ايهما أفضل الولاده الطبيعية ام الولاده القيصرية؟؟!!

[emylove]

أخواتي الامهات اللي جربت الولادة الطبيعية او الولادة القيصرية تعالي قوللنا ايهما أفضل وأسهل؟!
او اللي حامل وعندها معلومات عن ايجابيات وسلبيات كل ولاده منهم ..تتفضل تفيدنا ؟؟

[ام اسكندر]

ماجربت الا القيصري
واحب ان كل ولاداتي تكون قيصري
الطبيعي متعب بانتظار الطلق ووجع الطلق والخياطة ويلعبو فيكي من تحت

[نسيم الصبا]

كل شي طبيعي ومن الله احسن وافضل من اي تدخلات ثانيه
بالنسبه لي افضّل الطبيعي لانو وقتها بيكون الالم وخلاص اما القيصري على حسب ماسمعت تتعبي بعد العمليه
والحمدلله كلو بأجرو

[ملامح يوسفية]

الطبيعي احسن بكثير الام الطلق والحمد للة بعدها ترتاحي
اما القيصري بعد الولادة تشوفي الويل العملية دايم تتالمي منها

[ام حماده1]

ومين قال الي تولد طبيعي ما تتالم فيها من تحت غرز ماتنعد لا تقدر تجلس زي الناس ولا ترتاح ويجيها حكه والم والتهابات ولازم حبه حبه على نفسها لين تفك خيوطها وبعدين بيصير عندها رخو هذا غير العذاب والموت الي تشوفه مع الطلق والدف

القيصريه مافي اي معاناه مع الولاده بعد ما تفوقي راح تحسي بالم قوي بس حبه حبه على نفسك لمدة عشره ايام والحمدلله صارت العمليه كبس يعني لا فك خيوط ولاعذاب بس يبيك تحافظي عليها اجلسي بعدها كم شهر لاتشيلي ثقيل ولا تجهدي نفسك وصدقيني راح تنسيها عن تجربه كلها مؤلمه وكلها تبي لها صبر

[رحيق الورد]

اكيد الطبيعي يكفي انك بعد الولادة تقدري تقومي دون احد يساعدك ولا تعب العملية الله المستعان
وايضا يسبب ترهل لعضلة البطن ليست مثل الطبيعي نهائي

[المستحيله]

الطبيعي احس ولا الفرق..الطبيعي الم الطلق بس بعد الولاده الم بسيط لمده عشر ايام اذا التام الخيوط خلاص ترتاحين ...بعدين الي تهتم بنفسها ونظافتها ما يجيها التهاب...وتقدرين تربطين بطنك ويرجع زي اول...
اما القيصر على الي اشوفه واسمع عنه انه متعب بعد الولاده لاتقدرين تشيلين شي ولا حتى طفلك وتحتاجين مساعده خاصه الايام الاولى من الولاده ولا لازم تقعدين الى سنه وانتي ما تشيلين شي ولا تسوين رياضه والبطن مترهل .... واقل شي تقعدين سنتين علشان تحملين...

[نونه الأموره]

والله أنا بالنسبه لي ولادتي الأولى كانت قيصري وصحيح تعبت بعدها وتجيك آلام وحكه مكان العمليه لكن الحمدلله على كل حال
وألحين أنا حامل وعن نفسي أتمنى أولد قيصري من غير شر إن شاءالله لأن صراحه أنا خوافه أخاف من الطلق والخياط من تحت هههههه
لكن في النهايه أقول وأدعي ربي يكتب لي الخير ويسهل ولادتي سواء طبيعي أو قيصري
وأهم شي عندي أشوف طفلي بصحه وعافيه وهو بين ايدي

[أم رزاان]

الطبيعي هي سنة الله لبنات آدم !!
ومافي مقارنة بين الطبيعي والقيصري ابداً
الطبيعي شوية الم وفوق هذا ( الكثير من الأجر .. وتخرجين من الولادة كيوم ولدتك أمك )
وبعد الولادة الخياطة عندما نعتني بها وبنظافتها تعدي ولا كأن صار شيء !
وكلها اسبوع إلى عشرة ايام وترتاحي

اما القيصري بصراحة معانأة إبتداء من مضاعفات البنج عليك وعلى الجنين
وإنتهاء بترهلات البطن وانتفاخة وإلتصاقات المبايض والأنابيب !!

اسأل الله للجميع ولادة ميسرة وهينة .. اللهم آاامين

[احلى الاسماء]

انا صراحه جربت القيصري لأنه بصراحه كان الرحم مو راضي يفتح بعد معاناه مع الطلق الطبيعي والصناعي ولكن العمليه الحمدلله سهله اخذت بنج نصفي وعدت على خير وبعدين حتى اللي تولد طبيعي ماتقدر تجلس وربي قريبتي كملت الاربعين وزياده ومهي قادره تجلس ولا تدخل الحمام وانتي بكرامه والقيصري كمان تتألم بس تقدري تجلسي عادي تروحي الحمام عادي وتقدري تمارسي الرياضه على خفيف حتى الربط لما كان عندي مراجعه بعد ثلاث اسابيع من الولاد الدكتوره قالت كل شي تمام وتقدري تربطي
في النهايه الدكتوره هي اللي تقرر
اما بالنسبه اللي يقولون الطبيعي تكسب الاجر يعني اللي تولد قيصري ماتكسب اجر ؟؟ ليش ماتعبت ؟ ما تألمت ؟غريب امركم