برامج نفاس مجربه ادخلي وجربي ما يناسبك

[عزيزة النفس]

بسم الله الرحمن الرحيم
وبه وحده استعين..

تنويه:
راح تستغربون عدم وجود اشياء كثيره
تعودنا عليها كعادات متوارثه من الجدات والمهات..
لالهوم ولابخور ولاغيره..
هذا جدولي الخاص اللي استخدمه ولولا اني اطمع بدعواتكم
الطيبه ..واطمع اني اكون قدمت فائده وتيسير لأخواتي المسلمات
كان والله ماطلع من خزانة اسراري لأي مخلوق..
والله ولي التوفيق والله وحده اسأل ان يجعله في موازين اعمالي الصالحه
يوم لاينفع مال ولابنون..
***
((جدول النفاس))
المواد المطلوبه:
مطحونه____ كامله
1- المطحونه:
حلب -- ماش -- قشر رمان --فلفل اسود
2- الكامله:
رشاد -- قرفه -- كمون -- ورق زعتر -- حبه سوداء--
3- عسل -- تمر -- زنجبيل مبشور

(الرشاد لايغسل.. فقط ينقى)

***
بعض التفاصيل المهمه للإعداد:

1- المواد المطحونه
يجب الحرص على شرائها جديده وكامله ثم تنقى وتغسل وتجفف ثم تطحن بعد تجفيفها ثم تحفظ في علب بلاستك محكمة الاغلاق وتكتب عليها اسماء
محتوياتها..

ماعدا الحلبة لاتغسل

نعم بتتعبين لكن ثمرة هالتعب تستاهل وبتعجبكم بإذن الله..
***
2-المواد الكامله
نحرص على تنقيتها وغسلها وتعريضها للهواء لتجف.
***
3-العسل
لاتشتري الغالي على اعتبار انه الاصلي وفي الغالب للأسف يغشون بغذاء النحله لتنتج لهم بوفره بغض النظر عن جودة الانتاج..
وانا اشتري من مده العسل الالماني langnese
لانه ثبت بشهادة مربي نحل خبير انه الاصلي..

4- التمر
ممكن استخدامه معجون او عدل كله مفيد بس لقيت المعجون
اطعم واشهىللأكل بس اذا كنتي بتلقين شي نظيف ومن ثقه..

5-الحبه السوداء
تخلط سبع حبات مع العسل وتؤكل كل يوم ملعقه
على الريق من يوم الولاده الى 30 يوم..

6-المره
تجهزين علبة مويه صغيره فيها محلول مره تشربين منه وانتي
في طريقك للمستشفى للولاده..واذا ولدتي تشربين منه علشان ريحة
العطور ممكن تسكر الرجم وتتعسر الولاده لاسمح الله والسبب هو الشمم..
وخلي معاك كسره صغيره حلتيته شميها اذا وصلتي المستشفى وادهني خشمك منها
لأنها تساعد بإذن الله في فتح الرحم بسرعه ويسر..
والله الموفق.
***
المشروبات اليوميه في فترة النفاس:
1- الصباح حليب مغلي محلى بعسل ومعاه فلفل اسود < مع الفطور
2-شاي زنجبيل + قرفه < بعد الغداء او بين الوجبتين
3- شاي الزعتر في الليل قبل النوم
4- الرمان المطحون المضاف للعصير او المعمول كشاي تستخدمينه
بعد ماتنشفين من الدم لحد ماتطلعين..
لمزيد من التفاصيل اظغطي هنا
5-قهوه وقت المغرب معها مره كل ثلاث ايام تستخدمين المره واذا كنتي تاخذين
مضاد حيوي ماتستخدمين المره ابدا لأنها تبطل مفعول المضاد..

الوجبات:

1- الفطور: عندي خيارين بالنسبه لي هما:
* سندويشة بيض مقلي مرشوش عليها ملعقه كبيره حلبه مطحونه +فلفل اسود
**خبزه بالمقلاة عباره عن(بر+حلبه+حليب بودره+ملح+سكر+بصله)
تعجن بماء وتدهن بعد ماتجهز بعسل وتؤكل بالعافيه.
***تمر + حليب اللي سبق شرحه.

مهم

آخر عشر ايام من النفاس راح يكون الفطور تمرمقلب بزبده على نار خفيفه
معاه رشاد..
تشربين معاه قهوه او حليب اللي يعجبك..

