تقريري بخصوص جنس الجنين

[عشق المطر]

مرحبا يا صبايا وخصوصا الكروشات هذا أول موضوع اكتبه بالمنتدى
( يا بنات انا من يوم عرفت بحملي وانا افرفر بها المنتديات أبي اعرف جنس الجنين ومن خلال هالفرفره طلعت لكم بهذا التقرير راح تلاقون فيه العجب ) ..
نبدأ بسم الله ...
أولا : ماذا قالوا ( سواء من خبرات الجدات أو الحريم أو الدكاترة أو علميا ) <<<<< خذي وخلي ..
1- اذا بطنك بالعرض بنت واذا بارز ولد ( انا بطني بارز يعني ( ولد ) ) .
2- اذا سرتك برزت على برا ولد واذا داخلة على جوا بنت ( انا سرتي داخله على جوا يعني ( بنت ) ) .
3- اذا صرتي تحبين الجماع مع زوجك بنت واذا كرهتي الجماع ولد ( انا كرهت الجماع وزوجي وسيرتهم يعني ( ولد ) ) .
4- اذا سمرتي وكلفتي بنت واذا احلويتي ولد ( انا لا سمرت ولا احلويت ( مخلوط ) ) .
5- اذا صرتي ثقيلة بالقومه والقعده بنت واذا خفيفة ولد ( انا صرت بالقوة اقوم واقعد ثقل مو طبيعي يعني ( بنت ) ) .
6- الأجنة الذكرية تأكل أكثر من الأجنة الأنثوية ( وأنا صرت أفة على المجتمع أكل الأخضر واليابس يعني ( ولد ) ) .
7- اذا تأكلين وتحبين الحلويات بنت واذا الموالح والحوامض ولد ( وانا اكل كل شي بس حبيت الحلويات أكثر يعني ( بنت )) .
8- اذا حركة الجنين جهة اليمين ولد واذا جهة اليسار بنت ( انا اكثر شي جهة اليمين يعني ( ولد ) ) .
9- اذا غمقت حلمات صدرك ولد واذا لونها الطبيعي بنت ( انا زي ماهيا يعني ( بنت ) ) .
10- اذا حسيتي بحركة الجنين من بداية الرابع ولد واذا تأخرت الحركة للخامس بنت ( انا حسيت بأول حركة بداية الرابع يعني ( ولد ) ) .
11- اذا وحمك قوي بنت واذا خفيف او ماتوحمتي ولد ( انا وحمي استفراغ وغثيان وهم بأول 4 شهور يعني ( بنت ) ) .
12- اذا حسيتي حرارة برجولك ويدينك بأشهر الوحم بنت واذا العكس بردت يدينك ورجولك ولد ( انا صارت فرن مولعة طول الخمس شهور الأولى يعني ( بنت ) ) .
13- اذا كيس الجنين بأول سونار هلالي ولد واذا دائريي بنت ( انا صيغيت الصورة حقت أول سونار ماادري كيف كان ) .
14- اذا نبض الجنين اكثر من 140 نبضة بنت واذا اقل ولد ( انا طلع معي في الشهر السادس 142 يعني ( بنت ) ) .
15- اذا جاتك افرازات بشهور الحمل الاولى بنت واذا ناشفة ولد ( انا جاتني افرازات خفيفة مرة ومرات ناشفة يعني ( بنت وولد ) ) .
16 _ اذا جاتك حكة من الفرج قبل التحليل بنت واذا بس سائل ابيض ولد ( انا جاتني حكة يعني ( بنت ) ) .
17 - اذا تحليل الحمل المنزلي خط فاتح وخط غامق ولد واذا الخطين غامقة بنت ( انا سويته مرتين وكل مرة طلع شكل يعني ( تؤام بنت وولد ) .
18 - اذا عصرتي صدرك وطلع لك لون الحليب شفاف بنت واذا شفاف ومعه بيج ولد ( طلع معي شفاف وبيج يعني ( ولد ) ) .
19 - اذا تغيرت مشيتك بنت واذا ماتغيرت ولد ( انا تغيرت صرت كأني بطه يعني ( بنت ) ) .
20 -اذا شعر جسمك زاد ولد واذا خف بنت ( انا خف مرة يعني ( بنت ) ) .
21- اذا أظافرك صارت بيضاء بنت واذا مايلة للوردي ولد ( انا اظافري صارت نصين نص ابيض ونص وردي يعني ( تؤام بنت وولد ) ) .
22- اذا الخط اللي تحت السرة متعرج بنت واذا مستقيم ولد ( انا متعرج يعني ( بنت ) ) .
23- اذا بطنك بادي من تحت صدرك مباشرة بنت واذا من تحت الصدر بشوي ولد ( انا بادي من تحت الصدر كاتم انفاسي يعني ( بنت ) ) .
24 - الجدول الصيني طلع لي ( ولد ) .
25 - الجدول بالأشهر الهجرية ( ولد ) .
ثانيا : التجارب
1- تجربة البول لوحدة طلعت لي ( مرة بنت ومرة ولد ) .
2- تجربة البول والملح طلعت لي ( ولد ) .
3- تجربة نقطة الحليب طلعت لي ( ولد ) .
4- تجربة الفراعنة الشعير والقمح ( ماسويتها ) .
ايش رايكم يابنات وش بجيب بنت والا ولد والا تؤام
خلاصة هذا التقرير انكم ماتتعبون نفسكم بهالكلام الفاضي زي ماانتم شايفين بكل طريقة يطلع لي نوع .
والشي الوحيد المضمون هو السونار
والسونار أكد لي 3 مرات ان جنس الجنين

