رساله للملك

[سموةالجرح]

سعودي منتف ومفقع عقلة وجيبة

روَح زمان الكرامة يازمان الرخامة

أوجه رسالة للوالد القائد خادم الحرمين الشريفين

(حفظه الله وأطال في عمره)

من واجبات الأبووووه أن الأب يستمع لصرخات أبنه
ويضمه على صدره وإذابة كل آلامه
والملك زي أبوي،، لا أحد يتدخل بين أب وطفله

أبشرك يا خادم الحرمين الأسعار مضبوطة
والمواد الغذائية متوفرة
ما نقصنا بس إلا الخبز يرفعون سعره لاتراهم رفعوة أمس
وخذ عندك بعض الأسعار
قشطة المراعي صارت 4 ريال
حبة المظبي 22 ريال
الكفرات أرتفعت 30 بالميه
الأدوية 25 بالمية
تخيل يا خادم الحرمين

جبن كرافت والمراعي السايل أرتفع
طيب وش نسوي لبزارينا المشكلة يقدرون الكرافت السايل مع الصامولي يعني وش نفطر؟؟؟
الطحين زاد والبيض زاد حتى الشابورة
الببسي صار 20.5
والأيجارات أرتفعت
وقسايم المرور زادت
الحمدلله على النعمه أمن وآمان
الله لا يغير علينا
حتى رز أبو كاس أرتفع

بس تكفى كلمة راس..؟؟؟

ما ودك.. تنزل رواتبنا شوي..؟؟؟

عشان.. نبني للأردن 70 ألف وحده سكنيه ثانيه!!!
ونعطي لبنان مليار ونص دولار!!!
ونرسل لمصر المعونه السنويه!!!

ولايهون أهل المغرب اللي بعض المناطق الكهرب ببلاش !!
عشان الصيد يطلع لة طعم !!!
أجل غزلان ببلاش !!

وحنا ضبان وجرابيع وواجد علينا ناحسونا فيها...
لا وصار فترة صيد يامال الفقر !!!

ونرسل أعانة لساوث كالوراينا ونبني لهم مرة ثانية مثل أرامكو السعودية في نيوأورلينز!!

اللي مازادت موظفينها شئ بس ترسل عيال الأجانب

يدرسون ويتعالجون في أحسن الجامعات والمستشفيات وتتبرع لأمريكا بأكثر من مليارين غير بناء 2500 وحدة سكنية للمساكين وحنا آه من الحنا تراه غلا بعد يخلف اللة علينا ننتظر اللة لايقول زلزال يمكن الجماعة يعطفون ويعطونا فلل زي رعاة البقر

وياقلب لاتحزن !!!
تعرف ماشاء الله حنا..؟؟؟

الحمد لله شفت كيف أنا بخير وشعبك بخير

اللة يرحم زايد والعمر زايل اللي قال عز شعبك يعزك وربعنا ذل شعبك يمشي وراك بس ربك فوق ويمهل ولايهمل
ياحسابات سويسرا وصفقات الطايرات الخربانة والمشاريع الوهمية

أحب أطمنك صرنا نسوي رجيم غصب عنا
تعرف اللحم ما عاد نعرفه عقب ماذبحنا الكرم ألحين الواحد معاد عندة عشان يعزم
حتى الدجاج ما عاد نأكله
صرنا رشيقين
تسمع بالكرش ما عاد نشوفها
تسمع بالبطن اللي لاصق في الظهر
يوووووه في كل مكان نشوفه
نم قرير العين الشعب بخير
لاتتعب نفسيا وتدور في النت توأم تفصلهم
توائمنا ليش ينفصلووون
صلة الرحم زينه