2- الغداء:
*مرقة لحم مع خضار
**مطازيز
***شوربة كويكر مع قطع لحمه
لما تغرفي الغدا لأكله ضعي عليه ملعقتين ماش مطحون انثريه فوقه
وكليه بالعافيه مع الحرص على اضافة الفلفل الاسود كذلك..

3- العشاء:
1-تمر+حليب
2-اي فاكهه تشتهينها
3-سلطه خضراء او تبوله
4-ممكن وجبة اسماك من اي نوع
تحبينه ..

النظافه الشخصيه:
*الهدوء في الحركه اول اسبوع مهم جدا والحرص على عدم رش
منطقة الخياط بالرشاش..بل رشها باليد من بعيد حتى تسقط الخيوط..
**عدم استخدام المره بتاتا كغسول حتى تسقط الخيوط لأنه يشدها ..
بل تمسح بمحلوله الفوطه كل ماحسيتي بحكه..
***التشطف بماء وملح يوميا بدون المبالغه بكمية الملح .
هذا ماعندي باختصار وبدون تعقيد وعند الالتزام به سترون فائده عظيمه
بإذن الله تعالى..
الله ينفعني واياكم بما علمنا..
ويسهل علينا ويسخر لنا ازواجنا
ويهدينا ويثبتنا على الحق الى يوم نلقاه
انه ولي ذلك والقادر عليه..

شاي الزنجبيل سهل وممكن تحطين معاه قرفه وممكن بدون..
الطريقه:
4 اكواب مويه
3 ملاعق كبيره زنجبيل مبشور
عودين اوثلاثه كبار قرفه..واذا كان مطحون
تكفي ملعقه ..
بعد ماتغلي المويه نحط الزنجبيل والقرفه ونخليها
تغلي خمس دقايق بس..
ونطفي عنه وممكن تضيفين له سكر حسب الرغبه..
وبالهنا والعافيه..
***
الزعتر الورق:
ملعقة زعتر ورق
مع 4 اكواب مويه
بعد مايغلي الماء نصبه على
الزعتر الورق بدون طبخ..
نخليه يخمر عشر دقايق..
نضيف له سكر حسب الرغبه
وبالهنا والعافيه..
الله ينفعني واياكم ولايتكلنا على
ضعفنا انه ولي ذلك والقادر عليه.خبزة البر:
هذي مقادير خبزه وحده بمقلاة كبيره
نصف كاس دقيق بر
ربع كاس مويه
بيضه
ملعقتين كبار حليب بودره
ملعقتين كبار حلب
بصله صغيره << ممكن الاستغناء عنها
رشة ملح
رشة سكر للرغبه ولا مستغنين عنه بالعسل..
اللي راح نصبه على الخبزه عند اكلها..
ممكن تخلطين كل هالمقادير بسلطانيه ويكون البصل قطع
وممكن انك تحطيها بالخلاط وتخلطيها..
ثم يكون المقلاة مذوب فيها زبده او سمنه للفائده..
تصبين الخبزه فيها وتخلينها على نار هاديه مدة 5-7 دقائق
وتقلبيها وكذلك الجنب الثاني..على الاقل خمس دقايق على
نار هاديه..
وبعدين تحطينها بصحن ولما تبرد شوي تصبين عليها ملعقة
او ملعقتين عسل حسب الرغبه وتاكليها بالعافيه
مع حليب مضاف له فلفل اسود..
وبالهنا والعافيه على قلوبكم..
والعسل والتمر تقولين يوسعن
هالغذائين انفع شي للإنسان بكافة مراحل حياته..
وكيف اجل العسل والتمر مع الرشاد اهم وصفه
معروفه للتضويق!!
لكنها ماتصلح اول الايام علشان الرشاد ينشف الدم
ويحجزه جوا الرحم..
هلا

بناااااااااات هذا نظامي >>

تجهيزات الشهر التاسع والنفاس

أول شي بقوله يابنات لو رتبنا كل شي من بدري ان شا الله بيصيرسهل ومافيه تعب

وعلى الاقل بس تقولين لزوجك سوي لي كذا واضيف كذا لأنه مهما كان الرجال مايعرف

الله يبعد عننا الاكتئاب لأنه ممكن نجهز كل شي بس النفسيه تصير دمااااار
طبعا كل اللي بكتبه أتمنـــــــى أطبقه كله ولكن نجتهد ومالايدرك كله لايترك جله
من السهل الكتابه عن الأمور النفسيه لكن التطبيق صعب لكن ربي معااانا ان شا الله
^^من بدايه الرد تقول صعب طيب ليش كاتبه خخخخخخ

