كبير بالبيت

كل وحده بدايه حياتها تحتاج خبرات من اللي حولها

يعني لو قالت لك ملاحظات تقبليها بصدر رحب

الشخص اللي يحبك من قلب هو اللي ينصحك في وجهك

مو لا رحتي تجلس تحكي من وراك وتتضايق منك وانتي مو عارفه السبب

...

بعدين لمن تجيبين البيبي راح تستفيدين من خبرتها على الجاهز مو تتورطين في مسأئل ماتعرفين لها


بتقولين أعرف , صدقيني خبرة الكبار مانوصل لربع منها

, انا ما تتصورين قد ايش استفدت من أم زوجي بحكم العشره مع بعض

مع اني يوم أتزوج كان أتوقع اني فاهمه كل شيء بأمور البيت والطبخ

بس صارت على قدّي خبرتي


...

بالنسبة للبس هي صادقة , نص الساق بصراحة مو محتشم :(

الإسلام أمر المرأة بالستر

وكون مجتمعنا صار يحلل هالأشياء على كيفه , فالمفروض احنا نعرف الصح ونمشي عليه


..

كلامي يمكن يكون قاسي بس حبيت أقول لك الصراحة وما أجامل

.
واهلك لا تفكرين تقولين لهم

لأن هالأمور عاديه , ما وصلت لأنها تحرض زوجك وتتجسس عليك زي ما سمعت من ناس مقربين لي

[انسة سلاطات]

ماشاء الله كلها امور صغيرة وعادية
ما اقدر اطلق عليها مششششاكل

بنسبة لسوالف
اذا انتي شفتي برنامج حلوةوكذا
وهذا البرنامج من اهتماماتها
اذا جلسي معها سولفي لها عنه
وعن متى وقت الاعادة وجاء باي قناة
وكذا تكلمي عنه

اما اذا انتي والله جاهله باهتماماتها
فاكيد انه في اهتمامات مشتركة بين الحريم
مثل الطبخ الديكور برامج الصحة والتجميل
واشياء زي كذا يعني

وبالنسبة للبس
تر والله يا قلبي ويا عزيزتي هي صادقة
الستر زين ومافيه استر منه
ومن اتقى الله جعل له من كل هم فرجا ومن كل غماً مخرجا


وفعلاً الموضوع ما يحتاج انك تقولينه لاهلك



واكثري من الاستغفار