بنت خالتي بعمري عمرها 26 سنه واحنا صديقات من كنا صغار مره وانا اقرب وحده لها من كل العيله عندها مشكله من زمان وانا مش عارفه ايش السبب انا راح اقولكم يمكن تقدرو تساعدوني
مشكلتها ماتقدر تصلي تقول ما احس بشي ابدا جبت لها عدة طرق عشان تقدر تخشع بالصلاه واحببها فيها قلت لها كل صلاة توضي لها حتى لو كنت على وضوء يمكن الوضوء يريح قلبك
قالت بجرب جربت هالشي اسبوع ورجعت مثل قبل المشكله انها احيانا تتكاسل عن الصلاه كل شوي تقول بقوم بقوم لين يطلع الوقت وماتصلي والله احيان تكلمني وهي تبكي تقول ابغى اصلي نفسي ماني قادره فيه شي يمنعني شي قوي جدا قلت جربي تبطلي تسمعي الاغاني اكيد راح ترتاحي فعلا بطلت تسمع ومسحت كل الاغاني اللي عندها وكالعاده تستمر اسبوع وترجع مثل اول اقصد بالصلاه تقول احس بشي يثقل على قلبي وعلى نفسي لدرجة احيان وهي تصلي تقطع صلاتها وتقوم مو تهاون ولا عصيان لا بس شي تقول بداخلها يمنعها تأكدت ساعتها انه فيها شي قلت لها يابنت روحي لشيخ يقرا عليك يمكن يمكن هذي شياطين ومع القراءه ترتاحي بس كيف تفاتح اهلها بهالشي حتى الاذكار ماتقدر تستمر عليها الاستغفار تستمر فتره وتقطع مع انه تشغل القران بالغرفه عندها وخاصة سورة البقره والله ماخليت طريقه الا وقلت لها عليها بس للاسف ماتقدر تستمر مع انها قبل بفتره الثانوي كانت تصلي صحيح انها تجمع اوقات لما تكون نايمه بس مواظبه على صلاتها الحين قطعت مره وحده والله يابنات مره جربت قلت لها قومي صلي معي انها في الصلاه تبكي وتدعي وهي ساجده وتبكي بس مو قادره تستمر هذي مشكلتها
حبيباتي تقدروا تطرحوا افكار طرق اي شي والله انها تمثل لي جزء كبير من حياتي صديقة الطفوله وخايفه عليها والكلام هذا ماقالته لاي احد غيري وهي نفسها تواظب برايكم فيها شي ولا عادي
طلبتكم ساعدوني مابي اوقف عاجزه اقدم لها شي وانا اسفه جدا جدا جدا اني طولت عليكم بس يشهد الله اني اعتبركم اهلي واخواتي اتكلم معكم بكل اريحيه ....