أول شي نفسيا

لاتقلقون وتفكرون في الولاده ومين يولدني وخيطو ولا وو, قولي ياااارب انت حسبي ونعم الوكيل

مين أعظم من الله توكلين أمرك له

لو صديقه غاااااليه عندك وطلبتي منها حاجه

و قالت لاتشيلين هم شي بسوي له على احسن وجه بتطمينييييين كيف بملك الملوك =)

حطي في بالك كل اللي ربي بيكتبه لك ربي هو الخيييير

أي شي وقت الولاده يستشيرونك فيه قولي دعاءالاستخاره من غير صلاه ولا شي

وقولي توكلت على الله وسوي اللي يريحك

وحطي في قراره نفسك انه هذا هو الخير لو اخترتي البديل كان بيجيك ضرر

لاتقولين ليتني رحت لأهلي ووو كونك استخرتي وجلستي وهذي راحتك اذا هذي راحتك

أي شي يصير ان شاء الله هذا هو الخيييير

أشياء كثيير تصير لنا ونزعل عشانها لكن بعدييين نعرف انه هذا الشي الزين لنا
طيب ولدتي الحمدلله وخلصتي

النفااس>>>يمديكم على التفاؤل خخخخخخ

لانهمل أذكار الصباح والمساء أبدااا سبحان الله كلها دعاء نطلب الله يحفظنا من الشيطان
واكيد الشيطان سبب للحزن والغضب ووو

*بالنسبه لي نزلتها بصوت العفاسي من اليوتيوب وكل صبح ومساء اشغلها وطبعا ارددها

*رضيت بالله ربا وبالاسلام دينا وبمحد صلى الله عليه وسلم من قاله ثلاث مرات
كان حق على الله ان يرضيه

اذا حسيتي نفسك حزينه ومضايقه خلي مسبحه معاك أو استغفري وسيد الاستغفارمفعوله سبحاااان الله

*نشغل سوره البقره بصوت قارئ نرتاح له مثل المعيقلي او سعد الغامدي أو اللي ترتاحين له

http://www.islamway.com/?iw_s=Quran&iw_a=chapters&chap ter_id=2

*اذا حسيتي صحتك تمام بعد اسبوع او اثنين اطلعي وامشي لو نص ساعه
المهم تجددين نشاطك وتغيرين جو

*اذا عندك صديقات خليهم يزورونك

*أرسلي ايميل لزوجك عن أكتئاب الولاده
وقولي للمدوايف تقول لزوجك عنه عشان يكون عنده خلفيه ويقدر مشاعرك

التجهيز المادي

*اتحركي بشويش لنفسك وفكري في صحتك لاتنتظرين احد يدق الباب يجيب اكل لك او شي

رتبي نفسك ونفسيتك بتهدأ ان شاء الله

*اذا عندك طفل من قبل جهزي ملابسه لكذا يوم وخليها مرتبه مع الشراب وكل شي
لأنه ممكن يجي يزورك بالمستشفى بالبيجاما على اساس انه اقنع ابوه انه عادي يطلع كذا
وانتي ممكن تقلبين الدعوى صياااح وبكى لأنك ببساطه مالقيتي شي تصيحين عليه هههههههه

*من ضمن التجهيزات ماذكرنا شرشف السرير ضروري يكون عندك اثنين
بعض المواليد بسبب عدم توسع المريء عندهم يسوون نافورات حلوووه

فجهزي نفسك واحد يتغسل وواحد للأستخدام

*وقت مايجيك الطلق لو كان بارد وخفيف غالبا المستشفيات برا مايستقبلونك
مثلا هنا صديقاتي خرجوهم المستشفى وقالو لهم
يوم تحسين الألم كل ربع او ثلث ساعه تعالي غير كذا ماتجلسين عندنا
فالأفضل رتبي بيتك وجهزي الاغراض اللي تبغين زوجك يجيبها ثاني يوم
مثلا ( ترمس حليب بحبه سودا او حلبه أوتمر أي شي ودك فيه )

*لو عندك صديقات رتبي نفسك انهم ممكن بيزورونك وخلي كل شي خفيف

*جهزي باسكيت جنبك فوق الكومدينه وفيه كميه بامبرز وطقم للتغير ملابس البيبي
ومناديل معطره ومصاصه البيبي