خلهم يتشابكون طول العمر
يمكن لو فصلناهم يتهون

أبشرك طال عمرك شعبك تطور
أستبدل البكاء بطعم الملح؟؟؟

ببكاء بطعم الدم؟؟؟
آآآآآآآآآآآآآآه يا حلو مذاقه
ودك تجربه؟؟؟

أنا أقولك وشلون؟؟؟
نظف منزلك من حليب الأطفال!!!
والبامبرز عشان تطلع الريحة صح وتعرف معنى الحياة
نظف جيبك من الفلوس؟؟؟
نم ومخباك فاضي؟؟؟
خل زوجتك تصحيك من النوم قبل الفجر
وتقولك أن طفلك ما عنده حليب
دق الشماغ ولف على جيرانك
دور سلف.. علشان تشتري حليب لطفلك
الجميع بيطردك لأنهم طفارى كلهم
أنس أنك ملك وأرجع للبيت
بتدخل على أنغام بكاء طفلك
عندها ستحتقر نفسك وأنت عاجز عن أشباع طفلك
عندها ستلعن اليوم اللي أنولدت فيه
عندها ستلعن اليوم اللي أنولد طفلك وصرت مسؤول عنه؟؟؟

عندها ستضمه وستبكي من القهر
ستنزل دموعك وتحس بطعم الدم في حلقك

وتستغفر ربك لأن الجوع كافر والطفرة طق أصبع وهبال على خبال والنتايج قريبة !!!

سوف يكثر الفساد والطمع والسرقة في عز النهار والقتل والقوي ياكل الضعيف

تذكر طال عمرك يوم حنا صغار وش كانو يقولون لنا
كانو يقولون الرجال ما يبكي
عيب تطلع دموعه
صرنا نصيح عادي
البكاء صار ملازم لنا
والسبب كومة لحم (أطفال ونساء) في رقبة الواحد
يبكي لأنه عاجز عن توفير الحياة الكريمة لهم

بس ودي أقولك شي قبل ما أروح وأصيح
تدري وش معنى الرجل يبكي قدام زوجته وأطفاله
معناها تساقط كل قيم الرجولة والوطنية اللي تعلمناها في طفولتنا
معناها إحساس المرأة بالأنكسار وعدم الأمان

أرسلها لكل من تعرف عسى أن يصل صوت المعاناه الى مليكنا

فيعرف مدى سعادتنا وفخرنا بوطنيتنا

[دلع]

سموه ماتنزلين مواضيعك الحلوه الا على صلاة العصر
يلا لي عوده ان شالله......

[سموةالجرح]

يالبى قلبك دلووووعه

[دلع]

وش اقول
كل كلامه صح
بس انا اتوقع ان الملك مايدري يعني بالعربي بطانة الملك فاسده وماتخليه يدري عن اللي يصير..
يعني كلمة كل شي تمام ياطويل العمر دايم على لسانهم...
وكمان صح كل خيرنا رايح لبرى يعني الله يوم القيامه ماراح يسأله عن الغريب بيسأله عن رعيته اما الاموال اللي تروح برى تعتبر صدقات.....
واكبر دليل على فساد بطانة الملك لما صارت سيول جده في نفس الوقت صارت فيضانات الفلبين وطبعا كالعاده ارسل الملك مدري كم طياره؟؟؟
وجده لازالت غريقه وجريحه ولا مساعدات ولا تعاون من الجهات الحكوميه اللهم المساعدات اللي سووها الاهالي.....
اكيد قالوا كل شي تمام ياطويل العمر........
وش نقول حسبنا الله ونعم الوكيل على التجار........

[سموةالجرح]

صووووووووووووووووووح كلامك غاليتي

[سموة الشوق]

اللهم يا رب العرش العظيم امدد الملك عبدالله بن عبدالعزيز من عندك بالصحة و العزم و القوة و الشجاعة و القدرة و التوفيق لما فيه مصلحة العباد و البلاد و الأمة الإسلامية قاطبة ، و اجعله لدينك و لأمتك ناصراً ، و لشريعتك محكماً ,وأصلح له بطانته, واعنه على قيادة بلادنا للخير و الفلاح و قيادة الأمتين الإسلامية و العربية للعزة والنصر يا رب العالمين .

[سموةالجرح]

االلهم امين يارب العالمين