( بنــــــــــــــــــــــــــــــــــــت ) ربي يجيبها بالسلامة
والفيصل بعد هذا كله اني اشوفها بعد الولادة ..
دعواتكم بولادة ميسرة وصلاح الذرية

[شمعة الشرق]

مووووضوعك حلو
الشئ الاكيد السوناار الثلاثي مدري الرباعي الابعااد
سوويته واكد لي بنوته

ادعيلي اولد بالسلامه
و يارب توللدين بالسلاامه وبصحه وعافيه

[samra27]

مشكورة يا حلوة وكل شيء بيد الله

[وردة عمري]

موضوع في غاية الروعه والاهميه الكثير منا يتبع كل هاالكلام وانا وحده منهم بس من يومين بطلت اتابع هيك امور وتركتها على الله وكل الي يجي من الله حلو المهم الصحه والعافيه والذريه الصالحه

يعطيكي الف الف عافيه على الموضوع والمجهود القيم والمفيد " الله يقوم كل الحوامل بالسلامه يارب ويعطي كل محرومه الذريه الصالحه "

دمتي بود

[أم رزاان]

صدقتي يالغاليه
كل هالكلام خرافات مالها أصل من الصحة ابداً
ومثل ماقلتي الفيصل هو السونار وبس !!

[Leena.A]

لا تنسي تجربة السلسة الذهب على البطن ..
من يوم ما حملت و أنا أسويها إلى اليوم مرة بنت مرة ولد .. و مرة ولا شي !!

والله طوووول ما أنا أقرأ و أنا أضضضضضحك و زوجي يقول حكيني ليش تضحكي ..

حكيته سار يضحك يقوللي لــ فين تبغو توصلو يعني ؟؟

حقيقي قلتي اللي في نفسي من زماااااااااان ..
لأني زيك من أول الحمل و أنا أدور بنت وللا ولد .. و في الآخر احس اني يا حاجيب الاتنين يا حاتجنن من كتر الآراء .. لأنها تختلف من وحدة للتانية مو كلنا أجسامنا واحد !!

الله يسعدك موضوع رآآئع ان شاء الله المهووسات زينا في البداية يقرأوه و يقتنعو ..

[عشق المطر]

شمعة الشرق
تشريفك موضوعي هو الأحلى
وإن شاءالله تقومين بالسلامه إنتي والبيبي

samra27
شكرا لمرورك عطرتي الموضوع

وردة عمري
آميييييين وربي يخليك

أم رزاان
مشكورة ياعمري على المرور والمشاركة

leena.A
أي صح وش هالنسووة << من كثر ماقريت وكتبت نسيت هالتجربة
- تجربة السلسلة ( طلعت لي ولد ) .
- تجربة قلم الرصاص ( ماهي دارية ماقدرت تحدد الجنس << كان مقفل رجولة ) .<< ههههههههههه
- تجربة الخاتم ( مرة بنت ومرة ولد ) .
خلينا نضحك ياحياتي إيش ورانا

[كلي غلا]

موضوعك حلو الله يعطيك العافيه الله يقومك بسلامه بس انا في حملي الاول سويت السوناروقالت لي بنت واشتريت وسويت بس يوم الولاده صار ولد وانا الحين حامل في الثالث انشاء الله اجيب بنت ادعولي ياخواتي الدعوه في ظهر الغيب مجابه

[دلوعه فصولي]

بالنسبه لي مااهتم وش نوع الجنين
الي كاتبه الله حياه الله

يسلممممممممموو

[رقيه 6]

موضوعك مهم جدا