*لو يكون جنبك سله مهملت صغيره عشان تغيير الحفاظات

*الحمدلله في الغربه البيوت صغيره يعني لاتنظفين كل يوم اهم شي يكون كل شي مرتب عشان ترتاحين نفسيا

*اذا عندك غساله اتوماتيك حلو تحطين ملابس البيبي وهي تقوم بالباقي

*اذا عندك دش ووشر مرره حلو تريحك بعد

=================================

هذا اللي جهزته وجايتكم بالتفاصيل

أول عشرين يوم
بنات لو ماتمدحون التصوير ياويلكم بالذاااات الورد اللي ورا

نسيت أصور ثلاجه القهوه الصغنونه حقتي وكوبي الجميل

علبه رقم 1 قشر القهوه وووو

علبه رقم 2 ماش لكن باقي ماجرشته

علبه رقم 3 يانسون

4 تمر معجون وسويته كرات صغنطوطه

5 زنجبيل أخضر طحنته ناااعم
ماأحب ابشره عشان لاتروح مويته وفرزنته في كيس بحيث أخذ منه كل يوم كسره
باقي لي سكر نبات ان شاء الله بكره بجيبه

الفجر

5 كور او 3 او 7

حسب شهيتي لأنه احيانا النفاس تنصد نفسها مرررره من التعب وهذا اللي صارلي ايام نوسا

(تمر معجون+زبده+حبه سودا+فلفل أسود )

(حليب+بالزنجبيل) ممكن يحلى بالعسل

وممكن استبدال الزنجبيل بالحلبه

الفطور

بيض مسلوق أو مقلي +توست بر (لو فيه خبز بر خير ويركه)+ خس
أو

بان كيك بدقيق البر مع عسل بالنسبه لي متعب أول الايام ماعندي استعداد اوقف

في الظهر أو أي وقت (علبه 1)

ترمس (قشر قهوه مجروش +كمون مطحون+ شمر غير مطحون+قرفه مطحونه+

يانسون غير مطحون)

جاهز ومافيه تعب ان شاء الله

2ملعقه ويضاف له ماء مغلي او يغلى على النار لمده 10 دقائق

الغدا

خضار في الفرن+توست بر+قطعه دجاج+مرشوش عليه ملعقه او اثنين ماش+فلفل أسود

أو

مرق دجاج أو لحم +توست بر+مرشوش عليه 2 ملعقه ماش+فلفل أسود
(وهذا الافضل على الاقل 10 ايام)

أو

شوربه خضاربمرق دجاج او لحم+توست بر+مرشوش 2 ملعقه ماش +فلفل أسود

أو

شوربة شوفان+ملعقه او اثنين ماش

أو

شوربه ماش

ممكن اضافه السلطه بزيت زيتون تجنب للامساك أو تفاح

البروتين يابنات مهم عشان يطيب الجرح بسرعه ونتجنب فقر الدم

بالنسبه لي بحط قطعه وحده دجاج في كيس
و اطلعها من الثلاجه واحط عليها مويه وماش واتركها على النار وارش عليها فلفل اسود

أو اللحم نفس الطريقه قطعه وحده في كيس عشان أطلعها بسرعه
ولا اتعب انتظر يذوب الثلج ووو

كنت بفرزن خضار بس حسيتها صعبه وفايدتها بتروح

العصر

نعناع (لك وللبيبي) مهديء وطارد للغازات

أو

يانسون (لك وللبيبي) مهديء وطارد للغازات ومدر للحليب

أو

شاهي بابونج (مهدي لأعصابك الحلوه في النفاس ومسكن للألم )

قرفة + نعناع + زنجبيل + كمون << تعمل مثل الشاي وتوضع بترمس
اشربيه كل يوم لمدة اسبوعين ,,,بالنسبه لي ماراح أسويها

فضلت في فتره العصر ناخذ شي مهدي
عشان البيبي يهدأ ويمكن يناام وهو شبعان ومتنظف وكل شي
واحنا كمان نستغل الوقت ونناااااام

العشا

تمر+لبن

حليب

فواكه

سلطه مع اضافه زيت زيتون

عند الاحساس بالجوع

تجنبي الجوع بأي شكل من الأشكال .. فهو مضر للنفاس وتناولي أحد هذه الوجبات

1/ خبزه تحتوي على الطحينيه ( طعمه او النخله او غيرها ) فهي مدرة للحليب وتفيد بالرضاعه

2/ كأس عصير مشكل مع فطيرة لوزين او كروسان

3/ لبن وتمر

4/ شابوره وحليب

5/ خبز توست مدهون بجبنه مع عصير

او اي وجبه تحبين خفيفه ..

