ممكن دقيقه من وقتكم بلييييز

[princess hush]

سلام عليكم

انا امس مره زعلت ومالقيت مكان افضفض فيه غير عندكم
انا علاقتي مع زوجي تمام ومو تمام يعني كده وكده
المهم زوجي مولع بلسفر عنده جونان شي اسمه سفر

واكتر بلد يحبها تركيا
ودايم كلامه عن الاتراك والسفر وما عنده سيره غير كده
المهم امس جبنا سيرة الحلوين والوحشين فانا قلت
على وحده بلتلفزيون انها حلوه والناس يضاربو عليها
قام قلي يضاربو على دي
خليهم يروحو تركيا يشوفو البنات على اصلهم

ما بينت له اني زعلت خصوصا انه اسواء شي فيني الحساسيه الزايده وهوا دايم يعصب عليا منها
لما ازعل اذا حدا زعلني مايباني ازعل لا والاصح يقولي مالو داعي الزعل الزايد

المهم اتفرجنا بعدها بشوي على مسلسل قمت قلت لو دي الحرمه حلوه صح طالع فيا وقال
ايش مناسبت الكلام دا دحين
قلت لا ولا شي بس بأوريك
قال اصلا انا اكره اتكلم معاك انا ماقلت شي حتى تزعلي
قلتلو لا ولاشي بس انت بتقول مافي احلى من الاتراك وانا باوريك الحلوين
خصوصا انه دايم يقول ابا اتزوج نفسي اتزوج منى عيني اتزوج خلاص انا وصلت معايا مره زهقت من كلامو دا
قلتلو بعدين انا مازعلت لانه انت من الاساس اللي قبلتني كده بشكلي دا وجسمي مع اني مو تخينه
محد قلك تتجوز سعويه اذا نفسك او ببالك احد تاني

خاصمني وزعق عليا وقال انا ماببالي احد فاهمه انا عارفه قصده مايبا الخبر يوصل لاهله لانه اهم شي اهله بلموضوع
لانهم مايصدقو انه اخوهم يقول كده ابدا كذا كلمه قلي هيا وبلغلط انا قلتها قدامهم امو زعلت وقالت ولدي ما يقول كده وسارت لي مشاكل بسببها
بس انا ماراح اخبر احد انا اهلي ما اخبرهم شي بس مو عارفهه ليش عصب عليا
اصلا دايم ما يصدقني في اعتقاده اني انا اخبر اهلي كل شي يسير بيننا مع اني والله واللي يحفظ لي بنتي ما اقول لاحد
نفسي يصدقني كتير تكلمت معاه ما خليت اسلوب لكن ما يقتنع الا بكلامه والله مو عارفه كيف اتصرف

بالله عليكم خبروني اناغلطانه بردة فعلي او ايش