بعد العشرين يوم
ترمس القهوه الي فوق خليه ( قشر قهوه + زنجبيل + شمر ) بس

ورشاد مع التمر

الرشاد يسبب امساك لكن ينظف الرحم ويضيق لكن لازم يكون حب مو مطحون

الخيو ط ( وما آدراك مالخيوط )

تعمل هذه الخلطه وتترك بقرب دورة المياه ويصب منها على الفوطه الصحيه عند كل غيار ..

( يصب عالفوطه ولايمسح الجرح بها لكي لايترطب كثير وتتأخر الخيوط بالنزول

على النار : مقدار كوب جبن السائل الصغير زيت زيتون + مقدار من المره المدقوقه ( مجروشه )

مقدار ملعقتين كبيره

تفوح فوح واحد .. اول ماتبدأ بالغليان ترفع عن النار وتترك جانباً حتى يطفو الزيت والمره تترسب بالاسفل .. نصفي الزيت بقاروره وتترك قرب دورة المياه ( الآن جاهزه للأستخدام )

النظافه الشخصيه

الهدوء في الحركه

تمارين كيجل لاتهمل

اول اسبوع مهم جدا والحرص على عدم رش
منطقة الخياط بالرشاش

بل رشها باليد منبعيد حتى تسقط الخيوط..
**عدم استخدام المره بتاتا كغسول حتى تسقط الخيوط لأنهيشدها ..
بل تمسح بمحلوله الفوطه كل ماحسيتي بحكه..
***التشطف بماء وملحيوميا بدون المبالغه بكمية الملح .

لبطن البيبي والمغص

سكر نبات +وشوويه يانسون +كمون

(تقريبا 3 حبات )

تنقع في ماء ساخن ويشربها الطفل

عطيها للبيبي كل يوم في وقت محدد عشان يتنظم الهضم عنده

البيبي اذا صاح كثير حطي يدك على بطنه وسوي له مساج خفيف
وأقراي الفاتحه 7 مرات سبحان الله شفااء

ومره سمعت الشيخ خالد الجبير يقول هذي الايه ماقرأت على طفل الا هدأته
((( الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللًّهِ الا بِذِكْرِ اللَّهِ تَطْمَئِنُّ الْقُلُوبُ )) سورة الرعد ...

بعد الاربعين ممكن تعطين البيبي تمر منقوع وترضعينه المويه وجبه مشبعه

في حاله انك ماتحبين تدخلين حليب صناعي

بالنسبه لربط البطن أخر ما استقريت عليه بماأني مجربه المشد الأندونسي وما اتحملته
بربط بهذا المشد 20 يوم او اسبوعين وبعدها بربط بجلال صلاه

طبعا هدفي مو شد لأنه مايشد لكن الربط يدخل البطن و ارزظهري واتذكر اشفط بطني
لا تمدحون هذي الصوره عادي مابزعل >>>برااا لو سمحتي

بدهن بطني بزيت زيتون دافي وقت ما احس اني تمام
واسوي مساج للبيبي لأنه يريح ويهديه

في حاله وجود خياطه بطلب من المستشفى كريم اومرهم مرطب للخياطه

وبطلب مضاد او مسكن

بطلب كالسيوم لأنه عندنا مايصروفونه الا بوصفه

وأفكر اشتر ي ملين من عندي لأن الامساك مع الخياطه ياسلااااام

وسلامتكم ودعواتكم لي ربي يقر عيني بصلاحي وصلاح ذريتي وزوجي

===============================

يا حبيبة قلبي يا حبيبة نوني انتي>>داخت عالدلع

بصراحة مو نظام معين قد مانو جمعت الاشياء اللي حسيتها مقنعة من كذا منتدى بس اكثر شي بصراحة من هنا

عجبني كثير مرررة واستفت منه نظام ام نوسا ربي يسعدها

اغلب اللي سويته علشان زوجي يفهم الطبخة ههههههههههه لاني ماعندي احد من اهلي او كذا خليته يقرا معاي كل شي

وحطيت علب صغيرة كتبت اسم كل شي عليها لانو اول الاايام هو المسئول طبعا وكمان جهزت له ترمس صغير حق قرفة او كمون وكذا علشانمايخبلط ويحطهم بترمس قهوة انهار انا ههههههههههه لسا ماسويت التمر مع حبة البركة والزبدة مثل العجينة ناوية اخر الاسبوع باذن ربي علشان لا ينشف التمر
اشتريت من البقالة العربية معمول بر بالتمر علشان يكون سناك خفيف ومفيد لان اختي تقول ان جيتي وجسمك خربان يا ويلك ههههههههه انواع التهديدات وغير كذا مابي اكثر شوكولاته مرة تنفخ عالفاضي مع اني اموت فيها بس بحاول يكون شي صحي

اهم شي حاطة في بالي بجيب كمية خضروات بطاطس وجزر وكوسا وقرنبيط > مرة مهم لرفع الهيموجلوبين < واقطعها وبحطها باكياس صغيرة يصير انا اذا قدرت او ابو الشباب بس يسوي كذا مرقة دجاج او لحمة مع خضار لانو البروتين مرة مهم لتعويض الخلايا اللي تلفت

بصراحة نسيت وش بعد ههههههههههههه

بالنسبة لشنطة المستشفى والاستعداد للبيبي ناوية كمان اخر الاسبوع ان ربي كتب اجهز السرير وافرش المفرش عليه وكذا لانه لسا جديد ههههههههههه وتاكدت من شنطة المستشفى حطيت معاي تمر وكمون ومرة وزنجبيل>>>فتحت محل عطارة ههههههه

لانو التمر مهم والمرة بحاول استعملها علشان الشمم>> نصيحة الماما والزنجبيل حلوو ومنظف مثل ما سمعت خصوصا الدنيا برد هالفترة والكمون مسكن >>خايفة من الحين

خذت معاي 3 غيارات للبيبي كاملة وبطانيتين وقبعتين ورضاعة احتياط مادري ليه هههههه
بالنسبة لي جهزت بيجامة وروب وشرابات وملابس داخلية>>لسا ما شتريتها ناوية اروح اليوم اشتريها ان شاءالله لاني ابغى حقات رضاعة قطنية وبدون حديد اريح نوعا ما لاني جربت حاليا نوع حلو بس الحديد من تحت متعب شوي
كمان اخذت شبشب ومشط وربطات شعر وكريم ومرطب شفايف وكمان كوتكس>>تقولها وهي مسكرة نص عين واعيبااه
كمان اذكار الولادة الللي قلت لكم من قبل اني مجهزتها وكتيب اذكار

امس اخذت ورقة وكتبت فيها الاشياء اللي لازم اخذها علشان ماانسى مثلا:
شاحن الجوال والكاميرا وبطاقة اتصال للسعودية يالبى قلووبهم بس وكمان ناوية احمل سورة البقرة على جوالي حملت بعض السور علشان لو حبيت اسمع شي ارتاح نفسيا وكذا >>نصيحة من صديقتي الغالية
تقريبا هذا نظامي ههههههههه يا عيوني انتي>>حسيت اني كشخة ههههههههههه

يمكن نسيت شي او كذا بس بصراحة هذا اللي جاء ببالي الحين

ربي يسهل ويعينا ويرزقنا ما تمنينا ياااااااااااااااارب

==========================


صدقوني يابنات ماجاب لي ولامي ولخالاتي القولون الا هاللهوم
والاعشاب المجمعه بغير علم ولاقياس..
انا طبعا ماجربت نظام فيافي للأمانه..
بس كنا نشتري لهوم من حريم معروفات اشهر من نار على علم
ونغصب انفسنا على اكل هاللهوم وتلوع كبودنا وتحتر معدتنا والنتيجه
لاشيء..
يعني الحريم المساكين يجتهدون وودهم بالزين بس ترا مازاد عن حده انقلب ضده..
حتى هالعادات اللي تقيد الوحده فيها نفسها بالاربعين من بخورات
ولهومات وتحميلات ممكن تتعب نفسيتها ..
وللمعلوميه ترا اكثر خراب الحريم بسبب الحاله النفسيه ..ماله دخل
بالنظام..
اعرف وحده نظامها صارم بالاربعين بس نفسيتها تعباااااااااانه مره
وتطلع ماطهرت وافرازات ومويات وحالتها صعبه..
اهتموا يابنات بحالتكم النفسيه زين..
واهتمي بتنظيم الاكل اكثر من تكثيره لأن حتى المعده الخربانه
ممكن تدمرك وتطلعك خربانه..
واحذروا كل الحذر من التحاميل اللي يسوونها حريم..
يابنات حرام عليكم تدخلون شي بمنطقه حساسه ماتدرون وش الايدين
اللي سوته وش مستوى تنظيف الاعشاب اللي دخلت فيه..
ولاتطحن بغبارها واوصاخها وتباع لكم..
لايقرب المنطقه هذي اي تحاميل الا طبيه للحاجه..
انتبهوا ياما ناس صابهم التهابات وقرحه وحبوب داخليه وصديد
بسبب تحاميل هالحريم.
اشكرك ذات الوشاح اللي ذكرتي لنا قصتك لانك ذكرتيني من زمان
ودي احذر البنات عن هالاشياء..
جزاك الله خير..
***
المره ياعزيزتي تشد وتكرب المنطقه اللي تمسح فيها..
لذلك ماانصحك تغسلين فيها والخيوط ماطاحت..
بعد ماتطيح الخيوط استخدميها كغسول (خارجي) مو تدخلونها بالمهبل لا
مع الملح والماء..
قبل تسوين محلول مره..وتصبين منه خفيف على الفوطه والهدف ان
الخيوط ماتعورك من الشمم..
حبيت استفسر منك الرشاد ماينفع اول الأيام 0
وباالنسبه للمنطقه التحتيه لو مافيه خياطه اسوي لها غسيل باالماء والملح يوميآ ولا ماله داعي 0

شاي النفاس بس اللي ذكرتيه ولا ازيد عليه مثل الأخوات اعشاب ثانيه 0
ماهو تحديداً آخر عشر ايام متى ماانقطع الدم (تماماً) ابدي استخدميه وبالعاده
ينقطع الدم ب 30 يوم تقريباً..
اختي الرشاد مايصلح والدم ينزل لأنه يوقفه على غير سنع..
اتمنى تكونين استفدتي


منقووووووووووووووووووووووول للفائده

[الشوق عطري]

شـكــ وبارك الله فيك ـــرا لك ... لك مني أجمل تحية .

[عزيزة النفس]

الوجبات:

1- الفطور: عندي خيارين بالنسبه لي هما:
* سندويشة بيض مقلي مرشوش عليها ملعقه كبيره حلبه مطحونه +فلفل اسود
**خبزه بالمقلاة عباره عن(بر+حلبه+حليب بودره+ملح+سكر+بصله)
تعجن بماء وتدهن بعد ماتجهز بعسل وتؤكل بالعافيه.
***تمر + حليب اللي سبق شرحه.

مهم

آخر عشر ايام من النفاس راح يكون الفطور تمرمقلب بزبده على نار خفيفه
معاه رشاد..
تشربين معاه قهوه او حليب اللي يعجبك..

2- الغداء:
*مرقة لحم مع خضار
**مطازيز
***شوربة كويكر مع قطع لحمه
لما تغرفي الغدا لأكله ضعي عليه ملعقتين ماش مطحون انثريه فوقه
وكليه بالعافيه مع الحرص على اضافة الفلفل الاسود كذلك..

3- العشاء:
1-تمر+حليب
2-اي فاكهه تشتهينها
3-سلطه خضراء او تبوله
4-ممكن وجبة اسماك من اي نوع
تحبينه ..



بالنسبه للفطور ذكرتي وضع ملعقه كبيره حلبه مطحونه (سؤالي الى متى وانا استخدم الحلبه هل الثلاثين يوم الاولى من النفاس وبعد كذا راح يكون فطوري تمر مع رشاد؟)

بالنسبه للخيار الثالث للفطور ذكرتي التمر +الحليب سؤالي يعني اكل تمر عادي واشرب وراه حليب ولا يوجد هناك طريقه ثانيه لاكله ادري سؤال غبي بس تحمليني انا حريصه مره.


بالنسبه للغداء
ذكرتي ان لما نغرف الغداء للاكل نضع عليه ملعقتين ماش مطحون مع الفلفل الاسود

سؤالي:ملعقتين كبار ولاصغار حق الماش وهل نستخدم الماش والفلفل الاسود مع الغداء طيله الاربعين يوم ؟


الحلبه استخدامها على الكثير حتى العشرين يوم الاولى بس..
بعدها تقطعينها حتى من الخبزه اللي تكون من مكوناتها.
التمر مع الرشاد تبدين فيه آخر عشر ايام او ممكن اذا انقطع عنك الدم
تماماً قبلها..
بالنسبه للتمر + الحليب تاكلين تمر ممكن معجون مع كوب او كوبين حليب
مفوح معاه فلفل اسود..
او تاكلينه حبات بالشكل اللي يعجبك..مكنوز او تمر ثلاجه اللي يجي بعلب
برضه مع حليب حار..
بالنسبه للغداء
ذكرتي ان لما نغرف الغداء للاكل نضع عليه ملعقتين ماش مطحون مع الفلفل الاسود

سؤالي:ملعقتين كبار ولاصغار حق الماش وهل نستخدم الماش والفلفل الاسود مع الغداء طيله الاربعين يوم ؟
ممكن ملاعق كبار حقت الشوربه وممكن صغار في البدايه حتى تتعودي على طعمه
فايدته للعظام عظيمه جداً..حتى اللي جربت النفاس من قبل يابنات ولاكانت تاخذ ماش
واخذت هالمره بتحس بالفرق بقوتها البدنيه وسلامة رجولها وظهرها من الالم الدائم
كم سنه بعد الولاده..
احرصوا على صحتكم لان السلبيات ماراح تظهر الا بسن اليأس او قريب منه

وعلى فكره كلمتني وحده خويتي والده قبلي بفرته
خوفتني يوم قلت لها اكل ماش وزين قالت بس ينزل المويات
فقمت قطعته من اليوم العشرين زي الحلبه
صح والا خطأ
والرشاد تقوول ليش الى الحين مااخذتيه
وانها هي اخذته من رابع يوم
وتقول ان الرشاد هو اللي ينظف الرحم وينزل الدم
ماعليك من كلام الحريم..
الماش مفيد جدا للعظام لازم تاخذين منه لو ملعقه صغيره
على الاكل يوميا على الاقل لحد ماينقطع عنك الدم.
الرشاد الحذر الحذر منه وفيك دم..لانه ينشف وبقوه
خليه زي ماقلت لك اذا نشف الدم مع تمر او آخر عشر ايام.
ينظف الرحم نعم من الافرازات ..لكنه يحبس الدم في الرحم.
وسؤال بعد هل التزم بنفس البرنامج مع اخت النفاس
والا لا
مهم تعتنين بنفسك بإخت انفاس وبكل دوره تجيك..
لكن اقطعي الحلبه
واعتمدي زي ماقلت لك الزنجبيل مع القرفه
والحليب مع الفلفل كمشروبات مهمه وقت الدم..
وخلي الرمان آخر شي ..بعد زوال الدم واعتمدي
طريقته الصحيحه ..
وممكن بدل عنه الرشاد مع التمر او العسل للي
تفضله آخر يومين من
3-العسل
لاتشتري الغالي على اعتبار انه الاصلي وفي الغالب للأسف يغشون بغذاء النحله لتنتج لهم بوفره بغض النظر عن جودة الانتاج..
وانا اشتري من مده العسل الالماني langnese
لانه ثبت بشهادة مربي نحل خبير انه الاصلي..

4- التمر
ممكن استخدامه معجون او عدل كله مفيد بس لقيت المعجون
اطعم واشهىللأكل بس اذا كنتي بتلقين شي نظيف ومن ثقه..

5-الحبه السوداء
تخلط سبع حبات مع العسل وتؤكل كل يوم ملعقه
على الريق من يوم الولاده الى 30 يوم..

القرفه والزنجبيل والحليب بالفلفل محلى بالعسل..
كلها زياده على الفوائد الصحيه..
فيها ميزه قويه وهي تنظيف الرحم والمساعده على انزال الدم
والافرازات..
الحمد لله نزول هالاشياء منك دليل على ان الرحم بدا يتخلص من فضلاته
اول بأول..اول شي الدم بعدين الكدره..بعدين الافرازات.
اتوقع من ثلاث ايام لخمسه بالكثير وتنتهي الافرازات البنيه فاصبري على
اللي انتي ماشيه عليه احسن لك..

[عبير المحبة]

الله يجزاك الجنة والله إني ما أعرف شي بأمور النفاس واحتياجاته والآن استفدت أكبر فائدة..الله لايحرمك الأجر يااااااااارب

[أميرة الأميرات]

شـكــ وبارك الله فيك ـــرا لك ... لك مني أجمل تحية .

[أم حمد]

يعطيك العافيه

[**سماسم**]

موضوع رائع ومفيد
ربي جزاج خير يالغاليه ..

[منو عبادي]

يسلمو روووووووووووعه

[غموض]

يعطيك العافيه

يسلمووووووووووووو

مره محتاجه اعرف اشياء زي كذا

[حبيبة طلو]

الله يجزاكي خير ويكتبه في ميزان حسناتك ياارب
يسلموووووووووو